Text

ff. 1a–374a · 747 folio sides

  1. 1a

    */ (/byang chub kyi sems sgom pa bzhugs//)

  2. 1b

    byang chub kyi sems bsgom pa/ 'phags pa 'jam dpal gzhon nur gyur pa la phyag 'tshal lo/ /bdag med gnyis nyid bde gshegs mi rtog ye shes chos dbyings sku brnyes pa/ /kun gyi rang bzhin zhi ba 'di la gsal zhing bla med lam mchog ste/ /mi ldog sa la sogs te dbang bcu rgyal ba kun dang gcig brnyes pa/ /gnas gsum mnyam nyid de la mtshan med yid kyis rab tu dad pas mos/ /ston pa 'jig rten sgron mar gyur pa kun gyis mtshungs par rab bsngags pa/ /

  3. 2a

    chos la chos kyi snying por gyur pa 'jam dpal gzhon nu snying po nyid/ /bde gshegs ma lus yum du gyur pas rgyal ba kun gyi lam gcig go /tshul khrims la sogs pha rol phyin lam spyod pa rgya mtsho'i gzhir gyur pa/ /rnam dag byang chub sems kyi ngang tshul bsgoms dang yon tan khyad par ni/ /blo ldan nam zhig sems kyi dam pa de ni mngon du gyur pa na/ /de la sku gsum mchog tu gyur par chos kyi sku zhes rgyal bas gsungs/ /shes byed dam par gyur pa shes rab spyan zhes kyang ni de la bya/ /rdo rje rtse mo

  4. 2b

    mchog nyid mi rtog ye shes de yang de nyid do/ /ji snyed 'phags pa'i rnam grol chos su brnyad pa de dag thams cad kyang/ /byang chub sems nyid rdzogs pas de yi yon tan de dag de las byung/ /'phags pa'i rigs chen 'chi med byang chub sems dpa' de dag thams cad kyang/ /de med mi 'byung de phyir de ni rnam grol mchog gi lam nyid do/ /des na kun du rdo rje sems dpa' ci 'drar bsgom par bya bar 'gyur/ /phra zhing shes dka' drang song chen po'i lam 'di mi rtog rtog las 'das/ /brtag par dka' zhing bstan par dka' la brjod pa'i tha snyad rnams dang bral/ /tshig gis mi phebs gzhan dang byis pa kun gyi spyod yul ma yin yang/ /ston pa nges pa'i lung dang bla ma dam pa rnams kyi gdam ngag de nyid don 'dir blta/ /mngon sum la

  5. 3a

    sogs rgyu yi dngos po 'jig cing grub pa'i mdza' spyod pa/ /de nyid rtog pa'i rgyun 'brangs dpyod yul tshang mar bzhag nas blo yis 'jig byed de/ / thog mdza' med phyir dpyod mdza' med de snying po med na tshad mar gang/ /de phyir 'jig rten rtags pa'i tha snyad rnal 'byor lam 'dir mi dgos so/ /dngos po mdza' yi rgyu ni lo rgyus dag las lam 'dir brtag par bya/ /skye bo kun gyi sems la mngon snang phyi nang grags pa'i chos 'di ni/ /'dzin pa drug gi ji ltar mthong zhing rtag pa de ltar ma yin 'khrul/ /rang gi rtog pas myos shing gzung ba de bzhin bden gyur na/ /de dag dngos po med rtogs dgra bcom 'dra bar grol gyur pa yi rigs/ /de dag dus dgras 'joms dang sdug bsngal nyen las des 'khrul mngon par 'gyur/ /gzhan du skye mched sgo nas rig pa de dag tshad mar

  6. 3b

    gyur na ni/ /de nyid tshad dmar gyur pas 'phags pa'i lam de su la dgos mi 'gyur/ /lam de rnam grol lam du bstan cing dbang po'i shes pas mi thar te/ /sdug bsngal 'ga' yang mi 'jil rnam rig shes te nyon mongs 'byung ba'i gnas/ /de phyir skye bos mthong ba de dag 'khrul par mngon zhen rgyal bas gsungs/ /des ni de las 'di dag 'khrul pa'i dbang gis ji ltar snang bar 'gyur zhe na/ /kun tu rtog can yan lag ma yin kun tu rtog pas rtsol med nyams/ /blo gros phyin ci log tu gyur cing ma rig rkyen gyi dbang song bas/ /sems dang sems las byung ba de nyid lus gsum don du snang ba yin/ /'du byed sna tshogs dag gis bag chags bsags las gang goms mthu rtas tshe/ /sems nyid yul dang lus 'drar snang pa rus pas gang ba bzhin du snang/ /bag chags bsags pa'i rgyun la dmigs skyes yid la brtags pa'i bdag med pa/ /'du byed mthu yis bsgribs shing phra ba ma mthong de las rnam rig skye/ /rgyun dang bcas pa'i sems kyi mthu ni ma rtogs rtog pa'i rjes 'brangs nas/ /de las zag bcas rang bzhin rtog pas bdag dang chos rnams rgyas par byed/ /ldan par 'byung ba shin tu phra bar rgyu ba de ni ma mthong las/ /bdag tu lha la sogs pa mu

  7. 4a

    stegs lta ba sna tshogs skye zhing thar pa rtog /sems 'di las rnams mdza' yas gnas gyur bag chags mdza' med nges pa med/ /bag chags rtas shing sad par byed pa'i rkyen yang rnam pa sna tshogs te/ /rkyen 'gags bag chags 'ga' zhig smin nas mi yi rgyud kyi lus snang ba/ /rkyen gzhan dag gis bag chags gzhan sad byas tshe 'gyur ba'i mthu mthong nas/ /dbang phyug la sogs byed par 'dod de nyes pa lam de ma zhi grol mi 'gyur/ /rnal 'byor lam slang the tshom rgyun yang rgyun 'di phra ba ma rtogs skyes/ /bdag tu btags pas bsgribs te 'phags pa'i rigs dang rnam par bral/ /chos su btags pas sdug bsngal sna tshogs 'byung zhing ngan song srid par 'gyur/ /rnam shes de yang 'du byed rgyun la mtshan ma tha dad 'dzin pas na/ /las kyi khyad par dag gis brgyad du snang gi rig la tha dad med/ /de phyir sems kyi skad cig dang po de la lus dang chos kun gnas/ /de la bsam pa zhen phyir phyi ma de 'byung de la snang/ /rang sems rgyun las 'phags pa skye bo'i chos ni gzhan na yod ma yin/ /rgyud drug rigs las de yang sna tshogs de dang rang gi ting 'dzin to/ /sems rgyud de la phyogs kyang cung zad med pas gcig la brten med de/ /de la phyogs med phyir na mdza' yas zhing rnams bdag gi lus/ /bdag gi lus ni mdza' yas zhing dang skye bo'i lus su rab snang

  8. 4b

    yab sems dang bag chags gcig min tha dad ma yin brtags par rab tu dka' / /'di kun rten cing 'brel 'byung tshul te skye dang 'gag par 'gyur zhes pa/ /tshig pa'i sa bon bzhin du med las med pa mi 'byung rgyu 'bras med/ /dngos po zhen cing rgyu dang 'bras bur rtog pa'i sems nyid ni/ /rgya dang rkyen du snang ste de gnyis med phyir skye dang 'jig pa med/ /skye 'jig med phyir bdag gzhan med de 'chi 'pho med phyir brtag chad med/ /des na 'khrul 'khor med cing mya ngan 'das pa med pa nyid du mngon/ /gnas kyi skad cig nam yang mi 'bral de tshe mnyam gyur de med med/ /yang dag ma yin rtog pas bskyed phyir bag chags yod pa ma yin dang/ /spyod yul med phyir kun gzhi med cing rnam rig de yang med pa bzhin/ /phyogs rnams med cing dmigs dang gnas med rnam par rig pa ji ltar skye/ /de phyir sems 'di yod med mdza' las 'das shing gcig dang du mar bral bde gshegs byang chub med phyir de yi rdzu 'phrul rgyu 'dra''khrul la snang/ /de bzhin dag pa'i ye shes de dag shin tu dge ba'i rgyun nyid dang/ /chos kyi dbyings nyid la ni de dag dmigs shing skye bar btags pa yang/ /rdo rje'i gnas med phyir na mnyam gnas rang bzhin 'drar 'gyur dang/ chos dbyings rdo rje rtse mo de dag phyogs nyid med pas skad cig min/ /dag pa'i dge rtsa gzugs brnyan med pas 'jig rten ye shes yod min 'gyur/ /de phyir byang chub ma chub mtshan nyid med par gcig pas blang dor med/ /don de'i tshul gyis don dam rnam grangs skye 'gag med dang mnyam nyid dang/ /gnyis med bsam 'das snying nyid chos dbyings brjod dang tha snyad bral la sogs/ /bstan pa de kun tha snyad yin te don dam med cing kun sgrib med/ /don dam tshul gyis lam nyid 'di 'dra zhes pa de nyid kun sgrib yin/ /the tshom yod med chos ni gang la 'ang spong zhing gnas par mi byed do/ /sgom pa dang ni chos dbyings med phyir som nyi med la dam par blta ba la'ang med/ /de ltar dngos po mdza' rnams btags dang rang bzhin sgyu ma'ang med 'gyur phyir/ /yod la ltos pa'i med pa'ang med de med pa'ang med/ /mdza' rnams med phyir dbus med

  9. 5a

    dbus la'ang gnas pa mi byed la/ /gang la 'jig rten dbang phyug pad+ma kun kyang mi spong 'drar mnyam gnas/ /chos la 'khrul bar mthong ba de nyid 'khrul pa yin par rab rtogs te/ /drug gis bstan pa bdud kyi las kyang mi 'dor ngan du mi tog go/ shes rab thabs kyi spyod la mi gnas phyir na bdud kyi 'dra bar spyod/ /rang gi shes pa dam par byas te kun las rgyal te de bsnyems nas/ /'dod chags zhe sdang skyes nas rtsod 'byung gti mug yin te don mi mthong/ /ji srid yid kyi g.yo ba de srid bdud kyi yul te phra ba'i lam/ /g.yo dang mi g.yo tha snyad mi gnas gnas pa la'ang gnas par mi byed do/ /snang med dbu ma'i lam de byang chub sems zhes bde gshegs gsung/ /gzugs dang mtshan ma smon par 'dzin pa rab tu spangs nas ni/ /rnam thar gsum po bsgom pa'ang bdud kyi las te gzugs nyid stong pa'o/ /'khor ba'i lam gsum spong zhing mya ngan las 'das lam sgom pa'ang bdud nyid de/ /de nyid rang bzhin ma zhi rang bzhin rtsal spangs gar mi gnas/ /'phags pa kun gyi yul dang gnas kyang 'das sogs lam nyid gzhan na med/ /ldang dang mi ldang ched du mi spong sems rten mi 'cha' mngon du min/ 'jam dpal ma yin rdul tsam g.yo ba de yin der mi gnas/ /bsgom pa'i sa mi rnyes phyir bsgoms pas rnyed phrad mi 'gyur te/ /sems kyi spyod yul shes pa de dag chos rnams kyi ni chos nyid yin/ /rnam bral gang la mchog dang tha ma med par lam mchog 'di bsgom mo/ /'du byed ma skyes chos kun 'byung med bzhin du chos rnams mya ngan 'das/ /dngos med de tshe kun kyang chos kyi dbyings zhes dgra bcom rab 'byor yin/ /nam mkha' dmigs ming tsam dge dang mi dger 'byed med skye ba'ang med/ /rtsol ba yid la mi byed gang la'ang sems med shes dang mi shes bral/ /dran dang 'byed med gang la 'ang 'ga' dang mtshungs med mi gnas mi dmigs shing/ /mnyam nas gnyis su brtags med brjod bral bya dang mi bya med de sogs bri med/ /ched du rtsol bar yid la mi byed cis kyang mi 'khrugs mnyam shes dang/ /gang la'ang chags dang yul gyis myos skrag med de mi 'bral mi

  10. 5b

    gnas shing/ /mi 'phrogs mnyam shes bzhi po phyogs dang pha rol phyin rnams der shes te/ /sems kyi dbyibs su bsgoms pas lam 'di gzhan du bsgom pas 'od gsal mi 'gyur ro/ /brda' can yang dag len pa'ang byang chub chen por yin zhes ston pas rab gsungs phyir/ /de la 'di ni byang chub sems nyid bskyed cing bsgoms pa'i gnas yin te/ /ting 'dzin gsum pa bstan par byas nas rtags kyi phyag rgya gsum bcings nas/ /chos kyi phyag rgya chen por sems nyid skyed de snying po brjod cing bsgom pa'i gnas/ /rdo rje sems dpa' bsgoms pas lam kun ma nor bsgoms pa yin/ /kun tu bzang mo'i spyod pas ma zin dge ba'i chos ni gang yang rung/ /kun tu bzang po'i spyod pa'ang bdud kyi las te zad cing mthar thug 'gyur/ /de dang ldan pa'i las ni bdud kyi las kyang byang chub spyod par gsungs/ /don 'dir mos pa de yang byang chub chen po yin zhes rgyal bas rab tu sngags/ /gnas 'dir bskyed pa tsam gyis 'jig rten gsum por bla mar bcas pa yi/ /mchod nas nyan thos bdud kyi sde rnams zil gyis gnon zhes sangs rgyas gsung/ /thabs chen byang chub sems dpa' i gsang ba'i spyod pa 'di nyid do/ /'di med rgyal ba rnam par snang mdzad theg pa gsum ston mi srid do/ /skad cig tsam du dad pa'i shugs bskyed de yang myur du 'jam dpal gzhon nur 'gyur/ /dkyil 'khor gsang bar zhugs shing theg pa chen dam tshig mchog kyang bsrungs pa yin/ /tshul khrims sdom pa kun kyang srungs shing sbyin gnas ngam par rab tu bsngags/ /de phyir byang chub sems kyi bsod nams de la gzugs yod na/ /nam mkha' bar snang de yang snod du chungs zhes rgyal bas mtshungs par gsungs/ /skye bo skye ba sna tshogs dag las skyes shing skye 'gyur skye ba'i rgyun gyis dbang song ba/ /rtogs mdza' mi shes rtog pas bslus shing rtog pa'i rgyun 'brangs 'khrul ba'i rtog las phyir ldog med sgyur pa/ /sgyu ma'i sgyu shes dag cing sgyu ma'i glang po 'dra bar sgyu mas rmongs pa'i sgyu ma rnams/ /rmi lam gyis klad bzhin du rmi yis bden pa nyams shing rmi lam dbang du song ba'i rmi lam ba/ /lam 'di spong zhing mdza' dang lam gzhan lam du bltas nas ma nor lam zhes

  11. 6a

    ston pa de/ /de dag rdol gser bzhin thugs rjer rung zhing thugs rje'i thugs rjes kye ma 'phros pa yin/ /shin tu ma sbyangs dus kyis mnar ba'i skye bo lnga brgya tha ma la/ /gsung rab dri med rtogs dga' dag la sgra bzhin spyod dang tshul bzhin min/ /rang gi blo gros stobs bzhin 'jug pa la sogs pa lta ba sna tshogs dag /mi shes chu bos g.yangs shing gsung gi nying khu bdud rtsi rnal 'byor bral/ /de phyir rgyal bas gsungs pa'i thugs kyi gsang ba 'di/ /kun du rgyal ba rnams kyi thugs kyi spyod yul thun mong ma yin yang/ /goms pa'i mthu yis mi 'gal tshul du tshad ma dag las rab bsgrubs te/ /'gro ba'i don du mi gnyis lam mchog 'di ni rab bgyis pas/ /skye bos skye gnas thams cad du yang skad cig tu/ /mi mthun phyogs kyis mi nyams rgyal ba kun gyis thugs 'dir rab rgyas shog / rdzogs so// //'jam dpal bshes gnyen gyis mdzad do// (// */ /mtshan yang dag par brjod pa'i cho ga mdo dang bsres pa slob dpon 'jam dpal bshes gnyen gyis mdzad pa bzhugs//) /rgya gar skad du/ Arya many+dzu sh+rI nA ma so g+hi ti/ bi d+hi suA tra pin+t+ra ta/ bod skad du/ 'phags pa 'jam dpal gyi mtshan yang dag par brjod pa'i cho ga mdo dang bsres pa/ 'phags pa 'jam dpal ye shes sems dpa' la phyag 'tshal lo/ /ye shes sku can gtsug gi nor bu mtshan/ /sangs rgyas gzugs kyi tshul gnas kun la khyab/ /lam mchog dam pa ston pa sman pa'i mchog /sdug bsngal bdud 'dul 'jam mgon phyag 'tshal te/ /mtshan brjod bdud mdzod shin tu rtogs dga' ba/ /bdag blo mun pas dgrol bar mi nus kyang/ /dad pas phyogs bzung thigs pas nor bu gcig /lung dang man ngag dag la brten pa bshad/ / theg ba rnams kyi gzhir 'gyur ba/ /dus gsum rnams kyi lam mchog 'di/ /dkyil 'khor chen po'i tshul dang ni/ /slob dpon rnams kyi dgongs pa yis/ /theg pa sna tshogs thabs tshul gyis/ /dpag bsam shing chen 'dir phyogs tsam/ /ye shes lus can 'jam dpal

  12. 6b

    gcig bur grub/ /mdo dang bsres pa'i cho ga rim pa ste/ /de la dang por sgrub pa po rigs dang ldan pa'i mtshan nyid bstan pa'i phyir yin/ gzhan yang dam tshig ji lta ba bzhin ston ces pa mtshan nyid dang ldan pa dang/ dbang thob par ston to/ /gzhan yang gsang sngags rig sngags 'chang ba'i rigs zhes pa dang/ /bden par smra zhing tshig mi 'gyur/ /ji skad smras pa de bzhin byed/ /ces pas sgrub pa'i snod du rung bar bstan/ /yon tan lam ri dang chu klung dang/ nags tshang tshing na 'dug kyang rung/ /zhes pa dang gnas rig pa dang ldan pa'i yid dga' bston to/ / bzang ngan shes shing dus shes la/ zhes pas/ bsgrub dus gza' dang rgyu skar dang/ nyi ma shis pa la bya ba'i rim pa bstan to/ /dpal ldan 'byor ba phun sum tshogs/ /zhes pas bsgrub pa'i rdzas su don dam rab tu gnas par bya ba dang/ maN+Dal gsum dang me tog dang dri'i byug pa dang mchod bya'i khyad par mang po dang/ blo brtan pa dang yo byad dang/ tshogs par bya ba'i rim par bstan to/ /yon tan las ma rungs pa 'dul ba'i rgyal po zhes pa dang/ gshin rje gshed po bgegs kyi rgyal zhes pas mtshams kyi rim pa/ hUM mtshan ma las khro bo'i rgyal po gshin rje'i gshed mdog nag pa zhal gcig pa phyag gnyis pa/ thod dbyug dang sdigs mdzub byed pa/ sprul dang thod pas brgyan pa bskyed la/ ya mAn+ta ka hUM zhes pa dang/ mig tu ma dang Ta bkod de/ 'od zer gyi rdo rje'i ra ba dang/ dra ba bya bar bstan to/ /snying rje chen po'i blo yi mchog ces pa dang/ phan 'dogs sems can mnyes gshin pa/ zhes pas/ sems can gyi don du bdag gis 'jam dpal thob par bya'o zhes sems bskyed par ston to/ /gnyis med gnyis su med par ston ces pa/ a ni yig 'bru kun gyi mchog /ces pas thogs pa med pa'i byang chub kyi sems thabs dang shes rab kyi brdar gyur pa'i snying kar ye shes sems dpa' bsam par bya ba ston to/ /bla ma gsang sngags che ba'i mchog /ces pa dang/ mchod 'os bstod 'os phyag gis gnas/ /rtag tu rim gro bya ba'i 'os/ /bkur 'os rjed par bya

  13. 7a

    bya ba'i mchog /phyag byar 'os pa bla ma'i bdag ces pa 'di ston to/ /bdag gi snying kar a dang hUM bsams te/ de las 'od 'phros pas bla ma dang/ dkon mchog gsum dang/ rje btsun 'jam dpal dang/ dkyil 'khor gyi lha rnams spyan drangs nas/ bdag gis bltas te/ lus kyi bkod pa yan lag gsum bskor ba byas te phyag byas la bstod do/ /bum pa bzang po che ba'i mchog /ces pa dang/ dpag bsam shing chen rgyas pa ste/ zhes pas mchod pa'i khyad par nam mkha' ltar mnyam par bsgrubs la/ snying kha'i lha mos dbul lo zhes ston to/ /spyin bdag chen po'i gtso bo ste/ /tshul khrims chen po 'chang ba'i mchog /bzod chen 'chang ba ston pa po/ /brtson 'grus chen po brtul ba yi/ /zhes pa 'dis ston te/ sngags dang phyag rgya dang ldan pas/ bdag gi snying ka nas lha mo bzhi spros te/ gnas pa rnam pa gsum du mchod par bya'o/ /de bas na dbugs 'byin chen po dga' ston che/ /dga' chen rol mo chen po ste/ /bkur sti rim gro phun sum tshogs zhes pas ston to/ /bsam gtan chen po ting 'dzin gnas/ zhes bya ba dang/ smon lam ye shes rgya mtsho ste/ zhes bya ba dang/ byang chub yan lag me tog spos zhes bya bas/ phyi'i lha mo bzhi ste snying kha nas gong gi tshul du sngags dang phyag rgya dang bcas pas gnas su 'bul lo/ /mchod pa chen po 'dod chags che/ zhes pa nas/ dga' ba chen po mgu ba che zhes pa'i bar gyis/ /gsang ba bzhi mchog tu gsang ba bzhis bstan to/ /oM rdo rje sems dpa' bsdus pa na/ /rdo rje rin chen bla na med/ /rdo rje chos kyi glu blangs pas/ /rdo rje las kun byed pa'o/ /zhes bya ba 'di'i rkang pa dang/ gsang ba'i mchod pa'i dus su sgeg mo la sogs pa dang/ rim pa bzhin du rkang ba bzhi dang glu blang bar bya'o/ /gzhan yang mchog tu gsang ba'i mchod pa dang/ chags pa la sogs pas dbul lo/ /rgyas par ma bye'o/ /zhes bstan to/ /de nas 'dud nyi shus bstod de/ yang na ni thams cad kyang bstod par shes

  14. 7b

    par bya'o/ /de nas sdom pa bzung ba'i mthar yang de nyid kyis shes par bya'o/ /byams pa dang snying rje ni shin tu gsal par ston pas/ tshad med pa bzhi bsgoms zhes so/ /rnam par mi rtog dbyings mi zad/ /yang dag bdag med de bzhin nyid/ /yang dag mdza' de yi/ / ge med/ /chos dbyings dam pa zad min bdag /ces pas de'i don sgom pa ni/ /rang bzhin dag pa'i sngags brjod do/ /phyi dang nang gi dngos po stong bar bsgom zhes ston to/ /stong nyid dam pa 'dod chags blo/ /srid pa'i 'dod chags spangs pa ste/ /zhes pas pad+ma'i steng na dngos gzhi las 'das te/ dang po dam tshig sems dpa' sgom pa dang/ chos kyi 'byung nas/ de'i tha ma 'od zer lngas bskor ba'i nang du/ pad+ma zla ba'i steng na muM dmar skya'o/ /de bzhin gshegs pa'i phreng bar 'gyur ba las/ sprin dkar dag pa bzhin du dkar/ /'od bzang ston ka'i zla ba'i 'od/ /nyi ma shar ka'i dkyil ltar mdzes/ /sen mo'i 'od ni shin tu dmar/ /cod pan bzang po thon ka'i rtse/ /skra mchog mthon ka chen po can/ /zur phung lnga pa me tog thod/ /rgyan kun gyis ni rnam par brgyan/ /sdug gu 'jig rten gsum na mdzes/ /shes rab ral gri mda' gzhu thogs/ /rdo rje skyil krung rdzogs sangs rgyas/ /dpal ldan sgeg dang bsgegs par ldan/ /sum cu rtsa gnyis mtshan 'chang ba/ /nyon mongs g.yul du gcig dpa' ba/ /zhes bya ba la sogs pa rnams kyis/ /rje btsun gyi sku sprul pa'i cha lugs bstan pa yin no// phyag rgya bzhi yi don bstan pa zhes bya bas/ /yum bzhi'i phyag rgya sku 'phro 'du dang bcas pas byin gyis brlab par bstan to/ /phyogs bcur sprul pa sna tshogs 'gyed/ /ces pa sangs rgyas dang byang chub sems dpa' dang/ khro bo dang lha mo rnams thugs kar spros zhes pa'o/ de nas mdun du pad+ma dang zla ba la/ /ye shes sems dpa' spyan drangs te/ dbang bskur ba dang mchod pa dang/ bstod pa gong bzhin du byas te/ ye shes sems dpa' bltas la dgug cing rang gi lus la bsgoms zhes pas gnyis su med par bya'o/ /rdo rje rin chen dbang bskur dpal/ /sangs rgyas lnga

  15. 8a

    bdag cod pan can/ /zhes pas snying ka'i 'od kyis bskul te/ bum pa'i chus dbang bskur bas rigs lnga'i dbu rgyan dang ldan zhes bstan to/ /sprul pa'i 'khor lo sna tshogs 'chang/ /zhes pas rdo rje 'khor lo'i phyag rgya bcas la/ sngags dang bcas pas/ dkyil 'khor gyi tshul du sangs rgyas thams cad sprul la zhes ston to/ /de'i don ni 'og nas 'chad do/ /bdag rigs gzhan rigs thams cad pas/ /shes dang shes bya'i bdag po mchog /ces pa thams cad sems kyi sprul par shes par bya'o/ / de ltar rdzogs pa dang/ gsang sngags zlos pa dang/ mtshan klog par byas te/ de ltar yon tan brjod pa las kyang/ rigs kyi bu 'am rigs kyi bu mo gsang sngags kyi sgo'i spyad pa spyod pa gang la la/ bcom ldan 'das ye shes sems dpa' thams cad sku gnyis su med pa'i don dam pa'i ming yang dag par brjod pa'i ming ni/ gtsug gi nor bu 'di thams cad yongs su rdzogs pa dang/ mnyams shing lhag chad med par tshigs su bcad pa'i tshig dang yig 'bru 'di dag nyid kyi nyin gcig bzhin dus gsum du 'chang ba 'am/ klog pa dang/ kun chub bar byed pa dang/ gzhan dag la yang dam tshig ji lta ba bzhin du ston pa dang/ ming gi don gang yang rung ba de re nas kyang 'jam dpal ye shes sems dpa' i sku la dmigs te zhes bya ba dang/ sems rtse gcig tu bsgom pa de la ni zhes bya ba la sogs pa dang/ gzhan yang yon tan las/ nyin re bzhin du dus gsum du mnyam par yi dam du lan gsum 'don tam/ glegs bam du byas pa la klog cing brjod la/ bcom ldan 'das 'jam dpal ye shes sems dpa' i gzugs brnyan la dmigs shing/ gzugs dang gnyis su mthun par bsam gtan du byed pa ni/ 'dul ba'i dbang gi phyir ring po mi thogs par de nyid du sprul pa'i gzugs kyi lus mthong par 'gyur ro zhes bya ba'i don 'di yin te/ mtshan nyid kyi cho ga rdzogs shing/ dmigs pa yun ring du gnas pa des/ rdo rje 'khor lo'i phyag rgya bcas la

  16. 8b

    many+dzu sh+rI hAM oM wA gi shwa ri muM/ maN+Dal tsakra hUM/ de bzhin gshegs pa thams cad 'phags pa 'jam dpal gyi rnam par sprul la/ phyag sngon du 'gro bas mchod pa la sogs pas bdag gi lus de dang mnyam par sprul te/ mtshan gyi don re re nas bstod na/ yon tan gyi rnam pa 'di ltar smos pas bdag gzhan dpag tu med par 'byung bar 'gyur ro/ /mdor na thams cad mkhyen pa nyid ring por mi thogs par dam pa bsngags pa thob par 'gyur ro/ /dam pa brgyud pa'i bla ma bdud rtsi 'thung/ /'gro ba sdug bsngal nad kyis gzir 'gyur la/ /dus gsum sangs rgyas rnams kyi bstod chog 'di/ /sman pa'i rgyal po bzhin du bdag gis bshad do/ /'phrod pa'i sman bzhin kun la phan 'gyur nas/ /mi rtog ye shes 'chi med thob par shog /'phags pa 'jam dpal gyi mtshan yang dag par brjod pa'i mdo'i don mdor bsdus pa'i cho ga /slob dpon 'jam dpal bshes gnyen gyis mdzad pa/ sgyu 'phrul dra ba'i rgyud le'u khri drug stong pa las/ rdo rje glu gar blangs pa'i le'u'i sgrub thabs mdo dang bsres pa rdzogs so// (// */ /gsang ldan gyi bka' 'grel don bsdus sgron ma paN+Di ta de bA ka ra tsanda sa mdzad pa//) bcom ldan 'das 'jam dpal gzhon nur gyur pa la phyag 'tshal lo/ /thugs rje dang ni shes rab gnyis/ /sangs rgyas kun ltar gnyis med pa/ /dam pa lam ston lta bu yi/ /sku yi rnam par 'char mdzad pa/ /'jam pa'i dbyangs la phyag 'tshal lo/ /slob mas legs par phyir dang/ /bdag nyid kyis kyang dran bya'i phyir/ /gsang ldan bka' 'grel 'dir brtsam bya/ /de nas dkyus nyid la 'jug par bya ste/ /gang 'di la sogs pa'i tshig rkang pa bzhis mchod par brjod pa ston te/ 'phags pa 'jam dpal nyid sangs rgyas thams cad kyi sku gsung thugs kyi ngo bo nyid du bzhugs pa yin la/ de la slob dpon nyid lus ngag yid gsum gus pas phyag 'tshal ba bstan pa'o/ /zab cing la sogs pa rkang pa bzhis bshad par dam bca' ston pa te/ 'phags pa 'jam dpal gyi mtshan zab cing rgyas ba'i mtshan/ rnal

  17. 9a

    'byor ci'i rgyud la brten nas/ gzhan dang bdag gi don du la gyur ba'i phyir bshad pa'o/ /thig le bcu drug mi shigs dbus la sogs pa rkang pa bcu drug gis gang la zhus pa dang gang gis zhus pa dang/ gang gi don du zhus pa ston pa las/ gang la zhus na sku gsum la zhus pa ston te/ thig le la sogs pa rkang pa bdun gyis chos sku brtan/ /gsang sngags la sogs pa rkang pa gnyis kyis longs sku bstan la/ sangs rgyas la sogs pa rkang pa gnyis kyis sprul sku bstan/ byang chub la sogs pa rkang pa bzhis gang gis zhus pa bston cing blo zhan don phyir rim pa gsungs/ zhes pa rkang pa gcig gis gang gi don du zhus pa bstan pa'o/ /de ltar slad kyi don bstan nas gzhung la 'jug par bya ste/ gang gis gang du thabs ji ltar bya ba dang gsum du gnas pa las/ de la dang por rdo rje 'chang chen por/ /slob dpon cha lugs gnas byas te/ zhes pa rkang pa gnyis kyis gang zag gang gis bya ba ston te/ slob dpon rig pa'i gnas lnga la sbyangs pa/ de nyid bcu shes shing 'jigs pa med pas cha rkyen lnga dang ldan par bya ste/ phyi nang gi khrus dang/ phyi nang gi bsrung ba dang/ phyi nang gi gos bgo ba dang/ phyi nang gi byug pa dang/ gnas dang stan sngags chus bsangs la 'dug pa'o/ /bsam gtan dang ni rjes 'thun par la sogs pa'i rkang pa drug gis gnas dang/ bsnyen pa ston pa la/ gnas ni rkang pa lnga yis ston te/ zla yis phye ba gnyis te/ bsnyen pa dang sgrub pa'i gnas so/ /sogs pa'i sgras ni sgrub pa'i gnas bsdu'o/ /der chag chag skyang nul bya zhing me tog gis nyams dga' bar bya'o/ /grogs bzang btsal la snyen pa brtsam zhes pa rkang pa gcig gis bsnyen pa bya bar dam bca' ba bstan pa'o/ /bdag dang sa gzhi yongs srung zhing la sogs pa rkang pa bzhis tshogs gsog pa'i bar chod bsrung ba bstan te/ rdo rje 'chang hUM mdzad du bsgyur la/ /g.yas dang g.yon gser gyi rdo rje

  18. 9b

    dang dril bu bsnams pa khro zhing rngam pa'i thugs khar ma las nyi ma'i dkyil 'khor gyi steng du hUM sngon po bsams la de las 'od byung bas rdo rje'i sa gzhi dang ra ba dang gur dang bla res dang dra bar gyur par bsam mo/ /rgyas pa la dga' ba rnams kyis ni/ sgyu 'phrul dra ba'i rjes su 'brang ba 'am/ rdo rje rtse mo dag gi rjes su 'brang ba las shes par bya'o/ /'dir ni bla ma'i man ngag bsdus pa'o/ /de nas shin tu rtser ldan pas/ sbyin sreg gis ni mnyes par bya zhes pa rkang pa gnyis kyis tshogs gsog pa'i yo byad sprul pa ston te/ de la spyir sbyang zhing bsreg pa dang/ so so'i sngags dang phyag rgya byin gyis brlab bo/ /spyir sbyang zhing bsreg pa ni rdo rje gnod sbyin nam/ rdo rje rtse mo yongs su bzlas pa'i spros chus bsang gtor bya ba ni spyir sbyang ba'o/ /rdo rje me'i sngags dang phyag rgya mi gtsang ba la sogs pa bsregs pa ni sreg pa'o/ /so so'i sngags dang phyag rgyas byin gyis brlab pa ni/ til dang nas dang ku sha dang/ 'bras yos dang dri bzang po dang/ me tog dkar po dang ldan pa'i mchod yon la sngon du rdo rje'i gar byas la rdo rje'i thal mo kha phye ba'i mchod yon gyi phyag rgya bcas pa la/ oM a ra pa tsa na ya te na ma 'am/ oM badzra satwa hUM/ lan gsum mam bdun nam nyi shu rtsa gcig gis byin gyis brlab bo/ de bzhin du me tog dang spos dang mar me dang dri dang byug pa dang lha bshos dang gtor ma la sogs pa rnams mi'i las 'das nas/ lha'i mchod rdzas khyad par can du bsam mo/ /de bzhin du sbyin sreg la yang bza' ba zas kyi mchod pa zhes bya ste/ gzhung bzhin du bsham zhing byin gyis brlab/ /sngon du bsnyen par ba 'bad de/ zhes bya ba la sogs pa rkang pa bco lngas rten gyi zhing sprul par ston te/ de yang sngon du bsnyen pa zhes pa rkang pa bzhi rten gyi zhing nam mkha' la sprul par ngam bca' bar ston la/ lag pa'i 'du byed ces pa rkang pa bcu gcig gis rnal 'byor pa bdag nyid kyi lus ngag yid kyi sbyor bas zhing spyan drangs pa ston te/ de yang bdag gis g.yas dang g.yon gyi sor mo la oM A(rgyud 'grel): hUM trAM hI(rgyud 'grel): lta bkod la/ de nas mdzub mo gnyis mthe chung gnyis so sor mdud la de bkan la/ oM badzra tsakra hUM zhes brjod cing byon

  19. 10a

    par bsams mo/ /gang byon zhe na rigs lnga 'am gcig gam drug gam rigs gsum mdun gyi nam mkha' la byon pa'o/ /gang gis byon zhe na/ lus ngag yid kyi sbyor bas so/ /de ltar mkha' la zhes pa rkang pa gnyis kyis bdag dang zhing du 'brel par bya ba ston te/ mdun gyi dkyil 'khor gyi lha de rnams yang bem po lta bu ma yin te/ rig pa can spyan rtsa rig rig pa snyan cha khrol khrol par bsam pa'o/ /dga' ba'i mchod pa glu yis bstod ces pa tshigs bcad sum cu rtsa lngas cho ga dag pa yan lag bcu'i sgo nas bsod nams kyi tshogs gsag par bya ba ston te/ de yang dag pas mchod ces pa rkang pa lngas phyag 'tshal ba dang/ mchod pa dang/ sdig pa bshags pa dang/ bsod nams thams cad la rjes su yi rang ba dang/ mya ngan las mi 'da' bar gsol ba gdab pa dang/ chos kyi 'khor lo bskor ba dang/ bdag dbul ba dang/ dngos grub blang ba dang/ dge ba'i rtsa ba bsngo ba dang dgu ste/ de yang rtsa ba'i rgyud kyi rjes su 'breng ba dang sgyu 'phrul dra ba'i rjes su 'breng ba las shes par bya ste/ tshigs bcad sngags dang phyag rgya yis me tog la sogs pa rnam pa lnga phul/ oM badzra lA sya hUM/ oM badzra mA le trAM/ oM badzra gI tI h+rI/ oM badzra nirtI a/ oM badzra satwa su saM gra haM/ badzra ratna ma nut+tA raM/ badzra d+harmA ka ya ne/ badzra karmA ka rodb+ha be/ oM badzra d+hu be hUM/ oM badzra puShpe trAM/ oM badzra A lo ke h+rI:/ oM badzra gand+he a/ sgeg mo la sogs mchod pa brgyad kyis yang dag par mchod la/ oM sarba ta thA ga ta At+mA nAM niryA ta na pU dza spha ra Na karma badzri a/ oM sarba ta thA ga ta At+mA nAM nIryA ta na pU dza spha ra Na karmA gri dza/ oM sarba ta thA ga ta At+mA nI niryA tA nu rA ga Na pU dza spha ra Na karma pA ne hUM ho/ oM sarba ta thA ga ta At+mA nAM niryA ta na sA d+hu ka ra pU dza spha ra Na karma duSh+Ti a/ oM na ma(rgyud 'grel): sarba ta thA ga ta ka yA b+hi She ka ratne bo badzra ma ni oM/ oM na ma(rgyud 'grel): sarba ta thA ga ta sUrye b+hyo badzra to dza ni dza la h+ri/ oM sarba ta thA ga tA sha pa ri pU ra Na tsan+ta ma ni d+hA

  20. 10b

    dzA gre b+hyo badzra d+hwa dzA gri traM/ oM nam(rgyud 'grel): sarba ta thA ga ta mahA pri ti pra mo rya ka re b+hyo badzra hAsya ha/ oM sarba ta thA ga tA nu ra ta badzra d+harma ta sa ma ti/ b+histu no mi mahA d+harme grI d+hi/ oM sarba ta thA ga ta pradz+nyA pA ra mi tA nirha rai stu no mi mahA g+ho ShA nu g+he d+haM/ oM sarba ta thA ga ta tsakrA k+Sha ra pa ri barta d+hi? sarba su tran+ta na ye stu no mi sarba maN+Da le hUM/ oM sarba ta thA ga ta sanb+ha b+ha Sha bud+d+ha saM g+hi hi/ b+hi yaM stu no mi badzre badzre paM/ oM sarba ta thA ga ta d+hu pa me g+ha spha ra Na pU dza karma ka ra ka ra/ oM sarba ta thA ga ta puShpa pra sa spha ra Na pU dz+nyA kArme ki ri ki ri/ oM sarba ta thA ga ta A lo ke dzwa la spha ra Na pU dza karma pa ra pa ra/ oM sarba ta thA ga ta ga d+ha sa mu tra spha ra Na pU dza karme ku ru ku ru/ zhes bya ba sems dpa' bcu drug dang 'dra ba'i rig ma las kyi phyag rgya dang ldan pa rnams kyis mchod par bya'o/ /de'i phyag rgya ni 'di rnams te/ rdo rje bsdams pa bskur bzhag ste bcings la/ gnyis su byas pa'i khu tshur gnyis/ /bsgyings bcas gsor la gnyi ka yis/ /lcags kyu 'dzin ltar gnas pa dang/ /mnga' 'phang ba yi tshul dang ni/ /legs so zhes pa snying khar bzhag /dbang bskur ba ni rdo rje gnyis/ /snying khar nyi ma bstan par bya/ / g.yon pa la ni gru mo gzugs/ /de bzhin kha phyogs bskor bar bya/ /g.yas pa yis ni g.yon pa dbye/ /snying khar g.yon pa ral gri mdud/ /mgal me'i 'khor lo bskor ba dang/ /rdo rje gnyi ka kha nas dbyung/ /rdo rje gar bskor bgrol ba yi/ /thal mo 'gram ba spyi bor bzhag go cha mthe chung mche ba dang/ khu tshur gnyis ni mnan pa'o/ /de nas phyogs thams cad nas dkyil 'khor la yan lag lngas phyag btsal bar bsam zhing 'dis phyag bya ba ni/ oM sarba ta thA ga ta kA ya wa k+tsit+ta pra na me na badzra band+ha naM ka ro mi/ /de nas phyag bzhi bya ste/ 'di ltar shar phyogs nas rdo rje thal mo rkyang ba lus thams cad phab ste/ oM sarba ta thA ga ta pU dzo pha snyA nA ya At+mA nAM niryA ta yA mi/ sarba ta thA ga ta badzra satwA d+hi tiSh+Tha swA mAM/ zhes bya ba 'dis phyag bya'o/ /de nas lho phyogs nas de bzhin du gnas pa las rdo rje thal mo snying

  21. 11a

    khar sbyar te/ /dpral bas la reg par byas la/ oM sarba ta thA ga ta pU dzA bi She ka ya At+mA nAM niryA ta yA mi/ sarba ta thA ga ta badzra ratNA b+hi Shany+tsa maM/ zhes pa 'dis phyag bya'o/ /de nas nub phyogs nas ji skad bshad pa bzhin rdo rje thal mo spyi bor bzhag ste kha sa la reg pa dang/ oM sarba ta thA ga ta pU dza pra barta nA ya At+mA nAM niryA ta yA mi/ sarba ta thA ga ta badzra d+harma pra barta ya mAM/ zhes bya ba 'dis phyag bya'o/ /de nas byang phyogs nas de bzhin du gnas pa las rdo rje thal mo spyi bo nas phab ste/ 1 snying khar sbyar la spyi bo sa la reg par byas te/ oM sarba ta thA ga ta pU dza karma Ne At+mA nAM niryA ta yA mi/ sarba ta thA ga ta badzra karma ku ru maM/ zhes bya ba 'dis phyag bya'o/ /de nas me tog gi phyag rgya bcings la 'di skad ces brjod par bya ste/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na lha dang mi rnams kyi me tog gi bye brag yid las byung ba 'am/ chu las skyes pa 'am/ thang las skyes pa gang dag yod pa de dag rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya pa'i phyir phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang/ snying po dang phyag rgya dang gsang sngags dang/ rig sngags kyi lha'i khyad par thams cad la dbul bar bgyi'o/ /oM sarba ta thA ga ta puShpa pU dza me g+ha sa mu dra spha ra Na sa ma ye hUM/ bdug pa'i phyag rgya bcings la 'di skad ces brjod par bya'o/ /gang yang phyogs bcu'i 'jig rten gyi khams thams cad na lha dang mi rnams kyi bdug pa'i bye brag lhan cig pa 'am/ yang dag par sbyar ba 'am/ /yongs su gyur pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu sangs rgyas dang byang chub sems dpa' rigs lnga dang bcas par bzhugs pa thams cad dang/ snying po dang phyag rgya dang gsang sngags

  22. 11b

    dang rigs sngags kyi lha'i khyad par thams cad la dbul bar bgyi'o/ /oM sarba ta thA ga ta d+hu pa pU dza me g+ha sa mu dra spha ra Na sa ma ye hUM/ mar me'i phyag rgya bcings la 'di skad ces brjod par bya ste/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na lha dang mi rnams kyi snang ba'i bye brag yid las byung ba 'am/ rin po che'i 'od dam mar me'i snang ba la sogs pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas pa thams cad dang/ snying po dang phyag rgya dang gsang sngags dang rig sngags kyi lha'i khyad par thams cad la dbul bar bgyi'o/ /oM sarba ta thA ga ta A lo ke pU dza me g+ha sa mu da spha ra Na sa ma ye hUM/ dri'i phyag rgya bcings la 'di skad ces brjod par bya ste/ gang yang 'jig rten gyi khams 'di 'am gang yang phyogs bcu'i 'jig rten gyi khams thams cad na lha dang mi rnams kyi dri'i bye brag lhan cig skyes pa 'am/ yang dag par sbyor ba 'am yongs su gyur pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang/ snying po dang phyag rgya dang gsang sngags dang rig sngags kyi lha'i khyad par thams cad la dbul bar bgyi'o/ /oM sarba ta thA ga ta gand+hya pU dza me g+ha sa mu dra spha ra Na sa ma ye hUM/ de nas bzhad pa'i phyag rgya bcings la 'di skad ces brjod par bya ste/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na lha dang mi rnams kyi rgod pa dang sgeg pa dang dga' ba dang rtse 'jo'i bde ba'i bye brag gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par

  23. 12a

    bzhugs pa thams cad dang/ snying po dang phyag rgya dang gsang sngags dang rig sngags kyi lha'i khyad par thams cad la dbul bar bgyi'o/ /oM sarba ta thA ga ta ha syo lA sye ra ti kri Ta sau khyA nurt+ta ra pU dza me g+ha sa mu dra spha ra Na sa ma ye hUM/ bzhad pa'i phyag rgya de nyid thal mo bskor ba 'di spyi bo bzhag la/ yang thal mo khong stong du sbyar ba bcings nas 'di skad ces brjod par bya ste/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ dpag bsam gyi shing ngam gos kyi shing gar dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang/ snying po dang phyag rgya dang gsang sngags dang rig sngags kyi lha'i khyad par thams cad la dbul bar bgyi'o/ /oM sarba ta thA ga tA nut+tar bo d+hya laM ka ra bastwa pU dza me g+ha sa mu dra spha ra Na sa ma ye hUM/ sgeg mo'i phyag rgya bcings la 'di skad ces brjod par bya ste/ sems can thams cad yo byad thams cad kyi yang dag par 'byor cing phun sum tshogs pa thams cad 'dod pa tsam la rag lus par gyur cig /oM sarba ta thA ga ta mahA badzro db+ha ba dA na pA ra mi tA pU dza me g+ha sa mu dra spha ra Na sa ma ye hUM/ rdo rje phreng ma'i phyag rgya bcings la 'di skad ces brjod par bya ste/ sems can thams cad kyi mi dge ba'i lus dang/ ngag dang yid kyi las kyi mdza' thams cad dang yang dag par bral bar gyur cig /dge ba'i lus dang ngag dang yid kyi las kyi mdza' thams cad dang yang dag par ldan par gyur cig /oM sarba ta thA ga tA nut+ta ra mahA bo d+hi ha ra shI la pA ra mi ta pU dza me g+ha sa mu dra spha ra Na sa ma ye hUM/ rdo rje glu mkhan ma'i phyag rgya bcings la 'di skad ces brjod par bya ste/ sems can thams cad mtshan dang dpe byad thams cad kyis lus la yang dag par brgyan par byas pa dang/ rtag tu phan tshun 'jigs pa med

  24. 12b

    pa dang/ zhe 'bras pa med par bzhugs shing mig dang yid mngon par dga' ba dang/ chos zab mo la bzod pa dang ldan par gyur cig /oM sarba ta thA ga tA nut+ta ram hA d+harmA wa bo d+hi k+ShAn+ti pA ra mi tA pU dza me g+ha sa mu dra spha ra Na sa ma ye hUM/ rdo rje gar mkhan ma'i phyag rgya bcings la/ 'di skad ces brjod par bya'o/ /sems can thams cad byang chub sems dpa' i spyod pa la mngon par brtson pa dang ldan pa dang/ sangs rgyas nyid du yongs su gzhol zhing 'khor ba yongs su mi spong ba'i brtson 'grus dang ldan par gyur cig /oM sarba ta thA ga ta saM sa rA pa ri tya kA nutpa ? hA pAryi bA ra mi ta pU dza me g+ha sa mu dra spha ra Na sa ma ye hUM zab mo khong stong sbyor ba bcings la 'di skad ces brjod par bya'o/ /gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ rin po che'i ri bo 'am/ rgya mtsho'i rin po che'i tshigs? gang dag yod pa de dag thams cad kyang 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par zhugs pa thams cad dang snying po dang phyag rgya dang/ gsang sngags kyi lha'i khyad par thams cad la dbul bar bgyi'o/ /oM sarba ta thA ga ta bo d+hyaM ga ratnA lo ka ra pU dza me g+ha sa mu dra spha ra Na sa ma ye hUM/ de nas gdugs dang rgyal mtshan dang ba dan sna tshogs pas rnam par bkram pa/ brgya stong la sogs pa'i grangs snying dam/ 'byor pa ci yod pa ltar dbul bar bya ba dang/ ro brgya pa'i lhag ba'i zhal zas dang/ swasti ka la sogs pa'i bza' ba rnam pa sna tshogs 'bum mam brgya stong snyed dbul bar bya ste/ oM a kA ro mu khaM sarba d+harmA tAM/ A ba nutpan+na twA ta zhes brjod pa dbul bar bya'o/ /rol mo bcu phrag stong ngam rol mo brgya phrag stong ngam rol mo su/ oM hUM h+rI(rgyud 'grel): mngon par zlas la dbul bar bya'o/ /rnam pa bcu ni 'di lta ste/ gling bu dang/ pi wang dang/ rdza rnga dang/ rdza rnga chung ngu dang/ cha lang dang rnga bo che dang/

  25. 13a

    mri taM ga dang/ rnga ring dang/ rnga skad nyer dang/ ta mi la zhes bya'o/ /shin tu brtags pa'i rta dang/ glang po che dang ba lang gi khyu rnams kyang/ oM badzra spha ra Na kham zhes bya bas mngon par bzlas la dbul bar bgyi'o/ /chos thams cad ni dngos po med pa'i ngo bo nyid dang/ stong pa nyid dang/ mtshan ma med pa dang/ smon pa med pa'i rnam par lhag par mos pa byas la/ oM sarba ta thA ga ta gu hya pU dza me g+ha sa mu dra spha ra Na sa ma ye hUM/ zhes brjod par bya'o/ /de nas pus mo'i lha nga gnyis sa la btsugs te/ rdo rje thal mo snying khar sbyar nas sdig pa thams cad bshags par bya ste/ phyogs bcu'i sangs rgyas dang byang chub sems dpa' rnams dang/ de bzhin gshegs pa dang rdo rje dang/ rin po che dang/ pad+ma dang/ las kyi rigs su bzhugs pa thams cad dang/ snying po dang phyag rgya dang gsang sngags dang/ rig sngags kyi lha thams cad bdag la dgongs su gsol/ /bdag ming rdo rje 'di zhes bya ba phyogs bcu'i sangs rgyas dang byang chub sems dpa' thams cad dang/ de bzhin gshegs pa dang/ rdo rje dang rin po che dang/ pad+ma dang las kyi rigs su bzhugs pa thams cad dang/ snying po dang phyag rgya dang/ gsang sngags dang rig sngags kyi lha thams cad kyi spyan sngar sdig pa thams cad bla na med par so sor bshags pas so sor bshags par bgyi'o/ /phyogs bcu na 'das pa dang ma 'ongs pa dang da ltar byung ba'i sangs rgyas dang byang chub sems dpa' rnams dang/ rang sangs rgyas dang 'phags pa nyan thos yang dag par song ba dang/ yang dag par zhugs pa rnams dang/ sems can thams cad kyi tshogs thams cad kyi bsod nams thams cad la rgya cher rjes su yi rang bar bgyi'o/ /phyogs bcu'i sangs rgyas bcom ldan 'das chos kyi 'khor lo bskor bar mi mdzad pa thams cad la chos kyi 'khor lo bskor bar bya ba'i phyir bskul bar bgyi'o/ /phyogs bcu'i sangs rgyas bcom ldan 'das yongs su mya ngan las 'da' bar bzhed

  26. 13b

    pa gang yin pa de dag thams cad la mya ngan las mi 'da' bar gsol 'tshal lo/ /de nas bdag nyid dbul bar bya ste/ sangs rgyas dang byang chub sems dpa' thams cad la dag nyid dbul gyis/ bdag dus thams cad dang rnam pa thams cad du so sor bzhes su gsol/ /thugs rje chen po dang ldan pa'i mgon po khyed rnams kyis dam tshig chen po'i dngos grub bdag la stsal du gsol/ /bdag gi dge ba'i las rnams 'di dag gis/ /'jig rten du ni myur du sangs rgyas shog /'gro la phan phyir chos rnams ston bgyid cing/ /sems can sdug bsngal mang pos gzir las dgrol/ /zhes bla na med pa yang dag par rdzogs pa'i byang chub tu yongs su bsngos la/ de nas bstod pa ni 'khrugs sdeb par bya ste /tshigs bcad glu yis bstod par bya/ /byang chub sems ni ral 'byung pa'i/ /zhes bya ba la sogs pa'i tshigs bcad sum cu rtsa gnyis dang rkang pa gcig gis bstod pa ston pa ni/ tshigs bcad glu yis bstod par bya/ /byang chub sems ni rang 'byung ba'i/ /'di ltar sangs rgyas bcom ldan 'das/ /don chen yi ger ma dam pa yin/ /mchog sbyin rdo rje mchog khyod 'dud/ /sangs rgyas rnam par snang mdzad che/ /gti mug blo ste gti mug sel/ /mgon pos bcu'i dbang phyug ste/ /rdo rje chags pa khyod la 'dud/ /rdo rje 'jigs byed 'jigs par byed/ /gdong drug mig drug lag drug po/ /mche gtsigs gdong brgya kun 'dul ba/ /sangs rgyas rol ston khyod la 'dud/ /yang dag bdag med de bzhin nyid/ /stong nyid smra ba'i khyu mchog ste/ /sum cu rtsa gnyis mtshan 'chang ba/ /med pa las byung khyod la 'dud/ /'dod pa'i don grub ngan song sbyong/ /mgon po nyon mongs dra ba 'joms/ /sa gzhi tshangs gnas rkang bas gnon/ /sgyu 'phrul dra ba khyod la 'dud/ /sangs rgyas byang chub rtog bya ba/ /thig le chen po yi ge med/ /longs spyod rdzogs sku kun gyi rgyal/ /sangs rgyas rol ston khyod

  27. 14a

    la 'dud/ /me long ye shes ngo bo nyid/ /a ni yig 'bru kun gyi mchog /khong nas byung ba skye ba med/ /sems ma rdo rje mchog khyod 'dud/ /mnyam nyid ye shes ngo bo nyid/ /a ni 'byung ba 'gog pa ste/ /tshig tu brjod pa rnam spangs pa rin chen 'byung ba khyod la 'dud/ /so sor kun rtog ngo bo nyid/ /ma ni brjod pa'i rgyu yin te/ /brjod pa kun gyi rgyu yi mchog /chos kyi rdo rje 'dzum khyod 'dud/ /bya ba nan tan ngo bo nyid/ /a ni tshig 'bru gsal bar byed/ /tshig kun gsal bar byed pa yin// rdo rje dra ba khyod la 'dud/ /stong pa rang bzhin 'dod chags che/ /sangs rgyas 'dod la phyag 'tshal 'dud/ /phyi nyid ma grub bde ba che/ /sangs rgyas rol la phyag 'tshal 'dud/ /gnyig med par dga' ba che/ /sangs rgyas chags pa khyod la 'dud// stong pa'i don ldan mgu ba che/ /sangs rgyas dgyes pa khyod la 'dud/ /gzugs che lus kyang che ba ste/ /sangs rgyas 'dzum pa khyod la 'dud/ /kha dog che la gzigs brjid ldan/ /med pa las byung khyod la 'dud/ /ming che mtshan bzang rgya che ba/ /sangs rgyas thugs la phyag 'tshal 'dud/ /bzhad cing dkyil 'khor yangs khyab pa/ /sangs rgyas bzhad pa khyod la 'dud/ /chos kyi shes rab mtshon byang ba/ /sangs rgyas gsung ba khyod la 'dud/ /nyon mongs dra ba gcod pa'i mchog /sangs rgyas 'byung ba khyod la 'dud/ /grags pa rdo rje rgyu yi bdag /nam mkha' las byung khyod la 'dud/ /snang ba chen po gsal ba che/ /ye shes las byung khyod 'dud/ /mkhas shing 'phrul 'chang rdo rje las/ /sgyu 'phrul dra ba khyod la 'dud/ /sgyu 'phrul chen po go cha sra/ / sangs rgyas rol ston khyod la 'dud/ /sgyu 'phrul bdag nyid gnod sbyin gtso/ /thams cad thams cad khyod la 'dud/ /sgyu 'phrul khu tshur bstan zhing sdud/ /ye shes sku nyid khyod la 'dud/ /sbyin bdag chen po'i gtso bo ste/ /rdo rje sgeg mo khyod la 'dud

  28. 14b

    tshul khrims chen po 'chang ba'i mchog /rdo rje dpal 'phreng khyod la 'dud/ /bzod chen 'chang ba ston pa po/ /rdo rje dbyangs mkhan khyod la 'dud/ /brtson 'grus chen po brtul pa yi/ /rdo rje gar mkhan khyod la 'dud/ /bsam gtan chen po'i ting 'dzin gnas/ /rdo rje me tog kyang la 'dud/ /shes rab chen po lus 'chang ba/ /rdo rje bdug pa khyod la 'dud/ /smon lam ye shes rgya mtsho ste/ /rdo rje mar me gsal la 'dud/ /stobs po che la thabs che ba/ /rdo rje dag byed khyod la 'dud/ /rdo rje lcags kyu 'dren pa che/ /rdo rje 'gugs byed khyod la 'dud/ /rdo rje zhags pa rnam par rgyal/ /rdo rje 'dren byed khyod la 'dud/ /rdo rje lcags sgrog 'dzin pa che/ /rdo rje sdom byed khyod la 'dud/ /rdo rje 'bebs pa rnam rgyal zhags/ /rdo rje 'bebs pa khyod la 'dud/ /byams chen rang bzhin dpag tu med/ /snying rje chen po blo yi mchog/ shes rab chen po blo chen ldan/ /mkhas pa chen po thabs che ba/ /ye shes cha grub sems dpa' i tshogs/ /stong pa nyid kyi sgor gnas pa/ /bag la nyal la byams sems can/ /shes rab snying rjer ldan la 'dud/ /rdzu 'phrul chen po stobs dang ldan/ /shugs chen mgyogs pa chen po ste/ /rdzu 'phrul chen po cher grags pa/ /stobs chen pha rol gnon pa'o/ /stobs chen rdzu 'phrul bzhir ldan pa'i/ /goms shugs ye shes bzhir ldan pa/ /rdzu 'phrul ldan zhing stobs kyis gnon/ /tshogs gnyis rdzogs pa khyod la 'dud/ /srid pa'i ri bo chen po 'joms/ /mkhregs shing rdo rje chen po 'dzin/ /drag po chen po mun pa 'joms/ /'jigs chen 'jigs par byed pa'o/ /phung po lnga dag lha chen 'dul/ /mi shes ri 'joms sra ba po/ /mya ngan kun sel drag po ste/ /che bas che ba khyod la 'dud/ /mgon po rigs mchog chen po ste/ /bla ma gsang sngags che ba'i mchog /theg pa chen po'i tshul la gnas/ /theg pa chen po'i tshul gyi mchog /'khor ba mya ngan skyob pa'i mchog /theg pa'i tshul mchog

  29. 15a

    lam gnas pa'i/ /phyag rgya'i mchog tu grub byed pa'i/ /pha rol sa bcu gtso la 'dud/ /'dud nyi shu dang spyi bstod kyis kyang bstod/ /de ltar bstod pa byed pa de/ /'khor lo 'dud pa'i gtso mcho 'grub/ /zhes pa rkang pa gnyis kyis bstod pa byas pa'i phan yon ston te/ de ltar bstod pas rigs thams cad kyi thun mong gi dngos grub thams cad dang mchog gi dngos grub 'grub par 'byung ngo/ /dgyes nas bdag la lha rnams kyis/ /snyan pa'i tshig gis bstod par bsam/ /zhes bya ba rkang pa gnyis kyis/ /lha rnams kyis bdag la bstod par ston to/ /lha rnams thams cad kyi zhal nas rigs kyi bu bdag gzhan gyi don du lha rnams la bstod pa legs so/ /legs so zhes gsungs par bsam mo/ /drin gyi tshul gyis slar bstod pa/ /zhes pa rkang pa gcig gis slar lha rnams la bdag gis drin la lan gyi tshul gyis bstod pa thams cad dam/ 'dud nyi shus bstod pa'o/ /de dag ni mchog gi rgyal po sbyor ba dang po'i 'khor lo'i ting nge 'dzin to/ /zhes rkang pa gcig gis sbyor ba dang po'i ting nge 'dzin yongs su rdzogs par bstan pa'o/ /de nas rim pa 'di ldan pas zhes bya ba la sogs pa tshig bcad nyi shu rtsa brgyad rkang pa gsum gyis yongs su dag pa'i ting nge 'dzin ston te/ phyag bya zhing smon pa byang chub mchog gi sems bskyed sdom pa bzung ba dang/ 'jug pa byang chub mchog gi sems bskyed pa/ ye shes lnga bsgom ston te/ go sla ba'i phyir 'dir ma spros so/ /de nas da la mngon 'byung gzugs/ zhes pa nas/ de dag ni gzhi'i ting nge 'dzin te/ / zhes bya ba'i bar gyis gzhi'i ting nge 'dzin ston te/ rdo rje dang mchod rten dang chos 'byung dang rgya gram dang/ gzhal yas khang dang gdan rnams bskyed pa ston pa'o/ /de yang de ni yi ge rdzogs pa las zhes bya bas chos 'byung nang du yi ge a kha dog sna

  30. 15b

    tshogs pa 'am kha dog dkar pos sna tshogs rdo rje bsgom par 'brel to/ /de yang slob dpon la la dag rgya gram khong du 'dod la/ 'dir sa gzhi'i tshul du brtag par bya'o/ /de nas rkyen gyis slong ba ni/ zhes pa nas dang po'i sangs rgyas sgom pa'i ting nge 'dzin to zhes pa'i bar gyis gzhi'i sangs rgyas dang/ dang po'i sangs rgyas bskyed pa bstan pa'o/ /de yang dang po'i sangs rgyas zhal lnga pa zhes pa ni/ shar la sogs pa'i zhal bzhi ni sngon po dang/ ser po dang dmar po dang/ ljang gu rnams so/ /steng gi zhal rnams ni lha zhal dkar po 'am/ rta zhal dkar po la rdog ma sngon po can no/ /dang po'i sangs rgyas thugs ka ru/ /zhes pa nas de dag ni rigs kyi dbang gis 'khor lo'i rim pa bstan pa yin no/ /zhes bya ba'i bar gyis shes rab kyi 'khor lo'i rim pa rnams ston te/ rigs kyi dbang gis 'khor lo bdun 'gyur du shes par bya'o/ /da ni dkyil 'khor gyi lha'i ngo bo gsang sngags kyi sgo nas de dag gi rim pa bskyed par bya ste/ zhes pa nas de dag ni dkyil 'khor rgyal po mchog gi ting nge 'dzin te/ /zhes pa'i bar gyis lha bsgom zhing dbyung ba dang/ dkyil 'khor rgyal mchog skyed pa bstan pa ste/ dkyus ma nyid gsal ba'i phyir 'dir ma dkrol lo/ /'on kyang sngags don rnam par gzigs pa las dkyil 'khor drug tu gsungs pa dang/ gsang ldan 'di nyid las sngon du shes rab kyi 'khor lo bdun 'gyur du gsungs pas/ dkyil 'khor gyi lhag ma gzhan yang bshad par bya ste/ mtshan brjod pa'i gsung rab kyi mtshan brjod pas/ dkyil 'khor pa rnams rdzogs par bskyed pa 'am/ yang na rdo rje 'khor lo'i sngags dang phyag rgya cig car du sprul pa'o/ /de yang thabs thun mong ba'i dkyil 'khor gnyis dang/ thabs khyad par gyi dkyil 'khor lnga dang bdun du shes par bya'o/ /gsang sngags 'di'i dkyil 'khor ni rnam par snang mdzad chen po'i

  31. 16a

    khongs su bsdu'o/ /khyad par ni gzhal yas khang sgo gnyis pa'o/ /de nas las kyi khyad par yang bskyed pa'i zhar las byung ba ste/ sgra las 'phel te rgyas bshad pas/ /'di ru bdag gis ma bshad do/ /las kyi khyad par gyi ting nge 'dzin to zhes las las rgyal mchog gi ting nge 'dzin bstan pa ste/ de nas las kyi khyad par yang/ /bskyed pa'i zhar las khyung ba ste/ /zhes bya bas dkyil 'khor rgyal mchog bskyed nas las rgyal mchog gi ting nge 'dzin bsgom par dam bcas pa'o/ /sgra las 'phel te rgyas bshad pas/ /'di ? ? gis ma bshad do/ /zhes bya ba las rgyal mchog gi ting nge 'dzin gyi rim pa bla mas zhes bya ba'i don te/ bla ma'i man ngag ni bcu'i sgo nas shes par byas te/ sgo bzhi'i dbye ba dang rang bzhin gyis sangs rgyas bsdu ba dang mdun gyi nam mkha' la ye shes sems dpa' byon te/ dam tshig gi dkyil 'khor la phyag btsal ba dang/ ched du brjod pa dang/ spyi'i gtso bo byin gyis brlab pa dang/ sgon bkur gyi gtso bo byin gyis brlab pa dang/ dbang nod pa dang/ ye shes bstim pa dang/ phyag rgyas gdab pa dang/ lha las sbyar ba'i rim par shes par bya'o/ /de las de yang las mkhan rang byed la sgo bzhi dbye ba ni/ dang po'i sangs rgyas kyi nga rgyal gyi sdig mdzub kyi se gol gtog cing/ /phreng sngags brjod pas sgo bzhi dbye bar bsam mo/ /yang na bdag nyid dkyil 'khor gyi dbus su bdug par bsam ste/ khro bo hUM mdzad du bsgoms la khro bo'i khu tshur gnyis bcings te mdzub mo gnyis lto sprang la drag tu brdab pa ni sgo dbye ba'i phyag rgya'o/ /oM badzra dg+ha ta sa ma ya pra be sha ya hUM zhes brjod pas dkyil 'khor gyi sgo bzhi dbye bar bsam mo/ /de ni sgo dbye ba'o/ /de nas rang bzhin gyi dkyil 'khor bsdu ba ni/ /sgrub pa po'i snying khar a las sna tshogs rdo rje bsams te/ mthe bo mdzub mo la zla ba'i steng du dza bsams te/ lag par gnyis rdo rje rgya bla ma gyi tshul du bsnol te/ dpung pa gnyis su se gol gtog cing/ rdo rje bsdu ba'i snying po oM badzra sa mA dza(rgyud 'grel): dza(rgyud 'grel): hUM baM ho/ zhes brjod cing/ mtheb mdzug gi dza las ye shes kyi 'od zer lcags kyu lta

  32. 16b

    bur 'phros te/ rang bzhin gyi gnas nas ye shes kyi dkyil 'khor dam tshig pa dang 'dra ba byon par bsam mo/ /de yang gzhung las rdo rje sems dpa' i sbyor bas bdag/ lag dar gnyis ni rdo rjer bcing/ /rdo rje se gol brdabs pa yis/ /sangs rgyas thams cad bsdu bar bya zhes 'byung bas so byon te phyag 'tshal ba bstan pa ni/ /de nas ye shes kyi dkyil 'khor gyis/ /dam tshig gi dkyil 'khor byin gyis brlab par bya ba'i phyir/ dam tshig gi dkyil 'khor la/ oM sarba ta thA ga ta kA ya wik+tsat+ta/ pra Na me na badzra banda naM ka ro mi zhes brjod cing dam tshig gi dkyil 'khor la phyag btsal bar bsam mo/ /de nas ched du brjod pa ni/ e ma'o kun tu bzang po yi/ /byang chub sems dpa' i spyod pa'i mchog /de bzhin gshegs pa'i 'khor lo yis/ /dbus na de bzhin gshegs pa mdzes/ /zhes ched du brjod par bsam mo/ /de nas spyi gtso bo byin gyis brlab ba ni/ /rang bzhin gyi dkyil 'khor nas spyan drangs pa'i lha lnga bcu rtsa gsum po thams cad dam tshig gi dkyil 'khor gyi gtso bo rdo rje 'chang chen po'i thugs khar zhugs nas/ spyi'i gtso bo rdo rje 'chang chen po lha thams cad kyi rang bzhin du byin gyis brlab par bsam / de nas rdo rje 'chang chen po'i thugs kha nas ye shes lha tshogs thon te/ nam mkha' la gnas so/ /de nas sngon bkur ba'i gtso bo byin gyis brlab pa ni/ e ma sangs rgyas thams cad ni/ /rgya chen gdod nas skyes pa min/ /rdul gran ji snyed thams cad kyis/ /sangs rgyas rnams ni gcig tu gyur zhes brjod nas/ /shar phyogs pa rnams kyis ye shes kyi lha tshogs ni mi bskyod pa'i thugs khar zhugs te/ mi bskyod pa byin gyis brlabs nas/ mi bskyod pa'i thugs kha nas slar thon ate/ rang rang gi dam tshig gi lha byin gyis brlabs par bsam mo/ /de bzhin du lho phyogs dang nub phyogs dang byang phyogs kyang shes par bya'o/ /de nas dbang nod pa ni gnyis su shes par bya ste/ dam tshig gi dkyil 'khor la ye shes kyi dkyil 'khor gyis dbang bskur bar bsam pa dang/ dkyil 'khor gyi lha la sgrub pa pos dbang nod pa'o/ /dam tshig la

  33. 17a

    ye shes kyis dbang bskur bar bsam pa ni/ rigs lnga la rin po che'i cod pan dang dar dpyangs kyis dbang bskur ba'o/ /de nas rigs kyi sems dpa' bcu drug mchod pa brgyad yum bzhi sgo ba dang sum cu rtsa gnyis la sangs rgyas lnga'i cod pan dang ? kyis dbang bskur bsam/ bskal pa bzang po'i sems dpa' rnams la rin po che'i cod pan dang dar dpyangs kyis dbang bskur bar bsam mo/ /de nas sgrub pa pos dbang nod pa ni lugs gnyis te/ ye shes pa rnams dam tshig pa rnams kyi thugs kha nas slar thon te/ gdan re re la snang ba gnyis gnyis kyi tshul du bzhugs pa la/ sgrub pa pos rigs pa'i dbang lnga 'am drug nos nas/ dza(rgyud 'grel): hUM baM ho(rgyud 'grel): zhes brjod de slar thim par bsams pa 'am/ yang na dam tshig gi dkyil 'khor dang/ ye shes kyi dkyil 'khor chu dang 'o ma ltar gcig tu 'dres nas bzhugs pa la sgrub pa pos dbang nos par bsam mo/ /ye shes pa slar thon te nam mkha' la bzhugs par bsam mo/ /de yang dbang rtags ni sgrub pa po de bzhin gshegs pa'i zlos pa po yin na rin po che'i cod pan dang dar dpyangs kyis dbang bskur bar bsam/ sems dpa' i zlos pa po yin na de bzhin gshegs pa lnga'i cod pan dang dar dpyangs kyis dbang bskur bar bsam mo/ /de nas sgrub pa po byin gyis brlab pa ni de bzhin gshegs pa'i zlos pa po yin na yum rdo rje dbyings kyi dbang phyug mas gnas bzhi byin gyis brlab par bsam mo/ / sems dpa' i zlos pa po yin na sems ma rdo rje ma la sogs pa yum bzhis gnas bzhi byin gyis brlab par bsam mo/ /de nas ye shes dgug pa dang gzhug pa dang bcing ba dang dgyes par bya ba ni/ sgo bzhi'i sngags dang phyag rgyas gzhal yas khang gi nang du spyan drangs pa ste/ de yang rdo rje lcags kyu'i sngags dang phyag rgyas so so'i sgo nas nang du bkug par bsam mo/ /rdo rje zhags pa'i sngags dang phyag rgya so so'i sgo nas bcug par bsam/ rdo rje lcags sgrog gi sngags dang phyag rgyas so so'i sgo nas bcing bar bsam/ rdo rje 'bebs pa'i sngags dang phyag

  34. 17b

    rgyas so so'i sgo sgo nas mnyes par bsam mo/ /de nas phyag rgyas rgyas btab pa ni gnyis te/ rgyas pa dang bsdus pa'o/ /rgyas pa ni sgyu 'phrul dra ba dang rtsa ba'i rgyud kyi rjes su 'brengs pa las shes par bya'o/ /bsdus pa ni de nas dam tshig gi phyag rgyas gdab/ sgrub pa po'i snying khar rdo rje rtse lnga pa bsams la/ gtso bo'i sngags rings kyi 'jug la dri sh+ya dza(rgyud 'grel): hUM baM ho(rgyud 'grel): sa ma ya stwaM/ sa ma ya stwaM/ a haM/ many+dzu sh+rI/ zhes brjod pas/ dkyil 'khor gyi lha thams cad dam tshig gi phyag rgyas gdab bar bsam mo/ /chos kyi phyag rgyas gdab pa ni dkyil 'khor gyi lha rnams ljags kyi steng du hUM dkar po las yongs su gyur pa'i rdo rje dkar po rtse lnga pa re chu rgyugs su yod par bsam/ de'i lte ba la lha rnams rang rang gi sku bskyed pa'i yig 'bru bkod la/ chos kyi phyag rgyas rgyas gdab par bsam mo/ /las kyi phyag rgyas rgyas gdab pa ni/ /sgrub pa po'i snying khar sna tshogs rdo rje bsams la/ rdo rje khu tshur gnyis bcings te/ rdo rje gar dgu sngon du 'gro ba'i tshul gyis phyag 'tshan med par lha rnams kyi phyag rgya chen po'i khyer thabs bsgom pa ni las kyi phyag rgyas rgyas gdab bo/ /phyag 'tshan med par lha rnams kyi phyag rgya chen po'i khyer thabs kyi phyag rgya bcings pa ni/ de nas las kyi phyag rgya bcings ba 'byung ste/ rdo rje khu tshur dam bcings te/ /mnyam par bzhag pas gnyis su bya/ /rdo rje'i phyag rgyas gnyis bcings te/ /de nas bcings ba rab tu bshad/ /g.yon pa'i rdo rje 'dzub mo ni/ /g.yas pa'i nang du sgreng bar bya/ / byang chub mchog gi phyag rgya che/ /sangs rgyas byang chub sbyin byed pa'o/ /mi g.yo ba yis reg pa'o/ /rin chen gyi ni mchog sbyin pa'o/ /tshe dpag med kyi ting 'dzin mchog/ gdon mi za bar mi 'jigs sbyin/ /de nas las kyi phyag rgya rnams/ /mdor bsdus rab tu bshad par bya rdo rje sems sogs sems dpa' rnams/ /rdo rje las rnams byed pa ste/ /sgyings bcas gsor ba gnyi ka yin/ /lcags kyu 'dzin ltar gnas pa dang/ /mda''phangs pa yi tshul dang ni/ /legs so zhes pa snying khar bzhag dbang bskur ba ni rdo rje gnyis/ /snying khar nyi ma bstan

  35. 18a

    par bya/ /g.yon pa la ni gru mo gzugs/ /de bzhin kha phyogs skor bar bya/ /g.yas pa yis ni g.yon par dbye/ /snying khar g.yon pa ral gri mdud/ /mgal me'i 'khor lo bskor ba dang/ /rdo rje gnyi ga kha nas dbyung/ /rdo rje gar gyis bskor ba yi/ /thal mo 'gram pa spyi bor bzhag /go cha mthe chung mche ba dang/ /khu tshur gnyis ni mnan pa'o/ /rdo rje sgyings pa'i tshul gyis su/ /bsam pa g.yos pas gdud pa bya/ /phreng ba bcings pas kha nas dbyung/ /rdo rje gar ni bskor ba yin/ /rdo rje khu tshur tshul gyis ni// bdug pa la sogs de bzhin sbyin/ /sangs rgyas kun la mchod pa yin/ /phyag rgya'i mchod pa byed pa po/ /mdzub mos lcags kyu bcings pa ni/ /mthe chung las de lcags kyu che/ /khrig ma mdud pa mdzub gnyis mdud/ /rgyab gnyis rkyang ni bsnyams te mnan/ /sgo gnyis pa dang gsum pa la sogs pa lnga'i las kyi phyag rgya bcings pa ni/ so so'i gtso bo bzhin du thabs re sgo re 'am/ /phyogs bzhir bcing ba'o/ /de rnams ni 'dir mang du spro mi dgos pa'i phyir mang du ma spros pa'o/ /de nas phyag rgya chen pos rgyas gdab pa ni/ /sgrub pa po'i snying khar rdo rje rtse lnga pa bsams la/ /rdo rje khu tshur gnyis bcings nas/ /de bzhin gshegs pa thams cad kyi spyi'i snying po/ /oM hUM h+rI(rgyud 'grel): zhes yid la zlos shing/ /rdo rje khu tshur gnyis rdo rje gar ma byas par/ /rang rang gi phyag mtshan phyag na bsnams par bsgom pa ni phyag rgya chen po'i rgyas btab par bsgom pa'o/ /de nas lha las la sbyar ba ni/ /gzhung las/ de nas las kyi rgyal mchog ni/ /sgra las 'phel te rgyas bshad pas/ /'dir ni bdag gis ma bshad do/ /zhes 'byung bas sgra las 'phel te bshad pa na/ /gsang ldan nam sgo dang po'i lha las la bzhag pa ni/ lha'i dag pa dang mthun par las la bzhag ste/ sngags don rnam par gzigs pa'i lha'i dag pa dang mthun no/ /sgo gnyis pa'i gti mug sel ba ni rnam par snang mdzad de/ /bcom ldan 'das rnam par snang mdzad kyis/ sems can

  36. 18b

    thams cad kyi gti mug sbyongs shig pa'o/ /de bzhin du zhe sdang dang/ 'dod chags dang ser sna dang/ phrag dog sbyongs shig pa'o/ /yang na sngon gyi lha thams cad kyi spro bsdu dran bar byas pa ni las la sbyar ba'o/ /las kyi khyad par gyi ting nge 'dzin to zhes pa ni/ mtshams sbyar bar bya'o/ /de nas spros kyi chu dag la/ /sngags 'das pa yis bsang byas te/ /phung pos bsdu pa'i mchod pa lngas/ /rim bzhin byin brlabs mdun bzhag nas/ /'di dag rim pa'i go rims kyis/ /se gol rim pas brdab byas pas/ /rim bzhin bsdu pa'i phyag rgya ni/ /dza(rgyud 'grel): hUM baM ho(rgyud 'grel): ldan byas te/ mdun na mngon sum bzhin mthong nas/ sa ma ya dza(rgyud 'grel): zhes brjod bya zhing/ /'khor lo tshogs mchog de dag la/ /mnyam med la sogs bstod par bya/ /de nas gtso bo sngags rings la/ /dri sh+ya zhes kyang brjod bya zhing/ /a hUM zhes dang ldan par ni/ /bzhi yis rgyas gdab don mchog grub/ /de nas mchod pa'i bye brag gis/ /mchod nas phyag bzhi bya ba ni/ /dang po'i sangs rgyas la sogs pa'i/ /gnas su bya ba'i rim pa'o/ /de dag ni yongs su rdzogs pa'i chos kyi ting nge 'dzin to/ /zhes bya bas yongs su rdzogs pa'i ting nge 'dzin bstan pa te/ /de dag yang spyi don dbu'i sgo nas shes par bya ste/ /de nas spos kyi chu dag la/ /sngags zlas pa yis bsang bya ste/ /phung pos bsdus ma'i mchod pa lngas/ /rim bzhin byin brlabs mdun bzhag nas/ /zhes bya bas/ mchod pa byin gyis brlabs pa ston te/ /spyir sbyang zhing bsreg pa dang/ so so'i sngags dar phyag rgyas byin gyis brlabs te/ /sngon bzhin no/ /'di dag rim pa'i go rims kyis/ /se gol rim pa brdab byas bas/ /rim bzhin bsdu ba'i phyag rgya ni/ /dza(rgyud 'grel): hUM baM ho(rgyud 'grel): ldan byas te/ /mdun na mngon sum bzhin mthong nas/ /zhes bya ba rang bzhin gyi sangs rgyas dang byang chub sems dpa' bsdu ba ston te/ de yang rdo rje bsdu ba'i sngags dang phyag rgyas rang bzhin gyi sangs rgyas spyan drangs la mdun gyi nam mkha' la byon par bsam mo/ /sa ma ya dza(rgyud 'grel): zhes brjod bya zhing/ /'khor lo tshogs mchog de dag la/ /mnyam med la sogs bstod par bya/ /zhes pas bstod pa

  37. 19a

    ston to/ /sngags sngon du 'gro bas/ de nas bstod pa ni mnyam med mi g.yo 'am 'dud nyi shus bstod pa bya'o/ /de nas dgug pa dang bcing ba dang mnyes par bya ba ni/ /sgo bzhi'i sngags dang phyag rgyas gzhal yas khang gi nang du spyan drangs pa la sogs pa ste sngon bzhin no/ /de nas gtso bo'i sngags rings la/ /dri sh+ya zhes kyang brjod bya zhing/ /a hUM zhes dang ldan par ni/ /bzhi yis rgyas gdab don mchog sgrub ces bya bas lha thams cad ni phyag rgya bzhis brgyas gdab pa ston te/ de yang phyag rgyas gdab pa ni/ /las mchog gi skabs bzhin shes par bya'o/ /de nas mchod pa'i bye brag gis mchod nas zhes bya bas mchod pa dbul ba ston te/ de yang mchod pa dbul ba ni thun mong gi mchod pa rnam pa lnga dang/ phyi nang gi lha mo brgyad kyi mchod pa dang/ bsgrub mchod bcu drug dang/ mchod pa gzhan yang ci 'byor tshad du 'bul lo phyag bzhi bya ba ni dang po sangs rgyas la sogs pa'i/ gnas su bya ba'i rim pa'o/ /zhes bya bas phyag btsal bar ston te/ de yang phyag bzhi btsal ba ni/ shar phyogs kyi sgo nas rdo rje rigs kyi phyag btsal ba dang/ lho phyogs kyi sgo nas rin che rigs kyi phyag btsal ba dang/ nub phyogs kyi sgo nas pad+ma rigs kyi phyag btsal ba dang/ byang phyogs kyi sgo nas las kyi rigs kyi phyag btsal ba ste/ lus kyi bca' thabs dang ting nge 'dzin gyi rim pa dang phyag rgya dang sngags dang phyogs dang lngas shes par bya ste/ sngon bzhin no/ /de'i 'og tu bla ma'i gdam ngag gi nyams pa gsum dang bsnyen pa ni bsgom pa dang/ mtshan brjod pa'i gsung rab gdon pa dang sngags bzlas pa rnams ston pa ni/ de yang mnyam pa rnam pa gsum gyis mnyam par bsres la/ bsgom bzlas bya ba ni/ oM badzra At+ma konyahaM/ zhes brjod pas dkyil 'khor gyi lha thams cad dang bdag sku gsung thugs rdo rje mnyam pas mnyam pa nyid du bsam/ oM swa b+hA wa bi shud+d+ha haM zhes brjod pas lha thams cad dang bdag rang bzhin gyis rnam par dag par mnyam pas mnyam pa nyid du bsgom/ oM sarba sa mo haM zhes brjod pas lha thams cad dang bdag med par mnyam pas mnyam pa nyid du sgom mo//

  38. 19b

    de ltar mnyam pa nyid gsum gyis mnyam par bsres la/ lha thams cad kyi rang bzhin bdag yin no bar bsams la bsgom pa dang/ mtshan dang sngags kyis bzlas pa byed na yang lha thams cad kyi rang bzhin bdag yin no bar bsams la/ bdag gis mtshan dang sngags kyis bzlas pa byas pa'i dus su lha thams cad kyi zhal nas kyang bzlas pa'i sgra 'byung bar bsam/ de ltar byas nas rnam pa lngar 'gyur te/ bsgom pa'i bsnyen pa la dus kyi bsnyen pa dang/ mtshan ma'i bsnyen pa gnyis so/ /bzlas pa'i bsnyen pa la/ dus kyi bsnyen pa dang/ mtshan ma'i snyen pa dang/ grangs kyi bsnyen pa dang gsum mo/ /de ltar bsnyen pa rnam pa lnga'o/ /de la sngags nas 'di yin te/ oM sarba ta thA ga ta ma hA ye gi shwa ra hUM/ oM badzra satwa hUM/ oM badzra ratna hUM/ oM badzra d+harma hUM/ oM badzra karma hUM/ oM badzra badzri Ni hUM/ oM badzra ratna badzri Ni hUM/ oM badzra d+harma badzri Ni hUM/ oM badzra karma badzri ni hUM/ oM badzra lA sye hUM/ oM badzra nA le hUM/ oM badzra gI ti hUM/ oM badzra nirti hUM/ oM badzra d+hu pe hUM/ oM badzra puShpe hUM/ oM badzra A lo ke hUM/ oM badzra gand+he hUM/ oM badzra satwa hUM/ oM badzra rA dza dzA/ oM badzra rA ga ho/ oM badzra sA d+hu sa/ oM badzra ratna oM/ oM badzra te dza oM/ oM badzra ke tu trAM/ oM badzra hA sA ha/ oM badzra d+harma h+ri/ oM badzra tIk+Sh+Na d+hAM/ oM badzra he tu maM/ oM badzra b+ha Sha raM/ oM badzra karma kaM/ oM badzra rak+Sh+Na haM/ oM badzra yak+Sha hUM/ oM badzra sand+hi baM/ oM badzra i ku sha dza:/ oM badzra pA sha hUM/ oM badzra spho Ta baM/ oM badzra a be sha a/ khyad par gyi snying po'i sngags so/ /oM badzra pradz+nyA dz+nyA na murta ye te na ma:/ oM du(rgyud 'grel): khats+tshe da ya te na ma:/ oM badzra tik+Sh+Na ya te na ma:/ oM wA gI shwa ra ya te na ma:/ oM dz+nyA na kA ya ya te na ma:/ oM a pa ra tsa na ya te na ma:/ thun mong gi sngags te/ go bzlog par shes par bya'o/ /oM sarba d+harmA b+ha wa swa b+hA wa bi shud+d+ha badzra a A aM a(rgyud 'grel): pra krit+ta pa ri shud+d+ha/ sarba d+harmA ya du ta/ sarba ta thA ga ta dz+nyA na kA ya/ many+dzu sh+rI pa ri shud+d+ha ti mu ba ta ya ti/ a A/ sarba ta thA ga ta h+ri da ya/ ha ra ha ra/ oM hUM h+rI:/ b+ha ga wAM dz+nyA na murti wA gI shwa ra/ mahA pa tsa/ sarba d+harma ga ga na/ a ma lA su pa ri shud+he/ d+harma d+hA tu dz+nyA na garbba a(rgyud 'grel): zhes bya ba ni lha thams cad kyi spyi'i sku'i sngags dang rtsa ba'i

  39. 20a

    sngags dang phreng sngags so/ /bsnyen pa bstan pa'o/ /de nas bsgrub pa la 'jug pa ni/ /de nas rang dga' i gnas nyid du/ /gzugs brnyan dkyil 'khor bri bar bya/ /zhes bya bas bsgrub pa'i gnas bsgrub pa'i gzugs brnyan gyi dkyil 'khor bya ba'i spyir mdor bstan te/ de yang gnas ni nyams dga' zhing yid 'jug pa rgyal po dang theg pa dman pa la sogs pas dben par bya bar gsungs so/ sa de gzhung bzhin sbyar bya dang/ /gzungs dang ldan pa gzhung bzhin du/ /bya ba'i bye brag gzhan na 'o/ /zhes bya bas sa'i cho ga rgyas par bston te/ de yang bla mas gsang ba spyi dang rtsa rgyud chen po la sogs par sa'i cho ga spyi don brgyad kyi shes par bya ba ni/ tshes gcig nas bco lnga'i bar du gza' skar bzang po la zhugs te/ slob dpon slob ma'i spyod lam bya ba ni/ /za gcig gis bsnyung ba dang dkar gsum bza' ba la sogs pa'i spyod lam bya'o/ /grong khyer chen po 'am gtsug lag khang ngam/ lha khang la sogs pa'i shar ram byang phyogs su bri bar bya'o/ /de nas ji tsam byed pa'i dkyil 'khor gyi sa bcad la sa'i lto 'phye brtag par byas la/ lto nas sa brkos de sa'i ro lnga spangs pa dang ldan par bya'o/ /sa'i ro lnga ni sa'i ro gseg ma dang/ mi'i ro rus pa dang skra shad kyi dum bu dang/ rdza'i ro gyo dum dang/ shing gi ro mgal dum la sogs pa dang/ rtsa'i ro phub ma la sogs pa med par bya'o/ /rgyal pos ni dkyil 'khor khru brgya lnga bcu pa la bya'o/ /blon po 'am blon po chen po sa ni khru lnga bcu 'am de'i phyed la bya'o/ /sgrub pa pos ni khrus bcu gnyis sam drug la bya'o/ /sa brtag ba ni nyis 'gyur tshun du brtag go /de nas yul gyi rgyal po dang blon po la sogs pa la slang bar bya'o/ /sa'i lha mo la slang ba dang/ dkon mchog gsum la slang ba dang/ sa bdag la sogs pa la slang ba'o/ /de nas yid kyis sa'i lha mo gser gyi mdog can lag na gser gyi bum pa thogs pa zhig sa'i 'og nas sku phyed tsam 'thon par bsams la/ spos chus brlan par byas pa'i lag pas sa la lan gsum rdabs la/ skyob pa sangs rgyas thams cad kyi/ /spyod pa'i tshul

  40. 20b

    dang khyad par dang/ sa dang pha rol phyin pa la/ /lha mo khyod ni dpang du gyur/ /skyob pa shAkya seng ge yis/ /ji ltar bdud kyi sde bcom ltar/ /de bzhin bdag gis bdud las ni/ /rgyal bar byas te dkyil 'khor bri/ /zhes lan gsum brjod nas/ sa'i lha mo'i zhal nas khyod ci bde bar bris shig zer nas sa'i nang du thim par bsam mo/ /yang na dkyil 'khor gyi dbus su maN+Dal khru gang gru bzhi pa zhig byas la/ der mchod pa rnam pa lnga dang gtor ma cha gcig bshams la/ dkon mchog gsum la mchod pa rnam pa lnga phul te/ spos kyi snod thogs te pus mo g.yas pa'i lha nga sa la btsugs te/ dgongs shig bdag la sangs rgyas dang /sangs rgyas thams cad mchod pa dang/ /sems can rnams la sman slad du/ rnam par snang mdzad chen po yi/ /dkyil 'khor dam pa 'bri bar 'tshal/ /rgyal ba sras dang bcas rnams kyis /bdag la byin gyis brlab tu gsol/ /de skad ces lan gsum brjod pas/ dkon mchog gsum gyis gnang ba byin par bsam mo/ /yang gtor ma a kA ro la sogs pas byin gyis brlabs la/ /dpung pa bzang po'i rgyud las byung ba'i tshigs su bcad pas gtor ma byin la/ pus mo g.yas pa'i lha nga sa la btsugs te spos thogs te/ phyogs bcur bzhugs pa'i lha klu dang/ /gnod sbyin dri za lha ma yin/ /yang dag rdzu 'phrul cher ldan pa'i/ /'byung la gnas pa'i 'byung po kun/ /bdag ming 'di zhes bgyi ba yis/ /sangs rgyas rnams la mchod pa dang/ sems can rnams la phan don du/ /dam pa'i dkyil 'khor che byung pa/ /ji ltar bsam pa bzhin bri no/ /khyed kyis bar chad ma byed par/ /dge ba'i grogs po nyid du mdzod/ /da ltar bdag gis khyod la ni/ /bzod par gsol gyis ma slu par/ /rmi lam la sogs mtshan ma yi/ legs nyes bltas rnams bstan du gsol/ /lan gsum gsol ba btab pas/ /sa bdag la sogs pas dkyil 'khor gyis shig par gnang ba byin par bsam mo/ /de nas chag chag dang skya nul legs par bya ste/ rdo rje gnod sbyin gyi sngags kyis yungs kar gtor zhing bgegs skrad nas/ oM hUM h+rI(rgyud 'grel): zhes pa 'am/ oM badzra satwa

  41. 21a

    hUM zhes bya ba lan gsum mam/ bdun nam nyi shu rtsa gcig brjod par bya'o/ /de nas zhi ba'i sbyin sreg gis/ bgegs nye bar zhi bar bya'o/ /yang na dang por sa'i pra brtag par bya ba'i phyir/ dkyil 'khor gyi dbus su rdo rje slob dpon bdag nyid kyi pus mo nub tsam lte ba nub tsam brkos la/ de yang gong gi sa'i lha mo nam mkha' la oM badzro pa ta ya zhes brjod la brdeg /de nas dong gi nang du chus bkang ste/ me tog yang bcug la/ oM hUM h+rI(rgyud 'grel): 'am oM badzra satwa hUM/ zlos shing shar phyogs su gom pa mi drag mi dal ba brgya phyin te/ tshur log nas chu de ma skam na dngos grub yod par ston/ chu skams na gzhan du spro bar bshad/ de nas rdza so ma btang bzhig tu rin po che sna lnga 'bru lnga dang sman dang snying po dang spos dang lnga blug la/ dong gi nang du gzhug go /de nas rkos pa'i sa de rdo rje gnod sbyin gyi sngags btab pa'i spos chus bral brul du sprus la nad dgang bar bya'o/ /lhag par gyur na dngos grub mchog yod par bstan/ /chang na gzhan du spo/ /de nas rdo rje gnod sbyin bzlas pa'i spos chus chag chag gdag 'thas par bcags la me long gi rgyab bzhin du byas pa ni sa las dang bya bas sbyang ba'o/ /rdo rje gnod sbyin nam rdo rje rtse mos bzlas pa'i spos chus gsang gtor bya ba dang/ zhi ba'i sbyin sreg byas pa'i thal ba dang yungs kar gyi gtor ma ni sngags kyis sbyang ba'o/ /ting nge 'dzin gyis sbyang ba ni/ slob dpon dkyil 'khor gyi dbus su 'dug la rdo rje chen po nas gzhal yas khang la thug pa'i bar du bsgoms la sgo bzhi rta babs dang bcas pa'i nang du sa chud par sgom par bya'o/ /sa sbyang ba'o/ /de nas slob dpon lha'i rnal 'byor dang ldan pas sa phyogs 'di nyid du bdag rnam par snang mdzad kyi dkyil 'khor chen po bri bar bya'o/ /zhes bsam pa sngon du btang ba ni/ sems kyi dbang gis gzung ba'o/ /de nas slob dpon gyis rdo rje 'chang chen po'i phyag rgya chen por bsgoms nas/ ting 'dzin gsum dang ldan par byas la/ dkyil 'khor gyi dbus su 'dug ste/ oM badzra tik+Sh+Na du:/ bats+tshe da pradz+nyA dz+nyA na murti/ dz+nyA na kA ya/ wa gi shwa ra/ a ra pa tsa na/ ya te na ma/ zhes zlos

  42. 21b

    shing 'dug pa yan chad ni/ slob dpon gyi ting 'dzin no/ /de nas bsgrub pa'i grogs mchog rigs bzhi'i nga rgyal dang ldan pa bzhis/ shar phyogs kyi sgo nas/ 'dud nyi shus bstod de/ mtshan brgya rtsa brgyad 'di dag gis/ bdag cag gis ni bstod pa yis/ /tshul chen yang ni rgyas par mdzad/ /mgon po khyod la gsol ba ni/ /sangs rgyas kun gyi 'khor lo che/ /dkyil 'khor dam pa bshad du gsol/ /zhes bya ba ni bgegs tshar gcad par gsol ba gdab pa'o/ /de la mig byin gyis brlab pa ni/ /g.yas su ma las nyi ma g.yon du Ta las zla ba/ de gnyis kyi steng du hUM gis mig 'bras tshul du byas pa ni mig brlab pa'o/ /rkang mthil gnyis su a las sna tshogs rdo rje bsgoms pa ni rkang pa brlab pa'o/ /bdag nyid rang gi rdo rje can/ /rdo rje sems dpa' bdag rang nyid/ /bdag ni sangs rgyas rgyal po che/ /stobs chen rdo rje can bdag nyid/ /bdag po rdo rje chen por bdag /byin gyis brlab ba mi 'dor ro/ /rdo rje lta bas tshar gcad pa'i/ /mig g.yon gyi zla ba'i dkyil 'khor g.yon phyogs su bskor bas/ bgegs thams cad gsal gdab par bsam/ g.yas kyi nyi ma'i dkyil 'khor gyi g.yas phyogs su bskor bas bgegs thams cad bsreg par bsam mo/ /de ni rdo rje lta bas tshar gcod do/ /de nas dkyil 'khor gyi dbus nas byang shar mtshams su byis pa gzhon nu bzhin du mchongs te phyin la/ kha lho phyogs su bltas la/ dril bu dkur brten la rdo rje lan gsum gsor zhing tshig 'di skad ces brjod de/ rdo rje slob dpon ming 'di zhes bya ba/ slob ma che ge mo zhes bya rdzogs pa'i byang chub yongs su rdzogs par bya ba'i phyir dang/ sems can thams cad bla na med pa'i ye shes kyi 'bras bu thob par bya ba'i phyir sa phyogs 'dir rnam par snang mdzad kyi dkyil 'khor chen po ngas 'bri yis/ lha dang lha ma yin dang gnod sbyin dang srin po dang yi dags dang/ sha za dang 'byung po dang brjed byed dang mkha' 'gro ma dang nam mkha' lding dang mi 'am ci dang/ rig sngags 'chang grub pa dang rgan po dang rgan mo g.yog dang 'khor du bcas pa gang dag 'khod pa de dag dengs shig /'di ltar rdo rje 'chang gi bka' thos nas myur ba nyid du dengs shig

  43. 22a

    gang dag mi 'gro ba de dag /de'i ye shes kyi rdo rjes mgo tshal ba brgyar 'gas par bya'o/ /zhes lan gsum brjod do/ /de nas rkang pa'i sor mos rdo rje rtse gcig pa sa la 'bri zhing/ hUM hUM zhes brjod cing dkyil 'khor bskor ba ni rdo rje 'gros kyis tshar gcad pa'o/ /dkyil 'khor gyi phyogs bzhir rkang stabs mdun dang/ lag stabs bzhi bcu rtsa gnyis bya ba ni rdo rje stang stabs kyis thams cad thal kar gcig puAm/ yang na de bas mang yang rung/ /shar phyogs su gzug par bya/ /bog por kham pa las byas pa/ /so ma btang ba dkar po bcug /byas nas phyogs dang mtshams su ni/ /brgyad pa de bzhin bdun du bkod/ /pog por dgang du ma 'byor na/ /kham pa'i phor bu'i nad nas dbul/ /de dag kyang ni ma 'byor na/ /gcig gcig sgor ni bzhag nas dbul/ /me tog phreng bas brgyan pa yi/ /rta babs dag kyang phyogs bzhir bya/ / nas dang gro dang 'bru rnams kyis/ /myu gu legs par skye bar dgod/ /dril bu gdugs dang rnga yab dang/ /srad bu dag kyang phyogs bzhir ni/ /rta babs sogs las phyi rol du/ /mdzes par bya phyir mkhas pas gdags/ /'bras yos 'bru dang bcas pa yi/ /me tog sil mar tu dgram/ /dkyil 'khor dag gi phyi rol du/ /phyi ma'i ri mo sdug gu bri/ /'jig rten 'di na grags pa yi/ /bkra shis la sogs gang yin rnams/ /dkyil 'khor dag gi phyi rol du/ /phyogs bzhi dag tu mkhas pas dgod/ /yi ge brgya pa zlas pa'i chus/ /dbang ldan gyi phyogs nas brtsams nas/ /phyi dang nang du bcas la bsang gtor bya'o/ /de nas dkyil 'khor byin gyis brlab par bya ba'i phyir/ /rdo rje 'khor lo'i phyag rgya'i? dbus su gzhag la/ /oM badzra tsakra hUM zhes bzlas brjod bya'o/ /de nas phyi dro'i dus su glu dang rol mo'i mchod pa rnams dang me tog dang/ spos la sogs pa rnams kyis dang po'i 'khor lo ji snyed pa dang/ ci 'dod pa de bzhin du mchod cing brtag par bya'o/ /de nas rnam par snang mdzad kyi dam tshig sems dpa' i sku gzugs lugs ma la sogs pa dkar pos ma ya stwaM zhes brjod la/ rang gi snying

  44. 22b

    pos bzhugs su gsol te/ yang na phreng sngags sam/ yang na sangs rgyas kyi snying po oM hUM h+ri(rgyud 'grel): sa bzhugs su gsol la/ de bzhin du lha gzhan gyi yang sku bzhugs pa 'am/ mtshan ma rnams brtags la/ sangs rgyas thams cad kyi snying po 'bru gsum brjod cing 'khor lo'i phyag rgya bcas la dkyil 'khor blang la/ de nas ting nge 'dzin rnam pa gsum sngon bzhin bsgoms la/ de nas nam mkha' i lha bsre bar bya ste/ yi ge phyin ci log pas kha sbyar gyi sbyor ba gsal lo/ /bar snang la bzhugs pa'i bcom ldan 'das rang gi dam tshig gi phyag rgyas bkug pa la sogs pa'i tshul gyis bkug la/ bcug ste/ bcings nas dbang du byas te/ phyag rgya bzhis rgyas btab pa byas la/ byin gyis rlob cing mnyes par byas nas bzhag par bya ste/ de nas mchod pa rgya chen po mdo klog pa yan chod byas la/ spyi 'am so so'i sngags kyi bsnyen pa byas la phyis 'byung ba bzhin du slob dpon rang nyid bzhugs shing dbang lha la blang ngo/ /de nas dkyil 'khor du gzhug cing dbang bskur bar bya bar bstan pa'i phyir dkyus ma nyid 'khrugs sdeb ste/ de yang de nas 'dir dbang dam par gsungs pa/ dbang skur med na 'grub pa med/ /yon tan ldan pa'i sngags pa yis/ /'di la dbang byin yon tan 'grub/ /ces bya bas dbang nos pa'i yon tan ston te/ dbang bskur zhing dam tshig dang ldan na/ dngos grub rnam pa gnyis 'thob par lung gis bstan pa'o/ /dang por khrus byas gos gyon te/ rgyal po'i cha lugs 'dra ba dang/ /bud med lta bu'i tshul ldan pas/ /slob dpon bla mar gyur pa la/ /dbang rnams nod par rab tu gsungs zhes bya bas/ dbang nod pa'i phyir dbang gi sngon du spyod lam de'i sgo nas dkyil 'khor du 'jug pa ston te/ de nas bzlos pa dang bsgom pa la sogs pa'i cho ga rnams byas la/ phyir byung la slob ma gzhug par bya ste/ /slob dpon du 'os pa'i slob ma las thams cad pa'i chus bsangs la/ rdo rje sems dpar byin gyis brlabs shing rgyan thams cad kyis brgyan pa la/ rdo rje gnod sbyin yongs su bzlas pa'i dmar pos stod g.yogs dang/ smad g.yogs bskon la/ oM badzra tiSh+Tha hUM phaT/ zhes mngon par bsngags la

  45. 23a

    gos dmar po las byas pa'i gtsug tor dang/ sgo srung bzhi'i snying po yongs su bzla ba'i gos dmar pos gdod bcings la/ yon gyi dam pa dag phul ba yongs su bzung ste/ de'i snying ka dang dpral ba dang lkog ma dang spyi bo rnams rdo rje dang rin po dang/ pad+ma dang sna tshogs rdo rje zla ba steng du de'i sa bon gyis rnam par dgod pa/ phyogs bzhi nas sngon bzhin phyag 'tshal du bcug la/ de de bzhin du rdo rje la sogs pas byin gyis brlabs la/ phyi nang gsang ba'i mchod pa byed du nus par byin gyis brlab par bsam mo/ /de nas shar phyogs kyi sgor bzhag la de bzhin du sdom pa byin no/ /oM sarba bu d+hi tsit+totpa tA ya mi zhes brjod do/ /byang chub sems ni bla med pa/ /dam pa bdag gis bskyed nas su/ /snying pos rab tu bzhag par bya/ /de nas su ra te sa ma yastwaM ho/ /sid+d+hi badzra ya thA su khaM zhes bskul lo/ /de nas sa ma yastwaM zhes bya ba'i sngags kyis rnam par snang mdzad kyi dam tshig phyag rgya 'ching du gzhug cing/ de bzhin du phreng ba 'dzin du gzhug go /de nas sa ma ya hUM zhes brjod la slob ma nang du gzhug go /de nas 'di skad ces kyang bsgo'o/ /deng khyod kyis de bzhin gshegs pa thams cad kyi rigs su zhugs kyis/ des khyod la ye shes gang gis de bzhin gshegs pa thams cad 'grub pa'ang thob na/ dngos grub gzhan lta smos kyang ci dgos te/ de lta bu'i ye shes bskyed par bya yis/ /khyod kyis dkyil 'khor chen po ma mthong ba rnams la ma smra zhig /dam tshig nyams par gyur ta re/ de nas rdo rje sems ma'i phyag rgya kha thur du bstan la/ rdo rje slob ma'i spyi bor bzhag ste 'di skad ces brjod par bya'o/ /'di ni khyod kyis rdo rje dam tshig yin te/ gal te 'ga' zhig la smras na klad pa 'gas par 'gyur ro/ /de nas dam tshig gi phyag rgya de nyid dang/ mna'i chu'i snying pos lan cig bsngags la/ slob ma 'thung ngu gzhug go /de la mna'i snying po ni 'di yin te/ rdo rje sems dpa' deng khyod kyi/ snying la yang dag zhugs mdzad kyis/ /gal te tshul 'di smras na ni/ /de ma thag tu dral te gshegs/ /oM badzro tShtha? 'di ni khyod kyi dmyal ba'i chu/ /dam tshig 'das na

  46. 23b

    sreg par byed/ /dam tshig srungs na dngos grub ni/ /rdo rje bdud rtsi chu 'dis 'grub/ /rdo rje dril bu'i phyag rgya rnams/ /gal te dkyil 'khor ma mthong smra/ /skye bo'i tshogs na 'dug pa 'am/ /dad pa med pa brgad par 'gyur/ /de nas slob ma de la 'di skad bsgo zhig /deng phyin chad khyod kyi phyag na rdo rje ni nga yin gyis ngas 'di gyis zhes bsgo ba gang yin pa de yang bya dgos so/ /khyod nga la brnyas par ma byed cig /mi bde ba ma spangs par khyod 'chi ba'i dus byas nas dmyal bar lhung bar gyur ta re/ zhes smras la 'di skad du de bzhin gshegs pa thams cad kyis byin gyis brlabs la/ rdo rje sems dpa' bdag la 'bab par gyur cig /ces smros shig ces bsgo'o/ /de nas rdo rje slob dpon gyis myur du sems dpa' rdo rje'i phyag rgya bcings la/ 'di skad du brjod du gzhug go /'di ni rdo rje'i dam tshig ste/ /rdo rje sems dpa' yin par grags/ /rdo rje ye shes bla med ni/ /de ring nyid du dbab par shog /oM badzra a be sha a zhes brjod do/ /de nas phyag rgya bcings pa las byung nas/ /de'i snying khar zhugs te/ rdo rje sems ma babs par gyur par bsams na babs par 'gyur ro/ /yang na ho a ho zhes bya ba rang gi snying kha'i zla ba la bkod de/ se'u me tog dang 'dra ba'i rdo rje sems dpa' rang gi dam tshig dang bcas pa rang gi snying po las nges par phyung ba/ badzra band+ha traT zhes bya bas de'i snying kha phye la/ der bcug ste/ rdo rje dbab pa'i phyag rgya bcings la sngags brjod de/ bcom ldan 'das kyis gang las gyur par bsams na yang 'bab par 'gyur ro/ /khro bo'i khu tshur bcings la rdo rje sems dpa' phye na yang 'bab par 'gyur ro/ /theg pa chen po mngon par rtog pa'i rdo rje tshig lan bdun nam brgyad brjod pas kyang 'bab par 'gyur ro/ /slob ma'i gtso bo'i snying khar rdo rje bya/ /yi ge brgya pas brtan por byas nas ni/ /bdag lus kyi yin snod kyi sgo dbye zhing/ /snying la gnas pa'i rdo rje dbus su blta/ /sngags kyi bdag po yi ge a dmar gzugs brjod pas yang dag chags par g.yo bar lta zhes pas so/ /de nas oM pa ra ma su khA sha ya su la li ta/ bi sa la na mi ter/ na ma mi b+ha ga waM dza(rgyud 'grel): hUM baM ho(rgyud 'grel): hi hi hi hi hi(rgyud 'grel): pra tIts+tsha badzra ku su ma/ any+dza linA tha ho:/ zhes brjod pa'i sngags 'dis phreng ba de dkyil 'khor du dor ro/ /de nas dngos grub rab 'bring?

  47. 24a

    me tog babs pa las brtag par bya ste/ lha rnams kyi khyad par dang/ gnas kyi khyad par las brtag par bya ste/ gang tshe sangs rgyas bcom ldan 'das kyi/ /dbu la me tog babs gyur na/ /de tshe gtsug tor mdzod spu dag /'grub par 'gyur bar gdon mi za/ /zhal du babs na 'grub par 'gyur/ /stod du babs na mchog rnams 'grub/ /rked du babs na 'bring rnams 'grub/ /ro smad phyogs su babs na ni/ /dngos grub phal rnams 'grub par 'gyur/ /bar gyi sku la babs na ni/ /snying po la sogs 'grub par 'gyur/ /smad du babs par gyur na ni/ /mngag gzhug la sogs 'grub par 'gyur/ /rim pa de dag thams cad ni/ /rigs bzhi rnams las shes par bya/ /de bzhin lha rnams gzhan la yang/ /dngos grub rnam pa gsum du bshad/ /gal te lha yi gzugs dag las/ /me tog ring du ltung gyur na/ /de ni dngos grub yun ring 'gyur/ /nye na dngos grub myur du 'grub/ /gsang sngags rnams kyi mchod pa dag /gang du 'gram pa tshun chod ni/ /de yi sa yi de yin te/ /me tog der lhung de yi rigs/ /lha gnyis kyi ni bar dag tu/ /gal te me tog babs gyur na/ /gang du nye bar gyur pa ni/ /de ni de yi rigs su bshad/ /gal te la la'i me tog ni/ /dkyil 'khor mang po 'das nas babs/ /de la dngos grub phal 'grub cing/ /de ni dad pa rab tu chung/ /gal te me tog bor bdag ra ba'i ri bo la bab na/ /zhi ba'i bya bas de nas sdod/ /nan tan bskyed de mdor du gzhug /de ste the tshom gyur na ni/ /mkhas pas 'des te 'dor mi gzhug /de ni gang yang nges med pas/ /de ni dngos grub 'thob mi 'gyur/ /gnyis kyi bar du mnyam pa dang/ /don med phyi rol lhung na ni/ /zhi ba'i sbyin sreg byas nas su/ /de nas me tog 'dor du gzhug /snying por me tog bab na ni/ /rtag tu don med mi 'gyur bshad/ /srad du dag gi cho ga bzhin/ /de yi nyen 'khor shes par bya/ /de la sogs pa'i rnam pa yi/ /me tog rnams ni bor

  48. 24b

    pa la?/ /bdag gi mdun du gang lhung ni/ /de la zhi ba bsam par bya/ /sbyin sreg gis ni zhi byas nas/ /de ni slar la mdor du gzhug /lan gsum sogs te bor na yang/ /gal te legs par ma babs na/ /re thag chad de slar gtang ngo/ /de nas me tog babs pa las/ /lha yang yang dag par shes par byas nas/ phreng ba blangs te/ oM pra ti grih+na swa mi maM/ /satwaM ma hA ba la zhes brjod nas/ /de'i mgo la bcing ngo/ /ye shes babs pa'i mtshan ma las/ /nye bar mtshon nas de la mig gis ci mthong zhes dris te/ /de ji ltar mthong ba bzhin du 'grub par 'gyur ro// gal te dkar po snang ba mthong na ni/ /de la dngos grub mchog slob bo/ /gal te ser bo mthong na ni/ /de la/ don 'byung ba'i ye shes bslab par bya'o/ /gal te dmar po mthong na de la rjes su chags pa'i ye shes bslab bo/ /'on te nag por mthong na de la mngon spyod kyi ye shes kyi slab bo// gal te sna tshogs par mthong na/ /de la dngos grub thams cad kyi ye shes bslab par bya'o zhes rgya cher sbyar ro/ /de nas snying po 'dis gdong g.yogs bkrol te/ oM badzra satwa ya yan+te tya/ tsak+Shu g+ha ta na pa rodg+ha ta ma ti/ sarba k+Sho badzra tsak+Shu ma nut+ta raM/ de nas he badzra pA Sh+ya zhes brjod do// de nas gdong g.yogs bkrol nas ni/ /dkyil 'khor bzang po bstan par bya/ /de nas bla ma dgar gyur nas/ /slob ma de la 'di skad bsgo/ /dkyil 'khor bzang po 'di la ltos/ /da ni dad pa rab tu bskyed/ /khyod ni sangs rgyas rigs su skye/ /sngags dang rig pas byin gyis brlabs/ /'gro ba phun sum dngos grub kyang/ /thams cad khyod la mngon du 'gyur/ /dngos grub thob phyir dam tshig skyongs/ /gsang sngags la yang brtson par gyis/ /de nas dkyil 'khor gyi de kho na nyid bstan par bya ste/ /mi mnyam med par zur bzhi snyoms/ /dran dang dbang po sgo bzhi ste// bsam gtan rnams kyi rta babs bzhi/ /ting 'dzin khyams su shes par bya/ /khyams las bden pa'i rdo rje dang/ /gzugs rnams lha mos mchod pa yin/ /rgyan rnams kun gyis bkra ba yang/ /bsam pa thams cad rdzogs byed pa'o/ /gdul bya bskyod pa sna tshogs mchog /dar 'phan

  49. 25a

    dril bu sgrogs pa yis/ /me long ye shes rtag mi rtog /byang chub yan lag me tog phreng/ /dra ba dra phyed rin chen mchog /nyi ma zla ba yang dag ldan/ /kun 'grub mi zad bde ba ste/ /bde ba chen po zhes grags pa'o/ /de ni nang gi dkyil 'khor gyi/ /ka ba dkyil 'khor brgyad pa yi/ /dngos grub bde ba kun ster ba'i/ /rnam thar brgyad po de nyid yin/ /theg pa chen po byang chub sems/ /mdo sde 'khor lo bskor bas na/ /rdo rje thig gis yongs gdab cing/ /thams cad du yang yongs su rdzogs/ /gang du 'jug pa tsam gyis ni/ /mi tshugs pa dang mi ldog dang/ /bde ba chen po rab 'grub phyir/ /de dag dag par yang dag 'gyur/ /de nas phyag rgya dang snying po yang bshad par bya'o/ /de nas rdo rje 'bebs pa nas brtsams te/ mgon po rnam snang gi bar bstan par bya'o/ // dang po sdig pa sreg byas nas/ /de la dbab dang dral ba bya/ /de dag kun gyi rim pa yang/ /rtsa ba'i rgyud las gsungs pa ltar/ /'dir ni de dag bya ba yin zhes bya bas/ dbang bskur ba'i slob ma rgyud dag par bya ba'i phyir sdig pa sreg pa ni til gyi sreg blugs sdig pa bsreg pa'i sngags dang chas pa'i rgya rtsa brgyad kyis zhi ba'i sbyin sreg byas la/ /de nas thal mo dam du bsdams la sor mo thams cad bsnol ba ni/ /rdo rje thal mor bka' stsal te/ rab tu bsdams phyir rdo rje bsdams/ /badzrA ny+dza li zhes bya ba rdo rje thal mo'i sngags so/ badzra band+ha zhes brjod cing slob ma'i snying khar lan gsum dral bar bya'o/ /de nas ye shes dbab pa ni/ badzra a be sha a zhes bya bas rdo rje dbab pa'i dam tshig gi phyag rgya bcings pa la a a zhes bya a brgyas slob ma la dbab par bya'o/ /mchod pa'i lan dang sbyin pa dge zhes bya bas/ slob mas slob dpon la mchod pa rnam pa lnga dbul ba bstan pa'o/ /sbyin pa dang zhes bya bas dbang bskur ba'i sngon yon bzhin du slob dpon la dbul ba bstan pa'o/ /rim pa dang ldan pas dbang bskur te/ /de nas de la chu dbang bskur/ /gzhan

  50. 25b

    yang phyag rgya'i dbang dang ni/ /cod pan dar dpyangs rdo rje dang/ /bdag po ming la sogs pa dang/ zhes bya bas rig pa'i dbang lnga dang/ rdo rje brtul zhugs kyi dbang dang drug bskur bar bstan pa ni/ gang du me tog bab par gyur pa de'i rigs/ dang gzugs su bskyed la/ de'i phyag rgya dang sngags kyis byin gyis brlabs te/ snying po 'di dang rdo rje byin gyis brlabs pa'i bum pa'i chus dbang bskur ro/ /oM badzrA b+hi Shiny+tsa/ de nas de dang rjes su mthun pa'i cod pan dang/ dar dpyangs kyis dbang bskur ba/ /rang gi mtshan ma'i dbang bskur ba lag tu byin te/ mtshan ma dang rjes su mthun par sngags 'dis brjod par bya'o/ /sangs rgyas rnams kyi rdo rje dbang/ /de ring khyod la bskur bar 'gyur/ /sangs rgyas kun tu dbang bskur phyir/ /rdo rje 'di ni khyod kyis long/ /rang gi mtshan mas bdag po'i dbang gi snying po 'dis sbyin par bya ste/ oM badzrA d+hi pa d+hi stwaM ma b+hi Shiny+tsa mi/ tiSh+Tha badzra sa ma ya stwaM/ de nas snying po 'dis dril bu sbyin par bya'o/ /a kA ro mu khaM sarba d+harmA NAM/ a dya nutpa n+na twAt/ de nas snying po 'di rdo rje ming gis dbang bskur/ oM badzra satwa stwa ma b+hi Shiny+tsa mi/ badzra nA mA bi She ka ta/ kye rdo rje zhes gang gis ming gang brjod pa dar skye zhes brjod par bya'o/ /'di ni sangs rgyas thams cad kyi/ /rdo rje sems dpa' phyag na gnas/ /khyod kyis kyang ni rtag tu bzung/ /phyag na rdo rje'i brtul zhugs brtan/ /zhes bya bas lag tu rdo rje byin la/ /oM sarba ta thA ga ta sad+d+hi badzra sa ma ya/ tiSh+Thai Sha twaM d+ha ra ya mi hi hi hi hi hUM zhes so/ /de nas phyag rgya chen po'i tshul du bzhag la/ spos la sogs pa rnams kyis yang dag par mchod la/ sngags kyis bskul ba'i tshig brgya rtsa brgyad bzlas pa'i sngags byin la/ phyag rgya bzhi'i ye shes bzlas par bya ba ni rig pa'i dbang bskur ba'o/ /slob mas kyang rdo rje thal mo skor ba byas la phyag bya ste/ phreng ba bcings pa la sogs thams cad bzung bar bya'o/ /rig pa'i dbang bskur ba'i cho ga'o// //dbang rnams rdzogs nas dbang byin pa/ /gsang ba'i dbang dang nges

  51. 26a

    pa'i dbang/ /rim pa bzhin du rab tu bskur/ /de nas bkra shis brjod bya zhing/ /zhes bya bas rdo rje slob dpon du dbang bskur ba ston te/ de yang de nas slob dpon du 'os pa'i slob mas yon bzang po phul la/ /gsol ba gdab par bya ste/ / byang chub rdo rje sangs rgyas la/ /ji ltar mchog chen gsol mdzad pa/ /bdag la bsrung ba'i don gyi phyir/ /nam mkha' i rdo rje dang bdag gsol/ /slob dpon rnam par snang mdzad chen po nyid du gyur pas/ shar phyogs kyi sgo'i mthar sna tshogs pad+ma bris la/ /slob ma rdo rje 'dzin pa chen po'i skur zla ba'i dkyil 'khor gyi steng du gnas par bsams la/ rdo rje sems ma la sogs pas byin gyis brlabs te/ dbang bskur bar bya'o/ /yang na dkyil 'khor las gru gsum tsam yongs su dor bar dbang bskur ba'i sgo la mngon par phyogs par byas par nang gi dkyil 'khor gyi byed kyi tshad tsam la/ zur bzhi pa la sgo nub phyogs su bltas ba'i dkyil 'khor tshon sna lngas bris la/ /de'i dbus su pad+ma 'dab ma brgyad pa bris/ de'i steng du seng ge'i gdan zla ba'i steng du dkyil 'khor ras kyis bkab pa dang seng+ge'i stan gyi steng du bla re bre zhing g.yas logs dar dang me tog gi phreng bas brgyan pa'i gdugs rtse mo dkar ba dang/ dmar ba la gtsug tor gdugs dkar pos yongs su bzlas la/ g.yon du dar dang/ ras sna tshogs pas bkra ba'i e rgyal mtshan dang ba dan oM yongs su bzlas pa'i legs par bzhag la mchod yon phul te/ me tog la sogs pas yang dag par mchod nas/ rnga bo che dang rnga rings dang/ dung la sogs pa'i rol mo phyag rgyas byin gyis brlab pa dang/ phyi'i gar dang glu la sogs pa dang/ sgeg mo la sogs pa rnams kyis mchod cing bkra shis kyi glu len cing/ dril bu dkrol bzhin du rdo rje 'bebs pa la sogs pa'i chu rnams kyis de'i sngags gdon pa sngon du 'gro ba nyid dang/ rdo rje slob dpon chen po nyid du dbang bskur bar bya ste/ oM

  52. 26b

    badzrA b+hI Shiny+tsa zhes bya ba dang ji srid par rnam par rgyal ba'i bum pa'i bar dang/ dbang bskur ro/ /de nas de'i mgor yang 'jam pa'i rdo rje'i sku gzugs de'i dam tshig gis phyag rgyas gzungs la/ oM mahA su ka badzra satwa dzdza(rgyud 'grel): hUM baM ho(rgyud 'grel): su ra ta stwaM zhes bya ba'i sngags bzlas la rdo rje 'dzin pa chen po'i slob dpon du 'gyur ro/ /shes rab yan lag 'dus pa'i rdo rje las byung ba'i/ byang chub sems kyis 'jam dbyangs byang chub bde dbang bskur/ /rgyal mchog sras bcas rnams kyis lags gsung nges bkra shis gang/ de ni khyod kyi dbang bskur mchog la bkra shis shog /sangs rgyas kun gyi nam mkha' i khams/ /yongs su gang bar rnam par bsgom/ /phyi rol dri sogs dam tshig gis/ /sprin ltar brtul zhugs can gyis bsgom/ /yang na rdo rje dbyings kyi ni/ /ting nge 'dzin gyi rdo rje bsgom/ /dam tshig mchog gis bum pa yang/ /'dzin par mkhas pas bsgom par bya/ /rdo rje slob dpon bka' drin gyis/ /de tshe de la dbang bskur ba/ /rdzogs sangs rdo rje lha mo rnams/ /rang nyid gsol bar mdzad par 'gyur/ /de nas rnam par rgyal ba'i bum pa rdo rje khu tshur gyis bzung nas ? dbang bskur bya ste/ oM dza(rgyud 'grel): hUM baM ho/(rgyud 'grel): mahA su ka badzra satwA pi She ka na twa ma b+hi tIShtsa mi/ sarba badzrA d+hi pa d+hi twi dri Dho me b+ha ba/ sid+d+ha na maste b+ha ga wa/ ma hA badzra d+ha ra su ra tastwaM/ ma hA badzra satwa oM g+hurg+hu ba swAhA zhes bya ba 'dis/ lag pa gnyis su rdo rje byin la phyi nang gsang ba'i mchod pa rnams kyis yang dag par mchod de/ sngags brjod par bya'o/ /me tog ma'i gzugs kyis/ /me tog gis gter la/ deng tshun chad sangs rgyas dang byang chub sems dpa' thams cad bzhes pas/ mchod na khyed mchod pa yan lag rdzogs shing skyes bu chen po'i mtshan dang dpe byad rnams kyis brgyan pa byas pa'i skur mdza' bar 'gyur ro/ /zhes brjod do/ /de nas bdug pa ma'i gzugs kyis bdug pas bdugs la 'di skad ces brjod do/ gang gis sems can thams cad tshim par 'gyur ba'i de bzhin gshegs

  53. 27a

    pa thams cad mkhyed la bdug par 'tshal bar 'gyur ro/ /de nas mar me ma'i gzugs su mar me nye bar bstan la 'di skad ces brjod par bya ste/ deng nas brtsams te rdo rje chos dang 'dra bar de bzhin gshegs pa thams cad kyi spyan la yang dag par 'bar bas/ ma rig pas khebs pa'i sems can rnams la ye shes kyi snang bas snang ba byed par 'gyur ro/ /de nas byug pa ma'i gzugs can gyi byug pas byugs la 'di skad ces brjod par bya ste/ deng tshun chad khyod sangs rgyas dang byang chub sems dpa' thams cad dang/ 'jig rten thams cad du yang tshul khrims dang/ ting nge 'dzin dang/ shes rab la sogs pa'i dri'i rgyun ster bar 'gyur ro/ /de nas ho zhes bya bas gzhu byin nas/ de bzhin gshegs pa thams cad mnyes par gyis shig ces brjod de/ phyogs bzhir mda' bzhi 'phen du gzhug cing steng dang 'og tu yang re re 'phen du gzhug go/ de nas sha d+ha b+hany+dza ga byin la/ 'dis dngos grub thams cad dang nye bar spyod pa thams cad sprul pa nye bar longs spyod cing/ gzhan dag la yang byin cig /de nas chos kyi 'khor lo rkang pa gnyis kyi dbus su bzhag cing/ dung yang lag pa g.yas par byin te chos kyi 'khor lo dang smra ba gnyis kyi chos kyi yi ge dang/ lhan cig byin la 'di skad ces brjod par bya ste/ deng nas brtsams te sems bskyed ba tsam gyis chos kyi 'khor lo skor cig /di ring phan chad 'jig rten la/ /skyob pa rnams kyi 'khor lo bskor/ /chos kyi dung ni bla med pas kun tu ma lus gang bar gyis/ /som nyi yid gnyis mi bya zhing/ /dog pa med pa'i sems kyis su/ /gsang sngags spyod pa tshul gyis mchog /'jig rten 'di la rab tu sgrogs/ /de ltar byas na sangs rgyas la/ /phan 'dogs drin du bzo zhes bya/ /rdo rje 'dzin pa de kun kyang/ /kun tu khyod la srung bar byed/ /de nas/ 'jig rten kun la phan bya'i phyir/ /'jig rten khams ni thams cad du/ /ji ltar sna tshogs 'dul 'gyur ba'i/ /rdo rje 'khor lo bskor

  54. 27b

    bar gyis/ /zhes brjod la/ rgyal bar gyur cig rgyal bar gyur cig /rdo rje rigs kyi bdag po'i rdo rje 'khor lo bskor cig ces brjod do/ /mdor na 'jig rten thams cad du/ /sems can kun la phan bya'i phyir/ /ji ltar 'dul ba sna tshogs pa'i/ /nor bu'i 'khor lo rab tu bskor/ /zhes brjod la/ rgyal bar gyur cig rgyal bar gyur cig /rin po che'i rigs kyi bdag po rin po che'i 'khor lo bskor cig ces brjod do/ /de nas/ mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa'i/ / pad+ma'i 'khor lo rab tu bskor/ /zhes brjod la rgyal bar gyur cig rgyal bar gyur cig /pad+ma'i rigs kyi bdag po yis/ /chos kyi 'khor lo bskor gyur cig ces brjod do/ /de nas mdor na 'jig rten thams cad du/ /sems can kun la phan bya'i phyir/ /ji ltar 'dul pa rnams tshogs pa'i/ /las kyi 'khor lo rab tu bskor/ /zhes brjod la rgyal bar gyur cig rgyal bar gyur cig /las kyi rigs kyi bdag po'i chos kyi 'khor lo bskor cig ces brjod do/ /de nas mdor na 'jig rten thams cad du/ /sems can kun la phan bya'i phyir/ / ji ltar 'dul ba sna tshogs pa'i/ /chos kyi 'khor lo rab tu bskor/ /zhes brjod la rgyal bar gyur cig rgyal bar gyur cig /de bzhin gshegs pa thams cad kyi bdag po'i chos kyi 'khor lo skyor cig ces brjod par bya'o/ /de nas slob mas rdo rje sems dpar bsgoms la de bzhin du bzhag ste/ gzengs bstod pas ni dngos po kun/ /sangs rgyas kun gyi bdag nyid de/ /rdo rje ming dbang bskur bas kyang/ /de bzhin gshegs pas lung bstan to/ /oM nga yis 'di ltar khyod lung bstan/ /rdo rje sems dpa' de bzhin gshegs/ / dngos po mchog tu grub pa'i phyir/ /srid pa'i ngan 'gro rnams las bstan no/ /kye rdo rje che ge mo zhes bya ba'i de bzhin gshegs pa/ /sid+d+hi sa ma yastraM b+hurb+hu swa/ gzengs bstod pas ni 'di yin te/ /g.yon pa'i khu tshur snying khar bzhag la/ /g.yas pa

  55. 28a

    mi 'jigs pa sbyin te/ 'dis phyag rgya chen po mchog tu gsang ba'i cho gas lung bstan par bya ste/ de la de bzhin gshegs pa thams cad rdo rje 'dzin pa thams cad dang/ byang chub sems dpa' i 'khor dang bcas pa thams cad rang gi dbang gis slob dpon dang/ mgrin gcig tu bla na med pa yang dag par rdzogs pa'i byang chub tu lung ston par mdzad de/ 'di lta ste/ 'di nyid kyang gzengs bstod pa'i phyag rgya chen pos mchog tu gsang ba'i dngos grub mchog 'grub pa'i byin brlabs dang/ gsang sngags 'di'i stobs la dad par bya'o zhes brjod par bya'o/ /mchog tu gsang ba'i dkyil 'khor la/ /mthong ba dang ni bzhugs pa yis/ /srid pa kun las rnam grol bar/ /khyod ni di ring gnas pa yin/ /bde chen theg pa 'di las ni/ /slar khyod 'chi ba yod min te/ /mi tshugs pa dang mi gsod pas/ /cis kyang mi 'jigs dga' bar gyis/ /dngos po mchog tu grub pa'i phyir/ /srid pa'i sdug bsngal las khyod 'das/ /srid pa shin tu grub pa'i phyir/ /ston pa'i mchog tu gyur pa yin/ /slob ma gus pas bla ma yi/ /rkang pa gnyis la phyag byas te/ /de nas ji skad gsungs pa kun/ /rjes su grub par khas blang ngo/ /de ltar dam bcas byas nas ni/ /cho ga 'di yis rang nyid kyis/ /rdo rje rtse mo lnga la ni/ /blangs nas kyang ni de la sbyin/ /'di ni sangs rgyas thams cad de/ /rdo rje sems dpa' i lag na 'dug /khyod kyis kyang ni rtag tu bcad/ /phyag na rdo rje'i brtul zhugs bstan/ /de nas oM sarba ta thA ga ta sid+d+hi badzra sa ma ya tiSh+Thai Sha twaM d+ha ra ya mi/ badzra satwaM/ hi hi hi hi hUM zhes brjod do/ /de nas/ 'di na sangs rgyas thams cad kyi/ /shes rab dbyangs kyi rjes 'gro ba/ /khyod kyis kyang ni rtag tu yang byang chub rdo rje rgyal bas gsungs/ /zhes brjod la dril bu sbyin no/ /de ltar dbang bskur byas nas ni/ /de nas sar ba'i gos rnams bskon/ /me tog dri la sogs pas mchod/ /mchod phyir gdub bu bcad bar bya/ /de nas bla ma bdag nyid kyis/ /de yi spyi bor gdugs

  56. 28b

    kyang gzugs/ /thal mo sbyar ba byas nas ni/ /dkyil 'khor legs par bskor du gzhug /gdugs dang bcas pa sgo phyogs/ /spyi bo btud phyag 'tshal gzhug /slob ma 'di ni phul ba lags/ /gsang sngags rgyud ni 'dzin par 'gyur/ /mkhan pos de skad smras nas su// gdugs bzhag nas ni slob ma de/ /lag par legs par blangs nas su/ /de nas 'di skad bsgo bar bya/ /de ni dkyil 'khor slob dpon 'gyur/ /gsang sngags rgyud kyang 'dzin par 'gyur/ /sangs rgyas byang chub sems dpa' dang/ /lha rnams kun gyis dkur bar 'gyur/ / sems can rnams la snying brtse'i phyir/ /khyod kyis dkyil 'khor chog bzhin/ /nan tan skyed de bri bar gyis/ /sgrub pa po yang rgyud la sbyor/ /khyod kyis chos la ser sna dang/ /sems can rnams la mi phan pa/ /nyams pa chen por 'gyur kyang ni/ /bu khyod kyis ni mi bya'o/ /de nas bkra shis brjod bya zhing/ /zhes bya bas dbang bskur zin nas bkra shis brjod par bya ste/ /phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rgyas pa 'dra ba'i spyan mnga' ba bkra shis de ni skye dgu zhi byed dang po'o/ /de yis nye bar bstan pa mchog rab mi g.yo ba/ /'jig rten gsum na grags shing lha dang mis mchod pa/ /chos kyi dam pa skye dgu rnams la zhi byed pa/ /de ni 'jig rten dge ba'i bkra shis gnyis pa'o/ /dge 'dun dam pa chos ldan thob pa'i bkra shis phyug /mi dang lha dang lha ma yin gyis mchod pa'i gnas/ /tshogs kyi mchog rab ngo tsha shes dang dpal gyi gzhi/ /de ni 'jig rten dge ba'i bkra shis gsum pa'o// //rgyal ba bzhin du gying bcas pas/ /g.yog dang ldan pas slob dpon la/ /lan gsum bskor bas tshigs bcad kyis/ /bla ma de ni gzengs bstod bya/ /kye bdag ni rim pas dbugs byung ste/ /mya ngan 'das pa'i lam la dgod/ /sa la nges par dbang bskur te/ /shin tu gzi ldan bkra shis mchog /ces brjod pas

  57. 29a

    gshegs su gsol/ /de nas rang yang khyim du 'gro/ khyim du byin nas 'khor dag la/ /slob dpon 'di ni dam tshig pas/ /bdag kyang dam tshig mchog dang ldan/ /'di la rim gro phun sum tshogs/ /rta dang glang po nor dang 'bru/ /rin po che dang ci bzhed pa/ /khyed cag nga la ma 'dri bar/ /slob dpon 'di la de phyir phul zhes bya bas/ bla ma la yon dbul ba dang/ /dkyil 'khor gyi lha gshegs shing/ /sprul pa rang bsdu ba dang/ /tshon phyag cing dkyil 'khor gyi rdzas la sogs pa ji ltar bya ba'i rim pa bstan pa ni/ de nas bla ma'i ni gus bcas yon/ /rjes mthun khyod kyis sbyin par bya/ /des ni rims sogs gnod pa rnams/ /phyir zhing 'byung ba rmo 'gyur ro/ /rang gi dam tshig slob dpon ni/ /sbyin min bu dang chung ma dang/ /rang srog gis brtags brten bya na/ /longs spyod g.yos pas smos ci dgos/ /gang phyir bskal pa bye bar ni/ /grangs med par yang rnyed dka' ba'i/ /sangs rgyas nyid dang rtsod ldan la/ /tshe 'di nyid la ster bar byed/ /rtag tu khyod kyis dam tshig srungs/ /rtag tu de bzhin gshegs pa mchod/ /rtag tu bla ma la yang dbul 'di ni sangs rgyas kun dang 'dra/ /de byin sangs rgyas thams cad la/ /rtag tu sbyin pa nyid du 'gyur/ /de byin bsod nams mchog dag gis/ /dngos grub mchog ni thob par 'gyur/ /deng khyod skye 'bras bcas te/ /gang 'dir legs par gnas pas na/ /dam tshig lha rnams kun dang mnyam/ /rang byung du yang de skyes so/ /sangs rgyas rdo rje 'dzin bcas pa/ /kun gyis deng khyod dbang bskur bas/ khams gsum gyi ni rgyal po che/ /rgyal po'i bdag por bstan pa yin/ /des ni bdud las rnam rgyal te/ /grong khyer mchog tu rab tu zhugs/ /khyed rnams kyis ni sangs rgyas te/ de nyid thob par the tsho med/ /de nas me tog la sogs pas yang dag par mchod la legs par bstod de/ de bzhin gshegs pa thams cad la gsol ba btab cing bzod par gsol la/ nyi ma 'char ba'i dus su

  58. 29b

    rdo rje sems ma'i phyag rgya bcings la/ gyen du bkrol te snying po 'di brjod par bya'o/ /oM kri to la satwanwA/ sid+d+ha ma b+hi dwa ma thA nu ga ta/ gats+tsha twi ba? bi shi yaM/ su na ra ba ma na ya tu/ badzra satwa mu de/ mi bskyod pa la sogs pa'i sprul pa'i dkyil 'khor rnams ni/ dza(rgyud 'grel): hUM baM ho: zhes bya bas rang gi lus la nye bar bsdu bar bya'o/ /de nas snying kha nas byung ba'i rdo rje rin chen gyi phyag rgyas rang gi dbang bskur ba'i gnas na 'dug pas dbang bskur la/ mdzub mo gnyis kyis phreng ba bcings la/ go cha bcing ba snying po 'dis bya ste/ oM badzra ratna b+hi ShaMny+tsa/ sarba mu Ta me dri TaM ku ru pa ra ka ba ce na baM/ go cha'i mthar phreng ba bcing ba bgro ba la thal mo sbyar te/ bdag nyid mnyam pa'i thal mos dgyes pa'i snying po 'dis bya'o/ /oM badzra tu Sh+ye ho/ yi ge brgya pa brjod la/ rdo rje dga' bas lags so zhes bya ba byin de/ legs so rdo rje sems dpa' khyod/ /rdo rje rin chen khyod legs so/ /rdo rje chos khyod legs pa ste/ /rdo rje las ni khyod legs so/ /theg pa chen po bla na med/ /de bzhin gshegs pa kun gyi gsang/ /theg pa chen po mdor bsdus pa'i/ /mdo 'di yang ni legs par bshad/ /oM badzra kI li kI lA ya/ sarba bi g+hI badzra d+hA rA ny+dza ya hUM hUM hUM hUM phaT zhes bya bas phur bu ston pa 'o mas bkru'o/ /a kA ro mu khaM sarba d+harmA NAM A dya nutpan+na twat zhes 'dis/ tshon rtsi la rnam pa bsdus la 'bad bas/ /chu klung chen por dor bar bya'o/ /de nas gnas kyang ba glang gi lci bas nye bar byugs la/ bza' ba dang ni bca' ba rnams/ /ci dga' bar ni sbyin bar bya/ /khyi dang bya rog la sogs la/ /cung zad tsam yang ma sbyin no/ /yo byad rdzas rnams thams cad ni/ /slob dpon dag gis bsdus nas ni/ /slob ma rnams la bgor mi rung dkyil 'khor gyi ni yo byad kun/ /slob dpon bdag nyid dbang bar bshad/ /gal te slob mas spyod na ni/ /dam tshig las ni nyams bar 'gyur/ /gang zhig spyod par mi 'dod na/ /de yi cho ga'i go rim 'di'o/ /dkon mchog gsum gyi yo byad du/ /de dag chos

  59. 30a

    bzhin du dbul/ /gdugs dang rnga yab dri la sogs/ /sang rgyas nyid la dbul bar bya/ /gdan dang 'dug spos dri la sogs/ /dam pa'i chos la dbul bar bya/ /gos dang yo byad snod la sogs/ /dge 'dun rnams la dbul bar bya/ /de dag la ni slob ma yis/ /cung zad tsam yang mi bskur ro dge 'dun med na dge slong sbyin/ /yang na dge slong ma la sbyin/ /gal te bdag nyid mi 'dod na/ /dge bsnyen dag la sbyin par bya/ /de nas de yi phye de nyin/ /nyes byas lhag ma zhi bya'i phyir/ /mkhas pa yi ni zhi ba yi sbyin sreg brgya rtsa brgyad bya'o/ /slob mas bdag zhi bya'i phyir/ /spyan la sogs pa'i gsang sngags dang/ /sems can kun la phan pa'i phyir/ /byams pa chen po'ang bsgom par bya/ /nyes byas thams cad zhi bya'i phyir/ /de na zhi ba chen por bya/ /de dag ni gzhu cing dbang bskur ba'i rim pa'o// //gzhan yang sbyin sreg byed pa na/ /las bshad de dag bzhag la min/ /bdag gi las dang gzhan dag ste/ /shi dang gson gyi las su bstan/ /zhes bya bas/ /bdag don dang gzhan don du sbyin sreg bya la spyir mdor bstan pa'o/ /de yang shi dang gsom gyi las su bstan/ /zhes bya bas gzhan don bya ba khyad par du mdor bstan pa'o/ /de la bdag gi las bstan pa zhes bya ba nas/ de na bdag gi don bya ba la sogs pa'i ting nge 'dzin to/ /zhes bya ba'i bar gyis bdag gi don bya bar sbyin sreg bstan pa'o/ /de yang dbu gsum las lha rnams skyed ces bya bas yig 'bru dang phyag mtshan dang lha bskyed pa ste/ cho ga gsum la bya'o/ /de la a yig byin brlabs te/ zhes bya bas lha'i byin gyis brlabs pa ster dbul oM mgrin par A(rgyud 'grel): 'am h+Shi(rgyud 'grel): dang thugs kar hUM bsam pa la bya'o/ /'di las ma gsungs gzhan dag las/ /rgyas par bstan de der shes bya/ /zhes bya bas/ gzhung 'di sbyin sreg ma rgyas pas/ mtshan yang dag par rdzogs pa'i sbyin sreg rgyas pa dang/ rgyas

  60. 30b

    pa gzhan dang gzhan bzhir 'dir bya bar gsungs pa'o/ /gzhan do bya ba'i rim pa yang/ /shi dang na ba gnyis yin te/ zhes bya bas/ gzhan don bya bas mdor bstan pa'o/ /de la na ba'i las bya ba zhes bya ba nas/ na ba las thar pa'i ting nge 'dzin to zhes bya ba'i bar gyis gang dag bgegs la sogs pa rnams kyis na ba la/ zhi ba'i sbyin sreg gis zhi ba'i las bya la/ gang dag zhi bar ma gyur pa rnams la drag po'i sbyin sreg gis las bya zhes pa'i don to/ /de nas shi ba la phan pa'i gdags pa'i rim pa 'byung ste/ ro'i sngon du bya ba'i cho ga dang/ ro sta gon la gnas pa dang/ ro'i sbyin sreg chen pos sbyang ba dang/ gsum gyi rim pa ston te/ dkyus dkugs pa'i phyir gsal bar bya ba ni/ de nas shi la phan gdags na/ dang por gnod pa'i bgegs gsal nas/ /ro la phan pa'i cho ga ni/ /phan pa'i gnod sbyin chus btab la/ /dang por bkru ba'i las yin no/ /de nas rnam rgyal chus bkang ba'i/ /bum pas bkrus te bgegs bskrad la/ /de na de la bsrung bar bya'o/ /a yis kun khyab spyi stengs bsam/ /lhag 'gyur lha ni sngon bzhin bsam/ /a la ye shes lnga yis gang/ /de nas a yi spro bsdu bya/ /de na gang shi de nyid la/ /mig la a a zhes brjod de/ /de ni sngon gyi cho ga'o/ /zhes bya bas/ ro'i sngon du bya ba'i rim pa ni/ /dang por gnod pa'i bgegs bsal te/ /gang zhe na snang la bden pa bdar ba ni/ /dkon mchog gsum la phyag 'tshal lo/ /dkon mchog gsum gyi bka' bden pa dang/ bden pa chen po'i byin gyis brlabs dang/ rig sngag dang gsang sngas dang snying po dang phyag rgya dang/ ting nge 'dzin dang/ rig sngags kyi lha thams cad kyi bden pa'i byin gyis brlabs kyis tshe 'das pa 'di la gson gyi dus su rnyas byed pa/ gshin gyi dus su gcags byed pa'i bgegs dang log 'dren gang dag yod pa de dag thams cad skad cig kyang ma gnas par dengs shig ces byas la/ yungs kar brdeg cing/ hUM bzhi ba'i sngags bzlas par

  61. 31a

    bya'o/ /de nas rdo rje gnod sbyin gyis byin gyis brlabs pa'i bum pa'i chus bkrus la bgegs kyis mi tshugs par bsam/ /de nas rnam par rgyal ba'i bum pa'i chus bkrus/ sgrib pa thams cad dag par bsam/ /de nas ro'i spyi bo'i steng du a bsams la/ de gyur pa las kho na rang gi lhag pa'i lha ru bskyed/ de nas yang snying khar a bsams pa de las ye shes kyi 'od zer phros pas ro yi shes lnga dang ldan par gyur par bsam/ de nas ro'i lus ngag yid gsum byin gyis brlab par bya ste/ spyi bor zla ba'i steng du oM dkar po bsam/ mgrin par zla ba'i steng du h+rI(rgyud 'grel): dmar po bsam/ snying khar zla ba'i steng du hUM nag po bsam de nas skye mched du drug la dbyangs kyi yi ge zur re dgod do/ /de ni rten sbyad pa'o/ /de nas shes pa dgug pa ni/ gong gi bden pa bdab la tshes pas pa'i ming 'di zhes bya ba khyod 'di nas shi pa'i dus byas nas/ ngan song gsum la sogs pa 'gro ba gang na 'dug kyang rung/ skad cig gis 'dir khugs bar gyur cig /de nas sngags brjod pa ni/ oM sarba bit sarba pA paM A kaNA ya/ hUM dza(rgyud 'grel): a ni su tri pre du dzad zhes brjod cing snying kha nas 'od 'phros pa las khugs par bsam mo/ /dza(rgyud 'grel): hUM baM ho(rgyud 'grel): brjod la yang bstim par bsam ma/ /de nas bgegs dang dpral ba ni/ /gong gi bden pa bdar la/ /gong ma ltar 'dir yang bgegs bskrad do/ /de nas 'gro ba rigs drug nas drang bar ni/ 'gro ba rigs drug ni snying pos 'gro bas ris rug nas re'i shes pa drang ba nas mya ngan las 'das pa'i 'bras bu thob par bsam mo/ /de na gtang bar bya ba'i mtshon cha'i bye brag ro la dbul ba dang/ me tog gi char dbab pa'o/ /de dag ni sngon du bya ba'i rim pa'o// //de nas gnas pa'i cho ga bshad/ /shi ba dkyil 'khor dbus bzhag ste/ /zhag lnga slob dpon snyung gnas te/ /bgegs bskrad la sogs byas nas ni/ /'khor los lha rnams mdun sam ste/ /phyag 'tshal spro skyed la

  62. 31b

    sogs bya/ /de nas tshig 'di ched rjod bya/ /deng dus bdag tshe 'bras bu yod /bdag gi gson pa 'am 'bras bur bcas/ /lha dang dam tshig gis mnyam par/ /gyur pa bdag ni the tshom med/ /byang chub sems dang sems gcig pas/ /mi ldog par ni bdag gyur te de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gi mchod sbyin bla na med/ /sangs rgyas thams cad spyan 'dren pas/ /deng bdag 'dul ba'i mchog yin no/ /de nas sbyor ba'i ting 'dzin dang/ /rgyal mchog la sogs bsgom bya steng/ /bsgo dbye la sogs gnas 'dir bshad/ /de nas spos thogs la/ spyan drang tshig 'di brjod par bya/ /kye dbang bskur des ste bla na med/ /phyogs bcur bzhugs pa'i sangs rgyas kun/ /ma lus bdag la dgongs su gsol/ /bdag ming 'di zhes bya ba yis// 'di la phan gdags don ched du/ /gnas 'dir sangs rgyas kun gshegs te/ /'di la dbang ni stsal du gsol/ /de rjes gsang sngags 'di brjod bya/ /a a sarba ta thA ga ta h+ri da ya ha ra ha ra/ oM hUM h+rI(rgyud 'grel): b+ha ga waM/ dz+nyA na murti/ wA gI shwa ra mahA ba tsa sarba d+harma/ ga ga nA mA la su pa ri shud+d+ha d+harma d+hA tu dz+nyA na garb+ha a(rgyud 'grel): zhes ni brjod ba'i sngags bzlas so/ /dang po sangs rgyas nga rgyal dang/ /ldan pas dkyil 'khor bri ba'i phyir/ /tshigs bcad 'di yis bstod par bya/ /sangs rgyas kun gyis bstod bya ba/ /rang la bstod de nges pa'i mchog 'bras bu 'byin pa'i sangs rgyas kyis/ /shi la phan gdags don ched du/ /mchog sbyin rdo rje mchog khyod 'dud/ /des ni gsol ba gdab byas nas/ /phyogs bcu'i sangs rgyas nam mkha' la/ /mngon sum 'dra bar gang bar bsgom/ /de nas phyogs bcu'i rgyal ba dang/ dang por sangs rgyas la sogs pa/ /nam mkha' gang bar 'di bzhes la/ /deng bdag 'dus pa'i mchog yin te/ /de na til gyis de la ni/ /bskor te sbyin sreg dbul bar bya/ /shi ba sta gon la gnas pa'i ting nge 'dzin to zhes bya bas/ ro sta gon la gnas pa bstan te/

  63. 32a

    de yang de nas ro sta gon la gnas pa ni/ /shin tu dben pa'i gnas su/ /dkyil 'khor 'dom gang gru bzhi pa byas la/ lha rnams kyi gnas su me tog gi chom bu bkod de/ /dbus su khri byas la ras bzang po lug gcig gis dkris te/ /de'i steng du ro bzhag la rdo rje slob dpon gyis dkar gsum bza' zhing za gcig pa'i smyung ba byas la/ rdo rje 'chang chen po'i phyag rgya chen po'i ting nge 'dzin gsum dang ldan par bsgoms nas/ /de nas yang sngon bzhin ro'i bgegs bskrad la/ de'i 'og tu rdo rje 'khor lo'i sngags dang phyag rgyas dkyil 'khor nam mkha' la sprul la/ phyag dang mchod pa dang bstod pa yan chod sngon bzhin byas la/ de'i 'og tu tshig 'di brjod par bya ste/ deng dus bdag tshe 'bras bu yod/ /de bdag 'dus pa mchog yin no/ / zhes pa'i bar te/ de ltar zhag lnga'i bar du nyin zhag re la mthun bzhi'i sbyor bas lha la mchod pa dang rol yungs kar ram bye mas brab cing sngags ring gi bzlas pa bya'o/ /de'i 'og tu nam mkha' la bzhugs pa gshegs su gsol la/ de nas zhag nga'i nang bar slob dpon gyis ting nge 'dzin rnam pa gsum sngon bzhin bsgoms la/ de nas spos thogs la spyan drangs tshig 'di brjod pa bya/ /kye dbang bskur nges te bla na med/ /phyogs bcur bzhugs pa'i sangs rgyas kun/ /ma lus bdag la dgongs su gsol/ /bdag ming 'di zhes bya ba yis/ /'di la phan gdags don ched du/ /gnas 'dir sangs rgyas kun gshegs te/ /'di la dbang ni stsal du gsol/ /zhes brjod la ting nge 'dzin gyi dkyil 'khor du dbang bskur bar bsam mo/ /de nas zha drug pa la dkyil 'khor gyi shar phyogs su zhi ba'i thabs bcas te/ /til nag pos sdig pa sbyang ba'i sbyin sreg bya'o/ /de nas gzugs brnyan gyi dkyil 'khor bri ba'i phyir 'dud nyi shus bstod pa'o/ /de dag ni ro sta gon la gnas pa'i cho ga'o// //

  64. 32b

    de nas sngon gyi sbyor ba yis/ /cho ga rnams ni dpyad par bya/ /dang po'i cho ga'i rim pa nas/ /'khor lo rim pa 'dir gsungs te/ /pha rol phyung ste gtor ma sbyin/ /de nas khrus byas mchod pa'i tshogs/ /ma lus par ni 'dir bshad do/ /de nas phyi'i rim ldan pas/ /sngags pa ? gos ldan pa yis/ /shin tu bsgyings pas brgyan byas te/ /zhag bdun nad par sbyin sreg bya/ /mi nyid shi ba'i gnas byas te/ /shi? la phan pa'i dkyil 'khor ldan/ /gzhal yas khang la de 'dra ba/ /'di la gsungs te gzhan du min/ /'di ltar gsungs pa'i cho ga ni/ /bdag gis rang gzor ma byas te/ /'jam dpal sgyu 'phrul dra ba dang/ /cho ga 'dus pa'i rgyud las te/ /des na 'dir ni 'os pa yin/ /'di ni shi ba'i cho ga'o/ /shi ba la phan gdags pa'i ting nge 'dzin to zhes bya bas/ ro sbyin sreg chen pos sbyang ba ste/ de yang de nas zhag ?? dkyil 'khor chen por sbyang ba'i phyir/ slob dpon rgyan thams cad kyis brgyan la/ /dang por gtor ma gtad la/ /de nas sa'i cho ga dang thig gi cho ga dang/ /rdul tshon bri ba la gzhung bzhin du bya la/ /dkyil 'khor gyi dbus su sreg khang gcig pa dang rdul tshon gyi dkyil 'khor gyi phyag rgya dgod pa dang/ rgyan dgod pa dang/ mchod pa'i yo byad la sogs pa gzhung bzhin du bkug la/ /de nas ro sreg khang du drangs te/ sreg khang la lan gsum bskor la shar phyogs nas nang du gzhug /de nas slob dpon gyis dang po'i sbyor ba'i ting 'dzin nas gzung ste/ yongs su rdzogs pa'i ting nge 'dzin yan chad bsgoms la/ /dkyil 'khor gyi mchod pa rdzogs par byas te/ de nas rlung g.yab kyi me sbar la me'i spra brtag ste/ dam tshig gi me lha bskyed ba dang/ mtshan nyid kyi me lha spyan drang ba dang/ mdun gyi nam mkha' la bstod pa dang/ dgug gzhug bcing ba dang phyag rgyas gdab ba dang/ byin gyis brlab pa dang/ dbang bskur ba dang mchod pa dang/ sreg rdzas phul ba yan tshod byas pa ni me lha ni mchod pa'o/ /de na me lha'i thugs khar yi ge hUM las pho brang rim

  65. 33a

    pa gsum dang ldan pa'i gzhal yas khang bsgoms la thab tu me tog re dor zhing/ gzugs brnyan gyi dkyil 'khor nas me lha'i thugs kar/ re mos sam dus gcig tu spyan drangs te/ /sreg rdzas rnams dbul bar bya'o/ /de nas mjug gi cho ga ni/ bzod par gsol ba/ dge ba'i rtsa ba bsngo ba dang/ phyag rgya dgrol zhing ye shes gshegs pa dang skyed pa snying khar bsdu ba dang phur bu gdon zhing phyogs skyong gos ba dang/ mchod rdzas la sogs pa bsdu ba dang/ sman ma dang rdul tshon phyags la gdugs dang rgyal mtshan la sogs pas spyan drangs la/ chu bo chen por ngor bar bya'o/ /de nas ba'i rnam pa lngas skyang nul byas la thig le la sogs pa mi mthong bar byas la/ dkyil 'khor gyi thog tu spyan gzigs dang sder bzang la sogs pa bzhag nas bkra shis brjod la/ /slob ma mgu bar bya'o/ /dkyil 'khor du phul ba'i yo byad rnams ni slob dpon bkyer bar bya'o/ de dag ni ngan song nas drang ba'i cho ga'o/ /byang chub kyi lam la dgod pa ni gnyis su shes par bya ste/ dkyil 'khor du gzhug pa dang/ dbang bskur ba'o/ de nas phyi de nang par ram zhag gsum na yang rung ste/ rus pa'o mas dkrus la dkyil 'khor bkod pa'i rgyud chen po 'am bye ma la uSh+Ni Sha'i gzungs rgyud chen po nas byung ba bzhin du tsha tsha btab la/ tsha tsha dang po btab pa dang ming byed la/ yid kyi dkyil 'khor du gzhug pa dang/ dbang bskur bar bya ba'am/ yang na slob ma gson po ji ltar 'jug pa ltar dkyil 'khor du gzhug pa dang/ rig pa'i dbang bskur ba dang/ slob dpon du dbang bskur ba dang/ rjes su gnang ba dbang bskur ba'o/ /de nas de la lam bstan bya/ /tshogs bdag dge ba'i don la sbyar zhes bya bas shi ba'i lam bstan bar bya ste/ slob dpon gyis me tog gcig gyen tu 'das? te/ sod cig sang cig rigs kyi bu/ tshogs kyi lam dang sbyor ba'i lam/ /mthong ba'i lam dang sgom pa'i lam/ /byang chub bar chad med pa'i lam

  66. 33b

    mdor? na lam ni de rnams su/ /zhugs nas byang chub 'thob gyur cig /ces bya'o/ /de nas shi ba'i don du sbyin gtor rgya chen po bya ste/ cha tsha gshegs su gzhug go /ro sbyin sreg chen pos spyad ba'o/ /de yang lung las rdo rje dril bu lag par sbyin/ /mgo la dbu rgyan bskon bar bya/ /rdo rje sdom pa rnams byin te/ /bum pa'i dbang bskur rnams byin la/ /mig sogs rdo rje gti mug sogs/ /rdo rje gsum ni gnas gsum dgod/ /rdo rje thab khung rab sbyor gyis/ /'du byed rab tu bya bar bstan/ /nyi ma gsum ni yon pa na/ /rus pa'i phreng ba bsdus byas la/ /dri dang 'o mas bran nas ni de yis mchod rten du bya ba'o/ /zhes gsungs so/ /de mthar de nyid rtag bsgom dang zhes pa nas/ rim pa'i ting nge 'dzin to zhes bya ba'i bar gyi gong thams cad kyi rim bar bya ba'i phyir ting nge 'dzin ston to/ /spyir cho ga'i rim thams cad zin nas thun mtshams sam/ thun la mi 'jug kyang rung ste /ye shes pa gshegs shing/ de nas gzhal yas khang lha la bsdu ba dang/ lha thams cad gtso bo la bsdus la yig 'bru bsgom mo/ /yig 'bru ni thams cad kyi ngo bo a ste/ a stong pa nyid las skad cig mas lhar dran par byas nas dge ba'i las rnams byang bar bstan pa'o/ /de nas 'khor lo stan par bya zhes bya ba nas/ shes rab 'khor lor grags pa yin zhes bya ba'i bar gyis shes rab kyi 'khor lo bsgom ba stan pa ste/ dkyus nyid gsal pa'i phyir ma dkrol lo/ /de yang shin tu zab pa dang/ bla ma la rag las pa'i man ngag ston te de yang dang por bdag nyid khams dang zas snyoms bar 'du 'dzi spangs la gnas bsam gtan gyi tsher ma med par skyil krung bcas la/ lag pa g.yon gyi steng du g.yas bzhag la phang bar bkan te/ sgal ba'i steng du sgal ba bzhag la mig sna gong du bar la so 'byar la ma reg par byas la lha'i nga rgyal dang ldan pas rtsa'i 'khor lo bzhi ye rang chas su lus la yod pa dkyus bzhin gsal btab la/ de nas dang por lte ba'i 'khor lo la sems rtse gcig tu gtad la sgom/ /de gsal nas de bzhin du snying dang mgrin pa dang//

  67. 34a

    mtshogs ma rnams rim gyis gsal bar bsgoms la/ de nas rkang pa dang mdoms mor rlung dang me bsams te/ rlung gi me spar te rtsa g.yas na mar zhugs/ lte ba'i 'khor lo bde ba'i thig ler zhu/ de bzhin du me rlung gis phul te snying kha dang mgrin pa dang mtshogs ma rnams rims kyis bzhu nas/ lus thams cad bde ba'i thig les gang bar bsam zhing/ blo bsam gtan gyi bde ba la gnas par bya ste/ me ni gnas der 'das so zhes bya'o/ /de nas spyi bo'i haM las mes zhu bas thig le'i bde ba rtsa g.yon na mar babs nas/ dang por mtshogs ma'i 'khor lo gsos de/ /sngon bzhin du 'khor lo nyid du gyur par bsam mo/ /de bzhin du mgrin pa dang snying kha dang lte ba'i 'khor lo rnams rims kyis gsal bar bsam mo/ /de ltar yang nas yang du rtse gcig gi sems kyis goms pas zhi gnas kyi bde ba skye bar 'gyur ba ni man ngag go /'di ltar rtag tu gang bsgoms pa zhes pa nas/ de dag ni shes rab kyi 'khor lo'i bsgom pa'i ting nge 'dzin to zhes bya ba'i bar gyis/ shes rab kyi 'khor lo bsgom ba'i phan yon bstan te/ dkyus nyid gsal bas 'dir ma dkrol lo/ /sangs rgyas kun dang thabs gcig pa'i/ zhes pa nas/ mi dbye dang mtshungs sems dang ldan par shog /ces bya ba'i bar gyis/ slob dpon gyis ji ltar brtsams pa dang/ dge ba'i rtsa ba sngo ba bstan pa ste /sla bas de nyid phyir ma bkrol lo/ /'di bsdus dge rtsa gang yod des/ 'jam dpal dbyangs kyi zhal mthong shog /gsang ba'i dka' 'grel bshad pa don bsdus sgron ma rdzogs so// //rgya gar gyi mkhan po de wA ka ra tsan+d+ra dang/ lo ts+tsha ba glog sbyas bsgyud ba'o// (//*/ /gsang ldan gyi tho yig smri tis dz+nyA na kirtis mdzad pa bzhugs so/) /'jam dpal ye shes sems dpa' la phyag 'tshal lo/ /rigs kun bdag po 'jam dpal dang/ /bla ma de la phyag 'tshal lo/ /mchog dang thun mong sgrub 'dod pa

  68. 34b

    gang zag rnams la phan pa'i phyir/ /bla ma rim pa brgyud pa yis/ /cho ga'i rim pa brjod par bya/ /dkyil 'khor bdun gyi cho ga la/ /bsnyen pa sa dang sta gon dang/ /dkyil 'khor zhag gi cho ga'o/ /bsnyen pa'i las su bya ba la/ /dang po las dang sbyor ba gsum/ /mchod bstod bsnyen par bya ba'o/ /dang po'i las su bya ba la/ /nye reg 'thor 'thung stong par bsgom/ /skur gyur lce dang lag pa brlab/ /bsrung dang tshogs bsag phyag lnga bya/ /sdom bzung lus bsreg skur ldang ngo/ /srung la bdag dang gnas srung ste/ /bdag nyid srung ba bya ba yang/ /bskyed brlab dbang dang go pa bsgo'o/ /gnas srung ba yi rim pa la/ /bsnun dang bsreg dang bcing ba bya/ /khro bo rdo rje'i ra ba bsgom/ /tshogs bsag pa yi rim pa yang/ /sbyin sreg bya zhing mchod pa brlab/ /rten sprul bstod de gsal por bsgom/ /dga' bar gyur pas bstod pa bya/ /phyag mchod sdig bshags yi rang bya/ /bskul dang gsol gdab dge ba sngo/ /skyabs 'gro lam bsten sems skyed do/ /bstod bya gnad sbyin bslar bstod bya/ /sbyor ba gsum la dang po dang/ /rgyal mchog dang ni las dag go /dang po'i sbyor ba bya ba la/ /ye shes bzhi dang gtso bo bskyed/ /ye shes me long mnyam nyid dang/ /so so chos dbyings nan tan no/ /gzhi la rdo rje mchod rten dang/ /chos 'byung rgya gram bsgom pa dang/ /gzhal yas gdan dang bcas pa'o/ /gtso bo bskyed pa dag la yang/ /cho ga rnam pa gsum las su/ /gzhi yi sangs rgyas bskyed ba dang/ /dang po'i sangs rgyas 'khor lo dang/ /ye shes sems dang zla ba a'o/ /dkyil 'khor rgyal mchog bsgom pa yang/ /dang por yig 'bru bskyed pa dang/ /de las phyag mtshan sku phra mo/ /thig ler gyur te sku rnams bskyed/ /las kyi rgyal po mchog la ni/ /sgo dbye bsdu bskrad yon dbul bstod/ /bstim la bskrad de sgo yang bcang/ /rgyas gdab dbang bskur las la sbyad/ /mchod cing bstod pa bya ba yang/ /dang po'i sangs rgyas bya byas la/ /mchod brlab sgo dbye snyan

  69. 35a

    gsan dbab/ /spyan drangs bskrad la yon dbul bstod/ /nang du dgug gzhug bya ba dang/ /bskrad cing sgo bcang go yang sgo/ /rgyas gdab dbang dang ldan bar byas/ /mchod dang bstod pa rgyas par bya'o/ /bsnyen pa bya ba'i rim pa yang/ / phyag byas thugs bzhugs las sngags brjod/ /sngags dgod brtan byas zla ba bya/ /thun mtshams ngag tu rang bya la/ mchod bstod phyag rgya dge ba bsngo/ /bzod gsol lha bsdus spyod lam bya/ /thun la babs na nang zhugs skrad/ /sgo bcad lha dgod mchod pa brlab/ /mchod bstod phyag bya yon chab dbul/ /thugs kar zhugs te gong ltar bya/ /thun gsum dag la de dang 'bar/ /thun bzhi pa yi tha ma ru/ /gong ltar byas la don gsol gdab/ /smon lam gdab la ye shes gshegs/ /dkyil 'khor bsdus te rang la bsrung/ /brgya pa bzlas te spyod lam bya'o/ /de ni bsnyen pa rgyas pa'o/ /bsnyen pa bsdus pa bya ba yang/ /gtso bo yan chad sgom byas la/ /sbyor ba rnam gnyis bzhag pa ste/ /phyi ma gong ltar bya ba yin/ /grangs dang mtshan ma'i bsnyen pa yang bzlas dang bsgom pa'i khyad par ro/ /de ltar bya ba'i ces dag la/ /phran tshegs pa ni ci rigs gdags/ de rnams sngon du bsnyen pa'o/ /de nas sa'i cho ga ste/ /brtag dang bslang dang sbyang ba dang/ /gzung dang rdo rje'i sgrub pa'o/ /brtag pa phyogs dang mtshan nyid dang/ /gnas dang lto 'phye'i brtag pa'o/ /slang ba snang dang mi snang ste/ /mi snang ba la bslang ba yang/ /maN+Dal byas la dri tshom dgod/ /bdag nyid lhar bskyed lha tshogs sprul/ /de la mchod stod gtor ma sbyin/ /lha mo bskyed la spyan drangs te/ /bskrad bstim rgyas gdab dbang bskur bya/ /mchod dang gtor 'bul sa slang bya/ /ye shes gshegs la dam tshig bstim/ /sbyang ba las dang bya ba dang/ /sngags dang phyag rgyas sbyang byas te/ /pra brtag bum zhugs 'thas par bcag/

  70. 35b

    rdo rje sgrub bar bya ba ni/ /slob dpon rgyan gyis brgyan byas la/ /stegs bu'i dbus su gnas byas te/ /dang por nye reg bya ba nas/ /bzlas la thug pa yan chod bya/ /mchod cing bstod la gsol ba gdab/ /dkyil 'khor bteg la rang yang babs/ /gnas gsum brlabs la spro ba bskyed/ /phyag byas spos thog spyan yang drang/ /bka' bsgo bskor te bsrung ba bya/ /b+h+ruM mam khaM las dkyil 'khor bskyed/ /khro bo gsang ba bstim byas la/ /phur bus gdab pa'i las bya'o/ /sta gon bya ba'i rim pa ni/ /lha dang bum pa sbyin sreg dang/ /lha mo dang ni slob ma'o/ /lha yi sta gon bya ba la/ /gnas su dri dang me tog dgod/ /de las lhar skyed bstim la mchod/ /bum pa mtshan nyid ldan bya la/ /mtshan bya mgul bcings kha rgyan te/ /bskrad bdug bsangs la bcud blug go / bum pa baM las bskyed byas la/ /nang du lha bskyed spyan yang drang/ /bstim la rgyas gdab dbang ldan bya/ /mchod cing bstod la bzlas par bya'o/ /sbyin sreg shar du thab byas la/ /shing gcer me spar me lha bskyed/ /de la mchod la thugs khar ni bum? rtsegs bskyed la spyan drangs bstim/ /mchod cing bstod la sreg rdzas dbul/ /spyan ma gnod sbyin dag la yang/ /sbyin sreg rim bzhin dbul bar bya/ /sa yi lha mo'i sta gon ni/ /gong ltar byas te mi gshegs so/ /de nas slob ma'i sta gon ni/ / phyi rol gtor ma byin byas la/ /khrus byas gos gon me tog thogs/ /phyag byas gsol gdab sna gtong bskul/ /sdig bshags yi rang skyabs su 'gro /sems bskyed lam gnas rdo rje lta bu bya/ /lhar bskyed byin brlabs de la mchod/ /so shing ku sha srung skud gdags/ /gzengs bstod nyal gzhug spro ba bskyed/ /lha la mchod cing bstod pa bya/ /phyag byas gsol ba lan gsum gdab/ /dge ba bsngo zhing bzod gsol bya/ /gsol ba gdab cing smon lam gdab/ /sangs rgyas dang por mtshan 'don

  71. 36a

    gnas/ /dkyil 'khor zhag gi cho ga la/ /thig dang tshon dang sgrub pa dang/ /'jug cing dbang bskur bya ba'o/ /thig le las dang ye shes te/ /ye shes snal ma sar ba la/ /byin brlabs bsgril te snod bcug mchod/ bzlas te rim pas gdab par bya/ /gdab pa dang po gnam thig ste/ /de nas sa thig gdab pa'o/ /tshon ni byin brlabs bzlas te dgye/ /pan tsa ra ka phyogs tshon dang/ /mtshan ma'i bye brag bri bar bya/ /bsgrub ba bya ba'i rim pa yang/ /dkyil 'khor brgyan te mdo gdon bzhag /khrus byas gzhan la shar sgor gnas/ /bsrung dang gsang gtor dkyil 'khor bslang/ /sgo phye bum dgod lhar bskyed de/ /nam mkha' i lha tshogs phab la bsre/ /bdag nyid dang po'i lhar bskyed de/ /sngags bzlas phar spro tshud 'du bya lha rnams stong bsgoms slar la bskyed/ /de nas sgo dbye la sogs pa/ /sngon du bstan pa bzhin du bya/ /phyi rol dag? tu byung byas la/ /'jig rten pa la gtor ma byin/ /slob la nang du zhugs byas la/ /sbyin sreg dag gis tshim par bya/ /de nas slob ma 'jug par yang/ /lha la gsol gdab gnang bar bsam/ /slob mas khrus byas me tog thogs/ /yol bas bcad la phyi rol dgug /slob mas phyag byas gsol ba gdab/ /gdong dang stod dang smad g.yogs te/ nang bkug phyag bya sdig pa bshags/ /yi rang bskul dang gsol ba gdab/ /slob dpon 'dod phyir yang gsol gdab/ /de nas dam tshig dag ni dbog /dam tshig 'dzin par khas len gzhug /sems bskyed pa dang lhar bskyed brlab/ /dam tshig bsgrag cing de la mchod/ /las kyi bum pas dbang yang bskur/ /sgo bzhir bcug la slar yang ni/ /shar sger bzhag la mna' yang sgag /mna' chu blud la ye shes dbab/ /mchod cing smrar gzhug phreng ba dor/ /mgo la bcings te snang ba brtag /mi dbye ba dang dkyil 'khor bstan/ /dbang bskur

  72. 36b

    ba yi rim pa dang/ /sgrub pa po dang slob dpon ni/ /sgrub pa po ru dbang bskur na/ /rang gi lhar bskyed de la mchod/ /dang po rig pa'i dbang bskur te/ /bkra shis brjod cing chu dbang bskur/ /dbu rgyan dang ni rdo rje sbyin/ /dril bu dang ni ming yang gdags/ /gsang ba'i ye shes sngags kyang sbyin/ /phyag rgya bzhi brlab brtul zhugs sbyin/ /slob dpon dag tu dbang bskur na/ /shar sgo sna tshogs pad+ma bri/ /slob ma sangs rgyas dang por skyed/ /rig pa'i dbang lnga bskur bar bya/ /dam tshig gsum dang gsang ba dang/ /gsang rgyal dang ni nges pa'i dpang/ /rim pa bzhin du bskur bar bya'o/ /dam tshig gsum la rdo rje dang/ /dril bu dang ni phyag rgya'o/ /gsang ba'i dbang la dkyil 'khor dang/ /lha dang slob dpon las rnams so/ /gsang rgyal dag gi dbang bskur ba/ /de bzhin rigs dang rdo rje dang/ /rin po che dang pad+ma dang/ /las kyi rigs kyi gsang ba'o/ /nges pa'i dbang la gzhan don dang/ /rang don nges pa'i dbang bskur ro/ /gzhan don nges pa'i dbang bskur na/ /bye brag ngag dang spyi ngag go /bye brag la yang 'di lta ste/ /de bzhin rigs dang rdo rje dang/ /rin chen rigs dang pad+ma dang/ /las kyi rigs kyi nges pa'o/ /rang don nges pa'i dbang bskur ba/ /gsang ba'i ye shes brlab cing sngags kyang sbyin/ /phyag rgya bzhin brlab lung yang bstan/ /gzengs bstod pa dang dbugs dbyung ba'o/ /de mthar dbang bstan bya ba'i phyir/ /brtul zhugs dag gi dbang bskur ro/ /de ltar dbang bskur rdzogs pa dang/ /dkyil 'khor lha la mchod cing bstod/ /dge ba bsngo zhing bzod gsol bya/ smon lam gdab la don gsal gdab/ /ye shes gshegs la dkyil 'khor bsdu/ /brgya pa bzlas shing gzugs brnyan bkru/ lhag chad bskang phyir sbyin sreg bya/ /mtshan brjod pa yi gsung rab bsgrag /gsang ldan ma yi pandi tha/ /dkyil 'khor bdun gyi tho yig 'di/ /bdag gis bsdebs pa'i dge ba yis/ /kun gyis 'jam

  73. 37a

    mgon thob par shog /gsang ldan ma'i tho yig /pan+ti thar byas pa smri ti dz+nyA na kIrtas mdzad pa rdzogs so// //a hUM b+h+ruM h+rI:/ a bruM/ saM haM aM yaM khaM a a/ lha'i gtso bo bskyed do/ /dkyil 'khor rgyal mchog bsgom mo/ /las rgyal mchog bsgom // */ (/'phags pa 'jam dpal gyi mtshan yang dag par brjod pa'i dkyil 'khor gyi cho ga paN+Di ta shAn+ta d+ha gar b+has mdzad pa/) /rgya gar skad du/ Arya many+dzu sh+rI nA ma saM gI ti maN+Dal bi d+hi/ bod skad du 'phags pa 'jam dpal gyi mtshan yang dag par brjod pa'i dkyil 'khor gyi cho ga /rje btsun 'jam pa'i dbyangs la phyag 'tshal lo/ /ngo bo nyid kyi sku mnga' zhing/ /sgyu ma'i rang bzhin 'byung gnas che/ /sangs rgyas rnams kyi sprul pa'i sku/ /'jam pa'i dbyangs la phyag 'tshal te/ /dkyil 'khor cho ga bshad par bya/ /dang po re shig slob ma ni/ /dad ldan dam tshig brtul zhugs srung/ /rtog med rgyud gcig bla ma dang/ /'jam pa'i dpal la mos pa yis/ /khra med sngags dang rgyud la mkhas/ /thos ldan rgyud 'dir dbang thob pas/ /dam tshig gsum la gnas pa des/ /dang po 'phags pa 'jam dpal gyi lha rnams sgrub pa'i thabs las 'byung ba bzhin du bsnyen pa bya ste/ sngags kyi phreng ba 'bum du bzlas pa ni sngon du bsnyen pa'o// //gzhung las bsam gtan dang ni rjes mthun pa'i/ /ri yi phug gam chu yi 'gram/ /rdzing ngam rang dga' i gnas dag gam/ /lha khang mchod rten la sogs par gsungs pas na/ /de lta bu'i gnas der song la/ /ci tsam 'byor pa'i tshad kyis byas la/ /sa yongs su brtag pa der/ /bdud rtsi 'khyil ba'i sngags bzlas pa'i chus gtor/ /dkyil 'khor gyi rnam pa byas nas/ /der mchod pa dang gtor ma bshams la/ /sa'i lha mo las blang ba ni/ /skyobs pa sangs rgyas

  74. 37b

    thams cad kyi/ /spyod pa'i tshul dang khyad par dang/ /sa dang pha rol tu phyin pa la/ /lha mo khyod ni dbang du gyur/ /skyob pa shAkya seng ge yis/ /ji ltar bdud kyi sde bcom pa/ /de ltar bdag gis bdud bcom nas/ /bdag gis dkyil 'khor bri bar bya/ /ces brjod nas thal mo sa la brdabs pas/ /sku phyed tsam sa las thon pa dang/ sems can thams cad kyi don du dkyil 'khor byed pas bdag byin ces brjod pas/ khyod kyis dkyil 'khor gyi bdag po gyis shig ces brjod nas sa la thim par bsam mo/ /sa blang ba'o/ /de nas drag po'i sbyin sreg gis bgegs bzlog la/ de nyid du bdag dang blo zhi ba'i phyir sbyin sreg byas la der sa sbyang bar bya ste/ 'dom gang tsam la sogs pa brkos la sa'i ro lnga gsal te/ der rin po che sna lnga dang ldan pa'i bum pa bcug la slar sas dgang ngo/ /de bzhin gshegs pa'i ras bris la sogs pa ji tsam 'byor ba yang bris la dkyil 'khor gnyis 'gyur la spos kyis chag chag btab ste/ lag pas la reg par bya'o/ /rje btsun gyi yi ge brgya pa lan bdun bzlas par bya'o/ /sa gzung ba'i rim pa'o// // de nas bdag nyid ji snyed pa'i rgyan dang ldan pa byas te/ bkra shis pa'i dus su dkyil 'khor gyi dbus su 'dug la/ /sgrub pa'i thabs las 'byung ba bzhin du bdag srung ba nas bgegs gzhom pa la sogs pa bya ba dang/ de nas rten sprul pa tshogs bsags pa nas/ /ye shes par gyur pa'i bar du byas la/ der gong gi dang 'dra ba'i lha mo sta gon byas la/ de nas spro ba bskyed de/ deng du bdag tshe 'bras bu yod/ /bdag ni gson pa 'bras bur bcas/ /lha dang dam tshig mnyam pa ru/ /gyur par bdag ni som nyi med/ /byang chub sems dang sems gcig las/ /mi ldog par ni bdag gyur te/ /'jam pa'i dbyangs kyi rigs su ni/ /der bdag skye bar the tshom med/ /de bdag nyi ma dam pa ste/ /mchod sbyin 'di ni bla na med/ /phyogs bcu'i sangs rgyas

  75. 38a

    spyan 'dren pa/ /deng bdag 'dus pa'i mchog yin no/ /de nas phyag byas spos thogs la/ /kye dbang ni nges te bla na med/ /phyogs bcur bzhugs pa'i sangs rgyas kun/ /ma lus bdag la dgongs su gsol/ /bdag ming 'di zhes bya ba yis/ / 'jam pa'i dbyangs kyi dkyil 'khor bri/ /deng 'dir sangs rgyas kun gshegs te/ /dngos grub 'di ni stsal du gsol/ /ces brjod la dang po'i sbyor ba dang/ /dkyil 'khor rgyal mchog dang las kyi rgyal po mchog rnam par bsgoms la/ /yang sgo dbye ba la sogs pa sngon du 'gro ba nas bdag nyid ye shes pa'i gnas su 'dug pa'i bar du bya ste/ phreng ba'i sngags zlos pa la sogs pa'i rnal 'byor pa'i sgrub pa'i grogs lha'i nga rgyal dang ldan pas dkyil 'khor bri ba'i phyir 'dud kyis bstod de/ de nas rgyud chen sgyu 'phrul dra ba las/ /rdo rje 'chang chen gsang sngags 'chang/ /dpag med rnams kyi bka' bzhin du/ /dkyil 'khor dam pa bshad du gsol/ ces gsol ba btab la/ de nas langs te/ lha rnams la phyag 'tshal nas/ /bdag ni rang nyid ral gri can/ /dang po'i sangs rgyas bdag rang nyid/ /nga ni sangs rgyas rgyal po ste/ /stobs chen ral gri can bdag nyid/ /de nas mig dang rkang pa byin gyis brlabs te/ /bsgom pa'i dkyil 'khor steng du bteg la/ /byang shar mtshams nas bskor ba byas te/ /hUM ye shes zhi ba'i ngang las ma g.yos kyang/ /sku yi cha lugs za byed rngam stabs can/ /gsung gi nga ro 'brug stong ldir ba'i sgras/ /ma lus dbang du sdud la phyag 'tshal lo/ /gzhan yang tsham rngam gyi dbyangs brjod la/ /hUM dkyil 'khor chen po'i sa gzhi la gnas pa'i/ /lha la sogs pa'i bgegs tshogs kun nyon cig /gnas 'dir 'jam dpal dkyil 'khor nga 'bri yis/ /bgegs kyi rigs tshogs gang yin dbyer bar gyis/ /ci ste nga yi bka' las 'das gyur na/ /ye shes

  76. 38b

    can gyi ral gri 'bar ba yis/ /mgo bo tshal ba brgyar ni 'gas byed cing/ /rnam par 'jig par 'gyur bar gdon mi za/ /de ngas phyogs nam mkha' ltar dri med pa 'di deng rnal 'byor gyi dbang phyug chen po 'di zhes bya bas/ /sems can thams cad rdzogs pa'i byang chub la dgod pa'i phyir/ /'jam dpal gyi dkyil 'khor 'bri yis/ /hUM lha klu gnod sbyin dri za dang/ /'byung po sha za srin po'i tshogs/ /'byung po thams cad sar song shig /'jam dpal bka' thos myur du song/ /gang dag mi 'gro de la ni/ /ral gri dang ni kha TwAM kas/ /spyi bo tshal pa brgyar 'gas 'gyur/ /lan gsum du brjod do/ /bskal pa me lta bu'i 'og nas byung nas/ /gdug pa can thams cad bsregs par bsam mo/ /de nas dkyil 'khor gyi lte bar 'dug ste/ /bskal pa'i me lta bu'i khro bo'i 'byin pas gdug pa can thams cad bskrad par bya'o/ /de nas dag pa yongs su bskor ba'i tshul gyis shar du 'gro bar bya'o/ /de nas g.yon brkyang pas bgegs bskrad do/ /de nas gnod sbyin gyi 'gros kyis lhor song la/ /g.yas brkyang pas bgegs bskrad do/ /de nas rdo rje 'gros kyis nub tu song la/ / zlum pa'i stang stabs byas la bgegs bskrad do/ /de nas byang du rdo rje 'gros kyis song la/ /der sa ga'i 'dug stangs kyis bgegs bskrad la/ /de nas 'gying 'gros kyis shar du 'gro bar bya'o/ /yang rdo rje 'gros kyis dkyil 'khor gyi lte ba bskor la phur bu'i gros bya'o/ /dbus der hUM sgra rgyun mi bcad do/ /der phyed pas 'dug la rdo rje lta bas bgegs bsnun la/ /bsreg pa bcing ba phyogs dang mtshams ra ba dra ba byas la/ /oM badzra dzwA lA na lArka hUM/ hUM badzrA na ha na ha na da ha pa tsa ma tha b+hany+dza ra na hUM/ badzra ne tri band+ha sarba big+h+naM/ oM dri Dho me b+ha wa/ rak+Sha sarbaM swAhA/ oM hu lu hu lu hUM phaT/ oM druM? band+ha hUM/ oM badzra pA sha h+rI:/ oM badzra pA taM ke bA taM ke ni ra Ta/ /h+rI(rgyud 'grel): badzra ka li ru Ta ma Ta oM badzra sh+ri ri ru Ta ma Ta/ hUM badzra karma badzra band+ha baM/ sarba maN+Da la hUM dza/ gsang ba 'dug la/ ma hA tsa kra maN+Da sya

  77. 39a

    ti si ta hUM gis byin gyis brlabs la/ de nas seng ldeng la byas pa'i phur bu la/ tsan dan dmar pos byugs la/ srad bu dmar po dang me tog dmar pos bcings la stod khro bo la smad rdo rje rtse gcig pa'i dbyibs su 'dug la hUM las sprin sgral sogs pa bskyed la/ oM badzra kI li kI lA ya sarba big+h+nAM band+ha hUM phaT/ zhes brgya rtsa brgyad bzlas pas/ g.yon pa khu tshur gyis bzung ste/ g.yas pa rdo rje thobs dbus dang gru bzhir brdung ngo/ /d+ha ma d+ha ma/ da ma da ma sa na tsu d+ha ya tsaM tsur+Na ya badzro t+maka ra hUM phaT/ rdo rje tho ba lan brgya rtsa brgyad bzlas la brdung bar bya'o/ /de nas rdo rje'i go cha bskon/ /rdo rje'i rtse mo bzlas pa'i spos chus phyugs la gur gum dang/ a ka ru dang/ du ru ka dang tsan dan dang ga bur dang gla rtsi la sogs pa'i dri rnams kyis sngags gdab pa'i lha'i grangs par mnyam pa'i dri'i thig le zlum po byas la der me tog gi tshum bu la sngags bzlas te dam tshig sems dpa' bskyed la/ nam mkha' i de bzhin gshegs pa rnams dgug pa dang gzhug pa la sogs pa byas la mchod pa'i bye brag sna tshogs pas mchod la/ bstod pa byas gsol ba gdab ste/ hUM bcom ldan 'das 'jam dpal rdo rje ni/ /rigs sngags rgyal po snying rje yi/ /yid kyis dkyil 'khor bri bar 'dod/ /de nas byin brlabs mdzad par gsol dgongs shig sangs rgyas sde dang tshogs/ /gang gzhan sngags kyi lha tshogs dang/ /lha rnams bstan la mngon dga' ba/ /dkyil 'khor byin brlabs dngos grub stsol/ /ces lan gsum du'o/ /de nas dbul lam gser gyi bum pa la kha dog dkar por sgyur la lha'i grangs dang mnyam pa 'am/ yang na rnam par rgyal ba'i bum pa 'am las thams cad pa'i bum pa ste/ las kyi bum pa la sogs rdo rje bri'o/ /rnam par rgyal ba'i bum la lha'i kun gyi mtshan ma dang/ gtso bo mtshan ma bri'o/ /gtso bo'i bum par sman lnga dang 'bru lngas bkang la mgul chings nyi rim du bya'o/ /me tog gi phreng ba dang gdugs

  78. 39b

    dkar por nges g.yogs pa bya'o/ /yang na bum pa bcu dgod zer te 'thad do/ /gtso bo'i bum par gong gi gsum las lha tshangs par bskyed la/ /dgug gzhug dang mchod bstod dang bzlas pa bya'o/ /las kyi bum pa rdo rje gnod sbyin du bskyed pa dang gzhug pa dang/ mchod bstod dang bzlas pa bya'o/ /rnam rgyal bum pa ni zhu bar bya'o/ /las bum ni mi bzhu'o/ /yang na kun mi bzhu zer te/ de nas bum pa rnams gtsang sar sba'o/ /bum pa lhag par gnas pa'o/ /de nas bar chad thams cad zhi ba dang/ /dngos grub thams cad bsgrub pa'i phyir/ gzhung bzhin du sbyin sreg bya/ /de nas phyi rol tu gtor ma btang ste/ /lha la mchod pa slob ma sta gon du gzhug pa bya ste/ shar ngos su maN+Dal byas pa'i rtsar 'dug ste/ bla ma la gsol ba gdab ste/ ston pa khyod la bdag dga' o/ /byang chub sems dpa' i tshul bstan pa/ /mgon po chen po bdag 'tshal lo/ /de nyid dam tshig rig pa dang/ /byang chub sems kyang bdag la stsol/ /thar pa chen po'i grong mchog tu/ /mgon po bdag ni 'jug par mdzod/ /de nas bla ma yis/ /rtog pa rnams ni legs par bsdus pa yis/ /shin tu bsam pa bzang por ldan par nyon/ /rjed pas blo la 'jam pa'i dbyangs sogs rnams/ /bde bar gshegs pa rnams kyi byin mi rlob/ /bag med bdag gis mi dge bgyis pa dang/ bgyid stsal rjes su yi rang gang yin pa/ /de dag thams cad byang chub mchog gi ni/ /spyan sngar ma lus de lha so sor bshags/ /bde gshegs sras kyis tshogs gnyis zab pa dang/ /rgya che 'gro ba ma lus pa yi don/ /sgrub par byed pa de las gzhan pa la/ /rtag tu bdag ni rjes su yi rang ngo/ /thugs rjes khyab pa'i thugs dang ldan gyur pa/ /blo gros sdig bral gti mug tshogs kun bcom/ /ma lus pad+ma'i rigs kyi nang zhugs pa/ /bde bar gshegs pa rnams la skyabs su mchi/ /blo mchog rnams kyi kun dga' i ra ba ste/ /dman pas 'jigs pa rnams kyi skyabs byed 'tshal/ /srid pa'i sbyor ba

  79. 40a

    zil gyis gnon pa'i mchog /gsung mchog chos la bdag ni skyabs su mchi/ /'dod chags la sogs sbrul gyi dug bcom zhing/ /blo gros rnam rgyal thugs rjer ldan pa yi/ /brtul zhugs bzang po'i tshogs la skyabs su mchi/ /srid dang bral ba rnams la bdag phyag 'tshal/ /rgyu yi rjes la bdag po'i lus bdag nyid/ /'bras bu'i stobs kyis dgra las rgyal 'gyur ba/ snying rje'i rtsa ba zug cing yang dag rtogs/ /mnyam med byang chub bdag gis gzung bar gyis/ /de nas slob ma'i gnas gsum du dri'i thig le byas la/ /rdo rje dang 'khor lo dang pad+ma dang/ oM A(rgyud 'grel): hUM gis bskyed de bzhag go /de nas spos dang me tog la sogs pa re re byin la da nas brtsams te/ bde ba thams cad nye bar gnas par bgyis shig ces brjod do/ /de nas so shing me tog gi phreng bas bdud rtsi 'khyil pa'i sngags zlas te byin la/ slob ma rang gi so drud maN+Dal gyi steng du bor te/ ltas lta ba so shing mdun drang por bor la/ /de tshe bdag la lta ba dang/ /rtse mo gyen du 'dren gyur na/ /de tshe dngos grub mchog thob 'gyur/ /de tshe shar du kha bltas na/ /de tshe dngos grub 'bring du 'gyur/ /mtshams dang byang du kha bltas na/ /'jig rten pa'i dngos grub thob/ /so shing bor ba brgya zhig la/ /thur du bltas na sa 'og go /de nas ku sha sar pa la rdo rje rnon po bzlas te/ /stan dar rngas su sbyin no/ / de srung skud la sngags kyi phreng ba de'i dpung pa g.yon par gdags so/ /de stan pa'i phyir yang rje btsun gyi yi ge brgya pa yang brjod do/ /de nas zab pa dang rgya che ba'i chos kyi gzengs bstod la bzhin bzangs rnams longs shig dang/ /dkyil 'khor chen po mthong bar 'gyur ro/ /nang par ji lta ba'i rmi lam bzlos shig brjod la gtang ngo/ /de nas nang par rmi lam dri bar bya'o/ /de nas 'dzem pa med par bzlas te/ /rmi lam sangs rgyas mthong ba dang/ /yon tan rgya mtsho mngon sum bzhin/ /mchod rten dang ni sku

  80. 40b

    gzugs mthong/ /de la mchod pa rtsom pa dang/ /dge slong dag dang chos nyan rnams/ /zhes bya ba la sogs pa'i rmi lam brtags la/ /ngan par gyur na sbyin sreg bya/ /de nas dkyil 'khor yang dag mchod pa bzlas pa dang/ bsgom pa la sogs par ci nus par mchod bstod la sogs pa byas la/ de nas sngags dang phyag rgyas dkyil 'khor steng du bteg la/ de bzhin gshegs pa de rnams dang/ shel lta bu'i khang pa brtsegs pa'i nang du zhugs par kha sbyar byas la bzhag go /de nas slob ma'i gtso bo dang lhan cig tu bsam gtan la mnyam par nyal bar bya'o/ /de nas bdag nyid skya reng shar pa'i dus su lha'i sbyor ba byas la/ nyi ma 'char kar bdag nyid rgyan thams cad dang ldan par byas nas/ /dkyil 'khor dris nye bar byugs te/ tshon sna lnga'i skud pa so sor bkal la/ /rims pas bzhag ste/ oM hUM traM h+ri(rgyud 'grel): a rang gi sa bon rnams la mi bskyod pa la sogs pa/ rang gi phyogs na bzhugs pa rnams kyi gnas su gtang la/ 'bar ba'i lcags kyus drangs te/ lag pa g.yas pa'i srad bu bkal/ /a na la sogs pa'i sngags kyis bsgrims la/ tsan dan la sogs pa bsgos pa'i/ / snod du bzhag la mchod de/ /bzlas pa byas la de nas rang nyid rnam par snang mdzad du gyur pa'i snying kha nas/ grogs po rdo rje 'dzin pa dza dza zhes ba phyung la/ ma dang Tal sogs nyi ma dang zla ba ser po'i sna la bskyed la dza zhes pas sgrub pa'i grogs kyi lag tu gar la/ g.yon khu tshur gyi srad bu gzung la ci bder gdab par bya ste/ de yang tshangs dang logs dang zur logs thig rnams la/ de bzhin phyi dang nang gi cha chen po nyi shu brgyad du nam mkha' la gdab par bya'o/ /oM badzra sa ma ya sU tra ma ti kra ma hUM zhes pa gyen du btab pa'i sgras de bzhin gshegs pa rnams bskul/ yang na cha chen po bcu drug tu bya/ de nas kha dog gcig pa'i skud pa las thams cad pa'i skud par byin gyis brlab la/ sa thig gdab ste/ kha cig na re rdo rje dbyings bzhin du thig gdab bo zhes zer/

  81. 41a

    kha cig na re cha chen po brgyad du thig gdab bo zhes zer/ /'dir ni nges pa kho nar cha chen po nyi shu rtsa brgyad du gdab bo zhes phyi nang du phyi ste/ 'khor lo rim pa gsum gyis gdab bo/ /phyi dang nang du bcas pa'i sgo/ /phyi 'jig rten pa'i sgo skyang ba bya'o/ / rdo rje ra ba dang me ri la sogs pa'i thig gdab bo/ /de nas dkyil 'khor na gnas pa'i phur bu hUM bzhis ston la/ tshon sna lngas bkang la thig bzhin du byin gyis brlabs te/ oM sa ma ya? tsi tra hUM zhes ba 'dis sba bar bya'o/ /des byang shar mtshams su tshan sna rnams 'dzum pa lag pa g.yon pas drangs te/ chos kyi dbyings de dag pas ni sems can khams kyi rang grol byas/ /rgyas pas 'jam dbyangs rdo rje nyid/ /de bzhin gshegs pa kun gyi gnas zhes brjod la phur bus gdab/ /de nas dbus nas rim pas bris te/ de'i rim pa 'di yin te/ sngon po ser po dmar po dang/ /ljang gu dkar po rim pas dgye /de yang shar du sngo la lho ru ser/ /nub tu dmar po byang ni ljang/ /dkar po dbus su shes par bya/ /gsungs pas na de na de ltar bri'o/ /de ltar bris la mtshan ma dgong pa ni/ /sku 'am gsung ngam thugs su dgong pa ste/ /dbus su dpal rnam par snang mdzad do/ /'khor lo phyogs bzhir bde bar gshegs pa rigs bzhi'o/ /mtshams su yum bzhi'o/ /de'i phyi rol tu 'khor lo rtsibs bcu drug pa gru bzhi sgo dang bcas pa'o/ /rtsibs bcu drug la byang chub sems dpa' bcu drug go /grwa la lha mo brgyad do/ /sgo la sgo ba bzhi'o/ /de'i phyi rol tu 'jig rten pa'i yon tan brjod pa las dgod par bya'o/ /de nas dgongs ka'i dus su bab pa dang/ /yo byad dang dkyil 'khor gyi rgyan rnams bgram pa bya ste/ mchod pa lnga dang rgyan thams cad dang de bzhin du phur bu mda' dang/ tshan skud kyi dra ba dang/ ral gri la sogs pa dang me long la sogs pas dkyil 'khor brgyan

  82. 41b

    pa/ /mtshan yang dag par brjod pa'i glegs bam bzhi yang phyogs bzhir bzhag go /phyogs mtshams su spos snod brgyad la sogs pas bdug par bya'o/ /de ltar dkyil 'khor gyi rgyan cha zin nas/ /de nas rje btsun gyi yi ge brgya pa bzlas shing/ dkyil 'khor de dbang ldan nas brtsams te bsang gtor bya'o/ /dkyil 'khor byin gyis brlab pa'i phyir/ rdo rje 'khor lo'i phyag rgya dang/ sngags bzlas so/ /de nas bdag nyid rgyan gyis brgyan pa khyams su 'dug ste/ /dang por bdag med pa nas sgrub pa'i thabs las 'byung ba bzhin du/ gtso bo'i sku bskyed cing ye shes sems dpa' dang gnyis su med par byas la rgyas bdab ste/ dbang bskur la dkyil 'khor de sngags dang phyag rgyas blang ba la/ sku dang yig 'bru phyag mtshan gang yin pa'i cho ga gsum gyi bskyed la/ kha sbyar gyi sbyor ba bsams la phab ste gnyis su med par bya'o/ /de nas bdag nyid dkyil 'khor lan gsum du bskor zhing lhag pa dang ma tshang ba zhi bar bya ba'i phyir/ rje btsun gyi mtshan yang dag par brjod pa dang/ sngags kyi phreng ba brgya rtsa brgyad bzlas la me tog dbul lo/ de nas rdo rje 'jigs byed du byas la dbus su 'dug nas sgo dbye'o/ /yang na bar 'dir lha'i rnal 'byor byas la/ bum pa dang yo byad rnams nang du gzhug go /bum pa rnams la bzlas pa byas la gnas su bzhag go /de nas mchod pa byas la bdag nyid dbang dang dam tshig can du bya ba'i phyir rje btsun gyi mchod pa byas pas dbang dang dam tshig dang ldan par bsam mo/ /da nas mchod pa la sogs pa byin gyis brlabs la/ de nas sgo phye la sangs rgyas rnams spyan drangs la/ nam mkha' la byon pa la bgegs bskrad pa la sogs pa byas la dgug gzhug bya ste/ rgyas gdab pa dang dbang bskur ba dang mchod yon la sogs pa phul la/ mchod pa lnga dang nyi shu la sogs pas mchod la/ rje btsun gyi mtshan brgya rtsa brgyad pas bstod do/ /rje btsun gyi sngags kyi phreng ba brgya rtsa brgyad bzlas la

  83. 42a

    gsol ba btab la de nas 'byung po dang chos skyong rnams la gzhung nas 'byung ba bzhin du gtor ma byin la/ de nas dkyil 'khor gyi 'gram du sbyin sreg rgyas par bya'o/ /dus 'di ru phyag rgya dang glu la sogs pa bya'o/ /de nas lha la phyag byas? la/ /bdag ming 'di zhes bya ba yi/ /rdo rje slob dpon dka' thub che/ /sems can kun la phan pa'i phyir/ /slob ma rnams ni 'jug par bgyi/ /de nas gang zag gi rim pas zhu phul la brlab bo/ /ba'i bzhi lnga dang ldan pa'i slob ma gang yang rung ba'i rgyan dang ldan par byas te/ yol ba'i phyi rol tu bla ma la gsol ba gdab pa'o/ /dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa' i tshul bstan pa/ /mgon po chen po bdag 'tshal lo/ /dam tshig de nyid gsal du gsol/ /sdom pa rnams kyang bdag la stsol/ /de nas slob ma la/ /rdo rje bsrung ba bzlas pa yi/ /stod g.yogs smad g.yogs bskon byas la/ /sgo srungs kyi sngags bzlas la g.yogs te/ /me tog thogs te phyag bzhi 'tshal/ /bshags pa rjes su yi rang dang/ /bskul ba dang ni gsol ba bya/ /slob dpon 'dod na 'di skad brjod/ /gtso bo bdag la sdom pa stsol/ /thub pa nyi ma ma lus pa/ /sangs rgyas rnams kyi bdag la gsol/ /bdag ming 'di zhes bya ba yi/ /slob dpon dbang du gnas pa la/ /sangs rgyas rol mo las byung ba/ /mi ldog pa'i 'khor lo 'byor/ /thar pa'i rang bzhin grong khyer che/ /gsang ba chen por 'jug par bgyi/ /gsang ba thams cad bsdus par ni/ /slob dpon chen po bdag 'jug 'gyur/ /mi ldag pa'i dbang bskur ba/ /skal pa chen po bdag la stsol/ /mtshan rnams kun gyi rgyas gdab cing/ /dpe byad rnams dang yang dag ldan/ /sangs rgyas kun gyi yid 'ong ma/ /slob dpon chen po bdag la gsol/ /dbang chen po ni rmad byung ba/ /sems can kun gyi don

  84. 42b

    gyi phyir/ /bdag ni rtag tu slob dpon 'gyur/ /slob dpon chen po bdag la gsol/ /de nas bla mas lha rnams la/ /che ge mo zhes bya ba 'di nyid ni/ /byang chub chen po 'di nyid ni/ /dam tshig mchog dang gsang ba yi/ /dkyil 'khor 'di ni 'jug par 'tshal// yang ni bla mas 'di skad brjod/ /gsang ba chen po'i rigs pa yi/ /gsang ba yongs su 'dzin pa ni/ /bdag nyid chen po khyod 'dod dam/ /de yang 'tshal zhes brjod par bya/ /de nas bla mas 'di skad brjod/ /sangs rgyas chos dang dge 'dun te/ /dkon mchog gsum la skyabs su song/ /'di ni sangs rgyas rigs dag la/ /dam tshig brtan par gyur pa'o/ /rdo rje dril bu'i phyag rgya yang/ /blo chen khyod kyis gzung bar gyis/ /byang chub sems gang rdo rje che/ /shes rab dril bu zhes bshad do/ /slob dpon bdag kyang gzung ba bgyi/ /bla ma sangs rgyas kun dang mnyam/ /'di ni rdo rje rigs dag pa'i/ /sdom pa dam tshig yin par gsungs/ /rin chen rigs mchog chen po la/ /nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /phyi nang gsang ba'i theg pa gsum/ /dam chos khyod kyis gzung bar bya/ /'di ni pad+ma'i rigs dag pa'i/ /dam tshig sdom pa yin par gsungs/ /las kyi rigs mchog chen po la/ /sdom pa thams cad ldan par ni/ /yang dag nyid du gzung par bgyi/ /mchod pa'i las kyang ci nus kyis/ /gzhan yang bcu bzhi 'di dag ni/ /phas pham par ni rab tu bshad/ /spang bzhi dor bar mi bya'o/ /rtsa ba'i ltung bar shes par bya/ /nyin dang mtshan mo lan gsum du/ /nyin re bzhin du zlas par bya/ / gal te nyams na rnal 'byor pa/ /kha na ma tho spom por 'gyur/ /khyod kyi srog chags bsad mi bya/ /ma byin par yang blang mi bya/ /'dod pa log par mi spyod cing/ /rdzun du smra bar mi bya'o/ phud khrol kun gyi rtsa ba ni/ /chad ni yang dag spang bar bya/ /sems

  85. 43a

    can 'dul phyir ma gtogs par/ /bya ba ma yin thams cad spang/ /dam pa nye bar bsten bya zhing/ /rnal 'byor pa rnams bsnyen bkur bya/ /lus kyi las ni rnam gsum dang/ /dag gi rnam pa bzhi dag dang/ /yid kyi rnam pa gsum dag ni/ /ci nus par ni rjes su skyongs/ /theg pa dman pa 'dod mi bya/ /'khor ba dag kyang yongs mi spang/ /rtag tu mya ngan 'das mi chags/ /lha dang lha min gsang ba la/ /khyod kyis brnyas par mi bya'o/ /phyag rgya bzhon pa mtshon cha dag/ mtshan ma bsgom par mi bya'o/ /'di dag dam tshig yin par bshad/ /khyod kyis rtag tu bsrung bar bya/ /des slob dpon 'dir ni bdag la gsol/ /gtso bo ji ltar bka' stsal pa/ /de dag bdag gis bgyid bar 'tshal/ /de nas sdom pa gzung ba brjod/ /sdom pa mi 'dod gang zag la/ /'jug pa tsam zhig mi bya'o/ /dbang bskur bar ni mi bya'o/ /bo d+hi tsit+taM tA da yA mi/ /byang chub sems ni bla med pa/ /dam pa bdag gis bskyed nas su/ /de'i snying khar snying pos ni/ /rdo rje rab tu bzhag par bya/ /su ra te sa ma ya stwaM ho badzra sid+d+hi ya thA su khaM/ dang po'i sangs rgyas byin gyis brlab bo /mchod bas mchod de yon blangs nas/ /las kyi bum pas dbang bskur ro/ /sems mas bcings te sgo bzhir gzhug /de nas shar sgor 'dug byas la/ /'dus 'di nyid du khyad? nyid ni/ /sangs rgyas rigs su chud pas na/ /nga yi rdo rje ye shes sbyin/ /sangs rgyas rigs su 'grub par gsungs/ /gang zhig 'di nyid ma mthong ba'i/ /mdun du smra bar ma byed cig /bag med smras na nyams par 'gyur de bas nan tan smra bar bya'o/ /snying khar rdo rje gtugs la smra'o/ /de nas rdo rje mgor bzhag la/ /'di ni khyod kyi dam tshig ste/ /'ga' la smras na klad pa 'gas/ /tsan dan gur gum la sogs pa'i/ /mna' chu byin la 'di skad brjod/ /'di ni khyod

  86. 43b

    kyi dmyal ba'i chu/ /dam tshig 'das nas sreg par byed/ /dam tshig bsrungs na dngos grub 'grub /'thung zhing rdo rje chu las 'thung/ /oM badzra ya ta hUM/ mna' bor ro/ /de nas 'di skad smras te/ /dus 'di nyid nas bu khyod kyi/ /rdo rje 'dzin pa nga yin gyis/ /nga yi ji ltar bka' stsal te/ /khyod kyis skyo ba med par gyis/ /gang yang nga la ma mos min/ /de bzhin mos par ma byas na/ /bdud kyis bcom nas myos par 'gro/ de bas dam tshig gnas par gyis/ /de nas yi ge brgya pa mnyam gzhag bstan byas la/ /bdag lus gang yin snod kyi sgo phye ste/ /snying la gnas pa'i rdo rje'i dbus su blta/ /sngags kyi bdag po yi ge a gzugs dmar/ /brjod pas yang dag pas g.yo blta/ /slob ma'i lus 'di sgo nas dbye bar bya/ /zhugs nas rdo rje byams ma'i snying la gnas/ /ma lus kun la kun tu gang nas su/ /rkang pa g.yon pas g.yas pa mnan nas su/ /sngags pas slob ma'i rkang pa de la dbab/ /kun tu dril bu'i sgras ni yang dag dkrol/ /lag pa pad+ma 'dab ma'i phyag rgya bca' / /mi bskyod rin chen la sogs bde gshegs rnams/ /rang gi phyogs rtogs las byung 'di phab pas/ /legs phab gyur bar rang nyid lus la blta/ /gang zhig des kyang babs par ma gyur na/ /lag pa g.yas pas til gyi sa bon bzhag /dbus su yi ge hUM yang rnams bkod do/ /rdo rje 'od 'bar bar ni rnam par bsam/ /g.yon pa'i mtheb mdzub phyag brgyar bcas pa yis/ /bslang bar byas la sdig pa bsreg par bya/ /lus ni thal bar byas pa rnam dag pa/ /bsod nams lus la sngags kyis bgang/ ye shes dbab pa nyid du bsam/ /rdzas bzhin dbab pa nyid du rab tu 'gyur/ /de nas babs par gyur pa dang/ /sku gsung thugs kyi rtags gsum 'byung/ /gar dang gar gyi las dang ni/ /glu dang glu lan yang dag bya/ /brtan par byas la 'di skad brjod

  87. 44a

    'di ltar bdag gi slob ma 'di/ /dkyil 'khor du ni legs btsud nas/ /lha'i rigs kyi rim pa dag /'di'i bsod nams ci 'dra bar/ /de bzhin du ni 'bab par 'gyur/ /'dis ni dngos grub gang grub dang/ /rigs ni gang gi snod gyur dang/ /bsod nams mthu ni gang yod pa/ /dkyil 'khor 'di ni de bzhin 'gyur/ /pra tIts+tsha badzra ho:/ /phreng ba bor te bltas rnams blta/ /gal te bcom ldan dbul babs/ /dbu yi gtsug tor 'grub par 'gyur/ /zhabs la babs na sngags rnams 'grub/ /stod dang smad dang bar du babs/ /dngos grub rab 'bring gsum du shes/ /lha'i gzugs las ring du 'gyur/ /de la dngos grub rim par 'grub/ /mchod pa'i 'gram la tshun chang nas/ /de yi de rig de yin te/ /me tog btang ste de yi rigs lha gnyis kyis ni? dpag tu/ /babs na gang du nye ba yin/ /gal te dkyil 'khor las thabs na/ /lan gsum rab tu bskyor du gzhug /de la gal na re thag chad/ /de nas phreng ba blangs te 'di skad du/ /sems ni stobs chen 'di long cig /oM pra ta grih+na swa mi ma ma matwa ma hA ba la brjod la mgo la bcing bar bya'o/ /de nas mig gis ci mthong dri/ /dkar po mchog ni dngos grub la/ /ser po don 'byung dngos grub ste/ /dmar po thugs rje chags pa'o/ /nag po mngon spyod las su bshad/ /sna tshogs dngos grub thams cad do/ /gdong g.yogs bkrol te/ /rdo rje chags pas de khyod kyi/ /mig 'byed par ni brtson par mdzad/ /rdo rje mig ni? bla na med/ /he badzra pA sh+ya/ /gdong g.yogs bkrol la dkyil 'khor bstan/ /shar phyogs sgo nas lcags kyu ma'o/ /lho phyogs nas zhags pa ser po/ /nub phyogs nas lcags sgrog dmar skya'o/ /byang sgo nas dril bu ljang gu'o/ /shar khyams nas rim pas/ /byams pa dkar po/ /'jam dpal spos kyi glang po/ /ye shes tog /lho'i khyams la rim

  88. 44b

    pas/ bzang skyong/ blo gros rgya mtsho/ spobs pa brtsegs pa/ bzhi sku mdog ser po/ nub kyi khyams la mthu chen 'thob/ /ngan song kun 'dren/ mya ngan kun 'joms /dra ba can gyi 'od/ /sku mdog dmar po/ /byang gi khyams la/ zla 'od gzhon nu/ 'od dpag med / nam mkha' i mdzod/ sgrib pa kun sel/ sku mdog ljang gu'o/ /grwa la shar lhor bdug pa dkar mo/ da'i nub tu me tog ma ser mo/ /nub byang du mar me mdzad dmar skya/ /byang shar du byug pa ma ljang gu /shar gyi 'khor lo la rims pas rdo rje sems dpa' dkar po rgyal po ser ba/ chags pa dmar ba/ legs pa ljang gu'o/ /lho'i 'khor lo la rim pas rdo rje rin chen ser ba/ gzi brjid dmar ba/ rdo rje rgyal mtshan sngo ba/ rdo rje bzhad pa dkar po/ nub kyi 'khor lo rdo rje chos/ /dkar dmar rdo rje rnon po sngo ba/ /rdo rje rgyu ser ba/ / rdo rje smra ba dmar ba'o/ /byang gi 'khor lo la rdo rje las khra bo/ /rdo rje srung gser ba/ rdo rje gnod sbyin nag po/ rdo rje khu tshur ser po/ gru chad la shar lhor sgeg mo dkar mo/ /lho nub tu phreng ba ma ser ba/ nub byang du glu ma dkar dmar/ byang shar gwa la gar ma ljang gu /de nas 'khor lo'i shar du mi bskyod pa sngon po/ rin chen 'byung gnas ser ba/ snang ba mdza' yas dmar ba/ /don yod grub pa ljang gu'o/ /mtshams kyi 'khor lo la rdo rje sems pa dkar ba/ rin chen ma sngo bsangs ma/ chos ma dmar mo/ las ma ljang gu'i dbus su rnam par snang mdzad dkar ba/ dang po sangs rgyas sku mdog sna tshogs pa'o/ /ye shes sems dpa' dkar/ /de ni dkyil 'khor bstan pa'o/ /kha cig 'dir rnam dag gsum ston te/ mi 'thad do/ /de nas dbang bskur te sgrub pa dang/ slob dpon no/ / de la sgrub ba ni/ de nas shar ngos zla ba'i dkyil la/ slob ma yi dam du bskyed pa la byin gyis brlabs la/ /las kyi bum pas dbang bskur la mchod pa dang/ /bkra shis brjod cing gdugs dang rgyal mtshan la sogs pas mchod la/ bum pa'i dbang skur te/ oM na

  89. 45a

    mo many+dzu sh+rI badzrA b+hi Shiny+tsa ces pas dbang bskur te/ rigs kyis dbu brgyan par bya'o/ /de nas dbu rgyan stong pa nyid sngon du 'gro bas yig 'bru lhar bskyed la/ de bzhin bcug la slob ma'i mgo la bskon la/ /oM ratna ku la mu ku TA b+hi Shiny+tsa zhes bas/ dbu dar dpyangs dang bcas pas bskur ro/ /de nas rdo rje stong pa nyid las 'od dpag med du bskyed la ye shes bcug la/ de gyur ba las rdo rjer gyur te/ sangs rgyas rnams kyi rdo rje'i dbang/ /de ring khyod la bskur bar bya/ /sangs rgyas kun tu rab sgrub phyir/ rdo rje 'di ni khyod kyis long/ /oM badzra ti pa ti taM/ a b+hi Shiny+tsa mi tiSh+Tha badzra sa ma ya hUM/ de nas dril bu yang a mo ka si bskyed la/ ye shes bcug pas dril bur gyur pa de byin te/ oM a kA ro mu khaM sarba d+harmA NAM Adya nutpan+na twAt zhes pas sbyin no/ /de nas rdo rje dril bu spyi bor bzung la ming dbang rnam snang chos kyi ngo bo sbyin/ oM nA mA b+hi Shiny+tsa zhes pas byin te/ lha gang la babs ba'i ming sbyin no/ /de nas mchod pa rnams kyis mchod la/ sngags dang phyag rgya'i ye shes blang ba dang/ mchod pa dang brtul zhugs kyi dbang byin la/ slob mas thal mo skor te bla ma la yon 'bul ba la sogs pa bya'o/ /rig pa'i dbang bskur ba'o/ /de nas slob dpon du 'os pa'i slob mas yon phul la/ /gsol ba gdab ste/ bdag dang gzhan don byed ba yi/ /slob dpon gyi ni dbang yin pas/ /thugs rje'i bdag pos gsal te zhu'o/ /de nas slob ma rje btsun rnam par snang mdzad bskyed la/ dbang rtags shar ngos su gru bzhi pa sgo bzhi pa sgo nub tu bltas la tshon sna lngas pad+ma 'dab ma brgyad bris la de'i steng du seng ge bla res dang dar dang gdugs/ /me tog gi phreng ba ba dang rgyal mtshan la sogs pa rol mo'i cha byang glu gar sogs de ltar brgyan pa'i slob ma rnams la rnam rgyal bum pa nas bzung ste/ sgo'i bar du dbang bskur ro/ /'jam dbyangs sku gzugs nas bzung ste/ oM many+dzu sh+rI ma ta su kha badzra satwa dza(rgyud 'grel): hUM baM ho:

  90. 45b

    su ra ta sa ma ya stwa/ zhes pas slob dpon chen por gyur bkra shis brjod de/ shes rab yan lag 'dus pa'i ral gri las byung ba/ /byang chub sems kyi 'jam dbyangs byang chub de dbang bskur/ /'jam dbyangs lha tshogs rnams kyis legs gsungs gang yin pa/ /des ni dbang bskur mchog la dus kun bkra shis shog /'grub na lha kun la sbyar ro/ /byang sems rdo rje la sogs dkyil 'khor la 'jug cing/ /srid pa'i snying po rnam grol sgeg mo la sogs pa/ /bde byed rab mchog legs par glu blangs pa bkra shis gang/ /de ring khyod kyi dbang mchog 'di la bkra shis shog /shin tu zhi ba'i mdzad ba phul byung ma lus pas/ /sems can bde gshegs rtogs 'dzin dbang bskur ba/ /dpag med lha yi tshogs kyi legs gsungs bkra shis gang/ /des ni khyod kyi dbang bskur mchog la bkra shis shog/ dpal ldan khams gsum rnam rgyal dkyil 'khor rab mchog la/ /'jig rten gsum gyi rgyal mchog dbang bskur ba/ /lha yi tshogs kyis btud de dbang bskur gang/ /des ni khyed kyi dbang bskur mchog la bkra shis shog /'gro ba sna tshogs 'dul phyir phyag na pad+ma bsnams/ /rdzogs pa'i rin chen cod pan bdud rtsi'i chus dbang bskur/ /pad+ma'i 'dod chags so legs gsungs bkra shis gang/ /des ni khyed kyi dbang bskur mchog la bkra shis shog /nam mkha' i snying po nor bu rin chen 'byor bas nyams dga' ba'i don rnams kun 'grub bde byin dbang bskur chen po la/ /dge ba phun sum tshogs mdzad legs gsungs bkra shis gang/ /des ni khyed kyi dbang bskur mchog la bkra shis shog /de nas dbu rgyan dang rdo rje dang dril bu dang rdo rje dbang bskur byin la/ me tog la sogs pas mchod/ de nas dam tshig la sogs pa'i dbang byin te/ rdo rje byin la de kho na nyid bstan te/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po thams cad bdag /rdo rje snyems tshul bdag po'i bdag/ ho las dril bur bskyed

  91. 46a

    la/ /'di ni sangs rgyas thams cad kyi/ /shes rab dbyangs kyi rjes la gror 'dod/ /rtag pa khyed kyis gzung pa yin/ /rgyal pa'i byang chub mchog rab kyi/ /srid pa'i ngo bo gyis bdag mdzod/ /phyag rgya chen pos de bzhag la/ /srid pa'i bde ba shin tu chung/ /sdug bsngal chen po dag bya'i phyir/ /shin tu bde ba dam pa'i thabs/ /de bas dam tshig srung bar gyis/ /'dod pa'i longs spyod thams cad ni/ /ci 'dod par ni bsten bya bzhin/ /rang gi lha'i sbyor ba yis/ /bdag dang gzhan la mchod par bya/ / sku'i dam tshig go /de nas mchod pa rnams kyis mchod la/ /gsang ba'i dbang bskur te/ dkyil 'khor dang lha rnams dang slob dpon la brlabs te dkyil 'khor ni mi nyams med par zur bzhi ste/ /dran dang dbang po'i sgo bzhi dang/ /bsam gtan rnams ni rta babs bzhi/ /ting 'dzin kha khyer shes par bya/ /kha khyer la brten rdo rje'i mchog /gzugs rnams lha mos mchod pa yin/ /rgyan rnams kun gyi bkram pa yang/ /bsam pa thams cad rdzogs byed pa'i/ /gdul bya bskyod pa sna tshogs mchog /dar 'phan dril bu sgrogs pa yin/ /me long ye shes rtag med rtog /byang chub yan lag me tog phreng/ /dra ba dra phyed rin chen mchog /nyi ma zla bar yang dag bshad/ /kun grub mi zad bde pa ste/ /bde ba chen po zhes grags so/ /de yi nang gi dkyil 'khor gyi/ /ka ba dkyil 'khor dra pa pa yin/ /dngos grub bde ba kun ster ba/ /rnam thar brgyad po de nyid yin/ /theg pa chen po'i byang chub sems /'di de'i 'khor lo bskor bas ni/ /rdo rje'i thig gis yongs bskor zhing/ /chos kyi 'khor lo bskor bas na/ /'khor lo rnams dang ldan pa yin/ /gang du 'jug pa tsam gyis ni/ /mi mtshungs pa dang mi ldog pa/ /bde ba chen po rab sgrub phyir/ /de dag dang por yang dag 'gyur/ /de nas lha'i rnam par dag pa ni/ /rang rig pa'i sgyu ma gnyis su med ba'i ye shes de nyid lha lnga bcu rtsa gsum yin te/ de yang gzugs dang

  92. 46b

    gti mug dag pa chos kyi dbyings kyi ye shes spyi'i cha nas 'jam dpal rnam par snang mdzad do/ /'di la sku gsum du brtsi'o/ /rnam par shes pa'i phung po dang/ zhe sdang rnam par dag pa'i me long lta bu'i ye shes ni mi bskyod pa'o/ /tshor ba'i phung po dang ser sna ngag pas mnyam pa nyid kyi ye shes ni rin chen 'byung ldan no/ /nga rgyal gyi sgrib pa 'du byed kyi phung po dang 'dod chags dag pa ni so sor rtog pa'i ye shes ni snang ba mdza' yas so/ /sgrib pa dang 'du byed phung po dang/ khro ba dag pa bya ba nan tan don yod grub pa'o/ /dngos por 'dzin pa la sogs bzhi bkag pa'i rnam thar bzhi'o/ /mi bskyod pa'i me long lta bu'i ye shes des dgag bya nang dang phyin pa/ phyi dang nang snod bcud du zhen pa bkag pa'i rig pa'i cha me long lta bu'i me long/ me long lta bu'i mnyam pa nyid/ me long lta bu'i aso sor rtog pa/ me long lta bu'i bya ba nan tan no/ /shar gyi 'khor lo ser po bzhi'o/ /de bzhin stong pa'i cha bzhi byang chub sems dpa' bzhi'o/ /des 'gre'o/ /dgag bya dgag pa'i rim pa'o/ /ye shes phye ba'i sems dpa' la/ /stong pa'i cha nas byang chub sems dpa' o/ /ser sna dag pa sbyin pa ste sgeg mo'o/ /tshul khrims 'chal pa spangs te phreng ba ma/ /khro ba spangs pa glu mkhan ma/ /phrag dog spangs pa gar mkhan ma/ /brnab sems spangs pa me tog ma/ /shes rab 'chal ba spangs pa bdug spos ma/ /log pa'i smon lam spangs pa mar me ma/ /shes bya'i sgrib pa dang phung po'i bdud spangs ba dang pa'i stobs lcags kyu ma/ /'dod pa'i sgrib pa dang/ nyon mongs pa'i bdud bcom pa brtson 'grus kyi stobs sgo ba zhags pa ma/ las kyi sgrib pa dang 'chi bdag gi bdud bcom pa'i dran pa'i stobs sgo ba lcags sgrog ma/ skye ba'i sgrib ba dang lha'i bu'i bdud spangs pa'i ting nge 'dzin gyi stobs sgo ba dril bu ma/ lnga'i rnam par dag pa'o/ /de nas slob dpon gyi rnam dag ba rnams kyang ji ltar bslab pa'o/ /gsang ba'i dbang bskur ba'o/ /mchod pa gser thur thogs la

  93. 47a

    ji ltar mig mkhan mkhas pa yis/ /'jig rten ling thog gsal ba ltar/ /bu khyod kyis ni mi shes pa'i/ /rab rib rgyal ba rnams kyis gsal/ /oM badzra nai tA pa ha ra pa tra laM h+rI:/ me long blangs la/ chos kyi dbyings nyid bstan te/ chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun tu byung/ /ngo bo nyid med gnas med par/ /de ltar chos 'di shes nas su/ /sems can don ni mnyam med myos/ /'on kyang sangs rgyas sras su skye/ /de nas dril bu dkrol te/ chos rnams nam mkha' i mtshan nyid de/ /nam mkha' la yang mtshan nyid med/ /nam mkha' dang mnyam sbyor ba yis/ /kun mchog mnyam pa nyid du gsal/ /a zhes pa dril bu'i snying po sbyin no/ /de nas ta thA mnyes par gyis zhes pas ho zhes pas gzhu byin la/ phyogs bzhi steng 'og tu 'phen du gzhug go /yang me long bstan la/ /rdo rje sems dpa' me long bzhin/ /dag cing gsal la rnyog pa med/ /sangs rgyas kun bdag rang bzhin gyis/ /bu khyod kyi ni snying la gnas/ /me long 'dzin pa oM many+dzu sh+rI a/ rkang pa'i bar du 'khor lo bzhag la/ /lag par dung byin la/ /de ring thams cad 'jig rten la/ /skyob pa rnams kyi 'khor lo bsgom/ /chos kyi dung ni bla med pa/ /kun tu ma lus gang bar gyis / som nyi yid gnyis mi bya zhing/ /dogs pa med pa'i sems kyis su/ /gsang sngags spyad pa'i tshul gyi mchog /'jig rten 'di la rab tu sgrogs/ /de ltar byas nas sangs rgyas la/ /phan 'dogs drin du gzo bar 'gyur/ /rdo rje 'dzin pa de kun yang/ / khyod la rtag tu srung par byed/ /'khor lo dang po 'di byin yang/ /'jig rten kun la khyad par du/ /sems can kun la phan pa'i phyir/ /ji ltar sna tshogs 'dul 'gyur ba/ /chos kyi 'khor lo rab tu bskor/ /de bzhin du rdo rje dang khro bo dang/ pad+ma dang nor bu'i 'khor lo

  94. 47b

    skor ces rjes su gnang ba byin no/ /de nas gzengs bstod la lung bstan te /oM nga ni khyod la lung bstan yin/ /rdo rje sems dpa' de bzhin gshegs/ /srid pa kun tu rab sgrub phyir/ /srid pa ngan 'gro rnams la ston/ /rdo rje che ge mo b+hurb+hu swa/ zhes pas gzengs stod de/ /de bzhin gshegs pa'i khu tshur bcings la/ //g.yon pas chos gos 'dzin pa ltar byas la brjod do/ /ngan song phyir mi ldog ces bya'o/ /de nas gsang ba'i ye shes bslab ste/ /'dod chags bral ba lta bu'i/ /khams gsum na ni sdig med de/ /de bas 'dod la chags bral ba/ /khyod kyi nam yang ma byed cig/ ma sa ma ya ha na phaT/ de lta'i sngags byin la/ phyag rgya bzhi yang bslab par bya'o/ /de nas khyod kyis mi mkhas pa'i gang zag la sngags dang phyag rgya ma ston cig/ de yi spyad na som nyi zos/ /gnyi ka ngan song nyid du lhung/ /der khas blangs la/ 'di ni sangs rgyas thams cad kyi/ /rdo rje sems dpa' lag na 'dug/ khyod kyis kyang ni rtag tu bcang/ /lag na rdo rje brtul zhugs brtan/ /oM sarba ta thA ga ta sid+d+ha badzra sa ma ya tiSh+Tha Sha twaM da ra ya mi badzra satwa hi hi hi hi hUM/ de nas 'di ni sangs rgyas thams cad kyi/ /shes rab dbyangs kyi rjes 'gro ba/ /khyod kyis kyang ni rtag tu bcang/ /byang chub rdo rje rgyal bas gsungs/ /dril bu sbyin no/ /rjes gnang mthar thug sbyin te/ /slob ma rgyan dang ldan pa/ spyi bor gdugs bzung thal sbyar nas/ /dkyil 'khor legs par bskor du gzhug /gdugs dang bcas pas bskor phyogs su /spyi bo btud de phyag 'tshal gzhug /slob ma 'di ni phul ba lags/ /sngags dang rgyud ni 'dzin par 'gyur/ /mkhan pos de skad smras nas su/ /gdugs bzhag nas bu yi slob ma de/ /lag pas bzung ste 'di skad sgo/ /dkyil 'khor slob dpon nyid du 'gyur/ /sngags dang rgyud kyang 'dzin bar 'gyur/ /sangs rgyas byang chub sems dpa' dang/

  95. 48a

    lha rnams kun gyis bskur bar 'gyur/ /sems can kun la snying rje'i phyir/ /khyod kyis dkyil 'khor cho ga bzhin/ /nan tan bskyed de bri bar gyis/ /sgrub pa po yang rgyud la sbyor/ /khyod kyis chos la ser sna dang/ /sems can rnams la phan pa'o/ /nyams pa che bar gyur kyang ni/ /bu khyod kyis kyang mi bya'o/ /de nas slob ma re re yis/ /lag pa bzung la sbyin sreg bya/ /de ltar byas la bdag bsrung ste/ /sngags pas yon blangs slob ma dag la sbyin/ /slob mas bskor ba phyag byas bdag nyid dbul/ /bla mas mchod cing yid la gang 'thad dbul/ //dngos grub dam pa 'dod pa yis/ /de dang de kun bla ma sbyin/ /des ni bsod nams tshogs su 'gyur/ /tshogs las dngos grub chen po 'byung/ /de nas bla mas dkyil 'khor gyi lha rnams la gsang ba'i gsang bas mchod de/ /oM badzra satwa su saM ta haM/ badzra ratna ma nu ta raM/ badzra d+harma garti naM/ badzra karma ko sho ka rodg+ha wa/ d+hU be la sogs pas kyang mchod la/ thams cad la ci nus pas mchod ces bsgo la byed du gzhug /de nas bza' ba dang lhung ba rnams kyis/ bdag dang gzhan ci dga' bas mchod la longs spyad do/ /de mna' bsgegs la zhugs pa rnams la mchod pa dang/ bstod pa dang gsol ba gdab pa dang/ bzod pa gsol la nyi ma 'char kar rdo rje sems dpa' i phyag rgya gyen du bkrol te/ oM khyod kyis sems can don kun mdzad/ /rjes su mthun par dngos grub stsol/ /sangs rgyas yul du gshegs nas kyang/ /slar yang 'byon par mdzad du gsol/ /mi bskyod pa la sogs pa sprul pa rnam pa rang la dza(rgyud 'grel): hUM baM ho(rgyud 'grel): bsdus la de nas snying kha nas byung ba'i rdo rje rin chen gyi phyag rgya rang la dbang bskur ba mdzub mo gnyis kyis phreng ba bcing ba la go cha bcing bar bya te/ oM badzra ratnA b+hi Shiny+tsa sarba mu tra me ti ku ru ba ra ka ra ba tse na baM/ go cha'i mthar phreng ba bcings la bkrol/ /thal mo

  96. 48b

    sbyar te mnyam pa'i thal mo dang/ oM badzra tu sh+ya ho(rgyud 'grel): zhes pa dang/ yi ge brgya pa brjod la de dga' bas legs pa sbyin no/ /de nas oM badzra kI li kI lA ya sarba big+h+nAM badzra pha rA Na hUM hUM hUM hUM phaT zhes phur bu bton la 'o mas bkru'o/ /oM a kA ro mu/ baM sarba d+harmA NAM Adya nutpan+na twAt/ zhes pas tshon rtsi rnams bsdus la/ gang dang sil snyan ldan byas la/ chu klung chen po rgya mtshor bya/ /sdig pas mi gos ya ga med/ /dkyil 'khor ba yi lci bas byug /bza' ba dang ni bca' ba rnams/ /ci dga' par ni spyad par bya/ /khyi dang bya rog la sogs la/ /cung zad tsam yang mi sbyin no/ /yo byad rdzas rnams thams cad ni/ /slob dpon nyid kyis bsgrubs nas su/ /bdag rang nyid kyis spyad par bya/ /slob ma rnams la bgo mi bya/ /rgyud rnams kun las de skad gsungs/ /slob mas spyad na dam tshig nyams/ /gang zhig spyad par mi 'dod na/ /de yi cho ga'i go rims ni/ /dkon mchog gsum gyi yo byad du/ /cho ga bzhin du dbul bar bya/ /gdugs dang rnga yab sil snyan sogs/ /sangs rgyas rnams la dbul bar bya/ /gdan dang gdub sbos la sogs pa/ /dam pa'i chos la dbul bar bya/ /gos dang yo byad sgo la sogs/ /dge 'dun rnams la dbul bar bya/ /de dag la ni slob ma yis/ /cung zad tsam yang mi bskye'o/ /gal te bdag nyid mi 'dod na/ /dge slong dge bsnyen rnams la sbyin/ de nas de yi phyir de nyid/ / nyes byas lhag chad zhi bya'i phyir/ /byams pa chen po bsgom par bya/ /slob mas ma dag zhi bya'i phyir/ /spyan la sogs pa'i sbyin sreg bya/ /sems can kun la phan bya'i phyir/ /byams pa chen po bsgom par bya/ /dad pa med dang dman la 'jug pa dang 'dod la chags dang 'khor ba'i dbang phyug dang/ /g.yo rgyu can dang ser sna 'jur bgegs can/ /rtse gnyis blo zhan rtog pa can/ /rang gi bu nyid yin yang de la ni/ /sgrub ba'i cho ga 'di ni sbyin mi bya/ /mtshan ni yang dag brjod pa rgya mtsho lta bu'i don/ /bdag 'dra'i blo

  97. 49a

    yis dpag par mi nus kyang/ /bla ma'i man ngag rim pa'i srub shing gis/ /cho ga'i rim pa bdud rtsi 'di rtsams pa/ /'di la dge ba ci thob des/ /'khor ba'i 'dam du bying ba yi/ /sems can rnams dang 'dir bzhugs pa/ /sku gsum sku lnga lhun grub shog /'phags pa 'jam dpal gyi mtshan yang dag par brjod pa'i dkyil 'khor gyi cho ga/ /paN+Di ta shAn+ta garb+has mdzad pa rdzogs so// ///lo ts+tsha ba smri ti dz+nyA na kIrtis bsgyur cing zhus te gtan la phab pa'o// // */ (/'phags pa 'jam dpal gyi mtshan yang dag par brjod pa'i sgrub rabs gsang ba'i sgron ma slob dpon chen po pradz+nyA gu ru sa mdzed? pa bzhugs so/ /rgya gar skad du/ Arya many+dzu sh+rI nA ma saM gI ti gu hya sA d+ha pra dI pa nA ma/ bod skad du/ 'phags pa 'jam dpal gyi mtshan yang dag par brjod ba'i sgrub thabs gsang ba'i sgron ma zhes bya ba/ 'phags pa 'jam dpal dang po'i sangs rgyas la phyag 'tshal lo/ /de la dang por bsnyen pa ni/ gnas dben par 'dug ste/ rnal 'byor pas khrus dang bsrung pa dang/ gos brje ba dang/ byug pas byugs te gnas dang stan bsangs te 'dug nas/ rang rdo rje 'chang du mos pa'i snying khar nyi ma/ de'i steng du hUM las rdo rje/ de'i lte pa la hUM las 'od 'phros pas gnas bsrungs te/ mchod pa byin gyis brlabs la/ rdo rje 'khor los zhing sprul nas/ bdag dang 'brel par bya la/ /tshogs bsag par bya'o/ /tshogs bsag pa ni/ phyag 'tshal zhing bdag spro ba bskyed pa dang/ mchod pa dang sdig pa bshags pa dang/ bsod nams la rjes su yi rang ba dang/ chos kyi 'khor lo bskor bar bskul ba dang/ / mya ngan las mi 'da' bar gsol pa dang/ bdag dbul ba dang/ dngos grub blang ba dang/ 'dud kyis bstod pa dang/ bsngo ba'o/ /lha rnams kyis drin lan gyi tshul du tshur bstod pa'o// de dag ni dang po sbyor ba'i ting nge 'dzin to// //de nas sdom

  98. 49b

    pa bzung/ / de nas 'khor lo bdag la bsdu/ /stong par bsgom la ye shes kyi lus su ldang/ /de nas mngon par byang chub ba lnga bsgom mo/ /de dag ni yongs su dag pa'i ting nge 'dzin to/ /de nas gzhal yas khang gdan dang bcas pa bsgom mo/ /de dag ni gzhi'i ting nge 'dzin to// //de nas khang bu'i dbus su seng ge dang pad+ma'i steng du/ a las rdo rje 'chang du bskyed de/ sku mdog dkar po zhal bzhi pa/ byang chub mchog gi phyag rgyas rdo rje lnga ba bsnams pa'o/ /de'i thugs khar dang po'i sangs rgyas so/ /de dag ni dang po'i sangs rgyas bsgom pa'i ting nge 'dzin to/ /de nas snying ka'i ye shes sems dpa' la dmigs te/ mtshan yang dag par brjod pa mtshan ma bzang po ma byung gi bar du bzlas par bya'o/ /de dag ni thun mong gi bsnyen pa'o/ /de nas tshom bu'i dkyil 'khor du/ /ro la bsnyen pa zhag lnga bya ste/ /kun rig gi sngags bzlas pa'i spos chus bkru/ de nas bgegs bskyad pa ni/ /dkon mchog gsum la phyag 'tshal lo zhes bya ba la sogs pa bden pa bdar la/ /tshe 'das pa 'di la /son gyi dus su brnyas byed cing/ gshin gyi dus su bgegs dang log 'dren gang dag yod pa de dag thams cad skad cig kyang ma gnas par dengs shig ces byas la yungs kar brdeg cing/ sngags khro bo'i snying po/ oM yAn+ta ka hUM phaT ces bzlas so/ /de nas shes pa dgug pa ni/ gong gi bden pa brdang la tshe 'das pa ming 'di zhes bya ba khyod 'di nas shi ba'i dus byas nas/ ngan song gsum la sogs pa 'gro ba gang na gnas kyang rung skad cig gis 'dir khugs par gyur cig /oM sarba bidya sarba pA paM A karSha hUM dza(rgyud 'grel): a ni su tri pri du dza zhes brjod cing snying ka nas 'od zer 'phros pas kyang dgug par bsam mo/ /dza(rgyud 'grel): hUM baM ho(rgyud 'grel): sa bstim la bzhag /de nas yang dug gzhom pa'i tshigs su bcad pa dang/ kun rig gi sngags kyis bkrus la/ ro byin gyis brlab te rang gi lha ru bsgoms nas yi ge a spyi bor bsams nas 'od 'phros pas ye shes lnga

  99. 50a

    yis gang bar bsam mo/ /de nas a'i sgro? bsdu'o/ /de nas rang gi mig la a A zhes bya ba dgod de bzhin du rna ba dang sna dang lce dang lus la yang i a'i u a'u e i o aau dgod par bya'o/ /yid la aM a(rgyud 'grel): dgod par bya'o/ /lte ba dang snying ka dang mgrin pa dang mtshogs mar 'khor lo bzhi bsgom par bya'o/ /de ni sngon du bya ba'i cho ga'o/ /de nas ro sta gon la gnas ba ni/ tshom bu'i dkyil 'khor gyi dbus su khri dar gyis bkab pa'i steng du bzhag ste/ slob dpon smyung bar gnas pas gong du bstan pa bzhin du tshogs bsag pa'i cho ga byas la de nas dbang bskur ba'i phyir tshig 'dis gsol pa gdab par bya'o/ /de nas phyag byas spos thogs la/ spyan drang tshigs 'di brjod par bya'o/ /kye dbang bskur nges de bla na med/ /phyogs bcur bzhugs pa'i sangs rgyas rnams/ /ma lus bdag la dgongs su gsol/ /bdag ming 'di zhes bya ba yis/ /'di la phan gdags dang ched du/ /gnas 'dir sangs rgyas kun gshegs te/ /'di la dbang ni stsal du gsol/ /zhes brjod la/ dang po'i sbyod pa dang/ dkyil 'khor rgyal mchog dang/ las rgyal mchog rnams bsgoms la/ /sku'i phreng ba'i sngags kyis lha rnams gsal bya'o/ /de nas ting nge 'dzin gyi dkyil 'khor du dbang bskur la dam tshig la bzhag par bya'o/ /de nas zhag lngar ro'i lhag pa'i lha'i snying po 'aM sku'i phreng ba'i sngags kyis bzlas pa bya'o/ /de nas tshom bu'i dkyil 'khor gyi shar du khru gang dor bar zhi ba'i thab khung byas la/ til nag po la sdig pa'i gzugs brnyan byas te/ sdig pa sbyang ba'i sbyin sreg zhag gcig bya'o/ /de nas dkyil 'khor bri pa'i ched du 'dud nyi shus bstod par bya'o/ /de nas gsol ba gdab byas nas phyogs bcu'i sangs rgyas nam mkha' la/ mngon sum 'dra bar gang bar bsgom/ /de dag ni shi ba sta gon la gnas pa'i ting nge 'dzin to/ /de dag ni khyad bar gyi bsnyen

  100. 50b

    pa'o/ /de dag ni sngon du bsnyen pa'o/ /de nas zhag bdun gyi nang par sbyin sreg chen po bya ste/ slob mas gsol ba gdab pa dang/ slob ma yongs su bzung ba'i cho ga byas la/ de nas dang po sa'i cho ga bya ste/ dang pos brtag pa ni sa'i phyogs brtag pa dang/ mtshan nyid brtag pa dang chad brtag pa'o/ /bslab ba ni snang ba dang mi snang ba'o/ /sbyang ba ni las dang bya ba dang sngags so/ /gzung ba dang sems kyi dbang gis gzung ba dang/ rdzogs pa'i rnal 'byor gyi ting nge 'dzin gyis gzung ba'o/ /byin gyis brlab pa ni rdo rje rgyu'i ting nge 'dzin gyis so/ srung ba ni rdo rje phur ba la sogs pa'i bya'o/ /de dag ni sa'i ting nge 'dzin to/ /sta gon la yang dang po lha sta gon la gnas pa ni/ /dri'i thig le byas la der dam tshig pa bskyed nas/ ye shes kyi 'khor lo spyan drangs zhing bsres la mchod pa rnam pa lngas mchod do/ / bum pa ni grangs tshangs bar bsags la/ /rgyan dang yo byad dang ldan par byas nas/ /nang gzhal yas khang du bsgoms nas/ der dam tshig pa bskyed la/ /ye shes kyi 'khor lo spyan drangs zhing bsres nas mchod de bzlas pa byas la bzhag go/ slob ma lhag par gnas pa ni 'jug pa rnams la sogs pa bya'o/ /de yang dgu ste/ /tshig gis dag par bya ba dang/ gsol ba gdab pa dang/ sdig pa bshags pa la sogs pa dang/ byin gyis brlab pa dang/ mchod pa dang/ so shing sbyin pa dang/ bsrung skud gdags pa dang/ ku sha sbyin pa dang/ zab mo'i chos bshad pa'o/ /de nas lha kha sbyar la gshegs su gsol te nyal bar bya'o/ /de nas nang par rmi lam dri bar bya'o/ /de dag ni sta gon gyi ting nge 'dzin to/ /de nas thig gdab par bya'o/ /thig la bcu gcig ste/ rgyu dang mkhal mkhan dang/ tshad dang byin gyis brlab pa dang/ dbye ba dang nges tshig dang gdab pa'i gnas dang/ 'debs pa'i ting 'dzin dang/ gdab pa'i thabs dang/ cho ga nyams pa'i nyes pa dang/ bgegs bsal bas so/ /gdab pa'i thabs ni dang po tshangs

  101. 51a

    pa'i thig /de nas logs thig /de nas zur thig /de bzhin du cha dang cha bran dang/ skor thig dang sgo thig yan chad btab la/ pho brang 'khor lo rtsibs brgyad/ de'i phyi rol du rtsibs bcu drug /de'i phyi rol du lha'i snam bu'i thig gdab bo/ /de dag ni thig gi ting nge 'dzin to/ /de nas tshon dgye bar bya'o/ /de la bcu gnyis te/ rgyu dang 'thag pa'i mkhan po dang tshad dang byin gyis brlab pa dang/ dbye ba dang/ nges tshig dang/ dgye ba'i gnas dang/ 'gyed mkhan dang dgye ba'i thabs dang/ cho ga nyams pa'i nyes pa dang/ bar chad kyi bgegs bsal ba'o/ /dgye ba'i thabs ni 'khor lo kun ser po/ lte pa dkar po/ shar sngon po/ lho ser po/ nub dmar po byang ljang gu'o/ /pany+tsa ra ga ni/ nang du dkar po de'i phyi rol sngon po/ /de nas ser po de nas dmar po kun gyi phyi rol ljang gu'o/ /de nas phyag rgya dgod pa ni/ 'khor lo'i lte ba la rdo rje 'dzin chen po 'khor lo rtsibs brgyad la rgyal ba rigs bzhi/ yum bzhi ste brgyad bri'o/ /rtsibs bcu drug po la sems dpa' bcu drug bri'o/ /grwa la mchod pa brgyad bri'o/ /snam bu la bskal pa bzang po bri'o/ /sgo bzhir srung ma bzhi bri bar bya'o/ /de dag ni tshon gyi ting nge 'dzin to/ /de nas sngar bsnyen pa byas pa'i ro de bsreg khang du drang ste/ phur legs par bcas pa der bcug nas shing rta la sogs pas drangs nas/ zhar la bgegs bzlog pa dang/ dug sbyor ba'i tshigs bcad glur len cing rol mo la sogs pas drangs la/ bsreg khang la sngags mkhan dang bcas pas skor ba lan gsum byas la/ shar phyogs nas gzhug par bya'o/ /nus na gzugs brnyan gyi dkyil 'khor du gzhug pa dang dbang yang bskur bar bya'o/ /de dag byas nas dkyil 'khor gyi rgyan dang yo byad rdzogs par bkod nas/ lhag chad bskang ba la sogs pa byas nas slob dpon rdo rje 'chang chen po'i ting nge 'dzin du 'jug par bya'o/ /de dag ni slob dpon gyi

  102. 51b

    ting nge 'dzin te/ /de nas dam tshig gi 'khor lo bsgom pa ni/ kha sbyar yang bsal la gzugs brnyan dang bsres te/ cho ga yan lag gsum gyi dam tshig gi lha rnams bsgom bar byed/ /de nas ye shes kyi dkyil 'khor spyan drangs la/ mdun gyi nam mkha' la bstod pa bya/ de nas dza(rgyud 'grel): hUM baM ho:/ /bzhis dgug gzhug pa ring ba byas la ting nge 'dzin dang byin gyis brlab pa dang/ dbang bskur ba dang/ mchod pa phul la bstod pa bya'o/ /de nas mthong ba nang gi 'jug pa bya'o/ /de nas ni lha bsgom zhing mchod pa'i ting nge 'dzin to/ /de nas oM dzwA la dzwA la zhes me sbar la pra brtag par ba'o/ /pra legs na me dbus su 'jam dpal ye shes sems dpa' bskyed la de zhu ba las/ drang srong chen po me lha zhib pa/? zhes bya ba zhi zhing dkar po dbu gcig pa phyag bzhi pa mig gsum pa/ ral pa'i thor tshugs dang ldan pa/ phyag dang po na bai ka /gnyis pa na mchog sbyin/ g.yon dang po na phreng ba gnyis pa na gande/ gos dang rgyan dkar po mchod phyir thogs dkar pa'o/ yan lag thams cad nas rdo rje dkar po 'byung ba mngon sum dang 'dra bar bsgom mo/ /de nas/ mthor 'thung dang bsang ba byas la/ mtshan nyid med pa'i me lha spyan drang bar bya ste/ dad pa dang ni dam tshig gis/ /tshur gshegs tshur gshegs 'byung po che/ /lha'i drang song bram ze mchog /bsreg blugs zhas zas bzhes slad du/ /'bar ba'i nang du gshegs su gsol/ /zhes brjod la/ rang gi snying kha nas khro bo 'dod pa'i gyal po spros la/ Tak+ki hUM mdzad(rgyud 'grel): zhes brjod do/ /de nas mdun gyi nam mkha' la/ /tshangs pa 'jig rten mgon gyi sras/ /bya ba la sogs pas bstod do/ /de nas nang du dgug gzhug cing dbang du bya'o/ /de nas badzra san+ti zhes brjod do/ /de nas ting nge 'dzin dang ldan par bya/ /byin gyis brlab dbang bskur/ /de nas oM ha nas ma ya hUM phaT ces brjod la dam tshig la bzhag par bya'o/ /de nas oM badzra band+ha baM zhes brjod la las 'di mdzod cig ces bsgo'o/ /de nas mchod

  103. 52a

    pa'i yan lag gis mchod/ /de nas bstod pa bya'o/ /de nas bsreg rdzas rnams dbul te/ rdo rje gnod sbyin gyis bsangs la/ /ma lha'i lce dang gzar bu'i kha la/ /lha'i sa bon bkod la/ /pus mo'i bar du lag pa bzhag nas/ dang po mar gyi dgang blugs gsum zhal cung zad gdangs bar dbul lo/ /oM agne ye hab bya kab bya ba ha ne di bya di bya d+hi pa ye shA n+tiM ku ru swAhA zhes dbul lo/ /bgegs kyi mtshan ma yang shes par bya'o/ /yang gsang gtor byas la mar gyi dgang? blugs bdun dbu'o? oM sarba pa da han swAhA til bgyi'o/ /oM sarba sa pa te swAhA/ zho'i 'o/ /oM sarba spri ku ru swAhA/ utpa la'i'o/ /oM badzra pu She swAhA/ dung ba'i 'o/ /oM badzra puSh+Ta ye swAhA/ 'bras ma chag pa'i 'o/ /oM badzrA pA ti ha ta badzra ya swAhA/ ku sha'i'o/ / oM badzra pI dzA ya swAhA/ 'bras kyi lag pan gyi'o/ /oM badzra ma le puSh+Ta ye swAhA/ mngar gsum dang dkar gyil?/ /oM mahA bai gA ya swAhA/ nas kye'o/ /oM mahA bA ya swAhA/ sran ma sha'o/ /oM badzra grasma re swAhA/ /gro'i 'o/ /oM badzrAny+dza na swAhA / yams shing dang dur ba'i myu gu'o/ /oM taM ti pri ya swAhA/ byang chub kyi shing la sogs pa'o/ /oM badzra ra tA ya swAhA/ n+ya gre d+ha'i'o/ /oM badzrA twa ra swAhA/ a mra'i'o/ /lan grangs ci nus dbul lo/ /de nas bstod pa bya/ de dag ni me lha'i ting 'dzin to/ / de nas gsang gtor byas la/ de nas me lha'i snying khar bzhal yas khang bsgoms la/ gzugs brnyan gyi dkyil 'khor nas bsreg khang du me tog gi ri mo 'am/ dus gcig tu spyan drangs zhing? dbul lo/ /spyan drang ba ni/ hUM ma lus sems can kun gyi mgon byung? 'di? bdud sde dpung bcas ma lus 'joms mdzad pa/ /dngos rnams ma lus ji bzhin mkhyen gyur pa/ /bcom ldan 'khor bcas 'dir ni gshegs su gsol/ /de nas bstod pa dang/ de nas dgug gzhug bcing dbang du bya/ /oM badzra san+ti ba zhes brjod mchog

  104. 52b

    yon dang zhabs bsil dbul/ phyag rgyas gdab/ bde bar gshegs pa rnams rdo rje dbyings kyi dbang phyug mas byin gyis brlab/ sems pa rnams gnas bzhir yum bzhis brlab/ bde bar gshegs pa rnams rin po che'i cod pan dang dar dbyangs kyi dbang bskur/ sems pa rnams rigs lnga'i cod pan gyis dbang bskur ro/ /de nas mchod pa rnam pa lnga la sogs pas mchod/ de nas gsang ba dang 'thor 'thung byas la gong ma lta bu rdzas sngags sam/ yang na sbyi sngags sam/ lha'i sngags kyis dbul lo/ /de nas bsang ba dang 'thor 'thung byin la/ mar gyi dgang blugs phul la 'dud nyi shus bstod pa bya'o/ /yi ge brgya pa bzlas/ oM badzra mu(rgyud 'grel): zhes phyag rgya bkrol la bskyed pa snying khar bsdu/ spyan drangs pa gshegs su gsol te/ 'gro ba 'di dag kun gyi dpung/ sems pa chen po brtan mdzod la/ sangs rgyas yul du gshegs? nas kyang/ slar yang gshegs pa mdzad du gsol de nas bsang gtor byas la/ slar yang me thab tu bsams la/ mchod yon la sogs pa byin la/ rdzas lhag ma kun sbyin sreg bya/ /tha mar yang dgang blugs dang 'thor 'thung phul la/ 'dod pa'i don la gsol ba gdab par bya'o/ phyag rgya dgram par byas la/ snga ma bzhin gshegs su gsol te/ oM A(rgyud 'grel): hUM mu(rgyud 'grel): zhes brjod la/ khro bo ti rin ti ri'i phyag rgya bcings/ gyen du bkrol la gshegs su gsol/ gtor ma btang phyag btsal mchod bstod bzod par gsol/ dngos grub blang dge ba'i rtsa ba bsngo/ phyag rgyang grol bskor ba bya/ gshegs su gsol/ bskyed pa bsdu/ sman ma phyag /phyogs skyong gsol/ tha ma slob ma bsrungs la dgye'o/ /de nas skar ma bzang po la rus pa bsdus la tsha tsha 'debs par bzhag go /bdag gis sgrub thabs legs sbyar bas/ /'jam dpal mtshan mchog thob gyur cig /'phags pa mtshan yang dag par brjod pa'i sgrub thabs gsang ba'i sgron ma/ slob dpon chen po bradz+nyA gu rus mdzad pa rdzogs so// //

  105. 53a

    rgya gar skad du/ arya many+dzu sh+rI nA ma saM gI ti tsakra kra ma/ bod skad du/ 'phags pa 'jam dpal gyi mtshan yang dag par brjod pa'i 'khor lo'i rim pa/ bcom ldan 'das 'jam dpal ye shes sems dpa' la phyag 'tshal lo/ /thogs med dus mdza' nam mkha' bsod nams dpag med pa/ /mkha' mnyam sems can sgrol phyir thams cad mkhyen bsngos pa'i/ /'jam dbyangs mtshan ldan dus gsum bde gshegs dge ba'i bshes gnyen byang chub sems dpa' i tshul/ /kun tu gzigs par lung bstan bsam gyis mi khyab de la bdag phyag 'tshal/ /bla ma dam pa'i gzhung lugs las/ /man ngag rgyas par rab bstan pa/ /snyigs ma'i sems can blo zhan rnams/ /rnam rtag g.yang bas mos pa nyung/ /de la dran phyir bsdus pa 'dis/ /grub dang lung bstan ma thob kyang/ /sman pa phan par bzhugs pa bzhin/ /bdag gis 'di ni byas pa yin/ /dbang dang dam tshig ldan pa yis/ /yid dga' ba'i gnas dag tu/ /bde ba'i stan la 'dug nas ni/ /snying gar zla ba'i dkyil 'khor la/ /yi ge a ni rnam bsams nas/ /de yi 'od kyis bla ma dang/ /bde gshegs sras dang bcas pa rnams/ /mdun du mngon sum lta bur dmigs/ /lus ngag yid kyis yang dag par/ /sangs rgyas kun la phyag 'tshal lo/ /rgya chen 'dod pa thams cad kyis/ /sangs rgyas kun la mchod par bgyi/ /sangs rgyas byang chub sems kun la/ /bdag sdig thams cad so sor bshags/ /sangs rgyas byang chub sems bskyed pa'i/ /dge ba kun la rje yi rang/ /mngon sangs rgyas nas mi ring ba'i/ /rdzogs pa'i sangs rgyas thams cad la/ /chos kyi 'khor lo dam pa ni/ /bskor phyir bdag gis bskul bar 'tshal/ /yongs su mya ngan 'da' bzhed pa/ /de bzhin gshegs pa thams cad la/ /bskal pa rab mang bzhugs par ni/ /sangs rgyas kun la gsol ba 'debs/ /

  106. 53b

    gang yang bdag gis mchod pa rnam drug dang/ /dge ba gzhan byas de dag thams cad ni/ /bla med rdzogs pa'i sangs rgyas nyid thob phyir/ /bdag gis chos bzhin yongs su bgyi/ /chos la dbang bskur sangs rgyas thams cad la/ /byang chub snying po'i bar du skyabs su mchi/ /e ma sems can bla med sgral bya'i phyir/ /bdag gis thams cad mkhyen pa thob gyur cig /bdag nyid dngos po dbul lags kyis/ /sangs rgyas byang chub sems rnams kyis/ /ji ltar bzhed pa mdzad pa'i phyir/ /bdag lus so sor bzhes su gsol bde bar gshegs pa thams cad kyi/ /khyad 'phags lam ni bdag gis bstan/ /de nas ye shes rnam lnga yi/ /gzugs brnyan tsam la rab dmigs la/ /rang bzhin gyis ni rnam dag pa/ /rang bzhin gyis ni byin gyis brlab/ /oM shU n+ya ta dz+nyA na badzra swab+hA wa at+ma konyahaM/ /nam mkha' lta bur rab dmigs la/ /yi ge b+h+ruM las gyur ba yi/ /stong gsum tshang dang mnyam pa yi/ /mchod rten bde gshegs gzhal yas khang/ /rim pa drug dang ldan par bsgom/ /mtshan nyid thams cad rdzogs par bsam/ /dbus kyi snying po'i pho brang du/ /dbus su seng ge'i gdan nyid de/ /gzhan yang rim pa ji bzhin bsam/ /de yi dbus ma'i gdan thog tu/ /a las bskyed pa'i bcom ldan 'das/ /mdog dkar ral pa'i thor gtsug can/ /zhi pa rgyan spangs byang chub mchog /kun tu zhal gyi rnam par mdzes/ /de thugs d+hI(rgyud 'grel): las bskyed pa yi/ /gdod lnga zur phud lnga pa me tog thong/ /g.yas pa bzhin ral gri ste/ /g.yon bzhi shes rab po ti bsnams/ /rgyan dang na bza' gzhon nu'i tshul/ /thugs kar a las byung ba yi/ 'khor lo rim pa bzhi dang ldan/ /ji ltar gsang sngags dgod pa ni/ /'khor lo'i cho ga mthong ba yi/ /dang po'i sangs rgyas thugs khar bsam/ /lte ba a las byung ba yi/ /ye shes sems dpa' zhal drug pa/ /utpal dmar la sngon po ni/ /po tis mtshan

  107. 54a

    pa bsnams pa'o/ /gzhon nu'i brgyan ldan thugs kar ni/ /zla ba'i steng du a kar bsam/ /de las so sor 'phros pa yis/ /rim bzhin thams cad snang byas nas/ nam mkha' i mkha' mnyam sems can gyi/ /ma rig mun pa bsal byas nas/ / slar 'dus rim bzhin rang nyid kyi/ /yi ge'i nang du 'dus par lta/ /de nas sngags kyi 'khor lo yi/ /mtshan brjod rim par klag pa yang/ /'di ltar sangs rgyas bcom ldan 'das /zhes pa dang po nas brtsams nas/ /don chen yi ge dam pa'i bar rang gi de nyid brjod pa yin/ /khong nas byung ba skye ba med/ /tshig kun rab tu gsal bar byed/ /de mthar thugs pa yum bzhi yin/ /mchod pa chen po 'dod chags che/ /zhes pa dang por brtsams byas nas/ /chags pa thams cad sel bar byed/ / de dag mthar ni rigs lnga ste/ /bde gshegs yab dang yum rnams kyang/ /mtshan gyi don la rab dmigs te/ /mnyam par bzhag nas mtshan brjod ni/ /rim bzhin klog pa'i rnal 'byor pas/ /rang gi de nyid yi ge las/ /rim bzhin spro zhing bsdu ba yis/ /rang rang gdan la dgod par bya/ /'dod pa chen po bde ba che/ /zhes pa dang por bsnams nas ni/ /sgyu 'phrul chen po mig 'phrul can/ /de yi mthar thug sems dpa' ni/ /bcu drug 'khor lo rab tu dgod/ /yi ge a las bskyed pa dang/ /sems can don byas slar 'dus te/ /rang gi gdan la dgod par bya/ /sbyin bdag chen po gtso bo ste/ /zhes pa dang por brtsams byas nas/ /smon lam ye shes rgya mtsho'i bar/ /phyi nang lha mo bskyed par bya/ /byams pa chen rang bzhin dpag tu med/ /de bzhin theg chen tshul gnas par/ /yi ge a las bskyed pa yi /skal bzang phyi rol rim bzhin du/ /'khor lo gsum la dgod par bya/ /rdo rje dbyings kyi dkyil 'khor ni/ /ji srid sgom pa'i mthar thug pa/ /tshig bcad bcu bzhi dag gis ni/ /mtshan gyi don rnams bstan pa

  108. 54b

    yin/ /'od zer 'phro zhing bsdu ba dang/ /gzugs su gyur nas lhar gnas pa/ /pho brang snying po'i dkyil 'khor ro/ /rim gnyis chos dbyings ye shes kyi/ /dkyil 'khor dgod pa bstan par bya/ /sangs rgyas rnam par snang mdzad che/ /zhes pa dang por brtsams byas nas/ /rdo rje lcags kyu zhags pa che/ /mthar thug oM gyis rnam par spro/ /gti mug spyod pa dag byas te/ /slar 'dus rim pa gnyis pa las/ /rnam par snang mdzad tshul gyis ni/ /mtshan gyi don rnam grangs bzhin du/ /phyogs bzhi dag nas bzhugs pa yin/ /tshig bcad nyi shu rtsa lnga ru/ /tshig rkang gcig gis ma tshang ba/ /'di yi don la dmigs shing dgod/ /de nas rim pa gsum pa ru/ /me long lta bu'i ye shes kyis/ /tshul nas rab tu bstod pa ni/ /rdo rje 'jigs byed 'jigs par byed/ /ces pa dang por brtsams nas ni/ /sgra dang ldan pa rnams kyi mchog /ces pa yi ge mthar thug par/ /hUM gi rnam par spro zhing bsdu/ /mi skyong ba yi rnam par dgod/ /tshig rkang gcig gis lhag pa yi/ /tshigs bcad bcu yis phyogs bzhi ru/ /gsang sngags bdun cu rtsa gcig spros/ /zhe sdang btul nas rnam par gnas/ /de nas rim pa bzhi po ni/ /yang dag bdag med de bzhin nyid/ /ces pa dang por brtsams byas nas/ /ye shes me lce 'od 'bar gsal/ /de mthar thug pa spro bsdu ste/ /snang ba mdza' yas rnam pa yis? phyogs la ni dag tu rnam par gnas/ /so sor kun rtog ye shes ni/ /h+rI(rgyud 'grel): yi rnam par spro bsdu ste/ /'dod chags rnam par dag byas la/ /tshig bcad bzhi bcu rtsa gnyis gyis/ /mtshan don gzhung las byung ba bzhin/ phyogs bzhi rnam par dgod pa'o de nas rim pa lnga pa yi/ /dkyil 'khor bdag gis bshad par bya/ /'dod pa'i don grub dam pa ste/ /zhes pa dang por btsam byas nas/ /nor bu chen po rin chen rtog /de mthar thug pa mnyam nyid kyi/ /ye shes tshigs bcad nyi shu gnyis/ /'od zer 'phros

  109. 55a

    shing 'dus pa yis/ /ser sna can ni rnam bcom zhing/ /mtshan gyi don ni grangs bzhin du/ rin chen 'byung ldan tshul du gnas/ /traM gi rnam par 'phro zhing 'du/ /de nas rim pa drug pa'o/ /don grub dkyil 'khor dgon pa yang/ /tshigs bcad bco lnga'i mtshan don ni/ /sangs rgyas kun gyi rtogs bya ba/ /zhes pa dang por brtsams byas nas/ /'jam dpal dpal dang ldan pa'i mchog /de yi mthar thug mtshan rnams ni/ a yi rnam par spro zhing bsdu/ /bya ba grub pa'i ye shes kyi/ /'gro ba phra dog rnam sbyangs te/ /don grub rnam par rim bzhin dgod/ /de lta bu yi tshul nyid kyis/ /'od zer spro zhing bsdus nas su/ /khams gsum sems can thams cad ni/ gang gi 'od zer reg gyur pa/ /de yi sangs rgyas rnams su 'gyur /sangs rgyas kun la reg 'gyur zhing/ /bsdu zhing bdag dang mnyam par sbyar/ /dkyil 'khor de dag thams cad kyang/ /dog dang gdan dang phyag rgya rnams/ /de bzhin dang po'i sangs rgyas kyang/ /'khor lo la sogs rim pa yang/ /ji ltar grags pa bzhin du dgod/ de nas dza(rgyud 'grel): hUM paM ho: yis/ /ye shes 'khor lo rnams bkug cing/ /bdag dang mnyam par sbyar byas nas/ /rang bzhin mchod pa'i sprin tshogs bstim?/ /bsdus pa'i sgo nas bstod pa yang/ /mchog sbyin rdo rje mchog khyod 'dud/ /ces pa dang por brtsams byas nas/ /ye shes sku nyid khyod la 'dud/ /ces pa'i tshig bcad bzhi bzhi yis/ /dkyil 'khor lnga la bsdus te bstod/ /de nas mtshan gyi yon tan ni/ /lag na rdo rje rdo rje 'chang/ /zhes pa dang por brtsams byas nas/ /chos kyi rgyal por 'gyur zhes pa/ /yon tan sgo nas bstod pa yin/ /lag na rdo rje rdo rje 'chang/ /zhes pa lnga yis rnams phye la/ /dkyil 'khor lnga yi yon tan ni/ /rim pa bzhin du khas pas dbye/ /de yi tshigs bcad mtshan rnams ni/ /dkyil 'khor lnga yi yon tan grags/ /oM sarba d+harma zhes pa nas/ dzanyA na garb+hA?

  110. 55b

    oM yi bar/ /sku yi phreng ba'i sngags kyi ni/ /de la sen zhing rab gnas par/ /sngags kyi sgo nas bstod pa yin/ /de nas dpal ldan rdo rje 'chang/ /zhes pa dang por brtsams byas nas/ /rdzogs pa'i sangs rgyas kun gyis bshad/ /de yi mthar bsdus pa yis/ /sgo nas yang dag ston pa yin// //de ltar gang zhig sgom byed cing/ /ngag gi 'khor lo rnam 'phros te/ /rnam gsum don la dmigs pa yis/ /ring por mi thogs 'dul dbang gis/ /yon tan gzhung sogs thams cad kyang/ /ma lus de yis thob par 'gyur/ /sa mchog bcu gnyis rab bgrod nas/ /'jam pa'i dbyangs dang 'dra bar 'gyur/ /thun bzhi 'am ni thun gsum gyi/ /mtshan ma brtan po byung gi bar/ /de ni rgyun tu klag par bya/ /de nas dkyil 'khor dbang bskur dang/ /zhi sogs las rnams brtsam par bya/ /gzhan yang shi la phan pa dang/ /cho ga'i bye brag ma lus kun/ /cho ga chen por mthong bar bya/ /dkyil 'khor bsdu pa'i rim par yang/ /rim bzhin yi ge a las te/ /de nas thig le dmigs pa med/ /sgyu ma'i tshul du spyod lam brtag /dam pa'i gzhung lugs gsal mod kyi/ bsdus la dga' ba'i bor byas nas/ /bdag 'dra ba rtsam par mi 'os te/ /khab len rdo yis lcags 'du bzhin/ /'jam pa'i dbyangs la mos pa yin/ /rang dbang med par brtsom pa la/ /'jam pa'i dbyangs kyis bzod par mdzod/ /de las bdag gis dge ba gang thob des/ /'gro ba rnams kyis don rtogs zhi gyur nas/ /bdag sogs 'jam dpal dbyangs dang 'dra gyur te/ /nam mkha' i mdza' mnyam sems can grol bar shog /'phags pa mtshan yang dag par brjod pa'i 'khor lo'i rim pa/ bla ma dam pa'i cho ga chen po'i gzhung rnams las/ blo zhan pa'i don du mos pa tsam las 'jug pa 'di dag gi rim pa phra mo rdzogs so// // */ (/'phags pa 'jam dpal gyi mtshan yang dag par ljod pa'i sgrub thabs bzhugs so/) /rgya gar skad du/ Arya many+dzu sh+rI nA ma saM pI ti no pi

  111. 56a

    ka bod skad du/ 'phags pa 'jam dpal gyi mtshan yang dag par brjod pa'i sgrub thabs/ 'jig rten dbang phyug la phyag 'tshal lo/ /shes rab ral gri mda' gzhu thogs/ /dang po'i sangs rgyas rgyu med pa/ /gdong lnga gtsug phud lnga dang ldan/ /gsang sngags rgyal po drug ldan 'dud/ /dang por bsngags pas/ dbang 'thob cing dam tshig dang ldan par byas te/ /yid dga' ba'i gnas su 'dug la/ /tho rangs ka kha'i sgo dag par byas la/ /snying khar zla ba'i steng du yi ge muM rnam par bsams la/ 'od zer gyis bla ma dang yang dag par rdzogs pa'i sangs rgyas spyan drangs la/ phyag btsal ba dang/ mchod pa dang/ rjes su yi rang ba dang/ chos kyi 'khor lo bskor bar bskul zhing/ /mya ngan las mi 'da' bar gsol te/ dge ba'i rtse ba bsngo bar bya'o/ /de nas byams pa dang snying rje dang/ dga' ba dang/ btang snyoms bsgom par bya'o/ /de'i rjes la stong pa nyid bsgom te/ oM shU n+ya tA dz+nyA na badzra swA b+ha wa aSha ta ma konyahaM/ sngags 'di'i don la dmigs pas/ chos thams cad sgyu ma lta bur bsgom mo/ /de nas yi ge h+rI(rgyud 'grel): las pad+ma'i gdan dmar po bsam zhing/ /de'i steng du a las zla ba'i gdan rnam par bsams te/ dbus su yi ge mu dmar skya 'od zer gyi tshogs 'phro zhing/ 'du ba bsam par bya'o/ /de nyid thig ler gyur pa las/ ye shes sems dpa' sku mdog dkar po sprin dkar dag pa lta bu rdo rje skyil krung can/ phyag bzhi dang ldan pa g.yas g.yon gnyis na/ mdzes pa'i ral gri 'debs shing shes rab kyi po ti 'dzin pa'o/ /de'i 'og ma gnyis na mda' gzhu rnams bsnams pa'o/ /gzhon nu'i rgyan can no/ /de ltar rnam par bsgoms te/ adma konyahaM zhes brjod la/ nga rgyal bskyed par bya'o/ /de'i rjes la snying kha'i 'od zer gyis ye shes sems dpa' spyan drangs te/ yi ge las byung ba'i pad+ma dang/ /zla ba'i steng du bzhugs te/ mchod pa'i tshogs kyis rnam par mchod la/ rang dang gnyis su med

  112. 56b

    pa bsres par bya'o/ /snying ka dang mgrin pa dang dpral ba dang spyi bo rnams su/ /rdo rje dang pad+ma dang rin po che dang sna tshogs rdo rjes rgyas btab ste/ thugs kha'i 'od zer gyis nam mkha' khyab pas/ de bzhin gshegs pa bskul bas lha mo'i tshogs kyis bdud rtsi'i rgyun gyis dbang bskur te/ sangs rgyas lnga'i cod pan dang dar dpyangs dang bcas pas dbang bskur ro/ /de'i thugs khar zla ba'i dkyil 'khor du h+rI(rgyud 'grel): yongs su gyur pa las dang po'i sangs rgyas sku mdog dkar po zhal lnga phyag brgyad pa/ zhabs gnyis skyil mo krung du bzhugs pa/ byis pa'i rgyan thams cad kyis brgyan pa/ rin po che sna tshogs pa'i na bza' can/ /g.yas bzhin mdzes pa'i ral gri/ g.yon bzhin shes rab kyi pha rol tu phyin pa'i glegs bam/ de'i thugs khar shes rab kyi 'khor lo rnam par bsnams te/ lce drug pa kha dog drug dang ldan pa/ mu khyud bzhi yis bskor ba/ /lte bar yi ge a dkar po bsams te/ de las 'od 'phros pas/ phyogs bcu'i sems can gyi khams thams cad khyab par byas te/ slar 'dus te de nyid la thim pas/ rtsa ba'i sngags dgod par bya'o oM sarba d+harmA b+hA wa bi shud+d+hu badzra a A aM a(rgyud 'grel): de'i phyi rol mu khyud la dbyangs kyi yi ge bcu gnyis dgod do/ /de'i phyi rol 'khor lo rtsibs drug pa ste/ dang po'i rtsibs la oM badzra tik+Sha ya te na ma(rgyud 'grel): gnyis pa la oM du(rgyud 'grel): khats+tshe da ya te na ma/ gsum pa la oM pradz+nya dz+nyA na murta ye ya te na ma/ bzhi pa la oM dz+nyA na kA ya ya te na ma/ lnga pa la oM wA wI shwa ri ya te na ma/ drug pa la/ oM a ra pa tsa na ya te ma/ phyi'i mu khyud dang po la ye shes sems dpa' i phreng sngags/ sarba ta thA ga ta h+ri da ya zhes bya ba nas/ dz+nya na garb+ha a zhes bya ba'i bar du dgod do/ /phyi'i mu khyud tha ma la yi ge ko nas ha'i bar gsal phyed kyi yi ge dgod do/ /de ltar snying gar bsam zhing/ de las 'khor lo de'i dbus su a las bskyed pa/ bcom ldan 'das 'jam dpal ye shes sems

  113. 57a

    dpa' zhal drug pa ston ka'i zla ba ltar dkar zhing/ in+d+ra nI la'i gtsug phud can/ /nyi ma 'char ka'i 'od 'dra bas bskor zhing/ zhi ba'i ngang tshul dang ldan pa/ phyag gnyis kyis utpal dmar po dang sngon po/ shes rab kyi pha rol tu phyin pa'i glegs bam gyis mdzes pa g.yas dang g.yon na rim pa bzhin bsnams pa/ rgyan thams cad kyis brgyan cing/ skyil mo krung gi bzhugs par bsam mo// //de'i thugs khar zla ba'i dkyil 'khor/ de'i dbus su yi ge a bkod de/ de las 'od zer 'phros shing 'khor lo'i sngags kyi kha dog ji lta ba bzhin 'od zer 'phros te/ rang dang 'jig rten gyi khams kun khyab par byas nas/ sangs rgyas kyi zhing thams cad gsal bar 'gyur zhing/ sems can gyi khams thams cad snang bar byas te/ 'od kyi de bzhin gshegs pa thams cad slar bsdus nas/ bdag nyid la lan gsum bskor te/ snying ga'i sngags dang zla ba dang bcas pa gcig tu 'dres par gyur nas/ shes rab dang ye shes kyi me 'bar ba'i tshul gyis/ bdag med pa brtan por bsgom mo/ / de lta bu'i tshul gyis gsang sngags kyi bzlas pa rdzogs par 'gyur ro/ /gzhan yang sngags bzlas pa dang/ mtshan yang dag par brjod pa klags pa yang rim pa des yang dang yang du bya'o/ /thun mtshams su ni ye shes sems dpa' gshegs su gsol zhing ji ltar bskyed pa'i rim pa bdag nyid la bsdu bar bya'o/ /bdag nyid kyang mi dmigs pa la lha'i rnal 'byor du langs te/ spyod lam thams cad kyang bden pa gnyis kyi tshul gyis dkyil 'khor dang gtor ma dang/ sbyin sreg dang/ mchod pa dang mdo gdon pa la sogs pa mchod rten gyi las dang/ sbyin pa la sogs pa pha rol tu phyin pa drug dang/ lus ngag gi spyod pa thams cad lha'i rnal 'byor dang ldan pas/ sgyu ma'i tshul gyis sbyar bar bya'o/ /zas la sogs pa ni rang bzhin gyis rnam par dag pa'i

  114. 57b

    bdud rtsi chen por sngags kyis btab la tshim par bya'o/ /phyi'i khrus don du gnyer ba'i tshe yang dbang bskur ba'i cho ga rang bzhin rnam par dag pas bkru'o/ /nyal ba'i tshe chos kyi dbyings la snyoms par zhugs pas nyal lo/ /ldang na gzugs kyi sku'i rim pas so/ /tshul 'di lta bur gang zhig sgom pa byed pa de ni/ 'dul ba'i dbang gis de nyid ring por mi thogs par nam mkha' i dkyil na bzhugs pa mthong ngo/ /ye shes sems dpa' sprul pa sku'i sgrub thabs 'di/ rgyud dang sgeg pa'i rdo rje byang chub mchog ldan dang/ /'jam dpal grags pa bla ma'i man ngag rim pa 'di/ /gsang ba'i mtshan lnga rdo rje las grub kyis/ /dam pa nyer bstan dan h+ri badzra las/ /byang chub sgyu 'phrul sbyor ba'i man ngag 'di/ /rnyed nas 'di la gus phyir bdag gis bris/ /'di yis 'gro kun ye shes sems dpar shog /'phags pa 'jam dpal gyi mtshan yang dag par brjod pa'i sgrub thabs rdzogs so// //*/ (/'phags pa 'jam dpal gyi dkyil 'khor gyi cho ga yid bzhin nor bu zhes bya ba slob dpon zla bzang grags pas mdzad pa bzhugs so/) /rgya gar skad du/ Arya many+dzu sh+rI maN+Dal pra ti tsind+ha ma Ni nA ma/ bod skad du/ 'phags pa 'jam dpal gyi dkyil 'khor gyi cho ga yid bzhin nor bu zhes bya ba/ dpal rdo rje sems dpa' la phyag 'tshal lo/ /sangs rgyas sku lnga'i bdag nyid can/ /khyab bdag ye shes lnga yi bdag /sprul ba'i 'khor lo sna tshogs 'chang/ /ye shes sku nyid la btud nas/ /'jam dbyangs kyis khyab dkyil 'khor ni/ /bsdus dang dbye ba'i bye brag gis/ /thun mong thun mong ma yin pa'i/ /cho ga'i rim pa bshad par bya/ /dang po re shig rnal 'byor pas/ /'gro ba 'don pa'i bsam pa yis/ /yid dga' ba yis phyogs su/ /bde ba'i stan la 'dug nas ni/ /sgyu ma'i lus kyi snying ga ru/ /rang gi sa bon bsams nas su/ /'od 'phros pa yi sbyor ba dang/ /dkyil 'khor sprul pa'i phyag rgya

  115. 58a

    yis/ /rang gi 'khor lo sprul bar bya/ /phyag lnga bya ba'i sbyor ba dang/ /mchod pa rnam pa lnga yis mchod/ /sgyu 'phrul dra ba las gsungs ltar/ /gsum pa skyabs 'gro la sogs bya/ /de rjes bstod pas mnyes bya ba/ /thun mong dang ni de ma yin/ thun mong rnam pa gnyis yin te/ /dang po mdo nyid ji bzhin pa/ /'chad pa'i 'dud pa nyi shu'o/ /thun mong min par rang gi'o/ /nyi shu pa yi rnam pa yang/ /mchog gi dang po sku gsum 'chang/ /sangs rgyas sku lnga'i bdag nyid can/ /khyab bdag ye shes lnga yi bdag /mchog sbyin rdo rje mchog khyed 'dud/ /yang dag nyid de de bzhin nyid/ /stong nyid smra ba'i khyu mchog ste/ /za bcing rgya che'i sgra sgrog pa/ /yang dag mthar gyur khyod la 'dud/ /stong pa nyid dga' 'dod chags blo/ /srid pa'i 'dod chags la sogs spangs/ /srid pa'i dga' ba chen po ba/ /stong nyid las byung khyod la kun 'dud/ /sangs rgyas byang chub bla na med/ /gsang sngags las byung yi ge med/ /gsang sngags don kun bskyed pa po/ /sangs rgyas byang chub khyod la 'dud/ /sems can kun la shas cher chags/ /nam mkha' lta bur chags pa med/ /sems can gyi yid la 'jug /sangs rgyas chags pa khyod la 'dud/ /'dod pa'i don grub dam pa ste/ /ngan song thams cad rnam sbyong ba/ /mgon po sems can kun gyi mchog /sangs rgyas 'dod la phyag 'tshal 'dud/ /ha hi ha hi 'jigs par sgrogs/ /rdo rje gang mo cher sgrogs pa/ /gang mo chen po gad rgyangs can/ /sangs rgyas dgyes pa khyod la 'dud/ /gom pa'i stabs kyis gar byed pa/ /dpal ldan lag pa brgyas gang la/ /nam mkha' khyab par gang byed pa/ /sangs rgyas rol phyag 'tshal 'dud/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal bar byed/ /sangs rgyas 'dzum pa khyod la 'dud/ /tshig gi dbang phyug smra ba che/ /smra ba'i skyes mchog

  116. 58b

    smra ba'i rgyal/ /smra ba'i dam pa mchog gi gnas/ /sangs rgyas bzhad pa khyod la 'dud/ /tshig la dbang ba tshig mdza' yas/ /tshig bden pa dang bden par smra/ /bden pa bzhi po ston pa po/ /sangs rgyas gsung nyid khyod la 'dud/ /sangs rgyas kun gyi thugs che ba/ /sangs rgyas kun gyi thugs la gnas/ /sangs rgyas kun gyi thugs rig pa/ /sangs rgyas thugs la phyag 'tshal 'dud/ /mya ngan 'das shing mya ngan 'das/ /legs par mya ngan 'das dang nye/ /bde sdug sel ba thar gyur pa/ /med pa las byung khyod la 'dud/ /theg pa chen po'i tshul la gnas/ /theg pa chen po'i tshul gyi mchog /sangs rgyas rnam par snang mdzad che/ /sangs rgyas 'byung ba khyod la 'dud/ /nam mkha' las byung khyod la 'dud/ /nam mkha' las byung rang byung ba/ /shes rab ye shes me'o che/ /'od chen rnam par snang bar byed/ /nam mkha' las byung khyod la 'dud/ /dang po sangs rgyas rgyu med pa/ /ye shes mig gcig dri ma med/ /ye shes lus can de bzhin gshegs/ /ye shes las byung khyod la 'dud/ /sgyu 'phrul chen po don grub pa/ /sgyu 'phrul chen po dga' bas dga' / /sgyu 'phrul chen po mig 'phrul can/ /sgyu 'phrul dra ba khyod la 'dud/ /gom pa'i stabs kyis gar byed pa/ /dpal ldan lag pa brgyas gang la/ /nam mkha' khyab par gar byed pa/ /sangs rgyas rol ston khyod la 'dud/ /dngos po kun gyi rang bzhin mchog /dngos po kun gyi rang bzhin 'dzin/ /skye med chos de sna tshogs ston/ /thams cad thams cad khyod la 'dud/ /ye shes snang ba lam med pa/ /'gro ba'i mar me ye shes sgron/ /gzi brjid chen po 'od gsal ba/ /ye shes sku nyid khyod la 'dud// sngags pa rdo rje dril 'chang ba/ /bstod pa'i rgyal po 'di yis bstod/ /rab tu mos pas gus byed na/ /'jam dpal rdo rje ngo bor 'gyur/ /ji ltar dus gsum mgon po rnams/ /byang chub tu ni nges mdzad pa'i/ /bla na med pa'i byang chub sems/ /dam pa

  117. 59a

    bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang/ /dge ba'i chos ni sdud pa dang/ /sems can don byed tshul khrims gsum/ /bdag gis brtan por bzung bar gyi/ /sangs rgyas chos dang dge 'dun te/ bla na med pa'i dkon mchog gsum/ /deng nas bsams te gzung bar bgyi/ /nam du yang ni mi spong ngo/ /rdo rje rigs mchog chen po la/ /rdo rje dril bu'i phyag rgya yang/ /yang bdag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po la/ /dam tshig yid du 'ong ba la/ /nyin re ji bzhin dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma rigs mchog dag pa la/ /phyi dang gsang ba'i theg pa gsum/ /dam pa'i chos kyang gzung bar bgyi las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las rnams ci nus bgyi/ /byang chub sems ni bla na med/ /dam pa bdag gis bskyed bgyis nas/ /sems can kun gyi don gyi phyir/ /bdag gi sdom pa ma lus gzung/ /ma rgal ba rnams sgral bar bgyi/ /ma grol ba rnams grol bar bgyi/ /dbugs ma phyin pa dbugs phyung zhing/ /sems can mya ngan 'das la 'god/ /de ltar sdom pa 'dzin byed na/ /bdag nyid snod du rung bar 'gyur/ /de nas sa bon 'od kyis ni/ /dkyil 'khor rang gi sa bon gzhug /de las ye shes me 'bar bas/ /rnam smin phung po bsreg pa yi/ /skad cig gis ni sgyu 'drar 'gyur/ /de nas snying rje bskyed pa ni/ /sdug bsngal chos dang mi dmigs pa/ byang chub rnam pa lnga sgom ste/ /gzugs brnyan gyi ni ye shes la/ sdug bsngal rnams ni snang ba ni/ /de las 'don pa'i bsam pa ni/ /sdug bsngal la dmigs snying rje'o/ /bdag stong sems can chos rnams kun/ /stong pa nyid du rab sbyor bas/ /kun

  118. 59b

    gyi stong ba las 'jug pa/ /chos dmigs snying rje mnyam nyid do/ /de yang ma skyes pa'i phyir stong par shes pa ni/ /so sor rtog pa shes pa las/ /sems can thams cad dgod bsam pa/ /dmigs med shes rab so sor rtog /sems can don ni rtogs pa/ nam mkha' la ni 'ja' tshon bzhin/ /gang dang gang 'dod snang byed la/ /dmigs med snying rje bya grub pa'o/ /bdag dang gzhan sogs rtog pa rnams/ /slar zhing 'byung bar mi 'gyur zhing/ /gang la chags dang rnam grol ba'i/ /chos dbyings ye shes rnam par sgoms/ /de dag ni tshogs gnyis kyis yongs su ting nge 'dzin to/ /de nas nam mkha' stong pa la/ b+h+ruM byung 'khor lo'i dbus su ni/ /nyi ma'i dkyil 'khor dbus gnas par hUM ni 'jigs pa bsgom byas te/ /'od zer phyogs bcur 'phros pa las/ /hUM bcu 'khor lo'i rtsibs stengs su/ /khro bo bcu gcig skad cig rdzogs/ /hUM mdzad snod mdzes gtsug tor dang/ /gshin rje gshed dang gzhan mi thub/ /rta mgrin dang ni bdud rtsi 'khyil/ /'dod rgyal mi g.yo mgon po dang/ /dbyug sngon can dang stobs po che/ / zhal gsum phyag drug zhabs gnyis par/ /bskyed la de nyid rnam 'phrul ba'i/ /bgegs bcu dgug par bka' bsgo bas/ /bkug ste zhabs 'og phur bus gdab/ /rdo rje gsang sngags brjod bya bas/ /skad cig gis ni bgegs med 'gyur/ /hUM mdzad thugs kha'i sa bon las/ /'od 'phros phyogs mtshams steng 'og tu/ /'phros pas dra ba gur dang ni/ /ra ba gnyis dang sa gzhi dang/ /rdo rje'i rang bzhin bsgom par bya/ /phyogs mtshams dkyil 'khor bcing ba yis/ /phyis kyang 'jug par mi 'gyur ro/ /de nas zhi ba'i bsam pa yis/ /kun tu bzang por hUM mdzad gyur/ /de las chos kyi 'byung gnas sam/ /dbus su b+h+ruM las gzhal yas khang/ spyi dang thun mong khyad par ni/ /rim pa bzhin du shes par bya/ /zur bzhi pa la sgo bzhi pa/ /rta

  119. 60a

    babs kyis ni rnam par brgyan/ /dar dang me tog phreng bas brgyan/ /gra dang sgo yi mtshams rnams su/ /zla ba phyed la gnas pa yi/ /rdo rje rin chen rnams kyis spras/ /dkyil 'khor phyi rim thig gdab bo/ /de yi rim pa'i nang zhugs nas/ /dkyil 'khor phyi ma dang mtshungs pas/ /mtshan nyid thams cad shes bya ste/ /ka ba brgyad dang ldan pa ru/ /dbus kyi dkyil 'khor 'byung ba ni/ /kun gyi mthun mong yin par 'dod/ /bsdus dang so so'i mtshan nyid ni/ /phyi nas 'byung ba las shes bya/ /dbus su saM gaM taM d+h+raM? h+raM aM las/ /hUM gnyis ldan pas byung ba'i gdan/ /ming las mtshon te shes par bya/ /a las zla ba'i steng du bsam/ /de dag ni steng gi ting nge 'dzin to/ /de nas sa bon las skyes pa/ /a las rnam par snang mdzad che/ mdog dkar zhal bzhi phyag gnyis pa/ /mnyam gzhag pa'am byang chub mchog / rnam rgyan la sogs spangs pa ni/ rtag pa'i sangs rgyas bsgom pa'o/ /thugs kar pad+ma gnas pa las/ /h+rI las dang po sangs rgyas na/ /zhal lnga byis pa'i rgyan dang ldan/ /phyag brgyad g.yas bzhis ral gri 'dzin/ /g.yon bzhis shes rab po ti 'dzin/ /dang po sangs rgyas thun mong pa'o/ /sangs rgyas de'i thugs kha ru/ /a las gyur pa'i 'khor lo ni/ /rtsibs drug pa la mu khyud bzhi/ /lte bar a las 'od 'phros pas/ /don byas 'dus pa'i sngags su gyur/ /lte bar a ste ma khyud gnyis/ /nad ma'i mu khyud la dgod pa/ /oM sarba d+harmA b+ha wa bi shud+d+ha badzra a A aM a(rgyud 'grel): phyi rol tu ni dgod pa ni/ /rtsibs bcas sam rtsibs med par/ /dbyangs yig bcu gnyis dgod par bya/ /de yi phyi rim rtsibs drug la/ /gsang sngags rgyal po drug ldan pa/ /dang po'i rtsibs la dgod par bya/ /oM badzra tik+Sha ya te na ma gnyis pa'i rtsibs la dgod bya ba/ /oM du(rgyud 'grel): khats+tshe da ya te na ma/ /gsum pa'i rtsibs la dgod bya ba/ /oM pradz+nyA dz+nyA na murta ye ya te na ma/ /bzhi pa la ni bsam bya ba/ /oM dz+nyA na kA ya ya te na ma/ lnga pa la ni bsam bya ba/ /oM wA gI shwa rA ya ya te na ma/ /drug pa la ni

  120. 60b

    bsam bya ba/ /a ra pa tsa ya te na ma/ /'khor lo nu khyud bzhi pa la/ ye shes sems dpa' i sku yi sngags/ /a A sarba ta thA ga ta h+ri da ya/ ha ra ha ra/ oM hUM h+rI(rgyud 'grel): b+ha ga wan/ dz+nyA na murti wA gI shwa ra/ ma hA pa tsa sarba d+harmA/ ga ga na/ a mA la su pa ri shud+d+ha d+harmA d+hA tu dz+nyA na garb+ha a/ 'khor lo mu khyud bzhi pa la/ /ka sogs k+Sha la thug par dgod/ /shes rab 'khor lo'i ting 'dzin to/ /de'i lte ba'i a las ni/ /gnyis su med pa'i 'jam dpal dbyangs/ /zhal drug pa la phyag drug pa/ /'khor lo'i rtsibs dang yi ge'i zhal/ /dkar dmar sngo dang dkar ljang dkar/ /phyis kyang so sor bya ba yin/ /utpal sngo dmar dang po gnyis/ /mda' dang gzhu ni gnyis pa gnyis/ /mnyam par bzhag pas gsum pa gnyis/ /sku ni dung ltar dkar ba'o/ /thugs kar zla ba sa bon no/ /rnam snang chen po zhes bya bas/ /dang po sbyor ba'i ting 'dzin gyis/ /sgyu 'phrul dra bas byang chub pa'o/ /so sor dbye ba'i sbyor ba yang/ /dbus su rang gi gdan stengs su/ /h+rI(rgyud 'grel): hUM a a oM a las/ /pad+ma gar dang hUM byed dang/ /rnam snang rta mchog rdo rje nyid/ /rdo rje sems dpa' i go rims bzhin/ /zhal gcig pa la phyag gnyis te/ /ting 'dzin bdud 'dul byang chub mchog /skyabs mdzad mchog sbyin 'gying bcas pas/ 'on kyang khyad par yod pa'o/ /pad+ma rdo rje rdo rje dang/ /rdo rje sna tshogs rin chen dang/ /rdo rje dril bu 'dzin pa ste/ /mdog ni bsdus pa'i zhal gyis te/ /dang po sangs rgyas d+hi kar las/ /sngar gyi kun gyi thun mong gi/ 'jam dpal dag tu thams cad mchog /de yi thugs khar shes rab kyi/ /'khor lo sa bon rnams la bskyed/ /rtsibs brgyad yin te rnam snang gi /rtsibs bcu bar ni yin par 'dod/ /mu khyud bzhi sogs snga ma bzhin/ /yi ge gyur pas sngags rnams na/ /rtsibs la dgod pa'i sngags rnams ni/ /ye shes sems dpa' i ming can du/ /sdus pa'i sngags rnams phye ba'o/ /kha dog sngar

  121. 61a

    ye shes /bzhin shes par bya/ /shes rab 'khor lor bsgom par bya/ /lte ba rnams su sa bon gyis/ /smro bsdu las grub ye shes sems/ /zhal gcig pa la phyag gnyis pa/ /dmar po la sogs kha dog drug /rdo rje rnon po sdug bsngal gcod/ /shes rab ye shes sku/ /ngag dbang phyug dang pa tsa'i mdza' / /ral gri kun gyi g.yas pa ste/ /rang mtshan g.yon na 'dzin pa'o/ /ye shes sems dpa' bsgoms pa'i ting nge 'dzin to/ /dngos gzhi dkyil 'khor rgyal mchog ni/ /bsdus dang phye ba'i bye brag gis/ /thun mong thun mong ma yin pa/ /go rim bzhin du shes par bya/ /bsdus pa rnams pa gsum yin te/ /rnam snang gnyis dang rdo rje sems/ /de gsum gtso bo gang rung ngam/ /yang na rang bzhin gcig yin pas/ /gcig tu bsdus pas shes par bya/ /thugs bsdus ba la 'jam dpal dbyangs/ /so so'i la ni sngar bzhin 'dod/ /de'i thugs la sa bon bsnams/ /spros pa rang rang dkyil 'khor 'byung/ /las byas 'dus nas dkyil 'khor du/ /'og tu 'chad pa'i rim bas gnas/ /dbus dkar shar sngo ser zhing/ / ?? byang gi ljang gu ru/ /kha dog la sogs shes/ /kun gyi dbus kyi mtshan ma ste/ /'og kyang khro bo'i rdo rje dang/ /rin chen pad+ma sna tshogs mtshan/ /nyams dang de dang 'dra bar ram/ /yang na 'grel par bshad pa bzhin/ /ming dang gzhal mdog mtshan ??/ /tha dad par mi shes bar bya/ /gdul bya'i bsam pa'i dbang gi ste/ /sna sogs gzugs 'dzin nor bu bzhin/ /so so rang rang sa bon las/ /rang rig thams cad sprul byas nas/ /'dod chags can sogs gdul byas nas/ /'dus nas dkyil 'khor la zhugs pa/ /dkyil 'khor rgyal mchog yin par 'dod/ /rjes kyi las rgyal ting 'dzin ni/ /'od zer spro bsdu 'gro ba sbyong/ /kun gyi phrin las mthun pas ni/ /khyad par dbye ba ma bshad do/ /sprul pa byin gyis brlab pa'i phyir/ /rang gi gtso bo'i

  122. 61b

    sbyor ba yis/ /lag ngar gnyis ni rdo rje bcing/ /se gol gtog cing sngags brjod pas/ /sangs rgyas thams cad bsdu bar bya/ /de tshe sangs rgyas thams cad ni/ /rdo rje sems dpa' la sogs bcas/ /dkyil 'khor thams cad 'dus par 'gyur/ /sngar bzhin bstod bas bstod nas su/ /lcags kyu la sogs rnal 'byor gyis/ /dgug pa la sogs pa byas nas/ /sgo bcad bsrung ba rdzogs pas 'grub/ /gtso bo dam tshig mchog bcings pa/ /snying khar hUM las rdo rje bsam/ /dri sh+ya dza(rgyud 'grel): hUM baM ho(rgyud 'grel): zhes/ gtso bo'i sngags kyis rjes 'gro ba'o/ /lce la pad+ma bsam bya ste/ /gtso bo snying po bkod byas pas/ /chos kyi phyag rgya gsung bsgrub bo/ /gtso bo las kyi phyag rgya bcing/ /spyi bor rdo rje kun dngos bsam/ /las kyi phyag rgya phrin las 'grub/ /ye shes sems dpa' i snying kha ru/ /rang gi mtshan ma bsam byas nas/ /phyag rgya chen po bsam byas nas/ /phyag rgya chen po bcings pa ni/ /'phrin las thams cad 'grub par 'gyur/ /rigs kyi dbu rgyan bsams nas ni/ /mchod dang mnyam nyid la sogs bstod/ /de nas bzlas brjod bya ba ni/ /shes rab 'khor lo'i sngags rnams las/ /'od zer de 'dra 'jig rten du/ /'gro ba'i don byas der 'dus thim/ /dang po'i zlas pa yin par 'dod/ /yang mtshan mchog brjod pa ni/ /gnyis pa yin te der yang gnyis/ /bsdus la kun de phye ba la/ /? bu drug tu gdon byas nas/ /phan yon drug tu rgyud bzhin 'gyur/ /bsdus pa'i man ngag 'di yin te/ /rnam snang che dang rnam snang dang/ /rdo rje sems dpa' mdo gnyis te/ /snying las mtshan rnams thon byas nas/ /sku yi grangs kyis 'jig rten du/ /chags can gti mug can don byas/ /'dus te dbyangs nas gsal byed la/ /thim pas 'od kyi 'khor lor 'gyur/ /dbus kyi cha la gnas pa'o/ /shar sogs mi bskyod pa la sogs pa/ /rang rang mtshan gyi gnas skabs su/ /sngags don rigs kyi lhar 'phros te/ /zhe sdang can sogs ?

  123. 62a

    byas nas/ /'dus te rang gi 'khor lo ru/ /sngags la 'dus te sngar bzhin no/ /so so rang rang mtshan gyis so/ /dang po'i ming gi sbyor bas so/ /phyin nas sngags ni nus tshad bzlas/ /gal te gtong bar 'dod na yang/ /sngar bzhin mchod bstod sngon 'gro bas/ /lhag chad nye ba zhi ba dang/ bzod pa gsol dang gsal ba dang/ /sngar bcings dam tshig phyag rgya dgrol/ /oM khyed kyis sems can don kun mdzad/ /rjes su mthun pa'i dngos grub gsol/ /sangs rgyas yul du gshegs nas kyang/ / slar yang 'byon par mdzad par rigs/ /sprul pa'i 'od zer der bsdus la/ /stong pa'i nga rgyal brtan bsgoms nas/ /srung ba dam pa yin par 'dod/ /spyod lam bzhi yi dus su yang/ /'jam pa'i rdo rje'i nga rgyal 'chad/ /yid la yang ni sbyar bar bya/ /snying po'i ting 'dzin sbyar ba'o/ /de ltar bsnyen pa byas nas ni/ /gang 'dod las ni rdzogs 'dod pas/ /dkyil 'khor la sogs las rnams bya/ /grong la sogs pa'i phyogs bdun ni/ /rnal 'byor pa yis spang bar bya/ /yon tan kun dang yongs ldan pa'i/ /byan shar mtshams ni yongs su bzung/ /sems la nus pa dang ldan na/ /gang du yid dang mthun par bya/ /mngon par 'dod pa'i sa phyogs su/ /drag dang zhi ba'i sbyin sreg gis/ /sa ni sbyang ba 'grub par bya/ /gyo mo bsreg ma thal ba dang/ /rus pa phub ma la sogs 'grub/ /bsal bas gnod pa med par 'gyur/ /dbus su sa ni brkos byas la/ /dag pa'i chu yis bkan byas la/ /me tog dkar pos bkang byas la/ /shar du goms pa brgya phyin nas/ /log ste dngos grub rtag par bya/ /de nas maN+Dal sngon 'gro bas/ /bruM ser las byung lha mo la/ /bslang ba gzhung dang mthun par bya/ /sa yi dbus su ting 'dzin gsum/ /snga ma bzhin du bsgom bya ste/ /'on kyang khyad par dbye ba yod/ /rten gyi 'khor lo rdzogs

  124. 62b

    byas nas/ /deng dus bdag tshe 'bras bu yod/ /bdag gi gson pa 'bras bu yod/ /lha dang dam tshig mnyam 'gyur bar/ /gyur par bdag nyid som nyid med/ /byang chub sems dang sems gcig pas/ /mi log par ni bdag gyur te/ /de bzhin gshegs pa'i rigs ni/ /deng bdag skye ba the tshom med/ /der bdag nyi mar pa ste/ /sangs rgyas thams cad spyan 'dren pas/ /deng bdag 'dus pa'i mchog yin no/ /spos snod lag tu thogs nas ni/ /ma lus phyogs na bzhugs pa yi/ /sangs rgyas thams cad dgongs su gsol/ /bdag ming 'di zhes bgyi ba ni/ /sangs rgyas thams cad spyan 'dren pas/ /deng 'dir sangs rgyas kun gshegs te/ /dngos grub 'di ni stsal du gsol/ /de nas ting 'dzin gsum pa ni/ /snga ma bzhin du shes par bya/ /de nas gtso bo'i sbyor ldan pas/ /lag na rdo rje la sogs pa'i/ nga rgyal 'dzin pas sngar bzhin bstod/ /sangs rgyas kun gyi 'khor lo che/ /sprul pa'i 'khor lo sna tshogs 'chang/ /sems can kun la phan pa'i phyir/ /dkyil 'khor chen po bshad du gsol/ de ltar bstod pa'i tshig gsan nas/ /phyogs rnams kun tu phyag byas nas/ /nga ni rang nyid rdo rje can/ /'jam pa'i rdo rje bdag rang gis/ /nga ni sangs rgyas rgyal po che/ /stobs chen sangs rgyas kun bdag nyid/ /bdag po rdo rje chen po'i bdag /byin gyis brlab pa mi 'dor ro/ /mig dang rkang pa byin brlabs nas/ /dkyil 'khor steng du bdag byas la/ /dengs shig ces ni brjod byas la/ /g.yas brkyang la sogs 'dug stangs kyis/ /bgegs kyi tshogs ni gzhom par bya/ /de nas phur bus gdab pa yi/ /'og gi bgegs ni bzlog par 'gyur/ /de nas sbyang? nul byas nas ni/ /spos kyi dkyil 'khyor bya ba ni/ /bdag po'i gnas su gru bzhi ste/ /lhag ma'i gnas su zlum po ru/ /rang rang gi ni snying po'am/ sku yi gsang sngags zlos pas so/ /de nas bum pa byas par yang/ /rnam par rgyal ba la sogs pa/ /rtsa ba nag por ri med/ /

  125. 63a

    rang gi mtshan mas mtshan bcas pa'o/ /'bras chags lcug mas kha brgyan nas/ /ras zung gis ni mgul ba bcings/ /'bru sna rin chen sna lnga dang/ /snying po lnga dang ldan par bya/ /dri zhim chu yis rab bkang la/ /steng du mchod yon chu bzhag la/ /rang gi chos kyi sa bon las/ /rang gi lha ru rtags nas ni/ /bsdu dang bstod dang dgug pa dang/ /rgyas gdab la sogs sngar bzhin bya/ /de nas dam tshig phyag rgya yis/ /gzung ste sku yi sngags bzlas la/ /mchod yon phul la gnas su bzhag/ lag bzangs zhus pa'i rgyud gsungs pa'i/ /tshogs gtor ma sbyin par bya/ /'og nas 'byung ba'i cho gas yis/ /sbyin sreg gis ni mnyes par bya/ /gson pa'i slob ma'ang lha gnas bya/ /'khor bzhi rnams kyi nang nas ni/ /dkyil 'khor cho gas rjes gzung bas/ /rang la bslab par shin tu ldan/ /theg pa che la rab tu mos/ /blo dang ldan pas dkyil 'khor gzhug /gzhan dag rjes su gzung mi bya/ /de nas slob mas phyag bya te/ /dga' chen khyod bdag ston pa ste/ /slob dpon khyod ni dgongs su gsol/ byang chub sems dpa' tshul bstan pa/ /mgon po chen po bdag 'tshal lo/ /dam tshig de nyid gsal du gsol/ /sdom pa rnams kyang bdag la gsol/ /thar pa chen po'i grong mchog tu/ /mgon pos bdag ni gzhug par mdzod/ /khu tshur theg pa chen po yi tshul chen snod ni khyod yin te/ /gsang sngags spyod pa'i tshul gyi mchog /khyod la yang dag bstan par bya/ /rdzogs pa'i sangs rgyas gang bzhugs dang/ /de bzhin gang dag ma byon dang/ /da ltar byung ba'i rdzogs sangs rgyas/ /'gro la phan phyir bzhugs pa rnams/ /de dag kun gyi gsang sngags kyi/ /cho ga bzang po 'di mkhyen nas/ /dpa' bos byang chub shing drung du/ /thams cad mkhyen pa'i mtshan med pa brnyes/ /skyob pa 'jam pa'i rdo rje yis/ /bdud sde shin tu mi bzad pa/ /dpung chen dag kyang de yis

  126. 63b

    bcom/ /de phyir kun mkhyen thob bya'i phyir/ /bu yi blo gros 'di gyis shig /de nas slob mas brjod bya ba/ /dkon mchog gsum la phyag 'tshal lo/ /don mchog gsum la skyabs su mchi/ /sdig pa thams cad so sor bshags/ /bsod nams kun la rjes yi rang/ /byang chub mchog tu sems bskyed bgyi/ /sems can thams cad mgron du gnyer/ /'gro la phan phyir sangs rgyas 'grub par shog /sa ma ya a/ su ra tastwaM sa ma ya ho/ /badzra satwa ya thA su kham/ snying kha la sogs par byin gyis brlab/ /a shwa tha la sogs pa'i shing/ /sor ni bcu gnyis me tog bcas/ /byin nas kha dang so yang brud/ /rtse nas bcas te dor ba dang/ /hub gsum chu yang sbyin par bya/ /dpung pa g.yon par srung skud bcing/ /ku sha byin la rmi lam brtag /nga la nang par smros zhes bsgo/ /'jig rten na ni kun mkhyen rnams/ /u duM wa ra'i me tog bzhin/ /brgya lam na ni res 'ga' zhig /'byung 'gyur yang ni mi 'byung ngo/ /gsang sngags kyi ni tshul 'byung ba/ /de bas kyang ni dkon pa ste/ /gang gi mnyam med sems can don/ mya ngan mi 'da' byed par nus gang dag spyod pa'i mchog 'di lam/ /blo gros shin tu mi g.yo bas/ /de dag kun ni 'khor ba'i rgyun/ /sdug bsngal kun 'byung bden pa bcas/ /bdag nyid chen po khyed rnams kyis/ /rnyed pa mnyam med de ring rnyed/ /gang gis sangs rgyas sras bcas pa'i/ / bdag nyid chen po kun gyis ni/ /bstan pa 'di la khyed rnams kun/ /yong su bzung nas skyob bzhin bar/ /sad ni rab tu 'dod bcas nas/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams 'di ni 'dod pas na/ /rang byung skal pa che po la/ /'jig rten thams cad mkhyen pa yi/ /de bzhin gshegs par gyur pa yin/ /zhes bstan par bya'o/ /snyan gsan dbab pa brgyad bzhin bya/ /tho rangs dus su langs nas ni/ /dkyil 'khor steng du sngar bzhin bzhag /

  127. 64a

    sku yi gsang sngags bzlas pa yis/ /dri yis dkyil 'khor byugs byas la/ /sar pa legs par bsgril ba la/ /kha dog lnga ni legs gyur nas/ /ye shes lnga las sangs rgyas lngar/ /byin gyis brlab pa byas nas ni bcom ldan dkyil 'khor thig gdab phyir/ /rdo rje thig ni bdag la gsol/ /btang ba bsdus te bkang ba ni/ /legs par bsgril te mchod cing bzlas/ /sgrub pa'i grogs kyis lag gtad la/ /dkyil 'khor brtags te tshad gcal nas/ /phyi nas thig ni gdab par bya/ /nub nas shar du tshangs thig gdab/ /lho nas byang duAng de bzhin no/ /byang dang lho dang shar nub dang/ /rlung dang dbang ldan phyogs bltas nas/ /dbang po chu dang nor gshin rje/ /zur thig gnyis dang gdab byas nas ngos bzhin dkyil 'khor bzhin du 'gyur/ /so so'ang cha chen bcu drug tu/ /so sor rnam par phye par bya/ /dbang po phyogs nas btsal bya ste/ /cha dang po'i mdza' gnyis nas/ /bzhi cha gnyis ni gdab par bya/ /gnyis pa mnyam po bzhi ru'o gsum pa phyed kyi phyed ma gnyis/ /bzhi pa dang po'i tshad dang mtshungs/ /cha ni bcu gsum dag tu 'gyur/ /gdugs dang 'khor lo pad+ma dang/ /rim pa bzhi dang nam mkha' brgyad/ /dgu dang bcu gcig bcu gsum pa/ /de gsum lnga lngar bgo bar bya/ /yang phugs ? dang logs su 'gyur/ /de kun ring thung cha gnyis pa/ /bcu dang bcu gnyis gnyis pa ni/ /logs su gcig 'das gcig gis ni/ /bzhi cha logs te de yang yin/ /cha phyed 'das ni phyed kyi phyed/ /nang ma sngar byas khyung du 'dod/ /de'i nang du cha chen lha rnams yang/ /cha phyed gnyis byas phyi ma la/ /mdza' gnyis nas ni bzhi cha gdab/ /gdugs dang pad+ma 'khor lo'o/ /gnyis pa'i nang ma bzhin du bya/ /skas la sogs pa lta bur 'gyur/ /de'i nang gi cha chen po/ /de yang gnyis su byas

  128. 64b

    nas su/ /phyi ma gnyis byas de yi nang/ /sngar byas ya phugs yin par 'dod/ /nang gi cha chen de yi ni/ /bzhi cha gnyis su byas pa la/ /mdza' gnyis dag tu byas pa yang/ /lnga char byas pas 'gram dang ni/ /ngos su gyur te de kun yang/ /cha gnyis nas ni ring ba med/ /khyud dang logs ni rang gi tshad/ /phyi las lpags pas nang gi tshad/ /phyed tshad gnyis kyis bzhi cher 'gyur/ /phyogs gsum yang ni des shes bya/ /kun gyi thun mong yin par 'dod/ /nang gi dkyil 'khor dbye bar yang/ /bsdus pas gnyis te dbye ba drug /mkhas pa so sor shes byas te/ /bsdus bas 'dod ba brtsam par bya/ /sa chen rnam par bzhir gnas pa'i/ /re re'ang bzhi bzhir byas nas ni/ /tshangs pa'i thig las logs re ru/ /drug pa spyi'i ka bar 'gyur/ /bcu bcu nas ni mchog rnams 'dod/ /cha phyed pas ni zlum thig gis/ /bskor te cha phyed phyir bor ba'i/ /cha phyed par ni bskor byas pas/ /nang gi mu khyud dag tu 'gyur/ /dbus dang phyogs bzhi brgyad rnams ni/ /gnyis gnyis su ni byas pa yis/ /bcu drug dag tu 'gyur ba yi/ /dkyil 'khor lnga po kun gyi ni/ /rta bar sa sgo la sogs pa yang/ /phye bzhin te de der shes bya/ /kun gyi phrad gnas lugs dang ni/ /rdo rje dbyings dang khams te rgyal/ don grub 'gro 'dul las kyi rigs/ /de nyid 'dus pa rgyud kyi rtse/ 'di ru bya zhes mkhas pas 'dod/ /yang na thun mong min pa ste/ /'khor lo rtsibs brgyad lta bar bcas/ /ka ba brgyad dang rtsibs rten bcas/ /de phyir rim rtsibs bcu drug /rtsibs rnams rten dang bcas par bri/ /zur brgyad dkyil 'khor rnams dang ni/ /lha'i snam bu'i phyogs bzhin du/ /'khor lo'i rtsibs dang rtsibs rten dang/ /lte bar bca' ba'i thig gdab bya/ /phyir yang rdo rje me 'od bskor/ /so sor phye ba'i dkyil 'khor yang/ /sngar bzhin rnam pa gnyis shes bya/ /thig gdab pa'i rim pa'o/ /de nas tshon gyi las bshad de/

  129. 65a

    sngo ser dmar po ljang gu dang/ /dkar po rnam pa rim bzhin du/ /hUM traM trI(rgyud 'grel): a A las ni/ /mi bskyod ri dbang tshe dpag med/ /gdon mi za dang rtag pa bskyed/ /mig gi ldan pa'i lcags kyu yis/ /rang bzhin gnas pa kun nas ni/ 'dres pas ro gcig gyur bsams nas/ /bzlas pa bya ste dge ba rtsam/ /dang por rdo rje slob dpon gyis/ /g.yon pa'i rdo rje khu tshur gyis/ /dbang ldan mtshams nas brtsams par dgye/ /phyi nas kun tu slob mas so/ /shar phyogs su ni sngon po che/ /lho ni ser dang yang dag ldan/ /nub ni pad+ma rA ga ste/ /byang du ljang gu yin par 'dod/ /dbus kyi sa yi cha gnyis ni/ /shel ltar dkar ba bla na med/ /sngon po rdo rje rtse rang bzhin/ /gnyis pa gser la dmigs pa ste/ /pad+ma chags pa'i ngo bo bzhin/ /de bzhin gzhan ni mar gad de/ /dkar po nang du shes bya ste/ /'di ni tshon gyi rim par grags/ /de nas lha rnams dkod pa yang/ /dkyil 'khor lnga'i dbus su ni/ /rnam par snang mdzad rdzogs sangs rgyas/ /byang chub mchog gi phyag rgya 'dzin/ /seng ge yi ni gdan la bzhugs yang na dbus ma dang po la/ /rdo rje sems dpa' dgod par bya/ /rdo rje dril bu yang dag 'khyud/ /yang na rnam snang chen po'o/ /lnga po kun gyi shar phyogs su/ /mi bskyod glang po la gnas shing/ /bdud 'dul rdo rje bsnams shing bsngo/ /kun gyi lho yi phyogs su ni// rin chen dbang gi rta la bcibs/ mchog sbyin rin chen bsnams shing ser/ /dkyil 'khor kun gyi nub phyogs su/ /tshe dpag med pa rma bya bcibs/ /ting 'dzin pad+ma bsnams shing dmar/ /lnga po kun gyi byang phyogs su/ /gdon mi za ba mkha' lding bcibs/ / skyabs mdzad sna tshogs bsnams shing ljang/ /rdo rje 'degs pa sngon 'gro bas/ /snying po brjod cing bri bar bya/ /de nyid 'dus pa'i rjes 'brangs nas/ /lnga la rang gi 'khor gyis bskor/ /yang na 'khor lo'i rtsibs bcu drug /rigs kyi mdog ltar dgod

  130. 65b

    ba'i bya/ rdo rje sems ma rin chen chos/ /las mchog mas te dpal ldan ma/ /mtshams kyi 'khor lo'i rtsibs la dgod/ /bzhi'i mtshams bzhi po las ni/ /me mtshams 'khor lo'i rtsibs lnga ni/ /shar sngo lho ser nub dmar zhing/ /byang du ljang zhing dbus dkar la/ /rigs lnga'i sgeg mo rnam lnga ni/ /dbus su de bzhin gshegs rigs dkar/ /rdo rje shar du sngon po ste/ /lho ru rin chen ser mo ste/ /nub tu pad+ma dmar mo ste/ /byang du las ma ljang ba ste/ /de bzhin lho nub phreng ba dang/ /nub byang glu ma dbang ldan du/ /las ma la sogs de bzhin no/ /phyi yi lha rnams mtshams su ni/ /bdug pa la sogs de bzhin dgod/ /byams pa yang ni rigs lnga'i lha/ /'khor lo lag na de bzhin te/ /rigs kyi mdog gis dbye bar bya/ /'khor dang gtso bo phyogs sogs ni/ /lA sye la sogs bshad pa bzhin/ /bskal bzang gzhan yang de bzhin no/ /sgo rnams kun gyi nang du yang/ /sgo srung bzhi yang lnga lnga ru/ /gtso bo 'khor yang sngar bzhin brtag /phyag mtshan la sogs dbye ba ni/ /rgyud las ji skad gsung bzhin bya/ /'khor lo bcu tshan gsum dang gsum/ /brgyad dang brgyad cu rtsa lnga ru/ /mkhas pas bsgrims te dri bar bya/ /de ltar phyag rgya chen po 'am/ /yang na lag pa'i phyag rgyar bcas/ /yang na mtshan ma dgod pa 'am/ / / /yang na yi ge dgod pa 'am/ /yang na gdan gyi mtshan ma 'am/ /gal te 'byor pa med na yang/ /phyag rgyas yongs su bsgrubs te bsam/ /dkyil 'khor mdun du brtag pa'o/ /so sor phye la'ang de bzhin de/ /rang rang gi ni dkyil 'khor bzhin/ /de nas phyi dro'i thun dus su/ /khrus dang rgyan ni rab rdzogs pas/ /rdo rje dril bu rab bskul bas/ /dkyil 'khor lan bdun bskor byas pas/ /lhag par gang yin 'dor bar 'gyur/ /mkhas pas ma

  131. 66a

    tshad yongs skong mdzad/ /'grub 'gyur smad par mi bya'o/ /lcags kyu la sogs rnal 'byor gyis /steng du bteg pa dgug pa dang/ /gzhug cing dbang du bya'o/ /de nas bum pa bya ba yang/ /rtsa ba nag po rab rib med/ / mgrin par ras mchog gis brgyan pa/ /'bru sna rin chen sna lnga dang/ /snying po lnga dang ldan par byas/ /dri zhim chu yis yongs bkang ba/ /bsgrubs te rang gi gnas su dbul/ /de nas dkyil 'khor dbus su ni/ /ting 'dzin gsum po sngon bzhin sgom/ /ye shes sems dpa' i nga rgyal gyis/ /mchod pa nyid dang gtor ma dang/ /sbyin sreg ci nus pa yis mchod/ /bdag nyid 'jug pa'i cho ga yang/ /slob ma 'jug pa'i tshul gyis bya/ /de nas slob ma 'jug pa yang/ /gson dang shi ba'i las yin te/ /re shig snang ba nod par bya/ /bdag ming 'di zhes bya ba ni/ /rdo rje slob dpon dka' thub che/ /sems can rnams la phan pa'i phyir/ /slob ma gang yin 'jug par 'tshal/ /de nas slob ma thams cad kyis/ /gson pa zhes bya ba'i khyad par ste/ /dga' chen khyod bdag ston pa bas/ /slob dpon nyid ni bdag la dgongs/ /byang chub sems dpa' i lam bstan pa/ /skyob pa chen po bdag phyag 'tshal/ /sangs rgyas chos dang dge 'dun te/ /skyabs gsum song la bdag skyabs mchi/ /thar pa chen po'i grong mchog tu/ /mgon pos bdag ni gzhug par 'tshal/ /khu tshur gshegs shig theg chen gyi/ /lam chen snod ni khyod yin te/ rdzogs pa'i sangs rgyas gang 'das dang/ /de bzhin gang dag ma byon dang/ /de ltar bzhugs pa'i rdzogs sangs rgyas/ /de dag kun gyi gsang sngags kyi/ /chog bzang po 'di mkhyen na/ /'jig rten spyod pa rjes 'jug phyir/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /de nas rgyun bshags

  132. 66b

    byed du gzhug ste/ /yol ba'i mdza' ru gnas pa las/ /gdod pa gos kyis g.yogs pa yis/ /dkon mchog gsum la skyabs su mchi/ /sdig pa thams cad so sor bshags/ /bsod nams kun la rje yi rang/ /sangs rgyas byang chub yid kyis gzung/ /byang chub mchog tu sems ni bskyed par bgyi/ /sems can rnams kyi bdag gi mgron du gnyer/ /'gro la phan phyir sangs rgyas 'grub par shog /ces brjod du gzhug go /de nas oM su ra ta stwaM sa ma ya stwaM/ ho badzra sid+d+hi ya tha su khaM/ zhes pas sems ni bskyed par bya'o/ /de nas che ge zhes bya ba 'di nyid ni/ /byang chub sems ni yongs gzung nas/ /dam tshig mchog dang gsang ba yi/ /'khor lo 'di ni 'jug par 'dod/ /de nas slob ma la sgrags pa/ /sdom pa thams cad dpog pa ni/ /nus pa'i nyams la sngags te sbyin/ /slob mas yang ni de bzhin gzung/ /deng khyod de bzhin gshegs rigs zhugs/ /tshul 'di gzhan lam brjod cig /gal te smras par gyur pa ni/ /'jam pa'i rgyal po rab khros nas/ /bdun rgyud rigs dang bcas par bzlog /de nas 'og tu 'gro bar 'gyur/ /oM badzrod ka chu glud do/ /gal te gsang na dngos grub ni/ /rdo rje bdud rtsi chu yis 'grub/ /de nas brtsams te bu khyod kyi/ /'jam dbyangs rgyal po nga yin gyi/ /brnyas mi bya zhing mnyam par bgyi/ /ye shes dag pa dpog pa dang/ /brtan pa'ang gzhug bzhin bya ba ste/ /phreng ba dor dang bcing ba dang/ /gdong g.yogs dgrol zhing dkyil 'khor bstan/ /bla ma brgyud pa shes par bgyi/ /'jug pa rdzogs nas dbang bskur ba// lhar bskyed chu dang cod pan dang/ /rdo rje dril bu ming dang ni/ /brtul zhugs rjes gnang gzengs bsod dang/ /lung bstan dbugs dbyung la sogs pa/ /chog mthong bas shes par bya/ /gson po'i las ni yongs rdzogs nas/ /gal te shi la phan

  133. 67a

    'dogs na/ /ro 'am rus pa gos la ni/ /sku phyi sngags kyi btab pa yi/ /chu mchog gis ni dkru dang gtor/ /de nas de la gnas pa yis/ /gnod pa'i bgegs rnams bsal ba ni/ /shin tu khros pa'i 'jam dpal du/ /bdag nyid rab tu bsams nas ni/ /gshin rje gshed dam bdud rtsi yis/ /gsang sngags drag por rab bzlas pa'i/ /yungs kar rdo rjer bsams nas ni/ /de la lan gsum rab tu brab/ /de nas de yi bgegs bral la/ /snying kha'i 'dod pa'i rgyal po yis bar do'i shes pa dgug par bya/ /a la sogs pa'i sa bon gyis/ /ye shes sems pa rab bskyed la/ /sems bskyed sdom bzung la sogs dang/ /dkyil 'khor du ni gzhug pa rnams/ /gson po'i tshul bzhin byas nas su/ /dbang bskur ba yang rim bzhin bya/ /rnam par dag pa de yi ni/ /lte ba snying kha lkog ma dang/ /spyi bo rnams ni rim bzhin du/ /shes rab 'khor lo lhag bya ste/ /lte bar shes rab 'khor lo ni/ /mu khyud bzhi dang rtsibs bcu gnyis mu khyud bzhi la sngags bzhin ni/ /sngar bzhin dgod par shes par bya/ /rtsibs la'ang dbyangs yig bcu gnyis te/ /lte bar a yig bsam pa'o/ /snying kha mgrin pa spyi bo yang/ /de bzhin bsam pa byas nas ni/ /spro dang bsdu ba'i 'od kyis ni/ /de'i lus kun khyab par bsam/ /de la sogs pa'i gzugs brten na/ /sbyin sreg tu ni dbul bar bya/ /de yang thab dang dgang gzar blugs gzar rdzas/ /shing dang sgrub pa po dang snod/ /rdzas gsang dgod dang me glang dang/ /bsang gtor dang ni me sbar dang/ /ku sha dgram dang gnas pa dang/ /me bskyed pa dang spyan drang sogs/ /bsrung skud bcing dang mchod pa dang/ /zhabs bsil sgrub dang dbang bskur dang/ /dam tshig sgo dang mchod yon dang/ /bsang gtor thor 'thung bsreg ? dang/ /me bsad brtag dang dgang blugs

  134. 67b

    dang/ /kun bsreg bsang dang lha dgod dang/ /bsdus dang bstod dang dgug pa dang/ /sngon bzhin phyag rgyas dbang bskur dang/ /mchod dang mchod yon 'thor 'thung bas na/ /dgang blugs cig bshos las bskul dang/ /lha rnams gzi byin bskyed pa dang/ /me lha dgang blugs mchod yon bcas/ /bsang gtor sogs dang gshegs gsol ba/ /cho ga ji ltar mthong ba yi/ /gang na las kyi cho ga med/ /de ni ci yi cho ga las/ /rgyas pa'i cho ga sngags ngas bstan/ /de shes pa la nyes pa bral/ /de ltar byed pa'i slob dpon ni/ /rdo rje 'dzin dang 'dra bar 'gyur/ /dkyil 'khor sngon bzhin mchod pa dang/ /yi ge brgya pa brjod pa dang/ /bzod pa gsol dang bsngo pa dang/ /phyag rgya dgrol ba'i rim pa bya/ /oM khyed kyi sems can don kun mdzad/ /rjes su mthun pa'i dngos grub gsol/ /sangs rgyas yul du gshegs nas kyang/ /slar yang 'byon par mdzad du gsol/ /oM badzra mu(rgyud 'grel): 'phags pa 'jam dpal gyis khyab pa'i/ /bsdus dang rgyas pa'i cho ga ni/ /thun mong thun mong min par sbyar/ /nongs na mkhas rnams bzod par mdzes/ /gsang bar 'os pa sba ba'i phyir/ /bsdus dang rgyas pa'i cho ga byas/ /'di las dge ba ci thob pa/ /'gro kun 'jam pa'i dbyangs thob shog /'phags pa 'jam dpal rigs bsdus pa dang/ /phye ba'i cho ga yid bzhin nor bu zhes bya ba/ /slob dpon zla bzangs grags pas mdzad pa/ /kha phye'i mkhan po paN+Di ta mahA dz+nyA na dang/ lots+tsha ba dge slong tshul khrims gzhon nus bsgyur cing zhus te gtan la pheb ba rdzogs so// // */ (/'phags pa 'jam dpal gyi mtshan yang dag par brjod pa'i sgrub thabs bzhugs so/) /rgya gar skad du/ Arya many+dzu sh+rI nA ma saM gI ti sA d+ha naM nA ma/ bod skad du/ 'phags pa 'jam dpal gyi mtshan yang dag par brjod pa'i sgrub thabs zhes bya ba/ 'jam dpal rdo rje la phyag 'tshal lo/ /rang bzhin gyis ni dag pa'i bdag /ngo bo nyid kyis

  135. 68a

    rnams sangs rgyas/ /snying po'i don ldan sku yi mchog /dkyil 'khor gtso la phyag 'tshal nas/ /snying po don gyi rgyud nyid las/ /brten nas bdag gi sgrub thabs brtsam/ /de nas sa chen yid 'ong ba'i/ /nags tshal shin tu mdzes la sogs/ /dad dang dbang bskur rjes su ldan/ /byams sems ldan pas 'di brtsam mo/ /chos rnams sgyu ma lta bu'i blos/ /khro bo drug gis bsrung bar bya/ /oM badzra rak+Sha kA la rU pa hUM/ oM badzra ya mAn+ta ka hUM zhes bya bas bsrung bar bya'o/ /de nas byams pa'i sems ldan pa'i/ /bde ba'i stan la nyer 'dug nas/ /mdun du dkyil 'khor spyan drangs nas/ /phyag dang mchod pa bya ba ni/ /na mas sarba ta thA ga ta/ badzra d+hu pa pu ja me g+ha sa mu dra spha ra Na sa ma ye hUM/ na ma(rgyud 'grel): sarba ta thA ga ta badzra puShpe pU dza me g+ha sa mu dra spha ra Na sa ma ye hUM/ na ma(rgyud 'grel): sarba ta thA ga ta badzra A lo ke pU ja me g+ha sa mu tra spha ra Na sa ma ye hUM/ na ma(rgyud 'grel): sarba ta thA ga ta badzra gand+he pU dza me g+ha sa mu pra spha ra Na sa ma ye hUM/ na ma(rgyud 'grel): sarba ta thA ga ta badzra nai wi ti pU dza me g+ha sa mu dra spha ra Na sa ma ye hUM/ na ma(rgyud 'grel): sarba ta thA ga ta shapta pU dza me g+ha sa mu dra spha ra Na sa me ye hUM/ zhes mchod pa sngon du sor nas sdig pa bshags pa la sogs pa bya'o/ /de nas byams ba dang snying rje dang dga' ba dang btang snyoms bsgom par bya'o/ /a b+hA wa spa b+hA wa bi shud+d+ha badzra tsakra a A aM a(rgyud 'grel): zhes bya bas stong pa nyid du bsgom mo/ /de nas stong pa'i ting nge 'dzin las/ dang po a'i rang bzhin las/ /'od 'phros hUM las rdo rje ni/ /khro zhal drug ldan me dpung ldan/ /bum pa'i nang du mchod rten ni/ /rin chen lnga las grub bskyed/ /chos sku la brten gzugs sku ni/ /e las byung ba'i bum pa'i nang/ /kha dog dkar po bskyed par bya/ /de nang b+h+ruM gi 'gro 'du las/ /gru bzhi pa la sgo bzhi pa/ /'khor lo brtsibs bzhi tshom bu lnga/ /bcu drug 'khor

  136. 68b

    lo dang bcas pa'i/ /dbus su seng+ge gti mug gdan/ /shar du glang chen zhe sdang gdan/ /lhor ni rta ste nga rgyal klad na/ /nub tu rma bya chags pa'i gdan/ /byang du shang shang phrag dog gdan/ /lnga ye bdag nyid bcom pa'i gdan/ /zla ba'i gdan dang bcas pa ste/ /gdan yang de bzhin zla ba'o/ /dang por dbyangs yig rang bzhin las/ /gti mug blo ste tshul khrims mchog /chos dbyings rang bzhin zhi ba'i sku/ /dbus su rnam par bsam par bya/ /'di ltar sangs rgyas skye med pa'i/ /zhal lnga phyag brgyad pad+ma'i ste/ /'di ltar sangs rgyas skye med pa'i/ /'dab bzhi a ra pa tsa na/ /'di ltar sangs rgyas skye med pa'i/ /rdzogs pa'i sangs rgyas mthing ka ste/ /thabs dang shes rab nyi zla'i bar/ /a ni yig 'bru kun gyi mchog /kha dog sna tshogs 'bar ba'o/ / rdo rje skyil krung bcas par bsgom/ /zhe sdang chen po bzod pa'i bdag /me long rang bzhin mthing ka ste/ /brtan pa'i rtags can mi bskyod pa/ /cung zhig khros pa'i tshul gyis bzhugs/ /chags pa chen po sbyin pa'i bdag /mnyam pa'i rang bzhin ser mo ste/ /chags pa chen po rang bzhin gyis/ /mnyam pa yi ni tshul gyis bzhugs/ /bsam gtan rang bzhin 'dod pa'i bdag /so sor kun rtog dmar po ste/ /'dod chags chen po'i rang bzhin ste/ /bsam gtan gyi ni tshul gyis bzhugs// skyob pa'i rang bzhin phrag dog ser/ /bya ba sna tshogs sna tshogs mdog /phrag dog chen po'i rang bzhin bdag /'phrin las kyi ni tshul gyis bzhugs/ /don chen stong pa'i rang bzhin gyi/ /me long ye shes mthing ka ste/ /rdo rje bsnams pa 'gying bag can/ /pad+ma zla ba'i steng na bzhugs/ /brjod pa bral bas mtshan ma med/ /mnyam nyid ye shes mthing ka ste/ /rin chen bsnams pa 'gyid bag can/ /pad+ma zla ba'i steng na bzhugs/ /brjod pa 'byung ba smon pa med/ /so sor kun rtog dmar po ste/

  137. 69a

    pad+ma bsnams pa 'gying bag can/ /pad+ma zla ba'i steng na bzhugs/ /chos dang chos can de bzhin nyid/ /bya ba sgrub pa sna tshogs dag /rgya gram bsnams shing 'gying bag can/ /pad+ma zla ba'i steng na bzhugs/ /byang chub mchog gi 'dod pa'i bdag /sku mdog mthing ka chen po ste/ /shes rab chen po'i sku 'chang ba/ /rdo rje skyil krung zla ba'i ste/ /bde ba mchog gi rang bzhin gyis/ /sku mdog ser po'i sku 'chang ba/ /byams pa'i rang bzhin lcags kyu 'dzin/ /rdo rje skyil krung zla ba'i steng/ /dga' ba'i mchog gi rang bzhin gyi/ /sku mdog dmar po sgra yis bdag /dbyer med thugs kyi mda' gzhu 'dzin/ /rdo rje skyil krung zla ba'i steng/ /mgu ba chen po'i rang bzhin gyis/ /sku mdog ljang gu'i rang bzhin te/ /phrag dog spangs pa mgu ba'i bdag /rdo rje skyil krung zla ba'i steng/ /gzugs kyi phye ba'i bdag nyid can/ /sku mdog gser dang 'dra ba ste/ /dbul ba sel mdzad rin chen 'dzin/ /rdo rje skyil krung zla ba'i steng/ /kha dog shin tu gsal ba yi/ /sku mdog pa dul yi mdog /gnyen po mthar 'dzin nyi ma 'dzin/ /rdo rje skyil krung zla ba'i steng/ /mtshan thos pas ni snyan pa ste/ /ljang gu sna yi rnam shes sku/ /snyan pa yi ni rtog 'dzin pa'i/ /rdo rje skyil krung zla ba'i steng/ /snying po 'dus pas mi bzad mdzod/ /sku ni mthing ka'i mdog can te/ /'gyod pa med pas sor phreng 'dzin/ /rdo rje skyil krung zla ba'i steng/ /shes rab kyis ni rnam par 'byed/ /sku mdog pad+ma rA ga'i mdog /chags pa med pas pad+ma 'dzin/ /rdo rje skyil krung zla ba'i steng/ /nyon mongs pa yi 'dzin pas bcings/ /sku mdog ljang gu 'od dang ldan/ /nyon mongs gcod byed ral gri 'dzin/ /rdo rje skyil krung zla ba'i steng/ /snang ba bzhin du gsal bar rtogs/ /mthing ka lce'i rnam shes sku/ /gzhan yang ltos pa'i 'khor lo 'dzin/ /rdo rje skyil krung

  138. 69b

    zla ba'i steng/ /rtogs pas rang 'dra de rtogs byed/ /sku mdog gser bsregs 'dra ba'i sku/ /smra bar byed pa'i lce bsnams shing/ /rdo rje skyil krung zla ba'i steng/ /mkhas pas gnyen po sna tshogs brten/ /ljang gu'i mdog can mdzes pa'i sku/ / sbyor ba'i bdag nyid rgya gram 'dzin/ /rdo rje skyil krung zla ba'i steng/ /sgyu ma'i rang bzhin don kun 'grub/ /sku mdog mthing ka chen po ste/ /phyir mi ldog pa'i mche ba 'dzin/ /rdo rje skyil krung zla ba'i steng/ /byams dang snying rje dga' bas dga' / / sku mdog gser 'dra mdzes pa'i sku/ /dman pa'i lus grol go cha 'dzin/ /rdo rje skyil krung zla ba'i steng/ /'bras bu chos sku sgyu ma'i sku/ /mig 'phrul sprul pa mthing ka'i mdog /rang bzhin don grub khu tshur phyag /rdo rje skyil krung zla ba'i steng/ /rgyan rnams kun gyis rnam brgyan cing/ /bzhi bzhis yongs su bskor ba'o/ /sbyin pa'i bdag nyid sgeg mo gtso/ /sku mdog dkar mo me long 'dzin/ /rdo rje skyil krung zla ba'i steng/ /shar lho mtshams su bsam par bya/ /tshul khrims bdag nyid phreng ba ma/ /sku mdog ser mo 'phreng ba 'dzin/ /rdo rje skyil krung zla ba'i steng/ /lho nub mtshams su bsam par bya/ /bzod pa'i bdag nyid glu ma ni/ /sku mdog dmar mo bi wang 'dzin/ /rdo rje skyil krung zla ba'i steng/ / nub byang mtshams su bsam par bya/ /brtson 'grus bdag nyid gar ma ni/ /sku mdog ljang gu gar ma ste/ /rdo rje skyil krung zla ba'i steng/ /byang shar mtshams su bsam par bya'o/ /dang po'i dbyangs yig las byung ba'i/ /shes rab dkyil 'khor bskyed byas nas/ /'khor lo bcu drug dag la ni/ /thabs kyi dkyil 'khor de bzhin no/ /byams chen rang bzhin dpag med pa'i/ /byang chub sems dpa' byams pa ni/ /sku mdog dmar ser gunde bsnams/ /sems dpa' i skyil

  139. 70a

    krung zla ba'i steng/ /snying rje shes rab mchog gi sku/ /byang chub sems dpa' 'jam dpal ni/ /ljang ser phyag na utpal bsnams/ /sems dpa' i skyil krung zla ba'i steng/ /dga' ba'i shes rab blo chen ni/ /byang chub sems dpa' spos glang po/ /mthing ka phyag na spos phor 'dzin/ /sems dpa' i skyil krung zla ba'i steng/ /mkhas pa btang snyoms thabs che ba/ /byang chub sems dpa' ye shes tog /dkar po phyag na tog bsnams te/ /sems dpa' i skyil krung zla ba'i steng/ / rdzu 'phrul snying rje'i stobs dang ldan/ /sems dpa' blo gros rgya mtsho ni/ /gser mdog phyag na rin po che/ /sems dpa' i skyil krung zla ba'i steng/ /shugs chen byams pa'i stobs dang ldan/ /sems dpa' blo gros mi bzad pa/ /gser mdog phyag na rin chen 'dzin/ /sems dpa' i skyil krung zla ba'i steng/ /rdzu 'phrul sna tshogs dga' ba'i bdag /byang chub sems dpa' bzang skyong ni/ /mdog sngo phyag na spos kyi shing/ /sems dpa' i skyil krung zla ba'i steng/ /bdag gzhan sde 'joms btang snyoms bdag /byang chub sems dpa' spobs brtsegs ni/ /mthing ka'i mdog can po ti bsnams/ /sems dpa' i skyil krung zla ba'i steng/ /srid pa'i ri 'joms dga' ba ni/ /byang chub sems dpa' mthu chen thob/ /mdog dmar phyag na pad+ma bsnams/ / sems dpa' i skyil krung zla ba'i steng/ /spa zhing mkhregs pa btang snyoms sku/ /byang chub sems dpa' ngan song 'dren/ /dmar ser phyag na lcags kyu 'dzin/ /sems dpa' i skyil krung zla ba'i steng/ /drag po chen po byams pa'i sku/ /byang chub sems dpa' mya ngan 'joms/ /dung mdog phyag na ral gri bsnams/ /sems dpa' i skyil krung zla ba'i steng/ /snying rje 'joms pa che las skyob/ /byang chub sems dpa' dra ba can/ /mdog dkar phyag na dra ba bsnams/ /sems dpa' i skyil krung zla ba'i steng/ /mgon po'i

  140. 70b

    rigs te btang snyoms sku/ /sems dpa' zla 'od gzhon nu ni/ /dkar ser phyag na zla ba bsnams/ /sems dpa' i skyil krung zla ba'i steng/ /dga' ba'i byin brlabs che ba'i mchog /byang chub sems dpa' 'od dpag med/ /mdog dkar phyag na lcags kyu bsnams/ sems dpa' i skyil krung zla ba'i steng/ /byang chub snying rje'i lam gyi bdag /sems dpa' nam mkha' i snying po ni/ /sku mdog ljang gu ral gri 'dzin/ /sems dpa' i skyil krung zla ba'i steng/ /theg chen byams pa chen po'i bdag /byang chub sems dpa' nam mkha' i mdzod/ /mthing ka rin chen zur brgyad sgrom/ /sems dpa' i skyil krung zla ba'i steng/ /bsam gtan gyi ni bdag nyid de/ /dri yi lha mo bdug pa ma/ /mthing kha'i mdog can spos phor 'dzin/ /sems dpa' i skyil krung zla ba'i steng/ /shes rab pha rol phyin pa'i bdag /mdzes pa'i me tog lha mo ni/ /dkar mo phyag na me tog 'dzin/ /sems dpa' i skyil krung zla ba'i steng/ /thabs kyi shes rab pha rol phyin/ /mdzes pa'i dri yi lha mo ni/ /dmar mo phyag na dri chab bsnams/ /sems dpa' i skyil krung zla ba'i steng/ /smon lam gsal ba'i pha rol phyin/ /ro dang ldan pa'i zhal zas ma/ /ljang gu phyag na ro mchog bsnams/ /sems dpa' i skyil krung zla ba'i steng/ /ye shes snying rje chen po yi/ /khros pa'i lha mo lcags kyu ma/ /mthing ka phyag na lcags kyu 'dzin/ /khros pa'i tshul gyis zla ba'i steng/ /byams pa'i pha rol phyin pa'i stobs/ /khros pa'i lha mo zhags pa ma/ /ser mo phyag na zhags pa bsnams/ /khros pa'i tshul gyis zla ba'i steng/ /dga' ba'i pha rol phyin pa'i stobs// khros pas lha mo lcag sgrog ma/ /dmar mo phyag na lcags sgrog bsnams/ /khros pa'i tshul gyis zla ba'i steng/ /ye shes zad med btang snyoms bdag /khros pa'i lha mo dril bu ma/ /ljang gu'i mdog can dril bu ma/ /khros pa'i tshul gyis zla ba'i

  141. 71a

    steng/ /dang po'i dbyangs yig rang bzhin las/ /lha rnams de ltar bskyed par bya/ /oM pra kri ta pa ri shud+d+ha sarba d+harmA ya tu ta/ sarba ta thA ga ta dz+nyA na kA ya many+dzu sh+rI pa ri shud+d+ha/ mu pa ta ye ti a zhes spyan drang bar bya'o/ /a A i a'i u a'u e i o aau aM a(rgyud 'grel): sti to h+ri dI dz+nyA na murd+hi/ ra haM bud+d+ho bud+d+hA nAM/ trya to warti naM/ oM badzra tik+Sh+Na/ du(rgyud 'grel): khats+tshe da/ pradz+nyA dz+nyA na murd+hi ya/ dz+nyA na ka ya/ wA gi shwa ra a ra pa tsa na ya te na ma/ zhes phyag 'tshal bar bya'o/ /dza(rgyud 'grel): hUM baM ho(rgyud 'grel): zhes bya bas gnyis su med par bstim par bya'o/ /oM sarba ta thA ga ta h+ri da ya ha ra ha ra/ oM hUM h+rI(rgyud 'grel): b+ha ga wan dz+nyA na murti a zhes bya bas zla ba'i steng du sa bon gsum gyis byin gyi brlab par bya'o/ /a sarba ta thA ga ta h+ri da ya ha ra ha ra/ sarba d+harmA ga ga na/ A mA la su pa ri shud+d+ha d+harmA d+hA tu dz+nyA na garb+ha a zhes bya bas dbang bskur te/ rigs rnams kyis mtshan pa'o/ /de nas bsgom pa rab tu brtsam/ /ma yengs gsal bar byas te sgom/ /a ra pa tsa na a zhes bzlas par bya'o/ /de nas mtshan gyi sngags brjod par bya'o/ / mtshon rnams bsdus nas gtso bo la zhu ste kun tu zhal rnam par snang mdzad du'o/ /gzhan du ni gtso bo zhu ba dang rjes kyi gtso bo zhu ba'o/ /gti mug can sbyangs nas pradz+nyA dz+nyA na murti a zhes bya bas chos kyi dbyings kyi ye shes sems dpa' las byung ba'i skur gsal bar byas te mtshan brjod par bya'o/ /zhe sdang can sbyangs nas du(rgyud 'grel): khats+tshe ta zhes bya bas me long lta bu'i ye shes sems dpa' las byung ba'i skur gsal te mtshan brjod par bya'o/ /'dod chags can sbyangs nas/ oM badzra tik+Sh+Na zhes bya bas so sor rtog pa'i ye shes sems dpa' las byung skur gsal te mtshan brjod par bya'o/ /nga rgyal can sbyangs nas wA gi shwa ra zhes bya bar mnyam pa nyid kyi ye shes sems dpa' las byung ba'i skur gsal te mtshan brjod par bya'o/ /phrag dog can sbyangs nas dz+nyA na kA ya zhes bya

  142. 71b

    bas bya ba sgrub pa'i ye shes sems dpa' las byung ba'i skur gsal te mtshan brjod par bya'o/ /de ltar longs sku dang sprul sku'i sngags brjod nas bstod pa ni/ /mchog sbyin rdo rje mchog khyod 'dud/ /yang dag mthar gyur khyod la 'dud/ /stong nyid las byung khyod la 'dud/ /sangs rgyas byang chub khyod la 'dud/ /ces bya bas stong pa nyid de dang mtshan ma med pa dang smon pa med pa dang/ /rang bzhin gyis rnam par dag pa'o/ /yum bzhis chos sku la bstod pa'o/ /sangs rgyas chags pa khyod la 'dud/ /sangs rgyas 'dod la phyag 'tshal 'dud/ /sangs rgyas dgyes pa khyod la 'dud/ /sangs rgyas rol la phyag 'tshal 'dud/ /ces bya bas nang stong pa nyid phyi stong pa nyid dang phyi nang stong pa nyid dang stong pa nyid stong pa nyid kyi sgo nas/ shar phyogs kyi sems dpa' bzhis chos sku la bstod pa'o/ /sangs rgyas 'dzum pa khyod la 'dud/ /sangs rgyas bzhad la phyag 'tshal 'dud/ /sangs rgyas gsung nyid khyod la 'dud/ /sangs rgyas thugs la phyag 'tshal 'dud/ /ces bya bas chen po stong pa nyid dang/ /don dam pa stong pa nyid dang 'dus byas stong pa nyid dang 'dus ma byas stong pa nyid de lho phyogs kyi sems dpas chos sku la bstod pa'o/ /med pa las byung khyod la 'dud/ /sangs rgyas 'byung ba khyod la 'dud/ /nam mkha' las byung khyod la 'dud/ /ye shes las byung khyod las 'dud/ ces bya bas mdza' las 'das pa stong pa nyid dang thog ma dang tha ma med pa stong pa nyid dang dor ba med pa stong pa nyid dang rang bzhin stong pa nyid de nub phyogs kyi sems dpas chos sku la bstod pa'o/ /sgyu 'phrul dra ba khyod la 'dud/ /sangs rgyas rol ston khyod la 'dud/ /thams cad thams cad khyod la 'dud/ /ye shes sku nyid khyod la 'dud/ /ces bya bas chos thams cad stong pa nyid dang rang gi mtshan nyid stong pa nyid dang mi dmigs pa stong pa nyid dang/ dngos po med pa'i ngo bo nyid stong pa nyid de byang phyogs

  143. 72a

    kyi sems dpa' chos sku la bstod pa'o/ /a b+hA wa swa b+hA wa bi shud+d+ha badzra tsakra aM a(rgyud 'grel): zhes bya bas bzlas pa bstan nas gtor ma gtang bar bya'o/ /de nas spyod lam gyis gnas par bya'o/ /bdag gis bla ma'i gdams pa la brten nas/ rgyud don dbang po rdo rje'i tshig don sbyar/ /mkha' 'gro'i rjes su 'brangs nas de brtsams pas/ /'gro kun ye shes sems dpa' rtogs par shog /'phags pa 'jam dpal gyi mtshan yang dag par brjod pa'i dkyil 'khor gyi sgrub thabs/ u rgyan gyi slob dpon sh+rI a wa d+hu tI ba chen pos mdzad pa rdzogs so// //rgya gar gyi mkhan po d+harmA sh+rI mi tra dang/ bod kyi lots+tsha ba dge slong chos kyi bzang pos bsgyur ba'o// //*/ (/'jam dpal gyi dkyil 'khor gyi cho ga bzhugs so/) /rgya gar skad du/ Arya many+dzu sh+rI maN+Da la bi d+hi kri ta/ bod skad du/ 'phags pa 'jam dpal gyi dkyil 'khor gyi cho ga /'jam pa'i rdo rje la phyag 'tshal lo/ /khyab pa'i bdag po ye shes sku/ /de bzhin nyid bdag dri med pa'i/ /tshig la smra mkhas brjod pa'i gsung/ /khyab bdag sku lnga la bstod te/ /rdzogs pa'i sangs rgyas kun gyi lam/ /sgyu 'phrul dra ba'i dkyil 'khor bshad/ /thabs dang shes rab ldan pa yis/ /dad ldan thos pa la brtson dang/ /dbang thob snang ba sbyin pa'i phyir/ /dben pa'i gnas kyi bar chad bsal/ /byams sems ldan pas bsnyen pa brtsam/ /slob mas thal mo sbyar byas nas/ /maN+Dal me tog bcas phul nas/ /bdag ni mi shes rang bzhin gyis/ /lam gyi dam pa bstan du gsol/ /gsol btab gnang sbyin ched du ni/ /rdzas rnams la sogs gnang ba sbyin/ /byams ldan bsnyen pa la 'jug bya/ /gtso bo la 'bum gzhan la khri/ /oM badzra tik+Sh+NA du(rgyud 'grel): khats+tshe da/ pradz+nyA dz+nyA na murta ya/ dz+nyA na kA ya/ wa gi shwa ra/ a ra pa tsa na hUM d+hi/ phyogs

  144. 72b

    skyong rnams la gtor ma gtang/ /bsod nams bsags pas sbyin sreg bya'o/ /sngon du bsnyen pa'i mtshan byung nas/ /dkyil 'khor bri ba'i las brtsam bya/ /dang po sangs rgyas skur langs la/ /lha mnyes sa bslabs brtag dang/ /nag tshal spang ljongs nyams dga' i gnas/ /sngar byas rang yid dga' bar brtsam/ /dri zhim chus gtor me tog dgram/ /de ltar sa brtag de ru ni/ /mchod pa lnga yis lha mo mchod/ /skyob pa sangs rgyas thams cad kyi/ /spyod pa'i tshul dang khyad par gyis/ sa dang pha rol phyin pa la/ /lha mo khyod ni dbang du gyur/ /skyob pa shAkya seng ge yis/ /bdud kyi sde rnams bcom pa ltar/ /de ltar bdag yis bdud kyi sde/ /pham par bya phyir dkyil 'khor bri/ /lan gsum brjod bas sa la thim/ /de yi rtags ni shar la sogs/ /mtho dman rtags kyis brtag par bya/ /brko ba lto 'phye lto bar brko/ /dri yi chu yis spangs la bzhag /de nas lag mthil ltar mnyam bya/ /lha'i rnal 'byor dang ldan pas/ /sa gzhi rdo rje'i rang bzhin bsam/ /logs dang steng yang de bzhin no/ /bdag ni dkyil 'khor lha mchod pas/ /lha rnams khyed ni dpang du gyur/ /bdag gzhan sgrib pa sbyang ba'i phyir/ /rin chen sna tshogs dkyil 'khor bri/ /de nas dbu rgyan stod g.yogs dang brgyan bgos nas rdo rje dril bu thogs nas/ /oM badzra d+hu pe A(rgyud 'grel): hUM/ oM badzra puShpe A(rgyud 'grel): hUM/ oM badzra A lo ke A(rgyud 'grel): hUM/ oM badzra g+hand+he A(rgyud 'grel): hUM/ oM badzra nai wa te A(rgyud 'grel): hUM/ zhes mchod pa lngas mchod sbrul ba'i dkyil 'khor la bstod pa/ /sgyu ma sprul ba bdag nyid kyis/ /'ja' tshon lta bur so sor gsal/ /thabs dang shes rab sku mnga' ba'i/ /dkyil 'khor ldan pa phyag 'tshal bstod/ /khong nas 'byung ba shes rab thabs/ /shes rab dkyil 'khor bshad du gsol/ /nyon mongs dug

  145. 73a

    rnams sel mdzad pa'i/ /thabs kyi dkyil 'khor bshad du gsol/ oM pradz+nyA maN+Dal pra b+he sha /oM u pa maN+Dal pra b+he sha /de nas phyogs bcu khro bos bsrung/ /bka' bgo stang stabs bya bar bshad/ /gur dang bla re la sogs pa/ /rak+Sha'i sngags kyis bsrung bar bya'o/ ba yi rnam pa lngas byugs te/ de ni dri'i thig le dang/ /me tog tshom bu dgram par bya/ /tshogs gsag stong nyid bsgoms nas ni/ /b+h+ruM las gzhal yas as lha bskyed/ /dza(rgyud 'grel): hUM baM ho(rgyud 'grel): sa dgug gzhug bya/ /'di ltar sangs rgyas skyed byed yum/ /khod nas 'byung ba skye med bdag /smra bsam brjod med spros bral yum/ /gsang ba'i yum la phyag 'tshal bstod/ /mchod pa chen po gti mug che/ /gti mug ma lus 'joms mdzad pa/ /ma rig sdu bas? 'byed 'khor lo 'dzin/ /rnam par snang mdzad phyag 'tshal bstod/ /mchod pa chen po zhe sdang che/ /zhe sdang ma lus 'joms mdzad cing/ /'khregs shing rdo rje chen po 'chang/ /rdo rje sems dpa' phyag 'tshal bstod/ /mchod pa chen po nga rgyal? che/ nga rgyal ma lus 'dul mdzad pa/ yid bzhin nor bu chen por 'dzin/ /rin chen 'byung ldan phyag 'tshal bstod/ mchod pa chen po 'dod chags che/ /'dod chags ma lus 'joms mdzad pa/ /sprin dkar dag bzhin pad+ma bsnams/ /snang ba mdza' yas phyag 'tshal bstod/ mchod pa chen po phrag dog che/ /phrag dog ma lus 'joms mdzad pa/ /srid pa'i ri bo chen po 'joms/ /phyag 'tshal don yod grub la bstod/ /dang po sangs rgyas rgyu med cing/ /gdod lnga gtsug phud lnga dang ldan/ /glegs bam ral gri phyag na bsnams/ /dang po'i sangs rgyas phyag 'tshal bstod/ /shes rab ral gri mda' gzhu thogs/ /nyon mongs mi shes g.yul ngo sal/ /dpa' bo bdud dgra bdud 'dul ba/ /shes rab 'khor lo phyag 'tshal bstod/ /ye shes sems

  146. 73b

    dpa' sems dpa' che/ /ye shes gnyis med gzugs 'chang ba/ ye shes dbang bskur cod pan can/ /ye shes sems dpa' phyag 'tshal bstod/ /'dod pa chen po bde chen ldan/ /dga' pa don ldan mgu bar byed/ /shes rab pha rol phyin pa'i mdza' / shes rab sems dpa' bcu drug bstod/ /sbyin pa'i bdag nyid sgeg mo la/ /tshul khrims bdag nyid phreng ba ma/ /bzod pa brtson 'grus glu gar ma/ lha mo bzhi la phyag 'tshal bstod/ /shes rab mar me bsam gtan dri/ /thabs ldan me tog smon lam ro// phyag 'tshal lha mo bzhi la bstod/ /sems can don la rab brtson pa'i/ /snying rje chen po blo mchog ldan/ /byams pa la sogs thabs kyi bdag /thabs kyi sems dpa' bcu drug bstod/ /stobs ldan lcags kyu zhags pa ma/ /ye shes lcags sgrog dril bu ma/ /thabs dang shes rab bdag nyid kyi/ /sgom bzhi la phyag 'tshal bstod/ /de nas sgrub pa'i las brtsams nas/ /gsang ba'i dkyil 'khor lha rnams kun/ /ma lus bdag la dgongs su gsol/ /sems can kun gyi don sgrub phyir/ /sang ni dkyil 'khor bri bar 'chal/ /thal sbyar pus gtsugs dril bu gsil/ /spos thogs de ltar gsol ba gdab/ /de nas sgrub pa byas nas ni/ /gsol ba btab pa sngon song nas/ /gsang ba'i dkyil 'khor mkha' la bdeg /nyi zla bar du mkha' la bdeg /de nas slob ma gzung bar bya/ /dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa' i tshul bstan pa'i/ /mgon po chen po bdag 'tshal lo/ /dam tshig de ni stsal du gsol/ /byang chub sems ni bskyed pa dang/ / dkon mchog gtso 'khor bcas pa dang/ /skyabs dang grong mchog 'jug par 'tshal/ /bu tshur lam chen 'dir zhugs pa'i/ /bu tshur theg chen rten yin te/ sgyu 'phrul dra ba'i dkyil 'khor 'di/ /khyod la yang dag bshad par bya/ /lam 'di la ni

  147. 74a

    brten nas ni/ /'das dang ma byon da lta rnams/ /byang chub shing gi gdan drung du/ /thams cad mkhyen pa'i 'bras bu thob/ /bdud sde dag kyang 'di yi bcom/ /de bas 'bras bu thob bya'i phyir/ /bu yis lam 'di sgrub par bgyis/ /dkyil 'khor lnga dang dkon mchog gsum/ /dus ni rtag tu skyabs su mchi/ /dpa' bo dpa' mo slob dpon la/ /dus ni rtag tu skyabs su mchi/ /bla med dkon mchog dkyil 'khor lha/ /thams cad bdag la dgongs su gsol/ /bdag dus 'di nas gzung byas te/ /tshangs spyod dam tshig sdom pa gzung/ /phyogs bcu nam mkha' i khams bzhugs pa'i/ /bla ma slob dpon yi dam lha/ /sangs rgyas byang chub sems dpa' dang/ /dam chos rnams la bdag sdig bshags/ /bla ma yi dam sangs rgyas dang/ dkyil 'khor chos dang dge 'dun gyis/ /yon tan yongs su rdzogs rnams la/ /de la bdag ni yi rang ngo/ /chos kyi 'khor lo bskor ba dang/ bde gshegs mya ngan mi 'da' bzhugs/ /phyogs bcu'i bla ma yi dam lha/ /dkyil 'khor gtso 'khor bcas pa dang/ /sangs rgyas chos dang dge 'dun la/ /snying po byang chub mchis bar du/ /di ring nyid du skyabs su mchi/ /bdag ni deng dus gzung du gsol/ /sangs rgyas byang chub sems dpa' yis/ /byang chub tu ni sems bskyed ltar/ /de bzhin sems can phan don du/ /bdag gis byang chub sems bskyed do/ /sangs rgyas bdag la dgongs su gsol/ /sangs rgyas chos dang dge 'dun dang/ /bla na med pa'i dkon mchog gsum/ /rnal 'byor sangs rgyas sdom pa bzung/ /rdo rje rin chen khyad par gyi/ /rdo rje dril bu'i sdom pa gzung/ /thabs dang shes rab bsam pas ni/ /slob dpon nyid du sdom pa gzung/ /rin chen 'dzin pa chen po yi/ /yid du 'ong ba'i dam tshig la/ /nyin re bzhin du dus drug tu/ /sbyin pa rnam bzhi sbyin par bya/ /pad+ma 'dzin pa

  148. 74b

    chen po yis/ /thabs dang shes rab las byung ba'i/ /phyir nang gsang ba'i theg pa yis/ /dam pa'i chos kyi sdom pa gzung/ /phrin las 'dzin pa chen po yi/ /tshul khrims sum ldan bya ba dang/ /rgya che gzhan gyi don gyi phyir/ /bdag gis sdom pa gzung bar bya/ / de ltar sdom par bzung nas/ /slob ma bsrung bar rab tu bya/ /'bru gsum sngags kyis rab bsrungs nas/ /gnas gsum byin brlabs rab brtan nas/ /mchod pas slob ma bstan phyir mchod/ /de nas maN+Dal ba ko tsam/ /bshams nas so shing dor bya ni/ / utpal pad+ma dri zhim ni/ /sor ni bcu gnyis 'bus ma zos/ /dri dang me tog shin tu bcings/ /shar bltas mi g.yo steng du dor/ /bcas zin nas ni mi g.yo dor/ /steng ltas mchog thob phyogs su ni/ /so so'i phrin las mtshams su ni/ /dngos grub tha ma 'og gi 'og /de nas dri ma dag pa'i phyir/ /oM sarba ta thA ga ta dz+nyA na kA ya bA gi shwa ra/ mahA pa tsa/ bi sho d+ha sarba pA paM rU pa tsit+ta bagA pa ya na hUM/ bzlas pa'i chu yis lus ngag yid/ /so so dag phyir hub gsum btung/ /de nas rgyud ni sbyang pa'i phyir/ /dar dang mi lus thob pa dang/ /sangs rgyas 'byung ba shin tu dkon/ /me tog u dum wa ra bzhin/ /lam bzang rnyed pa de bas kyang/ /shin tu sdig pa zad byed pa/ /dkyil 'khor dbang ni thob par dka' / /dbang ldan nus pa thob dka' o/ /de nas oM A(rgyud 'grel): hUM: Ni ba shud+d+ha hUM/ sarba pA paM bi shud+d+ha hUM/ ku sha'i byin brlabs sdus su gzhug /ldang ba'i stabs kyi rmi lam gdab/ /oM ya mAn+ta ka hUM/ oM kA la rU pa hUM/ gnyis kyis srung ba'i skud pa bya/ /byin brlabs srog gnas nyid du gdags/ /de nas gtor ma btang byas nas/ /slob ma so so'i? nyal thabs nyal/ /rmi lam brtags ni so sor brtag /rtags bzang spro ba ngan na ni/ /sbyin sreg gzhan gyi sdig pa sbyad/ /slob dpon dkyil 'khor nang bzhugs te/ /slob ma sta gon la gnas pa'o/ /de nas rin chen

  149. 75a

    lnga las byas/ /bum pa kha dog dkar po ste/ pad steng so so'i mtshan ma bkod/ /mgul mchings kha dog so sor bcings/ /'bru dang rin chen lnga dang ni/ /snying po lnga dang spos lnga blug /'bras bu can gyi kha rgyan shing// sbyangs nas de nas dgram par bya/ /lha grangs mthun pa'i bum pa dgram/ /bi shud+d+ha'i sngags kyis sbyang/ /b+h+ruM las rin chen bum pa bskyed/ /nang du so so'i lha rnams bsam/ /dgug gzhug la sogs rdzogs pa dang/ mchod nas bstod cing 'dud gyi bstod/ /oM A(rgyud 'grel): hUM/ sarba ta thA ga ta h+ri da ya/ ha ra ha ra/ oM hUM h+rI(rgyud 'grel): b+ha ga wAM/ dz+nyA na murti ra haM bud+d+ho bud+d+hA nAM/ wA gI shwa ra/ ma hA pa tsa/ sarba d+harmA/ ga ga na/ a ma la su pa ri shud+d+ha/ d+harma d+hA tu dz+nyA na garba a(rgyud 'grel): oM badzra tik+Sh+Na A(rgyud 'grel): hUM/ oM du(rgyud 'grel): khats+tshe da A(rgyud 'grel): hUM/ oM pradz+nyA dz+nyA na murta ya A(rgyud 'grel): hUM/ oM wA gi shwa ra A(rgyud 'grel): hUM/ oM dz+nyA na kA ya A(rgyud 'grel): hUM/ a ra pa tsa na A(rgyud 'grel): hUM/ zhes pas ni rigs so so dang tha mas ni las thams cad pa byin gyis brlab bo/ /de ltar sgrub pa'i dus su maN+Dal byas la/ me tog go rim so sor dgram/ /mar me mchod pa so so'i grangs/ /zin nas ras kyi steng du bzhag /de nas dkyil 'khor las byas te/ /dang por thig gi las bya'o/ /sar pa tshad dang mtshan nyid ldan/ /dri zhim chu dang snod du bzhag /bdag nyid shar du 'dug nas ni/ /thig ni ye shes lnga ru bskyed/ /phyogs bcu'i ye shes lnga ru bstim/ /oM a ra pa tsa na ma ti kra ma hUM zhes brgya rtsa brgyad bzlas so/ /de nas oM a h+ri zhes bya bas sum sgril du'o/ /de nas slob mas blangs la dang po gdab pa'o/ /sa'i thig gdab slob dpon nub/ /slob ma shar 'dug tshangs thig gdab/ /slob ma lhor 'dug slob dpon byang/ /slob dpon shar lho lho nub ste/ /de bzhin logs thig gdab par bya/ /zur thig de nas cha chen gdab/ /de nas cha chung bcu drug gdab/ /de nas phyi dang nang

  150. 75b

    du dbyed/ /nang du bcu drug de bzhin dbye/ /phyi dang de bzhin cha yi dbye/ /cha rnams dbye bas sgo brgyan te/ nang gi phyed cha pho brang ste/ tshom bu lnga ldan pad 'dab bzhi/ /de ltar thig ni so sor gdab/ /ye shes skud pa mchod pa ni/ /ye shes gshegs la dam tshig bsdu/ /de nas rdul tshon dgye ba ni/ /rin chen lnga'i phye ma 'am/ /yang na 'bras kyi phye mas bri/ /kha dog so sor bkram nas ni/ /oM hUM swa a ha go rims su/ /ma dag bshig nas dag pa bskyed/ /ye shes lnga ni spyan drangs bstim/ oM a ra pa tsa na sa ma yastwaM/ zhes lan bdun bzlas nas ni/ /de nas tshon rtsi rim bzhin du/ /dbus nas brtsams te bri bar bya/ /sgo ni shar nas dbye bar bya'o/ /dang po'i tshon la mchod pa ni/ /yid kyis mchod nas tshig 'di brjod/ /chos rnams rang bzhin rnam dag pa/ /sems can yongs dag zhing 'dir bri/ /nyes pa'i dri ma kun bral phyir/ /rdul tshon ye shes lnga yis bris/ /dang po dbus su pad+ma ni/ /sna tshogs shin tu ze 'bru dkar/ /shar gyi sna tshogs ze 'bru mthing/ lho'i sna tshogs ze 'bru ser/ /nub tu sna tshogs ze 'bru dmar/ /byang du sna tshogs ze 'bru ljang/ /de yi gdung dang 'dra ba bskor/ /pad+ma nyi mas rab tu bskor/ /de ni nang gi pho brang ngo/ /gru chad ljang la sgo bzhi dang/ /rta babs la sogs bcas pa'o/ /de yi phyi rol cha chen gcig /rtsibs bcu drug pa'i 'khor lo'o/ /shar mthing lho ser nub dmar po/ /byang ljang gru chad ljang gu ste/ /sgo bzhi rta babs bzhi ldan pa'i/ /dkyil 'khor legs par rab tu bri/ /nam mkha' dang bsre thugs mtshan dgod/ /dbus su sa bon a bris nas/ /phyogs bzhi gzhan gyi don bzhin no/ /dbus kyi pad+ma 'dab bzhi la/ /rdo rje rin chen pad+ma rgya gram dang/ /gtso bo phye nas mtshan ma so sor sbas/ /shar gyi pad+ma 'dab ma bzhi po la/ /rdo rje lcags kyu mda' gzhu se gol dgod/ /lho'i pad+ma 'dab ma bzhi

  151. 76a

    po la/ /rin chen nyi ma tog dang so phreng dgod/ /nub kyi pad+ma 'dab ma bzhi po la/ /pad+ma 'khor lo ral gri lce dgod do/ /byang gi pad+ma 'dab ma bzhi po la/ /rgya gram mche ba go cha khu tshur dgod/ /gru chad bzhi la nang gi lha mo ni/ /me long phreng ba pi wang phyag shing dgod/ /de ni nang gi mtshan ma dgod pa'o/ /de nas phyi'i mtshan ma dgod pa ni/ /shar du 'gu de utpal spos phor rgyal mtshan no/ /ltor ni rin chen 'bar ba spos phor po ti'o/ /nub tu pad+ma lcags kyu ral gri dra ba'o/ /byang du zla ba lcags kyu ral gri rin chen bsgom/ /phyi'i lha mo'i dgod pa ni/ /me tog mar me dri dang bshos/ /lcags kyu zhags pa lcags sgrog dril bu'o/ /ye shes gnyis med bsres la dgod/ /lha rnams phyogs skyong rnams kyang dgod/ /de nas bla re ba dan sogs/ /bum pa mchod rdzas la sogs dgram/ /de nas rol mos bum pa ni/ /spyan drang bskor byas dgram par bya/ /de nas bdag nyid shar bltas te/ /bde ba'i stan la nyer 'dug nas/ /bgegs rnams yongs su bskrad nas ni/ /rten la mchod dang sdig bshags dang/ /byang chub tu bdag sems bskyed bya/ /stong nyid sngags kyis stong nyid bsgom/ /de nas hUM las rdo rje bsgom/ /khro zhal drug ldan bum par ni/ /bruM las chos sku nam mkhar ldan/ /gru gsum nam mkhar bruM bsams nas/ /gru bzhi sgo bzhi tshom bu bzhi/ /thabs dang shes rab dkyil 'khor bskyed/ /de nas tshom bu lnga la ni/ /seng ge glang chen rta dang ni/ /rma bya shang shang a las bskyed/ /pad+ma'i steng du rang sems a/ /de las rnam par snang mdzad ni/ /zhi ba mdog dkar zhal bzhi pa/ /phyag rgya byang chub mchog gi sku'o/ /thugs khar dang po sangs rgyas so/ /shes rab 'khor lo rtsibs bzhi ste/ /de steng ye shes sems dpa' o/ /phyag rgya ral gri po ti ste/ /gzhan ni so so'i phyag mtshan no/ /mthing kha ser po dmar dang ljang/ /rdo rje rin chen pad+ma las/ /sa gnon

  152. 76b

    mchog sbyin ting 'dzin skyabs byin te/ /de bzhin yum gyi mdog dang phyag mtshan so so'o/ /mthing kha ser po dmar po dang ljang gu ste/ /rdo rje lcags kyu mda' gzhu se gol ni/ /so so'i phyag mtshan legs par bsnams/ /sems dpa' rgyal po chags pa legs pa'o gser mdog dmar dang ljang gu thon ka mdog /rin chen nyi ma tog dang sor phreng ba rnams/ /rin chen nyi ma tog dang bzhad pa'i dpal/ /so so'i rgyan ldan sku ni mdzes pa'o/ /dmar dang ljang khu mthing ka gser bsegs mdog /ma chags sems gcod sems rgyud gsal bar smra/ /kha dog so so gsal zhing ma 'dres 'dzin/ /pad+ma ral gri 'khor lo lce bsnams so/ /ljang gu mthing kha gser bsregs ma rgad mdog /las dang gnod sbyin go cha khu tshur dang/ /rgya gram cha ba go cha khu tshur te/ /bzhugs tshul zla ba'i gdan la legs par bzhugs/ /sgeg dang rin chen phreng ba glu ma gar/ /dkar dang ser dang dmar dang ljang gu dang/ /me long phreng dang pi wang chags shing bsnams/ /pad steng rgyan ldan sgeg pas bzhugs pa'o/ /byams pa 'jam dbyangs spos kyi glang po tog / dmar po ljang ser mthib kha dkar ba ste/ /'gu d+he utpal spos phor rgyan mtshan dang/ /so so'i phyag mtshan ma 'dres bsnams pa'o/ /blo gros rgya mtsho blo gros mi bzad bzang skyong spobs pa brtsegs/ /ser dang gser bsregs inda nI la thon ka chen po'i mdog /rin chen rin chen 'bar ba spos phor po ti bsnams/ /sems dpa' i skyil krung zla ba'i steng na bzhugs shing mdzes/ /mthu chen thob dang ngan song 'dren dang mya ngan dra ba can gyi 'od/ /dmar dang pad+ma rA ga dud mdog shin tu dkar dang utpal mdog /pad+ma lcags kyu ral gri dra ba rnams/ /shin tu mdzes pa'i rgyan 'dzin sku dang ldan/ /zla 'od gzhon nu thugs rje'i stobs dang nam mkha' i snying po nam mkha' i mdzod/ /zla ba lcags kyu dang ni ral gri 'bar ba rin chen sgrom ni g.yas g.yon 'dzin/ /dkar ser dkar dang ljang khu mthing kha'i

  153. 77a

    mdog /sku mdog shin tu gsal bas ma 'dres gsal/ /bdug pa me tog dri dang ro/ /mthing kha dkar dang dmar po ljang/ /lcags kyu zhags pa lcags sgrog dril/ /mthing ka ser dmar ljang khu'o/ /de ltar dam tshig lha bskyed nas/ /thugs kha mtshan ma rab tu gsal/ /pra kri ta pa ri shud+d+ha sarba d+hArmA/ ya tu ta/ sarba ta thA ga ta dz+nyA na kA ya/ many+dzu sh+rI pa ri shud+d+ha/ mu ba ta ye ta a/ yongs su dag pa'i ye shes so/ /zhing nas ma lus spyan drang ngo/ /dkyil 'khor rim bzhin ye shes rim bzhin du spyan drang ngo/ /s+thi sto h+ri ti dz+nyA na murti naM ra haM bud+d+ho bud+d+ha naM/ trya d+ho wirta naM zhes pas sku bzhi la phyag bya'o/ /de nas dza(rgyud 'grel): hUM baM ho(rgyud 'grel): bstim zhing byin gyis brlabs pa ni/ oM hUM h+ri zhes pas so/ /da ni dbang bskur te gsol ba gdab pa ni/ /oM sarba ta thA ga ta h+ri da ya/ ha ra ha ra sarba d+harmA/ ga ga na a mA lA su pa ri shud+d+ha d+harmA d+hA tu dz+nyA na garb+ha pa a/ de ni slob dpon 'jug pa'o/ /slob ma 'jug pa ni/ /ras kyis gdong ni bkab nas su/ /las kyi rdo rjes lam bstan nas/ /shar sgor slob ma 'dug stangs ni/ /thal sbyar gus pa'i tshul gyis 'dug /de nas gsol ba btab byas te/ /sangs rgyas kun gyi ye shes sku/ /slob dpon la ni skyabs su mchi/ /dkyil 'khor gtso 'khor bcas la yang/ /bdag ni rtag tu skyabs su mchi/ /thar pa chen po'i grong mchog tu/ /mgon po bdag ni 'jug par 'tshal/ /zhes brjod la maN+Dal dbul/ /de nas slob dpon gyis gsol pa ni/ /de bzhin gshegs pa kun gyi gnas/ /sgyu 'phrul dra ba'i grong mchog tu/ /bdag gis khyod ni gzhug par bya/ / snying po'i dkyil 'khor bstan par bya/ /gong gis sngags kyi dkyil 'khor lha la phyag byed du gzhug /de nas sdom pa'i cho ga sbyin pa ni/ /sangs rgyas chos dang dge 'dun gsum/ /gsum la skyabs su mchi bar bgyi/ /'di ni sangs rgyas rigs

  154. 77b

    yid 'ong/ /sdom pa rtag tu bzung bar bya/ /thabs ni rdo rje shes rab dril/ /thabs dang shes rab sdom pa bzung/ /de ni rdo rje rigs kyi mchog /sdom pa de ni bzung bar bya/ /nyin re bzhin ma dus drug tu/ /sbyin pa rnam bzhi rtag tu sbyin/ /rin chen rigs mchog chen po yi/ /sdom pa rtag tu bzung ba'o/ /phyi nang gsang ba'i theg pa gsum/ /dam pa'i chos kyang ma lus bzung/ /pad+ma'i rigs mchog chen po ste/ /dam tshig yid du 'ong ba gzung/ /sdom pa thams cad ldan pa dang/ /mchod sbyin las kyang ci nus bya/ las kyi rigs mchog chen po yi/ /sdom pa dag kyang bzung bar bya/ /da ni khyod kyis 'di gyis shig /las rnams su la smra mi bya/ /'di ni sems can dmyal ba'i chu/ /'di las 'das nas brlag par 'gyur/ /oM a mri ta hUM hUM hUM pany+tsa h+ri zhes pas lan gsum sbyin no/ /da ni dkyil 'khor gyi 'khor lo slob dpon nus pa dang ldan pas/ /slob dpon nyid la bstim nas srung/ /phrin las rnam bzhi'i kha dog brtag /s+thi sto h+ri ta/ dz+nyA na murti a zhes pas/ byin gyis brlabs/ /de nas me tog dor byas nas/ / spyan ni legs par dbye bar bya/ /ji ltar mig mkhan rgyal po ltar/ /de bzhin du spyan dbye'o/ /oM a b+hA ba swa b+hA ba bi shud+d+ha badzra tsak+Shu a A aM a(rgyud 'grel): stod pa bzhin spyan dbye'o/ /gdong g.yogs phud la 'di skad do/ /dkyil 'khor dam pa 'di la ltos/ / de na deng ba rab tu skyes/ /sdig pa thams cad zhi ba dang/ /dngos grub rnam gnyis 'di las 'byung/ /de phyir 'di la nan tan gyis/ /dkyil 'khor lha dang sngags sgrub byos zhes byas nas/ /rang gi 'gu ha na ma dang yi dam lha rnams gsal bar bstan lha rnams phung po khams su bshad/ /de nas dkyil 'khor rab tu bshad/ /grub bzhi tshad med bzhi dang ni/ /sgo bzhi dran pa nyer gzhag bzhi/ /rta babs yang dag spong ba bzhi/ /dra ba dra pa phyed pa ni/ /yang dag spong dag bzhi pa'o/ /ka ba brgyad ni 'phags

  155. 78a

    lam brgyad/ /tshom bu lnga ldan pha rol phyin/ /rdo rje'i gdung ni shes rab bo/ /'khor lo chos kyi 'khor lo te/ /stong pa bcu drug phyi yang ngo/ /de nas maN+Dal byas nas ni/ /yo byad rdzas kyi bla ma mchod/ /de rjes dbang ni rab bskur phyir sgo lhor sna tshogs pad+ma'i ste/ /slob ma blo ldan de steng bzhag /bdag nyid dkyil 'khor rab gsal bas/ /las kyi khro bo sprul pa spro/ /bdud rtsi chu yis bsrung bar gtor/ /oM ya mAn+ta ka hUM khaM/ oM ka lA ru pa hUM h+rI:/ bar chod bgegs rnams bsal nas ni/ /dra ba gur gyis bsrung ba dang/ /khro bo drug gis bsrungs pa la/ /rim pa bzhin du dbang bskur ro/ /bum pa'i chu rnams thams cad kun/ /gtso bo bum par kun bsdus nas/ /bdag nyid lha'i skur gsal bas/ /slob ma byin brlab bya ba'i phyir/ /de nas bum pa blangs nas ni/ /slob ma'i mgo la rab gtugs te/ /oM a b+hi Shiny+tsa maM hUM/ /ji ltar sangs rgyas bcom ldan 'das/ /dga' ldan gnas na bzhugs pa la/ /lha rnams kyis ni khrus gsol ltar/ /de bzhin bdag gis khrus gsol lo/ /oM du(rgyud 'grel): khats+tshe da hUM/ de nas dbu rgyan ni ye shes lnga'i rang bzhin gyi/ /so so yang dag rab gsal phyir/ /bstim nas mchod cing bstod nas ni/ /mnyam nyid gzung 'dzin spangs pas bskur/ /oM wa gi shwa ra twaM/ thabs dang shes rab gnyis med pa'o/ /ye shes lnga ldan log lta 'joms/ /stong nyid don stong rdo rje che/ /bu khyod thugs la gnas par bgyi/ /oM badzra tik+Sh+Na h+ri/ thabs dang shes rab gnyis med don/ /rgyun mi chad par 'gro don phyir/ /mchod bstod bstims nas dbang bskur phyir/ /di ring khyod la dbang bskur ro/ /oM dz+nyA na kA ya ha/ mtshan rnams thams cad yongs rdzogs pa'i/ /shes rab ye shes gnyis med mtshan/ /po ti glegs bam mchod nas bstim/ /di ring bu khyod ming dbang bskur/ /oM pradz+nyA dz+nyA na murta ye

  156. 78b

    oM/ ye shes lnga ldan drug rdzogs pa/ /sangs rgyas sras po dam pa'i mchog /sbyor lam rgyun du phreng ba'i dbang/ /di ring khyod la bskur bar bya/ /oM a ra pa tsa na hUM/ nyon mongs sdug bsngal gcod pa dang/ /shes bya ma rig gsal ba'i phyir/ /shes rab mtshon chen ral gri 'di/ /bu yis rtag tu bzung bar bgyi/ /oM pradz+nyA dz+nyA na mu rta ye/ badzra tik+Sh+Na/ du(rgyud 'grel): khats+tshe da d+ha ra hUM/ lha rnams mchod dang sems can mnyes/ /zhi dang rgyas la sogs pa rnams/ /las rnams thams cad khyod kyis gyis/ /bsam pa bzang pos de gyis shig /de nas da ni bdag gis ni/ /ri dags rna ba bzhin du gos/ /gyon nas khyod la lung bstan ni/ /de bzhin gshegs pa 'dus pa yi/ /dngos grub rnams gnyis thob bya ba dang/ /'gro drug dug rnams gzhom pa'i phyir/ /'gro thar thar pa'i lam 'di thob/ /sarba ta thA ga ta dz+nyA na kA ya b+hu rb+ha ba swAhA/ /chos kyi dung de sgra chen ldan/ /chos kyi gaN+De sgra bo che/ /phyogs bcu chos kyi rnga sgra sgrogs/ /chos kyi skyabs phyir gdugs dbug go /oM pradz+nyA dz+nyA na murta yo/ /si gi ti ni oM/ oM badzra tik+Sh+Na gan+ni h+ri/ oM dz+nyA na kA ya dundu ha/ oM du(rgyud 'grel): khets+tshe da tsha tre hUM/ oM wa ga shwa ra ratne hUM/ oM a ra pa tsa na dz+nyA ne ka tsak+Sh+Na bi mA la hUM/ de ltar dbang rnams rdzogs pa dang/ /mchod cing bstod la sbyin bsreg bya/ /de ltar rdzogs na gtor ma btang /ye shes gshegs su gsol ba ni/ /swa artha ny+tse wa/ pa ra artha tse wa/ sid+d+hi ta gats+tsha mu pa ta ya ti a/ de ltar gshegs nas mu(rgyud 'grel): zhes brjod/ /dam tshig bdag la bsdu bar bya/ /dkyil 'khor rdul tshon mdza' nas bsdu/ /rab tu gnas par bya ba ni/ /dang po bsnyen par rdzogs par bya /de nas sa'i cho ga ni/ /bslang dang brtag dang bsrung ba dang/ /spyad zhing byin brlabs gzung bar bya'o/ /de nas bum pa lta gon bya/ /gser dngul zangs la sogs pa yi/ /sman lnga 'bru lnga rin chen blugs/ /'bras bu dri dang kha brgyan gdags/ /oM sarba ta

  157. 79a

    thA ga ta h+ri ya/ ha ra ha ra/ oM hUM h+rI/ b+ha ga waM dz+nyA na murti/ wa gi shwa ra/ mahA pa tsa/ sarba d+harma ga ga nA? mA la su pa ri shud+d+ha/ d+harma b+ha hu dz+nyA na garba a(rgyud 'grel): lha rnams bum par gsal bar bskyed/ /sa bon mtshan ma so sor bris/ maN+Dal du ni go rims dgod/ /rnam rgyal bum pa rdzogs par ro/ /de nas go rims bzhin du bzhag /maN+Dal dri'i thig le bya/ /mchod pa la sogs gzhung bzhin dbul/ /dkyil 'khor 'khor lo bskyed nas ni/ /ye shes spyan drangs bstim nas ni/ / mchod dang rtsa ba'i bzlas pa bya/ /oM a ra pa tsa na hUM/ de nas mkha' la gdegs par bya/ /rten ni sbyang ba legs byas nas/ /khrus ni yongs dag rdzogs byas nas/ /yar gyi ngo bo'i zla ba dang/ /snga dro dri med gtsang ma gos/ /gyon pa'i slob dpon thig las byas/ /tshon gyi las kyang rdzogs byas nas/ /bskyed dang mchod dang bstod rdzogs nas/ /de nas rab tu gnas par bya/ /thams cad sku gsum dag tu bskyed/ /de nas spyan ni drang bya ste/ /ji ltar sangs rgyas bcom ldan 'das/ /rang bzhin gnas na bzhags pa la/ /chos dbyings gnas su gshegs pa ltar/ /'di nyid du ni gshegs su gsol/ /ji ltar sangs rgyas bcom ldan 'das/ /'og min gnas na bzhugs pa las/ /bde ba can du gshegs pa ltar/ / / 'di nyid du ni bzhugs gsol/ /ji ltar sangs rgyas bcom ldan 'das/ /dga' ldan gnas na bzhugs pa la/ /sprul pa'i sku ru gshegs pa ltar/ /'di nyid du ni bzhugs su gsol/ /oM pra kri ta pa ri shud+d+ha/ sarba d+harmA/ ya tu ta/ oM pra kri ta pa ri shud+d+ha sraM bo ta dza? tut+ta?/ oM pra kri ta pa ri shud+d+ha ni rma na dza tut+ta?/ oM Sh+Thi? sto h+ri d+hi dz+nyA na mu b+hi naM/ ra haM shud+d+ho bud+d+ha naM/ tryai to warti ni/ oM sarba ta thA ga ta d+hu pa/ pu dza me g+ha sa mu dra spha ra Na sa ma ye a hUM/ zhes bya bas mchod nas de nas dza(rgyud 'grel): hUM(rgyud 'grel): baM ho(rgyud 'grel): zhes bya bas bstim par bya'o/

  158. 79b

    oM a b+ha wa swa b+ha wa bi shud+d+ha/ badzra tsak+Shu badzra tsak+Shu a A aM a(rgyud 'grel): de nas a sarba ta thA ga ta h+ri de ya/ ha ra ha ra/ ga ga nA mA la su pa ri shud+d+ha/ badzra d+hA tu/ du(rgyud 'grel): khats+tshe da/ dz+nyA na garbba a/ sarba ta thA ga ta h+ri da ya/ ha ra ha ra/ ga ga na/ a mA la su pa ri shud+d+ha/ ratna d+ha tu wa gi shwa ra/ dz+nyA na garbba a/ a sarba ta thA ga ta h+ri da ya/ ha ra ha ra/ ga ga na/ a mA la su pa ri shud+d+ha/ pad+ma dz+nyA? tu/ badzra tik+Sh+Na/ dz+nyA na garbba a/ a sarba ta thA ga ta h+ri da ya/ ha ra ha ra/ ga ga na/ a mA la su pa ri shud+d+ha/ karma d+hA tu/ dz+nyA na kA ya dz+nyA na garbba a/ a sarba ta thA ga ta h+ra da ya/ ha ra ha ra/ ga ga na/ a mA la su pa ri shud+d+ha/ d+harma d+hA tu/ pradz+nyA dz+nyA na murta ye/ /dz+nyA na garbba a/ bum pa lngas dbang bskur te/ oM h+ri kA la ruA pa hUM zhes bya bas bgegs bskrad la phyag rgya ni lag pa mnyam par sbyar zhing bcings pa la mthe bo gnyis dang mthe chung gnyis nang du gzhan rtse mo ltar byas pa ni rdo rje sdug bsngal gcod pa'i phyag rgya'o/ /lag par mnyam par thal mo sbyar nas mdzub mo dang mthe bo dang gung mo gnyis rtse mo so sor byas pa ni/ rin po che ste dag gi dbang gi phyag rgya'o/ /lag pa thal mo sbyar nas phan tshun du bsnol ba la gung mo bsgreng te tshig bcag nas rtse sprad pa ni pad+ma ste rdo rje gnon po yi'o/ /lag pa thal mo mnyam par sbyar te gung mo gnyis nang du mnyam par sbyar te srin lag gnyis bsnol la mdzub mo dang mthe'u chung gnyis sbyar te/ /mtheb mo gnyis dang sbyar ba ni rdo rje rgya gram ste dz+nyA na kA ya yi'o/ /lag pa rgyab sbyar nas sor mo bsnol te mthe bong mthil du sbyar ba ni 'khor lo ste/ pradz+nyA dz+nyA na'i phyag rgyas bum pa blangs nas dbang bskur ro/ /de nas 'khor lo dbang bskur ba ni/ oM badzra satwa dz+nyA na tsakra hUM/ de nas dung gi dbang bskur ba ni/ /oM badzra shaM ka dz+nyA na satwa hUM/ de nas gdugs kyi dbang bskur ba ni/ oM badzra d+hwa dza tsha tre zhes pas so /de nas sbyin

  159. 80a

    sreg mchod sbyin bya/ /gtor ma gtad nas dkyil 'khor bsdu'o/ /bdag gis 'di byas dge bas ni/ /thams cad 'bras bu thob par shog /shar nas lho ru za hor yul du ni/ /zla dang 'od kyis gang ba'i skal ldan la/ gnyis su med cing sbas pa'i don la mkhas/ /chos kyi dam pa de nyid dpal du byung/ /chos kyi dam pa bzang gi gdams ngag 'di/ /rin chen lta bur 'grel pa rnam gnyis thos/ /de bsgrubs dngos grub 'bras bu thob gyur nas/ /thams cad bla med gnas su 'dren gyur cig /'phags pa 'jam dpal gyi dkyil 'khor gyi cho ga ye shes gsal ba zhes bya ba slob dpon gnyis med sbas pas mdzad pa rdzogs so// //rgya gar gyi mkhan po d+harmA sh+rI mi tra dang/ lots+tsha ba dge slong chos kyis bzang pos bsgyur ba'o// //rgya gar skad du/ Arya dz+nyA na satwa many+dzu sh+rI ta tA sA d+ha nA ma/ bod skad du/ 'phags pa 'jam dpal ye shes sems dpa' de kho na nyid ces bya ba'i sgrub thabs/ 'jam dpal ye shes sems dpa' la phyag 'tshal lo/ nyon mongs rgya mtsho'i 'ching gcod pa'i/ /sdug bsngal gcod la phyag 'tshal nas/ /lam gyi rim pa yang dag don/ /dran nas bdag gis rab tu bshad/ /re shig yid 'ong gnas dag tu/ /bde ba'i stan la nye 'dug ste/ /mchod cing stod nas sdig bshags bya/ /tshad med bzhi ni rab tu bsgom/ /oM mahA shU n+ya ta dz+nyA na badzra swa b+hA wa at+ma konyahaM zhes bsgom mo/ /dang por bdag nyid a bsgom ste/ /paM las pad+ma 'dab ma ni/ /chos 'byung rdo rje'i nang du bsgom/ /bdag nyid zla ba'i steng bsam mo// de las sdug bsngal gcod pa ni/ /sku mdog mthing ka'i 'gyid bag can/ /rdo rje utpal brtan pa'i sku/ /zla ba'i steng na a bsam mo/ /'dab bzhi zla ba'i steng na ni/ /a A aM a(rgyud 'grel): tshad med bzhi ldan yum bzhi ni/ /'gyid bag utpal

  160. 80b

    bcas pa'i sku/ /rdo rje skyil krung mdun bdar nas/ /go rims bzhin du rab tu bsam/ /ye shes sems dpa' spyan drangs nas/ /sku gsum byin brlab dbang bskur ro/ /de nas don dang rab ldan pas/ /mtshan rnams rab tu brjod par bya/ /oM du(rgyud 'grel): khats+tshe da/ na ma(rgyud 'grel): su pa ra da badzrA gra bud+d+ha ko Ti na mo stu te/ na ma strai shU n+ya ta ga ba/ bud+d+ha ba ta na maste ho(rgyud 'grel): de nas ldang bar 'dod na mu(rgyud 'grel): dang bcas pas gshegs su gsol/ /dam tshig gis ldang bar bya'o/ /bcom ldan dag gi dbang phyug ni/ /rin chen utpal gser gyi mdog /pad+ma 'dab bzhi zla ba'i steng/ /rdo rje skyil mo krung gis bzhugs/ /bad bzhi zla ba'i steng du ni/ /a a aM a yum bzhi'o/ /spyan drangs mchod dang bstim byas nas/ /byin brlab dbang bskur mtshan gdon no/ /oM wa gi shwa ra gu dwa ra ga na mo swa stu/ gu rwa ra ga nA mo nA ma/ bu dwa pri ti nA ma/ bu dwa byi bu tan ma/ mu(rgyud 'grel): zhes gshegs su gsol nas smon lam gyis gnas par bya'o/ /rdo rje rab tu 'bar ba'i nang/ /'dab bzhi dmar ba'i zla ba'i steng/ /a las byung ba rnon po ni/ / mdog dmar pad+ma utpal bsnams/ /rdo rje skyil krung zla ba'i steng/ /'dab bzhi zla ba'i steng du ni/ /a a i a yum bzhi ni/ /'gyid bag gtso bo la phyogs pa'o/ /spyan drang mchod dang bstim byas nas/ /oM badzra tik+Sha/ bud+d+ha nA mo nA ma/ bud+d+ha smi ta su tra byA nA ma/ bud+d+ha b+ha tsa nA ma swe stu/ /bu twa tsa ta na mo nA mo zhes brjod nas mu(rgyud 'grel): zhes gshegs su gsol nas spyod lam gyis gnas par bya'o/ /shes rab rang bzhin stong pa'i nang/ /snying rjes mtshon ba'i gnan bsams te/ /byang chub sems kyi sa bon te/ / shes rab ye shes a las bskyed/ /sku mdog dkar po rab tu mdzes/ /'khor lo utpal yang dag ldan/ /zla ba'i dkyil 'khor steng du ni/ /rdo rje skyil krung bcas par bsams/ /'dab bzhi zla ba'i steng du ni/ /a a aM a yum bzhi bsgom/

  161. 81a

    pra kri ta pa ri shud+d+ha sarba d+harmA ya tu ta/ sarba ta thA ga ta d+hu pa pU dza me g+ha sa mu dra spha ra Na sa ma ye hUM/ sarba ta thA ga ta puShpe pU dza me ga sa mu dra spha ra Na sa ma ye hUM/ /sarba ta thA ga ta a lo ke te pU dza me ga sa mu dra spha ra ? sa ma ye hUM/ sarba ta thA ga ta gand+ha pU dza me g+ha sa mu dra spha ra Na sa ma ye hUM/ sarba ta thA ga ta nai bai te pU dza me gas mu dra spha ra Na sa ma ye hUM/ sarba ta thA ga ta shapta pU dza me ga sa mu dra spha ra Na sa ma ye hUM/ zhes mchod nas dza(rgyud 'grel): hUM baM ho(rgyud 'grel): zhes bstim mo/ /oM hUM h+rI(rgyud 'grel): b+ha ga wa/ dz+nyA na murta/ wA ri shwa ra/ ma hA pa tsa/ sarba ta thA ga ta h+ri da ya/ /sarba d+harmA ga ga na/ at mA la su pa ri shud+d+ha d+harma d+hA tu dz+nyA na garba a/ zhes brjod nas mtshan yang dag par brjod pa gdon par bya'o/ /oM pra dz+nyA dz+nyA na murta ye a ba bodb+ha ba na mo stu ste/ byA nA mA sre bu dwa saM b+ha nya/ ga ga na b+ha g+ha na mo stu bya/ nA ma ste dz+nyA ma saM b+ha ba zhes bstod nas su/ /:zhes brjod nas spyod lam gyis gnas par bya'o/ /shes rab kyi ni hUM las bskyed/ /snying rje ma chags pad+ma'i gdan/ /byang chub sems las byung ba'i steng/ /a ni rab tu gsal bar bya/ /ye shes sku ni ljang gu ste/ /rgya gram utpal bsnams pa yi/ /sems bskyed pa'i sa bon te/ /rdo rje skyil mo krung du bzhugs/ /'dab bzhi zla ba'i steng na ni/ /a a aM a yuM bzhi bskyed/ /ye shes gnyis med bstim byas nas/ /byin brlabs dbang bskur rdzogs pa dang/ /mtshan ni yang dag brjod par bya/ /de nas bstod pa 'di bstod do/ /oM dz+nyA na kA ya/ ma yA ra la na ma stu bya/ nA ma ste bu dwa na Da ka /na ma ster ba sa bo byaM/ dz+nyA na kA ya na mo stu ta/ oM A(rgyud 'grel): hUM mu: zhes spyod lam gyi gnas par bya'o/ /dri med ye shes las byung ba/ /dge ba dri med gang thob des/ /'gro rnams srid pa las grol nas/ /bla med byang chub thob par shog /de kho na nyid kyi sgrub thabs slob dpon gnyis su med pa sbas pas mdzad pa rdzogs so// //

  162. 81b

    paN+Ti ta d+harma sh+rI mi tra dang/ lots+tsha ba dge slong chos kyi bzang pos bsgyur ba'o// ` // */ /rgya gar skad du/ ho ma bi d+hi paT ti/ bod skad du/ sbyin sreg gi cho ga mdor byas pa/ 'jam dpal ye shes sems dpa' la phyag 'tshal lo/ /de la dang po sngags pa ni/ rang lus 'jigs kyang gzhan phan brtson/ /rnyed dang bkur sti ma chags sems/ /sems can don dga' sbyin sreg bya/ /dang por sa'i cho ga dang sta gon cho ga bya ste/ rang yid du 'ong ba'i sa'i thig gdab ste/ /dkyil 'khor gyi dbus su thab khung rgyar khru gang zab su de'i khru phyed pa kha khyer sor bzhi byi dor bya/ /nang du pad+ma rdo rjes mtshan pa/ /byug pa dang dri dang me tog dkar pos brgyan pa/ /mtshams su rdo rje rtsa gsum pa/ /kha khyer la ku sha dgram par bya'o/ /shin tu sar pa'i ras kyis g.yog par bya/ /de nas mchod rdzas dang sreg rdzas dang/ /yams shing bud shing dang dgang gzang la sogs pa bshams te/ /mchod rdzas g.yon du gzhag sreg rdzas g.yas su gzhag /dgang gzar dang blugs gzar mar ni mdun/ /de nas bsod nams tshogs bsags la/ /tshad med bzhi ldan sems bskyed bya'o/ /de nas stong pa'i ting 'dzin bsgom /oM a b+ha wa swa b+ha wa badzra tsakra a A aM a(rgyud 'grel): de nas bdag nyid lha ru bskyed/ /spyan drang byin brlabs dbang bskur bya/ /ye shes me lce 'od 'bar gsal/ de nas ri las me'i dkyil 'khor gru gsum 'bar ba bskyed par bya'o/ /gzi brjid chen po 'od gsal ba/ /zhes pas de nas a las me lha ni/ /sku mdog dkar po tshangs pa'i gzugs/ /dbyug pa bgrang phreng 'dzin par bskyed/ /spyan drangs mchod bstod byas nas bstim/ /bum pa'i chu yis bgegs bskrad bya/ /de nas mar ni dgang blug gsum/ /me lha nyid la dbul bar bya'o/ /me mtshan ngan na spobs pa bya/ /de nas mchod rdzas dbul bya zhing/ /sreg rdzas phul nas bstod pa bya/ /

  163. 82a

    nor bu chen po 'od chags dpal zhes pa ni/ /de nas thugs khar pho brang btsal/ /bgegs la sogs pa gong bzhin bya/ /sreg rdzas mchod rdzas thams cad dbul/ /gdags pa zhi ba shAn+tiM ngo/ //sprin dkar dag pa bzhin du dkar/ /nyi ma 'char ka'i dkyil ltar mdzes/ /de nas bum pa'i chus bsangs la/ /sreg rdzas mchod rdzas thams cad dbul/ /dgang blugs gnyis kyang dbul bar bya/ /de nas phrin las bcol bya zhing/ /bstod pa'i rim pa gzhung bzhin bstod/ /rtsa sngags mu(rgyud 'grel): dang bcas pas gshegs/ /bdag gis dge ba 'di brtsams pas/ /dge ba dri med gang thob des/ /bdag dang mdza' yas sems can rnams/ /rje btsun 'jam dbyangs thob par shog /'phags pa 'jam dpal gyi sbyin sreg slob dpon mya ngan med pas mdzad pa rdzogs so// //rgya gar skad du/ dz+nyA na satwa many+dzu sh+rI a dwa bud+d+ha sA d+ha nA ma/ bod skad du/ 'jam dpal ye shes sems dpa' dang po'i sangs rgyas zhes bya ba'i grub thabs/ 'phags pa 'jam dpal ye shes sems dpa' la phyag 'tshal lo/ /thog ma bar dang thar sangs rgyas/ /srid pa'i dri ma dang bral ba'i/ /rang bzhin gyis ni dag pa'i sku/ /dang po'i sangs rgyas la gtung nas/ /snying po bsdus pa'i mtshan rgyud las/ /ye shes lnga'i sgrub thabs 'di/ /ma rig 'phrul pa spangs pa'i phyir/ /gsung gi sgrub thabs gsal phyir bri/ /gnas khang yid du 'ong bar ni/ /bde ba'i ston la nyer 'dug ste/ /tshad med bzhi pa bsgoms byas nas/ /byang chub mchog tu sems bskyed do a b+hA wa swa b+hA wa bi shud+d+ha badzra tsakra a A aM a(rgyud 'grel): de nas stong pa'i ting nge 'dzin la/ /a hUM las byung rdo rje ni/ /rdo rje 'jigs byed 'jigs par byed/ /khro bo rgyal po zhal drug ldan/ /me dpung 'bar ba dang bcas pa/ /'jigs pa'i rdo rje

  164. 82b

    bskyed par bya/ /dang po yi ni dbyangs yig las/ /thabs dang shes rab rang bzhin gyi/ /ye shes mig cig e yi nang/ /nyon mongs dri med pad+ma'o/ /dang po'i dbyangs yig las byung ba'i/ /paM las byung ba'i pad+ma'i nang/ /rdo rje skyil krung rdzogs sangs rgyas sangs rgyas 'gro ba'i chos 'dzin pa/ /dpal ldan sangs rgyas pad+ma skyes/ /kun mkhyen ye shes mdzod 'dzin pa/ /rdo rje gnon po rang bzhin zhal/ /tshig gi dbang phyug smra ba che/ /rnam dag shes rab ye shes zhal/ /smra ba'i skyabs mchog dam pa yi/ /bcom ldan 'das sdug bsngal gcod pa'i zhal/ /stobs dang ldan pa smra ba'i rgyal/ /gsung dbyangs rdo rje chos kyi zhal/ /smra ba'i dam pa mchog gi gnas/ /rdo rje zab mo sku'i zhal/ /smra ba'i seng ge nyon mongs sel/ /kha dog so so mtshungs med zhal/ /kun tu bltas pa mchog tu dga' / /sku ni gzi brjod phung po yis/ /mtshan dang dpe byang lta na sdug /'od bzang rin chen 'bar ba ste/ /g.yon pa'i phyag bzhi po ti 'dzin/ /g.yas pa yi ni phyag bzhi yis/ /'ong dang bcas pa'i ral gri 'phyar/ /sman pa che mchog gzhon nu'i sku/ /ljon pa'i shing dang bcas pa'o/ /sangs rgyas kun gyi sku che ba/ /sangs rgyas sku lnga'i bdag nyid can/ /sangs rgyas kun gyi gsung che ba/ /rtsibs pa zhi mu khyud gsung yang yin/ /oM badzra tik+Sh+Na nub tu'o/ /du(rgyud 'grel): khats+tshe da shar du'o/ /pradz+nyA dz+nyA na murta ye dbus su'o/ /wa gi shwa ra lho ru'o/ /? na grA ya byang du ste/ a ni dbus su dkar po'o/ /pa ni shar du mthing ka'o/ /tsa ni lho ru ser po'o/ /ra ni nub tu dmar po'o/ /na ni byang du ljang gu'o/ / gsal byed dang ni dbyangs yig ni/ /mu khyud bzhi la bsam pa ste/ /de ltar shes rab 'khor lo'o/ /sangs rgyas kun gyi thugs che ba/ /sangs rgyas kun gyi thugs la gnas/ /rdo rje nyi ma shes rab che/ /rdo rje zla ba thabs kyi bdag /chags dang

  165. 83a

    chags bral yig 'bru mchog /kha dog sna tshogs 'bar ba'i 'od/ /oM pra kri ta pa ri shud+d+ha/ sarba d+harmA ya tu ta/ sarba ta thA ga ta dz+nyA na kA ya/ many+dzu sh+rI mu pa ta ye ti a/ a A a a'i u a'u e i o o aM a(rgyud 'grel): s+thisto? h+ri ti dz+nyA na murti ra haM bud+d+ho bud+d+ha naM/ trya? twa birta naM/ oM badzra d+hu pe swAhA/ oM badzra puShpe swAhA/ oM badzra A lo ke swAhA/ oM badzra gand+he swAhA/ /oM badzra nai we te swAhA/ /oM badzra shapta swAhA/ /oM sarba ta thA ga ta h+ri da ya/ ha ra ha ra/ oM hUM h+ri/ b+ha ga waM dz+nyA na murti wA gi shwa ra/ mahA pa tsa/ a sarba ta thA ga ta h+ri da ya/ ha ra ha ra/ ga ya na/ a mA la su pa ri shud+d+ha d+harma d+hA tu dz+nyA na garbba a/ de ltar bskyed nas bsgom par bya'o/ /de nas gsang sngags bzlas par bya/ /oM badzra tik+Sha du: khats+tshe da/ pradz+nyA dz+nyA na murta ye/ dz+nyA na kA ya/ kA gi shwa ra/ a ra pa tsa na ya te na ma/ da ni mtshan nas brjod pa ni/ /sdug gu 'jig rten gsum gyi mchog dpal ldan rgyu skar dkyil 'khor can/ /phyogs bcu nam mkha' i mthas gtugs par/ /chos kyi 'khor lo legs par bskor/ /'gro dang 'dug pa yangs pa ste/ /byams dang snying rje'i dkyil 'khor can/ /de ltar bsgoms nas mtshan brjod do/ /gtor ma phul nas gshegs su gsol/ /bdag nyid spyod lam gnas par bya'o/ /mdo rgyun snying po'i don las ni/ /man ngag la brten gzhung 'di brtsams/ /de yi bsod nams gang bsags pa/ /'gro rnams 'jam dbyangs thob par shog /slob dpon a Sha d+hu tis mdzad pa'i dang po'i sangs rgyas kyi sgrub thabs rdzogs so// d+harmA sh+rI mi tra dang/ lo tsA ba chos kyi bzang pos bsgyur ba'o// // */ (/mchod rten bsgrub pa'i chog mdor bsdu ba'i a ba d+hu tis mdzad pa bzhugs so/) /rgya gar skad du/ tsa do sA d+ha pany+tsi tri ta/ bod skad du/ mchod rten gyi sgrub pas

  166. 83b

    cho ga mdor bsdus la/ 'phags pa 'jam dpal la phyag 'tshal lo/ /chos nyid dang bsdus rtog pa'i dri ma bral/ /rang bzhin yongs dag yon tan ldan pa'i sku/ /thugs rjes sprul sku 'gro ba'i don mdzad pa/ /sku gsum ye shes mchod pa'i rten la 'dud/ /de don 'gro la phan pa'i phyir/ /rgyud don la rten bdag gis brtsams/ /mchod cing brjod pa drang srong che/ /sa rnams kun gyi rgyan ldan bskyed/ /ces bya ba ni sa blang zhing byin gyis brlab pa bstan nas/ kong bu byin gyis brlab cing gdab pa ni/ / shes rab chen po'i skad cig la/ /chos kun khong du chud pa 'chang/ /zhes bya bas thabs dang shes rab gnyis byin gyis brlab bo/ /oM badzra tik+Sh+Na du(rgyud 'grel): khats+tshe da pradz+nyA dz+nyA na murti ye dz+nyA na kA ya wA gi shwa ra/ a ra pa tsa na a/ zhes byas gdab bo/ / btab pa de ji ltar zhe na/ pha rol phyin pa kun rdzogs pa/ /rnam par dag pa bdag med chos/ /yang dag ye shes zla 'od bzang/ /brtson chen sgyu 'phrul dra ba las/ /rgyud kun gyis ni bdag po mchog /rdo rje rin chen dbang bskur gnas/ /mchod 'os bstod 'os phyag gi gnas/ /rtag tu rim gro smon lam gdab/ /rgyu pha rol tu byin pa 'bras bu chos kyi sku'i bdag nyid/ /ye shes lnga'i bdag nyid kyi sku bum pa na 'od dang bcas pa/ sems can rgyud smin pa 'od 'phro ba bsam mo/ /dge ba dri med gang thob des/ /'gro kun sku gsum thob par shog /a ba d+ha tis mdzad pa rdzogs so// //rgya gar skad du/ Arya many+dzu sh+rI sA d+ha nA ma/ bod skad du/ 'phags pa 'jam dpal gyi sgrub thabs zhes bya ba/ 'jam dpal ye shes sems dpa' la phyag 'tshal lo/ /dpal ldan sangs rgyas kun gyi bdag /rigs gsum bdag po ye shes sku/ /rje btsun 'jam dpal phyag 'tshal te/ /de nyid rjes dran cho ga bshad/ /sgyu 'phrul dra ba'i lugs nyid kyis/ /gang

  167. 84a

    zhig yang dag mngon dbang bskur/ /rjes gnang thob pa'i grub pa po/ /deng 'dir yid la gnas dag tu/ /bde ba'i stan la nyer 'dug ste/ /gshin rje'i dgra 'am zhal drug la/ /khro bo'i rgyal pos bsrung bar bya/ /oM h+ri kA la ru pa hUM kha hUM swAhA/ a ya mAn+ta ka hUM/ de nas gshin rje gshed po'i sngags/ /oM A(rgyud 'grel): hUM zhes bya ba 'dis/ /mchod pa rnams kyis yang dag mchod/ /tshangs pa'i gnas pa bzhi yang bsgom/ /de nas chos kun dngos med par/ /rang gi blo yis rnam par bsgom/ /oM pra kri ta pa'i shud+d+ha/ sarba d+harmA ya hu ta/ sarba ta thA ga tadznA na kA ya/ many+dzu sh+rI pa ri shud+d+hi ta mu ta ye ti/ de nas thams cad stong pa las/ /de las byung ba pad+ma las/ /zla ba'i dkyil 'khor a las byung/ /de dbus yi ge a dkar las skyes pa/ /rnam par snang mdzad che mchog zhi ba sku mdog dkar/ /byang chub mchog gi phyag rgya mnyam par 'dzin/ /sangs rgyas seng ge'i gdan bzhugs bdag nyid bsgom/ /de'i thugs khar d+hi las byung ba yi/ /pad+ma'i sangs rgyas rnam par bsam par bya/ /gdong lnga gtsug phud lnga dang ldan/ /zur phud lnga pa me tog thod/ /dang po sangs rgyas de'i thugs kar yang/ /shes rab 'khor lo nyes kun sel ba bsgom/ /pad+mar gyur pa 'khor lo de dbus su/ /ye shes sems dpa' rnam par bsgom par bya/ /s+thi sto h+ri twIM dz+nyA na murti ra haM bud+d+ho bud+d+hA nAM/ trya twa birta naM/ zhes bya ba dang/ lte ba dang bcas mu khyud nang ma gnyis/ /de nas rtsibs rnams rim par ldan pa la/ /de nas yang ni phyi'i mu khyud gnyis/ /de la rtsa ba'i la sogs rim bzhin dgod/ /ye shes sems dpa' pad+ma zla bar gnas/ /de steng rdo rje skyil krung legs bzhugs pa/ /phyag gnyis ting 'dzin phyag rgya utpa la mtshan/ /de steng shes rab po tis gnyis kha brgyan/ /nyi ma 'char ka'i dkyil ltar mdzes/ /sen

  168. 84b

    mo'i 'od ni shas cher dmar/ /cod pan bzang po thon ka'i rtse/ /skra mchog thon ka chen po can/ /nor bu chen po 'od chags dpal/ /sangs rgyas sprul pa'i rgyan dang ldan/ /zhes pa'o/ /oM sarba d+harmA b+ha wA/ swa b+hA wA/ bi shud+d+ha badzra a A aM a(rgyud 'grel): nang gi mu khyud mchog la'o/ /a A i a'i u u e i o aau aM a(rgyud 'grel): phyi rol ma la'o/ /de nas 'khor lo rtsibs drug la shar nas brtsams te sngags kyi rgyal po drug drug go /a A sarba ta thA ga ta h+ri ya/ ha ra ha ra/ oM hUM h+rI/ b+ha ga waM/ dz+nyA na murti wa gi shwa ra/ mahA pa tsa sarba d+harma ga ga na/ a mA la su pa ri shud+d+ha/ d+harmA d+hA tu dz+nyA na garbba a(rgyud 'grel): mu khyud phyi rol ma la'o/ /de'i phyi rol ka la sogs pa'o/ /dza(rgyud 'grel): hUM baM ho(rgyud 'grel): sa dgu pa la sogs pa'o/ /oM a(rgyud 'grel): hUM/ de nas mngon par dbang bskur te/ mi bskyod pas ni dbu brgyan pa'o/ /ye shes sems dpa' i thugs ka'i sa bon las 'od zer 'phros te/ slar bsdu bar bya'o/ /dngos po thams cad kyi de kho na lhag par rtogs pas chos thams cad la yang 'jam pa'i dpal du byed cing/ 'di ltar sangs rgyas bcom ldan 'das/ /zhes bya ba la sogs pas snying ka'i ye shes sems dpa' dang mnyam par sbyor zhing sngags kyi tshig ming dag gdon no/ /oM A(rgyud 'grel): hUM mu(rgyud 'grel): slar yang khro bo gnyis gang yang rung bas bsrungs la langs te/ phyi rol du a kA ro la sogs pas gtor ma sbyin no/ /'di ltar dus gsum du ste/ rnal 'byor gyi dus ma yin par ni 'jam pa'i dpal gyi sngags gang 'dod pa bzlas pa 'am/ mchod rten bya zhing bskor ba la sogs par bya'o/ /'phags pa 'jam dpal gyi sgrub thabs mya ngan med pa'i dpal gyis mdzad pa rdzogs so// //rgya gar gyi mkhan po ya shwa sh+rI ri/ lots+tsha pa ? zha rgya gar brtsegs gyis bsgyur ba'o/ /badzra tik+Sh+Na dmar/ du(rgyud 'grel): khats+tshe da sngo/ pradz+nyA dz+nyA na murta ya dkar/ dz+nyA na ka ya ljang/ wa gi shwa re ser/

  169. 85a

    a ra pa tsa na dkar/ i ti// // */ /rgya gar skad du/ badzra b+hai ra ba sA d+ha nA ma/ bod skad du/ rdo rje 'jigs byed kyi sgrub thabs zhes bya ba/ /'jam dpal rdo rje la phyag 'tshal lo/ /rab tu khros shing gdug pa 'dul/ / ma lus log pa'i bdud 'dul ba/ /zhal dang phyag drug mtshon cha 'dzin/ /ma he'i zhal la phyag 'tshal te/ /de yi sgrub pa'i rim pa zhig /bdag gis dran nas brtsam par bya/ /dang por yid dang mthun pa'i gnas su bdag nyid khrus byas te stan bde ba la 'dug nas/ /oM badzra b+ha ra ba dzwa la dzwa la hUM/ zhes bas lus bsrungs nas/ bla ma dkon mchog la mchod pa rnams kyis yang dag par mchod nas sdig pa bshags pa la sogs pa bya'o/ /oM a b+hA wa swa b+hA wa bi shud+d+ha badzra tsakra a A(rgyud 'grel): aM a: zhes bya bas stong pa ? sgom mo/ /de nas bdag nyid yi ge ar gnas pa las de'i 'od zer gyis tshangs pa dang brgya byin gyi steng du nyi zla'i steng du a zhu ba utpal 'khor los mtshan pa de zhu ba las bcom ldan 'das 'jam pa'i rdo rje zhes bya ba sku mdog mthing nag g.yas na rdo rje g.yon na utpal 'dzin pa/ gzhon nu'i cha lugs la rgyan gyis brgyan pa bsam mo/ /de'i thugs kha na nyi ma la hUM gnas pa can du bsams te/ hUM zhes bya ba'i sgra rgyun mi 'chad par byung bas phyogs bcu'i sangs rgyas thams cad mchod/ tshur hUM? la thim pas zhe sdang gi skur gyur pa ni/ zhal drug phyag rnam pa drug dang ldan pa stobs che ba/ ma he'i zhal can sku mdog mthing nag /mi mgo brgya'i do shal can/ zhabs brkyang skum du bzhugs pa/ phyag drug g.yas g.yon gyi dang po keng rus kyi dbyung ba dang rdo rje bsnams pa/ g.yas g.yon gyi bar ba na mda' gzhu dang ral gri /tha ma na sna tshogs rdo rje dang mdung bsnams pa'o/ /de las tshad med pa bzhi'i khro bo 'phro ba can no/ /zhabs bzhi brkyang skum du bzhugs pa bsgoms/ /de'i thugs

  170. 85b

    kar nyi ma'i steng du hUM bsams la/ /spyan drang ba la sogs pa rdzogs pa dang/ gsang sngags bzlas pa ni/ oM h+rI(rgyud 'grel): Sh+TE(rgyud 'grel): wi kri tE? na na hUM hUM zhes pa 'am/ oM du(rgyud 'grel): khats+tshe da hUM hUM zhes pa bzlas par bya'o/ /de nas mtshan gyi sgo nas bstod do/ /gtor ma gtang nas gshegs su gsol te ldang bar bya'o/ /bdag gis dge ba 'di byas pas/ /bla med byang chub thob par shog /rdo rje 'jigs byed kyi sgrub thabs slob dpon a sho ka sh+rIs mdzad pa rdzogs so// //paN+Di ta d+harma sh+rI mi tra dang lots+tsha ba chos kyi bzang bas bsgyur ba'o// // */ /rgya gar skad du/ ya ma a ri kA la sA d+ha nA ma/ bod skad du/ gshin rje dgra nag po'i sgrub thabs zhes bya ba/ bcom ldan 'das shes rab ye shes la phyag 'tshal lo/ /log pa'i lta ba gcod mdzad cing/ /shes rab snying rjes rab tu khros/ /mche ba gtsigs shing bshad mdzad pa/ /gshin rje'i dgra la phyag 'tshal nas/ /rgyud chen sgyu 'phrul dra ba las/ /bla ma'i man ngag la brten nas/ /bdag gis sgrub pa'i rim pa bzhin/ /sgrub la phan phyir brtsam par bya/ /dben zhing me tog bcal bkram pa'i/ /bde ba'i stan la nyer 'dug ste/ /lha dang dkon mchog spyan drangs nas/ /mchod dang sdig bshags la sogs bya/ /a b+hA wa swa b+hA wa bi shud+d+ha badzra tsakra a A aM a(rgyud 'grel): de nas stong pa'i ting 'dzin las/ /nam mkhar a ni bsam par bya/ /rdo rje me dpung rab tu 'phros/ /rdo rje'i steng du a bsams te/ /gyur pas shes rab ye shes ni/ /mdog dkar 'khor lo ral gri 'dzin/ /nyi steng hUM gi 'phro 'du las/ /gyur pas gshin rje'i gshed po ni/ /bgegs kyi rgyal po chen po ni/ /lus ni rdo rjes rnam par brgyan/ /phyag na rdo rje be con dang/ /shugs dang bcas pa'i sprul zhags bsnams/ /tshad med bzhi ldan khro bo ni/ /shin tu khros pa rnam

  171. 86a

    bar bsgom/ /dza(rgyud 'grel): hUM baM ho(rgyud 'grel): zhes bya bas dgug pa dang gzhug pa dang/ /bcing ba dang dgyes pa bskyed nas/ oM A(rgyud 'grel): hUM/ gsum gyis byin gyis brlabs nas dbang bskur bya'o/ /de nas bsgom pas skyo na bzlas pa bya ste/ /oM pradz+nyA dz+nyA na murta ye ya mAn+ta ka hUM zhes brjod nas/ mtshan brjod de gtor ma btang bar bya'o/ /de ltar bstod nas gshegs su gsol lo/ /bdag gis 'gro la phan phyir brtsams/ /dge bas 'bras bu tshad med shog /gshin rje'i gshed kyi sgrub thabs slob dpon a sho ka sh+rIs mdzad pa rdzogs so// //paN+Di ta d+harmA sh+rI mi tra dang lots+tsha ba chos kyi bzang pos bsgyur ba'o// //rgya gar skad du/ Arya tsa la sA d+ha nAM/ bod skad du/ 'phags pa mi g.yo ba'i bsgrub thabs/ rdo rje rnon po la phyag 'tshal lo/ /gsung sgra zab mo'i sgra sgrogs shing/ /'jam pa'i mgon la phyag 'tshal nas/ /mtshan gyi don la rab brten te/ /bdag gis sgrub thabs rab tu bshad/ /me tog khang pa mdzes par ni/ /bde ba'i stan la nyer 'dug ste/ /rang gi snying kha'i a las ni/ /dkon mchog la sogs spyan drangs te/ /phyag 'tshal mchod pa sogs pa bya/ /byang chub mchog tu sems bskyed do/ /oM a b+hA wa swa b+hA wa bi shud+d+ha badzra tsakra a A aM a(rgyud 'grel): de nas a las byung ba yi/ /rdo rje rnon por rab bskyed de/ /sku mdog pad+ma ral gri bsnams/ /glang chen steng du rab tu bsam/ /nyi steng ral gri 'phro 'du las/ /mi g.yo bar ni rab tu gyur/ /ral pa gcig bsdus 'gyid bag can/ /sku mdog dmar nag 'jigs byed che/ /glang chen ko ba rlon pas brgyan/ /shugs dang bcas pa'i klu yis brgyan/ /zhags pa ral gri phyag na bsnams/ /ha ha hi hi rdo rje'i sgra/ /me'i phung po rab 'phro bas/ /tshad med bzhi ldan bsgom par bya/ /nyi ma a'i sa bon las/ /bde gshegs spyan drangs rab tu mchod/ /

  172. 86b

    phyag rgya bzhi yis rgyas btab nas/ /dbang bskur byin brlabs la sogs bya/ /de nas skyon bzlas pa bya ste/ oM badzra tik+Sh+Na a tsa la d+hi/ de nas gtor ma btang bar bya'o/ /oM badzra mu(rgyud 'grel): spyod lam gyis gnas par bya'o/ /dri med ye shes las byung 'di bdag gis sgrub thabs las byung ba/ /dge ba zla ltar gsal ba gang/ /de yis sku gsum thob par shog /mi g.yo ba'i sgrubs thabs/ /slob dpon a sho ka sh+rIs mdzad pa rdzogs so// //paN+Di ta d+harmA sh+rI mi tra dang/ lots+tsha ba dge slong chos kyi bzang pos bsgyur ba'o// // */ /rgya gar skad du/ ba liM bi ti/ bod skad du/ gtor ma'i cho ga /'phags pa 'jam dpal la phyag 'tshal lo/ /yid bzhin nor bu chen po 'chad/ /dpag bsam shing chen rgyas 'dra ste/ /bum pa bzang po che ba'i mchog /sems can kun don byed la 'dud/ /gtor ma'i rim pa bshad par bya/ /dang por lha'i rnal 'byor dang ldan par sngags pas rin po che'i snod mdzes pa'i nang du kha zas kyi 'byor ba dri dang kha dog dang ldan pa sna tshogs bcug? la/ /gtor ma'i nang du yi ge a las yid bzhin gyi nor bu 'bar ba zla ba'i steng du rnam par bsams la/ de las bdud rtsi chu rgyun dang/ 'dod pa'i yon tan gyi rnam par spras pas snod dang bcud chos kyi dbyings khyab par bsam zhing bsgom pa ni/ /yid bzhin nor bu chen po 'chang/ /khyab bdag rin chen kun gyi mchog ces bya'o/ /bdag nyid kyi snying kha'i d+hi las/ /dpag bsam shing chen rgyas pa ste/ /bum pa bzang po che ba'i mchog /ces bya ba ni/ dpag bsam gyi shing nam mkha' i mdza' dang mnyam pa/ bum pa bdud rtsis gang ba'i 'bras bu smin pa bdud rtsi rnam par 'dzag pa yis gtor ma'i rgyun rgyas par bsam mo/ /thugs kha'i 'od zer gyis ye shes kyi bdud rtsi dbab te/ gnyis su med par bsam mo/ /

  173. 87a

    oM sarba ta thA ga ta h+ri dA ya/ ha ra ha ra/ oM hUM h+rI b+ha ga waM d+ha dz+nyA na murti wa gi shwa ra mahA pa tsa sarba d+harmA/ ga ga na/ a ma la su pa ri shud+d+ha d+harma d+hA tu a/ oM hUM h+rI/ zhes pas byin gyis brlab bo/ /sna tshogs gzugs can yid las skyes/ /'jig rten gsum na gzhon lus gcig /ces bya ba ni/ de nas snying khar 'od zer gyis/ /yang dag par rdzogs pa'i sangs rgyas sras dang bcas pa dang/ khams gsum gyi sems can thams cad bkug ste/ de dag thams cad snying gar yi ge a bkod pa'i 'od zer gyis rnam par sbyangs te/ 'phags pa 'jam dpal du bsam mo/ /gsum sel mdza' yas grol gsum thob/ /sangs rgyas sprul pa'i rgyan dang ldan/ /zhes bya ba ni yi ge gsum gyis byin gyis brlabs la/ dngos sam yid kyi lus dpag tu med pa sprul la mchod do/ /nam mkha' i mdza' la longs spyod cing/ /sems can kun yid tshim par byed/ /ces bya ba ni der ljags kyi 'od zer gyis bdud rtsi'i rgyun la zhugs te/ /kun gyi yid tshim par dmigs shing 'dod pa'i longs spyod kyis tshim par bya'o/ /de nas chos kyi sbyin bdag chen po ste/ /mchod 'os bstod 'os phyag gis gnas/ /zhes pas phreng ba'i sngags dang/ a kA ro mu khaM sarba d+harma NAM adyA nutpan+na twa da oM A(rgyud 'grel): hUM zhes pa dang/ tshigs su bcad pa'i bstod pas chos kyi sbyin pa bya'o/ /byang chub sems dpa' sems dpa' che/ /shes rab kyis ni de thob shog /byang chub chen por sngo zhing smon lam rgya chen po gdab/ /oM A(rgyud 'grel): hUM mu(rgyud 'grel): zhes pas gshegs su gsol lo/ /pha rol phyin dang rgyud rnams ma lus dang/ /bde gshegs rgyal ba'i dkyil 'khor ma lus kyi/ /kun gyi bdag nyid khyab par thugs la gnas/ /ye shes lus can mtshan don rgya che ba/ /sna tshogs tshul las bstod kyis di ring bdag gis 'dir/ /dam

  174. 87b

    ba'i gdams ngag nyer bstan rnal 'byor lam du sbyar/ /'di la dge ba dri med gang thob des/ /bdag sogs 'jam dpal ye shes sems dpa' 'drar gyur cig /'jam pa'i mgon po'i gtor ma'i cho ga zhes bya ba rdzogs so// //rgya gar skad du/ Arya many+dzu sh+rI tsArya marga bi d+hi/ bod skad du/ 'phags pa 'jam dpal gyi spyod lam gyi cho ga /'phags pa 'jam dpal la phyag 'tshal lo/ /zab mo'i don ldan bde gshegs chos kyi sku/ /thugs rje rang byung ye shes sku lnga'i bdag /gnyis med don ldan spros med bdag nyid can/ /rje btsun 'jam pa'i dpal la phyag 'tshal lo/ /sgyu 'phrul dra ba la brten nas/ /sgrub pa po la phan gdags phyir/ /gdams ngag sgrub pa'i rim pa cig /legs par btus te bshad par bya/ /lam gyi yan lag brgyad tshul rig /yang dag sangs rgyas lam rigs go /rigs dang ldan pa'i rnal 'byor bas/ /dbang thob dam tshig ldan par bya/ /de nyid 'dod pa'i gnas btsal nas/ /de mdun maN+Dal legs par bya/ bla ma dkon mchog yi dam lha/ /cho ga shes pas me tog bkram/ /b+h+ruM las gzhal yas khang bskyed do/ /gshin rje gshed dam rdo rje gur/ /me ri la sogs bsrung ba byas/ /bar chad zhi byed gtor ma dang/ /dang por khrus byas gos rgyan gdags/ /stan bde ba la 'dug byas te/ /tshad med bzhi la sogs pa bya/ /oM A b+hA wa swa b+hA wa bi shud+d+ha badzra tsakra a A aM a(rgyud 'grel): zhes pas so/ /d+hi pas dang po bdag nyid bskyed/ /dgug pa la sogs pa'i gsang sngags ni/ /dza(rgyud 'grel): hUM baM ho(rgyud 'grel): zhes pa dang/ byin brlabs dbang bskur mi bskyod pa'o/ des ni bskyed pa'i rnal 'byor ro/ /khrus ni dang po bum pa stong/ /stong pa nyid las a de skyed/ /nang du bdud rtsi 'od kyis dgang/ /ye shes bdud rtsi dbab cing bstim/ /dang por sgo lnga'i rnam shes bkru /ye shes sems dpa' bcom ldan

  175. 88a

    'das/ /dang po'i sangs rgyas bcom ldan 'das/ /rnam par snang mdzad bcom ldan 'das/ /sku gsung thugs kyis byin brlabs kyis/ /bag chags dri ma dag gyur cig /de ni khrus kyi cho ga'o/ /bzlas pa'i rnal 'byor ni/ / sa bon yig 'bru'i rnam pa dang/ d+hi badzra tik+Sh+Na/ du(rgyud 'grel): khats+tshe da/ pradz+nyA dz+nyA na murta ye/ dz+nyA na ka ye/ wA gi shwa ra/ a ra pa tsa na d+hI(rgyud 'grel): ye shes sems pa zla ba'i gdan bcas thugs khar ro/ /phyag mtshan ral gri yu pa d+hi(rgyud 'grel): yig 'bru dang bcas pa'o bzlas pa yi'o/ /gtor ma a las rin chen 'bru lnga bcud/ /as bskyed yid bzhin nor bu can/ /ye shes bdud rtsi dpag bsam las/ /'gron ni 'jam dpal rang bzhin na/ /zas ni mi dmigs stong pa las/ /paM las pad+ma a las nor bu'o/ /ye shes bdud rtsi dgu bstim mo/ /de nas rang nyid lhar gsal bas/ /thugs kha'i lha mchod mnyes par bsgom/ /de nas zas kyi rnal 'byor ro/ /dang po byams dang snying rje dang ldan pas lus ngag byin brlab bo/ /de nas spyan drang phyag bstod bya/ /mchod cing sdig bshags rjes yi rang/ /chos kyi 'khor lo bskor bskul dang/ /mya ngan mi 'da' gsol ba gdab/ /skyabs 'gro sems bskyed la sogs bya'o/ /de nas stong pa'i ting 'dzin bsgom/ /de nas a las chos 'byung ni/ /dkar po gru gsum 'bar ldan pa/ /de nas pad+ma zla steng du/ /d+hi las dang po sangs rgyas bskyed/ /dgug dang dbab sogs rdzogs pa dang/ /bstod pa'i tshul du gdon pa'o/ /nyal dang 'gro dang 'dug pa dang/ gzhan yang bskor ba bya ba ni/ mya ngan 'das par bzhugs pa dang/ /de nas thon pa lta bu dang/ /pha rol phyin drug bden pa bzhi/ /tsha tsha 'debs dang klog dang shad/ /kha ton 'dri dang spyod dus su/ /'jam dpal sku dang 'bral mi bya'o/ /sgyu ma lta bus gnas par bya'o/ /sdug

  176. 88b

    bsngal can dag mthong gyur na/ /byams sems ldan pas dag par bsngo/ /rnal 'byor mi gtsang 'dor ba kun/ /bdud rtsir byin brlabs gnyis med bstim/ /'byung po yi dags kun la sbyin/ /tshim par byas la gshegs su gsol/ /dpe med gcig gcig mthong ba na/ /bde dang sdug bsngal du mar snang/ /sems kyi rnam 'gyur brtan pa yin/ /zhes spyod lam gyi rim pa'o/ /bsgom pa'i rim pa brtan pa ni/ /mtshan ma dang bcas mtshan med pa'o/ mtshan ma sku dang yig 'bru dang/ /phyag mtshan la ni dmigs pa'o/ /mtshan ma med pa bstan pa ni/ /shes rab ral gri mda' gzhu ste/ /zhes pa ni shes rab 'khor lo thabs dang shes rab gnyis la dmigs pa'o/ /yang na sangs rgyas kun gyi rang bzhin 'chang/ /zhes pas tshogs bsags pa'o/ /rnam par gnon zhes pa ni/ /bsod nams kyis bsod nams ma yin pa gnon/ /ye shes te nam mkha' dang 'dra bas mkha' ltar mdza' med do/ /gsum rig ste sku'i bskyed pa'o/ /'bras bu mngon par shes pa lnga phra men bcu drug go /gnas pa rtsa/ g.yo ba rlung/ bgrod pa byang chub ste/ byang chub sems pa sems pa che/ /zhes pa dang rdzu 'phrul chen po zhes pa'o/ /de yang mthar yang dag par stong pa ste/ /shes rab pha rol phyin pa'i mdza' / /de las de nyid de chos sku'o/ /gzhan rig pa ste/ /longs sku dang sprul sku'o/ /dpe byad ces pa dang/ /gtso bo zhes pa gnyis kyi don no/ /de na bsgom pa'i rnal 'byor ro/ /bla ma'i gdams ngag rgyud 'grel la brten nas/ dri ma med pa'i dge ba gang brtsams pa/ /des ni dge ba gang thob des/ /'gro kun 'jam dbyangs thob par shog /rgya gar gyi mkhan po a shwa ka sh+ris mdzad pa rdzogs so// //shAkya'i dge slong chos kyi bzang pos dri ma d+ha ra dang nye ba'i rtsar zhus te bsgyur ba'o// //*/ /rgya gar skad du/ badzra many+dzu sh+rI b+ha? bi ti//

  177. 89a

    bod skad du/ 'jam dpal rdo rje'i bum pa'i cho ga /'phags pa 'jam dpal ye shes sems dpa' la phyag 'tshal lo/ /sgrub pa po la phan gdags phyir/ /nyon mongs dri ma kun dag phyir/ /mtshan nyid ldan pa'i gang zag la// bum pa'i cho ga bshad par bya/ /dang por mtshan nyid ldan gnas su/ /sa bslang sbyang zhing maN+Dal bya/ /thig gdab tshon ni byin gyis brlab/ /tshom bu lnga ldan 'khor lo bcu drug ldan/ /gru chang bzhi ldan sgo bzhi rta babs ldan/ /'khor lo bcu drug gru chang bzhi dang ldan/ /pany+tsa ratna 'dod yon snam bu dang/ /rin chen pa gu sgo bzhi rta babs bri/ /rin chen bdun las byas pa'i mchod pa'i rten/ /gdugs dang ba dan cod pan dril bus brgyan/ /gser dang dngul dang zangs dang lcags las byas/ /bum pa kha dog lnga dang ldan pa'o/ /rin chen sna lnga 'bru sna lnga dang ni/ /sman lnga dri lnga dkar la sogs pa'i rdzas/ /bdud rtsi'i chus gang la rgyan 'bras bu can/ /mgul chings gzungs thag bum pa'i rigs dang sbyar/ /so so'i gdan du gnyis po dgod/ /dang por bla ma dkon mchog spyan drang ste/ /phyag mchod sdig bshags yi rang bskor bar bskul/ /mya ngan mi 'da' lus dbul dge rtsar bsngo/ /tshad med bzhi ldan byang chub mchog tu bsngo/ /stong pa'i ting nge 'dzin sngags kyis kun nas bskul/ /de nas gur dang dra ba'i steng du ni/ /hUM las rdo rje b+h+ruM las mchod rten ni/ /h+ri las chos 'byung a las rdo rje'o/ /de steng b+h+ruM las gzhal yas khang pa'o/ /gdan lnga zla ba'i gdan ni so sor gsal/ /yi ge a las rnal 'byor rnam gsum bsgom/ /dam tshig 'khor lo a las sku skyed do/ /ye shes 'khor lo dgug cing bstim par bya/ /sku gsum byin brlabs dbang bskur nyid kyi mtshan/ /thabs dang shes rab bum pa rab tu don/ /thabs dang

  178. 89b

    shes rab 'od zer bdud rtsi dbab/ /mchod rten rnams ni lha'i rang bzhin gsal/ /so so'i thabs dang shes rab ma lus ldan/ /thugs ka'i a las rgyud ni gdon par bya/ /de las dang po'i sangs rgyas 'dud bstod bya/ /de'i thugs 'od mchod pa rnam lnges mchod/ /bum pa bzang po che ba'i mchog /rnam par dag pa bdag med chos/ /yang dag ye shes zla 'od bzang/ /brtson chen sgyu 'phrul 'dra ba las/ /rdo rje'i gdan ni ma lus ldan/ /ye shes sku rnams ma lus 'chang/ /nyon mongs khams rnams dag pa'i bdag /las kyi khams rnams zad byed cing/ /chu bo rgya mtsho kun las rgal/ /nyon mongs nye ba kun nyon mongs/ /bag chags bcas pa gtan du spangs shes so/ /lung dang man ngag dag la rab brten nas/ /bdag gis 'di 'dra'i phan gdags cho ga brtsams/ /dge ba'i rtsa ba dri med gang thob pa/ /des ni 'jam dpal rdo rje thob par shog /dpal 'jam pa'i mgon po'i bum pa'i cho ga /slob dpon chen po mya ngan med pa'i dpal gyis mdzad pa rdzogs so// // dpal u rgyan gyi mkhan po chen po d+harmA sh+rI mi tra'i zhal snga nas dang/ zhu chen gyi lots+tsha ba bod kyi shAkya'i dge slong dpal gyi bzang pos bsgyur cing zhus te gtan la phab pa'o// //*/ (/'jam dpal ye shes sems dpa' i sgrub thabs slob dpon gnyis med spas pas mdzad pa bzhugs so/) /rgya gar skad du/ dz+nyA na satwa sA d+ha naM/ bod skad du/ ye shes sems dpa' i sgrub thabs/ 'phags pa 'jam dpal ye shes sems dpa' la phyag 'tshal lo/ /chos kun rang bzhin ye shes sems dpa' yis/ /ma lus bde gshegs kun gyi mtshan gyur pa/ /rdo rje 'chang chen kun gyi glu /zab cing rgya che byang chub sems dpa' nyon/ /byang chub sems bskyed lhag pa'i sku ru bsgom/ /sgyu ma rten 'brel rnam gsum sbyor ba la/ /ma lus gnyis med mkha' khyab 'khor lo

  179. 90a

    sgom/ /ma skyes mi 'gag rnam gsum sgyu ma ni/ /shes rab mig gis gsal bar blta bar bya/ /sgyu ma brag cha nam mkha' las byung bzhin/ /yongs su shes nas ma zhes sems kyi bklag /rnal 'byor lam chen gsang sngags 'di yin te/ /ji ltar dngos rnams mkhas la gnas pa bzhin/ /dam tshig dkyil 'khor phyag rgya che la gnas/ /don ni mi shes pa dag pa'i las gzhan gyis/ /'byor ba'i grong gsum dag las de mi g.yo/ /de lta'i don shes rang bzhin nyes pa spangs/ /spos kyi glang po ke ta dug zos bzhin/ /nyes? pa'i tshogs bcoms gzhung tshogs yon tan ldan/ /'gag pa med pa'i chos kyi rgyal por 'gyur/ /thugs kyi gsang mdzod gtsug gi rin po che/ /rang bzhin 'gro kun chos rnams ma lus bcad rgyud don dbang po rdo rje'i tshig tu gnas/ /mkha' 'gro'i rjes 'brang nye bar bsdus pa yin/ /slob dpon gnyis su med pa'i sbas pas mdzad pa rdzogs so/ /rgya gar skad du/ nA ma saM gI ti sA d+ha naM/ bod skad du/ mtshan yang dag par brjod pa sgrub pa'i thabs/ /ngag gi dbang phyug la phyag 'tshal lo/ /dang por ro shig sgrub pa pos spar langs te/ kha la sogs pa dag par byas la/ bsam gtan gyi khang par rab tu zhugs te/ bde ba'i stan la nye bar gnas nas/ snying kha pad+ma dang zla ba la dmar zhing dkar ba'i muM bsgom par bya'o/ /de nas 'od zer gyi tshogs lcags kyu'i rnam pa can gyis dkug pa'i bcom ldan 'das 'od 'byung ba'i mdog dang zhal dang phyag mtshan dang gdan dang nye bar ldan pa mdun du rnam par bsgoms te/ yid kyi rang bzhin gyi me tog dang bdug pa la sogs pa yang dag par mchod la/ de'i mdun du sdig pa bshags pa la sogs bya zhing/ byams pa la sogs pa tshangs pa'i gnas bzhi da sgoms nas chos thams cad stong pa nyid mngon du byas te/ oM shU n+ya tA dz+nyA na

  180. 90b

    badzra swa b+hA wa At+ma konyahaM zhes bya ba'i sngags kyis byin gyis brlab par bya'o/ /de nas nam mkha' la hUM las byung ba'i rdo rje rtse lnga pa sa bon dang bcas pa rnam par bsgoms la/ de'i 'od zer gyis ji lta ba'i sbyor bas/ /rdo rje'i ra ba dang rdo rje'i gur dang sa 'og kun rdo rje'i sa gzhir dmigs la/ rdo rje yang 'od zer du kun nas rdo rje'i ra ba las phyi rol du phyogs bcing ba la sogs pa'i gzugs kyis nye bar gnas pas lta'o/ /de'i rjes su rdo rje'i nang du h+rI(rgyud 'grel): dmar po yongs su gyur pa las pad+ma'o/ /pad+ma'i steng du a las zla ba'i dkyil 'khor ro/ /de'i steng du dmar zhing dkar ba'i muM las sangs rgyas mang po spro ba dang bsdu ba'i rnam par bsgoms la/ de yongs su gyur pa las rje btsun 'jam pa'i dbyangs dmar zhing dkar ba pad+ma dang zla ba'i steng na rdo rje'i skyil krung gis bzhugs pa zhal dang po dmar po g.yas sngon po g.yon dkar po zhes bya ba'i zhal gsum pa bsgom par bya'o/ /phyag bzhi ji lta ba'i sbyor bas shes rab kyi po ti dang/ ral gri dang gzhu dang/ mda' dang ldan pa'o/ /rdo rje'i dbu rgyan can/ mtshan sum cu rtsa gnyis dang dpe byad bzang po brgyad cus rnam par mdzes pa/ /gzhon nu'i rgyan gyis brgyan pa'i bdag nyid du bsams la/ snying gar pad+ma dang zla ba'i steng du rdo rje sems dpa' dkar po sems dpa' i skyil mo krung gis bzhugs pa/ g.yon pa dril bu dkul brten cing 'chang ba/ /g.yas na rang gi snying gar 'degs par byed pa'i sbyor bas rdo rje 'chang ba'o/ /de bzhin du smin mtshams su rin chen rdo rje sems ma phyag gnyis kyis spyi bor me tog gi phreng bas 'ching zhing gnas pa'o/ / mgrin par pad+ma rdo rje dmar zhing dkar ba/ g.yon pa pad+ma'i sdong bu 'gying bag dang bcas pa bzung ba g.yas pa de'i 'dab ma kha 'byed cing sngon bzhin du nye bar gnas pa'o/ /spyi bor las kyi rdo rje ma mdog ljang gu rdo rje rtse gsum pa dang ldan pa'i phyag

  181. 91a

    gnyis bdag nyid kyi spyi bor 'chang zhing de kho na bzhin du nye bar gnas pa bsgom par bya'o/ /oM badzra aM ku sha dza(rgyud 'grel): oM badzra pA sha hUM oM badzra spho Ta paM/ oM badzra a be sha ho(rgyud 'grel): zhes bya ba'i sngags kyis pad+ma dang zla ba'i steng du go rims ji lta bar ye shes kyi 'khor lo dgug pa dang/ gzhug pa dang/ /bcing ba dang/ dbang du bya'o/ rdo rje'i khu tshur gnyis bcings te sdigs mdzub dang mthe'u chung lcags sgrog tu byas shing sprad pa bkan te rang gi kha ru nye bar bzhag pa ni rdo rje 'khor lo'i phyag rgya ste/ arga dang/ zhabs bsil dang/ me tog dang/ bdug spos la sogs pas yang dag par mchod la skad cig gis rang gi lus la gzhug par bya'o/ /de'i rjes su de bzhin gshegs pa thams cad kyis bdag la dbang bskur ba sngon du 'gro bas mi bskyod pa'i bdag nyid kyi rnam pas dbu brgyan par bsam la/ oM sarba d+harmA(rgyud 'grel): a b+hA wa swa b+hA wa bi shud+d+ha/ badzra a A aM a(rgyud 'grel): pra kri ti pa ri shud+d+ha sarba d+harma(rgyud 'grel): ya tu ta/ sarba ta thA ga ta dz+nyA na kA ya many+dzu sh+rI pa ri shud+d+hi ta/ mu pa ta ye ti a A/ sarba ta thA ga ta h+ri da ya ha ra ha ra ha/ oM hUM h+ri(rgyud 'grel): b+ha ga waM dz+nyA na murta wA gi shwa ra mahA pa tsa sarba d+harmA ga ga na a mA la su pa ri shud+d+ha d+harma d+hA tu dz+nyA na garb+ha a(rgyud 'grel): zhes bya ba'i sngags kyis dang po dang bar dang tha mar byin gyis brlab pa sngon du 'gro bas rje btsun gyi mtshan yang dag par brjod pa sngon du 'gro bas nyi ma re re zhing so so'i thun mtshams su lan gsum mam gcig tu skyil krung ma bshig pas mnyam par bzhag pas klag par bya'o/ /de ltar ji srid sgrub pa'i mtshan ma ma thon gyi bar du klag par bya'o/ /de'i rjes su rgyud ji lta ba bzhin du dngos grub kyi thabs la rjes su gnas par bya'o/ /mtshan yang dag par brjod pa'i sgrub thabs/ /slob dpon mi g.yo seng+ges mdzad pa rdzogs so// //mar pa do pas bsgyur ba'o// //rgya gar skad du/ nA ma saM gAM ti sA d+ha naM nA ma/ bod skad du/ mtshan

  182. 91b

    yang dag par brjod pa'i sgrub thabs zhes bya ba/ 'phags pa 'jam dpal la phyag 'tshal lo/ /sgrub pa pos dang por shig snga bar langs te/ kha la sogs pa gtsang bar byas nas bsam gtan gyi khyad par rab tu zhugs nas bde ba'i stan la rdo rje skyil krung gis nye bar 'dug ste/ rang gi snying khar pad+ma dang zla ba la mu(rgyud 'grel): yig dmar ser bsgom par bya'o/ /de'i 'od kyi tshogs lcags kyu'i rnam pa rnams kyis bkug ste/ 'chad par 'gyur ba'i bcom ldan 'das kyi sku mdog phyag mtshan bzhugs tshul mdun du bsgoms te/ de'i mdun du me tog dang gdug spos la sogs pa rnams kyis yang dag par mchod/ /sdig pa bshags pa la sogs pa byas nas byams pa la sogs pa tshangs pa'i gnas bzhi bsgom par bya'o/ chos thams cad stong pa nyid du mngon sum du byas nas/ oM shu n+ya tA dz+nyA na badzra swa b+hA wA at+ma konyahaM/ zhes pa'i sngags kyis byin gyis brlab par bya'o/ /de nas nam mkha' hUM yi ges rdo rje rtse lnga pa sa bon dang bcas pas bsgom mo/ /de'i 'od rnams kyis ji ltar rigs par rdo rje'i ra ba dang/ rdo rje'i dra ba dang rdo rje'i sa gzhis bdud 'joms par dmigs te/ rdo rje'i 'od kyang rdo rje'i sa gzhi dang ra ba las phyi rol phyogs dang phyogs bral gyi gzugs kyis gnas par blta'o/ /de nas bar ma chad par rdo rje'i ra ba'i nang du pad+ma'i steng du oM yi ges bzla ba'i dkyil 'khor de'i steng du mu(rgyud 'grel): yi ge kha dog dmar ser la ma lus pa'i sangs rgyas spro ba dang bsdu ba'i rnam pa bsgom par bya'o/ /de yongs su gyur pa la rje btsun 'jam dpal sku mdog dmar ser pad+ma dang zla ba'i steng du rdo rje skyil krung gis bzhugs pa/ zhal dang po dmar pa g.yas sngo ba/ g.yon dkar ba/ des na zhal gsum pa phyag bzhi pa/ ji ltar rigs par shes rab ral gri dang/ po ti dang/ mda' dang gzhu 'dzin pa'o/ /rin po che'i cod pan can/ /mtshan sum cu rtsa gnyis dang dbye byad bzang po brgyad cus rnam par mdzes pa/ gzhon nu gzhon nu'i rgyan gyis brgyan par bdag nyid bsgom par bya'o/

  183. 92a

    thugs khar pad+ma dang zla ba'i steng du/ sems dpa' i skyil krung gis bzhugs pa'i rdo rje sems ma sku mdog dkar mo g.yon na dril bu dang g.yas na rdo rje bzung ste rang gi thugs khar bslad nas sbyor ba'o/ /sngar bzhin mdzod spur gnas pa'i rin chen rdo rje ma sku mdog ser mo phyag gnyis kyis dbu la me tog gi phreng ba 'ching ba can no/ mgrin par pad+ma rdo rje ma sku mdog dmar ser g.yon na snying po dang bcas pa'i pad+ma/ /g.yas kyis de'i 'dab ma kha 'byed pa'o/ /sngar bzhin gnas pa'o// spyi bor las kyi rdo rje ma sku mdog ljang gu phyag gnyis kyis rang gi spyi bor rdo rje rtse gsum 'dzin pa/ de ltar gnas pa bsgom par bya'o/ /oM badzra aM ku sha dza(rgyud 'grel): oM badzra pA sha hUM/ oM badzra spho Ta baM/ oM badzrA be sha ho/ zhes pa'i sngags rnams kyis pad+ma dang zla ba'i steng du ji lta ba'i rim pas ye shes kyi dkyil 'khor dgug pa dang gzhug pa dang bcing ba dang/ dbang du bya ba'o/ /rdo rje khu tshur gnyis bcings sdigs mdzub dang mthe bo chung dag lu gu rgyud ltar byas pa'i rdo rje 'khor lo'i phyag rgya gan rkyal du bya'o/ /rang gi kha la bzhag la mchod yon dang zhabs bsil la sogs pa rnams kyis legs par mchod la skad cig la gzhug par bya'o/ /de'i rjes su de bzhin gshegs pa thams cad kyis dbang bskur te/ sngar bzhin mi bskyod pa spyi bor bdag nyid kyis bsgom par bya'o/ /oM sarba d+harmA swa b+hA ba bi shud+d+ha badzra a A aM a(rgyud 'grel): pra kri ta pa ri shud+d+ha(rgyud 'grel): sarbba d+harmA ya tu ta sarba ta thA ga ta dz+nyA na ka ya many+dzu sh+rI pa ri shud+d+hi ta mu pA dA ye ti a A(rgyud 'grel): sarbba ta thA ga ta h+ri da ya ha ra ha ra oM hUM h+ri/ b+ha ga waM dz+nyA na murti bA gi shwa ra mahA pA tsa sarba d+harmA ga ga na a mA la pa ri shud+d+ha d+harma d+hA tu dz+nyA na garb+ha A(rgyud 'grel): zhes pa'i sngags kyis dang po dang bar dang tha mar byin gyis brlabs pa sngar ltar rje btsun mtshan yang dag par nyin re bzhin thun gsum du lan gsum mam lan cig 'don

  184. 92b

    bar dga' ba'i mthar thug pa'i phan yon dang bcas pa klag par bya'o/ /de ltar ji srid klag pa'i de srid du grub pa'i rtags mthong ngo/ /de ma thag tu ji lta ba'i sngags kyis grub pa'i tshul rjes su sngags so/ /mtshan yang dag par brjod pa'i sgrub thabs mkhas pa chen po pra b+ha ka ras mdzad pa rdzogs so/ //lots+tsha ba shAkya'i dge slong nyi ma rgyal mtshan dpal bzang pos dge slong gzhon rin chen gyi don du dpal thar pa gling gi gtsug lag khang du legs par bsgyur ba'o// //rgya gar skad du/ nA ma saM gI ti sA d+ha naM nA ma/ bod skad du/ mtshan yang dag par brjod pa zhes bya ba'i sgrub thabs/ 'jam dpal gzhon nur gyur pa la phyag 'tshal lo/ /re shig dang por sgrub pa po snga bar langs te/ gdong la sogs pa dag par byas te/ sgom pa'i khang par bzhugs te bde ba'i stan la skyil mo krung gis 'dug ste/ rang gi snying khar zla ba dang pad+ma la mu(rgyud 'grel): yig dmar ser bsgom par bya'o/ /de nas de'i 'od zer gyi phung po lcags kyu rnam pas 'chad par 'gyur ba'i bcom ldan 'das kha dog dang zhal dang phyag dang gdan dang bcas pa bkug ste/ mdun du bsam par bya'o/ /de la yid la bya ba'i me tog dang bdug pa la sogs pas yang dag par mchod de/ mdun du sdig pa bshegs pa la sogs pa thams cad bya ste/ byams pa la sogs pa tshangs pa'i gnas bzhi bsgom par byas la/ chos thams cad stong pa nyid mngon du byas te sngags 'dis byin gyis brlab par bya'o/ /oM shu'n+ya tA dz+nyA na badzra swa b+hA wa at+ma konyahaM/ de nas nam mkha' la hUM yig las rdo rje rtse lnga pa sa bon dang bcas pa bsgom par bya'o/ /de'i steng du a yig la zla ba'i dkyil 'khor/ de'i 'od zer rnams kyis rdo rje ra ba dang rdo rje'i gur dang/ rdo rje'i rang bzhin gyi sa gzhi gser gyi sa gzhi la thug pa bsgom par bya'o/ /rdo rje yang 'od zer du gyur nas rdo rje ra ba'i phyi ngos su phyogs bcing ba la sogs pa'i gzugs su

  185. 93a

    gnas par blta'o/ /de'i rjes la rdo rje ra ba'i nang du h+rI(rgyud 'grel): yig las pad+ma/ de'i steng du a yig las zla ba'i dkyil 'khor/ de'i steng du mu(rgyud 'grel): yig dmar ser sangs rgyas dpag tu med pa spro ba dang sdu bar byed pa bsams la /de yongs su gyur pa las rje btsun 'jam dpal dmar ser pad+ma dang zla ba'i steng du rdo rje'i skyil mo krung gis bzhugs pa/ shes rab kyi po ti dang ral gri dang gzhu dang mda''dzin pa rin po che'i dbu rgyan can/ /mtshan sum cu rtsa gnyis dang dpe byad bzang po brgyad cus brgyan pa gzhon pa gzhon nu'i rgyan gyis brgyan par bdag nyid bsam mo/ /snying khar pad+ma dang zla ba'i steng du sems dpa' i skyil mo krung gis bzhugs pa'i rdo rje sems ma dkar mo g.yon pa dril bu dkur rten pa/ g.yas pa'i snying khar bstod pa'i tshul gyis rdo rje 'dzin pa'o dpral bar de bzhin du yang dag par gnas pa'i rin chen rdo rje sems ma ser mo phyag gnyis kyis spyi bor me tog gi phreng ba 'ching ba'o/ /mgrin par pad+ma'i rdo rje ma dmar ser g.yon 'gying bag gi tshul gyi pad+ma'i rtsa ba 'dzin pa/ g.yas kyis de'i 'dab ma 'byed pa sngar bzhin du gnas par bya'o/ /spyi bor las kyi rdo rje ma ljang gu rdo rje rtse gsum lag pa gnyis kyis spyi bor 'dzin pa/ de bzhin du yang dag par bsgom par bya'o/ /oM badzra aM gu sha dza/ oM badzra pA sha hUM/ oM badzra spho Ta baM/ oM badzra be sha ho(rgyud 'grel): zhes bya pa 'di rnams kyi sngags kyis pad+ma dang zla ba'i steng du go rim bzhin du ye shes kyi dkyil 'khor dgug pa dang gzhug pa dang/ bcing ba dang dbang du byas te/ rdo rje khu tshur bcangs te mdzub mo dang mthe'u chung gnyis lcags sgrogs tu byas te/ rdo rje 'khor lo'i phyag rgya spras pas gan rkyal du byas pas rang gi snying kha ru bzhag pas/ yon chab dang/ zhabs bsil dang/ me tog dang spos la sogs pa rnams kyis yang dag par mchod la/ des blag tu rang gi lus la gzhug par bya'o/ /de'i rjes la de bzhin gshegs pa thams

  186. 93b

    cad kyis dbang bskur ba sngon du song bas bdag nyid kyi spyi bor mi bskyod pa bsams la/ oM sarba d+harma a b+hA wa swa b+hA ba bi shud+d+ha badzra a A aM a(rgyud 'grel): pra kri ti pa ri shud+d+ha sarba d+harmma ya tu ta satwa ta thA ga ta dz+nyA na kA ya many+dzu sh+rI pa ri shud+d+ha mu pa ta ye ti a A(rgyud 'grel): sarba ta thA ga ta h+ri da ya ha ra ha ra/ oM hUM h+rI(rgyud 'grel): b+ha ga waM dz+nyA na murti thA gi shwa ra ma hA pa tsa sarba d+harmma ga ga na a mA la su pa ri shud+d+ha d+harmma d+hA tu dz+nyA na garbba a(rgyud 'grel): zhes pa'i sngags 'das dang po dang tha ma dang dbus su byin gyis brlab pa sngon du song bas/ rje btsun mtshan yang dag par brjod pa rtag tu thun mtshams su lan gsum mam du ma yang rung/ rdo rje skyil mo krung bcas te mnyam par bzhag pas klag par bya'o/ /'di ji srid du klags pa de srid du grub pa'i mtshan ma rnams mthong ngo/ /de lta bas na sgrub thabs nyams su blang bar bya'o/ /mtshan yang dag par brjod pa'i sgrub thabs rdzogs so// /dar ma grags kyis rang 'gyur byas/ /de yis bsod nams gang thob des/ /chos dbyings dag gi dbang phyug gis/ /'gro ba byin gyis brlab par shog/ // */ /rgya gar skad du/ nA ma saM gI ti ba tsa no pa de sha /bod skad du/ mtshan brjod klog pa'i man ngag ces bya ba/ 'jam dpal gzhon nur gyur pa la phyag 'tshal lo/ /dus gang yang rung bar khrus dag par byas la/ bsam gtan gyi khang par stan bde ba la 'dug ste/ rang gi snying khar pad+ma'i steng du yi ge muM(rgyud 'grel): dmar ser bsgom mo/ /de las 'od zer lcags kyu'i dbyibs can 'phros pas 'og nas 'chad pa'i sku mdog phyag mtshan dang ldan pa'i 'phags pa 'jam dpal spyan drangs la/ yan lag bdun pa rgyas par bya/ tshad med pa bzhi bsgom/ 'di dag snying rje'i sa bon no/ /shes rab kyi sa bon gyis brlob pa'i sngags swa b+hA wa brjod la/ /nam mkha' lta bu'i stong pa nyid la yun ring du gnas par bya'o/ /stong pa'i ngang las yi ge hUM mthing nag bsam zhing de yongs su gyur pa las rdo rje rtse lnga pa'i lte pa

  187. 94a

    la zla ba'i steng na hUM gnas pa bsam/ /de 'od du zhu ba las logs rnams la rdo rje'i ra ba steng du dra ba 'og tu gser gyis gzhi la thug pa'i rdo rje'i rang bzhin du yod pa/ rdo rje'i 'od kyis ra ba'i phyi rol gyi phyogs mtshams bcing ngo/ /'di ni srung ba'i 'khor lo ste phyi rol 'od kyis bgegs sreg par byed la nang gi rdo rjes 'bigs pa la sogs pas/ ra ba'i nang du bgegs kyis mi thar par bsams/ /de nas rdo rje'i ra ba'i nang du h+rI(rgyud 'grel): dkar po yongs su gyur pa las pad+ma/ de'i steng du A(rgyud 'grel): yongs su gyur pa las zla ba/ de'i steng du yi ge muM/ dmar ser zhig bsam/ de las 'od zer rgyal ba rigs lnga'i dbyibs can dpag tu med pa 'phros pas snod bcud thams cad la reg pas de dag kyang 'jam dbyangs su gyur nas tshur 'dus muM(rgyud 'grel): la thim par bsam/ de yongs su gyur pa las 'jam dbyangs sku mdog dmar ser zhabs rdo rje'i skyil krung du bzhugs pa phyag bzhi pa zhal gsum pa'i zhal g.yas nag po g.yon dkar bo dbus dmar po spyan gnyis gnyis yod pa/ phyag g.yas kyi dang po na ral gri gnyis pa na mda' bsnams pa/ g.yon gyi dang po na po ti gnyis pa na gzhu bsnams pa/ dbu la rin po che'i thor tshugs yod pa/ mchan sum cu rtsa gnyis mda' ba/ /dpe byad bzang po brgyad cus spras pa/ rin po che'i rgyan du mas mdzes pa/ shin tu gzhon sha dang bcas pa'i sku 'od kyi phung po rab tu 'bar bar bsgom mo/ /de'i thugs khar pad zla'i steng du rdo rje sems ma dkar mo phyag g.yon pa dril bu dkur brten pa g.yas kyis rdo rje thugs khar bsnams pa/ mdzod pu la rin chen rdo rje ma sku mdog ser mo phyag gnyis kyis dbu la me tog gi phreng ba 'dogs pa/ mgrin par pad+ma rdo rje ma/ sku mdog dmar ser phyag g.yon gyi pad+ma kha zum pa'i yu ba nas bzung zhing g.yas kyi rgyas par mdzad pa/ skra mtshams su las kyi

  188. 94b

    rdo rje ma sku mdog ljang gu phyag gnyis kyi rdo rje dpral bar bsten par bsgom mo/ /de nas thugs ka nas 'od zer 'phros nas ngag tu oM badzra aM ku sha dza(rgyud 'grel): zhes brjod la/ ye shes sems dpa' mdun gyi nam mkha' la spyan drangs te/ mchod pas mnyes par byas la oM badzra aM gu sha dza(rgyud 'grel): zhes brjod pas dgug /oM badzra pA sha hUM/ zhes dgug /oM badzra spho Ta baM zhes pas tha mi dad par bsam oM badzra be sha ho(rgyud 'grel): zhes pas dgyes par bsam mo/ /yang 'od zer 'phros te rgyal ba rigs lnga'i sangs rgyas dpag tu med pa spyan drangs la sangs rgyas rnams kyi phyag tu rin po che'i bum pa bsnams te spyi bo nas bdud rtsis dbang bskur bas nang du zag med kyi bde ba chen po skyas/ phyir chu lhag ma yongs su gyur pa las mi bskyod pa sku mdog nag po rigs kyis dbu brgyan no/ /de nas rdo rje khu tshur dang rdo rje'i phyag rgya bya/ 'khor lo'i phyag rgyas snying kha dang mgrin pa dang dpral bar rab bo/ /de dag char nas gzhung klog pa la 'jug par bya ste/ phan yon dang bcas te 'don na lags/ med kyang rung ste/ thog mar zhabs kyi sngags tshar gcig gdon/ dkyil 'khor gsum pa'i rjes la sngags tshar gcig /mjug tu tshar gcig ste/ mtshan brjod tshar re la sngags lan gsum gsum gdon/ mtshan brjod klog pa'i man ngag kha che'i paN+Di ta shAkya sh+rI b+ha dras mdzad pa rdzogs so// //*/ /rgya gar skad du/ bi sha tya kA ra b+hi saM shud+d+he kra ma na b+ha ga wa many+dzu sh+rI sA d+ha naM/ bod skad du/ rnam pa nyi shus byang chub pa'i rim pas bcom ldan 'das 'jam dpal sgrub pa'i thabs/ 'jam dpal ye shes sems dpa' la phyag 'tshal lo/ /de dang de yi theg pa yis/ / thabs kyis 'gro ba'i don byed pa/ /theg pa gcig gi bdag nyid can/ /dpal ldan de la phyag 'tshal 'dud/ /shin tu dang ba'i ro gcig pa/ /mi g.yo dus kyi rtog bya ba/ /bdag nyid chen po gang yin pa/ /su zhig de la phyag 'tshal 'dud/ /dad pa'i khyad bar

  189. 95a

    ma rtogs kyang/ /chags ba'i dbang gis sems can bzhin/ /'dod chags la sogs la gnas kyang/ /gang yin de la phyag 'tshal lo/ /dkon mchog gsum gyi bdag nyid can/ /dkon mchog gsum gyi don byed mgon/ /kun tu don byed bltos med par/ /skyob pa de la phyag 'tshal lo/ /de'i stobs kyis da ltar bdag /'jam dpal gnyis su med pa yi/ /rnam pa nyi shus mngon rtogs pa/ /sems can don du bshad par bya/ /dang por langs nas rnal 'byor ni/ /rang gi lha'i nga rgyal can rnam dag cho ga bzhin byas nas/ /mchod pa sman ma bsdu bar bya/ /oM badzra bi ga hUM/ dri ma yang ni bsal bar bya/ /oM sa mAn+ta pa rik+Sha gu hya tsa ri tsa ra tsa ra hUM/ de'i rjes la skyang nul bya/ /oM ne rma ni sho d+ha hUM/ drir bcas chu'i thig pa yis/ /skyob pa la yang maN+Dal bya/ /oM ma hA maN+Dal li hUM/ sngar nyid langs pa'i gnas dag tu/ /'jam pa'i stan la gnas bar bya/ /oM a mu ka padmo b+ha sund+ha ra d+ha re ne maN+Dal hUM/ snying kha'i sa bon 'od zer gyis/ /sangs rgyas mthong nas 'dud par bya/ /oM sarba ta thA ga ta kA ya wA kItNa? pra na me na badzra band+ha na ka ro mi/ sna tshogs mchod yi? de ga la/ /dang por phyag 'tshal gzhan yang bya/ /de nas skal dang ldan pa ni/ /sprul zhing rnam par mchod par bya/ /nyes pa byas pa'i mchod pa yis/ /sdig pa bshags pa la sogs bya/ /bdag gis bgyis dang bgyid stsal gang/ /chung ngu 'am ni tshad med pa/ /gang yang rjes su yi rang ba/ /de dag skyob pas bshags par mdzad/ /bdag gis 'jug par bya ba yis/ /de dag sems can rang nyid kyis/ /las la 'jug pa de dag gis/ /byas pa rnams la legs shes gsol/ /sangs rgyas rnams la skyabs su gsol/ /de bzhin chos kyi dkon mchog la/ /sangs rgyas kyis gang gdul bya ba/ /blon chen mgon po de la yang/ /sdug bsngal rgyal par dka' ba ni/ /gzhan

  190. 95b

    gyi bdag gis bzod mi nus/ /dre na de nyid sel bar byed/ /bdag ni 'jig rten mgon por shog /sems can bla ma sangs rgyas dang/ /byang chub sems dpa' de ci bzhin/ /de bzhin slob ma rjes mthun ma/ /bdag gi lam la 'jug par bya/ /gang yang bdag gi dge ba'i cha/ /dri med gnas par gyur ba ni/ /de yis sems can gyi don du/ /rgyun tu rjes su mthun bar shog /oM mahA sarba bA paM kA ya wIk+tsat+ta sa ma na surd+hu t+taM ra ga d+hi sha mu ha da ma da ma ne biSh+Ti na yaM kret+taM ta t+twe ka le kaM hUM hUM hUM phaT phaT/ sarba pA paM spho Ta ya me swAhA/ oM sarba pA paM pra hi di shi ya me swAhA/ oM sarba ta thA ga tA nAM at+ma b+ha baM ni ra tA ya me/ sarba ta thA ga ta pra ti gri ha na swA maM swAhA/ oM sarba ta thA ga ta pU dza na saM b+ha rA nu mut+ta ye swAhA/ oM sarba ta thA ga ta sa man+ta b+ha dra mahA badzra sa ma yaM mahA bo d+hi tsit+tu twa mutpa da ya mi swAhA/ oM sarba ta thA ga ta shi? se te sarba satwA nAM sarba sid+d+ha ya si sat+twan+ti sarba ta thA ga ta shwA te shan+taM/ oM sarba shud+d+ha sarba d+harmA swa b+hA wa shu n+ya hyi/ sems can 'di dag bde bar shog /sdug bsngal kun yang sel bar shog /de dag bde bas bdag nyid tshim/ /'di dag nyon mongs bral bar shog /rang bzhin med dang gtsang la sogs/ /mtshan ma med dang yid mi 'byung/ /'di dag thams cad de yi phyir/ /bdag gis gang las rnam par 'khrul/ /oM shu n+ya ta dz+nyA na badzra swa b+hA wa at+ma konyrahaM/ de nas rgyal ba'i bka' lung gis/ /zla ba gnyis su mthong bar bya/ /de yang bstan nas gcig 'gyur zhing/ /de'i bdag nyid du gyur pa/ /sangs rgyas thams cad mnyam nyid du/ /blo gros chen po bzhug par bya/ /oM bo d+hi tsit+ta ? da ya mi/ /oM dz+nyA na rasme be sre dza hUM/ oM ti? Sh+Ta sta badzra hUM/ oM pa ra na badzra/ sa ha ra na badzra/ oM dz+nyA na badzra/ oM sarba ta thA ga ta dz+nyA na badzra/ oM badzra tA konyahaM/ oM ya ta sarba ta thA ga ta ta tha a hi/ de nas gzhan don byed pa'i phyir/ /slar yang 'di ltar bsgom bar bya/ /khro

  191. 96a

    bo'i gzugs ni 'chang ba yis/ /snying khar pad+ma nyi hUM las/ /khro bo bcu yis bgegs kyi gtso/ /lus ngag yid gsum phur bus gdab/ /phyi rol rdo rje ra ba sogs/ /rnam par sprul pa byas nas ni/ /hUM yig gnyis kyis dbus gnas pa'i/ /'og tu yaM baM raM dag las/ /rlung dang chu dang me dag ni/ /dkyil 'khor de nyid rim pas bsgom/ /nam mkha' la b+h+ruM yig las byung ba'i/ /rtag pa'i yan lag las skyes pa/ /bdud rtsi'i rgyun gyis tshogs kyis ni/ /gang ba'i snod kyi bdag nyid gyur/ /hUM gnyis dbus su baM yig las/ /sku'i rdo rje'i ting 'dzin gyis/ /brtan zhing sra bar gyur pa yi/ /gser gyi dkyil 'khor nyid du 'gyur/ /ngos gnyis rnam pa'i hUM yig dang/ /sum las skyes pa'i lhun po'i steng/ /b+h+ruM las gyur pa dpal dang ldan/ /gzhal yas khang brtsegs bsgom bar bya/ /de'i dbus su sna tshogs pa'i/ /chu skyes steng du seng ge'i gdan/ /der ni dbyangs yig dang po las/ /kun 'di'i 'od ldan rnam snang mdzad/ /bdud rtsi'i dkyil 'khor la gnas pa'i// zhal bzhi mnyam gzhag phyag rgya can/ /de'i mdun du mi bskyod pa/ /rdo rje'i dril bu dang ldan pa'i/ /glang po'i steng du zla ba la/ /nam mkha' i mdog can bsam par bya/ /lho ru rdo rje nyi ma yang/ /rta'i steng du zla ba la/ /rin chen dril bu dang ldan pa/ / gser gyi mdog ni rnam par bsam/ /nub tu pad+ma gar dbang yang/ /rma bya'i steng gi zla ba la/ /pad+ma'i dril bu dang bcas pa/ /pad+ma ra ga'i mdog can bsam/ /byang gi phyogs su rta mchog kyang/ /mkha' lding bsil 'od la gnas pa'i/ /sna tshogs rdo rje dril bu mdzes/ /sna tshogs pa yi mdog can bsgom/ /de dag gi yang thugs khar ni/ /dang po sangs rgyas bsgom bya ste/ /dpal ldan zhal lnga phyag brgyad ba/ /a dza na'i sku mdog 'chang/ /ngo mtshar drag po sgeg pa dang/ /rgod dang

  192. 96b

    bcas pa'i zhal snga ba/ /g.yas g.yon ral gri po ti dag /bdag nyid chen pos bzhi bzhi bsnams/ /'jigs su rung ba'i gzugs kyis ni/ /sems can rnams ni tshim par byed/ /re re'i thugs khar 'khor lo ni/ /rtsibs bcu gnyis la dpyangs yig ldan/ /phyi rol ka liM nang na yang/ /oM sarba d+harma'i sngags su bcas/ /thams cad la yang khyad med bar/ /de stang shes rab 'khor lo ste/ /phyi rol a A sogs kyis mtshan/ /nang gi mu khyud a li ldan/ /khyad par gtso bo'i 'khor lo ni/ /rtsibs drug gsang sngags drug dang ldan/ /gzhan dag gi yang rang dang mtshan/ /oM dang ya te na mar bcas/ /na ma brtsibs gcig la sdongs nas/ /lhag ma yi ge'i grangs bzhin brtsigs/ /gnyis med 'jam dpal gtso bo ni/ /ye shes sems dpa' bsgom par bya/ / rang rigs phyag rgya can gnyis gnyis/ /utpa la dang po ti 'chang/ /gzhan dag la yang khyad med par/ /ral gri g.yas pa la mtshan no/ /g.yon pas rdo rje rin chen dang/ /chu skyes sna tshogs rdor dril 'chang/ /de yang gnyis pa lnga pa dang/ /dang po bzhi pa ye shes sku/ /kun kyang gzhon nu'i rgyan dang ldan/ /kunda'i kha dog gzugs 'chang ba/ /rdo rje sems dpa' dkar po ste/ /rdo rje dang ni dril bu 'chang/ /rgyal po ser pa lcags kyu 'chang/ /chags pa dmar po mda' gzhu can/ /legs pa ljang gu legs sbyin pa/ /mi bskyod pa yi 'khor du gnas/ /rin chen dril 'chang rin chen ser/ /nyi ma nyi bzhin g.yas nyi 'dzin/ /ljang gu tog ni rgyal mtshan 'dzin/ /g.yon pa gdan la gnyi ka yang/ /bzhad pa dkar po so phreng 'dzin/ /snga ma bzhin du g.yon pa yis/ /rin chen 'byung ba'i 'khor du gnas/ /chos dmar pad+ma'i sdong bu 'dzin/ /rnon po ral gri po ti dkar/ /'khor lo ser po 'khor lo 'dzin/ /smra ba ljang gu ljags 'dzin pa/ /gnyi ka g.yon pa gdan la brten/ /pad+ma

  193. 97a

    gar gyi 'khor du gnas/ /las ni ljang gu rgya gram gyis/ /bsrung ba ser po go cha can/ /gnod sbyin nag po mche ba 'dzin/ /khu tshur ser po khu tshur 'dzin/ /don yod grub pa'i 'khor du gnas/ /de ltar 'khor lo chen po ni/ /bsams nas rims bzhin mchod par bya/ /mchod pa'i rim pa dkyil 'khor gyi/ /cho ga nyid las shes par bya/ /snying po dang ni nye snying po/ /rgyal ba kun kyang mnyes par bya/ /lhag ma kun gyi zlas pa'i sngags/ /yi ge gsum po shes par bya/ /gzhan dag rgyal ba'i 'khor dang bcas/ /rang rang gnas su bsangs nas ni/ /de yi nga rgyal dang ldan pas/ /ci rigs par ni spyad par bya/ /rnal 'byor ldan pa'i dus su yang/ /mtshan brjod dang ni bstod pa yis/ /rgyal ba 'khor bcas bstod nas ni/ /dus gsum du tshe don mtshan bya/ /rnam pa nyi shus byang chub pa'i sgrub thabs/ /dpal ldan so ma sh+rIs mdzad pa rdzogs so// //rgya gar gyi mkhan po ma hA dz+nyA na dang/ /lots+tsha ba gzhon nu 'od kyis bsgyur// // 'phags pa 'jam dpal sgrub thabs slob dpon so ma shIs mdzad pa bzhugs so/ /rgya gar skad du/ Arya many+dzu sh+rI nA ma saM gI ti sA d+ha nA ma/ bod skad du/ /'phags pa 'jam dpal gyi mtshan yang dag par brjod pa'i sgrub thabs zhes bya ba/ nyes pa thams cad sel bar byed pa'i 'phags pa 'jam dpal gzhon nur gyur pa la phyag 'tshal lo/ /gang phyir dpal dang de nyid kyi phyir byang chub dang/ /grol dang gang phyir don rtogs bsam pa ji ltar bar/ /skye bo kun la rtag tu skyed par byed pa yi/ / dpal ldan 'jam dpyangs gang yin de la phyag 'tshal bstod/ /thams cad mkhyen pas bstod pa dang/ /rgyal sras rnams kyis bkur ba dang/ /lha rnams 'dud pa gang yin la/ /rtag par kun tu bdag phyag 'tshal/ /mthong na sdig pa zhi bar byed pa dang

  194. 97b

    reg na bde ba bskyed byed skyon med dang/ /brten la srid pa'i 'khrul spong dge ba yi /bshes gnyen zhabs la lus ngag yid kyis 'dud/ /zab pa'i snying po yon tan rin chen gter gyi mdzod/ /gang zhig bla ma mchog gis yun ring rgyas btab bzhag pa yi/ /mtshungs med sgrub thabs de 'dir bdag gis dbye bar bya/ /brtson 'grus mdza' med ston pa'i rgya mtsho yi/ /grangs med pa de yi grangs las 'das pa yi/ /bskal par sgrab nas rgyal bas pha rol tu/ /phyin nas de 'dir rab tu bshad pa'ang yin/ /dngos grub bkra shis kun gyi khang chen 'di/ /'jam dbyangs sgrub thabs 'di ni sangs rgyas kun gyi nor/ /gzugs med chos kyang gzugs dang ldan pa nyid ston pa/ /gang 'khrul ba kun gyi sman chen gcig bu yin/ /'di yis bskyed pa'i rin chen ni/ /tshogs gnyis gzi brjid ldan pa/ /dge ba'i bshes gnyen mig gis ni/ /bltas ba'i skye med chos nyid do/ /byang chub sems dpas yun ring du/ /goms pa yid la 'dod pa yi/ /yal ga thabs shes bya ba 'di/ /'bras bu bde ba ster ba yin/ /thabs dang shes rab ldan par ni// sangs rgyas kun gyis gang gsungs pa/ /bla ma bsten pa'i rim pa yis/ /de 'dir dngos su myong ba yin/ /'khrul pa yang dag spangs pas na/ /rnal 'byor shes rab pha rol 'gro /'di 'dra'i phyag rgya chen po yi/ /bdud rtsi ro mchog myong bar byed/ /'khor ba dang ni mya ngan 'das/ /'di dag rnam par dpyad pa dang/ /'di'i snying po cung zad kyang/ /bde bar gshegs pas ma gzigs so/ /snying po las kyang snying po che/ /shin tu phul du byung ba ste/ /'di ltar cher 'os sna tshogs pa'i/ /bde ba ster bar bshad pa 'di yin/ /de 'dir las dang po dag ni/ /ji ltar yang ni nyams gyur nas kyang/ /de las ngan song med bde ba/ /khams gsum rgyal po gtso bor gyur/ /rnam kun shin tu zab pa dang/ /rnam kun rnam par dag pa ster/ /rnam kun bdud rtsi 'dzag

  195. 98a

    pa dang/ /rnam pa kun gyi don chen byed/ /rnam kun mngon par byang chub dang/ /rnam pa kun gyi bla med pa'i/ /rnam pa kun mkhyen ye shes ni/ /lhan skyes shin tu 'od gsal ba/ /de 'dra'i dkyil 'khor 'khor lo'i bdag /nga ni yang dag gsal bar bya/ /bshes gnyen dam pa bsten pa las/ /rjes gnang thob pa rang nyid ni/ /shes rab bdud rtsi'i rgyun dag gis/ /yid kyi dri ma 'khrud pa yin/ /chos rnams thams cad stong pa'i phyir/ /bdag 'dzin shes rab ldan na yang/ /srog las lhag pa'i sems can rnams mthong ba'i sgrub pa po dag yin/ /rang gi dam bcas rjes zhugs pa/ /dri med dang dad pa rgyan yid kyis/ /dga' bas phun tshogs dang por ni/ /mtshan ma'i skyil krungs bcas nas su/ /sna yi rtse mo drang po la/ /mig gtang nas ni yid brtan bya/ /lus drang ba dang dran pa dang/ /shes rab bsam gtan phyag rgyar ldan/ /dang por stong pa'i zla tshos bcas/ /rang gi mtshan gyi yi ge gnas/ /snying khar paM skyes pad+ma dang/ /gus pas glu ni len pa yi/ /gzugs brnyan de dbus rnam par lta/ /ye shes dag pa'i nam mkha' la/ /sangs rgyas kyis gang bltas nas ni/ /de mthong mngon gsal dad pa yis/ /snying po pad+ma rgyas gnas las/ /yid tshim pa'i lus kyis ni/ /dpal las yang dag byung ba yi/ /'jam dpal bdag nyid chen po yi/ /sna tshogs lha mo rnam sprul zhing/ /mchod pa'i sprin ni rnam spros pa/ /sangs rgyas sras dang bla ma rnams/ /de yis ma lus mchod byas nas/ /bdag gzhan sdig pa thams cad ni/ /bshags pa'i me yis bsreg par bya/ /rje yi rang bas de nyid shes/ /bsod nams thams cad bdag gis 'gyur/ /dkon mchog gsum la skyabs song bas/ /de 'dir gang las 'jigs pa 'byung/ /byang chub sems ni bskyed pa las/ /rin chen sems 'dra sems can la'o/ /rgyal ba'i bdag nyid las gnas pas/ /rang dka' spyod dang thar pa yin/ /smon lam dag ni yang nas yang/

  196. 98b

    ston pas de dngos len par bya/ /rang bzhin mi dmigs pa yis ni/ /stong nyid rgyu dang bral ba las/ /mtshan ma med pa de nas ni/ /gsal bar smon pa spangs pa'o/ /de ltar bsgoms pas brtan pa ni/ /de nyid rgya mtshor 'jug pa yin/ /rang bzhin gnyis med ye shes kyi/ /rang bzhin rnam mar ltas nas ni/ /sngags kyi 'di ltar bstan par bya/ /bsod nams rgya mtsho 'phel ba yi/ /sangs rgyas kun gyis legs bzlas pas/ /dpag med mthu ni 'phel bar 'gyur/ /oM ma hA sarba pA paM ka ye kaM bak+tsa ka ma na sod bud+d+ha taM ra ga d+hi sha mu ha da ma d+ha/ ma nA biShti/ yatkrit+taM/ tit+ta ka le kaM hUM hUM hUM hUM phaT phaT phaT phaT/ sarba pA paM spho Ta ya me swAhA/ oM sarba pAM pa pra hi d+ha ni ye me swAhA/ oM sarba ta thA ga ta na mA ta ma ba ba ne rya ta ya me/ sarba ta thA ga ta pre te grih+naM twa mi maM swAhA/ oM sarba ta thA ga ta pu n+ye dz+nyA na saM pa rA nu mu ta ya swAhA/ oM sarba ta thA ga ta sa mandA b+ha dra ma dA badzra sa ma yaM ma hA bo d+hi tsit+to pA da mu pa ta ya me swAhA/ oM sarba ta thA ga ta shaM sa te sa sarba satwA nAM sa ba si d+ha ya saM pat+tyan+ti sarba ta thA ga ta sha a a de sha na ti/ oM swa b+hA wa shud+d+ha sarba d+harmA swa b+ha wa shud+d+honyahaM/ oM shU n+ya tA dz+nyA na badzra swa b+hA wa at+ma konyahaM/ oM 'jig rten 'das pa'i bde myang dang/ /sdug bsngal rtsa ba mi mnyam med/ /dga' ba 'o ma rgya mtsho'i rlabs/ /thams cad btang snyoms 'od gsal ba'i/ /tshangs pa'i gnas bzhi la gnas pa'i// bya ba byas pa bla med de/ /de nas mthong ba'i lam byon pa'i/ /sangs rgyas de'i rjes bzung ba/ /bu yis byang chub thob par ni/ /gyis la sogs pa gdam ngag yin/ dad pa brtan pa'i shugs kyis ni/ /phyag 'tshal gsol ba gdab pa'ang bya/ /mgon po gang gi lam zhugs pa/ /bdag la rjes su gnang bar mdzad/ /oM sarba ta thA ga ta kA ya wAk+tsit+ta?/ pra Na me na badzra band+ha nAM ka ro mi zhes phyag 'tshal ba'i sngags so/ /rang bzhin grub pa'i sngags 'di ni/ /ci gar bzlas la blta bar gyis/ /phung po khams dang skye mched

  197. 99a

    sogs/ /gzung dang 'dzin pa rnam spangs pa'i/ /rang bzhin mya ngan 'das pa yi/ /rang sems zhes ni des gsungs so/ /phyag rgya dang po'i sems dag la/ /so sor rtog pa byed bdag yin/ /'dir ni sngags 'dis mthong ba dang/ de mthong zhes ni gsol ba dang/ /bla ma de yis slar gsungs pa/ /zla ba'i gzugs su rnam par ltos/ /de 'dir snying rje'i sems kyis ni/ /dmigs pa med par byas nas ni/ /dngos dang dngos med rnam rtog gi /mun sel shin tu 'od gsal ba'o/ /rang gi nyams myong dga' mthong nas/ /rang gzhan don ni gsal ba yin/ /khyod kyi mthu yis mthong ngo zhes/ /de yis slar yang gsol ba dang/ /de yis brtan par gyis gsungs nas/ /rjes su brtan pa pha rol 'gro /oM dz+nyA na raSh+me pi sre dza hUM/ /rnam pa lnga yi 'od zer ni/ /phyogs mtshams kun tu spro ba yis/ /'dod chags sems can kun gyi ni/ /mi zad sdug bsngal bsregs nas ni/ /rnal 'byor pa yis de dag kun/ /sangs rgyas nyid bkod gcig gyur las/ /de yis rdo rje rtogs pa yin/ / oM tiShtha badzra/ oM spha ra Na badzra/ oM saM ha ra na badzra/ oM dz+nyA na badzra oM sarba ta thA ga ta dz+nyA na badzra/ rdo rje dbyings zhes yang dang yang/ sangs rgyas kun gyi thugs rje yi/ /rang bzhin bdag nyid dbang bskur ro/ /oM badzra at+ma konyahaM/ zhes ni yang dag par ni brjod par bya/ /brtse ldan 'gro la phan pa dag /gyur phyir byin gyis brlab tu gsol/ zhes ni gsol gdab skad cig la/ /de dag rab tu zhugs nas ni/ /de yi bdag nyid rang nyid gyur/ /oM ya thA sarba ta thA ga ta ta thA a haM/ rdo rje rin chen sogs mnyam nyid/ /rnam pa kun tu 'od gsal ba/ /chos kyi rgyal pa dpal 'byung ba'i/ /dang po'i sangs rgyas shes bstod do/ /de las sangs rgyas kun bdag nyid/ /'gro bsang ba'i brtul zhugs yin/ /dang por snod kyi 'jig rten ni/ /

  198. 99b

    rnam par dag par bya ba ni/ /gang la mngon par byang chub pa/ /'di rnams gus pa'i gnas yin te/ /de ni gzhan don bla med pa'i/ /rgyal ba gcig pu ngo mtshar che/ /'bar ba'i hUM gyi rnam pa yi/ /bdud kyi cho 'phrul sreg par byed/ /'bar pa'i phreng bas khyab pa ru/ /bltas nas phyogs rnams kun tu ni/ /de yi rdo rje'i ra ba bsam/ /yi ge hUM gi dbus gsal la/ /yaM paM raM sa bon gsum las byung ba yi/ /rlung dang chu ma'i dkyil 'khor rnams/ /de nyid rig pas lta bar bya/ /mkha' la b+h+ruM yig las byung ba'i/ /rtag pa'i yan lag las byung ba'i/ /bdud rtsi sprin rgyun yongs gang bas/ /snod ni de yi bdag nyid 'gyur/ /hUM gnyis dbus su b+h+ruM yig la/ /sku yi rdo rje yang dag byung/ /gnas pa mkhrang bar gyur pa las/ /gser gyi dkyil 'khor nyid du 'gyur/ /hUM gi yi ge ngos gnyis la/ /sum las byung ba'i lhun po ste/ /de ru hUM yig las byung ba'i/ /dpal ldan gzhal yas khang brtsegs bsam/ /bla re dra ba dpyangs pa dang/ /rin chen ka ba 'od zer dang/ /rta babs khyams dang ldan pa yin/ /'khor ba thogs ma med pa nas/ /gdung ba chen po zhi ba'i phyir/ /zla ba dkar ltar mdzes pa yis/ /me tog phreng ba dpyangs pa'i tshogs/ /phyogs rnams kun tu gzhan pa yin/ /dam chos zab mo'i sgra sgrogs pa/ /seng ge'i kha na rin po che'i/ /phreng ba'i sprin ni nges 'byung ba'i/ / brgya byin mtshon cha rnams brtsegs pa'i/ /tshon rtsi rnam lnga sar pa yis/ /phyogs bcur 'khor bar bskor ba yin/ /mdzes po'i yan lag dang ldan pa'i/ /g.yer ga dag las yang dag par/ /dam pa chos kyi sgra dag ni/ /khyad par du ni sgrogs pa yin/ /stegs bur gar gyi lha mo mchog /tshogs nas glu ni yang dag len/ /dad ldan lha mo'i mchog rnams ni/ /phyi rol gnas la rnam gnas nas/ /'gro dang 'ong bar byed pa dag /lha yi me tog phreng 'dzin pa'i/ /mdzes pa'i mchod pa rgyas

  199. 100a

    par byed/ /gang yang phyogs kun spros pa las/ /shin tu mi zad 'khyud pa yis/ /dar dpyangs sor mo 'khor ba yin/ /nyi ma'i mdog ltar snang ba yi/ /dpag med rgyal mtshan sna tshogs pa'i/ /gar byed mchog gi phyag bzhin no/ /kun tu 'gro ba kun bdag nyid/ /thub pa chen po rnams kyis ni/ /gang du mdzad pa thams cad dag /grangs med mtshungs pa med pa ni/ /rnam dbyer ni chen snang ba yis/ /de ni chos dbyings dkyil 'khor ro/ /h+rI(rgyud 'grel): las sna tshogs mchod skyes 'di/ /dbus su nyi ma gnas pa lta/ /gang gi ge sar rdul gyi phyogs/ /btsom gser gyi mdog bzhin mdzes/ /phyogs brgyad dag gi 'dab ma la/ /a yig gnyis kyi dbus gnas pa/ /si las seng ge'i nga'i sgra/ /bdud kyi glang po 'bros par byed/ de'i lte bar ri rab las/ /nyi ma'i dbus su maM 'od kyis/ /sems can byang chub la bkod nas/ /de bzhin gshegs kun bsdu bar bya/ /de las byung ba'i sdug bsngal gcod/ /rtog pa'i dra ba 'joms pa'i 'od/ /stong nyid shes rtse rdo rje dang/ /ral gri'i chu la 'khor lo snang/ /de las spros pa'i 'jam pa'i dpal/ /zla rgyas 'od kyis rig pa bsdu/ /gzhon nu 'od pa bla med pa/ /gang 'di dpal rnams spros pas bsten/ /mgul rgyan dang ni dpung rgyan dang/ /rna rgyan dang ni lag gdub sogs/ /rgyan de rnams kyi rab tu brgyan/ /de ni byang chub snying po yin/ /de las byung ba'i 'od zer gyis/ /'khor ba'i 'ching ba sreg pa dang/ yon tan rgya chen rgyun rgyas pa'i/ /gzhon nu'i sku mdzes legs pa'i dpal/ /mtshan dang dpe byad brgyan pa yi/ /de ltar rab tu snang ba yin/ /ji ltar rang bzhin dag pa yi/ /yid kyi rgya mtsho'i gnas de ru/ /sbyin pa la sogs rin chen tshogs/ /thugs rje'i yon tan chu bzhin no/ /rdo rje dkyil krung zhabs gnyis kyis/ /pad gsal

  200. 100b

    'khor lo'i mtshan ma las/ /byung ba'i 'od zer 'bar ba'i tshogs/ /mun pa ma lus 'joms pa'o/ /rin chen mdzes pa'i ska rags la/ /lte ba zab pa 'phro ba dang/ /sku las rgyas pa sna tshogs pa'i/ /lha mo de ru gsal bar snang/ /gang gi brang ni mthon mthong thir/ /'od kyi sna tshogs do shal ldan/ /byang chub yon tan phun tshogs pa'i/ /lha mo zur ltar khra bo bzhin/ /phyag gi gdu bu sor gdub bzhin/ /ri rgyal dpag bsam shing bzhin du/ /gang yang chos kyi phyag rgyar ldan/ /mnga' gzhus mtshan pa'i ches dbyings sa/ /g.yas kyi phyag gi ral gri dang/ /rdo rje bsnams pas bdud sde 'joms/ /g.yon gyi phyag gnyis dril bu dang/ /rin chen po ti bsnams pa yi/ /'jig rten 'das dga' zla de nyid/ /bdud rtsi yang rgyas lta bu bzhin/ /g.yas g.yon steng zhal gser ston po/ /dmar po phyogs bzhir gsal ba yi/ /rdo rje pad phreng sangs rgyas lnga'i/ /rin chen 'od 'bar dbu la brgyan/ /lha mo byang chub me tog sogs/ /mchod pas mdog sngon gtsug phud lnga/ /dpral bar mnyam pa'i thig les brgyan smin ma sdong bu utpal mig /dpe med rol pa sna tshogs te/ /zhal ni pad+ma rgyas pa bzhin/ /mchu ni bim pa lta bur dmar/ /bzhad pa mu tig ltar dkar ba/ /mdzes pa rnam par bsam par bya/ /brtse bas sems can thams cad kyi/ /phyin ci log ni nyer zhi ba'i/ /chos dbyangs gnas pa'i sku de ni/ /de bzhin nyid la legs par bzhugs/ /mkha' la sprin med bdud rtsi ni/ /'dzag pa pad+ma rgyas pa bzhin/ /rnam pa kun gyi mchog ldan pa/ /de 'dir sangs rgyas gang yin no/ /sngags kyang 'di ru bzlas byas te/ oM d+harma d+hA tu swa b+hA wa at+ma konya zhes so/ /rdo rje 'ching ba bsgrengs nas ni/ /ral gri rnam par 'dzin pa yin/ /gsum pa nyid kyi tshigs ngag gi /dbu ma gnyis ni gsum pa dang/ /mthe bong gnyis ni brkyang ba dang/ /sor mo dag ni bskum pa'o/ /'khor lo mgon

  201. 101a

    po'i phyag rgya ni/ /don grub pa yis mchog yin no/ /'khor lo'i rgyal po gsang sngags rgyal/ /lugs las bzlog pa bris pa yin/ /a b+ha bar+Na dz+nyA/ tu d+harma d+ha/ d+ha shu ri pa su la mA na ga ga /rmA d+ha d+ha sarba tsa ba ha ma ra shwa gi wa/ b+hi mu na dz+nyA/ wI ga b+ha/ h+rI(rgyud 'grel): hUM oM/ ha ra ha ra/ ya da h+ri/ ta ga thA ta rbas/ A a ti ye ta pa mu ta d+hi shu dri pa sh+rI ny+dzuM/ ya ka na dz+nyA/ ta ga thA ta rbas/ ta du yarma d+ha rbas d+ha shu bri pa/ ti kri pra a i A a/ k+Shu ga tsa rmA d+ha/ d+ha shu twi/ ba b+hA swa/ ba b+hA a/ rmA b+ha rbas oM/ gzhan kun yi ge sum nyid kyis/ /dkyil 'khor pa kun spro ba 'am/ /kun gyi thun mong yin pa'i phyir/ /so sor nges pa nyid kyis so/ /dang por phyag 'tshal tha ma h+ri/ /cha bzhi dbus su gnas pa dang/ /yi ge gsum sngags thams cad kyis/ /bdag po nyid du gnas pa yin/ /de la go rim ji bzhin du/ /shar dang lho dang nub dang byang dang/ /me dang bden bral dang rlung dang dbang ldan gyi phyogs dang mtshams su 'am/ /phyogs bzhi'i rdo rje 'khor los sgyur ba dang/ /rin chen 'khor los sgyur pa dang/ /pad+ma'i 'khor los sgyur ba dang/ /las kyi 'khor los sgyur ba dang/ /phyag rgya chen po'i 'khor los sgyur ba dang/ /dam tshig gi phyag rgya'i 'khor los sgyur ba dang/ /chos kyi phyag rgya'i 'khor lo'i sgyur ba dang/ /las kyi phyag rgya'i 'khor los sgyur ba dang brgyad do/ /gzhan dag gi gtsug tor chen po'i yi ge gcig /shar gyi 'dab mar yang dag bri/ /gtsug tor gdugs ni dkar bo yang/ /nub kyi phyogs su dgod par bya/ /gzi brjid phung po lho phyogs su/ /gtsug tor rnam rgyal byang phyogs su/ /rnam par 'thor ba dbang ldan phyogs/ /me'i phyogs su gen 'byung po/ /gen 'byung chen po bden bral phyogs/ /rgyal ba rnam rgyal phyogs su bkod/ /g.yas kyi phyag gis 'khor lo bsnams shing de las gzhan sgag dang

  202. 101b

    bcas pa rang gi mdun la reg par mdzad/ /seng ge'i gdan la nyi dkyil rdo rje skyil krung ni/ /bcings zhugs rin chen cod pan bcom gser mdog 'dra/ /go rim bzhin du 'di rnams kyi sngags 'di/ /oM b+h+ruM/ /oM maM maM maM maM hUM ne/ oM u dzur she swAhA/ oM bi dza ya swAhA/ oM kri sha a sha ne hUM phaT/ oM dzwa la dzwa la/ di bya di bya/ u ga tuSh+Na/ du na du na hUM/ oM tri band+ha hUM/ oM ?? dzwa la dzwa la band+ha da ma da ma/ du ma du ma/ ha na ha na/ hUM/ de la 'khor song bar phyug sku yis ni/ /'khor lo 'di dag mdzes par snang ba yin/ /rang gdan mtsho skyes ji ltar 'dab ma las/ /de yi ge sar de yang snang ba yin/ /hUM yig gnyis kyi dbus gnas pa'i/ /gaM yig dag las glang po'i gdan/ /hUM las byung ba sngon po'i mdog /mi bskyod rdo rje'i zhal dag ni/ / bzhi dang gnyis 'gyur phyag rnams la/ /khro dang sgeg pa'i nyam dang lan/ /mche ba cung zad gtsigs pa ste/ /'khor lo'i shar gyi phyogs su bsgom/ /g.yas dang g.yon nang steng gnas pa'i/ /bstan pa zla ba'i zhal dang ni/ /ljang dang ser bo rang bzhin no/ / g.yas kyi ral gri rdo rje dang/ /mda' dang lcags kyu bsnams pa yin/ /g.yon pa sdigs mdzub bcas dril bu/ /gzhu dang zhags pa rang las kyis/ /khyab pa'i 'od zer tshogs kyis ni/ /phyogs kun gyi ni gdug pa 'joms/ /hUM yig gnyis kyis dbus gnas pa'i/ /paM yig dag las rta yi gdan/ /rin chen 'byung ldan gser gyi mdog /lho yi phyogs su bsgom par bya/ /g.yas dang cig shos stang gi zhal/ /nag dang dkar po dmar po yi/ /traM yig las byung 'od zer tshogs/ /g.yas kyi dang po dag la no/ /nor bu'i rgyal mtshan bsgom bya ltar/ /mi bskyod phyag brgyad las khyad yin/ /h+rI(rgyud 'grel): gnyis dbus na shin tu gsal ba yin/ /mi las 'byung ba rma bya'i gdan gnas pa/ /h+rI(rgyud 'grel): las phyung ba pad+ma rA ga yi/ /'od kyis phyags rnams snang bar

  203. 102a

    byed pa yin/ /nub tu tshe dpag med mgon lha/ /khyad par rin chen rdo rje dang/ /steng zhal ser po sku mdog dmar/ /phyag g.yon dang po pad+ma bsnams/ /a yig gnyis kyis dbus gnas pa'i/ /gaM yig las byung mkha' lding gdan/ /a las byung ba'i don yod grub/ /sku mdog ljang gu byang du bsgom/ /phyag gnyis mi bskyod bzhin du lha/ /g.yas dang cig shos steng gi zhal/ /mche ba gtsigs shing ser ba dang/ /dkar dang dmar zhal pad+ma yis/ /dpa' dang ngo mtshar zhi ba dang/ /sgeg ba la sogs nyams kyi gnas/ /bar steng nyi ma'i dkyil 'khor la/ /rdo rje'i skyil krung gis legs bzhugs/ /rin chen cod pan snang ba yis/ /phyogs kun snang bar byed pa yin/ /'di rnams so so'i gtso bo yi/ rjes su 'brangs nas phyogs su bzhag/ /rdo rje sems sogs bsgom bya ba/ /rang 'od nam mkhar snang ba yin/ /pad+ma nyi mar sems dpa' yi/ /dkyil 'khor gyis zhugs mchog gis brgyan/ /de la mi bskyod dkyil 'khor du/ /rdo rje sems dpa' dkar por lta/ /g.yon gyi dril bu dkur brten cing/ /g.yas kyi thugs kha rdo rje gsor/ /rdo rje rgyal po gser gyi mdog/ /lcags kyus bdud la 'debs pa yin/ /rdo rje chags pa sku mdog dmar/ /mda' gzhu mchog gi bsnams pa yin/ /rdo rje legs pa sku mdog ljang/ /phyag gnyis legs pa sbyin pa'o/ /rin chen 'byung ldan dkyil 'khor du/ /rdo rje rin chen sogs bsgoms pa'ang/ /rdo rje rin chen sku mdog ser/ /phyag gnyis dar dpyangs 'ching ba baM/ /rin chen dril bu bsnams pa'o/ /rin chen nyi ma mdog ser po// snying kha nyi ma bstan pa'o/ /rdo rje rgyal mtshan sku mdog ljang/ /rin chen rgyal mtshan bsnams pa'o/ /rdo rje bzhad pa sku mdog dkar/ /phyag gnyis so'i phreng ba 'dzin/ /snang ba mdza' yas dkyil 'khor du/ /rdo rje chos sogs bsgom par bya/ /rdo rje chos

  204. 102b

    ni sku mdog dmar/ /phyag g.yon pad+ma bsnams nas ni/ /g.yas pas 'byed par mdzad pa yin/ /rdo rje rnon po gur gum mdog /phyag g.yon thugs khar po ti dang/ /g.yas kyis shes rab ral gri bsnams/ /rdo rje rgyu ni gser gyi mdog /chos kyi 'khor lo bstan pa yin/ /rdo rje smra ba dmar la ljang/ /lce yi phyag rgya bsnams pa dang/ /g.yas kyis chos kyi dung sgrogs pa'o/ /yang na gdan la brten pa'o/ /don yod grub pa'i dkyil 'khor du/ /rdo rje la sogs rgyal ba rnams/ /rdo rje las ni sku mdog ljang/ /phyag gnyis rdo rje dril bsnams nas/ /de yi steng du gar mchog mdzad/ /rdo rje srung ba gser gyi mdog/ rdo rje 'bar ba'i go cha bsnams/ /rdo rje gnod sbyin sku mdog gnag /phyag gnyis mche ba bsnams nas ni/ /gdug pa rnams ni 'jigs bar byed/ /rdo rje khu tshur dung gi mdog /rdo rje khu tshur 'ching ba'o/ /'di rnams rim bzhin sa bon ni/ /a dza/ ho sa oM aM traM ha h+ri daM maM raM/ kaM haM hUM baM/ dkyil 'khor bzhi po 'di dag tu/ /mkhas pas sems dpa' bcu drug bsgoms/ /'gro ba'i dbang phyug 'di thob pas/ /skad cig tsam gyis 'khrul pa sel/ phyogs bzhi dag tu sems ma sogs/ /rgyan de dag las byung ba'i sgras /phyogs kun snang bar byed pa yin/ /de la rdo rje sems ma ni/ /'jam dpal bzhin du shes par bya/ /rin chen sems ma mi bskyod bzhin/ /chos ma snang ba mdza' yas bzhin/ /las kyi sems ma don grub bzhin/ /laM maM paM taM kun la chos kyi gter chen 'byung ba mthon pa'o/ /nu ma gnyis la nor bu'i do shal gsal bar byas/ /'di ltar snying gi pad+mar gnas pa 'dir/ /rgyal ba'i byang chub sems kyi mu tig brgyan/ /zab mo'i chos sgrogs zab pa lta bur gyur pa yi/ /ska rags sil sil nang nas snang ba ni/ /rgyal ba'i bdag nyid 'khor lo ni/ /snang bas de rnams dpag tu med par 'gyur/ /rdo rje lcags kyu dkar la dmar/ /g.yas rkyang ba yi gnas pa zhugs

  205. 103a

    pa/ /shar sgor g.yas dang g.yon gyi ni/ /lcags kyu sgreng nas gnas pa yin/ /lho sgor rdo rje 'dags pa ni/ /sku mdog ser po rjes bran bya/ /g.yas rkyang ba yi gnas pa de'i/ /zhags pas 'gugs shing 'dul ba yin/ /nub sgor rdo rje lcags sgrog ni/ /sku mdog dmar por 'jigs byed pa/ /sa ga'i 'dug stangs bzhugs pa dang/ /phyag gnyis rdo rje lcags sgrog bsnams/ /byan sgor rdo rje dril bu ni/ /sku mdog ljang gu dang ldan pa/ /dril bu'i sgra yis bdud rnams 'joms/ /zlum po'i 'dug stangs su bzhugs pa /rdo rje 'bebs pa zhes grags te/ /pad+ma nyi dkyil dbus gnas pa/ /nyi ma bye ba'i 'od pas lhag /dza(rgyud 'grel): hUM baM ho(rgyud 'grel): zhes bya ba'i/ /'phro ba'i sa bon bla med pa'o/ /sbyin dang tshul khrims bzod brtson 'grus/ /bsam gtan de bzhin shes rab dang/ /stobs dang de bzhin thabs dang ni/ /smon lam ye shes zhes bya ba/ /'bras bu'i gnas kyi pha rol phyin/ /rdo rje dril bu yang dag ldan/ /mdog dkar rdo rje sems dpa' yi/ /'khor du de dag gnas pa yin/ /de nyid rnam par dag ngo bor/ /mnga' dang gzhu yis rnam brgyan pa/ /mdog dmar rdo rje chags pa ni/ /thams cad dkyil 'khor yongs su bskor/ /gzhan don ngo bor gnas de nyid/ /phyag gnyis legs so sbyin pa dang/ /sku mdog ljang gu 'khor rnams kyis/ /rdo rje legs par bskor ba'o/ /rab tu dga' dang dri ma med/ /gsum pa de bzhin 'od byed dang/ /'od 'phro sbyang dka' de bzhin du/ /mngon gyur ring song mi g.yo ba/ /legs pa'i blo gros chos kyi sprin/ /sku mdog ser mo 'bras bdag nyid/ /dar dpyangs 'ching ba'i tshul gnas pa/ /rdo rje rin chen 'khor du gnas/ /de nyid lam gyi grangs kyis ni/ /nyi ma'i mdog can nyi ma bsnams/ /rdo rje nyi ma nyid bzhin pa/ /rjes su byed par gnas pa yin/ /sdug bsngal dang ni kun 'byung dang/ /'gog dang lam yang de bzhin du//

  206. 103b

    chos shes rjes su shes pa dang/ /kun rdzob shes dang de bzhin du/ /don dam de bzhin mi skye ba/ /zad pa shes pa'i ye shes ni/ /rang don phun sum tshogs dge ba'i/ /rin chen rgyal mtshan bsnams pa dang/ /mdog ljang rdo rje rgyal mtshan gyis/ /phun sum tshogs par bsgom par bya/ /gzhan don phun tshogs bdag nyid kyis/ /de bzhin zla ba'i 'od zer mdog /rdo rje bzhad pa la rten pa/ /so yi phreng ba rnam par brgyan/ /phung po khams dang skye mched dang/ /bden pa rten 'brel thub pa yi/ /gnas dang gnas ming bdag po dang dus gsum bden pa rnam pa bzhi/ /'dus byas 'dus ma byas dge ba/ /rdo rje chos kyis bsgom par bya/ /mdog dmar phyag g.yon pad+ma ni/ /bsnams nas g.yas pas 'byed par mdzad/ /gcig dang rgyu dang za ba dang/ /byed pa dang ni dbang sgyur dang/ /bdag po'i don dang rtag pa dang/ /nyon mongs pa dang dag pa'i gnas/ /rnal 'byor can dang ma grol grol/ /bdag tu 'dzin pa skye ba nyid/ /de dag spyod pa sku mdog gnag /phyag na po ti bsnams pa dang/ /nyon mongs gcod pa'i ral gri bsnams/ /rdo rje rnon bo zhes brjod do/ /dad dang brtson 'grus dran bsam gtan/ /shes rab de bzhin sha yi spyan/ /lha dang shes rab chos dang ni/ /sangs rgyas spyan dang dbang po yi/ /rdo rje 'khor lo sku mdog ser/ /lha mo 'khor lo bsnams pas bskor/ /gnas dang gnas min rnam smin dang/ /mos pa dang ni sna tshogs khams/ /dbang po kun 'gro lam dag dang/ /nyon mongs rnam par byang ba dang/ /sngon gnas rjes dran skye 'chi dang/ /zag pa zad pa nyid kyang ste/ /rdo rje smra ba zangs kyi mdog /phyag gis lce bsnams 'khor gyis bskor nam mkha' rnam shes mdza' yas dang/ /de las gzhan pa zil gnon brgyan/ /rdo rje las ni sku mdog ljang/ /sna tshogs rdo rje dril bu snams/ /'byung ba rnam pa bzhi dag dang/ /sngon po ser po dkar dmar dang/ /nam mkhar de bzhin sems dang ni/ /zad par

  207. 104a

    rnam par dag ldan pa'i/ /bsrung ba ser po go cha bsnams/ /rtsa ba'i mtshan nyid de kho na/ /phyin ci ma log mtshan nyid dang/ /'bras bu rgyu'i de kho na/ /phra ba dang ni rags pa dang/ /grags dang rnam par dag yul dang/ /bsdu dang dbye ba'i mtshan nyid dang/ /mkhas de kho na rnam bcu ni/ /rdo rje gnod sbyin sku mdog gnag /phyag gnyis mche ba bsnams pa'o/ /tshe dang sems dang yo byad dang/ /las dang skye bo mos pa dang/ /smon lam dang ni rdzu 'phrul dang/ /ye shes chos la dbang 'di rnams/ /rdo rje khu tshur sku mdog dkar/ /phyag gnyis khu tshur bsnams pa'o/ /so so'i gtso bo'i sngags kyis bskyed/ /rang rang sngags kyis mchod pa dang/ /rdo rje skyil krung phyed kyis ni/ /'di dag rim bzhin gnas pa yin/ /'di ltar bsgom pa'i rnal 'byor pa/ /yon tan phun sum tshogs pa ni/ 'di skad gsungs pa bzhin du thob/ /dngos grub gzhan ni smos cing gos/ /me mtshams sgeg mo sku mdog dkar/ /phyag gnyis rdo rje bsnams nas ni/ /sgeg dang bcas pas dkur brtan nas/ /skal bzang thams cad 'byung ba'i gnas/ /bden bral rdo rje phreng ba ma/ /mdog ser rin chen phreng ba bsnams/ /rlung du glu ma sku mdog dmar/ /pi wang brdung ba'i mchog yin no/ /dbang ldan gar ma rdo rje ni/ /rtse gcig bsnams nas gar mdzad do/ /bdug pa me tog mar me dri/ /spos khang me tog phreng ba dang/ /mar me dri yi dung chos bsnams/ /sku mdog sgeg mo la sogs bzhin/ /de yi phyi rol dkyil 'khor du/ /sems can kun don byed bdag nyid/ /dpag med gzi brjid rnyed dka' ba'i/ /gang 'di byang chub sems dpa' rnams/ /sku la mdzes shing nyer zhi ba/ / phyag gnyis pa la zhal gcig pa/ /pad+ma zla ba'i dbus su na/ /sems dpa' i skyil krung gis legs zhugs/ /mgon po byams pa la sogs pa/ /rin chen cod pan snang bar bsgom/ /de la byams pa phyag g.yas kyis/ /mchod sbyin dpung rgyan mdzes pa dang

  208. 104b

    gnyis pa phyag gnyis klu shing ni/ /mdzes pa yang dag bsnams pa yin/ /'jam dbyangs phyag na ral gri ni/ /rin po che yi mdzes pa rnams/ /chos kyi sbyin pa rjes byed pa'i/ /gzhan gyi shes rab po ti bsnams/ /spos kyi glang po gsal byed pa/ /dri yi dung chos bsnams pa dang/ /g.yas pa'i phyag gi mchod sbyin dang/ /spyi bor 'od dpag med rol ldan/ /ye shes rtog ces bya ba ni/ /thod kyis mtshan pa'i cod pan bsnams/ /zla rgyas rnam par mdzes pa yi/ /bzhi po dri ma med pa'i 'od/ /gti mug mun pa lta bu ni/ / 'joms par byed pa ? gyi yi/ /dpal ldan bzang skyong zhes bya ba/ /sku mdog gser gyi mdog 'dra ba'i/ /rin chen 'bar ba lho phyogs/ /nor bu rgyal mtshan phyag na bsnams/ /phyag g.yon de bzhin nam mkha' yi/ /mdzod ni rgya cher snang ba'o/ /blo gros rgya mtsho gser gyi mdog /phyag gnyis bskal pa bzang po yi/ /dpag bsam shing dang bum pa bzang/ /sems can don mchog 'dzin pa yin/ /blo gros mi bzang phyag g.yon gyis/ /po tis mtshan pa'i ral gri bsnams/ /spobs pa brtsegs pa de bzhin du/ /phyag na ral gri mtshan pa yin/ /gshin rje'i phyogs su bzhugs pa rnams/ /sku mdog ser po 'od zer ldan/ /byang chub phun tshogs mi zad pa'i/ /'di dag sems can rnams la bstan/ /mthu chen thob pa ral gri dang/ /rgyal mtshan dag gis legs par brgyan/ /ngan song kun 'dren zhes bya ba/ /dpal be'u 'dzin cing byams par byed/ /mya ngan kun 'joms blo gros ni/ /phyag na g.yu drung 'khyil ba rnams/ /zla bas mtshan pa'i dril bu dang/ /dril bu'i sgra yi rnam pa yis/ /mtshan ma'i gdugs ni 'dzin pa dang/ /dman pa dga' ba phun tshogs pa'i/ /skyed pa'i lus kyi dra ba can/ /pad+ma ge sar ltar dmar ba/ /nub kyi phyogs su zhugs pa'o/ /zla 'od gzhon nu gsal ba yin/ /po tis mtshan pa ral gri bsnams/ /skal ldan rin

  209. 105a

    chen mdzod chen po/ /'od dpag med ni bsnams pa yin/ /nam mkha' i snying po phyag g.yas kyis/ /rin po che ni btegs nas bsnams/ /sgrib pa thams cad rnam sel ba/ /phyag g.yas ral gri bsnams pa dang/ / sna tshogs rdo rje g.yon na bsnams/ /mya ngan thams cad sel ba yin/ /byang gi phyogs su bzhugs pa rnams/ /thams cad sku mdog ljang gu yin/ /yang na thams cad rims bzhin du/ /g.yas pa'i phyag na rdo rje dang/ /rin po che dang chu skyes dang/ /sna tshogs rdo rje bsnams pa dang/ /ji ltar rang gi phyag rgyas mtshan/ /phyag g.yon dril bu bsnams pa yin/ /'di rnams rim bzhin sngags kyis ni/ /nyon mongs ma lus sel ba yin/ /oM mai tri ya saM hA ra na ya swAhA/ /oM many+dzu sh+rI ye swAhA/ oM h+ri gand+ha ha hi ye swAhA/ oM dz+nyA na ge tu ye swAhA/ oM ba tra la ye swAhA/ oM swA ka ra ma ti ye swAhA/ oM ak+Sha ye h+ri/ ak+Sha ya karma a pa ra na bi shud+d+ha ne swAhA/ oM pa te pa na kun+te hUM swAhA/ oM s+tha mi ma ha s+tha ma ba d+hi swAhA/ oM A karya swAhA/ oM sarba ku sha ta nerg+ha ta naM d+hi hUM swAhA/ oM dzwa len ma hA dzwa la ni hUM swAhA/ /oM tsand+ha su tsan+t+ri tsanda bya ba la ki na swAhA/ oM a mi tA b+hA to hUM swAhA/ oM kha A ka sha g+harba ya swAhA/ oM sarba ne pa ra ni sh+ka ne swAhA/ /rdo rje hUM mdzad dbang ldan du/ /sku mdog nag po zhal bzhi pa/ /dang po khro zhing sgeg pa dang/ /g.yas pa drag po 'jigs rung dang/ /de las gzhan pa dpa' ba dang/ /steng gi zhal ni rngam pa yin/ /snying khar khams gsum rnam rgyal gyi/ /phyag rgya bcings pa'i phyag gnyis ni/ /rdo rje khu tshur gnyis bcings pa/ /rgyab tu sbyar nas mthe'u chung gnyis/ /rdo rje lu gu rgyud bcings nas/ /mdzub mo gnyis ni legs par sbyar/ /g.yas na ral gri lcags kyu mnga' / /gzhu dang sprul zhags rdo rje g.yon/ /de yi zhabs kyi skod pa yis/ /dregs pa

  210. 105b

    dbang phyug chen po'i dang/ /u ma'i nu ma g.yas pa yi/ /zhabs kyis gnon pa bzhugs pa yin/ /rdo rje me ltar 'bar ba ni/ /mi thung dud ba'i mdog can no/ /g.yas na rdo rje ral gri dang/ /de bzhin du ni 'khor lo bsnams/ /g.yon na dril bu zhags pa gzhu/ /ba dan sna tshogs g.yon pas brgyan/ /kha TwAM ga yi g.yeng ka yi/ /sgra yis phyogs kun khyab pa dang/ /khyab 'jug chung mar bcas pa la/ /g.yas brkyang ba'i dga' bas bzhugs/ /'khrul pa rnam par dag ngo bo/ /de ni spangs pa'i mchog yin no/ / de bzhin bden bral mtshams su ni/ /dpal ldan dpa' khrag 'thung rgyal/ /dang po'i zhal ni drag po dang/ /g.yas zhal dga' ba'i rgyal ba dang/ /steng ma za bar byed pa dang/ /g.yon pa mchog tu sgeg bar gnas/ /'bar ba'i rdo rje sna tshogs kha TwAM sgeg pa dang/ /'jigs byed lpags dmar rlon pa rim par ni/ /g.yas dang g.yon gyi phyag gis mda' dang gzhu/ /phyag gnyis kyis ni khrag gis bkad pa'i thod pa bsnams/ /g.yas rkyang zhabs kyis 'jigs byed chung mar bcas pa mnan/ /'gro ba'i byed po ked rus rgyan dang ska rags dang/ sangs rgyas mtshan ma nang gnas pa'i/ /thod pa lnga yi cod pan gsal/ /bgegs tshogs ma lus rengs byed pa'i/ /sprin nag po yi sku 'chang ba/ /rnam par dag byed mgon po yis/ /phreng ba rus pa'i dum bu yis/ /sprul nag po'i ngo bos ni/ /'jigs pa ma lus sel ba yin/ /'dod chags nye bar zhi ba'i mi bzang sgeg pa'i spyod pa dang/ /chags dang bral ba spong bas sgyu ma'i phreng ba 'chang ba yin/ /mang po ji ltar gcig yin gcig tu rtogs nas gzhan pa yin/ /de yang skye ba de nyid dngos kun bdag po nyid kho na/ /rnal 'byor sgom par byed pa mya ngan 'das mchog yin/ /'od zer 'bar ba dpal ldan khrag mthung ye shes phyag rgya yin/ /rlung gi phyogs kyi rta mchog ni/ /de ni zhabs bzhir/ yang dag ldan

  211. 106a

    spyan gsum khro bo sgeg pa yis/ /gtso bo'i zhal gsum g.yas pa ni/ /drug po g.yon pa tshangs pa ni/ /rta gdong ste ma ljang gu'o/ /ba dan sum ldan g.yas pa ni/ /steng du slong bar byed pa'i tshul/ /ral gri mda' ni 'dzin pa gzhan/ /thod pa sna tshogs chu skyes dang/ /mdung thung dang ni dbyig pa dang/ /bzhi ni g.yon pa'i phyag bzhi la'o/ /g.yas kyi gtso bo'i zhabs kyis ni/ /dpal mo dbang mo gzhan gyis ni/ /chags ma dga' ma mnan pa yin/ / ting 'dzin reg pa thob byed yin/ /g.yon gyi dbang po myos byed dang/ /myos dang brgyal byed de bzhin du/ /rjes su 'dzin par byed pa dang/ /'di yis rta skad 'tsher ba yis/ /bdud rnams snying ni 'gas pa dang/ /spros pas byang chub 'gro bar byed/ /bzhi po 'di dag 'bar ba yis/ /lus mdza' i me yis kun khyab dang/ /spro zhing gyen du 'bar bo'o/ /gtsug gi nor bus gsal ba'i sku/ /oM sum b+ha ni suM b+ha hUM/ grih+Na grih+Na hUM/ grih+NA pa ya grih+NA pa ya hUM/ A na ya ho b+ha ga bAM bi dyA rA dza hUM phaT/ oM badzra dzwa la a na lArka hUM/ oM he ru ka badzra sa ma ya hi/ sarba duSh+Ta sa ma ya mu ta pany+tsa ka hUM phaT/ oM sum b+ha ni suM b+ha hUM phaT/ zhes bya ba rgyal po'i sras kyi dkyil 'khor ni/ /gang gi sems kyi spro ba 'jug pa yin/ /lha yi dbang po mchod pa byed pa 'di/ /thos pa'i lam du song bas spos chu'i char 'bebs pas/ /'jig rten kun gyi sdig pa'i me dpung zhi bar byed/ /de nas rdo rje shugs kyis ni/ /phyi rol dbang ldan la sogs nas/ /brtsams nas cho ga bzhin bltas nas/ /mchod pa la sogs rnal 'byor rgyal/ /sngags na dang por phyag 'tshal dang/ /swAhA'i mdza' can gzi brjid che/ /bzhi pa'i mdza' can rang rang min/ /dbus su de ni sbyar bar bya/ /phyag 'tshal thal mo sbyar byas nas/ /spyi bor thal mo 'jog pa yin/ /mdog

  212. 106b

    dang phyag la sogs pa dag /chung ma rang rang bdag po mtshungs/ /rtse gsum thod pa 'dzin pa dang/ /phyag bzhi pa la spyan gsum pa/ /cod pan ral gri khyu mchog gdan/ /lha mo nye bar gnas pa'ang yin/ /phyag gnyis pad+ma phreng ba dag /tshangs pa'i spyi bo thal mo sbyar/ /mdog ser zhal bzhi dang pa'i gdan/ /phyag gnyis dbyug pa spyi blugs bsnams/ /phyag gnyis 'khor lo dang bcas dung/ /mgo la legs bcing thal mo sbyar/ /mdog nag mda' gzhu be con bsnams/ /mkha' lding gdan la be'us mtshan/ /'di dag 'khor dang bcas pa ni/ /sha rtsi dpa' bo gser glang po/ /gshin rje ma he'i gdan la bzhugs/ /nag po dbyug pa mdung thung bsnams/ /chu lha chu srin steng du ni/ /dkar po dung dang sprul zhags 'dzin/ /g.yas g.yon lcags kyu dbyug to dang/ /lus ngan ser ro mi la bzhugs/ /phyag gnyis phreng ba blugs gzar dang/ /spyi bor thal sbyar me lha ni/ /mdog ser ra skyes dag la bzhugs/ /dbyug pa gund+he 'dzin pa'o/ /bden bral mi ro'i gdan la bzhugs/ /ral gri dang ni phug 'dzin pa'o/ /rlung lha ba dan bsnams pa dang/ /ri dags gdan la sngo bsangs mdog /khyu mchog la gnas dbang ldan ni/ /spyi bor thal mo sbyar ba 'ching/ /rtse gsum thong 'dzin kha dog dkar/ /'di kun 'khor la phyogs pa'o/ /pad+ma nyi ma 'chang ba ni/ /nyi ma stag gi gdog la bzhugs/ /zla ba dang ba la gnas pa/ /dkar po zla ba chu skyes bsnams/ /mig dmar mdog dmar pad+ma'i gdan/ /g.yas pa'i lag gis chu gri dang/ /de las gzhan pa mi mgo rba/ /pad+ma la gnas gza' lag ni/ /mdog ser mda' gzhu bsnams pa'o/ /bla ma dkar po chu skyes gdan/ /phreng ba dang ni spyi blugs bsnams/ /de bzhin ba bsangs spen pa/ /mdog nag rus sbal la gnas pa/ /lag na dbyug pa thogs pa'o/ /sgra gcan zla ba nyi ma thogs/ /'jug rings ral gri zhags pa thogs/ /rgyu skar dkyil

  213. 107a

    'khor bud med gzugs/ /lha mo'i rnam par mdzes pa yin/ /spyi bo thal mo sbyar ba ru/ /bsgom bya sna tshogs rgyan gyis brgyan/ /dkar po dang po bzhi pa dang/ /drug pa bdun pa 'ang de bzhin no/ /dgu pa dang ni bcu pa dang/ /bcu gsum pa'ang de bzhin no/ /bco lnga pa dang bco brgyad pa/ /nyi shu gnyis pa'ang de bzhin no/ /nyi shu gcig dang nyi shu dgu /nyi shu brgyad pa'ang de bzhin no/ /sngo sangs dag ni gsum pa dang/ /de bzhin lnga dang brgyad pa dang/ /bcu gcig pa dang bcu drug pa/ /de nas yang ni bcu bdun pa/ /nyi shu nyi shu gsum pa dang/ /nyi shu bzhi pa'ang de bzhin no/ /ljang gu dag ni gnyis pa dang/ /bdun pa dang ni bcu bzhi pa/ /bcu gnyis bcu dgu nyi shu la/ /nyi shu drug pa'ang ser po ni/ /gzhon nu gser gyi mdog can gdong drug rma bya'i gdan la bzhugs/ /mdung thung rdo rje dril bu dang/ /khyim bya dag ni phyag na bsnams/ /glang sna dkar po lag bzhi pa/ /sbrul gyis mchod phyir thogs 'chang zhing/ /la tu la phug tri shul/ /de bzhin du ni gri khug thogs/ /byi ba la gnas nag po ni/ /dga' byed rdza rnga brdung bar byed/ /rtse gsum thod pa 'dzin par ni/ /nag po ma hA ka lar grags/ /ma mo'i dkyil 'khor mtshungs pa yis/ /b+h+ring gi ri ti de bzhin mchod/ /tshangs ma dang ni go cham/ /drag po dbang mo gzhon nu rang gi bdag po ji bzhin no/ /yi dags la gnas phag mo ni/ /mdog nag pa la thod pa 'chang/ /mdog dmar mche ba gtsigs pa yi/ /yi dags gdan la gnas pa ni/ /chu gri dang ni thod pa dag /de ni gtum mo yis ni 'dzin pa yin/ /mkha' ldings pa pus mo'i bar/ /dkar ser de nas lte ba'i bar/ /de nas mgrin pa nyi ma'i mdog /kha ni mig sman nag po'i mdog /stobs bzang glang po la gnas pa/ /ral gri gshol 'dzin dkar po yin/ /rgyal bar byed pa kha dog ljang/ /khu byug shing rta la gnas

  214. 107b

    me tog phreng dang mda' gzhu dang/ /kham por lag na thog pa yin/ /sbrang rtsir byed pa kha dog dkar/ /ne tso la gnas kham por dang/ /mda' gzhu chu srin rgyal mtshan bsnams/ /dpyid lha skal ldan mdzes pa ni/ /dre'u la gnas kha dog dkar/ /mda' dang gzhu dang kham phor dang/ /ral gri de ni 'dzin pa yin/ /sprul gyis bdun bdun ldan pa'i klung/ /thal mo sbyar ba byas nas 'dug /mdza' yas rigs ldan mdog dmar po/ /bram ze'i rigs te me las skyes/ /rgyal rigs dbang chen las skye ser/ /dung skyong dang ni nor rgyas bu/ /'jog po dang ni pad+ma che/ /nag po rje'u rigs rlung las skyes/ /stobs kyi rgyu dang pad+ma ni/ /dmar rigs dkar po chu las skyes/ /stobs bzangs? ni thags bza' rigs/ /rab dgar dang ni rnam snang mdzad khrab dang go cha ral gri dang/ /phub dang g.yul la 'jug pa yin/ /gser gyi mdog can bu dang bcas/ /gter ni spro ba'i phyogs byed pa'o/ /gnod sbyin bdag po na ku la/ /sa bon grong khyer 'dzin pa yi/ /nor bu bzang po gser gyi mdog /gang ba bzang po sngon po yin/ /nor sbyin kha dog dmar po yin/ /de bzhin rnam thos sras ser po/ /rtse gcig thun dang kha dog dmar/ /ki li mi li de bzhin gnag /sgo dbang spyod pa'i dbang po ni/ /ser po rgyud mang rdung ljon pa/ /chung ma dang bcas dkar po ni// gtsug phud lnga pa de bzhin no/ /bdag gi don kun grub pa dang/ /don med thams cad sel ba'o/ /rtsa bzhin rnyad bla'i thar pa ni/ /thams cad sangs rgyas bstan las yin/ /dkyil 'khor 'di yi 'khor lo yi/ /ming tsam yang ni rnyed par dka' / / spu ba chu bur snying po med pa yi/ /'khor ba chos gyi rin chen ldan/ /skal ldan 'ga' zhig nyid 'dir ni/ /mtho ris 'dod pa de las thob/ /'ga' zhig tshangs pa'i 'jig rten dang/ /de las mya ngan 'das mchog yin/ /de las snying po snying po mchog

  215. 108a

    bsgrubs pa'i byang chub sems dpa' rnams/ /bde gshegs kun gyis gang gsungs pa'i/ /zab cing rgya che'i chos rnams 'thob/ /yon tan de las kyang 'byung ba/ /'di ltar de la mchod pa rnams/ /mchod dang bzhugs gsol dga' ba dang/ /ting nge 'dzin la mnyam gnas gzhan/ /mtshungs med mchod pa byed pa dag /des ni ting 'dzin thams cad 'grub/ /'di ni mchod dang mchod byed pa/ /lha mchog rnams kyis de mchod yin/ /dga' chen rgya mtsho rlabs kyis ni/ / 'jig rten bsil bar byed pa yin/ /mchod dang bsnyen bkur bcas pa dang/ /sna tshogs bkod pa'i khyad par ldan/ /de ni nam mkhar byed pa 'di/ /de skad cig gis ni ngo mtshar rtogs/ /gzhan dang gzhan ni grangs med spro/ /nam mkha' shin tu rgya chen po/ /mchod pa'i sprin mi khyab pa yi/ /rin chen me tog sogs char gyis/ /dpag bsam shing rgyas skyed mos tshal/ /gnas 'di 'byor pa'i bdag nyid 'di/ /'di ltar sngon med sna tshogs gzugs/ /yongs su bzung nas spro bar bya/ /dang bas snying ga'i pad rgyas pa'i/ /bde ba'i dpal ni 'byung ba'i gnas/ /sgeg pa'i ro yis bcus pa yis/ /rab tu spros pa rgyas pa yin/ /de dus yun ring gnas pa yi/ /drag po'i byang chub sems de ni/ /lus las ba sbu ldang ba dang/ /rdo rje mchog ni skye ba yin/ /spos lha'i me tog rgyas tshogs kyis/ /gnas kun sprin gyi dra bas khyab/ /'khor lo'i sems ni sna tshogs ro myong ba'i/ /g.yo dang mi g.yo 'khor lo'i bdag nyid ni/ /rnam pa sna tshogs 'byor pa'i gnas 'di ni/ /mchog gi mthu yis rgyas par spyod bzang po/ / pi wang rdza rnga rnga rings la sogs mnyam 'jug pa/ /gsang bar sgrogs pa chos kyi de ni mchog yin no/ /nyon mongs dri ngan rnam par spong byed gar 'byung ba'i/ /phyag rgya rgyun gyi sgeg pas lhan skyes rjes su byed/ /lha mo phyag gis pad+ma rnam par 'jug pa

  216. 108b

    yis/ /rdzing bu rlung gis bskyod pa'i pad+mar mnyam par byed/ /rgod dang lta dang lag bcangs dang ni gnyis gnyis khyud/ /mthong ba bdud rtsi dam pa bde ba gtso bo yin/ /gang zhig 'dir ni phyag rgya'i thabs ni chen po yi/ /'bras bu thams cad ston pa yongs su spro ba yin/ /'di ltar cho ga ngo mtshar chen po'i gnas sna tshogs/ /phun tshogs sgeg pa'i rgyas pa nyams myong 'byung/ /dkyil 'khor bdag po nas brtsams dkyil 'khor lta/ /'khor lo grangs med rnam par 'byung ba yin/ /'di ltar so sor bdud rtsi dpag med de 'di rgyas pa las/ /lhan skyes yon tan brgya 'gyur gnas pa yin/ /des na 'di ltar phan tshun lhag par spros pa yis/ /khyad 'phags kun gyis ma byas chos ro 'byung ba yin/ /'di ltar sgrub pa dge ba rab 'byam bdag nyid ni/ / gang zhig rang bzhin rtogs pa'i rang bzhin no/ /des na de nyid bdud rtsi rgyas kun 'jug pa yin/ /lhan skyes mi g.yo rtogs pa'i mya ngan 'das/ /mchod pa'i so sor ting 'dzin thabs thob pa/ /thog ma med pa'i gter rnams sangs rgyas kun gyi bsngags/ rig pa dang ni gzhan dag de bzhin nyid stong pa/ /shes rab byang chub chos dang bdag med ces/ /'di 'dra'i phyi rol mchod pa chung gyur kyang/ /mchod pa'i tshogs kyis mchog 'gyur de nyid mthong ba nyid/ /'di'i sgrub pa sems can mchog ni rnyed par dka' ba yin/ /'di ni bdud rtsi'i rang bzhin las gzhan ces na 'gyur/ /gang dag thub pa'i sku gzugs ras bris glegs bam sogs/ /de nyid mngon par rlon zhing zhi bar 'dod pa nyid/ /de nyid phal du gnyis las yun ring nyams par 'gyur/ dge ba'i las bral stong pa nyid la dgongs pa med/ /mun nag thibs po zla ba'i 'od dang bral ba las/ /pad+ma rgyas bral kha bas g.yogs pa'i mtsho bzhin no/ /rig pa dang bral nor dang dka' thub sred pa dang/ /thub pa mchod bral de nyid shes pa yis//

  217. 109a

    des ni lha rnams dga' bar byed min de su zhig /des na yon tan nyid thob min ba de gang zhig /gang du 'di ma gtogs par 'gro bar gtso bo gang/ /gang zhig mchod pa 'ang de bzhin mthong bar 'gyur/ /chu bo bab pa rgya mtsho'i ngang ba dang/ /sa la me tog rgyas par 'byung ba dang/ nyi ma shar bas don dam bsten pa dang/ /mchod pa byed pa mchog de'i stobs kyis ni/ /ngan pas gzhan la gnod pa byas pa las/ /mi gtsang ba nyid cis ni byung mi 'gyur/ / de'i dag pa'i bdag nyid lag pa las/ /lha rnams me tog dag ni len pa yin/ /gang zhig sdig pa spangs pa dang/ /lan gsum la gnas brtan pa ni/ /'jig rten gsum dag 'di dag gi /bsod nams chen po 'byung bar 'gyur/ / 'di'i sgra las de las gzhan/ /phal ba 'di dag 'jug pa yin/ /'di gtso nyid du mngon rlom pa/ /chos kyi lam las ltung ba yin/ /dam pa'i chos dang glegs bam dag /mdun du so sor byas nas ni/ /sngar bshad pa yi sngags kyis ni phyag 'tshal mchod pa la sogs bya/ /sangs rgyas rnams kyi ye shes yul/ /sngags kyi bsod nams phung po 'di/ /dkon mchog gsum la phyag 'tshal ba/ /sngon du 'don pa'i rim pa yis/ /lce zla hUM yig la 'byung ba'i/ /rdo rje dbus su h+rI(rgyud 'grel): yig las/ /byung ba'i chu skyes dbus ram dzi/ /dkar po 'od zer 'khrugs pa las/ /sngags pas snang ba mdza' yas bsgom/ /sngags bskul nas ni bzlas pa bya/ /de la sngags ni 'di yin te/ /oM pad+ma sa ra satwa sarba pra barta ya shud+d+ha ya/ hUM h+ri ri dzi/? chos rnams kun la chags med par/ /sems can thams cad gyur cig ces/ /bsams nas de'i snying po bsal/ /'di yi sngags dang dad ldan pa/ /oM badzra bi ga hUM/ sems can rnams kyi dri ma rnams/ /gsal lo zhes ni

  218. 109b

    rnams bsams nas/ /'di yis sngags pa yid gzhug pas/ /dri ma thams cad bsal bar bya/ /oM sa man+ta pa rik+Sha ku hya tsa ri tsa ra hUM/ pad+ma 'dam gyis ma gos ltar/ /'gro la phan tshun 'grogs par shog /chags pa med par byung ba'i phyir/ /sngags pas dag pa rnam bsam bya/ /oM ne rma ni sha d+ha hUM/ rnam pa thams cad yongs gcod pa/ chos dbyings rang bzhin 'od gsal ba/ /bsgoms nas gang 'di dkyil 'khor 'di/ /byed pa sngags pa mkhas pa yin/ /oM mahA maN+Dal hUM/ /rang bzhin stong par bsgoms pa'i bdag kun la chags pa med sems kyis/ /sngags kyi chu yi thig le yis/ /rang gi spyi bor dbang bskur bya/ /oM sarba ta thA ga ta a b+hi Shiny+tsa sa ma ya sh+ri ye hUM/ chos rnams thams cad rang bzhin gyis/ /gnas pa med par bsgom par bya/ /bde ba'i stan la 'dug nas ni/ /sngags pas mchod pa brtsam par bya/ /oM a mo g+ha pad+ma ba sund+ha ri d+ha ra da re maN+Da hUM/ /las kyi dkyil 'khor sbyor bdag nyid/ /de nas dad pa'i mchod pa brtsam/ /bgegs mthar byed pa 'am bgegs 'joms pa/ /bgegs rnams zhi bar bya phyir mchod/ /mchod pa'i lha mo rnam pa brgyad/ /ji lta bzhin du sbyor rigs pas/ /g.yon pa la gnas dri gzungs dang/ /g.yas pa la gnas gzhan g.yon no/ /dang po la dbul ba bya ba ni/ /arga'i gnod ni dag byed dang/ /pad+ma phyag rgya ldan g.yos pas/ /de la ba dan gsum pa dag /de nyid shes pas yi ge ni/ /gsum gyis byin gyis brlab par bya/ /arga'i snod chu thogs pa yis/ /me tog la sogs bsangs nas ni/ me tog la sogs lha mo yis/ /sngags ni ji lta bzhin du brjod/ /de nyid mngon sum byas bdag nyid/ /bsngags pa bla ma mchod par bya/ /brtul zhugs nyams pa la gzhan du/ /'dir ni gang du 'gro bar 'gyur/ /dbang po la sogs rnyed dka' ba/ /

  219. 110a

    gang zhig byin gyis brlabs las thob/ /'dir thal mo sbyar byas nas/ /de'i sngags kyis spyan drang ngo/ /oM sarba ta thA ga ta badzra ny+dza li sa ma ye hUM/ zhes bya ba'i thal mo'i sngags so/ /phyogs rnams kun gyi sangs rgyas rnams/ / sras bcas 'jig rten rab grags pa/ /rdo rje rin chen rigs dang ni/ /pad+ma las kyi rigs de bzhin/ /snying po phyag rgya rim pa rnams/ /lha'i tshogs kyi thams cad dag /de dag bdag la dgongs su gsol/ /chos kyi dbyings la gnas pa rnams// bdag ming che ge zhes bya ba/ /chos dbyings bdag nyid grong khyer ni/ /de ring dkyil 'khor mchad par bgyi/ /yo byad ci 'byor pa yis mchod/ /sems can rnams la brtse ba dang/ /khyed rnams la yang mchod pa'i phyir/ /rjes su brtsebs nyer dgongs la/ byin gyis brlabs pa mdzad par rigs/ /oM sarba ta thA ga ta bo d+hi satwa pa ri shud+d+ha swa b+hA ba At+mA nAM shud+d+hi saM pU ra ya hUM/ zhes bya ba 'di ni spyan 'dren pa'i sngags so/ /mchod cing bsnyen bkur bya ba'i phyir/ /de nas bdag nyid dbul bar bya/ /de la sngags ni/ oM sarba ta thA ga ta pU dza pas+tha na ya At+mA NI nirya ta ya mi/ oM sarba ta thA ga ta pra ti grih+na tu maM/ oM sarba ta thA ga tA d+hi tiSh+Tha tu maM/ oM a mo g+has n+tiSh+ThaM tu hUM/ zhes byin gyis brlab pa'i sngags so/ /sngags kyi don ni 'di lta bu/ /bsgoms la bdag nyid de mchod do/ /oM sarba ta thA ga ta pU dza badzra swa b+hA wa At+ma konyahaM/ zhes so/ /sdig pa mthu mo'i bag gi tshogs/ /dril bu'i sgra yis bdud tshogs 'dzoms/ /sngags kyi grub pa 'dzin pa ni/ /phyag rgya dang por chen po'i tshig /zhes grub pa'i dpal rdo rje dril bus kyang ni mchod pa yin/ /oM d+hi byA mo b+ha b+hi pu la s+tha ra/ ma d+hu ra nerg+hu sha ru ti ra na ra na hUM/ /ye shes lnga'i bdag nyid cig /gnyis med gnyis su ji ltar 'gyur/ /'di ltar rang bzhin spros pa las/ /sgyu 'phrul rdo rje rtogs pa yi/ /de nyid blo

  220. 110b

    yi mchod par bya/ /oM sarba ta thA ga ta sid+d+hi badzra sa ma ya tiSh+The Sha/ twaM d+ha ra ya mi ho hi hi hUM/ de la gnas pa 'ga' zhig ni/ /mchod pa de yang lhag par gus/ /sems can dang ni sangs rgyas rnams/ /rang bzhin don dam yin pa'i phyir/ /de yang dman dang lhag pa la/ /sgra yi rdo rjes mchod par bya/ /dril bu'i sgra ni sgrogs pa dang/ /sngags dang gdug pa bstod pa dag /'don pa rjes su sgrogs pa yis/ /dad pa'i rgya mtsho sna tshogs pa'i/ /brlabs kyi mgon po mngon dgongs mdzod/ /'khor lo'i rtsa ba'i sngags kyis ni// yang dag 'das pa spyan drang ngo/ /dkyil 'khor pa kun rang sngags kyi/ /de nas bum pa gang ba yis/ /mgul chings phreng bas rnam par brgyan/ /'dab ma dang bcas dpal 'bras bu/ /gsang sngags kyi ni dbul bar bya/ /oM badzrad+da ka hUM/ gang pa'i snod kyis de bzhin mchod/ /'gro ba rgyas pa'i yid dga' ba/ /oM ba tra bu ra ya a a mo g+ha ba ti sa man+ta pra ni swAhA/ de nas me tog rgya bcings la/ /me tog char rgyun 'jug pa yis/ /spyi bor thal mo sbyar byas la/ /badzra band+ha zhes brjod nas/ /gang 'jig rten gyi khams 'di 'am/ /gang yang phyogs bcu'i 'jig rten gyi khams thams cad na/ /lha dang mi rnams kyi me tog gi bye brag yid las byung ba dang/ /chu las skyes pa 'am/ thang las skyes pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir ro/ /phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang/ snying po dang/ phyag rgya dang/ gsang sngags dang rig sngags kyi lha'i khyad par thams cad la dbul bar bgyi'o/ /oM sarba ta thA ga ta puShpa pu dza me g+ha sa mu dra spha ra Na sa ma ye hUM/ de nas bdug pa'i phyag rgya bcings nas ni/ /tshul khrims kyi ni bdug pa yis/ /'gro ba bdug par gyur cig ces/ /mkhas pas 'di ltar

  221. 111a

    brjod par bya/ /gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na lha dang mi rnams kyi bdug pa'i bye brag /lhan cig skyes pa 'am/ /yang dag par sbyar ba 'am/ /yongs su gyur pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas pa bzhugs pa thams cad dang/ snying po dang phyag rgya dang gsang sngags dang rigs sngags kyi lha'i khyad par thams cad la dbul bar bgyi'o/ /oM sarba ta thA ga ta d+huA pa pU dza me g+ha sa mu tra spha ra Na sa ma ye hUM/ mar me phyag rgya snying kha ru/ thal mo sbyar la mthe bo gnyis/ /mnyam du sgreng bar byas nas ni/ /'di ltar 'das pa yang dag pa'i/ /ye shes khyad par dang ldan pa'o/ /gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ /lha dang mi rnams kyi snang ba'i bye brag yid las byung ba 'am/ rin po che'i 'od dam mar me'i snang ba la sogs pa gang dag yod pa 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang/ snying po dang phyag rgya dang/ gsang sngags dang rig sngags kyi lha'i khyad par thams cad la dbul bar bgyi'o/ /oM sarba ta thA ga ta A lo ka pU dza me g+ha sa mu dra spha ra Na sa ma ye hUM/ dri rnams bkod la gar dang ni/ /dri yi phyag rgya bcings nas ni/ /dri ma med pa'i bdag nyid la/ /bltas nas brjod par bya ba ste/ /gang yang 'jig rten gyi khams 'di 'am/ /gang yang phyogs bcu'i 'jig rten gyi khams thams cad na/ /lha dang mi rnams kyi dri'i bye brag lhan cig skyes pa 'am/

  222. 111b

    yang dag par sbyar ba 'am/ yongs su gyur pa can gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ /phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang/ /snying po dang phyag rgya dang gsang sngags dang rig sngags kyi lha'i khyad par thams cad la dbul bar bgyi'o/ /oM sarba ta thA ga ta gand+he pU dza me/ g+ha sa mu dra spha ra Na sa ma ye hUM/ thal mo spyi bor bzhag nas ni/ /'di skad ces ni brjod par bya/ /gang yang 'jig rten khams 'di 'am/ gang yang phyogs bcu'i 'jig rten gyi khams thams cad na/ lha dang mi rnams kyi rin po che'i ri bo 'am/ rgya mtsho rin po che'i tshogs gang dag yod pa de dag thams cad 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ /phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang/ snying po dang phyag rgya dang/ gsang sngags dang/ rig sngags kyi lha'i khyad par thams cad la dbul bar bgyi'o/ /oM sarba ta thA ga ta nai bi dyaM ka ratNA laM ka ra pU dzA me g+ha sa mu dra spha ra Na sa ma ye hUM/ gar skor thal sbyar spyir bzhag la/ /bzhad pa'i phyag rgya bcings nas ni/ /'khor ba nang 'khor rnams kyang ni/ /bzhad pa nyid 'gyur ces brjod la/ /gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ lha dang mi rnams kyi rgod pa dang sgeg pa dang/ dga' ba dang rtse 'jo bde ba'i bye brag gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ /phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad

  223. 112a

    dang/ snying po dang phyag rgya dang gsang sngags dang rig sngags kyi lha'i khyad par thams cad la dbul bar bgyi'o/ /oM sarba ta thA ga ta hA sya lA sye ra ti kri Taswa khya nu t+ta ra pU dza me g+ha sa mu dra spha ra Na sa ma ye hUM/ thal mo spyi bor bzhag nas ni/ /mkhas pas 'di skad brjod par bya/ /gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ lha dang mi rnams kyis dpag bsam gyi shing dang gos kyi shing gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang/ snying po dang phyag rgya dang/ gsang sngags dang rig sngags kyi lha'i khyad par thams cad la dbul bar bgyi'o/ /oM sarba ta thA ga tA nut+ta ra bo d+hya laM ka ka ra ba sta pU dza me g+ha sa mu dra spha ra Na sa ma ye hUM snying khar rdo rje thal sbyar la/ sgeg mo'i phyag rgya rnam bcings nas/ phyag rgya gar dang bcas pa dang/ ji bzhin don rig 'di ltar brjod/ sems can thams cad yo byad thams cad kyis yang dag par 'byor cing phun sum tshogs pa thams cad 'dod pa tsam la rag lus par gyur cig /oM sarba ta thA ga tA nut+ta ra ma hA badzrodb+ha wa dA na pA ra mi ta pU dza me g+ha sa mu dra spha ra Na sa ma ye hUM/ spyi bor thal sbyar la phreng ba yi/ /phyag rgya bcings la 'di skad brjod/ sems can thams cad mi dge ba'i lus dang ngag dang yid kyi las thams cad dang yang dag par bral bar gyur cig /dge ba'i lus dang ngag dang yid kyi las thams cad dang yang dag par ldan par gyur cig /oM sarba ta thA ga tA nut+ta ra ma hA bo d+hi ha ra shI la pA ri mi ta pU dza me g+ha sa mu dra spha ra Na sa ma ye hUM/ thal mo sbyar ba nyid dang ni/ /glu'i

  224. 112b

    phyag rgya bcings nas ni/ /sems can thams cad mtshan dang dpe byad thams cad kyi lus yang dag par brgyan par byas pa dang/ rtag tu phan tshun 'jigs pa med pa dang/ zhe 'gras pa med par zhugs shing/ mig dang yid mngon par dga' ba dang/ chos zab mo la bzod pa dang ldan par gyur cig /oM sarba ta thA ga ta mahA d+harmA ba bo d+hi k+Shan+ti pa ra mi ta pU dza me g+ha sa mu dra spha ra Na sa ma ye hUM/ dang por gar skor byas nas ni/ /de nas gar gyi phyag rgya bcings nas/ sems can thams cad byang chub sems dpa' i spyod pa la mngon par brtson pa dang ldan pa dang/ sangs rgyas nyid du yongs su bzhol zhing 'khor ba yongs su mi spong ba'i brtson 'grus dang ldan par gyur cig /oM sarba ta thA ga ta saM sa rA pa ri tyaM gA nut+ta ra ma hA bidya pA ra mi tA pU dza me g+ha sa mu dra spha ra Na sa ma ye hUM/ dang por gar bskor bya ba dang/ me tog phyag rgya bcings nas ni/ sems can thams cad nyon mongs pa dang nye ba'i nyon mongs pa rnams dang bral bar gyur cig /bsam gtan dang rnam par thar pa dang ting nge 'dzin dang snyoms par 'jug pa dang/ mngon par shes pa rnams dang/ rig pa thams cad dbang du gyur pa phun sum tshogs par gyur cig /oM sarba ta thA ga tA nut+ta ra mahA so khya bi ha ra d+ha na pA ra mi ta pU dza me g+ha sa mu dra spha ra Na sa ma ye hUM/ shes rab pha rol phyin 'gro ba'i/ /bdug pa'i phyag rgya bcings nas ni/ sems can thams cad 'jig rten las 'das pa'i shes rab dang ye shes rnams dang yang dag par ldan par gyur cig /so so yang dag phyir rig pa bzhi thob ste/ bzo dang bstan bcos thams cad shes shing sgyu rtsal dang ldan par gsang ba'i cho gas shes pa dang de kho na nyid mthong ste/ nyon mongs pa dang shes bya'i sgrib pa thams cad yang dag par gcod pa'i ye shes thob par gyur cig /oM sarba ta thA ga tA nut+ta ra kE sha /ts+tshe da sarba d+harmA sa man+ta dz+nyA na ma hA pradz+nyA pa ra mi ta pU dza me g+ha sa mu dra spha ra Na sa

  225. 113a

    ma ye hUM/ gdugs dang rgyal mtshan ba dan sogs/ /bza' dang bca' sogs dang pa yis/ /phyi rol ji lta ba bzhin bzhag /dpag tu med pa dbul bar bya/ /dkyil 'khor dbang phyug gsang sngags ni/ /bzlas pa dag kyang legs par bya/ /yi ge brgya pa lan gsum bzlas/ /mtshan brjod pa dang dkyil 'khor bstod/ /'bad pa yis ni smon lam dag /de nyid rig pas 'don par bya/ /yo byad thams cad 'byor pa yis/ /yongs su gang ba'i gtor ma sbyin/ /oM a kA ro mu khaM sarba d+ha rmA NAM a d+hya nutpan+na? twa ta swAhA/ /zhes bya ba'i sngags 'dis so/ /gal te go skabs yod gyur na/ /phyogs bcur snod rnams bsam pa la/ /'jig rten gsum rgyal phyag rgya ni/ /bcings pa bla na med pa'o/ /khur ba 'bras chen 'bras yos dang/ /til rnams kyis ni gtor ma sbyin/ /de la sngags ni 'di yin te/ /lha dang lha min gnod sbyin lto 'phye grul/ /nam mkha' lding dang 'dab bzangs lus srul po/ /dri za srin po gdon gyis rigs rnams dang/ /gang dag sa la gnas pa'i rdzu 'phrul can/ /bdag cag pus mos la btsugs nas ni/ /thal sbyar khyed rnams la ni gsol 'debs kyis/ /bu smad bcas shing g.yogs 'khor bcas pa rnams/ /gsan nas phan gdags slad du 'dir gshegs shig /'byung po gang dag ro rab steng gnas dang/ /dga' ba'i tshal dang lha yi gnas rnams dang/ /shar nub ri dang nyi zla'i khyim rnams dang/ /ri bo kun la gang dag gnas pa dang/ /chu bo kun dang chu yi mdo rnams dang/ /rin chen gnas na lhag par gang gnas dang/ / mtsho dang rdzing bu steng ka chu dogs dang/ /g.ya' chu sil ma can na gang gnas dang/ /grong dang grong khyer phyugs lhas stong pa dang/ /khang stong dang ni lha'i khang pa dang/ gtsug lag khang dang grong khyer gnas dag gam/ /dka' thub gnas dang

  226. 113b

    glang chen bres dang ni/ /rgyal po'i dkor khang dag na gang gnas dang/ /lam srang sum mdo dang ni bzhi mdo dang/ /gang dag lam po che dang shing cig drung/ /dur khrod chen po nags tshal chen po dang/ /seng+ge ded dang gcan gzan gnas rnams dang/ /'brog chen 'jigs su rung par gang gnas dang/ /gang dag gling mchog dag na gnas pa dang/ /lhun po dur khrod dag na gnas pa rnams/ /rab tu dgyes shing go bar gyur nas su/ /phreng ba dri dang me tog bdug pa dang/ /bstod dang gtor ma mar me gus 'bul ba/ /'di dag bzhes nas btung zhing bsnams nas su/ /las 'di rnams kyi 'bras bu mchis par mdzod/ /de ltar gdon la mchod pa byas nas ni/ /des nas phyogs skyong rnams la gtor ma sbyin/ /shar phyogs rdo rje can de lta tshogs bcas/ /gtor ma phul ba 'di dag pa zhes su gsol/ /me dang gshin rje bden bral srin po'i bdag /chu bdag rlung bdag nor gyi bdag po dang/ /dbang ldan lha ste 'byung pa'i bdag po dang/ /steng gi nyi zla tshangs pa chen po dang/ /lha rnams kun dang gang dag sa stengs klu/ /ri'i lha dang gsang ba'i tshogs 'dus pa/ /so so so sor gtor ma phul ba 'di/ /rab tu dgyes pa yis ni bzhes nas kyang/ /rang rang phyogs su legs par bzhugs nas su/ /rang gi bu smad mdza' bshes gnyen 'dun dang/ /nad maM dmag dang dpung bcas thabs gcig tu/ /me tog dri dang byug pa gtor ma bcas/ /'di dag gtung zhing legs par gsol nas kyang/ /bdag gi las 'di'i 'bras bu mchis par mdzod oM badzra shi kha re ru Da sa ma Ta/ oM suM b+ha ni suM b+ha hUM/ oM grih+na griha hUM/ oM grih+NA pa la grih+NA ba ya hUM/ A na ya ho b+ha ga wA bi d+hya rA dza hUM/ oM a kA ro mu khaM sarba d+harmA NAM/ A dya nutpn+na twat swAhA/ /phyi rol lha yi 'khor lo dang/ /byang chub sems

  227. 114a

    dpa' i dkyil 'khor mchog /rim gyis de ru gzhug par bya/ /de nas snying po'i 'khor lo dang/ /de yang gtsug gtor dkyil 'khor la/ /de ni 'khor lo dbang phyug la/ /de yang phyag mtshan dang thig lar/ /de ltar snang ba sogs rim gyis/ /spros pa thams cad zhi ba dang/ /stong nyid la sogs rim thob pa'o/ /rnal 'byor ldan skyes mdzes pa yin/ /de ltar goms pas 'jug pa rnams/ /mi shes chu bo mi lus pa/ /bskams shing sems kyi zla ba ni/ /shar ba bskal pa bzang po yin/ /rim pa 'di yis 'khor lo rnams/ /thams cad spro ba'ang shes par bya/ /thig le'i sbyor ba 'di nyid kyis/ /yun ma ring bar grub par 'gyur/ /yang na mdor bsdus sngags kyis ni/ /ji skad bshad pa'i me tog sogs/ /gang zhig zung cad dbul bar bgyi/ /me tog chung na'ang 'dir nyon mongs/ /dus mdza' i me ni 'joms pa yin/ /de la mdor bsdu ba'i sngags ni/ /oM sarba ta thA ga ta puShpa pU ji ma g+ha sa mu dra spha ra Na sa ma ye hUM/ de bzhin du bdug pa la sogs pa la yang ngo/ /'khor lo'i dbang phyug 'ba' zhig gam/ /yan na 'khor los sgyur ba ni/ /rgyud dang bcas pa 'am snying po'am/ /'khor lo'am phyi nang thams cad la/ /dang ba dag par ldan rnams dang/ /sems dpa' chen pos mchod par bya/ /mchod pa bshad par byas pa las/ /mtho ris thar pa'i snying po thob/ /de dang de las sgro 'dogs yongs 'khrul pa/ /sdug bsngal 'jigs pa'i ngo po yis/ /lha yi 'khor lo chen po dag / ster ba/ /thugs rje rnam pa sna tshogs spros pa yin/ /de ltar cig mchod 'khor lo ma lus pa/ /mchod rgyas 'di nyid rtag tu sbyor ba yin/ /shi bar gyur kyang bla yi dang med par/ /mchod bral? skad cig ma yin sdig thob 'gyur/ /'khor lo 'di dag rnam bsams nas/ /me tog

  228. 114b

    thal mos gtor ba dang/ /gang de 'khor ba'i sdug bsngal rnams/ /des ni til gyi thal mo sbyin/ /skye ba dang ni 'jigs pa rnams/ /sna tshogs shes rab kyis mnyam pas/ /sdug bsngal thar med byed par 'gyur/ /yi ge gsum gyis gshegs su gsol/ /'jig rten gsum gyi spyi bo yis/ /mi yi nor bu'i tshogs rnams ni/ /mtshungs med mi yi seng ge yis/ /'dud bzhi glang po 'joms bar byed/ /ma rig sdong po gcod pa yi/ /thub pa'i yon tan tshogs 'khor lo/ /phyag 'tshal bstod dang kha zas kyis/ /dge 'dun dag ni mchod par bya'o/ /bdag gi bsod nams 'di yis ni/ /shes rab ye shes mi zad med/ /rtog pa shing gi rtsa ba dag/ /sreg pa'i rdo rje rdung bar shog /rdo rje'i rigs ni rtogs pa dang/ /rin chen rigs ni thob pa dang/ /don dam? rtogs pa pad+ma'i rigs/ /las kyi rigs kyi don chen byed/ /chos kyi dbyings kyi ye shes kyi dkyil 'khor gyi rim pa las/ bcom ldan 'das 'jam dpal gyi sgrub pa'i thabs/ slob dpon so ma sh+rIs mdzad pa rdzogs so// //rgya gar gyi mkhas pa chen po paN+Di ta ma hA dz+nyA na dang/ bod kyi lots+tsha ba dge slong gzhon nu 'od kyis bsgyur ba'o// //rgya gar skad du/ A rya many+dzu sh+rI nA ma saM gI ti maN+Dal lo pi ka /bod skad du/ 'phags pa 'jam dpal gyi mtshan yang dag par brjod pa'i dkyil 'khor gyi cho ga /bcom ldan 'das 'jam dpal ye shes sku la phyag 'tshal lo/ /rang 'byung rnam par dag pa dang/ /thams cad mkhyen pa'i gsung dbang phyug /rmad du byung dang brtson 'grus 'dzin/ /sna tshogs bdag nyid phyag 'tshal lo/ /spangs dang ye shes phun tshogs pa'i/ /gang gi drin gyis rnyed bla ba'i/ /dbyangs kyi rjes 'jug bdag nyid kyi/ /de'i rgyu la phyag 'tshal lo/ /phyag brgyan bzhin du dngos grub ni/ /gang gi drin gyis rnyed sla ba'i/ /thugs rje khyab pa'i bdag nyid kyis/ /bla ma'i zhab

  229. 115a

    dag rgyal gyur cig /srid pa'i bcings pas khyab pa yi/ /'khor ba'i 'khor lo rnams 'joms pa'i/ /gang de 'jam dpal dkyil 'khor ni/ /yang dag lta bas 'jug pa bshad/ /de la rnal 'byor tshangs gnas la/ /gnas dang gsum la skyabs gnas dang/ /sems bskyed pa yi stobs kyis ni/ /ngang gi sdom pa la gnas dang/ /rmi lam lta bur rtogs pa las/ /sems gnyis dge ba mi rtogs nor/ /shin tu bde ba'ang rtogs pa dang/ /the tshom med dang chags med dang/ /dngos po lnga la mkhas pa dang/ /pha rol phyin tshol mngon dga' ba dang/ /de las gzhan pa'i ngo bo ni/ /yon tan ldan? pa mkhas pa yin/ /yid ches pa yi khyad par gyis/ /byang chub sems ni phul byung dang/ /thabs dang shes rab gnyis med dang/ /mos pa yang dag ldan pa dang/ /ji bzhin dbang ni thob pa dang/ /bla ma sems can mnyen pa dang/ /ltung ba sna tshogs spang ba'i phyir/ /gus pa'i blo yis bskal bar ldan/ /de nyid rnam bcu rtag tu ni/ / yid la byed pa mngon bzhog ba/ /sngags dang rgyud dang de nyid shes/ /sgrub byed thub pa'i dbang por brjod/ /dkyil 'khor las la 'jug 'dod pas/ /'bad pas bsnyen pa la gnas bya/ /dang por bsnyen pa ma byas par/ /lha rnams byin gyis rlob mi 'gyur/ /yid mthun pa'i gnas rnams su/ /snying kha'i pad+ma'i zla ba la/ /'od zer 'bar ba'i ma yig dgod/ /rang sems dag pa'i nam mkha' la/ /rdzogs sangs rgyas dang bla mar bcas/ /yang dag bltas la phyag 'tshal dang/ / dang pa rgyas po'i yid kyis kyang/ /'khor lo mchod pas dang por mchod/ /de la sngags brjod sngon song ba'i/ /dang po'i mgon la phyag bzhi bya/ /chu gtsang pa'i rnam pa dang/ /snod rgyas pa yang dbul bar bya/ /me tog dang ni bdug pa dang/ /mar me dri

  230. 115b

    yis mchod par bya/ /de las gzhan yang mchod pa'i tshogs/ /me tog spos dang dang mar me dri/ /rgyan gyi rang bzhin mchod pa ni/ /rin chen bzhi ni dbul bar bya/ /gzhan dang sgeg dang dga' ba dang/ /rtse 'jo'i bye brag bde ba dang/ /dpag bsam shing dang gos gyi shing/ /shing dang bcas pa de rnams dbul/ /sbyin dang tshul khrims bzod brtson 'grus/ /bsam gtan shes rab de bzhin du/ /ji ltar rang sangs bzlas pa dang/ /phyag rgya yis ni dbul bar bya/ /ngan par byas pa sun phyung nas/ /de rnams mdun du bshags par bya/ /g.yo med pa yi sems kyis kyang/ /gzhan gyi bsod nams rjes yi rang/ /dkon mchog gsum la brten tshobs kyis/ /gnas pa gang las 'jigs pa 'byung/ /de nas rang gzhan don gyi phyir/ /byang chub sems ni bskyed par bgyi/ /sems bskyed pa dang mthun par ni/ /blo ldan lam la gnas par bgyi/ /dge brgyun mi 'chad pa'i phyir/ /smon lam dag kyang gdon par bya/ /sems can kun la brten nas ni/ /tshang ba'i gnas ni yongs su bsgom/ /rang bzhin med dang dge la sogs/ /bral phyir mtshan ma med pa dang/ /yid mi 'jug ces bya ba dang/ /shes rab ting 'dzin gsum la 'jug /ji ltar rang sngags bzlas pa yis/ /byin gyis brlabs pa'i bya bar ldan/ /mthong ba'i lam byin rdzogs sangs kyis/ /bu la sogs pa bstan pa yin/ /rdzogs sangs rgyas bdag gis bstan pas/ /phyag 'tshal gsol ba 'debs pa ni/ /skyob pa ji ltar bdag la ni/ /bstan pa yang dag bshad du gsol/ /rang bzhin grub pa bzlas pa yis/ /rang gi sems ni sgom par bgyis/ /sla gsol zla ba'i gzugs lta bu/ /mthong ngo zhes ni gsol ba dang/ /sems bskyed ces ni bya ba yi/ /dang por phyag 'tshal ldan pa dang/ /dbus su byang chub yang dag ldan/ /sems bskyed pa ni bstan pa las/ /bdab?

  231. 116a

    bskyed pa'i rjes la ni/ /zla ba'i gzugs ni mthong ngo zhes/ /gsol bas brtan par gyis shig ces/ /gsungs pa de ni brtan pa yin/ /oM dz+nya na raSh+mi bi sri dza hUM/ rnam pa sna tshogs 'od zer gyis/ /sems can byang chub la bkod nas/ /de dag gcig bur gyur pa las/ /rdo rje rtogs par mngon par 'dod/ /oM tiSh+Tha badzra/ oM sha ra Na badzra/ oM saM ha ra na badzra/ oM dz+nyA na badzra/ oM sarba ta thA ga ta dz+nyA na badzra/ /rdo rje dbyings shes yang dang yang/ /zhes ni bdag nyid dbang bskur ro/ /oM badzrAt+ma konyaraM ha/ /brtser ldan 'gro la phan pa dag /gyur phyir byin gyis brlab tu gsol/ /zhes ni gsol btab skad cig la/ /de dag rab tu zhugs nas ni/ /de yi bdag nyid rang nyid gyur/ /oM sarba ta thA ga ta ta sta a haM/ rdo rje rin chen sogs mnyam nyid/ /rnam pa kun tu 'od gsal ba/ /chos kyi rgyal po dpal 'byung ba'i/ /dang po'i sangs rgyas zhes bstod do/ /de nas gzhan don byed pa'i phyir/ /slar yang 'di ltar bsgom par bya/ /khro bo'i gzugs ni 'chas pa yis/ /snying kar pad+ma nyi hUM las/ /khro bo bcu po bgegs kyi gtso/ /lus ngag yid gsum phur bus gdab/ /phyi rol rdo rje dra ba dang/ /dra ba la sogs rnam bsgom nas/ /yi ge hUM gnyis dbus gnas pa'i/ /'og tu yi paM raM dag las/ / rlung chu me yi dkyil 'khor rnams/ /de nyid rig pas de ltar bya/ /mkha' la bruM yig las byung ba/ /rtag pa'i yan lag las byung ba'i/ /bdud rtsi'i rgyun ni yongs gang bas/ /snod ni de yi bdag nyid 'gyur/ /hUM yig gnyis su baM las ni/ /sku yi rdo rje yang dag 'byung/ /gnas pa 'khrad bas gyur ba las/ /gser gyi dkyil 'khor nyid du 'gyur/ /hUM yig ngos gnyis ldan pa yi/ /dbus su suM las lhun po ste/ /de ru hUM las byung ba yi/ /dpal ldan gzhal yas khang brtsegs sam/ /phyir? nas

  232. 116b

    nang du sgo bzhi dang/ /gru bzhi stegs bur yang dag ldan/ /dra ba dra phyed phreng ba dang/ /dril bu me long gis gsal ba'o/ /ka ba brgyad dang ldan pa dang/ /nam mkha' bla res snang ba yin/ /'og gi sa gzhi mtho ba dang/ /yangs la rnam par mdzes pa yin/ /de dbus h+rI(rgyud 'grel): las sna tshogs pa'i/ /chu skyes nyi mar seng ge'i gdan/ /dang po dbyangs las byung ba yi/ /rgyal ba rnam snang sku mdog dkar/ /'khor lo dril bu phyag na bsnams/ /nyi ma la bzhugs bsgom par bya/ /de yang snying khar sna tshogs pa'i/ /pad+ma nyi ma d+hI(rgyud 'grel): las byung dang po'i sangs rgyas mig sman mdog /zhal lnga phyag ni brgyad dang ldan/ g.yas brtsams ser po dmar po dang/ /ljang gu dkar po pad+ma'i zhal/ /nam mkha' 'dra ba'i ral gri dang/ /shes rab po ti bzhi bzhin/ /g.yas dag g.yon gyi phyag rnams kyis/ /sgeg dang/ bcas pas bsnams pa yin/ /oM sarba d+harmA b+ha ba/ /nang gi mu khyud dag la dgod/ /phyi rol ka la sogs bkod pa/ /sgeg dang mdzes par snang ba yin/ /snying khar srid ba'i 'khor lo ni/ /rten 'brel bcu gnyis ston pa'o/ /de'i lte ba'i 'khor lo ni/ /rtsibs bcu pa yis brgyan pa yin/ /oM pra dz+nyA la sogs pa yi/ /gti mug sel bar byed pa yis/ /lhag mnye snying sngags phyed kyis/ /nang gi mu khyud rnam par bskor/ /mu khyud A li bcu gnyis kyis/ /'khor lo 'di yang rnam par gsal/ /zla ba gzhon nu ltar bsam pa gzhon nu sgeg pa'i cha byad can/ /sna tshogs kyis ni rtse bran? dang/ /gdong lnga zur phung lnga dang ldan/ /dpung rgyan do shal yan lag mdzes/ /dpal 'phro ba yi zhabs gdub spras/ /'khor ba'i sdug bsngal gyis gdungs pa/ /shin tu dbugs 'byin byed pa yin gang zhig shes rab ye shes sku/ /zla ba'i dkyil 'khor gdan la bzhugs/ /dang po'i dbyangs las byung ba yi/ /dpal ldan 'jam dbyangs zhes dran bya/ /seng+ge'i gdan la gser gyi mdog/ phyi rol shar sogs phyogs dgod pa/ /nyi mar rdo rje skyil

  233. 117a

    krung bzhugs/ /rin chen cod pan gyis mdzes pa/ /g.yas kyi 'od zer bcas 'khor lo/ /g.yon pa gdan la brten pa'o/ /rdo rje sems dpa' sogs ming can/ /'khor los sgyur ba brgyad shes bya/ /de la rig pa'i lha mo bzhi/ /de yi mtshams bzhi shes bya ste/ /rdo rje sems ma sku mdog sngo/ /phyag gis pad+ma rdor dril bsnams/ /rin chen sems ma gser gyi mdog /rin chen dril bu nye bar mdzes/ /chos kyi sems ma gur gum mdog /pad+ma dril bus mtshan pa yin/ /las kyi sems ma ljang gu ste/ /sna tshogs rdo rje bsnams mdzes dang/ /'gro ba sdud par byed pa yi/ /g.yon pa snang ba chen po yin/ /shar du rdo rje hUM mdzad ni/ /mdog nag rnam rgyal phyag rgya dang/ /rdo rje dril bu phyag rgyar ldan/ /'jigs rung sa bon hUM las gyur glang po'i gdan la gnas pa dang/ /khro dang sgeg pa'i nyams dang ldan/ /lho ru rdo rje nyi ma ni/ /traM byung rmad byung rta yi gdan/ /yid bzhin nor bu ma lus pa'i/ dbul ba sel bar byed pa dang/ /dril bu sgra yis sems can la/ /dpal rnams 'gugs par byed pa yin/ /pad+ma gar dbang sku mdog dmar/ /nub tu rma bya'i gdan la bzhugs/ /chu skyes dril bu bsnams pa dang/ /taM yig baM la sngon phyogs byed/ /byang du rta mchog sku mdog ljang/ /nam mkha' lding gi gdan la bzhugs/ /a byung sna tshogs rdo rje dang/ dril bu'i sgra yis phyogs kun khyab/ /saM gaM baM maM g+haM sa bon rnams su/ /oM hUM traM h+rI(rgyud 'grel): ldan pa las/ /gdan 'di dag ni go rims bzhin/ /mkhas pas grangs bzhin shes par bya/ /zla ba'i gdan gnas 'di rnams kyi/ /dang po'i sangs rgyas gong ma bzhin/ /srid pa'i 'khor lo tshangs pa ste/ /snga ma las khyad med phyir ro/ /zhi ba'i 'khor lo rtsibs brgyad pa/ /mi bskyod sogs rigs rim bzhin du/ /oM du(rgyud 'grel): khats+tshe da la sogs dgod/ /rigs ni ji ltar de na gnas/ /nam zhes bya rtsibs zhig

  234. 117b

    la/ /mkhas pas kun la shes par bya/ /sdug bsngal gcod pa rdo rje dang/ /rin po che ni gsung dbang phyug /rdo rje rnon po pad+ma dang/ /ye shes sku can zhes bya ba/ /sna tshogs rdo rje g.yon pa la/ /g.yas pa ral gri khyad par med/ /kun kyang zla ba'i gdan la bzhugs/ zla ba ltar 'jam cha byad can/ /dang po'i dbyangs byung bzlas pa yang/ /snying po nye snying rim pa bzhin/ /de la lnga po rim bzhin du/ /snying po dang ni nye snying po/ /oM badzra dz+nyA ma murta ye na ma/ oM du(rgyud 'grel): khats+tshe da ya te na ma/ oM wA gi shwa ra ya te na ma/ oM badzra tik+Sh+Na ya te na ma/ oM dz+nyA na kA ya ya te na ma/ nye ba'i snying po thun mong ste/ /oM sarba d+harmA b+hA wa swa b+hA wa bi shud+d+ha badzra a A aM a(rgyud 'grel): pra kri ta pa ri shud+d+ha sarba d+harma/ pa ri shud+d+ha sarba d+harmA/ ya bu ta sarba ta thA ga ta dz+nyA na kA ya many+dzu sh+rI pa ri shud+d+hi ta mu pa ta ye ti a A sarba ta thA ga ta h+ri da ya ha ra ha ra oM hUM h+rI(rgyud 'grel): b+ha ga waM dz+nyA na murti wA gi shwa ra ma hA pa tsa sarba d+harmA ga ga nA mA la su pa ri shud+d+ha d+harma d+hA tu dz+nyA na garb+ha a:/ /'di rnams kyang ni rim bzhin du/ /shar la sogs par bsgom par bya/ /rdo rje sems dpa' sogs dbye bas/ /byang chub sems dpa' rnam bcu drug /rdo rje sems dpa' sku mdog dkar/ /rdo rje dril bu bsnams par 'dod/ /rdo rje rgyal po gser gyi mdog /phyag gnyis rdo rje lcags kyu bsnams/ /chags pa pad+ma rA ga'i mdog /mda' dang gzhu ni bsnams pa yin/ /rdo rje legs pa sku mdog ljang/ /phyag gnyis legs sbyin pa'o/ /rin po che dang dril bu bsnams/ /rdo rje gzi brjid nyi ma'i mdog /g.yas pa nyi ma'i gzugs 'dzin pa/ /rdo rje dpal ni mar gang mdog / g.yas ni rgyal mtshan bsnams pa yin/ /bzhad pa kun da zla ba'i mdog /g.yas pa so yi phreng ba bsnams/ /'di gsum po yi g.yon pa ni/ /skyil krung gdan la brten nas so/ /chos ni pad+ma rA ga'i mdog /g.yon pa pad+ma dmar po bsnams

  235. 118a

    g.yas pas rnam par 'byed pa yin/ /de ni rgyas par byed pa yin/ /rnon po bdud rtsi 'od zer mdog /ral gri ni po ti bsnams/ /rgyu dang smra ba g.yas pa na/ /'khor lo ni lce bsnams pa/ /bdag nyid mdzes pa g.yon pa yi/ phyag gis pad+ma gdan la brten/ /las ni sngo ljang sna tshogs pa'i/ /rdo rje dang ni dril bu bsnams/ /bsrung ba gser gyi mdog 'dra ba/ /phyag gnyis go cha 'bar ba'o/ /gnod sbyin mig sman nag po'i mdog /phyag gnyis mche ba bsnams pa mdzes// khu tshur rmad byung mdzes pa'i mdog /phan tshun khu tshur rdo rje 'dzin/ /bdag po rnam pa bzhi yi phyir/ /bzhi bzhi ru ni dran par bya/ /lha mo bcu bcu 'di rnams kyis/ /'khor du yang dag dran par bya/ /skyil krung phyed mar ldan pa yi/ /rang rang bdag po'i mdog bzhin no/ /sbyin dang tshul khrims bzod brtson 'grus/ /bsam gtan de bzhin shes rab dang/ /smon lam ye shes shes bya ba/ /'bras bu gnas kyi pha rol phyin/ /rdo rje dril bu yang dag ldan/ /'dog dkar rdo rje sems dpa' yi/ /'khor du de dag gnas pa yin/ /de nyid lam gyi ngo bor ni/ /bdud la lcags kyu 'debs pa gzhan/ /ser po rdo rje rgyal po yi/ /'khor du de dag gnas pa yin/ /de nyid rnam par dag ngo bor/ /mda' dang gzhu yis rnam brgyan pa/ /mdog dmar rdo rje chags pa ni/ /thams cad dkyil 'khor yongs su bskor/ /gzhan don ngo bor gnas de nyid/ /phyag gnyis legs pa byin pa dang/ /sku mdog ljang gu'i 'khor rnams kyis/ /rdo rje legs pa bskor ba'o/ /rab tu dga' dang dri ma med/ /gsum pa de bzhin 'od byed dang/ /'od 'phro sbyang dka' de bzhin du/ /mngon gyur ring song mi g.yo ba/ /legs pa'i blo gros chos kyi sprin/ /sku mdog ser por 'bras bdag nyid/ /dar dpyangs bcing ba'i tshul gnas pa//

  236. 118b

    rdo rje rin chen 'khor du gnas/ /de nyid lam gyis grangs kyi ni/ /nyi ma'i mdog can nyi ma bsnams/ /rdo rje nyi ma nyid bzhin du/ /rjes su byed par gnas pa yin/ /sdug bsngal dang ni kun 'byung dang/ /'gog pa lam dang de bzhin du/ /chos shes rjes su shes pa dang/ /kun rdzob shes dang de bzhin du/ /don dam de bzhin mi skye ba/ /zad pa shes pa'i ye shes ni/ /rang bzhin phun sum tshogs dge ba'i/ /rin chen rgyal mtshan bsnams pa dang/ /mdog ljang rdo rje rgyal mtshan gyi/ /phun sum tshogs pa bsgom par bya/ /gzhan don phun sum bdag nyid kyi/ /de bzhin zla ba'i 'od zer mdog /rdo rje bzhad pa la brten pa/ /so yi phreng bas rnam par brgyan/ /phung po khams dang skye mched dang/ /bden pa rten 'brel thub pa yi/ /gnas dang gnas min bdag po dang/ /dus gsum bden pa rnam pa bzhi/ /'dus byas 'dus ma byas dge ba/ /rdo rje chos kyi 'khor du bsgom/ /don dang phyag g.yon pad+ma ni/ /bsnams nas g.yas pas 'byed par mdzad/ /gcig dang rgyu dang za ba dang/ /byed pa dang ni dbang sgyur dang/ /bdag po'i don dang brtag pa dang/ /nyon mongs pa dang dag pa'i gnas/ /rnal 'byor can dang ma grol bkrol/ /bdag tu 'dzin pa skye ba nyid/ /de dag gcod pa'i sku mdog nag /phyag na po ti bsnams pa dang/ /nyon mongs gcod pa'i ral gri bsnams/ /rdo rje rnon po'i 'khor du brjod/ /dad dang brtson 'grus dran bsam gtan/ /shes rab de bzhin sha yi spyan/ /lha dang shes rab chos dang ni/ /sangs rgyas spyan drang dang po yi/ /rdo rje 'khor lo sku mdog ser/ /lha mo 'khor lo bsnams par bskor/ /gnas dang gnas min rnam smin dang/ /mos pa dang ni sna tshogs khams/ /dbang po kun 'gro lam dag dang/ /nyon mongs rnam par sbyang ba dang/ /sngon gnas rjes dran skye 'chi dang/ /zag pa zad

  237. 119a

    pa nyid kyang de/ /rdo rje smra ba zangs kyi mdog /phyag gis lce bsnams 'khor gyis bskor/ /nam mkha' rnam shes mdza' yas dag /de las gzhan pa'i zil gnon brgyad/ /rdo rje la ni sku mdog ljang/ /sna tshogs rdor dril thogs pas bskor/ /'byung pa rnam pa bzhi po dang/ /sngon po ser po dkar dmar dang/ /nam mkha' de bzhin sems dang ni/ /zad par rnam dag ldan pa yin/ /bsrung ba ser po go cha bsnams/ /rtsa ba'i mtshan nyid de kho na/ /phyin ci ma log mtshan nyid dang/ /'bras bu rgyu'i de kho na/ /phra ba dang ni rags pa dang/ /grags dang rnam par dag yul dang/ /sdud dang dbye ba'i mtshan nyid dang/ /mkhas de kho na rnam bcu ni/ /rdo rje gnod sbyin sku mdog nag /phyag gnyis mche ba bsnams pa'o/ /tshe dang? sems dang yo byad dang/ /las dang skye ba mos pa dang/ /smon lam dang ni rdzu 'phrul dang/ /ye shes dang ni dbang ba dang/ /rdo rje khu tshur sku mdog dkar/ /phyag gnyis khu tshur bsnams pa'o/ /so sor gtso bo'i sngags kyis bskyed/ /rang rang sngags kyis mchod pa dang/ /rdo rje skyil krung phyed kyis ni/ /'di dag rim bzhin gnas pa yin/ /'di ltar bsgoms pa'i rnal 'byor pa/ /yon tan phun sum tshogs pa ni/ /ji skad gsungs pa bzhin du thob/ /dngos grub gzhan ni smos ci dgos/ /'di rnams kyi ni grwa bzhi ru/ /mkhas pas sgeg mo'i la sogs bsgom/ /sgeg mo mdog dkar rdo rje bsnams/ /phreng ba ma ni gser gyi mdog /rin chen phreng ba bsnams pa yin/ /glu ma sku mdog dmar po ste/ /pi wang rdeb pa'i mchog yin no/ /gar ma rdo rje ljang gu ni/ /rtse gcig bsnams nas gar mdzad do/ /spos dang me tog mar me dri/ /de rnams rjes la dran par bgyi/ /spos khang me tog snod dang ni/ /mar me yi ni mchod sdong dang/ /dri yi dung chos rim bzhin no/ /'di rnams kha dog sgeg

  238. 119b

    sogs bzhin/ /lcags kyu dang ni zhags pa dang/ /lcags sgrog dril bu zhes grags pa/ /dkar po ser po dmar po ljang/ /shar la sogs pa'i sgo la rten/ /ming dang mthun pa'i phyag mtshan gnas/ /phyi rol skal pa bzang po ni/ /shar la sogs pa bsgom par bya/ rnam pa bzhi yi dbye ba yi/ /de dag bcu drug yang dag 'dod/ /rang gi bdag po'i rjes mthun par/ /sku mdog phyag mtshan mdzes pa yin/ /yang na gzhan du phyag mtshan rnams/ /rim pa bzhin du bsam par bya/ /de la mgon po byams pa ni/ /phyag na klu shing bsnams pa yin/ /'jam dpal ral gri po ti dag /ji ltar rim bzhin mtshan ma yin/ /spos kyi glang po spos chu yi/ /dri yi dung chos char 'bebs pa'i/ /thod dang bcas pa'i cod pan ni/ /ye shes rtog ni bsgreng nas bsnams/ /bzang skyong ba ni nam mkha' i mdzod/ /bslang na mtshan par byed pa'o/ /blo gros rgya mtsho yid bzhin nor/ /phyag gi pad+ma mdzes pa yin/ /dpag bsam shing dang bum pa bzang/ /blo gros mi bzad phyag g.yon na/ /po tis mtshan pa'i pad+ma ni/ /spobs pa brtsegs pa de bzhin du/ / phyag na ral gri bsnams pa yin/ /mthu chen thob pa ral gri bsnams/ /ngan song kun 'dren rgyal mtshan no/ /mya ngan mun pa nges 'joms ni/ /dpal pa g.yu drung 'khyil pa ni/ /dra ba can gyi 'od rnams so/ /zla 'od gzhon nu zhes bya ba/ /zla tshes g.yar ka rgyal mtshan 'dzin/ /'od dpag med pa po ti dang/ /ral gri rin chen mdzod 'dzin pa/ /nam mkha' i snying por shes par bya'o/ /sna tshogs rdo rje ral gri ni/ /bsnams pa sgrib pa rnam par sel/ /byang chub sems dpa' zhes 'dod do/ /'di rnams phyi'i? sgo skyod? dag /sngar ni ji skad smos pa bzhin/ /de ltar bsgoms pa'i rjes la ni/ /ye shes sems dpa' spyan drangs nas/ /de nyid gsum gyi yi ge yi/ /rnal 'byor rig pas byin brlobs bya/ /de la rim pa 'di yin te/ /spyan drang sngon 'gro phyag 'tshal te/ /oM sarba ta thA ga ta pa

  239. 120a

    da band+ha na ka ro mi/ /e ma kun tu bzang po yi/ /byang chub sems dpa' i sbyor ba mchog /de bzhin gshegs pa'i 'khor lo yi/ /dbus na de bzhin gshegs pa mdzes/ de nas 'khor lo'i dbang phyug la/ /de bzhin gshegs pa kun zhugs nas/ /byung na rang rang rig pa ni/ /byin gyis brlabs pa mdzad pa yin/ /e ma sangs rgyas thams cad kyi/ /rgya chen gdod nas skye ba med/ /rdul bral thams cad ji snyed kyi/ /sangs rgyas thams cad gcig tu gyur/ /de nyid gsum gyi byin brlabs dang/ /'khor lo'i bdag nyid dbang bskur nas/ /rang bzhin dag par bsgom par bya/ /oM sarba ta thA ga ta a b+hi She ka sa ma ya sh+rI ye hUM/ de ltar ting 'dzin gsum dang ni/ /mkhas pas cho ga byas nas ni/ /de nas rang lha'i rnal 'byor gyis/ /mchod pa yang dag brtsam par bya/ /pad+ma'i phyag rgya ldan g.yo bas/ /arga'i snod ni bzang ba yis/ /g.yas pa ba dan gsum dang ni/ /de nyid gsum gyis bsam par bya/ /de nas mkhas pas me tog sogs/ /de yi chu yis bsang bar bya/ /oM badzra bu puShpe hUM/ oM badzra d+hu pe hUM/ oM badzra A lo ke hUM/ oM badzra gand+he hUM/ oM badzra a kA ro mu khaM sarba d+harmA nAM/ Adya nutpan+na twat/ oM A(rgyud 'grel): hUM/ phyag 'tshal rdo rje ldan pa yi/ /dza(rgyud 'grel): hUM baM ho(rgyud 'grel): zhes pa dang/ /se gol brdabs la dgug pa dang/ /phyag byas nas ni arga dbul/ /oM badzra a ku sha dza:/ oM badzra pA sha hUM/ oM badzra spho Ta paM/ oM badzra A be sha a/ zhugs nas yi ge gsum gyis ni/ /byin gyis brlab la dbang bskur ro/ /de nas sngar bshad rim pa yis/ /mchod pa rnams kyis mchod pa dang/ /de las gzhan pa'i rigs ma ni/ /bcu drug gis ni mchod bstod bya/ /dkyil 'khor rnam gsum phyag mtshan dang/ /ji srid thig le'i rim pa dang/ /snang ba la sogs rim pa yi/ /spros pa thams cad zhi ba dang/ /stong nyid

  240. 120b

    sogs rim thob pa yi/ /rnal 'byor lhan skyes mdzes pa yis/ /de ltar gom pa 'jug pa rnams/ /mi shes chu bo ma lus pa/ /bskams shing sems kyi zla ba ni/ /shar bskal pa bzang po yin/ /spros dang bsdu ba'i rim pa yis/ /ji srid sgrub pa mi skyo'i bar/ /de ltar yang dang yang du bya/ /langs nas sangs rgyas spyan drangs nas/ /de nas gtor ma sbyin par bya/ /de la rdo rje dpa' ni/ /'khor los sgyur bar 'dod pa las/ /a las byung zhing sku mdog dkar/ /rdo rje dang ni dril bu bsnams/ /thugs kar dang po sangs rgyas ni/ /sngar ni ji skad bshad pa bzhin/ /de la mya ngan 'das 'khor lo/ /a ra la sogs yi ger ldan/ /de steng a ra pa tsa na/ /phyag gnyis rdo rje dril bu bsnams/ /'di yi nye ba'i snying po ni/ /sngar ni bstan zin gang yin pa'o/ /oM a ra pa tsa na ya te na ma/ /sngags kun rigs kyi bdag nyid kyi/ /rnam par snang mdzad chen po yang/ /zhal bzhi sku mdog dung 'dra zhing/ /bsam gtan phyag rgyar ldan pa'o/ /dang por sangs rgyas thugs ka ru/ /zhi ba'i 'khor lo 'di rnams kyang/ rtsibs drug pa la ris drug gis/ /yongs su bskor bar ldan pa'o/ /de la gnyis med 'jam pa'i dpal/ /mdog dkar zhal drug a las byung/ /phyag gnyis ral gri po ti bsnams/ /gnyis kyis utpal bsnams pa dang/ /gnyis ni ting 'dzin phyag rgya ni/ /yang dag snang ba snang ba che/ /'di dag so so'i snying po ni/ /sgrub pa'i thabs las gsal bar bstan/ /bshad pa'i 'khor lo bdag nyid ni/ /lha rnams nyi shur mnyam pa la/ /gcig gi bdag nyid chen po ni/ /blo chen rnams kyis mchod par bya/ /rdo rje hUM mdzad gtso bo yis/ /'khor lo bsgyur bar 'dod pa la/ /'di rnams rang gi ngo bo ni/ /kho bos sngar ni bstan zin to/ /'on kyang 'di yi khyad par ni/ /da ni rab tu bshad par bya/ /mda' dang gzhu ni 'gengs pa dang/ /rnam rgyal phyag rgya rdor dril

  241. 121a

    dang/ /ral gri rdo rje zhags pa dang/ /lcags kyu dang ni lcags sgrogs bsnams/ /lha chen sum mnan pa ni/ /rdo rje hUM mdzad ces brjod do/ /'di yi rin chen hUM mdzad ni/ /phyag drug rnam rgyal phyag rgya med/ /zhal drug zhal ni re re la spyan ni gsum gsum ldan pa'o/ /'di ni pad+ma'i hUM mdzad ni/ /mche gtsigs ha la ha lar ldan/ /'di yi las kyi hUM mdzad ni/ /rnal rgyal rang gi phyag rgyar ldan/ /lcags kyu zhags pa ral gri dang/ /gtun shing lhag ma phyag na bsnams/ /gang yang rdo rje rin chen ni/ /'khor los sgyur bar 'dod pa la/ /ser po rin chen gyis mtshan pa/ /kun kyang rin chen cod pan can/ /de la rnam snang sngar bshad bzhin/ /don kun grub pa mi bskyod pa/ /rdo rje bsnams nas sa gnon no/ /rin chen gtsug phud snga ma bzhin/ /rin chen pad+ma ku mdog ser/ /pad+ma'i phyag rgyas ldan pa dang/ /laM las byung pa'i sa bon ni/ /dkyil 'khor gru bzhi pad+ma la/ /g.yas pa bkod nas g.yon pa la/ /bsam gtan dang po'i bar du gnon/ /rin chen don/ yod don yod do/ /rdo rje'i tshig ni thams cad la/ /rang ming rin chen sgra dang ni/ /yang dag ldan pa'i sku yin no/ /rin chen rdo rje'i rdor tshig la/ /khro gnyer ldan par shes par bya/ /g.yon pas rdo rje gnon pa dang/ /g.yas pas 'dod pa gnon pa'o/ /rdo rje rin chen nyi ma 'od/ /rin chen dpal ni rgyal mtshan brjod/ /gang yang pad+ma gar dbang phyug /'khor los sgyur bar 'dod pa la/ /rdo rje'i gnas su pad+ma'i tshig /lha gzhan kun la shes par bya/ /de bzhin gshegs pa pad+ma'i tshig /sngon sod rnam par snang mdzad brjod/ /rin chen rin chen gtsug phud dang/ /pad+ma gar gyi dbang la yang/ /ting 'dzin sgra yi sngon du ni/ /pad+ma zhes ni brjod pa yin/ /pad+ma nges pa'i dbang phyug ni/ /pad+ma'i don yod grub pa yin/

  242. 121b

    gzhan gyi khyad par 'di dag kyang/ /nor bus byas pa'i rin po che/ /nyi ma nyi ma'i gzugs 'dzin pa/ /dpal ni zla ba'i dang pa las/ /gnas pa ku mu ta la ni/ /zla bas mtshan pa'i gdugs bsnams pa'o/ /bzhad pa la ni zhal bcu gcig /pad+ma'i sgrol ma brgya byin mdog /pad+ma'i 'khor lo khyab 'jug 'dra/ /smra ba tshangs pa'i rjes su byed/ /las ni gzhon nu lta bu ste/ /de las gzhan pa khyad par med/ /rta mchog gsum gyi bdag nyid dam/ /rnam pa lnga 'am rnam pa gcig /sngon po gsum gyi bdag nyid ni/ /ral gri mda' gzhu utpal bsnams/ /'di yi lha mo gnyis po ni/ /g.yas pa sna tshogs rdo rje bsnams/ /de la gtsang ma sku mdog dkar/ /pad+ma sngon pos rnam par mdzes/ /dag ma pad+ma rang gi mdog /pad+ma dmar pos rnam par mdzes/ /'di yi nang gi skye mched rnams/ /sa snying la sogs byin gyis brlabs/ /phyi yi skye mched rnams la ni/ /gzugs rdo rje sogs byin gyis brlabs pa'o/ /g.yon pas 'dod pa'i 'jig rten gnon/ /g.yas pas mnan pa bsam gtan yin/ /rta skad 'tsher ba phyogs kyi zhal/ /bsam gtan dang po'i bar du reg /lnga yi bdag nyid snga ma bzhin/ /yang na 'od dpag med pa bzhin/ /po ti dang ni ral gri dang/ /mda' gzhu bsnams pa yid 'phrog pa'o/ /tshangs pa brgya byin khyab 'jug ni/ /pa ba sangs dang skar ma'i dgra /zhabs kyi pad+ma bskor ba yis/ /grong khyer sum rtsegs pa gnon pa/ /'phrog ma'i lha mo rnams kyang ni/ /'di dag 'khyud nas bzhugs pa'o/ /rta yi gdong can thams cad kyang/ /'khor kun yongs su shes par bya/ /de ltar zla gcig zla drug gam/ /lo gcig mtshan ma thob bar du/ /de srid bsnyen pa byas nas ni/ /dkyil 'khor las la 'jug par bya/ /gtsug lag khang la sogs pa yi/ /yid du 'ong ba'i sa phyogs su/ /tshad ldan tsha rgod med par ni/ /

  243. 122a

    dkyil 'khor dam pa bri bar bya/ /rgyal pos khru ni lnga brgya bcu/ /blon po chen pos nyi shu lnga/ /tshong dpon ded dpon nyi shu 'phyed/ /sgrub pos bcu gnyis sam de'i phyed/ /der ni mngon spyod sbyin sreg dang/ /zhi ba yi ni sbyin sreg dag /byas nas sa ni sbyang bar bya/ /yongs su bzung bar bya ba yin/ /der ni dkyil 'khor yongs sprul nas/ /gong du ji skad bshad pa bzhi/ /phyag 'tshal la sogs sngon song nas/ /mchod pa yongs su rgyas par bya/ /de nas sgrub pa'i grogs mchog gis/ /mtshan brgya rtsa brgyad kyis bstod nas/ /sa yi lha mo spyan drangs la/ /sna tshogs mchod pas mchod nas ni/ /skyob pa sangs rgyas thams cad kyis/ /spyod pa'i tshul dang khyad par gyis/ /sa dang pha rol phyin pa dang/ /lha mo khyod ni dbang du gyur/ /skyob pa shAkya'i seng ge yis/ /ji ltar bdud kyi sde bcom pa/ /de bzhin bdag gi sa bdud las ni/ /rgyal bar bya ste dkyil 'khor bri/ /mig gnyis nyi zla rkang mthil ni/ /rdo rje rgya gram byin brlabs nas/ /zhal nas hUM gi? sgra sgrogs shing/ /yongs su bskyod pa'i tshul gyis ni/ /phyogs rnams rdo rje'i sa gzhi dang/ /rdo rje dra ba ra ba bsam/ /lag gnyis rdo rje dril ldan dag /g.yas pa rdo rje bsnun pa yis/ tshul gyis bgegs la bka' bsgo dang/ /phur bus btab pa la sogs bya/ /de nas de nyid dris byugs la/ /lha yi gnas su tsan dan las/ /sogs pa'i dri yi thig le dang/ /me tog sna tshogs dgram par bya/ /de rjes nam mkha' la gnas pa/ /dkyil 'khor lha rnams bkug nas ni/ mchod pa lnga dang brgyad rnams kyang/ /mchod nas 'di ltar brjod par bya/ /rnam par snang mdzad bcom ldan 'das/ /rigs lnga rgyal la phyag 'tshal lo/ bdag la brtse bar gyur nas ni/ slob ma rnams la brtse ba dang/ /khyed rnams

  244. 122b

    la yang mchod pa'i phyir/ /bcom ldan 'das bdag ni gus pa la/ /de bas gnang ba mdzad par rigs/ /sangs rgyas 'jig rten mgon brtse dang/ /byang chub sems dpa' dgra bcom dang/ /gsang sngags lha gzhan gang bzhugs dang/ /'jig rten skyong ba'i lha rnams dang/ /gang yang 'byung po mthu chen dang/ /gang du lha'i spyan mnga' ba/ /sems can bstan la dga' ba rnams/ /bdag la dgongs pa mdzad du gsol/ /bdag ming 'di zhes bgyi ba yis/ /sad ni dkyil 'khor bzang po'i ming/ 'dis zhes bya ba ci nus kyi/ /cho ga bzhin du 'bri lags na/ /bdag dang slob mar bcas pa la/ /thugs ni brtse bar dgongs su gsol/ /tshogs pa thams cad dkyil 'khor du/ /byin gyis brlab par mdzad du gsol/ /zhes ni lan gsum brjod pa yis/ /lha rnams lhag par gnas pa'o/ /de nas 'og nas 'chad pa yi/ /bum pa mtshan nyid ldan pa dang/ /'bru la sogs pa thams cad dang/ /bcas pa lhag par gnas par bya/ /gzhan yang sbyin sreg cho ga dang/ /gtor ma shin tu rgya chen po/ /slob ma lhag par gnas pa dang/ /rim pa bzhin du shes par bya/ /de la khrus byas gtsang ma yi/ /gos gon nas ni slob ma yin/ /thal mo me tog bcas pa dang/ /phyag byas nas ni 'di skad brjod/ /dga' chen khyod bdag ston pa po/ /slob dpon khyod ni dgongs su gsol/ /byang chub chen po'i tshul bstan pas/ /mgon po chen po bdag 'tshal lo/ /dam tshig de nyid stsal du gsol/ /sangs rgyas chos dang dge 'dun te/ /skyabs gnas dag kyang bdag la stsal/ /thar pa chen po'i grong mchog tu/ /mgon pos bdag ni 'jug par 'tshal/ /bu tshur shog cig theg chen po/ /khyod ni tshul chen snod yin te/ /gsang sngags spyod pa'i cho ga 'di/ /khyod la yang dag bstan par bya/ /rdzogs

  245. 123a

    pa'i sangs rgyas gang 'das dang/ /de bzhin gang dag ma byon dang/ /da ltar bzhugs pa'i mgon po rnams/ /'gro la phan phyir bzhugs pa dag /de dag kun gyi gsang sngags kyi/ /cho ga bzang po 'di mkhyen nas/ /dpa' bos byang chub shing drung du/ /thams cad mkhyen pa mnyam med rnyes/ /gsang sngags spyod pa mnyam med pa/ /skyob pa shAkya seng ge yis/ /bdud sde shin tu mi bzad pa/ /dpung chen dag kyang de yis bcom/ /de bas kun mkhyen thob bya'i phyir bu yis blo gros 'di gyis shig /de nas cho ga'i yan lag kun/ /byas la byin gyis brlab pa dang/ /mchod nas a shwat+tha sogs pa'i/ /so shing ku sha srung skud byin/ /rig sngags ldan pa'i srad bu ni/ /tshad dang ldan par skal pa dang phan tshun legs par sgril ba yis/ /mkhas pas dkyil 'khor thig gdab po/ /oM a n+yo? n+yA nu ga ta sarba d+harmA/ spa ra spa rA nu ga ta/ sarba d+harmA/ A dya ndA nu pra biSh+Ta sarba d+harmA hUM/ oM badzra sa ma ya sU tra ma tri kra ma hUM/ /shar nub byang dang lho phyogs dang/ /mngon par bltas la tshangs thig gnyis/ /me dang gnod sbyin dbang ldan dang/ /gshin rje mngon par phyogs pa dang/ /rlung dang gshin rje bden bral dang/ /gnod sbyin phyogs su kha bltas la/ /shar dang nub tu thig gdab pa/ /me dang bden bral srin po dang/ /dbang po rlung dang dbang ldan dang/ /rlung gi phyogs su kha bltas la/ /go rims bzhin du lho byang gi /thig gnyis de bzhin gdab par bya/ /slob dpon slob ma bskor phyogs su/ /'gro zhing me dang rlung mtshams dang/ /bden bral dbang ldan mtshams su ni/ /gnas nas thig gnyis gdab par bya/ /gsar pa las ni skal nas kyang/ /tshad dang mthun par mdzes pa yi/ /thig ni mkhas pas ci nus kyi/ /dkyil 'khor gyi ni thig gdab

  246. 123b

    po/ /gru bzhir bya zhing bsgo bzhi dang/ /rta babs bzhi yis mdzes byas la/ /thig bzhi dang ni ldan gyur pa/ /dar dang me tog phreng bas brgyan/ /grwa yi phyogs ni thams cad dang/ /sgo khyud kyi ni mtshams rnams su/ /rdo rje rin chen spras par ni/ /dkyil 'khor phyi rim thig gdab bo/ /de yi rim pa'i nang zhugs la/ /'khor lo 'dra ba'i rdo rje yis/ /thig gis yongs su bskor bya zhing/ /ka ba brgyad kyis mdzes byas la/ /phyogs kun mnyam pa nyid dmigs la/ /shes rab can gyis thig gdab bo/ /shar dang nub dang byang dang lhor/ thig bzhi btab pas dkyil 'khor brgyad/ /de ltar lung dang bla ma yi/ /gdams ngag dag la brten nas ni/ /cho ga ji lta ba bzhin du/ /dkyil 'khor chen po'i thig gdab bo/ /oM tsi tra sa ma ya hUM/ zhes ni lan gsum mngon bzlas pa'i/ /sngags dang phyag rgya bcas pa dang/ /byin gyis brlabs nas tshon rtsi ni/ /cho ga bzhin du bri bar bya/ /sngon po rdo rje rtse rang bzhin/ /gnyis pa gser la dmigs pa ste/ /pad+ma rA ga'i rang bzhin gzhan/ /de bzhin gzhan ni margad 'dra/ /dkar po'i nang du shes bya ste/ /de ni tshon gyi rim par bshad/ /shar phyogs su ni sngon po ste/ /lhor ni ser po dang ldan pa/ /nub kyi cha ni dmar po ste/ /byang ni ljang gur yang dag ldan/ /dbus kyi sa yi cha nyid ni/ /shel ltar dkar ba bla na med/ /rtag tu rdo rje dril 'chang zhing/ /rab? mnyam gzhag pa'i slob dpon gyis/ /lha rnams rang rang gnas su ni/ /gzugs dang phyag rgya sogs pa yi/ /kha dog dbyibs kyi dkyil 'khor gyi/ /bris nas sngon gsungs mchod pa rnams/ /rgya chen po yis mchod bya zhing/ /gzhan yang zhal zas sna tshogs dang/ /'dod yon lnga dang rin chen dang/ /gos kyi bye brag sna tshogs dang/ /rta dang glang po'i tshogs kyis mchod/ /mtshan nyid ldan pa'i bum pa rnams/ /mgrin pa'i ras kris tsu ta las/ /sogs par lo mar bcas pa yis/ /shing

  247. 124a

    gi kha brgyan rin chen dang/ /'bru dang sman lnga dri zhim pa'i/ /spos chu me tog la sogs pas/ /rab tu bkang nas rang rigs kyis/ /mtshan mas mtshan nas bum pa la/ /rang rang rigs kyi lhar bskyed nas/ /ye shes sems dpa' zhugs pa dang/ /mchod pa la sogs byin brlabs nas/ /cho ga bzhin du gnas par bya/ /'bras chan nas chan snum khur sogs/ /bza' ba shin tu rgya chen po/ /sngags dang phyag rgyas byin brlabs nas/ /gtor ma shin tu rgya chen btang/ /lha dang lha min gnod sbyin lto 'phye grul/ /nam mkha' lding dang 'dabs bzangs lus srul po/ /dri za srin po gdon gyi rigs rnams dang/ /gang dag sa la gnas pa'i rdzu 'phrul can/ /bdag cag pus mos la btsugs nas su/ /thal sbyar khyed rnams la ni gsol 'debs kyis/ /bu smad bcas shing g.yogs 'khor bcas pa rnams/ /gnas dang phan gdags slad du 'dir sbyon cig /'byung po gang dga' i rab ste gnas dang/ /dga' ba'i tshal dang lha yi gnas rnams dang/ /shar nub ri dar nyi zla'i khyim rnams dang/ /ri bo kun la gang dag gnas pa dang/ /chu bo kun dang chu yi mdo rnams dang/ /rin chen gnas na lhag par gang gnas dang/ /mtsho dang rdzing dang lter ka chu dogs dang/ /g.ya' chu sil ma dag na gang dag gnas pa dang/ / grong dang grong khyer phyugs lhas stong pa dang/ /khang stong dag dang lha yi khang pa dang/ /gtsug lag khang dang grong khyer gnas dag gam/ /dka' thub gnas dang glang chen bres dang ni/ /rgyal po'i dkor khang dag na gang gnas dang/ /lam srad bzhi mdo dang ni mdun sa dang/ /gang dag lam po che dang shing gcig drung/ /dur khrod chen po nags tshal chen po dang/ /seng ge dreng dang gcan zan gnas rnams dang/ /'brog chen 'jigs su rung bar gang gnas dang/ /gang dag gling

  248. 124b

    ? tshig dag na gnas pa dang/ /lhun po dur khrod dag na gnas pa rnams/ /rab tu dgyes shing go bar gyur nas su/ /phreng ba me tog dri dang bdug pa dang/ /gtod dang gtor ma mar me gus phul nas/ /'di dag bzhes te btung zhing bsnams nas su/ /las? 'di rnams kyi 'bras bu mchis par mdzod/ /shar phyogs rdo rje can de lha tshogs 'khor dang bcas/ /gtor ma phul ba 'di dag bzhes su gsol/ /me dang gshin rje bden bral srin pa'i bdag /chu bdag rlung bdag nor gyi bdag po dang/ /dbang ldan lha ste 'byung po'i bdag po dang/ steng gi nyi zla tshangs pa chen po dang/ /lha rnams kun dang gang dag sa steng klu /ri'i lha dang gsang ba'i tshogs 'dus pa/ /so sor so sor gtor ma phul ba 'di/ /rab tu dgyes pa'i yid kyis bzhes nas kyang/ /rang rang phyogs su la par bzhugs nas su/ /rang gi bu smad mdza' bshes gnyen bdun dang/ /nang mi? dmag dang dpung bcas thabs gcig tu/ /me tog dri dang byug pa gtor mar bcas/ /'di dag btung zhing legs par gsol nas kyang/ /bdag gi las kyi 'bras bu mchis par mdzod/ /zhi dang rgyas dang dbang dang ni/ /mngon spyod kyi ni dbye ba yi/ /thabs khung mchod rdzas rnal 'byor dang/ /'dug stangs tshul bzhin shes par bya/ /de la re shig zhi ba ni/ /sa gzhi dkar po thab khung ni/ /zlum po'i chur ni khru gang zabs/ /khru? ni phyed kyi tshad/ /sor bzhi dor la spangs su ni/ /sor bzhi stong la sor bzhi smad/ /phyi rol kun nas gru bzhi ma/ /cho ga bzhin du bri bar bya/ /u dum wa ra pa la sha /a mra blags sha kar smra rgya/ /a shwad tha la sogs pa yi/ /yam shing sor ni bcu gnyis dang/ /nam zho 'o ma 'bras yos dang/ /til dang dur ba ku sha sngo/ /sa la 'bras chen me tog dkar/ /spos dang sbrang rtsi mar la sogs/ /srog chags med pa'i mchod sbyin shing/ /dgon pa'i lci ba 'o ma shing/ /gos dkar go rnams

  249. 125a

    snying rje'i sems/ /rnal 'byor pad+ma'i 'dug stangs so/ /rang gi sa bon las byung ba/ /las dang rjes mthun b+ha ba ka /rdo rje rtse gsum phreng ba dang/ /dbyug pa 'gun te 'dzin bsams nas/ /ye shes me lha dgug pa dang/ /gzhu dang bcing dang dbang byas nas/ /phyag rgya bzhis gdab dbang bskur ba/ /oM ratnA b+hi ShI ny+tsa/ b+hasmi ku ru sarba/ de nas mchod yon sngon song ba'i/ /las dang rjes su mthun pa yi/ /mchod pa lnga dang sgeg mo sogs/ /gsang ba'i mchod pa rnams kyis mchod/ /de rjes gsang sngags 'di dag gis/ /mar gyi dgang blugs gsum phul nas/ /bgegs ni yod med brtag par bya/ /oM a na la ma hA b+hu ta dzwa la ya sarba duSh+TaM hUM phaT/ 'bar ba'i me la yam shing ste/ /de nas mar dang de 'og til/ / de nas 'bras chan la sogs pa'o/ /cho ga 'di ni mdor bsdus pa'o/ /de nas me yi dbus nyid du/ /dkyil 'khor lha rnams dmigs pa dang/ /ye shes sems dpa' bcug nas ni/ /mchod pa yongs su rgyas par bya/ /ma la bsang gtor 'thor 'thur dang/ /dgang blugs dang ni mchog pa dag /byas nas 'dod pa'i dngos grub phyir/ /gsol ba btab la gshegs su gsol/ /de nas dge bsnyen dge tshul dang/ /dge slong sdom pa 'dzin pa yi/ /slob ma dag la cho ga bzhin/ /rim bzhin gzhug cing dbang bskur ro/ /stod g.yogs smad g.yogs ldan pa dang/ /lag na me tog bcos pa dang/ /phyag 'tshal gsol ba gdab pa dang/ /bshags pa la sogs byas nas ni/ /gtso bo bdag la sdom pa gsol/ /thub pa nyi ma ma lus pa// sangs rgyas bdag la dgongs su gsol/ /bdag ming 'di zhes bgyi ba ni/ /slob dpon dbang du gnas pa la/ /sangs rgyas rol mo las byung ba/ /mi ldog 'khor lo'i 'byor par ldan/ /thar pa chen po'i grong khyer mchog /gsang ba chen por

  250. 125b

    'jug par bgyi/ /gsang ba'i rigs mchog thams cad du/ /slob dpon chen po bdag 'jug mdzod/ /mi ldog pa yi dbang bskur ba/ /skal pa chen po bdag la gsol/ /mtshan rnams kun gyi rgyas btab cing/ /dpe byad rnams dang yang dag ldan/ /sangs rgyas kun gyi yid 'ong ba/ /slob dpon chen po bdag la gsol/ /dbang bskur ba ni rmad byung che/ /sems can kun gyi don gyi phyir/ /bdag ni rtag tu slob dpon 'gyur/ /slob dpon chen po bdag la gsol/ /che ge zhes bya ba 'di nyid ni/ /byang chub sems ni yongs 'dzin cing/ /dam tshig sdom dang gsang ba yi/ /'khor lo 'di la gzhug par 'tshal/ /gsang ba chen po'i rigs dag pa'i/ /gsang ba yongs su 'dzin par ni/ /bdag nyid chen po khyed 'dod dam/ /'tshal zhes brjod pa 'di skad ces/ /sangs rgyas chos dang dge 'dun te/ /dkon mchog gsum la skyabs su song/ /'di ni sangs rgyas rigs dag pa'i/ /dam tshig brtan par gyur pa'o/ /rdo rje dril bu'i phyag rgya yang/ /blo chen khyed kyis gzung bar gyis/ /byang chub sems gang de rdo rje/ /shes rab dril bu zhes bshad do/ /slob dpon dag kyang gzung bar bgyi/ /bla ma sangs rgyas kun dang mnyam/ /'di ni rdo rje'i rigs dag pa'i/ /sdom pa dam tshig yin par gsungs/ /rin chen rigs mchog chen po la/ /nyin dang mtshan mo lan gsum du/ /zang zing mi 'jigs chos dang 'byams/ /sbyin pa rnam bzhi rab tu sbyin/ /phyi nang gsang ba theg par gsum/ /dam pa'i chos kyang bzung bar bgyi/ /'di ni pad+ma rigs dag pa'i/ /sdom pa dam tshig yin par gsungs/ /las kyi rigs mchog chen po la sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bya/ /slob dpon 'dir ni bdag la gson/ /gtso bos ji ltar bka' stsal pa/ /de ltar bdag gis bgyid par 'tshal/ /ji ltar dus gsum mgon po rnams

  251. 126a

    byang chub tu ni ngas mdzad pa'i/ /byang chub sems ni bla med pa/ /dam pa bdag gis bskyed par bgyi/ /la sogs tshig ni brjod nas ni/ /oM sarba yo ga tsit+totpa da yA mi/ /byang chub sems ni bla med pa/ /dam pa bdag gis bskyed bgyis nas/ / su tra sa ma yastwaM ho badzra sid+d+hi ya thA su khaM/ rdo rje lcags kyu sogs sngags kyis/ /dgug gzhug bcing dang dbang byas nas/ /de khyod ces bya la sogs pa dang/ /ya ma na yi snying po brjod par bya/ /rdo rje sems dpa' deng khyod kyis/ /snying la yang dag gzhug par 'gyur/ /gal te tshul 'di smras gyur na/ /de ma thag tu bral te gshegs/ /oM badzrotka tha/ /de nas ye shes dbab pa dang/ /me tog dor dang gdong g.yogs ni/ /bkrol nas dkyil 'khor bstan par bya/ /de nas chu dang cod pan dang/ /rdo rje'i bdag po ming dang ni/ /brtul zhugs rjes gnang la sogs pa/ /cho ga bzhin du sbyin par bya/ /de nas slob dpon la ni yon/ /rjes su mthun par dbul byas la/ /dkyil 'khor lha yi 'khor lo rnams/ /ma lus par ni gshegs su gsol/ /lung dang bla ma dam pa rnams kyi gdams ngag rjes 'brangs nas/ /rgyud rnams kun gyi snying por gyur pa 'jam dpal mtshan brjod kyi/ /dkyil 'khor cho ga tshul bzhin byas las bdag gi dge ba ni/ /thob pa gang des 'gro kun 'jam dpal ye shes zhal mthong shog /'phags pa 'jam dpal gyi mtshan yang dag par brjod pa'i dkyil 'khor gyi cho ga slob dpon so ma sh+ris mdzad pa rdzogs so// //rgya gar gyi mkhan po ma hA dz+nyA na dang/ lots+tsha ba dge slong gzhon nu 'od kyis bsgyur cing gtan la phab pa'o// // rgya gar skad du/ Arya many+dzu sh+rI nA ma saM gI ti/ sarba maN+Dal stwat+twa/ bod skad du/ 'phags pa 'jam dpal gyi mtshan yang dag par brjod pa'i dkyil 'khor thams cad la bstod pa/ /phyi dang nang dang de'i nang na/ /sku gsung bdag nyid la bzhugs pa/ /

  252. 126b

    snying rje shes rab rjes zhugs pa/ /gzhon nu khyod la phyag 'tshal lo/ /rnam kun rnam par byang chub dang/ /rnam kun dri ma med pa dang/ /chos rnams kun la gnas pa dang/ /chos kun gcig tu ston pa dang/ /rnam kun tshul la 'jug pa dang/ /rnam kun tshul la gnas pa dang/ rnam pa kun gyi don tshul cig /'jam pa'i dbyangs la phyag 'tshal bstod/ /sgeg dang bzhad dang mi sdug dang/ /drag po'i ngo mtshar nyams bdag nyid/ /nyon mongs gcod dang shes rab can/ /dang po'i sangs rgyas khyod la 'dud/ / srid dang zhi ba spangs pa dang/ /srid dang zhi bar bzhugs pa mdzad/ /zla ba gzhon nu ltar mdzes pa/ /chos sku de la phyag 'tshal lo/ /chos rnams thams cad stong nyid kyi/ /srog tu khyod ni zhugs pa yin/ /mtshan ma la yang mtshan ma med/ /dbang phyug che la phyag 'tshal bstod/ /khyod mi bzhugs na spros 'di la/ /ji ltar yang ni smon pa yin/ /khyed 'dir rjes su zhugs na ni/ /'di la smon lam phyag 'tshal bstod/ /thog ma bar dang thar dge ba/ /'di ni rang nyid 'od gsal ba/ /'phrin las rjes su 'jug pa yin sna tshogs ston la phyag 'tshal bstod/ /lta ba rtog ngag las 'tsho ba/ /rtsol dang dran dang ting 'dzin gyi/ /'phags pa'i yan lag 'khor lo mdzes/ /'khor los sgyur la phyag 'tshal bstod/ /rang bzhin gyis ni kun rdzob dang/ /sems can rnams kyi bsdu ba dang/ /dge ba dri med snang ba dang/ /smin byed de la phyag 'tshal lo/ /zang zing mi 'jigs sbyin byed dang/ /byams pa sbyin byed mchog dang ni/ /chos sbyin chos kyi dbang phyug gi/ chen po de la phyag 'tshal bstod/ /zhi gnas lhag mthong cag gis ni/ /shes rab pha rol phyin par 'gro /nyon mongs spyod pa'i shes rab kyi/ /ral gri bsnams la phyag 'tshal bstod/ /sems can khams ni mgu ba dang/ /rdzu 'phrul rkang pa chen pos gnon/ /bstan pa so so rang rig gis/ /skyob pa'i mgon la

  253. 127a

    phyag 'tshal bstod/ /go cha chen po bgos pa dang/ /'jug pa che la gnas pa dang/ /so sor rtog pa byed pa dang/ /bya ba nan tan de la bstod/ /sbyin dang tshul khrims bzod brtson 'grus/ /bsam gtan shes rab stobs chen dang/ /thabs dang smon lam ye shes kyis/ /pha rol phyin la phyag 'tshal bstod/ /brgya dang drug cu grangs kyi ni/ /dpal gyi byang chub 'gro ba'i gtso/ /gang zhig cig kyang rnam bcu drug /'dod chags che la phyag 'tshal bstod/ /byams pa'i ya lang bgos pa dang/ /shes rab go cha bgos pa dang/ /snying rje chen po blo ldan dang/ /ye shes tog la phyag 'tshal bstod/ /bzang po'i lam la sems can rnams/ /'jig cing skyob par byed pa dang/ /zab pa'i blo dang rgya mtsho bzhin/ / mi bzad blo yi gter la 'dud/ /dbyer med spobs pa dag gis ni/ /stobs kyi pha rol tu phyin la 'dud/ /bgrod dka' i ngan song chen po las/ /kun tu 'dren la phyag 'tshal bstod/ /mya ngan mun pa sel 'joms dang/ /dra ba'i 'od la phyag 'tshal bstod/ /rnam kun bdud rtsir 'dzag pa yi/ /zla ba'i 'od la phyag 'tshal bstod/ /'od dpag med dang sprin med pa'i/ /nam mkha' i snying po phyag 'tshal bstod/ /sgrib pa thams cad sel ba la/ /phyag 'tshal 'dud cing phyag 'tshal 'dud/ / dad dang brtson 'grus dran bsam gtan /shes rab kyis ni rjes bsrungs pa/ /srung ba med kyang 'od dag ni/ /gnon pa rmad byung rgyal la 'dud/ /chos kyi dbyings kyi bdag nyid kyi/ /la lar rdo rje sems dpa' dang/ /nyon mongs shes bya spangs ba yis/ /la lar rnam par snang mdzad dang/ /la lar rdo rje hUM mdzad dang/ /la lar pad+ma gar dbang phyug/ /la lar rdo rje nyi ma ni rgya chen rmad du byung chen pos mdzes/ /gcig gi bdag nyid rta mchog dang/ /la lar gsum gyi bdag nyid dang/ /gang zhig rnam lnga'i sna tshogs

  254. 127b

    pa'i/ /skyob pa de la phyag 'tshal lo/ /gnyis med 'byung ba'i chos nyid phyir/ /'khor los sgyur gyi rigs 'dzin pa/ /gcig kyang sna tshogs bdag nyid kyi/ /rnam par snang mdzad che la 'dud/ /mtshan brjod dkyil 'khor ma lus la/ /bstod pas bsod nams gang skyes pa/ /dge ba 'di yis sems can rnams/ /'jam pa'i dbyangs ni 'grub par shog /'phags pa 'jam dpal gyi mtshan yang dag par brjod pa'i dkyil 'khor thams cad la bstod pa/ /slob dpon so ma sh+rI mdzad pa rdzogs so/ //rgya gar gyi mkhan po mahA dz+nyA na dang/ bod kyi lots+tsha ba dge slong gzhon nu 'od kyis bsgyur cing gtan la phab pa'o// //rgya gar skad du/ pi laM bi d+hi/ bod skad du/ gtor ma'i cho ga /'phags pa 'jam dpal la phyag 'tshal lo /yid bzhin nor bu chen po 'chang/ /dpag bsam shing chen rgyas 'dra ste/ /bum pa bzang po che ba'i mchog go /sems can kun don byed la 'dud/ /gtor ma'i rim pa bshad par bya/ /dang po lha'i rnal 'byor dang ldan pa'i sngags pas rin po che'i snod mdzes pa'i nang du/ /kha zas kyi 'byor pa dri dang kha dog dang ldan pa sna tshogs bcug la/ /gtor ma'i nang du yi ge a las yid bzhin gyi nor bu 'bar ba zla ba'i steng du rnam par bsams la/ /de las bdud rtsi'i chu rgyun dang/ /'dod pa'i yon tan gyis rnam par spras pas snod dang bcud chos kyi dbyings khyab par bsam zhing bsgom pa ni/ /yid bzhin nor bu chen po 'chang/ /khyab bdag rin chen kun gyi gdugs zhes bya'o/ /bdag nyid kyi snying kha'i d+hi? las dpag bsam shing chen rgyas pa ste/ bum pa bzang po che ba'i mchog /ces bya ba ni dpag bsam gyi shing nam mkha' i mdza' dang mnyam pa bum pa bdud rtsis bkang ba'i 'bras bu smin pa bdud rtsi rnam par 'jog pa'o/ /gtor ma'i rgyud rgyas

  255. 128a

    bar bsam mo/ /thugs kha'i 'od zer gyis ye shes bdud rtsi dbab ste/ /gnyis su med par bsam mo/ /a A sarba ta thA ga ta h+ri da ya ha ra ha ra oM hUM h+ri b+ha ga waM dz+nyA na murti bA gi shwa ra ma hA pa tsa sarba d+harmA ga ga na a ma la su pa ri shud+d+ha d+harma d+hA tu oM A(rgyud 'grel): hUM zhes pas byin gyis brlab bo /sna tshogs gzugs can yid las skyes/ /'jig rten gsum yang gzhon lus gcig /ces bya ba ni de nas snying kha'i 'od zer gyis yang dag pa'i sangs rgyas sras dang bcas pa dang khams gsum gyi sems can thams cad bkug ste/ /de dag thams cad snying khar yi ge a bkod pa'i 'od zer gyis rnam par sbyangs te/ /'phags pa 'jam dpal du bsam mo/ /gsum sel mdza' yas grol gsum 'thob/ /sangs rgyas sprul pa'i rgyan dang ldan/ /zhes bya ba ni yi ge gsum gyis byin gyis brlabs la/ /dngos sam yid kyis lus dpag med sprul la mchod do/ /nam mkha' i mdza' la longs spyod cing/ /sems can kun yid tshim par byed/ /de ltar ljags kyi 'od zer gyis bdud rtsa'i rgyun la zhugs te/ /kun kyang tshim par dmigs shing 'dod pa'i longs spyod kyis tshim par bya'o/ /de nas chos kyi sbyin bdag chen po ste/ /mchod 'os bstod 'os phyag gi gnas/ /zhes pas phreng ba'i sngags dang/ /a kA ro ma khaM sarba d+harmA NAM Adya nutpa n+na twat/ oM A(rgyud 'grel): hUM zhes pa dang/ tshigs su bcad pa'i bstod pas chos kyi sbyin pa bya'o/ /byang chub sems dpa' sems dpa' che/ /shes rab kyis ni de thob shog /byang chub chen por bsngo zhing smon lam rgya chen por gdab/ /oM A(rgyud 'grel): muM(rgyud 'grel): zhes pas gshegs su gsol/ /pha rol phyon dang rgyud rnams ma lus dang/ /bde gshegs rgyal po'i dkyil 'khor ma lus kyi/ /kun gyi gtso bor khyab pas thugs la gnas/ /ye shes

  256. 128b

    lus can mtshan don rgya che bas/ /sna tshogs tshul can bstod kyis deng 'dir bdag gis 'dir/ /dam pa'i gdams ngag nyer bstan rnal 'byor lam dang sbyar/ /sbyar ba 'di la dge ba gang yod 'dis/ /bdag sogs 'jam dpal ye shes sems dpa' 'dra 'gyur shog /gtor ma rdzogs so// // */ (/dpal thams cad gsang ba'i rgyud kyi bshad sbyar gsang ba'i sgron ma zhes bya ba slob don rin chen 'byung ba nas zhi bas mdzad pa bzhugs so//) rgya gar skad du/ sh+rI sarba ra ha sya ni band+he ra ha pra dI po nA ma/ bod skad du/ dpal thams cad gsang ba'i bshad sbyar gsang ba'i sgron ma'o/ /'jam dpal gzhon nur gyur pa la phyag 'tshal lo/ /gang zhig rnal 'byor rgyud du gsar byas pa/ /rang gi sku gsung thugs dngos sna tshogs pa/ /thams cad gsang ba'i rgyud ni de brten nas/ /gsang ba'i sgron ma bshad sbyar brtsam par bya/ /las kyi cho gas rgyas par gyur pa rnams ni sbyin pa la sogs pa dka' ba'i spyod pa rnams kyis yun ring por byang chub par 'dod pa rnams la yang dag par rdzogs pa'i byang chub tu spros pa bskyed pa'i phyir mi rnams kyis lus ni phyag dar gyi phung po dang mtshungs pa yin gyi/ /sems ni yid bzhin gyi nor bu lta bu dang mtshungs pa yin no zhes bstan par bya ba'i phyir/ /'byung lnga nyid kyis zhes bya ba la sogs pa yin te/ 'byung ba zhes bya ba ni nyon mongs pa dang las kyis bskyed pa sdug bsngal sna tshogs kyi rgyur gyur pa sa dang chu dang me dang rlung dang nam mkha' i khams te lnga bo nyid kyis so/ /nges pa ni rtag mi dgos pa'o/ /mthong ba dag ces bya ba ni tshad mar grub pa'o/ /mi rnams kyi lus de lta bu yin du zin kyang sangs rgyas su 'gyur ro zhes bya bar sbyar ro/ /ci zhig byas pas zhen rang sems rang du bsgom pa ste/ mthar thug par bsgoms pas so/ /ji ltar bsgoms pas zhe na dngos der bsgoms pas zhes bya ba ste dngos po der 'gyur

  257. 129a

    ba'i phyir te sangs rgyas nyid du 'gyur ba'i phyir/ dngos po gang sems kyi de kho na nyid sgom pa gang yin pas so/ /nges par zhes bya ba ni gdon mi za bar sangs rgyas te de bzhin gshegs par 'gyur ro/ /sems kyi che ba'i bdag nyid gzhan dag kyang bstan par bya ba'i phyir/ /rang shes gsang ba zhes bya ba la sogs pa gsungs te/ rang gi ye shes te rang sems nyid ni dpal gyi yon tan dang ldan pas na sangs rgyas rnams kyang rab tu 'dud cing/ phyag 'tshal bar mdzad do/ /rang gi sems ji lta bu zhe na/ gsang ba zhes bya ba ste/ 'jig rten las 'das pa nyid yin pa'i phyir ro/ /dam pa ni 'jig rten las 'das pa thams cad las mchog tu gyur pa'i phyir ro/ /de ci'i phyir zhe na/ sangs rgyas ye shes bla med de zhes bya ba gsungs te/ /gang gi phyir rang gi sems nyid de bzhin gshegs pa'i bla na med pa'i ye shes yin pas so/ /dris pa gnyis su snang ba nyid kyis 'khrul cing/ /kun nas nyon mongs pa'i so so skye bo'i sems te/ ji ltar sangs rgyas kyi ye shes yin zhe na/ gnyis med gnyis kyi tshul can zhes bya ba gsungs te/ de ni gnyis su med pa'i ye shes yin te/ gnyis su snang ba stong pa nyid kyi rang gi ngo bor gyur par yang dag par rtogs pa'i phyir ro/ /de lta bu yin du zin kyang gnyis kyi tshul can te zhes bya ba ste/ rdzun yin du zin kyang gzung ba dang 'dzin pa'i tshul du so sor snang ba'i phyir/ /de ni mi bden pa yin glo bur gyi 'khrul pa can gyi de ni rang bzhin gyis gnyis su med pa'i ye shes yin pas/ /rang bzhin gyis sangs rgyas kyi ye shes yin no/ de lta bu'i ye shes nyid la ni sangs rgyas rnams kyang 'dus par mdzad te/ chos kyi sku la sogs pas gtso bor gyur pa'o zhes bya ba'i tshul gyis so/ /de bas na rang gi sems nyid la phyag 'tshal ba yin te/ de ltar phyag 'tshal ba ni rtag par rab tu 'dud ces bya ba

  258. 129b

    ste/ 'di ni khyad par du 'phags pa nyid du gsungs pa yin te/ 'dis ni shin tu myur du byang chub ma thob cing bskal pa grangs med pa gsum 'am/ mang po rab tu 'dud do zhes bya ba'i don to/ /yang dag par phyag 'tshal ba rnams ni myur pa nyid du byang chub rtogs pas yang phyag 'tshal bar mi byed do zhes dgongs so/ /de nyid kyi dbang du mdzad nas gang yang zhes bya ba la sogs pa gsungs te/ chos thams cad dmigs pa la rang gi sems ni gnyis su snang bar ni bdag med pa ste rgyu nyid kyi sbyor pa'o/ / de las yang dag par byung ba ni yang dag par shes pas sangs rgyas kyi ngo bor byung ba ste/ 'bras bu 'di kho na nyid kyi sbyor ba la gnas pa zhes bya ba'i don to/ /rgyu dang 'bras bu'i de kho na nyid dbyer med pa'i ye shes ni gnyis su med pa'i ye shes te/ smra bsam las 'das pa'o/ /de las byung ba ni 'di dag ma lus par rdzogs par gyur pa yin pas na/ /gnyis med ye shes las byung ba zhes bya ste/ de ri 'og tu sdug dang mi sdug rnam spangs pa zhes bya ba ste/ sdug pa ni thob par bya ba'i chos rnams so mi sdug pa ni spang bar bya ba'i chos rnams te de ma lus pa rnam par spangs pa ni thob pa dang spangs pa mthar thug pa'i bdag nyid 'thob pa'o/ /de ltar gyur pa'i rnal 'byor pa gang yin pa de ni ci la yang phyag ni mi 'tshal lo zhes bya ba ste/ bya ba byas pa'i sgrub pa la sbyor ba yin pa'i phyir ro/ /bcom ldan 'das kyis yang dag par phyag 'tshal ba de nyid gsal bar mdzad cing de nyid la 'jig rten rnams nges par sbyar ba'i phyir/ ma skyes pa ni ces bya ba la sogs pa gsungs te/ rang gi shes pa te rang gi sems gnyis su snang ba dang bral ba'i tshul gyis sngar ma skyes pa'i de'i tshul du bskyed la/ skyes par gyur pa'i pha rol te/ rjes la sangs rgyas skur ni zhes bya ba sangs rgyas kyi rnam par rtag tu zhes bya ba rtag pa nyid kyis bsgom par bya

  259. 130a

    ste/ phyag 'tshal ba de la rang nyid de nyid la rang gi lus dang ngag dang yid kyis zhugs par bya'o/ /zhes bya ba'i don to/ /de la lus kyi rab tu zhugs pa ni sangs rgyas kyi sku las tha dad pa'i rang gi lus mi dmigs pa'o/ /tshig gis rab tu zhugs pa ni sangs rgyas ni bdag go zhes smra'o/ /'di gnyis las gzhan du yid mi g.yeng ba ni/ /sems kyi rab tu 'jug pa'o/ /lus la sogs pa'i rab tu 'jug pa 'di nyid ni de'i lus dang ngag dang yid kyi phyag 'tshal ba'i mchog yin te/ myur ba nyid byang chub sgrub par byed pa yin no zhes bya bar dgongs so/ /'dir yang sangs rgyas kyi sgras byang chub sems dpa' la sogs pa rnams kyang bzung ste/ de bzhin gshegs pa thams cad bsdus pa nyid ni sangs rgyas dang byang chub sems dpa' la sogs pa'i tshul gyis rnal 'byor gyi rgyud la bsgom par bya ba yin pa'i phyir ro/ /rnal 'byor 'di la 'di'i skal ba dang ldan pa ma yin no zhe na/ rnal 'byor pa dang zhes bya ba la sogs pa gsungs te/ 'dir rnal 'byor ni gnyis su med pa'i ye shes so/ /de nyid ni sngar bshad pa'i tshul gyis rtag tu yod pa yin pas na rnal 'byor pa ste/ sems can thams cad do/ /gal te thams cad rnal 'byor pa yin na/ /'dir skal pa med pa ni 'ga' yang med pas/ /'khor bar ga la 'khor bar 'gyur zhe na/ de'i phyir nyon mongs zhes bya ba la sogs pa gsungs te/ ni zhes bya ba'i sgra ni dkar ba'i don te/ nyon mongs pa dang bag chags kyis sun phyung bas 'gro ba de dang der 'khor bar gyur pa'o/ /lus can zhes bya ba ni lus thob pa rnams so/ /rgyu gang gis nyon mongs pa dang bag chags kyi lus 'thob ce na/ de'i phyir sdug dang zhes bya ba la sogs pa gsungs te/ sdug pa ni gnas dang longs spyod la sogs pa'o/ /mi sdug pa ni de dag gi rnam par

  260. 130b

    'byed pa'i khyad par la yongs su rtogs pa'o/ /de las ni bag chags te/ de nas yang sdug pa dang mi sdug pa'i rnam par 'byed pa'o/ /de nas ni gnyis thob par dang spangs par srid par skye la/ de nis lus 'thob pa yin no/ /dris pa lha'i lus dang ldan pa rnams dga' ba'i tshal la sogs par 'khor ba na/ bde ba dang sdug bsngal yin ci zhig yod ji ltar na 'khor ba yin zhe na/ sdug bsngal zhes bya ba la sogs pa gsungs te/ 'di na nyon mongs pa dang las las byung ba'i zag pa dang bcas pa'i lus dang longs spyod dang gnas rnams ni/ gang gis spyod pa dang gang la spyod pa dang/ gang du spyod pa ste/ de ni lus dang lhan cig 'byung ba na/ lus 'byung ba'o/ /gang sems dang sems las byung ba'i tshogs de nyid ni sdug bsngal lo/ / de skad du gang zhig zag bcas nyer len pa'i/ /phung po de dag thabs bcas kyang/ /sdug bsngal kun 'byung 'jig rten dang/ /lta gnas srid pa'ang de dag yin/ /zhes bshad pa'i phyir ro/ /de ltar yin na go /'jig rten rnams sdug bsngal yin na ji ltar thar bar 'gyur zhe na/ sems de zhes bya ba la sogs pa gsungs te/ sdug bsngal de gnon cing shes pa'i 'gro ba ni sems kyis so sor rtogs shing yongs su shes pas brten pa ni rtogs pa yin te/ gdams pa'i rtsa ba yin no/ /de bas na gdabs pa po ni 'khor ba las sgrol bar byed pa yin no/ /de su zhig yin zhe na/ rnam par snang mdzad ces bya ba la sogs pa gsungs te/ thams cad du thog pa med cing shin tu rnam par dag la rtag pa nyid kyi ye shes kyi tshul can yin pas na// khyab pa rnam par snang mdzad pas na rnam par snang mdzad do/ /rnam pa thams cad du chos kyi longs spyod bskyed par mdzad pas na rgyal ba'o/ /rnam pa thams cad du 'gro ba'i don mdzad pas na mgon po ste ngo bo nyid dang longs spyod rdzogs pa dang sprul pa

  261. 131a

    sku dang rim bzhin du sbyar ro/ /de ltar dang po'i tshig ni bstan pa yin la 'og ma gsum ni bshad pa yin te/ sangs rgyas thams cad ni sangs rgyas kyi chos thams cad ste/ de rnams kyi ro cig pa na bsdus pa zhes bya ste/ de ni rnam snang mdzad kyi don yin no/ /sangs rgyas thams cad ni sangs rgyas kyi chos rnams te/ de nyid sangs rgyas rnams la sogs shig tu byas nas bshad pa yin te/ 'dis na sangs rgyas thams cad rtogs 'gyur ba zhes bya ste/ 'di ni rgyal ba'i don yin no/ / sangs rgyas 'khor ba sgrol ba po zhes bya ba ni mgon po'i don yin no/ /dris pa bcom ldan 'das de nyid kyi don gyi mthar byon pa yin nam/ 'o na te gzhan dag kyang sgrol bar mdzad pa yin nam/ 'on te ltes par mdzid pa yin zhe na/ de'i phyir sems can kun la zhes bya ba la sogs pa gsungs te/ sems can kun la phan pa de nyid ni don yin te/ 'dod pa yin pa'i phyir ro/ /de la thugs rje 'byung ba gang yin pa de nyid ni nyams yin te/ /rab kyi mthar thug pa yin pa'i phyir ro/ /de dang yang dag par ldan pa ni rtag tu bcas pa ste/ de bas na btang snyoms med pa yin no zhes bya bar dgongs so/ /gdams pa bstan pa'i phyir rgyu'i zhes bya ba la sogs pa gsungs te/ shin tu myur ba dang shin tu bde bar byang chub sgrub par byed pa'i sbyor ba ni rgyu'i de kho na nyid do/ /de'i mnyam par sbyor ni snyoms par 'jug pa'o/ /de las gong du zhes bya ba ni bstan pa de'i gong du zhes bya ba'i don to/ /'bras bu'i de nyid ni sangs rgyas kyi sku'o/ /de ston pa ni de'i sbyor ba ston par mdzad pa'o/ /ci bcom ldan 'das de gzhan dag kyang ston par mdzad dam zhe na/ 'bad de zhes bya ba la sogs pa gsungs te/ 'bras bu'i de nyid yang dag par zhugs zhes bya ba ni rgyu dang 'bras bu mi phyed pa'i ye shes la sogs pa yongs su rdzogs pa la yang dag par zhugs pa'i rnal

  262. 131b

    'byor pa ni rgyu'i de kho na nyid mi 'dod te/ bya ba byas pa nyid rtogs pa yin pa'i phyir slar 'dod par mi byed do/ /de bas na thun mtshams su gnyis pa la sogs par ni 'bras bu'i rnal 'byor nyid bya'i/ rgyu'i rnal 'byor ni ma yin no/ /rgyu'i rnal 'byor ni so sor rab tu bsgom pa yin la sngar grub pa'i rim gyis 'bras bu'i de kho na nyid la yang dag par zhugs par gyur na/ /de nyid gal te yang 'dod par gyur na ci 'gyur zhe na/ gang du zhes bya ba la sogs pa gsungs te/ gnas skabs gang du 'dod pa skyes par gyur pa de nyid 'khor ba'i bag chags yin zhing dngos grub kyi bgegs su gyur pa yin te/ slar srid pa'i rgyu yin no zhes bya ba'i don te/ /de bas na 'bras bu'i de kho na nyid la yang dag par zhugs pas dngos grub kyi mthar thug pa bstan par bya'o/ zhes bya bar dgongs te/ 'di ni gdams pa gsungs pa yin no/ /'dir dris pa gal te 'gro ba'i don la grogs mdzad pa yin no/ de tshe nyan thos dang rang sangs rgyas dang/ pha rol tu phyin pa'i sgo la spyod pa'i sgom pa ci'i phyir ma gsungs zhe na/ yid la 'dod pa zhes bya ba la sogs pa gsungs te/ yid la 'dod pa ni sems can rnams kyi 'dod pa ste/ des bsgom pa sna tshogs pa bcom ldan 'das kyi yongs su btags shig gsungs pa yin no/ /gang las she na theg pa de'i nang nas gdams pa cig pa nyid bstan pa ni gang zhig zhes bya ba la sogs pa gsungs te/ yang zhes bya ba ni khyad par gyi don to/ /bshad ma thag pa'i sgom pa gcig gis rnal 'byor gyi de kho na nyid thams cad dang 'brel par gnas pa gcig pu de nyid ni rnal 'byor 'byung ba'o/ /de nas gdams pa gcig pa nyid yin no// //da ni gtso bo ston te/ de yang rnal 'byor nyid las sangs rgyas kyi yon tan 'thob par 'byung ba 'di yin pas na rnal 'byor 'byung ba ste/ nyan thos dang rang sangs rgyas kyi theg pa

  263. 132a

    pa'i bsgom pa gang yin pa de las ni sangs rgyas kyi yon tan thams cad 'thob pa yod pa ma yin no/ /pha rol tu phyin pa'i sgo la spyod pa'i sgom pa las ni de 'byung ba yin mod kyi/ 'on kyang rnal 'byor 'di dang 'dra ba ma yin te ci'i phyir zhe na/ bskal pa grangs med pa gsum du dka' ba'i spyod pa yongs su rdzogs pa'i pha rol tu phyin pa bcu po de rnams las 'byung ba yin te gdams pa stan pa'o/ /gdams pa bstan pa bshad pa ni/ /sangs rgyas rjes dran zhes bya ba la sogs pa yin te/ rjes su dran pa gnyis kyi tshogs gnyis yongs su rdzogs pa las rkang gnyis de lha dang mi de rnams kyi mchog tu gyur pa yang dag par rdzogs par sangs rgyas par gyur pa'o/ /b+ha gar liM ka zhes bya ba ni zla ba dang mtshan ma'o/ / rab tu bzhag ces bya ba ni legs par bsgoms pa'o/ /sangs rgyas skur zhes bya ba ni bdag nyid sangs rgyas kyi skur bsgom ste/ /bsgom pa 'di nyid sangs rgyas rjes su dran pa'o/ /rnal 'byor pa des sangs rgyas sprin zhes bya ba bsdus nas/ byon pa'i rgyal ba thams cad rnam par bsgom par bya zhing/ mngon par rdzogs par byang chub bstan par bya ba'i phyir rang gi snying khar bzhugs par bya'o/ /de nas snying khar zla ba la gnas pa'i rdo rjer bsam par bya ste/ de yang sangs rgyas kun gyi ngos kun ni/ /snying ka'i rdo rje rnam par bsam zhes rdo rje rtse mo las gsungs pa'i phyir ro/ /'di ni sangs rgyas rjes su dran pa'o// //chos rjes su dran pa bstan pa'i phyir/ /b+ha ga ri laM ka zhes bya ba la sogs pa gsungs te bshad ma thag pa'i tshul du snying ka'i zla bar rdo rje bsams pa'o/ /rdo rje chos ni zhes bya ba ni dkyil 'khor ba rnams kyi snying po rnams so/ /chos kyi sprin zhes bya ba ni dkyil 'khor ba rnams gyi'o/ /char rab 'bebs zhes bya ba ni snying ka'i rdo rje nyid las rnam par

  264. 132b

    bsgom zhing brjod pa dang spro pa bya ba'o/ /'dir liM ka zhes gang la bya zhe na/ mtshan ma liM ka zhes bshad de zhes bya ba gsungs te/ 'dir mtshan ma nyid la liM ka zhes bshad kyi gzhan dag ni ma yin no/ /mtshan ma de yang ji lta bu zhe na/ phyag rgya'i mtshan ma rnams pa bzhi zhes bya ba gsungs te/ ting nge 'dzin brtan pa'i khyad par gyi ngo bo nyid du gyur pas phyag rgya nyid la mtshan ma zhes bshad de/ /de ni lha'i de kho na nyid ston par byed pa yin pas na phyag rgya'i mtshan ma ste/ de yang dpal rdo rje rtse mo las liM ka'i mtshan ma zhes bshad de/ mtshan sgyes blo ldan yin par 'dod byang chub sems ni theg chen po/ 'di ni liM ka zhes byar bsgrags zhes gsungs pa yin no/ /rnam pa bzhi zhes bya ba ni sangs rgyas kyi mtshan ma dang/ byang chub sems dpa' i mtshan ma dang/ lha mo'i mtshan ma dang/ khro bo rnams kyi mtshan ma rnams kyi mtshan ma'o/ /sangs rgyas smos pa ni nye bar mtshon pa tsam du zad do/ /yang na rnam par dbye bas dngos su na 'di dag thams cad sangs rgyas yin te gzhan du na byang chub sems dpa' la sogs pa'i rnal 'byor pa rnams la/ 'bras bu'i de kho na nyid sgom pa med par 'gyur ro/ /'dir b+ha ga zhes gang la bya zhe na/ 'joms pa zhes bya ba la sogs pa gsungs te 'dir 'joms pas na b+ha ga zhes bya'o/ /de nyid gang zhe na/ nyon mongs 'joms pa dam pa yin zhes bya ba gsungs te/ /gang nyon mongs pa 'jig cing 'joms pa'i mchog dam pa ste/ de yang rnam par rtog pa'i bye brag rnams ni nyon mongs pa yin la/ de nyan thos dang rang sangs rgyas kyis 'joms pa ni dman pa yin la/ /byang chub sems dpa' rnams kyi na nyon mongs pa can dang/ nyon mongs pa can ma yin pa'i rnam par rtog pa 'di thams cad yang dag par rdzogs pa'i byang chub kyi sgrib pa yin pas na nyon mongs pa yin te/ bcom ldan 'das kyis kyang rnam par rtog pa ni byang

  265. 133a

    chub sems dpa' rnams kyi nyon mongs pa'o zhes gsungs pa yin no/ /de bas na nyon mongs pa thams cad 'joms pa'i zag pa med pa'i ye shes gang yin pa de ni 'dir b+ha ga yin te/ ji skad du dpal rdo rje rtse mo las kyang/ /gang zhig nyon mongs nges 'joms pa/ /'joms pas b+ha ga zhes bshad ste/ /shes rab nyon mongs de gsod pas/ /de bas shes rab b+ha gar bshad/ /zhes gsungs pa yin no/ /don 'di nyid kyis na byang chub kyi sems kyi ngo bo nyid zla ba'i dkyil 'khor nyid la 'dir g+ha ga zhes bshad do/ /de'i de kho na nyid ni byang chub kyi sems yin pas de bstan par bya ba'i phyir sems can kun gyi zhes bya ba la sogs pa gsungs te/ rang gi sems ni b+ha ga yin par sbyar ro/ /ji lta bu'i rang gi sems zhe na/ chos ni bsdus pa yin zhes bya ba gsungs te/ chos rnams ma lus pa 'dzin pa pho yin pa ste/ chos thams cad la dmigs pa zhes bya ba'i don to/ /gzhan yang ji lta bu zhe na/ bsad na zhes bya ba la sogs pa gsungs te/ gal te zhes bya ba ni lhag ma'o/ /de yang gang rang nyid shi ba ni bsad pa'o/ /bsad pa de ci zhig yin zhe na/ sems can kun gyi dngos po kun zhes bya ste/ lus dang gnas dang longs spyod dang sems dang sems las byung bar chos kyi bsdu pas bsdus pa'o/ ji ltar bsad ce na/ chos bdag med pa'i sbyor ba yis zhes bya ba gsungs te/ chos thams cad mi bden par yongs su brtags pa'i dmigs pas gnyis su gzung ba'i ngo bo'i bye brag tu snang ba nub par gyur pas/ /gnyis su med pa'i rnam par shes pa tsam gyi tshul gyis snang ba'i bdag nyid can sdig pa med cing ro mnyam par gyur pa ni chos bdag med pa ste/ rnal 'byor de la rang gi sems mnyam par bzhag pa ste/ de bsad na rang nyid 'chi bar 'gyur te/ rang nyid kyis kyang lus dang gnas dang longs

  266. 133b

    spyod la sogs pa gnyis su snang ba'i ngo bo nyid nub pa'i phyir gnyis su med par yang rang snang ba'i bdag nyid can dang/ sems can thams cad kyi snang ba'i bdag nyid can ro cig pa nyid yin te/ 'dir yang chos thams cad mnyam pa nyid dang/ sems can thams cad kyi bdag nyid mnyam pa nyid gang gi tshe mi dmigs par gyur pa'i ye shes des rim pa bzhin du mi dmigs pa'i shes rab dang snying rje dang/ 'di dag gnyi ka'i mtshan nyid can byang chub kyi sems ni shes rab kyi ngo bo nyid kyis rnam par rtog pa'i sa bon 'byin par byed pa yin pas na/ /nyon mongs pa 'joms par byed pa yin te de ni b+ha ga'i de kho na nyid do/ /phyag rgya'i gzugs ltar na zla ba'i dkyil 'khor te de ni 'dir phyag brgyar byas pa yin no/ /ci'i phyir zhe na/ chos thams cad kyi mnyam pa nyid dang sems can thams cad kyi mnyam pa nyid/ dge ba'i chos thams cad yongs su rdzogs pa yin pa'i phyir dkyil 'khor de'i don te/ dmigs pa'i ye shes kyi tshul yang dag pa'i snang ba'i rang bzhin yin pa'i don yin no/ / liM ka'i phyag rgya'i gzugs kyang mtshan ma rnam pa bzhi yin par gsungs la/ de'i de kho na nyid ni mdor na byang chub kyi spyod pa ma lus pa'i rjes su 'gro ba yin pas/ byang chub kyi sems brtan par gyur pa yin te de bstan pa ni/ rang gi sems nyid ces bya ba la sogs pa gsungs te/ rang gi sems nyid rdzogs sangs rgyas zhes bya ba ni byang chub kyi sems nyid kyis shes bya thams cad yang dag par rtogs pa yin pa'i phyir ro/ /des na de nyid rtogs par bya ba yin te/ de nyid kyis shes bya thams cad bsdus pa yin pa'i phyir ro/ /bsad bya ba zhes bya ba ni bsad pa dang 'gog pa dang mya ngan las 'das pa dang spangs pa zhes bya ba ni rnam grangs yin no/ /rang gi sems nyid gzung ste sgrib pa'i sa bon thams cad dgag pa yin gyi/ thams

  267. 134a

    cad du chad pa ni ma yin no/ /sems nyid ni byang chub kyi sems zhes bya bar bshad de sgrib pa rnams nges par 'gog par byed do/ /de lta bu'i ye shes dang spangs pa phun sum tshogs pa'i mtshan nyid kyis na 'tshang rgya ba 'di byang chub kyi sems nyid yin no/ /de ltar spyod pa yongs su bsdus pa ni ling ka'i de kho na nyid do/ /de ltar rjes su dran pa gnyis kyis b+ha ga dang ling ga bshad pa yin te lhag ma ni go sla'o/ /de la sangs rgyas rjes su dran pa'i rgyu dang 'bras bu sbyor ba mdor bsdus nas bsdan pa yin la/ de byang chub sems dpa' la sogs pa'i rdo rje dang zla ba nyid kyis rim gyis so/ /de bzhin gshegs pa rnams kyi ni rnam pa lnga ste/ zla ba la zla ba dang rdo rje la rdo rje dang sku ste/ sangs rgyas kyi sku dang rnam pa lnga'o/ /bsgom pa 'di dang ci 'dod par bzlas pa'i rang bzhin gyis grub pa'i sngags lnga po dpal de kho na nyid bsdus pa dang rdo rje rtse mo dang zla gsang thig le dang gsang ba'i mdzad las rgya cher gsungs pa yin no/ /bsgom pa'i 'bras bu yang zla gsang thig le gsang ba'i mdzod dag las gsungs pas de brjod par bya ste/ de nas bsam gtan gyi phyag rgyas gnas la/ chos thams cad bdag med pa'i mnyam nyid bsam par bya/ phyi dang nang du bcas pa 'di dag thams cad ni sems dang sems las byung ba yin gyi sems dang sems las byung ba las tha dad pa gzhan dag yod pa ma yin no zhes yid la nges par bsams la chos thams cad ni gdod ma nas ma skyes pa yin pa'i phyir/ skye ba med cing rang bzhin gyis 'od gsal ba nyid yin no zhes yid la brjod do/ / chos thams cad bdag med pa nyid kyis na gnyis su med cing stong pa nyid kyi mnyam pa nyid du de bsam par bya'o/ /ji ltar bsam par bya zhe na/ chos thams cad la dmigs pa'i sems brtan par bya la/ de rnams kyi gzung ba dang 'dzin pa'i rnam pas bsdus

  268. 134b

    pa'i bye brag tha dad pa gsal nas gnyis su med pa'i stong pa nyid du snang ba'i bdag nyid can sdig pa med par mthong ba 'di ni de rnams kyi gnyis su med pa'i ye shes mthong ba yin te/ de la dmigs pa ni mi dmigs pa'i tshul gyis yongs su rdzogs pa'i ngo bo nyid de/ 'di'i rab tu sbyor ba ni yang dag pa nyid la rab tu blta'o/ /de'i ngo bo nyid ni phyin ci ma log pa nyid du nges pa yin pas de bstan pa ni thams cad ces bya ba la sogs pa gsungs pa yin te/ 'di ni zhes bya ba ting nge 'dzin gyi dmigs pa'i phyi dang nang gi dmigs pa'o/ /thams cad ces bya ba ni gzung ba dang 'dzin pa nyid kyis so sor snang zhing sems kyis brtags pa rnams so/ /de ltar na gzung pa dang 'dzin pa gnyis po 'di dag ni yang dag pa ma yin par kun tu brtags pa ste/ yang dag pa ma yin pa kun tu brtags pa'i sems nyid ni kun tu brtags pa dang gzhan dbang dag bstan par gyur pa las/ yang dag par so sor rtogs pa mthong pa ni go rims bzhin du med pa dang med pa bzhin du snang ba nyid kyis ni yongs su grub pa'i ngo bo nyid gnyis su med pa'i stong pa rnam par shes pa tsam nyid de/ de yi yang dag par so sor rtogs par bstan pa'i phyir/ dngos po med pa zhes bya ba la sogs pa gsungs te/ sems ni rnam par shes pa ste de las tha dad cing lhag pa'i gzung ba dang 'dzin pa gzhan dag yod pa ma yin te/ gnyis pos stong pa'i rnam par shes pa ni don dam pa yin no zhes bya ba'i don to/ /de ltar yid kyis brjod ces bya ba nges par byas nas so/ /gang gis zhe na/ yid kyis te yid kyis brjod nas de'i 'og tu bsam par bya'o/ /zhes snga ma nas sbyar ro/ /mnyam nyid du mthong ba'i rjes la mnyam pa nyid du nges par bya bar bstan pa ni skye ba med pa zhes bya ba la sogs pa yin te/ chos thams cad gnyis su med pa'i tshul gyis na skye ba med pa nyid yin no/ /

  269. 135a

    de ci lam gyis yongs su sbyangs pas skye ba med pa yin nam zhe na/ de ma yin pa'i phyir bzod nas skye ba med pa zhes bya ba gsungs te/ gnyis bo ni rtag tu mnyam pa nyid yin pas na ngo bo nyid des gdod ma nyid nas skye ba med pa zhes bya ba'i don to/ /rang bzhin gyis 'od gsal ba zhes bya ba ni rang bzhin gyis de kho na nyid ces bshad cing dri ma med ces bshad pas/ gnyis su rtog pa'i dri ma rnams ni rtsa ba mi rtan pa nyid yin pas na/ glo bur du 'ongs pa yin no zhes bya ba'i don to/ /de nas oM tsit+ta pra ti be d+hi ka ro mi zhes phra bar bzlas pas dang por zla ba'i dkyil 'khor du blta'o/ /de'i de kho na nyid ni kun nas nyon mongs pa'i sa bon gyi gzhir gyur pa nyid kyis na/ sngar kun gzhi zhes bshad pa'i sems de'i de yongs su zad pas zag pa med pa'i chos kyi sa bon gyi gzhir gyur pas gnas yongs su gyur pa zag pa med pa'i dbyings gnas med pa bshad par shing tu rnam par dag pa ste/ dag pa de nyid ni zla ba'i don yin no/ /tshogs yongs su rdzogs pas rgyas pa'i phyir sangs rgyas kyi yon tan thams cad a la sogs pa'i gzugs zla ba dang shel lta bur dka' ba'i tshul gyis 'dir rab tu zhugs te/ a A/ i a'i/ u a'u/ ri rI/ li lI/ e i/ o aau/ aM a(rgyud 'grel): de'i steng du oM bo d+hi tsit+ta/ utpa ta ya mi zhes phra bar bzlas la/ zla ba'i dkyil 'khor gnyis par bsgom par bya'o/ /'dir yang sangs rgyas kyi yon tan rnams ka la sogs pa'i gzugs kyis gzugs brnyan gyi tshul du bzhugs te/ ka kha ga g+ha nga/ tsa tsha dza dzha nya/ Ta tha Da Dha Na/ ta tha da d+ha na/ pa pha ba b+ha ma/ ya ra la wa/ shaSha sa hak+Sha/ 'di'i de kho na nyid ni b+ha ga zhes bshad pa byang chub kyi sems kun tu bzang po'i sems bskyed pa'o/ /de'i steng du tiSh+Tha badzra zhes phra bar bzlas pa las bdag nyid rdo rje

  270. 135b

    dkar po 'od zer dang bcas par bsgom par bya'o/ /de'i de kho na nyid ni byang chub kyi spyod pa bsdus pa'i byang chub kyi sems brtan par gyur pa'o/ /de'i 'og tu oM badzra at+ma konyahaM/ zhes phra bar bzlas nas rdo rje de nyid las rdo rje dbyings rnams kyis nam mkha' khyab par spro ba dang bsdu ba bsgom par bya'o/ /de'i de kho na nyid ni chos kyi sku 'thob pa'o/ /de'i 'og tu oM ya thA sarba ta thA ga ta ta thA a haM/ zhes phra bar bzlas pas zla ba gnyis dang rdo rje yongs su gyur pa las/ rnam pa thams cad kyi mchog dang ldan pa'i thams cad mkhyen pa'i ye shes 'thob pa yin no/ /de yang rdo rje rtse mo las sku yi gsang ba de bzhin spyod/ /spyod yul thugs su chud pa ste/ /lnga po de dag kun gyi spyi/ /sangs rgyas thams cad mnyam bdag nyid/ /mngon par byang chub rnam pa lnga/ /sangs rgyas ye shes bla na med/ /ces gsungs pa dang/ /dpal mchog dang po las kyang/ /de bzhin du mngon par byang chub pa'i mtshan nyid ni/ /rang sems so sor rtogs pa las/ /byang chub sems mchog rdo rje nyid/ / de nyid de yi sangs rgyas nyid/ /bdag nyid sangs rgyas bsgoms pas so zhes gsungs pa yin no/ /de ltar na dang po'i rnam pa bzhi ni rgya'i de kho na nyid la lnga pa ni 'bras bu'i de kho na nyid yin no/ /dris pa 'bras bu ni rgyu la rag las pa yin pas na rgya'i sbyor ba nyid bya'i 'bras bu'i sbyor bas ci zhig bya zhe na/ de'i phyir sbyor dang zhes bya ba la sogs pa gsungs te/ /sbyor ba nyid ni sangs rgyas kyi rnal 'byor du gyur pa nyid de/ de dang gang yang dag par 'brel ba med par ni rnal 'byor gyi rgyud gang las kyang dngos po 'byung bar ma gsungs te/ de yang 'di las byung bas na srid pa de'i rgyu'o/ /dngos po de nyid du 'byung bas na srid pa gang du 'byung 'gyur ba zhes bya'o/ /la las ni srid pa ru ni 'byung 'gyur ba zhes zer te gnyis

  271. 136a

    ka yang rnal 'byor rgyud gang du yang rgyu'i sbyor ba 'ba' zhig las byung ba ma yin zhes ston to zhes bya ba'i don to/ /'o na ji ltar 'byung zhe na gang tshe zhes bya ba la sogs pa gsungs te gang gi tshe sangs rgyas su gyur par bsgom pa'i bsgom bzhin pa la bdag nyid sangs rgyas kyi tshul dang ldan pa'i phyir ro/ /ji ltar bsgom zhe na/ sangs rgyas bdag ces bya ba ste bdag nyid sangs rgyas yin no zhes bstan pa'i ngas pa bsgom pa ste/ de'i tshe ni sbyor ldan zhes pa rnal 'byor pa sangs rgyas su 'gyur ro zhes bya ba'i don te/ de'i tshe rnal 'byor des byang chub sgrub pa nyid yin zhes bya bar dgongs te/ de yang sangs rgyas nyid sgrub pa'i rnal 'byor ni sangs rgyas kyi rnal 'byor te/ gang yang rgyu'i rnal 'byor nyid kyis 'tshang rgya ba ni pha rol tu phyin pa'i tshul dang bya ba'i rgyud la sogs pa las bshad pa ste/ de ni dus shin tu ring bar 'byung ba yin no/ /rnal 'byor gyi rgyud rnams su ni rgyu dang 'bras bu'i sbyor ba la sogs pas theg pa chen po mdza' dag bsdus pa yin pa'i phyir shin tu myur ba nyid du byang chub thob pa yin no/ /de bas na ting nge 'dzin zhes bya ba la sogs pa gsungs pa yin no/ /mdor bsdus pa zhes bya ba dus mdor bsdus pas 'tshang rgya ba gang yin pa de ni ting nge 'dzin ye shes las byung ba zhes bya ste/ ting nge 'dzin ni mngon par byang chub pa lnga'i ting 'dzin to/ /ye shes ni gnyis su med pa'i ye shes te de gnyis las 'di yang dag par byung zhing skyes pa yin pas de skad ces bya'o/ /phyir zhes bya ba ni gang gi phyir te de'i phyir ro zhes shes par bya'o/ /sangs rgyas rnal 'byor zhes bya ba la sogs pas ni nye bar bsdud pa yin te/ gang 'di dpal de kho na nyid bsdus pa las/ /rdo rje sems dpa' ting nge 'dzin/ /sangs rgyas rnams kyi chos nyid yin/ /

  272. 136b

    'di ni sangs rgyas sangs rgyas nyid/ /gzhan du sangs rgyas 'gyur ma yin/ /zhes gsungs pa yin no/ /de'i don gang yin zhe na/ don 'di yin te/ mngon par byang chub pa rnam pa lnga'i ting nge 'dzin gyi rim gyis ting nge 'dzin gsum bsgoms la phyis rdo rje sems dpa' i ting nge 'dzin gyis yun ring du gnas par bya ste/ rang gi snying kar gnas pa'i rdo rje la sems mnyam par bzhag nas/ ji srid 'dod kyi bar du gnas par bya'o zhes bya ba'i don to/ /rgyu dang 'bras bu'i sbyor ba bstan pa'o// //'bras bu'i sbyor ba la yang dag par zhugs pa zhes bya gsungs pa de la yang dag par zhugs pa ni gnyis su med pa'i ye shes dang/ ngo bo nyid kyi ye shes so/ /de las gnyis su yod pa'i ye shes bstan par bya pa'i phyir/ phra mo'i zhes bya ba la sogs pa gsungs pa yin te/ rang gi sems nyid chos thams cad dmigs pa na spros pa'i mtshan ma thams cad nub par gyur pas gnyis su med par snang ba'i bdag nyid kyis sems can thams cad kyi sems dang sems las byung ba ro gcig par gyur pa gang yin pa de dag pa'i bdag nyid gang gis ji lta ba bzhin du mthong ba ni dang po mthong ste/ de'i 'og tu rang gi sems de stug par gyur pa ste zla ba dang rdo rje dang sangs rgyas la sogs pa'i dngos po ji lta ba bzhin du 'gyur ro/ /de dag kyang gang las zhe na dngos dang zhes bya ba la sogs pa gsungs te/ gang gi phyir dngos po dang dngos po med pa'i khyad par du bsgom pa de la tshe sa thams cad la dmigs pa'i phra bar gyur ba ni dngos po med pa'i khyad par ro/ /phra bar gyur pa de'i 'og tu stug por gyur pa ni dngos po'i khyad par te de lta bu'i dngos po dang/ dngos po med pa'i khyad par sgom pa kun tu brtags pa yin zhes bya ba ste/ rnal 'byor gyi rgyud rnams su bsgom par

  273. 137a

    rnam par bzhag pa yin no/ /de dag kyang gang las zhe na/ dngos po zhes bya ba la sogs pa gsungs te/ dngos po 'ba' zhig ni sgom pa ma yin te/ rnam pa bzhi po la sangs rgyas kyi sku skyes pa yin du zin kyang rang bzhin gyi sku las shin tu dman pa yin pa'i phyir dngos po med pa na ni pra ba'i dngos po ste/ sgom pa de yang bsgom pa ma yin te bsgoms kyang bsgoms ba ma yin no zhes bya ba'i don to/ /ji ltar bsgom pa yin zhe na/ des don dam par mthong ba'i phyir ro/ /ji ltar bsgom pa ma yin zhe na/ mngon par byang chub pa lnga bsgoms pa'i 'og tu shin tu myur bar byang chub pa 'thob pa'i phyir ro/ /de nas ci zhig ce na/ bsgom pa zhes bya ba la sogs pa gsungs te/ phra ba'i dngos po bsgom pas ni don dam pa mthong ba'i phyir ro/ /de nas de'i 'og tu zla ba dang rdo rje la sogs pa'i dngos po bsgom pa ste/ dngos po bsgoms pas rang gi sems yongs su sbyang ba ste/ yongs su dag pa'i las dag pa'i gnas skabs so/ /de bas ni rgyu dang 'bras bu ni rang gi sems nyid las gzhan pa ma yin no/ /zhes nges par byas pa gang yin pa de ni gnyis su med pa'i ye shes/ /gal te rgyu dang 'bras bu rang gi sems nyid yin na/ /de'i tshe de nyid ni de'i rig pa yin pas rnal 'byor pa de sangs rgyas par mi 'gyur te/ de thams cad mkhyen pa bdag nyid dang gdul bya rnams kyi sems kyi spyod pa mi shes pas ji ltar sangs rgyas pa yin zhe na/ de'i phyir sangs rgyas zhes bya ba la sogs pa gsungs te/ sangs rgyas te thams cad mkhyen pa ni yul ma yin zhing gzung bar bya ba ma yin pas na sangs rgyas kyi yul lo/ /sems can ni gdul bya rnams te de rnams ni gzung bar bya ba ma yin pas de skad ces bya'o/ /gal te gzung par gyur na

  274. 137b

    ni de'i tshe de la gnyis kyi rtog pa yod pas 'khrul par gyur gyi/ 'tshang rgya bar ni mi 'gyur ro/ /'o na ji ltar sangs rgyas par 'gyur zhe na/ rang sems rtogs pa zhes bya ba la sogs pa gsungs te/ rang gi sems nyid kyi chos thams cad ro gcig pa rtogs pas rang rig pa tsam gyi 'khrul pa dang bral ba'i phyir ro/ /sangs rgyas te zhes bya ba ni byang chub cing thams cad mkhyen pa'o/ /nye bar bsdu ba'i phyir gnyis med sbyor ba zhes bya ba la sogs pa gsungs te/ gnyis su med pa'i ye shes la mnyam par bzhag pa'i ni gnyis su med pa'i sbyor ba'o/ /ting nge 'dzin ni 'bras bu'i sbyor ba'o/ /de'i ye shes ni yongs su shes pa ste de kho na nyid nges par brtag pa'o/ /de'i don brtag pa ni bskyed pa'o/ /rgyu'i de nyid ji ltar zhes bya ba ni yongs su dag pa'i sems kyi ngo bo nyid mthong ba gang yin pa'o/ /de nyid yin zhes bya ba ni mthong ba zhes bya ba dang sbyar ro/ /gnyis su med pa'i ye shes bstan pa'o// //ngo bo nyid kyi ye shes bstan pa'i phyir/ rgyu'i zhes bya ba la sogs pa gsungs te/ rgyu ni zla ba la sogs pa'o/ /'bras bu ni sangs rgyas kyi sku la sogs pa ste/ de gnyis la ni de kho na nyid cung zad kyang med de med pa yin pa'i phyir ro/ /med pa nyid ni gcig dang du ma dang bral ba yin no de yang 'phags pa lang kar gshegs pa las/ ji ltar me long dag la gzugs/ /gcig dang du ma rnam spangs pa dang/ /snang yang de la yod ma yin/ /de bzhin dngos la dngos rnams so zhes gsungs pa yin no/ /rgyu nyid ni rgyu'i ngo bo nyid yin no/ /de nyid ni de bzhin zhes bya ba ni de bzhin zhes bya ba ni de kho na nyid du ste don dam par ro/ /ye shes de la zhes bya ba ni de bzhin nyid kyi ye shes de la'o/ /kun tu spyod ces bya ba ni yang dag par spyod pa'o/ /ji ltar yang

  275. 138a

    dag par spyod ce na/ rgyu yis zhes bya ba la sogs pa gsungs te/ de yang gnyis pos stong pa'i rnam par shes pa tsam ni yongs su grub pa'i ngo bo nyid de/ phyin ci ma log pa'i ye shes de la kun brtags pa dang/ /gzhan dbang gi rang bzhin can gyi yongs su shes par gang gyur ba de ni rgyu la rgyu'i ngo bo yod pa ma yin la 'bras bu la 'bras bu'i rang gi ngo bor yod pa ma yin no/ /brtag pa'i ngo bo nyid du gyur pa'i brdzun par nges pa'i yongs su shes pa ni rgyu dang 'bras bu'i tshul du bzung bar byar med pas so/ /de ltar na med pa las de 'dzin pa nyid du rang gi sems snang ba yin te/ so sor snang ba gnyi ga med pa'i shes pa ni gzhan gyi dbang gi ngo bo nyid yongs su shes pa yin te/ de bas na 'di dag ni rnam par shes pa tsam nyid yin no/ /'di lta ste rgyu dang 'bras bu gnyis ni stong pa yin no zhes gang yongs su shes pa de ni de'i phyin ci log pa ste/ de bzhin nyid kyi ye shes so/ /de ltar med pa yin na ji ltar zla ba la sogs par rang nyid mi snang zhe na/ med pa ni snang ba'i gzugs dang bral ba'i phyir ro/ /rang nyid so sor snang bar gyur pa de la ni 'bral pa med pa'i phyir ro/ /rgyu 'ga' yang yod pa ma yin no/ /so sor snang ba de la nam yang ci yang yod pa ma yin te/ rgyu med pa'i phyir ro/ /'o na sems ji ltar med pa'i tshul gyis snang zhes na/ gang gi phyir snang ba'i bdag nyid can gyi sems de ni gzugs su 'khrul cing gzugs la gzhan na med pa yin te/ de bas na gzugs de ni gzugs las gyur pa ma yin la/ de gzugs med pa yang ma yin te/ sems snang ba'i tshul yin pa'i phyir de'i bdag nyid dang de las gzhan par snang ba'i 'brel ba dang ldan pa ma yin no/ /de bas na snang ba nyid du yang yod pa ma

  276. 138b

    yin te/ shes pa las don gzhan shes pa 'am gzugs su 'khrul pa med pa ste/ nyams su myong bar grub pa ni 'khrul lnga pa ste/ de yang sems nyid gzugs su 'khrul bas snang ba ma yin pa'i 'khrul pa dang ldan pa yin no/ /de bas na gzugs kyi rang gi ngo bo ltar gzugs su 'khrul bar gyur ba'i rjes su myong bar grub par snang ba yin te/ de la yod pa dang med pa'i rgyu med pas 'gal ba nyid du 'khrul pa yin te/ nges pa de yang rang gi rig dang mthun pa'i rnam par rtog pa la zhen pa'i bag chags las byung ba'i phyir rnam par rtog pa tsam yin la/ de bas na mngon par zhen pa rnam par dag pa'i yang dag pa la so sor rtog pa legs par bsgom pa'i ye shes yang dag pa'i ye shes skye ba yin no/ /de bas na 'khrul pa nyid du grub pa 'di dag nges pa yin no/ /de yang 'di ltar bdag tu 'khrul bas las kyang so sor snang ba 'gal ba yin te/ rgyu yang de'i bdag nyid yin pa'i phyir ro/ /de ni 'phags pa lang kar gshegs pa'i mdo las kyang/ byis pa ji ltar rnam rtags bzhin/ /phyi rol don ni yod min te/ /bag chags kyis ni bsgom pa'i sems/ /rang gi sems ni phyi rol snang zhes gsungs pa yin te/ bsgom pa ni bcom pa'o/ /kun brtags pa dang gzhan gyis dbang yongs su shes pa de las ni de bzhin nyid yongs su shes la/ de bzhin nyid ni rang bzhin gyi chos rnams so/ /de bas na de shes pa ni ngo bo nyid kyi ye shes bstan pa'o// //dris pa rgyu dang 'bras bu'i sbyor ba ni yod pa na/ yin pa las snang ba'i phyir 'khrul pa yin la gnyis su med pa'i ngo bo nyid kyi ye shes kyang shin tu khrul pa yin te/ brjod pa dang bcas pa'i phyir 'khrul pa ni de kho na nyid ma yin na/ ji ltar na 'di dang bsgom pa byang chub kyi lam yin zhe na/

  277. 139a

    'dir brjod par bya ste/ gang gi phyir chos thams cad la spros ba med pa'i ye shes dang po skyes bas chos kyi dbyings kun tu 'gro ba dang/ kun tu rtog pa dang de'i stobs kyis ye shes 'di dag dus dang rnam par dbye bas ji lta bas nye bar mtshon pa'i khyad par rnams 'byung bar 'gyur te/ de nas de bzhin nyid yongs su gcod par byed pa rnam par shes pa tsam nyid du bshad na/ rab rib can gyis nam mkha' la skra shad mthong ba lta bus ji ltar brjod pa med pa yongs su gcod par 'gyur zhe na/ so sor rig par gyur pa la shin tu byang bar gyur pa rang gi lus la sogs pa rje su myong ste brtag pa dang yongs su gcod pa bzhin no/ /rnam par ma rtogs par 'jug pa'i gzungs las kyang ji skad du/ byang chub sems dpa' sems dpa' chen po rnam par mi rtog pa'i dbyings la rab tu gnas pas ni shes bya dang khyad par med par rnam par rtog pa'i ye shes kyis chos thams cad nam mkha' i dkyil dang mtshungs par mthong ngo/ /rnam par mi rtog pa'i 'og tu thob pa'i shes pas ni chos thams cad sgyu ma dang/ mig sgyu dang rmi lam dang mig yor dang brag cha dang gzugs brnyan dang chu zla dang sprul pa dang 'dra bar mthong ngo/ /zhes gsungs so// de bas na dag pa 'jig rten pa'i ye shes kyis de kho na nyid yongs su gcod pa nyid kyis dag pa dang khrul pa nyid kyis 'jig rten pa nyid yin no/ /de nyid ni 'jig rten las 'das pa'i ye shes kyi 'bras bu nyid kyis sa de kho na nyid de/ 'di dag ni 'phags pa'i chos yongs su nyams pa nyid kyis snga ma'i khyad par 'thob pa la gong ma'i khyad par phul du byung ste/ de bas na ye shes de ni zhes bya ba la sogs pa gsungs te/ rang gi sems de nyid zla ba la sogs pa'i tshul gyis so sor snang ba ni de kho

  278. 139b

    na nyid yin te/ rang gi ngo bo nyid kyis zla ba la sogs pa'i de kho na nyid ni ma yin te 'di ni spyi'i don no/ /gong nas gong du phul du byung bar bstan pa'i phyir de kho na nyid dang/ gsang ba dang shin tu gsang ba dang mchog gi sgrar bshad de/ 'dir ye shes ni de kho na nyid kyi ye shes zhes bya ba'i don to/ /de la de kho na nyid kyi rnal 'byor pas de las gzhan pa'i de kho na nyid mthong dam/ 'on te ma yin zhe na de nyid ces bya ba la sog pa gsung te/ de kho na nyid dang gsang ba nyid dang shin tu gsang ba nyid dang dam pa nyid do zhes bya bar shes te nges pas gzung ba'i 'bras bu nyid kyis na shes pa ste rtogs pa'i don to/ /de shes bya ba ni shes pa de'o/ /de nyid rtogs pa ni gsang ba'i rnam par shes shing rtogs pa'o/ /'di dag ni mchog yin no zhes kyang sbyar bar bya'o/ /rgyu tsam dang 'bras bu tsam ni rgyu'i sems pas 'bras bu'i sems bye brag med pa yin te/ stong pa zhes bya ba bzhi po nyid bzhir shes par bya'o/ /de la gzhan yin pa'i gsum gsung ni sems tsam ste/ de ni thams cad du yod par bshad pas 'di ni nges pa 'chad pa ma yin no/ /'bras bu'i de nyid yang dag zhugs/ /rgyu'i de ho na nyid ma 'dod do zhes gsungs pa de yang bshad par bya ba'i phyir sdug pa'i zhes bya ba la sogs pa gsungs so/ thob pa dang spang ba dag gang sdug pa dang mi sdug par bshad pa ste/ sangs rgyas kyi ye shes dang nyon mongs pa ste/ /de gnyi ka las rgyal bar 'dod pa'o/ /de bas na 'bras bu'i de kho na nyid la zhugs pa'i rnal 'byor pa rnams kyis thob par 'dod pa dang/ dor bar 'dod pa spang bar bya ste/ sangs rgyas kyi ye shes rnam par rtog pa ma lus pa spangs pa thams cad rtogs pas bdag nyid sangs rgyas dang 'ong bar mngon sum nyid du nges par bya'o/ /de ltar na ni 'dir myang bar sangs rgyas par mi 'gyur gyi/ gzhan

  279. 140a

    dag ni ji tsam du 'bras bu 'dod pa de tsam du rgyu 'dod bas rgyu sgrub par bya ba yin pa'i phyir/ srid pa gcig nas gcig tu brgyad ba'i bya ba yun ring ba nyid du 'gyur ro/ /'dod pa med pa nyid du bstan pa'o// // phyag rgya bzhis rgyas btab pa med par ni rnal 'byor yongs su rdzogs par mi 'gyur ro/ /de bas na de'i kho na nyid bstan par bya ba'i phyir/ rnam shes tsam ni zhes bya ba la sogs pa gsungs te/ gzung ba dang 'dzin pa dang/ brjod pa dang brjod par stong pa nyid kyi rnam par shes pa ni rnam shes tsam zhes bya ste/ dngos po gtso bo ma yin pas na rnam par shes pa tsam zhes bya ba'i don de/ nye bar bdags pas de'i ye shes la 'di skad ces bya'o/ /rnam par shes pa tsam nyid kyis gal te rnal 'byor la dmigs pa yongs su shes pa yin pas de med par ni rnal 'byor yongs su rdzogs par 'gyur ba yod pa ma yin no/ /zhes bya ba ni tshig gi don do/ /gal te de ltar na rnam par shes pa dag la nyid rnal 'byor pa rnams kyi dngos grub yin gyi/ blo dag pas ni ma yin no/ /ji lta zhes bya ba la sogs pa gsungs te/ ji ltar rnal 'byor pa 'di'i ye shes mchog tu shin tu dag par gyur pa de ltar dag par gyur pa'i rnal 'byor pa ni de bzhin gshegs par gyur te/ de bzhin gshegs pa yang ye shes tsam nyid yin no zhes bya bar dgongs so/ /de bzhin gshegs pa la sogs pa'i sku yang phyag rgya bzhi dang ldan par rnal 'byor gyi rgyud 'di nyid du bsgom par bya ba yin pas/ de'i nye bar spyob ba bstan pa'i phyir rnam shes zhes bya ba la sogs pa gsungs te/ rnam shes tsam zhes bya ba ni dngos po gtso bo ma yin par bstan pa ste/ nye bar gdags pas ye shes de la yang di skad ces bya'o/ /

  280. 140b

    de nas rnam par shes pa tsam gyi ye shes med pa'i rnal 'byor pas ni rnal 'byor rdzogs par mi 'gyur ro zhes bya ba'i don to/ /yang bdag nyid ni de bzhin gshegs pa ste ji lta bu zhe na/ rnam par shes pa tsam du blta bar bya'o zhes bshad pa'i phyir ro/ /ji ltar zhes bya ba la sogs pa gsungs te/ ye shes ni yang dag pa'i ye shes so/ /mchog ni shin tu dag pa ste dag pa'i mthar thug pa zhes bya ba'i don to/ /de ltar zhes bya ba ni de lta bu'i rnam par shes pa tsam gyi tshul gyis so// dag pa de bzhin gshegs pa zhes bya ba ni yang dag pa'i bdag nyid du lta bar bya'o/ zhes bya ba'i don to/ /de na shin tu rnam par dag pa'i ye shes kyi bdag nyid yin par bdag nyid la mos la/ de nyid ni phyag rgya rnams kyi don yin par bstan par bya ba'i phyir/ rnam par shes pa zhes bya ba la sogs pa gsungs te/ rnam par shes pa ni rnam par shes pa tsam du lhag par mos pa'o/ /phyag rgya nyid ni cho ga'i thabs rnams so/ /de bas na de de ni rnam pa bzhi'o/ /gsang ba ji lta bu yin zhe na/ gsang ba gnyis med sbyor pa yis/ zhes bya ba ste gnyis su med pa'i rnam par shes pa tsam nyid kyis so/ /gsang ba ci 'dra ba zhig ce na/ sku gsung thugs su yang dag 'byung zhes bya ba ste/ skur byung ba dang gsung du byung ba dang thugs su byung ba ste/ sku la sogs pa la dmigs pa zhes bya ba'i don to/ /ji ltar na sku la sogs par byung ba yin zhe na/ thugs kyis zhes bya ba la sogs pa gsungs te/ yid dang ngag dang yid kyis ni lus dang ngag yid rnam par shes pa tsam du rim pa ji ltar ba bzhin du bstan pa yin no/ /des na thugs dang sku dang gsung gi dang/ thams cad du 'gro ba yin par shes par bya ste/ 'di dag thams cad kyis ting nge 'dzin gyi ye shes bstan pa yin no/

  281. 141a

    de nye bar bsdu bar bya ba'i phyir/ rgya yi rgyas btab dngos po ni zhes bya ba gsungs pa yin te phyag rgya bzhis rgyas btab pa'o/ /gsang bdag ces bya ba ni 'bras bu nyid rnal 'byor gyi don no/ /rnal 'byor pa de ni rang rig pa med pa ye shes rig par mi 'gyur te/ de bas na de rnams kyi ting nge 'dzin ye shes brtags pa yin zhes bya ba ste/ ting nge 'dzin ni zhi gnas dang lhag mthong ste de gnyis kyis brtags pa ni sbyor ba'o/ /ting nge 'dzin ye shes kyi rtags pa nye bar bsdus pa'o/ /las kyi rab tu dbye ba'i dbang du mdzad nas/ lus dang zhes bya ba la sogs pa gsungs te/ lus la sogs pa'i sgras ni lus la sogs pa'i las rnams yin par bshad ste/ dbyer med pa yin pa'i phyir ro// de nyid ni brtags pa ste rtags pa tsam gyis bstan cing nges pa yin pas na/ lus ngag sems su rnam btags pa zhes bya'o/ /bya ba de ni rgyud te/ de kho na nyid bsdus pa la sogs par bya ba rab tu brtags shing las rnam par bzhag pa yin no/ /de yang rnam pa 'dis bya ba rnam pa gsum gsad pa'i de kho na nyid du gyur bar bshad do/ /gang gi yin zhe na/ rdo rje las can sna tshogs bzhin zhes bya ba ste rdo rje las kyi'o/ /gsang ba ci zhi ga yin zhe na/ sna tshogs bzhin zhes bya ba ste rdo rje las dang 'dra ba'o/ /de bas na skal pa med pa rnams la bstan par bya ba ma yin pa'i sbyor gang yin pa las bya ba de bstan pa'i phyir/ sangs rgyas lnga'i zhes bya ba la sogs pa gsungs te las rnams bsgrub pa'i thabs so/ /der phyag rgya bzhi gsang ba'i dbang du mdzad nas/ /'byung ba chen po zhes bya ba la sogs pa gsungs pa yin no/ /ji ltar lha mo bzhi dang yang dag par sbyor ba yin zhe na/ sa ni zhes bya ba la sogs pa gsungs so/ /'dir sa la sogs pa dang/

  282. 141b

    sbyor ba'i rgyu ni dbang chen zhes bya ba la sogs pa gsungs te/ 'og nas dkyil 'khor ro zhes bshad pa dang thams cad du sbyar bar bya'o/ /dbang chen la sogs pa'i kha dog dang dbyibs dang las rnams bstan par bya ba'i phyir/ dbang chen zhes bya ba la sogs pa gsungs te/ dbyibs rnam pa gnyis te/ la la ni dbang du bya ba lta bu'o/ /la la ni mngon spyod lta bu'o/ /'byung ba che'i bdag las grub pa zhes bya ba ni spyan la sogs pa lha mo bzhi'i sbyor ba ste/ /de ni ci rigs par las kyi dngos grub rnam pa bzhi zhes bya ba ste/ las rnam pa bzhi dngos grub kyi rgyu yin no/ /gsang ba'i ye shes bla med yin zhes bya ba'i dbang du mdzad nas/ las kyi dngos grub ces bya ba la sogs pa gsungs te/ las kyi dngos grub mchog ces bya ba ni las kyi dngos grub dam pa'i rgyu yin pa'o/ /de gang zhig yin zhe na/ las kyi dngos grub ces bya ba la sogs pa gsungs so/ /'khor los sgyur ba rnam pa bzhi zhes bya ba ni rdo rje sems dpa' dang rdo rje rin chen dang rdo rje chos dang rdo rje las te/ 'khor los sgyur ba bzhi'i sbyor bas zhes bya ba'i don to/ /spyan gyi tshul zhes bya ba ni spyan gyi rnal 'byor bya ba'o/ /pad+ma'i rdo rje can zhes bya ba ni 'od dpag tu med pa'o/ /rnam par snang mdzad gnas zhes bya ba ni rnam par snang mdzad lta bu'o/ /rdo rje khro bo zhes bya ba ni rdo rje gnod sbyin dang gshin rje gshed la sogs pa'i khro bo drag po rnams so/ /bsgom par bya'o zhes bya ba ni gsum char la yang tshig gi lhag ma yin no/ /las kyi dus bstan par bya ba'i phyir zhi ba dgongs ka zhes bya ba la sogs pa gsungs pa yin no/ /las rnams la me tog dang rgyan dang gos la sogs pa'i mdog bstan pa'i phyir gsungs pa ni zhi ba la dkar po zhes bya ba la sogs pa'o/ /sangs rgyas lnga'i de kho na nyid kyi dbang du mdzad nas/ ting nge 'dzin

  283. 142a

    zhes bya ba la sogs pa gsungs pa ste/ ting nge 'dzin ye shes ni mngon par byang chub pa lnga ste/ de las yang dag par 'byung ba'i las kyi sgrub pa gang yin pa de ni dam pa yin no/ /mngon par byang chub pa lnga nyid bstan bar bya ba'i phyir/ sangs rgyas zhes bya ba la sogs pa gsungs te/ bsgoms na dag par 'gyur ro zhes bya bar sbyar te/ oM tsit+ta pra ti be d+haM ka ro mi zhes bsgoms na dag par 'gyur ro/ /zla ba'i dkyil 'khor gyi tshul du rang gi sems dag par mthong pa'i phyir ro/ /bcom ldan 'das zhes bya ba ni bo d+hi tsit+ta mutpa tA ya mi zhes bsgoms na dang po'i zla ba gnyis pa'i rnam pa b+ha ga zhes bshad pa'i byang chub kyi sems dang ldan pas na bcom ldan 'das su 'gyur ro zhes bya ba'i don to/ /sangs rgyas 'gyur zhes bya ba la sangs rgyas ni shes rab ste ji skad du bshad pa'i b+ha ga'o/ /de dang ldan pa'i sangs rgyas su 'gyur bas bsgoms na/ mi g.yo 'gyur zhes bya ba ni 'gyur ba med par 'gyur ba ste byang chub kyi sems brtan par gyur pa'i phyir ro/ /ji ltar zhe na/ b+ha ga'i dbus su 'ang gsang ba'i bdag ces bya ba gsungs te/ oM tiSh+Tha badzra zhes pas byang chub kyi sems zla ba lta bu'i dbus su rdo rje'i rnam par gyur pa'o/ /de nas oM badzra at+ma konyahaM zhes bya ba bsgoms pa dang/ rnal 'byor pas rdo rje de nyid las nam mkha' i khams khyab pa'i rdo rje phra mo spro ba dang bsdu ba las rdo rje dbyings su 'gyur ro/ /de nas yang sarba ta thA ga ta tas+tha a haM zhes bya ba bsgoms na rnam pa thams cad kyi mchog dang ldan pa'i de bzhin gshegs pa'i sku phyag rgya chen po thob pas de bzhin gshegs par 'gyur ro/ /de ltar lnga'i bdag nyid du gyur cing rnam pa lngas yang dag par byung ba'i bdag nyid du bsgoms na g.yo ba med pa ste sems brtan par gyur pa'o//

  284. 142b

    de nas rdo rje dbyings kyi dbang phyug ma'i phyag rgya snying khar bcings la sems dpar byin gyis brlab pa'i phyir snying la gnas pa zhes bya ba la sogs pa'i tshigs su bcad pa gsum rdo rje'i tshig gis brjod par bya'o/ /chos rnams kyi ngo bo nyid ni gsum ste/ kun brtags pa dang/ gzhan gyi dbang dang yongs su grub pa'o/ /de la yongs su grub pa ni 'gog pa dang lam gyi bden pa'i ngo bo nyid du chags pa ste/ de rtag tu bsgoms par gyur pa dang/ gzhan gyi dbang ni kun nas nyon mongs pa'i ngo bo nyid kyis na sdang ba ste de la rgyab kyis phyogs pa dang/ kun btags pa ni 'khrul pa'i sgro btags pa'i gzung ba dang 'dzin pa'i rmongs pa ste/ de dmigs su med pa'i phyir ro/ /de ltar bur gyur ba bsgoms na zhes pa bsgoms pa'i stobs kyis khams gsum po'i bdag po ste/ sangs rgyas bcom ldan 'das su gyur pa'o/ /tshigs su bcad pa gsum gsungs pa gang yin pa 'di ni sangs rgyas kyi bden pa ste/ 'dis dug bcom mo zhes bya ba ste/ de ltar byas na dug zhi bar 'gyur ro/ /de ltar na des bskul ba'i dbye bas las thams cad bya ba yin no/ /rang sems zhes bya ba la sogs pa tshigs su bcad pa bzhi ni zhi ba la sogs pa sbyor ba gzhan dag gsungs pa yin te/ gti mug sems ni de bzhin gshegs zhes bya ba ni zhi ba la mngon par byang chub pa rnam pa lnga dang ldan pa rnam par snang mdzad kyi rnal 'byor pas rang gi sems zla ba'i dkyil 'khor lta bu dbyangs kyi yi ge bcu drug dang ldan pa ni nyon mongs pa dang shes bya'i sgrib pa'i sa bon yongs su zad pas/ 'od gsal bar mthong ba ni rang gi sems so sor rtogs pa yin te/ des rmongs pa nyid ces bya ba lus dang gnas dang longs spyod nye bar mi dmigs pa'o/ /'jig rten gyur ces bya ba ni 'jig rten pa rnams kyis yang lus

  285. 143a

    la sogs pa mi dmigs pas de'i sems dang rang gi sems gcig tu byas la 'jig rten dang lhan cig tu gyur ba'o/ /sems can kun la blta bar bya zhes bya ba ni bsgrub par bya ba thams cad kyi sems rang bzhin 'od gsal ba'o/ /zhe sdang sems ni de bzhin gshegs zhes bya ba ni mngon spyod la mngon par byang chub pa rnam pa lnga dang ldan pa'i mi bskyod pa'i rnal 'byor pas so/ /phra mo'i ye shes zhes bya ba ni rang gi snying ka'i zla ba yi ge hUM sngon po phra mo'o/ /sdang gyur zhes bya ba ni khros pa'i sems su gyur ba'o/ /rdo rje nyid du gyur zhes bya ba ni yi ge hUM yongs su gyur pa las rdo rje phra mo lta bu'i ye shes 'thob pa'o/ /sems can thams cad gzhig par bya ba ni slar gso bar nus pa dag gis rdo rje phra mo 'bar ba spros pas thams cad khyab par byas nas bsgrub par bya ba rgyal bar bya'o/ /'dod chags sems ni de bzhin gshegs zhes bya ba ni dbang du bya ba la mngon par byang chub pa rnam pa lnga dang ldan pa'i 'od dpag tu med pa'i rnal 'byor pas so/ /byang chub sems ni gang dag bskyed ces bya ba dbyangs kyi yi ge bcu drug dang ldan pa'i snying ka'i zla ba la/ thun mtshams bzhi 'am gsum du 'gro ba'i snying po byang chub kyi sems kyi zla ba rnam par bsgom par bya'o/ /chags gyur zhes bya ba ni bsgrub par bya ba rnams la zhen pa'i sems su gyur pa'o/ /bzang po nyid du gyur zhes bya ba ni kun tu bzang po nyid do/ /dbang du bya ba la nus pa thob pa'o/ /sangs rgyas thams cad chags par bya zhes bya ba ni bsgrub par bya ba thams cad dbang du bya ba'o zhes bya ba'i don to/ /byams pa'i sems ni de bzhin gshegs zhes bya ba ni rgyas pa la mngon par byang chub pa lnga dang ldan pa'i rin chen 'byung ldan gyi rnal 'byor pas so/ /nga rgyal yang dag bskyed nas ni zhes bya ba ni snying ka'i zla ba la yid bzhin gyi nor bu rnam par

  286. 143b

    bsams la bdag ni yid bzhin nor bu yin no zhes nga rgyal bskyed pa'o/ /mdza' 'gyur zhes bya ba ni bsgrub par bya ba rnams kyi lus rgyas pa 'am nor rgyas pa 'am tshe rgyas pa ster bar 'dod par gyur pa'o/ /kun nyid 'gyur zhes bya ba ni nor bu'i rigs kyi lha rnams spros pa'i gzugs nyid 'thob bo/ /sangs rgyas kun la 'khyud par bya zhes bya ba ni nor bu'i rigs kyi lha de rnams nyid dang bsgrub par bya ba de rnams gcig tu bya ba'o/ /rgyu dang 'bras bu'i sbyor ba bdag gis ni dang po ste ting nge 'dzin gyi ye shes yin par bshad pa'o/ /gnyis su med pa'i sbyor bas ni gnyis pa ste de ni gsang ba'o/ /ngo bo nyid kyi sbyor bas ni gsum pa ste/ de na mchog yin no// //da ni rab tu dbye ba gnyis kyis mchog tu bshad pa'i ting nge 'dzin gyi ye shes bstan par bya ba'i phyir chags pa'i lta bas zhes bya ba la sogs pa gsungs te/ shin tu bde ba nye bar bsdus pa las byung ba'i dga' ba nyid ni chags pa ste/ des sems can thams cad la blta ba ni byams pa'i sbyin pa'o/ /snying rjes de rnams la chos bshad pa ni chos kyi sbyin pa'o/ /de rnams 'jigs pa thams cad las thar bar bya ba ni mi 'jigs pa'i sbyin pa'o/ /sangs rgyas thams cad la yid kyi rang bzhin gyis mchod pa rnams kyi rjes su mnyes par bya ba ni zang zing gi sbyin pa'o/ /de bzhin du tshul khrims la sogs pa'i rab tu dbye ba yang lung ji lta ba bzhin du shes par bya'o/ /sbyin las zhes bya ba ni ji skad du bshad pa'i rnam pa bzhi yongs su rdzogs par bsgoms pas rab dga' ste zhes bya ba ni rab tu dga' ba'i sa thob par yid la lhag par mos pa'o/ /tshul khrims rnam pa gsum yongs su rdzogs pas ni tshul khrims dang ldan pas dri ma med par gyur pa ste/ dri ma med pa'i sa thob pa'i bdag nyid gang yin pa'o/ /de bzhin du 'og ma rnams dang yang shes par bya'o/ /'od byed pa ni 'od byed pa'i sa thob pa'o/ /brtson

  287. 144a

    'grus ni bsod nams dang ldan zhing dam tshig la sems dpa' i dge ba'i rtsa ba'o/ /'od 'phro can zhes bya ba ni 'od 'phro ba thob pa'o/ /mngon gyur mthong zhes bya ba ni sa mngon du gyur pa ste rang gi sems kyis mthong ba'o/ /lhag ma rnams ni go sla pa'o/ /rgyal ba zhes bya ba ni bag chags dang bcas pa'i sgrib pa thams cad las nges par rgyal ba'i phyir ro/ /de bzhin gshegs pa zhes bya ba ni chos thams cad shin tu rnam par dag pa'i de bzhin nyid thugs su chud pa'i phyir ro/ / de lta bur gyur pa ni bcu gcig pa kun tu 'od ces bya ba ni sa bcu gcig pa thob pa yin no zhes bya ba'i don to/ /rang rig bdag nyid ces bya ba ni mnyam par bzhag pa'i sems kyis de ltar lhag par mos pa ste de kho na nyid du ni ma yin no/ /rang rig pa'i bdag nyid du gyur ba ni sa snga ma rnams dang yang sbyar bar bya'o/ /pha rol tu phyin pa bcu rnams dang zhes bya ba sbyin pa la sogs pa rnams so/ /stobs rnams kyi bcu nyid do/ /dbang rnams kyang bcu nyid do/ /'das gyur pa zhes pa ni bcu gcig pa'o/ /mtshan ma brtan par bya ba ni byang chub sems dpa' i mtshan mar gyur pas mtshan ma ni byang chub kyi sems te/ de nye bar bstan par gyur pas 'dis ston pas na mtshan ma bstan pa'o/ /de nas ni zhes bya ba ni mtshan ma brtan par gyur pa de las gong du rdo rje chur gyur pa'o/ /de yang ci zhig yin zhe na/ rdzogs sangs rgyas zhes bya ba gsungs te yang dag pa'i ye shes so/ /su zhig gi yin zhe na/ sangs rgyas kun gyi'o/ /ji tsam zhig zhe na/ mdza' yas pa ste nam mkha' dang 'dra ba'o/ /gzung dang 'dzin pa spangs pa yin zhes bya ba ni gnyis su snang ba nub pa'i phyir ro/ /de ni chos kyang yin te yang dag pa'i ye shes yin pa'i phyir ro/ /bdud rtsi yang yin te brtan pa nyid kyi phyir ro/ /bde ba'i sbyor ba phul du byung ba yin pas so/ /bcud kyi len yang

  288. 144b

    yin te nyon mongs pa'i nad ma lus pa'i gnyen por gyur ba yin pa'i phyir te/ de ltar na chos kyi bdud rtsi bcud kyi len zhes bya ba'o/ /dag pa ni nyes pa thams cad zad pa yin pa'i phyir ro/ /'thungs pas zhes bya la ji ltar 'thungs zhe na/ chos thams cad la de bzhin gshegs pa thams cad du lhag par mos la/ de rnams kyi snying po sa bon gyi sngags las 'od zer rnams phyung ste/ 'gro ba ma lus pa khyab par byas nas 'o ma'i rgya mtsho mdza' yas bkang pa la/ de nyid 'thungs nas de bzhin gshegs pa thams cad dang bdag nyid kyang de bzhin du zhu bar bya'o/ /rdo rje'i slob ma zhes bya ba ni rdo rje'i rang bzhin gyi slob ma'o/ /gdod nas zhes bya ba ni chos kyi dbyings so/ /de ni sgrib pa thams cad zad pa yin pas na dag pa yin pa'i phyir gdod nas dag pa ste/ de ltar de gdod nas bag bar 'gyur zhing byang chub par 'gyur/ rang gi sems so sor rtogs pas 'o ma'i rgya mtsho de nyid mngon par bsdus la/ dang po zla ba'i dkyil 'khor du mthong bas ni/ de nas de'i 'og tu byang chub kyi sems su 'gyur ro/ zla ba'i dkyil 'khor gnyis pa mthong bas na byang chub kyi bdag nyid can du gyur zhes bya'o/ /zla ba'i dkyil 'khor gnyis pa'i steng du rdo rje'i gzugs mthong bas ni byang chub sems brtan par byed pa yin pas/ de bzhin byang chub sems dpa' zhes bya'o/ /de nas rdo rje de nyid rdo rje dbyings su spro zhing bsdus pas de bzhin gshegs pa zhes bya'o/ /zla ba gnyis pa dang rdo rje yongs su gyur pa las/ sangs rgyas kyi gzugs thob pas rnam par grol ba'i ras kyis g.yogs zhes bya'o/ /snying khar zla ba bsgo pas byang chub sems ni bla na med yang dag bskyed 'gyur ces bya'o/ /zla ba dor rdo rje bsgoms pas snying la zhes bya ba la de bzhin gshegs par gyur pa'i bdag nyid kyi snying la'o/ 'di ni mchog tu gsang ba'i ye shes yin no// //

  289. 145a

    gnyis pa brtan par bya ba'i phyir/ /sems can khams ni zhes bya ba la sogs pa gsungs pa yin te/ sems can khams ni mdza' yas pa'i zhes bya ba ni sangs rgyas dang byang chub sems dpa' thams cad kyi'o/ /mar gyur zhes bya ba ni bskyed par byed pa ste phyogs bcu nas 'ongs pa'i yi ge bcu drug go /dam tshig 'dzin byed ma zhes bya ba ni de rnams zla ba'i dkyil 'khor gyi rnam par yang dag par 'dus pa ni dam tshig ste/ de 'dzin par byed pas dam tshig 'dzin byed ma ste de spyad par bya'o/ /ji ltar spyad par bya zhe na rdo rje dam tshig gis zhes bya ba gsungs te/ rdo rje ni de bzhin gshegs pa rnams dang kA la sogs pa'i yi ge sum cu rtsa bzhi phyogs bcu nas 'ongs pa rnams so/ /de nyid ni dam tshig ste zla ba'i dkyil 'khor gnyis pa'i rnam par yang dag par 'dus pa ste/ de spyad par bya'o/ /de ni bud med dang skyes pa'i tshul yin pas na spyad pa zhes bya'o/ /rtag tu dam tshig gnas par 'gyur zhes bya ba ni zla ba'i dkyil 'khor gnyis pa'i steng du rdo rje bsgoms pas byang chub kyi sems de nyid brtan par 'gyur ba'i phyir ro/ /khams gsum lam ni nyams dga' bar zhes bya ba ni phyogs thams cad du bud med ni phyag rgya ste/ sangs rgyas thams cad kyi sku dang gsung dang thugs kyi skabs su bshad pa rnams spros ba de thams cad thugs rdo rje'i byed pa pos spyad par bya ste/ rdo rje ni skyes pa yin pa'i phyir ro/ /cho ga bzhin zhes bya ba ni bsdus pa'i sbyor bas so/ /mi smod do zhes bya ba ni mi spang ba'o/ /zla ba gnyis dang rdo rje rtse gsum pa ste de yongs su gyur pa'i de bzhin gshegs pa ni rdo rje gsum gyi sku zhes bya ste rnam pa lnga pa'o/ /rdo rje gsum gyi sku de la gnas pa'i dam tshig gi phyag rgya ste thugs kyi phyag rgya snying kha'i zla ba dang rdo rje'i gzugs su gyur pa de tshim par bya zhing rgyas par bya'o//

  290. 145b

    gsung gi rdo rje ni snying po dang sngags rnams so/ /ji ltar tshim par bya zhe na rdo rje gsum gyi dam tshig gis te/ rdo rje gsum rdzogs par byang chub pa'i rab tu dga' ba'i tshul gyis so/ /smad mi bya zhes bya ba ni spang bar mi bya'o/ /rdo rje sems dpa' ni snying po dang sngags de nyid de/ de las yang dag par byung ba'i phyag rgya chen po kun no/ /bud med bzang zhes bya ba ni rab tu dga' ba ste longs spyod rdzogs pa'i sku yang dag par bsdus pa'i phyir ro/ /de rnams la brten pa ni bsgom pa ste des phyag rgya thams cad ces bya ba lha mo de dag nyid dbang du 'gyur ro/ /bud med ces bya ji snyed pa zhes bya ba ni ye shes kyi dkyil 'khor gyis bsdus pa'i phyag rgya chen po dang dam tshig gi dkyil 'khor rnams su'o/ /sbyor ba yis zhes bya ba ni dngos po gcig tu 'gyur ba ste de lta bus dus de dag kun la nye bar spyad par bya'o/ /yang na byung ba ni spros pa'o/ /bud med bzang ni phul du byung ba'i dga' ba'i yul du gyur pa'i phyir ro/ /brtan pa ni goms par byed pa ste/ yang dang yang du spros pa ste des dbang du 'gyur ro/ /spros pa la dbang du gyur pa nyid thob pas spro bar bya'o/ /phyag rgya chen po'i sbyor ba yis zhes bya ba ni rang gi snying ka'i sngags su bsdu ba ste/ des nye bar longs spyad par bya'o/ /sbyor ba gnyis po 'di dag ni mchog tu gsang ba yin te/ dang po ni gsang ba'i dbang bskur ba'i khyad par yin no/ /gnyis pa ni shes rab dang ye shes kyi khyad par yin no/ /'di gnyis phul du byung bar bstan pa ni gsang ba zhes bya ba la sogs pa gsungs pa yin te/ gnyis pa yang mchog tu gsang ba'i rnal 'byor yin no/ /ting 'dzin ye shes dam pa yin zhes bya ba ni 'dir ting nge 'dzin gtso bo yin gyi nga rgyal la sogs pa ni ma yin no/ /de la nga rgyal ni bdag nyid rang gi lhar nges pa ste de yang 'dir mi dgos te/ rnam par mi rtog pa

  291. 146a

    pa nyid yin pa'i phyir ro/ /hUM ni bgegs bskrad pa'i phyir te de yang 'dir mi dgos te/ bgegs med pa'i phyir ro/ /rig pa ni phreng ba'i sngags so/ /sngags rigs pa ni sngags lhag ma rnams te/ rig pa dang sngags kyang 'dir zla mi dgos te/ rnal 'byor gyi sngon du bsnyen pa rdzogs pa'i phyir ro/ /'dir dam tshig bstan pa ni lag pa'i zhes bya ba la sogs pa gsungs te/ srog chags ni rang gi sems nyid so sor snang ba'i khyad par te/ de rnams bsad pa ni nub cing mi snang bar bya ba'o/ /rdzun du smra ba ni de'i don dmigs su med pa'o/ /ma byin par blang ba ni rang gi sems snang ba de nyid shes pa'o/ /bud med ni phyag rgya rnams so/ /brten pa ni gnyis su med pa'i rnal 'byor gyi don gyi phyir ro/ gzhan yin sems kyis ces bya ba ni ting nge 'dzin gyi ye shes las mi g.yo bas so/ /rab tu grub ces bya ba ni gzhan du ma gyur pa'i sems kyi zhes bya ba dang sbyar ro/ /sangs rgyas chos nyid ces bya ba ni sangs rgyas kyi ting nge 'dzin gyi ye shes so/ /dang po'i mchog tu gsang sbyor ba la sa dang pha rol tu phyin pa rnams kyis mtshan ma brtan par gyur pa bstan nas/ chos gzhan dag kyang bstan par bya ba'i phyir ma 'dres zhes bya ba la sogs pa gsungs te/ de rnams rtag tu bsgom pa ni zhes bya ba ni nyi ma re re zhing de rnams mtshan nyid ji lta ba bzhin du thob pa sgom pa'o/ /mtshan ma brtan par gyur pa yin pas na mtshan ma brtan pa yin te/ de'i 'og tu ni snga ma bzhin no/ /bsam gtan bzhi dang gzugs med bzhi/ / 'gog pa'i snyoms 'jug ces bya ba ni mthar gyis gnas pa'i snyoms par 'jug pa dgu ste/ 'di dag 'thob par bsgoms pas mtshan ma bstan pa ste/ lhag ma rnams ni snga ma bzhin no/ /byang chub phyogs ni sum cu bdun zhes bya ba ni/ /

  292. 146b

    dran pa nye bar bzhag pa bzhi dang yang dag par spong ba bzhi dang/ rdzu 'phrul gyi rkang bya bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa ni/ byang chub kyi phyogs kyi chos sum cu rtsa bdun no/ /de rnams bsgoms pas dag pa ni zhes bya ba ni de rnams bsgoms pas mtshan ma brtan par gyur pa'o/ /rdo rje chu 'thungs pas ni gdod nas dag par gyur te dang po zla ba mthong ba'i phyir ro/ /de nas zla ba gnyis pa mthong bas ni byang chub sems dpa' o/ /de'i dbus kyi rdo rje mthong bas ni 'gro ba la phan pa'o/ /lhag ma rnams ni snga ma bzhin no/ /de nas gang zla ba gnyis pa'i steng du rdo rje 'di ci zhig yin zhe na/ 'gro ba zhes bya ba la sogs pa gsungs te/ 'gro ba rnams la spros pa ni khyab pa ste/ chos thams cad la dmigs pa'i phyir ro/ /bstan pa ni mi phye ba'o/ /snying po ni 'jigs pa med pa'o/ /ci'i phyir bstan pa yin zhe na/ gang gi phyir rab bsgoms pa zhes bya ba gsungs pas so/ /ci'i phyir snying po yin zhe na/ gang gi phyir stong pa'i de nyid las byung ba zhes bya ba gsungs pa'i phyir ro/ /de yang stong pa nyid de kho na nyid de/ /de las byung ba ni shin tu phyin ci log ma yin pa'i phyir ro/ /rdo rje ye shes ni rdo rje lta bu'i ye shes so/ /gang gi phyir de lta yin pa nges na rdo rje ni rdo rje dbyings kyi spro ba yin pa de ci zhig yin zhe na/ chos bdag med ces bya ba la sogs pa gsungs te/ de bzhin gshegs pa thams cad kyi sku dang gsung dang thugs kyi dbyings rnams ni chos te/ de rnams kyi bdag med pa ni gnyis su snang ba nub par gyur pa'o/ /de dmigs pa ni yang dag par byung ba'o/ /bdag nyid kyang gnyis su spang dang bral bas gnyis su med pa'o/ /shin tu rnam par dag pas na rnam pa'o/ /chos ni lam gyi bden pa ste de nyid ni

  293. 147a

    sangs rgyas kyi chos rnams so/ /de rnams kyi rang bzhin ni chos nyid do/ /de'i mchog ni 'jig rten las 'das pa nyid kyi phyir ro/ /khyab par byed pa nyid kyis rtogs pas na chos nyid mchog go /chos rnams la 'dzin cing mnyam par 'jog pas chos kyi dbyings so/ /gal te de ltar na dbyings de rnams kyi rdo rje nye bar bsdu ba de'i ngo bo nyid ni gang/ rgyu ni gang/ rgyu'i rgyu ni gang zhe 'am/ ming ni ci zhig yin zhe na/ de yi phyir chos kyi dbyings zhes bya ba la sogs pa gsungs te/ chos rnams bsdus nas 'dzin pa ni chos kyi dbyings so/ /de'i ngo bo ni gnyis su med pa dang brtan pa nyid kyis na rdo rje lta bu'i ting nge 'dzin to/ /yang dag par kun nas sangs rgyas kyi chos rnams la sems 'dzin pas gang 'das ma thag pa'i tshigs su bcad pas chos kyi dbyings zhes pa de las byung bas na de las skyes pa yin te/ de ni 'di'i rgyu yin no/ /zhes bya ba'i don to/ /rdo rje ye shes ni sngar gyi tshigs su bcad pas bshad pa yin te/ de ni de'i rgyu'i rgyu yin to/ /rdo rje ye shes kyi rang bzhin ni rdo rje dbyings 'di las yod pas na rdo rje dbyings so// //da ni rnam par snang mdzad la sogs pa'i lha rnams kyi de kho na nyid bstan par bya ba'i phyir/ sems kyi spro ba'i zhes bya ba la sogs pa gsungs te/ chos thams cad la spros pa med pa'i ye shes ni sems kyi spro ba ste/ de'i sbyor ba ste/ des de la gong du spros pa med pa'i ye shes de'i bsdu bas zla ba'i dkyil 'khor du bya ba ni phra mo'i ye shes te/ de la sogs pa gang yin pa de ni phra mo'i ye shes sogs zhes bya ba ste/ ye shes lnga po rnams lnga'i tshul te de'i sbyor bas so/ /des de bzhin gshegs pa thams cad kyi ye shes brnyes pas na de skad ces bya ste/ de ni bcom ldan

  294. 147b

    'das rnam par snang mdzad do/ /de yang ye shes lnga thugs su chud pas sna tshogs pa'i mchog tu gyur cing chos thams cad la dbang du gyur pa bsnyes bas na/ 'di ni dkyil 'khor 'di'i bdag po'i tshul du ngo bo nyid kyi sku yin no/ /mi bskyod pa la sogs pa'i dkyil 'khor ba rnams ni longs spyod rdzogs pa'i sku yin te/ ji ltar thugs su chud pa'i sangs rgyas kyi chos thams cad rnam par phye ste/ de rnams kyi cha re re zhing rgyu dang 'bras bu bsdus pas des 'dul ba'i skye bo rnams rjes su gzung bar bya ba'i phyir/ mi bskyod pa la sogs pa'i skur yang dag par ston pa yin no/ /de lta na ni de rnams las la la ni sangs rgyas la/ la la ni byang chub sems dpar snang ba 'di ci zhig yin zhe na/ de ni gdul bya rnams kyi bsam pa'i khyad par las rnam par ston par mdzad pa yin no/ /gzhan yang 'bras bu'i gnas skabs pa ni mi bskyod pa la sogs pa'i sangs rgyas rnams yin la/ rgyu'i gnas skabs bstan pa la ni rdo rje sems dpa' la sogs pa byang chub sems dpa' rnams yin/ de gnyi kas kyang sems can rnams 'dun par mdzad cing 'gro ba rnams la phan par bya ba'i phyir rnam pa thams cad du bzhugs pa yin pa'i phyir ro/ /yang na sems can thams cad la dgyes shing brnyes pa thugs rjes smin par mdzad pas na sems dpa' o/ /byams pa ni gzhan rnams la phan par 'dod pa ste/ de spro ba ni sems can thams cad la khyab par bya ba'o/ /de'i sbyor ba ni rgyu des byang chub pa la sems dpa' i byang chub kyi spyod pa rnams kyis spyod pas na spyod pa ste/ de dang ldan pas na spyod par byed pa'o/ /mchog ces bya ba ni byang chub kyi rgyur gyur pa'i phyir te dam pa'o/ /zag pa med pa ni 'jig rten las 'das pa nyid yin pa'i phyir ro/ /brtan par gyur pa ni shin tu bsgoms pa'i phyir ro/ /de bas na nyon mongs

  295. 148a

    pa dang rnam par rtogs pa rnams kyis bskyod par mi nus pas na mi bskyod pa'o/ /thugs rje ni pha rol dang bdag nyid du mnyam pa nyid kyi ye shes te/ de spro ba ni sems can thams cad la phan 'dogs par byed pa'i zang zing gi sbyin pas 'gro ba'i don phan gyi ba ste/ de dang yang dag par ldan pa ni mi 'jigs pa dang byams pa dang chos kyi sbyin pas so/ /mnyam pa nyid kyi ye shes nyid ni rin chen te de 'byung ba ni skye ba'o/ /dga' ba ni de kho na nyid yongs su gcod pa'i bdag nyid can no/ /de'i spro ba ni theg pa chen po rnam pa gsum dang/ des byas pa'i rnam par dag pa khyab pa'o/ /sbyor ba des mtshan pa'i theg pa chen po rnam pa gsum ni byang chub kyi lam ste/ de nyid ni dri ma med pa ste sgrib pa gnyis kyi dri ma med pas shin tu dag pa yin no/ /thugs zhes bya ba ni thugs kyi chos nyid ces bya ba'i don to/ /'od gsal ba zhes bya ba ni rang bzhin gyis dag pa'i phyir ro/ /dag pa ni glo bur ba'i sgrib pa'i dri ma zad pa'i phyir ro/ /de ltar gsum po dag gis lam dang de'i 'bras bu'i ngo bo nyid gang yin pa de ni theg pa chen po ste/ so sor rtog pa dang lhan cig 'dres pa de la 'od dpag tu med ces de bshad do ces bya ste/ dpag tu med pa'i 'od ste shes rab kyi snang ba 'di la mnga' bas de skad ces bya'o/ btang snyoms ni gzhan gyi don gyi phyir rang gi don dang btang snyoms su 'jug pa'o/ /de'i spro ba ni sems can rnams la de'i don gyis khyab par byed pa'i thugs te/ 'dis ni bsam pa phun sum tshogs pa bshad pa yin no/ /sbyor ba phun sum tshogs pa ni sems can thams cad rtogs par mdzad pa zhes bya ba la sogs pa gsungs pa te/ byang chub par byed pa'i las rnams so/ /don yod bla med zhes bya ba ni gzhan rnams byang chub bya ba'i las so/ /grub pa ni gzhan rnams byang chub pa

  296. 148b

    ste de'i don gyis las gang yin pa de ni sgrub pa zhes bya'o/ /don dam pa yang yin la grub pa yang yin pas ni don yod par grub pa ste/ de bas na don yod grub par de bshad do zhes bya'o/ /yang de'i rgyu ni btang snyoms spros pa'i thugs so/ /de ltar mi bskyod pa la sogs pa rnams kyi de kho na nyid rim bzhin du byang chub kyi sems dang sbyin pa'i pha rol tu phyin pa dang/ shes rab kyi pha rol tu phyin pa dang/ brtson 'grus kyi pha rol tu phyin pa dang/ bsod nams kyi tshogs dang ye shes kyi tshogs dang don dam pa'i spyod pa dang/ yang 'bras bu'i gnas skabs su rnam pa gnyis te/ byang chub chen po dang/ sangs rgyas thams cad dbang bskur ba dang/ chos kyi 'khor lo bskor ba dang/ 'gro ba 'dul ba dang/ yang chos kyi mchog mngon par rtogs pa dang/ ting nge 'dzin gyi sgo dang/ gzungs kyi sgo dang thabs chen po yin no/ /dpal rdo rje rtse mo'i rgyud dang/ de bzhin du dpal de kho na nyid bsdus pa las lha sum cu rtsa bdun gyi de kho na nyid gsal bar gsungs so/ /de la mi bskyod pa'i de kho na nyid ni byang chub kyi sems te/ de yang gzhan gyi don gyi phyir byang chub tu go bgos pa dang ldan pa'i byams pas bsdus pa'i spyad pa spyod par byed pa'o/ /de'i rab tu dbye ba ni sems dpa' rnam pa bzhi ste/ de la byang chub tu go bgos pa ni rdo rje sems dpa' o/ /spyod pa yang dag blangs pa dang yongs su smin pa dang yongs su rdzogs pa la rgyal po dang chags pa dang legs pa rnams dang rim bzhin du sbyar bar bya ste/ de'i dbang du mdzad nas zhes bya ba la sogs pa gsungs te/ mthar byang chub chen po'i ngo bo nyid kyi ye shes byang chub sems zhes bshad pa gang yin pa de ni rdo rje zhes bya'o/ /de bas na 'bras bu gnas skabs su yang dag par byung ba'i sems dpa' ni rdo rje sems dpa' o/ /'bras bu'i byang chub kyi sems dang ldan pas na rdo rje ste sangs rgyas so/ /de yang byang chub sems gang de rdo rje zhes

  297. 149a

    gsungs pa'i phyir ro/ /de rnams kyi rgyal po yin pas na rdo rje rgyal po'o/ /de yang spyan 'dren pas na lcags kyu ste lcags kyu yin pas na rgyal po'o/ /gzhan yang byang chub tu go bgos pa'i byang chub sems dpa' ni byang chub sems dpa' 'gyur ro/ /rdo rje sems dpa' ni rgyu byang chub kyi sems dang ldan pas na/ des ni byang chub tu bsdu ba'i dngos po bzhis 'dren par byed do/ /sbyin pa dang snyan par smra ba dang don spyod pa don mthun pa rnams kyis so/ /de nyid ni bcom ldan 'das rdo rje rgyal po ste/ 'di las kyang rdo rje rnams kyi rgyal po yin pas na rdo rje rgyal po'o/ /'di nyid kyis ni rdo rje rigs rnams zhes bya ba la sogs pa gsungs te/ rdo rje'i rigs thams cad kyi rgyal por gyur pas na de skad ces bya ste/ byang chub sems dpa' i tshogs thams cad 'gugs par byed pa zhes bya ba'i don to/ /sangs rgyas dang byang chub sems dpa' rnams chags par byed pas na rdo rje chags pa ste/ de la sangs rgyas rnams chags par bya ba ni mnyes par byas pa'o/ /byang chub sems dpa' rnams chags par byas pa ni smin par byas pa ste spyod pa la mngon par brtson par byas pa'o/ /gsod pa ni bdud te de'i sbyor ba ni thabs so/ /de nyid kyis na chags pa che zhes bya'o/ /de nyid kyis na rdo rje chags pa ste/ mi mthun pa'i phyogs rnams shin tu 'jigs par byed pa nyid kyis na gang chen por gyur pa ste de yang rdo rje'i don yin no zhes bya bar dgongs so/ /spyod pa yongs su rdzogs pas rdo rje rnams kyis legs pa yin pas rdo rje legs pa ste/ sangs rgyas dang byang chub sems dpa' rnams kyis rim pa bzhin du bdag dang gzhan gyi spyod pa yongs su rdzogs par mdzad pa ni bsngags pa yin pa'i phyir/ /gang byang chub sems dpa' i chos nyid la gnas pa ni/ byang chub kyi sems la brten nas snying rje sngon du 'gro ba'i sems dang ldan

  298. 149b

    pa la ni sku dang gsung dang thugs kyi las rnams dang sbyor ba thams cad yod de/ de'i sbyin pa'i pha rol tu phyin pa de nyid ni rin chen 'byung ldan gyi de kho na nyid do/ /de'i rab tu dbye ba ni sbyin ba rnam pa bzhi ste/ zang zing dang mi 'jigs pa dang byams pa dang chos kyi sbyin pa rnams so/ /de nyid ni rim bzhin du sems dpa' rnam pa bzhi yin te rin chen dang/ nyi ma dang/ rgyal mtshan dang/ bzhad pa'o/ /de rnams kyang 'khor los sgyur ba rnams kyi dbang phyug gis mthu'i tog dang/ skyo dgu rnams chos la 'jogs pa de bzhin du shes par bya'o/ /de dag gi dbang mdzad nas byang chub pa'i zhes bya ba la sogs pa gsungs te/ sangs rgyas thams cad kyi rgyu dang 'bras bu'i gnas skabs kyi zang zing gi sbyin pa gang yin pa de ni nam mkha' dang mnyam pa yin te mdza' yas pa'i phyir ro/ /rdo rje las byung ba yin te byang chub kyi sems la brten pa yin pa'i phyir ro/ /don yod pa ni nges pa kho nar bya ba byed pa yin pa'i phyir ro/ /rin chen chen po yang yin te phun sum tshogs pa thams cad bskyed par byed pa yin pa'i phyir ro// yid bzhin gyi rin po che de ni bcom ldan 'das rdo rje rin chen te/ don yod pa nyid dang/ rdo rje don yod dang/ yid bzhin gyi nor bu dang 'dra ba'i rin po che'i don yin no zhes bya bar dgongs so/ /yang na rdo rje rnams kyi rdo rje las byung ba ni rdo rje rin chen no// chos kyi dbyings kun tu 'gro ba la sogs pa'i don la gang nyon mongs pa'i mi shes pa gang yin pa de ni ma rig pa ste/ de dang bral ba ni de bsal ba ste/ 'khor ba'i lam gyi nyon mongs pa'i tshogs de spangs pa ste de las nges par 'byung ba ste/ gang 'di lta bu'i ye shes spros pa med cing zag pa med pa de ni rdo rje nyi ma ste/ des byang chub sems dpa' 'dul ba rnams kyi ma rig pa dang/ nyon mongs pa rnams la mi 'jigs pa stsol te/ 'khor los sgyur pa ltar rang gi gzi byin gyis skye dgu

  299. 150a

    rnams mi mthun pa'i phyogs las skyobs par byed de/ de bas na bcom ldan 'das 'di ni mi 'jigs pa sbyin pa yin te/ nyon mongs pa dang ma rigs pa spangs pa ni thar pa ste/ de'i don ni snang ba zhes bya ste yang dag pa'i ye shes can gyi snang ba'o/ /de nyid ni gzi brjid chen po ste de nyid rdo rje nyi ma'o/ /chen po ni rdo rje'i don no/ /gzi brjid ni nyi ma'i don yin no/ /zhes bya bar dgongs so/ /yang na bdag blo zla ltar snang/ /rdo rje zhes ni bya bar bshad/ /ces gsungs pas rdo rje ni lam mo/ /de nyid ni nyi ma yin te de dang chos mthun pas na rdo rje nyi ma'o/ /byang chub kyi lam gyi rnam pa ni rtags dang mtshan ma dang/ don rtags dang/ de bzhin nyid dang/ yang dag pa'i ye shes dang/ sngags dang phyag rgya la sogs pa'o/ /rnam pa yang yin la kun yang yin pas rnam pa kun te/ de rnams kyi dngos po gdul bya rnams kyi sems kyi rgyud la ston par mdzad pa'i stobs kyi sprul par byed pa'i ye shes gang yin pa de ni thar pa ste byang chub bo/ /de'i lam ni spros pa med pa'i ye shes so/ /der 'jug pa ni sbyor ba'i lam ste de ni thar pa'i lam du 'jug pa'o/ /de thob par mdzad pa ni gtul bya rnams kyi rgyud la skyed par mdzad pa'o/ /chos ni byang chub kyi lam ste de'i rgyal mtshan ston par byed pa'o/ /de nyid kyis na tog chen po zhes bya'o/ /de nyid kyis phyir rdo rje dpal lo yang na rdo rje ni byang chub kyi lam ste de'i tog yin pas na rdo rje dpal lo/ /bcom ldan 'das 'di ni byams pa'i rang bzhin gyi sbyin pa ste/ sangs rgyas kyi lam ston par mdzad pa'i phyir ro/ /gdul bya rnams kyi rgyud la mtshan ma bcas pa'i byang chub kyi lam bskyod par mdzad pa'i ye shes ni byams pa'i sbyin pa'o/ /mtshan ma med pa'i byang chub kyi lam bskyed par mdzad pa'i ye shes ni chos kyi sbyin pa ste/ de ni rdo rje bzhad pa zhes bya'o/ /rnal 'byor

  300. 150b

    chen po'o/ /'di la ci'i phyir rdo rje bzhad pa zhes bya zhe na/ gang gi phyir sangs rgyas kun gyi 'dzum pa rmad du byung ba'i rgyu yin te/ sangs rgyas kyi 'dzum pa des kyang byang chub sems dpa' rnams la dbugs 'byin pa chen po'i rgyu yin no/ /de bas na rdo rje bzhad pa ni dbugs 'byin pa chen po yin no/ /byang chub kyi lam rnam pa gsum dang de'i 'bras bu ngo bo nyid so sor rtog pa dang bcas par 'dus pa'i ye shes ni bcom ldan 'das 'od dpag tu med pa'o/ /de'i rab tu dbye ba ni rnam pa bzhi ste/ 'bras bur gyur pas dag pa dang/ lam sbyor bar byed pa'i rnam pa med pa dang/ dkyil 'khor gyi rnam pa dang/ sngags rnam par yongs su chad pa'o/ /de nyid ni rim bzhin du sems dpa' bzhi ste/ chos dang rnon po dang/ rgyu dang smra ba'o/ /de rnams kyi dbang du byas nas sangs rgyas kun gyi zhes bya ba la sogs pa gsungs te/ de bzhin gshegs pa'i chos dag pa zhes bya ba ni sangs rgyas kyi chos rnams kyi chos nyid ni ngo bo nyid kyis dag pa dang/ rang bzhin sgrib pa thams cad zad pa gang yin pa de ni rdo rje rnams kyi chos yin pas na rdo rje chos zhes bshad do/ /de'i ngo bo nyid dag pa de la dmigs pa'i ting nge 'dzin la yang de skad ces bya'o/ /de nyid kyis na sangs rgyas kyi chos rnams la rnal 'byor chen po yin no/ /sangs rgyas chos ni rtogs mdzad pa/ /zhes bya ba ni 'thob par mdzad pa'o/ /rdo rje yang yin la rnon po yang yin pas rdo rje rnon po ste/ de lta bu'i rdo rje rnon po gang yin pa de ni rdo rje rnon por de bshad ces bya'o/ /de yang rdo rje'i don ni theg pa chen po'i spros pa med pa'i ye shes zla ba dag pa ltar snang ba'o/ /rnon po'i don ni sgrib pa gnyis gcod par byed pa'o/ /des gcod mdzad ces bya ba ni gcod par mdzad pa'o/ /gcod pa po zhes bya ba ni gcod pa por gyur pa'o/ /sems dpa' chen po ni sangs rgyas dang byang chub sems

  301. 151a

    dpa' rnams te/ de'i bdag nyid can gyi theg pa chen po gang yin pa de ni rdo rje rgyu ste/ rdo rje ni sangs rgyas dang byang chub sems dpa' rnams yin la de'i bdag nyid can gyi rgyu yin pas na rdo rje rgyu zhes bya bar dgongs te/ phan par byed pa dang rgyu dang theg pa zhes bya ba ni rnam grangs yin no/ /gzhan yang rdo rje rnams kyi sprul pas na spros pa med pa nyid kyis ye shes ni theg pa chen po ste sems dpa' ni ma yin no/ /zhe na chos kyang zhes bya ba la sogs pa gsungs te/ chos thams cad kyi mchog tu gyur pas na chos ni sangs rgyas kyi thar pa'o/ /'dir de thob par byed pa'i lam nyid la de'i don gyi chos zhes bshad de/ de yang spros pa med pa'i ye shes so/ /gdul bya rnams kyi rgyud la 'pho ba na 'khor lo ste chos kyang yin la 'khor lo yang yin pas chos kyi 'khor lo ste de nyid skor ba de ni rdo rje'i rgyu'o/ /de lta na sems dpa' rdo rje ji ltar yin zhe na/ sangs rgyas zhes bya ba la sogs pa gsungs te/ sangs rgyas rnams kyi rol mo ni rnam pa med pa'i chos sems dpa' i rnam par yang dag par ston par mdzad pa'o/ /de nyid ni 'khor lo ste chos kyi 'khor lo yin no/ /zhes bya ba ni sgra'i don ston to/ /de yang dpal rdo rje rtse mo'i rgyud las/ ngo bo nyid kyi sku yis ni/ / rab tu snang ba 'byung 'gyur la/ /longs spod rdzogs pa'i sku yis ni/ /chos kyi longs spyod 'di 'dra ba'o/ /rtsom la gnas pa thams cad ni/ /zhi zhing bral lta rab dka' / /sangs rgyas rnams ni thugs brtse bas/ /sangs rgyas rol mo ston pa yin zhes gsungs so/ /'jam dpal yang yin la gsung yang yin pas na 'jam pa'i gsungs ste/ de'i bdag nyid kyi sems dpa' ni rdo rje smra ba'o/ /'jam pa'i gsung de su zhig yin zhe na/ gsung zhes bya bar gsungs so/ /de ci sgra

  302. 151b

    yin nam 'on te ma yin zhe na/ sgra ni rnam par spang bya bar gsungs so/ /de ci byis pa rnams kyi khong nas smra ba lta bu yin nam zhe na/ ma yin te dag pa zhes bya ba gsungs te/ 'jig rten las 'das pa'i ye shes kyi rgyu mthun pa'o zhes bya bar dgongs so de yang shes rab dang ye shes kyi rang bzhin te don dam par nges pa rtag pa nyid kyis na shes rab zab bo/ /yang dag pa'i ye shes kyi rgyu mthun pa nyid yin pas na shes rab ye shes te/ de'i rang bzhin ni de'i bdag nyid can no/ /dag pa ni 'jig rten pa'i ye shes zhes bya ba'i don to/ /de yang gang gi phyir gsung nyid kyis na 'jam pa'i gsung ste/ de nyid kyis na dag pa mnyid ni 'jam pa'i gsung ngo/ /rang gi don la btang snyoms su 'jog pas gzhan gyi byang chub sgrub par byed pa'i lam ni don dam par 'grub par ro/ /de'i rab tu byed pa ni rnam pa bzhi ste/ rtsom pa dang yongs su sbyang ba dang/ so sor rtog pa dang sgrub par byed pa'o/ /de nyid ni rim bzhin du sems dpa' rnam pa bzhi ste/ las bsrung ba dang gnod sbyin dang khu tshur ro// de dag gi dbang du mdzad nas pha rol tu phyin pa zhes bya ba la sogs pa gsungs te/ pha rol tu phyin pa kun ni sbyin pa la sogs pa rnam pa lnga'o/ /de rnams kyi rkang pa ni gzhan rnams la bskyed pa'o/ /chos rnams thams cad ston par mdzad pa ni shes rab kyi pha rol tu phyin pa bskyed par mdzad pa'o/ /'di gnyis kyi tshogs kyis 'bras bu bskyed pa ni sems can kun don sprul pa po zhes bya'o/ /rdo rje ni gzhan gyi byang chub pa ste/ de'i las yin pas na rdo rje las zhes bya bar dgongs te/ 'di ni gzhan gyi don gyi rtsom pa'o/ /sangs rgyas zhes bya ba la sogs pa gsung ba la sangs rgyas rnams kyi rjes su 'gro ba'i dran pa ni rjes su dran pa ste/ de'i yang dag par grub pa ni theg pa dman pa rnam par spangs pa dang/ /byang chub kyi sems la rtag

  303. 152a

    tu zhugs pa ste/ /las 'di ni byang chub sems dpa' rnams kyi bsrung ba yin pas na de'i phyir rdo rje bsrung ba ste 'di nyid ni yongs su sbyang ba'o/ /gzhan rnams kyi sdig pa rnams za bar byed cing/ nyon mongs pa rnams sreg pa ni rdo rje gnod sbyin no/ /ji ltar zhe na/ nyon mongs zad pas nyer len pas/ /zhes bya ba gsungs te/ nyon mongs pas na nyon mongs pa ste sdig pa la sogs pa dang/ nyon mongs pa rnams so/ /rdo rje'i don ni de rnams zad pa la brten nas/ rdo rje rnams kyi zad pa yin pas na rdo rje gnod sbyin te/ yi ge gnyis go bzlog pa zhes bya ba'i don to/ /gzhan yang rdo rje rnams kyi gnod sbyin yin pas na rdo rje gnod sbyin te/ b+ha yar byas pa 'di ni so sor rtog pa'i 'phags pa'i lam gyis zag pa med pa'i tshogs dang ldan pa'i nyon mongs pa zad pa thob pa'i phyir ro/ /sku la sogs pa'i rdo rje rnams bcings pa ni de kho na nyid du nges par bsdus shing yang dag par gnas pa ni rdo rje khu tshur ro/ /rnal 'byor pa'i sku la sogs pa'i rdo rje ni rdo rje ste de rnams kyi khu tshur ni de kho na nyid du bsdus pa'o/ /zhes bya bar dgongs pa'o/ /gzhan yang de nyid de nyid ye shes te/ zhes bya ba'i ye shes 'di ni rdo rje khu tshur de bzhin nyid ye shes ni rdo rje ste de'i khu tshur ro/ /de nyid ces bya ba gnyis pas ni rnal 'byor pa rnams kyi bstan par bya'o/ /de zhes bya ba ni mchog tu brtan par bya ba'i phyir ro/ /zhes bya bar dgongs so/ /'di rnams yang dag par sgrub pa ni las bzhi pa yin no/ /sems dpa' i rdo rje khu tshur gyi de kho na nyid bshad pa'o/ /de ni dam tshig phyag rgya'i yang de kho na nyid yin no zhes shes te/ de'i nye bar 'byung ba yang gang yin zhe na/ dam tshig phyag rgya zhes bya ba la sogs pa gsungs so/ /de nas las kyi phyag rgya rnams kyi yang de dang 'dra ba

  304. 152b

    yin la/ phyag rgya chen po'i nye bar 'byung ba yang gang zhig yin zhe na/ rdo rje khu tshur zhes bya ba la sogs pa gsungs te/ las lhag ma zhes shugs kyis shes par bya ste/ mtshan ma la sogs pa de nyid ni phyag rgya chen po yin no/ /zhes kyang shugs kyi go bar bya'o/ /de la rdo rje khu tshur gyis don gsungs nas rdo rje sems dpa' i brtan par bya ba'i phyir/ nga med cing bya ba la sogs pa gsungs pa yin te/ gang bdag med pas chos thams cad kyi mnyam pa nyid kyi ye shes ni rdo rje sems dpa' ste/ bdag med pa ni rdo rje don yin te/ stong pa nyid ni rdo rjer bshad ces gsungs pa'i phyir mnyam pa nyid kyi ye shes kyang rdo rje'i don yin par dgongs so/ /stong pa nyid la sogs pa ni chos rnams kyi spyi'i mtshan nyid de/ /de nyid de rnams kyis mthong bas ni mnyam pa nyid kyi ye shes so/ /ye shes de ji lta bu yin zhe na/ zhen pa med pa ste zhen pa ni khyad par gyi mtshan nyid rnams te/ de rnams so sor snang ba med pas na zhen pa med pa ste/ 'di ni bstan pa yin la lhag ma rnams ni bshad pa yin no/ /gang zag pa dmigs su med pas na nga rgyal med pa'o/ /gzung ba dang 'dzin pa'i so sor snang ba nub pas na snang ba med pa'o/ /brjod pa dang brjod par bya ba mi dmigs pa na mtshan ma med pa'o/ /de nyid kyis na rdo rje bsdams pas mnyam pa nyid kyi ye shes bstan nas mthe bo gnyis ring du zhugs pas de kho na nyid kyi don bshad la de rgyab tu rang gi mdzub mo'i sen mo btsir bas mchog nyid du ston pa'i phyag rgya ni rdo rje khu tshur ro// //rdo rje'i lha mo rnams kyi de kho na nyid du gsungs nas/ rdo rje lha mo rnams kyi de kho na nyid bstan par bya ba'i phyir/ gsang ba'i zhes bya ba la sog pa gsungs te/ mnyam par sbyor ba zhes bya ba ni de kho na nyid dam dkyil 'khor ro/ /ye shes pha rol phyin pa ni ye shes kyi ngo bo nyid du pha

  305. 153a

    rol tu phyin pa'o/ /dge ba ni dag pa'o/ /de nyid lha mo bcu gnyis kyi rnam pas rdo rje'i pha rol tu phyin pa zhes bya ste/ 'od ni 'bar ba'i mdog go /de la pha rol tu phyin pa'i tshul la ni pha rol tu phyin pa bcu ste/ de yang sbyin dang tshul khrims bzod brtson 'grus/ /bsam gtan shes rab thabs dang ni/ /smon lam stobs dang ye shes te/ /'di dag pha rol phyin pa bcu zhes gsungs pa yin no/ /'dir stobs kyi pha rol tu phyin pa dang ye shes kyi pha rol tu phyin pa gnyis su byas nas pha rol tu phyin pa bcu gnyis zhes bshad do/ /rdo rje sems ma dang rdo rje rin chen ma ni stobs so/ /rdo rje chos ma dang rdo rje las ma ni ye shes yin no zhes bya bar dgongs so/ /rdo rje sems ma ni byang chub kyi sems las sangs rgyas nyid thob par rdo rje sems ma ste/ de nyid gsungs pa ni byang chub sems ni zhes bya ba la sogs pa yin te/ ye shes nyid ni sangs rgyas nyid du rnam par dag pa'i pha rol nyid yin la de son cing 'thab pa yin te de bas na 'di ni pha rol tu phyin pa zhes bya ba'i don to/ /pha rol tu phyin thob ces bya ba ni 'di'i mtshan yin te/ gang gi 'dis sangs rgyas nyid 'thob cing brnyes par bya zhing khong du chud par bya'o/ /bsdu ba'i dngos po ni sbyin pa la sogs pa'o/ /lnga pa ni shes rab kyi pha rol tu phyin pa rdo rje ste/ chos bzhi'i sbyin pas gcig tu gyur pa ste/ lnga par yang dag par gyur cing ro gcig par gyur ni rdo rje rin chen ma'o/ /gnyis pa dag ni rim pa ji lta ba bzhin du bsam pa'i stobs dang sbyor ba'i stobs ma yin no/ / gsang ba'i mchog ni theg pa chen po'o/ /de'i ye shes chen po ni don dam pa'i ye shes so/ /de yang yang dag pa'i ye shes te de'i pha rol ni rnam par dag pa'i mdza' o/ /shes rab kyi pha rol tu phyin pa'i ngo bo nyid du gyur pas pha rol tu phyin

  306. 153b

    pa chen po ste/ de las byung ba zhes bya ba ni phyag rgya'i gzugs su gyur pa ste/ de ni rdo rje chos ma'o/ /de la chos ni theg pa chen po ste de dag par mkhyen pa'i phyir ro/ /bzhi po rnams kyi nang na rgyal por rgyur cing dbang thob pa nyid rdo rje ste don yod pa'i phyir ro// de bas na rdo rje pha rol tu phyin pa'o/ /de nyid kyis na las rnams la dbang thob pas rdo rje las ma'o/ /de ji ltar ye shes yin zhe na/ sbyor ba zhes bya ba la sogs pa gsungs te/ sbyor ba ni 'gro ba'i don gyi bya ba'o/ /de'i thabs ni sangs rgyas la sogs pa'i sku ste/ de rnams su rab tu brtags pa ni sprul par mdzad pa'i ye shes so/ /de bas na gnyi ka yang ye shes kyi 'bar ba'i rol pa ni dbang phyug chen po ste/ de yang sbyin pa'i 'bras bu yin no/ /tshul khrims ni lus kyi rgyan gyi mchog yin no/ /rtogs pa'i dga' ba las yang dag par byung ba'i tshig ni che du brjod pa ste de ni 'dir glu'o/ /de bas na chos la dmigs pa'i bzod pa ni glu yin no/ /gar ni brtson 'grus te phul du byung ba'i las yin no/ /myur du zhes bya ba ni brtson 'grus kyi stobs kyis myur du byang chub thob pa'i phyir ro/ /bdug pa ni thams cad du spro ba dang ro mnyam pa'i phyir ro/ /de bas na shes rab kyi pha rol tu phyin pa yin no/ /bsam gtan ni 'dod pa'i khams su bskyed kyang 'dod pa'i nyes pas gos par mi 'gyur te/ de bzhin du me tog kyang 'dam gyi dri mas gos par mi 'gyur ro/ /de bas na bsam gtan gyi pha rol tu phyin pa ni me tog ma yin no/ /mar me ni phyogs thams cad snang bar byed pa yin te de bzhin du smon lam gyis ni sangs rgyas dang bcas pa'i sangs rgyas kyi zhing rnams su skye ba'i dge ba'i rtsa bas snang bar byed pa'i phyir dang/ dge ba'i rtsa ba thams cad sangs rgyas nyid du yongs su bsngo ba'o/ /thabs kyi pha rol tu phyin pa ni/ de yang sangs rgyas dang byang chub sems rnams dri ma med pa'i chos kyi bsgo ba la

  307. 154a

    'jog pa ni dri ste/ mi mthun pa'i phyogs kyi bag chags kyi dri ngan pa thur du sel bar byed cing kha thur du lta bar byed pas na de skad ces bya'o/ /sems can dam pa gdul bar bya ba'i thabs yin pas na thabs chen po ste/ byang chub dam pa dang 'gro ba'i don ni thams cad ces bya ste/ de la 'dod pa ni mngon par 'dod pa ste/ byang chub kyi sems chen po'o/ /de ni rdo rje lcags kyu ste rdo rjes sangs rgyas rnams spyan 'dren pa'i phyir ro/ /gzhan gyi don gyi bya ba spyod par byed pa dang/ rang nyid byang chub pa'i phyir spyod pa ni byang chub pa'i spyod pa'o/ /de gnyi ka ni rdo rje zhags pa ste sa la 'jug pa yin pa'i phyir ro/ /'dod pa de la spyod cing brtan pa la mi 'gyur ba'i dngos po ni rdo rje lcags sgrog ste/ rdo rjes bcings pa'i phyir lcags sgrog go /chos rnams zhes bya ba la sogs pa la skye ba med cing 'byung ba med la gnyis su med par gyur pas chos rnams thams cad ma skyes pa ste/ de nyid kyis ni gdod nas zhi ba mkha' dang mnyam zhes bya ste rang gi ngo bo nyid kyis snang ba tsam nyid yin pa'i phyir ro/ /de lta bu'i tshig la 'jug pa ni rdo rje dril bu ste/ dril bu ni stong pa nyid nye bar ston pas shes rab kyi pha rol tu phyin pa yin te de'i sgras smra ba'i phyir ro// //tshogs gnyis zhes bya ba la sogs pa la bsod nams dang ye shes kyi tshogs ni sbyor ba ste/ rgyu des sems can kun gyi don dam pa rab tu ston pa tsam gyis ston pa'i snang ba med pa'i sems de'i rang bzhin gyi dri ma ni glo bur ba yin pas rang bzhin gyis 'od gsal ba ste/ de ni zla ba'i dkyil 'khor yin te lha rnams kyi gdan dang 'od do// //phyag mtshan bcu drug gi de kho na nyid tshig rkang pa bcu drug gis ston pa ni/ /shin tu zhes bya ba la sogs pa gsungs pa yin te/ yang dag par so sor rtogs pa ni rdo rje'i de kho na nyid do//

  308. 154b

    'dzin pa ni lcags kyu'o/ /phra bar 'bigs pa nyid ni mda'o/ /dgyes pa ni legs so zhes bya ba'i 'o/ /zang zing gi sbyin pas gdul bya rnams dbang du bya ba ni spros pa ste/ de kho na nyid ni rin po che'i ste/ tsa'i sgra ni tar bstan pa yin no/ /gzi brjid nyi ma'i de kho na nyid do/ /chos kyi tog bsgreng ba ni tog gi'o/ /sems rnam par 'byed pa ni bzhad pa'i 'o/ /theg pa chen po'i rnam par dag pa ni pad+ma'i 'o/ /nyon mongs pa'i rnam par rtog pa'i dgra bcom pa ni ral gri'o/ /sems dpa' i dkyil 'khor ni 'khor lo'i'o/ /de kho na nyid brjod pa ni smra ba'i 'o/ /sna tshogs pa'i tshul nyid ni sna tshogs rdo rje'o/ /gzhig par dka' ba ni go cha'i 'o/ /'jigs pa nyid ni mche ba'i'o/ /bcings pa ni rdo rje khu tshur gyi de kho na nyid yin no// // de ltar dkyil 'khor gyi bdag po rnams kyis de kho na nyid gsungs nas/ gzhi'i dkyil 'khor gyis de kho na nyid bstan pa'i phyir dkyil 'khor zhes bya ba la sogs pa gsungs te/ gang bshad pa zhes bya ba ni gang du gsungs pa ste/ de kho na nyid ni yid kyi dkyil 'khor ste/ shin tu rnam par dag pa'i ting nge 'dzin snying po ste ces pa gang yin pa de de'i len pa'o/ /dam pa yin pa ni longs spyod rdzogs pa'i skus yang dag par bsdus pa yin pa'i phyir ro/ /ye shes zhes bya ba ni shes rab bya ba'o/ /khang pa ni sems te de'i rtsegs pa ni bsgreng ba'o/ /phyi'i gnas gang yin par tshad kyis logs bzhi mnyam pa nyid du gyur pa gang yin pa de nyid ni thig bzhi zhes byas la/ de kho na nyid du ni byams pa la sogs pa yin te/ byams pa dang snying rje dang dga' ba dang btang snyoms zhes bya ba ste/ tshad med pa bzhi pa ni sems can tshad med pa la dmigs pa'i phyir byams pa la sogs pa la tshad med pa zhes bya'o/ /'dod pa na spyod pa'i sems can gyi dmigs

  309. 155a

    pa ni tshangs pa'i gnas pa zhes bshad do/ /chos rjes su dran pa'i de kho na nyid ni thig go /lta ba kun las rnam par grol ba ni ye shes kyi thig go /tshul khrims kyi tshogs ni rgyan gyi'o/ /dad pa la sogs pa dbang po lnga po ni ra ba lnga'o/ /rnam par thar pa bzhi po ni sgo rnams kyi'o/ /yang dag par spong ba bzhi po ni rta babs dang ka ba zung gi'o/ /dran pa nye bar bzhag pa bzhi po ni khyams rnams kyi'o/ /rdzu 'phrul gyi rkang pa bzhi po ni sgo khyud zung gi'o/ /byang chub kyi yan lag bdun po ni phreng ba dang me tog gi chun 'phyang gi'o/ /'phags pa'i lam yan lag brgyad pa ni ka ba rnams kyi yin te/ thams cad kyi nang du gyur pa'i phyir ro/ /sgom pa'i lam ni sgrib pa thams cad las nges par grol ba yin pas na de ni dkar po ste/ ting nge 'dzin dang shes rab dag gis brtags shing yang dag par bsdus pa yin pa'i phyir ro/ /lam nyid ni ye shes te khyad par dang bcas shing phra ba dang bcas pa'i phyir te/ de kho na nyid de ni rnga yab kyi'o/ /nyon mongs pa rnams kyi sa bon 'byin cing yang dag par gcod pa'i de kho na nyid de ni dra ba'i'o/ /sa bon nye bar 'jig pa ni sel ba ste de kho na nyid de ni dra ba phyed pa'i'o/ /rnam par bsags shing cho gas nye bar bsags pa'i phyir/ yongs su mya ngan las 'das pa dang nyon mongs pa rnams kyis zil gyis gnon par ma gyur cig snyam ste/ sangs rgyas kyi spyan lnga po/ des nges par rtogs pa'i de kho na nyid kyi gnas lnga ni chon rtsi lnga'o/ /me long lta bu la sogs pa'i ye shes lnga'i de kho na nyid ni sangs rgyas lnga yi'o/ /byang chub sems kyi de kho na nyid ni dkyil 'khor gyi bdag po yi'o/ /rdo rje 'dzin chen po'i dngos po de kho na nyid mi gnas pa'i mya ngan las 'das pa ste/ 'khor ba dang mya ngan las 'das pa dag

  310. 155b

    la mi gnas pa'i phyir te/ de la rim bzhin du chags pa dang bral ba dang/ chags pa dag gis te de la nam mkha' dang mnyam pa'i chos thams cad kyi mchog rnam par dag pa'i mthar thug pa ni chags pa dang bral ba'o/ /chags pa ni lha la sogs pa'i rnam par nye bar zhen pa'i sems ni chags pa'o/ /chags pa dang bral bar gyur nas chags pa gang las byung zhe na/ ye shes de'i rgyan bshad pa shes bya ba gsungs te/ nam mkha' dang mnyam pa'i ye shes de nyid kyi tshogs bsags pa'i stobs kyis lhun grub pa'i zhen pa'i sems su byed pa ni yid bzhin gyi nor bu dang 'bra'o/ /de yang ci zhig yin zhe na/ chags bral las zhes bya ba la sogs pa gsungs te/ gzhan yin no zhes bya ba ni chags pa zhes bya ba'i don to/ /de la chags pa dang grol bas byang chub pa ni chos kyi sku'o/ /chags pas zhen pa'i sems ni longs spyod rdzogs dang sprul pa'i sku'o/ /de bas na gnyi ka byang chub kyi sems ni byang chub dang sems zhes bya ba yin no/ /chags bral las chags pa zhes bya ba ni mtshan nyid can gyi dbye bas lnga pa 'dod chags dang bral ba'i mtshan nyid can ni byang chub po/ /chags pa'i mtshan nyid ni sems zhes bye ba'i don to/ /'di yang zhen pa'i sems kyi sgrar bshad do/ /thun mong gi sgra yin yang la la khyad par du bstan pa'am snga ma'i tshig gis mngon par byas pa'o/ /byang chub 'dod chags dang bral ba'i sems yin na 'dod chags zhes gang las bshad ce na/ gang gi phyir 'jig rten zhes bya ba la sogs pa gsungs te/ 'jig rten ni 'khor bar yang dag par ma yin par yongs su brtags pa ste/ yang dag ma yin kun rtogs ni/ /sems dang sems byung khams gsum pa zhes bshad pa'i phyir ro/ /de yang gang gi phyir chags pa dang bral bas 'dul zhing bsal 'jig rten gang yin pa de la de skad

  311. 156a

    ces bya'o/ /lha'i sku dang gsung dang thugs kyi rnam pa lta bu ni/ /phyag rgya ste de'i dngos grub ni rnam pa des rnal 'byor pa rdzogs pa ste/ de yang chags pa las byung ba yin no/ /der mi zhes bya ba ni chags pa dang chags pa dang bral ba'o/ /thabs ni sgrub pa'o/ /bsgom pa ni de nyid du yun ring zhing gus pas rgyun mi 'chad par yid la byed cing bsgom pa'o/ /de la man ngag ji lta ba bzhin du yongs su bskyed la/ sku dang gsung dang thugs sems tsam du yid la byed pa ni cha ba'i bsgom pa'o/ /ci lta ba'i rnam pa med pas nam mkha' 'dra ba'i tshul gyis yid la byed pa ni 'dod chags dang bral bar bsgom pa'o/ /dngos grub thams cad ni sku gsum grub pa'o/ /bsgom pa gnyi ka la nges par sbyar ba'i phyir ji ltar zhes bya ba la sogs pa gsungs te/ ji ltar 'khrul pa'i mtshan nyid 'jig rten pa'i btsal ba'i de ni 'dod chags dang bral ba sgom pa yin te/ 'dod chags kyi bsgom pa la yang de bzhin du spyad par bya ste/ 'bab pa ni ma yin no/ /yang rnal 'byor pas 'dod chags dang bral ba'i bsgom pas gdul bya rnams gdul bar mi nus pa la bslab pa'i lhag par mos pa'i dbang du mdzad nas zhes bya ba de'i sbyor ba gang yin zhe na ji ltar gdul bya dag gyur pa zhes bya ba gsungs te/ ji ltar gyi sgra ni nges par bstan pa'i don te/ 'di ltar dag pa 'ba' zhig sems tsam lha yin no zhes bya ba 'di ni chags pa'i bsgom pa 'ba' zhig pa ste de'i sbyor ba ces bya ba'i don to/ /de yang de'i gzung min de'i 'dzin pa min/ /ye shes gzhan 'dzin de'ang stong pa yin/ / de lta min na'ang ye shes rang bzhin snang/ /mngon sum dag ni shes rab 'phyang ba'i bde ces gsungs pa yin no/ /gang yang pha rol nyid kyis 'dzin par byed pa nyid dang/ /gzung bar bya ba nyid du bsgom pa de ni de las phyag rgya'i dngos

  312. 156b

    grub mi 'byung ste/ zhen pas chags pa bsgom par byed pa ni kun tu mchod par 'gyur ro/ /chags pa dang bral ba'i bsgom pas bden pa dang bden pa ma yin pa bsngags so zhes bya ba'i don te/ kun tu mchod par 'gyur zhes bya ba mi rigs te/ /chags pa bsgom pa 'ba' zhig gis chos kyi sku 'thob par mi 'gyur la longs spyod rdzogs pa dang/ sprul pa'i sku yang de la brten pa yin pas re shig de yang 'thob par mi 'gyur ro/ /'dir brjod par bya ste sku gsum gyi mtshan nyid 'di ni sangs rgyas nyid dang byang chub sems dpa' i phun sum tshogs pa de 'byung bar 'gyur la/ de'i stobs kyis sangs rgyas nyid du yang byis 'gyur ba yin no/ /gzhan yang mtshan nyid ces bya ba la sogs pa la/ mtshan nyid ni phyag rgya chen po la sogs par gang yang dag par bshad pa ste/ bshad pa des mtshan nyid mtshon par 'gyur te/ mtshan nyid dang mtshan gzhi zhes bya ba'i don to/ /de nas ci zhig zhe na/ phyag rgya yis zhes bya ba la sogs pa gsungs te/ gal te phyag rgya zhes bsgoms na de'i tshe rnal 'byor pa rdzogs pa na phyag rgya dang gcig tu 'gyur ro/ /rgyas btab pa'i mtshan nyid kyi bdag nyid can du gang gi tshe rgyas btab pa ni nye bar mtshon pa'i dngos po lha la sogs pa'i rnam par shes par bya zhing 'dag nyid mos par byas la bsgoms na/ de'i tshe rgyas btab par 'gyur zhing rgyas btab pa ni lha'i bdag nyid can du 'gyur ro/ /de bas na byang chub kyi sems kyi bdag nyid can rdo rje sems dpa' i phyag rgya de bzhin du shes shing bsgoms na rnal 'byor pa rdo rje sems dpa' i sku gsung thugs kyi bdag nyid can gang de ltar skad cig ma re re zhing byang chub kyi sems bsgoms pas chags pa dang chags pa dang bral ba la rab tu zhen par bya yi/ /chags pa 'ba' zhig gis ni ma yin te/ de bas na mtshan dang zhes bya ba la sogs

  313. 157a

    pa gsungs te/ mi bskyod pa la sogs pa'i mtshan nyid dang mtshan gzhis 'brel pa phye nas mtshan nyid sang ba bzhin pas mtshan gzhi gzugs nyid shes nas rnal 'byor gyi rtsom pa rnams la mos pa brtan pos kun tu spyod pa yin gyi/ chags pa'i sgom pa 'ba' zhig ni ma yin no/ /des cir 'gyur zhe na/ ji ltar zhes bya ba la sogs pa gsungs te/ ji ltar mtshan nyid kyi yang dag par grub pa yongs su rdzogs pa mtshan gzhi'i yang de bzhin du dngos po dag par 'gyur te/ sgrib pa zad pa thob pas myur zhig mgyogs par rdo rje 'chang ba'i sku gsum gyi bdag nyid can du 'grub par 'gyur te/ de bas na zhen pa kun tu mchod par 'gyur zhes bya ba ni legs par gsungs pa yin no/ /mtshan nyid dang mtshan ma dang phyag rgya dang ming dang brda' zhes bya ba ni rnam grangs yin no/ /de bas na mtshan nyid kyi skabs su brda' gzhan dag gi yang don bshad pa'i phyir/ /g.yas pa'i zhes bya ba la sogs pa gsungs te/ rmi lam la sogs pa'i srid pas bzhugs pa'i lha la sogs pa'i phyag g.yas pa'i mtshan ma'i don shes rab po /phyag g.yon pa'i mtshan mo'i don ni thugs rje'o/ /phyag gnyi ka'i mtshan ma ni tshogs gnyis so/ /sor mo lnga la sogs pa'i sbyor ba ni sangs rgyas ldar mngon par byang chub pa'i lha ni shu rtsa lnga'o/ /sor mo re res ni nam mkha' la sogs pa'i dkyil 'khor ro/ /lta ba la sogs par reg pa ni lha mo lnga ste 'di dag ni lus kyi brda'o/ /gsung gi brda' bstan pa byang chub lngar zhes bya ba la sogs pa gsungs pa yin te/ sangs rgyas lnga mngon par byang chub pa'i sgra ni ye shes lnga 'am de'i dkyil 'khor gyi don to/ /sngon gi sgra i snga ma'o/ /rgyab kyi sgra ni phyis nas so/ /thog ma'i gra ni rgyu'i don no/ /tha ma'i sgra ni 'bras bu'i

  314. 157b

    don to/ /de la rgyu ni byang chub sems dpa' rnams so/ /'bras bu ni mi bskyod pa la sogs pa'o/ /'o na rnam par snang mdzad ci rgyu yin nam/ 'on te 'bras bu yin zhe na/ sangs rgyas zhes bya ba la sogs pa gsungs te de'i ni go sla'o/ /de ltar na sags rgyas ni gang zhig yin/ rtogs par bya ba ni gang zhig yin sangs rgyas kyi zhing ni gang zhig yin/ byang chub kyi sems ni gan zhig yin zhe na/ de'i phyir rang gi sems zhes bya ba la sogs pa gsungs te/ rang gi sems nyid sangs rgyas kyi zhing dang byang chub sems kyang yin no/ /zhes bya bar sbyar bar bya ste lhag ma ni go sla'o/ /dris pa sems ni thog ma med pa yin la/ byang chub pa ni thog ma dang ldan pa yin na/ ci'i phyir sems de nyid byang chub kyi sems yin zhe na/ de'i phyir rang bzhin zhes bya ba la sogs pa gsungs te/ /rang bzhin ni sems kyi chos nyid do/ /des 'od gsal ba'i dri ma med pa ni sems can rnams so/ /kun tu zhes bya ba'i gnas skabs thams cad du'o/ / de ltar yang dag par dran pa bcom ldan 'das kyis gsungs te/ ci'i phyir de 'od gsal ba yin nam zhe na/ dri ma lhag ma rnams ni de'i glo bur ba yin te/ nam mkha' la sprin dang du ba la sogs pa dang 'dra'o/ /de bas na glu bur ba'i sgrib pa'i dri ma gang dang gang yin pa zad cing dag pa'i mtshan nyid can ni thog ma'i byang chub bo/ /rang bzhin gyis dagpa'i mtshan nyid kyang byang chub yin te thog ma med pa'i rang bzhin dang 'dra ba'o/ /de bas byang chub ni thog ma dang tha ma med pa yin la/ sangs rgyas kyang thog ma dang tha ma med pa yin la/ byang chub kyi sems kyang thog ma dang tha ma med pa yin te/ byang chub kyang yin la sems kyang yin pas de skad ces bya'o/ /dang po ni bcom ldan 'das dpal mchog dang po ste/ /'di ni snying kar rdebs pa

  315. 158a

    zhes bya bar 'gyur ro/ /de ci'i phyir zhe na/ rang nyid bstan par gyur pa'i phyir ro/ /'od dpag tu med pa ni skra 'dzin par bshad de/ gang gi phyir ral pa'i dbus na bzhugs pa yin no/ /'o byed pa ni rdo rje smra ba'o zhes bya ba ni gsal ba nyid mnyam par sbyor pa ni rnam par snang mdzad yin pa ni gnyis su med pa yin pa'i phyir ro/ /don gyi char ni don gyi rab tu dbye ba'o/ /bu mo'i don gyi pha rol tu phyin pa rnams so/ /gzhan du mi rtag ces bya ba ni phyi rol gyi bud med ni ma yin zhes bya ba'i don to/ bud med kyi sgrub don ni gang byang chub sems dpa' rnams kyi sgom pa'o/ /lha mo'i zhes bya ba'i don ni mchod pa'i lha mi bskyod pa la sogs pa nyi shu'o/ /rang gi chung ma dang rang gi rigs kyi rigs pa'o/ /gzhan gyi chung ma dang gzhan gyi sdug pa'i sgra ni rigs gzhan gyi rigs pa rnams so/ /gci ba dang sgra'i don ni rdo rje ye shes so/ /bshad pa dang pad+ma'i sgra ni chos kyi ye shes sgrib pa med pa yin no/ /rang gi rdo rje zhes bya ba ni rnam par snang mdzad du gyur pa'i bdag nyid kyi rdo rje dang de'i rig pa'i pad+ma ste/ rang gi sa bon i de nyid kyi ye shes kyi khu ba'o/ /mchod par bya zhes bya ba ni bskyed par bya'o/ /ji ltar bya zhe na/ tshogs gnyis kyi zhes bya ba la sogs pa gsungs te/ gnyis med gnyis nyid ces bya ba ni de ltar gnyis su med par gyur pa las/ gnyis nyid la brten te thugs rjes gzhan rnams go bar bya ba'i phyir ro/ /phyis ni mnyam sbyor ba zhes bya ba ste yang gnyis su med par gyur pa'o/ /byin gyis brlab ces bya ba ni ye shes kyi khu ba de nyid las de bskyed par bya ba ste 'di ni dkyil 'khor sgrub pa'o/ /sangs rgyas kyi rol bo ni rdo rje gar ro/ /mnyam sbyor bas zhes bya ba ni/ sgom bzhin pas so/ /rgyu dang mi rgyu rnams kyis zhes bya ba ni dkyil 'khor ba rnams dang bcas pas sam/ sems can thams cad rang gi lha'i gzugs su lhag par mos pas so/ /rol pa zhes bya ba

  316. 158b

    ni rnal 'byor gyi rang bzhin gyis byung bas so/ /sku gsung thugs ni bsgoms pas so/ /zhes bya ba ni rang gi lha'i sbyor bas zhes bya ba'i don to/ /rta babs dang ka pa brgyad kyis nye bar mdzes par bya ba'i nang gi ka brgyad kyi mdun gyi ngas rnams su dkyil 'khor brgyad bya bar bstan la/ rdo rje lha mo ni rdo rje sgeg mo la sogs pa brgyad ste de rnams kyi tshogs kyis mchod pa'i/ /lha'i snam bu mtshams kyi re cha dor la/ lnga po re char rdo rje de bzhin gshegs pa'i dkyil 'khor lnga 'di rnams la re re zhing lha lnga lnga yod par bya ba dang/ dra ba dang rnga yab la sogs pas brgyan pa dang khyams kyi nang du ni lha nyi shu rtsa lnga dang ldan par ci rigs par byin gyis brlab par bya'o/ /dbus ma'i cha zhes bya ba ji ltar dbus ma'i cha yin zhe na/ cha dgu ru ni rnam dbye ba ces bya ba gsungs te/ dkyil 'khor gyi ngos re re zhing cha dgur bgos la tshangs pa'i thig gis ngos gnyis su re re zhing phyed dang lnga'i char bya'o zhes bya ba'i don to/ /de zhes bya ba ni sgor ro/ /sgo'i tshang ji tsam pa sgo khyud dang lha'i snam bu'i tshad kyang de tsam yin no/ /sgo'i phyed kyi tshad ni thams cad du khyams dang sgo dang de bzhin du sgo'i logs kyi yin no/ /nang gi dkyil 'khor ni nang gi rim pa ste/ de dang mnyam zhes bya ba ni phyi'i rim pa dang mnyam pa'o/ /yongs su ma chad pa ni tshad mdza' yas pa nyid do/ /de skad du de kun rta babs med pa'o zhes bshad pa yin te/ rta babs med pa ni rta babs dang ka ba la sogs pa med pa'o/ /tshad gsungs pa ni sgo 'khyud ces bya ba la sogs pa gsungs pa yin te/ sgo 'khyud dang dkyil 'khor kun dang/ sogs pas sgras sgo dang 'gram dang logs dang ya phugs ni phyi'i rim pa la ltos nas phyed kyi tshad du byas pa gang yin pa de ni sgo khyud dkyil 'khor byed de cha dgu ru ni zhes bya ba ni dkyil 'khor brgyad dbus ma dang bcas pa ste/ de rnams la mtshams su dkyil 'khor brkyang pa nas dkyil 'khor bzhi ?

  317. 159a

    la lhag ma lnga rnams su re re zhing dkyil 'khor lngas brgyan par bya'o/ /mthar ni khyams dang ldan par bya ste/ de dang mnyam par zhes bya bar sbyar ro/ /de bas na don gyi shugs kyis phyi rol gyi rim pa yang mthar khyams dang ldan par shes par bya'o/ /gru bzhi pa zhes bya ba ni phyi'i rim pa dang 'dra bar gru bzhi nyid do/ /kha dog lnga yang dag ldan zhes bshad pa de nyid gsal bar bya ba'i phyir/ lta ba lnga po zhes bya ba la sogs gsungs te tshon gyis kha dog bsgyur bar bya'o zhes bya bar sbyor mnyam sbyor pas zhes bya ba ni 'brel bas mtshon pa ste de dang sbyor zhes bya ba'i don to/ /ji lta bu'i tshul gyis zhe na/ kha dog lnga yis so/ /de bzhin gshegs zhes bya ba ni sangs rgyas lnga'i rang bzhin du byas pa ste/ de nyid kyis na 'jigs tshogs la lta ba la sogs pa shin tu bgrod par dka' ba chen po rab tu bgrod dka' bas so/ /sangs rgyas lnga zhes bya ba ni rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang don yod par grub pa ste dkyil 'khor gyi dbus ma dang shar dang lho dang nub dang byang dang rim bzhin du'o/ /kha dog lnga'i zhes bya ba ni kha dog lnga rnams kyis so/ /de ting 'dzin gyis zhes bya ba ni mnyam par bzhag pas so/ /ji ltar mdzes par bya ba ni mi mdzes pa la sogs pa mi mthun pa'i phyogs rnams so/ /mtshams kyi sangs rgyas rnams bsdus pa ni rnam par snang mdzad do/ /sangs rgyas lhag ma rnams ni rang phyogs kyi sangs rgyas rnams so/ /dpa' bo'i lta ba dang/ zhi ba'i lta ba dang/ rdo rje'i lta ba dang/ khro bo'i lta ba dang/ rab tu 'bar ba'i lta ba dang dregs pa'i lta ba dang/ chags pa'i lta ba dang/ kun tu zhen pa'i lta ba dang/ byams pa'i lta ba dang/ sdug pa'i lta ba rnams las mi bskyod pa'i ni de'i ye shes las byung ba'o/ /'od

  318. 159b

    dpag tu med pa yi ni chos kyi ye shes las so/ /rin po che dang don yod pa'i ni sems can gyi don gyi phyir byung ba yin no/ /sa ni tshon gyis rab tu bsgyur zhes gsungs pa de yang gsal bar bya ba'i phyir/ dbus ma'i zhes bya ba la sogs pa gsungs te/ kun tu zhes bya ba ni rim pa gnyi ka la yang blta bar bya'o/ /gang zhig dbus mar zhes bya ba rnam par snang mdzad kyi dkyil 'khor ro/ /gzhan dag ces bya ba ni mi bskyod pa la sogs pa'i dkyi 'khor ro/ /'dir tshigs su bcad pa ni/ /thams cad de nyid bsdus dra las/ /cung zad tsam gyi dbye yod de/ /mtshams brgyad kyi ni re'u cha la/ /bum pa brgyad la yang dag bri/ /rdo rje rin chen pad+ma che/ /sna tshogs rdo rje'i dbyibs gnas pa/ /rdo rje sems ma rin chen chos/ /'das ma thag pa'i dkyil 'khor du'o/ /sems dpa' rgyal po chags pa dang/ legs pa mi bskyod dkyil 'khor du'o/ /rin chen nyi ma tog dang i/ /bshad pa nyi ma'i dkyil 'khor du'o/ /chos dang rnon pa rgyu dang ni/ /smra ba dpag med dkyil 'khor du'o/ /las dang bsrung ba'i gnod sbyin dang/ /khu tshur don yod dkyil 'khor du'o/ /kun kyang rtag la mngon phyogs shing/ /shar dang lho dang nub dang byang/ /bdag po sems dpa' la sogs 'chang/ /shar dang dbus dang byang dang nub/ /rdo rje lcags kyu ma mda' se gol/ / nor bu nyi ma rgyal mtshan 'dzum/ /pad+ma ral gri 'khor lo gsung/ /sna tshogs go cha mche bcangs mtshon/ /dkar ser dmar dang ljang gu dang/ /ser dang nyi ma kha dog dkar/ /dmar dang nam mkha' gser dang zangs/ /sna tshogs ser dang gnag par ser/ /phyi'i mtshams dang nye bar ni/ /sgeg mo phreng ba glu dang gar/ /me tog gdug pa la sogs pa'i/ /ming can yang dag bri bar bya/ /lcags kyu zhags pa lcags sgrog dril/ /rim bzhin sgo ni bzhi por bri/ /kha dog sems dpa' 'dra

  319. 160a

    las kyang/ /dung mdog sna tshogs mdog can gnyis/ /gzhan yang dkyil 'khor gyi phyi'i khyams la/ /shar du byams pa mthong ba don yod dang/ ngan song thams cad sbyong ba dang/ mya ngan gyi mun pa thams cad nges bar 'joms pa'i blo gros dkar po la rdo rje rtse lnga pa bsnams pa'o/ /lhor spos kyi glang po dang/ dpa' bar 'gro ba dang/ nam mkha' mdzad dang/ ye shes rtog sku mdog ser po rin po che bsnams pa'o/ /nub tu ni 'od dpag med dang/ zla ba'i 'od dang bzang skyong dang dra ba can gyi 'od sku mdog dmar po pad+ma dmar po bsnams pa'o/ /byang du ni rdo rje snying po dang/ blo gros mi bzang ba dang/ spobs pa brtsegs pa dang/ kun tu bzang po sku mdog ljang gu sna sogs rdo rje bsnams pa'o/ /bcom ldan 'das rnam par snang mdzad ni zhal bzhi ba ste/ de bzhin gshegs pa lhag ma rnams ni zhal gcig pa'o/ /gdan ni seng+ge dang glang po dang rta dang rma bya dang/ nam mkha' lding la rten pa'i pad+ma dang zla ba'i gdan can nyi ma'i 'od kyi dkyil 'khor dang ldan pa/ dar dpyangs dang ldan pa'i rin po che'i cod pan dang dar dpyangs kyi dbang bskur ba can rgyan thams cad kyis brgyan pa rdo rje'i skyil mo krung gis bzhugs pa phyag gnyis rang gi phyag rgya 'chang ba ste/ 'di rnams kyi phyag rgya ni rim bzhin du byang chub mchog dang/ sa la reg pa dang/ mchog sbyin pa dang/ ting 'dzin dang mi 'jigs pa thams cad rab tu sbyin pa'o/ /lhag ma rnams ni zla ba'i gdan dang zla ba'i 'ong dang/ na bza' dang rgyan sna tshogs pa mnga' ba sangs rgyas lnga'i cod pan dang/ dar dpyangs kyis dbang bskur ba sems dpa' i skyil mo krung gis bzhugs pa phyag rgya chen pos rang gi mtshan ma bsnams pa ste lhag ma rnams ni rjes su dpag par bya'o/ /spyan la sogs pa'i rnal 'byor gyis kyang las kyi tshogs bya ba gsungs te/ de bas na de'i

  320. 160b

    sbyor ba bstan pa'i phyir/ nam mkha' zhes bya ba la sogs pa gsungs te/ snang ba med cing mdza' yas pa'i ye shes ni nam mkha' i rdo rje ste/ de'i dbus su chud pa'i sangs rgyas kyi sku ste/ rnam par snang mdzad pa mi bskyod pa dang/ 'od dpag tu med pa dang/ don yod par grub pa'i sku'i rim pa ji lta ba bzhin du rang gi sku bsams la/ de'i thugs kar zla ba'i dkyil 'khor bsams la/ de'i dbus su wAM mAM pAM tAM zhes bya ba'i sa bon rnams las rim pa ji lta ba bzhin du spyan la sogs pa'i lha mo rnams bsgom par bya'o/ /zla ba'i yid bzhin gyi nor bu ni nor bu chu shel lo/ /bud med sgyu min rnam par 'gyur ba ste/ de rnams kyi mchog ni tshogs te 'khor gyi dpung gi tshogs bzhin no/ /dngos grub kun ni rnam par snang mdzad kyi go 'phang ngo/ /nam mkha' i rdo rje mchog ni mA ma kI ste khro bo dang bcas pa rnam par 'gyur ba nam mkha' i sgyu ma ste/ de'i mchog de dang ldan pas na nam mkha' i sgyu ma'i mchog go /sangs rgyas byang chub ni mi bskyod pa'i go 'phang ngo/ /mchog ni dam pa'o/ /gsang ba ni gsang ba 'dzin pa'o/ /dngos grub rdo rje ni rdo rje'i dngos grub la rnal 'byor la brnon pa'o/ /rdo rje chos mi ni na bza' de las byung ba'i dam tshig gang yin pa de la de skad ces bya'o/ /chos kyi dag pa'i ye shes ni chags pa'i pad+ma ste/ de 'dzin pa ni 'dzin pa po'i sgrub pa bo ste/ de ni sdug pa ste mnyen par byed pa gang yin pa'o/ /utpal dmar po zhes bya ba ni pad+ma dmar po la bya ste/ chags pa'i chos la chags pa'i phyir ro/ /dam tshig rdo rje ni theg pa chen po khong du chud pa ste/ de dang ldan pa'i gsang ba ni gsang ba 'dzin pa'o/ /bud med sgyu ma ni rnam par 'gyur ba ste/ de ston pa ni dregs pa bod pa ni ye shes 'byung bar bde ba gang yin pa'o/ /ye shes 'byung ba'i ting nge 'dzin te/ de las byung ba'o/ /'di dag nyid kyi sngags rim pa ji ltar bzhin du gsungs pa ni oM zhes bya ba la sogs pa gsungs pa yin no/ /sku ni zhes bya ba la

  321. 161a

    sogs pa la ji skad du gsungs pa'i rnal 'byor la gnas la/ bcom ldan 'das yum gyi thugs ka'i zla ba la sngags kyi yi ge 'bar ba phreng ba brgyus pa lta bur yid kyis mngon par bris la/ 'od zer rnams las bcom ldan 'das yum gyi sku nam mkha' khyab par spros la sku la sogs pa'i ngo bo nyid nges sku la sogs pa rab tu mchod la rnam par snang mdzad la sogs pa'i rnam par bsams la/ bsgrub par bya ba dang gcig tu byas na mchod pa'i bdag nyid can du 'gyur te/ spyan la sogs pa dang 'dra bar 'gyur ro/ /lha mo'i bsrung ba de dang 'dra bar dbang du gyur pa rnam pa brgyad la sgrub pa po 'jog par 'gyur ro/ /zhes bya ba'i don to/ /sku la sogs pa'i gsang ba nyid ni gsang ba thams cad do/ /gang gis rgyud 'di rnam par bye ba de la ji ltar na gsang ba 'am/ gsang chen du 'gyur zhe na/ gang gi phyir bsrung ba bya ba ste/ dam tshig dang mi ldan pa rnams thams cad du bstan par mi bya ba yin no/ /de bas na rgyud gzhan dag tu sbas pa rnams sgrub pa pos bsrung bar bya'o/ /bsrungs pa'i phan yon gang zhig yin zhe na/ bsrungs na zhes bya ba la sogs pa gsungs te/ gsang ba de rtag par kun tu bsrungs na gsang ba de rnal 'byor pa rnams la 'byung bar 'gyur gyi/ gzhan du ni ma yin no/ /de lta yin na ci'i phyir rnam par phye zhe na/ yongs su shes par bya ba'i phyir ro/ /yongs su shes pa'i phan yon gang zhig yin zhe na/ dngos po zhes bya ba la sogs pa gsungs te/ legs par byas pa bsdus pa de ni tshogs su rdzogs pa yin no/ /phyin ci ma log pa'i lta ba ni yang dag par mthong ba ste/ de gnyis med par ni ma yin gyi de gnyis sbyor bar byed pa nyid las 'byung ste/ de lta bas na gsang ba'i don du gnyer ba rnams kyis yang dag pa'i ye shes ma lus pa 'di la yod pas na gsang

  322. 161b

    ba'i ye shes 'byung zhes bya ba'o/ /gsang ba'i ye shes las byung ba'i rnal 'byor pa ni snga ma lta bu nyid ma yin te/ de thams cad du 'gro bar 'gyur te/ rnal 'byor thams cad la thogs pa med par 'gyur ro/ /tshigs su bcad pas bstan pa de nyid la tshigs su bcad pa gnyis gnyis kyis bshad pa bstan pa ni/ shes rab ces bya ba la sogs pa gsungs pa yin te/ chos thams cad gnyis su med pa'i stong pa nyid du snang ba tsam du yang dag par yongs su shes pa ni shes rab kyi pha rol tu phyin pa ste/ sngags dang phyag rgya la sogs pas rnam par brtags pa'i lus la ma lus par rgyud ji lta ba bzhin du yongs su shes pa ni/ thabs kyi ting nge 'dzin gyi ye shes te/ mngon par byang chub pa lnga la sogs pa sbyong ba ste/ de dag tu brtags pa ni shin tu goms pa ste/ des dkyil 'khor du 'jug pa la sogs pa las thams cad las des gang rnam par dag pa ni dngos po de nyid kyis dag par 'gyur te/ gsang ba'i de kho na nyid kyis dngos po 'dir yang dngos po yongs su shes pa'i ngo bo nyid de/ rnal 'byor pa gang dngos po dag pa de nyid rnal 'byor gyi 'thob pa por 'gyur te/ thob pa la 'jug par byed pa yin no/ /rnal 'byor brtsams pa rnams ni lhun gyis grub par rang gi ro rtag tu 'bab pas dper na/ lha'i nor bu brtag par rgyun tu rang gi 'od kyi snang bar gnas pa yin la/ de bzhin du 'di ni rtag tu rang gi 'od kyis bsgom pa yin no/ /gzhan du ni gsang ba 'di thams cad su zhig la bshad par bya zhe na/ rdo rje dbyings ni zhes bya ba la sogs pa gsungs pa yin te/ 'dir sangs rgyas dang byang chub sems dpa' dgyes par mdzad pas na nyams dga' ba ste dkyil 'khor ro/ /de yang gang zhig dpal de kho na nyid las gsungs pa'i rdo rje dbyings kyi dkyil 'khor chen por dbang bskur ba mkhas pa ste/ thos pa med pa dang yang dag par so sor rtog

  323. 162a

    pa dag ldan pa la thugs kyi gsang ba'i rnal 'byor mchog ni ting nge 'dzin te/ de mkhas pa zhes bya ba bla ma rnams kyis ji skad du gsungs pa'i gsang ba thams cad de/ bcom ldan 'das rdo rje 'chang bas gang du gsungs pa de la de skad ces bya'o/ /de ston par byed pa'i gzhung las kyang nye bar gdags pas ming de skad ces bya ba yin no/ /mi zad de ni rnam phye ba'i/ /tshig nyung dad pas ci nus par/ /bshad pas bsod nams gang thob pa/ /des ni zhi ba'i bde ba mchog / rdo rje can gyi gnas thob nas/ /'gro ba sdug bsngal dpal 'khyil par/ /dbang med 'khor las 'don par shog /thams cad gsang ba'i bshad sbyar ba/ /rin chen 'byung tshig rin chen dngos/ /don rnams shin tu phra na yang/ /gsang ba'i sgron mas snang bar byas/ /dpal thams cad gsang ba'i rgyud kyi bshad sbyar gsang ba'i sgron ma zhes bya ba/ slob dpon rin chen 'byung gnas zhi bas mdzad pa rdzogs so// //rgya gar gyi mkhan po pradz+nyA ka ra wa ra ma dang/ zhu chen gyi lo ts+tsha ba dge slong rin chen bzang pos sgyur cing zhus te gtan la phab pa'o// // */ (/ngan song sbyong ba'i don gyi 'bru 'brel slob dpon sangs rgyas gsang bas mdzad pa bzhugs so/) /ngan song sbyong ba'i don gyi 'bru 'grel/ /chos nyid thugs chud bdag nyid gzhan gyi dpal/ /ye shes rdo rjes 'khor ba'i sdug bsngal 'joms/ /thugs rje chen pos 'gro ba'i don la sems/ /mkhyen pa'i dgongs brlabs chos nyid rtogs pas dpa' / /rgyud kyi don gyi ston pa'i ngo bo la/ /lus ngag yid gsum dad pas phyag 'tshal te/ rgyud kyi don 'grel bdag gis bya bar 'dod/ /gus pa'i sems kyis 'di gzhung 'bad par bya/ /de la rgyud 'di bsdus pa'i don rnam pa gnyis kyis bstan te/ gleng gzhi dang mdo bshad pa'o/ /gleng gzhi la yang don rnam pa

  324. 162b

    gnyis kyis bstan te/ phun sum tshogs pa'i gling gzhi dang/ gleng slang ba gnyis so/ /phun sum tshogs pa'i gleng gzhi la don rnam pa lnga ste/ gang du bshad pa'i gnas dang/ ma nor bar ston pa'i ston pa dang/ yongs su dag pa'i 'khor dang/ ma nor bar sdud pa'i sdud pa po dang gang bshad pa'i rgyu dang lnga'o/ /gleng slang ba la yang don rnam pa gnyis te/ ston pas gleng slang ba dang 'khor gyis gleng slang ba'o/ /mdo bshad pa yang don rnam pa gnyis te/ dkyil 'khor dang sbyin bsreg go /dkyil 'khor la yang don rnam pa gnyis te/ 'jig rten pa dang 'jig rten las 'das pa'o/ /sbyin sreg la gnyis te/ ro'i sbyin sreg dang/ phrin las rnam bzhi'i sbyin sreg go /de yang dbang po rab mgo smos pas don go ba la ni/ tan+t+ra'i mtshan smos te/ de yang ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas zhes smos te/ de ni ma nor cing phyin ci ma log pa'i rang bzhin chos nyid ji lta bzhin pa/ ye nas rnam par dag pa chos kyi dbyings kyis ye shes te/ de'i don ni gshegs pa me long lta bu'i ye shes/ dper na me long la gzugs brnyan 'byung zhing rtog pa med pa ltar/ me long lta bu'i ye shes kyi chos nyid kyi don rtogs nas rig pa dbyings su gshegs nas thugs rje'i dkyil 'khor 'byung pa'i rgyur gyur pas chos kyi sku'o/ dgra bcom pa ni sems can gyi gnas skabs na nyon mongs pa can gyi yid/ /nga dang bdag tu 'dzin pa nga dang bdag med par bsgoms pas/ /mnyam pa nyid kyi ye shes su gyur pa'o/ /yang dag par rdzogs pa ni/ /so sor kun tu rtogs pa'i ye shes te/ de bzhin gshegs pa'i che ba'i yon tan yang dag par rdzogs par byed pas na smos te/ ci'i phyir zhe na/ yid kyi rnam par shes pa yul la yang dag par spyod cing/ bag chags kun gzhi la rdzogs par sogs pas na smos te/

  325. 163a

    de gnas gyur pa ni so sor kun tu rtog pa'i ye shes so/ /de nyid ni longs spyod rdzogs pa'i sku'o/ /sangs rgyas kyi ni sprul pa'i sku ste/ bya ba grub pa'i ye shes kyi rgyu ni sgo lnga'i rnam par shes pa yul log par rtog pa/ skyes bur ro ba 'am/ gnyid log pa las sangs shing/ shes bya ba la ye shes kyis khyab cing rgyas par byed pas na sangs rgyas so/ /de ni sku gsum gyi phrin las ston te/ ci'i phyir zhe na/ ngan song thams cad yongs su sbyong ba gzi brjid kyi rgyal po'i rtag pa zhes bya ba smos te/ de la ngan pa ni rgyu ste/ yang dag pa'i don la mgo rmongs shing/ rgyu ngan pa spyod pa'i phyir na ngan pa'o/ /song ba ni 'bras bu ste/ ci'i phyir zhe na/ rgyu las dang nyon mongs pas 'bras bu khams gsum du yang nas yang du song ba'i phyir ro/ /yongs su sbyong ba ni ngan song gi rgyu spyod pa dang/ 'bras bu sbyang ba'o/ /rgyu ni rdo rje lta bu'i ting nge 'dzin gyis sbyong/ /'bras bu ni 'od zer sdud pa'i phreng bas sbyong/ /gzi brjid ni rgyu nyon mongs pa thams cad sbyong ba/ /rdo rje lta bu'i ting nge 'dzin gyis/ /gzi brjid ye shes lnga dang ldan pas/ /nyon mongs pa rnam pa lnga 'joms pa'i gzi brjid dang ldan pa'o/ /'bras bu sdug bsngal gyi phung po 'joms pa'o/ /'od thugs rje la zer phrin las rgyun mi 'chad pa'o gzi brjid dang ldan pa'o/ /rnam cig tu yon tan gyi gzi brjid dang ldan pa'o/ /rgyal po ni nyes pa'i skyon bcom zhing legs pa'i yon tan sna tshogs pa dang ldan pas rgyal po'o/ /rtag pa ni cho ga zhib mo dang rgyu byang chub kyi sems dang ldan pa'i sgo nas brtag pa'o/ /de nas dbang po rab mgo smos pas go ba la gsungs so/ /da ni dbang po 'bring tshig gi don rnam par phye bas go ba la/ don gyi dbye ba ston te/ de yang don rnam pa gnyis su shes par bya ste/ thugs chos nyid las ma

  326. 163b

    g.yos pa'i rtags su ni dkyil 'khor du ston la/ thugs rje 'gro ba'i don mdzad pa'i rtags su ni hom du bstan no/ /de yang bden pa gnyis dang mi 'gal bar bya ba'i don ched ni/ dkyil 'khor la yang 'jig rten pa dang/ 'jig rten las 'das pa gnyis gsungs so/ /hom la yang gnyis te/ dngos po la zhen bzlog pa'i phyir ni ro bsreg gi hom dang/ thugs rje phun sum tshogs pas 'gro ba'i don mdzad pa'i phyir phrin las rnam bzhi'i hom dang gnyis so/ /de ltar gsungs pa de yang dgos 'brel gyi 'brel bstan te/ de yang ci'i phyir zhe na/ thugs chos nyid las ma g.yos kyang/ rtsa ba byang chub kyi sems su 'dus pa'i rtags su ni/ rtsa ba'i dkyil 'khor chen po gsungs so/ /de ltar rtsa ba byang chub kyi sems su 'dus kyang/ thugs rje ngan song gi rgyu 'bras gzhom pa'i phyir gtsug tor brgyad kyi dkyil 'khor gsungs so/ /de ltar rgyu 'bras bcom yang/ sems can 'chi ba ni ngan song gi las yin pas/ de zhi bar bya ba'i phyir tshe dpag med kyi las kyi sgrib pa/ rgyun gcod pa'i dkyil 'khor gsungs so/ /las kyi sgrib pa rgyun bcad kyang sems can glo bur gyi rkyen gyis 'chi bas/ /tshe dpag med 'chi bdag 'joms pa phyag na rdo rje'i dkyil 'khor gsungs so/ /de ltar 'chi bdag bcom yang/ /phrin las rnam bzhi'i sgo nas 'gro ba'i don mdzad dgos pas/ byang chub sems dpa' rigs bzhi 'khor lo sgyur ba'i maN+Dal gsungs so/ /de ltar 'gro ba'i don mdzad kyang ma rungs pa gdul dgos pas/ khro bo rdo rje nyi ma'i maN+Dal gsungs so/ /de ltar ma rungs pa thul yang dngos por lta ba sun dbyung dgos pas/ /ro sreg gi hom gsungs so/ /de ltar dngos por lta ba sun dbyung yang/ /thugs su chos nyid las ma g.yos pa'i rtags su zhi ba'i hom gsungs so/ /de ltar na g.yos kyang 'gro ba'i don bya dgos pas/ /rgyas pa'i hom

  327. 164a

    gsungs so/ /de ltar don mdzad kyang 'khor ba dbang du bsdu dgos pas dbang gi hom gsungs so/ /de ltar dbang du bsdus kyang ma rungs pa la mngon spyod kyi las bya dgos pas drag po'i hom gsungs so/ /'jig rten pa mtshan ma la dga' bas/ de zhi bar bya ba'i phyir 'jig rten pa'i maN+Dal drug gsungs te/ 'jig rten pa'i dri za dang grul bum dang gnod sbyin dang/ klu'i gdon zhi bar bya ba'i phyir rgyal po bzhi'i maN+Dal gsungs so/ /gdon stong phrag brgyad cu zhi bar bya ba'i phyir phyogs skyong bcu'i dkyil 'khor gsungs so/ /gza' dang dus tshigs skar ma slungs zhi bar bya ba'i phyir gza' brgyad kyi maN+Dal gsungs so/ /klu'i dug zhi bar bya ba'i phyir/ klu brgyad kyi maN+Dal gsungs so/ /'jig rten gyi lha mi dga' ba zhi bar bya ba'i phyir lha chen po brgyad kyi maN+Dal gsungs so/ /lha gdon zhi bar bya ba'i phyir 'jigs byed brgyad kyi maN+Dal gsungs so/ /de la 'jig rten las 'das pa'i maN+Dal rnam pa drug tu 'das pa ni/ rgyu byang chub kyi sems rtog pa'i sgo nas/ 'bras bu ye shes rnam pa drug spyod pa pha rol tu phyin pa drug gi rtags/ dkyil 'khor rnam pa drug dang ldan pa'i sgo nas/ rgyu drug gis sgrib pa sbyong ba'i phyir gsungs so/ /hom lnga gsungs pa ni nyon mongs pa rnam pa lnga sbyang ba'i rtags su gsungs so// 'jig rten pa'i maN+Dal ni/ 'jig rten pa'i 'dod pa brkang zhing dga' bar gzhug pa dang/ 'jig rten pa dang mthun par bya ba'i phyir gsungs so/ /de ni don gyis dbye ba ste/ dbang po 'bring don rnam par phye bas go ba la/ don gyi dbye ba smos pa ni go /dbang po rab 'bring gnyis kyi don ched du/ /tan+t+ra'i mtshan don gyi dbye ba mdor bsdus te/ /bstan pa'i don yin no/ /da ni dbang po tha ma tshig lhur blangs pas go pa rnams la rgyud kyi don gsal bar bya ba'i phyir ston pa sangs rgyas

  328. 164b

    bcom ldan 'das kyis gsungs pa'i don ston te/ sems can rnams ni mtshan ma la zhen cing/ dngos por lta bas na/ /de dag 'dul ba'i phyir ni hom dang dkyil 'khor gsungs te/ mtshan ma'i sgo nas mtshan ma med pa'i don shes par bya ba'i phyir smos te/ de yang 'dul ba'i dbang du shes par bya ste/ ci'i phyir zhe na/ rnam pa thams cad mkhyen pa'i ston pa sangs rgyas bcom ldan 'das sku dang ye shes kyi ngo bos sngon gyi bsod nams kyi tshogs mdza' yas pa bsags pas/ bdag dang gzhan gyi don ma lus par yongs su rdzogs par bya ba'i phyir/ thugs chos nyid rnam par mi rtog pa'i dang las bzhengs nas 'khor ba'i sems can rnams/ nyon mongs pa'i rgya mtsho las thar cing grol bar bya ba'i don du/ /ri rab ri'i rtse mor nor bu rin po che'i khang bzangs na/ byang phyogs dga' ba'i tshal du/ lha rnams gdul ba'i don du zhus te/ rgyud kyi don 'di dka' stsal ba'i tshe/ thugs yang dag pa'i ye shes las skyes pa/ sku gsung thugs gsang ba'i mdzod 'dzin pa/ lag na rdo rje 'khor gyi nang du thos nas/ don gyi snying po tshig gi phreng ba 'di bsdus nas gzhan la bshad pa'i phyir 'di skad bdag gis thos pa'i dus cig ces smos te/ 'di ni ston pa sangs rgyas bcom ldan 'das kyis 'khor ba'i sems can rnams bsgral ba'i phyir/ rgyud kyi don 'di gsungs pa'i tshe 'di zhes bya'o/ /bdag ces bya ba ni lag na rdo rje bdag ni de'i tshe 'khor gyi nang du bdag 'dus pa'i don to/ /thos pa zhes bya ba ni thugs mkhyen pa'i ye shes kyis 'gro ba'i don la dgongs nas/ zhal gyi maN+Dal nas tshangs pa'i gsung phyung nas bka' stsal ba'i tshe/ rna ba'i dbang po skyon med pas thos pa'i phyir ro/ /dus cig na zhes bya ba ni ston pa brgya lam lan cig na/ brgya byin gyi gnas na 'dug pa'i dus so/ /dpyar dgun

  329. 165a

    ston dpyid la sogs pa ni ston pa thugs rje che bas 'khor rnams kun gyi nang na bzhugs par snang zhing/ /de'i tshe de'i dus na bshad kyi gang na bzhugs shing chos ston to zhes so sor the tshom skyes dogs te de'i phyir ma smos so/ /b+ha ga nyaM ni ston pa phun sum tshogs pa te/ bcom zhes bya ba ni bdud bzhi bcom ste rdo rje lta bu'i ting nge 'dzin gyis nyon mongs pa'i sgrib pa dang/ shes bya'i sgrib pa rnams rdo rje gdan steng du bstan nas nyon mongs pa'i bdud bcom mo/ /de'i tshe phyogs bcu'i sangs rgyas rnams kyi mngon par byang chub pa lngas bskul te/ rnam par shes pa'i tshogs brgyad ye shes rnam pa lngar gnas gyur te/ 'chi ba med pa g.yung drung gi tshe thob pas 'chi bdag gi bdud bcom mo// tho rangs mngon par rdzogs par sangs rgyas nas/ sku gsum ye shes kyi ngo bo bas thugs rje'i sprul pas cha gcig ri rab ri'i rtse mor rnam par rgyal ba'i khang bzang du/ sprul pa'i sku'i dang longs spyod rdzogs pa yi sku'i cha 'dzin pa/ rnam par snang mdzad sems dpa' sum cu rtsa bdun gyi ngo bor sangs rgyas pas/ mtshan yang rnam par snang mdzad rdo rje dbyings su gsol bas/ sku dang ye shes rnam par dag pa'i ngo bor snang bas/ phung po'i ming med pas phung po'i bdud bcom mo/ / de ltar sangs rgyas kyang dmag dpon brtson du bzung na dram legs pa dang 'dra bar thugs rje'i sprul ba cha gnyis su gyes nas/ cha gcig rdo rje'i gdan steng du stan te/ gzhan 'phrul dbang byed kyi lha'i bu bye ba dung phur 'thul/ cha gcig ri rab kyi rtse mor rnam par snang mdzad kyis lag na rdo rjer sprul nas/ lha chen po rnams 'thul nas lha'i bu'i bdud bcom/ ldan pa ni de ltar bdud bzhi bcom pa'i don gyis legs pa'i yon tan drug dang ldan te/ dbang phyug gzugs bzang grags pa

  330. 165b

    dang/ dpal dang ye shes brtson 'grus so/ /zhes 'byung ste/ de la dbang phyug sum tshogs pa ni/ thugs rnam par mi rtog pa'i ngang la bzhag nas/ mya ngan las 'das pa'i mdza' las dbang zhes bya'o/ /thabs mkhas pa'i thugs rjes 'gro ba'i don sna tshogs su mdzad pas 'khor ba'i mdza' las dbang zhes bya'o/ /sngon skal pa grangs med pa mdza' ya pa nas/ bsod nams dang ye shes kyi tshogs rnam pa gnyis bsags pas phyug go /gzugs bzang zhes bya ba ni sku phun sum tshogs pa'i don te/ de ci'i phyir zhe na/ chos kyi sku lun gyis grub pa rnam par mi rtog pa'i ngo bor gnas te/ de'i khyad par las longs spyod rdzogs a'i sku mtshan dang dpe byad kyis brgyan pa/ dbang phyug chen po'i gnas chos kyi dbyings kyi pho brang na/ rnam par snang mdzad du bstan te/ byan chub sems dpa' i 'khor gyi dkyil 'khor na sku'i sgo nas chos ston to/ /sprul pa'i sku ni rnam par snang mdzad ri rab ri'i rtse mor lha rnams la chos ston pa dang/ stong gsum gyi stong chen po'i 'jig rten gyi khams ni/ shAkya thub pa dbu reg dang zhabs rjen du bstan te/ 'gro ba'i don mdza' yas par mdzad pa'i tshig go /de lta bu'i sku dang ldan pa'i phyir na gzugs bzang ba'o/ /dpal zhes bya ba ni chos thams cad kyi rang bzhin chos nyid bsam du len pa'i don thugs su chud nas/ dngos po thams cad gsal nas mi rtog pa'i ngang la bzhugs pa ni bdag gi dpal lo/ /sngon gyi bsod nams kyi tshogs kyi thabs mkhas pa'i sgo nas 'gro ba'i don sna tshogs su mdzad pas ni gzhan gyi dpal lo/ /ye shes zhes bya ba ni chos thams cad spyi dang rang gi mtshan nyid kyang mnyam pa nyid las ma g.yos pa ni mnyam pa nyid kyi ye shes so/ /de ltar rtog pa nyid kyang don dam par na yang dag pa'i shes rab kyis gsal bar rig pa ni so sor rtogs pa'i ye

  331. 166a

    shes so/ /de ltar rtogs pas byas pa chud ma zos pas byas pa mthar phyin pas na bya ba grub pa'i ye shes so/ /brtson 'grus ni nyin mtshan dus drug tu 'gro ba'i don sna tshogs su mdzad pa ni brtson 'grus so/ /de lta bu'i stan pa sangs rgyas bcom ldan 'das nyes pa'i mthar phyin pa/ legs pa'i yon tan bsngags pa'i phul du phyin pa'o/ /bcom ldan 'das ni rgyud kyi ston pa sna la smos so/ /ston pa'i mdor bsdus pa bshad zin to// / da ni gnas phun sum tshogs pa'i rang bzhin kun rdzob tu 'dod pa'i yon tan lnga'i rang bzhin du snang ba ste/ de bzhin gshegs pa'i bzhugs gnas su gsungs pas na/ don dam pa bshad pa'i thabs su ston te/ de yang ci'i phyir zhe na/ lha'i mchog thams cad kyi gnas dga' ba'i tshal yid du 'ong bar khyad par du 'phags pa'i gnas phun sum tshogs pa ston te/ brgya byin lha'i dbang po bsod nams kyi mthu las byung ba/ lha'i longs spyod kyi rgyan rin po che sna tshogs pa dang/ mchod pa'i yon tan sna tshogs pa rnams su snang bas ni lha'i gnas zhes bya'o/ /kun rdzob tu de ltar snang na yang/ don dam par de bzhin gshegs pa thams cad kyi gzhal ya shang du byin gyis brlabs nas ye shes lhun gyis grub pa'i phyir na mchog ces bya'o/ /de lta bu'i gzhal yas khang de las 'dod pa'i yon tan ting nge 'dzin gyi mthu sna tshogs su 'byung bas na/ thams cad kyi zhes bya'o/ /de lta bu'i gzhal yas khang ngo bo nyid ni ting nge 'dzin gyi ye shes kyis rtogs pa'i yul yin pas na gnas zhes bya'o/ /de'i don zab la rgya che rab tu rtogs na dga' ba'i ro sna tshogs su 'byung bas na rab tu dga' i ngo bos na dga' ba zhes bya'o/ /chos kyi dbyings kyi gzhal med khang ste/ yon tan dang cho 'phrul sna tshogs pa

  332. 166b

    'byung ba'i gzhi yin pas na mang ba'i phyir zhes bya'o/ /mtshan dang dpe byad rgyan dang cha lugs sna tshogs pa 'byung ba'i gzhi yin pas na/ sems rab tu dga' mgu rang ba'i phyir na yid du 'ong ba zhes bya'o/ /de ltar na gnas ky yon tan mdor bsdus nas de'i 'og tu de'i yon tan kun rdzob tu sna tshogs su snang ba de/ brgya byin bsod nams kyi rkyen te don dam pa'i tshul du bshad par bya ste/ dngos po rnams chos nyid du zla ba dang/ mtshan ma la zhen pa rnams mtshan ma med par bya ba dang/ de bzhin gshegs par gzhan mas rtogs pa'i yul ma yin zhes ston te/ de yang ci'i phyir zhe na/ bud+d+ha dang byang chub sems dpa' thams cad kyis byin gyis brlabs ba zhes 'byung ba'i phyir na 'og gi gtan tshigs gon gdu grangs pa'i sgo nas ched do/ /nor bu dang rnga bo che'i sgra grags pa la sogs pa bstan par bya ste/ che ba'i yon tan sna tshogs su 'byung ba'i rtags su nor bu dang/ byang chub kyi sems ye shes kyi 'od 'bar ba'i rtags su gser gyi shing yal ga dang ldan pa dang/ ting nge 'dzin bde ba'i don gyi khyad par la dbang thob pa'i rtags su lcugs mar bcas pa dang/ ting nge 'dzin 'bum phrag 'byung ba'i rtags su shing gel pa dang/ yang dag pa'i shes rab kyis nyon mongs pa'i nang sna tshogs pa'i sdug bsngal gyi gnod pa sel ba'i rtags sman dang/ so sor kun tu rtogs pa'i shes rab la/ gzung 'dzin rnam pa gnyis kyi skyon gyi zug rdu dang bral te 'khor ba'i nye gnas la phan 'dogs pa'i rtags su me tog sna tshogs pa dang/ 'khor ba mi zad pa'i bar du thabs mkhas pa'i thugs rje chen po mi bzad pas na dpag bsam gyi shing gis mdzes par byas pa dang/ thabs mkhas pa'i cho 'phrul sna tshogs pa 'gro ba la 'byung ba'i rtags su ni rgyan gyi rnam pa sna tshogs pas brgyan pa dang/ thogs pa med pa'i ye shes kyi rdzu 'phrul

  333. 167a

    gyis/ 'khor ba'i nye gnas la phan 'dogs pa'i rtags su bya sna tshogs ba skad 'byin pa dang/ zhal gyi dkyil 'khor nas tshangs pa'i gsung rnam par dag pa phyung nas 'gro bal chos ston pa'i rtags su rnga bo che dang/ cang ti'u la sogs pa'i sgra sna tshogs pa gras pa la sogs pa bstan pa'i phyir ro/ /de ni gzhal yas khang gi phun sum tshogs pa'i don bstan zin no// //da ni 'jig rten las 'das pa'i bsod nams kyi rkyen dang/ de bzhin gshegs pa las grub pa'i don to/ /de ci'i phyir zhe na/ khams gsum tham cad thugs rdo rje'i zhing yin pas na/ brgya byin dang tshangs pa la sogs pa brtsen pa zhes bya'o/ /sa dang po bden pa mthong bas ting ne 'dzin dang zhing khams brgya la rtsal spyod pas brgya byin zhes bya'o/ /sa dang por 'khor ba bstan pa las tsha nges pa sogs pa zhes bya'o/ /sa dang po ran gi ting nge 'dzin la shes pa'i rtsal sbyong bas na/ lha'i bu sna tshogs pas rnam par rtsen pa zhes bya'o/ /sa dang por de bzhin gshegs pa thams cad la dge ba'i rtsa ba bskrun pas na/ de'i phyir na sangs rgyas dang zhes bya'o/ /de lta bu'i byang chub sems dpa' de ni byang chub sems dpa' thams cad shes pa'i rtsal spyad pa rnam par mi rtogs pa'i ye shes thob pa'i gzhi yin pas na byang chub sems dpa' thams cad kyis byin gyis brlabs pa zhes bya'o/ /de ci'i phyir zhe na/ de bzhin gshegs pa thams cad kyi ye shes kyi gzhal yas khang de ni sa dang po mthong ba'i lam yn chad ma yin pa gzhan gyis ma rtogs pas na / shes pa'i rtsal sbyongs te/ thun mongs ma yin pa'i gnas de ni rnam pa thams cad mkhyen pa'i sangs rgyas shAkya thub pa 'khor 'jig rten las 'das pa sna tshogs pas yongs su bskor nas sprin bzhin du gtibs te/ bzhugs pa'i don rab tu bsdus

  334. 167b

    ba ston te/ gnas phun sum tshogs pa'i don bsdus pa'i don bshad zin to// //da ni 'jig rten pa'i 'khor phun sum tshogs pa ston te/ 'jig rten las 'das pa'i 'khor mi smos bar jig rten pa'i 'khor sna la smos pa mi 'gal lam zhes rgol ba las/ gtan tshigs kyis mi 'gal bar ston te/ de ci'i phyir zhe na/ 'jig rten pa'i chos can 'jig rten pa las 'das par chos nyid du bzla ba dang/ theg ba chung ba'i 'jig rten pa rnams mos pa skyed du gzhug pa'i /phyir na sna smos so/ /brgya byin dang tshangs pa ces bya ba ni/ mgo brgya byin zhing mchod sbyin brgya gtang ba dang nor bu tir yaka brgya byin te/ yon bdag yin pa dang gnas kyi bdag po yin pas sna la smos so/ /tshangs pa nyon mongs pa 'khor 'gyod khrin dang 'dra ba las tshangs pa 'am/ 'jig rten pa'i mes po 'am chos kyi 'khor lo chen po rnams la bskul bar dam bcas pas na smos so/ /sogs pa zhes bya ba ni de gnyis kyi 'khor du ni 'dod khams brgya byin gyi 'khor du sdud pa dang/ gzugs khams tshangs pa'i 'khor du sdud pas na 'khor dang bcas pa ni sogs pa zhes bya'o/ /so so'i skye po las bla na med pa'i byang chub tu sems bskyed de/ tshogs rnams tshul bzhin bsags nas sbyor ba'i lam non/ de theg pa chen po'i 'khor bar min ldog cing sngon chad ma mthong ba'i rnam par rtog pa'i ye shes mthong ba'i rigs gzung ba dang/ rnam pa gcig tu cho 'brul rnam pa bzhi dang mngon par byan chub pa rnam pa lnga'i sgo nas spyod cing spyangs nas/ theg pa chen po'i rigs 'dzin pas na rigs 'dzin no/ /de'i 'og tu de rnams kyi bsod nams kyi rkyen chags pa'i yul de chos nyid ye shes kyis brgyan bas na lha'i bu smos so/ /de'i 'og tu sems can la gnod pa'i bye brag zhi bar gsungs pa'i phyir na gnod sbyin te/ rnam thos sras sa

  335. 168a

    bsrungs yang dag shes la sogs pa'o/ /de'i 'og tu zhe sdang gi dreg pa yongs su gzhug pa'i phyir na/ srin po'i sde laM ka mgrin bcu dang/ bden bral du bum sna'o/ /de'i 'og tu phrag dog gdug rtsub du gzhug pa'i phyir na/ lha ma yin gyi rgyal po rab sim dang/ rnam par snang byed dang/ sgra gcan 'dzin dang/ sum rtsegs 'khor dang cas pa dang/ de'i 'og tu nyams chung ba rnams gzengs bstod pa'i phyir na dri za ste/ rgyal po yul 'khor srung dang/ zur phud lnga pa 'khor dang bcas pa'o/ /de'i 'og tu spyod pa mi tshad pa tshad du bcug pa'i phyir na/ mi 'am ci sde rgyal po shing ljon pa dang/ btsun mo'i 'khor dang bcas pa'o/ /de'i 'og tu skal pa med pa rnams gzengs bstod du gzhug pa'i phyir na/ lto 'phye chen po rab bstan 'khor sprul gyis bskor ba'o/ /de'i 'og tu gnod pa'i bye brag sna tshogs pa zhir bzhugs pa'i phyir na/ klu'i sde ba ru na dang 'jog po la sogs pa'o/ /de ni 'jig rten pa'i 'khor phun sum tshogs pa ste/ de ci'i phyir zhe na/ ston pa'i zhabs 'breng dregs pa can yin pas 'thul nas kyang gdam ngag phog pas na sna la smos so/ /'jig rten pa'i 'khor phun sum tshogs pa'i don bstan zin to// /da ni thugs yang dag pa ye shes las skyes pa rgyal sras 'jig rten las 'das pa'i don to/ /de ci'i phyir zhe na/ 'jig rten las 'das pa zhes bya zhe na/ 'jig rten pa'i tshul 'dzin pa'i mtshan ma'i bye brag dang don rtogs pa'i mtshan ma spangs nas /de bzhin gshegs pa'i thugs yang dag pa'i ye shes kyi dgongs pa la 'jug pa'i phyir ro/ /de yang ci'i phyir zhe na/ byang chub sems dpa' sems dpa' chen po smos te yang dag pa'i shes rab kyis gzung 'dzin gyi sgrib pa gnyis gtan nas bcom pas na byad do//

  336. 168b

    dngos po med pa'i mdza' spangs te/ shes bya la ye shes khyab pa sna chu bo/ /chos nyid don la gnyis su med par sems bas na sems so/ /de'i don gnyis su med pa sna/ skad cig kyang mi g.yengs par rlong du gyur pas na bdud dang mu stegs kyis slur mi thub pas na dpa' ba' o/ /de lta bu mi rtogs pa'i ngang las sngon gyi bsod nams kyis dag pa 'jig rten pa'i ye shes kyis gzung 'dzin gyi sgrib pa spangs pa 'byung te gnas pa ni sems so/ /thabs mkhas pa'i thugs rje de 'khor ba mi zad kyi bar du sran 'dzugs pas na dpa' ba' o/ /de lta bu la spyod pa gzhan pas na chen po'o/ /de lta bu'i 'khor gyi grangs ni/ bye ba khrag khrig brgya stong phrag brgyad la 'di lta ste/ zhes smos te/ ting nge 'dzin de tsam la mnga' mnyes pa'i phyir dang/ che ba'i byin brlabs dang chos 'phrul de tsam mnga' ba'i phyir de skad ces bya'o/ /gzhan du na sangs rgyas kyi zhir mdza' yas pa nas 'dus te/ dam pa'i chos btsun par bya ba'i ston pa zha 'bring 'khor du bsdus pa'i phyir na grangs kyi bye brag smos so/ /de ltar byang chub sems dpa' tshad med grangs med pa la mdor smos pa ni 'di dag go /byang chub sems dpa' blo gros tshad med pa ni bdog pa thams cad gtong bas sa dang 'dra ste/ yang dag pa'i shes rab kyi blo gros la thabs mkhas pa'i sbyin pa tshad med dpag tu med pa'i ngo bo yin pa sna dang/ nam mkha' i snying po'o/ /nam mkha' i blo gros kyi don la snying po ni tshad med pa smos so/ /blo gros mi g.yo ba ces pa ni/ tshul khrims mi g.yo ba rgya mtsho'i gting dang 'dra ste/ tshul yang dag pa'i ngo bo yangs la rgya che bas mi g.yo ba'i phyir ro/ /khrims de las mi 'da' bas blo gros so/ /de ni sa'i snying po ste/ sa ni 'gro ba'i rten byed kyang mi g.yo ba dang sbyar ro/ /snying po ni skyon spangs pa'i don te blo gros dang sbyar ro/ /de lta bu'i sa'i snying po'i rang bzhin pas na smos so/ /blo gros yangs pa ni bzod chen rten

  337. 169a

    pas ri rab lhun po 'dra/ /yang dag pa'i bzod pa yangs la rgya che ste/ /ri rab ltar bskyod par dka' ste sgrib pa rnam par sel ba'i rang bzhin du shes par bya'o/ /sgrib pa rnam pa gnyis bstan pa yang/ chos rnams kyi ngo bo rnam par sel bas ni blo gros so/ /kun tu blo gros ni rab tu 'bar ba'i brtson 'grus sprin dang 'dra yang dag pa'i shes rab kyis kun tu myur ba'i rdzu 'phrul dang ldan pas kun tu 'gro 'ong brtson 'grus thog pa med pas blo gros so/ /de ni phyag na rdo rje ste/ da ni thugs gsang ba'i mdzod 'dzin pas na kun tu bzang ngo/ /de lta bu'i ting nge 'dzin dang ldan pas blo gros so/ /blo gros mdza' yas ni bsam pa mi 'gyur nam mkha' i dkyil dang 'dra/ /chos kyi don la yang dag pa'i ye shes kyis gtan la bcug pas na blo gros so/ /sku gsung thugs nam mkha' ltar yangs pas na mdza' yas so/ /de ni dri ma med par grags pa ste/ yang dag pa'i shes rab la skyon gyi dri ma med pas na blo gros so/ /thabs mkhas pa'i thugs rje sna tshogs kun tu grags pa mdza' yas zhes smos so/ /blo gros ka ma la ni shes rab mdza' gnyis yangs pas pad+ma 'dra ste/ shes rab kyi gzung 'dzin yangs pa ste/ blo gros so/ /mdza' gnyis la sems pas pad+ma ltar ma chags pas na ka ma la'o/ /de ni 'jam dpal te sku gsung thugs 'jam pas na blo gros 'jam pa'o/ /shes rab tshad med pas na nam mkha' i dkyil dang 'dra bas na dpal te ka ma la zhes pa'o/ /blo gros chen po ni thabs kyis 'gro don mdzad pas gar mkhan 'dra/ /thabs kyis 'gro don sna tshogs su mdzad pas na blo gros so/ /mdzad pa gar stabs dang 'dra bas 'khor ba gar thabs dang 'dra ba 'joms pas chen po'i/ /da ni spyan ras gzigs dbang phyug go /yang dag pa'i shes rab kyi spyan gyis chos nyid kyi don la gzigs

  338. 169b

    pas na blo gros so/ /thugs rje 'khor ba la dbang zhing tshogs rdzogs nas phyug pas na chen po'o/ /blo gros lha rdzas ni/ /stobs chen gnon pas lha rdzas mthu chen 'dra/ /ye shes kyi stobs dang ldan pa'i blo gros so/ /pha rol gyis zil gyis mi non pas na lha rdzas so/ /de ni byams pa ste/ phyogs med pa'i byams pa dang ldan pas na blo gros so/ /skye ba gcig gis thogs pa na lha rdzas so/ /blo gros sna tshogs pas ni smon pa med pa'i ye shes lnga dang ldan/ /chos nyid kyi don mthong ba ni smon pa med pas na blo gros so/ /yang dag pa'i ye shes sna tshogs su snang bas na sna tshogs so/ /de ni kun tu bzang po ste/ lta ba dang spyod pa kun tu ngan pa'i ming yang med pas na blo gros so/ /smon lam sna tshogs la mnga' mnyes pas sna tshogs so/ /sogs ces bya ba ni gong du gsungs pa'i don te/ gtso bo rnams kyi 'khor du gtogs pa'i phyir ro/ /phyir mi ldog pa ni mos pa spyod pas ngan song du mi ldog pa brgyad pa mtshan mar mi ldog pas na phyir mi ldog pa'o/ /dge 'dun thug pa med pa ni 'khor gyi rnam grangs kyis chos nyan cing 'jug pas na smos so/ /de la dge ba'i 'bras bu bla na med pa'o/ /'dun pa yid 'phags pa'i lam la dmigs pa'o/ /'khor mang ba'i dbus na zhes bya'o/ /rgyal sras byang chub sems dpa' thugs las skyes pa'i 'khor dang/ nyan thos dgra bcom pa gsung las skyes pa'i 'khor dang/ lha klu gnod sbyin la sogs pa 'jig rten las kyi 'khor dang/ snang srid thams cad thugs rje zhing gi 'khor gyi dbus na de bzhin gshegs pa bzhugs te/ ci'i phyir zhe na/ tshangs pa chen po pad+ma'i gdan ni ye shes kyi 'khor ba las tshangs pa dang phrin las kyis khams gsum thams cad 'khor ba las tshangs par byed pa'o/ /pad+ma ni thugs rnam par dag pa mtshan mas mi gos pa dang thabs

  339. 170a

    mkhas pa'i phrin las 'gro ba'i don mdzad na spyod pas mi gos pas na spyad pa'o/ /chen po ni rgyu byang chub dang ldan pa dang/ 'bras bu khams gsum thams cad bla na med pa'i don la dgongs pas na chen po'o zhes so/ /gdan ni 'brel pa'i don de thugs rje thabs kyis 'gro ba'i don la bzhugs pas gdan/ ting nge 'dzin rnam par mi rtogs pa'i ngang la bzhag pas gdan no/ /bzhugs pa ni ting nge 'dzin ye shes ngan song sbyong ba'i ting nge 'dzin la bzhugs pa dang/ phrin las thugs rjes 'od zer sdud pa'i ting nge 'dzin gyi sgo nas bzhugs pa'o/ /da ni ston pas gleng bslang ba ston te/ ngan song spyod pa thams cad yongs su spyod pa'i ting nge 'dzin la snyoms par zhugs te/ de ni rgyud las dang nyon mongs pa ngan pa las 'bras bu sdug bsngal gyi phung po khams gsum du song bas na song ba'o/ /rgyud ni kun gzhi la thog ma med pa'i dus na bag chags rang rgyud du yod pas na rgyud do/ /thams cad ni las dang nyon mongs pa'i bag chags dang 'brel ba'i sems can no/ /yongs su sbyong pa ni thugs rdo rje lta bu'i ting nge 'dzin gyis sbyong ba dang/ phrin las 'od zer sdud pa'i ting nge 'dzin gyis sbyong ba'o/ /ting nge 'dzin ni rdo rje lta bu'i ting nge 'dzin gyis thog ma med pa'i dus nas bdag tu rtog pa'i rang bzhin rgyu'i bag chags yod pa la dmigs pa'o/ /'od zer gyi phreng ba sdud pa'i ting nge 'dzin gyis ni 'bras bu sdug bsngal gyi phung po 'joms shing mi gtong bas na ting nge 'dzin no/ /snyoms par zhugs pa ni mi 'da' ba' i snyoms par zhugs pa dang gnyis su med pa'i phyir dang 'brel pa'i phyir snyoms par zhugs so/ /rnam par grol ba ni bag chags kyi rnam pa sna tshogs te grol ba ni de las thar pa'o/ /byang chub sems dpa' i ting nge

  340. 170b

    'dzin chos kyi dbyings gzung 'dzin gyi skyon spangs pa na byang chub pa'o/ /de ni don ye shes las tshur snang bas na chub la/ sems ni de las thugs rje'i cho 'phrul 'gro ba rnams la 'byung bas na sems so/ /dpa' ba ni khams gsum gyi 'khor ba gyen du bzlog pas dpa' ba' o/ /ting nge 'dzin de lta bu'i don las mi 'da' bar gnas pa'i phyir ro/ /'od zer kun tu sdud pa'i phreng ba ni/ thugs rje phun sum tshogs pa ste/ phyi'i lpags pa nas byung bas ni ngan song gi yul rnams spyod pa la/ zer ni ye shes kyi phrin las drang zhing phun sum tshogs pa ste/ ba spu'i bu ga kun nas 'byung ba ni bag chags kyi rgyud sbyor la/ sdud pa ni yon tan gyi rang bzhin te/ sems can rnams bla na med pa'i byang chub la sdud la mang po ni de rnams kun khyab pa'i don la/ phreng ba ni bsdus pa dang 'brel ba ltar na thugs rje dang 'khor bar 'brel ba'i don la/ nyid kyi dpral ba'i mdzod spu nas phyung ba ni nyid kyi ston pa shAkya thub pa'o/ /dpral ba ni thugs rnam par dag pa nas dpral ba'i dkyil 'khor du bstan la/ mdzod spu ni ting nge 'dzin gyi cho 'phrul gzhan la 'byung ba'i mdzod spu bstan la phyung ba ni gong gi 'od zer sdud pa'i phreng ba phyung ba'i don to/ /bde ba so sor thob nas zhes pa ni/ thugs rje cho 'phrul gyi byin brlabs kyi 'od zer des stong gsum gyi stong chen po'i 'jig rten gyi khams 'di 'od zer gyi snang ba chen pos khyab par byas nas sems can de dag mi dang lha'i bde ba so sor thob nas/ dga' i tshal du bkod pa'i phyir ro/ /des gsol ba 'debs par 'gyur te/ e ma ha/ sangs rgyas ni thugs rnam par dag pa'i ngo bo rdo rje lta bu'i ting nge 'dzin gyi sgo nas ngan song gi rgyud sbyor ba re bzang ba'o/ /kye ma sangs rgyas ni ngan song gi rgyud sbyang ba des 'bras bu 'khor bar mi skye ba spyad pa de bzang ste/ ci'i phyir zhe na/ gsung rnam

  341. 171a

    par dag pa ste/ /'gro ba'i rgyud rnam par 'grel pa'i phyir ro/ /kye ma sangs rgyas ni 'gro ba'i don sna tshogs mdzad pa ni re bzang zhes bya'o/ /kye ma sangs rgyas ni 'gro ba'i don ltar mdzad kyang thugs chos nyid las ma g.yos pas re bzang zhes bya'o/ /mdzad pa legs pa ni sku gsung thugs kyi yon tan phrin las gzhan las khyad par du 'phags pa'i mdzad pa legs pa'i phyir ro/ /gang gi phyir bdag ngan song ni spyad thabs dang shes rab zung du 'brel ba'i thugs rjes 'khor ba'i rgyu dang 'bras bu spangs nas bcom pa'i phyir ro/ /byang chub spyod pa nyid la gzhag pa ni sems can de rnams nyon mongs pa'i 'khor ba las bton nas byang chub rnam pa gsum la bzhag ces gsungs so/ /de'i 'og tu ngo mtshar mi che ba'i rgyu ston te/ tshad med pa'i bsod nams kyi bsags pa zhes pa ni/ de la sems can gyi bsod nams kyi phung po bcu 'gyur gyis ni de bzhin gshegs pa'i ba spu gcig mngon par 'grub bo/ /ba spu mngon par grub pa'i bsod nams kyi phung po brgya 'gyur gyis ni/ dpe byad bzang po 'grub bo/ /dpe byad bzang po gcig mngon par 'grub pa'i bsod nams kyi phung po stong 'gyur gyis ni mdzod pu dang dbu'i gtsug tor dang chos kyi dud ma gtogs pa'i mtshan re re grub bo/ /mtshan nyi shu rtsa dgu grub pa ma gtogs pa'i bsod nams kyi phung po khri 'gyur gyis mdzod pu grub bo/ /mdzod pur grub pa ma gtogs pa'i bsod nams kyi phung po 'bum 'gyur gyis ni gtsug tor 'grub bo/ /gtsug tor du gtogs pa'i bsod nams kyi phung po bye ba 'bum gyis ni/ /de bzhin gshegs pa'i chos kyi dung grub po/ /de ni 'bras bu'o/ /rgyu ni rkyen dge ba'i bshes gnyen gyis man ngag la

  342. 171b

    brten nas byang chub kyi phyogs dang pha rol tu phyin pa'i dge ba'i rtsa ba'i tshogs bsags pa'o/ /tshad med pa'i yon tan rin po che'i 'byung khungs ni/ tshad med pa'i ni rgyu tshad med pa dang 'bras bu tshad med pa dang/ phrin las tshad med pa'o/ /yon tan sna tshogs pa ste/ 'gro ba'i ltar 'dul ba bzhin du 'byung ba'o/ /rin po che ni mi zad pa'i phyir dang dkon pa'i phyir dang khyab pa'i phyir btags pa'o/ /tshad med pa'i thabs rdzogs pa ni thabs gnyis te/ rgyu'i thabs rgyu chung du las 'bras bu mang po byed pa'o/ /'bras bu'i thabs ni sems can ci ltar mos pa bzhin 'byung bar bya zhing snang ba'o/ /shes rab tshad med par bsags pa ni dang por 'jig rten pa'i shes rab la brten cing bsgoms pas 'jig rten las 'das pa'i shes rab thob ste/ de ni chos thams cad skye ba med par rtogs pas tshad med de/ de ci'i phyir zhe na/ dngos po dang mtshan ma dang bral bas tshad kyi bye brag tu mi dmigs pa'i phyir ro/ /tshad med pa ni thun mong dang thun mong ma yin pa gnyis su med pa dang ldan pa ste/ thun mong ni 'jig rten pa'i spyod pa la/ thun mong ma yin pa ni 'jig rten las 'das pa'i spyod pa'o/ /'dul ba'i skye bo tshad med pa rnams snod du rung bar mdzad pa ni 'dul ba'o/ /'dul pa ni sngon gyi smon lam gyis 'dul ba dang/ 'phral gyi phrin las kyis 'dul ba'o/ /skye ba ni las las skye zhing 'khor ba zhol phyogs su 'gro ba'o/ /tshad med pa ni rgyu tshan med pa ni gnas khams gsum dang 'khor bar lus blangs nas/ sdug bsngal gsum dang/ brgyad kyis gzir ba'i de'i rgyu ni las dang nyon mongs pa'o/ /de ni mdza' yas pa'i sems can te/ sdug bsngal gyi 'bras bu tshad med pa rab la dmigs pa'i don to/ /snod du rung ba ni de rnams kyi rgyu dang 'bras bu bcom nas/ byang

  343. 172a

    chub rnam pa gsum po gang la yang mos pa la dgod pa la snod du rung ba'o/ /mi mnyam pa dang mnyam pa'i ye shes ni rgyu mi mnyam pa dang las dang ba'i mtshan nyid dang/ nyon mongs pa spong ba'i grogs mi mnyam pa dang 'bras bu mi mnyam pa'o/ /mnyam pa ni rtog pa dang bral zhing dngos po med pas na mnyam pa'o/ /mi mnyam pa dang mnyam pa'i rdzu 'phrul dang ldan pa ni/ mi mnyam pa dang 'gro ba gzhan nyan thos dang rang sangs rgyas la sogs pa'i rdzu 'phrul la sogs pa dang mi mnyam pa'o/ /mnyam pa ni de bzhin gshegs pa'i rdzu 'phrul gyi nang du de dag thams cad 'dus pa'i phyir ro/ /mi mnyam pa dang mnyam pa'i smon lam gyi stobs dang ldan pa ste/ zhes pa ni mi mnyam pa ni bdag dang gzhan gnyis kyi don du bsngo bas mi mnyam pa'o/ /mnyam pa ni dmigs pa dang bral ba'o/ /smon pa ni 'bras bu'o/ /lam ni rgyu ste 'bras bu la dmigs pa'o/ /stobs ni gzhan gyis zil gyis mi non pa'o/ /de la the tshom dang som nyi dang yid gnyis ma byed cig go zhes pa ni the tshom yid mi ches pas rtogs pa bzhugs pa'o/ /som nyis ni bya mi bya mnyam pa'i som nyis so/ /res 'ga' ni blo rgod res 'ga' ni blo mi rgod pas ni yid gnyis so/ /'khor gyi gleng pas ngo mtshar gyi rgyu bstan pa'o// //da ni dkyil 'khor zhus pa ston te/ de nas lha'i dbang po brgya byin rang gi stan las langs nas ni zhes pa ni/ 'dod khams kyi lha la dbang byed pas na dbang po'o/ /sprul pa dang zhing khams dang ting nge 'dzin brgya la rtsal sbyangs pas na brgya byin no/ /rdo a mo li gi steng ni rin po che'i khri'u la bzhugs pa'i phyir na rang gi'o/ /langs pa ni chos zhu ba'i phyir langs pa dang/

  344. 172b

    rag lus ba dang rin thang bskyed ba dang/ gus pa bskyed pa'i phyir langs pa'o/ /mchod pa ni rgya che zhing mchod pa ni mnyes par bya ba'i phyir rta dang glang po che la sogs pa'o/ /rgya che ba ni sems kyi yid bzhin gyi sprin tshogs 'dod pa'i yon tan gyi lha mor sprul ba'o/ /phyag btsal nas 'di skad ces gsol to ni/ phyag ni lus kyi langs pa dang/ ngag gis bstod pa dang/ sems kyis mos pa'o/ /'di ni 'og gi don la skad ni tshig tu brjod pa'o/ /gsol ton 'og gi don zhu ba'i tshul yo/ /spobs pa bskyed par gsol te/ sngon gyi dge ba'i tshogs kyis spobs pa bskyed pa dang/ rang gi mos pa'i mthus zhu bar spobs pa bskyed pa'o/ /bde bar gshegs pa bdag spobs pa bskyed par gsol/ chos nyid kyi don thugs su chud pas ni mi bden pa'i gnod pa spangs bde bar ro/ /gshegs pa ni thabs mkhas pa'i thugs rjes 'gro ba'i don la gshegs pas gshegs pa'o/ /bdag ni lha'i dbang po'i spobs pa ni rgyu dang 'bras bu'i don zhu bar spobs pa'o/ /bskyed pa'i bdag byang chub tu sems bskyed par mdzod ces pa'o/ /gsol ba ni bdag lha'i bu dri ma med pa'i don zhu bar gsol pa rab tu gdab pa'i phyir ro/ /spyir zhu ba'i don bsdus nas bshad zin to// //da ni dgos pa zhu ba'i don ston te/ sum cu rtsa gsum pa'i ni/ brgya byin la rang gi bu sum cu rtsa gnyis dang/ brgya byin dang sum cu rtsa gsum yod pas de'i phyir ro/ /de dag kyang brgya byin la phyogs bzhi mtshams brgyad nas bzhi bzhi 'dug ste/ brgya byin la bskor bas na blon po zhe'o/ /'di nas shi 'phos nas sems can dmyal ba'i ston pas rnam par smin pa'i sdug bsngal ston pa yin te/ 'di ni lha'i gnas nyid la bya/ shi 'phos nas ni phung po'i rang bzhin dang bral te rnam par shes pa thal ba'i tha tshig go /mtshams med pa ni las dang nyon mongs pa ste/ /

  345. 173a

    rnam par dka' ba'i bar mtshams med pa'o/ /'bras bu la bar mtshams med pa ni/ sdug bsngal gyi rang bzhin sna tshogs pa la bde ba'i bar mtshams ni skad cig kyang med pa'o/ /sems ni sdug bsngal la gnas pa yin la/ can ni sdug bsngal gyi phung po nye bar len pa'o/ /dmyal ba ni 'joms pa ni rab tu mnar ba'o/ /gzhan mdo sde'i gzhung las bsal bas ma bris so/ /mdza' 'khob ni khrims med pa'i mthar phyin pa dang/ chos skad mi thos pas mdza' 'khob po/ rnam pa cig tu yul mdza' 'khob ni gangs ri la mi mdza' 'khob ni spyod pa ngan pa'o/ /rnam par smin pa'i don bsdus pa bshad zin to/ /rnam par smin pa la skyo ba'i don ston te/ de nas brgya byin la sogs pa'i lha'i bu thams cad kyis thos nas shin tu dngang zhing skrag ste/ skyo nas kha bub tu 'gyel to zhes pa ni/ ston pas rnam par smin pa'i don gsungs ba la/ brgya byin 'khor dang bcas pa dang gzhan yang 'dod khams kyi lha'i bu thams cad kyis thos nas/ rgyu nyon mongs pa la ni shin tu dngangs/ 'bras bu sdug bsngal la rab tu skrag ste/ 'dod pa'i yon tan la rab tu skyo nas yid skrag pas kha bub tu 'gyel to zhe'o/ /da ni zhu ba mnan pa bstan to/ /de nas yang zhes pa ni skabs kyi rting thogs bskyar zhing bsnan nas zhus pa'i don to/ /bskyab par gsol bya ba ni 'khor gyi sdug bsngal 'di las bskyab par gsol ba dang/ bdag dang gzhan ngan song las rab tu thar bar bya ba'i phyir zhus pa'o/ /da ni bkas gnang ba ston te/ de yang ci'i phyir gnang zhen ma 'ongs pa'i sems can rnams la phan pa'i phyir te/ lha'i dbang po sangs rgyas bye ba phrag brgyad cu rtsa bzhis kyang bstan pa zhes pa ni/ mdongs gsol du gsungs pa'i phyir bos nas bka' stsal to/ /sngon gyi sangs rgyas mar me mdzad dang

  346. 173b

    gser thub la sogs pa bye ba phrag brgyad cu rtsa bzhis kyang ngan song gi rgyud 'di gsungs te/ ngas kyang bshad kyis khyod nyon cig bya ba'i tha tshig go /da ni gnang ba la dga' ba ston te/ de nas lha'i dbang po dang mngon par mchod pa ni ston pas gnang ba'i rting thogs so/ /brgya byin rab tu dga' bas mchod pa sna tshogs kyis mchod nas zhus pa'i don dang/ phyi rabs la de ltar gyis shig pa'i don to/ /legs bya ba ni thugs rjes 'gro ba'i don la legs pa dang/ bdag la rgyu dang 'bras bu'i chos ston pa legs bya ba'i tha tshig gi /de la zhu ba bsnan pa ni/ de nas tshangs pa zhes 'byung bas na/ re shig 'jig rten pa'i mes po tshangs pa yin pa dang/ ngad bas zhu ba'i tshul dang/ dam pa'i chos kyi bskul ba yin pas zhu ba'i tshul du bstan pa'o/ / dang po slob ma snod du rung bar byin gyis rlob pa ston te/ de nas bcom ldan 'das kyis zhes pa ni nyes pa'i skyon thams cad gtan bcom zhing/ legs pa'i yon tan dang ldan pas na mdza' gnyis skyon bcom zhing sku dang ye shes kyi rang bzhin shAkya thub pas bka' stsal te/ de ci'i phyir zhe na/ khams gsum las phyin pa'i phyir ro/ /de bzhin gshegs pa thams cad kyi snying po 'dis byin gyis brlabs pa ni/ de bzhin nyid chos ji bzhin pa'i dang du rang gi ngang du gshegs pas na dbyings dang ye shes gnyis su med pa'o/ /thams cad ni phyogs bcu dus bzhi'i sangs rgyas pa snying po ni thugs yang dag pa'i ye shes so/ /byin gyis brlab pa ni/ ras dkar po dmar po bya ba'i mthu chos la yod pa dang 'dra bar bla na med pa'i sangs rgyas 'grub pa'i rgyu ni sngags la yod pas na'o/ /gdon mi za bar rdo rjer byin gyis brlabs pa zhes bya ba ni gdon mi za ba ni/ thugs yang dag pa'i ye shes la mtshan ma'i skyon gyis mi za'o/ /rdo rje ni sku gsung thugs rdo rje lta bu'o/ /byin gyis brlabs ni/

  347. 174a

    kha dog tshon gyis bsgyur ba ltar/ ting nge 'dzin la snyoms par zhugs pas bsgyur/ de ci'i phyir zhe na/ byang chub kyi sems bde ba'i ting nge 'dzin gyis ni/ nyon mongs pa thams cad byang chub sems su bsgyur nus pas na de skad bya'o oM badzra ti tiSh+Tha dz+nyA na sa ma ye hUM(rgyud 'grel): oM ni ye shes lnga la/ badzra ni rdo rje/ tiSh+Tha ni 'joms pa/ dz+nyA na ni ye shes so/ /sa ma ya ni dam tshig dang ldan pa'o/ /hUM ni thugs chos nyid du ye nas gnas pa'o/ /snyoms par zhugs nas kyang ni ting nge 'dzin byang chub rnam par dag pa la snyoms par zhugs pa ni gnyis su med par gyur pa'i tha tshig go /de bzhin gshegs pa thams cad kyi snying po ma nor ba la bzhin ni mi 'gyur ba ste/ gshegs pa ni rig pa dang dbyings gnyis su med par gyur pa'o/ /thams cad ni ma lus pa la snying po ni byang chub kyi sems la/ 'di ni dbang po mngon sum du gsungs pa'o/ /rang gi snying kha na phyung rang ni shAkya thub pa la ni snying po ni thugs ye shes la bya/ phyung ni tshig tu gsungs pa'o/ /oM sho d+ha ni sho d+ha ni zhes pa ni/ oM ye shes rnam pa lnga'i ngo bor kun rig rnam par snang mdzad kyi snying po ste/ chos nyid rang bzhin gyis rnam par dag pa'i rtags so/ /oM sarba pA paM bi sho d+ha ni ye shes rnam pa lngar las kyi sdig pa thams cad dag par byin gyis brlab pa'o/ /shud+d+he bi shud+d+he/ ngo bo nyid dag pa'i chos nyid rang bzhin gyis dag pa chen por byin gyis rlob pa ces bya'o/ /sarba karmA ba ra Na ni/ thams cad ma lus pa'i phrin las rgya mtsho dang 'dul bas byin gyis brlab ba'i don/ bi shu? sarba chos nyid dag pa de ni rang bzhin gyis bkra shis pa'i don to/ /rig sngags chen mo 'di bshad ma thag tu ni rig pa'i ye shes la/ sngags ni des mtshan ma 'joms pa la/ chen mo 'di/ lta ba dang spyod pa che bas na dbyings te chen

  348. 174b

    mo'o/ /khyab pa'i phyir btags so/ /de nas gzhan yang gsang ba'i snying po 'di gsungs so/ /de nas ni skyabs kyi gting thogs so/ /gzhan yang rnam pa ni/ gsang ba ni chos nyid la/ snying po ni ye shes la/ 'di ni 'og gi don la gsungs pa ni/ gsal la 'dres par brjod pa'i tha tshig go /oM sho d+ha ni sho d+ha ni sarbA pa ya na sarba pre dye b+hya hUM ni/ a ni rin chen me tog gi ye shes la snying po'o/ /sho d+ha ni dag pa la/ sarba ni thams cad/ a ba ya ni ldan pa/ sarba sAdya b+hya ni thams cad bde bar byed pa'i rig pa'o/ /de bzhin gshegs pa thams cad kyi snying po ste/ de ni ma nor ba ste chos kyi dbyings nyid do/ /bzhin ni ye shes kyi rtogs pa'o/ /gshegs pa thugs rjes 'gro ba'i don mdzad pa'i rtags so/ /thams cad ni rigs lnga'i sangs rgyas la sogs pa thams cad kyi snying po'o/ /oM sarbA pa ya bi sho d+ha ni hUM phaT ni/ shAkya thub pa'i snying po ste/ yang dag pa'i ye shes kyi rang bzhin gyis thams cad kun gyi rang bzhin ye nas dag par byin gyis brlabs nas bzhugs te/ chos nyid dag par byed pa'i tha tshig go /snying po dang nye ba'i snying po zhes pa ni/ snying po ni rtsa ba rang gi byang chub kyi sems la nye ba'i snying po ni/ de bsgrub par bya ba'i phyir 'bad cing btsal ba'o/ /oM traM Ta ni ye shes kyi ngo bo/ /mtshan ma'i chos thams cad stong pa nyid la bzla ba'i thabs te/ me tog che rgyas kyi sku bskyed pa'i snying po'o/ /ngan 'gro thams cad rnam par sbyong ba'i snying po ni/ ngan pa ni las dang nyon mongs pa la/ 'gro ba ni khams gsum shing rta'i 'phang lo lta bur gyur pa la/ rnam par ni sdug bsngal las thar pa'i thabs mnga' ba dang/ sdug bsngal ba'o/ /sbyong ba ni ye shes rgyu dang 'bras bur bcas pa sbyong pa'o/ /snying po ni byang chub kyi sems so/ /haM ni ngan song thams cad yongs su sbyong ba'i snying po'o/ /thig le chos nyid rnam par

  349. 175a

    mi rtog pa'i ngo bo la ha hye ga na dgyes na 'du 'bral med pa'i don to/ /bsod nams chung ba'i sems can rnams ni/ bsod nams ni longs spyod dang bral ba'o/ /chung pa ni bde ba mad pa'o/ /sems ni tshogs brgyad la/ can ni nye bar len pa'i phung po lnga'o/ /des thob nas bde blag tu 'gyur ba'i phyir ro/ /na mo b+ha ga wa te zhes pa ni/ bcom ldan 'das kun rig rtsa ba'i snying po ste/ rnam par snang mdzad kyi byang chub kyi sems bskyed pa'i don to/ /sarba durga ti ni/ thams cad kun gyi rang bzhin chos nyid byang chub kyi sems su dbang bskur ba'i don to/ /pa ri sho d+ha ni rtsa ba byang chub kyi sems ni rang bzhin gyis dag pa'o/ /ra dzA ya ni/ sku gsung thugs mi zad pa rgyan gyi 'khor lo ni khams gsum la dbang gi rgyal mtshan 'dzugs pa'i phyir ro/ /ta thA ga ta ya ni de bzhin gshegs pa'o/ /tadya thA ni 'di lta ste yang dag pa'i ye shes kyi ngo bo'o/ /oM sho d+ha ni ye shes rnam pa lngas nyon mongs pa rnam pa lnga thams cad dag par byed pa'i thabs so/ /sarba pA paM bi sho d+ha ni sdig pa thams cad rang bzhin gyis dag par byin gyis brlabs pa'o/ /sarba karmA ni phrin las rgya mtsho dang 'dra bas thams cad ma lus par byin gyis rlob pa'i phyir ro/ /a ba ra Na bi sho d+ha ni che ba'i yon tan dang ldan pas/ thams cad dag pa chen por byin gyis rlob pa'i thabs so/ /rtsa ba'i rig pa ni/ rtsa ba'i byang chub kyi sems gzung 'dzin dang bral ba la/ rig pa ni ye shes kyi rtogs pa'i yul lo/ /oM sarba bid ni ye shes kyi dngos po thams cad dag par byin gyis rlob pa'i don to/ /sarba a ba ra Na/ ni thams cad dang ldan par rigs lngas byin gyis brlabs pa'i phyir ro/ /bi sho d+ha ya ha na hUM phaT ni dga' ba chen pos mtshan ma rnams dbang du bsdus nas/ thugs chos

  350. 175b

    nyid du byin gyis rlob pa'i phyir ro/ /oM sarba bid hUM phaT/ ni oM ni ye shes lnga'i ngo bo yin pas/ rin chen me tog gi nye ba'i snying po'o/ /a ni ma skyes pas gsung gi ngo bo las snang ba mdza' yas so/ /hUM ni rnam par mi rtogs pa'i ye shes te rdo rje sems dpa' o/ /sarba ni che ba'i yon tan 'byung ba'i ngo bo ste/ rin chen 'byung ldan/ phaT ni las te thams cad sbyin pa'i don/ bya ba nan tan gyi ye shes te don yod grub pa'o/ /oM sarba bid hUM ni shAkya thub pa'i sku skyed pa ste/ sems can thams cad kyi sems ma skyes pa ste/ thams cad thugs rnam par mi rtog pa'i chos nyid du rig pa'o/ /oM sarba bid phaT ni chos kyi dbyings kyi ye shes kyi rnam par snang mdzad sku bskyed pa'i sngags so/ /oM sarba bid sa na me long lta bu'i ye shes kyis sa ltar che ba'i yon tan 'byung ba'i thabs so/ /ngan song sbyong ba'i sku bskyed pa'i snying po'o/ /oM sarba bid a ni mnyam pa nyid kyi ye shes kyis chos nyid ma skyes par sbyong ba'o/ /rin chen me tog gi sku bskyed pa'i snying po'o/ /oM sarba bid hUM ni so sor rtog pa'i ye shes kyi ngo bo thugs rnam par dag pa'i don la 'jug pa'i thabs so/ /shAkya thub pa'i sku bskyed pa'i snying po'o/ /oM sarba bid tra tha ni oM ni ye shes bya ba grub pas gdul bya chud mi za bar bya ba'i phyir ro/ /me tog che rgyas kyi snying po'o/ /oM sha ni chos nyid mngon par byang chub pa ni shu dz+nya na te/ stong pa nyid kyi rang bzhin du byang chub kyi sems zla ba lta bur gyur pa'o/ /oM b+ha ni oM ye shes kyi rang bzhin du gnas pa'i phyir ro/ /badzra ra'i sgras drangs na thams cad rdo rje'i rang bzhin ngo bo'i sngags kyi don bsdus pa bshad zin to// //de'i yon tan ni lha'i dbang po brgya byin/ /ngan 'gro thams cad yongs su sbyong ba ni/ yon tan brjod pa'i phyir na lha'i dbang po ces pas pa'o/ /lha na 'dod khams kyi lha yin pa na lha zhes gsungs so

  351. 176a

    de la dbang bskur ba na dbang po'i/ ngan pa ni rgyu ste nyon mongs pa'o/ /'gro ba ni 'bras bu ste/ khams gsum dang 'khor ba'i rgyu'o/ /thams cad ni 'khor ba'i sdug bsngal kun la bya ba'i phyir ro/ /yongs su sbyong ba gzi brjod ni/ yongs su ma lus pa thams cad do/ /gzi brjid ni sku dang gsung thugs rnam par dag pa'i gzi brjid dang ldan pa'o/ /dus ma yin par 'chi ba/ brgyad ni sa gnyan pa la nyal ba dang bud med rgan mo dang nyal ba dang/ mi na bzhin du sman za ba dang/ khang rnying na nyal ba dang/ gdon 'byung po yod pa'i phyogs su mi med par gcig pur 'gro ba dang/ nad pa sman pa'i dag mi nyan pa dang/ 'thab mo'i g.yul du 'jug pa dang/ mi thub pa la do sngo ba la sogs pa la thar bar 'gyur ro/ / dus ma yin par 'chi ba dang 'grel pa ni chu chen po la rgyal ba med par rkyal ba dang/ lngas sar gcig pur 'dug pa dang/ /dug 'thung ba rnams ni 'chi ba dang 'brel pa'i mtshan ma'o/ /rmi lam gyi rnam pa ni sum cu rtsa gnyis te ltas ngan gyi rtags so/ /gang zhe na dgras ded pa dang/ skyabs dang bral ba dang sdug bsngal gyis gzir ba dang/ yi dags kyi gdon gyis mthu 'phrogs pa mig phyung ba dang/ kha nas lce gzhan gyis phrogs pa dang/ nyi zla lhung ba dang/ sa gzhi mi gtsang bas gang ba dang skra byi ba dang sgren mor 'dam du 'dag pa dang/ gzhan gyi mgo phog pa dang/ lcags su 'jug pa dang dug 'thungs pa dang/ mi gced bas lus byug pa dang/ khyim la me shor ba dang/ mi gcang ba'i ? lhung ba dang/ mi sngags pa'i zhal ches 'debs pa dang/ sgra mi snyan pa grags pa dang/ grogs dang bral ba dang chus khyer ba dang/ mgo la me shor ba dang/ rgyal po'i chad pas go rar chud ba dang/ bdog pa gzhan gyis phrogs

  352. 176b

    pa dang/ gcan zan mchu can gyis za ba dang/ dmyal bar lhung ba rmi ba dang/ mun pa mun nag na 'dug pa dang/ ngo tsha ba dang mya ngan gyi nang na 'dug pa dang/ bdud kyi zhags pas gzung ba dang/ srin pos khyer ba dang/ 'phangs pa'i mi shi ba dang/ gzhan gyi 'tshe bas 'debs pa'o/ /de dag la sdig pa dang nyes pa 'byung bar mi 'gyur ro/ /gong gi gsang sngags 'chang ba de dag la bdud la sogs pa'i bag chags 'byung bar mi 'gyur ro/ /dus ma yin pa'i sdig pa dang rmi lam gyi sdig pa dang/ nyes pa yang 'byung bar mi 'gyur ro/ /sngags kyi yon tan mdor bsdus pa bstan zin to// //da ni sems can ngan song du skyes nas dkyil 'khor du bcug nas dbang bskur nas thar pa'i thabs ston te/ de ci'i phyir zhe na/ skyes pa dang bud med dang/ lha 'am klu 'am/ shi ba'i lus dkyil 'khor du bcug na zhes pa'i bar ni 'khor ba'i sems can thugs rje'i zhing yin pas de las thar par bya ba'i phyir na sngon gyi bag chags sna tshogs kun la bsags pa'i 'bras bu sdug bsngal gyi 'gro ba rigs drug tu skye ba blangs ba la sngon gyi bag chags kyis bsags pa'i lus gdos pa can te/ yang dag pa'i ye shes kyis bag chags rtsad bcad pa'i phyir na/ thig bzhi btab pa'i re'u mig dgu pa 'khor lo rtsibs bcu drug pa la snam bu dang sgo dgod pa dang/ rigs kyi gtso bo dang/ rigs kyi sems dpa' bskal pa bzang po dang/ mchod pa'i lha mo dang/ sgo ba dgod de lus la gnas rnam pa lnga/ yig 'bru rnam pa lnga rigs drug so so'i yig 'brur sbyangs nas dngos po'i bag chags rnams dag cing stong pa chen por byin gyis brlabs nas/ dkyil 'khor du bcug dbang bskur nas/ rgyal sras su bskyed na ngan song las thar bar 'gyur ro/ /cho ga'i thabs bstan zin to// //de nas lha rnams kyi dbang po dang/ bshad du

  353. 177a

    gsol bar gyis bshad par gsol ba btab par bstan to/ /da ni ting nge 'dzin la snyoms par zhugs nas bshad par bstan te/ de nas bcom ldan 'das shAkya thub pas zhes pa ni/ skabs kyi rting thogs su 'byung bas ni de nas so/ /bcom pa ni rdo rje lta bu'i ting nge 'dzin gyis nyon mongs pa dang shes bya'i sgrib pa rnams bcom pa'o/ /ldan pa ni sku dang ye shes dang ldan pa'o/ /'das pa ni mdza' gang la yang mi gnas pa'o/ /shAkya ni rigs shAkya yin pa dang bdud shAkya btul bas na shAkya'o/ /thub pa ni sku dang gsung dang thugs thub pas na'o/ /ye shes rdo rje zhes bya ba'i ting nge 'dzin ni yang dag pa'i ye shes rdo rje ltar 'dus ma byas pas na/ gnyis su med pa'i don la zhugs pa'i don to// dkyil 'khor chen po 'di gsungs so/ /thugs rnam par mi rtog pa'i ye shes ni dkyil la/ thabs mkhas pa'i thugs rje gzhan la sna tshogs su 'byung bas ni 'khor la blta ba dang spyod pa gzhan las 'phags pas ni chen po zhe'o/ /gsung ni don gsungs pa dang rtags gsungs pa dang/ mtshon par byed pa'i gsungs pa'i phyir na'o/ /sangs rgyas kun gyi byang chub sems ni sangs rgyas ni phyogs bcu dang dus gsum gyi rgyal ba rnams so/ /byang chub sems ni rnam pa gnyis te/ don dam byang chub kyi sems ni chos nyid skye ba med pa'o/ /kun rdzob byang chub kyi sems ni khams gsum gyi sems can la snying rje chen por bskyed pa'o/ /bla na med par rtogs 'gyur ba ni byang chub kyi sems de/ gzung 'dzin rnam par rten pa'i mdza' spangs pas bla na med pa ste/ de gang gis rtogs na so sor rtog pa'i ye shes kyis tshig tsam ma yin par blo'i gting du gnas pa'i don te/ rgyal bas gsungs pa'i ye shes de ni nyon mongs pa'i 'khor ba las rgyal ba'i de bzhin

  354. 177b

    gshegs pa ste/ gsung tshangs pa'i dbyangs kyis 'gro ba'i don du bka' stsal pa'i don du ni yang dag pa'i ye shes te/ spros pa'i mdza' spangs nas rnam par mi rtog pa'i dbyings na 'du 'bral med pa'i don to/ /de ci'i phyir zhe na/ de ni dkyil 'khor snying por gsungs pa ni rnam par mi rtog pa'i ye shes ni dkyil/ thabs mkhas pa'i phrin las sna tshogs su 'byung ba ni 'khor lo ste rtogs pa'i skyon pas ni 'khor byang chub sems dpa' rang gi dkyil 'khor bshad zin to// //da ni rtsa ba'i dkyil 'khor rtog pa'i gzugs brnyan ston te/ de ci'i phyir zhe na/ phyi'i dkyil 'khor 'di gsungs so/ /de la phyin si tshon gzugs brnyan gyi dkyil 'khor bri ba'i thabs te/ dbang po rnam pa lnga'i spyod yul du snang ba'o/ /dkyil ni dbus kyi pho brang la 'khor ni 'khor lo'i byibs dang ldan pa dang/ snam bu dang sgo dang gru chad du ldan pa'o/ /'di ni 'og ma'i don la gsungs pa ni zhal nas tshangs pa'i dbyangs su ldan pa'o/ /gtsug lag khang dang skyed mos tshal ni/ gtsug lag khang ni chos kyi khang pa yod pa'i sa phyogs su'o/ /skyed mos tshal ni sa gzhi mnyams phyogs shing sna tshogs skyes pa'o/ /mchod rten lha khang kun dga' sogs/ mchod rtan ni sku gdung ring bsrel yod pa'i sa phyogs su lha khang ni 'jig rten pa'i lha rten yod pa'o kun dga' ba ni mi mang po 'du ba'i sa phyogs su bri bar gsungs so/ /ci bzhin pa'i cho ga yis zhes pas ni/ ci bzhin ni gnas ci bzhin dang/ yo byad ci bzhin pa dang/ sngags mkhan dang sngags g.yogs dang/ yon bdag ci bzhin no// cho ga ni sa gzhi dang brtag pa'i cho ga snang ba'i rgyal po dang/ mi snang ba'i sa'i lha mo la sogs pa la dang po ni sa gang du bya ba'i gnas dang/ sa bzang po btsal ba dang/ gnyis pa tshul bzhin du tshogs par byas la bslang ba dang/ gsum

  355. 178a

    pa ni sngags dang phyag rgya dang/ ting nge 'dzin dang ldan par byas la ye shes lnga'i ngo bo byang chub sems su byin gyis brlabs pa dang/ bzhi pa sa'i rang bzhin dang mtshan nyid brtag pa dang/ lnga pa cho ga bzhin du bsgom pa dang drug pa cho ga bzhin du mkhyen par gsol zhing las tshul bzhin du bya ba dang/ ting nge 'dzin mi yengs par bya'o/ /de ci'i phyir zhe na/ gnas ni byin gyis brlab par bya zhes 'byung bas/ ye shes kyi chos nyid la gnas par byin gyis brlab pa dang/ ting nge 'dzin gyi sems las byung ba'i chos kyi dkyil 'khor gyi gnas su byin gyis brlab pa dang/ btags pa ming gi gnas chos nyid dbyings su byin gyis brlab pa dang/ mtshan ma rdzas kyi gnas tshon gyi dkyil 'khor gyi rgyal ba'i bzhugs gnas su byin gyis brlab pa dang bzhi'o/ /byin gyis brlab pa'i gnas der ni zhes bya ba ni dper na rtsi gser 'gyur gyis dngul srang stong gser du sgyur ba ltar/ ting nge 'dzin ye shes kyi rtsis nyon mongs pa rnam par dag par byin gyis rlob par byed pa la de skad ces bya'o/ /phyi dkyil 'khor bri bar bya zhes pa ni shes pa snang ste/ ting nge 'dzin gyi dkyil 'khor de mthong bar byed pas/ de'i phyi'i dkyil 'khor gzugs brnyan la rten dgos pas na phyi'i maN+Dal zhes gsungs so/ /de ni mtshon par byed pa'i phyir ni phyi'i maN+Dal zhes bya'o/ /gru bzhi pa la sgo bzhi pa ni/ ye shes bzhi dang ni ldan pa'i rtags su gru bzhir bstan pa la/ phrin las rnam bzhi dang ldan pa'i rtags su ni sgo bzhi dang ldan pa bstan te/ rta babs bzhi dang ldan pa dang/ them skas bzhi dang phreng ba ni/ /maN+Dal stegs kyi bang rim la/ /rta babs ni sgo phyogs nas bang rim byas pa'o/ /them skas ni rta babs las skas chung bar byas pa'o/ /phreng ba ni them skas dang rta

  356. 178b

    babs la phreng bas snang ba'i bar mtshams brgyad nas mdzes par bya ba la sogs pa'o/ /de yang tshad med pa bzhi'i rta babs dang ldan pas bsdu ba'i dngos po bzhi'i them skas dang thugs rjes tshad med pa'i phreng bas brgyan ste/ rnam par thar pa brgyad kyang bstan/ /seng+ge dang ba glang rnams kyis brgyan pa ni thabs thugs rje chen po 'khor bas mi 'jigs pas na seng ge dang/ yang dag pa'i stobs tshad med pa'i rtags su glang po che ste/ sgo g.yas g.yon ni dar dang lda ldi ngo shal phreng ba dril bu dang ni rngams rgyan ni/ dar ni pany+tsa re ga ye shes rnam pa lnga'i don to/ /lda ldi ni tri rA ga ste sku gsung thugs rnam par dag pa'i ngo bo'o/ /do shal ni mu tig ha ra'i do shal te/ byang chub sems dpa' bde ba'i do shal/ phreng ba ni mu tig gi phreng ba do shal zlum por bskor ba ste/ ting nge 'dzin tshogs pa'i don to/ /dril bu de'i bar bar nas do shal dang spel mar 'dug ste/ gsung rnam par dag pas 'gro ba la chos ston pa'i rgyu'o/ /de ni mu tig ha ra ste maN+Dal gyi mdza' bskor ba'o/ /rnga ma ni 'phrogs gangs ris te/ skyon dang bral bas byang chub sems la g.yo ba med pa'i don to/ /rdo rje rin chen pad+ma dang/ rgya gram gyi ni phyag rgyas brgyan ni/ /rdo rje ni rdo rjer bzlum po ste/ rig pa'i ye shes rdo rje ltar 'dus ma byas pa'i ra ba dang ldan pa dang/ rin po che'i phra bas pho brang nang du bskor ba'o/ /yon tan sna tshogs gzhan pas byung ba'o/ /pad+ma ni lha mo so so'i gdan gyi khyad par ro/ /thabs mkhas thugs rje che bas ni 'gro ba'i don la ma chags pa'i don to/ /rgya gram ni grwa na rdo rje rgya gram zla ba lta bur yod pa ste thabs dang shes rab zung du 'brel pa'i rtags so/ /rgyan ni gzugs brnyan la mdzes par brgyan pa dang/ nang gi rtags 'dzin la gsal bar brgyan pa'o/ /srad bu brgyad dang ldan pa la phyi'i sgo khyud rnams kyis rgyan ni/ /srad bu ni thig skud de byang chub

  357. 179a

    sems su sgom pa'o/ /brgyad ni phyogs thig bzhi dang/ nang thig bzhi dang brgyad do/ /rnam pa brgyad dang ldan pa dang/ skul bkra shis kyi rtags brgyad rdzogs pa'i rtags so/ /phyi'i sgo khyud ni sgo khug par byas pa ste/ ting nge 'dzin rtogs pas 'jug pa'i thabs so/ /rnams kyis brgyan pa ni/ sgo la sum rim ste sgo bcu gnyis kyis bstan pa'o/ /khams gsum gyi sems can rten cing 'brel ba bcu gnyis las zlog pa'i phyir na/ mdzad pa bcu gnyis tshul du sangs rgyas so// snam bu la bzhi rim gyis brgyan pa ni/ ye shes bzhis skyes gnas bzhi sbyor ba'i rtags so/ /de ni brgyan pa'i don to/ /dgu'i cha ni bgos pa la/ sgo dang sgo khyud thams cad sum char bya ba ni/ khams gsum sa dgu thugs rjes sbyor ba'i phyir ni/ dkyil 'khor gyi ngos gcig dgur 'chad pa la/ sgo dang sgo khyud du bya ba ste/ zhi gnas dang lhag mthong zung du 'brel pas na sgo dang sgo khyud du bya'o/ /sku gsung thugs sgrub pa'i phyir na/ sum cha 'chad do/ /brgya byin gyi bye brag bstan zin to/ /da ni nang gi don ston to/ /de ci'i phyir zhe na/ rdo rje srad bus thig btab pa/ dbus kyi maN+Dal gyis thig gtab pa ni rdo rje ni rigs la bya ste/ byang chub sems su byin gyis brlabs pa'i phyir ro/ /srad bu ni de de mtshon pa'i thabs thig skud la bya'o/ /dbus ni chos kyi dbyings mtshan pa'i rtags pho brang zlum po la bya'o/ /thig ni rig pa rdo rje'i thig byang chub sems bde ba chen po la bya'o/ /byin brlabs cho 'phrul gyi thig ni de las ye shes kyi 'od zer 'phros pas/ 'phags pa'i thugs dam bskul ba dang/ sems can gyi don byas nas byin gyis brlabs pa'o/ /gdab pa'i sras hUM ? nyid ni thig skud ye shes kyi 'od 'phro bar byin gyis brlabs nas gnam thig dang sa thig 'debs pa'o/ /dag pa tshangs pa'i thig ni de ltar

  358. 179b

    gtab pas ni dag cing tshangs par byin gyis brlab pa'o/ /chos kyi dkyil 'khor ba 'dra ba la zhes pa ni 'khor lo ni lte ba dang/ rtsibs dang ldan na/ 'khor du thub bo/ /dpe de dang 'dre bar ston pa dang 'khor gnas la sogs pa dang ldan na/ cho ston pas na 'khor lo'o/ /'khor los ni mchod pa dang 'dra/ /yang dag pa'i ye shes ni nyon mongs pa'i sdug bsngal gcod pa'i phyir/ chos kyi 'khor lo zhes gsungs pa ste/ blo'i dra ba rnams chad nas don mthong ba'i rtags so/ /dra ba ni rtsibs dang ldan pa dang bcas pa bcu drug pa gcig tu byas pa'i tshig ste/ de yang mtshon pa'i rtags te/ chos kyi dbyings ni ye shes rnam par dag pa/ mtshon pa'i rtags lte ba la/ thabs mkhas pa'i thugs rje phun sum tshogs pa'i rtags rtsibs te/ chos ni dbyings la lte bar yang bstan la/ 'khor lo ni phrin las la rtsibs ni thugs rje'i rang bzhin du bstan te/ /dra ba ni mtshon pa'i rtags 'jig rten mtshon byed gzugs brnyan du bya ba yang/ de bzhin du bya ba'i phyir te ye shes mtshon ba ni rin po che'i phreng bas zlum por bskor bas te/ 'dod pa 'byung bas longs spyod rdzogs pa'i sku'o/ /rta'i dkyil 'khor la dpe bzhag go /de ci'i phyir zhe na/ lte bar bcas shing rtsibs bcu drug zhes pa ni/ lte ba ni dbus kyi pho brang zlum po ste chos kyi sku'o/ /bcas pa ni rin po che'i phreng bas zlum por bskor bas te/ 'dod pa 'byung bas longs spyod rdzogs pa'i sku'o/ /rtsibs ni 'khor lo ste/ thugs rje phun sum tshogs pas sems dpa' bcu drug gi rang bzhin du bstan te/ sprul pa'i sku'o/ /de ci'i phyir zhe na/ rim pa gsum dang ldan pa zhes pa ni/ rim pa ni phyi nas nang du 'jug pa gsum dang/ nang nas phyi ru 'byung ba gsum du bstan to/ /nang nas phyir 'byung ba ni lte ba dang/ rin po che'i phreng ba dang ?

  359. 180a

    rtsibs su bstan to/ /de la lte ba ni kun rig rnam par snang mdzad chos kyi sku'i rtags su bstan to/ /rim pa ni ma 'dres pa'i 'byung ba'i tha tshig /rin po che'i phreng ba ni rigs bzhi'i sangs rgyas dang/ rigs kyi yum ste/ longs spyod rdzogs pa'i sku bde ba chen por bstan to/ /rim pa gsum pa'i rtsibs ni sprul pa'i sku ste/ sems dpa' bcu drug la sogs pa'i 'jig rten las 'das pa'i 'khor gyi rang bzhin te/ sprul pa'i skur bstan pa'o/ /rdo rje ra ba phyin chad ni sprul pa'i 'khor 'jig rten las 'das pa dang/ 'jig rten par shes par bya'o/ /phyi nas nang du 'jug pa'i rim pa gsum ni sgo la sum rim du bstan to/ /de bzhin gshegs pa sku gsung gi sgo nas/ 'gro ba'i don mdzad pa'i rim pa la/ de ltar 'gro ba byang chub rnams la bkod nas theg pa chen por sems bskyed par byed pas na phyi nas nang du 'jug pa'i tha tshig go /da ni 'khor lo'i don ston te/ rtsibs ni nyes 'gyur nyid du bya zhes pa ni rtsibs ni 'khor lo'i lte ba ste/ de la nyis 'gyur du bya ba'i dbus kyi rin po che'i phreng ba tshun chad kyi rim pa ma gtogs pa gnyis yod pa ste/ de yang rin po che'i phreng ba dang/ gong ras nyis 'gyur du lce la btang ba'i phyir na/ rtsibs ni nyis 'gyur ro/ /de ni thabs dang shes rab kyi sgo nas 'gro ba'i don mdzad ba'i phyir na nyis 'gyur te smos te/ dkyil 'khor don bsdus pa bshad zin to// //da ni dkyil 'khor gyi lha gtso bo 'don to/ /de ci'i phyir zhe na/ dbus kyi phyogs su kun rig ni zhes pa gsungs te/ thams cad kun gyi rang bzhin yin pas na dbus zhes smos so/ /dus gsum gyi don phyin ci ma log par shes pas na/ kun rig gi phyogs ni 'jig rten dang mthun pa dang/ don gsal

  360. 180b

    bar bstan pa'i phyir smos so/ /dung dang kun+ta zla 'dra zhes pa ni/ mtshan ma'i skyon dang bral bas na dung ltar dkar bar bstan la/ byang chub kyi sems bde ba'i rang bzhin gyi snum pa'i rtags su rti me tog kun ta ltar zlum par bstan to/ /zhal bzhi pa la rdo rje ni zhes pa ni phyogs dang ris med pa bdag med pas thams cad mnyam pa'i rang bzhin la zhal bzhi smos te/ de ci'i phyir zhe na/ de ni ye shes bzhi rtogs pa'i rang bzhin yin pas spros pa'o/ /rdo rje ni thugs rnam par dag pa rdo rje ltar 'dus ma byas pas mtshan ma thams cad dang bral ba'i rtags su bstan to/ /gdan ni de lta bu'i ngang la bzhugs pa dang/ mi mda' ba' i phyir smos pa'o/ /yang dag bzhugs ni zil gyis mi non par bzhugs pa dang/ mi rtog par bzhugs pa'i tha tshig go /mdun du ngan song kun 'dren ni zhes pa ni/ mdun ni shar phyogs te me long lta bu'i ye shes kyis snang ba ste/ nyon mongs pa 'joms la song ni sdug bsngal rdo rje lta bu'i ye shes kyis 'joms shing 'dren pas kun 'dren no zla ba rgyas dang ba mo'i mdog zhes pa ni sku zla ba'i maN+Dal du gyur pa ni zla ba'o/ /ba mo'i ni dkar la 'tsher ba ste/ sku la skyon gyi bag chags dang bral bas ni dkar la/ yon tan sna tshogs 'byung bas na 'tsher ro/ /rgyan rnams kun gyis legs par rgyan zhes pa ni/ dbu rgyan dang se mo do la sogs pa'i rgyan sna tshogs pas spras pa'o/ /legs par rgyan mdzes pa dang lta na sdug pas ni ting nge 'dzin gyi rtogs so/ /rgyal mchog skyes bu gang bas na gang ba'o/ /brin ni mtshon cha bkod pa'i tha tshig go /rgyab tu shAkya rigs dbang po zhes pa ni zhal shir du gzigs pa'i rgyab nub tu nye ba so sor rtog pa'i ye shes ni rgyab las skyes pa ni ci'i phyir zhe na/ 'khor rgyab lta bu las ye shes kyis 'khor ba'i gzung 'dzin bcom pas na rgyab

  361. 181a

    nas skyes pa zhes bya'o/ /shAkya ni rigs phun sum tshogs pa ste/ rgyal po shAkyA nyi ma dmar po'i rigs te/ rus ni gau ta ma'o/ /thub pa ni sku gsung thugs thub pas mi dge ba spangs te/ ye shes kyi rang bzhin yin pas thub pa zhes smos so/ /gtso bo ni khams gsum gyi bdag po rkang gnyis kyi mchog /lha dang mi'i gtso ste/ bri ba'i tha tshig go /g.yas dang g.yon gyi phyogs rol tu zhes pa ni/ zhal shar du gzig pa'i g.yas ni lho ste/ de ni mnyam pa nyid kyi ye shes kyis 'khor ba g.yon phyogs dang 'dra ba'i lam las bsgral te/ g.yas phyogs bde ba chen po bla na med pa'i lam la bkod pas g.yas so/ /g.yon ni bya ba nan tan gyi ye shes kyis phrin las kyi bdag nyid g.yon phyogs dang 'dra ba'i sems can 'khor ba las 'dren par mdzad pas na g.yon te byang phyogs so/ /rgyal mchog rin chen me tog gnyis zhes pa ste/ mnyam pa nyid kyi ye shes kyis nyon mongs pa can gyi yid dang bdag tu 'dzin pa ni nga dang bdag med par bcom pa na rgyal mchog go /rin chen ni bya ba grub pa'i ye shes kyi phrin las sna tshogs par mdzad pas na rin chen no/ /me tog ni 'dam gyi nang na 'dug kyang 'dam gyi skyon dang bral ba ltar 'khor ba la thugs rjes phrin las mdzad kyang ma gos pa'i rtags smos so/ /dbus kyi gtso bo rigs lnga'i don bsdus pa bshad zin to// //da ni mnyes par byed pa'i ye shes kyi lha mo rigs kyi yum chen mo rnam pa bzhi dbus kyi pho brang zlum po'i mtshams kyi re'u mig med pa'i don ston te/ de yang ci'i phyir zhe na/ lo tsA na dang mA ma kI/ de bzhin dkar mo sgrol ma rnams zhes gsungs te/ sku'i lha mo lo tsA na te/ de bzhin gshegs pa'i ye shes kyis gzigs pa'i yum ste/ sangs rgyas

  362. 181b

    spyan du gsungs/ ye shes kyi sku la chos nyid rgyan yum du bstan pas sangs rgyas spyan no/ /mA ma kI byang chub kyi sems bde ba chen po gzhan las byung zhing che ba rin po che lta bu mi chad pa longs spyod pas ratna mA ma kI'o/ /na bza' dkar mo'i ting nge 'dzin tshul khrims kyi na bza' dam pa dang ldan pas nyon mongs pa'i 'khor ba nyes skyon gyi rnam pas mi tshugs pas na bza' dkar mo'o/ /dam tshig sgrol ma ni sngon gyi phrin las mnga' ba'i 'bras bu da ltar phrin las rgya mtsho lta bu la mnga' mnyes pas khams gsum gyi sems can rnams la thabs mkhas pa'i thugs rjes mi mnga' bar dam tshig gis bsgral bas dam tshig sgrol ma zhes bya'o/ /lo tsA na ni zla ba chos pa la spyan yod pa dang/ mA ma kI rin po che'i mchod sdong dang/ /na bza' dkar mo la pad+ma sgrol ba'i utpal bri'o/ /mtshan gyi lha mo'i don bstan zin to/ /sems dpa' bcu drug 'khor lo'i rtsibs la 'dug pa'i don te/ de ci'i phyir zhe na/ rtsibs kyi nang ni thams cad du rdo rje sems seg? sems dpa' mchog/ /zhes gsungs pa ni rtsibs ni 'khor lo'i rtsibs bcu drug bstan pa'o/ /nang ni 'khor lo'i lci la bris pa'i tha tshig go /de la shar phyogs kyi rtsibs la bri ba'i sems pa bzhi ni me long lta bu'i ye shes kyis kun gzhi gnas gyur pa'i thabs te/ 'dul ba'i dbang du sku sprul te yang dag pa'i ye shes kyis chos nyid kyi don la sems dpas na/ rdo rje sems dpa' o/ /nyon mongs pa'i bdud las rgyal bas rdo rje rgyal po/ /thabs mkhas pa'i thugs rjes 'gro ba'i don la chags pas rdo rje chags pa'o/ /yang dag pa'i ye shes gzung 'dzin gyi skyon gyis ma gos pas rdo rje legs pa'o/ /thabs mkhas pa'i thugs rjes 'gro ba'i don la sems dpa' dang/ yang dag pa'i ye shes

  363. 182a

    kyi chos nyid kyi don la sems pas shar phyogs su bri'o/ /mnyam pa nyid kyi ye shes kyis nyon mongs pa'i yid nga dang bdag tu blta ba 'dul ba'i phyir lho phyogs kyi sems dpa' bstan te/ yang dag pa'i ye shes la gzung 'dzin gyi skyon ma gos pas che ba'i yon tan sna tshogs pa 'byung bas rdo rje rin chen no/ /sku gsung thugs ye shes kyi gzi brjid dang ldan pas rdo rje gzi brjid do/ /yang dag pa'i ye shes kyi nyon mongs pa'i bdud las rgyal bas na rdo rje rgyal mtshan no/ /sku gsung thugs mi zad rgyan gyi 'khor los las thabs mkhas pa'i thugs rjes 'gro ba'i don la bzhad pas na rdo rje bzhad pa'o/ /so sor kun tu rtogs pa'i ye shes yid kyi rnam par shes pas yul la rang thad du mchod pas 'khor ba'i rgyu yin pas gdul ba'i phyir ro/ /thugs rjes nub kyi sems dpar sprul ste/ bzhugs pa ni so sor kun tu rtogs pa'i ye shes kyi chos spyi dang/ rang gi mtshan nyid la ma rmongs pas rdo rje chos rab pa/ /yang dag pa'i ye shes kyis nyon mongs pa thams cad rtsad nas gcod pas rdo rje gnon po'o/ /thabs mkhas pa'i thugs rjes 'khor ba kha lo bsgyur bas rdo rje 'khor lo'o/ /gsung rnam par dag pas 'gro ba la chos ston pas rdo rje smra ba'o/ /sgo lnga'i rnam par shes pa yul la rang thad du gcod pas 'khor ba'i rgyu ste/ gdul bya'i thabs su byang phyogs kyi sems dpar sku sprul te/ bya ba grub pa'i ye shes kyis de bzhin gshegs pa'i phrin las sna tshogs su mdzad pas rdo rje las rab bo/ /phyin ci log gi gzung 'dzin gyis mi tshugs pa'i go skabs pas rdo rje bsrung ba'o/ /rdo rje lta bu'i ting 'dzin gyis nyon mongs pa'i bdud 'dul ba rdo rje gnod sbyin yang

  364. 182b

    dag pa'i shes rab kyis rtogs pa thams cad kyi mdza' spangs pas rdo rje khu tshur ro/ /da ni phyi nang gi gru chad kyi lha mo'i don to/ /de ci'i phyir zhe na/ mkhas pas lA sye la sogs pa'i mchod pa'i gru'i phyogs su bri zhes bya ba ni/ khams gsum gyi lha chen po 'dod chags can gdul ba'i thabs su nang gi lha mo bzhir bstan te/ ye shes mtshon pa'i yul du byung ste/ khams gsum gyi sems can dang/ cha bstan pa'i phyir yang dag pa'i shes rab kyis chos nyid kyi don gsal bar rtog pa'i rtags su lA syer bstan no/ /byang chub sems las 'dod pa sna tshogs 'byung bas mA ler bstan to/ /yang dag pa'i chos ston pa'i rtags su kI tIr bstan no/ /thabs mkhas pa'i mdzad par gar thabs dang 'dra ba'i rtags su ni tI bstan to/ /de ni ye shes kyis rtogs pa'i yul dbyings mtshon pa'i rtags 'dul ba'i dbang du bstan no/ /de ni nang gi gru chad la smos so/ /de'i 'og tu phyi rol dang chos mthun pa'i dus rnam pa bzhi'i chos kyi dbyings la 'da' ba' i phyir mchog pa'i rtags su phyi'i gra ched kyi lha mo'i don bstan te/ dus snga ma dang phyis ye nas ma skyes pa'i chos nyid du la 'da' ba' i phyir badzra d+hu ra ste/ tshul khrims kyi dris nyon mongs pa 'joms pa'i phyir ro/ / dus da lta dang dbyar gyi ngo bo gnas su dag pa ni badzra puShpa ste/ ting nge 'dzin byang chub kyi sems me tog tu gtor ba'i phyir ro/ /dus ma 'ongs pa dang ston ma skyes pa ni badzra A lo ke ste/ yang dag pa'i shes rab sgron ma lnga du ? pa'i yul lo/ /dus 'byung ba dang dgun gyi ngo bo yi nas steng zhing mi dmigs pa'i mtshon pa'i rtags badzra g+han d+he/ shes rab ye nas dag pas rtogs pa'i yul lo/ /de rnams ni ye shes rnam pa bzhi dang/ phrin las rnam pa bzhis

  365. 183a

    'gro ba'i don mdzad pa yang chos nyid las ma g.yos pa'i rtags su bstan no/ /phyi nang gi lha mo'i don bstan zin to/ /da ni ye shes kyi phrin las tshad med pa bzhi ste/ bsdu ba dang dngos po rnam bzhis 'gro ba'i don mdzad pa'i rtags sgo ba bzhi'i don to/ /sgo'i phyogs ni thams cad du sgo ba bzhi ni bri bar bya zhes pa ni/ yang dag pa'i shes rab kyi lcags kyus 'khor ba'i sems can nyon mongs pa las 'byin pa'i rtags su lcags kyur stan/ thabs mkhas pa'i thugs rjes zhags pa dang 'khor ba dag 'dzin pa'i rtags su zhags par bstan/ ting nge 'dzin ye shes kyis ngo bor gnyis su med par ston pa'i rtags su lcags sgrog tu bstan/ gsung rab rgya mtsho'i ngo bos chos ston pa'i rtags su dril bur bstan/ de ni ye shes kyi sprul pas sgo smos so/ /da ni thugs yang dag pa'i ye shes skyes pa'i rgyal sras/ sngon gyi bsod nams kyi tshogs kyis sangs rgyas kyi zhing khams mdza' yas par shes pa'i rtsal sbyong ba sngon gyi bsod nams kyis 'dul ba'i dus la skad cig tsam bzhes pa bskal pa bzang po'i byang chub sems dpa' bcu drug smos te/ rim pa dang po'i sna la bkod pa'i don te/ /ci'i phyir zhe na/ rta babs khyams ni thams cad du byams pa la sogs bri bar bya zhes pa ni/ thugs chos nyid las ma g.yos pa'i rtags su ni/ shar phyogs kyi sems pa bzhi bstan te/ bdag don mthar phyin pas gzhan don rtse cig tu mdzad pas na byams pa'o/ /snying rje'i blo mkhyen pas 'jam pa'i dpal dang/ tshul khrims kyi stobs dang ldan pa smos kyi glang po dang/ thabs mkhas pa phrin las kyis 'gro ba'i re 'dod

  366. 183b

    skong ba ye shes tog dang bzhi shar phyogs khyams su bri'o/ /lho phyogs kyi sems pa bzhi smos te/ lta ba dang spyod pa yongs su dag pas thams cad chos nyid la 'da' bas bzang skyod dang/ lta spyod rnam par dag pa dang ldan pa don yod mthong dang/ chos nyid kyi don la thugs rjes char 'bebs pa nam mkha' i mdzod dang/ thabs dang shes rab kyi spyod pa mi zad pa dang blo gros mi zab pa dang bzhi bri'o/ /nub kyi sems dpa' yon tan gyi tshogs rdzogs pas na nub phyogs kyi bzhi smos te/ brtson 'grus kyi don dang ldan pas spongs pa brtsegs dang/ mi shes pa'i ri bo 'joms pa mthu chen thob dang/ yang dag pa'i shes rab 'khor gting nas 'joms pa ngan song kun 'dren dang/ yang dag pa'i shes rab gzung 'dzin gyi skyon spangs pa ngan song kun 'joms dang bzhir gzung 'dzin rnam pa gnyis nub pas na nub tu bri'o/ /byang phyogs kyi sems dpa' bzhi smos te/ thabs dang shes rab zung du 'brel ba dra ba can dang/ 'khor ba'i skyon gyis zug rngu dang bral ba zla 'od dang/ bsam pa mngon par rtogs pa dang ldan pa bdud rtsi 'od dang/ lta ba spyod ye nas dag pa kun tu bzang po dang bzhi/ sgrib gnyis byang bas na byang phyogs su bri'o/ /bskal pa bzang po'i don bstan zin to/ /bskal bzang gi snam bu la dpe med pa'i byang chub sems dpa' bcu drug spel mar 'byung ste/ dpe med pa bcu drug ni de bzhin gshegs pa'i ye shes las skyes nas/ dbang du thugs rje'i sku 'byung zhing nyon mongs pa las rgyal ba zhes bya'o/ /da ni theg pa chung ngu rnams gzengs bstong par byed pa'i thabs su byung bas ci'i phyir zhe na/ nyan thos rgyal ba thams cad dang zhes pa ni de la nyan thos sna la smos pa ni de bzhin gshegs pa'i thugs 'dul ba'i zhing yin pa'i phyir smos la/ dpe med pa phyin smos pa ni thugs rjes

  367. 184a

    'dul ba'i zhing la 'byung ba'i phyir dang/ tshig bsgyur ba'i thag tu shes par bya'o/ /de la dpe med pa bcu drug ni/ shar du thugs mchog dpe med pa bzhi ste me long lta bu'i ye shes kyis thabs mkhas pa'i thugs rjes 'khor ba'i rgyun gcod pas na ngan 'joms/ nyon mongs pa'i mun pa sel bas na nyon mongs mun sel sdug bsngal 'joms par byed pas ngan song 'dren mdzad/ nyon mongs pa 'joms pas srid pa'i mcho sgrol/ sku mdog dkar po rdo rje lcags khyu bsnams pa'o/ /lho phyogs su sems can gyi 'dod pa skang ba'i phyir/ yon tan dpe med pa'i byang chub sems dpa' bzhi smos te/ mnyam pa nyid kyi ye shes dang ldan pa ni/ /dgos 'dod skod pa rin chen mdzod/ /ting nge 'dzin gyi ye shes kyi dga' ba dang ldan pa dge blo gros/ /yang dag pa'i don mthun par smra bas na don mthun yid 'ong yang dag pa'i ye shes kyi dran pa dang ldan pas dran pa'i stobs mchog sku mdog sngon po rin chen 'bar ba bsnams pa'o/ /nub tu gsung mchog dpe med pa bzhi smos te/ so sor rtog pa'i ye shes kyi nga ro dang ldan pas na dge 'byung gnas dang legs pa'i yon tan ldan pas legs pa'i tog /nyon mongs pa'i sems can pa rnams srid pa'i mtsho las sgrol bas na srid mtsho sgrol/ bden pa'i gsung rnam par dag pas na bde ba'i 'byung gnas so/ /sku mdog dmar po pad+ma bsnams pa'o/ /byang phyogs su phrin las dpe med pa bzhi smos te/ bya ba grub pa'i ye shes rab tu 'bar bas/ brtson 'grus kyis 'gro ba'i don mdzad pas na brtson 'grus mi ldog pa/ che ba'i yon tan chen po dang ldan pa na ston mdzad do/ /sems can gyi the tshom gyi thag pa gcod pas na the tshom nyid 'gyur/ so sor rtog ye shes kyi nga ro dang ldan pas nga ro snyan/ /sku mdog ljang gu me tog utpa la

  368. 184b

    bsnams pa'o/ /de rnams mtshan ma'i dngos po dang bral bas na dpe med/ dang po'i skyon gyis mi tshugs pas na rgyal ba zhes bya'o/ /da ni sngon pa'i sku'i zhabs 'bring sprul pa'i sku'i 'khor yin pas na 'jig rten las 'das pa'i snam bu gnyis yod pa'i tha ma la bri ste/ ci'i phyir zhe na/ gzhan la rag lus pa'i phyir na ston pa la gus par nyan cing rna ba'i dbang pos thos nas gzhan la ston pa'i phyir na nyan thos so/ /spyir ni dge slong stong nyis brgya lnga bcu 'dus pa'i tsha yod kyang/ 'dir gtso bo mchog bcu drug bri bar 'byung bar smos te/ nyid kyi gcung po dga' 'o/ /sku'i sras sgra gcan 'dzin/ /shes rab can gyi mchog shA ri'i bu/ 'dri zhing lan 'don pa la mkhas pa'i mchog rab 'byor shar phyogs su'o/ /rdzu 'phrul can gyi mchog mo rgyal / yab rgyal po zas gtsang la sogs pa khyim pa dad pa bskyed pa 'chang ka'o/ /rdzu 'phrul gyi spyan dang ldan pa ma 'gags pa dang/ ston pa la dam pa'i chos thos pa snga ba kau di n+ya dang/ 'dul ba 'dzin pa nye ba 'khor dang/ bdud kyi gtso bo dang par byed pa ta thul/ 'gog pa'i ting nge 'dzin la dbang thob pa'i ba lang bdag /zhabs 'bring gnyag mar gnas pa kun dga' bo/ /shAkya rnams kyi skra 'greg mkhan yin pas na shAkya ming chen/ bslab pa kun sbyin nor sbyin 'dzin / sbyangs pa'i yon tan gyi rang bzhin yin pas gang po/ zhal ta'i sku 'gres pas 'od srungs de rnams bri'o/ /de rnams ni drang srong dang/ bar bu dang bsil yab dang rin po che bsnabs pa'o/ /nyan thos rnams kyi don bstan zin to/ /da ni nyan thos kyi snam bu la rang sangs rgyas rnams kyang spel mar bri ba 'byung ste/ ci'i phyir zhe na/ de bzhin rang rgyal gtso bo rnams zhes gsungs te/ de ni sngon nyan thos blo rnon po rnams shugs kyis smon lam dbang btsan pas/ sangs rgyas mi

  369. 185a

    bzhugs pa'i zhing khams su rang gi byang chub rang gis tshol zhing rnyed pas na rang rgyal ba'o/ /de la bcu gnyis bri ste/ nyon mongs 'joms pas gdung sel dang/ ting nge 'dzin la dbang thob pas na snang ba rtsegs dang/ 'khor ba skrag par byed pa'i don mnga' bas na/ rang sangs rgyas 'jigs par byed pa dang/ de gsum shar phyogs su'o/ /'khor ba'i rlung gis mi bskyod pas na ri bo rgyal/ shes pa'i rtsal dang ldan pas na shes rab mgyogs chen 'khor bas mi bsnyel bas dpa' bo 'dul ba/ lho phyogs su'o/ /gsung gi sgra dang ldan pas na sgra chen/ ting 'dzin rtse gcig par gyur pas na bser ru lta bu/ nyon mongs pa'i gdung ba sel pas na gdung sel nub phyogs ? sprul pa'i cho 'phrul dang ldan pas na rdzu 'phrul cher ston/ 'jigs pa thams cad dang bral bas na sang ge lta bu dang/ ting nge 'dzin 'gyur pas na rang sangs rgyas pa yid 'gyur te/ de rnams ni bsil yang dang zla ba tshes pa dang/ me 'bar ba bsnams pa'o/ /rang sangs rgyas bshad zin to/ /da ni rnam par thar ba brgyad kyi rtags sgo gsum pa'i bar ma 'jig rten las 'das pa'i sgo'i khro bo'i don te/ /ci'i phyir zhe na/ khro bo sngags gzhug pho nya'i tshogs/ bri ba 'am yang na rung ming yang zhes gsungs te/ yang dag pa'i ye shes kyis nyon mongs pa la khro bas khro ba'o/ /de bzhin gshegs pa'i sku gsung thugs kyi phrin las mdzad pas na/ mngag pa'o/ /sprul pa sna tshogs su 'gyed pas pho nya'o/ /de rtags kyi cha 'dzin pas na khro bo brgyad me long lta bu'i ye shes kyis 'jig rten gsum la rab tu gsal bas na 'jig rten gsum snang ngo/ /thabs mkhas pa'i thugs rjes 'jig rten

  370. 185b

    'dul pas na 'jig rten gsum 'dul lo/ /shar phyogs kyi sgo g.yas g.yon gnyis so/ /mnyam nyid ye shes kyis nyon mongs pa 'jig pas na 'jig rten gsum 'jig go /nyon mongs pa'i 'khor ba las thar par byed pas na 'jig rten thar byed do/ /lho'i sgo g.yas g.yon ni so sor rtog pa'i ye shes kyis bdud rtsi dang ldan pas na bdud rtsi thabs sbyor ro/ /yang dag pa'i be con bsnams pas nyon mongs pa'i mtshan ma 'joms te be con can ni nub kyi sgo g.yas g.yon ni bya ba nan tan gyi ye shes kyi phrin las dang ldan pas na/ mtshan mas mi g.yo bas na mi g.yo mgon po'o/ /gsung rnam par dag pa'i skal ba dang ldan pas na rta mgrin no/ /byang gi sgo g.yas g.yon no/ /de rnams ni de bzhin gshegs pa'i ye shes kyi 'gro ba 'dul pa'i don du phyung ste/ ming dam thig le 'am mtshan ma gang yang bri zhes pa'i tha tshig go /de rnams ni 'jig rten las 'das pa'i 'khor lha brgya rtsa lnga bshad zin no/ /da ni 'jig rten pa'i snam bu gnyis yod pa'i maN+Dal gyi don to/ /de ci'i phyir zhe na/ phyi'i dkyil 'khor phyi rim du/ gling bzhi po ni bri par bya zhes pa ni/ 'dzam+bu gling du tshangs pa bri/ phyi ni 'jig rten pa yin pa'i phyir smos la/ dkyil 'khor ni gtso bo dang 'khor du bcas bri zhes pa'i tha tshig go /gling bzhi pa ni phyogs bzhin ma 'dres pa'i phyir smos la 'dzam bu'i gling du tshangs pa bri ba ni/ 'dzam bu'i lho phyogs la tshangs pa zhes bya ba ni/ yA ki na pany+tsi ka dang/ yum lha mo dpal ldan mo gnyis yid kyis bshos pa'i sras sum brgya drug cu yod pa'i nang nas/ mi mjed kyi bdag po tshangs pa ni/ sras mthu bo'i 'dod khams kyi nyon mongs pas tsha ba'i gdung pa dang bral bas tshangs pa/ 'khor pa'i gyod khrin dang/ lta ba'i skyon

  371. 186a

    gyis ma gos pas na tshangs pa'o/ /sred pa bskos 'debs pas na 'jig rten mes po tshangs pa'o/ /phyag na gun d+he bsnams pa'o/ /btsun mo tshangs pa'i bang thogs pa dang/ pho nya ni bsngags pa te ma/ mngag gzhug yid du 'ong ba ral gri bsnams pa'o/ /byang phyogs su dbang phyug che zhes pa ni dkyil 'khor gyi byang phyogs su bri ba ste/ lha'i rgyal po yin pa'i phyir ni dbang phyug go /phyag na tri shul yum dka' thub zlog ma phyag na pad+ma kha phye ba bsnams pa/ pho nya rnam pa snang ba dang/ mngag gzhug ded dpon nag po mda' dang gzhu bsnams te/ de bzhi bri'o/ /shar dang nub kyi gling du ni brgya byin khyab 'jug thams cad kyang zhes pa ni shar phyogs su lha'i dbang po brgya byin te/ nor bu ti drug brgya byin cing/ /mchod cing brgya btang ba dang/ sprul pa brgya 'gyed ting nge 'dzin brgya la snyoms par 'jug /sangs rgyas brgya mthong zhing khams brgya spyod pas brgya byin phyag na rdo rje gdengs pa bsnams pa'o/ /btsun mo bde ? dgu po rgyud mang 'dren/ mngag gzhug yid du 'ong ba lha'i bu kun tu snang ba ral gri 'dzin/ pho nya rab tu myur ba'i shugs can rtse gsum pa bsnams zhes pa'o/ /khyab 'jug gi thugs kun tu khyab pa la phrin las ni kun tu 'jug ces bya'o/ /yab ni 'thab bral lha'i dbang po ba su ta de ba/ yum ni ga na pa ti phyag na 'khor lo bsnams/ btsun mo dpal mo phyag na gsal shing bsnams/ mngag gzhug rdo rje bde ba phyag na mche ba bsnams// pho nya rdo rje ded dpon phyag na 'khor lo bsnams pa bri ste/ bcu drug sde nyi shu rtsa gcig go /lha min mkha' lding dri za dang/ /zhes pa ni/ lha yang ma yin pa mi yang ma yin pas na lha ma yin te/ phrag dog zhi bar bya ba'i phyir bri ste/

  372. 186b

    lha ma yin gyi rgyal po rnam par snang byed/ mnga' dang gzhu bsnams pa dang/ sgra gtsan 'dzin zla ba bsnams pa dang/ sum brtsegs ri bsnams pa dang/ he ran ke shu rdo rje bsnams pa/ kun tu snang ba me long bsnams pa/ btsun mo dang bcu gnyis bri'o/ /mkhar lding ni nam mkha' lding ste/ gser mig lcags kyu bsnams pa dang/ g.yog du ma can rdo rje bsnams pa dang/ bya khyud ka ru na gnam lcags kyi sbar zhags bsnams pa dang gsum/ btsun mo gsum ste drug dang rtsa brgyad do/ /dri za ni dri za ba'i phyir dang/ gos su sprin gon nas snang la mi snang ba'i phyir smos te/ zur phud lnga pa me tog gi phreng ba bsnams pa dang/ yul 'khor bsrung pa pi wang bsnams pa dang/ btsun mo gnyis dang bzhi ste nyi shu rtsa gnyis te/ de ltar lha bzhi bcu rtsa gsum byang drang po nas shar phyogs su dngar te bri'o/ /gnod sbyin srin po lto 'phye zhes pa ni/ sems gnod pa dang bcas shing sems pas nor bsgrubs shing sbyin pa'i phyir na gnod sbyin no/ /de la brgyad bri ste/ shar phyogs su yang dag shes zla tshes bsnams pa/ lhor 'phrog gnas rin po che'i sgrom bsnams pa/ nub tu nor bu bzang po nor bu bsnams pa/ byang na dzam+b+ha la ne'u le'i rgyal ba bsnams pa/ shar lhor gar ba bzang po bum pa/ lho nub tu ku bar btson/ nub byang du pany+tsi ka rin chen mdzod/ /byang shar du nor lha'i rgyal po shing tog /btsun mo brgyad dang bcu drug go /srin po ni 'jigs shing gsod pa'i phyir ro/ /laM ka mgrin bcu mda' gzhu/ u pa kar+Na ral gri /bum sna dbyug tho/ btsun mo dang drug ste nyi shu rtsa gnyis so/ /lto 'phye chen po ni ltos 'gro ba'i phyir na rkang lag med de lto 'phye'o/ /rab brtan ni rdo rje bsnams pa/ khyus 'gro ni rin po che bsnams pa/ btsun mo gnyis

  373. 187a

    dang bzhi ste nyi shu rtsa drug go /de ltar na lha brgyad cu rtsa bdun no/ /'byung po yi dags 'dren rnams dang zhes pa ni/ lta ba log pa las byung ba'i phyir 'byung po'o/ /dbang ldan ni phyag na tri shul te/ btsun mo dang gnyis te byang shar mtshams su gong ma dang sres la bri/ yi dags kyis zas 'dod kyang za bar gegs yod pas yi dags so/ /phyi'i sgrib pa can dang/ nang gi sgrib pa can dang/ rang bzhin gyis sgrib pa can/ me lce'i 'khor lo can dang sgo khyud can dang bzhi'o/ /'dre ni bar du gcod pa'i bgegs byed pas na log 'dren nag po chu ltar g.yo ba sprul/ gnye'u thung ba ston nye/ spyi'i tshugs thur ltas kyi/ se'u nya na snying du 'jug pa'i 'dre dang/ dar dpyangs te lce la 'jug pa/ myur rgan te myur bar 'jug pa ral gri bsnams pa drug go /'byung po'i rgyal po dbang ldan pa ni 'khor bco lnga yod do/ /ri dags kyi rgyal po ri dags kyi gdon dang/ skems byed ni gzhon nu'i gzugs su ston pa'i gdon dang/ brjed byed pa ni wa 'dra dang/ khu tshur can ni bya rog 'dra ba dang/ nam gru khyi'i gzugs dang/ srul po phag gi gzugs dang/ dza mi ka rta'i gzugs dang/ 'dod pa can rdo rje'i gzugs dang/ marga byed pa byi la'i gzugs dang bzhin rgyan 'ug pa'i gzugs dang/ mnyal lag can bya gag gi gzugs dang/ bya ni 'dab chags kyi gzugs dang/ mig 'phyang bo ni pha wang gi gzugs dang/ 'jam pa ni ba glang gi gzugs dang/ ma mo ni mi'i gzugs dang/ co lnga ste/ de ltar brgya dgu bcu rtsa bzhi'o/ /klu dang sprul dang ri dags rnams dang zhes pa ni/ klu ni byol song gi rigs te/ rgya mtsho na gnas pas phrag dog dang ldan pa bri ste/ mdza' yas utpal bsnams pa dang/ 'jog po dags

  374. 187b

    sta/ chu lha pad+ma'i sdong po dang/ dung skyong dung bsnams pa/ nor rgyas bum pa bsnams pa/ stobs kyi rgyu sprul gyi bshol bsnams pa/ btsun mo 'de sogs/ pad+ma chen po pad+ma kha bye ba bsnams pa/ rigs ldan rin chen rgyal bu bsnams pa/ dga' bo sprin phung dang ral gri bsnams pa/ nye dga' ba rin chen 'bar ba bsnams/ sprul ni btsun mo bdes mgul nas khyud cing mdzes pa'i rgyan du byes pa ste nyi shu tham pa'o/ /rigs rnams zhes pa'o/ /phyogs skyong ba bcu ni bgegs kyi rigs su gtogs pas rig rnams so/ /brgya byin rdo rje/ gshin rje thod dbyug /chu lha sprul zhags/ gnod sbyin be con/ me lha bgrang phreng/ bden bral ral gri/ dbang ldan rtse gsum/ sa bdag mche ba/ sa'i lha mo bum pa/ nyi ma pad+ma/ zla ba utpa la/ so so'i btsun mo yang gtso bo dang mthun pa can du byi ste/ nyi shu rtsa gsum/ de ltar nyis brgya sum cu rtsa bdun so so'i phyogs su bri'o/ /rgyal po bzhi rnams bri bar bya zhes pa ni 'di'i sgor 'ong ste/ shar du yul 'khor srung ba'i pi wang/ lhor 'phags skyes po ral gri /nub tu spyan mi bzang sprul zhags/ byang du rnam sras ba dan/ btsun mo dang brgyad de/ de ltar lha nyis brgya bzhi bcu rtsa lnga/ /gza' dang skar ma rgyu skar dang zhes pa ni/ gza' ni 'phel ba dang 'grib par ston te/ rnam pa brgyad de/ pa wa sangs me tog phur bu po ti/ lag ba mchod sbyin/ zla ba ku mu ta/ mig dmar bdud rtsi'i bum pa/ sgra gcan 'dzin pad+ma'i sdong po/ nyi ma pad+ma/ spen pa dbyug tho/ btsun mo dang bcu drug go /rgyu skar ni nam mkha' la rgyu ba ste/ dbang ldan gyi phyogs nas me lha'i phyogs su/ smin drug mdog dmar bum pa'i steng na bzhugs/ snar ma mdog dmar gla byu ba

  375. 188a

    dkar po la zhon/ mgo ser po sha ba zhon/ lag dmar po sprul la zhon/ nabs so ser po pad+ma la 'dug /rgyal ljang gu bum pa la 'dug /skag ljang gu bya rog la 'dug /phyag na rin po che'i shing tog bsnams pa'o/ /me lha'i phyogs nas brtsams nas bden bral gyi phyogs su dngar la/ mchu ser po ma he la zhon/ gre ljang khri la 'dug /spo ser gser khri la 'dug /me bzhi ser glang po che la zhon/ nag pa ljang rma bya la zhon/ sa ri dmar ljang gu byug /sa ga rta dkar po zhon/ phyag mtshan rin po che'i shing tog bsnams pa'o/ /bden bral gyi phyogs nas rlung lha'i phyogs su dngar ba la/ lha mtshams mdog ser bya sha'i tshugs 'dra bya la zhon/ sngon dmar ldan par mtshams can la 'dug /snubs mdog ljang gu spal pa la zhon/ chu stod mdog ser phug la 'dug /chu smad ljang gu byi ba la zhon/ byi zhan mdog sngo sre mo zhon gro zhun mdog dmar skur ma la 'dug /phyag mtshan pad+ma'i sdong bu sha dag bsnams pa'o/ /rlung gi phyogs nas dbang ldan par dngar ba la/ mon gre ljang glang khyu ba dkar po la zhon/ mon grum mdog dmar stan nang tshangs can la 'dug /khrum stong ljang ser khri la 'dug /khrum smad ser po rin chen khri la 'dug /nam gru dmar po rta la zhon/ tha skar ljang gu mi la zhon/ bra nye sngon po 'khor lo'i steng na 'dug /phyag na utpal sha dag bsnams pa'o/ /de ltar rgyu skar nyi shu rtsa brgyad de/ de ltar lha nyis brgya brgyad cu rtsa dgu'o/ /khro bo ma rungs mche ba ni zhes pa ni/ khro bo ma rungs pa dmyal ba ste/ las kyi bag chags khros pa'i mthu las snang ste/ ci'i phyir zhe na/ phyin ci log pa'i rtog pa ngan pas bltas pas/ gshin rje rab

  376. 188b

    tu khros pa ni shin tu mi bzad par snang ste/ de'i 'khor ni bsam gyis mi khyab pa las/ mdor bsdus na tsha grangs gnyis te/ tsha ba la brgyad de/ mnar med pa dang/ rab tu tshal dang/ tsha ba dang/ du 'bod chen po dang/ du 'bod dang/ bdud 'joms dang/ thig nag dang/ yang sos dang brgyad do/ /grang pa brgyad ni chu bur can dang/ chu bur rdol ba dang/ so tham tham pa dang/ kyi hud zer ba dang/ a chu zer ba dang/ utpal ltar gas pa dang/ pad+ma ltar gas pa dang/ pad+ma ltar gas pa chen po ste brgyad do/ /nye tshe ba dang/ mdza' 'khor ba gnyis te/ bco brgyad kyang ming ngam brda''am thig le bri/ me'i phyogs nas dbang ldan gyi phyogs su bskor ste bri'o/ /'tshe ba ni nyon mongs pa lnga'i cha shas che bas sdug bsngal gyi bdag gis gzhan la 'tshe bar byed pa dang/ gzhan dag la 'tshe ba'i phyir na 'tshe ba'o/ /de ni 'dod chags bya dang/ gti mug phag dang/ zhe sdang sprul dang/ nga rgyal rtsangs pa dang/ bzhi ste nyi shu rtsa gnyis de ltar lha sum brgya bcu gcig go /bgegs dang bi na ya ka ni zhes pa ni/ bgegs ni dge ba'i bar du gcod cing mtho ris dang thar pa la sgrib pa'i phyir na bgegs te/ spyir ni stong phrag brgyad cu rta bzhi yod pa la/ 'dir ni rnam pa brgyad smos te/ tshangs pa srin po'i gdon dang/ brjed byed kyi gdon dang/ rnon po dang/ grib gnod gyi gdon dang/ skems byed dang/ ma mo'i gdon dang drug gi steng du/ gtso bo bi na ya ka 'khor lo bsnams pa ni btsun mo brgyad de/ lha sum brgya bcu dgu dang/ sems can kun la phan byed pa'i/ /drang srong skal pa chen po rnams zhes pa ni/ sems kyi rnam par shes pa'i tshogs brgyad la nye bar len pa'i phung po lnga dang 'brel pa/ kun ni

  377. 189a

    khams gsum pa kun yin te/ phan pa ni thabs mkhas pa'i sgo nas byed pa'i tha tshig go /de ni drang srong ste/ drang ba ni skyon spangs pa yin la/ srong ba lam drang po la srong ba yin pas so/ /bskal pa chen por btul zhugs dang mthu che ba'i phyir na bskal pa chen po ste/ rnams ni mchog brgyad bri ba'i tha tshig ste/ drang srong ma bzhi rin po che 'bar ba nag pa 'khor lo yang dag shes rdo rje mdan bdar rtse gsum/ gya gyu rin po che'i sgros/ /gyur ming dgra sta/ oM gu me phung/ g.yog dor 'khor lo bsnams pa ste/ me lha'i 'khor ba nas shar lho'i mtshams nas dngar? te bri/ de ltar lha sum brgya nyi shu rtsa bdun ni/ /mkha' 'gro ma dang bud med bri zhes pa ni/ mkha' 'gro ni las dang rdzu 'phrul dang stobs kyis mkha' la 'gro ba ste/ bdud kyi rgyal po mngag pa yin te/ rnam pa brgyad du bstan to/ /lA ma ki'u rim byis dbyug dang/ lA ma co rim mda' gzhu dang/ lA ma phra yo ha rgyal mtshan dang/ lA ma be ta li rdo rje/ lA ma puk+ka si rgyu zhags/ lA ma g+hasma ri thod pa/ lA ma tsanda? li rtse gsum/ lA ma sma sha li rin po che 'bar ba/ lho nas nub tu bri/ bud med ni ma mo chen mo ste/ bud med kyi tshul du gnas pa bud med bco lnga ste/ de ltar lha sum brgya bzhi bcu rtsa gnyis so/ /de bzhin sring mo rnal 'byor ma zhes pa ni/ de bzhin gong ma dang 'dra bar bud med kyi tshul du gnas pas de bzhin sring ma'o/ /ni bzhi ste/ rgyal ma pad+ma bsnams pa dang/ rnam par rgyal ma rdo rje bsnams/ /mi 'pham pa 'khor lo/ /rig sngags 'chang rtse gsum bsnams/ sring mo ltar gdung ba'i phyir na sring mo'o/ /nub nas byang du bri'o/ /rnal 'byor ma ni rnal ni chos nyid la/ 'byor ni rig pa ste/ sku chos

  378. 189b

    nyid la 'byor rtags brgyad du bstan pas na/ bkra shis brgyad de/ pad+ma can dpal dpe'u 'jigs byed 'khor lo/ /rnam par rgyal ba rgyal mtshan/ gdangs can gdugs/ 'od ldan pad+ma/ yid bzhungs pa bum pa/ dri ma med dung 'dzin pa dang/ yid bzangs gser nya ste/ de ni 'jig rten pa'i 'khor dgar gzhug pa'i phyir na/ sprul pa'i sku'i rtags 'jig rten pa'i snam bu bri ste/ de ltar lha sum brgya lnga bcu rtsa bzhi'o/ /'byung ba bzhi'i lha chen zhes pa ni dngos po'i 'byung ba'i gzhi med par 'byung bas na 'byung po'o/ /smin par byed pa me lha gsal ba'i 'od zer me dpung bsnams/ /bdud par byed pas ba ru na sprul zhags bsnams/ g.yo bar byed pas ba ya be spud pa snang bar byed pas sa bdag lag chen 'khor lo/ / de dag ni phyogs skyong bcu'i 'khor du bsdus pa yang yod/ grangs kyi khyad par spyir gtong ba yang yod/ khyim dang ri la gnas pa yang zhes pa ni khyim gyi lha ste/ kun tu snang ba rin chen sgrom ril brten cing gnas pa ni ri'i lha rab tu bstan pa'i blo gros rin po che 'bar ba/ kun dga' i gnas la sogs ljon shing skyes pa'i bdag po byed pas shing gi lha kun nas 'od zer shing tog bsnams/ ma mang po 'dul ba 'am/ chos shad pa 'am dge 'dun gyi ra pa rnams bsru bas/ kun dga' i ra ba'i lha/ kun tu snang ba'i blo gros ljon shing bsnams/ gnas la brten cing bsrung bas na/ /gnas kyi lha tshogs sgo ste/ phyag na 'khor lo bsnams/ dur khrod grong khyer gnas pa rnams zhes pa ni/ dur ni sdud pa la khrid ni 'gyur? bas te/ mi ro rnams kyi khog srungs byed pa'i 'dre 'byung ba'o/ /dge ba kha TwAM ga bsnams/ /grong ni nyung ngu la/ khyer ni mang po ste/ yul khams tsam re la bya ba'i tha tshig go /grong khyer gyi lha bsod nams dge ba'i blo gros phyag na rin po che

  379. 190a

    'bar ba bsnams/ spyir 'byung ba bzhi/ /phyogs skyong khongs su btang ba ni/ /lha sum brgya drug cu rtsa gcig btang ba ni sum brgya drug cu rtsa lngar 'dod ming ngam brda''am yang na thig le rnams kyang bri bar bya zhes pa ni/ ming ni btags pa'i rang bzhin du smos pa'o/ /brda' ni phyag mtshan/ thig le gdan/ tshom bu byas nas bzhag pa'o/ /de nas mkhas pas dkyil 'khor zhes pa ni/ de nas skabs kyi rting thogs su byung ba la bya/ mkhas pa ni sgrub pa po/ gdams ngag dang bcas pa gtan tshig dang sgra bye brag kun la mkhas pa'o/ /dkyil 'khor ni kun rig rtsa ba'i maN+Dal chen po ste/ smos pa 'di nyid la bya'o/ /kun rig ni dus gsum ma 'dres par mkhyen/ rtsa ba ni byang chub sems kyis ni byang chub sems gzung 'dzin dang bral bas/ /dkyil 'khor de ni de las che ba'i yon tan sna tshogs 'byung ba'o/ /chen po phrin las dang thugs rje chen por ston pa'i/ lha sum brgya drug cu po de dag kyang sku gsum 'khor du sbyar ro/ /de yang kun rig rnam par snang mdzad chos kyi sku/ rigs bzhi'i sangs rgyas dang rigs kyi yum longs spyod rdzogs pa'i sku sems dpa' bcu drug dang/ dpe med pa man chad thugs rje sprul pa'i sku/ nyan thos nas gong khyam gyi lha la thug pa'i par thams cad sprul pa'i sku'i 'khor te/ thugs rje sprul pa tha dad par ston pas na/ 'khor yang tha dad par bris pas/ mchod pa dbul zhing maN+Dal gzhung bzhin du byas na bsod nams kyi tshogs skye'o zhes pa'i tha tshig go /da ni maN+Dal gyi rgyan chas ston te/ ci'i phyir zhe na/ bla re rgyal mtshan lhab lhub dang zhes pa nas/ bza' dang ba sbyar ba legs zhes pa'i bar te/ khams gsum gyi bla mar gyur pas bla re dang/ bdud

  380. 190b

    las rgyal ba'i rgyal mtshan dang/ thugs rje'i phrin las kyi lhab lhub dang/ byang chub sems kyi gdugs dang/ phrin las rnga yab dang/ thugs rje'i lda ldi dang/ sku'i phan dang/ tshul khrims kyi na bza' dang/ gser gyi bum pa bcu drug dang/ chos kyi dbyings kyi phyag rgya bstan pa dang/ rigs lnga ye shes kyi bum pa lnga rigs lnga'i chus bkang la bzhag pa dang/ shes rab kyi mar me dang/ thugs rje'i gtor ma dang/ mdzes pa'i lha bshos dang/ ro brgya dang ldan pa'i zas sna tshogs pa dang/ yan lag brgyad dang ldan pa'i yon chab la sogs pa'i btung ba dang/ rnams kyi maN+Dal gyi rgyan chas mchod pa'i brgyan to/ /'khor gyi 'byung po'i kha zas la sogs pa rnams ni bde ste/ bshad mig gos/ da ni slob dpon maN+Dal la 'jug pa ston te/ de nas khrus la sogs pa byas nas zhes pa ni de nas maN+Dal gyi rgyan chas la sogs pa tshangs pa'i rting thog la bya ste/ khrus ni rnam par rgyal ba'i bum pa byin gyis brlabs nas/ phyi'i lus dkru ba dang/ rtog pa'i khyad par gyis nang gi sems bkru ba dang/ bsog bya ba ni/ ches gos dang/ kha zas mngar ba dang/ dkar gsum la sogs pa bza' zhing/ rdo rje 'dzin ma'i phyag brgya bcings nas/ rig pa'i me tog thogs la/ 'phags pa spyan drangs nas/ phyag rgya rnam bzhis gzugs brnyan la phab te/ bdag nyid rtogs pa dang/ goms pa 'jug go /slob dpon maN+Dal du 'jug pa bstan zin to// //da ni slob dpon zhugs pa'i yon tan mtshan ma thob pa'i rtags ston te/ ci'i phyir zhe na/ de nas mtshan ma skyes te mgu nas ni zhes pa ni/ de nas ni zhugs pa'i rting thogs so/ /mtshan ma ni dngos grub kyi rtags te/ dri zhim po dang 'od dam rlangs pa la sogs pa'o/ /skyes te ting nge 'dzin gyi mthu

  381. 191a

    las skye ba dang/ sngon bsags kyi dge bas skye ba'o/ /mgu nas ni rang gi ting 'dzin rtse gcig pas mgu nas rtse gcig pa dang maN+Dal gyis 'phags pa dgyes nas dngos grub ster ba'o/ /thog ma dang tha ma med par mngon sum mthong gi /sngon bsags pa yod na ni dngos grub kyi rtags nye te/ thog ma nas mthong la sngon bsags chung nas rtsol bzhan na ni tha mar mthong ste/ mngon sum ni dbang po'i mngon sum ni/ 'od dam rlabs pa lta bu mtho la/ yid kyi mngon sum ni yid kyis ji ltar bsgoms pas de ltar mthong ba'o/ /rnal 'byor mngon sum ni/ gnas ni gnas kyi ting nge 'dzin dang/ 'byor lhag gi ting nge 'dzin shes rab kyis cha snyoms pa ni mthong ngo/ /mchod yon gsang la sogs pa zhes pa ni/ mchod pa rnam pa lnga yon ni bla ra la sogs bsnams/ mchod pa'i dkyil 'khor gyis 'phags pa mchod/ rtags ni rgyu dang rkyen sngags dang/ ting nge 'dzin rtags pa'o/ /gsang 'di 'dod pa'i yon tan lnga lha mor byin gyis rlabs pas thun mong ma yin pa'i phyir/ gsogs ni thams cad 'tshogs pa la bya/ dbyangs snyan pa'i bstod pa dang/ lha rdzas kyis zhes pa ni/ dbyangs ni dag gis glu len pa la bya'o/ snyan pa ni rnar snyan la/ bstod pa ni yon tan gyi sgo nas bstod de/ lha rdzas mchod pa'i khyad par la bya bas/ dngos grub mi nyams par bya ba'i phyir 'phags pa mchod/ slob dpon zhugs pa'i yon tan mtshan ma mthong ba'i rtags dang mchod pa dang bcas pa bstan zin to/ /da ni 'jig rten pa'i 'khor la/ mchod pa'i sbyin pa la bab ste/ de ci'i phyir zhe na/ de nas 'byung po kun gyi gtor ma zhes pa ni/ de nas ni skabs kyi rting thogs so/ /'byung po ni dge ba'i tshogs

  382. 191b

    la 'byung ba'i phyir na 'byung po te/ 'jig rten pa'i bsod nams can rnams so/ /las kyi bag chags ni dge ba'i mthu las 'byung bas 'byung po ste/ sems can dmyal ba la sogs pa ngan song ba'o/ /kun gyi ni ma lus pa'i phyir te/ maN+Dal du bkod pa rnams so/ /gtor ni phrin las te khyab par byed pa ste/ ma ni len pa'i byed pa ste mi dmigs par gtong ba'o/ /da ni slob ma 'jug pa sten te/ ci'i phyir zhe na/ de nas sngags pa bla med byang chub kyi zhes pa ni/ sngags pa ni slob dpon te/ ting nge 'dzin sngags kyi mthu dpal skye bas sngags pa'o/ /bla med ni rgyu bla na med pa'i sgo nas ni zhugs/ 'bras bu bla na med pa thob pa'o/ /byang chub ni zad pa dang mi skye ba ste/ slob ma de la zhugs pa'i phyir ro/ /ci'i phyir zhe na/ gnas su slob ma yongs su smin par bya/ zhes gsungs so/ /mtshon pa'i gnas ni dkyil 'khor lo/ /rgya'i gnas ni slob ma'i sems so/ /yongs su smin par bya ba ni 'bras bu thob par bya ba'i phyir/ sems ma grel ba grel bar bya ba'i phyir/ slob ma sems bskyed/ rdo rje 'dzin ma'i phyag rgya bcings la/ maN+Dal du slob dpon la yon 'bul lo/ /rig pa'i me tog lha la 'phad pa'o/ /gang la babs pa'i lha de la bstan pa dang/ yi dam du 'char bzhugs pa'o/ /da ni slob ma dam tshig la dpog? pa ston te/ ci'i phyir zhe na/ /de nas sngags pa mkhas pa yis zhes pa ni/ de nas skabs kyi rting thogs so/ /sngags pa ni slob dpon no/ /mkhas pa ni dam tshig sgrog pa la mkhas pa la slob dpon gyis arga byin gyis brlabs nas/ slob ma la dam bsgrag pa'i tshig bshad dang sngags dang skyon yon ni bde ste ma bris pa/ de ni dam tshig dpog ste/ ci'i phyir zhe na/ khyod kyis srog chags bsad mi bya/ zhes pa nas

  383. 192a

    mdor na yid gnyis som nyid mi bya ste zhes pa'i bar ni snying rje rgyun mi 'chad pa'i phyir ro/ /srog mi bcad pa dang/ chags pas khams gsum du 'khor bar ma byin par mi bslang ba dang/ dam pa'i chos dang mi mthun pa'i rdzun du mi smra ba dang/ chags pas ting 'dzin nyams pa'i gzhi yin pas bud med la chags pa mi skyed pa dang nyes pa'i gzhi yin pas chang mi mthung ba dang/ 'byung po'i kha zas sha mi za ba dang/ bsam pa ngan pa'i sbyor ba sems la mi bya ba dang/ dmigs pa'i rten dkon mchog gsum mi spang ba dang/ byang chub kyi sems rjes su gzung ba dang/ lha'i snying po rdzogs pa dang/ phyag rgya rnams rtag tu bya ba dang/ lha dang slob dpon dbyer med pas lta ba dang/ slob dpon gyi bka' las mi 'da' zhing/ lha la phul ba la mi 'gong ba dang/ sngags dang phyag rgya las mi dmad cing dang du bslang pa dang/ gro sngags kyi las mi bya ba dang/ yid gnyis dang som nyis mi bya'o/ /da ni mi 'da' ba' i thabs bstan cing dbang bskur ba ston to/ /de ci'i phyir zhe na/ bdag gi de bzhin dang ni sngags sogs de bzhin pa ni bdag sgrub pa po slob dpon no/ /de nyid ni slob ma nyid la bya/ /sngags rig pa la sogs pa ni mngon par byang chub pa lnga dang/ cho 'phrul rnam pa bzhi la sogs pa de bzhin bdag nyid ji ltar bsgom pa de bzhin du slob ma yang sgom du gzhug pa'o/ /rnam gcig tu ni bdag ni slob ma de bzhin nyid ni/ lha sngags ni lha'i snying po'o/ /sogs ni phyag rgya la sogs pa/ de bzhin slob ma de sgom du gzhug pa'i tha tshig go /de yang ci'i phyir zhe na/ mos pa brtan dang ldan pa dam bcas nas zhes pa ni/ mos pa ni slob ma yid ches pa'i

  384. 192b

    sgo nas so/ /brtan pa ni sems mi 'gyur zhing 'khu ldog med pa'o/ /ldan pa ni yon tan tshangs pa'i phyir smos la/ dam bcas pa ni mi mnga' zhing mi 'gyur bar dam bsgrags nas dbang bskur ba'i don to/ /ci'i phyir zhe na/ bdag gi de bzhin dang ni snga shes sogs de bzhin zhes pa ni/ sarba ni thams cad dkyil 'khor gyi lha rnams so/ /'di ni rig pa ste thugs so/ /ji bzhin ni slob ma ste/ lha ji bzhin du dam bca' ba'o/ /dbang ni thugs te yo ga'i dbang bcu dang/ thabs dang shes rab kyi dbang dang/ rin po che sna bdun gyi dbang dang gsum mo/ /bskur ni slob ma la sbyin pa'i tha tshig go /ci'i phyir zhe na/ bum pa la sogs ji snyed mang thogs la/ bcu po rnams kyis dbang bcu ci dgar bskur zhes pa ni/ slob dpon gyi bum pa thugs kyi ngo bo/ /sarba bid byin gyis brlabs nas/ bdud rtsi bum pa yum shes rab kyi pha rol tu phyin pa'i ngo bo'o/ /byang chub kyi sems ye shes kyi sprul pa 'byung bas slob ma la dbang bskur bas/ nyon mongs pa lnga 'joms pas rigs rnams lnga'i dbang dang/ chos nyid stong pa bum pa'i dbang dang/ thabs mkhas pa thugs rje'i phreng ba'i dbang dang/ byang chub sems dpa' cod pan gyi dbang dang/ mi mnga' ba phyag rgya'i dbang dang/ rgyal ba'i sras yin pas ming gi dbang dang/ de bzhin gshegs pa'i phrin las mdzad pas las kyi dbang dang/ 'khor ba gting nas 'joms pas 'khor lo'i dbang dang/ gnyis su med pa gzungs kyi dbang dang/ chos nyid kyi don mthong bas gsang ba'i dbang dang bcu'o/ de bcu ni slob ma ji ltar dga' bar dbang rim par bskur ro/ /da ni thabs shes rab kyi dbang bskur te/ de nas lag tu rdo rje dang dril bu sbyin? thugs yang dag pa'i ye shes kyi rdo rje thabs kyi dbang dang/ chos kyi dbyings skye ba med pa'i dril bu

  385. 193a

    shes rab kyi dbang dang/ gnyis ni mdza' gnyis la dbang bskur bas thabs dang shes rab bo/ /da ni sa dang po thob pa'i las rin po che sna bdun gyi dbang bskur te/ ci'i phyir zhe na/ 'khor lo la sogs pa rin chen bdun thogs la/ mi dbang phyug 'khor lo thog pa dang/ sdig pa gzhom phyir dbang ni bskur bar bya/ zhes pa ni/ 'khor lo ni gtso bo yin pas sna la smos so/ /sogs kyi khungs su rin po che sna bdun 'byung ste/ byang chub kyi yan lag bdun dang sbyang te/ chos rnam par 'byed pa ni shes rab kyi rang bzhin te/ rang bzhin yan lag go /de'i rtags ni yang dag pa'i shes rab kyis 'khor ba 'joms pas nas 'khor lo'o/ /rin po che ni/ btang snyoms ni mthong bas spong bar bya ba'i ting nge 'dzin spangs nas nyon mongs pa rgyun tu mi 'byung bas/ nyon mongs pa med pa'i yan lag ste/ de'i rtags ni thabs thugs rje nor bu rin po che'o/ /shin tu spyangs pa ni lus sems las su rung ba ste/ 'dod chags la sogs pa mi 'byung bas de'i rtags ni yang dag pa'i shes rab kyis btsun mo'o/ /brtson 'grus ni nges par 'byung ba'i yan lag ste/ so so'i gnas las nges par 'byung ba'i yan lag ste/ de'i rtags ni rdzu 'phrul gyi rta rin po che'o/ /ting nge 'dzin ni mthong bas spang bar bya ba'i nyon mongs pa spong bas gnas kyi yan lag go /de'i rtags ni thabs mkhas pa'i glang po rin po che'o/ /dga' ba'i phan yon gyi yan lag ste/ sa dang po bden pa mthong bas des lus sems las su rung bas phan 'dogs pas na/ de'i rtags ni 'khor ba'i dgra 'joms pa'o dmag mi rin po che'o/ /dran pa ni shes rab kyi rgyu ste/ gnas kyi yan lag yin pas/ de'i rtags

  386. 193b

    ni dran pa dang ldan pa'i khyim bdag rin po che'o/ /mi dbang ni 'jigs pas mthong ba'i phyir ro/ /dbang ni sa dang po thob cing de la longs spyod pas phyug go /sdig pa ni bag chags la/ gzhom pa ni sprul pa'i sku'i 'phro 'du bstims la/ dbang ni byin rlabs la byin pa'o/ /da ni slob ma dga' ba'i gtang rag yon 'bul ba bstan te/ ci'i phyir zhe na/ sngags 'grub phyir ni mos ldan slob ma la zhes gsungs te/ sngags ni nyon mongs pa bcom nas dbang thob pa'o/ /grub pa ni chud ma zos par ro/ /phyir ni yon 'bul ba'i phyir na/ mos pa ni sems la ldan pa ni dang pa'o/ /slob mas ni dbang bskur ba ste/ des slob dpon gyi dag mnyan nas gzhung las byung ba bzhin yon 'bul ba'o/ /dbang bskur ba'i yon tan yang bde snye ma smos so/ /da ni slob dpon gyi rta thabs ston te/ de ci'i phyir zhe na/ sangs rgyas kun dang bla mar mnyam zhes pa ni/ sangs rgyas kun ni dkyil 'khor gyi lha la bya la/ bla ma ni slob dpon te/ mnyam pa ni lha dang 'dra bar blta ba'i phyir/ lha ngo shes su 'jug cing dam mi 'da' bar ston pas mnyam/ slob dpon la ni brnyas mi bya zhes pa ni/ bdag 'khor ba las 'dren cing yang dag pa'i don ston pas na/ slob dpon la brnyas na 'phags pa thams cad la brnyas pa'i tha tshig go /de'i 'og tu grogs mched la brnyas pa ston to/ /ci'i phyir zhe na/ rdo rje spun dang srin mo dang/ zhes gsungs te/ rdo rje ni dam tshig rdo rje ltar srung ba dang/ dngos grub rdo rje bstan pa'i sgo nas bsgrub pa'o/ / spun ni pha ma gcig pa'i don to/ /lha dang slob dpon pha dang 'dra ba dang/ dam pa'i chos ma dang 'dra ba dang/ gnyis pa brten cing gnas pa dang/ mi 'bral zhing 'grogs pa'i phyir na spun no/ /sring mo ni mi sring ltar tshul srung ba dang/ pha ma'i

  387. 194a

    rgyu rkyen gcig las byung ba 'dra bar rgyu rang gi sems la/ rkyen rang slob dpon gyi bka' drin gyis 'bras bu bla na med pa 'byung ba'i phyir na/ sgrub pa'i grogs ni mi brnyas par rtse gdung bya ba'i tha tshig te/ zhib tu gzhung las smos so/ /da ni dkon mchog gsum po la gnod pa byed pa la/ bzod pa mi bsgom pa ston te/ ci'i phyir zhe na/ dkon mchog gsum la gnod byed la/ dkon pa ni rgyu bsgrub par dka' ba dang/ 'bras bu thob par dka' ba'i phyir dkon mchog ni rkang gnyis kyi mchog sangs rgyas/ /'dod chags dang bral ba'i mchog dam pa'i chos/ /mang po 'dus pa'i mchog dge 'dun te/ de gsum la gnod pa byed pa la bzod pa mi bskyed de/ ci'i phyir zhe na/ nyes pa byed pa la chad pas mchod na/ glang po che rdzing snyog pa ltar/ yul la nyes pa 'phel ba'i gzhi'o/ /sgrub pa myur du grub par 'gyur zhes pa ni/ sgrub pa po gong ma'i don la bya/ myur ba ni gus par grub pas mi thogs pa'i phyir ro/ /'gyur ni ras dkar po dmar por bya ba'i mthu rtsod la yod pa dang 'dra bar/ 'bras bu bla na med pa'i rgyu ni rang gi sems la yod pa'i tha tshig go /kun rig rtsa ba'i dkyil 'khor yan lag dang bcas pa bshad zin to// //da ni bsgrub par bya ba'i thabs sku gzugs kyi don to/ /ci'i phyir zhe na/ de nas bcom ldan 'das kyis lha'i dbang po brgya byin dang zhes pa ni/ de nas ni skabs kyi rting thogs so/ /bcom ni sgrib pa rnam pa gnyis bcom la/ /ldan ni thun mong dang thun mong ma yin pa'i yon tan dang ldan pas te/ lha'i dbang po brgya byin dang/ /gsol ba 'jig rten la phan pa'i tha tshig tu gsungs pa'i tshig tu smos so/ /

  388. 194b

    sgrub pa'i cho ga 'di gsungs so/ /zhes pa ni sgrub pa rnams ni gsum ste/ sku gzugs gzugs brnyan bsgrub pa dang/ dngos grub kyi rdzas sgrub pa dang/ 'bras bu bla na med pa sgrub pa'i phyir na sgrub pa'o/ /cho ga ni zhib mo'i sgo nas bya ba'i tha tshig la/ 'di ni 'og gi don la gsungs pa ni de bzhin gshegs pas gsungs pa'i tha tshig go /bcom ldan 'das thams cad rig pa zhes pa nas sgrol ma zhes bya ba'i bar du ni sku gzugs bri ba'i lha'i khyad par ston te/ ci'i khyad par zhe na/ de bzhin gshegs pa yang dag par zhes pa ni dbus su rnam par snang mdzad dbus su bri'o/ /yang dag pa'i ye shes kyis 'khor ba'i ngan song 'joms pas ngan song 'joms pa g.yas su bri'o/ /'khor ba g.yon phyogs dang 'dra ba la thugs rje dang las skyed pa'i phyir/ shAkya thub pa g.yon du bri'o/ /thabs thugs rje dang ldan pa'i rtags su ngan song spyod pa'i 'og tu spyan ras gzigs bri'o/ /sku gsung thugs gsang ba'i mdzod 'dzin pas/ shAkya thub pa'i 'og tu phyag na rdo rje bri'o/ /nyon mongs pa'i nad bzhi brgya rtsa bzhi gso ba'i rtags su sman gyi bla bri'o/ /dug gsum bdud rtsir bsgyur ba'i phyir/ kun rig gi 'og tu rta mgrin bri'o/ /bdud dang dregs byed gdul ba'i phyir 'jig rten gsum las rnam par rgyal ba rta mgrin gyi g.yon du bri'o/ /yang dag pa'i shes rab kyis rtogs pa'i yul yin pas/ kun rig gi mdun du sangs rgyas spyan gyi zla ba tshes pa la spyan yod pa bri'o/ /g.yas su mA ma kI bri'o?/ /g.yon du sgrol ma bri/ rgyab tu gos dkar mo bri/ /'og tu ma chags pa padmo rdzing bu bris la/ de'i nang du ni/ nyon mongs pa 'khor bar mi gtong ba'i chu srin gyi gzugs dang/ gzung 'dzin rnam pa gnyis dang bral ba'i

  389. 195a

    rtags su spal pa bri'o/ /thugs rje'i rdzu 'phrul gyis 'khor ba'i nye gnas la 'dzin cing 'brel pa'i rtags su sbas pa dkar po 'ang zer bri'o/ /skyon gyi bag chags dang bral zhing thugs rje'i thugs mnga' ba'i rtags su ru sbal dkar po bri/ nyon mongs pa zad par mdzad pa'i rtags su nya dkar po bri'o/ /de rnams ni ye shes kyi rtags dang/ mdzes pa'i rgyan dang thugs rje'i yul gsum ka sbyar zhing shes par bya/ rgyan chas phyi ma ni gzhung las byung bar bas lha mi brjed cing dran par bya ba'i phyir/ bdag nyid kyang thal mo sbyar zhing mchod pa byed pa'i tshul du bri'o/ /da ni mchod pa'i thabs ston te/ de nas ri mo'i gzugs de mngon par mchod de zhes pa ni/ ri mo'i gzugs brnyan ri mo dri'o/ /mngon par ni dbang po'i mngon sum du ri mo bzhag la yid kyi mngon sum ni ting 'dzin gyi maN+Dal du bsgom pa'i don to/ /mchod pa'i rgyu dang rkyen dang thabs so/ /rgyu ni lus ngag yid gsum gyi sdig pa bshags pa'o/ /rkyen ni dngos grub kyi rdzas kyi mar dang/ bu ram dang mdza' ti pha la la sogs te/ dngos grub kyi snod du blugs nas mchod par bgyis pa ni rnam pa gnyis te/ gzugs brnyan mchod pa'i 'bras bu ni/ sku bzhad pa la sogs pa'i rtags 'byung ba'o/ /bdag nyid kyi spyan dbye zhes pa ni/ /bdag nyid na sgrub pa po'o/ /spyan ni sku gzugs kyi spyan no/ /dbye ba ni rnam pa gnyis te/ gzugs brnyan dang mtshan ma'i spyan dbye ba'i thabs dang gnyis so/ /de la gzugs brnyan gyi spyan la yang nyi zla'i maN+Dal bsgoms nas/ bdag gi mig las ye shes kyi dza(rgyud 'grel): spros te/ rang gi maN+Dal nas thugs dam gyi rgyud bskul nas/ bdag gi ting nge 'dzin dang/ chu dang 'o ma 'dres bar gyur te/ grangs kyi bsnyen pa dang/ mtshan ma'i

  390. 195b

    bsnyen pa'i tshul bzhin du byas nas gzugs brnyan gyi sku gzugs la phab ste/ gnyis su med par byin gyis brlabs cing bstan par byas nas ye shes kyi spyan gyis 'gro ba la gzigs pa dang/ byin gyis brlabs par byed pa ni ting nge 'dzin gyi spyan dbye ba'o/ /dngos grub sgrub pa'i rtags bde ste ma bris so/ /de ni byin gyis brlab pa ston te/ ci'i phyir zhe na/ de nas gzugs brnyan de byin gyis brlabs te zhes pa ni/ de nas ni skabs kyi rting thogs so/ /gzugs ni brten de byung ba dang/ mtshon par byed pa'i phyir na gzugs te/ de ni gong du smos pa yin pa byin gyis brlabs te/ zhes pa ni ye shes kyi sku'i sprul pa spros pa sku la phog ste/ sku stong pa nyid du byin gyis brlabs/ /gsung yig 'bru'i 'phro 'du spros te/ gsung la thim pas na gsung smon pa med par byin gyis brlabs pa'i sku gzugs de la dngos grub gsol ba'i phyir spyan sngar mchod pa 'bul zhing bsnyen par bya ba'i don to/ /de ci'i phyir zhe na rtag tu mngon sum 'dug nas kyang zhes gsungs te/ rtag tu zhes bya ba ni mi 'bral bar bya ba'i don to/ /mngon sum du ni dbang pos ni mthong bas lta/ yid kyis na dmigs pa'i ting nge 'dzin gyis ni bsgoms pa'i don to/ /da ni sgrub pa'i gnas brtan te/ de nas dpen pa'i gnas su zhes pa ni sems dpen pa ni phyi yul la mi spro ba dang/ yul dpen pa ni spyi'i skad mi thos pa dang/ ting nge 'dzin dben pas ni sems rtse gcig tu mi 'gyur ba'i klong du gyur pa gnas ni lus kyi gnas ni dben pa yin la/ dbang po dben pa'i gnas ni gzugs brnyan gyi sku yin la/ ting 'dzin dben pa'i gnas ni chos nyid yin te/ bsnyen pa'i don gyi kyus las byung bas ma smos so/ /da ni dngos grub kyi rdzas ston te/ bsod nams snod las ci dga' bar dngos grub ni stsol bar bya/ zhes gsungs te/ sgrub pa pos dbul

  391. 196a

    gyi phor pa 'am/ rin po che'i snod gtsang ma'i nang du dngos grub kyi bu ram dang tsan dan la sogs te mchod pa'i cha rkyen la bsnyen pa tshul bzhin du byas nas/ lha'i dbang por byin gyis brlabs nas/ 'phags pa la yang dngos grub thob tsa na/ mchod rdzas kyi skal pa dbul/ sems can la yang snying rje'i mgron du byin/ bdag gis kyang dngos grub kyi rdzas las longs spyod pa'i phyir gzung phyi ma ni bde ste ma smos so/ /sku gzugs kyi cho ga bsdus pa bshad zin to/ /da ni ma grub na sgrogs pa'i don te/ ngan song las thar par ston te/ ci'i phyir zhe na/ de nas lha rnams kyi dbang po brgya byin gyis zhes pa ni/ phyi rabs kyi sems can rnams la phan 'dogs pa'i don du ma grub na spogs pa'i cho ga ston te/ zhu ba'i yon bdag yin pas na smos so/ /de ltar zhu ba gsol nas ston pas gnang nas bka' stsal pa'i don to /ci'i phyir zhe na/ de bzhin dkyil 'khor bris nas ni zhes gsungs te/ de bzhin zhes bya ba ni gong ma ma'i rtsa ba'i dkyil 'khor chen po nas byung ba de ltar byas pa'i tha tshig go /de yang 'jig rten las 'das pa'i maN+Dal sgo gnyis pa yan chad bri bar 'byung ste/ de ltar gnyis su smos pa yang/ gong gi sgrub thabs yin pas 'og ma ma grub na spogs pa'i cho ga yin te/ /gong ma ni nor bu dri ma med pa'i don du gsungs la/ 'di ni phyi rabs kyi sems can la ma grub na spogs pa'i thabs su shes par bya/ de ltar yang ni bum pa zhes pa ni lha'i grangs so so'i bsnyen pa dbul ba rtags ma byung gi bar bsnyan pa byas nas/ bum pa la b+h+ruM las rin po che'i gzhal yas khang du chos kyi rang bzhin du sgom/ nang gi bcung ye shes kyi 'phrin las thabs thugs rje 'od zer sna tshogs pa 'byung bar bsams la

  392. 196b

    lha so so'i rtsa ba'i sngags dang/ shi ba'i ming spel mar bzla zhing/ /yang dang yang du ting nge 'dzin gyi ngar bskyed nas gzhung las byung ba'i yon tan thob par 'gyur ro/ /da ni de'i yan lag mtshan ma la dmigs nas ngan 'gro las thabs ston te/ ci'i phyir zhe na/ de'i gzugs brnyan bri ba 'am/ gur gum gyis ni ming yang rung zhes gsungs te/ de ni dmigs pa'i rten gang la bya ba'o/ /gzugs ni rten par byed pa'i gzhi rnam par bsam pa'i ro'i gzugs brnyan ras sam shog shog la bris pa'o/ /ming ni gdags pa'i gzhi bod pa'i brda/ gur gum gyis shing bu la bri ba'i tha tshig go /de la sngags dang phyag rgyas rtags ma byung gi bar du dbang bskur zhing byin gyis brlabs na 'grub zhes so/ /da ni ji ltar bya ba'i thabs ston te/ ci'i phyir zhe na/ lha'i gzugs su brtags nas kyang/ mchod rten dbus su bzhag par bya zhes pa ni/ lha'i so so'i sku'i phyag rgyar gzugs kyi ngo bo bsgoms te/ de yang spyi bor kun rig gi yig 'brus byin gyis brlab/ snying khar ngan song kun 'dren gyi yig 'brus byin gyis brlab/ lhag par rgyal ba ye shes tog /rkang 'thil du me tog che rgyas/ khar shAkya thub pa/ cho 'phrul rnam pa bzhi'i rang bzhin du byin gyis brlab cing/ gsung yig 'brus nyon mongs pa skye ba'i yul gzhom pa'i phyir brtags nas spro/ sku tsa klis nyon mongs pa'i rten gzhom pa'i phyir rtags nas spro/ thugs phyag mtshan gyis nyon mongs pa'i rgyu sems spyad pa'i phyir rtags nas spro/ de bas na mchod rten ni maN+Dal byas pa'i tha tshig la/ dbus ni maN+Dal gyi pho brang gi dbus la bzhag pa ni byin gyis brlabs pa dang/ dbang bskur ba'i phyir bzhag zhes bya ba'i tha tshig go /'di ni ma grub na spogs pa'i cho ga ston te/ ci'i phyir zhe na/ ji srid mtshan ma shin tu ni

  393. 197a

    skye 'gyur 'bar ba'i gnas kyang rung zhes gsungs te/ ji srid ni mtshan ma spangs pa dang/ mgrol ba de srid kyi tha tshig go /mtshan ma ni dngos po ste bag chags la/ shin tu ni mang po'i tha tshig go /skye 'gyur ni 'khor bar skye bar 'gyur ba dang/ nyon mongs pa skye bar 'gyur ba'i tha tshig go /'bar ba ste ye shes de ma grub na gnyen po bsgom pa'i don to/ /gnas ni thugs rje'i gnas/ snying rje'i gnas snying rje'i yul yin pas/ de la dmigs pa'i yul gnas zhes smos so/ /de yang ci'i phyir zhe na/ til dang yungs kar 'bras rnams dang/ zhes gsungs te/ nyon mongs pa'i mtshan ma sreg pa'i phyir dang thams cad zhir gzhug pa'i phyir dang bdag nyid kyi khams gsum rnam par rgyal ba'i ting nge 'dzin la bzhugs nas/ til dang yungs dkar dang 'bras dang bu ram sbrang rtsi la sogs pa dang/ ra rgya mo'i 'o ma dang gur kum gnyis bsres te/ yam shing ser bcu gnyis ba la byugs nas/ ya thog ma thog gnyis sbrang rtsir byugs te/ /shi ba'i ming dang bsres te sbyin sreg byas na/ shi ba de ngan song las thar pa'i rtags ni me la blta ste/ me lce mdog dkar ba dang g.yas su 'bar ba dang gyen du 'bar ba dang/ dri ma med ba dang zlum la mi 'phro ba ni ngan song las thar ba'i rtags su ston pa gsungs so/ /yon tan dang skyon rnams kyi ni bde ste brda' sprad par sla'o/ /ma grub na spobs pa'i thabs kyi cho ga ngan song las thar pa'i don bsdus pa bshad zin to/ /da ni ro bsreg pa hom smos te/ ro ni rgyu dang 'bras bu'i tshul te/ rgyu ma rig pa ste/ yang dag pa'i don la mgo rmongs pa'i rtog pa glo bur bas kun gzhi'i sgrib pa ni rgyu'o/ /de ci'i phyir zhe na/ nang gi nye bar len pa'i phung po 'di len pa'i phyir na/ len pa'i rnam par shes pa zab cing phra zhes pa smos so/ /ci'i phyir zhe na/ ro ni shes pa dang bral bas ltar rgyu dang 'bras bu la mgo rmongs pa'i

  394. 197b

    phyir ro/ /phyi'i ro ni 'bras bu'i ngo bo ste/ dbang po lnga'i spyod yul du las dang nyon mongs pas bskyed pas phung po gdos pa can du snang ba'i phyir ro/ /hom ni rgya gar gyi sgra ste/ de las drangs nas sbyin bsreg zhes smos te/ sbyin pa ni thugs rjes te bde ba sbyin la/ sreg pa ni phrin las rnam pa bzhis bsreg pa'i phyir ro/ /de la ro'i rgyu ni nang gi sems te/ gnyen po 'phigs pa'i ye shes rdo rje lta bu'i ting nge 'dzin gyis bsregs la/ 'bras bu'i ro ni 'jig rten gyi mes sreg pa'i tha tshig go /de bas na khams gsum gyi mtshan ma'i rang bzhin te/ dang po gzhom pa'i phyir ni yang dag pa'i ye shes mtshon par byed 'jig rten gyi me dang/ chos kyi dbyings mtshon par byed pas hom khung dang/ thabs thugs rjes mtshon pa'i shing/ ting nge 'dzin las sprul pa gzhan las 'byung ba mtshon ba'i thabs mchod pa'i rdzas dang/ sreg rdzas dang/ mi shes pa dang ba bskyed pa'i phyir na/ tshon rtsi rnam pa lnga dang/ de med na lcags rnam pa lnga 'am/ tha ma ni 'bras bu chen rgyal dog bsgyur ro/ /nyon mongs pa rnam pa lnga gzhom pa'i thugs sarba bid kyis byin gyis brlab pa ston te/ de ci'i phyir zhe na/ khru bzhi pa'i tshad du ni zhes smos te/ khru bzhi pa ni ye shes rnam pa bzhis skye rgas na 'chi'i sdug bsngal sbyang ba'i phyir na gru bzhi pa'o/ /tshad du mi zhes pa ni thab khung sogs gcig gi tshad ni khru bzhi ste/ phyi'i tshad ni khru bcu gnyis te/ brten 'brel bcu gnyis 'khor ba lus las bzlog pa'i don te/ khru bcu gnyis pa kha gsum gcod pa'i dbus ma thab khung ste/ gru bzhi zhes smos pa'i don to/ /de'i tshad phyi ma'i 'og mas ston te/ ci'i phyir zhe na/ cho ga bzhin du khungs rkos la zhes gsungs te/ cho ga ni rnam pa gnyis te/ nang gi zabs dang phyi rol gyi rnam pa gnyis so/ /

  395. 198a

    de la nang gi zabs ni khung brko ba ste/ de ci'i phyir zhe na/ khru gang gi yar gyed de'i phyi rol smos so/ /thab khung la sor brgyad ni 'chad ba la mu ran du bya/ me ri ni dmar por btang ste/ rnam par thar pa brgyad kyi ye shes zhal gdangs pa'i tha tshig go /phyi rol gyi snam bu'i nang du yang kha bzhir bcad de/ phrin las rnam bzhi'i sgo nas 'gro ba'i don mdzad pa'i rtags te/ bzhi'i nang ma gsum du kha bcad de/ gcig la rdo rje ra ba btang ste/ kha khyer cig la sems dpa' bcu drug /gcig la bskal bzang rgyal sras bcu drug/ gru chad kyi nang gnyis la mchod pa'i lha mo brgyad/ bzhi cha gcig la mchod snam dang/ dri rA ka dang/ pAny+tsa rA ga dang/ sgo bzhi mu khyud dang bcas pa'i sa gcad do// de'i sum cha gcig phyir gcad de/ shing rnams bzhag /bzhi cha'i thab ldag kha gnyis su 'chad de/ gong ma'i sum cha la phyed yod de yar bsnan la/ shing gi snam bu la bzhag phyed po de sum cha sum gnyis su btang la/ shing snam dang nye ba'i sum cha gcig mchod snam sum gnyis/ /'jig rten pa'i snam bu bzhi cha phyed ni kha gnyis su btang te/ gza' dang rgyu skar gyi snam bu'o/ /phyi ma sgo snam mo/ /dbus kyi thab khung thig bzhi btab pa'i re'u mig dgur byas la/ dbus su rnam par snang mdzad kyi phyag rgya 'khor lo 'joms pa la 'bur du gtong nas bri/ 'jig rten las 'das pa'i snam bu gnyis ni sems dpa' bskal bzangs shing snam bar du bcug pa ni/ 'jig rten pa phrag dog che ba'i phyir ram 'jig rten dang 'jig rten las 'das pa ngo shes pa'i phyir bzhag go /'jig rten pa'i snam bu gnyis ni bar ma phyogs skyong bcu dang bkra shis brgyad/ tha ma gtsug lag khang gi srung ma dang/ bza' dang rgyu skar dang/ rgyal po chen po bzhi/ de rnams

  396. 198b

    bri ba'i dgos ched ni/ bcom ldan 'das kyi bka' srung dang/ rang gi 'khor gyi gdug pa zhi bar bya ba'i phyir dang/ 'jig rten pa'i mngon rtogs ston pa'i phyir bri/ 'jig rten da ni mchod pa'i rgyan chas ston te/ de ci'i phyir zhe na/ bya dang bum pa gang ba bzhag ces pa dang/ khung bu'i dbus su bzhag par bya zhes pa'i bar ni/ 'khor ba'i nye gnas la phan 'dogs pa'i rtags dngul gyi bya pho bcu drug dang/ chos kyi dbyings kyi ye shes kyi rtags gser gyi bum pa lnga dang thabs dang shes rab zung du 'brel ba'i rtags gtor ma dang/ khams gsum tshim par bya ba'i phyir/ bza' ba dang bca' ba sna tshogs dang/ byang chub kyi yan lag la me tog sna tshogs pa dang/ thugs rje rgyun mi chad pa'i phreng ba dang khams gsum gyi bla mar gyur ba'i bla re dang/ nyon mongs pa'i bdud las rgyal ba'i rtags rgyal mtshan dang/ ting nge 'dzin sna tshogs pa dang ldan pa'i rtags dar sna tshogs pa dang/ nyon mongs pa'i tsha bas gdung ba las bsil ba'i gdugs dang/ ting nge 'dzin la shes pa rtsal sbyong ba dang/ dam rdzas dang ldan par bya ba ste/ sngags dang phyag rgyas byin gyis brlab cing/ ye shes kyi 'od zer dmigs nas sreg rdzas dang mchod rdzas la sogs pa kun ni 'phags pa mnyes par bya ba dang/ dngos grub thob pa'i rtags su khung bu'i dbus su bzhag /da ni ro byin gyis brlab cing rgyas gdab pa ston te ci'i phyir zhe na/ ro la sngags kyis btab nas kyang/ chu mchog gis ni bkru bar bya/ zhes pa ni ro ni rgyu 'bras kyi tshul gong du smos pa'o/ /sde ni rigs rnam pa lnga'i sku bskyed pa dang snying po dang/ nye ba'i snying po dang lnga ste bco lnga'o/ /stong par bsgom pa dang/ rdo rje bsgom pa gnyis te bcu bdun no/ /btab nas kyang ni phyi'i btab pa ni lus la btab pa dang/ nang gi btab pa ni yig 'bru ste /

  397. 199a

    de rnams sprul pa ro la gtims nas dngos po med par bsgom pa'o/ /chu ni bum pa'i nang gi chu ste/ dri zhim po la sogs pa gzhung nas 'byung ba rnams sbyar ro/ /mchog gi snying po bcu bdun gyis byang chub sems zla ba'i maN+Dal du gyur par bsgoms pa'o/ /bkru bar bya ba ni rnam pa gnyis te/ phyi bkru ba bum pa'i chus 'khru ba dang/ nang gi bkru ba ting nge 'dzin gyi 'phro 'dus dag par byed pa'i tha tshig go /bzlas pa dri yis byugs par bya zhes pa ni ting nge 'dzin gyi bzlas pa dang yig 'bru dang 'phro 'du'i bzlas pa'o/ /dri gur kum la sogs pas lus la byug pa dang/ tshul khrims kyi dris byin gyis brlabs pa'i tha tshig go /gos dang rgyan gyis klubs nas kyang zhes pa ni/ gos ni sngags mkhan gyi chas gos dang/ ro'i gos ni phrin las rnam pa bzhi'i las gang byed pa'i tshul du byas la/ rgyan ni sku pre'u ldir gyi cod pan gyi rgyan la sogs pa btags pa dang/ klubs ni mang ba dang mdzes pa'i tha tshig go /da ni ro la sngags kyis byin gyis brlabs cing gdags pa'i don to/ /ci'i phyir zhe na/ sngags bris pa ni gdags par bya zhes 'byung ste/ sngags ni lha so so'i yig 'bru'o/ /bris pa ni gro ga 'am shog shog la bri'o/ gdags pa ni lus la gdags pa'o/ /de'i gnas gang yin zhe na/ snying kha lkog ma phyogs dang/ dpral ba mdzod spu rna ba gnyis/ mgo bo gtsug pud dpung pa gnyis/ sna dang sked pa pus mo bol/ /long bu sna yi rtse mo dang/ mi gnyis dang ni gsang ba'i gnas/ dbang po rnams kyi gnas dag tu zhes gsungs te/ de bzhin gshegs pa'i yang dag pa'i ye shes kyis mtshan ma rnams gzhom par bya ba'i phyir/ de'i gnas ni bcu bdun yod de/ rten 'brel bcu gnyis dang/ de las byung ba lnga ste/ de rnams

  398. 199b

    ni thugs kyi ngo bor sbyar ba'i phyir ro/ /de mtshon pa'i gnas ni lus te/ ci'i phyir zhe na/ sngon gyi bag chags kyis bskyed pa'i rang bzhin yin pas sems rten pa'i gzhi byed pas/ lus thams cad kyi rang bzhin ni mgo bo ste/ de bzhin du ma rig pa ni nyon mongs pa thams cad kyi rang bzhin te/ ci'i phyir zhe na/ ma rig pa mi shes pa'i dbang gis de bzhin nyid dang/ yang dag pa'i mdza' dang/ rgyu dang 'bras bu la mgo rmongs pa'i phyir ro/ /de 'joms pa'i sngags ni rin chen me tog gi nye ba'i snying po ste/ oM sarba bid hUM phaT/ re mgo la gdags shing byin gyis brlab pa tshul bzhin bya'o/ /dpung pa ni las kyi 'du byed la sogs par byed pa'i rgyu yin pas na/ dpe de dang 'dra bar ma rig pa mgo rmongs pas na/ phyi'i yul rnams la 'dod chags la sogs pa'i nyon mongs pa skye ba ni mngon par 'du byed pa'i phyir na 'du byed pa'o/ /de sbyang ba'i phyir shAkya thub pa'i nye ba'i snying po ste/ oM sarba bid a dpung pa la gdags te/ gnyis su med par byin gyis brlabs pa'i don to/ /snying ni khyad par du yang shes pa'i rang bzhin gnas pa yin te/ de bzhin du rnam par shes pa ni 'du byed kyi rkyen gyis so so'i sprul pa rnam par rig cing ma 'dres par mchod pa dang/ bdag gir 'dzin pa'i phyir te/ de 'joms pa'i phyag rgya ni rnam par snang mdzad kyi snying po ste/ oM sho d+ha ni sho d+ha ni sarba pA paM bi sho d+ha ni/ shud+d+he bi shud+d+he sarba karmA a pa ra Ni ba shud+d+he swAhA/ snying gar btags nas byin gyis brlab pa'i don to/ / rked pa ni dang po phung po skye ba'i rgyu byed pa'i rten lte ba'i thad ka nas ma zos ba'i drod kyis reg pas 'tsho bar byed bas na lus byin gyis brlab bo/ /de bzhin du rnam par shes pa'i rang bzhin la las kyi bag chags bgos shing smos

  399. 200a

    pas lhan cig skyes pa'i nye bar len pa'i phung po ni ming dang gzugs 'di 'grub ste/ de 'joms pa'i phyag rgya ni rnam par snang mdzad kyi sku bskyed pa'i sa bon te/ oM sarba bid oM/ rked par byin gyis brlab cing gdags pa'i don to/ /rna ba'i dbang po gro ga gcus te bcad pa 'dra ba ni rnam par shes pa skye zhing 'byung ba'i gzhi byed la/ dper na rgyu ming dang gzugs la rten pa'i dbang po rnams ni skye mched drug ste/ de 'joms pa ni/ kun rig gi nye ba'i snying po ste/ oM sarba bid sarba a ba ra Na bi sho d+ha ya ha na hUM phaT/ rna ba gnyis la gdags shing gnyis su med par byin gyis brlab pa'i don to/ /sna'i dbang po zangs ma'i mo khab gshibs pa dang 'dra ba ste/ yul la brtan nas rnam par shes pa byung nas yul nyams su myong ba'i don te/ de bzhin du yul dang dbang po dang rnam par shes pa gsum 'dus nas nyams su myong nas phrad pa ni reg pa'o/ /de 'joms pa ni me tog che rgyas kyi nye ba'i snying po ste/ oM sarba bid tra tha/ sna la btags la byin gyis brlab nas gnyis su med par bya ba'i don to/ /dpral ba'i do ni bkrag mdangs 'byung ba'i rang bzhin gyi gzhi ste/ de bzhin du reg pas yul dang phrad par gyur pa'i tshe/ tshor bas yul gyi bde sdug nyams su myong ba ni tshor ba ste/ de 'joms pa'i phyag rgya ste/ me tog che rgyas kyi snying po ste/ oM sarba bid tra Da/ dpral bar btags nas byin gyis brlab pa'i don to/ /kha ni zas la sogs pa bsred pa'i rang bzhin gyi rgyu byed pa na/ de bzhin du tshor bas yul gyi bde sdug nyams su myong nas phung po lnga la mngon par zhen pas ni sred pa'o/ /de 'joms pa'i phyag rgya ni shAkya thub pa'i snying po ste/ oM sarba a pa ya bi sho d+ha ya hUM phaT/ shAkya thub pa'i

  400. 200b

    snying po snying khar btags la byin gyis brlab pa'i don to/ /pus mo ni brkyang ba dang/ bskum pa'i rgyu byed de/ pus tshigs te de bzhin du sred pas yul gyi rnam par shes pa la 'phel zhing 'byung ba'i rkyen gyis len pa ste/ me tog 'thub lta bu ste/ yul la bdag tu zhen pa'i don to/ /de 'joms pa ni ngan song sbyong ba'i sku bskyed pa'i snying po ste/ oM sarba bid sa/ pus mo gnyis la btegs te gnyis su med par byin gyis brlab pa'i don to/ /rkang pa'i bol ni phung po brten cing mgyogs par byed pa'i gzhi byed pa ste/ de bzhin du yul la len pas bdag tu gzung pas las kyis ma'i mngal du 'phangs nas/ srid pa'i gzhi bsgrub pa'i sa bon 'byin pas srid pa'o/ /de 'joms pa ni rin chen me tog gi sku bskyed pa'i snying po ste/ oM sarba bid a/ rkang pa'i bol gnyis la btags nas gnyis su med par byin gyis brlab pa'i don to/ /gsang ba'i gnas ni sems can gyi skye ba'i rgyu sa bon 'byung ba'i gnas te/ de bzhin du srid pas srid cing rtas par byed pas phung po smin cing ma'i mngal nas byung nas 'byung ba'i phyir 'byung ba ni skye pa'o/ /de 'joms pa ni rdo rje'i bsgom pa ste/ oM nb+ha gsang ba'i gnas su gdags te/ gnyis su med par byin gyi brlab pa'i don to/ /gtsug phur ni dgags zer rgas pa'i rtags te/ ci'i phyir zhe na/ skra dkar por gyur pa'i rtags so/ /de bzhin du sems can rnams las kyis rab tu bskyed nas/ phung po smin cing mthar thug pa'i rgas pa ste de gdags pa'o/ /de 'joms pa ni me tog che rgyas kyi sku bskyed pa'i snying po ste/ oM sarba bid tra tha gtsug phud du gdags pa te gnyis su med par byin gyis brlab pa'o/ /lkog ma ni dbugs phyi nang gnyis su rgyu ba'i rten srog gi gzungs yin pas de bzhin du dang po skye ba'i rkyen gyis rgas

  401. 201a

    nas khams rab tu 'gyur nas/ nad kyi rnam pa sna tshogs phung po rnam par mi bzod pa'i sdug bsngal sna tshogs pas gzir te/ 'jig pa ni 'chi ba'o/ /de 'joms pa'i phyag rgya ni rin chen me tog gi snying po ste/ oM sho d+ha ni sho d+ha ni sarba a ba ya na sarba dye b+hya hUM/ rin chen me tog gi snying po ste/ lkog mar btags la byin gyis brlab bo/ /long bu ni rkang pa'i tshigs gnas pa'i gzhi ste/ de bzhin du rab tu 'chi bar myos te/ sems can mngon par chags pa dang bcas te/ gang gi sems rab tu gdung ba'i mya ngan no/ /de 'joms pa'i phyag rgya ni shAkya thub ba sku bskyed pa ste/ oM sarba bid hUM/ long bu la btags la gnyis su med par byin gyis brlab/ mig ni yul sna tshogs pa mthong ba'i rgyu mig gi dbang po chu dang ba lta bu ste/ de bzhin du mya ngan gyis sems rab tu gdungs te shin tu myos te/ tshig rnam pa sna tshogs su smre sngags 'don pa ni smre sngags 'joms pa'i phyag rgya ni/ stong par byin gyis brlabs pa'i sngags te/ oM sha/ mig la btags la byin gyis brlab bo/ /mdzod spu ni ngo'i bkrag skye ba'i gnas te/ dpe de dang 'dra bar na/ nang gi rnam par shes pa'i tshogs su lnga dang/ lhan cig tu sdug bsngal sna tshogs myong ste/ rab tu nyon mongs pas ga re bar ni/ sdug bsngal gsum dang brgyud kyi rgyu ste/ de 'joms pa'i thabs kyi phyag rgya ni/ ngan song sbyong ba'i nye ba'i snying po ste/ oM sarba bid hUM/ mdzod spu la btags la gnyis su med par byin gyis brlab bo/ /sna'i rtse mo ni sna ni rnam par shes pa skye ba'i rgyu byed de/ deb de dang 'dra bar sdug bsngal gyis sems gzir cing nyon mongs pa'i tshe/ yid mi bde ba'i 'khrul ba sna tshogs nyams su myong bar gyur nas/ nyon mongs pa'i sdug bsngal sna tshogs pas

  402. 201b

    rang gi sems gzir cing yid 'khrul pa ni yid mi bde pa'o/ /de 'joms pa'i phyag rgya ni ngan song sbyong ba'i snying po ste/ sna'i rtse mo la btags la gnyis su med par byin gyis brlab bo/ /snying po bcu bdun du smos pa ni/ stong pa bsgom pa rig pa'i ye shes so/ /dbyings dang ye shes kyi khyad par las/ rigs lnga'i sangs rgyas 'byung ba'i rgyu yin pa'i phyir yang smos so/ /sems can phyi gzung ba'i yul med pa la/ yul du lta ba'i gnyen po ni stong par bsgom pa smos la/ nang 'dzin pa'i sems med pa la bdag tu lta ba'i gnyen por ni rdo rje bsgom pa smos so/ /phyi la bcos lnga yod pa ni rnam pa gsum du bsdus te/ ci'i phyir zhe na/ de ltar gzhan du yi ge sngags zhes gsungs te/ de ltar gong gi yig 'bru dgod pa'i bye brag la bya ba yin la/ gzhan du ni 'gro ba gzhan gyi don ched du 'di ltar dus yang sbyar ba zhes pa'i tha tshig ste/ ci'i phyir zhe na/ yi ge ni mtshon par byed pa'i rgyu byang chub la bri bar byed pa yin la/ sngags ni rigs pa'i khyad par du stan pa yin te/ de yang rnam pa gsum ste/ byang chub kyi sems rtogs pa'i khyad par las ni snying po rnam pa lngar bstan la/ byang chub kyi sems kyi 'bras bu bla na med pa thob cing sbyin pa'i rgyu byed pas nye ba'i snying po lngar bstan la/ 'bras bu ngo bor bzhag pa'i phyir ni/ sku bskyed pa lnga bstan la/ de la snying po ni rgyu'i don to/ /nye ba'i snying po ni rkyen snying po 'phags pa'i ye shes kyi don to/ /sku bskyed pa'i 'bras bu bla na med pa 'gro ba la bstan pa'i tha tshig go /de la snying po byang chub kyi sems rgyu rnam pa lngas ni ngan song rgyus nyon mongs pa rnam pa lnga ni ngan song gi nyon mongs pa rnam pa lnga 'joms pa'i phyag rgya'o/ /rkyen gnyen po ye shes kyi brtson 'grus/ nye

  403. 202a

    ba'i snying po rnam pa lnga ni ngan song du skye ba'i lam rgyud lnga 'joms pa'i don to/ /sku bskyed pa rnam pa lngas ni ngan song gi rten phung po rnam pa lnga gshig cing 'joms pa'i tha tshig go /de yang ci'i phyir zhe na/ mchog tu dge ba rnam gzhag go zhes gsungs te/ mchog ni thugs kyi yig 'bru rnams la bya ste/ ci'i phyir zhe na/ yon tan gyi mchog tu gyur pa'i phyir ro/ /dge ba'i thabs te gong du gsungs pa ltar/ ngan song gi rgyu lam dang rtog pa bcom nas dge ba la dgod pa'i tha tshig go /de bas na gzhag ces smos pa'i phyir ro/ /sngags kyi yig 'bru btags pa'i don bstan zin to// //da ni ro shing steng du bzhag pa'i don ston te/ ci'i phyir zhe na/ de nas ngan song sbyong ba'i phyir zhes smos so/ /de nas ni skabs kyi rting thogs so/ /ngan pa ni nyon mongs pa rgyu ste/ song ba ni 'bras bu ste/ khams gsum du 'khor ba'o/ /sbyong ba ni rgyu rdo rje lta bu'i ting nge 'dzin gyis sbyang ba dang/ rkyen gnyen pos 'phags pa'i ye shes kyi 'phro dus sbyang ba dang/ ngan song gi 'bras bu 'od zer gyi 'phreng bas/ sku'i sa bon gyis sbyang ba dang gsum mo/ /ci'i phyir zhe na/ stan dang bcas pa de dbus su bzhag pas nyid du bya ba yin zhes gsungs te/ stan ni rnam pa gnyis te/ phyi rol dang chos mthun par bya ba'i phyir na/ shing gi steng du pad+ma 'dab ma brgyad pa bya ba dang/ ting nge 'dzin dang 'brel ba'i phyir ni/ paM las pad+ma 'dab ma brgyad pa maM las nyi ma'i dkyil 'khor la sogs pa'i ting nge 'dzin gyis bsgom pa'i tha tshig go /bcas zhes bya ba ni stan steng du bzhag pa'i tha tshig go /dbus ni pho brang dkyil 'khor du khyer ba'i don to/ /bzhag pa ni de nyid du stan la bzhag par bya ba'i don to/ /ro nyid kyang snying po lnga bkod ba ni

  404. 202b

    nyon mongs pa rnam pa lnga dang bral te/ ye shes rnam pa lngar bsgoms la/ nye ba'i snying po rnam pa lngar bkod pas ni lam rnam pa lnga sbyangs te/ rigs rnam pa lngar bskyed pa dang/ sku bskyed pa rnam pa lnga bskyed pas ni ngan song gi rten phung po lnga bcom nas rin po che lnga'i mched rdzas su gyur pa 'am/ rnam par grol ba'i phung po lngar gyur par bsgoms nas bya ba yin ces smos so/ /da ni gos la sngags kyis gdab cing me spar ba ston te/ de nas sngags 'chang sngags kyis ni/ btab pa'i gos kyis g.yog par bya zhes gsungs te/ de nas ni skabs kyi rting thogs so/ /sngags 'chang ni sgrub pa po las rdo rje'o/ /sngags ni gnyen po ye shes kyi 'od zer gos la 'phro ba'o/ /btab pa ni gos la btab pa'o/ /rigs lnga'i yig 'brus rigs drug kha dog rnam pa lngar byin gyis brlab pa'i tha tshig go /g.yog pa ni ro la g.yog pa'o/ /da ni me sbar ba ste/ de ci'i phyir zhe na/ de nas byin za dge ba rab sbar la/ zhes gsungs te/ de nas mi skabs kyi rting thogs so/ /byin za ni ye shes kyi zhal te/ sreg khang gzhal yas khang ngo/ /ci'i phyir zhe na/ ye shes kyi nyon mongs pa zab cing stongs par byed pa'i tha tshig go /dge ba ni mi dge ba 'joms shing dge bar byed pa'i gzhi yin la/ sbar ba ni shing la me sbar ba'i phyir te ci'i phyir zhe na/ me lce stong gis dkris shing 'bar ba'i lus zhes gsungs te/ de la me ni ye shes/ lce ni phrin las/ stong pa sprul pa/ dkris pa ni thugs rjes 'gro ba'i don la dkris shing 'brel/ 'bar ba ni rang bzhin lus na lha ye shes sems dpa' i lus su bdag dam tshig sems dpa' sgom zhing gnyis su med par byin gyis brlab pa'i lus so/ /de nas sngags pas mchod rdzas ni g.yon du bzhag

  405. 203a

    sreg rdzas ni g.yas su bzhag ste/ me lha ye shes sems dpa' spyan drang ste/ mchod pa sbyin sreg nas 'byung ba bzhin bya'o/ /da ni maN+Dal gyi lha spyan drang ba ston te/ ci'i phyir zhe na/ de bzhin gshegs sogs de ltar spyan drangs la/ zhes gsungs te/ de ni ma nor ba'i chos nyid do/ /bzhin ye shes kyis byin ci ma log par rtogs pa'o/ /gshegs pa ni dbyings te/ ye shes kyi khyad par las rigs lnga'i sangs rgyas su 'gro ba'i don la gshegs pa'o/ /sogs ni 'khor dang bcas pa'o/ /de ltar me la bya ba'i tha tshig go /spyan drang ba ni rang bzhin gyi maN+Dal gyi 'phags pa rnams spyan drangs la bdag gi ting nge 'dzin bskyed pa ni chu dang 'o ma 'dres ba ltar? gyur nam/ ye shes kyi thab khung du rim par mchod pa gong nas bstan pa bzhin du bya ba'i tha tshig go /da ni me brtag pa ston te/ de ci'i phyir zhe na/ de nas byin za la ni brtag bya ba zhes gsungs te/ me lce zlum la 'khyil ba ni/ chos kyi dbyings kyi ye shes kyi rtags so/ /dkar la 'char ba lta bu med ? lta bu'i ye shes kyi rtags so/ /me lce drang por 'bar ba ni so sor rtog pa'i ye shes kyi rtags so/ /mi rtag mi 'phro ba ni mnyam pa nyid kyi ye shes kyi rtags so// me lce gyen du mi 'thor bar 'bar ba ni bya ba nan tan gyi grub pa'i ye shes kyi rtags so/ /de 'phags pa'i gnas skabs so/ /sems can gyi gnas skabs su skyon yon gnyis su bstan te/ yon tan la kha dog dkar bar 'bar ba ni bag chags zad pa'i rtags so/ /g.yas su 'khyil zhing 'bar ba ni 'khor ba las ldog pa'i rtags so/ /gyen du 'bar ba ni mtho ris su phyin pa'i rtags so/ /dri ma med par 'bar ba ni nye gzhi la kha na ma tho ba'i

  406. 203b

    skyon gyis mi gos pa'i rtags so/ /me lce zlum la mi rtags mi 'phro bar 'bar ba na nye gzhi bkra shis so/ /me lce brtan la glog bzhin du dri ma med pa la gsal bar 'bar ba ni nor phyugs 'phel ba'i rtags so/ /de ni me'i yon tan brtag thabs drug go /me'i skyon rnam pa lnga ste/ kha dog kham la mi gsal bar 'bar ba ni bag chags kyi sgrib pa ma 'byongs pa'i rtags so/ /sngo la bslon la me g.yon du 'khyil ba ni mtho ris su mi thar pa'i rtags so/ /me lce thur 'tshub cing du ba dang 'dres nas 'bar ba ni/ nye bzhi la mi khas brtsogs pa'i rtags so/ /me lce 'phro zhing sngon ga tu 'bar ba ni/ nor phyugs mi chags pa'i rtags so/ /me 'tshub cing rlung gis lho phyogs su gsang na rims nad dang yams 'od pa'i rtags so/ /me'i rtags skyon rnam pa lnga'o/ /da ni las kyi lhag chad kyi kha skong ba ston to/ /ci'i phyir zhe na/ de nas spyan drang yo byad lan gsum mchod zhes gsungs te/ de nas ni gong du mchod pa phul ba'i phyi nas bya bar smos la/ spyan drang ba ni/ las kyi lhag chad la bskang ba'i phyir thab khung du rim par lha spyan drang ba'o/ /yo byad ni mchod rdzas dang bsreg rdzas thams cad do/ /lan gsum ni sku gsung thugs la mnyes par bya ba'i phyir/ lha re re la lan gsum gsum dbul lo/ /da ni ma grub na spogs pa'i tshe ga ston te/ ci'i phyir zhe na/ phyag na rdo rje pad+ma'i zhags pa bsnams/ /'jig rten gsum las rnam rgyal gzugs zhes gsungs te/ phyag na rdo rje ni thugs yang dag pa'i ye shes te/ nyon mongs pa'i skyon gyis ma gos pa ni/ phyag g.yas pa na pad+ma bsnams/ thabs thugs rje chen pos 'khor ba mi gtong ba'i phyir ni zhags pa bsnams/ sbyin sreg gi gnas skabs su bsgom pa la/ da ni rus pa

  407. 204a

    rdo rje bsdu ba dang/ ma grub na spogs pa'i cho ga bya ba'i phyir/ bdag nyid de la las kyi khro bo 'jig rten gsum las rnam par rgyal ba sku mdog sngon por 'dug pa/ dbu rgyan rigs lnga'i sangs rgyas kyis brgyan pa dbu gsum phyag drug /dbus g.yas dkar g.yon dmar/ phyag g.yon dang po gnyis hUM gis mdzub mo gnyis bsgreng ba/ g.yas par ma ni rdo rje rtse lnga bsnams pa/ g.yas tha ma na pad+ma mdab brgyad bsnams pa/ g.yon par ma na dril bu bsnams pa/ g.yon tha ma na zhags pa bsnams pa/ na bza' stong g.yogs dang smad g.yogs kyis brgyan pa/ thugs chos nyid las ma g.yos pa'i rtags su ni zhabs g.yas bskum pa/ phrin las sna tshogs mdzad pa'i rtags su ni g.yon brkyang ba las pad+ma 'dab ma brgyad pa dkar po'i gdan la bzhugs par bsgom/ sdig can gyi ro'am bsregs pa'i thal ba'i steng na gnon cing bzhugs par ting nge 'dzin gyis bsgom mo/ /de nas khams gsum rnam par rgyal ba'i snying po stong ngam bya ba tsam bya zhing/ sdig can gyi ming ngam rus pa dang sres nas sbyin sreg byas na 'grub par gsungs so/ /de nas rus pa rdo rje bsdu ba'i sngags kyis bsdu ba ston te/ ci'i phyir zhe na/ de nas thar par gyur pa dang/ rdo rje bsdu ba'i sngags kyis ni zhes pa ni/ de nas bdag nyid khams gsum rnam par rgyal ba'i ting nge 'dzin bsgoms pa des/ rus pa nyid rdo rje bsdu ba'i sngags oM badzra ti rin+ti zhes bzlas shing rus pa bsdu te/ ci'i phyir zhe na/ de ltar mtshan ma sreg pa de nyid lhar dbang bskur ba'i phyir ro/ /cho ga bzhin bsdu bar bya zhes gsungs te/ cho ga ni thab zhib mo ste/ bdag lhar bsgom pa'i cho ga dang/ rus pa nyid nor bu rin po cher bsgom pa'i cho ga dang sngags yig 'bru

  408. 204b

    byang chub sems zla ba'i maN+Dal du bsgom pa'i cho ga dang/ snod b+h+ruM las rin po che'i gzhal yas khang du bsgom pa'i cho ga'o/ /bsdu ba ni rus pa rin po che'i 'bar bar byas nas snod du bsdu ba dang/ rgyu nyon mongs pa gnyen po ye shes kyi stobs su bsdu ba dang/ 'bras bu rigs lnga'i ngo bor bsdu pa'o/ /de ltar bsdus nas sngags mkhan gyis rnam par rgyal ba'i bum pa dri chu dang/ ba'i 'o ma dang zho dang mar dang/ ba'i lci ba dang gcin dang lnga/ dri sna tshogs dang bsres la btags te/ mchod rten du byas la sngags dang phyag rgya brgya rtsa brgyad dang/ 'bum phrag gi bar du ting nge 'dzin dang bzlas pa bya zhing dngos grub kyi rtags mchod rten 'bar ba dang/ zhal 'dzum pa dang dri dang 'od dang/ rnam pa sna tshogs kyi gzugs ston pa ni bzang po'i rtogs so/ /ji srid me tog la sogs pa 'dor ba dang/ dri ma zhim pa la sogs pa byung nan sdig pa'i mtshan ma ste/ bdag nyid mi nyal bar ting nge 'dzin rtse gcig par bsngags kyi yig 'bru bzlas nas lha'i gzugs su 'gyur zhing byang chub kyi rgyur nges par the tshom med par kun rig gis gsungs so/ /rus pa rdo rje bsdu ba'i sngags kyis bsdu ba'i cho ga bye brag dang bcas pa bshad zin to// //da ni las kyi mtshan nyid bye brag gtan la dbab pa ston te/ mtshan ma 'di dag shes nas ni zhes pa ni/ mtshan ma ni dngos grub bzang ngan gyi mtshan ma la 'di dag ni gong du gsungs pa la/ shes nas ni las kyi mtshan nyid gtan la dbab pa'i don ston to/ /ci'i phyir zhe na/ rnam par mi rtog sems kyis kyang zhes gsungs te/ rnam par ni mtshan ma'i bye brag la/ mi rtog pa'i ye shes kyi mtshan ma rnams ma byung ma skyes par bsgom pa'o/ /sems ni de'i don bsgrub pa'i sems kyi ting nge 'dzin gyis bsgom zhes pa'i tha

  409. 205a

    tshig go /dang por rnam par mi rtog pa'i ting nge 'dzin bsgoms pa las dag pa 'jig rten pa'i ye shes kyis 'gro ba'i don bya dgos pas na/ byams dang snying rje ldan pa yi zhes gsungs te/ byams pa ni phyogs med pa ste/ kun la khyab par bsgom pa yin pas/ snying rjes phan 'dogs pa ste/ khyad par du yang ngan song gsum la sogs pa'i sdug bsngal can rnams so/ /ldan pa ni phrin las dang ldan pa ste/ 'gro ba'i don byed pa'i tha tshig pas/ las thams cad gtan la 'bebs par mdzad pas na las grub pa'i tha tshig go /da ni ro ltos pa'i ro med na yang cho ga byed pa'i khyad par ston te/ ci'i phyir zhe na/ yang na med par gyur na yang zhes gsungs te/ yang na ni ro med na yang bya ba'i tha tshig go /'gyur na ni 'gron la tha tshig tu song ba 'am/ shi ba 'am/ chus khyer ba 'am dngos po med pa'o/ /ci'i phyir zhe na/ bzlas shing bsgom pa'i tshul gyis ni/ ming rus legs par bri bar bya zhes gsungs te/ bzlas pa ni sngags kyi yig 'bru bzla ba dang/ mtshon pa'i sgo nas ming rus zla ba dang/ btags pa'i sgo nas ming zlos shing/ ming rus sngags kyi yig 'bru dang sres shing/ ma nor bar bsgom pa'i tshul yin te/ gro ga 'am shog shog la ming rus gur gum gyis bris te/ de la dmigs pa'i rten byas nas/ gnyen po ye shes kyi sprul pa bstims nas/ de nyid 'jim pa dang sres la btags te mchod rten gyi phreng ba 'am/ lha'i gzugs su byas na'ang rung/ sbyin sreg byas nas dbang bskur na yang rung ste/ gdon mi za bar mtho ris su skye bar 'gyur ro/ /yang na thal ba nyid yungs kar dang sres la shi ba'i ming rus dang spos la sarba bir kyi sngags kyis btab nas/ rgya mtsho 'am chu klung du bskugs na'ang ngan 'gro

  410. 205b

    las thar bar 'gyur ro/ /da ni dge ba'i tshogs che ba rnams ngan 'gro las thar bar thabs sla ba ston te/ ci'i phyir zhe na/ dge ba'i mchog ni bskyed pa dang/ byang chub sa bon thob pa'i thabs zhes gsungs te/ dge ba ni sngon goms pa'i mthus de ltar mi dge ba bcu'i dngos po med pa'o/ /mchog ni yid 'phags pa'i lam la bdun cing/ byang chub tu sems bskyed pa'o/ /zhes bya ba la ye shes chub pa'o/ /sa bon ni dper na sa bon skye'u'i 'bras bu 'byin pa dang 'dra bar rgyu rang gi byang chub gyi sems 'bras bu byang chub tu sems bskyed pa ni smos so/ /sangs rgyas 'bras bur rgyur ldan pa zhes gsungs te/ sangs rgyas ni rigs lnga la bya/ 'bras bu ni sku gsung thugs mi zad pa rgyan gyi 'khor lo ste/ rgyu ni rang gi rtogs pa'i khyad par ro?/ /ci'i phyir zhe na/ sbyin pa'i pha rol tu phyin pa dang ldan zhes gsungs pa dang/ shes rab rnams kyi rgyu bsgoms pa zhes pa'i bar gyis ston te/ de la sbyin pa ni yongs su gtong ba'i mtshan nyid de/ de la rnam pa gnyis te/ chos dang zang zing gnyis so/ /tshul khrims ni tshul yang yang dag pa'i don la/ khrims ni de las mi 'da' ba' i mtshan nyid/ /de la yang gnyis te/ dge ba'i chos sdud pa dang/ sems can gyi don byed pa'i tshul khrims so/ /bzod pa ni mi 'khrug pa'i mtshan nyid do/ /de yang gnyis te chos zab mo la yid ches pa'i bzod pa dang/ gnod pa byed pa la ji mi snyam pa'i bzod pa'o/ /brtson 'grus ni skyo ba med pa'i mtshan nyid de/ de la yang gnyis te/ go cha'i brtson 'grus dang/ sbyor ba'i brtson 'grus so/ /bsam gtan ni chos nyid kyi don la mnyam bar 'jog pa'i mtshan nyid de/ de la yang gnyis te/ chos nyid kyi bsam gtan dang ting nge 'dzin gyi bsam gtan no/ /shes rab ni spyi dang rang gi mtshan

  411. 206a

    nyid do/ /de yang gnyis te zag pa dang bcas pa'i shes rab dang/ zag pa med pa'i shes rab bo/ /de ni rgyud ste pha rol tu phyin pa drug gis 'bras bu bsod nams dang ye shes kyi tshogs skye ba'i phyir ro/ /de lta bu'i sems can ni the tshom med par 'grub pa'i don to// //da ni dge ba'i rtsa ba ma bskyed pas mi 'grub pa'i don ston te/ de ci'i phyir zhe na/ dge ba'i rtsa ba ma bskyed la/ med par lta ba gang yin pa dang zhes gsungs te/ dge ba ni rnam par dkar ba la bya/ /rtsa ba ni byang chub kyi sems so/ /ma bskyed pa ni de la mi gnas shing ma mos pa'o/ /med par lta ba ni rgyud gi sdig gnyis mi dge bar ldan pa dang/ 'bras bu dge sdig gnyis med par lta ba'o/ /da ni rgyu 'bras la bskur ba 'debs pa ste/ yang dag pa'i byang chub kyi sems ma rtogs nas/ log pa dang/ sangs rgyas kyi bstan pa la zhe sdang byed cing sdig pa'i rang bzhin du mthong ba dang/ pha ma la snying ring zhing byang chub kyi sems dang ma 'bral ba rnams 'grub par ma 'gyur zhes rnam par snang mdzad kyis gsungs so/ /de yan chad du sbyin bsreg gi gdon bstan zin to// //da ni cho ga'i phan yon bstan te/ de nas brgya byin la sogs lha zhes gsungs te/ de ni gong gi sbyin sreg gi 'jug bsdus la/ nas ni 'og gi phan yon gyi mgo 'dren no/ /brgya/ byin ni yon bdag yin pas sna la smos la/ lha thams cad nor bu dri ma med pa'i 'od thar pa las phal ma yin pa'i phyir smos so/ /de nas dbang por bcas pa yi zhes pa nas/ sna tshogs 'byung ba 'di ci las/ zhes pa 'byung ba'i bar gyi ni yon tan la mang ste/ mchod pa du mas mchod pa ston te/ bcom ldan 'das kyis bka' zhes pa nas/ bde bar gshegs pa ngo

  412. 206b

    mtshar lags so/ /zhes pa'i bar gyis ni/ nor bu dri ma med pa'i 'od rnam par thar pa bstan la/ 'khor ngo mtshar che bar bstan to/ /de nas brgya byin la sogs pa zhes pa nas/ sngags dang 'dra ba'i 'dren pa med/ zhes pa'i bar? gyis ni/ dkon mchog gsum la yon tan gyi sgo nas bstod pa bstan to/ /de nas lha'i bu de dag gis zhes pa dang/ lta bar 'tshal lo zhes pa'i bar gyis ni/ nor bu dri ma med pa'i rdzu 'phrul dang rnam par 'phrul ba lta ba gsol ba ston to/ /de nas bcom ldan 'das zhes pa nas/ de nyid du mi snang bar gyur to/ /zhes pa'i bar gyis ni/ de bzhin gshegs pa'i nor bu dri ma med pa'i 'od zer gyis phreng bas bskul nas rang gi gnas nas 'ong ba ston to/ /de nas lha'i bu de nyid zhes pa nas zil gyis mnan to zhes pa'i bar gyis ni/ nor bu dri ma med pa'i 'od kyis rnam par 'phrul pas thams cad zil gyis mnan pa ston to/ /de nas lha'i bu de zhes pa nas myur du dgrol zhes pa'i bar gyis ni/ ya mtshan chen sa thugs rje la dam nas bstod pa ston to/ /de nas skad cig ma nyid kyi tshe zhes pa nas ya mtshan skyes te zhes pa'i bar gyis ni/ rnam par 'phrul pa sna tshogs 'thon pa sten to/ /de skad ces smras so zhes pa nas/ tshangs spyod tshul khrims dri med skye bsam yas zhes pa'i bar gyis ni de bzhin gshegs pa'i yon tan gyi khyad par bsam gyis mi khyab pa la dam pa ston to/ /de nas lha'i bu de dag gis zhes pa nas lta bar 'tshal lo zhes pa'i bar gyis ni zhu ba lta ba nas gsol ba ston to/ /de nas bcom ldan 'das zhes pa nas mi snang sprul? zhes pa'i bar gyis ni snang bar bya ba'i ting nge 'dzin to/ /de nas nor bu dri ma med pa'i zhes pa nas/ 'di skad ces gsol to zhes pa'i bar gyis ni de bzhin gshegs pa'i spyan sngar 'ongs nas thams cad zil gyis gnon pa ston to/ /kye ma sangs rgyas kyi

  413. 207a

    sangs rgyas zhes pa nas/ bdag myur skyes zhes pa'i bar gyis ni sngags kyi yon tan kun la bstod pa bstan to/ /de nas nor bu dri ma med pa'i 'od dang zhes pa nas de bzhin du song ba zhes bya ba'i bar gyis ni/ drin la lan gyis glan pa'i phyir mchod pa'i khyad par gyis mchod nas rang gi gnas su 'gro ba ston to/ /de nas brgya byin dang zhes pa nas/ bshad du gsol zhes pa'i bar gyis ni/ phyi rab kyi sems can rnams la phan pa'i phyir zhu ba gsol ba ston to/ /brgya byin dang zhes pa nas 'gro bar 'gyur zhes pa'i bar gyis ni sngags kyi don thos par dka' ba'i che ba'i yon tan 'di bstan to/ /de nas brgya byin dang zhes pa nas rnam par smin pa ji ltar 'gyur zhes pa'i bar gyis ni/ rang snod du rung bas na theg pa chen po las dad pa'i rnam par smin pa cir gyur zhu pa gsol ba bstan to/ /bcom ldan 'das kyi zhes pa nas smos ci dgos zhes pa'i bar gyis ni/ theg pa chen po'i rigs can gyis yon tan gyi khyad par che ba ston to/ /de nas brgya byin dang zhes la nas/ bskyab par bgyi zhes pa'i bar gyis ni/ 'jig rten pa'i 'khor rnams kyis theg pa chen po'i chos nyid gdan spyod pa de bsrung zhing bskyab pa'i thabs ston te/ /lha'i dbang po zhes pa nas/ bsgrubs shing zhes pa'i bar gyis ni/ phyi rabs kyi sems can la phan pa'i phyir gdam ngag sbyin pa ston to/ /ro sreg gi ho mcho ga'i yan lag phan yon dang bcas pa'i don dka' dka' bsdus pa bshad zin to/ /da ni gtsug tor chen po brgyad kyi dkyil 'khor ston? te/ gtsug tor zhes bya ba ni dper na lus kyi rang bzhin mgo'i gtsug yin la de bzhin du chos rnams kyi rang bzhin rnam par dag pa ni chos kyi dbyings te dbus kyi pho brang zlum por ston te/ shAkya thub pa dkyil 'khor la bzhugs pa'i don to/ /

  414. 207b

    'thor ni 'khor te shAkya thub pa chos kyi sku las ye shes rnam pa bzhi dang 'phrin las rnam pa bzhi'i rtags gtsug tor brgyad 'khor du phyung ba ni 'thor pa'i tha tshig go /thugs rjes 'gro ba'i las 'byung ba'i phyir ro/ /de'i don bstan pa'i phyir/ de nas bcom ldan 'das zhes smos te/ de ni gong gi cho ga'i don bsdus pa/ nas ni 'og ma'i dkyil 'khor mgo 'dren pa'i phyir ro/ /bcom pa ni yang dag pa'i shes rab kyis nyon mongs pa phyin ci log pa'i skyon bcom pa yin la/ ldan pa ni pha rol tu phyin pa'i stobs dang ldan pa la/ 'das ni mdza' gnyis dang bral ba'i tha tshig ste/ ci'i phyir zhe na/ byang chub sems dpa' sems dpa' phyag na rdo rje zhes gsungs te/ byang ba ni gzung 'dzin rnam pa gnyis spangs pa yin la/ chub pa ni shes bya la ye shes kyis chub cing gnas la/ sems ni gnyis su med pa'i don la sems la/ dpa' ni de'i don la sran 'dzums te/ sems ni thugs rjes 'gro ba'i don la sems la/ dpa' ni 'gro pa'i don la mi ldog pa ste/ de ni gzhan la dpa' ba' i phyir na chen po'o/ /phyag na rdo rje ni dus gsum gyi rgyal ba thams cad kyi thugs las skyes pa'i phyir na phyag na rdo rje sku gsung thugs kyi gsang ba'i mdzod 'dzin pa'i bdud dang dregs byed 'dul ba'i rtags su rdo rje bsnams kyang rdo rje/ de bzhin gshegs pa rnams kyis ming gi dbang bskur zhing/ rdo rje lag tu byin pas kyang rdo rje'o/ /bcom ldan 'das kyi mthus cho ga zhib mo zhes pa ni/ dper na bon po la lha bka' 'bebs pa ni/ lha'i bka' zer ba dang 'dra bar/ phyag na rdo rje bshad pa 'di yang bcom ldan 'das kyi mthus zhes smos pa'i phyir ro/ /cho ga sgrub par byed pa'i thabs la bya ste

  415. 208a

    zhib mo ni ma grub na spogs pa'i cho ga byed pa'o/ /ci'i phyir zhe na/ phyi ma 'di bshad do zhes gsungs so/ /gong gi rtsa ba'i maN+Dal gyi don 'dir 'dus pa'i phyir ram/ 'di bsdu ba'i phyir ram/ 'di dang 'brel pa'i phyir ni smos so// dpa' po gdan la bzhengs nas ni zhes pa ni/ lta bas mtshan ma 'joms pa dang/ thugs rjes 'khor ba 'joms pas dpa' ba' o/ /gdan ni ye shes te chos nyid dang 'brel ba'i phyir na gdan/ thugs rjes 'khor ba las 'brel ba'i rtags su pad+mar bstan pas na gdan/ bzhengs pa ni de bzhin gshegs pa'i thugs ga nas/ phyag na rdo rje'i sku phyung bas bzhengs nas/ phyag na rdo rje'i thugs ka nas ni gtsug tor brgyad 'byin pa'i phyir ni bzhengs pa'o/ /dgyes shing rdo rje gsor nas ni zhes pa ni/ dgyes pa ni de bzhin gshegs pas byin gyis brlab pa te/ rgyud kyi don ston par dgyes pa'o/ /rdo rje ni rigs pas te/ mi 'gyur ba'i don la'o/ /gsor ba ni phrin las te rgyud kyi don ston par byed pa'i tha tshig go /shAkya ni rgyal po shAkya nyi ma dmar po'i rigs yin la/ gtso bo ni khams gsum gyi gtso bo'i tha tshig go /dgyes mdzad ni rgyud kyi don ston pa'i dgyes mdzad do/ /thub pa'i gtso bo la phyag 'tshal nas zhes gsungs te/ thub ba ni sku gsung thugs thub pa'i phyir ro/ /gtso bo ni rkang gnyis kyi gtso bo yin la/ phyag 'tshal ni ya rabs bla ma'i tshul gzung ba'i phyir dang/ sku gsung thugs nan tan bskyed pa'i phyir smos so/ /de yan chad du de bzhin gshegs pa'i byin gyis brlabs kyis/ phyag na rdo rjes bshad pa bstan zin to// //da ni rtsa ba'i snying po 'byung ba'i phyed du bshad pa'i don ston te/ ci'i phyir zhe na/ sgrib pa thams cad rnam par dag pa'i rdo rje zhes bya ba'i ting nge 'dzin la zhes

  416. 208b

    ba ni sgrib pa ni nyon mongs pa rnam par byang ba'i bag chags rnam pa'i rtog pa ste/ rnam pa lngar bstan te/ las kyi sgrib pa dang/ chos kyi sgrib pa dang/ rnam par smin pa'i sgrib pa dang/ skye ba'i sgrib pa dang/ shes bya'i sgrib pa lnga ni thams cad do/ /rnam par dag pa ni gnyen po'i ye shes kyis mi mthun pa dag zim gyis gnon pa ste/ ci'i phyir rdo rje zhes smos te/ rdo rjes thams cad 'joms pa dang 'dra ste/ nyon mongs po'i mtshan ma 'joms pa'i phyir ro/ /ting nge 'dzin ni de'i dang las mi 'da' zhing 'dzin pa'i phyir ro// snyoms par zhugs ni gnyis su med par snyoms par zhugs pa dang/ mi 'da' bar snyoms par zhugs pa'o/ /ngan 'gro thams cad ni ngan ni ngan song gsum mo/ /'gro ba ni las kyi bag chags kyis der 'gro ba'o/ /thams cad ni de rnams la ? rnam par sbyor ba ni thugs rjes rdo rje lta bus rgyu sbyong ba dang/ gtsug tor brgyad kyi snying po phyung bas 'bras bu stong ba'o/ /rang gi snying po ni rang gi phyag na rdo rje'i snying po ni rigs pa'i ye shes so/ /'di nyid thugs kha nas 'di nyid ni snying po 'og nas 'byung ba nyid do/ /thugs ka nas ni ye shes pa'i rgyud la gnas pa zhal du 'byin pa'i don to/ /de ci'i phyir zhe na/ phyung zhes smos pa'i tha tshig go /sngags ni snying po yin pa'i phyir na ma bshad do/ /de yan chad du sngags kyi don 'byung ba'i dgos ched dang bcas pa'i don bsdum pa bshad zin to/ /da ni dkyil 'khor gyi lha dgod pa'i thabs ston te/ ci'i phyir zhe na/ 'khor lo 'dra ba'i dkyil 'khor lo zhes bya ba ni/ dper na 'khor los sgyur ba'i gser gyi 'khor lo ni lte ba dang mu khyud dang rtsibs dang ldan pa ni de dang 'dra ba'i phyir na/ dkyil 'khor la zhes smos so/ /ci'i phyir zhe na/ shin tu mdzes pa'i rtsibs brgyud can zhes gsungs te shin tu mdzes pa ni/ mtshon sna lnga ste/ dkar dang dmar dang ser dang

  417. 209a

    ljang/ kun gyi mdza' ma lcags ka ba zhes gsungs te/ dbus kyis pho brang ni gzung 'dzin dang dral bas dkar por bya ba yin la/ /rin po che phreng ba'i gzhi ma ni ma chags pas dmar bar byas pa yin la/ rtsibs ni rgyal po'i gser gyi 'khor lo dang mthun par ser po byas pa yin no/ /gru chad bzhi ni 'phrin las kyi rang bzhin yin pas ljang gu bya ba yin la mdza' min lcags kha btang ste/ pany+tsa rA ga ya de bzhin du byas nas mdzes zhe'o/ /rtsibs brgyad ni 'khor lo'i rtsibs brgyad do/ /ci'i phyir zhe na/ lte bar bcas shing mu khyud bcas/ zhes 'byung ste/ de la dbus kyi lte ba zlum po ni chos kyi ?/ /rin po che'i phreng ba ni longs spyod rdzogs pa'i rtags so/ /'khor lo'i rtsibs ni sprul pa'i sku'o/ /yang? dag pa'i shes rab kyis 'khor ba 'joms pas 'khor lo'i/ /che ba'i yon tan sna tshogs la mnga' mnyes pas na rin po che'i phreng ba'o/ /thugs rje'i phrin las kyis skye shi rtsad nas gcod pas na rtsibs/ /ting nge 'dzin mi 'gyur ba'i rtags su ni rdo rjer bar bstan to/ /dus rnam pa bzhi'i sgo nas 'gro ba'i don mdzad pa'i rtags su ni gru chad bzhir bstan to/ /sku gsung thugs mi 'gyur ba'i rtags su ni h+ri rA ga dang/ ye shes rnam pa lnga dang ldan pa'i rtags su ni pany+tsa rA gar bstan/ ting nge 'dzin tshogs pa'i sgo khyud dang ldan pas thabs thugs rje 'khor ba las mi nyams pa'i rtags seng ge sgo g.yas su bstan la/ sku yang dag pa'i stobs dang ldan pa'i rtags su ni/ glang po che g.yon du bstan la/ sgo ste thugs rje thabs kyi lha? babs? dang ldan pa'o/ byang chub sems kyi muk+ti? ha/ la gsung rnam par dag pa dril bu dang/ 'phrin las sna tshogs su 'byung ba'i rin po che'i do shal dang/ thabs thugs rje'i rdo rje dang/ shes rab ma skyes ba'i zla bar 'brel pa lta bu ni/ dkyil

  418. 209b

    'khor gyi rgyan te ye shes kyi rtags su bstan to/ /da ni nang du lha bri ba'i khyad par ston te/ /ci'i phyir zhe na/ lte ba'i nang du shAkya thub ces gsungs te/ lte ba ni dbus kyi pho brang ngo/ /shAkya ni rgyal po shAkya'i rigs kyi sras yin pa'i phyir na shAkya'o/ /thub ni sku gsung thugs thub pas sku mdog ser po thugs rje thabs kyi drang song dang/ chos kyi dbyings rnam par dag pa'i bar du bsnams par bri'o/ /da ni maN+Dal gyi don ston te/ ci'i phyir zhe na/ phyag na rdo rje stobs po che/ dpa' po de'i spyan sngar bri zhes gsungs te/ bcom ldan 'das kyis me long lta bu'i ye shes las sprul te/ rdo rje lta bu'i ting nge 'dzin gyi stobs dang ldan la/ ye shes kyi chos nyid sems shing thugs rjes 'gro ba'i don la sems pa'i phyir na stobs chen no/ /dpa' bo ni shAkya thub ba ste/ ting nge 'dzin mi 'gyur ba'i ngo bor grub pa'o/ /de'i spyan sngar bri ba ni mdun te shar phyogs kyi rtsibs la thugs kyi rdo rje dang/ shes rab kyi dril bu dang ldan par bri ba'i tha tshig go /rgyab tu 'khor los sgyu ba bri zhes pa ni rgyab ni nub phyogs te/ bcom ldan 'das kyis so sor rtog pa'i ye shes las sprul te/ dam pa'i chos bdud rtsi'i 'khor lo ni 'gro ba'i rgyud la bskor ba ni/ thugs rje'i thabs kyis 'khor lo ni/ khams gsum gyi nang du bsgyur pa'i phyir ro/ /sku mdog dmar po phyag na 'khor lo bsnams pa ste/ nub kyi phyogs kyi rtsibs la bri g.yas phyogs rgyal ba'i gtsug tor bri zhes pa ni/ bcom ldan 'das kyi g.yas ni lho ste mnyam pa nyid kyi ye shes kyi khyad par las nyon mongs pa'i bdud las rgyal bas na/ rgyal ba'i gtsug tor/ thugs rje thabs kyis 'khor ba dbang du bsdud cing/ phrin las thabs kyi cho 'phrul rgyal ba'i rtags mnga' bas na sku mdog sngon po phyag na mnyam pa nyid kyi ye shes mi

  419. 210a

    'gyur ba'i rtags rdo rje bsnams pa lho phyogs kyi rtsibs la bri'o/ /g.yon rnam par rgyal ba zhes pa ni/ g.yon ni byang phyogs te/ bcom ldan 'das kyi bya ba nan tan gyi ye shes las thugs rje sku sprul te/ nyon mongs pa'i mtshan ma'i phrag dog las rgyal bas thugs rje thabs kyi sprul pas rgyal ba'i rtags su sku mdog ljang gu phyag na ting nge 'dzin gyi dbu rgyan bsnams pa/ byang gi rtsibs la bri'o/ /gzi brjid phung po me'i phyogs zhes pa thugs chos nyid zhi ba'i ngo bo las thugs rjer sprul te/ byung bas byang chub kyi sems ye shes kyi gzi brjid spungs pa/ rnam par dag pa'i sku gsung thugs kyi gzi brjid kyi phung po brnyes pas skye ba'i sdug bsngal 'joms pas sku mdog dmar ser phyag na ye shes kyi sprin phung bsnams pa'o/ /me drang srong ste shar lho'i rtsibs la bri'o/ /dbang po'i phyogs su gdugs dkar po zhes pa ni dbang ldan byang shar mtshams su 'dug pas byang shar phyogs su'o/ /bcom ldan 'das kyis phrin las drag po'i rang bzhin las sku sprul te/ gtum pa chen po ye shes kyi gtsug tor dang ldan pa 'bar ba'i phreng ba thugs rje'i 'od zer 'phro ba/ byang chub kyi sems thugs rje'i dbu gdugs can/ /gdugs dkar po sku mdog dkar skyar gnas pa phyag na gtsug tor bsnams pa byang shar gyi rtsibs la bri'o/ /rnam par mthong ba rlung gi phyogs zhes pa ni/ bcom ldan 'das kyi thugs rje dbang gi ngo bo las sku sprul te/ phyin ci log gi mtshan ma stongs par byed pa thugs rje sprul pa bsdud cing 'thor bar byed pa 'gro ba'i don du dbang gi rgyal mtshan 'dzugs pas rgas pa'i sdug bsngal sbyong ste/ rnam par 'thor ba ni sku mdog dmar skya phyag na ral gri bsnams pa/ rlung gi phyogs te nub byang gi rtsibs la bri'o/

  420. 210b

    rnam par 'joms pa bden bral phyogs zhes pa ni thugs mchog ye shes rgyal ba'i ngo bo las sku sprul te/ thugs rje chen pos sdug bsngal gyi mtshan ma 'joms pas/ ye shes kyi rtogs pa'i dra pa gshig ste/ rnam par 'joms pa thugs kyi sprul pas na ba'i sdug bsngal 'joms te/ rnam par 'joms pa ni sku mdog sngo skya phyag na be con bsnams pa/ bden bral gyi phyogs te/ lho nub phyogs rtsibs la bri'o/ /grwa'i phyogs ni thams cad du ces pa ni sbyin pa'i ngo bo sgeg mo sku mdog dkar ba rdo rje bsnams pa/ tshul khrims kyi ngo bo phreng ba ma ser mo phreng ba 'dzin pa/ bzod pa'i ngo bo glu ma mkhan dmar ba mo pi wang bsnams pa/ /brtson 'grus kyi ngo bo gar ma phyag gnyis gar byed pa gru chad la bri'o/ /bris nas phyi rol bri bya ste/ ces pa ni bdug spos la sogs bri bar bya ces pa ni/ tshul khrims kyi bdug spos ma dkar mo spos khang bsnams pa/ ting nge 'dzin gyi me tog ma ser mo me tog bsnams pa/ shes rab kyi mar me dmar mo mar me bsnams pa/ byang chub kyi sems bde ba'i dri chab ma ljang gu dri chab bsnams pa ni gru chang phyi ma la bri'o/ /dpa' bo lcags kyu zhags pa dang/ /lcags sgrog dril bu snyan rnams bzhag ces pa ni thugs rje'i lcags kyu ma dkar mo dang/ phrin las kyi zhags pa ma ser mo/ /thabs kyi lcags sgrog ma dmar mo dang/ gsung rab sgra'i dril bu ma sgo bzhir bri'o/ /shar du byams pa sku mdog ser po phyag g.yas na klu shing gi me tog bsnams pa/ g.yon pa spyi blug bsnams pa/ mthong ba don yod sku mdog ser po/ g.yas pa pad+ma bsnams pa/ pad+ma'i steng na mig g.yon pa khu tshur dkar bzhag pa/ ngan song sbyong ba sku mdog dkar la 'od 'bar ba lcags kyu 'dzin pa'o/ /mya ngan mun 'joms sku mdog dkar ser g.yas pa be con 'dzin pa/ g.yon pa dkur bzhag pa'o/ /lta?

  421. 211a

    spos kyi glang po sku mdog dkar ljang g.yas na spos kyi glang po bsnams pa g.yon pa dku la brten pa'o/ /dpa' bar 'gro ba sku mdog dung ltar dkar ba g.yas pa ral gri 'dzin pa/ g.yon pa khu tshur dku la brten pa'o// nam mkha' i mdzod sku mdog dkar ser g.yas pad+ma 'dzin pa g.yon dku la brten pa'o/ /ye shes rtog sku mdog sngon po g.yas pa rgyal mtshan 'dzin pa g.yon pa khu tshur dku la brten pa'o/ /nub tu zla 'od sku mdog dkar ba/ g.yon pa khu tshur dku la brten pa'o/ /bdud rtsi 'od sku mdog dkar po phyag g.yas pa bum pa 'dzin pa g.yon pa khu tshur dkul brten pa/ bzang skyong sku mdog dkar dmar g.yas ni rin po che 'bar ba 'dzin pa g.yon pa khu tshur dkur brten pa'o// dra ba can gyi 'od sku mdog dmar ba/ rdo rje'i dra ba 'dzin pa'o/ /byang du rdo rje snying po sku mdog sngo skya g.yas na ut pal gyi steng na rdo rje/ g.yon pa dku la brten pa'o/ /blo gros mi bzad pa'i rdo rje phyag gnyis bum pa 'dzin pa'o/ /spobs pa rtsegs pa sku mdog dmar la g.yas pa'i pad+ma'i steng na rin chen brtsegs pa bsnams pa/ phyag g.yon pa khu tshur dku la brten pa'o/ /kun tu bzang po sku mdog ser po/ /g.yas na rin po che'i snyem bsnams pa/ g.yon pa khu tshur dku la brten pa'o/ dkyil 'khor bri ba'i thabs bshad zin to/ /da ni dkyil 'khor du 'jug pa ston te/ de nas dri zhim la sogs pas/ rang gi lus ni bskus nas kyang/ /rdo rje 'dzin par zhugs nas ni/ /zhes gsungs te/ de nas ni skabs kyi rting thogs so/ /dri zhim ni gur gum dang/ tsan dan dang spos dang gla rtsi la sogs pa rnams so/ /rang gi sgrub po'am slob ma gang rung ba la bya'o/ /lus bskus pa ni lus la lde gu yang bya/ chu dang sbyar te bkru ba yang yin no/ /rdo rje ni rig pa mo yang yin la/ 'dzin pa ni phyag

  422. 211b

    rgya ste bca' ba'o/ /zhugs pa ni lha'i dkyil 'khor du spyan drang pa'i phyir phyag rgya bzhi'i sngags kyis spyan drangs nas gzugs brnyan la bzhugs par bsgom pa'o/ /slob dpon rtogs pas zhugs pa dang/ slob ma dang pas zhugs pa'i phyir smos so/ / ci'i phyir zhe na/ de nas de bzhin gshegs par mos pa bskyed pa ni zhes gsungs te/ de nas ni gong 'og gi mtshams sbyor ba gshegs pa ni de bzhin gshegs par sems kyis mos pa bskyed pa'o/ /mchod pa byas nas de bzhin gshegs pa'i gtsug tor nas dbang bskur te/ zhes pa ni mchod pa ni dkyil 'khor gyi lha la mchod pa gzhung bzhin du byed pa'o/ /de bzhin ni gong ma bzhin du'o/ /gtsug ni slob ma dkyil 'khor du bcug ste/ de nas dbang bskur te/ thabs dang shes rab kyi rdo rje dang dril bu dang/ rin po che sna bdun dang/ yo ga'i dbang rdzas bcus dbang bskur te/ yon tan gzhung las smos pa bzhin thob par 'gyur ro/ /da ni shi ba la dgos su phan pa'i don ston te/ de ci'i phyir zhe na/ lha dang gnod sbyin srin po la sogs pa zhes pa ni lha'i rgyal po rnams dang/ klu dang gnod sbyin la sogs pa yang thugs rje'i zhing yin te/ de'i ming dang rus kyi sgo nas dmigs te/ dkyil 'khor gyi lha la sbyin sreg gi las byas shing mkhyen par gsol na yang 'grub la/ gal te sems can bar ma de'i srid pa der len pas/ de'i dbang du yang gsungs te/ ci'i phyir zhe na/ ngan 'gro'i rgyud dbang du gyur pa rnams kyi zhes gsungs te/ ngan pa ni bag chags so/ /'gro ba ni der 'gro ba'o/ /rgyud ni sems can gyi rgyud do/ /dbang du gyur pa ni las kyi ngo bos der skyes nas dbang du gyur pa ste/ de la phan pa'i thabs bstan pa'i phyir shi ba'i ro 'am gzugs brnyan la ming zhes smos te/ shi pa ni srog dang bral ba'o/ /ro ni dbang po yod pa'i gongs pa'o/ /gzugs brnyan ni med na yang ri mo mkhan gyis

  423. 212a

    ras sam dar la tshon gyis bris pa'o/ /ming ni gro ga 'am shog shog la gur kum gyis bris pa'o/ /de yang dngos po la zhen pas ni ro smos la gdags pa'i gzhi dgos pa'i sgo nas ming smos la/ mtshan par byed pa'i sgo nas ni gzugs brnyan smos te/ de la ting nge 'dzin gyis bzlas pa dang/ sngags kyi brjod pa dang/ sbyin sreg tshul bzhin du ni byas/ /snga ma bzhin du dbang bskur nas ngan song las thar bar 'gyur ro/ /gtsug tor brgyad kyi dkyil 'khor gyi don bsdus pa bshad zin to// //da ni phyag rgya'i le'u ston te/ de ci'i phyir zhe na/ de nas bcom ldan 'das phyag na rdo rje zhes gsungs te/ rgyud kyi ston pa gong du bshad zin pa yin pas/ phyag rgya la 'jug pa'i go rim smos so/ / seng+ge'i lta bas zhes pa ni bag tsha zhing 'jigs pa dang bral ba'i phyir/ 'khor thams cad zil gyis mnan pa'i phyir dang/ theg pa chen po'i rigs can thams cad gzengs bstod pa'i phyir bstan to/ /bcom ldan 'das phyag rgya dam pa'i zhes pa ni/ 'khor gar bzhugs pa'i phyir bcom ldan 'das zhes gsungs so/ /phyag rgya ni rnam pa gsum ste/ mi 'da' ba' i phyir na phyag rgya ni/ chos nyid rtog pas mi 'da' o/ /mtshon pa'i phyag rgya ni/ kha dog rnam pa lnga 'am phyag rgyas mtshon pa'o/ /'cha' ba' i phyag rgya ni lag pa'i sor mo byin gyis brlabs te 'cha' ba' o/ /dam pa ni mnyes pa'i phyir dang/ gnyis su med pa'i phyir dam pa'o/ /phyag rgya'i mtshan nyid mdor bstan pa'o/ /da ni sku'i gzugs bri ba'i cho ga ston te/ /ci'i phyir zhe na/ sku gzugs kyi cho ga 'dir de bzhin du bya ste zhes gsungs te/ sku gzugs ni gtsug tor brgyad kyi dkyil 'khor rnams la sku gzugs la bri ste/ bdag nyid kyang de'i zhabs drung du bris la/ bsnyen pa gong du gsungs pa

  424. 212b

    ltar byas nas yi dam du bcas na ngan song las thar par 'gyur ro/ /sku gzugs kyi don bsdus pa bshad zin to/ /da ni tshangs pa la sogs pa zhes pa nas dbang du 'gyur zhes pa'i bar gyis ni/ nor bu dri ma med pa'i 'od sngon las ci byas pa zhus pa'o/ de nas bcom ldan 'das zhes pa nas/ ma 'ongs pa'i dus las 'das so/ /zhes pa'i bar gyis ni las kyi rnam par smin pa ngan par smin pa'i rgyu rkyen ston/ lan cig ci zhig gi rkyen gyis zhes pa nas/ bde ma bkun gyi gnas su skye zhes bya ba'i bar gyis ni las kyi rnam par smin pa ma nges pa'i don ston te/ 'bras bu ngan song du skye rgyu las rkyen drang srong dang phrad nas ltar skyes pa'i don ston te/ lha'i dbang po nyon cig ces pa nas/ lha'i 'khor 'di dag yin no zhes bya ba'i bar gyis ni sron? las mthun pa'i 'brel pa ston te/ sngon gyi gleng gzhi'i rgyu ni mdo sde la smos te yan chad du thal lo/ /da ni tshe dpag med las kyi sgrib pa rgyun gcod pa'i maN+Dal gyi don ston te/ de la tshe ni ye shes so/ /dpag med ni dngos po thams cad dang bral ba'i tha tshig go /las ni dge sdig rnam pa gnyis so/ /sgrib pa ni nam mkha' dangs pa la sprin g.yogs pa dang 'dra bar kun gzhi la rtog pa glo bur bas bsgribs pa'o/ /rgyun gcod ni gnyen po 'phags pa'i lam gyi ye shes kyi stobs kyis mi mthun par rgyun gcod pa'i tha tshig go /dkyil 'khor ni dpag med de chos nyid do/ /'khor ni che ste ye shes bzhi'i 'khor ro/ /de bshad pa'i phyir zhu ba gsol ba ston to/ /ci'i phyir zhe na/ de nas brgya byin dang zhes smos so/ /brgya byin ni yon bdag yin pa'i phyir dang/ /gnas kyi bdag po yin pa'i phyir dang por smos so/ /rab tu mgu zhing yi rang ste zhes pa ni/ sems ni rangs te gsol ba 'debs pa'i tha tshig go /ba spu'i bu ga nas spu rnams langs pa ni/ 'khor ba la skrag cing 'bras bu bla na med pa'i sangs rgyas la dga'

  425. 213a

    bas na/ sna la smos so/ /rgyal ba ni ye shes kyi chos nyid rtog pas ni mtshan ma las rgyal ba/ thugs rjes 'gro ba'i don mdzad pas 'khor ba la spyod pas rgyal lo/ /phyag na rdo rje la ming bcus mngon par bstod de ces pa ni phyag na rdo rjes gnod sbyin kun tu bzang po yin pa'i phyir ni gnod sbyin skad kyis pha rol tu phyin pa bcu la sogs pa yon tan gyi sgo nas bstod do/ /da ni tshe dpag med kyi maN+Dal bshad pa'i gsol ba gdab pa'i tha tshig go /ko ta k+Sha ni khyed kyi thabs kyi pha rol tu phyin pa la mnga' mnyes pa'i rang bzhin no zhes pa'i tha tshig go /ko Ta pa ni khyod kyi shes rab kyis spyi dang rang gi mtshan nyid 'byed pa'i don to/ /ko Ta ko Ta ni khyod kyi brtson 'grus kyi stobs dang ldan pas 'khor bar mi gter ba'i rtags so/ /ko la ba la ni khyod kyi bzod pas ni mi 'khrugs shing sran 'dzugs pa'i don to/ /ka ti ra ka ni khyod kyi tshul khrims yang dag pa mi nyams pa'i don to/ /ko la k+Sha ni khyod kyi stobs kyi pha rol tu phyin pa ni gzhan gyis mi gnon pa'i rtags so/ /ko la ba ni khyod kyi sbyin pa'i pha rol tu phyin pa ni yongs su gtong ba'i mtshan nyid dang ldan pa'i rtags so/ /ko la ko la ni khyod kyi ye shes kyi pha rol tu phyin pa ni ye nas shes pa'i rang bzhin can yin pa'i rtags so/ /b+hany+dza ni khyod kyi brtson 'grus kyi pha rol tu phyin pa ni skyo dub med pa'i mtshan nyid do/ /ko la pa sti ni khyod kyi smon lam gyi pha rol tu phyin pa ni mthun pa'i ye shes la dmigs pa'i don to/ /ko li ta tha i ti ni khyod ni bsam gtan gyi pha rol tu phyin pa'i don mthong ba'i chos nyid bsam du med pa la gtan 'cha' ba' i phyir ro/ /thabs kyi pha rol tu phyin pa ni rdo rje 'dzin pa'o/ /shes rab kyi pha rol tu phyin pa ni mgon po rgyal mtshan gyi dpung rgyan can no/ /brtson 'grus kyi pha rol tu phyin

  426. 213b

    pa ni glang po'i rna ba dang ldan pa'o/ /bzod pa'i pha rol tu phyin pas ni rnam par gnon pa'i ngo bo brnyes so/ /tshul khrims kyi pha rol tu phyin pas ni yon tan rin chen 'byung ldan du 'gyur ro/ /stobs kyi pha rol tu phyin pas ni bden pa'i don ston pa thob pa'o/ /sbyin pa'i pha rol tu phyin pas ni gzugs mdzes pa thob po/ /ye shes kyi pha rol tu phyin pas ni yid kyi brgyan pa 'grub po/ /smon lam gyi pha rol tu phyin pas ni me 'bar can 'grub po/ /bsam gtan gyis ni gzugs mdzes pa yin zhes pa'o/ /gsang ba'i bdag pos bshad du gsol zhes pa'i bar gyis gsol ba btab pa'o/ /de nas bcom ldan 'das zhes pa nas bshad du gsol zhes pa'i bar gyis ni bka' gnang ba bstan to/ /da ni dkyil 'khor gyi yig 'bru'i don to/ /de nas bcom ldan 'das phyag na rdo rje zhes pa ni/ /gnang nas tshe dpag med kyi ting nge 'dzin la zhugs pa'i phyir na smos so/ /thams cad kyi tshe dpag tu med pa zhes pa ni thams cad ni dngos por snang ba'o/ /tshe ni ye shes kyi dngos po med par rtogs pas na dpag med do/ /khyad par du 'byung ba'i rdo rje zhes pa ni dbyings khyab pa'i rang bzhin las ye shes 'byung ba'i phyir na rdo rje zhes smos so/ /phyi ma ni bde ste ma smos so/ /thugs chos kyi yi ge nyid du zhugs par gyur pa ni thugs ni ye shes lnga'i rang bzhin la/ chos ni mdzad pa bcu gnyis kyi tshul tu phrin las mdzad pa'i don to/ /de ci'i phyir zhe na/ tshe dpag tu med pa rdo rje'i 'od byed pa ni/ yang dag pa'i ye shes dngos po dang bral bas ni dpag tu med la/ /rdo rje ltar 'dus ma byas pas ni thugs rje'i 'od pa na/ gdon mi za ba'i sgrib pa rnam par 'joms pa ni zhes pa la/ gdon mi za ni 'phrin las gdon mi za la/ sgrib pa ni nyon mongs pa'o/ /'joms pa ni mtshan ma thams cad 'joms pa'o/ /dri ma med cing rnam par dag pa'i rdo rje ni dri ma ni gzung

  427. 214a

    'dzin gyi bag chags so/ /med pa ni dag pa'o/ /rdo rje ni chos nyid du bsgoms pa'o/ /gdon mi za bar mi choms pa ni zhes pa ni/ thugs rje dang phrin las gzhan gyis mi choms pa'o/ /de rnams ni rigs lnga'i snying po ste rigs par sbyar/ /sngags kyi yig 'bru'i don bsdus pa bshad zin to/ /da ni dkyil 'khor bri ba'i thabs ston te/ /ci'i phyir zhe na/ gru bzhi pa la sgo bzhi pa/ sgo ba rnams dang ldan pa ste/ rta babs bzhi dang ldan par bya/ /lte ba dang ni mu khyud ldan zhes gsungs te/ gru bzhi ni phrin las rnam pa bzhi yis 'gro ba'i don byed pa'i rtags yin pas gru bzhir ldan no/ /sgo bzhi ni tshad med pa'i phrin las rnam pa bzhis 'gro ba la 'byung ba'i sgo dang/ bsdu ba'i dngos po bzhi yis theg pa chen po la 'dzud cing 'god pa'i rtags so/ /sgo ba ni de'i phyag rgya ste/ ye shes kyi 'od dang ldan par dri'o/ /rta babs bzhi ni sgo bzhi bar rim gyi then pa bzhi ste/ snying rje la sogs pa tshad med pa bzhi'i rtags so/ /lte ba ni dbus kyi pho brang zlum po ste/ chos nyid kyi rtags so/ /de'i dbus su 'khor lo ni zhes pa ni de ni dkyil 'khor la bya'o/ /dbus ni dkyil 'khor gyi sum gnyis la bya'o/ /'khor lo ni rtsibs bzhi pa'o/ /dkyil 'khor dam pa bri bar bya zhes pa ni dkyil ni dbus kyi pho brang ste gtso bo'i sa bcad do/ /rtsibs bzhi pa dang ldan pa la zhes pa ni/ /rtsibs bzhi pa ni 'khor lo'i lce bzhi'o/ /de ni ye shes rnam pa bzhi'i phrin las so/ /lte ba ni dkyil 'khor ldan par bya zhes pa ni/ /lte ba ni dbus kyi pho brang zlum po la/ dkyil ni de'i sa bcad do/ /'khor lo ni rtsibs su bstan no/ ldan par bya ba ni lha bri ba'i tha tshig go /de ci'i phyir zhe na/ de'i dbus su gtso bo ni zhes gsungs te/ de ni 'khor lo dbus ni lte ba'o/ /gtso bo ni phyag na rdo rje sku mdog ljang skya/ /zhal zla ba rgyas pa ltar 'dzum pa phyag g.yas pa na rdo rje/ g.yon pa dril bu bsnams pa/

  428. 214b

    rgyan sna tshogs kyis brgyan pa bri'o/ /shar gyi rtsibs kyis steng du ni mgon po mi bskyod pa bri bar bya zhes pa ni shar ni shar gyi phyogs so/ /rtsibs ni 'khor lo'i lce'o/ /mgon po ni khams gsum gyi mgon mdzad cing mtshan mas mi bskyod pas/ sku mdog dkar po sa gnon gyi phyag rgya can bri'o/ /lho'i rtsibs la rin chen 'byung ldan mchog sbyin gyi phyag rgya can bri'o/ /nub kyi rtsibs la snang ba mdza' yas sku mdog dmar po ting nge 'dzin gyi phyag can bri'o/ /byang gi rtsibs la gdon mi za bar grub pa sku mdog ljang gu skyabs sbyin gyi phyag rgya can bri'o/ /phyi ma ni gtsug tor brgyad dang cha mthun no/ /'khor los sgyur ba'i cha lugs su bri/ /maN+Dal du bdag nyid zhugs shing lha spyan drang ba ni de nas rnam grol can nyid dang zhes pa nas/ sa ma ya hUM zhes pa'i bar gyis bstan rdo rje ti ri zhes pa nas/ badzra hUM zhes pa'i bar gyis ni rig pa'i me tog de maN+Dal du 'jug pa bstan/ de nas zhes pa nas/ hUM zhes pa'i bar gyis ni dam tshig bsgrag pa bstan/ /bar gyi tshig gnyis kyis ni dkyil 'khor bstan pa'o/ /de nas 'di zhes pa nas a b+hi ShI ny+tsa hUM zhes pa'i bar gyis ni dbang bskur ba bstan/ de nas zhes pa nas a(rgyud 'grel): zhes pa'i bar gyis ni tshe srid pa'i thabs bstan/ de'i sgrub la zhes pa nas bzlas brjod pa'i bar gyis ni/ /sgrub pa'i lha bri ba bstan/ da ni sgrub pa po ston te/ de nas zla ba nye'i mchod pa chen po byas pa dmar ser gyi mar snod sar par bcug la zhes pa ni sgrub pa po byed pa'i dus ni zla ba nya ba ste/ tshogs gnyis rdzogs pa'i phyir dang/ ting nge 'dzin gyi rgyas pa'i phyir dang 'jig rten pa dang mthun pa'i phyir smos so// phyi nang gi mchod pas mnyes par bya ba'i phyir 'phags pa la mchod pa phul la/ bdag gis snod gtsang ma'i nang du ba dmar ser gyi mar dang/ til mar dang gur gum la sogs bsres shing bcug la/ bdag nyid las kyi lha phyag na rdo rje'i

  429. 215a

    ting nge 'dzin du bzhugs la lag pa g.yon pa rdo rje rtse gsum gyi phyag rgya bcas la snod la gtad la/ g.yas pa thal mo gdong stong du sbyar te/ bcom ldan 'das tshe dpag med rab tu bsam zhing/ sku'i gzugs brnyan la dmigs pa'i rten bcas nas bsnyen pa dang bzlas brjod tshul bzhin du byas nas/ dngos grub mtshan ma ma byung na yang/ /de la mar sar pa 'am til mar ram 'o ma/ chang nga ma khrag gam zhag gam/ klad pa 'am sha 'am gang yang rung pa la bdag nyid kyis bshags pa bya zhing bdag nyid kyi lus gur kum gyi chu la bkrus la/ bsnyen pa yun ring du byas na 'grub par the tshom med do/ /tshe dpag med las kyi rgyun gcod pa'i phyag na rdo rje'i dkyil 'khor bshad zin no/ /de ni rgyal po chen po bzhi'i dkyil 'khor ston te/ ci'i phyir zhe na/ de nas rgyal po chen po bzhis zhes gsungs te/ de nas ni tshe dpag med kyi dkyil 'khor rting thogs su 'byung ba'i phyir na de nas zhes bya'o/ /rgyal po ni rgyal po chen po bzhi lha'i rgyal po yin pa'i phyir ro/ /chen po ni sku bzhi dang dpal brgyad bka' srung rigs kyis 'dul ba'i phyir phrin las mdzad pa'i phyir chen po'o/ /bzhi ni yul 'khor srung dang/ 'phags skyes po dang/ mig mi bzang dang/ rnam thos sras la sogs pa bzhis bka' stsal du gsol/ bya ba'i bar gyis rang gi snying po 'gro ba la phan pa'i don ched du mdongs gsol du dbul bar gsol ba'o/ /de bzhin gshegs pas bka' gnang ba dang/ rgyal pos snying po phul ba ni bde ste ma smos so/ /da ni dkyil 'khor bri pa'i don bstan te de nas de dag gis dkyil 'khor bshad de zhes gsungs te/ de nas ni snying po phul ba'i rting thogs so/ /dkyil ni phyag na rdo rje dbus na bzhugs pa'o/ /'khor ni rgyal po chen po bzhi'o/ /bshad pa ni don bshad pa'o/ /ci'i phyir zhe na/

  430. 215b

    gru bzhi pa la sgo bzhi pa/ dkyil 'khor lnga ni brgyan pa ste zhes gsungs te/ gru bzhi ni rgyal po bzhi yod pas gru bzhir bya'o/ /sgo bzhi ni rgyal po bzhis phyogs bzhi nas rigs kyi 'dul ba dang dam bca' ba ni 'phrin las mdzad pas na sgo bzhi'o/ /dkyil 'khor ni phyag na rdo rje dbus na bzhugs pa'o/ /lngas brgyan zhes pa ni rgyal po chen po bzhi yod pa'i phyir na lngas brgyan te zhes smos so/ /de yang maN+Dal gyi sum nyis la thig bzhi btab pa'i re'u mig dgu la/ dbus su phyag na rdo rje 'gying bag du bri/ /re'u mig gi mtshams su rgyal po chen po bzhi'i btsun mo bri'o/ /btsun mo ni rdo rje mang byed ma dang yul 'khor gyi btsun mo 'phags skyes po'i btsun mo dpe med ma dang/ /mig mi bzang gyi btsun mo 'dul mkhas ma dang/ rnam thos sras kyi btsun mo 'phreng 'dzin ma dang/ re'u mig gi bar yang rin po che'i phreng bas gcad do/ /phyi rol yang zlum pos bskor/ /gru chad bzhi la dus bzhi bri'o/ /de'i phyi rol tu mchod snam bcad sgo bzhi yang phyogs su bri'o/ /de nas rdo rje 'dzin ma'i phyag rgya bcas la slob ma gzhug rig pa'i me tog dor/ gang la bab pa'i rgyal pos dbang bskur ro/ /da ni dbang bskur ston te/ de nas grwa na bzhag pa yi/ /bum pa bzhis ni dbang bskur te/ zhes gsungs te/ de nas ni zhes pa ni maN+Dal bri ba'i rting thogs so/ /mtshams zhes bya ba ni re'u mig gi mtshams su bzhag pa'o/ /bum pa bzhi'i sngags dang phyag rgya dang ldan par bya ste/ de nas bdag nyid phyag na rdo rje'i ting nge 'dzin du zhugs la dang po phyag na rdo rje'i dbang bskur de nas rgyal po chen po bzhi'i bum pa phyogs phyogs na yod pas rim par dbang bskur la byin gyis brlabs na/ yon tan gzhung las 'byung ba bzhin thob par 'gyur ro/ /rgyal po chen po bzhi'i dkyil 'khor gyi don bsdus pa bshad zin to/ /da ni phyogs skyong bcu'i dkyil 'khor bshad de/ de nas

  431. 216a

    phyogs skyong ba rnams kyis zhes pa ni de nas ni rgyal po chen po bzhi'i rting thogs so/ /phyogs ni phyogs bzhi mtshams bzhi brgyad steng 'og dang bcu'o/ /skyong ba ni de rnams kyi 'jig rten skyong ba'o/ /rnams kyis ni 'khor dag rnams kyis rang gi snying po 'bul bar zhus pa dang/ gnang ba dang snying po phul ba'o/ /da ni dkyil 'khor bri bar ston te/ de nas de dag gi dkyil 'khor bshad de zhes pa ni de nas ni skabs kyi rting thogs so/ /de dag ni phyogs skyong ba rnams so/ /dkyil ni dbus su mgon po phyag na rdo rje bri'o/ /'khor ni phyogs skyong bcu'o/ /bshad pa ni don bshad pa'o/ /dkyil 'khor snga ma bzhin bris la zhes pa ni/ snga ma ni rgyal po chen po bzhi dang 'dra bar bri ba'i tha tshig go /phyogs bzhi mtshams brgyad kyi re'u mig las dbus kyi re'u mig la bcom ldan 'das phyag na rdo rje zhi ba sku mdog ljang gu phyag g.yas rdo rje thugs khar 'dzin pa g.yon dril bu dgu la brten pa bri'o/ /de'i mdun du nyi ma dmar po shing rta la zhon pa nyi ma 'dzin pa/ ? dkar po dwang pa la zhon pa zla ba 'dzin pa'o/ /rgyab tu sa bdag phag mgo can pi wang 'dzin pa'o/ /shar du brgya byin ser po glang po che la zhon pa rdo rje 'dzin pa'o/ /lhor gshin rje sngon po ma he la zhon pa dbyug to 'dzin pa/ nub tu chu lha dkar po chu srin la zhon pa sbrul zhags 'dzin pa/ byang du gnod sbyin ser po rta la zhon pa rin po che 'dzin pa'o/ /byang shar du dbang ldan dkar po glang la zhon pa rtse gsum 'dzin pa'o/ /shar lhor me lha dmar por la zhon pa dbyug to 'dzin pa'o/ /lho nub tu srin po nag po mi la zhon pa ral gri 'dzin pa'o/ /nub byang du rlung lha ljang gu sha ba la zhon pa ba dan 'dzin pa'o/ /sgo ba rnams kyang de bzhin du phyi ma ni rgyal po chen po bzhi dang mthun no/ /de nas spyan drang ba dang bdag nyid zhugs pa dang/ slob ma

  432. 216b

    zhugs pa dang phyogs skyong ba bcu'i sngags kyis btab pa'i bum pa rnams kyis dbang bskur ba dang/ de'i yon tan dang yon tan gyi che ba bsrung zhing 'phel par bya ba dang/ so so rang rang gi phyogs srung ba'i phyir dam bcas pa ni bde ste bshad mi dgos so/ phyogs skyong ba bcu'i maN+Dal 'dis ni gdon stong phrag brgyad cu rtsa bzhi bzlog par bgyid pas phyogs skyong bcu'i dkyil 'khor gsungs te/ de ni 'jig rten pa'i gtso bo yin pas na/ 'jig rten pa la phan pa'i don bshad do/ /phyogs skyong bcu'i dkyil 'khor gyi don mdor bsdus pa bshad zin to/ /da ni gza' chen po brgyad kyi maN+Dal bshad de/ de ni sems can gza' chen po brgyad kyi gshed dang/ skar ma'i rlung rnams zhi bar bya ba'i phyir gsungs te/ de yang ci'i phyir zhe na/ de nas gza' chen po brgyad dang 'khor rgyu skar dang bcas pa rnams kyi zhes gsungs te/ de ni skabs kyi rting thogs su 'byung ba'o/ /nas ni 'og ma'i mgo 'dren pa'o/ /gza' ni dper na 'jig rten pa dag skra la gza' zhugs na ma rungs par 'gyur ro zhes gsungs te/ de bzhin du 'jig rten pa'i gza' chen po brgyad ni 'jig rten na rgyu ba'i ma rungs pa te/ bar snang la gnas shing gnod pa'i gdug rtsub byed pa'i phyir smos so/ /de'i 'khor ni rgyu skar te/ nam mkha' la rgyu zhing zla ba'i mngag gzhug dang las kun byed pas na rgyu skar ro/ /de rnams ni bcom ldan 'das kyi 'khor yin pas/ 'jig rten pa'i gnod pa zhi bar bya ba'i phyir smos so/ /'di skad ces gsol to zhes pa ni/ 'og gi don 'di kho na bcom ldan 'das la zhu ba gsol ba'i phyir smos so/ /bcom ldan 'das zhes pa ni nyon mongs pa'i bdud bcom zhing/ pha rol tu phyin pa'i legs pa'i yon tan dang ldan pas mdza' gnyis kyi skyon dang bral bas phyag na rdo rje'o/ /bdag cag 'khor

  433. 217a

    dang bcas pa zhes pa ni/ /bdag ni gza' chen po brgyad la pa sangs gtsor smos so/ /gcig ni phung bu? sogs pa phyi ma bdun gyi tha tshig go /'khor ni gza' re re dang rgyu skar rnams dus su rgyu ba ni rgyu skar gyi 'khor du gsungs so/ /rang rang gi gsar sngags kyi zhes pa ni/ rang rang gza' dang rgyu skor nyid la bya ba'i tha tshig go /gsang sngags ni rang rtags kyi snying po sems la gnas pa'i don to/ /byin gyis brlab tu gsol zhes pa ni dper na ras dkar po dmar por byin gyis brlab pa ni btsod la yod pa dang 'dra bar/ de bzhin du gza' dang rgyu skar gyi snying po byin gyis brlabs ni bcom ldan 'das phyag na rdo rje la mnga' bas so/ /byin gyis brlabs pa bshad zin to/ /da ni snying po bshad pa ston te/ legs so ngas zhes pa ni legs so ni gza'i tshig la/ bcom ldan 'das mgu ba'i tha tshig go /dpa' ni phyag na rdo rje nyid kyi gnang ba'i tha tshig go /phyi ma ni bde ste bshad mi dgos so/ /da ni dkyil 'khor gyi don ston te/ de ci'i phyir zhe na/ de nas de dag gi dkyil 'khor bshad de/ zhes pa ni gong ma'i 'jug bsdus pa la nas ni 'og gi dkyil 'khor gyi mgo 'dren pa la'o/ /de dag ni gza' dang rgyu skar de dag go /dkyil ni phyag na rdo rje dkyil na bzhugs pa'o/ /'khor ni gza' dang rgyu skar du bcas pa'o/ /bshad pa ni tshig dang don gsal bar bya ba'i tha tshig go /'jig rten gsum las rnam par rgyal ba'i gzugs su bris zhes pa ni chos thams cad rang bzhin gyis rnam par dag pa yin pa'i phyir ni 'jig /chad pa ma yin pas ni rten la/ gsum ni 'dod khams dang/ gzugs khams dang gzugs med pa'i khams gsum la bya'o/ /rnam par rgyal ba ni mtshan ma'i rnam pa ste/

  434. 217b

    /de rnams las thugs rje'i phrin las kyis rgyal ba'i rtags te/ de ni phyag na rdo rje ste/ gza'i dkyil 'khor gyi skabs su khro bor ston to/ /hUM ka ra'i gzugs su bri ba'i tha tshig go /ngos rnams su phyag rgya chen po bzhi dri zhes pa ni ngos ni dkyil 'khor kha gsum du bcad pa'i de'i dbus su thig bzhi btab pa'i re'u mig dgu pa rin po che'i phreng bas zlum por bskor ba'i phyi rol gyi gru tshad bzhi la bya ba'i tha tshig go /phyag rgya bzhi ni dus bzhi'i lha mo bzhi phyag rgya bdug spos me? tog mar me dri chab dang bzhi bri'o/ /rnam gcig tu rdo rje rin po che/ pad+ma rgya gram zhes smos so/ /de'i mdun du pa ba sangs zhes pa ni/ de ni hUM ka ra'o/ /mdun du ni shar phyogs kyi re'u mig go /pa bsangs mdog dkar po lag na me tog ku mu da dang shing tog bsnams pa/ /rgyab tu zla ba bri bar bya zhes pa ni rgyab ni nub phyogs te gza' zla ba phyag na ku mu da thogs pa dang ngang pa la zhon pa bri/ g.yas ni lho phyogs te phur bu sku mdog sngon po phyag na po ti bsnams pa'o/ /g.yon du gza' lhag bri bar bya zhes pa ni/ /g.yon ni byang phyogs te gza' lhag pad+ma la 'dug pa/ phyag g.yas mchog sbyin byed pa g.yon utpa la bsnams pa bri/ me'i phyogs su mig dmar dang zhes pa ni/ shar lho'i mtshams te/ mig dmar mdog dmar po phyag g.yas pa na bdud rtsi'i bum pa bsnams pa g.yon pa na me sgron bsnams pa'o/ /rlung gi phyogs su nyi ma ste zhes pa ni rlung ni nub byang gi mtshams te/ gza' nyi ma rta la zhon pa phyag g.yas na pad+ma kha bye ba bsnams pa/ g.yon pa na 'thab ber bsnams pa bri/ dbang ldan phyogs su spen pa'o/ /zhes pa ni dbang ldan ni byang shar gyi phyogs te/ spen pa lag pa g.yas na dbyug pa thogs pa/ g.yon pa dgra sta thogs pa/ stan nang tshangs can la 'dug pa bri//

  435. 218a

    srin po phyogs su sgra gcan bri zhes pa ni srin po ni lho nub kyi phyogs su sgra gcan sku mdog dung kha mi'i mgo can ro smad sbrul du 'dug pa/ phyag g.yas pa na pad+ma sdong bu dang bcas pa g.yon pa na ral gri bsnams pa bri/ /da ni 'khor rgyu skar smos te/ dkyil 'khor phyi rol khor yug tu zhes pa ni/ phyi rol gru chad phyi snam la rgyu skar nyi shu rtsa brgyad rtsa ba'i dkyil 'khor nas 'byung ba bzhin du bri ba ni phyogs re re bdun bdun no/ /smin drug dmar po bum pa la gnas pa/ snar ma ljang gu khyu ba dkar po la zhon pa mgo ser po sha ba la zhon pa/ lag dmar po sprul la zhon pa/ nabs so ser po pad+ma la 'dug pa/ rgyal ljang gu bum pa la 'dug pa/ skag ljang gu bya rog la 'dug pa/ mchu ser po me tog la 'dug pa/ bre dkar po pad+ma la 'dug pa/ spo ljang gu chu khri la 'dug pa/ me bzhi ser po glang po che la zhon pa nag pa ljang gu rma bya la zhon pa/ sa ri dmar po lcong mo la zhon pa/ sa ka ljang gu ra dkar po la zhon pa/ lha mtshams ser po bya rog la zhon pa/ sgrog dmar po nang tshangs can la 'dug pa/ snubs ljang gu sbal ba la zhon pa/ chu stong ser po nang tshangs can la 'dug pa chu smad ljang gu mi'i snying la 'dug pa/ byi bzhun dkar po nang tshangs can la 'dug pa/ gru zhin ser po skur ma la 'dug pa/ mon gru dmar po nang tshangs can la 'dug pa/ /mon gre ljang gu glang khyu mchog zhon pa/ khrum stong ljang gu gser khri la 'dug pa/ khrum smad ser po rin chen khri la 'dug pa nam gru dmar po rta la zhon pa/ za skar ljang gu mi la 'dug pa/ bra nye ser po 'khor lo la 'dug pa'o/ /sgo sgor de bzhin sgo ba rnams/ /khros pa'i yid du bri bar bya zhes pa gsungs te/ phyi rol gyi sgo bzhi'i rdo rje lcags kyu ma la sogs pa bzhi rab tu

  436. 218b

    khros pa bskal pa'i me dpung 'bar ba'i dkyil na rdo rje'i brag ri la rkyang bskum gyi tshul du gnas pa bri/ rdo rje 'dzin mar zhugs nas ni zhes pa nas/ sa ma ya hUM gi bar gyis ni dkyil 'khor du 'jug pa bstan to/ /da ni dbang bskur ba ston te/ de nas gza' brgyad sngags btab te/ de bum brgyad kyis dbang bskur ro/ /zhes pa ni bdag nyid khams gsum rnam par rgyal ba'i ting nge 'dzin la zhugs la/ bum pa brgyad gza' brgyad kyi sngags kyis btab nas/ slob ma rdo rje'i phyag rgya bcas nas bsgrub par bya'o/ /de nas tsan dan dmar po'i shing la/ 'bras bu thug rin po che dang til dang sbrang rtsi dang sA lu dkar po dang bu ram gur gum spos gla rtsi gur kum rnams bsres la gza' brgyad la bsgrub par bya'o/ /da ni gza' brgyad kyis dam bcas pa ston to/ /de nas gza' chen po de dag ni zhes pa ni/ bcom ldan 'das kyi bka' srung zhing/ rang gis dam bcas pa thams cad mi nyams par bya ba'i phyir smos so/ /de na rgyu skar dang yud tsam gyis ni zhes pa ni/ rgyu skar rnams yud tsam gyis ni mkha' la 'gro ste/ de yang yud tsam gyi tshang las ni zhag tsam du brtsi zhing zhag la rgyu skar gyi rlung ded pa'i phyir smos so/ /skad cig dang thang cig dang dus dang zla tshigs dang zhes pa ni/ yud tsam gyi tshad las skad cig brtsi ste/ yud tsam ni bud med bal mkhal ba skyen bul ran pas/ mo rang gi lag pa gang nar gyis brangs nas bkal te 'phang la bkos pa'i tshad ni yud tsam mo/ /yud tsam nyi shu ni skad cig go /skad cig nyi shu la thang cig go /thang cig bcu drug ni nyin zhag cig go /nyin zhag gcig la gza' dang sgyu skar rim par rgyu ba de'i nyin par de bsgrubs na 'grub par gsungs so/ /dus dang lo tshigs dang zhes pa ni dus nam zla dbyar dgun ston dpyid bzhi'o/ /de yang lo gcig lo zla

  437. 219a

    ba bcu gnyis la de yang rab 'bring gsum du dbye'o/ /de re re la yang gza' dang rgyu skar gang rgyu ba de shes par bya ba'i phyir smos so/ /sbyor ba dang khyim dang dus sbyor ba dang/ zhes pa ni/ sbyor ba ni skar ma dang gza' sbyor pa'o/ /dus tshod dang tshes grangs su sbyor ba dang/ nam zla re re la rgyu skar re re rgyugs rims su sbyor ba'o/ /khyim ni gnas te rgyu skar rim par rgyu ba'i gnas te/ de'i dus su yang rang gi khyim du yang rgyu skar rnams rim pas bsgrub cing gnas par bya ba'i phyir dus ni nam zla dus bzhi 'am zhag gi grangs kyi dus su rgyu skar bsgrub pa'o/ /'jug phod la sogs pa ni dkyil 'khor gyi lha gang du 'jug pa de smos so/ /phyi ma ni bde ste ma smos so/ /gza' brgyad kyi dkyil 'khor gyi don bsdus pa bshad zin to/ /da ni klu chen po brgyad kyi dkyil 'khor bshad de/ de ni 'jig rten pa'i sems can klu gdon gyis zin pa rnams thar par bya ba'i phyir smos so/ /de yang ci'i phyir zhe na/ de nas klu chen po brgyad kyis kun zhes pa'i sgras ni/ zhes pa ni de nas ni skabs kyi de ma thag pa ste/ gza' brgyad kyi rting thogs su 'byung ba'o/ /klu chen po brgyad ni mdza' yas dang rigs ldan gnyis bram ze'i rigs me las byung ba ste/ dkar po nor rkyas dang dung skyong gnyis rgyal rigs brgya byin las byung ba ste/ mdog kyang ser 'jog po dang pad+ma chen po gnyis rlung las byung bas rje'u rigs te mdog kyang dmar stobs kyi rgyu dang pad+ma gnyis chu las byung bas te/ dmang rigs mdog nag po chen po ni rigs bzhi'i gtso bo bzhi yin pas chen po'o/ /phud ces bya ba ni rang gi dam tshig sgyu med pa'i snying po ste/ de ci'i phyir zhe na/ dper na nor gyi dam pa ni phud du bcad de bzhag pa dang/ zas kyi dam pa ni phung sna bcad de bzhag pa lha mchod pa dang 'dra bas

  438. 219b

    bdag gis dam tshig sgyu med pa'i rtags yin par shes par bya/ /rnam cig tu phung ni mang po las nyung ngun du gcod pa dang 'dra bar klu'i snying po mang po zhig byung yang nyung du bstan na phud ces bya ba las med pas na/ phung ni bsdus pa dang 'dus pa'i phyir na sgras mnyam pa'i thabs su brjod do/ /de nas bcom ldan 'das la snying po 'bul bar zhu ba gsol ba dang/ klu'i rgyal po la gnang ba dang/ klu'i rgyal po dga' nas snying po brjod pa ni rab tu bde ste ma smos so/ /da ni klu chen po brgyad kyi dkyil 'khor gyi don te/ de yang ci'i phyir zhe na/ de nas de dag gi dkyil 'khor bshad de/ /zhes smos so/ /de nas ni skabs kyi rting thogs so/ /de dag ni klu chen po de dag go /dkyil na phyag na rdo rje klu'i rgyal po'i tshul du gnas so/ /'khor ni klu chen po brgyad do/ /bshad pa ni de'i don dang tshig bstan pa'o/ /de yang ci'i phyir zhe na/ pad+ma chen po 'dab brgyad la/ kha dog dkar po bri bar bya zhes gsungs te/ pad+ma ni dkyil 'khor gru bzhir byas pa'i dbus su pad+ma 'dab ma brgyad pa kha dog dkar por bris te dkyil 'khor sum nyis las bcas par bya'o/ /phyi'i gru chang dang/ shing rta'i snam bu la bang mig dang/ sgo dang ldan par bya'o/ /dbus su phyag na rdo rje sbrul mgo mdza' yas pa'i gdengs ka can klu'i rgyal po sdigs pa'i tshul du bya'o/ /pad+ma'i 'dab ma shar phyogs su mdza' yas phyag na utpa la bsnams pa/ lhor 'jog po dgra ste/ nub tu stobs kyi rgyu sbrul gyi bshol/ byang phyogs su dung skyong dung por/ shar lhor nor rgyas bum pa/ lho nub tu pad+ma pad+ma 'dab ma brgyad/ /nub byang du chu lha sbrul zhags/ byang shar du rigs ldan rin chen rkyal bu bsnams gru chad la dus bzhi'i lha mo shing rta'i bang mig la klu gnon/ sgor sgo ba rnams bri'o/ /dkyil 'khor bri ba'i thabs bsdus pa bshad zin to/ /mchod rdzas bde ste ma smos so/ /da ni dkyil 'khor du 'jug pa ston to/ /de ci'i phyir zhe na/ de nas rdo rje

  439. 220a

    bdag nyid zhugs pa ni zhes pa ni/ de nas ni skabs kyi rting thogs so/ /rdo rje ni slob dpon sku gsung thugs rdo rjer bsgom pa'o/ /bdag nyid ni dkyil 'khor gyi bdag nyid du gnas shing bsgom pa'o/ /zhugs pa ni gnyis su med par bya ba'i don to/ /de ci'i phyir zhe na/ sbrul mgos sbrul mgo can rnams dgug phud ces bya ba'i lhan cig tu/ dza(rgyud 'grel): hUM baM ho(rgyud 'grel): zhes brjod cing zhes gsungs sbrul mgos ni zhes pa ni/ bdag slob dpon las kyi bdag nyid rdo rjer bsgom pa'o/ /sbrul mgo can rnams ni klu rnams brgyad la sogs pa'o/ /dgug pa ni dam tshig gi phyag rgyas gnyis su med par byas pa'o/ /phud ni dam tshig gi mna'i snying po'o/ /lhan cig tu ni dam las mi 'da' bar bya ba'i tha tshig go /dza(rgyud 'grel): ni lcags kyu hUM ni zhags pa/ baM ni lcags sgro/ ho(rgyud 'grel): ni dril bu phyag rgya rnam pa bzhis bkug nas dam tshig dang ldan par byed pa'o/ /da ni slob ma gzhug cing dbang bskur ba ston te/ de yang ci'i phyir zhe na/ de nas bu ni rgyal po dang rgyal rigs thams cad du bcug nas ni/ zhes gsungs te/ de nas ni skabs kyi rting thogs so/ bu ni slob ma ste rgyal po ni rigs phun sum tshogs pa'o/ /rgyal rigs thams cad dkyil 'khor du gzhug go /de ci'i phyir zhe na/ dug gi nyes skyon bsal ba'i phyir/ /phud ces bya ba'i dbang bskur ro/ /zhes pa ni dug ni klus zin nas sdug bsngal gyi nad do/ /nyes pa ni 'dod chags la sogs pa'i skyon phyir klu dang 'gras pa na bkra mi shis shing mi la skyon yod pa bsal ba'i phyir smos so/ /phud ni dam tshig gi snying po la dbang bskur ba ni slob ma ste/ klu dang gnyis su med par bya zhing mi gnod par bya ba'i phyir dbang bskur ro/ /de ltar byas na klu thams cad 'gugs par 'gyur ro/ /klu bsgrubs na yang dngos grub 'grub bo/ /klu mgu nas smon lam 'debs pa

  440. 220b

    dang/ rang gi dam tshig gi mna' bor ba dang/ dus rtag tu sems can la phan pa dang/ rgyal ba'i bka' bsrung ba ni ma smos so/ /da ni klu bsgrubs pas nad zhi bar byed pa'i thabs ston to/ /de yang ci'i phyir zhe na/ de nas bsgrub pa bshad de/ lha rdzas 'od phreng dkar po yis/ dbu la sbrul mgo bzhis bskor ba'i zhes gsungs te/ de ni gong gi mjug bsdus la/ nas ni 'og gi mgo 'dren pa'o/ /bsgrub pa ni dug gi de kho na nyid kyis klu'i skyon bsal cing nad zhi bar byed pas bsgrub pa/ lha rdzas ni bdag nyid phyag na rdo rjer bsgoms pa'i dbu la/ lha rdzas kyi 'od phreng dkar po'i dbu rgyan sbrul mgo bzhin du sgom te/ de ci'i phyir zhe na/ rdo rje 'dzin gtso bsams nas kyang/ /phud ces bya ba 'bum bzlas la zhes gsungs te/ rdo rje 'dzin ni las kyi lha'o/ /bsam pa ni yid kyis bsam zhing bsgom pa'o/ /dkyil 'khor gyi gtso bo yin pas smos so/ /phud ni snying po la 'bum ni grangs te bzlas pa ni rtsa ba'i snying po dang phud ces bya ba sres bzlas so/ /de yang ci'i phyir zhe na/ de nas dug bslad phud ces ni/ bya ba'i dkyil 'khor bsam nas kyang/ lha rdzas 'od zer 'phreng bas dgang zhes gsungs te/ dug ni nyon mongs pa blang ba ni med par bya ba glang la phud ni rig pa'i me tog gi snying po la bya ba ni bsgrub par bya ba'i tha tshig la/ 'khor ni klu rnams te bsam pa yid kyis bsam pa la lha rdzas ni mchod pa'i rdzas yin te/ 'od ni kha dog rnam pa lnga dang/ dri bsung du ldan pa la/ zer ni 'phro ba ste phreng ba ni rgyun mi 'chad pa'i tha tshig la/ dgang pa ni mchod pa'i rdzas kyis dgang ba'o/ /da ni nad pa la srung ba'i cho ga ston te/ de ci'i phyir zhe na/ de la phud ces bya ba bsam/ /lag pas sbrul mgo zhags 'dra dang/ phud ces bya ba'i rlung gis gtor zhes gsungs te/ de ni gong gi 'jug sdud la/ phud ni dug zhi bar byed pa'i sngags yin pas yid kyis bsam/ lag pa ni sgrubs pa

  441. 221a

    po bdag gi sprul mgo ni lag pa'i sor mo rnams sprul mgo 'dra ba byas pa la/ zhags pa 'dra zhing zhags pa'i phyag rgya bcas la klu drang ba'i tha tshig la/ phud ces bya ba ni gtor ba'i gnyen po ste/ de ci'i phyir zhe na/ rlung gis gtor ma zhes 'byung bas phud las rlung du gyur pas nad dang dug dang rims med par mthor ba'i tha tshig go /de yang ci'i phyir zhe na/ lpags pa sha dang rus gnas pa'i/ /dug rnams thams cad ma lus par/ /phud ces bya ba'i lag pas drang/ zhes gsungs te/ lpags pa ni phyi'i kha dog te/ sa'i khams che ba'i nad yin pas sprul kha dog dmar por bsam zhing gtor/ kha chu 'dzag pa dang lkog ma 'gags pa ni sha'i nad yin te/ chu'i khams kyi dug yin pas sbrul sngon por bsam zhing 'od sngon po'i rang bzhin gtor/ rkang lag rus shing lhu tshigs na ba ni/ rus pa la gnas pa'i nad yin pas/ rlung las gyur pa'i khams pas/ phud las rlung dkar por gyur pas gtor/ /de ltar dug thams cad ma lus par lag pa sbrul mgo la phud ces bya ba'i snying po bsams te drangs nas nad thams cad 'byin par 'gyur ro/ /de yang ci'i phyir zhe na/ las rnams thams cad kun byed cing zhes gsungs te/ gong du gsungs pa de ltar byas na las thams cad byed par 'gyur ro/ /dug rims dug sbyar la sogs pa zhes pa ni dug ni rnam pa gnyis te/ phyi'i ha la ha la'i dug la sogs pa dang/ nang 'dod chags la sogs pa'i dug go /rims ni zhag gcig pa la sogs pa rnams so/ /dug ni rang bzhin dang sbyar ba'i dug go /khu tshur phyag rgyas kun 'byin na/ sprul mgo'i phyag rgya smos ci dgos zhes pa ni/ de lta bu'i dug rnams khu tshur gyi phyag rgya bcas nas bya bas na yang dug 'byin par 'gyur na/ sbrul mgo'i phyag rgya

  442. 221b

    bcas nas drangs nas lta smos kyang ci dgos zhes pa ni de lta bu'i dug rnams khu tshur gyi phyag rgya rnams bcas nas bya bas nas yang dug 'byin par 'gyur na/ sbrul mgo'i phyag rgya bcas drangs na lta smos kyang ci dgos/ klu chen po brgyad kyi dkyil 'khor gyi don bsdus pa bshad zin to/ /de ni 'jigs byed chen po brgyad kyi dkyil 'khor gyi don ston to/ /de ni lha gdon la sogs pa zhi ba'i phyir smos te/ de yang ci'i phyir zhe na/ de nas lha chen po rnams kyi bdag po 'jigs byed chen po brgyad la bud med rnams kyis bskor bas zhes gsungs pas/ de ni klu brgyad la sogs pa'i mjug bsdus la/ nang ni 'og gi 'jigs byed brgyad kyi mgo 'dren pas so/ /lha ni 'dod khams kyi lha la chen po ni de'i rgyal po'o/ /rnams ni ma lus pa'o/ /bdag po ni de rnams las dbang byed pas bdag po'o/ /'jigs byed ni rab tu khros pa'i tshul du gnas pas 'jig byed do/ /brgyad ni lha chen po nyi shu rtsa gcig las gtso bo brgyad smos pa'i tha tshig go /bud med ni rang rang gi btsun mo'o/ /de nas bcom ldan 'das phyag na rdo rje la/ rang gi 'jigs pa'i tshul gyis sems can skrag pa las phan gdags pa'i phyir/ bcom ldan 'das la snying po dbul bar zhu bar gsol ba dang/ bcom ldan 'das kyis gnang ba dang/ rang gi snying po brjod pa ni rab tu bde ste ma smos so/ nga ni dkyil 'khor gyi don ston te/ de ci'i phyir zhe na/ bcom ldan 'jigs byed chen po ni/ rgyal po de dag gi ngag nyan zhes gsungs te/ bcom ldan 'das ni phyag na rdo rje'o/ /'jigs byed chen po ni 'jigs byed brgyad do/ /rgyal po ni de ni 'jigs byed thams cad kyi gtso bo yin pas smos so/ /bdag ni 'jigs byed kho na bdag gi tha tshig go /ngag nyan pa ni bcom ldan 'das kyi bka' nyan pa'o/ /de'i dkyil 'khor ni 'di ltar bri ste/ ci'i phyir zhe na/ de nas de dag gi dkyil

  443. 222a

    'khor bshad de zhes smos so/ /de dag ni gong gi 'jigs byed brgyad do/ /dkyil 'khor ni dbus na rnam par rgyal ba bzhugs pa'o/ /'khor ni 'jigs byed brgyad do/ /bshad pa ni phyag na rdo rjes bshad pa'o/ /de ci'i phyir zhe na/ 'khor lo chen po rtsibs brgyad pa/ bris nas dbus su rdo rje 'dzin zhes gsungs te/ 'khor ni lte ba dang mu khyud dang gos ras dang rtsibs su ldan pa'o/ /bri ba ni 'khor lo bri ba'o/ /dbus ni 'khor lo'i lte ba'o/ /rdo rje 'dzin pa ni khams gsum rnam par rgyal ba'o/ /de yang ci'i phyir zhe na/ khro chen 'jig rten gsum pas ni/ rnam par rgyal ba bzhag par bya zhes gsungs pa ste/ khro bo ni ye shes te nyon mongs pa la khro ba'o/ /'jig rten ni rgyu la brten rkyen gyis 'joms pa'o/ /gsum ni khams gsum mo/ /rnam pa ni de rnams so/ /rgyal ba ni de rnams 'jigs shing de rnams las rgyal ba'o/ /bzhag par bya ba ni dbus su bri ba ste/ gong du gdung bsreg gi nang nas 'byung ba bzhin no/ /da ni dkyil 'khor bri ba'i don bston te/ ci'i phyir zhe na/ de'i zhabs drung 'jigs byed pa'i/ /bdag po chen po khros pa ni/ /'jigs byed ma dang bcas pa bri/ /zhes gsungs te/ /de ni phyag na rdo rje'o/ /zhabs drung ni mdun drang po'o/ /shar phyogs kyi lte ba'i byung ngo/ /'jigs byed kyi bdag po ni dbang phyug ma hA de ba ste/ khros pa ni 'jigs pa'i tshul du gnas pas spyan gsum mche ba gtsigs pa 'jigs pa'i cha byad sna tshogs pa dang ldan pa/ phyag na kha TwAM ga rnams pa btsun mo 'jigs byed ma u ma de ba dang bcas par bri ba'i tha tshig go /da ni 'khor 'jigs byed brgyad ston te/ ci'i phyir zhe na/ rtsibs kyi nang ni thams cad du/ /gzhan yang 'jigs byed brgyad po ni/ /bud med rnams dang ldan pa la zhes gsungs te/ rtsibs

  444. 222b

    ni 'khor lo'i rtsibs so/ /nang ni phyi rol ma yin te/ rtsibs ni nang lce la bya ba'i tha tshig go /gzhan yang ni dbang phyug chen po las ma gtogs pa gzhan yang 'jigs byed brgyad yod pa smos so/ /shar gyi rtsibs la 'jigs byed phra mi ta/ mdog dkar po/ /btsun mo tshangs pa rin po che 'bar ba bsnams pa/ lho'i rtsibs pa 'jigs byed b+hai ra ba ste/ sku mdog sngo nag phyag na rtse gsum bsnams pa/ btsun mo bde sogs ma dang bcas pa bri'o/ /nub kyi rtsibs la 'jigs byed ka la b+hi ra te/ sku mdog dmar nag tu 'dug pa/ phyag na thod dbyug bsnams pa/ chung ma rau tri ma dang bcas par bri'o/ /byang gi rtsibs la 'jigs byed yak+She b+hai ra te/ sku mdog ljang nag phyag na 'khor lo bsnams/ chung ma ko ri ma dang ldan par bri'o/ /shar lho'i rtsibs la 'jigs byed b+hai shAn+ta sku mdog dmar nag phyag na mda' gzhu bsnams pa/ btsun mo be sna bi dang ldan par bri/ /lho nub kyi rtsibs la 'jigs byed bi di b+hai ra te/ sku mdog sngo nag phyag na dgra sta bsnams par btsun mo dang ldan par bri'o/ /nub byang gi rtsibs la 'jigs byed kA la b+hai ra ba sku mdog dung kha phyag na ral gri bsnams pa/ chung ma ma nu ha ra dar bcas pa bri'o/ /byang shar gyi rtsibs la 'jigs byed ga na pa ti sku mdog sngo nag phyag na rdo rje 'bar ba bsnams pa/ btsun mo tsa mu TI dud kha dang bcas bri'o/ /phyi rol gru chad la dus bzhi dang ldan par bri'o/ /bsgor sgo ba bzhi bri'o/ /de dag kyang rab tu khros pa'i tshul du bri'o/ /dkyil 'khor gyi mchod rdzas dang/ slob ma gzhug cing dbang bskur ba la sogs pa bde ste ma smos so/ /da ni 'jigs byed brgyad sgrub pa'i cho ga'i thabs ston te/ de ci'i phyir zhe na/ de nas las rnams sbyin bya ste/ bud med khyim 'am mtshan gcig pa zhes gsungs te/ las ni bsgrub par byed pa'i thabs

  445. 223a

    te/ sbyin pa ni de bsgrubs na dngos grub sbyin ba'o/ /bud med khyim ni ma mo'i gnas dang smad 'tshod ma'i gnas dang mo reng mo 'dug pa'i khyim mo/ /mtshan gcig pa ni sa mtshan ma can dang ri mtshan ma can gnyan po 'jig rten pa'i lha chen po'i rten yod par sha khrag chang la sogs pas dam rdzas byas nas bsgrubs na dngos grub kyi rtags nye bar 'ong gsungs so/ /phyi ma bde ste ma smos so/ /'jigs byed dgu na dngos grub stsol ba yang bde ste ma smos so/ /da ni dngos grub kyi rtags gsos te pa smos so/ khu ba bri ba btung ba dang/ rdzas dang ral gri 'khor lo dang/ rtse gsum pa dang mtho ris dang/ zhes gsungs te/ khu ba ni dngul chu'i rigs gser du snang bas/ lcags srang stong gser du 'gyur ba ltar dngos grub kyi rdzas byang chub sems kyi khu ba dang ldan zhing ro bri ba'i btung ba dam pa'i rtags 'byung ba dang/ gzhan yang dngos grub kyi rtags ral gri dang/ rtse gsum dang 'khor lo la sogs pa 'byung ba dang/ 'od zer dang gzugs mthong bar gyur na mtho ris kyi lha dang mi la sogs pas dngos grub thob pa'o/ /dngos grub sbyin du 'od na ni/ skrag na ni 'chi ste/ mi skrag par dngos grub blang ngo/ /'jigs byed brgyad kyi dkyil 'khor gyi don bsdus pa bshad zin to/ / da ni lha chen po brgyad kyi dkyil 'khor gyi don bsdus pa ston te/ /de ni 'jig rten pa'i lha chen po mi dge ba de gzhi bar bya ba'i phyir gsungs te/ de ci'i phyir zhe na/ de nas tshangs pa la sogs pa'i lha chen po rnams kyis zhes gsungs te/ de ni gong gi mjug bsdus pa la/ nas ni 'og gi lha chen po rnams kyi mgo 'dren pa'o/ /tshangs pa ni nyon mongs pa'i 'khor ba gyod khrin dang 'dra ba las tshangs shing 'jig rten pa'i mas po chen po yin pas tshangs

  446. 223b

    pa sna la smos so/ /phyi ma lha chen po rnams ni de'i zhar la smos pas sogs zhes pa'i tha tshig go /lha chen po rnams kyi rang gi snying po bshad par 'tshal zhing byin gyis brlab par gsol nas snying po bshad pa ni bde ste ma smos so/ /da ni dkyil 'khor gyi don ston te/ de nas de dag gi dkyil 'khor bshad de dkyil 'khor snga ma bzhin bris la zhes gsungs te/ de dag ni lha chen po dkyil 'khor ni gtso bo dang 'khor du bcas pa'i don ston to zhe'o/ /snga ma bzhin ni 'jig byed chen po ltar bya ba'i tha tshig go /dbus su phyag na rdo rje 'jig rten gsum 'dul bri'o/ /shar du dbang phyug mdung rtse gsum bri'o/ /lhor brgya byin rdo rje gdengs pa bri/ /nub tu changs pa rin po che/ byang du khyab 'jug 'khor lo/ /shar lhor 'dod pa'i dbang phyug gi mda' gzhu lho nub tu tshogs bdag gi dgra sta/ nub byang du b+h+ring gi ri ti rin po che'i sgrom/ byang shar du gzhon nu ka ra ti ka mdung bsnams pa bri'o/ /gru chad la stobs bzang sku mdog ljang gu gshol thogs pa byang du bri/ dga' ba'i dbang phyug sku mdog dmar po phyag na gshol thung ba nub phyogs su bri'o/ /nag po chen po sku mdog nag po mi sdug pa phyag na mdung rtse gsum bsnams pa/ rgyan cha dang cha lugs kyis brgyan pa lhor bri'o/ /seng+ge'i tog phyag na thod pa khrag gis bkang ba thogs pa/ /shar lho'i gru chad la bri bar bya'o/ /sgor sgo ba bzhi bri bar bya'o/ /dkyil 'khor du 'jug pa dang/ dngos grub kyi rtags mthong nas mchod pa dang/ rdo rje 'dzin ma'i phyag rgyas slob ma gzhug cing me tog dor ba dang mig dbye ba dang/ /sngags kyis btab pa'i bum pas dbang bskur zhing/ /sngags kyi bsnyen pa'i tshang sgrub pa'i gnas dang/ lha 'ongs nas dngos grub ster zhing gsol ba gdab pa ni bde ste ma smos so/ /phyi ma lha chen po rnams kyis 'jig rten la phan

  447. 224a

    bar byed pa'i thabs sna tshogs 'byung ba ni bde ste ma smos so/ /lha chen po brgyad kyi dkyil 'khor gyi don bsdus pa bshad zin to/ /da ni tshe dpag med gshin rje 'joms pa'i dkyil 'khor ston te/ de ni sems can dus ma yin pa'i 'chi bas 'jigs pa'i gnyen por gsungs te/ de nas bcom ldan 'das phyag na rdo rje nyid kyis dkyil 'khor la kun tu gzigs nas 'dzum pa mdzad pa dang zhes pa ni thugs yang dag pa'i ye shes las skyes pa'i phyag na rdo rje nyid kyi dkyil 'khor 'jig rten pa'i 'khor sna tshogs pa la/ tshe dpag med kyi dkyil 'khor bshad par bzhes nas glang po che'i lta stangs kyis kun tu gzigs nas zhal 'dzum pa gser gyi kha dog lta bu mdzad nas/ 'od kyis 'jig rten gyi khams snang bar mdzad do/ /de yang ci'i phyir zhe na/ 'khor gyi dkyil 'khor de dag g.yos zhes gsungs te/ 'khor gyi dkyil 'khor ni tshangs pa la sogs pa'i 'jig rten pa'i 'khor ro/ /g.yos pa ni drod ste sngon gyi dge ba'i rtsa ba'i tshogs g.yos pa'o/ yang dag par g.yos ni rtse mo ste/ dge ba'i rtsa ba rnam par 'phel ba'i rtse mo byung bas/ phyi gzung ba'i yul spangs pas yang dag par g.yos so/ /yang dag par 'gul ni bzod pa ste/ phyi gzung ba'i yul spangs pas na 'gul nang 'dzin ba'i sems spong ba la zhugs pas ni yang dag par 'gul to/ /'bar rab tu 'bar ni 'jig rten chos ni mchog ste/ nang 'dzin pa'i sems spong bas ni 'bar ro/ /sa dang por bden pa mthong bas ni rab tu 'bar ro/ /yang dag par rab tu 'bar zhing sa dang po'i bden pa mthong ba'i lam ste/ 'jig rten pa'i mtshan ma rab tu 'joms pas yang dag par rab tu 'bar ro/ /dgod rab tu dgod yang dag par rab tu dgod ni ye shes ni dgod par byed pa'o/ /grogs byang chub

  448. 224b

    kyi yan lag gis ni rab tu dgod par byed do/ /spyod pa pha rol tu phyin pas yang dag par rab tu dgod do/ /brtse rab tu brtse ba yang dag par rab tu brtse zhes pa ni sa bcu pa chos kyi sprin thob pas ni brtse'o/ /'bras bu sangs rgyas par byed pas ni yang dag par rab tu brtse zhing zhes smos so/ /rmad kyi ya mtshan du ma 'jig rten du snang bar gyur to zhes pa ni dga' ldan gnas nas 'jig rten mi yul du babs te/ mdzad pa bcu gnyis kyi tshul du mngon par rdzogs par sangs rgyas pa'i tha tshig go /'jig rten pa'i 'khor dam par gyur nas 'dzum pa'i don bstan par zhu ba gsol ba dang/ bcom ldan 'das kyis tshe dpag tu med pa'i 'chi bdag bcom pa'i don thos sam zhes pa dang/ 'khor rnams dga' nas zhu ba gsol ba dang/ rtsa ba'i sngags kyi yig 'bru bshad pa ni rab tu bde ste brda' phrad sla'o/ /dkyil 'khor bri ba'i thabs dang sngags mkhan bdag nyid zhugs nas lha spyan drang ba dang/ bdag nyid dbang bskur zhing spyan ras gzigs bsgrubs na dngos grub kyi rtags sems nyams dga' bar gyur pa dang/ rdo rje 'dzin ma'i phyag rgya bcings la/ slob ma gzhug cing me tog don ba dang phreng ba la sogs pas dbang bskur ba dang/ dam tshig 'bog pa'i khyad par dang dam nyams pa la bsad pa'i las bya ba ni bde ste ma smos so/ /sdig pa che ba med par bsgrub pa dang/ dam tshig khyad par bstan pa dang/ dbang bskur ba ni bde ste ma bshad do/ /slob dpon mnyes pa'i yon dbul ba dang dngos grub gsol ba dang/ slob dpon gyis slob ma la dngos grub sbyin pa ni bde ste ma smos so/ /da ni bsgrub pa'i thabs ston te/ ci'i phyir zhe na/ chos rnams thams cad dngos po med par sems kyis bsgom pa byas nas kyang zhes gsungs te/ dkyil 'khor drug po gang bsgom yang gtso bo mngon byang lnga po 'dis bskyed do/ de la dang po stong pa la mngon par byang chub pa ni lag pa mnyam

  449. 225a

    gzhag bya ste/ ngag tu oM swa b+hA ba shud+d+ha sarba d+harmA swa b+hA ba shud+d+honyahaM/ zhes brjod pas chos thams cad stong pa nyid du bsgom par bya'o/ /de'i ngang las byang chub kyi sems zla ba'i dkyil 'khor mngon par byang chub pa ni a las zla ba'i dkyil 'khor bsam/ A li bcu drug las zla ba'i dkyil 'khor du bsam mo/ /de nas stan pa'i snying po ni/ oM tsit+ta pra ti pe d+hi ka ro mi ces brjod pas rang gi sems rang gis rig pa'o/ /rang gi sa bon de dbus su ces so/ /yang de'i steng du snying po bsam de'i mdza' na pha rakA li las zla ba'i dkyil 'khor nyis rtsegs tu gyur par bsam/ de bstan par bya ba ni oM bo d+hi tsit+totwa ta ya mi/ ces brjod pas ye shes kyi tshogs rdzogs pa'o/ /yig 'bru la mngon par byang chub pa ni de'i steng du lha gang sgom gyi snying po bsam/ de bstan pa'i snying po ni tiSh+Tha badzra zhes brjod pas brtan par bya'o/ /de las 'od 'phros 'dus pa las dam tshig gi phyag rgya la bsams nas dam tshig phyag rgya yang zhes so/ /mngon par byang chub pa ni lha gang sgom gyi phyag mtshan du gyur pa'o/ /de brtan par bya ba ni/ oM badzra at+makonyahaM ces pas brtan par gyur to/ /mtshan ma de las de bzhin gshegs pa'i sku gsung thugs dpag tu med pa zhugs pa las/ phyag rgya chen po mngon par byang chub ni dkyil 'khor gang sgom gyi gtso bor gyur pa'o/ /oM sarba ta thA ga ta ta sta haM zhes brjod pas sa bcu gcig par sangs rgyas par gyur to/ /de nas rang gi sa bon dang lha gang sgom gyi sngags dang/ dam tshig gi phyag rgyas sku phyag rgya chen po la gnas bzhir byin gyis brlab po/ /sangs rgyas rnams kyi dbang bskur ro ces so/ /de nas rig sngags phyag rgya dbang bskur ro/ /oM bud d+ha mu drA bI ShIny+tsa oM(rgyud 'grel): spyi bor/ oM badzra mu drA b+hi ShIny+tsa hUM/ 'tshags

  450. 225b

    khar/ oM ratna mu drA b+hi ShIny+tsa trAM/ 'dan pa g.yas/ oM pad+ma mu drA b+hi ShIny+tsa h+rI(rgyud 'grel): ltag pa ru/ oM karma mu drA b+hi ShIny+tsa a(rgyud 'grel): 'dan pa g.yon du'o/ /de nas dar dpyangs kyi dbang ni/ oM badzra pa TaM b+ha laM bI n+yA b+hi ShIny+tsa h+rI(rgyud 'grel): ces pa'o/ /de nas lha'i skur bskyed de/ bsgrubs na dngos grub zhes gsungs so/ /maN+Dal du zhugs pa'i phan yon zhu ba dang/ b+ha ga wi gyis bka' stsal pa dang/ dbang bskur ba'i thabs ni bde ste ma smos so/ /tshe dpag med gshin rje 'joms pa'i dkyil 'khor bshad zin to/ /da ni zhi ba'i sbyin sreg gi las ston te/ sbyin pa ni bde ba la/ sreg pa ni nyon mongs pa'o/ /de yang ci'i phyir zhe na/ lha'i bu rnams zhi yi zhes gsungs te/ lha'i bu zhes smos pa ni khyab par spyir la btang ba'i phyir ram/ lha'i bu gzhon nu rnams g.yeng ba che bas/ nyan cing mdun du 'dug pa'i phyir/ /ming ni ma smos te lha'i bu rnams zhes bya ba'i tha tshig go /zhi ba ni thugs rang bzhin gyis zhi bas nyon mongs pa'i mtshan ma zhi bar byed pa'i tha tshig ste/ de'i thabs ni 'di ltar yin te/ ci'i phyir zhe na/ hoM khung bar ma tha ma mchog /khru gang khru do khru bzhi pa/ zlum po nyid du byas nas ni zhes gsungs te/ thab khung bar ma ni khru do/ /tha ma ni khru gang/ mchog ni khru bzhi yin te/ gzung 'dzin rnam pa gnyis spangs pas ni khru gang du bstan la/ thabs dang shes rab rnam pa gnyis/ dang ldan pa'i rtags su khru do'o/ /tshad med pa bzhi dang ldan pa'i rtags su khru bzhir bstan la/ dngos po'i mdza' spangs pa'i rtags su ni phyi rol zlum por bya ste/ thab khung rab 'bring gi tshad las lha dgod pa'i rim pa yang che chung du bri'o/ /thab khung gi dbus su 'khor lo rtsibs brgyad dkar po gcig bri/ thab kyi kha khyer la mu ran btang/ mu ran la mi ri gtang/ kha khyer la rdo rje ra ba gtang/ de'i phyi rol gyi bang rim gcig la rigs rnam pa bzhi'i phyag rgya rdo rje dang/ rin po che dang pad+ma dang rgya gram rnams pad+ma la bri/ de'i phyi rol la sems

  451. 226a

    dpa' bcu drug bri/ /de'i phyi rol snam bu la phyogs skyong bcu dang/ lha chen po brgyad bri/ de'i phyi rim du gza' chen po brgyad dang/ rgyu skar gyi mtshan ma 'am thig le bri/ de nas gdong sgo ba bzhi bri/ da ni las bya ba'i thabs ston te/ de yi ming yang yungs kar gyi brgya phrag stong du bsreg byas na ngan song kun las rnam par thar zhes gsungs te/ de ni sems can shi ba'o/ /ming ni gdags pa'i gzhi ste yungs kar dang bsres la so so'i sngags dang ming spel mar sbyin sreg bya/ rnam pa gcig tu ni sha dang rus pa dang rkang dang skra dang gos la sogs pa'i mtshan ma dang ro bsregs pa'i thal ba la sogs pa dang gur gum dang tsan dan dang 'bras chan dang/ ma du ba la sogs pa dang bsres nas las byas na/ ngan song las thar bar gsungs so/ /bri ba'i thabs bde ste ma smos so/ /da ni mchod pa'i khyad par ston te/ bya dang dum pa dgang ba dang zhes pa ni/ dngul gyi bya pho dang/ gser gyi bum pa spos chus bkang ba dang/ gton ma dang lha bshos la sogs pa dkar por byas la bzhag pa dang/ mar dang 'o ma dang sbrang rtsi dang spos dang yungs kar rnams kyang mchod rdzas su bzhag ste/ de ni mchod pa'i khyad par ro/ /da ni dgos bstan te/ dkar po'i gos ni rgon nas kyang zhes pa ni sngags mkhan gyi dpal gyi gos dkar po gon pa dang/ srang bu dkar po sar ral du thogs shing/ las gong nas 'gyur ba bzhin byas la 'grub par gsungs so/ /da ni rgyas pa'i las ston to/ de ci'i phyir zhe na/ mkhas pas rgyas pa bya dgos te/ zhes pa ni/ mkhas pa ni sgrub pa po cho ga dang las kyi bye brag la mkhas pa'o/ /rgyas ba ni dpal dang gzi brjid 'phel zhing rgyas pa'o/ /de ni sems can phongs pa rnams bde bar bya ba'i phyir smos te/ khru ngo pa 'am khru bzhi pa de ltar mchog ni khru brgyad pa byas nas thab khung gru bzhi pa'i zhes gsungs te/ khru do ni thab khung gi tha tshig go /khru bzhi ni bang

  452. 226b

    rim bzhi yod pa'i tha tshig go /khru brgyad ni phyi'i tshad do/ /thab khung yang khru bzhi par brkos la/ mu ran yang btang mu ran la chu skyes kyang btang ngo/ /kha khyer la rin po che'i phreng bas bskor dbus su pad+ma 'dab brgyad bris la pad+ma'i lte bar rin po che 'bar ba'i 'od zer ser po can bri/ bang rim dang po la rigs rnam pa lnga bri/ gnyis pa la rigs kyi sems dpa' bri'o/ /gsum pa la phyogs skyong dang bkra shis bri'o/ /bzhi pa la sgo gdod/ sngags mkhan gos ser po gon nas las tshul bzhin du byas na lus can gyi tshe dang dpal dang gzi brjid dang bde ba'i longs spyod 'phel lo/ /rgyas pa'i don bshad zin to/ /da ni dbang gi las ston te/ de ni ma rungs pa dbang du sdud pa'i phyir smos te/ de ci'i phyir zhe na de nas phan phyir nges pa yang/ dbang du bya ba'i las bya ste/ zhes gsungs pas/ de nas ni rgyas pa'i rting thogs su 'byung bas so/ /phan phyir ni sems can 'dod chags can dang/ nyon mongs pas nyen pa la phan pa'i phyir ro/ /dbang du bya ba ni de rnams chags pa'i tshul gyis dbang du bsdu zhing/ theg pa chen por sems bskyed pa'i tha tshig go /de'i thabs ni ji ltar yin zhe na/ thab khung gzhu'i dbyibs 'dra ba/ /khru gang ngam ni khru po la/ /gru bzhir byas pa de dbus su zhes pa ni/ /hom gyi thab khung yang gzhu'i dbyibs ltar brko bar bya ste/ thab khung gi tha ma khru gang 'bring khru do rab khru bzhi pa byas la/ thab khung gi dbus su pad+ma dmar por bris la/ pad+ma'i lte ba la mda' dang gzhu bcas pa yang bri/ kha khyer la yang mnga' dang gzhu dmar bo yang bri/ phyi rol du yang bang rim gtong la/ bang rim dang po la rigs lnga/ gnyis pa la rigs kyi sems dpa' de'i phyi rol tu sgo gdod/ sngags mkhan yang chas gos dmar po gon mchod rdzas kyang me tog dmar po dang/ pad+ma dang bu ram dang shing tog dmar po dang/ mar dang gur kum bsres pa dang/ tsan

  453. 227a

    dan dmar po'i phye ma la sogs sreg rdzas mchod rdzas dang bsres te/ sbyin sreg byas na thams cad de'i mod la dbang du 'gyur ro/ /thab khung gzhu'i dbyibs 'dra bar byas ba ni zhi gnas gzhu 'dra ba dang/ lhag mthong mda''dra bas thams cad dbang du sdud pa'i rtags so/ /dbang gi las stan zin to/ /drag po'i las ni 'dir ma gsungs so/ /de nas tshangs pa la sogs pa zhes pa nas/ smos ci 'tshal zhes pa'i bar gyis ni 'khor ba srung bar dam bcas pa ston gang zhig cho ga zhib mo zhes pa nas/ de bzhin gshegs pa legs par 'tshal bar bgyi'o/ /zhes bya'i bar gyi ni cho ga zhib mo 'di gang na spyod pa bkur bar bstan/ de nas bcom ldan 'das zhes pa nas/ legs par bsgrubs shig ces bya ba'i bar gyis ni/ legs par sgrubs shig pa bstan to/ /de man chad ni cho ga'i phan yon no/ /da ni rigs bzhi 'khor lo sgyur ba'i dkyil 'khor bstan to/ /de la rigs bzhi ni rdo rje'i rigs dang/ rin po che'i rigs dang/ pad+ma'i rigs dang/ las kyi rigs so/ /'khor lo ni bskor du btub pa'o/ /sgyur ba ni des khams gsum bsgyur pa'o/ /dkyil ni chos nyid la 'khor ni phrin las so/ /de yang ci'i phyir zhe na/ de nas bcom ldan 'das phyag na rdo rje'i gsang sngags dang rig sngags dang snying po thams cad brtan par bya ba'i phyir/ nyid kyi snying po 'di bshad de/ zhes pa ni de nas ni skabs kyi rting thogs su 'byung ba yin la/ bcom pa ni nyes pa'i skyon bcom pa yin la/ ldan pa ni 'jig rten pa'i dregs pa can 'dul ba'i legs pa'i yon tan dang ldan la/ 'das ba ni shes pas srid pa la mi gnas thugs zhes zhi ba la mi gnas pas 'das pa'o/ /phyag na rdo rje ni thugs yang dag pa'i ye shes kyi rtags rdo rje bsnams pas so/ /gsang ba ni chos kyi dbyings

  454. 227b

    te/ phyi rol gyi rtog ba can gyis mi rtogs pa'i phyir ro/ /sngags ni mtshan ma dang bral ba'i don to/ /rig pa ni ye shes la sngags ni des nyon mongs pa 'joms pa'o/ /snying po ni byang chub kyi sems la/ thams cad ni der thams cad 'dus pa'i phyir ro/ /brtan par bya ba ni rgyu dang 'bras bu brtan par bya ba'i tha tshig go /nyid kyi snying po 'di zhes pa ni phyag na rdo rje nyid kyi byang chub kyi sems kyi snying po'o/ /bshad pa ni tshig dang don bshad pa'o/ /oM b+h+ruM badzra pA Ni zhes pa ni/ oM ni ye shes lnga'o b+h+ruM ni gzhal yas khang gi sa bon no/ /traM ni 'dzin pa'o/ /badzra ni phyag na rdo rje'o/ /tiSh+Tha ni 'joms pa'o/ /hUM ni thugs/ oM A(rgyud 'grel): hUM ni de bzhin gshegs pa'i sku gsung thugs/ oM b+h+ruM phaT ni rdo rje 'dzin pa'i snying po spro ba'o/ /oM di badzra hUM ni rin po che'i rigs snying po'o/ /oM badzra ha sa ni pad+ma rigs kyi snying po'o/ /oM badzra hUM a ni las kyi rigs kyi snying po'o/ /rtsa ba'i snying po'i don bshad zin to/ /da ni dkyil 'khor gyi don ston te/ de nas de dag gi dkyil 'khor gyi don bshad de/ dkyil 'khor snga ma bzhin bris la zhes pa ni/ de dag ni sngags kyi yig 'bru gong du phyung ba'i lha de dag go/ dkyil ni dbus kyi gtso bo la/ 'khor ni 'jig rten pa dang 'jig rten las 'das pa'o/ /dkyil ni dbus kyi pho brang la 'khor ni sgo dang snam bu la sogs pa'o/ /snga ma bzhin ni tshe dpag med kyi dkyil 'khor ltar 'khor lo brtsibs bzhi par bri ba'i tha tshig go /dbus su rdo rje bri bar bya/ yang na rdo rje sems dpa' 'am/ kun tu bzang ngam bde ba che zhes pa ni dbus ni pho brang zlum po'o/ /rdo rje ni thugs yang dag pa'i ye shes kyi rdo rje rtse lnga ba bri bar smos so/ /yang na ni brnan pa'i don te/ rnam gcig tu ni 'di ltar yang bri zhes pa'i tha tshig go /rdo rje sems dpa' ni thugs yang dag pa'i ye shes kyi phyag

  455. 228a

    rgya'o/ /kun tu bzang po sku rnams par dag pa'i phyag rgya ste/ kun tu bzang po'o/ /bde ba chen po ni gsung bde ba chen po la mnga' bsgyur bas bde ba chen po'o/ /de gsum ni sku gsung thugs kyi phyag rgya bas gang bris kyang mi 'gal bar gsungs so/ /spyan sngar phyag na rdo rje la/ /g.yas su phyag na rin chen bsnams zhes pa ni/ spyan sngar ni shar phyogs kyi lce ste/ phyag na rdo rje sku mdog dkar po phyag na rdo rje bsnams pa bri/ g.yas ni lho phyogs te/ nam mkha' i snying po sku mdog sngon po phyag g.yas na rin po che bsnams pa bri/ rnam par gsal ba nub phyogs bri zhes pa ni/ rnam pa ni spyi dang rang gi mtshan nyid do/ /gsal ba ni thugs la de gsal ba ste/ nub phyogs su bri ba ni spyan ras/ gzigs dbang sku mdog dmar po phyag na pad+ma bsnams pa bri/ byang phyogs na rgya gram bsnams zhes pa ni/ byang phyogs rdo rje las rab sku mdog ljang gu phyag na rgya gram bsnams pa bri/ phyi rol du ni kun bskor zhing zhes pa ni/ phyi rol ni 'khor lo rdo rje ra bas zlum po bskor ba'i phyi rol gru chad la ni rdo rje lA sye sku mdog dkar mo phyag khu tshur gyis dkur brten pa'o/ /lhor mA le sku mdog sngon po phyag na rin po che'i phreng ba 'dzin pa'o/ /nub tu dbyangs mkhan sku mdog dmar po phyag na pi wang bsnams pa/ byang du gar mkhan ma ljang gu gar mdzad pa/ shar du bdug pa ma sku mdog dkar mo phyag na bdug spos bsnams pa/ lhor me tog ma sku mdog sngon po phyag na me tog gi gzhong bu bsnams pa/ nub tu mar me ma sku mdog dmar mo mar me bsnams pa/ byang du dri chab ma sku mdog ljang gu phyag na dung phor bsnams pa ste/ de rnams ni gru nas rim par bskor zhing bri pa'i tha tshig go /sangs rgyas thams

  456. 228b

    cad bzhag bar bya zhes pa ni/ sangs rgyas ni 'das pa dang/ da ltar gnyis pas thams cad bzhag par bya ba ni gru chad kyi phyi rol tu snam bu gcig byas pa la bri bar bya ste/ 'das pa'i sangs rgyas bdun bri bar bya ste/ mar me mdzad dang 'khor ba 'jig dang/ gser thub dang 'od srungs dang/ thams cad skyob dang/ log par dang sel dang/ shAkya thub pa de'i 'khor du btang ba dang bdun no/ de ni sprul pa'i sku'i cha lugs dbu reg la zhabs rjen du bri/ phyag mtshan mi dgos pas shar nas rim par bskor la bri/ /de'i bar du da ltar bzhugs pa'i sangs rgyas lnga bri ste/ de ni 'khor los bsgyur ba'i cha lugs su bzhugs pas phyag mtshan yang bri ste/ rnam par snang mdzad sku mdog ser po phyag na 'khor lo bsnams pa'o/ /mi bskyod pa sku mdog dkar po phyag na rdo rje bsnams pa'o/ /rin chen 'byung ldan sku mdog sngon po phyag na rin po che bsnams pa'o/ /snang ba mdza' yas sku mdog dmar po phyag na pad+ma bsnams pa'o/ /don yod grub pa sku mdog ljang gu phyag na rgya gram bsnams pa bri'o/ /de'i phyi rol tu sgo gdong la shar nas rdo rje lcags kyu bsnams pa bri/ zhags pa sngon po zhags pa bsnams pa lhor bri/ lcags sgrog dmar po lcags sgrog bsnams pa nub tu bri/ dril bu ljang gu dril bu bsnams pa byang du bri/ da ni sems dpa' bcu drug dri thabs ston te/ de ci'i phyir zhe na/ de'i phyi rol sems dpa' rnams/ /go rims bzhin du bri bar bya/ /zhes pa ni sems dpa' ni rigs so so la sprul pa ste/ bcu drug go /bshad pa ni kun rig nas 'byung ba dang mthun shar phyogs rdo rje sems dpa' sku mdog dkar po rdo rje bsnams pa'o/ /rdo rje rgyal po ser po lcags kyu bsnams pa'o/ /rdo rje chags pa dmar po mda' gzhu bsnams pa'o/ /rdo rje legs pa ljang gu sa gol bsnams pa'o/ /shar phyogs su

  457. 229a

    rim pas bri'o/ /lho phyogs su rdo rje rin chen sku mdog sngon po rin po che bsnams pa'o/ /rdo rje gzi brjid dmar ser nyi ma bsnams pa'o/ /rdo rje rgyal mtshan nam mkha' i mdog rgyal mtshan bsnams pa'o/ /rdo rje bzhad pa dkar po phreng ba bsnams pa/ nub tu rdo rje chos rab sku mdog dmar po phyag na pad+ma bsnams pa bri/ /rdo rje rnon po sngon po ral gri bsnams pa'o/ /rdo rje 'khor lo ser po 'khor lo bsnams pa'o/ /rdo rje smra ba dmar po ljags bsnams pa'o/ /byang phyogs su rdo rje las rab sku mdog ljang gu rgya gram bsnams pa bri'o/ /rdo rje srung ba ser po go cha bsnams pa'o/ /rdo rje gnod sbyin nag po mche ba bsnams pa'o/ /rdo rje khu tshur ser po khu tshur bsnams pa bri'o/ /da ni dpe med pa'i byang chub sems dpa' bcu drug bri ba smos te/ de'i phyi rol sems dpa' rnams zhes bya ste/ de ni sems dpa' bcu drug gi phyi rol gyi snam bu'o/ /sems ni rdo rje'o/ /dpa' ba ni ye shes te/ mtshan ma la dpa' bas na dpe med pa rnams smos so// shar phyogs su thugs mchog dpe med bzhi ste/ nyon mongs mun sel dang/ sdug bsngal 'joms byed dang/ 'khor ba rgyun gcod rnams rdo rje lcags kyu sha stag rnams pa'o/ /srid pa'i mtsho sgrol phyag na 'khor lo bsnams so/ /lhor yon tan dpe med pa bzhi bri ste/ rin chen mdzod sku mdog sngon po rin chen 'bar ba bsnams pa'o/ /dge ba'i blo gros po ti bsnams pa'o/ /bde ba'i 'byung gnas rin po che'i sgrom bsnams pa'o/ /legs pa'i tog rin po che'i mchod sdong 'bar ba bsnams pa'o/ /nub tu gsung mchog dpe med pa bzhi ste/ don mthun pa yid 'ong sku mdog sngon po phyag na rgyu po rgyud mang bsnams pa'o/ /bde ba'i 'byung gnas rin po che'i phreng ba bsnams pa'o/ /the tshom yid myur pad+ma'i

  458. 229b

    sdong po bsnams pa'o/ /nga ro bsnyan pa dud bsnams pa'o/ /byang phyogs su 'phrin las dpe med pa bzhi ste/ tshad med yon tan sku mdog ljang gu dpag bsam ljon shing bsnams pa'o/ /dran pa'i stobs mchog zla tshes bsnams pa'o/ /thams cad kun sgrol lcags kyu/ brtson 'grus mi ldog utpal bsnams pa bri'o/ /nga ni bskal bzang bcu drug dpe med pa dang spel mar bri bar 'byung ste/ byams pa la sogs mchog chen bri/ zhes gsungs pas byams pa sa bcu'i rgyal tshab yin pas sna la smos so/ /sogs kyi khongs su ni sems dpa' bcu drug bsdu'o/ /shar phyogs su dpa' bar 'gro ba ral gri bsnams pa'o/ /kun tu bzang po rin po che'i snyem bsnams pa'o/ /zla 'od gzhon nu zla ba tshes pa bsnams pa'o/ /bzang skyong rin po che'i bum pa bsnams pa'o/ lho phyogs su dra ba can gyi 'od rin po che'i dra ba bsnams pa bri'o/ /nam mkha' mdzod rin po che'i mdzod bsnams pa'o/ /rdo rje snying po rdo rje bsnams pa'o/ /'od dpag med pa rin po che 'bar ba bsnams pa'o/ /nub phyogs su ye shes tog rgyal mtshan bsnams pa'o/ /mya ngan kun 'joms ral gri bsnams pa'o/ /blo gros mi zad pa po ti bsnams pa'o/ /spobs pa brtsegs pa rdo rje bsnams pa'o/ /byang phyogs su byams pa klu shing gun d+he bsnams pa'o/ /spos kyi glang po dung? por bsnams pa'o ngan song kun 'dren lcags kyu bsnams pa'o/ /don yod grub pa rdo rje rgya gram bsnams pa bri'o/ /der sgo byas la khro bo brgyad bri ste/ mchog chen bzhi ni dri bar bya/ ces smos pas/ /sgo srung yang de brgyad bri ste/ sgo srung de rnams ni phyi nang gi bgegs 'dul bas mchog /gzhan yang khyad par 'phags pas spyan che zhes pa'o/ /bri ba ni shar du 'jig rten gsum snang sku mdog dkar po phyag na nyi ma bsnams pa'o/ /'jig rten gsum 'dul phyag na rtse gsum 'bar ba

  459. 230a

    bsnams pa'o/ /'jig rten gsum 'jig sku mdog sngon po phyag na thod dbyug bsnams pa'o/ /'jig rten gsum mthar byed phyag na be con bsnams pa'o/ /nub tu bdud rtsi thabs sbyor sku mdog dmar skya phyag na rgya gram bsnams pa'o/ /be con nag po dgra sta bsnams pa'o/ /byang du mi g.yo mgon po sku mdog ljang gu dbyug pa bsnams pa'o/ /rta mgrin pad+ma bsnams pa'o/ /sgo g.yas g.yon du zung re bri'o/ /de'i phyi rim gyi snam bu la nyan thos dang rang sangs rgyas spel mar bri ste/ /de ltar dge slong kun dga' / sogs/ /thub rnams de yi phyi rol bri/ zhes pas kun dga' bo ni zhabs 'bring yin pas sna la smos so/ /bsil yab bsnams so/ /shA ri'i bu rin po che/ maung+ga li gyi bu pad+ma/ rab 'byor zla tshes/ ma 'gag pa me long/ /'char ka 'khor lo ka tya na rin po che'i sgrom/ rta thul phreng ba/ nye bar 'khor bar bu/ ba glang bdag drang srong/ sgra gcan 'dzin pad+ma'i sdong po/ dga' bo gdu bu/ ming chen chan pa/ nor sbyin 'dzin rin po che'i rgyal bu/ gang po 'od srung rin po che'i 'bar ba bsnams pa'o/ /thub pa rnams ni rang sangs rgyas te/ rang gi brtul shugs dang/ dam tshig dang sdom pa slob dpon med kyang rang gis thub pas na thub pa rnams so/ /rang sangs rgyas 'jigs byed rdo rje snang rtsegs rin po che'i mdzod// dpa' bos ? rdo rje/ nyon mongs gdung sel bsil yab/ shes rab mgyogs chen zla tshes/ rdzu 'phrul cher ston me 'bar ba/ nyon mongs gdung sel sgra chen dung/ /bse ru lta bu bsam gtan phyag rgya 'cha'/ ri bo'i rgyal po rin po che'i snye ma/ seng+ge lta bu rdo rje/ 'di myur bsil yab bsnams pa bri'o/ /de ltar lha brgya rtsa bdun 'jig rten las 'das pa la yod do/ /sgo ba ni rgyal po chen po bzhi ste/ 'og nas 'byung ba bzhin bri/ de'i phyi rol gyi snam bur/ 'jig rten pa rnams bri ste/ tshangs

  460. 230b

    pa la sogs pa'i phyi rol bri/ /zhes pa ni phyi rol gyi snam bu la bri ste/ tshangs pa gun d+he bsnams pa/ btsun mo tshangs ma pi wang thogs pa'o/ /mngag gzhug yid du 'ong ba'i ral gri/ pho nya/ sngags pa ste pad+ma bsnams pa'o/ /dbang phyug tri shul/ dka' thub bzlog pad+ma/ pho nya rnam par snang ba mda' gzhu/ mngag gzhug ded dpon nag po mdung thung bsnams pa'o/ /brgya byin rdo rje gdengs pa bsnams pa/ bde sogs ma rgyud mangs/ mngag gzhug yid du 'ong ba ral gri/ pho nya myur ba'i shugs can rtse gsum bsnams pa'o/ /khyab 'jug 'khor lo bsnams/ btsun mo dpal ldan mo bsal shing mngag gzhug rdo rje bde ba mche ba bsnams pa/ pho nya rdo rje sde dpon 'khor lo bsnams pa bri ste/ de ltar bcu drug ste brgya nyi shu rtsa gsum? ma/ de'i phyi rim gyi snam bu la bri 'di lha ston te/ gza' dang skas ma'i lha rnams dang/ zhes pa ni gza' ni brgyad de/ /? ? me tog/ phur bu po ti/ lag pa mchod sbyin/ zla ba ku mu da/ sgra gcan 'dzin pad+ma'i sdong po/ mig dmar ? ? ? ? pad+ma/ spen ba dbyug tho/ rgyu skar ni smin drug dang/ snar ma dang/ mgo dang/ lag dang/ nabs so dang/ rgyal dang/ skag dang/ de rnams shar phyogs su bri'o/ /phyag mtshan ni rin po che'i snyan cha dang gdu bu sha stag bsnams pa'o/ /lho phyogs su ? dang/ gre dang/ spo dang/ me zha dang/ nag pa dang/ sa ri dang/ sa ga rnams ni rin po che'i me tog bsnams pa'o/ /nub phyogs su lha mtshams dang/ snron dang/ snubs dang/ chu stod dang/ chu smad dang/ byi zhun dang/ gro zhun rnams ni pad+ma'i sdong bu sha stag bsnams pa'o/ /byang phyogs su mon gre dang/ mon grum dang/ khrums stod dang/ khrum smad dang/ nam gru dang/ tha skar dang/ bra nye rnams ni utpal sha stag bsnams pa'o/ /da ni rgyal po chen po bzhi rnams ston te/

  461. 231a

    rgyal po chen po bzhi rnams ni zhes pa ni/ shar du yul 'khor bsrung pi waM/ lhor 'phags skyes bo ral gri/ nub tu mig mi bzang sbrul zhags/ byang du rnam thos sras ba dan bsnams pa ste/ de ltar na 'jig rten pa'i lha bzhi bcu ste/ brgya drug cu rtsa gsum mo/ /da ni de'i phyi rol gyi snam bu ston to/ /phyogs skyong 'jig rten skyong ba rnams zhes pa ni/ phyogs bzhi mtshams brgyad na 'jig rten skyong bas phyogs skyong ngo/ /brgya byin rdo rje gshin rje thod dbyug/ chu lta sprul zhags so/ gnod sbyin pe con/ me lha bgrang phreng/ bden bral ral gri/ rlung lha ba dan/ dbang ldan rtse gsum/ sa bdag mche ba zhags/ sa'i lha mo bum pa/ nyi ma pad+ma/ zla ba ku mu da ste/ de ltar na brgya bdun cu rtsa lnga'o/ de ni gza' dang rgyu skar gyi lha dang bsre'o/ /nga ni phyi rol gyi snam bu'i ngan song gsum gyi don ston te/ de'i phyi rol dmyal khams kun zhes pa ni/ dmyal ba yang mdor sdus na tshe grangs gnyis nyi tshe ba dang kha 'thor ba dang gsum mo/ /tsha ba'i brgyad ni yang sos dang/ thig nag dang bsdus 'joms dang/ ngu 'bod dang/ ngu 'bod chen po dang/ tsha ba dang rab tu tsha ba dang/ mnar med pa dang brgyad do/ /grang ba'i brgyad ni chu bur dang/ chu bu rdol pa dang/ so tham tham pa pa dang/ kyi hud zer ba dang/ a chu zer ba dang/ utpal ltar gas pa dang/ pad+ma ltar gas pa dang/ pad+ma ltar cher gas pa chen po sde brgyad do/ /nyi tshe ba dang/ kha 'thor gnyis te bco brgyad do/ /ming 'am brda' tsam thig ler bris la bzhag /'dod chags la sogs byol song 'dra/ /zhes pa ni/ 'dod chags pho ron dang gti mug phag dang/ zhe sdang sbrul dang/ nga rgyal rtsangs pa la sogs pa bri ste/ de ltar nyi shu rtsa gnyis te/ spyir brgya dgu bcu rtsa bdun yod do/ /sgo sgor gsungs pa de

  462. 231b

    bzhin du/ zhes pa ni gong du sgo bzhir mid du gsungs pa de rnams la bya ba'i tha tshig go /mchod pa'i bye brag ni bde ste ma smos so/ da ni sngags mkhan dkyil 'khor du 'jug pa'i don ston te/ /de nas sngags nyid kyis ni spyan drangs bdag nyid 'jug par bya zhes pa ni/ /de nas ni gong gi rting thogs so/ /sngags mkhan ni slob dpon ste/ sngags dang phyag rgya dang cho ga dang/ thabs kyi bye brag la mkhas pa'o/ /spyan drang ba rnams rang bzhin gyis 'phags pa rnams spyan drangs nas gzugs brnyan la phab ste/ bdag nyid kyang dkyil 'khor du 'jug par bya'o/ /bdag nyid kyis ni dbang bskur ba zhes pa ni/ bdag nyid ni slob dpon no/ /dbang bskur ni slob ma de'i 'og tu dbang bskur ba'i tha tshig go /de ni slob dpon de'i yon tan ston te/ sdom gnas dam tshig ldan pa dang/ zhes pa ni sdom pa ni byang chub sems dpa' i sdom pa'o/ /dam tshig ni yo ga'i dam tshig lnga'o/ bla ma la mos shing mi 'jigs pa zhes pa ni/ bla ma ni rdo rje slob dpon te/ mos pa ni slob ma'i sems so/ /mi 'jigs pa ni slob ma shes pas mi 'jigs pa'o/ /rigs bskyed skyon dang bral ba dang/ zhes pa ni yo ga'i rigs bzhi dang lha lnga'o// bskyed pa sems bskyed pa'o/ /skyon ni sdig pa'i bag chags so/ /bral ba ni de spangs pa'o/ /ser sna ma lus spangs 'gyur zhing zhes pa ni/ ser sna ni sna la yeng yeng/ zil phrom phrom mo/ /spangs 'gyur ni nor la ma chags pa'o/ /yon tan mang po ldan 'gyur zhing/ /zhes pa ni yon tan dad pa dang drang pa dang/ g.yo rgyu chung ba dang/ yid drang zhing gtong phod ba la/ sogs pa'o/ /gtong dang tshul khrims mang du thos pa dang/ zhes pa ni gtor ba ni rnam pa gsum ste/ nor zas gtong ba dang/ yongs su gtong ba ni rgyal ni/? sid gtong ba dang/ gtong ba chen po lus la sogs pa gtong ba'o/ /tshul ni theg pa chen po'i chos kyi tshul lo/ /khrims ni de'i don nyams su len pa'o/ /mang du thos pa ni sde ba/ snod gsum gyi don la yid ches ba'i dad pas gzhan la nyan cing thos pa'o/ /byams

  463. 232a

    pa dang ni snying rje'i sems/ /zhes pa ni byams pa ni phyogs med pa'o/ /snying rje ni mi bzod cing gzhan la phan 'dogs pa'o/ /dga' dang btang snyoms gnas pa dang/ zhes pa ni dga' ba ni chos bzhin can no/ /btang snyoms ni gang la yang mi gnas shing/ ma chags par gnas pa'o/ /stong pa mtshan ma med pa'i sems zhes pa ni/ stor ba ni rnam par thar pa'i mtshan ma dang bral ba'i dang/ thugs mtshan ma med pa'i sems su gnas pa'o/ /smon pa med pa'i yid ldan pa zhes pa ni/ smon pa med pa ni gsum smon pa med pa'i rnam par thar pa la/ yid dang ldan pa ni yid kyi rnam par shes pas/ rnam par thar pa gsum dang ldan pa'i don sgom pa'o/ /da ni slob ma bzung cing me tog dor nas dam tshig dpog pa'i tshig ston te/ de nas slob ma sngags 'di yis zhes pa ni slob ma 'og nas 'byung ba'i sngags 'dis slob ma gzhug par bya'o/ /phyi ma bde ste brda' phrad slad do/ /de nas phyag na rdo rjes so zhes pa nas/ thams cad sbyin no zhes pa'i bar gyis ni/ lha bstan cing dbang bskur ba'i bye brag ste brda' phrad sla'o/ /nga ni sgrub pa'i khyad par ston to/ /de ci'i phyir zhe na/ bde bas bde ba bskyed nas ni/ zhes gsungs te/ bde bas ni sgrub pa po phun sum tshogs pa lnga dang ldan pa'o/ /bde ba ni brtson 'grus kyi rtags bde ba 'dod pa'o// bskyed nas ni cho 'phrul rnam pa bzhi dang mngon par byang chub pa lnga'i sgo nas sems bskyed pa'o/ /dkyil 'khor bzhi'i dbus su ni/ zhes pa ni sa dkyil ni chos kyi dbyings la/ 'khor ni ye shes bzhi'o/ /dbus ni dbus kyi pho brang ste/ kun tu bzang ngam bde ba tsha zhes gsungs te/ kun tu bzang po 'am bde ba chen po gang yang rung ba rigs bzhi'i dkyil 'khor gyi dbus su bsngags mkhan bdag nyid kyis bsgom par bya'o/ /

  464. 232b

    de ci'i phyir zhe na/ /snying khar hUM zhes pa bsams nas rdo rje sems dpa' mnyam par 'gyur zhes pa ni/ bdag gi snying khar ma las nyi ma'i dkyil 'khor zhig bsams la/ de'i dbus su ye shes kyi hUM bsams nas/ cho ga rnam pa gsum gyi tshul du spro bsdu byas la/ rdo rje 'dzin pa dang mnyam pa'i dngos grub thob bo/ /dpal ldan las rnams kun byed cing/ /kun tu bzang por bdag nyid 'gyur/ /zhes ba ni/ dpal ldan ni lta ba dang spyod pa'i dpal dang ldan pa des bsgrub pa'i las kun byas nas kun tu bzang por 'gyur zhes so/ /hUM las sangs rgyas skur bsgyur na/ /phyag na rdo rje bdag nyid 'gyur zhes pa ni bdag nyid las kyi lha phyag na rdo rje bsgrub bar bya ba'i phyir / ye shes kyi rang bzhin yi ge hUM las ye shes kyi hUM sna tshogs spros te/ de la sangs rgyas kyi gzugs kyi gang bar bsgoms na phyag na rdo rje dang 'dra bar 'gyur ro/ /snying khar 'khor lo rab bskor na / phyag na rdo rje 'dra ba'i 'gyur zhes pa ni/ bdag gi snying khar rtsa ser po las gser gyi 'khor lo rtsibs brgyad pa zhig bskyed do/ /rdo rje ra bas tha ma rab tu bskor nas/ 'khor lo'i lte bar ye shes sems dpa' tshon gang ba zhig bsgoms te/ /las kyi lha'i bsnyen pa grangs mangs du byas na/ /phyag na rdo rje dang 'dra ba'i dngos grub 'thob bo/ /rdo rje khro bo rabs bsgoms te / snying ka'i dbus su phaT ces bya/ /hUM zhes bya ba bskor bsams nas zhes pa ni/ /bdag khro bo rdo rje stobs po che'i ting nge 'dzin du rab tu bsgoms te/ bdag nyid snying ga'i dbus su ma las nyi ma'i dkyil 'khor

  465. 233a

    zhig bskyed de/ de'i dbus su phaT cig bsgoms nas/ phaT kyi tha ma hUM gis bskor bar bsams te/ stobs po tshe'i bsnyen pa ci mang du byas na 'grub par 'gyur ro/ /rdo rje brtan par bdag bsgyur la/ snying gar oM zhes bya ba gis/ /bskor ba'i hUM dang traM ldan pas/ /zhes pa ni nam mkha' i snying po bsgrub pa'i don ched du/ rdo rje ni rig pa brtan pa ni ting nge 'dzin du bdag nyid bsgyur nas snying gar zla ba'i dkyil 'khor gyis dbus su oM bsgoms te hUM dang traM gis oM gyi mdza' ma bskor te/ bsgoms nas bsnyen pa byas nas nam mkha' i snying po dang 'dra bar 'gyur ro/ /da ni rdo rje chos rab bsgom pa ste/ rdo rjer bsgoms la snying kha yi/ /dbus su traM bsam zhes bya ba/ /oM zhes bya bas bskor na zhes pa ni/ bdag nyid rdo rje chos su bsgoms la/ /snying gar zla ba'i dkyil 'khor du yi ge traM bsams te/ oM gyis mdza' bskor nas/ bsgrubs na 'grub par 'gyur ro/ /de ni rdo rje las bsgrubs te/ 'khor lo rgya gram hUM ldan pa/ /a(rgyud 'grel): zhes bya ba bskyed nas kyang/ oM zhes bya ba bskor ba las la/ zhes pa ni/ bdag nyid rdo rje las su bsgoms te/ bdag gi snying khar 'khor lo zhig bsams la/ /'khor lo'i lte bar rgya gram zhig bsams te/ rgya gram gyi bsnol mtshams su hUM bsgoms nas/ a(rgyud 'grel): zhes bya bas lha'i skur bskyed de/ oM gyi rgya gram gyis mdza' bskor nas bsgrubs na 'grub bar gsungs so/ /da ni las rnams bzhi'i bye brag bshad de/ de nas las rnams bshad bya ste/ zhi ba dang ni rgyas pa'i las/ /de ltar dbang dang dag? sbyor rnams/ /zhes pa ni gong gi rting thogs so/ /las ni byed cing rtsol ba'o/ /rnam pa ni bye brag phrin las bzhi'o/ /thugs chos nyid las ma g.yos pa ni zhi ba'o/ /bde ba chen pos 'dod pa skong bas na rgyas pa'o/ /de thams cad dbang du bsdus pas na dbang ngo/ /

  466. 233b

    des mtshan ma'i dngos po 'joms pas ni drag spyod do/ /bzlas dang sbyin sreg cho ga yis/ /las rnams thams cad bya ba yin zhes pa ni/ bzlas pa ni 'phrin las rnams bzhi gang byed pa'i sngags dang phyag rgya dang/ ting nge 'dzin dang yo byad rnams 'grub na slob ma pa'i cho ga byed pa'o/ /sbyin pa ni mchags par gtong ba'o/ /bsreg pa ni dngos po dang mtshan ma rnams bsreg pa'o/ /cho ga ni las kyi bye brag la mkhas bya ba yin zhe na/ da ni zhi ba'i las ston te/ rdo rje sems dpa' bdag sgyur la/ zhi ba'i las ni brtsam bya zhing zhes pa ni/ bdag rdo rje sems dpa' i skur bsgoms la/ gos dang kha dog dkar por byas te/ /kha shar phyogs su bltas nas las byas na/ nyes pa thams cad sel bar 'gyur bar yang gsungs so/ /yang na de bzhin gshegs pa'i rigs kun tu bzang po 'am/ bde ba chen por bsgoms nas gong ma bzhin du las byas na/ sdig can gyi sems zhi bar 'gyur ro/ /da ni rgyas pa'i las ston te/ gser 'od mdzes shing 'bar ba yis/ rin chen 'dzin du bsams nas ni zhes pa ni bdag rin chen 'byung ldan mdog gser 'od ltar mdzes shing 'od 'bar bar bsgoms nas/ nyi ma'i gung la rgyas pa'i las byas nas/ 'od ser pos gang ba bya ba'i lus la bkang nas byin gyis brlabs na 'byor pa dang ldan par 'gyur ro/ /de ni dbang gi las ston te/ 'byor dang ldan pas khu bur ni/ /pad+ma 'dra bar byas nas kyang zhes pa ni/ dbang ni 'byor pa phun sum tshogs pa dbang du byed pa'i thabs ston te/ khung bu'i dbus su pad+ma mkhal yon 'dra ba bskos la/ rdo rje chos rab tu bdag bsgyur nas bsgoms na 'grub par 'gyur zhes gsungs so/ /skabs 'dir drag po'i las lung zhes kyang gsungs na/ dkyus nas mi bsal da ni phrin las kyi thabs ston te/ 'dren pa kun tu bzang po yis/ /zhi ba'i las ni rab tu bya zhes gsungs pas/ nyon mongs pa'i 'khor ba las sems can 'dren pas kun tu ??

  467. 234a

    de'i ting nge 'dzin du bdag bsgoms la/ zhi ba'i las ma grub na spogs pa'i cho ga bya'o/ /rdo rje rin chen rgyas pa ste/ dbang bskur ba yang de bzhin no/ /zhes pa ni rdo rje ni zhi ba'i rang bzhin te/ de las rin chen rgyas par bsgyur la/ de las thams cad dbang du sgyur ba'i phyir/ dbang bskur ba yang de bzhin no/ /zhes gsungs te/ tog gi rnam par de bzhin te/ longs spyod dbang phyug dpal mnyam med/ ces pa ni phrin las rnam pa bzhi ni nyon mongs pa'i sdig pa brtsad nas 'byin pas na/ tog gzung 'dzin rnam pa gnyis las rgyal ba de bzhin du/ bdag gis phrin las rnam pa bzhi yi las byas la/ 'jig rten pa'i longs spyod dang/ khams gsum gyi dbang phyug dang/ dpal mnyam pa med pa thob par 'gyur ro/ /rdo rje nyi ma'i gzi brjid dang/ /mdog sdug shin tu 'bar bar bya/ /zhes pa ni/ sgrub pa po sa rdo rje nyi ma 'am rdo rje bzhad pa mdog sdug gnyis gsal par bsgoms pa ni 'bar bar bya zhes pa'i tha tshig go /bzhad cing rmad du mdzad pa yis/ /dga' mgu rangs pa'i bsam par 'gyur zhes pa ni/ rdo rje bzhad par bsgoms nas de'i phrin las byas na/ yon tan rmad du mdzad ba yin na/ thams cad yid dga' ba dang/ sems mgu ba dang blo rangs pa'i bsam par 'gyur ro/ /pad+ma bzhad pas tshogs kun gyi/ /rtogs mdzad sangs rgyas thams cad kyang zhes pa ni/ bdag nyid rdo rje chos su bsgrubs te/ pad+ma ni ma chags la/ bzhad pa ni 'phrin las te/ tshogs ni mang po 'byung ba'i don to/ /rtogs mdzad ni de'i don nyams su blangs shing rtogs par byas nas/ sangs rgyas thams cad kyang mnyes na/ gzhan lta ci smos ces bya ba'i don to/ /de ni rdo rje rnon po'i las ston te/ gzhan gyi rigs sogs tshogs mchog rnams/ rnon por gcod pa nyid du mdzad ces pa ni bdag nyid rdo rje rnon por bsgoms na/ gzhan gyi rig sngags la sogs pa'i tshogs

  468. 234b

    kyi mchog rnams rdo rje rnon por bsgoms pa'i mthus de rnams tshar gcod cing gdon yi dwags la sogs pa/ gza' than rnams 'khor lo rtsad nas 'byin par mdzad/ da ni rdo rje gsung gi las ston te/ lkugs dang lkugs pa yin pa dang/ glen mi smra dang smra bar mdzad/ /ces pa ni/ rdo rje smra bar bsgoms te/ lce'i steng du paM las pad+ma 'dab ma brgyad pa'i steng du nyi ma'i dkyil 'khor zhig bsgoms te/ de'i steng du rdo rje zhig bsgoms nas/ bsgrub pa'i las byas na lkugs pa rnams smra bar mdzad do/ /gal te ma rungs pa'i lce la dzaM bsgoms te/ de 'od nag po 'phros te lkugs par 'gyur ro/ /da ni rdo rje las kyi sgrub pa ston te/ rgya gram gyi mchod pa dang/ sems can don mdzad thams cad ston zhes pa ni/ bdag rdo rje las su bsgoms nas/ phyag na rgya gram bsnams pa/ de la mchod pa bya zhing bsgoms la/ sems can gyi don mdzad pa dang/ dngos grub thams cad thob par 'gyur ro/ /da ni rdo rje bsrung ba'i las ston to/ /h+raM zhes bya 'phro mdzad cing/ /rdo rje srung bas bsrung bar mdzad ces pa ni bdag nyid rdo rje bsrung bar bsgoms te/ bdag gi snying khar h+raM zhes byas pas 'od 'phros pa bsgom zhing gang nad kyi sa zin pa de las spros na de rdo rje srung bar 'gyur ro/ /da ni rdo rje gnod sbyin gyi las 'chad de/ hUM zhes bya ba'i so yis ni/ /rdo rje gnod sbyin nyid kyis kyang/ /zhes pa ni bdag nyid gnod sbyin du bsgoms te/ hUM las ye shes kyi mche ba rnon po dang ldan pa bsgoms te/ rdo rje gnod sbyin gyi ting nge 'dzin gyis ni ma rungs pa rnams sems ma rungs par 'gyur ro/ /ma rungs pa'i snying khar bam bsams te/ bsgoms na dug rim la sogs pa med par 'gyur ro/ / de ni zhi ba'i las ston te/ 'od zer gsal ba'i dngos po la/ /rgyas par 'gyur ba sgom byed cing/ /zhes pa ni bdag rdo rje sems dpa' bsgoms te/ 'od zer dkar la gsal bas thams cad rgyas par 'gyur zhing zhi bar 'gyur ro/ /rgyas pa'i

  469. 235a

    las ni rang gi lus ni gser bcos dang/ nyi ma gser shar dge 'dra bar/ zhes pa ni bdag nyid rin chen 'byung ldan du bsgoms nas/ kha dog ser po 'od 'phro bar bsgoms na thams cad rgyas par 'gyur ro/ /da ni dbang gi las ston no te/ pad+ma'i sems dpa' i ting nge 'dzin gyi zhes pa ni/ bdag nyid chags pa'i rang bzhin snang ba mdza' yas su bsgoms nas/ hom las 'od zer dmar po 'phros te/ snying khar spros na 'dod pa kun dbang du 'gyur ro/ /rigs bzhi 'khor los sgyur ba'i cho ga yan lag dang bcas pa bshad zin to/ /cho ga bshad pa las lags par bsngags pa dang/ phyag rgya'i le'u ni bde ste brda phrod sla'o/ /'phrin las rnam bzhi'i sngags kyi yig 'bru ni sa bcu drug gi snying po'o/ /pa bcu drug ni nye ba'i snying po'o/ /dza bcu drug ni sku bskyed pa'i snying po'o/ /tsa bcu drug ni rtsa ba'i gsang sngags so/ /phrin las rnam bzhi gtang ba ni bde ste brda' phrad sla'o/ /da ni rdo rje nyi ma me'i dkyil 'khor gyi ston te/ de nas phyag na rdo rjes rang gi sku bor te/ rdo rje sems dpa' i chos kyi sku'i ngang du bzhugs te/ gnyis su med par gyur to/ /de nas rdo rje gnyis su med pa mnyam pa zhes bya ba'i ting nge 'dzin la snyoms par zhugs te/ zhes pa ni/ rdo rje ni ye shes te/ de'i don la gnyis su med pa ste/ de lta bu'i ting nge 'dzin la snyoms par zhugs so/ /rdo rje sems dpa' khro bo rdo rje nyi ma mi zhes bya ba'i snying po 'di zhes pa ni/ rdo rje ni yang dag pa'i ye shes so/ /sems ni thugs rje phun sum tshogs pa'o/ /dpa' ni phrin las phun sum tshogs pa'o/ /khro bo ni rang bzhin phun sum tshogs pa'o/ /rdo rje ni ye shes so/ /me ni mtshan nyid do/ /snying po ni rig pa'o/ /thugs ni rig pa'i rang bzhin snying kha nas phyung ngo zhes pa'i tshig go/ sngags kyi don ni ma smos so/ /da ni dkyil 'khor gyi mtshan nyid bshad do/ de nas dkyil 'khor mi bzad pa zhes gsungs te/ de ni

  470. 235b

    gong gi mjug bsdu la/ nas ni 'og gi mgo 'dren/ dkyil ni rdo rje nyi ma me la/ 'khor ni khro bo mi bzad par rab tu 'jigs pa'i drag shul dang ldan pa'o/ /che ba'i che mchog rtsibs bcu gnyis/ /zhes pa ni che ba ni 'jig rten pa'o/ /mchog ni de'i mchog rdo rje nyi ma me'o/ /rtsibs bcu gnyis ni 'khor lo'i rtsibs te/ shar du 'jig rten gsum snang rdo rje bsnams pa'o/ /shar lhor 'jig rten gsum 'dul thod dbyug bsnams pa/ lhor 'jig rten gsum 'jig rdo rje rtse gsum/ lho nub tu 'jig rten mthar byed gshed kyi dgra sta/ nub tu 'jig rten gsum 'jig bdud rtsi thab sbyor gyi rgya gram/ nub byang be con nag po 'khor lo/ byang mi g.yo ba dgra sta/ byang shar rta mgrin pad+ma bsnams pa'o/ /shar gyi srin mo nag mo thod rlon/ lho'i rtsibs la be con nag mo dbyu tho bsnams/ nub kyi rtsibs la mtshan mo nag mo zla ba bsnams/ byang gi rtsibs la khro bo gnod sbyin nag mo rdo rje bsnams pa lha rdzas 'bar ba'i phreng bas dkris/ shin tu 'bar zhing tshad 'bar ba zhes pa ni lha rdzas ni 'jig rten pa'o/ /'bab pa ni rdo rje nyi ma me'o/ /phreng ba ni thugs rdo rje las 'khor gyis phreng ba ltar bskor ba'i tha tshig go/ dkrigs pa ni rim par bri ba'i phyir smos te/ shin tu 'bar ba ni sku'o/ /cher 'bar ba ni thugs yang dag pa'i ye shes so/ /de ltar dkyil 'khor bris nas ni/ /zhes pa ni/ de ltar ni gong gi gtan tshigs/ de ltar sgrub pa po bdag nyid kyi dkyil 'khor gyi lha rnams bsgrub pa'o/ /dkyil ni rdo rje nyi ma me bzhugs te/ 'khor ni khro bo rnams kyis bskor ba bri ba ni/ sa mtshon la bri ba steng 'khor lo'i rtsibs bcu gnyis su 'khor rnams sngon gyi smon lam gyi stobs gyis khams gsum gyi sems can la phan pa'i rtags su/ rten 'brel bcu gnyis las zlog ste/ thugs rjes phun sum tshogs pa'i khyad par gyis mdzad pa bcu gnyis su bstan to/ /de lta bu'i gzhal med khang de'i mtshan par bya ba'i rtags su ye shes kyi khro bo rnams rim par bri ba'i thabs/ ci'i phyir zhe na rdo rje sems dpa' bzhag par bya/ /zhes pa ni/ rdo rje ni thugs

  471. 236a

    chos nyid do/ /sems dpa' ni ye shes so/ /bzhags par bya ba ni nyi ma ste/ thugs chos nyid mi 'gyur ba ste sku mdog gnag/ phyag na thabs dang shes rab kyi rdo rje dang dril bu bsnams so/ /da ni 'khor ston te/ ci'i phyir zhe na/ 'jig rten gsum snang la sogs khro bo kun zhes pa ni 'jig rten ni khams gsum mo/ /gsum snang ni ye shes kyi ngo bo/ /sogs pa ni 'khor dang bcas pa'o/ /khro bo ni ma rungs pa 'dus pa'i gnyen po ste/ de ci'i phyir zhe na/ ma rungs snying khar bzhag nas shin tu bsdigs byed cing/ zhes pa ni/ ma rungs pa ni spyod pa mi dgrungs pa'o/ /snying kha ni dran pa'i gzhi ste mnan pa'i phyir to/ sdigs byed cing ni/ sku'i 'tsham ngam gyis sdig par byed pa'i tshal gyis gnon te/ de yang shar gyi rtsibs la 'jig rten gsum snang gis lha'i dbang po brgya byin gnon to/ /shar lho'i rtsibs la 'jig rten gsum 'dul rnam par rgyal ba ste/ me lha'i rgyal po gnon to/ /lho'i rtsibs la 'jig rten gsum 'jig gzhan gyis mi thub pa gshin rje gnon to/ /lho nub kyi rtsibs la 'jig rten mthar byed gshin rje gshed kyis srin po gnon no/ /nub kyi rtsibs la 'jig rten gsum 'jig bdud rtsi thabs sbyor gyis chu lha gnon no/ /nub byang gi rtsibs la be con nag po rlung lha gnon no/ /byang gi rtsibs la mi g.yo ba gnod sbyin gnon no/ /byang shar gyi rtsibs la rta mgrin dbang ldan gnon no/ /srin mo nag mo shar gyi rtsibs la nyi ma gnon no/ /be con nag mos lho'i rtsibs la sa bdag gnon no/ /mtshan ma nag mos nub kyi rtsibs la zla ba gnon no/ /khro mo gnod sbyin nag mos byang gi rtsibs la sa'i lha mo brtan ma gnon no/ /zhe'o/ /de rnams kyi ye shes kyi khyad par gyis 'jig rten gyi mthu can dbang du bsdus nas zhabs 'og tu bcug pa'i tha tshig go /sku mdog gi don ni brda' phrad sla'o/ /zhal ni shin tu

  472. 236b

    'jigs 'jigs lta zhes pa ni zhal ni rnam par thar pa gsum 'jigs pa ni bdud dang srin po yang 'jigs pa'o/ /'jigs par lta ba ni thugs rje'o/ phyag ni brgya phrag du mar ldan/ sprul dang mi sdug gos kyis brgyan/ zhes pa ni/ phyag ni thabs thugs rje'o/ brgya phrag rnam grangs so/ du mar ldan ni phrin las so/ /sprul ni 'khor ba zhe la gnon pa'i rgyan no/ /mi sdug pa ni thugs rje'o/ /gos kyis rgyan ni shes rab bo/ stag lpags kyi ni smad g.yogs gos/ rgyu ma thogs shing dbu mdza' yas/ zhes pa ni/ stag lpags ni phrin las so/ smad g.yogs gos ni bdud las rgyal ba'o/ /sgyu ma ni 'khor ba'i rgyu'o/ thogs pa ni thugs rje'o/ /dpu mdza' yas ni ye shes so/ /mgo thod shas bkang phyag na bsnams/ zhes pa ni mgo thod ni phyi snod kyi 'jig rten no/ /shas bkang ni phyi nang snod bcud kyi sems can no/ /phyag na bsnams ni snod bcud phyi nang thugs rjes dag par byed pa'i tha tshig go/ srin mo'i tshogs rnams bzhag par bya/ zhes pa ni/ phyi rol gyi snam bu gru tshad la srin po chen mo bzhi ste 'jig rten pa yin pa'i phyir dang/ mthu mo ched ma la btags ba'i phyir bri ba'i tha tshig go /sgo pa rnams kyang ji bzhin du/ rang gi phyag rgya'i lag mtshan can/ zhes pa ni de'i phyi rol tu sgo ma lcags kyu ma dang/ zhags pa dang lcags sgrog dang/ dril bu rnams kyang bri ba'i tha tshig go /rang gi so so la phyag rgya ni mi 'da' dang mtshon pa'i brda'o/ lag mtshan ni gru chad kyi lha mo bzhi ni shar du rak+Sha ma'i thong rlon dang/ lhor in+d+ra ma'i rdo rje gdengs po dang/ nub tu phra ma na'i rin po che dang/ byang du ya ba'i gdan no/ /lha'i gral rims bstan to/ da ni bum pa'i dkyil 'khor dang cha rkyen ston to/ de nas bum pa gang ba yis/ zhes pa ni de ltar ni rgyan ces bum pa bcu drug/ sman lnga/ 'bru lnga/ spos lnga/ rin po che lnga snying po lnga/ kha rgyan dang gzungs thag dang/ mgul chings dang ldan par bya ste bzhag par bya'o/ rgyan chas phyi ma ni brda' phrad sla'o/ dkyil 'khor du 'jug

  473. 237a

    pa ni/ de nas slob dpon bdag nyid kyang zhes pa ni/ dkyil 'khor bris pa'i rting thogs su/ /lha la dbang mi bza' ba'i phyir ro/ lha'i dam tshig spong pa'i phyag rgyas bdag nyid dkyil 'khor du 'jug cing kha zas sha la sogs pa'i dam tshig byin gyis brlab cing/ mchod pa dbul bar bya'o/ /dkyil 'khor 'jug pa bshad zin to/ /da ni sgrub du gnang ba ston te/ de nas 'dod ldan rnyad nas ni/ hUM zhes bya ba bsgrub par bya ces pa ni/ de nas ni skabs kyi rting thogs so/ /'dod pa ni dngos grub 'dod la/ ldan pa ni bdag sgrub pa po skal ba dang ldan pa'o/ /rnyed ni bdag dang gnyis su med par dngos grub rnyed pa'o/ /hUM ni lha so so'i rtsa ba'i snying po rgyu ma nor ba'o/ /bsgrub par bya ni de las ma g.yos shing mi 'da' bar bya ba'i tha tshig go /sgrub tu bstan zin to/ /da ni slob ma 'jug pa ston te/ de ci'i phyir zhe na/ de nas sngags mkhan sgo sgor yang/ de nyid dran byed bsnyen par bya/ /zhes pa ni sngags mkhan ni gong du bsgrub pa'i slob dpon no/ /sgo sgor ni dkyil 'khor gyi sgo bzhi'o/ /yang ni brnan pa'i tshig gi don te/ slob dpon zhugs pa'i 'og tu slob ma yang gzhug zhes pa'i tha tshig go /de nyid ni slob ma de nyid do/ /dran byed ni dkyil 'khor dang/ sngags dang phyag rgya dang lha dang slob dpon no/ /bsnyen par bya ba ni byang chub kyi sems dang ldan par bya ba'i tha tshig go /de'i yon tan ni brda' phrad sla'o/ /da ni dngos grub bslad ba ston te/ dkyil 'khor gyi ni tshogs rnams dang/ rang gi lha'i tshogs rnams la zhes pa ni/ dkyil ni dbus kyi gtso bo'o/ /'khor ni phyi rol nas bskor ba rnams so/ / tshogs rnam pa ni ldan pa'i don to/ /rang gi lha ni bdag gang la bab pa'o/ /tshogs ni g.yog dang bcas pa'o/ /rgyud las 'byung ba'i dam tshig brjod ces pa ni rgyud ni thugs rang bzhin gyi rgyud la gnas gas/ don ni 'di nyid bleng? ma chad pa dang/ 'brel ba'i

  474. 237b

    phyir rgyun ma chad par smos so/ /'byung ba ni rgyud 'di nyid las 'byung ba'i dngos grub gsol ba'i don to/ /dam tshig ni bdag dang mi 'da' ba' i phyir dam tshig brjod pa ni gsol ba 'debs pa'i tha tshig go /da ni dkyil 'khor nas 'gyur ba ston te/ de nas mchod de langs nas kyang zhes pa ni/ dkyil 'khor gyi lha la mchod cing/ dngos grub gsol zhing/ dkyil 'khor la langs nas 'byung ba'i tha tshig ste/ de ci'i phyir zhe na/ tshogs spyan rdo rje sems dpa' yis/ /tshul du gnas nas 'byung bar bya ces pa ni tshogs ni dkyil 'khor gyi lha rnams so/ /spyan ni ye shes so/ /rdo rje ni thugs so/ /sems dpa' ni phrin las so/ /tshul du gnas pa ni gnyis su med par gnas pa'o/ /'byung bar bya ba ni slob ma yon 'bul du 'jug pa'i phyir 'byung bar bya zhes smos so/ /slob ma 'dus nas yon 'bul ba ni/ de nas slob ma zhes pa ni snod du rung bar byin gyis brlab pa dang/ thod pa'i phyag rgya bca' ba dang gdong g.yogs 'grib? dang/ dam tshig gi chu glud pa'i sngags dang/ dam tshig las mi 'da' ba' i mna' dang/ dbang bskur ba'i sngags dang/ dbang bskur bar bya ba ni brda' phrad sla'o/ /da ni de dag gi sgrub pa ston te/ de ci'i phyir zhe na/ de nas de dag sgrub pa ston te/ zhes pa ni/ de nas ni rting thogs so/ /de dag ni gong gi lha'o/ /sgrub pa ni gnyis su med par bsgom pa'o/ /bdag nyid khro bor snyoms zhugs te/ des ni snying gar nyi ma sgom/ zhes pa ni bdag nyid sgrub pa po'o/ /khro bo ni nyi ma me'o/ /snyoms zhugs ni gnyis su med pa'i sgom pa'o/ /des ni de ltar sgrub pa des bya ba'i tha tshig go /snying gar ni shes pa'i rang bzhin la bya'o/ /nyi ma sgom ni lha ye shes sems dpa' bdag dam tshig sems dpa' la sgom pa'i phyir/ nyi ma'i dkyil 'khor gcig bsam mo/ /rang gi chos kyi yi ge las khros nas yang dang yang khro zhing/ de gnyis gcig tu bsgom par bya/ zhes pa ni rang nyid sgrub pa po bdag nyid do/ /chos kyi ni gong gi nyi ma'i dkyil

  475. 238a

    'khor ro/ /yi ge ni so so'i rtsa ba'i sngags so/ /khros nas yang ni sems rab tu khros nas khro bo'i tshul du dmigs pa la yang dang yang zhes smos so/ /yang khro zhing de las kyang khro bo'i sprul pa phyogs bcur 'phro ba'o/ /de gnyis ni lha ye shes sems dpa' dang/ bdag dam tshig sems dpa' gnyis so/ /gcig tu sgom pa ni chu dang 'o ma 'dres pa'i tshul du bsgom pa'o/ /de'i yon tan phrin las rnam bzhi bsgrub pa ni brda' phrad sla'o/ /da ni ma grub na spogs pa'i cho ga ston te/ de ci'i phyir zhe na/ rdo rje sems dpa' i ting 'dzin gnas/ /khro bo dkyil 'khor bsgom par bya/ zhes pa ni rdo rje ni thugs so/ sems dpa' ni snying po byang chub po/ /ting nge 'dzin de las gnyis su med par bsgom pa'o/ /khro bo ni ye shes so/ /dkyil 'khor ni nyi ma me'i dkyil 'khor ro/ /bsgom par bya ba ni bdag dang gnyis su med par bsgom zhing bsgrub pa'i tha tshig go /gdug pa'i sems kyis 'dzin byed cing zhes pa ni/ gdug pa ni spyod pa'o/ /sems ni de'i rang bzhin no/ /'dzin byed cing de ni mi gtong bar 'dzin pa'i tha tshig go /mdor na dug rims gdon la sogs zhes pa ni/ mdor ni rnam pa gcig tu'o/ /dug ni rang bzhin dang sbyar ro/ rims ni nad sna tshogs pa'o/ /gdon la sogs pa ni gdon stong phrag brgyad cu la sogs pas byin gyis brlabs pa'o zhe'o/ /thabs la sogs pa 'joms byed pa ces pa ni thabs ni gong du gsungs pa'i bye brag go /'joms byed ni de 'dul ba'i gnyen po'o/ /khros nas snying las 'byung 'gyur ba ni/ /khros pa ni thugs rje'o/ /snying las 'byung ba ni sems las khro bo'i sprul pa 'byung ba'o// bsad pa'i las ni bsam par bya zhes pa ni/ bsad pa ni gong gi las kyi bye brag rnams med par bsam pa'i tha tshig go /khros par gyur pa'i rgod ma khas/ /sha dang khrag ni 'jig byed cing/ /zhes pa ni khros par gyur pa ni/ sems gong gi rims nad la sogs pa

  476. 238b

    gdon 'byung ba'o/ /rgod ma kha ni bdag nyid rta mgrin gyi ting nge 'dzin du zhugs la/ de rnams kyi sha dang khrag 'jib cing stobs 'phrog par bsam pa dang/ 'od zer gyi sprul pa sna tshogs pa thugs ka nas phyung nas/ rims nad la sogs pa rnams zhi bar 'gyur zhes gsungs te/ ma grub na sdogs pa'i cho ga bstan zin to/ /da ni srung ba'i cho ga ston te/ de nas hUM gi tshig bzhag la/ rdo rje lta bur lus bsam zhing zhes pa ni/ nad pa'i lus byin gyis brlabs pa'i don ched du/ bdag gi thugs kha nas ye shes kyi hUM gi tshig sna tshogs pa phyung zhing nad pa'i lus la bzhag cing bstims pas nad pa'i lus la 'od du zhu ste rdo rje ngo? bor gyur bar bsgom mo/ /hi gi 'khor lo'i cho ga bya/ /'od zer chu yis dbang bskur ro/ /zhes pa ni de ltar lus byin gyis brlabs pa'i nad pa de/ /?nyi spros pas ye shes kyi 'khor lo'i go cha bla ni med par gyur te/ de'i 'og sa bdag gi thugs kha'i dkyil 'khor las ye shes kyi 'od zer byang chub kyi sems zla ba'i dkyil 'khor chu ltar gsher bas nad pa'i spyi bo nas dbang bskur bas nad lnga sos par byin gyis brlabs pa'i tha tshig go /de nas de'i ming zlos shing bzlas pa tshul bzhin bsam par gyi rnam pa ni/ de nas zhes bya ba ni rting thogs so/ /ming smos ni nad pa'o/ / bzlas pa ni phrin las rnams bzhi gang byed pa'i bzlas pa'o/ /tshul bzhin ni ma nor ba'o/ /bsam par bya ba ni so so'i nad rnams shAn+ti dang/ bau Sh+Ti zhes smos so/ /bsrung ba'i cho ga bshad zin to/ /da ni zhi ba'i sbyin sreg ston te/ de nas khung bu gsum las rnam gcig ni zhes pa ni khung bu gsum ni rab 'bring rnam pa gsum la bya'o/ /rnam gcig du ni de gsum gyi kha dog dang dbyibs ston te/ de ci'i phyir zhes zla ba rgyas pa'i 'od zer 'phro 'dra la/ zhes pa ni zla ba ltar ni dkar ba zla ba rgyas pa ltar ni zlum pa/ ye shes kyi me 'od zer 'phro ba 'dra ba la/ /dbyibs su smos zhes pa'i tha tshig go / de yang khung bu rab 'bring rnam pa gsum ni blo yi khyad par dang/ bsod nams kyi khyad par du smos te/ de la rnam gcig tu 'od ni me yod do/ /zer ni mur na dang kha khyer ro/ /'phro ba ni pad+ma'i 'dab ma'o/ /de yang thugs chos nyid las ma g.yos pa ri thab khung khru gang du smos so//

  477. 239a

    thabs dang shes rab zung du 'brel bar khru do'o/ /tshad med pa'i phrin las rnam pa bzhis 'gro ba'i don mdzad pas khru bzhi'o/ /nyon mongs pa'i 'khor ba rtsad nas gcod pa'i rtags su dbus su 'khor lo rtsibs brgyad pa bri/ gzung 'dzin gyi skyon spangs pa'i rtags su zla ba'i dkyil 'khor bri'o/ /nyon mongs pa'i mtshan ma 'joms pa'i rtags su ye shes kyi rdo rje rtse lnga pa la ye shes kyi 'od dkar po 'phro ba bri'o/ /nyon mongs pa'i 'khor ba'i mun pa sel ba'i rtags su me 'od bri'o/ /rtog ge ba'i spyod yul ma yin pas phyi rol rdo rjer bzlum por da skor ro/ /sku gsung thugs lhun gyis grub pas snam bu rim pa gsum du bstan par bya'o/ /nyon mongs pa'i skyon gyis mgos pas pad+ma'i 'dab ma bri'o/ /ye shes bzhi rtogs pa'i yul yin pas phyi rol gru bzhir bya'o/ /bsdu ba'i dngos po bzhis sems can sdud pas nas sgo bzhir bya'o/ /rim pa dang po la rigs bzhi'o// gnyis pa la sems dpa' o/ /gsum pa la phyogs skyong dang lha chen po spel mar bri'o/ /sgor rgyal po chen po bzhir bri'o/ /zhes smos so/ /rigs brgyar la sogs zur phyin cing zhes pa ni/ rigs ni rnam pa lnga'o/ /brgyar dbye ba ni sku gsung thugs gsum te/ rigs bco lnga'o/ / de la yang ye shes lnga lnga ste rigs bdun cu rtsa lnga'o/ /de la phrin las rnam pa bzhi ste rigs dgu bcu rtsa lnga'o/ /de yang thabs dang shes rab zung 'brel te/ /gnyis su med pas gnyis su gcig tu brtsis pas brgya tham pa'o/ /zur phyin cing gsal bar bya ba dang/ phyogs mnor bar bya ba'i tha tshig go /gzhan ma cha rkyen ni brda' phrad sla'o/ /me brtag pa dang yi dam gyi lha spyan drang ba dang/ mchod pa'i thabs dang bsam brgyud ni de dang 'dra ro/ /de ni zhi ba'i mchod pa mdor bsdus pa ston te/ de nas dkon mchog gsum la gsum/ zhes pa ni/ theg pa chen po'i chos khungs mi bsub pa'i don ched du/ sangs rgyas yab dang/ dam chos yum dang/ dge bdun sras rnams la sku gsung thugs mnyes par bya ba'i phyir gsum gsum zhes smos pa'i phyir ro/ /de bzhin du ye shes kyi zhal bas me lha yang gsum mo/ /bsgrub pa'i rten yin pas rdo

  478. 239b

    rje sems dpa' la yang gsum mo/ /dam tshig nyams pa'i bskang ba'i phyir lha phyi ma la yang gsum mo/ /snying rje'i zhing yin pas bgegs dang 'byung po la yang gsum mo/ /yam shing bsreg pa'i thabs dang bsnyen pa'i tshad dang/ las kyi lhag chad kha bgang ba dang/ slar gshegs su gsol ba dang/ grub pa'i thabs dang/ sdig can ma grub na grub pa'i thabs brda' phrad pa sla'o/ /zhi ba'i sbyin sreg gi don bsdus pa bshad zin to// //da ni rgyas pa'i las bshad par bya ste/ gnas phun sum tshogs pa bde ste ma bkral lo/ /hom khung gi tshad ni hoM khung khru do khru bzhi pa'o/ /de ltar mchog ni khru brgyad pa'o/ /zhes pa ni gzung 'dzin rnam pa gnyis spangs pas khru do'o/ /skye gnas bzhi sbyong bas khru bzhi/ rnam par thar pa brgyad dang ldan pas khru brgyad do/ /rab 'bring de rnams kyang 'bangs dang blon po dang/ rgyal po gsum gyi tshad du yang gsungs so/ /chung mchog par ma rnams la gcig zhes pa ni/ chung ba ni khru ngo mchog ni khru brgyad do/ /bar ma ni khru bzhi'o/ /de rnams gang lcogs pa gcig la dkyil 'khor bri zhing rgyas pa'i las bya zhes pa'i tha tshig go /stegs bu brtsegs pa'i dkyil 'khor ni zhes pa ni stegs bu nas stegs so/ /dkyil ni dbus kyi pho brang thab khung du smos pa'o/ /'khor ni de'i phyi chad do/ /thab khung khrud do/ /phyi tshad ni khru brgyad de/ phrin las rnam pa bzhi dang/ tshad med pa bzhi ste brgyad dang ldan pa'i rtags so/ /thab khung bar ma khru bzhi'i phyi tshad ni khru bcu gnyis te/ mdzad pa bcu gnyis kyi tshul gyis rten 'brel bcu gnyis ldog pa'i don to/ /rang khru brgyad kyi phyi tshad ni khru bcu drug te/ dmyal ba'i khams da cu drug gi gnyen po ye shes bcu drug gis sbyong ba'i don to/ /mu khyud sor brgyad cu drug gam/ sum cu gnyis byas pas yin zhes pa ni/ thab kyi kha khyer chung ba'i tshad ni sor brgyad de/ rnam par thar pa brgyad dang ldan pa'o/ /'bring gi mu khyud sor bcu drug ni sems dpa' bcu drug gi don to/ /mchog gi mu khyud ni sor sum cu rtsa gnyis te/ gnas gzhon sum cu rtsa gnyis ni shis

  479. 240a

    pa sum cu rtsa gnyis kyis sbyor ba'i tha tshig go /phyi'i dkyil 'khor de'i phyed zhes pa ni/ phyi ni mu khyud kyi phyi rol lo/ /'khor lo ni snam bu'i phyi rol tu bskor ba'o/ /de'i phyed ni thab khung de'i phyed tsam gcig phyi rol snam bu la phyir bcad pa'i tha tshig go /dkyil 'khor dbus su rin chen dang/ zhes pa ni/ dbus ni pho brang ste/ rin po che 'bar ba gser gyi 'od 'dra ba bri'o/ /phyi rol gyi mu ran la yang/ pad+ma dang rin po che spel mar bri'o/ /de'i dbus su brko ba ni legs par rtag ste phyed kyi tshad ces pa ni de'i 'og tu zhes gsungs pa ni stegs bu'o/ /dbus ni thab khung ngo/ /legs par ni thig tshad la dbab pa'i tha tshig go /bltas pa gzu khums mi bya ba'i tha tshig go /phyed kyi tshad ni thab khung gi phyed tshad gcig nang du brko ba'o/ /khru bzhi pa 'am khru brgyad pa/ yang na dpal skyes pad+ma 'dra zhes pa ni/ phyi'i dbyibs te/ ye shes bzhis rtogs pa'i yul yin pas phyi rol khru bzhi par bya'o/ /de thab khung chud tshad kyi phyi rol gyi dbyibs so/ /thab khung 'bring gi dbyibs ni zur brgyad par bya ste/ tshad med pa bzhi dang bsdu ba'i dngos po bzhis 'gro ba'i don mdzad pa'i rtags so/ /yang na ni chung 'bring gnyis pa mnan pa'i rtags so/ /dpal bskyed ni bsod nams rab kyis bya ba'i tha tshig go /pad+ma 'dra ni pad+ma byes pa ltar che ba'i dbyibs zlum por byas pa'i tha tshig go /tshon gyis bris pa'i thab ni brda phrad sla'o/ /rim gnyis yang na rim bzhi 'am/ yang na rim pa brgyad ldan par zhes pa ni/ rim gnyis ni 'jig rten pa dang 'jig rten las 'das pa'i snam bu gnyis su bya'o/ /yang na ni bsnan te/ rim par bzhir smos te/ 'jig rten pa'i snam bu gnyis dang 'jig rten las 'das pa'i gnyis te bzhi'o/ /rim pa brgyad ni me ri dang rdo rje rab dang/ mchod snam dang sgo snam bzhi ste brgyad dang ldan par bya/ zhes smos te/ so so'i phyag mtshan dang ldan par bri'o/ /rgyan chas ni brda' phrad sla'o/ /las dang bya ba'i thabs ni/ byang phyogs kha bltas 'dug nas ni/

  480. 240b

    'jig rten gsum 'dul khro bo ni zhes pa ni gnod sbyin gyi gter sgrub pa'i phyir byang phyogs su kha blta'o/ /dngos grub mi nyams par bya ba'i phyir ni 'dug nas zhes smos so/ /'jig rten gsum 'dul khro bo'o zhes pa ni/ 'jig rten gsum ni bde bsgrub pa'i phyir ni/ trai lo ka bi dza ya'i khro bo'i ting nge 'dzin du sgom pa smos so/ /nyid kyi rnal 'byor rjes dran zhing/ /lha'i yid bzhin nor rgyal mtshan zhes pa ni/ nyid kyi lha'o/ /don dam par chos nyid dang/ ye shes rnal 'byor rjes su dran pa dang kun rdzob tu lha ye shes sems dpa' dang/ bdag dam tshig sems dpa' rjes su dran zhing bsgoms pas lha'i yid bzhin bde ba dang/ nor dang rgyal mtshan de bdud las rgyal ba'i rtags thob pa'o/ /gnyer bsgrub pa'i yon tan ni bde ste brda' phrad sla'o/ /da ni gang bya ba'i dmigs ston te/ rgyas par bya phyir de ming nas/ /zhes pa ni gang nor zad pa de nor spel ba'i phyir/ 'jig rten gsum 'dul la sogs pa lha so so'i sngags dang/ de'i ming spel la puSh+Ti ku ru zhes grangs kyi bsnyen pa gzhung bzhin du byas na 'grub ce'o/ /sbyin sreg bya ba'i bsam rgyud yan lag dang bcas pa dang/ yams shing cho ga dang bcas pa dang/ me lha spyan drangs nas sbyin sreg bya ba dang/ sngags mkhan khro bo'i ting nge 'dzin du zhugs nas sbyin sreg dang/ bsnyen pa'i yon tan ni brda' phrad sla'o/ /rgyas pa'i las mdor bsdus pa bshad zin to/ /da ni dbang gi las ston te/ dbang ni chags pa'i sems kyis sam/ zhes pa ni ye shes kyi chos nyid la dbang sgyur ba dang/ thugs rjes 'gro ba la dbang sgyur bas dbang ngo/ /de mi gtong zhing 'dzin pas chags pa'o/ /de gnyis su med par sgom dgos pas na sems kyi sam zhes gsungs te/ de ni chags pa'i yul chags pa'i sems kyis bya ba'i tha tshig go /gang du bya ba'i gnas na bde ste brda' phrad sla'o/ /da ni ji ltar bya ba'i thabs ston te/ der ni stegs bu khru brgyad dam/ de ltar bcu gnyis bcu drug

  481. 241a

    rnams zhes pa ni/ der ni gzhung nas 'byung ba yi gnas so/ /stegs su ni sa stegs so/ /khru brgyad ni hoM khung chung ba'i phyi tshad de/ ltab log pa brgyad 'dul ba'i gnyen por gsungs so/ /bcu gnyis ni hoM khung 'bring gi phyi tshad de/ rten 'brel bcu gnyis lugs las zlog pa'i rtags so/ /bcu drug ni hoM khung rab kyi phyi'i tshad de/ sdug bsngal rab kyi mthar thugs pa/ dmyal khams bcu drug thugs rjes dbang du sdus cing 'dul ba'i gnyen por gsungs so/ /hoM khung dkyil 'khor bya ba ni/ /khyu gang yang na khru do 'am/ /de ltar khru ni bzhi par bya zhes pa ni/ hoM khung gi dbus kyi pho brang ste thab khung ngo/ /dkyil ni tshad ma nor ba'i rtags so/ /'khor ni phyi'i tshad gong ma la bya zhes pa'i tha tshig go /khru gang ni stags bu khru brgyad kyi thab khung ste/ chos nyid du la 'da' bas khru gang go /khru do ni khru bcu gnyis kyi thab khung gi tshad de/ thabs dang shes rab gnyis su med pas mdza' gnyis la dbang sgyur ba'i rtags su khru dor bstan to/ /khru bzhi ni khru bcu drug gi thab khung gi tshad de/ bsdu ba'i dngos po bzhis dmyal khams bcu drug bsdud pas na/ khru bzhi smos so/ /gzhu 'dra ba dang/ pad+ma dang zhes pa ni zhi gnas gzhu 'dra bas dbang du sdud pa'i don ched du ni thab khung gzhu'i dbyings 'dra ba smos so/ /chags pa'i tshul gyi chags pa dbang du sdud pa'i don ched du pad+ma 'dra ste/ 'dab ma mkhal yon du 'dug pas de'i tshul du brko'o/ /thugs rtse gcig pa'i sgo nas dbang du sdud pa'i don ched du/ yang na rdo rje 'dra bar bya zhes pa ni/ rdo rje rtse gcig pa'i tshul du brko ste/ sna gnyis phra la dkyil sbom la 'bur ba'i tha tshig go /mda''dra zla kham pa 'am zhes pa ni/ lhag mthong mda' dang 'dra bas don dbang du sdud cing 'bigs pa'i phyir na mda' zhes smos so/ /mde'u ste'u kha ltar sogs kar thab khung brko ba'i tha tshig go /zla ba yar gyi do bzhin du thugs rjes 'gro ba'i don la 'phel zhing dbang du sdud

  482. 241b

    pa'i don ched du zla kham 'dra ste chos brgyad pa'i tshul lo/ /nang gi thab khung bzhin du phyi rol gyi tshad rkyang de bzhin du bya'o/ /rnam gcig tu na de rnams kyang rgyan chas su shes par bya ste/ de ci'i phyir zhe na/ thab khung nang du pad+ma bri zhes pa ni/ thab khung du pad+ma 'dab ma brgyad pa cig bri ste/ pad+ma dang zhes pa sbyar ro/ /de'i steng du mda' bcas gzhu ste/ pad+ma de'i steng du mda' sgro de bcug pa mde'u rtse nub lta ba bri ste/ gzhu 'dra ba dang mda' dang zhes pa dang sbyar ro/ /gzhu'i dbus su rdo rje nyid ces pa ni/ mda'i ltong rdo rje lta bu nyid du ldan pas na/ yang na rdo rje 'dra ba dang spyar ro/ /zla ba ni phyi'i gzugs su shes par bya/ phyi ma ni rkyan chas te/ 'og gi don gong du sbyar zhing shes par bya'o/ mda' dang 'dra zhes pa ni rgyan chas de lta bu'i tha tshig tu bri ba'i phyir ro/ /zheng du mchu'i phyed kyi tshad ces pa ni zheng ni glo'i dkyil tshad do/ /mchu ni zla kham gyi sna re re'i tshad do/ /phyed tshad ni sna'i phyed tshad gcig zheng du bya ba'i tha tshig go /zheng gi tshad kyi phyed tshad du/ /hoM khung zabs su brko bar bya/ /zhes pa ni/ zheng phyed mar btang ba'i phyed ched gcig nang du zabs su brko ba'i tha tshig go /mu khyud sor ni bzhi par bya/ /nyis 'gyur ba ni nyis 'gyur bya zhes pa ni/ mu khyud kyi kha khyer ro/ /sor bzhi ni ye shes bzhi yi rang bzhin te/ khru brgyad pa'i kha khyer ro/ /de ni chung tshad do/ /nyis 'gyur ni 'bring khru bcu gnyis pa'i kha khyer gyi tshad do/ /sor bzhi nyis 'gyur du bya ba'i sor brgyad de/ 'phags pa'i lam yan lag brgyad pa dgod pa'i rtags so/ /nyis 'gyur bya ba ni khru bcu drug pa rab kyi kha khyer gyi tshad de/ brgyad las nyis 'gyur sor bcu drug ste/ sems dpa' bcu drug gis 'gro ba'i don rgyas par mdzad pa'i rtags so/ /hoM bya ba'i thabs bstan to/ /ye shing dar mchod rdzas dang/ kha dog dang lha bri ba'i thabs dang sngags mkhan kha gang phyogs su lta ba ni brda' phrad sla'o/ /da ni bsam rgyud bstan te/ pad+ma dmar po gdan bsam par/ rab chags phyag na pad+ma bsnams/ /zhes pa ni/ pad+ma ni ma chags pa'i don te/ chags pa'i don te/ chags pa'i tshul gyis don mdzad

  483. 242a

    pa'o/ /dmar pa ni kha dog ste/ ma gos pa'i tha tshig go /gdan ni bzhugs pa ste/ thugs rje'i rtags so/ /bsam pa la ni spyan ras gzigs dbang phyug sku mdog dmar ba dbu la tshe dpag med bzhugs par bsgom zhe'o/ /rab ni ye shes te gzung 'dzin spangs pa'i rab bo/ /chags ni thugs rje ste/ 'khor ba'i gnas na bzhugs pa'o/ /phyag ni g.yas so/ /pad+ma ni rang brtags thugs ka nas 'dzin pa'i tha tshig go /g.yon du rdo rje chags pa la/ zhes pa ni/ bdag nyid las kyi lha de ltar bsgoms pa'i g.yon du rdo rje chags pa zhig gnas dang lhag mthong gi mda' gzhu 'gangs par bsgom mo/ /bdag gi g.yas phyogs su kun tu bzang po bde ba chen po rdo rje sems dpa' ste phyag na rdo rje thugs khar 'dzin par bsgom mo/ /bdag gi dbus su ni/ badzra ti ka Sh+Na d+hi/ rmongs byed ma ste/ sku mdog dmar mo phyag na chu srin gyi rgyal mtshan 'dzin pa bsgom mo/ /badzra kI li kA la ni/ sku mdog dmar mo phyag na mda' gzhu 'gengs pa dag dang/ rdo rje chags pa bsgom pa'i bar du bsgom mo/ /bdag gi rgyab tu badzra lA sye sku mdog dmar mo phyag ni 'khyud pa'i tshul du bsgom mo/ thab khung du me lha dam tshig sems dpa' sku mdog dmar ser du 'dug pa/ phyag rnam pa bzhi dang ldan te/ g.yas dang po mda''dzin pa/ g.yon dang po gzhu thogs te ltor rgyud sbyar te/ g.yas g.yon tha ma pad+ma bsnams par bsgoms te/ bdag nyid de ltar las kyi lha'i ting nge 'dzin du zhugs nas/ dza(rgyud 'grel): lcags kyus ni thugs dam bskul/ hUM zhags pas ni mdun gyi bar snang la spyan drangs/ pi lcags sgrog gis gnyis su med par spyan drangs/ ho(rgyud 'grel): dril bus brtan par zhugs/ de nas lha ye shes sems dpa' la chags pa'i tshul gyis mchod pa 'bul ba'i phyir gdag gi spyi bor zhabs kyi drung du btugs la/ ting 'dzin gnyis su med pa'i sbyar ba la snyoms par zhugs te/ las gang byed pa'i lha de'i rtsa ba'i sngags dang/ las bya ba'i dmigs pa de'i ming spel zhing rtsa ba'i sngags dam bca' ba

  484. 242b

    bzhin/ ba shi ku ru zhes brjod cing sbyin sreg byas na thams cad dbang du 'gyur ro/ /de ltar byas pa'i 'og tu 'phags pa slar gshegs su gsol ba dang/ lus srung ba la sogs pa tshul bzhin bya'o/ /dbang gi sbyin sreg gi don mdor bsdus pa bston zin to/ /dkyil 'khor gyi bdag po chen po rgyud kyi ston pa la/ 'khor 'jig rten pa rnams kyi dkyil 'khor dag sbyin bsreg dang/ las kyi bye brag dang/ sngags dang/ phyag rgya la sogs pa la dga' nas bstod pa ston te/ de yang sku gsung thugs gsang ba'i bdag po mtshan brgya rtsa brgyad pas bstod pa byed de/ de la tshig bdun cu'i tshigs su bcad pa'i sho lo ka phyed dang bco brgyad yod de/ de la mtshan brgya rtsa brgyad du dbye ba ni mtshan de de nas phye ste bstan pas na/ 'bru rnams bkrol ba'i rim pa nas bgrangs na brgya rtsa brgyad du phye ste bstan par shes par bya'o/ /da ni bstod pa'i don ston te/ de nas brgya byin tshangs pa la sogs zhes 'byung bas ni/ de ni gong ma'i dbang gis dkyil 'khor gyi mjug sdud la/ nas ni 'og gi bstod pa'i mgo 'dren no/ /brgya byin dang tshangs pa smos pa ni/ 'khor gyi gtso bo yin pa'i phyir smos so/ /brgya byin ni yon bdag yin pas sna la smos so/ /tshangs pa ni chos kyi 'khor lo bskul ba yin pas de'i 'og tu smos so/ /sogs kyi khongs su ni brgya byin gyi 'khor du ni 'dod khams na gnas pa rnams bsdu'o/ /tshangs pa'i 'khor du ni gzugs khams na gnas pa rnams sdud pas na la sogs lha zhes bya'o/ /phyag 'tshal yang dang yang du ni zhes pa ni/ de rnams kyi lus kyis ni phyag dang skor ba byed/ ngag gi tshig snyan pa'i sgo nas mtshan brgya rtsa brgyad pa'i sgo nas bstod do// sems kyis ni yon tan gyi sgo nas dmigs de dga' ba bskyed nas gnas pa'i don no/ /rin chen bdug pa sogs mchog gis zhes pa ni/ rin po che rnam pa sna tshogs pa rnams kyi gdugs te/ rang bzhin gyi bzo bo'i bsod nams kyi khyad par gyis byas pa dang/

  485. 243a

    lha'i ting nge 'dzin gyi ngo bo las sprul pa shin tu mdzes khyab nam mkha' dang mnyam pa rnam par sbras shing grub pas na gdugs mchog go /mchod pa sna tshogs byas nas kyang zhes pa ni/ mchod pa yang rnam pa gsum ste/ kun rdzob rdzas kyis mchod pa sna tshogs pa dang 'dod pa'i yon tan ye shes kyi lha mo'i mchod pa sna tshogs pa dang/ sgrub pa rtse gcig pa dang ba'i mchod pa sna tshogs pa dang ldan pa'i sgo nas byed pa'o/ /phyag na rtse rdo rje rgyal ba'i spyan zhes pa ni/ ye shes kyi rtags phyag na rdo rje bsnams pas phyag na rdo rje'o/ /nyon mongs pa las rgyal bas na rgyal zhes so/ /ye shes kyi chos nyid kyi don la gzigs pas na spyan no/ /rnam gcig tu ni spyi dang rang gi mtshan nyid ma 'dres par gzigs zhes bya'o/ /dga' ba'i bsam pas bstod byed pa/ zhes pa ni dga' ba ni yod de chos bstan pa dang/ yon tan gyi khyad par la dga' ba'o/ /bsam ba ni ting nge 'dzin te/ rtse gcig pa'i ting nge 'dzin gyi sgo nas bsams pa'o/ /bstod pa ni yon tan te/ che ba'i yon tan brgya rtsa brgyad kyi sgo nas bstod pa byed pa'o/ /da ni mtshan brgya rtsa brgyad kyi don 'bru gnyer zhib par bstan te/ sangs rgyas kun bas sngar sangs rgyas/ zhes pa ni/ sangs rgyas ni dus gsum gyi bde bar gshegs pa la bya ste/ de kun bas sngar sangs rgyas te phyag na rdo rje ni thugs yang dag pa'i ye shes te/ de bzhin gshegs pa rnams mngon par rdzogs par sangs rgyas pa la yang/ thugs rdo rje lta bu la brten nas sangs rgyas par byed pas na/ 'bras bu'i ming rgyul btags pas na/ sangs rgyas kun bas sngar sangs rgyas zhes bya'o/ /mi shes dri ma kun bcom pa/ zhes pa ni mi shes pa ni ma rig pa ste/ rgyu dang 'bras bu'i don mi shes pa'o/ /dri ma ni sems la bag chags sgos par byed pas na/ sems rmongs par byed pa'i dri mar gyur pas na dri ma'o/ /kun bcom ni mos pa spyod pa'i skabs su des gzung 'dzin

  486. 243b

    du gyur pas te/ so so'i kun tu rtogs pa'i shes rab kyis bcom/ mthong ba'i lam dang sgom pa'i lam du nyon mongs pa dang shes bya'i sgrib pa ste/ chos dang gang zag la bdag med pa'i ye shes kyis bcom pa'i don te/ /rdo rje zhes pa ni/ dper na rdo rjes thams cad 'joms pa dang 'du bas na thugs/ mkhyen pa'i ye shes kyis dngos po dang mtshan ma bcom pas na rdo rje'o/ /rdo rje 'dzin rgyal po zhes pa ni/ mkhyen pa'i thugs rdo rje lta bu la mnga' mnyes pas na/ rdo rje 'dzin rgyal ni mtshan ma thams cad 'joms pas na mtshan ma las rgyal lo/ /de ni rdo rje 'dzin rgyal lo/ /rdo rje rdo rje rdo rje 'dzin zhes pa ni/ rdo rje gsum smos pa ni/ sku rdo rje ltar sra ba thugs rdo rje ltar mi 'gyur ba/ gsung rdo rje ltar bden pa'i tshig mi slu'o/ /'dzin ni sku gsung thugs rdo rje lta bu las mi 'da' bar 'dzin pa'o/ /rdo rje sku ste zhes pa ni chos kyi sku rdo rje ltar 'dus ma byas pas mtshan mas mi 'gyur ba'i phyir smos so/ /sku tshe ba zhes pa ni longs spyod rdzogs pa'i sku/ mtshan dang dpe byad du ldan pa'i sku ste/ dngos po thams cad kyi gtso bor gyur pas na/ sku che ba smos so/ /rdo rje yan lag zhes pa ni sprul pa'i sku ste/ rdo rje lta bur mi 'gyur bas rdo rje mchog yan lag ni mang ba'i don te/ sprul pa las thugs rje'i mthu bas lha dang klu dang gnod sbyin dang mi la sogs pa la so so'i lag na rdo rje zhes grags pa'o/ /rdo rje mchog ni zhes pa ni sku gsum la sbyir sbyar te/ chos kyi sku las mi 'gyur ba'i rdo rje mchog go /longs spyod rdzogs pa'i sku ni mi mnyams pas ni rdo rje ste/ ting nge 'dzin rgyun mi 'chod pa'i mchog ste thugs rje phun sum tshogs pas mchog go / rdo rje 'bar ba zhes bya ba ni/ rdo rje thugs te mtshan mas mi 'gyur ba'o/ /'bar ba ni phrin las te 'gro ba'i don du sprul bas nyon mongs pa la 'bar ba'o/ /cher 'bar ba ni thugs rje phun sum tshogs pa ste/ khams gsum gyi sems can rnams

  487. 244a

    kyi las dang nyon mongs pa la ye shes kyi 'od 'bar bas mtshan ma rnams sreg par mdzad pas na cher 'bar ba'o/ /rdo rje shugs che zhes pa ni rnam par mi rtogs pa'i ye shes rdo rje lta bu'i thugs dang ldan pas ni thugs rje phun sum tshogs pa 'byung ste/ ci'i phyir zhe na/ shugs che ba zhes smos pa na/ rnam par mi rtogs pa la brten pa'i stobs kyis dag pa 'jig rten pa'i ye shes 'gro ba'i don du thugs rje sprul pas sgyu ma ltar sna tshogs su ston pas na/ 'gro ba'i don byed pa'i byin gyis brlabs kyis shugs dang ldan pa'o/ /de ni shugs che ba ste/ rdo rje shugs che ba'o/ /rdo rje mtshon cha zhes pa ni thugs rdo rje ltar mi 'gyur ba'i rang bzhin las phrin las mtshon cha lta bus rgol ba rnams 'dul ba'i don to/ /mtshon cha che zhes pa ni/ dper na mtshon gyis gcod pa dang 'dra bar nyon mongs pa rtsad nas gcod pa'i don ched ni bdud kyi dmag 'dul bas che ba'o/ /phyag na rdo rje phyag chen po/ zhes pa ni/ phyag na ye shes kyi rdo rje bsnams te/ nyon mongs pa rnams ye shes kyi phyag gis 'byin par mdzad pas sam 'dul bar mdzad pas phyag rgya chen po'o/ /rdo rje mda' ste rab 'bigs pa zhes pa ni/ thugs las rdo rje chags par sprul te/ ye shes rdo rje lta bu'i mdas nyon mongs pa rnams 'bigs shing med par mdzad pa 'am/ don mthong bar mdzad pa'i phyir smos so/ /rdo rje rnon po zhes pa ni 'dul ba'i dbang du rdo rje rnon po lta bur sku sprul te/ khams gsum rnams ye shes kyi ral gri rnon pos gcod cing zad par mdzad pa'i phyir ro// rno ba che zhes pa ni rdo rje 'khor lo lta bur bstan te/ phrin las kyi 'khor lor gcod byed rno bas skyer?/ /rtsid nas gcod pa'i tha tshig yin pas na rno ba che'o/ /che ba'i che ba zhes pa ni 'jig rten pa rnams kyi che ba 'dod khams kyi dbang phyug

  488. 244b

    chen po'o/ /de'i che ba ni sangs rgyas bcom ldan 'das legs pas zhes pa'i tha tshig go /rgya mtsho che zhes pa ni dper na rgya mtsho ni sus kyang gting me rtogs pa dang 'dra bar thugs kyi dgongs rlabs gzhan gyis mi rtogs pas na rgya mtsho che'o// rdo rje pad+ma zhes pa ni/ thugs rje sprul pa rdo rje chos rab lta bur sku sprul te nyon mongs pas ma gos pas na pad+ma bsnams te/ 'khor bas ma gos pa'i don to/ /byang chub che zhes pa ni thugs mtshan ma dang bral bas byad la/ ye shes kyis zhes bya la chub te/ phrin las dang thugs rje gzhan pas che bas na byang chub che'o/ /byang chub sangs rgyas rang 'byung ba zhes pa ni thugs rnam par dag pa'i byang chub sems las 'bras bu bla na med pa'i sangs rgyas 'byung ba'i phyir ro/ /rdo rje rgya chen zhes pa ni/ thugs rdo rje ltar mi 'gyur bas rgya che ste/ gzhan gyis mi rtogs shing rigs par dka' po'i tha tshig go /rgya che ste zhes pa ni/ dper na nam mkha' rgya che ste tshad dpag tu med pa'o/ /de bzhin du thugs mtshan ma med pas ni phyi rol pa rnams kyis dpag cing gzhal du mi btub pa'o/ /rdo rje sgyu ma zhes pa ni thugs rdo rje ni sgyu ma ltar sna tshogs su ston pa'i tha tshig go /rnal 'byor zhes pa ni chos nyid rtogs pas rnal 'byor rig pas phyin ci ma log par mkhyen pas so/ /rdo rje rgyu ste zhes pa ni thugs rdo rje lta bu ni 'bras bu sangs rgyas kyi rgyu ste myur du thab par byed pas so/ /gnod sbyin che zhes pa ni/ phrin las kyi rdo rje gnod sbyin du bstan te/ nyon mongs pa'i gnod pa la bde ba sbyin pa'i don no/ /rdo rje pad+ma zhes pa ni pad+ma 'dam gyis ma gos par 'dam dang 'brel pa ltar thugs rjes 'khor bar rol kyang skyon gyis ma gos pa'i don to/ /rnam sbyong ba zhes pa ni nyon mongs pa rnams thugs rje phun sum tshogs pas rnam par sbyor ba'i phyir ro/ /rdo rje khro bo zhes pa ni/ thugs rjes bdud dang srin po rnams 'dul ba'i phyir na/ 'dul ba'i dbang du khams gsum ldum?

  489. 245a

    par rgyal ba'i skur sprul pa'i don to/ /ma rungs che zhes pa ni phrin las des bdud dang ma rungs pa 'dul ba'i phyir na/ spyod pa drag po'i sgo nas mdzad pa'o/ /rdo rje dgra ste 'joms pa'i gtso zhes pa ni/ bdud kyi rgyal po'i dgra sta phrogs nas nyid kyis bdud rnams 'joms par mdzad do/ /rdo rje 'jigs pa zhes pa ni thugs rdo rje lta bus nyon mongs pa thams cad 'jigs par mdzad pa'i don to/ /bsrung ba che zhes pa ni phrin las rdo rje bsrung ba ltar bstan nas sems can rnams rtag tu bsrung bar mdzad do/ /rdo rje lcags kyu zhes pa ni nyon mongs pa'i rdzing nas sems can rnams drang ba'i phyir dang/ rdo rje lcags kyu ltar yang 'dul ba'i dbang du bstan to/ /don yod byed ces pa ni phrin las don yod par bstan pa'i phyir na rdo rje las su bstan te/ don yod par bstan pa'i tha tshig go /rdo rje ro langs ro langs che zhes pa ni/ thugs rdo rjes shib sos par mdzad pa'i phyir na ro langs chen por sku sprul nas ro langs grub pa rnams 'dul bar mdzad pas na ro langs che'o/ /rdo rje srin po za pa'o/ /zhes pa ni/ phrin las rdo rje srin por bstan te/ nyon mongs pa'i mtshan ma za bar mdzad pa'i tha tshig go /rdo rje gnod sbyin zhes pa ni thugs rjes gnod sbyin du sku sprul nas 'gro ba'i don mdzad pa'i tha tshig go /gnod sbyin che zhes pa ni/ res dga' ni gnod sbyin chen po kun tu bzang por yang sku ston pas na gnod sbyin che'o/ /rdo rje gdon te zhes pa ni ye shes rdo rje dang 'dra bas gdon stong phrag brgyad cu zad par mdzad pas/ brlag par mdzad pa'i tha tshig go /gdon che mchog zhes pa ni/ res dga' gdon gyi nang du yang phyag na rdo rjer bstan nas gdon 'dul ba na gdon che mchog ste/ gdon gyi mchog rgyal po'o/ /rdo rje 'jigs byed ces pa ni/ thugs rjes 'jigs byed gshin rje gshed du bstan nas gshin rje rnams 'joms par mdzad do/

  490. 245b

    dga' byed drag po ste zhes pa ni/ thugs rjes thams cad dga' bar byed cing phrin las drag pos ni bdud rnams spa skong bar mdzad do/ /rdo rje 'jigs byed sdangs byed pa ni phrin las rdo rje lta bu'i phrin las kyis thams cad la sku 'jigs par bstan pas/ thams cad sems rab tu sdangs par bka' nyan pa'i tshul gyis tha tshig go /sgrub dka' bsgrubs pa legs pa ste/ zhes pa ni/ skyes bu chen pos ni sngon so so skye bo sgrub dka' ba las rab tu bsgrubs pas 'bras bu legs pa thob ces pa'i don to/ /rdo rje legs pa zhes pa ni/ phrin las rdo rje legs par bstan nas/ rdo rje dga' bas zhes pa ni 'gro ba 'dul ba dang/ chos nyid las ma g.yos pa'i thabs dang ldan pas na dga' ba ste/ thugs rje dang ldan pa'i tha tshig go /dga' ba che zhes pa ni de bzhin gshegs pa'i sku gsung thugs kyis dbang sgyur nas dga' ba chen po mnyes pa'i don to/ /dga' ba'i rdo rje zhes pa ni de'i tshe thams cad dang ldan pa'i 'khor rnams dga' ba bya ba'i phyir na/ rdo rje gsong bar thams cad g.yos nas a la la zhes brjod pa'i don to/ /dbang byed pa zhes pa ni/ 'jig rten thams cad dus gcig tu dbang du bsdu ba'i don to/ /'od sdug pas ni sdug pa che zhes pa ni/ 'od ni ye shes kyi kha dog rnam pa lnga pa sdug pa mdzes pa snang ba ste/ sdug pa che ni des 'jig rten gyi khams thams cad ma lus par snang bar mdzad pa'i sdug pa chen po dang ldan pa'i don to/ /nam mkha' dang ni mnyam pa'o zhes pa ni/ phrin las nam mkha' dang mnyam pa dang/ mkhyen pa nam mkha' dang mnyam pa'o/ /re ba thams cad rdzogs par mdzad ces pa ni/ sems can rnams kyi re ba thams cad thugs rjes rdzogs par mdzad pa'i don to/ /rdo rje dbang bskur zhes pa ni dus gsum gyi sangs rgyas rnams kyis thugs rdo rje lta bu'i dbang bskur ba'i don to/ /rin chen mchog ces bya ba ni sems can gyi 'dod pa skang ba'i phyir na/ rdo rje rin chen du bstan pas ni rin chen

  491. 246a

    mchog go/ rdo rje rgyal mtshan zhes pa ni/ phrin las rdo rje rgyal mtshan du bstan nas nyon mongs pa las rgyal bar mdzad pa'o/ /yon tan gtso zhes pa ni che ba'i yon tan sna tshogs pas 'gro ba'i gtso bor gyur pa'i don no/ /rdo rje ye shes zhes pa ni/ ye shes rdo rje lta bus nyon mongs pa thams cad 'joms par byed pa'o/ /ye shes che zhes pa ni/ ye shes rnam pa lnga la mnga' bsnyes pa na/ de bzhin gshegs pa'i thugs mngal ba na ye shes che'o/ /rig sngags bye ba'i tshogs kyis mchod ces pa ni/ rig sngags 'chang grub pa mthu dang byin brlabs can bye ba rnyed kyis kyang rab tu mchod par gyur pa'i don to/ /ha la ha la nag po che zhes pa ni/ sems can gyi phyi nang gi dug ha la ha la yang zhal du rdzub cing gsol bas bdud rtsir 'gyur ro/ /sgra che zhing zhes pa ni thugs rje chen po gsung gi sgra skad chen pos thams cad zil gyis gnon par mdzad pas na sgra che zhing ngo/ /'joms pa can zhes pa ni thugs rjes 'joms pa'i dbang phyug mar sku sprul nas sems can rnams kyi 'dod chags rnams zhi bar mdzad pa'i don to/ /rdo rje 'dod pa zhes pa ni/ de bzhin gshegs pa thams cad kyi phrin las mdzad pa rnams 'dod pa bzhin du grub par mdzad pa'o/ /'dod pa che zhes pa ni/ 'dod pa ni chos nyid las che ba ye shes kyis mnga' brnyes pa'i don to/ /rtog pa'i dus ngan rnam 'joms pa/ zhes pa ni/ phyi gzung bar rtog pa dang nang 'dzin par rtog pa dang/ chos tsam du rtog pa dang/ gang zag tu rtog pa la sogs pa rtog pa brgya rtsa brgyad la sogs pa ma lus par spangs pa'i don to/ /dus ngan ni lnga'i tha ma'o/ /rnam par 'joms pa ni nyon mongs pa ni ye shes kyis 'joms la/ dus don ni thugs rjes 'joms pa'i don to/ /skad cig g.yas pas the tshom gtsed ces pa ni/ sems can rnams kyi sems kyi rgyud la yod

  492. 246b

    pa rnams the tshom g.yo ba rnams dus gcig tu 'joms par mdzad do/ /glog bzhin zhal gyi ljags las 'phro zhes pa ni/ dper na glog rgyu ba bzhin du mgyogs pas kun tu thos par 'gro zhes pa'i don to/ /rdo rje me ste ma rungs 'dul zhes pa ni/ ye shes rdo rje lta bu nas thugs rje phun sum tshogs pa'i me stag 'phro ba ni/ ma rungs pa sdangs su 'jug pas zhal nas 'byung ba'i don to/ /drag po rab snang zhes pa ni phrin las zhi bas mi 'dul ba la drag por rab tu snang bar mdzad pa'i don to/ /snang mdzad pa zhes pa ni sku gsung thugs kyi phrin las rnam par snang bar mdzad cing sems can rnams sgrol bar mdzad pa'i don to/ /nyi ma stong gi gdungs pa'i zhal zhes pa ni/ dper na nyi ma stong gis gdungs pa'i dngos po thams cad me 'bar ba dang 'dra bar/ rnam par thar pa'i ye shes kyi zhal nas mtshan ma rnams bsreg pa'i ye shes kyi me 'byung bas nyon mongs pa bud shing dang 'dra ba bsreg cing stongs par mdzad pa'i don to/ /spyan dmar 'jigs par mdzad pa po/ /zhes pa ni spyan ni ye shes te thams cad gzigs pa'o/ /dmar ba ni thugs rje ste/ mtshan mas ma gos pa'i don to/ /thugs rje'i 'jigs tshul thabs kyi byin brlabs kyis ni phrin las kyis gzigs par thams cad 'jigs par mdzad do/ /khro bo du ma 'ong bzhin 'phro zhes pa ni thugs rnam par dag pa'i rang bzhin las/ ye shes kyi khro bo sna tshogs rnams 'jig rten gang bar 'phro ba'i don to/ /phyag rnams du mas mtshon cha brgya ces pa ni khro bo de rnams 'dul ba'i dbang du kun tu sku sna tshogs pa la phyag sna tshogs bar bstan te/ phyag de rnams na ye shes kyi mtshon cha sna tsho rab 'dul ba'i dbang du bsnams zhes pa'o/ /du ma'i zhal te zhes pa ni/ sku de rnams las yang kun tu sku bsam gyis mi khyab par bstan te/ de re re yang kun tu zhal bsam gyis mi khyab par sna tshogs pa rab tu ston pa'i phyir ro/ /sku yang ston zhes pa ni sku de rnams 'gro ba rigs

  493. 247a

    drug tu gtogs pa'i sems can rnams la so so'i gtso bo ni tshul tha dad pa'i skur bstan to/ /'khyil cing zhes pa ni thugs rjes 'gro ba de bla na med pa'i byang chub tu dgod pas kyang 'khyil cing la/ rnam gcig tu dbu skra 'khyil bar bstan te/ thugs chos nyid las ma g.yos pa'i rtags so/ /rgyan yang 'khyil pa la zhes pa ni/ sku'i rgyan rnams sku la 'khyil bar bstan te/ khams gsum dbang du sdud pa'i don to/ /sems dpa' i chos la sku mi mnga' zhes pa ni ye shes rnam par dag pa'i chos nyid la sems pas ni chos pa ste/ chos ni dngos po can te de dang bral bas na dngos po'i sku med ces pa'i don to/ /rnam par rtog pa ma lus spangs/ zhes pa ni phyi gzung bar rtog pa dang/ nang 'dzin par rtog pa dang/ chos tsam du rtog pa dang/ gang zag tu rtog pa la sogs par rtog pas brgya rtsa brgyad la sogs par ma lus par spangs pa'i don to/ /ma rig 'joms pa'i tshangs pa ste zhes pa ni lta ba log pa thams cad kyi gzhi ni ma rig pa ste/ ma rig pas bdag tu rmongs pa'i ngo bo chongs pa chen po 'jig rten mes po yang 'joms par byed pa'i tha tshig go /'dod chags zhe sdang dri mthar mdzad ces pa 'dod chags dag par bsgoms pas na gsung sgrub zhe sdang dag par sgoms pas na thugs grub/ gti mug dag par bsgoms pas ni sku grub bo/ /rnam gcig tu du gsum dri ma'i rang bzhin te/ 'dod chags la mi sdug pa bsgom/ zhe sdang gi gnyen por byams pa bsgom/ gti mug gi gnyen por rten cing 'brel bar 'byung ba bsgoms pas/ nyon mongs pa'i dri ma las thar bar gsungs so/ /sgyu ma gtogs 'dod ces pa ni lha chen po khyab 'jug ni sgyu ma ltar sna tshogs par kun tu khyab par phyin cing kun tu 'jug pas gtogs 'dod che bas na/ gtogs 'dod zhes gsungs pas na/ de yang 'dul bar

  494. 247b

    mdzad do bar bstan to/ /rdo rje can zhes pa ni/ dper na rgad po mkhar pa can zer ba ltar thugs rdo rje lta bu la mnga' brnyes pa'i phyir ro/ /rnam gcig tu 'jig rten na rdo rje can gyi rigs ma rungs pa rnams 'dul bas kyang de skad bstan to/ /rtse gsum zhes pa ni sku gsung thugs lhun gyis grub pa'i rtags su ye shes kyi rdo rje rtse gsum bsnams par 'dod/ rtse gsum 'chang 'phrog pa ni ces pa lha dbang phyug chen po'i rtse gsum 'chad pa phrogs nas phyag na bsnams zhe'o/ /'dod chags zhe sdang gti mug che zhes pa ni/ 'dod chags che ba ni chos nyid kyi don la chags pa dang/ 'gro ba'i don la chags pa'i don to/ /zhe sdang ni thugs rje ste/ nyon mongs pa'i rgyu la zhe sdang ba dang/ chos nyid kyi dang du gnas pas na mtshan ma la zhe sdang ba'o/ /gti mug ni blang dor med pa ste/ 'gro ba'i don la blang dor med par mdzad pa dang/ chos nyid dmigs pas na gang la yang mi gnas pas na chen po'o/ /zhes pa'i don to/ /srid dang srid min rnam spyod ba ces pa ni/ srid pa ni 'khor ba ste thugs rjes spyod la mi srid pa ni mya ngan 'das pa ste/ ye shes kyis spyod zhes pa'i don to/ /zhi zhing dul ba zhes pa ni/ zhi ba'i chos nyid la dul ba ni ye shes te/ chos nyid dang ye shes 'brel pa'i don to/ /dga' ba che zhes pa ni thugs rjes ni sems can dag par byed la/ shes rab kyis ni chos nyid dag par gzigs pa'i don to/ /sangs rgyas zhes pa ni nyon mongs pa spangs pas sangs la/ shes bya la ye shes kyis khyab pas ni rgyas pa'o/ /sangs rgyas rab rtog pa zhes pa ni/ dus gsum gyi sangs rgyas rnams kyi dgongs pa mi mkhyen pa mi mnga' ba'i phyir ro/ /sangs rgyas bdag nyid ces pa ni/ dus gsum gyi sangs rgyas kun gyi sku gsung thugs kyi bdag nyid du gyur pas na bdag nyid do/ /sangs rgyas sku zhes pa ni/ de bzhin gshegs pa thams cad kyi sku'i bdag nyid du gyur ba sku la rgol ba'i bgegs rnams rab tu

  495. 248a

    'dul bar mdzad pa dang/ sku'i phrin las kyi ngo bor gyur pas so/ /rdo rje rab skyes zhes pa ni/ gsung rdo rje lta bur rab tu skyes par gyur pas 'gro ba'i rgyud dgrol ba dang/ gsung la mnga' brnyes pa'i phyir ro/ /rdo rje sems dpa' zhes pa ni rdo rje sems dpa' i thugs rnam par dag pa la rab tu mnga' brnyes pa'i phyir na rdo rje sems dpa' o/ /kun tu bzang po zhes pa ni/ gnod sbyin rnams kun tu bzang pos 'dul bar mdzad pa na/ 'dul ba'i dbang du ni thugs bstan nas gnod sbyin gyi bdag po chen por bstan to/ /cher bzang po zhes pa ni sems can rnams kyi nor rnams bsgrubs par bya ba'i phyir na gang na gang pa bzang po btul nas nor gyis rnams gang bar mdzad pas de'i bdag por gyur bas ni cher bzang po zhes bya'o// mtshan bzang dam pas rnam par brgyan zhes pa ni mtshan sum cu rtsa gnyis dang/ dpe byad bzang po brgyad cu mnga' brnyes pas na mtshan bzang dam pa ste/ gzhan las dpags pa'i thun mong ma yin pas na dam pa'o/ /rnam par brgyan ni 'dul ba'i dbang du thun mong gi mtshan gyis ni brgyan pa'i sku brgyud pa/ thun mong ma yin pas ni thugs rab tu brgyan par mdzad pa'o/ /khams gsum gyi bdag nyid chen por thugs rjes bstan nas/ bdag bcag 'jig rten pa rnams kyi mnga' bdag mdzad cing 'khor gyi gtso bor gyur pa'i don to/ /khyab pa po zhes pa ni srid pa gsum du yang thugs rje dang phrin las kyis khyab par gyur pas na/ kun tu yang lag na rdo rje zhes grags par mdzad pa'i phyir ro/ /thams cad rdo rje zhes pa ni sangs rgyas kyi zhing ma lus pa thams cad du phyag na rdo rjer bstan nas/ de'i bstan pa la gnod pa'i bdud la sogs pa rnams 'dul bar mdzad pas na 'am/ bstan pa rdo rje lta bu'i sgo nas 'dul bar mdzad pa'i phyir ro/ /bdag nyid gtsang zhes pa

  496. 248b

    ni srid pa gsum gyi bdag nyid du gyur kyang ni nyon mongs pa'i sgrib pa dang/ shes bya'i sgrib pa rnams spangs pas kyang gtsang ngo/ /rnam pa gcig tu dus gsum gyi sangs rgyas rnams kyi rang bzhin nam bdag nyid du gyur bas na mi mthun pa'i skyon rnam pa thams cad dang bral bas na/ bdag nyid gtsang zhes pa'i don to/ /mtshan brgya rtsa brgyad pa phyed nas bshad zin to/ /da ni rgyud kyi don 'di gzung ba ston te/ de ci'i phyir zhe na/ gang gis 'di bris klags 'gyur ram/ zhes pa ni khyab pa spyi'i tshig gam/ tshos la phyogs su bsdus pa ste/ su yang rung zhes pa'i don to/ /des rgyud kyi don 'di yi ge la bris nas/ bdag gi 'chang ba 'am/ gzhan la bris nas sbyin pa 'am bris nas sbyin pa 'am bris pa rnams bdag gis klog gam/ gzhan klog tu 'jug pa 'am/ rgyun tu yi dam gyi don du 'jug par bgyi zhes pa'i don to/ /rtag tu de don bcad byed dam/ zhes pa ni dus rtag tu don blo la 'chad pa 'am/ tshig glegs bam la 'chang bar byed pa'i don to/ /dran nas nyan par byed kyang rung/ zhes pa ni de la dran pa ni lhag mthong gi shes rab kyis rgyud kyi don nyan pa dang/ nyan pa'i don bsam zhing sgo par byed kyang rung ste/ de ni de bzhin gshegs pa'i rigs su 'gyur ba'i don to/ /de yang ci'i phyir zhe na/ phyag na rdo rje 'dra bar 'gyur zhes 'byung bas na/ rgyud 'di nyid ni phyag na rdo rje'i thugs kyi rgyud la rab tu gnas pas na/ gang gis 'di nyid nyams su blangs na/ de yang phyag na rdo rje dang 'dra bar 'gyur te/ de ci'i phyir zhe na/ rgyud 'di rtogs pa'i sgo nas thob par 'gyur ba'i rgyu yin pas smos so/ /da ni rgyud 'di gsungs pa la 'khor rnams dga' ston te/ de yang ci'i phyir zhe na/ bcom ldan 'das kyis de skad ces bka' stsal pa dang zhes 'byung bas/ bcom ldan 'das ni shAkya thub pa ste/ de ci'i phyir zhe na/ de'i bstan pa yin pas gtso bor rab tu smos so/ /de skad ces

  497. 249a

    bka' stsal pa dang/ zhes pa ni rgyud 'di'i don te de skad ces par sbyar te/ de yang ji ltar gsungs na/ gling gzhi dang mdo bshad pa gnyis su gsungs so/ /gleng gzhi la yang gnyis te/ phun sum tshogs pa'i gleng gzhi dang/ khyad par gyi gleng gzhi gnyis su gsungs so/ /phun sum tshogs pa'i gleng gzhi lngar gsungs so/ /khyad par ni rnam pa gnyis te/ de yang ston pa dang/ 'khor dang gnas dang sdud pa bo dang dus dang/ rnam pa lngar gsungs so/ /khyad par ni rnam pa gnyis te/ ston pas gleng bslang ba dang/ 'khor gyis gleng bslang ba'o/ /mdo'i don bshad pa la yang don rnam pa gnyis su gsungs te/ de yang dkyil 'khor dang sbyin sreg go /de yang thugs rnam par mi rtog pa'i ngang du gnas kyang kun rdzob tu phrin las sna tshogs su mdzad pas na dkyil 'khor du bstan te/ /phyin ci log gi nyon mongs pa'i mtshan ma sreg pa'i phyir na hoM du bstan te bka' stsal to/ /de yang dkyil 'khor la rnam pa gnyis su bka' stsal te/ 'jig rten las 'das pa don dam par mi 'gal bar bka' stsal pa dang/ 'jig rten pa kun rdzob kyi bden par bka' stsal to/ /de la 'jig rten las 'das pa la rnam pa drug ste/ de yang thams cad byang chub sems kyi rang bzhin du nyon mongs pa'i sems can thugs rje'i zhing yin pas na/ kun rig rtsa ba'i dkyil 'khor bka' stsal to/ /thugs rnam par dag pas sprul pa phyung nas ngan song sbyong ba'i phyir na gtsug tor brgyad gsungs so/ /sems can 'chi ba ni sngon gyi las yin pas na/ de sbyang ba'i phyir na tshe dpag med las kyi sgrib pa rgyun gcod pa'i dkyil 'khor bka' stsal to/ /sems can rnams 'phral gyi rkyen gyis 'chi bas na/ de bzlog pa'i phyir tshe dpag med bka' stsal te/ sems can gyi don mdzad pa'i phrin las su ni rigs bzhi 'khor lo

  498. 249b

    sgyur ba gsungs so/ /ma rungs pa zhi bas mi 'dul ba rnams drag po'i sgo nas 'dul dgongs pa na/ khro bo rdo rje nyi ma me'i dkyil 'khor bka' stsal to/ /'jig rten pa yang rnam pa drug tu bka' stsal te/ 'jig rten pa so so rang rang gi maN+Dal mdongs gsol du phul bas na/ de la ston pa dgyes nas/ /rgyal po chen po bzhi'i so so'i bgegs rnams zhi bar bya ba'i phyir na/ rgyal po chen po bzhi'i dkyil 'khor bka' stsal to/ /gdon stong phrag brgyad cu rtsa bzhi zhi bar bya ba'i phyir na/ phyogs skyong ba bcu'i dkyil 'khor bka' stsal to/ /gza' skar mi mthun pa zhi bar bya ba'i phyir gza' brgyad kyi dkyil 'khor bka' stsal to/ /sems can rnam las bdag gi gdon zhi bar bya ba'i phyir na klu brgyad kyi dkyil 'khor bka' stsal to/ /lha gdon rnams 'dul bar bya ba'i phyir na 'jigs byed kyi dkyil 'khor bka' stsal to/ /sems can rnams kyi lha mi dga' ba'i gnod pa zhi bar bya ba'i phyir na lha chen po brgyad kyi dkyil 'khor bka' stsal to/ /sbyin sreg la yang rnam pa gnyis te/ ro'i hoM dang phrin las rnam pa bzhi'i hoM mo/ /de la yang nyon mongs pa'i dngos po gdos pa dang bral ba'i phyir na/ ro'i sbyin sreg bka' stsal to/ /de yang thugs chos nyid las ma g.yos pas na/ zhi ba'i sbyin sreg bka' stsal to/ /'dod pa phun sum tshogs pa bsgrub pa'i phyir na rgyas pa'i sbyin sreg bka' stsal to/ /khams gsum thams cad dbang du sdud pa'i phyir na dbang gi sbyin sreg bka' stsal to/ /ma rungs pa dreg pa can 'dul ba'i phyir na/ drag po'i hoM bka' stsal to/ /phyi ma'i cho ga'i yan lag ni dkyil 'khor dang hoM rnams ma grub na cho ga sgoms? par bya'o/ /zhes bka' stsal to/ /rgyud kyi don de ltar bcom ldan 'das kyis bka' stsal pas na/ de skad ces bka' stsal pa dang zhes smos so/ /de ni 'khor rnams rab tu dga' ba ston to/ /de ci'i phyir zhe na/ bcom ldan 'das kyis kyang mya ngan las 'das pa'i bstan

  499. 250a

    pa'i zhabs su yang/ de skad ces gyis zhig ces kun dga' bo la gdams so/ /de nas brgya byin dang zhes pa ni mgo brgya gtang zhing mchod sbyin brgya btang ba dang/ dang po'i yon bdag dang gnas kyi bdag po yin pas sna la smos so/ /tshangs pa la sogs pa'i 'khor zhes pa ni/ nyon mongs pa las tshangs par mdzad pa dang/ 'jig rten pa'i mes po yin pas de'i 'og tu smos so/ /sogs kyi khongs su ni so so'i btsun mo dang bcas pa'i tha tshig go /'khor la sogs pa ni brgya byin sum cu rtsa gsum dang bcas pa dang/ tshangs pa tshangs ris lha dang bcas pa dang/ zhes pa'i tha tshig go /lha dang ni dbang phyug chen po ma hA de ba la sogs lha 'dus pa rnams so/ /mi dang ni mos pa spyod pa'i sa la mir gnas pa rnams so/ /lha ma yin dang ni lha ma yin gyi rgyal po sgra gcan la sogs pa rnams dang/ dri za dang ni zur phud lnga pa la sogs pa'o/ /gnod sbyin dang sde dpon pany+tsi ka la sogs pa'o/ /srin po la sogs pa ni laM ka mgrin cu la sogs pa'i 'khor rnams so/ /bcom ldan 'das kyis gsungs pa la zhes pa ni rgyud kyi don thugs rnam par dag pa'i dang la gnas pa/ zhal gyi dkyil 'khor nas tshangs pa'i gsung gis don dang tshig tu ldan par gsungs zhe'o/ /mngon par dga' ste zhes pa ni don la dga' ba dang/ phrin las ngan song rnam par sbyangs pa la mngon par dga' ba'o/ /rjes su yi rang ngo zhes pa ni rgyud kyi don la rjes su yi rang ba dang/ cho 'phrul gyi bya ba dang phrin las kyi spyod pa la rjes su yi rang ba'o/ /blo dman rnams la phan gdags phyir/ /rgyud kyi 'bru 'grel gsal bar bkrol/ /mkhas pa rnams kyis bzod pa mdzod/ /kun gyis don rtogs bde legs smon/ /don gyi 'bru 'grel slob dpon sangs rgyas gsang bas mdzad pa rdzogs so// //

  500. 250b

    */ (/'phags pa ngan song thams cad yongs su sbyor ba gzi brjid kyi rgyal po zhes bya ba ka ma d+he nus mdzad pa bzhugs so//) */ /rgya gar skad du/ Arya sarba du rga ti pa ri sho d+ha ne te dzo rA dza nA ma mahA kalpa rA dza sya DI kA/ bod skad du/ 'phags pa ngan song thams cad yongs su sbyor ba gzi brjid kyi rgyal po zhes bya ba/ cho ga zhib mo'i rgyal po chen po'i rgya cher 'grel pa/ dkon mchog gsum la phyag 'tshal lo/ /dpal rdo rje sems dpa' la phyag 'tshal lo/ /dpal lha mo skul byed ma la phyag 'tshal lo/ /gang gi thugs rje dpag med dang/ /shes rab dpag med stobs kyis ni/ /'gro ba 'phongs pa kun skyob pa/ /bsam yas mthu mnga' der bdag 'dud/ /'gro ba'i ngan 'gro ma lus zad mdzad mtho ris bde stsol ba/ /gang 'dir rdo rje rigs 'khrungs de la'ang rab tu dang bas phyag 'tshal ste/ /dpal ldan rgyud chen cho ga mang po'i rin chen mdzod gyur pa/ /ngan song kun sbyong zhes bya 'di ni bdag gis 'bad pas dbye/ /rgyud chen rab zab mtsho chen 'dra ba 'di la bdag 'dra'i blos/ /gting dpag rab tu dka' zhing 'khrug pa'i dgra tshogs rab mang yang/ /rang gis dad dang dman pa mi rnams dga' ba bskyed pa'i phyir/ /gzhung gi rgya mtshor bdag 'jug 'di la brtser ldan rnams kyis skyobs/ /deng sang 'gro rnams shes rab zhan cing mngon pa'i nga rgyal ldan/ /de dag rnams kyis rin chen rgyud 'di ma rungs byas par mthong/ /de phyir log par smra ba tshar gcod mkhas pa dga' bskyed 'di/ /blo ldan lung dang rig pas 'jal rnams gus pas nyon/ /de la yang dag par rdzogs pa'i sangs rgyas rnams ni brgya lam na re dga' zhig 'jig rten du 'byung ba ni shing u dum wa ra'i me tog dang 'dra ste/ ji skad du rnam par snang mdzad mngon par byang chub pa'i rgyud las gsungs pa/ 'jig rten du ni kun mkhyen rnams/ /u dum wa ra'i me tog bzhin/ /brgya lam na ni res 'ga' zhig /'byung 'gyur yang na mi 'byung ngo/ /zhes so/ /de bzhin du 'phags pa gzhi thams cad yod par smra ba'i sde pa'i so

  501. 251a

    sor thar ba'i mdo las kyang/ sangs rgyas zhes bya ba'i sgra 'di yang/ /'jig rten dag na rab tu dkon zhes gsungs so/ /brgya lam na 'byung ba'i dus ni bzhi ste/ rdzogs ldan gyi dus dang/ gnyis ldan gyi dus dang/ sum ldan gyi dus dang/ rtsod pa'i dus so/ /de la bdag cag gi bla ma yang dag par rdzogs pa'i sangs rgyas shAkya'i skyes mchog 'di ni/ thugs rje chen pos bskul ba'i smon lam gyis mthus snyigs ma lnga dang ldan pa'i rtsod pa'i dus su 'dam gyi pad+ma bzhin du byung ste/ ji skad du 'phags pa lang kar gshegs pa las/ nga dang gzhan dag byas dus te/ shAkya seng+ge rtsod pa'i dus zhes gsungs so/ /rtsod pa'i dus 'di ni lta ba'i snyigs ma la gnas pas lta ba tha dad pa drug cu rtsa gnyis kyi klags pa yin pa'i phyir/ theg pa sna tshogs pas gdul bya dag 'dul gyi/ rdzogs ldan la sogs pa'i dus kyi sems can ltar/ theg pa gcig gis ni 'dul bar mi nus te/ rta cang shes dang dmu rgod dag lta bu'o/ /de'i phyir yang dag par rdzogs pa'i sangs rgyas kyis mdo sde dang gsang sngags kyi lam ston pa'i gzhung rab tu mang po gsungs la 'jig rten pa'i lam gyi ngo bo bstan pa'i gzhung yang rab tu rgya cher gsungs mod kyi/ de dag gis 'dul ba ma yin pa lha'i bu nor bu dri ma med pa la sogs pa'i tshed du/ yang 'phags pa ngan song thams cad yongs su sbyong ba zhes bya ba'i rgyud kyi rgyal po chen po 'di sum cu rtsa gsum gyi gnas su dga' ba'i tshal der gsungs so/ /der gsungs pa'i rgyud 'di ni dbang po yi rim pa gsum gyis nyan pa la sogs par byed de/ 'di ltar sngon gyi byed pas kyang dbang po tha dad de/ nye rgyas dang pang nas skyes lta bu mgo smos pas go ba dang 'phags pa cang shes ko'u di n+ya la sogs pa'i lnga sde bzang po la sogs pa don rnam par phye bas go ba dang/ sa nu la sogs

  502. 251b

    pa don rnam par spros pas go ba dag dang/ 'phags pa lam bstan la sogs tshigs lhur len pa'i gang zag dag srid pa'i phyir ro/ /rkyen gyis kyang tha dad de/ ji skad du ga d+ha pa zur gyis go /ko sa la pa yig phyed kyis/ pany+tsa la pa brjod na shes/ nub mi ma smras mi shes so zhes brjod pa lta bu ste/ de'i phyir dbang po rno ba dang 'bring dang dbang po rtul po de dag gi dbang du byas te/ rgyud 'di tshul gsum gyi rab tu bshad par bya'o/ /mgo smos pas go ba'i dbang du byas te/ don dang ldan pa'i mtshan rnam par bzhag pa dang/ don rnam par phye bas go ba'i dbang du byas te/ rgyud kyi don rnam par dbye ba dang/ rnam par spros pas go ba'i dbang du byas te/ yan lag lngas gzhung bshad pa'o/ /tshig la che ba dag kyang/ thugs rje'i dbang gis mtshan 'dzin pa la sogs pas sbyor par dgongs nyid ji lta bar yul du byas pa'o/ /ji skad du mkhas pa 'jig rten 'das sam mya ngan 'das kyang rung/ chos nyid skyon med chos rnams ston pa 'di gnas te/ /byang chub sems dpas de bzhin nyid 'di rjes su rtog /de'i phyir de bzhin gshegs zhes sangs rgyas mtshan gsol to/ /zhes gsungs pa dang/ gzhan yang 'du shes tsam yang spangs pa'i phyir/ rang gi ngo bor bstan du med/ /ye shes rang cig ces bya ba/ /'di ni de bzhin gshegs zhes bya/ /zhes gsungs te de bas na tshig 'di gnyis kyis ni me long lta bu'i ye shes bstan la/ ye shes de yi mtshan nyid ni/ /mdo sde rgyan las ji skad du/ /me long ye shes mi g.yo ste/ /ye shes gsum po de la brten/ /mnyam pa nyid dang so sor rtog /bya ba bsgrub pa kho na'o/ /me long ye shes nga yi med/ /yongs su ma chad rtag tu ldan/ /shes bya kun la ma rmongs la/ /rtag tu de la mngon phyogs min/ /ye shes kun gyi rgyu mtshan phyir/ /ye shes 'byung gnas chen po 'dra/ /longs spyod rdzogs pa'i sangs rgyas nyid/ /ye shes gzugs

  503. 252a

    brnyan 'byung phyir te zhes so/ /de'i phyir yang dag par rdzogs pa'i sangs rgyas kyi ye shes ni chos kyi dbyings dang dbyer med pa'i tshul gyis yul du mdzad la/ kun rdzob pa'i dngos po ji ltar snang ba yang skad cig la ma lus par snang zhing snang ba la mngon du phyogs pa yang med de/ de'i phyir sangs rgyas kyi yul bsam gyis mi khyab pa'o/ /gal te ye shes 'di de lta bu'i ma yin du zin na/ rnam pa thams cad mkhyen pa ma yin par 'gyur la/ ye shes 'di lta bu sgyu ma tsam du mi gnas na ni/ gal te bdag cag gi med du zin na ni/ de'i spyod yul zhi ba stong pa 'ang med/ rang byung rdul rnams shin tu gsal ba yi/ /bder gshegs rnams kyi sku yang ji ltar 'gyur/ /zhes 'phags pa sdong po bkod pa las gsungs pa'i nyes par 'gyur ro/ /bskal pa mang por de lta bur goms par byas pa'i phyir/ rgyu'i byed pa'i mthu las rjes su dpag par bya'o/ /dgra bcom zhes bya ba ni/ gzung dang 'dzin pa la sogs pa'i rnam par rtog pa byang chub sems dpa' rnams kyi lam skye ba'i bar chad ji snyed pa ni dgra zhes bya ste/ dgra dang chos 'thun pa'i phyir ro/ /ye shes gang gis spangs pa de ni bcom pa ste/ 'dis ni mnyam pa nyid kyi ye shes bstan la ye shes de'i mtshan nyid kyang mdo sde rgyan las bsgom pas dag pas sems can la/ mnyam pa nyid kyi ye shes 'dod/ /mi gnas zhi bar zhugs pa ni/ /mnyam nyid ye shes yin par 'dod/ /dus rnams kun tu byams pa dang/ /thugs rje chen po dag dang ldan/ /sems can rnams la mos pa bzhin/ /sangs rgyas sku ni nges par ston ces gsungs so/ /yang na ye shes 'di dang ldan pa ni mchod par bya bar yin pa na/ a ra had ces bya ba ni mchod par bya ba 'am/ yang na ye shes 'di dang ldan pa ni chos kyi rgyal por 'os pas na a ra had ces bya ba ni 'os pa'o/ /yang dag

  504. 252b

    pa'i sangs rgyas zhes bya ba la/ chos rnams kyi dngos po ji lta ba bzhin du mkhyen pa la yang dag par ro/ /saM zhes bya ba ni saM pur+Na ste rdzogs par ro/ /de'i phyir saM ni chos rnams kyi dngos po ji snyed pa mkhyen par ro/ /sangs rgyas zhes bya ba ni rab tu rtog pas te skyes bu legs par sad pa bzhin no/ /de'i phyir yang dag par zhes bya ba dang rdzogs par zhes bya ba ni sangs rgyas zhes bya ba 'di nyid 'chad pa'o/ /yang na sangs rgyas zhes bya ba ni/ rab tu rgyas pa ste/ me tog pad+ma rab tu rgyas pa lta bu'o/ /'dis ni so sor rtog pa'i ye shes bstan te/ ye shes de'i mtshan nyid ni/ mdo sde'i rgyan de nyid la/ so sor rtog pa'i ye shes ni/ shes bya kun la rtags mi thogs/ /ting nge 'dzin dang gzungs rnams kyi/ /gter dang 'dra ba kho na yin/ /'khor gyi dkyil 'khor rnams su ni/ /'byor ba thams cad ston mdzad pa/ /the tshom thams cad gcod pa yin/ /chos chen tshar ni rab tu 'bebs/ /zhes gsungs so/ /ngan song thams cad yongs su sbyong ba zhes bya ba la ngan song ni dmyal ba dang dud 'gro dang yi dags rnams so/ /thams cad ces bya ba ni ma lus par ro/ /yongs su zhes bya ba ni mthar thug par ro/ /sbyong shes bya ba ni/ rgyu dang 'bras bu'i bdag nyid dag par byed pa ste/ ji skad du 'di nyid las/ ngan song gi rgyud thams cad yongs su sbyong ba zhes bya ba'i ting nge 'dzin la snyoms par zhugs nas zhes bya ba la sogs pa gsungs so/ /'dis ci bya ba grub pa'i ye shes bstan te/ ye shes de'i mtshan nyid kyang mdo sde rgyan nyid las bya ba grub pa'i ye shes ni/ khams gsum kun tu sna tshogs shing/ /dpag med bsam yas sprul pa yi/ /sems can kun don bsgrub pa po/ /sangs rgyas sprul pa der rtag tu/ /mdzad pa grub pa'i bye brag dang/ /grangs dang zhing gi rnam kun tu/ /bsam mi khyab par shes par bya zhes gsungs la/ ye shes bzhi car gyi don bsdus pa yang/ /de nyid las 'dzin pa'i phyir dang sems mnyam phyir/ /yang dag chos rab ston phyir dang/ /bya ba grub pa nyid kyi

  505. 253a

    phyir/ ye shes bzhi po yang dag 'byung/ /zhes gsungs so/ /ye shes de dag bdag nyid gcig tu gyur pa ni/ /gzi brjid kyi rgyal po zhes bya ste/ shin tu rnam par dag pa'i chos kyi dbyings cung zad kyang dbye ba med pa'i phyir ro/ /de'i phyir chos kyi dbyings de nyid tha dad pa'i chos rnams zil gyis gnon pa'i mchog yin pas ming de skad ces bya'o/ /ye shes de dag gi rang bzhin gyis gzugs kyi sku ni/ 'dir phyir mi rtog pa'i phyir bzlog pa'i bstan pa 'am rtog pa zhes bya ba ste/ gdul bya rnams kyis de la kha dog dang dbyibs mtshan ma mang por rtogs pas so/ /de ltar yang 'phags pa de kho na nyid 'dus pa'i rgyud phyi ma'i phyi ma las/ sangs rgyas rnams kyi ye shes ni/ /rtag tu rnam mi rtog las byung/ /mi rtog pa'i ye shes la/ /de phyir rtog pa zhes brjod do/ /zhes bya ba la sogs pa dang/ mi rtog gang la rtog nyid du/ /brtags pas rtog las byung ba ni/ /rdo rje sems dpa' sems dpa' che/ /de phyir rtog pa zhes brjod do zhes bya ba la sogs pa gsungs so/ /de ltar na 'bras bu'i rgyud bstan to/ /rgyu de'i 'bras bu de rkyen gang gis bskyed cing/ phyogs snga ma la/ rtog pa zhes bya ba la bzlas nas brjod de/ /kalpa ti ka lpa zhes bstan pa'i dbang gis/ dam tshig dang dbang bsnyen pa dang sgrub pa zhes bya ba'i tshogs kyi bdag nyid lam zhes bya ba ni/ 'dir rtog pa zhes bya ba'i sgras brjod la/ de bas na 'dir rtog la zhes bya bas ni/ cho ga rgyas pa nyid bstan la/ cho ga rgyas pa'i ngo bo dam tshig la sogs pa yan lag bzhi ni/ 'dir sangs rgyas nyid kyi thabs te/ de bas na kalpa zhes bya ba ni/ bo d+hi bi d+ha ra zhes bya ba'i tha tshig go/ 'di ni thabs kyi rgyud do/ /de ltar na dbang po rnon po dag la rgyu dang 'bras bu dang thabs kyi rgyud kyi nyin mtshan tsam cig bstan par byas pa'o/ /da ni bsdus pa'i don rnam par dbye ba dang/ rnam par spros te bshad pa la 'jug par byas te/ de lta 'di skad bdag gis zhes bya ba nas brtsams te/ mngon par dga'

  506. 253b

    ste rjes su yi rang ngo zhes bya ba'i mthar thug pa'i rgyud kyi don ma lus pa ni/ dgos pa dang bsdus pa'i don/ tshig gi gdon dang/ mtshams sbyar ba dang/ brgal ba'i lan rnams kyis legs par bshad par bya'o/ /de yang 'dir ming dang tshig dang yi ge'i tshogs su snang ba rnam par shes pa bstan/ chos kyi ngo bo nyid brjod par byed pa'o/ /de ma bstan par bya ba'i don ma lus pa ni brjod par bya ba'o/ /de dag rgyu 'bras kyi bdag nyid kyis gnas pa ni 'brel ba ste/ 'brel bas don blos rtogs pa ni dgos pa'o/ /ngan song la sogs pa dang bral ba nas brtsams te/ mi gnas pa'i mya ngan las 'das pa thob pa'i bar du dgos pa'i dgos pa'o/ /de ltar na 'dir ni 'jug par rung pa nyid du ston to/ /de yang bcom ldan 'das de bzhin gshegs pa dgra bcom pa zhes bya ba la sogs pa'i mtshan yon tan dang ldan pas brjod par bya ba dang/ dgos pa'i dgos pa dngos su brjod cing 'brel ba la sogs pa yang don gyis drang bar bya'o/ /da ni bsdus pa'i don bstan par bya ste/ de yang rgyud kyi rgyal po 'di la glegs bam mi mthun pa dag mthong zhing/ gtsug lag dang rig pa'i bstan bcos sngon byung ba gzhan la yang de ltar snang ba ni/ klog pa'i slob dpon la sogs pas rab tu nyams par zad do/ de las 'dir ni glegs bam par ma'i dbang du byas pa ste/ de la bsdus pa'i don ni rnam pa bzhi'o/ /ji lta zhe na 'di skad bdag gis zhes bya ba nas brtsams te/ bzhugs te bya ba'i bar gyis ni gleng bzhi bstan te/ /ngan song gi rgyud thams cad ces bya ba nas brtsams te/ gang de bzhin gshegs pa rnams kyis 'dul bar mi 'gyur ba ni ma yin no zhes bya ba'i bar gyi ni gleng bslang ba bstan to/ /de nas lha rnams kyi dbang po brgya byin bstan las langs nas zhes bya ba nas brtsams te/ phyag na rdo rje 'dra bar 'gyur zhes bya ba'i bar gyis ni/ yongs su shes par bya ba rgyud kyi dngos po bstan te/ bcom ldan 'das kyis

  507. 254a

    de skad bka' stsal ba dang zhes bya ba nas brtsams te/ mngon par dga' ste rjes su yi rang ngo zhes pa'i bar gyis ni mngon par bstod pa bstan pa'o/ /da ni bsdus pa'i don de dag zhib tu brjod par bya ste/ blo dang ldan pa rnams kyis bla ma'i gdams ngag la brten te/ rgyud kyi rgyal po dang sbyar bar bya'o/ /de la gleng gzhi gang yin pa ni/ sdus pa po dang/ dus dang bstan dang ston pa dang/ /gnas dang 'khor dang mchod pa brnyes pa dang/ /zhus pa phun sum tshogs pa'o/ /gleng bslang bgang yin pa de yang bcom ldan 'das kyis nye bar 'jug pa dang/ lha rnams kyis yang dag par bstan pa zhus pa'i dbye ba rnam pa gnyis su 'gyur ro/ /rgyud kyi ngo bo gang yin pa de yang 'di rtsa ba dang phyi ma'i bye brag gis gnyis su bstan cing/ rtsa ba'i rgyud gang yin der ni rtsa ba'i dkyil 'khor chen po cho ga rab tu rgya cher bstan pa'i phan yon dang/ rtog pa yang dag par gzung bar bstan pa dang bcas pa'o/ /rtog pa phyi ma gang yin pa der yang sngar ji ltar bstan pa'i bcom ldan 'das ? ? gtsug tor rnams kyi dkyil 'khor dang/ yang bcom ldan 'das tshe tshad med pa'i dkyil 'khor nas brtsams te/ gang yang lha'i bdag bcom ldan 'das phyag na rdo rje mdza' yas kyi rang bzhin gyi dkyil 'khor bstan pa'i mthar thug pa'o/ /rtog pa phyi ma las byung ba'i rang bzhin phyi ma'i phyi ma der ni ma lus par mdor bsdus pa'i rang bzhin dkyil 'khor chen po gnyis dang/ gang dag rtsa dang phye ma'i dum bu dag tu ma bstan pa'i brjod par bya ba las kyi tshogs dang/ phyag rgya dang gsang sngags dang/ zhi ba la sogs pa'i rol mo'i cha byed brdung ba rnams dang/ 'byung bar 'gyur ba'i slob ma gang dag dkyil 'khor du 'jug pa 'am/ yang gang dag rgyud kyi rgyal po 'di nyan pa don du gnyer ba de dag la legs par

  508. 254b

    bslab pa dang/ sngar ji ltar stan pa'i dbang gis rtog pa khyad par can skyes pa'i dbang las byas pa shes pa'i ngo bor bstan pas lan du mchod pa'i bdag nyid ni/ de nas brgya byin zhes pa la sogs pas bstod pa mchod pa sngon du 'gro ba bstan te/ de ltar ni rnam par dbye ba'i rim pa gleng gzhi dang/ gleng bslang ba dang rtsa ba'i rgyud dang/ rgyud phyi ma dang/ phyi ma'i phyi ma dang/ mngon par bstod pa ni 'di'i lus zhes bya'o/ /de la ston pa po la mngon par bstod pa ni gang gis bstod pa dang/ ji ltar bstod pa dang/ gang la bstod pa dang/ sems kyi khyad par gang gis bstod pa dang/ yon tan ji lta bus bstod pa dang/ bstod pa'i yon tan bstan pa'o/ /de la yon tan ji lta bus bstod pa ni/ 'jig rten las 'das pa 'am/ mi slob pa dang slob pa dang/ spangs pa dang bsnyes pa 'am/ bdag dang gzhan gyi don gyi dbang gis bstod pa byas la/ rgyas pa ni ci rig par shes par bya'i/ tshig mangs pas 'jigs pa'i phyir 'dir ma brjod do/ /de las kha cig na re rdo rje khro bo la sogs pa'i dkyil 'khor du/ ci'i phyir drag shul spyad pa ma gsungs she na/ thugs rje'i dbang gis so zhes zer te/ de ltar na sngar bstan pa ji ltar drang/ kha cig na re sdus pa pos thugs rtse bas ma bsdus so/ /zhes zer te de yang nyes pa snga ma bzhin no/ /bdag gis ni de'i lan sngar btab zin to/ /de ltar bsdus pa'i don bstan nas tshig gi don dang/ mtshams sbyar ba dang/ brgal ba'i lan dag ni gang dang gang du bab pa de nyid brjod par byed do/ /chos yang dag par bsdu ba la 'di skad bdag gis zhes bya ba la sogs pa nges pa bskyed pa sbyin dgos pa 'am/ rtag tu rgyud la sogs pa yid ches pas byed pa sbyin dgos pas na/ gleng gzhi ste/ de yang 'dir sdud pa pos bdag nyid ji lta bzhi ngam bcas pas tshad mar gyur pa dang/ ston pa'i mngon sum

  509. 255a

    gyi slob mar gyur pa dang/ nga rgyal spangs pa dang/ thos pa tshe bar bstan pa'i phyir/ 'di skad bdag gis thos pa'i dus gcig na/ zhes bya ba smos so/ /dus phun sum tshogs pa yang dus gcig na zhes bya ba bstan te/ ji lta zhe na dper na dpyid kyi dus rnams kyi mchog tu bzhag pa ni/ shing la sogs pa rnams rang rang gi myu gu la sogs pa bskyed par phyogs shig gso ba'i dus can yid dga' bar byed pa'i dbang gis yin pa ltar bde ba'i myu gu skyed bar byed pa'i ? dpag bsam gyi shing chen po myu gu lta bu'i 'byung ba'i dus de yang dus gzhan pas mchog yin te/ de'i phyir mgran zla med pa'i don gyis na/ dus gcig na zhes bya ba ni dus gcig pu na zhes zla med pa'i tshig tu sbyar ro/ /'di zla ba dang tshes grangs dang snga dro la sogs pa'i des pa ci'i phyir mi smos/ gzhan du na gnas kyang sum cu rtsa gsum 'am/ lha yul na zhes pa tsam smos par rigs so/ /zhe na/ rtsod 'gyur mtshams 'phra ma mthun dang/ /mchog tu bstan la ci? rigs phyir/ /dus ni gnas ltar nges min nam/ /gnas kyang dus dang 'dra bar mthong/ /zhes gzhan dag tu bstan pa kho nar zad do/ /de bzhin du dus gcig na zhes bya ba 'dis ni/ shin tu dkon pa'i ngo bo nyid kyis chos dkon mchog 'di ni bstan pa gzhan pas mchog tu yang dkon te/ bcom ldan 'das mi yul du lo brgyad cu rtsa gcig 'tsho ba las/ 'di ni dus gcig gi tshe kho na zhig gsungs kyi/ /yang dang yang du ni ma yin te/ ji skad du 'jig rten bu ni kun mkhyen rnams/ /u dum wa ra'i me tog bzhin/ /brgya lam na ni lan 'ga' zhig/ 'byung 'gyur yang na mi 'byung ngo/ /gsang sngags spyod pa'i tshul 'byung ba/ /de bas kyang ni shin tu dkon/ /zhes gsungs te/ de bas na dus

  510. 255b

    gcig na zhes bya ba ni/ rnyed par dka' ba bstan la de bzhin du don chen po byed pa nyid dang/ snang bar byed pa nyid dang rin che ba nyid dang/ gnod pa 'joms pa nyid dag kyang 'dis mtshon par bya ba nyid do/ /de bas na 'di skad bdag gis thos pa'i dus gcig na zhes bya bas ni rab tu yang 'jug par bya ba nyid du ston te/ 'og ma rnams kyang de bzhin no/ /bcom ldan 'das zhes bya ba ni/ /bdud bcom shes ldan ye shes ldan/ /'jigs ? la srid dang zhi ba bral/ /srid 'gro las 'das gang yin 'di/ /bcom ldan 'das shes des pas brjod/ /ces ji skad bshad pa lta bu'o/ /de bzhin du tshangs pa chen po zhes bya ba yang 'di drangs te/ 'di chen po'i chen po 'am/ cher bsil bar 'gyur pas na tshangs pa chen po'o/ /'di nyid gang zhe na/ rje btsun shAkya thub pa nyid yin te/ ji ltar rdo rje gtsug tor gyi dkyil 'khor 'byung ba rtsom pa na/ dpa' bo gdan las bzhengs nas ni/ /dgyes shing rdo rje gsor nas kyang/ /shAkya'i bdag po dgyes mdzad pa/ /thub pa'i gtso la phyag 'tshal nas/ /zhes gsungs pas so/ / 'o na 'dir rtsa ba'i rgyud kyi dkyil 'khor gyi bdag po/ bcom ldan 'das rnam par snang mdzad nyid ci'i phyir ston pa por mi brjod ce na/ 'dzam+bu'i gling la sogs pa'i 'dod pa'i mi slob pa dang/ 'jig rten pa dang 'jig rten las 'das pa rnams te/ mtshan nyid 'di dag las gzhan pa'i lha rnams las/ 'di rnams mchog tu gyur pas na 'dir drug pa'i mang po'i tshig bsdu ba'o/ /'di la kha cig ni bsdu ba gzhan brda' sprod pa ltar 'dod de/ sgra rnams ni don gyi mthus nus pa gcig tu med do/ /de la dkyil 'khor bcu gnyis ni gang dag de rnams su gtogs pa'i lha rnams ni gang rnams she na/ rab tu rgyas pa la dga' ba'i sgrub pa po dang/ slob dpon dang slob ma dag gi phyir rtsa ba'i rgyud du bzhag pa'i bcom ldan 'das thams cad rig pa'i dkyil

  511. 256a

    'khor ni rtsa ba'i dkyil 'khor de dang po'o/ /gang dag mos pa dman ba 'am/ lag mi bzo ba 'am/ 'byor pa chung ba la sogs pa'i slob ma la sogs pa'i ched du ni/ dkyil 'khor gnyis pa rdo rje gtsug tor zhes bya ba gsungs pa'o/ / gang dag rnam par smin pa las byung ba'i 'chi ba dang/ dus ma yin pa'i 'chi bzlog pa dag gi ched du snga ma gnyis las gzhan pa'i dkyil 'khor tshe dpag tu med pa 'byung ba zhes bya ba gsungs so/ /de nas yang gdul bya dman pa la mos pa rin po che bor nas mchid bu'i nor bu len pa lta bu de dag gi ched du 'jig rten pa'i lha'i dkyil 'khor drug gsungs te/ de yang dang po ni rgyal po chen po bzhi'i dkyil 'khor ro/ /de nas phyogs skyong ba'i dkyil 'khor ro/ /de nas gza' chen po dag gi dkyil 'khor ro// //de nas klu chen po dag gi dkyil 'khor ro/ /de nas 'jigs byed chen po'i dkyil 'khor ro/ /de nas lha chen po rnams kyi dkyil 'khor ro/ /da nas ni 'jig rten las 'das pa'i dkyil 'khor gsum ste/ kha cig las dang rnam par smin pa las byung ba'i 'chi ba'am/ dus ma yin par 'chi ba las thar bar 'dod pa de bzhin gshegs pa tshe mdza' yas la dad pa de dag gi phyir ni tshe dpag tu med pa 'byung ba gnyis pa de bzhin gshegs pas bdag po mdzad pa'i dkyil 'khor gsungs so/ /de dag ni rgyud phyi mar gyur pa'i dkyil 'khor dgu'o/ /de nas ni rtsa ba dang phyi ma'i rtog par ma gsungs pa'i cho ga lhag ma rnams bstan pa/ rgyud phyi ma'i phyi mar rigs ma lus pa bsdus pa'i bdag nyid/ kun tu bzang po la sogs pa gtso bor byas pa zhi ba'i mchog sdus pa'i dkyil 'khor dang shin tu 'jigs par byed pa khro bo'i dkyil 'khor nyi ma me rdo rje zhes bya ba gnyis gsungs so/ /de la kha cig na re dkyil 'khor bcu gnyis po 'di dag gi go rims nges

  512. 256b

    pa brjod dgos la/ 'jig rten las 'das pa'i dkyil 'khor gsum gyi sngon du 'jig rten pa'i dkyil 'khor drug bstan pa' sgrub par byed pa yang brjod dgos so/ /zhes zer te/ dkyil 'khor chen po ni 'dir rtsa ba'i dkyil 'khor yin pas thod mar brjod par rigs la/ nus pa dman pa dag gi ched du dkyil 'khor chen po nyid bsdus te bstan pa ni rdo rje gtsug tor yin no/ /dkyil 'khor lhag ma bcu ni de ltar bzhag pa la gnod pa byed pa nyid go rims des pa'i rgyu mtshan ni mtshan nyid yin no/ /'jig rten pa'i dkyil 'khor sngon du brjod pa ci'i phyir zhes zer ba yang de dag sngags 'bul ba'i bsam pa de ltar skyes pa nyid kyi rgyu mtshan te/ gzhan ci zhig dgos 'di dag 'jig rten las 'das par bzhag pa yang/ gnod pa ci zhig yod/ gzhan yang 'dri ba 'di la ni mdza' med par 'gyur te/ 'dir ming po gsum gyi dkyil 'khor la sogs pa yang ci'i phyir ma bstan/ lha 'di dag gi sngags dang phyag rgya rnams gzhan yang yod na/ 'di ltar ston pa ci'i phyir zhes bya ba la sogs pa'i glags su 'gyur ro/ /de'i phyir de ni don med pa'i rtog pa tshogs tdang bcas par bzhag par bya'o/ /gal te nges par byed pa'i sgrub par byed pa nus nas su zhig 'gogs pas smral rag go /da ni lha rnams brjod de/ de la rtsa ba'i dkyil 'khor gyi dbus su seng+ge brgyad phyogs su bltas pa'i steng du/ pad+ma'i rgyal po seng+ge'i dbus kyis las thon ba'i 'dab ma sna tshogs kyis seng ge rnams khebs pa'i 'dab ma'i bar nas rdo rje rtse mo lnga pa brgyad 'dab ma ltar thon pa'i lte ba'i zla ba'i dkyil 'khor chen po'i dbus su rje btsun thams cad rig pa zhal thams cad du tha le ba sku mdog dkar ba ting nge 'dzin gyi phyag rgya 'khor lo rtsibs brgyad pas mtshan pa 'chang ba 'khor los sgyur ba'i rgyal po ltar sku brgyan pa mtshan dang dpe byad 'bar ba 'od zer tshad med pa lang long du 'khrug pa'i dbus na skyil mo krung du bzhugs pa dar dkar po la'i stod g.yogs dang smad g.yogs bsnams pa

  513. 257a

    spyan yid tsam 'dzum pa 'di lta bur bzhugs pa'o/ /shar du glang po che gnyis kyi steng du pad+ma rdo rje dang bral ba'i steng gi zla ba la rje btsun ngan song thams cad yongs su spyod ba'i rgyal po sku mdog dkar po ting nge 'dzin gyi phyag rgya rdo rje dkar po rtse lnga pas mtshan pa 'dzin pa'o/ /lhor ni rje btsun rin chen sku mdog sngon po phyag g.yas g.yon mchog sbyin dang ting nge 'dzin du mdzad pa la/ rin po che mar gad cha dgu pas phyag g.yon pa mtshon pa/ rta gnyis kyi steng du pad+ma rdo rje dang bral ba'i gla ba la bzhugs pa'o/ /nub tu ni rje btsun shAkya thub pa gser btso ma lta bur gsal ba/ phyag g.yas mchog sbyin nam ting nge 'dzin la/ phyag g.yon pa'i mthil na lhung bzed 'dzin pa rma bya gnyis kyi steng du pad+ma rdo rje dang bral ba la bzhugs pa'o/ /byang du rje btsun me tog kun tu rgyas pa rin po che mar gad lta bu phyag g.yas pa skyabs sbyin pa g.yon pa ting nge 'dzin du gnas pa'i dbus na rdo rje kun tu rtse 'dzin pa/ nam mkha' lding gnyis kyi steng gi pad+ma rdo rje dang bral ba bzhugs pa ste/ sangs rgyas bzhi po 'di rnams dge slong gi cha lugs ngur smrig dmar po gser gyi ngang ris can tshul du shis par bsnams pa/ rdo rje skyil mo krung du bzhugs pa'o/ /kha cig na re lnga car dge slong gi cha lugs sam/ yang na 'khor los sgyur ba'i rgyal po ltar bya'i/ khyim na gnas pa'i 'khor du rab tu byung ba'i cha lugs su byas pa gnas pa ni rab tu mi bsngags pa'i phyir ro zhes zer ro/ /shar lho dang/ lho nub dang/ nub byang dang/ byang shar du ni/ spyan dang bdag nyid mA ma kI dang kos dkar mo dang sgrol ma/ lha'i rgyal po'i btsun mo 'am/ bud med rin chen lhar bcas pa lo bcu drug lon pa/ mdog dkar po dang/ sngon po dang dmar po dang ljang gu dag la/ g.yas pa rnams na mig gi 'bras bu dang/ rdo rje rtse lnga dang/

  514. 257b

    pad+ma dang/ utpa la rang rang gi mdog dang 'dra ba 'dzin pa/ g.yon pa rnams mchod sbyin pa/ gtso bo la mngon du bltas pa/ pad+ma sna tshogs pa'i zla ba la sems dpa' i skyil mo krung gis 'khod pa ste/ 'di ni snying po rim pa'o/ /de nas 'khor lo rtsibs bcu drug la/ shar nas brtsams te/ rdo rje sems dpa' nas rdo rje khu tshur gyi bar du shar phyogs pa bzhi ni dkar ba/ lho phyogs pa bzhi ni sngo ba/ nub phyogs pa bzhi ni dmar ba/ byang phyogs pa bzhi ni ljang ba/ g.yas rnams na rdo rje lcags kyu mnga' dgu dang/ rin chen nyi ma rgyal mtshan 'dzub/ /pad+ma ral gri 'khor lo ljags/ /las dang 'jigs byed go cha bcangs/ /zhes bya ba rnams 'dzin pa/ /g.yon pa rnams ting nge 'dzin du gnas pa 'am/ yang na lag pa gnyis kas rang rang gi mtshan ma 'dzin par brtson pa/ sna tshogs pad+ma'i zla ba la sogs pa'i skyil mo krung gis 'bod pa/ 'khor los sgyur ba'i thu bo brgyan pa ltar/ dar la bab cing bcas pa rab tu dpa' zhing spro spro ltar gnas pa rnams so/ /de nas rtsibs mchan gyi shar lho dang/ lho nub dang/ nub byang dang/ byang shar du/ sna tshogs pad+ma'i zla ba rnams la/ dkar ba dang/ sngo ba dang dmar ba dang ljang gu'i mdog can/ lag na rdo rje rtse lnga pa dang/ rin po che'i phreng ba dang/ pi wang dang gar gyi lag pa can/ sgeg mo la sogs pa bzhi sems dpa' i skyil mo krung la/ na tshong la sogs pa sbyin la sogs pa lta bu'o/ /de nas gru chad bzhi la shar lho nas brtsams te/ me tog la sogs pa bzhi ste/ lag na me tog gi gzhong bu dang/ bog spor dang/ dri'i dung por dang/ mar me'i mchod sdong 'dzin pa/ bstan dang mdog dang na tshod la sogs pa/ spyan la sogs pa lta bu bzhi'o/ /de nas sgo bzhir sna tshogs pad+ma'i zla ba bzhi la/ shar nas brtsams te/ lcags kyu ma la sogs pa/ mdog can la sogs pa dang 'dra ba/ rab tu khro ba mig gsum pa zlum

  515. 258a

    zhing 'phur ba/ stag gi lpags pa dang/ sbrul gdug pas brgyan pa/ g.yon rkyang bas gnas pa/ bgegs chen po la rnam par 'tshe zhing khang pa rtsegs ma'i sgo srung ba la mngon par brtson pa/ lag pa g.yas rnams lcags kyu dang zhegs pa dang/ lcags sgrog dang/ dril bu 'dzin pa/ g.yon pa rnams bgegs ma rungs pa la sdig pa'o/ /kha cig na re 'di rnams kyang zhi ba'i sku can no zhes zer ro/ /de ni mi rigs te/ rgyud phyi ma las/ sgo ba rnams kyang khros pa la/ /khros pa'i dbang du gyur par bri/ /zhes gsungs pas ni kun tu drang bar rigs pa'i phyir ro/ /de nas shar phyogs kyi khyams la byang shar nas brtsams te/ pad+ma sna tshogs pa'i lte ba'i zla ba la byams pa dang/ 'jam dpal dang/ spos kyi glang po che dang/ ye shes rtog rnams dkar po rdo rje 'dzin pa'o/ /'dir bskal ba bzang po pa rnams thams cad kyang pad+ma dang zla ba la gnas par brtag go /de nas sgo khyud kyi rtsar pad+ma'i zla ba la 'phags pa gshin rje gshed sngon po g.yon brkyang bas ma he la brdzis pa/ g.yas na be con gdengs pa/ g.yon sdigs mdzub can spyan gsum pa/ rab tu khros pa stag lpags dang/ thod pa dang sprul gyis brgyan pa/ hUM gi nga ros skrag par byed pa me'i 'od 'phro ba ste/ khro bo lhag ma rnams kyang cha lugs de dang 'dra'o/ /de nas sgo khyud cig ngos kyi rtse nas gzung ste/ pad+ma'i 'dab ma re re drug la dang por rang sangs rgyas 'jigs med dang snang bas brtsegs pa'o/ /de nas 'phags pa nyan thos ke'u di n+ya dang/ shA ri'i bu dang/ maung+gal gyi bu dang/ 'od srungs rnams so/ /de bzhin du lho phyogs su ni byang chub sems dpa' bzang skyong dang blo gros rgya mtsho dang blo gros mi zad pa dang/ spobs pa brtsegs pa dang khro bo gzhan gyis mi thub pa dang/ rang sangs rgyas dpa' bo 'dul ba dang/ gdung ba sel ba dang/

  516. 258b

    'phags pa nyan thos rab 'byor dang/ kun dga' bo dang/ gyang bu nor dang/ 'char ka rnams bri'o/ /nub phyogs su ni byang chub sems dpa' mthu chen thob pa dang/ ngan song thams cad spong ba dang mya ngan gyi mun pa thams cad nges par 'joms pa'i blo gros dang dra ba can gyi 'od dang/ khro bo chen po rta mgrin dang/ rang sangs rgyas shes rab mgyogs chen dang/ dug gsum sel ba dang/ 'phags pa nyan thos chu klung 'od srung dang/ lteng rgyas 'od srung dang/ sgra gcan 'dzin dang nye bar 'khor rnams so/ /byang phyogs su byang chub sems dpa' zla 'od dang 'od dpag med dang/ nam mkha' i mdzod dang sgrib pa thams cad rnam par sel ba dang/ khro bo chen po bdud rtsi 'khyil pa dang/ rang rgyal smra ba chen po dang 'jigs med seng+ge dang/ 'phags pa nyan thos ga ya 'od srung dang/ ba lang bdag dang ma 'gags pa dang/ dga' bo rnams so/ /de ltar lho phyogs pa ma lus pa sngon po'o/ /nub phyogs pa dmar lo'o/ /byang phyogs pa ljang gu'o/ /'phags pa nyan thos rnams ni lhung bzed lag pa gnyis kyis lte bar 'dzin pa'o/ /rang sangs rgyas rnams ni ting nge 'dzin gyi phyag rgya'o/ /byang chub sems dpa' rnams rin po che pad+ma dang/ rdo rje sna tshogs pa'o/ /khro bo lhag ma gsum ni ral gri dang/ pad+ma dang/ rdo rje g.yas na 'dzin pa'o/ /g.yon rnams sdigs mdzub kyis bgegs la bsdigs pa'o// 'di ni phyi'i dkyil 'khor la gnas pa'i lha rnams so/ /de nas shin tu phyi rol gyi rim pa dang po la/ shar du brgya byin ser po rin po che'i go rgyan can/ sa srungs dkar po la zhon pa/ g.yas pas rang gi rdo rje 'dzin pa/ g.yon pas mchog sbyin pa bde sogs la sogs pa'i 'khor gyis bskor ba'o/ /lhor tshangs pa dkar po ngang pa la zhon pa gdong bzhi pa g.yas na phreng ba dang/ bdug spos kyi yu ba nas 'dzin pa/ g.yon pad+ma dang spyi blugs 'dzin pa/ shi ri dang dbyangs

  517. 259a

    can ma dang/ shAn+ta la sogs pas bskor ba'o/ /nub tu khyab 'jug nag po rin po che'i cod pan can nam mkha' i lding la zhon pa/ nub tu lha ma yin dang nam mkha' lding dang/ klu chen brgyad dkar po sbrul mgo bdun bdun gyis gdengs ka byas pa/ pad+ma dkar po 'am sbrul gnyis 'khris pa la 'dug pa/ utpa la g.yon na 'dzin pa/ g.yas mchog sbyin pa/ chung ma sprul mgo gsum pas mgul nas 'khyud pa 'khor los sgyur ba chos lta bu'o/ /yang na mdza' yas ser po rin po che 'dzin pa/ 'jog po ser po utpa la 'dzin pa/ stobs kyi rgyu sngon po sprin 'dzin pa/ rigs ldan dkar po rin po che'i sdong bu 'dzin pa/ nor rgyas kyi bu ser po rin po che'i phreng ba 'dzin pa/ dung skyong ljang gu dung 'dzin pa/ pad+ma dkar pa pad+ma 'dzin pa/ chu lha dkar po zhags pa 'dzin pa dag dang/ dga' bo dang nye dga' dkar po de dag dang 'dra ba las sprin 'dzin pa gnyis dang/ klu'i rigs lnga dang/ gsang ba rnams so/ /byang du ni gnod sbyin rnams so/ /de nas rang rang gi phyogs kyi bdag po 'khor dang bcas pa'o/ /de nas rim pa gsum pa la/ shar du pa bsangs dmar po rgyan thams cad kyis brgyan pa lag pa na ku mud thogs pa'o/ /lhor phur bu mdog dkar po zla ba la gnas pa/ dar ser po'i stod g.yogs bgos pa/ g.yon pa glegs bam thogs pa/ g.yas pa chos 'chad pa 'dra ba'o/ /nub tu zla ba dkar po ngang pa la zhon pa/ lag na pad+ma thogs pa drung na bud med rnga yab thon pa'o/ /byang du gza' lag rgyan thams cad kyis brgyan pa/ g.yon pa utpa la thor pa/ g.yas dam pa sbyin pa'o/ /shar lhor mig dmar dkar po byis pa'i gzugs can g.yas g.yon mchog sbyin can no/ /lho nub du nyi ma snga ma bzhin no/ /nub byang du spen pa nag po zhes dmar po bgos pa/ lag na ral gri thogs pa'o/ /lho nub bam byang gi stod du sgra gcan dud ka dmar nag lte ba man chad sprul lte ba

  518. 259b

    yan chad skyes pa gdong phal che ba smang ra dang/ ag tshom 'bar ba skra gyen du brdzes pa 'jig rten gsum za bar byed pa/ mche ba bzhi pa brang gi g.yon phyogs su thal mo sbyor ba'o/ /de nas phyogs kyi gza' re re rtsa na rang gi 'khor rgyu skar bdun bdun gnas pa ni/ shar phyogs na smin drug dmar po bum pa'i steng na 'dug pa/ snar ma ljang gu khyu mchog dkar po la zhon pa dang/ mgo ser po ri dags sha ba la zhon pa dang/ lag dmar po sprul 'khyil pa la zhon pa dang/ nabs so ser po pad+ma la 'khod pa dang/ rgyal ljang gu bum pa gnas pa dang/ lkag ljang gu pho rog chen po la zhon pa rnams so/ /lho phyogs mchu ser po ma he la zhon pa dang/ gre dkar po pad+ma la 'khod pa dang/ spo ljang ser rin po che'i khri la 'dug pa dang/ me bzhi ser po glang po che la 'khod pa dang/ nag pa ljang gu rma bya la zhon pa dang/ sa ri dmar po srad bu la gnas pa dang/ sa ga ljang gu ra skyes dkar po la zhon pa rnams so/ /nub phyogs na gnas pa rnams ni lha mtshams ser po bya rog dkar po zhon pa dang/ snon dmar po ston nang tshangs can la 'khod pa dang/ snrubs ljang gu rus sbal la 'khod pa dang/ chu bstod ser po la phug la gnas pa dang/ chu smad ljang gu mi la zhon pa dang/ byi zhin ser po stan nang tshangs can la 'khod pa dang/ gro bzhin ser po ral bal gyi skon bu la 'khod pa rnams so/ /byang phyogs na gnas pa rnams ni mon gru dmar po stan nad tshangs can la 'khod pa dang/ mon gre ljang gu khyu mchog dkar po la zhon pa dang/ khrums stod ljang gu gser gyi khri la 'khod pa dang/ khrums smad ser po gser gyi khri la 'khod pa dang/ nam gru dmar po rta la zhon pa dang/ tha skar ljang gu mi la zhon pa dang/ pra nye sngon po 'khor lo'i steng na 'khod pa rnams te/ 'dir 'di dag 'od zer kha dog lnga pas bskor ba thal mo sbyar ba 'am/ ji ltar dga' ba'i lag cha 'dzin pa rnams so/ /rim pa bzhi pa las shar la sogs pa'i phyogs bzhir sa dang chu dang me

  519. 260a

    dang rlung gi lha dpag tu med pa dang/ mtshams rnam pa bzhir khyim dang ri dang lo tog gi lha dag dang sprin dang shing dang kun dga' ra ba'i lha dag dang/ nags dang chu klung dang sman gyi lha dag dang/ rgya mtsho dang dur khrod dang grong khyer gyi lha dpag tu med pa shar lho la sogs par kha dog dang dbyibs dang/ lag cha sna tshogs par gnas pa'o/ /'dir dkyil 'khor chen por gsungs pa tsam zhig smos su zad de/ rnal 'byor pa'i rnal 'byor gyi dus dang/ chos bstan pa'i tshe ni 'khor dpag tu med pa 'dus par shes par byas te/ 'di skad du 'phags pa rdo rje gtsug tor las/ gsang sngags la sogs ldan pa yi/ /rig sngags khro bo mang po kun/ /rgyal ba'i sku la mngon phyogs par/ /bsam gtan ngoms phyir rtag tu gnas/ /zhes gsungs so/ /dkyil 'khor thams cad du sangs rgyas dang byang chub sems dpa' rnams ni tshogs yongs su rdzogs pas pad+ma dang zla ba 'am/ nyi ma la bzhugs par bya la/ 'phags pa nyan thos dang rang sangs rgyas rnams ni ye shes dang tshogs phyogs gcig pa yin pa'i phyir/ de dag ni pad+ma 'dab ma ya re zhig la 'khod par bya zhing/ tshangs pa la sogs pa 'jig rten pa'i lha de dag ni tshogs ma lus par bsags par 'dod cing/ khams gsum la chags pa dang bral ba'i phyir/ pad+ma dmar po la 'khod par bya la/ 'jig rten pa phal pa rnams ni yon tan de dag dang yang mi ldan pas/ rang gi smos pa med na/ sa nyid la 'khod par bya ste/ ji skad du rnam par snang mdzad mngon par rdzogs par byang chub pa las gsungs pa/ sangs rgyas rnams ni thams cad dang/ de sras blo can rnams kyi gdan/ /pad+ma yid las byung ba'i mchog /bkra shis 'jig rten rnams kyi sngags/ /rang sangs rgyas dang dgra bcom pa/ /phyogs gcig shes par gang grags pa/ /de dag stan du shes par bya/ /pad+ma las byung 'dab ma ba'o/ /'jig rten gyi ni lha rnams gang/ /tshangs sor pa yi 'jig rten

  520. 260b

    grags/ /de dag stan ni pad+ma dmar/ /rgyal po rnams ni ci rigs par/ /sa'i bye brag dag la bsam zhes so/ /de bzhin du gang kha dog dang dbyibs dang tshad nges par ma gsungs pa der rang gi yid la ji ltar dga' bar bsgom par bya'i/ /'di la lung gsal po med do/ /zhes yid gnyis mi bya ste/ de ltar yang rnam par snang mdzad mngon par rdzogs par byang chub pa de nyid las gzugs ni gnyis shes par bya/ /bud med dag ni skyes pa nyid/ /yang na kun tu thams cad kyi/ /kha dog dbyibs dang gzugs rnams te/ /bsam pas ye shes las byung bas/ /de bas de rnams bsam yas te/ /ye shes mkhyen pa'i ye shes ni/ /sems can don phyir tha dad gyur/ /yid kyi rgyan ni ji tsam par/ /stan dang phyag rgya dag dang ni/ /lha'i tshad kyang go rims bzhin/ /de tsam du ni shes par bya zhes gsungs so/ /rim pa bzhi po de nyid la sngags pa de'i snying rje rab tu bskyed pa dang/ bcom ldan 'das khams gsum rnam par rgyal bas ngan 'gro bkug par ston pa'i bdag nyid/ shar du sems can dmyal ba rnams dang/ lhor dud 'gro rnams dang/ nub tu yi dags rnams dang/ byang du phu ron dkar po dang/ sbrul nag po dang rtsangs pa nag po dang/ phag rnams las phag gis gsum po za ba ltar gnas par shes par bya'o/ /de ltar rtsa ba'i dkyil 'khor gyi lha rnams bston nas/ da ni rdo rje gtsug tor gyi lha rnams ston te/ dbus su ni rje btsun dam pa shAkya thub pa gser btsom? lta bu? g.yas g.yon dag mchog sbyin dang/ ting nge 'dzin mdzad pa/ dge slong gi cha lugs can seng+ge'i khri'i pad+ma dang zla bas brgyan pa la/ rdo rje skyil krung gis bzhugs pa'o/ /shar gyi rtsibs la phyag na rdo rje mdog ljang gu dpa' bo g.yas dang g.yon na rdo rje dang dril bu? ngan pa'o/ /lhor rgyal ba'i gtsug tor mdog sngo bsangs la/ phyag g.yas g.yon rdo rje dang rgyal mtshan 'dzin pa'o/ /nub tu 'khor los sgyur ba 'dog ser po phyag gnyis na ga ser gyi 'khor lo rtsibs brgyad pa 'dzin pa'o/ /byang du rnam par rgyal bas

  521. 261a

    mdog ser po phyag g.yas g.yon gnyis na dam pa sbyin pa dang/ pad+ma gtsug tor gyis mtshan pa can no/ /shar lhor gzi brjid kyi phung po mdog dmar skya la/ phyag gnyis nyi ma rin po ches mtshan pa 'dzin pa'o/ /lho nub tu rnam par 'joms pa mdog sngo bsangs phyag g.yas g.yon na be con dang sdigs mdzub 'dzin pa'o/ /nub byang du rnam par 'thor ba mdog dmar ba phyag g.yas g.yon na ral gri dang sdigs mdzub can no/ /byang shar du gdugs dkar po can mdog dkar po/ phyag gnyis gdugs dkar po gser gyi yu ba can 'dzin pa ste/ 'di dag ni rdo rje sems dpa' la sogs pa'i cha lugs bshad pa dang 'dra ba las/ rgyal ba'i rigs 'ba' zhig yin pas na gtsug tor gyi ming gis mtshan pa'o/ /lha lhag ma rnams ni sngon bzhin no/ /phyag na rdo rje tshe dpag tu med pa'i dkyil 'khor du ni/ dbus su phyag na rdo rje sku mdog dkar po phyag gnyis rdo rje dang dril bu thugs khar 'dzin pa dpa' bo'i cha byad can/ rgyan ma lus pas brgyan pa'o/ /phyogs bzhir rgyal po bzhi 'khor los sgyur ba'i cha lugs can te/ rtsa ba'i dkyil 'khor du ji skad du bshad pa las/ 'dir gdan pad+ma dang zla ba 'ba' zhig la lhag ma ni snga ma bzhin no/ /rgyal po chen po bzhi la sogs pa'i dkyil 'khor gyi bdag po khams gsum rnam par rgyal ba ni/ ji ltar rdo rje gtsug tor du stan pa'i phyag na rdo rje nyid las cung zad khro bo'i ngang tshul can nam/ yang na hUM gi phyag rgya rdo rje dang dril bu bcang bar bya'o/ /lhag ma ni bshad zin to/ /phyogs skyong ba'i dkyil 'khor du yang de bzhin te/ lhag ma ni bshad zin la/ cung zad du ni nyi ma dang phag gnyis mdun du shar stod dang shar smad du'o/ /gza'i dkyil 'khor du yang de bzhin te lhag ma rnams bshad zin to/ /klu chen po rnams kyi dkyil 'khor du yang de bzhin te lhag ma rnams ni bshad zin to/ /'jigs byed chen po rnams kyi dkyil 'khor du ni/ dbus su khams

  522. 261b

    gsum rnam par rgyal ba de nyid 'phags pa'i de kho na 'dus pa'i rgyud las/ utpal tshe sngo 'tsher ba'i mdog /rdo rje hUM mdzad bsdus pa ni/ /khro dang bcas pa 'dzum pa'i zhal/ /g.yon brkyang tshul du gnas pa ste/ /'bar ba'i phreng bas 'khrigs pa'i 'od/ /g.yon pa'i zhabs kyi mthil gyis ni/ /dbang phyug chen po mnan par bya/ /g.yas pa'i zhabs kyis dka' bzlog gi /nu ma'i steng du gnon pa bri/ /zhes gsungs pa gnas pa ste 'di ni rab tu drag po'i dkyil 'khor yin pa'i phyir ro/ /de'i mdun du ni 'jigs byed chen pos te khyu mchog la gzhon nag po g.yas dang g.yon na rtse gsum dang cang te'u thogs pa rab tu 'jigs su rung ba/ 'jigs byed ma de dang 'dra ba dang bcas pa'o/ /lhor khyab 'jug mthing ka /g.yas dang g.yon na 'khor lo/ /dbyug pa can nam mkha' lding la zhon pa/ nub tu tshangs pa dang pa la zhon pa gdong bzhi pa g.yas dang g.yon na spyi blugs bgreng phreng can no/ /shar du dbang po dkar po sa srungs kyi bul zhon pa'o/ /rdo rje dang sdigs mdzub g.yas dang g.yon pas 'dzin pa'o/ /byang shar du tshogs kyi bdag po dmar ba glang po che'i gdon can dgra sta dang la phug g.yas dang g.yon na 'dzin pa byi ba zhon pa'o/ /byang du lus ngan sngon po rta la zhon pa ne'u le dang rin po che'i dbyug to 'dzin pa'o/ /byang chub tu b+h+ring gi ri ti lus sha med pa keng rus su gnas pa g.yas dang g.yon na phreng ba dang ting nge 'dzin du gnas pa'o/ /lho nub tu gshin rje nag po be con dang sdig mdzub g.yas dang g.yon na 'dzin pa'o/ /'dir khyab 'jug la sogs pa thams cad kyang rang rang gi phyogs 'dra ba 'am/ yang ci dga' ba'i chung ma rnams kyi mgul nas 'khyud pa thams cad kyang rab tu 'jigs pa'i gzugs can du gnas pa'o/ /lhag ma ni snga ma bzhin no/ /lha chen po rnams kyi dkyil 'khor du dbus su snga ma bzhin no/ /shar du ni lha chen po dkar po mig gsum pa/ g.yas dag na tri shul la dang khri rkang 'dzin pa/ g.yon dag na thod pa 'dzin pa/ zla ba phyed pa dang thod pas

  523. 262a

    mgo la mtshan pa/ /khyu mchog la zhon pa'o/ /lhor dbang po ljang sngon sa srungs kyi bu la zhon pa g.yas pa dang g.yon dag rdo rje rtse mo gsum pa dang/ mchog sbyin can no/ /nub tu tshangs pa dmar po g.yas dag na pad+ma dang tri shu la 'dzin pa'o/ / g.yon dag na phreng ba dang dbyug pa 'dzin pa dang pa la gnas pa'o/ /byang du khyab 'jug sngon po g.yas dag na 'khor lo dang dung 'dzin pa/ g.yon dag na rdo rje dang dbyug pa can nam mkha' lding la zhon pa/ byang shar du tshogs kyi bdag po dmar skye g.yas dag na dgra sta dang la phug g.yon dag na la du can byi ba la zhon pa'o/ /shar lhor 'dod pa'i lha dmar po mda' dang gzhu thogs pa'o/ /nub byang du b+hing gi ri ti dkar po g.yas na tri shu la g.yon na nor bu can no/ /lho nub tu smin drug gi bu mgo gsum pa lag pa gnyis mdung thogs pa'o/ /phyi rol du shar du nag po chen po mig bgrang ba thor tshags can zla ba tshes pa dang thod skam pos mgo la mtshon pa'o/ /lag pa g.yas dang g.yon dang po gnyis na nyi ma dang zla ba 'dzin pa/ 'og ma gnyis rtse gsum pa mtshan pa'o/ /seng+ge'i khri la sku rten bcas te 'khod pa/ stags lpags kyis smad bkris pa mtshon 'grang ba 'am/ yang na lag pa drug pa la g.yas g.yon tha ma seng+ge dang khrag gis bkang ba'i thod pa 'dzin pa'o/ /lhor ni stobs bzangs ljang ser sngar nub? tu lta ba dang phyag gnyis tri shu la 'am gshol thogs pa'o/ /nub tu dge ba'i dbang phyug ste kha dog dmar ba gsus pa che ba nag po chen po'i mtshan ma can no/ /byang du ni stobs chen te stobs bzang lta bu las 'khor lo thogs pa lta bu'o/ /'di ltar kyang rang 'dra ba'i chung mas mgul nas 'khyud pa'o/ /kha cig na re 'jig rten pa'i dkyil 'khor 'di dag gi lhag ma lus pa rang rang dang 'dra ba'i chung mas 'khyud pa'o/ /zhes zer ro/ /lhag ma rnams ni snga ma bzhin no/ /de bzhin gshegs

  524. 262b

    pa tshe dpag tu med pa'i dkyil 'khor ni dbus su bcom ldan 'das tshe mdza' yas sku mdog dkar po phyag g.yon dang g.yas ting nge 'dzin dang skyabs sbyin mdzad pa/ 'khor los sgyur ba'i rgyal po chas pa lta bu'o/ /shar du phyag na rdo rje sngon bzhin te ljang gu 'am dkar po/ byang du khro bo rnam par rgyal ba mdog sngo smug g.yon pa sdigs mdzub can/ g.yas rdo rje kun tu rtse gdengs pa'o/ /g.yas su 'phags pa nam mkha' i snying po phyag g.yas g.yon dag na ral gri dang rin po che 'dzin pa/ nub tu 'phags pa 'jig rten dbang phyug dmar po phyag g.yon pas pad+ma'i yu ba nas 'dzin cing/ g.yas pas thugs kar 'byed pa'o/ /lhag ma rnams ni sngon bzhin no/ /de nas rgyud phyi ma'i phyi mar kun tu bzang po la sogs pa'i dkyil 'khor du ni/ dbus su phyag na rdo rje sngon bshad pa lta bu 'am/ /khams gsum rnam par rgyal ba sngon bshad pa lta bu'o/ /yang na rdo rje sems dpa' rdo rje dang dril bu thugs kar 'dzin pa mdog dkar ba bsam/ kun tu bzang po ting nge 'dzin gyi phyag na rdo rje rin po ches mtshan pa 'am bde ba chen po dmar ba phyag dang po na rdo rje dang dril bu 'dzin pa/ phyag 'og ma gnyis na mda' gzhu 'gangs pa dag gang yang rung ba'o/ /mdun du phyag na rdo rje ste/ ljang gu la mngon bzhin no/ /g.yas dang nub dang byang du rdo rje rin chen dang/ rdo rje chos dang rdo rje las rnams sngon bzhin no/ /rim pa gnyis pa la sangs rgyas rnam las gzigs dang/ thams cad skyobs pa dang/ gtsug tor can dang/ 'khor ba 'jig dang/ gser thub dang 'od srungs mar me mdzad dang shAkya'i tog dag shar nas brtsams te/ dge slong gi cha byad can spyod lam mdzes pa gser gtso ma'i mdog can mnyam pa'i skyil krung la ting nge 'dzin gyi phyag rgya can no/ /rim pa gsum pa la rdo rje sems dpa' la sogs pa sngon bzhin no/ /rim pa bzhi pa la byams pa la sogs pa sngon bzhin no/ /rim pa lnga pa la nyan thos dang rang sangs rgyas rnams

  525. 263a

    sngon bzhin no/ /rim pa drug pa la lha chen pa bzhi dang/ rgyal po chen po bzhi dang/ phyogs skyong ba bcu gcig ste sngon bzhin no/ /rim pa bdun pa la gza' dang rgyu skar dang/ sa'i lha nas phag gi bar du ste sngon bzhin no/ /rdo rje kho ba'i dkyil 'khor du ni dbus su khro bo ma'i nyi ma 'jigs byed kyi dkyil 'khor gyi bdag po lta bu'o/ /'jig rten gsum snang ni sngon po g.yas dang g.yon rdo rje rtse lnga pa dang nyi ma 'dzin pa'o/ /'jig rten gsum 'dul ni ser po g.yas dang g.yon na ral gri dang sdigs mdzub po/ /'jig rten gsum 'joms ni dmar po g.yas dang g.yon na dgra sta dang sdigs mdzub po/ /'jig rten gsum 'ching ni lcags kyu dang lcags sgrog go /rdo rje bdud rtsi ni sngo ba phyag gnyis dpung bar bsnol ba'o/ /dbyug pa sngon pa na sngo skya g.yas dang g.yon na be tson dang sdigs mdzub zhags pa can no/ /mi g.yo ba ni smug nag g.yas g.yon rdo rje dang sdigs mdzub can no/ /rta mgrin dmar po g.yas g.yon be tson dang sdig mdzub can no/ /dus kyi lcags kyu ni dkar ba g.yas g.yon lcags kyu dang sdigs mdzub ste/ 'og ma dag gis yang g.yon pa rnams sdigs mdzub bo/ /dus kyi zhags pa sngon po g.yas na zhags ba can no/ /dus kyi 'ching ba dmar ba lcags skrog can no/ /dus kyi chags pa ljang gu g.yas dril bu'o/ /dus kyi srin po ni nag po g.yas g.yon be tson dang sdigs mdzub can no/ /dus kyi dbyig ? ni smug nag g.yas g.yon be tson dang sdigs mdzub bo/ /dus kyi gnod sbyin mo ni smug nag g.yas g.yon che ba dang skyabs sbyin can no/ /dus kyi mtshan ma ni nag mo g.yon dgra sta dang sdigs mdzub can no/ /'di rnams kyis ji ltar 'dod pa'i ma rungs pa rnams g.yon brkyang bas brdzes pa la/ g.yon pas sna tshogs pad+ma'i nyi ma mnan pa ste/ shar gyi rtsibs nas bzung ste'o/ /dus kyi srin mo la sogs pa ni lha'i snam bu'i grwa bzhir shar lho nas brtsams te'o/ /yang na phyag ni brgya phrag du mar ldan zhing bya ba dang rgyu

  526. 263b

    ma thogs shing dbus mdza' yas zhes gsungs pas dbyibs nges par ci zhig bya ste/ blo la ji ltar nus pa'i dbu dang phyag dang cha lugs mi zad par bsgom zhing bri bar bya'o/ /kha cig dgong pa gzhan du byed pa ni mi rigs te che ba'i mchog ste rtsibs bcu gnyis shes gsungs pa'i phyir ro/ /de bzhin du dbyibs ngas pa yang ste bsal zin to/ /sgo skyong rnams ni sngon bzhin no/ /de ltar lha'i tshogs 'di snyed kyi gnas su gyur pa'i phyir ro/ /lha'i mchog thams cad kyi dga' ba'i tshal yid du 'ong ba zhes bya ba gsungs te/ bcom ldan 'das thugs rje chen pos 'gro ba la phan pa'i phyir zhugs pa ni kha dog dang dbyibs dang rang bzhin spyod lam dang/ skyes pa dang bud med dang/ 'gro ba rigs sna tshogs su snang bas ji ltar rig par 'gro rnams 'dul bar mdzad pa ste/ ji skad du zla gsang thig le zhes bya ba rnal 'byor gyi rgyud las kyang/ res 'ga' 'dod dbang rgyal po ste/ /res 'ga' 'dod pa rgyab kyis phyogs/ /res 'ga' zhi ba re 'ga' dra ba/ /res 'ga' gdon chen bgegs mdzad de/ /de la sogs te mdza' yas pa/ /phyag rgya 'di yis rgyas btab pas/ /ci 'ga' dngos grub 'dod pa la bdag gi ngo bor ston par byed/ /ces gsungs te/ de'i phyir yang dag par na bcom ldan 'das nyid 'khor phun sum tshogs par yang snang ste/ 'chang pa po de ste de ni chos so/ /rang yon tan ldan pas nyan pa'ang zhes gsungs pa lta bu'o/ /de ltar lha'i mchog thams cad ces bya ba'i bshad pa mchog ma brjod nas/ da ni yang tha ma la pa nyid la 'jug par bya ste/ lha rnams nyid mchog yin la de rnams thams cad dga' ba'i tshal lam yang na sum cu rtsa gsum gyi lha rnams kyi nang na mchog ni dga' ba'i tshal na gnas pa rnams te/ de rtag tu yid dga' ba'i phyir ro/ /ci de rnams la yang tha dad pa yod dam zhe na/ los kyang ste sum cu rtsa gsum zhes bya ba nyid kyang chos bzang na gnas pa la sogs pa sum cu rtsa gsum nyid/ 'phags pa dam pa'i

  527. 264a

    chos dran pa nye bar bzhag pa las gsungs pa ni bstan bcos las grags pa yin/ drag po bcu gcig la sogs pa sum cu rtsa gsum ni 'jig rten la grags pa'o/ /dga' ba'i tshal zhes bya ba ni/ grong khyer chen po blta na sdug ces bya ba'i byang phyogs dpag tshad nyi shu 'das pa na skyed mos tshal dga' ba zhes bya ba chur dpag tshad nyis brgya lnga bcu rgyad dpag tshad nyis brgya lnga bcu/ mdza' skor du dpag tshad stong yod pa ste/ gser gyi ra bas bskor ba bla gab can/ 'dod pa thams cad spyor pa bdud rtsi rnam pa bzhi dang/ shing dang rdzing dang/ me tog phun sum tshogs pa/ gser gyi bya? bdal ba yod de/ de bas na yid du 'ong ba zhes bya ba nas lha dang lha'i bu mo sna tshogs pa rnam par brtse ba zhes bya ba'i bar du smos pa yin no/ /de ltar na dga' ba'i tshal ni ha cang cung ches la/ 'khor dang bcas pa bcom ldan 'das rab tu yang rgya che ba ji ltar 'dzin nus zhe na/ de ni sangs rgyas kyi byin gyi brlabs kyis bsnyung gi rtse tsam gyi sa phyogs kyang rab tu yangs la yid du 'ong bar 'gyur zhing/ rgyal ba zhi bar gshegs nas ni dman zhing kho ro chung bar 'gyur te/ ji skad du 'phags pa sdong pos bkod pa las gang che rgyal ba mya ngan 'das gyur/ /de tshe de'i zhing rnams 'grib par 'gyur/ /zhing gi rgya mtsho de yang nyon mongs ldan/ /sems can rnams kyang kun nas nyon mongs 'gyur/ /zhes gsungs la/ yang gzhan du gsungs pa/ skra tsam khyon la sangs rgyas mang po ni/ /gang+gA'i klung gi bye ma ji snyed pa/ /rgyal ba de rnams zhing yang de snyed de/ /de yang skal pa mi mnyam mtshan nyid bcas/ /skra tsam khyon la 'gro ba ltar gtogs pa/ /dmyal ba rnams dang dud 'gro'i 'gro ba dang/ /gshin rje'i 'jig rten lha dang mi rnams kyang/ /dog pa dag dang nye bar 'tshe pa'ang med/ /de ltar rgyal ba'i chos de bsam mi khyab ces so/ /de bas na 'phags pa sdom pa gsum bstan pa las/ ri'i rgyal po bya rgod kyi phung po de ni mtho ba zlum pa gnam 'phang dang rgyar yangs pa zhes bya ba la

  528. 264b

    sogs pa bstan pa yang sdud pa pos lags par smras pa ste/ ri de yang sangs rgyas bzhugs shing 'tsho ba de na de ltar bden la/ deng sang na ni ri rab tu chung bar snang bas so/ /yang chos thams cad gzugs brnyan ltar ma shes shing/ bsod nams ma byas pa la dman zhing tha gru chung la/ de dag bsod nams byas pa dang/ chos thams cad gzugs brnyan ltar shes pa dag la/ rab tu yangs shing bzang la 'byor bar snang ba ni/ ji ltar 'phags pa dri ma med par grags pas bstan pa zhes bya ba'i mdo las/ tshangs pa ral pa can gyis 'phags pa shA ri'i bu la smras pa/ btsun pa shA ri'i bu de bzhin gshegs pa'i sangs rgyas kyi zhing 'di yongs su ma dag go /zhes ma zer cig /btsun pa shA ri'i bu bcom ldan 'das kyi sangs rgyas kyi zhing yongs su dag pa 'di lta ste/ dper na btsun pa shA ri'i bu gzhan 'phrul dbang byed kyi lha'i gnas bkod pa bzhin du bcom ldan 'das shAkya thub pa'i sangs rgyas kyi zhing gi bkod pa yang ded kyis da 'dra bar mthong ngo zhes gsungs pa lta bu'o/ /de ltar na dga' ba'i tshal de'i me tog la sogs pa ma lus pa bcom ldan 'das kyi byin brlabs yin nam zhe na/ lha de dag gis rang gi las las byung ba yang yod de/ ji skad du 'phags pa kun nas sgo'i le'u zhes bya ba'i mdo las/ rnam rtog dag las byung ba yi/ /las dge'i 'bras bu lha rnams te/ /rab tu dang ba'i yid kyis ni/ /mdzas pa'i lha rnams mngon par 'grub/ /gzhal med khang pa nyams dga' bar/ /de dag gzhan sus byas pa min/ me tog man nga ra ba yang/ /de dag gzhan sus bskyed pa min/ /sgyu ma'i las las kun 'byung te/ /byung ba rnams kyang bsam du med/ /ces gsungs pas/ de la yid du 'ong ba zhes bya ba ni mdor bstan pa yin la/ rnam par rtsen pa zhes bya ba'i bar du lhag ma rnams kyis ni rgyas par bstan pa'o/ /de la nor bu dang gser gyi zhing zhes bya ba la nor bu ni/ pad+ma rA ga la sogs pa'o/ /gser ni gser dang sal sbram mo/ /shing ni a

  529. 265a

    smra la sogs pa'i ljon pa'o/ /de dag kyang rab tu yid du 'ong ba'i yal ga dang/ lcug mar bcas pa dang zhes bya ba ste/ yal ga ni rang gi yal ga dang yal ga phre'u yin la/ lcug ma rnams kyi sdong po gcig las grub cing gsar bur mthon pa/ yan lag med pa'i ldum bu rnams so/ /de yang gser gyi shing rnams kyi yan lag ni nor bu lcug ma'i dngul/ nor bu'i shing rnams ni yal ga ni gser/ lcug ma ni bai DUrya zhes bya ba la sogs pa mdo sde gang dag lha'i yul gyi bde ba ston pa de dag las rgyas bar drang ngo/ /shing gel pa dang zhes bya ba la/ shing gang zhig rang bzhin gyis phra zhing drungs rab tu stug pa/ me tog dang 'bras bu rab tu rgyas pas rang gi lcug ma'i rtse mo g.yur zab ched du bris pa ltar gnas pa de dag ni shing gel ba ste ji ltar rgyun shing rab tu smin pa dag bzhin te/ ji skad du slob dpon zhi ba lha'i zhal snga nas/ shing gang 'bras bzang yal ga 'dud pa dang zhes smos pa lta bu'o/ /sman dang zhes bya ba ni/ lha yul gyi shing gel pa la sogs pa de dag gi rtsa ba dang 'bras bu dang/ lo ma la sogs pa ji snyed de dag ni sman yin te/ lha rnams yid rab tu dul ba'i bang las gnas der smin pa'i rtsa la sogs pa ni dug med pa 'jam pa reg na bde ba gnod pa med pa dag yin te/ de yang srog gcod pa gnod sems dang bcas te spangs pa'i rgyu las grub pa'o/ /me tog ka ma la dang zhes bya ba la sogs pa ni go sla'o/ /sogs pa sna tshogs pa dang zhes bya ba ni 'jig rten gyi khams gzhan gyi me tog byang chub sems dpa' rnams kyis 'ongs pa dang/ sprul pa las byung ba la sogs pa bsdu'o/ /dpag bsam gyi shing gis mdzes par byas shing zhes bya ba rang gi rtog pa dang rjes su mthun pa'i 'dod pa ster ba'i shing dkar po dang/ ser po dang/ dmar po dang/ sngon po bzhi'i phreng bas nyams dga' shing mdzes bar byas pa'o/ /rgyan sna tshogs kyis brgyan pa zhes

  530. 265b

    bya ba ni/ zla ba kham pa lta bu dang/ me long dang rgyan mdongs lta bu dang/ gzhan yang rgyan snang ba dang mi snang ba rab tu mang pos sprus pa'o/ /bya mang po sna tshogs skad 'byin pa zhes bya ba la/ dang pa dang bzhad la sogs pa rin po che'i 'dab ma dang/ mchu sder can ri mor bris par ltar mdzes pa/ lha rnams yid du dga' ba der 'degs pa'i bzhin par gyur pa/ yid du 'thad cing rnar snyan pa'i tshigs su bcad pas lha rnams la gdams pa smra ba/ lha'i long spyod la mtshungs par spyod pa tshul khrims dang bral bas dud 'gro'i 'gro bar 'gyur gang de ba'i dbang po las mtho ris par bgrang ba'i bya de rnams kyis yid du dga' bar byas pa'o/ /rnga dang cang ti'u dang/ ker ko dang gling bu dang rnga mo che la sogs pa'i sgra grag pa zhes bya ba la/ kar ko ni 'jig rten ni di mu kha zhes grags pa'i rnga'o/ /lhag ma ni go sla ste/ de dag kyang kha cig ni yid las byung ba/ kha cig ni dpag bsam gyi shing las byung ba kha cig ni ched du byas pa dag ste/ yid las byung ba dag ni gzugs med pa sgra tsam grags pa/ lha rnams bag med pa las bzlog pa'i tshigs su bcad pa mang po sgrogs pa/ phal cher brgya byin gyi yid las byung ba yin te/ rgya cher ni 'phags pa dam pa'i chos dran pa nye bar bzhag pa la sogs pa lha yul gyi bde ba rgyas par ston pa'i mdo sde rnams las drang ngo/ brgya byin dang tshangs pa la sogs pa lha dang lha'i bu mo mang po sna tshogs pa rnam par rtsen pa zhes bya ba la/ 'dis mchod sbyin brgya byin pa 'am rang gi srid thub pas na brgya byin te/ lha'i sde dpon rgyun tu zhugs pa srid pa la na bdun pa 'phags pa'i khongs su gtogs pa dang/ tshangs pa zhes bya ba rang gi sa las gzhan pa bas che ba 'am/ 'dod pa'i 'dod chags kyi gdung ba zhi bas bsil bar 'gyur bas tshangs pa ste de dang/ sogs pa zhes smos pa ni lha'i sde dpon tsan dan

  531. 266a

    dang/ lha chen po dang khyab 'jug dang/ smin drug gzhon nu la sogs pa gang dag dbang che bar grags pa rnams/ gzhan yang lha dang lha'i bu mo sna tshogs pa zhes bya ba la/ 'di dag ni mdzes pa dang ldan pa ste/ de yang 'dod pa'i khams ma yin pas na/ pho dang mo'i dbang po dang ldan ba/ na tshod dang bongs dang ming dang dbyibs sna tshogs pa de rnams brgad pa dang/ chu la rgyal ba dang/ me tog 'phen pa dang/ khrus byed pa la sogs pa byis pa'i sbyod pa grangs med pas mngon par brtse zhing/ ngal bar gyur gyi bar du yongs su mi gtong bas na khyad par du brtse ba ni/ rnam par rtsen pa zhes bya ste lha rnams ni bag med pa'i dbang las brtsed mo la rab tu zhugs pas/ sngon nye gnas su gyur pa'i lha'i bu zhig gis 'phags pa maung+gal? gri? gu? mkhan por gyur pa sor mo bsgreng ba'i gus pa la mchog tu smras so/ zhes gsungs pa lta bu'o/ /'o na ci'i phyir rgyud kyi rgyal po 'di dag dga' ba'i tshal der gsungs she na/ nor bu dri ma med pa la phan gdag par bzhed pas de'i 'phel bar gyur pa'i gnas der bshad par shes par bya'o/ /de yang zhu bar gyur ba'i rkyen du gzigs nas 'dzam bu'i gling nas der gshegs pa ltar bstan pa ste/ rab tu thugs rje che ba'i phyir ro/ /kha cig na re rgyud 'di mchog yin pa'i phyir gnas mchog tu gsungs so zhes zer te/ de ltar na 'di gzhan 'grul dbang byed la sogs par ci'i phyir mi gsung/ sum cu rtsa gsum gyi ris ni lha'i ris gong ma 'ong ma'i drung na phyag dar gyi phung po dang 'dra'o/ /zhes 'phags pa rgya cher rol pa las gsungs te/ de bas na de ni mi rigs so/ /sangs rgyas dang byang chub sems dpa' thams cad kyis byin gyis bo rlabs pa na zhes bya ba ni/ de dag gis lhag par bsten cing spyod pa nyid kyi byin gyis brlabs pa ste/ ji skad du yon tan yang dag rgyan ltar dam pa ni/ gang dang gang du bskyes par gyur pa dang/ de dag de ni bkra shis ldan bshad de/ /'bab stegs de yin dka' thub

  532. 266b

    gnas de yin/ /zhes bshad pa dang/ yang gsungs pa gnas gang dag tu 'gro ba'o/ /mig gis brtag par khyod mthong zhing/ /gang zhig khyod kyi zhal lta ba/ 'jig rten de nyid bsod nams ldan/ /zhes nges par gnas kyang byin gyis brlab par zur gyis bstan par 'gyur ro/ /'dir gzugs bor na byin gyis brlabs pa zhes bya ba yang sa phyogs de rdo rje ltar sra zhing/ 'jig pa'i mes kyang mi gnod pa/ de na gnas pa rnams la bdud dang bdud kyi ris pa'i yi dags la sogs pas mi tshus par bya pa/ dus rab tu ring po'i bar du yang dngos grub 'byung ba'i gnas su byin gyis brlabs pa byas pa ste/ de yang 'phags pa rab tu grub par byed pa las ji skad du gsungs pa/ de nas gzhan yang bshad pa ni/ bsgrub pa'i gnas kyis mtshan nyid de/ /gang gi yul du gnas na ni/ /dngos grub myur du thob 'gyur ba'o/ /gang du bdud bzhi btul nas ni/ /bcom ldan mngon par sangs rgyas la/ /dngos grub mang po kun gyi mchog /rmad byung go 'phangs thob gyur pa/ chu bo nai rany+dza na'i 'gram/ /yid du 'ong zhing 'tshe med pa/ /dngos grub zhing ni dam pa ste/ /bcom ldan 'das ni nyid kyis gsungs/ /der ni 'dud rnams mang pos kyang/ /gnod par bya bar mi nus te/ /de bas der ni las rnams kun/ /sgrub pa pos ni bsgribs te brtsams/ /gang gu chos rnams bstan pa dang/ /thub pa zhi bar gyur pa dang/ /dam pa smin par bya ba'i phyir/ /skye ba gang du bstan pa yi/ /gnas de rnams su dngos grub ni/ /rnam pa sum dag kun tu bstan/ /des shing myur ba rgya che zhing/ /bgegs med par yang der 'gyur ro/ /bsod nams can gyi ga nas rnams gang/ /sangs rgyas rnams dang de'i slob ma/ /bskal pa chen po bzhugs bzhugs pa/ /de dag tu yang 'grub par bsgrags zhes so/ /de'i phyogs gang du yang bzhugs pa de lhag bar yon tan ldan par gnas pas/ sangs rgyas dang byang chub sems dpa' phyir mi ldog pa rnams kyis byin gyis brlabs pa'o/ /gal te byin gyis brlob pa po nyid kyi don ni

  533. 267a

    rtogs so zhes na/ de'i phyir sangs rgyas zhes bya ba ni ji skad du/ gang gis sa bcu bsgrubs nas ni/ /dbang bcu legs rtogs khong du chud/ /stong pa sgyu ma 'dra ba'i chos/ /rnam pa thams cad mkhyen cing 'dir/ /'jig rten kun gyi tshul mkhyen pa// sangs rgyas zhes ni bya ba yin zhes gsungs so/ /byang chub sems dpa' zhes bya ba ni bshad zin to/ /brgya byin dang zhes bya ba nas/ phyir mi ldog pa'i byang chub sems dpa' i dge 'dun mdza' thug pa med pa rnams kyis zhes bya ba'i bar gyis ni 'jig rten dang 'jig rten las 'das pa'i 'khor mchog bstan to/ /tshig gi don ni 'di lta ste/ brgya byin dang tshangs pa zhes bya ba ni/ /snga ma bshad pa lta bu'o/ /lha dar zhes bya ba la/ /rnam rtog dge las byung ba yi/ /las dge'i 'bras bu lha rnams te/ /rab tu dang ba'i yid kyis ni/ /mdzes pa'i lha rnams mngon par grub/ /gzhal med khang pa nyams dga' ba/ de dag gzhan sus byas pa min/ /me tog man da ra ba yang/ /de dag gzhan sus bskyed pa min/ /sgyu ma'i las lam kun 'byung bas/ /'byung ba rnams kyang bsam du med/ bzang bor snang ba'i bai DU/ /log par bsgrub pa rnams kyang brdzun/ /yang dag min las kun bskyed pas/ /lha rnams brdzun par shes pas na/ /ting 'dzin zhi ba brjod pa ni/ /lha yis gzugs kyis bstan pa yin zhes so/ /rigs 'dzin ces bya ba la/ gsang sngags la sogs pa'i mthus nam mkha' la 'gro bar nus pa rig sangs kyi thabs 'dzin par 'dod pa thams cad 'byor pa ni rigs 'dzin te/ ji skad du 'phags pa rab tu grub par byed pa las gsungs pa/ blo can grub nas nam mkha' la/ /ci bde bar ni 'gro bar bya/ /grub pa rnams dang phan cig tu/ /'o na cis kyang mi tshugs 'gyur/ /pha rol gnod pa byed pa ni/ /sdang ba rnams kyi yod mi tshugs/ /rtag tu bdag gi lha nyid do/ /yid kyis yongs su zlas par bya/ /bdag gis grub pa'i rdzas

  534. 267b

    la yang/ /rtag tu dran zhing blta bar bya/ /rig sngags rgyal po bzlas na ni/ /sgrub pa rnams kyis mchod par 'gyur/ /rigs kyi rig sngags bzlas nas ni/ /grub pa 'jigs pa kun las thar/ /phan tshun dag tu mthong nas ni/ /dam tshig rigs kyi phyag rgya dang/ /grub pa'i rdzas kyang bstan pa dang/ /mkhas pa legs par smra bar bya/ /legs par 'ongs sam bde 'am? zhes/ /thog mar mthong nas mngon par brjod/ /gang nas 'ongs zhes zer na yang/ /dri ba'i lan ni gdab par bya/ /lha'i gnas ni thams cad dang/ /shing gcig lam ni bzhi mdo dang/ /dka' thub nags dang byin can gnas/ /mchod sbyin gnas dang bram ze'i gnas/ /mu stegs la sogs grub pa des/ /nam yang 'da' bar mi bya'o/ /nga rgyal gyis ni 'das gyur na/ /'khrugs nas mod la lhung bar 'gyur/ /bag med dam tshig nyams na ni/ /rig sngags rgyal po yid kyis zlas/ /lhung ngam lhung bar gyur kyang rung/ /de nas de ma thag tu ldang/ /nam mkha' dag la gzugs med pa'i/ /'phru gyi mig can lam rnams ni/ /rab tu grub pa dag gi rigs/ /rnal 'byor can rnams 'gro ba bzhin/ /de bas 'gro ba 'ong ba dag/ sngon cad sprul pa'i lam nas 'gro/ bsod nams dbang gis gnas pa'i phyir/ /khyim yang ji ltar 'dod pa 'byung/ /kun tu ljon shing mang por ldan/ /bya rnams du ma phan tshun rgyu/ /lha yi bud med rgyu ba yi/ /rgyan gyi sgra ni rab tu grags/ /de'i glu gar sil snyan gyi/ /mngon par dga' ba'i yon tan gsal/ /me tog bzang po'i srung gis khyab/ /mar me'i 'od ni rab tu gsal/ /gang dang gang du kun brtags pa/ /der ni dpag pas ljon shing che/ /'dod pa thams cad kun 'byor pa/ /rmad du byung ba'i mtshan nyid 'byung/ /rin chen rdo leb la sogs phyir/ /rin chen gzhi las 'bab pa'i chu/ /ne'u gsing dag dang ldan pa'i sa/ /thams cad du yang mngon par 'byung/ /rgyan rnams dang ni gos rnams dang/ /rtsed mo yo byad rnams dang ni/ /

  535. 268a

    bdud rtsi'i 'bras bu sogs ldan pa'i/ /dpal gyi shing yang de las skye/ /de ltar grub par 'dod pa rnams/ /ji ltar 'dod pa thams cad 'grub/ /grub par gyur nas de nas ni/ /srung ba la ni 'bad par bya/ /skyed mos tsha la ni gtsang ma 'am/ /ri rnams kyis ni rtse mo 'am/ /rgya mtsho yi ni gling dag gam/ /'bab chu yi ni 'gram yang rung/ /rang gi 'phrul gyi sprul pa dang/ /grub pa dka' phyir sprul pa byed/ /grub pa gzhan dang lhan cig tu/ /sngon du grub pa gnas su yang rung zhes pas te/ 'dir rgya cher brjod pa ni 'og nas rigs 'dzin gyi tshul brjod pa la dgos pa blo la bzhag nas brjod par zad do/ /de yang rigs pa 'dzin pa'i gtso bo ni/ /rig sngags 'chang gi rgyal po yang/ /kuny+dzar zhes bya ba dang/ /tsi taM ka dang ki ri ti/ /ma mo'i lus su lau tsa na/ / tsi tra b+ha na su sid+d+ha NA/ /rig sngags 'chang gi bdag po ste/ /bdun po de dag rigs kyi gtso/ /sngon grub pa ste mthu chen rnams/ /dkyil 'khor dag ni thams cad la/ /lho yi phyogs su tha dad dgod/ /ces bya ba gsungs pa rnams yin la/ /de dag nyid 'khor lha'i bu mo 'khor bye ba khrag khrig brgya stong du ma dang bcas pa'o/ /glegs bam la la las ni/ /brgya byin dang tshangs ba la sogs pa dang/ /lha'i rigs 'dzin 'khor lha'i bu mo bye ba khrag khrig brgya stong du ma dang zhes 'don te/ /der ni lha'i 'khor gtso bo smos pas bsdus la/ 'dir lha yang yin la rigs 'dzin yang yin zhes gzhi 'thun pa'i bsdu ba bya'o/ /gnod sbyin dang zhes bya ba ni 'phags pa kun nas sgo'i le'u zhes bya ba'i mdo la gsungs pa/ sems ni rnam par gyur pa las/ /'jigs pa'i gzugs ni mngon grub la/ /lus kyi bor tshong cher yang/ /sems gcig gis ni kun tu skyed/ /sems la 'jig pa yod min te/ /tshogs pa bdag las 'jigs pa skye/ /yod pa min pa'i las rnams las/ /mi sdug rnam pa bsam

  536. 268b

    yas ltos/ /mi sdug rnam pa bsam yas pa/ /shin tu stongs bar shes pas na/ /ting 'dzin zhi ba brjod pa ni/ /gnod sbyin gzugs kyis bstan pa yin zhes so/ /srin po dang zhes bya ba la/ bdag gsung ba la sdug bsngal 'grub/ /bdag nyid nye bar mi dmigs pas/ /gzhan bsrung ba las kun brtson pa/ /de tshe bde ba rgya chen 'grub ces bya'o/ /lha ma yin zhes bya ba la/ /a yi rgyas btab lha min te/ /skye ba med las yang dag byung/ /'gag med 'byung ba yod min pas/ /lha ma yin gyi ting 'dzin bstan ces bya'o/ /dri za dang zhes bya ba la/ /chos de shin tu 'gro med kyang/ /'gro ba'i sgra ni brjod pas ni/ /'gro bas 'gro ba med shes pas/ /dri za'i ting 'dzin bstan pa yin zhes bya'o/ /mi 'am ci dang zhes bya ba la/ /byas min byas pa'i las kyis na/ /mi 'am ci nyid kun tu bskyed/ /'di dag skye ba mad shes pas/ /mi 'am ci'i ting 'dzin bstan zhes bya'o/ /lto 'phye chen po zhes bya la/ /ming gang gis ni chos 'di dag/ 'jig rten dag tu sna tshogs gzhag/ chos de 'di la yod ma yin/ /med pas thams cad kun tu brtags/ /kun tu brtags par kun shes na/ /ngo bo nyid kyi kun rtog med/ /ting 'dzin zhi ba brjod pa ni/ /lto 'phye chen po'i gzugs kyis bstan ces bya'o/ /klu zhes bya ba la mi bzod bskyed pa byas nas ni/ /yod min sprin gyi gzugs ston cing/ /char pa'i rgyun dgar? ba 'bebs pa/ /de dag nang na mi gnas kyang/ /'dzam bu'i gling 'dir rgya mtsho dang/ klung dang dug can yongs su 'gengs/ /sngon gyi mdza' 'am phyi ma'i mdza' / /chu ni 'byung bar yod ma yin/ /de dang mtshungs pa'i sems can kun/ /rtsom pa sna tshogs bslabs pa rnams/ /las rnams sna tshogs ston byed kyang/ /las de 'byung ba yod ma yin/ mkhas pas byis pa rmongs byed pa'i/ /sgyu 'di ma byung shes pas na/ /bde ba ma yin bden snang bas/ klu yi ting nge 'dzin du bstan ces bya'o/ /de

  537. 269a

    ltar 'phags pa kun nas sgo'i le'u'i mdo'i rjes su 'brangs te bshad pa 'di ni 'khor mchog ston pa yin par rang rang gi longs spyod dang/ gzugs dang/ ming gis rnam par thar pa skyed nus shing rtog par ston pa'i bshad pa mchog tu gyur pa'o/ /sogs pa 'khor du ma dang zhes bya ba ni mkha' 'gro dang ma mo dang/ gza' dang rgyu skar dang sha za dang 'bre la sogs pa rab tu mang po 'dus par ston pa ste/ /dkyil 'khor chen po 'chad par 'gyur ba las/ smos pa rnams 'dir yang 'dus par mthong pa'i phyir ro/ /da ni 'jig rten las 'das pa'i 'khor bstan pa'i phyir byang chub sems dpa' sems dpa' chen po bye ba khrag khrig phrag brgya la 'di lta ste/ byang chub sems dpa' sems dpa' chen po blo gros tshad med pa dang zhes bya ba la sogs pa smos te/ de la byang chub ni chos dbyings kyi rang bzhin ji lta ba bzhin du gnas pa dang mthun pa ni rnam par mi rtogs pa'i ye shes sangs rgyas kyis kun tu bzang po'o/ /de rtog par bya bar sems dpa' ni sems dpa' ste/ de ltar yang rnam par snang mdzad mngon par byang chub pa las byang chub nam mkha' i mtshan nyid do/ kun tu rtog pa thams cad spangs/ /gang zhig de rtogs 'dod pa de/ /byang chub sems dpa' zhes bya'o/ /zhes gsungs so/ /de nyid 'gro ba'i tshogs chen po'i don la sems dpas na sems dpa' chen po'o/ /blo gros mi g.yo ba dang zhes bya ba la 'di ni blo gros chos kyi dbyings las mi g.yo bas na/ blo gros mi g.yo ba'o/ /blo gros yangs pa dang zhes bya ba la/ chos kyi dbyings kyis glags pa'i bden pa gnyis 'di'i blo gros skad cig ma gcig gis yul du byed pa sna blo gros rgya che ba'o/ /kun tu blo gros dang zhes bya ba la/ /'gro ba ji snyed pa de snyed du 'di'i blo gros kun tu gnas pas na kun tu blo gros so/ /blo gros mdza' yas pa dang zhes bya ba la 'di'i blo gros mdza' yas 'khor ba'i mdza' dang mnyam pas blo gros mdza' yas pa'o/ /blo gros pad+ma dang zhes bya ba la/ 'di'i

  538. 269b

    blo gros pad+ma ltar gnas kyi nyes pas mi gos pas na/ blo gros pad+ma'o/ /blo gros chen po dang zhes bya ba la/ 'di'i blo gros 'bras bu chen po sangs rgyas nyid bskyed bas na/ blo gros chen po'o/ /blo gros lha rdzas dang zhes bya ba la 'di'i blo gros bum pa bzang po la sogs par ston par byed pas na blo gros lha rdzas so/ /byang chub sems dpa' sems dpa' chen po zhes bya ba ni snga ma bzhin no/ /blo gros sna tshogs zhes bya ba ni 'di'i blo gros ni shes bya sna tshogs pa ltar skye bas na blo gros sna tshogs so/ /sogs pas smos pa ni byang chub sems dpa' i tshogs pa lhag ma rnams bsdu'o/ /phyir mi ldog pa'i byang chub sems dpa' i dge 'dun zhes bya ba'i drod thob pa yan chad sha stag yin te/ nges 'byed yan lag nas bzung ste/ mthong dang goms pa'i sa dag la/ /byang chub sems dpa' gang dag gnas/ /de 'dir phyir mi ldog ba'i tshogs/ /zhes gsungs pas so/ /de dag nyid mi phyed pas na dge 'dun te/ /ji skad du sangs rgyas chos dang dge 'dun rnams/ bdud rnams dbye ba brgya yis kyang/ /bskal pa brgyar yang mi phyed de/ /de nas dge 'dun zhes brjod do zhes gsungs so/ /mdza' thug pa med pa rnams kyis zhes bya ba ni/ rab tu yang mang bas so so'i skye bo'i grangs kyis mi rtogs pas so/ /'o na nyan thos kyi dge 'dun ci'i phyir ma smos she na/ 'dir theg pa chen po kho na ston pas/ de dag snod du ma gyur pas ma 'dus so zhes kha cig zer ro/ / de ltar na theg pa chen po 'ba' zhig ston pa'i rgyud gzhan las kyang mi smos par rigs nas smos pa yod do/ /kha cig na re 'di ni rtsa ba'i rgyud bshad ma thag tu gsungs pas/ sprul pa'i skus don ma mdzad pa'i gong yin pas/ 'phags pa nyan thos kyi dge 'dun med do zer te/ de ni rang gi rtogs pa'i dri ma stug pos khyab par zad do/ /'di gtsor theg pa chen po bstan pa'i skabs yin pas na/ 'phags pa nyan thos rnams ma smos kyang nyes pa med par dgongs nas ma smos par zad kyi/ dgra bcom

  539. 270a

    pa chen po rnams kyang nges par 'dus par blo dang ldan pa rnams kyis shes par bya'o/ /de la 'dir ci'i phyir 'jig rten pa'i 'khor dang por smos she na/ sdud pa po thus rje che bas 'jig rten pa rnams spro ba bskyed pa'i ched du'o/ /zhes kha cig zer te/ de ltar na gzhung gzhan du ni sdud pa po'i thugs rje chung bar 'gyur ro/ /kha cig na re rgyud 'di ni gzhan gyi don lhur len pa yin la/ 'jig rten pa'i 'khor dang po la smos pa yang thugs rjes sa gzhan gyi don gtsor byed pa'o zer te/ 'jig rten las 'das pa dang la smos na/ gzhan gyi don bya ba la gnod pa ci yod de 'di ni gyi nar zad do/ /kha cig na re 'jig rten pa'i lam la brten nas 'jig rten las 'das pa'i lam skye'o zhes go rims nges par shes par bya ba'i phyir ro/ /zhes zer de yang cung zad mi 'thad de/ 'dir lam gyi go rims kyi skabs la ma babs pas so/ /'di ni dbang po la sogs pa'i lha gnyug mar gnas pa de dag dang la ma brjod par glo bur ba'i byang chub sems dpa' rnams smos la/ lta'i bu bden pa ma mthong ba rnams yid mi dga' bar 'gyur ba'i ngo srung ba'i phyir/ gnyug mar gnas pa rnams dang por smos so zhes lo rgyus kyis bshad do/ /de ltar na 'gro ba tha dad pa de dag ci'i phyir dang por bya zhe na/ de ni 'jig rten pa'i 'khor du 'dra bas/ lha rnams kyi zhar la bstan par rig pa'i phyir ro/ /bsti stang du byed ces bya ba ni lus kyi las kyis so/ /bla mar byed ces bya ba ni yid la bcags par lta ba'o/ /mchod cing zhes bya ba ni rnyed pa'i ngo bo me tog la sogs pas so/ /brjod ces bya ba ni ngag gi las kyi bstod pa don dang 'thun par byed pa'o/ /rab tu mchod cing zhes bya ba ni bka' bzhin du byed pa ste 'di ni mchod pa'i mchog yin pas so/ /spel te zhes bya ba ni mchod pa'i dge ba rnams byang chub thob pa'i rgyur yongs su sngos pa ste/ 'di ni mi

  540. 270b

    zad cing 'phel ba'i mchog yin te/ 'phags pa byang chub sems dpa' i sde snod kyi mdo las rgya mtsho chen por pho ba'i chu ni bar ma dor zad par mi 'gyur ba de bzhin du byang chub tu bsngos pa'i dge ba'i rtsa ba yang bar ma dor zad par mi 'gyur te/ zhes gsungs so/ /'khor mang po'i dbus na zhes bya ba ni sngar 'das ma thag pa rnams kyi dkyil na'o/ /tshangs pa chen po zhes bya ba ni bshad zin to/ /pad+ma'i gdan la zhes bya ba ni 'dir bcom ldan 'das 'khor ba na bzhugs kyang de'i nyes pas mi gos par ston pa'i phyir pad+ma'i gdan la bzhugs pa ste/ rten gyis rten pa bstan pa'i phyir ro/ /de yang ji ltar dpal mchog dang po las gsungs pa/ ji ltar pad+ma rab dmar yang/ tshon gyi nyes pas mi gos pa/ /de bzhin gnas pa'i nyes pas kyang/ /'gro phan rnams la mi gos so zhes so/ /bzhugs zhes bya ba ni 'phags pa dang tshangs pa dang/ lta'i bzhugs pa las ni 'dir tshangs pa'i bzhugs pa ste/ thugs rje chen pos ngan song gi rgyud sbyong ba'i phyir ro/ /spyod lam dan nang du yang dag 'jog dang/ chos 'chad pa'i gzhug pa las ni/ /chos 'chad pas bzhugs pa ste/ /'dir de gtsor gyur pa'i phyir ro/ /te zhes bya ba ni 'das pa ston te/ /yang dag par bsdus pa'i dus las de sngon yin pa'i phyir ro/ /gleng gzhi rgya cher bshad pa'o/ /de ltar nges pa bskyed pa'i gleng gzhi brjod pas/ /yid ches par 'gyur pa'i rjes las rgyud kyi don ji ltar nye bar phye snyam pa'i rtog pa bzlog par byed pa/ gleng bslang ba bstan pa/ ngan song gi rgyud thams cad yongs su sbyong ba zhes bya ba'i ting nge 'dzin la snyoms par zhugs nas/ ngan song gi rgyud las rnam par grol bar byed pa zhes bya ba la byang chub sems dpa' sems dpa' chen po'i ting nge 'dzin gyi 'od zer sdud pa mang po'i phreng ba nyid kyis dpral ba'i mdzod spu nas phyung nas zhes bya ba la sogs pa smos te/ 'dir ting nge 'dzin dang po ni de bzhin gshegs

  541. 271a

    ba ngan song thams cad sbyong ba'i gzugs mngon du mdzad pa yin la/ gnyis pa ni byang chub sems dpa' ngan song thams cad yongs su sbyong ba zhes bya ba khams gsum rnam par rgyal ba'i ngo bo/ mngon sum du mdzad pa yin te/ 'od zer gyi 'phro ba dang 'du ba ni 'dra bar ngan song thams cad yongs su sbyong bar byed pa la sogs pa yin no/ /de bas na rnal 'byor pa bdag gis kyang dang por de bzhin gshegs pa'i skur gyur pas sbyin sreg dang po bya la/ khams gsum rnam par rgyal ba'i skur gnas te/ /sbyin sreg gnyis pa bya'o zhes bya b ni spyi'i don te/ yan lag gi don ni ngan song zhes bya ba ni sngar brjod pa rnams so/ /de dag gi rgyud ni rang gi las kyi 'bras bu ma zad kyi bar mi chad par 'jug pa'o zhes bya ba ni tshig gi mtshams sbyor ba dang/ ming gi mdza' phrad do/ /ting nge 'dzin la zhes bya ba ni thugs rtse gcig par gnas pa la'o/ /gdul bzhi ba dag gi ched du sangs rgyas kyi ting nge 'dzin la snyoms par zhugs nas/ gang dag ma rungs pa 'dul ba de dag gi don ni rdo rje khro bo nyid kyis ni mdzad par rig pas na ngan song gi rgyud las zhes bya ba la sogs pa smos te/ sngar bshad pa bzhin no/ /rnam par grol ba khyad par du grol bar byed pa ste/ sangs rgyas su 'am yang sna tshogs par grol bar byed pa ni/ rnam par grol byed de/ re shig rigs nges pa 'phags pa rnga po che'i mdo las gdul bya'i rim pa gsungs pa bzhin no/ /zhes bya ba ni sngar bstan pa lta bu'o/ /byang chub sems dpa' sems dpa' chen po zhes bya ba ni bcom ldan 'das 'jig rten gsum las rnam par rgyal ba ste/ tshig gi don ni sngar bshad pa bzhin no/ /ting nge 'dzin ces bya ba ni sngar bshad pa bzhin te snyoms par zhugs nas zhes 'dir yang sbyar bar bya'o/ /'od zer sdud pa mang po'i phreng pa zhes bya ba la/ ye shes las byung ba'i snang ba'i 'od zer yin la/ bem po las byung ba'i

  542. 271b

    snang ba ni 'od do/ /yang na lus las byung ba'i snang ba ni 'od yin la/ sems las byung ba'i snang ba ni 'od zer yin te/ de bas na 'dir 'od ces bya ba smos so/ /ngan song rnams mtho ris la sogs par sdud pas na sdud ces smos te/ 'chad par gyur pa las dga' ba'i tshal thams cad kun tu snang bar byas te/ zhes bya ba la sogs pa smos pas so/ /phreng ba zhes bya ba ni phreng ba lta mdzes pa 'am 'od zer de dag phreng bar sprengs shing bar chad med pa'o/ /nyid kyi zhes bya ba ni bcom ldan 'das byang chub sems dpa' bdag nyid kyi'o/ /mdzod spu nas zhes bya ba ni smin mtshams nas dung dang kha ba ltar dkar ba'i spu sngon bla ma'i skye bo rnams gnas ji lta bar bkod pa las grub pa'i mtshan yod de/ de nyid 'od zer las byung ba mi zad pa'i mdzod yin no/ /gdul bya rnams phyir mi ldog par dgod par mdzad pa'i 'od zer ni gnas 'di nas 'byin to/ /byung nas zhes bya ba ni mngon par 'thon pa ste/ 'dir slar bsdu ba'i gnas kyang de nyid yin par shes par bya'o/ /des stong gsum gyi stong chen po'i 'jig rten gyi khams zhes bya ba nas/ byang chub spyod pa nyid la bzhag ces bya ba'i bar du ni/ 'od zer gyi las bstan pa ste/ sangs rgyas kyi byin gyis brlabs kyis/ rmi lam ltar yud cig grol ba la yun rings su grol bar 'du shes pa 'am/ skal pa dang ldan pa dag gtan grol ba'o/ /tshig don lta bu zhe na/ de la stong gsum gyi stong chen po'i 'jig rten gyi khams zhes bya ba ni ji skad du chos mngon pa las/ gling bzhi dang ni nyi zla dang/ /ri rab dang ni 'dod lta dang/ /tshangs pa'i 'jig rten stong la ni/ /stong ni spyi phud yin par 'dod/ /de stong la ni stong gnyis pa/ /bar ma'i 'jig rten khams zhes bya/ /de stong la ni stong gsum ma/ /mnyam du 'jig cing 'byung ba yin/ /zhes bshad pa ste/ skye bo blo chung dag gi dor rje btsun shAkya thub pa'i zhing ni/ de tsam zhig tu zad de zhes bstan pas zhing rgya chen ma smos so/ /kun tu snang bar byas so zhes bya ba ni gang na mun

  543. 272a

    pa mun nag dmag gis khyab pa'i nyi ma dang zla ba gnyis kyang mi rgyu ba'i 'khor yug gis bar de dag mun pa'i g.yung ste/ ji skad du 'jig rten gdags pa las/ rgya mtsho 'di yi pha rol na/ /gang gis rgya mtsho bskor ba yi/ /'khor yug dpag tshad sum brgya dang/ /dpag tshad phyed dang gsum yod do/ /de ni 'khor yug ring bshad de/ /'jig rten bar mtshams tshun cad du/ /nyi zla de bzhin skar ma dang/ /rgyu skar tshogs ni rgya chen kun/ /'khor yug mi 'da' 'jig rten gyi/ /bar mtshams phan tshun mun par 'dug /ces gsungs pas so/ /de yang snang bar byas pas sems can de dag 'di skad du/ kye ma 'dir sems can gzhan skyes so zhes smra bar 'gyur bar byas pa'o/ /ci mun pa bsal ba tsam las mi 'da' byas sam snyam pa las/ kun tu snang bar byas nas sems can thams cad kyi sems nyon mongs pas bcings pa las rnam par bkrol te zhes bya ba gsungs te/ nyon mongs pa nyid bcings pa ste/ lhag ma ni go bar sla'o/ /ci'i de tsam du zad snyam pa las bde ba so sor thob nas shes gsungs te/ so sor thob nas zhes bya ba ni/ rang rang gi 'dod pa ji lta ba bzhin du rdzogs zhes bya ba'i don to/ /de dag las gang dag lhar skyes pa de dag ni/ sngon gyi gnas dang lhar skye ba'i rgyu dran nas/ sangs rgyas la byas pa shes par bya ba'i phyir mchod pa byed du lhags bas nas dga' ba'i tshal zhes bya ba la sogs pa smos te go sla'o/ /nor bu dri ma med pa'i steng du 'khod de zhes bya ba la dga' ba'i tshal de'i gzhi nor bu gser dri ma med pa'i bye ma bdal ba yin pas/ de la 'khod nas so/ /gser ni nor bu ma yin gyi/ rin po che yin no zhes na/ yid dga' bar byed pa'i phyir nor bu zhes bya ba la/ gser yang yid dga' bar byed pa 'am/ nor bu'i rgyur gnas pa'i phyir de skad ces bya'o/ /yang na nor bu dra ma med pa zhes bya ba ni/ lha'i bu 'das nas zhag bdun lon pa gang yin pa'o/ /steng du zhes bya ba ni de lha'i gnas su skyes pa'i sngon du de dag gi gnas su skyes nas der 'khod pa ste/ de bas na bcom ldan 'das lha'i bu nor bu dri ma med pa'i ched du der bzhugs kyang/ de nyid kyi las kyi 'bras bu des

  544. 272b

    bar myong bar bya ba cung zad tsam pa de dus ma rdzogs par ston pas/ 'gro ba rnams las la 'dzem par bstan pa ste/ rgyal po ma skyes dgra stong pa nyid chen por rtogs pa yang mtshams med pa'i las kyi dbang gis/ dar gyi pho long brdabs pa tsam zhig mnar med par gnas par gsungs pa bzhin no/ /de bas na bcom ldan 'das brgya byin dang bcas ba ni re shig lha'i bu de 'dren pa'i rkyen tsam du zad do/ /'gro ba rnams ni las bdag gir bya ba la las kyi sgo skal la spyod pa'o/ /gzhan du 'gro ba ma lus pa thugs rje'i dbang gis ji ltar mi gnas pa'i mya ngan las 'das pa la mi dgong/ de ltar na 'grel pa med pa'i phyir dang/ ma byas pa dang phrad pa ni med la byas pa ni chud mi za'o/ /zhes gsungs bas rkyen nyid kyang bya bar mi nus so zhe na/ 'di'i don ni 'og nas brjod par bya'o/ /'di skad ces gsol to zhes bya ba ni ched du brjod pa ste/ rab tu ngo mtshar che bas na spro ba'i tshul gyis e ma sangs rgyas zhes lan gsum pos pa'o/ /mdzad pa legs zhes bshad pa ni/ gang phyir ngan song thams cad spyangs zhes bya ba dang/ byang chub spyod pa nyid la bzhag ces bya'o/ /de nas lha'i dbang po brgya byin gyis zhes bya ba'i bar nas bde bar gshegs pa ngo mtshar che'o zhes bya ba'i bar du ni go sla'o/ /bcom ldan 'das kyis bka' stsal pa zhes bya ba nas/ 'di ni ngo mtshar mi che'o zhes bya ba'i bar yang go sla'o/ /lha'i dbang po sangs rgyas bcom ldan 'das rnams ni tshad med pa'i bsod nams kyi tshogs yang dag par bsags pa'o zhes bya ba ni bskal pa grangs med pa gsum du sbyin pa dang tshul khrims dang bzod pa la bslab pa'o/ /lha'i dbang po yang dag par rdzogs pa'i sangs rgyas rnams ni yon tan rin po che tshad med pa'i 'byung gnas su gyur pa'o zhes bya ba ni dbul po rnams nor dang ldan pa dang/ gcer bu rnams gos thob pa dang/ bskras pa dang skom pa rnams zas dang ? thob pa dang/ nad pa rnams nad sos pa la sogs pa/ pha rol tu phyin pa gsum gyi 'bras bu byung ba rgyun mi chad pa'o/ /lha'i dbang po yang dag par rdzogs pa'i sangs rgyas rnams ni tshad med pa'i thabs mkhas pa

  545. 273a

    yang dag par rdzogs pa'o zhes bya ba ni thabs dang/ stobs dang smon lam dang ye shes kyi pha rol tu phyin pa bskal pa grangs med pa gsum du bsags pa'o/ /lha'i dbang po sangs rgyas bcom ldan 'das rnams ni spyod pa tshad med pa'o/ /zhes bya ban bsdu ba'i dngos po bzhi dang/ brtson 'grus dang bsam gtan gyi pha rol tu phyin pa la/ bskal ba grangs med pa gsum du bslabs pas so/ /lha'i dbang po sangs rgyas bcom ldan 'das rnams ni 'dul ba'i skye bo tshad med pa rnams snod du gyur par mdzad pa'o/ /zhes bya ba ni tha na rigs chad pa rnams kyang mtho ris su dgod par spyod pas so/ /lha'i dbang po sangs rgyas bcom ldan 'das rnams ni mi mnyam pa dang mnyam pa'i ye shes dang ldan pa'o/ /zhes bya ba ni chos kyi dbyings mdza' dang dbus med pa dang mnyam pa'i ye shes mnga' bas so/ /lha'i dbang pos sangs rgyas bcom ldan 'das rnams ni mi mnyam pa dang mnyam pa'i rdzu 'phrul dang ldan pa'o zhes bya ba ni nyan thos dang rang sangs rgyas rnams dang thun mong ma yin la/ sangs rgyas rnams ni tshe dan mnyam pa'i rdzu 'phrul mnga' bas so/ / lha'i dbang po sangs rgyas bcom ldan 'das rnams ni mi mnyam pa dang mnyam pa'i smon lam gyi stobs dang ldan pa'o/ /zhes bya ba ni sa bcu'i byang chub sems dpa' i yang yul ma yin gyi sangs rgyas rnams kho na'i yul du gyur pa'i smon lam lhun gyis grub ste/ ji skad du dpal sangs rgyas thams cad mnyam par sbyor ba las smon lam grub pas 'gag pa med pa'i chas mchog can zhes gsungs so/ /de bzhin du 'phags pa sdong po bkod pa las kyang/ sngon chad smon lam mdzad pas gzugs kyi skur yang snang zhes gsungs so/ /lha'i dbang po de lta bas na/ sangs rgyas bcom ldan 'das rnams kyis snod ji lta ba bzhin du sems can gyi don mdzad pa dang/ ji ltar 'dul ba bzhin du sems can gyi don mdzad pa dang/ mos pa ji lta ba bzhin du sems can gyi

  546. 273b

    don mdzad pa yin par shes par bya ste zhes bya ba ni dbang po rim pa dang/ skye ba tha dad pa dga' ba dang/ gzugs tha dad pa la dga' ba rnams de bzhin du sbyor ba ste/ de ltar yang rnam par snang mdzad mngon par rdzogs par byang chub ba las gsungs pa/ de nas yang bcom ldan 'das la/ /gsang ba'i bdag po phyag na rdo rje 'khor 'dus ba de nyid na 'dug pas 'di skad ces gsol to/ /bcom ldan 'das ji ltar de bzhin gshegs pa dgra bcom pa yang dag par rdzogs pa'i sangs rgyas rnams kyis rnam pa thams cad mkhyen pa'i ye shes brnyes nas thams cad mkhyen pa'i ye shes de sems can rnams phye ste/ tshul sna tshogs dang bsam pa sna tshogs dang thabs sna tshogs dag gis ston cing/ kha cing la ni nyan thos dag gi theg pa'i tshul/ /kha cig la ni rang sangs rgyas kyi theg pa'i tshul/ /kha cig la ni theg pa chen po'i tshul kha cig la ni mngon par shes pa lnga'i tshul/ /kha cig la ni lhar skye bar bya ba dang/ kha cig la ni mir skye bar bya ba nas/ kha cig la ni lto 'phye chen po dang/ klu dang gnod sbyin dang dri za dang/ lha ma yin dang nam mkha' lding dang mi 'am cir skye bar bya ba'i bar du chos ston lags/ de la sems can la las sangs rgyas kyi gdul bar bya ba dag gis ni/ sangs rgyas kyi gzugs su mthong la las kyi nyan thos kyi gzugs su mthong/ la las ni rang sangs rgyas kyi gzugs su mthong/ la las ni byang chub sems dpa' i gzugs/ la las ni dbang phyug chen po'i gzugs su/ la las ni tshangs pa'i gzugs su/ la las ni sred med kyi gzugs su/ la las ni rnam thos kyi bu'i gzugs su/ la las ni lto 'phye chen po dang/ mi dang mi ma yin pa'i bar du mthong ste/ rang rang gi tshig brjod pa'i tshul dag dang sbyor lam sna tshogs mthong la/ thams cad mkhyen pa'i ye shes de yang 'di ltar de bzhin gshegs pa'i rnam par grol ba'i ror ro gcig pa lags zhes bya bar la sogs pa gsungs so/ /'di la the tshom dang som nyi dang yid gnyis ma byed cig

  547. 274a

    ces bya ba ni tshad ma rnam gsum gyi yul la 'am/ thos pa la sogs pa'i shes rab gsum gyi dus la 'am/ 'jug pa la sogs pa'i spyod pa gsum gyi bdag nyid la the tshom la sogs pa spongs shig ces bya'o/ /yang na 'dir the tshom ni bstan pa yin la/ som nyi dang yid gnyis ni rnam grangs kyi bshad pa'o/ /ci'i phyir the tshom la sogs pa mi bya snyam pa la/ gang de bzhin gshegs pa rnams kyis 'dul bar mi 'gyur ba ni gnas ma yin no zhes bya ba smos te/ de'i rgyu mtshan yang rnam pa du ma sngar bshad zin to// //de ltar gleng bslang ba bshad nas/ da ni gleng bslang bas mgo drangs pa'i yongs su shes par bya ba rgyud kyi dngos po bshad de/ de nas lha rnams kyi dbang po brgya byin zhes bya ba nas brtsams te/ 'di skad ces gsol to zhes bya ba'i bar du smos te go sla'o/ /nyan thos la sogs pa'i rigs can rnam pa lnga'i dbang ngam yang na las dang po dang ye shes cung babs pa dang/ ye shes la dbang thob pa dang ye shes yang dag par dbang thob pa rnams/ gong nas gong du sangs rgyas kyi sa thob par bya ba'i phyir ram/ dmyal ba dang dud 'gro dang yi dags dang mi rnams dang lha rnams la phan gdags pa'i phyir sems can thams cad la phan pa nyid du bgyi ba dang zhes bya ba nas bde bar gshegs pa bdag spobs pa bskyed du gsol zhes bya ba'i bar du smos te/ de las spobs pa bskyed pa ni/ shes rab kyi 'bras bu so sor smra ba la thogs pa med par bya ba'o/ /bcom ldan 'das sum cu rtsa gsum gyi lha'i ris 'di nyid nas zhes bya ba nas/ kha spub tu dgyes zhes bya ba'i bar la/ dus las 'das nas dgung bdun lags na zhes bya ba ni 'dzam+bu'i gling kho na'i zhag bdun te/ tha snyad rnams ni gling 'dis rnam par bzhag pa yin la/ 'di nyid las kyang 'dzam+bu'i gling na gnas pa'i sems can sdig pa'i chos la kun tu spyod pa zhes bya ba la

  548. 274b

    sogs pa gtsor byas pa'o/ /gang dag lha'i zhag bdun dang/ mi'i lo 'khyud khor bdun du smra ba dang/ mi'i zhag bzhi bcu rtsa dgur smra ba rnams ni/ rang gi rtog pa ngan pa'i dri ma ngan pa'i rtog pa kho nas dri ma can du byas ba zad de/ lhag ma ni go bar sla'o/ /gnas skabs 'dir ni rgyud phyi ma las/ de nas tshangs pa la sogs pa'i lha'i tshogs rnams kyis/ bcom ldan 'das phyag na rdo rje la 'di skad ces gsol to/ /zhes bya ba nas/ 'khor gyi dkyil 'khor gang yin pa de ni gzhan yin par mi lta ste lha'i 'khor 'di nyid yin no// zhes bya ba'i bar du gsungs par sbyar te/ tshig gi don ni go sla'o/ /'o na ci'i phyir rgyal po de mtshams med pa byas pa bzhin du/ shi ma thag tu lha'i gnas su skyes/ de lta na ni nges par dang skye gnas myong bar ma gyur to zhe na/ 'di ni 'gyod cing rab tu gshegs pa'i mthu dang rigs la gnas pa'i mthu yin te/ las ma rungs pa byas pa yang 'gyod cing bshags pas dag cing byang bar 'gyur te/ ji skad du gsungs pa yang shin tu mi zad pa yid las rnams byas pa dag/ bdag la rnam par smad pa bsrabs bar 'gyur/ /rab tu bshags dang sdom pa byas pas na/ /de dag rtsa nas 'don par ngas bshad do zhes so/ /thob pa'i rigs las gzhan pa lhan cig skyes pa'i mthu yod pa yang sdig pa'i 'bras bu rab tu stobs chung ste/ ji skad du mdo sde rgyan las ring mo zhig nas ngan song du/ 'gre zhing myur du zad pa dang/ de na'ang sdug bsngal chung ngu myong/ /skyo bcas sems can yongs smin ces gsungs te/ de bas na rgyal po lus mi bde ste/ /mtshams med pa byas su zin kyang las de lan grangs gzhan la myong bar 'gyur gyi/ skyes ma thag tu ma yin la lan grangs gzhan la yang mi'i zhag bdun kho nas rnam par smin pa dang bral bar 'gyur te/ dga' ldan du skyes par gyur to/ kha cig na re zhag bdun yang srid pa bar ma do'i gnas skabs yin no zhes zer ro/ 'di la ni lung dang sgrub

  549. 275a

    par byed pa ci yang med do/ /srid pa bar ma dor ni ring du gnas pa dus ma yin pa shi ba kho na'i dbang du byas pas/ 'phags pa de bzhin gshegs pa bdun gyi sngon gyi smon lam gyi khyad par rgyas pa zhes bya ba theg pa chen po'i mdo las rab tu gsal bar gsungs la/ lha'i bu de ni dus ma yin par shi ba zhes bya ba 'di ga la shes/ de'i phyir 'di lung nges pa dang/ bla ma'i man ngag med pa rang gi yid kyi spyod par shes pa kho na smras par zad/ de bas na sems can dmyal bar mi'i zhag bdun skyes la/ ji ltar lung bstan pa'i lo 'bum dang drug khri dang drug stong gi lhag ma ni gsang sngags kyi mthus bcom par zad do/ /de nyid kyi phyir gsang sngags yon tan sna tshogs bsam mi khyab ces lha'i bu de nyid kyis smras la/ gal te de med kyang sngar brjod pa'i mthu nyid kyis/ yun ring zad cig tu sdug bsngal bar zad de/ sems can dmyal ba'i tshe tshad mthar phyin pa ni shin tu ring ste/ chos mngon par ji skad du bshad pa lta bu'o/ /des na de nas langs nas yang 'di skad ces gsol to zhes bya ba nas/ bla na ma mchis pa yang dag par rdzogs pa'i byang chub thob bar 'gyid pa'i slad du bshad du gsol/ zhes bya ba'i bar du ni go sla'o/ /de nas bcom ldan 'das kyis zhes bya ba nas phan pa dang bde ba thams cad 'byung bar 'gyur ro zhes bya ba'i bar du smos pa ni/ gang sngags bstan pa ste/ de la de nas bcom ldan 'das kyis zhes bya ba nas/ sa ma ya hUM zhes bya ba'i bar du ni/ 'khor dam tshig can du byin gyis brlab ste/ rig sngags 'chang gis kyang slob ma rnams sngags 'dis sta gon la gnas pa'i dus su thun mong gi dam tshig g.yon sam thag tu dam tshig can du byin gyis brlab pa'o/ /snyoms par zhugs nas kyang zhes bya ba la sogs pas ni bdag po'i sngags ston te/ gdon mi zar 'joms pa ni rnam par

  550. 275b

    mi rtog pa'i ye shes yin la/ de nyid mi phyed pas na rdo rje ste/ de'i byin brlabs kyis byin brlabs pa ni des gzhan yang gsang sngags de'i snod du byas pa'o/ /ngan song gi rgyud kyis bcings pa ni/ las dang nyon mongs pa 'bras bu dang bcas pa ste/ de chad pa ni spangs pa'o/ /ngan 'gro ni de dag gi lus yin la/ de dag thams cad sbyangs pa ni bor bar gyur pa ste/ de'i phyir sdug bsngal mi zad pa rnams rab tu zhi ste zhes bya ba smos so/ /de nas bral ba'i thob pa ni skye bo mang po bde ba dang ldan par 'gyur ro zhes bya ba ste/ lha dang mi'i lus thob pa'o/ de nas gzhan yang gsang ba'i snying po 'di gsungs so zhes bya ba ni snying po nyid gsang ba ste/ gsang sngags nyid ming gzhan gyis bstan pa yin la/ de yang man+t+ri gu b+ha b+ha Sha ne zhes 'dod pa'i phyir ro/ /snying po la sogs pa'i don yang 'og nas 'chad par byed do/ /lhag ma ni go sla'o/ /snying po rang nye ba'i snying po zhes bya ba ni 'dir snying po ni lha te snying por bsgrub bar bya ba'i phyir ro/ /de dang nye bar byed pa'i snying po ni de thob par byed pa ste/ oM trab zhes bya ba ste/ lhag ma ni go sla'o/ /rtsa ba'i rig pa'o zhes bya ba la/ 'di nyid rgyud kyi bdag po'i sngags yin pas/ 'di bzlas pas lha thams cad kyi sngags bzlas par gyur pas na rtsa ba'o/ /de yang slong ma dbang bskur ba la sogs pa'i tshe/ 'di nyid dang por bcas pa la 'bum 'bum dang lhag ma rnams la khri khri bzla'o/ /yang na 'di gnyis la 'bum bzlas pas las thams cad bya'o/ /oM sarba bid sarba a wa ra Na zhes bya ba la sogs pa la/ 'dis ni dbang bskur ba dang/ ro byin gyis brlabs pa dag bya'o/ /de la kha cig na re sngags dang po ni dkyil 'khor mthu bskyed pa'o/ /gnyis pa lngas ni dkyil 'khor byin gyi brlab pa'o/ gsum pas ni dkyil 'khor gnon pa'o/ /bzhi pa bcus ni dkyil 'khor du phyag rgya dgod pa'o/ zhes zer ro/ /om sha oM b+ha zhes bya ba gnyis ni mngon par byang chub pa'i rim par brjod par byed pa ste/ de yang dang po ni stong pa nyid ston par byed pa yin la/ gnyis pa ni

  551. 276a

    zla ba'i cha la sogs pa lhag ma rnams 'dren par byed pa ste de yang rgyud 'dir dam tshig sems dpa' gnyis te/ de bzhin gshegs dang sems dpa' rnams te/ de la de bzhin gshegs pa'i dam tshig sems dpar bya bar 'dod na de'i rim pa ni 'di yin te/ dang por snod du gyur pa'i sngags pa mkhas pas mal nas langs te shes rab kyi pha rol tu phyin pa glags pa 'am/ cung zad bzlas te/ de nas ji ltar rigs par lus kyi bya ba byas la gtor ma byin te/ mchod pa'i yan lag bkod nas stan 'jam zhing bde ba la 'dug ste/ bdag gi lus skad cig gis rdo rje khro bo mdog sngon po rdo rje dang sdig mdzub zhags pa can/ 'jigs su rung bar bsams te/ oM A big+h+naM ta krita hUM phaT ces bya bas chu 'am thal ba 'am yungs kar la bzlas te gtor bas/ bdag dang gnas dang rdzas rnams bsrung bar byas te/ las kun byed pa'i gsang sngags kyi/ yang na bgegs kyi dgras kyang rung/ /nges par yungs kar sogs pas/ /dang po kun tu gsal bar bya zhes gsungs la/ sgrub pa pos ni dang po ru/ /khro bo'i rgyal pos bshad? bar bya/ /zhes gsungs pas 'dir bskrad pa dang/ bsrung ba'i las thams cad de nyid kyis bya'o/ /kha cig na de 'phags pa de kho na nyid 'dus pa las rdo rje sems dpa' i mtshan tsam zhig/ lan cig tsam yang brjod gyur na/ /'di ni srung brtag chen po/ /skad cig dngos grub thob 'gyur zhes/ /bcom ldan rdo rje 'dzin pas gsungs/ /zhes bya ba la sogs pas rgyud 'dir bsrung bar bya'o zhes zer ro/ /kha cig na re lag pa gnyis thal mo khong du byar la/ mdzub mo gnyis dang srin lag gnyis nang du bkug la bcug ste/ mthe bong dang mthe chung cung zad bkug /gung mo dang srin lag phyung la bsgreng ngo/ /phyag rgya 'di gsang sngags 'dis byin gyis brlab cing/ na ma sa man+ta bud+d+hA nI/ be lU phu ri/ baM ku ru ri bi ku le swAhA de nas phyag rgya de nyid la gnas bzhin du nams

  552. 276b

    man+ta bud+hA nAM/ sarba trA ya nu ga d+he batshta ya sI sI ma na/ mahA sa ma ya ni ra dza de/ sma ra n+ya pra rti ta te/ d+ha ka d+ha ka tsa ra tsa ra/ band+ha band+ha ra sha di shi ni/ sarba ta thA ga ta/ a nu dzA de/ pra ba ra d+harma labda/ bi dza ye b+ha ga wa te/ bi ku ri bi ku li/ li'u pu ri swAhA zhes lan bcu brjod pa'i mtshams bcad pa 'am rab tu rgya che ba'i mtshams la sog pa'i cho ga sbyar ro zhes zer te/ rgyud 'di las de lta bu'i bsrung ba ni ma gsungs kyi/ 'jig rten gsum las rnam rgyal gyis/ /bdag bsrung la sogs byas nas kyang/ /zhes gsungs pas/ srung ba dang po nyid bya bar shes la/ gzhan yang gnod pa ni med do/ /srung ba dang po yang/ na ma sa man+ta badzra nAM ha ha ha bi sma ye/ sarba ta thA ga ta/ bi sha ya saM b+ha ba/ tai lo kya bi dza ya/ hUM dza swAhA zhes bya ba sbyar ba sngags so/ /de nas swa b+ha ba bi shu ? sarba d+harmA/ swa b+ha ba shud+d+ho haM zhes brjod cing/ da ltar mos par byas la lag pa gnyis mdun du rtse sbrang nge bzhag la gnyi ga'i mthil du yang a las zla ba'i dkyil 'khor la/ g.yas dang g.yon du hUM dang a sngon/ sngon po dang dkar po dag bsams te/ gnyi ga dbyings kyi yi ge bcu drug gis gang bar byas la/ mthe bong la sogs par oM hUM h+ri traM/ a zhes bya ba'i mdog ji lta bur bkod la yi ge de dag nyid de bzhin gshegs pa rnams yin par mos shing/ mthe bong la sogs pa yin par mos la/ lag pa g.yas g.yon skye ba dang mya ngan las 'das pa yin par mos la/ chos kun phan tshun rjes su 'jug/ chos kun tha dang rjes su 'jug/ chos kun rjes su 'jug pa ste/ /mdza' bral rjes su 'gro ba'o/ /zhes bya bar mos bas/ sor mo rnams rtse bsnol te/ oM a n+yo n+yA nutga ta/ sarba d+harma zhes brjod cing bsdams la/ yang phye ste zla ba'i yig 'bru gnyis rdo rjer gyur par bsams la/ oM tiSh+Tha badzra zhes brjod pas/ lag pa la thim par byas te ci bder bya'o/

  553. 277a

    de nas yang mgrin par yi ge h+ri dmar po las byung ba'i pad+ma dmar po 'dab ma brgyad pa'i lce'i 'dab ma hUM las rdo rje bsams te/ badzra dzaM hwa zhes brjod pas thim par bya'o/ /de nas phyogs bcu na bzhugs pa'i sangs rgyas la sogs pa la phyag bzhi bya ba dang/ yon chab dang bcas pa'i mchod pa lnga 'og nas 'byung ba lta bus mchod pa dang/ sdig pa bshags pa dang/ bsod nams la rjes su yi rang ba dang/ bskul ba dang gsol ba gdab pa dang/ sngo ba dang byang chub sems bskyed pa byas la/ 'phags pa de kho na nyid 'dus pa las bshad pa'i byams pa la sogs pa cung zad bsgoms pas bsod nams kyi tshogs bsags te/ de nas ye shes dbab pa'i dbang gis ye shes kyi tshogs rdzogs par byas te/ oM badzrA ? oM badzra band+ha/ oM badzra band+ha traT/ 'dir chos rnams ni bden pa gnyis phan tshun brten pa dang/ de yang don dam pa gtsor gyur pas/ des bcings pa dang/ de shes na kun rdzob dral cing mi dmigs par byas pa ste/ de nyid rab tu brtan par bya ba'i phyir/ oM a be sha ya a zhes bya bas lhag par skye ba med pa las kun tu gnas par bya'o/ /de nas slar de las langs te/ rnam par smin pa'i lus su gnas pas/ oM sha zhes bya bas bstan pa'i stong pa nyid la sogs pas mngon par byang chub pa bsgoms te/ de yang bdag nyid de ltar tshogs rnam pa gnyis rdzogs pas de'i rnam par smin pa'i gnas 'og min nyid du skyes shing/ sa bcu pa la gnas pa dang/ dbang bskur ba thob par bsams la/ 'og min nas dga' ldan du babs par bsams te/ de nas kyang 'dzam+bu'i gling du babs la/ gzhon nu'i spyod pa rdzogs par byas nas mngon par byung ste/ dka' ba spyod pa'i lus des/ mi lcogs pa med pa dang/ bsam gtan dang po dang/

  554. 277b

    bsam gtan khyad par can dang/ bsam gtan gnyis pa nas srid pa'i rtse mo'i bar du rigs kyis snyoms par zhugs la/ rim bzhin du babs te/ slar thod rgal du 'jug pa dang babs pa'o/ /de nas yang mi lcogs pa med pa nas bsam gtan bzhin pa'i bar du rim par du rim gyis zhugs te/ de nas bsam gtan bzhi pa'i che 'bring dgu las/ chen po'i chen po la gnas pa las yid kyi lus kyis slar 'og min du song ste/ der yang mi g.yo ba'i ting nge 'dzin la gnas pa la/ sangs rgyas thams cad kyis lung byin pas/ sems so sor rtog pa dang/ zla ba'i cha dang rdo rje dang/ sku rdzogs pa rnams bsgoms te/ 'dir zla ba'i cha dang po ni che cig pa dang nya gang yang rung ba'o/ /da nas oM sarba ta thA ga ta ma hA sa ma ya satwa haM zhes bya ba dang/ byang chub chen por mos pa dang/ sku gsung thugs byin gyis brlabs pa dang/ de dag gcig tu mos pa dang/ oM sa ma ya haM zhes bya ba dang/ sa ma yo haM/ yang sa ma yo haM zhes pa dang/ cho ga lhag ma gnyis kyis kyang byin gyis brlabs pa'o/ /de nas badzra ratna brjod cing dbang bskur la/ phyag rgyas te gsang ba'i mchod pa brjod do/ /de ltar don 'di snyed cig sha dang bas na mtshon pas na/ gsang sngags kyi lam 'di ni/ bla ma'i kha nas rtogs par bya'i/ gzhan du ma yin no/ /da ni de bzhin gshegs pa'i rigs kyi dam tshig sems dpa' i bya ba bshad de/ de yang ye shes dbab pa'i rim pa ni chos mnyam pa nyid kyi ngang las rjes las thob pa'i nga bo'i snying rjes mtshams sbyar nas/ zla ba'i ngo bor byas te/ gsal bar byas la de'i dbus su bris pa ltar gnas pa'i rang gi snying po bsams la/ oM sa ma ya stwaM zhes brjod do/ /oM badzra satwa a zhes pas phab la/ rang gi lha'i mtshan mar gyur pa dang/ oM badzra at+ma konya zhes bya ba la sogs pa'i nga rgyal byas te/ de nas dza(rgyud 'grel): hUM baM ho/

  555. 278a

    zhes brjod do/ /rang gi sems dpa' i gzugs su gyur par bya ba ni/ oM mahA sa ma ya satwa haM zhes bya bas me lce mang po 'khrugs pa'i sbyor ba las/ rang gi lha'i skur gyur par brtag cing/ oM mahA sa ma ya satwa haM zhes bya ba dang/ oM sa ma ya stwaM zhes bya ba dang/ rgyab tu zla ba grub par bya ste/ de nas oM su ra ta stwaM zhes bya ba dang/ oM sa ma ya haM/ oM sa ma ya satwa d+hi tiSh+Tha swa maM zhes bya ba dang/ de nas oM badzra muSh+Ti zhes brjod la/ oM satwa badzra Ni stA nAM zhes/ gnas pa grub par byas la/ oM badzra d+hA twI sha ri hUM/ badzra ratna b+hi Shiny+tsa maM zhes brjod de/ oM badzra d+hA tu zhes pa dang/ oM badzra badzra Ni hUM a b+hi Shiny+tsa maM/ oM ratna badzri Ni hUM a b+hi Shiny+tsa maM/ oM d+harma badzra Ni hUM a b+hi Shiny+tsa maM/ oM karma badzra ni hUM a b+hi Shiny+tsa maM/ oM a k+Sho b+hya(rgyud 'grel): oM ratna sa b+ha wa/ oM a mi ta b+ha ba oM a mo g+ha sid+d+hi oM badzra b+hA tu zhes dpa' bo'i nga rgyal bya ba dang/ de nas gsang ba'i mchod pa brjod de/ de ltar bstan pa ni rgyud 'di nyid las/ chos rnams thams cad dngos med par/ /sems kyi bsam pa byas nas ni/ /a las zla ba'i dkyil 'khor bsam/ /zhes bya ba la sogs ston to/ /da ltar dam tshig sems dpa' i gnyis las gang yang rung ba zhig tu bdag nyid bsams te dang por oM thams cad rang bzhin gyis bdag go zhes brjod do// /de'i don gyis chos thams cad stong pa nyid du mos pas bdag nam mkha' la gnas te/ bdag gi sems kyi dbang tsam las/ dang po rlung dang chu dang dbang chen nag po dang sngon po dang dkar po dang ser po yi ge yaM dang baM dang laM dag las byung ba bsams te/ de'i dbus su kaM gi yi ge ser po las byung ba'i rus spal gyi rgyab nas yi ges ser po las byung ba'i pad+ma ser po tshad med pa'i lte bar yi ge suM dkar po las

  556. 278b

    ri rab chen po rin po che'i sna bzhi/ rin po che thams cad kyis spras ba/ rtse mo brgyad pa lhun bstug cing gzi mdangs bzang por bsams la/ de'i steng du dga' ba'i tshal nyid du mos par byas la/ 'chad par byed pa las gsungs pa'i gzhal yas khang chen po sngar lha rnams bshad pa'i skabs su bstan pa'i gdan dang gnas nges par bsams te/ de'i shar phyogs kyi sgo la brten par bdag nyid gnas la/ lha rnams ma lus pa'i rang rang gi sngags brjod pas rang rang gi sku grub par bya zhing/ de nas mchod pa'i skabs nas bshad pa ltar dgug pa la sogs pa byas te/ khang pa brtsegs ma'i nyen khor du byon pa legs par brtags pa dang bcas pa ni/ phyag rgya chen po'o/ /snying khar las kyi rdo rje bsgom pa ni las kyi phyag rgya'o/ /ljags la yi ge h+ri nyid bsgom pa rdo rje dang bcas pa ni chos kyi phyag rgya'o/ /rgyud 'di las ji skad gsungs pa'i rtsa ba'i lha'i phyag rgya ni/ dam tshig gi phyag rgya'o/ /kha cig na re de dag nyid las so zhes zer ro/ /rim pa yang phyag rgya chen po dang dam tshig chos dang las dag go /de bas na rgyud 'di'i phyag rgya ni 'di tsam du zad la/ 'di tsam kho nar rnal 'byor gyi rgyud gzhan las kyang gsungs pa snang bas 'di la mi 'thad par mi brtag go /phyi rol dang shin tu phyi rol gyi lha rnams ni/ mchod pas tshim par bya'i nges par rang gi lha'i cho ga ma lus par spyad pa med do/ /de nas mchod pa'i tshul 'di 'chad par byed pa las gsal lo/ /mchod pa byas nas thams cad bdag gi rjes su spyod pas/ gsang sgrib pa rnams rim gyis spangs nas so/ /de bzhin gshegs pa thams cad kyi rigs sam/ zhes bya ba ni bram ze dang rgyal rigs te/ rigs gzhan du ni de bzhin gshegs pa mi 'khrung bas so/ /lha'i rigs sam zhes

  557. 279a

    bya ba ni/ rgyal po chen po bzhi'i rigs la sogs pas so/ /gzhan gang yang rung bar bde ba myong bar 'gyur ro zhes bya ba ni gang du skye bar 'dod pa der skyes te ji skad du/ mi mchog gang zhig kun spyod pa/ /sdig pa thams cad rnam dag bdag /de bzhin gshegs pa'i sa thob cing/ /skye dang skye bar bde gshegs kyi/ /rigs 'gyur chos ldan rgyal por 'gyur zhes pa dang/ yang ji skad du yang na gsang sngags rgyal po'i mthus/ gnas ni gang du bsam pa dag /de dang der ni de'i tshe/ /skye bar 'gyur bar dogs pa med/ /ces gsungs pa lta bu'o/ /de dag gis ni de ltar na rigs kyi bu dngos grub gnyis bstan to/ /lhag ma ni go sla'o/ /de nas lha rnams kyi dbang po brgya byin gyis zhes bya ba nas/ dkyil 'khor chen po 'di gsungs so/ /zhes bya ba'i bar du yang go sla'o/ /sangs rgyas kun gyi byang chub sems/ bla na med pa rtogs gyur pa/ /rgyal bas gsungs pa'i ye shes gang/ /de nas dkyil 'khor snying por gsungs/ /zhes bya ba ni nang gi dkyil 'khor dam pa ste/ 'dir sangs rgyas kun gyi zhes bya ba ni dus gsum du bzhugs pa rnams kyi'o/ /byang chub ni chos kyi dbyings te/ byang chub nam mkha' i mtshan nyid de/ /kun tu rtog pa thams cad spangs/ /zhes bya ba gsungs so/ / de nyid sems te 'jig rten dang 'jig rten las 'das pa'i yon tan sna tshogs pa'i gzhir gyur pas so/ /de nas nyan thos dang rang sangs rgyas rnams kyi spyod yul ma yin pas na bla na med pa'o/ /de thabs gang gis rtogs/ par 'gyur ba'i rnam par mi rtog pa'i ye shes gang yin pa rgyal ba sangs rgyas bcom ldan 'das kyis gsungs pa/ de ni ming don dang ldan pa/ dkyil 'khor zhes bya bas brjod do/ /ming gi don nyid ci zhe na/ snying por gsungs zhes bya

  558. 279b

    ba ste/ mar gyi dam pa ni mar gyi snying po bzhin no/ /'di phye ste brjod na ni dkyil ni rnam par mi rtog pas snying por bstan la/ 'khor ni rdzogs par skad kyi dbyings las 'dron te/ de bas na rnam par snang mdzad mngon par byang chub pa'i rgyud las/ dkyil ni snying po'o// 'khor ni rdzogs pa'o zhes gsungs pa legs par drangs pa yin no/ /de bas na dkyil 'khor ni gang don dam pa'i bden pa'i ngo bo gang la sems rgyu ba yang med na yi ge rnams lta smos kyang ci dgos zhes gsungs pa nyid yin no/ /lhag ma ji lta ba bzhin du sprul ba dang gzugs brnyan dag ci brtags nas dkyil 'khor nyid du rnam par bzhag go /don 'di nyid dkyil 'khor yin par ni/ zla gsang thig le'i rgyud las kyang/ /yan lag thams cad bsgom las 'das/ /rtog dang mi rtog kun spangs pa/ /bden dang tshig las yang dag 'das/ /'di ni dkyil 'khor mchog ces bya zhes gsungs so/ /'o na 'di lta bu'i nang gi dkyil 'khor 'dir bstan pa ci la dgos she na/ 'di ni phyi'i dkyil 'khor la mi ltos par bya ba dang/ slob dpon dang slob ma dmigs pa can phyi'i dkyil 'khor la stod pa de dag kyang/ dang po nas byang chub sems yid la byed cing/ sa sbyangs pa la sogs pa'i phyi'i dkyil 'khor gyi las bya bar dgongs pas na 'di gsungs so/ /ci 'o na nang gi dkyil 'khor la mi ltos pa yin nam zhe na/ mi ltos pa yin te stong pa nyid la goms pa dag la phyi rol gyi dkyil 'khor bya ba dag gis ci zhig bya ste/ rdul mtshon la sogs pa'i bya ba ni dmigs pa can dag gi ngo bor gyur pa ste/ de ltar yang rnam par snang mdzad mngon par rdzogs par byang chub pa'i rgyud las gsungs pa/ de nas phyag na rdo rjes bcom ldan 'das kyi zhabs la btugs? te/ bcom ldan 'das la 'di skad ces gsol to/ /sangs rgyas mtshan ma mi mnga' ste/ /chos kyi sku la rnam par bzhugs/ /mtshan med 'dus ma byas pa ni/ /mtshungs pa

  559. 280a

    med pa'i chos ston na/ /dpa' bo chen po ci slad du/ /mtshan mar bcas pa'i cho ga 'di/ /gsang sngags spyad la ston par mdzad/ /'di ni chos nyid tshul ma lags/ /de skad gsol nas bcom ldan 'das/ /rnam par snang mdzad chen po yis/ /de tshe phyag na rdo rje la/ /chos kyi mtshan nyid 'di nyid gsungs/ /chos ni rtog dang bral ba ste/ /kun rtog thams cad spangs pa yin/ /de la sems dang sems byung gi/ rtog pa rab tu spong ba yin/ /nga yi chos mngon sangs rgyas pa// de ni mkha' las gyur ba ste/ /logs par rtog pa'i spyod yul ba/ /byis pa rnams kyis mi shes so/ /yul dus mtshan ma la sogs pa/ /mun gyis bsgribs pa rnams 'dod do/ /de dag gzung bar bya ba'i phyir/ /cho ga 'di yang brjod pa yin/ /yul med dus kyang med pa ste/ /bya ba med cing byed pa yang/ /chos rnams kun la yod med de/ /chos rnams nyi tshe 'ba' shig go /gsang ba'i bdag po 'on kyang sems can dag gi blo zhen cing/ /bya ba tsam gyis rmongs pa dang/ /dngos po'i don la chags pa rnams/ /ma 'ongs dus na 'byung 'gyur te/ /'di lta'i tshul ni mi shes pas/ /yul dang dus dang bya ba las/ /dge dang mi dge'i mtshan ma yis/ /rmongs pa 'bras bu 'dod byed de/ /sems dpa' chen po de dag phyir/ /cho ga 'di ni brjod pa yin zhes so/ /stong pa nyid la gnas pa la dngos grub rnams 'dod pa tsam gyis 'byung bar de nyid las gsungs te/ gsang ba'i bdag po nas byang chub sems dpa' mtshan ma med pa'i ting nge 'dzin la gnas par gyur pa de'i tshe/ /de la de bzhin gshegs pa'i gsang sngags rnams mngon du phyogs shing gzhol bar 'gyur ro zhes so/ /de bzhin du sa sbyang ba la sogs pa dkyil 'khor gyi las ma lus pa yang

  560. 280b

    byang chub kyi sems yid la byed pas bya ste/ de nyid las gsungs pa sa ni dang por shes byas te/ sems kyi sar ni gsungs pa yin/ /sbyang ba sngar ni bstan pa ste/ /de yis de ni yongs su sbyang/ /nam zhig nyes dang bral ba ni/ /sems kyis ni mi 'jigs pa/ /de tshe de ni dag pa ste/ /nyes pa thams cad rnam par spangs/ /mngon par byang chub mthong bas na/ /de ltar de ni bstan zhes bya/ /de la gzhan du sa sbyong ba/ de ni dag par mi 'gyur ro/ /sngags pa rtog la gnas nas su/ /gang zhig sa sbyong byed pa ni/ /byang chub sems ni rnam spangs pas/ /gsang ba'i bdag po de mi dag /de bas rtog pa rnam spangs nas/ /sa kun rnam par sbyang bar bya/ /nga yi dkyil 'khor rnams kyi ni/ /cho ga rgyas par gang bstan pa/ /de dag thog mar bstan pa ni/ /rmongs pa rnams kyis mi shes te/ /rtog pa sdug bsngal rgyur gyur pa/ /ji srid ma spangs par du ni/ /'jig rten 'di na sangs rgyas min/ /kun mkhyen ces kyang mi bya'o/ /slob ma rnams ni nan tan du/ /byang chub sems kyis sbyang bar bya'o/ / zhes so/ /yang de nyid las gsang ba'i bdag po gzhan yang byang chub sems dpa' gsang sngags kyi sgo nas byang chub sems dpa' i spyad pa spyod pa rnams kyis/ byang chub kyi sems kyi yid kyis de bzhin gshegs pa'i sa la gnas te/ dkyil 'khor bri bar bya'o/ /gzhan du byas na sangs rgyas dang byang chub sems dpa' dang byang chub kyang bslus par 'gyur ro/ /dam tshig las 'das pas nges par ngan song du 'gro bar 'gyur ro/ /zhes gsungs so/ /de bas na nang gi dkyil 'khor spros pa med pa 'di/ phyi'i dkyil 'khor gyi dang por nan tan du gsungs pa'o/ /de nas yang zhes bya ba la sogs pa ni go sla'o/ /kun dga' sogs zhes bya ba la sogs pa ni sa mdor bstan pa ste/ rgyas par ni ji skad du gsungs pa'o/ /de nas gzhan

  561. 281a

    yang bshad par bya/ /gang tshul mthong na dge ba yi/ /sa dang mi dger bsgrags pa yi/ /sa'i cha yi mtshan nyid de/ /mtho dman dang ni tsher mas gang/ /thob pa yis ni 'thabs pa dang/ /gang pa dong dang nag por gnas/ /sprul dang grog tshang thal ba'i steng/ /sreg ma rdul dang sgra dang ni/ /'bu dang srin bu 'khrug pa ste/ /'di 'dra'i sa ni mkhas pa yis/ /las kun la ni rnam par spangs/ /cha mnyam shin tu gtsang zhing 'jam/ /gting zug skyon ni rnam spangs pa'i/ /byang shar dang ni shar nyid kyi/ /sa ni kun la bsngags pa yin/ /dang por pus mo tsam rkos la/ /sa de nyid kyis dgang bar bya/ /gal te de nyid lhag gyur na/ /de ni grub par gyur par bstan/ /'di las bzlog na sgrub pa pos/ /las ni brtsams par mi bya ste/ /brtsams na sdug bsngal thob 'gyur zhing/ /dpal du yang ni mi 'gyur ro/ /skye bo bzang po mang ba dag /dkyil 'khor sa ni gang yin par/ /de bsngags dngos grub byed pa ste/ /chu med pa ni mkhas pas smad/ /chu dang ljon shing sna tshogs dang/ /lo ma me tog 'bras bu snang/ /'o ma can gyi shing yod pa/ /de ni dkyil 'khor sa ru bsngags/ /yon tan kun dang ldan pa'i sa/ /bzang po shing dang bcas pa dang/ /chu dang nye ba'i sa la ni/ /dkyil 'khor las de de ru'o/ /zhi bar byed pa'i las kyi sa/ /kha dog dkar por yongs su brtag /dmar dang ser la rgyas ba'i don/ /nag po la ni mngon spyod do/ /gang+gA'i 'gram dang pad+ma'i tshal/ / chu bo che dang nye ba 'ang rung/ /ne'u gsing dang ni nyams dga' bar/ /zhi ba'i dkyil 'khor bro bar bya/ /ma mo'i gnas sam dur khrod dam/ /skye bo med dang khang stong dang/ /gang yang mngon par mi 'dod pa'i/ /phyogs de rnams su mngon

  562. 281b

    spyod de/ /re rtse pa men ba lang gi /lhas dang mchod rten gdung bcas khyim/ /'di'i lta bu la sogs phyogs su/ /rgyal po'i dkyil 'khor bri bar bya/ /mchod rten che dang nyams dga' bar/ /rnam par dbyen pa'i khang ba dang/ /ri rtse rnams su rgya chen po/ /grub par bya phyir dkyil 'khor bri/ /ri dang gling ngam mkhar dang ni/ /mtho sa dang ni pug thag tu/ /dpal gyi sgo ni 'dod pa yis/ /sa 'og rdo rje dkyil 'khor bri/ /chu skyes rgyas pa'i nag tshal ni/ /ngang pa'i tshogs kyis sgra sgrog skad phyung bar// rgyal srid 'dod dam nor 'dod pas/ /dpal 'byor kun gyi dkyil 'khor bri/ /ma mo'i gnas dang lha rten nam/ /lha'i khang pa 'ang rung bar ni/ /rdo rje lcags kyus gzung dbab dang/ /gzhon pa'i dkyil 'khor bri bar bya/ /lam chen bzhi med mchod rten dang/ /phyag na rdo rje'i spyan snga rus/ /khro bo'i rgyal po bgegs kyi ni/ /dkyil 'khor sgrub pa po yi bri/ /de bzhin gshegs pa'i bzhugs gnas dang/ /gtsug lag can dang mdzes par ni/ /mkhas pa yis ni khyad par du/ /dkyil 'khor thams cad bri bar bya/ /rab gnas la sogs thams cad kyi/ /dkyil 'khor rnams kyi tshul nyid la/ /pad+ma'i tshal dang nye ba ru/ /mkhas pas khyad par bri bar bya/ /gsal ba la sogs thams cad ni/ /mkhas pas ri yi rtse mo ru/ /dkyil 'khor rnams la khyad par du/ /thig gi cho ga nyid kyi bri/ /khyed la gnas ni rnam nges pa'i/ /khyad par rgyas par ston pa ste/ /thams cad bu ni sa rnam gsum/ /nan tan gyis ni yongs su brtag /ces pa dang/ bla gab med par dog par ni/ /bsgrub pa'i dkyil 'khor ma gtogs pa/ /slob dpon gyi ni gzhan mi bri/ /bris na 'bral du 'chi bar 'gyur/ /zhes pa dang/ phug tu yang ni bsgrub pa yin/ /sa phyogs dog par mi bya'o/ /khang rul gang du blo can gyis/ /bsgrub

  563. 282a

    pa brtsam par mi bya'o/ /zhes gsungs so/ /'dir yang gnas chen po pa ni phyag na rdo rje mngon par dbang bskur ba las shes par bya'o/ /tshig gi don ni go sla'o/ /ji bzhin pa yi cho ga yis/ /gnas ni byin gyis brlab brtsam pa zhes bya ba 'dir/ ji bzhin pa'i cho ga 'di/ /ji ltar rig pa'i cho ga ste/ gal te gtsug lag khang la sogs pa sngar longs spyod pa zhig yin na/ bdud rtsi 'khyil pas bzlas pa'i spos chus gtor btsam gyis sbyangs la/ sngar longs ma spyad pa zhig na ni/ /sbyang ba'i cho ga rgyas par bya'o/ /da ni 'dir ji bzhin pa'i cho ga yis zhes bya ba la brtan te/ bsnyen pa dang sa'i rim pa rgyas par bstan te/ dang por slob dpon yon tan dang ldan pa la/ slob mas slob ma dbang bskur ba'i phyir/ lan gnyis lan gsum du gsol ba btab pa na/ slob dpon gyis ci khyod yo byad rnams tshogs sam ci ste ma yin zhes dri bar bya'o/ /gal te ma tshogs so zhes zer na/ re shig la yo byad tshogs su gzhug par bya'o/ /gal te ma lus par rnyed do/ /zhes zer na/ bag yod pa'i sgo ba dang bsrung bar bya ste/ kha cig ni tshogs la kha cig ni ma yin no zhes zer ni/ ma tshogs pa btsal ba dang/ bag yod par sgo ste bsrung bar bya'o/ /de la bsrung ba'i cho ga ni/ /slob ma'i lte bar raM las byung ba'i nyi ma la hUM 'od zer drag po dang bcas pa'o/ /de'i snying khar yang yi ge kaM nag po las byung ba'i sdig pa sha za lta bu/ mi sdug pa dang skra khams pa grol ba mche ba can mi thung gcer bur bsams te/ de nas lte ba'i hUM las brag po'i 'od zer byung bas/ sdig pa'i ngo bo de gzir nas/ sla'i rtse mo nas thon te/ slob ma'i mdun du bltas la/ de nas lte ba'i nyi ma hUM dang bcas par snying khar srong zhing/ rdo rje gnod sbyin nag po 'jigs su rung ba/ lag pa g.yas

  564. 282b

    pa dang g.yon na mche ba dang sdigs mdzub 'dzin par bskyed la/ slob ma'i snying kha nas mdun du mthon par bsams te/ de na slob dpon gyis oM badzra yak+Sha kro d+ha bA paM n+ye sa khA da khA da hUM phaT ces bskul bas khro bo des/ sdig pa de ma lus par zos te/ slar slob ma'i snying khar thim par bsams la/ de nas stong pa nyid las slob ma kun tu ? por gyur pa'i snying khar zla ba la yi ge khaM las sna tshogs rdo rje bsams la/ rang gi lha'i sngags sam/ bdud rtsi 'khyil pa'i sngags brgya rtsa brgyad kyis gsungs te/ ji srid dkyil 'khor chen po dbang ma bskur gyi bar du sdig pa'i las dang lus dang srog gi bar chad du 'gyur ba'i las ma byed cig ces bsgo la gnas gcig nyid du slob dpon gyi sngar bstan pa'i tshul nyid kyis lhag pa'i lha'i sngags 'bum 'am/ rtsa ba'i sngags 'bum dang/ dkyil 'khor so so'i sngags khri khri bzlas te/ gal te ltas gnang ba thob na ni de nyid kyi tshe na'o/ /de ltar bsnyen pa bya ba ni/ rnam par snang mdzad mngon par byang chub pa las/ dkyil 'khor gyi ni ston rol du/ bya ba rnams ni des pas nyon/ /so so'i las rnams 'dod pa yis/ /tshul shes pas ni ci rigs par/ /rang gi ting 'dzin la gnas te/ /rigs sngags rgyal po stobs po che/ /yan lag bcu gnyis tshig 'byung ba/ /go rim bzhin du bzlas brjod bya'o/ /zhes gsungs so/ /'dir yan lag bcu gnyis pa'i tshig ni mtshon pa'o/ /de bzhin du 'phags pa rab tu grub par byed pa las kyang/ /sngags pa rnams ni mthu shes nas/ /bsnyen pa las ni dngos grub bstsal zhes gsungs so/ 'di ni sngon du bsnyen pa'i cho ga'o/ /de nas sa bdag gir bya ba ni gang du dkyil 'khor la sogs pa byed par 'dod pa'i sa de'i bdag po rgyal po la sogs pas gnang bar bya'i gzhan du ma yin te/ ji skad du dkyil 'khor spyi'i cho ga gsang

  565. 283a

    ba'i rgyud las/ sa yi bdag pos gnang na ni slob dpon gyis ni dkyil 'khor bri zhes gsungs so/ /de nas sa'i bdag po mngon sum zhes bya ba las gnang ba thob nas/ gang du dkyil 'khor bya bar 'dod pa der song ste/ de nas gnas pa'i mi ma yin pa la gtor ma bzang po byin la/ sa 'di bdag la bslangs shing ces bslang ste/ chos sgrags pa 'phags pa sa'i mdo brjod pas/ lto 'phye la ni mi gnod par/ /dgun zla 'bring po la sogs nas/ /brtsams te zla ba gsum gsum du/ /lto 'phye lho dang nub dang byang/ /shar du de yi mgo bo ste/ /g.yon pa'i zur gyis nyal ba yin/ /'di ltos shes par bya ba rko/ /mgo bo rgyab phyogs nas brkos pa'i/ /skyon no rgyas pa las shes bya/ /zhes gsungs pa'i rim pas/ dong khru gang btsam la dbus nas brtsams te/ rgyar mtho gang zhig brkos te chus gang bar bkang la/ slob dpon gom pa brgya myur bar phyir song ste/ myur du log pa na chu de dma' bar ma gyur na sa'i bdag po des byin pa'o/ /yang na der gtor ma byin pa dang/ chos sgrags pa byas la mtshan mo nyal te/ rmi lam gyi mtshan ma thob par bya'o/ /de dag gis ma byin par ni der dkyil 'khor mi bya ste/ ma byin par len pa'i nyes pa dang/ bar chad spang ba'i phyir ro/ /'di ni sa bdag gir bya ba'o/ /de nas lha ma yin ma rungs pa la sogs pa dang/ lha'i bu'i bdud dang log 'dren la sogs pa ched du sa'i bgegs byed pa de dag gzhom pa'i phyir/ der mngon spyod kyi sbyin sreg gi cho gas mi rus kyi phye ma khrag dang/ dug dang bcas par bsreg ste mchod pa lnga dang gtor ma bkod la/ slob dpon gyis rang gi snying kha'i 'od zer ram/ 'chad par byed pa'i rdo rje lcags kyu'i phyag rgya dang sngags kyis sa'i lha mo mdog ser mo rab tu mdzes pa/ lo bcu drug lon pa'i na tshod can/ lag pa gnyis na gser gyi bum pa 'dzin pa bkug la/

  566. 283b

    yon chab dang bcas pa'i mchod pa lnga dang/ gtor ma oM pri twi bi de ba da che ge mo pra tits+tsha swAhA/ zhes pas phul te/ skyob pa sangs rgyas zhes bya ba la sogs pa'i tshigs su bcad pa gnyis kyis gsol ba btab la/ de nas mkha' la bteg ste/ dngos grub kyi bye brag las lkog ma dang snying kha dang/ lte ba 'am/ sta zur dang pus mo nub tsam du dong ste de dang 'tsham ba'i rgyar brkos te/ skra dang rus pa dang rdo la sogs pa bsal te/ dri zhim po'i chu rdo rje khro bo'i sngags kyi gtab pa gtor te/ gtor ma byin la zhi ba'i sbyin sreg bya ste/ dong gi steng du rin po che lnga dang 'bru lnga dang/ sman lnga ras dkar pos so sor phur te/ bum pa sar pa'i nang du bcug ste bzhag la/ song ste sa de nyid kyis bgang ste/ gal te mtho bar gyur na rab tu 'grub par ston cing/ thad kar khengs kyang brtsam par bya'o// kha ma khengs na brtsam par mi bya ste/ lngar lung gis kyang bstan to/ /mkhas pas rin chen la sogs pas/ /sa gzhi snying ba ldan par bya/ /thad bu la yang ci rigs par/ /rdzas bzhag pa'i 'og tu ste/ /cho ga de ni phyi rol du'o zhes pa dang/ yang 'bras so ba dang mon sran gre'u nas dang gro dang til dang lnga/ /'bru rnams kun ces bya ba ni/ /las rnams kun la 'di dag gsungs/ /siM ha bya kri ka ni/ /sa ha de ba ha sa te/ /sman rnams kun ces bya ba la/ /lnga po 'di rnams shes par bya/ /byi ru dang ni sa le sbram/ /dung dang mu tig nor bu ste/ /rin chen kun ces bya ba la/ /lnga po 'di dag shes par bya zhes so/ /de nas rdul mtshon ji tsam du/ /dgye bar 'dod pa'i nyis 'gyur du/ /sa gzhi de rab tu mthas par bcags pas/ /lag thil ltar mnyam par byas ta/ /de nas ba'i lnga dang dri zhim pa'i chus byug par bya ba ni/ ji skad du dkyil 'khor bri ba'i sa gzhi ni/ /byi dor legs byas legs par byugs/ /khro bo chen pos bzlas pa yis/ /spos chus bsang gtor byas pa la zhes pa lta bu'o/ /sa'i bye brag kha cig la ni

  567. 284a

    de ltar bya ba mi sbyar te/ ji skad du sa gzhi gang na mthas pa dang/ khang thog dang ni rdo leb dang/ /mchod rten drung dang 'bab chu 'gram/ /mtsho rnams kyi ni 'gram dag tu/ sa gzhi sbyang zhing brtag pa dag /nan tan du ni bya mi dgos/ /der ni zug rdu dbyung mi dgos/ /'thas pas bcag kyang der mi dgos/ /mtho dman la sogs skyon rnams kyang/ de ni dgos pa bskyed mi dgos/ /rang bzhin gnas pa'i sa gzhi la/ /byi dor legs par byas nas su/ /lag pas byabs nas gsang sngags bzlas/ /de yi sbyang ba de yin no/ /zug rdu'i nyes pa thams cad ni/ /gal te dbyung bar mi nus na/ de ni gsang sngags nyid kyis su/ /sbyang ba legs par byas par 'gyur/ /btad pa yi ni las rnams dang/ /gdon rnams tshar gcod la sogs dang/ drag shul spyod pa dag la yang/ /sa ni rab tu sbyang mi dgos/ /khro bo kI li kI lA yis/ /gsang gtor byas na sbyangs par 'gyur/ /zhes pa dang/ yang khang pa 'am dri gtsang khang du ni/ /gsang gtor byas pas dag par bshad/ /de bas der ni sa mi brko/ /zhes gsungs pas so/ /de nas sa'i lha mo bstim la/ /sa'i dbus su pad+ma dang zla ba dang sna tshogs rdo rje'i steng gi hUM las byung ba'i rdo rje phra mo spros pas/ sa phyogs de rdo rjer gyur par bsams la/ sna tshogs rdo rje nas rigs kyis sa la bstim la/ oM me di ni badzri b+ha ba badzra band+ha hUM zhes bzlas te/ 'di ni phyi'i sa sbyang ba'o/ /de nas slob dpon dkyil 'khor gyi dbus der/ stan 'jam zhing bde ba la 'dug ste/ gtor ma byin la bdag nyid gzengs bstod par bya ste/ deng du bdag tshe 'bras bu yod/ /bdag gi bson pa 'ang 'bris bur bcas/ /lha dang dam tshig gis mnyam par/ gyur par bdag ni som nyid med/ /byang chub sems dang sems gcig par/ /de bzhin gshegs pa'i rigs

  568. 284b

    su ni/ /der bdag skye bar the tshom med/ /der bdag nyi ma dam pa ste/ /bdag gi mchod sbyin bla na med/ /sangs rgyas thams cad spyan 'dren pas/ /deng bdag 'dus pa'i mchog yin no/ /zhes pas so/ /de nas yan lag thams cad kyis phyag byas la/ spos snod lag tu thogs te/ sangs rgyas rnams la gsol ba gdab pa ni/ mgon po thugs rje'i bdag nyid can/ /thams cad bdag la dgongs su gsol/ /sras bcas lnga ni gdugs 'das nas/ /sa gzhi yongs su bzung bar mdzod/ /na ma: sa man+ta bud+d+hA nAM/ sarba ta thA ga tA b+hiSh+ThA nA tISh+Thi te/ a tsa le bi ma le/ pra kri te pa ri shud+d+ha swAhA/ zhes pas so/ /de nas de rnams kyi spyan sngar/ /phyag 'tshal ba nas bzung ste cho ga ma lus par byas la/ /de nas rdo rje sems dpa' la sogs bzhir dmigs pa'i slobs ma 'am/ mi bskyod pa gzhir dmigs pa'i slob mas/ phyogs bzhi nas rnal 'byor gyi rgyun thams cad kyi rtsa ba lta bu dpal gsang ba 'dus pa las gsungs pa'i tshigs su bcad pa 'di dag gis/ shar nas brtsams te gsol ba gdab par bya'o/ /de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /mtshan rnams thams cad yang dag rdzogs/ /mtshan min thams cad rnam spangs pa/ /kun tu bzang po sku'i mchog /dkyil 'khor dam pa bshad du gsol/ /zhi ba'i chos ni mchog las byung/ /ye shes spyod pa rnam sbyor ba/ /kun tu bzang po gsung gi mchog /dkyil 'khor dam pa bshad du gsol/ / sems can kun gyi sems chen po/ /rang bzhin dag pa dri ma med/ /kun bzang thugs mchog kha lo bsgyur/ /dkyil 'khor dag pa bshad du gsol/ /zhes pa 'am/ yang na tshigs su bcad pa dang po nyid bzlas shing brjod par bya'o/ /yang na rgyud

  569. 285a

    'di nyid las ji ltar gsungs pa nyid lan gsum du brjod do/ /de nyid kyis ni rdo rje gzung/ /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying po bzlas/ /'khor lo kun gyi cho ga ni// rdo rje dril bu 'dzin pas byas/ /dkyil 'khor thams cad sgrub byed pa'i/ /rtog pa kun la yang dag 'jug /dam tshig che gsum zhes bya ba/ /brgya 'di sangs rgyas sgrub byed yin/ /dngos grub kun gyi cho ga la/ /rdo rje dril bu rab tu bskul/ /cho ga lhag gam ma tshang yang/ /'grub 'gyur smad par mi bya'o/ /zhes bya bar sbyar bar bya'o/ /de nas bdag nyid gzeng bstod de/ /bdag ni rang nyid rdo rje can/ /rdo rje sems dpa' bdag rang nyid/ /bdag ni sangs rgyas rgyal po che/ /stobs chen rdo rje can bdag yin/ /rnal 'byor dbang phyug rgyal po bdag /phyag na rdo rje bstan bdag ste/ /bdag po rdo rje chen por bdag /byin gyis brlab pa mi 'dor ro/ /zhes brjod de/ hUM badzro t+tiSh+Tha zhes brjod pas ji ltar bskyed pa'i dkyil 'khor nam mkha' la gnyis? ste/ stan las langs nas bdag nyid khams gsum rnam par rgyal bar gyur pa'i mig gnyis su ma dang Ta las mig g.yas g.yon nyi zla ser por byas te/ bgegs la bka' sgo nas/ rkang mthil gnyis su hUM las byung ba'i sna tshogs rdo rje ma'i 'od 'phro ba bsams te/ rkang pa gang du bor ba de dang 'dir rdo rje kun tu rtse mo 'bar bar 'khrigs par bsams te/ stang stabs bya'o/ /de ni ji skad du rnam par snang mdzad sgyu 'phrul dra ba las gsungs pa/ dang po kho nas yongs su bzung bar bya ste/ slob dpon gyis lha nyid kyi stang stabs la 'dug la/ lag pa g.yas pas bsgrims te/ rdo rje gsor zhing/ lag pa g.yon pas dril bu bsil nas/ rdo rje'i 'gros kyi dkyil 'khor gyi sa gzhi brjid bag gis yongs su bskor bar bya'o//

  570. 285b

    rgyan thams cad kyis brgyan pa'i khro bo'i nga rgyal gyis hUM zhes brjod cing/ dkyil 'khor gyi sa gzhi brjid bag gis bskor nas kyang/ khro bo'i skur bsgoms pas/ sdang ba'i lha dang lha ma yin dang/ gsang ba pa rnams la tshig 'di brjod par bya'o/ /slob dpon ming 'di zhes bya bas/ /slob ma che ge mo zhig gis rdzogs pa'i byang chub rdzogs par bya ba dang/ sems can thams cad bla na med pa'i ye shes thob par bya ba'i phyir/ sa phyogs 'dir dkyil 'khor gyi rgyal po mtshan 'di zhes bya ba 'dri yis/ /lha dang lha ma yin dang gnod sbyin dang srin po dang/ yi dags dang sha za dang brjod byed dang/ 'byung po dang mkha' 'gro ma dang/ gnon po dang nam mkha' lding dang/ mi 'am ci dang rig sngags 'chang grub pa rgan po 'am rgan mo 'am/ g.yog dang 'khor du bcas pa gang dag 'khod pa rnams dengs shig /'di ltar rdo rje 'chang gi bka' thob nas myur ba nyid du dengs shig /gang dag mi 'gro ba de dag ni/ phyag na rdo rje hUM zhes bya bar khros pa'i bzhin 'bar ba can gyis ye shes kyi rdo rje chen po 'bar bsam go tshal ba brgyar 'gas par 'gyur ro/ /zhes lan gsum brjod nas/ stang stabs la gnas bzhin du sa gzhi rdo rje'i rang bzhin du byin gyis brlab par bya'o/ /g.yas brkyang ba dang g.yon bskum pa dang/ sa gzhi 'dug stangs dang/ zlum po'i bdug stangs dang/ 'thun pa'i rkang stabs dang/ rus sbal gyi rkang stabs dang/ rdo rje gdengs pa dang/ rdo rje 'jo tshul dang/ rkang pa ya gcig gis stangs dang/ seng+ge'i stangs dang/ seng+ge glal ba dang/ bung pa 'phung ba'i stangs dang/ rdo rje'i sgrog dang/ rdo rje gsor ba dang/ rdo rje'i stang stabs dang/ rdo rje gar dang/ rdo rje 'jigs su rung ba dang/ rdo rje ro langs dang/ rdo rje tho ba dang/ sgo bzhi byin gyis brlab pa dang/ rdo rje gdu bu dang/ bud med kyi sgyu 'phrul gyi stang stabs dang/ rdo rje dral ba dang/ stobs chen

  571. 286a

    gdengs pa dang/ rdo rje mche ba dang/ rdo rje gang mo dang/ rdo rje sgra dang/ ral gri'i thabs dang/ rdo rje'i thabs dang/ 'khor lo'i thabs dang/ gtun shing gi thabs dang/ ba dan gyi thabs dang/ gzhu'i thabs dang/ zhags pa'i thabs dang/ pad+ma'i tshul dang/ be con gyi tshul dang/ mi 'jigs pa'i tshul dang/ lcags kyu'i thabs dang/ gshol gyi tshul dang/ mdung gi thabs dang/ mda' gzung ba'i thabs dang/ mda''phang ba'i thabs dang/ thag mdung bskor ba'i thabs dang/ mchog sbyin pa'i tshul dang/ mdung thung gi thabs dang/ mtshon rtse gcig pa'i thabs dang/ phyag 'tshal ba'i tshul dang/ rdo rje'i 'dug stangs dang/ ting nge 'dzin gyi 'dug stangs dang/ pad+ma'i 'dug stangs dang/ sems dpa' i skyil mo krung dang/ dpa' bo'i 'dug stangs dang/ bzang po'i 'dug stangs dang/ cog bu'i 'dug stangs dang/ brtse ba'i stangs stangs dang/ mdun du bsnur ba dang/ phyir 'gyed pa dang/ mdza' yas dang/ rnam par rgyal ba dang/ sprin sgra dang/ gsus po che dang/ rgyal ba'i phur bus gnas lngar bcing ba dang/ phur bus brdung ba dang/ dra ba dang ra bas mtshams bcad pa dang/ phyogs bcing ba de lta bus/ sa gzhi rdo rje'i rang bzhin du 'od 'bar bas bkra shis bar bsgoms te gtan la dbab par bya'o/ /zhes gsungs pa'i tshul gyis bya ste/ 'di ni sa yongs su gzung ba'i cho ga'o/ /de nas mtshan ma nang gi sa sbyang bar bya ste/ oM b+hu khaM zhes brjod pas sa gzhi nam mkhar byas te/ hUM laM hUM zhes ?? gser gyi rang bzhin du byas la/ de'i dbus su pad+ma nas badzra band+ha hUM zhes ci nus bzlas pa'i bar du bya ste/ de nas yang sa gzhi dri dang pa'i lci bas byugs la/ phyogs mtshams brgyad du mar me brgyad rang bdug spos du ba 'thul ba brgyad

  572. 286b

    bkod de/ dkyil 'khor gyis la lag pa reg bzhin du bdag gi bdag po'i sngags brgya rtsa brgyad dang/ yi ge brgya pa lan brgya bzlas te/ de nas de'i nub mo ni slob dpon rmi lam lta zhing/ sta gon la gnas pa'i nub mo slob ma rmi lam blta'o/ /de ltar yang rnam par snang mdzad mngon par byang chub pa las/ de nas sngags pas langs nas su/ /snying rjer gyur pa'i yid kyis ni/ /nub kyi phyogs su gnas nas su/ /nang gi bdag nyid rnam dag pas/ /byang chub sems ni dran byed cing/ /de nyid du ni nyal bar bya/ /de nas sngags pas rmi lam lta/ /byang chub sems dpa' grags chen rnams/ /yang na sangs rgyas bcom ldan 'das/ /sems can rnams la phan pa'i phyir/ /dkyil 'khor bri ba'i las rnams bya/ /bdag nyid kun brtsom 'bad pa 'am/ /bdag nyid la ni 'di skad du// sems can chen po bu khyod legs/ /dkyil 'khor myur du bris shig ces/ /spro ba skyed pa mthong yang rung/ /gal te mtshan ma ngan pa zhig mthong na/ /byang chub kyi sems bsgom pa la sogs pas bsrung ngo/ /slob ma rmi lam lta ba 'og nas 'chad do/ /'di ni nang gis sbyang ba'i cho ga'o/ /byin gyis brlab pa'i gnas der ni/ /zhes bya ba nas rta babs bzhi dang ldan pa dang zhes bya ba'i bar ni go sla'o/ /them skas bzhi'i phreng ba dang zhes bya ba ni sgo'i nye 'khor ri mo'i phyi rol cha chung gcig la mtshon nag po ma yin pa'i ri mo bzhi bris te/ kha cig na re mnga' yab kyi phyi rol cha chung gcig la'o/ /zhes zer la gzhan dag ni bsgom pa'i dbang du bya'i/ /'di bri ba ma yin no zhes zer te/ seng+ge ba lang rnams kyi brgyan/ /ces bya ba ni rta babs kyi cha dang po'i phyi rol gyi cha chung gnyis la mchod rten yin la/ de'i 'og tu cha 'bring po gnyis la g.yas g.yon du seng+ge dang glang po che cha chung re res mchod rten dang ma 'brel bar bya'o/ /kha cig na re rta babs kyi sang nges pas bzhon pa las 'bar ba yang/ rje btsun mchod rten gyi dbang las so

  573. 287a

    zhes zer te/ de ni ma yin te/ 'gro thams cad la de med kyang rta babs yod na nges par 'babs par rigs pa ni/ 'jig rten nye bar spyod pa las yin la/ blo dang ldan pa gus shing nga rgyal spangs pa ni/ de gnyi ka med kyang de bas ches ring pa nas babs te/ 'dir ni ma lus par myur du 'babs pas na/ twa ra na ti ru ri ya tsa lan+ti zhes grags so/ /dar dang lda ldi do shal phreng zhes bya ba la/ dar dkar po srid du khru nyi shu rtsa lnga zheng du bru gang ba 'phyang ba yin la/ lda ldi ni de nyid kha dog sna tshogs pa bar bar du gcus shing rtsibs la btags pas gzhal yas khang gi 'gul ba 'khor ba'o/ /do shal gyi phreng ba ni mu tig gi do shal dbus na rin po che yod pa dang med pa 'am dbus dang mdza' na yod pa spel ba 'chad ba ste/ do shal gyis do shal phyed pa yang mtshon pa'o/ /de yang de dag gi bar na dar dang lda ldi dang dril bu dang ni rnga yab brgyan ces sbyar te/ de la dril bu ni sngar smos pa'i dar gyi rtse mo la btags pa'o/ /rnga ma ni rnga yab dkar po gser gyi yu ba can no/ /rdo rje rin chen pad+ma dang/ /rgya gram pa yi phyag rgyas brgyan/ /ces bya ba ni phyogs bzhi'i dbus kyi do shal bzhi'i dbus su/ /phyag rgya re re ste rang rang gi rigs phyogs der brten par ston pa'o/ /kha cig na red dag nang du'o zhes zer ro/ /srad bu brgyad dang ldan pa dang zhes bya ba ni phyogs dang dbus dang gwa rnams kyi cha la 'dres par bya ba'i phyir ro/ /phyi'i sgo khyud rnams kyis brgyan ces bya ba ni/ 'gram zhes bya ba 'phyar bya'i ngo bo ni/ 'dir phyi'i sgo khyud yin la/ sgo khyud nang ma ni gang du 'khyams kyi mthar thug pa'o/ /dgu yi char ni gos pa la/ /sgo dang sgo khyud sum char bya zhes bya ba la /'khor lo rtsibs tshun chad la cha chen po dgur byas pa las sgo'i phyi'i sgo khyud dang bcas pa la ni cha chen po gsum ste/ cha chung bcu gnyis btang ngo/ /de

  574. 287b

    yang phye na sgo la ni cha chen phyed dang gnyis yin la/ phyi'i sgo khyud la ni cha chen phyed dang gnyis la/ logs re la cha chung gsum gsum yin te/ de nas dkyil 'khor 'di ni thig gi bya ba lugs gzhan kho na yin pas/ gang du yang gzhan du grang bar mi bya'o/ / rdo rje srad bus thig gdab bo/ /zhes bya ba ni ye shes kyi thig ma btab par sa'i thig 'ba' shig 'debs pa srid pa dang/ sa la thig ma btab par dkyil 'khor 'dri ba srid pas de bzlog pa'i phyir/ rdo rje'i rang bzhin du byas pa'i srad bus nam mkha' i thig gdab par ston cing/ sras bus phal bas sa la thig gdab par yang ston la/ de dag kyang rab tu 'bad pas bag yod par byas te/ de ltar yang dkyil 'khor spyi'i cho ga gsang ba'i rgyud las dkyil 'khor gyi ni gsang sngags kun/ /rnam par rjes su dran byed cing/ /gos dkar bgos shing ma yengs par/ /dkyil 'khor gyi ni nang du 'gro /las kun byed pa'i gsang sngags kyis/ /thog ma nyid du gsang gtor bya/ /tshon sna lnga yi srad bu la/ /de dag nyid kyis brgyar bzlas te/ /sar ba shin tu gtsang ba dang/ /mdzes shing shin tu ran pa dang/ /dri zhim reg na bde ba dang/ /legs par bskal dang sra ba dang/ /sbom phra la sogs bkal nyes dang/ /'jur mdud med par gyur pa yi/ /thig skud me tog spos mchod pas/ /shes rab can gyis thig gdab po/ /bzang po'i brtags ni brtags nas su/ /mkhas pas dkyil 'khor thig gdab bo/ /dkar po dmar po de bzhin ser/ /sngon po dang ni gnag dang lnga/ /mtshon sna lnga yi srad bu bzhin/ /phye ma'i tshon rtsi de bzhin bya/ /dkon mchog gsum la mchod bya zhing/ /lha rnams la yang phyag byas nas/ /mkhas pas srad bu bre bar bya/ /nang par nyi ma shar ba'i tshe/ /blo yi phyogs cha legs brtags la/ /dang po shar nas mnyam sto gzung/ /slob dpon byang du kha bltas te/ /srad bu 'dzin pa de la blta/ /de nas phyogs bskor

  575. 288a

    byas nas ni/ /bdag nyid nub phyogs kha bltas te/ /bdag nyid kyis ni bri bar bya/ /de yi 'og tu byang phyogs su/ /mkhas pas srad bu bre bar bya/ /dang po bdag nyid me phyogs su/ /'dug na phyogs gnyis brtag par bya/ /de yi 'og tu rlung phyogs nas/ /phyogs gnyis su ni srad bu bre/ /bden bral dbang ldan gra gnyis nas/ /srad bu 'dzin pa lta bur bya/ /gru bzhi lham pa bsnyams nas su/ /rgya gram du ni srad bu bre/ /rgya gram thams cad bsnyam par bya/ /de ltar srad bu gtan la dbab/ /de nas dbus kyi dkyil 'khor du/ /spur? bu gcig kyang gdab par bya/ /grwa bzhir phur bu bzhi gdab bo/ /zhes pa dang yang mchod sbyin shing gi phur bu dag /thur du rtse bstan mngon bsngags pa/ /dkyil 'khor bri ba'i cho ga la/ /phyogs cha bzhin du gdab par bya// ltas ngan byung na dngos mi grub/ /srad bu chad na bla ma 'chi/ /ring thung khyer nan? bar 'gyur/ /phyogs 'khrul slob ma myos par 'gyur/ /de bas thams cad nan tan bya/ /mkhas pas legs par thig gdab bo/ /zhes gsungs so/ /de ltar spyir gyur pa lung gis brjod nas/ /de ni rang gi gzhung gis ye shes kyi thig ji ltar gdab ce na/ de bshad pa gdul bya'i dbang las dkyil 'khor dag /khru gang sogs gzung ji srid du/ /rgyang grags dpag tshad la sogs mthar/ /tshad des pa ni med par bstan/ /de dag tu yang slob dpon gyis/ /ye shes thig bral bri mi bya/ /de phyir ye shes thig gdab rim/ /mkhas pas dga' skyid byed par bshad/ /de la ye shes kyi thig 'debs par 'dod pa'i bla mas dang por ras bal dang bal sogs pa gtsang ma blangs te/ grong gi chos kyis sma ma bab pa'i bu mo 'khal du gzhug pa 'am bdag nyid kyis bkal te/ srid du dkyil 'khor las nyis 'gyur la/ sboms su sgo'i nyi shu cha yod par ro/ /de yang lnga sgril lam nyi shu rtsa lnga sgril lam

  576. 288b

    dkyil 'khor de nyid lha mo ji snyed yod pa de snyed du bsgril ba'o/ /de nas so sor dri/ zhim de'i phye ma dang/ yungs kar gyi phye ma dang ldan pa'i tshon dkar po dang ser po dang dmar po dang ljang gu dang/ nag po rnams bsgongs pa'i gru gur byas la/ bdag nyid mnyam par bzhag pa'i phyag rgya bzhag ste/ de nas snga ma'i mdog gi rim pas gru gu de dag rtag pa dang/ rin chen 'byung ldan dang/ tshe dpag med dang/ don yod par grub pa dang/ mi bskyod pa rnams bsgrub ste/ de yang dang por oM shU n+ya tA dz+nyA na badzra swa b+hA ba At+ma ko ho?/ zhes pas/ de dag stong pa nyid du byas la/ de nas snga ma'i gnas su pad+ma dang zla ba la gnas pa'i yi ge b+h+ruM AM dzi khaM hUM zhes pa lnga/ dkar po dang ser po dang dmar po dang ljang gu dang nag po rnams kyis mdog can rnams bsam mo/ /de nas de la 'od zer spro ba 'am/ bsdu ba'i rim pas rnam par snang mdzad la sogs pa sngar rim bzhin du bskyed de/ de nas rang gi snying kha'i sa bon las 'od 'phros pas snang bar byas pa 'am/ nam mkha' la bzhugs pa'i de bzhin gshegs pa lnga'i thugs kar yang b+h+rUM la sogs pa'i sa bon lnga bltas te/ de dag yongs su gyur pa las rang rang gi mdog dang 'thun pa'i ye shes kyi srad bu gnas par bsams te/ de'i 'og tu de dag la ye shes kyi srad bu sngags 'dis bslang bar bya'o/ /oM a sa ta badzra sU traM me pra yats+tsha ma hA maN+Da la sU tra na ya hUM zhes pa dang/ de bzhin du ming gi gzhi brje ba'i sngags lngas bslang zhing/ de ltar bslang ma thag tu rang gi phyag la gnas pa'i de bzhin gshegs pa lnga srad bu lngar gyur par bsam mo/ /de nas rang gi mig gnyis su dza las byung ba'i nyi ma zla ba g.yas dang g.yon du bkod de/ rab tu g.yo zhing 'bar ba'i mig gi sta stangs las byung ba'i 'od kyi lcags kyus/ de bzhin gshegs

  577. 289a

    pa lnga'i thugs ka na gnas pa'i ye shes kyi srad bu rnams bkug ste/ phyag rgya la gnas pa'i srad bu la sogs so so bstim mo/ /de nas rnam par snang mdzad la sogs pa'i gzugs can gyi slob ma zhig gis srad bu lnga'i sna nas bzung ste/ slob dpon gyis kyang sna lnga nas bzung la bsnyams te/ 'ju bur dang mdud pa med par byas la/ oM chos kun tha dad rjes su 'jug /chos kun phan tshun rjes su 'jug /chos kun rjes su zhugs pa ste/ /mdza' bral rjes su 'gro ba'o/ /hUM zhes brjod de bsgrim mo/ /bsgrims nas dri zhim po'i chus spangs te/ yi ge gsum nang bsres la/ gser la sogs pa'i snod du bzhag ste/ me tog dang dri la sogs pas mchod la lag pas bkag ste/ oM A(rgyud 'grel): bI g+hAM ta kri ta hUM phaT/ ces pas mang du bzlas te/ de nas srad bu rdo rje la dkris la/ slob dpon bdag nyid kyi lte ba'i thad kar bzung la/ slob ma de nyid kyis lhan cig gdab bo/ /'debs na oM badzra su tra sa ma ya ma ti kra ma hUM/ bcom ldan 'das 'di ni sems can gyi don byed pa'i dus lags so zhes brjod cing gdab bo/ /des kyang sangs rgyas thams cad bskul te/ byin gyis brlab pa'i phyir byon par bsam mo/ /de la bdag cag gis bla ma'i zhal snga nas ni/ ye shes kyi thig la tshangs thig gcig tsam 'am/ tshangs thig dang zur thig tsam gyis chog par gsungs so/ /gzhan dag ni phyogs thig dang rdo rje ra bas bskor ba yang bzhed do/ /de dag gi lugs las ni thig bskor ba dang/ 'gro ba dang btang ba la sogs pa yang bya'o/ /sa'i thig gzhung rgyas par gzhan du rtogs par sla bas/ /bdag gi 'dir mi bsam mo/ /ye shes kyi thig de ni oM A(rgyud 'grel): hUM mu(rgyud 'grel): bya bas gshegs su gsol bar

  578. 289b

    bya'o/ /re zhig rgyud 'di nyid kyi dbang du byas te/ sa'i thig ji lta bzhig yin pa cung zad dpyad de/ de la 'di'i tshul ni dkyil 'khor de'i tshad ji tsam pa la phyogs re re la yang cha chung brgyad cu rtsa brgyad par bya zhing/ de la rim pa gsum par bya'o// de'i phyir dbus? kyi dkyil 'khor thig gdab pa zhes bya ba ni 'khor lo rtsibs tshun chad kyi thig gdab pa'o/ /chos kyi 'khor lo 'dra ba la zhes bya ba ni/ bslab pa gsum ston par byed pa'i lte ba dang/ rtsibs rten dang/ rtsibs rnams dang ldan pa'o// de nyid gsal bar bstan pa'i phyir lte bar bcas shing rtsibs bcu drug rim pa gsum dang ldan pa la/ rtsibs ni nyis 'gyur nyid du bya zhes bya ba smos te/ lte ba dang rtsibs rten dang rtsibs ni rim pa gsum mo/ /de dang ldan par bya ba ni bslab pa gsum mtshon pa yin pas so/ /rtsibs ni zhes bya ba ni 'khor lo'i lte ba la 'byar brtse mo zhum pa'o/ /nyis 'gyur nyid du bya ba ni lte ba'i phyed kyi phyed la cha chung drug yod pa las/ nyis 'gyur te phyed kyis chung bar byas te/ de bzhin du rtsibs rten kyang de dang 'dra bar bya'o/ /des na rtsibs rten dang rtsibs dag la/ cha chung gsum gsum btang zhing/ lte ba la cha chung nyi shu rtsa bzhi btang zhes bya ba'i don to/ /'dir slob dpon kha cig na re lugs gzhan du/ dkyil 'khor nyi rims sum rim 'am/ /bzhi 'am mang por byas pa la/ /phyi rim gang yin de la ni/ /sgo gcig pa dang rgya ched bya/ /gzhan gyi phyogs kyi cha bzhin du/ /sgo bzhi sgo khyud bcas par bya/ /yang na thams cad dgos med par/ /sgo re re zhig bya ba yin/ /snying po'i dkyil 'khor nges par ni/ /rab tu bzang po sgo bzhir bya/ /zhes bya ba gsungs pa la bden pas so/ rim pa gsum lung tha ma 'dod do/ /dbus kyi phyogs su kun rigs ni/ /zhes bya ba la sogs

  579. 290a

    pa ni ma lus par brjod zin mod kyi/ rdul tshon gyi dbang du byas te yang brjod par bya'o/ /de la 'di'i tshul ni rdul tshon ji srid du dgye bar 'dod pa'i sa'i cha la phyogs thams cad du cha chen po nyi shu rtsa gnyis gnas par re zhig de snyed kyi mtshan ma tsam gdab par bya'o/ /de rnams re re la yang cha bar ma re re'i re mo bya'o/ /de rnams re re la yang cha chung re re'i ri mo bya ste/ de ltar phyogs re re la yang cha chen po nyi shu rtsa gnyis dang/ cha bar ma bzhi bcu rtsa bzhi dang/ cha chung brgyad cu rtsa brgyad du yang 'gyur ro/ /de yang nad gi dkyil 'khor ni cha chen po dgu'o/ /ri mo'i sa nas gzung ste/ me 'od kyi bar du ni cha chen po lnga dang cha chung gcig go /phyi'i dkyil 'khor khor yug chen po dang bcas pa la ni cha chung bzhi dang yang cha chung gcig go /de la snying po la ni cha chung nyi shu rtsa bzhi ste/ de nas cha chung gsum rtsibs rten du bskor zhing/ cha chung gsum la rtsibs bya'o/ /de'i phyir dbus kyi dkyil 'khor thig gdab pa chos kyi 'khor lo 'dra ba la/ lte bar bcas shing rtsibs bcu drug /rim pa gsum dang ldan pa la/ /rtsibs ni nyis 'gyur nyid du bya/ /zhes gsungs te sngar zhib tu dpyad do/ /de nas cha chung gcig la rdo rje phreng bas khor yug chung du ltar skor ro/ /de'i ri mo phyi ma la gru chad byas la/ dbus su sgo dang phyi rol gyi sgo khyud bcas pa la zheng du cha chen po gsum sbyin te/ de nas dgu'i cha ni dgos pa la/ /sgo dang sgo khyud sum char bya zhes gsungs te/ sngar zhib tu dpyad de yang ri mo'i sa cha chung gcig go /de nas khyams la cha bar ma gcig ste/ rta babs khyams ni thams cad du/ /byams pa la sogs mchog chen rnams zhes gsungs so/ /de nas rin po che'i rtsig pa la

  580. 290b

    cha chung gcig go /de'i phyi rol tu dra ba dang/ dra ba phyed pa la cha bar? ma gcig go /de'i phyi rol mnga' yab la cha chung gcig go /de'i cha chung dor ba'i chen po gcig la rta babs te/ bang rim tha ma la cha chen po gsum las lhag ma la re re dbri'o/ /de nas cha chung bzhi la 'khor lo dang/ gdugs dag go /de nas de'i phyi rol tu shin tu nye ba yin pas/ me 'od dang pad+ma dang rdo rje cha gsum mo/ /de nas cha chung bzhi po rim pa re re'o/ /de nas cha chung gcig la 'khor yug chen po'o/ /ka ba yang dbus dang mthar cha chung re re la'o/ /sgo'i zheng du cha chung drug go /phyi'i sgo khyud kyi cha chung drug go /dbu ma'i dbu mar cha chung brgyad do/ /de ltar mtshan ma la zhib par dpyad de/ ma 'khrul ba lta na tshangs thig dang/ de nas phyogs thig dang/ de nas zur thig dang/ de nas ma lus bar? dbus nas gdab bo/ /de ltar thig btab nas rdul tshon dgye ba bsten pa'i phyir/ /dbus kyi phyogs zhes bya ba nas yang na ming yang rung zhes bya ba'i bar du gsungs te/ khro bo ni gshin rje gshed do/ /mngag pa ni gzhan gyis mi thub pa'o/ /pho nya ni rta mgrin no/ sogs zhes bya ba ni bran zhes bya ba 'phags pa mi g.yo ba'o/ /de las gzhan gyi tshig gi don ni sngar brjod zin te/ de la dkyil 'khor rnams kyi rdul tshon dgye ba ji lta bu yin pa 'dir lung las 'jug par bya ste/ dkyil 'khor dag gi cho ga ni/ /rnam pa gsum po ma lus pa/ /lha rnams thams cad dgod pa ni/ /rnam pa gsum du shes bya ste/ /dang po gzugs su bri bar bya/ /gnyis pa phyag rgya'i gzugs su dri/ /gsum pa gnas dang stan dag tu/ /bri ba'i cho ga yongs su bsgrags/ /mi mkhas pa ni phyag rgya'i gzugs/ /cho ga bzhin du dgod par bya/ /mkhas pas kyang ni phye ma yis/ /yan lag rdzogs par rab tu dka' / /yan lag rdzogs shing rgyas byas nas/ /cho ga'i las la ring du thogs/ /gzugs rnams legs par bsgrub na ni/ /mang

  581. 291a

    po rnams ni zin mi 'gyur/ /yan lag nyams na byin mi rlog /dngos mi grub par rab tu bshad/ /de lta bas na mkhas pa yis/ /phyag rgya'i gzugs su lha rnams dgod ces pa dang/ yang gsungs pa/ gang du lha rnams gzugs dag tu/ /dgod par bshad pa de yang ni/ /phyag rgya 'am gnas su nges par bya/ /de la sogs pa'i phyag rgya rnams/ /ji skad bshad pa'i cho ga bzhin/ /dkyil 'khor dag tu ma smos kyang/ /cho ga bzhin du bri bar bshad/ /da ltar phyag rgya dgod pa ni/ /dgod pa gnyis par bshad pa yin/ /stan du dgod pa'i cho ga ni/ /'di las gzhan pa gsum pa bshad/ /dkyil 'khor dag gi nang du ni/ /tshon rtsi phye mas thig le bri/ /dkyil 'khor dag gi tshad las ni/ /khor khor yug rgya cher bskor/ /rigs kyi bdag po/ lha rnams ni/ /go rim bzhin du de ltar bya/ /lha rnams gzhan gyi gdan rnams kyi/ /phyi yi cho ga bshad pa ni/ /zlum po 'am yang na gru bzhi ru/ /thog mar stan ni dgod par bya/ /de la de yi sngags bzlas shing/ /de yi steng du mkhas pas dgod/ /phyi rol tu ni thig le la/ /lha rnams ming gi smos te dgod/ /thams cad thig ler gnas byas nas/ /spyan drang ba ni brtsam par bya/ /'di ni stan du dgod pa ste/ /gsum par yongs su bsgrag pa yin/ /rings sam yang na mi nus na/ /stan du dgod pa'i dkyil 'khor bya/ /rigs kyi bdag po gsum rnams kyi/ /gsang sngags thog mar bkod nas su/ /dkyil 'khor nang du mkhas pa yis/ /lhag ma rnams ni phyag rgya bri/ /phyi rol tu ni stan rnams bri/ /'di ni spyi'i cho ga yin/ /gzugs rnams legs par ma stsogs na/ /nyes pa sngar ni bshad pa yin/ /lha rnams bstod par 'gyur bas na/ /cho ga tha ma 'ang mi shes so/ /phyag rgya rnams su gang bkod pa/ /bar

  582. 291b

    mar rab tu bsgrags pa ni/ /khyad par du ni de bsngags te/ /de la byin gyis rlob par 'gyur/ /phyag rgya bris na 'ang bde bar 'gyur/ /phyag rgya yang ni de nyid lta/ /de bas mkhas pas nan tan du/ /dkyil 'khor du ni phyag rgya bri zhes so/ /yang gsungs pa chags pa bsrung bar byas pa'i rnams/ /phyogs gcig tu ni bkod nas su/ /shes rab pha rol phyin pa klag /gus par yang ni phyag byas nas/ /'phags pa'i tshogs kun bsams nas ni/ /de nas dkyil 'khor bri ba ni/ /lcags ni sna lnga'i phye ma ste/ /mkhas pas dkar po la sogs pa'o/ /dang cing yon tan ldan pa yis/ /slob mas rin chen phye ma bri/ /rin chen lcags rnams ma 'byor na/ /sa lu btags pa'i 'bras phyes bya/ /tshon rtsi zhib mo sngar bshad pas/ /'byung khung nas byung phye ma 'am/ /rdo yi khams ni sna tshogs kyang/ /phye ma'i gor ni sbyar bar bya'o/ /de ltar rnam pa bzhi po ni/ /phye ma'i gor ni bsgres pa yin/ /lcags rnams kun dang rin chen dang/ /'byung khungs pa dang 'bras btags pa/ /dkyil 'khor kun gyi las rnams la/ /phyi ma'i don du sbyar bar bya/ /dam tshig la ni lcags kyi shing/ /rin chen las byung dbang bskur ba/ /sa lu'i phye ma zhi ba la/ /khams las byung ba rgyas pa la/ /drag shul spyod pa khyad par du/ /thal ba la sogs bya bar shis/ /phye ma rnams kyi bye brag gis/ /cho ga'i rim par bstan pa 'di/ /byang shar mtshams nas brtsams nas ni/ /phye ma dag ni dgye bar bya/ /rdo rje khu tshur spyo ba 'am/ /yang na lcags kyu'i phyag rgya 'am/ /lhung bzed phyag rgya'i sbyor ba 'am/ /yang na rig byed lag pas bri/ /dkar po dang por dgye bar bya/ /de yi 'og tu dmar po dgye/ /de nas ser po dgye bar bya/ /de'i 'og tu ljang gu dgye/ /sngags pas kun gyi phyi rol tu/ /tshon rtsi nag po dgye bar bya/ /g.yas su bskor zhing rgyun mi 'chad/ /

  583. 292a

    thams cad mnyam zhi bar tshad med/ /ngan pa dang ni nyams pa dang/ /ma snyoms pa dang bar chad na/ /gnod pa mang po 'byung bar 'gyur/ /de bas nan tan skyed de bya/ /mkhas pas phye ma dgye par bya/ /phyogs kun tu ni mkhas pa yis/ /dbus su sgo ni gdod par bya/ /ngos gnyis su ni cha dag kyang/ /bzhi bzhi dag ni dor bar bya/ /chab sgo chen po steg bur bcas/ /cung zad cig ni lhag par bya/ /chab sgo gzhan rnams bcad pa ni/ /phye ma dkar po dag gis su/ /sgo yi dbus kyi cha dag tu/ /ri mo phra mo bri bar bya/ /dang por tshon rtsi sna lnga bri/ /dkyil 'khor gnyis pa sna gsum gyis/ /gsum pa phye ba dkar po yis/ /tshig kyang du ni bri bar bshad/ /gzhan yang gang dag kha cig tu/ /ri mo gcig pa'ang de bzhin te/ /phal cher gang dag bshad pa ni/ /de dag thams cad ri mo gcig /ces gsungs pa la/ yang rnam pa gzhan du sems can khams ni zhen byed cing/ /'di ni chos dbyings ro yin par/ /sangs rgyas rnams kyis mngon gsungs te/ /de phyir 'di ni tshon zhes bya/ /tshon ni nang nas dgye bar bya/ /phyi rol nas ni tshon mi dgye/ /dkar po thog mar btang bar bya/ /de yi 'og tu dmar po ste/ /de nas ser po btang bar bya/ /de yi 'og tu ljang gu btang/ /kun gyi nang rol nag po ste/ /tshon gyi cho ga de ltar bshad/ /ces gsungs pa'o/ /de la tshon byin gyis brlab pa'i rim pa ni/ /thig skud byin gyis brlab pa'i rim pa lta bu la/ /oM badzra tsi tra sa ma ya ma ti kra ma hUM zhes bya ba lag pa gnyis khu tshur bcas te/ mdzub mo gnyis bsgrang ste/ sbyar ba'i phyag rgya dang bzhes pas byin gyis brlab cing/ tshon bkye nas tshon gyi cha lhag ma yang oM A(rgyud 'grel): hUM mu:

  584. 292b

    zhes bya bas gshegs su gsol bar bya'o/ /de la 'dir lung dang rjes su 'thun par phyag rgya dgod par 'dod pa dang/ snying po'i dbus su sna tshogs pad+ma la 'khor lo dkar po'o/ /de bzhin du nang gi dkyil 'khor du lha thams cad kyi gnas su sna tshogs pad+ma la/ sngar bshad pa'i mdog dang 'thun pa'i rang rang gi mtshan ma bri ste/ shar gyi re mig la rdo rje 'am ting nge 'dzin gyi phyag rgya'o/ /lhor rin po che margad cha dgu pa'o/ /nub tu lhung bzed do/ /byang du sna tshogs rdo rje'o/ /grwa bzhir ni mig gi 'bras bu dang/ rdo rje rtse gsum pa dang/ pad+ma'i yan lag dang utpa la'o/ /shar nas brtsams te rtsibs bcu drug la/ /rdo rje lcags kyu mda' gzhu dang/ /rin chen rgyal mtshan nyi ma 'dzum/ /pad+ma ral gri 'khor lo gsum/ /las dang go cha/ 'jigs byed bcangs zhes pa rnams so/ /rtsibs mtshan gyi bzhi la rdo rje rtse lnga pa dang/ rin po che'i phreng ba dang/ pi wang dang/ gar gyi lag pa dag go /phyi rol gyi grwa bzhir dri'i dung phor dang/ me tog gi gzhong bu dang/ bog por dang/ mar me'i mchod spong dag go /sgo bzhir ni lcags kyu dang/ zhags pa dang/ lcags sgrog dang dril bu dag go /de nas khyams la dgod pa ni/ shar sgo dang 'brel pas sna tshogs pad+ma la tho ba'o/ /de'i rjes su sna tshogs pad+ma bzhi la/ rdo rje dkar po bzhi'o/ /ngos cig tu pad+ma'i 'dab ma drug la lhung bzed drug go /de dag dang 'dra ba las/ be con dang rin po che dang/ pad+ma dang ral gri dang/ sna tshogs rdo rje dang bye brag go /de dag gi bar bar du mchod pas lag pa brel ba'i lha mo rnams so/ /kha cig na re dkyil 'khor 'di sgo gsum lha'i snam bu dang bcas par bya ba las/ 'di rnams sgo gnyis pa yin la/ de nyid du rdo rje la sogs pa'i phyag rgya dgod do zhes zer ro/ /de nas phyi rol du rim pa dang po'i phyogs

  585. 293a

    bzhir gling ri rab mdog dang 'thun pa bzhir/ rdo rje pad+ma dang rtse gsum pa dang/ 'khor lo rnams so/ /rim pa gnyis pa la dbang ldan du rtse gsum dkar po gnyis so/ /shar stod du pi wang dam/ zhags ba dkar po ste/ de dang 'brel bar cang te'u dkar po dang/ gdengs ka dkar po dang/ rdo rje dkar po dang/ shar lhor me thab ste/ de nyid du dgos so/ /lho stod du dbyug tho sngon po ste/ de nam mkha' o phyag rgya dang/ rdo rje dra ba can no/ /de nas be con sngon po ste/ de'i rjes su thod pa dang tog dang zhags pa dang/ tri shu la dang/ pad+ma dang 'khor lo dang/ mdung thung dang tho ba dang thod pa dang/ rdo rje dang dbyug to 'am/ yang na sor mo bcu bsnol ba 'ba' zhig bri'o/ /de'i rjes nyid du dbyug to dang/ pad+ma dang 'khor lo dang/ rdo rje bsnams pa'o/ /sring mo bzhi'i 'o/ /de nyid thod pa 'am/ lce rdo rje can te/ 'di dag ni dbang phyug chen po 'am/ chos kyi rgyal po gshin rje'i 'khor du 'ang rung bar bri'o/ /de nas lho nub tu ral gri'o// de nyid du yang ral gri dang lce'o/ /nub stod du rdo rje 'am zhags pa ste/ de nas dbyug to dang gshog pa dang utpa la dang/ sbrul mgo dang zhags pa dang/ bum pa 'am mche ba'o/ /nub byang du ba dan dkar po dang/ rtse mo can gyi ri dung ka'o/ /byang stod du dbyug to ste/ de nas mche ba rdo rje can/ /yang dbyug to'o/ /de nas rim pa gsum pa la phyogs bzhi dang/ mtshams bzhir dbyug pa brgyad dang/ phyogs bzhir yon chab kyi phyog rgya bdun bdun phyogs kyi dbyug pa re re'i rjes su bri'o/ /rim pa bzhi pa la sngar bstan pa rnams ming du bra zhing sngar gzugs dngos su smras pa rnams ni/ gzugs nyid du'o/ /'dir stan dang kha dog dang dbyibs dang tshad kyi man ngag kyang stan zin to/ /phyi rol gyi

  586. 293b

    gru rnams pad+ma'i tshal dang shing dang mtsho dang bya bkra shis ba rnams bri'o/ /phyi rol gyi cha chung la ni khor yug chen po ltar rdo rje phreng ba dri'o/ /de ltar dkyil chen po dgod pa byas nas dkyil 'khor gyi yo byad nye bar dgod pa'i phyir/ de nas mkhas pas dkyil 'khor la/ /rla re rgyal mtshan lhab lhubs dang/ /gdugs dang rnga yab lda ldi dang/ /'phan dang sna tshogs na bza' mchog /ces bya ba la sogs pa smos te go sla'o/ /gser las byas ba'i bya rnams ni/ /brgyad dam bcu drug lhag kyang rung/ / dbang bskur rin chen chus bkang ba'i/ /bum pa lnga ni bzhag par bya/ /zhes pa dang/ 'og nas rnam rgyal bum pa dri'i chus/ /rab tu bkang ste bzhag par bya/ /zhes bya ba smos pa ni rnam par rgyal ba dang/ /rigs bzhi'i bzhi dang/ /lha mo bzhi'i bzhi dang/ /sems dpa' bcu drug gi bzhi dang/ /smeg? mo la sogs pa bzhi'i gcig dang/ bdug pa la sogs pa'i bzhi'i gcig sgo skyong rnams kyi gcig ste/ de ltar bum pa bcu drug gam de ma 'byor na rnam par rgyal ba dang rigs bzhi lha mo dang bcas pa'i bzhi dang/ sems dpa' rnams kyi gcig dang/ mchod pa rnams kyi gcig dang/ sgo skyong rnams kyi gcig dang brgyad do/ /de yang ma 'byor na ni spyir rigs re re la re re te lnga'o/ /de yang gal te ma 'byor na rnam par rgyal ba'i bum pa gcig bus dbang bskur la/ las kyi bum pa ni thams cad du bzhag ste/ des na bum pa gnyis ni nam yang mi rung ngo/ /mar me me tog bum pa dang zhes bya ba'i bum pa 'di ni bkang ba'i bum pa ste/ ji snyed 'byor pa bzhag par bya'o/ /de la dbang bskud pa'i bum pa rnams ni/ dang por stong pa nyid las yi ge paM dkar po las zhabs gdub sor re ba/ lhor chu yul ma ga d+ha'i bre gang shong ga mgrin pa sor bzhi ba la phra rab pa 'khyer sor gnyis 'phyang ba/ sor gcig gdong la yod pa/ dpag bsam

  587. 294a

    gyi shing gi yal ga can/ sngar smos pa'i rin po che dang/ 'bru dang sman dang ldan pa/ ras dkar por mgul bcings ba/ spos kyi chu nyung zad dang ldan pa las/ chu la sogs pa stong par byas pa la yang der sa bon lha ji snyed pa bskyed de/ ye shes kyi lha rnams bstim la/ mchod pa lngas mchod de/ de ji ltar nus pas bzlas te/ mjug tu dri'i chu blugs pas reg pa las gyur par byas la/ bya ba la zab? kyi bar du thun mtshams gsum du bzlas so/ / mdzes pa'i bshos rnams bzhag par bya/ /zhes pa'i bshad pa ni/ bzang dbang btung ba sbyar legs dang/ bca' ba sna tshogs bzhag par bya zhes bya'o/ /gnod sbyin srin po kha zas su/ /gtor ma rnam pa sna tshogs bzhag/ 'byung po ba dang klu dang lha mi dang mi min de bzhin te/ /me tog dri rnams sna tshogs dang/ /'o ma mar dang kha rar bcas/ /zhes bya ba la phyogs kyi gtor ma ni/ /rgyu sna tshogs las byas te/ rang rang gi 'dod pa dang 'thun par byas la// 'byung po la zhes bya ba la/ /'byung po thams cad pa'i gtor mas gcig char sbyin pa ste kha de bas na 'og nas de nas 'byung po kun gyi gtor ma zhes bya ba ni/ 'di'i 'byung po ba zhes bya ba dang sbyar te/ de yang 'byung po pa'i gtor ma ni/ sa yel dang/ ling ga li dang/ sran chan til gyi bis ta ga /rtsa ba 'bras bu 'bras chen zho/ /cung zad sngon las cung zad dang/ me tog 'bras yos chur bcas pa/ /'dab mar bcas pa'i gtor ma ste/ /phyi rol 'byung po thams cad la/ /de ming 'byung po kun gyi'o/ /zhes 'phags pa rab tu grub bar byed pa las gsungs pa'i gtor ma'o/ /sems can dkres shed skom la btung ba dang zhes bya ba ni 'di'i ming dang zhes bya ba smos pa dang sbyar ro/ /phyogs

  588. 294b

    la gnas pa rnams la rnam par rtag /de'i gtor ma rjes su 'thun par bya/ /zhes smos pa dang/ 'di'i gnod skye ni srin po'i kha zas su zhes bya ba la sogs pa'i lhag ma rnams sbyar ro/ /de la rjes su 'thun pa'i gtor ma ni 'di lta ste/ shar du na me tog phreng dmar de bzhin sros/ /'bras chan dmar po'ang de bzhin te/ /ba dan dmar po'ang sbyin par bya/ /tsan dan dmar po nyid dag dang/ /skud pa dmar po dag dang ni/ /de dag thams cad sbyin par bya zhes pa'o/ /steng du ni me tog dri dang me tog phyed/ /mar me yang na de la sbyin/ /pad+ma utpal pu shel rtse/ /chad dang 'bras chan sbyin du gzhug /gdugs dkar bsang byed srad bu dang/ /de bzhin me tog phreng dkar bsnams zhes pa'o/ /lhor ni kri sar dang byug pa'i zas/ /sha btsos de bzhin rdzin pa dang/ /me tog spos dang gtor ma dang/ /me tog phreng ba sna tshogs pa/ /gtor ma de dag bsdus nas ni/ /lho phyogs su yang sbyin par bya/ /zhes so lho nub tu ni/ bur ba zas dang de bzhin spos/ /de bzhin sha btsos rjen pa dang/ / nas dang skom dang kri sa ra/ /sdig med khrag gi gtor ma bya/ /dri zhim po yi me tog rnams/ /kha dog sna tshogs rnams kyis bsres/ /zhes pa'o/ /nub ni bkra shis 'bras yos bu ram dang/ /sa nag kyang ni de bzhin te/ /me tog phreng ba bdug pa dang/ /na ga pus pa sbyin par bya/ /dri mar dang ni de bzhin du/ /skud pa dmar po sbyin bar bya/ /gu gul dang ni thang shing gi /bdug pa de la sbyin par bya zhes bya'o/ /'og tu ni de dag nyid dang me tog kun dang spos kun dang/ /me tog phreng ba sna tshogs dang/ /pad+ma utpa la pu sho la rtse/ /utpa la sngon po'i 'dab ma dang/ /sha btsos dang ni rjen pa'i sha/ /zhes pa'o/ /byang du ni zas kun dang ni spos kun dang/ /de bzhin me tog thams cad dang/ /shing thog kun dang kri sar/ /de bzhin 'bras kyi 'o thug dang/

  589. 295a

    sha btsos dang ni rjen pa dang/ /til zan dang ni 'byung po'i zas/ /gdugs ser dang ni mchod phyir thogs/ /de bzhin skud pa ser po dang/ /'gron bu dag dang gsar dag dang/ /rin chen rnam pa sna tshogs rnams/ /tshul bzhin du ni sprin par bya/ /zhes pa'o/ /byang shar du ni ? rnams dang ni 'bras yos dang/ /bum pa ba dan sngon po dang/ /sha btsos dang ni rjen pa dang/ /de bzhin khur ba zas rnams dang/ /dri dang me tog dkar po dang/ /'bras kyi 'o thug de bzhin sbyar/ /zhes pa'o/ /shar lho dang nub byang du ni/ /swa ti ka dang u lo pa'i/ /bza' ba ci 'byor bu ram tsan/ /lag pan tsa ba 'bras bu dang/ /'o thug dag ni 'dod pa ste/ /de ni thams cad 'dod ces bya/ /zhes pa thams cad 'dod pa gtor ma bya ste/ 'di gnyis la nges pa'i kha zas ma gsungs la/ gtor ma 'di nyid snga ma thams cad kyi go sbyar du yang rung ngo/ /'byung po 'di nyid las snga ma rnams lhag par bya'o/ /zhes kha cig rtog /gal te sgrub pa po rab tu rgyas par sbyin par 'bod pa na/ rig pa mchog gi rgyud las gsungs pa ltar gdon chen po brgyad la yang gtor ma ma 'dres par sbyin par bya ste/ de yang dang po ni gnod sbyin gyi gtor ma bya ste/ bar chad grag po spang ba'i phyir ro/ /de nas 'byung ba thams cad la ste/ /bar chad spang ba dang/ de dag gi bsnab sems dag pa'i phyir ro/ /de nas ni phyogs kyi bdag po'i gtor ma ste/ tshogs rdzogs par bya ba dang las grub pa'i phyir ro/ /de nas zhes bya ba ni don gyi dbang gis na/ rdul tshon bkye ste/ nye 'khor ba'i rnam par lngas byugs nas mchod pa dang/ yo byad bkod ma thag tu'o/ /khrus sogs bya la zhes bya ba ni ji skad du 'phags pa dpung bzang gis zhus pa las gsungs pa/

  590. 295b

    lus la dril phyis byas nas ni/ /chu chen rnyog pa med par zhugs nas kyang/ /ji tsam 'dod pa'i bar du khrus byas te/ /byung nas shar ram byang du kha bltas te/ /chu yi lag pa brkyang pa bkrus nas ni/ /pus mo phyi rol tu ni bstan byas te/ /bar du lag bzhag cig tsog pur 'dug nas/ /sgra med dbu ba med par nye reg bya/ /lan gsum bar du chu ni 'thungs nas kyang/ /mchu la lan gnyis yongs su phyi bar bya/ /so la chags pa lce yi reg pa dang/ /sprid par gyur pa kha yang bkru bar bya zhes pa dang/ yang de gnyis las/ sa phung bshad sgo lnga ste mtshan ma gsum/ /g.yon pa gsum ste lag pa gnyis la bdun/ /yang na sa dang mchu yi ji srid du/ /dri ma dri bral de srid bar du bya/ /zhes gsungs pas so/ /gal te rnal 'byor pa chos rang bzhin gyis dag par mos pa zhig yin na ni/ de nyid khrus yin pas/ 'jig rten pa dang/ 'thun par bya ba'am/ /lus la phan pa'i ched ma yin par phyi rol gyi khrus la la ched du mi bya ste/ /ji skad du 'phags pa de kho na nyid 'dus pa las kyang/ mu stegs can rnams gzhom pa'i phyir/ /'byung ba che las thams cad byung/ /mi gtsang zhes ni gang las bya/ /thams cad grub par byed pa'i mchog ces gsungs te/ sogs pa byas la zhes bya ba ni/ ci nas kyang phyis bar chad du mi 'gyur bar/ /bza' ba dang btung ba la sogs spyad pa 'am/ gtam gyi bsgo ba la sogs pa bya ba ma lus pa rdzogs par byas pa'o/ /dri dang zhes bya ba ni lus tsan dan dkar po'i bde gus ci rigs su byug cing/ ma 'byor bas kyang bzhin tsam byug bar bya'o/ /phreng mchog phreng ba can zhes bya ba

  591. 296a

    ni/ utpal la sogs pa'i phreng ba bzang po mgo la bcings shing mgul du yang 'phyang bar byas pa'o/ /dri zhim kha bkang zhes bya ba ni gla rtsi bzang po ci rigs zhig khang bzung ngam/ zhal kha bsgo ba'i byug pa'i sbyor ba byas pas kha bsgo ba'o/ /mchog mdzes pa zhes bya ba ni/ stong g.yogs dang smad g.yogs dmar po gyon la/ sor gdub dang/ mgul rgyan dang rna cha dang/ mu tig gi do shal la sogs pas mdzes par byas shing/ gtsug tor dang dbu rgyan dang/ dar dbyangs kyis bsgeg pa'o/ /gal te rab tu byung ba zhig na yang chas gos snas sbyar la sogs pa rab tu mdzes pa/ rang gi 'dul ba'i cho ga dang mi 'gal bar byas pa'o/ /de nas dkyil 'khor gyi mdza' yol pa chen pos bskor la/ bdag nyid dkyil 'khor gyi shar du stan nang tshangs can la 'dug ste/ sngon bzhin du dam tshig sems pa'i rnal 'byor rdzogs par byas la/ bris pa'i dkyil 'khor de yang yid kyis sprul pa'i dkyil 'khor ji lta bar bskyed de/ bdag nyid dbus su gnas pas sgo dbye ba'i phyag rgya rdo rje sor mo gnyis kyis rtse mo yang dag par bsdams zhing/ bsnyams la bkan ste/ oM badzrodg+ha Ta ya sa ma ya pra pe sha ya hUM zhes brjod cing rab tu khros la g.yas brkyang ba la sogs pa'i 'dug stangs la brten te/ sgo thams cad dam shar gyi sgo dbye bar bya'o/ /de nas badzra badzra hUM zhes brjod cing phyir 'byung bar bya ste/ yid dang phyag rgyas ri mo dang/ rdo rje thig kyang gdag bya ste/ sangs rgyas ri mo dri med pa/ ldan pa 'gongs kyang nyes pa med ces gsungs te/ 'dir yang na ri mos bskor? ma thag tu sbyor ba 'di byas la/ /yang na phyag rgya ma bkod pa la

  592. 296b

    bya yang rung ngo/ /de nas rang rang gi sngags brjod pas/ /lha'i tshogs sum cu rtsa bdun 'grub par lta ste/ byang chub sems dpa' byams pa la sogs pa ni/ ched du bskyed pa dang spyan drang mi dgos kyi/ gang du dkyil 'khor chen po gnas pa der/ rang bzhin kho nas 'byon no/ /de nas gtso bo rgyal ba sras kyi 'khor/ /mang pa rnams ni spyan drangs te/ /zhes bya ba sbyar te/ gtso bo zhes bya ba ni sangs rgyas rje btsun rnams so/ /rgyal ba'i sras zhes bya ba ni byang chub sems dpa' dang lha mo la sogs pa'o/ /'khor mang po rnams ni zhes bya ba ni/ phyi'i dkyil 'khor la sogs pa'o/ /spyan drangs te zhes bya ba ni bod pa ste/ ji ltar spyan drang zhe na/ de'i phyir phyag rgya sngags dang bdag ldan zhing/ /lcags kyu la sogs rnams 'byor gyis/ /zhes bya ba gsungs te/ de la phyag rgya ni 'og nyid nas/ /gsang ba'i bcing bas bcings nas ni/ /zhes bya ba la sogs pas ston te/ gsang ba'i zhes bya ba ni phyag rgya bcings pa de nyid rab tu gsang zhing sba bar bya ste/ ji skad du 'phags pa de kho na nyid 'dus pa las/ slob dpon ma yin gzhan dang ni/ /slob ma ma yin bu min pa'i/ /mdun du phyag rgya mi brjod de/ /de dag gsang ba phyag rgyas 'grub ces gsungs la/ zla ba gsang ba'i thig le las kyang/ /dam tshig ma yin mi shes la/ /sngags rig pas ni bstan mi bya/ /phyag rgya thams cad gsang ba ste/ dam tshig phyag rgya gsang ba yin/ /zhes gsungs so/ /bcings pa zhes bya ba ni / rdo rje thal mo'o/ /bcings nas ni zhes bya ba ni rdo rje bsdams pa ste/ /ji skad du 'phags pa de kho na nyid 'dus pa las/ dam tshig phyag rgya thams cad ni/ /rdo rje bsdams las byung bas na/ /zhes gsungs te/ dam tshig gi phyag

  593. 297a

    rgya nye bar mtshon pa'o/ /mdzub gnyis zhes bya ba ni go sla'o/ /sngags ni e hye hi b+ha ga waM mahA ka ru Ni kA t+ma ka dza(rgyud 'grel): hUM baM ho(rgyud 'grel): zhes bya ba ste/ lcags kyu la sogs pa'i rnal 'byor ni yud tsam gyis bdag nyid der mos pa'o// 'dir don ni bris pa'i dkyil 'khor bskyed cing/ sgo phye nas bdag shar sgo la phyogs par gnas te/ /sngags snga ma brjod pas lha rnams khang pa brtsegs pa'i nyen 'khor du byon par bya ste/ 'phags pa de kho na nyid bsdus pa'i rgyud du/ /rdo rje bsdu ba'i tshul lta bu'o/ /de nas rdo rje lcags kyu la sogs pa'i phyag rgya chen por bdag nyid yid la byed cing de dag gis phyag rgya bcings nas oM sarba na ra ka ga tya ka sha ni hUM phaT/ oM sarba na ra gA bud+da ra ni hUM phaT/ /oM sarbba pa ya band+ha mo tsa ni hUM phaT/ oM sarbba pa ya ga ti b+ha ga /waM bi na sha ni hUM phaT/ zhes brjod la nang du byon pa dang/ gnyis su med par bya ba dang/ bcing ba dang mnyes par byas nas mchod pa la sogs bya'o/ /de nas mtshon ma skyes te zhes bya ba ni 'od zer dang/ mi las 'das pa'i dri la sogs pa mthong nas so/ /mgu nas ni zhes bya ba ni bdag gi nges par slob ma smin par byed nus so zhes bsams te yid spro ba byas nas so/ /thog ma tha ma med par zhes bya ba ni/ /dang po dang bar dang tha mar bye brag med par ro/ mngon sum mthong zhes bya ba ni dbang po'i mngon sum dang 'dra bar lha rnams gsal bar bltas te/ sems rtse gcig tu byas zhes bya ba'i don to/ /slob dpon kha cig na re/ thog ma bcom ldan 'das thams cad rig pa nas tha ma'i shin tu phyi rol gyi lha rnams kyi bar du byon pa'i tshe bye brag med par mthong bar 'gyur te/ 'di nyid

  594. 297b

    mtshan ma skyes zhes bya ba yin la/ de ltar mthong bas mgu nas ni mchod pa bya ba ste/ de ltar yang lha chen po dgu'i dkyil 'khor las/ de nas byon pa mthong ba dang dga' ba chen pos mchod par bya zhes gsungs so/ /de ltar mngon bzhin du phyag rgya bzhis rgyas btab ste/ mchod pa bya'o/ /'dis nam mkha' i dkyil la 'og min nas spyan drang ba bstim zhing/ de bris pa la thim par bya ba ni man ngag go /da ni mchod pa ston par bzhed nas arga mchog phul zhes bya ba la sogs pa gsungs te/ 'dir mchod yon gyi mtshan nyid 'phags pa rab tu grub par byed pa las gsungs pa/ gser dang dngul dang zangs ma dang/ /rdo ba dang ni shing gi 'am/ /kham pa 'am dung ngam nya phyis sam/ /de bzhin lo ma'i snod kyang rung/ /zhi dang rgyas dang drag spyod dang/ /rab dang 'bring dang tha ma yis/ /las dang dngos grub dag la ni/ /rigs pa'i snod rnams sbyar bar bya/ /kha dog yon tan bshad pa las/ /gzhan dang gzhan yang ci rigs pa'i/ /snod rnams ji ltar 'dod pa ru/ /mchod yon phyir ni rab tu sbyar/ /zhi ba'i mchod yon nas dang bcas/ /til dang bcas pa rgyas pa la/ /thams cad dang ni 'gal ba'i phyir/ /ko ta par bcas drag spyod la/ /zhi ba'i mchod yon 'o ma can/ /rgyas pa la ni zho can no/ /ba yi gcin nam yang na khrag /drag shul spyod pa'i don du shis/ /rab dang 'bring dang tha ma dang/ /las rnams kun la 'bras yos shis/ /spos dang me tog ku sha til/ /chu rnams bye brag med par bshad/ /zangs kyi snod ni mchod yon phyir/ /las rnams kun la rab tu shis/ /'di dag bdag gis ma 'byor gyis/ /bdag la bzod par mdzod ces nas/ /yang na ci 'byor

  595. 298a

    pas kyang rung zhes pa las/ /zhi ba la sngags pa'i mchod yon ni/ /'dir arga mchog ste de phul bas mchod pa lhag ma rnams bya/ /glegs bam la la las arga mchog rtags shes 'don te/ de yang snga ma lta bu zhi ba'i mchod yon ni mchog tu rtag par bya ba 'am/ rung pa zhes bya'o/ /gsang la sogs pa zhes bya ba la/ gsang ba'i mchod pa ni sgeg mo la sogs pa bzhi ste/ 'di dag gis snying po'i dkyil 'khor gsang ba mchod par bya ba'i phyi rol gyi lha rnams ma yin pas so/ /sogs zhes bya ba ni rdo rje me tog la sogs pa bzhi bsdu'o/ /de ltar mchod pa dgus mchod nas mnyam med mi g.yo zhes bya ba la sogs pa'i dbyangs kyis bstod pa'i phyir/ /dbyangs snyan pa'i stod pa dang zhes bya ba smos te/ rol mo'i cha byad dam pa dang sbyar ba drug ldan la sogs pa'i nga ros stod par bya ste/ ji skad du zla ba gsang ba'i thig le'i rgyud las/ pi wang gling bu yang mtshan sgra snyan gyis/ /glu blangs dngos grub rgya chen 'thob par byed/ /ji snyed yid du 'ong ba'i glu dag ni/ /'jig rten grags pa'i bde ba'i bde ba dag /bden pa'i sgra yis bskyed pa rnams bsgyur ba/ / de dag mthun? pa'i dbyangs 'dis sgrub par byed/ /sha ta pa dang sha dza'i dbyangs/ /glu ru blangs pas pad+ma gnas/ /dngos grub myur du thob par 'gyur/ /'di yis byin brlabs dag pa dang/ /'di yis byin brlabs bde ba rnams/ /sbyor ba 'di yi sbyor ba yis/ /'dod byed thams cad thob par 'gyur zhes gsungs so/ /de nas lha'i gtso bo thams cad la/ /ras ni zung re dbul bar bya/ /sems dpa' chen po phal rnams la/ /ya re phul

  596. 298b

    bar rab tu bsgrags shes gsungs pa 'am/ yang na lha thams cad la ras zung re 'bul ba 'am/ ma 'byor na re re 'am/ de yang ma 'byor na thams cad la zur gcig gam/ rab tu 'byor pa dman na thams cad la gcig dang/ 'byor pa yod na ba lang dang rta dang/ rnga mo dang ra dang lug la sogs pa'i khyu rab tu brtags pa dang/ rin po che'i tshogs dang/ bza' ba dang bca' ba dang bldag pa dang/ btung ba gya nom pa mang po dang/ dril bu g.yer ka btags pa'i rta bab dri zhim po dang/ rin po che bdun dang/ nye ba'i rin po che bdun dang/ bkra shis kyi rdzas bcu drug dag kyang rab tu yid du 'thad pa/ 'bul bar ston pa ni lha rdzas dam pa rnams kyis legs par mchod ces gsungs pa'o/ /de la mchod pa'i cho ga ni bya ba'i rgyud kyi dbang du mdzad de/ 'phags pa rab tu grub par byed pa las/ thal sbyar mchod yon blos mchod dang/ /cho ga'i yan lag nyid dang bzhi/ /ji ltar rigs pa nye bar sbyad?/ zhes gsungs la/ /spyod pa'i rgyud kyi dbang du mdzod de/ /rnam par snang mdzad mngon par byang chub pa las/ /mchod pa rnam bzhir shes bya ste/ /phyag 'tshal pa yi thal sbyar dang/ /de bzhin byams dang snying rje dang/ /me tog bdug spos 'jig rten pa'i/ /sor mo las byung me tog rnams/ /skyob pa kun la dbul bar bya/ /zhes gsungs so/ /rnal 'byor gyi rgyud dag tu ni/ /mchod pa rab tu mang po bstan te/ /lha mo ku ru kul+li 'byung ba las ni/ /me tog la sogs pa mchod pa bco brgyad gsungs so/ /'phags pa de kho na nyid 'dul ba las/ /mchod pa phyi dang nang dang gsang ba dang/ /rab tu gsang ba rnams bstan te/ /de bas na mchod pa rnams ni sgrub pa po'i bsam pa'i

  597. 299a

    dbang gis rab tu mang mod kyis/ /'di ni mchod pa dgu yan chad dang bcas pa'o/ /de yang ji skad du bshad pa'i yon chab thogs te/ e hye ti b+ha ga waM ni ha wak+te na sa ya me tsam arg+haM d+hu baM pra tits+tsha maM pU dza ni rdza tye pra sid+d+ha me/ A ha rA ha ra sarba birya d+ha ra pU dze te swAhA/ /zhes bya ba 'am/ oM badzra arg+haM pra tits+tsha/ A(rgyud 'grel): hUM zhes pas dbul lo/ /mchod yon ni sgrub pa po'i spyi bor bzung ste dbul lo/ /me tog la sogs pa yang snying kha 'am lte ba'i thad kar bzung ste dbul lo/ /de yang dang po phyag bzhi byas la/ /de nas mchod yon dbul te/ /de nas bdug pa dang me tog dang mar me dang dri rnams sarba d+harma swa b+hA wa shud+d+ha zhes bya ba rab tu dag par mos par byas la/ rab tu mang zhing mchog tu bya ba dang/ ji ltar bsngos pa bzhin du 'byung bar bya ba'i phyir/ oM sarba a pa yi ba sho d+ha ni d+ha ma d+ha ma d+hU pa yaM hUM phaT/ oM sarba durga ti pa ri sho d+ha ni puShpa bi lo ka ni hUM phaT/ oM sarba a pa ya bi sho d+ha ni dz+nyA nA lo ka ka ri hUM phaT/ /oM sarba a pa ya ga ti gand+ha sha ni gand+ha baM ti hUM phaT/ zhes bya ba rnams snyim pa zed pa las gyen du 'thor ba dang/ de nyid las the bong gnyis gyen du mnyams nas mdun du 'dzin pa dang/ de nyid las dung dang 'dra bar byas pa'i phyag rgya rnams bcings te phul bas/ rab tu rgyas par tshim par bsam mo/ /de nas gsang ba'i mchod pa bya ste/ rang gi dam tshig sems dpa' i rnal 'byor du rab tu gsal bar byas la/ rdo rje'i gar gyis bya ba rdo rje'i khu tshur gnyis dku g.yas g.yon gnyis su sgeg pa'i tshul gyis bzhag la/ byang chub kyi sems yid la byed cing de la rab tu dga' bas spyi bos g.yon du

  598. 299b

    cung zad btud de oM badzra lA sye/ oM badzra satwa su saM gra had/ oM badzra ratna ma nut+tA raM/ badzra d+harma ga ya ne/ badzra karma ka radb+ha be zhes glur blang ngo/ /de nas rdo rje khu tshur gnyis kyis bdag gi spyi bor phreng ba 'dzin pa'i tshul du byas la/ sangs rgyas kyi yon tan bdag dang sems can thams cad la 'byung bar smon pas/ oM badzra mA le zhes bya ba la sogs pa brjod do/ /de nas 'gro ba thams cad la mdo sde zab mo la sogs pa bshad pa 'byung ba yid la smon pas/ rdo rje khu tshur gnyis rang gi kha nas tshig 'thon pa ltar byas te/ oM badzra gI ti zhes bya ba la sogs pa brjod do/ /de nas yang rdo rje gar gyis tshul gyi thal mo spyi bor sbyar te/ 'gro ba la des pa'i tshig tu chos ston pa dang/ spyod lam sna tshogs kyis 'gro ba'i don la mkhas par gyur cig ces smon pas/ oM badzra nri tri zhes bya ba la sogs pa brjod par bya'o/ /yang na de dag gi phyag rgya bstan pas/ de dag nyid kyis de dag nyid la rang rang gi mchod pas mos par bya'o/ /yang na dang po yon chab phul la/ de nas gsang ba'i mchod pa brjod de/ gsang ba'i mchod pa de dag gi yon tan yang/ 'phags pa de kho na nyid bsdus pa las/ rdo rje 'joms byas nas kyang/ /rdo rje phreng ba 'ching byed cing/ /de nas rdo rje glu blangs la/ /rdo rje gar gyis mchod byas nas/ /'dod pa'i dga' ba dbang bskur mchod/ /glu dang gar gyi bde ba las/ /bde ba gzhan ni yod min te/ de phyir gsang mchod 'di bla med/ /ces gsungs pa lta bu'o/ /de nas bdug pa la sogs pas mchod pa yang rung ngo/ /de nas oM badzra ba Ta hUM zhes brjod pas ras phul la snyim pa mdzes pa rab tu brkyang ba'i phyag

  599. 300a

    rgyas bshos rnams/ /oM a kA ro zhes bya ba la sogs pas dbul lo/ /sngar bshad pa'i yon chab ni rdo rje thal mo brkyang pa las gung mo gnyis nang du bcug pas dbul lo/ /oM badzra bitbu? ra pu ra a barta ya ho zhes 'don cing nam mkha' mdzod kyi phyag rgya bcings la/ rta babs la sogs pa dbul lo/ /gal te mchod pa rnams dngos su ma 'byor na/ de'i tshe mchod pa'i gzugs brnyan rnams gro ga la sogs pa la bris ti/ dngos yin par lhag par mos par mchod yon tsam du dbul lo/ /de ltar ni 'phags pa rab tu grub par byed pa las/ che ge mo 'di bzhes shig ces/ rdzas kyi ming nas phyung ste dbul lo/ /ma 'byor na yang gzugs brnyan rnams/ /byas nas mchod yon dbul bar bya/ /sngags dang mchod pa phul ba yi/ /cho ga thams cad tshogs par 'gyur zhes gsungs so/ /de bzhin du mchod pa ji ltar 'byor pa tsam/ yid kyi mchod pa dang bcas nas mchod pa yang/ de nyid de las rnam pa kun la mkhas pas ni/ /rtag tu ci 'byor pas kyang rung/ /yid kyi mchod pa khyad par can/ /yang dag nyid du brtsam par bya/ /chos kyi thog mar yid 'gro zhes/ /thub pa chen pos bka' stsal to/ /yid ni rab tu mnyam gzhag nas/ /cho ga lhag ma bya bar bshad ces gsungs so/ /de nas rdo rje dang dril bu 'dzin cing/ mnyam med mi g.yo mnyam nyid mchog gi chos nyid can/ /thugs rje'i bdag nyid 'gro ba'i sdug bsngal sel bar mdzad/ /yon tan mdza' yas dngos grub thams cad sbyin mdzad pa/ /dri med mi g.yo mnyam med dag pa'i chos nyid can/ /yon tan shin tu phra ba'i cha la'ang tshad med de/ /dpe ni nam mkha' dang yang bskrun du yod

  600. 300b

    ma min?/ /dngos grub mdza' yas mnyam med dpe dang bral ba rnams/ /sems can khams la dngos grub nges par stsol mdzad pa/ /rtag tu dri ma med pa'i thugs rjes shugs las byung/ /smon lam grub pa 'gag pa med pa'i chos nyid can 'gro ba'i don bsgrub rab tu brtson pa mdza' yas pa/ /thugs rje chen po'i bdag nyid rnam par snang/ tshad med tshad dang bral bar shin tu yongs rdzogs pa'i/ /bde bar gshegs pa'i go 'phang dam pa brnyes gyur dang/ /khams gsum rnams la dngos grub mchog stsol mdzad pa yi/ /thugs rje'i spyod pa mi g.yo 'gag par yongs mi 'gyur/ /e ma'o shin tu bzang po'i chos nyid mchog dang ldan/ /mchog sbyin rnams kyi nang na go 'phangs mchog brnyes pa/ / khams gsum kun la rtag tu dngos grub mchog stsol mdzad/ /mgon po dus gsum sgrib pa med par rab mkhyen pa/ /dam tshig mchog gsum dngos grub dam pa bdag la stsol/ /zhes glus bstod cing/ nus na 'phags pa de kho na nyid 'dus pa'i rtsa ba dang/ phyi ma'i phyi ma'i rgyud nas gsungs pa'i rje btsun rnam par snang mdzad kyi mtshan brgya rtsa brgyad pa dbyangs su blangs pas bstod cing mnyes par bya/ /byang chub sems dpa' phyag na rdo rje yin na/ rgyud 'di nyid las gsungs pa'i mtshan brgya rtsa brgyad pas bstod do/ /de nas yi ge brgya pa brjod do/ /bsgrub pa'i grogs mchog dkyil 'khor du bzhag la/ /phyi rol du gtor ma rab tu rgyas pa 'chad par byed pas sbyin no/ /de nas nang du 'ongs pa bdag nyid 'jug pa bstan pa'i phyir/ rdo rje 'dzin mas zhugs nas ni me tog thogs te sgo phyogs 'dug ces gsungs pa yang 'dir drangs te/ sems dpa' rdo rje ma'i phyag rgyas me tog phreng ba bzung bar

  601. 301a

    bya ba mdun du bzhag la/ oM sarba ta thA ga ta kA ya wak+tsit+ta pra na me na badzra banda na ka ro mi zhes brjod cing/ dkyil 'khor la yan lag brgyad dang ldan pa'i phyag lan gsum byas la phreng ba de blangs te/ dkyil 'khor lan bdun bskor bas/ yang phyag snga ma ltar byas la/ me tog de bdag po la phul te blangs la/ rang gi spyi bor gdags so/ /de nas po ti'i phyag rgya dang/ a zhes pa stong gis bdag gam gzhan la phab la/ rdo rje ye shes thob pa'i de bzhin gshegs pa thams cad kyi pho brang dkyil 'khor snying po 'dir/ /bdag gi slob ma gzhug par bgyi zhes bka' nos nas/ bdag dang gzhan nges smin par mdzad par bsams la/ /slob dpon du bdag por gyur pa las sdom pa dang dbang ma lus pa blo yis blangs te/ de nas phyag chen las byung de kho na/ 'khor lo 'ang gzugs brnyan dag tu mtshungs/ /oM nam mkha' las byung mtshan ldan phyir thog ma tha ma med pa'i mchog sems dpa' rdo rje che rang bzhin/ /rdo rje sems dpar rab grub mdzod/ /kun mchog dngos grub chen po ste/ /dbang phyug chen pho lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod nyes pa mi mnga' rtag pa 'ang khyod/ /'dod chags kun gyi rjes su gnyes/ /'dod chags chen po 'ga' ba che/ /bcom ldan 'das nyin kyis grub mdzod/ /shin tu bdag la kun gyi mchog /gdod nas 'gro ba de bzhin gshegs// kun tu bzang po kun bdag nyid/ /byang chub sems dpa' bdag grub mdzod/ /dngos grub chen po kun gyi mchog /dbang phyug che sogs phyag rgya yis/ /grub pa'i rdo rje cher bstod pas/ /rdo rje bsnyems bdag bdag

  602. 301b

    mdzod cig /sems can kun gyi yid khyab cing/ /sems can kun gyi snying la gnas/ /sems can kun gyi pha yin te/ /chags pa'i mchog te dam tshig mchog /thabs shes bdag nyid dkyil 'khor te/ /ye shes yin pa'i bden gang gis/ /bden pa 'di yis dkyil 'khor kun/ /gzugs brnyan gsal ba'i slob ma yis/ /skyon dang bral bar kun mthong shog /ces bya ba rnams kyis de kho na nyid bden pa dang dam tshig gsum gyi glu dang yang de kho na dang bden pa sgrags so/ /gal te zhag du mar dkyil 'khor gyi las byed pa'i tshe na/ gnas skabs dor dge 'dun la mchod ston gsol ba dang/ chos smra ba mchod par bya ste/ ji skad du rnam par snang mdzad mngon par rdzogs par byang chub pa'i rgyud las slob ma de bos bsgo ba ni/ bsod nams zhing yin zhes sems can kun gyi don gyi phyir/ skyobs pa rnams ni kun gyi gsungs/ /rnam dag yon tan rgyas pa yi/ /dge 'dun la ni kun gyi phul/ /dge 'dun la phul 'bras bu che/ /skyes bu mkhas pa gang zhig gis/ /dge 'dun la ni yon phul na/ /longs spyod chen po mi bzang pa/ /'jig rten 'thab par skye bar 'gyur/ /de bas thams cad mthun par ni/ /sems la dga' ba bskyed nas su/ /sangs rgyas bsngags pa'i dge 'dun la/ /ci nus pas ni mchod ston bya/ /zhes gsungs la bya ba'i rgyud gzhan dag las kyang/ /de nas bla mas ci 'byor pas/ /'phags pa dge 'dun mchod rten gsol/ /yang na bslob ma byed du bzhug /gal te mi 'byor par gyur na/ /dge 'dun gyi ni bskos pa yin/ /dge slong dag la mchod ston gsol/ /yang na sangs rgyas mchod pa 'am/ /dge 'dun dag la yon yang dbul zhes gsungs la/ phyogs bzhir

  603. 302a

    chos glog bzhi bzhag nas/ de la shar gyi phyogs su ni/ /shes rab pha rol phyin pa bzhag /byang gi phyogs su bzhag pa ni/ /gser 'od dam pa'i mdo sde yin/ /nub kyi phyogs su gzhag pa ni/ /de bzhin gshegs pa'i gsang ba'i mdod theg pa chen por sdong por bkod/ /lho yi phyogs su bzhag nas su/ /gus par de dag mchod par bya zhes gsungs te/ /gal te dkyil 'khor gyi las kyi dus tha ma zhag gsum du byed na de dag 'jug pa'i nyi ma snga dro bya'o/ / yang na chos bsgrags pas gsungs pa ni/ /phyi'i sa sbyang ba nas bzung ste/ /dkyil 'khor bsdus pa'i bar du bya'o/ /de nas 'og nas 'byung ba ltar slob ma bzhugs par bya'o/ /de ltar dkyil 'khor bsgrub par byas nas gtor ma sbyin pa'i phyir/ /'byung po kun gyi gtor ma bya/ /sems can bkres shing bskom la btung ba dang/ /phyogs la gnas pa rnams la rnam par brtag /de yi gtor ma rjes su mthun par bya zhes smos te/ de yang dang po ni bza' ba dang btung ba mang pos mi'i 'gro ba ji ltar nus pa tshim bar bya ste/ khyad par du ni khye'u dang bu mo gzhon nu 'khrig pa bsten mi nus pa rnams tshim par bya'o/ /de nas 'byung po kun gyi gtor ma la sogs pa bya ste/ /gtor ma'i tshul ji lta bu zhe na/ da ni gtor ma rgyas pa'i cho ga bdag gis 'dir brjod par bya ste/ ji skad du bshad pa'i gtor ma shing rta gang la'ang nyung zad kyang rung ste/ ji ltar 'byor ba'i pha rol tu khyer pa bsgrub pa'i grogs mchog dkyil 'khor du bzhag ste/ slob dpon bdag nyid kyis sbyin no/ /dang por bsgrub pa pos 'phags pa bdud rtsi 'khyil pa'i sngags lan bdun gyi bsrung ste/ de nas gtor ma der mar me dang me tog dang/ bdug pa dang phyug

  604. 302b

    pa'ang ? shos rnams rtsal la lag tu spos thogs te pus mo g.yas pa'i lha dang ? btsugs la yid don la bsdus te tshigs su bcad pa 'di brjod do/ /lha dang lha min gnod sbyin lto 'phye grul/ nam mkha' lding dang 'dab bzang lus bsrul po/ dri za srin po gdon gyi rigs rnams dang/ gang dag sa la gnas pa'i rdzu 'phrul can/ /bu smad bcas shing g.yog 'khor bcas rnams la/ /bdag ni pus mo sa la btsugs nas su/ /thal mo sbyar nas khyed la gsol 'debs kyi/ /gnas nas phan gdags phyir ni 'dir sbyon cig /'byung po gang dag ri rab steng gnas dang/ /dga' ba'i tshal dang lha'i gnas rnams dang/ /shar nub ri dang nyi zla'i khyim rnams dang/ /ri bo kun la gang dag gnas pa dang/ chu bo kun dang chu yis mdo rnams dang/ /rin chen gnas na lhag par gang gnas dang/ /mtsho dang rdzing dang steng ka chu dogs dang/ /g.ya' chu gsil ma can na gang gnas dang/ /grong dang phyugs lhas grong khyer stong pa dang/ /khang stong dang ni lha yi khang pa dang/ /gtsug lag khang dang mchod rten gnas dag gam/ /dka' thub gnas dang glang chen bres dang ni/ /rgyal po dkor khang dag na gang gnas dang/ /lam srang mdun khang dang ni bzhi mdo dang/ /gang dag lam pa che dang shing gcig drung/ /dur khrod chen po nags tshal chen po dang/ /seng+ge dred dang gcan zan gnas dag dang/ /'brog tshan 'jigs su rung bar gang gnas dang/ gang dag gling mchog rnams la gnas pa dang/ /lhun po dur khrod dag na gnas pa rnams/ rab tu dgyes shing go bar gyur nas su/ /bstod dang gtor ma mar me gus phul ba/ /'di dag bzhes te btung zhing bsnams su gsol/ /las 'di rnams kyi 'bras bu mchis par mdzod/ /ces brjod la

  605. 303a

    gtor te/ de phyogs kyi gtor ma bya'o/ /de yang de ltar gdon la mchod pa byas nas su/ /de dag phyogs skyong rnams la mchod par bya zhes gsungs pas so/ /snga ma ltar pus mo gtsugs te/ spos snod thogs la dbang po 'byung po'i gdon dang bcas pa yis/ /gtor ma phul ba 'di dag bzhes su gsol/ /me dang gshin rje srin po chu bdag dang/ /rlung dang lus ngan 'byung po gdon dang bcas/ /steng gi nyi zla tshangs pa chen po dang/ / lha rnams kun dang sa yi klu rnams dang/ /ri yi lha dang gnod sbyin tshogs rnams la/ /rab tu dgyes pa yis ni bzhes nas kyang/ /rang rang phyogs su legs par bzhugs nas su/ /rang gi bu smad mdza' bshes gnyen 'dun dang/ /nang mi dmag dang dpung bcas thabs gcig tu/ /me tog dri dang byug pa gtor ma bcas/ /'di rnams btung zhing legs par gsol nas kyang/ /bdag gi las 'di 'bras bu mchis par mdzod/ /ces pas so/ /de nas bstod pa yang bya ste/ /dbang po rdo rje 'chang ba'i lha/ /lha yi rgyal po gdon gyi bdag /shar phyogs gdon gyi tshogs bcas la/ /mchod pa bgyid cing phyag kyang 'tshal/ /me te sreg bya za ba'i lha/ / 'byung po'i rgyal po gdon gyi bdag /phyogs mtshams gdon gyi tshogs bcas la/ /mchod pa bgyid cing phyag kyang 'tshal/ /gshin rje be con thogs pa'i lha/ /lha yi rgyal po gdon gyi bdag /bdag gi gdon gyi tshogs bcas la/ /mchod pa bgyid cing phyag kyang 'tshal/ bden dang bral pa legs ldan lha/ /srin po'i rgyal po gdon gyi bdag /sna tshogs gdon gyi tshogs bcas la/ /mchod pa bgyid cing phyag kyang 'tshal/ /zhags pa thogs

  606. 303b

    pa chu yi lha/ /bden pa bsrung ba gdon gyi bdag /nub phyogs gdon dang bcas pa la/ /mchod pa bgyid cing phyag kyang 'tshal/ /rlung te srog kyang 'dzin pa'i lha/ /tshig srung gdon gyi bdag po ste/ /rlung gi gdon gyi tshogs bcas la/ /mchod pa bgyid de phyag kyang 'tshal/ /gnod sbyin lag na dbyug tho thogs/ /nor srung gdon gyi bdag po ste/ byang phyogs gdon dang bcas pa la/ /mchod pa bgyid cing phyag kyang 'tshal/ /dbang dang ldan pa 'dren pa'i lha/ /bgegs kyi rgyal po gdon gyi bdag /dbang ldan phyogs kyi gdon bcas la/ /mchod pa bgyid cing phyag kyang 'tshal/ /'og gi klu ste sa yi lha/ /sa 'dzin lag pa chen po ste/ /dam tshig shes pa'i gdon bcas la/ /mchod pa bgyid cing phyag kyang 'tshal/ /steng gi lha tshogs thams cad kyang/ /zla ba nyi ma bza' chen po/ /gza' skar rgyu skar thams cad la/ /mchod pa bgyid cing phyag kyang 'tshal zhes so/ /de ltar gtor ma phul ba'i yon tan ni 'phangs pa dpung bzangs kyis zhus pa'i rgyud las/ /de ltar gang zhig mtshan mo rgyu ba las/ /gtor ma gtong ba'i las rnams byed pa de/ /dngos grub shin tu myur zhing bgegs kyang med/ /yid du 'ong ba'i 'dod pa'ang thob par 'gyur zhes gsungs so/ de nas gtor ma de dag rang rang gi phyogs su gtor te/ spos chu lag pa g.yon pa'i mthil du blugs la mig gi bltas te/ bdud rtsi 'khyil pas lan bdun bzlas pas/ /rang gi spyi bor blugs pas bsrangs te/ dkyil 'khor gang dro bar bya'o/ /yang na tshul 'dis gtor ma sbyin te/ /de nas phyi rol byung nas su/ /mnyam par bzhag pas gtor ma sbyin/ /'bras yos til dang chur bcas shing/ /'bras chan dang ni me tog bcas

  607. 304a

    sran chen dag kyang mang du blug /snum dang lo ma dag dang bcas/ /de ltar slob ma slob dpon gyis/ /lag pa gnyis kyis blangs nas su/ /dga' zhing phyogs rnams kun tu gtor/ /bdug spos mchod yon bcas pa sbyin/ /dang por dbang ldan phyogs song nas/ /cho ga bzhin du gtor ma bya/ /dbang dang ldan pa gzhu can ni/ /tshogs dang bcas la sbyin par bya/ /de nas dbang po'i tshogs bcas la/ /gsang sngags shes pas sbyin par bya/ / sngags pa gtor ma la mkhas pas/ /me yi phyogs su gtor ma sbyin/ /de nas gshin rje'i phyogs dag tu/ /sngags pa mkhas pas sbyin par bya/ /de nas bden bral tshogs bcas la/ /gsang sngags shes pas sbyin par bya chu yi phyogs su klu rnams ni/ /bdag por bcas la de bzhin du/ /btsun 'di'i gnas la gnas pa yi/ /sngags rig pas ni tshul bzhin sbyin/ /de nas rlung gi phyogs song nas/ /rlung gi phyogs dang bcas pa la/ /rang gi ming nas smos nas su/ /sngags pas gtor ma sbyin par bya/ /byang gi phyogs su song nas ni/ /dngos grub dam pa 'dod byas la/ /yid ni rab tu dang byas la/ /gnod sbyin rnams la gtor ma sbyin/ /srin po rnams dang sha za dang/ /'byung po sha rjen za ba dang/ /sems can rnam pa sna tshogs la/ /mkhas pas gtor ma gtor bar bya/ /blo la gang dang gang dran pa/ /de na gnas pa'i sems can ni/ /ljon shing gel pa la gnas pa/ /de dang de la rab tu sbyin/ /dbang ldan gyi phyogs su ru tra ye swa hA/ /dbang po'i phyogs su Sha kra ye swA hA/ /me'i phyogs su agna ye swAhA/ /gshin rje'i phyogs su ba'i bai ba swa ta ye swAhA/ /srin po'i phyogs su rak+Sha sA d+hi ba ta ye

  608. 304b

    swA hA/ chu'i phyogs su me ka ra shan ye swA hA/ /rlung gi phyogs su ba ya be swA hA/ /lus ngan gyi phyogs su yak+Sha pirya d+ha rA ya swA hA/ /srin po rnams la kraM ka re swA hA/ /sha za rnams la mi tsi mi tsi swA hA/ /'byung po rnams la gung gung swA hA/ /kun tu gtor ma byin nas ni/ /lag pa legs par bkrus nas su/ /nye reg tshul bzhin byas nas ni/ /de nas nang du 'jug par bya zhes so/ /yang na 'byung po thams cad pa'i gtor ma phyi rol tu khyed la/ /oM a kA ro mu khaM/ sarba d+harmA NAM/ adyA nutpan+na twAt oM A(rgyud 'grel): hUM phaT swAhA/ zhes sgra chen po lan gsum brjod la/ /'gro ba thams cad la bsngos te gtor ro/ /yang na lugs 'dis gtor ma sbyin te/ dang por maN+Dal zlum po khru gang yan chad bcu phyogs brgyad du byed du bcug la/ /maN+Dal re re'i steng du gtor ma sngar bshams pa bzhag la/ /de nas dang por spyan drangs te/ /de nas dam tshig bstan cing mchod yon phul te/ /dri dang me tog dang bdug pa dang/ mar me dang bdug pa phul la/ /a kA ro zhes bya ba la sogs pas shar phyogs nas brtsams te/ gsum gtor la yang mchod yon la sogs pa phul te slar gtang ngo/ /de la sngags dang phyag rgya 'di rnams yin te/ shar phyogs su kha bltas te/ rkang pa g.yas pa rkyang ba'i tshul gyis 'dug nas/ /lag pa g.yon pa'i rdo rje'i phyag rgya la g.yas pa'i rdo rje'i phyag rgya rta zur logs su bzhag ste/ g.yas pa'i mdzub mo lcags kyus mdrang ba ni/ /brgya byin spyan drang pa'i phyag rgya'o/ /de la mdzub mo lcags kyur ma byas pa ni/ brgya byin gyi dam tshig gi phyag rgya'o/ /rkang pa g.yon pa brkyang ba'i tshul gyis 'dug la/ /spyan drang ba'i phyag rgya las/ mdzub mo brkyang ba ni slar btang ba'i

  609. 305a

    phyag rgya'o/ /de nas 'di'i sngags ni na mo badzra sa tsa di shi badzra pA Ni rak+Sha rak+Sha swAhA/ me'i phyogs su kha bltas nas/ lag pa g.yas pa'i mdzub mo zlum por bkug nas/ gung mo'i tshigs gsum par btsugs la/ mthe bong lag mthil tu bzhag pa ni me lha spyan drang ba'i phyag rgya'o/ /dgug pa'i phyag rgya las mthe bong ngos la mdzub mo btsugs pa ni me'i lha'i dam tshig gi phyag rgya'o/ /phyag rgya de nyid la mdzub mo mthe bo'i ngos la btsugs te phyir brag tu brkyang ba ni slar btang ba'i phyag rgya'o/ /de'i sngags ni agna ye ha ka pa li dzwa la dzwa la/ da ha ni khi tho li bi ru pAk+Sha swAhA/ gshin rje'i phyogs su bltas nas/ snyim pa mdun du bzhag ste/ sor mo phan tshun bsnol la/ khu tshur bcangs nas srin lag gnyis bsgrengs te bshibs la g.yabs te/ nang du bzhugs pa ni gshin rje dgug pa'i phyag rgya'o/ /srin lag gnyis phyi rol tu shin tu bshibs te/ bsgrengs la snying khar bzhag pa ni dam tshig gi phyag rgya'o/ /'di gnyis las srin lag sbyar ba ni slar btang ba'i phyag rgya'o/ /sngags ni sa ma ya swAhA/ /bden bral gyi phyogs su rkang pa mnyam par 'dug la/ lag pa g.yas kyi khu tshur bcings pa las/ mdzub mo dang gung mo ral gri 'dra bar bshibs la bsgrengs te bzhag /lag pa g.yon pa 'ang de ltar byas te/ sta zur phyogs su bzhag la/ g.yon pa'i mdzub mo bkug ste/ g.yas pa ni bden bral dgug pa'i phyag rgya'o/ /phyag rgya de nyid las lag pa g.yon pa sta zur phyogs su ral gri 'dra bar bzhag pa ni bden bral gyi dam tshig gi phyag rgya'o/ /dgug pa'i phyag rgya las mdzub mo brkyang ba

  610. 305b

    ni slar btang ba'i phyag rgya'o/ /sngags ni sarba b+hud+da ba ya kA ya ku ru swAhA/ chu lha'i phyogs su rkang pa mnyam pas 'dug la/ lag pa g.yas pa khu tshur bcangs la the bo dang/ mdzub mo gcig tu sbyar la zhags mig ltar byas te g.yon pa'i khu tshur yang de ltar byas la snying khar bzhag ste/ g.yon pa'i mdzub mo lcags kyu 'dra bar byas pa ni dgug pa'i phyag rgya'o/ /phyag rgya de nyid la g.yon pa'i mdzub mo khu tshur gyi tshul du bzhag pa las/ zhags mig ltar byas pa ni chu lha'i dam tshig gi phyag rgya'o/ /g.yon pa'i phyag rgya las mdzub mo slar btang ba ni slar btang ba'i phyag rgya'o// //sngags ni ti ti ba ti/ ti ti shi khi tu li pi ru pAk+ShA ya swAhA/ rlung lha'i phyogs su bltas te 'dug la/ lag pa g.yon pa khu tshur bcangs te/ gung mo bsgreng ba'i tshigs dang mdzub mo bsgreng ba'i thor tho btsugs la lag pa g.yas pa de bzhin du byas te sta zur logs su bzhag cing mthe bos bsgul ba ni rlung lha spyan drang ba'i phyag rgya'o/ /de nyid las mthe bong snga ma bzhin du bzhag pa ni rlung lha'i dam tshig gi phyag rgya'o/ /spyan drang ba'i phyag rgya las mthe bong brkyang ba ni slar btang ba'i phyag rgya'o// sngags ni oM swa sa kha kha kha khu khu khu swAhA/ lus ngan la mngon du bltas te 'dug nas lag pa gnyis thal mo sbyar la/ /rdo rje bcing ba nang du bzlog ste/ mthe'u chung gnyis bshibs la brkyang/ de'i rgyab tu srin lag gnyis so sor bzhag nas/ gung mo gnyis su de ltar bkug te g.yab pa ni lus ngan spyan drang ba'i phyag rgya'o/ /phyag rgya de nyid las gung mo gnyis nang du rdo rje bcing ba'i tshul du bzhag pa ni lus ngan gyi dam tshig gi phyag rgya'o

  611. 306a

    'gugs pa'i phyag rgya las gung mo gnyis brkyang ba na slar btang ba'i phyag rgya'o/ /sngags ni oM ku bai rA ya swAhA/ dbang ldan gyi phyogs su bltas te 'dug la lag pa thal mo gcig tu sbyar ba byas la/ srin lag dang mthe bong chung nang du bkug ste bsnol/ gung mo bshibs te bsgreng ba'i rgyab logs su mdzub mo gnyis rdo rje 'dra bar bya/ mthe bong gnyis bar du bshibs te bzhag la/ de nyid la mdzub mo gnyis phan tshun rtse mo sprad nas nang du g.yab pa ni/ dbang ldan dgug pa'i phyag rgya'o/ /de nyid las snga ma ltar mdzub mo rdo rje'i tshul du bzhag pa ni/ dbang ldan gyi dam tshig gi phyag rgya'o/ /dgug pa'i phyag rgya las mdzub mo brkyang ba ni slar btang ba'i phyag rgya'o/ /sngags ni dzruM dzruM shi ba swAhA/ g.yon brkyang ba'i gnas pas 'dug pas/ lag pa thal mo khong stong du sbyar te bzhag la/ steng du bltas te mdzub mo gnyis kyi lcags kyus/ tshangs pa la sogs la dgug par bya'o/ /de nyid las snga ma ltar bzhag pa ni dam tshig gi phyag rgya'o/ /dgug pa'i phyag rgya las mdzub mo gnyis brkyang ba ni slar btang ba'i phyag rgya'o/ /sngags ni 'di yin te/ a darya pra hma Ne swA hA/ surya? gra hA d+hi pa ta ye swAhA/ tsan+d+ra ya nak+Sha ta/ a d+hi pa ta ye swAhA/ rkang pa mnyam par bzhag pas 'dug la/ /lag pa gnyis gcig tu sbyar te/ sor mo rnams bar mtshams med par rtse mor phan tshun sbyar te/ mthe bo zlum por byas la 'og tu bltas te sa'i lha mo la sogs pa mdzub mo lcags kyu lta bur bkug pa ni/ 'og gi lha dgug pa'i phyag rgya'o/ /dgug pa'i phyag rgya las snga ma bzhin du mdzub mo bzhag ba ni/

  612. 306b

    dam tshig gi phyag rgya'o/ /mdzub mo gnyis btang ba ni slar btang ba'i phyag rgya'o/ /sngags ni a d+hi pa ti b+hya swAhA/ a su re b+hya swAhA/ nA ge b+hya swAhA/ de nas rang re'i sngags de dag nyid kyis 'thor 'thung phul la/ bdag dang slob ma'i tshogs su bcas pa la/ bgegs med par mdzod cig las dang dngos grub rnams bdag cag la stsol cig ces brjod cing slar gtang ngo/ /de ltar bdag gi rgya cher bkod pa'i gtor ma 'di dag ni gang dga' bas slob ma dbang skur ba dang/ ro? yongs su sbyang ba la sogs pa'i tshe sbyin no/ /de nas sngags pas bla med byang chub kyi gnas su slob ma yongs su smin par bya zhes bya ba la sogs ba/ slob ma sta gon la gnas pa ston te/ de? nas zhes bya ba ni don gyi na bum pa sta gon la gnas ma thag tu 'am/ slob ma smin par bya ba'i dbang du byas pa zhes so/ /sngags pas zhes bya ba ni mtshan nyid dang ldan pa'i slob dpon gyis so/ /bla na med byang chub ces bya ba ni mi gnas pa'i mya ngan las 'das pa'o// de nyid 'khor ba ji srid du gnas par bya bas na gnas su'o/ /slob ma zhes bya ba ni bla ma la gus pa'i yon tan dang ldan pa'o/ /sbyin par bya zhes pa ni dngos grub kyi myu gu 'byin nus pa bya zhes pa'o/ /ji ltar bya zhes na/ 'gro la phan phyir myur du byang chub par/ de dag byang chub sems mchog phyed du bzhug ces smos so/ /slob ma sta gon la gnas par bya ba ni/ 'phags pa dkyil 'khor spyi'i bya ba las kyang/ des na slob ma lags brtags nas/ /sta gon gnas pas tshul bzhin du/ /de yi nub mo gcig nus bar/ /de bzhin sdom pa 'dzin du 'jug /gtsang ma'i gos dkar bsgos pa yis/ /slob ma de lta bu dag ni/ /shar phyogs kha bltas 'khod ba la/ /sta gon gnas pa

  613. 307a

    brtsom par bya/ /dang por gsum la skyabs su btang/ /de nas bla mas byang chub sems/ /ma skyed pa ni bskyed par bya/ /bskyed pa dag kyang dran par bya/ /zhes gsungs pas so/ /de la 'di slob ma sta gon la gnas pa'i rim pa rgyas par 'di yin te/ dang por slob ma legs par brtags pa bsmyur ba la gnas pa/ rgyan gyis brgyan pa rnams dkyil 'khor gyi gnas su shar du blta bar rgan pa'i rim gyis dgod de lag na me tog thogs pa rnams la slob dpon gyis chos bstan te/ de ltar yang yid dga' spro che byas pa gzo/ /ngar 'dzin mi 'byed rigs mtho zhing/ /yon tan dang ldan dad dang bcas/ /gzugs dang kha dog lang tshor ldan/ /bde bar gshegs pa'i gsang ba ni/ /sgrub pa don gnyer mngon brtson pa 'am/ /gzugs ngan yon tan med pa 'am/ /dman pa 'am ni lhag par bya/ /rang gi bslab dang legs ldan zhing/ /theg chen la dga' i bdag nyid can/ /'khor ni rnam pa bzhi car la 'ang/ /dkyil 'khor cho ga rjes su gnang/ /kha cig gsang sngags bsgrub pa'i phyir/ /'di ni dkyil 'khor 'jug par byed/ /bsod nams 'dod pa de las gzhan/ /'jig rten pha rol don gnyer gzhan/ /'jig rten pha rol gnyer pa yi/ /dad pa mang du byed pa 'di/ /blo ldan dkyil 'khor 'jug par bya'i/ /'di yi 'bras bu 'dod pas min/ /'di la 'dod par gyur pa yis/ /'jig rten pha rol don mi 'gyur/ /'jig rten pha rol don gnyer ba'i skyes bu de yi 'bras bu rgyas zhes so/ /de nas shes rab kyi pha rol tu phyin pa ci nus kyis bshad do/ /de nas de bzhin gshegs pa thams cad kyis slob ma la dbang bcu gsum bskur la/ de dag slob ma'i lus la

  614. 307b

    bsdu'o?/ /de nas slob ma rnams kyis bla ma'i zhabs la phyag 'tshal te/ dga' chen khyod bdag ston pa bas/ /slob dpon khyod ni bdag la dgongs/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems ni bdag la stsol/ /sangs rgyas chos dang dge 'dun te/ skyabs gsum de ni bdag la stsol/ /thar pa chen po'i grong mchog tu/ mgon po bdag ni 'jug par 'tshal/ /zhes lan gsum gsol ba gdab par bya'o/ /de nas slob ma gcig tsog tsog bur byas te/ de'i ming nas brjod la thams cad gzengs bstod par bya ste/ /khyod ni tshul chen snod yin te/ bu tshur theg pa chen po yis/ /gsang sngags spyod tshul cho ga ni/ /khyod la yang dag de bstan bya/ /rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung ba'i mgon po rnams/ /'gro la phan phyir bzhugs so pa dag /de dag kun gyi gsang sngags kyi/ /cho ga mchog bzang 'di mkhyen nas/ /dpa' bo byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /shAkya seng+ge skyob pa yis/ /bdud sde shin tu mi bzad pa/ /dpung chen dag kyang de yis bcom/ /'jig rten mthun 'jug thugs chud nas/ /'khor lo bskor te mya ngan 'das/ /de pas kun mkhyen thob bya'i phyir/ /bu yis blo gros 'di gyis shig /ces pa dang/ gzhan rab tu rgya chen brjod de/ /snying rjer gyur pa'i yid kyis ni/ /de ltar lan mang gzengs bstod de/ /zhes gsungs pas so/ /de nas slob ma rnams kyis 'khor gyi lha rnams la phyag 'tshal ba la yan lag bdun byas la/ ji ltar dus gsum mgon po rnams/

  615. 308a

    byang chub tu ni nges mdzad pa'i/ /bla na med pa'i byang chub sems/ /dam pa bdag gis bskyed par bgyi/ /ma bsgral ba ni bsgral bar bgyi/ /ma grol ba ni grol bar bgyi/ /dbugs ma phyin pa dbugs dbyung zhing/ /sems can mya ngan 'das la 'god/ /ces lan gsum brjod do/ /'di ni 'gro la phan phyir myur du byang chub par/ /de dag byang chub sems mchog bskyed du bzhug /ces bya'o/ /de nas dkon mchog gsum la skyabs su mchi// sdig pa thams cad so sor bshags/ /'gro ba'i dge la rje yi rang/ /sangs rgyas byang chub yid kyi bzung zhes lan gsum brjod do/ /'di ni byang chub smon lam gdab/ /ces bya ba dang/ brtul zhugs gnas zhes bya'o/ / de nas dbral ba dang mgrin pa dang/ snying khar thal mo sbyar bas/ slob ma'i gnas de gsum du bzhag la/ /oM bri da brid sarbA ba ra Na ni hUM phaT/ oM tra ta tra ta sarbA ba ra Na ni hUM phaT/ oM tshinda tshinda sarbA ba ra Na ni hUM phaT zhes bya ba'i rim pa sbyar te lan bdun brjod la/ rdo rjes kyang reg par byas la me tog dang/ 'bras bu dang dri dang mar me dang/ spyi bo dang mdun du rang re'i sngags kyis sbyin/ de nas byin gyis brlab ces bya'o/ /de nas so shing dor ba dang dri chu sbyin te/ ji skad du so shing u dum ba ra dang/ /a shwat+tha ni rma med pa/ /ha cang mi phra mi sbom zhing/ /sor grangs bcu gnyis tshad du byas/ /spos kyi chus ni legs par bkru/ skrud pa dag gis rnam par dkris/ /spos kyis bkru shing bdug pas bdug /lag pas bran zhing 'das pa ni/ /rigs kyi snying po mang du bzlas/ /yang na lan bdun bzlas par bya/ /slob ma rnams kyi grangs las ni so shing la sogs brtsams

  616. 308b

    par bya/ /so shing mig zhabs gcig byas nas/ /rtse mo nas ni bca' bar bya/ /de nas bdag dang slob ma dang/ /gnas bsrung ba yang brtan byas nas/ /lha rnams thams cad legs mchod de/ /zhes ba dang yang gsungs pa/ /slob ma mthun zhing tshogs pa rnams/ byang phyogs su ni kha bltas shing/ /thal mo sbyar te 'khod pa la/ /so shing go rim bzhin du sbyin/ /slob ma shar du kha bltas te/ /mi smra bar ni so shing bca' / /bca' ba zin nas mi dga' zhing/ /phan tshun du yang mi dor ro/ /so shing mdun du drang por dor ro/ /de tshe bdag la blta ba dang/ rtse mo gyen du bsgreng gyur na/ /des ni dngos grub mchog ces bya/ /de bzhin shar du bltas na ni/ /de yi dngos grub 'bring du bshad/ /mtshams dang byang du kha bltas na/ /'jig rten gyi ni rig sngags grub/ /so shing bor ba brgya zhig la/ /gal te thur du kha bltas na/ /des ni nges par sa 'og gi /dngos grub thob par gdon mi za/ /zhes te gal te ba lang ko ba tsam du lan gsum ma babs na/ /de la dbang ni mi bskur ro/ /slob ma nye rig byas nas ni/ /snga ma bzhin du 'khod pa la/ /las kun byed pa'i gsang sngags kyis/ /spos chu bla mas blud pa ni/ /re re la yang blud pa yi/ /khyod par blugs la lan gsum blud/ /der ni 'thungs nas langs nas ni/ /phyi rol du ni kha bkru bya zhes te/ 'dir ni oM h+ri su baM shud+d+ha d+harma sarba pA pa ni bi sho d+ha ya swAhA/ sarba bi kAwa na ya hUM zhes pa'i sngags/ /de nas bdud rtsi 'khyil ba bzlas ku sha bstan dang sngas su byin la/ /de bzlas pa'i srad bu mdud pa bdun bdun bor dpung pa g.yas par gdags so/ /de nas 'phags pa sgyu 'phrul dra ba las/ ku sha lag tu btang nas su/ /g.yas su skud pa bcings nas su zhes gsungs pa ste/ der ba bca' ba byas nas ni zhes smos pa'o/ /de nas rdo rje sems dpa' i snying po yi ge

  617. 309a

    brgya pa lan mang du bzlas nas de dag brtan par bya'o/ /de nas chos bshad par bya ste/ zab cing rgya che'i chos bsgrags la/ zhes gsungs pa'o/ /'di lta ste kun mkhyen rnams ni 'jig rten du/ /'byung 'gyur yang ni mi 'byung ngo/ /gsang sngags spyod pa'i tshul 'byung ba/ /de bas kyang ni dkon pa ste/ /gang gi mnyam med sems can don/ /mya ngan mi 'da' byed par nus/ /bskal pa bye ba du ma ru/ /sdig pa gyis par gyur pa gang/ /de kun dkyil 'khor 'di 'dra ba/ /mthong bas 'byad bar 'gyur lags na/ /grags pa mdza' yas sngags spyod pa'i/ /tshul la gnas na smos ci 'tshal/ /skyobs pa'i gsang sngags bzlas na ni/ /go 'phang bla na med par 'gyur/ /gang dag spyad pa mchog 'di la/ /bla gres shin tu mi g.yo ba// //'di dag gi ni ngan 'gro'i rgyun/ /sdug bsngal kun 'byung rab tu spyad/ /bdag nyid chen po khyed rnams kyis/ /rnyed pa mnyam pa de de ring rnyed/ /gang phyir rgyal ba sras bcas pa/ /bdag nyid chen po kun gyis ni/ /bstan pa 'di la khyed rnams kun/ /yongs su bzung ste skye bzhin pa/ /de phyir khyed rnams theg chen la/ /sang ni rab tu sgye bar 'gyur/ /theg pa chen po cher byung ba'i/ /lam mchog 'di ni dpal dang ldan/ /khyed rnams der ni dong bas na/ /rang 'byung skal pa chen po pa/ /'jig rten thams cad mkhyen pa yi/ /de bzhin gshegs pa rnams su 'gyur/ /yod dang med las rnam par 'das/ /nam mkha' bzhin du dri ma med/ /zab mo rtog ge thams cad kyis/ /rab tu me tog gnas med par/ /spros pa kun dang bral ba ste/ /spros pa rnams kyis ma spros pa/ /las dang bya ba la sogs bral/ /bden

  618. 309b

    pa gnyis la gnas pa yi/ /theg pa rab kyi mchog 'di ni/ /tshul la gnas na thob par 'gyur zhes so/ /de nas slob ma slob dpon du 'os pas/ /bla ma'i zhabs la phyag 'tshal te/ /gtso bo bdag la sdom pa stsol ces bya ba'i bar du khyad par gyi sdom pa gsol ba btab la/ /slob dpon gyis de rnams la rmi lam ji ltar mthong ba nga la nad par bzlos shig ces brjod do/ /de nas rmi lam gyi mtshan nyid ni 'dod chags bral dang ldan pa'i chos/ /slob ma rnams la bshad nas ni/ /ku sha bting ba'i sa la ni/ /shar phyogs kha bltas nyal du gzhug /de nas nang bar nam langs nas/ rmi lam ci mthong dri bar bya/ /mthong na bzang ngam mi bzang ngam/ /the tshom med par bshad par bya/ /rmi lam rgyas pa mthong na ni/ /yon tan brgya mtsho mngon sum bzhin/ /mchod rten dang ni sku gzugs mthong/ /de la mchod pa rtsom pa dang/ /dge slong dag la chos nyan tam/ /yang na gzhan la nyan kyang rung/ /chos ni rnam par spyod pa dang/ /de bzhin glegs bam klog pa dang/ /rmi lam dge 'dun mthong ba dang/ /yang na dge slong gcig pu mthong/ /de dang 'grogs shing gtam zer dang/ /yang na dge slong dngos por gyur/ /gtsug lag khang dag mthong ba dang/ /de bzhin dge slong ma dag mthong/ /rgyal ba'i sras rnams mthong ba dang/ /de bzhin pha ma bla ma dang/ /mdza' bo dang ni sna tshogs dang/ /rmi lam dag tu mthong na ni/ /rigs rnams dang ni dngos grub thob/ /de bzhin slab pa 'dzin pa dang/ /kun dga' rnam pa sna tshogs dang/ /'bab chu rnams dang rgya mtsho dang/ /ri dang glang po che dag kyang/ /mthong na yang ni bzang bar bsgrags/ /rgyal mdog dang ni mthong na shis/ /bde gshegs spyod dang

  619. 310a

    ldan pa yi/ /dka' thub dang ni bram ze dang/ /phyug po skyes bu dam pa dang/ /ba lang rta dang glang po dang/ /seng+ge dang ni ri dags dang/ /rmi lam du ni mthong na shis/ /bkra shis pa'i bya rnams dang/ /gser dag dang ni gter rnams dang/ /rin po che dang dngul rnams dang/ /nor ni rnam pa sna tshogs dang/ /mdor na 'byung khungs rnam pa dang/ mtshon cha rnams dang 'bru rnams dang/ /'bras bu rnams dang me tog dang/ /rgyan ni rnam pa sna tshogs dang/ kha zas dang ni gos rnams dang/ /byis pa dang ni gzhon nu dang/ /bud med gzugs ni bzang po dag /rmi lam du ni mthong ba bzang/ /yang na thob cing reg pa smra/ /rmi lam na ni dbang bskur dang/ /rgyal por gyur pa'i 'byor pa dang/ /dmag dpon du ni gyur pa dang/ /g.yul las rgyal zhing dgra gsod dang/ /gnyen dang lhan cig 'grogs pa dang/ /lha rnams kyang ni mthong ba dang/ /theg pa dang ni shing rta zhon/ /de bzhin ri dang khang thogs 'dzag /ngo mtshar rnam pa sna tshogs kyang/ /rmi lam na ni mthong na dge /yam shing me la sbyin sreg byed/ /bya ba bzang po dag la 'bad/ /chu la rkyal zhing ro la rgal/ /rkun po dag ni tshar gcod dang// stobs 'gyed pa las rgyal ba dang/ /gyang stangs rdob cing 'gying pa dang/ /rtsed mo sna tshogs rmi ba dang/ /de bzhin mthu rtsal gzi byin che/ /bkra shis rnams ni thams cad kyang/ /mthong na rab tu dge bar bshad/ /gsang sngags cho ga nyan pa dang/ /dga' ston dge pa mthong ba dang/ /bsgrub la brtson zhing sngags pa dang/ /sgrub pa po rnams mthong ba dang/ /de la sogs pa'i ltas rnams ni/ /dge ba rnam pa du ma dag /blo yi rnam par

  620. 310b

    spyad nas ni/ /da nas zlog pa spang bar bya/ /de dag yi ni lha rnams ni/ /rab dang 'bring dang tha ma la/ /dge ba rnams ni 'grub par 'gyur/ /mi dge ba ni mi 'grub bo/ /mi dge ba dag shes nas su/ /de dag mkhas pas spang bar bya/ /gsang sngags dngos grub gsum 'grub pa/ /rab dang 'bring dang tha ma'o/ /mi dge ba la zhi ba yi/ /sbyin sreg zhi ba'i gsang sngags kyis/ /ba yi mar las brgya rtsa brgyad/ /cho ga bzhin du zhib par bya/ /zhes gsungs pa ste/ de ltar rmi lam bshad nas de'i 'og tu bdud rtsi 'khyil pa'i sngags brgya rtsa brgyad kyis de dag bsrung ste/ dkyil 'khor gyi mthar thams cad nyal bar bya ba ni/ /tshul bzhin ma yin pa yid la mi bya bar glo g.yas pa phab ste'o/ /de nas nad par rmi lam gyi tshul shes par bya ste/ 'dod pa'i rgyal pos/ dkyil 'khor gyi sa'i dbus su phyogs skyong ba rnams bkug te/ oM badzra kI li zhes bya ba la sogs pa'i sngags kyi phur pas gdab bo/ /'dis don gyi grangs pa'i sta gon la gnas pa gzhan ni re shig dang po nyi ma shar ba'i dus su/ /dkyil 'khor gyi dbus su dri zhim pas maN+Dal khru gang chad pa byas la/ sngon bzhin du sa'i lha la mchod pa dang tshigs su bcad pa gnyis kyis gsol ba btab la/ sa'i lha de nyid du yang thim par bya'o/ /de nas rtsa ba'i lha rnams kyi nang du dri zhim pa'i thig le byas la/ /der lha rnams bstim ste mchod pa dang bstod pa dang/ bskor ba byas la gsol ba gdab par bya'o/ /ji skad du sa gzhi steng du byug spos kyis/ dkyil 'khor sor grangs bcu gnyis bya/ /dkyil 'khor gyi ni rigs sngags kyis/ /lag pas grab cing lan bdun bzlas/ /de nas gtso bo'i lha rnams ni/ /ming gis yid la bsams nas su/ /byug spos me tog

  621. 311a

    la sogs pas/ /snying po ci rigs mchod par bya/ /lha bshos dag kyang dbul bar bya/ bdug spos mngon par sngags pa 'ang dbul/ /der ni mchod pa yang byas nas/ /bdug spos lag tu thogs Fnas ni/ /blo gros can gyis lha rnams la/ /gus par gsol ba gdab par bya/ /gang gi dkyil 'khor yin pa'i sngags/ /de la thogs mar gdags par gsol/ /de yi go rims sbyar ba yis/ /lha rnams kun la gdags par gsol/ /'di zhes bya ba bcom ldan 'das/ /rigs lnga rgyal la phyag 'tshal lo/ /bdag ni brtse bar gyur nas su/ /slob ma rnams la rtse ba dang/ /khyed rnams la yang mchod pa'i phyir/ /sang ni dkyil 'khor bri bar 'tshal/ /bcom ldan bdag ni gus pa la de bas snang ba mdzad pa'i rigs sangs rgyas mgon po brtse ldan pa/ /byang chub sems dpa' dgra bcom dang/ /gang yang gsang sngags lha rnams dang/ /'jig rten skyong ba'i lha rnams dang/ /gang yang 'byung po mthu chen dang/ /gang yang lha'i spyan mnga' ba'i/ /sems can bstan la dga' ba rnams/ /bdag la dgongs pa mdzad du gsol/ /bdag gi ming ni 'di zhes bya/ /sangs ni gdugs la dkyil 'khor ni/ / bzang po ming ni 'di zhes bgyi/ /yo byad ci yod pas 'bri na/ /bdag dang slob mar bcas pa la/ /thugs ni brtse bas dgongs nas su/ /tshogs pa thams cad dkyil 'khor du/ /byin gyis brlab pa mdzad du gsol// de skad lan gsum brjod nas ni/ /bsam pa thag pas phyag byas nas/ /bstod pa'i tshig kyang brjod nas su/ /de nas slar ni gshegs su gsol/ /zhes gsungs pa lta bur bya'o/ /de nas bum pa rnams sngon du bstan

  622. 311b

    par ltar ram/ /yang na 'di dag ni rang gi sems snang ba tsam mo zhes smos pas/ zla ba'i dkyil 'khor la rang rang yi ge las mtshan pa dang de las skur grub cing/ de bzhin gshegs pa thams cad bzhugs nas/ bum par gyur par byas la/ grangs dang po'i mtshan ma dang 'grel bar bzhag pa 'ang rung ste/ bum pa ni rab tu ma rnyed na/ rnam par rgyal ba dang las thams cad ba gnyis kyis byas la/ rnam par rgyal ba yang 'dir lha thams cad kyi bdag nyid yin la/ rdo rje sems dpa' gnas bzhag go /de la kha cig na re rnal 'byor gyi rgyud du ni sa'i lha sta gon la gnas pa med do/ /zer te/ 'di ni bla ma'i lung tha dad pas nges pa med do/ /sta gon gnas pa'i cho ga'o/ /da ni sdom gnas zhes bya ba la sogs pa slob ma 'jug pa ston te/ sdom ni 'dir thun mong gi sdom pa la gnas pa ste/ khyad par gyi sdom pa ni/ gdod dbog par bya ba yin pas so/ /de yang legs par sta gon la gnas pa'i slob ma de dag dkyil 'khor chen por bzhugs pa'i tshul ni/ sta gon la gnas pa'i phyi de nang par dri'i thig le'i lha rnams la mchod pa dgus mchod nas/ /nam mkha' la bteg la sngar bshad pa ltar nang dang phyi'i thig btab la/ tshon bkye ste khrus byas la dkyil 'khor gyi yo byad bkod nas/ bum par bcug ste/ dkyil 'khor gyi sgrub pa byas la/ sngon bzhin du phyi rol tu gtor ma sbyin te/ nang du bdag nyid zhugs la/ de nas yol bas bcad pas/ slob ma re re nas pos la/ /'jug pa'i rim pa bya ste/ bla mas slob ma gcig pu ni dkyil 'khor dag tu dbang bskur bya/ mkhas pas cig char slob ma gnyis dbang bskur bar ni yongs mi bya/ /gnyis sam gsum mam bzhi yang rung/ /thams cad so sor bya ba ni/ /yo byad sngags?

  623. 312a

    pa gzhan rnams kyis/ /dbang bskur ba yi bla mas bya/ /rigs sngags dbang ni thob pa la/ /bsgrub pa'i dkyil 'khor dbang bskur bya/ /dbang bskur ba yi cho ga dang/ /bsgrub pa'i cho ga'ang de bzhin sbyar zhes gsungs pas/ 'jug pa ni dbang bskur ba'i dang po nyid du gyur pas so/ /de ltar bos la las kyi bum pa'i chu mchod yon gyi snod du blugs pa/ /ku sha'i bam pos bdud rtsi 'khyil pa'i sngags nyi shu rtsa gcig gis/ bsrung ngo/ /de ltar yang slob ma re re nas bkug ste/ /gsang gter snga ma bzhin byas nas/ /byug spos la sogs byin nas kyang/ /snying pos mngon par bsngags nas ni/ /zhes gsungs so/ /dar la sogs pas mig gnyis g.yogs nas ni zhes bya ba ni/ /las kun byed pa'i gsang sngags kyis/ /btab pa'i gos kyis gdong g.yogs te/ /zhes gsungs pa'o/ /rdo rje 'dzin mas dpal gyi pad+mar lag gnyis bya/ /me tog rin chen la sogs de brgyan la/ /zhes bya ba ni de nyid las sngar bstan pa'i phyag rgya la/ me tog dag ni bzhag nas su/ /de nas dkyil 'khor bdag pos sngags/ /phyag rgyar bcas pas spyi bor bzhag /gsang sngags lan gsum bzlas par bya/ /zhes gsungs pa lta bu'o/ /de la rdo rje 'dzin ma'i phyag rgya bcings pa'i sngags ni/ oM badzrA d+hi tiSh+Tha hUM zhes bya ba'o/ /de nas slob dpon gyis bu khyod su yin khyod gang la dga' zhes dri'o/ /slob mas kyang bdag ni skal pa bzang po ste/ sangs rgyas nyid du gyur la dga' o zhes smra'o/ /de nas sa ma ye hUM zhes lan gsum bzlas te/ yan lag bdun sngon byas nas/ byang chub tu sems bskyed do/ /de nas deng khyod de bzhin gshegs pa thams cad kyi rigs su zhugs par gyur gyis/

  624. 312b

    khyod kyis de bzhin gshegs pa thams cad kyi dkyil 'khor gsang ba chen po 'di/ dkyil 'khor ma mthong ba su la 'ang ma smra zhig ces brjod la/ /oM badzra pra be sha hUM badzra hUM zhes brjod la yol ba bsal te/ 'di ni rgyud kyi dang por rab zhi kha nas sngags brjod/ gzhug par bya zhes bya ba ste/ rab zhi zhes bya ba ste slob ma nges pa'o/ /de nas nga yi de ring de bzhin gshegs/ /kun gyi rigs su khyod bcug gis/ /gang gis shes na de bzhin gshegs/ /kun gyi dngos grub thob byed na/ /dngos grub gzhan lta ci smos te/ /de phyir rdo rje ye shes skyed/ /khyod kyis dkyil 'khor ma mthong ba'i/ /mdun du brjod par mi bya ste/ /brjod pa tsam gyis dam tshig nyams par byas par 'gyur ro zhes brjod la rdo rje spyi bor bzhag ste/ 'di ni khyod kyi dam tshig rdo rje ste/ /gal te tshul 'di smras na ni/ /rdo rje 'dzin rgyal khros nas ni/ /mdun rgyud rigs rnams brlag par mdzad/ /oM badzra sa ma ye hUM phaT/ ces brjod do/ /de nas rdo rje dral ba'i phyag rgyas slob ma'i snying kha'i bu ga phye la slob mas/ oM badzra sa ma ya h+ri da ya me pra be sha dri d+ha tiSh+Tha hUM zhes lan gsum brjod la slob dpon gyi snying kha'i ye shes kyi sku dang/ ye shes sems dpa' las de dang 'dra ba'i tshul 'thon te/ /slob ma'i snying khar gnas par bsams la/ /bu ga med par bsams te/ /rdo rje sems dpa' deng khyod kyi/ /snying la kun tu gnas par mdzad/ /ci ste dam tshig 'das nas ni/ /de ma thag tu bkas nas bzhud ces brjod do/ /de nas dri zhim po'i chu la oM badzro tkatha zhes lan mang du bzlas te/ 'di ni khyod kyi dmyal ba'i chu/ /dam tshig 'das na sreg par byed/ /dam tshig srung na dngos grub ni/ /rdo rje bdud rtsi chu yi 'grub ces brjod la blud do/ /de bas

  625. 313a

    de nas gsang sngags mkhas pa yis/ /sngags 'di dam tshig sbyin par bya/ /zhes bya ba dang/ de nas 'dis dam tshig bsgrag par bya'o/ /zhes gsungs so/ /de nas deng phan chad khyod kyi phyag na rdo rje nga yin gyi/ gang ngas smras pa'i bya ba de khyod kyis byos shig /gal te ma byas na khyod yang ba ma spangs par 'chi ba'i dus byas nas sems can dmyal bar ltung bar gyur ta re/ zhes brjod do/ /de nas che ge zhes bya 'di nyid ni/ /byang chub sems ni yongs 'dzin pa/ /dam tshig mchog dang gsang ba yi/ /'khor lo 'di ni 'jug par 'tshal zhes rigs thams cad la bsgrags pa gsang ba chen po'i rigs dag pa'i/ /gsang ba yongs su 'dzin par ni/ /bdag nyid chen po khyod 'dod dam/ /des kyang 'tshal zhes brjod par bya/ /de nas de bas rtag tu zhes bya ba nas/ bdag nyid de nyid dang ni sngags sogs de bzhin no zhes bya ba'i bar du khyad par gyi sdom pa thun mong ba phog la/ de nas rtsa ba'i ltung ba bcu bzhi yan lag dang bcas pa'i slob dpon du 'os pa la sbyin te/ dbab pa'i cho gas dbab bo/ /de la dbab pa'i cho ga ni rang dang slob ba'i snying khar sgo dbye ba'i phyag rgyas phye la rang gi snying kha nas yi ge a byung ste/ slob ma'i snying kha la gnas pa'i ye shes sems dpa' i sgo skyes la yid kyis bzhag la/ /de'i 'od kyis lus thams cad kun tu gang bar bsams la/ sarba ta thA ga tA d+hiSh+Tha ne na taM badzra satwa me a bi sha du zhes brjod do/ /de nas slob dpon gyis ti raM ti ri'i phyag rgya myur du bcings la/ 'di ni rdo rje dam tshig ste/ rdo rje sems dpa' 'ang yin par grags/ /rdo rje ye shes bla med

  626. 313b

    ni/ /de ring nyid du 'bab par shog/ ces slob mas brjod do/ /de nas oM badzra a be sha a a zhes bcu nas bzung ste/ nyi shu 'am/ sum cu 'am/ bzhi bcu 'am/ lnga bcu 'am/ drug cu 'am/ bdun cu 'am/ brgyad cu 'am/ dgu bcu 'am/ brgya rtsa brgyad kyi bar du bzlas nas/ rdo rje hUM mdzad dmar po kun tu 'khrugs pas yongs su gang par bsams na/ nges par 'babs so/ /gal te ma babs na/ rdo rje 'bebs pa'i dam tshig gi phyag rgya dril bu dang bcas pa bcings la/ rkang pa g.yon pas de'i rkang pa g.yas pa mngon nas de nyid la dbab par bya ba'i phyir/ steng gi nam mkha' i phyogs su rnam par snang mdzad rdo rje hUM mdzad kyi steng du khros pa'i yi ge 'od zer gyis mnon par mdzad pa dang/ 'og nas kyang rdo rje rlung gi dkyil 'khor yi ge hUM las 'degs par gyur pa/ /de bzhin gshegs pa mi bskyod pa la sogs par zhugs pas/ hUM traM h+ri a/ zhes bya bar rang gi sa bon gyi 'od kyis tshogs yang dag par 'bebs par mdzad par bsams zhing/ hUM a be sha a zhes lan brgya zlos shing de la dbab par bya'o/ /gal te shin tu sdig pa chen pos 'bab par ma gyur na/ sdig pa bral ba'i phyag rgyas sdig pa dral ba'i bya'o/ /de nas yams shing mngar po rnams kyi me/ raM spar rdo rje khro bo'i me/ /mnyam par bzhag par snyoms zhugs la/ /til bsregs pas ni sdig bsregs shing/ /oM sarba pA paM da ha na badzra ya swAhA/ /zhes bya ba dang/ lag pa g.yas pa'i mthil du til nag po las sdig pa'i gzugs brnyan byas la dbus su hUM bsams pa'i mdzub mo dang mthe bos sbyin bsreg bya'o/ /de nas sbyin bsreg gi thab khung las byung ba'i 'bar ba'i

  627. 314a

    ba'i phreng ba kun tu 'khrigs pa'i rdo rje lus la 'bab pas/ /sdig pa rnams bsreg par bsam par bya'o/ /de nas yang rdo rje 'bebs pa'i phyag rgya de bzhin du bcings pa/ dbab pa byas nges par 'bebs par 'gyur ro// de lta bus kyang ma phebs na/ de la dbang mi bskur ro/ /babs na skad cig ma de nyid la mngon par shes pa lnga la sogs pa rdzogs par 'gyur ro/ /gal te babs pa de 'bar bar 'gyur ba de mi 'dod na/ /de'i spyi bor ri rab dang dbang chen dang rdo rje dang yi ge a dang bcom ldan 'das rnam par snang mdzad rnams/ kha dogs ser por bsam mo/ /de nas nges par babs pa na/ /oM badzra satwa su saM gra had ces bya ba la sogs pa glur blangs la/ /phyag rgya dang phyag rgya'i lan gyis byin gyis brlab par bya'o/ /de nas brtan par byas la lce la rdo rje bsams te/ b+h+ruM hi badzra zhes brjod na/ 'das pa dang ma 'ongs pa dang da ltar gyi dngos po don dang ldan par ma lus par smra'o/ /dgos pa yongs su rdzogs nas ni bzhud par gyur te/ de nas dkyil 'khor la dmigs te/ slob mas yan lag bdun dang ldan pa'i cho ga byas la/ a sa me tri sa me ye hA sa ma ye swAhA/ zhes pa phyag rgya dang ldan par byas la/ /bdag dam tshig can du mos par bya'o/ /rdo rje 'dzin ma zhes bya ba nas gzhug par bya zhes bya ba'i bar te/ de nas slob dpon gyis bden pa bsgrags te/ bdag la bden pa'i byin brlabs pa bdag gi slob ma dkyil 'khor du/ legs par btsud par gyur pas ni/ /lha yi rigs kyi rim pa dag/ 'di yi bsod nams ci 'dra las/ /de bzhin du ni 'bab par 'gyur/ /'dis ni grub pa gang 'grub pa/ /rigs

  628. 314b

    ni gang gi snod du 'gyur/ /bsod nams mthu ni ci yod pa/ /dkyil 'khor 'dir ni de bzhin 'gyur/ /de skad brjod nas de 'og tu //sgo yi phyogs su de bzhag nas/ /de nas me tog 'thor du gzhug /ces gsungs pas so/ /de nas sngags 'dis me tog dor bar bya'o/ /sangs rgyas dngos grub thob bya'i phyir/ /bdag la thugs rtser dgongs nas ni/ /'gro la phan pa'i gtso mchog gis/ /sman par dgongs nas bzhes su gsol/ /oM pra ti gri ha hUM zhes pas dor ro/ /me tog rin chen la sogs pas/ /gang la babs pa rigs kyi lha/ /gtso bo'i rigs de bsgrubs na ni/ /dngos grub myur te the tshom med/ /ces bya ba ni ji skad du/ gang du me tog babs 'gyur bar/ /de ni de yi rigs kyi lha zhes gsungs pa lta bu'o/ /de la me tog dor ba'i tshul rgyas pa la ni ji skad du/ dngos grub rab 'bring rnam gsum ni/ /me tog 'bab pa rnams las brtag /lha rnams kyi ni khyad par ni/ /gnas kyis khyad par las kyang brtag/ gang tshe sangs rgyas bcom ldan gyis/ /dbu la me tog babs gyur na/ /de tshe gtsug tor mdzod bu dag/ grub par 'gyur bar gdon mi za/ /spyan la sogs pa'i sngags rnams kyang/ /zhal du babs na 'grub par 'gyur/ /stod du bab na mchog rnams 'grub/ /rked par babs na 'bring rnams 'grub/ /ro smad phyogs su babs pa ni/ /dngos grub phal rnams 'grub par 'gyur/ /bar gyi sku la bab na ni/ /snying po la sogs 'grub par 'gyur/ /smad du babs par gyur na ni/ /mngag gzhug pa sogs 'grub par 'gyur/ /rim pa de dag thams cad ni/ /pad+ma rdo rje 'dzin rigs la/ /go rim bzhin du shes byas la/ /de bzhin lha rnams gzhan la yang/ /dngos grub rnam pa gsum du bshad/ /gal te lha yi gzugs dag la?

  629. 315a

    ring du me tog lhung gyur na/ /de yi dngos grub yun ring grub/ /nye na dngos grub myur du 'grub/ /gsang sngags rnams ni mchod pa dag/ gang du bkram pa tshun chad ni/ /de yi nye 'khor de yin te/ /me tog der lhung de yi rigs lha gnyis kyi ni bar dag tu/ /gal te me tog lhung gyur na/ /gal te nye bar gyur pa ni/ /de ni de yi yin par bshad/ /gal te dkyil 'khor 'di nas su/ /la la'i me tog lhung gyur na/ /de la dngos grub phal 'grub cing/ /'di ni dang pa'ang rab tu chung/ /gal te me tog dor ba dag /ra ba'i ri mo la bab na/ /zhi ba byas nas de nas gdod/ /nan tan bskyed de 'dor du gzhug /de tshe the tshom gyur na ni/ /mkhas pas bzlas te dor mi bya/ /der ni gar yang nges med pas/ /des ni dngos grub thob mi 'gyur/ /gnyis kyi bar du mnyam pa dang/ /don med phyi rol lhung na ni/ /zhi ba'i sbyin bsreg byas nas ni/ /de nas me tog 'dor du gzhug /snying por me tog babs na ni/ /rtag tu don med mi 'gyur na/ /srad bu dag gi cho ga bzhin/ /de yi nye 'gror shes par bya/ /rig gsum la yang cho ga bzhin/ /dkyil 'khor rnam pa gsum du brtag/ ji ltar grags pa'i tshul du brtag /ji ltar grags pa'i tshul dag las// gtso bo rnams kyi rigs kyis bskyed/ /gal te me tog dor ba dag /mchod pa'i steng du babs gyur na/ /de ni rgyas pa'i sgrub pa dag /khyad par du ni shes par 'gyur/ /dkyil 'khor gyi ni bdag po la/ /gang gi me tog babs gyur na/ /de ni de yi las rnams kun/ /myur du 'grub cing mchog tu gyur/ /sangs rgyas bcom ldan 'das la ni/ /gang gi me tog babs na ni/ /de la rigs gsum gsang sngags kun/ /gdon mi za bar 'grub par gyur?

  630. 315b

    pad+ma la ni rigs gnyis 'grub/ /rdo rje 'dzin la rang rigs nyid/ /gal te gnyis las 'das nas su/ /gang gi gsum pa la bab na/ /dkyil 'khor de nas dbyung bar bya/ /yang na dkyil 'khor gzhan du gzhug /de la sogs pa'i rnam pa yi/ /me tog rnams ni dor ba las/ /bdag gi mdun du gang lhung ba/ /de la zhi ba brtsam par bya/ /sbyin sreg gis ni zhi byas nas/ /der ni slar yang mdor du gzhug /lan gsum spos te bor na yang/ /gal te legs par ma bab na/ /re thag gcad de slar btang ngo/ /zhes gsungs pa'o/ /de nas slar yon gyis lag pa bkang ste/ /zhes gsungs pa'o/ /yon tan bla ma la dbul te/ /oM pra tits+tsha badzra sa ma ya stwaM zhes brjod la'o/ /lhag ma'i lha'i dbang gi ngo bo me tog de slob ma'i spyi bor gzhag ste/ /sems dpa' stobs chen po/ /'di khyod bzhes shig brjod pa'o/ /de nas oM rdo rje sems dpa' dang khyod kyis/ /mig 'byed par ni brtson pa ste/ /mig ni thams cad 'byed par mdzad rdo rje mig ni bla na med/ /oM badzra tsak+Shwo taka ta ye ti zhes brjod cing/ /gdong g.yogs dgrol lo/ /de nas gdong g.yogs dkrol nas ni/ /slob ma de la 'di skad bsgo/ /dkyil 'khor bzang po 'di la ltos/ /da ni dad pa rab tu bskyed/ /khyod ni sangs rgyas rigs su skyes/ /sngags dang phyag rgyas byin gyis brlabs/ /'byor ba thams cad mngon du gyur/ /rten dang dngos grub thams cad kyang/ /khyod la mngon du phyogs gyur gyis/ /dngos grub thob phyir dam tshig bskyongs/ /gsang sngags la yang brtson par gyis zhes so/ /de nas slob dpon gyis dkyil 'khor la phyag gsum byas la/ /bskor ba gsum byas te/ /rang gi lha la me tog snyim pa gsum dbul lo/ /de nas slob

  631. 316a

    dpon gyis de'i sngags lan bdun me tog la bzlas te/ /slob ma'i lag tu byin la slob mas kyang lan bdun de'i sngags bzlas te/ lha khyod bdag gis ma nos so zhes lan gsum bzlas so/ /de nas zhi ba'i sbyin sreg bya ste/ tha ma brtsams la dkyil 'khor ni bstan te// //de nas de la dkyil 'khor ni/ /rab tu rgyas pa bstan par bya/ /phyag rgya chen po dag kyang bstan/ /ces gsungs so/ /de lta bu'i slob ma gzhug pa'i cho ga ste/ /the tshom la sogs mi bya ste/ /zhes bya ba'i bar gyi dam tshig rnams ni go sla bas ma phye'o/ /bdag gi de nyid sngags sogs de bzhin no zhes bya ba la bdag gi de kho na nyid ni rnam par mi rtog pa'i ye shes te/ /de tsam 'dir bdag tu gdags pas zad do/ /sngags zhes bya bas ni de kho na zhes tshig lhag ma can du byas te/ 'dod pa'i lha rang bzhin gyis grub pa rnams so/ /sogs zhes bya ba ni mngon par byang chub pa 'am sems dpa' 'byung ba'i rim pas/ bdag nyid ltar byas pa lha'i de kho na nyid do/ /de bas na 'dir ye shes dbab pa dang/ mngon par byang chub pa dang ni bdag gir kho na nyid yin la/ /byang chub pa bzhi yan lag dang bcas pa ni lha'i de kho na nyid yin no/ /de bzhin zhes bya ba ni/ de kho na nyid gsum po 'di la yang yid gnyis la sogs pa dang/ smad par mi bya'o zhes bya'o/ /mos pa brtan dang ldan pas/ dam bcas nas zhes bya ba ni/ mos pa dang ldan pa nyid bstan pa ste/ mos pa ni mi 'phrogs pa'i las can yin pa'i phyir ro/ /de yang dam bcas nas dbang bskur na mos pa med pa dang pa tsam gyis 'jug pa rnams lta smos kyang ci dgos te/ de bas 'phags

  632. 316b

    pa de kho na nyid 'dus pa las/ de nas gsang thub pa yin pas de las dang por mna''di'i snying por brjod par byas te/ zhes gsungs la de nyid kyis rgya cher bshad pa las byang/ gsang ba thub pa yin par zhes bya ba ni/ gsang bar bya ba'i don gang yin srog gi phyir yang? sum? yang mi smra ste/ de lta bu'i brtan pa dang ldan pa'i sems can ni gsang ba thub zhes bya'o/ /de la dang por mna'i snying po brjod par bya ste/ zhes bya ba ni 'di skad ston te/ de lta bu'i sems can la/ yang gya tshom du bstan par mi bya'i/ mna' yang bsgags te/ bstan par bya'i zhes bshad do/ /de bas na gsang ba bla na med pa'i lam 'di ni rab tu yang 'bad par brtags shing bstan par byas la sbyin no/ /de bas na gsang ba zla ba'i thig le las/ de bzhin gshegs pa thams cad la/ /gsang ba yid ni dkyil 'khor 'di/ /ci ste rmongs pas smras byas nas/ /slob dpon gyi ni dam tshig nyams/ /myur du zla ba phyed tshun chad/ /bstan pas rnam par 'jog par 'gyur/ /dang por dam tshig bzhag bya ste/ /gsang ba'i dkyil 'khor bstan par bya/ /gzhan du byas na dpa' o rnams/ /dmyal bar bskal pa grangs med smin/ zhes gsungs so/ /de nas dbang bskur bar bya ste/ /dkyil 'khor chen po'i nub tu bar du khrul dos chod par dbang bskur ba'i dkyil 'khor/ dkyil 'khor chen po'i snying po'i phyed kyi tshad la lte ba'i lha'i mtshan ma bkang la/ /me'i 'od kyi bar du rdzogs par byas pa der/ /khri 'am khri'u? la stan bzang por bting par slob ma rgyan ma lus brgyan la bzhag /rgyal ba dang bkra shis pa byas la/ /dbang bskur ro/ /de ltar yang slongs la brtags pa dag/ gal te dbang bskur 'dod pa la/ /dbang bskur ta

  633. 317a

    yi dkyil 'khor ni/ /phye ma dkar pos bri bar bya/ /dkyil 'khor dag dang rjes mthun par/ /stegs bu gru bzhir byas nas su/ /de yi dbus su mtshon sna lngas/ /pad+ma yongs su rdzogs par bri/ /bkra shis la sogs mtshan ma rnams/ /der ni ji ltar 'dod pa bri/ /bkra shis phyir ni gang brtan pa/ /yang na dngos grub bgod par bya/ /zhes gsungs la yang gsungs pa/ slob ma dbang bskur 'os rig nas/ /cho ga 'di ni nan tan du/ / dbang bskur ba'i cho ga bya/ /las kun byed pa'i gsang sngags kyis/ /btab pa'i stan ni gsar bzhag ste/ /bkra shis la sogs kun byas nas/ /bsrung ba nan tan cher bya ste/ /dkyil 'khor gyi ni sngags zlos shing/ / gdugs ni dkar po bzang po la/ /me tog phreng ba bzang pos brgyan/ /ras phran dkar pos 'phyangs pa gcig /spyi bo'i steng du gzung bar bya/ /slob mas yon ni cher dpul zhing/ /bla ma bsnyen bkur byas pa dag /stan de la ni bzhag nas so/ /sngags kyi skyon bsal bkra shis byas/ /bdug spos legs par sbyar ba yis/ /bdug pa khro bo'i rgyal pas bdug /rnga yab la sogs dag kyang bzung/ /rnga ma'i bsil yab bdug pos dang/ /zho dang slob ma gos kyis bkang/ /'di rnams kun kyang bshams te dgod/ /de bzhin bum pa bzhi rnams dgod/ /glu dang sil snyan rnga sgra bsgrags/ /shin tu bkra shis tshigs bshad bsgrags/ /de bzhin bkra yid ched du brjod/ /cho ga rgyas bar byas bas ni/ /de la sogs par 'dor byas nas/ /yid kyis dkyil 'khor lha kun la/ /mkhas pas gsol ba btab nas ni/ /bum pa bzlas brjod brgya byas la/ /de ni legs

  634. 317b

    par blangs nas su/ /dkyil 'khor dal bus lan gsum bskor/ /rtsa ba'i gsang sngags kun 'don cing/ /blo dang ldan pas dbang bskur bya/ /de nas phyag rgya bcings nas su/ /gsang sngags bzlos shing spyi bor gtugs/ /ces gsungs pa ste/ 'dir sdom pa gang mi 'dzin pa de ni/ /'jug pa tsam bya yi/ /dbang gang yang mi bskur ro/ /thun mong gi sdom pa 'dzin pa la ni gsang ba'i dbang gi mthar thub pa bskur la/ /khyad par gyi sdom pa 'dzin pa la ni/ /thabs shes rab kyi dbang gi bar du bskur zhing dbang dam pa de thob pa'i bya ba yang lung de nyid las gsungs pa/ /de ltar dbang bskur byas nas ni/ /de la sar pa'i gos rnams skon/ /me tog dri la sogs pas mchod/ /mchod phyir thog dang gdu bur bcas/ /de nas bla ma bdag nyid kyis/ /de yi spyi bor gdugs kyang bzung/ /thal mo sbyar ba byas nas ni/ /dkyil 'khor legs par bskor du gzhug /gdugs dang bcas par sgo phyogs su/ /spyi bo btud de phyag 'tshal gzhug /slob ma 'di ni phul ba lags/ /gsang sngags rgyud ni 'dzin par 'gyur/ /mkhan pos de skad smras nas su/ /gdugs bzhag nas ni slob ma de/ /lag pas legs par blang bar bya/ /de nas 'di skad bsgo bar bya/ /da ni dkyil 'khor slob dpon gyur/ /sangs rgyas byang chub sems dpa' dang/ lha rnams kyang ni kun gyis bkur/ /sems can rnams la rtse bas phyir/ /khyod kyis dkyil 'khor cho ga bzhin/ /nan tan bskyed de bri bar byos/ /sgrub pa pos yang rgyud la sbyor/ /zhes so/ /de na rdo rje brtul zhugs sbyin te/ /hUM las byung ba'i rdo rje 'dod pa'i rgyal pos lha rnams bstims pa 'dis sbyin te/ 'di ni sangs rgyas thams cad te/ rdo rje sems dpa' lag na gnas/ /khyod kyi kyang ni rtag tu bcad/ /phyag na rdo rje'i

  635. 318a

    brtul zhugs brtan/ /de slob mas lag tu bzung la/ /oM sarba ta tha ga ta si ta badzra sa ma ye tiSh+The Sha twaM d+ha ra ya mi hI hi hi hi hi hUM/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje sems tshul bdag po'i bdag /ces brjod do/ /de nas a las byung ba'i dril bu 'dod pa'i rgyal pos sangs rgyas thams cad bstims pas 'dis sbyin te/ 'di de sangs rgyas thams cad kyi/ /shes rab sgra yi rjes 'gror bshad/ /khyod kyis kyang ni rtag gu ca/ /byang chub mchog tu rgyal ba ched/ /ces pas so/ /des bzung la srid pa ngo bo nyid kyis bdag /ngo bo nyid kyi srid bral byas/ /rang bzhin dag pa'i sems dpa' mchog /srid pa mchog ni byed pa yin/ /zhes pas bsil lo/ /de nas srid pa'i bde ba shin tu chung/ /sdug bsngal chen po dag bya'i phyir/ /shin tu bde ba dam na'i thabs/ /dam tshig 'di ni rtag tu skyed/ /'dod pa'i longs spyod thams cad ni/ /ci 'dod par ni brten bzhin du/ /rang gi lha yi sbyor ba yis/ /rang dang gzhan la mchod par bya/ /ji srid 'khor ba'i gnas su ni/ /mkhas mchog 'dug par gyur pa'i tshe/ /de srid mtshungs med sems can don/ /mya ngan mi 'da' byed par nus/ /shes rab pha rol phyin pa'i thabs/ /bsod nams byin brlabs kyis bsgrub pa/ /dngos grub kun gyi dbang phyug 'grub/ /sems can don rnams brtan par byed/ /yid kyi gzugs ni brtan pa'i phyir/ /phyag rgya dam tshig yin par bshad /gang phyir gzugs kun brtan 'gyur ba/ /de nas phyag rgya rab tu bsgrags/ /zhes pas phyag rgya'i dam tshig sbyin no/ /de nas tshul ji lta ba dang ldan pas/ /oM 'di ni

  636. 318b

    ngas khyod lung bstan te/ /rdo rje sems dpa' de bzhin gshegs / /srid pa shin tu grub pa'i phyir/ /srid pa'i ngan 'gro rnams las ston/ /kye rdo rje zhes bya de bzhin gshegs/ /grub pa'i srid pa gsum gyi bdag /'di yis lung bstan byas pa yis sngags pa 'gro ba kun bdag yin/ /zhes pas lung bstan to/ /yan lag de dag ni gsang ba'i dbang gi bar du thob pa la bya zhing/ de nas dbang ngam pa thob pa 'am/ ma yin yang rab tu snod du rung ba la dbugs dbyung ste/ /mchog gsang dkyil 'khor dam pa ni/ /mthong ba dang ni zhugs gyur pas/ /sdig pa kun las nges grol bar/ /khyed rnams deng nyid legs par gnas/ /bde chen theg pa 'di la ni/ /slar khyed mchi ba yod min te/ /mi tshugs pa dang mi gsod pas/ /cis kyang mi 'jigs dga' bar gyis/ /srid pa shin tu dga' ba'i phyir/ /srid pa'i sdug bsngal las khyer 'das/ /srid pa shin tu 'grub ba'i phyir/ /ston pa'i mchog tu gyur ba yin/ /dam tshig sdom ba grub pa 'di/ /rtag tu khyod kyis bsrung bar bya/ /sangs rgyas kun gyis mthun par gsungs/ /dam pa rtag pa'i dka' yin no/ /gang zhig bskyed pa tsam gyis ?/ /sangs rgyas nyid du dogs med pa'i/ /rdo rje bdud rtsi'i phyag rgya gang/ /byang chub sems ni btang mi bya/ /dam pa'i chos ni nam du yang/ /der ba dag tu mi bya'o/ /mi shes pa 'am/ rmongs pa yis/ /rnam par dbye ba bya ba mon/ /bdag nyid yongs su spangs nas su/ /dka' thub kyi ni ma gdungs shing/ /ci bde bar ni rab tu bzung/ /'di ni ma byon rdzogs sangs rgyas/ rdo rje dril bu'i phyag rgya rnams/ /nam yang yongs su mi 'dor zhing/ /slob dpon smad par mi bya ste/ /'di ni sangs rgyas kun dang 'dra/ /sangs rgyas kun mtshungs bla ma ni/ /slob pa'i dpon la gang smod pa/ /de ni sangs rgyas kun smad pa/

  637. 319a

    rtag tu sdug bsngal 'thob 'gyur te/ /rims dang gdon dang yams nad dang/ /byer 'tshe tshom rkun la sogs pas/ /bla ma'i zhabs la smod pa yi/ /rmongs chen de ni gsod par byed/ /rgyal ba'i gyong dang me dang sbrul// rkun no chu dang mkha' 'gro dang/ /bgegs dang logs 'dren gtum po yis/ /bsad nas sems dmyal ltung gar 'gyur/ /de bas nan tan thams cad kyis/ /rdo rje slob dpon bla ma che/ /ge ba rab tu mi sbyoms pa/ /nam yang smad par mi bya'o/ /bla ma de la gus pas yon/ /rjes su mthun pa dbul bar bya/ /des ni rims sogs gnod pa rnams/ /phyin cad 'gyur bar mi 'gyur ro/ /rtag tu rang gi dam tshig bsgrub/ /rtag tu de bzhin gshegs rnams mchod/ /rtag tu bla ma la yang dbul/ /'di ni sangs rgyas kun dang 'dra/ /de phul bsod nams tshogs yin pas/ /tshogs las byang chub bla na med pa'o/ /de phul sangs rgyas thams cad la/ /rtag tu phul ba nyid du 'gyur/ gang phyir 'di ni lags gnas pas/ /deng khyod skye ba 'bras bur bces/ /dam tshig lha rnams kun mnyam par/ /gnas pa gyur par the tshom med/ /sangs rgyas rdo rje 'dzin bcas pa/ /kun gyi tshe ldan dbang bskur te// khams gsum rgyal po'i srid che yis/ /rgyal po bdag po bstan pa yi/ /de ni bdud las rnam rgyal te/ /grong khyer mchog tu rab tu zhugs/ /khyed rnams kyis ni sangs rgyas nyid/ /deng nyid thob par the tshom med/ /de ltar yid ni dag? dang rdo rje nyid du gyis/ /rang gi dam tshig mi bzad bde skyid bsten par gyis/ /'gro ba myur du bde ba 'dod pa thams cad la/ /rdo rje sems dpa' dang mtshungs rtag par 'gyur zhes pas so//

  638. 319b

    de nas chos bstan par bya ba ni/ /snying po bsnyen pa sogs gras pas/ /phyag rgya che la gnas bya zhing/ /dam tshig 'dod chags gzugs sogs pas/ /gsang sngags bzang po bzlas par bya/ /rang lhag lha'i sbyor ba yis/ /rang rig de'i rang bzhin gyis/ /phyogs dus kun na bzhugs pa yi/ /gzhan dang rang la 'ang mchod par bya/ /dka' thub smyung ba bud med nams/ /bsten pas 'grub par mi 'gyur te/ /mi snang mngon shes mkha' spyod kyis/ /dngos grub lus sems dag las byung/ /de bas sangs rgyas byang chub sems/ /sngags kyi sbyang mchog spyod pa rnams/ /'dod dang kun la nyer brtan cing/ /chos kyi yi ge mchog brnyes yin/ /zhes pas so/ /de nas dkyil 'khor gyi de kho na nyid ni/ / dkyil 'khor ye shes snang ba ste/ /gru bzhi byams sogs bzhi thig ni/ /chos rjes dran pa ltas ngan spangs/ /ngo tsha khrel yod dang dbang sogs/ /ra bar bshad de rnam thar sgo/ /yang dag spong bzhi rta bab ste// // dran bzhi 'khyams te rdzu 'phrul rkang/ /bzhi po sgo khyud byang chub lam/ me tog phreng ba lam gnyis ni/ /dra ba dra bar phyed bshad cing/ /de bzhin gshegs lam rnga mo gos/ /rtse dril gsung rab yan lag ston/ /ka ba'i ral lam bum pa tshogs/ /gdung sel smin byed nyi zla ste/ /pad+ma la chags chos 'khor lo/ /rdo rje ra ba me 'od ni/ /gdug pa srung ba yin par shes zhes pas so/ /lha'i de kho na nyid ni bdag bsgrubs pa la 'jug par shes par bya ste/ /phyi rol dang ni shin tu phyi rol gyi lha rnams la ni/ /de kho na phye ste ma gsungs so/ /de ltar gzhung gzhan la brten pas dbang gi bya ba spyir bstan nas/ da ni rang gi gzhung gi dbang bstan pa'i sarba bid kyi ji ltar

  639. 320a

    dbang bskur te zhes bya ba ni/ sarba 'di bcus yungs kar dkar po gser gyi snod du gnas pa la/ mang du bzlas te slob ma'i spyi bor byin pas/ de'i 'od zer gyis lus khyab pas ma rig pa dang bral te/ ye shes/ bzhi thob par bsam mo/ /'di ni thams cad rig pa'i bang ma rig pa 'joms pa ste dang po'o/ /bum pa la sogs ji snyed mar thogs par/ /bcu po rnams kyis ci dgar dbang bcu bskur/ /zhes bya ba ni brdungs pa 'am/ /bris pa'i dbu rgyan la/ zla ba'i steng du sa bon lnga po bruM hUM AM khaM zhes pa las byung ba'i de bzhin gshegs pa lnga po ji ltar dga' ba'i mdog dang dbyibs can rang rang gi rigs kyi mtshan ma las byung ba rnam la/ /de dang 'dra ba'i de bzhin tshe pa rnams bstim la/ ji skad gsungs pa'i sngags lngas byin gyis brlabs pa/ dbur rgyan du gyur par bsams la/ /slob ma'i mgo la bcing ngo/ /de nas sngar ji ltar byin gyis rlabs pa'i bum pa la sogs pa rnams las brtsams te/ rang rang gi sngag brjod pa 'am bum pa lnga 'am/ gcig las med na ji ltar bstan pa'i sngags kyi bya ste/ dbu rgyan gyi gnas lngar bum pa'i chu cung zad blugs shing btung bar yang bya'o/ /bum pas kyang reg par bya ste/ kha cig na re bum pa ji snyed yod kyang bum pa rnams mi bteg go /mchod yon gyi snod du chu bsdus la des sngags lnga zlos shing dbang bskur ro zhes zer te/ 'di la yang bla ma'i lung gis ma gnang ba med do/ /de nas rin po che 'am me tog gi phreng ba dang zla ba dang traM las byung ba'i rin po che de la/ de dang 'dra ba mang po bstim te mthar phreng bar byas la rang gi sngags bzlas pas sbyin no/ /de yang dbus

  640. 320b

    kyi cha bas mda' ba tsam du bcing ngo/ /de nas ngar dkar po sngon po bstan pa lta bu zla ba dang traM las rin chen tog tu bskyed la/ de dang 'dra ba rnams bstim te/ mjug tu dar nyid du phyur pas dbu rgyan gyi rtsa ba nas lan mang dus sngags zlos shing bcings la/ ra lhag gnyis su mdud pa sor bzhi bzhi tsam gyen du drangs la/ rtse mo 'phyang bas lta zur gnyis nas phyin par slebs pa tsam du 'phyang du gzhug go /de nas rigs lnga'i las kyi phyag rgya slob ma'i spyi gtsug dang/ 'tshogs ma dang rna ltag g.yas pa dang/ ltag pa pa dang/ rna ltag g.yon pa dag tu reg cing/ /rang rang gi sngags bzlas so/ /de nas slob dpon gyi rdo rje dril bu slob ma'i mgo la bzhag ste/ lha gang la me tog babs pa de'i mtshan ma dang kye rdo rje zhes bya bas drangs la/ /rang gi sngags rjes su bzlas pa bya'o/ /de nas sna tshogs rdo rje zla ba dang kham las byung ba'i don yod grub pa la de dang 'dra ba rnams bstim te/ 'jug tu gyur pa las byung ba rang gi sngags kyis slob ma'i lag tu sbyin no/ /de nas rin po che sna bdun thogs la/ /pha rol phyin pa rtag 'byung 'khor lo yin te kyang po mngon par shes pa mchog /ye shes rdzu 'phrul rta ste chags med 'gro ba shes rab nor bu dam pa yin/ spyod pa btsun mo bzang mo bsdu ba rnam pa bzhi po khyim bdag dam pa'o/ /thabs la shin tu mkhas pa blon po yin te mkhas pa de dag 'khor los sgyur/ zhes 'phags pa sdong po bkod pa las gsungs pa'i yon tan rnams thob par bya ba'i phyir/ slob ma'i lag tu rang rang gi sngags kyis sbyin par bya'o/ /de nas 'khor lo rkang pa'i bar du bsdu'o/ /dung g.yas kyi lag tu'o/ /dril bu dan

  641. 321a

    shes rab kyi pha rol tu phyin pa 'am rgyud 'di nyid kyi glegs bam lag pa g.yon du byin la rang gi sngags brjod do/ /de nas rdo rje dbyings dbang la sogs pa'i lha mo lnga'i phyag rgya bcings te/ slob ma'i snying ka dang/ mgrin pa dang dpral ba dang mtshogs ma dang spyi gtsug du reg pa la rang rang gi sngags brjod do/ /de nas rang sangs rgyas lnga'i dam tshig gi phyag rgya slob ma'i gnas lngar bcings la/ rang rang gi sngags brjod do/ /de la dbang bcu gcig nyid la/ ji ltar na dbang bskur zhes gsungs she na/ bden mod kyi 'on kyang 'khor los sgyur ba gnyis so sor yin du zin kyang/ /'khor los sgyur ba zhes bya bar gcig pas bsdus te gcig tu bstan pas bcu'o/ /kha cig na re 'khor los sgyur pa'i sngags gong ma ni rgyal po dbang bskur ba rin po che bdun po phal pa'i sngags yin te gnas ma yin par sngags bstan pa'i skabs su zhal la bstan pa ste/ de ltar na dbang bcu zhes zer ro/ /kha cig na re bcu la sogs pa ni bcu'o zhes zer ro/ /de nas lag tu dril bu dang rdo rje sbyin zhes bya ba ni/ hUM dang a las byung ba'i rdo rje dang ? bu rang rang gi sngags bzlas pa slob ma'i lag tu byin la/ tshigs su bcad pa lngas rjes su gnang ba sbyin te/ rang rang gi sngags bzlas so/ /'di ni phyir mi ldog pa'i dbang ste/ dbang 'di nyid la sangs rgyas thams cad bsdu ba dang/ byang chub rdo rje zhes bya ba la sogs pa'i bla ma'i lung gis dang por byas la gnang ba sbyin pa la sogs pa bya'o/ /kha cig na re tshig 'di ni rdo rje brtul zhugs ston pa'o zhes zer ro/ /ci dngos grub 'dod pa'i sngags

  642. 321b

    'ba' shig dbang bskur ram snyam la/ 'khor lo la sogs pa rin chen bdun thogs te/ mi'i dbang phyug 'khor lo thob pa dang/ /sdig pa gzhom phyir dbang ni bskur bar bya/ /zhes gsungs te/ khams kyi rgyal pos 'khor los sgyur ba thob par bya ba'i phyir yang slob dpon gyis rin chen sna bdun gyi gzugs brnyan thogs la/ /dang po rgyal ba la dang bkra shis brjod do/ /de nas bum pa bzang pos dbang bskur ba'i khrus byas la/ de'i 'og tu rin po che sna bdun dang nye ba'i rin po che bdun lham dang ral gri dang/ bgas pa dang/ khyim dang skyed mos tshal dang/ gos dang stan rnams dang/ dpal be'u dang/ pad+ma dang nya dang dung dang bum pa dang/ gdugs dang rgyal mtshan dang 'khor lo dang/ yang yungs kar dang zho dang/ rtsa dung ba dang/ li khri dang me long dang shing bil ba'i 'bras bu dang/ gi wang dag kyang sbyin te/ 'jig rten na bkra shis par grags pa rnams so/ /der yang bkra shis brgyad pa 'don zhing ngo/ /'dir gsum la skyabs su 'gro ba dang/ mchod pa la sogs pa'i yan lag bdun dang/ byang chub tu sems bskyed pa byas nas 'jig rten pa'i dbang 'di dag bskur gyi gzhan du ni ma yin pas na/ 'di la yang sdig pa gzhom phyir zhes gsungs so/ /kha cig na re tshig 'di ni dbang bcu bskur zhes pa'i rjes su sbyor ro zhes zer ro/ /'dis 'jig rten las 'das pa'i dbang gi skabs su/ /kha cig na re 'phags pa de kho na nyid bsdus pa las/ de'i 'og tu dbang bcu gnyis rnams sbyin no zhes zer ro/ /'di las ni sgrub par khyad pa med de/ 'di lugs gzhan kho na yin pas so/ /rgyud rnams las rang rang gi lugs kyi dbang bskur pa mi 'dra ba rab tu mang pa 'byung ba yang/ gcig tu mthun par bya

  643. 322a

    dgos par 'gyur la/ rtsa ba'i rgyud du yang phyi ma'i rgyud du gsungs pa'i dbang rab tu mang po bsnan pa yin par yang gsungs so/ /'di dbang dang po ni sangs rgyas kyi sa'i chos yid la byed pa'i rgyud dang/ de'i rgyu rgyud la yod par mtshon pa'o/ /gnyis pa ni de thob pa'i rgyu tshogs gnyis la sbyor pa'o/ /gsum pa ni tshogs sogs pa ni 'gro ba'i spyi bos bskur ba'o/ /zhes sngags pa'o/ /bzhi pa ni tshogs sogs pa rnams mi zhum par bya ba dbugs dbyung pa'o/ /lnga po ni ma zhum pa de rgyal ba'i phrin las byed par ston pa'o/ /drug pa ni yan lag de dag gis bdag nges par mtshan 'di zhes bya ba'i de bzhin gshegs pa la sogs par 'gyur ro/ zhes yid ches par byed pa'o/ /'dun pas ni sangs rgyas su gyur nas rdzu 'phrul dang/ kun brjod pa'i cho 'phrul gyis gdul bya gdul bar mtshan pa'o/ /brgyad pas ni rjes su bstan pa'i cho 'phrul gyis 'dul bar byed pas mtshon pa'o/ /dgu pas ni bla na med pa'i 'khor los sgyur ba chen po ni de nyid yin no zhes 'jig rten gyi rgyal srid la sred pa chad par byed pa'o/ /bcu pas ni mdza' gnyis ma lhung ba'i mi gnas pa'i mya ngan las 'das pa la gnas par ston pa'o/ /bcu gcig pas ni de'i tshe gsang ba gsum bsam gyis mi khyab par shes par byed pa'o/ /bcu gnyis pas ni slob pa dang mi slob pa'i dus kun tu thabs dang shes rab tu 'brel bar bstan pa ste/ des na 'di dag tsam gyis don yongs su rdzogs pa yin pas lugs gzhan gyis 'di gang du yang drang bar mi bya'o/ /dbang ji snyed pa de dag yongs su mi nyams

  644. 322b

    pa ni lhag pa'i lha yin pas na/ rgyud gang du yang dbang lhag ma rnams kyi rten du gyur ba/ lhag pa'i lha'i dbang me tog gi phreng ba'i dbang ni dang po nyid du sbyin no/ /zhes bya ba ni re shig mthun mong pa'o/ /de'i phyir dbang ni 'di rnams go rims dang/ grangs rgyud las ji skad gsungs pa kho na ltar bya'o/ /rang gi rnam par rtog pa'i dbang tsam gyis lung gi don zab mo gud du drang bar mi bya ste/ yid ches lung dang mi ldan par/ /chos rnams ston par byed pa na/ /mtshan nyid rnam par rtog pa yis/ /bdag kyang chud gson gzhan chud gson/ /zhes gsungs pas so/ /'jig rten las 'das pa'i dbang gis skabs su rin po che dang/ nye ba'i rin po che dang/ bkra shis dang nye ba'i bkra shis rnams mthar sbyin no/ /zhes slob dpon kha cig smra ste/ gdul bya spros pa spyod pa dag gi ngor ni/ /de dag mi dgag cing/ thams cad du nges par sbyin pa yang ma yin te/ ci rigs su sbyor ro/ /sngags grub phyir ni mos ldan zla ma la zhes bya ba pa la/ mos ldan zhes bya ba ni yon ma lus pa'i mtshon pa ste/ ji skad du gzhan las slob ma yang bdag nyid kyi dbang bskur ba 'am/ gzhan dag gis dbang bskur ba zhig yin na yang/ ji skad gsungs pa'i tshul gyis dad pa dang ldan pa theg pa chen po'i chos la mngon par brtson pa/ gsang sngags spyod pa'i tshul la the tshom med pa/ glags kyi skabs mi tshol ba/ slob mar khas len pa/ cad shes pa'i tshul gyis nga rgyal spangs pa/ bsam pa la g.yo sgyu med pas/ gus pa dang ldan pa ste/ slob ma de yang rnam pa 'di lta bu'i yon tan dang ldan pa zhig yin na/ de ni mdun du phyag rgya bstan par bya'i/ gzhan du ni ma yin

  645. 323a

    no zhes rnam par gnas so zhes bshad de phyag rgya ni 'dir mtshon pa'o/ /mos pa la sogs pa'i yon tan de lta bu dang ldan pa la/ yon blangs na dad pa med par 'gyur bas na mos ldan zhes gsungs so// sngags pas dka' i rab tu bsgor bar bya/ /zhes bya ba ni yon bslad pa ste/ ji ltar rigs par de dag ni/ /re re la yang yon bslang ngo/ /yang na yid la gang 'dod pa/ /de ni bde bar dbul bar bya zhes gsungs pas so// des kyang mos pa'i spyi bos phyag 'tshal te/ /ci ste nor yod bla ma dbul bas bya/ /zhes bya ba la ci ste nor yod ces bya ba ni med na bsnyen bkur bya ba ste/ slob ma dbul pos bla ma la/ /bkur sti dag gis mnyes par bya/ /slob dpon dag ni thams cad la/ /bkur sti bya ba yon du bshad/ /ces gsungs te/ yon ni dad pa'i bye brag yon las shes par bya'i/ /gzhan du ma yin no/ /nor dang gter dang zhes bya ba la sogs pa ni yon dbul ba phan yon dang bcas nas bstan pa ste/ go sla'o slob dpon des yon rnyed pa dag ji ltar bya zhe na/ de ni bya ba'i rgyud kha cig las gsungs pa ltar bya ste/ bza' ba dang ni bca' ba rnams/ /phongs pa rnams la sbyin par bya/ /khyi dang bya rogs la sogs la/ /cung zad tsam yang mi sbyin no/ /yo byad rdzas rnams thams cad ni/ /slob dpon dag gis bsdu bar bya/ /bdag rang nyid kyis spyad par bya/ /slob ma dag la bgor mi rung/ /dkyil 'khor gyi ni yo byad kun/ /slob dpon bdag nyid dbang bar bshad/ /gal te slob mas spyad na ni/ /dam tshig las ni 'das par 'gyur/ /gang zhig spyad par mi 'dod na/ /de yi cho ga'i go rims

  646. 323b

    'di'o/ /dkon mchog gsum gyi yo byad du/ /de dag cho ga bzhin du dbul/ /gdugs dang rnga yab dril la sogs/ /sangs rgyas nyid la dbul bar bya/ /gdan dang gdugs spos dri la sogs/ /dam pa'i chos la dbul bar bya/ /gos dang yo byad snod la sogs/ /dge 'dun rnams la dbul bar bya/ /de dag las ni slob ma yis/ /cung zad tsam yang mi bkur ro/ /dge 'dun med na dge slong sbyin/ /yang na dge slong ma la sbyin/ /gal te bdag nyid mi 'dod na/ /dge bsnyen dag la byin par bya zhes so/ /yang gzhan las rig sngags yon gyi rdzas rnams ni/ /dkon mchog gsum la dbul ba ste/ /rang gis zos na dngos grub mchog /de yang 'byung bar mi 'gyur ro/ /zhes 'byung ste/ bdag la mi dgos pa dag zhing dam pa la dbul zhing/ /mchog las rnyed pa mchog ma yin pa la mi sbyin zhing/ /bdag gis kyang rab tu lhag par mi spyod do/ /sangs rgyas kun dang bla mar mnyam/ /zhes bya ba la sogs pa ni/ /yon gyi mdza' i dam tshig bsgrags pa ste/ de nas bla ma slob ma rnams/ /ma yengs legs par bkod nas su/ /shes rab pha rol phyin klags nas/ /dam tshig 'di dag bsgo bar bya/ /zhes gsungs pa lta bu'o/ /sangs rgyas kun dang bla mar mnyams/ rdo rje slob dpon brnyas na ni/ /rtag tu sdug bsngal 'thob 'gyur bas/ /slob dpon la ni brnyas mi bya zhes bya ba la/ 'dir rdo rje'i rang bzhin nam/ /rdo rjes mtshon pa'i bla ma ni/ rdo rje'i slob dpon te/ de yang gang zhig dam chos glog pa dang/ 'chad dang man ngag ston pa dang/ /dbang bskur ba dang las byed pa/ /slob dpon zhes ni bya ba yin/ /zhes pa ste 'di dag kyang bsdu ba dang nges par rnam par bzhag pa ni/ ji skad du gzhan las/ slob dpon yang gang gis

  647. 324a

    dbang bskur ba dang/ rgyud bstan pa dang/ gang gi thad nas las kyi man ngag mnos pa de yang/ slob dpon yin te/ gsum po yang 'di dag kyang/ /phrag dog med cing phan par 'dod pa ni/ /slob dpon yin te zhes bshad do/ /yon tan de dag dang ldan pa'i slob dpon ni/ /bsnyen bkur bya bar 'os pas na bla ma ste/ sangs rgyas rnams dang phan 'dogs par mtshungs pas na/ sangs rgyas dus gsum du bzhugs pa kun dang mnyam zhes bya'o/ /de dag las kyang gtsor gyur pa ni gang las dbang thob pa ste/ de ltar yang rdo rje slob dpon ni gang gis dbang bskur ba'o/ /de la bsti stang med pa ni drod 'dzin cing brnyas thabs byed pa'o zhes bshad la/ /'phags pa rab tu grub par byed pa las kyang bla ma'i dkyil 'khor ston pa ste/ spyod pa ngan par gyur pa la'ang/ /lus sam yang na yid kyis kyang/ /shes nas nam yang smad mi bya/ /zhes gsungs la gzhan las kyang bla ma gang las gdam ngag la sogs pa mnos nas/ /da ni gdam ngag thob pas 'dis ci zhig bya zhes bsnyen bkur mi byed pa ni/ snying nas slob dpon smod pa'o zhes bshad do zhes bstan to/ /rdo rje ma rnams nyid la ni zhes bya bar na/ bcom ldan 'das ma skul byed ma dang ral pa gcig ma dang/ ma ma kI dang sgrol ma la sogs pa ye shes rdo rje lta bur mi byed pas/ rnal 'byor ma nyid du bstan pa rnams la'o/ /rnal 'byor can gyi zhes bya ba ni sngags so/ /brnyas ma yin zhes bya ni bud med du gnas pas smod pa srid pas bgag pa ste/ bud med shes rab rang bzhin pas/ /de la brnyas pa bcu bzhi pa/ /zhes rtsa ba'i ltung bar yang 'di dag la brnyas pa nyid bzhag go/

  648. 324b

    //brnyas na ni rtag tu sdug bsngal 'thob 'gyur te/ brnyas mi bya zhes 'dir sbyar te/ /sdug bsngal ni sngar bstan pa rnams so/ /lhag ma ni go sla'o/ /slob ma dag gis kyang phyag 'tshal te gus pas spyi bos gnod do// de nas ni kha lag bkrus nas ni/ /lha la mchod yon phul nas su/ /go rim bzhin du thams cad la/ /bdug spos cho ga bzhin du dbul/ /de nas dkyil 'khor rig sngags kyis/ /sbyin sreg brgya rtsa brgyad du bya/ /zhi pa'i sngags kyis brgya rtsa brgyad/ /snying pos kyang ni nyi shu gcig /ji skad bstan pa'i gsang sngags kyis/ /mar gyi sbyin sreg so sor bya/ /de yi 'og tu rang sngags kyis/ /sbyin sreg ji snyed 'dod pa bya/ /de nas phyogs kyi gtor ma sbyin bsdams shing kha lag yang bkrus nas/ /slob ma dang ni bcas pa yis/ /me tog dri la sogs pas mchod/ /slob ma dang bcas ma yengs par/ /mgo pos gus par phyag 'tshal te/ /so so'i sngags kyis ci rigs par de nas slar ni gshegs su gsol/ /dman ma rnams ni phyag nas su/ /mtsho chen rnams su dor bar bya/ /zhes pa sbyar ro/ /de nas bcom ldan 'das kyis zhes zhes bya ba la sogs pa rnams ni bri sku'i cho ga ston te/ /de la 'dir nus pas ni bri sku'i dkyil 'khor chen po'i tshul du bya ste rgyud phyi ma las/ yang na sku gzugs ni dkyil 'khor gyi tshul du bris la zhes gsungs pa ni thun mong du drang bar bya ba yin pa'i phyir ro/ /'on kyang de ni dbul po la sogs pas 'byor pa yang dag par sba ba yang dag ste/ glegs bam dang ni bris sku rnams/ /rmongs pa rnams la stan byas na/ /skye ba 'di la dngos grub med/ /tshe rabs gzhan duAng 'grub mi 'gyur zhes

  649. 325a

    gsungs pas/ rab tu yang sba bar bya ba yin pas so/ /de'i phyir dkyil 'khor las gzhan du bstan pa'o/ /bri sku'i skabs 'dir lha tshang bar bya ba'i 'thad pa de lta bu yin du chug na/ ci'i phyir lha'i rnam pa gzhan du bstan/ /gtso bo lnga la sogs pa bri bar rigs so zhes na/ mchog tu thugs rje che bas sgo sna tshogs nas bsgrub pa po la dngos grub sbyin par brtson par bstan pa'i phyir ro/ /'o na sangs rgyas sman gyi bla 'dir ci'i phyir bri? zhe na/ bcom ldan 'das 'di ni mchog tu thugs rje chen pos sems can la mnyes gshin cing/ khyad par du sngon gyi smon lam gyi dbang gis bcud kyi len la sogs pa'i sman sna tshogs byin gyis rlob pa ste/ ji skad du gang zhig sangs rgyas sman gyi bla 'di yi/ /mtshan rnams dran nam mchod dang bsnyen bskur byed/ /de yi nad rnams 'byed zhing sman rnams ni/ /lhag par mthu dang ldan par 'dis nges 'gyur/ /zhes bshad pa lta bu'o/ /'dir ni bris sku'i spyan sngar rdzas bsgrub par rab tu gsal la/ /rdzas kyi bsgrub pa las kyang bcud len ni mchog yin par gsungs pas/ bcud len rab tu 'grub par bya ba'i phyir sangs rgyas 'di bri'o// 'dir bcud len gyi bsgrub par gang las gsal zhe na/ phyag 'tshal dngos grub la sogs blang/ /bla ma dkon mchog gsum dag la/ /skal pa cha re phul nas su/ /de nas rtag tu bdag spyod cig /ces pas dngos grub bgo ba gsungs la/ bgo ba'i cho ga ni rdzas rnams la yin pas so/ /rgyud phyi ma las ba dmar ser gyi mar zhes smos pa dang/ mar de 'am mar sar pa 'am/ /til mar ram chu 'am/ 'o ma 'am zho 'am/ chang

  650. 325b

    ngam khrag gam zhag gam/ /glad pa 'am sha 'am gang yang rung ba la zhes smos pa'i bcud len gyi rdzas rnams ni 'dir yang sbyar bar rigs pas so/ /tshig gi don rnams ni go sla bas ma phye'o/ /sgrub pa po bdag nyid ces bya ba la sogs pa la bdag nyid dbyibs dang sha tshugs dang/ kha dog dang cha lugs ci 'dra ba de ltar bri'o/ /zhes gsungs pa lung gi man ngag go /de nas rim pa'i sku gzugs de mchod de zhes bya ba ni rab gnas kyi dus so/ /bdag nyid kyis zhes bya ba ni nus na ste/ /mi nus na slob dpon gzhan bzang po 'ga' zhig gis so/ /spyan dbye zhing zhes bya ba ni rgyal po dbang bskur ba'i lugs ltar go 'phangs brtan po la bzhag ste/ de la 'dir spyan dbye ba'i cho ga ji lta bu bya zhe na/ de'i phyir nges pa'i tshig dang rnam par dbye ba dang/ cho ga rim pas phye ste rab gnas bshad/ /de la nges pa'i nges tshig ni pra ka ra sha ne na tiSh+Tha/ pra tiSh+Tha zhes pa ste/ mchog tu gnas pas na rab gnas so/ /de yang yun ring bas mchog dang khyad par du gyur pas mchog go /de la yun ring ba ni thams cad do/ /khyad par du gyur pa ni mchod pa'i gnas rnams te/ ye shes sems pa'i rang bzhin du byas pa'i phyir ro/ /rnam par dbye ba ni gnyis te/ bzhi rnam par dbye ba dang/ cho ga rnam par dbye ba'o/ /de la gzhi rnam par dbye ba la gsum ste/ sku'i bdag nyid du rab tu gnas par bya ba dang/ gsung gi bdag nyid du rab tu gnas par bya ba dang/ /rigs so so'i bdag nyid du rab tu gnas par bya ba'o// de la sku'i bdag nyid du rab tu gnas par bya ba ni/ mchod rten dang gtsug lag khang dang rdo rings dang shing ljon pa dang khron pa dang chu mig dang steng ka dang rta babs dang/ shing rings rnams so/ /gsung gi bdag nyid du rab tu

  651. 326a

    gnas par bya ba ni/ phreng ba dang 'jig rten pa'i glegs bam dang/ 'jig rten las 'das pa'i glegs bam rnams so/ /rigs so so'i bdag nyid du rab tu gnas par bya ba ni sku gzugs rnams rang gi sku gang yin pa de nyid du rab tu gnas par bya ba'o/ /cho ga rnam par bye ba ni/ /cho ga rgyas par bya ba dang/ /mdor bsdus pa gnyis so/ /da ni cho ga rim par phye ste bshad par bya'o/ /de la rab gnas byed par 'dod pa'i slob dpon gyis/ /zla ba dang tshes grangs dang gza' dang rgyu skar shis pa la bya ste/ de yang zla ba drug dang gza' bzhi dang/ rgyu skar bcu bzhi gang yin dang/ tshes grangs bdun gyi grangs nyid pa/ /rgyal ba'i rab gnas la sogs nyid ces pa rnams so/ /dus de dag la gnas yid du 'ong bar/ /mda' dar dang bla re dang 'phan la sogs pas me tog bkram ste dri zhim por byas la/ gnas der stegs bu dpangs su khru ngo yod pa/ rgyar khru bzhi yod pa gru bzhi lham pa mdzes par 'jam pa zur phyin pa ma yod pa zhig /rdo 'am so phag gam sa 'am pha gu las byas la rdo thal gyis dkar por byug go /stegs bu de'i khar rab gnas bya ba'i lha la sku khrus gsol ba dang/ mchod pa la sogs pa bya'o/ /de la cho ga'i rim pa ni dang po stegs bu'i khar sku gzugs shar du mngon par phyogs par gzhug la/ ras ser po sku la gsol te/ oM badzra ? hUM zhes zlos pas so yungs kar dang chu mer dor ba gsum gyi nges par sbyang ngo/ /de nas ba'i rnam lnga dang/ bdud rtsi lngar bcas pa kham phor du bzhag pa dur ba'i pir gyis blangs

  652. 326b

    shing sngags 'di zlos pas bkru'o/ /oM sarba ta thA ga ta kA yo bi sho d+ha ne swa hA/ de nas dag par gyur na ni til mar dri zhim pos bsgos pa khar ba'i snod du bzhag pa dur pa'i pir gyis blangs shing/ sngags 'di bzlos pas sku legs par khyab par byugs te/ oM hUM traM h+ri khaM/ de nas yang til mar gsal ba'i phyir/ shun lags lnga po'i phye ma dang sbyar ba'i chus bkru ste/ u dum ba ra dang rsha shi dang/ a shwa t+tha dang/ rgya gro d+ha dang/ pa ra ka ta'i shun pa dag gis so/ /de nas yang skyu ru ra la sogs pa 'dag tshal gyi lde gu la/ bum pa chu gtsang ma dri zhim pa bdud rtsi lnga dang sbyar bas dbang bskur ba'i khrus gsol te/ rgyal ba dang bkra shis pa'i tshigs su bcas pa 'don cing/ /dril bu gsil la glu dang gang dang/ sil snyan du ma sgrogs shing chu bum pas blugs so/ /de'i tshe slob dpon gyis nam mkha' la sangs rgyas dang byang chub sems dpa' dang grub pa'i rigs 'dzin dang lha dang lha mo mang pos kyang bdud rtsi'i chu ldugs? par bsams la/ tshigs su bcad pa dang sngags 'di zlos shing dbang bskur ba'i khrus bya'o/ /ji ltar bltams pa tsam gyis ni/ /de bzhin gshegs pa khrus gsol ltar/ /lha yi chu ni dag pa yis/ /de bzhin bdag gis khrus gsol lo/ /oM sarba ta thA ga ta a b+hi She ka sa ma ya sh+ri ye hUM a swA hA/ de nas ras 'jam pos sku la chags pa'i chu legs par phyis te 'di ni khrus kyi cho ga'o/ /de nas tsan dan gnyis dang/ gur gum dang la gu dang/ 'gan te ska ste dri snga'i lde gu lha'i thugs khar byug te/ sngags 'dis so/ /oM badzra gand+he A hUM swA hA/ de nas me tog dang spos dang mar me dang lha bshos rnams dang rang gi sngags kyis phul lo/ /thugs ka dang ma gur dang/ spyi bo dang 'phrag ka rnams su rdo rje dang bcas pa'i

  653. 327a

    lag pas lan gsum reg ste/ lag par spos me thogs nas pus mo g.yas pa'i lha nga sa la btsugs te/ lce hUM las rdo rjer byas nas sta gon la gnas par bya ba'i phyir/ 'di skad ces lan gsum brjod do/ / bcom ldan 'das che ge mo rdo rje pad+ma rig pa'i rgyal po la phyag 'tshal lo/ /slob ?la ni brtse ba dang/ /khyed rnams la yang mchod pa'i phyir/ /mgon po thugs rje chen po bdag /sang ni rab gnas bgyi lags na/ /gus pa bdag dang de la ni/ /bcom ldan bka' drin mdzad pa'i rigs/ /'gro la 'khor lo'i bya don sbyin/ /sangs rgyas rnams ni bdag la dgongs/ /dgra bcom byang chub sems rnams dang/ gang yang sngags kyi lha gzhan dang/ /lha dang 'jig rten skyong ba bzhi/ /bstan pa la ni mngon dga' zhing/ /byang chub la brten 'byung po dang/ /rdo rje'i spyan ldan sems can gzhan/ /rdo rje 'chang chen che ge bdag /rig pa'i rgyal po 'di yi ni// ji ltar nus pa'i mchod pa dang/ /'gro ba zhi bas rab gnas bgyid/ /slob ma mchog dang bdag la ni/ /khyod kyi thugs rtse nyer bzung nas/ /rab gnas 'di la thams cad kyis/ /thugs rjer ldan pas gnas par mdzod de skad ces brjod pas phyogs bcu'i sangs rgyas la sogs pa thams cad rab gnas kyi gnas de'i nam mkha' la 'byon par bsam mo/ /de nas gang la rab gnas bya ba'i gzhi de stong pa nyid du bsgoms la/ pad+ma dang zla ba la sogs pa'i rim gyis/ sam yang na yig 'bru las yud tsam gyi ltar bskyed do/ /de nas rang gi snying kha'i sa bon las 'od zer byung bas/ /ye shes sems dpa' bkug ste/ /mdun du byon pa

  654. 327b

    bsams la/ oM pra tits+tsha arg+haM hUM zhes pas yon chab phul te/ oM ni ri khaM hUM zhes pas zhabs bsil dbul lo/ /oM sarba saM sho d+ha ni hUM phaT zhes pas zhabs bsil dbul lo/ /yang me tog dang/ spos dang mar me dang/ dri dang bshos dang dril bu'i spra? dag phul la/ dze:? hUM baM ho(rgyud 'grel): zhes brjod pas dam tshig sems dpa' la bstim ste/ dbang bskur la rgyas btab te/ yang me tog dang/ spos dang mar me dang dri dang bshos dang/ sil snyan rnams phul la lha de'i sngags mang du zlas te/ de nas yi ge brgya ba mu(rgyud 'grel): 'i mdza' can gyis gshegs su gsol lo/ /'di ni sta gon la gnas pa'i cho ga'o/ /de nas nang par stegs bu'i gnas der mchod pa ci 'byor ba dang/ gser gyi mthur ma any+dzA na dang bcas pa bshams la/ rab gnas bya ste/ de yang dang por slob dpon gyi lag tu spos snod thogs la/ /pus mo g.yas pa'i lha nga sa la btsugs te/ lce hUM las rdo rje byas la/ bcom ldan 'das zhes pa nas bzung ste/ thugs brtse ba ldan pas snang bar mdzod pa'i bar du brjod pas lha rnams bskul te/ de yang sang ni rab gnas bgyid lags na zhes bya ba la rab gnas bgyid bar 'tshal lags na zhes brjod do/ de nas ye shes sems dpa' yang spyan drangs la yon chab dang zhabs bsil dang/ zhal bsil dang mchod pa'i cho gas phul la lha thams cad sku gzugs la bstim ste yang mchod pa byas la/ oM badzra pa ra Na bi b+hu Sha ne swAhA zhes pas rgyan cing 'byor pa dbul lo/ /de nas yang bstod pa byas la gsor? gyi thur ma any+dzA na byugs pas spyan dbye ste/ sngags 'dis so/ /oM tsak+Shu tsak+Shu sa man+ta tsak+Shu bi sho d+ha na badzra swAhA zhes blos shing ngo/ /de nas 'di bya a ka ni sa ma d+hi b+hya ne na dra na ne swAhA zhes brjod cing

  655. 328a

    bza' ba bzang pos cung zhig ngal zer sku la dbul lo/ /de nas bdud rtsi 'khyil pa zlas shing sku'i zhabs dang skod pa dang dbul la lag pa g.yas pas gcus la rdo rje bzung la lar? gsum bskor te/ brtad par byas la/ stegs bu'i steng du sku'i cha gsum pa'i khri la/ ha cang mdud pa dang ma dgye ba dang ma yo bar ci mdzes su bzhugs par bya ba ni/ su dra tiShta badzra swA hA/ zhes brjod do/ /de nas slob ma la brjod pa ni/ khyod kyis nga la gsol btab pa'i sku gzugs dang ni/ khyad par du/ /ji skad du gsungs bzhin spyan dbye bas/ /de ni ngas kyang byas gyur ste/ /khyod kyi de ni kun rdzob pas/ /ci bde bar ni mchod pa byos/ /zhes so de nas slob mas kyang sku la mchod pa ci 'byor pa phul la/ /bstod pa yang bya ste/ lan du mar bskor ba yang bya'o/ /de nas slob dpon gyis phyogs kyi gtor ma byin la/ sku gzugs byin che zhing bkra shis pa yun ring du bzhugs par bya ba'i phyir/ chos skyong pa'i bsrungs ma rnams la gsol ba gdab par bya'o/ /'byor ba yod na nal zer zas phul ba'i rjes la rgyal ba'i sbyin sreg bya'o/ /'di ni rab gnas rgyas pa'o/ /mdor bsdus pa ni sta gon la gnas pa mi bya bar nyi ma gcig nyi nga la? khrus la sogs pa'i bya ba kun rdzogs par bya'o/ /de la glegs bam dang bris sku dang lder so la sogs pa ni me long la khrus bya'o/ /lugs ma la sogs pa ni dngos su bkru'o/ /lha khang ni lha'i sku ji snyed pa de snyed la ? gnas bya'i/ /spyir 'dril de ni ma yin no/ /mchod rten dang rdo rings dang rta babs dang shing ljon pa dang/ gtsug lag khang dag ni rnam par snang mdzad du bsgrub po/ /chu mig dang khron pa la sogs pa ni rnam par

  656. 328b

    snang mdzad tu rab gnas su byas pa las/ 'jug tu de gyur pas chu mig la sogs par gnas par bya'o/ /bzlas pa'i phreng ba dang glegs bam dag ni 'od dpag med du'o/ /rab gnas kyi ched du dkyil 'khor 'bri na/ rab gnas gang la bya ba'i lha de gtso bor bya'o/ lha khang gang zhig sku mang du bzhugs pa de la ni rnam par snang mdzad gtso bor gyur pa'i dkyil 'khor bri'o/ /gal te de ltar spyan dbye ba ma byas na ci nyes par 'gyur zhe na/ sku gzugs rab gnas ma byas par/ /phyag 'tshal ba dang mchod byed de/ /sngags med pas ni thal ga la/ /sbyin sreg byas bzhin 'bras bu med/ /ces pa'i nyes pa'o/ /rnal 'byor kha cig gi dbang du byas te/ /rab gnas rab tu rgya chen sngags dang phyag rgya'i bya ba rab tu rgyas pa dag ni 'dir ma brjod de/ gzhung mang po la mi sred pa dang/ phyi rol gyi bya ba ha cang mangs pa ni rab tu g.yeng ba nyid yin pas rnal 'byor gyi rgyud 'dir mi 'dod pa'i phyir ro/ /nang gi bya ba gtso bor byas te brjod pa'o/ bden pa'i byin brlabs dmigs par bya zhes bya ba ni rab gnas byed pa'i dus su sangs rgyas dang chos dang dge 'dun yon tan mdza' yas pa yin pa'i byin gyi brlabs des/ bdag gi ri mo 'di spyan dbye ba'i dus 'di nyid du/ dngos grub myur du thob pa lta na mtshan ma 'ga' snang bar gyur cig ces bya ba la sogs pa'o/ /de nas ci ste zhes bya ba la sogs pa ni go sla'o/ /gal te mtshan ma byung na de shes par bya ba'i phyir bzhad pa dang ni zhes bya ba la sogs pa gsungs te/ bzhad pa dang ni rnga sgra dang/ dril bu'i sgra dang 'brug bzhin te zhes pa ni dngos grub rab kyi mtshan ma'o/ /dge slong bram ze'i bu mo dang zhes pa ni dngos grub 'bring gi mtshan ma'o/ /'bras bu zhes pa ni dngos grub tha ma'i mtshan ma'o/ /mthong na zhes bya ba ni ma 'khrul pa'i shes pas so/ /myur du zhes pa ni mtshan ma'i

  657. 329a

    dbang gis dus myur ba nyid du'o/ /kha cig na re spyan 'byed pa na mtshan ma 'byung bar 'dod pa na/ myur du zhes gsungs pas dang po 'og nas 'chad pa ltar bsnyen pa byas la/ /bsnyen pa kher ba na bri sku bri zhing de nas bsnyen par can de'i spyan sngar bya'i zhes zer ro/ /mtshan ma 'di dag ni 'dor bstan pa dang/ rgyas par ni ji skad du/ /de nas gzhan yang cho ga las/ /ji skad gsungs pa'i cho ga bshad/ /ngal ba'i nyes par 'gyur na yang/ /myur par bya ba mi shes so/ /de yi bar du sgrub pa pos/ /bsnyen pa dang ni mchod pa dang/ /sbyin bsreg cho ga bstod pa dang/ /dge ba dag la brtson par bya/ /dkyil 'khor dag ni 'bri ba dang/ /bsnyan pa la yang dus mtshams su/ /mig sman lan brgyar sngags pa yis/ /thog mar gnyid ni bsal ba dang/ /bsgrub pa'i tshe dang mig sman des/ /legs par bkru bar rab tu bsgrags/ /lig bu mid dang sug smel dang/ /ga bur shing rtsa po pi ling/ /ta ka ra dang sbyar ba dag/ rta yi kha chu dang sbyar na/ /gnyid dang snyoms pa'i 'jigs pa sel/ /'thor thung yang dang byang byas nas/ /kha gdong bkrus nas mig bsku'o/ /mig sman bskus pa'i mig des nis bsgrub pa'i tshe na bgegs kyang mthong/ /oM dza la lo tsa ne swA hA de bzhin gshegs pa'i rigs la'o/ /oM pi lo ki ni swahA/ /pad+ma'i rigs la'o/ /oM bandu ri dIbde swA hA/ /rdo rje'i rigs la lo/ rig gsum la yang rim bzhin mig sman bsku ba'i rigs sngags so/ /dal dang brnye ba gsang ba'i phyir/ /spos kyi chu ni khyor ba gang/ /rab tu dri zhim lan bdun bzlas/ /khyor pa nyid kyis btud par bya/ /nye reg byas nas blo can gyis de nas mtshan ma rtag par bya/ /mtshan ma bzang po mthong nas ni/ /bsgrub pa/ /

  658. 329b

    gus par brtsam par bya/ /lcags kyi dung dang 'khor lo nya/ /g.yung drung pad+ma rgyal mtshan dang/ /bkra shis bum pa gang ba dang/ /dpal be'u rdo rje phreng ba dang/ /bu mo rgyan gyis brgyan pa dang/ /sbrul mo phang na bu thogs pa/ /gzhon nu dga' zhing rgyas pa ste/ /de dag rab tu 'grub par ston/ /bram ze gos dkar gon pa dang/ /shing rta glang po rta rnams dang/ /rtsi thogs 'bras bu sna tshogs dang/ /ngo mtshar dag kyang mthong ba dang/ /'brug gi sgra ni grags pa dang/ /rigs byed dbyangs dang rgyal po sgra/ /dung dang rnga dang rdza rnga dang/ /sgra rnams 'grub phyir rab tu shis/ /rma bya khrung khrung ngang mo dang/ /ne tso la sogs bya rnams kyi/ /sgra brnyan rnams ni kun thob nas/ /dngos grub phyir ni ma pa rtsam mo/ /smon pa bkra shis thams cad dang/ /bsod nams dang ni bde legs tshig /thos na 'grub pa shes par bya/ /yid du 'ong ba'i tshig rnams dang/ /'brug dang sprin dang char 'bab dang/ /ser bu me tog 'bab pa dang/ /'ja' dang dri ni zhim po ste/ /'di 'dra'i mtshan ma lha yi'o/ /bar snang las byung mtshan ma ni/ /thams cad 'bring du shes par bya/ /sa las byung ba'i mtshan ma gang/ /de dag sa pa'i yin par bshad/ /lha yi dag gis dngos grub mchog /bar snang dag gis 'bring du 'gyur/ /sa pa dag gis dngos grub phul/ /gsum pa 'ang gsum gsum dag tu dbye/ /de la sogs pa'i mtshan ma rnams/ /dngos grub phyir ni bsgrags pa'o/ /mdor na gsang sngags thams cad la/ /de

  659. 330a

    las zlog na mi 'grub po/ /dang por mtshan ma bzur na ni/ /sems ni rab tu dga' 'gyur nas/ /yongs su mgu ba'i bsam pa yis/ /de nas sgrub pa brtsam par bya/ /zhes gsungs pa lta bu'o/ /rab dang 'bring dang tha ma 'grub ces bya ba la/ /dngos grub rab dang 'bring dang tha ma'i dbye ba ni/ /ji skad du gang dag bsten du 'gro ba'i las/ / de kun mchog tu shes par bya/ /gang yang cung zad mi snang ba/ /de ni 'bring gi cho gar bstan/ /gang yang 'di la sa pa'i las/ /de dag thams cad tha mar bshad/ /de bas rab 'bring tha ma yis/ /las rnams kyis ni bye brag las/ /rab dang 'bring dang tha ma yi/ /dngos grub las kyi bye brag las/ /steng dang bar snang sa pa dang/ /gnas ni rnam pa gsum du bshad/ /rig sngags 'chang dang nam mkhar 'gro /sna tshogs gzugs ni grub pa dang/ /mngon par shes pa 'thob pa dang/ /zhi ba'i blo dang ye shes 'thob/ /bstan bcos thams cad shes pa'i ?/ /sku mkhas thos pa 'dzin pa dang/ /yid bzhin nor bu rgyal srid dang/ /gter chen dag ni rnyed pa dang/ /de la sogs pa bstan pa rnams/ /rig sngags dngos grub dam pa yin/ /mi snang stobs dang dngos grub dang/ /phug gi dngos grub bcud lan dang/ /mang du thos dang shes thob dang/ /rkang mgyogs pa yi dngos grub dang/ /de la sogs pa'i dngos grub ni/ /

  660. 330b

    'bring rab tu bshad pa yin/ /'gro ba thams cad dga' ba dang/ /drag shul spyod pa'i cho ga dang/ /gzhan yang cung zad phal gyi rnams/ /mkhas pas tha mar rig par bya/ /'bar ba'i rdzas la mchog tu 'gyur/ /drod las dngos grub mar 'gyur/ /de ltar dngos grub rnams gsum mo/ /'phags pa'i gsang sngags mthu chen gyis/ /dngos grub dam pa bsgrub par bsgrags/ /sa blas tha ma grub par gsungs// lha yi sngags kyi 'bring po grub/ /de bzhin gshegs pa'i rigs gsungs pa'i/ /sngags kyi dngos grub chen po thob/ /pad+ma 'dzin pas gsungs sngags kyis/ /dngos grub 'bring po 'thob par bshad/ /rdo rje 'dzin pas gsungs pa yis/ /dngos grub tha ma 'grub par bsgrags/ /rab kyi tha ma gang yin pa/ /tha ma'i rab tu de mi mnyam/ /dngos grub lhag ma gnyis la yang/ /cho ga'i rim pa de nyid do/ /'bras bu yon tan bstan pa ni/ /che ba'i bye brag rnams gsum las/ /rab dang 'bring dang tha ma yin/ /bye brag de dag rab tu bsgrags/ /sangs rgyas byang chub sems dpa' yis/ /gsungs pa'i gsang sngags gang yin ba/ /de las dngos grub rab 'byung ba/ /tha ma dag la'ang yod par 'gyur/ /rgyal bas gsungs pa'i gsang sngags dang/ /kha cig las gcig pa yang yod/ /de nyid de yi las bshad pa/ /rab dang 'bring dang tha ma'o/ /'dam las pad+ma skyes pa dang/ /tsan dan shing las me 'byung bzhin/ /kha cig de ltar ris med par/ /dngos grub rnams kyang 'byung bar 'gyur/ /lus

  661. 331a

    kyi dngos grub rab yin no/ /rdzas las byung ba 'bring yin no/ /longs spyod dngos grub tha ma yin/ /rab dang bring dang tha ma la/ /tha ma'i gsang sngags bzlas pa ni/ /las las rab tu bsnyen byas nas/ / dngos grub gzhan las blangs na ni/ /mchog kyang rab tu ster bar 'gyur/ /rab la 'ang la la zhig gis ni/ /ma bsgrigs par ni bsnyen byas nas/ /sngags kyang dngos grub tha ma ster/ /de bas bsnyen pa rab tu gces/ /lha rnams la yang dbul po yod/ /yi dags la yang mthu chen yod/ /dngos grub la yang de bzhin du/ /rnam pa sna tshogs yod par 'gyur/ /rab 'bring tha ma re re la'ang/ /dngos grub rnam pa gsum du dbye/ /gsang sngags rnams kyi mthu shes nas/ /bsnyen pa las ni dngos grub btsal /zhes gsungs la/ yang gzhan las kyang/ de dag 'bras bu 'ang rab 'bring dang/ /tha mar dbye bas rnam pa gsum du brtag /dpal dang phug tu 'gro dang mkha' la 'gro /bsam pa bzhin grub mi snang rnam pa dang/ /gnod sbyin ma'i khyo dang bcud kyis len/ /mig 'phrul sgyu ma mtshan mo rgyu ba ste/ /de dag rab yin 'bring ni sa bdag po/ grong dang nor dang dbye dang dgug pa dang/ /dgar dang bskrad pa dang ni bsad pa dang/ /klu yi gdon gyis zin pa gso pa dang/ /gang yang 'di lta bu dang mthun pa'i las/ /de ni mkhas pas phran tshegs yin par bstan/ /bye brag tu ni klu dang gnod

  662. 331b

    sbyin dang/ /byis pa gdon gyis zin dang gang dag tu/ /lus can rnams la ngo mtshar sna tshogs dag /ston par byed pa phra mo'i phra mtshegs yin zhes gsungs la/ /de nyid las grub pa chen po brgyad dbye ba la yang gsungs te/ /bcud kyis len dang gtor dang phug 'gro dang/ /nor sgyur 'byung khungs sngags dang gser sgyur rtsi/ /rin thang med pa'i rin chen nor sbyin te/ brgyad po bstan pa yongs su sgrags pa yis/ /sngags dang phug tu 'gro dang bcud kyi len/ /sdig pa spong bar byed pas mchog tu bstan/ /rin chen dang ni gter dang 'byung khungs 'bring/ /gser sgrur rtsi dang nor bsgyur tha ma'o/ /mi ni sems stobs ldan zhing chos la brtson/ / dkal thab kyis phyug dang por bstan pa'i snod/ /rdul shas che ba la ni 'bring por gsungs/ /tha ma la ni mun pa can gyis bsten/ /gang zhig mchog tu bstan pa bsten 'dod pa/ /de ni tha mar bstan pa rnam par spangs// gal te nor la srad cing sdug bsngal gyis/ /gdungs na 'bring po la ni brten par bya/ /zhes so/ /yang kha cig las dngos grub chen po brgyad/ /mig sman dang ni rkang 'gyogs dang/ /ral gri sa 'og bsgrub pa dang/ /ril lu mkha' la spyad pa dang/ /mi snang ba dang bcud kyis len zhes pa dang/ /yang gzhan las ri lu mig sman sa 'og dang/ /ral gri mkha' 'gro mi snang dang/ /'chi ba med dang nang 'joms la/ /'di dag grub pa chen po brgyad/ /ces gsungs so// de bzhin du dngos grub rnam par dbye ba gzhan du gsungs pa/ 'di bden 'di ni yang dag pa/ /de bzhin du ni mi slu ba/ /ji ltar sangs rgyas bden gzigs pa/ /de bzhin sngon ni ngas mthong ba'i/ /byang chub sems mthong gang yin de/ /dngos grub de las gzhan ci dgos

  663. 332a

    de las gzhan duAng dngos grub ni/ /rnam pa dag ni lnga bkod de/ /spyod pa'i rjes su 'jug pa dang/ /de bzhin sa ni gnon pa dang/ /'jig rten mngon shes lngar 'dod dang/ /sangs rgyas nyid dang gang gzhan no/ /zhes te/ 'di dag la sogs pa lung rab tu gsal ba dang/ bla ma'i man ngag dang/ rang gi blo dri ma med pas dngos grub rnam par dbye ste/ 'di ni sngags spyod pa rnams kyi ral pa byas pa'i 'bras bu yin pas/ bdag gis rab tu spros par zad do/ /de nas gzugs de byin brlabs la zhes bya ba la/ ji ltar byin gyis brlab ce na/ sngags dang phyag rgyas byin brlabs nas zhes bya ba smos te/ rab gnas byas nas yang lha de nyid kyi sngags dang phyag rgya lan mang du rang gis de'i spyan sngar bzlas pa nyid kyis re byin gyis brlabs par 'gyur ro/ /ci bdog pas ni mchod par bya'o// zhes bya ba ni dus rtag tu thun mtshams dag la bdag nyid la 'byor pa ci yod pas mchod par bya ste/ /rnam pa kun la mkhas pa yis/ /rtag tu ci nus pas kyang rung/ /zhes gsungs pas so/ /rtag tu mngon sum 'dug nas kyang/ /zhes bya ba ni bri sku'i spyan snga kho nar bsnyen par bya ba bstan pa'o/ /'jig rten gsum las rnam rgyal gyis/ /bdag bsrung la sogs byas nas kyang/ /zhes bya ba ni bsdad? bsrung ba bstan pa ste/ /kha cig na re ni 'phags pa gshin rje gshed kyi sngags kyis bsrung ba bya ba ste/ de bzhin gshegs pa'i rigs la ni shes pas so/ /zhes zer ro/ /bdag gis de nyid dran byed cing zhes pa ni mngon par byang chub pa 'am sems dpa' 'byung ba'i rim pas/ de dag gi rnal 'byor rdzogs par bya ba ste/ 'dir bdag gi de kho na nye bar mtshon pa'o/ /'phags pa rdo rje gtsug tor la sogs pa bya ba'i rgyud dag las bdag gi de kho na nyid ston pa lhur len pa de dag las 'dir yang blangs te ci rigs su shes par bya'o/ /de ltar na 'dir dang po ni bsrung ba'o/ /de nas bri sku'i spyan sngar 'dug par bya'o/ /de nas gzugs byin gyis brlab

  664. 332b

    pa'o/ /de nas bdag gi rnal 'byor ro/ /de nas mchod pa'o/ /de nas bsnyen pa bzla bar bya ba'i phyir/ /'bum phrag gsum 'am zhes pa la sogs pa smos te/ sngags pa mchog gi dbang du byas nas 'bum phrag gsum ste ji skad du bzlas brjod grangs ni sum 'bum du/ /phal cher ras ni bstan pa dag /lus can sdig dang bral ba yis/ /sngags pa rnam par dag pa las/ /bzlas pa'i grangs ni bstan pa ste/ /gzhan du bya ba ma yin no/ /zhes gsungs pas so/ /sngags pa 'bring gi dbang du byas te/ /yang na drug ces bya ba smos te/ /'bum phrag ces pa tshig lhag ma'o/ /sngags pa sman pa dag gis ni/ /dus yun ring bar bzlas par bya dgos te/ /'di skad du lo grangs bcu gnyis dag bsnyen pas las rnams thams cad nus par 'gyur zhes gsungs la/ yang gzhan las nyes pa chen po byed pa yang/ /lo bcu gnyis kyis 'grub par 'gyur zhes gsungs pas so/ /yang bye brag sum 'bum bzhi khri rtsod dus sbyar zhes gsungs pas/ de'i dbang du byas te/ dngos grub mtshan ma byung bar du zhes bya ba gsungs te/ 'di'i tshad ni 'di las gzhan ci yang bya bar ni nus pas so/ /de la dngos grub kyi mtshan ma mngon sum pa ni/ /sngar rgyas par bstan pa zad do/ /rmi lam gyi mtshan ma phra ba ni/ /ji skad du 'phags pa dpung bzangs kyis zhus pa las/ de ltar bzlog pa'i gsang sngags nyer gyur na/ mtshan mo nyal na rmi lam 'di dag mthong/ khang bzangs ljon shing bram ze seng+ge rta/ /ri bo shing rta sgra ldan sprin dang ni/ /stag dang bbse dang glang chen khyu mchog la/ /rmi lam na ni dga' bas zhen pa dang/ /me tog phreng ba dri dang gos dang ni/ /sha chang nya dang 'bras bu glegs bam dang/ /lha yi gzugs dang utpal dmar po dang/ /shing rta gang la ba gzhon be'u phrug can/ /gdugs dkar bsil yab lham dang ral gri dang/ /rnga yab gser yu can dang phreng ba dang/ /nor bu mu tig nya phyis dung dang dngul/ /bud med gzugs

  665. 333a

    bzang ba dang bu mo dang/ /rin chen sna tshogs rnams kyis spras pa'i rgyan/ /mal stan dkar po gting ba rnyed pa dang/ /tho ras khar ni chu bo chu klung dang/ /'bab chu 'am rgya mtsho mtsho dang rdzing bu dang/ /lu ma la ni mthung ngam rkyal rmi dang// yang na khrag gis lus ni khrus byed dang/ /mchod rten lha khang gnas dang rgyal ba 'am/ /byang chub sems dpa' na cho ga dang rang rgyal dang/ /zag med dge 'dun dang ni dge slong ma/ /dge bsnyen rnams dang lha dang sa bdag dang/ /lha min bram ze yid 'ong byes pa dang/ /me dang mi mchog phyag cing 'phyor dang gnyen/ /tha ma mdza' bshes bu dang gnod sbyin dang/ /grub pa'i lha dang na chung tshogs bdag dang/ /ci ste nyi ma zla ba na ba dang/ /sa yi nang 'gros bon 'thung ba dang/ /me la rdzi zhing sha ni za ba dang/ /lus kyi nang du bud med zhugs par mthong/ /rmi lam bzang po 'di dag mthong pa gang/ /de ni ring po mi thogs 'grub par 'gyur/ /zla ba gcig dang zla phyed nyin zhag dang/ /skad cig gis kyang phyi phyir nye bar 'gyur/ /zhes ji skad gsungs pa'o/ /gzhan yang nad med pa la sogs pa'i mtshan mas mtshan mar bya'o/ /de lta bas na bsnyen pa phal? pa byas kyang/ /dngos grub chen po 'dod na ni/ /bsnyen pa khyad par can brtsams te/ /shin tu mchog gi las de ni/ /bsnyen pa khyad par can gyis 'grub ces gsungs la/ /gal te dngos grub mchog 'dod na/ /de nas 'di yi brtul zhugs brtsam zhes gsungs so/ /de la bsnyen pa khyad par can yang/ /rig pa'i brtul zhugs dang/ /de dang 'dra ba'i dka' thub po/ /de las 'dir ni de dang 'dra ba'i dka' thub kyi bsnyen pa khyad par can bstan pa'i phyir/ de nas dben pa'i gnas su ni/ /brgyad brgya nyid du tshang bar bya/ /sngags ni 'khral 'khrul med par bzlas/ /zhes bya ba gsungs te/ dbang po bsdams pa dang/ sems kyi gnas ngan len bkag pa dang/ lus dang ngag gi gnas ngan len gang yang med pa dang/ zas dang

  666. 333b

    gos dang gnas la sogs pa la chags pa med pa dang/ rab tu yang rtogs pas dben pa ste/ de nas 'dir bar chad kyi chos kyi dben par gnas pa ni dben pa'i gnas su ni zhes tshig gzhan du yang gsungs pa ni/ nye bar ni 'du 'dzi spangs pa'o/ /de'i phyir 'di btul zhugs las spyod lam dang cha lugs kyi dman par zad? do/ /bsnyan pa las ni dngos grub rtsal zhes gsungs pas/ bsnyen pa rdzogs nas da ni bsgrub pa'i dkyil 'khor du slob ma dbang bskur pa'i ched du sngar bstan pa ltar bri bar gsungs pa/ de nas bzlas pa'i 'jug tu ni/ / dkyil 'khor snga ma bzhin bsams la/ /mchod pa rgya cher byas nas kyang/ /zhes bya ba ste/ 'dir cung zad du ni dkyil 'khor gyi dbus su bcom ldan 'das lugs ma la sogs par byas pa/ rin po che'i gdan khri la zhugs pa de dag tu rung bar bya'o/ /de nas nus na bdag nyid kyis mchod pa dang/ sdom pa bzung ba dang/ dbang blang ba rnams dang gis bya'o/ /gal te 'gro mi nus na gang las dam tshig la sogs pa thob pa'i bla ma la sogs pa/ gang zhig don du gnyer ba la sogs pa mnyes par byas te/ des bdag dbang bskur ba gtor ma rgya cher byin te de nas dpa' bo bzhi dang bsgrub pa'i grogs mchog gam/ yang na bsgrub pa'i grogs mchog 'ba' zhig dang/ sgrub pa la 'jug par bya ste/ dkyil 'khor gyi bdag pa gsal la/ /der bdag nyid 'dug ste/ ji ltar 'dod pa'i dngos grub stsal lo/ /mtshan gcig thog thag 'das pa tsam zhes bya ba ni dngos grub chen po'i dbang du byas pa ste/ ji skad du tha ma srod la 'grub 'gyur te/ /'bring po rnams ni nam phyed na/ /rab ni nyi ma 'char ba'i bar/ /'di ni dngos grub gsum gyi dus/ /zhes bshad pa'o/ /ci ste gtso 'am de yi sras/ /yang na lha rnams mthong 'gyur na/ /bsod nams mthu las ci dga' bar/ /dngos grub mchog ni gsol bar bya/ /lha yi dngos grub 'bras bu ni/ /de la rtag tu dgyes nas stsol/ /phyag 'tshal dngos grub la sogs blangs/ /zhes bya ba ni

  667. 334a

    'di'i don ni/ /'phags pa dpung bzangs kyis zhus pa las gsungs te/ seng+ge'i gdan gyis mngon par sngags pa'i gdan/ /de ni dkyil 'khor dbus su bzhag par bya/ /bdag nyid bsrung bar bya ste der 'dug nas/ /rdzas blangs myur du bzlas brjod byas nas ni/ /spyi blugs brgya phrag gcig kyang bsreg par bya/ /de nas de ni dri chus bkrus nas su/ /bgegs mang rnams kyang rab tu gsal byas nas/ /byang chub shing lo gsum gyi steng du bzhag /bzhi yis bka' nas ji srid bsgrub pa ni/ /rnam gsum mthong gi bar du gsang sngags bzlas/ /dro dang dung 'thul me bzhin 'bar ba 'am/ /rim bzhin bzlog nas byung na'ang 'grub par gsungs/ /dro bas 'gro ba thams cad dbang 'gyur te/ /dud pa 'thul bas me ni mi snang 'gyur/ /'bar bas mkha' la shin tu 'gro 'gyur te/ /mi yi lus ni lha ltar gsal bar 'gyur/ /ji ltar lus la grang pa 'jug pa dang/ /ji ltar mngal du dri za 'jug pa dang/ /nyi zer me shel zhugs nas me 'byung ltar/ /de ltar dngos grub lus la 'jug par 'gyur/ /mar me mched cing shin tu 'bar ba ni/ /snum zhing dkyung ring gser gyi mdog ltar gdang/ /'bru mar zad kyang 'bar bar gyur na ni/ /de tshe sngags bas dngos grub thob 'gyur te/ /de dag rdzas las byung ba'i dngos grub po/ /mis ni ri mo'i sku gzugs 'bar ba'am/ /phreng ba smin ma mig dang rnga yab bam/ /gal te rgyan rnams g.yo bar gyur pa 'am/ /mkha' las me tog char ba rdzi char 'bab/ /sa ni myur du g.yo bar gyur pa 'am/ /lus ni snang ba 'am mkha' las tshig tu ni/ /bu gcig dam pa ci 'dod slongs shig ce 'am/ /lha yi rnga sgra 'am skyi bung ba spu ldan/ /rgyan gyi char chen rab tu 'bab pa 'am 'jig rten mkha' la lha dang lha min dang gsang sngags gzugs ni mngon du mthong na 'grub/ /ma nyams me tog dpyig

  668. 334b

    dang chu bsres shing/ /bstod dang bcas nas mchod yon rgyun bsgrengs na/ /rtse gcig sems kyis gdod btung phyag byas te/ /dad dang 'bad pa'i rjes 'thun dam pa blang/ /dam pa thob nas dga' bas phyag byas te/ /dad pas bstod cing mchod yon phul nas su/ /gsang sngags brjod cing slar yang gshegs su gsal zhes so/ /de ltar slangs nas ma dgos na slar nyams par gyur te/ de ltar ma byas grub na yang/ /de'i rdzas de 'phrogs par 'gyur/ /zhes bgo ba'i rdzas la bstan pas so/ de bas na 'dir rdzas bgo ba'i cho ga bstan pa'i phyir/ /bla ma dkon mchog gsum dag la/ /skal ba cha re phul nas ni/ /de nas rtag tu bdag spyod cig /med na mkhas pa bdag nyid kyis/ /blangs nas yongs su spyad par bya/ /zhes gsungs te/ 'di yi don yang rgyas pa ni/ /bcom ldan 'das kyi sku skal du/ /rdzas kyi cha gcig thog mar dbul/ /blo dang ldan pas bla ma la/ /phyag byas nas ni gnyis pa dbul/ /gsum pa sngags grub pa rnams la/ /dkyil 'khor phyi rol dbul bar bya/ /bzhi pa grogs po rnams la sbyin/ /lnga pa bdag nyid spyad par bya/ /brtag par bya ba'i rdzas kun la/ /cho ga 'di dag bshad pa yin/ /de la'ang skal pa phyed phyed du/ /bgos nas bdag gis phyed bkur ro/ /mchod yon phul nas bcom ldan skal/ /bdag nyid kyis ni bkur bar bya/ /sangs rgyas rnams la blu ba'i phyir/ /mchod pa la sogs cho ga bshad/ /bla na med par gyur na ni/ /bla ma'i skal pa dag gis blangs/ /de la gus pa gtang bar bya/ /de ni de yi blu baM yin/ /grub pa khyed rnams bdag nyid kyis/ /rdzas kyi skal pa 'di bzhes shig /de skad tshig gis lan gsum brjod/ /bsgrub pas mchod yon lan gsum dbul/ /sngags grub ba rnams med na ni/ /de yi skal pa sngags zlos pas/ /dogs pa med pa'i sems kyis ni/ /grogs po rnams la sbyin par bya/ /gsang sngags zlos pa'i grogs po rnams/ /rtag par gus

  669. 335a

    shing don du gnyer/ /dka' thub dang ni grogs byed pas/ /thog ma nyid nas grub pa yin/ /de yis byin pa'i rdzas rnams ni/ /de bas blang bar rig pa yin/ /bdag cag snga nas grub pa'o/ /zhes mthun par smra zhing blang bar bya/ / bdag rang nyid kyis de rnams la/ /rdzas ni rnam par bgo bar bya/ /grub pa'i rdzas ni de lta bur/ /bgo bar rab tu bsgrags pa yin/ /gru ba'i rdzas rnams/ /kha cig ni/ /bgo ba'i skal pa ci 'drar bya/ /any+dza na ni thams cad dang/ /'gi wang la sogs gzhon nu bshad/ /cho ga shes pas la la ni/ /yid kyis bgo ba yongs su brtag /de la phan gdags 'dod pa yis/ /ral gri la sogs mthong ba bzhin/ /grub pa'i rdzas rnams la cig ni/ /gcig pu nyid kyis dpyad par bya/ /de la phan 'dag 'dod pa yis/ /ras la sogs pa mthong ba bzhin/ /sgrub pa'i rdzas kyi bye brag las/ /kha cig mnyam pa nyid du bgo /ri lu la sogs mthong ba bzhin/ /de la phyed du bgo ba med/ /rdzas rnams la ni phal cher yang/ /gcig pus mang du bskur bar bya/ /man ngag bstan ta ma nor sbyin nam/ rgyud las bshad pas yid ces bya/ /'di dag khyod kyis byos shig ce 'am/ /'di yang khyod kyi don no zhes/ /bzlas brjod byed pas grogs po la/ /bgo ba dag ni de ltar bya/ /bdag rang nyid kyis ci rigs par/ /mkhas pa dag gis phan gdags ba/ grub par gyur na cho ga bzhin/ /gang yang rung bas rab tu bya/ /dngos grub rnam pa mang po dag /grub pas rnam par dgo ba ni/ /bye brag tu ni bdag nyid kyi/ /dri med blo ni shes par bya/ /skal ba dbang ba gnod nas su/ /zlos pas gsol ba gdab par bya/ /bka' lung grub par shes nas ni/ /de yi 'og tu bgo bar bya/ /thams cad la yang ci rigs par/ /legs par bgo ba bya bar bshad/ /dngos grub dang ni phal ba yang/ /mdor na cho ga de ltar bya/ /gus shing nor dang mchod pa dang/ /bka' bzhin byed

  670. 335b

    cing phan 'dogs par/ /rdzas grub bla ma'i skal la sogs/ /blu ba dag ni de ltar bshad/ /bdag gis mchod yon phul nas ni/ /rdzas rnams lung bzhin bgo bar bya/ /gsang sngags lha la gus par ni/ /blo yis bsam la spyad par bya/ /rig sngags rgyal la phyag byas nas/ /rig sngags rgyal po la yang gus par ro/ /zhes gsungs pa rnams sbyar ro/ /sems can kun la phan brtson par/ /skal pa du mar gnas par 'gyur/ /zhes bya ba ni rig pa 'dzin par 'gyur ba te/ /sngar rgyas par bstan la/ /gzhan las kyang der ni nam phyed dus sam/ /yang na nyi ma 'char ba'i tshe/ /rdzas de yongs su gyur pa ni/ /'bar 'phreng can gyi gzi brjid bzhin/ /sngags par rang gis des blangs nas/ /nam mkha' la ni 'gro bar 'gyur/ /bskal par gnas shing gzi brjid che/ /rgyal srid de ni 'dor na 'chi/ /'jig rten khams ni gzhan duAng 'gro/ /gtso bo sna tshogs gzugs 'chang ba/ /rdzas las byung ba'i sngags grub pas/ /dpal ldan mchod pa rab tu byed/ /'di ni nyams par mi 'gyur ba'i/ /rdzas kyi dngos grub yin par bshad/ /ces gsungs so/ /gsang bzlas? thig le las kyang/ /'jig rten thams cad kun tu bkur sti byed/ /rig pa stong gis mngon par mtshon byed cing/ /rigs 'dzin mu smad bud med rnams kyis ni/ /g.yag rnga dkar po'i tshogs kyis g.yob pa yi/ /'jig rten dbang po bde mchog 'brel pa thob/ /blo ldan nam mkha' i ngos ni thams cad du/ /rdo rje 'dzin gyis dgyes pa'i rnal 'byor ma/ /yid du 'ong ba'i spyan gyis rgyas pa dang/ /rnal 'byor spyod pa'i bde ba rtog pa yis/ /mgul ma 'khyud pa'i rol pas brtsen par byed/ /ces gsungs shing yang gzhan las sngags pa de yang stobs ni rlung dang mnyam/ /de nyid de la bcud len mchog tu 'gyur/ /de yi tshe yang nye bar lo stong thub/ /lha yi byad gzugs lha yi gzugs dang ldan/ /grub pa de ni dgra gnag nad kyang med/ /ces bshad de lo stong ni tha ma'i

  671. 336a

    dbang du byas pa'o/ /ci'i phyir rgyud dag las rdzas bsgrub pa 'di gtsor bstan ce na/ 'jig rten gyi dngos grub la brtan nas/ 'jig rten las 'das pa'i dngos grub kyang rim gyis sdug bsngal med par 'thob par bya ba'i phyir te/ /gcig tu dpa' bo grub pa las/ /ji skad gsungs pa bzhin no/ /gzhan las kyang gsang ba'i bdag po/ /de la rtag pa 'di rgyu mtshan du mdzad nas/ 'jig rten gyi khams thams cad na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas thabs kyi pha rol tu phyin pa rtogs par khong du chud pa rnams kyis brtag pa de nyid rang bzhin gyis stong par mkhyen kyang/ /thabs kyi pha rol tu phyin pa'i stobs kyis/ 'dus ma byas gdags par brtags te/ yongs su bsgyur ba'i tshul du mthong ba'i chos la bde bar gnas par bya ba'i phyir chos kyi dbyings kyi mthu brlabs sems can rnams la nges par ston te/ des de rnams yid rab tu dga' zhing/ tshe ring yang thob nas/ 'dod pa'i yon tan lnga dag gis/ /rtsa dga' yongs su spyod pa/ sangs rgyas bcom ldan 'das rnams la mchod par byed cing/ 'jig rten thams cad dang/ mi mthun pa'i lam 'di grub par 'gyur ro/ /de bzhin gshegs pa dang/ byang chub sems dpa' rnams kyis/ /don gyi dbang 'di gzigs nas/ /gsang sngags spyod pa'i tshul gyis cho ga thugs dgyes shing du mchad do// de ci'i phyir zhe na/ gang bskal pa du mar brtson zhing 'bad de bya dka' ba rnams brtsams kyang thob par mi 'gyur ba de/ byang chub sems dpa' gsang sngags kyi sgo nas/ byang chub sems dpa' i spyad pa spyod pa rnams kyis tshe gcig po 'di kho na la 'thob par 'gyur bas so/ /zhes gsungs so/ /de ltar rdzas las rig 'dzin sgrub pa'i skabs 'dir dang por dam tshig blang ba dang/ dbang thob par bya ba dang/ lha yang dag par gzung ba dang/ bsnyen pa dang sta gon la gnas pa dang/ bsnyen pa dang sgrub pa'i phyir sta

  672. 336b

    gon la gnas pa dang/ lha dbang bskur ba dang lha tshim par bya ba dang/ lha gzi brjid bskyed pa dang/ lha nye bar bya ba dang/ bsnyen pa khyad par can dang/ rdzas kyi mtshan nyid dang/ rdzas yongs su bzung ba dang/ rdzas kyi tshad dang rdzas gzi brjid bskyed pa dang/ rdzas spyad pa dang rdzas sgrub pa'o/ /dkyil 'khor du sgrub pa dang/ bgegs bzlog pa dang/ rdzas kyi dngos grub bdag gis bya ba dang mtshan ma dang/ rdzas mnan pa dang rdzas ma grub pa stobs pa'i tshul dang/ rdzas bgo ba dang/ rig 'dzin gyi tshul dag gis rgya cher shes par bya ba yin mod kyi/ 'phags pa rab tu grub pa las rab tu gsal ba dang 'dir gzhung mangs pas 'jigs pas nye bar gyur pa tsam las ma brjod do/ /bsgrub par bya ba'i rdzas rnams kyang smon dang mtshon cha dang/ pags pa dang gos dang lha rdzas rnams te/ rgyud rnams las rab tu gsol lo/ /ci ste dngos grub ma gyur na zhes bya ba la sogs pa ni go sla'o/ /da ltar 'tsho ba'i rnal 'byor pa rnams la phan pa'i thabs rgyas par bstan nas/ shi ba rnams kyi ji ltar yang dag par rdzogs pa'i sangs rgyas kyi byin gyis brlabs la spyad par 'gyur zhes phyogs snga ma rnam par rtog pa la/ de nas lha rnams kyi dbang po brgya byin gyis zhes bya ba la sogs pa ni/ shi ba la phan pa'i thabs rgyas par bstan te/ nyon cig ces bya ba'i bar ni zhus pa dang lan te go sla'o/ /de bzhin dkyil 'khor bris nas ni/ /zhes bya ba la sogs pa ni sngar slob ma dbang bskur ba'i tshul du ma lus par 'dir bya ste/ cung zad du ma 'chad par byed pa ltar ro/ /legs par brgyan te/ rdo rje lcags kyu'i sngags dang phyag rgya ro'i rnam par shes pa/ dgug pa/ de nas sta gon la gnas par byas nas dbang bskur bar bya'o/ /de la rdo rje lcags kyu'i sngags dang phyag rgya ni lag pa gnyis gcig tu sbyar te/ khu tshur bcangs la mdzub mo bsgrengs te/ tshigs gsum pa bkug la/ lhag ma rnams ni gdu bu'i tshul du gnas par bya'o/ /sangs

  673. 337a

    rgyas skyob pa thams cad kyi/ /lcags kyu zhes ni 'dir bshad de/ /byang chub sems dpa' bdag nyid che/ /sa bcu dag la gnas pa dang/ /sdang bar sems pa gzhan dag kyang/ /thams cad rab tu 'gugs par byed/ /ces bya ba ni 'di'i mthu bstan pa ste/ 'di yi sngags ni/ na ma(rgyud 'grel): sa man+ta bud+d+hA nAM a sarba trA pra ti ha ta thA ga taM ku sha bo d+hi tsa ra ya pa ri pu ri ka swA hA/ zhes pa ste/ lhag ma ni go sla'o/ /de yi gzugs brnyan bri ba 'am zhes bya ba la sogs pa ni/ /gal te ro med na/ gzugs brnyan la sogs pa bris la de nyid yin par bsams la/ tshul snga ma ltar dbang bskur bar bya'o/ /lhag ma ni go sla'o/ /lha yi gzugs su bstan nas kyang/ /zhes bya ba ni ro 'am gzugs san/ /ming bris pa de bsnyen pa 'am/ sta gon la gnas pa 'am/ dbang bskur ba'i dus su lhar bskyed pa'o/ /mchod rten dbus su bzhag par bya/ /zhes pa ni ro 'am gzugs sam ming bris pa ji lta bar mchod rten gyi dbus su bzhag ste/ 'di ni lha nyid du byas pa'i phyir ro/ /skye bo dmigs pa can dag ni 'di mchod par bya ba ma yin no snyam du sems pa bzlog pa dang/ bsod nams khyad par du 'phel bar bya ba'i phyir ro/ /rang gi lha 'am lha gzhan gyi/ /snying po snying khar bris nas ni/ /zhes bya ba gsungs te/ rang gi lha zhes bya ba ni/ /gal te shi ba de la lhag pa'i lha zhig yod la/ de yang slob dpon la sogs pas shes par nus na'o/ /lha gzhan gyis zhes bya ba ni/ gal te shi ba de la lhag pa'i lha med na'ang yod du zin kyang slob dpon la sogs pas shes par mi nus na/ /slob dpon gyis lhag pa'i lha 'am/ bcom ldan 'das thams cad rig pa la sogs pa'i sngags kyi tshogs bri'o/ /yang na ro la tshim par bya ba'i sbyin sreg byas la/ rus pa rnams mchod rten gyi nang du bzhag ste/ ji ltar byang chub sems dpa' sems can chen po'i rus pa bzhin no/ /lha 'dra bar ni sems bskyed de zhes bya bar ni mchod rten nam/

  674. 337b

    lha'i gzugs kyi nang na gnas pa'i ro la sogs pa de la tha mal pa'i rnam par mi lta'i/ /lha'i rnam pa dang 'dra bar bsams la/ khyim gyi nang du bzhag par bya zhes bya ba ni/ 'di rtag tu phyag bya ba la sogs pas bsod nams bsags pa'i gnas su bya ba'i phyir/ khyim 'am kun dga' rab la sogs pa mi mang po 'du ba'i gnas su/ /mchod rten la sogs pa de bzhag par bya'o/ /de ltar yang 'phags pa rten cing 'brel bar 'byung ba'i mdo las/ /spyan ras gzigs dbang phyug rigs kyi bu 'am/ rigs kyi bu mo dad ba can gang la la zhig gis ma rnams gnas pa'i phyogs su mchod rten ni sgyu ru ra'i 'bras bu tsam/ srog shing ni khab tsam gdugs ni bgu la'i me tog tsam zhig byas la/ rten cing 'brel par 'byung ba'i chos kyi dbyings kyi tshigs su bcad pa nang du bcug na/ tshangs pa'i bsod nams skyes par 'gyur te/ 'di nas shi 'phos shing shi ba'i dus byas nas/ tshangs pa'i 'jig rten du skye bar 'gyur ro/ /de nas shi 'phos te 'chi ba'i dus byas nas/ gnas gtsang ma'i ris kyi lha rnams skal pa mnyam par skye bar 'gyur ro/ /zhes gsungs so/ /de bzhin du rgyud phyi ma las sku gzugs dang dran khol dang ming mthun pa dang/ gnyen du gyur pa la dbang bskur bar gsungs pa rnams/ 'di yang drang bar bya'o/ /de yi ming nas smos nas kyang zhes bya ba ni mchod rten gyis phan par bya ba ston te/ grog 'am shog shog la rten cing 'brel par 'byung ba'i gsang sngags/ ye d+harmA he tu pra b+ha wA ho tun+te ShA n+ta thA ga to hya ba dang te ShAny+tsa yo ni ro d+ha/ ye waM bA dI ma hA sh+ra ma Na(rgyud 'grel): zhes bya ba dang/ de'i rjes su na mo b+ha gA wa tyai/ sarba durga ti pa ri sho d+ha ni rA dzA ya/ ta thA ga tA ya/ arg+ha te saM myaksaM bud+d+hA ya/ tadya thA/ oM sho d+ha ne sho d+ha ne/ sarba pA paM pi sho d+ha ne/ shud+d+he bi shud+d+he/ sarba karmA wa ra na bi sho d+ha ne che ge mo'i sarba karmA ba ra na bi sho d+hA ya swAhA/ zhes bya ba bris la/ mchod rten re re'i nang du bcug ste/ srog shing dang gdugs dang bcas pa'i mchod rten

  675. 338a

    slob dpon gyi khru gang yan cha pa 'am/ ji ltar nus pa'i tshad can bye ba'i bar du bya'o/ /de nas mjug tu rab tu gnas pa'i cho ga sngon bzhin du byas te/ 'di lta bu'i mchod rten gyi las 'di ni bsod nams tshad med pa dang ldan te/ de yang 'phags pa rten cing 'brel par 'byung ba'i mdo las ji skad du gsungs pa ni bstan zin la/ 'phags pa dpung bzangs kyis zhus pa las kyang/ gtsang zhing dben pa'i sa phyogs rnams su ni/ /'jim pa 'am ni bye ma las byas pa'i/ /bde bar gshegs pa'i mchod rten 'brel snying po can/ /sdig pa spyad phyir rtag tu gdab par bya/ /zhes gsungs la/ yang de nyid las ji ltar sbyin sreg dang ni bzlas brjod kyis/ /gsang sngags sgrubs kyang dngos grub ma thob na/ /'jim pa las ni mchod rten 'bum gdab pa 'am/ /yang na chu 'gram bye ma dag la gdab/ /de ni de yis sdig pa srid gzhan la/ /byas pa gang yin de ni zad 'gyur la/ /des ni gsang sngags mthu yis 'di nyid du/ /mthong ba'i chos la bsod nams 'bras bu thob ces kyang gsungs so/ /tshig gi don rnams ni go sla bas rnam par ma phye'o/ /de yi ming nas brjod nas ni/ /ji skad gsungs pa'i sngags bzlas shing/ /'bum phrag stong ngam yang na ni/ /brgya phrag stong du tshang na ni/ /bye ba snyed du rab bzlas na/ /lha yi gnas su nges par skye/ /zhes bya bas ni bzlas pa yis phan gdags pa bstan te/ /bzlas pa'i grangs mi 'dra ba gsum bstan pa ni/ /shi ba de'i sdig pa che ba dang/ bar ma dang/ chung ba'i dbang du byas pa'o// de la don ni dkyil 'khor chen po 'am bri sku'i spyan sngar/ /bdag gis rnal 'byor ji ltar bstan pa las/ /sngar bris pa ltar rtsa ba'i sngags bzlas par bya'o/ /de nas mjug tu smon lam rgya chen po dang/ /gtor ma dang/ dge 'dun mnyes par bya

  676. 338b

    ba sngar gsungs pa ltar bya ste/ des ni lha'i gnas su nges par skye ba la sogs pa'i yon tan thob ste/ gsang sngags kyi mthu ni bsam gyis mi khyab pa'i phyir/ 'di las kyang gsang sngags yon tan sna tshogs bsam gyis mi khyab ces gsungs la de bzhin du 'phags pa dpung bzangs kyis zhus pa las kyang/ /so ga nags me mchod pa'i me lce yi/ /ma bsgribs bzhin du tshang tshing kun sreg ltar/ /bzlas brjod me la tshul khrims rlung gis spar/ /brtson 'grus chen po'i me lces sdig pa sreg /ji ltar gangs la nyi ma'i 'od zer gyis gdugs na gzi brjid mi bzod 'ju ba bzhin/ /tshul khrims nyi ma'i 'od zer bzlas brjod kyis/ /gdungs na sdig pa'i zas kyang 'ju par 'gyur/ /mun nag smag la mar me byung ba yis/ /mun nag ma lus sel bar byed pa ltar/ /tshe rabs stod nas gnas pa'i sdig pa'i mun/ /bzlas brjod mar mes rab tu sel bar byed/ /ces gsungs te de bas na gsang sngags kyi mthu'i bye brag bsam gyis mi khyab pa las/ /yid ches par bya ba med pa rnams la ni bde ba gang yang med do/ /zhes gzhan las gsungs pas/ /yid gnyis dang bral bas rtag tu gsang sngags kyi rnal 'byor la brtson par byas te/ bdag dang gzhan gyi don yongs su rdzogs par bya'o/ /de ltar dbang bskur ba dang/ mchod rten bya ba dang/ bzlas pas phan gdags pa rnams la ni/ /rab tu gsal bar bstan zin na/ sbyin sreg gis phan gdags pa ni ji lta bu zhig /sbyin sreg ni 'dir rnam pa du zhig ces phyogs snga ma rnam par rtog pa rnams la/ de yi ming nus brjed nas kyang/ /mkhas pas 'bum phrag brgya 'am ni/ /zhes bya ba la sogs pas ni sbyin sreg ston te/ sngon bzhin du ji ltar rigs pa'i tshogs sa'i tshul bstan la phyag dkyil 'khor lha'i sta gon du gnas pa yang sngon bzhin du byas

  677. 339a

    la/ nang dang phyi'i thig kyang sngon bzhin btab pa las/ snying po'i tshad las sor brgyad phyi rol pa'i nang du thab khung bya ba ni/ khru bzhi pa'i tshad du ni cho ga bzhin du khung brkos la zhes bya ste/ rgyar khru bzhi pa zas su khru ngo pa 'am/ /khor yug tu khru bzhi pa zabs su khru gang ba'i thab khung bya'o/ /rdo rje tha ma bskor ba yis zhes bya ba ni mu ran gyi phyi rol phyi ma la rdo rje rtse lnga pas bskor la/ nang ma la pad+ma'i phreng pas bskor/ 'khor lo dbus su bri bar bya ba ni/ thab kyi nang du lhung bzed kyi zhabs lta bur byas pa der/ sna tshogs pad+ma 'dab ma brgyad pa'i lte bar zla ba'i steng du 'khor lo rtsibs brgyad bris la/ /sdig pa 'joms pa'i sbyin sreg byed na/ rdo rje dang ldan par yang bya ba ste/ dbus sam 'khor lo'i g.yas su'o/ /rang gi sngags kyis btab pa'i shing khung bu'i nang du gzhug par bya/ zhes bya ba ni thab kyi 'khor lo'i mtshams nas phyogs bzhir ka ba bzhi mu ran phyi rol ma las khru gang gi mtho bar btsugs la/ de'i steng du shing rlon pa bzhis re'u char byas la/ de'i dbus su yang shing rlon pas bla gab byas te/ de'i steng du 'jim pa bzang pos stug por gdal/ dbus su 'dzag pa'i bu ga dbus nas mtho gang khor yug tu bzhag la/ de'i 'og tu kham pa'i snod gzed par 'dzag pa rnams slar bsreg go /de'i steng du shing rnams legs par brtsigs te/ zlum po thags dam pa ha cang phra ba dang sbom pa dang/ mtho ba dang dma' ba dag ma yin ba/ ro'i tshad las rten te'o/ /shing de dag kyang skye bo med pa dri zhim pa ma rul pa/ rtsa ba'i sngags kyis bsngags pa'i spos chus bsangs pa'o/ /de nas thab khung gi ngos dang ka ba dang shing rnams kha dog dkar por byug go /rigs lnga

  678. 339b

    yis ni phyag rgya rnams/ /ji bzhin pa yi phyogs su bri/ /zhes bya ba ni/ snying po mu ran dang bcas pa thab tu byas pa ma gtogs par lhag pa thams cad slob slob ma dbang bskur ba'i dkyil 'khor sngar bshad pa bzhin du bri bar bya'o/ /cho ga shes pas bris nas kyang zhes bya ba ni rdul mtshon bkye ba khrus byas te'o/ /bya dang bum pa gang ba dang zhes bya ba la sogs pa ni yo byad dgod pa'o/ /de la bya ba rnams ni rang gi mtshan ma dang po dang po'i rtsar bzhag cing/ rnam par rgyal ba'i bya ni lti'i sgo 'gram gang yang rung bar ro/ /las kyi bum pa ni shar sgo'i g.yas 'gram du ste/ 'di ni slob ma dbang bskur ba'i dus su yang ngo/ /bkang ba'i bum pa ni phyi rol nas sbreng ngo/ /lhag ma ni go sla'o/ /ro la sngags kyis btab nas kyang zhes bya ba la sogs pa ni go sla ste/ sngags ni 'dir rtsa ba'i sngags nyid do/ /gtsug phud dpung par de bzhin te zhes bya ba la sogs pa la gtsug phud dang/ mgo bo dang/ 'tshogs ma dang/ dpung pa g.yas pa dang/ snying kha dang lkog ma dang kha dang dpral ba dang 'dzad bu dang/ rna ba g.yas pa dang/ sna dang sna rtse dang/ rked pa dang/ pus mo g.yas pa dang/ bol g.yas pa dang/ mig g.yas pa dang/ gsang ba'i gnas te/ gnas bcu bdun po de dag tu ni dang po sarba bid bcu bris la/ de'i rjes su rigs lnga'i sngags bri zhing/ de'i rjes su rtsa ba'i sngags bris pa'i shog bu bcu bdun gdags so/ /de ltar gzhan du yi ge sngags mchog tu dge ba rnams bzhag go zhes bya ba ni/ lte bar shog bu zhig la/ a bri ta zhes bya ba la sogs pa gsum dang/ oM ha na zhes bya ba la sogs pa gsum yi ge bzlog pa sprad la gdags shing/ mig g.yon pa dang/ rna ba g.yon pa dang/ dpung pa g.yon pa dang/ pus mo g.yon pa dang/ bol g.yon pa dang/ long bu g.yon pa

  679. 340a

    rnams su/ /oM ka ka ni zhes bya ba la sogs pa'i sngags bris pa'i shog bu gdags so/ /de nas shog bu zhig la/ rdo rje gtsug tor dang/ tshe dpag tu med pa dang/ dang po'i dkyil 'khor las gsungs pa'i sngags ma lus pa bris la mgul du gtags te/ de dag ni dkyil 'khor 'di'i yan lag yin pas so/ /de nas rdo rje lcags kyu'i sngags dang phyag rgyas ro'i rnam par shes pa bkug la bstim ste de nas slob dpon la gsol ba btab pa dang/ me tog dor ba sbyin pa dang/ dbang ma lus pa bskur ba ste/ 'dir me tog kyang slob dpon la dor la/ sngar sta gon la gnas pa'i dus su byin gyis brlabs pa'i bum pas dbang bskur te/ de nas ro sbyar ba'i dkyil 'khor 'di ni mchod pa gtso bor gyur pa'i dkyil 'khor yin gyi/ dbang bskur ba gtso bor gyur pa ma yin no/ /de nas ngan song sbyong ba'i phyir zhes bya ba la sogs pa ni go sla'o/ /ga bur gur gum la sogs pas zhes bya ba la sogs pas ni bsreg bya dgod pa ste/ 'dir til ni las grub pa'i rdzas te/ gtsor bya'o/ /yungs kar ni thugs dam bskul ba'i rdzas so/ /lhag ma rnams ni tshim par bya ba'i rdzas so/ /tshig gi don ni go sla'o/ /de nas byin za dge ba rab spar la zhes bya ba ni dge 'dun gyi yo ga pa 'am/ shing dkar po btsugs pa las byung ba'i me rlung yab kyis sbar ba/ oM badzra dzwA la hUM zhes zlos shing/ rtsa skam po'i phye ma dang gci skam gyi phye mas cher spar la yam shing til mar gyis byugs pa la spar te/ bud shing brtsigs pa'i dbus su bzhag go /lha'i sbyor ba rab gnas la zhes bya ba ni me spar ma thag tu lhag pa'i lha'i lus su gnas par bya'o/ /blo mchog ldan pa'i mdun du gzugs sogs bzhag ces bya ba ni dkyil 'khor chen po'i lha rnams bris pa

  680. 340b

    'am/ lugs ma la sogs pa ste/ yid yang bsrung ba dang/ ting nge 'dzin gsal bar bya ba'i phyir ro/ /me lce stong gis bkrigs shing 'bar ba'i lus/ /zla dkar kun da'i bzhin la zhi ba'i lus/ /mdza' yas gzugs kyi me bkug la/ zhes bya ba la sogs pa ni me lha spyan drang pa dang/ mchod pa ste/ de la mdza' yas pa'i gzugs zhes bya ba ni re shig rnam par snang mdzad mngon par byang chub pa las/ me lta 'di snyed cig gsungs te/ lag na rdo rje gzhan yang dus cig gi tshe na yang nga byang chub sems dpa' gyur te/ byang chub sems dpa' i spyad pa spyod cing/ tshangs pa'i 'jig rten na 'dug pa dang/ tshangs pas nga la kye tshangs pa chen po me lha rnams du yod pa shes par bya/ zhes pa dang/ ngas de la 'di skad ces smras so/ /me nga rgyal can gang yin pa de ni rang byung ba'o/ /de'i 'og tu tshangs pa'i bu ste/ de la sras skyes pa yin no/ /'jig rten pa'i me ba ba ka tshangs pa'i bu ste dang po yin/ /de'i bu tshangs pa'i zas de'i yang bu ba ra dwa zhes bya bar bshad/ de'i pu be sho nar dang/ ha ba na dang sreg bya len/ ngos srungs a thar ma na ye/ /bu yin par ni rgya mtshor grags/ /rlung zhes bya ba'i me de ni/ /mngal du 'jug pa'i cho gar bshad/ /de nas mi khrus bya ba la/ /de bzhin pa ba ma nar shes/ /bkra shis zhes bya mtshams kyi mtshams/ /btsas pa'i las la phra gal b+ha'o/ /ming 'dogs me ni bidra? pa/ /de bzhin dag na dbab pa la gtsang/ /shang pa'i zhes bya gtsug phud la/ /brtul zhugs sbyin pa kun 'byung ngo/ /nyi ma zhes bya phyug byib la/ /bag ma len pa sbyor byed bshad/ /ya ne yas ni 'khyil ka bsri/ /nye bar 'bral la me nyid do/ /ba ba ka zhes bya ba'i me/ /sna tshogs lha la sbyar bar bshad/ /khyim bdag la ni tshangs pa'i me/ /de bzhin yon dbul ba la zhing/ /de bzhin phyugs ni bcing ba la/ /a ba ni ka zhes pa'i ming/ /lhung ba la ni bi baM rtsi/ /btsas byin pa ni sa ha sa/ /dus kyi mtshams la ha bi

  681. 341a

    shes/ /de bzhin zla ba gnas la gter/ /rmrid zhes bya dgang blugs la/ /zhi la nga ru nar 'dod do/ /byas mdza' i me ni gshin rje'o/ /de bzhin rgyal po stobs sbyin pa'o/ /drag shul spyad pa thams cad la/ /khro bo'i me ni rab tu bsgrags/ /'dod las skyes zhes bya ba'i me/ /de ni dbang po'i don du bshad/ /nags tshal sregs la pho nya'i me/ /khong pa'i me ni dza ta ra/ /bzang par bya ba sha thar bshad/ /rgod pa'i kha ni rgya mtsho na'o/ /zad tshe 'jigs pa zhes bya ste/ dus mdza' i me ni yang dag bsgrags/ /'di ni me rnams 'od bsdus na/ /des ba khyod la bshad pa ste/ /rigs byed thos pa spyod rnams kyis/ /tshangs pa'i bu dag brjod pa yin/ /bzhi bcu rtsa bzhi 'di dag ni/ /de yi tshe na ngas bstan to/ /gsang ba'i bdag po de la ni/ /me rnams mtshan nyid mi shes par/ /gang dag sbyin sreg byed pa de/ /sbyin sreg ma yin legs byas min/ /las kyi 'bras bu 'ang yong mi 'gyur/ /ngas byang chub mngon par rdzogs par sangs rgyas nas/ /me bcu gnyis bstan te/ de dag yang gang zhe na/ ye shes me ni dang po ste/ /de ni dbang chen zhes su bsgrags/ /kha dog ser po mdog can la/ /mdog dang rgyas dang stobs rab ste 'bar ba'i phreng can ting 'dzin gnas/ /ye shes rdzogs byed yin zhes bya/ /gnyis pa 'dzin byed ces bya ste/ /ston ka'i zla ba'i 'od dang 'dra/ /dpal ldan gom ni dmar po'i bgos/ /bgrang 'phreng ril pa spyi blugs thogs/ /gsum pa rlung zhes bya ba ste/ /mdog ni gnag la brtsub pa'o/ /bzhi pa dmar po zhes bya ste/ /nub ka'i mtshams kyi dmar thag 'dra/ /lnga pa mi ta zhes bya ba/ /sbun la kha dog kham pa ste/ /mgrin pa ring zhing gzi brjid che/ /kun la phan ni 'dogs par byed/ /drug pa khro bo zhes bya ste/ /mig g.yon dud pa'i kha dog can/ /gyen du skra brdzes sgra cher 'byin/ /mche

  682. 341b

    ba bzhi po stobs po che/ /bdun pa lto ba zhes bya ste/ /rno la kha dog kun dang ldan/ /brgyad pa zad pa zhes bya ba/ /glog gi 'od zer 'gyu ba 'dra/ /dgu pa yid las skyes zhes bya/ /sna tshogs gzugs can stobs po che/ /bcu pa 'jig rten 'dzin pa yin/ / sha za me ni de las gzhan/ /rmugs byed ces bya bcu gnyis te/ /sems can thams cad rmugs byed pa'o/ /gsang ba'i bdag po de ltar ni/ /mi yi gzugs ni byin brlabs te/ /bdag gi sa ya gzugs dang ni/ /rdzas kyang de yi ngo bor bya/ /'di ni phyi'i sbyin sreg te/ /dngos grub 'dod pa'i sbyin bsreg bya/ /zhes gsungs te/ de dag re re yang sna tshogs par snang ba skyed nus pa na/ /mdza' yas pa'i gzugs kyi me zhes bya ste/ 'dir ni ye shes kyi me 'am rmri? ti'i me de bkug la/ mchod pa la sogs pa bya'o/ /til dang yungs kar zhes bya ba la sogs pa ni/ me la bsreg rdzas ci rigs dbul ba dang/ phyi nas dkyil 'khor la yang dbul ba'o/ /me lha la mchod pa sreg rdzas cung zad cig phul nas/ lha rnams spyan drang zhing mchod pa dang/ bsreg rdzas gsol bar bya ba'i phyis/ lha rnams mang po zhes bya ba la sogs pa smos te/ lha rnams mang po spyan drangs la zhes bya ba la sogs pa'i bshad pa ni/ ji ltar gsungs pa bzhin zhes bya ba la sogs pa'o/ /de ltar yon chab dang/ phyi dang gsang ba'i mchod pa byas nas/ sbyin sreg bya ba'i tshad ji tsam zhe na/ ji srid mtshan ma shin tu ni/ 'bar ba'i gnas nas skyes 'gyur ba zhes smos te/ shin tu 'bar ba'i gnas ni ma'i dbus so/ /mtshan ma zhe na/ de nas 'di ni nges par yang zhes bya ba nas/ skyes pa yin par shes par bya zhes bya ba'i bar du gsungs so/ /me'i mtshan ma de dag ni 'dor bstan pa ste/ rgyas par ni 'phags pa dpung bzangs kyis zhus pa las/ me yi mtshan ma nye bar brtog pa ni/ /me stag du ba me lce sgra rnams las/ /grub pa dang ni ma grub thams cad kyang/ /sngags kyi byin

  683. 342a

    brlabs me ni ston par byed/ /du ba med cing gser gyi mdog ltar gdang/ /rab tu che la me lce g.yas su 'khyil/ /kha dog 'ja''dra yang na dkar yang rung/ /yang na byi ru'i bcag pa'i kha dog 'dra/ /shin tu zlum pa med lce dkab nas 'phro/ /rab tu 'bar ba'i nyi ma'i 'od zer 'dra/ /dbyibs ni bum pa rgyal mtshan gdugs kyang 'dra/ /dpal be'u dung dang pad+ma blugs gzar 'dra/ /yang na shing rta mchog dang rnga yab 'dra/ /me ri dang 'dra rdza rnga gling bu'i sgra/ /du ba me lce dri zhim me stag bzang/ /yang na me sbar bar yang 'bar 'gyur na/ /de tshe dngos grub rgya chen thob par 'gyur/ /du ba mang zhing me stag rgod pa dang/ /'bar bar dka' zhing cung zad cung zad 'bar/ /me lce rnam par chad cing gzi mdangs med/ /rtsub nag sprin dang pa la sha'i mdog /gsal zhing 'dra zhing zhib ma'i/ /gzugs kyang 'dra/ phyugs kyi mgo 'dra sgra yang rab tu rtsub/ /me lce 'phro bas sbyin sreg byed pa tshig /mi ro'i bring dngos grub med par ston/ /me'i mtshan ma 'di dag mthong nas ni/ /stobs po che yi mar gyi sbyin sreg bya/ zhes gsungs par sbyar ro/ /sbyin sreg dbul ba'i rim pa bstan pa'i phyir/ /de nas byin za la ni brtag bya ba la sogs pa smos te/ dang por me'i lha la ci bsregs pa'i rdzas rnams las ci rigs gcig go /de nas dbus kyi gtso bo nas bzung ste/ rdo rje dril bu'i bar la'o/ /de nas lhag pa'i lha la'o/ /de nas dbang phyug chen po la sogs pa shin tu phyi rol gyi lha rnams la'o/ /de nas yang mchod pa dang bstod pa byas la/ lha rnams gshegs su gsol bar bya'o/ /de nas me'i lha la mchod pa dang bstod pa byas te/ bsreg bya lhag ma phul la bzod par gsol ba dang/ gsol ba gdab par byas la/ de yang gshegs

  684. 342b

    su gsol te/ 'di ni tshim bar bya ba'i sbyin bsreg go /de lta bu'i sbyin sreg gis ni/ srid pa dang zhib la mi gnas pa'i mya ngan las 'das pa'i brnyes pa thams cad tshim par byas par 'gyur te/ ji skad du dpal mkha' 'gro ma rdo rje dra ba las gsungs pa/ 'di yis rdo rje can brnyes shing/ ye shes me yang rab rnyes so/ /rgyal ba brtag pa brnyes pa dang/ /gser gyi 'od kyang brnyes 'gyur te/ pad+ma gar dbang brnyes 'gyur zhing/ rta mchog bdag po mnyes par 'gyur/ /tshangs ba brgya byin dbang phyug che/ /khyab 'jug rlung dang chu chen dang/ /'dod pa dang ni chu 'dzin dang/ /zla ba nyi ma bza' gzhan dang/ /sa dang zhags pa 'dzin pa dang/ /lus ngan dang ni ro zan dang/ /chos rgyal dang ni glu nyid dang/ /dri za lha min mi min dang/ /sum cu rtsa gsum gnas lha dang/ /'og min na ni gnas rnams dang/ /rgyal chen ris na gnas rnams dang/ /gzhan 'phrul dbang byed pa rnams dang/ /'phrul dga' yi ni lha rnams dang/ /gtsang ma'i gnas na gnas rnams dang/ /'od zer can gyi 'jig rten gyi/ /khams na gnas pa rnams nyid de/ /khams chen po na gnas nyid dang/ /sems can gling bzhir gnas rnams dang/ /khams gsum pa na ni gnas rnams dang/ /snod dang sems can 'jig rten dang// lcug ma sdong po sbur ma sogs/ /sa ga ba la gnas rnams dang/ /dri med pha rol son pa dang/ /'od 'phro ba la gnas pa rnams/ /mi g.yo pa la gnas byas dang/ /chos kyi sprin du rjes zhugs dang/ /sbyang dka' bar ni song ba dang/ /ring du song ba thob pa rnams/ /'od byed pa la nges gnas dang/ /mgon po sa bcu'i dbang phyug dang/ /rdzogs pa'i sangs rgyas nyan thos kyi/ /'phags pa'i gang zag chen po brgyad/ /bse ru lta bu rnams dang ni/ /dmyal ba yi dags

  685. 343a

    byol song dang/ /lha dang lha min mi min rnams/ /sbyin sreg cho gas mgu 'gyur te/ zhes so/ /de bas na ji ltar bris pa'i dkyil 'khor chen po srid pa dang zhi pa'i ngo bo de/ /slob dpon gyis me lha'i snying khar bkod de sbyin sreg bya'o/ /de ltar lha rnams tshim par byas nas/ de nas sdig pa gzhom pa'i sbyin sreg bya ba'i phyir/ de nas spyan drangs zhes bya ba la sogs pa smos te/ snga ma'i me'i lha ni ye shes kyi me lha yin la/ 'dir na rlung gi me yin pas/ /mngon spyod kyi bsreg bya rnams bsdus te/ me'i dbus su rlung gi me spyan drangs te/ sngar bshad pa'i drag po'i yon chab phul la/ drag po'i bsreg bya rgyud 'di nyid kyis mngon spyod kyi sbyin sreg las gsungs pa rnams la/ ci rigs re re bsreg par bya'o/ /'dir pad+ma dkar zhal zhes bya ba ni/ rlung gi me nyid la ma rungs pa grub par 'dod pa dag gi yid du 'ong bas na pad+ma dkar zhal zhes bya'o/ /de nas phyag na rdo rje pad+ma zhags pa rnams zhes bya ba la sogs pa rnams smos te/ me lha'i snying khar spyan drangs pa la snga ma ltar mchod pa dang sbyin sreg bya ste/ 'dir sdig mnan cing zhes bya ba ni/ shi ba'i ro sdig pa'i gzugs can bsreg par bya ste/ zhabs kyi mnan te bsreg par mdzad la/ de sreg pa nyid kyis rig pa'i sdig pa bsregs pa'o/ /'dir man ngag ni til nag po btags pa las/ sha za lta bu'i sdig pa las la de gtub cing sbyin sreg bya'o/ /de'i snying pos zhes bya ba ni khro mo'i sngags bskul ba smos pa nyid kyis so/ /ci ste mtshan ma la sogs 'byung/ de bzhin sdig can rgyud shes bya/ zhes bya ba ni/ mtshan ma mchog byung na/ sdig pa zad par shes par byas la/ mtshan ma ngan pa byung na ni/ sdig can du shes bya'o/ /ci ste sdig can cig yin na ni/ de la thal bar gyur pa

  686. 343b

    dang zhes bya ba nas/ las rnams thams cad byed par 'gyur zhes bya ba'i bar du sbyar ro/ /sdig pa med par gyur na rus pa rnams la sogs pa byas pa tsam gyis chog go/ de ltar na bdag gis sbyin sreg gi skabs 'dir go rim nges par brjod pa tsam mo// da ni sbyin sreg gi cho ga nges pa cung zad brjod de/ /thab khung dang bud shing brjod pa dang/ /dkyil 'khor chen po bri ba dang/ /khrus kyi bya ba dang/ rdzas dgod pa dang/ ro byin gyis brlabs pa dang/ khrus kyi bya ba dang/ mig gi rten bzhag pa dang/ bsrung ba dang/ me spar ba dang/ lha'i rnal 'byor dang/ me lha dgug cing rdzas dgul ba dang/ lhag pa'i lha bskyed cing spyan drang ba dang/ mchod cing sreg rdzas dbul ba dang/ bsreg bya'i rim pa dang/ lha rnams gshegs par bskul ba dang/ ji lta bar bzhin sprul pa'i dkyil 'khor bsdu ba dang/ me lha gshegs su gsol ba dang/ sdig pa 'joms pa'i sbyin sreg bya ba rnams ni/ 'dir cho ga'i rim pa mdor bstan pa ste/ de la thab khung rnams kyang mdor bsdus na gnyis te/ las thams cad pa dang/ las so so ba'o// de la 'phags pa dpung bzangs la sogs pa'i rjes su 'brangs te ni las thams cad pa'i thab khung nyid sna tshogs pa yin la/ rgyud phal cher ni zhi ba'i thab khung nyid las thams cad pa'i thab khung du gsungs so/ /re shig rgyud 'dir ni las thams cad pa'i thab khung zhes gsungs pa med kyi/ las bzhi ba'i thab khung so sor gsungs so/ /de la ro yongs su sbyang ba'i thab khung ni zhi ba'i thab khung gsum las sngar bstan pa ltar chen po'i tshad du bya'o/ /de nas bstan pa ltar bud shing brtsigs te/ dkyil 'khor chen po sngon bzhin bris la/ khrus sngon bzhin byas te/ de nas g.yas su dgang blugs kyi mar khu dang/ til dkar po dang/ nas thug dang/ 'bras chan dang/ 'bras yos dang/ me du ba dang/ ba dang ra'i 'o ma dang/ 'bras thug po che

  687. 344a

    dang/ nas dang/ gro dang/ mon sran dang/ me tog dri zhim po dang/ dur ba dang/ ku sha dang/ a shwat+tha la sogs pa'i yam shing dam pa zur re dang bcas pa dag thab khung las pags te/ sor nyi shu rtsa bzhi man chad sor bcu drug man cad dam/ sor brgyad yan cad pa'i lcug ma ma gas shing mi 'khyog pa/ kha brag ma yin pa/ rtse mo'i cha las byung ba/ gzhan las bzang ba/ bca' ba dang/ btung ba rab tu dkar pa/ yungs kar dkar po rnams g.yas su bzhag ste/ ji skad du sgyu 'phrul pa las/ sbyin sreg la dgos g.yas su bzhag ces gsungs pas so/ /yon chab dang/ me tog dang/ bdug pa dang/ mar me dang/ dri dang bshos dang/ gzed phor rnams ni g.yon du ste/ de nyid las g.yon du chu'i snod bzhag go zhes gsungs te/ chu'i snod ni yon chab yin pas/ mchod pa'i cho gas gzhan gyis nye bar mtshon pa'o/ /dgang gzar khru re pa dngul lam mchod sbyin gyi shing kha dog dkar po las byas pa yu ba'i rtse mo na rdo rje dang rin po che sor drug pa can rtse mon rdo rje sor bzhi pa/ de'i ? mon sor bzhi gru bzhi pa sor gnyis gting du brkod pa/ dbus na rtse mo'i lnga pa'i rdo rje sor gcig pa'i srid la zheng dang rnga mas ci rigs su byas pas mtshon pa/ gdong nyid na bcud 'bab pa'i lam mthe'u chung gi thabs kyi srid pa/ mtheb tshigs nub pa'i kha wa can no/ /blugs gzar yu ba sngon bzhin las/ /rtse mo'i kyus sor gnyis pa'i rgyal/ /sor gcig pa'i zabs yod pa pad+ma'i 'dab ma'i dbyibs can/ rtse mo lnga pa'i rdo rje gcig gis dbus nas mtshan pa'o/ /de dag dang rdo rje dril bu dang/ dbu rgyan ni mdun du'o/ /de nas sngon bzhin phyogs kyi rgyan dang/ steng du bre ba dang/ 'og tu yang me tog dang/ 'bru kha dog dkar pos gtor ma dag kyang byas la/ stan bzang po dgod pas ci nas kyang yid nyams dga' ba de

  688. 344b

    ltar byas te/ de nas sngar bshad pa ltar ro byin gyis brlabs te/ ras dkar po la pad+ma 'dab ma brgyad pa dkar po gur gum gyis bris la/ de gting ba'i lte bar ro legs par kha shar ram nub bam lhag pa'i lha'i gnas su bltas par bzhag /steng nas kyang ras dkar po la pad+ma 'dab ma brgyad pa bris pa'i 'dab ma la/ dpal be'u la sogs pa'i bkra shis kyi mtshan ma bris pa yis g.yog la bzhag go /de nas yang khrus byas la/ rje btsun thams cad rig pa'i bri sku 'am/ lugs ma'i dkyil 'khor 'jig rten gsum las rnam par rgyal ba'i gzugs dang bcas par/ me dang du bas mi gnod par sgrub pa po'i mig gis ltar rung ba'i phyogs su bzhag go /de nas sngar bshad pa'i bsrung pa'i sbyor ba byas la/ /brtsubs shing las ni byung ba'i me/ dge ba'i las la rab tu shes/ zhes bya ba 'am/ yang na sngar smos pa lta bu'i snga ma ltar sbyar te/ oM A(rgyud 'grel): hUM zhes brjod nas/ me snod gzhan zhig spos te/ sngar bstan pa'i bya ba las sbyar ro/ /de nas hUM bdun bzlos shing/ mar khu gzar bu chen po gang ba bdun blugs te/ /sngar gsungs pa'i mtshan ma brtag pa la sogs pa bya'o/ /de la slob dpon yid rab tu bsdams pas/ /rang gi dam tshig sems dpa' i rnal 'byor gsang ba'i mchod pa brjod pa'i bar du byas la/ oM badzra satwa hUM zhes zlos shing/ ku sha ma nyams pas me'i steng ngam thab khung nyid g.yog par bya ste/ ji ltar ku sha'i tshogs tshig pa las/ sdig pa'i tshogs tshig pa'o zhes bram ze rnams rtog pa'i lugs nyid dang mthun par byas pa'o/ /kha cig na re ro yongs su sbyangs pa'i sbyin sreg la ni/ ku sha dgra mi dgos so zhes zer ro/ /kha cig na re thab khung gi ni g.yas phyogs nas/ ku sha'i rtswa ni rlon pa dgram/ /rtse mo dag kyang rtsa bas dkri/ /rtsa ba dag kyang rtse mos dkri/ zhes bye brag med par gsungs pas/ dgram pa 'dir yang bya'o/ /zhes zer ro/ /de'i rjes la sgyu 'phrul dra ba las/ me yi phyogs nas bod pa ni/ /gsus

  689. 345a

    po che la mig gsum pa/ /gdong bzhi lag pa bzhi dang ldan/ /'od dmar ral ba'i thor tshugs can/ /me yi dkyil 'khor la gnas shing/ /las kyi 'od zer rnams kyis brgyan/ /lag pa dang po mchog sbyin la/ /gnyis pa la ni sngags nor phreng/ /g.yon na ril pa spyi blugs te/ /gnyis pa na ni be con nyid/ /mdog dmar rgyan ni med pa la/ /drang srong rnams kyis yongs bskor ba/ /'di lta'i gzugs ni bsams nas kyang/ /thabs kyi dbus su bzhugs su gsol/ /zhes bya pa 'am/ yang na rgyud 'di las/ /pad+ma dkar po'i zhal 'dra dge /pad+ma nor bu'i ril pa thogs/ /lag na ldan dkar mchog thogs pa/ /pad+ma dkar po'i stan stengs 'dug ces pa'i me lha'i lha thams cad kyi dbus su/ /yi ge raM dkar po las byung bar bsam pa pa/ /zhi ba'i mchod yon snying khar bzung ste/ de yang sgyu 'phrul dra ba'i rgyud las g.yas pa mi 'jigs mthe bskyod cing/ /gsang sngags 'dis ni cho ga bzhin/ /me yi lha ni spyan drang ngo/ /tshur gshegs tshul gshegs 'byung po che/ /lha'i drang song bram ze mchog /bsreg lugs zhal zas bzhes slad du/ /'di nyid du ni bzhugs su gsol/ /oM agna ye di bya di bya/ a be sha ya/ ma hA sh+ri be/ ham bya kab bya b+ha ha na ya swAhA/ zhes gsungs pa sbyar ro/ /de nas dza(rgyud 'grel): hUM baM ho(rgyud 'grel): zhes brjod pas ji ltar bskyed pa dang/ gnyis su med par byas la/ sgyu 'phrul dra ba las/ lag g.yon rdo rje bzang gtor te/ /mchod yon mchod pa rnams lnga dbul zhes gsungs pa dang/ yang de nyid las/ de la sbyin sreg la dgos pa/ kun las lan gsum bsreg blugs dbul/ /de nas 'thor thub byas nas su/ /'bar ba'i rnam par 'phrul ba byas/ /zhes gsungs pa dang sbyar te/ de nas me 'bar ba'i rnam par gnas pa 'am/ de'i dbyibs ma bor ba'i de'i snying gar dkyil 'khor chen po bskyed la/ mchod

  690. 345b

    pa'i cho ga las bstan pa ltar spyan drang zhing bstim ste/ /phyag rgya bzhis rgyas btab la/ /yon chab dang gsang gtor bya ste/ /mchod pa brgyad yan lag dang bcas pas mchod la/ bsreg rdzas rnams las cung zad cig lus par bsreg cing/ /de nas bstod pa brjod la yang yon chab la sogs pa phul te/ oM kri te pa zhes bya ba la sogs pas gshegs su gsol la skyed pa'i dkyil 'khor bdag nyid la bsdu'o/ /'di dbus kyi bdag po ni ro de nyid yin par 'dod do/ /de la mchod pa'i sngags rnams ni bstan zin la/ bsreg bya rnams kyi sngags ni/ oM agna ye swAhA/ mar gyi'o/ /oM sarba pA paM da ha na badzra ya swA hA til gyi'o/ /oM badzra puSh+Ta ye swAhA/ 'bras thug po che'i'o/ /oM badzra bi dza ye swA hA/ 'bras kyi'o/ /oM mahA be ga ya swA hA/ / nas kyi'o/ /oM badzra g+ha sma raM ya swAhA/ /gri'i'o/ /oM ma hA ba la yi swA hA/ mon sran gyi'o/ /oM badzra a yu She swAhA/ rtsa dur ba'i 'o/ /oM a pra ti ha ta badzra ya swAhA/ rtsa ku sha'i 'o/ /oM badzra ya dz+nyA ya swAhA/ /shing u dum ba ra'i ro/ /oM bo d+hi prik+Sha ya swAhA/ byang chub kyi shing gi'o/ /oM badzra la da ya swAhA/ shing slag shi'i 'o/ /oM badzra ku be ra ya swA hA/ shing a mra'i 'o/ /yungs kar la ni rtsa ba'i sngags dang/ ngan 'gro gsum bcad gcad pa'i sngags dang til gyi sngags rnams bzlas te/ mjug rnams su gsol ba gdab cing sreg go /rdzas gang la rang gi sngags med pa der ni/ til gyi sngags sim bdag po'i sngags kyis bsreg go /rdzas rnams kyi rim pa yang/ rdzas nyid ji ltar smos pa nas rim pas so/ /de la yon chab ni mdun du'o// me tog ni dbul la'o/ /bshos dang/ mar khu dang/ zho la sogs pa ni zhal cung zad gdangs par te/ dra bshul sbyad pa la ni/ shin tu gdangs par ro/ /mar me dang bdug pa mdun du'o/ /dri ni thugs kar ro/ /yam shing ni 'od kyi dkyil 'khor la'o/ /

  691. 346a

    'bras la sogs pa ni phyag du dbul lo/ /de dag kyang dang po ni me lha la'o/ /de nas khro bo'i rdo rje la ste/ gang gis me la sogs pa bsrung ba'i las byed pa dkyil 'khor chen po'i byang na gnas pa'o/ /de gnyis la ni gsum gsum mo/ /de nas dkon mchog gsum la'o/ /de nas sngon bzhin no/ /de nas rje btsun ngan song spyod pa la brgya rtsa brgyad do/ /de nas ni sngon bzhin no/ /sngags rnams ni sngar bstan pa rnams bskul ba smos par bya'o/ /kha cig na re sngags rnams kyi rang rang gi rtsa ba'i sngags kyis bya'o zhes zer ro/ /'dir me'i lhas blangs pa thams cad tshim par 'gyur te/ me ni lha thams cad kyi zhal nas/ /'byung po thams cad kyi kha'i sgo'o zhes grags la/ sgyu 'phrul dra ba las kyang sbyin sreg de nyid la gnas pa'i/ /me ni lha rnams zhal yin pas/ /sna tshogs las ni grub byed pa'i/ /sbyin sreg las ni rab tu bshad/ /sbyin sreg gis ni lha rnams tshim/ /tshim par 'gyur na dngos grub ster/ /gsang sngags lhag chad gang yin dang/ /thams cad sbyin sreg dag gis bskor/ /de phyir sku gsum mkhas mchog gis/ /sbyin sreg rab tu sngags pa mdzad ces gsungs so/ /sbyin sreg thams cad la yang pus mo gnyis cung zad dgrad pa'i bar las ma 'das par rdzas bsreg cing/ dgang gzar dang blugs gzar med na/ dgang blugs ni khyer bar byas la/ /rdzas lhag ma rnams ni pho tshungs kyis dbul lo/ /mjug tu me'i las kyi rjes su mthun pa'i chus zhi par bya'o/ /de nas mjug tu me lha slang lha'i dbyibs thob pa la mchod pa dang/ sreg bya cung zad lhag ma rnams phul te mnyam med mi g.yo zhes bya ba la sogs pa 'am/ yang na me lha'i rgyal po bram ze rdo rje che/ /'bar ba'i 'phreng 'khrug drang srong tshogs kyis bskor/ /sna tshogs

  692. 346b

    mnga' las kun spyod par mdzad/ /thub mchog mthu chen drang srong mchog khyod 'dud/ /gsus che spyan gsum tshad med bzhi yi zhal/ 'od dmar 'bar ba'i me tshogs dbus na bzhugs/ /ral pa'i thor tshugs che bsgyings bka' thub drag /lus kyi rgyan yangs dga' byed srad bu thogs/ /bum pa bgrang phreng dam pa sbyin pa dang/ /dbyig gu gsum thogs me'i dngos grub sbyin/ /'jig rten skyong ba'i nang na lha khyod 'phags/ /khyod ni 'phags dang 'byung po mang tshig byed/ /phyi rol lus kyi gtsug lag don ldan pa/ /drang srong mchog khyod der ni mngon sum ste/ /de'i phyir de dag rnams la yang 'bras bu rtsol/ /dngos grub kun sbyin khyod 'dir bdag gis bskyod/ /ces bya bas bstod la snga ma ltar gshegs su gsol te/ ji ltar bskyed pa ni rang gi byang chub sems su bsdu'o/ /de nas de ma thag tu g.yas su bgod par bya ba ni g.yon du yin la/ g.yon du dgod par bya ba rnams ni g.yas su dgod pa'i tshul gyis so/ /drag po spyad pa'i yon chab dang/ /mchod pa lnga dang/ bsreg bya rnams rgyud 'di las grags pa sngags snga ma rnams nyid las thams cad pa la che ge mo'i pa pa gra ha na sha ya phaT ces bskul bas bsregs te/ 'dir ni dngos por rlung gi me la bsreg bya phul la/ de'i snying khar phyag na rdo rje khams gsum rnam par rgyal ba drag po sngon bshad pa las/ phyag bzhi pa g.yas g.yon dang po nI hUM gi phyag rgyas rdo rje dang dril bu 'dzin pa/ tha ma gnyis na pad+ma dmar po dang zhags pa dang bcas pa'i sdig mdzub can/ /ro'i sdig pa brdzis pa/ /khro bo'i rgyan ma lus pas brgyan pa'i yi ge hUM dang/ rdo rje rtse lnga pa las bskyed pa sngon bzhin du de dang 'dra ba spyan drang ba la sogs pa byas la mchod pa dang sbyin sreg drag por spyod pa bya ste/ bdag nyid kyang de dang 'dra bar yud tsam gyis bskyed

  693. 347a

    pas so/ /kha cig na re 'dir mchod yon la sogs pas pad+ma kar zhal mchod ces gsungs pas/ 'dir yang zhi ba'i sbyin bsreg nyid bya'o zhes zer ro/ /de nas mtho ris thob par shes nas/ /'chad pa phyed pa ltar las rnam pa bzhi'i sbyin sreg bya ste/ rgyud la rab tu gsal bar ma phye'o/ /phyi rol gyi sbyin sreg la mi mos pa 'am/ /mi nus pa dag la nang gi sbyin sreg kyang gsungs te/ gzhan yang nang gi sbyin sreg ni/ las dang che dag dang bgab pa ste/ /de ni yid kyis shes par bya/ /gzugs dang sgra la sogs pa spangs/ /mig dang rna ba sna dang lce dang lus rnams ni/ /yid las skyes pa sems kyi rgyal po la gnas te/ kun tu rtog pas skyes pa 'di dag kyang/ /byang chub sems dang yul dang mig la sogs pa dang/ rlung gi me yang 'phro ba med pa yi/ /shes rab kyis ni de bkag ste/ /yid kyis me la sbyin sreg bya ba'o/ /de ni nang gi sbyin sreg bya ba'o/ /de ni nang gi sbyin sreg ces/ /des pa khyod la bstan pa yin ces so/ /yang na med par gyur kyang rung/ /zlos shing sbom pa'i tshul gyis ni/ /ming tsam legs par bris nas kyang/ /mchod rten phreng bar bya ba dang/ /zhes bya bar ni ro med par gyur kyang/ /bzlas pa dang mchod rten gyi bya ba sngon du bya'o/ /zhes bya'o/ /yang na gzugs su gyis nas kyang/ /sbyin sreg mngon par dbang bskur na/ /zhes bya ba ni ro med par gyur kyang/ /dbang bskur ba dang/ sbyin sreg rnam drug ni bya zhing/ de yang ming tsam bri me yin gyi/ /gzugs brnyan bris pa bya'o/ /de dag 'bras bu chen por bstan pa'i phyir/ /gdon mi za bar bde 'gror skye zhes bye ba smos te/ cho ga bzhi char gyi yon tan tu sbyar ro/ /thal ba yungs kar phye ma cho gas zhes bya ba la sogs pa ni bzlas pa'i rdzas chur dod pa'i cho ga ston te/ rgya mtshor dbab pa'i chu klung ni/ /'dzam+bu'i gling 'di na chu klung

  694. 347b

    stong phyag byer dang gsum yod de zhes 'phags pa sdong po bkod pa las gsungs la/ de dag ni klu'i rgyal po ma dros pa'i smon lam gyis byin gyis brlabs pa'i phyir klung gang dag rgya mtshor mi babs shing/ dug can dang char ba'i chu las byung ba rnams las khyad par du 'phags pa dang/ 'gro ba mang po'i don du gyur pa'i phyir de kho na sngags so/ /lhag ma ni go sla'o/ /de ltar na ni sdig can yang zhes bya ba la sogs pa ni de'i 'bras bu bstan te go sla'o/ /dge ba'i rtsa ba ma skyed la zhes bya ba ni cung zad kyang dge ba'i las la mos pa ma byas pa'o/ /ned par lta ba gang yin dang/ zhes bya ba ni 'jig rten rgyang phan par khas len pa rnams te/ las med thar pa med kyang rung/ /gzhung ngam rgyang phan pa yi gzhung/ /zhe ji skad bshad pa'o/ /byang chub lam las rnam log na/ /zhes bya ba ni/ gang gis byang chub sems bskyed nas/ yang der slar gtang ba ste/ /mi gang byang chub sems gtang yang/ /de dag thar par mdzad pa ni/ /las tshul bsam gyis mi khyab phyir/ /thams cad mkhyen pa kho nas mkhyen ces bya ba dang/ /sems skyed de ni phas pham pas kyang shin tu lci zhes ji skad gsungs pa lta bu'o/ /bstan la zhe sdang gnod byed dang/ /zhes bya ba ni dam pa'i chos kyi stegs 'jig pa ste/ glegs bam chung gson pa dang chos smra ba la gnod par byed cing 'gal ba dang/ chos kyi bar chad byed pa ste/ /ji skad du/ mi gang chos kyi stegs 'jig cing/ /yang dag ma yin la ma smra ba/ /mi de dag ni spu gri'i so/ /gtam pa'i lam ru 'gro ba yin/ /zhes bshad pa lta bu'o/ /sdig pa'i rang bzhin ma mthong ba zhes bya ba ni/ mi dge ba bcu'i las kyi lam dang/ /mtshams med pa lnga la sogs pa la yang 'jigs par mi lta ba'i rjes su dpyad pa'o/ /pha dang ma la snying ring zhing/ /zhes bya ba ni pha ma la sems byams bas brlan par ma gyur cing/ bslang ba'i sems yod

  695. 348a

    pa ste/ 'di dag ni phan 'dogs pas zhing dam pa mthong ba'i chos la myong bar 'gyur ba'i las kyi 'bras bu 'byin pa ste/ khye'u bu mo mdza' bo'i gtam las shes par bya'o/ /gzhan yang 'bags pa bad sa'i rgyal po 'char byed kyis zhus pa zhes bya ba'i theg pa chen po'i mdo las kyang/ gang dag pha ma rgas pa gso bar byed pa ni/ /de dag rtag tu bde zhing yid kyang bde 'gyur la/ /'di la lha dang bcas pa dang ni dbang po dang/ /de bzhin tshangs par bcas pa'i rigs su gyur/ /gang dag pha ma rgas pa gso bar byed pa ni/ /de dag song nas phyir 'od pa yang 'grub 'gyur zhing/ /rgya mtsho chen po nas kyang bde zhing lags 'od ste/ de ltar byed pa dang ni rab mchog rnyed pa yin/ /gang dag pha ma rgan rgon gso bar byed pa ni/ /tshong ba de dag yon kun gyi gtsor 'gyur zhing/ /de bzhin zhing las 'bras mchog rnams 'byung ste/ /bsod nams bgrang don brjod par mi nus so/ /gang dag pa ma rgas pa gso bar byed pa ni/ /de dag khur rnams khyer bar byed pa'i rnga mo rnams dang yang/ /yang na glang dang bong bu dag tuAng mi 'gyur te/ /mi rnams de dag spu gris so la rdzi mi 'gyur/ /gang dag pha ma rgas pa gso bar byed pa ni/ /de dag chu bor ba med dang ni me mur dang/ /spu gri so dang ldan pa las kyang mi rgas te/ /de dag zangs khu skol ma 'thung bar yang mi 'gyur/ /gang dag pha ma rgas pa gso bar byed pa ni/ /de dag nor dang 'bru ni mi nyung ba dag dang/ /chung ma bu dang bu mo dam pa dag dang yang/ /bai DUrya dang rin chen sa le sbram yang rnyed/ /gang dag pha ma rgas pa gso bar byed pa ni/ /de dag rab 'phrul lha'i pho brang dag dang ni/ /rtsub 'gyur dang ni 'bras bu'i tshal yang mthong 'gyur te/ lha rnams du mas rtag tu mdun du bdar bar 'gyur/ /mi yi gtso bor gyur cing lta yi ltar gyur pa/ /thub pa chen po'i 'di 'dra'i gsung ni

  696. 348b

    thos 'gyur na/ /rgas shing dbang po shin tu nyam chung 'gyur ba yi/ /pha ma sbyin gnas dam pa su zhig gso mi byed/ /ces gsungs pas/ 'di dag ni 'bras bu 'di lta bu 'byin pa la snying ring bar gyur na rab tu 'jigs su rung bas so/ /byang chub sems la brten pa dang/ 'dod chags bral bas sad pa rnams zhes bya ba ni/ mtshams med pa dang nye bar mchod rten 'jig pa dang/ dgra bcom pa sun par byed pa dang/ dge 'dun 'du ba'i sgo 'phrog par byed pa rnams mtshon pa'o/ /de lta bu dag thabs 'di rnams ni mi mthar ro zhes ston par bzhed nas/ ci ste lha rnams med 'gyur tam/ zhes bya ba la sogs pa gsungs te/ lha rnams 'jig rten pa dbang po la sogs pa ste/ de dag kyang yongs su 'dren pa yin pa'i phyir/ /sangs rgyas dge 'dun chos de bzhin zhes bya ba ni skyabs dam pa'o/ /sngags dang phyag rgya'i tshogs la sogs zhes bya ba la sogs pas smos pa ni/ gtor ma dang sbyin sreg dang dbang dang dam tshig dang/ ting nge 'dzin la sogs pa bsdu'o/ /shes rab thabs rnams med na ni/ zhes bya ba ni/ stong pa nyid snying rje'i snying po can du bsdus pa/ byang chub kyi sems spros pa dang bcas pa dang/ spros pa med pa ste/ ji skad du dpal gsang ba 'dus pa las/ thabs ni dngos po'i mtshan nyid ste/ shes rab ces bya dngos po med/ /ces gsungs pa lta bu'o/ /de dag la tshig rkang? dang po gnyis kyis ni/ /rten gyi stobs kyis sdig pa 'byang bar stan to/ /tshig rkang tha ma gnyis kyis ni gnyen po kun tu spyod pas sdig pa 'phyang bar bstan to/ /rnam par sun 'byin pa kun tu spyod pa dang/ sdom pa'i stobs dag kyang 'dir sogs zhes bya ba'i sgras? bsdus pa 'am/ thabs dang shes rab gnyis kyis bsdus pa'o/ /yang na 'dir gsang sngags kyi bdag nyid che ba bstan pa'i phyir/ rdo rje slob dpon gyis thabs mkhas pa'i che ba'i stobs nyid kyis thar pa thob par ston pas na yan lag

  697. 349a

    gnyis smos te/ lha'i bu nor bu dri ma med pa nyid lta bu'o/ /de ltar dge slong dag las byas pa ni chung mi za la/ ma byas pa ni phrad pa med do zhes gsungs pa dang/ 'gro ba rnams ni rang gi las kyi 'bras bu'i bgo skal la spyod pa'o/ /zhes gsungs pa 'di ji ltar drang zhe na/ 'di la gnod pa med do/ ji ltar pad+ma kha bye ba ni nyi ma'i 'od kyis phye ba na rang bye ba ma yin pa ltar/ kha cig gzhan gyi rkyen gyis bde ba dang sdug bsngal par 'gyur pa yang yod la/ gal te rang gis byas pa kho na lar g.yas na/ sangs rgyas kyis kyang ji ltar phan pa mdzad par 'gyur/ de'i phyir chos kun tha dang rjes su 'jug /chos kun phan tshun rjes su 'jug /chos kun rjes su zhugs pa ste/ /mdza' bral rjes su 'gro pa'o/ /zhes gsungs te/ ji ltar lcags g.yob rang gis byed pa ma yin gyi/ khab len gyi byed pa dang/ shing tshig pa me yis byed pa lta bu chos rnams kyi chos nyid de/ chos nyid ces bya ba yang/ dngos po rnams kyi mthu dang/ rang bzhin rang dang po nas grub pa med rgyu dang rkyen gzhan gyi byas pa ma yin te/ dngos po rnams ni 'di ltar nges la/ de la yang dpyad na snying po'i bag phrar ba tsam yang med pas/ kun rdzob dang don dam pa gnyi gar/ ji ltar yang dngos po rnams kyi chos nyid la dpyod du med na/ byis pa rnams log par dpyod pa tsam sel ba dpyod pa mkhas pa dag byed par ? mdo/ /'on kyang byis pa dag rang gis ri mo bris pas rang skrag pa lta ba rang gis byas pa la rang spyod par 'dod pas de ltar grub pa phal che bas/ las bdag gir bya ba gtsor gsungs so/ /rigs par na rkyen nyid mthu can yin gyi/ /las ma yin te de na brtan par gnas pa'i las 'ga' yang med de mun pa la snang ba dang/ mar me la chu'i thigs pa bzhin no/ /thub pa'i dbang po rnams kyang chos nyid thob pa la byin gyis brlabs 'jug cing/ gzhan du ma yin te/

  698. 349b

    khab len gyi mthu'i chos nyid lcags kyis thob kyi nor bu dang/ zangs la sogs pas mi thob pa bzhin no/ /de'i phyir 'di chos nyid kyi snod du 'gyur pa kha cig la gzhan gyis byas pa gzhan la 'byor pa 'di ni chos nyid kho na yin pas gzhan du drang bar mi bya'o/ /de nas brgya byin zhes bya ba la sogs pa ni go sla'o/ /bder gshegs 'dra bar skyes/ zhes bya ba ni/ byang chub sems dpa' i sa'i rim par gnas pas byang chub chen po las phyir mi ldog par 'dra ba ste/ nges par drod la sogs pa thob par ston pa mthong ba las rjes su dpag par nus pa'i phyir ro/ /ci bskal pa du ma la sogs pas sam zhe na ma yin te/ tshe 'di nyid la zhes gsungs te/ lha dang mi yi tshe gcig po de nyid ma zad par zhes bya ba 'am ngan 'gro dang de dang 'dra ba'i tshe mang zhig myong bar byas pa las/ tshe 'di nyid la grol ba ste/ gsang sngags rnams kyi 'bras bu ni mthong pa'i chos kho na la 'bras bu 'byin par 'dod kyi/ lan grangs gzhan la sogs pa ni rab tu dman pa'i sgrub pa por zad do/ /ji skad du 'phags pa kun nas sgor 'jug pa'i 'od zer gtsug tor dri ma med par snang ba/ de bzhin gshegs pa thams cad kyi snying po/ dam tshig la rnam par lta ba zhes bya ba'i mdo las/ kye ma sangs rgyas kye mchos/ kye ma dge 'dun/ kye ma rig sngags/ 'bras bu 'phral du ston pa/ bcom ldan 'das de bzhin gshegs pa shAkya thub pa/ thugs rje mchog tu che ba yid bzhin gyi nor bu lta bu de la phyag 'tshal lo zhes gsungs la/ 'di nyid las kyang 'og nyid nas/ gsang sngags lta bu'i 'dren pa med ces gsungs so/ /de nas dbang por bcas pa yi/ /grangs chen lha rnams gang byed cing zhes bya ba ni/ brgya byin ni mngon par shes pa bcas pas/ lha'i bu de thar par shes nas/ sangs rgyas la mchod pa bya ba'i phyir 'ongs par bstan pa'o/ /tshe 'di nyid la zhes pa la sogs pa ni/ nor

  699. 350a

    bu dri ma med pa mchod pa ste/ go sla bas rnam par ma bye'o/ /gang dag bsdus pa'i don dang mi 'dra bar bshad pa 'am 'chad par byed pa ni gang yang rung ba'i nye bar bstan par gyis shig /rtsa ba'i rgyud kyi snying po rgya cher bshad pa rdzogs so// //de ltar rtsa ba'i rgyud bstan nas/ de ni de nas bcom ldan 'das zhes bya ba la sogs pas rgyud phyi ma ston te/ 'dir 'chad pa po ni phyag na rdo rje yin la/ ston pa dang rgyud kyi bdag po ni sngon bzhin no/ /kha cig na re rgyud phyi ma dang de'i phyi ma'i bdag po ni/ phyag na rdo rje'i zhes zer zhing/ /de nyid kyis ni rgyud yongs su rdzogs par nye ba na/ phyag na rdo rje rgyud kyi bdag po la bstod pa'o zhes kyang zer ro/ /dkyil 'khor gyi bdag po rnams ni gsal bar zad do/ de la de nas zhes bya ba ni/ rtsa ba'i rgyud bshad ma thag tu'o/ /bcom ldan 'das zhes pa ni sngar bshad pa bzhin no/ /byang chub sems dpa' zhes bya ba ni/ bdud rtsi thob phyir 'am ni 'di ma yin/ /lam ngan spongs la lam la mnos shig ces/ /lta ngan sems can mthong nas go 'byed de/ /rgyu des byang chub sems dpa' zhes bshad do/ /zhes bya ba'i tshul gyis so/ /de dag nyid nyan thos la sogs pas dmigs pa la sogs pa che bas na/ sems dpa' chen po zhes bya'o/ /'di'i phyag na rdo rje mnga' pas phyag na rdo rje/ /des rtsa ba'i rgyud las ltos pa'i brtag pa'i phyi ma 'di bstan te bshad pa'o/ /de yang rang gi mthus ma yin pas na/ bcom ldan 'das kyi mthu zhes smos te/ byin gyi brlabs kyis so/ /de ltar yang tshul cig tu bstan pa'i mdo las/ bcom ldan 'das byang chub sems dpa' rnams ni/ gang gi smra ci sems rjes su ci 'dra yang/ /de thams cad ni de bzhin gshegs pa'i mthu'o/ /zhes gsungs so/ /de 'dir brtag pa phyi ma zhes bya ba ni mdor bsdus pa dang/ yongs su rdzogs

  700. 350b

    par byed pa'i rtog pa yin la/ de gnyi ga'i lha rnams kyi dbyibs dang/ kha dog dang/ gnas nges pa dang/ dbang bskur ba dang/ dkyil 'khor dang dngos grub dang/ sbyin sreg la sogs pa rnams ni bdag gis dus gcig tu bshad zin la/ gzhung rnam par dbye ba yang bdag gis bsdu ba'i don kyi skabs nyid du dpyad zin te/ da ni tshig gi don tsam las ma lus la/ tshig gi don yang go slabs mi brjod de/ de bas man ngag gi gnas 'ga' zhig las brjod du med do/ /de phyir blo'i nor can rnams kyis/ sngar bstan pa'i don nyid drangs te cho ga zhib mo phyi ma gnyis su sbyar la/ blo dang mi ldan pa dag la ni ji tsam du ngag la sogs pa sbyar kyang/ de dag gi blo'i pad+ma rgyas par mi 'gyur te/ ji skad du 'phags pa nA da rdzu na'i zhal snga nas/ gang la rang gi shes rab med/ /de la bstan bcos kyis ci bya/ /mig gnyis med par gyur pa las/ /me long dgos pa ci zhig yod/ ces gsungs pa bzhin no/ /oM sarba pA paM da ha na hUM phaT/ ces bya ba la sogs pa la/ sngags dang po dgu ni rje btsun shAkya tog la sogs pa dgu'i rims bzhin no/ /de nas gsum ni sku la sogs pa'i gsum gyi sngags so/ /de nas gsum ni ro'i ngan 'gro dgag pa dang/ slob ma sdig pa can ma phebs pa'i sdig pa gzhig pa'o/ /de nas ni mchod pa dang sgo skyong gi sngags so/ /de nas dkyil 'khor bshad de zhes bya ba nas/ mchod pa byas nas zhes bya ba'i bar du yang go sla'o/ /de bzhin du bcug ste/ dbang bskur na zhes bya ba ni rtsa ba'i rgyud la ltos par bstan to/ /ngan song thams cad rnam grol te/ bde 'gro mtho ris 'jig rten dang/ zhes bya ba ni go sla te/ skye bar 'gyur ro zhes sbyar ro/ /gong nas gong du sa rnams su yang skye bar 'gyur ro zhes bya ba ni/ dngos grub phra mo la brten nas ni/ dngos grub chen po chen thob

  701. 351a

    cing/ da nas ni rab tu dga' ba sa bcu gcig pa'i bar du rim gyis 'thob ste/ ji skad du/ gcig pu dpa' bo grub pa las/ gang tshe dngos grub phra grub pas/ /sngags pa'i lus ni dag pa na/ /snod du gyur pa'i lus la ni/ /dngos grub chen po rab tu skye/ 'di yis sa la sogs pa 'thob rim pa 'di yis bskyed byed de/ sngags pas yid bzhin nor bu ltar/ rtag tu sems can don byed do/ /zhes gsungs so/ /lhag ma ni go sla'o/ /brtag pa gzhan gyi cho gas kyang thams cad sgrub par bya'o/ /zhes bya ba ni rgyud 'dir ma gsungs pa/ bya ba dang rnal 'byor kyi rgyud gzhan du gsungs pa'i las rab 'byams de dag kyang rang gi lta yi sbyor bas 'grub par 'gyur te/ ji skad du/ gang zhig du ni rang nyid kyis/ /las kyis cho ga rnams med pa/ der ni spyi rgyud las grangs pa'i/ /cho ga mkhas pas shes par bya/ zhes gsungs pas so/ /lha dang zhes bya ba la sogs pa ni go sla'o/ /byin gyis brlabs zhes bya ba ni gdul bya 'gyur bar 'gyur ba rnams la gdams pa'i phyir ro/ /mnyam par bzhag pas zhes bya ba la sogs pa la/ 'dir phyag rgya dang po gsum ni/ sngar sku la sogs pa'i sngags gsungs pa dang sbyar ro/ /de nas ni rtsa ba'i dkyil 'khor gyi bdag po'o 'o/ /de nas ni sems ma rdo rje ma'i ste/ 'jug pa'i 'o/ /de nas ni shAkya'i rtog gi'o/ /de nas ni shAkya thub pa dang phyag na rdo rje'i'o/ de nas ni rgyud kyi bdag po'i 'o/ /de nas ni rin chen dpal gyi'o/ /de nas ni dkyil 'khor gnyis par bzhugs pa'i shAkya thub pa'i ste/ 'di nyid ngan 'gro dgag pa'i sdig pa gzhom pa la sbyar ro/ /de nas ni bsrung ba la sogs pa las thams cad pa'i ste/ kha cig ni 'di nyid me tog rgyas pa'i yin no zhes zer ro/ /de nas bzhi ni rtsa ba'i dkyil 'khor gyi yo byad do/ /de nas dgu ni go bar zad do/ /de nas me tog

  702. 351b

    rgyas pa'i ste/ kha cig na re de nyid shAkya thub pa'i zhes zer ro/ /lhag ma rnams ni go sla'o/ /'jig rten gsum las rnam par rgyal ba'i gzugs su dri'o zhes bya ba ni 'ga' zhig de la mos pa la dgongs te/ de bas na bdag nyid gang la dad cing me tog ltar pa de nyid bri ba'o/ /dbus kyi bdag po la me tog lhung ba'am/ /dkyil 'khor la mos pa'i dbang du byas te/ dkyil 'khor gyi tshul du bris la zhes gsungs so/ /lhag ma ni go bar sla'o/ /dkyil 'khor dang po'i 'grel pa'o// //da ni de nas brgya byin dang zhes bya ba la sogs pa tshe dpag tu med pa'i dkyil 'khor ston te/ de nas zhes bya ba la sogs pa ni go sla'o/ /ko Ta k+Sha/ ko ta pa/ ko twa/ ko Ta paShtsa/ ko Ta ka ra/ ko la k+Sha/ ko la ba/ ko la/ ko la paShtsa/ ko la swA hA/ i ti/ zhes bya ba la/ tshig 'di dag gi don ci zhe na/ dag 'di ni gnod sbyin rnams kyi yin pas/ mi rnams kyis rab tu rig pa bka' ste/ ji skad du rgyal ba skyed ma las/ kye ma gnod sbyin rnams kyi brjod pa dang/ skad dang sgra ni shes par rung gi 'phags pa rab 'byor 'di shes rab kyi pa rol tu phyin pa ston pa ni des? ? mi rung ngo zhes gsungs so/ /ci'i phyir lha de dag rang skad legs par sbyar ba bzhag ste/ gnod sbyin gyi dag gis bstod par byed ce na/ bcom ldan 'das 'di ni lcang lo can du gnod sbyin nang du 'khyangs pas de dag gi nga nyid las de nyid kyi gsung du bstod pa ste/ ji skad du/ gnod sbyin bdag po nyi ma stong gi gza'i zhes gsungs pa lta bu'o/ /de la tshig 'di dag gis ni/ bcom ldan 'das de sa bcu la shin tu sbyangs pas/ sa yongs su rdzogs te/ sangs rgyas kyi sa kun tu bzang po brnyed par sten la/ de nyid kyis sbyin pa la sogs pa pha rol tu phyin pa bcu yongs su ? zhing/ rdzogs pa'i rkyen kyang re re la sbyar ro/ /de bas na ko zhes bya ba'i twa ma zhes bya ba dang lags la sogs pa ni rang rang gi pha rol tu phyin pa dang/ sa'i rim pa ston zhing/ i ti zhes bya ba ni sang dzwa

  703. 352a

    ta zhes ston pa'o/ /kha cig na re tshig 'di dag ni dpal bde mchog las gsungs pa dang/ 'dra bas/ bcom ldan 'das 'dis gru la sogs pa'i rlung la mnga' thob par ston pa'o zhes zer te/ bde mchog gi rgyud 'di nyid du yang tshul 'di ltar drang ba la gnod pa ci zhig yod la/ 'dir ni rlung gi gnas skabs ci yang ma yin te/ mtshar du ma 'brel pa smra bar zad do/ /mdo dang bsres pa las ni/ bla ma'i man ngag la rag lus par cher ston pa dang/ der yang rlung gi tshul 'byung du dung bas/ de ltar dgongs par zad do zhes bya ba nas zhes bya ba la sogs pa ni go sla'o/ /legs par sgrubs shig ces bya ba ni/ legs par nyon la gus nyon te zhes bya ba mtshon pa'o/ /thams cad kyi tshe dpag tu med pa khyab pa zhes bya ba ni gsang sngags gtsar gyur pa'i thabs rnams so/ /de ltar 'gyur ba'i rgyu ni rnam par mi rtog pa'i ting nge 'dzin rdo rje ltar mi phyed pa nyid yin te/ de la snyoms par zhugs nas ni/ mngon sum du mdzad pa las rang gi thugs ka nas/ yi ge'i phreng ba/ de bzhin gshegs pa thams cad kyi snying po ming gi khyad par/ tshe dang bsod nams dang ye shes dpag tu med pa 'phel bar byed pa zhes bya ba 'di phyung zhing/ de phyung bas ngan song thams cad rab tu zhi ste/ zhes bya ba la sogs par sbyar ro/ /de nas oM pun+ye/ zhes bya ba la sogs pa'i gsang sngags rnams ni/ bdag po dang/ tshe mdza' yas dang/ mi g.yo ba dang/ rin chen tog dang/ don yod grub pa rnams dang/ rims bzhin du sbyar ro/ /sangs rgyas kyi mdzad pa bcu gnyis zhes bya ba ni/ sangs rgyas bcom ldan 'das rnams kyi mdzad pa ni dpag tu med pa yin mod kyi/ 'on kyang 'dzam+bu gling 'dir rnam par smin pa'i sprul pa'i skus byang chub tu gyur pa'i mdzad pa chen po ni bcu gnyis te/ de ni ji skad du 'phags pa dad pa'i stobs bskyed pa la 'jug pa'i phyag rgya mdo las/ dus gcig

  704. 352b

    tu phyogs bcu'i 'jig rten gyi khams rab 'byam thams cad du/ dga' ldan gyi gnas mchog na bzhugs pa dang/ 'chi 'pho ba dang/ skye ba dang/ mngon par 'byung ba dang/ dka' bas spyod pa'i sbyor ba dang/ byang chub kyi snying por gshegs pa dang/ bdud bcom pa dang/ mngon par rdzogs par byang chub pa dang/ chos kyi 'khor lo rab tu bskor ba dang/ yongs su mya ngan las 'da' ba dang/ chos gnas pa dang/ chos nub par ston pa la mkhas pa dang zhes gsungs te/ 'di rnams yang stobs bcu rnam par bzhag pa las/ de lta bur mchog rnams bstan par shes par bya ste/ de'i phyir na 'dir tshig gi don ni bcu gnyis kyis grangs su byas pa'i mdzad pa rnams ni/ mdzad pa bcu gnyis zhes bya ba gnyis pa'i bsdus pa yin no/ /lhag ma rnams ni go bar sla'o/ /smad kyi ya mtshan 'jig rten du snang gyur to/ /zhes bya ba ni ltas chen po bco brgyad tshang bar 'byung bar ston pa'o/ /de nas zhes bya ba la sogs pas dkyil 'khor ston te go sla'o/ /khros pa las zhes bya ba ni nang ngo/ /khros pa'i dbang du gyur par bri zhes bya ba ni/ phyi rol pa rab tu mi sdug cing gtum pa bri bar bya'o/ /yang na khros pa'i dbang du ma rungs pa rnams gyur pa ste/ skra gnas thal mo sbyor bar bri ste/ sum cu pa'i lha rnams lhung ba dang/ bgegs rnams bred nas thal mo sbyor zhes ji skad du/ gsungs pa lta bu'o// de nas zhes bya ba la sogs pa ni/ dkyil 'khor sgrub pa la sogs pa ston pa'o/ /'chi bdag nyid ma rungs pas na sprul lta bu ste/ de'i 'jigs pa dang ldan pa rnams ni shi bas 'jigs pa'o/ /'chi bdag ste gshin rje de dag gzhom pa ste/ re shig dus ma yin par 'chi ba dang/ rnam par smin pa las byung ba yang/ rig pa 'dzin pa'i mthu'i khyad par gyis gzhom par bya ba'i phyir gzhug par bya ste/ de bas na dkyil 'khor 'dir ni/ tshe ring po don du gnyer ba'i slob ma gzhug go/ ji ltar

  705. 353a

    gzhug ce na/ de'i phyir oM badzra sa ma ya hUM zhes bya pa'i sngags 'dis khro bo rdo rje taM rin ti ri zhes bya ba'i phyag rgya rdo rje bsdams pa mthe bo dag ni shibs pas mnan pa 'di nyid/ phyag rgya gang yin pa de nyid lha zhes bya ba'i tshul gyis rdo rje ti rin ti ri ste de bcing bar byas pa'o/ /lhag ma ni go sla'o/ /dkyil 'khor gnyis pa'i 'grel pa'o// //da ni da nas zhes bya ba la sogs pas rgyal po chen po bzhi'i dkyil 'khor ston te/ 'phags pa dbung bzangs kyis zhus pa las/ 'jigs skyong tshangs pa brgya byin khyab 'jug dang/ drag po 'am rlung sogs lha la phyag mi bya/ /de yi bshad pa'i chos la ma brten cing/ /de dag dka' thub mi spyad rtag mi mchod/ /de rnams chos la ngan sems mi bya zhing/ de spyod rnams la nam kyang dga' mi bya de dag bstod pa mi gdon sngags mi bzlas/ sngags kyang mi bzlas de dag mdo mi klag/ ces gsungs la/ 'jig rten gsum las rnam par rgyal ba'i cho ga zhib mo las kyang/ sdug bsngal sdig pa 'jigs 'gyur ba'i/ / 'jig rten lha ni yongs mi bstan/ ces gsungs pa ma yin nam 'dir de dag ji ltar bsgrub par rigs she na/ 'di la lan ni bdag gis sngon du mang du brjod zin na/ gzhan yang der ni lha mo tri bu ra dang tsa muN+Ta la sogs pa nyi tshe ba bkag la/ 'dir ni bcom ldan 'das nyid kyis byin gyis brlabs bas cung zad dman par brjod pa 'am/ yang na 'di dag ni gdul bya'i dbang las 'jig rten par snang yang/ /'jig rten las 'das pa nyid de/ /ji skad du 'phags pa de kho na nyid 'dus pa las/ e ma'o sangs rgyas thams cad kyi thabs ni snying rje'i bdag nyid do/ gang du thabs kyis 'dul mdzod na/ lha rnams su yang 'gyur ba'i yin/ /zhes gsungs la gzhan las kyang/ /gang dang gang gi gzugs kyis ni/ /lus can rnam par 'dul 'gyur ba/ /thugs rjes non pa

  706. 353b

    de dag der/ /brtse pa'i bdag nyid ston par mdzad/ /ces gsungs so/ /rgya cher ni sngar brjod zin to/ /de bas na 'di la nyes ba med do/ /de la 'dir thun mong du bdag po la mchod pa dgu 'am lngas mchod cing/ 'jig pa rnams la ni mchod pa lnga kho nas mchod do/ /dbang bskur ba yang ji ltar smos pa dag po gnas pa 'ba' zhig tu zad do/ /dam tshig sems dpa' yang bdag po kho nas bya'i/ 'jig rten pas ma yin la/ gang la me tog bab pa de la yang khyad par du bdag po kho na bsgrub par bya'o// rgyal po chen po bzhis zhes bya ba la sogs pa ni/ gzhung nye bar bzhag pa ste go sla'o/ /bcom ldan 'das ni spyan drangs te zhes bya ba ni/ oM i hye hi zhes bya ba la sogs pas so/ /de nyid kyi mthar ming gi zhi pa gsal te/ d+h+ri ta rA TiSh+Tha Ta TiSh+Tha ye swA hA/ zhes bya ba la sogs pas rim pa bzhin du de nas rgyal po rnams des spyan drang ngo/ /lhag ma ni go sla'o/ /de nas grwan bzhag pa'i bya ba ni/ pad+ma 'dab ma brgyad pa'i phyogs bzhir ni rgyal po bzhi'o/ /mtshams bzhir bkod pa'i bum pa legs par byin gyis brlabs pa bzhis ni slob ma de gnas bsrung ba'i bum pa nas brtsams te chu'i dbang bskur ro/ /de nas de dag rab tu brtan zhing nges bar bya ba'i phyir/ dbang lnga pa bcom ldan 'das phyag na rdo rje'i rdo rje rtse mo lnga ba'i phyag rgya ras sngon pos g.yogs pa slob mas mchod la/ de nas de yis slob ma'i spyi bo dang/ mdzod spu dang/ mgrin pa dang/ snying kar bzhag pas slob ma de dbang ni legs par bskur bar bya ste/ rab tu grub bar byed pa'i ni phyag rgya'i dbang 'di nyid yin no/ /bdag po'i phyag rgya'i dbang de nyid dang por byas te/ de nas ngal sos po 'o ma gnas bsrung ba nas brtsams te/ phyag rgya gnas bzhir bzhag pa'i go rim gyis/ dbang bskur ba'i dkyil 'khor nyid du de ltar dbang bskur na/ mthong ba'i chos 'di nyid la rgyal po ma

  707. 354a

    yin pa rgyal por 'gyur ba la sogs pa'i yon tan 'thob ste/ 'dir rin po che bdun dang/ nye ba'i rin po che bdun dang/ bkra shis kyi rdzas bcu drug nges par sbyin no/ /lhag ma ni go sla'o/ /lan bzhir zhes gnyis spos yin/ dkyil 'khor lan bzhir bris la/ der lan bzhir 'jug cing dbang bskur gyi dkyil 'khor gcig tu ma yin te/ 'bad ba'i mthu las 'bras bu khyad bar can 'byung bas so/ /de dang bsam pa zhes bya ba la re ba ni 'grub par re ba yin la/ bsam pa ni dogs pa dang bcas pa 'am/ nges pa gang yang ma byas par bsams pa'o/ /dkyil 'khor gsum pa'i 'grel pa bshad pa'o// //da ni de nas zhes bya ba la sogs pas/ phyogs kyi bdag po rnams kyi dkyil 'khor te/ /phyogs skyong ba zhes bya ba la sogs pa go sla'o/ /oM aM zhes bya ba ni dbang ldan te/ lhag ma ni rang gi ming dang 'brel pa yin pas go sla'o/ /de nas zhes bya ba la sogs pas ni dkyil 'khor ston to/ 'dir 'khor lo rtsibs brgyad pa la shar gyi rtsibs la lha gsum bkod pa 'am/ pad+ma 'dab ma brgyad pa 'am/ yang na lha'i snam bu dang ldan par bya'o/ /tshig rnams go sla'o/ /bum pa rnams kyis dbang bskur ro zhes bya ba ni bum pa bcu ste/ phyag rgya yang thams cad du snga ma bzhin no/ /de nas phan par 'dod pa yis/ /bsgrub phyir snying po sbyin par bya ba/ zhes bya ba ni/ sngon bzhin du lha yongs su bzung ba ste/ 'dir ni bdag po dang gang la me tog bab pa de sbyin la/ bdag po la me tog bar na ni 'jig rten pa'i lha gang 'dod pa zhig bzung ngo/ /lhag ma ni go sla'o/ /dus ma yin par 'chi ba brgyad po zhes bya ba ni/ nang par rim gro pa dang mi ldan pa 'am/ sman pas log par brtsal ba dang/ rgyal po'i chad pa dang/ mi ma yin pas

  708. 354b

    mdangs 'grog pa dang/ mes tshig pa dang/ chus khyer ba dang/ dud 'gro ma rungs pas brtsal ba dang/ g.yang du lhung ba dang/ dug dang/ byang dang/ ro langs kyis brtsal ba dang/ bkres pa dang skom pas 'chi ba dag ni/ dus ma yin par 'chi ba chen po dgu yin la/ dus ma yin par 'chi ba phra mo dpag tu med do/ /zhes 'phags pa de bzhin gshegs pa bdun gyi sngon gyi smon lam gyi khyad par rgyas pa'i mdo las gsungs te/ de las 'dir ni drug pa dang brgyad pa gcig tu byas te brgyad du bzhag ste/ ? pa can nyid du 'di dag rab tu 'dra pas so/ /lhag ma ni go sla'o/ /yi dags dang 'dres mi 'jigs par bgyi zhes bya ba la/ yi dags ni yi dags kyi rigs sum cu rtsa drug la bsams la 'dre ni gang sha za rnams te/ lhag ma ni go sla'o/ /de nas 'byung po thams cad kyi bdag po dbang byed ces bya ba la sogs pa ni /sngags bsgrub pa dag la ni lha'i bu'i bdud dang/ log 'dren dag phal cher bar du gcod la/ 'di ni de gnyi ga'i bdag por gyur pas ni/ 'dir bsrung ba'i las bya bar dam bcas pa'o// tshig gi don ni go sla'o/ /dkyil 'khor bzhi pa'i 'grel pa'o// //da ni de nas zhes bya ba la sogs pas gza' chen po'i dkyil 'khor ston te/ gza' chen po zhes bya ba la sogs pa ni go sla'o/ /srin po byang steng sgra gcan bri zhes bya ba ni/ srin po'i mtshams sam/ yang na byang gi stong de nub byang gi mtshams su gza' lha min dbang po sgra gcan zhes bya pa 'di bri ste/ de ni phyogs de gnyis la brten ces grag go /dkyil 'khor gyi phyi rim lha'i snam bu nyid 'dir khor yug du dgongs la/ der smin drug la sogs pa'i rgyu skar thams cad sngon bzhin du bri bar bya'o/ /lhag ma ni go sla'o/ /e badzra zhes bya ba la sogs pa la/ sngags dang po ni slob ma la gsang ba bsgo pa'o/ /gnyis pa ni yol pa'i nang du drang pa'o/ /

  709. 355a

    gsum pa ni me tog dor ba'o/ /rgyu skar dang zhes bya ba ni smin drug pa la sogs pa'o/ /skad cig dang zhes bya ba ni/ de la brten pa'i lha ste/ yud tsam dang thang cig yang de bzhin no/ /kar na zhes bya ba ni zhag gdags pa'o/ /zla tshigs zhes bya ba ni zla ba ril pa'o/ /sbyor ba zhes bya ba'i dus mtshams sbyor ba bzhi po gang du khams rab tu 'khrug ba skye ba'o/ /khyim zhes bya ba la sogs pa ni srang la sogs pa'o/ /nyi tshod ces bya ba ni nyi ma ldog pa'i nyin mtshan ring po gnyis so/ /'jug phod pa zhes bya ba ni/ bzang po 'am/ sgra gcan nyid do/ /'jig rten pa rnams ni bde ba dang sdug bsngal phal cher 'di dag gis byas par 'dod de/ 'di dag kyang rang gi ming smos pa'i dngos po la srog gi dbang po la dbang po gzhan ltar rten pas na/ rten gyi ming brten pa la spyod pa ste/ de'i phyir 'gro ba rnams kyi gnas dang rang bzhin ni bsam gyi mi khyab ste/ bcom ldan 'das kyis kyang/ dge slong dag stong gsum gyi stong chen po'i 'jig rten gyi khams na gnas pa'i sems can ni ches nyung gi/ ras? shing rta'i 'phang lo tsam lha'i spyan gyis gzigs pa'i sems can na rab tu mang po zhes gsungs so/ /'di dag byed pa yang ma yis te/ ji skad du/ gang la yang byed pa po gzhan med de/ /lus dang ngag dang yid kyi las/ /dge dang mi dge rang byas gang/ /de yi 'bras bu 'jig rten spyod/ /ces bstan pa'o/ /'on kyang byis pa dag la de dag byed pa por khas blangs te/ ngan 'gro'i dkyil 'khor las bzlog pa'i phyir grong dang zhes bya ba ni/ gang na 'khrig pa ma spangs pa gnas pa'i khyim mo/ /grong khyer dang zhes bya ba ni/ /gang na rig pa'i gnas mchog bco brgyad spyod pa'i grong gi tshogs so/ /grong rdal dang zhes bya ba ni/ /grong khyer rab tu mang po can sgyu rtsal drug cu rtsa bzhi chad par spyod pa'o//

  710. 355b

    ljongs dang zhes bya ba ni/ chos lugs gcig gis bsdus pa'i dkyil 'khor chen po'o/ /rgyal po'i pho brang zhes bya ba ni/ /gang na rtag tu rgyal po bzhugs pa'o/ /pho brang 'khor zhes bya ba ni/ /gang na btsun mo gnas pa'i khang pa'o/ /rgyal po'i pho brang gi gnas glang po che'i ra ba dang/ rta'i lhas dang/ srang dang/ dbang po phur pa la sogs pa'o/ /'jigs pa chen po 'byung ba'i tshe/ /zhes bya ba ni/ 'jigs pa chen po brgyad dang/ than pa mu ge la sogs pa'i tshe'o/ /des bdag cag mchod na zhes bya ba ni/ dkyil 'khor de nyid bris nas de la mchod pa'o/ /dkyil 'khor lnga pa'i 'grel pa'o// //da ni de nas klu chen po brgyad kyis zhes bya ba la sogs pas/ klu chen po brgyad kyi dkyil 'khor ston te/ phu(rgyud 'grel): zhes bya'i sgra 'di ni klu rnams kyi rang gi rig pa srog ltar gces pa ste/ de bcom ldan 'das la ser sna med par phul ba nyid kyis/ bcom ldan 'das rdo rje 'chang de mnyes pa nyid du byas pa'o/ /oM phu(rgyud 'grel): zhes bya ba la sogs pa ni/ mdza' yas la sogs pa smos pa dang rim par sbyar ro/ /ltos 'gro chen po sdigs par dri zhes bya ba ni mdza' yas la sogs pa nyid do de bas na bdun pa mang po tshig can bsdus pa'o/ /kha cig na re 'dir mdza' yas la sogs pa las gzhan pa klu ma rungs pa gang yang rung ba cig brdzis par bya'o zhes zer ro/ /chung ma yis zhes bya ba ni sprul mgo gsum gsum pa rang re dang 'dra ba yis so/ /gtor ma dang zhes bya ba la sogs pa ni/ klu rnams yid dga' ba'i kha zas sna tshogs pa bzhag pa'o/ /'byung po'i mar dang zhes bya ba ni/ til mar dang/ sta ga'i mar la sogs pa dgag pa'o/ /sprul mgos zhes bya ba ni sprul mgo'i phyag rgyas so/ /sprul mgo can rnams dgug ces bya ba ni/ lhag ma dgu po rnams te/ de yang aM e hye hi b+ha ga bAM sh+rI badzra hUM ka ra ma hA ka ru ni ka dri sh+ya dza(rgyud 'grel): hUM baM ho:/ zhes bya ba de nyid las mtshan gsol to/ /ya man+ta zhes bya ba la sogs pa dang/ phu ta dza(rgyud 'grel): hUM baM ho(rgyud 'grel): zhes bya bas so/ /de nas bu ni zhes bya ba ni slob ma

  711. 356a

    bzang po dang/ rang gi bu'o/ /kha cig na re bu zhes bya ba rang gi bu tha mal pa ni ma yin te/ phal ngan du smra ba srid pa'i phyir ro/ /de bas na dpal bde mchog las kyang/ /spun dang bu cig lhan cig tu/ /bde dang sdug bsngal kun 'byung bya/ /ye shes der bstan mi bya ste/ sngags dang phyag rgya de bzhin no zhes gsungs so zhes zer te/ de ni nges pa ma yin te/ gsang ba zla ba'i thig le las/ gsang sngags rnams dang phyag rgya dang/ de bzhin thabs dang shes rab rnams/ /thabs dang shes rab thams cad kyang/ /sngags pas gsang ba'i rnal 'byor gyis/ /dmyal ba ngan song bzlog pa'i phyir/ /bu dang slob ma la sbyin bya/ /zhes gsungs la/ 'phags pa de kho na nyid 'dus pa las kyang/ slob dpon ma yin gzhan dang ni/ slob ma ma yin bu min pa'i/ mdun du phyag rgya mi brjod de/ de dag gsang bas phyag rgya 'grub ces gsungs te/ de bas na rang bzhin bzangs po 'ba' zhig gtsor bya'i/ /rigs nye ba dang/ ring ba dang po mo la sogs pa ni 'dir mi gzung ngo/ /de bzhin du rgyal po dang zhes bya ba la sogs pa gzhan du 'dren pa rnams kyang gsal te/ mi dgag par byas pa'o/ /lhag ma ni go sla'o/ /de nas bsgrub pa bshad de zhes bya ba la sogs pas ni/ dug bsal ba'i bsgrub pa'i thabs ston te/ 'dir mi rnams la 'tshe ba'i klu ni/ glang po che dang rta dang/ sprul dang/ sprul pa dang/ nya dag gi rigs su gnas par gsungs la/ de dag las kyang sprul gyi rigs ni mi rnams las rab tu 'chi ba mang ba yin zhing/ de yang rigs brgyad cu yod de/ 'phags pa dpung bzangs kyis zhus pa las/ sa'i steng na sbrul ni brgyad cu dag /gzhan la gnod pa byed cing rnam par 'khyam zhes gsungs so/ /de las dug med pa'i rigs ni/ /bcu gnyis su zad de/ /lhag ma rnams ni dug dang bcas pa'o/ /de la dug can de dag kyang rigs rnam pa gsum ste/ khro bo dang lus 'khyil pa dang/ gdengs ka can rnams so/ /de la gang gi tshe sbrul khro bos zin pa de'i tshe ni/ rma'i sgo skya la skrad pa dang/ 'byil zhing snum la khrag

  712. 356b

    'dzag pa dang/ cung zad skam zhing bad kan rgyas par 'gyur ro/ /gal te sprul lus 'khyil pas zin na/ rma'i sras chen po la/ ser zhing rab tu skrad ste/ mkhris pa rgyas par byed do/ /gal te sbrul gdengs ka can gyis na/ rma'i sgro gnag ste rlung 'phel bar byed do/ /klu'i rigs ma lus pa'i bug dbye ba ni lta ba dang/ dbugs dang/ reg pa dang/ so'i dus dang bzhi nyid do/ /de la rag pa ni lus dang/ kha chu dang bshang gcis reg pas dug tu gyur te/ lta ba ni mig gdug pa ste/ mthong ba tsam gyis dug tu 'gyur ba'o/ /dbugs ni kha rlangs me lta bur cho gas 'am chu ltar bsil bas rag na dug tu 'gyur ba'o/ /so'i dug ni mche bas btab pa las gyur pa'o/ /de yang dang po gsum ni mdze nad dang/ lkugs pa dang/ zha ba dang/ 'thor pa la sogs pa dang/ lto lnga pa la sogs par 'gyur ro/ /so'i dug ni dbyibs lta bur lta ba ste/ sngar bstan pa gsum nyid do/ /de yang rnam pa bzhi ste/ ji skad du/ 'phags pa dpung bzangs kyis zhus pa las gsungs pa/ zos pa de yang rnam pa bzhir 'gyur te/ mche bas zin dang zos gcad gtad pa'o/ /gang gis mche ba gcig gis khrag byung rjes/ de ni dug gyur bas ni zin par bshad/ gang du che ba gnyis kyis btab nas su/ /khrag phyung bar ni 'gyur bar zos pa'o/ /gal te mche ba gsum gyis sha gcad na/ de ni gcad par gyur pa yin zhes bstan/ gang du mche ba bzhi yis btab nas so/ /sbrul gyis lus ni bzlog par 'gyur ba de/ gtang nas zos pa yin zhes bshad pa ste/ de ni sman rnams kyis kyang bzlog pa dka' / /me yi rang bzhin gnang du 'phen pa'i dug /mtshan dang 'dra zhing mtshungs pa dag/ ji ltar sngags kyi rab tu zhi 'gyur ba de bzhin smin gyis zhi bar mi nus so/ /ji ltar me dpung chen po bud shing la/ /nges par sreg la char 'bab skad cig gis/ /zhi bar 'gyur ba de bzhin dug dag gi ni/ /me phung lta buAng sngags kyis zhi bar byed/ /dug gi mthu rtogs shes nas rab bsgrims te//

  713. 357a

    gsang sngags cho ga bzhin brlabs bsgrubs na ni/ pa lang khyu na seng+ge ji lta bar/ dug dang sprul dang dogs med lhan cig rtse zhes so/ /de dag gi dug dbyung ba'i rgyu yang de nyid las gsungs gdug 'phrog khro bo'i dbang gyur skrag ba dang/ de bzhin sngags pa 'am bkres pa'i zas phyir ram/ sha kho na yod pa'am gshin rjes bstan pa 'am/ /lus la brdzis na de dag za bar byed/ /ces gsungs so/ /byis pa gang dag yul gyi rang bzhin ma shes pa de dag la dug de dag gis gnod bar 'gyur te/ /'di skad du dpal sangs rgyas thod pa las gsungs pa/ tha ma la yul rnams sprul te/ /yul rnams kyi ni nyes ba dug/ lha rnams yul rnams ma shes phyir/ /thams cad dus su zin pa yin zhes te/ byis pa de lta bu rnams la thugs brtse bas/ /rgyud kyi rgyal po rnams las dug bsal ba'i cho ga rgyas par gsungs la/ rgyud 'dir yang/ mig dang/ dbugs dang/ reg pa dang/ mche ba'i dug rnams bsal ba'i phyir/ bsam gtan dang/ sngags dang/ phyag rgya'i bya ba bla na med pa gsungs so/ /de la re shig rnal 'byor pas yid dmigs pa la gnas pa thob par byas la/ klu'i dkyil 'khor ji skad du gsung par/ /cung zad du rdo rje 'chang dbul sprul mgo ji snyed bde snyed kyi 'od zer dkar po khab ltar bsil bas bskor ba bskyed la mchod pa'i bar du bya ste/ phud ces bya ba 'bum phrag cig bzlas te/ 'di ni sngon du bsnyen pa'o/ /de nas bod la sogs pa'i dbyig dug blangs te/ srang ched la legs par bcal la/ dkyil 'khor su ma bzhin bsams la/ bdag gi lag pa g.yas pa'i mthil du yang/ bud ces bya ba'i yi ge kha dog dkar po las pad+ma dkar po 'dab ma brgyad pa'i 'dab ma la/ lha rnams gnas par bskyed la/ dkyil 'khor gnyis las 'od zer dkar po byung bas dug de dag la phog

  714. 357b

    bas/ bdud rtsi'i bdag nyid du bsam zhing/ dug de'i steng du yi ge phud dkar po gnas pa las/ 'od zer dkar po byung bas kyang de ltar bsam mo/ /yang na dug gi 'og tu yi ge phung nag po las byung ba'i rlung gi tshogs drag pos gtor bar bya'o/ /yang na lag pa sprul mgo'i zhags pa'i phyag rgya bcings te/ phud ces brjod pa dang phyag rgya'i stobs kyis dug dangs te/ sa dang chu dang me dang ka ba la sogs par spo ste/ rnal 'byor 'di gsum gang yang rung bas dug gsal bar gyur pa ni/ dug de srang la bcal ba nyung bar gyur pa na'o/ /de nas de mda' dug gam sprul gyi dug rnams rnal 'byor gang la goms pa de nyid kyis bsal te/ 'di ni nang gi rnal 'byor kho nas dug bsal ba yin la/ phyi rol gyi bya bas dug gsal bar ma gsungs so/ /de la 'dir phyag rgya ni/ lag pa g.yas pa'i mthe bong dang mdzub mo rtse sprad pas zhags mig ltar byas te/ sor mo gzhan brkyang la/ cung zad dgu por byas la/ sbrul mgo'i gdeng ka ltar bya'o/ /lpags pa sha dang zhes bya ba la sogs pa ni/ rab tu zhen pa'i dug la sogs pa rnams sal bar ston te/ /phung ces bya ba'i lag pas drang zhes bya ba ni rnal 'byor gsum gyi nye bar mtshon pa'o/ /du tshur gyis kyang zhes bya ba ni/ phyag rgya dang bral ba'i lag pas kyang zhes bya ba'i don to/ /dkyil 'khor drug pa'i 'grel pa'o// //da ni de nas lha chen po zhes bya ba la sogs pas/ /lha chen po rnams kyi dkyil 'khor ston te/ 'di ni lha chen po rnams kyis bdag po yang yin la/ 'jigs par byed pa chen po yang yin la/ de ni lha'i lha chen po zhes zer te/ rang gi gzugs dang lag cha dang/ ro byed tshig pa za bas dung khrod du lhags pa rnams 'jigs par byed pa 'am/ bcom ldan 'das phyag na rdo rje khams gsum gyi bdag po rnams brtul ba na/ 'di 'jigs pa'i gzugs bstan te/ bcom ldan 'das la/ kwa'i gnod sbyin khyod kyang nga'i

  715. 358a

    bka' nyin cig smros pa'i phyir ro/ /yang na 'di snying rje nyid kyis 'jigs su rung bar sprul te/ 'gro ba rnams gdul ba'o/ /bud med chen po brgyad kyis bskor zhes bya ba ni/ 'di ni rtag tu dus mtshan dang tshangs ma dang/ khyab 'jug dang/ gzhon nu ma dang/ phag mo dang/ gshin rje ma dang/ dbang mo dang/ lus ngan ma la sogs pa'i ma mo rang gi chung ma drag mo dang bcas pa'i ma mo rnams kyis bskor ba'o/ /bcom ldan 'das la zhes bya ba la sogs pa ni go sla'o/ /'jigs par byed pa'i sgra byung nas zhes bya ba ni/ ha ha zhes drag tu smras nas so/ /'di dag gi gsang sngags rnams ni sngar lha rnams bstan pa dang sbyar ro/ /bum pa 'am mgo bo'i thod pa ni/ /de ltar brgyad kyi dbang bskur ro/ /zhes bya ba ni rang rang gi sngags kyi mthar a b+hi Shiny+tsa zhes brjod de dbang bskur la/ yang phyag rgya'i dbang bskur ro/ /de nas las rnams zhes bya ba la sogs pa ni dngos grub ston te/ dkyil 'khor du bsgrub par bya'o/ /lhag ma ni go sla'o/ /si'am mas sbyin pa ma gtogs par zhes bya ba ni/ 'di dag rab tu mthu dang ldan par ston pa ste/ sa sbyin pa ni rang gi sems rab tu sbyang ba 'ba' zhig la rag las pas de ni mi nus te gzhan sbyin pa ste/ ji skad du/ 'phags pa de kho na nyid 'dus pa las/ /de nas bcom ldan 'das kyis lha'i bdag po de dag la/ 'di skad ces bka' stsal to/ /grogs rnams kho bo la bla na med par yang dag par rdzogs pa'i byang chub sbyin par sgrubs shing/ de nas de dag gis 'di skad ces gsol to/ /bcom ldan 'das bdag gis byang chub rtsol bar mi nus so/ /ci ste bdag cag gis nus par gyur na/ bdag ca nyid yang dag par 'tshang rgya bar bgyid do zhes gsung pa bzhin no/ /bde chen zhes bya ba ni bsgrub pa po

  716. 358b

    la 'ang drag po ste/ des so/ /hUM gi tshul gyis rtsol ba zhes bya bas nga rgyal byas la/ blang pa 'am/ hUM zhes brjod cing dngos grub ster ba'o/ /lcag ma ni go sla'o/ /skrag na de ma thag tu gsod ces bya ba ni 'jigs par mi bya ste/ 'phags pa de kho na nyid 'dus pa las kyang/ /'jigs pas lhag pa'i bgegs gzhan med ces gsungs la/ rdo rje 'jigs par byed pa las kyang/ de la 'jigs pa chen po 'byung bar 'gyur te/ sngags pas de la 'jigs pa mi bya'o/ /ji ltar 'jigs pa de ltar bgegs kyi ba chad du 'gyur ro/ /bar chad du gyur na dngos grub med de/ /de'i phyir sngags pas 'jigs par mi bya'o zhes gsungs so/ /gal te 'jigs pa ni/ hUM hUM zhes 'brug ltar sgrogs shing/ rang gi lha'i rnal 'byor dran pas zhi bar 'gyur ro zhes kyang dpal rdo rje 'chang gis gsungs te/ de bas na hUM gi tshul gyis gsol zhes sngar gsungs so/ /ci'i phyir rab tu zhi ba'i lha rnams sgrub pa po la skrag par bye/ /thog ma nas rab tu zhi ba'i lus kyis dngos grub mi sbyin zhe na/ lha rnams ni rab tu zhi bar gnas te/ sgrub pa po'i bsam pa'i dbang gis las kyi bag chags dang mthun par drag po la sogs par mthong ste/ sngan chad ser sna bstan pa'i phyir/ /bgegs ni rang gi sems las byung/ /zhes tshig su bcad pa gsungs pas so/ /dkyil 'khor 'dun pa'i 'grel ba'o// //da ni de nas zhes bya ba la sog pa 'jigs byed de dag nyid zhi bar snang ba'i dkyil 'khor ston te/ rang gi dkyil 'khor chung ma rnams zhes bya ba ni sngar bstan pa nyid zhi bar snang mgul nas 'khyud pa ste/ 'dir de dag gi don mi thar smras zin to/ /mtho ris kyi lam zhes bya ba ni/ dge pa bcu'o/ /bde 'gro lam zhes bya ba ni bsam gtan bzhi'o/ /ngan song ma lags pa'i lam zhes bya ba ni 'jig rten pa'i yang dag pa'i lta ba'o/ /sgrib pa

  717. 359a

    ma mchis pa'i lam zhes bya ba ni/ tshogs kyi lam phal pa'o/ /dpen pa'i lam zhes bya ba ni thar pa'i cha dang mthun pa'i dge ba'i rtsa ba'o/ /rnam par dben pa'i lam zhes bya ba ni/ sbyor ba'i lam dang po drod ces bya'o// 'byung ba'i lam zhes bya ba ni/ rtse mo'i bdag nyid do/ /mya ngan 'das pa'i lam zhes bya ba ni/ bzod par gyur pa'o/ /dam pa'i chos kyi lam zhes bya ba ni/ 'jig rten pa'i chos mchog go/ /bde 'gro'i lam zhes bya ba ni/ mthong ba'i lam dang/ gzugs med pa'i snyoms par 'jug pa bzhi'o/ /spong ba'i lam zhes pa ni bsgom pa'i lam nyid do/ /nyon mongs ba med pa'i lam zhes bya ba ni/ bar chad med pa'i lam rdo rje lta bu'i ting nge 'dzin te/ bstan par bgyi'o zhes bya ba ni/ /dngos dang rgyud pas zhes so/ /tshig de dag kyang rang rang gi lam dang ji ltar 'tsham par dgrol te/ bdag gi ni gzhung mangs pas 'jigs pas ma bgrol lo/ /sangs rgyas nyid kyi 'grub pa'i lam bstan par bgyi'o zhes bya ban/ mdor na lam dpag tu med pa de dag kyang/ sangs rgyas la sbyar ro zhes bya'o/ /byang chub sems dpa' nyid ni 'dir bden pa mthong ba yin la/ de'i lam nyid de 'grub bar byed de/ pha rol tu phyin pa rnams so/ /bstan par bgyi'o zhes bya ba ni snga ma bzhin no/ /rdo rje 'dzin pa 'di 'grub pa'i lam ni dbang bskur ba dang snyen pa la sogs pa'i lam ste/ de snga ma ltar bstan par bgyi'o/ /de la byang chub sems dpa' dang/ rdo rje 'chang ba 'di gnyis khyad bar ci yin zhe na/ pha rol tu phyin pa dang gsang sngags kyi sgo nas sa brgyad pa'i bar du mi 'dra bar bzhugs bar gnyis la de skad ces bya ste/ ji skad du/ rgyal ba'i zhing rnams 'thob kyang/ yid bstod par mi 'gyur min te/ ji srid sa brgyad la gnas par/ theg dman 'jigs pa de la yod/ gsang ba'i dkyil 'khor chen po 'dir/ /rgyal ba'i sras po rab

  718. 359b

    bas na/ /yid ches par ni gyur ba ni/ /theg chen po la gzhol ba yin zhes gsungs pa ste/ sa dgu ba la ni lam dbye med pa'o/ /dus thams cad du zhes bya ba nyin mtshan phyed par bstan pa'i 'jigs pa thams cad las tshe 'di la srung pa dang skyes nas bskyab pa dang lan grangs gzhan la yangs pa par bgyi'o/ /lhag ma rnams ni go sla'o/ /dkyil 'khor brgyad pa'i 'grel ba ste/ 'jig rten gyi lha'i dkyil 'khor drug rdzogs so// //da ni 'di na mar tshe dpag tu med pa'i dkyil 'khor gnyis pa bstan pa'i phyir/ de nas bcom ldan 'das phyag na rdo rjes/ nyid kyi dkyil 'khor la kun tu gzigs pa dang/ yang 'dzum pa mdzad pa'i chos gsungs pa'i rtags gnyis bstan to/ /de'i byin brlab des/ 'khor gyi dkyil 'khor de der rang dbang med par sa gzhi dang bcas par g.yos shing/ de'i dbang las lus kyang rab tu g.yos la de nyid kyis de dag gi sems kyang sngon las gyur pas yang dag par rab tu g.yos so/ /dga' ba'i tshal de yang rim pa de bzhin du chung ngu dang chen po dang chen po'i chen por 'gul rab tu 'gul yang dag par rab tu 'gul lo/ /der gnas pa'i 'od dang zer de dag kyang rim pa gsum snga ma ltar 'bar rab tu 'bar yang dag par rab tu 'bar ro/ /ngo mtshar de'i dbang gis 'khor de rim pa gsum du rim gyis/ /rgod pa la sogs pa dang/ rtse ba la sogs par byed do/ /gzhan yang ltas chen po bco brgyod 'jig rten du snang bas na/ rmad kyi ya mtshan zhes bya ba la sogs pa smos so/ /de nas zhes bya ba la sogs pa ni/ zhus pa dang lan te go sla'o/ /de bzhin gshegs pa thams cad kyi snying po'i rigs 'di/ sku dang/ gsung dang/ thugs rdo rje rnams las phyung ngo zhes bya ba de bzhin zhes bya ba ni de bzhin nyid do/ /gshegs pa zhes bya ba ni/ yi ge bsgyur ba'i tshul gyis gsungs pa ste/ de bzhin nyid gsungs pa'o/ /ji skad du/ /stong nyid sma

  719. 360a

    ba'i khyu mchog ste/ zab cing rgya che'i sgra sgrogs pa'o/ /zhes gsungs pa'o/ /yang na de bzhin nyid rtogs pa ni gshegs pa ste/ ji skad du/ 'du shes tsam yang spangs pa'i phyir/ /rang gi ngo bo bstan du med/ /ye shes dang rig ces bya ba/ /de ni de bzhin gshegs shes bya/ /zhes gsungs pas so/ /thams cad ces bya ba ni/ /bcom ldan 'das tshe mdza' yas pa nyid de/ tshogs dang chos kyi sku dag dang/ 'gro ba'i don ni spyod pa yis/ /sangs rgyas thams cad mnyam pa ste/ /sku tshe rigs dang tshad kyis min/ zhes gsungs pas/ sangs rgyas gcig nyid thams cad do/ /snying po zhes bya ba ni/ yi ge 'chad par 'gyur ba rnams snying gar bsgoms pas/ yid rtogs shing yid la 'dod pa sbyin pas snying po ste/ yid la 'dod pa'i cho ga yis/ /yid la gang 'dod 'grub par 'gyur/ ting 'dzin sgrub pa snying la gnas/ /de pas snying po zhes bya'o/ zhes gsungs pa'o/ /snying po de nyid sgoms pas rig pa skye ba la sogs par byed pas na de nyid rigs sngags te/ ji skad du/ ma rig pa nyid gzhig pa dang/ dag gi rigs mchog bsgrub pa'i phyir/ /dngos grub dam pa yod pa ste/ de bas rig sngags zhes bya'o/ zhes gsungs so/ 'di zhes bya ba ni don nye bar gnas pa 'dren pa'i tshig gi phrad do/ /sku gsung thugs rdo rje las zhes bya ba la/ sku la sogs pa dag dbyer med pa ni rdo rje ste/ sku dang gsung thugs gang yin/ /mi phyed stong pa'i dngos phyir na/ /rdo rje zhes ni rab tu bstan/ /de bas dbye ba thams cad 'byung/ /zhes bshad do/ /gyur ro zhes bya ba ni skyes pa ste/ de ltar sngags 'di ni chos dbyings kyi ngo bo nyid las 'byung bar ston te/ gnas de ni gsang sngags rnam kyi mthun mong ma yin pa'i phyir ro/ /de ltar yang rnam par snang mdzad mngon par byang chub pa'i rgyud las gsungs pa/ 'jig rten 'das pa'i sngags rnams kyi/ thog ma'i byed pa med pa'o/ /zhes pa dang/ yang de nyid las/ gsang ba'i

  720. 360b

    bdag po gzhan yang gsang sngags kyi mtshan nyid na/ sangs rgyas thams cad kyis ma byas/ /byed du ma bcug rjes su yi rang ba ma yin no/ /de ci'i phyir zhe na/ 'di ni chos thams cad kyi chos nyid de/ 'di ltar de bzhin gshegs pa rnams byung yang rung ma byung yang rung// chos rnams kyi chos nyid de ni yi nas gnas pa ste/ de yang 'di ltar gsang sngags rnams kyi gsang sngags kyi chos nyid do/ /gsang ba'i bdag po de la gang gi tshe/ yang dag par rdzogs pa'i sangs rgyas thams cad mkhyen pa/ thams cad gzigs pa 'jig rten du byung ba de'i tshe/ /chod nyid tshul sna tshogs dang/ /dgongs pa sna tshogs kyis/ /sems can bsam pa sna tshogs ba rnams la/ tshig sna tshogs dang/ yig 'bru sna tshogs dang/ yul gyi nges pa'i tshig tu brjod pa sna tshogs dang/ dbyangs sna tshogs su go ba rnams su byin gyis brlabs te/ gsang sngags kyi tshul chad do zhes pa dang/ yang de nyid las/ ji ltar nam mkha' chigs med spyod yul can/ 'gro ba kun gyi gnas su gyur pa ltar/ /de bzhin rnam par dag pa'i tshes nyid de/ srid gsum ma lus 'byor pa 'byung bar byed ces so/ /sngags phyung ba de gang zhe na/ oM pu n+ye pudzdze zhes bya ba la sogs pa ste/ 'dir kha cig na re/ phyag na rdo rje tshe dpag tu med pa'i dkyil 'khor du ni/ saM ba ro ba tsa yi ka ri ni zhes gsungs la/ 'dir ni saM pa ro pa tsi te zhes gsungs pas/ slob pa dang ma slob pa'i bye brag go zhes rtog pas zer te/ de ni ma yin te/ 'di nyid las/ sangs rgyas kun bas sngar sangs rgyas/ zhes bstod pa'i phyir ro/ /snying po'i rig pa'o zhes bya ba ni bshad zin to/ /nye ba'i snying bo'i rig pa'o zhes bya ba ni/ /'dis lha dang 'dod pa'i dngos grub dang/ nye bar byed cing snying la gnas pas na/ snying po ste/ rig pa ni snga ma bzhin no/ /snying po nye ba'i snying po'i rig pa'o zhes bya ba la/ snying po snga ma lta bu nyid la sogs pa dang nye bar byed pa yin la/ de nyid snying po ste/ snying dga' bar byed cing/ /ma rig pa la sogs pa

  721. 361a

    sel bar byed pa'i phyir rig pa'o/ /snying po yang dag par bskul ba'i zhes bya ba ni/ snying po nyid lha rnams yang dag par mngon du phyogs par bya ba'i phyir/ bskul bar byed pa ste/ 'di yis bskul bas myur du 'grub cing zhes bya ba la sogs pa gsungs pa lta bu'o/ /de nyid rig pa ste/ snga ma bzhin no/ /snying po dam pa'o zhes bya ba la/ snying po nyid 'dod pa dam pa'i bar du bsgrubs pas na/ dam pa 'am 'di 'jig rten pa'i lha'i snying po las dam par gyur pas na/ snying po dam pa'o/ /gsang ba'i snying po'i zhes bya ba ni/ gsang bar bya ba'i snying po yin pas na gsang ba'i snying po ste/ ji srid du/ kha cig gis gsang sngags rnams 'grub pa'i rgyu ni/ gsang ba nyid yin te zhes bshad pa lta bu'o/ /'dir snying po dang/ gsang sngags la tha dad pa ci yod ces na/ snying po ni yi ge 'bru'i ngo bor snying kha la sogs par bsgom par bya ba kho na yin la/ gsang sngags ni brjod pa tsam gyis kyang/ don de kun 'grub par srid de/ gcig tu bsgom pa kho nar ma nges te/ dbye ba ni de yin no// de bzhin du gsang sngags rnams la yang rig pa dang gzungs dang/ gsang sngags zhes gsum du gsungs te/ lha de 'bod pa dang/ rig pa bskyed pa la sogs pa dang/ ngan 'gro la 'dzin par byed pa'i phyir/ /de dag la de skad ces bya ste/ ji skad du/ sangs rgyas byang chub sems dpa' dang/ mkha' 'gro btsun mo bzang mo rnams/ 'bod cing mdun du byed pa'i phyir/ /gsang sngags zhes ni mngon par brjod/ dper na mi chen 'ga' zhig gis/ /skad ni drag pos bos gyur na/ /thos pa tsam gyis 'ong ba ltar/ de bzhin sangs rgyas mod la byon/ zhes gsungs so/ /ma rig pa ni gzhig pa ni/ /ngag gi rig mchog bsgrub pa'i phyir/ /dngos grub dam pa yod pa ste/ /de bas rig sngags ces bya'o zhes pa dang/ yang gzungs ni rnam gsum dag gis phyir/ tshig dang don dang gnyis

  722. 361b

    ga'i gzungs/ legs pa las ni nyams pa na/ 'dzin par byed pa de phyir gzungs zhes so/ /'di dag kyang gsangs te brjod par bya ba yin pa 'am/ thabs dang shes rab 'brel pa dang/ 'da' bar bye ba ma yin zhing/ shigs par dka' bas gsang ba nyid/ /gsang ba bsgrub phyir sngags pas na/ de bas gsang sngags nges par brjod/ ces pa'i mtshan nyid dang ldan pas/ /phal cher gsang sngags nyid kyi sgrar bstan gyi/ /rig pa dang gzugs su ma yin no/ /'ga' zhig tu rtags tsam la brten te/ lha mo'i ngo bo dang 'brel pa la ni sngags zhes gsungs la/ lha mo dang 'brel ba la ni/ rig sngags dang/ gzungs sngags zhes gsungs so/ phal cher ni sngags cig nyid dang/ /lha cig nyid dang 'bral ba las/ /ming bzhi car brjod do/ /'di dag ni rang gi ngo bo yang/ /shes rab dang ting nge 'dzin ni snying po'o/ /shes rab dang snying rje'i bdag nyid ni gsang sngags so/ shes rab dang ye shes ni rigs sngags so/ shes rab dang dran pa'i ni gzung sngags te/ de ltar ni gzhung gzhan dag las kyang dran pa dang shes rab yang dag par ldan pa'i sems ni/ gzungs zhes bya'i sgrar bshad de zhes bstan to/ /rang rang gi ngo bo de dag kyang/ rang rang gi ming kho nas khong du chud par 'gyur ro/ /de bzhin du 'di dag ni bsgrub par bya ba dang/ sgrub pa po dang/ sgrub par byed pa gsum la yang 'jug cing/ sgrub par byed pa la sogs pa yang ci rigs su dbye ste/ zhar la 'ongs pas chog go /de nas de dag gi dkyil 'khor bshad de zhes bya ba la sogs pa ni go sla'o/ /bum pa lnga dang brgyad ces bya ba ni/ lha lnga dang/ mchod pa dang/ sgo skyong dang brgyad la/ thun mong du bzhi dang/ gsang ba'i bum pa dang bcu las/ bdag po dang gsang ba'i bum pa ni/ smos mi dgos pas/ lhag ma brgyad do/ de ma rnyed na rigs lnga dang gsang ba'i bum par bcas pa'o/ /kha cig ni dbang bskur ba'i

  723. 362a

    bum pa lnga dang bkang ba'i bum pa brgyad do zhes rtog go /'khor los sgyur ba'i sngags kyis zhes bya ba ni/ bdag po'i sngags gtsor byas te'o/ /lhag ma ni go sla'o/ /oM badzra d+ha ra zhes bya ba la sogs pas ni/ bdag nyid rigs thams cad kyi sems par mos par byas te/ slob ma gzhug pa ste/ 'di ni lugs gzhan du gnas so/ /de nas phreng ba de nyid kyis zhes bya ba la sogs pas ni/ dbang bskur bston to/ /dang po ni lhag ma'i lha'i dbang ngo/ /gnyis pa ni bum pa'i dbang ngo/ gsum pa ni dam tshig sbyin pa'i dbang po/ /bzhi pa ni 'chad par rjes su gnang ba'i dbang ngo/ /lnga pa ni bsgrub par gnang ba'i dbang ste/ lugs 'di ni dkyil 'khor gzhan dang cung zad mi 'dra ba nyid yin pas/ gzhan gyis mi drang ngo/ /tshig gi don ni go sla'o/ /de nas bla ma la khyod kyis yon gyi mchog ni dbul bar bya zhing/ de yang rnyed pas rnyed pa la sogs pa bsgrub pa srid pas/ bla ma kho na'i phyir/ nor dang dbyig la sogs pa dbul te go sla'o/ /de nas zhes bya ba la sogs pas/ de'i 'bras bu ston te go sla'o/ /de nas bu la zhes bya ba la sogs pas man ngag bstan par ston te/ chos rnams thams cad dngos med par/ sems kyis bsgom par byas nas ni/ zhes bya ba ni/ ye shes dbab pa 'am/ sems so sor rtog pa'i skabs so/ /de nas ni a zhes bya ba ma skyed pa'i ngo bo nyid las/ /thabs kyis zla ba'i dkyil 'khor du bsams te/ kha cig na re yi ge a dkar po nyid las zhes zer ro/ /de nas rang gi lhag pa'i lha'i sa bon gyi yig 'bru zla ba de dbus su 'od zer dang bcas par bsams nas/ de las 'od zer 'phro ba dang 'du ba'i dbang las/ rdo rje la sogs pa rang gi lha'i dam tshig gi phyag rgya dag tu gyur par bsam zhing/ de nas kyang 'od zer spro ba dang bsdu bas stong pa las zla ba la sogs par gyur pa de

  724. 362b

    bzhin du 'dir yang rang gi lha'i de nyid du phyag rgya de dang de las bsgrub pa po bdag nyid kha ni bsgyur bar bya ste/ ni zhes bya ba ni nges par zhes bya ba'i don to/ /gzhan du na don med pa'i phyir ro/ /de ltar sngags pa lha'i rnal 'byor gyi tshul du bsgyur nas/ da ni ci zhig bya zhe na/ de nas de ma thag tu rang gi sa bon dang 'dra ba'i rdo rje sems ma rdo rje ma la sogs pa'i phyag rgyas phyag rgya ste/ rang gi lus phyag rgya chen po de bstan par byin gyis brlab ste/ ji skad du/ rdo rje sems dpa' i ting 'dzin gyis/ sems dpa' rdo rje dam byas la/ snying ka mdzod pu mgrin pa dang/ spyi bor bzhag na byin gyis brlab ces gsungs so/ /ci'i de tsam du zad dam snyam pa las/ lhag ces bya ba dam tshig sems dpa' chen por mos pa la sogs pa yang sngon du bya zhing/ 'gro zhes bya ba sku gsung thugs gcig pu mos pa la sogs pa'i bya ba yang bya'o/ /de dag kyang rtsa ba'i rgyud las ji ltar gsungs pa'i rim pa ji bzhin du ma nor bar bya'o/ /cho ga de dag las gtsor gyur pa ni/ dbang bskur ba yin pas dngos su smos te/ sangs rgyas lnga rnams kyis/ dbu rgyan du dbang bskur ro zhes bya ba ste/ ji skad du/ rdo rje dbyibs dbang la sogs pa/ /sangs rgyas phyag rgya mdun nas ni/ /brtsam pa byas nas ngos bzhir yang/ /phreng ba nyid kyis dbang bskur 'gyur/ /zhes gsungs so/ de ltar smos pa dang/ ma smos pa dang chog ma lus pa'i sgo nas/ bdag nyid mthu thob par bsams te/ bsnyen pa la sogs pa byas nas 'grub po zhes bstan pa'i phyir/ de nas nga rgyal skyed nas kyang zhes bya ba la sogs pa smos te go sla'o/ /de nas tshangs pa la sogs pa zhes bya ba yang go sla ba nyid do/ /de'i sha dang ru pa dang ska dang zhes bya ba ni/ dkyil 'khor 'dir ro nyid legs par gtubs shing sdig pa sbyang ba'i sngags kyis bsreg la/ tha na shi ba de'i rus pa'i thal ba yang bsreg pas na/ thal ba la sogs

  725. 363a

    pa smos te/ dman pas mchog bsdu'i dkyil 'khor dgu pa'i 'grel pa ste/ rgyud phyi ma'i 'grel pa rdzogs so// //da ni de nas zhes bya ba la sogs pas/ rtsa ba dang phyi ma'i rgyud du ma gsungs pa'i cho ga ma lus pa bsdus pa'i ngo bo rgyud phyi ma'i phyi ma ston te/ bcom ldan 'das zhes bya ba ni sngon bzhin no/ /phyag na rdo rjes zhes bya ba ni/ ye shes chen pos 'dzin pas so/ /sngags dang zhes bya ba ni/ rdo rje sems dpa' la sogs pa'o/ /rig pa dang zhes bya ba la sogs pa ni spyan la sogs pa'i sngags te/ de dag ni rtsa ba'i dkyil ba yang yin du zin yang/ rtsa ba dang phyi mar ma bstan pa'i phyir ro/ /snying po zhes bya ba ni/ nye bar gyur pa nyid de/ oM badzra bruM druM zhes bya ba la sogs pa'o/ /yang na sngags zhes bya ba ni phyag na rdo rje'o/ /rig pas zhes bya ba ni kun tu bzang po dang bde ba chen po'i'o/ /snying po zhes bya ba ni rdo rje sems dpa' sogs pa'i'o/ /thams cad ces bya ba ni ma lus par ro/ /bstan par bya ba'i phyir zhes bya ba ni bsal bar bya ba'i phyir ro/ /nyid kyi snying po 'di bshad do zhes bya ba ni/ oM bruM druM zhes pa ni/ gal te dbus na phyag na rdo rje tshe dpag tu med pa gnas nas ni/ oM bruM zhes bya bas bskyed cing/ gal te phyag na rdo rje khams gsum rnam par rgyal bar gnas na/ /oM badzra duM zhes bya bas bskyed do/ /oM badzra pA Na ta Ti tiSh+Tha hUM zhes bya ba ni/ dbus su rdo rje sems dpa' 'jog na'o/ /oM hUM zhes bya ba ni/ gal te dbus su kun tu bzang po 'am/ bde ba chen po gnas nas ni/ de dag bskyed pa'i sngags so/ /oM hUM badzra hUM phaT/ ces bya ba ni rdo rje sems dpa' 'am/ phyag na rdo rje'i sngags so/ /oM tiSh+Tha badzra hUM phaT/ ces bya ba ni rdo rje rin chen gyis sngags so/ /oM badzra h+raM swa zhes bya ba ni rdo rje chos dam pa'i

  726. 363b

    sngags so/ /oM badzra hUM zhes bya ba ni rdo rje las kyi sngags so/ /dbus su rdo rje dri bar bya zhes bya ba ni sngar bstan pa gnyis kyi'o/ /spyan sngar phyag na rdo rje las zhes bya ba ni/ gal te bdag por kun tu bzang po 'am/ bde ba chen po zhig bzhag na'o/ /gal te bdag por phyag na rdo rje gnyis las gang mang rung ba zhig bzhag na ni/ de'i tshe ni spyan sngar rdo rje sems dpa' o/ /phyag na rdo rje dang rdo rje sems dpa' la 'dir khyad par ci yod ce na/ 'dir phyag na rdo rje gnod sbyin gyi rigs su skyes pa/ lcang lo can na gnas pa yin la/ rdo rje sems dpa' de ni bcom ldan 'das kyi thugs ka nas byung ba sems dpa' i ngo bo de nyid do/ dang po ni ma 'ongs pa na tshang rgya bar lung bstan pa yin la/ gnyis pa ni sprul pa'i sku ste/ rgyud 'dir mi khyad par 'di tsam du zad cing gyur gzhan du lugs gzhan yin no/ /'dod chags rnams kyi 'bras bur ni zhes bya ba ni/ 'dod chags ma spangs pa rnams kyi chags pa'i 'bras bu 'dod pa nye bar gnas pa la sogs pas gsum pa yin pas na der yang me long dang pi wang dang/ dri'i dung por dang/ bcud kyi gzhing bu dang/ re ka zhi la zhes bya ba'i 'dod pa'i yon tan lngas mdzes par khyams la tshon gyi dgang ngo/ /yang na 'gro ba'i don du nyan thos ltar/ 'dod chags ma spangs pa ni sangs rgyas dang byang chub sems dpa' rnams yin la/ de rnams kyis byin gyis brlabs pa'i 'bras bu'i bdag nyid ni 'bras bu ste/ 'dod pa'i yon tan lngas lag pa brel ba'i lha mo'i tshogs kyis khyams par dga' bar bya'o/ /stong pa mtshan ma med pa'i sems/ smon pa med pa'i yid ldan pa'i zhes bya ba ni/ chos thams cad dngos po med pa dang/ de nyid kyi rgyud med pa dang/ de'i phyir smon pa ni legs par shes pa/ rnam par thar pa'i sgo gsum ste/ ji skad du /'phags pa sdong po bkod pa las kyang/ sgyu 'dra yang dag ma yin tshor ba byed med cing/ rmi lam 'dra ba de bzhin mig yod? 'dra ba

  727. 364a

    dang/ byis pa bslu ba'i smig rgyu'i rang bzhin mtshungs mnyam pa/ de ltar sgom pa mkhas pa stong pa nyid kyi sgo/ rkyen rnams med pa de ni mtshan ma med pa ste/ log par shes pas nam yang smon pa med pa yin/ zhes gsungs pa la slob dpon bud+d+ha sh+rI dz+nyA na'i zhal snga nas kyang/ ngo bo nyid dang bral ba'i phyir log pa ste/ de bzhin rgyu dang bral ba'i phyir mtshan ma med/ dngos po rtog pa dag dang bral ba'i phyir/ ma lus smon pa las ni nges grol ba/ zhes gsungs te/ dngos grub rnams ni tshad med pa bzhi dang/ sgo gsum po 'di las 'byung bas/ 'di dag la 'bad par bya'o/ /oM badzra hUM dza zhes bya ba la sogs pa ni/ sngags dang pos ni rdo rje 'dzin pa'i phyag rgya bcing du gzhug cing/ gnyis pas ni dkyil 'khor du yog pa bsal te bzhug pa'o/ /gsum pa ni me tog dor ba'o/ /dbang bskur bar bya'o/ zhes bya ba la sogs pa la/ 'dir bum pa dang/ bka' snang ba dang/ las sbyin pas te/ dbang gsum yin la/ de yang phyag na rdo rje gnyis dkyil 'khor gyi bdag po yin na ni/ sngags dang po rnam par rgyal ba'i bum pa yin la rdo rje sems dpa' 'am kun tu bzang po 'am/ /bde ba chen po dag dkyil 'khor gyi bdag por gyur na ni/ /sngags gnyis pa rnam par rgyal ba'i bum pa'o/ /lhag ma bzhi ni ci rigs su sbyar ro/ /bka' i dbang nod par bya'o zhes bya ba la sogs pas ni 'chad pa 'am/ bsgrub? pa rjes su gnang ba ste/ gal te 'chad par rjes su gnang bar 'dod na ni/ 'phags pa de kho na bsdus pa'i rjes su 'brangs te/ tshigs su bcad pa lngas rjes su gnang ba sbyin la/ gal te bsgrub par rjes su gnang ba 'dod na ni/ me tog lag tu byin te/ 'di grub par gyur cig bla ma dang slob ma gnyi gas brjod pa yang 'dir gtsor gyur pa ni/ bsgrub pa nyid yin pas/ de nas las thams cad byed du gzhug cing/ dngos grub thams cad kyang byin no zhes gsungs te/ man ngag dang gnang ba zhes

  728. 364b

    bya ba'i don to/ /de la las dang dngos grub ni phal cher ting nge 'dzin la brten pa yin pas/ ting nge 'dzin rnams mdor bstan par bya ba'i phyir/ /bde bas bde bas bskyed nas kyang/ zhes bya ba la sogs pa smos te/ bde bas zhes bya ba ni/ gsang sngags kyi lam 'dir ni dka' thub dang sdug bsngal gtsor ma gyur gyi/ rab tu bde bas grub pa yin te/ de bas na lag na rdo rje dbang bskur ba las sngags kyi theg pa skyed chen gyi theg pa la ni ma mos pa/ de dag nam yang gzung mi bya/ de dag bstan 'dir skal pa med/ ces gsungs la/ khyad par yang rnal 'byor gyi rgyud 'dir ni bde ba bsgrub pa yin pas ni/ dka' thub sdom pa mi zad pa/ bsten pas 'grub par mi 'gyur gyi/ 'dod pa'i longs spyod thams cad la/ ci 'dod pas ni bsten pas grub/ /ces gsungs shing/ /phyi rol pa'i lam 'di pa rtogs pa ma lus pa yang rab tu bde ba yin te/ de bas na gang phyir khyod kyi bstan pa ni/ bde bas bde ba thob bgyid pas/ /de bas smra ba'i seng+ge ni/ khyed kyi bstan la mkhas pa dga' / /zhes bstod pa brjod do/ /bde ba bskyed nas ni/ zhes bya ba ni bde ba chen po'i bdag nyid rdo rje sems dpa' la sogs par byas nas so/ /ji ltar de rnams la yang bde ba gang yin pa mda''am zhe na/ bde ba zhes bya ba ni sdug bsngal thams cad dang mi ldan pa/ rnam par mi rtog pa'i ye shes te/ ji skad du/ 'phags pa sdom pa gsum bstan las/ bde ba gang zhe na/ gal kun tu rtog med pa de bde ba'o/ /zhes gsungs pa lta bu'o/ /gzhan yang thabs la mkhas pa'i dbang gis/ lha dang mi'i 'byor pa la lhag par zhen pa kha cig na/ de gsal ba'i phyir dmigs pa dang bral bar btsun mo'i 'khor dang/ /gnas dang gdan la sogs pa'i bde ba gya nom pa 'di dag la mnga' ste/ ji skad du/ rnam par snang mdzad sgyu 'phrul dra ba zhes bya ba rnal 'byor gyi rgyud ma lus pa'i cho ga bsdus pa las/ gang du bde chen rang bzhin rjes chags pas/ na chung dag dang lhan cig bzhad mdzad cig /g.yas kyi phyag gis rdo rje gsong

  729. 365a

    nas su/ /g.yon gyi phyag gis dril bu sgra snyan 'khrol/ /lha mo mdza' dag btsun mor gyur yi/ /dam tshig rnams kyis bya ba byas par 'gyur/ gcig gi lag pas kun nas 'gyur pa ste/ gnyis pa rjes su chags phyir bde ba'i mthu/ gsum pa mi bzod me tog phreng ba gtor/ /bzhi pa'i bde ba'i mi ni mda' yang phen/ /zhes gsungs la bsang ba bzla ba'i thig le las kyang de nas bcom ldan 'das dpal rdo rje sems dpa' kun tu bde ba chen po shin tu dgyes pa gdon mi za ba'i dam tshig rdo rje 'dod pa'i dbang mo zhes bya ba'i ting nge 'dzin la snyoms par zhugs te/ rnam pa sna tshogs kyi rol pa chen pos/ /rab tu rnam par rol pa dang/ /spro ba chen po'i gar dang/ glu dang sil bsnyan dang/ gzugs dang/ sgra dang/ dri dang/ ro dang/ reg pa'i bde ba chen po bde bar 'phags par gyur pa dang/ rol pa la sogs pa'i reg pa'i bde ba la spyod pa'i gar nye bar ston cing/ rnam pa sna tshogs kyi tshul chen pos/ 'phags par gyur pa dang/ rnam pa sna tshogs kyis gnon pa dang/ rnam pa sna tshogs kyis 'khyud pa dang/ rnam pa sna tshogs kyi sprod pa dang/ rnam pa sna tshogs kyi gar byed pa dang/ rnam pa sna tshogs kyis za bar byed pa dang/ rnam pa sna tshogs kyis kun tu 'dzib par byed pa dang/ rnam pa sna tshogs kyis kun tu mdzes par byed pa dang/ rnam pa sna tshogs kyis bzlog par byed pa dang/ rnam pa sna tshogs kyis zlos par byed pa dang/ rnam pa sna tshogs kyis myang bar byed pa dang/ rnam pa sna tshogs kyis 'gyur bar byed pa dang/ rnam pa sna tshogs kyis 'phrod par byed pa dang/ rnam pa sna tshogs kyis kun tu rgyas 'debs par byed pa dang/ rnam pa sna tshogs kyis sna tshogs chen po shin tu dgyes pa'i bde ba nyams par stobs shing/ reg pa'i ro'i bcud kyis bskal pa brgya stong mang po bye ba phrag brgya stong tshad med par nam mkha' i

  730. 365b

    dbyings kyi rdul phran las 'das pa dang mnyam par 'jug pas nye bar gnas shing/ 'tsho skyong ste zhes gsungs la/ yang de nyid las/ de nas bcom ldan 'das de bzhin gshegs pa thams cad yang bzhengs nas/ brjod pa'i rdo rje gar gyis mdzod cing/ glu dang sil snyan dang/ gling bu dang/ pi wang dang/ rdza rnga dang/ bstun pha dang/ phan pa dang/ bal la ri dang/ zhi ba'i thal mo la sogs pa dang/ rnam pa sna tshogs kyis kun tu brdung ba dang/ sil snyan sna tshogs pa'i rnam par rol bas lha'i ro dang bcud kyi zas dang/ bza' ba dang/ bca' ba dang/ btung ba dang/ bzhon pa dang/ stan dang/ gos dang/ bldag pa dang/ bzhib pa dang/ myang ba la sogs pa rnam pa sna tshogs kyis/ bcom ldan 'das bde ba chen po dpal rdo rje 'dzin pa la bstabs nas zhes gsungs te/ 'on kyang 'di lta bu la sogs pa ni/ thugs rje'i dbang gis gsungs pa kho nar zad kyi/ sgra ji bzhin pa ma yin te/ gang gi ngal sgrar shes shing/ /gang gis ngal gzugs su mthong/ /log par spong la zhugs pa ste/ skye bo de yis nga mi mthong/ sangs rgyas rnams kyi chos kyi sku/ /'dren pa rnams ni chos nyid blta/ /chos nyid shes par bya min pas/ /da ni rnam par shes mi nus/ /zhes gsungs te/ rab tu spro bas chog go /dkyil 'khor bzhi yi zhes bya ba ni/ re'u cha dbu ma bzhi'i 'o/ /dbus su ni zhes bya ba ni/ re'u cha dbus ma'i steng du'o/ /snying kar hUM zhes bya ba bsams na zhes bya ba ni zla ba'i dbus su hUM dang/ mdza' mar sngon gyi sngags kyis bskor ga lha dang mthun pa'i yig 'bru'i 'od zer spro ba dang/ bsdu bar bya'o/ /hUM las sangs rgyas gzugs gyur nas zhes bya ba ni/ phyag na rdo rje tshe dpag tu med par ro/ /snying kar 'khor lo rab bsgoms na zhes bya ba ni/ yi ge'i 'khor lo zla ba la gnas pa ci rigs par ro/ /rdo rje khro bor rab bsgoms te/ zhes bya ba ni/ phyag na rdo rje khams gsum rnam par rgyal ba

  731. 366a

    ste/ 'og nas khro bo stobs chen zhes smos pa yang de nyid do/ /snying ka'i dbus su zhes bya ba ni nyi ma'i dkyil 'khor dmar po la'o/ /phaT zhes bya zhes bya ba ni nag po nyid do/ /hUM zhes bya bas bskor bsams na/ zhes bya ba ni/ oM badzra hUM duM hUM zhes bya ba rnams kyis so/ /de ltar gtso bo bzhi'i tshul bstan nas/ da ni me tog lhung ba'i dbang las/ /rdo rje sems dpa' la sogs pa yang dkyil 'khor gyi bdag por gyur pa srid pas/ de dag gi dbang du byas te/ rdo rje brtan par bdag bskur la zhes bya ba la sogs pa gsungs te/ rdo rje bstan pa zhes bya ba ni rdo rje sems dpa' o/ /bdag ces bya ba ni/ bdag gi de kho na'o/ /bsgyur la zhes bya ba ni/ lha'i de kho nas so/ /snying kar hUM zhes bya ba ni snying ka'i zla ba la'o/ /bskor ba yi zhes bya ba ni oM hUM badzra hUM phaT ces pas so/ /oM dang traM ldan par zhes bya ba 'dir traM ni dbus su yin la/ oM dang por bya ste/ Ni Sha badzra hUM phaT zhes bya ba ni/ mdza' skor du'o/ /de bzhin du dang por tshig rkang dang po drang bar bya'o/ /rdo rje bsgoms la zhes bya ba ni rdo rje chos su bsgoms la'o/ /snying gi dbus su ni zhes bya ba ni/ snying ka'i zla ba dmar po la'o/ /haM sa zhes bya ba ni dbus su'o/ /oM zhes bya bas bskor bsams na zhes bya ba ni/ oM badzra h+raM sa zhes mdza' bskor du'o/ /rdo rje las su bdag bsgyur la zhes lhag pa drang ste/ 'khor lo zhes bya ba ni/ yi ge'i 'khor lo bsgom mo/ /ci zla ba 'ba' shig la 'am zhe na/ de'i phyir rgya gram zhes bya ba smos te/ snying kar zla ba sna tshogs rdo rje gnas pa'i lte ba la'o/ /der yi ge'i 'khor lo gang dag ce na/ de'i phyir hUM ldan par zhes smos te/ dbus su'o/ /tshig dang po lhag par drangs pa de'i sa bon gang zhe na/ de bstan pa'i phyir/ a zhes bya bas bskyed nas kyang zhes bya ba smos te/ a thung ngu mdog sna tshogs las so/ /oM zhes bya bas

  732. 366b

    bskor bar bsam zhes bya ba ni/ oM badzra hUM a zhes bya ba kha dog sna tshogs so/ /'dir yi ge rnams ni rdo leb kyi ngos 'jam po la chu'i chu bur chags pa ltar/ dang zhing 'bur du dod par bsgom mo/ /slob dpon kha cig na re/ yi ge rnams ni gser gyi shog bu las bai DUrya la sogs pa bdar bas bris pa ltar bsgoms pa ni lung dang mthun pa'o zhes zer te/ 'di ni ming gi dbye bar zad do/ /de dag ni ting nge 'dzin 'ba' zhig gi las so/ /da ni sbyor ba gzhan bshad pa/ rdo rje sems dpa' bdag bsgyur la zhes bya ba brtsams te/ sdig can sems ni zhi byed 'gyur zhes bya ba'i bar gyis ni/ dkyil 'khor gyi gtso bo gsum gyis zhi ba'i las bya bar bstan la/ gser 'od mdzes shing zhes bya ba nas/ 'od kyi lus la rab tu dgang zhes bya ba'i bar gyis ni/ rdo rje rin chen gyis rgyas par bya bar ston cing/ rnal 'byor ldan pa thab khung mi zhes bya ba nas/ dga' dang nye ba'i nyi ma'i mthar/ sems can rnams ni dbang du bya zhes bya ba ni/ rdo rje chos kyi dbang du bya ba'i las bstan to/ /da ni rdo rje sems dpa' la sogs pa bcu drug gi las gang dag yin par bstan pa'i phyir/ 'dren pa kun tu bzang po yis/ /zhi ba'i las ni rab tu bya/ zhes bya bas na/ rdo rje bsdams pa bcing bar mdzad/ ces bya ba'i bar du smos te/ de la rdo rje sems dpa' ni kun tu bzang po ste/ de bzhin gshegs pa thams cad kyi byang chub kyi sems rdo rje'i bdag nyid yin pa'i phyir ro/ /'dis ni rdo rje rgyal po la sogs pa gsum yang mtshon pa ste/ 'di dag gis ni zhi ba'i las bya'o/ /yang na rdo rje lcags kyus ni/ dgug pa'i las bya zhing/ rdo rje chos dang cha mthun pas/ des drangs la/ / rdo rje 'da' ni/ rdo rje ral gri dang chos mthun par der drang zhing/ rdo rje lags pa yang mgu zhing dga' ba chags pa'i ngo bo yin pas/ rdo rje chos kyis drangs pa'o/ /rigs lhag ma'i sems dpa' chen po rnams ni/ rang rang gi las la go rim bzhin du sbyar

  733. 367a

    te/ sbyin sreg dang bzlas pa'i cho ga la ji ltar 'dod par sbyar ro/ /tshig gi don rnams dang/ lhag ma ni go bar zad do/ /da ni de nas bcom ldan 'das zhes bya ba la sogs pas/ rtsa ba dang phyi ma'i rgyud du ma gsungs pa'o/ phyag rgya rnams ston te/ lag pa gnyis zhes bya ba la sogs pa'i don ni bshad zin to/ /'dir phyag rgya dang po ni bcom ldan 'das tshe dpag tu med pa'i/ /gnyis pa ni 'phags pa nam mkha' i snying po ste/ mdzub mo dang gung mo dang/ srin lag rtse sprad pa las/ mthe'u chung dang mthe bong bkug pa ral gri'o/ gsum pa ni phyag na rdo rje dang/ rdo rje khro bo'i ste/ gung mo gnyis sgrengs te/ srin lag gnyis mthil du bkug pa las mthe'u chung dang mthe bong bsgreng ba'o/ /bzhi pa ni phyag na pad+ma'o/ /de nyid gnyis su byas na las kyi'o zhes bya ba ni/ mtshan nyid gnyis brtag pa nyid gnyis su byas pa ste/ dam tshig dang las so/ /g.yon pa mgo mthong thogs 'dra dang/ zhes bya ba ni lha chen po'o/ /g.yas pa bdud rtsi zhes bya ba ni smin drug gi bu'i'o/ /rtse gsum pa zhes bya ba ni dbang ldan gyi ste/ yang na dgra star bya'o/ /g.yon pa pad+ma zhes bya ba la sogs pa ni/ tshangs pa'o/ /g.yon pa 'khor lo zhes bya ba ni khyab 'jug gi'o/ /dbyug to zhes bya ba ni gshin rje dang/ lus ngan gyi ste/ cung zad gshin rje ni thod pas mtshan pa la lus can gyi rin chen mtshan pa'o/ /rtse gsum zhes bya ba ni/ stobs pa bzangs kyi'o/ /a dang oM zhes bya ba la sogs pa ni dbang po'i'o/ /hUM dang oM zhes bya ba la sogs pa ni 'dod pa'i lha'i phyag rgya'o/ /'di dag ni lha chen po dang 'jigs byed rnams thun mong du bya ba'i phyag rgya'o/ /? g.yas pa 'khor bya ba ni nyi ma'i 'o/ /thal mo dam sbyar sor mo 'phro zhes bya ba ni dmig dmar gyi phyag rgya'o/ /gza' lag gi ni lag pa gnyis ka se gol gtogs pa'o/ /de nyid ces bya ba la sogs pa ni phur bu'i'o

  734. 367b

    pa bzang ba dang spen pa ni go sla ste/ ban lang sna ni sgra gcan no/ /rgyu skar rnams kyi ni lag pa g.yas pa steng du phyung ba las gnyis ka kan? te bsnol la sor mo bcu bsdu zhing spos pas me stag 'phro ba 'dra ba'o/ /phyag rgya de nyid myur dul man du bskor na/ lho 'phye chen po rnams kyi phyag rgya ste/ glog? gi phreng ba'o/ /de nyid phral te g.yas pa brlar bzhag cing g.yon pa 'og tu bzhag pa ni dga' bo dang nyer dga' bo'i sprin gyi phyag rgya'o/ /'di dag nyid ces bya ba la sogs pa ni snga ma ltar gcig nyid la mtshan nyid gnyis su brtag pa'o/ /de bas na rgyud 'dir ni/ dam tshig dang las kyi phyag rgya dag tha mi dad do/ /zhes bdag gis sngar smras zin to/ /srin lag rtsa ba zhes bya ba ni phyag na rdo rje tshe dpag tu med pa'i phyag rgya'o/ /nam mkha' i snying po zhes bya ba ni rdo rje rin chen no/ /pad+ma las byung ba zhes bya ba ni rdo rje chos so/ /rdo rje sems dpa' zhes bya ba ni bdag por gnas pa dang sems dpa' dang po gnyi ga gzung ngo// bde ba chen po dang kun tu bzang po ni go sla'o/ /khro bo sna tshogs kyi phyag rgya gzi can no zhes bya ba ni phyag rgya gcig po de nyid kyis khro bo me nyi ma'i dkyil gyi khro bo sna tshogs pa'i phyag rgyar bya ba'o/ /bsdams pa'o zhes bya ba la sogs pas ni sems dpa' lhag ma rnams ni phyag rgya bstan te go sla'o// cung zad du pad+ma'i 'o zhes bya ba ni/ tshe dpag tu med pa'i dkyil 'khor du sangs rgyas tshe mdza' yas kyi phyag rgya ni/ sngar pad+ma las byung zhes bya bas bstan cing/ rigs lhag ma gsum gyi ni/ sngar rtsa ba'i rgyud kyi dang 'dra la/ 'di ni sems dpa' rdo rje chos kyi phyag rgya'o/ /'dor na zhes bya ba la sogs pa ni/ 'di yang dam tshig gis phyag rgya nyid las kyi phyag rgyar bstan pa'o/ /bsdus btud sprul mgor 'gyur zhes bya ba ni lag pa g.yon pa'i thal ma'i rgyab tu g.yas pa'i thal mo lto sbyar la/ sor mo rnams reg par bkyed cing rtse mo cung zad sgu bar bya ba ste/ klu rnams sam gsang ba'i'o/ /mche ba 'dra zhes bya ba ni sor mo bsnol ba'i snyim pa las mdzub mo gnyis mche ba ltar brkyang ba'o/ /khrag 'phrog pa zhes bya ba ni/ sor mo'i rtse mo bsnol ba'i snyem pas the bong gnyis bzung ste mthe bong gnyis bshibs pa'o/ lag pa bskor ba zhes bya ba ni lag pa gnyis kyis thal mo tha dad par thad kar brkyang la bskyod ba ste/ rlung gi

  735. 368a

    zhes bya ba ni rlung lha ma lus pa'i 'o/ /dbyug tor ldan pa zhes bya ba ni lag pa g.yas pa khu tshur bcangs te/ phyar ba 'am de'i yang mthe bong bsgreng ba ni gnod sbyin no zhes bya ba ni phyogs kyi bdag po lus ngan gyi'o/ /bum pa bzhag pa zhes bya ba ni mthe bong dang mthe'u chung bzhi bsnol la sor mo lhag ma drug rtse sbrang de bsgreng ba'o/ /nor gyi ste zhes bya ba ni bdag gi ste/ de bas na sngar mche ba'i phyag rgya smos pa'i skabs su gser gyi bum pa sbyar du yang rung ngo/ /mthe bo ne'u la'i rnam 'drar bya/ zhes bya ba ni mthe'u chung bsnol te sor mo lhag ma rnams ba shibs la bsgreng/ mthe bo gnyis sor mo phral te bskul ba 'di mi rgyal po chen? po rnam thos kyi bu'i phyag rgya ste/ kha cig ni rdo rje bsdams pa las mthe bo gnyis tha dad du brkyang bar rtog go /mgo bo thod pa zhes bya ba ni sor mo rtse mo bsnol ba'i bsnyim pa ste/ nag po zhes bya ba ni/ dga' byed dbang phyug dang bcas pa'i'o/ /lag pa brkyang ba zhes bya ba ni/ dam pa sbyin pa'o/ /b+h+rid gi ri ti zhes bya ba ni sngar bstan pa 'am/ yang na 'dis phyag rgyar bya ba ste/ kha cig na re phyi rol du ni stobs bzangs bya ba la sogs pa'i nang du/ b+h+rid gi ri ti bgrang zhing stobs chen ni nang du bzhag tsam phyag rgya 'dir bstan pa las dpags te sma'o/ pi wang g.yon na thogs zhes bya ba ni lag pa g.yon pa bstod cing sor mo bzhi cung zad bkug pas pi wang 'dzin pa ltar bya ste/ g.yas pas rgyud spred pa ltar byas pa ni/ dri za rnams kyi rgyal po yul 'khor srung gi phyag rgya'o/ /lag pa gnyis 'byar ba'i phyag rgya ste/ thal mo sbyar ba bkan la mthe bo bsgreng ste/ thal mo'i rtse mo cung zad g.yas pa mi drang srong chen po ma'i 'bar phyag rgya'o/ /lag pa g.yas pa khu tshur bcangs pa las/ gung mo brkyang ba ni dbyug pa 'dra ba'i phyag rgya ste/ chos kyi rgyal po gshin rje'i 'o/ /srin po'i phyag rgya ral gri rno ba la ni/ khro ba ste gud mo dang dbang mo ste/ srin lag sbyar ba bsgreng ba'o/ /de yang lag pa g.yas pa'i khu tshur nyid las so/ /lag pa g.yas pa khu tshur bcangs pa'i mthe'u chung bsgreng ste/ /phyar ba ni ral gri'i phyag rgya ste/ grul bum gyi bdag po

  736. 368b

    'phags skyes bo'i phyag rgya'o/ /lag pa g.yas pa'i khu tshur bcangs pas/ mdzub mo brkyang ba bkug la zhags mig ltar byas pa ni/ mdzub mo zhags pa 'dra ba ste/ klu'i bdag po mig mi bzang chu lha'i phyag rgya'o/ /rgyal mtshan yin zhes bya ba ni sor mo rnams bsnol ba las/ mthe'u chung gnyis bsgreng ba 'am/ /lag pa g.yas khu tshur las/ /mdzub mo dang gung mo gnyis bshibs te bsgreng ba 'di ni phyogs kyi bdag po rlung gi phyag rgya'o/ /ci lha 'di dag gi phyag rgya 'di kho na ltar nges sam/ 'on te gzhan yang yod ces de la sogs pa zhes bya ba la sogs pa smos te/ phyag rgya rab 'byams dpag tu med par rnam par snang mdzad mngon par byang chub la sogs pa'i rgyud las gsungs pa/ 'dir sbyar yang gnod pa med cing dngos po'i rang bzhin nges par shes pas/ ji ltar sbyang ba de chos kyi dbyings dang/ rang gi bsam pa'i mthus phyag rgyar 'gyur te/ ji skad du dpal sdom pa las/ sems can rnams kyi ji tsam du/ /lus ni rnam par spyod 'gyur ba/ phyag rgya'i 'khor lo 'dzin pa la/ mdor na thams cad phyag rgyar 'gyur zhes gsungs pas so/ /lha rnams kun ces bya ba la sogs pa ni thun mong pa ste go sla'o/ /bud med rnams zhes bya ba ni ma mo rnams so/ /sems sgrub pa'o zhes bya ba ni/ sems rang dbang med par bsgrub pa pos 'grub pa ste/ ji skad du/ ji ltar rgyal po nyid kyi rgyas/ rgyal po'i khrims ni bstan pa ltar/ bdag chen nyid kyi phyag rgyas kyang/ skye bo rnams pa de bzhin btab/ ces gsungs pas so/ /rdo rje rnal 'byor ma zhes bya ba ni/ sngar grub pa'i bu med rnams so/ /phyag na rdo rje'i phyag rgya yi zhes bya ba 'di ni khams gsum rnam par rgyal ba'i hUM gis phyag rgya'o/ /rdo rje bsdams pa zhes bya ba la sogs pas ni/ bsrung pa la shis pa'i khro bo gnyis kyi phyag rgya stan to/ /spyan gyi mig dang 'dra bar bshad ces bya ba la sogs pa ni/ rtsa ba la sogs pa'i rgyud du gsungs pa'i lha mo bzhi'i phyag rgya rdzogs par byed do/ /tshig gi don ni go sla'o/ /a sa sa sa zhes bya ba la sogs pa ni/ badzra satwa hUM/ badzra satwa dza(rgyud 'grel): zhes bya ba la sogs par sbyar te/

  737. 369a

    sems dpa' bcu drug gi sngags su sbyar ro/ /hUM dza(rgyud 'grel): zhes bya ba la sogs pa 'ba' zhig pa ni/ de dag gi chos kyi phyag rgya'o zhes la la zer ro/ /oM bud+d+ha zhes bya ba la sogs pa ni/ /rigs kyi lha mo bzhi'i sngags ston to/ /de ltar na 'dir phyag rgya dang sngags ma lus par rdzogs par bya'o/ /shaM pa ta shaM pa ta zhes bya ba la sogs pa ni/ dkyil 'khor bcu gnyis su/ dri mu ka bsdud pa'i nga ro'i brda dang/ de byin gyis brlab pa'i gsang sngags te/ phyogs bzhir bzhi bzhi brdungs pa las/ /'od zer rjes su mthun pa byung bas/ /des bsgrub bya'i lus la phog pas las gang 'dod pa de 'grub par byed pa'o/ /dkyil 'khor dang po'i 'grel pa'o// //da ni de nas lha rnams kun mgu na zhes bya ba la sogs pas dkyil 'khor gnyis pa ston te/ rang gi sku por te zhes bya ba ni gnod sbyin gyi gzugs la/ /'khor los sgyur ba'i cha lugs can de'o/ /rdo rje sems dpa' i skur zhugs nas zhes bya ba ni rdo rje sems dpa' i rang bzhin gyi khro bor gzugs su gyur pa'o/ /ci 'di la bor ba dang thob pa'i 'du shes mnga' 'am zhe na/ de'i phyir gnyis su mnyam zhes bya ba'i ting nge 'dzin la snyoms par zhugs te zhes bya ba gsungs te/ sngon gyi smon lam dang/ mi dmigs pa'i thugs rje chen po'i shugs kyi bral ba dang thob pa'i 'du shes mi mngar zin kyang/ ma 'ongs pa'i gdul bya'i dbang las/ bor ba dang thob pa ston te/ gdul bya gang rab tu drag pos gzhug par bya ba la/ de dag la ni zhi ba'i lus por nas rdo rje khro bor snyoms par bzhugs te/ bstan pa la 'dzud par ston te/ ji skad du/ skyabs pa mya ngan 'das gyur kyang/ tshogs dang chos kyi mthu yis ni/ 'khor lo 'khor ba'i tshul du ni/ sems can don la rab tu 'jug /ces gsungs so/ /rdo rje sems dpa' khro bo zhes bya ba la/ rdo rje sems dpa' i rang bzhin gyi khro bo 'am/ yang na rdo rje sems dpa' yongs su gyur pa'i khro bo ste/ ji skad du/ e ma'o

  738. 369b

    thabs kyis 'dul ba yis/ zhabs chen ldan pa bdag yin te/ gang phyir sems can 'dul thabs bzhin/ dri ma med pa'i khro bor 'gyur/ ces bcom ldan 'das nyid kyis gzhan du chad du brjod pas so/ /'dir rdo rje sems dpa' ni chos kyi dbyings mi byed pa la dbyer med par sems pa chos kyi sku yin la/ de las ma nyams pa nyid du khro bor snang bar skyed pa ste/ ji skad du nyi ma'i zer gyis gdungs pa'i mtsho chen ltar/ /mnyam pas snying rje chen pos khro byed cing/ nad na kha ba ltar bsil phyi rol du/ rtsub pa nyid kyis 'gro ba skyong bar byed ces gsungs pa lta bu'o/ /rdo rje nyi ma zhes bya ba la 'dis sdig pa dang 'jigs pa rnams srag pa na/ me'i khyad par yang bskal pa tha ma'i nyi ma bdun 'bar ba dang 'dra bas rna rdo rje'o/ /de lta bur rab tu mi bzad par gnas pa yang/ chos kyi dbyings las/ dbyer med pa'i phyir rdo rje zhes pas bstan to/ /lha rdzas 'bar ba'i phreng bas 'khrigs/ /shin tu 'khor zhing 'tsher 'bar ba/ zhes bya ba ni khang ba rtsegs pa gang la 'od 'bar ba'i phreng bas 'khrigs pa yod pa de nyid lha'i rdzas te/ yid du 'ong ba'i phyir ro/ /yang na 'di ni rab tu drag po'i dkyil 'khor yin pa'i phyir/ me tog dang dri dang/ bdug pa la sogs pa'i lha rdzas de dag kyang 'od 'bar ba'i phreng ba drag po 'khrigs pa'o/ /shin tu 'bar zhing zhes bya ba la ni/ lha rnams 'od zer drag po skul shin tu 'bar shing/ gdug pa rnams sreg pa'o/ /cher 'bar ba zhes bya ba ni khang pa brtsegs ma de yang/ rab tu ma rungs pa'i 'od rgya cher 'bar ba bdug pa rnams sreg pa'o/ /ma rungs snying kar mnan nas zhes bya ba ni/ rang rang gi phyogs skyong ngam/ sngar bstan pa bzhin no/ /de nas bdud rtsi gang yin zhes bya ba kha cig na re/ mar dang/ /'o ma dang bu ram dang/ sha ra dang/ sbrang rtsi de bdud rtsi'o zhes zer kha cig na re bdud rtsi 'khyil pas byin gyis brlabs pa'i 'bru lnga la sogs pa'i bum pa'i nang du bzhag pa rnams ni bdud rtsi'o zhes zer ro/ /kha cig na re shU ka la sogs pa rnal 'byor

  739. 370a

    gyi rgyud gzhan las gsungs pa rnams nyid bdud rtsi zhes zer te/ 'dir rab tu ma zhi ba'i chad ni bdud rtsi zhes dgongs la/ 'og nyid nas/ gza' dang bca' dang bdud rtsi zhes/ mgo thong gang bar gyur pa'i rnams/ zhes gsungs pa yang/ chang nyid yin te/ sngar 'jigs byed chen po'i dkyil 'khor du yang/ sha 'am yang na chad chog gis/ /thod pa bkang ste dbul bar bya/ /zhes gsungs pa'i phyir ro/ /'o ma la sogs pa'i bdud rtsi lnga ni/ gtsang bsgra 'dod pa dag gis dus su yin la/ 'dir gtsang sgra'i dgos pa bya ba med pa'i phyir te/ rdo rje khro bo la ni gtsang sbra gtsor ma gyur par 'phags pa bdud rtsi 'khyil pa'i rtog pa la sogs pa bya ba'i rgyud du yang gsungs la/ de bzhin gshegs pa'i rigs la ni/ gtsang sgra'i bya ba la rnal 'byor gyi rgyud dpal sangs rgyas thams cad dang mnyam par sbyor ba'i rgyud la sogs par gsungs so/ /bdud rtsi 'khyil pas byin gyis brlabs ba'o zhes bya ba la sogs pa smos pa de yang ma rigs te/ las kyis bum pa ma yin pa rnams bdud rtsi'i 'khyil pas byin gyis brlab par bya ba ni nam yang ma yin pa'i phyir dang/ 'dir bum pa bcu drug ces dbang bskur ba'i bum pa nyi tshe zhes smos kyi/ bkang ba'i bum pa ni gtsor ma smos pa'i phyir ro/ gzhan yang bkang ba'i bum pa'i dbang du byas ra ni ma yin te/ bkang ba'i bum pa ni thod pa kho nar bya bar rigs shing/ gzhan du ma yin pas so/ /gang yang shu kra la sogs pa zhes smras pa de yang rab tu rigs pa ma yin te/ rnal 'byor gyi rgyud kyi tshul ma lus pa brjod pa/ 'phags pa de kho na nyid 'dus pa las kyang/ 'di lta bu mi snang la/ zla gsang thig le la sogs pa'i rgyud las/ shuA kra la sogs pa smos pa yang/ sgra ji bzhin pa ni ma yin te/ bdud kyis smras pa

  740. 370b

    dang 'dra ba'i phyir rab tu mi 'thad par 'gyur ro/ /'o na tshe dpag tu med pa'i dkyil 'khor las/ sangs rgyas rnams ni/ mnyes bya dang/ dam tshig rnams ni bsrung ba dang/ sngags mkhan gyis ni bsgrub pa'i phyir ro/ /gzhan gyi bud med brten par bya/ /zhes gsungs la/ 'di yang bdud rtsi chen po la sogs pa bsten par gsungs pas/ 'di yang rnal 'byor chen po'i gzhung nyid yin no zhe na/ rnal 'byor chen po'i gzhung zhes bya ba ci la bya/ gal te shuA kra la sogs pa dngos su bsten pa dang/ bud med la sogs pa dngos su bsten pas rnal 'byor chen por 'dod na ni/ rab tu yang mtshar te/ gzhon nu ma 'khrig pas gdungs shing/ byang chub sems dpa' yul la rab tu chags la/ de yang bdag pos ma bsrungs shing/ byang chub sems dpa' yang khyim pa zhig yin na/ des bdag ni sems can dmyal bar sor yang sla'o/ /gzhon nu ma 'di'i gdung pa zhi bar byas la/ 'di yang bdag la dga' bar byas te/ dga' la sbyar ro/ zhes bsams te 'khrig pa spyad na/ de bzhin gshegs pa dgyes pa dang/ theg pa chen po 'dir ni gtsor gyur pa snying rje yin pas/ de bsrung ba dang/ rgyu de gnyis nyid kyi phyir/ sngags pa'i dngos grub kyi yan lag tu 'gyur ba zhes bya ba 'di ni rigs pas kyang 'grub la/ rnam par snang mdzad mngon par byang chub pa dang/ 'phags pa gsang chen thabs la mkhas pa'i mdo la sogs pa las kyang gsungs so/ /rnal 'byor gyi rgyud 'dir yang/ dam tshig phyag rgya rab gsang ba/ /'di ni bud med sgrar bstan la/ mchog phyir bdag cag ma yin phyir/ gzhan zhes bya ba yi ges brjod ces gsungs pas/ dam tshig ni phyag bcing ba nyid gzhan gyi bud med yin gyi/ gal te bud med tha mal pa'i yul bsten pas/ thar pa thob par smra ba ni nges par bdud kyis smras par zad do/ /gzhan yang rnam dag chos nyid khu ba ste/ yul rnams bshad pa'i sgrar gsungs

  741. 371a

    la/ dbang po rnams ni gci ba ste/ rnam shes rten phyir khrag du 'dod/ de las byung ba'i sems byung sogs/ /tshogs chen phyir ni yin te/ 'di dag zos pa stong byas pa'o/ /zhes bshad pa tha mal pa'i shu kra la sogs pa ci'i phyir yon tan du byed/ gal te byin gyis brlabs pa'i phyir ro zhes zer na/ de lta na ni go /rdo dang chu la sogs pa la ci'i phyir byin gyis mi rlob /da ni de dag la rang bzhin gyis mthu yod do zhe na/ gal te rang bzhin gyis mthu yod na/ byin gyis brlab pa'i bya bas ci zhig bya/ gzhan yang khyi la sogs pa dag kyang/ de'i byin gyis brlabs kyis/ ci'i phyir go 'phang bzang po mi 'thob/ de'i phyir rab tu brtsog pa'i 'dam du byir nas/ bdag ni 'dir gtsang sgra byed pa'i phyir/ zhugs so zhes zer ba'i byas pa ltar smras pa 'di ci zhig bya/ de'i phyir gang du yang zab pas mi zab pa gzhom gyi dman pas gya nom pa mi gzhom pas na/ sgra ji bzhin du 'dod pas dgongs pa de gsungs pa ji lta smad/ de bas na lta ba ngan pa ni/ sgra ji lta bar don 'dzin pa'o/ zhes bshad do/ /rnal 'byor gyi rgyud las gzhan pa'i rnal 'byor chen po rgyud ces bya ba ni dga' yang med do/ /de ltar na sha dang chang dag kyang 'dir dgag par rigs so zhe na/ gang myos par ma gyur pa dang/ rnam gsum dag pa'i sha ni/ de ltar su yang smod par mi byed la/ de su la 'ang phan 'dogs pa 'jig rten dang mthun zhing rang bzhin gyis kha na ma thob dang bcas pa yang ma yin no/ /de bas na gcig kho na bdag dang gzhan de dag ltar gnod pa mi byed do/ /phyag rgya de dang de yis ni/ sha rnams kun gyi dam tshig stsol/ zhes bya ba ni/ phyag rgya de dang de yis ni zhes zlos bur smos pa ni/ yon chab nas bshos kyi bar du rdzas de dang de thod pa'i phyag rgyas dbul ba'i phyir ro/ /kha cig na re de dang de yis ni zhes zlos bur smos pa ni/ gtsug tor gyi dkyil 'khor du mchod pa'i phyag rgya bstan pa de dang de yis zer ro/ /sha rnams kun gyi zhes bya ba ni/ ma he dang phag dang ra la

  742. 371b

    sogs pa gang 'jig rten rab tu bsngags pas sdig med pa de dag gis so/ /dam tshig la stsol zhes bya ba na/ lha bshos kyi dam tshig tu dbul zhing gsol ba'o/ /lha bshos bzang po rtag tu dbul pa de ni dam tshig mchog ste/ gang zag bdag gis zas rnams la/ thog mar de yi bud phul te/ cho ga shes pas bzlas brjod bya/ mchod pa'i bshos rnams smos pa las/ zas kyi rnam pa ci 'byor pa/ /mkhas pa dag gis phul nas ni/ /nyin re rtag tu bzlas brjod brtsam/ /lha bshos phul ba gsang sngags kyi/ /kha zas yin par bshad pas na/ de ni rtag par khams bzhin du/ /bzlas brjod byed pa dbul bar bya/ /rtsa brdo gu 'bras bu yi/ /lha bshos cung zad ci 'byor ba/ /dus gsum du ni gsang sngags la/ /phul nas dngos grub thob par 'gyur/ /gal te zlos pas gsang sngags la/ /mchod pa bshos rnams nang phul na/ /de tsho btsub cing mdog ngan la/ bkres pa dag gis gdungs par 'gyur/ /lha rnams grub par mi 'gyur zhing/ /bgegs rnams kyis kyang zil gyis gnon/ /lha bshos med na de'i sems/ /rtog pa dag kyang mang du 'gyur/ /de bas nan tan cher byas te// dus mtshams nyin par ci 'byor bas/ /gsang sngags 'khor dang bcas pa la/ /lha bshos legs par dbul bar bya/ zhes pa dang/ yang byug spos me tog bdug spos dang/ lha bshos sbyin sreg yo byad rnams/ /'phongs par gyur kyang mi dbri ste/ /phrin nges par 'chi bar 'gyur zhes gsungs pa'i phyir ro/ /de nas 'dod ldan rnyed nas ni/ zhes bya ba la/ 'dod ldan ni slob dpon nyid yin te/ dngos grub 'dod pas so/ /rnyed nas ni zhes bya ba ni/ /rdzas dang gnas la sogs pa 'tshogs shing rnyed nas so/ /yang na 'dod ldan zhes bya ba ni/ slob mas te/ dbang bskur bar 'dod pas so/ /rnyed nas ni zhes bya ba ni/ des yo byad rnyed na/ slob dpon gyis bsnyen par bya'i/ /ma rnyed par ni ma yin no/ /de'i phyir dang po dri ba smos pa'o/ /hUM zhes bya ba las zhes bya ba ni/ sa bon yi ge hUM sngon pos so/ /bsgrub par bya ba

  743. 372a

    zhes bya ba ni/ phyag mtshan las sam/ de nyid lha'i gzugs su'o/ /de nas sngags mkhan sgo sgor yang/ zhes bya ba ni shar sgo 'am/ lho sgor ro/ /hUM zhes bya ba las bsgrub par bya/ zhes bya ba de nyid bstan pa'i phyir/ de nyid dran zhes bya ba gsungs te/ bdag dang lha dang sngags kyis de kho na dran par byed cing/ dkyil 'khor de'i spyan snga kho nar/ slob dpon bdag nyid kyis bsnyen par bya ba'o/ /bsnyen par bya ba'i 'bras bu ni/ nges par zhes bya ba la sogs te go sla'o/ /dkyil 'khor du ni zhes bya ba la sogs pa ni/ slob ma smin par bya ba ston te/ rgyud las byung ba'i dam tshig ni/ spyi'i lha tshogs dang/ dkyil 'khor la slob ma bzhug pa gnyis rtsa ba'i rgyud las byung ba ltar brjod do/ /de nas mchod de/ slob dpon langs nas kyang/ bsgrub pa'i grog mchog bzhag la/ slob ma'i tshogs kyis lhag pa'i spyan dang 'dra ba ste/ rdo rje sems dpa' i sku'i tshul la gnas nas/ phyir 'byung bar byas nas gtor ma sbyin no/ /oM badzra zhes bya ba la sogs pa las/ sngags dang pos ni/ phyag rgya bcings la/ gnyis pas ni gzhug cing/ gsum pas ni me tog dor ro/ /bzhi pas ni gdong g.yogs bkrol la/ dkyil 'khor bstan to/ /lnga pas ni mna' chu glud do/ /drug pas ni/ rdo rje sems dpa' i gsang ba bsgom par bya'o/ /bdun pas ni/ bdag po'i bum pas dbang bskur ro/ /kha cig na re bdun pas ni/ /bdag po'i phyag rgyas 'jug tu dbang bskur ro/ zhes zer ro/ /de bzhin du dbang bskur ro zhes bya ba ni/ bum pa bcu drug gis te/ kha cig na re/ sngon gyi dbang bcu gsum mo/ /zhes zer ba ni mi rigs so/ /de nas de dag gi zhes bya ba la sogs pa ni/ /spro ba dang bsdu bar gtsor bstan pa ste/ 'di ni rnal 'byor gyi rgyud yin pa'i phyir/ rnal 'byor bsal? gzhan du bzlas pa nyi tshes 'grub pa yin no zhes bya ba'i don to/ /de nas hUM gi tshogs bzhag la/ rdo rje lta bur lus bsam zhing zhes bya ba ni sgrub pa po'i ba spu'i bu ga ma lus pa dang/ dbang po rnams la/ yi ge hUM dkar po las 'od zer 'phro ba bkod la/

  744. 372b

    de'i 'od zer gyi tshogs des/ de'i lus rdo rje lta bum shig par bsam zhing/ yang de'i snying khar yi ge haM dkar po las 'od zer byung ba'i 'od zer des de'i lus skyes bu ya lad gyon pa ltar g.yogs pas/ bsrungs pa'i bsrung ba'i 'khor los bsrungs pa ltar/ cis kyang mi tshugs pa'i go chas go char bya'o/ /kha cig na re/ haM zhes bya ba ni/ aM haM zhes drangs la/ rang gi lha'i 'khrul 'khor bris pas/ gdags pas go cha bya'o zhes zer te/ 'dir dkyil 'khor bya ba bdag gis ni ma rig go /kha cig na re/ sbyor ba snga ma nyid rang gi 'khor los go char byas so zhes zer ro/ /lhag ma ni go sla'o/ /dkyil 'khor gnyis pa'i 'grel pa'o// //da ni dkyil 'khor brgyad kyi bdag po la phyag 'tshal ba dang/ mchod pa dang/ bstod pas rgyud bshad pa la/ lan du mchod par bsams pa dang/ gdul bya 'byung bar 'gyur ba rnams la yang brlab pa'i phyir/ de nas brgya byin zhes bya ba la sogs pa smos pa yin te go sla'o/ /sangs rgyas kun pas sngar sangs rgyas/ zhes bya ba ni/ bcom ldan 'das phyag na rdo rje 'di ni/ byang chub sems kyi bdag nyid yin la/ sangs rgyas thams cad ni de las 'byung ba yin pas 'di ni/ 'das pa'i sangs rgyas thams cad kyi yab yin te/ de ltar yang/ 'phags pa de kho na nyid 'dus pa las/ rdzogs pa'i byang chub khyod rag lus/ kun gzigs yab ni khyod lags te/ 'byung ba dang ni 'byung 'gyur ba'i/ /de bzhin gshegs pa khyod kyi bsgrubs zhes bya ba dang/ gang phyir thog ma tha ma med/ byang chub sems ni khyod yin de/ khyed la brtan te rgyal ba dang/ dpa' bo byang chub sems dpa' kun/ 'byung zhing yang dag 'byung 'gyur bas/ sangs rgyas byang chub mchog gi rgyu zhes gsungs so/ /de ltar ngo bo nyid kyi sku'i dbang du byas te/ bstod pa byas nas/ da ni chos kyi sku'i sgo nas/ bstod pa mi shes pa ste/

  745. 373a

    nyon mongs pa can ma yin pa'i mi shes pa shes bya'i sgrib pa dang dri ma ste/ nyon mongs pa'i sgrib pa gnyi ka rab tu phra ba yang ma lus pa spangs pas kun bcom pa'o/ /rdo rje ni rnam par mi rtog pa'i ye shes 'dus byas kyi grong khyer ma lus par rab tu 'jig pa ste/ ji skad du bskal pa du mar rab tu goms byas pa'i/ /rgyu dang rigs tshul dang ni sa la mkhas/ gang gi 'dus byas grong khyer rnams 'jig pa'i/ /ye shes rdo rje bstan te/ 'phags bdag stsal/ zhes gsungs pa lta bu'o/ /rdo rje zhes gnyis pa smos pa ni chos kyi dbyings te/ chos kyi dbyings rab tu 'am mi phyad pa rdo rje lta bu 'dis/ rab tu brjod do zhes bshad pas so/ /de nas rdo rje yis rdo rje 'dzin pa de nyid thub pa'i tshogs kyi rgyal po nyid du bstan to/ /da ni longs spyod rdzogs pa'i sku'i bstod pa/ sku rdo rje dang/ gsung rdo rje dang/ thugs rdo rje rnam par dbyer med pa'i ngo bor gyur pa'i sku ni/ de dag 'dzin pa ste/ sku snga ma gnyis kyang/ 'di'i thugs nyid yin la/ sprul pa'i sku yang 'di nyid kyi snang ba skyes pa las gzhan ma yin zhing/ de bas na/ sku la sogs pa ji snyed pa/ sku 'di nyid yin pa'i dbang du byas te bstod pa'o/ /da ni rnam par smin pa'i sprul pa'i sku'i dbang du byas te/ rdo rje ltar mi phyed pas na/ zab pa'i sku'i ngo bo ste/ sku re yang chos kyi dbyings las gzhan las/ gzhan ma yin pa'i phyir/ chos kyi dbyings las ma gtogs pa/ gang phyir chos yod ma yin te/ zhes gsungs pas so/ /sku de yang/ la lar me bzhin mya ngan 'da' / la lar rdzogs par byang chub ston/ ces bya ba la sogs pa'i tshul gyis/ rab tu yang rgya che bas na/ sku che ba zhes gsungs te/ de ltar sku bzhi'i bdag nyid/ phyag na rdo rje khyod la phyag 'tshal lo zhes gsungs te/ tshig rkang gnyis po

  746. 373b

    'di ni/ tshig ma lus pa'i mthar sbyar bar bya'o/ /'di ni rnam par smin pa ma yin pa'i sprul pa'i sku'i dbang du phal cher byas te/ 'gro ba ngan pa 'am/ gya nom pa gang du skyes kyang ngo bo nyid kyi sku las mi 'da' bas na/ rdo rje'i yan lag ces bya ba la sogs pas bstod do/ /bcom ldan 'das 'di thugs rje chen pos bskul bas srid pa dang zhi ba thams cad du snang bas ston ste/ 'di skad du gsungs pa yang/ rdo rje 'chang gi gsungs thos lha rnams dang/ tshangs sogs lha min gnod sbyin grub pa dang/ rig 'dzin klu dang gnod sbyin dri za dang/ gsang ba pa dang mtshun dang 'byung po rnams/ /dad pas zhabs la spyi bos phyag 'tshal lo/ /gus pas thal mo sbyar nas tshig rtsol ba/ /kye ma srog chags rnams la thugs rjer ldan/ /kye ma khyod kyi spyod pa sna tshogs pas/ /kha cig gis ni rdo rje 'bar bar mthong/ /gzhan gyi dbyig to gzhan gyi 'khor lo dang/ de bzhin gzhan gyis rtse gsum 'bar ba can/ /gzhan gyis ral gri gzhu dang be con can/ /'jigs pa'i gzugs can mtshon cha kun thogs dang/ /gzhan dag kun gyi zhi ba nyid du mthong/ /du ma'i sku mnga' dmigs med sku mnga' bar/ /lha dang gnod sbyin gyis mthong de la bdud/ /lha min lha yis zhabs la phyag bgyis pa/ /byang chub sems dpa' mchog rab khyod la 'dud/ /rig sngags gzhu 'gengs khyod la phyag 'tshal 'dud/ /khyod la bdag cag deng ni skyabs su 'chi zhes pas/ /bcom ldan 'das 'di la bstod pa lta bu'o/ /de tsam du snang ba ston par spyod pas na/ rdo rje can khyod ni lha rnams kyi nang na mchog nyid do/ /zhes bya ba la sogs pa stod pa ste/ tshig gi don ni go sla bas rnam par ma phye'o/ /gang gis zhes bya ba la sogs pas ni/ /bstod pa bris pa la sogs pa'i yon tan bsdus te stan pa'o/ /bcom

  747. 374a

    ldan 'das kyis zhes bya ba la sogs pas ni/ rjes su yi rang bstan te/ /rab zab rgyud 'di'i snying pa ni/ bdag yis 'dir brjod kho nar zad/ gang du gzhung don rnam ma phye/ bla ma mnyes par byas la blang/ 'dir ni 'khrul gyur lha rnams la/ bzod smra dge ba? gang yin des/ 'gro ba rgyal 'gyur ngan 'gro spangs/ /bdag kyang sangs rgyas 'gyur bar shog /'phags pa ngan song thams cad yongs su sbyong ba zhes bya ba/ cho ga zhib mo'i rgyal po chen po'i rgya cher 'grel ba/ snying po rnam par bshad pa zhes bya ba/ dza li d+ha ra'i rdo rje slob dpon/ ka ma d+he nu ba zhes bya ba'i zhal snga nas kyis mdzad pa rdzogs so// //A tsa rya bi na ya tsan+d+ra dang/ bod kyi lo tsa ba dge slong chos kyi shes rab kyis/ 'phan yul rgyal gyi lug lhas su bsgyur cing zhus te gtan la phab pa rdzogs so/ /sarba mang+gA la/ /dge'o//