Text
ff. 1a–425a · 849 folio sides
- 1a
sgo drug pa'i gzungs 'grel dbyig gnyen gyis mdzad pa bzhugs/
- 1b
rgya gar skad du/ Arya mu kha Sha Da d+ha ra byA khya ta/ bod skad du/ 'phags pa sgo drug pa'i gzungs kyi rnam par bshad pa/ 'jam dpal gzhon nur gyur pa la phyag 'tshal lo/ /gzungs 'di ni don drug la brtsams nas gsungs par mngon te/ shes rab yongs su rdzogs pa dang/ snying rje'i stobs rnam par dag pa dang/ rang gi rgyud rnam par dag pa dang/ gzhan gyis bsgrubs pa'i gegs yongs su shes pa dang/ byang chub kyi tshogs kun tu sdud pa dang/ de'i 'bras bu yang dag pa'i
- 2a
ye shes dang de bzhin nyid do/ /rnam grangs gzhan yang sdug bsngal ba'i dus dang/ bde ba'i dus na sems can gyi khams 'dzin pa dang/ bdag dang gzhan las tshogs kyi bar chad yongs su spong ba dang/ tshogs kyi rnam pa thams cad sogs pa dang/ tshogs bsags pa yang rang gi don phun sum tshogs pa dang/ gzhan gyi don phun sum tshogs pa las brtsams nas bstan to/ /rnam grangs gzhan duAng rtogs te/ thams cad mkhyen pa nyid las ldog pa'i rgyu ni drug ste/ sems
- 2b
can la mi phyogs shing 'khor ba'i sdug bsngal la ji snyam pa med pa dang/ 'jig rten pa'i phun sum tshogs pa dag la kun tu 'dzin pa'i sems nyid dang/ nyon mongs pa dang las kyi sgrib pa sogs pa dang/ mi dge ba'i grogs pos yongs su bskyod pa'i rjes su 'jug pa dang/ tshogs ma bsags pa nyid dang/ srid pa'i phun sum tshogs pa la gzhol ba'i sems zang zing dang bcas pa nyid de/ de'i gnyen por go rim bzhin du sgo drug po dag rig par bya'o/ /dang po dang gnyis pas ni sdug bsngal ba dang bde ba'i gnabs skabs na/ sems can yongs su mi gtong bas sems can yongs su smin par byed pa bstan to/ /lnga pas ni sangs rgyas kyi chos yongs su smin par byed do/ /gsum pa dang bzhi pas ni bgegs sel bas bdag nyid kyis
- 3a
bsgrub par nus pa nyid do/ /drug pas nyan thos dang/ rang sangs rgyas dang thun mong ma yin pa'i 'bras bu chos kyi sku zhes bya ba phul du dbyung du med pa'i phyir dang/ sems can thams cad kyi don bya bar nye bar gnas pa'i phyir 'khor ba'i mdza' ji srid pa yin par rig par bya'o/ /rnam pa gcig tu ni rnam grangs gzhan yang bsam pa yongs su dag pa rnam pa bzhis yongs su bstan te/ chos la bdag med bar rab tu rtogs pas/ sems can log par zhugs pa rnams dang/ 'khor ba'i sdug bsngal rnams kyis mi g.yos pa nyid dang/ phun sum tshogs pa'i dus na sems can la lta ba dang bcas pa la kun tu rmongs pa mi 'byung ba dang/ ma dag pa'i rgyu gnas ngan len gyi 'bras bu skyed pa'i mthu dang mi mthun par byed pa dang/ de yongs su rtas par byed pa'i rgyu yongs su spong bas so/ /sbyor ba rnam par dag
- 3b
pa ni pha rol tu phyin pa dang ldan pa'i dge ba'i rtsa ba la sbyor bar byed pa'o/ /bsam pa rnam par dag pa'i 'bras bu ni bla na med pa'i ye shes so// //sbyor ba rnam par dag pa'i 'bras bu ni/ rnam par grol ba ste gnas gyur pa'o/ /bla na med pa'i ye shes dang/ rnam par grol ba ni sbyor ba/ rnam par dag pa'i 'bras bu yin te/ pha rol tu phyin pa dang ldan pa'i dge ba'i rtsa ba 'jig rten pa 'am 'jig rten las 'das pa'ang rung gang ci yod pa de bla na med pa'i ye shes kyi 'bras bur gyur cig ces bya ba la sogs pa gsung ba'i phyir ro/ /pha rol tu phyin pa yongs su ma rdzogs na/ bsam pa 'ba' zhig gis bla na med pa'i ye shes bskyed mi nus pa'i phyir de/ pha rol tu phyin pa'i 'bras bur bshad de/ rigs mthun pa'i phyir bla na med pa'i ye shes nyid bsam pa rnam par dag pa'i 'bras bur rigs so/ /de gnyis ka'i 'bras bu ni gnyis ka ste bsam pa dang sbyor ba cig la gcig bltos pa gnyis shin tu mthar thug pa'i phyir ro/ /tshogs thams cad mi dmigs pa'i rnam par yongs su bsgoms pas yongs su bsngos pa'i dbang gis thams cad mkhyen pa'i ye shes dang/ de bzhin gshegs pa'i yon tan gzhan rnams kyang 'thob ste rgyu yin pa'i phyir ro/ /de lta ma yin na ni bsam pa yongs su sbyangs pa'i 'bras bu med pa kho nar 'gyur ro/ /de gnyis ni 'khor ba dang mya ngan las 'das pa la mi
- 4a
gnas pa yin no/ /rgyu rnam pa gnyis kyang shes rab dang snying rje mnyam pa nyid kyis yongs su zin pa ste/ rnam pa de nyid kyis yang dag par bsgrubs pa'i phyir ro/ /yon tan de lta bu thob par bya ba'i phyir byang chub sems dpa' dge ba'i rtsa ba thams cad yongs su bsngo bar bya'o/ /de lta bas na 'di ni dge ba'i rtsa ba yongs su bsngo ba chen po zhes bya'o/ /de ltar rnam pa drug po bdag gis bsgoms pa de dag gi phan yon rnam pa drug khor du chud par bya ste go rim bzhin no/ dge ba'i rtsa ba 'di dang ldan pa'i byang chub sems dpa' ni 'khor bar 'khor ba na sdug bsngal srab mor myong bar 'gyur te des yongs su gtugs par mi 'gyur ba dang/ zad mi shes pa dang rgya che ba'i rgyun gyis 'jig rten pa'i phun sum tshogs pa myong bar gyur zhing sems can gyi khams tshad med pa yongs su smin bar byed pa dang/ sgrib pa med par dge ba'i rtsa ba rnams myur du yang dag par sdud par byed la dge ba la kun tu dga' zhing dge ba la mos pa dang/ byang chub sems dpa' la 'khrul pa shin tu phra ba yang mi snang zhing rab tu rtogs pas sel ba dang/ myur du tshogs yongs su rdzogs par byed cing thams cad mkhyen pa nyid mngon par bsgrub pa'i ting nge 'dzin kyang thob pa dang/ 'jig rten ji tsam pa dang/ sems can ji snyed de tsam du sems can thams cad kyi don byed par snang ste de yang bsgrub bo/ /'phags pa sgo drug pa'i gzungs kyi rnam par bshad pa/ slob dpon dbyig gnyen gyi mdzad pa rdzogs so// (//'das? pa sgo mdza' las bsgrub ba'i gzungs bzhugs/)
- 4b
rgya gar skad du/ Arya anan+ta mu kha ni d+hA ra d+hA ri NI byA khyA naM kA ri kA/ bod skad du/ 'phags pa sgo mdza' yas bsgrub pa'i gzungs rnam par bshad pa'i tshig le'ur byas pa/ 'jam dpal gzhon nur gyur pa la phyag 'tshal lo/ /rdzogs pa'i sangs rgyas chos dang ni/ dge 'dun la yang phyag 'tshal nas/ mdza' yas sgos sgrub gzungs kyi don/ /mdor bsdus rnam par dbye bar bya/ /rdzogs pa'i sangs rgyas sras dang bcas ba shes bya kun gyi yang dag thugs chud pa'i/ /spyod yul zab mo'i gzungs 'di cig bdag 'dra nyon mongs blo zhan la yis ga la lcogs/ /de ni gnas ma yin par shin tu mdon bzhin 'on kyang gzungs don rnam pa dbye bya bar/ /bdag ni dad pas gus par bskul la gzhan dbang blo can bdag gis mi byas ci yang med/ /'jig rten ma lus yang dag 'dod pa'i dngos po sgrub pa yi/ /mthu dang ldan pa ma yin dman zhing don kyang ma byas pas bdag ni tshe rabs phyi ma la yang blun po 'di 'dra bar/ /'gyur du dgos phyir 'di yis lus ni rab tu dbye bar bya/ /gleng bsrung ba dang gleng gzhi dang/ 'dus ba dang ni dogs pa la/ /yang dag brtags na don chen phyir/ /zhu ba la ni nan tan byas/ /don chen bas na thub pa la/ /rgya cher mkhyen par gsol pa dang/ /thab la gsol ba 'debs pa dang/ /dam bca' mngon du phyogs bya dang/ /sgrub dang gzungs kyi ngo bo dang/ de la bstod dang phan yon dang/ /thob pa'i thabs dang phan yon dang/ /de ni sngon 'byung brjod pa dang/ /chos kyi rnam grangs che nyid dang/ /ming zhus pa dang bya pa gnyis/ /yi rangs pa dang bstan pa ste/ /'di las 'di ni mdor bsdus pa'o/ /bsgrub bya bsgrub ba'i bye brag gis/ /gleng bslang rnam pa brgyad du bstan/ /mdor na 'di la bsgrub bya gsum/ /bsgrub ba rnam pa lngar 'dod do/ /gleng gzhi thub pas gsungs pa 'di/ /de yis gdul ba'i dbang mdzad nas/ /rnam pa lnga dang ldan pa ste/ /phongs pa rnam pa gsum du 'dod/ /'di dag la sogs tshig gis ni/ /de dag byin gyis brlab pa bstan/ /bdud gnyis de dag bcom pa yis/ /gdul ba la ni thugs brtse'i phyir/ /sprul ba'i sku ni mya ngam 'das//
- 5a
'da' bar 'dod kyi cig shos min/ /gtan du gnas pa'i rgyu ldan pa/ /mya ngan 'da' bar yang mi rigs/ /rdzogs sangs rgyas kyi mthus bstan pas/ /ma bsgrims bsgrims dang bsgrims pa yis/ /'chas su 'gyur ba gsal ba'i phyir/ /bsdu ba rnam pa gsum du bzhag /btsun par mi 'gyur bsal ba'i phyir/ /thub pas mngon du ma mdzad de/ /gus pa skyes par bya ba'i phyir/ /gzhan dag sdud par byed du bcug /des gdul dbang mdzad bcom ldan gyis/ /de gnyis mya ngan 'das par bstan/ /'dir ni de smos pa yi phyir/ /yang dag mya ngan 'das ma yin/ /bsdu ba gsum la bsko ba dang/ /bsko bar bya ba'i bya ba dang/ /de yi 'bras bu go rims dag /bstan bzang par 'dod pa yin/ /byang chub mchog gi rims yin la/ /blo zhan shes gnyen dman pa'i lam brten pa/ gang dag dman pa'i lam brten pa/ de dag rnam pa bzhi dag gis/ /mngon du phyogs par mdzad pa na/ /mdza' dag kyang ni 'dus pa dang/ /tshe ba nyid ni rgyal bas bstan/ /gang zhig bsgrims te sdud pa dang/ /gang yang sgrim ni mi dgos la/ /'jig rten spyod pa'i tshul gyis 'jug /gang phyir de bzhin gshegs pa ni/ /skyon dang nyon mongs phung po bsal/ /don kun yang dag mkhyen pa ste/ /de phyir rgyal ba zhu bar 'os/ /dad par mos pa la sogs pas/ /gong nas gong du thob pa'i phyir/ /gdul bya'i bsam pa'i bye brag gis// don ni rnam lnga bstan pa yin/ /sdug bsngal la sogs yul rnams la/ /nem nur byed pa som nyir bstan/ /de spangs thob 'di yin par/ /'di ni don gyis bstan pa yin/ /phyir mi ldog pa'i sa la ni/ /thob pa rnam pa gnyis su bstan/ /skye ba gcig gis thogs pa rnams/ /sa ni rten bzhis thob par 'gyur/ /spyod pa sbyin sogs pha rol phyin/ /tshogs kyi rnam pa gnyis su 'gyur/ /gsum ni bsod nams pha rol phyin/ /lhag ma ye shes gcig shes gnyis/ /des 'dul phyir ni gnas pa dang/ /bstan pa don
- 5b
yod mtshungs pa med/ /smon lam 'bras bu 'grub pa dang/ /dga' dgur zhing ni ston par byed/ /sems can la sogs rnams dag ni/ /sems can chos don gnyer dang zhing/ /rang bzhin bdag med mthong ba yin/ /de ni 'dod pa'i don grub byed/ /gdul bya rnams kyi bye brag gis// lus sogs yid du 'ong ba gzhag /thams cad mkhyen pa'i yon tan gyis/ /tshogs kyi gzhi yang skye ba yin/ /gzungs ni rnam gsum gang gi phyir/ /tshig dang don dang gnyi ga 'dzin/ /legs pa las ni nyams pa na/ /'dzin par byed pas de phyir gzungs/ /bdag dang gzhan gyi don grub phyir/ /gzungs nyid sgo mo sgo yin no/ /de la 'jug pa de shes pa/ /de yang rnam bzhir bstan pa yin/ /zhu ba 'di ni mdor bsdu na/ /byang chub sems dpa' kun la yang/ /gang la ji snyed 'os yin pa/ /de la de snyed 'gyur ba yin/ /zhu ba'i 'bras bu blo ldan gyis/ /zhu ba nyid du rab tu gsungs/ /yang na 'bras dang tha dad par/ /sgro btags zhu ba nyid du gsungs/ /tshig dang don dang gnyi ga dang/ /thos sogs shes pa'i bye brag dang/ /mngon sum rjes dpag rnam gnyis kyis/ /rnam par dag pas rnam gsum mo/ /spyod pa pha rol phyin bcu dang/ /yang na stong nyid skyon med nyid/ /de yi dag pas thob pas na/ /thams cad mkhyen pa'i go 'phang thob/ /snod ni kha bug rdol ba dang/ /mi gtsang ba yi gnyen por ram/ /gzu bo la sogs yon tan ldan/ /khyod kyis nyon la gzhan du min gang phyir tshad ma ldan pas na/ /thog ma bar dang tha ma bdag? /chung ngu 'bring dang chen po yi/ /nyes pa rnams ni zad byed dang/ /tshig 'bru don dang gnyi ga shes/ /mngon sum la sogs mi 'gal ba/ /thos la sogs pas blo bskyed dang/ /bdag sogs 'byor ba'i rgyu yin phyir/ /don gsol zhal gyis bzhes pa na/ /de yis bdag nyid gsal bar phyogs/ /thub pa sems can don mkhyen phyir/ /'dir ni bsrung ba la sogs gsungs/ /yang dag tu na de chos ldan/ /dngos po ngo bor khas mi len/ /rkyen las rag las 'byung phyir te/ /sgyu ma rmi lam smig
- 6a
rgyu bzhin/ /dgag par bya ba med pas na/ /yang dag tu na bdag med ston/ /yang dag mkhyen te chos rnams kun/ /thams cad dngos por 'dzin mi mdzad/ /tshad ma ldan pa ma yin pa/ /yod med la sogs mtshan nyid du/ /de ni chos kun khas mi len/ /de phyir mkhas pa 'dzin mi byed/ /de phyir de ni stong pa min/ /mi stong ma yin yod med min/ /mi skye ma yin skye min zhes/ /bya ba la sogs bcom ldan gsungs/ /bsam gtan gyi ni lam 'di yis/ /gsang sngags tshig rnams bsams na ni// 'bras bu rdzogs par 'thob 'gyur gyi/ /'dod pa nyi tshas de lta min/ /tshig rnams re re'i rnal 'byor la/ /mngon du phyogs par byed bzhin du/ /gsang sngags ran par brjod bya ste/ /de phyir 'dir ni tshig smras so/ /yi ge re re bsam pa yi/ /rnal 'byor sus kyang mi nus te/ /tshig re nas ni nges par yang/ /brjod par byas pas de smos so/ /rnal 'byor med pa'i gsang sngags 'dri/ /de ltar 'bras bu ston mi 'gyur/ /gsang sngags tshig ni gsang sngags te/ /de phyir rnal 'byor med mi bya/ /gsung ba'i ming ni 'dogs pa dang/ /thob pa'i thabs ni bstan pa dang/ /des shes bya ba sogs tshig gis/ /gzungs ni 'og nas 'byung ba nyid/ /'di zhes gsungs pa brjod bya yin/ /'dzin pa don las bzhed ba yin/ /rlom sems mngon par bzhed pa ste/ /ma dmigs phyir na de 'dir med/ /mi sdug ma yin gnyi gar sdug /sdug pa de yang rnam gnyis 'dod/ /chos rnams thams cad thob pa yis/ /rnam pa bzhir ni bsdu ba mdzad/ /gnod sems gti mug 'dod chags rnams/ /de yi sgo nas 'byung phyir ro/ /spang ba'i thabs ni bsgrub pa'i phyir/ /de dag dngos po med par bstan/ /'di la thob bya rnams thob dang/ /de dag nyid ni bsgom pa dang/ /spang bya rnams ni spang bya dang/ /'phel ba thams cad yin par bzhed/ /de phyir rnal 'byor can de ni/ /thos bsam la sogs 'byung ba yi/ /shes pa rnams kyis nam du yang//
- 6b
'dug byas 'dus ma byas kyi chos/ /de dag thob sogs sbyor mi byed/ /yang na chung 'bring chen po yi/ /sbyor ba rnams kyis sbyor mi byed/ /de bzhin zag bcas slob sogs kyi/ /lam rnams kyis kyang sbyor mi byed/ /rgyu dang rkyen nam chags sogs kyi/ /bag nyal rnams dang ldan de dag /'dir ni mtshungs ldan zhes bya ste/ /bzlog pa las ni ldan pa min/ /rnam pa med pa'i shes pa yis/ /yul la 'dzin par mi rung ngo/ /rnam pa tshad ma min phyir dang/ /mi rung phyir na cig shos min/ /lus dang lus med 'phel ba de// rdzas dang rdzas med rnam pa gnyis/ /bltos par gnas pa'i ngo bo phyir/ /mi mthun pa dang lhan cig bshad/ /yang dag du na sku gnyis kyi/ /rang bzhin ma mtho gang yin pa/ /de nyid sangs rgyas rjes dran te/ /rtog pa thams cad sel ba yin/ /rkyen la rag las 'byung ba'i phyir/ /sgyu ma bzhin du gang ma skyes/ /bden par bsams na gzugs la sogs/ /de ni de bzhin gshegs ma yin/ /dgag par bya ba med pas na/ /yang dag tu ni bdag med mngon/ /de phyir brtags na gzugs med sogs/ /de ni de bzhin gshegs ma yin/ /des na gnyi ga ma yin dang/ /cig shos de dag bkag shes bya/ /de yi phyir na de gnyis te/ /so sor dgag pa ma mdzad de/ /de ltar rnam rtog med gyur na/ /chos kyi sku ni mthong ba ste/ /sangs rgyas rjes dran kun mkhyen gyi/ /yon tan phun sum tshogs pa'i gzhi/ /longs spyod rdzogs par mdzad pa'i sku/ /rnam pa nyi shus bshad pa yin/ /cig shos bco brgyad shes par bya/ /'dir ni de gnyis phrin las bzhi/ /de yi mdzad pa'i 'bras bu drug /de dngos rnams gnyis rgyu rnams bdun/ /mnyam pa nyid la gnas nas su/ /de dag la ni bsgom par bya/ /yang na longs spyod rdzogs pa'i sku/ /rgyu dang bcas dang 'bras bur bcas/ /yang dag du na gang ma mthong/ /de ni
- 7a
sangs rgyas rjes su dran/ /longs spyod rdzogs pa'i nyi shu ste/ /'bras bu nyi shu gnyis su bzhed/ /de yi rgyu ni bco lnga ste/ /gang gi phyir ni nan tan byed/ /ji ltar gang la bye brag gis/ /zag bcas cig shos bye brag gis/ /bya ba rnam gnyis shes par bya/ /lhag ma dag ni sngar bshad bzhin/ /sar pa 'jug pa'i rgyu nyid yin/ /gang tshe de las ma thob pa/ /sangs rgyas nyid du gcig tu nges/ /sangs rgyas nyid kyis thob la/ /gnas skabs dag ni thams cad du/ /bdud kyi las ni rnam spong na/ gzugs kyis thob par mi 'gyur gang/ /thob bya gzhan ni ci zhig yod/ /yang na mos la sogs/ /dbang du mdzad de go rims bzhin/ /ming rnams lnga po 'di dag ni/ /don dang mthun par gsungs pa yin/ /'bras bu yang dag bstan pas kyang/ /'dul ba rnams ni 'jug 'gyur te/ /de yi phyir na thub pa yis/ /thugs rjes phan yon yang dag gsungs/ /chos dang dad pas rjes 'brang ba'i/ /dbang mdzad 'di yi phan yon gnyis/ /rgyal bas gsungs te snga ma snga/ /phyi ma po ni phyi ma yin/ /yang na phan yon gnyis ka yang/ /chos dang dad pas rjes 'brang ba'i/ /phyi ma snga ma'i btags pa yin/ /phyi ma yi ni gnyis ka dngos/ /stobs dang pha rol phyin sa dang/ /mi 'jigs yon tan la sogs pa/ /rnam thar sgo dang rnam shes dang/ /gzungs sgom bcas pa mdza' yas sam/ /de dag mdza' yas thabs rnams kyis/ /bsgrub par bya ba gang yin pa/ /de phyir mdza' yas sgos sgrub pa'i/ /gzungs zhes bya bar bsgrags pa yin/ /'dir ni don gyi gzungs yin pa 'am/ /yang na gzungs don ston? pa yi/ /yi ge tshogs ni 'di nyid la/ /gzungs zhes bya bar dgongs pa yin/ /thos sogs las byung shes pa rnams/ /chung dang 'bring la sogs ldan pa/ /gzungs kyi don ni thob 'gyur nas/ /byang chub sems dpar 'gyur ba gang/ /de dag phyir mi ? nyid bya?
- 7b
mtshungs de dus ni tha dang ngo/ /byang chub myur ba nyid gsungs dang/ /de ni gzhan las bltos te dgongs/ /dmigs pa thams cad yod min pa/ /'dir ni dmigs pa med par grags/ /dmigs pa yod pa ma yin phyir/ /dmigs pa med pa'ang rigs ldan min/ /gang tshe 'di la dmigs med pa'i/ /spyod pa chen po yod gyur na/ /de nyid yang dag shes de'i phyir/ /de las mi 'grub ci zhig yod/ /khyod kyi nyes pa ma lus pa/ /spong ba sangs rgyas rjes dran nyid/ /de yi gnyen po yin pas na/ /de phyir ci bder bsgom par gyis/ /'khor gsum rnam par dag pa'i phyir// sbyin pa la sogs mchod dang ldan/ /yang dag rdzogs pa'i byang chub rgyu'i/ /khyad par 'di las thob par 'gyur/ /'dir ni thub pa'i dbang po yis/ /yi ge'i don dang gnyi ga yi/ /gzungs kyi phan yon bka' stsal te/ /ci rigs par ni sbyar bar zad/ /yang na phan yon thams cad kyang// gzugs rnams kun la bshad bya ste/ /kha cig dag ni dus gzhan las dgongs pa tsam du zad ba yin/ /mnyam nyid ces bya dus dang don/ /gang zag gzhan zhes bya ba yi/ /dgongs pa rnams kyis thub pa'i gsungs/ /ci rigs par ni rtogs par bya/ /gzungs zhes bya 'dir kha cig tu/ mgon po thugs rje can gyi ni/ /gzungs zhes pa ni chen po yi/ /chen po'ang yin par bka' stsal to/ /gsang sngags tshig ni snga ma yis/ /bsrung ba'i cho ga 'di byas la/ /gtsang mas 'du dang chags spangs shing/ /lus kyi 'du 'dzi spang bya ste/ /de ni rtog pa'i dra ba yi/ /rgy? ma lus spangs na ni/ /sangs rgyas rjes su dran pa tsam/ /rab tu bsgom pa gus byas las/ /sems ni rtse gcig byas nas su/ /sangs rgyas rjes su dran pa ni/ /de ni cho ga bzhin du bsgom/ /skyo bar gyur na blo can gyis/ /der gnas sems kyis dus btung ngo/ /blo? can de ltar gyi? byed pa/ /de la zhag bdun tha mar ni/ /sangs rgyas bya ba brgyad cu rnams/ /de yi 'og tu gzungs sbyin mdzad/ /gsang sngags tshig ni re re zhing/ /sangs rgyas bye ba byin brlabs la/ /des kyang sngar ni de dag gis/ /bzlas nas bsrung sogs phun tshogs byas/ /de phyir sangs rgyas bya
- 8a
ba ni/ /brgyad cus de la gzungs sbyin mdzad/ /yang na dgu bcus las thos ltar/ /bsgoms mthu de ni 'di 'dri'o/ /gzungs sogs bsam pa gsum bya yin/ /gzungs med sogs pa bsam bya min/ /yang na sprul bsam bsam bya yin// yang na bsam bya bsam bya min/ /dngos sam bsam bya bsam bya min/ /bzod nas ma skyes pas med phyir/ /bsam pa de dag bsam mi bya/ /chos dbyings soms shig de la yang/ /log par bsam par mi bya'o/ /de ltar zhag bdun sems na ni/ /de yi 'og tu gzungs thob 'gyur/ /blo ldan ci 'dra gang du dang/ /ji ltar gnas dang gang bsgom gang/ /gang byas pas ni thob 'gyur ba/ /de ni bzhi pa rnams kyis bstan/ /khrims ldan de yi mi mthun phyogs/ /gnyis 'gro de yi 'phel byed ldan/ /nyes pa dang ni phan yon bla? mas bstan pas de la 'dzud par byed/ /sngar bstan pa yi don nyid ni/ /chos kyi rjes 'brang ched du ste/ /rig pa phan yon bye brag gis/ /tshigs bcad rnams kyis yang bstan te/ /mgon sogs gnas shing zab mo la/ /chos rnams la ni legs par spyod// rnyed dang bkur sti tshig bcad la/ /lhag par chags med brtul zhugs can/ /rtag tu sdugs pa'i dngos po kun/ /'bras bu la ni mi lta 'am/ /'dzin med sems kyis gtong byed pas/ /gzungs ni thob par 'gyur ba yin/ /dang po gnas yin de nas las de nas rnyed sogs tshol ba spong/ /der yang ma zad thams cad la/ /mi lta bar yang gtong bar byed/ /don cig rtogs nas kun shes na/ /brgyad ces bya bas ci zhig bya/ /yi ge so so'i don shes na/ /'di yang ha cang nyungs pa yin/ /bstan bya ston pa nyan pa yin/ /ngo bo de nyid rnam gsum bstan/ /rgyal sa bstan bya gang yin te/ /rnam gnyis thams cad rnam pa gcig /yi ge 'bru brgyad 'di dag ni/ /byang chub sems dpa' mkhas ldan pa/ /brgyad po dag gi ting 'dzin rnams/ /mos pa yin par thub
- 8b
pas gsungs/ /de yi don ni bsgoms pa la/ /de kun mngon du phyogs par gnas/ /gzungs ni thob par bya ba'i phyir/ /kun tu brtson par rab tu byed/ /byang chub sems dpa' rnams dang ni/ /sangs rgyas rnams dang gnod sbyin rnams/ /rim gzhin bkod pa'i dkyil 'khor 'di/ /rmi lam du ni bstan pa yin/ /pad+ma'i rgyal po dkar po zhig /'dab ma brgyad pa yid du 'ong/ /de dbus thub pa mtshungs med pa/ /bum pa dang ni bcas par gzhag /'dab brgyad dag la thub pa'i sras/ /rnam par snang byed sogs brgyad kun/ /bum pa dang ni rang rang kun/ /yi ge sa bon ldan par dgod/ /'dab ma rnams kyi bar dag tu/ /gnod sbyin brgyad gzhag cho ga gcig /cho ga gzhan yang de bzhin du/ /tshon bye sna lngas gru bzhir bris/ /mkhas pas de dbus thub pa ni/ /pad+ma dkar po de brgyad la/ /bum pa nus bkang ldan par gzhag /de bzhin thub sras de dag kyang/ /pad+ma gdan bcas chu bum bcas/ /phyogs bzhi dag tu gnyis gnyis dgod/ /phyogs kun byang chub sems dpa' yi/ /bar du gnod sbyin de dag dgod/ /dkar po'i stan la 'khod rnams so? ? bya? gtsang ma yon tan can/ /gzungs bsgom rnal 'byor grub 'dod la/ /bum pa de dag gis dbang bskur/ /de ltar rmi lam bstan pa yin/ /cho ga bdag gis gsal brjod la/ /bdag nyid legs dran bya phyir gyi/ /mngon pa'i nga rgyal cung zad med?/ ?? don du stong pa dang/ /stong min la sogs chos rnams kun/ /ngo bo nyid med rnams shes pa/ /khong du chud phyir dang por bzhed/ /longs spyod rdzogs pa'i sku dang ni/ /sprul pa'i sku gnyis las skur bstan/ /de gnyis 'jig rten don 'byor pa/ /ma lus phyir ni mdzad phyir ro/ /kun rdzob du dang don dam par/ /mtshan dang mtshan med la sogs pa'i/ /sku gnyis rnam par shes pa ni/ /khong du chud phyir gzhan du bzhed/ /byis pa dang ni mkhas pa'i chos/ /dri ma can dang dri ma med/ /mi stong min sogs stong ma sogs/ /dri
- 9a
bzhin gnyis ni bstan pa yin/ /de yi 'jug pa rnam par shes/ /khong du chud pa mngon sum byed/ /sum pa 'di ni mkhas pa yis/ /de lta bur ni shes par bya/ /skye sogs skye ba med sogs kyis/ /'jug pa skye ba med pa dang 'gag med shes pa gang yin de/ /khong du chud phyir gzhan du bzhed/ /snga ma ji ltar snang bar te/ /phyi ma dam pa'i don du yin/ /de ltar gang gang don shes pa/ /khong du chud phyir lnga bar bzhed/ /yang na yang dag min snang phyir/ /de gnyis ngo bo nyid med nyid/ /de ltar yang dag don shes pa/ /khong du chud phyir lnga par bzhed/ /gzungs kyi chos kyi rnam grangs kyi/ /stong pa nyid la sogs pa yi/ /chos kyi dbyings ni 'di shes pa/ /rtogs phyir drug pa 'dir bzhed do/ /yang na gzungs chos rnam grangs kyi/ /stong pa nyid la sogs pa nyid/ /chos dbyings yin par rnam shes pa/ /khong du chud phyir drug par bzhed/ /ngo bo nyid sogs rnam rtog pa/ /spang ba'i thabs ni gdul rnams la/ /bstan par bya phyir mgon rnams kyis/ /stong nyid la sogs bstan pa mdzad/ /zhi gnas la sogs nyid yin zhes/ /chos rnams thams cad mdor bsdud de/ /de dag de bzhin nyid shes pa/ /khong du chud phyir bdun bar bzhed/ /kun rdzob tu ni chos rnams kun/ /skad cig pa gang de dag ni/ /bzod nas zhi phyir don dam du/ /zad med la sogs bye brag bstan mngon zhen rnam gsum spang ba'i phyir/ /zad med la sogs bye brag gam/ /yang na khams kyi bye brag gis/ /rnam pa gsum du gsungs pa yin/ /chos kun mya ngan 'das pa gang/ /de 'dir de bzhin nyid du bstan/ /de la 'jug pa rtogs pa ste/ /de rtogs phyir na brgyad par bzhed/ /des ni bsod nams bskyed pa na/ /gzungs sam yang na yi ge yi/ /don la gang gis 'jug 'gyur pa/ /don rtogs de ni gsum du bstan/ /thos par 'dod pas nyin re zhing/ /lhag par rjes su dran par byed/ /gzungs ni bsod nams chung ngu
- 9b
yis/ /shin tu thos par mi 'gyur ro/ bye brag la ni dgongs pa'i phyir/ /brtson pa yi ni tshig kyang gsungs/ /de phyir khrus sogs sngar byas la/ /klag pa la sogs de dag bya/ /de ni sbyin pa la sogs la/ /rtag tu yang dag dga' sogs dang/ /de ni bdag med la 'jug bya/ /yang na de dag nyid la 'jug/ gzungs kyi chos kyi rnam grangs la/ /zhugs pa dag la sogs pa de/ /yang dag dga' ba la sogs bya/ /yang na gzungs la gzhug par bya/ /don ni sngar yang bshad mod kyi/ /chos kyi rjes su 'brang ba'i phyir/ /rigs pa phan yon bye brag gis/ / tshigs su bcad pa gnyis kyis bstan/ /gzungs la brtson pa'i rnal 'byor pa/ /thob bya ma thob bar du yang/ /phan yon rnam pa bzhi po dag/ bzhi po gsum gyis thob par 'gyur/ /mngon 'byung ba ni mdor bsdu na/ /rnam pa dgur ni bstan par mdzad/ /rnam pa mang bor dbye ba yod/ /chags bral slob dang mi slob dang/ /bse ru la sogs rgyal ba'i sras/ /de dag gis shes lam las 'das/ /grangs med la sogs bstan pa yin/ /gzhal bya'i dngos po bye brag dag/ go byed grags dang stong gzhal dang/ /kun nas gzhal dang tshad ces bya de dag med phyir de skad bstan/ /snga ma snga ma sgrub pa yi/ /gtan tshigs phyi ma phyi ma yin/ /yang na la la sngar ma thos/ /gang yang rung bas don de ston/ /gdul bya'i don ni rab bsgrub phyir/ /ye shes spangs pa'i rang bzhin nyid/ /ci 'dra de ni rgyu dang bcas/ /phun sum tshogs gnyis bstod pa gsungs/ /ston pa rnams gnyis gang gis thob/ /ci 'dra de yi lam rnam gnyis/ /gang dag la ni de gnas dang/ /de dang ldan par ston par byed/ /'jig rten tshe ni dpag med tshe/ thub pa chen po skyes pa de/ /yongs su mya ngan 'das pa yi/ /dus bab pa ni de 'dra'o/ /de yi rgyu ni spangs pa'i phyir/ /des ni dmugs nyid de ma bsten/ /dngos po'i ngo bo nyid shes pas/ /dga' ba rnam gsum spang bar bya/ /'jig rten khams gzhan sangs rgyas rnams/ /snang ba thob pa des mthong ste/ /chos bstan pa ni thos so zhes
- 10a
byas pa'i chos la nyes pa med/ /yang na blo bzang 'jig rten khams/ /'di gzhan sangs rgyas bzhugs pa mthong/ /bstan pa 'byung la brten nas ni/ /cig car skye ba 'gag pa yin/ /rdzogs pa'i sangs rgyas thams cad kyis// bstan de dgu bcu las thos pa/ /des na chos kyi de kho na/ /bstan pa thabs dang bcas pa brjod/ /'di las chos ni nan tan du/ /legs bsgrub nyams su len par bstan/ /yang na 'dzin pa la sogs pa/ /yon tan bskyed par 'gyur ba yin/ /sangs rgyas gzhan dag ma yin zhes/ /de yi mtshan ni smos pa mdzad/ /des na thub pa bzhugs pa ni/ /'jig rten phan phyir nyid du bstan/ /sdom brtson tshul khrims ldan pa dang/ /gzhan don gzhol bas rtsol ba las/ /gzungs ni thob par thung ba des rab tu byung dang ldan pas bstan/ /mod la zhes bya de ma thag /yang na cig car 'byung ba yin/ /dgu bcu zhes bya ba la sogs tshig/ de ni dus gzhan dgongs pa yin/ /phul phyin yon tan ldan pa yi/ /gzungs ni thob par 'gyur pa'i phyir/ /bde bar gshegs pa'i sras po de/ /gzungs thob rnams kyi mchog yin no/ /ye shes khyad 'phags 'brel ba dang/ /yon tan phul phyin ldan pa'i phyir/ /de ni gzungs tshig ldan rnams kyis/ /mchog tu rgyal ba rnams kyis bstan/ /spobs pa rgyun mi chad pa rnams/ /so so yang dag rig thob rnams/ /de dag phul phyin ldan pa'i phyir/ /de dang rgyal sras de mchog go/ de dag gis gsungs tshul khrims ni/ /bsgrub pa mnyes byed rung bar 'dod/ /bskal pa gsum du tshogs rnams ni/ /yongs su rdzogs byas byang chub thob/ /dngos po stong pas 'dod mi bya/ /tshad ma dang yang 'gal ba'i phyir/ /mi mthun blo ni mi bskyed cing/ /cis kyang the tsam mi bya'o/ /thos pa la sogs shes pa 'am/ /yang na tshad ma gsum po yis/ /yongs su bcad par
- 10b
mi rung phyir/ /som nyi la sogs tshig gsum smos/ /spyir bstan pa ni yod mod kyi/ /'on kyang bdag gi 'bras bur bshad/ /'di ni mtshon pa kho na ste/ /mdo yi tshig gi mngon pa yin/ /de ni mi ldogs yi dang/ /rdzogs pa'i sangs rgyas gnyis bya yi/ /rgyur 'gyur bas ni de yi phyir/ /de yis byang chub myur du thob/ /don dang yi ge gnyis ka las/ /'di ni kun chub byed par bstan/ /thos bsam la sogs thams cad dang/ /yang na yi ger 'drir sogs kun/ /rigs pas 'gal ba ma yin dang/ /yang na ji skad thos pa bzhin/ /yid la byed pa gang yin pa/ /de ni tshul bzhin yid byed yin/ /don dang yi ge'i sgo nas 'di/ /rgya cher yang dag ston par byed/ /yang na rnam pa thams cad du/ /gzungs 'di yang dag ston par byed/ /de yi de ni bdag nyid kyis/ /tshad mas shes par mi nus la/ /gzhan dag gis ni bstan na yang/ /de ni bsam par mi nus so/ /shes bya ma lus khyab pa'i phyir/ /'dren pa rnams kyi de tshad de/ /mngon sum yongs su mkhyen pa dang/ /dgongs pa yang ni spyod pa yin/ /blo rmongs rnams dang ma 'dus dang/ /skye bo blo ni g.yengs rnams phyir// don de tshigs su bcad rnams kyis/ /thub pa yis ni bzlas te gzungs/ /gzhi dang rdzas bzang mang po dang/ /yongs su bkang ba'i bye brag gis/ /sbyin par bya ba'i khyad las 'di/ /sbyin pa khyad par 'phags par bstan/ /gzungs kyi chos kyi rnam grangs la/ /mngon par brtson pa gang yin pa/ /de ni gzungs la brtson zhes bya/ /de ltar skabs kyis mngon pa yin/ /lus dang ngag dang blo gros la/ /stobs dang gzi brjid rab rno ba/ /rim bzhin gzi brjid shes par bya/ /lus kyi sgra des lus gnas bsdu/ /las 'di rnam gsum bye brag gis/ /bsrung skyob sped gsungs yang na ni/ /gang phyir gnam bskos la sogs pa'i/ /bye brag gis ni gnod pa gsum/ /yang na bdag gzhan rkyen gyur las/ /gnod pa rnam gsum shes par bya/ /sems can sems can ming dgrang ba'i/ /bye brag gis na gzhan gnyis
- 11a
bstan/ /mngon du phyogs par bya ba gnyis/ /'ong bar bya ba'i phyir gsungs te/ /gcig gis spro ba bya ba bstan/ /gnyis kyis de dag gus ba ste/ /gnod sbyin rnams ni gdong bya'i phyir/ /'chag ba bsu pa'i bsam par bstan/ /de ltar min du zin na ni/ de yis lhag pa ci zhig bstan/ /de ltar don du gnyer shes nas/ /'ong bar spro ba'i sems ldan rnams/ /spro ba'i mthu la dmigs nas ni/ /de dag nges par 'ong bar 'gyur/ gnod sbyin de dag lhags nas ni/ /bstan bzhin brtul zhugs spyod de la/ /myur du gzungs kyi sgo rnams ni/ /the tshom med par ston par byed/ /yan lag kun gyi gtso bo sbyin/ /bsnyad pa'i de dag blo dga' bas/ /lhags pa yin te de dag las/ /'bras bur 'gyur bar the tshom med/ /yi ge brgyad po de dag ni byang chub sems dpa' brgyad po yin/ /de phyir don de bsgoms pa la/ /de dag thams cad phan 'dogs so/ /gzhan la phan 'dogs zhugs pa'i phyir/ /smon lam stobs kyis de dag rnams/ /de dang der ni skyed byed pa/ /gang yin de la the tshom med sems dpa' zhes ni gsungs pa 'di/ /sems ni snying rjes brlan rnams kyis/ /phan par bya ba 'dod pa'i blos/ /snying brtsen pa ni bltas pa yin/ /rgyal ba'i sras po de dag ni/ /phan pa'i nye bar bsgrub pa dang/ /gnod pa med par spang ba yis/ /gzungs thob bya phyir mngon par brtson/ /gzungs la brtson byed gang zhe na/ /gang zhig nyan sems rjes yi rang/ /'dri dang lung nod 'don la sogs/ /ston pa'i tshul gyis brtson byed pa'o/ /gzungs bskyed cho ga rgyal ba yis/ /bdag gzhan ltos las 'das te gsungs/ ston pa la sogs bye brag gis/ /gzhan ni rnam pa gsum du 'gyur/ /chos dang zang zing bye brag las/ /bgo bsha' rnam pa gnyis su bstan/ /chung dang nyung dang mang po ni/ /rdzas dang grangs dang gnyi gar bstan/ /gzungs don bstan pa
- 11b
yin mod kyi/ /'on kyang spyir yang bstan pa mdzad/ byas gzol sogs gzhan du yang/ /bya ba'i phyir na gsungs pa yin/ /'dir ni gtso bor thub pa yis/ /'bras bu gnyis su bstan pa yin/ /mtho rib la sogs 'bras bu ni/ /gzhan bsten pa las rtogs par 'gyur// bdag dang gzhan don rim bzhin du/ /zhus pa dang ni dgos pa bstan/ /yang na don ni che ba'i phyir/ /tshig gnyis kyis ni bzlos te zhus/ /'di ni go rims kho na bzhin/ /rgyu dang 'bras bu'i dngos po yis/ /ming ni rnam pa bzhir mdzad de/ /de phyir ming nyung lhag pa med lugs 'byung lugs 'byung ma yin las/ /sgrub par bsgrub bya'i dngos po yis/ /ming ni rnam pa bzhir mdzad te/ /de phyir mi nyung lhag pa med/ /yang na yon tan thams cad dang/ /ye shes phun sum spong phun sum/ /khyad par 'phags pa phun sum gyi/ /rten ni de nyid yin pa'i phyir ro/ /thub pa'i gsung las 'jig rten gyi/ /don chen skyes pa mthong gyur nas/ /sems ni rangs bar gyur pa'i phyir/ /mkhas rnams mngon par ston par byed/ /thub pa'i gsung las rkyen rkyen du/ /khyad par thob par gyur nas ni/ /yid kyang dga' bar gyur pa'i phyir/ /mkhas pas kha cig mngon par bstod/ /gsal zhing dri med yon tan ldan pa shin tu gting dpag dka' bas nyams dga' gzungs sngags 'di/ /bdag 'dra nyon mongs shin tu blo zhan bzhin du bdag gis tshe lo rnam par phye ba yi bsod nams phung po phal chen rnams la phan pa rnyed pa'i mthu can thob pa gang yin pa// /de dag thams cad kyis ni 'gro ba 'di dag kun gyi ye shes snying po rtag tu 'chad bar shog/ 'phags pa sgo mdza' yas pa bsgrub pa'i gzungs rnam par bshad ? le'ur byas pa/ /slob dpon ye shes snying pos mdzad pa rdzogs so// //rgya gar gyi mkhan po pradz+nyA pad+ma dang/ zhu chen gyi lo tsA ba bande ye shes sde la sogs pas bsgyur cing zhus te gtan la phab pa'o// //
- 12a
*/ (/sgo mdza' yas pa'i gzungs kyi 'grel bzhugs//) //rgya gar skad du/ Arya a nan+ta mu kha nirhA ra d+hA ra Ni TI kA/ bod skad du/ 'phags pa sgo mdza' yas pas bsgrub pa'i gzungs rgya cher 'grel pa/ 'jam dpal gzhon nur gyur pa la phyag 'tshal lo/ /rdzogs sangs rgyas dang chos dang ni/ /dge 'dun la yang phyag 'tshal nas/ /mdza' yas sgos sgrub gzungs kyi don/ /mdor bsdus rnam par dbye bar bya/ /rdzogs pa'i sangs rgyas sras dang bcas pa shes bya kun gyi yang dag thugs su chud gyur pa'i/ /spyod yul zab mo'i gzungs 'di dzi ga bdag 'dra nyon mongs blo zhan la yis ga la lcogs/ /de ni gnas ma yin par shin tu mngon bzhin 'on kyang gzungs don rnam par dbye bar bya/ /bdag ni dad pas gus par bskul la gzhan dbang blo can dag gis mi bya ci yang med/ /'jig rten ma lus yang dag 'dod pa'i dngos po sgrub pa yis/ mthu dang ldan pa ma yin dman zhing don kyang ma byas pas bdag ni tshe rabs phyi ma la yang skye bo 'di 'dra bar/ /'gyur du dogs phyir 'di lus rab tu dbye bar bya/ /gleng bslang ba dang gleng gzhi dang/ /'dus pa dang ni dgos pa la/ /yang dag brtags nas don chen phyir/ /zhu ba la ni nan tan byas/ / don phye bas na thub pa la/ /rgya cher mkhyen par gsol ba dang/ /thub la gsol ba 'debs pa dang/ /dam bca' mngon du phyogs bya dang/ /bsrung dang gzungs kyi ngo bo dang/ /de la bstod dang phan yon dang/ /'thob pa'i thabs dang phan yon dang/ /de yi sngon byung brjod pa dang/ /chos kyi rnam grangs che nyid dang/ /ming zhus pa dang bya ba gnyis/ /yi rangs par yang bstan pa ste/ 'di la 'dir ni mdor sdus pa'o/ /mdo 'dir don rnam pa bcu dgu bstan te de la yang
- 12b
dag par sdud par byed pas bdag nyid tshad ma nyid du brjod pas yang dag bsdu bar bya ba'i don phyin ci ma log par bstan pa'i phyir thog mar gleng bslang ba bstan te/ /phyin ci ma log par bstan pa de yang gdul bya'i skye bo the tshom med par 'di la bzung ba'i phyir ro/ /de'i 'og tu gleng gzhi ni bstan pa'i gzhir gyur pa'i phyir de bstan to/ /de nas bstan pa'i gnas de yin pa'i phyir dang/ /de'i dgos pa yin pa'i phyir 'khor rnams 'dus pa bstan to/ /de nas 'khor 'dus pa mthong nas dgos pa la brtags pa'i zhu ba bya ba bstan to/ /de nas de ltar dgos pa la brtags te gzhag pa'i don bcom ldan 'das la mkhyen par gsol ba bstan to/ /de nas mkhyen par gsol ba'i don la dgos pa yod pa'i phyir de nas de nyid kyi phyir bstan par dam bca' ba bstan to/ /de nas dris pa dang lan gdab pa'i che ba nyid brjod pa'i phyir 'dri ba po mngon du phyogs par bya ba bstan to/ /de nas bdud la sogs pas gnod pa byed pa bsal ba'i phyir kun nas bsrung ba bstan to/ /de nas bsrung pa rnyed pa la sems can rnams 'di la gus pa bskyed pa'i phyir dang/ yon tan phun sum tshogs pa thams cad kyi rten yin pas 'dri ba po'i don 'dod pa bsgrub pa'i phyir che ba nyid brjod pa'i don du gzugs kyi ngo bo bstan to/ /de nas sems can rnams spro ba bskyed pa dang/ /lhag par gus pa bskyed pa'i phyir che ba nyid brjod pa'i don du gzungs kyi ngo bo nyid de la bstod pa bstan to/ /de nas 'bras bu yang dag par bstan pas kyang sems can rnams de la bzud pa'i phyir gzungs kyi ngo bo'i phan yon brjod do/ /de nas gzungs kyi 'bras bu thos nas mchog tu dga' ba dga' ston lta bu skyes pas thob par bya ba'i thabs tshol bas de'i 'og tu de thob par bya ba'i thabs bstan to/ /de nas
- 13a
de la gus par 'jug par bya ba'i phyir dang/ gzungs kyi ngo bo'i che ba nyid brjod par bya ba'i phyir/ de thob par bya ba'i thabs la 'jug pa'i phan yon bstan to/ /de nas de'i 'og du gzungs la sogs pa'i 'bras bu de la nges pa shin tu bstan pa bskyed pa'i phyir sngon byung ba bstan to/ /des 'dod pa'i don rab tu bsgrubs nas kyang brjod par bya ba dang brjod pa la gus pa bskyed pa'i phyir/ /de'i 'og tu chos kyi rnam grangs kyi che ba nyid mjug sdud par byed do/ /de nas chos kyi rnam grangs kyi che ba nyid thob te dga' ba skyes nas tha snyad du bya ba'i phyir ming zhu'o/ /de nas chos kyi rnam grangs kyi 'bras bu'i bye brag yang dag par bstan pa'i phyir ming 'dogs so/ /de nas mdo yongs su rdzogs pa na/ /bcom ldan 'das chos ston pa don med pa ma yin par bstan pa'i phyir/ /thams cad kyang skal ba ji lta ba bzhin du 'bras bu thob par gyur to zhes rab tu bstan pa'i don du yi rang ba bstan te/ don de dag gi sbyar ba ni de lta bu yin no/ /de la bsgrub bya sgrub ba'i bye brag gis/ /gleng bslang rnam pa brgyad tu bstan/ /'dor na 'di la bsgrub bya gsum/ /sgrub pa rnam pa lngar 'dod do/ /'di ltar gleng bslang ba ni bsgrub par bya ba dang sgrub pa'i bye brag gis rnam pa gnyis su 'gyur te/ /bsgrub par bya ba ni yang dag par sdud par byed pas bdag nyid tshad ma nyid du bya ba yin te/ de'i tshig gis chos kyi rnam grangs 'di la gzhan dag gis nges pa bskyed pa'i phyir dang nges pa skyes ni ma rnams nan tan byed pa la gnas pas 'dod pa thob par 'gyur gyi/ de lta ma yin na mi 'thob par bstan pa'i phyir ro/ /tshad ma nyid du bya ba de yang yul dang/ lus dang/ rang gi ngo bo dang rnam pa gsum gyis bstan te/ de la yul ni mdo'i don 'og nas 'byung ba rnams so/ /lus ni bdag nyid de yang dag par sdud par byed pa'o/ /rang gi ngo bo ni rna
- 13b
ba'i rnam par shes pas nges par 'dzin pa ste/ 'di skad ces bya ba la sogs pa'i tshig gsum gyis de dag go rims bzhin du bstan to/ /sgrub pa ni rnam pa lngas bstan te/ dus kyi bye brag ni dus gcig na zhes bya ba ste/ de yang gang gis tshe gong ma dang sbyar na de'i tshe 'khor rnams kyi nges pa bskyed pa'i phyir bdag nyid mang du thos par bstan te/ 'di ltar bdag gis dus gcig na 'di thos kyi dus gzhan na yang gzhan dag thos so/ /de bas na bdag ni mang du thos ba yin te/ de'i bdag gi tshig ni yin chos par bya ba yin par bstan pa'i phyir ro/ /gang gi tshe 'og ma dang sbyar na de'i tshe dus gcig na bcom ldan 'das grong khyer yangs pa na bzhugs kyi dus gzhan gyi tshe ni gud na yang bzhugs te/ de bas na yul de dag kyang legs pa 'dod ba rnams kyi brten par bya ba yin par bstan to/ /byed pa po'i bye brag ni bcom ldan 'das zhes pa ste/ bdud bzhi bcom pa 'am/ dbang phyug la sogs pa'i yon tan dang ldan pas byed pa po khyad par du 'phags te/ 'di ni 'di lta bu zhig gis bstan pa las? na phyin ci ma log pa yin no/ /sa gzhi 'di ni 'di lta bu zhig gnas pa las na bsod nams kyi khyad par dang ldan pa yin gyis the tshom ma byed cig par bstan pa'i phyir ro/ /bya ba'i bye brag ni bzhugs te zhes bya ba ste/ lha dang tshangs pa dang/ sangs rgyas la sogs pa'i gnas pa rnams kyis gnas pa'o/ /yang na rdzu 'phrul la sogs pa rnam pa sna tshogs kyis gdul bya rnams kyi sems 'phrog pas gnas pa ste/ 'di gnyis kyis ni bcom ldan 'das tshul yongs su dag pa dang/ gzhan la phan 'dogs pa'i bya ba la mkhas par yang bstan to/ /yul gyi bye brag ni yul yangs pa na tshal chen po'i khang pa brtsegs pa'i khang bzangs na zhes bya ba ste/ de yang rnam pa gsum ste/ longs spyod pa'i phyir nye ba dang/ rab tu nye ba
- 14a
dang/ shin tu nye bar bstan to/ /nye ba dang rab tu nye ba dang/ shin tu nye ba dag gis ni 'jig rten gyi gus pa'i khyad par chung ngu dang/ 'bring dang chen po bskyed pas bsod nams kyi phung po'i khyad par chung ngu dang 'bring dang chen po bskyed par bya ba'i phyir ro/ /tha gru che ba'i phyir yangs pa'o/ /yang na bram ze dang khyim bdag rnams 'byor pa rgya chen pos de na gnas pa'i phyir yangs pa'o/ /zha 'bring ba'i bye brag ni bsod nams che bar bstan pa'i phyir ro/ /de yang rnam pa gnyis te zha 'bring ba nyan thos kyi bye brag dang/ zha 'bring ba byang chub sems dpa' i bye brag go /de la zha 'bring ba nyan thos kyi bye brag ni rnam pa lngas bstan te/ yon tan ni chen po zhes bya ba ste/ byams pa la sogs pa'i yon tan gyi che ba nyid dang ldan pa'i phyir ro/ /nyon mongs pa spangs pa ni dge slong zhes bya ba ste/ nyon mongs pa bcom pas na dge slong yin pa'i phyir ro/ /de kho na shes pa bskyed pa ni dge 'dun zhes bya ba ste/ chos kyi de kho na nyid dngos gsum du byed pas ? la sogs pa dag gis phyed par dka' bas dge 'dun yin pa'i phyir ro/ /tshul khrims ni dge slong zhes bya ba ste/ so sor thar pa'i sdom pa thob pas dge slong yin pa'i phyir te/ de'i phyir don gyi bye brag gis dge slong lan gnyis su smos so/ /?? stong zhes bya ba ste/ grangs brgyad stong du nges par chad pa'o/ /zha 'bring ba byang chub sems dpa' i bye brag ni rnam pa gsum du bstan te/ grangs ni rab tu mang po zhes bya ba ste/ zha 'bring pa nyan thos pas lhag pa'i phyir rab tu mang po yin no/ /shes rab dang thabs dang ldan pa ni/ byang chub sems dpa' zhes bya ba ste/ sgra 'di gnyis ni shes rab dang thabs la bya bar don yod zhags pa'i mdo las 'byung ba'i phyir ro/ /stong ba nyid la gnas pa dang ldan pa ni sems dpa' chen po zhes bya ba
- 14b
ste/ chos thams cad kyi ngo bo nyid med pa chen po la sems pa'i phyir ro/ /yang na sems can gyi khams ma lus pa yongs su bskyab pa'i bsam pa dang ldan pa ste/ bsam pa che ba'i phyir ro/ /yang na smon lam chen po dang ldan pa ste/ sngon byang chub tu smon lam btab pa'i phyir te/ de bas na de dag gi bsam pa che ba'i phyir sems dpa' chen po smos so/ /de ltar na rnam pa lngas bdag nyid tshad ma nyid du bsgrub te/ 'di ltar 'jig rten na yang log par zhugs pa la/ dus dang yul dang bya ba la sogs pa dran par byed pas brda sprod pa snang ba'i phyir ro/ /ji skad bstan pa'i dgos pa yang zhar la bsgrub ste/ chur ba la sogs pa'i don byed pa na zho la sogs pa yang 'grub pa bzhin no/ /da ni gleng gzhi brjod par bya ste/ gleng gzhi thub pas gsungs pa 'di/ de yis gdul ba'i dbang mdzad nas/ /rnam pa lnga dang ldan pa ste/ /phangs pa rnam pa gsum du 'dod/ /gleng gzhi nges gdul ba rnams la dgongs par mdzad nas/ /bcom ldan 'das kyi gleng gzhi rnam pa lnga dang ldan pa bka' stsal to/ /gleng gzhi de ni gzungs? bstan? pa'i phyir te/ ? ltar bcom ldan 'das sku rus pa rdo rje ltar bsra ba'i sku mnga' ba yang mi rtag par rtogs te/ lhag par tshes skyo ba skyes nas gzungs mnyam pa'i snod du 'gyur zhing myur du bsgrub par yang 'gyur bas de'i phyir bcom ldan 'das kyis bstan to/ /'jig rten? yang 'chi ba'i tshe snod du gyur pa dag kho na la gces pa ston par byed pas de'i phyir de dang 'dra bar chos kyi rnam grangs 'di nyid chos thams cad kyi nang na gces par ston cing gtso bo yin par yang ston to/ /rnam pa lnga dang ldan pa ni 'di lta ste/ thugs rje chen po dang ldan pa ni/ de yang bcom ldan 'das kyis zhes bya bas bstan te/ 'di ltar dbang phyug la sogs pa'i yon tan dang ldan bzhin du/ sku tshe'i 'du byed dag 'dor bar mdzad pa ni thugs rje chen po med bar mi rung ngo/ /smon lam chen po dang
- 15a
ldan pa ni/ /de yang dran pa dang ldan zhing zhes pas bstan te/ sngon bcom ldan 'das kyis bdag gi srog yongs su btang bas kyang sems can gyi don bya'o zhes smon lam btab po/ /de'i phyir dran pa dang ldan bzhin du sku tshe'i 'du byed dag bor te/ sngon gyi smon lam dran pas bor ro zhes bya ba'i tha tshig go /shes rab dang ldan pa ni/ de yang mkhyen bzhin du zhes bya ba bas bstan te/ 'di ltar mkhyen bzhin du sku tshe'i 'du byed dag bor ro/ /de ni 'di skad du ci nas gzhan gyi don 'grub bar 'gyur ba de ltar bor ro zhes bstan par 'gyur ro/ /phangs pa'i dngos po gtong ba dang ldan pa ni/ tshe'i 'du byed dag gtang bar gyur to zhes bya bas bstan te/ de yang bcom ldan 'das kyis bdag cag gis phyir sku yongs su gtong pa yang mdzad do snyam du 'dzin pa rnams bcom ldan 'das la gus pa bskyed pa'i phyir ro/ /phangs pa'i dngos po yang rnams pa gsum gyis bstan te/ nang gi khyad par du 'phags pa dang/ mang ba dang/ yongs su gtong pa'i yul gyis bstan to/ /tshe rnams btang bar gyur to zhes bya bas kyang chog na/ 'du byed smos pa ni tshe'i rdzas gang na med par bstan pa'i phyir ro/ /dgos pa dang ldan pa ni/ de yang 'di dag ces bya ba la sogs pas bstan te/ de yang bcom ldan 'das ni dgos pa mngon du gtong bar bstan pa yin no/ /dgos pa de yang rnam pa lngas bstan te/ nye ba mngon sum gyi dngos po bstan pa dang/ grangs bstan pa dang/ dus bstan pa 'di gsum ni/ sangs rgyas kyis gdul ba'i sems can yongs su smin par mdzad pa'i dus 'dir zad do zhes bstan pa'i phyir ro/ /'das pa bstan pa dang/ yongs su mya ngan las 'da' bar bstan pa 'di ni sangs rgyas kyis gdul pa'i sems can yongs su smin par mdzad pa'i dus med par 'gyur pa bstan pa'i phyir ro/ /gal te tshe'i 'du byed rnams btang bar gyur ni/ 'di dag ces bya ba la sogs
- 15b
pa'i tshig ji lta bu zhe na/ smras pa 'di dag la sogs tshig gis ni/ de dag byin gyis brlabs par bstan/ zla ba gsum po 'di dag 'das nas yongs su mya ngan 'da' o zhes bya ba'i tshig 'dis tshe'i 'du byed de dag byin gyis brlabs par bcom ldan 'das kyis bstan te de ni bdud gnyis bcom pa yis/ gdul ba la ni thugs brtse phyir/ 'chi bdag dang phung po'i mtshan nyid kyis bdud gnyis bcom pas gdul ba gang yin pa de la thugs brtse ba'i phyir byin gyis brlabs pa der mdzad de/ 'chi ba la dbang bar bstan pa'i phyir ni btang ngo/ phung po la dbang mnga' bar bstan pa'i phyir ni byin gyis brlabs te de ltar nges par gzung bar bya'o/ /yang na 'chi bdag dang phung po gnyis las bzlog ste shes par bya'o/ /yang na 'chi bdag dang phung po gnyis las/ yang na lhag pa rnams ni btang la/ zla ba gsum gyi dus tshun chad ni gzhag par khong du chud par bya'o/ /'di la yang bcom ldan 'das la bdud gnyis bcom pa mnga' ste sbyar bar bya'o/ /gdul ba'i bsam pa'i bye brag gis mya ngan las 'da' bar 'jug pa'i phyir/ sprul pa'i skus ni mya ngan las 'da' bar 'dod kyi cig shos min/ longs spyod rdzogs pa'i skus mya ngan las 'da' bar ni mi 'dod do/ /ci'i phyir zhe na/ gtan du gnas pa'i rgyu ldan pa/ sangs rgyas rnams ni/ mya ngan las 'da' bar yang mi rigs/ gtan du gnas pa'i rgyu ni bsod nams dang ye shes kyi tshogs yin la/ de yang gus par bskal pa grangs med pa du mar rgyun tu bsgrubs pa'i phyir phul du byung ba ste/ de bas na 'bras bu ni rgyu dang 'dra ba'i phyir/ de'i 'bras bu yang phul du byung ba yin pas longs spyod rdzogs pa'i skus mya ngan las 'da' bar ga la 'gyur/ de lta ma yin du zin na chen po'i 'bras bu chung ngur 'gyur la/ chung ngu'i 'bras bu chen por 'gyur pas srog gcod pa spangs la sogs pa dang/ tshe ring bar 'gyur
- 16a
ba la sogs pa dag rgyu dang 'bras bu'i dngos po nyid du mi 'gyur ba'i rigs so/ /gal te tshe dpag tu med pa zhig las bcom ldan 'das kyis sku tshe btang ba'i phyir mya ngan las 'das so zhes na ma yin te/ rdzu 'phrul gyi rkang pa bzhi po 'di dag ces bya ba la sogs pa gsungs pa'i phyir ro/ /yang zhes bya ba ni dam bcas pa ma rdzogs pa rnams mya ngan 'da' bar mi rigs pa kho nar nges par gzung bar bya ste/ dge ba gzhan yang dam bcas pa las 'gal bar mi byed na/ dge ba ma lus pa'i bla mar gyur pa/ sangs rgyas bcom ldan 'das rnams lta mdzad par gal 'gyur de dag gis ni bdag cag gis sems can thams cad bla na med pa'i byang chub tu dgod par bya'o zhes bya ba la sogs par thugs dam bcas te/ de bas na ji srid du gzung bar bya ba'i sems can gcig tsam yod pa de srid du de dag mya ngan las 'da' ba ni mi rigs pa dang/ sangs rgyas kyis gdul ba'i sems can med du zin kyang brgya byin la sogs pa'i gzugs kyis gdul ba yod pa'i phyir ro/ /de bas na sprul pa'i sku kho nas mya ngan las 'das 'da' bar 'dod de/ de ltar yang nges par gzung bar bya'o/ /sangs rgyas mya ngan yod mi 'da' / /chos kyang nub par mi 'gyur te/ /sems can yongs su smin mdzad phyir/ /yongs su mya ngan 'da' ba ston ces bya ba la sogs pa gsungs pa'i phyir ro/ /da ni 'khor rnams bsdu ba bstan te/ rdzogs sangs rgyas kyi mthus bstangs pas/ /ma bsgrims bsgrims dang bsgrims pa yis/ /'phyas su 'gyur ba bsal ba'i phyir/ /bsdu ba rnam pa gsum du bzhag /bcom ldan 'das kyis bsdu ba rnam pa gsum byed du bcug pa la/ ma bsgrims par bsdus pa ni maung+gal gyi bu chen pos byas pa ste/ de bas na stong smos ba yin te/ 'jig rten gyi khams stong du ni nyan thos kyis kyang mngon par 'du bya mi dgos par byed nus so/ /bsgrims te bsdus pa ni shA
- 16b
ri'i bus byas pa ste/ de bas na der rdzu 'phrul mngon par bya bar smos so/ /bsgrims te bsdus pa cig shos na/ byang chub sems dpa' chen po rnams kyis byas pa ste/ de bas na de ltas smos te/ ting nge 'dzin gyi bye brag gis bskyed pa'i rtags kyis bye brag 'ga' la bltas zhes bya'o/ /'di dag thams cad kyang bcom ldan 'das kyis mdzad pa yin te/ dang po dang tha ma ni bkas mdzad do/ /bar ma ni mthus mdzad de/ bcom ldan 'das kyis gang gis ma mdzad pa'i rnam pa de med par bstan pa'i phyir ro/ /bsdu ba gsum po 'di lta bu bcom ldan 'das kyis mdzad pa 'di yang/ la la 'di snyam du bcom ldan 'das ni gdul ba'i 'phrin las yongs su ma rdzogs pa'i mya ngan las 'das so snyam du 'phya bar 'gyur ba bsal ba'i phyir ro/ /de bas na nyan thos chen po la sogs pa smos so/ de? lta? ma yin du zin nas su yang rung ba la bcom ldan 'das kyis byin gyis brlabs na yang thams cad bsdud nus pas nyan thos chen po la sogs pa smos ci dgos te/ smos pa na gang du bcom ldan 'das kyis 'di lta bu dag byin gyis brlabs te/ 'khor bsdud pa der sangs rgyas kyis gdul ba'i sems can gang 'du bar mi 'gyur ba dang/ yongs su smin par mi 'gyur ba su yang med do zhes ston to/ /de bas na gdul ba'i don yongs su rdzogs nas gdod bcom ldan 'das yongs su mya ngan las 'das so/ /btsun par mi 'gyur bsal ba'i phyir/ /thub pas mngon du ma mdzad de/ /gus pa bskyed par bya ba'i phyir/ /gzhan dag sdud par byed du bcug /bcom ldan 'das nyid kyis mdzad spyod mod kyi/ /mi btsun par 'gyur ba bsal ba'i phyir gdul ba thams cad bdag nyid kyis bsdu ba ma mdzad do/ /de bas na gus pa bskyed pa'i phyir bcom ldan 'das kyis maung+gal gyi bu chen po la sogs pa sdud du bcug go /des gdul dbang mdzad bcom ldan gyis/ /de gnyis mya ngan 'das par bstan/ /'dir ni de gnyis smos pa'i phyir/ /yang dag mya ngan
- 17a
'das ma yin/ /'phags pa shA ri'i bu dang/ maung+gal gyi bu gnyis de'i snga rol du mya ngan las 'das pas gdul ba'i sems can rnams kyi dbang du mdzad nas/ bcom ldan 'das kyis de gnyis mya ngan las 'das pa bstan pa yin gyi de gnyis la 'dir bskul ba mdzad pas yang dag pa'i don du de gnyis mya ngan las 'das pa ni ma yin no/ /bsdu ba gsum la sko ba dang/ /bsko bar bya ba'i bya ba dang/ /de'i 'bras bu go rims dag/ bstan pa zad par 'dod pa yin/ /bsdu ba rnams pa gsum la yang mdor bsdu ba sko ba po'i bya ba dang/ bsko bar bya ba'i bya ba dang/ de'i 'bras bu dang/ 'bras bu'i go rim bstan par khong du chud par bya'o/ /de la bsdu ba dang po la sko ba po'i bya ba ni mngon du phyogs par bya ba dang/ bya ba la bsko ba'o/ /bya ba la bsko ba de la yang gtso bo ma yin pa'i bya ba dang/ gtso po'i bya ba dang rnam pa gnyis so/ /de yang song la zhes bya ba la sogs pas go rim bzhin bstan to/ /bsko bar bya ba'i bya ba ni bka' mnyam pa dang/ de bzhin du bsgrub pa ste/ de bzhin du bsgrub pa ni/ bcom ldan 'das kyis bka' stsal ma thag tu ri rab kyi rtse mo la 'dug ste/ skad cig gis go bar byas pa'o/ /skad cig de nyid la zhes bya ba ni bcom ldan 'das la gus par byed pa bstan pa'i phyir dang/ gdu ba'i dus las yol ba bsal ba'i phyir dang/ gdul ba'i bya ba dag la gus par byed pa bstan pa'i phyir ro/ /mngon par 'du byed pa med pa'i rdzu 'phrul dang ldan bar bstan par yang mngon no/ /'di ni 'dug pa dang go bar byed pa gnyis ga la yang sbyar bar bya'o/ /rang gi rdzu 'phrul gyi stobs smos pa yang gnyis ka dang sbyar par bya'o/ /ri rab kyi rtse mo smos pa dang/ stong gi 'jig rten gyi khams su go bar byed pa 'di gnyis ni che ba nyid bstan pa'i phyir te/ 'dis ni gang na 'di lta bu'i sdud pa po yod pa der ni sangs rgyas kyis gdul ba su yang mi 'dul ba med par
- 17b
bstan to/ /go bar byed pa yang don rnam pa brgyad dang ldan te gus par nyams su len du gzhug pa'i phyir mngon du phyogs par bya ba'i don du/ rjes su chags pa la sogs pa med pa shes par bya ba'i phyir mdza' dag gi don dang/ bka' dang mthun pa'i don bsgrubs pa'i phyir gzhi'i don dang/ de kho na rtogs pa dag slob mar gyur te/ de lta bu dag la yang phan 'dogs pas chos kyi rnam grangs kyi che ba nyid bstan pa'i phyir chos kyi de kho na rtogs pa'i don dang/ bskul ba la sogs pa'i ma longs pa med pa bstan pa'i phyir 'jug par bya ba'i don dang/ de dag nyid la chos bstan pas phan 'dogs pa'i phyir chos 'dod pa'i don dang/ rang gi don rab tu bstan pas de dag gi spro ba bskyed pa'i phyir 'bras bu nye bar bstan pa'i don dang/ bsgrims pa med par 'dul bar bstan pa'i phyir rang dbang yod par bstan pa'i don to/ /de gnyis kyi 'bras bu yang rnam pa gsum gyis bstan te/ grangs dang/ nyon mongs pa spangs pa dang ldan pa dang 'dus pa'o/ /de'i go rims kyang rnam pa bzhis bstan te/ mthong ba dang phyag 'tshal ba dang/ bskor ba byed pa dang/ 'khod pa'o/ /de dag kyang dngos pos go rim du gyur par rig par bya ste/ lhags pa'i 'og tu thog ma kho nar mthong ngo/ /de nas mthong bas lus tshim par gyur nas/ /phyag 'tshal lo/ /de nas dad pa'i shugs mngon par 'phel nas bskor ba byed do/ /de nas go rim bzhin bya snas gang gi phyir lhags pa de'i phyir 'khod do/ /bsdu ba gnyis pa la sko pa po'i bya ba ni sangs rgyas kyi mthu ste/ mthu'i dbang yin no/ /bsko bar bya ba'i bya ba ni thabs dpyod pa dang/ de'i 'bras bu dpyod pa dang/ thabs sgrub pa dang/ de'i 'bras bu bsgrub pa ste/ rtog pa mngon du gtod pa ni thabs dang de'i 'bras bu dpyad nas de bsgrubs pas 'bras bu 'grub par byed do/ /de bas na de dag go rim ni de lta bu yin no/ /'bras bu dpyod pa yang rnam pa lnga ste/ mdza' dag dag dang/ gzhi dang/ gdul ba dang/
- 18a
de'i rab tu dbye ba dang/ rang gi ngo bo ste/ nyan thos kyi theg pa can la sogs pa smos pa'i phyir ro/ /byang chub mchog gi rigs yin la/ /blo zhan shes gnyen dman brten pas/ /gang dag dman pa'i lam brten pa/ /de dag 'dir bkug shes par bya/ /de ltar ma yin chos bstan pa 'di dag la phan med pas de dag bkug pas ci zhig bya ste/ mdo rdzogs kyi bar du yang gzhan nas ji skad 'byung du/ nyan thos kyi theg pa can rnams kyis 'bras bu ni ci yang ma bstan la/ bcom ldan 'das kyis chos bstan pa ni 'bras bu med pa ma yin no/ /de lta bas na de dag la yang de'i tshe phyir mi ldog pa'i sa la 'god pa la sogs pa'i 'bras bu yod par nges par bzung bar bya'o/ /de bas na de dag ni sangs rgyas kyi rigs can kho na yin pa pas/ ci zhig ltar gyur te/ theg pa gzhan la zhugs pa shes par bya'o/ /'bras bu de'i go rim kyang rnam pa bzhi ste/ snga ma bzhin du nges par gzung ngo/ /bsdu ba gsum pa la/ sko ba po'i bya ba ni/ mngon du phyogs par bya ba dang/ bya ba la bsko ba'o/ /de dag rnam pa bzhi dag gis/ /mngon du phyogs par mdzad pa na/ /bsdu ba'i mdza' dag nyid dang ni/ chen po nyid kyang rgyal bas bstan/ /sngon du phyogs par bya ba yang rnam pa bzhi ste/ ting nge 'dzin thob pa ni/ mthong ba don yod ces bya ba'i ting nge 'dzin te/ de thob pa'i phyir byang chub sems dpa' yang mthong ba don yod ces gsungs pa dang/ ting nge 'dzin de'i 'bras bu thob pa ni/ ting nge 'dzin 'ga' zhig 'bras bu mthong ba don yod pa nyid de/ de thob pa'i phyir mthong ba don yod ces gsungs pa dang/ smon lam gyi 'bras bu thob pa ni/ sngon gyi smon lam gyi 'bras bu thob par bya ba'i phyir/ mthong ba don yod ces gsungs pa dang/ yon tan bsgrubs pa'i 'bras bu thob pa des gang gis mthong ba don yod par gyur pa de lta bu'i yon tan bsgrubs pas na de'i
- 18b
phyir/ mthong ba don yod ces gsungs pa'o/ /de'i mthong ba don yod pa nyid ni/ de mthong ba 'bras bu med par mi 'gyur ba'i phyir ro/ /de bzhin du byang chub sems dpa' thams cad la yang sbyar bar bya'o/ /rnam pa 'di dag gi bsdu ba'i mdza' dag nyid dang/ chen po nyid bstan te/ sdud pa po rnams che ba'i phyir ro/ /bya ba la bsko ba ni rnam pa gnyis te/ gtso bo ma yin pa'i bya ba dang/ gtso bo'i bya ba dang/ /gtso bo ma yin pa'i bya ba yang rang gi ngo bo dang/ yul gyis rnam pa gnyis su 'gyur te/ yul ni thams cad kyi zhes bya ba la sogs pa ste/ de phan chad na sangs rgyas kyis gdul ba med pa'i phyir ro/ /gtso bo'i bya ba ni mdza' dag dang/ gdul ba'i rang gi ngo bo dang/ de'i dbye ba dang/ gzhi dang/ rang gi ngo bo bstan te/ de'i gdul ba'i rang gi ngo bo bstan te/ nyan thos la sogs pa gzhan sangs rgyas kyi gdul ba med pa'i phyir ro/ /de'i dbye ba bstan pa ni/ de snyed cig gis dbye bas tha dad pa'i byang chub sems dpa' rnams bkug pa'o/ /nyan thos la sogs pa gang yin pa de dag dgug pa la shin tu dga' ba ci zhig yod na ma bkug par gyur ce na/ de'i phyir de dag la des gdu ba med par bstan pa'i phyir ro/ /srid pa tham pa ni tshe 'di nyid la mngon par rdzogs par 'tshang rgya ba'o/ /skye ba cig gis thogs pa ni tshe phyi ma la mngon par rdzogs par 'tshang rgya ba'o/ /phyir mi ldog pa ni sangs rgyas pa thob pa rnams so/ /mi skye ba'i chos la bzod pa thob pa ni rab tu dga' ba la sogs pa'i sa thob pa rnams so/ /dad pas mos pa ni mos pas spyod pa'i sa thob pa rnams so/ /srid pa tha ma pa smos pa ni chos kyi rnam grangs kyi che ba nyid bstan pa'i phyir te/ bsod nams dang ye shes kyi tshogs yongs su rdzogs pa rnams la yang phan 'dogs pa yin pa'i phyir ro/ /bsdu ba zhes bya ba 'di ni gzhan yin la/ de yang bsdu bar bya ba'i bya ba la brjod par 'dod na rung ste/ de lta na bsgrims te bsdu ba 'di ji ltar rung zhe na/
- 19a
nyes pa med de 'di ltar gang zhig bsgrims de bsdu ba dang/ gang yang bsgrim ni mi dgos pa/ /brjod pa 'dod pa 'di la 'di/ /'jig rten spyod pa'i tshul gyis 'jug/ bya ba la ma sbyar du zin kyang nus pa la sogs pa mthong ba'i dbang gis sgra 'di 'jig rten sbyor te/ tshong pa'i grong nan gyis sdus shig ces bya ba la sogs pa dang/ 'dra bas na nyes pa med do/ /bskor bar bya ba'i bya ba ni/ /bka' mnyan pa dang/ de bzhin du bsgrub pa'o/ /de'i 'bras bu dang/ de'i go rim gyi don ni phal cher gong du rngal bas rnam par ma phye'o/ /legs so zhes bya ba'i sgra ni don 'dir de ltar 'tshal lo zhes bya'o/ /brjod du med pa ni grangs kyi bye brag yin te/ des kyang brjod du med pa'o/ /yang na brjod du med pa'i yang brjod du med pa nyid grangs kyi bye brag yin te/ brgya zhes bya ba la sogs pa bzhin no/ /de yang bye ba khrag khrig phrag 'bum gyi bye brag yin no/ /da ni dgos pa rtags nas phan pa che ba dang/ gdul ba'i bye brag dang/ gus pa'i bye brag dang/ ston pa po'i bye brag dang/ dgos pa'i bye brag dang/ rnam pa lngas zhu ba bstan to/ /ston pa po ni bye brag rnam pa gsum gyis khyad par du 'phags te/ gang phyir de bzhin gshegs pa ni/ /skyon dang nyon mongs phung po stsal/ /don kun yang dag mkhyen pa ste/ de phyir rgyal la zhu bar 'os/ /gang gi phyir phyin ci ma log bar gsungs pas de bzhin gshegs pa ste/ de'i phyir zhu bar 'os te/ de yang nyon mongs pa dang shes bya'i sgrib pa spangs pa'i phyir ro/ /de'i de yang don thams cad yang dag par mkhyen pa'i phyir ro/ /yang na gang gi phyir yang dag par rdzogs pa'i sangs rgyas yin pa de'i phyir zhu bar 'os te/ de'i de yang nyon mongs pa dang shes bya'i sgrib pa spangs pa'i phyir ro/ /de'i de yang de bzhin gshegs pa yin pa'i phyir ro/ /bde bar gshegs pa rnams kyis bgrod pa dang/ rjes su bgrod pa'i lam du gshegs pa'i phyir ro zhes bya ba'i tha tshig go/ dad pas mos pa la
- 19b
sogs pas/ gong na gong du 'thob pa'i phyir/ /gdul ba'i bsam pa'i bye brag gis/ /don ni rnam lngar bstan pa yin/ /dgos pa'i bye brag ni rnam pa lnga ste/ dad pas mos pa rnams kyis mi skye ba'i chos la bzod pa 'thob pa dang/ mi skye ba'i chos la bzod pa thob rnams kyis phyir mi ldog pa'i sa'i thob pa dang/ de rnams kyis skye ba gcig gis thogs pa nyid 'thob pa dang/ de rnams kyis kyang srid pa tham pa nyid 'thob pa dang/ srid pa tha ma pa rnams kyis kyang gzungs kyi sgor 'jug pa 'thob pa'o/ /sdug bsngal la sogs yul rnams la/ /na ma nur byed pa som nyir bstan/ /de spangs sa thob 'di yin par/ /'dir ni don gyis bstan pa yin/ /don gyis na sdug bsngal la sogs pa'i bden pa la dmigs pa'i the tshom spangs mdang bas mos pa rnams kyis sa thob par bstan to/ /mos nyi spangs pas sdug bsngal la sogs pa'i bden pa mthong bas spang bar bya ba'i nyon mongs pa'i tshogs kyang spangs bar khong du chud par bya ste/ de dag ni cig car spong bar 'gyur ba'i phyir ro/ /thams cad ces smos pa ni bden pa bzhi la dmigs pa'i som nyi bsdu ba'i phyir ram/ /chung ngu la sogs pa'i bye brag gis tha dad pa bsdu ba'i phyir ro/ /phyir mi ldog pa'i sa ni 'dir/ rnam pa gnyis kyis 'thob par bstan/ /sa dang po thob pas mi skye ba'i chos la ri rbod pa thob pa rnams kyis ni rang gi stobs dang gzhan gyi stobs rnam pa gnyis kyi phyir mi ldog pa'i sa thob par bstan to/ /sgrib pa med pa ni nyon mongs pa dang shes bya ba'i sgrib pa spangs pa'i phyir te/ ye shes dang spobs pa gang la yod pa de'i ngo bo ni zhes bya bar tshig rnam par sbyar ro/ yang na sgrib pa med pa ni thams cad mkhyen pa'i ye shes te/ 'dis snang bar byed pas de'i ngo bo nyid de yin pas yang nges par bzung bar bya'o/ /'dis mi g.yo ba'i sa bstan te/ de ni rang gi stobs yin no/ /gzhan gyi stobs ni rnam pa gsum gyis bstan te/ dge ba'i
- 20a
bshes mnyen du du ma la bsten pas/ /thos ba las byung ba'i shes pa 'thob pa dang/ bsams pa las byung ba'i shes pa 'thob pa dang/ bsgom pa las byung ba'i shes pa 'thob pa ste/ des dran pa brjed par 'gyur to/ /yang ni chos bstan pa nyan pa dang/ de'i don 'dzin pa dang/ dus gzhan ni mi brjed pa dang/ de ltar na dge ba'i bshes gnyen mchog la bsten nas/ bla na med pa'i byang chub tu nges par gyur pas phyir mi dog par bstan pa'i phyir/ bar du zhes pa la sogs pa zhes so/ /skye ba gcig gis thogs rnams kyis/ /sa ni rten bzhin thob pa 'gyur/ /phyir mi ldog pa rnams kyis ni rnam pa bzhis skye ba gcig gis thogs pa'i sa 'thob par 'gyur te/ spyod pa sbyin sogs pha rol phyin/ /tshogs kyis rnam pa gnyis su 'byung/ ? ni bsod nams pha rol phyin/ /lhag ma ye shes cig shos gnyis/ /sbyin pa dang/ tshul khrims dang/ bzod pa'i pha rol tu phyin pa gsum pa bsod nams kyi tshogs so/ /bsam gtan dang/ shes rab dang/ thabs dang/ smon lam dang/ stobs dang/ ? zhes bya ba ni ye shes kyi tshogs so/ /brtson 'grus ni gnyi ga ste/ gnyi gar bya ba byed pa'i phyir ro/ /spyod pa des thob par bya ba ni yongs su dag pa rnam pa bzhi ste/ des skye ba gcig gis thogs par 'gyur ro/ /des gdul phyir ni gcas pa dang/ /bstan pa don yang mtshungs pa med/ /smon lam 'bras bu 'grub pa dang/ dga' mgur zhing ni ston par byed/ /smon lam gyis bsgrubs pa'i bsod nams dang ye shes kyi tshogs kyi stobs kyis byang chub sems dpa' gdul ba nyid du sems can rnams gnas pa ni sems can yongs su dag pa'o/ /mdo sde la sogs pa chos bstan pa don yod cing mtshungs pa med pa'i 'bras bu dang ldan pas na chos yongs su dag pa'o/ /smon lam ma lus par 'bras bu 'grub pas na smon lam yongs su dag pa'o/ /gdul ba'i bsam pa'i bye brag gis
- 20b
ci dga' 'gyur zhing kun tu ston pas na zhing yongs su dag pa'o/ /yang na sems can la sogs rnams dag ni/ /sems can chos don gnyer dang zhing/ rang bzhin bdag med mthong ba yin/ /de ni 'dod pa'i don grub byed/ /'dis yongs su dag par 'gyur bas na yongs su dag pa ste/ yongs su dag pa bzhi ni/ sems can la sogs pa bdag med par mthong ba nyid do/ /bdag med par mthong ba las byang chub sems dpas gdul ba nyid du sems can rnams gnas pa zhes bya ba la sogs pa sngar bstan pa'i 'dod pa thams cad 'grub par 'gyur ro/ /don du gnyer ba zhes bya ba ni smon lam mo/ /da ni skye ba gcig gis thogs rnams kyis/ /srid pa tha ma pa'i sa ni brten bzhis 'thob par 'gyur bar bshad ces bya ba tshig gi lhag ma'o/ /gdul ba rnams kyi bye brag gis/ lus sogs yid du 'ong bar gnas/ /thams cad mkhyen pa'i yon tan gyi/ /tshogs kyi gzhi yang skye ba yin/ /lus dang ngag dang yid de dag ni gdul ba'i bsam pa'i bye brag gis dus gcig tu gnas na yang de dag yid du 'ongs ste/ de dag rjes su mthun pa'i phyir ro/ /thams cad mkhyen pa'i yon tan rnams kyi rten du gyur ba'i phyir skye ba yid 'ong ngo/ /yang gi sgra ni/ bkag pa'i las lus la sogs pas mi spyod pa'i phyir dang/ ma bkag pa kun tu spyod pa'i phyir dang/ skye ba 'jig rten thams cad kyi don du gnyer bar bya ba yin pa'i phyir/ /lus la sogs pa yid du 'ong zhes bya ba'o zhes bsdu'i? don dang/ da ni srid pa tha ma pa rnams kyis gzungs kyi sgor 'jug pa ji ltar 'thob par 'gyur ba bstan te/ gzungs ni rnam gsum gang gi phyir/ /tshig dang don dang gnyi ga'i gzungs/ /legs pa la ni nyams pa na/ /'dzin par byed bas de phyir gsungs legs pa ni bdag dang gzhan gyi don phun sum tshogs pa'o/ /de yang phan dang phan pa ma yin pa 'thob pa dang/ spang pa'i mtshan nyid de/ srog chags de las nyams pa na 'dzin par byed pas gzungs so/ /bdag dang gzhan gyi don 'grub phyir/ /gzungs nyid sgo mo sgo yin
- 21a
de las 'jug pa de shes pa/ de yang rnam bzhir bstan pa yin/ /'di ltar grangs med pas sam/ dus mdza' yas pa nas zhugs pas mthu zad mi shes pa mi zad pa'i sgo thabs rnams kyis sems can yongs su smin par byed pa 'am// bdag dang gzhan gyi don phun sum tshogs pa sgrub pa ste/ de gzungs kyi sgor 'jug pa gang la yod pa zhes tshig rnam par sbyar nas/ gzungs kyi sgor 'jug pa zhes bya'i sgra yi khyad par du tshig bsdu'o/ /dang ba la sogs pa'i dbang po rnams la mkhas pa gzungs kyi sgor 'jug pa gang la yod pa zhes tshig rnam par sbyar nas snga ma bzhin du khyad par du tshig bsdu'o/ /dbang po la mkhas pa ni chung ngu la sogs pa'i bye brag dang/ yongs su smon pa'i dus la sogs pa'i bye brag la sbyod pa'o/ /'di la 'du byed pa med pas na las dang rnam par smin pa la mkhas pa 'dus ma byas pa'o/ /'dus pa ni ma bsgrims par 'jug pa ste/ de gzungs kyi sgor 'jug pa gang la yod pa zhes tshig rnam par sbyar nas snga ma bzhin du khyad par du tshig bsdu'o/ /yang na las dang rnam par smin pa la mkhas pa dang/ 'dus ma byas gnyis la gzungs kyi sgor 'jug pa zhes bya bar rig par bya'o/ /de la 'dus ma byas pa stong pa nyid yin par gzung bar bya'o/ /las rnam par smin pa'i rang gi ngo bo dang/ /dus dang gnas skabs dang/ yul la sogs pa'i bye brag las dpyod pa ni las dang rnam par smin pa la mkhas pa'o/ /chos zab mo la bzod pa'i gzungs kyi sgor 'jug pa gang la yod pa de zhes tshig rnam par sbyar nas/ snga ma bzhin du khyad par du tshig bsdu'o/ /sems can rnams zhes bya ba ni 'og ma gnyis dang yang 'brel bar rig par bya'o/ /yang na zhu ba 'di ni mdor bsdu na/ byang chub sems dpa' kun la yang/ gang la ji snyed 'os yin pa/ /de la de snyed 'gyur ba yin/ 'di ltar dad pas mos pa'i dbang du byas na ni/ 'di dag thams cad yod par blta
- 21b
bar bya'o/ /mi skye ba'i chos la bzod pa thob pa'i dbang du byas na ni som nyi thams cad spong ba ma gtogs par/ /zhu ba lhag ma rnams yod par nges par gzung bar bya'o/ /de bzhin du byang chub sems dpa' gzhan dag la yang ci rigs par bya'o// da ni bcom ldan 'das la zhu ba mkhyen par gsol ba ston te/ zhu ba'i 'bras bu blo ldan gyis/ /zhu ba nyid du rab tu gsungs/ /yang na 'bras dang tha dad pas/ /sgro btags zhu ba nyid du gsungs/ /zhu ba zhes bya ba'i sgra ni 'phags pa shA ri'i bus zhu ba'i dngos po'i 'bras bu gang yin pa sem nyi thams cad spong ba la sogs pa de yin par gsungs te/ 'bras bu la rgya btags pa ste/ 'jug gi 'bras bu'i tshig mi mngon par byas pa'i phyir ro/ /de lta bu ma yin du zin na zhu ba'i rang gi ngo bo nges par ma byas pa'i phyir/ /de dag ces bya ba'i sgra dang sbyor bar byed pa mi rigs te/ de ltar na zhu ba de dag la zhu ba'i 'bras bu de dag ces bya bar khong du chud par bya'o/ /ji skad smos pa zhes bya ba ni rang gi ngo bo yin no/ /bzung ba zhes bya ba la sogs pa'i tshig gsum ni/ tshig 'bru dang/ don dang/ gnyi ga'o/ /yang na nyan thos dang/ rang sangs rgyas dang/ theg pa chen po'i theg pa can rnams la phan gdags pa'i phyir ro/ /bdag dang gzhan dang gnyi ga'i don 'grub pa'i phyir yang brjod par shes par bya'o/ /yang na rang gi ngo bo dang/ rab tu dbye ba gnyis kyis ni bzung ngo/ /so so rang gi rig par spyod pas ni yid la byas so/ /tshad ma thams cad kyis rnam par dag pas ni kun chub par byas so/ /rnam pa gzhan yang ji skad smos pa'i 'bras bu'i bye brag gis zhu ba'i rang gi ngo bo dmigs kyis ma phye ba dmigs kyis phye nas/ de dag ces bya ba la sogs pa brjod de/ ji skad smos pa'i 'bras bu zhes bya ba'i tha tshig go /bzung ba la sogs pa'i tshig gsum gyi bshad pa 'dir ni bshad pa bar ma gnyis la bltos par shes par bya'o/ /de ltar zhu ba mkhyen par
- 22a
gsol ba bstan nas/ da ni bcom ldan 'das la gsol ba 'debs te/ tshig dang don dang gnyi ga dang/ thos sogs shes ba'i bye brag dang/ /mngon sum rjes dpag rnam gnyis kyis/ /rnam par dag pa rnam gsum mo/ /gzung ba dang/ yid la byas ba dang/ kun chub par byas pa rnams ni/ tshig dang/ don dang/ gnyi ga 'am/ thos pa dang/ bsam pa dang/ bsgoms pa'i shes pas/ yongs su bcad pa'am/ mngon sum dang/ rjes su dpag pa dang/ tshad ma gnyi gas rnam par dag pa las rnam pa gsum du go rim bzhin du shes par bya'o/ /de la bshad pa dang po la zhu ba'i 'bras bu ni zhu ba'i sgras brjod do zhes bstan te/ de ltar na 'di skad du gang gis zhu ba'i 'bras bu 'di 'grub par 'gyur ba dang/ de las thos pa la sogs pa'i shes pas bsdus pas sbyod pa dag par 'gyur ba de lta bu'i zhu ba bcom ldan 'das kyis bshad du gsol zhes bya ba'i tha tshig go /bshad pa gnyis ba la ji skad smos pa zhes bya ba ni ji skad smos pa zhes bya ba'i 'bras bu zhes bya bar khong du chud par bya ste/ de ltar na 'di skad du zhu ba gang las 'bras bu 'di 'grub par 'gyur ba dang/ thos pa la sogs pa'i shes pas bsdus pas spyod pa ji ltar yongs su dag par 'gyur ba de lta bu'i zhu ba bcom ldan 'das kyis bshad du gsol zhes bya ba'i tha tshig go /de nas sbyod pa de ni gang yin/ de'i rnam par dag pa ni ji lta bu/ de'i 'bras bu ni ci zhig 'thob par zhe na/ smras pa sbyod pa pha rol phyin pa bcu yang na stong nyid de yi ni/ /rnam dag skyon med sa thob pas/ /thams cad mkhyen pa'i go 'phang 'thob/ /sbyod pa ni sbyin pa la sogs pa pha rol tu phyin pa bcu? ste/ sbyad par bya ba yin pa'i phyir ro/ /yang na stong pa nyid de/ de rtogs na mi dmigs pa'i tshul gyis sbyin pa la sogs pa la spyod pa'i phyir ro/ /pha rol tu phyin pa rnams kyi skyon ni 'khor gsum dmigs pa dang/ ser sna la sogs pa'i dri ma'o/ /stong pa nyid
- 22b
ni dngos po dang/ dngos po med pa la sogs pa'i ngo bor mngon par zhen pa'o/ /de med pas skyon med pa nyid kyis mtshan nyid kyi dri ma med pa ni de dag gi rnam par dag pa'o/ /des rab tu dga' ba la sogs pa'i sa thob pas rnal 'byor can gyis thams cad mkhyen ba'i go 'phangs 'thob par 'gyur te/ 'di ltar sbyin pa la sogs pa pha rol tu phyin pa rnams phul du phyin par rnam par dag pa la brten nas/ go rims bzhin du sa bcur rnam par gzhag ste/ de'i 'og tu thams cad mkhyen pa'i go 'phang 'thob par 'gyur ro/ /stong pa nyid rnam par dag pa las kyang ston te/ kun tu 'gro don ces bya ba la sogs pa ji skad bshad pa lta bu'o/ /de ltar gsol ba btab nas/ da ni gus pa bskyed par bya ba'i phyir dang/ /tshe ba nyid bstan pa'i phyir gsol ba btab pa'i don la bcom ldan 'das kyis mngon du phyogs par mdzad nas/ zhal gyis bzhes so/ /zhal gyis bzhes pa de yang nyan pa po'i bye brag dang/ rang gi ngo bo rnams pa gnyis kyi phyir ro/ /nyan pa po'i bye brag ni rnam pa bzhir gsungs te/ nyan pa dang/ legs par nyan pa dang/ rab tu nyan pa dang/ yang dag par yin bya? ba ste/ snod ni khas phub rdol ba dang/ /mi gtsang ba yi gnyen po 'am/ /gzu bo la sogs yon tan ldan/ /khyod kyis nyon la gzhan du min/ /gang phyir tshad ma ldan pas na/ /thog ma bar dang tha mar dge /chung ngu 'bring dang chen po yi/ /nyes pa rnams ni ? byed dang/ tshig 'bru don dang gnyi ga shes/ /mngon sum la sogs mi 'gal ba/ /thos la sogs las blo bskyed dang/ /bdag sogs 'byor pa'i rgyu yin phyir/ /char ba 'bab pa na bum pa khas phub pa'i nang du chu cung zad kyang ma 'gro ba de bzhin du/ /khyod snod khas phub pa lta bur nyam bar ma byed cig ces bya ba'i phyir legs par zhes gsungs so/ /bum pa rdol ba'i nang du ni chu sor du zin kyang gnas par mi 'gyur ba de bzhin du khyod nyan pa'i mi byed par/ ci nas thos pa brtan par 'gyur ba de lta bur nyon cig ces bya ba'i phyir rab tu zhes gsungs
- 23a
so/ /bum pa mi gtsang ba'i nang du ni chu ci song ba de dag thams cad mi gtsang bar 'gyur te/ sbyad du mi rung ba de bzhin du/ /khyod kyis tshul bzhin ma yin pa yid la byed pa'i mi gtsang bar ma byed cig ces bya ba'i phyir/ tshul bzhin yid la zung shig / ces gsungs so/ /yang na gzu bo lta bu dang/ don du gnyer ba dang/ rtog pa can du gyis la nyon cig ces gsungs te/ legs par zhes bya ba la sogs pa'i tshig dang go rims bzhin du sbyar ro/ /de ltar byas na khyod kyis mnyan pa 'bras bu yod par 'gyur gyis/ /de lta ma yin na mi 'gyur bar dgongs pa'o/ /yang na gang gis phyir thog ma nyid du tshad ma dang ldan pas dge ba de'i phyir legs par nyon zhes gsungs so/ /gang gi phyir bar du yang dge ba de'i phyir rab tu nyon cig ces gsungs so/ /gang gi phyir tha mar yang dge ba de'i phyir tshul bzhin yid la byos shig ces gsungs so/ /yang na nyes pa chung ngu dang 'bring po dang/ /chen po rnams kyi gnyen po yin pa'i phyir legs par zhes bya ba la sogs pa'i tshig dang go rims bzhin sbyar ro/ /yang na tshig 'bru dang/ don dang/ gnyi ga 'dzin du gzhug pa'i phyir/ legs par zhes bya ba la sogs pa'i tshig dang go rim bzhin du sbyar ro/ /yang na mngon sum dang/ rjes su dpag pa dang/ tshad ma gnyis ga dang mi 'gal ba'i phyir/ legs par zhes bya ba la sogs pa'i tshig dang/ go rim bzhin du sbyar ro/ /yang na thos pa las byung ba la sogs pa'i shes rab rnam pa gsum gyi rgyu yin pa'i phyir/ legs par zhes bya ba la sogs pa'i tshig dang/ go rim bzhin du sbyar ro/ /yang na bdag dang/ gzhan gyi don dang/ gnyi ga'i don gyi rgyu yin pa'i phyir/ legs par zhes bya ba la sogs pa'i tshig dang go rims bzhin du sbyar ro/ /yang na mthong ba la sogs pa'i lam gsum gyi rgyu yin pa'i phyir/ legs par zhes bya ba la sogs pa'i tshig dang go rim bzhin du sbyar ro/ /don gsol zhal gyis bzhes pas na/ de yis bdag nyid gsol bar phyogs/ /thub pa
- 23b
sems can don mkhyen phyir/ 'dir ni gsung ba la sogs gsungs/ /de ltar 'chal zhes bya ba la sogs pa ni/ mngon du phyogs par mdzad pa bstan to/ /de ni bsrung ba bstan te/ de yang rnam pa gnyis te/ bsam gtan gyi rnal 'byor dang/ /gsang sngags kyi yi ge'o/ /de la bsam gtan gyi rnal 'byor ni/ /yang dag du na de chos kun/ /dngos po'i ngo bor khas mi len/ /rkyen la rag las 'byung phyir te/ sgyu ma rmi lam smig rgyu bzhin/ /dgag par bya ba med pas na/ /yang dag du na dgag med mngon/ /yang dag mkhyen de chos rnams kun/ /thams cad dngos por 'dzin mi mdzad/ /chos thams cad ni rkyen la rag las te 'byung ba'i phyir dang/ sgyu ma la sogs pa bzhin du/ /yang dag par na dngos po'i ngo bo nyid mi yin no/ /de bzhin du skyes ba la sogs pa'i ngo bo nyid kyang yang dag par med do zhes brjod par bya'o/ /de ltar gyur na chos thams cad yang dag par dngos po yod pa ma yin pa'i phyir/ yang dag par dgag pa dang 'brel pa ma yin te/ /mo gsham gyi bu'i sngo sangs la sogs pa bzhin te/ dgag par bya ba med pas dgag pa yang mi 'jug pa'i phyir ro/ /mi mthun pa rtags pa yin na ni/ / dgag pa yang de dang 'dra bar 'gyur te/ de ltar na chos thams cad don dam par dngos po med pa'i ngo bo nyid ma yin no/ /de bzhin du ma skyes pa la sogs pa'i ngo bo nyid kyang ma yin no zhes sbyar ro/ /yang na tshad ma ldan pa ma yin pas/ /yod med la sogs mtshan nyid du/ /de ni chos kun khas mi len/ /de phyir mkhas pa 'dzin mi byed/ /mngon par zhen par mi byed ces bya ba'i tha tshig go /tshad ma dang mi ldan pa'i ngo bo ni bshad zin to/ /de phyir de na stong pa min/ /mi stong ma yin yod med min/ /mi skye ma yin skye min zhes/ /bya ba la sogs bcom ldan gsungs/ /bsam gtan gyi ni lam 'di yis/ /gsang sngags tshig rnams bsams na ni/ /'bras bu rdzogs par thob 'gyur gyi/ /'don pa nyid tshes de lta min/ /rnal 'byor can bsam gtan gyi rnal 'byor 'di la gnas shing gsang sngags kyi yi ge rnams
- 24a
brjod na/ yid la 'dod pa'i 'bras bu rdzogs par thob par 'gyur gyi/ /sems phyi rol du bltas pas bton na ni/ /gsang sngags rnams ngo bo nyid shin tu bsam gyis mi khyab pa dang ldan pas 'bras bu 'thob par lta 'gyur mod kyi rdzogs par ni ma yin no/ /tshig rnams re re'i rnal 'byor la/ /mngon du phyogs par byed bzhin du/ /gsang sngags ran par brjod bya ste/ /de phyir 'dir ni tshig smos so/ /myur ches pa dang/ dal ches pa dang/ mi gsal ba la sogs pa'i nyes pa dang/ bral ba ni ran pa nyid de/ gsang sngags kyi yi ge rnams la sems gtod pa'o/ /tshig re re'i rnal 'byor la mngon du phyogs par byed cing gsang sngags ran par brjod par bya ste/ de bas na tshig smos so/ /de lta ma yin na gzungs kyi gsang sngags gzung bar bya zhes de skad 'byung ba'i rigs so/ /yi ge re re bsam pa yi/ /rnal 'byor sus kyang mi nus te/ tshig re nas ni nges par yang/ /brjod par bya bas de smos so/ /de smos zhes bya ba ni tshig smos pa'o/ /gal te yi ge re re la rnal 'byor du byed nus na lta rab tu legs pa yin no/ /gal te mi nus na tshig re re la ni bsgrims te yang bya dgos te/ 'di ltar rnal 'byor med pa'i gsang sngags 'di/ /de ltar 'bras bu bsten mi 'gyur/ gsang sngags tshig ni gsang sngags te/ de phyir rnal 'byor de min bya/ /'di'i don ni brda phrar par zad do/ /gzungs kyi don gyi? gsang? sngags kyi tshig rnams yin pas gzungs kyi gsang sngags kyi tshig rnams so/ /de ni gzungs kyi ngo bo brjod par bya ste/ gsungs pa'i ming ni 'dogs pa ni/ /'thob pa'i thabs ni bstan pa dang/ /nges shes bya la sogs tshig gis/ /gzungs ni 'og nas 'byung ba nyid ?gang gi phyir bcom ldan 'das des/ 'di ni shA ri'i byang chub sems dpa' sems dpa' chen po'i chos thams cad mi 'dzin pa la 'jug pa zhes bya ba'i sangs rgyas rjes su dran pa zhes bya'o/ /zhes bya ba la sogs pas sangs rgyas rjes su dran
- 24b
pa gsungs pa'i ming 'dogs par mdzad do/ /gang gis phyir de nas bcom ldan 'das kyis yang zhes bya ba la sogs pas ni 'thob pa'i thabs bstan to/ /gang phyir des sgo mdza' yas bsgrub pa'i gzungs 'di bsgrubs te zhes gsungs pa de'i phyir/ /bdag ni sangs rgyas rjes su dran pa 'og nas 'byung ba nyid gzungs yin par 'dzin te/ de lta ma yin gyi gsang sngags kyi yi ge rnams gzungs nyid yin na ni/ /'di rigs pa dang ldan par mi 'gyur te/ skabs ma yin pa'i phyir te/ sangs rgyas rjes su dran pa bstan pa'i skabs kyis bar du chod pa'i phyir dang/ gsang sngags kyi yi ge rnams ni yi ge'i 'bru dang/ sgra'i bdag nyid yin pas mig dang rna ba'i rnam par shes pas nges par gzung ba yin pa'i phyir ro/ /de bas na 'di zhes gsungs pa brjod bya min/ /'og nas 'byung ba'i chings thugs la gzhag nas/ /zhing zhes bya ba gsungs so/ /'dzin pa 'dir ni don las bzhed/ /rlom sems mngon par zhen pa ste/ mi dmigs phyir nad med do/ /'dzin pa ni 'dir don la rtogs par bzhed kyi/ /yi ge las ni ma yin te/ yi ge 'dzin pas ?? yon 'di dag 'thob par mi 'gyur ro/ /rlom sems ni mngon par zhen pa yin pas de ltar na 'di ltar 'gyur ro/ /'dus byas dang 'dus ma byas kyi chos rnams la rlom sems su mi byed ces bya ba ni mngon par zhen par mi byed ces bya ba'i tha tshig go /ci'i phyir mngon par zhes? par mi byed ce na/ de'i phyir dmigs par mi byed ces gsungs so/ /yang na ngo bo nyid med pa'i phyir 'dus byas dang 'dus ma byas kyi chos rnams la ngo bo nyid dang bcas par rlom sems su mi byed par nges par gzung bar bya'o/ /mi sdug gnyi ga ma yin sdug /sngags? pa de yang rnam gnyis 'dod/ /chos rnams thams cad thub pa yis/ /rnam pa bzhir ni bsdu ba mdzad/ /chos rnam pa bzhi ni mi sdug pa'i ngo bo nyid dang/ /gnyi ga ma yin pa'i ngo bo nyid dang/ sdug pa'i ngo bo nyid de/ de dag kyang zag pa dang bcas pa dang/ zag pa mang pa'i bye brag gis rnam
- 25a
pa gnyis te/ de bas na rnam pa bzhir 'gyur ro/ /ji ste ci'i phyir chos rnams rnam pa bzhir bstan par mdzad ce na/ smras pa/ gnod sems gti mug 'dod chags rnams/ /de yi sgo nas 'byung phyir ro/ /spang ba'i thabs ni bsgrub pa'i phyir/ /de dag dngos po med par bstan/ /zhe sdang ni mi sdug pa la 'byung/ /gti mug ni dngos po rnam pa gsum char la 'byung/ /'khor ba'i rtsa ba ni 'dod chags la sogs pa yin te/ /de bas na de dag spang ba'i thabs bstan pa'i phyir/ /dngos po rnam pa gsum po de dag ngo bo nyid med par ston par mdzad de/ ji skad du/ des gang chags par byed pa'i chos de dag yang dag par rjes su mi mthong ngo zhes bya ba la sogs pa gsungs pa lta bu'o/ /gang gi phyir 'dus byas dang 'dus ma byas kyi chos rnams la rlom sems su mi byed pa de'i phyir/ mi sdug pa rnams la smod pa mi byed de/ /bshung bar mi byed ces bya ba'i tha tshig go /bar ma rnams la btang snyoms su mi byed de/ de dag gi rjes su chags pa dang/ khro bo'i yul ma yin pa'i phyir/ btang snyoms su gzhag par bya ba rnams so/ /sdug pa rnams len par mi byed de/ srid pas bdag gir byed pa ni len pa yin pa'i phyir ro/ /sdug pa zag pa med pa la brtson par mi byed de/ de dag ni rab tu mngon par 'du byed pa chen pos bsgrub par bya bas brtsam par bya ba yin pa'i phyir ro/ /'di la 'thob bya rnam 'thob dang/ /de dag nyid ? sgom pa dang/ /spang bya rnams ni spang ba dang/ /'phel ba thams cad yin par bzhed/ /'thob par bya bar 'os pa gang yin pa de dag ni 'thob par bya ba rnams so/ /de dag kyang zag pa med pa'i chos rnams dang/ zag pa dang bcas pa'i chos rnams te/ bsam gtan dang/ gzugs med pa dang/ mngon par shes pa dang/ nam mkha' mdzod kyi ting nge 'dzin la sogs pa'o/ /bsgom par bya ba ni de dag nyid bstan par bya ba'i phyir yang dang yang du goms par bya ba'o/ /spang bar bya ba ni zag pa dang bcas pa rnams te de dag ni spang bar
- 25b
'os pa 'am/ spang bar 'os pa'i phyir ro/ /'thob par bya ba dang/ bsgom par bya ba'i 'phel ba ni gong nas gong du khyab par 'thob pa'o/ /spang ba'i 'phel ba ni gong nas gong du nyon mongs pa spangs pa nges par 'thob par 'gyur ba'i phyir ro/ /gang gi phyir 'dus byas dang/ /'dus ma byas kyi chos rnams la rlom sems mi byed pa/ /de'i phyir rnal 'byor can de ni/ thos dang bsam la sogs byung ba'i shes pa rnams kyis nam du yang/ /'dus byas 'dus ma byas kyi chos/ /de dag 'thob sogs sbyor mi byed/ /'thob par bya ba'i phyir thos pa dang/ /bsams pa dang/ bsgoms pa las byung ba'i shes pa rnams kyis go rim bzhin du sbyor bar mi byed pa'i phyir mi byed rnam par mi byed/ mngon par 'du mi byed ces gsungs te/ spang ba la sogs pa la yang de bzhin du brjod par bya'o/ /yang na chung 'bring chen po yi/ /sbyor ba rnams kyis sbyor mi byed/ /'thob par bya ba'i phyir go rim bzhin du mi byed ces bya ba la sogs pa gsungs te/ spang ba la sogs pa la yang de bzhin du brjod par bya'o/ /de bzhin zag bcas slob sogs kyi/ /lam rnams kyis kyang sbyor mi byed/ /rnal 'byor ba de 'thob pa la sogs pa la zhes bya bar snyags te/ sogs pa smos pas ni mi slob ba'i lam bsdu'o/ /ci'i phyir 'dus byas dang/ 'dus ma byas kyi chos rnams mi dmigs pas de'i phyir rlom sems su mi byed ce na/ de'i phyir mtshungs par ldan pa'i chos rnams zhes bya ba la sogs pa gsungs te/ rgyu dang rkyen nam chags sogs kyi/ /bag nyal rnams dang ldan de dag /'dir ni mtshungs ldan shes bya ste/ /bzlog pa las ni ldan pa min/ /rgyu dang rkyen rnams dang ldan pas na mtshungs par ldan pa dag ste/ 'dus byas kyi chos mdza' dag go /de las bzlog pa ni ldan pa ma yin pa dag ste/ 'dus ma byas rnams so/ /yang na 'dod chags la sogs pa nyon mongs pa lta bar gyur pa dang ldan pa gang yin pa de dag ni mtshungs par ldan pa dag ste/ zag pa dang bcas pa'i chos rnams so/ /de las bzlog pa ni ldan pa ma yin pa dag ste/
- 26a
zag pa med pa rnams so/ /gang gi phyir mtshungs par ldan pa sdug pa la sogs pa'i bye brag gis tha dad pa'i chos rnams kyang mi mthong la/ ldan pa ma yin pa rnams kyang mi mthong ba de'i phyir mi dmigs so/ /gang gi phyir mi dmigs pa de'i phyir rlom sems su mi byed do/ /de ci'i phyir mi mthong zhe na smras pa/ rnam pa med pa'i shes pa yis/ /yul la 'dzin par mi rung ngo/ /rnam pa tshad ma min phyir dang/ /ma rung phyir ni cig shos min/ /re zhig don bye brag tu yongs su gcod pa mi rung ba mi rung ba'i phyir ro// rnam pa med pa'i shes pas ni mi mthong ste/ 'brel ba'i rgyu med pa'i phyir ro/ /rnam pa tshad ma ma yin pa'i phyir/ /rnam pa dang bcas kyang yul 'dzin par mi rung ste/ gang gi phyir myong ba'i tshe dngos po rig par 'gyur bas dngos pos rnam pa la ma khyab ste/ rmi lam la sogs pa na dngos po med bzhin du yang de yod pa'i phyir ro/ /rnam pa yang mi rung ste/ gzhan du na ni dngos po gcig /sna tshogs tshul du snang ba dag /de yi gcig pu nyams 'gyur phyir/ /rnam pa ji ltar bden par 'gyur/ /zhes bya ba la sogs pa 'byung ba'i phyir ro/ /rnam pa gzhan ni yod pa ma yin te/ de lta bas na mngon sum gyis mi mthong ngo/ /de nyid kyi phyir rtags la sogs pas yongs su ma bcad pas na rjes su dpag pas kyang mi mthong ngo/ /gang gi phyir mtshungs par ldan pa'i tshes rnams dang/ ldan pa ma yin pa rnams de ltar mi mthong ba de'i phyir/ thob par bya ba'i chos rnams kyi skye ba yang mi mthong la spang bar bya ba rnams kyi 'gog pa yang mi mthong ngo/ /bsgom par bya ba'i dbang du mdzad de/ 'das pa'i chos rnams kyang mi mthong zhes bya ba la sogs pa gsungs so/ /lus dang lus med 'phel ba de rdzas dang rdzas med rnam pa gnyis/ /ltos par gnas pa'i ngo bo'i phyir/ /mi mthun pa dang lhan cig bshad/ /lus med pa'i dngos po 'phel ba de'i dbang du mdzad nas/ lus med pa'i chos rnams kyi 'phel ba mi mthong
- 26b
zhes gsungs so/ /lus yod pa'i dngos po'i 'phel pa'i dbang du mdzad nas/ lus yod pa'i chos gang yang sogs par mi byed ces gsungs so/ /'phel ba de rnam pa gnyis su bshad pa de bzhin du/ /rdzas su yod pa'i 'phel ba de'i dbang du mdzad pa ni snga ma yin la/ brtags par yod pa'i 'phel ba de'i dbang du mdzad pa ni phyi ma yin pas/ 'phel ba 'di yang rnam pa gnyis su bshad de/ /de yang mdor bsdu na rnam pa bzhir bshad do/ /'phel ba de yang nyung ngu las bltos nas/ pha rol dang tshu rol bzhin du brtags pa'i yod pa yin te/ de bas na mi mthun pa'i phyogs 'bri ba dang 'grib pa lhan cig tu bshad do/ /yang dag tu ma sku gnyis kyi/ /rang bzhin ma mthong gang yin pa/ /de nyid sangs rgyas rjes dran te/ /rtog pa thams cad sal ba yin/ /rkyen la rag las 'byung ba'i phyir/ /sgyu ma bzhin du gang ma skyes/ /bden pa bsams na gzungs la sogs/ /de ni de bzhin gshegs ma yin/ /dgag par bya ba med pas na/ /yang dag tu na dgag med mngon/ /de phyir brtags na gzugs med sogs/ /de ni de bzhin gshegs ma yin/ /sku gnyis ni longs spyod rdzogs pa dang sprul pa'o/ /rtog pa thams cad sel ba ni rtog pa thams cad kyi gnyen por gyur pa'i phyir ro/ /gzugs la sogs pa ni yang dag par nam skyes pa'i ngo bo nyid de/ /rkyen gyi dbang gis 'byung ba'i phyir/ /sgyu ma la sogs pa bzhin no/ /sogs pa smos pas ni mtshan la sogs pa bsdu'o/ /longs spyod rdzogs pa dang sprul pa'i sku'i mtshan nyid ma skyes pa gang yin pa de ni bden par na de bzhin gshegs pa ma yin te/ sgyu ma la sogs pa bzhin no/ /gzugs med pa la sogs pa yang dgag par bya ba med pa'i phyir bden par med de/ dgag par bya ba med na dgag pa yod par mi rung ste/ mo gsham gyi bu'i sngo bsangs la sogs pa dgag pa bzhin no/ /de bas na gzugs med pa la sogs pa'i ngo bo nyid kyang bden par na longs spyod rdzogs pa dang/ sprul pa'i sku'i mtshan nyid kyi de bzhin gshegs pa ma yin no/ /sogs pa smos
- 27a
pa ni mtshan ma med pa la sogs pa bsdu'o/ /de nas gnyi ga ma yin dang/ /cig shos de dag bkag shes bya/ /de yi phyir na de gnyis ni/ /so sor dgag pa ma mdzad do/ /gal te de bzhin gshegs pa gzugs yod pa yang na yin gzugs med pa la sogs pa yang ma yin na/ 'o na gnyi ga'i ngo bo 'am/ gnyi ga ma yin pa'i ngo bor 'gyur ro zhe na/ de ni med de/ gnyis ga'i phyogs dgag pas ni/ gnyi ga'i ngo bo de gshegs pa yin pa yang bkag pa kho nar 'gyur ro/ /gnyi ga ma yin pa'i ngo bo ni med pa nyid de/ gzugs dang gzugs med pa gnyis ni phan tshun rnam par gcod par gnas pa'i ngo bo cag yin pas gzugs dang gzugs med pa'i ngo bo nyid du 'gyur ba'i phyir ro/ /de ltar rnam rtog med gyur na/ /chos kyi sku ni mthong ba ste/ /sangs rgyas rjes dran kun mkhyen gyi/ /yon tan phun sum tshogs pa'i gzhi/ /de ltar ji skad bstan pa'i rnam pas rnam par rtog pa med par gyur na chos kyi sku mthong ba te/ de ni rtog pa thams cad dang bral ba'i ngo bo nyid yin pa'i phyir ro/ /mthong ba de ni sangs rgyas rjes dran pa yin te/ thams cad mkhyen pa'i stobs bcu dang/ mi 'jigs pa la sogs pa yon tan rnams kyi gzhi yin na/ gzhan dag gi lta ci smos/ nga ni sangs rgyas rjes dran pa'i lus rnam par dbye ba brjod par bya ste/ longs spyod rdzogs par mdzad pa'i sku/ rnam pa nyi shus bshad pa yin/ /cig shos bco brgyad shes par bya/ /'dir ni de gnyis 'phrin las bzhi/ /de yi mdzad pa'i 'bras bu drug /de'i dngos po rnam gnyis rgyu rnam pa bdun mnyam pa nyid la gnas bzhin du/ de dag la ni bsgom par bya/ /longs spyod rdzogs pa'i sku ni rnam pa nyi shus bshad do/ /gzugs su ma yin zhes bya ba nas bzung ste/ rnam par grol ba'i ye shes mthong ba med pa ma yin zhes bya ba yan chad do/ /gzugs ni spyi yin la/ mtshan dang dpe byad
- 27b
bzang po gnyis ni bye brag yin pa'i phyir bye brag tu phye ste bstan to/ /rnam par shes pa smos pas ni/ /lhan cig spyod pa'i tshor ba la sogs pa yang bsdu ste/ des ni rnam par smin pa'i phung po lnga po 'di bstan to/ de'i rgyu ni nyon mongs pa'o/ /nyon mongs pa yang bka' ba spyod pa dang/ sbyin pa la sogs pa'i mtshan nyid do/ /zag pa med pa'i phung po lnga'i rgyu yang de nyid de/ des na bar du bstan to/ /tshul khrims ni rnam pa gsum ste/ sdom pa'i tshul khrims dang/ sems can gyi don byed pa'i tshul khrims dang/ dge ba'i chos bsdud pa'i tshul khrims so/ /ting nge 'dzin ni dag pa dang/ zag pa med pa dang/ ro myang bar byed pa dang ldan pa'i bye brag gis rnam pa gsum yod mod kyi/ 'dir ni zag pa med pa gzung ngo/ /shes rab ni rab tu dga' ba la sogs pa'i sas bsdus pa'o/ /rnam par grol ba ni nyon mongs pa dang/ shes bya'i sgrib pa spangs pa'o/ /rnam par grol ba'i ye shes mthong ba ni sgrib pa gnyis las nges par grol ba'i thams cad mkhyen pa'i ye shes gang yin pa'o/ /yang na ye shes ni ye shes nyid do/ /mthong ba ni mngon par shes pa rnams so/ /skye bar ma yin zhes bya ba nas bzung ste/ phung po dang khams dang skye mched med par ma yin zhes bya ba'i bar rnams ni/ rnam pa bco brgyad kyis sprul pa'i sku bstan par shes par bya ste/ skye ba ni mnga' na gnas pa bzung ngo/ /rigs ni shAkya'i? rigs la sogs pa'o/ /rus ni gau ta ma la sogs pa'o/ /'khor ni nyan thos dang byang chub sems dpa' dang/ rgyal po la sogs pa'o/ /gnas pa ni byams pa la sogs pa dang/ sangs rgyas kyi gnas pa la sogs pa'o/ /thob pa ni thams cad mkhyen pa'i ye shes thob par bya ba'i lam thob pa'o/ /mngon par rtogs pa ni thams cad mkhyen pa'i ye shes te/ gang gis phyir 'dir gtso bor kun nas khong chud pa mngon par rtogs pa yin pa'i phyir ro/ /nyon mongs pa ni 'dod chags la sogs pa'o/ /phung po la sogs pa ni zag
- 28a
pa dang bcas pa dang/ zag pa med pa rnam pa gnyis te/ mthun mthun du gzung bar bya'o/ /de dag thams cad kyang bcom ldan 'das kyis gdul ba'i bsam pa'i bye brag gis bstan to/ /longs spyod rdzogs pa dang/ sprul pa'i sku de gnyis kyi 'phrin las ni rnam bzhir gsungs par rig par bya ste/ shes par ma yin zhes bya ba nas bzung ste/ chos mi ston par ma yin zhes bya ba yan chad do/ /de la gdul ba rnams kyi khams dang/ bsam pa dang/ dbang po dang/ spyod pa la sogs pa la lta ba ni shes/ pa'o/ /khams la sogs pa la gzigs nas nyon mongs pa spang ba'i thabs ston pa ni chos ston pa'o/ /longs spyod rdzogs pa dang sprul pa'i sku de gnyis kyi mdzad pa'i 'bras bu ni rnam pa drug du gsungs par shes par bya ste/ bdag rnam par dag par ma yin zhes bya ba nas bzung ste/ gzhan gyi don du ma yin zhes bya ba yan chad do/ /bdag rnam par dag par bya ba ni nyan thos rnams kyi'o/ /gzhan rnam par dag par bya ba ni/ byang chub sems dpa' rnams kyi'o/ /sems can rnam par dag par bya ba ni gang zag la mngon par zhen pa rnams kyi'o/ /sems can med pa rnam par dag par bya ba ni bdag med pa mthong ba rnams kyi'o/ /bdag gi don ni nyan thos la sogs pa rnams kyi'o/ /gzhan gyi don ni byang chub sems dpa' rnams kyi'o/ /de'i dngos po rnam pa gnyis ni ? las tha ma'i ngo bo rnam pa gnyis su gsungs par shes par bya ste/ chos su ma yin/ 'dul bar ma yin zhes bya ba'o/ /chos ni mdo sde la sogs pa'o/ /'dul ba ni byang chub sems dpa' i 'dul ba'i sde snod dang/ nyan thos kyis 'dul ba'i sde snod do/ /mdzad pa'i 'bras bu rgyu gang gis 'grub par 'gyur ba'i rgyu de ni rnam pa bdun du gsungs te/ lus rnam par dag par ma yin zhes bya ba nas bzung ste/ da ltar byung ba'i spyod pa rnam par dag par ma yin zhes bya ba yan chad do/ /lus rnam par dag pa ni lus
- 28b
kyi las? rnam gsum yongs su dag pa'o/ /ngag rnam par dag pa ni dag gis rnam pa bzhi yongs su dag pa'o/ /yid rnam par dag pa ni yid kyi las rnam pa gsum yongs su dag pa ste/ thabs 'dis ni nyan thos la sogs pa'i bya ba'i 'bras bu 'grub bo/ /byang chub sems dpa' rnams kyi 'bras bu ni spyod pa rnam par dag pas 'grub ste/ spyod pa ni pha rol tu phyin pa bcu'o/ /shin tu myur na bskal pa grangs med pa gsum gyi sangs rgyas su 'gyur te/ de'i phyir spyod pa 'di ni yun ring mo zhig gis rnam par dag par 'gyur bas sngon gyi mdza' la/ sogs pa smos so/ /bdag gi rnam par ma yin/ gzhan gyi rnam par ma yin zhes bya ba ni sangs rgyas rjes su dran pa de rnal 'byor can gyis mnyam pa nyid la gnas nas bsgom par bya'i/ /de ma yin par mi bya bar bstan to/ /bdag ces smos pa ni bsgom pa po bstan to/ /gzhan zhes smos pa ni bsgom par bya ba dang/ bsgom pa'i rnam pa bstan to/ /mnyam pa nyid ni bsgom par bya ba de bzhin gshegs pa dang/ bsgom pa po rnal 'byor can dang/ gzugs la sogs pa rnam pa gang gis bsgom par bya ba ste/ /de yang de bzhin nyid du ro gcig pa'i phyir te/ de ltar na sangs rgyas rjes su dran pa 'khor gsum yongs su dag par bsgom pa yin no/ /de ltar ma byas na ni dmigs pa kho nar ltung bar 'gyur ro/ /rnam pa gzhan yang/ yang na longs spyod rdzogs pa'i sku/ /rgyud? dang bcas dang 'bras bur bcas/ /yang dag du na gdam mthong/ /de ni sangs rgyas rjes su dran/ /longs spyod rdzogs pa nyi shu ste/ /snga ma bzhin no/ /nyon mongs pa smos pa ni/ /bshad pa 'di'i skabs su nyon mongs pa rnams nyid la bya'o/ /'bras bu nyi shu gnyis su bzhi? ? ma yin zhes bya ba nas gzung ste/ chos mi ston par ma yin zhes bya ba yan chad do/ /sprul pa'i sku de'i 'bras bu yin no/ /de'i rgyu ni bco lnga ste/ /longs spyod rdzogs pa'i sku de'i rgyu'i grangs ni bco lnga'o zhes bya ba'i tha tshig /bdag rnam par dag par bya ba'am/
- 29a
yin zhes bya ba nas bzung ste/ de ltar byung ba'i spyod pa rnam par dag par ma yin zhes bya ba yan chad do/ /ci'i phyir rnam pa bco lnga zhe na/ smras pa gang gi phyir ni nan tan byed/ /ji ltar gang la bye brag gis/ /ci'i phyir nan tan byed ce na/ bdag rnam par dag par bya ba'i phyir dang/ gzhan rnam par dag pa'i bya ba'i phyir dang/ sems can rnam par dag par bya ba'i phyir dang/ bdag gi don dang gzhan gyi don gyi phyir ro/ /de la bdag rnam par dag par bya ba ni gzhan rnam par dag par bya ba'i thabs su gyur ba yin pa'i phyir sngar bshad de/ byang chub sems dpa' rnams kyi ni gzhan rnam par dag pa gtso bo yin pa'i phyir ro/ /rnam par dag pa 'di gnyis ni nyon mongs pa dang/ shes bya'i sgrib pa spong ba'i mtshan nyid de/ bdag dang gzhan dang mthun mthun du sbyor ro// rnam par dag par de gnyis ka yang sems yin pa'i phyir de'i 'og tu sems can rnam par dag par bya ba bstan te/ sems can ni sems yin no/ /yang na rnam par dag pa 'di gnyis la brten nas/ sems rnam par dag pa thob pa'i phyir/ sems can rnam par dag par bya bar bstan to/ /bdag nyid stobs bcu dang mi 'jigs pa la sogs pa yon tan rnams kyi snod du 'gyur bar bya ba ni bdag gi don to/ /gzhan dag theg pa gsum la gnas pa'i yon tan rnams dang/ bde 'gro'i snod du 'gyur bar bya ba ni gzhan gyi don te/ de gnyis kyi sngon du dag pa 'gro bas de'i phyir phyis bstan to/ /ji ltar na nan tan byed ce na/ chos dang 'dul bas so/ /gang la nan tan byed ce na/ de ni zag bcas cig shos bye brag gis/ bya ba rnam gnyis shes par bya/ /cig shos zhes bya ba zag pa med pa'o/ /zag pa dang bcas pa'i lus rnam par dag pa la sogs pa bstan to/ /zag pa med pa ni spyod pa rnam par dag pa'o/ /spyod pa rnam par dag pa ni sbyin pa la sogs pha rol tu phyin pa rnams te/ de yang 'dir sas bsdus pa bzung bar bya'o/ /lus
- 29b
rnam par dag pa la sogs pa ni spyod pa rnam par dag pa'i sdom du 'gro ba'i phyir phyis bstan to/ /lhag ma dag ni sngar bshad bzhin/ /ma lus bar bzung ngo zhes bya ba'i tshig gi lhag ma'o/ /da ni sangs rgyas rjes su dran pa de nyid kyi rnam grangs brjod pas bstod par mdzad de// sar 'jug pa'i rgyu nyid yin/ /gang tshe de la sas 'thob pa/ /sangs rgyas nyid du gcig tu des/ /sangs rgyas nyid kyi sa 'thob la/ /gnas skabs dag ni thams cad du/ /bdud kyi las ni rnam spong na/ /gzungs kyis 'thob par mi 'gyur gang/ /'thob bya gzhan ni ci zhig yod/ /shes pa gang gis chos thams cad kyi dngos po yod pa dang/ dngos po med pa la sogs pa'i ngo bor 'dzin pa de ni/ chos thams cad mi 'dzin par mos pas spyod pa'i sa chen po'i chen pos bsdus pa'i shes pa ste/ de 'dis 'jug par byed pas na/ chos thams cad mi 'dzin pa 'jug pa zhes bya ba'i sangs rgyas rjes su dran pa ste/ 'dis ni gzungs mos pas spyod pa'i sa chen po'i chen po la 'jug pa'i rgyu nyid du bstan te/ /chos thams cad yang dag par 'du ba ni stong pa nyid de/ der chos thams cad de'i bdag nyid du 'du ba'o/ /de la mi 'jigs pa ni mi skrag pa'o/ /mi skug pa ni sa dang po ste/ de rtogs pas de la mi 'jigs so/ /de gzungs 'dis 'thob par 'gyur bas na/ /chos thams cad yang dag pa 'du ba la mi 'jigs pa 'thob pa zhes bya ba'i gzungs so/ /de ci'i phyir zhe na/ de'i phyir don dam pa sgrub pas zhes gsungs so/ /don dam pa ni chos kyi sku ste/ don dam pa sgrub pa des ni gzungs 'di sa dang po la sogs pa'i rgyur bstan to/ /gzungs 'di cig tu nges par sangs rgyas su 'gyur te/ 'di ltar cig des pa ni sangs rgyas nyid gdon mi za ba ste/ de 'thob ba'o/ /de bas na gcig tu nges pa 'thob pa'i phyir bsam pa thams cad yongs su rdzogs par byed pa zhes bya ba'i ting nge 'dzin to/ /'dis ni sa brgyad pa la sogs pa 'thob par bstan te/ sa brgyad pa la ni gcig nges pa
- 30a
'thob bo/ /sangs rgyas kyi sa yang gzungs 'di nyid kyis 'thob par 'gyur te/ 'di ltar 'jig rten pa dang/ 'jig rten las 'das pa'i dge ba thams cad gang gi rtsa ba rgyu yin pa de ni dge ba thams cad kyi rtsa ba can no/ /de ni dge ba thams cad kyi rtsa ba can yang yin la/ gzhan la rag ma las ba'i ye shes kyang yin te/ gzhan la rag ma las pa'i ye shes ni rang byung gi yin no/ /yang na dge ba'i rtsa ba thams cad la gzhan la rag ma las pa'i ye shes zhes bya bar rtog par bya'o/ /de rtogs pa ni 'dis rtogs par byed pas na gzungs 'di nyid yin no/ /de lta bas na dge ba'i rtsa ba thams cad la gzhan la rag ma las pa'i ye shes rtogs pa'i phyir/ chos kyi gter gyi rigs las byung ba'i mtshan dang/ dpe byad bzang bas gnas pa zil gyis mi non pa zhes bya ba'i gzungs te/ 'jig rten pa dang/ 'jig rten las 'das pa'i chos rnams kyi gter ni sangs rgyas bcom ldan 'das so/ /de nyid rigs yin te/ mtshan dang/ dpe byad bzang po de dag gi skye ba'i gnas so/ /chos kyi gter gyi rigs las byung ba'i mtshan dang dpe byad bzang po byed par gyur pa de dag gis na/ gzhan su dag gis kyang gzungs 'di'i gnas pa zil gyis mi non ces tshig rnam par sbyar ro/ /'di las mos bas spyod pa'i sa la sogs pa'i gnas skabs thams cad la gnas pa'i rnal 'byor can gyis bdud kyi las rnam par spong ba yang 'thob par 'gyur ro/ /ci'i phyir zhe na/ de'i phyir dam pa zhes gsungs te/ sangs rgyas nyid do/ /'dis kun nas sngon du tshol bas na dam pa yongs su tshol ba ni stong pa nyid de/ de la mkhas pa'o/ /da lta bas na dam pa yongs su tshol ba mkhas pa'i phyir/ bdud kyi las thams cad las yang dag par 'da' ba zhes bya ba'i gzungs te/ rnam grangs de dag gis gzungs ni don thams cad 'thob pa'i rgyu yin pa'i phyir don che ba nyid du bstan pa yin no/ /rnam pa gzhan yang yang na dang pas mos
- 30b
la sogs/ /dbang du mdzad don rims bzhin ming rnams lnga po 'di dag ni/ don dang mthun par gsungs pa yin/ 'di ltar dad pas mos pa rnams kyi/ dbang du mdzad nas ming dang po gsungs te/ de dag chos thams cad mi 'dzin pa la 'jug pa'i phyir ro/ /mi skye ba'i chos la bzod pa thob pa rnams kyi dbang du mdzad nas ming gnyis pa gsungs te/ de dag gis chos thams cad yang dag par 'du ba la mi 'jigs pa 'thob pa'i phyir ro/ /phyir mi ldog pa rnams kyi dbang du mdzad nas ming gsum pa gsungs te/ de dag gis gcig tu des pa 'thob pa'i phyir ro/ /skye ba gcig gis thogs pa'i dbang du mdzad nas ming bzhi ba gsungs te/ de dag dge ba'i rtsa ba thams cad la gzhan la rag ma las pa'i ye shes rtogs pas/ ji skad gsungs pa thams cad 'grub po/ /yang na dngos po thams cad rtogs pas na dge ba'i rtsa ba bsod nams dang ye shes kyi tshogs kyi mtshan nyid de dag thams cad sgrub pa'i phyir/ gzhan la rag las pa med pa'i ye shes sgrub po/ /sgrub pa zhes bya ba ni nan tan byed pa ste/ de las ji skad gsungs pa thams cad 'grub par 'gyur ro/ /srid pa tha ma pa rnams kyi dbang du mdzad nas ming lnga pa gsungs te/ de dag byang chub kyi shing drung kho nar byang chub 'thob pa'i tshe/ stong pa nyid la goms pas bdud kyi las thams cad las yang dag par 'da' bar 'gyur ro/ /da ni shA ri'i bu byang chub sems dpa' gang dag ces bya ba la sogs pas phan yon bstan te/ 'bras su yang dag bstan pas kyang/ /gdul ba rnams ni 'jug 'gyur te/ de'i phyir na thub pa yis thugs rjes phan yon yang dag gsungs/ /chos dang dad pas rjes 'brang ba'i// dbang mdzad 'di yi phan yon gnyis/ /rgyal bas gsungs te snga ma snga/ /phyi ma bo ni phyi ma yin/ /gdul ba'i rnam pa gnyis te/ chos kyi rjes su 'brang ba dang/ /dad pas rjes su 'brang ba'o/ /de la snga ma chos kyi rjes su 'brang ba'i dbang du mdzad nas phan yon
- 31a
snga ma ste/ 'thad pa dang bcas pa bstan pa'o/ /phyi ma ngad pas rjes su 'brang ba'i dbang du mdzad nas phan yon phyi ma ste/ tshigs su bcad pa rnams kyis bstan to/ /yang na phan yon gnyis ka yang/ /chos dang dad pas rjes 'brang ba'i/ /phyi ma snga ma'i btegs pa yin/ phyi ma yin gnyi ga dngos/ /yang na phan yon snga ma ni 'thad pa dang bcas pa'i phyir/ snga ma chos kyi rjes su 'brang ba'i dngos yin la/ /phan yon phyi ma ni btags pa yin te/ /de dag kyang de la shas kyis phan 'dogs pa'i phyir ro/ / phyi ma dad pas rjes su 'brang ba la ni phan yon gnyi gas lhur phan 'dogs pa'i phyir dngos yin no/ /stobs dang pha rol phyin sa dang/ /mi 'jigs yon tan la sogs pa rnam thar sgo dang mngon shes dang/ ting 'dzin gzungs sgo mdza' yas pa 'am/ de dag mdza' yas thabs rnams kyis/ /sgrub bar byed pa gang yin pa/ de phyir mdza' yas sgos bsgrub pa'i/ gzungs zhes bya bar bsgrags pa yin/ /stobs ni gnas dang gnas ma yin pa mkhyen pa'i stobs la sogs pa bcu'o/ /pha rol tu phyin pa ni sbyin la sogs pa bcu'o/ /sa ni mos bas spyod pa'i sa yan chad sangs rgyas kyis kun tu 'ong man chad sa bcu gnyis so/ /mi 'jigs pa ni sa bcu'o/ /sogs pa'i sgras ni/ dran pa nye bar gzhag pa gsum dang/ thugs rje chen po dang/ sangs rgyas kyi chos ma 'dres pa bco brgyad dang/ /byams pa la sogs pa'i yon tan rnams bsdu'o/ /rnam par thar pa'i sgo rnams ni thugs rje chen po dang/ bshol ba med pa la sogs pa'o/ /mngon par shes pa rnams ni lha'i mig la sogs pa lnga'o/ /ting nge 'dzin rnams ni nam mkha' i mdzod la sogs pa'o/ /gzungs kyi sgo ni chos zab mo la bzod pa'i gzungs kyi sgo la sogs pa ste/ gang gi phyir mdza' yas pa 'di dag thams cad sgrub cing rdzogs par byed pa de'i phyir/ sgo mdza' yas pa sgrub pa'i gzungs
- 31b
zhes bsgrags so/ /yang na gang gi phyir ji skad bstan pa 'di dag thams cad thabs mdza' yas sgrub pa de'i phyir/ sgo mdza' yas pas sgrub ba zhes bsgrags so/ /'dir ni don gyi gzungs yin pa 'am/ /yang na gzungs don ston pa yi/ /yi ge'i tshogs ni 'di nyid la/ /gzungs zhes bya bar dgongs pa yin/ /thos sogs las byung shes pa rnams/ /chung dang 'bring dang sogs ldan pas/ /gzungs kyi don ni thob gyur nas/ /byang chub sems dpar 'gyur ba gang/ /de dag phyir mi ldog nyid du/ /mtshungs te dus ni tha dad do/ /byang chub myur ba nyid gsungs gang/ /de ni gzhan las bltos te dgongs/ /gang gi tshe sgo mdza' yas pas sgrub pa'i gsungs zhes bya ba/ /'dir gzungs nyid sangs rgyas rjes su dran pa'i mtshan nyid du bzung ba de'i tshe ni/ don thob pa zhes bya ba 'di la don gyi sgra ni ngo bo nyid du bstan pa yin te/ /ngo bo nyid de yang 'dir sangs rgyas rjes su dran pa nyid la bya'o/ /gang gi tshe gzungs kyi don ston pa'i yi ge'i tshogs la 'dir gzungs zhes bya bar bzung ba de'i tshe ni/ /sgo mdza' yas pas sgrub pa'i gzungs 'di'i don gang rjod par byed pa'i ngo bor gnas pa la bya ba ste/ de yang sangs rgyas rjes su dran pa nyid de/ de thob pa ni thos pa las byung ba'i shes pa 'am/ bsam pa las byung ba 'am/ bsgoms pa las byung ba chung ngu 'am/ 'bring ngam/ chen po 'am/ gcig pu 'am/ gnyis sam/ mdza' dag gis thob pa'i byang chub sems dpar gyur pa gang dag yin pa'o/ /sems can rnams la byang chub kyi rnam par bsgom pas na/ byang chub sems dpa' rnams te/ de dag ni gzungs thob pas sems can thams cad la stong pa nyid kyi rnam par bsgom par byed do/ /yang na sems dpa' i sgra ni dngos por bstan par blta bar bya ste/ 'di dag thams cad ni phyir mi ldog par mtshungs so/ /phyir ldog pa phyir nur ba ste/ 'khor ba dang/ nyan thos la sogs pa'i byang chub tu ltung ba'o/ /de yod
- 32a
pa dag ni phyir ldog pa'o/ /phyir ldog pa ma yin pa dag ni/ /phyir mi ldog pa dag ste/ bla na med pa yang dag par rdzogs pa'i byang chub tu nges par gyur ba zhes bya ba'i tha tshig go /de dag ni bla na med pa yang dag par rdzogs pa'i byang chub 'thob pa'i dus la ni bye brag yod de 'di ltar gang dag thos pa las byung ba'i shes pa chen pos gzungs kyi don thob pa de dag gi byang chub 'thob pa'i dus ni ring ba'o/ /'bring gis thob ba gang yin pa de dag ni shin tu ring ba'o/ /chung dus thob pa gang yin pa de dag ni ches shin tu ring ba'o/ /de bzhin du bsams pa las byung ba la sogs pa la yang mthun mthun du sbyar bar bya'o/ /myur ba'i tshig gsungs pa gang yin pa de ni/ byang chub sems dpa' gsungs kyi don thob pa dag las gzhan pa'i byang chub sems dpa' gang yin pa de dag gi byang chub 'thob pa'i dus las ltos par rig par bya'o/ /de ci'i phyir zhe na/ zhes bya ba des na gtan tshigs dri ba bstan te/ gtan tshigs shA ri'i bu 'dir zhes bka' stsal ba ni dmigs pa med pa'i spyod pa dang ldan pa'i gzungs zhes bya ba dang sbyar bar bya'o/ /dmigs pa thams cad yod min pa/ /'dir ni dmigs pa med par bsgrags/ /dmigs pa yod pa ma yin phyir/ /dmigs pa med pa'ang rigs ldan min/ /dngos po dmigs pa med pa dag la dmigs pa ni dmigs pa thams cad de/ de med pa gang yin pa de la ni 'dir bcom ldan 'das kyis dmigs pa med pa zhes bstan te/ dmigs par bya ba med pa'i phyir/ /dmigs pa med pa tsam du zad pa ni ma yin gyi/ dmigs pa med pa'i phyir/ dmigs pa med pa yang/ yang dag par na mi dmigs pa kho na ste/ dgag par bya ba med pa'i phyir ro/ /gang tshe 'di la dmigs med pa'i/ /spyod pa chen po yod gyur na/ /de nyid yang dag shes de'i phyir/ /de la mi 'grub ci zhig yod/ /spyod pa ni sngar bstan pa'i dmigs pa med pas so/ /chen po
- 32b
ni yon tan rnam pa sna tshogs mdza' yas pa sdud pa yin pa'i phyir ro/ /de nyid mi bslu ba yin pa'i phyir yang dag pa'i shes pa yin te/ gang gi tshe 'di la yod pa de ni dmigs pa med pa'i spyod pa dang ldan pa'o/ /de lta bu'i gzungs de las ci zhig 'grub par mi 'gyur te/ thams cad kyang 'grub par 'gyur ro zhes bya ba'i tha tshig go /khyod kyi nyes pa ma lus pa/ /spong ba sangs rgyas rjes dran nyid/ /de yi gnyen po yin pas na/ /de phyir ci bder bsgom par gyis/ /de'i phyir 'dir sangs rgyas kyi chos dang yon tan thams cad kyi gter nges pa ste/ sangs rgyas kyis chos ni thun mong ma yin pa rnams so/ /sangs rgyas kyi yon tan rnams ni nyan thos la sogs pa dang thun mong pa 'am/ /sangs rgyas kyi chos rnams kho na'o/ /gnas dang gnas ma yin pa mkhyen pa'i stobs la sogs pa ni yon tan rnams te/ goms par bya ba yin pa'i phyir ro/ /de dag gi gter ni rgyu ste nges pa'o/ /yang de na sangs rgyas kyi chos dang yon tan thams cad yod pas na sangs rgyas kyi chos dang yon tan thams cad kyi gter te/ thams cad mkhyen pa'i ye shes so/ /de des pa ni sangs rgyas kyi chos dang yon tan thams cad kyi gter nges pa'o/ /gang gi phyir khyed kyi nyes pa ma lus pa spong ba ni de'i gnyen por gyur pa'i phyir/ /sangs rgyas rjes su dran pa kho na yin pa de'i phyir/ khyed kyis ci bder sgoms shig ces bya bar bcom ldan 'das kyis dgongs te/ 'di ltar 'dod chags la sogs pa nyon mongs pa'i sgrib ba ni dngos po la mngon par zhen pa sngon du 'gro ba can la/ dngos po la mngon par zhen pa yang shes bya'i sgrib pa yin te/ sangs rgyas rjes su dran pa ni chos thams cad kyi ngo bo nyid kyi sgo nas de spong bar byed pa yin no/ /de'i phyir sangs rgyas rjes su dran pa yid la goms pa'i mi la nyon mongs pa dang shes bya'i sgrib pa rnam par gnyis ka yang mi gnas so/ /
- 33a
'di ltar gang la gang gi mi mthun ba'i phyogs zil gyis gnan pa'i shas che ba yod ba de la de med de/ ji ltar rgya mtsho na me lce'i tshogs med pa de bzhin du/ sangs rgyas rjes su dran ba yin la goms pa'i mi la nyon mongs pa dang/ shes bya'i sgrib pa mi mthun pa'i phyogs zil gyis gnon pa'i shas tsha? ba yod do/ /rigs pa'i rjes su sgrub pas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba 'ba' zhig tu yang ma zad de/ 'di ni rgyu nye bar gnas pas kyang khong du chud par bya ba'i phyir 'di nyid las byang chub sems dpa' i spyod pa thams cad kyi bye brag mchog 'thob pa'i phyir ro/ /zhes gsungs so/ /bye brag phul du phyin pa ni bye brag mchog ste/ 'di ltar 'khor gsum rnam par dag pa'i phyir/ /sbyin pa la sogs mchog dang ldan/ /yang dag rdzogs pa'i byang chub rgyu'i/ /khyad par 'di las 'thob par 'gyur/ /sbyin par bya ba dang/ sbyin pa po dang/ len pa po la sogs pa mi dmigs pas/ sbyin pa la sogs pa rnam par dag pa ni de yin te/ de'i mi mthun pa'i phyogs kyi dri ma med pa'i phyir ro/ /des shin tu khyad par du 'phags pa'i sbyin pa la sogs pa spyod pa'i mtshan nyid bla na med pa'i byang chub kyi byed rgyu 'di nyid las thob par 'gyur ro/ /de ltar 'thad pa dang bcas pa'i phan yon bstan nas/ /phan yon gzhan yang gsungs te/ 'dir ni thub pa'i dbang po yis/ /yi ge don dang gnyis ga yis/ /gzungs kyi phan yon bka' stsal te/ ci rigs par ni sbyar bar zad/ /yang na phan yon thams cad kyang/ /gzungs rnams kun la bshad bya ste/ kha cig dag ni dus gzhan las/ /dgongs pa cam du zad pa yin/ /yi ge'i gzungs ni gzungs kyi don ston pa'i yi ge ste/ khar ba gsad pa la sogs pa bzhin no/ /don gyi gzungs ni sangs rgyas rjes su dran pa'o/ /gnyi ga'i gzungs ni
- 33b
gnyis po de nyid do/ /gzungs rnam pa gsum po 'di dag gi phan yon ni/ /'dir bcom ldan 'das kyis spyir bka' stsal te/ skyes bu shes pa dang ldan pas ci rigs par sbyar bar bya ba 'ba' zhig tu zad do/ /yang na phan yon thams cad kyang/ /gzungs thams cad kyi yin bar gsungs so/ /bye brag ni 'di yod do/ kha cig tu ni dus gzhan la dgongs par bshad par bya ste/ 'di ltar mnyam nyid ces bya dus dang don/ /gang zag gzhan zhes bya ba ni/ /dgongs pa rnams kyis thub pa'i gsung/ /ci rigs par ni rtogs par bya/ /bcom ldan 'das kyi dgongs pa ni rnam pa bzhir khong du chud par bya ste/ mnyam nyid la dgongs pa zhes bya ba ni/ ji skad du bcom ldan 'das kyis da nyid yang dag par rdzogs pa'i byang chub las phyir mi ldog par 'gyur ro zhes gsungs pa la sogs pa lta bu'o/ /don gzhan la dgongs ba zhes bya ba ni/ ji skad du bcom ldan 'das kyis sangs rgyas bcom ldan 'das gang+gA'i klung gi bye ma snyed la bsnyen bkur byas nas gdong theg pa chen po ston pa'i mchog tu zab mo'i don rtogs par 'gyur ro/ /zhes bya ba la sogs pa lta bu'o/ /gang zag gzhan la dgongs ba zhes bya ba ni/ ji skad du bcom ldan 'das kyis/ sbyin pa yis ni dga' bar 'gyur zhes bya ba la sogs pa gsungs pas/ /sbyin pa la sogs pa'i sngags pa brjod pa mdzad nas/ gang zag kha cig la brten te/ sbyin pa sbyin pas phan tshul dag tu brten de dag /gzhan dang gzhan la gus par mi 'gyur bas/ /sangs rgyas mkhas pa bag chags spangs rnams ni/ de 'drar brten ba de dag bsngags mi mdzad/ /ces bya ba la sogs pas sbyin pa la sogs pa de dag nyid smod par mdzad pa lta bu'o/ /dgongs ba bzhi po 'di dag gis thub pa'i dbang po'i gsung rab kyi mdung ba'i gnas rnams bshad par bya'o/ /dgongs pa bstan pa'i dgos pa ni yi ge mangs su dogs bsam bshad do/ /skabs 'dir kha cig tu
- 34a
ni dus gzhan la dgongs te phan yon bstan to/ /gang zag gzhan la dgongs pas kyang bstan te/ de ni gsal ba'i phyir bdag gis ma sbyar ro/ /gzungs zhes bya 'dir kha cig tu/ /mgon po thugs rje can gyis ni/ /gzungs zhes pa ni chen po yi/ chen po'ang yin par bka' stsal to/ /gzungs la dmigs pa shes pa rab kyi mdza' la gnas pa la gzungs zhes bya bar/ sems can gyi don la mkhas pa bcom ldan 'das kyis kha cig tu gsungs te/ mi sdug pa bzhin no/ /de ltar don bsdus pa bstan nas/ da ni de'i phan yon gyi tshigs su bcad pa so sor brtag par bya ste/ ci 'di dag stong pa yin nam 'on te ma yin snyam du/ chos rnams stong par dogs med cing/ /mdo sde 'di thos nas stong pa kho na'o snyam du sems te/ 'di ni the tshom pa'i phan yon bstan to/ /chos rnams stong pa la/ byang chub ched du spros mi byed/ /chos rnams dang byang chub kyi rang bzhin med pa'i phyir ro/ /'di dag ni byang chub 'thob po snyam du dmigs pa ni spros pa'o/ /'dis ni dmigs pa med pa'i phan yon bstan to/ /chos dbyings 'khrugs par mi byed na/ /chos kyi dbyings 'khrug pa ni phyin ci log tu mngon par zhen pa ste/ 'di ltar chos kyi dbyings ni yang dag par stong pa'ang ma yin/ mi stong pa'ang ma yin na/ de la stong pa nyid la sogs pa'i ngo bo nyid du 'dzin pa ni 'khrug pa'o/ /'dis ni chos kyi dbyings kyi ngo bo nyid yang dag par khong du chud ba'i phan yon bstan to/ /de phyir gzungs ni 'thob par 'gyur zhes bya ba 'di ni don gyi gzungs te/ 'di ni yi ge'i gzungs kyi phan yon dngos dang brgyad pa'i bye brag gis bstan to/ /yang na phan yon 'di ni gzungs rnam pa gsum char la yang mthun mthun du sbyar bar bya ste/ gang gi tshe don gyi gzungs kyi phan yon du bstan pa de'i tshe ni gzungs smos pas rab kyi mdza' la gnas pa'i gzungs kyi ye shes gzung ngo/
- 34b
mdo sde 'di ni mnyam par bya ba zhes bya ba 'dis ni yi ge'i gzungs kyi phan yon rnam pa gsum dus gzhan la dgongs pa'i sgo nas bstan to/ /gzungs 'thob pa dang/ ye shes 'byor pa 'thob pa dang byang chub 'thob pa'o/ /yang na gang gi tshe/ 'di la gzungs ni zad pa med/ ces brjod par bya zhes bya ba lhag ma yin pa de'i tshe na gzungs smos pa mngon sum gyi phan yon yin la/ gzhan gnyis po ni dus gzhan la dgongs pa'o/ /yang na gzungs rnam pa sum char gyi phan yon yin te/ yi ge'i gzungs kyi phan yon ni rnam pa gsum mo/ /don gyi gzungs kyi ni rnam gnyis so/ /ye shes kyi gzungs kyi ni gcig tu bstan to/ /yon tan zad pa med pa'i phyir mi zad pa'o/ /gzungs zhes bya ba la sogs pas ni/ yi ge'i gzungs kyi phan yon dus gzhan la dgongs pa'i sgo nas rnam pa gnyis su bstan to/ /stong pa nyid dang/ 'tsho ba med pa dang/ tshigs su bcad pa med pa la sogs pa'i 'jigs pa ma lus pa dang bral ba'i phyir 'jigs pa med pa dang/ phyogs bcur rnam par bzhugs pa'i sangs rgyas rnams kyi chos bstan pa thos pa'o/ /bzung ba ni ma brjod pa'o/ /don gyi gzungs kyi ni phan yon de gnyi ga mngon sum kho na'i yin te/ gzung ba ni bsgom pa'o/ /mchog gi chos zhes bya ba 'dis ni dus gzhan la dgongs pa'i sgo nas yi ge'i gzungs kyi phan yon du bstan to/ /cig shos kyi ni mngon sum gyi phan yon du bstan to/ /'dis ni so so yang dag par rig pa rnam pa bzhi thob par bstan to/ /de la mchog gi chos zhes bya ba 'dis ni/ chos so so yang dag par rig par bstan to/ /don thams cad ces smos pas ni don so so yang dag par rig par bstan to/ /tshig 'bru thams cad ces smos pas ni nges pa'i tshig so so yang dag par rig pa bstan to/ /nyi ma'i 'od zer ji snyed pa zhes bya ba la sogs pa smos pas ni/ spobs pa so so yang dag par rig pa bstan te/ mchog
- 35a
smos pa ni sangs rgyas kyi rigs can gyi so so yang dag par rig pa yin par bstan pa'i phyir ro/ /don dang tshig 'bras bskyong kun gyi zhes bya ba'i tshig ni/ de dag gis chos so so yang dag par rig par 'jug pa'i phyir ro// nyi ma'i 'od zer gyi dpe ni mdza' yas pa nyid du bstan pa'i phyir ro/ /tshig smos pa ni tshig dang tshig gi don bzung pa'i phyir ro/ /yang na mchog gi chos stong pa nyid kyi chos rnam par shes so/ /don thams cad ni stong pa nyid de/ de ni dngos po thams cad kyi ngo bo nyid yin pa'i phyir ro/ /de tshig gang dag gis gsal bar byed pa de dag gis bskyod de/ 'jug par byed ces bya ba'i tha tshig go /tshig 'bru smos pas ni tshig rnams bstan to/ /'di'i rgyu bstan pa ni ji snyed ces bya ba la sogs pa'o/ /yang na mchog gi chos ni 'jig rten las 'das pa'i chos rnams te/ tshig 'bru gang dag la mchog gi chos dang don thams cad yod pa de dag gis bskyod de 'jug par byed ces bya ba'i phyir ni tha tshig go /lhag ma ni snga ma bzhin no/ /'dis kyang so so yang dag par rig pa rnams 'thob par bstan to/ /gang dag chos kyi mchog 'gyur ba/ de dag gang zhe na/ bka' stsal pa/ rlabs chen gzungs kyi sgo rnams te/ gang zhig mdo 'di 'dzin de la/ /thams cad rtag tu mngon du 'gyur zhes bya ba ste/ dus gzhan la dgongs pa'i sgo nas de skad ces gsungs so/ /gal te sems can thams cad kyis zhes bya ba la sogs pas ni phan yon 'di dngos dang brgyud pa'i sgo nas gzungs rnam pa gsum char gyi yang yin par gsungs so/ /de'i ye shes mi zad do zhes bya ba 'di rgyu'i tshig go/ bskal pa smos pa ni nye bar mtshon pa'i phyir te/ bskal pa grangs med pa dag kyang bzung bar bya'o/ /mdo sde 'di las su dga' zhes bya ba ni/ de la dad pa la sogs pa dang ldan pa'i phyir ro/ /'dis ni yi ge'i gzungs kyi
- 35b
phan yon dus gzhan la dgongs pa'i sgo nas bstan to/ /don gyi gzungs kyi ni mngon sum nyid de/ mdo sde'i don mngon sum du byas pas mdo sde la dga' bar 'gyur bas de'i phyir don gyi gzungs kyi yang 'dir bstan par rig par bya'o/ /de ni chos kyi rgyal po'i sras zhes bya ba ni sa dang po 'thob pa'i phyir te/ de'i tshe de bzhin gshegs pa'i rigs su skyes pa yin no/ /byang chub mchog la nye ba yin zhes bya ba ni phyir mi ldog pa la sogs pa'i sa thob pa'i phyir ro/ /yid brtan pa ni de kho na'i ye shes skyes pas mi bslu ba yin pa'i phyir ro/ /chos kyang 'dzin ces bya ba ni legs pa'i blo gros la sogs pa'i sa thob pas de bzhin gshegs pa'i chos ma lus par 'dzin pa'i phyir ro/ /de la sems can thams cad dga' zhes bya ba'i des kyang gzungs rnam par sum char gyi phan yon bstan par rig par bya'o/ /sangs rgyas rnams kyang de la dgyes zhes bya ba ni/ de nged cag gi gces pa 'dzin par 'gyur ro snyam du dgongs pa'i phyir ro/ /ci'i phyir/ de ni 'chi ba'i dus byed tshe/ sangs rgyas bya ba brgyad cu mthong zhe na/ gsang sngags kyi tshig brgyad cu yod pa'i phyir te/ gsang sngags kyi tshig re re zhing yang sangs rgyas bye ba bye bas byin gyis brlabs pa'i phyir ro/ /yang na gzungs kyi mthu nyid 'di 'dra ste/ des 'chi ba'i dus kyi tshe sangs rgyas bye ba brgyad cu mthong ngo/ /lag pa de la nye bar 'jog ces bya ba ni/ rigs kyi bu ma 'jigs shig ces bya ba 'am/ yang na nged kyi thar du shog ces bya ba'i phyir ro/ /su zhig mdo sde 'di 'dzin pa zhes bya ba 'dis ni phan yon 'di yi ge'i gzungs kyi yin no zhes bstan te/ shugs kyis ? yon gyi don gyi gzungs kyi yang yin par nges par gzung bar bya'o/ /bskal pa bye ba stod rnams su zhes bye ba 'dis ni phan yon 'di gzungs gsum char gyi yang yin par rig par bya ste/ sgron ma'i skad cig gcig gis kyang dus nged? nge? nas bsags pa'i mun pa
- 36a
sel bar mthong ba'i phyir bskal pa bye ba stong du bsags ba'i sdig pa zla ba gcig gis ji ltar 'byang bar 'gyur snyam du 'khrul pa bskyed par mi bya'o/ /byang chub sems dpas bsod nams gang zhes bya ba la sogs pas ni phan yon 'di don gyi gzungs kyi yin par bstan to/ /yi ge'i gzungs kyi ni ma yin te/ 'di ltar zla ba gcig smos pas na phan yon 'di dus gzhan la dgongs pa'i sgo nas kyang de yin par mi srid do/ /bsod nams ni gzungs 'dis kun nas bslang pa las gzhan pa gzung ngo/ /'dzin pa gzungs mngon sum du bya ba'o/ /khams gsum sems can ji snyed pa zhes bya ba la sogs pas ni phan yon 'di yi ge gzungs kyi yin par dus gzhan la dgongs par bstan to/ /phan yon 'di don gyi gzungs kyi yin par ni don gyis bstan te/ yi ge'i gzungs kyi phan yon 'di yang don gyi gzungs kyi sgo kho na las byung ba'i phyir ro/ /byang chub 'tshang rgya'i bar du de dran pa dang ldan par 'gyur zhes bya bar sbyar te/ blo gros rtogs ldan 'gyur zhes bya ba la sogs pa yang de bzhin sbyar bar bya'o/ /gzungs kyi dam pa gang yin pa ni dam pa'i don ston pa'i yi ge'i gzungs yin te/ de'i lce'i rtse mo gnas zhes bya ba la sogs par sbyar bar bya ste/ 'di yang yi ge dang don gyi gzungs gnyi ga'i phan yon du shes bar bya'o/ /blo gros ni mnyam par gzhag pa ma yin pa'i shes rab bo/ /rtog pa ni mnyam par gzhag pa'i shes rab bo/ /yang na rtogs pa thams cad du thob pa med par 'jug pa nyid do/ /ji ltar mdo sde bstan 'di la/ / gzungs don gyi gzungs kyi phyir so sor nges pa bzhin/ yang na gzungs ni gzungs shes pa ste/ de bzhin du mdo sde bstan pa 'di la thams cad mkhyen pa nyid bstan ba nges par 'thob par 'gyur zhes bya bar sbyar ro/ /de bzhin du 'di las byang
- 36b
chub nges par thob bar 'gyur zhes bya bar yang gzung bar bya ste/ phan yon 'di ni mngon sum dang/ dus gzhan la dgongs pa'i sgo nas yi ge'i gzungs kyi yin bar rig par bya'o/ /don gyi gzungs kyi ni snga ma bzhin du shugs kyis khong du chud par bya'o/ /thams cad mkhyen pa nyid ni shes bya'i sgrib pa spangs pa las 'gyur ro/ /byang chub ni nyon mongs pa'i sgrib pa spangs pa las so/ /yang na thams cad mkhyen pa nyid ni thams cad mkhyen pa'i ye shes so/ /byang chub ni nyon mongs pa dang shes bya'i sgrib pa spangs pa'o/ /yang na rgyu dang rgyu can gyi tshul du gnyi ga rtogs par bya'o/ /'di las byang chub 'thob par 'gyur zhes bya ba 'di ni/ bdag nyid dper bstan pas brda sprad pa'i phyir/ gzungs 'di thos ma thag tu yang zhes bya ba la sogs pa gsungs te/ de bzhin gshegs pa mar me zhes bya ba ni bcom ldan 'das mar me mdzad yin no/ /bdag cag gis gzungs thos kyang lung yang ma bstan la/ sangs rgyas rnams kyang ma mthong ba ma yin nam/ ci'i phyir de skad gsungs/ thos ma thag tu zhes gsungs pa'i phyir dang/ skad cig de la zhes gsungs pa'i phyir/ 'dir dus gzhan la dgongs pa yang ma yin no/ /zhe na nyes pa med de/ 'di ltar 'dis ni bcom ldan 'das kyi tshe rabs gzhan du/ bcom ldan 'das ma 'di la goms na/ ji lta ba bzhin du nges pa kho nar tshe 'di la khyad par 'di sgrub bar byed do zhes bya ba ste ston par mdzad pa yin te/ /de bas na gal te de bzhin du/ gzhan tshe rabs gzhan na goms pa gang yin pa de yang gzungs thos ma thag tu nges par lung bstan par 'gyur zhing/ skad cig de nyid la sangs rgyas rnams mthong bar 'gyur te/ 'di la 'khrul ba bskyed par mi bya'o/ /'dis ni phan yon 'di yi ge dang don gyis gzungs kyi yin par bstan to/ /gzungs 'di'i phan yon sangs rgyas thams cad kyi chos kyi tshul 'dzin pa yin par bstan pa'i phyir gang zhig ces bya ba la
- 37a
sogs pa gsungs te/ bstan pa'i gsung rab yan lag bcu gnyis so/ /sangs rgyas thams cad kyi bstan pa shes par bya ba'i thabs gzhan yang yod mod kyi/ 'di myur bas na myur ba'i tshig gis ston par mdzad de/ phan yon 'di ni yi ge'i gzungs kyi yin par dus gzhan la dgongs pa'i sgo nas bstan pa'o/ /don gyi gzungs kyi ni don gyis bstan pa yin par rig par bya'o/ /sangs rgyas zhing ni rnam dag dang/ /zhes bya ba la sogs pas ni phan yon gzhan ston te/ 'di ni yi ge'i gzungs kyi phan yon dus gzhan la dgongs pa bstan te/ byed par 'gyur zhes 'byung ba'i phyir ro/ /don gyi gzungs kyi ni don gyis dngos dang brgyad par ci rigs par rig par bya ste/ 'di'i phan yon gsum po 'di la the tshom mi bya bar 'di ni de kho na bzhin no snyam du gzung bar bya'o/ /gal te khyod la the tshom yod na/ de'i tshe zhag bdun tsam gyi bar du 'di soms shig dang/ des na khyod bdag nyid kyi tshe 'di la yid ches ba'i rtags mthong bar 'gyur ro bya ba'i don du/ de bas bag ni yod gyur la zhes bya ba la sogs pa gsungs te/ gsang sngags tshig ni snga ma yis/ /bsrung ba'i cho ga 'di byas la/ /gtsang mas 'du dang 'brel spang zhing/ /lus kyi 'du 'dzin spang bya ste/ /des ni rtog pa'i dra ba yi/ /rgyun rnams ma lus spangs nas ni/ /bag med pa'i rnam pa gnyis te/ gzhan las byung ba dang/ bdag las byung ba'o/ /gzhan las byung ba yang rnam pa gnyis te/ gnas babs pa dang/ rtsal las byung ba'o/ /bdag las byung ba ni rnam pa gsum ste/ 'du ba las byung ba dang/ lus kyi 'du 'dzi las byung ba dang/ /log par rnam par brtags pa las byung ba'o/ /de dag med pas bdag yod par gyur nas/ las ngan pa ma lus par yongs su spangs te/ sangs rgyas rjes su dran pa tsam/ /rab tu sgoms la gus byas la/ /sems ni rtse gcig byas nas su/ /sangs rgyas rjes su dran byad pa/
- 37b
de ni cho ga bzhin du bsgom/ /bsam gtan gyi tsher ma ni sgra yin pa'i phyir/ sgra med pa'i sa phyogs su skyil mo krung bcas nas/ dbugs rdub pa dang/ 'byung ba dag bstung bar mi bya bar/ lus drang por bsrang la/ ha cang ma rengs par bya ste/ sems kyi tshogs phyi rol tu 'phro ba bzlog pa'i phyir/ sems sna'i rtse mo la bstad de/ ci nus kyis bsgom par bya'o/ /de nas skye bar gyur na blo can gyis/ /de nas sems kyis dus bstung ngo/ /ha cang bsgom drags pas rnal 'byor pa sems skyo bar gyur na/ bsgom pa de las langs la klog 'don bya ba 'am/ 'greng ba 'am/ 'gro ba 'am/ zan za ba 'am/ bya ba gzhan ci yang rung ba byed cing skyo pa med par ma gyur gyi bar du sangs rgyas rjes su dran pa la gnas pa'i sems kyis dus bstung par bya ste/ skyob med par gyur nas kyang bsgom par bya'o/ /blo ldan de ltar sgom byed ba/ de ltar zhag bdun tha mar ni/ /sangs rgyas bye ba brgyad cu rnams/ /de yi 'og tu gzungs sbyin mdzad/ ci'i phyir sangs rgyas bcom ldan 'das de snyed kyis de la gzung spyan par mdzad ce ma smras pa/ gsang sngags tshig ni re re zhing/ /sangs rgyas bye bas byin brlabs la/ /des kyang sngar ni de dag gis/ /bzlas bsrung la sogs phun tshogs byas/ /'di ltar gsang sngags kyi tshig brgyad cu po rnams sangs rgyas bye ba phrag brgyad cus byin gyis brlabs la/ gsang sngags kyi tshig de dag gis kyang rnal 'byor pa des bzlas brjod byed par gyur pas/ bsrung ba dang/ mdangs dang/ stobs dang/ nad med pa la sogs pa phun sum tshogs par byas pa'i phyir te/ bsgom pa'i snga rol du bzlas brjod bya ba'i ston pa'i nus su gsang sngags kyi tshig rnams brjod la/ de'i 'og tu bsgom par bya'o/ /gang gi phyir de lta yin pa/ de'i phyir sangs rgyas bye ba ni/ /brgyad cu de la gzungs sbyin mdzad/ /yang na dgu bcu las thos ltar/ /bsgom la mthu
- 38a
de ni 'di 'dra'o/ /yang na sangs rgyas rjes su dran pa bsgom pa'i mthu nyid 'di 'dra ste/ des sangs rgyas bye ba phrag brgyad cus de la gzungs sbyin par mdzad do/ /dper na 'di ni las sangs rgyas bye ba phrag dgu bcu las chos bstan pa thos so zhes yang dang yang du gsungs pa lta bu'o/ /gzungs de rnam pa ji lta bur bsams na thob par 'gyur zhe na/ smras pa/ gzugs sogs bsam pa bsam bya yin/ /gzugs med sogs pa bsam bya min/ /yang na sprul pa bsam bya yin/ / longs spyod rdzogs pa bsam bya min/ /yang na bsam bya bsam bya min/ /bsam bya bsam bya min dngos bsam/ /bzod nas ma skyes pas med phyir/ /bsam pa de dag bsam mi bya/ /gzugs la sogs pa la bsam pa ni bsam bya min pa ste/ de ni dngos po med pa'i ngo bo yin pas don gyi bya ba mi byed pa'i phyir/ bsam par bya ba'i 'os ma yin pa'i phyir ro/ /sogs pa smos pas ni mtshan la sogs pa sngar bstan pa rnams nyid gzung ngo/ /yang na sbrul pa'i sku la bsam pa gang yin pa de ni/ bsam par bya ba ste/ de ni skye ba la sogs pa'i bye brag gis bsam par bya bar nus pa'i phyir ro/ /longs spyod rdzogs pa'i sku la bsam pa gang yin pa de ni bsam par bya ba ma yin pa ste/ de ni skye ba la sogs pa'i bye brag gi bsam par mi nus pa'i phyir ro/ /rnam pa gzhan yang bsam par bya ba bsam par nus pa'i dngos po la bsam pa gang yin pa de ni bsam par bya ba yin no/ /bsam par bya ba ma yin pa sangs rgyas kyi chos la sogs pa dag la bsam pa gang yin pa de ni bsam par bya bam yin pa'o/ /bzod ma nas ma skyes pas gzugs la sogs pa med pa'i phyir/ bsam pa de dag ni bsam par mi bya'o/ /ji ltar chos thams cad gzod ma nas ma skyes pa de lta na sngar bstan zin to/ /'o na ci zhig soms shig ce na smyas pa chos kyi
- 38b
dbyings soms shig /de la yang log par bsam par mi bya'o/ /chos kyi dbyings ji ltar bsam zhe na/ ji ltar yang 'gal bar yang ma sems shig/ ci'i phyir de lta zhe na/ 'di ltar rnam pa gang dang gang gis chos kyi dbyings sems par byed pa rnams de dang de med pa'i phyir ro/ /stong pa dang/ rang bzhin gyis skyo ba med pa la sogs pa ni/ don dam par na dgag par bya ba med pa la dgag pa mi 'jug pa'i phyir med pa kho na ste/ de lta bas na chos kyi dbyings de la yang bsam par mi bya ste/ log par bsam par mi bya'o zhes bya ba'i tha tshig go /'gal bar sems pa ni skye ba med pa la sogs pa'i rnam pa dang/ dngos po la sogs pa'i rnam pa dang/ dngos po tha dad pa nyid dang/ gcig pa ma yin pa'i mtshan nyid la sogs pa rnam par sems pa ste/ gang gi dbang du mdzad nas/ gang stong pa nyid du lta ba ni zhes bya ba la sogs pa gsungs pa lta bu'o/ /rnal 'byor pas ji skad bstan pa'i rnam pa kho nas/ de ltar zhag bdun sems na ni/ de'i 'og tu gzungs thob 'gyur/ bcom ldan 'das kyis yang yang du bshad pas ci zhig bya snyam du dgongs nas/ dper na zhes bya ba la sogs pa gsungs te/ phan yon 'di ni gzungs rnam pa gsum char gyi yin no/ /bde ba ni nges par legs pa dang mngon par mtho ba'i bde ba'o/ /som nyi ni the tshom za zhes bya ba'i tha tshig go /de ltar phan yon rnam pa du ma bstan nas/ 'bras bu nye ba gtso bo bstan pas 'dul ba'i 'jig rten gzungs 'di la 'jug cing sdung par mdzad de/ 'di las rdzogs pa'i byang chub nye/ /de bas 'di la sbyor bar gyis/ /thos pa la sogs pa 'am/ lus la sogs pa 'am/ 'og nas bzhi tshan bstan pa rnams kyis sbyar bar bya ste/ 'dis ni rang gi don phun sum tshogs pa ye shes phun sum tshogs pa dang/ sbangs pa phun sum tshogs pa rnam pa gnyis bstan te/ byang chub
- 39a
ni ye shes dang spangs pa mtshan nyid yin pa'i phyir ro/ /ye shes phun sum tshogs pa ni rnam pa bzhi ste/ thams cad mkhyen pa dang/ rnam pa thams cad mkhyen pa nyid dang/ ma 'bad par mkhyen pa dang/ ma bstan par mkhyen pa'o spangs pa yang rnam pa bzhi ste/ nyon mongs pa dang/ shes bya'i sgrib pa spangs pa dang/ gtan du spangs pa dang/ bag chags dang bcas par spangs pa dang/ ting nge 'dzin dang snyoms par 'jug pa'i sgrib pa thams cad spangs pa ste/ de dag kyang rdzogs pa'i byang chub smos pas bstan to/ /khyed zhi ba'i gnas ni thob gyur nas/ rdzogs pa'i byang chub thob byed 'gyur/ /'jig rten no snyam du dgongs pa ste/ 'dis ni gzhan gyi don phun sum tshogs pa bstan par rig par bya'o/ /zhi ba'i gnas ni nyon mongs pa dang shes bya'i sgrib pa zhi bar gyur pa'i phyir ram/ me gsum zhi bar gyur pa'i phyir/ mi gnas pa'i mya ngan las 'das pa'o/ /rdzogs pa'i byang chub ni rnam pa gsum po ste/ 'di ni byang chub gsum? 'god pa'i gzhan gyi don phun sum tshogs pa bstan to/ /ngan song gsum las nges par thar pa dang/ mtho ris su 'gad pa dang/ 'khor ba'i sdug bsngal las gtan du rnam par thar pa ni shugs kyis bstan par shes par bya'o/ /yang ni ci'i phyir/ 'di las rdzogs pa'i byang chub nye zhe na/ 'di ltar khyed/ zhi ba'i gnas ni thob gyur nas/ /rdzogs pa'i byang chub thob byed 'gyur zhes bya ba 'dis nyi ste/ tshigs su bcad pa ril po 'dis ni rang gi don phun sum tshogs pa bstan to/ /da ni de nas bcom ldan 'das kyis zhes bya ba la sogs pa gzungs 'di 'thob pa'i thabs bsnyan te/ blo ldan ci 'dra gang du dang/ /ji ltar gnas dang gang bsgoms dang/ gang byas pas ni 'thob 'gyur ba/ /de ni bzhi tshan rnams kyis bstan/ /rnal 'byor pa ji lta bus gzungs 'di thob par 'gyur ba de ni bzhi tshan dang
- 39b
pos bstan to/ /gang du gnas pa dang/ ji ltar gnas pa de gnyis ni gnyis pas bstan to/ /gang bsgom pa dang/ gang bya ba de gnyis ni gsum pas bstan to/ /rnal 'byor pa ji lta bus gzungs 'di thob par 'gyur zhe na/ smras pa khrims ldan de yi mi mthun phyogs/ /gnyis grol de yi 'phel byed ldan/ nyes pa dang ni phan yon rnams/ /bstan pas de la 'dzud par byed/ /'dod pa rnam la lhag par chags pa med pa zhes bya bas ni tshul khrims dang ldan par bstan te/ tshul khrims ni yon tan thams cad kyi gzhi yin no/ /'dod pa lnga'i yon tan rnams la lhag par chags pa med na/ srog gcod pa la sogs pa mi byed do/ /de lta bas na de spangs pa'i mtshan nyid kyi tshul khrims kyang thob paM nyid pas logs shig tu ma bstan to/ /tshul khrims kyi mi mthun pa'i phyogs drag dog dang ser sna las grol ba ni/ sems can thams cad la phrag dog med pa dang/ bdog pa thams cad yongs su gtong zhing 'gyod pa med pa yin zhes bya ba 'dis bstan to/ /phug dog dang ser sna dag ni tshul khrims kyi mi mthun pa'i phyogs rnams yin te/ 'di ltar 'dod pa rnams la lhag par chags na phrag dog byed pa dang/ /ser sna byed par 'gyur ro/ /sems can thams cad la zhes smras pa ni/ dgra bo dang mdza' bo dang tha mal pa yongs su bzung ba'i phyir ro/ /bdag pa thams cad ces smos pa ni bya rol dang nad gi bsdu ba'i phyir ro/ /'gyod pa med pa zhes smos pa ni sems la 'dzin pa med pa nyid du bstan pa'i phyir te/ chig 'di gsum gyis ni tshul khrims shin tu rnam par dag pa bstan to/ /'gyod pa med par sbyun pa'i tshul can ni yid la bcags pa med par sbyin zhes bya ba'i tha tshig go /nyin mtshan du chos 'dod cing chos kyi kun dga' la dga' ba yin te zhes bya ba 'dis ni tshul khrims 'phel bar byed pa gang dag dang ldan pa nyid bstan to/ /chos la srid pa'i phyir chos 'dod par 'gyur ro/ /nan tan
- 40a
byed pas ni chos la dga' o/ /yang na chos rnams la 'jug phyir chos 'dod do/ /goms pa'i phyir chos la dga' o/ /yang na nam gyi cha stong dang nam gyi cha smad la sogs par brtson pa'i phyir chos 'dod par 'gyur ro/ /stong pa nyid la sogs pa'i chos bsgom pa'i phyir chos la dga' o/ /yang na gnyis su nges par bzung ba'i phyir gsungs te/ 'dis na rtog pa ngan pa med pa'i phyir dang gyis na/ 'khrig pa'i sbyor ba bdun dang bral ba'i tshul khrims bstan to/ /nyes pa dang phan yon bstan pa'i rgyus tshul khrims la sogs pa de dag la mdzud de/ gdul ba zhes bya ba'i tshig lhag ma'o/ /de yang tshigs su bcad pa rnams kyis bstan te/ de la rnam pa lngas tshul khrims la 'dzud de/ 'dod pa rnams kyi nyes pa bstan pa'i phyir gsungs pa la/ dri? da? ba ni 'chal pa'i tshul khrims kyi dri dang ldan pa'i phyir ro/ /yang na 'dod pa'i rtsa ba las kyi mi gtsang ba'i dri dang ldan pa'i phyir ro/ /ngan pa ni thams cad kyi tha chad du gyur pa'i phyir dang/ sems can ngan pas bsten pa'i phyir dang/ dam pa rnams kyis smad pa'i phyir dang/ bum pa mi gtsang ba can la sogs pa dang 'dra ba'i phyir dang/ 'bras bu ngan pa 'grub pa'i phyir ro/ /bdud kyi sbyod ni bdud kyi yul las ma 'das pa'i phyir ro/ /bdud ni lha'i bu 'am/ 'dod chags la sogs pa nyon mongs ba 'am/ gnyis ka'o/ /sems can dmyal ba'i rkyen ni 'grub par byed pa dang/ de 'grub par 'gyur ba'i las kyis sems can dmyal bar 'gro bar 'gyur ba'i phyir ro/ /sems can dmyal ba smos pa ni gtso bo yin pa'i phyir te/ dud 'gro dang yid dags gnyis kyi rkyen yang 'dod pa rnams yin pa'i phyir ro/ /ngan song gi rgyu na mi rung spar 'gyur ba'i rgyu yin pa'i phyir te/ 'dod phyir 'jig rten bcing dang bsang bar 'gyur zhes bya ba la sogs ba 'byung ba lta bu'o/ /yang na ngan song
- 40b
se rgyu naM ngan song gsum gyi rgyu yin pa'i phyir ro/ /sems can dmyal ba smos pa ni gtso bor bstan ba'i phyir ro/ /de'i mi mthun pa'i phyogs phrag dog sbong ba la 'dzud pa ni/ phan yon bstan pa'i phyir rnam pa lngas bstan te/ sdang bar bya ba'i rang bzhin bstan pa dang/ spang bar bya ba'i yul bstan pa dang/ spang bar bya ba'i rgyu bstan pa la/ rgyu de yang shes kyi kha dang rnyed pa dang grags pa'i bye brag las rnam pa gsum du bstan to/ /shes kyi le ni kun tu bstan pas 'du bar 'gyur ba'o/ /de'i rang bzhin bstan pa ni/ dga' ba'i mig ni dga' bas lta ba ste/ khro ba la sogs pa'i nyes pa dang bral ba'i phyir ro/ /spong ba'i phan yon bstan pa de yang rnam pa gnyis mthu che ba thob pa/ nor dang 'khor la sogs 'byor ba 'thob pa'i phyir dang/ gzugs mdzes pa 'thob pa/ yan lag dang nying lag gi gzugs mdzes pa 'thob pa'i phyir ro/ /de'i mi mthun pa'i phyogs ser sna spong ba la 'jug pa ni/ nyes pa dang phan yon bstan phyir rnam pa bzhis bstan te/ nyes dmigs bstan pa ni rtsod pa ste lus la sogs pa'i bya ba gnod pa dang ldan pa'o/ /de'i rgyu bstan pa ni yongs su 'dzin pa ste/ bdag dang bdag gir mngon par zhen pas dngos por 'dzin pa'o/ /bzhi rtsa smos pa ni dngos dang brgyud pa'i rgyu'i rang bzhin bstan pa'i don te/ 'di yongs su 'dzin pa 'di ni rnam pa thams cad du gnod pa'i rgyu yin par bstan pas gdul ba rnams de las 'dun pa bzlog pa'i phyir ro/ /srid pa'i yul yongs su spong ba ni spong ba ste/ de la lhag par chags pa spong ba'i phyir ro de'i phan yon bstan pa ni/ gzungs shes bya ba ste/ gzungs 'di nyid yin/ /de yang dus gzhan la dgongs te gsungs so/ /de 'phel bar byed pa la 'jug ba ni/ phan yon bstan pa'i phyir rnam pa lngas bstan te/ chos chol ba na chos ni ston
- 41a
pa nyid dang/ de ston pa'i yi ge'o/ /de 'dri ba ni 'dri pa la sogs pa'i rim pa ste/ de'i phyir/ yi ger 'dri mchod sbyin pa dang/ klog dang nyan dang 'dzin pa dang/ /ston dang kha ton byed pa dang/ /sems dang bsgom pa gang yin pa zhes bya ba la sogs pa gsungs so/ /rgyun mi chad par tshel ba ni las ngan pa yongs su spang ba'i phyir ro/ /gzhan mi sems bar tshol ba ni log par rnam par rtog pa yongs su spang ba dang/ mtho ris? la sogs pa'i 'bras bu 'thob pa rnam par rdog? pa yongs su spang ba'i phyir ro/ /byang chub 'dod cing tshol ba ni byed byang chub kyi rgyu yin par bstan pa'i phyir ro/ /byang chub kyi rgyu gzungs yin pa'i phyir ro/ /chos tshig ni stong pa nyid dang/ de ston pa'i mdo sde la sogs pa'o/ /tshigs su bcad pa dang po las ni mi mthun pa'i phyogs kyi nyes pa 'ba' zhig bstan la/ gnyen po'i yon tan ni ma bstan/ /gnyis pa dang tha ma las ni gnyen po'i yon tan 'ba' zhig bstan la/ mi mthun pa'i phyogs kyi nyes pa ma bstan/ gsum pa las ni mi mthun pa'i phyogs dang/ gnyen po gnyi ga'i yon tan dang skyon bstan pa ma yin nam/ ci'i phyir de ltar bstan ce na/ de ni gnyen po dang mi mthun pa'i phyogs gnyis kyi yon tan dang nyes pa bstan pa gung du gces pa yod do/ /de'i phyir tshigs su bcad pa dang po la ni/ 'dod pa'i gnyen po'i tshul khrims dri zhim po bsten par bya'o/ /zhes bya ba la sogs pas yon tan yang blta bar bya'o/ /tshigs su bcad pa gnyis pa dang/ bzhi pa dag la yang de'i mi mthun pa'i phyogs kyi nyes? pa yang blta bar bya'o/ /sngar bstan pa'i don nyid ni/ chos kyi rjes 'brang ched du ste/ /rigs pa phan yon bye brag gis/ /tshigs bcad rnams kyis yang bstan to/ /rnam pa gzhan yang sngar bstan pa'i don nyid chos kyi rjes su 'brang ba dang/
- 41b
zhar la dang pas rjes su 'brang ba'i dbang du yang mdzad de/ rigs pa dang phan yon gyi bye brag gi rgyus/ /yang tshigs su bcad pa dag gis bstan te/ 'di ltar 'dod pa rnams spang ba'i phyir ni dri nga ba la sogs pa'i rigs pa gsungs so/ /phrag dog mi bya ba'i phyir mi mthu che la sogs pa thob pa'i phan yon gsungs la/ de mi bya ba'i phyir 'bras bu khyad par can 'thob po zhes rgyu yang gsungs so/ /ser sna'i rgyu sred pa'i yul yongs su spang ba'i phyir ni rgyu rtsod pa gsungs so/ /rtsa ba bzhi bas ni phan yon bstan to/ tshul khrims 'phel bar byed pa'i chos bsten pa'i phyir ni 'bras bu khyad par can 'thob po zhes rgyu smos la/ phan yon ni dngos su bstan pa nyid do/ /de ni gang du gnas pa dang/ ji ltar gnas pa de bstan pa'i phyir/ gzhan yang zhes bya ba la sogs pa gsungs te/ dgon sogs gnas shing zab mo yi/ /chos rnams la ni legs par dpyod/ /rnyed dang bkur sti tshigs bcad la/ lhag par chags med brtul zhugs can/ /rtag tu sdug ba'i dngos po kun// 'bras bu la ni mi blta ba 'am/ /'dzin med sems kyis gtong byed pas/ /gzungs 'di 'thob par 'gyur ba yin/ /gang du gnas pa zhes bya ba de/ /dgon pa dang/ g.ye'i tshig gis bstan te/ lus kyi 'du 'dzi yongs su spangs pas 'du pa'i nyes pa yongs su spang pa'i phyir ro/ /dgon pa ni grong nas 'dom lnga brgya phan chad do/ /g.ye ni de bas kyang ring ba'o/ /sogs pa smos pas ni dbye bsdu'o/ /ji ltar gnas pa de ni log par rnam par rtog pa'i nyes pa dang/ 'du 'dzi yongs su spang pa'i phyir/ rnam pa gsum gyis bstan te/ des ni lus dang sems dag gis bsrings na chos gang bskyed mi nus pa de 'ga' yang med do snyam du dgongs pa'o/ /chos zab mo la spyod pa ni chos zab mo la bzod pa'i
- 42a
stobs bskyed pa nyid ces gsungs pa gang yin pa ste/ chos zab mo dag la bzod pa ni 'dod pa'o/ /de'i stobs bskyed pa ni chen po la sogs pa'i rim pa bskyed pa'o/ /de'i dngos po ni chos zab mo la bzod pa'i stobs bskyed pa de nyid do/ /yang na chos la bzod pa zab mo zhes bya bar shes par bya ste/ /yul zab pa'i phyir de yang zab pa'o /rnyed pa dang bkur sti dang tshigs su bcad pa dag la lhag par chags pa med pa ni rnyed pa dang bkur sti dang tshigs su bcad pa dag la lhag par chags pa med ces gsungs pa gang yin pa ste/ tshigs su bcad pa ni grags pa'o/ /lhag par chags pa med pa ni mngon par zhen pa med pa'o/ /rtag tu sdug pa'i dngos po thams cad la mi lta bar yongs su gtong pa ni sdug pa'i dngos po thams cad la mi lta bar yongs su gtong zhes gsungs pa gang yin pa ste/ thams cad smos pa ni phyi nang gi dngos po yongs su bsdu ba'i phyir ro/ /mi lta bar gtong pa ni mtho ris dang/ lan du phan 'dogs pa la sogs pa'i 'bras bu la mi lta bar yongs su gtong ba'i phyir ro// 'dzin pa med pa'i sems kyis yongs su gtod bas na/ /sdug pa'i dngos po thams cad la mi lta bar yongs su gtod ba zhes bya ste/ gtad ngam mi gtad snyam pa la sogs pa'i nam num dang/ /le lo la sogs pa'i 'dzin pa med pa'i phyir ro/ /cher na lus dang srog kyang zhes bya ba ni/ bu la sogs pa 'ba' zhig du ma zad kyi snyam du dgongs pa'o/ /lus dang srog gtong ba ni nang gi yin pas dka' ba'i phyir de gnyis smos so/ /bu la sogs pa gtong pa ni phyi rol gyi yin pa'i phyir sla'o/ /lus gtong pa ni lag pa dang rkang pa la sogs pa gtong pa'i phyir ro/ /lus thams cad gtong na srog gtong pa yin no/ /dang po gnas yin de nas las/ /de nas rnyed sogs chol ba spong/ /der yang ma zad thams cad la/ /mi lta ba yang gtong bar byed/ /bzhi tshan 'di'i don
- 42b
go rim bzhin du bstan par bya ste/ /gnas med par bsgom du mi rung ba'i phyir/ /re shig thog mar dgon pa la sogs pa gnas gsungs so/ /der gnas nas kyang zhing la sogs pa'i las ni mi bya'i/ las 'di lta bu bya'o zhes bstan pa'i phyir/ /gnas kyi 'og tu chos zab mo la bzod pa'i stobs bskyed pa gsungs so/ /gnas dang las de dag gis rnyed pa la sogs pa btsal ba spang bar bya'o/ /de lta ma yin na dgon par gnas pa dang/ chos zab mo la bzod pa'i stobs bskyed pa don med par 'gyur bar bstan pa'i phyir/ las kyi 'og tu rnyed pa dang bkur sti dang tshigs su bcad pa dag la lhag par chags pa med pa gsungs so/ /phyi rol gyi yan lag rnyed ba la sogs pa dag la lhag par chags par mi bya bar yang ma zad kyi/ sdug pa'i dngos po thams cad la yang mi lta bar spang ngo zhes bstan pa'i phyir/ de'i 'og tu sdug pa'i dngos po thams cad la mi lta bar yongs su gtong pa zhes gsungs so/ /sngar bstan pa'i don nyid chos kyi rjes su 'brang ba'i ched du gtan tshigs dang phan yon gyi bye brag gis/ tshigs su bcad rnams kyis yang gsungs te/ rgyal bas bsngags pa'i zhes bya ba ni gtan tshigs bstan pa'o/ /dgon par gnas par gyis zhes bya ba ni dam bca' ba'o/ /bcom ldan 'das ni nyes pa dang bdud kyi dgra thams cad las rgyal bas na rgyal ba'o// des bsngags pa ni 'du 'dzi la sogs pa'i nyes pa yongs su spong ba'i phyir dang/ yon tan skye ba'i rgyu'i phyir ro/ /bsgrub par bya ba dang/ /sgrub pa'i dbang gis dpe brtag pa bya'o/ /bdag ni dgon pa na gnas pa'o/ snyam pa la sogs pas mngon pa'i nga rgyal byed pas/ de na gnas pas gzhan la brnyas mi bya/ de lta na dgon pa de rgyal bas bsngags pa yin gyi/ de lta ma yin na ni de rgyal bas smad pa kho na yin no/ /'di ltar rgyal bas bsngags pa'i dgon par gnas par gyis zhes bya ba
- 43a
ni gtan tshigs so/ /de na gnas pas gtan la brnyas mi bya ba ni dam bca' o/ /zab mo'i 'tshos zhes bya ba ni rgyal bas bsngags pa zhes bya bar sbyar te/ rgyal bas bsngags ba nyid ni ji skad du bstan pa'i chos zab mo la bzod pa'i phyir ro/ /de lta ma yin na ni log par lta ba kho nar 'gyur ro/ /de ltar na chos zab mo la bzod pa la 'dun pa bskyed pa ni dam bca' ba'o/ /bde bar gshegs pas bsngags pa ni gtan tshigs so/ /zab mo la bzod pa de la 'dun pa bskyed nas ci zhig bya zhe na/ bag yod mgo la 'bar bzhin gnas par gyis zhes gsungs pa ste/ mgo la 'bar ba bzhin zhes smos pa ni 'bad pa dang ldan pa nye bar mtshon pa'i phyir te/ dper na mgo la me 'bar na 'bad po chen pos mgo las me sel ba de bzhin du 'bad pa dang ldan par bya'o zhes bya ba'i tha tshig go /bag yod ces bya ba 'dis ni 'di ston par byed do/ /chags pa dang/ zhe sdang dang/ gti mug dang/ le lo rnams spangs te/ ma chags pa dang/ zhe sdang med pa dang/ gti mug med pa dang/ brtson 'grus dang ldan par gnas par gyis shig ces bya ba'i tha tshig ste/ chos bzhi po 'di dag la bag yod pa zhes ming du 'dogs pa'i phyir ro/ /'di ltar tshul 'chos byed kyi gzhi yin pa zhes bya ba ni gtan tshigs so/ /shes kha rnyed pa rnams la gnas ma byed ces bya ba ni dam bca' ba ste/ rnyed pa smos pas ni rdzas dang bkur sti dang/ tshigs su bcad pa dang/ 'tsho ba log pa la sogs pa'i rnyed pa bsdu'o/ /tshul 'chos pa smos pa ni nye bar mtshon pa'i don te/ /ba? bsags la sogs pa yang bsdu'o/ /gnas pa ni lhag par chags pa'o/ /'o na ji ltar 'tsho bar bya zhe na/ ngan don dag gis cho ga bya ste bya ba gsungs te/ rtsa dang/ lo ma dang/ chu la sogs pa ci yang rung ci rnyed pas chog par bya'o zhes bya ba'i tha tshig go /de lta bus
- 43b
ji ltar 'tsho bar nus zhe na/ bya dang 'dra bar zhes gsungs so/ /de lta bu'i brtul zhugs drag pos yon tan ci zhig 'thob par 'gyur zhe na/ mir gyur pa'i 'bras bu yod par byos zhes gsungs pa ste/ des ni phan yon bstan to/ /phan pa rnyad pa dang/ gnod pa spangs pas/ mir gyur pa'i 'bras bu yod par bya ba'i phyir/ kye ma sangs rgyas bstan pa legs par rnyed ces gsungs te/ des ni phan pa rnyed par bstan to/ /sdug bsngal mang po'i rtsa ba khyim yang spangs zhes bya ba 'dis ni gnod pa spang bar bstan to/ kye ma zhes bya ba 'di ya mtshan la bya ste/ legs par rnyed ces bya ba de dang sbyar bar bya ste/ 'khor ba na 'dris pa ma yin pa'i chos yid bzhin gyi nor bu dang 'bra ba rnyed pa ni shin tu rnyed par dka' ba'i phyir/ kye ma legs par rnyed do zhes gsungs so/ /thog ma med pa'i 'khor ba nas bskyed pa'i chags pa spang par dka' ba'i phyir yang/ kye ma spangs so gsungs so /sangs rgyas kyi bstan pa 'di rab tu 'byung ba'o/ /legs par rnyed pa ni mdzed par rnyed pa ste/ yon tan phun sum tshogs pa thams cad kyi rgyu yin pa'i phyir dang/ mngon par mtho ba dang/ nges par legs pa 'dren pa'i phyir dang/ 'khor ba na 'dris pa ma yin pa'i phyir ro/ /yang na phyir mi ldog pa rnyed pa ni legs par rnyed pa ste/ tshe rabs gzhan du yang phyir mi bzlog pa'i phyir te/ mya ngan las 'das pa la gzhol ba'i phyir ro/ /yang na shin tu yongs su rdzogs par rnyed pas na legs par rnyed pa ste/ 'dod pa la kun tu rtog pa la sogs pas nyams par ma byas pa'i phyir ro/ /sdug bsngal mang po'i rtsa ba ni/ bsgrub pa dang/ bsrung pa dang/ sdug pa dang/ bral ba dang/ mi sdug pa dang phrad pa la sogs pa'i sdug bsngal gyi rtsa ba yin pa'i phyir ro/ /sangs rgyas kyi bstan pa legs bar rnyed pa'i rgyu ni khyim spangs pa'o/ /khyim pa'i tshig ni dgon pa na gnas pa nye bar mtshon pa'i don te/ gtsug lag khang la sogs
- 44a
pa na yang khyim gyis nyes pa srid pa'i phyir ro/ /khyim spong ba'i rgyu ni sdug bsngal mang po'i rtsa ba nyid do/ /gang gi phyir sangs rgyas kyi bstan pa legs par rnyed pa dang/ sdug bsngal mang po'i rtsa ba khyim spangs pa de'i phyir/ lus dang ngag dang yid kyang yongs dag pas/ khyed sangs rgyas dang ni chos la gus par gyis/ ngag dag pa ni dag gi las dge ba rnam pa bzhi'o/ /lus ngag pa ni lus kyi las dag pa rnam pa gsum mo/ /yid dag pa ni brnab sems med pa la sogs pa yid kyi las rnam pa gsum po nyid do/ /'dis ni dge ba bcu'i las kyi lam dag la gnas pa bstan to/ /sangs rgyas la gus par bya ba ni lam bzang po ston pas mchog tu phan 'dogs pa'i phyir ro/ /chos la gus par phya ba ni mya ngan las 'das pa la sogs pa'i yon tan phun sum tshogs pa 'thor bar byed pa'i phyir ro/ /yang na sangs rgyas dang chos la gus par bya ba ni/ nan tan gyis bsgrub pa'i phyir te/ sangs rgyas bla mar gyis shig /chos bla mar gyis shig ces bya ba la sogs pa gsungs pa lta bu'o/ /de ltar phan pa rnyed pa la sogs pas mir gyur pa 'bras bu yod par byed pas/ /rnyed pa'i nyes dmigs bstan pas rdzas la sogs pa'i rnyed pa gzhan spang bar bya'o zhes brjod pa'i phyir/ rnyed 'dod ces bya ba la sogs pa gsungs ste rnyed pa 'dod pa ni dran pa la sogs pa med par 'gyur ba re re'i rgyu yin par khong du chung bar bya ste/ 'di ltar rnyed pa 'dod pas sems g.yengs nas phan tshun 'gro ba la ni dran pa la sogs pa med par 'gyur zhing byang chub kyang ring bar 'gyur ro/ /dran pa la sogs pa med pa yang re re nas rnyed pa yongs su spang ba'i rgyu yin no/ /yang na rnyed pa 'dod pa ni dran pa med pa kho na'i rgyu'o/ /de yang shes rab med pa'i rgyu yin te/ de bzhin du snga ma snga ma med pa ni phyi ma phyi ma med pa'i rgyu yin par khong du chud par bya ste/ byang chub ring bar 'gyur ba rnyed pa yongs su spang
- 44b
ba'i rgyu yin pa'i bar du'o/ /yang na rnam pa gzhan yang rnyed pa 'dod pa ni dran pa med pa'i rgyu'o/ /de gnyis kyang shes rab med pa'i rgyu ste/ /de bzhin du gong nas gong du lnga'i bar gyis/ bskyed pa ni byang chub las ring ba'i rgyu yin no/ /nyes dmigs rab 'byam 'di thams cad kyi rtsa ba ni rnyed pa 'dod pa yin pas/ de ltas rnyed pa yongs su spang bar bya zhes gsungs so/ /da ni gang bsgom pa dang/ gang bya ba zhes bstan pa gang yin pa de bshad par bya ste/ don gcig rtogs nas kun shes na/ /brgyad ces bya bas ci zhig bya/ /yi ges so so'i don shes na/ /'di yang ha cang nyungs pa yin/ /rnal 'byor pas zhes bya ba 'am/ /gzhan yang rung ste/ yi ge cig gi don khong du chud pas thams cad rtogs na ci'i phyir yi ge 'bru brgyad ces bstan/ 'on te yi ge so so'i don shes par bsgrub pa yin na ni/ de ltar na 'jig rten na a zhes bya ba la sogs pa yi ge ches mang po zhig yod pas/ yi ge 'bru brgyad ces bya ba 'di yang ha cang nyungs so zhe na/ nyes pa med pa de 'di ltar bstan bya ston pa nyan pa yi/ /ngo bo de nyid rnam gsum bstan/ bstan par bya ba ni chos thams cad do/ /ston pa po ni longs spyod rdzogs pa dang sprul pa'i sku'o/ /nyan pa ni gdul bya'i skye bo ste/ de yang byis pa dang/ mkhas pa'i bye brag gis rnam pa gnyis so/ /de dag gi ngo bo'i de kho na ni/ phyin ci ma log pa'i ngo bo nyid do/ /de yang rgyu las rnam pa gsum du bstan te/ rgyu de yang gang zhe na/ rnam par rtog pa rnam pa gsum spong ba ste/ rnam par rtog pa rnam gsum ni bstan par bya ba dang/ ston pa po dang/ nyan pa por rnam par rtog pa ste/ de ma spangs na sangs rgyas rjes su dran pa rtogs pa med pa'i phyir ro// brtan bya gang yin te/ rnam gnyis 'jig rten 'di na 'dris pa dang/ ma 'dris pa tha dad pa'i phyir ro/ /ci'i phyir bstan par bya ba de rnam pa gnyis su mdzad ce na/ rgyu las mdzad de/ rgyu de yang gang zhe na/ mngon par 'du bya ba chen pos bsgrub pa'i chos
- 45a
gzungs la sogs pa rnams kyang ngo bo nyid med pa yin na/ skye ba la sogs pa gzhan lta ci smos zhes bstan pa'i phyir/ bstan par bya ba nyid dbye bar mdzad de khyab pa'i phyir ro/ /'jig rten na 'dris pa'i bstan par bya ba yang/ mtshan nyid dang mtshan gzhi'i bye brag gis rnam pa gnyis te rgyu las so/ /rgyu de yang gang zhe na/ gang la mtshan nyid yod pa dang rgyus bskyed pa'i ngo bo de ji ltar med snyam du rtog pa spang ba'i phyir ro/ /rnam par smin pa smos pas ni bdag po'i 'bras bu yang mtshon te/ de yang smin pa'i ngo bo yin pa'i phyir ro/ /'jig rten na ma 'dris pa'i brtan par bya ba yang/ lam dang lam ma yin pa'i bye brag gis rnam pa gnyis te/ rgyu las mdzad do/ /rgyu de yang gang zhe na/ chos de gnyi ga yang rnam par rtog pa spong bar 'gyur te/ de dag ji ltar med snyam du rnam par rtog pa de spang ba'i phyir ro/ /yang thams cad rnam pa gcig du mdzad de rgyu las so/ /rgyu de yang gang zhe na/ bstan par bya ba la sogs par rnam par rtog pa spong ba ste/ de ni mdor bsdus pa la dga' ba'i sems can la phan 'dogs pa'i phyir bstan to/ /yang na yi ge 'bru brgyad 'di dag ni/ byang chub sems dpa' mkhas ldan pa/ /brgyad po dag gi ting 'dzin rnams/ /smos pa yin par thub pas gsungs/ /de yi don ni bsgom pa la/ /de kun mngon du phyogs par gnas/ / gzungs ni thob par bya ba'i phyir/ /kun tu brtson par rab tu byed/ /yi ge 'bru brgyad po 'di dag ni rnam par snang byed la sogs pa 'og nas 'byung ba byang chub sems dpa' brgyad po dag gis ting nge 'dzin gang dag yin pa'i ting nge 'dzin de dag smos par byed pa yin par go rim bzhin du bcom ldan 'das kyis gsungs te/ yi ge de dag ting nge 'dzin gyi don bsgoms pa la/ byang chub sems dpa' de dag thams cad mngon du phyogs par 'gyur ro/ /de nas mngon du phyogs par gyur nas
- 45b
sgom pa de gzungs thob par bya ba'i phyir brtson par byed de/ 'di ltar 'og nas byang chub sems dpa' chen po brgyad po de dag des gzungs thob par bya ba'i phyir mngon par brtson par 'gyur ro zhes 'byung ste/ de lta bas na yi ge 'bru brgyad po 'di dag gsungs te/ nyung ngu yang ma gsungs la/ dgos pa med pa'i phyir lhag par yang ma gsungs so/ /byang chub sems dpa' rnams dang ni/ /sangs rgyas rnams dang gnod sbyin rnams so/ /rim bzhin dgod pa'i dkyil 'khor 'di/ /rmi lam du ni brten pa yin/ / pad+ma'i rgyal po dkar po zhig /'dab ma brgyad pa yid du 'od/ /de dbus thub pa mtshungs med pa bum pa dang ni bcas par gzhag /'dab brgyad dag la thub pa'i sras/ /rnam par snang byed sogs brgyad kun/ /thub pa dang ni rang rang gi /yi ge'i sa bon ldan par dgod/ /'dab ma rnams kyi bar dag tu/ /gnod sbyin brgyad bzhag cho ga gcig /cho ga gzhan yang de bzhin du/ /tshon phye sna lngas gru bzhir bri/ /mkhas pas de'i dbus thub pa ni/ /pad+ma dkar po 'dab brgyad la/ /bum pa chus bkang ldan par gzhag /de bzhin thub sras de dag kyang/ /pad+ma'i gdan bcas chu bum bcas/ /phyogs bzhi dag tu gnyis gnyis dgod/ /phyogs kun byang chub sems dpa' yi/ /bar du sbyin de de dag dgod/ /slob ma gtsang ma yon tan can/ /gzungs bsgom rnal 'byor grub 'dod pa/ /dkar po'i stan la 'dug pa la/ /bum pa de dag gis dbang bskur/ /de ltar rmi lam bstan pa yi/ /cho ga bdag gis gsal brjod pa/ /bdag nyid legs dran bya phyir gyis/ /mngon pa'i nga rgyal cung zad med/ /de ltar sbyir yi ge 'bru brgyad po rnams kyi rang bzhin bsdu ba byas nas/ da ni so so'i don de la 'jug pa bshad par bya ste/ don dam par stong pa dang stong pa ma yin pa'i chos thams cad ji ltar ngo bo nyid med pa de ltar ni dang pos bstan to/ /sogs pa smos pas ni skye ba dang skye ba med
- 46a
pa la sogs pa bsdu'o/ /de rnam par shes pa ni gang gis chos de dag bdag med pa la 'jug par 'gyur ba'o/ /de khong du chud pa ni mngon sum du bya ba'o/ /de lta bas na dam pa'i don du stong pa dang/ stong min la sogs chos rnams kun/ ngo bo nyid med rnam shes pa/ /khong du chud phyir dang por bzhed/ /ba zhes bya ba'i don khong du chud pa ste/ de ni thog mar gsungs pa'i phyir dang po'o/ /de bstan pa 'di lta ste zhes bya ba la sogs pa ste/ 'di lta ste zhes bya ba'i sgra ni ngo bstan pa'i don to/ /pa zhes bya ba'i don khong du chud pa zhes bya ba ni khong du chud pas zhes bya bar rnam par dbye ba bsgyur bar bya ste/ gang gis zhe na/ bka' stsal pa/ don dam par stong pa dang stong pa ma yin pa la sogs pa chos thams cad ni bdag med pa'o/ / de la 'jug pa ni rtogs pa ste/ 'dis 'jug pa'i phyir ro/ /de khong du chud pa ni chos thams cad bdag med pa la 'jug pa khong du chud pa des so/ /longs spyod rdzogs pa'i sku dang ni/ /sprul pa'i sku gnyis las skur bstan/ /de gnyis 'jig rten don 'byor ba/ /ma lus par ni mdzad phyir ro/ /longs spyod rdzogs pa dang sprul pa'i sku de gnyis 'jig rten gyi don phun sum tshogs pa ma lus pa mdzad pa'i phyir/ /bcom ldan 'das kyis las kyi skur gsungs te/ las la dang/ las kyi phyir dang/ las kyi sku yin pa'i phyir ro/ /kun rdzob? du dang don dam par/ /mtshan dang mtshan med sogs pa'i rgyus/ /sku gnyis rnam par shes pa ni/ /khong du chud phyir gzhan du bzhes/ /la zhes bya ba ni khong du chud pa zhes bya ba'i tha tshig go /'phrin las kyi sku longs spyod rdzogs pa dang sprul pa dang gnyis kyi rang bzhin de yang/ kun rdzob tu ni mtshan dang ldan no/ /don dam par ni mtshan med do/ /sogs pa smos pas ni/ mdo las dpe byad bzang po dang dpe byad
- 46b
bzang po med par zhes smos pa bsdu ste/ de yang nye bar mtshon pa'i don yin pa'i phyir/ stong pa ma yin pa dang/ stong pa la sogs pa yang bsdu'o/ /de bstan pa la zhes bya ba'i don khong du chud pa zhes bya ba dang sbyar te/ ji ltar de bzhin gshegs pa'i las kyi sku la 'jug pa khong du chud pa zhes bya ba gsungs pa'o/ /rnam pa ji lta bur khong du chud ce na/ mtshan dang dpe byad bzang po dang/ mtshan dang dpe byad bzang po med par zhes gsungs pa'o/ /kha cig las ni de bzhin gshegs pa'i chos kyi sku la 'jug pa khong du chud pa zhes kyang 'byung ste/ de'i tshe na don yin te/ mtshan dang dpe byad bzang po gang yin pa de chos kyi sku 'di la mtshan dang dpe byad bzang po med de/ des na mtshan dang dpe byad bzang po dang/ mtshan dang dpe byad bzang po med par zhes bya ba ni/ chos kyi sku 'di la chos thams cad ci yang med pa'i don to/ /mtshan la sogs smos pa ni/ mtshon pa'i phyir ram/ chos kyi sku la 'jug pa khong du chud pa'i sgo bstan pa'i phyir te/ de bzhin gshegs pa smos pa yang de dang 'dra bar bshad par bya'o/ /chos kyi sku la ni 'di ni de bzhin gshegs pa'i chos kyi sku'o/ /'di ni de bzhin gshegs pa'i chos kyi sku ma yin no zhes dbyer med de/ /dbyer yod du zin na chos kyi sku nyid nyams pa'i phyir ro/ /yang na don khong du chud pa zhes bya ba 'di sangs rgyas rjes su dran pa'i ngo bo yin pa'i phyir gnyis gsungs so/ /byis pa dang ni mkhas pa'i chos/ /dri ma can dang dri ma med/ mi gtong min sogs gtong min sogs ji bzhin gnyis ni bstan pa yin/ /gang dag la dri ma can gyi rang bzhin yod pa de dag ni byis pa'i chos rnams so/ /gang dag la dri ma med pa'i rang bzhin yod pa de dag ni/ mkhas pa'i chos rnams te/ zag pa dang bcas pa dang/ zag pa med pa zhes bya ba'i tha tshig go /de dag mi stong pa ma yin pa la sogs pa dang/
- 47a
stong pa ma yin pa la sogs pa ji lta ba bzhin gnyis bstan te/ tshad ma dang ldan pa'i phyir phyin ci ma log pa gnyis zhes bya ba'i tha tshig go /kha cig las ni gnyis su med par 'byung ste/ de'i tshe na ni/ mi stong ma min sogs stong min sogs/ gnyis med ji bzhin shes par bya zhes brjod par bya ste/ de lta na ni byis pa dang/ mkhas pa'i chos gnyi ga yang ngo bo nyid gcig tu bsdud pa yin no/ /de yi 'jug pa ni byis pa dang mkhas pa'i chos gnyis sam gnyis su med par ji lta ba bzhin gyi'o/ /rnam par shes pa ste 'dis 'jug pa'i phyir ro/ /khong du chud pa mngon sum byed/ rtogs zhes bya ba'i tha tshig go /gsum pa 'di ni mkhas pa yis/ /de lta bur ni shes par bya/ /ba zhes bya ba'i don khong du chud ces bya ba'i tha tshig ste/ de bstan pa/ ba zhes bya ba'i don khong du chud pa zhes bya ba dang sbyar te/ ji ltar zhe na byis pa'i chos rnams zhes bya ba la sogs pa gsungs pa'o/ /skye sogs skye ba med sogs kyi/ /'jug pa skye ba med pa dang/ /'gag med shes pa gang yin de/ khong du chud phyir gzhan du bzhed/ /sogs pa smos pas ni rga shi med pa bsdu'o/ /de las don 'di 'byung ste/ skye ba la sogs pa dang/ skye ba med pa la sogs pa'i 'jug pa gang yin pa'i 'jug pa de'i skye ba med pa dang/ 'gag pa med pa gang dag yin pa de sde tshan de gnyis ngo bo nyid kyis stong pas ni/ 'jug pa yang de dang 'dra ba'i phyir ro/ /skye ba med pa dang 'gag pa med pa de gnyis shes pa gang yin pa'i shes pa de khong du chud pa'i phyir gzhan du bzhed de/ bzhi pa dza zhes bya ba'i don khong du chud pa zhes bya ba'i tha tshig go /de bstan pa dza zhes bya ba'i don khong du chud pa zhes bya ba dang sbyar ste/ ji lta zhe na/ skye ba dang/ rga ba dang/ 'chi ba dang/ skye ba dang/ rga ba dang/ 'chi ba med pa rnams kyi 'gro
- 47b
ba dang 'jug pa gang yin pa de'i/ mi skye mi 'gag pa gang yin pa de dag la 'jug pa de khong du chud pa ste/ des shes bya ba'i tha tshig go /snga ma ji ltar snang bar gyur te/ phyi ma dam pa'i don du yin/ /de ltar yang dag don shes pa/ /khong du chud phyir lnga par bzhed/ /las dang rnam par smin pa dag ni ji ltar snang ba bzhin yin pa'i phyir ro/ /las dang rnam par smin pa med pa ni don dam par te/ de ltar kun rdzob dang don dam pa'i bden pa gnyis la rten nas las dang rnam par smin pa dang/ las dang rnam par smin pa med pa dag gi de kho na shes pa de khong du chud pa'i phyir lnga bar bzhed de/ ka zhes bya ba'i don khong du chud ces bya ba'i tha tshig go /las dang rnam par smin pa med pa smos pa yang 'jig rten las 'das pa'i kun rdzob kyi bden pa la brten nas/ gsungs te/ yang dag par na/ dgag par bya ba med pas/ dgag pa mi 'jug pa'i phyir de ni med pa kho na'o/ /yang na yang dag mi snang phyir/ /de gnyis ngo bo nyid med nyid/ /de ltar yang dag don shes pa/ /khong du chud phyir lnga par bzhed/ yang na gang gi phyir las dang rnam par smin pa dang las dang rnam par smin pa med pa gnyis yang dag par mi snang bas na/ ngo bo nyid med pa kho na yin pa de'i phyir/ ngo bo nyid med pa'o zhes de kho na nyid kyi don shes pa khong du chud pa'i phyir lnga par bzhed do/ /de bstan pa ka zhes bya ba'i don khong du chud pa zhes bya ba dang sbyar te/ ji lta/ las dang rnam par smin pa dang/ las dang rnam par smin pa med pa la 'jug pa khong du chud pa zhes gsungs pa'o/ /gzungs kyi chos kyi rnam grangs kyis/ /stong pa nyid la sogs pa yi/ /chos kyi dbyings ni 'di shes pa/ /rtogs phyir drug pa 'dir bzhed do/ /chos kyi dbyings 'di ni/ gzungs kyi chos kyi rnam grangs kyi stong pa nyid la sogs pa gang dag yin pa de dag gi yin no/ /
- 48a
snyam du shes pa gang yin pa de khong du chud pa'i phyir/ drug par bzhed de/ d+ha zhes bya ba'i don khong du chud ces bya ba'i tha tshig go /stong pa nyid la sogs pa yang/ /yang dag par dpyad na dgag par bya ba med pa'i phyir/ ngo bo nyid stong pa kho na'o/ /yang na gzungs chos rnam grangs kyi/ /stong pa nyid la sogs pa nyid/ /chos dbyings yin par rnam shes pa/ /khong du chud phyir drug par bzhed/ /yang na gzungs kyi chos kyi rnam grangs kyi stong pa nyid dang/ mtshan ma med pa dang/ smon pa med pa gang yin pa de chos kyi dbyings yin par shes pa gang yin pa de khong du chud pa'i phyir drug par bzhed do/ /stong pa nyid la sogs pa yang ngo bo nyid kyis stong pa kho na yin mod kyi/ 'on kyang ngo bo nyid la sogs pa la rnam par rtog pa spangs pa'i thabs bstan pa'i phyir/ yang dag pa'i kun rdzob la brten nas chos kyi dbyings zhes gsungs so/ /ngo bo nyid sogs rnam rtog pa/ /spangs pa'i thabs ni gdul rnams la/ /bstan par bya phyir mgon rnams kyis/ /stong nyid la sogs bstan pa mdzad/ /rnam par rtog pa ni rnam pa gsum ste/ ngo bo nyid la rnam par rtog pa dang/ mtshan ma la rnam par rtog pa dang/ smon pa la rnam par rtog pa'o/ /de la ngo bo nyid la rnam par rtog pa ni gzhan gnyis kyi sngon du 'gro ba'o/ /mtshan ma la rnam par rtog pa ni smon pa la rnam par rtog pa'i sngon du 'gro ba ste/ de ltar 'di ni de'i gnyen po de dag gi go rims bstan pa yin te/ de bstan pa/ d+ha zhes bya ba'i don khong du chud pa zhes pa sbyar te/ ji lta zhe na/ gzungs kyi chos kyi rnam grangs kyi zhes bya ba la sogs pa gsungs pa'o/ /zhi gnas la sogs nyid yin zhes/ /chos rnams thams cad mdor sdud de/ /de dag de bzhin nyid shes pa/ /khong du chud phyir sdud par bzhed/ /zhi gnas ni ting nge 'dzin to/ /sogs pa smos pas ni lhag
- 48b
mthong la sogs pa bsdu'o/ /lhag mthong ni shes rab ste/ /chos thams cad ni zhi gnas dang lhag mthong dang/ zhi gnas dang lhag mthong ma yin pa nyid dam/ de dang ldan pa nyid do/ /de dag gi de bzhin nyid ni re shig zhi gnas dang lhag mthong dag gi de bzhin nyid yin te/ gzod ma nas ma skyes pa'i phyir ro/ /dgag par bya ba med na dgag pa mi 'jug pa'i phyir/ zhi gnas dang lhag mthong ma yin pa dag kyang de dang 'dra'o/ /de bzhin nyid de shes pa gang yin pa khong du chud pa'i phyir bdun par bzhed de sha zhes bya ba'i don khong du chud ces bya ba'i tha tshig go /de bstan pa/ sha zhes bya ba'i don khong du chud pa zhes bya ba dang sbyar ro/ /ji lta bu'i tshul du zhe na/ zhi gnas zhes bya ba la sogs pa gsungs pa'o/ /kun rdzob tu ni chos rnams kun// skad cig gang yin de dag ni/ /gzod nas zhi phyir don dam du/ zad med la sogs bye brag bstan/ /ji ltar grags pa'i skad cig pa'i/ /chos gang dag yin pa de dag rim pas dpyad na skad cig ma'i mi rtag pa'i phyir/ zad pa med pa'o/ / rgyun gyi mi rtag pa med pa'i phyir 'jig pa med pa'o/ /rgyud kyi mi rtag pa med pa'i phyir rgyu ba med pa ste/ gang dag la 'gro ba med pa de dag ni rgyu ba med pa'o/ /'dir rgyun ni tshe gcig gi rgyun no/ /rgyud ni tshe du ma yin par bzhed do/ /ci'i phyir de dag rigs pas dpyad na/ /zad pa med pa la sogs pa'i ngo bo yin zhe na/ gzod ma nas zhi ba'i phyir zhes gsungs te/ chos thams cad skye ba med pa'i phyir zhes bya ba'i tha tshig go /skye ba ni 'jig pa'i thog mar 'byung ba ste/ de sngon du 'gro ba'i phyir ro/ /yang na gzod ma nas zhi ba'i phyir zhes bya ba ni/ ngo bo nyid kyis zhi ba'i phyir zhes bya ba'i tha tshig go /gzod ma ni ngo bo nyid la bya ste/ 'jig pa'i thog mar de 'gro ba'i phyir ro/ /ci'i phyir de dag zad pa med pa la sogs pa bye brag gis bstan ce na/ smras pa
- 49a
mngon zhen rnam gsum spang ba'i phyir/ /zad med la sogs bye brag gis/ /yang na khams kyi bye brag gis/ /rnam pa gsum du gsungs pa yin/ /mi rtag pa la sogs pa la gdul ba'i skye bo'i mngon par zhen pa rnam pa gsum yod de/ skad cig pa'i mi rtag pa la mngon par zhen pa dang/ dus gzhan gyis gnas skabs kyi ma rtag pa la mngon par zhen pa dang/ 'khor ba ji srid du gnas pa mya ngan las 'das pa'i grong du 'jug pa la mngon par zhen pa'o/ /yang na khams gsum gyi bye brag la brten nas/ zad pa med pa la sogs pa'i bye brag go rim bzhin bstan te/ khams gsum pa la ma gtogs pa 'khor ba pa'i dngos po gzhan med la/ /de yang tshul de lta bu yin pas de'i phyir de la mngon par zhen pa spang ba'i phyir zhes bstan pa'i phyir ro/ /yang na gang gi phyir skad cig pa'i chos thams cad la brtags na/ skad cig pa'i mi rtag pa med pa'i phyir zad med la/ rgyun gyi mi rtag pa med pa'i phyir 'jig pa de'i phyir/ rgyu ba med de/ nyon mongs pa med ces bya ba'i tha tshig go /de lta bu dag la nyon mongs pa rnams kyis gnas mi thad pa'i phyir ro/ /zad pa med pa la sogs pa de dag nyid ci'i phyir zhe na/ gzod ma nas zhi ba'i phyir zhes gsungs pa'o/ /chos kun mya ngan 'das pa gang/ de 'dir de bzhin nyid du bstan/ /'dir chos thams cad mi snang bar 'gyur ba'i tshul gyis mya ngan las 'das pa na/ chos thams cad mya ngan las 'das pa ni/ 'dir de bzhin nyid yin par gsungs so/ /de la 'jug pa rtogs pa ste/ de rtogs phyir ni brgyad par bzhed/ / chos thams cad mya ngan las 'das pa de la 'jug pa ni rtogs pa'o/ /de rtogs pa khong du chud cing mngon sum du bya ba'i phyir brgyad par bzhed de/ k+Sha zhes bya ba'i don khong du chud ces bya ba'i tha tshig go /de bstan pa/ k+Sha zhes bya ba'i don du khong du
- 49b
chud pa zhes bya ba dang sbyar ste ji lta zhe na/ skad cig pa zhes bya ba la sogs pa gsungs pa'o/ /'dis don rnams khong du chud par byed pas na/ don khong du chud pa ni rtogs pa'o/ /de rtogs par bya ba ni mngon sum du zhes bya ba'i tha tshig go /des ni bsod nams bskyed pa na/ /gzungs sam yang na yi ge yi/ /don la gang gis 'jug 'gyur ba/ /don rtogs de ni gsum du bstan/ /rnal 'byor pa de bsod nams bskyed par byed pa na/ sgo mdza' yas pas bsgrub pa'i gzungs sam/ yi ge 'bru brgyad po 'di dag gi don la gzungs la sogs pa gang gis rtogs shing khong du chud par 'gyur ba gzungs la sogs pa'i don khong du chud pa de ni/ bcom ldan 'das kyis tshigs gsum du bstan to/ /legs par bri ba ni rnam pa gsum gyis bstan te/ bsam pa dang/ sbyor ba dang/ sgrub pas so/ /bsam pa yang byang chub tu yongs su bsngo ba la sogs pa'i bsam pa'i bye brag gis rnam pa du ma yod do/ /sbyor ba yang bkur sti dang/ kha zas dang/ sa phyogs gtsang ma dang/ nan tan du bya ba sogs pa'i sbyor ba'i bye brag gis rnam pa dru ma yod do/ /sgrub pa yang yi ge gsal ba dang/ zur phyin pa la sogs par sgrub pa'i bye brag gis rnam pa du ma yod do/ /yang na legs par bri ba ni/ mdzes par bris pa ste/ byang chub yongs su bsngo ba la sogs pa'i bsam pas 'dri ba'i phyir ro// phyir mi ldog pa'i dge ba'i chos 'phel bar byed pa'i sbyor bas 'dri ba'i phyir ro/ /yongs su rdzogs par 'dri ba ste/ yi ge'i yon tan thams cad dang ldan par 'dri ba'i phyir ro/ /bzung ba ni rnam pa bzhi ste/ glegs bam dang/ tshig dang/ don dang/ de gnyi ga'o/ /klog pa ni bsam pa dang/ brjod pa'i sgo nas rnam pa gnyis so/ /de la bsam pa ni rnam pa gnyis te/ byang chub tu yongs su bsngo ba'i bsam pa dang/ yi ge la sogs pa la gtan pa'i bsam pa'o/ /brjod pa ni zur chag pa la sogs pa'i nyes pa
- 50a
dang bral ba ste/ rnam pa du ma yod par rig par bya'o/ /rjes su dran par bya ba ni rnam pa gsum ste/ bsam pas dang/ yul gyis dang/ rang gi ngo bos so/ /de la bsam pa ni rnam pa gnyis te/ byang chub tu yongs su bsngo ba'i bsam pa dang/ yi ge dang/ don dang/ gnyi ga la sogs pa'i bsam pas so/ /yul ni rnam pa gsum ste/ yi ge rjes su dran pa dang/ don rjes su dran pa dang/ gnyi ga rjes su dran pa'o/ /rang gi ngo bo ni rnam pa gnyis te/ bsam pa rjes su dran pa dang/ sgom pa rjes su dran pa'o/ /thob par 'dod pas nyin re zhing/ klag dang rjes su dran par bya/ /gzungs 'di zhes bya ba'i tshig gi lhag ma'o/ /de ni de lta na rigs kyi/ /gzungs ni bsod nams chung ngu yis/ shin tu thob par mi 'gyur ro/ /de lta bas na rtag tu bkur stir byas la yun ring por rgyun tu goms par byas pa'i bsod nams kyi tshogs dang ldan pas gzungs thob par 'gyur ro/ /zla ba phyed phyed cing zhes bya ba'i tshig gis yin pa de ni bcom ldan 'das kyis bye brag du bya ba'i phyir gsungs ste/ 'di ltar zla ba phyed phyed cing gus par byas la shin tu bsgrims pa dang ldan zhing khrus la sogs pa sngar byas la/ legs par klag pa la sogs pa bya'o zhes gsungs pa yin te/ de de lta bu yin par shes par bya ba'i phyir smras pa/ bye brag la ni dgongs pa'i phyir/ /brtson pa yi ni tshig kyang gsungs/ /gang gi phyir brtson par bya zhes gsungs pa de'i phyir/ bye brag la dgongs par mngon no/ /brtson pa'i sgra ni gus pa la sogs pa'i sbyor ba nyid dang sbyar bar bya'o/ /gang gi phyir de lta yin pa/ /de phyir khrus sogs sngar byas la/ /klag pa la sogs de dag bya/ khrus bya ba dang/ smyung ba bya ba dang/ nges par gnas pa dang/ dkyil 'khor dang/ me tog dang/ gdugs pa dang/ spos dang/
- 50b
bshos dang/ gtor ma dang/ mar me dbul ba dang/ byang chub tu smon lam gdab pa dang/ sdig pa bshags pa la sogs pa sngar byas nas/ bklag pa la sogs pa bya'o/ /bklag pas skyo bar gyur na rjes su dran pa bya'o/ /des skyo bar gyur na/ yang bklag par bya'o/ /de lta bus nyin mtshan de 'da' bar bya'o/ /sbyin la sogs la zhus la sogs yang dag dga' bya la sogs de/ rtag bya de gzung bdag med la/ /sbyin pa la sogs pa pha rol tu phyin pa rnams dang/ ting nge 'dzin dang/ rnam par thar pa dang/ gzungs kyi chos kyi rnam grangs la sogs pa 'am/ dge ba'i chos gzhan dag legs par zhugs pa ni yang dag par dga' bar bya'o/ /ma zhugs pa ni yang dag par 'dzin du gzhug go /zhugs pa brtson 'grus chung ba phyir ldog par 'dod pa ni/ yang dag par gzeng bstod par bya'o/ /de ltar yang dag par dga' ba la sogs pa mthun mthun du byas nas rim gyis snod du gyur pa de/ bdag med pa la bzung ba'i phyir brtson par bya'o/ /yang na de dag nyid la'o/ /yang na sbyin pa la sogs pa de dag la ma zhugs pa gzung bar bya'o/ /yang na yang dag par dga' ba la sogs pa de dag la gzung ba zhes bya bar sbyar te/ de ltar na yang dag par dga' bar bya ba la sogs pa la gzung ba zhes bya bar tshig bsdu'o/ /gal te de lta na sems can rnams kyang 'di 'dzin gzhug par bya zhes bya ba la sogs pa yang ji ltar drang ste/ 'di ltar 'di zhes bya ba'i sgra ni/ sems pa dang/ 'dri ba dang/ gzung ba dang/ klog pa'i skabs dang sbyar ba yin no/ /mtshon pa'i don yin pa'i phyir nyes pa med de/ sbyin pa la sogs pa gzhan yang bsdu'o/ /dper na 'di nyid las yang dag par 'dzin du gzhug pa mtshon pa'i don du gsungs te/ des na yang dag par dga' ba la sogs pa gzhan yang bsdu ba lta bu dang/ dper na/ bklag par bya bas rjes su dran pa bsdu ba bzhin no/ /yang na
- 51a
gzungs kyi chos kyi rnam grangs la/ /zhugs par gyur la sogs pa dag /yang dag dga' la sogs de bya/ /'di gzungs kyi chos kyi rnam grangs smos pas ni yi ge dang don bzung ngo/ /bshad pa snga ma la ni byang chub sems dpa' mngon par brtson pa'i bye brag bstan pa'i don du bshad par bya'o/ /'dir ni lan gnyis su 'dus pa la sogs pa'i rig pa la brten nas/ yang dag par dga' ba la sogs pa de'i yul bstan pa'i phyir yang yin par rig par bya'o/ /de la gzungs kyi chos kyi rnam grangs la legs par zhugs pa la sogs pa yang dag par dga' bar bya ba la sogs pa ni snga ma bzhin du sbyar bar bya'o/ /yang na gzungs la gzung bar bya/ /yang na gzung sangs rgyas rjes su dran pa'i mtshan nyid la gzung bar shes par bya'o// don ni sngar yang bshad mod kyi/ /chos kyi rjes su 'brang ba'i phyir/ rigs pa phan yon bye brag gis/ /tshigs su bcad pa gnyis kyis bstan/ tshigs su bcad pa dang po ni rigs pa dang phan yon gyi yul bstan pa'i phyir don khong du chud pa sdang bstan pa rnams yang dag par bzlas pa gsungs so/ /gnyis pas ni khong du chud pa bzhi po rnams kyi phan yon bzhi go rim bzhin du bstan to/ /yang na don khong du chud pa re re phan yon bzhi dang/ rigs pa bzhi smos pa yin te/ byang chub dang nye ba la/ /byang chub ni bla na med pa'o/ /shes rab rgya che ba ni rnam pa gsum gyis bstan te/ yul las ni yul mdza' dag la khyab pa'i phyir ro/ /'bras bu las ni bdag dang gzhan gyi don phun sum tshogs pa rgya chen po'i 'bras bu dang ldan pa'i phyir ro/ /ngo bo nyid las ni shes rab kyi yon tan ma lus pa dang ldan pa'i phyir ro/ /sangs rgyas thams cad mngon sum du mthong ba'i rgyu yin pa dang/ sangs rgyas thams cad kyi rjes su slob par 'dod pas so/ /rigs pa
- 51b
rnam pa bzhi ji ltar smos she na/ 'di ltar don de dag ni byang chub dang nye ba'i rgyu yin pa dang/ shes rab rgya chen po'i rgyu yin pa dang/ sangs rgyas thams cad mngon sum du mthong ba'i rgyu yin pa dang/ sangs rgyas thams cad kyi rjes su slob pa'i rgyu yin te/ 'di lta bu gang yin pa de dag ni/ nges par nan tan du bsgrub par bya ba yin te/ dper na sbyin pa la sogs pa lta bu yin la/ de dang 'dra bar don rnam pa bzhi po ji skad bstan pa 'di dag kyang de lta bu yin no/ /da ni gzungs kyi ngo bo 'thob par bya ba'i thabs la gnas pa'i phan yon bstan te bzhi tshan gsum gyis gzungs la ni/ /mngon par brtson pa'i rnal 'byor pas/ /thob bya ma thob bar du yang/ phan yon rnam pa bzhi 'thob 'gyur/ /bzhi tshan gsum gyis bstan pa'i thabs gang yin pa de la ni bzhi tshan gsum zhes bya ste/ bzhi tshan gsum bstan pa'i thabs des gzungs la mngon par brtson pa'i rnal 'byor pas/ thob par bya ba ma thob ste/ gzungs ma thob pa'i bar skabs su phan yon rnam pa bzhir 'gyur ba la/ phyogs bcu na bzhugs pa'i sangs rgyas thams cad kyis dgongs par 'gyur te/ dgongs pa yang mkhyen pa tsam du ni ma zad do/ /gal te mkhyen pa tsam du zad na ni phan yon du ma yang mi rung ste/ mtshams med pa lnga byed pa yang thams cad mkhyen pas dgongs pa'i phyir ro/ /de bas na dgongs pa ni phan gdags par bzhed pa'i phyir gzigs pa la bya ste/ bdag dang gzhan gyi don bsgrub nus par nye bar bsgrub pa'i mtshan nyid do/ /de yang phan pa 'thob nus par nye bar bsgrub pa dang/ gnod pa spong nus par nye bar bsgrub pa dang/ rnam pa gnyis su shes par bya'o/ /bdud kyi las med par 'gyur te/ bdud ni nyon mongs pa'i bdud dang/ lha'i bu'i bdud dang/ rnam pa gnyis so/ /de'i las ni phan pa dang/ gnod pa/ 'thob
- 52a
par bya ba dang/ spang bar bya ba la bar chad byed pa'o/ /de la snga ma med pa ni gzungs 'thob par bya ba'i thabs bsgom pas nyon mongs pa'i bdud rnam par gsal ba'i phyir te/ de nyid kyi phyir phyi ma shos kyang med par 'gyur ro/ / las kyi sgrib pa myur du 'byang ba ste/ las kyi sgrib pa ni mtshams med pa lnga la sogs pa ste/ de gzungs la sogs pa ste/ de gzungs la sogs pa skye ba la sgrib pa'i phyir na sgrib pa zhes bya'o/ /de yang rnam pa bzhis yongs su zad par 'gyur te/ rnam par sun 'byin pa kun spyod pa dang/ gnyen po kun tu spyod pa dang/ sor chad par byed pa'i stobs dang/ rten gyi stobs te/ de skad du chos bzhi pa'i mdo las 'byung ba'i phyir ro/ /de la rnam par sun 'byin pa kun du spyod pas ni las kyi sgrib pa de mjug 'joms par byed do/ /gnyen po kun tu spyod pas ni de rnam par smin par byed pa'i mthu nyams smad par byed do/ /sor chud par byed pa'i stobs kyis ni de rnam par smon par byed pa'i mthu sel par byed do/ /rten gyi stobs kyis ni sngar byung ba ni rgyang srid par byed la/ sngar ma byung ba ni mi skye bar byed do/ /'di ltar rten gyi stobs ni dge ba'i bshes gnyen la brten pa dang/ chos kyi de kho na spyod pa ste/ de lta bas na rnam par dag gis las kyi sgrib pa byas shing bsags pa yang ma lus par 'byang bar 'gyur zhes bya ba ni rigs pa yin no/ gzungs thob par bya ba'i thabs bstan pa ni rnam par sun 'byin pa kun tu spyod pa la sogs pa de dag nges par bstan te/ 'di lta bus las kyi sgrib pa de dag ma lus par 'byang bar 'gyur ba'i phyir ro/ /'di ltar 'grib pa dang 'phel ba can gang yin pa de ni/ mi mthun pa'i phyogs kyis zil gyis mnan pa 'phel na/ 'grib par 'gyur ba'i chos can yin te/ dper na me 'bar ba la sogs pa bzhin no/ /de bzhin du las kyi sgrib
- 52b
pa yang 'grib pa dang 'phel ba can yin no/ /chud za bar mi 'gyur zhes bya ba la sogs pa gsung pa gang yin pa de ni/ gnyen po sgom pa med pa la bya bar shes par bya'o/ /de lta ma yin na ni rigs pa dang 'gal ba dang/ mdo sde mang po dag dang bgal bar 'gyur ro/ /nges pa zhes bya ba'i tshig kyang de nyid kyis bstan to/ /ma nges pa ni gnyen po bsgom pa med bzhin du yang ji ste na 'bras bur mi 'gyur ba'i phyir ro/ /spobs pa rgyun mi 'chad pa yang 'gyur te/ spobs pa rgyun mi 'chad pa ni rnam pa gnyis te/ mi mthun pa'i phyogs kyis zil gyis mi non pa dang/ gong nas gong du spobs pa'i mthu dang ldan pa'o/ /gang gis phyir sangs rgyas thams cad kyis dgongs pa de'i phyir bdud kyi las las ring bar gyur na las kyi sgrib pa bde blag tu 'byang bar 'gyur ro/ /las kyi sgrib pa byang na spobs pa rgyun mi 'chad pa thob par 'gyur te/ 'di ni phan yon gyi rim pa yin no/ /don de yang tshigs su bcad pas gsungs te/ ci'i phyir bzlas te gsungs she na ? la gzung ba'i phyir te/ nges pa ni 'di bstan te/ gzungs la mngon par brtson pa thams cad kyi phan yon 'di dag nges pa kho nar 'thob pa la bya'i/ /kha cig la srid pa tsam gyi phyir phan yon du bstan pa ni ma yin no/ /yang na gang dag phan yon ston ba'i tshe ni ma 'dus la/ phyis lhags pa de dag gi ched du phan yon de tshigs su bcad pas brda sprod par mdzad de/ tshig dang yi ge'i 'bru de dag nyid kyis brda sprad du zin na/ gdul ba snga ma rnams 'phya bar 'gyur ba'i phyir ro/ /yang na bdag nyid kyis so so yang dag par rig pa'i che ba nyid bstan pa'i phyir yang tshigs su bcad de phan yon gsungs so/ /yang na 'thad pa bstan pa'i phyir te/ 'di ltar spobs pa mdza' yas kyang thob par 'gyur zhes bya ba de'i thad pa ni/ de'i las kyi sgrib pa myur du 'byang zhes bya ba yin no//
- 53a
de'i 'thad pa ni/ de la bdud kyis glags ni rnyed mi 'gyur zhes bya ba yin no/ /de'i 'thad pa ni/ de ni sangs rgyas kun gyis yid la mdzad ces bya ba yin no/ /de'i 'thad pa ni/ gzungs 'di la mngon par brtson pa zhes bya ba yin te/ de'i phyir de ltar gzungs la mngon par brtson pa de'i phan yon ni/ /'di na sangs rgyas kun gyis yid la mdzad ces bya ba 'di kho na yin no/ /gzhan ni brgyud par shes par bya'o/ /mdza' yas pa ni zad pa med pa'am/ yon tan mdza' yas pa dang ldan pa'i phyir ro/ /da ni mngon 'byung ba bsnyad pa brjod par bya ste/ sngon 'byung ba ni mdor bsdu na/ /rnam pa dgur ni bstan pa mdzad/ /de yang so sor dbye ba ni/ /rnam pa mang po'i dbye ba yod/ /bsgrub par bya ba'i dngos po la nges pa bskyed pa'i phyir/ bcom ldan 'das kyis sngon byung ba bsnyad pa rnam pa dgu'i rim gyis ston par mdzad de/ dgu gang zhe na/ 'di lta ste ston pa po bstan pa ni/ ston pa de 'dra ba las na/ gdon mi za bar 'bras bu thob par 'gyur ro zhes the tshom mi bya bar bstan pa'i phyir ro/ /gzungs thob pa po'i rigs bstan pa dang/ thob pa po bstan pa dang/ thos nas thob par bya ba'i phyir mngon par brtson pa bstan pa dang/ thob pa bstan pa dang/ thob pa'i 'bras bu bstan pa ste/ 'di lta bu'i rigs su skyes la/ na tshod 'di tsam gyis/ brtson 'grus 'di lta bu byas te 'bras bu 'di lta bu thob nas/ /gzhan la phan pa 'di lta bu byed na/ bdag cag gis kyang 'di lta bu ci'i phyir mi bya snyam du brtson 'grus chung ba rnams spro ba bskyed pa'i phyir ro/ /rjes su yi rang byed pa bstan pa ni rjes su yi rang ba tsam gyis kyang 'bras bu de lta bu 'thob na/ ji skad bstan pa'i spyod pa la nan tan du sgrub pas lta ci'i phyir thob par mi 'gyur snyam du nges pa bskyed pa'i phyir ro/ /de ji ltar mngon snyam pa'i the tshom bsal
- 53b
ba'i phyir rjes su yi rang ba'i 'bras bu bstan pa dang/ bdag dang gzhan dag las dpe blangs nas/ rjes su yi rang ba'i 'bras bu brda sprad pa ste/ 'di ni mdor bstan pa'o/ /'di ltar sngon byung ba bsnyad pa de so sor dbye na ni rnam pa du mar dbye ba yod de gang gi phyir ston pa po dang/ dus dang/ mtshan dang yon tan dang/ yongs su mya ngan las 'das pa rnam pa bzhir bstan pa'i phyir ro/ /de la dus ni sngon zhes bya ba la sogs pas bstan te/ chags bral slob dang mi slob dang/ bse ru la sogs rgyal ba'i sras/ /de dag gi shes lam las 'das/ /grangs med la sogs pa yin/ /grangs med pa ni 'jig rten pa'i 'dod chags dang bral ba rnams kyi shes pa'i lam las 'das pa'o/ /ches grangs med pa ni slob pa 'dod chags dang bral ba rnams kyi shes pa'i bla ma las 'das pa'o/ /yangs pa ni mi slob pa rnams kyi shes pa'i lam las 'das pa'o/ /rgya cher gyur pa ni bse ru la sogs pa'i shes pa'i lam las 'das pa ste/ sags pa smos pas ni/ rang sangs rgyas tshogs dang spyod pa rnams bsdu'o/ /tshad med pa las ni bde bar gshegs pa'i sras rnams kyi shes pa'i lam las 'das pa'o/ /yang na gzhal bya'i/ dngos po bye brag dag /go byed grangs dang bstod gzhal dang/ /kun nas gzhal dang tshang ces bya/ /de dag med phyir de skad bstan?/ /grangs med pa la sogs zhes bya ba'i tha tshig ste/ grangs med pa ni yongs su gcod par byed pa'i grangs med pa'i phyir ro/ /ches grangs med pa ni gnas drug cu bar bab pa'i grangs la grangs med pa zhes bya ba yin par dogs pa bsal ba'o phyir grangs med pa'i bye brag smos par mdzad pa'o/ /yangs pa smas pa ni bstod de gzhal ba med pa'i phyir ro/ /kun nas gzhal ba ni kun tu gzhal pa yin pa'i phyir yongs su gzhal ba ste/ de med pa'i
- 54a
rgya che bar gyur ba'o/ /tshad med pa ni tshad med pa'i phyir ro/ /de ltar na de la yongs su gcod par byed pa thams cad med par bstan pa'i phyir ro/ /snga ma snga ma sgrub pa'i/ gtan tshigs phyi ma phyi ma yin/ yang grangs med pa la sogs pa snga ma snga ma bsgrubs pa'i gtan tshigs ni/ ches grangs med pa la sogs pa phyi ma phyi ma yin par shes par bya'o/ /yang na la la sngar ma thos/ /gang yang rung bas don de ston/ /yang gdul bya kha cig snga ma bstan pa'i tshe/ don de ma thos pa la phyis ches grangs med pa la sogs pa'i tshig gzhan gyis brda sprod par mdzad do/ /mtshan ni rin chen dpal gyi gzi brjid rgyal po zhes bya ba'o/ /yon tan ni de bzhin gshegs pa zhes bya ba la sogs pas bstan te/ gdul bya'i don ni rab bsgrub phyir/ ye shes spangs pa'i rang bzhin nyid/ ci 'dri de ni rgyu dang bcas/ /phun sum tshogs gnyis bstod pa gsungs/ gdul ba bcom ldan 'das la mngon par ma dad pa rnams dang ba bskyed pa'i phyir dang/ /mngon par dad pa rnams dad pa 'phel bar bya ba'i phyir/ bdag dang gzhan gyi don phun sum tshogs pa rnam pa gnyis kyis bstod pa gsungs so/ /rang gi don phun sum tshogs pa sngar smos pa ni de zhal las byung ba yin yang/ de cig shos kyi sngon du 'gro ba yin pa'i phyir ro/ /de la ye shes dang spangs pa phun sum tshogs pa'i rgyu mtshon pa ni/ de bzhin gshegs pa nyid kyis bstan te/ yang dag par rdzogs pa'i sangs rgyas snga ma rnams lam gang nas gshegs pa nyid nas gshegs pas na de bzhin gshegs pa zhes bya ba'i phyir ro/ /dag rnams bcom bas na dgra bcom pa ste/ 'dis ni spangs pa phun sum tshogs pa bstan to/ /dgra dag ni 'dod chags la sogs pa nyon mongs
- 54b
pa rnams te/ dge ba'i chos thams cad la gnod pa byed pa'i phyir ro/ /spangs pa phun sum tshogs pa 'di sngar smos pa ni/ de la ye shes phun sum tshogs pa'i sngon du 'gro ba'i phyir ro/ /yang dag pa phyin ci ma log par kun nas sangs rgyas pas na yang dag par rdzogs pa'i sangs rgyas zhes bya'o/ /'dis ni ye shes phun sum tshogs pa bstan te/ thams cad mkhyen pa'i ye shes phyin ci ma log pa bstan pa'i phyir ro/ /gal te thub pa snga ma rnams lam gang nas gshegs pa'i lam de nas 'di yang gshegs pa'i phyir/ de bzhin gshegs pa zhes bya na/ lam de nyid gang yin zhe na/ rig pa dang zhabs su ldan pa ste/ 'dis ni 'phags pa'i lam yan lag brgyad pa bstan te/ rig pa ni yang dag pa'i lta ba'o/ /yang dag pa'i rtogs pa la sogs pa yan lag bdun ni zhabs te/ yang dag pa'i lta bas de kho na gzigs nas/ yang dag pa'i rtog pa la sogs pa zhabs su gyur pa rnams kyis gshegs pa'i phyir ro/ /yang na bslab pa gsum ni/ rig pa dang zhabs te/ lhag pa'i shes rab kyi bslab pa ni rig pa'o/ /lhag pa'i sems dang/ lhag pa'i tshul khrims kyi bslab pa ni zhabs ste/ shes rab kyi sngon du yongs su spyod par gyur ni zhabs te/ /spyod pa yin pa'i phyir ro/ /rig pa lngar smos pa ni de yongs su dag pa tshul khrims dang ting nge 'dzin yongs su dag par 'gyur ba'i phyir ro/ /yang na sngon gyi gnas rjes su dran pa shes pa mngon sum du bya ba'i mngon par shes pa dang/ 'chi 'pho dang/ skye ba shes pa mngon sum du bya ba'i mngon par shes pa dang/ zag pa zad pa mngon sum du bya ba'i mngon par shes pa dang/ 'di gsum ni rig pa'o/ /zhabs ni tshul khrims phun sum tshogs pa dang/ spyod pa phun sum tshogs pa dang/ bzlog pa phun sum tshogs pa dang/ lhag pa'i sems las byung ba tshe 'di la?
- 55a
bar gnas pa bzhi po rnams te/ rig pa rnams kyi sngon du yongs su sbyong bar gyur pa'i phyir te/ sngar spyad pa yin pa'i phyir ro/ /de la tshul khrims phun sum tshogs pa ni rang bzhin dang bcas pa'i kha na ma tho ba spangs shing ma nyams pa la sogs pa'i yon tan dang ldan pa'o/ /spyod pa phun sum tshogs pa ni spyod lam thams cad shes bzhin du gnas pa'o/ /bzlog pa phun sum tshogs pa ni mig la sogs pa'i yul rnams la mtshan mar mi 'dzin pas/ dbang po bsdams pa'o/ /de ltar tshul khrims yongs su dag pa dang/ shes bzhin du gnas pa dang/ dbang po rnams kyi bsrung ba ni/ lhag pa'i sems las byung ba/ tshe 'di la bde bar gnas pa bzhi sgrub par byed de/ de dag ni bsam gtan bzhi po rnams so/ /de'i phyir 'di ltar bcom ldan 'das de ni rig pa rnams dang/ zhabs 'di rnams dang ldan pas/ rang gi don phun sum tshogs pa brnyes par gyur pa'i phyir/ rig pa dang zhabs su ldan pa ni rang gi don phun sum tshogs pa 'thob pa'i rgyur bstan pa yin no/ /rang gi don phun sum tshogs pa de ji lta bu yin pa de yang/ bde bar gshegs pa zhes bya bas bstan te/ n'di ltar 'jig rten las 'das pa'i lam nas/ ye shes spangs pa phun sum tshogs par legs pa gshegs pas na bde bar gshegs pa ste/ gzugs legs pa bzhin no/ /yang na phyir mi ldog par gshegs pas na bde bar gshegs pa ste/ rims nad legs par sos pa bzhin no/ /ma lus par gshegs pa'i phyir yang bde bar gshegs pa ste/ bum pa shin tu gang ba bzhin no/ /don 'di gsum yang phyi rol ba'i 'dod chags dang bral ba dang/ slob pa dang/ mi slob pa rnams las rang gi don phun sum tshogs pa bye brag tu bya ba'i
- 55b
phyir ro/ /'jig rten mkhyen pa ni skal pa dang ldan pa dang/ skal ba dang ldan pa ma yin pa mkhyen pa'i phyir ro/ /'dis ni gzhan gyi don phun sum tshogs pa'i rgyu bstan to/ /skal pa dang ldan pa dang/ skal ba dang ldan pa ma yin pa thugs su chud nas/ skal ba dang ldan pa rnams 'dul bar mdzad pas ni/ skyes bu gdul ba'i kha lo sgyur ba bla na med pa zhes gsungs te/ 'dis ni gzhan gyi don phun sum tshogs pa bstan to/ /gdul bar 'os pa dang/ gdul bar nus pa yin pa'i phyir gdul ba ste skyes bu nyid gdul ba yin pa'i phyir ro/ /skyes bu gdul ba'o/ /de dag gis kha lo sgyur ba ni lam ngan pa nas bzlog te lam bzang por 'dzud pa'i phyir dang/ yon tan gyi khyad par bskyed pa'i phyir te/ rta la sogs pa'i kha lo sgyur pa bzhin no/ /bla na med pa smos pa ni/ gdul dka' ba/ 'dod chags dang/ zhe sdang dang/ gti mug dang/ nga rgyal shas che ba 'phags pa mdzes dga' dang/ sor phreng dang/ lteng rgyas 'od srung dang/ rgyal po chen po ka pi na la sogs pa 'dul ba yang ma yin no/ /zhes bstan pa'i don to/ /lha dang mi rnams kyi ston pa zhes bya ba 'dis ni gzhan gyi don phun sum tshogs pa ji lta bu yin pa bstan to/ /ston pa'i phyir ni ston pa ste/ bstan pa na 'phags pa'i bden pa bzhi khong du chud pa'o// de bas na lha dang mi smos te/ de dag kho na khong du chud pa'i skal pa dang ldan pa'i phyir ro/ /lam bzang po ston pa la sogs pa'i rgyu nyid kyis ni thams cad kyi yang ston pa yin te/ de'i phyir sems can thams cad kyi ston pa zhes gsungs so/ /'phags pa'i bden pa rtogs pa des zhugs na/ theg pa ji lta ba bzhin du ye shes dang spangs pa phun sum tshogs par 'gyur ba'i phyir/ ye shes dang spangs pa phun sum tshogs pa gzhan gyi don phun sum tshogs pa zhes bya'o/ /de ltar bdag dang
- 56a
gzhan gyi don phun sum tshogs pa dang ldan pa de su yin zhe na/ sangs rgyas bcom ldan 'das rin chen dpal gyi gzi brjid rgyal po lta bu zhes bya ba zhes gsungs pa dang sbyar te/ blo khyad par du 'phags pa 'di la yod pas na sangs rgyas zhes bya'o/ /blo khyad par du 'phags pa yang rnam pa dgu ste/ thams cad mkhyen pa dang/ rnam pa thams cad mkhyen pa dang/ bsgrim mi dgos par mkhyen pa dang/ lung phog pa med par mkhyen pa dang/ nyon mongs pa dang shes bya'i sgrib pa bag chags dang/ bcas pa spangs pa dang/ rnam pa thams cad du sems can thams cad kyi don mdzad par spyod pa dang/ thugs rje phun sum tshogs pa dang/ zad mi shes pa phun sum tshogs pa dang/ mtshungs pa med pa phun sum tshogs pas so/ /yang na dngos po thams cad rnam pa thams cad du thugs su chud pa'i phyir sangs rgyas zhes bya ste/ da ltar gyi dus la bya'o/ /ma 'ongs pa yang de de'i rang bzhin yin pa'i phyir/ /sangs rgyas zhes bya ste 'o ma dang bung shing bzhin no/ /gal te de ltar na 'das pa na sangs rgyas ma yin par 'gyur ro zhes na mi 'gyur te/ sangs rgyas 'das pa ni med pas/ yongs su mya ngan las 'das pa ni mi srid par bstan zil te/ 'khor ba ji srid yod kyi bar du skad cig re re la dngos po'i yul ma lus pa la mkhyen pa 'jug pa'i phyir ro/ /yang na rnam pa thams cad du lhag pa med pa'i yon tan thams cad dang ldan pa de la ni sangs rgyas zhes bya ste/ de'i phyir 'di la nyes pa med do// yang na ston pa po bcom ldan 'das la dad pa'i khyad par bskyed pa'i phyir ro/ /ston pa nyid phun sum tshogs pa yon tan gyis che ba nyid bstan te/ ston pa rnam pa gnyis gang gis 'thob/ /ci 'dra de yi las rnam gnyis/ /gang
- 56b
dag la ni de gnas dang/ de dang ldan pa'ang ston par byed/ /de la ston pa nyid phun sum tshogs pa rnam pa gnyis ni/ gsung ba nyid kyi mtshan nyid dang/ bsgrub pa nyid kyi mtshan nyid do/ /de la gsung ba nyid kyi mtshan nyid ni/ de bzhin gshegs pa zhes gsungs pa yin te/ chos rnams ji ltar gnas pa de kho na bzhin du gsungs pas na de bzhin gsungs pa zhes bya ba'i phyir ro/ /'dis ni phyin ci ma log par chos ston pa po nyid yin par bstan te/ /sgrub pa nyid kyi mtshan nyid ni/ /spangs pa dang ye shes phun sum tshogs pa'i ngo bo nyid rnam pa gnyis te/ go rim bzhin du dgra bcom pa yang dag par rdzogs pa'i sangs rgyas zhes gsungs pa yin no/ /de'i phyir de ltar phyin ci ma log par chos ston pa po nyid dang/ nyon mongs pa thams cad spangs pa dang/ rnam pa thams cad du chos thams cad thugs su chud pas bcom ldan 'das kyi ston pa nyid phun sum tshogs pa thun mong ma yin pa dang/ yongs su rdzogs par bstan te/ 'di ltar phyi rol pa rnams la phyin ci ma log par chos ston pa po nyid med de/ nyon mongs pa thams cad ma spangs pa'i phyir ro/ /de nyid kyi phyir de dag yang dag pa'i ston pa med pa yin no/ /nyan thos dang rang sangs rgyas rnams ni nyon mongs pa thams cad spangs pa yin pa'i phyir/ yang dag pa'i ston pa yin mos kyi/ rnam pa thams cad du chos thams cad khong du chud pa ma yin pas na/ rnam pa thams cad kyi ston pa ma yin no/ /bcom ldan 'das ni yang dag pa'i ston pa dang/ rnam pa thams cad kyi ston pa yin no/ /ston pa nyid phun sum tshogs pa de gang gis 'thob pa ni rig pa dang zhabs su ldan pa zhes bya bas bstan to/ /ston pa nyid phun sum tshogs pa rnam pa gnyis pa de ci 'dra ba de yang/ bde bar gshegs pa zhes bya bas bstan te/ /de yang legs par zhes bya ba la
- 57a
sogs pa don gsum smos pas ci rigs par bshad par bya'o/ /ston pa nyid phun sum tshogs pa de'i 'phrin las rnam pa gnyis la sems can skal ba dang ldan pa dang/ skal pa dang ldan pa ma yin pa la gzigs pa'i 'phrin las gang yin pa de ni 'jig rten mkhyen pa zhes bya bas bstan to/ /skal ba dang ldan pa 'dul ba gang yin pa de ni skyes bu gdul ba'i kha lo sgyur ba bla na med pa zhes bya bas bstan to/ skal pa dang ldan pa'i gdul ba'i 'phrin las gang dag la gnas pa de ni/ lha dang mi rnams kyi ston pa zhes bya bas bstan to/ /su ston pa phun sum tshogs pa de dang ldan pa de ni sangs rgyas bcom ldan 'das zhes bya bas bstan to/ /tshig gi don ni sngar bshad zin pas 'dir ni sbyar ba tsam du zad do/ /yongs su mya ngan las 'da' pa'i sgo nas ston pa po bstan pa ni/ shA ri'i du zhes bya ba la sogs pas mtshan dang/ yon tan dang/ yongs su mya ngan las 'das pa'i dus nges pa rnam pa gsum du phye ste/ kye ma 'di ltar sangs rgyas bcom ldan 'das yon tan gyi gzhi 'di lta du yang/ mi rtag pa nyid kyi lam na 'dug na/ bdag cag lta smos kyang ci dgos snyam du sems te/ srog chags rnams kyi skye ba'i bye brag bskyed pa'i phyir ro/ /tsha zhes bya ba ni nges pa 'am/ yang na khong du chud pa la bya bar shes par bya'o/ /gal te yongs su mya ngan las 'da' ba' i dus la phab par nges na/ des lo bdun khrir zhes bya ba la sogs pa'i tshig ji ltar skyon du mi 'gyur zhe na/ smras pa/ 'jig rten tshe ni dpag med tshe/ thub pa chen po skyes pa da/ /yongs su mya ngan 'da' ba yi/ /dus bab pa ni de 'dra'o/ /'jig rten gyi tshe dpag tu med bya na bcom ldan 'das de bzhin gshegs pa rin chen dpal gyi gzi brjid rgyal po lta bu byung ste/ de'i phyir dus de las bltos nas
- 57b
de'i yongs su mya ngan las 'da' ba' i dus la bab pa yang yun ring bar 'gyur te/ de lta bas na de lo bdun khrir zhes bya ba la sogs pa'i tshig la skyon med do/ /gzungs thob pa po'i rigs bstan par ni rnam pa lngar mdzad de/ ming dang/ rgyal po dang/ gling bzhi'i bdag po dang/ dbang phyug dang/ mi'i bdag po'o/ /snang ba 'dzin ces bya ba ni gzhan yang yod pa'i phyir rgyal po smos so/ /rgyal po ni rgyal phran la yang bya ba'i phyir/ /'khor los sgyur ba smos so/ /'khor los sgyur ba zhes bya ba ni de bzhin gshegs pa la yang yod pa'i phyir rgyal po smos so/ /'khor los sgyur ba smos pas kyang rin po che sna bdun dang ldan par mngon mod kyi/ /rin po che sna bdun dang ldan pa smos pa ni bye brag tu dbye ba'i don te/ de ni gling bzhi'i bdag po bsdu'o/ /rig sngags 'chang gi 'khor lo sgyur ba yang yod pas na/ mi'i dbang po smos so/ /thob pa po bstan pa ni rnam pa lngas mdzad de/ ming dang 'brel ba dang/ na tshod dang/ chos kyi rnam grangs thob pa dang/ /ston ba po dang 'brel pa'o/ /thos nas thob par bya ba'i phyir mngon par brtson pa bstan pa ni rnam pa gnyis te/ spyi dang bye brag go /bye brag kyang rnam pa brgyad de/ /dus dang rmugs pa dang gnyid med pa dang/ /dga' ba med pa dang/ /brtson 'grus dang/ sems rtse gcig pa dang/ de'i 'bras bu dang/ de nyams su len pa dang/ rab tu 'byung ba'o/ /de la dus ni lo bdun khri ste/ 'di ni rab tu ma byung ba'i snga rol gyi yin par shes par bya'o/ /de phyin chad lo dgu khri ni gzungs sgrub pa'i dus yin no/ /de'i rgyu ni spangs pa'i phyir/ /des ni rmugs gnyis de ma bsten/ /rmugs pa ni lus dang sems las su mi rung ba nyid do/ /gnyid ni sems mngon par sdud pa'o/ /de gnyis kyi rgyu ni ha cang mang du za ba dang/ ha cang nyung du za ba
- 58a
ste/ de spangs pas rgyal po'i bu des rmugs dang gnyid ma bsten to/ /de gnyid ni sems rtse gcig tu bya ba la bgegs byed pa yin te/ de'i phyir 'bras bu tha mi dad pas mtshan gcig tu bsdu'o/ /dngos po'i ngo bo nyid shes pas/ /dga' ba rnam gsum spang bar bya/ /'du byed 'di dag mi rtag pa spong bar rtogs pa dga' ba rnam pa gsum mi byed de/ 'di ltar phyi rol dang/ nang gi yul gyi bye brag gis dga' ba rnam pa gnyid yod la/ phyi rol gyi yul yang gtso bo dang/ de'i yan lag dang/ rnam pa gnyis yod do/ /des ni rnam pa gsum du 'gyur te/ gtso bo ni rgyal srid do/ /de'i yan lag ni nor yin te/ de yang rin po che sna bdun la sogs pa'o/ /bdag gi lus dang/ de'i yan lag la sogs pa la dga' ba ni bdag la dga' ba'o/ /rmugs pa dang gnyid la sogs pa dang/ de gsum yongs su spangs nas brtson 'grus brtsams pa'i phyir/ de lo bdun khrir lan 'ga' yang sa la glos ma phab ste/ zhes gsungs so/ de nas ting 'dzin bsgoms pa'i phyir/ /gcig tu nges par nang du yang dag 'jog la gnas so zhes gsungs te/ gnas so zhes bya ba'i tha tshig go /gcig tu nges pa'i skye bo med pa'i phyogs sam gcig tu nges par nang du yang dag 'jog pas rang bzhin gyis sems rtse gcig tu byed pa la ni/ gcig tu nges par nang du yang dag 'jog la bya'o/ /ting nge 'dzin de'i 'og tu ting nge 'dzin gyi 'bras bu 'thob pa yin te/ lo dgu khri zhes gsungs so/ /'jig rten khams gzhan sangs rgyas rnams/ /bzhugs pa byang chub sems dpa' yon tan rin po che bsam gyis mi khyab pa'i dpal/ snang ba thob pa des mthong ste/ /'jig rten gyi khams gcig tu ma yin te/ de bzhin gshegs pa gnyis ni 'jig rten gyi khams gcig
- 58b
tu cig char 'byung ba 'gal ba'i phyir ro/ /de lta bas na sangs rgyas bye ba phrag dgu bcu las chos bstan pa ni thos so zhes/ /bye ba'i tshig la nyes pa med/ /yang na blo bzang 'jig rten khams/ /'di gzhan sangs rgyas bzhugs pa mthong/ /bstan pa 'byung ba brten nas ni/ /cig car skye ba dgag pa yin/ /yang na byang chub sems dpa' blo bzang po des sangs rgyas 'jig rten gyi khams 'di la bzhugs pa rnams dang/ 'jig rten gyi khams gzhan na bzhugs pa rnams mthong ste/ de'i phyir sangs rgyas bye ba phrag dgu bcu zhes bya ba la sogs pa 'di spyir gsungs so/ /snga phyi med par de bzhin gshegs pa gnyis 'jig rten du mi 'byung zhes bya ba 'di ni/ de'i bstan pa 'byung ba la dgongs nas cig car skye ba dgag pa yin no/ /de phyir de bzhin gshegs pa gnyis kyi bstan pa 'jig rten du cig car mi 'byung ste/ don du de la bya'o/ /de gnyis kyi skye ba de ni 'di ltar bstan pa 'byung ba la bya ste/ sangs rgyas bcom ldan 'das rnams ni gzhan gyi don dang/ gzhan gyi dbang gis skye bar zad pa'i phyir ro/ /yang na snga phyi med par mi 'byung zhes smos pas de dag rim gyis byung ba kho nar bka' stsal pa yin no/ /byung ba de dag kyang yongs su mya ngan las mi 'da' ste/ longs spyod rdzogs pa'i sku'i tshul gyis bzhugs par nges na/ bsod nams dang ldan pa ma yin pa rnams kyis mi mthong la/ bsod nams can rnams kyis ni bsod nams ji lta ba bzhin du nyung ngu 'am/ /mang po yang dag par dmigs pa tsam du zad pa'i phyir nyes pa med do/ /thos pa ni bstan pa thos par zad na/ bstan pa zhes smos ci dgongs zhes de skad zer na ni/ don 'di yin te/ rdzogs pa'i sangs rgyas thams cad kyis/ bstan de dgu bcu dag las thos/ /chos zhes bya ba lhag ma'o/ /de de lta na don ni 'di yin te/ sangs rgyas thams cad kyis chos
- 59a
bstan pa sangs rgyas bye ba phrag dgu bcu las thos so zhes bya ba'i tha tshig ste/ des na chos kyi de kho na/ bstan pa thabs dang bcas pa brjod/ /rgyu des brjod pa yin te/ chos kyi de kho na ni stong pa nyid do/ /thabs ni sbyin pa la sogs pa pha rol tu phyin pa zhes bya ste/ chos kyi de kho na thabs dang bcas pa 'di ni sangs rgyas thams cad kyis bstan pa dang/ ston pa dang/ ston par 'gyur ro/ /skyes pa'i rabs la sogs pa gang yin pa de dag la ni/ sangs rgyas thams cad kyi bstan pa tshangs par nges pa med de/ 'di la chos ni nan tan du/ /legs bsgrub nyams su len par bstan/ /gsung rab 'di la las su bya bas stong pa nyid kyi chos yang dag par sgrub cing rtogs par bya ba dang/ sbyin pa la sogs pa bsgrub pa 'di ni nyams su blang ba'o/ /yang na 'dzin pa la sogs pa/ /yon tan skyed par 'gyur ba yin/ /nyams su blang ba zhes bya ba la snyegs te/ yang na 'dzin pa dang/ sems pa dang/ bsgom pa dang/ gzhan la ston pa la sogs pa yon tan bskyed pa de phyin ci ma log pa'i phyir nyams su blang ba'o/ /yang na rjes su yi rang ba yang nyams su blang ba yin no/ /sangs rgyas gzhan dag ma yin zhes/ /de yi mtshan ni smos pa mdzad/ /sangs rgyas bye ba phrag dgu bcu po gang yang rung ba las rang byung bar 'dzin pa bsal ba'i phyir/ /rin chen dpal gyi gzi brjid rgyal po lta bu'i mtshan smos so/ /mtshan smos pa des na thub pa bzhugs pa ni/ 'jig rten phan phyir nyid du bstan/ 'di ltar yongs su mya ngan las 'da' ba' i dus dpags pa las kyang/ bcom ldan 'das de de srid kyi bar du bzhugs pa ni rgyal po'i bu de des gdul ba yin pa'i phyir te/ de'i phyir 'di dag gis ni sangs rgyas bcom ldan 'das rnams ni 'jig rten la phan pa kho na'i
- 59b
phyir dus mdza' yas par yang bzhugs par mdzad do zhes bstan to/ /sdom brtson tshul khrims ldan pa dang/ /brtson dang gzhan don gzhol ba yis/ /gzungs ni thob par thub pa des/ /rab byung la sogs tshig gis bstan/ /yon tan thams cad kyi gzhi ni tshul khrims yin pa'i phyir/ /tshul khrims dang ldan pas gzungs 'di 'thob par 'gyur gyi gzhan gyis ma yin par/ /bcom ldan 'das kyis rab tu byung ba'i tshig gis bstan te/ 'di rnams kyis ni/ thos nas thob par bya ba'i phyir mngon par brtson par bya ba bstan pa bstan do/ /brtson 'grus brtsams pa gzungs 'di 'thob par 'gyur gyi/ gzhan gyis ma yin par ni lo dgu khri zhes bya ba la sogs pas bstan te/ 'dis ni 'thob pa bstan pa bsnyad do/ / gzhan gyi don sgrub pa'i bsam pa can gyis/ /gzungs 'di 'thob par 'gyur gyi/ gzhan gyis ma yin par ni bsgrubs nas kyang zhes bya ba la sogs pas bstan te/ 'dis ni thob pa'i 'bras bu bstan pa bsnyad de/ de kho na yin no zhes gzung bar bya'o/ /de lta ma yin ni rab tu byung ba la sogs pa stan pa yang don med par 'gyur ro/ /de la thob pa'i 'bras bu bstan pa ni rnam pa gnyis kyis bshad do/ /yang dag par rab tu bstan pa dang/ yang dag par rab tu bstan pa'i 'bras bu'o// yang dag par rab tu bstan pa yang/ yang dag par sbyin pa dang/ rgyas pa dang/ rang gi ngo bo dang rnam pa gsum ste/ yang dag par sbyin pa ni sems can thams cad la'o/ /de dag kyang gzungs yang dag par rab tu bstan pas 'dul ba kho na yin par bzung bar bya ste/ thams cad kyi sgra ni brjod par 'dod pas ma lus pa la bya ba'i phyir ro/ /sems can thams cad kho na la bya ba'i ma yin te/ de dag la ni thams cad mkhyen pa ma yin pas yang dag par rab tu bstan par bya mi nus
- 60a
ba'i phyir ro/ /thams cad mkhyen pas de bstan du yang sems can thams cad yul du 'gyur mi srid de/ dgos pa med pa'i phyir mi rung ngo/ /rgyas pa zhes bya ba ni gzungs la sbyor ba dang/ 'thob pa dang/ 'bras bu dang/ yon tan chung ngu dang/ 'bring dang/ chen po'i bye brag la sogs pa'i rang gi ngo bo tshad ma dang/ ldan pa'i phyir/ yang dag par phyin ci ma log pa dang/ pho brang 'khor gyi skad la sogs pa'i yon tan yan lag bcu dang ldan pa'i tshig gis rab tu dang/ pha rol rnams zil gyis mnan nas bstan pa'o/ /yang dag par rab tu bstan pa'i 'bras bu ni/ phyir mi ldog pa'i sa la 'god pa ste/ 'di ni shin tu khyad zhugs pa'i 'bras bur bstan to/ /lha dang/ mir skye ba dang sa 'thob pa la sogs pa'i 'bras bu gzhan ni ma smos kyang 'grub pa'i phyir ma bstan to/ /nyan thos la sogs pa'i byang chub las phyir mi ldog pa'i sa yang yod pa'i phyir/ bla na med par yang dag par rdzogs pa'i byang chub smos so/ /bla na med pa yang dag par rdzogs pa'i byang chub la yang phyir mi ldog pa'i sa yod pa'i phyir phyir mi ldog pa smos te/ 'dis ni gzungs 'thob pa rgyun gyis 'brel pa'i don du bstan to/ /de'i phyir de'i 'og tu shA ri'i bu 'khor de na zhes bya ba la sogs pa gsungs te/ gzungs 'thob pa rgyun gyis 'brel pas ni ji lta bur brtson par byed kyang rung ba gang dang/ gang yin pa de dang des ni/ gzungs 'di nges pa kho nas 'thob par 'gyur te/ la las ma thob pa gang yin pa de ni bdag nyid kyi nyes pa la sogs pa las gyur bar bstan to// rjes su yi rang bar byed pa bstan pa ni/ 'khor dang/ 'brel pa dang/ rigs dang/ ming dang/ dge ba'i bshes gnyen dang 'brel pa dang/ rjes su yi rang ba'o/ /rjes su yi rang ba'i 'bras bu bstan pa ni rnam pa dgu ste/ yang dag pa'i
- 60b
dge ba'i bshes gnyen rnyed pa dang/ de las chos thos pa dang/ de nyams su blangs pa dang/ gzungs thob pa rnams kyi mchog dang/ gzung ba'i tshig dang ldan pa rnams kyi mchog dang/ spobs pa rgyun mi 'chad pa rnams kyi mchog dang/ de dag mnyes par bya ba'i dus dang/ mnyes par bya ba dang/ bla na med pa'i byang chub mngon par rdzogs par 'tshang rgya ba'o/ /de la mdo las zhes bya de ma thag /yang na cig car 'byung ba yin/ /rjes su yi rang ba'i mdo la zhes bya ba 'di la mdo la zhes bya ba'i sgra smos pa de ni 'dir de ma thag tu byung ba la bya ste/ dper na byams pa'i mdo las skyes pa dran pa yang dag byang chub kyi yan lag sgom par byed do zhes bya ba de bzhin du/ 'dir yang rjes su yi rang ma thag pa'o/ /skyes pa ni thob ces bya ba'i tha tshig go / yang na cig car 'byung ba la bya ste/ 'khor lo dang bcas par zung shig ces bya ba la sogs pa de bzhin du/ rjes su yi rang ba'i mdo las skyes pa ni thob ste/ byung zhes bya ba'i tha tshig go /dgu bcu zhes bya ba la sogs tshig /des ni dus gzhan dgongs pa yin/ /dgu bcu zhes bya ba'i tshig gang yin pa des ni dus gzhan la dgongs te gsungs pa yin no/ /rjes su yi rang ba'i mdo kho na las skyes pa'i dge ba'i rtsa ba las de ma thag tu de lta bu'i 'bras bu thob pa ni ma yin te/ thal ches ba'i phyir ro/ /phul phyin yon tan ldan pa yi/ /phul du phyin pa chen po yi/ /yang chen po'i mtshan nyid kyis dang/ gzungs thob pa dang 'bral ba'i yon tan gyis so/ /yang na phul du phyin pa ma lus pa'i mtshan nyid dang ldan pa'i sgo mdza' yas bsgrub pa'i gzungs ni thob par gyur pa'i phyir/ de'i rgyus/ bde bar gshegs pa'i sras po de/ sangs rgyas bye ba phrag dgu bcu po de dag gi 'khor du gang dag gzungs thob par gyur pa/ gzungs thob rnams kyis mchog yin no byang chub sems
- 61a
dpa' de dag gi mchog yin no/ /ye shes khyad 'phags 'brel pa dang/ yon tan phul phyin ldan pa'i phyir/ /de'i rgyus de dag gi 'khor du byang chub sems dpa' / /der ni tshig gzungs ldan rnams kyi/ /byang chub sems dpa' rnams kyi nang na/ /mchog tu rgyal ba rnams kyis bstan/ /ye shes khyad par du 'phags pa ni/ /sa dang/ gzungs dang/ /ye shes la sogs pa phul du phyin pa dang ldan pa'o/ /yon tan ni mngon par shes pa la sogs pa ste/ gang gis sems can rnams kyi rang bzhin dang/ bsams pa dang/ bag la nyal la sogs pa rtog na/ rdzu 'phrul la sogs pas 'dun par byed pa'o/ /spobs pa rgyun mi chod pa rnams/ gang la bya zhe na/ gang dag so so yang dag rig thob rnams/ /de dag ni bzhi ste/ chos dang/ don dang/ nges pa'i tshig dang/ spobs pa so so yang dag par rig pa'o/ /so so yang dag par rig pa de dag phul phyin ldan pa'i phyir/ de'i rgyus sangs rgyas de dag gi 'khor na byang chub sems dpa' spobs pa rgyun mi chad pa / de nas rgyal sras de mchog go /byang chub sems dpa' smos pa ni/ /sangs rgyas bcom ldan 'das la mi bya bar dgar ba'i phyir ro/ /de dag gis gsungs tshul khrims ni/ bsgrub pa mnyes byed yin par 'dod/ /sangs rgyas de dag gis gsungs pa'i tshul khrims/ sdom pa dang/ sems can gyi don bya ba dang/ dge ba'i chos sdud pa'i mtshan nyid/ ma zhig ma ral ba la sogs pa'i yon tan dang ldan pa sgrub pa gang yin pa de ni mnyes par byed pa yin par 'dod do/ /bskal pa gsum du tshogs rnams ni/ /yongs su rdzogs byas byang chub thob/ /tshogs yongs su rdzogs pa ni/ mnyes par byas nas zhes bya ba 'dis bstan te/ gal te tshogs rnams yongs su rdzogs par byed na de ltar de dag shin tu mnyes par byas pa yin no/ /
- 61b
ji ltar bskal pa gsum gyis tshogs yongs su rdzogs she na/ nyes pa med de/ gang gi phyir der sngon bskal pa grangs med du mar tshogs bsgrubs te/ sangs rgyas bye ba phrag dgu bcu po rnams ni bskal pa gsum du mnyes par byas pas tshogs yongs su rdzogs nas byang chub thob par gyur pa'i phyir ro/ /mngon par rdzogs par sangs rgyas par yang ma zad kyi/ de bzhin gshegs pa mar me mdzad du gyur to zhes nges par bya ba'i phyir yang/ tshong dpon gyi bu zhes bya ba la sogs pa gsungs so/ /rgyal po'i yon tan rin po che bsam gyi mi khyab pa'i dpal yang de bzhin gshegs pa tshe dpag med tu gyur to zhes zhar la bstan te/ de'i phyir de ni phyis gsungs so/ /dngos po stong pas 'dod mi bya/ /tshad ma dang yang 'gal ba'i phyir/ mi mthun blo ni mi bskyed cing/ cis kyang the tshom mi bya'o/ /tshong dpon gyi bu zla ba'i rtog ces bya ba ni/ mar me mdzad las tha dad do/ /snyam du som nyi 'dod pa'i mtshan nyid lta bu yang mi bya'o/ /de ni dngos po stong pa'i phyir te/ 'di ltar mar me mdzad nyid tshong dpon gyi bu zla ba'i rtog yin pa'i phyir ro/ /khyod kyis mi 'dod pa'i phyir/ zla ba'i rtog mar me mdzad ma yin par mi 'gyur te/ thal ches pa'i phyir ro/ /zla ba'i tog ni dngos po kho nar na mar me mdzad ma yin no/ /snyam du mi mthun pa'i blo yid gnyis de lta bu yang tshad ma dang 'gal ba'i phyir mi bya ste/ 'di ltar de bzhin gshegs pa thams cad kyis kyang mar me mdzad nyid zla ba'i tog yin par mngon sum du gzigs so/ /ci zla ba'i tog 'di de bzhin gshegs pa mar me mdzad yin nam/ 'on te ma yin snyam du the tshom de lta bu yang mi bya ste/ 'di ltar mar me mdzad nyid zla ba'i tog yin par sangs rgyas tham cad dang nges kyang mkhyen to/ /thos pa la sogs shes pa 'am/ /yang na tshad ma gsum po yis/ /yongs su bcad par mi rung phyir/ /som nyi la sogs tshig gsum smos/ /yang na
- 62a
som nyi dang yid gnyis dang/ the tshom rnams ni don gcig yin du zin kyang thos pa'i shes pas yongs su bcad du mi rung ba'i phyir ni som nyi'o/ /bsam pa yi ni yid gnyis so/ /sgom pa yi ni the tshom ste/ /de'i phyir tshig gsum du gsungs so/ /yang na mngon sum gyis yongs su bcad du mi rung ba ni som nyi'o/ /rjes su dpag pa yi ni yid gnyis so/ /lung gi ni the tshom ste/ de'i phyir tshig gsum smos so/ /shA ri'i bu khyod kyis zhes bya ba la sogs pa bcom ldan 'das kyis gsungs pa 'di ni nged kyis kyang zla ba'i tog ni mar me mdzad kho na yin par mngon sum du yid ches kyis/ khyod kyang nged kyi tshig gis yid ches par byos la/ som nyi la sogs pa la gnas par ma byed cig ces bya ba'i tha tshig go /shA ri'i bu nga dang bskal pa bzang po'i zhes bya ba la sogs pa 'di ni spyir gsungs pa yin te/ de'i phyir spyir bstan pa ni yin mod kyis/ /'on kyang bdag gis 'bras bu bshad/ /bcom ldan 'das kyis bskal pa 'bum phrag bzhi khrir zhes bya ba la sogs pas/ /nyid kyi rjes su yi rang ba'i mdo las skyes pa'i dge ba'i rtsa ba bshad kyi/ /bskal pa bzang po pa rnams kyi ma yin te/ de'i phyir 'di ni mtshon pa kho na ste/ de dag gi rjes su yi rang ba'i mdo las skyes pa'i dge ba'i rtsa ba 'bras bu yang yod mod kyi/ mtshon pa'i phyir bdag nyid kyi 'bras bu bstan to/ /ci'i phyir de lta zhes/ de lta bas na zhes bya ba la sogs pa'i/ mdo'i tshig gis mngon pa yin bsam pa la sogs pa'i stobs bskyed pa las/ kha cig ni bskal pa mang po zhig tu 'khor ba phyir snyil bar byed la/ kha cig tu ni nyung ngu zhig tu byed par 'gyur ba tsam du zad do/ /sangs rgyas bye ba phrag dgu bcu zhes bya ba la sogs pa'i 'bras bu de ni thams cad kyi yin par 'dra ste/ de ltar snga ma'i skabs su zla ba'i tog gis 'bras bu bstan pa
- 62b
yang mtshon pa'i phyir te/ gzungs bstan pas gdul ba thams cad kyi 'bras bu ni de yin par shes par bya'o/ /da ni bzhed pa'i don bsgrubs nas/ de lta bas na zhes bya ba la sogs pas mjug bsdud par mdzad de/ de man chad ni chos kyi rnam grangs kyi che ba nyid ston to/ /mjug sdud pa de yang rnam pa gnyis te/ brjod zin pa'i don bsnyad pa dang ma brjod pa'i don bsnyad pa'o/ /ma brjod pa'i don bsnyad pa yod rnam pa gsum ste/ gnod sbyin gyi phan yon bsnyad pa dang/ byang chub sems dpa' i phan yon bsnyad pa dang/ 'chad pa'i tshe'i phan yon bsnyad pa'o/ /brjed zin pa bsnyad pa yang rnam pa lngar mdzad da/ /chos kyi rnam grangs la rjes su yi rang ba can gyis gzungs ba bsnyad pa dang/ de'i 'bras bu bsnyad pa dang/ sbyar bas gzung ba bsnyad pa dang/ de'i 'bras bu bsnyad pa dang/ tshigs su bcad pa dag gis gsungs pa'i don bsnyad pa'o/ /rjes su yi rang ba tsam gyis bcom ldan 'das shAkya thub pas bskal pa bye ba 'bum phrag bzhi khrir 'khor ba phyir bsnyil to/ /de bzhin du gzhan yang bsam pa'i stobs kyis de las lhag par yang phyir bsnyil bar byed de/ de lta bas na myur du zhes bya ba gsungs so/ /de'i gtan tshigs bka' stsal pa/ de ni mi ldog pa'i dang/ gang gi phyir rjes su yi rang ba tsam dang/ ldan pa de rgyur 'gyur ba de ni des tshe gcig po de nyid la zhes bya ba la sogs pa gsungs pa yin no/ /rdzogs pa'i sangs rgyas mnyes bya ba'i/ /rgyur 'gyur bas na rgyu gang gis 'gyur ba de ni des bskal pa gsum du zhes bya ba la sogs pa gsungs pa yin no/ /de'i phyir rgyu gnyis kyis/ /de'i byang chub myur du 'thob// de thams cad myur du byang chub 'thob pa'i rgyu kho nar gnas pa yin no/ /zhes bya ba'i tha tshig go /bla na med pa yang dag par rdzogs pa'i byang chub kyi ched du zhes bya ba 'di ni rgyu'i don to/ /chos smra ba rnams ni sangs rgyas bcom ldan 'das rnams so/ /sbyor bas
- 63a
gzung ba bsnyad pa ni yi ger 'dri ba la sogs pa rnam pa bdun gsungs pa yin no/ /don dang yi ge gnyi ga las/ /'dir ni kun chub byed par bstan/ /don dang yi ge gnyi ga'i sgo nas kun chub par byed pa ni/ kun chub par byed pa ste/ kun nas chub par byed pa'i phyir ro/ /yang na bsam pa la sogs thams cad dang/ 'dir yang kun chub par byed par bstan ces bya ba dang sbyar ro/ /sogs pa smos pas ni bsgom pa las byung ba'i shes pa bsdu'o/ /yang na yi ger 'dri sogs kun// 'dir yang kun chub byed par bstan ces bya ba dang sbyor ro/ /sogs pa smos pas ni/ lung nod pa dang/ 'dzin pa dang/ klag pa dang/ tshul bzhin yid la byed pa la sogs pa bsdu'o/ /rigs pas 'gal ba ma yin pa dang/ yang na ji skad thos pa bzhin yid la byed pa gang yin pa/ /don tshul bzhin yid byed yin/ /mngon sum la sogs pa'i tshad ma dang mi 'gal ba'i don yid la byed pa gang yin pa de ni tshul bzhin yid la byed pa zhes bya ba'o/ /yang na slob dpon gyi kha nas ji skad thos pa bzhin du yod la byed pa gang yin pa de ni tshul bzhin yid la byed pa ste/ slob dpon ni yang dag pa nyid kyi lung 'bog pa la bya'o/ /don dang yi ge'i sgo nas ni/ chos kyi rnam grangs 'di rgya cher yang dag par rab tu ston pa gang yin pa de rgya cher yang dag par rab ston byed/ sbyor ba dang/ 'grub pa dang/ yongs su rdzogs pa chung ngu dang/ 'bring dang/ chen po la sogs pa'i bye brag gis so/ /yang na rnam pa thams cad du/ /gzungs 'di yang dag rab ston byed/ /de ni rgya cher yang dag par rab tu ston pa'o/ /de'i de ni/ bdag nyid kyis tshad mas shes pa mi nus la/ bsod nams kyi phung po de'i tshad ni/ nyan pa po de'i bdag nyid dam/ ston pa po kyang mngon sum la sogs pa'i tshad mas shes par mi nus la/ ston pa po gzhan dag gis ni bstan na yang/ /nyan pa
- 63b
po tshad de ni bsam par mi nus so/ /de ltar na bsod nams kyi phung po de'i tshad ni/ shes par byar med pa dang/ bsam gyi mi khyab pa kho nar de nyid las mngon no/ /shes bya ma lus khyab pa'i phyir/ 'dren pa rnams kyi de'i tshad de/ /mngon sum yongs su mkhyen pa dang/ /dgongs par yang ni spyod pa yin/ /de bas na de bzhin gshegs pa ma gtogs par zhes gsungs pa'i lhag ma'o/ /blo rmongs rnams dang ma 'dus dang/ /skye bo blo ni g.yengs rnams phyir/ /don de tshogs bcad pa rnams kyis/ thub pa yis ni bzlas te gsungs/ /gang dag gi don thos kyang glo rmongs pa'i phyir legs par khong du chud pa rnams dang/ /gang dag don de bsten pa'i dus nam 'dus te phyis lhags pa rnams dang/ /gang dag der 'dus kyang blo rnam par g.yengs pa'i phyir don de ma thos pa dag yod de/ de dag thams cad la phan gdags pa'i phyir dang/ bdag nyid des pa'i tshig so so yang dag par rig pa thob pa yin par bstan pa'i phyir yang don de nyid tshigs su bcad pa dag gis bzlas te gsungs so/ /dgos pa 'di ni gzhan dag tu tshigs su bcad de gsungs pa la yang de bzhin du shes par bya'o/ /tshigs su bcad pa rnams ni rnam pa drug gis bstan te/ bsod nams kyi phung po tshad med par bsnyad pa dang/ de'i 'bras bu bsnyad pa dang/ sngon byung ba bsnyad pa dang/ tshogs chung ngus 'bras bu 'grub par bsnyad pa dang/ dpe bstan pas bsod nams kyi phung po dpe med par bsnyad pa dang/ smra bar 'dod pa'i don bsgrubs nas mjug bsdus bsnyad pa'o/ /bsod nams kyi phung po tshad med par bsnyad pa ni/ mdo sde thos dang zhes bya ba la sogs pa rnam pa lngas bstan to/ /de dag kyang mtshon pa yin te/ des na lung nod pa dang kun chub par byed pa dang tshul bzhin yid la byed pa dang/ gzhan la ston pa yang bsdu'o/ /de'i 'bras bu bsnyad pa ni rnam pa bcu ste/ tshe rabs thams cad du
- 64a
sangs rgyas mthong ba dang/ sangs rgyas de dag la dad pa bsam gyis mi khyab pa rnyed pa ste/ dad pa bsam gyis mi khyab pa ni 'bras bu bsam gyis mi khyab pa 'phen pa'i phyir dang/ chen po'i chen po yin pa'i phyir ro/ /mdo sde zab mo'i tshul shes pa ste/ mdo sde zab mo gang du skye ba med pa dang/ 'gag pa med pa la sogs pa ston pa de dag gi tshul ni yang dag pa'i kun rdzob nye bar bzung ste de dag bstan pa dang/ don dam par de dag bstan pa la sogs pa'i dgongs pa'o/ / bla na med pa yang dag par rdzogs pa'i byang chub chos myur du rtogs par 'gyur ba dang/ ting nge 'dzin las nyams par mi 'gyur ba ste/ ting nge 'dzin nam mkha' i mdzod la sogs pa'o/ /mngon par shes pa las nyams par mi 'gyur ba ste/ mngon par shes pa ni drug go /de la zag pa zad pa'i mngon par shes pa med pa nyid yin na/ de la nyams par mi 'gyur bar ji snyed du brjod/ de ni bden te/ thob pa yongs su nyams par 'gyur ba'i nyams pa ni med mod kyi/ ma thob pa'i yongs su nyams par 'gyur ba ni yod pa nyid de/ mi nyams pa ji lta bu zhe na/ ma thob pa de bskyed par 'os pa'i bdag nyid du gnas pa'o/ /gzungs nyams par mi 'gyur ba ste/ gzungs ni sgo mdza' yas pas bsgrubs pa la sogs pa'o/ /gzungs nyams par mi 'gyur ba ste gzungs ni skyes bu chen po'i mtshan sum cu rtsa gnyis la sogs pas brgyan pa'o/ /longs spyod rnams nyams par mi 'gyur ba ste/ longs spyod ni rdzas la sogs pa 'byor ba'o/ /sangs rgyas mthong ba las nyams par mi 'gyur ba ste/ mthong ba smos pas na mtshon pa'i don de/ bsnyen bkur byed pa la sogs pa yang bsdu'o/ /bla na med pa'i byang chub la reg par ma gyur gyi bar du zhes 'byung na/ ci byang chub thob zin pa la de dag nyams par 'gyur ba yod dam zhe na/ de ni med de/
- 64b
byang chub thob pa'i snga rol na yang nyams par 'gyur ba med na/ byang chub thob zin pa lta la ha cang yang med ches mod snyam du dgongs nas gsungs pa yin no/ /sngon byung ba bsnyad pa ni rnam pa gnyis te/ rjes su dran pa bsnyad pa ni rjes su dran pa bsnyad pa de yang/ mngon sum mtshon pa'i don te/ dran pa ni nyams su myong ba sngon du 'gro ba'i phyir ro/ /'dis ni 'di ni de'i mngon sum du gyur pa yin te/ de bas na 'di la the tshom ma byed cig ces bya bar ston to/ /rjes su dran pa'i yul bsnyad pa de yang/ dus dang rigs dang/ thos pa dang/ gzungs kyi khyad par gyi rgyu las byung ba la sogs pa'i yul gyi bye brag bstan par/ ches brten por nges pa bskyed pa'i phyir ro/ /sangs rgyas bye ba phrag dgu bcu zhes ma gsungs sam/ gang+gA'i bye ma snyed ces ji skad du bya zhe na/ nyes pa med de/ de ni 'bras bu khyad par du 'phags pa thab par bsnyad pa'i phyir dus gzhan la dgongs nas gsungs te/ sngon rol du nges sangs rgyas bcom ldan 'das gam gA'i bye ma snyed mthong ba'i phyir ro/ /'dod bzhin zhes gsungs pa ni/ gzungs thob pa'i mthus nyon mongs pa med par byang chub thob par bsnyad pa'i phyir ro/ /'od zer mdza' yas pa smos pa ni zla ba'i tog mtshon pa'i phyir ro/ /yang ma shes pa'i bdag nyid dam/ lus dang 'brel pa'i 'od zer mdza' yas pa gang la yod pa ni 'od zer mdza' yas pa ste/ de yang mar mi mdzad dang/ tshong dpon gyi bu la sogs pa thams cad kyi khyad par yin no/ /tshegs chung dus 'bras bu 'grub par bsnyad pa ni rnam pa gsum gyis bstan te/ byang chub thob pa dang/ bdud bcom pa ste/ bdud smos ni nyon mongs pa dang/ lha'i bu dang/ phung po dang/ 'chi bdag gi bdud rnams bsdu'o/ /bsod nams brgyas mtshan 'grub pa ste/ skabs 'dir yang myur du zhes bya ba dang sbyar ro/ /bsod nams brgya'i tshad ni/ 'phags
- 65a
pa dkon mchog sprin la sogs pa'i mdo las shes par bya'o/ /byang chub la reg pa zhes bya ba la sogs pa rnams ni/ gcig bstan pas/ gzhan gnyis kyang bstan pa kho nar 'gyur te/ 'khrul pa med na ci'i phyir sum char gsungs she na/ 'bras bu'i rab tu dbye ba bsnyad pas/ gzungs la brtsom pa la gus pa'i khyad par bskyed pa'i phyir ro/ /dpe bstan bas bsod nams kyi phung po dpe med pa bsnyad pa ni/ gang+gA'i klung gi bye ma snyed ces bya ba la sogs pas bstan te/ gzhi dang mar dang rdzas bzang dang/ (yongs su bkang ba'i bye brag gis/ /sbyin par bya ba'i khyad las 'di/ /sbyin pa khyad par 'phags par bstan/) /sbyin pa'i khyad par ni 'dir sbyin par bya ba'i khyad par rnam pa bzhi las bstan te/ de la gzhi'i khyad par ni/ 'jig rten khams te/ de yang stong gsum gyi stong chen po'o/ /mang ba'i khyad pa ni gang+gA'i klung gi bye ma snyed de/ des na gzhi tshad che ba dang/ grangs mang bar de ltar bstan to/ /rdzas bzang ba'i khyad par ni/ rin chen rnams so/ /yongs su bkang ba'i khyad par ni byur bur bkang pa ste/ des ni bcud kyi rigs che ba dang/ grangs mang bar de ltar bstan to/ /bsod nams de lta bu yang yi ger bris pa tsam 'am/ yang na bzung ba tsam gyi yin par shes par bya'i/ gnyi ga'i ni ma yin no/ /'di yang mtshon pa yin te/ des na lung nod pa la sogs pa tsam gyi yang de bzhin du khong du chud par bya'o/ /smra bar 'dod pa'i don bsgrubs nas mjug bsdu ba bsnyad pa ni rnam pa gsum ste/ rgyu dang/ sla ba dang 'bras bu'o/ /de la rgyu yang rnam pa brgyad de/ gzungs nyan pa dang/ sems gtod pa dang/ dad pa dang/ gzungs 'dzin pa ste/ de yang yi ge dang/ don gnyi ga'i sgo nas ji lta ba bzhin du shes pa dang/ tshul khrims dang ldan pa ste/ tshul khrims dang ldan pa nyid mkhas pa yin pa'i phyir ro/ /de yang dge slong dag /lnga po 'di dag mkhas
- 65b
pa rnams kyi mkhas pa'i mtshan nyid do zhes gsungs pa lta bu'o/ /byang chub tu smon lam 'debs pa dang gzungs yi ger 'dri ba dang/ glegs bam du byas te 'chang ba'o/ /sems pa ni phyin ci ma log pa'i tshul gyis so/ /'dir sems gtod ba dang/ ngang pa ni nyan pa dang 'dzin pa ji lta ba bzhin du shes pa dang/ byang chub tu smon lam 'debs pa dang/ yi ger 'dri ba dang/ 'chang ba 'am/ sems ba'i rgyur 'gyur bar sbyar ro/ /sla ba ni rnyed par dka' ba med ces bya ba 'dis bstan to/ /'bras bu ni bla na med pa'i byang chub po/ /da ni sgo mdza' yas pas bsgrub pa'i gzungs 'di la zhes bya ba la sogs pas gnod sbyin gyi phan yon bstan te/ gzungs kyi chos kyi rnam grangs la/ mngon par brtson pa gang yin pa/ /de ni gzungs la brtson zhes bya/ de ltar skabs kyis mngon pa yin/ /gzungs kyi chos kyi rnam grangs la mngon par brtson pa gang yin pa de ni/ gzungs 'di la mngon par brtson pa zhes bya bar 'dod do/ /ji ltar zhe na/ des sgo mdza' yas pa bsgrub pa'i gzungs kyi chos kyi rnam grangs ni de bzhin gshegs pa de las thos te/ zhes bya ba la sogs pas gzungs kyi chos kyi rnam grangs thog ma kho nar dmigs kyis glengs pa'i phyir ro/ /phan yon bsnyad pa de yang rnam pa bdun gyis bsnyad de/ de la rigs ni grangs na gnas pa rnams rigs che bar bsnyad pa'i phyir dang/ grangs ni yi ge 'bru brgyad bsgom pa'i mthu bstan pa'i phyir dang/ gzi byin 'jug par byed pa dang/ nyin mtshan du srung zhing skyob la sbed pa ste/ 'di gnyis ni chos kyi rnam grangs kyi tshe nyid shes par bya ba dang/ bdag nyid bstan pa la phan 'dogs pa por shes par bya ba dang bcom ldan 'das la bka' drin du bzo shes par bya ba'i phyir ro/ /lus dang ngag dang blo gros la/ /stobs dang gzi brjid rab rno ba/ /rim bzhin gzi brjid shes par bya/ /lus kyi sgra de lus gnas
- 66a
bsdu/ /lus kyi stobs gang yin pa dang/ /tshig gi gzi brjid gang yin pa dang/ blo'i rno ba gang yin pa de gsum la gzi brjid zhes bya'o/ /lus zhes bya ba'i sgra gang yin pa de ni gtso bo lus yin pa'i phyir ro/ /lus la gnas pa'i tshig dang blo gnyis ni yon tan gyi brdar rig par bya'o/ /lus ni rnam gsum bye brag gis/ /bsrung skyob sped gsungs yang na ni/ /gang phyir rnam bsgos la sogs pa'o/ /bye brag gis ni rnam pa gsum/ /las mi dge ba rnam pa gsum yod do tshe 'di la myong bar 'gyur ba dang/ skyes nas myong bar 'gyur ba dang/ lan grangs gzhan la myong par 'gyur ba ste/ de dag las gyur pa'i gnod pa'i gnyen por/ srung ba dang/ skyob pa dang sbed pa rnams go rims bzhin du bcom ldan 'das kyis bka' stsal to/ /yang na gang gi phyir gnam gyis bskos pa la sogs pa'i bye brag gis gnod pa rnam pa gsum du 'gyur te/ de'i phyir srung pa dang/ skyob pa dang/ sped pa gsum bo rims bzhin du gsungs te/ gnam gyis bskos ba'i gnod pa ni gang du mi dge ba kho nas byas par mngon gyi/ srog chags gzhan gyis byas pa ma yin pa ste/ dper na mi das dang/ mu ge dang/ thog la sogs pa'i bab pa lta bu'o/ /mi las gyur pa'i gnod pa ni/ /gang du srog chags rnams kyis gnod par byas par mngon la/ /gnam gyis bskos pa yod bzhin du mi mngon pa/ /gang gi phyir las ma gtogs par 'bras bu ci yang med pa'i phyir te/ dper na lo tog la sogs pa smin du zin kyang/ pha rol gyi dmag tshogs kyis gnod par byas te/ mu ger gyur pa la sogs pa lta bu'o/ /gnam gyis bskos pa dang mi las gnod par gyur pa ni gang du gnyi gas byas par mngon pa'o/ /las ni gnam gyis bskos pa dang/ mi las gyur pa kho nar zad de/ gnam gyis bskos pa dang/ mi'i las kyis 'jig
- 66b
rten 'tshong bar byed do zhes zer ba lta bu'o/ /yang na bdag gzhan rkyen gyur las/ /gnod pa rnam pa gsum shes par bya/ /sems can sems can min bgrang pa'i/ /bye brag gis ni gzhan gnyis bstan/ /yang na gnod pa rnam pa gsum yid de/ rang gi rkyen las gyur pa dang/ gzhan gyi rkyen las gyur pa dang/ gzhan gyi rkyen las gyur pa rnam pa gnyis te/ sems can du mi bgrang ba'i rkyen las gyur pa dang/ sems can du bgrang ba'i rkyen las gyur pa'o/ /de bsdus na rnam pa gsum du 'gyur te/ de'i gnyen por srung ba dang/ skyob pa dang/ sped pa gsum po go rim bzhin du shes par bya'o/ /ming gi khyad par ni gdul ba rnams mngon par yid ches pa bskyed pa'i phyir ro/ /gnod sbyin rnams 'ong bar bya ba'i cho ga bstan pa ni/ rnam pa lngar gsungs pa ste/ /ji lta zhe na/ mngon du phyogs par bya ba gnyis 'ong bar bya ba'i phyir gsungs te/ 'ong bar bya ba'i phyir shin tu khrus bya ba dang/ gos shin tu gtsang ma bgo bar byas na/ gnod sbyin de dag mngon du phyogs par byed de/ 'di ltar shin tu khrus bya ba yang rnam pa gnyis te/ phyi rol gyi cho ga dang sbyar te chus bkru ba dang/ nang gi tshul khrims yongs su dag pas so/ /gos shin tu gtsang ma bgo ba yang rnam pa gnyis te/ phyi rol gyi bgo ba gtsang ma la sogs pas lus g.yog pa dang/ ma ? byams pa la sogs pas sems kyi lus dkri pa ste/ pha rol dang nad rnam par dag pas mdzes pa mthong na gnod sbyin de dag 'ong bar spro bar 'gyur ba'i phyir te/ de ltar na 'ong pa'i phyir spro ba skye bar 'gyur ro/ /gcig gis spro bar bya bar bstan/ 'chag par 'gro ba zhes bya ba'i tshig gis bstan to/ 'di ltar rnams ni dang bya ba'i phyir/ /'chag par bsdu ba'i bsam par bstan/ /de lta ma'i du zin na ni/ /de yis lhag pa ci zhig bstan/ /de ltar don du gnyer shes nas/ /'ong bar spro ba'i sems ldan
- 67a
rnams/ /spro ba'i mthu la dmigs nas ni/ /de dag nges par 'ong bar 'gyur/ /de dag ni brda phrad par sla bas ma bshad do/ /gnyis kyis de dag gus pa ste/ zhe 'gras pa med pa'i sems dang/ chos kyi rnam grangs yid la byed pa gnyis ni gnod sbyin de dag gus pa skye bar 'gyur te/ 'di ltar zhe 'gras pa med pa'i sems kyis bsam pa dge bar gyur pa'i phyir/ yon tan la gus pa skye ba dang/ chos kyi rnam grangs yid la byed pas chos la gus pa la skye bar 'gyur ro/ / de ltar 'ong 'dod pa'i spro ba skyes nas kyang/ de dag gus par nges pa kho na ston par 'gyur ba'i phyir/ de la zhes bya ba la sogs pa gsungs so/ /gnod sbyin de dag lhag nas ni/ /brtan bzhin brtul zhugs spyod de la/ /myur du gzungs kyi sgo rnams ni/ the tshom med par ston par byed/ /sgo zhes bya ba'i sgras ni sgo zang mi shes pa'i gzungs kyi sgo la sogs pa bsdu'o/ /tshigs su bcad pa'i don lhag ma ni ma bshad do/ /yang na yan lag kun gyi gtso bo bzhin/ /bsnyad pas de dag blo dga' bas// lhags pa yin te de dag las/ /'bras bur 'gyur ba the tshom med/ /dga' bar ma gyur na bzhin ston par mi byed do snyam du dgongs so/ /byang chub sems dpa' i phan yon bsnyad pa ni rnam pa drug ste/ grangs dang rigs dang/ sems pa dang/ ming dang gzungs thob par bya ba'i phyir mngon par brtson pa dang/ gzungs la brtson pa la gzungs ston pa'o/ /yi ge brgyad po de dag ni byang chub sems dpa' brgyad po yin/ /de'i phyir don de sgom pa la/ /de dag thams cad phan 'dogs so/ /pa zhes bya ba la sogs pa'i yi ge brgyad po de dag ni/ /rnam par snang byed la sogs pa'i byang chub sems dpa' brgyad po dag gi yin te/ de dag gi ting nge 'dzin ston pas na/ de'i phyir/ yi ge de dag ni don bsgom pa na de dag thams cad phan 'dogs
- 67b
par byed par 'os pa ste/ de'i phyir brgyad ces gsungs so/ /gzhan la phan 'dogs zhugs pa'i phyir/ /smon lam stobs kyis de dag rnams/ /de dang der ni skye byed pa/ /gang yin de la the tshom med/ /gang gi phyir byang chub sems dpa' 'di dag ni blo snying rjes dbang du byas shing pha rol la phan par bya ba la gzhol bas/ 'dod ba na spyod pa'i lha rnams kyi nang du de dang der skye bar byed de/ de'i phyir de dag kyang de la zhes bya ba la sogs pa 'di gsungs pa gang yin pa de la the tshom mi bya bar nges pa kho nar gzung bar bya ste/ 'di la 'khrul pa bskyed par mi bya'o zhes bya ba'i tha tshig go /gnod sbyin gyi rigs bsnyad pa na yang 'di nyid la dgongs te/ de dag byang chub sems dpa' nyid yin la/ mngon par shes pa chen po thob pa gnod sbyin gyis gdul ba rnams la phan gdags pa'i phyir/ 'phags pa lag na rdo rje bzhin du skyes ba yin te/ de lta bu yin gyi byang chub sems dpa' min na de lta ma yin na ni/ gnod sbyin de dag mthu med pa'i phyir/ gzungs la brtson pa 'jig rten gyi khams gzhan dag na 'khod pa rnams la phan 'dogs par mi byed pas/ gnod sbyin gyi phan yon bsnyad pa khyab pa ma yin par 'gyur ro/ /sems dpa' zhes ni gsungs pa 'di/ sems ni snying rje brlan rnams kyi/ /phan pa bya bar 'dod pa'i blos/ /snying brtse nas ni bltas pa yin/ /tshigs su bcad pa 'di don ni gsal ba'i phyir ma bshad do/ /rgyal ba'i sras po de dag ni/ /phan pa nye bar bsgrub pa dang/ /gnod pa med par spangs pa yis/ /gzungs thob bya phyir mngon par brtson/ /phan pa ni dag pa'i bshes gnyen la brten pa dang/ bsod nams dang ye shes kyi tshogs bsgrub pa dang/ mthu yod par bya ba la sogs pa'o/ /gnod pa ni sdig pa'i grogs po dang 'dre ba dag /rgod pa dang 'gyod pa la sogs pa'o/ /phan pa dang gnod pa de gnyis go rims bzhin du bya ba dang/ gsal
- 68a
bas byang chub sems dpa' nges gzungs thob par bya ba'i phyir/ byang chub sems dpa' brgyad po de dag brtson par 'gyur ro/ /gzungs la brtson pa'i bya ba bstan pa yang rnam pa bdun du gsungs te/ dam bcas pa la bstan pa pa dang/ byas pa gzo ba dang/ byas pa tshor ba dang/ chos 'dod pa dang/ chos la dga' ba dang/ zab mo'i chos la bzod pa la brtson pa dang/ bgo bsha' byed pa'i ngang tshul can du bya ba'o/ /gzungs la brtson byed gang zhe na/ gang zhig nyan sems rjes yi rang/ /'dri dang lung nod 'don la sogs/ /ston pa'i tshul gyis brtson byed pa'o/ /sogs pa smos pas ni 'dzin pa dang/ kun chub par byed pa dang/ tshul bzhin yid la byed pa la sogs pa bsdu'o/ /lhag ma'i don ni gsal bas ma bshad do/ /gzungs bskyed cho ga rgyal ba yis/ /bdag gzhan ltos la bzlas te gsungs/ /ston pa la sogs bye brag gis/ /gzhan ni rnam pa gsum du 'gyur/ /sngar yang bcom ldan 'das kyis gzungs bskyed pa'i cho ga gsungs mod kyi/ /da yang bdag dang gzhan la ltos pa'i sgo nas gsungs te/ /de la bdag la bltos pa ni/ /bden par dam bca' bar bya'o zhes bya bas bstan to/ /bden par dam bca' ba ni bstan por dam bca' ba'o/ /de 'dra ba de ni gzungs nges par bskyed par byed de/ 'di ltar des gzungs bdag gis bskyed par bya'o zhes dam bcas na/ de ni de ma bskyed kyi bar du bar ma dor phyir mi ldog go /lhag ma rnams kyis ni gzhan la bltos pa'i sgo nas/ gzungs bskyed par bya ba'i cho ga bstan te/ gzhan po de yang/ ston pa dang/ chos dang/ 'du ba'i bye brag gis rnam pa gsum du 'gyur te/ de la ston pa'i ltos pa ni/ byas pa gzo ba dang/ byas pa tshor ba can zhes bya ba 'di gnyis kyi gzungs bskyed pa'i cho ga bstan te/ 'di ltar bcom ldan 'das dang/ 'brel pa'i skyabs gsum
- 68b
thob pa la sogs pa bka' drin dran nas /des gsungs pa bzhin du ngas pa kho nar sgrub par byed de/ des gsungs pa'i gzungs ni don chen po yin pas ni bskyed dngos so snyam pa'i phyir ro/ /sus byas pa tshor ba de yang nges par 'kho nar gzungs bskyed par byed de/ 'di ltar gzungs bsgrubs pas bcom ldan 'das kyi bka' drin tshor ba'i phyir ro/ /de byas pa tshor bar byed pa'i ngang tshul can yin pas na byas pa tshor ba can no/ /chos la ltos pa ni chos 'dod pa zhes bya ba la sogs pas gzungs bskyed pa'i cho ga bstan te/ gang gi phyir su chos la 'dod cing srid pa de ni nges par gzungs bskyed par 'gyur te/ de ni chos kyi mchog yin pa'i phyir ro/ /chos la dga' ba ni/ gang chos la shin tu zhugs pa ste/ de lhur len pa'i phyir ro/ /de 'dra ba de ni gzungs ma bskyed par mi 'dug go /zab mo'i chos la bzod pa la brtson pa ni ga la zhig gzungs bskyed par mi byed de/ de ni mchog tu zab pa'i phyir ro/ /gzhan gyi don gyi phyir yang gzungs 'di bskyed par bya ba'i phyir/ byang chub sems dpa' sems dpa' chen po gzungs la brtson pas shes par bya ba la sogs pa gsungs te/ chos dang zang zing bye brag gis/ /bgo bsha' rnam pa gnyis su bstan/ /bgo bsha' ni rnam pa gnyis te/ chos kyi bgo bsha' dang/ zang zing gi bgo bsha'o/ /ngang tshul smos pas ni bgo bsha'i ngo bo nyid bstan to/ /des na sems kyi shin tu 'dzin pa med par bstan to/ /chung dang nyung dang mang po ni/ /grangs dang grangs ni gnyi gar bstan/ /chung du ni rdzas chung ba'i phyir ro/ /nyung ngu ni grangs nyung ba'i phyir ro/ /mang po ni rdzas dang grangs mang pa'i phyir ro/ /gzungs don bstan pa yin mod kyi/ /'on kyang spyir yang bstan pa mdzad/ /byas zos la sogs gzhan du yang/ /bya ba'i phyir ni gsungs pa yin/ /gzungs kyi don bstan pa'i skabs yin mod kyi/ spyir bstan te/ gsungs pa'i
- 69a
byas pa gzo ba la sogs pa gang yin pa de ni gzhan du yang bya dgos pa'i phyir/ don de bstan pa'i tha tshig go /bshad pa'i tshe phan yon bsnyad pa ni/ rnam pa gnyis te/ phyir mi ldog pa'i sa 'thob pa dang/ bla na med pa'i byang chub tu sems bskyed pa'o/ /de yang 'dir ni gtso bor thob pa yis/ /'bras bu gnyis su bstan pa yin/ /ji lta zhe na/ smras pa/ mtho ris la sogs 'bras bu ni/ gzhan bstan pa las rtogs par 'gyur/ /bcom ldan 'das kyis bstan pa ni thams cad kyang lha dang mi la sogs par skye ba dang/ rgyal srid la sogs pa dang/ mi 'bral par 'phen pa yin no/ /'bras bu 'di gnyis gtso bor bstan pa yang byang chub chen por nges par 'gyur ba'i rgyu yin pa'i phyir dang/ gzhir gyur pa'i phyir ro/ /phyir mi ldog pa'i sa thob pa ni/ byang chub sems dpa' rnams kho na yin pa'i phyir/ snga ma'i skabs su byang chub sems dpa' smos so/ /bla na med pa yang dag par rdzogs pa'i byang chub tu sems bskyed pa ni byang chub sems dpa' ma yin pa kho na dag byed pa yin pas na/ /phyi ma'i skabs su ni byang chub sems dpa' ma smos so/ /da ni ming zhus pa brjod par bya ste/ bdag dang gzhan don rim bzhin du/ zhus pa dang ni dgos pa bstan/ /yang na don ni che? phyir/ /tshig gnyis kyis ni bzlas de zhus/ /'di'i ming ci lags zhes bya bas ni ming zhus pa bstan to/ /ming zhus pa dgos pa med du dogs pa la/ 'di ji ltar bzung bar bgyi zhes bya bas dgos pa bstan te/ tha snyad gdags pa'i dus na 'di ji ltar gzung bar bgyi zhes bya ba'i tha tshig go /des na phyis tha snyad gdags pa'i bya ba zhus pa'i dgos pa yin par bstan pa yin no/ /yang na 'di'i ming ci lags zhes bya ba ni bdag go don du zhu ba'o/ /'di ji ltar gzung bar bgyi zhes bya ba ni gzhan gyi
- 69b
don du zhu ba ste/ de dag kyang tha snyad gdags par bya ba'i phyir/ chos kyi rnam grangs kyi ming thos par 'dod na/ chos kyi rnam grangs 'di gzhan dag 'dzin na/ ji ltar 'dzin du gzhug par bgyi zhes bya ba'i tha tshig go /yang na chos kyi rnam grangs 'di don che ba'i phyir/ dad pas 'dun par byas pa'i sems kyis yang dang yang du ming zhu bar byed do/ /yang zhes bya ba ni ma smos pa bsdu ba'i don te/ de bas ni tshig gnyis kyis bdag nyid kyis ming thos par 'dod pa bstan te/ 'di ltar spyir zhus mod kyi/ 'on kyang bdag nyid la bsdu ba'i phyir/ 'di ji ltar gzung bar bgyi zhes smos so/ /da ni ming 'dogs pa bstan/ 'di ni go rims kho na bzhin/ /rgyu dang 'bras bu'i dngos po yis/ /ming ni rnam pa bzhir mdzad de/ /de phyir mi nyung lhag pa med/ /ming rnams pa bzhi po 'di ni chos kyi rnam grangs 'di'i rgyud pa'i 'bras bur 'gyur ba gang yin pa de'i rgyu dang 'bras bu'i dngos por 'dug pa'i phyir te/ sa dang pha rol tu phyin pa dang/ ting nge 'dzin dang/ rnam par thar pa dang/ mngon par shes pa la sogs pa'i yon tan rnams sgo mdza' yas pas bsgrub pa'i phyir na/ chos kyi rnam grangs 'di'i ming sgo mdza' yas pas bsgrub pa zhes bya'o/ /gang gi phyir 'di'i ming sgo mdza' yas pas bsgrub pa zhes bya ba de'i phyir/ 'di'i ming byang chub sems dpa' gcig tu nges par mngon par 'phags par byed pa zhes bya bar yang zung cig /ces gsungs te/ gang gi phyir rgyu de lta bu las 'bras bu de lta bu nges par 'byung ba'i phyir ro/ /gcig tu nges par zhes bya ba ni ldan pa'i don te/ 'di las byang chub sems dpa' gcig tu nges par mngon par 'phags par 'gyur ro zhes bsdu bar bya'o/ /mngon du phyogs pas gong nas gong du khyad par 'thob pa'i phyir 'phags pa ni mngon par byed pa'o/ /gang gi phyir 'di'i ming byang chub sems dpa' thams cad gcig tu nges par mngon par 'phags par byed pa
- 70a
zhes bya ba de'i phyir/ 'di'i ming bdud thams cad rnam par 'jig par byed pa zhes bya bar yang zung zhig ces gsungs te/ 'bras bu ni rgyu dang 'dra ba'i phyir ro/ bdud smos pas ni nyon mongs pa dang/ /lha'i bu'i bdud bsdus te/ 'dis bdud thams cad rnam par 'jig par byed pa'i phyir zhes tshig sbyar bar bya'o/ /gang gi phyir 'di'i ming bdud thams cad rnam par 'jig par zhes bya ba'i phyir/ gcig tu nges par rnam pa thams cad mkhyen pa nyid thob par byed pa zhes bya bar yang zung zhig ces gsungs te/ de gcig tu yang nges pa yin la/ thams cad mkhyen pa nyid thob par byed pa yang yin no zhes tshig sbyar bar bya'o/ /yang na 'bru mang po ma yin par sbyar ro/ /gang gi phyir da lta yin pa de'i phyir 'bras bu gzhan yod pas na ming nyung ba yang ma yin la/ de yan chad 'bras bu med pa'i phyir lhag pa med do/ /lugs 'byung lugs 'byung ma yin las/ /sgrub dang bsgrub bya'i dngos po yis/ /ming ni rnam pa bzhir mdzad de/ de phyir mi nyung lhag pa med/ /yang na lus su byung ba'i tshul gyis snga ma snga ma ni rgyu yin la/ phyi ma phyi ma ni bsgrub par bya ba yin pa'i phyir/ ming rnam pa bzhir mdzad do/ lugs su 'byung ba ma yin pa ni phyi ma phyi ma ni rgyu yin la/ /snga ma snga ma ni bsgrub par bya ba yin pa'i phyir/ ming rnam pa bzhir mdzad de/ bltos dang bcas pa'i phyir/ nyung ba yang ma yin la/ sgrub pa po'i bltos pa med pas/ ming gzhan byar med pa'i phyir/ lhag par yang ma mdzad do/ bshad pa 'di'i skabs su bdud smos pas ni/ bdud thams cad bsdu'o/ /yang na yon tan thams cad dang/ /ye shes phun sum spong phun sum/ /khyad par 'bogs pa phun sum gyi/ /rten ni de nyid yin phyir ro/ /yang na chos kyi rnam grangs 'di ni/ phun sum tshogs pa rnam pa bzhi'i rten yin te/ de'i phyir ming rnam pa bzhir
- 70b
mdzad do/ /phun sum tshogs pa rnam pa bzhi ni/ yon tan thams cad phun sum tshogs pa dang/ ye shes phun sum tshogs pa dang/ spong ba phun sum tshogs pa dang/ khyad par 'bogs pa phun sum tshogs pa ste/ khyad par 'bogs pa phun sum tshogs pa zhes bya ba ni gong nas gong du zhes bya ba/ bar gyi tshig mi mngon par byas nas bstan pa yin no/ /ye shes phun sum tshogs pa la sogs pa ni yon tan thams cad phun sum tshogs pa'i khongs su yang 'dus mod kyi/ /gtso bor bstan pa'i phyir logs shig tu bstan to/ /phun sum tshogs pa ni gud na ci yang med pa'i phyir/ ming rnam pa bzhir mdzad de/ lhag pa yang med la nyung ba yang mi rung ngo/ /spong ba ni bdud thams cad 'jig pa ste/ de yang lha'i bu la sogs pa ni zil gyis gnon ba'o/ /'dod chags la sogs pa ni bag chags dang bcas par rtsa nas 'dod pa'o/ /sngar ni gzungs kyi ming du bstan par mdzad la/ da ni chos kyi rnam grangs kyi ming du bstan pas na zlos bur 'gyur bar dogs par mi bya'o/ /da ni yi rangs pa bstan te/ thub pa'i gsung la 'jig rten gyis/ /don chen skyes pa mthong gyur nas/ /sems ni rangs par gyur pa'i phyir/ /khams rnams mngon par bstod par byed/ /thub pa'i gzung la rkyen rkyen du/ /khyad par thob par gyur nas ni/ /yid kyang dga' bar gyur pa'i phyir/ /mkhas pa kha cig mngon par bstod/ /bcom ldan 'das kyis 'di bstan pas lha dang mi rnams kyi 'khor los bsgyur ba'i rgyal srid la sogs pa dang/ bla na med pa'i byang chub tu sems bskyed pa dang/ phyir mi ldog pa'i sa dang/ pha rol tu phyin pa yongs su rdzogs pa dang/ ting nge 'dzin pa dang/ rnam par thar ba dang/ mngon par shes pa dang/ gzungs dang gzungs kyi sgo dang/ so so yang dag par rig pa thob pa la sogs pa skal pa ji lta bu bzhin du/ dngos po brgyud pa'i sgo
- 71a
nas 'jig rten gyi don chen po skyes pa mthong nas thub pa'i dbang pos gsungs pa la/ shA ri bu la sogs pa mkhas pa rnams yid yang dag par dga' bar gyur nas/ bstan pa de nyid kyi mdo la mngon par bstod do/ /bcom ldan 'das kyis bstan pa 'di lta bur shin tu rmad du byung ba gang gis lhag pa med pa'i don 'di lta bu 'jig rten ma lus pa'i don byed la/ bstan pa des kyang de nyid kyi mdo la/ mkhas pa kha cig rgyu ji lta ba bzhin du byang chub tu sems bskyed pa dang/ rab tu dga' ba la sogs pa'i sa thob pa'i khyad par so so rang gis rig par byed pa na/ yid yang dag par dga' nas mngon par bstod do/ /kha cig ces smos pa ni/ don yod mthong ba la sogs pa byang chub sems dpa' chen po rnams la de med pa'i phyir ro/ /gal te bdag gis kyang lhag pa 'ga' zhig thob par gyur na ni/ phyir mi ldog pa'i sa thob pa bzhin du/ khyad par du 'phags pa'i phyir/ de yang bstan par 'gyur ba zhig na/ ma bstan pas de'i phyir/ chogs yongs su rdzogs pa de dag gis ni lhag pa 'ga' yang thob pa med de/ 'on kyang de dag der 'dus pa yang don med par mi 'gyur la/ bcom ldan 'das kyi chos bstan pa yang don med par mi 'gyur te/ sa yongs su rdzogs par bya ba la sogs pa'i yon tan rnams brgyud pa'i tshul gyis yod pa'i phyir ro/ /'phags pa shA ra'i bu la sogs pa dag gi nang dang ni skal pa ji lta ba bzhin du/ /kha cig gis ni phyir mi ldog pa'i sa thob la/ kha cig gis ni byang chub tu sems bskyed de/ de dag ni byang chub chen po'i rigs dang ldan pa nyid yin pa las ji zhig ltar nyan thos kyi byang chub la zhugs nas nyon mongs pa spangs pa byas par zad do/ /byang chub chen po'i rigs de nyid la brten nas de dag thams cad bcom ldan 'das kyis/ 'phags
- 71b
pa dam pa'i chos pad ma dkar po'i mdo las lung bstan te/ chos bcu pa'i mdo las kyang/ de bzhin du dgongs pa bshad pa'i phyir ro/ /tshong dpon gyi dpe la sogs pa rnams kyang byang chub chen po'i rigs dang ldan pa de dag nyid kyi dbang du byas pa khong du chud par bya'o/ /nyon mongs pa'i bud shing thams cad ma lus par bsregs pa'i rgyu can nyan thos rnams/ ji ltar byang chub chen po'i tshogs yongs su rdzogs par byed par 'gyur snyam du yang yid la mi bya ste/ de'i don ni mdo gzhan las rnam par phye ba'i phyir ro/ /'dir ni gtam de shin tu rgyas pa dang ldan pa yin pas yi ge mangs su dogs pa'i phyir ma bshad do/ /tshe dang ldan pa shA ri bu yi rangs te/ bcom ldan 'das kyis gsungs pa la mngon par bstod do zhes bya bar sbyar te/ nyan thos chen po la sogs pa'i tshogs rnams dang/ de bzhin du so sor tshig gi don bstan pa'i lugs dang sbyar bar bya'o/ /gsal shing dri med yon tan ldan pa shin tu rab tu gting dpag dka' bas nyams dga' gzungs sngags 'di/ /bdag 'dra nyon mongs shin tu blo zhan bzhin du bdag gis che long che long rnam par phye ba yi/ /bsod nams phung po skye bo phal chen rnams la skye ba'i mthu can thob pa gang yin pa/ /de dag thams cad kyis na 'gro ba 'di dag kun gyi ye shes snying po rtag tu 'char bar shog/ // 'phags pa sgo mdza' yas pas bsgrub pa'i gzungs rgya cher 'grel pa/ /slob dpon ye shes snying pos mdzad pa rdzogs so// //rgya gar gyi mkhan po pradz+nyA barma dang zhu chen gyi lo tsa ba bande ye shes sde la sogs pas bsgyur cing zhus te gtan la phab pa'o// (//chos spyod thams cad kyi man ngag mngon par rtogs pa'i rnam bshad gzi brjid snang ba zhes bya ba bzhugs so//) //rgya gar skad du/ sarba d+harma tsarya u pa de sha a b+hi sa ma yA tan+t+ra byA khyA te dzA A lo ka nA ma/ bod skad du/ chos spyod
- 72a
thams cad kyi man ngag mngon par rtogs pa'i rgyud kyi rnam par bshad pa gzi brjid snang ba zhes bya ba 'phags pa phyag na rdo rje la phyag 'tshal lo/ /bcu gcig sa la rab gnas mngon rdzogs thams cad mkhyen/ /bdud rtsi rgya mtshos 'khor ba'i dug sel thar pa chen po'i lam/ /rnam dag byang chub sems chus khrus byas bslab pa'i gos gtsang gyon/ /'gro ba byang chub lam la 'god mdzad gsum la phyag 'tshal nas/ /chos rnams kun gyi man ngag zab mo mngon par rtogs pa yi/ /'grel 'di 'gro la phan phyir rgyas bshad bya/ /bde bar gshegs pas gsungs pa yi/ /chos 'di 'gro ba kun gyi dpal/ /'di rgyan me tog rab bkod pa'i/ /gleng gzhi sdom dang yan lag bcas/ /man ngag pha rol phyin drug ldan/ / de 'bras gdams ngag bstan pa'o/ /de bdun gzi brjid snang ba yis/ /skyon bral bzang por nges par bshad/ /de la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas 'gro ba sems can thams cad myur bar rdzogs par sangs rgyas par mdzad pa'i phyir/ chos thams cad las khyad par du 'phags pa'i man ngag 'di gsungs te/ nges pa'i don 'ba' zhig las ma gtogs pa drang ba'i tshig gcig kyang med pa'i phyir ro/ /dus tha ma'i sems can la bla mas slob ma la man ngag byin pa bzhin du man ngag yang dag par gnang ba yin te/ rgyud bzhi las yang brgyud pa'i phyir ro/ /de la rgyud bzhi zhes bya ba ni/ bcom ldan 'das la 'jam dpal gyis zhus te/ 'jam dpal la bcom ldan 'das kyis yang dag par gtad pa dang/ 'jam dpal gyis gsang ba'i bdag po lag na rdo rje la yongs su gtang ba dang/ gsang ba'i bdag po lag na rdo rje man ngag bdud rtsi 'khor lor yang dag par bsdus pa dang/ de dag gi don bdag
- 72b
gis u pa la brtsegs pa'i gtsug lag khang du gzi brjid snang ba 'di yang dag par bkrol ba na rgyud bzhi zhes bya'o/ /de la 'di yang dag par ston pa ni bde bar gshegs pa'i bstan pa 'dzin pa yin te/ lha dang mi la sogs pa thams cad kyis bkur par 'os pa'o/ /gang yongs su ston pa 'am/ 'di thog mar spel ba'i gang zag de ni phyag na rdo rje dang/ phyogs bcu'i sangs rgyas thams cad kyis byin gyis brlabs pa las byung ba'o/ /'di ston la sogs pa ni bla ma dam pa de/ de la srog la sogs pas kyang mchod pa byas pa yin/ rdzas la sogs pa ni smos mi dgos par yongs su mchod pa'o/ /'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri lha ma yin gyi brag phug na bzhugs te/ zhes bya ba la sogs pa 'jam dpal gyis bcom ldan 'das kyis gsungs pa'i skad cig de nyid la thos pa na dus gcig na'o/ /des gang la gsungs she na/ gsang ba'i bdag po la sogs pa la lan gnyis pa'i brda' nye bar sbyar ba'o/ /bya rgod phung po ni bya rgod la sogs pa 'dus pa ni ma yin te/ ri de nyid kyi dbyibs bya rgod dpungs pa 'dra bas na bya rgod phung po'o/ /rgyal po'i khab ni rgyal po gsal rgyal la sogs pa'i khab yin pa'i phyir ro/ /lha ma yin ni lha ma yin pa'i phyir ro/ /lha ma yin gyi brag phug ni bya rgod dpungs pa'i ri'i byang shar gyi mtshams na/ zab mo'i chos gsungs pa'i gnas rin po che'i gter mngon par snang ba zhig yod de/ de na yang dag par bzhugs pa'o/ /de na sa bcu la gnas pa'i byang chub sems dpa' la sogs pa thams cad dang thabs cig ste/ de'i tshe bcom ldan 'das me long gi 'khor lo zhes bya ba'i ting nge 'dzin la snyoms par bzhugs so zhes bya ba la/ dper na me long gi g.ya' phyis pa'i nang du phyi rol gyi gzugs brnyan sna tshogs snang ba bzhin du/ /ting nge 'dzin de'i byin
- 73a
brlabs kyis/ /'gro ba rnams kyi sems kyi dri ma yang dag par bsal nas chos nyid mngon par mthong bar byed pa'i chos ston pas me long gi sgra'o/ /'khor lo zhes bya ba ni lte ba dang rtsibs dang mu khyud du bcas pa la 'khor lo yin te/ de dang mtshungs par bcom ldan 'das kyis man ngag 'di dang po byang chub sems bskyed pa dang dri ma la sogs pa'i chos brgyad dang/ mdza' ru bsgom pa'i chos spyod thams cad kyi mdza' ru thug pa mu khyud kyi tshul du gsungs te/ de bas na me long dang 'khor lo gnyis dang chos 'thun pa'i phyir ting nge 'dzin de la me long gi 'khor lo zhes bya'o/ /snyoms par zhugs pa ni ting nge 'dzin de lta bu la bcom ldan 'das kyis thugs mnyam par bzhag pa la bya ste/ dper na mi gang zhig pha rol gyi nor brku ba'i bsam pa dang ldan pa la/ rkun po la zhugs pa zhes bya ba dang 'dra bar/ rgyu'i byed pa las 'bras bu kun nas slong ba'i sgra'o/ /ting nge 'dzin de la snyoms par zhugs ma thag tu/ sa chen po rab tu g.yos par gyur to/ /nam mkha' las kyang 'brug gi sgra dang/ pi wang dang/ rol mo'i sgra sna tshogs dang/ dri'i thig le dang/ spos kyi ngang dang/ me tog gi char rab tu 'bab pa dang/ pad+ma 'dab ma stong dang ldan pas nam mkha' i khams rab tu gang ste/ pad+ma de re re'i steng nang 'od kyi gong bu sna tshogs pa mngon par rab tu 'bar ba dang/ gzhan yang ngo mtshar can gyi chos sna tshogs pa mang po dag kyang snang bar gyur te zhes bya ba la/ ci'i phyir de yang dag par 'byung zhe na/ bcom ldan 'das kyis 'jam dpal gzhon nur gyur pa la bka' stsal pa/ 'jam dpal ring chos spyod thams cad kyi man ngag mngon par rtogs pa zhes bya ba'i chos zab mo ston par gyur pa de'i rgyu de'i rkyen las yang dag par byung ba'i zhes sbyar te/ ting nge 'dzin de'i stobs las byung ba ni bdag pa'i stobs spyi'i
- 73b
'jam dpal gyi rtogs pa bsams pa'o/ /yan lag gi don bshad pa 'di lta ste/ sa rab tu g.yos pa ni zab mo'i chos man ngag 'di las sems can rnams kyis yang dag par spyod pas/ sems can de dag thams cad sa mngon par thob pa dang/ sa nas ser 'phel bar 'gyur ba las rab tu g.yo ba yin pas na/ 'bras bu'i rtags rgyu la nye bar mtshan pa 'am/ 'byung ba yin te dper na me tog pa sha ka'i dri mnab pa bzhin no/ /nam mkha' las 'brug gi sgra grags ni/ byang chub sems dpa' rnams sgrib pa rnam pa gnyis rims kyis rnam par byang ba las/ ye shes kyi snang ba byang chub kyi sems 'od zer zhun mar la phog pa 'dra ba skyes te/ de'i skad cig las nam mkha' las 'brug gi sgra grag pa nyid kho na'o/ /pi wang dang rol mo'i sgra sna tshogs pa dang/ dri'i thig le dang/ spos kyi ngad dang/ me tog gi char rab tu 'bab pa ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rdo rje'i gdan la mngon par rdzogs par sangs rgyas pa'i gnas skabs na dpal du mngon par grub pa'o/ /de la dpal ni sh+rI ste/ sbyor ba gnyis dang ldan pa'o/ /de la spangs pa ni skad cig ma de nyid la nyon mongs pa thams cad ma lus par spangs pa dang/ bdud bzhi yang dag par bcom pa la bya ste rkyen tha ma la sbyar bar bya'o// 'byor pa ni de'i skad cig ma la rnam par rgyal ba zhes kyang bya ste/ rang 'byung ba dang lha la sogs pa rnams kyis mchod pa'i tshogs kyis mngon par mchod par 'gyur ba ste/ dper na skyas bu dpa' bo zhig pha rol gyi dmag tshogs las rgyal te/ phyir khyim du rol mo'i tshogs kyis bskor nas 'ong ba bzhin te/ rkyen bar ma la yang dag par sbyar ro/ /ldan pa ni dang po'i rkyen gyis de gnyis ka dang yang dag par ldan pa ste/ dper na skyes bu dpa' bo ni yid bde ba dang/ mi bde ba
- 74a
gnyis dang ldan pa bzhin no/ /de yang kha cig gi bsam pas ci de bcom ldan 'das la yang bde ba dang mi bde ba mnga' 'am zhes rtogs te/ de ni byis pa'i rtog pa cher snang pa yin pas na skyes bu'i bde ba dang mi bde ba nyams su myong ba lta bu ni bcom ldan 'das la yang dag par mi mnga' o/ /pad+ma 'dab ma stong dang ldan pas nam mkha' i khams rab tu gang ste/ pad+ma re re'i steng na 'od kyi gong bu sna tshogs pa mngon par 'bar ba dang zhes bya ba ni rgyud de las de bzhin gshegs pa rigs lnga'i bdag nyid can pad+ma'i gdan la zhugs par mngon par grub pa'i rtags mtshon pa'o/ /de 'od kyi gong bu ni bde bar gshegs pa'i rtag de pad+ma'i gdan dngos su bstan pa'o/ /sna tshogs pa ni rigs lnga'i bye brag go /'bar ba ni bde bar gshegs pa'i 'od zer gyis 'gro ba'i don byed pa'o/ /gzhan yang ngo mtshar can gyi chos sna tshogs pa mang po dag kyang snang bar gyur pa ni glog dang/ gang mo'i sgra dang/ kha dog lnga'i 'ja' tshon snang ba dang/ kye ma a la la 'khor ba stongs par gyur to zhes bya ba la sogs pa 'byung ste/ glog ni ting nge 'dzin de la ye shes kyi snang ba 'byung ba'o/ /gang mo'i sgra ni phyogs bcu dus gsum gyi bde bar gshegs pa rnams kyis thabs 'di la rten te sems can ma lus pa thams cad mngon par rdzogs par 'tshang rgya ba la gzigs nas de la mngon par dgyes pa'o/ /kha dog lnga'i 'ja' tshon ni bde bar gshegs pa rnams kyi 'od kyi snang ba'o/ /kye ma a la la 'khor ba stongs par 'gyur ro zhes bya ba'i sgra ni gang dang gang mngon par rdzogs par 'tshang rgya bar 'gyur ba de dang de nyid kyi 'khor ba'i rgyun stongs par 'gyur ba la dgongs pa te/ nges par shes par bya'o/ /de nas bcom ldan 'das kyis 'khor 'das pa de'i nang nas zhes bya ba nas/ /'di skad ces gsol to zhes
- 74b
bya ba'i bar ni/ bcom ldan 'das kyis yang dag par byin gyis brlabs te/ 'jam dpal la don gyi 'dib mngon par bskul bar shes par bya'o/ /lhag ma ni gong du bstan te 'dir ma bshad do/ /'jam dpal gyis gsol pa/ bcom ldan 'das chos spyod thams cad kyi man ngag mngon par rtogs pa zhes bgyi ba'i zab mo'i chos de ji lta bu zhig lags/ /de bdag dang sems can thams cad la phan pa'i phyir bshad du gsol zhes bya ba ni 'di nyid kyis byin gyis brlabs las lan gnyis pa'i sgras ched du gsol ba btab ste/ dang po'i gleng gzhi'o/ /lan gyi glang gzhi ni/ bcom ldan 'das kyis bka' stsal pa/ 'jam dpal de'i dus la 'bab par shes na legs par nyon la yid la zung zhig dang/ das khyod la bshad do zhes bya ste/ bcom ldan 'das nyid kyis bshad pa'i skabs sam/ dus la bab par khyod kyis mnyan pa'i skabs la bab pas na/ dri ma can gyi sems yang dag par spangs te 'gro ba la phan par bshad pa'i phyir yid la zung zhig pa'o/ /de yang kha cig gi bsam pas 'jam dpal kho na la 'am zhe na/ ma yin te/ khyod ces bya ba ni sems can thams cad la 'jug pa'i sgra'o/ /ci mngon zhe na/ ngas khyod la bshad do zhes bya bas mngon te/ bcom ldan 'das kyis sems can thams cad myur bar 'tshang rgya ba'i phyir 'jam dpal kho na la yin pa bsal to/ /'jam dpal sa la gnas pa'i byang chub sems dpa' rnams kyis/ /zab mo'i chos man ngag mngon par rtogs pa 'di la brten nas sa mngon par thob pa yin no zhes bya ba ni sa bcu la gnas pa'i byang chub sems dpa' rnams man ngag 'di dang yang dag par ldan pas dang ba la sogs pa thob pa ni dgongs pa ma yin pa'o/ /man ngag 'di la yongs su spyad pas da ltar yang thob pa dang 'di la brten nas mngon par spyad pas phyi mar yang thob par
- 75a
'gyur ba yang dgongs pa ma yin pa'o/ /de'i rkyen gyis lhag ma ni go sla ba'i phyir ma bshad do/ /nges pa'i don kho na'o/ /'jam dpal zab mo'i chos man ngag mngon par rtogs pa 'di ni sde snod thams cad kyi snying po ste rgyu'i theg pa dang/ 'bras bu'i theg pa mdza' dag gi bcud lta bu yin no zhes bya ba la/ sde snod ni rnam pa gsum mo/ /thams cad ni ma lus pas te/ de dag gi snying po yin pa'i phyir ro/ /snying po ni don gi snying po bsgrub bya ste/ gnyis su med pa'i ye shes so/ /ye shes de 'di la yang dag par gnas pa'i phyir snying po yin pa'o/ /rgyu'i theg pa ni nyan thos kyi theg pa la sogs pa'o/ /'bras bu'i theg pa ni theg pa chen po gsang sngags kyi theg pa ste/ de dag gi bcud lta bu yin no/ /de yang ci'i phyir rdo rje theg pa la 'bras bu zhes gdags she na/ zab mo'i don yang dag par ston cing 'bras bu nye bar 'thob pa la dgongs te/ dper na gri rnon po dang rtul po gnyi gas chod pa dang 'dra yang rnon pos chod bzhes btags pa bzhin no/ /de la bcud ces bya ba ni man ngag bsdus pa la bya ste/ dper na dang ba'i nang nas mar bsdus pa bzhin no/ /'jam dpal zab mo'i chos man ngag mngon par rtogs pa 'di la brten nas sngon 'das pa'i dus na lha'i bu mo nor bu bshes gnyen zhes bya ba gcig gis mngon par rdzogs par sangs rgyas par gyur to zhes bya ba la/ lha'i bu mo de man ngag 'di dang skad cig kyang ma bral bar zab mo'i chos la longs spyad pas skye ba gcig gis sangs rgyas pa ni dgongs pa ma yin te/ nges pa'i don kho na'o/ /de lta na zhes bya ba nas mngon par sangs rgyas par 'gyur ro zhes bya ba'i bar du ni de de bzhin te/ dgongs pa ma yin zhing nges pas na go sla ba'i phyir 'dir ma bshad do/ /'jam dpal 'dul ba'i sde snod ni
- 75b
pa lta bu'o/ /mdo sde'i sde snod ni 'o ma lta bu'o/ /phyi'i mngon pa'i sde snod ni zho lta bu'o/ /nang gi mngon pa'i sde snod ni mar lta bu'o/ /zab mo'i chos man ngag mngon par rtogs pa 'di ni mar gyi snying khu lta bu'o zhes bya ba la sogs pa rims par 'jug pas na/ zab mo'i chos 'di snying po las kyang ches snying po yin par gsungs te/ de yang 'dul ba ni rigs pa'i dngos po cher snang bas 'gro ba 'dul ba yin te/ khrus dang gtsang sbra dang/ dka' ba sna tshogs pa mang po dang/ 'jig rten pa dang mthun pa'i drang srong gi chos kyis yang dag par spyod pas na/ dang po'i gzhi yin pa'i phyir blta bur gsungs te/ lus la mngon par spyod pa'o/ /de la yang dag par gyur pa las phyis mdo sde snod du zhugs te/ de bas zab mo'i chos yang dag par ston pa dang/ gang la mngon par spyod pas 'gro ba 'dul ba ste/ bslab pa'i gzhil snying po la mngon par phyogs pa'i phyir 'o ma lta bur gsungs so/ /phyi'i mngon pa'i sde snod ni zho lta bu zhes bya ba ni shes rab kyi pha rol tu phyin pa kho na te/ zab mo'i chos rgya chen por mngon par rtogs pa'i bdag nyid yin yang gsal bar ma bshad cing/ dbyings bsgrib pas phyi ru gsungs te/ 'o ma las gyur pas mar nye bar 'od ba'i rgyu zho lta bur gsungs so/ /de yang dper na 'o ma las zho 'gyur ba bzhin du mdo sde las shes rab kyi pha rol tu tu phyin pa la 'jug go /de nyid nang du yang dag par gsungs shing dbyings rab tu gsal bas sems kyi spyod yul thams cad du spyod pa'i phyir/ gsang sngags la nang gi mngon par zhes bya bar gsungs te/ mar lta bu'o/ / zab mo'i chos man ngag mngon par rtogs par ni mar gyi snying khu lta bu ste/ de la mar gyi snying zhu zhes bya ba ni chu bre bzhi'i nang du mar bre gang blugs nas chu bre bzhi ma skams kyi bar du bsdus pa la mar gyi snying khu zhes bya ste/ chu bre bzhi spangs pa la bya'o/ /de bzhin zab mo'i chos
- 76a
kyang sde snod bzhi la brten nas sdo snod bzhi yang dag par gsungs te/ 'di nyid la mngon par spyod pa'i phyir na mar gyi snying khur gsungs pas te/ rim par 'jug pa'i dpe'o/ /de nas yang bcom ldan 'das kyis mdo sde rin po che brtsegs pa las 'di skad gsungs te/ dper na byis pa gzhon nu la/ nu zho phye ma zan dron sha /tshog bu'i rim pas bslabs nas ni/ phyi nas sran ma 'bras chan sogs/ /mang pos zos kyang stobs 'phel 'gyur/ /de bzhin nga yi sras rnams kyang/ /mdo sde 'dul ba mngon pa sogs/ /rim pa'i rjes las man ngag 'di/ /rtogs pa kun mkhyen yongs su 'grub/ ces gsungs te/ sde snod rnam pa gsum yang rtogs pa'i bdag nyid 'di la 'jug pa'i yan lag tu gsungs pa kho na'o/ /de yang pa ni bcud kyi gzhi 'dzin pa'o/ /'o ma ni bcud pa'o/ /zho ni rab tu bcud pa'o/ /mar ni yang dag par bcud pa'o/ /zab mo'i chos man ngag mngon par rtogs pa 'di ni bcud nye bar phan par byed pa'o zhes bya ba 'di ni snying po las kyang snying po'i dper na gsungs te/ ba bcud kyi rten yin pa dang/ de la 'o ma bcur phyir 'byung ba dang/ zho bcud du bsgyur ba dang/ mar bcud dngos su byas pa dang/ bcud de mi la phan par yang dag par btang ba bzhin du 'dul ba'i sde snod ni gnyis su med pa'i ye shes la 'jug pa'i rten du gyur pa dang/ mdo sde'i snod ni ye shes la nye ba'o/ /phyi'i mngon pa'i sde snod ni de bas nye ba'o/ /zab mo'i chos man ngag mngon par rtogs pa 'di ni ye shes la reg par gyur pas na nye bar phan pa zhes gsungs pa'o/ /'jam dpal zhes bya ba nas/ byang chub myur ba thob pa'i phyir ro zhes bya ba'i bar du ni go sla bas 'dir ma bshad do/ /de'i mthar spyi'i sdom bshad par bya ste/ de nas
- 76b
bcom ldan 'das kyis chos spyod thams cad kyi man ngag mngon par rtogs pa zab mo'i chos tshigs su bcad de bka' stsal pa zhes bya ba'o/ /de la a tha'i sgras ni bkra shis pa la sogs pa mang po la 'jug na yang skabs 'dir don dam pa gnyis su go bar bya ste/ gzhan gyi tshig gi don du gnyer bar 'byung ba'i mtshams sbyor ba dang/ med pa'i sgras nyon mongs pa spong ba'i sgra'o/ /gzhon nu nga la legs par nyon/ /nga yi bstan la zhugs rnams la/ /man ngag 'di ni rab tu gces de la man ngag 'di yin te zhes bya ba la/ gzhon nu zhes bya ba'i sgras ni byis pa la yongs su 'jug ste/ yang dag pa'i don la shed ma bye ba'i byis pa sems can thams cad la'o/ /nga la legs par nyon zhes bya ba ni brtan bar zung zhig pa'o/ /nga'i bstan la zhugs rnams la zhes bya ba ni bde bar gshegs pa'i bstan pa lam dad pa 'am/ log par zhen pa de las phyi rol tu gyur pa rnams bsal te/ rab tu gces pa zhes bya ba ni yang dag par snying po 'dod pa rnams la med du mi rungs par bstan to/ /de la zhes bya ba ni mang po la 'jug na yang skabs 'dir ni gnyis su go bar bya ste/ dug rnams bsreg pa dang/ dmigs nye bar ston pa'i sgra'o/ /'di yin te zhes bya ba ni de dngos bstan pa'o/ /man dag ces bya ba ni phan pa dang nye bar ston pa dang stobs dang don grub pa'i phyir man ngag go /bzhi brtsom pa dang spel ba dang/ yang dag grub par nges bshad do/ /zhes bya ba ni spyir dam pa'i chos sbyong ba'i gang zag gis chos kyi bya ba dpag tu med pa gcig yod na yang/ bsdu na gsum du 'dus te/ de la gang rtsam pa zhes bya ba ni rten mi dmigs pa las rten yongs su 'cha' ba ste/ dper na longs spyod kyis rten khang pa la sogs pa lta bu'o/ /spel ba ni gnas la brten te
- 77a
longs spyod sogs shing rgyas par byed pa ste/ dper na rdzas kyi dngos po la sogs pa lta bu'o/ /bsgrub ces bya ba ni longs spyod te/ de dag dgos pa bdag dang gzhan la phan 'dogs shing bde ba bsgrub pa ste/ dper na rdzas longs spyod/ pa lta bu'o/ /de gsum ga yang rgyu dang lam dang 'bras bur shes par bya'o/ /'khor ba'i 'dam la rgal 'dod pas/ lus ngag yid kyi spyad par bya/ /kun kyang gsum du rab nges te zhes bya ba la/ bde bar gshegs pa'i bstan pa la yang dag par zhugs pa/ /nyon mongs pa'i nad kyis gzir ba/ 'khor bas yid 'byung zhing srid pa'i 'dam las rgal bar byed cing yang dag pa'i ye shes bsgrub par 'dod pa rnams kyis man ngag 'di dang ngag dang lus yid gsum gyis spyad par bya'o/ / kun kyang zhes bya ba ni spyi'i don rnam pa gsum las yan lag gi don rnam pa gsum gsum du bshad do/ /de la yan lag gi don ni 'di yin te/ 'dri dang nyan dang 'dzin pa la zhes bya ba ni dang po'i sdom gyi yan lag go /slob pa'i sgras ni spyi la khyab ces bya ba ni de gsum ka la yang gnyis su med pa'i ye shes tshol ba la dang por 'jug pa'i slob pa zhes sgras yang dag par 'jug pa'o/ /sbyin dang bshad dang sgrogs pa la zhes phya ba ni sdom pa gnyis pa'i yan lag go / rgyas byed sgras ni gsum la khyab ces bya ba ni/ spel ba dang gnyis don khyad med kyang sgra'i bye brag gis/ mang po'i chos rgyal par byed pa kho na'o/ /mchod dang bzlas dang bsgom pa la zhes bya ba ni sdom tha ma'i yan lag go /nye bar sbyor bar bshad pa yin zhes bya ba ni gnyis su med pa'i ye shes la nye bar ram/ reg par byed pas na nye bar sbyor zhes bshad pa'o/ /dang po'i sbyor ba la bzhi rtsom pa dang/ /zhes bshad pa nas/ gzhi'i dbye ba'i dmigs pa bstan pa'i phyir/
- 77b
'bras bu'i gzhi dang rgyu'i gzhi/ rtags kyi gzhi rungs bshad do zhes gsungs pa de yang gang zhe na snyam pa la/ sku gzugs ring srel sbyor la brtson/ /rtags dang 'bras bur brjod pa yin/ /rgyu'i gzhi ni gsum pa la/ /nges pa'i blo ni brtan par bya zhes gsungs te/ rtags ni 'gro ba yongs su 'dul ba la brtson pas/ sku mdog dang phyag mtshan dang dbyibs la sogs pa de bzhin gshegs pa la sogs pa'i sku'i gzugs brnyan du byas te/ bsod nams kyi tshogs bskyed pa'i rtags yang dag par bstan pa ste/ de la sbyor ba nyid do/ /'bras bu de bzhin gshegs pa'i sku la dran pa nye bar bzhag pa bzhi la sogs pa byang chub kyi phyogs kyi chos sum cu rtsa bdun yang dag par ldan te/ ring srel seng+ge'i khri dang/ bang rim bzhi dang/ bum pa dang/ rgyan yongs su rdzogs pa la byas te de la yongs su sbyor ba'o/ /rgyu'i gzhi ni gsum po zhes gsungs te/ 'dri ba la sogs pa'i sbyor ba'o/ /blo brtan bya ni rang gi rtog pa mi bslad pa'o/ /'di la lus ngag yid gsum gyis/ mnyam par bzhag na 'bras bu 'byung zhes bya ba ni 'di zhes bya ba'i sgra ni dngos po yang dag par ston pas te/ man ngag 'di la zhes bya ba'i don te/ lus ngag yid gsum gyis chos la spyod do cog la man ngag 'dis mnyam par bzhag na yang dag pa'i ye shes kyi 'brus bu mngon du 'byung bar gsungs so/ /de'i mthar ni 'dri ba'i yan lag bshad par bya ste/ byang bar bslabs dang ma 'brel gcig /dkar nag phye dang snyoms par drang/ /myur ba bdun dang ldan pa ni/ /'dri ba mkhas zhes brjod pa yin zhes bya ba la/ dang por byad bar bslabs pa dang/ ma 'brel zhes bya ba ni yi ge rnams kyi snag 'dabs ma 'byor ba'o/ /gcig zhes bya ba ni shes pa che long bas bltas na pir gyis bris pa ltar gcig par mngon pa'o/ /dkar nag
- 78a
phyed pa ni dkar dang nag tu mnyam pa'o/ /snyoms pa ni yi ge'i 'bru snyoms pa'o/ /drang zhes bya ba yan lag drang pa'o/ /myur ba ni 'dri ba mgyogs pa ste/ yan lag de bdun dang ldan pa la 'dri ba mkhas zhes bya ba ni 'dri ba tsam la sogs pa yongs su bkag pa'o/ /de la kha cig gis bsam pas ni de bcom ldan 'das 'dri ba la sogs pa mkhas pa rnams la gsungs kyi bri ba tsam la sogs pa la ma bstan nam zhe na/ de ni ma yin te/ man ngag 'di 'dri bo cog la sogs pa la gces par go mnyam pa'o/ /de bas na 'dri bo cog gi man ngag 'di yin no/ /de'i man ngag bshad par bya'o/ /dang por byang chub sems bskyed la/ /bdag nyid rgyal ba'i yul du bsgom/ /rig pa dang ni rkang par ldan/ /ngo bo gcig las byung ba yi/ /'bru rnams sprul ba skur bsams te/ /yid kyis 'gro ba'i don byed shog /ma yis bu la gsol skul btab/ ces bya ba la/ dad par byang chub sems bskyed pa ni 'dri ba la 'jug pa'i skabs su/ /bdag gis 'gro ba sems can thams cad myur bar mngon par rdzogs par 'tshang rgya bar bya ba'i dam pa'i chos kyi yi ge bri bar bya'o zhes bsam pa sngon du gtang ba'o/ /bdag nyid rgyal ba'i yum du bsgom zhes bya ba ni raM las nyi ma'i dkyil 'khor de'i steng du paM ser po bsams te/ de yongs su gyur pa las shes rab kyi pha rol tu phyin pa'i glegs baM/ de yongs su gyur pa las rgyal ba'i yum shes rab kyi pha rol tu phyin ma sku mdog gser lta bu/ phyag bzhi pa g.yas dang po'i rdo rje 'dzin pa/ g.yas tha ma skyabs mdzad kyi phyag rgya mdzad ma/ g.yon dang po shes rab kyi pha rol tu phyin pa'i po ti 'dzin pa/ g.yon tha ma thugs ka na chos 'chad pa'i phyag rgya can te/ bdag nyid skad cig la bsams la
- 78b
bri'o/ /rig pa ni smyu gu'o/ /rkang pa ni lag pa'o/ /ngo bo gcig pa ni smyu gu dang lag par sbyar ba'o/ /de las byung ba ni yi ge'i 'bru re re la sprul ba'i sku shAkya thub pa'i cha lugs can dpag tu med pa bsams pa ni rgyal ba'i yum las sras byung ba'i tshul du bsam pa'o/ /yid kyis 'gro ba'i don byed shog /ces pa ni/ bdag gis yi ge 'di yis 'gro ba'i don byed par gyur cig ces ma yis bu la gsol ba gdab pa kho na'o/ /de'i mthar pha rol tu phyin pa drug dang ldan par bstan pa ni 'di dag go /sbyin dang bus dang brtags pa dang/ /'grus dang ma yengs legs par 'dri/ /ma cig yan lag drug dang ldan zhes bya ba la/ sbyin pa ni snag tsha sbyin pa ste/ de'i skad cig ma la sbyin pa rdzogs pa'o/ /bus pa ni rdul bus pa ste/ dri ma rnam par dag pas byas pas de'i skad cig ma la tshul khrims rdzogs pa'o/ /brtags pas ni srog chags brtags pa ste/ 'dug na bsal ba ste/ mi 'dug na rtogs pa'i sngon du snying rje 'gro bas na de'i skad cig la bzod pa rdzogs pa'o/ /'grus pa ni 'dri ba la 'grus pa ste/ de'i skad cig la brtson 'grus rdzogs pa'o/ /ma yengs pa ni 'dri ba'i bar du gzhan la ma yengs pa ste/ de'i skad cig ma la bsam gtan rdzogs pa'o/ /legs par 'dri ba ni yi ge'i yan lag la sogs pa la dpyad cing 'dri pas na shes rab ste/ de'i skad cig la shes rab kyi pha rol tu phyin pa yongs su rdzogs pa'o/ /ma cig 'dri mkhan te/ dang por yum du bsgom pa'i phyir ro/ /de yang dngos po la pha rol tu phyin pa drug dang ldan yang de'i skad cig de dag la sbyin pa la sogs par ma bskyed na mi ldan pa nyid yin pas/ de dag gi skad cig de dag la 'di ni sbyin pa'o/ /'di'i skad cig ni tshul khrims so/ /'di'i skad cig bzod pa'o/ /'di'i skad cig ni brtson 'grus so/ /'di'i skad cig ni
- 79a
bsam gtan no/ /'di'i skad cig ni shes rab kyi pha rol tu phyin pa'o zhes yid kyis mnyam par bzhag pa bya'o/ /de ltar byas na de nyid pha rol tu phyin pa drug dang ldan pas na/ 'bras bu sngon du 'grub pa kho na'o/ /de'i mthar na de nyid kyis 'das pa'i 'bras bu gsungs te 'di dag go /de ltar de'i sbyor ba yis/ /sngon tshe 'das pa'i dus na ni/ /zhing pha'i bu ni pad+ma tog /yi ge mkhan du gyur pa'i tshe/ /skad cig de dang ma bral bas/ /nam zhig tshe yi dus byas te/ /grong khyer pa ni thams cad kyi/ /ma bsgribs bsel bar mthong bar ni/ /lha dang lha min thams cad kyis/ /mchod pa'i yo byad mang po yis/ /mngon par mchod nas nam mkha' la/ /spyan drangs mngon par sangs rgyas yin/ /zhes bya ba la/ dang por byang chub sems bskyed nas tha mar pha rol tu phyin pa drug dang ldan pa'i man ngag de'i sbyor ba yis/ /sngon 'das pa'i dus na zhing pa'i bu pad+ma'i tog ces bya ba zhig yi ge mkhan du gyur to/ /mi de yis yi ge 'dri ba'i skabs na skad cig ma gcig kyang man ngag de dang ma bral bar bzhag pa'i stobs kyis dus nam zhig na tshe'i dus byas pa las/ grong khyer thams cad kyis mi'i de'i ro yul na gnas par mthong ba la mi de'i gzugs brnyan lha dang mi la sogs pha rol mo'i sgra sna tshogs pa dang/ gdugs la sogs pa'i mchod pa'i yo byad mang pos nam mkha' la spyan drangs par mthong bar sangs rgyas zhes brjod do/ /de la sems can bsam pa chung pa kha cig ni 'das pa'i dus na bskal pa bzang po tsam na ni de'i sbyor bas sangs rgyas la/ /da ltar bdag cag dus kyi snyigs ma la bab pas/ de'i sbyor bas sems can dmyal ba las ma rtogs par 'tshang rgya bar mi 'gyur ro zhes sems pa smra ba yod de/ de ltar bsam pa 'am smra ba de ni bskal pa bzhi khri
- 79b
lnga stong gi bar du sems can dmyal ba chen por ltung bar 'gyur ro/ /'das pa'i dus na sangs rgyas pa dang da ltar 'tshang rgya ba dang/ ma 'ongs pa na 'tshang rgya bar nges pa ni gleng gzhi las yang dag par yid ches par bya'o/ /dam pa'i chos spyod do cog thams cad la skad cig ma cig kyang 'di dang ma bral bar mnyam par bzhag na ci'i phyir mngon par rdzogs par 'tshang mi rgya ste/ sangs rgyas pa nyid kho na'o/ /de ltar 'og ma'i 'bras bu bstan pa rnams la'ang de bzhin du go bar bya ste/ dgongs pa ma yin zhing nges pa kho na'o/ /de'i mthar nyan pa po'i yan lag bshad par bya ste/ nga rgyal spangs dang dad par ldan/ /bla ma la gus gtong ba phod/ /chog shes med cing don du gnyer/ /sdug bsngal dka' ba mang po spyod/ /de bdun ldan pa'i gang zag la/ /nyan par 'dod ces bya ba yin zhes bya ba la/ nga rgyal chung ba dang/ shin tu dad pa chen po dang ldan pa dang/ bla ma la yang dag par gus pa/ sbyin pa la sogs pa gtong ba phod pa dang/ chos nyan ba la chog shes mi 'dzin pa dang/ chos la ltad mo dang che grags kyi phyir ma yin zhing don du gnyer ba dang/ chos 'phags la rtag tu du lta bur sdug gi dka' ba mang pos dam pa'i chos tshol ba de ni yan lag bdun zhes bya'o/ /de dang ldan pa'i gang zag de la nyan bar 'dod ces bya ba yin/ grogs dga' ba dang/ tshul 'chos la sogs pa'i nyan pa tsam bkag pa'o/ /yan lag bdun dang ldan pa la ni bla mas dam pa'i chos rgyas bar bshad pa dang man ngag yang dag par sbyin pa'o/ /gal te bla ma ngan pa bdag gis yan lag bdun dang ldan pa'i nyan pa po dag chos 'dod pa la rnyed pa la sogs pa yongs su bsgrags saM/ /skad cig cig kyang de'i sems bzlog na mtshams med pa lnga byas pa bas sdig pa che bas nges par
- 80a
sems can dmyal ba chen por ltung bar ro/ /de'i mthar man ngag bshad de/ /dang por byang chub sems bskyed la/ rang nyid sgrol mar bsgom byas te/ /rna ba g.yas par pad+ma bsam/ /slob dpon 'jam dpal bsgom byas nas/ bla ma'i zhal gyi 'od zer dag /pad+ma nges par thim bar bya/ /grogs rnams lha mo bsgom byas nas/ /thon kar mi rtag stong pa nyid/ /skad cig gnyis tsam bsgom par bya/ /zhes bya ba la dang por byang chub tu sems bskyed pa ni dam pa'i chos nyan pa'i sngon du bdag gis 'gro ba sems can thams cad mngon par rdzogs par 'tshang rgya bar bya ba'i phyir/ dam pa'i chos mnyan par bya'o zhes byas sam sngon du btang ba'o/ /rang nyid sgrol mar bsgom zhes bya ba ni rim pa zla ba'i dkyil 'khor bas ste/ de'i steng du tam ljangs gu yongs su bsam mo/ /de gyur ba las ud pa la ljang gu'o/ /de dag gyur pa las bdag nyid sgrol ma sku mdog ljang gu phyag gnyis pa las g.yas pa ud pal 'dzin pa'o/ /g.yon pa skyabs mdzad kyi phyag rgya can du yang dag par bsam mo/ /rna ba g.yas par pad+ma bsam zhes bya ba ni de'i rna ba g.yas pa la nges par pad+ma 'dab ma bcu drug pa yang dag par rgyas par bsam mo/ /slob dpon 'jam dpal bsgom zhes bya ba ni bdag nyid nyan pa pos slob dpon de'i 'og tu haM las seng+ge'i khri yongs su bsam mo/ /de'i steng du muM bsams te/ de yongs su gyur pa las ud pa la dmar po bsams te/ de dag yongs su gyur pa las 'jam dpal gzhon nur gyur pa sku mdog dmar ser/ phyag gnyis pa la g.yas pa chos 'chad kyi phyag rgya can/ g.yon pa po ti yang dag 'dzin pa las chos 'chad par bsgom mo/ /bla ma'i zhal gyi 'od zer dag /pad mar nges par thim par bya ba? ni bla ma'i chos 'chad pa'i 'og tu bsams la
- 80b
bdag gi pad+ma'i nang du thim par bsgom mo/ /grogs rnams lha mo bsgom par bya ba ni nyan pa po gzhan rnams la lha mo'i cha lugs su bsam mo/ /thon kar mi rtag stong pa nyid/ /skad cig gnyis tsam bsgom par bya zhes pa ni chos thon kar 'dus byas mi rtag pa bsgom pa skad cig ma cig dang dngos por 'dzin pa stong par bsgom pa'i skad cig ma cig yang dag par bsgom pa'o/ /de'i mthar nyan pa po'i pha rol tu phyin pa drug dang ldan pa bshad de/ me tog stan sogs rab phul nas/ /sa phyogs spyod pa bsdams pa dang/ /srog chags rnams la 'tshe mi byed/ /bla ma la ni gsol ba 'debs/ ma yengs bla ma'i man ngag 'dzin/ /rtog sel phyir na skyon tshig 'dri/ /sgrol ma yan lag drug dang ldan/ zhes bya ba la/ me tog dang bstan la sogs pa phul ba'i skad cig ma cig la ni sbyin pa'i pha rol tu phyin pa yongs su rdzogs pa'o/ /sa gzhi mi gtsang ba la sogs pa dang/ rang gi sgo gsum gyi spyod pa bsdams pa'i skad cig la ni tshul khrims kyi pha rol tu phyin pa yongs su rdzogs pa'o/ /sa gzhi la srog chags la sogs pa gnas pa la mi 'tshe bar sel ba'i skad cig la ni bzod pa'i pha rol tu phyin pa yongs su rdzogs pa'o/ /bla ma la chos 'chad pa la gsol ba 'debs pa'i skad cig la ni brtson 'grus rdzogs pa'o/ /gzhan la bla ma'i gdam ngag 'dzin pa'i skad cig ma la bsam gtan rdzogs pa'o/ /rang gi rtogs pa bsal ba'i phyir/ /phyir la skyon tshig 'dri ba'i skad cig la shes rab kyi pha rol tu phyir pa yongs su rdzogs pa'o/ /de yang gong du smos pa de ltar skad cig ma de dag la bsam pa rnam par bzhag pa'o/ /'bras bu ni go sla ba'i phyir 'dir ma bshad do/ /de'i mthar 'dzin pa po'i yan lag bshad par bya ste/ shin tu dad ldan dbang po gsal/ /le lo chung dang skyo ba med/ /nyin
- 81a
mtshan sems dang zlos par rem/ /de drug ldan pa'i gang zag la/ /'dzin pa po zhes ngas bshad do/ /zhes bya ba la/ shin tu dad pa dang ldan pa dang/ dbang bo ni mig la sogs pa ste/ de dag rab tu gsal ba dang/ le lo chung ba dang/ dam pa'i chos 'dzin pa la yid skyo ba med pa dang/ sngon du sems bzung ba rnams nyin dang mtshan mor zlos pa rem ba ste/ de drug ldan pa'i gang zag gi 'dzin pa'i dgos pa yang dag par 'grub pa'o/ /de drug ldan pa'i gang zag la 'dzin pa po zhes ngas bshad do zhes bya ba ni gong gi yan lag de dag dang mi ldan pa'i 'dzin pa tsam dang 'grogs dga' la sogs pa rnams rnam par bkag pa'o/ /yan lag drug dang ldan pa'i gang zag de ni/ bla mas shin tu yang dag par gnyer te/ 'dzin pa'i tshig yongs su sbyin pa kho na'o/ /de'i mthar man ngag bshad par bya ste/ dang por byang chub sems bskyed do/ /bdag nyid 'jam dpal skur bsgoms nas/ /lce la ral gri bsam bya ste/ /slob dpon bde gshegs shAkya thub/ /nyid kyis bdag la gang dbang gis/ /'khor lo lte bar bsam par bya zhes bya ba la/ dang por byang chub tu sems bskyed pa ni 'dzin pa'i sngon du bdag gis sems can thams cad mngon par rdzogs par 'tshang rgya bar bya ba'i phyir dam pa'i chos 'di gzung bar bya'o zhes bsam pa sngon du mnyam par bzhag pa'o/ /bdag nyid 'jam dpal skur bsgoms te zhes pa ni a las zla ba'i dkyil 'khor bsams te/ de'i steng du muM rab tu bsgom pa'o/ /de gyur pa las ud pa la bsams te/ de dag gyur pa las 'jam dpal bdag nyid bsgoms te/ sku mdog dmar ser phyag gnyis pa/ phyag g.yon pa na po ti 'dzin pa/ /g.yas pa chos 'tshang kyi phyag rgya can du
- 81b
bsam mo/ /lce la ral gri bsam byas te/ zhes pa ni lce'i rtse mor kham rnams te/ de gyur pa las ral gri'i rnam par bsam ste/ de yis shes bya'i sgrib pa rnams yongs su bcad par bsam mo/ /slob dpon bde gshegs shAkya thub/ /de nyid kyis bdag la ngag dbang gi /'khor lo ster bar bsam par bya zhes pa ni 'dzin pa'i slob dpon de'i 'og tu/ a las zla ba bsams te/ de'i steng du ri ser po las gyur pa'i lhung bzed do/ /de dag yongs su gyur pa las slob dpon bde gshegs shAkya thub par bsam par bya ste/ sku mdog gser btsom lta bu phyag g.yas chos 'chad kyi phyag rgya bcas pa/ g.yon pa mnyam pa nyid la bzhag par bsgoms te/ de yis bdag la tshig byin pa'i skad cig la dag gi 'khor lo chos kyi sgo mo dpag tu med par ster bar bsam mo/ /de'i mthar 'dzin pa po'i pha rol tu phyin pa drug dang ldan par bshad par bya ste/ po ti byin dang skyon mi lta/ /bla mas kha byas yongs su bzod/ /bla ma la ni yang yang 'dri/ /bar du ma yengs gong 'og dpyod 'jam dpal yan lag drug dang ldan zhes pa ni dang por slob dpon la dam pa'i chos 'dzin pa po'i yang dag par phul ba'i skad cig la sbyin pa'i pha rol tu phyin pa yongs su rdzogs pa'o/ /skyon mi lta ba ni dam pa'i chos de po ti rnying pa la sogs pa dang yi ges mi gsal ba rnams la mi rtog pa ste de'i skad cig la tshul khrims yongs su rdzogs pa'o/ /bla ma kha byas yongs su bzod pa ni/ bdag gis tshig lag pa dang/ 'khrul pa rnams la bla mas dag rtsub mo la sogs pa smras kyang yang dag par bzod pa ste/ de'i skad cig la bzod pa yongs su rdzogs pa'o/ /bla ma la ni yang yang 'dri pa ni tshig gi rkang pa gcig la lan nyi shu 'am sum cu la sogs par bzlas te yang dag par zhen pas phyis yang de'i mdza' i tshig la sogs pa yang yang 'dri
- 82a
ba ste/ de'i skad cig la brtson 'grus yongs su rdzogs pa'o/ /bar du ma yengs gong 'og dpyod ces pa ni bar du 'khor ba'i chos gzhan la ma yengs par 'dzin pa ste/ de'i skad cig la ni bsam gtan yongs su rdzogs pa'o/ / gong 'og dpyod pa ni tshig 'brel pa'i gong 'og dang tshig gi 'khrul pa rnams dpyad cing 'dzin pa 'am zlos pa ste/ de'i skad cig la shes rab kyi pha rol tu phyin pa yongs su rdzogs pa'o/ /'jam dpal yan lag drug dang ldan/ zhes pa ni bdag nyid 'jam dpal du bsgoms pa'i phyir ro/ /de yang de dag gi skad cig de dag la mnyam par bzhag pas pha rol tu phyin pa drug dang ldan pa yang yin la/ 'bras bu yang rdzogs par 'byung ba nyid kho na'o/ /de'i 'bras bu gsungs pa ni de de bzhin te nges pa nyid yin pas go sla ba'i phyir ma bshad do/ /de'i mthar rtags kyi gzhi'i yan lag bshad par bya ste/ de la 'di ni ngang ba'i yan lag gi /sngon du lag sbyangs yan lag bde/ /tshon rnams sbyor mkhas tshad dang ldan/ /sna tshogs rnam pa mang shes zhing/ /bde gshegs sku la rin mi brtsi/ /de drug ldan pa'i gang zag la/ /ri mo mkhas zhes brjod pa yin/ /mi gang zhig sngon du lag pa'i mo la slob dpon gyis kyang sbyangs pa dang tshon sbyor mkhas pa ste/ kha dog gi rnam pa lnga dang bcu la sogs pa 'jam pa dang/ gsal ba dang/ bkrag che ba la sogs par shes par bya'o/ /yan lag bde ba ni yan lag bde ba dang/ zhi ba dang/ rengs pa dang spom pa dang/ gyod pa la sogs par ma song zhing skyon spangs pa dang ldan pa'o/ /tshad dang ldan pa ni bde bar gshegs pa la sogs pa'i sku rnams dpral ba la de nyid kyi sor bzhi dang/ de nas dpral ba'i smin mtshams nas sna gong du mnyam pa dang sna'i rtse mo nas kos ke'i bar mnyam pa
- 82b
dang/ sku byin la zhabs pus mo nas long bu'i tshad tsam la cha gsum du ldan pa la sogs pa la bya'o/ /sna tshogs rnam pa mang shes pa ni rgyan dang mchod pa'i yo byad ba dan dang/ sems can gyi gzugs brnyan yod do cog shes pa'o/ /de rnams dang ldan pa ni yan lag dam pa ni bde bar gshegs pa'i sku la rin gyi cha ru mi gcod cing rngan pa la dmigs su mi 'dzin pa ste/ de drug dang ldan pa'i gang zag la/ ri mo mkhas zhes brjod pa yin zhes pa ni/ ri mo 'dri ba tsam khe dang rnyed par lhur len pa rmongs pa rnams bslu ba la sogs pa bsal ba'o/ /de'i man ngag brjod par bya ste/ dang por byang chub sems bskyed la/ /sku gzugs dngos por sbyor ba'i tshe/ /bdag nyid rgyal ba'i yum du bskyed/ /yum las byung ba'i sangs rgyas sku/ /yongs su grub bar yang dag bsham/ /rgyan rnams legs par 'dogs pa ni/ /yon gyi bdag por bsam par bya/ /tshon rnams kha dog rim pa bzhin/ /mu tig gser dang byu ru dang/ /mar ga ta dang mu men dang/ /byin gyis brlabs la bri bar bya zhes pa la/ dang por byang chub tu sems bskyed pa ni ri mo 'dri ba'i sngon du bdag gis sems can thams cad mngon par rdzogs par 'tshang rgya bar bya ba'i phyir bde bar gshegs pa'i sku bri bar bya'o/ /zhes pa sngon du btang ba'o/ /sku gzugs dngos po sbyor ba ni sku'i gzugs brnyan 'dri tsam na bdag nyid yum du bskyed pa ni/ bdag nyid kyi sngon du paM? las pad+ma/ /de'i steng du pram las po ti de dag gyur pa la bdag nyid yum shes rab kyi pha rol tu phyin pa dus gsum gyi rgyal ba thams cad bskyed pa'i tshul can phyag gnyis ma la sku mdog ser mo/ /phyag g.yas pa yis pir shes rab dang lag pa thabs su 'brel pas sku yang dag par bskyed par bsam mo/ /rgyan
- 83a
rnams legs par 'dogs pa na/ yon gyi bdag por bsam par bya zhes pa ni/ dbu rgyan dang na bza' dang me long la sogs pa 'dogs pa'i dus na yon gyi bdag por bdag dang bsams la yon gyi bdag pos dbu rgyan dbul bar bsam mo/ /tshen rnams kha dog rim pa bzhin/ /mu tig gser dang byu ru dang/ /mar ka ta dang mu men dang/ byin gyis brlabs la bri bar bya zhes pa dang dkar po la mu tig tu byin gyis brlabs pa dang/ ser po la gser du byin gyis brlabs pa dang/ dmar po la byu ru byin gyis brlabs pa dang/ ljang gu la mar ga tar byin gyis brlabs pa dang/ nag po la mu men du byin gyis brlabs la bri bar bya'o/ /de'i mthar ri mo mkhan la pha rol tu phyin pa drug dang ldan par bshad par bya ste/ dkar zhal phyin dang gtsang mar sbyar/ /gzhan gyis ngan smras bzod par ldan/ /bar du myur bar 'grus pa dang/ ma yengs shin tu legs par 'dri/ /spu shad phyogs kun gsal bar gcod/ /yon bdag yan lag drug dang ldan zhes pa ni dang por rtsig pa'i legs la dkar zhal byin pa 'am tshon byin pa'i skad cig la/ sbyin pa'i pha rol tu phyin pa yongs su rdzogs pa'o/ /tshen la sogs pa gtsang mar sbyar ba'i skad cig la ni tshul khrims kyi pha rol tu phyin pa yongs su rdzogs pa'o/ /mi gzhan la sogs pa sa'i mo la sogs pa la 'phyas kyang gzhan la mi khro bar bzod pa'i skad cig la ni bzod pa yongs su rdzogs pa'o/ /le lo med cing myur ba'i skad cig la ni brtson 'grus yongs su rdzogs pa'o/ /gzhan la sems ma yengs pas mnyam par bzhag pas 'dri ba'i skad cig la ni bsam gtan yongs su rdzogs pa'o/ /spu shad kyi rnam par bcad nas phyogs kun gsal bar gcod pa'i skad cig la ni shes rab gyi pha rol tu phyin pa yongs su rdzogs pa'o/ /yon bdag yan lag drug dang ldan
- 83b
zhes pa ni gong du yum du bsgoms nas 'dir yon bdag ces ci'i phyir bya snyam pa la/ dang por yum du bsgom pa yang bya ba che chung yin pas rgyan dang mchod pa'i yo byad la sogs pa la phal che ba'i bya ba mang ba ste/ de'i phyir yon bdag gi bya bas yon bdag tu brjod pa yin no/ /de'i skad cig de rnams la de dag dang ldan pa yin no snyam pa'i bsam pa mnyam par bzhag pa kho na'o/ /'bras bu ni go sla ba'i phyir 'dir ma bshad do/ /de'i mthar de dang cha mthun pa'i rtags kyi gzhi lugs dang/ 'jim pa la sbyor bdas bshad par bya ste/ lugs dang 'jim pa la sogs pa/ /yan lag tshon spangs lnga dang ldan/ /dang por byang chub sems bskyed la/ /snga ma'i sbyor ba'i rigs 'dra las/ /mgar ba'i bu dang lder so mkhan/ /mngon par sangs rgyas nga yis mthong zhes pa ni lugs kyi sku dang 'jim pa'i sku byed pa rnams kyi yan lag ni gong gi ri mo las tshon sbyar ba ma rtogs pa lnga dang ldan pa'o/ /de la man ngag ni dang por las la 'jug pa'i sngon du bdag gis sems can thams cad mkhyen par 'tshang rgya ba'i phyir las 'di bya'o zhes bsam pa sngon du btang ba'o/ /snga ma'i sbyor ba'i rigs 'dra las shes pa ni dang por gzugs la sbyor tsam na yum gyi tshul du bskyed pa dang/ rgyan dang ba dan la sogs ba sbyor tsam na yon gyi bdag por bsgom par shes par bya'o/ /pha rol tu phyin pa drug dang ldan pa ni 'dir bcom ldan 'das kyis ma gsungs mod kyang 'jim pa dang spra tshil dang zangs la sogs pa byin pa'i sbyin pa dang/ byi dor dang bzang zhal la sogs pa byed pa'i tshul khrims dang/ rdzas rnams la srog chags bsal ba la sogs pa ni bzod pa dang/ bar du le lo med pa ni brtson 'grus dang/ gzhan la ma yengs par byed pa'i bsam gtan dang/ tshad la sogs pa rnams par dpyad cing byed pa'i skad cig rnams la shes rab kyi pha rol tu phyin pa la sogs pa yongs su
- 84a
rdzogs bar byed pa ni 'dir go bar bya'o/ /'bras bu ni rgyas par ma gsungs mod kyi/ mgar ba'i bu dang lder so mkhan/ /mngon par sangs rgyas nga yis mthong zhes gsungs pas don gyis go bar bya'o/ /de'i mthar 'bras bu'i gzhi'i yan lag bshad par bya ste/ sku gdung ring bsrel thams cad la 'jim pa legs dang so phag ldan/ /rtse gu mkhas dang phyogs cha snyoms/ /tshad dang ldan pa'i ring bsrel mkhas zhes bya ba la/ 'jim pa lags pa'i rde'u dang rus pa la sogs pa med cing bsnol legs pa ldan pa'o/ /so phag grwa mnyams pa dang/ 'khyog pa dang gru bzhir ma gyur par med par byas pa'o/ /rtse gu mkhas pa ni 'jim pa snyoms pa dang/ so phag snal mar shes pa dang/ dgye ba dang dgu bo la sogs med par shes pa'o/ /tshad dang ldan pa ni gru bzhi'i tshad dang/ bang rim gyi 'phang dang/ srubs pa'i zhang du mnyam pa'o/ /de bzhi dang ldan pa'i gang zag la/ ring bsel mkhas zhes brjod pa yin zhes pa ni ring bsrel byed pa tsam la sogs pa rnam par bcad pa'o/ /de'i man ngag bshad pa ni/ bdag nyid rgyal ba'i yum du bsam zhes pa la sogs pa'i tshig gis de ma thag pa'i man ngag las shes par bya'o/ /de'i mthar ring bsral mkhan la pha rol tu phyin pa drug dang ldan par bstan pa ni/ so phag byin dang chu gtsang gis/ /sbrus dang sa gzhi phyags pa dang/ srog chags phra mo rab bsrungs dang/ /myur bar ma yengs lags par brtson/ /ring srel mkhan po yan lag drug ces bya ba la/ sa phag byin pa'i skad cig la sbyin pa yongs su rdzogs pa'o/ /'jim pa la ni chu gtsang gis sbrus pa'i skad cig la tshul khrims yongs su rdzogs pa'o/ /'jim pa dang chu la srog chags phra mo rnams la skyob cing bsrung ba'i skad cig la bzod
- 84b
pa'o/ /le lo med par myur ba'i skad cig la brtson 'grus so/ /ma yengs par mnyam par bzhag pas rtsig pa'i skad cig la ni bsam gtan to/ /zur dang logs la sogs pa la dpyad pa'i skad cig de dag la ni shes rab kyi pha rol tu phyin pa la sogs pa yongs su rdzogs pa ste/ de dang de'i skad cig de rnams la 'di'i skad cig la ni 'di yongs su ldan no zhes mnyam par bzhag pa kho na'o/ /ring bsrel mkhan po yan lag ces pa ni de drug dang ldan pa'o/ /'bras bu go sla ba'i phyir ma bshad do/ /de'i mthar sbyin pa'i yan lag bshad par bya ste/ yid 'ong dus su sbyin pa dang/ /sdug mi sdug la mi lta zheng/ 'gyod pa med dang lan mi re/ /de lnga ldan pa'i gang zag la/ /sbyin pa mkhas zhes ngas bshad do/ /zhes bya ba la/ yid du 'ong ba sbyin pa na de'i snying du sdug pa byin pa'o/ /dus su byin pa de ni de la des 'phongs par 'gyur zhing de dang ma ldan na rkyen la sogs pa cher 'ong ba la byin pa'o/ /sdug mi sdug la mi lta zhing zhes pa ni sbyin pa gtong pa'i dus su rang gi snying du sdug pa la gtong ba dang mi sdug pa la mi gtong ba med par snyoms pa'o/ /'gyod pa med pa ni btang nas phyis btang ba ma lags so snyam pa'i sems mi skye ba'o/ /lan mi re ba ni bdag gis 'di btang bas phyis bdag la lan 'debs par 'gyur ro snyam pa'i sems pa dang/ rnam par smin pa la mi re ba'o/ /de lnga ldan pa'i gang zag la/ sbyin pa mkhas zhes ngas bshad do ces pa ni kheng grags dang/ rogs dkar gtong ba dang/ lan por gtong ba la sogs par bsal ba'o de'i mthar man ngag bshad par bya ste/ dang por byang chub sems bskyed la/ bdag nyid 'jig rten mgon por bskyed/ /khyad par dngos dang tha mal nyid /khyad par gzhi la mchod la mchod pa ste/ /tha mal pa rnams yi dags su/ dmigs
- 85a
pas snying rje rab bskyed de/ /dang por bdag gis btang bar bya zhes bya ba la/ /dang por byang chub tu sems pa ni bdag gis sems can thams cad mngon par rdzogs par 'tshang rgya bar bya ba'i phyir sbyin pa 'di gtad pa bya'o/ zhes bsam pa sngon du gtang pa'o/ /'jig rten mgon por bskyed pa ni bdag gi 'og tu paM las pad+ma bskyed do/ de'i steng du h+ri dkar po'o/ /de yongs su gyur pa las bdag nyid 'jig rten mgon por bskyed par bya ste/ sku mdog dkar po phyag gnyis pa la/ /g.yas pa pad+ma dkar po 'dzin la/ /g.yon pa mchod sbyin pa'i phyag rgya can du bsam pa'o/ /khyad par dngos dang tha ma nyid/ /khyad par gzhi la mchod pas te/ /tha mal pa rnams yi dags su/ /dmigs pa dngos po gtad bar bya/ zhes pa ni 'khrul pa yod pa'i phyir rnam pa gnyis su phye ba'o/ /khyad par zhes pa ni bla ma dang gong ma rnams la de dag la ni mchod par 'gro ba de'i phyir yi dags su mi sgom pa'o/ /sngon 'das pa'i dus na rgyal po'i btsun mo nyi ma'i mdog gis sbyin pa'i dus su sbyin par bya ba yi dags su dmigs par bya ba dran par byas pas byang chub tu sems bskyed pa'i tha mal yon 'phul ba'i dus su bla ma la yi dags su bsgoms pas skye ba lnga stong du yi dags su skyes pa ste/ gzigs pas mchod par bya ba dang sbyin par bya ba'o/ /tha mal pa rnams kyi dags dmigs pas zas sogs pas 'phangs pas snying rje chen po bskyed de gtang bar bya ba'o/ /de'i mthar sbyin pa po la pha rol tu phyin pa drug dang ldan par bshad de/ rdzas byin yid du 'ong ba dang/ /smre sngags 'dod la zhe mi sdang/ /le lo med cing myur bar gtong/ /dus su gong gi bsam gtan 'jog /rnam par dpyad nas gtong ba ni/ /'jig rten mgon po yan lag drug
- 85b
ces bya ba la/ /rdzas phyin pa ni sbyin pa'i pha rol tu phyin pa'o/ /yid du 'ong zhing gtsang ba byin pa ni tshul khrims so/ /slong ba smre sngags 'don cing lag pas 'drang ba la sogs pa la zhe sdang med pa na bzod pa'o/ /gtong pa'i skabs su le lo med cing/ /myur bar gtong ba ni brtson 'grus so/ /gtong ba'i dus su gong gi bsam gtan la mnyam par 'jog pa ni bsam gtan no/ /rnam par dpyad ces pa ni/ thob pa dang ma thob pa la dpyod pa'i skad cig rnams la ni shes rab kyi pha rol tu phyin pa la sogs yongs su rdzogs pa ste/ de dag gi skad cig ma rnams la mnyam par bzhag pa'o/ /'jig rten mgon po yan lag drug ces pa ni dang por 'jig rten mgon por bsgom pa'i phyir ro/ /'bras bu ni go sla ba'i phyir 'dir ma bshad do/ /de'i mthar bshad pa'i yan lag bshad par bya ste/ man du thos dang shes rab che/ /lung gi dgongs pa legs par rtogs/ /bden pa gnyis po 'byed par shes/ /snying rje che dang skyo ba med/ /nga rgyal chung dang lan 'debs mkhas/ /de brgyad ldan pa'i gang zag la/ /'tshad pa mkhas zhes ngas bshad do zhes pa ni mang du thos pa'i rgyal pa'i bka' ma lus pa mdza' dag thos pa dang/ bka' la brten pa bstan bcos sgra dang tshad ma la sogs pa ma lus par 'chad pa'o/ /shes rab che ba ni yang dag pa'i don la blo 'jug pa la mgo smos pas go ba ste/ dper na me stag gi yar ma ras yug la phog pa lta bu'o/ /lung gi dgongs pa rtogs pa ni rgyal ba'i bka' dri ma med pa dgongs pa bsam gyis mi khyab pa gsungs pa ste/ de dag la ji bzhin pa sgra ji bzhin pa rnams yang dag par shes pa ste/ dper na rdo rje nyi ma snang ba'i nang nas/ rang dang lhan cig tu mnyam pa'i/ /rgyal po'i bu mo mdzas ma dang/ lhan cig
- 86a
'grogs dang srog chags rnams/ /bsad pas dngos grub thob par 'gyur zhes bya ba ni rang dang skad cig tu dus mnyam pa thag ma med pa nas rang gi rgyud la gnas pa'i ye shes so/ /rgyal po'i bu mo zhes bya ba ni rigs shin tu mthong zhing rigs ngan pa ma sogs pa'i skyon gyis ma gos pa dang/ gnyis su med pa'i ye shes de yang me long lta bu'i ye shes la sogs pas ni rigs khyad par can du 'phags shing nyon mongs pa'i skyon gyis mgos pa'o/ /lhan cig dgod? zhes bya ba ni rgyal ba'i bu mo de yang sngon yul dang dus la sogs pas bskal bas ngo mi shes te phyis ngo shes te phrad nas bde ba gang 'grub pa'o/ /de bzhin du ye shes yang glo bur gyi sgrib pas bsgribs kyang bla ma'i man ngag las rtogs pa dang bral ba'i bar ba 'grub pa'o/ /srog chags rnams bsad ces bya ba ni 'gro ba sems can thams cad 'khor bas rang gi rgyud bsad nas thar ba la yongs su 'god pa'o/ /dngos grub thob par 'gyur ba ni de yis nges par dngos grub thob nges pa ste/ de lta bu dgongs pa yang dag par shes pa'o/ /bden pa gnyis po 'byed par shes pa ni kun rdzob tu dngos po thams cad khyad du mi gsod cing/ pha rol gyi bsam pa dang sbyar te rims kyis stan pa dang/ yang dag par na ci'i? ngo bo bor yang mi rtog cing tshul bzhin la gnas pa'o/ /snying rje che ba ni snyed pa dang bkur sti'i phyir ma yin/ zhing chos don du gnyer ba rnams la khyad par du ston pa'o/ /skyo ba med pa ni chos 'chad pa la yid mi skyob ste gang dang gang gis bsam bskor ba'o/ /nga rgyal chung ba ni bshad pa gzhan la zur mi za ba dang/ rang la zur mi bstod cang dper na rgyal po'i dran lta bur gnas pa'o/ /gzhan la zur mi za ba ni med sde rnam par 'thag pa nas shin tu smad pas thams cad du mi bya ba'o/
- 86b
lan 'debs pa la mkhas pa ni chos 'dri ba la sogs pa la khong mi khro zhing 'jam pas lan 'debs pa dang/ pha rol gyi skyon la sogs pa yongs su shes pa'o/ /de brgyad dang ldan pa'i gang zag la/ /'chad pa mkhas zhes bya ba ni ma thos pa rang gis rtogs pas 'chad pa dang/ rnyed pa dang bkur sti'i phyir 'chad ba dang/ 'chad pa tsam la sogs pa rnam par gcad pa'o/ /de'i mthar man ngag bshad par bya ste/ dang por byang chub sems bskyed la/ rang nyid sprul pa'i skur bsgoms te/ dus gsum bde gshegs thams cad la/ /lce la gnas pa bshad par byas nas/ /skad cig ma ni cig la yang/ /chos kyi 'khor lo brgyad khri dag /bzhi stong de la smra bar 'gyur zhes bya ba la/ /dang por byang chub tu sems bskyed pa ni chos 'chad pa'i sngon du bdag gis sems can thams cad bla na med pa yang dag par 'tshang rgya bar bya ba'i phyir/ dam pa'i chos 'di bshad par bya'o zhes bsam pa sngon du btang ba'o/ /rang nyid sprul pa'i bskur bsgoms pa ni rang gi 'og tu ha las seng ge'i khri chen por yang dag par bskyed/ de'i steng du paM las pad+ma 'dab ma brgyad cu drug pa bskyed/ /de'i steng du paM ser po bsam pa'o/ /de gyur pa las lhung bzed do/ /de dag yongs su gyur pa las bdag nyid sprul pa'i sku shAkya thub par skad cig ma gcig la rdzogs par bya ste/ sku mdog gser btso ma lta bu/ /phyag gnyis pa la g.yas chos 'chad pa'i phyag rgya can/ g.yon bdud 'dul sa gnon gyi phyag rgya can gnas par bsgom mo/ /dus gsum bde gshegs mchod byas la/ /lce la gnas par bshad byas na/ zhes pa ni lce'i rtse mo la tsam las 'khor lo rtsibs bcu drug pa bsgom/ /de'i lte ba la hUM yongs su gyur pa las/ de las 'od zer nam mkha' i phyogs su spros pas phyogs bcu dus gsum gyi bde bar gshegs pa thams cad bkug
- 87a
ste 'khor lo la bstim pa dam pa'i chos bshad na/ skad cig sna tshogs dang ldan pa rnams la yang de dang de'i skad cig la rnam par go bzhin skad cig ma gcig la chos kyi sgo mo brgyad khri bzhi stong smra bar 'gyur ro/ de'i mthar 'chad pa po la pha rol tu phyin pa drug dang ldan par bshad par bya/ chos sbyin sgo gsum bsdam pa dang/ chos 'dri ba la khong mi khro/ /cig car myur bar le lo med/ /ma yengs mnyam par bzhag pas 'chad/ /gong 'og tshig gi don rnams dpyod/ /sprul sku yan lag drug dang ldan zhes bya ba la/ chos byin pa'i skad cig pa ni sbyin pa'i pha rol tu phyin pa yongs su rdzogs pa'o/ /sgo gsum bsdams pa ni lus kyi rkang pa brkyang ba dang/ lag pa kyag kyog la sogs pa mi byed pa'o/ /ngag bsdams pa ni 'dod pas log bar g.yem pa'i gtam dang/ 'khrug pa dang rnam par g.yeng ba'i gtam mi smra'o/ /yid bsdams pa ni 'dod pa'i sems dang gnod pa'i sems la sogs pa mi skye ba ste/ de'i skad cig la tshul khrims yongs su rdzogs pa'o/ /chos 'dri ba la khong mi khro ba la sogs pa ni bzod pa'o/ /le lo'i gtam gyis bar mi chod par 'chad pa'i skad cig la ni brtson 'grus so/ /gzhan la ma yengs par go ba'i bsam pa mnyam par gzhag pa ni bsam gtan no/ /gong 'og gi tshig gi don rnams rnam par dpyod cing ma 'khrul bar 'chad pa'i skad cig la ni shes rab kyi pha rol tu phyin pa yongs su rdzogs pa ste/ de dang de'i skad cig la ni 'di'i skad cig la ni 'di dang ldan no/ /zhes pa la sogs pas mnyam par bzhag na de dang ldan pa yang yin la 'bras bu yongs su grub pas na mnyam par bzhag pa kho na'o/ /sku sprul yan lag drug dang ldan zhes pa ni/ dang por sprul pa'i
- 87b
sku shAkya thub par bsgoms pa'i phyir ro/ /'bras bu ni go sla ba'i phyir 'dir ma bshad do/ /de'i mthar sgrogs pa'i yan lag bshad par bya ste/ sgra skad 'byor dang dbyangs dang ldan/ /tshig gi lhad med don rab gsal/ /gzhan gyi gtam gyis bar ma chod/ /de lnga ldan pa'i gang zag la/ /klog pa mkhas zhes ngas bshad do/ /zhes bya ba la/ sgra skad 'byor ba ni ring po dang thung ngu dang/ hU lud dang/ drag po la sogs pa ma nor bar 'byor pa'o/ /dbyangs dang ldan pa ni/ bcom ldan 'das kyis mdo sde ri bo brtsegs pa las/ dbyangs ldan klog ni thar pa'i rgyu zhes gsungs te/ de bas na dbyangs rings la 'jam par sgrogs pa'o/ /tshig gi lhag chad med pa ni/ dbyangs kyi tshig a dang kye la sogs pa'i tshig gis ma bslang pa'o/ /don gsal ba ni tshig don phan tshun ma 'dres shing dbugs zha ba la sogs pa ma yin par gzhan gyis go bar bsgrogs pa'o/ /gzhan gyi gtam gyis bar ma chod pa ni/ /dam pa'i chos sgrogs pa'i skabs su/ gzhan la gtam mi smra bar sgrogs pa'o/ /de lnga dang ldan pa'i gang zag la/ sgrogs pa mkhas zhes pas bshad do/ /zhes bya ba ni/ yan lag de lnga dang mi ldan par bsgrogs pa'o/ /sgrogs pa tsam la sogs pa rnam par gcad pa'o/ /de'i mthar man ngag bshad par bya ste/ dang por byang chub sems bskyed la/ /bdag nyid bcom ldan 'das su bskyed/ /phyogs bcur gnas pa ma lus pa/ /bkug bas mkha' la gnas byas la/ /rkan la rnga chen rab bsams te/ nang du chos kyi sgo mo bsam/ /lce la rnga brdungs rdo rje bsam/ /rdo rjes rnga la rab brdungs pas/ /sgra skad chen po de yis ni/ /stong gsum ma lus kun khyab bsam/ /zhes bya ba la/ dang por byang chub tu sems bskyed pa ni/ bdag gis sems can
- 88a
thams cad myur du mngon par rdzogs par 'tshang rgya bar bya ba'i phyir dam pa'i chos 'di bsgrags par bya'o/ /zhes bsam pa sngon du gtang ba'o/ /bdag nyid bcom ldan 'das su bskyed pa ni/ rang gi 'og tu sam las seng ge'i khri rnam par bsams te/ de'i steng du paM ser po las bskyed pa'i lhung bzed bskyed de/ de dag yongs su gyur pa las/ bdag nyid bcom ldan 'das shAkya thub par bsgoms te/ sku mdog ser po phyag g.yas pa chos 'chad kyi phyag rgya can/ g.yon pa mchod sbyin du mdzad pa bsgom mo/ /phyogs bcur gnas pa ma lus pa/ /bkug pas mkha' la gnas byas la/ zhes pa ni/ bcom ldan 'das kyi thugs kar a las zla ba'i dkyil 'khor bsams te/ de'i steng du hUM las 'od zer sna tshogs nam mkha' i phyogs la sogs pa spros la/ des phyogs bcu'i sangs rgyas dang byang chub sems dpa' dang/ 'phags pa nyan thos la sogs pa brgyad bsam pa'o/ /lce la rnga brdungs rdo rje bsam pa ni lce'i rtse mo la hUM bsams la de gyur pa las rdo rje bsam pa'o/ /rdo rje rnga la rab brdungs pas/ /sgra skad chen po de yis ni/ stong gsum ma lus khyab par bsam/ zhes pa ni/ chos sgrogs pa'i dus su rdo rje rnga bo che brdungs/ /nang gi chos kyi sgo mo rnams kyang gang dang gang la skad kyi rnam pa yod pa de dang de la yang dag par go bar byed pa'i chos sgra chen po byung bas skad cig ma cig la stong gsum gyi stong chen po ma lus pa sgra des khyab par bsam par bya ba kho na'o/ /de'i mthar sgrogs pa po la pha rol tu phyin pa drug dang ldan par bshad par bya ste/ khri stan me tog rab phul dang/ lag bkrus kha bshal gtsang ma nyid/ /khong mi khro zhing
- 88b
srog chags sel/ /yun rings 'brus dang ma yengs sgrogs/ /'bru'i 'khrul pa rnam par dpyod/ /shAkya thub yan lag drug dang ldan zhes bya ba la/ /dam pa'i chos sgrogs pa'i dus su khri dang gdan dang me tog la sogs pa byin pa'i skad cig la ni sbyin pa'i pha rol tu phyin pa yongs su rdzogs pa'o/ /yan lag drug bkru ba dang kha bshal pa dang/ bar du ngag gi lung pa 'gags pa sel ba ni tshul khrims so/ /gzhan gyi blag chor la sogs pa la khong mi khro ba dang/ thon khor na gnas pa'i srog chags sel ba ni bzod pa'o/ /bar du le lo med cing yun ring du gus pa ni brtson 'grus so/ /'khor ba'i chos rnams la ma yengs par sgrogs pa ni bsam gtan no/ /yi ge'i 'bru rnams 'khrul pa rnam par dpyod pas sgrogs pa'i skad cig la ni shes rab kyi pha rol tu phyin pa yongs su rdzogs pa'o/ /de dang de'i skad cig la ni 'di dang ldan no zhes bya ba la sogs pas mnyam par bzhag pa kho na'o/ /shAkya thub yan lag drug dang ldan zhes pa ni/ de nyid gang du shAkya thub par bsgom pa'i phyir te/ 'bras bu ni go sla ba'i phyir 'dir ma bshad do/ /de la kha cig gi bsam pas ci de bzhin du 'don pa dang bcur bcom ldan 'das kyis gsungs na/ 'dir ni kha don yongs su mi dmigs so zhe na/ rigs pa la yang kha dog nyid sgrogs pa'i khong du 'dus pa yin la/ /lung yang bcom ldan 'das kyis de dgongs pa sgrogs pa'i 'bras bu bstan pa'i skabs su klog dang 'don pa'i tshe zhes gsungs pa'i phyir gcig pa rag? bar bya'o/ /de'i mthar mchod pa bshad par bya ste/ mchod pa'i las su brjod pa ni/ lus ngag yid dang rdzas dag ste/ de lus kyi mchod pa ni/ phyag 'tshal ba dang bskor ba dang/ dkyil 'khor phyag rgya gar dang ldan zhes bya ba la/ bcom ldan 'das kyis mchod pa rnam pa bzhir
- 89a
gsungs te/ lus dang ngag dang yid dang rdzas kyi mchod pa'o/ /de las lus kyi mchod pa la yang rnam pa lngar gsungs te/ phyag 'tshal ba lus kyi mchod ba dang/ skor ba lus kyi mchod pa dang/ dkyil 'khor bya ba lus kyi mchod pa dang/ phyag rgya lus kyi mchod pa dang/ gang lus kyi mchod pa dang/ de la dang por phyag 'tshal ba ni yan lag bshad par bya ste/ ngag yid gus pas rab btung dang/ pus gtsugs thal sbyar yan lag btung ngal dub med cing dus la brtson/ /de bdun ldan pa'i gang zag la/ /phyag byed mkhas zhes ngas bshad do zhes bya ba la/ ngag gus par btud pa ni gang dang gang la phyag byed pa de dang de tshig gi snyan ngag legs par brjod pa ste/ dper na sangs rgyas gtso la phyag 'tshal lo/ / zhes bya ba la sogs pa bzhin no/ /yid gus par btung ba ni dang ba'i dad bas smin ma bsdus pa dang smad kyi sha bskul ba la sogs pa byed pa'o/ /pus mo gtsugs pa ni rkang pa nyis ldab tu bltabs pa ste/ gzhibs pas legs par bsrang ba'o/ / thal mo sbyar ba ni lag pa thal mo legs par sbyar ba la/ mthe bong rgya gram du byas te snying gar bzungs ba'o/ /yan lag btud ba ni snyan ngag gi tshig gi skad cig la yan lag gi dbang po mgo bo pus mo'i snangs la gtugs te lag pa dang/ gsum du sbyar ba'o/ /ngal dub med pa ni phyag 'tshal ba la ngal dub med cing lus yang ba'o/ /dus la brtson pa ni bcom ldan 'das kyis mdo sde'i sdong po'i sgra las/ /snga dro phyed dang dgongs ka dang/ /dkon mchog bla ma la phyogs la/ /nga yi sras kyis phyag bya'o zhes gsungs pa na/ snga dro dang po dang/ nyi ma phyed dang dgongs ka dag gi dus su phyag 'tshal bal brtson pa'o/ /de bdun ldan pa'i gang zag la/ phyag byed mkhas zhes ngas bshad do/ /zhes pa ni/ lus ngag yid gsum btung
- 89b
ba dang/ zla bo legs kyi phyir byed cing/ sems dang ba ma yin pa dang/ phyag byed pa tsam la sogs pa rnam par bcad pa'o/ /de'i mthar man ngag bshad de/ dang por byang chub sems bskyed de/ 'od zer 'phros pas phyogs bcu yi/ /sangs rgyas byang chub sems dpa' dang nyan thos rang rgyal dgra bcom dang/ sku gdungs ring bsrel dam chos rnams/ /ma lus mdun du bkug byas la/ /mngon par shin tu phyag byas nas/ de byas skad cig de nyid las/ /ma lus phyag ni byed par 'gyur/ /zhes bya ba la/ dang por byang chub tu sems bskyed pa ni phyag byed pa'i sngon du bdag gis sems can thams cad mngon par rdzogs par 'tshang rgya bar bya ba'i phyir dkon mchog gsum la phyag bya'o zhes bsam pa sngon du btang ba'o/ /'od zer zhes pa nas/ ma lus phyag ni byed par 'gyur zhes pa'i bar du ni yang dag par brjod de/ rang gi snying ga nas raM las nyi ma'i dkyil 'khor bsams la/ de'i steng du hUM yang dag par bsam pa'o/ /mdun du paM las pad+ma 'dab ma brgya dang ldan pas nam mkha' i khams rab tu gang bar bsams la/ de'i steng du dang po'i sa bon las 'od zer kha dog rnam pa lnga nam mkha' i phyogs su spros pas/ phyogs bcu'i sangs rgyas dang byang chub sems dpa' dang/ 'phags pa dgra bcom pa dang/ rang sangs rgyas dang/ nyan thos la sogs pa ma lus pa bkug la/ pad+ma'i steng du bzhugs par bsams la/ phyag byas na de'i skad cig la phyag gcig las ma byas kyang ma lus pa byed par 'gyur ro/ /de'i mthar pha rol tu phyin pa drug dang ldan par bshad de/ lus phul gos sogs bsdams pa dang/ phyag 'tshal sa ru srog chags sel/ /le lo med cing phyag la brtson/ /ma yengs mnyam par bzhag pas 'tshal/ /mu stegs lha tshogs yin min dpyod/ /mi de yan lag drug dang ldan zhes
- 90a
pa la/ phyag byed pa'i sngon du dang por bde bar gshegs pa rnams la/ lus dbul ba ste/ de'i skad cig la sbyin pa'i pha rol tu phyin pa yongs su rdzogs pa'o/ /chos gos dang/ gos bsdams ba dang/ lus bsrang ba dang/ dag bsdams pa la sogs pa ni tshul khrims so/ /phyag 'tshal ba'i sa gzhi la srog chags sel ba ni bzod pa'o/ /ku re dang rkyal ka la sogs pa mi phyed pas phyag la brtson 'grus so/ /gong gi bsam gtan gyis mnyam bar bzhag nas 'tshal ba ni bsam gtan no/ /phyag 'tshal ba'i gnas su phyi rol pa dang/ 'jig rten pa'i lha yin min dpyod pa'i skad cig la shes rab kyi pha rol tu phyin pa yongs su rdzogs pa ste/ de dag gi skad cig de rnams la de dag dang ldan pa nyid du mnyam par bzhag pa kho na'o/ /mi de yan lag drug dang ldan pa ni phyag byed pa de la pha rol tu phyin pa drug dang ldan pa ste/ 'bras bu ni go sla ba'i phyir 'dir ma bshad do/ /de'i mthar bskor ba lus kyi mchod ba'i yan lag bshad de/ nyams stobs che dang sha lus yang/ /phyin ci ma log bskor bar mos/ /tshul 'chos ma yin lus po bsrad/ /de drug ldan pa'i gang zag la/ /bskor ba mkhas zhes bya ba yin zhes bya ba la/ nyams stobs che ba ni nad dang zas la sogs pas phung po rgud par ma gyur cing rtsol phod pa'o/ /sha lus yang ba ni stobs dang ldan yang sha lus yang ba dang/ gsus pa lci bar ma gyur pa'o/ /phyin ci ma log pa ni g.yas phyogs su bskor ba dang/ /zlum por bskor ba'o/ /bskor bar mos pa ni dus su sgor bar 'dod cing bskor ba la dga' ba'o/ /tshul 'chos ba ma yin pa ni zas dang gos la sogs brnyed pa'i phyir ma yin pa'o/ /lus po bsrang ba ni dgye ba dang dgu ba dang lag pa sbyar ba la sogs pas ma yin par bskor ba'o/ /de drug ldan
- 90b
ba'i gang zag la/ /bskor ba mkhas zhes ngas bshad do/ /zhes pa ni/ grogs dga' dang tshul 'chos dang skor pa tsam la sogs pa rnam par bcad pa'o/ /de'i mthar man ngag bshad par bya ste/ dang por byang chub sems bskyed la/ /bskor ba'i sar ni pad+ma yi/ /sdod po yan lag dpag tu med/ /phyogs bcu ma lus khyab par bsam/ /de nas 'od zer 'phros ba yis/ /sangs rgyas byang chub sems dpa' dang/ nyan thos rang rgyal dgra bcom dang/ /dam chos ma lus kun bkug la/ /pad+ma'i steng du bzhugs par bsam/ /de bsam pad+ma'i rtsa ba la/ /bskor ba ma lus bskor ba yin/ /zhes bya ba la skabs 'dir bshad bar bya ste/ dang por byang chub tu sems bskyed pa ni/ skor ba byed pa'i sngon du bdag gis 'gro ba sems can thams cad myur du mngon par 'tshang rgya bar bya ba'i phyir/ bskor ba 'di bya'o/ /zhes bsam pa sngon du btang ba'o/ /bskor ba byed pa'i sar paM las pad+ma'i sdong po rags shing spom pa bsams la/ pad+ma'i sdong po de las pad+ma'i yal ga dpag tu med cing mtho bas phyogs bcur khyab par bsam pa'o/ /de nas rang gi snying gar a las zla ba'i dkyil 'khor bsams la/ de'i steng du hUM bsams te/ de las 'od zer spros bas phyogs bcu dus gsum gyi sangs rgyas dang/ byang chub sems dpa' dang/ 'phags pa nyan thos dang/ rang rgyal dang/ dam pa'i chos ma lus pa bkug ste/ pad+ma'i steng du bzhugs par bsams la/ de nas pad+ma'i rtsa ba la bskor ba byas pas rtsa ba gcig pa'i phyir bskor ba gcig gis kyang ma lus bskor ba byas par 'gyur ro/ /de'i mthar pha rol tu phyin pa drug dang ldan pa bshad de/ /rang gi rgyud phul spyod lam bsdams/ /lam ga'i srog chags la sogs blta/ /le lo med par rgyun du bskor/ /gzhan la ma yengs sngags sogs la/ /'khrul ba med dam dpyod pas zlos/ /mi de
- 91a
yan lag drug dang ldan/ zhes bya ba la/ bskor ba byed pa'i dang por rang gi rgyud dkon mchog gsum la phul ba ni sbyin pa'o/ /rnam par g.yeng ba'i sems dang ngag 'khyal ba dang/ lus kyi gos la sogs pa'i dpyod lam bsdams pa ni tshul khrims so/ /laM kan srog chags gnas pa rnams la mi 'tshe bsel ba 'am/ skrod pa ni bzod pa'o/ /bskor ba la le lo med par rgyun du bskor ba ni brtson 'grus so/ /gang gi bsam gtan la mnyam par bzhag pas skor pa ni bsam gtan no/ /bskor ba'i skabs su zlos pa'i sngags tsam kha don gong 'og gi tshig don rnam par gcod cing bskor ba'i skad cig de rnams la ni shes rab kyi pha rol tu phyin pa yongs su rdzogs pa ste/ de la mnyam par bzhag pa kho na'o/ /mi de yan lag drug dang ldan pa ni/ bskor ba mkhan de la pha rol tu ldan pas te/ 'bras bu ni go sla ba'i phyir 'dir ma bshad do/ /de'i mthar dkyil 'khor bya ba lus kyi mchod pa'i yan lag bshad de/ sa gzhi legs dang rgyud la mkhas/ /yan lag mnyen dang yid bzo ldan/ /de nyid shes dang tshad dang ldan/ /me tog tshom bu chur ldan ba'i/ /de bdun ldan pa'i gang zag la/ /dkyil 'khor mkhas zhes ngas bshad do/ /zhes bya ba la/ sa bzhi legs pa ni 'jam pa dang/ snum pa dang/ gyo mo dang/ gsag ma la sogs pa med pa'o/ /rgyud la sogs pa ni de nyid kyi rgyud dang gzhan gyi rgyud rnam pa lnga la sogs pa la thos pa dang/ legs par go ba'o/ /yan lag mnyen pa ni/ yan lag gyod po ma yin pa dang/ rengs ba dang/ 'khyog po dang/ spom po dang/ thus du la sogs pa ni ma yin pa'o/ /yid bzo ba ni shes rab zab ba'o/ /de nyid shes pa ni dkyil 'khor gyi sgo dang/ logs dang/ zur dang/ rgyan rnams yang
- 91b
dag pa'i don la sbyor shes pa dang/ gzhan yang de nyid kyi nges pa'i tshig rgyas par shes pa'o/ /tshad dang ldan pa ni rab dang 'bring dang tha ma la sogs pa'i tshad dang/ sku dang gsung dang thugs gsum gyi tshad yongs su ldan par byed pa dang/ khru gang las tshung ba ma yin pa'o/ /me tog tshom bu chur/ zhes bya ba ni rang bzhin dang/ dam tshig la sogs pa'i dkyil 'khor ma yin pa/ gzugs brnyan gyi dkyil 'khor la 'jug ste/ de yang me tog gsungs pa ni/ byug pa'i dkyil 'khor zlum po la sogs pa'o/ /tshom bu gsungs pa ni/ rdul tshon gyi dkyil 'khor byed pa gsungs pa'o/ /chu ni phyir gsungs pa ste/ gnyis ka la dgos pa'i phyir ro/ /de bdun ldan pa'i gang zag la/ /dkyil 'khor mkhas zhes ngas bshad do zhes gsungs pa ni/ dkyil 'khor byed pa tsam la sogs pa rnam par gcad pa'o/ /de'i mthar man ngag bshad de/ dang por byang chub sems bskyed la/ bdag nyid rdo rje las su bsgom/ /nying lag khro bo bcur bsgoms la/ rgyu rnams rin po cher bsams te/ bdag gis yang dag byas pa las/ /gzhal yas khang ni rgya che bar/ /mngon par bsams nas bder gshegs ni/ /ma lus kun la dbul bar bya/ /phyi nas stong pa'i ngang gis su/ /yongs su bsams te bsdu bar bya/ zhes bya ba la/ skabs 'dir yang don gces pa'i phyir don bshad do/ /dang por byang chub tu sems bskyed pa ni dkyil 'khor byed pa'i sngon du/ bdag gis sems can thams cad myur bar 'tshang rgya bar bya ba'i phyir/ dkyil 'khor 'di bya'o zhes bsam pa sngon du btang ba'o/ /de'i rjes la rang gi rkang ba'i 'og tu raM las nyi ma'i dkyil 'khor bsams la/ de'i steng du hUM bsams te/ de gyur pa las rdo rje rtse lnga pa'o/ /de dag yongs su
- 92a
gyur pa las bdag nyid rdo rje las su bsgoms par bya ste/ sku mdog ljang gu phyag gnyis pa la rgyan cha lngas yang dag par bsams te/ de'i sor mo bcu la zla ba'i dkyil 'khor bcu bsams la/ de'i steng rnams su mum ljang gu bcu yang dag par bsam pa'o/ /de gyur pa las sna tshogs rdo rje bcu yongs su gyur pa las khro bo kha dog ljang gu shin tu mi bzad pa drag po bcu yongs su bsgom pa'o/ /rgyu tshon dkar po la sogs pa rnams la/ rims pa bzhin du mu tig dang/ byu ru la sogs par byin gyis brlangs pa dang/ gci ba la sogs pa la ni rin po cher yongs su bsams te/ yang dag par byas nas dkyil 'khor de gzhal yas khang chen po rin po che sna bzhi las grub par bsams la/ phyogs bcu'i dkon mchog gsum la phul te/ phyi nas dngos po ma lus pa stong pa'i rang bzhin no/ /zhes bsam pa yongs su bsdu bar bya ste/ ma bsdus na shin tu sdig che ba'i phyir ro/ /de'i mthar pha rol tu phyin pa drug dang ldan bshad de/ chu sogs byin dang gtsang mar byas/ /srog chags bsal dang le lo med/ /khro bo yan lag drug dang ldan/ zhes bya ba la/ chu la sogs pa byin pa ni sbyin pa'o/ /mi gtsang ba dang sbar sbur la sogs pa bsal ba ni tshul khrims so/ /sa la gnas pa'i srog chags rnams bsal ba ni bzod pa'o// de le lo med par de la 'khrus pa ni brtson 'grus so/ /gzhan la ma yengs par mnyam par bsam pa dang ldan pa ni bsam gtan no/ /de dag ya yo med par reg la legs par gcod pa'i skad cig la shes rab kyi pha rol tu phyin pa yongs su rdzogs pa yin la/ /'bras bu yang rdzogs par kho na ste/ de dang de rnams kyi skad cig de rnams la yang dag par mnyam par bzhag ba kho na'o/ /khro bo yan lag drug dang ldan pa ni dang por khro bor bsams pa'i phyir te/ 'bras bu ni go sla'o/ /
- 92b
de'i mthar phyag rgya lus kyi mchod pa bshad par bya ste/ bla ma la sbyangs yan lag mnyen/ /ma nor de dang rjes su mthun/ /rgyud mang thos shing phyir mi ston/ /sngags dang skad cig dus mnyam byed/ /de bdun ldan pa'i gang zag la/ /phyag rgya mkhas zhes pas bshad do// zhes bya ba la/ bla ma la sbyangs pa ni/ sngon du phyag rgya mdud pa bla ma la byang bar sbyangs pa'o/ /yan lag mnyen pa ni zhi bo dang rengs pa la sogs pa ma yin pa'o/ /ma nor ba ni gzhan dang ma nor ba'o/ /de dang rjes su mthun pa ni/ lha de dang rjes su mthun pa'o// rgyud mang ba na theg pa chen po gsang sngags kyi rgyud mang por thos pa'o/ /phyir mi ston pa ni mi gzhan la mi ston pa'o/ /sngags dang skad cig dus mnyam pa ni/ lha'i snying po kho na bzas pa dang/ phyag rgya dang mdung pa'i dus skad cig la ni dus mnyam par byed pa'o/ /de bdun dang ldan pa'i gang zag la/ /phyag rgya mkhas zhes ngas bshad do/ /zhes pa ni gzhan la ni ston pa dang/ sngags dang dus mnyam pa dang/ phyag rgya byin ba tsam la sogs pa rnam par gcad pa'o/ /de'i mthar man ngag bshad de/ dang por byang chub sems bskyed la/ /gang dang gang la sbyor ba yi/ /de de lha ru nges par bsam/ /de bsams phyir na dgrol kha ru/ /sgyu ma'i sems kyis yongs su dgrol/ /zhes bya ba la/ dang por byang chub tu sems bskyed pa ni/ bdag gis sems can thams cad mngon par rdzogs par 'tshang rgya bar bya ba'i phyir/ phyag rgya 'di bya'o zhes bsam pa sngon du btang ba'o/ /zhi ba dang brag po dang/ dbang dang rgyas pa la sogs pa'i las la sbyor ba'i tshe/ gang dang gang gi lha'i snying po brjod tsam na/ lha de dang de ru bsgoms pas yongs su bdud pa'o/ /de nas phyag rgya 'grol khar sgyu ma tsam mo zhes bya ba'i bsam pas yang dag par dgrol bar bya ba kho na'o/ /de'i mthar pha rol tu phyin pa drug dang ldan pa bshad de/ phul dang legs par mdud pa dang/ /lag pa na yang yongs su
- 93a
bzod/ /myur la ma yengs mnyam par 'jog /skad cig du mnyam legs par dpyod/ /sna tshogs yan lag drug dang ldan/ zhes bya ba la/ phyag rgya phul ba ni sbyin pa'o/ /legs par mdud pa ni tshul khrims so/ /lag pa dang nying lag na ba la bzod pa ni bzod pa'o/ /sngags dang gnyis myur bar byed pa ni brtson 'grus so/ /lha'i bsam pa dang ldan zhing ma yengs pa ni bsam gtan no/ /sngags dang phyag rgya la 'khrul ma 'khrul dpyod pa'i skad cig ma rnams la shes rab kyi pha rol tu phyin pa la sogs pa yongs su rdzogs pa'o/ /skad cig de rnams la 'di ni 'di dang ldan no/ /zhes bya ba la sogs pas mnyam par bzhag par bya'o/ /sna tshogs yan lag drug dang ldan zhes bya ba ni/ lha sna tshogs pa mang po bsams pa'i phyir te/ 'bras bu ni go sla ba'i phyir ma bshad do/ /de'i mthar gar lus kyi mchod pa'i yan lag bshad par bya ste/ rkeng pa 'pha dang rkang lag mnyen/ /byang bar slabs dang 'jag stobs ldan/ /sgra dang rjes su mthun par shes/ /de drug ldan pa'i gang zag la/ /gar byed mkhas zhes ngas bshad do/ /zhes bya ba la/ rkeng pa phra ba ni bu che ba la sogs pa ma yin pa'o/ /rkang lag mnyen pa ni rengs pa la sogs pa ma yin pa'o/ /byang par bslabs pa'i slob dpon la sngon du byang bar bslabs pa'o/ /ngag bde ba ni 'gyur ldog la mkhas pa'o/ /stobs dang ldan pa ni nang la sogs pas mdud pa'o/ /sgra dang rjes su mthun pa ni rnga pa ta ha la sogs pa'i sgra rgyur drug pa la sogs pa dang gar mthun par byed pa'o/ /de drug ldan pa'i gang zag la/ /gar byed mkhas zhes ngas bshad do/ /zhes bya ba ni/ gar byed pa tsam la sogs pa rnam par gcad ba'o/ /de'i mthar man ngag bshad de/ dang por byang chub sems
- 93b
bskyed la/ /rang nyid lha mor bsgoms byas nas/ /mchog gsum mdun du dmigs byas te/ /ma lus kun las dbul bar bya/ zhes bya ba la/ dang por byang chub tu sems bskyed pa ni gar byed pa'i sngon du bdag gis sems can thams cad mngon par rdzogs par 'tshang rgya ba'i phyir/ /bdag gis gar 'di bya'o/ /zhes bsam pa sngon du btang ba ste/ rang nyid kyi 'og tu paM las pad+ma bsams la/ de'i steng du naM bsams te/ naM yongs su gyur pa las bdag nyid lha mo gar gyi dbang phyug mar bsgom par bya ste/ sku mdog ljang gu phyag gnyis pa la shin tu mdzes pa'i cha byad can rgyan sna tshogs kyis yongs su brgyan par bsams la/ de'i snying ga nas hUM las 'od zer nam mkha' i phyogs su spros pas/ /phyogs bcu nas gsum gyi dkon mchog gsum spyan drangs te/ mdun du dmigs pa ma lus par kun la dbul bar bya'o/ /de'i mthar pha rol tu phyin pa drug dang ldan pa bshad de/ lus phul gos sogs bsdoms pa dang/ lus ngal bzod dang ma yengs myur/ /sgra la rnam spyod lha mo ni/ /yan lag drug dang ldan pa yin/ zhes bya ba la lus phul ba ni sbyin pa'o/ /gos dang lus ngag yid gsum bsdams pa ni tshul khrims so/ /lus ngal ba la bzod pa ni bzod pa'o/ /myur bar byed pa ni brtson 'grus so/ /gzhan la ma yengs par lha mo'i bsam pas byed pa ni bsam gtan no/ /rnga la sogs pa'i sgra la rnam par spyod cing byed pa'i skad cig rnams la shes rab kyi pha rol tu phyin pa la sogs pa yongs su rdzogs pa ste skad cig de rnams kyi bsam pa bzhag par bya ba kho na'o/ /lha mo yan lag drug zhes pa ni/ sngar lha mo bsgoms pa'i phyir ro/ /'bras bu ni go sla ba'i phyir 'dir ma bshad do/ /de'i mthar man ngag gi mchod pa'i yan lag bshad par bya ste/ dbyangs snyan sngags dang rab ldan dang/ /bstod tshig legs pa'i yan lag brjod/ /sdig pa
- 94a
bshags pa'i smre sngags 'don/ /sgra dang rjes mthun gsol smon 'debs/ /de bdun ldan pa'i gang zag la/ /ngag mchod mkhas zhes ngas bshad do/ /zhes bya ba la/ dbyangs dang ldan pa ni ngag shin tu phra ba dang/ mgrin pa la nad kyis ma gzeng ba dang/ gre ba'i khugs dang ldan pa'o/ /sngags dang ldan pa ni mchod pa'i sngags de dang rjes su 'thun pa ste/ dper na bu dza pa s+tha na zhes pa la sogs pa bzhin no/ /bstod tshig legs pa'i yon tan no/ /gang dang gang la mchod pa de dang de la legs pa'i yon tan gyi tshig gis bstod pa ste/ dper na 'phags pa phyag na rdo rje la/ gsang ba'i bdag po stobs po che/ dus gsum sangs rgyas kun gyis sngags/ /bdud dang dgra dgegs 'dul mdzad pa'i// rdo rje'i bdag nyid phyag 'tshal bstod/ /zhes bya ba la sogs pa bzhin no/ /sdig pa bshags pa'i smre sngags dang ni bdag dang sems can thams cad kyis tshe rabs thog ma ma mchis pa nas dug gsum gyi dbang gis sdig pa bgyis pa de dag thams cad mthol zhing bshags so/ /byang zhing dag bar gyur cig /ces bya ba la sogs pa ste/ sngags ni sarba pA paM de sha na bya ba la sogs pa'o/ /sgra dang rjes su 'thun pa ni dril bu dang cang te'u la sogs pa'i sgra dang rjes su 'thun pa'o/ /gsol ba 'debs pa ni phyogs bcu'i sangs rgyas rnams la mya ngan las mi 'da' bar bzhugs su gsol ba dang/ 'gro ba'i don du chos kyi 'khor lo'i bskor bar gsol pa 'debs pa'o/ /smon lam 'debs pa ni sems can thams cad 'jig rten 'di ni sdug bsngal sna tshogs dang bral bar gyur nas phyi mar mngon bar rdzogs bar 'tshang rgya bar gyur cig ces bya ba la sogs pa'o/ /de bdun ldan pa'i gang zag la/ /ngag mchod mkhas zhes ngas
- 94b
bshad do/ /zhes pa ni/ kheng grags dang gzhan la chags pa'i bsam pas brjod pa dang/ ngag brjod pa tsam la sogs pa rnam par gcad pa'o/ /de'i ? man ngag bshad par bya ste/ dang por byang chub sems bskyed la/ /bdag nyid lha mo bsgom byas nas/ /ngag gi gnas su 'khor lo bsam/ /'khor lo de las 'od 'phros pas/ /phyogs bcu dus gsum bzhugs pa yi/ /ngag dbang ma lus bkug byas nas/ /de la thim par brjod byas na/ /dbyang kyis yan lag rgya mtsho rnams/ /skad cig gcig la smra bar 'gyur zhes bya ba la/ dang por byang chub tu sems bskyed pa ni ngag brjod pa'i sngon du bdag gis sems can thams cad mngon par rdzogs par 'tshang rgya bar bya ba'i phyir ngag 'di brjod par bya'o zhes bsam pa sngon du btang ba'o/ /bdag nyid lha mor bsgom pa ni rang gi 'og tu paM las pad+ma 'dab brgyad pa bsams la de'i steng du paM bsams te/ de gyur pa las sna tshogs rdo rje'o/ /de dag yongs su gyur pa las bdag nyid las kyi lha mo sna tshogs mar bsgoms te/ sku mdog ljang khu rgyan sna tshogs kyis brgyan pa'o/ /phyag gnyis pa la g.yas pa pi wang bsnams pa'o/ /g.yon pas cang te'u yongs su bzung bar bsams te/ de'i mgrin pa'i nang du paM las ngag gi 'khor lo kha dmar po rtsibs lnga pa bsams pa las/ de'i steng du a dmar po bsams te/ de las 'od 'phros pas phyogs bcu na bzhugs pa'i pad+ma'i rigs kyi lha mo/ /lus par bkug la 'khor lo'i aM la bstims te/ ngag yongs su brjod na skad cig ma gcig la yang dbyangs kyi yan lag rgya mtsho ji snyed pa thams cad brjod par 'gyur ba kho na'o/ /de mthar pha rol tu phyin pa drug dang ldan par bshad de/ ngag phul gre pa bsal ba dang/ gzhan gyis zhum par ma gyur
- 95a
cing/ myur bar 'grus dang ma yengs brjod/ /rnam par dpyod pas legs par sgrogs/ /lha mo yan lag drug dang ldan zhes bya ba la/ dkon mchog gsum la ngag phul ba ni sbyin pa'o/ /gre ba'i lung pa bsal ba la sogs pa ni tshul khrims so/ /mi gzhan la sogs pas lta ba la zhum par mi 'gyur cing bzod pa ni bzod pa'o/ /le lo med cing myur bar 'grus pa ni brtson 'grus so/ /gzhan la ma yengs par lha mo'i bsam pa dang ldan pa ni bsam gtan no/ /ngag brjod pa ni dbyangs dang tshig rnams ma 'khrul par dpyod cing legs par/ brjod pa'i skad cig ma rnams la ni shes rab kyi pha rol tu phyin pa la sogs pa yongs su rdzogs pas te/ de dag gi skad cig ma rnams la mnyam par bzhag pa kho na'o/ /lha mo yan lag drug dang ldan/ zhes bya ba ni/ sngar lha mor bsgoms pa'i phyir te/ 'bras bu ni go sla ba'i phyir ma bshad do/ /de'i mthar yid kyi mchod pa'i yan lag bshad par bya ste/ man ngag ldan dang blo brtan dang/ /yid ches zhing gnas sems zin pa// de bzhi ldan pa'i gang zag la/ /yid mchod mkhas zhes ngas bshad do/ /zhes bya ba la/ man ngag dang ldan pa'i bla ma la rim pa ji lta ba bzhin du man ngag thob pa'o/ /blo brtan pa ni sems rnam par dag g.yeng pa la sogs pa ma yin pa'o/ /yid ches pa ni bla ma'i man ngag nyid mchod pa'i khyad par du gyur pa la nges par yid ches pa'o/ /zhi gnas kyis sems 'dzin pa ni dmigs su med pa la gtan la phebs pa'o/ /de bzhi ldan pa'i gang zag la/ /yid mchod mkhas zhes ngas bshad do/ /zhes bya ba ni/ yid kyi mchod pa tsam la sogs pa rnam par bcad pa'o/ /de'i mthar man ngag bshad de/ dang por byang chub sems bskyed la/ snying kar yid bzhin nor bu bsam/ /de las byung ba'i mchod pa'i tshogs/ /me tog spos dang snang ba dang/ /dri dang byug
- 95b
pa zhal zas mchog /na bza' gdugs dang rgyal mtshan dang/ /ba dan rol mo mang po nyid/ /mchod pa'i tshogs ni ma lus pas/ /nam mkha' gang bar dbul bar bya/ zhes bya ba la/ dang bor byang chub tu sems bskyed pa ni yid kyis mchod pa'i sngon du bdag gis sems can thams cad mngon par rdzogs par 'tshang rgya bar bya ba'i phyir yid kyi mchod pa 'di brjod par bya'o/ /zhes bsam pa sngon du btang ba'o/ /rang gi snying khar raM las nyi ma'i dkyil 'khor bsams te/ de'i steng du kha dog sna tshogs pa bsams la/ de gyur pa las yid bzhin nor bu rin po che 'bar bas/ zur drug pa kha dog sngon po la cung zad skye ba yongs su bsams te/ phyogs bcu dus gsum gyi sangs rgyas dang/ chos dang dge 'dzun gyi tshogs rnams mdun du bsams la/ de las byung ba'i mchod pa'i tshogs phreng ba'i rtse mo'i tshul du ud pa la sogs pa'i me tog dang a ka ru la sogs pa'i bdug pa dang rin po che la sogs pa snang ba dang/ ga bur la sogs pa'i dri dang/ lha bshos la sogs pa'i bza' ba dang/ gdugs dang/ rgyal mtshan dang/ na bza' dang/ ba dan dang/ pi wang dang rnga la sogs pa'i rol mo sna tshogs pa yongs su dbul bar bya ba nyid do/ /de yang kha cig gi bsam pas ci de bde bar gshegs pas ni mchod pa'i tshogs nam mkha' gang bar dbul/ zhes gsungs na/ 'dir ni phreng ba rtseg ma zhes ci'i phyir bya snyam pa la/ nam mkha' gang ba ni shin tu bsam par dka' ba yin pas mi 'grub pa'i phyir phreng ba rtseg ma nyid pa kho na'o/ /de'i mthar pha rol tu phyin pa drug dang ldan pa bshad de/ mchod pa phul dang legs par gtsang/ /gzhan gyi blag tshor khong mi mi khro/ /ma rdzogs par du mi gcod/ /mnyam par bzhag dang rim par spyod/ /yid mchod mkhan po yan lag drug /ces bya ba la/ mchod ba phul ba ni skyon
- 96a
ba'o/ /mchod pa'i rdzas rnams la gtsang mar bsams ba ni tshul khrims so/ /bsam pa'i bar du gzhan gyi blag cor la khor mi khro ba bzod pa ni bzod pa'o/ /bsam pa ma rdzogs kyi bar du bar mi gcod par 'grub pa ni brtson 'grus so/ /mnyam bar bzhag pa ni bsam gtan no/ /mchod ba'i cho ga rim par ji bzhin par spyod pa'i skad cig rnams la ni shes rab kyi pha rol tu phyin pa la sogs pa yongs su rdzogs pa ste/ skad cig de rnams yang dag par gzhag par bya ba kho na'o/ /yid mchod mkhan po yan lag drug /zhes pa ni/ de la pha rol tu phyin pa drug dang ldan te/ 'bras bu ni go sla ba'i phyir 'dir ma bshad do/ /de mthar pha rol gyi mchod pa yan lag bshad par bya ste/ rdzas rnams phun sum tshogs pa dang/ gtsang mar bshams dang dang bas zin/ /rim pa ma nor gnas shes dang/ /chud ma gsan par mchod 'gyur ba'i/ /de drug ldan pa'i gang zag la/ /rdzas mchod mkhas zhes nges bshad do/ /zhes bya ba la/ rdzas phun sum tshogs pa ni mchod pa'i rdzas me tog dang spos la sogs pa ma lus pa thams cad 'byor ba'o/ /gtsang mar bshams pa ni lhag ma la sogs pa ma yin pa dang/ dri ma dang mi gtsang ba la sogs pas sbags pa ma yin pa'o/ /dad pas zin pa ni 'jig rten gyi grags pa'i phyir ma yin pa'o/ /sems dang po'i sgo nas 'bul ba'o/ /rim pa ma nor ba ni bde bar gshegs pas mdo sde ri bo'i zom las su/ /'khor los sgyur rgyal 'byor pa bzhin/ /dang bor gnas sogs tha mar ni/ sna tshogs rol mo dkon mchog mchod/ ces gsungs pas me tog dang gdan dbul ba la/ de nas bar du bza' ba la sogs pas yongs su mchod la/ /tha mar rol mo sna tshogs pas yang dag par mchod pa'o/ /
- 96b
gnas shes pa ni me tog zhal la dbul ba dang/ bdug pa shangs la dbul ba la sogs pa'i gnas shes pa'o/ /chud ma gsan pa ni mchod pa'i rdzas gzhan du ma gyag pa'o/ /de drug ldan pa'i gang zag la/ /rdzas mchod mkhas shes pas bshad do// zhes pa ni/ /dad pas zin pa 'am/ mchod pa tsam la sogs pa rnam par bcad pa'o/ /de'i mthar man ngag bshad de/ dang por byang chub sems bskyed la/ /bdag nyid las kyi lha mo ni/ /sna tshogs pa ru bsam byas la/ 'od zer nam mkha' phyogs spros pas/ /sangs rgyas byang chub sems dpa' dang/ /dam chos ma lus tshogs rnams kun/ /mkha' la sprin bzhin rab bsams te/ so sor legs par dbul bar bya/ zhes bya ba las/ dang por byang chub tu sems bskyed pa ni bdag gis sems can thams cad mngon bar rdzogs par 'tshang rgya ba'i phyir mchod par bya'o/ /zhes bsam pa sngon du btang ba'o/ /bdag nyid las kyi lha mo sna tshogs mar bsam pa ni rang gi 'og tu paM las pad+ma 'dab ma brgyad pa bsams te/ de'i steng du ba las byung ba'i sna tshogs rdo rje'o/ /de dag yongs su gyur pa las bdag nyid las kyi lha mor bsam byas te/ sku mdog ljang gu phyag gnyis pa la rgyan sna tshogs kyis brgyan pa bsam par bya'o/ /de'i snying gar a las zla ba'i dkyil 'khor bsams te/ de'i steng du hUM bsams la/ de las 'od 'phros pas phyogs bcu'i sangs rgyas dang/ de dag gis gsungs pa'i dam pa'i chos dang/ byang chub sems dpa' la sogs pa'i dge 'dun gyi tshogs nam mkha' la sbyin bzhin du bsams la/ sangs rgyas dang chos dang dge 'dun rnams las so sor dbul bar bya'o/ /de'i mthar bdag nyid kyi yan lag khrus gsol ba bshad de/ dag par byed pa khrus kyi mchog /lugs kyi sku ni gcig po la/ /phyogs bcu'i bde
- 97a
gshegs ma lus pa/ /gong ma'i sbyor bas bkug byas la/ /de'i nang du til gyi ni/ /gong bu bzhin du rdzogs par bsam/ /de bsams de la khrus gsol las bas /ma lus khrus gsol dag pa yin/ zhes bya ba la lus kyi sku ni chu yis 'dzin/ 'jig par mi 'gyur ba'i phyir de kho na la khrus kyi gzhi bca' o/ /dag par byed ces pa ni bde bar gshegs pa la dri ma'i rnam pa ni mnga' yang de'i rkyen gyis bdag dang sems can gyi bag chags kyi dri ma yongs su dag par 'gyur ba la dgongs pa'o/ /phyogs bcu dus gsum gyi bde bar gshegs pa ma lus pa rnams gong ma'i sbyor ba'i snying ga nas 'od zer spros pas bkug la sku'i nang du til gyi gong bu bzhin du ma lus par rdzogs par bsam pa'o/ / de la khrus yang dag par gsol bas bde bar gshegs pa ma lus pa rnams kyang khrus gsol ba yin la/ dag ces pa ni bdag dang sems can thams cad kyi bag chags kyi dri ma dag par 'gyur ba'o/ /de'i mthar pha rol tu phyin pa drug dang ldan pa bshad de/ mchod pa dul dang gtsang mar bshams/ /srog chags gnas pa'i phyir bsal ba dang/ mchod pa 'grus dang ma yengs 'bul/ /rnam par dpyad nas bde gshegs la/ /phyi rol lha rnams rtogs pas bsal/ /sna tshogs lha mo yan lag drug /ces bya ba la/ mchod pa phul ba ni sbyin pa'o/ /gtsang mar bshams pa ni tshul khrims so/ /mchod pa'i rdzas rnams la srog chags phra mo rnams bsal ba ni bzod pa'o/ /le lo med par mchod par 'grus pa ni brtson 'grus so/ /lha mo'i bsam pas ma yengs par 'bul ba ni bsam gtan no/ /bdag gis bde bar gshegs pa rnams la yang dag par dpyad nas phyi rol pa'i lha dbang phyug chen po la sogs pa'i cha byad rnams phyir bsal ba'i skad cig rnams
- 97b
la ni/ shes rab kyi pha rol tu phyin pa la sogs pa yongs su rdzogs pa ste/ de dag gi skad cig rnams la ni mnyam par gzhag pa'o/ /sna tshogs lha mo yan lag drug ces pa ni rang gi lha mo sna tshogs mar bsgom pa'i phyir te/ 'bras bu ni go sla ba'i phyir ma bshad do/ /de'i mthar sngags bzlas pa'i yan lag bshad par bya ste/ man ngag bcas dang 'bru gsal zlos/ /de don go dang phreng bar bcas par chad med dang ldan pa yi/ /de lnga ldan pa'i gang zag la/ /bzlas pa mkhas shes ngas bshad do zhes bya ba la/ man ngag bcas pa ni sngags bzlas pa'i man ngag dang ldan pa'o/ /'bru gsal ba ni sngags de'i sgra yongs su dag pa ste/ rdzogs pa'i mthar phyin pa'o/ /don go bar ni sngags zlos pa dang de'i don go bdag skad cig gcig la dus mnyam pa ste/ dper na pA paM dzA re swAhA/ zhes bzlas pa'i skad cig la sdig pa'i nang zhi par gyur cig ces pa'i don go ba lta bu'o/ /phreng bar bcas pa ni grangs kyi tshad 'dzin pa'i phyir phreng ba 'dzin pa'o/ /bar chad med pa ni sngags ma thon gyi bar gzhan gyi tshig gis bar mchod pa'o/ /de lnga ldan pa'i gang zag la/ /bzlas pa mkhas zhes ngas bshad do/ /zhes bya ba la/ man ngag med pa dang/ rang dgar bzlos pa dang/ bzlos pa tsam la sogs pa rnams par gcod pa'o/ de'i mthar man ngag bshad de/ dang por byang chub sems bskyed la/ /bsgrub dang las la sbyor ba'i tshe/ /dbugs ni phyi ru mi rgyu bar/ /phan tshun lha yi bsam pa yis/ /de'i bzlas pa bya ba yin/ zhes bya ba la/ dang por byang chub tu sems bskyed pa ni bdag gis sems can thams cad mngon par rdzogs par 'tshang rgya bar bya ba'i phyir sngags 'di bzlas par bya'o/ /zhes bsam pa sngon du btang ba'o/ /bsgrub pa zhes pa ni sngon du lha? gang nye bar yang dag par bsnyen pa dang/ de
- 98a
rdzogs pa'i rjes la zhi ba la sogs pa la sbyor bas te/ de'i tshe bdag dang sngags de nyid kyi lha rnams gnyi ga cho ga rnam pa gsum las bskyed de/ ngo bo gcig par sgom pa'o/ /dbugs ni phyi ru mi rgyu bar/ /zhes pa ni/ yi ge cha gsum pa rnams skad cig kyang bar du rgyun ma chad par 'od 'phro zhing gsal bar brtsegs nas cig nas gcig tu 'khor bar bsams te/ dper na zo chun rgyud me'i tshul du yongs su bsam pa'o/ /de yang de'i skad cig de nyid la lha'i ngo bor gsal ba dang/ don go ba dang/ 'bru gsal ba dang rgyun ma chad pa rnams dus mnyam pa'o/ /de'i mthar pha rol tu phyin pa drug dang ldan par bshad de/ sngags bzlas pa dang 'khrul pa med/ /phyi rol g.yeng ba yongs su bzod/ /myur bar bar chad med pa dang/ /man ngag mnyam par bzhag pas zlos man ngag sngags kyi don la spyod/ /lha de yan lag drug dang ldan/ zhes bya ba la/ sngags bzlas pas pha rol tu phyin pa drug sbyin pa'o/ /sngags bzlas pa la 'khrul pa med pa ni gtsang ma ste tshul khrims so/ /phyi rol gyi g.yeng ba sgral bzod pa ni bzod pa'o/ /sngags la myur zhing le lo med pa ni brtson 'grus so/ /gong gi man ngag mnyam par bzhag pas bzlos pa ni bsam gtan no/ man ngag dang sngags kyi don rnams la rnam par dpyod pa'i skad cig la ni shes rab kyi pha rol tu phyin pa la sogs pa yongs su rdzogs pa ste/ de dang de'i skad cig rnams la ni mnyam par bzhag pa kho na'o/ /lha de yan lag drug dang ldan zhes pa ni rang lha'i ngo bor bsgom pa'i phyir de/ 'bras bu ni go sla ba'i phyir ma bshad do/ /de'i mthar bsgom pa'i yan lag bshad par bya ste/ bla mas zin dang man ngag bcas/ /sngon du sems ni gtan la phebs/ /rnam par mi g.yeng
- 98b
rtog dang gal/ /kha zas gos sogs don mi gnyer/ yid gzhungs bdun dang ldan pa la/ /bsgom pa mkhas shes pas bshad do/ zhes bya ba la/ bla mas zin pa ni sngon du yang dag pa'i bla ma man ngag phyin ci ma log par ston pa la mkhas pa snying rje chen po dang ldan pa/ /'gro ba'i don la brtson zhing rnyed pa'i phyir ma yin pa'i byang chub kyi sems dang ldan pa la rim pa ji bzhin par bsnyen te/ de yis yongs su zin pa'o/ /man ngag bcas pa ni bla med yis man ngag yongs su gnang pa'o/ /sngon du sems gtan la phebs pa ni bla ma des bdag la byin gyis brlabs pa'i rim pas sems yongs su zin nas 'khor ba'i rlung gis bskyod par mi nus pa ste/ dper na bum pa'i nang gi me mar phyi rol gyi rlung gis mi g.yo zhing 'od gsal ba ste/ gcig tu gnas pa bzhin no/ /rnam par mi g.yeng ba ni blo mi rgod pa ste/ dang po'i yan lag go /rtog pa dang bral ba ni dngos po'i mtshan ma sna tshogs pa 'byung ba la mi rtog pa'o/ /kha zas gos sogs don du mi gnyer ba ni 'jig rten gyi kha zas dang po la sogs pa la cher chags pa ma yin pas te/ dper na drang srong rgyags pa nags dang dur khrod la sogs par gnas nas/ 'bras bu dang dur khrod kyi zas la sogs pa za zhing shing lo dang dur khrod kyi ras la sogs pa gon nas yang dag pa'i ye shes tshol ba bzhin du gnas pa'o/ /yid gzhungs pa ni yang dag pa'i ye shes la zhen pa chen pos gnas pa ste/ dper na ri dags nag po bu la zhen nas srog la pa bkyang mi gtong ba bzhin du gnas pa'o/ /de bdun ldan pa'i gang zag la/ bsgom pa mkhas zhes pas bshad do/ /zhes pa ni/ rnam par rtog pa la cher gnas pa dang/ mchin ma'i g.yeng ba dang bcas pa bsgom pa tsam la sogs pa rnam par bcad pa'o/ /de'i mthar man ngag
- 99a
bshad do/ /dang po byang chub sems bskyed la/ /rim pa bzhi la rab bzhugs te/ bde ba chen po ye shes sku/ /rtog pa thams cad rab spangs pa'i/ /de nyid ngo bo gcig/ bsgom pa zhes bya ba la/ dang por byang chub tu sems bskyed pa ni bdag gis 'gro ba thams cad bla na med pa yang dag par rdzogs par 'tshang rgya bar bya ba'i phyir gnyis su med pa'i ye shes btsal bar bya'o/ /zhes bsam pa sngon du gtang ba'o/ /rim pa bzhi la rab zhugs te zhes pa ni dang por 'jig rten pa rnams kyis rtags pa'i 'di ltar snang ba'i dngos po thams cad yod pa nyid du 'dod pa la bdag gis yongs su brtag pa'o/ /de ci phyir brtag can/ bcom ldan 'das kyis theg pa chen po'i mdo mngon par rtogs pa la/ dngos por rags pa shes byas nas/ rdul phran rdzas su shes par bya/ de spangs rnam par rigs pa tsam/ /phra mo che la mi rtog cing/ /gdong nas ma skyes 'gag pa med/ /ces gsungs pa'i phyir te/ de nyid rtags pas rol mo'i char mi snang ba la/ nyan thos kyis brtags pa'i rdul phra rab kyis char mthong ba'o/ /de nyid yongs su rtags pas 'di ltar snang ba thams cad sems las phyi rol na med pa'i phyir rang gi mtshan nyid du snang ba'o/ /zhes dngos por snang ba thams cad la yang dag par mi rtog pa'o/ /sems de nyid yongs su brtags pa las sems nyid 'khrul bar snang zhing yang dag par med de/ gdod nas stong pa'i rang bzhin du grub pa'o/ /rim pa bzhi pa rab zhugs te/ zhes pas/ lnga pa 'bras bu'i bdag nyid rnam par rtog pa thams cad dang bral ba'i ye shes kyi sku nyid mngon par grub pa'o/ /kha cig gi bsam pas de'i phyir sdug bsngal gyi rnam pa mang po la nye bar rtog pa dang po nyid stong pa'i rang bzhin rnam
- 99b
par rtog pa dang bral ba nyid la gnas na 'gal ba ni ci yod ce na/ stong pa'i rang bzhin ni rim par bsdus pa las stang bar blo brtan par 'gyur gyi/ thog ma nyid du stong pa la dmigs na stong pa la blo mi brtan yid ches par mi 'gyur ba'i phyir ro// de ltar de nyid ngo bo cig bsgom pa de kho na nyid gnyis su med pa'i ye shes bde ba chen po'i ngang rnam par rtog pa thams cad dang bral ba de man ngag bdud rtsi 'khor lo'i thabs la yang dag par thob ste/ ci'i ngo bor yang mi rtog pa de'o/ /de'i mtshan nyid ji lta bu zhig yin snyam pa la/ yod pa ma yin med pa min/ gnyi ga'i ming ni rab spangs to/ /gsum pa nye bar mi rtog cing/ bzhi pa de la nye bar gnas/ /yod pa ma yin zhes pa ni/ /rtag pa'i mdza' la mi gnas pa'o// med pa min zhes pa ni chad pa'i mdza' yongs su bkag pa'o/ /gnyi ga'i mdza' yongs su spangs pa ni yod pa dang med pa dang yod pa'ang ma yin pa la mi rtog pa ste/ bzhi pa zhes bya ba ni dngos por gzung ba med de/ mdza' gsum spangs pa nyid la bzhi ba zhes gsungs te/ ci yang mi rtog pa nyid do/ /de nyid ji lta bu zhig yin snyam pa la/ de ni 'di'i bdag nyid can/ /'khor min mya ngan 'das pa min/ /bdag nyid ma yin gzhan ma yin/ /bde ba ma yin sdug bsngal min/ /rtag pa ma yin mi rtag min/ /snang ba ma yin mi snang min/ /zhes gsungs te/ 'khor ba ma yin pa ni rnam par rtog pa dang bral ba'i phyir ro/ /mya ngan las 'das pa ma yin pa ni gdod nas ye shes kyi sku'i rang bzhin yin pa'i phyir ro/ /yang dag ba'i ye shes sngon du rnyed pa ni stong pa chen po'i rang bzhin grub pas bdag dang gzhan du mi rtog pa dang/ bde ba dang sdug bsngal du mi rtog pa dang/ rtag pa dang mi rtag pa dang/ snang ba dang mi snang ba la mi rtog pa nyid do/ /de nyid kyi ye shes kho na la
- 100a
bsgrub pa'i spyod lam yin te/ de'i spyod lam 'di yin te/ mig btsums ma yin phye ba min/ /'dug pa med la langs pa med/ /bsgom pa po med bsgom pa'ang med/ /stan med gos med gnas pa med/ /bying ba ma yin rgod pa min rim pa'i rjes la thob pa yi/ /rang bzhin mchog de 'od gsal ba'o/ /zhes gsungs te stong pa chen po'i rang bzhin yin pa'i phyir ro/ /mig btsum pa yang med/ /phye ba yang med/ 'dug pa'ang med/ langs pa'ang med/ bsgom par bya ba yang med/ stan la gnas pa'ang med/ gos kyang med/ bsam gtan gyi ro la chags pa'i bying ba'ang med/ rnam par g.yeng ba'i rgod pa'ang med pa nyid do/ /de nyid rim pa'i rjes ni gnas dang sa bon la sogs pa ste/ mar me'i rtse mo lta bur mthar 'od gsal ba'i bdag nyid du bsgom pa kho na'o de la 'od gsal zhes gsungs pas kha dog gi rnam pa gsal ba ma yin pa'i phyir ro/ /'od gsal de'i kha dog kyang/ dkar po ma yin ser po min/ /dmar po ma yin sngon po min/ /nag por snang ba mi rtog cing/ /kha dog lnga dang yang dag ldan/ /bder gshegs lnga yi gzugs 'chang zhing/ /bde ba chen po'i rol pas gnas shes gsungs te/ kha dog dkar po la sogs pa'i kha dog gi rnam par mi bsgom pa'o/ /kha dog lnga dang yang dag ldan/ zhes pa ni/ kha dog lnga bsres na ci'i rnam par brjod du med pa'i phyir/ rang bzhin du 'od gsal ba tsam la kha dog gi rnam par ma bzung ba nyid do/ /bde gshegs lnga'i gzugs 'chang ba ni gnyis su med pa ni ye shes de nyid rnam par snang mdzad la sogs pa'i rigs lnga'i bde bar gshegs pas 'gro ba'i don mdzad pa nyid du grub pa'o/ /de nyid bde ba chen po rnam par rtog pa thams cad dang bral ba nyid de/ rol pa ni 'gro ba'i don la brtson par
- 100b
bzhugs pa la dgongs pa'o/ /de nyid longs spyod rdzogs pa'i sku dang ldan par gsungs pa ste/ rin chen gzhal yas nyams dga' bar/ /mtsho dang rdzing bus rab brgyan te/ /dar ber sna tshogs gos gyon cing/ /rin chen sna tshogs rgyan gyis brgyan/ /btsun mo mang po dpag med las/ /'byung ba'i bu yis 'gro ba sgrol/ /rang nyid tshogs kyi rol mo dang/ /mngon par longs spyod bsam mi khyab/ /gzhal yas mchog kyang de la yod/ /dgra yi 'jigs pa de la med/ /ces gsungs te/ rang bzhin du 'od gsal ba'i chos kyi sku'o/ /rin chen gzhal yas nyams dga' bar/ zhes pa ni/ mngon par longs spyod bsam gyis mi khyab pa zhes pa'i bar gyis ni longs spyod rdzogs pa'i skur mtshan dang dpe byad dang ldan pa/ rgyan sna tshogs kyis brgyan te/ rin po che'i rang bzhin gzhal yas khang rgya chen po na rdzas dang chos kyi longs spyod chen po nyid rdzogs pa ste/ rnam par snang mdzad kyi cha lugs kyis la gnas pa'i byang chub sems dpa' rnams la chos ston pa nyid du grub pa'o/ /bde gshegs lnga yis gzugs 'chang zhing/ /btsun mo mang po dpag med las/ /'byung ba'i bu yis 'gro ba sgrol/ zhes pa ni/ btsun mo ni shes rab kyi pha rol tu phyin pa skad cig bye brag mang po dang ldan pas te/ de las yang dag par byung ba sprul pa'i sku dpag tu med pa dgye ste/ gang dang gang las 'dul ba bde ba de la thabs kyis 'gro ba yongs su 'dul bar bstan pa'o/ /pha dang ma ni sbyor brtson pas/ /bde ba'i 'bras bu mngon par 'grub// ma med pha la bde ba med/ /pha med ma la reg mi 'gyur/ /pha dang ma ru gnyis shes na/ bde ba mdog gi bu ru 'gyur/ /zhes bya ba la/ pha dang ma ni thabs dang shes rab ste/ thab ni zhi gnas so/ /shes rab ni lhag mthong ngo/ /de gnyis
- 101a
yongs su 'brel pa las bde ba'i 'bras bu yang dag pa'i ye shes skye ba nyid do/ /pha med ma la reg mi 'gyur ba ni/ /zhi gnas gtan la ma phebs par lhag mthong nye bar mi rnyed do/ /ma med pha la bde ba med pa ni lhag mthong yongs su ma rnyed na zhi gnas la rtog pa dang bcas pa'i phyir yang dag pa'i ye shes med pa nyid do/ /pha dang ma ru gnyis shes na/ /bde ba mchog gi bu ru 'gyur ba ni zhi gnas la mngon par bslabs te lhag mthong yang dag pa skyes pas gnyis su med pa'i ye shes skye ba kho na'o/ /cig car pha la mngon zhen na/ pha yis rtag tu 'tshogs par 'gyur/ /pha yi mtshan nyid ma shes na/ ma la mngon par zhen mi btub/ /gal te zhen par gyur na ni/ /de ni brlag par 'gyur ba yin/ zhes bya ba la/ pha ni kun rdzob nyid la yang dag par 'dzin cing rtag tu mngon par zhen na de nyid du rtag tu 'khor bar 'khor zhing/ sdug bsngal gyi rnam pa mang po myong zhing 'khor bar gnas par 'gyur ba nyid do/ /pha'i mtshan nyid ni kun rdzob kyi mtshan nyid de mi rtag pa dang/ sdug bsngal ba dang/ stong pa dang/ bdag med bar yongs su shes par bya ste/ de shes pa las yang dag pa'i ye shes mngon par mthong ba kho na ste/ kun rdzob kyi mtshan nyid ma shes par don dam pa la 'jug par mi 'gyur ba nyid do/ /gal te kun rdzob kyi mtshan nyid ma shes na stong pa'i sgra la zhen nas kun rdzob khyad du bsad nas brlag par 'gyur ba nyid do/ /de'i mthar pha rol tu phyin pa drug dang ldan par bshad de/ sems gtong ba dang rtog pa yi// skyon gyis ma gos dri ma mad/ /sdug bsngal che las yongs su bzod/ /bar chad med bar rtag tu bsgom/ /de nyid gcig la mnyam par 'jog /bde ba'i 'bras bu ye shes skyes/ /sgom chen yan lag drug dang ldan/ /zhes bya ba la/ bsam
- 101b
pa la sems btang ba ni sbyin pa'o/ /rnam par rtog pa'i skyon gyis ma gos pa ni tshul khrims so/ /zas dang gos la sogs pa yid phongs pa dang/ sdug bsngal gyi rnam pa mang po la bzod pa ni bzod pa'o/ /rgyun du bar chad med par sgom pa ni brtson 'grus so/ /de kho na nyid rtse gcig pa'i bsam gtan la mnyam par bzhag pa ni bsam gtan no/ /de las 'bras bu ye shes skyes pa'i skad cig rnams la shes rab kyi pha rol tu phyin pa la sogs pa yongs su rdzogs pa ste/ skad cig rnams la mnyam par bzhag pa kho na'o/ /sgom chen yan lag drug dang ldan/ zhes bya ba ni sgom chen de pha rol tu phyin pa drug dang ldan pa bstan te/ 'bras bu ni de de bzhin te go sla ba'i phyir ma bshad do/ /de'i mthar gdams ngag bshad par bya ste/ kye ma 'gro ba sdug bsngal myong/ /kye ma 'gro ba sdug bsngal gnas/ /kye ma 'gro ba sdug bsngal bde/ /kye ma 'gro ba'i sdug bsngal spongs/ /zhes bya ba la/ kye ma zhes bya ba'i sgra ni yang dag par bod pa'i tshig ste/ kye ma 'gro ba sems can thams cad nyon cig zhes pa'o/ /'gro ba sdug bsngal myong ba ni 'khor ba'i sdug bsngal skye rga na 'chi'i sdug bsngal la sogs pa dag par myong ba'o/ /'gro ba sdug bsngal gnas pa ni/ /srid pa'i rgya mtsho sdug bsngal gyi gnas yongs su gnas pa'o/ /'gro ba sdug bsngal bde zhes pa ni 'gro ba rnams sdug bsngal gyi rnam pa de nyid la bde bar lta zhing sdug bsngal la mngon par rgyug pa'o/ /de nyid la zhen pas 'khor ba'i rgyu ru gyur pas yang nas yang du sdug bsngal gyi rgya mtshor bying bas na 'gro ba rnams sdug bsngal spongs zhes yang dag par gnas pa'o/ /chos 'di spyod pa'i gang zag gis/ /dang por byang chub sems bskyed nas/ /rtag tu bzhan gyi sdug bsngal la/ /yid ni log par mi bya'o/ /zhes bya ba la/ dam pa'i chos zab mo mngon par rtogs
- 102a
pa 'di la yang dag par zhugs pa'i gang zag ni byang chub sems dpa' yin pas/ byang chub sems dpa' des dang por 'gro ba sems can thams cad bsgral bar sems bskyed nas bar du 'gro ba gzhan gyi sdig pa'i las mang po byed pa mthong nas/ de dag gi bde bsgral bar bya ba'i phyir dag pa'i las rnams byas kyang 'gro ba rnams sdig pa'i lam la zhugs pas nam du yang grol bar mi 'gyur ro snyam pas byang chub kyi sems yongs su spang bar mi bya'o/ /'gro ba rnams la bu lta bur/ /byams kyis kun la pha ltar mthong/ /ji srid thog ma med pa nas/ /pha ma ming srid phu nu dang/ tsha zhang 'brel par ma gyur pa/ /gang yang yod pa ma yin pas/ /de bas de ltar kun la brtag /ces bya ba ji srid thog ma med gnas da ltar gyi bar du pha dang ma dang ming srid dang tshang zhang la sogs pa'i 'brel bar ma gyur ba gang yang med pas na 'gro ba sems can thams cad la bu lta bur yongs su brtag go /de lta bur brtag ces bya ba ni/ 'brel pa rnams la bu la zhen pa che ba'i phyir na du lta bur brtag pa'o/ /du lta bur brtags pa las 'jig rten 'dir bdag la sems can thams cad kyis pha lta bur mthong zhing kun gyi snying du sdug par 'gyur ro/ /pha ma la sogs 'brel pa la/ /zhen pas chags par mi bya zhing/ /chags pas 'khor ba'i rgyu ru 'gyur/ /gzhan la zhe sdang phra dog skyes/ /kun gyis bdag la dgra ltar sdang/ zhes bya ba la/ da res tsam gyi pha ma la sogs pa'i 'brel pa la ni/ zhen pa chen pos yongs su chags par mi bya'o/ /de dag la yang dag par zhen bas na 'khor pa'i rgyu ru 'gyur ba'i phyir rab tu spangs pa kho na'o/ /'gro ba sems can gzhan rnams la bdag gi yul la brten te zhe sdang dang phra dog la sogs pas dag rtsub po dang lus kyi sbyor ba rtsub mo rnams yongs su mi
- 102b
bya'o/ de gal te byas gyur na bdag la 'jig rten 'di dang phyi mar dgra mang por 'gyur te/ kun nas sdang bar 'gyur ro/ /dam chos ma lus kun bris kyang/ man ngag 'di dang ma ldan na/ zhes pa nas skad cig gcig kyang ma bsgoms yin zhes bya ba'i bar du ni rnam pa gnyis su go bar bya ste/ man ngag 'di dang mi ldan na 'di pa la sogs pa'i chos spyod ci byas kyang bsod nams kyi tshogs chung ba'i phyir rnam par dag pa'i sgra gcig kyang byas pa med de/ zhes gsungs pa'o/ /'og nas bye brag gis sgra las til dang ri rab khyad par ro/ /zhes gsungs pas na/ bsod nams kyi tshogs shas chung ba las yod pa nyid du bstan pa'o/ /man ngag 'di 'dzin nga yi bu/ /nga yi bu yis srog gcod spongs/ /srog bcad pa yi 'bras bu yis/ /bskal pa bye ba brgya dag tu rang nyid srog kyang gcod par 'gyur/ /'khor ba'i rtsa ba nyid dang yang/ /sdug bsngal sna tshogs myong bar 'gyur/ /gal te srog dag gcod 'gyur na/ /chos pa'i ming ni yod ma yin/ zhes bya ba la/ dam pa'i chos zab mo mngon par rtogs pa'i man ngag 'dzin pa ni nga'i bu/ zhes gsungs te/ dper na rgyal po'i bu yis pha rgyal po'i cha byad dang/ rgyal srid 'dzin pa bzhin du man ngag 'di 'dzin pa ni bde bar gshegs pa'i cha byad dang ngang tshul 'dzin pa'i phyir du zhes pa'o/ /de'i mthar srog gcod pa yang dag par spongs zhes gsungs te/ srog bcad pa'i 'bras bu yis bskal pa bye ba brgyar rang gi srog rnam par smin pa'i tha ma gyis gzhan gyis gcod par 'gyur ba dang/ gzhan gyi yang sdug bsngal rnam pa sna tshogs pa myong ba dang/ chos pa tsam gyi ming yang yod pa ma yin pa ni dgongs pa ma yin zhing yang dag par nges pa kho na'o/ nga yi bu yis ma byin len/ /thag ring ba ru spang bar bya/ /ma byin blangs pa'i 'bras bu yis/ /bskal ba bye ba brgya dag tu/ /mi bzang yi dags skye bar 'gyur/ zhes bya ba la/
- 103a
ma byin par blangs pa'i rnam par smin pas ni bskal pa bye ba brgya ru mi bzad pa'i yi dags me lce'i 'khor lo can du skye bar 'gyur ba nyid do/ /nga'i bu yis 'dod log spongs/ /'dod log spyad pa'i 'bras bu yis/ /bskal pa bye ba brgya stong du/ /ro myags 'dam du skye bar 'gyur/ zhes bya ba la/ 'dod pa log par spyad pas ni 'jig rten 'dir mthu dang stobs dang bkrag la sogs pa'ang nyams par 'gyur zhing/ pha rol tu bskal pa bye ba brgya stong du ro myags kyi 'dam du skye ba ni nges pa'i don du shes par bya'o/ /nga yi bu yis rdzun tshig spongs/ /brdzun chog smras pa'i 'bras bu yis/ /bskal pa bye ba stong du yang/ /dam chos thos par mi 'gyur zhing/ dmyal bar nges par skye bar 'gyur zhes gsungs pa la/ brdzun gyi tshig smras 'bras bu yis/ /bskal pa bye ba stong du dam pa'i chos rin po che'i ming yang thos par mi 'gyur zhing/ dmyal bar skye bar 'gyur ba nyid do/ /gzhan yang phas pham par 'gyur ba'i chos thams cad las shin tu smad pas na 'dir ni gsal bar ma bshad do/ /bu yi pha yis gdam ngag nyon/ /bu yis pha yis gdam ngag gzung byas na/ /man ngag med pa'i grogs dag la/ ltos te nga rgyal mi bya zhing/ /gzhan dag la yang snang mi bya/ /gzhan smad sdig pa dpag tu med/ /ces bya ba la 'gro ba sems can thams cad la sa? ba lta bur nyon mongs pa'i 'jigs pa las sgrol zhing/ /gnyis su med pa'i ye shes skyed par byed pas na pha zhes bya ste/ pha yis nyon mongs pa las sgrol ba gdam ngag 'di 'gro ba rnams kyis nyon zhes pa'o bu 'gro ba thams cad kyis pha yi gdam ngag 'di yongs su gzung zhi bza' ba dang de la mngon par spyad ba nyid do/ /de yang man ngag 'di dang ldan pa'i gang zag rnams ni gdam ngag dang ldan te/ gzhan la sogs pa rnams ni bde bar gshegs pa'i
- 103b
bstan pa la bzhugs pa tsam las chos spyod pa ni rnam pa ci dang mi ldan no/ /zhes rang las nga rgyal pa'i rnam pas gzhan la snang bar bya ba ma yan zhing/ man ngag 'di dang mi ldan pa rnams la yongs su bstan pa dang spel bar bye ba kho na'o/ /nga rgyal byas pa'i 'bras bu yis/ /bskal pa bye ba brgya dag tu/ /dmu chu can du skye bar 'gyur/ /nga rgyal dug gi rtsa ba yin/ /nga rgyal byang chub gsum la sgrib/ /nga rgyal 'phral du sdug bsngal bskyed ces bya ba la/ bde bar gshegs pas man ngag 'di gsungs pa la/ skye bo mi shes pa phal pa rnams kyis nga rgyal gyi rgyu ru song du dogs las na bde bar gshegs pas nga rgyal la shin tu smad pa yin te/ nga rgyal gyi 'bras bu skye ba phyi mar ci bya ste/ stong pa zhes brjod nas ci'i phyir mi bya/ /bde ba ni rnam par rtog pa yin no snyam pa las/ bcom ldan 'das kyis snang ba rin po che'i mdo snyan gyi gong rgyan dum bu tha ma chos nyid bstan pa'i le'u shlo ka bzhi brgya lnga bcu pa las/ ngag gi lam las 'das gyur kyang/ rtog dang bral phyir chos nyid la/ /bde ba che zhes rab tu brjod/ ces gsungs pa dang gzhan yang rdo rje brtsegs pa'i mdo las/ su ni yang dag ye shes te/ ka ni gang duAng mi gnas pas/ mi rtog ye shes bde ba che/ zhes gsungs pa'i phyir/ stong pa chen po ye shes te tshig gi brjod pa las 'das kyang rtog pa ni sdug bsngal ba/ de dang bral ba nyid bde ba yin pa'i phyir/ bde bzhes brjod pa la 'gal ba med pa'i phyir ro/ /de bas na yang dag pa'i ye shes sa nyid dngos po'i chos gang la yang mi gnas pa dang/ mi rtog pa nyid bde ba yin pa'i phyir bde ba'o/ /de nyid 'jig rten pa'i bde ba las khyad par du 'phags pa'i phyir/ chen po ste de bas na bde pa chen po yin pas na/ yang dag pa'i ye shes la bde ba chen po zhes bya ba kho na'o/ /stong pa nyid dang mi ldan par/ /kun rdzob dngos po khyad bsad nas/ /chad pa'i mdza' la mngon par
- 104a
zhen te/ 'di kun stong zhes tshig tu brjod/ /stong pa'i bdag po stong par 'gro /zhes bya ba la/ stong pa nyid yang dag par ye shes kyi don dang mi ldan par kun rdzob kyi bden pa khyad du bsad de/ gzhan la sogs pa la dngos po snang ba 'di thams cad ni stong pa ste/ skye bar mi 'gyur ba nyid do zhes tshig tu brjod cing 'chad pa'i tshig gi stong pa'i bdag po ste/ gnyis su med pa'i ye shes kyis stong zhing med pas ni stong par ro/ /'gro ba ni ngan 'gro rnam pa gsum du 'gro bas na stong par 'gro ba nyid do/ /de bas na gnyi gar mi rtog gnyis la lta/ phyogs bcu sprul pa rab tu spro/ /ji bzhin 'gro ba'i don la sbyor/ /gang dang gang gis bsam pa la/ /de dang mthun pa'i de ba skongs/ zhes gsungs te/ kun rdzob gnyi gar mi rtog pa ni stong pa'o// gnyis la lta zhes pa ni/ don dam par ci'i ngo bo mi rtog pa dang/ kun rdzob tu dngos po thams cad la rim pa ji bzhin du 'gro pa'i don la sbyor ba ste/ sems can mos pa sna tshogs pa rnams dang/ yul dang dus dang gnas skabs kyi bye brag gis sems can thams cad kyi spyod pa dang mthun par byed pa ste/ 'jig rten gyi kha na ma tho ba nyid do/ /man ngag 'di la ma brten par zhen pa nas/ /'tshang rgya ru mi 'gyur ro zhes bya ba'i bar du ni de de bzhin te/ dgongs pa ma yin no/ /'di ni thabs kyi yan lag ldan/ /dper na chu bo chen po la/ /mi rnams pha rol 'gro 'dod pas/ /'di thabs med pa'i gang zag ni/ /chu yi nang du phyir dang 'dra/ /'di dang ldan pa'i gang zag ni/ /bar snang dag la myur bar 'gro /zhes bya ba la/ dper na chu bo chen po la mi la sogs pa pha rol tu 'gro bar 'dod pas/ man ngag 'di dang mi ldan pa rnams ni chu po'i nang du brgal ba dang 'dra ste/ pha rol tu myur du byin pa dang/ lus ngal ba dang/ gsher ba dang sprul la sogs pas 'dzin pa dang/
- 104b
chus khyer ba la sogs pas 'jigs pa dang bcas pa bzhin du/ byang chub myur du mi 'thob pa dang/ bdud kyi bar chod 'ong ba dang/ 'khor ba phyir 'khor ba dang/ sdug bsngal cher byas kyang 'bras bu chung ba nyid do/ /man ngag 'di dang ldan pa rnams ni zam pa la 'gro ba dang mtshungs te pha rol tu phyin pa dang/ lus ngal ba med pa dang/ ma gsher ba dang/ chus mi khyer ba dang/ sprul la sogs pa'i 'jigs pa med pa bzhin du/ byang chub myur bar thob pa dang/ bdud kyi bar chod du mi 'gyur ba dang phyir 'khor bar mi 'khor ba nyid do/ /de bas na chu bo'i pha rol du 'gro ba la zam pa thabs chen po dang ldan pa bzhin du yang dag pa'i ye shes tshol ba la man ngag 'di thabs chen po dang ldan pas shes par bya'o/ /tha mal pa dang khyad par mchog /'di dang mi ldan tha mal te 'di dang ldan pa mchog gi rgyu/ /de gnyis bye brag dper na ni/ /til dang ri rab khyad par ro/ /zhes bya ba la/ chos spyod rnam pa gnyis su gsungs te/ man ngag 'di dang mi ldan pa ni khyad par mchog gi chos spyod de/ khyad par zhes pa ni bye brag gi sgra'o// mchog ni bzang zhing rab kyi don te/ de gnyis kyi bsod nams kyi bye brag che chung gi tshang ni til dang ri rab tsam du gsungs te/ yang dag pa nyid do/ /'jam dpal 'di ni legs par spel zhes pa nas/ 'di bshad bsod nams khyad par 'phags zhes pa'i bar du ni de bzhin du go bar bya ste/ rtag tu byang chub sems bskyed pa dang/ bsam pa nyid la mnyam par 'jog cing man ngag dang bcas pa'i phyir nges don to/ /dper na mar me 'chig ru/ /'od ni gsal ba 'byung bar 'gyur/ /de bzhin nga yis bstan pa yang/ /nub kar zab mo'i chos dar 'gyur/ /bstan pa nub par gyur tsam na/ /'di min mgon skyabs med pa yin/ /'di ldan mgon skyabs bzang po yin/ /'jigs pa'i bag dang ldan mi 'gyur/ /de bas 'di ni 'gro kun gyis//
- 105a
mgon dang skyabs su 'di tshol cig ces bya ba la/ /dper na mar me 'chi ka ru 'od gsal bar 'byung ba ste/ de bzhin du bde bar gshegs pa'i bstan pa yang nyams dams par 'gyur ba las/ nub kar zab mo'i chos theg pa chen po gsang sngags dang shes rab kyi pha rol tu phyin pa la sogs pa dar cing rgyas pa las/ ldem por dgongs pa rnams kyang de de bzhin du gzung zhing log par spyad pa las nub par 'gyur ba nyid do/ /de bas na dgra yis 'jigs pa 'byung tsam ma rgyal po la skyabs btsal ba dang 'jigs pa'i bag tu mi 'gyur ba bzhin du bstan pa nub pa ste/ log pa'i dgra bar ba'i skabs su man ngag 'di dang mi ldan na mgon dang skyabs med pa yin te/ dgras khyer ba nyid do/ /man ngag 'di dang ldan pa rnams ni rgyal po ye shes la skyabs btsal ba ste/ log pa'i dgra nyon mongs pa dang/ 'khor bas 'jigs pa mi 'gyur ba kho na'o/ /de bas bde bar gshegs pa'i bstan pa nub par 'gyur tsam na 'gro ba rnams la mgon dang skyabs su zab mo'i chos man ngag mngon par rtogs pa 'di tshol cig ces bcom ldan 'das kyis yang dag par gdams pa'o/ /des par 'chi ba cha yod kyang/ /ci phyir des pa'i dug gis myos/ de bas dam chos 'di nyid la/ /yid ches pa yis brtan par zur zhes bya ba la/ 'chi ba zhes gsungs pa ni mi rtag pa ste/ dam pa'i chos spyod pa'i skal ba dang ldan pa dang/ mi ldan pa bde 'gro mi ru skye bar shin tu bka' ba ste/ ci'i phyir 'dod pa'i dug gis myos/ /mi'i gnas skabs 'dir man ngag 'di la yid ches pa yis brtan par gzung ste/ longs spyod ces gsungs pa'o/ /de'i rgyus skye ba phyi ma la mir skye ba'o/ /dam pa'i chos 'di skye ba 'di la longs ma spyod na/ skye ba phyi mar mir skye ba'i des pa med de/ ngan 'gror lhung ba phal che ba'i
- 105b
phyir/ bcom ldan 'das kyis yang dag par gdams pas/ 'di la kun yid ches par bya ste/ pha yi gdams ngag bu yis ma nyan na ngan 'gro'i gnas skabs su 'gyod par 'gyur ba nyid do/ /de bas 'jam dpal gzhon nu yis/ /bcom ldan 'das la 'di skad gsol/ /legs so bcom ldan bde gshegs legs/ /bka' gzhan dgongs pa bsam mi khyab/ /'di ni dpe don rgyas par gsungs/ /ma rig mun sel sgron me gsungs/ /'khor ba'i 'dam 'dren zhags pa gsungs/ /thar pa'i khang pa sgo mo gsungs/ /dbyings su 'jug pa'i lam chen gsungs/ /rtog pa 'joms pa'i thob gsungs/ /zhe sdang me 'jil chu bo gsungs/ /'dod chags chu skems nyi ma gsungs/ /rim par 'jug pa'i skas pa gsungs/ /'gro ba ma lus 'tshang rgya ba'i/ /rgyu de la ni yi rang ngo/ /zhes bya ba la/ bcom ldan 'das la 'jam dpal gyi chos kyi don gyi sgo nas bstod pa ste/ bka' gzhan du mi dgongs pa bsam gyis mi khyab pas gsungs pas/ gzung dka' ba dang/ rigs rnam pa gsum gyis gtan la dbab dgos pa nyid do/ /man ngag 'di ni des pa'i don rgyas par gsungs pa ste/ yid ches par bya'o/ /ma rig pa'i mun pa sel ba ni bsgom pa'i man ngag go /'khor ba'i 'dam nas 'dren pa'i zhags pa ni chos spyod ma lus pa'o/ /ye shes ni thar pa chen po ste/ de'i sgo ni spyi la go bar bya'o/ /dbyings ni chos kyi dbyings ta/ der 'gro ba'i lam yang chos spyod spyi'o/ /rtag pa 'joms pa'i tho ba ni stong pa chen po'i skabs so/ /zhe sdang me 'jil chu bo ni 'gro ba kun la bu lta bur zhes bya ba la sogs pa'i skabs so/ /'dod chags kyi chu skams pa'i ti ma ni pha ma la sogs kyi 'brel pa la zhen pas chags par mi bya'o/ /zhes pa'i skabs so/ /rim par 'jug pa'i skas pa ni 'di dang nyan dang zhes pa la/ de nyid ngo bo gcig bsgoms pa'o/ /zhes bya ba'i bar du go bar bya ste/ de dag 'gro ba ma lus par 'tshang rgya ba nyid do/ /de la 'jam dpal rjes su
- 106a
yi rang ste mngon par bstod pa'o/ /de skad ces 'jam dpal gyis bcom ldan 'das la mngon par bstod de/ lha dang/ klu dang/ gnod sbyin dang/ lha ma yin dang/ dri zar bcas pa'i 'jig rten thams cad bcom ldan 'das kyis gsungs pa la mngon par bstod do zhes bya ba la/ dang por 'khor 'dus pa sa la gnas pa'i byang chub sems dpa' la sogs pa thams cad bcom ldan 'das kyis gsungs pa la mngon par bstod de/ skabs kyi bye brag rdzogs pa'o/ /de la kha cig gi bsam pas ngam pa'i chos 'di la rnal 'byor chen po'i rgyud yin pas rnal 'byor chen po'i dbang ma bskur bas longs spyad du mi rung bar 'dod de/ de ltar sems dpa' i gang zag rnams ni shin tu rmongs par 'gyur ba yin pas na de ltar ni mi bsam mo/ /rnal 'byor chen po'i rgyud yin na dang por dge slong la sogs pa bzhi dang/ tshangs pa la sogs ci'i phyir 'du/ /yang rnal 'byor chen pos gsungs pa'i gnas ni btsun mo'i b+ha ga yin la/ /'dir bya rgod 'phungs po'i ri la gsungs pa'i phyir de bzhin gshegs pa'i bstan pa la zhugs cog thams cad kyis mnyan pa dang/ bshad pa dang/ bsgrub du rung ba kho na yin pas na the tshom mi bya ba nyid do/ /dper na mkha' la bya 'phur pa'i/ /grib ma de rjes 'brang ba bzhin/ /gang zhig dam chos 'di nyid la/ /tshogs na gnas kyang rab tu sbyor/ /de ni dge slong de dgra bcom/ /de ni rang rgyal byang chub sems/ /de ni bde gshegs de sangs rgyas/ /de ni don dam ye shes yin/ /dper na yi ge bcings pa rnams kha zas rnams la smod byed bzhin/ /gang zhig 'di la smod pa rnams/ /de na sdug bsngal de dud 'gro/ de ni dmyal ba de yi dags/ /de ni 'khor ba zhes bya'o/ /dga' bar byed pa sbyin pa'i mchog /sgo gsum bsdams pa tshul khrims mchog /khor? mi
- 106b
khro ba bzod pa'i mchog /don du gnyer ba brtson 'grus mchog/ sems mi g.yeng ba bsam gtan mchog /rtog dang bral ba shes rab mchog /'gro bas 'di drug rab spyad na/ /rdzogs sangs rgyas su de 'gyur ro/ /bdag gi gzi brjid snang ba zhes bya'i 'brel pa 'di/ /byas pa dri med dge ba chen po gang mthong des/ /lha dang mi sogs 'gro ba bdun skye bzhi bsdus pas/ /sbyin pa longs spyod ldan zhing tshul khrims gos gyon te/ /bzod pa'i rgyan btags brtson 'grus glang po zhon/ /bsam gtan gar bcas shes rab mtshon thogs nas/ /bdud dang mu stegs logs 'bren gdug tshogs rnams/ /rab tu bcom ste theg chen go 'phang mchog /mi rtog gnyis med ye shes thob par shog /slob dpon chen po yul sing ga li? rgyal po 'phags pa spyan ras gzigs kyi sprul par grags pa/ mdo sde lang kar gshegs pa nas sa brgyad pa'i byang chub sems dbar lung bstan pa/ /klu'i dbang phyug ces bya bas mdzad pa/ chos spyod thams cad kyi man ngag mngon par rtags pa'i rnam bshad/ /gzi brjid snang ba zhes bya ba rdzogs so// //lha dbang phyug ngam pa'i mnga' bdag lha btsan po bo d+hi rA dza'i bka' lung gis/ dbu rtse nas rgya gar gyi dpe phyung nas/ bod kyi dge tshul khyung grags kyis bsgyur cing zhus te gtan la phab pa'o// (//dam tshig gsum bkod pa'i rgyal po'i yi ge brgya pa'i sgrub thabs bzhugs/) /rgya gar skad du/ trai sa ma ya byA ha rA dza sha ta a k+Sha ra sA d+ha ni/ bod skad du/ dam tshig gsum bkod pa'i rgyal po'i yi ge brgya ba'i sgrub thabs/ dus gsum gyi de bzhin gshegs pa thams cad la phyag 'tshal lo/ /gang 'dir ngan 'gro'i rgyun gcod cing/ /mngon mtho dngos grub kun 'byung gnas/ /sngon bsags sdig ba dag bya'i phyir/ /bla mar gyur pa kun la 'dud/ /de la dang po rnal 'byor pa/ /byang chub tu
- 107a
ni sems bskyed cing/ /bla ma mnyes byas rjes gnad thob man ngag ji bzhin rnyed pa dang/ /'jig rten chos dag rnam par spangs/ /sems can kun la snying brtse ba/ /rtag tu bsgom dang bzlas la dga' / /de ni rgyal bas rnal 'byor gsungs/ /dgon pa chen po'i sa phyogs sam/ /dur khrod nags tshal mchod rten drung/ /me tog 'bras bu'i tshogs kyis brgyan/ /a sho ka yi shing drung du/ /dngos grub thams cad bsdus pa grub/ /yon tan kun tshang rnal 'byor pas/ /yid dang rdzas mthun nags su ni/ /'jam dpal stan la legs 'dug nas/ /sems dpa' i skyil mo krung bcas te/ /khro bo 'dod pa'i rgyal po yi/ /sngags kyis bgegs rnams gzhom par bya/ /na ma(rgyud 'grel): sa man+ta kA ya bAk+tsit+ta badzra NAn+ta kra taM hUM dza/ /de nas cha gsum la go rim bzhin du sngags bzlas nas lus kyi cha gsum bsrung bar bya ste/ /oM b+hu ra swAhA oM b+hu ba swAhA/ oM b+hu ra b+hu ba swAhA/ rigs kyi snying po legs bzlas shing/ /gsar zhing ma grugs ku sha yi/ /dag byed sor ni bcu gnyis tshad/ /srin lag la ni gdags par bya/ /oM a dzi na dzi ka/ dmar ser pa yi 'o ma dang/ /ba yi zho dang ba mar dang/ /ba yi chu dang lci ba rnams/ /shar bltas mi sma tsog tsog por/ /'dug ste sbyir la srad gsum tsam/ /ba la sha yi 'dab mas btung/ /oM bA ga bi shud+d+hA ye swAhA/ /de nas tshu dogs su phyin la lus thams cad dam yang na yan lag lnga bkrus te/ /chu'i bgegs bzlog pa ni/ /g.yas pa'i khyor bas chu bcas te/ g.yon pa'i sdigs 'dzub bsgrengs la// oM du pi kA ya du pi du pi swAhA/ zhes bzlas bas lus la gtong bar bya'o/ /lus thams cad 'khru ba'i sngags ni/ oM pra ki ti ri shud+d+ha sarba d+harmA pra kri ti pa ri shud+d+ha haM/ de nas lag pa g.yas pa'i khu tshur bcangs pa'i mthe bo
- 107b
slongs nas 'dzub mo bkug pas snying ga dang/ lkog ma dang spyi gtsug dang dpung pa gnyis te/ gnas lngar gtug cing khro bo gtsang sme med pa'i sngags kyi bdag nyid bsrungs te/ oM badzra kro d+ha hUM dza/ lag pa g.yas pa'i gung mo dang srin lag bkug ste/ oM shud+d+hen+tu sho d+ha ya swAhA/ de nas sems ma yongs par bsam gtan gyi khang pas song ste/ bcom ldan 'das dam tshig gsum bkod pa'i rgyal po 'og nas 'chad pa bzhin 'khor dang bcas pa mdun gyi nam mkha' la dmigs te/ oM sarba ta thA ga ta pA da banda ni ka ro mi zhes pas zhabs la phyag bya'o/ /oM pra ba ra satwA the pra tIts+tsha ra se swAhA/ zhes pas zhabs bsil dbul ba dang/ ji ltar rnyed pa'i mchod pa lnga 'am/ ma rnyed na'ang yid kyis sprul nas/ oM badzra puShpe hUM/ oM badzra gand+he hUM/ oM badzra d+hU pe hUM/ oM badzra nai pi dye hUM/ oM badzra A lo ke hUM/ zhes pas go rims ji lta ba bzhin du mchod pa dbul ba dang/ sdig pa bshad pa la sogs pa bya ste/ dbang med bdag gis sdig pa bgyis pa dang/ bgyid du stsal lam rjes su yid rang ba/ /de dag thams cad byang chub mchog gi ni/ /spyan sngar de lta ma lus so sor bshags/ bde gshegs sras kyi tshogs gnyis rnga yab dang/ rgya cher 'gro ba ma lus pa yi don/ /sgrub par mdzad dang de las gzhan pa la'ang/ /bdag ni gus par rjes su yi rang ngo/ /thugs rjes khyab pa'i thugs dang ldan gyur cing/ /blo gros sdig bral gti mug tshogs kun bcom/ /ma lus rigs kyi pad+ma'i nang bzhugs pa'i/ /bde bar gshegs pa rnams la skyabs su mchi/ /blo mchog rnams kyi kun dga' rab ste/ /dman pa 'jigs pa nyid kyi rgyal byed tshal/ /sping pa'i 'byor pa zil gyis gnon pa'i mchog /gsung
- 108a
mchog chos la bdag ni skyabs su mchi/ /'dod chags la sogs sprul gyi dug bcom zhing/ /blo ldan rnam rgyal thugs rje cher ldan pa'i/ /brtul zhugs bzang po'i tshogs la skyabs su mchi/ /srid dang bral ba rnams la bdag phyag 'tshal/ zhes brjod cing de bzhin du byang chub tu sems bskyed pa dang/ chos kyi 'khor lo bskor ba'i phyir bskul ba dang/ gsol ba gdab pa dang/ dge ba'i rtsa ba bsngos pas de ltar tshogs bsags nas brtan pa dang g.yo ba thams cad stong pa nyid du bltas nas/ de brtan par byed pa'i sngags brjod par bya'o/ /oM swa b+hA ba shud+d+ha(rgyud 'grel): sarba d+d+harma(rgyud 'grel): swa b+hA ba shud+d+ho haM/ de nas stong pa'i ngang las maM ljang gu las byung ba'i pad+ma 'dab ma brgyad pa lte ba dang/ ze 'bru maM gis mtshan pa dang bcas pa bsams la/ /de'i steng du a las zla ba'i dkyil 'khor de'i steng du trai las byung ba'i bcom ldan 'das dam tshig gsum bkod pa'i rgyal po sku mdog gser btso ma lta bu/ mtshan sum cu rtsa gnyis dang/ dpe byad bzang po brgyad cus spras pa/ /chos 'chad kyi phyag rgya can du bdag nyid bsgoms la/ de'i g.yas phyogs su byang chub sems dpa' rdo rje 'dzin ston ka'i 'dam bu ltar ser skya/ rgyan thams cad kyis brgyan pa/ phyag gnyis kyi rdo rje gzung nas snying gar thal mo sbyar ba'o/ /g.yon du byang chub sems dpa' rdo rje 'dzin chen po sku mdog ser po g.yas na nor bu bzang po bsnams pa/ mtshan khung g.yon pas dung ngam rdo rje gzung pa/ rgyan thams cad kyis spras pa'o/ /g.yas kyi mdun rol du khye'u mdza' yas khro bo'i cha byad can/ sku mdog me tog pa la sha lta bu g.yas na shan pa'i zangs gri/ g.yon na ka pA la me tog gi tshogs kyis bkang pa/
- 108b
rgyan thams cad kyis brgyan pa/ sprul dkar po'i mchod phyir thogs pa 'chang ba'o/ /g.yon gyi mdun rol du bu mo mdza' yas zhi ba'i cha byad can sku mdog dUrba'i myu gu lta bu g.yas pa'i thal mos rang gi gtso bo la phyag 'tshal ba/ g.yon pas pad+ma yu ba dang bcas pa bsnams pa/ rgyan thams cad kyis brgyan pa bsam par bya'o/ /de nas rang gi snying ga'i zla ba'i steng du sa bon gyi yi ge traiM las 'od zer kha dog lnga pa shin tu gsal ba spros pas bcom ldan 'das 'khor dang bcas pa mdun gyi nam mkha' la spyan drangs te/ mchod pa rnam pa lnga phul nas de'i spyan sngar 'khor ba thog ma med pa nas bsags pa'i sgrib pa'i tshogs dag par bya ba'i phyir lha'i sku sgyu ma lta bu de nyid la dmigs te bzlas brjod bya'o/ / bzlas brjod byed pa mi myur mi dal zhing/ /ha cang che yin ha cang chung ba'ang min/ /smra bzhin ma yin gzhan du yangs bzhin min/ /gug skyed klad kor tshogs drag nyams pas min/ /'phags pa'i yi ge brgya pa yi/ /rtog pa'i rgyal po'i cho gar bshad/ /sngags kyi mthu ni bsam mi khyab/ /mthu ni rnam pa du ma mthong/ /bzang spyod yi dam bcas pa yi/ /cho ga yis ni 'di bzlos ni/ /thar pa'ang nges par skyed byed na/ /'chi ba bslu ba smos ci dgos/ /oM na mastrai ya d+hwi shA nAM/ sarbA ta thA ga ta nAM/ sarbA twA pra ti ha ta ba b+hi d+harmA tA ba li nAM/ a sa ma sa ma/ sa man+ta to nya nan+ta ba phi shA sa ni ha ra ha ra/ sma ra sma ra Na bi ga ta rA ga/ stud+d+ha d+harma te/ sa ra sa ra/ sa ma ba lA/ ha sa ha sa/ tra ya tra ya/ b+ha ga bi mahA bar lak+Sha ta dzwa la dzwa la na sA ga re swAhA/ /bcom ldan 'das kyi'o/ /oM baM badzra d+ha rA ye swAhA/ oM maM mahA badzra d+ha ro b+ha pa swAhA/ /oM TaM Ta ki yi swAhA/ /oM naM naM d+hi ka ye swAhA/ 'khor rnams kyi sngags so/ /'di'i cho ga ni yar
- 109a
gyi ngo tshes brgyud rgyu skar bzang po dang ldan pa'i zhag nas brtsams te/ rang nyid khrus dang bsrung ba la sogs pa sngar smos pa bzhin byas la/ tsan dan dkar po'i chus nye bar byugs pa'i maN+Dal byas nas 'dod pa'i lha lha grangs dang mnyam pa'i me tog gi tshom bu legs par bkod nas/ dang por bsnyen pa brtsam par bya ste/ de'i 'og tu ni las la sbyar bar bya'o/ /de nas yang gtso bo la 'bum bzlas shing 'khor rnams la bri bzlas par bya zhes bsam gtan phyi ma las bshad do/ /de nas las tshogs pa bshad par bya ste/ lus kyi kun tu sbyod pa dang ldan pa'i sngags pas gzhan mi smra bar rgyu skar rgyal gi zhag la dka' thub la gnas te/ gtsang sbra'i spyod pas shing mya ngan med kyi drung du gsol? gyen du phyogs pas stong phrag bcu gnyis bzlas na las kyi sgrib pa ji snyed pa zad par 'gyur ro/ /'chi gar cho ga 'di nyid bzlas na bcom ldan 'das rje btsun nyid mdun du byon nas zhal mngon du ston par 'gyur ro/ /kun tu sbyor ba gtsang nas mchod rten gyi drung du spos dkar po bregs nas mi smra bar stong phrag bcu bzlas nas/ /ral gri dang rkang mgyogs dang/ ri lu dang gnod sbyin mo dang/ lha ma yin gyi phug dang/ mig sman dang/ gter dang mi snang ba rnams grub po// chu klung gi nang gi nang du mgrin pa man chad nub par zhugs nas gza' phur bu'i zhag la stong phrag nyi shu rtsa brgyad bzlas nas 'og dang sa steng dang sa la gsum la rnam par rgyal bar 'gyur ro/ /sngar smos pa ltar bsten pa byas te/ phyis sgrub pa'i dus su 'byung po'i nyin zhag gi nam phyed na bdud rtsi lnga la spangs pa'i pad+ma'i skud pa las snying po byas la/ chu srin gyi zhag gis bkang pa'i thod par mar me spang bar bya 'o/ /de nas thod pa gsum gyi sgyed po'i steng du btsugs
- 109b
nas/ de nas thod pa'i steng na gnas pa'i sgrub pa pos snar smos pa'i cho gas bsrung bar bya ste/ gtso bo'i sngags brgya rtsa brgyad bzlas par bya'o/ /de nas du ba blangs te za ma tog tu legs par bzhag nas tshon sna lnga'i skud pas rgya gram du bcings te/ yang brgya rtsa brgyad bzlas na dngos grub gsum 'grub par 'gyur te/ de yang mi snang ba ni mchog go/ sa'i 'og na gnas pa'i gter mthong pa ni 'bring ngo/ /rgyal po'i bu mo dbang du byed po ni tha ma'o/ /de dag kyang rang gi mig la bsku ba'i sbyor ba'o/ /snga ma ltar bsnyen pa byas la b+h+ruM las byung ba'i 'khor lo dkar po rtsibs brgyad pa'i steng du dug gis zin pa bzhag la/ dug gzi brjid ser po rnams kyis ma lus pa khyab pa la 'khor lo dkar po nyid kyis 'og nas mnan te/ de'i 'od zer gyi tshogs kyis 'od zer dkar po gsal bar bsam pa ni dug bsal ba'i cho ga'o/ /dgon pa'i ba lang gi lbi ba la stong phrag brgyad bzlas te/ dar sngon po yis gtums nas tshon sna lnga'i skud pas bcings nas mchod rten chen po'i srog shing la btags nas ji srid ma grol ba de srid du ser ba bsrung bar 'gyur ro/ /bag zan dang tsan dan dmar po'i phye ma la klu'i rgyal po ba ru NI gzugs brnyan byas te/ min pa'i khu bas byugs la dus gsum du 'bras chan dang 'o ma dang 'bras bu gsum gi gtor ma gtor bzhin pas gtso bo'i sngags kyi swAhA'i/ gong du oM nA ga rA dza ba ru NA ye shI g+hwaM muny+dza b+ha ri sha ya dat+taM swAhA/ zhes zhag gsum gyi bar du nyin de stong phrag bcu bzlas nas gzugs brnyan klu'i mtshor bskyal na char 'bebs so/ /bcom ldan 'das nyid la phul ba'i me tog snying pa gar mkhan gyi khyim nas blangs pa'i mes kham por sar pa bkang ba'i nang du bsrags nas bla gab med bar brgya rtsa brgyad bzlas na
- 110a
char 'chad par 'gyur ro/ /grog 'am chu shing gi 'dab ma la sngags gur kum gyis dris te/ skar ma me bzhi la stong rtsa brgyad bzlas nas mgul du btags na byis pa chung ngu bsrung bar 'gyur ro/ /rma bya'i sgro 'am mthing// ril gyi rkang la lan stong phrag gsum bzlas nas sgo khang gi rta babs sam sgo steng du btsugs nas/ de'i 'og nas 'dzul ba'i srog chags thams cad la yams kyi nad kyis mi tshugs so/ /las tshogs gzhan dag 'dir gzhung mngas kyis dogs nas ma bris so/ /las de thams cad la sems can thams cad la brtse ba ni kha sgong gi man ngag go/ rtog pa'i rgyal po la brten nas/ /bla ma'i man ngag ji bzhin du/ /go rim ji bzhin bris pa las/ /mkhas pa rnams kyis bzod pa'i rigs/ /sngon du bsnyen pa byas nas ni/ /spags 'di yis ni las rnams kun/ /brtson 'grus the tsho med pa yis/ /'grub 'gyur 'di la the tshom med/ /dam tshig gsum bkod pa'i rgyal po'i yi ge brgya pa sgrub pa'i thab slob dpon chen po ke d+ha ra na d+ha sa mdzad pa rdzogs so// //rgya gar gyi mkhan po paN+Di ta dpal go mi 'chi med dang/ /bod kyi lo tsa ba blo ldan shes rab kyis bsgyur ba'o// // tshe dpag med kyi bstod bsgrub thabs dang bcas bdze ta ris mdzad pa'o/ /tshe dpag med la bstod pa/ chos kyi 'khor lo rgya chen bskor/ /sems can sdug bsngal ma lus rnams/ /skad cig nyid la tshe dang dpal/ /sangs rgyas tshe dpag phyag 'tshal lo/ /rdo rje sems dpa' las byung zhing/ /nyes pa kun las khyed grol nas/ /rdo rje lus can rdo rje can/ /rdo rje tshe dpag phyag 'tshal lo/ /ji ltar nyon mongs dri ma yis/ /kun nas gos par mi 'gyur zhing/ /thugs rjes chags
- 110b
tshul ston mdzad pa/ /pad+ma tshe dpag phyag 'tshal lo/ /bsam pa dngos kun skad cig gis/ /rang 'dod bzhin du tshim dang dpal/ /tshogs kyi bdag po chen po ste/ /yon tan tshe dpag phyag 'tshal lo/ /'dod pa'i don rnams ma lus pa/ /skad cig nyid la sngogs dang dpal/ /bsam kun 'phel byed dpag bsam shing/ /phrin las tshe dpag phyag 'tshal lo/ /nyes pa kun las rnam grol bas/ /sna tshogs yon tan rnams kyis brgyan/ /tshogs kyi bdag po chen po ste/ /kun gzigs tshe dpag phyag 'tshal lo/ /stobs chen rnams kyi rab brgyan te/ /ma lus mi mthun tshogs 'joms pa/ /ston pa srid med bu yi mthu/ /yon tan tshe dpag phyag 'tshal lo/ /me long mnyam nyid la sogs pa/ /ye shes mang po'i mdzod 'dzin pa/ /rnam par rtog pa mdza' dag spangs/ /ye shes tshe dpag phyag 'tshal lo/ /rnam rtog rlung gis khyod mi g.yo/ /mdza' bral ting 'dzin zhi ba ste/ /bdud dang mu stegs tshogs 'dzoms pa/ /mi g.yo tshe dpag phyag 'tshal lo/ /'khor ba'i sems can thams cad kyis/ /khyed kyi mtshan tsam 'dzin pa la/ /tshe dang ye shes rgyas mdzad pa/ /tshe dpag med la phyag 'tshal lo/ /byang chub sems dpa' dze ta ri dgra las rnam par rgyal bas mdzad pa'o/ 'di'i rgyud pa ni tshe dpag med/ /grub pa brnyes pa'i snying bo zhabs/ /dze ta ri dgra la ba rnam par rgyal ba/ rdo rje gdan pa che chung gnyis/ ba ri lo tsa ba/ mchims brtson 'grus seng ge/ rgya nag phug pa/ dpus pa sangs rgyas 'bum/ /bla ma dge bsdings? pa/ bla ma bsam gtan bzang po// //rgya gar skad du/ Arya mA yurdz+nyA na a pa ri mi ta sA d+ha naM/ bod skad du/ 'phags pa tshe dang ye shes dpag tu med pa'i sgrub thabs/ 'phags pa tshe dang ye shes dpag tu med ba la phyag
- 111a
'tshal lo/ /'khor ba sems can thams cad kyi/ 'tshe ba la ni srung 'dod pas/ /'phags pa tshe dpag med pa yi/ /sgrub thabs rim pa bri bar bya/ /dbang dang dam tshig sdom ldan pas/ /dben zhing nyams dga' i sa phyogs su// maN+Dal mchod dang khrus byas la/ /bla ma sangs rgyas la sogs la/ /spyan drangs pa la phyag mchod cing/ /bstod pa lus ngag dang ba yis/ /sdig pa bshags pa la sogs bya/ /tshad med bzhi bsgom chos rnams kun/ /stong pa nyid du bsgoms byas la/ /sngags kyi don la bsgom par bya/ /oM swa b+hA ba bi shud+d+ha(rgyud 'grel): sarba d+harmA swa b+hA ba bi shud+d+hanyhaM/ oM shu mya tA dz+nyA na badzra swa b+hA ba At+ma ko haM/ ston pa'i ngang las pad+ma dang/ zla ba'i steng du sems nyid hI:/ /byu ru lta bur bsam byas la/ /'od zer 'phro zhing slar 'dus pas/ /'phags pa rje btsun tshe dpag med/ /sku mdog dmar zhing 'od zer 'khrigs/ /zhal gcig phyag gnyis mnyam par zhag/ skyil krung gis bzhugs 'dzum bcas dang/ /'od dpag gis mdzes ye shes bstim/ /dbang bskur rab tu brtan par bya/ /ji srid skyo bar ma gyur par/ /bsgom pa 'am yang na sngags 'di bzlas/ /ming gi sngags dang snying po'i sngags/ /ming gis bsgyur na gzungs kyang bzlas/ /gzungs ni 'chi med rnga sgra'o/ /rjes su bdag ni tshe ring 'gyur/ /yang na skad cig lhar bsams te/ /sngags gsum ci rigs bzlas pa 'am/ /bum pa bdud rtsi'i chu rgyun gyis/ /bdag la yang yang 'khrud par bsam/ / slar yang bstod cing gsol btab pas/ /gtor mas lha rnams mchod pas bsam/ /bsrung 'khor cig dang tshe bsgrub pas/ /'on kyang 'chi ltos bzlog la sogs/ /bla ma'i man ngag yod par bya/ /de yi bsod nams mthu
- 111b
yis ni/ /'khor ba'i 'gro drug ma lus pas/ /tshe dpag med pa'i bka' thob nas/ /gnang gcod la sogs sdug bsngal rnams/ /zhi gnas bde ba can 'gyur shog /'phags pa tshe dang ye shes dpag tu med pa'i sgrub thabs/ /slob dpon mkhas pa dze ta ri dgra las rnam par rgyal bas mdzad pa rdzogs so// //rgya gar gyi paN+Di ta/ 'jam dpa' i dbyangs dang/ /ho lce dga' ba'i dpal gyis bsgyur ba'o/ /mig sngags ni/ oM tadya thA a pa ri mi tA A urdz+nya na rtI: b+huM swA hA zhes pa'o// //rgya gar skad du/ a pa ri mi tA/ a yurdz+nya na bi d+hi nA ma/ bod skad du/ che dang ye shes dpag tu med pa'i tshe ga zhes bya ba/ bcom ldan 'das tshe dang ye shes dang ga tu med pa la phyag 'tshal lo/ /snga pa mtshan nyid ldan pa yis/ /sgrub pa'i gnas rab nyer bzung nas/ /sa yi stegs bu chag chag pa dang/ /'thad par bcags te sbos kyis byug/ thig gdab tshon gyi dkyil 'khor dri/ /'dab brgyad sgo la sogs pas brgyan/ /bum pa dgu 'am gnyis la sogs/ /tshad ldan phyi nang bcus kyis brgyan/ /steng du rgyal mtshan gdugs kyis brgyan/ /mtshed pa rnam pa lngas brgyan te/ /khyad par shar du 'o ma yis/ /gtor ma byas te lha phyogs su/ /nya sha'i gtor ma dbul bar bya/ /nub du khrag la byad du chad/ /byin gyis brlabs te bzhag par bya/ /lho dang byang du stegs bu la/ /tshe dpag med pa'i mdo gnyis bzhugs/ /de ngas rnam 'byor khrus byas te/ /bde ba'i stan la nyer 'dus ste/ bla ma sangs rgyas mdun byas la/ /phyag 'tshal skyabs 'gro sdig bshags bya/ /bsod dang tshad med bzhi bsgoms la/ /stong ba nyid du bsgom par bya/ /de nas snang ba brum bsams te/ /gyur pas gzhal yas khang bsams bya/ /de nas
- 112a
pad+ma'i steng dag tu/ /yi ge h+rI(rgyud 'grel): las byung ba yi/ /sangs rgyas tshe dpag med pa ni/ /sku mdog dmar po zhi ba'i zhal/ /mnyam gzhag phyag la bum pas mtshan/ /bdag nyid lha der bskyed par bya/ /ye shes bstim la dbang byin brlabs/ /thugs ka'i h+rI(rgyud 'grel): las 'od 'phros te/ /sems can sangs rgyas kun sbyang bya/ /de nas zla steng h+rI(rgyud 'grel): dmar las/ /gsang sngags 'di yis bskor bar bsam/ /oM na mo b+hA A yurdz+nyA na h+ri:/ a ro lika hUM h+rI:/ zhes dkar por bsam par bya/ /yang na gzungs kyi sngags rid bsam/ /de nas dkyil 'khor bsgrub par bya/ /stong pa'i ngang las b+hUM bsams te/ /de la gzhal yas khang pa bsam/ /de nas pad+ma nyi ma'i steng/ /sangs rgyas tshe dpag med pa bsam/ /shar du rdo rje tshe dpag med/ /nub tu pad+ma tshe dpag med/ /lho ru rin chen tshe dpag med/ /byang du las kyi tshe dpag med/ /byang shar kun gzigs tshe dpag med/ /shar lhor yon tan tshe dpag med/ /lho nub ye shes tshe dpag med/ /nub byang mi g.yo tshe dpag med/ /thams cad kha dog dmar ba la/ /zhi zhal mnyam par gzhag pa'i phyag/ bum pas mtshan te bsam par bya/ /ye shes bstim la dbang byin brlab/ de nas bum ba gzhal yas khang/ /lhag pa'i tshe dpag med pa bsam/ /snying gar sngags ring bkod la bzlas/ /de nas yang na snying po bkod la bzlas/ /de nas kham por gsar pa'i nang/ /nad pa la sogs lus bkrus te/ /chu yis bkang ste shar du gzhag/ de la khro bo'i sngags bzlas la/ /tsha tsha snying pa sa nag dang/ /bsres la 'chi bdag chen po gzugs/ /khru gang la sogs tshad ldan bya/ /de ni kha phub steng du ni/ /bal dang ras saM /dar nag dgag /lho yi phyogs su bstan la bzhag/
- 112b
de dang nye bar dar dmar la/ /gzungs kyi tshig rnams bri ba 'am/ /yang na khro bo'i sngags bris gzugs/ /byang du nad ba'i gos dag la/ /bal tshon sna lnga'i srad bus dkris/ /ku sha'i steng du gzhag par bya/ /de nas slob dpon bsrung bya ste/ /mchod dang gtor ma dbul bar bya/ /slob dpon bsnyen pa la zhugs nas/ /phreng ba 'khor tshul bzlas pa brtsam/ /bsgrub bya buM pa'i nang du bsam/ /slob ma gcig gis lhor 'dug la/ /tshe dpag med pa'i gzungs bklag cing/ /tshar ngo zhing yang me tog ni/ nag po 'chi bdag steng du dor/ /de ltar brgya 'am nyi shu sogs/ /rgyas bsdus ci rigs sbyor bar bya/ /gcig gis byang du snying po bklag/ /tshar re zhing ni tshon skud la/ /nya yi bdug spos re re dbul/ /de yi grangs kyang god dang 'dra/ /de nas slob dpon gtor ma kun/ /spyi gzhud dag gis byin brlabs nas/ /rang rang gnas su dbul bar bya/ /de rjes nad pa mdun byas te/ /'brang rgyas phyed la mar byugs te/ /dpal phred lnga yi phod gzugs bya/ /mar me la tams la 'chi bdag dang/ / lho phyogs dag tu dor bar bya/ /chu dang 'o ma bsres pa'i nang/ /tshon skud nad pa la bkris te/ /snying po'i sngags kyis mtshon gyis ni/ /bcad la byang gi phyogs su dor/ /de nas slob dpon khrus byas la/ /stan bzang dag la nyer 'dug ste/ / thum pa rim pas dbang bskur bya/ /oM bai ro tsa na A yurdza na sid+d+hi sa ma ya a b+hi Shiny+tsa hUM/ dbus kyi gtso bo'i dbang bskur bas/ /sdig sgrib dag te tshe 'phel bsam/ /lus la rnam snang tshe dbang bskur/ /bu khyod 'chi bdag las grol te/ /bskal pa stong du tshe 'phel te/ /srog gcod sdig pa dag gyur cig/ ces bya yang na gzungs kyis ni/ /pa? phyin drug gi tshig bcad brjod/ /shar la sogs pa'i rim pa yis/ /rdo rje la sogs ming bsgyur te/ /bum pa lnga yis dbang bskur bya//
- 113a
mtshams kyi bum pa kun gyi chu/ /las bum nang du bsdu bya ste/ /nad pha la sogs bkru bar bya/ /de nas chu de ma bo bar/ /chu bo che 'am lteng ka mtsho/ /chu chen rnams la dor gyur na/ /nges par 'chi las bzlog pa yin/ / de rjes slob ma'i bla ma la/ /yon dbul sdom pa las blangs te/ /bla mas slob ma'i spyi bor ni/ /rdo rje des gzung tshig 'di brjod/ /nga ni ye shes tshe dpag med/ /kun tu brnyas pa spang bar gyis/ /'chi bdag chen po ngas bcom pas// pu khyod che yi dngos grub brnyes/ /de skad bya ste slob ma ni/ /tha mal lus su bsams pa la/ /snying gi pad+ma'i rtsa ba la/ /dbu mar rnam snang tshe dpag med/ /phyogs bzhir rigs bzhi bsam bya ste/ /spyi bor ye shes tshe dpag med/ / bsams pas bdag gi thugs ka nas/ /bskul bas bdud rtsi chu rgyun dbab/ /rigs lnga spyi bor slob gyur te/ /thams cad bdud rtsir zhu gyur nas/ /lus nad thams cad khyab par bsam/ /tshe dpag med pa'i gzungs kyang 'dzin// de ltar lan gnyis lan gsum bya/ /de nas mchod dang gshegs par bya/ /mjug tu tsha tsha cung zad gdab/ /sa tshon la sogs chur bor te/ /nye bar 'khor bas 'chi bdag gzhom/ /tshe dpag med pa'i gzungs kyang 'don/ /slob dpon dze ta ri dgra las rnam par rgyal bas/ bram ze nam mkha' dbyangs kyi bu'i ched du mdzad pa rdzogs so// //rgya gar gyi mkhan po sh+rI many+dzu dang lo tsa ba lce dga' ba'i dpal gyis bsgyur ba'o// // ('jam dpal rdo rje shes rab blo 'phel gyis sgrub thabs 'phags pa klu sgrub zhabs kyis mdzad pa bzhugs/) /rgya gar skad du/ many+dzu sh+rI badzra pradz+nyA bard+ha na nA ma/ bod skad du/ 'jam dpal rdo rje blo gros 'phel zhes bya'o/ bcom ldan 'das 'jam
- 113b
dpal mgon la phyag 'tshal lo/ /shes rab 'phel bar 'dod pas gnas khang dben zhing nyams dga' bar gtsang ba dri zhim po'i chus chag chag btab la/ /maN+Dal khru gang pa zhig byas te/ de'i dbus su pad+ma 'dab ma brgyad pa ser po dbus dkar por byas la/ /de'i steng du lhung bzed du shes rab 'phel bar byed pa'i rdzas/ /dbang po lag na/ gla rtsi gi waM spang rgyan dkar po/ tsan dan dkar po rnams/ ba dmar mo'i 'o mas sprus te/ ril lu sran ma tsam bya'o/ /de'i steng du 'jam dpal dang dbyangs can ma gnyis zhal sbyor gyi tsa ka li gcig bzhugs par bya'o/ /de nas oM swA b+hA ba bi shud+d+ha(rgyud 'grel): sarba d+harmA(rgyud 'grel): swa b+hA ba bi shud+d+honyahaM gi sngags kyis chos thams cad stong pa nyid du bsgom par bya'o/ /de'i ngang las pad+ma dmar po 'dab ma brgyad pa zhig bsam/ de'i steng du oM las zla ba'i dkyil 'khor gyi steng du d+hi(rgyud 'grel): ser po gur gum gyi mdog can zhig bsam/ /de yongs su gyur pa las bdag nyid 'phags pa 'jam dpal sku mdog dmar po phyag g.yas na shes rab kyi ral gri g.yon na shes rab kyi po ti bsnams pa/ rin po che'i rgyan sna tshogs kyis brgyan pa/ /zhal 'dzum bag dang ldan pa bsgom par bya'o/ /mdun gyi lhung bzed kyi nang du h+rI(rgyud 'grel): dkar po yongs su gyur pa las pad+ma dang zla ba'i steng du/ /dbyangs can ma dkar mo g.yas na ral gri/ g.yon na po ti bsnams pa/ /rin po che'i rgyan dang bcas pa zhal 'dzum bag dang ldan pa dag bsgom bar bya'o/ /de nas sa bon gnyis las 'od 'phros pas rang bzhin gyi gnas nas/ /ye shes sems dpa' spyan drangs nas so sor bstim mo/ /yang na 'od zer 'phros pas sangs rgyas dang byang chub sems dpa' rnams kyi shes rab dang mthu dang nus pa thams cad bsdus nas rang dang rdzas la bstim par bya'o/ /de nas bzlas pa bya ste/ na mo
- 114a
many+dzu sh+rI bA gI shwa ri muM/ bA gi sha ri ho/ /u pa de sha pra mo d+had+d+ha ba ni h+rI(rgyud 'grel): swAhA/ sngags kyi 'od zer bdag gi zhal nas lha mo'i zhal du/ lha mo'i zhal nas bdag gi thugs kar thim par bsgom/ de las 'od zer 'phros pas sems can thams cad kyi don du shes rab kyi mi mthun pa'i phyogs/ gti mug la sogs pa thams cad bsal bar bsgom/ 'jig rten drag byed kyi pradz+nyA thams cad bsdus bar bsgom/ /sman gyi ri lu dang bdag la thim pas ji ltar 'dod pa'i mtshan nyid la sogs pa'i dngos grub thams cad thob par bsgom mo /'di'i phan yon ni nyin gcig bsgrubs na nyin gcig tshigs su bcad pa stong zin bar 'gyur ro/ /nyi ma gnyis sgrubs na bstan bcos thams cad la mkhas par 'gyur ro/ /nyi ma gsum pa sgrubs na skye ba dran par 'gyur ro/ /nyi ma bzhi yis sangs rgyas dang pradz+nyA mnyam par 'gyur/ /lnga yis ma bslabs pa'i chos la mkhas par 'gyur ro/ /drug gis 'jam dpal gyi zhal mthong bar 'gyur ro/ /bdun gyis gzhan gyi sems shes par 'gyur ro/ /sgrub pa'i tshad zhag bdun du bya'o/ /rtags ni 'od dang sgra la sogs pa 'byung ngo/ /zhag brgyad na dkyil 'khor gyi lha rang dang ri lu la bstim ril bu de sgrub pa pos zos pas/ /'jam pa'i dbyangs dang shes rab mnyam par 'gyur ro/ /thun mong tshe'i dngos grub kyang 'thob ste/ /de ltar yang/ 'di zos yon tan bsam mi khyab/ /lo brkya thub pa brgyad brgyar 'gro/ dgu bcu lon pa bcu drug lta bur 'gyur/ /skra dkar bud nas nag por 'gyur/ /bang ni rta dang mnyam par 'gyur/ /skra ni me tog pad+ma 'dra/ /lus na dkar la sbom par 'gyur/ /nyams stobs lus zung 'phel bar 'gyur/ /lha 'dre rnams kyang stong
- 114b
grogs byed/ /yon tan smon 'jug sems dang ldan/ /sems skyed de dang ldan pa yi/ /skyes bu de ni dam pa yin/ /yon tan de dang ldan zhes smra/ /'jam dpal rdo rje blo gros 'phel ba zhes bya ba kun gyi thun mong ma yin pa slob dpon klu sgrub zhabs kyis mdzad pa rdzogs so// //mnos nas su/ /bla ma de la gus pas phyag 'tshal nas/ /ci snyed pa yi yon mchog tshul bzhin dbul/ /gzhung las 'byung ba'i sngags ni bzlas par bya/ /rig 'dzin gyis kyang de nas phyag 'tshal te/ /ci nus pa yi mchad pa sna tshogs byos/ /spos chus sbyar ba'i me tog sna tshogs kyis/ /tshig sbyin de nas snying pos bzhes su gsol/ /de yi rtsa ba'i sngags ni 'dir bshad pa/ /rab tu gsang ba'i yi ge 'bru drug ste/ /bE gI shwa ra zhes pa'i thog ma la oM ste de yi tha mar mu gzhag go /snying po'i sngags ni bA gI shwa ra med/ /mtshogs ma'i de bzhin 'dir ni mu mu yin/ /spyi gtsug de bzhin snga ma'i oM med pa/ /aM aM yin te de yi mdza' mar mu/ /go cha 'bar pa oM aM de nas mu/ /swAhA rtag tu tha mar nges par ro/ /oM aM de nas mu ni rab 'bar ba/ /mtshon cha yin par sngags rig pa la bshad/ /'di ni don grub pa yi dkyil 'khor du/ /dgod pa'i cho ga sngon mthong bshad pa'o/ /de nas gzhan yang dngos grub bsgrub pa'i phyir/ /cho ga mchog 'di rab tu bshad par bya/ /cho ga bzhin du thog mar sngags mnos nas/ /bsod nams skye bos bcags pa dge ba'i yul/ /mdangs dga' ri bor 'bab chu'i dogs dag tu/ /gnas nas de ru gtsang ma'i gnas byas te/ /sa phyogs de yi shar gyi ngos gcig tu/ /thog ma bye ma can gyis dag la/ /gzhi dang bcas pa'i rin chen stegs bu ni/ /rab tu mdzes pa khru gang tsam du bya/ /tshig sbyin pa la de ru mchod pa yang/ /cho ga shes pa'i
- 115a
sngags pbas rtag tu bya/ /de nas der ni ji skad bsha pa yi/ /bzlas pa 'am mchod pa zin ma thag tu bya/ /sngags kyi cho ga da ldan pa'i khrus dag bya/ /bsgrub pa'i cho ga shes pas rtag tu bya/ /de la tshig sbyin snying pos drug pa ru/ /bye ma can gyis dag blang bar bya/ /de ni mtshogs mas de bzhin kun tu spyang/ /de la sngags bas spyi gtsug bzlas nas su/ /de yi go chas de nas sa de la/ /cha gsum dag tu rnam par dbye bar bya/ /de nas sa de'i cha gcig blangs nas su/ /sngags pas phyogs kun tu ni gtor bar bya/ /sngags kyi bzlas pa cha gcig chu der gtor/ /cha cig gis ni lus dad yan lag bsdu/ /tshig sbyin gyis ni 'bru drug gang gsungs ba/ /de brjod nas su chu der 'jug par bya/ /skal ba bzang po rab tu dri zhim pas/ /mdangs dga' i chu la tshul bzhin khrus kyang bya/ /de ltar sngags pas tshul bzhin byas bas na/ /gtsang zhing nang gi yid kyang dag pa des/ /thog mar bdag la ji skad bshad pa bzhin/ /sngags rnams kyis ni rnam par dgod bya ba/ /lus la yan lag dgod pa'i rim pas so/ /de ltar lus ni rung bar byas nas su/ /'jam mgon tshig sbyin de ni bdag yin zhes/ / mgon po yin par de ltar byas nas ni/ /sngon du bsnyen pa zla gsum byas ba yis/ /de 'dir tshig gi dbang por grub par 'gyur/ /yang dag bkod pa dang por byung na ni/ /'jam dpal gzhon nu'i thams cad rig pa 'thob/ /de yi snying po'i sngags ni rab 'bar ba/ /sngags pas bdag gi snying khar gzhag nas su/ /de nas mtshogs ma'i sngags kyang mtshogs ma ste/ /bdag blos spyi gtsug de bzhin spyi gtsug tu/ /tsheg sbyin
- 115b
go cha mchog ni lus la ste/ /lag pa gnyis dang mig tu mtshon cha'i sngags/ /cho ga bzhin du de ltar 'du byas nas/ /de ni tshig gi dbang por 'di 'gyur ro/ /de ni yid kyi rtsa ba'i sngags zlos shing/ /sngags mkhan bdag gi gnas su 'gro bar bya/ /sod nas de bzhin stegs bu dang bcas par/ /yid kyis mtshon cha'i sngags kyis brtsal bar bya/ /yang na yungs kar ram ni me tog gi thal? mo lan gsum brdabs bas khor yug tu/ /phyogs mtshams dag ni rnam pa gsar byas nas/ /blo ldan stan cig 'dug bas nan tan du/ /mchod ba ji skad bshad pa legs par bya/ /mchod ba byas nas mdun du de 'dug ste/ /sngags kyi nor bu mtshon chas blangs pa ni/ /gcang zhing dge bas tshul bzhin bzlas par bya/ / de ni yid la yi ge gcig pu sems/ /sgra la sogs pa phyi rol yul dang bral/ /skyon med sems kyis chog bzhin du/ /de bzhin grangs kyang yid la bzung nas su/ /de yang de la yid kyis dbul bar bya/ /de nas bzlas bas skyo bar gyur na yang/ /mchod rten dag la sogs pa'i las gsungs pa/ /de bzhin gshegs pa'i las rnams de nas bya/ /mchod rten zin pa'i 'og tuAng mchod pa dag /sdig pa byed pa mthong ba'i phyir bya'o/ /de ltar gang gis rang gi yi ge bzhin// 'bum grangs bzlas byas de yis de nas su/ /rang gi sbyang las dngos grub gang bstan pa/ /mdun na 'dug ste thos pas 'dzin pa'ang mthong/ /sngon du bsnyen pa tshig 'bum sngar byas pas/ /nang bar chu la bdun gsus bzlas btungs nas/ /da ni zla ba gcig gis glen ba yang/ /gdon mi za bar lan cig smra bas zin/ /rang bzo sna tshogs dag kyang legs par byed /gtsug lag don 'brel dga' ba dag kyang shes/ /sgra yi gtsug lag la sogs ma shes
- 116a
kyang/ /rgol ba dag las skad cig las sangs rgyal/ /oM aM iM uM cig char phyogs rnams su/ /de nas bA gi shwa ras mtshams rnams su/ /rang gi sa bon mu ni dkyil du bzhag /'bar ba de ni mi shes med bar byed/ /'khor lo de ni rtsibs brgyad par bshad de/ /zla ltar dkar ba snying gar bsam pa ni/ /shes rab rnor 'gyur sa bon de dgu ste/ /zla 'od gsal ba'i 'od zer dang bcas pa'o/ /'khor lo bcu drug rtsibs kyang zhi ba ste/ / sa bon de dag nyid kyis gsal par byas/ /dkyil du oM dang rab tu 'bar ba'i mu/ /mi shes nyes pa ser phyir 'bar ba ste/ /ka la sogs pa'i 'od zer rnams dang ldan/ /snying gar gzhag ba legs bar gang shes ba/ /sngags bas zla ba gcig gis ma lus shes/ /ji skad thos pa'ang lan cig dag gis 'dzin/ /nam mkha' de bzhin rtsibs na med par bshad/ /'khor lo de yang 'dir ni oM gzhan ste/ /de la snang byed sa bon gcig gzhag pa/ /mi shes med phyir rab tu 'bar ba'i mu/ /'khor lo 'di ni snying gar lags bsams na/ /zla ba gcig gis thos pa 'dzin par bshad/ /rab tu myur ba'i tshig kyang thams cad du/ /de nas sngags ba des ni rig par 'gyur/ /'khor lo dkyil bzang snying gar bzhag pa ni/ /shel sgor bzhin du rab dkar bcu drug rtsibs/ /rang gi sa bon zla 'od 'dra dang bcas/ /dkyil du oM gzhan mu ran gnyis su phye/ /sa bon ma lus 'bar bas mu ran brgyan/ /'od 'phros rab tu 'bar 'byung nyi ma 'dra/ /dri med shel gong 'dra ba'i oM dkyil gyi/ /dbus su mu mu rab tu 'bar ba gzhag mi shes mun pa bsal ba'i phyir 'di bshad de/ /mun pa'i nang na 'di ni mdun na 'bar/ /sgom pa'i tshe na
- 116b
lus la rab bltas na/ /thams cad shes bar 'gyur bar gdon mi za/ /de nas 'khor lo'i mu ran legs phye ba/ /yi ge gcig pa'i sa bon gcig bzhag pa'o/ /snying por bcas bar phyi rol mtshon char ldan/ /mtshon chas rtsibs rnams rab tu gsal bar byas/ /dkyil du bzhag pa'i sa bon sngon bshad ba/ /rin chen rtse mo me ltar shin tu 'bar/ /rab tu 'phro ba 'od zer mang po 'phro/ /thub pas bsgoms na nges par ma lus shes/ /bsam gtan dang ldan tshig ni rab tu gsal/ /de yi lus kyang rab tu gsal bar 'gyur/ /khams gsum dag gi don rnams ma lus ba/ /rang ni gnas pa des ni ci bzhin shes/ /de bzhin dpyad las 'bras bu khyad par can/ /bstan pa rnams kyang mkhas pas 'dir bshad pa/ /brtul zhugs dam pa ji skad bshad pa ni/ /gzhon nu brtul zhugs 'di ru gdon mi za /gzhon nu'i brtul zhugs 'dir ni gtsor bshad de/ /dngos grub thob phyir zla ba gcig tu'o/ /byis pa'i zur phung mdzes pa gsum dag dang/ / mgur gyi rgyan yang gser mchog dag gis brgyan/ /lus kyi yan lag ngo mtshar mdzes par byas/ /dpral bar mdzes pa'i mtshal ris gcig kyang bri/ /rgyan du 'os pa'i gdu bu bzang pos brgyan/ /gos kyang khro bo ma yang na dkar po gcig/ brtul zhugs 'di ni tshangs pa mchog sbyang bshad/ /zas su zho 'am 'bru mar tshigs ma bza' / /byis pa'i rgyan gyis shin tu mdzes par brgyan/ /thog mar bsrung ba tshul bzhin byas nas su/ /bu don gzhon nu'i gzugs kyi spyan snga ru/ /brtul zhugs spyad cing bzlas pa'ang der bya'o/ /sngags bas bu don de la mchod pa yang/ /grub ba thob phyir 'dir ni rtag tu bya/ /de bas bu don brtul zhugs sngon rol tu/ /bzo bo mkhas pas legs par bri ba ni/ /ras kyang khru
- 117a
gang tshad du byas pa ste/ /sar la kha tsha ra dong rab tu bshad/ /kha dog gsal ba'i mtshon bzangs sbyin med pas/ /gzhon nu sku gzugs ji skad bshad pa bzhin/ /dkar sham po la sha tshugs legs byas nas/ /pad+ma'i gdan la bde bar bzhugs par bya/ /zhal bzangs gzhon nu'i gzugs las ldem bag can/ /yan lag yongs rdzogs sku ni mchog tu mdzas/ /mdzas pa'i utpal g.yon pa'i phyag na bsnams/ /de yi phyag g.yas mchog ni sbyin par mdzad/ /rig 'dzin mang po rnams kyang mchod pa byed sku gzugs de yang ri yi phug na gnas/ /cho ga bzhin du legs par bris nas su/ /ji skad bshad pa'i mchod pa rab tu bya/ /'dir ni mchod pa'i yi ge 'bru drug gis/ snying pos spyan drangs gdan la bzhugs su gsol/ /de bzhin pad+ma'i phyag rgyas bya ba ni/ /de la yon chab bdag ni dbul ba dang/ /spyan drangs pa dang gdan la bzhugs pa dang/ /gshegs su gsol ba'ang snying por bcas pas so// pad ma'i phyag rgya tshul bzhin bcings nas su/ /las rnams bshad pa gzhan yang legs par bya/ /de ltar brtul zhugs spyad cing sngags bsgrubs pas/ /de nas sngon du bsnyen pa la sogs byas/ ral gri la sogs ji skad bshad kun gyi/ /'byor ba mchog gi lam rnams bsgrub par bya/ /brtul zhugs cho ga ji skad gsungs pa'i rnams/ /ma lus par ni bshad pa 'di yin no// //de nas gzhan yang 'jam dpal gzhon nu yi/ /dpyad las byung ba'i dpyad ni bshad par bya/ /dkar mo ma yin pa las byung ba yi/ /ba yi 'o ma mtshan mo'i bsgrub pa ni/ /zla ba gzas zin pa la 'o ma de/ /zhor gyur na ni grub pa'i mtshan ma yin/ /de tshe 'thungs na 'dod pa'i gzugs 'gyur ba/ /
- 117b
kun tu gzhon nu'i lus dang ldan par 'gyur/ /de ma thag tu nam mkha' la yang 'gro/ dngos grub can de grub pa rnams kyis bskor/ /ser skya las byung mar yang de bzhin du/ /dbul gyi snod du de ni bzhag nas su/ /zla ba gzas zin tshe ni lag pas dag po/ /rtse gcig yid kyis tshul bzhin bsgrub pa ni/ /mar de tshar gyur dbu ba byung gi bar/ /de nas mar de myur du 'thungs nas ni/ /thams cad shes 'gyur 'di ni gdon mi za/ /stobs kyang che ba rlung dang mnyam par 'gyur/ /sngags pa de nyid tshe ring 'gyur ba ni/ /lha yi lo stong bar du thub par 'gyur/ /lha yi byang gzugs lha yi dbyangs dang ldan/ /grub pa de ni skra gnag nad kyang med/ /'o thug dam pas lhung bzed bkang nas su/ /mar gyis blugs la sha kha ra dang sbyar// zla ba gzas zin nub mo lag pas dgab/ /rab tu bsgrubs na grub pa'i mtshan 'byung ba/ /lhung bzed 'o thug gis su bkang ba ste/ /lag pas mnan kyang rab tu g.yo bar 'gyur/ /de nas lhung bzed 'o thug de 'thungs na/ /nam mkha' 'gro ba rig 'dzin rab tu g.yo/ /de 'thungs na ni dngos grub ma thob kyang/ /tshe zad pa yang nad med lo brgya thub/ /gtsug lag don rnams rang gis 'grel nus pa/ /gang zhig glen pa'ang 'dir ni gdon mi za/ /ral gri de bzhin utpal lo ma 'dra// tshad dang ldan pa yid du 'ong ba la/ /thog mar bsrungs nas bsgrub par bya ba ni/ /lag pa g.yas pas legs par bzung nas su/ /zla ba gzas zin tshe na ral gri de/ /'bar zhing rab tu g.yo ba'i bar du bsgrub/ /de nas kun tu 'bad ba'i ral gri nges/ /rig 'dzin 'gyur ba g.yo zhing nam mkha' 'gro/ rig 'dzin rnams kyi thog mar 'gro ba ste/ /ral gri grub pas de ni stobs kyang che/ /gzugs mchog 'gyur ba gser gyi btso ma 'dra/ /skra yang rab tu 'khyil ba lcang lo
- 118a
bzhin/ /ldong ros dag kyang de bzhin me mdag 'dra/ /mar dang de bzhin 'o ma las btags nas/ /zla ba gzas zin tshe na sngar bsrungs la/ /dngul gyi snod du gzhag ste bsgrub par bya/ /ldong ros de las nam zhig grub pa na/ /rnam pa gsum du 'gyur bar mkhas pa bshad/ /tshe bar 'gyur zhing de nas du ba 'byung/ /yang na de bzhin rab tu 'bar bar 'gyur/ /tsha bar gyur ba nyid kyis rkang mgyogs par/ /gdon mi za bar de ma thag tu 'gyur/ /du ba byung na de yi rjes nyid du bar chad med par mi snang bsgrub par 'gyur/ /'bar ba byung na de nas yang dag par/ /nam mkha' dag la myur du 'gro bar 'gyur/ /rkang pa dag dang lus bkus thig le lte/ /rim pa bzhin du dngos grub sbyar bar bshad/ /shu dag dkar po 'am de bzhin gangs can gyi/ /zla ba gzas zin nub mo bsgrub pa ni/ /sngags pa'i kha na 'dug pa g.yo bar byed/ /zos na des ni thams cad rig pa 'thob/ /shes rab rno 'gyur sman gag gnas pa dang/ /gzhan dpyad bshad pa yon tan mang po rnams/ /de dag sman gyi dpyad las 'byung ba yi/ /cho ga bzhin du bsgrubs nas sbyar bar bya/ /dpyad 'di bdag gis phyin ci ma log par/ /mdor bsdus nas ni 'di ru bshad pa yin/ /dpyad gzhan dag gi dngos grub cho ga rnams/ bltas na med? bzhin 'dir ni bsgrub par bya/ /shag ti tri shU la lcags kyu 'khor lo dang/ /rdo rje rma bya de yi mjug ma rnams/ /ral gri bsgrub pa'i cho ga bshad pa bzhin/ /bsgrubs na ji skad bshad pa'i dngos grub 'thob/ /phye ma mig sman za ba'i dngos grub rnams/ /gzhan yang 'jig rten pa yi bshad pa bzhin/ /sngags rig pas ni de bzhin bsgrub par bya/ /sngags mkhan gtsang sbra che la rtag 'bad pas/ /nyi ma'i rtse la lan brgya bzlas pa yi/ /
- 118b
chu 'thungs na ni bsnyen pa ma byas kyang/ /lo gcig gis ni tshig la dbang du 'gyur/ /gtsug lag don rnams ma lus shes par 'gyur/ /'dus byas rang bzhin zung du ma 'dres pa/ /lan cig thos nas 'di ni chud mi za/ /de ni thog mar yid chos phyir bshad do/ /'di ni cho ga bsdus nas bshad pa ste/ /'jam dpal gzhon nu'i rab tu gsang ba yi/ /dpyad 'di tshig bcad brgya yi grangs byas pa/ /grub pa 'phags pa'i lhas ni 'di byas so/ /bcom ldan 'das 'jam pa'i dbyangs kyi dpyad pa rdzogs so// // */ (/'jam dpal dbyangs dpa' bo gcig tu grub pa'i sgrub thabs mar me mdzad dpal ye shes kyis mdzad pa bzhugs//) // !/ /rgya gar skad du/ sid d+hai ka pI ra many+dzu sh+rI(rgyud 'grel): sA d+ha naM/ bod skad du/ 'jam pa'i dbyangs dpa' bo gcig tu grub pa'i sgrub pa'i thabs/ /'jam pa'i dbyangs dpa' bo gcig tu grub pa la phyag 'tshal lo/ /de la dang por sngags pas gdong bkru ba la sogs pa bya ste yid dang mthun pa'i bsam gtan gyi gnas gtsang zhing/ /me tog dri zhim pos gtsal du bkram par/ stan gtsang la bde bar skyil mo krung gis 'dug ste/ 'byung po thams cad pa'i gtor ma'i sngags kyis gtor ma byin gyis brlabs la/ /oM a bi g+h+nAM ta kri ta hUM phaT ces bya ba'i sngags lan bcu'i bar du brjod de phyogs bcu na gnas pa'i bgegs thams cad bskrad par bya'o/ /de nas rang gi snying gar a chos thams cad chos kyi dbyings kyi rang bzhin skye ba med pa ston par byed pa/ ston ka'i zla ba ltar dkar ba/ 'od zer dkar po 'phro bas rang gi lus gsal bar byed pa shin tu phra ba bsams la/ /de yongs su gyur pas 'od zer dkar po'i thig le shel sgong dag pa lta bu/ de rim gyis 'phel bar gyur bas zla ba'i
- 119a
dkyil 'khor gyi gzugs su bsam zhing/ de'i steng du yi ge d+hi(rgyud 'grel): de'i 'od zer gyi tshogs 'phro ba rin po che'i sgron ma ltar dkar ba rnam par bsam mo/ /de nas yi ge d+hI(rgyud 'grel): de'i 'od zer shin tu dkar pa'i tshogs kyis 'jig rten gyi khams thams cad gsal bar byas pa sngon du 'gro bas 'phags pa 'jam dpal la sogs pa sangs rgyas dang byang chub sems dpa' dang/ bla ma rnams bskul te spyan drangs la mdun gyi nam mkha' i phyogs la rnam par bsams la phyag bya'o/ /de'i 'og tu yid kyi rang bzhin gyi mchod pas mchod par bya ba yin la/ /de la mchod pa'i cho ga'i rim pa ni 'di yin te/ oM badzra puShpe hUM zhes bya ba'i sngags brjod la/ yi ge d+hI(rgyud 'grel): las byung ba'i me tog gi mchod pa'i tshogs kyis mchod par bya'o/ /de nas oM badzra d+hUM be hUM zhes bya ba'i sngags brjod la/ yi ge d+hI(rgyud 'grel): de nyid las yang dag par spros pa'i bdug pa'i mchod pa'i tshogs kyis mchod par bya'o/ /de'i 'og tu oM badzra dI pe hUM zhes bya ba'i sngags brjod la/ yi ge d+hI(rgyud 'grel): de nyid las rin po che'i sgron ma spos la mchod par bya'o/ de nas oM badzra gan d+he hUM zhes bya ba'i sngags brjod la/ /yi ge d+hI(rgyud 'grel): de nyid las byung ba'i dri'i mchod pa'i sprin yang dag par spros par mchod par bya'o/ /de nas oM badzra nai bi dyai hUM zhes bya ba'i sngags brjod pas/ yi ge d+hI(rgyud 'grel): de nyid las rin po che sna tshogs kyi snod du bcug pa'i zhal zas ro mchog dang ldan pa'i mchod pa'i sprin rnam pa sna tshogs yang dag par spros pas mchod par bya'o/ /de nas oM sarba bi shi Sh+Ta pU dza me g+ha pra sa ra sa mu dra A(rgyud 'grel): hUM zhes bya ba'i sngags brjod la/ /de nyid las rin po che sna tshogs kyi gdugs dang/ rgyal mtshan dang/ dril bu dang/
- 119b
ba dan dang/ bla bre la sogs pa dang/ 'khor los sgyur ba'i rin po che sna bdun gyis mchod par bya'o/ /de ltar mchod pa byas nas de dag gi spyan sngar sdig pa bshags pa dang/ bsod nams kyi rjes su yi rang ba dang/ gsol ba gdab pa dang/ bskul ba dang/ bsod nams yongs su bsngo ba dang/ gsum la skyabs su 'gro ba byas la/ byams pa dang/ snying rje dang/ dga' ba dang/ btang snyoms te tshangs pa'i gnas bzhi sgoms nas byang chub kyi sems brtan par bya'o/ /de nas oM swa b+hA bi shud d+ha(rgyud 'grel): sarba d+harmA(rgyud 'grel): swa b+hA ba shud+d+ho haM/ zhes bya ba'i sngags lan bdun brjod la/ 'gro ba thams cad sgyu ma dang/ rmi lam dang smig rgyu lta bur stong pa nyid kyi rang bzhin du dmigs par bya'o/ /de nas rang gi snying gar chud pa'i yi ge d+hI(rgyud 'grel): de'i 'od zer gyi tshogs spros pas rang gi lus stong par blta zhing/ /de nas bdag nyid 'jam dpal ye shes kyi sku'i bdag nyid can yi ge d+hI(rgyud 'grel): tsam du gnas par bya'o/ /phyis yi ge d+hI(rgyud 'grel): de yongs su gyur pa'i utpal sngon po bsgoms pa la de'i dbus su yang yi ge d+hI(rgyud 'grel): gnas par bsam mo/ /'od zer de yis 'gro ba kun/ /kun nas yongs su spyangs nas ni/ /rang gi 'dod lha'i gzugs dag tu/ /gyur pa utpa lar bstim mo/ /de nas de yongs su gyur pa las shel sgor dag pa dang 'dra ba/ /dbu gcig pa dang phyag gnyis pa/ /zla ba'i gdan bzhugs zla ba 'dra'o/ /zur phung lnga po dag gi thod/ /zhi ba rin chen cod pan 'chang/ /rgyan kun rnam par 'dzin 'gyur dang/ /g.yas kyis mchod sbyin g.yon dag gis/ /utpal sngon po 'dzin 'gyur ba utpa la'i steng du shes rab kyi pha rol tu phyin pa'i glegs bam yang dag par 'dzin pa'o/ /'jam dpa' i dbyangs su bdag nyid bsgoms la/ rang gi lus las 'od zer 'phros pas nam mkha' i
- 120a
khams ma lus pa khyab par bya'o/ /de'i 'og tu nyid kyi thugs ka'i zla ba'i dkyil 'khor lha yi ge d+hI(rgyud 'grel): dkar po 'bar ba'i phreng ba gtibs par bsam la/ /de nas rang gi snying ga la gnas pa'i yi ge d+hI(rgyud 'grel): las 'od zer gyi tshogs kyi sprin kun tu spros pa des/ /dam tshig sems dpa' dang 'dra ba'i ye shes sems dpa' bskul nas/ /spyan drangs pa mdun gyi nam mkha' la rnam par bsams la/ /snga ma bzhin yang dag par mchod de/ /dza(rgyud 'grel): hUM baM ho(rgyud 'grel): zhes bya ba'i yi ge bzhis drangs nas/ dam tshig sems dpa' bdag nyid la dgug pa dang/ bcing ba dang/ dgyes pa byas la/ oM d+harmA d+hA tu bA gI shwa ri swa b+hA ba At+ma konyahaM/ /zhes nga rgyal bya'o/ /de'i rjes la yi ge d+hI: las 'od zer spro ba byas la de bzhin gshegs pa mdun gyi nam mkha' la rnam par bsams la/ dbang bskur ba'i tshigs su bcad pa 'dis don du mnyes par bya ste/ byang chub rdo rje sangs rgyas la/ ji ltar mchod chen gsol mdzad pa/ /bdag la'ang bsrung ba'i don gyi phyir/ /nam mkha' i rdo rje dang bdag gsol/ /de nas de bzhin gshegs pa de dag gi sku las byung ba'i lo tsa na dang/ mA ma kI dang/ gos dkar mo dang/ tA ra rin po che'i bum pa ye shes kyi bdud rtsis bkang pa phyag na bsnams pas rdo rje chen po'i dbang bskur ba/ /khams gsum po yis phyag byas pa/ gsang ba gsum gyi gnas las byung/ sangs rgyas kun gyis sbyin par bya/ zhes bya ba 'don cing dbang bskur bar bsam mo/ /dbang bskur rdzogs ma thag rin po che'i cod pan gyi steng du/ de bzhin gshegs pa mi bskyod pa bsams la/ /lus dang ngag dang yid gsum byin gyis brlab pa'i phyir/ spyi bo la ye shes/ oM dkar po zla ba'i dkyil
- 120b
'khor la gnas pa dang/ lkog mar yi ge A(rgyud 'grel): dmar po zla ba'i dkyil 'khor la gnas pa dang/ /snying gar yi ge hUM nag po zla ba'i dkyil 'khor la gnas pa rnam par bkod pa la/ /spro ba dang bsdu ba'i sbyor bas ji srid mngon sum dang 'dra bar snang ba de srid du bsgom par bya zhing/ /sgom pas skyo bar gyur na sngags bzla bar bya'o/ /sngags ji tsam 'dod pa bzlas pa byas nas/ /cho ga nyams pa bskang bar bya ba'i phyir rdo rje sems dpa' i snying po yi ge brgya pa zhes bya ba'i sngags bzlas nas// ye shes sems dpa' yang dag par mchod de bsod nams su bsngos la gshegs su gsol lo/ /de la ye shes sems dpa' gshegs gsel ba'i tshigs su bcad pa ni/ oM khyod kyis sems can don du kun mdzad/ /rjes su mthun pa'i dngos grub stsal/ /sangs rgyas yul du gshegs nas kyang/ /slar yang 'byon par mdzad du gsol/ /mu(rgyud 'grel): zhes bya ba 'di yin no/ /de la rdo rje sems dpa' i snying po'i yi ge brgya pa'i sngags ni/ /oM badzra satwa sa ma ya ma nu pA la ya/ badzra satwa twe no pa tiSh+Tha/ dri Dho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid d+himme pra yats+tsha/ sarba karma su tsa me tsit+taM sh+re ya(rgyud 'grel): ku ru hUM/ ha ha ha ha ho(rgyud 'grel): b+ha ga ban sarba ta thA ga ta badzra mA me muny+tsa badzrI b+ha ba ma hA sa ma ya satwo A:/ zhes bya ba 'di yin no/ /de la bzlas pa'i sngags ni/ oM A(rgyud 'grel): d+hi(rgyud 'grel): hUM zhes bya ba 'di yin no/ /yang oM badzra tik+Sh+NA du(rgyud 'grel): khats+tshe da pradz+nyA dz+nyA na mUrta ye/ dz+nyA na kA ya bA gI shwar/ a ra pa tsa na ye te na ma(rgyud 'grel): zhes bya ba ni bzlas pa'i sngags so/ /'jam pa'i dbyangs dpa' bo gcig tu grub pa zhes pa'i sgrub thabs/ /slob dpon chen po dpal mar me mdzad ye shes kyis mdzad pa rdzogs so// //rgya gar gyi mkhan po dI paM ka ra
- 121a
sh+rI dz+nyA na dang/ bod kyi lo tsa ba dge ba'i blo gros kyis bsgyur cing zhus te gtan la phab pa'o/ (//'phags pa 'jam dpal rje btsun shes rab 'khor lo'i sgrub thabs gzhan yang thabs dang bstod pa 'di man na mang du yeng ngo/) /rgya gar skad du/ many+dzu sh+rI b+ha TTa ra ka sA d+ha naM pradz+nyA tsakra/ bod skad du/ rje btsun 'jam dpal shes rab 'khor lo'i sgrub thabs/ 'phags pa 'jam pa'i dbyangs la phyag 'tshal lo/ gang mthus snying gi ma rig mun sel shes rab snang ba kun skyed mdzad/ /sna tshogs bstan bcos rig pa dang ni gsang sngags phan pa rnam sbyin pa/ /'dod dgu'i gter gcig gzhon nu yid 'od zur phud lnga dang ldan pa gang/ /'jam dbyangs mgon la gus pas btud de de bsten man ngag bri bar bya/ /sngags pas rjes su mthun pa'i gnas/ /byi dor byug pa bzang byas la/ /khyad par skyabs brten sems bskyed nas/ /gzhon nu shes rab 'khor lo bsgom/ /snying dbus bu gar ri bong 'dzin// ye shes sa bon d+hI(rgyud 'grel): yig 'od/ /skar mdog rnam par gsal bar blta/ /de las tshogs rten dkyil 'khor dgug/ dngos dang yid las byung dang gzhan/ /yang dag don shes mchod pas mchod/ /phyag 'tshal ba dang sdig sel dang/ /bsod nams phung po gzhan yang ngo/ /byams dang snying rje dga' ba dang/ /btang snyoms tshangs pa'i gnas bzhi yis/ /skye bo ma lus rjes chags shing/ /chags bral sdom pa gzung bar bya/ /de rjes gsang sngags gnyis brjod pas/ /yul dang yul can dag bya'i phyir/ /sprin med nam mkha' i dkyil lta bur/ /mkhas pas stong nyid bsgom par bya/ /oM swa b+hA ba shud+d+ha(rgyud 'grel): sarba d+harmma(rgyud 'grel): swa b+hA ba shud+d+honyahaM/ /oM shU n+ya tAdz+nyA na
- 121b
badzra swa b+hA ba At+ma konyahaM/ baM yig A dang d+hI(rgyud 'grel): yig las grub chu skyes dang/ /zla rgyas gdan la shes rab ral gri sa bon mtshan/ /dkar bsil zla ba bye ba'i gzi 'od las lhag pa'i/ /dpal gyis sa gsum shes rab snang ba bskyed par bsgom/ /dus gsum gshegs dang phyogs bcu'i char bzhugs sangs rgyas dang/ /de sras de bzhin drang srong dang ni rig 'dzin tshogs/ /ma lus yon tan blo gros snang ba bsdus nas kyang/ /skad cig rnam pas 'jig rten gsum mgon 'jam dbyangs gyur/ /gzhon nu'i ngang tshul ral gri po ti 'khor lo 'dzin/ /rab sgeg brtan mdzes dul ba'i rang bzhin blo bzang po/ /skyil krung rab gsal rin chen dpag med 'phro ba yi/ /blo ngan sel mkhas sangs rgyas sras ni sgrub pos blta/ /de snying zla steng d+hI(rgyud 'grel): yig las byung 'od zer gyis/ /ye shes mgon bkug mtshon gang gzugs kyis snying gar gnas/ /de snying dbus su 'ang d+hI(rgyud 'grel): yig 'bar bas brgyan bsams te/ dri med dkar gsal 'od tshogs phreng bas brgyan par bsgom/ /sems dpa' gnyis kyi gdan gang yin rang snying brtsibs brgyad rno/ /shes rab rig pa brgyad kyis mtshan/ /rdza mkhan 'khor lo lta bur 'khor/ /rab dkar snang bas mun sel byed/ /rnon pos mi shes brag rum 'jig/ shugs drag las dang nyon mongs gcod/ /phan tshun bzlog pas 'khrul pa 'joms/ /a ra pa tsa na d+hi(rgyud 'grel): hUM oM gyis thog mar brgyan pa ni/ rig pa'i rgyal po brgyad par brags/ /lo phyed 'bras bu mthong bar gyur/ /gzugs brnyan brag ca de bzhin du/ /'ja' tshon lta bur sku gsung thugs/ /mi rtog gsal bar gang gis dran/ /ma yengs yid can de yis 'grub/ /ldang bar 'dod tshe 'od 'phros pas/ /slar yang srid gsum bsdu ba 'am/ /yang na dngos grub blangs nas su/ /
- 122a
bsod nams 'gro la sbyin par bya/ /gang phyir 'di na la las sngon chad dge ma bsags/ /la las lam 'chol la las legs spyad par chad byas/ /gzhan gyis de bzhin yun ring lha mchog mnyes ma byas/ /de phyir skye bo ma rig mun 'thoms rnams 'khyams snyam/ /de dag brtse bas rab tu 'bad pa'i shugs ni 'dir bskyed pa'i/ /mthu yis dngos grub mtshan ma cung zad rnyed pa la brten te/ /'khor lo dri med rab tu dkar rgyas zla ba nya 'dra'i tshul/ /brjod pas skye bo rnams ni 'jam dbyangs nyid myur mthong gyur cig/ rje btsun 'jam pa'i dbyangs shes rab 'khor lo'i sgrub thabs/ /slob dpon chen po tsan+d+rA ka ra guptas mdzad pa rdzogs so// // paN+Di ta shAkya sh+rI b+ha dra dang byis pa dpal gyis bsgyur cing gtan la phab// //rgya gar skad du/ many+dzu sh+rI tsa la tsakra/ bod skad du/ 'jam dpal g.yo ba'i 'khor lo/ /'jam pa'i dbyangs la phyag 'tshal lo/ /sngon du 'gro ba bsod nams kyi tshogs la/ mdun gyi nam mkha' la rang gi bla ma dang 'jam dbyangs la sogs pa sangs rgyas dang byang chub sems dpa' dpag tu med pa bzhugs par bsams la yan lag bdun pa rgyas par bya// de nas tshad med pa bzhi bsgom dngos po thams cad rmi lam lta bu'i blo nye bar gzhag/ rang gi lus dbul/ /de nas dri bzangs kyi chus chag chag btab la stan bde ba'i steng du ting nge 'dzin skye ba dang mthun pa'i lus kyi rnal 'byor dang ldan pas chos thams cad stong pa nyid du bsgom ste/ byin gyis rlab pa'i sngags swa b+hA ba la sogs kyang brjod do/ /de las skyo bar gyur na gang du yang ma grub pa'i ngang las rang gi sngar gyi gdan gang na yod pa'i sar
- 122b
A dkar po yongs su gyur pa las zla ba'i dkyil 'khor de'i steng du yi ge d+hI(rgyud 'grel): 'od kyi phung po rab tu 'bar bar bsams la de las 'od zer 'phros pas phyi rol gyi snod dang/ nad bcud kyi dngos po gang la phog pa rnams 'phags par gyur// de rnams 'od zer gyis d+hI(rgyud 'grel): la bsdu/ de yongs su gyur pa las 'phags pa sku mdog dkar po/ /zhabs rdo rje'i skyil krung du bzhugs pa/ /phyag g.yas na ral gri/ g.yon gyis thugs kar po ti bzung ba/ /zhal cung zad 'dzum pa pad+ma kha phye ba lta bu'i spyan dkyus ring ba/ dbu la gtsugs phud lnga 'phyang ba/ rin po che'i rgyan mang pos mdzad pa/ /bcu drug lon pa'i khye'u ltar gzhon sha dang bcas pa zla ba bye ba'i gzi brjid ltar 'od zer rab tu 'bar ba'i sku bskyed de/ de'i thugs kar oM 'od zer gyi phung po can yongs su gyur pa las 'khor lo rtsibs brgyad pa kha dog shin tu dkar zhing 'od zer dpag tu med pa 'phro ba/ de'i steng du a las zla ba'i dbus su aM yongs su gyur pa las 'jam dbyangs/ shar du ra yongs su gyur pa las dra ba can gyi 'ong/ /rgyab tu ba yongs su gyur pa las zla 'od/ g.yas sa tsam yongs su gyur pa las skra can ma/ g.yon du nam yongs su gyur pa las nye ba'i skra can ma'o/ /'di dag gi sku mdog phyag mtshan ni phyi rol gyi 'phags pa bzhin no/ /sku phyi nang thams cad dri ma yongs su dag cing 'od zer 'phro bas ma rig pa'i rdzab bsal bar bsam/ /g.yo ba'i 'khor lo zhes bya ba ni/ /'khor lo de g.yo zhing 'khor bas rdza mkhan gyi 'khor lo ltar rab tu 'khor bsam rig pa la sogs pa nyon mongs pa rnams gcod par byed do/ /ye shes sems dpa' dgug pa dang/ gzhug pa dang/ rigs lngas dbang skur te/ rigs kyi bdag pos dbu brgyan pa ni gzhan dang mthun no/ /zla
- 123a
ba dang 'khor lo dang lha'i sku dri ma yongs su dag pa 'ja' tshon lta bu la dmigs la/ /oM a ra pa tsa na d+hI(rgyud 'grel): zhes bya ba'i sngags bzlas so/ /'di'i bsnyen pa'i tshad ni yi ge re re la 'bum tsho re re yin no/ /'grub pa'i dus ni rgyun mi 'chad pa dang gus pa'i sgo nas bsgrubs na 'grub par 'gyur ro/ /'phags pa 'jam dpal g.yo ba'i 'khor lo'i man ngag /kha che'i paN+Di ta shAkya sh+rI b+ha dra'i zhal snga nas mdzad pa rdzogs so// //rgya gar skad du/ bA gI shwa ra sto tra/ bod skad du/ dag gi dbang phyug la bstod pa/ 'jam dpal gzhon nur gyur pa la phyag 'tshal lo/ /gzhon nu'i sku lus 'chang ba'o/ /ye shes sgron mas rab brgyan cing/ /'jig rten gti mug mun sel ba/ /'jam pa'i dbyangs la phyag 'tshal bstod/ /nyid kyi mdangs bzang tshogs kyis ni/ /zla ba rgyas pa zil gnon cing/ /rig pa rnam par gsal 'gyur ba/ /'jam dpal khyed la phyag 'tshal bstod/ /ma bsgos zur phud gsal ba la/ /nor bu 'bar ba'i sku mnga' zhing/ /nyid ni kun tu 'bar ba'i sku/ /'jam dpal khyod la phyag 'tshal bstod/ /bdud rtsi dri zhim 'jam la zab/ /yid 'ong gsung gi sgra sgrogs pa/ /dam pa'i chos kyi rin chen mdzod/ /'jam dpal khyod la phyag 'tshal bstod// gang+gA'i chu thigs ltar grangs med/ /'jig rten khams kun ma lus pa/ /nyon mongs dri ma rab spangs pa'i/ /'jam dpal khyod la phyag 'tshal bstod/ /mche ba gtsigs shing bsgyings pa yi/ /'jigs pa'i sku yi tshul gyis ni/ /gshin rje'i dregs pa 'joms mdzad pa/ /'jam dpal khyed la phyag 'tshal bstod/ /rang gi spyan dang mdangs 'dra ba'i/ /utpal sngon po rab mdzes pa/ /lhung bzed phyag mchog bsnams pa yi/ /'jam dpal khyed la phyag 'tshal bstod/ /
- 123b
phyogs bcur bzhugs pa'i sangs rgyas la/ /rgya cher bstod pa spyod pa dang/ /'gro ba'i lam ni ston pa po/ /'jam dpal khyed la phyag 'tshal bstod/ /ngag gi dbang phyug la bu mo brgyad kyis bstod pa rdzogs so// //rgya gar skad du/ Arya many+dzu sh+rI sto tra/ bod skad du/ 'phags pa 'jam dpal la bstod pa/ 'phags pa 'jam dpal la phyag 'tshal lo/ /dpal gyi 'byung gnas 'jam dpal kun gyi dpal/ /mdza' dag byams pas khyab pas 'jam pa'i ngang/ /'jam dang dpal du grags pas don dang ldan/ /'jam dpal yang dag dpal la phyag 'tshal bstod/ /gzhon nu'i sku mdog gser mdangs 'od lam 'bar/ /rin chen mchog gis brgyan pas sa les pa/ /byin chen dang ba'i thugs mnga' 'dzum pa po// gzi brjid mdzes dang ldan la phyag 'tshal bstod/ /yon tan gter gyi utpal phyag na bsnams/ /pad+ma rgyas pa'i snying po'i gdan la bzhugs/ /lha yi cha lugs lha las khyad par 'phags/ /blta bas mi skyo khyod la phyag 'tshal bstod/ /gzhon nu sgeg pa'i tshul du gda' mod kyi/ /ye shes thogs med mnga' bas kun mkhyen pas/ /sems can don la nan tan don du gnyer/ /'gro ba mdza' dag sgrol la phyag 'tshal bstod/ /gzhon nu sprul pa'i mtshan dang dpe byad la/ /gang gis yud tsam mthong bas 'dun pa skye/ /gang la cis 'dul de ltar sprul mdzad pa/ /thabs kyis 'dren pa'i mgon la phyag 'tshal bstod/ /bsam rtogs spros la dben pas sangs rgyas brnyes/ /yod med rtag chad mdza' la mi gnas shing/ /gnyis med mnyam pas chos kyi tshul la gnas/ /yang dag don gyi mchog la phyag 'tshal bstod/ /khyod ni chos dbyings zab mo'i 'byung gnas te/ /yi ge smra bas rtog pa'i yul med kyang/ /'dul ba'i dbang gis cho 'phrul gzugs
- 124a
ston pa/ /dam pas mthong bar mdzad la phyag 'tshal bstod/ /tshul bzhin ma yin yid la byed pa spangs/ /rig pas dgon par gyur pa'i thabs la dben/ /ye shes bdud rtsi char gyis brlan mdzad cing/ /byang chub myu gu skyed la phyag 'tshal bstod/ /byams chen 'gran zla med pa dag gi dbang/ /mtshan mar spros pa'i rtsod pa tshar bcad de/ /zhi ba mi g.yo dbyings su 'dzud mdzad pa/ /'jig rten ded dpon mchog la phyag 'tshal bstod/ /cang mkhyen chen po shes rab ral gri yis/ /lta ba dman pa bslang pa'i dra ba 'dral/ /bag yangs mi rtog dbyings su yun du bzhugs/ /skye dgu bde bar 'god la phyag 'tshal bstod/ /khyod ni chos dbyings zab mo'i 'byung gnas te/ /gsung rab mdo sde bcu gnyis gang la yang/ /gang du khyod kyis gsungs pa lhag par zab/ /chos nyid don mchog ston la phyag 'tshal bstod/ /dngos po mtshan mar chags pa'i dug 'thungs pas/ /sdug bsngal nad kyis brgyal ba'i sems can rnams/ /gnyis med rang bzhin mya ngan 'das ston pa/ /bdud rtsi stobs par mdzad la phyag 'tshal bstod/ /ma rig rmongs pas bslad pa'i mun rum nas/ /thar pa'i dus med mu chor 'khyams pa la/ /ye shes sgron ma'i 'od kyis gsal mdzad nas/ /snang bas thar par mdzad la phyag 'tshal bstod/ /yon tan rdzogs te btsal bar bya min pas/ /thugs rjes thugs dam btsan par gyur pa yang/ /brtson 'grus skyo ba mi mnga' srid ba sel/ /sems can mdza' dag sgrol la phyag 'tshal bstod/ /sems can mthun par srid pa mi 'dor zhing/ /ji ltar nyes pa'i skyon gyis mi gos pa/ /'dam nas pad+ma gsal ba 'byung ba ltar/ /skyon med dag pa khyod la phyag 'tshal bstod/ /sems can zad pa'i mdza' ni dpag
- 124b
dka' ste/ /srid pa stongs par thugs dam bcas pa yi/ /yon tan des na byang chub gzhan las 'phags/ /thugs rje mthu stobs che la phyag 'tshal bstod/ /'phags pa 'jam dpal la khye'u bcu drug gis bstod pa rdzogs so// // rgya gar skad du/ Arya bA gI shwa ra sto tra/ bod skad du/ 'phags pa ngag gi dbang phyug la bstod pa/ /'phags pa ngag gi dbang phyug la phyag 'tshal lo/ /gzhon nu yid 'ong mdzes pa'i cha lugs can/ /nyon mongs rnam dag puN+Da rI ka'i mdog /zla ba phye ba'i mdog can mtshungs med sku/ /'jam dbyangs snying rje can la phyag 'tshal lo/ /ngag gi nyes spangs ka la ping+ga'i gsung/ /stong nyid zab mo'i sgra ni bsgrags pa yis/ /'gro kun ma rig gnyid las sad mdzad pa/ /'jam dbyangs dag pa'i gsung la phyag 'tshal lo/ /gnyis med bde chen mdza' dang bral ba'i thugs/ /mkha' ltar tshad med 'gro ba kun la gzigs/ /sgyu ma'i tshul gyis 'gro don rdzogs mdzad pa/ /'jam dbyangs spros dral thugs la phyag 'tshal lo/ /mi rtog ye shes don gyi 'khor lo dang/ /dmigs med thugs rje dra bas 'brel ba yis/ /srid gsum 'khor ba'i dra ba gcod mdzad pa'i/ /mgon po dra ba can la phyag 'tshal lo/ /shes rab mig gis 'gro ba kun la gzigs/ /'od gsal dri med shes rab zla 'od kyis/ /ma rig mun nag thibs po sel mdzad pa'i/ /mgon po zla 'od de la phyag 'tshal lo/ /bde chen don mtshon shes rab ma yi gzugs/ /'gro la chags pa'i spyan ni zur gyis lta/ /bdag med seng ge'i sgra chen sgrogs mdzad pa'i/ /lha mo skra can ma la phyag 'tshal lo/ /gzugs dang lang tshos rnam sgeg bud med tshul/ /thabs dang shes rab yongs rdzogs nu ma rgyas/ /gzhan don mdzad la nye ba'i dgongs pa can/ /nye ba'i sgra can ma la phyag 'tshal lo/ /
- 125a
kye ma mgon po 'jam pa'i dbyangs/ /mi dge'i sems las bzlog tu gsol/ /rmi lam duAng sdig pa'i sems/ /phyin chad 'byung bar ma gyur cig/ bdag ni tshe rabs thams cad du/ /'jam dbyangs khyod la rtse gcig gis/ /bsam pa gus pas gsol 'debs shing/ /rtag tu sgrub pas mnyes byed shog/ khyed ma 'jam dbyangs snying rje can/ /dus gsum gshegs pa'i lam chen nas/ /byang chub sems kyi shing rta dag/ 'dren pa'i bshes gnyen khyod kyis mdzod/ /'phags pa dag gi dbang phyag gtso 'khor lnga pa'i bstod pa/ paN+Di ta thig le bum spon mdzad pa rdzogs so// //rgya gar skad du/ na pa ku ku mosta pa/ bod skad du/ gur gum gzhon nu lta bu'i bstod pa/ /'jam dpal gzhon nur gyur pa la phyag 'tshal lo/ /gur gum gzhon nu'i ge sar mdangs 'dra'i sku/ /lhag par chags shing mos pa 'dzin 'di ni/ /'gro ba rjes su chags pas 'dul gzigs nas/ /thugs rje nyid kyis gzhan gyi dbang du bzung/ /char sprin gzhon dang zla ba lta bu'i zhal/ /gnyis kyi bar na gnas pa rab mdzes pa/ /'char kha'i nyi ma'i zer gyis phrog pa yi/ /gser gi pad+ma lta bu rol pa'i zhal/ /thub pa yan lag dri med rin chen brgyas/ /brgyan cing yid 'od 'od zer rab 'phro ba/ /char sprin gzhon nu glog gis bskor 'dras ni/ /sprus pa khyod kyi cod pan steng na 'dzin/ /'char ka'i zer gyis pad dmar phog pa'i/ /mdangs 'dra dge ba'i mtshan dang rgyan gyi gnas/ /khyod kyi phyag na ral gri mda' dag dang/ /ud pal sngon po dang ni gzhu dag 'dzin/ /khyod kyi 'od kyi phung pos phyogs mtshams su/ /thub rnams rab skyed yon tan rab rgyas byas/ /yang yang rab g.yos yang yang rab
- 125b
bsdus pas/ /gdul bya'i glo yi ma rig mun pa 'joms/ /bcom ldan srid pa'i 'jigs pa sel mdzad la/ /tshad med mchi mas mig brlan bkang byas nas/ /thal sbyar spyi btud ba sbu langs pa yis/ /thugs rje can la mos pas gus phyag 'tshal/ /srid pa'i sdug bsngal gyis bsdams 'gro gsum po/ /thugs rje chen pos 'grol bar mdzad pa la/ /lus dang bcas pas phyag 'tshal dag dang yang/ /phyag 'tshal yid kyis gus pas phyag 'tshal lo/ /khyod 'bangs skye ba skyabs gzhan ma mchis pas/ /'di ni yang dang yang du slong lags so/ /bdag ni skye ba skye bar mgon khyod la/ /skyabs su mchi yis srid pa'i sdug bsngal sol/ /gur gum gzhon nu lta bu'i bstod pa/ /slob dpon seng ge mi g.yo bas mdzad pa rdzogs so/ //rgya gar gyi mkhan po dI paM kar sh+ri dz+nyAn dang/ zhu chen gyi lo tsa pa dge slong tshul khrims rgyal bas bsgyur cing gtan la phab pa'o// //rgya gar skad du/ b+ha ga bAn Arya many+dzu sh+rI swa a dri Sh+TAn stwa ti/ bod skad du/ bcom ldan 'das 'phags pa 'jam dpal gyi bstod pa byin rlabs dang bcas pa bcom ldan 'das 'phags pa 'jam dpal la phyag 'tshal lo/ /'jam dbyangs phyogs bcu'i de bzhin gshegs pa bye ba rnams kyis bstod par gyur mong de lta na'ang/ /bsam pa blun po'ang bla ma la gus dbang gis kyang ni khyod kyi yon tan brjod bgyi ste/ /rab tu dregs bcas dang pa'i rgyal bo'i sde dag gis bsten chu dang ldan pa'i yid bzhin mtshor/ bzhad rnams kyang ni yid la rab tu dga' ba bskyed de rgyu zhing rnam par gnas par bgyid/ /zur phud gsal ldan gser mchog snyan chas legs par rnam rgyan mgul ni rab tu sgeg bcas shing/ /snyan gyi gang rgyan utpa la mdzes 'dra
- 126a
mda' slad khyod ni gzhon nur rab grags de lta na'ang/ /kun tu bzang po 'jig rten dbang phyug rdo rje 'dzin sogs rnga yab mchog tu mdzes 'dzin pa'i/ /mkhas pa rnams kyis bla ma lta bur 'khor gyi dkyil 'khor rnams su khyod ni bsten par gyur/ /do shal phreng ba'i sil sil sgrogs byed mchog tu dga' skyed snyam gdub mda' ba spyi gtsug gi/ rin chen 'od mdzes 'phro ba dang ldan gzhon nu'i na tshod dge legs mda' ba gdan yang/ /bcom ldan sa gsum dag na gus pas phyag byar 'os pa khyod ni rtse gcig nyer zhi yi/ /snod gyur mchod par 'os 'di gang na'ang de slad du zhig ngo mtshar ci phyir skye mi 'gyur/ /shin tu rnam 'gyur bzhin ldan sprul stong drag gi chun po gdud bur byas pa 'dzin mdzad cing/ /rno ba'i mtshon bsnams g.yul dor rab dpa' gshin rje rnams ni rab tu skrag par mdzad pa yi/ /mi bzad 'phags pa gshin rje'i gshed dang bcas par 'gyur kyang khyod ni zhi ba'i dkyil 'khor te/ /cha yi tshogs kun yongs rdzogs lus ldan ston ka'i zla ba nye ba lta bur gyur pa lags/ /khyod ni chos lam nye bar ston la mkhas kyang chos 'dir 'ga' yang gzigs pa yod ma yin/ /khyod ni sems can phan la dgyes kyang sems can nyid ni 'ga' yang dmigs par gyur ma lags/ /bdag shes dgyes pa phan tshun du ni mi 'grigs 'gyur ba'i mdzad spyod mang po 'di 'gal bas/ /khyod ni sa gsum ngo mtshar rgyu gcig gyur pa de slad khyod 'dir bsnyen par bgyid pa lags/ /gzhan don 'bras bu smin pas shing bzhin rnam par gnas pas gangs chen lta bur gyur pa ste/ bstan pa yi ni ri rab dang 'dra grub pas bsten pas ri rgyal ma la ya dang mtshungs/ /gti
- 126b
mug rab rib zhi bar mdzad pas nyi ma bzhin te/ phun sum tshogs gzugs zla 'dra yi/ /mgon khyod gzhan don mdzad slad 'gro na byis pa 'ol 'dra'i mdzad pa yis ni rnam par rgyu/ /dri zhim gyis bsgos mchog tu mdzes pa'i utpal sngon po bsnams pas rdzing bu lta bu ste/ shing tu rnam sgeg tshul dang ldan pas yul gyi byis pa lo brgyad lon pa dang 'dra zhing/ /chos char dri ma med pa 'bebs pas chang sprin 'brug sgra rab tu sgrogs pa lta bu dang/ /ngang pa'i rgyal po yid 'ong sgra skad zil gnon gsung mnga' khyod las su zhig bsnyen mi bgyid skad cig nyid la yongs su 'bar gyur gti mug rab rib skad cig nyid la zad gyur cing/ /thams cad du ni legs pa'i lam ston bde gshegs sdig med mya ngan 'das par gyur pa na/ /gzhon nu'i tshul 'dzin 'od zer stong phrag 'bar ba'i rgyan gyis legs par spras par gyur pa yis/ /khyod nyid gcig pu phyogs bcu rnams na da lta mchog tu snang bar mdzad pa ma lags sam/ /mgon po kye ma khyod gzugs ri mor byas pas kyang na ji ltar tshim pa skyed byed ltar/ /ston ka'i mtshan mo dkar zhing rab tu mdzes par gyur pa zla ba'i dkyil 'khor ma lags te/ /utpal sngon po mdzes pa'i dri dang zhim pos bsgos pa'i ser bu'i dang kyang ma lags shing/ /lha yi bu mes bstabs par gyur pa'i ha ri tsan dan dri bzang ldan pa'ang de lta min/ /gzhon nu khyod zhabs sen mo'i 'od zer phreng ba rgya chen thun mtshams shar zla 'od bzhin/ /shin tu yid 'ong dkar dmar mdog can rab tu da lha dang lha min gtsug nor 'od zer dang/ /'dres pas gang reg ral pa can gyi mi de dag kyang skye bo kun gyis phyag byar 'os/ /mgon po khyod kyi sngags 'dzin grub pa thob nas rab chags sgeg pa
- 127a
las byung ba'i/ /gom tshugs kyis 'gro rgyan phreng rkang gdug yid 'phrog dang ldan mdzes ma brgya dang lhan cig tu/ /sa steng na rol gzhan ni lha yi dbang pos tsan dan btul ba'i dri zhim dang ldan pa'i/ /le shi me tog dri ldan sprad mas dkrigs pa'i tsan dan gyi ni nags na gnas par byed/ /na tshod gzhon zhing dregs dang bcas pas sgeg cing rnam par 'phyan byed gsal bar byas gyur pa'o/ /dri zhim la ni chags pa skyed byed sbrang ma'i tshogs rnams kyis ni rab tu dkrigs gyur cing/ /pi wa gling bu dang pa'i rgyal po dang 'dra shin tu snyan pa'i dbyangs dang ldan gyur pa'i/ /gnod sbyin bu mo mchog kyang khyod kyi sngags bzlas pa yi mi yis rab tu 'gugs par byed/ /'gro ba gsum gyi mgon po 'bras bu med pa'i mang du brjod pa yis ni ci bgyid mchis/ /khyod kyi yon tan rgya mtsho yang yang brjod par thub pa'i mkhyen pas spyod pa ma lags pa/ /de phyir 'jam pa'i dbyangs kyi yon tan 'di tsam zhes bya bdag gis rtogs par nus ma lags/ /kun nas dpag med chu dang ldan pa'i rgya mtsho las ni phan tshun 'gro ba bsgral ba'i phyir/ /mgon po sems dang bcas pa'i mi rnams dag las su zhig 'dir ni 'jug par 'tshal bar bgyid/ / de ltar bcom ldan 'das ni mgon po 'jam pa'i dbyangs la mngon par bstod pa bgyis pa las/ bdag gis dge ba gang zhig bsags pa de ni 'gro ba kun gyi rnyog pa zhi gyur cig/ de yis bdag kyang skye ba dang ni skye bar brtan zhing mtshungs pa med pa'i snyan sngags dang/ rigs dang ldan zhing tshe rabs dran dang snying rje rgya chen yid 'phrog pa dang ldan par shog/ //bcom ldan 'das 'phags pa 'jam pa'i dbyangs kyi bstod pa byin brlabs dang
- 127b
bcas pa snyan ngags mkhan rnams kyi gtsug gi nor bu byang chub sems dpa' i rigs can mkhas pa chen po tsan+d+ra go mis mdzad pa rdzogs so// //rgya gar gyi mkhan po mkhas pa chen po sum ti kIrti'i zhal snga nas/ /bod kyi lo tsa ba dge slong blo ldan shes rab dang/ mar pa chos kyi dbang phyug gis bsgyur ba'o// //rgya gar skad du/ sh+rIdz+nyA na gu Na pha la nA mastu tir/ bod skad du/ dpal ye shes yon tan bzang po zhes bya ba'i bstod pa/ bcom ldan 'das 'jam dpal dbyangs la phyag 'tshal lo/ /gang gi blo gros sgrib gnyis sprin bral nyi ltar rnam dag rab gsal pa/ /ji snyed don kun ji bzhin gzigs phyir nyid kyi thugs kar glegs bam 'dzin/ /gang dag srid pa'i btson dang mang mun 'thoms sdug bsngal gyis gzir ba'i/ /'gro tshogs kun la bu gcig ltar brtse yan lag drug cu'i dbyangs ldan gsung/ 'brug ltar cher sgrogs nyon mongs gnyid slong las kyis lcags sgrog 'grol mdzad cing/ /ma rig mun sel sdug bsngal myu gu ji snyed gcod mdzad ral gri bsnams/ /gdong nas dag cing sa bcu'i mthar son yon tan lus rdzogs rgyas sras thu ba'i sku/ /bcu phrag bcu dang bcu gnyis rgyan spras bdag blo'i mun sel khyod la 'dud/ /gang zhig lhag pa'i bsam pa rnam par dag pas gcig dang bdun dang/ /nyi shu rtsa gcig dang/ brgya dang/ stong la sogs pa bdag nyin de bzhin du sgrogs pa de ni go rim ji lta ba bzhin du/ /sgrib pa 'dab pa dang/ thos pa 'dzin pa dang/ spobs pa dang/ mi mdzad pa'i gzungs dang/ phyir rgol ba thams cad 'joms pa'i shes rab kyi dbang po dang stobs la sogs pa yon tan dpag tu med pa dang ldan par 'gyur ro/ /gang zhig nyin re bzhin du lan gsum
- 128a
du bstod pa byed pa de ni ji srid bshad pa'i yon tan de dag dang ldan pas shes rab dang snying rjes lam dang sa rnams rim gyis bgrong de/ gong nas gong du ches cher 'phags nas myur du rnam pa thams cad mkhyen pa'i grong khyer du phyin nas 'gro ba ma lus pa 'khor ba las sgrol ba'i ded dpon chen por 'gyur ro/ /dpal ye shes yon tan bzang po zhes bya'i bstod pa slob don rdo rje mtshon chas mdzad pa rdzogs so// /rdog lo tsa ba'i 'gyur/ /rgya gar skad du/ Arya many+dzu g+hoSha stro traM/ bod skad du/ 'phags pa 'jam pa'i dbyangs kyi bstod pa/ /'jam dpal gzhon nur gyur pa la phyag 'tshal lo/ /sdigs mdzub gdod nyid bstan pa yis/ /ri rab lhun po du ma g.yos/ /ma lus rgya mtsho chen po'i chu/ /sen mo'i rtse mos gyen du blangs/ /nam mkha' i mu med pa yi khams/ /zhabs kyi gom pa gcig gis mnan/ /zad pa'i dus kyi me 'bar ba/ /zhal gyi dbugs kyis btab pas btsal/ dus mtshungs sku yi cha gcig la/ /chu dang me yi char phab pa/ /la lar nang par sangs rgyas su/ /gyur nas chos kyi 'khor lo bskor/ /la lar nyon mongs ma lus pa/ /nub pas zhi ba sten par mdzad/ /dal bas dbang po bde sogs kyis/ /gdong la rnam par gzigs pa'i spyan/ /phyogs kyi 'khor los bkab pa yi/ /phyag mdza' i dmar po nyi ma smugs/ /la lar lha ma yin gyi dpal/ /mthur gyur dam par gur pa 'dzin/ /khyim pa dang ni brtul zhugs pa/ tshangs spyod rtag tu ye shes can/ /byis pa'i gzugs can 'gro ba'i yab/ /'jam pa'i dbyangs la phyag 'tshal lo/ /mi 'jigs pa dang stobs mnga' ba/ /thub pa'i gzugs brnyan dang mtshungs pa/ /phye ma mig sman dang mtshungs
- 128b
'dis/ /khyod la skabs su rab tu 'chi/ /nyon mongs bud shing ye shes me/ /du ma mtshon pa bgrad pa lta ra/ 'khor ba srid pa'i sbyor ba dang/ /mya ngan 'das la khyod mi gnas/ /mgon po rtag tu dgu ma mchog/ yang dag brnyes pa ma lags sam/ /chu dang bcas pa'i snod rnams su/ /zla ba'i gzugs brnyan shar ba ltar/ /gcig tu gdul bya g.yo ba'i yid/ /rnam pa mang po 'dra ba'i mtshan/ /nyid kyi bag chags yid gcig tu/ /ye shes grub pa'i gsal gyur pa/ /bka' drin don gnyer tshul gyis ni/ /chags pas khyod kyi zhabs drung ltung/ /khyod kyi 'od zer 'phro ba'i cha/ /phyogs kyi khongs su rnam spros pa/ /zla ba'i 'od zer gang gyur mnyam/ /byis pa'i gzugs can mdzes pa 'di/ /tshes gcig zla ba ltar mnyen pa/ /khyod kyi spyod pa bzlog dga' bas/ /bdud kyi mthu rtsal 'joms pas ci/ /khyod kyi mtshan tsam dran pas ni/ /dmyal ba pa yi khrag dang zhag/ med par skams pas dmyal ba pa'i/ /'od 'phro de dag zhi bar 'gyur/ / shes rab bral bas mdun du khyod/ /dran pa'i yul du gyur pas kyang/ /mkhas pa rnams kyang the tshom gyis/ /mdug pa dam pos 'ching bar byed/ /thams cad lta zhog skad cig tu/ /khyod kyi spyan zur gyis gzigs nas/ /rnga yab g.yob ba'i bzhad gang kyis/ /bsten pa'i dpal ldan nyid bdag gis/ /gdul bya pad+ma'i snod rnams la/ /'od zer dra bas kha 'byed pas/ /mgon po sngon med nyi ma yi/ /rol pas nyin mtshan snang bar mdzad/ /don gsal mdzad pa'i gsung gis ni/ /gzung dang 'dzin pa rnam par spangs/ /stong pa nyid ni mngon sum ltar/ /gsung gi dbang phyug ston par mdzad/ /rnam par rtog las ma gtogs pa/ /'khor ba zhes bya ci'ang med/ /rnam rtog de dang bral bas na/
- 129a
khyod ni rab tu mya ngan 'das/ khyod kyi yon tan cha brjod las/ /byung bas bsod nams 'phel ba yi/ /'gro ba rnams ni khyod brjod pas/ /phun sum tshogs pa la gnas shog /bcom ldan 'das 'jam pa'i dbyangs kyi bstod pa/ /rtog ge ba rnams kyi gtsug gi nor bu slob dpon phyogs kyi glang pos mdzad pa rdzogs so// //rgya gar gyi mkhan po sh+rad+d+hA ka ra wa rma dang/ zhu chen gyi lo tsa ba rin chen bzang pos bsgyar cing zhus te gtan la/ phab pa'o// //rgya gar skad du/ a ra pa tsa na sA d+ha nAM bid+haM/ bod skad du/ a ra pa tsa na'i sgrub thabs kyi cho ga/ 'jam dpal gzhon nur gyur pa la phyag 'tshal lo/ /rnal 'byor pas dang por gdod bkru ba la sogs pa byas la/ /bsam gtan gyi khang pa dri dang byug pa la sogs pas byugs la/ /stan 'jam po la sems dpa' i skyil mo krung gis 'dug ste/ /bdag dang gzhan la phan pa'i phyir/ /byang chub kyi sems bsgom par byas la oM swa b+hA ba shud+d+hA(rgyud 'grel): sarba d+harmA(rgyud 'grel): swa b+hA ba shud+d+honyahaM zhes brjod la/ /bdag dang gzhan stong pa nyid du bsgom par bya ste/ /oM shU n+ya tA dz+nyA na badzra swa b+hA ba At+ma konyahaM/ de nas rang gi lus kyi mgo nas rkang pa'i mthar thug par dang pa'i shel sgod lta bur dri ma med par bsam mo/ /de nas rang gi snying ga'i nam mkha' la a las zla ba'i dkyil 'khor gyi steng du ha(rgyud 'grel): ston ka'i zla ba'i mdog 'dra ba 'od tshogs 'phro bar bsams la/ /de yongs su gyur pa las shes rab kyi ral gri bsams te/ /de yongs su gyur pa las 'jam pa'i rdo rjer bdag nyid bsam par bya ste/ /zhal gcig phyag gnyis pa/ /ston zla bye ba dang 'dra bar snang ba/ rgyan thams cad kyis brgyan pa bsam
- 129b
gtan gyis 'dzum pa'i spyan can/ /pad+ma dang sla ba'i dkyil 'khor gyi gdan la bzhugs pa/ /phyag g.yas kyis shes rab kyi ral gri 'phyar ba/ /g.yon shes rab kyi pha rol tu phyin pa'i po ti thugs kar 'dzin pa zhal cung zad bzhad pa/ de'i thugs ka'i nam mkha' la a yongs su gyur pa las 'khor lo rtsibs brgyad pa/ /de'i steng du de'i sa bon gyur pa las zla ba de la bla ma'i man ngag gi yi ge lnga bsam par bya'o/ /de la man ngag ni 'di yin te/ de la a yongs su gyur pa las/ /bcom ldan 'das many+dzu sh+rI sku mdog dang dbyibs sngar bshad pa lta bu/ ra las dra ba can gyi 'od/ pa las zla 'od/ tsa las skra can/ na las nye skra can/ thams cad kyang bcom ldan 'das dang 'dra bar bsam par bya'o/ de nas lha lnga po de dag las yi ge lnga 'bar ba'i 'od kyi tshogs 'phro ba'i rang bzhin du bsams la/ /rang gi snying gi mi shes pa sbyang bar bya zhing sems kyi rgyud dri ma med par bya'o/ /de nas skad cig gis 'khor lo g.yas su 'khor bar bsams zhing/ /lha rnams mi g.yo bar bsams la gti mug gi mun pa bzlog par bya ba'i phyir/ 'khor lo dang de bzhin du zla ba'i dkyil 'khor las 'od kyi tshogs mang po 'byung la/ /phyogs bcu'i sems can thams cad kyi mi shes pa'i sgrib pa sbyangs la/ /rgyud dri ma med par byas te/ /slar 'ongs nas de nyid du zhu bar gyur par bsam par bya'o/ /de nas bsgom pa la sems brtan zhing/ /bla ma'i man ngag gi spro ba dang bsdu ba'i sbyor bas bzlas ba bya ste/ /a ra pa tsa na d+h+rI?(rgyud 'grel): zhes bya bas bcom ldan 'das kyi thugs ka'i yi ge rnams las sngags kyi 'phreng bshel lta du byung nas/ /rang gi lta ba las thugs ka de nyid du zhugs par bsam mo/ /de ltar ji srid mi skyo'i bar
- 130a
du bzlas par byed cing bsgoms la dang pa'i sems dang ldan nas sa dang pha rol tu phyin pa myur du 'thob par 'gyur ro/ /de ltar dus gsum du rnal 'byor byas na ring po mi thogs par blo mchog tu 'gyur ro// a ra pa tsa na'i sgrub thabs kyi cho ga /slob dpon sh+rad+d+ha ka ra wa rmmas mdzad pa rdzogs so// //rgya gar skad du/ a ra pa tsa na sA d+ha naM/ bod skad du/ a ra pa tsa na'i sgrub thabs/ bcom ldan 'das 'jam pa'i dbyangs la phyag 'tshal lo/ /ri bong 'dzin pa ltar dkar phyag mtshan glegs bam ral gri can/ /rab mdzes shin tu zhi ba'i gzhon nu zur phung lnga dang ldan/ /dga' ba rgya chen thar mchog spyan ni pad+ma'i 'dab ltar yangs// blo gros ngan pa sreg mkhas 'jam pa'i dbyangs la phyag 'tshal nas/ /lo phyed rgyun du bsgoms pa mngon sbyor skye bo gang/ /nges par gnas kun khong du chud 'gyur mchog gi blo/ /thob 'gyur a ra pa tsa na ni legs 'grub phyir// 'khor lo rin chen shin tu bsdus pa'i gdams pa brtsam/ /mnyam zhing gtsang legs yid 'ong dri zhim me tog bkram/ /dri yi chus btabs phyogs 'gar ni sngags rig pas/ /shin tu nyams dga' 'jam pa'i stan la nyer 'dug nas/ /bde ba'i yid kyis mtshan med byang chub sems bsgom bya/ /swa b+hA ba? shud+d+ha'i sngags brjod cing/ /dngos po kun nas ma lus stong nyid du/ /rnam par bsgom bya slar yang bdag gi lus/ /skad cig nyid la 'od gsal nyid du blta/ /de nas nam mkhar dbyangs yig dang po las/ /zla ba'i dkyil 'khor 'od zer 'phro ba bsgom/ /de nas de la d+d+hi(rgyud 'grel): yig shin tu dkar/ /de ni 'jam dbyangs dri ma med par bsgom/ /rtse gcig bsam gtan gyis
- 130b
ni pad stengs gnas/ /chags bcas cung zad 'dzum zhing yid du 'ong/ /ri bong gis mtshan bye ba'i 'od zer can/ /rgyan kun gyis brgyan rab gsal bsgom par bya/ /rang gi snying gar rab 'phro a yig mchog bsgom ste/ /'od kyi dra ba dpag med rtsibs brgyad 'khor lo'i tshul/ /de steng zla gzugs bsgom bya de las sngags pa yis/ /ri bong 'dzin 'od ltar dkar 'jam pa'i dbyangs de nyid/ /de g.yas skra can gzugs mdzes zur mig rgyas pa can/ /ches che'i nu ma zung ldan rab blta g.yon du ni/ /rab mdzes rol pa'i 'gying ldan nye ba'i sgra can ma/ /mdza' dag yon tan gter dag tsa dad na las bsgom/ /rab dkar re ba las byung dri ma med/ /dra ba can gyi 'od nyid mdun du bsgom/ /pa yig las skyes 'od zer rang bzhin can/ /yid 'phrog zla ba'i 'od de'i rgyab tu bsgom yang na 'od zer 'bar ba'i yi ge rnams/ /rgya che nus mthu ldan pa bsgom par bya/ /de rnams mi shes ri bo 'joms byed cing/ /rnyog pa med pa'i ye shes bzang po mdzad/ /'og tu 'khor lo myur du 'khor ba las/ /gti mug mun pa thams cad bcad par bsam/ /zla gzugs 'od zer chen po'i dra ba can/ /lhar bcas g.yo ba med pa nyid du blta/ /ri bong gis mtshan mas byung 'od zer gyis/ /sbyin tshogs dpag med phyogs bcu ra rab 'phros nas/ /sems can dri med byas nas de bzhin mthar/ /slar log bdag lus zla ba la zhugs bsam/ /yid brtan sngags kyi sgo can man ngag bzhin bsgom zhing/ / sngags kyi dam pa a ra pa tsa na bzlas na/ /myur du blo ngan skyon bcom yid 'ong dri med mchog /rgyal ba'i sa dang mchog gi dbang phyug kun kyang thob/ /mchog gi bla ma dga' ba'i rdo rje dam chos mchog gis mdzed gyur pas/
- 131a
bde bar gshegs tshogs mdun du gang zhig cho ga ji bzhin dbang bskur ba'i/ /blo gros bzang po mi 'pham bshes gnyen de yis skye bo rnams kyis ni/ /blo gros 'grub phyir a ra pa tsa na mchog 'khor lo'i gzhung 'di byas/ /'khor lo'i cho ga mchog ni legs bsgrigs las/ /bsod nams mdza' yas dri med gang thob pa/ /de yis 'jig rten ma lus sdig spangs shing/ /'jam dbyangs bde ba gcig pur gnas gyur cig /a ra pa tsa na'i sgrub thabs/ /dngos grub brnyas pa'i slob dpon mi 'pham pa'i bshes gnyen gyis mdzad pa rdzogs so// //rgya gar gyi mkhan po bi b+hu te tsan+d+ra dang/ cha ga lo tsa ba dge slong chos rje dpal gyis bsgyur ba'o// //rgya gar skad du/ arya many+dzu sh+rI sA d+ha naM/ bod skad du/ 'phags pa 'jam dpal gyi sgrub pa'i thabs 'jam dpal gzhon nur gyur pa la phyag 'tshal lo/ /tshad med pa dang byang chub sems bskyed de sngags 'di brjod cing mi dmigs stong par bsgom/ /oM swa b+hA pa bi shud+d+ha(rgyud 'grel): sarba d+harmmA(rgyud 'grel): swa b+hA ba bi shud+d+honyahaM/ /stong nyid ngang las baM paM a dkar las/ /rgya mtsho'i steng du pad ma zla ba bsam/ /de steng rang sems a dkar nyid gyur las/ /'od 'phros don byas 'dus pas lhar gyur te/ /zhal gcig phyag gnyis mchog sbyin utpal bsnams/ /rdo rje'i skyil krung 'od zer rab 'phro ba/ /dar dkar na bza' rin chen rgyan gyis spras/ /ston zla'i mdog can lang tsho ldan pa bsgom/ /oM bAka kyai daM na ma:/ /rig sngags rgyal po 'bum phrag gcig gis 'grub/ /zla ba gcig gis blo 'phel rig pa 'dzin/ /dngos sam rmi lam nyid du mthong thos 'gyur/ /grub pa'i
- 131b
mtshan ma gzhan yang snang bar 'gyur/ /nyi zla gzas zin dus su ma sha nyid/ /dar dkar gyis dril lce 'og bcug la bzlas/ /myu gu byung 'gyur 'di ni grub pa yin/ /yang na ral gri nyid bzung rig 'dzin 'gyur/ /gre phugs a dkar dag las 'od 'phros pas/ /rgyal ba kun gyi blo gros dpag med dag /'dus nas khong du thim pas lus kun khengs/ /mi brjod dran pa'i gzungs ni thob par 'gyur/ /snying dbus zla ba'i dkyil 'khor rtsibs drug la/ /'bru drug yi ge/ bkod la g.yas g.yon bskor/ /shugs drag rtse mo rno zhing rab dkar bas/ /nyes 'joms stobs ldan myur 'dzin rab gsal 'gyur/ /pha rol phyin dang bstod pa mang po dang/ /mtshan dang brjod dang mchod pa sna tshogs dang/ / maN+Dal dbul zhing gsol pa gdab par bya/ /'di ni myur du 'grub par 'gyur ba yin/ /'jam dpa' i dbyangs kyis byin gyis brlabs pa'i paN+Di ta chen po ma tis mdzad pa rdzogs so// //rgya gar shar phyogs dza ga tA la'i paN+Di ta chen po dA na sh+rI las bod yul gyi dbus drang srong srin po'i rir lha'i skad las bod kyi brdar 'khrul pa med par bsgyur ba'o// //rgya gar skad du/ Arya a ra pa tsa na pU dzA bi d+hi nA ma/ /bod skad du/ 'phags pa a ra pa tsa na'i mchod pa'i cho ga zhes bya ba/ /'phags pa a ra pa tsa na la phyag 'tshal lo/ /sgrub thabs su bshad pa'i rim pa yis de ltar bla ma'i maN Dal sngon du'o/ /shin tu mnyam par gzhag la 'gro la phan pa'i sems kyis mchod par bya'o/ /oM A(rgyud 'grel): hUM gnas dang bdag dang rnal 'byor bsrung ba'o/ /de nas oM sarba ta thA ga tA su la lita/ ya li tai rna nA mA mi d+ha ga ban+taM a ra pa tsa na nA tha/ dza(rgyud 'grel): hUM baM ho(rgyud 'grel): pra tIts+tsha ma ku su mAny+dza la nI tha ho(rgyud 'grel): oM A:
- 132a
h+ri(rgyud 'grel): pra bar satkA ra ya a ra pa tsa nA ya pA tyaM pra tIts+tsha hUM swAhA/ oM A(rgyud 'grel): h+ri pra bra ra satkA ra ya a ra pa tsa na ya pro k+Sha Na pA tIts+tsha hUM swAhA/ oM A(rgyud 'grel): h+ri(rgyud 'grel): pra bar satwA? ra ya a ra pa tsa na ya a tsa ma naM pra tIts+tsha hUM swAhA/ oM A(rgyud 'grel): h+ri(rgyud 'grel): pra bar satkA rA ya a ra pa tsa na ya arg+haM pra tIts+tsha hUM swAhA/ oM na mo many+dzu g+ho Sha ya d+hAM(rgyud 'grel): oM badzra puShpe hUM swAhA/ oM na mo dzA li nI pra b+hA ya raM oM badzra puShpe hUM swAhA/ oM na ma shtsanda pra b+hA ya baM oM badzra puShpe hUM swAhA/ oM na ma(rgyud 'grel): ke shi n+ye tsaM oM badzra puShpe hUM swAhA/ oM na ma u pa ke shi n+ye naM oM badzra puShpe hUM swAhA/ oM na ma(rgyud 'grel): a k+Sho b+hya ya hUM/ oM badzra puShpe hUM swAhA/ oM na mo pai ro tsa nA ya oM badzra puShpe hUM swAhA/ oM na mo ratna saM b+ha pA ya trAM/ oM badzra puShpe hUM swAhA/ oM na mo a mi tA b+ha ya h+ri(rgyud 'grel): oM badzra puShpe hUM swAhA/ oM na mo oM mo g+ha sid+d+ho khaM oM badzra puShpe hUM swAhA/ oM na mo lo tsaM nA ye lAM oM badzra puShpe hUM swAhA/ oM na mo mA ma kye maM oM badzra puShpe hUM swAhA/ oM na ma(rgyud 'grel): paN+Da rA ye bAM oM badzra puShpe hUM swAhA/ oM na ma stA ra ye hAM oM badzra hUM swAhA/ oM A(rgyud 'grel): hUM(rgyud 'grel): 'di yi rim pas/ oM badzra d+hu pe hUM swAhA/ oM badzra dI pe hUM swAhA/ oM badzra gand+he hUM swAhA/ oM badzra nai be dye hUM swAhA/ de rnams kyi mdun du 'dod pa'i yon tan lnga po rnams nye bar yang dag par dbul bar bya'o/ /oM badzra ta thA ga ta pU dza me g+ha pra sa ra sa ma he spho ra Na hi maM ga ga na khaM hUM phaT/ mchod pa byin gyis brlab par bya'o/ /dngos po med kyang yid las byung ba'i mchod pa dbul lo/ /na ma(rgyud 'grel): sarba bud+d+ha bo d+hi satwA nAM sarba thA ud+ga te spha ra Na hi maM ga ga na khaM sa man+ta swAhA/ /yid kyis mchod pa byin gyis brlab pa'o/ /ri bong 'dzin pa lta bu yi/ /ces pa la sogs pa dang/ rin chen gsum rnams phyag
- 132b
'tshal lo/ /mchod pa'ang rin chen gsum po la/ /sdig pa gang rnams brjod par bgyi/ /bsod nams kun la rjes su dga' / /chos kyi 'khor lo rab bskor zhing/ /mya ngan mi 'da' rtag tu bzhugs/ /bdag gis sbyin sogs bsod nams kyis/ /bdag la kun rtogs yongs su bsgyur/ /ces pa rnam pa bdun bla na med pa'i mchod pa byas nas dbang bskur ba'i phyir/ /spyan ma la sogs pa'i lha mo mngon par dga' bas dbang bskur ba'o/ /rang gi rigs kyi ngo bor byas nas 'dod pa'i phyir bdag la dbang bskur ro/ /gtsang mas gnas kyi lha rnams kyis/ /ji ltar de bzhin gshegs 'khrungs tshe/ /kun bkrus de bzhin bdag dbang bskur/ /oM A(rgyud 'grel): sarba tA thA ga tA b+hi She ka sa ma ya sh+rI hUM/ oM sarba tA thA ga tA b+hi She ka badzra sa b+hA bA ko haM/ yi ge'i rang bzhin 'byung gnas dang/ /lhan cig kun tu rnam par rtogs/ /grangs med A li kA la'i tshogs/ /de nyid rtogs pa'i rnam par 'gro/ oM pa de pa da mahA dz+nyA na sarba bud+d+ha ma haM b+hA me hUM hUM hUM ho: ho(rgyud 'grel): A(rgyud 'grel): khe swAhA/ 'di yis gsang sngags kyi phreng ba rnams byin gyis brlabs la gsang sngags bzlas so/ /gsang sngags bla ma'i nye bar bshad pa las rtogs par bya'o/ /bzlas pa byas nas gtor ma byin gyis brlab par bya ste/ yaM yig gis rlung gi dkyil 'khor ro/ /raM yig gi me'i dkyil 'khor ro/ /de'i steng du kaM yig gis sgyed bu gsum gyi steng du/ a yig las skyes pa'i snod du 'chi med lnga dang rab tu gsal ba lnga po lhan cig bzhu nas/ /'chi med ye shes bcug nas dbul bar bya ste/ /oM a ra pa tsa nA ya ang+ga pu sta ka ha sta ya i maM baM li kha kha khA hi khA he he na ha na da ha da ha pa tsa pa tsa/ ma ma sarba sa twA nA ny+tsa pra tyA rtha ka na band+ha band+ha nI d+h+ri(rgyud 'grel): sh+rI khaM/
- 133a
a ra pa tsa nA ya swAhA/ /gtor ma'i sngags so/ /chad pa dang lhag pa dgang pa'i phyir/ /yi ge brgya pa brjod par bya ste/ /oM badzra satwA sa ma ya ma nu bA la/ badzra satwa twe no pa tiSh+Tha dri b+ho me b+ha ba/ su tO Sh+yo me b+ha ba/ su po Sh+yo me b+ha ba/ a nu rak+tO me b+ha ba/ sarba sid+d+himme pra yats+tsha sarba karmma su tsa me tsit+taM sh+re ya(rgyud 'grel): ku ru hUM/ ha ha ha ha ho(rgyud 'grel): b+ha ga ban sarba ta thA ga tA badzra mA me muny+tsa badzrA b+ha ba mahA sa ma ya satwA A:/ bdag cag sems can don kun mdzad/ /ji ltar rjes rtogs dngos grub gsol/ /sangs rgyas yul du gshegs pa dang/ /slar ni byon par mdzad gyur cig /oM mu(rgyud 'grel): swA hAs gshegs par bya'o/ /smon lam gyi bye brag kyang gdab par bya'o/ dus gsum bsags dang yod pa'i dge ba yis/ /bdag cag srid kun pha rol phyin nas ni/ /sems can kun bcas rin chen rtogs ldan pa'i/ /bla na med pa'i 'bras bu thob par gyur/ /'phags pa a ra pa tsa na'i mchod ba'i cho ga zhes bya ba rdzogs so// //lung du ston pa'i bstan bcos kyi skad cung zad rtogs pa'i/ /shAkya'i dge slong nyi ma rgyal mtshan dpal bzang pos/ /grub ba'i zhing dam pa mang yul skye grong 'phags pa 'jig rten dbang po'i gtsug lag khang las/ /cung zad mi ring ba'i chen po rnams kyi gdan sa/ dpal shes rab kyi gtsug lag khang du bsgyur ba'o// (//'phags pa don yod zhags pa lha lnga'i bstod pa zhes bya ba slob dpon chen po tsan+d+ra go mis mdzad pa bzhugs//) //rgya gar skad du/ Arya a mo g+ha bra sha pany+tsa de ba sto tra/ bod skad du/ 'phags pa don yod zhags pa'i lha lnga'i bstod pa/ rje btsun spyan ras gzigs
- 133b
dbang phyug la phyag 'tshal lo/ /mkha' ltar rang bzhin rnam dag las/ /baM yig a kar yongs gyur pa'i/ /pad+ma dkar po zla steng du/ /h+rI(rgyud 'grel): yig dkar po las 'khrungs shing/ /g.yas brkyang rol pa'i tshul gyis bzhugs/ /gangs ri ltar gsal kun da'i mdog /g.yas pa mchog gi don sbyin mdzad/ /'khor ba'i skyon gyis ma gos pa'i/ /pad+ma dkar po g.yon na 'dzin/ /'dzum bcas zhi ba'i nyams dang ldan/ /rin chen sna tshogs rgyan gyis mdzes/ /ma chags dkyil 'khor gtso la bstod/ /pad+ma dkar po zla steng du/ /ha yig dmar po las 'khrungs shing/ /mnyam par bzhengs nas 'gro don mdzad/ /pad+ma rA ga dmar po'i mdog /zhags pa dang ni rdo rje g.yas lcags kyu bgrang phreng g.yon na 'dzin/ /sna tshogs rgyan gyis mdzes pa yi/ /don yod zhags la phyag 'tshal bstod/ /pad+ma nyi steng hUM las 'khrungs/ /g.yon brkyang gyang gyi tshul gyis bzhugs/ /sku mdog dmar po ba ru'i tshul/ /stag dang sbrul gyis rnam brgyan cing/ /brtson dang ni sdigs mdzub g.yas/ /'khor lo pad+ma dmar po g.yon/ /spyi gtsug rta mgo ljang gu 'tsher/ /ha ya grI la phyag 'tshal bstod/ /chu skyes nyi mar pha las 'khrungs/ /nam mkha' i mdog can g.yon brkyang tshul/ /mche gtsigs khro mo'i cha lugs 'dzin/ /stag gi pags pas rnam par dkris/ /ral gri zhags pa pad ma mda'/ /'khor lo dbyug ba rtse gsum gzhu/ /g.yas dang g.yon gyi phyag na bsnams/ /ral gcig ma la phyag 'tshal bstod// pad+ma dkar po zla steng du/ /Ta yig dkar po las 'khrungs shing/ /zla ba chu shel nor bu'i mdog /'gying zhing ldem pa'i tshul gyis bzhugs/ /dbyug pa pad+ma dkar po g.yas/ /bgrang phreng dang ni spyi blugs g.yon/ /sna tshogs rgyan gyis
- 134a
mdzes pa yi/ /khro gnyer can la phyag 'tshal bstod/ /'phags pa don yod zhags pa lha lnga'i bstod pa/ /slob dpon chen po tsan bra go mi mdzad pa rdzogs so// //rgya gar skad du/ Arya a mo g+ha pA sha maN+Da la de wa ga Na sto? tra bi ma la bra b+hA nA ma/ bod skad du/ 'phags pa don yod zhags pa'i dkyil 'khor gyi lha tshogs la bstod ba dri ma med pa'i 'od ces bya ba/ /bcom ldan 'das thugs rje chen po la phyag 'tshal lo/ /rang bzhin chos kyi dbyings las ma g.yos kyang/ /thugs rje chen pos gdul bya'i snang ngo la/ /gang la gang 'dul de la de ston pa'i/ /'jig rten dbang phyug khyod la bstod par bgyi/ /'khor bar gnas kyang skyon gyis ma gos phyir/ /pad+ma dkar po rab rgyas lte ba la/ /thugs rje'i chu rgyun 'bebs mdzad zla ba'i gdan/ /ye shes 'gying tshul bzhugs mdzad khyod la bstod/ /'jig rten log rtog ston pa 'dul ba'i phyir/ /rgyal po'i rol stangs dbang phyug cha lugs 'dzin/ /sna tshogs thabs mnga' i rin chen rgyan gyis spras/ /'jig rten kun gyis bstod pa khyod la 'dud/ /don dam chos sku nyag gcig zhal mnga' zhing/ /thugs rjes 'gro la chags bas h+rI(rgyud 'grel): las 'khrungs/ /sangs rgyas kun gyis dbang bskur 'od dpag med/ /ral pa'i khur na 'tshang ba khyod la bstod/ /'gro drug sgrol phyir ral pa'i cod pan 'dzin/ /rgyal ba'i rgyal po rin chen dbu rgyan can/ /me tog cod ban rgyal sras 'gran zla bral/ /dus gsum rgyal ba'i bdag po khyod la bstod/ /nor bu'i snyam chas 'gro la chos sgra sgrogs/ /spyan gsum dus gsum shes dang shes bya mkhyen/ /'dzum pa'i zhal mnga' 'gro ba'i don la dgyes/ /stong nyid thugs rje can la
- 134b
phyag 'tshal bstod/ /kun rdzob tsam du 'khor ba'i sdug bsngal gyi/ /nyon mongs kun skyob bde ba'i mchog sbyin cing/ /don dam rnam dag pad+ma dkar po bsnams/ /thabs shes zung 'jug phyag gnyis phyag 'tshal bstod/ /sred ba'i mes bdungs rgyud lnga'i sems can la/ /bdud rtsi'i rgyun 'bebs g.yas na spyi blugs 'dzin/ /bdud bzhi'i 'jigs skyob g.yon pa skyabs sbyin mdzad/ /'khor 'das gnyis med gzigs la phyag 'tshal bstod/ /srid gsum gzod/ nas dben par rtogs pa'i phyir/ /ri dags lpags pas sku yi sham thabs mdzad/ /'khor 'das rang bzhin spros bral rtogs pa'i phyir/ /gangs ri kun da'i mdangs ldan khyod la bstod/ /khyod kyi thugs rje'i rgyun gyis dus gsum gyi/ / rgyal ba sras bcas 'gro don la bskul nas/ /mdzad bya'i 'phrin las ma lus mdzad pa'i phyir/ /dkyil 'khor gtso bor bzhugs ba khyod la bstod/ /pha rol phyin bcu'i yon tan rab rdzogs phyir/ /phyag zhabs kun la nor bu'i rgyan gyis spras/ /sa bcu'i stobs rdzogs ye shes mnga' ba'i phyir/ /mu tig do shal 'phyang la phyag 'tshal bstod/ /rdzu 'phrul mthu yis 'gro ba drang ba dang/ /stobs bcu'i rtsal gyis bdud dpung gzhom pa'i phyir/ /zhabs gnyis cung zad brkyang bskum rol pas bzhugs/ /rtag par gzhan don mdzad la phyag 'tshal bstod/ /srid pa gsum po dbyings su bsgral ba'i phyir/ /'dzam bu chu bo'i gser ltar 'bar ba'i skus/ /ye shes rol ba'i 'od zer 'gyed mdzad pa'i/ /ma rig mun pa 'joms la phyag 'tshal bstod/ /gzung 'dzin dri ma dang bral pad+ma'i gdan/ /nyon mongs gdung sel zla ba'i gdan la bzhugs/ /'gro don yengs ba mi mnga' bzhengs tshul can/ /thugs rje chags pa'i mdog mda' khyod la 'dud/
- 135a
thabs kyi zhags pas 'gro ba drang ba'i phyir/ /ha las 'khrungs pa'i tshul ston don chen mdzad/ /skye med zhal mnga' srid gsum gzigs pa'i spyan/ /dbu rgyan rgyal ba'i cod pan 'chad la bstod/ /bden bzhi'i phyag gis chos kyi 'khor lo bskor/ /snying rje'i zhags pas 'gro ba 'dren par mdzad rtogs pa'i rdo rjes log rtog mtshan ma 'joms/ /sgyu ma'i rdzu 'phrul mnga' ba khyod la bstod/ /mkhyen brtse'i lcags kyus 'khor ba bde bar 'gugs/ /nus ldan bgrang phreng yon tan gter mdzod 'dzin/ /'gro don mdzad mkhas zhabs gnyis brkyang bskum tshul/ /mtshan don ldan par bzhugs pa khyod la bstod/ /ma chags pad+ma'i rigs te skyon bral steng/ / mkhyen pas nyon mongs tshogs 'joms nyi ma'i gdan/ /bdud dpung 'joms mdzad khro rgyal hUM las 'khrungs/ /khro bas khro ba 'dul mdzad khyod la bstod/ /rngam pa'i zhal gyis log rtog dbyings su gsol/ /dmar ser ral pas log 'dren bran du 'dul/ /ye shes spyan gyis khams gsum sku gsum gzigs/ /rta mgrin rta skad sgrogs la phyag 'tshal bstod/ /rdo rje dbyug bas bgegs dpung rdul du rlog /rdo rje sdigs mdzub bdud sde skrag bar mdzad/ /gser gyi 'khor los 'khor ba'i rtsa ba gcod/ /chags bral pad+ma 'chang la phyag 'tshal bstod/ /rin chen sprul rkyen klu rgyal gdugs ba 'dul/ /glang chen g.yang gzhi stobs bcu mda' ba' i dpal/ /stag sham ba tis 'phrin las rnam bzhi mdzad/ /khro rgyal brkyang bskum bzhugs la phyag 'tshal bstod/ /skyon bral gdan la rmongs sel nyi ma'i steng/ /pha las 'khrungs pa'i bdud 'dul nag mo che/ /rngam pa'i stangs kyis gdug pa
- 135b
sgrol bar mdzad/ /mche ba gtsigs pas bdud bzhi gsol la bstod/ /rnam thar phyag brgyad ye shes rno ba'i mtshon/ /shes rab ral gris gti mug rtsad nas gcod/ /thugs rje'i zhags pa skyon bral pad+ma 'chang/ /thabs mkhas brtse ba'i mda''phen khyod phyag 'tshal/ /'khor los srid pa'i 'khor lo 'joms mdzad cing/ /dbyug pas bgegs 'dul rtse gsum dug gsum gcod/ /spros bral gzhu yis thugs rje'i mda''phen ma/ /'phags la/ don ldan ral gcig ma la bstod/ /khro rgyal kun 'dul dbu rgyan rin chen 'chang/ /bdud dgra kun 'joms khro mo'i cha lugs rdzogs/ /stag lpags sham thabs stobs bcu'i rtsal mnga' ba'i/ /rgyal ba kun skyed khro rgyal yum la bstod// // skyon bral chu skyes gdung ba sel ba'i steng/ /Ta las 'khrungs pa'i 'phrin las kun rdzogs ma/ /brtse ba'i zhal mnga' 'phrin las rgyas pa'i phyag /ral pa'i cod pan rdo rjes brgyan la bstod/ /thod dbyug bgegs 'dul padmos 'khor ba skyob/ /phreng bas sems can rjes 'dzin 'gro drug la/ /dam chos bdud rtsi'i rgyun 'bebs spyi blugs 'dzin/ /sgrub pa po la mchog gsol mdzad la bstod/ /rin chen rgyan 'changs dang yon tan rdzogs/ /dar sham ba tis mi 'jigs lha chen 'dul/ /chags can 'dul phyir chags pa ltar ston pa'i/ /lha mo khro gnyer ldan la phyag 'tshal bstod/ /kun kyang ye shes 'od dpung klong na bzhugs/ /thabs la mkhas pas sna tshogs cir yang ston/ /nyam thag 'gro la kun tu brtse ba can/ /thugs rjes rtag tu gzigs mdzad khyod la bstod/ /ye shes rol pa chen po'i bdag nyid phyir/ /sbyin pa'i pha rol tu phyin pa rab rdzogs phyir/ /sgeg pa'i tshul 'chang bde ba'i mchod 'bul ma/ /sgeg cing
- 136a
bzhad par mdzad la phyag 'tshal bstod/ /byang chub yan lag 'bras bu kun ster bas/ /tshul khrims pha rol phyin pa rab rdzogs phyir/ /rin chen phreng ba 'chang zhing mchod pa 'bul/ /chags bral blta bar mdzad la phyag 'tshal bstod/ /gzod nas zhi ba'i don la rab mos pas/ /bzod pa'i pha rol phyin pa rab rdzogs phyir/ /snyan pa'i glu dbyangs sgrogs shing mchod pa 'bul/ /don dam rtogs par mdzad la phyag 'tshal lo/ /rgyal ba mchod par bya phyir skyo ba med/ /brtson 'grus pha rol phyin pa rab rdzogs phyir/ /sna tshogs rol pas dgyes pa'i gar mdzad ma/ /mnyes pa'i gzigs mo mdzad la phyag 'tshal bstod/ /sangs rgyas rgyu 'bras byang chub sems yin pas/ / bsam gtan pha rol phyin pa rab rdzogs phyir/ /yid 'ong me tog rnams kyis mchod mdzad ma/ /rnam thar sgo gsum rtogs la phyag 'tshal bstod/ /thar par 'jug pa dbu mar grub pa dang/ /shes rab pha rol phyin pa rab rdzogs phyir/ /bdug spos sprin tshogs rnams kyis rgyal ba mchod/ /don dam go bar mdzad ma khyod la bstod/ /mi shes mun pa lhag mthong gis 'joms shing/ /thabs mchog pha rol phyin pa rab rdzogs phyir/ /snang ba'i sgron mas kun tu mnyes mdzad ma/ /ma rig mun sel mdzad ma khyod la bstod/ /nyon mongs dri nga rab tu 'joms pa dang/ /smon lam pha rol phyin par ba rdzogs phyir/ /dri mchog byug pas rgyal ba mnyes mdzad ma/ /ri rab bsnams mdzad ma khyod phyag 'tshal bstod/ /snying rje chen pos 'gro ba kun bsdus nas/ /stobs bcu'i sa la kun tu dgod bya'i phyir/ /lcags kyu 'dzin cing zhi ba'i las mdzad ma/ /shar sgor bzhugs tshul mdzad ma khyod phyag 'tshal//
- 136b
byams pa chen pos sdug bsngal kun bsal nas/ /yang dag rig pa'i don la dgod pa'i phyir/ /zhags pa 'dzin cing rgyas pa'i las mdzad ma/ /lho sgor bzhugs tshul mdzad ma khyod phyag 'tshal/ /dga' ba chen pos 'gro kun bde la 'god/ /srid gsum 'gro ba dbang du bya ba'i phyir/ /lcags sgrog bsnams nas dbang gi las mdzad ma/ /nub sgor bzhugs tshul mdzad ma khyod phyag 'tshal/ /btang snyoms chen pos 'gro kun bdag tu mdzad/ /ma lus sangs rgyas sa la rab dgod phyir/ /dril bu 'chang zhing mngon spyod las mdzad ma/ /byang sgor bzhugs ma khyod la gus pa bstod/ /tshangs pa drag po nyi ma zla ba dang/ /dbang po gshin rje chu lha nor gyi bdag /drang srong srin po rlung dang dbang bdag ste/ /'jig rten 'dul phyir zhabs drung 'dud mdzad bstod/ /bdag 'dra las kyis mnar ba'i skye bo yis/ /yon tan rgya mtsho mnga' ba'i mgon po yis/ /yon tan cha shas tsam yang ma rig pas/ /khyod kyi mdzad tshul dpag par mi nus mod/ / mun khud nang nas me khyer 'od tsam zhig /khyod kyi mthu yis dad pa'i blo thob nas/ /rgya mtsho che las skra rtse'i chu thigs tsam/ /bdag yis spro bas khyod la bstod pa 'dis/ /cung zad tsam rnyed dge ba dri ma med/ /gangs ri ltar dkar shes tsam thob pa des/ /rgyud lnga'i 'gro bas nyes pa kun spangs nas/ /mgon po 'od dpag med pa'i gnas thob shog /'phags pa don yod zhags pa'i dkyil 'khor gyi lha bcu bdun la don rtags kyi sgo nas bstod pa dri ma med pa'i 'od ces bya ba rdzogs so// //rgya gar skad du/ kalpa ma na ha ra na ni nA ma log nA tha sto tra/ bod skad du/ 'jig rten mgon po'i bstod pa yid 'phrog sdig 'joms zhes bya ba/ /thugs rje chen po la phyag 'tshal lo//
- 137a
lha dang lha min mi yis zhabs la phyag byas shing/ /skye rga na 'chi ma lus rab tu 'joms pa'i sku/ /'jig rten dbang phyug thugs rje ldan pa khyod kyis ni/ /mgon med bdag la bsrung mdzad thugs rje mdzad du gsol/ /'khor ba'i rgya mtsho'i klong dkyil du ni nub gyur te/ /nyon mongs dpa' rlabs kyis ni yang dag nyam nyes shing/ /chos nges 'debs pa bdag la btang snyoms ma mdzad par/ /khyod la bstod bgyid thugs rje chen pos bsrung du gsol/ /srid pa'i rab rib kyis ni blo mi gnyer gtsos shing/ /'chi ba'i 'jigs pa yis ni lus sems g.yengs gyur pa/ /ji srid mi bzad mnar med gnas su ma lhung bar/ /bcom ldan spyan ras gzigs kyis bdag la bskyab tu gsol/ /rmongs pas rgyun du gzhan gyi bud med brten bgyis dang/ /srog chags stong phrag srog dang bral ba la sogs pa/ /mgon po bdag gis sdug bsngal rgyu ni tshang bar bgyis/ /lus kyi nyes pa de dag yang dag sbyang du gsol/ /gang zhig bkur sti'i ched dang 'tsho ba'i ched du ni/ /'jig rten mi bden brdzun tshig brlang po la sogs pa/ /'jig rten dbang phyug ngag gi nyes pa'i kun sbyor yang/ /dmyal ba'i rgyu de yun rings ma lus goms par bgyis/ /sems can rnams la rang gis gnod pa gang bgyis dang/ /gzhan gyis bgyis pa la ni rjes su yi rang ba'i/ /bdag gi yid kyi sdig de dag ni smre sngags su/ /'don zhing mchis pas bsal du gsol dang mgon po kye/ /lha dang mi dang lha min skye ba rnams dang ni/ /dud 'gro dang ni dmyal ba yi dags rnams su yang/ /sdug bsngal dang bcas 'gro ba gang gnas de dag la/ /bsrung ba mdzad ces khyod kyi lo rgyus bdag gis khums/ /des na bdag
- 137b
la thugs rjes bdag mdzad du gsol/ /g.yar lus dar la bab pa yal bar nyams la khang/ /de phyir ji srid dmyal pa'i gnas su ma zhugs par/ /bcom ldan khyod ni bdag gi zhu ba gsan par mdzod/ /gzhan yang gzhan don la ni rang nyid gshegs mdzad na/ /bsod nams mar sags bdag ni spyan sngar mchis kyang spong/ /khyod kyi thugs rje bsod nams dag la bltos sam ci/ /sdug bsngal med la snying rje bya bar su lags na/ /dran pa tsam gyis khyod ni yongs su mnyes nas su/ / sdig zad mdzad ces bdag gis ma khums lags sam ci/ /de phyir bcom ldan gzhan phan mdzad la phul du byung/ /bdag 'dir ma dor bsrung dang bskyab pa mdzad du gsol/ /glang chen dag dang nor bu sras bcas btsun mo dang/ / gnod med rgyal srid khang bzangs rnam par bkra ba dang/ /sha dang rus pa dbu mi sku 'tshal mthar thug btang/ /grub pa'i mig sman rkang pa byug pa dag dang ni/ /grub pa'i gnod sbyin dang ni gnod sbyin mo dag kyang/ /'jig rten mnga' bdag khyod ni mnyes par gang su dag/ don gnyer rnams la mthar thug ma mchis sbyin par mdzad/ /gang dag rkang pa lag pa mig dang bral rnams dang/ /sna tshogs bro 'tshal gyis ni 'jigs pa dang bcas rnams/ /yon tan zab mo khyod mnyes pa yis de dag gi/ yan lag sogs 'gyur bro 'tshal dag kyang zhi bar 'gyur/ /mkha' lding sprul gdugs gnod dang mkha' 'gro ma dang ni/ /rnal 'byor pa yi gnod kun rtag tu zhi mdzad cing/ /rgyal ba khyod kyis gang la dgongs pa de la ni/ gshin rje'i pho nya rmi lam du yang snang mi 'gyur/ /mgon po bdag ni 'jigs pas rnam par g.yengs pa yis/ /nyin dang mtshan du lag pa gyen du brkyang steng du/ /'jig rten dbang phyug des na bdag ni 'gums pa dang/ /nye ba lags na bcom
- 138a
ldan skyabs med 'bor ram ci/ /yul dang dbang po gdul dka' sems kyang g.yo ba dang/ /mnyam par ma gzhag lus kyis sdig pa mang po bgyis/ /nyams pa bdag gi 'khor bzhin du ni skye ba 'dir/ /thams cad kyis ni sdig pa 'ba' zhig bsgrubs par zad/ /de phyir da ltar khyod la thal mo sbyar nas ni/ /'jig rten dbang phyug gang gis ngan song sdug bsngal dang/ myong mi 'gyur bar khyod kyi spyan sngar bde 'gror ni/ /mchi bar bdag zhu 'di ni gnang par mdzad du gsol/ /khyod ni 'dod chags zhe sdang rnam par 'joms pa'i sku/ /khod ni 'khor ba'i mtsho chen gyi ni chu lon lags/ /khyod ni ltung bas sgrag pa 'dren pa'i lag pa ste/ /khyod ni brjod bcas mi dge 'dzin pa'i sgra gcan lags/ /khyod ni bde gshegs bla med de nyid ston pa po/ /khyod ni sdug bsngal mar ldan 'gro ba'i skyob byed yin/ /khyod ni yid 'joms gdul dka' i bdud las nges brgal ba/ /khyod ni srid pa'i rgya mtsho'i pha rol brgal ba lags/ /khyod ni nad pa ma lus nad ni rgyun gcod sku/ /khyod kyi sku ni 'gro ba'i nad na mchog tu mdzes/ /khyod ni dpe med thugs rje'i rgya mtsho chen po ste/ /khyod ni rgyu med gnyer du 'gro ba rnams kyis rtogs/ /khyod kyis g.yo ba'i dbang po 'bar pa med bar btul/ /khyod ni yul la chags pa yongs su bcom pa lags/ /khyod kyi thugs ni bsam gtan mchog ni mnyam par bzhag /khyod kyi thugs ni slong? ba kun la snyoms par mdzad/ /thugs rje ldan pa gzhan la phan par mdzad kyang ni/ /ma rig sbrul chen rgyab tu zhon nas yul rnams kyi/ /'dod pas dge ba nyams par gyur ba bdag la 'dir/ /khyod ni gang gis yongs su dgyes par mi mdzad lags/ /khyod kyi spyan sngar
- 138b
g.yar chab byin cing smre ba yi/ /sdig ldan bdag la gang gis bsrung ba mi mdzad na/ /mgon po 'gro ba kun rten thugs rje gang lags pa/ /de ci khyod kyis nyi tshe ba ru bskyed lags sam/ /mgon po khyod kyi thugs rje nam mkha' khyab pa yi/ / sprin gyur char pa'i rgyun ni chu dang skam dag dang/ /mthon dman yul ni kun la 'bab cing sems can gyi/ /don du kun la nyin mtshan rgyun mi 'chad du 'jug/ de ltar bcom ldan dran pa'i bdag gi bsod nams gang/ /des ni 'gro ba sdug bsngal mang ldan de dag gis/ /'gro nar mdzes pa nam yang rnam par rol pa yi/ /po ta la yi ri rtser gnas pa thob par shog/ 'jig rten dbang phyug gi bstod pa yid 'phrog sdig 'joms zhes bya ba/ /shar phyogs ba reN+Di'i slob dpon mkhas pa chen po tsan+d+ra go mis mdzad pa rdzogs so// //rgya gar shar phyogs ba reN+Di'i dzA ga ta la'i paN+Di ta chen po dA na shI las bsgyur ba// //!/ /rgya gar skad du/ mahA kA ru Ni ka sto tre/ /bod skad du/ thugs rje chen po la bstod cing bskul ba/ /bcom ldan 'das thugs rje chen po la phyag 'tshal lo/ /thugs rje chags pas rnam gzigs bcom ldan 'das/ /spyan ras kyis gzigs spyan zur bdag la gzigs/ /spyan zur gzigs pa tsam gyis 'gro rnams kyi/ /sdug bsngal nyam thag zhi mdzad khyod la mnga' / /mdza' med g.yang sar lhung nas sa 'og gi/ mun nag thabs par gtan du 'khyams pa bdag/ nyam thag phongs pas thugs rje mchog sbyin cing/ /yongs su bskyab pa'i dus la di ring bab/ /sdug phongs gang gis nga ni dran byas na/ /de yis nyams thag nga yis bsal lo zhes/ /khyod kyis zhal bzhes mngon mdzad ded
- 139a
bdag gi/ nyam thag bsal te 'bras bu mchis par mdzod/ mthor dang thos dang reg dang dran pa yas/ /nad gdan thams cad ngas bsal zhes gsungs pas/ /nad kyis gdungs pa'i 'gro ba bdag cag la'ang mchog sbyin nyid kyis zhal bzhes ma bsnyel mdzad/ /'gro rnams gang dag sdug bsngal de dag gis/ /nyam thag kun tu bcad par bya'o zhes/ /dgongs nas mgon po gzhan du rnam rgyu na/ /bdag cag sdug bsngal khyod kyis ma gzigs sam/ /gang gis khyod nyid dran pa tsam gyis kyang/ /de mod nyam thag ma bsal 'ga' med la/ /bdag kyang rtag tu nyam thag gzir bzhin du/ /khyod kyi drin gyis ma skyabs bskal chung so/ /mthu ldan khyod kyi thugs rje'i blo gros kyis/ /lan la mi re bzhin du phan 'dogs la/ /bdag kyang khyod la skyabs su mchi bzhin du/ /sdug phongs 'di 'dra 'ang mi gzigs kye ma'o brlag /ji lta ji ltar nyon mongs gyur pa dang/ /ji lta ji ltar rten med phongs gyur pa/ /de lta de ltar khyod kyi thugs rje yang/ /der ni phyi phyir mngon par 'phel lo skad/ /sdig ldan bdag gi nyam thag sdug bsngal yang/ /shin tu mnag dka' rten med skyabs med bzhin /de dag las bdag thugs rjes bkol mdzad na/ /khyod kyi thugs rje phyogs gcig ci ru rung/ /'gro ba gang gis skyes mchog khyod dran na/ /don med gyur pa sngon chad 'ga' ma mchis/ /sdug bsngal shin tu drag po nyam thag 'dis/ /brlag la bar gyi mgon khyod bdag la dgongs/ /thugs rje'i gnas gyur sdug phongs ma lus pa/ /phongs pa thugs rje chen pos 'phrogs mdzad pa/ /khyod kyis gal te bdag la ma gzigs na// bdag gi rten gzhan gang lags gsung du/ /
- 139b
gsol/ /mgon po khyod la skyabs su mchi dgu la/ /mod la sdug bsngal ma zhi 'ga' ma mchis/ /bdag kyang skyabs su mchi yis brtse ba yis/ /sdug bsngal nyams thag 'di las bskyab tu gsol/ /khyod kyi mtshan tsam grag la brten bas kyang// sdug phongs ma lus zhi bar 'gyur lags na/ /bdag gis 'bad kyang 'bras bu ma mchis pa/ /de 'dra'i thugs rje ci las gyur pa lags/ /khyod kyis grub brnyes bzhin du sems can rnams/ /yongs su bskyab phyir smon lam mdzad lags na/ /bdag kyang sems can grangs las ma 'das pas/ /mchog sbyin bdag gi sdug bsngal dbrog tu gsol/ /nyi ma'i 'od kyis mun pa'i tshogs bcom bzhin/ /zla gsal dri mar khyod ni ra ba bzhugs kyang/ /da dung bdag ni sdug bsngal gyis non cing/ /sdig pa'i mun pas non pa skal chungs so/ /skye bo rnams kyis gang zhus skyong mdzad pa/ /de nyid bdag gis zhus bzhin mi gnad ba/ /mtshams las thar bar skal ba med dam ci/ /shin tu dan nam cir thal yi re mug/ mgon po khyod ni sems can phan pa'i phyir/ /thugs rje chen po ma spangs bzhin du yang/ /sdug bsngal ba rnag dka' rang bzhin gsol 'debs la/ /skyob pa mdun na gnas bzhin 'o dod 'bod/ /'jig rten skye bo'i pha ma'ang 'di ltar du/ /kha mtshus btab par gyur kyang mi skyo bzhin/ /sems can phan brtson khyod la'ang 'khor ba nas/ /'khor ba'i tshe na bdag ni skyabs mchi zhing/ /nag po'i las kyis nyin dang mtshan du na/ / mngon par zil gyis non par gyur pa dang/ /sdug bsngal cher gdungs 'di las thar bya'i phyir/ /nyin rer 'o dod 'bod kyis ma skyo srungs/ /de ltar bdag gis bos shing smre ba yis/ /khyod thugs shin tu thugs rjes brlan gyur la//
- 140a
de ltar skye bo sdug bsngal brgyas gzir ba/ /kun la'ang srid bcom khyod ni dgongs mdzad cing/ /thugs rje'i dbang gyur thugs ni brtan pa yis/ /gzhan don 'ba' zhig lhur len yon tan ni/ /bla ma'i gnas gyur khyod ni sdug bsngal kun/ /'phrog pa'i nus mthu ldan pa de bzhin shog/ bdag gi srid pa mthar mdzad spyan ras gzigs dbang la/ /bstod bskul 'di bgyis bsod nams thob pa gang yin des/ /bcos min rab zhi'i bde ldan bde pa can du ni/ /'gro kun sdug bsngal gzir spangs rab tu phyin gyur cig/ thugs rje chen po la bstod cing bskul ba nyer bzhi pa/ /dge bsnyen chen po zla bas mdzad pa rdzogs so// //rgya gar gyi mkhan po ba ra na de shwa ra dang/ /bod kyi lo tsa ba dogs lhas btsas kyis bsgyur cing zhus te gtan la bab pa'o// //rgya gar skad du/ lo ke shwa ra sto tra nA ma/ bod skad du/ 'jig rten dbang phyug gi bstod pa zhes bya ba/ /'jig rten dbang phyug la phyag 'tshal lo/ /lha dang lha min gyis ni zhabs btud cing/ /skye rga na dang 'chi ba rab bcom pa/ /'jig rten dbang khyod la skyabs mdzad na/ /brtse dang snying rje ldan la skyong bar mdzod/ /'khor pa'i rgya mtsho'i dbus su des lhung ba/ /nyon mongs dpa' klong mnyam gzhag gis ni bcom/ /kho bos brtan par zung zhes kun du du/ /brtse ba chen po khyod la phyag 'tshal lo/ /mig la srid pa'i rab rib nye bar 'tshe/ /lus ni 'chi bas 'jigs pa'i rnam par du/ /ji srid mnar med nyam ngar ma song bar/ /bcom ldan kun tu gzigs la bdag la skyongs/ /gzhan gyi bud med sun par byas shing bcom/ /mi shes pa yis srog chags stong phrag bsad/ /mgon po
- 140b
bdag gis sdig pa ma lus byas/ /so so'i lus kyi nyes pa nyams par mdzod/ /gang zhig 'tsho dang bkur sti'i ched rnams su/ /'jig rten pa rnams mi 'dod mi bden smras/ /ma lus dmyal ba gang gis yul ring goms/ /de rnams 'jig rten dbang pos zhi bar mdzod/ /sems can rnams la mi phan bsam pa gang/ /rang dang gzhan gyis byas la'ang yi rang ba/ /de 'dir bdag gi yid kyi sdig pa rnams/ /bsal bar mdzod cig mgon po smre sngags 'don/ / lha dang mi dang lha min skye ba rnams/ /dud 'gro dmyal ba yi dags 'gro ba rnams/ /sems can des gnas rtag par nyam thag gang/ /de rnams srung zhes khyed gtam bdag gis thos/ /des na bdag la snying rjer kun tu mdzod/ /lus kyi lang tsho ngal bar rtogs gyur na/ /ji srid dmyal ba nyid du ma zhugs par/ /de phyir bcom ldan khyed la gsol bar bgyi/ /cung zad btang snyoms mdzad pa gzhan don phyir/ /bdag gi don phyir bcom ldan nyid dmigs na/ /yang na brtse ba bsod nams la bltos sam/ /gang la phongs med mthong ba bskyed par gyis/ /nyid dran pa yis kun nas yongs tshim na/ /nyes pa zad par mdzod cig brtse med dam/ /de yi phyir na bcom ldan gzhan phan mkhas/ /rnam g.yeng ma mdzad kho bo 'dir ni srungs/ /glang po rta dang bu dang chung ma dang/ /rgyal srid tsher ma med dang khyim sna tshogs/ /sha rus mgo dang khrag gi mthar thug par/ /don gnyer rnams la khyod kyis mdza' yang byin/ /mig sman ri lu rkang mgyogs grub pa dang/ /grub pa'i sman dang nor bu rnam dag sngags/ /grub pa gnod sbyin mo ni grong la 'jug/ 'jig rten dbang po gang gis nyid dgyes pa/ /rkang lag rnam par lta pa'i sman pa dang/ /sna tshogs
- 141a
'jigs chen nad kyi zhu ba gang/ /khyod mnyes pa las de rnams lus rgyas shing/ /nad med yon tan zab mo rnam rol 'gyur/ /mkha' lding sprul dang gza' dang mkha' 'gro ma/ /sbyor ba pa rnams rtag par zhi 'thob cing/ /khyod mnyes gang yin de yi mdun du ni/ /gshin rje pho nya mi 'gro rgyal bar 'gyur/ /de phyir lag pa spyi bor thal sbyar te/ /spyi brtol mi brtan dag gis nyin re bzhin/ /du ba skyabs med bdag ni 'chi ba la/ /bcom ldan 'jig rten dbang phyug 'dor ram ci/ /mi srun yul la g.yo ba'i yid dbang po/ /mi brtan lus kyis sdig pa mang byas shing/ /lto ba'i tshad du 'khrul zhing 'bras bu med/ /bdag gi 'di ni skye ba thams cad lugs/ /gang gis lus kyi sdug bsngal ma myong bar/ /khyod kyi mngon sum du ni bzang 'gro ba/ /bdag 'dir thal sbyar rab btud bdag ge de/ /'jig rten dbang phyug da lta nyid du mdzod/ /rmongs dang zhe sdang rnam par nyams pa'i rgyu/ /khyod ni 'khor ba'i rgya mtsho'i zam pa ste/ /g.yang sar lhung ba gyen du 'dren pa'i phyag/ khyod ni nyes lci'i mtshan mo'i sgra gcan nam/ /bde gshegs bla med bstan pa de kho na/ /khyod ni sdug bsngal mang po'i sems can skyong/ /rgyal dka' yid dkrugs bdud las ngas rgyal zhir?/ /khyed ni srid pa'i mtsho las pha rol brgal/ /nad kun mdza' yas nges par gcod mdzad lus/ /khyed sku 'gro ba kun la mchog tu mdzes/ /dpe med thugs rje'i rgya mtsho bcom ldan 'das/ /khyod ni rgyu med gnyen du skye bos shes/ /byed pa rnams bcom rol pa rig cid sgeg /khyod ni yul la zhen pa yongs su bor/ /lha yi bsam gtan la sems mnyam par gzhag /khyod ni slong ba po la snyoms pa'i nor/ /thugs rje can khyod gzhan la phan mdzad
- 141b
kyang/ /kho bo 'dir ni srud ba mi mdzad cing/ /gti mug lto 'phye chen pos sos btab la/ /yul la rlom sems pa yis dge las lhung/ /khyed kyi thugs rje gang de mdza' yas pa'i/ /skye po kun la 'phro na gang gi phyir/ /sdig ldan bdag la srung ba mi mdzad pa/ /nges pa lags sam mdun nas dung mo 'byin/ /mgon po khyed kyi brtse ba mkha' yangs su/ /sems can rnams la chu 'dzin sbyin ji ltar/ /skam pa chu dang mtho dman yul mang por/ /ma lus rgyun du rgyun ma 'chad par 'bab/ /de ltar bcom ldan dran pas bsod nams gang/ /des ni kho bos 'gro ba skyo med 'dir/ /po ta la ke g.yo ba med pa'i gnas/ /rnam rol sna tshogs mdzes par skye bar gyur zhes pa 'di 'phags pa spyan ras gzigs dbang phyug gi zhabs la/ /tsirya Di pa zhabs kyis bstod pa rdzogs so// //sgra mkhan chen po rgyal ba snyan gyi zhal snga nas/ /lo tsa pa shAkya'i dge slong nyi ma rgyal mtshan dpal bzang pos bsgyur ba'o/ //!/ /rgya gar skad du/ Arya a mo g+ha pA sha pa ny+tsa de ba sto tra/ bod skad du/ /phags pa don yod zhags pa lha lnga'i bstod pa/ /'phags pa don yod zhags pa lha lnga la phyag 'tshal lo/ /sems can sdug bsngal me tshogs kyis gdungs la/ /thugs rje'i char rgyun bsil bas zhi mdzad cing/ / rang bzhin bde ldan gnas su 'dren mdzad pa/ /mgon po spyan ras gzigs la phyag 'tshal lo/ /thugs rje chen po'i zhags pas 'gro kun gyi/ /gnod pa des sel bde la 'god mdzad cing/ /sna tshogs sprul pas 'gro ba'i don mdzad pa/ /don yod zhags par grags la phyag 'tshal lo/ /ma chags pad ma'i rigs kyi sbrul pa ste/ /klu rgyal tshul gyis gdugs pa 'dul mdzad pa/ /dbang chen bskal pa'i me ltar rab sbyin 'bar/ /khro rgyal rta mgrin rgyal la phyag 'tshal
- 142a
lo/ /chos nyid spros bral ro gcig mngon gyur tshul/ /ral pa gcig 'chad lha mo'i skur ston cing/ /bgegs tshogs 'dul phyir khro mo'i cha lugs 'dzin/ /ral pa gcig ma khyed la phyag 'tshal lo/ /dus gsum rgyal pa'i yon tan gzhir gyur cing/ /skal ldan rjes mthun 'gro don mdzad la brtson/ /mgon po'i 'phrin las ma lus rdzogs mdzad ma/ /lha mo khro gnyer can la phyag 'tshal lo/ /'phags pa don yod zhags pa lha lnga'i bstod pa/ /paN+Di ta chen po e ra pa tis mdzad pa rdzogs so// //rgya gar gyi paN+Di ta don yod rdo rje dang/ lo tsa ba ba ri rin chen grags pas bsgyur ba'o// //'phags pa 'jig rten dbang phyug pa bstod pa grub thob chen po tsarbba? tis mdzad pa bzhugs/ /rgya gar skad du/ AryA ba lo ki te shwa ra sya tserbba Ti ru tsi ta sto? traM/ bod skad du/ 'phags pa spyan ras gzigs dbang phyug la tsarbba Tis bstod pa/ /'jig rten mgon po la phyag 'tshal lo/ /lha mi lha min gyis ni zhabs la btung/ /skye rga na dang 'chi ba rab tu bcom/ /thugs rje'i dang can 'jig rten dbang po khyed/ /skyabs med bdag la snying rje mdzod cig kye/ /nyon mongs rlabs chen tshogs kyis 'joms byed cing/ /sna tshogs sgra sgrogs 'khor ba'i chu gter dbus/ /bying ba bdag ni zung la bsrud bar mdzod/ /brtse ba chen po khyed la bstod pa bgyid/ /srid pa'i mun pas mig la nyer 'tsho zhing/ /'chi ba'i 'jigs pa chen pos lus nyam chung/ /ji srid mnar med mi mnyam 'gro min par/ /bsrung la bcom ldan bdag la kun tu gzigs/ /rtag tu gzhan gyi bud med gzung ba byas/ /mi shes ba yis srog chags stong phrag bsad/ /bdag gis sdig byas deng du mgon po yis/ /lus
- 142b
can skyon rnams ma lus nyams par mdzod/ /gang zhig 'tsho ba dang ni bkur sti'i phyir/ /bden min 'jig rten 'dod pa min pa smras/ /dmyal ba yun du goms pa'i smra ba can/ /de kun 'jig rten dbang pos zhi bar mdzod/ /bdag gis sems can phan min gad bsams dang/ /gzhan gyis byas la'ang rjes su yi rang ba/ /mgon po de la du bar bgyid pa na/ /deng bdag yid kyi sdig pa bsal du gsol/ /lha dang mi dang lha min ris rnams dang/ /dud 'gro dmyal ba yi dags 'gro bar ni/ /gnas shing rtag tu gdung ba'i sems can gang/ /khyod ni de rnams bsrung zhes bdag la grags/ /de phyir gzhon du nyid srod yus la ni/ /thugs rje'i gzigs pa bdag gi steng spros shes/ /dmyal bar zhugs pa min pa ji srid du/ /smra bar bgyi yis bcom ldan khyed kyis gson/ /'on kyang gzhan gyi don la btang snyoms pa/ /dor zhig bcom ldan bdag don ma mdzad do/ /yang na brtse ba'i dbang gyur khyod kyis ni/ /bsod nams bskyed mdzod rgud pa ma gzigs sam/ /dran pas kyang ni khyod ni yongs tshim na/ /sdig pa dor bar mdzod cig ma gzigs sam/ /de slang bcom ldan gzhan phan la mkhas pa/ /bdag ni 'dor bar ma mdzad 'di ru bsrungs/ /glang chen rta dang bung bcas chud ma dang// dmag bcas rgyal srid khang pa sna tshogs dang/ /sha rus mgo dang khrag gi mthar thug pa/ /don du gnyer la mdza' dag khyod kyis byin/ /su zhig 'jig rten dbang po khyod mnyes byed/ /ri lu mig sman 'chil lham grub pa dang// grub pa'i sman dang nor bu rnam dag sngags/ /gnod sbyin mo dang grod 'jug sgrub bar byed/ /gang dag mig dang rkang lag sman pa yi/ /sna tshogs nad kyi 'jigs chen nyams thag pa/ /khyod mnyes na ni de rnams yongs rgyas lus//
- 143a
rnam sgeg nad med yon tan zab mor 'gyur/ /khyod dgyes gang lags rgyal 'gyur ga ra Da/ /gcan gzan gza' dang mkha' 'gro rnal 'byor ma/ /rtag tu zhi 'gyur de yi mdun du ni/ /gshin rje'i pho nya rgyu bar mi byed do/ /'jig rten dbang phyug dgyes bzhin skyabs med bdag /'dor ba ci zhes bcom ldan bdag smre te/ /nyi ma so sor lag pa bsgreng byas nas/ /tshig 'khrugs pa yi skrag pa zhi bar mdzod/ /'khrugs pa'i lus kyis song ba'i skye bar bdag/ yul drug la ni dbang po g.yo ba'i yid/ /sdig pa mad? byas 'dir ni ma lus pa/ /bkres pa'i rgyu yis 'khor zhing rnam par 'dzing sa/ /gang gis ngan song sdug bsngal ma myong bar/ /bde 'gro mngon sum 'gro de khyed kyis mdzod/ /deng bdag 'jig rten dbang la phyag dang zhing/ /sna tshogs thal sbyar 'di ni phyag gi'o/ /khyod ni rmongs dang ldang ba 'jig pa'i rgyu/ /'khor ba'i chu gter chen po'i zam pa lags/ /ltung zhing skrag pa stong pa'i dpung pa khyod/ /sdig lci mtshan mor byed pa'i sgra gcan no/ /bla med bde gshegs kyis gsungs de nyid kyis/ /khyod kyis sems can sdug bsngal mang po skyangs/ /rgyal dka' yid bsrubs bdud las khyod rgyal te/ /kun tu grol ba srid mtsho'i pha rol lo/ /nad kun gcod par mdzed pa khyod kyi sku/ /ma lus 'gro bar mchog tu lus mdzes pa/ /bcom ldan dpe med snying rje'i sin d+hu khyod/ /rgyu med gnyen du skye ba rnams la grags/ /rol pas dbang po 'joms shing rnam par 'byed/ /khyod ni yul la kun nas chags pa 'dir/ /lha yi bsam gtan mnyam bzhag khyod kyi thugs/ /nor ni slong ba po dang thun mong lags/ /brtse ldan khyod ni gzhan la phan mdzad kyang/ /gti mug lto 'phye chen
- 143b
bos sos zin cing/ /yul la kun rtog dge ba las ltung ba/ /bdag ni tshim par mi mdzad ci ltar lags/ /mdza' dag 'gro pa'i don bsten snying rje gang/ /khyod kyis spros de nges pa lags sam ci/ /khyod gyi spyan sngar sna tshogs sgra sgrogs pa'i/ /sdig ldan bdag las gang las bsrung mi mdzad/ /mgon khyod snying rje nam mkha' las yangs te/ /sems can rnams la chu 'dzin chu rgyun ltar/ /mya dam chu dang mtho dma'i yul kun tu/ /ma lus nyin mtshan par med 'beb par 'gyur/ /bcom ldan dran las bdag gi bsod nams gang/ /de ni 'gro 'dis bde blag thob gyur te/ /dpal ldan po ta la yi ri bor gnas/ /mdzes shing sna tshogs rol pas skye bar shog/ 'phags pa 'jig rten dbang phyug gi bstod pa grub tho ba chen po tsarbba Tis mdzad pa rdzogs so// //rgya gar shar phyogs kyi baN+Di ta chen po nags kyi rin chen gyi zhal snga nas dang/ lots+tsha ba 'gos gzhon nu dpal gyis bsgyur ba'o// //!/ /'jig rten dbang phyug gi bstod pa brgya pa bzhugs/ /!/ /rgya gar skad du/ lo ke shwa ra sha ta ka sto tra/ bod skad du/ 'jig rten dbang phyug gi bstong pa brgya pa/ /'jig rten mgon po la phyag 'tshal lo/ /mtho ris mgon po'i yan lag mchog ba tud cod pan 'dzin la 'od dang ldan pa'i nor bu lta bu'i 'od/ /mtsho skyes stan ldan bum pas rab bdud mgo po la ni dzA ti'i me tog rgyas 'phreng 'od ltar te/ bde byung dbu yi dbu rgyan ri dags mtshan ldan dkar ser mi dman dman zhing nyams pa nyid bgyid pa/ /'jig rten dbang po'i zhabs sen dri med ri bor 'dzin pa'i mdzes pa zhi slad 'jig rten la gyur cig /ral khur 'dzin pa'i zla ba rab gsal ral pa dmar ser dang 'grogs lhan cig bkra ba'i
- 144a
zer rnams kyis/ /nges par mi rje 'phrog byed kyi ni dman pa min pa'i cod pan nor bu'i 'od rnams kyis kyang min/ /lha tshogs rnams kyi skya 'phreng mdzes pa nag po dag dang 'phrogs pa las ni rnam par mi nyams pa/ /mi bzlogs 'jig rten dbang phyug zhabs sen 'od zer khyed rnams dag gi mun pa zhi ba'i slad gyur cig /yongs su rdzogs shing rgya che'i bar mdzed rab tu gsal zhing dpal 'byor phun sum tshogs pa rnams kyi rgyu// sdug pa dang ni ring du gyur pa'i skye po rnams kyi mi bzang 'jigs pa'i dogs pa rnam par sel/ /sprin rnams kyis kyang bsgrib par mi nus mun can gdug ba'i gza' las byung ba'i 'jigs pa zhi gyur pa/ /'jig rten dbang po'i zhabs kyi sen mo bsil zer ldan pa'i sngon med zer gyis khyed rnams dag gyur cig/ //nyon mongs phung po'i bud shing dag ni lus ba med bar sreg byed me chen mthon por gyur pa'i rtse/ /'jig rten gsum po dag tu rab dkar gsal zhing gti mug mun gnag dag gi smag rum 'thibs pa sel/ /dmyal ba'i sa gzhir me yi phung po rnams la bdud rtsi'i chu po rgya chen rgyun ni 'bras bcas pa/ /padmo 'dzin zhabs las 'khrungs sen tshogs 'od zer rnams kyis khyed kyi 'khor ba yang dag sel gyur cig /rang gi 'dun pas bcang pa'i 'dod pa sbyin la shin tu mkhas gyur yid bzhin nor bu bsam yas shing/ /shin tu 'jigs pa'i dogs pas gdungs gyur zhi bar bgyid ba'i bsil ba'i 'od zer yid ni rab 'phrog la/ /yon tan du ma'i tshogs rnams 'dzin pa gsal bar gyur cing mdzes pa dang ldan me long dag gi gzugs/ /'jig rten dbang phyug zhabs las skyes pa'i sen mo
- 144b
nges bskyed 'od zer mdzes pas khyed rnams skyong gyur cig /'od zer dpag med las 'khrungs che ba'i 'od zer rnams kyis mdzes pa dang ldan gtsug pud chen po ni/ /mdzes ldan mgon po'i rab tu mdzes zhabs sen mo'i 'od zer tshogs ni de la mtshang mkhas lha rnams kyi/ /mgo yi rin chen mchog gi tshogs las nges par 'phros gyur shin tu rab bkra'i 'od zer tshogs rnams kyis/ /bde sogs dga' ba'i gzhu la nye bar spyod byed 'di dag gis ni khyed rnams yun ring dar gyur cig mngon par 'dod pa'i yul rnams 'thob pa'i sbyin pa las ni dpal dang ldan pa'i longs spyod kyis mtho zhing/ kun tu rnam par mi g.yo'i 'od ni bsten byed snod rnams dag gi mgu ba bskyed par byed gyur la/ /dri ma dang bral mtshungs pa med pa'i gzugs ni ri bong can las lhag cing skyon gyi mun sel pa/ /nor bu'i 'od zer lta bu phyag na pad+ma'i zhabs kyis khyed rnams dag la tshim pa sbyin gyur cig /rab mdzes phyag na pad+ma'i zhabs kyi pad+ma las 'khrungs sen mo'i tshogs rnams dag gi 'od zer ni/ /rgyun chad med par snying rje'i chu yis nye bar bran pa de yi sku lus dag gis gzhi la/ /khyad 'phags ye shes sa bon btab pa las skyes mi chung dpag bsam shing gi myu'i tshogs rnams dang/ /mtshungs pa gang yin 'di yis khyed kyi srid pa'i 'jigs pa rab mang mdza' tshogs nyams par byed gyur cig /'jig rten dbang po'i zhabs pad las skyes sen mo'i 'od zer bdud dang dgra sde bdag la skrag ster zhing/ /utpal dmar mdog dang por don yod mnga' rnams med rtse gyen du bstan bcug? 'od zer ltar mdzes la/ /'jigs rung 'khor ba'i dong du rtag tu lhung ba'i skye bo 'dren byed sra mkhregs thag pa'i dpyad thag 'dis/ /shin tu rnyed dka' i phun sum tshogs pa chen po mtho ba'i go bzad? dag la 'khyen rnams
- 145a
'god gyur cig/ 'od dang ldan zhing nyon mongs las kyis rang dbang med du ba 'gro ba'i sdug bsngal rnam bar gcod la dpa' / /skyon gyi dmigs pa las ring gsal zhing mkhas ba'i bla ma skye bo rnams kyi sgrol bar byed gyur la kun du dga' ba rab sdug ster zhing ri bong 'dzin dpal mdza' dag 'dzin gyur dri ma dang bral ba/ bsam yas phyag na pad+ma'i zhabs 'khrungs sen mo gang yin de yis khyed kyi bsam pa rgyal gyur cig/ ci zhig bde 'byung gis 'di zla dum rnams kyis mchod par bkod byas 'od dang ldan pa'i dum bu 'am/ /yang na nges par khyad 'phags yid gyur byang chub dpal mos rin chen phreng ba bkod dam ci zhig yin/ /lha rnams kyis ni lha yi me tog rmad byung mtshungs pa med rnams phreng ba rgyus dbyangs pa min nam zhes blo gros bskyed pa 'jig rten mgon po'i zhabs las 'khrungs pa sen mo'i phreng bas khyed rnams dgyes gyur cig/ gang du 'di ni padmo las skyes phyag bgyid 'chi med mgo bor nor bu'i khri stan mthon po la/ /zhabs rdul dag ni rgyun du gzims shing gang du yang ni 'dzin byed gzhi la mgo 'phyang rab 'dud pa/ /de ltar rab bskyed 'od zer tshogs kyi so ring gsal zhing bzhad gang bgyid 'dra 'jig rten dbang phyug gi zhabs skyes sen mo gang yin de dag rnams ni khyed kyi mdza' bral mun pa gzhil ba'i slad gyur cig/ tsha gdung sel byed dpa' bo dkar bsil mchog ldan bdud brtsi'i thigs pa'i char gyi rgyun ni 'bebs mdzad cing/ /mi bzang mda' chen char gyi rgyun ni drag po rab 'grems bdud la gnod byed phyir ltar gyur pa/ /phyag na pad+ma'i zhabs kyi sen mo'i 'od zer dpal mdzad dag gis khyed kyi 'khor ba'i rnam pa yi/ /khongs chen brtson rar rgya che'i sdug bsngal rnam mang 'jigs su rung rnams yang dag 'phrog
- 145b
bar byed gyur cig/ 'jig rten dbang po'i zhabs las rab skyes sen mo'i gnas la snang ba dag ni shin tu bzlog dka' ba'i/ /bdud kyis kun nas rab 'phangs mda' yis khyab rnams sgrib bar byed pa'i yol par 'khrul ba bskyed byed cing/ /kun nas nyon mongs dpung rnams brlag 'gyur bsal bar go byed mjug rings chen po'i tshogs su brteg bya ba/ /'jig rten gsum gyis mi nus nus pa srid pa gsum las rgyal ba'i ru mtshon chen pos rgyal gyur cig/ //yang dag rdzogs pa'i byang chub sems kyi zla ba kun nas mdzes ldan 'od kyi tshogs pa lta bu dang/ nyon mongs nges bsregs thal ba'i tshogs rnams grol ba'i lam gyi rlung gis bdas nas bgrod pa lta bu dang/ /mi bzad bdud rnams kyis ni rnam par mi phyed mi chung rdo dkar glogs bu bkod ba lta bu yis/ /nye bar mtshon 'od phyag na pad+ma'i zhabs skyes sen mo'i 'od zer tshogs kyis khyed rnams bsrung gyur cig/ mtshan mo'i mgon po nges pa kho nar phyogs la zang cing rang nyid dman pa skyengs par gyur pas ni// skad cig brtag par bya ba mtshungs med mun pa spongs mkhas dri ma dang mi zad pa mi mnga' zhing/ /mi dman sgra yi srin po zang byed pha rol 'gro skyong rdzi ba med pa'i brtul zhugs nyer mtshon pa/ /'jig rten dbang phyug zhabs sen gang de rnams kyis mi kho ma 'phan pa dag las khyed rnams bsrung gyur cig/ phun tshogs dam pa'i sgrub byed rab tu stobs ldan pad+ma 'dzin pa'i zhabs kyi rdzong la gnas bcas shing/ /'jig rten gsum dpal rgyal bar bzheng ba sen rnams mo'i 'od zer tshogs ni mtshungs med mngon par rab 'thob/ /bshes gnyen 'char bas tho ba pa'i rab gsal rjes su 'grogs ldan shin tu pul byung 'phel ba rnyed gyur pa/ /rgud pa kun gyi dgrar gyu thag pa chen yang dag 'grub pa'i
- 146a
rgyu des khyed rnams phongs las srung gyur cig/ /gtsug pur la ni zla phyed rgyan 'dzin bzhed par gyur pa'i phyugs bdag 'di ni ngo tsha dang bral la/ /nub par mi 'gyur nor bus mngon par mdzes 'dod khyab 'jug dag kyang ji ltar mkhas pa lta bu yin/ /dbang po yi ni mgo bo tshe la nor bu 'di yang don yod min zhes phyag na pad zhabs kyi/ /sen mo'i tshogs 'di mthong gyur gang zhig mdzes pas sems zin 'jig rten gyis bsams de yis rgyal gyur cig/ rgya khyon cher byas ring du steng du 'gro zhing 'og tu 'ang dmyal ba rnams kyi sgrol bar byed par gyur/ /bsil zer ldan pa 'char kar gyur ltar dkar zhing dgra rnams bzhin ni nag po nyid du 'gyur ba'i rgyu/ /nus mthu rnam par shes par bya ba dkar zhing ma lus 'gro bas mchog tu gsal bar mthong zhing snang/ /dbu la sangs rgyas kyi ni zhabs pad la gnas sen mo'i 'od zer tshogs kyis khyod rnams srung gyur cig/ lha dbang dgyes pa'i mchod pa la mkhas lha mos rab gter ga pur phye ma kun nas 'thul ba yi/ /'od ltar snang zhing gus pa'i khur thogs 'phrog byed phyag 'tshal ral pa'i thal bar rnam par 'khrul pa'i sa/ /dpal mo mchod pa 'bul ba'i lag gi pad+ma'i ge sar rtse yi rdul phran zag pa ltar mdzes pa/ /phyag na pad+ma'i zhabs las skyes gyur sen mo'i 'od zer tshogs kyis khyed rnams phongs las srung gyur cig/ //lhun po'i 'od zer ser po min bgyid lha yi glang chen li khri'i tshon gyis gsal byas dmar po'i dpal/ /nyams par byed pa dpa' zhing rta ljang can gyi rta yi ming man ljang ba nyid ni 'phrog bgyid la/ /sngon po'i snang ba nyams bgyid 'chi med bu mos 'o ma'i chu gter lung bab rnam
- 146b
brtags skrag gyur pa/ /padmo 'dzin pa'i zhabs kyi padmo las 'khrungs sen mo'i 'od zer tshogs kyis khyed rnams bsrung gyur cig/ lha rnams khyod kyi rnga yab bsil zer byed ltar dkar pa dag gis 'di la mdzes par mi 'os te/ /ka ye dam b+he dgos pa med pa'i ga bur phyi ma gus pa'i rtsom pas yongs su 'thor pa ci/ bde sogs khyed kyi me tog dkar po rnams kyis rab tu gtor bas ci zhes mtho ris sa yi rje/ /mchod la sngags mdzad phyag na chu skyes zhabs 'khrungs sen mo'i 'od zer tshogs kyis khyed rnams srung gyur cig/ //ke la sha ltar 'bigs byed mdzes bskyed lha min las rgyal lus kyi nag po nyid ni nyams pa bgyid/ /nag mo rtsed 'joms? mdzes ldan byugs shing nyid ma'i rta yi 'od zer ljang gu nyid kyang dkar por mdzad/ /mchod mkhas lha yi skye bos gtor ba'i kun ta'i zil las bsil zer can gyi dum bu ltar gyur rnams/ /ci zhig la dgos 'jig rten dbang po'i zhabs sen 'od zer che ba'i tshogs kyis khyed rnams srung gyur cig/ //'khor ba'i chu srin bdag po pha rol bgrod ba rnams la bsdams pa'i lam chen dag dang mtshungs 'gyur zhing/ /bzlog par dka' ba'i sdug bsngal me 'bar zhi bar mdzod pa bsod nams chen po'i tshogs kyi chu bo ni// dags pa bad dga' dag tu 'bab pa lta bu dbu la sangs rgyas kyi ni zhabs las 'khrungs pa yi/ /'od zer mchog tu rnam par rgyal bar gyur rnams khyed kyi srid pa myur du sel bar mdzad gyur cig/ //nag mo dga' ba'i zla ba'i mdzes pa'i ? rgyas gnon bgyid sa gzhi 'dzin pa ke la sha yin ni/ /snang ba rgyas pa gsal bar nyams shing dkar po nyid gyur kha ba can gyi dkar ba nyid kyang 'phrog/ 'e ma'i rgya mtsho rgyas pa lud pa dang mtshungs phyogs rnams kyi
- 147a
yang lha yi glang chen po rnams ni/ /bcag pa'i dum bu ltar mdzes 'jig rten dbang phyug zhabs sen 'od zer rgyus pas khyed rnams srung gyur cig/ //gang zhig yongs 'du'i me tog gis mchod mtsho skyes dpal ni 'jums shing bung ba'i tshogs rnams gar bsgyur bgyid/ /gang la gnas bzhin bsnyen bkur la chags pad+ma cung zad zum zhing rang byung 'dug pa dka' par gyur/ /gang gis lha yi chung ma bdud pa'i skyon sel nyin mo'i dpal ni nag mo min par mtshan mor gyur/ /phyag na pad+ma'i zhabs sen zla ba mdzes ba dang ldan zla ba'i 'od 'dis khyed rnams srung gyur cig/ //lha yi na chung skye bo mdzes ma rnams kyis 'dod 'os su 'khrul mig tshugs lta zhing mchod gyur la/ /sen mo'i 'od gsal dkar zhing mdzes bar gyur pa pad+ma'i rtsa ba'i tshogs pa lta bu 'dzin mdzad cing/ /mi chung 'dod ba rab rgyas 'dod lta bur gzhan gyi dbang gyur ma yi spong la rab tu 'jug / mi dman lha yi grong gi tsan dan gyis byugs phyag na pad+ma'i zhabs kyis khyed rnams srung gyur cig/ //kun dga' i khur bu ming man rab rgyas lha yi lag pas yongs 'du'i me tog rab tu gtor rnams la/ /bung ba'i don mthun nag po brtsegs pa shin tu gnag par gsal ba'i tshogs pa lta bu rab rgyas pa/ /phyag na pad+ma'i zhabs kyi mtsho skyes dag gi sen mo'i 'od ni dri med 'o ma'i chu gter gyi/ /dbus las 'khrungs pa'i dpal mo g.yo med dga' ba'i rgyu 'dis khyed kyi dge legs mchog tu sgrub gyur cig/ //de pa rnams chad skyo bas 'phel ba'i me yi rtse mo bcod pa'i chu chen rab tu rgyas gyur cig/ pad+ma'i 'dzes pa'i rjes mthun gyis drangs
- 147b
sbrang rtsi byed pa'i sgrib byed rnams kyis bsgribs par gyur pa'i dpal/ /sen mo'i 'od zer dkar zhing rags la sdug por gyur pas rang dgar khyab cing nang ni khengs gyur pa/ /sor mo chu skyes dpal la reg pa'i zhabs kyis tshegs med ma chad khyed kyi 'dod pa sbyin gyur cig/ 'khor lo'i 'od ni rab tu mdzes dang ldan gyur dri med sen mos bskyed pa ngo zla med pa'i dpal/ /mtshungs med yon tan grangs med bsod nams rnams kyis 'thob pa'i mtshan gyi tshogs ni rnam par 'dzin gyur cing/ /ma lus gling rnams gsal ba'i mthu ldan shin tu che bar phun sum tshogs pas sa yi bdag po rnams/ /phyag bgyid mgo yi 'khor lo sgyur ba dbu la sangs rgyas zhabs kyis khyed rnams yun ring srung gyur cig/ mtho ris gang+gA'i gser gyi pad ljon me tog cung zad byed pas 'di la gtor ba'i yon tan ci/ /gsal ldan mtsho skyes su 'khrul bur ba'i phreng bas glu blangs nyid la gru rnams kyis ni ci zhig bya/ /rab mdzes sen mo 'di la nor bu'i phreng ba rnams kyis mdzes pa nyid du bgyi bar nus min zhes/ /gang zhig mchod pa lha yi dbang pos gsungs gyur phyag na chu skyes bsdams pa'i zhabs des rgyal gyur cig/ /gang zhig mgon po kho na'i bde bar gshegs pa'i rgyur gyur 'ba' zhig ma yin skye ba'i snod kyi yang/ /gang du padmo mngon 'dod sbrang rtsi 'thung ba'i tshogs nyid 'dab bskyong ma yin skye bo rnams kyi yang/ /gang gis rab lci ma nyid shin tu bla mar gyur cing 'dud rnyed ma yin 'jig rten gsum pa yang/ /dbul bde gshegs ri bong 'dzin pa'i 'od kyis rnam par gsal ldan zhabs nges 'jig rten srung gyur cig/ //gang zhig ston byed bung ba rnams la btung ba'i sbyin bas dga' mgu rangs pa'i tshogs ni bskyed
- 148a
mdzad cing/ /gang zhig rtsa ba mi dman res pa kho nar ljang khu nyid min mchog tu mdzes pa nyer 'dzin la/ /rdul gyi tshogs rnams 'chi med ma gor nyal dpal ni gnas pa'i sar gyur sen mo 'od zer bzhad pa yi/ /ge sar dang ldan 'jig rten mgon po'i zhabs kyi pad+mas khyed la yun rings dge legs sbyin gyur cig/ lus 'joms nyams byed 'jigs su rung ba'i dgra 'joms sgrub pa lus can rnams kyi mtshon te 'dod pa yi/ dngos grub 'bod par byed cing kye ma shin tu cher bsags mi bzad sdig pa'i tshogs chen zang mdzad pa/ /nyon mongs bkod pa dgra yi bsam pa'i sreg blugs kyis bskyed sdug bsngal me chen gyis ni bsregs pa dag/ /sel ba'i chu klung phyag na pad+ma'i zhabs kyi 'od kyis khyed kyi rnam mang phan pa sgrub gyur cig/ //dbu la sangs rgyas rgyan ldan zhabs kyi nye 'khor du rgyu ma tshad med pa'i padmor 'khrul ldan pa/ /bung ba'i phreng ba sgra snyan sgrogs pa rnams ni sems can bskyab pa'i bya ba gcig bur rab brtan la/ /yun ring bzhugs par brtan par bgyi slad stobs chen snying rje dag gis spom zhing gnas pa lcags kyi ni/ /lcags sgrogs bkod pa lta bus khyed rnams dag gi phun sum tshogs pa nges par g.yo med sgrub gyur cig/ pad+ma'i nang gi 'dab ma'i phreng ba ltar mdzes 'jam zhing rdo rje lta bu sra la rnam par brtan/ /gdug pa'i dgra rnams kyis ni rab tu bsnun byas mtshon cha'i tshogs rnams rnam par nyams par 'gyur ba'i sa/ /dmar zhing chags pa nye bar zhi ba 'khor ba'i chu gter dag las sgrol bar bgyid pa'i byed pa po/ /shin tu stobs ldan bde bar gshegs pa'i ri bong can 'dzin zhabs kyis khyed kyi skyo ba sel gyur
- 148b
cig/ dbang po'i chu skyes rab tu rgyas shing mdzes pa'i tshogs la bung pa g.yo ldan yin yang mi g.yo zhing/ /kun tu dga' ba'i kun nga 'phrog byed lag na gnas pa'i tshogs la sred ldan yin yang mi sred de/ mdun du khyab 'jug gis gtor mdzes ldan yongs 'du'i me tog dri bzangs ldan la'ang dga' ba mi skye bar/ /gang du bung ba'i phreng ba dgang 'gyur rgyal ba 'dzin pa'i zhabs kyi pad+ma des khyed srung gyur cig/ //'od zer rab tu mang ba'i tshogs las gyur pa'i ral pa g.yo zhing shin tu dag mdzes gsal ldan la/ /dmar zhing mdzes pas rjes 'phrel rab tu mtho ba sen mo'i so gtsigs kun nas mdzes shing yid du 'ong/ /nyes par zhugs pa'i gnyis 'thung dgra bo skrag bgyid ring du g.yo ba'i spyan gyis kun tu gzigs gyur pa/ /pad skyes ral pa'i nags nyal? 'jig rten dbang po'i zhabs kyi seng ge khyed rnams zhi ba'i slad gyur cig/ /shin tu dri ma med kyang mi chung yang ba min yang myur du phyogs kyi sgo nams 'god par bgyid/ /'jig rten gsum pa kun tu dga' bar bgyid kyang stobs ldan pha rol lus khyab yongs su gdul ba'i rgyu/ mdzes sdug 'gyur byed byug par ldan yang phul byad yid 'ong rgyas pa'i 'od zer dag gis me tog ni/ rnam rgyal phreng ba'i thod can zhabs kyi 'od zer khyed rnams phongs pa'i zug rngu 'gog par mdzad gyur cig/ gang la rgyal po'i rgyal pos me tog rnams dang 'phrog byed kyis kyang yongs 'du'i ljon shing yid 'phrog rnams/ /zla bas kun dga' ldan par kun da rnams dang nor lha'i rgyud kyis 'od ldan nor bu mar po'i tshogs/ /zhabs ldan dga' bas pA la sha ste de ltar lha yi skye bos mchod pa'i khyad par dag mang rnams so/ /rjes su khrid pa'i snyan ngag lta bus mchod bgyid phyag na chu skyes zhabs des khyed rnams srung gyur cig/ 'od rnams rnam par/
- 149a
gsal ba nyi mas bstod bgyis sen mo rnams la mtho ris mgon po yis/ /sor mo'i rtse mo'i tshogs la dbang phyug 'dren byed rnam par mi g.yo mdzes pa'i mdza' la mthar byed kyang/ /lha yi 'jig rten rnams la gang gis thun mong min pa'i mdzes pa phul du byung ba'i yul rnams ni/ /ma lus mthong ba'i nus pa yod min mgo la sangs rgyas gzugs kyis mtshan ma'i zhabs des rgyal gyur cig/ yang dag rdzogs pa'i sangs rgyas 'od kyis rab gsal ral pa'i tshogs kyi rtsi shing ldan pa che ba'i sku/ /'khor ba'i chu gter gting du 'jug byed skye bo'i tshogs kyi shin tu lci ba'i sa gzhi rab gnon zhing/ /mdza' rnams dag las yang byung pa yid 'od zad cing dmar ba'i khams chen ldan pa'i chu rnams 'bab/ /grub pa'i don mthun gyis bsten padmo 'dzin pa ri bo'i zhes pa ni khyed kyi bzang po'i slad gyur cig/ //'khor ba'i lam la rab bgrod 'gro ba mdza' dag ngal zhing dub ldan zhi ba'i rgyu yi grib bsel can/ /rab tu mdzes pa'i yal ga rab gsal sen mo'i me tog 'dzin cing 'dod don 'bras bu dang ldan pa/ /lha yi skye bos rab btud mgo yi phreng bas bskyor ba'i rtsa bar nor bu'i bum pa gang ba yi/ / dri med 'od kyi chus ban 'jig rten dbang po'i zhabs kyi ljon shing tshogs kyis khyed rnams srung gyur cig/ rtsa ba rab brtan nyon mongs tshogs pa'i dgra bo stobs ldan stobs rnams rtsad bcad snyed pa chen po yis/ /rangs pa thob gyur rnam par sgeg ldan stobs ldan las rgyal mgo yi gnas la g.yo zhing rnam par rtse/ /chu skyes rgyas pa'i rgyun la chags shing kun tu sred ldan dar ding mang po rab tu sgrogs ba yi/ /bud pa'i tshogs pa mo bzlogs mtshungs
- 149b
med dri bral pad+ma 'dzin pa'i zhabs kyis khyed la srung gyur cing// //'jig rten gsum gyi dbang phyug dpal 'byor lag ldan chung ma g.yo ba'i sdom thag gdags sa'i dbyug pa ste/ /nyon mongs sdug bsngal sprul gdug sos zin 'gyel ba'i 'gro ba mdza' dag skyong bar byed mkhan nam mkha' lding/ /mi chung dmyal ba'i grong khyer nang na bzlog dkar 'jug pa'i sgo sdom rab brtan srid pa'i chu gter ni/ /legs par rgal ba'i gdos pa gcig pu 'jig rten dbang po'i zhabs ni khyed rnams 'byor pa'i slad gyur cig/ mdun sa gang du lha yi rol mo mkhan rnams mdzes pas yid gzung mchod pa bgyid par ma nus te/ /gang rnams rnam pa las 'das sil snyan rig byed kha na ma tho med rnams de tshe rnam par nyis dman pa min pa'i glu dbyangs mi len nyams rnams dag gis spras pa'i dngos po nyid min ngo bor gyur/ /de ltas brgya byin nang du bzhad gyur lta bas mi ngoms gzugs can mtsho skyes can des rgyal gyur gcig/ dpal ldan bar med ? tu mtshungs pa med cing cher gyur 'dod pa chen po'i khang pa mchog gi sar/ /lhag pa'i stobs ldan g.yon gyi rim par mi bzad 'dud pa'i bdud kyi yid rnams rab tu 'joms mdzad cing/ /sems can dga' bde rab bzhed grags ba dang ni 'jam pa'i thugs ldan dal bas skye bar mi 'gyur ba/ /mgo la 'od dpag med pas khyed kyi gti mug gis bskrun rab 'joms gya che'i 'jigs pa 'joms gyur cig/ brtan pa'i rab 'jigs su rung bas skor zhing sgra ldan bcings bas dam bcings ring por gsal ba'i sgra/ /drag po shin tu 'jigs rung dmyal ba'i grong khyer nyid kyi rnam par 'dzin pa dgra bo rnams dag ni/ /btson khang nar du gdung ba drag pos shin tu 'jigs par gyur rnams dran nas
- 150a
skyabs la rab gshegs shing/ bskur sti sgrub mdzad snying rje rab lci 'jig rten dbang phyug gang yin de yis khyed rnams srung gyur cig /bskal pa'i mdza' yis rba rlabs ? 'phyo g.yo ba'i rlung gi stobs kyis rab gtsubs rba rlabs phreng ba rnams/ /sgra drag sgrogs shing thor thor dang ldan chu srin tshogs kyis gang ba 'jigs rung chu yi chu gter ni/ /gang zhig dmigs pa nyid na mthon mthing dri ma med pa'i tshogs chen bkram brtse dga' dag gi nad nyams rab dga' bar 'grub 'gyur padmo can de shin tu myur bar 'gro rnams srung ba'i slad gyur cig/ //du ba'i tshogs kyi 'ching bas bcings bas zla ba nyi ma'i 'od zer nyams shing 'bras bu med par byed/ /'gog pa bskyed pa'i bgegs la mkhas pa'i lha yi chung ma rnams kyang brtan pa'i mthu rnams nyams 'gyur ba'i/ /du ba'i rgyal mtshan can yang gang gi ming brjod rgyun 'dzin 'dzin byed rnams la rab tu nyams 'gyur ba/ /sangs rgyas 'dzin pas khyed la nyams dgar rgyun chad med cing sgrub byed dang bcas legs pa sgrub gyur cig/ //khro bas rab bslad lag pa dus kyi mtshon cha dang 'dra 'jigs su rung ba'i srung ces sgrogs par byed/ /chang gis bsgos pa'i 'gram pa dag tu bung ba'i tshogs gtibs glo bur gnag gyur bar zhing che ba'i lus/ /lag ldan dbang po 'ong ba gang gi mtshan gyi lcags kyu mnag dkas btab na zhum zhing skrag 'gyur pa/ /'jig rten dbang po'i thugs rjes rab 'dod yo byad de ni khyed kyi 'dod pa'i bya ba mdzad gyur cig/ sud ces dbugs ni 'jigs rung khro ba'i rang gnas za bas bsreg byed mi chung dug gi du bar ldan/ /so yi bza' ba mthong pas mgo bo shin tu rab tu gdengs gyur nyes byes
- 150b
so rtse ldan pa rnams/ /rang gi mtshan ni dug so'i dbang po'i dgrar gyur blo la rnam par bzhugs pas nus med nyams 'gyur ba/ /'jig rten dbang de kun gyi nyon mongs phung po shin tu mi bzang mngon gyur zhi ba'i slad gyur cig/ // spos dris rab tu bslang ba'i dregs pa che 'dzin glang chen tshogs rnams za bar sgrogs shing 'jigs pa'i shugs/ /khro bas rtse gcig tu 'gro mgrin pa'i phug zab dag nas drag po'i ngar sgra zab mo sgrogs byed pa'i/ /ri dags dbang po 'khol byed kyis bkol 'os pa nyid du gang gi yon tan brjod pas ldan 'gyur pa/ /yan lag mchog mthor bde gshegs gnas shing rnal 'byor ldan nges khyed kyi ngan par 'brel pa sel gyur cig/ rab mang gnod ba rjes su dpag bya brtse bas zad pa'i snying ldan 'jigs pa sgrub par byed gyur pa/ /mkha' la gnas shing ri yis nye bar gzhal bya bung ba ma he mngon 'gyur 'od lta'i lus kyi tshogs/ /sbyor thabs legs ldan sgyu ma'i rang bzhin lta bu gang zhabs brjod pas dman zhing brtson 'grus med pa dang/ /rnam par nyams par bgyid ldan bde bar gshegs pa'i gnas nges khyed rnams rnam par rgyal ba'i slad gyur cig/ glang chen tshogs kyi chu srin rab rgyu ral gri mdung rings 'od dang ldan pa'i rba rlabs 'khrug cing rgyug/ //rab bskad dkar zhing g.yo ba'i tog gi dbu ba legs par gsal ldan skrag pa'i gnas kyi sar gyur pa/ /mtshungs med sgra rnams yang dag 'grogs pa'i sde brtan chu bo dag ni gang zhig brtan pa legs pa'i grus/ /spro ba dang bcas yang dag rgal 'gyur mtsho skyes can nges khyed kyi bde min bde bar sel gyur cig/ //sa 'dzin tshogs rnams 'byed pa'i mthu ldan 'od zer rab mang 'byor pa'i 'od la spyod cing 'jigs byed pa/ /rab tu
- 151a
bkra ba'i me 'od rnam 'dzin 'jigs pas mi gnon 'byung po rnams ni rmongs shing 'khrul bskyed pa/ rdo rje 'jigs? pa'i snod kyi mngon du lhung ba dag ni gang la gus pa'i mthu las myur nyid du/ /rnam par nyams pa'i sar 'gyur mdzes ldan mtsho skyes 'dzin pa de yis khyed kyi srid pa 'byed gyur cig/ //kun tu gzir bas brtan nyams 'pho ba'i sgrub byed nye gyur lha ngan 'khros pas ma bar rje zhan gyur pa / zug gzer mnag dka' drag pos 'geg byed rnam pa sna tshogs mang po'i nad kyis rab tu gzir ba'i lus /gang gis bsam gtan des brjod bdud rtsi 'dzin byed kyis gzung 'gro ba blo ldan zug rdus mi rdzi bar/ lhag par dga' bskyed mgo la sangs rgyas de yis khyed rnams glo ni byang chub slad du srung gyur cig/ //reng nas bod bzhin gshegs pa'i sa bdag mtshungs med dgra rnams nyams shing rab tu gdung bar byed pa'i klu?/ drag tu len cing khrims lugs grags pa tha mes bdag po'i grags pa las rgyal khrims lugs dag dang ldan/ /'byor pa rnam kun brlag ba bskyed pa'i rgyur gyur khros pa'i blo can gang zhabs brjod pa'i nus pa yis/ /mchog tu mdza' bar 'gugs byed rgyal ba'i khyu mchog gnas de khyed kyi 'jigs pa yang dag 'phrog gyur cig/ //tshangs pad man pa nyid gyur bla ma yang ni bla ma yin dang ma nyams par brjod nyams pa nyid/ /khyab 'jug mi smra'i dang tshul dbang phyug kyang ni tshig rnams rnam par 'god pa'i khengs pa med gyur la/ /tshim zhing gsal bar bstod 'dod rnams kyang de ltar lha rnams gang gi yon tan brjod la mkhas min
- 151b
te/ /rgyal ba'i thugs kyi spyod yul nang gi yon tan tshogs mnga' phyag na pad+ma dag gis rgya la gyur cig/ //yab kyis ya mtshan la ste lha dgra'i dgra yis spyod pa dang ni mig gsum ldan pas mig dag la/ /rigs kyi dgra yis rag la bla ma yis kyang gshegs pa la ste mtshan mo'i bdag pos kun la'o/ /grogs pa yis ni byams pa la sti a tre'i bu yis 'gro kun bu ltar gyur pa'i mnyes gshin la/ /'di bstod bstod pa'i sbyod gang mdza' yas sbyin mdzad phyag na bskyes de yis khyed rnams srung gyur cig/ //gang la tshangs pas rang gi zhal rnams mang po nyid las mang po legs par bzhed dang ldan pas bstod/ /kun dags khengs shing phung pos kyang ngo klu rnams dag gi mgon pos kyang ni spyi bos 'dud par bgyid/ /brgya byin 'dren byed brgya phrag bcu rnams bsngags pa bgyid cing gang ba rnams gzigs rgyun chad med par ni/ /'dren byed dga' bas phyag 'tshal bstod pa'i snod gyur 'jig rten gnyen des 'jig rten gsum rnams srung gyur cig/ //pad+ma 'dzin pa'i gdung med rab gsal 'jig rten pa rnams snang ba'i don du yod pa min nam zhes/ /mkha' yi lam la nyi ma'i 'gron po 'di ni ngal zhing snang byed 'od zer 'bras bu med par klong/ /blo yi nor can blo ldan rnams kyis bstod pa bgyis pas 'dun sar rags pa'i snang ba sgrub byed la/ /gang gi bka' drin myur du dag rnams nyams par byed pa de las 'gro ba dge legs ldan gyur cig/ //phug 'os gang la phyag 'tshal bkang ba las kyang bsod nams snod rnams shin tu mtho pa nyid 'gyur la/ /thun mong min pa'i mchod 'os gcig pu mchod kyang gus pa'i snang rnams nye bar bsags pa shin tu mad/ /gang gi bsam gtan gnas pa ngan pa yis
- 152a
kyang 'byung po'i 'jigs pa dag ni 'phral la brjed 'gyur la/ /mdza' yas bsam gyis mi khyab 'jig rten phan pa'i sgrub la 'jig rten mgon des khyed rnams srung gyur cig/ //dbang po'i rdo rje brdzun te lha yi dgra rnams nyams bar gang gis byas shing stobs ldan 'phrog byed ni/ /shin tu rno zhing yid 'phrog mngon par me tog mda' can dag la me tog can ni 'bras bu med/ /khyab 'jug 'khor lo la ni 'khor lo don yod min zhes skye bo tshogs kyis nges par brjod ces nas/ /mtshon tshogs bzung ba med par dgra yis skye bo dga' bas bcom pa mtsho skyes ldan bas rgyal gyur cig/ //'jig rten 'das pa'i bde ba 'dzin par gyur kyang 'gro ba'i sdug bsngal drag po dag gis sdug bsngal ldan/ /rtag tu rjes su chags pa btang bar gyur kyang skyabs med sdug pa'i srog chags gtong pa dag las grol/ /'jig rten gsum gyi mgon po nyid du gyur kyang mi mnyam srid ldan 'gro la brten zhing 'dud pa bgyid/ /mchu des bral bsam yas spyod pa sgrub mdzad mgo la sangs rgyas gang des khyed rnams yun ring srung gyur cig/ //rgyun mi 'chad bar 'jig rten gsum du dpe med mnyes gshin snum blugs sbyar bdag las zhi bar ni/ /gang zhig mi gshegs stobs ldan mi chung mu stegs rlung 'tshub dag gis rab tu rnam par mi g.yo zhing/ /gzhan phan rgyu la brtson pa rab brtan sdong bu mi nyams 'od zer dang ldan srid pa'i khang par ni/ /gti mug mun nag rab tu 'thibs pa sel byed 'jig rten dbang po'i sgron ma de yis rgyal gyur cig/ //gang du 'di ni kun la byams ldan mi bzang mang por gyur pa'i nyon mongs dgra rnams ci la bsreg /gang du
- 152b
grol? par nus pa'i mthu ldan snying rje'i zhags pa brtan pos g.yo ba med par ci la 'ching/ /gang du btang snyoms phyogs nyid la brten gzhan la phan par bgyid slad ci la 'khrug ste de yi phyir/ /rnam bkra ngo mtshar phyag na padmo'i spyod pa 'gro las 'das pas khyed rnams dman las rgyal gyur cig/ //kun las phan zhing kun gyi rang bzhin du gsal rgya che tshul ldan dus kun du ni kun gyi mgon/ /kun gyi don chen thams cad sgrub slad gang zhig 'dul ba'i sgrub byed rnams kun ni ster bar bgyi/ /bla mar gyur cing che ba'i yon tan kun gyis kun las 'das shing khengs ba kun ni zhum par bgyid/ /kun ni kun la rab sbyin mgo la kun mkhyen des ni srid chen khyed rnams 'bras dang bcas gyur cig/ //dbang po rje bo skye dgu rnams bdag 'chi med bla ma 'jig rten skyong ba ngag dang dbang po che/ /'od ldan dang ni dgra thul dbyug pa gzhan pas rgyal pa'i stobs ldan las rgyal nor sbyin rgyal ba'i zhabs/ /don ldan ming gi snod ni rgyal ba nyid ces khor bshad kyis khengs 'khor gyi skye bos smras pa las/ /lha mo skye bo ngo mtshar gyur rnams gang la phyag bgyid phyag na chu skyes de yis rgyal gyur cig/ //gtso bo 'phags pa rnams kyi mchog gyur bsdoms pa dag ni pha rol phongs pa rab tu sel ba'i mchog/ rab tu mang ba'i mchog sbyin rgya che'i tshogs kyi chu yi char drag gsal zhing che ba'i rgyun tshogs kyi/ /sbyin pa'i mi dman rgyun 'dzin gyur cing bzlog dkar rab brtan bdud kyi dgra yi dpa' bos mi thul ba/ /dpag med 'od zer 'dzin pa'i dang ? yis ni khyed rnams dag gi dpa' bo'i dgra rnams bzlog gyur cig/ //gang du phyag na padmo'i mdzes ldan nus pa mchog gyur mthu dang ldan zhing rtag tu sbyor ba'o/ /'khor pa'i chu bdag lam zhags
- 153a
'jig rten mgon po mdza' dag mgon dang bcas zhes rnam par bsams nas ni/ /sangs rgyas snying rje ma chung kun gyi sgron mar gyur par don dang ldan pa dam pa ca'i khur po dag/ rnam par dor nas yang zhing mya ngan 'das pa 'thob par dgyes 'phel de yis khyed rnams srung gyur cig/ //'gro ba'i bya ba tshogs kyi khur ni bla mar gyur pa'i pa de gshegs bzhin du gtsug gis legs par blangs/ /bsngags par 'os pa padmo'i rgyan ni gus pa'i snod la rang nyid bzhin du lag tu legs par gtod/ /sems can tshogs kyis zhi ba dag ni dmyal ba rnams kyi dmyal me bzhin du yun ring 'thob par bgyid/ /gang gis nyon mongs rab 'chi ba rnams ni shin tu mi bzang 'gro ba bzhin du zhi mdzad des khyod srungs/ /gang zhig sgyu can min yang rang bzhin sna tshogs mdza' yas ston byed gsal bar grags pa'i sgyu dang ldan/ /'jigs kun yang dag zhi yang shin tu snying rje ldan pa nyid kyis 'jigs par gyur ba'i kun spyod mdzad/ /khro dang bral ba yin yang gdug pa'i bsam pa 'dul la mkhas pa'i khro ba rtag tu rjes su 'brel/ /bsam gyis khyab pa min yang chen pos bsam bya mgo la rdzogs sangs rgyas mdzes ldan des rgyal gyur cig/ // yan lag dam pa kho na ma lags sku lus mchog kyang dpag med 'od kyis mngon par dga' ba 'dzin/ /gang gi padmo kho na ma lags dgra sde dag kyang ci 'jigs bzod par dka' bdag kyang sa rnal ma/ /gang gis ral pa kho na ma lags nus pa dag kyang 'gro ba'i dgra 'joms byed par chos shing bsdams/ /mkhas pa 'jig rten mgon 'dis gshin rje khros pa'i bzhin ni snang ba dag las khyed rnams bsrung gyur cig/ //ma lus sems can don
- 153b
kyi bya ba bgyi slad nus pa dag ni kun nas rab tu bstar bus shing/ /chos kyis bsdams pa gang gi tshe na srid pa'i chu gter dag ni skams kyis dogs nas 'dar byed cing/ /nyon mongs don mthun rab 'bros byang chub sems dpa' ngal so thub pa rnams kyang mya ngan 'das pa la/ /dag zhes bsngags shing gzhal byed mgo la bde gshegs gnas nges khyed kyi rab 'dod dri ma zhi gyur cig //bgegs kyi tshogs rnams gnod pa dag gis rnam bar 'joms pa mi bzang yid kyi'ang spyod yul min pa'i las/ /gcig tu nges par bde ba gcod pa'i 'gro ba'i drag bo bcad pa'i phyag na padmo ni dbang med myos bzhin shin tu 'jigs ldan rnam par mi 'gyur gang gis sko byed mgon po dag gi yang/ /lci bar gyur pa'i jo bo brtse ba des ni khyed rnams brtse med mthar byed dag las srung gyur cig //zil gyis mnan pa'i sa nyid ma yin shin tu 'jam pa yin yang ji snyed 'jig rten khams mdza' yas/ /brtson 'grus shin tu bzlog bya ma yin dus gcig la yang rab tu snang ba dag gis khyab par byed/ /ma lus shin tu gsal ba ma yin gzi ldan gzi yang me khyer 'od kyi cha shas rjes mthun pa/ /'jig rten dbang phyug gzi brjid de yis 'jigs pa zhi slad khyed kyi gti mug mun chen 'phrog gyur cig/ //ma lus nam mkha' i khams ni skye bo bzhin du kun nas yongs su rdzogs par byas gyur re ba'i phyogs/ /ltung ba'i phung po thams cad snang ba bzhin du rnam par nyams bar rab brtson phul byung med par bgyid/ /gang gis rdzu 'phrul che ldan yid kyi bdud ni mun pa'i tshogs dang lhan cig zhi bar 'gro bgyid pa/ /mtsho skyes ldan pa'i snang ba de ni khyed rnams dag ni rab mang 'byor pa 'phel ba'i slad gyur cig/ //gzhan gyi 'od rnams nyams byed dbang phyug cig shos
- 154a
'od kyis mtshungs dka' mun pa'i bung po'i stobs 'bigs shing/ sems can 'che ba'i bsams pa can rnams khyad par du ni gdung byed bkra ba'i 'od zer mi nyams pa/ /sna tshogs mdza' yas g.yo med la sogs bsgribs pa'i yu ba rnams dag na gsal bar byed ba'i nus pa'i 'dzin/ /'jig rten dbang po'i snang ba gcig kyang 'chi med tshogs mtshungs de ni khyed kyi 'jigs sel slar gyur cig/ gang du sems can ma lus rab mang 'dod pa'i chu la chu ba'i bde ba rnyed dka' phun tshogs shing/ /don mang mu stegs ngan pa'i skye bo ri bo lta bu rgal bar dka' ba'i gting du 'gro byed la/ /bzlog dka' kun nas rab rgyas 'gro ba'i srid pa nyams par byed pa'i rlabs phreng rab tu 'thel ldan pa/ /phyag na pad+ma'i 'od zer chu gter khyer gyi nags me'i 'jigs pa'i srad rnam par 'phel gyur cig /chos kyi bdud rtsi'i chu bo gdul bya la yod gal te dmyal ba'i me rnams zhi ba 'di ni ci/ /bcing par byas pa ral pa'i phung po la yod gal te dgra yi tshogs rnams 'gro ba bral ba ci/ /spyi bo'i khang par rgyal ba rab lci gnas gyur gal te mgon po 'jig rten gsum rnams dud pa ci/ /de ltar 'jig rten gnyen gyi rnam par bkra ba'i tha snyad dag gis khyed kyi dgra rnams 'dzams gyur cig/ mngon par dga' bas rgyas pa gcig pu nyid kyang sems can bsam ba'i dbang byas rnam pa tha dad pa/ /dbye dka' yang dag min pa'i rtog pa g.yo med mi g.yo dag la rtsom pa chen po rdo rje'i rtse/ /dam pa'i blo gros ku mu ta la zla ba'i 'od zer mu stegs don? med can brjod mun pa la/ /nyams par byed pa'i nyi ma 'jig rten dbang pos gsungs pa'i bstan pa khyed kyi srid 'byed slad gyur cig/ sna tshogs rnam par
- 154b
cod pa'i gnas kyi 'dun sar 'dus pa rgya cher dregs pa'i cha las smras pa po/ /bzlog dkar rab gyur bsnyon pa'i sgra chen ldan pa rkan mig la sogs dman pa dang bcas zhum 'gyur cing/ /bag med myos pa'i skye bo rnams kyis rnam par ltung ba rab sel mkhas pa rnams kyi dga' bskyed pa/ /mgo la rgyal ba'i sku lus 'od zer phun tshogs dag gi dngos po skye med gsung nges rgyal gyur cig/ dgra rnams dngar rgyal ldan mtshon gang 'od zer tshogs ni rab tu mdzes shing 'gro ba dag gis bstod/ /mya ngam dmyal ba'i gnas rnams dag la rgya cher gdung ba rab tu 'joms byed rnam par rgyas pa'i chu/ /dgra yis 'phangs pa'i mtshon phreng dag la stobs ldan rdo rje srid gsum mdza' dag 'jigs par gyur pa rnams/ / nyams par bgyid pa la bsngags phyag na pad+ma'i phyag ni khyed rnams chags nyams med pa'i slab gyur cig/ 'jig pa'i mthor rlung dag gis dkrugs ltar yul gyi ri bo rab mthor ljan pa'i phreng ba'i rtsa ba rnams/ /rtsad nas 'byin pa'i stobs dang ldan zhing dgra yi glang chen dregs pa ni chung nyams pa nyid du bgyid/ /slong ba'i sbrang rtsi byed 'grugs sbyin pa'i rgyun 'bebs 'jig rten dbang phyug phyag gi sdong po la dga' pa/ /bzang po dag ni khyed kyi dgra yi grong khyer srid pa 'joms pa'i slad du brtul te 'jug gyur cig/ dam pa'i khongs ni gang zhig nor la sred ldan skye bo'i tshogs kyi re ba mi chad grub pa'i gter/ /gang zhig yu ba dag ni rdo rje'i rjes mthun dgra rnams skrag bgyid 'dab ma dam par gyur ba'i rtse/ /yang dag rdzogs pa'i byang chub dpal mos gnas bgyis yon tan bsngags par 'os ldan rnam par ma btang ba/ /'jig rten mgon po'i phyag gi yongs rdzogs pad+ma de ni khyed rnams dag gi grol ba'i rgyur gyur cig/ rtag tu sred pa rnam par 'phel
- 155a
zhing mgrin ba'i phugs skabs dman par gyur pa'i yi dags phung po rnams/ /kun tu dga' ba skyed byed dam pa'i bcud ldan mchog tu byang chub dpal mo lhag par gnas pa can/ /'byor 'dod yi dang ldan pa rnams kyis legs par bsten gnas dam pa'i pad+ma gsal zhing mdzes pa yi/ /tshogs kyis rab sgras ze ba dang ldan 'jig rten dbang po'i chu skyes gang nges khyed rnams srung gyur cig/ nyon mongs nyi ma sdug bsngal tshogs kyi 'od zer chud pa ma yin stug por gyur pa'i tsha gdung gis/ /gdung zhing dman pa'i skye bo gang dag rnams la tshang pa'i gdugs dang mtshungs par rjes su sgrub byed cing/ /mi dman gdung bar mi 'gyur ma lus 'jig rten dag la ma tshang med 'od steng gi bla rer bres/ /'jig rten dbang po'i phyag na 'byor ba'i dri med par mos khyed kyi sdig pa nyams par 'gro gyur cig/ stobs rnams kyi gnas bdag nyid che rnams che bar dar ba'i gzhi dang 'od zer grags bdag gi khyim/ /dgra rnams skrag par 'gyur ba'i gnas dang mnag par dka' ba'i 'jigs pa 'joms pa'i sa gzhi nyid gyur pa/ /sdug cing mdzes pa'i bsti gnas dang ni 'gro las 'das pa'i brtson 'grus phung po rgya cher gyur pa'i gnas/ /'jig rten dbang po'i dpung pa 'gro ba rnams kyi dgra mang tshang gcod gtum po'i dbyug pa nyid gyur cig /gang zhig rnam mdzes bdud rtsi'i rgyun gyi 'gyur bag ldan yang dgra bo rnams ni 'jigs pa kho nar bgyid// mthong ba rtsol bar bgyid pa min nyid de lta na yang lta byed rnams kyi dga' ba nyung ba min/ /rgyan rnams kun gyis rab tu mdzes pa'i khang pa yin yang 'gro kun rgyan rnams mdzes dang gral bar bgyid/ /'od ldan chu skyes can gyi gos
- 155b
ni gcig bu de yis khyed kyi bde min bde bar sel gyur cig/ gang zhig rab mdzes rgya mtshor gzugs kyi mngon pa'i nga rgyal nub cing bsod nams snod kyi lha byed rnams/ /'gro ba 'bras bu dang bcas sred pa skyes pa yang ni mi gnas rab tu g.yo bas 'joms 'gyur ba/ /mtshungs med rab tu mdzes ldan ri bong mtshan ma can sogs grangs med rnams ni gcig tu bgyis sam zhes/ /rnam bar 'gyur zhes de yi pad+ma las kyang rgyal ldan phyag na pad+ma'i bzhin des rgyal gyur cig/ /gang du rgyun chad med par mdzes pa'i chu tshogs ldan pa'i sprin rnams kyis bsgribs dgra rnams snod la ni/ /shin tu rab gsal lan cig ma yin 'tshig pa ster ba'i yul ngan du gyur lus can rnams la yang/ /shin tu rjes 'brel dri ma med pa'i snag tsha'i 'dam gyi tshogs kyis rab tu bsgos rnams 'khru bar bgyid/ /mgo la sangs rgyas khang pa'i bzhin ni shin tu bzhin bzang khyed kyi rnam bkra'i bya ba mdzad gyur cig/ phyag na bzhed pa'i chu skyes dag gis skyo ba med pa'i ral pa'i thor tshugs dag ni rab gsal zhing/ /che bar brtsigs te bkod pa'i nang na rnam bzhugs gsal ba dang 'dres 'od dpag med kyi 'od gsal tshogs/ /tha dad du byas 'od ni gsal ldan gyen du brtsams shing bcings pa'i steng gi stug po bkod pa ni/ /mdzes pas tshim pa mi mthong dgra rnams rab 'jigs gsal zhing sga ldan go chas khyed rnams srung gyur cig/ rgyun chad med par rnam 'phro shin tu kun dga' i rgyur gyur 'od dpag med 'od chu yi tshogs lta bus/ /bran pa las ni shin tu phul byung dag cing mdzes pa'i 'phal ba rnyed gyur lhag pa'i dri bzang can/ /lha yi me tog rmad byung tshogs rnams yongs su rdzogs pa'i padmo 'dzin pa'i ral pa dag gi ni/ /dpag bsam 'khri shing tshogs ni khyed rnams dag gi bsam pa'i don rnams phun
- 156a
tshogs 'grub pa'i rgyur gyur cig/ gang zhig bcings par gyur kyang rnam par grol bar nges par bgrod byed gang zhig lus la lhag gnas pa/ /gzhan rnams nges par spangs kyang thun mong min par mgon po 'od dpag med kyis rnam par brgyan par mdzad/ /dri bzangs thams cad spangs kyang gang zhig mtshungs med dri bzangs mang pos ma lus phyogs rnams byugs gyur pa/ /'jig rten dbang po'i shin tu che ba'i ral pa de yis khyed kyi nges par thob bya'i 'ching ba 'phrog gyur cig/ ral tshogs ma lags skye bo ma lus rnams kyi yid bzangs 'ching bar bgyid pa zhags pa'i phung po lags/ /mdzes sdug ma lags 'on kyang sdug bsngal me yis rnam bcom 'gro rnams gso byed bdud rtsi dag gi rgyun/ /padmo ma lags ma rungs mthar byed rta rgod 'dul lcags rgyal ba'i ri bong can sbyar skra yi dpal/ /khyed kyi nyon mongs skyon rnams shin tu 'joms shing mngon par 'dod pa'i dngos grub sbyin par mdzad gyur cig / ma lus phyogs rnams sreg byed lhag par kun tu dmar ser gzi brjid ldan ba rnam par bkod gyur pa/ /'jig rten gsum po rmongs shing 'jigs la skyabs med za ba'i tshogs 'bar bskal pa'i me ltar brtag bya ba/ /so bsdams sdang mig rab tu 'bar ba'i rta mgrin dag gis rjes su kun nas gtang de gzigs pa las/ /mtshungs med brtse ldan 'jig rten dbang phyug skad cig 'jigs pa'i gzigs stangs skyes pas khyed rnams srung gyur cig/ 'jig rten rnams ni brlag par rab gtod gsal ba ma lus sa 'dzin che rnams de ring myur bar ni/ /phye mar 'gyur bgyid 'dzin par byed pa yang ste mdza' med chu yi gter rnams skam pa nyid bgyid pa/ /de ltas gang zhig khrod bzung ste
- 156b
khro gnyer rab rgyas bsdus gyur 'jigs su rung ba'i dpral ba las/ /des mthon lha mo mtshungs med dpung stobs can gyis mthong nas skrag 'gyur mtsho skyes can des rgyal gyur cig/ bstod 'os rnams kyis bstod cing bla ma rnams kyi'ang 'gro ba'i bla ma phyag bya rnams kyi phyag byas pa/ /mi nyung bskal par bsgrubs pa'i zol med nus ldan mdza' dag 'gro ba'i skyabs gyur mtshungs pa med pa yis/ /brtse ba rang nyid lus can bzhin du 'jig rten sdug bsngal bzhil phyir padmo can las legs 'thon ba/ /sgrol ma yis ni khyed kyi 'khor ba'i btson ra'i nang du lci bar gyur ba'i gdung byed 'phrog gyur cig/ tshig mdza' ldan pa'i tshigs kyis grangs ni bgrang bar lci zhing tshig bdag mchog gi tshig gis sde tshan yang/ /rjes su gzung bar nus pa ma yin dang pa'i 'gros dang drag po'i tshig rnams kyis kyang gsal par ni/ /brjod par rtogs dka' brjod bya min tshogs ni cha shas chung ngus gus pas brjod de yongs rdzogs pa/ /bde gshegs tshig gis yang dag brjod bya chu skyes ldan pa'i yon tan tshogs kyis khyed rnams srung gyur cig/ /skye ba skye ba rnams su spyan ras gzigs dbang gi zhabs la gus shing rang bzhin shin tu drang ba dang/ /blo gros mi g.yo gzhan phan bla ma'i bya ba dag/ bya bar ldan zhing snyan ngag mkhan duAng 'gyur bar shog/ 'jig rten dbang phyug gi bstod pa brgya pa/ /snyan ngag mkhan chen po shI badzra de ba zhes bya bas mdzad pa rdzogs so/ //yon tan phul du byung ba dpag tu med pa dang ldan pas spras pa bla ma dam pa chos kyi rgyal po dang/ mi'i dbang po dpon chen shAkya bzang po'i bka' lung gis/ /rgya gar gyi mkhan po snyan ngag mkhan chen po mahA paN+Di ta lak+Sh+mI kA ra dang/ bod kyi lo tsa ba dge slong shong ston gyis bsgyur ba'o/ //
- 157a
'di'i brgyud pa ni/ sangs rgyas/ slob dpon badzra de wa/ karma nA tha/ A di tya/ mahA paN+Di ta sh+rI ba na ratna pA da:// //rgya gar skad du/ lo ke shwa ra sto tra/ bod skad du/ 'jig rten dbang phyug la bstod pa/ 'jig rten dbang phyug la phyag 'tshal lo/ /'jig rten bla ma sa gsum gyis phyag byas/ /lha dbang tshangs pa mchog gis bstod pa ste/ /thub mchog rgyal po myur du dngos grub stsol/ /spyan ras gzigs mgon mchog la phyag 'tshal lo/ /bde gshegs rang bzhin bdud rtsi'i ngo bo 'chang/ /sna tshogs mtshan gyis spras pa'i sku lus mchog /bde gshegs 'od dpag med pa'i dbu rgyan can/ /gser gyi pad+mas g.yon gyi phyag rgyan pa/ /dri med ral pa 'khyil nag cung zad ser/ / zla ba'i dbyibs 'dra gsal zhing rdzogs pa'i zhal/ /pad+ma ltar yangs mchog tu mdzes pa'i spyan/ /mkhur ba gangs kyi dum bu lta bur dkar/ /ri dags rgyal po'i dga' bzhin zhal sgros dmar/ /nyi ma 'char ka ltar dmar btsod kyi mdog /pad+ma gzhon nu lta bur mchu dmar la/ /ston ka'i sprin tshogs lta bur sgra sgrogs pa/ /dpung gnyis sna tshogs mtshan gyis mdzes pa ste/ /phyag mthil pad+ma gzhon nu lta bur 'jam/ /ri dags pags pa sku yi bstod na mnabs// snyan gnyis rna rgyan g.yo zhing mdzes pa mnga' / /phyag ni yangs shing lte ba zab pa ste/ /pad+ma dri ma med pa lta bu lags/ /gser mchog sku rags nor bu'i rgyan ldan pa/ /na bza' mdzes pas sku yi smad brgyan pa/ /rgyal ba ye shes rgya mtsho'i pha rol phyin/ /bsod nams du ma las ni 'khrungs pa'i mgon/ /rims dang nad 'joms bde ba mchog bskyed pa/ /srid pa mthar mdzad mkha' la rgyu ba dang/ /kun tu rgyu ba'i sku mchog la bstod pa/ /bdud ris sna
- 157b
tshogs stobs ni nges par 'joms/ /zhabs mchog rkyang gdub mchog gis sgra sgrogs la/ /glang po dregs dang dad pa'i stabs su gshegs/ /bdud rtsi chen po thugs chud yongs rdzogs brnyes/ /gser bzhin rtag tu dgyes pa'i rgyan mnga' ba/ /ri be bru 'dzin na ni dgyes par bzhugs/ /'jig rten dbang phyug la bstod pa/ /dge slong ma dpal mos mdzad pa rdzogs so// //rgya gar skad du/ ma Ni dI pa mahA ka ru Ni ka de ba pany+tsa sto tra/ bod skad du/ nor bu gling gi thugs rje chen po lha lnga la bstod pa/ /rje btsun spyan ras gzigs la phyag 'tshal lo/ /nor bu'i gling du thugs rjes sku 'khrungs dpal ldan pad+ma'i rigs/ /ri rgyal po ta la yi rin chen brag phug nyams dga' bar/ /pad zla'i dbus na thugs rje'i sku ni 'gyid zhing rol ba'i nyams/ /thugs rje'i sman gyis bdag nad gso ba mgon po thugs rje can/ /ma rig thibs po 'gro ba'i mun sel rje btsun rab rib sel/ /skye rgan 'chi thar dka' yang srid rtsibs drug 'khor lor chung/ /srid pa'i 'khrul 'khor bzlog dka' sems can 'khor ba'i rgya mtshor bying/ /mgon po chos kyi 'khor lo bskor mdzad thugs rje'i sku yis sgrol/ /zla ba ltar dkar phyag gnyis pad+ma gdung ba sel ba'i phyag /dpag med cod pan rin chen mdzes brgyan gzhon nu zhi ba'i sku/ /thugs rje bdud rtsi'i rgyun gyis zug rngu'i nad dang sdug bsngal sel/ /thugs rje ri dags lpags 'dzin srid pa'i bla ma phyag 'tshal lo/ /thugs rje'i thugs gdungs spyan g.yas chab las lha mo thugs rje'i sku/ /yid 'ong sgrol ma ljang ser bde ma rin chen rgyan mdzes sgeg /pad+ma'i sku la phyag mtshan ud pa la kha 'byed phyag gnyis kyis/ /bcud rgyas nu mas gso mdzad 'gro ba'i yum la phyag 'tshal lo/ /sems
- 158a
can sdug bsngal gzigs nas snying rje'i chu las mdzes ma 'khrungs/ /khro gnyer zhi ba ser mo rin chen sku brgyan thugs rjes 'gying/ /rje btsun mgon gzigs phyag mtshan gus pa'i phyag rgya dbyug pa bsnams/ /mchod sbyin bum chus 'gro ba'i re skong yum la phyag 'tshal lo/ /thugs rjes phrin las dregs pa tshar spyod dbang mdzad khro rgyal sku/ /sbrul brgyan 'od dmar rta gdong ljang gu spyi bor rta skad bzhad/ /mgon po pa ne la 'dud pus btsugs rdo rje dbyug pa bsnams/ /pad+ma'i rigs sprul thugs rje'i brlan gyis sgeg khro phyag 'tshal lo/ /phyag na pad+ma'i drung na dam chos nyer zhu tshong dpon bu/ /nor bzangs sras po gser mdog skal ldan nyid bzhugs rin chen brgyan/ /em bla ma la gus thal sbyar pus gtsugs pa ti bsnams/ /bzhin bzangs khye'u dang ldan nor bzangs bu la phyag 'tshal lo/ /rje btsun gsung gi dbang phyug kha sarba ni 'khor bcas la/ /bdag gis gus par bstod dgyis zla ltar dge ba dri med des/ /srid mtsho skems shing thugs rje'i chu yis skye 'gro kun doms nas/ /rgyal ba'i dkyil 'khor nyams dga' po ta la ru skye bar shog /sdug bsngal rgya mtsho rgya chen pha rol rab tu brgal gyur pa/ /thub pa rgyal ba 'gro ba'i gtso la bstod pa yi/ /bsod nams ci mchis des ni 'di na 'gro ba ma lus kun/ /byang chub rin chen rab mchog zhi zhing bde la reg par shog /nor bu'i gling gi thugs rje chen po lha lnga'i bstod pa/ /slob dpon rta dbyangs kyi zhal snga nas mdzad pa rdzogs so// //rgya gar skad du/ Arya ba lo ki te shwa ra ya sto tra/ bod skad du/ 'phags pa spyan ras gzigs dbang phyug la bstod pa/ 'jig rten dbang phyug la phyag 'tshal lo/ /pad+ma dkar po 'dab brgyad
- 158b
gyi/ /ge sar dkyil na spyan ras gzigs/ /man 'dzi'i ri dang mchod phreng g.yas/ /g.yon pa padmo zhabs pa 'dzin/ /spyan gsum dbu la 'od dpag med/ /shel gyi ri ltar dkar ba ste/ /rin chen rgyan gyis rnam par spras/ /ma chags dkyil 'khor gtso la bstod/ /don yod zhags pa sdug bsngal 'dren/ /spyan gsum phyag bzhi rgyan gyis klu bas/ /rdo rje dang ni zhags pa g.yas/ /g.yon pa padmo lcags kyu dang/ /'od dpag med kyis dbu rgyan mtho/ /dmar brkyang phyed ba sku phyed ldan bstod/ kro d+ha mgrin sngon gdug pa sel/ /zhal gcig spyan gsum phyag bzhi ste/ /g.yas na rdo rje be con 'dzin/ /sdigs mdzub pad+ma zum pa g.yon/ /sprul dang rtag lpags sku brgyan pa/ /dmar po dbur ldan khyed la bstod/ /do ker gcig ma bran bzhin nyan/ /spyan gsum phyag brgyad shin tu khro/ /rdo rje ral gri be con dang/ /thod pa g.yas na 'dzin pa ste/ /dgra sta shag ti thod zhags g.yon/ /mthing nag glang gzigs dpa' gang bstod/ /khro gnyer can ni bka' bzhin byed/ /zhal gcig spyan gsum phyag bzhir ldan/ /bgrang phreng phyag 'tshal thal mo g.yas/ /g.yon na dbyug pa g+hund+he 'dzin/ /rin chen rgyan ldan shel ltar dkar/ /skyil krung phyed pa'i gang ldan bstod/ /tshim par mdzad dang mdzes par mdzad/ /snang bar mdzad dang bde bar mdzad/ /rgyal ba'i yon tan mdzes tshul 'dzin/ /lha mo rmad byung bzhi la bstod/ /sgo yi dbus na bzhugs pa gang/ /lcags kyu zhags pa lcags sgog dril/ /tshad med bzhi yi ngo bo nyid/ /sgo skyong rnam pa bzhi la bstod/ /tshangs dbang drag po nyi zla dang/ /phyogs bzhi'i 'jig rten skyong la sogs/ /gtsang ma rigs kyi srung mar bcas/ /rnam kun 'khor ldan kun la bstod/ /mi rtog ye shes khyad par las/ /sems can kun las thugs brtse'i phyir//
- 159a
phrin las bzhi yis don mdzad pa/ /dkyil 'khor grwa gnas bzhi la bstod/ /khyod kyis yon tan dpag med las/ /shin tu phra ba'i cha blangs nas/ /mngon sum lta bur dang dmigs pas/ /khyed ltar yon tan rab rdzogs shog /'phags pa spyan ras gzigs dbang phyug 'khor dang bcas pa la bstod pa/ /slob dpon tsan+t+ra go mis mdzad pa rdzogs so// (//'phags pa thugs rje chen po la bstod pa smre sngags su gsol ba bzhugs//) thugs rje chen po 'phags pa spyan ras gzigs/ /dri med dung mdog mchog tu gzugs bzang ba/ /rnam dag 'od gsal zla ba'i dkyil bzhin mdzes/ /ji ltar mkha' la nyi stong 'bar ba bzhin/ /dpa' bo 'od zer tshogs kyis rnam par mdzes/ /srid pa gsum gyi sa mkhan ston par grags/ /khams gsum 'gro ba yongs kyi gnyen gcig po/ /thugs rje'i lha khyed bdag la dgongs su gsol/ /thugs rje chen po 'phags pa spyan ras gzigs/ /bdag ni thog ma med pa'i dus mdza' nas/ /lam stod lam log srid pa'i 'khor bar 'khyam/ /sngon tshe las log sdig pa byas pas gnod/ /sdig pa'i las ni ci byas rang gnod 'gyod/ /dar zhing rgyas pa'i las dbang de btsan pas/ /'khor ba'i sdug bsngal rgya mtshor bying gyur te/ /zhe sdang 'bar ba'i me yis rang rgyud bsregs/ /gti mug mun pa chen pos shes rab rmongs/ /'dod chags rgya mtsho'i nang du rnam shes bying/ /nga rgyal mthon po'i ri bos ngan 'gror mnan/ /phrag dog rlung nag tshub mas 'khor bar g.yengs/ /bdag tu 'dzin pa'i mdud pa dam pos bcings/ /'dod pa me dang 'dra pa'i 'obs su ltung/ /sdug bsngal drag po'i mda' drag char du bab/ /me khams nyi ma'i gdugs ni steng nas tsha/ /
- 159b
chu khams sa yi brlan ni 'og nas drang/ /phyi rol ser bu'i ngang ni mdza' nas tsha/ /bad kan rlung mkhris nad ni khong nas ldang/ /de 'dra'i sdug bsngal drag po bzod dka' nas/ /sdom pa'i dam tshig gshig par ga la rung/ /sdug bsngal kun dang bsngos nas sdom bsrungs zhing/ /mos shing dad pas 'phags mchog mi gtong na/ /'phags mchog 'gro don mi mdzad ci la dgongs/ /byams mgon ci slad bdag la thugs mi brtse/ /ye shes spyan can khyed kyi spyan snga ru/ /bdag 'dras smre sngags gsol bar mi rigs kyang/ /shin tu bskrag pa'i smre sngags gsol lags na/ /thugs rje chen pos bdag la dgongs su gsol/ /bdag 'dra'i skye bo las ngan sdig po che/ /las kyi dbang gis snyigs ma'i dus 'dir skyes/ /skyes pas 'gyod kyang las dbang bcos su med/ /las kyi shugs ni chu bo'i rgyun dang 'dra/ /las dbang chu rgyun 'phral la ga la zlogs/ /bka' la zhugs kyang bka' bzhin rngo ma thog /lus ngag yid gsum sdig pa'i dbang du thal/ /las kyi 'bras bu ngan pas shin tu bsreg /las dbang bsreg pa'i me ni rab 'bar zhing/ /rnam shes dbang po'i myu gu gdungs gyur na/ /phung po'i sgyu ma'i lus kyis mi bzod pas/ /byams mgon thugs rje can gyis bzod lags sam/ /ye shes spyan can khyed kyi spyan snga ru/ /sdig pa'i rnam grangs ma lus 'thol bshags na/ /thugs rje chen pos dag par mdzad du gsol/ /da nas bzung nas sdig pa mi bgyid spong/ /dka' yi don la mngon sum phyogs par bgyid/ /nam yang sdig pa'i dbang du ma gyur cig /nyi ltar 'od gsal zla ltar 'od dangs pa/ /thugs rje chen po'i zhal mthong 'tshal lags na/ /thog ma med nas ma rig ling tog gis/ /sgribs shing nongs pa'i mig gis ma mthong na/ /'gro ba'i mgon
- 160a
khyed da lta gang na bzhugs ba sdug bsngal drag po shin tu mi bzad pas/ /shin tu bsregs pas skyi g.ya' rab 'jigs shing/ /da dung gdung ba'i smre sngags nyid 'dod na/ /nyam thag phongs pa'i nga ros 'o dod 'bod/ /byams mgon thugs rje can gyis gsan lags sam/ /phongs pa gang gis nga yi mchan thos na/ /de yi sdug bsngal zhi bar bya'o zhes/ /'gro la nyid kyi thugs rjes zhal bzhes nas/ /bdag cag 'gro ba sems can thams cad la/ /dug lnga dug gsum nad kyi bzir lags na/ /mi bzad nang ni thugs rjes zhi bar mdzod/ /thugs rje'i thugs kyis bdag la dgongs su gsol/ /thugs rje'i spyan gyis bdag la gzigs su gsol/ /thugs rje'i gsung gis bdag la sgrog tu gsol/ /bdag ni shi 'phos lus sems brjes pa'i tshe/ /gnyen bshes grogs dang bral nas gshin rjes 'khrid/ /de dus 'jig rten nye dus mi phan pas/ /las kyi mnar bas bdag rang gcig pur 'khyam/ /de dus bdag la mgon skyab ma mchis na/ /thugs rje chen pos mgon skyabs mdzad du gsol/ /las kyis mnar ba'i skye bo bdag 'dra ba/ /thog ma med nas phyin ci log rtog pas/ /khams gsum 'khor ba'i 'dam las ma thar ste/ skal pa dpag med skye ba grangs med du/ /gdos bcas lus blangs skye ba dpag med zhig /sha rus bsags na 'jig rten gtos dang mnyam/ /snag khrag bsags na rgya mtsho chen po tsam/ /las 'phro bsags na mdza' yas brjod mi lang/ /khams gsum grangs shing skye ba'i kha rgyud kyang/ /byas pa'i las rnams don med chung re gsan/ /bka' yi gtan tshigs zab mo ma khrol cing/ /shes rab zab mo'i mig bu ma bye bas/ /srid pa'i yo byad gtong bar
- 160b
ma yod cing/ /phung po sgyu ma'i lus la chags shing zhe na/ /las kyi dbang brtsan nyon mongs stobs che bas/ /sha khrag dra ba'i lus blangs 'khor bar khyams/ /sdug bsngal drag po'i mi bzad 'di lta bu'i/ /nyes pa thams cad rang gi las las byung// thugs rje chen pos las ngan rgyun bcad de/ /nyon mongs las kyi rgyun ni bzlog du gsol/ /nyon mongs las kyi rgyun ni dbang btsan pas/ /ma rig mun pa'i nang du gtan 'khyams te/ /ye shes nyi ma'i 'od kyis bsal du gsol/ /nyes byas las kyi 'bras bu mi zad na/ /thugs rje chen pos 'phrin las mdzad du gsol/ /dug gsum sdug bsngal nad kyis gzir lags na/ /thabs mkhas thugs rje'i sman gyis gsol bar gsol/ /phyin ci log gi g.yang sar lhung lags na/ /myur 'gyod thugs rje'i phyag gis gzung du gsol/ /srid pa'i chu bos bdag cag khyer lags na/ /zag med ye shes gru yis bsgral du gsol/ /rgyal ba'i mtshan brjod yon tan bsam mi khyab/ /yon tan gzhung las ji ltar byung ba bzhin/ /ma lus bdag la myur du stsal du gsol/ /rgyal ba'i thugs kyis bdag la byin gyis rlobs/ /phyag 'tshal bstod dang sdig bshags smre gsol dang/ /dge ba'i las ni cung zad ci bsags pa/ /thams cad bla med byang chub chen por bsngo/ /mi dmigs bsngo dang gsol btab smon lam dang/ /spyan ras gzigs dbang thugs rje'i byin brlabs kyis/ /zhing rab dam pa'i gnas su skye bar shog /zhing rab dam pa'i gnas su skyes nas kyang/ /rgyal ba sras bcas zhal mthong gsung thos shog /thugs rje chen po 'phags pa spyan ras gzigs/ /mchod pa'i yo byad bdag la ma mchis pas/ /smre sngags chen pos khyed la gsol 'debs na/ /mchog gi dngos grub ma lus stsal du gsol/
- 161a
thugs rje chen po 'phags pa spyan ras gzigs/ /gang dang gang la mgon dang skyabs med pa/ /de dang de yi mgon skyabs zhal bzhes nas/ /skyabs med sdig can rnams la skyab tu gsol/ /skyabs med tshe 'das rnams la skyab tu gsol/ /skyabs med 'khor bar 'khyams la skyab tu gsol/ /thugs rje chen po 'phags pa spyan ras gzigs/ /nyin re bzhin du sdig pas zil gyis non/ /las ngan sgrib pa ci mchis bsal du gsol/ /thugs rje chen po 'phags pa spyan ras gzigs/ /bdag ni nyon mongs dbang du mi 'gro bar/ /sdig pa'i las ni gang yang mi byed cing/ /nyin dang mtshan du chos la sbyong ba ru/ /thugs rje chen pos byin gyis brlab tu gsol/ /thugs rje chen po 'phags pa spyan ras gzigs/ /mtshan nas brjod pa tsam gyis sdug bsngal rnams/ /zhi bar mdzad pa khyed dang 'jal gyur na/ /bdag gis 'bad kyang 'bras bu ma mchis na/ /thugs rje chen po 'phags pa spyan ras gzigs/ /khyed kyi gzungs sngags brjod pa'i phan yon nam/ /yon tan bzhung las ji ltar bshad pa bzhin/ /ma lus bdag la myur du stsal du gsol/ /thugs rje chen po 'phags pa spyan ras gzigs/ /bdag gis khyed bsgoms snying po bzlas pa dang/ / phyag 'tshal bstod dang sdig bshags smre gsol bas/ /mgon po khyed kyi zhal mthong gsung thos nas/ /khyod kyi go 'phang myur du thob nas kyang/ /bdag kyang khyed ltar 'gro don byed par shog /thugs rje chen po 'phags pa spyan ras gzigs/ /ji srid bdag ni 'khor ba'i tshe/ /de srid bdag gis lus bskyed pas/ /lus kyi mgon po mchod byed cing/ /lus kyi tshogs ni rdzogs par shog /thugs rje chen po 'phags pa spyan ras gzigs/ /ji srid bdag ni 'khor ba'i tshe/ /de
- 161b
srid bdag gis gang skyes pas/ /ngag gi mgon po'i mtshan brjod cing/ /ngag gi tshogs ni rdzogs par shog /thugs rje chen po 'phags pa spyan ras gzigs/ /ji srid bdag ni 'khor ba'i tshe/ /de srid bdag gi yid skyes pas/ /yid kyi mgon po rjes dran zhing/ /yid kyi tshogs ni rdzogs par shog /de ltar lus ngag yid gsum gyis/ /thugs rje'i dbang phyug bsten bgyis pas/ /lus ngag yid gsum skyon bral nas/ /yon tan phun sum tshogs par shog /de ltar lus ngag yid gsum gyi/ /thugs rje'i dbang phyug sku gsung thugs/ /rtag tu dad gus bgyis bas ni/ /thugs rjes dbang phyug spyan ras gzigs/ /srid gsum re ba'i gnas gcig po/ /yon tan bsam gyis mi khyab pa/ /de 'dra bdag kyang 'grub gyur nas/ / srid gsum re ba rdzogs par shog /srid gsum 'dod dgu 'phyung bar shog /srid pa gsum gyi sems can la/ /dngos sam brgyud pas phan thogs shog /'phags pa spyan ras gzigs dbang phyug la/ slob dpon tsan+d+ra go mis bstod pa smre sngags su gsol ba rdzogs so// (//'phags pa spyan ras gzigs dbang phyug la smre sngags kyi sgo nas bstod pa byin rlabs can slob dpon zla ba grags pas mdzad pa bzhugs/) / !/ /na mo lo ka shwa rA ya/ /thugs rje chen po 'phags pa spyan ras gzigs/ /dri med dung mdog mchog tu gzugs bzang ba/ /rnam dag 'od gsal zla ba'i dkyil ltar mdzes/ /ji ltar mkha' la nyi 'od stong 'bar bzhin/ /dpa' bo 'od zer stong 'bar lham me ba/ /srid pa gsum gyi sa mkhan ston par grags/ /khams gsum 'gro ba kun gyi gnyen gcig po/ /byams mgon thugs rje'i lha khyod bdag la dgongs/ /bdag ni thogs ma med pa'i dus mdza' nas/ /lam log lam gtor srid pa'i 'khor bar
- 162a
'khyams/ /sngon tshe las log sdig pa spyad pas nongs/ /sdig pa'i las rnams ci byas rang gnong 'gyod/ /dar zhing drag pa'i las de dbang btsan pas/ /'khor ba'i sdug bsngal rgya mtshor bying gyur te/ /zhe sdang 'bar ba'i me yis rang rgyud bsregs/ /gti mug mun pa'i cho gas kyis shes rgyud rmongs/ /'dod chags rgya mtsho'i nang du rnam shes bying/ /nga rgyal chen po'i ri bos ngan 'gror mnan/ /phrag dog rlung dmar tshub mas 'khor bar g.yengs/ /bdag tu 'dzin pa'i mdud pa dam pos bcings/ /'dod pa me mdag dong 'dra'i 'obs su lhung/ /sdug bsngal drag po'i 'dam rdzab char ltar bab/ /me khams nyi ma'i gdugs ni steng nas tsha/ /chu khams sa yi rlan ni 'og nas grang/ /phyi yi ser bu'i ngang ni thad nas tsha/ /kun nas 'khrugs pa'i rlung ni khong nas ldang/ /de lta'i sdug bsngal shin tu bzod dka' yang/ /sdom pa'i yi dam gzhig tu ga la rung/ /sdug bsngal kun dang bsdoms nas sdom bsrung zhing/ /mos pa'i dad pas 'phags mchog mi 'dor na/ /'phags mchog 'gro don mi mdzad ci zhig dgongs/ /byams mgon ci klad bdag la thugs mi brtse/ /bdag 'dra'i glun rmongs las ngan sdig po che/ / las kyi dbang gis snyigs ma'i dus 'dir skyes/ /skyes pas 'gyod de las la yi re chad/ /yid chad 'gyod kyang las dbang bcos su med/ /las kyi shugs ni chu bo'i rgyun dang 'dre/ /las dbang chu rgyun zlog par shin tu dka' / /bka' la zhugs kyang bka' bzhin rngo ma thogs/ /lus ngag yid gsum sdig pa'i dbang du song/ /sdig pa'i las dbang drag po'i me 'bar bas/ /rnam shes dbang po'i myu gu gdungs gyur te/ /phung po sgyu ma'i lus
- 162b
'dis mi bzod na/ /byams mgon thugs rje can gyis dgongs lags sam/ /nyi ltar 'od gsal zla ltar mdangs gsal ba'i/ /thugs rje'i zhal nyid blta bar 'tshal lags na/ /thog ma med nas ma rig ling tog gis/ /ldongs pa'i chu bur mig gis ma mthong na/ /'gro ba'i mgon khyod da lta ga na bzhugs/ /sdug bsngal drag po shin tu mi bzod pa/ /shin tu skrag cing skyi g.ya' rab 'jigs nas/ /dung dung gdungs pa'i smre sngags 'di 'don cing/ /nyam thag 'phongs pa'i nga ngos 'o dod 'bod/ /byams mgon thugs rje can gyis gsan lags sam/ /nam zhig 'chi 'pho lus sems brje ba'i tshe/ /gnyen bshes grogs dang bral te gshin rjes khrid/ /de tshe 'jig rten nye dus mi stongs te/ /las kyi dbang gis bdag rang cig pur khrid/ /dus der bdag la mgon skyabs ma mchis na/ /byams mgon khyod kyis 'khor bar bdag gtong ngam/ /las kyis mnar ba'i skye bo bdag 'dra ba/ /thog ma med pa'i dus nas lam log pas/ / khams gsum 'khor ba'i gnas las mthar te/ /bskal pa dpag med skye ba ji snyed du/ /sngon chad lus blangs grangs med zhig gyur te/ /sha rus bsags na 'jig rten gtos dang mnyam/ /rnag khrag bsags na rgya mtsho chen po tsam// las 'phro bsags na bsam 'das brjod mi lang/ /khams gsum bgrang zhing skye ba mang brgyud kyang/ /byas pa'i las rnams don med chud re zos/ /skye ba grangs med ji snyed de tsam la/ /skye ba gcig cig kho na tsam gyi las/ /bla med byang chub don du rab 'bad na/ /de tsam byas pa'i las la'ang don de yod/ /las ni dbang btsan nyon mongs stobs che bas/ /sha khrag 'dus pa'i lus blangs 'khor bar 'khyams/ /sdug bsngal drag po'i srid pa'i btson rar tshud/ /
- 163a
mi bzod sdug bsngal drag po 'di myong na/ /nyes byas thams cad rang gi las las byung/ /byams mgon thugs rje can gyis phod lags sam/ /thugs rje chen pos ngan song rgyun bcad de/ /nyon mongs las kyi rlung ni zlog tu gsol/ /nyon mongs las kyi rlung ni dbang btsan nas/ /ma rig phun pa'i gling du gtan 'khyams na/ /ye shes sgrod me'i zer gyis mi gzigs sam/ /nyes byas las kyi 'bras bu mi bzod na/ /thugs rje can khyod phrin las mi mdzad dam/ / dug gsum bzod dka' i nad kyis gdungs lag na/ /thugs rjes thabs mkhas sman gyis mi gso 'am/ /phyin ci log gi g.yang bsar ltung lags na/ /thugs rjes myur mgyogs phyag gis mi 'dzin nam/ /sdug bsngal drag po'i las dbang me 'bar na/ /thugs rjes bsil ba'i chu rgyun mi 'bebs sam/ /sdug bsngal chen pos mnar ro ra mnga' mdzod/ /re sas bslu bar ma mdzad spyan ras gzigs/ /gang la gang 'dul 'gro ba'i don mdzad par/ /gzhal bzhes mang po'i dam bca' ma mdzad dam/ /mthong thos dran reg 'byung bar ma gsungs sam/ /snyigs ma'i dus kyi ngan spyod ma gzigs sam/ /ngan song rgyu 'bras bsgrub pa ma gzigs sam/ /sdug bsngal sba klong 'khrugs pa ma mkhyen nam nus mthu dpag med mnga' ba ma lags sam/ /byams mgon 'gro don mdzad pa 'phyis pa tsam/ /khams gsum 'khor ba'i gnas su sbyangs sbyangs nas/ /nam zhig rang gis 'bras bu thob pa'i tshe/ /'phags pa'i thugs rjes ci 'tshal don ma mchis/ /sems can las 'phro rang sar bzhag nan/ /'phags pa'i thugs rjes su la ci zhig bgyi/ /thugs rjes 'gro rnams sgrol bar zhal bzhes pa'i/ /dam bcas don de de ring dgongs su gsol/ /'phags mchog /
- 163b
khyed la thugs rje'i stobs mnga' na/ /yal yol le lo btang snyoms ma mdzad par/ /snying nas gzigs shig thugs rje rgyal ba'i lha/ /re sa gzhan na med po thugs rjes bzung/ byang chub sems dpa' spyan ras gzigs dbang phyug la smre sngags kyi sgo nas bstod pa byin rlabs can 'di nyid/ /lnga brgya pa rnams kyi gtsug gi nor bu lta bur gyur pa/ /mthong lam rgyud la skyes pa'i gang zag /slob dpon chen po zla ba grags pa'i zhal mnga' nas mdzad pa rdzogs so// // thugs rje chen po 'phags pa spyan ras gzigs/ /'gro la nye ring med pas khyad du 'phags/ /sems can rnams la spyan ras gzigs mdzod las/ /kun gyis rang ngo shes par byin gyis brlobs/ /rang don du chos sku rtogs pa/ / gzhan don du gzugs sku rnam pa gnyis kyis/ /mthong thos dran reg gi sgo nas/ /'gro ba yongs la phan thogs pa/ /'gro ba yongs kyi don rlabs po che/ /'grub par byin gyis brlab tu gsol/ /na mo ratna tra yA ya/ na ma Arya pa lo ki te shwa rA ya/ bo d+hi satwA ya/ mahA satwA a/ mahA kA ru ni kA ya/ tadya thA/ oM tsa ma kra ba ti/ tsi twa ma ni/ ma ha pad+ma me ru/ ru ti shta/ dzwa a karSha ya/ hUM phaT swAhA/ rtsa ba'i gsang sngags oM pad+ma tsa ni ta ma ni dzwa la hUM snying po'o/ /oM ba ra ta padme hUM/ nye ba'i snying po// //rgya gar skad du/ kA ru Na sto tra/ bod skad du/ snying rje la bstod pa/ /'phags pa spyan ras gzigs dbang phyug pa phyag 'tshal lo/ /pad+mas brgyan pa lhun po las byung ba// pad+ma dri med phyag gi dbus na bsnams/ /thor tshugs can la gzugs ldan cod pan thogs/ /spyi bo 'od dpag med brgyan phyag 'tshal lo/ /thugs rje byams pas gzigs pa'i bcom ldan 'das/ /phongs gyur 'gro ba la mi khyod lta bu/ /
- 164a
gzigs pa tsam gyis zhi ba mdzad pa po/ /spyan ras gzigs kyis bdag la gzigs su gsol/ /mchog sbyin bdag ni rab tu sdug bsngal te/ /mun nag btibs pa snang ba med pa bzhin/ /ri bo g.yang sa'i kha na gnas 'dra yi/ /dus 'dir thugs rje ldan pas gzigs su gsol/ /'phongs pa gang gis nga ni dran byas na/ /de yi sdug bsngal bsal bar bya'o zhes/ /dang po'i smon lam mi 'gyur de lags na/ /bdag la de 'dra'i 'bras bu mchis par mdzod/ /nga ni mthong thos reg pa 'am dran yang rung/ /nad rnams kun gyi gsos su gyur cig ces/ /bdag ni mi bzad nad kyis thebs lags kyis/ /mchog sbyin dam bcas de dag dgongs su gsol/ /gang zhig sdug bsngal gang gis nyam thag pa/ /de dang de yi sdug bsngal bsal lo zhes/ /'gro la dgongs pa khyod kyis rgyun 'byung na/ /mgon po ci slad sdug bsngal bdag ma gzigs/ /gang gis khyod ni rjes dran tsam gyis kyang/ /de yi mod la mgon pos gnod bsal na/ /bdag ni rtag tu 'di na bro 'tshal kyang/ /thugs dpag ma mdzad pa ni bdag byung ngam/ /mthu ldan sgyu med phan mdzad blo gros can/ /thugs rje ldan pa khyod la brten kyang ni/ /ci ste 'di dag zhi bar ma gyur na/ /bdag ni sdug bsngal gyur te kyi hud kyi/ /gang dang gang dag sdug bsngal nyam thag cing/ /gang dang gang dag mgon med gyur rnams la/ /de dang der ni khyod kyi thugs rje ni/ /mngon par 'phel bar 'gyur zhes de skad gda' / /de ni las ngan nyon mongs bdag lags shing/ /sdug bsngal bzod dkas lus gzir skyabs ma mchis/ /skyabs med bdag la ci slad thugs mi rje/ /nyi tsher gyur na thugs rje ma lags mod/ /gang tshe sngon chad rmongs pas 'jig rten na/ /khyod nyid rjes su dran par ma bgyis pas/ /bdag ni nyon mongs stobs kyis shin tu gzir/ /
- 164b
mgon po bkum? du nyen thugs rjes gzigs/ /thugs rje'i 'byung gnas thugs rje che rgyas pa/ /sdug bsngal ma lus zad par mdzad khyod kyis/ /ci ste bdag ni spangs par gyur na yang/ /bdag gi mgon bgyid gzhan ni su lags gsungs/ /khyod la skyabs su mchis pa tsam gyis kyang/ /de yi mong la sdug bsngal sel mdzad pas/ /mgon po khyod ni bdag gi skyabs lags kyis/ /thugs rjes mi bzad 'di las bskyab tu gsol/ /mtshan nas brjod pa tsam gyis nyam thag pa/ /zhi bar mdzad pa khyod dang 'jal gyur la/ /bdag gis 'bad kyang 'bras bu ma mchis na/ /khyod ni thugs rje can du rung lags sam/ /khyod kyis sems can bskyab phyir smon lam gang/ /btab par gyur te'ang 'grub par 'gyur lags na// bdag kyang sems can grangs su gtogs pas na/ /mchog sbyin bdag gi du(rgyud 'grel): kha bsal du gsol/ /khyod la bdag ni skyabs su mchis kyang ni/ /ci ste de ni nyam theg gyur na go /nyi ma mun pa'i tshogs su gyur pa bzhin/ /zla ba'i 'od zer sreg par byed 'dra gang/ /khyod ni 'jig rten dag la gsol 'debs na/ /bdag ni khyod la gsol ba 'gyid gyur ba/ /bdag ni skye bo ngan pa skal ba chung/ /bsod nams min pa'i dri ma ngan pa can/ /mgon po thugs rje che dang ma bral bas/ / sems can don la bskul lta ma 'tshal kyang/ /sdug bsngal rang bzhin du ni bdag gyur pas/ /skyob pa'i spyan sngar yang ni gsol ba 'debs/ /pha dang ma la gang zhig slong na yang/ /shin tu skyo ba med pa ji bzhin du/ /sems can don brtson de ni khyed lags pas/ /tshe rabs kun tu bdag gi skyabs mdzod cig /sdug bsngal mi bzad pas ni bdag gdungs pas/ /bcom ldan 'das la rtag tu 'bed sgrogs kyi/ /nyin cig bzhin du sdig pa'i las kyis ni/ /zil
- 165a
nan 'di las bdag la bsrung du gsol/ /de ltar bdag gis shin tu smre gsol bas/ /khyod kyi thugs ni thugs rjes brlan pa ltar/ /'gro ba sdug bsngal brgya yis gzir ba la/ /srid las sol pas de bzhin gzigs su gsol/ /thugs rje'i dbang du gyur cing sems brtan la/ /gzhan don brtson zhing yon tan mchog gi gnas/ /khyod bzhin bdag kyang sdug bsngal thams cad kyis/ /gdungs pa sel ba'i mthu dang ldan par shog/ de ltar srid pa mthar phyin spyan ras gzigs dbang la/ /bdag gis bstod pa bgyis pa'i bsod nams gang thob pa/ /des ni 'gro ba'i sdug bsngal spangs shing bcom pa yi/ /rang bzhin bde ldan bde ba can du 'gro ba shog/ snying rje la bstod pa/ dge bsnyen kun sbyin gyis mdzad pa rdzogs so// (//'phags pa spyan ras gzigs dbang phyug phyag stong spyan stong gi sgrub thabs slob dpon klu sgrub kyis mdzad pa bzhugs so/) /rgya gar skad du/ Arya ba lo ki te shwa ra sa ha pra b+hu dza sA d+ha naM/ bod skad du/ 'phags pa spyan ras gzigs dbang phyug phyag stong pa'i sgrub thabs/ 'jig rten dbang phyug la phyag 'tshal lo/ /spyan ras gzigs dbang 'jig rten gsum gyi mgon/ /'das pa'i dus su mngon par sangs rgyas kyang/ /thugs rje'i dbang gis sa bcu'i tshul ston pa/ /thabs tshul dpag med rig la phyag 'tshal lo/ /de la dang po re zhig 'jig rten dbang phyug sgrub par 'dod pa'i rnal 'byor pas/ /'jig rten gyi bya ba thams cad spangs la 'jig rten gyi chos brgyad kyis mi bskyed pa ri lta bu'i rnal 'byor pas sa phyogs shin tu nyams dga' ba me tog dang 'bab chu dang ljon shing dang 'bras bu sna tshogs yod pa'i sar gnas khang shin tu
- 165b
nyams dga' bar sku gsung thugs kyi rten ci rigs par bkod pa'i sar stan nang changs can la kha nub phyogs su bltas nas khrus kyi rnal 'byor rnams byas la/ /oM A(rgyud 'grel): big+hAM ta krita hUM phaT/ ces brjod pas phyogs bcu'i bgegs rnams bsal bar bya'o/ /de nas rang gi don yongs su dor ba'i bsam pas gsum la skyabs su 'gro bar bya'o/ /tshangs pa'i gnas bzhi bsgom par bya'o/ /de la sems can thams cad la bu gcig pa dang 'dra bar 'dzin pa ni byams pa'o/ /kye ma'o sems can 'di dag ni 'khor ba'i rgya mtshor nub cing yun ring du sdug bsngal nyams su myong bar gyur te zhes bsams la/ /'di nas lag tshar du nga yis 'khor ba sdug bsngal gyi mtsho las gdon par bya'o/ /snyam pa snying rje chen po'o/ /sems can thams cad zag pa med pa'i bde ba rgyun mi 'chad pa la 'jig par 'dod pa ni dga' ba'o/ /bde ba dang sdug bsngal ba dang grags pa dang/ ma grags pa dang/ rnyed pa dang/ ma rnyed pa dang/ bstod pa dang/ smad pa ste/ 'jig rten gyi chos brgyad po mgo mnyam par rtogs pa ni btang snyoms so/ /de nas nam mkha' dang mnyam pa'i sems can thams cad kyi don du spyan ras gzigs kyi dbang po'i go 'phang thob par byas la/ /mngal nas skyes pa dang/ sgo nga las skyes pa dang/ brod gsher las skyes pa dang/ rdzus te skyes pa'i sems can 'di dag thams cad sangs rgyas kyi sa la gzhag par bya'o zhes pa bsam pa brtan po bskyed la/ /de nas rang gi snying khar chos kyi dbyings skye med/ /ston pa ba byed pa'i yi ge las zla ba'i dkyil 'khor bsams la de'i steng du h+rI(rgyud 'grel): dkar po tshe ga drag dang bcas pa las 'od zer 'phros pas lus khyab sdig sgrib sbyangs nas 'phags pa spyan ras gzigs kyi dbang po phyag stong par bskyed/ /de'i snying kha nas h+rI:
- 166a
las 'od zer 'phros pas mdun gyi nam mkha' la 'phags pa spyan ras gzigs kyi dbang phyug phyag stong pa 'khor dang bcas pa dang bla ma dang sangs rgyas dang byang chub sems dpa' dpag tu med pa bsams la /de rnams la phyag 'tshal ba'i sngags/ /oM sarba ta thA ga ta kA ya bAk+tsi t+ta pa NA ma na badzra banda nAM kA ro mi zhes brjod do/ /de nas gdan dbus ba'i sngags/ /oM sarba ta thA ga ta pU dza swa s+thA nA ya At+ma naM niryA ta yA mi(rgyud 'grel): zhes brjod do/ /de nas hI(rgyud 'grel): las 'od zer 'phros pas me tog thogs pa'i lha mo dkar mo dpag tu med pas mchod par bsams la/ /oM badzra puShpe A(rgyud 'grel): hUM swAhA/ de'i rjes la oM badzra d+hU pe A(rgyud 'grel): hUM swAhA/ zhes brjod pas bdug spos thogs pa'i lha mo gzugs dang lang tsho ldan pa nam mkha' khengs pas mchod par bya'o/ /de'i rjes la oM badzra dI pe A(rgyud 'grel): hUM swAhA/ zhes brjod pas rin po che'i sgron ma thogs pa'i lha mo dpag tu med pas mchod par bya'o/ /de'i rjes la oM badzra g+hand+he A(rgyud 'grel): hUM swAhA/ zhes brjod pas dri mchog thogs pa'i lha mo ser mo dpag tu med pas mchod par bya'o/ /de nas oM badzra ne bi tya A(rgyud 'grel): hUM swAhA/ zhes brjod pas zhal zas thogs pa'i lha mo ser skya ma sprin bstibs pa tsam gyis mchod par bya'o/ /de nas oM sarba bi shi s+thA pU dza me k+ta? pra sa ra sa mu dra A(rgyud 'grel): hUM/ zhes brjod cing snying kha'i sa bon las 'phros pa'i gdugs dang/ rgyal mtshan dang/ ba dan dang/ bla bred? dang/ 'khor lo sgyur ba'i rin po che sna bdun la sogs pas mchod par bya'o/ de nas sdig pa bshad par bya ste/ thogs med 'khor pa'i 'gro bar gtogs pa yis/ /byas pa'i nyes byas ma lus mi 'thad 'di/ /gang zhig phyogs bcu'i 'jig rten khams rnams na/ /bzhugs pa'i rgyal ba'i spyan sngar gshags
- 166b
bar bgyi/ /oM sarba pa paM sho d+ha da ha na badzra swAhA/ sdig pa bshags pa'o/ /sangs rgyas rnams dang byang chub sems dpa' ni/ /sna tshogs thabs mkhas pa yis phan mdzad dang/ /phyogs bcu'i lo ka dag na gang dag gzhan/ /bsod nams byed pa de la yi rang ngo/ /oM sarba ta thA ga ta shU n+ya dz+nyA na a nu mo da na pU dza me g+ha sa mu dra spha ra Na sa ma ye hUM/ rjes su yi rang ba'o/ /sangs rgyas kun dang byang chub sems dpa' ni/ /'gro ba'i skyabs gyur ba la gsol pa ni/ /phyogs bcu'i sems can ji snyed thams cad la/ /chos kyi sprin las char cher dbab tu gsol/ /oM sarba ta thA ga ta a d+hiSh+ThA na pU dza me g+ha sa mu dra spha ra Na sa ma ye hUM/ bskul ba'o/ /so so'i skye bo'i sa dang nyes byas rnams/ /ma lus par ni myur du spangs nas ni/ bskyon med chos kyi sku ni rnam dag par/ /bshad pa myur du rtogs pa nyid mdzod cig/ oM sarba ta thA ga ta na ya d+hi sa ma ya/ sarba satwa he dA nra d+harmA d+hA tu sThi ti? ba tu(rgyud 'grel): gsol ba gdab pa'o/ /sems can thams cad la ni phan pa'i phyir/ bdag gi dge ba gang dag ci bsags pa/ skye ba la sogs /sdug bsngal thams cad ni/ /nye bar zhi phyir bdag gis bsngo bar bgyi/ /oM sarba ta thA ga ta pU N+ya nirya ta na pU dza me g+ha sa mu dra spha ra Na sa ma ye hUM/ bsngo ba'o/ /skye sogs sdug bsngal rnams kyis nyer gtses shing/ /mi shes log bas nyer bcom bdag nyid can/ /srog chags rnams la phan phyir byang chub sems/ /rin chen mchog gyur bdag gis bskyed par bgyi/ /rtag tu srog chags rnams kyi skyabs dang ni/ /gnas dang dpung gnyen skyob pa nyid gyur cig/ /oM bo d+hi tsit+taM u pA da yA mi/ bo d+hi tsit+taM mud pI ta taM ta thA ta sa ma pi ta bo d+hi tsit+ta u ? ta ya mi/ /byang chub mchog tu sems bskyed pa'o/ /de nas rang gi dgos pa'i don thams cad
- 167a
gsol ba gdab par bya'o/ /de nas sangs rgyas dang byang chub sems dpa' thams cad rigs kyi bu legs so shes gsungs nas rang rang gi gnas su gshegs par bsam mo/ /de nas oM swa b+hA ba shud+d+ha sarba d+harmA swa b+hA ba bi shud+d+ho haM zhes brjod pas chos thams cad rang bzhin de bzhin de nyid las mi 'da' bar stong pa nyid du bsgom par bya'o/ /de nas oM shU n+yA dz+nyA na badzra swa b+hA ba At+ma ko haM zhes brjod pas chos thams cad spos bral nam mkha' i ngo bo lta bur bsam mo/ /de nas stong pa nyid du gnas pas sems can thams cad kyi don mi 'grub pas snying rje chen pos kun nas bslang bas baM las pad+ma 'dab ma brgyad pa yang shing rgya che ba'i steng du chos dbyings mdza' dang dbus med par byed pa'i yi ge a dkar po 'od du zhu bas zla ba'i dkyil 'khor yangs shing rgya che ba bsam/ /de'i steng du h+rI(rgyud 'grel): dkar po las 'od zer 'phros pas/ /phyi snod kyi 'jig rten thams cad 'ja' tshon lta bur gyur/ /nad bcud kyi sems can thams cad/ /spyan ras gzigs kyi dbang por gyur nas/ /h+rI(rgyud 'grel): la thim pas gser gyi pad+ma 'dab ma stong dang ldan pa gcig tu bsam/ /de la 'od zer 'phros pas sems can thams cad spyan ras gzigs su bsgrubs nas thim pas bdag nyid 'phags pa spyan ras gzigs phyag stong pa sku mdog dkar la 'tsher ba/ rgyan thams cad kyis brgyan pa lha'i pany+tsa li ka'i dar dmar pos sham thabs pa ri dags nag po'i pags pas nu ma g.yon pa bkab pa rin po che'i rgyan rnam pa sna tshogs du mas brgyan pa khyad par du yang lha'i rin po che rnam pa bdun gyis brgyan pa/ /rtsa ba'i zhal kun nas dkar ba spyan gsum mnga' ba g.yas pa ljang gu/ g.yon pa dmar ba/ zhal thams cad kun nas 'dzum ba'i
- 167b
nyams can de'i steng ma ljang gu/ de'i g.yas dkar ba/ g.yon pa dmar ba/ de'i steng ma dmar po/ de'i g.yas ljang gu/ g.yon dkar po/ /de'i steng na khro bo'i zhal mthing nag mche ba gtsigs pa/ dbu skra ser po zhal bcu pa ni pha rol tu phyin pa bcu'o/ /de'i steng ma bandu ka'i me tog ltar dmar ba mgrin pa yan chod 'thon pa tshangs par spyod pa'i cha lugs rgyan spangs pa dbu'i thor tshugs dang ldan pa'o/ /des ni skye ba rnam pa bzhis sangs rgyas sgrub par byed pa'o/ /rtsa ba'i phyag gnyis thugs kar thal mo sbyar ba/ /de'i 'og ma g.yon pa gser gyi pad+ma rtsa ba dang bcas pa 'dzin pa/ /g.yas kyi 'og ma bgrangs phreng 'dzin pa/ /g.yon gyi gsum pa na ril pa spyi blugs 'dzin pa/ /g.yas kyi gsum pa na yi dags kyi bkris bskom gyi gdung ba sel ba'i mchog sbyin mdzad pa/ /g.yas kyi bzhi pa na 'khor lo 'dzin pa/ /g.yon gyi bzhi pa na gzhu 'dzin pa'o/ /de na g.yas kyi phyag rnams su go rims ji lta ba bzhin du yid bzhin gyi nor bu rin po che dang/ /sprul pa'i sku rgyal ba shAkya thub pa dang/ me long dang/ shel gyi gdu bu dang/ dgra sta dang/ phub dang/ ril ba b+h+riM ga ra dang/ rnga yab dkar po dang/ rin po che med pa dang/ rin po che chu shel dang/ skyabs sbyin pa dang/ rin po che'i kha TwAM ga dang/ rdo rje dang/ ral gri dang/ lhung bzed dang/ rdo rje'i zhags pa dang/ rin po che bsnams pa'o/ /g.yon pa'i phyag rnams su go rim ji lta ba bzhin du rgyun 'brum gyi snod thogs pa'i phyag dang/ / padmo'i steng du 'od dpag med pa dang/ /rin po che'i za ma tog dang/ rin po che'i shing dang/ rin po che'i gzhal med khang dang/ rin po che'i dung g.yas su 'khyil ba dang/ 'khar sil dang/ rin po che'i mda' dang/ rin po che'i dril
- 168a
bu dang/ thod pa'i 'khar ba dang/ rin po che'i lcags kyu dang/ rin po che'i mdung dang/ pad+ma le brgan dang/ sprin rnam pa lnga dang/ rin po che'i phyag rgya dang/ rin po che'i glegs bam dang/ pad+ma sngon po bsnams pa'o/ / phyag stong gis nye bar mdzes pa de las gzhan pa'i phyag thams cad mchog sbyin pa phyag gi mthil na spyan re mnga' ba'o/ /'jigs pa thams cad skyob pa'i spyan ras gzis dpag tu med pa 'phros g.yas su don yod zhags pa dang/ tshong dpon gyi bu nor bzangs 'dud pa'o/ /g.yon du rta mgrin dang sgrol ma 'dud pa'o/ /phyogs bzhir rgyal po bzhi rang rang gi 'khor dpag tu med pa dang bcas pa'o/ /steng gi phyogs su lha'i bu dang drang srong mchod pa thogs pa dpag tu med pa lhags pa'o/ /de nas thugs ka'i h+rI(rgyud 'grel): las 'od zer 'phros pas ye shes pa spyan drangs la phyag dang mchod pa mnyes par byas la/ /dza(rgyud 'grel): hUM ba ho zhes brjod pa dang/ dgug pa dang/ gzhug pa dang/ bcings pas mnyes par bya'o/ /de nas thal mo sbyar la pad+ma kha phye ba'i byas te snying gar gzhag pa 'di ni pad+ma rigs kyi dam tshig gi phyag rgya'o/ /oM padmo ? bA ya swAhA/ de nas h+rI(rgyud 'grel): las 'od 'phros pas/ rigs lnga spyan drangs la snga ma bzhin du mchod de/ / byang chub rdo rjes sangs rgyas la/ /ji ltar mchod chen gsol mdzad pa/ /bdag kyang rab tu bskyab pa'i phyir/ /nam mkha' i rdo rje ding bdag stsol/ /zhes brjod pas de bzhin gshegs pa lnga yum dang bcas pas dbang bskur bar bsam zhing tshig tu/ /dbang bskur ba ni rdo rje che/ /gsang ba gsum gyi gnas las byung/ /khams gsum po yis phyag byas pa/ /di ring khyod la sbyin par bya/ /oM sarbba ta thA ga ta a b+hi Shiny+tsaM tu mAM zhes brjod pas/ /de bzhin gshegs pa 'od
- 168b
dpag tu med pa spyi bo'i steng du bsam/ /de nas nga rgyal brtan par bya ba'i ched du/ oM yo ga d+harmmA d+hA tu swa b+hA ba sarbba At+ma konyahaM/ zhes brjod pas/ nga rgyal brtan par bya'o/ /de nas sems can thams cad la snying rje chen po bskyed nas/ gsang sngags 'di 'bum phrag gcig bzlas par bya'o/ /na mo ratna tra yA ya/ na ma AryA ba lo ki ta shwam rA ya/ bo d+hi satwA ya/ mahA satwA ya/ mahA kA ru NI kA ya/ sarbba band+ha na ts+tshe da na ka rA ya/ sarbba b+ha ba sa mu dro ts+tsho Sha Na ya ka rA ya/ sarbba byA d+hi pra sha ma na ka rA ya/ sarbbe tyu ba dra ba bi nA shaka rA ya/ sarbba b+ha ye Shu twA NA ya/ tasya na ma(rgyud 'grel): kri twA i daM AryA ba lo ke te shwa rata ba nI la ka Na nA ma pa ra ma h+ri da yaM A barta yi Sh+ya mi/ sarbba artha sA d+ha nAM/ shu b+ha ci NA nAM/ sarbba satwa nAM/ ? pa mA rga bi sho d+ha kaM/ tadya thA a ba lo ke lo ka ma ti/ lo ka ga naM/ A di ba ti/ lo kA ti kra n+te/ e hya hi/ mahA bo d+hi satwa/ he bo d+hi satwa/ he mahA bo d+hi satwa he mahA bo d+hi satwa/ he pri ya bi d+hi satwa/ he kA ru Ni ka sma ra h+ri da yaM/ e hye hi/ AryA pa lo ki te shwa ra/ pa ra ma mi tri tsit+ta kA ru Ni ka/ ku ru ku ru karma/ sI d+ha ya bi dyAM/ de hi de hi/ me a raM/ gA maM gAm/ bi haM gA ma/ sid+d+ha sid+d+ha yo ge shwa ra/ du hu du hu pIryan+te/ mahA bIryan+te/ d+ha ra d+ha ra d+ha ? shwa ra/ dzwa la dzwa la bi ma lA mUrte/ AryA ba lo shi te shwa ra/ griSh+Na dzi na dza tA mu ku TA laM kri ta sha rI ra lam+ba pra laM ba bi laM ba/ mahA sid+d+ha/ birya'aM d+ha ra ba la ba la mahA ba la ma la ma la/ mahA ma la/ tsa la tsa la/ mahA tsa la/ kriSh+Ne bak+Sha/ kriSh+Na bar+N+Na kriSh+Na pA sha ni? ta na/ he pad+ma ha sta/ tsa ra tsa ra ni shtsa re shwa ra/ kriSh+Na sarbba kri ta ya dz+nyau pa bI ta/ e hye hi bI ra mu kha/ tri bu rad he ne shwa ra/ nA rA ya nA/ ba la ru pa be Sha rI/ he nI la kaN+Tha/ he mahA hA la hA
- 169a
la bi Sha ni rdzi tA/ lo ka sya rA ga bi Sha nA sha ni/ dwe Sha bi Sha nA sha naM/ mo ha bi Sha nir mok+Sha naM hu lu hu lu ma la/ pha la pha la ha re/ mahA pad+ma nA b+ha/ sa ra sa ra/ si ri si ri/ su ru su ru/ bud+d+hya bud+d+hya/ bo d+hya bo d+hya/ bo d+ha yA mi/ mi ti nI la kaN+Tha e hye hi nI la kaN+Tha/ e hye hyi bA mas+thi ti/ si ha mu kha ha sa ha sa/ muny+tsa muny+tsa mahA TTa TTa hA sa ni rnA de ni/ e hye hi b+ho b+ho mahA srid+d+ha yo gI shwa ra/ band+ha band+ha/ ba tsaM/ sA d+ha ya sA d+ha ya/ bid+hyaM/ sma ra sma ra twaM/ b+ha ga ban+ti/ lo ka bi la ki twaM/ ta zla ga tA/ da nA hi me narSha naM/ ka ma sya darSha naM/ pra hlA nga ya ma na swAhA/ sid+d+ha ya swAhA/ mahA sid+d+hA ya swAhA/ sid+ha yo ge shwo rA ya swAhA/ nI la kaSh+ThA ya swAhA/ ba ru ha mu khA ya swAhA/ sid+ha mu khA ya swAhA/ mahA ma nA ri si ha mu khA ya swAhA/ sid+d+ha bidyA d+he rA ya swAhA/ pad+ma hastwA ya swAhA/ mahA pad+ma ha stA ya swAhA/ badzra ha stwA ya swAhA/ kriSh+Na sarba kri ta ya dz+nyo ba bI ta ya swAhA/ mahA kA ba mu ku Ta d+ha rA ya swAhA/ tsakra a yu d+ha d+ha rA ya swAhA/ shaM kha shabda ni rnA da na ka rA ya swAhA/ ni bo d+ha na ka rA ya swAhA/ bA ma skand+ha de sha s+thi ta giSh+Na dza nA ya swAhA/ bA ma ha sta bya g+h+ra tsa rma ni bas nA ya swAhA/ lo ke shwa rA ya swAhA/ mahA lo ke shwa rA ya swAhA/ sarba sid+d+he shwa rA ya swAhA/ na mo b+ha ga ba te/ AryA ba lo ki te shwa rA ya/ b+ho d+hi satwa ya mahA satwA ya/ mahA kA ru Ni kA ya/ sid+d+hyan+tu me man+ta pa dA ni swAhA/ oM h+ri(rgyud 'grel): trai lo kya ba tsa ma a mo g+hA pA sha a bra ti ha ta h+ri(rgyud 'grel): ha(rgyud 'grel): hUM phaT swAhA/ oM padmoSh+NA Sha bim la hUM swAhA/ oM tA re tut+tA re tA ra swAhA/ /gzungs 'di lan cig brjod bas rtsa ba'i ltung ba bzhi byung ba yang ma lus bar 'byang bar 'gyur ro/ /'di 'dzin pa'i gang zag de la 'phags pa spyan
- 169b
ras gzigs kyi dbang po rgyun me 'chad par mig stong dang ldan pa'i thugs rjes gzigs par 'gyur ro/ /phyag stong gis skyob bar 'gyur ro/ /mtshams med pa lnga dang/ de dang nye ba lnga dge 'dun gyi dkor rku 'phreg byas ba rnams kyang ban cig brjod bas ma lus bar zad bar 'gyur ro/ /the tshom za ba ni ma gtogs so/ /gshis dan du 'chi ba'i 'chi ltas bco lnga 'byung bar mi 'gyur ro/ /skye ba bzang po bco lnga yongs su 'dzin bar 'gyur ro/ /sum snying po 'di'i ming thos pa de ni bskal ba du ma'i skye ba dad 'chi ba'i bsags pa'i las lci ba rnams kyang byang bar 'gyur na brjod cing 'dzin pa lta ci smos/ /rgyun ma 'chad par bzung nas bcu'i 'bras bu thob pa la dka' ba med na/ /'jig rten ba'i bsod nams kyi 'bras bu thob ba lta ci smos/ /yul gang du yams kyi nad byung la yul der rgyal bos chos kyi yul srung zhing rgya che ba dang gtsang mar bya/ /sems can thams cad gtams las mi gcad do/ /nyes ba byung ba rnams la bzod bar bya'o/ / zhag bdun snying rje chen po'i rang bzhin gyi snying po 'di bzlas brjod byas na yul der yams kyi nad thams cad zhi bar 'gyur ro/ /yul gnas ba'i mi ma yin ba rnams la gtor ma byin la/ /'phags pa spyan ras gzigs dbang phyug lag ba stod dang ldan pa'i sku gzugs la mchod ba rgya chen po byas la/ /rig pa lan nyi shu rtsa gcig brjod nas rol mo sna tshogs kyi lan gsum du bskor ba byas na rims nad thams cad zhi bar 'gyur ro/ /tshon skud sna lnga la lan nyi shu rtsa gcig bzlas brjod byas la mgul du gtags so/ /gal te sa ris so sor dgra rgyun du 'ong zhing yul du gnas pa'i sems can rnams la gnod bar byed ba dang yul der nad byung ba dang/ /char chu dus su mi 'bab pa dang/ /zla ba dang nyi ma drang por mi
- 170a
'gro ba dang/ ltas ngan ba de snyed byung na rgyal po des spyan ras gzigs dbang phyug lag pa stong dang ldan pa'i gzugs byas la gang du yams kyi nang byung ba de'i ngos su bzhin bstan la gzhag go /shin tu dud pa bdug pa dang me tog dang gdugs dang/ rgyal mtshan la sogs ba ci 'byor pas mchod bar bya'o/ /de nas sgrub pa pos zhag bdun du brtson 'grus brtan bor byas nas so so'i dgru thams cad phyag 'tshal bar 'gyur ro/ /sems mthun par 'gyur/ phan tshun grogs por 'gyur/ skye po yongs dang rgyal bu rnams kyang byas bas gzo zhing legs par byed par 'gyur ro/ /rgyal po'i btsun mo'i 'khor rnams kyang de la dga' ba bskyed par 'gyur ro/ /nad dang gnod pa gang byung yang 'phags pa spyan ras gzigs dbang phyug lag pa stong dang mig stong dang ldan pa'i mdun du mchod pa byas la gzungs sngags stong rtsa brgyad bzlas brjod byas na sdug bsngal thams cad zhi bar 'gyur ro/ /su zhig ha la ha la'i dug zos na de gu gul gyi bdug pa dang/ ga bur cha bsnyams te/ /bron pa chu lhag mar ma gyur pa bskol la khyor gang lus ba dang/ byang chub sems dpa' mig stong ldan gyi mdun du brgya rtsa brgyad bzlas brjod byas te 'thungs na dug zhi bar 'gyur ro/ /su zhig mig nyams te 'ong bar gyur ba dang/ mig gi 'bras bu'i steng du ling tog byung ba dang/ mig tu ru skyes te mi mthong bar gyur pa des a ru ra dang ba ru ra gcig dang/ skyu ru ra gcig zhib tu gdags la sbrang rtsi dkar po dang/ khye'u'i nu ma'i 'o ma dang sbyar bar bya ste/ sbyor ba'i tshe sangs rgyas kyi mtshan nas/ brjod cing byis pa gsar pa btsas pa'i bud med dang/ khyi dang phag gis ma mthong bar ril bu byas te/
- 170b
byang chub sems dpa' mig stong ldan gyi mdun du lan stong rtsa brgyad bzlas brjod byas la/ dben pa rlud mi 'ong bar 'dug ste/ nyi ma bdun gyi bar du sman 'di mi'i 'o ma dang sbrang rtsi dang sbyar te mig gi nad du blugs na mig gi 'bras bu skye bar 'gyur ro/ /ling tog med cing legs bar mthong bar 'gyur ro/ /su zhig 'byung po'i gdon nam mi ma yin pa'i nad kyis btab bar gyur na gu gul gyi dud pa la lan nyi shu rtsa gcig bzlas brjod byas la snar bdug go/ /yang na ri bong gi sdug pa tsam gyi ril bu byas la lan nyi shu rtsa gcig bzlas brjod byas la bza' o/ /sha dang chang dang sgog pa dang 'thab mo spong ngo/ /'on kyang sos bar 'gyur ro/ /shu dag dkar po la lan brgya rtsa brgyad bzlas brjod byas te/ /dbung pa g.yas par gtags na 'thab mo las rgyal bar 'gyur ro/ /ba lang dkar po'i gi'u wad? lag 'thil du bcug la byang chub sems dpa' i drung du lan stong rtsa brgyad bzlas brjod byas te yan lag rnams bskus dpral bar thig le byas na/ lha dang klu dang 'byung po dang/ mi thams cad dga' bar 'gyur ro/ /khyo shug me dang chu lhar mi mthun par gyur na byang chub sems dpa' i mdun du dur ba'i mjug sgrol lan stong rtsa brgyad bzlas brjod byas nas lus la btags na mja' bar 'gyur ro/ /rin po che sna tshogs phun sum tshogs shing phyag bar 'dod na yid bzhin gyi nor bu thogs pa'i phyag la mchod par bya'o/ /mi bde ba rnam pa sna tshogs kyis gtsos par gyur na zhags pa thogs ba'i phyag la mchod do/ /khad par nad rnams yod bar gyur na rin po che'i lhung bzed thogs ba'i phyag la mchod do/ /'dreg don thams cad gdul bar 'dod na rin po che'i ral gri thogs pa'i phyag la mchod do/ /lha'i bu'i bdud thams cad gdul
- 171a
bar 'dod na/ rdo rje thogs pa'i phyag la mchod do/ /phas kyis rgol bar dgra gzhom bar 'dod na rdo rje'i tho ba thogs pa'i phyag la mchod do/ /'jigs shing bag tsha ba'i gnas thams cad la thar bar 'dod na 'jigs pa med pa'i sbyin pa'i phyag la mchod do/ /mig mi gsal te 'od dang mi ldan par gyur na me shel gyi nor bu thogs pa'i phyag la mchod do/ /tsha ba'i rims kyis thebs te bsil bar 'dod na chu shel gyi nor bu thogs ba'i phyag la mchod do/ /blon thabs mthon por 'dod na rin po che'i gzhu thogs pa'i phyag la mchod do/ /grogs po mdza' bshes dang myur du phrad par 'dod na rin po che'i mda' thogs pa'i phyag la mchod do/ /lus la nad sna tshogs kyis thebs par gyur na lcug ma thogs pa'i phyag la mchod do/ /lus kyi bgegs ma lus pa bsal bar 'dod na rnga yab dkar po thogs pa'i phyag la mchod do/ /thams cad mthun pa'i 'khor du 'gyur bar 'dod na bum pa thogs pa'i phyag la mchod do/ /stag dang 'phar spyang dang dom dred dang gcan zan ma rungs pa thams cad spong bar 'dod na phub thogs pa'i phyag la mchod do/ /gnas dang dus thams cad du rgyal po'i bgegs la thar par 'dod na dgra sta thogs pa'i phyag la mchod do/ /bu dang bu mo dang g.yog 'khor gyi phyir shes gyi gdub 'khor thogs pa'i phyag la mchod do/ /yon tan rnam pa sna tshogs kyi phyir ni pad+ma dkar po thogs pa'i phyag la mchod do/ /phyogs bcu'i zhing yongs su dag par 'dod na/ /pad+ma sngon po thogs pa'i phyag la mchod do/ /shes rab chen po dang ldan par 'dod na/ /rin po che'i me long thogs pa'i phyag la mchod do/ /phyogs bcu'i de bzhin
- 171b
gshegs pa rnams mngon sum du mthong bar 'dod na/ pad+ma thogs pa'i phyag la mchod do/ /sa gter 'byin par 'dod na/ rin po che'i za ma tog thogs pa'i phyag la mchod do/ /drang srong gi lam mngon par bsgrub par 'dod na/ sprin rnam pa lnga thogs pa'i phyag la mchod do/ /tshangs par skye bar 'dod na/ ril pa thogs pa'i phyag la mchod do/ /lha'i gzhal med khang du/ skye bar 'dod na/ pad+ma le brgan thogs pa'i phyag la mchod do/ /phyogs gzhan gyi phyir rgol ba bsal bar 'dod na ral gri dang mdung thogs pa'i phyag la mchod do/ /dge ba'i lha 'dri thams cad dgug par 'dod na rin po che'i dung thogs pa'i phyag la mchod do/ /lha 'dre thams cad 'khor bar 'dod na thod pa'i khar ba thogs pa'i phyag la mchod do/ /phyogs bcu'i sangs rgyas myur du gshags nas phyag gis byug par 'dod na bgrang phreng 'dzin pa'i phyag la mchod do/ /tshangs pa'i sgra dbyangs mchog thams cad mngon par 'grub par 'dod na rin po che'i dril bu thogs pa'i phyag la mchod do/ /tshig gi spobs pa gyo nam pa dang ldan par 'dod na rin po che'i phyag rgya thogs pa'i phyag la mchod do/ /dge ba'i lha rnams dang klu rnams rtag par 'ongs te bsrung zhing yongs su skyab par 'dod na lcags kyu thogs ba'i phyag la mchod do/ /byams pa dang snying rjes sems can thams cad skyob par 'dod na 'khor gsil thogs ba'i phyag la mchod do/ /sems can thams cad kyis rtag par phan tshun gus par bsnyen bkur brtse bar sems par 'dod na thal mo sbyor ba'i phyag la mchod do/ /skye ba'i skye gnas thams cad du de bzhin gshegs pa rnams dang mi bral bar 'dod na sprul pa'i sangs rgyas thogs pa'i phyag la mchod do/ /skye ba'i tshe rabs thams cad du rtag tu
- 172a
rtag par de bzhin gshegs pa'i pho brang du gnas nas mngal gyi snying por skye bar mi 'dod par gyur na gzhal med khang thogs pa'i phyag la mchod do/ /mang du thos pa'i shes rab rgya chen po dang ldan par 'dod na rin po che'i mdo sde'i glegs bar thogs pa'i phyag la mchod do/ /da ltar gyi lus 'di nas sangs rgyas kyi sku la thugs pa'i bar du rtag tu byang chub kyi sems las ldog par mi 'gyur bar 'dod na phyir mi ldog ba'i gser gyi 'khor lo thogs pa'i phyag la mchod do/ /mi 'jigs pa la sogs pa sbyin pa rnam pa bzhis 'gro ba tshim par 'dod na mchog sbyin pa'i phyag la mchod do/ /phyogs bcu'i de bzhin gshegs pa rnams myur du gshegs nas spyi bo nas phyag gis byugs te lung bstan par 'dod na spyi bo nas sprul pa'i sangs rgyas thogs pa'i phyag la mchod do/ /shing thogs dang 'bras bu rnams 'grub par 'dod na rgun 'brum thogs pa'i phyag la mchod do/ /de ltar mngon par sgrub pa'i mchog rnams stong yod kyang/ /de mngon bsdus nas bstan pa yin no/ /lus drang por srang ste snying gar thal mo sbyar nas sor mo thams cad phan tshun thad kar bsnol la g.yon pa'i sor mo rnams kyis g.yas pa'i sor mo rnams la 'khyud de mdzub mo gyen du bsgrengs la rtse mo gnyis sbrang ngo/ /mthe bo gnyis kyi tshigs dang por rig par bgyi/ /lag mthil la ma 'byar bar bgyi'o/ /'di ni gzung sngags thams cad kyi phyag rgya yin no/ /bskal pa du mar tshe rabs su bsags pa'i las kyi sgrib pa mi dge pa rnams byang bar 'gyur ro/ /tshe phyi ma la sangs rgyas kyi zhing rnams su skye bar 'gyur/ /sangs rgyas bcom ldan 'das
- 172b
shAkya thub pas byang chub brnyes par mdzod pa'i tshe bdud thams cad kyi mthus brtsams pas na phyag rgya 'dis btul te/ /de'i tshe zhi ba dang bde ba dang bsam gtan dang snyoms par 'jug pa yang brnyes par gyur to/ /de'i gsang sngags ni 'di yin no/ /tadya thA/ sarba d+harmA maN+Da lA ya e hye ha sarba shud+d+ha satwA ya swAhA/ /'phags pa spyan ras gzigs phyag stong ba'i dkyil 'khor gyi chog brjod par bya ste/ thog mar ri rnams dang nye ba ma gzhis gcad cing bkra shis pa'i sa phyogs btsal bar bgyi'o/ der sa brkos te gseg ma dang gyo mo dang rus pa dad mi gtsang pa rnams bsal la dri zhim po dag dang ba'i lci ba dang 'jim pa bsres te byug par bya/ dkyil 'khor dpangs mtho gang gi tshad du sgo bzhi gdod do /rin po che du mas spras pa'i rta babs dang sgo khyud dang bcas pa tshang bar bgyi'o/ shar gyi sgor ni yul 'khor srung/ /lho'i sgor ni 'phags skyes so/ /nub kyi sgor ni spyan mi bzang/ /byang gi sgor ni rnam thos sras/ /de dag g.yas g.yon du rang rang gi 'khor thams cad dri'o/ /dkyil 'khor gyi dbus su 'phags pa spyan ras gzigs dbang phyug phyag stong pa gzhag par bgyi'o/ /de'i mdun sgrol ma dang khre'u bzhag ste khri'u'i steng du gzungs sngags 'di gzhag par bgyi'o/ /g.yas phyogs su ni don yod pa'i zhags pa'o/ /rgyab tu ni nor bzungs so/ /g.yon du ni rta mgrin no/ /mtshams bzhir go rims ji lta ba bzhin du gzungs kyi dbang phyug rgyal po dang/ byams pa dang/ 'jam dpal dang/ phyag na rdo rje'o/ /dkyil 'khor de la bdug pa sna tshogs kyis bdug go /me tog sna tshogs dgram mchod pa rnam pa sna tshogs gzhag par bya'o/ /sgog pa rnam dgu dang sha ched mo
- 173a
dbab po/ /zhag nyi shu rtsa gcig tu rgyun mi 'chad par mchod pa gsar ba rnams ?/ /bstod pa'i dbyangs dang rol mo sna tshogs kyi mchod par bya'o/ dkyil 'khor gyi mdza' mar ni mchod rten bdun bdun la tshon sna lnga'i ba dan btsugs la gzhag par bya'o/ /de'i che rtsa ba'i sngags stong brgya rtsa brgyad bzlas brjod bgyi'o/ /de nas 'phags pa spyan ras gzigs dbang phyug gi gzugs dang kun dga' bo'i gzugs kyis der 'ongs nas sgrub pa po de la ci 'dod ces gtam smra bar 'gyur ro/ /sgrub pa po des mchod pa sna tshogs kyis mchod lan gdab par bgyi ste/ /bla na med pa yang dag par rdzogs pa'i byang chub kyi don du gzungs sngags kyi rang bzhin 'tshal lo zhes brjod par bgyi'o/ /yang 'di skad du 'di ni lung bstan pa'i dus lags pa snyam bgyid na thugs rje dang ldan pas bdag la nges par thugs rje chen po bskyed du gsol/ /bdag ni ci rnyed pa dang bkur sti dang grags pa mi 'tshal gyi nam zhig na sems can thams cad la bu gcig pa bzhin du lta ba dang yongs su skyob par 'gyur snyam du sems so/ /yang 'byung po gnyug mar gnas pa thams cad bdag gis bsgo ba bzhin du gnas par gyur cig snyam du sems so zhes brjod par bgyi'o/ /gal te yid la bsams pa 'di thob cing dngos grub de thob na gzhan la ma brjod bar bdag nyid 'tshal bar bgyi'o/ /gal te chos 'di grub na bzlas par bgyi gcig tu gzung bar bgyi'o/ /'di ni bslab pa gcig tu gsang ba'o/ /su zhig sna tshogs 'tshal ba des a ka ru nag po'i chab kyis dkyil 'khor grub bzhi pa bgyis la rtsa ba'i sngags lan brgya rtsa brgyad bzlas brjod bgyi'o/ /yid la bsams pa yongs su rdzogs par bgyid pa phyag rgya bcing bar bgyi'o/ /'on kyang 'chi
- 173b
ba yongs su rdzogs brnyed par 'gyur ro/ /de'i tshe glegs bam 'di bzhin du sems shing su zhig 'di bzhin du mchod par bgyid na gzhan du mi 'gyur ro/ /'phags pa spyan ras gzigs kyi dbang pos sangs rgyas rnam par gzigs 'jig rten tu byon pa'i tshe 'phags pa spyan ras gzigs kyis bdud btul ba'i tshe lus las mig stong sbrul te mig re re las sangs rgyas re re sprul te/ /de dag la bskal pa bzang po'i sangs rgyas stong 'byung ngo/ /lag pa stong las lag re re las 'khor los sgyur pa'i rgyal po re re sprul te de dag la ni 'khor los sgyur ba'i rgyal po stong 'byung ngo/ /bdud btul ba'i nang na byang chub sems dpa' i lus ni mchog go /de nas rdzogs pa'i rim pa bsgom par bya ste zab pa dang phra ba'i rdzogs rim ni bla ma'i man ngag las shes par bya'o/ /de nas dza hi zhes brjod pas mdun gyi nam mkha' la gshegs la bstod pa dang mchod pas mchod la/ /mgon po thugs rje chen po dang ldan pa 'khor dang bcas pa dgongs su gsol/ /bdag nyid gcig pu sdug bsngal las thar nas bde ba la gnas par 'dod pa ma lags kyis phyogs bcu'i sems can thams cad phyag rgya chen po'i dngos grub thob pa'i ched du 'phags pa sgrub pa la sku gsung thugs kyi dngos grub thams cad thob par byin gyis brlabs dam pa mdzad du gsol zhes brjod la/ /oM khyod kyis sems can don kun mdzad/ /rjes su mthun pa'i dngos grub gsol/ /sangs rgyas yul du gshegs nas kyang/ /slar yang byon par mdzad du gsol zhes brjod la/ /oM badzra satwa sa ma ya ma nu pA la ya/ badzra satwa twe no pa tiSh+ThA/ /dri Dho me b+ha ba/ su to Sh+yo me b+ha ba/ su po Sh+yo me b+ha ba/ a nu raka to me b+ha ba/ sarba sid+d+he mme pra yats+tsha/ sarba karma su tsTa? me/ tsit+taM sh+ri
- 174a
ya(rgyud 'grel): ku ru hUM/ ha ha ha ha ho(rgyud 'grel): b+ha ga ban sarba ta thA ga ta badzra mA me muny+tsa badzri b+ha ba mahA sa ma ya satwa A/ zhes pa lan bdun brjod la gshegs su gsol/ /gzhan yang dam pa'i chos pad+ma dkar po nas gsungs pa/ spyan ras gzigs kyi dbang po dran pa yis/ /ngan song sdug bsngal dbul ba'i sdug bsngal dang/ /na ba'i sdug bsngal 'tshe ba'i sdug bsngal ba/ /kun nas thar bar spyan ras gzigs kyis gsungs/ /gal te gsod bas me yi dong du yang/ /gsang par bya ba'i phyir ni bor ba yis/ /spyan ras gzigs kyi dbang po dran nas ni/ /chu btab bzhin du me dag zhi bar 'gyur/ /rgya mtsho dang ni mya ngan rgal na yang/ /spyan ras gzigs kyi dbang po dran nas ni/ /chu'i nang du nam yang mi 'chi'o/ /rab tu sdang ba'i yid kyis gsang ba'i phyir/ ri rab lhun po'i rtse nas bor na yang/ /spyan ras gzigs kyi dbang po dran na ni/ /nyi ma lta bur bar snang gnas par 'gyur/ /gal te rdo rje yi ni ri dags dang// gsang ba'i phyir ni spyi bor 'ongs na yang/ /spyan ras gzigs kyi dbang po dran na ni/ /ba spu'i khung tsam gtses par ni nus so/ /gsang ba'i sems kyis lag na mtshon thogs te/ /dgra tshogs mang pos kun tu bskor na yang// spyan ras gzigs kyi dbang po dran na ni/ /de ma thag tu byams pa'i sems su 'gyur/ /gal te gsong pa nye bar 'ongs nas su/ /gshed ma'i mi'i dbang du gyur na yang/ /spyan ras gzigs kyi dbang po dran na ni/ /de yi mtshon tshe dum bu dum bur 'gyur/ /sngags dang stobs dang sman dang rigs sngags dang/ /ro langs pa dang 'byung po lus 'jigs pa/ /spyan ras gzigs kyi dbang po dran na ni/ /gang nas rab tu btang ba de slad 'gro /dri ma
- 174b
med pa dri bral ba yi 'od/ /'od dpag med pa ye shes nyi ma'i 'od/ /sbyin gyis chod pa med par gyur ba'i 'od/ /'jig rten dag na ltang nge lhag ger mdzes/ /'phags pa lha yis gsol ba legs btab nas/ /'phags pa 'jig rten/ mgon po'i sgrub thabs byas/ /mi dbang rgyal po bde spyod 'khor bcas rnams/ /tshe 'dir 'jig rten mgon po mthong bar shog /slob dpon 'phags pa klu sgrub bdag nyid chen po mi 'phrogs pa'i mkhyen rab dang thugs rje ldan pa sa drug pa'i byang chub sems dpa' yin yangs dang po'i byang chub sems dpar byin gyis brlabs pa/ dper na de'i nye gnas kun dga' bo sa bcu'i byang chub sems dpa' yin yang so so'i skye bor byin brlabs pa lta bu'o/ /zhes bcom ldan 'das kyis gsungs pa la/ /'jig rten gyi khams bde ba can du gshegs te/ sa brgyad pa la gnas nas lus gnyis su byas te/ gcig ni de bzhin gshegs pa 'od dpag tu med pa la mchod pa byed/ gcig ni dga' ldan du byams pa la mdo 'di nyid kyi don 'dri'o zhes gsungs pa/ 'jig rten gyi khams dang pa'i 'od ces bya bar de bzhin gshegs pa ye shes 'byung gnas 'od ces bya bar lung bstan pas mdzad pa rdzogs so// / rgya gar gyi mkhan po paN+Di ta chen po drI pa ka ra sh+rI dz+nyA na dang/ zhu chen gyi lo tsa ba dge slong rin chen bzang pos bsgyur ba'o// // */ (/'jig rten dbang phyug gi yi ge drug pa'i sgrub thabs bzhugs/ /) rgya gar skad du/ AryA ba lo ke te shwa ra Sha TA kA ra sA d+ha ni/ bod skad du/ 'phags pa 'jig rten dbang phyug gi yi ge drug pa'i sgrub thabs/ sangs rgyas dang byang chub sems dpa' thams cad la phyag /
- 175a
'tshal lo/ /gang zhig don dam thugs chung snying rje'i dbang gis ye shes skur/ gnas mdzad 'gro la bu bzhin mnyam gzigs nas/ /sdug bsngal rgya mtsho'i 'jigs las sgrol mdzad pa'i/ /skyob pa'i dbang po 'jig rten mgon la rab btud de/ /ye nas rnam dag sems nyid ma rig pa'i/ /glo bur dri mas bsgribs pa'i 'gro la phan don du/ /bstan pa rgya mtsho'i nang nas theg mchog rdo rje'i lam/ /sgrib pa myur sel bdud rtsi lta bu bri bar bya/ bla ma dkon mchog gsum gus shing/ /snying rje byang chub sems sbyangs te/ /dbang thob dam tshig ldan pa yi/ /sgrub la brtson pa'i rnal 'byor gyis/ /bkra shis yid 'ong byin chags pa'i/ /dben pa'i gnas su phyin nas ni/ / mchod sbyin la sogs sngon sor bas/ /rten dang mchod pa rim bzhin bsham/ /de nas 'tshe dogs kun spangs nas/ /khrus byas bde ba'i stan 'dug ste/ /rang nyid snying gar h+rI(rgyud 'grel): bltas la/ /'od kyis 'phags pa spyan drangs zhing/ /phyag 'tshal mchod 'bul la sogs pas/ /bsod nams tshogs ni bsag par bya/ /'gro la snying rje chen po dang/ /byang chub sems kyang bsgom par bya/ /oM mahA shU n+ya tA dz+nyA na badzra swA b+hA ba At+ma ko haM/ /dngos rnams thams cad rab sbyangs te/ /stong pa nyid kyi dang nyid las/ /rlung dang bdud rtsi'i ri rab ste/ /b+h+ruM las rin chen gzhal yas khang/ /gru bzhi pa la sgo bzhi pa/ /rta babs la sogs rnam par mdzes/ /pho brang chu skyes 'dab drug la/ /sku gsung thugs kyi dkyil 'khor bsgom/ /de dbus pad+ma zla ba'i steng/ /h+rI las 'od 'phros don byas nas/ /slar 'dus yongs su gyur pa las/ /'jig rten dbang phyug skur bskyed de/ /zhal gcig pa la
- 175b
phyag bzhi pa/ /dang po thugs kar thal mo sbyar/ /g.yas na mu tig phreng ba 'dzin/ /g.yon pa pad ma dkar po bsnams/ /sku mdog dung dang kun da 'am/ /kha ba'i ri ltar dkar ba la/ /thugs rjes yid tsam dmar ba'i spyan/ /zhal ni 'dzum pa'i mdangs dang ldan/ /sku ni mi 'gyur drang po ste/ /zhabs gnyis mnyam pa'i skyil krung bzhugs/ /dbu skra mthon mthing lcang lor 'khyil/ /a mi de bas spyi gtsug brgyan/ /mtshan bzang sum cu rtsa gnyis dang/ /dpe byad bzang po brgyad cu ldan/ /rin chen sna tshogs rgyan gyis spras/ /le brgan dar gyi na bza' 'phyang/ /'jig rten gsum gyi mgon po ni/ /yum dang sras bcas bskyed par bya/ /de nas gnas gsum byin brlab ste/ spyi bo mgrin pa thugs ka ru/ /rdo rje gsum mchog snying po 'di/ /kha dog gsum ldan yi ge dgod/ /phyogs bcu'i bde gshegs spyan drangs nas/ /mchod de gsol ba btab pa yis/ /ye shes bdud rtsi'i chu rgyun gyis/ /dbang bskur rigs kyi bdag pos brgyan/ /de nas thugs ka'i sa bon las/ /'od zer spros te 'og min nas/ /ye shes sems dpa' spyan drangs la/ /mchod cing gnyis med bsre bar bya/ /rang sems rnam dag ltar gsal ba/ /snang la rang bzhin med pa yi/ /chu zla me long gzugs brnyan nam/ /nam mkha' yi ni 'ja' tshon ltar/ /mdza' gnyis las grol lha yi sku/ /sku bcas sku ni med pa yi/ /zung 'jug sgyu ma lta bur ni/ /rnal 'byor pa yis rtag tu bsgom/ /de ltar gsal bar gyur pa dang/ /dus gsum bde gshegs thams cad kyis/ /byin gyis brlabs pa'i gsang sngags 'di/ /rgyun mi 'chad du bzlas par bya/ /oM ma Ni padme hUM/ 'di ni mtshan gyi rgyal po ste/ /mi mthun dri ma spong byed
- 176a
cing/ /'dod pa'i 'bras bu kun ster bas/ /yid bzhin nor bu lta bu'o/ /de nas thugs ka'i 'od zer gyis/ /snod bcud spyangs te sku la bsdu/ /sku yang gsung yig rim gyis ni/ /thig le mi dmigs gzugs su bsdu/ /mtshan ma'i rtog pa rab zhi ba/ /chos dbyings dag pa'i ngo bo nyid/ /rang bzhin kun tu 'od gsal ba'i/ /de bzhin nyid kyi ngang du gzhag /de las cung zad lha yi skur/ /langs te spyod lam rnam bzhi ru/ /ma yengs chu bo'i rgyun ltar bsgom/ /snang grags sku gsung thugs su khyer/ /gzhan yang bsod nams tshogs bsags phyir/ /mdun gyi maN+Dal dbus nyid du/ /rten las dam tshig dkyil 'khor bskyed/ /ye shes dkyil 'khor dbyings nas ni/ /spyan drangs khrus gsol bstim bzhugs shing/ /phyag 'tshal mchod cing bstod bya ste/ /thugs nyi pad+ma'i dkyil 'khor du/ /gsang sngags dmigs shing bzlas par bya/ /de nas bzod gsol ye shes gshegs/ /dam tshig dkyil 'khor rang la bsdu/ /rang yang mi dmigs rgyas btab ste/ /lha yi rnam par langs te gnas/ /thun bzhi la sogs thun bar du/ /chos kyi spyod pa rgya cher bya/ /de las byung ba'i bsod nams kyang/ /'gro don byang chub chen pos bsngo/ /zla drug bsgom pas 'grub 'gyur gyi/ /mtshan bzang mthong na don chen brnyes/ /sum bye drug 'bum thon nas ni/ /sna tshogs las kyi rim par sbyar/ /lnga brgya'i tha mar 'jig rten du/ /thub pa'i bstan pa rgyas 'gyur te/ /'jig rten dbang phyug rnal 'byor gyi/ /myang du bdag gzhan don 'grub 'gyur/ /thugs rje padmo rgyas pa'i ge ser las byung ba'i/ /rgyas byed btsud ldan sbrang rtsi cung zad bdag gis 'thungs/ /'di ni gzhan phan bsam pas man ngag zur tsam bkod//
- 176b
nyes gyur thugs rje'i dang du bzod pa mdzad par rigs/ /'dab chags rgyal pos chu las 'o ma blangs pa ltar/ /grub pa'i rgyud las snying po 'di bsdus dge ba yi/ /mu mdza' yas pa'i sems can ma lus thams cad kun/ /rnam dag padmo'i zhing du rgyal ba'i zhal mthong shog /thugs rje chen po'i sgrub thabs yid bzhin nor bu zhes bya ba slob dpon 'phags pa klu sgrub kyis mdzad pa rdzogs so// //rgya gar gyi mkhan po slob dpon pad+ma'i zhal snga nas/ bod kyi lo tsa ba btsun pa rgyal ba mchog dbyangs kyis bsgyur ba'o// // !/ (/'phags pa spyan ras gzigs zhal bcu gcig pa'i sgrub thabs dge slong ma dpal mos mdzad pa bzhugs/) / !/ /rgya gar skad du/ d+ha NA ra ka AryA ba lo ki te shwa ri ka mu kha sya sA d+ha naM/ bod skad du/ rje btsun 'phags pa spyan ras gzigs dbang phyug zhal bcu gcig pa'i sgrub thabs/ btsun pa spyan ras gzigs la phyag 'tshal lo/ /lte ba zla bas rnam brgyan pad+ma la/ /'bar ba'i rgyan mnga' kun nas mun sel zhing/ /kha ba'i ri 'dra ri dags pags pa 'dzin pa/ /'dzum bcas bzhugs la spyi bos gtugs byas te/ /'gro ba de yi gnas thob 'dod pas 'dir/ /sgrub thabs cho ga bdag gis dran par bya/ /dang por re shig gang yang rung zhing yid dang rjes su mthun pa'i gnas la lar legs par byugs la dri zhim po'i me tog kun tu gtor la/ /de'i dbus su stan bde ba la 'dug ste/ /rang gi snying kar a las zla ba'i dkyil 'khor rnam par bsam zhing/ /de'i steng du dro ba rnams kyi bzhi pa me'i bu la brten pa nga ro bzhi bas mnan zhing gzhon nu ma'i nu mas brgyan pa lta'o/ /de nas sa bon gyi yi ge las 'od zer rnams byung bas bla ma dang sangs rgyas dang byang chub sems dpa' dang/ rje btsun spyan ras gzigs dbang phyug spyan drangs te/ de dag gi
- 177a
mdun nyid du phyag 'tshal ba sngon du song bas/ oM badzra arg+haM pra tIts+tsha A(rgyud 'grel): hUM swAhA/ oM badzra d+hU be A(rgyud 'grel): hUM swAhA/ oM badzra puShpe A(rgyud 'grel): hUM swAhA/ oM badzra A lo ke A(rgyud 'grel): hUM swAhA/ oM badzra gand+he A(rgyud 'grel): hUM swAhA/ oM badzra n+ye wi dye A(rgyud 'grel): hUM swAhA/ oM badzra gI ti A(rgyud 'grel): hUM swAhA/ zhes byin gyis brlabs pa'i mchod pa'i tshogs phul ba/ /gang yang bdag gis dus kun tu/ /sdig par bgyis pa gang gyur pa/ /skrag pas rmi 'drar 'chags bgyid cing/ /deng nas brtsams te 'byung mi bgyid/ /dge ba rnams la rjes yi rang/ /sangs rgyas byang chub yid kyis gzung/ /thams cad byang chub mchog tu bsngo/ /de thob lam la gnas bgyid cing/ /dam pa'i skyabs la skyabs su mchi/ /de nas byams pa dang/ snying rje dang/ dga' ba dang/ btang snyoms te tshangs pa'i gnas bzhi rim gyis mngon du byas la/ oM swa b+hA ba pi shud+d+ha(rgyud 'grel): sarba d+harmmA(rgyud 'grel): swA b+hA ba shud+d+ho haM zhes brjod do/ /rgyu ba dang mi rgyu ba thams cad rang rang gi de bzhin nyid las mi 'da' bas rnam par dag par bsams te/ bdag kyang rnam par dag par bsams la/ yang oM shU n+ya tA dz+nyA na badzra swa b+hA ba At+ma ko haM zhes brjod do/ /kun nas stong pa nyid du bdag nyid kyang bsam mo/ /de'i rjes la mdun du paM las pad+ma 'dab ma sna tshogs pa bsam zhing/ de'i steng du a las zla ba'i dkyil 'khor ro/ /de'i dbus su yang sa bon gyi yi ge de nyid do/ /de nas yang de las 'od zer byung ba rnams kyis 'gro ba rnam par dag par byas nas 'ongs pa dang/ de nyid la zhugs pas pad+ma mdab ma brgyad pa gser bco ma lta bur gyur par bya'o/ /de'i dbus su yang sa bon gyi yi ge de nyid do/ /de nas yang de las 'od zer lcags kyu lta bu dang/ zhags pa lta bu byung bas sangs rgyas dang byang chub sems dpa' rnams bkug ste/ bdag nyid
- 177b
gcig pas de las thim par blta'o/ /de ma thag tu pad+ma sa bon dang bcas pa yongs su gyur pa las bdag nyid spyan ras gzigs zhal bcu gcig pa gangs ri'i rtse mo la nyi ma shar ba ltar dkar ba'i sku yan lag rgyan thams cad kyis spras pa nor bus spras pa'i gser mdog 'og pag can/ /ras bzang pos sku'i smad g.yogs pa/ /ri dags kyi pags pas nu ma g.yon pa bkab pa/ ral pa dmar ser 'khrugs pas mdzes la/ phyag gdub dang/ zhabs gdub dang/ rna cha gdub skor dang/ mgul gdub dang/ cod pan dang/ dpung rgyan dang/ dbu rgyan rtse gral gyis gsal bar byas pa/ 'od zer dkar pos kun nas bskor ba/ lang tsho la bab pa/ spyan dkyus ring zhing dpral ba yangs pa/ zhal bcu gcig pa/ rtsa ba'i zhal kun nas dkar ba/ g.yas pa ljang gu/ g.yon dmar ba/ zhal thams cad kun nas 'dzum pa'i nyams can/ de'i dbus ljang khu/ g.yas dmar po/ g.yon dkar po/ de'i dbus dmar po/ g.yas dkar po/ g.yon ljang gus phye ba rnams so/ /de'i steng du zhal gtsigs shing 'jigs pa/ nag pa mche ba snang ba/ kun du khros pa/ spyan gsum pa ral pa 'greng ba'o/ /de'i spyi bor bandu ka'i me tog dang/ byu ru bcag pa'i mtshams ltar gsal ba/ /gtsug tor dang bcas pa/ rgyan spangs pa tshangs par spyod pa'i cha lugs can/ mgul pa dang bcas par byung pa/ zhi pa'i gzigs pas 'dzum pa'o/ /phyag gnyis thugs kar thal mo sbyor ba/ g.yas dang po phreng ba 'dzin pa/ g.yon pa na gser gyi pad+ma rtsa ba dang bcas pa 'dzin pa/ g.yas gsum pas yi dags skom pa sel ba/ g.yon gsum pas ril pa spya blugs 'dzin pa/ g.yas bzhi pas 'khor lo 'dzin pa/ g.yon bzhi pas mda' dang gzhu 'dzin pa/ lhag ma dgu
- 178a
brgya dgu bcu rtsa gnyis po rnams kyis mchog sbyin pas phyag pad+ma'i 'dab ma ltar 'jam pa 'di lta bu rnam par bsam mo/ /de nas rang gi snying ga'i pad+ma dang zla ba la gnas pa'i sa bon gyi yi ge gnas pa las byung ba'i 'od kyis btsun pa spyan ras gzigs dbang phyug spyan drangs te/ yang dag par mchod la bdag gi nang du zhugs par bsam mo/ /de nas sku gsung thugs legs par gnas pas dbang bskur ba'i mthar thugs par bsgrub po/ /de rjes la rang gi snying gar pad+ma dang zla ba la gnas pa'i sa bon kun nas dkar po 'od dang bcas pa mgo gyen du 'grel ba bsams te/ de las byung ba'i sku rnams 'phros pas 'khor lo'i rnam par byung bar bsam zhing bsgom po gang gi tshe skyo ba na sa bon gyi yi ge yid la 'dzin pas nor bu'i mtshams su phyag 'tshal ba dang bcas pa'i mngon du gyur pa'i tshig spangs te/ oM d+ha ra d+ha ra/ d+hi ri d+hi ri/ d+hu ru d+hu ru/ i TTe ba TTe/ tsa le tsa le/ pra tsa le pra tsa le ku su me ku su ma/ baM re i li mi li tsaM ti dzwa la ma pa na ye swAhA zhes bya ba 'dod pa bzhin bzlas so/ /skyo bar gyur na ye shes sems dpa' mdun du bzhugs pa la mchod do/ /gsol ba gdab pa dang/ bzod par gsol ba dang/ gshegs par mkhyen par bya ba'i phyir a hi zhes lan gsum brjod do/ /langs nas mchod rten la sogs pa bya'o/ /'dir gang dag de snyed kyi phyag rgya dag dmigs par mi nus pas phyag brgyad pa 'am/ zhal gcig phyag bzhi pa 'am/ gnyis pa yang bsam zhing phyag gnyis pa pad+ma dang mchog sbyin par blta'o/ /sgrub thabs cho ga bkod pa yi/ /dge ba gang gis dri med ni/ /bdag gis bsags des 'gro ba kun/ /srid mtsho'i pha rol 'gro bar shog/ 'phags pa spyan ras gzigs zhal bcu
- 178b
gcig pa'i sgrub thabs/ /dge slong ma dpal mos mdzad pa rdzogs so// //rgya gar gyi mkhan po dI baM ka ra sh+rIdz+nyA na dang/ lo tsa ba rin chen bzang pos bsgyur ba'o// (//*/ /'phags pa 'jig rten dbang phyug la klu'i rgyal pa nor rgyas kyi bus bstod pa bzhugs/) /!/ /rgya gar skad du/ sh+rI Arya a ba lo ki te shwa ra sya stu ti nA ma/ bod skad du/ dpal 'phags pa spyan ras gzigs dbang phyug la bstod pa zhes bya ba/ 'jig rten mgon po la phyag 'tshal lo/ /'jig rten bla ma srid pa gsum gyis phyag byas pa/ /tshangs pa mchog dang 'chi med bdag pos bsngags pa ste/ /bstod pas grub par mdzad pa thub pa'i rgyal po mchog/ spyan ras gzigs pa'i dbang phyug mgon po mchog myur ba/ /gzugs mdzes bde bar gshegs pa'i sras po'i tshul 'dzin cing/ /sku yi mchog ni mtshan gyi me tog gis brgyan pa/ /bde bar gshegs pa 'od dpag med pa'i dbu rgyan 'dzin/ /g.yon pa'i phyag ni gser gyi pad+mas rnam par brgyan/ /g.yas pas yi dags bkres pa'i gdung ba sel bar mdzad/ /dri med dmar ser ral pa gya gyur du ba 'dra/ /zla ba'i gzugs brnyan yang dag rgyas shing gang 'dra'i zhal/ /mchog tu mdzes pa'i spyan ni pad+ma lta bur ?/ /kha ba'i dung ltar dkar ba'i 'gram dogs can/ /lte ba'i gnas ni chu skyes dkar po dang mtshungs shing/ /sku dang phyag mthil pad+ma'i 'dab ltar shin tu mnyen/ /gzhon nu'i na tshong chags pa'i tshon gyis ma gos/ / me tog phreng ba mang po'i sbyor bar rnam par brgyan/ /zhal gyi spubs nas ri dags rgyal po'i nga ro dang/ /ston ka'i chu 'dzin 'jug gi sprin sgra sgregs pa bzhin/ /nu ma g.yon du ri dags lpags pas nges par bkab/ /nor
- 179a
bus spras pa'i ska rags sku la 'chang ba ste/ /lta zur rnam par dkris pa'i ras kyi gos bzangs 'dzin/ /nor bu'i rkang gdub mdzad par rgyus pa zung gi zhabs/ /glang po rnam par rtsen pa dag dang dang ba'i 'gros/ /yid bzhin nor bu dpag bsam shing 'dri'i ngo 'tshar gzugs/ /dpal ldan po ta la yi gnas su nges bzhugs te/ /bsam gtan bzhi la mnyam par gzhag pa'i spyan mnga' zhing/ /dga' dang snying rje'i rang bzhin g.yo zhing mdzes par gzigs// bder gnas don gyi phyag gis rims dang nad 'phrog byed/ /dge zhing zhi byed bde ba mang por mdzad pa'i phyag/ bsod nams mang po nye bar bsags pa'i phyag mthil can/ /srid gsum mthar byed sa dang nam mkhar spyod rnams kyis/ /bsngags pa'i sku ni rnam pa sna tshogs mi 'khrugs shing/ /'o ma'i chu gter rgya mtsho lta bur rtag tu gnas/ /rgyal ba'i ye shes rgya mtsho chen po'i pha mthar son/ /pha rol phyin bcu bdud kyi stobs las nges par rgyal/ /tshangs pa'i gnas bzhis dben par spyod mdzad dam pa'i don/ /gnyis med ye shes de bzhin nyid du rnam sangs rgyas/ /bcom ldan 'phags pa spyan ras gzigs dbang bstod phyag 'tshal/ /dge slong ma zla mdzes kyis bstod pa mdzad pa rdzogs so// //'di ni rgya gar shar phyogs kyi btsun pa tsan+d+ra sh+rI'i ngag las 'byung ba dang rgya dpe bstun nas/ dge slong bsod nams rnams rgyal gyis bsgyur ba'o// //spyan ras gzigs dbang po mgon po mchog la bstod pa yi/ /bsod nams gang zhing zla ba dung ltar dkar ba des/ /rgyal ba kun gyi sras kyi thu bo de lta bur/ /sdug bsngal 'gro la mi 'jigs rtsol ba nyid gyur cig /ral pa 'chang zhing shin tu zhi ba yangs pa'i spyan/ /rtag par rab tu dang ba zla ba'i dkyil 'khor zhal/ /lha dang lha min rnams
- 179b
kyis zhabs kyi 'dam skyes la/ /phyag byas nor bu pad+ma las byung mgon por 'dud/ /'phags pa 'jig rten dbang phyug la/ /klu'i rgyal po nor rgyas kyis bstod ba/ dpal nags kyi rin tshan gyi zhal sngar bsod nams rnam par rgyal bas bsgyur ba'o// // (*/ /'phags pa spyan ras gzigs dbang phyug la bstod pa dge slong ma dpal mos mdzad pa bzhugs//) !/ /rgya gar skad du/ AryA ba lo ki te shwa rA ya sto tra/ bod skad du/ 'phags pa spyan ras gzigs dbang phyug la bstod pa/ 'jig rten mgon po la phyag 'tshal lo/ /'jig rten bla ma srid pa gsum gyis bstod pa'o/ /lha'i gtso bo bdud dang tshangs pas bstad pa po/ /thub pa'i rgyal mchog bstod pas grub par mdzad pa po/ /bde gshegs dpag med sku mchog sku bzad 'dzin pa po/ /bde gshegs snang mdza' yas kyi dbu rgyan 'dzin pa po/ /g.yon pa'i phyag ni gser gyi padmos brgyan pa po/ /dri zhim ral pa'i phreng ba dmar ser 'byug pa po/ /zhal ras rgyas pa zla ba lta bur mdzes pa po/ /ston ka'i padmo mchog la bzad pa yangs pa po/ /kha ba dung ltar rnam dka' dri dang ldan pa po/ /dri med chags med mu tig tshom bu 'dzin pa po/ /mdzes pa'i 'od zer skya reng dmar pos brgyan pa po/ /pad+mar mtshungs pas phyed ni dmar bar byas pa po/ /ston ka'i sprin gyi 'brug sgrar ldan zhing gzhon pa po rin chen mang pos dpung pa gnyis ni brgyan pa po/ /'o ma'i mtsho ltar phyag mthil gzhon zhing 'jam pa po/ /rigs pags pas nu ma g.yon pa bkab pa po/ /snyan cha gdu bus sgeg cig rgyan rnams 'chang ba po/ /dri ma med pa'i pad+ma bde mchog 'byung ba po/ /lte ba'i ngos ni pad+ma'i 'dab ltar 'jam pa po/ /gser gyi rkang gdub sgra yis zhabs yid 'ong pa po/ /gser gyi ska rags mchog la nor bus spras ba po/ /sta zur dkris pa'i ras ni rab bzang 'dzin pa po//
- 180a
dga' ba mkhyen pa'i mtsho chen pha rol phyin pa po/ /mchog brnyes bsod nams mang pos nye bar bsags pa po/ /rtag tu bde ba'i 'byung gnas rga nad sel ba po/ /lus can mchog ste bdud dpung 'khrugs las rgyal ba po/ /gsum thar mdzad cing mkha' spyod spyod pa ston pa po/ /yongs rdzogs nye bar bsags shing brtan pa gnyer ba po/ /tshangs pa'i gnas pa bzhi yis dbang par mdzad pa po/ /ngang pa'i 'gros dang glang chen dregs 'drar gzigs pa po/ /'gro ba ma lu srid pa'i mtsho las sgrol ba po/ /gang zhig rtag tu tho rangs langs nas gus pa yis/ /spyan ras gzigs kyi dbang po yid la sems byed cing/ /bstod pa'i mchog 'di dag cing gsal bar 'don byed na/ / de ni skyes pa 'am yang na bud med yin yang rung/ /'jig rten 'di dang ma 'ongs skye ba thams cad du/ /'jig rten 'jig rten 'das pa'i don rnams kun 'grub 'gyur/ /'phags pa spyan ras gzigs dbang phyug la bstod pa/ dge slong ma dpal mos mdzad pa rdzogs so// //rgya gar skad du/ AryA ba lo ki te shwa ra sto tra/ bod skad du/ 'phags pa spyan ras gzigs dbang phyug gi bstod pa/ /rje btsun thugs rje chen po la phyag 'tshal lo/ / spyan ras gzigs dbang 'jig rten mgon/ /'khor ba'i 'dam gyis ma gos pas/ /pad+ma zla ba'i gdan dang ldan/ /thugs rje che la phyag 'tshal lo/ /skyon gyi ma gos sku mdog dkar/ /rdzogs sangs rgyas kyi dbu rgyan can/ /thugs rje'i spyan gyis 'go la gzigs/ /spyan ras gzigs la phyag 'tshal lo/ /sangs rgyas bye brag bcu gcig zhal/ /rtsa ba'i zhal ni dkar po mdzes/ /ljang dang dmar po g.yas dang g.yon/ /zhi ba'i zhal la phyag 'tshal lo/ /dbus ljang g.yas
- 180b
dkar g.yon dmar zhal/ /dbus dmar g.yas ljang g.yon dkar zhal/ /spyan dkyus ring zhing zhal phra ba/ /'dzum bcas bzhugs la phyag 'tshal lo/ /khro zhal nag po spyan gsum pa/ /mche gcig skra mdzes sma ra sel/ /steng zhal dmar po btsugs tor ldan/ /bcu gcig zhal la phyag 'tshal lo/ /chos nyid thugs chung thugs kar thal mo sbyar/ /thugs rje rgyun chad med pas phreng ba 'dzin/ /yi dags bkres skom sel ba'i mchog sbyin phyag/ phyag g.yas 'khor lo bsnams la phyag 'tshal lo/ /'khor ba'i 'dam gyis ma gos pad+ma bsnams/ /ril pa spyi blugs nyon mongs dri ma khru/ /thabs dang shes rab gnyis med mda' gzhu bsnams/ /rnam par brgyad ldan khyed la phyag 'tshal lo/ /rin chen rgyan mda' kun nas mun sel zhing/ /sku mdog dkar gsal ri dags pags pa 'dzin/ /gzhon nu lang tsho ldan pa'i 'dzum bcas zhal/ /'gro ba'i sdug bsngal sel la phyag 'tshal lo/ /bcom ldan blta bas mi ngoms sna tshogs sku/ /thugs rje mthar phyin phyag stong 'gro rnams skyob/ /shes rab mthar phyin dri med spyan stong gzigs/ /'jigs pa kun nas skyob la skyabs su mchi/ /thugs rje gsal mdzad zla ba dri ma med/ /zhal gcig phyag bzhi sku mdog zla ba'i 'od/ /skyabs sbyin rnga yab pad+ma chu shel 'dzin/ /me yi 'jigs pa skyob la skyabs su mchi/ /sems can re skyong yid bzhin 'khor los bsgyur/ /zhal gcig phyag bzhi sku mdog gangs ri'i mdog/ skyabs sbyin rin chen pad+ma 'khor lo 'dzin// chu yi 'jigs pa skyob la skyabs su mchi/ /yon tan rab rgyas nor bu 'dzin pa po/ /zhal gcig phyag bzhi sku mdog gser dang mtshungs/ /skyabs sbyin nor bu pad ma po ti 'dzin/ /seng ge'i 'jigs pa skyob la skyabs su mchi/ /'gro rnams
- 181a
smin mdzad nyi ma rab tu snang/ /zhal gcig phyag bzhi sku mdog btso ma 'dra/ /skyabs sbyin utpal pad ma me shel 'dzin/ /glang po'i 'jig pa skyob la skyabs su mchi/ /sems can yongs sgrol thugs rje don yong zhags/ /zhal gcig phyag bzhi pad+ma rA ga'i mdog /skyabs sbyin lcags kyu pad ma zhags pa 'dzin/ /rgyal po'i 'jigs pa skyob la skyabs su mchi/ /dbang bsdus chen po chu srin 'dzin khri dpal/ /zhal gcig phyag bzhi ku sha'i mdog 'dra ba'i/ /skyabs sbyin rgyal mtshan pad ma gaN+Di 'dzin/ /klu yi 'jigs pa skyob la skyabs su mchi/ /dug gsum 'jom mdzad ha la ha la che/ /zhal gcig phyag bzhi bai DUrya 'dra ba/ /skyabs sbyin rtse gsum pad+ma ba dan 'dzin/ mkha' 'gro'i 'jigs pa skyob la skyabs su mchi/ /dngos po'i stobs 'joms mthu chen rab thob pa/ /zhal gcig phyag bzhi in+d+ra nI la'i mdog /skyabs sbyin rdo rje pad ma dril bu 'dzin/ /mi rgod 'jigs pa 'joms la skyabs su mchi/ /me chu seng ge glang chen lcags sgrog sprul/ /mkha' 'gro mi rgod 'jigs pa brgyad las ni/ /gang la gang 'dul 'phrin las rnam pa bzhis/ /smin mdzad spyan ras gzigs la skyabs su mchi/ /gtso bo 'jigs pa kun las skyob mdzad cing/ /sprul pa'i 'khor gyi gdul bya'i snang ba la/ /zhi ba rgyas pa dbang dang drag tshul du/ /skyob mdzad spyan ras gzigs la skyabs su mchi/ /yon tan rab rgyas rgyan rnams kun gyis brgyan/ /byams pa'i na bza' thugs rje'i 'od zer 'phro/ /byang chub sems kyi dpa' rtags stag pags can/ /'jigs gzugs spyan ras gzigs la skyabs su mchi/ /mgon po khyod kyi yon tan brjod pas ni/ /gang gA'i klung gi bye snyed sangs rgyas la de snyed phyag dang
- 181b
mchod byas gyur ba yi/ /don ldan spyan ras gzigs la skyabs su mchi/ /'phags pa spyan ras gzigs dbang phyug gi bstod pa/ dge slong ma dpal mos mdzad pa rdzogs so// // !/ /rgya gar skad du/ b+haTTa raka mahA kA ru Ni ka sto ta/ bod skad du/ rje btsun thugs rje chen po la bstod pa/ /thugs rje chen po la phyag 'tshal lo/ /spyan ras gzigs dbang thugs rje can/ /skyon gyis ma gos sku mdog dkar/ /rdzogs sangs rgyas kyi dbu rgyan can/ /thugs rje spyan gyis 'gro la gzigs// spyan ras gzigs la phyag 'tshal lo/ /thugs rje dang ni shes rab gnyis/ /mnyam par sbyor ba'i thugs mnga' zhing/ /phyag gnyis thugs kar mnyam sbyor ba/ /dpal ldan mnyam sbyor la phyag 'tshal/ /sangs rgyas kun gyi snying po gtso/ /gsang sngags rgyal po'i bgrang phreng mchog /mu tig lhar dkar g.yas na 'dzin/ /rig sngags 'chang la phyag 'tshal lo/ /'khor ba'i 'dam gyis ma gos pas/ /dag pa'i shel ltar 'od gsal ba/ /pad+ma dkar po g.yon na 'dzin/ /phyag na pad+ma phyag 'tshal lo/ /chos dbyings rnam dag dri ma dag /zla ba'i 'od ltar rgyal ba'i yum/ /gzugs kyi lha mo yid 'ong sku/ /yig drug ma la phyag 'tshal lo/ /mdza' yas 'od ldan gser mdog can/ /yid bzhin nor bu chen po ltar/ /sems can re 'dod skod mdzad pa/ /nor bu 'dzin la phyag 'tshal lo/ /rang bzhin mi dmigs stong pa'i ngang/ /bud med gzugs kyis 'gro ba 'dul/ /gsang sngags ngo bo shes rab bskyed/ /rig sngags che la phyag 'tshal lo/ /rje btsun thugs rje chen po la bstod pa dge slong ma dpal mos mdzad pa rdzogs so// // !/ (/'phags pa spyan ras gzigs dbang phyug gi sgrub thabs brgya rtsa brgyad pa slob dpon chen po guptas mdzad pa bzhugs so/) / !/ /rgya gar skad du/ aSh+To t+ta rA ta Arya ba lo ki ta shwA?
- 182a
ra sA d+ha naM/ bod skad du/ 'phags pa spyan ras gzigs dbang phyug gi sgrub thabs brgya rtsa brgyad pa/ rje btsun thugs rje chen po spyan ras gzigs dbang phyug la phyag 'tshal lo/ /gang gis tshogs rab gnyis bsags pas/ /de nyid zab mo mngon gzigs te/ /brtse bas 'gro la sna tshogs thabs/ /ston mdzad 'jig rten gsum mgon 'dud/ /stong nyid snying rje las byung ba/ /rnam lnga byang chub che bdag nyid/ /sku gsung thugs kyi thugs dag pa/ /'jig rten mgon po mkhas pas sgrub/ /pad no zla dbus gzhon nu'i sku/ /skyil krung phyed brkyang 'gying bag brtan/ /zla ba rgyas pa'i zhal mdzes las/ /sa gsum bdag gir mdzad gzigs pa'o/ /mchog sbyin pad mo'i g.yas dang g.yon/ /rgyal ba'i cod pan rin chen brgyan/ /'od dpag med kyis spyi gtsug mdzes/ /de yi thugs ni pad mar rgyas/ /h+rI(rgyud 'grel): yig rang sems 'od gsal ba/ /sa gsum sbyong mdzad yi ge bzhi/ 'khor lo rnam gsum dam tshig bzhi/ /sgyu ma brag cha mkha' 'dra'o/ /thugs rje chen po kha sarba Na'i sgrub thabs tshigs su bcad pa bzhi pa rdzogs so// //thugs rje chen po la phyag 'tshal lo/ /srid gsum gtso bo zhi ba'i lha/ /thugs rjes mi brnyel shes rab kyis/ /chags bral 'jig rten dbang phyug gi /zhabs kyi pad mor spyi bos 'dud/ /gsum la skyabs song sems bskyed pas/ /byams sogs tshad med legs sbyangs shing/ /brtse chen ye shes snying gi mes/ /lus can sgrib pa'i bud shing bsreg /rnam lnga byang chub las 'khrungs sku/ /gzhon nu dkar mdzes phun tshogs tshul/ /mchog sbyin pad mo g.yas dang g.yon/ /'od dpag med kyis dbu brgyan sgom/ /de snying pad ma 'dab bzhis te/ /lte bar rang sems hUM yig ni/ /oM dang A(rgyud 'grel): dang h+rI(rgyud 'grel): hUM bzhis/ /bskor ba'i ngag gis sa gsum sbyang/ /me long gzugs dang
- 182b
brag cha'i sgra/ /mkha' 'dra dag dang dri med dang/ /ye shes 'phrin las sbyar ba yis/ /sems 'di lha yi bdag nyid 'gyur/ /'jig rten dbang phyug gi sgrub thabs rdzogs so// //thugs rje chen po ye shes sems dpa' la phyag 'tshal lo/ / rnal 'byor dbang phyug byams pa dang/ /snying rje dga' ba btang snyoms las/ /byung ba'i byang chub sems kyi bdag /'jig rten mgon po la phyag 'tshal/ /de zhabs padmo la reg pas/ /'jig rten sdug bsngal bsgral ba'i phyir/ /ji bzhin ji ltar sgrub pa'i thabs/ /mdor bsdus bdag gis bstan par bya/ /mkha' ltar bri med stong nyid dbyings las dbang po'i gzhu ltar gsal ba'i dngos/ /pad mo zla ba rgyas pa gsung thugs 'od 'phro sgyu ma'i rnam thar sprul pa'i sku/ /rab mdzes sku ni gzi brjid brtan mdzes 'bar ba'i 'od zer dkar 'phrigs pa/ /skyil krung phyed brkyang dul ba'i phyag g.yas mchog sbyin pad mo g.yon gyi phyag /padmo sdong mdzes dri med 'dab rgyas gzhon nu sgeg pa'i thugs kar 'dzin/ /shel ltar dri med utpal spyan ring kun nas yid 'phrog 'od 'bar zhal/ /brtan po dkar gsal zla rgyas stong lhag ral pa'i cod pan thub pa'i gdan/ /'bar ba'i rin chen dri med sna tshogs shin tu 'od sbyangs legs spras mdzes/ /mkha' la nyi ltar lham me lhang nge nam mkha' i mdza' gtugs 'od 'gyed pa/ /dpe byad mtshan rdzogs gcig pu skyob pa skyabs kyi dam pa bla med ni/ /shin tu rtogs dka' de nyid gzhir gyur snying gi pad 'dab h+rI(rgyud 'grel): yig// //gang ba'i phyogs rnams de bzhin de gzugs oM dang A(rgyud 'grel): dang h+rI(rgyud 'grel): hUM bsam/ /dkar sogs kha dog dag gi phreng ba yid ni ye shes yig 'bru'i dngos/ /brtse ba'i rlung bskyed ye shes me 'bar 'gro ba'i sdig tshogs bud shing bsreg /zhi ba'i dang nyid gnyis med mi dmigs
- 183a
mkha' ltar spros bral ro gcig ro/ /bde chen 'byung gnas ye shes dri med mnyam gzhag chen por bsgom par bya/ /de rjes mchod sogs dag pa'i yan lag cho ga ji bzhin ye shes sems dpa' legs bcug ste/ /rnam gsum 'khor ba dkar dmar sngo tshul go rim ji bzhin sku gsung thugs/ /mtho ris sa steng ngan 'gro'i sar gnas skye dgu'i snying rab sim byed pas/ /brtan g.yo'i mtshan nyid dam pa'i zhal bzhin mkhas pas rab tu shes par bya/ /thugs rje chen po ye shes sems dpa' i sgrub thabs rdzogs so// //'phags pa spyan ras gzigs 'khor lo gsum la phyag 'tshal lo/ /sa bla dang ni sa steng sa 'og dud 'gro la sogs sbyong ba yi/ /'khor lo dri med dkar dang dmar po rnam par sngo/ /spyi bo snying ga lte ba'i dbus bzhugs zla ba dang/ /padmo nyi ma haM dang hUM dang As(rgyud 'grel): mtshan pa'o/ /de la spyi bo bde ba chen po'i bdag nyid kyi rtsibs sum cu rtsa gnyis pa'i 'khor lo zla ba'i kha dog can no/ de'i snying po la ni gsal byed dmar pos brgyan to/ /snying khar ni chos kyi bdag nyid kyi 'dab ma bcu drug pa'i pad+ma 'bur ba byu ru'i kha dog can no/ /de'i snying po la ni dbyangs yig dkar pos brgyan to/ /lte bar ni sprul pa'i bdag nyid kyis rtsibs drug cu rtsa bzhi ral gri'i kha dog can no/ /de'i snying po la ni 'bebs sngon pos brgyan to/ /gsum ka'i srog shing ni rtswa mchog go/ lcags kyu zhes bya ba'i rlung gis bskor bar bya'o/ /'og mas ni sbar bar bya'o/ /thog mas ni dbab par bya'o/ /bar mas ni bsre bar bya'o/ /thams cad las ni ye shes rang byung ngo/ /'dzag pa la sogs pa'i rim pa yang phreng ba'i 'khor lo la'o/ /rab tu gsal ba dang bde ba chen po dang rnam par mi rtog pa 'byung bar 'gyur ro zhes bya
- 183b
ba'i don to/ /rtsa dang rlung dang thig le nyid sbyor bar bshad do/ /pha dang ma dang bde bar gshegs pa'i snying po yi sa bon te/ thog ma dang tha ma dang bar ro/ /sku gsung thugs rnam par spyod pa nyid do/ /'dus byas 'dus ma byas gnyis med/ /zab mo mngon par 'byung ba'i lam/ /rtog pa'i rgyal po las bsdus pa/ /rnal 'byor la phan byed pa yin/ /spyan ras gzigs 'khor lo gsum bsgom pa rdzogs so// //thugs rje chen po rgyal ba lnga la phyag 'tshal lo/ /shin tu rnam dag dang ba'i mtshor/ /rab mdzes sdong bu lnga ldan steng/ /rnam snang rdo rje sems dpa' dang/ /rin 'byung 'od dpag med don grub/ /lnga rig rnam dag sna tshogs gzugs/ /dngos gcig rgyal ba lnga la 'dud/ /byang chub sems dpa' i spyod pa khyad par can la gnas pas snying rje chen po mdun du byas la/ /thog ma kho nar chos thams cad stong pa nyid du rab tu bsgom par bya'o/ /gdod nas ma skyes 'od gsal ba/ /gang shar nyid na ngo bo nyid/ /chos rnams kun gyi mtshan nyid de/ /bla ma'i drin gyis rtogs par 'gyur/ /gang 'di ltar ngo bo med pa'i chos 'di dag ni zab pa'i phyir rtogs dka' bas mi shes pa'i 'gro ba lnga po ni nges par sdug bsngal ba'o zhes brtags nas dmigs pa med pa'i thugs rje chen po rlung gi dkyil 'khor mngon par bskyod pas/ /skye bo nyon mongs sgrib tshogs sprin gyi phung po shin tu 'thug po gtibs gyur la/ /tsham tshom med par drag po'i shugs kyis kun tu rab tu dral zhing yongs su gtor/ /de yi thabs gyur thugs rje'i dbyings skyes sna tshogs mdzad pas dbyer med cig cher bsgrub pa yi/ /mgon po dam pa rigs kyi lha lnga bsgrub cing stobs lnga sogs/ /de la dbus sogs sdong 'dab bcas/ /zla ba'i 'khor lo gsal ba la/ /me long gzugs ltar 'bru lnga bsam/ /'phrin las la sbyar skur bskyed do/ /rnam par snang mdzad
- 184a
ni kha ba'i mdog can ji skad 'byung ba'i phyag rgya can h+rI(rgyud 'grel): yi snying po can 'khor los mtshan pa'o/ /rdo rje sems dpa' ni nam mkha' i mdog can ji skad 'byung ba'i phyag rgya can hUM gi snying po can rdo rjes mtshan pa'o/ /rin chen 'byung ldan ni gser btso ma'i mdog can ji skad 'byung ba'i phyag rgya can traM gi snying po can rin po ches mtshan pa'o/ /'od dpag med ni me lce 'bar ba'i mdog can ji skad 'byung ba'i phyag rgya can h+rI(rgyud 'grel): yi snying po can padmos mtshan pa'o/ /don yod grub pa sA lu ljang pa'i mdog can ji skad 'byung ba'i phyag rgya can a'i snying po can ral gris mtshan pa'o/ /'di dag dbus bcas phyogs rnams su/ /rim bzhin las lnga mdzad pa la/ /brtson pas ting nge 'dzin bzhugs pa/ /bdag sbyang ba dang gzhan sbyang gnyis/ /oM A swA pA rA rtha dz+nyA na swa b+hA ba shud d+ha pra kA sA hUM/ 'khor lo lta bu'i sngags so/ /thugs rje chen po lha lnga'i sgrub thabs rdzogs so// //'phags pa spyan ras gzigs dbang phyug stong nyid tshad med bzhi'i bdag nyid la phyag 'tshal lo/ /rnam lnga mngon par byang chub rim/ /tshangs pa'i gnas pas legs par gnas/ /rnam dag stong pa nyid dag la/ /rgyal ba lnga ni bsgom par bya/ /bcu drug rgyang grags padmos khebs pa'i mtsho nang nas/ /klu shing sdong po dri med mdzes lcug legs 'khrungs rtser/ /pad+ma zla ba h+rI(rgyud 'grel): yig gis mtshan yongs gyur pa/ /dpal ldan stong nyid spyan ras gzigs ni dang por bsgom/ /de ni dkar gsal gzi brjid mdzes/ /sna tshogs rin chen rgyan gyis spung/ /h+rI: yig dung mdog snying por bcas/ /'gro la stong pa nyid ston bzhengs/ /de rjes yang dag rjes 'gro ma yin dang/ /dmigs bcas dmigs bral mngon par 'du byed dang/ /de yi nges pa'i sar chud mtshan med shin tu zhi ba yis/
- 184b
yid brtan pa byas la lha bzhi rnam par sprul par bya/ /byams pa tshad med la skyes shing/ /h+rI(rgyud 'grel): yig sngos mtshan sngon po'i mdog /'od kyi dkyil 'khor sngo ldan pa/ /byams pas 'gro skyob shar du 'o/ /snying rje tshad med las skyes pa/ /h+rI(rgyud 'grel): yig ser ldan ser po'i mdog /'od kyi dkyil 'khor ser mnga' ba/ /snying rjes 'gro skyob lho ru'o/ /dga' ba tshad med las skyes pa/ /h+rI(rgyud 'grel): yig dmar mnga' dmar po'i mdog /'od kyi dkyil 'khor dmar 'khyil ba/ /dga' bas 'gro skyob nub tu'o// btang snyoms tshad med las skyes pa/ /h+rI(rgyud 'grel): yig ljang mtshan ljang khu'i mdog /'od kyi dkyil 'khor ljang gsal ba/ /btang snyoms 'gro skyob byang du'o/ /dkyil 'khor bzang lnga ji ltar gzhug pa'i cho ga yis/ /legs bcug lus can nam mkha' i mdza' mnyam mnyen tshogs la/ /rim dang rim min stong nyid tshad med drag bsgoms nas/ /mkhas pas don bsgrub lha lnga'i 'phrin las rab 'byam spro/ /dpal 'jig rten mgon po tshad med bzhi'i sgrub thabs rdzogs so// // jo bo thugs rje chen po yi ge drug pa la phyag 'tshal lo/ /de nas bde chen shes rab snying rje mchog ces 'byung ba'i sgrub thabs bshad par bya'o/ /bde chen stong pa nyid bdag lha/ /mgon po nyid dang shes rab mchog brtse chen rang bzhin nor bu dang/ /padmo 'dzin la phyag 'tshal bshad/ /rnal 'byor rgyal po shes rab thabs/ /rigs 'dzin dkyil 'khor bla na med/ /dpal ldan pha rol phyin drug dngos/ /cho ga'i dam pa 'di gsungs so/ /oM ma Ni padme hUM/ gsang sngags rgyal po yi ge drug lugs 'byung ba dang lugs bzlog las/ /rgyud drug 'gog dang lam drug sbyor/ /'bras bu drug la rab sbyor nyid/ /de bzhin rgyud drug bskyed pa dang/ /lam drug la ni sbyor ba dang/ /'bras bu drug ni mngon du bya/ /gzi
- 185a
brjid drug pa zhes bshad do/ /oM A(rgyud 'grel): h+rI(rgyud 'grel): hUM phaT/ rang bzhin dbyer med stong pa nyid/ /chos rnams kun gyi mtshan nyid de/ /'gag pa med dang gsal med dang/ /ma bsgribs 'gro 'ong med mtshan nyid/ /oM A(rgyud 'grel): h+rI(rgyud 'grel): ma Ni hUM/ shes rab chen po dri ma med/ /rnam par shes kun mtshan nyid de/ /ma skyes mi gnas 'gag pa med/ /gdod nas rnam grol mngon sum pa/ /oM A(rgyud 'grel): pad me hUM/ snying rje chen po lhun gyis grub/ /dmigs pa kun gyi mtshan nyid de/ /mi phyed mi 'gyur 'bral ba med/ /skyo med re ba rnams spangs pa'o/ /chos kun mtshan med mkha' 'dra'i rnal 'byor dag pa la/ /thugs rje'i spyan bskyod padmo zla dbus gzhon nu'i sku/ /zhal gcig phyag bzhi ji bzhin phyag rgyas mtshan pa dang// de bzhin g.yas g.yon nor bu padmo 'dzin pa'o/ /dam tshig rdo rje lha gsum la/ /ye shes mkha' spyod gsum bcug la/ /thun mong thun mong ma yin pa'i/ /rnal 'byor rim pas bzlas par bya/ /lha'i rim pas sngags rim bzhin// rnam gsum rdzogs pa'i rim pa yang/ /mkhas pas 'bad de bsgom par bya/ /dpal 'jig rten mgon po yi ge drug pa'i sgrub thabs rdzogs so// //bcom ldan 'das thugs rje chen po yid rnyog pa med par mdzad la phyag 'tshal lo/ /sa gsum dbang phyug lha gsum 'jig rten 'od mdzad ni/ /gangs ri ltar dkar skal ldan yid kyi ngal so'i rgyu/ /bde gnas mchog sbyin gcig pu rtag tu dbugs 'byin brtson gyur gang/ /dpal ldan mgon po spyan ras gzigs dbang nyid rtag 'dud/ /ring nas dub pa skyabs med pa/ /rnam g.yeng rnam par gzings pa yis/ /rtag tu nyon mongs gyur pa gang/ /de dag ngal ba'i thabs 'di brjod/ /yid dang rjes mthun gnas su ni/ /blo
- 185b
ldan rnyog pa med yid kyis/ /bltos pa thams cad dor nas su/ /lha gsum rnal 'byor bsgom par bya/ /stong pa nyid skyes pad+ma dang/ /bde chen las grub zla dkyil du/ /lus ngag sems kyi rang bzhin rim/ /h+rI(rgyud 'grel): dang A(rgyud 'grel): dang hUM zhes pa/ /dkar dang dmar po sngon po dag /sku gsung thugs dag sbyar ba yis/ /bsams la 'od spro bsdu ba yis/ /phyag 'tshal nyid dang sku blta'o/ /de la dbus su 'jig rten mgon/ /gzhon du dkar sgeg mdzes pa'i gzugs/ /g.yas su khro gnyer dmar mdzes khro/ /g.yon du sgrol ma ljang dul ma'o/ /rang rang 'dab skyes 'dab bzhi'i thugs/ /rtsa ba'i yi ge bzhin mtshan pa/ /rang gi snying po sa bon bcas/ /gsal byas ye shes gzhug par bya/ /de nas dub pa ngal so'i phyir/ /cho ga ri sbyor bas 'gro ba yi/ /sems dul ngal pa rnyed pa la/ /brtson pas gsang sngags bzlas par bya/ /rang dang rjes mthun 'od zer gyis/ /'gro ba'i dub pa gang gi rgyu/ /chags sdang ma rig las bcas 'phros/ /sdug bsngal dri ma bsal bar 'gyur/ /de rjes mkhas pa dmigs bcas dang/ /dmigs bral rnam par mi rtog la/ /rnal 'byor gnyug mar gnas na ni/ /ma lus mtshan ma rnam grol bsgom/ /gang phyir gang du gang gis gang/ /ji ltar bcing bas bdag dub pa/ /de phyir de yis der de nyid/ /de ltar grol bas bdag ngal ba'o/ /e ma'o rnal 'byor zab mo che/ /e ma'o 'ching ba 'ching ba med/ /e ma'o rtag tu bde ba che/ /e ma'o e ma ngo mtshar rmad/ /yang ni dmigs bral nyid yid kyis/ /lus can dmigs med dmigs byas la/ /stong nyid 'od zer dbugs 'byin pa'i/ /sbyor bas dub ba ngal so bya/ /nam mkha' i mdza' gtugs srid ni 'di dag mi dal/ sems dub rnam pa kun tu nyon mongs dbang gyur sdug bsngal ni/ /sna tshogs kun rtog bag chags
- 186a
las bcas 'dzin pa'i blos bslad mngon zhen 'chid pa dam pa'i mdud pas nyer bcings pa/ tshog gang gis de shes gyur na skad cig de la dpag med rgyal ba'i phyag gis rjes bskyabs dri rdul med/ /snying gi dbus su bde ba che thob gzha' lus 'di dang tshangs pa'i dag thob 'gro ba'i gnyen gcig bla mar gyur/ /gang tshe skyo bas ldang 'dod na/ /dran pas brtan par byed pa yi/ /ting nge 'dzin la mnyam gzhag nas/ /brtse ldan dal bus ldang bar bya// kha na ma tho med dran bcas/ /rnal 'byor rnam par mi rtog dang/ /byams ldan kun tu yid bzhugs pa/ /rjes spyod dge tshogs brtsam par bya/ /sems ngal so ba'i thugs rje chen po'i sgrub thabs rdzogs so// //spyan ras gzigs yi ge dang yi ge med pa la phyag 'tshal lo/ /de nas khyod la yi ge med ces 'byung ba'i sgrub thabs bshad par bya'o/ /lus gnas a haM hUM yig la/ /ka dang a phreng phyogs bdag bzhi/ /ye shes me lce lhan cig 'jug/ zhu ba stong nyid rnam dag go /de ltar lha'i ting nge 'dzin dang ldan pas yi ge can gyi rim pa gnyis po 'di lta ste/ 'bar ba dang 'bab pa'o/ /bab pas zad par gyur pa na rtsa ba chad pas 'khor lo dang 'khor lo chen po thams cad 'chig bar 'gyur ro/ /tshig pa rnam par rtog pa'i yi ge gsum yang nub par 'gyur te/ bde ldan zad pas chags pa dang/ /'bar byed zad pas sdang pa nyid/ /sa bon zad phyir gti mug kyang/ /brlag 'gyur yi ge las yig med/ /lus med sems ni mi 'gro mi 'ong gnas pa med/ /sgyu ma'i skyes bu dga' dang gdung ba gang thob pa/ /'di nyid chos kun nam mkha' lta bur sgrub po la/ /yi ge med pa'i rnal 'byor zab mo ston pa yin/ /gang zhig yid
- 186b
la byed na yang/ /de tshe de ni de nyid yang/ /dngos po 'ga' yang mi byed phyir/ /bdag nyid yi ge med par brjod/ /gang du snang ba'i yi ge ni/ /de gnas par ni mi 'gyur te/ /gnas med gnas par rab snang ba/ snang ba phyi nang med yi ge/ chos kun yi ge med mtshan nyid/ /de ni gdod nas yod min zhing/ /slar yang yod par mi 'gyur bas/ /yi ge thog mdza' med ces bshad/ /ngo bo gnas dang dus yig med/ /nam mkha' la ni sgra blo bzhin/ /bsam sogs rig par mi nus pa/ de bzhin nyid yig med pa'o/ /ji ltar ji ltar rtog pa nub/ /mnyam par gzhag pa 'od gsal brjod/ /de ltar de ltar rnam kun rtog/ thams cad de nyid mtshan nyid do/ /zab mo lkog du ma gyur dang/ /byed bcas byed pa med nyid dang/ /ci tsam snang ba de tsam du/ /dmigs pa chad phyir yi ge bral/ /de nas thun gyi dus la bab pa na slar yang gdul bya dang rang gi bsod nams dang smon lam gyi mthus/ /'phags pa spyan ras gzigs brtson pa'i cha lugs can rgyan spangs par bltas nas/ mtshan ma g.yeng bar mi 'gyur ba'i phyir/ /mchod rten la sogs pa'i las bsgrub par bya'o/ /thugs rje chen po yi ge med pa'i sgrub thabs rdzogs so// //'phags pa spyan ras gzigs phyag stong pa byang chub pa la phyag 'tshal lo/ /khyod ni stong pa nyid rang bzhin zhes 'byung ba'i sgrub thabs bshad do/ /gang zhig dbang po'i gzhu ltar dri med mngon par gsal ba'i sku gzugs mchog/ ston ka'i zla ltar rab tu dkar zhing phyogs bcur 'od mdzad khyab pa po/ /phra ba'i a dkar shin tu mi rtog ye shes ma lus bskyad pa'i gzhi/ /gang gis yongs shes de nyid gzhan min 'chi ba med thob brol byed rgyal/ /tA la bdun srid steng gi mkhar/ /padmo zla rgyas gdan steng na/ /dpal ldan stong nyid spyan ras gzigs/ /lus can lus med ston bsgom bya/ /dkyil 'khor
- 187a
'od gsal dri med kyis/ /sku brgyan padmos phyag mtshan pa/ /zla ba'i zhal mnga' sdig 'joms phyir/ /brtson pas bzhengs pa'i dbang po'o/ /'di yi thugs kyis pad 'dab brgyad/ /snang dang 'dzin pa zhen pa dang de rgyun yongs su sbyor ba dang/ /dri gsum sbyong phyir yig 'bru brgyad/ /oM A h+ri(rgyud 'grel): d+hi traM twaM khaM hUM/ dkar ser dmar ljang sngon po dang /dung mdog mngon par skabs yod dang/ /sna tshogs kha dog rim bzhin du/ /phreng ba dri med 'khor lo bsam/ /bsam gtan mchog gi phyag rgya la/ /gnas nas nges pa'i sbyor ba dang/ /yang dag rdzogs pa'i rim gyis su/ /spros bral la ni spros bral gzhag/ sor gzhag blta dang rang grol dang/ /gnyug ma nyid dang 'od gsal dang/ /lhun gyis grub dang de sbyang ba/ /yongs su dag pa nyid kyis so/ /'di dag bsgom dang bsgom pa yi/ /lam gzung ba dang skyon bsal dang/ /de la mthun pa bsgrub rnam gsum/ /rim pa bzhin du bstan pa yin/ /stong pa nyid bsgom pa'i man ngag rdzogs so// //'phags pa spyan ras (gzigs mar me spar pa la phyag 'tshal lo/) /de nas 'jig rten sgrol ma sgrol ma'i dbus zhes 'byung ba'i sgrub thabs bshad pa'o/ /sngags las skyes pa'i 'jig rten mgon/ /rnam dag sgron ma 'bar ba la/ /dgyes dgus rol par bzhugs pa ni/ /mar mes mun pa sel ba bzhin/ /nyi ma'i 'od zer nub gyur cing/ /zla ba nya bar ma gyur pa'i/ /mtshan mo mun pa thibs pa la/ /bsod snyems bsdus pa'i mar me 'bar/ /rdo rje thal sbyor gsang sngags kyis/ /btab pa'i rtsi yal sna tshogs pa/ /grong shing me lces bzhu byas la/ /snod bzang padmos mtshan pa yi/ /kong bu sin tu byi dor byas/ /smad tshong chang 'tshong gso ras ma'i/ /khyim blangs ras kyi sdong bu la/ /mgar gyi so mal mes bsregs bya/ /sgron ma'i
- 187b
dbus bzhugs h+rI(rgyud 'grel): mtshan pa/ /sgeg po gzhon nu rol pa'i tshul/ /zla ba'i 'od 'byin yid du 'ong/ /sor bzhi pa ni rnam par bsgom/ /de la me tog spos mchog sogs/ /sna tshogs mchod pa kun gyis mchod/ /'jungs ba rnams dang dbul po dang/ /sdig ldan rgyal po'i mar dkar sbyin/ /tshangs pa'i gnas bzhin nyer brtsams pa'i/ /chos sbyin rjes su yid byed dang/ /snying po'i rnal 'byor mchog sngor bcas/ /thun gsum du ni rtag tu bya/ /bdun phrag bdun gyi cho ga yis/ /tho rangs mtshan ma gsum mthong ba/ de tshe gzhon nu gzhon ma'i/ /ston mo byin la me tog gi/ phreng bas mgul brgyan me long dang/ /mar me'i 'khor yug dri byug dang/ /maN+Dal rol mo phul nas ni/ /mar me'i du ba'i thig le sbyin/ /de la sngags ni 'di yin te/ /a ka ru yi bdug pas bdug/ /oM A(rgyud 'grel): h+rI(rgyud 'grel): AryA ba lo ki ti a lo ka dz+nyA na dzwa la dzwa la bra ka spa ma ma tsi ta te smri ra hUM hUM hUM/ rang lus mar me 'bar ba dang/ /mkha' la lha mthong lung bstan pa'o/ /dpal kha sarba Ni mar me 'bar ba'i sgrub thabs rdzogs so// //'phags pa spyan ras gzigs sku gsum dang ldan pa la phyag 'tshal lo/ /de nas mchod rdzogs sprul pa'i sku 'chad pa zhes bya ba 'byung ba'i sgrub thabs bshad par bya'o/ /lus can kun gyi sems dbus la gnas bde chen 'od gsal dri med sku/ /de stobs kyis snang dpe byang brgyad cu de bzhin mtshan mchog sum cu gnyis/ /bcu gnyis mdzad sogs ji lta ji ltar gdul bya'i rigs bzhin de lta de/ /ston mdzad sku gsum rtag tu lhun grub 'jig rten mgon la phyag 'tshal 'dud/ /drang srong mchog gi pho brang mchog/ po ta la yi ngo bo yi/ /rtse nas skyob pa spyan ras gzigs/ /sku gsum zhes pa 'di bskyod bya/ /de ni zla ba'i kha dog go /zhal gsum g.yas sngo g.yon dmar/ /dbus dkar zhi ba'i spyan gsum/ /rab tu g.yo ba'i tshul yin/ /phyag drug dang po
- 188a
gnyis kyi/ /lte bar mnyam gzhag mchog mdzad/ /g.yas kyi gnyis par chos 'chad/ /g.yon na pad+ma 'dab rgyas/ /g.yas kyi gsum pa mchod sbyin/ /g.yon na bgrang phreng 'dzin pa/ /zhabs gnyis skyil krung brtan bcas/ /mi g.yo ? zhal dang po/ /de yi thugs ni pang rgyas/ /dri med mdzes dbus h+rI(rgyud 'grel): yig/ kun da ltar dkar 'od 'phro/ /mi brjed dran pas bsgom bya/ /oM A(rgyud 'grel): h+rI(rgyud 'grel): tri kA ya lo ka nA thA swA pa rA nwA? sid d+ha ka ra hUM hUM hUM/ ni shu gcig bcas sngags 'di sngags pa yis/ /nam langs thog thag nyi ma 'char ka dang/ /zla ba tshes dang chos brgyad nya ba'i tshe/ /stong nyid bde chen snying rje'i yid kyis bzlas/ /gang tshe mi rtog bskyed pa'i rim pa gsal gyur cing/ /sna tshogs phrin las sems la dbang gyur thob pa'i tshe/ /ci rigs rnam bzhi phrin las mthu la sbyar ba yis/ /'gro ba 'di dag myur du de yi dbang du 'gyur/ /de las sems ni dri med spros bral mi g.yo ste/ /'di ltar de ni gzung dang 'dzin pa'i g.yeng ba zad/ /de thob byed pa'i rdo rje 'dzin pa'i bka' drin las/ /sems ni sa bon h+rI(rgyud 'grel): yig la gnas brtan bas 'grub/ /gang zhig nges pas skad cig de la phyogs bcu yi/ /rgyal dang de sras nyan thos la sogs 'khor mang la/ /snang dang mi snang bde chen phun tshogs ston pa'i sku/ /dngos gsum dri med dag pa'i sku gsung thugs 'grub 'gyur/ /rtogs pas mi zad stong nyid snying rje zung 'jug gang/ /mthong ba'i mthu la de nyid ma rtogs sems can la/ /ji ltar gang 'dul de lta de la de ston pa'i/ /mdzad pa dpag med 'od zer phung po las sprul bya// ji ltar sku gsum mdzad dang 'di dag nyid kyi las/ /thub pa rnams kyis bstan par 'dzin pa'i sngags pa de nyid yin/ /de las nyin re'ang bsod nams phung po mdza' yas 'gyur/ /zla ba brgyad dam gsum mam gcig na rtags mthong blo mchog
- 188b
'gyur/ /tshangs dang brgya byin 'khor lo sgyur sogs mgos gtugs phyag 'tshal dang/ /smin mtshams nas 'thon nyi zla skar tshogs rnam par 'phro ba dang/ /seng ge glang chen sha ra Na bzhon phyogs bcur rgyug pa nyid/ /'od kyis lus thub bdud rtsi'i chu rgyun srin lag rtse nas 'bab pa'o/ /yang na rkang gnyis lha dang klu dbang gis bteg mkha' la 'gro/ po ta la dang dga' ldan bde ldan gnas sogs phyin pa dang/ /rin chen gzhal med sgo stong bye ba nas zhugs te stong ga nas/ /mgon po nyid phyag glang chen sna ltas bdag gi spyi bor reg pa'o/ /'di dag mthong nas blo ldan snyems med the tshom med pa dang/ /brtson 'grub lhag bskyed slar yang ji skad bshad pa'i rnal 'byor la/ /sbyor pa lhag mos nyin re lan gsum bsgom par byed na ni/ /mi de myur du spyan ras gzigs kyi blo gros dam pa thob par 'gyur/ /dpal kha sarba Ni'i sku gsum gyi gdams pa rdzogs so// //'phags pa spyan ras gzigs dbang phyug mkha' spyod la phyag 'tshal lo/ /de nas 'phags pa nam mkha' i spyod yul te zhes 'byung ba'i sgrub thabs bshad par bya'o/ /srid las ring gyur shin tu 'phags pa'i skur bstan pa/ /zla ba ltar dkar ye shes thugs kyi padmo las/ /legs 'khrungs phyogs char dbyangs can nor rgyun rdo rje phag /sgrol ma rnam bzhi'i cod pan rin chen gyis btud rgyal mdza' dang stong nyid chen po yi/ /rnal 'byor snying rje mchog gi dang/ /skye ba med las skye ba'i dngos/ /'phags pa thugs rje che bsgom bya/ /ta la bdun srid nam mkha' yi/ /ngos la sna tshogs pad zla'i steng/ /bdag nyid rnam par shes kyi h+rI(rgyud 'grel): 'gro ba'i don bsgrub byed blta'o/ /rim gyis padmo dkar nyid dang/ /de gyur pas ni mgon po nyid/ /g.yon zhabs 'khor los zla dbus mnan/ /g.yas zhabs gyen du cher bskyod pa'o/ /phyag g.yas padmo mdzes lcug sdug/ 'dab stong rnam par bye ba yi/ /sdong
- 189a
bu'i lcug ma 'khyud skyogs kyis/ /zhabs g.yas khrig ma cher bteg bsnams/ /'bar ba'i rin chen lhag ge ba'i/ /rgyan rnams kun gyis rab tu brgyan/ /bde chen rnam par mi rtog dang/ /sbyin dang mi 'jigs rgyur bcas pa'o// dza(rgyud 'grel): hUM baM ho(rgyud 'grel): 'di dag rang dang rjes mthun pa'o/ /don bsgrubs 'od zer bsdu ba yi/ /sbyor bas shar la sogs pa yi/ /phyogs bzhi bor ni lha mo bzhi/ gangs ri ltar dkar blo bzang 'od mdzad ral gri po ti g.yas dang g.yon/ /gser bzangs ltar ser nor mang yid 'ong nor bu ste? ma 'dzin pa dang/ /byu ru ltar dmar 'od mdzad gri gug mi mgo phyed khrag bkang/ /in+d+ra'i mdog ljang gzhon nu sgag mo skyabs sbyin utpal lags bsnams pa'o/ /de rjes ye shes dgug pa yi/ /tshor mchod rgyas khyad par bzhis/ /mchod byas gus pa gsol ba yi/ /sngags brjod de nas sngags zla'o/ /rjes mthun phrin las lnga po yis/ /mkha' khyab don kun bsgrubs nas ni/ /'od zer lcags kyus 'jig rten kun/ /gyen du sbar ba'i rnal 'byor bya/ /yang ni phyogs bsdu dngos grub bslad/ /the tshom med bcas phrin las bzhi/ /lha bzhi rang gi rigs bzhin du/ /mkhas pas rjes su gzhug par bya/ /thugs rje chen po mkha' spyod kyi sgrub thabs rdzogs so// // thugs rje chen po mkha' spyod yul can la phyag 'tshal lo/ de nas nam mkha' i mtshan nyid dri med ces 'byung ba'i sgrub thabs bshad par bya'o/ /ngo mtshar bsod nams brgya yi pha rol phyin/ /snang dang mi snang dmigs pa thams cad kyi// spyod yul las dben gcig min du ma'i tshul/ /bde chen nam mkha' dri med thub la 'dud/ /dmigs pa bye ba stong phrag mang po dang/ /gang zhig bdag tu lta ba mi bzad pas/ /blo gros 'chal pa don ma mthong ba rnams/ /gnas 'dir nam mkha'
- 189b
dri med bsgom par bya/ /yul dang dus dang rang bzhin gang/ /ji lta ji tsam ci zhig ni/ /de na de tshe de nyid des/ /de ltar de tsam de med nyid/ /blo gros sbyangs pa rnam kun tu/ /chos kun dmigs pa med shes pa/ /de ni yang dag lha mchog mthong/ /shes rab pa rol phyin pa'o/ /h+rI(rgyud 'grel): gzhan ni cig shos blo can de/ /sprin bral gsal ba'i mkha' dbyings su/ /zla ba'i mdog can pad+ma'i phyag /rjes su skye dang gzhig par bya/ /dag pa'i nam mkha' ngo bo nyid/ /bskyed pa'i rim pas gzhan gyur te/ /rjes su gzhig pas de stong 'gyur// bla ma'i drin thob rdo rje'i blo/ /mthong bas grub dang gshig pa na/ /med ces rnam par rtog par zad/ /rtog pa de yang dmigs su med/ /byis pas brtags te gsum spyan pa/ /mkhas pas de nyid gcig mi dmigs/ /gdod nas ma skyes bskyed pa'i rim nam yang mi 'jigs rjes su gzhig /de ltar 'khor gsum bzhi gsum gyis/ /dmigs bral grub par mi 'gyur na/ /de tshe med dang yod pa dang/ /byung ba zhig pa'ang gang zhig yin/ /rnal 'byor zab mo nam mkha' yi/ /spyod yul nam mkha' i spyod pa yis dmigs pas phung bar gyur rnams la/ /dmigs med ston pa ngo mtshar yin/ /nam mkha' dri med kyi sgrub thabs rdzogs so// //bcom ldan 'das thugs rje chen po nam mkha' i mdzod la phyag 'tshal lo/ /de nas nam mkha' i mdzod ni mnyes pas te/ zhes 'byung ba'i sgrub thabs bshad par bya'o/ /sa bcu'i dbang phyug lha dang mi yi gtso/ /bsod nams ye shes yon tan rgya mtsho yi/ /mthar phyin gter phyin nam mkha' mdzod brnyes pa/ /'jig rten mgon la mgos btud de bsnyen brjod/ sngags 'chang bdag don gzhan don thams cad du/ /me 'obs 'bar ba bsil khang nyams dga' ltar/ /shes nas mi chags chags chen rnal 'byor spyod/ /mdza' yas nam mkha' i mdzod gter rgyal bas gsungs/ /phun tshogs tshal
- 190a
lam yang na dbul po 'am/ /yang na dgon dben yid dga' i gnas rnams su/ /shing shun gos gyon me tog maN+Dal byas/ /gdung ba spangs pas mgon po dran par bya/ /pad mo zla steng rin chen bum bzang dang/ 'dab stong u duM bA ra'i ge sar rtse/ /mnyam med sa gsum kha lo sgyur mdzad pa/ /chos rgyal gser mdog 'bar bar bsgom par bya/ /h+rI(rgyud 'grel): las skyes pa'i gzhon nu blta na sdug pa'i yid bzhin gyi shing la sku brten pa/ /g.yon na padmo 'dzin cing g.yas kyis nor rnams thams cad sbyin par mdzad pa dang/ /phyogs gcig na 'phags pa nor 'phel rnga yab thogs nas nor gyi rgyun 'bebs pa dang/ phyogs gcig na lha mo nor sbyin ma ril pa 'dzin pa nor bu dmar po'i phreng bas brgyan pas te/ 'di dag ni btsun pa spyan ras gzigs nam mkha' i mdzod brnyes pa'i bden pa'i byin brlabs kyi rnam par 'phrul pa yin par rig par bya'o/ /'di ni bsgom par bya ba'i gnas/ /'gro ba'i gdung ba sel byed pa/ /bsod nams sprin chen gsal ba'i rgyu/ /gsang sngags char chen nor sbyin gzhan/ /snying brtse dga' dang yid bzhungs pas/ /don chen byed pa rig sngags che/ /nam mkha' mdza' yas gzungs dang ni/ /sprin chen mdzod kyi rtog pa'o/ /ji skad bstan pa'i snying po bzhi/ /nu ma gnyis ldan sngon 'gro bas/ /'bum phrag lngar ni bzlas nas su/ /ci yod lam chen gnas su sbyin/ /shin tu phan 'dod gdung ba yis/ /mgon po la ni mchod pa dang/ /rang gi 'tsho ba ma gtogs pas/ /thams cad yongs su mi gzung ngo/ /de ltar chog shes gzhan dbang g.yo/ /som nyi spangs dang yang med de/ /de ni nyin re sbyin na yang/ /'byor pas gtugs par mi 'gyur ro/ /thugs rje chen po nam mkha' mdzod kyi sgrub
- 190b
thabs rdzogs so// //dpal spyan ras gzigs dbang phyug zhal bcu gcig pa la phyag 'tshal lo/ /de nas nam mkha' kun khyab bcu gcig zhal zhes 'byung ba'i sgrubs thabs bshad par bya'o/ /zla ba 'brug sgra nam mkha' ltar rmad pa/ /sku gsung thugs zab stobs bcu'i pha rol phyin/ /sna tshogs sprul pas dpag med don sgrub pa'i/ /mgon po la btung de bsnyen bdag gis bshad/ /re zhig rjes su mthun pa'i gnas su gnas dang yo byad dang gos dang rgyan nye bar bsags pa a las zla ba'i dkyil 'khor bsams la/ rang gi sams dro ba rnams kyis bzhi pa me'i bu la brten pas nga ro bzhi pas mnan cing gzhon nu ma'i nu mas brgyan pa can blta bar bya'o/ /de las 'od phyung rol mo'i sgras/ /blo gros mi bzad bcu gcig zhal/ /spyan drangs lus btud phyag 'tshal zhing/ /mchod pa lngas ni yang dag mchod/ /oM badzra puShpe A(rgyud 'grel): hUM/ oM badzra d+hA pe A hUM/ oM badzra dI baM A(rgyud 'grel): hUM/ oM badzra gand+he A(rgyud 'grel): hUM/ oM badzra nai bi tye A(rgyud 'grel): hUM/ /de nas sdig pa bsal la sogs// yan lag bzang po spyod kun gyis/ /dri ma dag par byas nas su/ /gnas bzhi las ni sems mchog bskyed/ /chos kun rang bzhin mtshan ma med/ /gdod nas ma skyes mi 'gro ba/ /bde chen 'od gsal rnam mi rtog /mkhas pas kho na mngon du bya/ oM swa b+hA ba shu da d+ha sarba d+ha rmmA swa b+hA ba bi shud+d+ho haM/ gang zhig kun rtog mtshan nyid med/ /de ni bdag sems 'od gsal nyid/ /'gro 'od gnas dang rten bral ba/ /de ni sgyu ma'i skyes bu bzhin/ /oM swa tsit+ta shU n+ya tA badzra swa b+hA ba At+manyako haM/? stong pa nyid sems sgyu ma'i tshul/ /sprul pa'i mdzad pa kun sgrub phyir/ /skye ba med las skye ba'i dngos/ /padmo zla dbus 'phags mchog bskyed/ /thugs rje'i snying po las byung ba/ /spro dang sdud dang sdig sel ba'i/ /mtshan ma rgyal ba sdug bsngal
- 191a
bcod/ /bcu gcig zhal mnga' rnam par bsgom/ /phyag gnyis thugs kar thal sbyar zhing/ /bgrang phreng pad+ma? mo g.yas g.yon gnyis/ /ril pa mchog sbyin 'khor lo dang/ /rdo rje mda' gzhu 'dzin par brtag /ti se'i gangs dang ston zla sos ka'i nyi 'od can/ /mu tig gser sogs ji snyed rgyan mang kun mnga' ba/ /bcu gcig nor bu me mdog ska rigs can/ /ri dags pags 'dzin 'dzum zhal gzi brjid 'bar ba'o/ /de nas snying po'i sa bon gyis spyan drangs nas sku gsung thugs legs par gnas pas dbang bskur ba'i mthar thugs pa'i bsgrub pa'o/ /skyo bar gyur na sngags bzlas pas 'khor lo dgye ba'i sbyor ba brtsam par byas te/ /oM d+ha ra d+ha ra/ d+hi ri d+hi ri/ d+hu ru d+hu ru/ iTTe baTTe/ tsa le tsa le/ pra tsa le pra tsa le/ ku su me ku ma ba re/ i li mi li/ tsi te dzra la ma banA ya swAhA/ zhes bya bas so/ /gal te blo zhan brtul mi phod/ /zhal lnga phyag brgyad zhal gsum dang/ /phyag drug de bzhin zhal gcig dang/ /phyag gnyis pa yang bsgom par bya/ /spyan ras gzigs bcu gcig pa'i zhal can gyi sgrub thabs rdzogs so// //bcom ldan 'das spyan ras gzigs ye shes 'khor lo la phyag 'tshal lo/ /de nas dpal ldan ye shes dkyil 'khor bdag zhes 'byung ba'i sgrub thabs bshad par bya'o/ /'dzum bcas dbus bzhugs zla ba'i zhal mnga' dpal chen don yod zhags pa 'char ka'i mdog /bdud 'joms rta mchog me lce'i kha dog khros ma dung mdog skar ma'i 'od ldan b+h+ri ku Ti/ /lcags kyu zhags pa lcags sgrog dril 'dzin nyi shu dang ni bcu drug mchod pa'i lha mos brgyan/ /mnyam med ye shes 'khor lo che la spyi bos gtugs btung sa 'di di ring bkra shis gyur/ /dus gsum gyi bde bar gshegs pa thams cad kyi thugs rje rnam
- 191b
bar 'phrul ba las sku gsung thugs nye bar bkod pa'i bcom ldan 'das spyan ras gzigs 'khor lo dang bcas pa bsgrub par 'dod pas/ thog mar snying rje chen po goms par bya'o/ /yid dang rjes mthun la sogs gnas/ /byang chub mchog zhugs sems gzung bas/ /snying gi 'od kyis rten bkug la/ /bsod nams phung pa yongs rdzogs bya/ /oM swa b+hA ba shud+d+ha(rgyud 'grel): sarba d+harmA swa b+hA ba shud+d+ho haM/ chos rnams rang gi mtshan nyid kyis/ /rang gi rang bzhin stong pa nyid/ /mkha' ltar mnyam par bzhag nas ni/ /de nas bdag lus dkyil 'khor bsgom/ /lus gang yin de gzhal med khang/ /sems 'dir lha yi bdag nyid de/ /sngags pa'i dag ni sngags yin la/ /kun ni dri ma med rtog spangs/ /h+rI(rgyud 'grel): padmo bzhi dbus 'jig rten mgon/ /zhal gcig phyag gnyis g.yas dang g.yon/ /mchog sbyin padmo 'dzin dkar zhing/ /chos dbyings ye shes rang bzhin no/ /ha(rgyud 'grel): shar gyi 'dab mar don yod zhags/ /phyag bzhi zhags ba lcags kyu dang/ /rdo rje phreng thogs rab zhi dmar/ /me long ye shes bdag nyid do/ /hUM lhau? yi 'dab mar rta mchog zhal/ /phyag bzhi dbyig pa 'khor lo dang/ /sdig mdzub pad+ma 'chang khros pa/ /mnyam nyid ye shes bdag nyid de/ /pha nub kyi 'dab mar ral ba gcig /phyag bzhi gri gug thod pa dang/ /ral gri utpal bsnams rngam nag /kun rtog ye shes ngo bo'o/ /Ta byang gi 'dab mar khro gnyer can/ /phyag bzhi dbyig pa phreng ba dang/ /pad+ma ril ba ldan khro skya/ /don grub ye shes dngos nyid do/ /a A i a'i u a'u ri rI li lI e i o aau aM a(rgyud 'grel): pi wang gling bu rdza? rnga rnga zlum bzhad ma dang/ /sgeg mo glu ma gar ma me tog bdug spos ma/ /mar me dri dang gzugs ma ro ma reg ma dang/ /chos ldan lha mo bcu drug rgyan spung khyams bzhir dgod/ /ka kha ga g+ha nga/ tsa tsha dza dzha nya/ Ta Tha Da Dha Na/ ta tha da d+ha na/ pa pha ba b+ha ma/ ya ra la wa/ sha Sha sa ha/ k+Sha(rgyud 'grel): gtor ma la 'od?
- 192a
sprin 'dzin par/ /sum cu nye pa'i mchod pa yi/ /lha mo'ang de bzhin khyams kyi mthar/ /mkhas pas de bzhin dgong par bya/ /dza hUM baM ho:/ lcags kyu dkar dang zhags pa ser/ /lcags sgrog dmar po dril bu ljang/ /shar la sogs pa'i sgo bzhi ni/ /gtso bo las byung rim bzhin bzhugs/ /de'i 'og tu dam tshig gi dkyil 'khor gsal bar bkod pa la/ /ye shes bcug nas nam mkha' ji snyed pa'i sems can la phan par 'dod pas/ rang rang dang rjes su mthun pa'i 'od kyi phreng ba spro zhing don gnyis cig car sgrub pa'i sems kyis sngags brjod par bya'o/ /oM A(rgyud 'grel): h+rI(rgyud 'grel): na ma(rgyud 'grel): sa man n+ta bud+d+hA nAM sarba ta thA ga ta a ba lo ki te mahA kA du nI murta ya hUM dza(rgyud 'grel): swAhA/ bcom ldan 'das kyi snying po'o/ /oM h+ri(rgyud 'grel): trai lokya bi dzA ya/ a mo g+ha pA sha ya/ a pra ti ha ta h+rI(rgyud 'grel): ha hUM phaT swAhA/ don yod zhags pa'i snying po'o/ /na ma(rgyud 'grel): sa man+ta bud+d+hA nAM ha khA da b+h+ruM dza swa dA ya swAhA/ rta mgrin gyi snying po'i/ /oM e ka dzA Ti mahA ro Sha Ni trA sa ya sa ma ya pra sa ma na hUM hUM hUM/ phaT phaT swAhA/ /ral gcig ma'i snying po'o/ /na ma(rgyud 'grel): sa man+ta bud+d+ha nAM/ sarba b+ha ba san+t+ra ra na hUM phaT pa tA ya swAhA/ /bro gnyer can gyi snying po'o/ /spros pas ting 'dzin ngal ba ni/ /dkyil 'khor mchog cig dri ma med/ /lha dang sngags sogs rnam grol ba/ /ye shes mchog la mnyam gnas bya/ /rtse gcig pa yi rnam par 'byed/ /bkram pa dang ni sdud pa dang/ /rjes 'gro lhan cig spyod pa yi/ /rim pas rdzogs par shes par bya/ /de ltar bsam gtan la sems rton pa'i rnal 'byor ba stang pa nyid dang snying rje chen pos yongs su zin pa'i cho ga ji srid skyo bar ma gyur gyi bar de srid du yongs su bsgoms nas ldang bar 'dod pa na/ bkug pa dang bskyed pa'i 'khor lo gshegs par bya ba dang/ /dmigs pa thim
- 192b
pa'i man ngag gis bzod par gsol ba dang/ /dge ba'i rtsa ba thams cad gzhan du ma gyur par yongs su bsngo bar bya'o/ /dpal ldan ye shes 'khor lo mchog gi ni/ /gnas mthong bla ma'i zhal gyi drin thob nas/ /ji bzhin mdor bsdus sgrub thabs 'di bris pas/ /skye kun thugs rje che mnga' zhal mthong shog /dpal kha sarba Ni ye shes kyi 'khor los sgrub thabs rdzogs so// //'phags pa spyan ras gzigs dbang phyug yid bzhin nor bu la phyag 'tshal lo/ /de nas yid bzhin nor bu dkyil 'khor 'khor lo zhes 'byung ba'i sgrub thabs bshad par bya'o/ /kho na nyid thugs gsung dang sku/ /yon tan phrin las dam tshig bcas/ /dpal ldan dkyil 'khor cher btud de/ /yid bzhin nor bu'i sgrub thabs bshad/ /bdag nyid chen pos phun tshogs gzhir/ /chos kun rang bzhin nyid dran pas/ /snying rje las grub drang srong bskyed/ /h+rI(rgyud 'grel): yig la gnas ting 'dzin bsgrub/ /ye shes rgyal ba bcug nas su/ /nyid kyi snying po las spros pas/ /lhar bcas gzhal yas khang bsams te/ /mar me las nas mar me ltar/ /ha h+rI(rgyud 'grel): hUM phaT/ 'dab brgyad shar sogs phyogs bzhi la/ /don yod zhags sogs bzhi yin te/ /mtshams bzhir bum pa bzang bzhi gnas/ /'di ni ye shes 'khor lo'o/ /d+hi me hUM h+rI(rgyud 'grel): de las 'khor lo gzhan 'byung ba/ /'jam dbyangs byams pa rdo rje 'dzin/ /gnod mdzes phyogs rtsibs bzhi las te/ /dza hUM baM ho:/ dbyangs can la sogs yum mtshams bzhir/ /a i u ri li e o aM/ de mthar rtsibs brgyad sems ma brgyad/ /A a'i u rI lI i aau a(rgyud 'grel): de bzhin de mthar sems dpa' brgyad/ /rtsibs brgyad la gnas thugs gsung sku/ /brgyad gsung 'khor lo rim gyis mdzes/ /a(rgyud 'grel): rnam dag yon tan rtsibs stong ldan/ /'khor lo 'bar ba gzhan
- 193a
'byung ba'ang/ /skal bzang sangs rgyas stong gis brgyan/ /a stong las skyes rim bzhin dgod/ /hUM de dag las kyang 'khor lo gzhan/ /rtsibs stong las hUM stong las skyes/ /lnga brgya lnga brgya rgyal sras mdzad/ /'phrin las 'khor lo zhes bshad do/ /dza(rgyud 'grel): hUM baM ho:/ sgo bzhir lcags kyu zhags sogs bzhi/ /khyams rnams su ni mchod pa'i lha/ /khor yug dur khrod kun rdzogs ldan/ /dam tshig 'khor lo zhes byar grags/ /de rjes dkyil 'khor chen po yi// ye shes ri mchog las bkug gzhug/ me long gnyis gzugs brag cha dang/ /mkha' 'drar dag pa rtogs par bya/ /ji srid gnyis med mnyam 'jog pa/ /de srid de yong mi 'gal ba 'am/ /yang na ro gcig bsam gtan gnas/ /skyo bar gyur na gsang sngags bzlas/ /oM A(rgyud 'grel): h+rI(rgyud 'grel): badzra dz+nyA na tsin+ta ma Ni ratna maN+Da la tsakra pra tis+thi ti hUM sarba bud+d+ha d+d+hA twA garb+he kA ya wa k+tsit+ta gu Na karma sa ma ya pra sid+d+haM hUM/ sarba ta thA ga to dz+nyA na garb+he bi shud d+ha badzra ta tA a d+hiSh+ThA na dzwa la dzwa la spa ra spha ra/ sarba pA pa b+hi k+ka naM/ da ha da ha/ ha ra ha ra/ shan+ta ka rA ye/ hUM phaT/ swAhA/ de bzhin gshegs kun snying po 'dis/ /dkyil 'khor bdag po kun mnyes byed/ /dad dang snying brtse bden stobs mthus/ /ma lus thugs bskrul 'od 'phro 'gyur/ /rang rang rjes mthun don bsgrub nas/ /sa gsum mgon po'i sras gyur te/ /bsam gtan rgyun gcig la gnas mthar/ /dngos po kun mchod bzod par gsol/ /de rjes byang chub sems ldan pa/ /thal sbyar yi dam gsum blangs la/ /dngos grub don du gsol btab steng/ /bde bar spyod yul gshegs par bya/ /yid bzhin nor bu'i dkyil 'khor che/ /brteg pa'i rgyal po bla na med/ /ma lus kun don sgrub byed pa/ /'dir bsdus myur bdag gter
- 193b
chen gyur/ /spyan ras gzigs yid bzhin nor bu'i sgrub thabs rdzogs so// //'phags pa spyan ras gzigs po ta la ke ri'i rtse mo pa la phyag 'tshal lo/ /de nas ri mchog dkyil 'khor rgyal po khyed 'byung ba'i sgrub pa'i thabs bshad par bya'o/ /thugs rje yi stobs ri mchog rtser/ /nyi shu rtsa lnga'i bdag nyid ston/ /'jig rten gsum mgon la btud te/ /de yi sgrub thabs mdor bsdus bri/ /dang por re zhig rnal 'byor gyi dbang phyug tshangs pa'i gnas bzhis yid nye bar brlan par byas la/ /bsam gtan gyi khang bu la sogs pa'i gnas mal gang yin pa po ta ke ri'i rgyal por byin gyis brlabs te/ der gzhal med khang rin chen sna bdun gyi rang bzhin bkod pa phun sum tshogs par bkod pa/ 'phags pa spyan ras gzigs dbang phyug 'khor gyi dkyil 'khor dang bcas pa mngon par blta bar bya'o/ /h+rI(rgyud 'grel): 'dam skyes sdong bu 'dab brgyad dbus/ /bdag nyid 'jig rten dbang phyug bskyed/ /de ni zla mdog skyil dkrung phyed/ /mchog sbyin padmo 'dzin pa'o/ / a i u o/ shar sogs phyogs dang mtshams rim bzhin/ /'khor lo rin chen padmo las/ /phyogs kyi kha dog gzhon nu'i tshul/ /gter chen bum pa bzhis gang ba'o/ /A a'i a'u i/ de mthar 'khor lo rtsibs brgyad la/ /phyogs min phyogs kyi kha dog cad/ /gti mug rdo rje sgrol ma can/ /bag chags rdo rje rdo rje 'dzin/ /'dod chags rdo rje zhags pa thogs/ /zhe sdang rdo rje ral gri bsams/ /o aau aM a(rgyud 'grel): byang shar la sogs mtshams bzhir yum/ /brtan pa'i rdo rje ri rab 'dzin/ /sbyor ba'i rdo rje zla ba dang/ /'bar pa'i rdo rje nyi ma can/ /stobs kyi rdo rje ba dan thogs/ /kha dog phyed gzugs sgeg mo'i tshul/ /ka tsa Ta ta/ khyams kyi shar sogs phyogs bzhir yang/ /phyogs mdog gar gyis rol pa
- 194a
mo rdo rje gzugs mdzes me long can/ /rdo rje sgra snyan pi wang sbreng/ /rdo rje dri mchog byug pa thogs/ /rdo rje ro bzangs zhal zas 'dzin/ /pa ya shak+Sha(rgyud 'grel): de bzhin byang shar sogs grwa bzhir/ /rdo rje reg ma gos mchog thogs/ rdo rje chos mchos 'byung can/ /rdo rje zhing ma maN+Dal 'dzin/ /rdo rje snang ma sgrol ma thogs/ /yid 'ong phyogs phyed mdog can la'o/ /ri rI li lI/ de nas shar sogs sgo bzhir yang/ /lcags kyu zhags pa lcags sgrog dril/ /phyogs mdog cung zad khro ba'i tshul/ /de ltar kun phyag g.yon padmo/ /brtson pa'i cha byad pad zla la/ /rang gi sa bon las gyur mtshungs/ /de rjes sgyu ma ting 'dzin la/ /gnas nas dag pa rtogs par bya/ /gnas dang lus rab rnam par dag/ /dkyil 'khor 'khor lo zhes byar brjod/ /de bzhin lus dang sems rab dag/ nyi shu lnga yi bdag nyid do/ /pheM pheM pheM pheM/ de nas ye shes dkyil 'khor lha/ /ji bzhin bkug la mchod sogs bcas/ /gsol btab dam tshig mthu bskyed de/ /rig pa'i ting 'dzin ldan pas bzlas/ /oM A(rgyud 'grel): h+rI(rgyud 'grel): po ta la ke ru tu mahA ka ru mahA ka ru Ni ka hUM hUM phaT swAhA/ a i u e/ A a'i a'u i/ o aau aM a(rgyud 'grel): ka tsa Ta ta/ pa ya sha k+Sha/ ri rI li lI/ hUM phaT swAhA/ /gal te dmigs pa'i sbyor ba yis/ /skyo bar gyur na sbyor bral ba/ /shin tu dmigs med zhi ba'i rgyu/ /mkhas pas rdzogs pa'i rim ba bsgom/ /nam zhig de las ldang 'dod tshe/ /snying rje chen pos blo bskyed la/ /dpal ldan nyi shu rtsa lnga'i bdag/ dkyil 'khor mchod sogs bya phyir 'bad/ /bdun phrag gcig gam gnyis sam gsum/ /ji ste brgya 'am bdun phrag bcus/ /dam tshig bsam gtan ldan spyod la/ /dngos grub the tshom mi bya'o/ /rdo rje 'dzin pas rgyud dang ni/ /bla ma sangs rgyas 'drar bshad de/ rgyud
- 194b
bral bla ma spangs pa la/ /dngos grub yod par ma gsungs phyir/ /mtshan ma tsam mthong bdag gis 'dir/ /bla ma'i gsung gis rgyud don bsdus/ /dge 'dis 'gro kun po ta la'i/ /ri mchog nam zhig bgrod par 'gyur/ /dpal thugs rje chen po po ta la ke ri'i rtse mo'i sgrub thabs rdzogs so// //'phags pa thugs rje chen po 'khor lo sgyur ba'i rgyal po la phyag 'tshal lo/ /de nas 'khor lo sgyur rgyal dkyil 'khor ston zhes 'byung ba'i sgrub thabs bshad par bya'o/ /de nas gzhan yang bshad bya ba/ /'khor lo sgyur rgyal 'jig rten mgon/ /dpal ldan ye shes dkyil 'khor che/ /don kun grub byed rtag pa'o/ /rgyu skar rgyal po rgyal la bab pa'am/ /yang na zla ba tshes dang zla ba nya/ /sna tshogs me tog 'bras bu rgyas pa'i tshe skal bzang rnams kyis mgon mchod sdig pa bsal/ /dkyil 'khor chen po rgyan gyis spras/ /sna tshogs dri bsung dang ldan pa'i/ /me tog gtsal bkram lhab lhub can/ /mchod rdzas yo byad sprin gtibs nas/ /stobs chen sngon 'gro nyi ma dang po bum pa dang ni lha/ /lhag par gnas byas gnyis pa ting 'dzin rgyal po la gnas bzlas/ /gsum pa mchod sbyin go rim nus sbyar bzod par gsol/ /de mthar bkra shis rdo rje chus bkrus dngos grub blang bar bya/ /bla ma'i man ngag ji bzhin du/ /mkhas pas dkyil 'khor bris nas su/ /rdo rje 'khor lo phyag rgya yis/ /lha dgu 'khor lo sgyur bar bsam/ /lte ba 'dam skyes ? 'khrungs/ /rdo rje mtshon pa dpa' chen nyid/ /shar sogs rin chen rtsibs brgyad 'khor lo rnam bdun gter chen bcas lha mo/ /khyams bzangs rab mnyam bai DUr ngos la nyi shu rtsa bzhis mchod pa yi/ /lha mo rnams dang de bzhin sgo bzhir lcags kyu zhags pa sogs dgyes rol pa'o/ /mu khyud khor yug bkra shis kyi/ /
- 195a
rdzas bcu grub pa nyi shus bskor/ /dpag med lha rdzas yo byad kyis/ /shin tu phun tshogs brtse ba yin/ /oM A(rgyud 'grel): h+rI(rgyud 'grel): tsakra warti maN+Da la sid+d+hi phaT swAhA/ /shes rab thabs byung skad cig sbyor bas bdag nyid 'khor los sgyur rgyal gsal bskyed la/ /snying po las 'phros lcags kyu'i zer gyis ji bzhin nyid bkug mnyes byas dbyer med gzhug/ bdag dang dkyil 'khor lha tshogs bcas bzlas rdo rje phreng rgyun yi ge rab zhugs pas/ /bum pa bzang bkang thun mtshams kun rtag mnyam gzhag che gnas dngos kun mchod brtson bya/ /thugs rje chen po can dpal 'khor lo sgyur ba'i sgrub thabs rdzogs so// //dpal thugs rje chen po lus kyi 'khor lo chen po la phyag 'tshal lo/ /'jig rten mgon gyi man ngag gis/ sngags 'chang rgyal po rang gis lus/ /pad+ma 'khor lo brgyan gzhal med/ /sems kyi lha bcu gcig bcas bsgom/ /rtse yis lcags gong gser bzhin du/ /phung po ye shes spyod yul bsgyur/ /de dbus snying gi 'dab bzhi dang/ /yan lag drug rtsibs mkhas pas bsgom/ /h+rI(rgyud 'grel): kun bzhi rnam dag lhun gyis grub/ /'jig rten dbang phyug gangs ri'i mdog/ ting 'dzin mchog gis mnyam gzhag pa/ /bag chags ma lus bcom pa'o/ /hUM gti mug rnam dag rnam mi rtog /gti mug rdo rje nam mkha' i mdog/ dus gsum bde gshegs chos ston pa/ /thibs po ma lus gtan bcom pa'o/ /oM 'dod chags rnam dag bde ba che/ /'dod chags rdo rje zla ba'i mdog/ rdo rje dril bu bsnol 'dzin pa/ /gdung ba ma lus gtan bcom pa'o/ /d+hi zhe sdang rnam dag 'od gsal ba/ /zhe sdang rdo rje me lce'i mdog/ /'bar ba'i phyag rgya sdigs mdzub bsgyings/ /'khrug pa ma lus gtan bcom pa'o/
- 195b
A(rgyud 'grel): kun rtog rnam dag gya rgyu med/ /kun rtog rdo rje in+d+ra'i mdog/ 'bar ba'i gar gyis rnam par rol/ /'du byed ma lus gtan bcom pa'o/ /'di dag ni dbus nas brtsams te shar la sogs pa'i 'dab ma bzhi'i ge sar la bsgom bar bya'o/ /de nas 'gro ba drug gi rnam par dag pa dgong par bya ste/ /lha rigs rnam dag 'chi 'pho med/ /dbang po rdo rje gur gum mdog/ me tog phreng ba'i chun po 'dzin/ /dregs pa ma lus spangs pa'o/ /a lha min rnam dag 'khrugs pa med/ /drag po rdo rje rgya skyegs mdog/ ral gri dang ni 'khor lo 'dzin/ /phrag dog ma lus kun spangs pa'o/ /i mi dbang rnam dag brel 'phongs med/ /dbang phyug rdo rje rdza gsar mdog/ rdo rje dang ni dril bu 'dzin/ /rnam par g.yangs pa kun spangs pa'o/ /u dud 'gro rnam dag blun rmongs med/ /seng ge rdo rje du ba'i mdog/ dgra sta dang ni dbyig pa 'dzin/ /bag med btul ba kun spangs pa'o/ /e yi dags rnam dag ser sna med/ /gshin rje rdo rje cher sprin mdog/ thod pa dang ni zhags pa 'dzin/ /'jungs pa'i srid pa kun spangs pa'o/ /oM dmyal ba rnam dag tsha grang med/ /'jigs skyob rdo rje byu ru'i mdog/ bum pa dang ni lhung bzed 'dzin/ /mi bzad ya nga kun spangs pa'o/ /aM 'di dag ni mgo nas brtsams te g.yas la sogs pa'i rtsibs drug gi lte bar bsgom par bya'o/ /dam tshig lus dang sems la ni/ /ye shes sku dang thugs btsug nas/ /sa bon gsung gi yi ge bzlas/ /tshe 'di nyid la mchog 'grub 'gyur/ /thugs rje chen po lus kyi 'khor lo 'bar ba rdzogs so// //'phags pa thugs rje chen po dka' thub can la phyag 'tshal lo/ /de nas dka' thub chen po dka' thub mnyes/ /zhes 'byung ba'i sgrub thabs bshad par bya'o/ /'dir 'phags pa spyan ras gzigs dbang phyug la dad pa thob pa'i skye bo sran thub pa rnams kyis/ /dus dang cho ga'i khyad par
- 196a
la ma ltos par shin tu myur du 'gro ba bskyab par 'dod pas/ zhal gcig gam gnyis sam gsum mam bdun gyi bar du bcom ldan 'das drang srong chen po dka' thub yid la byed pa dang mi 'bral bas bsgrub par bya'o/ /'jig rten dbang phyug drang srong che/ /mya ngan med pa'i sdong bu'i 'gram/ /ri dags stan can dka' thub tshal/ /rgyan spangs snying rjes gdungs pa bsgom/ /mgon po'i rten ni gang yang rung/ /ye shes ldan de der bcug mdun/ /phongs pa dag ni mya ngan gyi// cha byad kyis smang khas phub 'dug/ lag pa gnyis ni 'gram brten cing/ /mi ro bzhin du rkang brkyang ba/ /bza' btung spangs dang gos bral dang/ /mchi mas gdong khebs smre sngags brjod/ /spyod lam gnyis te 'gre ldog dang/ /ring du zag pa dor ba'o/ /de bzhin dag gnyis smre sngags bsngags/ /sems pa yang ni gnyis nyid de/ /snying rjes skye bo bsgral ba dang/ /thabs su 'phags pa mthong 'dod pa'o/ /ji ste smra ba la mngon par dga' ba zhig na sngags kyi dam tshig 'di dag kyang brjod par bya'o na ma sh+rI lo kya nA thA ya/ bo d+hi satwa mahA satwa mahA ka ru mi kA ya/ mA ma ta mu ke mahA du(rgyud 'grel): kha ka le sha sarba a ba ra Na kha sa kha se me kha se me phaT phaT/ mA ma shI g+h+raM a nu gra ha a nu kra ha hUM hUM yid la byed ba gzhan gtab ste/ lha mchog sems pa gcig pu yis/ /skye bo nyon mongs gzings 'di dag/ zhi bar bya phyir smyung bar gnas/ /yun rings phan pa'i don mthong nas/ /cung zad bde ba ci dga' rung/ /sems can tshogs mang don du ni/ /bdag gis dka' thub bzod par byos/ /bdag med lus dang sems 'di ni/ /gnod par byed kyis phan mi byed/ /di ring dka' thug spyad pa yis/ /lus can kun gyi don sgrub bo/ /ji ltar dgra bo khros pa la'ang/ /thal sbyar snying rje skye 'gyur na/ /thugs rje che mnga'
- 196b
'gro don sdod/ /bdag la ji ltar gzigs mi 'gyur/ /de ltar bstan pa bzod ldan pas/ /nyin 'ga' smyung bar spyod na de/ /dngos dang gzugs brnyan rmi lam du/ /'phags pa nges par rjes su 'dzin/ /thugs rje chen po dka' thub can gyi sgrub thabs rdzogs so// 'phags pa spyan ras gzigs rtag pa'i rnal 'byol la phyag 'tshal lo/ /de nas spyi gtsug cod ban rtag tu 'dzin zhes 'byung ba'i sgrub thabs bshad par bya'o/ /'jig rten mgon po 'jig rten gyi/ /rtsa lag gcig gu la btud de/ /de snying cod pan gtsug tor gyi/ /rnal 'byor chog bdag gis bshad/ /dben pa'i gnas 'dug 'khor ba'i me 'obs 'bar ba dang/ /bde ba'i rkyen tshogs yid skyo mngon dga' drag po yis/ /thar pa'i grong khyer rdul bral skyed mos tshal bzang du/ /zhugs nas rjes 'jug dang ba dam pas sems dul bya/ /de nas rnal 'byor zhi ba 'dis/ /blo ldan rgyud rab brlan gyur pa/ /de nyid rjes thogs dpal gsum gyi/ /cho ga dam pa bsgom par bya/ /e ma'o spyi gtsug rin chen khang/ /bkra shis mchod rten dri ma med// thub pa stong gis spras pa'i sgo/ /mgon po nyid kyis dbus mdzes pa'o/ /'dam skyes dmar 'dab stong gi snying/ /a stong de dbus sems yig hUM/ /'od gsal dkar 'khyil rnam par 'phro/ /bum pa'i mar me 'bar ba bzhin/ /de bzhin lte ba'i dkyil 'khor dbus/ /nyi ma 'am zla ba la gnas pa'i/ /rlung gi rgyal po me yi dbus/ /bde ba'i tshul brlan mkhregs pa'i sa/ /rnam dag rnam par 'phrul pa'i rgyu/ /'byung bzhi'i rang bzhin raM yig bsam/ /de las 'od 'phros cha reg 'dis/ / rtsa mchog 'dis brgyud skyob pa yis/ /thugs reg thugs bskul thugs byung ba'i/ /byin brlab zhi byed dag byed dang/ /dri ma med byed 'od 'phro byed/ /rnam bzhi bdud rtsi'i rgyun dbab bya/ /gang tshe ye shes /
- 197a
mchog 'di babs gyur pa/ /de tshe mi g.yo 'od gsal rnam par dag /kun 'byung mtsho chen nyid 'od sgron mchog dang/ /nam mkha' i yid bzhin nor bu ji bzhin no/ /bde chen gnyis su med nyid la/ /ji srid bzod par nus re srid// mnyam par gzhag bya mi gnas na/ /de tshe dge tshogs dpag med bsgrub/ /dpal thugs rje chen po rtag tu bya ba'i rnal 'byor rdzogs so// //dpal spyan ras gzigs dbang phyug bla ma'i rnam par snang ba la phyag 'tshal lo/ / de nas bla ma 'gro ba'i dgos/ /zhes 'byung ba'i sgrub thabs bshad par bya'o/ /srid dang zhi ba 'di dang de bzhin tshe rabs gzhan pa'i bde legs dang/ /dngos grub mchog bsgrub yid bzhin nor 'dra phyogs bcu dus gsum gshegs pa yi/ /bla ma rnams kyi bsgrub pa'i snying dbus dri med ye shes mchog gzhug phyir/ /spyi gtsug gdan la nyin mtshan rgyun du brtan bzhugs byin brlabs mdzod/ /sdug bsngal rgya mtsho rab skem cing/ /bde chen snying dkyil sang mdzad pa/ /skal ldan ston pa rdo rje can/ /bla ma btud de de bsnyen bshad/ /re zhig sgrub pa pos skyabs su 'gro ba dang/ sems bskyed pa rab tu nges par byas nas/ /dus gsum gyi bde bar gshegs pa thams cad kyi rtsa ba bla ma dam pa kho na yin no zhes rtse gcig tu rtogs pa'i rgyu mtshan gyis/ /kun nas ngang pa'i rlan phun sum tshogs pa las byang chub kyi sems rin po che'i ljon pa legs par bskyed de/ yid dang rjes mthun la sogs sam/ /ci rigs pa yi gnas su ni// dpal? ldan rnams kyi dngos grub rtsa/ /dpal ldan bla mas bsgrub par bya/ /tha mal lus kyi cod pan rtser/ /rgyal po rdo rje 'dzin dbang po/ /longs spyod rdzogs sku gsal bar blta/ /de yi thugs ni ye shes hUM/ /snying gi padmo 'dab steng
- 197b
dbus/ /bdag gi skyob pa mi dbang pos/ /gcer bu rus pa'i rgyan ldan pa/ /skyil krung 'dzum zhal bsgom par bya/ /'dab stong lce la sangs rgyas stong/ /ze 'bru khyud skor nyan thos dang/ /rang sangs rgyas rnams kyis bskor ba/ /mkha' la zla dkar ltar gsal sprul/ /de'i rjes la spyi bo'i gtsug gi rdo rje 'dzin pa'i thugs ka'i thad so nas mdun du 'dom gang mngon par gzhal ba'i nam mkha' la rang gi rjes su 'dzin pa'i yi dam gyi lha bsgom par bya'o/ /de'i thugs ni rang gi sa bon no/ /oM gyis sna grangs pa'i a li dang/ A(rgyud 'grel): sa sna grangs pa'i kA li dang/ /hUM gis sna grangs pa'i lha'i sngags rnams phreng ba'i tshul du gshibs pas mdza' bskor ba'o/ /de nas bdun rnam par dag pas mchod la/ lus dang ngag dang yid kyis ltos nye bar dor ba'i sgo nas skyabs su bzung zhing 'di ltar mthong ba'i 'khor ba'i 'jigs pas skrag pa la sogs pas rten la mi phyed pa'i dad pa drag po dang/ 'dun pa dang/ mngon par dga' ba dang/ yang dag par mi gtong ba'i blos gsol ba gdab par bya'o/ /ji snyed mchod pa rab 'byam nam mkha' i mdza' klas sa gsum gang bar gyur pa dang/ /bstod dbyangs snyan pa sna tshogs rgyal ba mnyes 'gyur 'gro ba'i don bsgrub dngos gang yin/ /'di dag byas la mi bzad gdungs pa yang ni rdo rje 'dzin dang yid kyi lha/ /skyabs mchog nges bya de yis mi gtong thugs rdo rje'i lcags kyus tsham tshom med par 'dzin par bsam/ /de nas lha yi sa bon dang/ /yi ge'i phreng ba las byung ba/ /gsal zhing dri med rnon po yi/ /'od zer gyis ni spyi bor dgye/ /byin gyis brlabs pa 'di yi mthu/ /rdo rje 'dzin pa'i thugs bskul zhing/ /de las thur du lhun ba'i 'od/ /bdag snying bla ma reg 'gyur/ /de rjes skyob pa las spros zer/ /lha yi thugs kar dad pa yi/ /tsha zer yang ni rab tu spro/ /de nas byin
- 198a
brlabs thag gu yi/ /brgyus pa'i ye shes yig phreng dag/ /lha yi smin mtshams nas byung ba/ /spyi bo'i skyob pa'i tshangs bug nas/ /zhugs gyur thugs gtams bdag gi bar/ /de ltar ye shes kyi 'od kyi rgyun babs pas bdag gi rgyud la de kho na nyid rnam par nges pa 'di lta ste/ gnyug ma nyid dang/ rang grol ba nyid dang/ lhun gyis grub pa ces bya ba'i don gsum gyi slus dang sems rab tu gang ba'i ye shes dam pa gang yin pa mngon du bltas la/ yi ge'i dang de dag nyid gsal bar bklag pa ma yengs par bya ba ni thab yin no/ /de yis slob dpon klu gang ba/ /lhag gyur rdzogs pa'i sangs rgyas spro/ /de las de bzhin nyan thos sogs/ /phyi rol srid thar spro bar bya/ /sna tshogs mdzad pa ma lus pa/ /phrin las bye ba phrag brgya yis/ /'gro ba'i don bsgrub brtser bcas pa/ /skal ldan rnams kyi blo gros las/ /mdun gyi spyi bo'i lha la bsdus pa las/ /rtag tu dran pa'i rgya mi brjed pa'i gzungs nye bar gzhag pa yongs su bsam zhing/ /de las byung ba'i dge ba'i rtsa ba bla ma lha dang bcas pa'i grub pa'i rgyur rnam par 'phang bar bya'o/ /dpal 'jig rten mgon po bsgrub pa'i man ngag rdzogs so// //dpal thugs rje chen po mchod sbyin gyi dbang po la phyag 'tshal lo/ /de nas gtso bo mchod bya mchod sbyin bzhes/ /zhes 'byung ba'i sgrub thabs bshad par bya'o/ /'phags pa spyan ras gzigs dpal nyid/ /gtsor bcas sangs rgyas sras bcas la/ /dad bas skyabs su song nas ni/ /snying rje chen pos gtor ma sbyin/ /bdag nyid lha yi rnal 'byor pas/ /lce dang lag pa snod dang bcud/ /gsang sngags rgyal pos byin brlabs la/ /gzi bskyed zab cing rgya ches
- 198b
mchod/ /h+rI(rgyud 'grel): A(rgyud 'grel): hUM(rgyud 'grel): a A i a'i u A/ ri rI li lI/ e i/ o aau/ aM a(rgyud 'grel): lce byin gyis brlab pa'o/ /a a hUM hUM/ ka kha ga g+ha nga/ tsa tsha dza dzha nya/ Ta Tha Da Dha Na/ pa pha ba b+ha ma/ ya ra la wa/ sha Sha sa ha k+Sha/ lag pa byin gyis brlab pa'o/ /hUM ka tsa Ta ta pa ya Sha k+Sha/ bcud byin gyis brlab pa'o/ /oM A(rgyud 'grel): hUM(rgyud 'grel): baM ho:/ gzi byin bskyed pa'o/ /oM a kA ro mu khaM sarbba d+harmA NaM(rgyud 'grel): A dyA nunpa n+na twat bi shud+d+ha swAhA/ zab par bsgrub pa'o/ /oM A(rgyud 'grel): sarba ta thA ga to a d+hiSh+Tha na sarba pU dza me k+ta sa mu dra pha ra Na badzra mu tra dri Dha hUM/ rgya che bar bsgrub pa'o/ /oM A(rgyud 'grel): h+rI(rgyud 'grel): sh+rI lo ka nA tha sarba bud d+ha bo d+hi satwa sa ka la aSh+Ti de ba ta sarba d+harmA pA la puShpaM d+hU paM/ dI paM gand+hi nai bi dyai/ shapta/ maN+Dal/ ba liM ta/ kha kha khA hi khA hi/ sarba gardza pa ri pu dyaM/ ma ma rak+Sha rak+Sha hUM hUM phaT swAhA/ dbul ba dang las bcol ba'i sngags so/ /dpag med 'jig rten mgon 'khor lo/ /'jig rten 'das dang 'jig rten pas/ /legs bskor 'od zer ljags sbubs kyis/ /bdud rtsi'i gtor ma bzhes bar 'gyur/ /thugs rje chen po'i gter ma'i cho ga rdzogs so// //thugs rje chen po rnam par skyob la phyag 'tshal lo/ /de nas dkyil 'khor bzang po dges ba po zhes 'byung ba'i sgrub thabs bshad par bya'o/ /dkyil 'khor bzang po'i sa nyid dang/ /rin chen rang bzhin ngos mnyam la/ /dri zhim pa yi byug pas byug /mu tig me tog nor bu dgod/ /dbus su 'dab ma brgyad 'dab bzhi yi/ /me tog dmar po sa bon can/ /gzhag la de steng thub pa bzhugs/ /gdugs dkar gyis ni steng nas dbub/ / sgrub po pad+ma'i phreng ba yi/ /nga rgyal 'dzin pas rdo rje lag/ gnyis gshibs gyen du bskyod pa'i rgyas/ /sa gsum gtso bo spar bar bya/ /rab tu dbyibs legs kha dog mdzes/ /dri bsung ro mchog rig bzang ba'i/ /me tog spungs pas go
- 199a
rims bzhin/ /gling sogs bkod pa ji bzhin brtag/ oM A(rgyud 'grel): badzra tsa tu rdI ba hUM/ oM A(rgyud 'grel): badzro pa yaSh+Ta dI pa hUM oM A(rgyud 'grel): badzra Sh+Ta ratna hUM/ oM A badzra Sh+Ta maM ga la hUM/ oM A(rgyud 'grel): badzra sid+d+haM biM sha ti hUM/ oM A(rgyud 'grel): sUrya tsan+d+ra hUM/ rnam dag zhing du phun tshogs gling dang rin chen dang/ /bkra shis grub pa rim gsum phreng ba legs bkod la/ /gsal byed sgron ma 'bar ba gnyis kyis brgyan gyur pa/ /sngags 'chang rdo rje rol pa'i bar gyis bstabs pas dbul/ /de nas lus can thams cad la/ /'jig rten mgon po nyer 'khor gzugs/ /dpag med rnam par 'phrul pa yis/ /zhing rnams kun tu yog don spyod/ /ji srid snying po byang chub par/ /de dag nam yang 'dren pa'i mthus/ /ngan 'gro'i sgra yang mi grag cing/ /rtag tu dga' skyid 'tsho bar byed/ /gsal te blo gsal spobs spyod na/ /sku gsum la sogs gang bshad pa/ /cho ga de dag bzlas pa yang/ /gdon mi za bar bya ba nyid/ /gang tshe bsdu bar 'dod pa na// se gol brdabs pas spar byas la/ /bzod par gsol dang smon lam gdab/ /dran pa'i rgya yis gzungs bya ba/ /thugs rje chen po'i maN+Dal gyi cho ga rdzogs so// //dpal thugs rje chen po pa'i mchod pa'i sprin gyi rgyal mtshan gyi rtse mo la phyag 'tshal lo/ /dngos grub kun gyi rgyur gyur ba/ /sgrub po la phan byed pa'i thabs/ /mchod sprin rgyal mtshan rtse mo yis/ /bsam mi khyab byed mchod pa bri/ /me tog bdug pa mar me dri/ /zhal zas rol mo maN+Dal rdzas/ / 'byor pa'i khyad par gyis bkod de/ /nyid kyi nga rgyal gyis byin brlab/ /oM badzra puShpe A(rgyud 'grel): hUM/ oM badzra d+hU pe A(rgyud 'grel): hUM/ oM badzra dI paM A(rgyud 'grel): hUM/ oM badzra gand+he A(rgyud 'grel): hUM/ oM badzra nai bi dye A(rgyud 'grel): hUM/ oM badzra shapra A(rgyud 'grel): hUM/ oM badzra maN+Dal A
- 199b
hUM/ rang bzhin stong pa nyid can gyi/ /sna tshogs mchod rdzas bsam mi khyab/ /rgyal mtshan rtse mo'i rig pa yi/ /sprul nas 'phags tshogs mchod par bya/ /oM na mo b+ha ga wa te/ mahA ka ru Ni ka puShpa pu dza me g+ha sa mu dra ke tu ra dzA ya/ ta thA ga tA ya/ ar ha te samya ka sam bud d+ha ya/ tadya thA/ oM puShpe/ puShpe/ puShpe/ ud b+ha be/ puShpa/ a waM kI ra ne swAhA/ me tog dbul ba'i sngags so/ /de bzhin du/ d+hU pa dang/ dI ba dang/ gand+ha dang/ nai bidye dang/ shapda dang/ maN+Dal zhes bya ba la sbyar ba'i rim gyis bdug pa dang mar me dang/ dri chab dang/ zhal zas dang/ rol mo dang/ maN+Dal dbul bar bya'o/ /gos bzang gyon cing brgyan bzang brtags/ /yi ge gsum dang ldan pa yi/ /rdo rje'i glu gar sngon song bas/ /sangs rgyas la sogs mchod par bya/ /bdag nyid mchod sprin rgya mtsho yi/ /dbus bzhugs mchod kun la mnga' brnyes/ /mgon po 'khor los sgyur rgyal tshul/ /rgyal mtshan rtse mo gser mdog bskyed/ /ye shes snying po las byung ba'i/ /sna tshogs lha mo mdzes rnams kyis/ /re re las kyang dpag tu med/ /sprul pas rim gro rdzogs par blta/ /mi phyed gus pa mang yod pas/ /gzungs 'di lan gsum cho ga 'dis/ /nyin re dus gsum mchod byed na/ /bye ba bsam mi khyab mchod 'gyur/ bsam gyis mi khyab pa'i mchod pa'i cho ga rdzogs so// //de bzhin gshegs pa spyan ras gzigs smon lam gyi dbang po la phyag 'tshal lo/ /rgyal sras rnams kyis bsgrub pa ni/ /sems can rnams la phan brtson pas smon lam rgya mtsho spyod pa'i phyir/ /de yi dbang gyur 'di bshad bya/ /sngon nas bsnyen pa'i rim po la/ /'dris 'gyur snying rjes yid gdungs pa/ /mig dang smin mtshams snying dkyil du/ /byams sogs thig le gsum sgom bya/ /nyi
- 200a
ma'i 'od dang zla ba'i 'od/ /de ni thugs rje mi phyed 'od/ lus can rnams kyi snying dang ni/ /nyon mongs me lce de nang gnas/ /de bzhin spyi gtsug grangs bzhin du/ /pad+ma zlum dang ri rdo rje/ /gang tshe skye bo don tshol ba dang/ /don mi tshol ba gcig dang mang po yang rung ste/ /bdag gi dbang po'i spyod yul du 'bab pas las la sbyar ru dung bar gyur pa dang/ cho ga 'dis rnal 'byor du byas la 'phags pa spyan ras gzigs la gsol ba btab ste/ ma 'ongs pa'i dus su myur ba kho nar sems khyed cag bdag gi smin pa'i gdul byar gyur cig ces smon lam btab la/ /nyi 'od thig les de dag padmo kha phye na/ /zla 'od can gyis gdung ba 'bar ba zhi bsar bya/ /mi phyed zer gyis lus bkang rdo rje'i rgyas btab la/ /ci dgar spyod ma lus myur du bdag gis bsgral/ /de rjes chos dang zang zing sbyin/ /gu bya kun gyis sems bkug nas/ /glang chen myos la lcags kyu bzhin/ /mkhas pas 'gro ba dbang du bya/ /me tog la sogs bzlas gtor ba 'am/ /yang na lag pa rkang pa reg/ yun ring dmigs ltas mda' bsnun pa 'am/ /bdag nyid chen po thabs la mkhas/ /khab rnams kyis ni khab len dang/ /bung ba rnams kyis me tog bzhin/ /de ni mi 'dod nyin gcig kyang/ /dbang med skye bo 'du bar 'gyur/ /smon lam du bya ba rdzogs so// //dpal bdud rtsi'i sbyor ba smnyes pa la phyag 'tshal lo/ /spyan ras gzigs dpal bdud rtsi brnyes/ /bza' dang bca' dang myang ba sman/ /btung ba sna tshogs nyid mchod bzhes/ /slar dang byin gyis brlob par bshad/ dus dang dus mtshams dga' stan dus/ /bza' dang bza' min bza' yin te/ /rnal 'byor rgyal po da tshig spyod/ /rab gus mchod byed sbyin la brtson/ /skad cig dran pas lhar bskyed nas/ /bzhi pa'i yi ge sbyor ba yis/ /mgrin pa lce stengs byin
- 200b
brla bas la/ /a dang ka phreng gnyis med bzhu/ /sgron ma gnyis steng rdo rje 'chang/ /de bzhin seng ge rnam bsgyings gnyis/ /rgyur byas thabs dang shes rab bskyed/ /phreng ba gnyis kyang dgod bar bya/ /ka pA la sogs pad+ma can/ /sna tshogs bza' bas bkang byas la// snod bcud sbyang dang gzi bskyed pas/ /gya nom gyur ba rnal 'byor tshogs/ /oM A(rgyud 'grel): h+rI(rgyud 'grel): baM ho/ ri bsal sbyong byed bdud rtsir byed/ /phun sum tshogs dang dges byed pa/ /dam tshig phyag rgya rnam pa lnga/ /'od kyi sbyor bas rnam par rtsen/ /dpag med bdag lus sangs rgyas la/ /bsam mi khyab sprul rtsi yis mtshon/ /lus lnga dag ni bsgrub pa'i phyir/ /sgrub pa pos ni mchod par bya/ /oM A(rgyud 'grel): h+rI(rgyud 'grel): sh+rI lo ka nA tha sarba bud+d+ha bo d+hi sa b+hu pad+ma bi shud+d+ha a mri te rA dza b+hak+Sha ta kha khA khA hi khA hi/ a ne ka satwA rtsa sa ma ya sid+d+hi sma ra sma ra hUM hUM hUM swAhA/ zhes bya ba lan gsum brjod pas so/ /de nas lhag ma bsdus la gtor ma bya'o/ /bdag lus rdo rje spyan ras gzigs/ /phung po sangs rgyas rnam pa lnga/ /bde chen gnyis med phyag rgya che/ /dpa' bo rnam par rol pa yin/ /oM A(rgyud 'grel): h+rI(rgyud 'grel): a i a'u e o aM/ mahA su kha badzra ta tA sarba dz+nyA na swa b+hA wa bi shud+d+ha ho ho ho zhes glu blang bar bya'o/ /dpal spyan ras gzigs bdud rtsi brnyes pa'i zas kyi cho ga rdzogs so// //'phags pa spyan ras gzigs dbang phyug la phyag 'tshal lo/ /bdag gi lus la lhag par chags/ /nang ni rnam pa mang ldan pa 'am/ /yang na bsod nams tshogs don gnyer/ /des ni las sbyin cho ga brtsam/ /re zhig longs spyod dang lus la rmi lam dang sgyu ma lta bur rtogs shing 'du byed thams cad dri za'i grong khyer ram/ /mtshon cha'i sbyor ba lta bur yongs su shes pas/ /thog ma kho nar mchod pa rnams kyi mchog tu gyur pa ni/ rnal 'byor gyi lus nye bar sbyin pa 'di'o/ /de las yang rang nyid bcom ldan 'das 'phags pa spyan
- 201a
ras gzigs rnam par dkar ba 'od zer bcu drug gi rnam pa can du bsgom par bya'o/ /de'i thugs ni h+rI(rgyud 'grel): kun da lta bu'o/ /de las byung pa'i 'od zer 'bar ba'i gzi brjid kyis gdug pa can 'dul ba'o/ lte bar raM dmar po las skyes ba'i me yi phreng ba gsal kyi 'khor lo can no/ /de bzhin thugs kar yang a dkar po las skyes pa'i dbyangs kyi 'khor lo yang ngo/ /mi dang lha dbang klu rgyal gyi/ /mgo gsum sgyed bu'i steng du ni/ /lha yi smin mtshams las byung ba'i/ /pha ti ka yi gri gug gis/ /bdag gi thod phyed bcangs nas ni/ /phru ba'i tshul du dgab par bya/ /lha yi lte dbus raM yig las/ /me lce bskyod la spar bar bya/ /de yi nang du bdag nyid lus/ /gcer bu cog krung 'dug pa yin/ /gnas gsum yi ge gsum bsams la/ /khu ba dmar pos bzhu bar bya/ /'bru gsum lan gsum brjod pa yis/ /dag par byas dang bdud rtsir bya/ /phun tshogs dgyes pa'i rgyu bsams te/ /thugs ka'i h+rI(rgyud 'grel): las bdud rtsi dgug /dam tshig ye shes 'dres 'gyur ba/ /rdo rje kha phye'i phyag rgya dang/ /oM A(rgyud 'grel): badzra kA ya shud+d+ha baM shud+d+hA ka ra mu kha a mri ta swa b+hA wa mahA ba liM ta pU dza me g+ha sa mu dra spha ra Na sa ma ye hUM kha kha khA hi kha hI/ sarba sa twArtha ho/ /sngags 'di lan gsum par du dbul mgron gsum rnal 'byor cho gas so/ /rnal 'byor gyi dbang phyug chen po sh+rI nmi tra'i gdams pa/ lus sbyin pa'i cho ga rdzogs so// //thugs rje chen po rgyun gyi phreng ba can la phyag 'tshal lo/ /snying rje chen po can gyi rnal 'byor pas/ yi dags la sogs pa phongs pa rnams la chu'i sbyin pa byin pa la brtson par bya ste/ rgyu gcig sngon du song ba yis/ /'phags pa nyid ni dran byas la/ /mgrin pa lag pa 'khor lor bcas/ /rdzogs pa'i sbyor bas rdzogs par byas/ /phyag
- 201b
?? zla dbus ye shes can/ /a phreng gis bskor gsal ba yi/ /ming med rtse nas mi 'gyur bdun/ /'bab pa bdud rtsi'i rgyun rab mdzag/ pad+ma rgyas btab rin chen snod/ /bsil zhim dangs pas bkang ba'i chu/ /pad+ma'i mtsho la char rgyun bzhin ye shes bdud rtsir 'bab pas bsre/ /'jungs pa'i mya ngan rgud pa yi/ /gzugs can ji snyed 'jig rten rgyu/ /de snyed phyag mthil 'od zer gyi/ /mdun bdar? sa gzhi gang bar bya/ /oM A(rgyud 'grel): h+rI(rgyud 'grel): mahA kA ru Ni ka pra sA da sarba pre ta bra tyu da ta shI g+h+raM dza dza rdze de rjes 'od zer skar mda' yi/ /sngags dang phyag rgya gsal ba yis/ /ma lus lce la 'bar ba yi/ /sbubs bsams yi ge bzhi brjod sbyin/ /oM A(rgyud 'grel): h+ri(rgyud 'grel): hUM/ zas kyi bdud rtsis tsham byas nas/ /gnas gyur lha lus thob pa na/ /bde gshegs bka' yi tshig sbyin pas/ /dub pa'i sems kyang tshim par bya/ /mthar ni smon lam gyis smin pa'i gdul byar byas pa la lam bstan pa'i phyag rgyas bka' bsgo la ci bde bar dengs su gzhug go /chu sbyin gyi cho ga rdzogs so// // 'phags pa spyan ras gzigs mchod sbyin mang po dang ldan pa la phyag 'tshal lo/ /de nas snying rje chen po can chu gter gyi mchod sbyin la mngon par dga' bas gang na ri dang thang dang 'bab chu dang ne'u gsid dang/ lha khang dang phug la sogs pa ci rigs pa'i gnas su yo byad phun sum tshogs par byas nas bde ba'i yid dang ldan pas 'dug ste/ gsum la skyabs song nas brtsams te/ byang chub mchog tu sems gzung par/ /byams sogs tshangs pa'i gnas bcas pas/ /nges par byas te cho ga brtsam/ /thams cad stong pa nyid dbyings las/ /pad+ma zla dbus sa bon ma chen/ /yongs gyur sbyar bas lha mchog bskyed/ /phyag rgya sngags kyis yongs dag cing/ /rdo rje bsdams pa las byung ba/ /gnyis brkyang gung
- 202a
mo mdzub gnyis mdud/ /mthe bong rdo rje ban sbyar la/ /spyi gtsug steng du gsal gzhag ste/ na ma(rgyud 'grel): sa man+ta bud+d+hA nI/ badzro Sh+NI Sha hUM hUM/ zhes bya bas gtsug tor gsal bar bya'o/ /rdo rje thal mo gnyis sbyar las/ /gung mo gnyis brkyang srin lag mdzub/ /rtse sbyar phan tshun 'khyung bskor nas/ /gtsug tor steng du gsal byas nas/ /oM A(rgyud 'grel): h+ri badzra a mri te pa s+thI ti hUM hUM/ zhes bya bas 'od dpag med kyi cod pan bsgrub par bya'o/ /klu mchog chos 'chang las skyes pa gung mo dang ni mthe bong gnyis/ /gshibs brkyang rtse mo lhan cig pa/ /dmigs la nye bar btud nas ni/ /oM A(rgyud 'grel): h+rI(rgyud 'grel): badzra dz+nyA na tsak+Shu pra sa ka sa hUM/ zhes bya bas ye shes kyi spyan dang ldan pas gsal bar bya'o/ /lag gnyis mnyam pa'i thal sbyar bas/ /mdzub gnyis gung mo la mdud cing/ /mtheb gnyis gung mo la btung nas/ /lus kun kun tu bskor myul bas/ /oM A(rgyud 'grel): h+rI(rgyud 'grel): badzra naM badzra tsakra b+ha wa ka pa Ta hUM zhes byas pas rdo rje zhu blubs kyi go bgo bar bya'o// de rjes rnam dag chos nyid rgya dang nam mkha' mdzod dang bdud rtsi thab sbyor dang/ /shugs chen skar mda' dbang du byed bshad rgyal ba spyan ras gzigs dbang rgya/ /sngags bcas grangs kyi dri bral bsam yas bdud rtsi'i mtsho chen sprin 'khrigs dang/ /dpag med lus kyis phun tshogs mchod sprul ma lus ci rigs dgos dgur mchod/ /oM swa b+hA wa bi shud+d+ha sarba d+harmA swa b+ha ba bi shud+d+ho haM/ na ma(rgyud 'grel): sarba ta thA ga tE b+hyo/ bi shwa mu khe b+hya/ sarba thA khaM utga te spha ra(rgyud 'grel): hi maM ga ga na khaM swAhA/ oM A(rgyud 'grel): mri ta kuN+Da li ha na ha na hUM/ na ma(rgyud 'grel): sarba ta thA ga ta a ba lo ki te/ oM saM b+ha ra saM b+ha ra hUM/ oM dz+nyA na a ba lo ki te sa man+ta spha ra Na ra smi b+ha ba sa ma ya mahA ma Ni du ru du ru h+ri da ya dzA la ni hUM/ na ma:
- 202b
sa man+ta bud+d+ha nAM gra he shwa ri pra b+hA ba dza ti mahA sa ma ya swAhA/ na ma(rgyud 'grel): sarba ta thA ga ta mahA ka ru Ni kA ya swa ra sh+rI a ba lo ki te mahA a d+hi Sh+ThA na dzwa la dzwa la nA nA pu dza me g+ha spha ra Na hUM/ paM las pad snod rgya chen ni/ /'bru gsum las gyur sna tshogs bcud// thab cing rgya che'i sngags phyag rgyas/ /byin brlabs de steng sman shing bskyed/ /a dang ka sogs las grub pa/ /grub pa nyi shu sogs rdzas kyis/ /legs spras dam tshig gtor ma la/ /ye shes bstims la ji bzhin mchod/ /dpal ldan thugs rje che stobs mthus/ /srid zhu yon tan phan 'dogs dang/ /snying rje'i gnas gyur ltos chags mgron/ /tshim byed mchod sbyin 'di rab bsngags/ /dpal thugs rje chen po'i chab gtor gyi cho ga rdzogs so// //'phags pa spyan ras gzigs dbang phyug me dpung 'bar ba la phyag 'tshal lo/ /bsod nams ye shes tshogs myur du/ /dngos grub byed dang zang zing rnyed/ /gzi brjid bskyed dang mthu bskyed dang/ /sdig 'joms bya phyir me dpung mchod/ /dam tshig can gyi sngon du lha 'dris par byas nas nags dben par song ste/ khru bzhi pa dang khru ngo dang/ khru gang pa dang mtho gang ba'i tshad kyi shing bu bzang po bsrung ba blangs te/ sems can thams cad la byams pa dang lhan cig pa'i dad pa drag pos mchod pa'i yid ma brjed par byas la/ /ji tsam rig par mchod rten gyi gzugs lta bur brtsig go /ji skad zhi ba'i sbyin sreg tu/ /gang gsungs sreg rdzas mchod pa'i rkyen/ /de dag thams cad 'di shes byed/ /khyad par du ni rab bsngags brgyad/ /sa yi bdag po'i yo byad rung ba sna tshogs phye mar byas pa dang/ /dbang phyug rnams kyi 'bru nar dang ni de bzhin tshong dus chen po'i sa/ /gzi ldan mthu chen spra dang sen mo'i 'tsho ba'i dang por skyes pa'i thung/ /rang nyid lus skyes dri ma sna tshogs
- 203a
phun sum tshogs min ling ga'o/ /de la thog ma kho nar me sbar ba dang cho ga ji lta ba bzhin byas te/ 'bar ba'i dbus su ye shes kyi lha spyan drangs te/ mchod pa dang bstod pa sngon du 'gro bas bsreg rdzas dbul zhing rab tu bsngags pa'i chus yang dang yang du khrus gsol ba dang bsangs gtor bya'o/ /de nas yang mchod pa la sogs pa thams cad byas te glu dang gar dang rol mo la sogs pa btab cing pi wang bsgreng ba dang lhan cig tu man ngag dang ldan pas phun sum tshogs pa ma yin pa'i ling ga bsregs la sngags bzla'o/ /oM A(rgyud 'grel): h+ri(rgyud 'grel): a ki ni dzwa la dzwa la mahA dzwa gA tro/ ma ma ta mu ge las che ge mo thams cad sid+d+ha sid+d+ha mahA ka ru Ni ka ho/ zhes bya bas so/ /me dpung 'bar ba spyan ras gzigs dbang me yi las/ /mchod pa gang brnyes zhal gcig phyag gnyis dza ka'i mdog /shin tu gzi brjid sgrub pa'i bsod nams sgrub brtson pa/ /yid bzhin nor bu me thab g.yas g.yon 'dzin pa yin/ /de yi las bsgrub me yi bu zhes bya ba'i lha/ /rkang pa gnyis bteg dga' ba'i gzi mdangs dkar dmar mdog /rin chen phreng thogs nyid kyi thugs ka las 'ongs nas/ /sbyin bdag mdun sdod don kun nges par bsgrub pa'o/ / sras bcas lha mchog me lha gnyis/ /mnyes gyur rmi lam nang du ston/ /de nas gshegs gsol thal ba bsdus/ /dpung pa g.yas su bdugs par bya/ /thugs rje chen po me yi lha/ /de yi nyin mo tshur bcas la/ /rtag tu bu sdug lta bur ni/ /dgongs 'gyur 'dod pa thams cad bsgrub/ /me'i mchod pa'i cho ga rdzogs so// //thugs rje chen po sku gsung thugs ye shes rnam par 'phrul pa la phyag 'tshal lo/ /de nas sku gzugs kyi cho ga bshad par
- 203b
bya ste/ mtshan ma mthong pa'i sgrub pa pos dam tshig sbyangs te/ /byin gyis brlabs pa'i sku la bdar ba'i chu sa lus bkrus la gnas phun sum tshogs par bdag gi ltos pa dor bas brtsams mo/ /rgyu dang ngo bo kha dog dang/ /rab tu gnas pa rnam par dang/ /yon tan dang ni 'phrin las rgyun/ /brgyad po la ni cho ga brgyad/ /thugs dang sku dang gsung nyid dang/ /ye shes dang ni de kho na/ /lnga ni yi ge lngar bcas la/ /gzhan gsum rang bzhin ye shes gsum/ /hUM oM A(rgyud 'grel): h+ri(rgyud 'grel): he ho phaT swAhA/ 'jim pa dang rdo dang shing dang ras dang rus pa dang rtsig ngos dang rin po che la sogs pa'i rgyu rnams ni rdo rje 'chang dbang phyug gi nga rgyal gyis snying gi padmo'i dbus kyi hUM rdo rje sems dpa' las 'phros pa'i thugs rdo rje'i rdul phra rab kyis gang zhing gtams par bya'o/ /zhi ba dang khro ba dang tshul gnyis pa la sogs pa'i sku gzugs kyi ngo bo rnams ni 'khor lo can dbang phyug gi nga rgyal gyis snying gi 'dab ma'i dbus kyi oM 'khor lo sems dpa' las 'phros pa'i sku thugs rje rnam par rol pas rab tu brjid pa'i bdag nyid du bya'o/ /dkar ba dang dmar ba dang ser ba dang ljang khu la sogs pa'i kha dog rnams ni pad+ma can dbang phyug gi nga rgyal gyis snying gi 'dab ma'i dbus kyi a padmo'i sems dpa' las 'phros pa'i gsung nye bar bkod pas shin tu khyab par bya'o/ /ji lta ba dang ji snyed pa mkhyen pa me long lta bu la sogs pa'i ye shes rnams ni rin chen 'dzin dbang phyug gi nga rgyal gyis snying gi padmo yi dbus kyi h+ri(rgyud 'grel): rin chen sems dpa' las 'phros pa'i ye shes chen po bsam gyis mi khyab par mngon par byang chub par bya'o/ /dag pa dang dri ma med pa dang ye shes chen po'i mtshan nyid la sogs pa'i rnam par dag pa rnams ni sna tshogs
- 204a
spyod dbang dbang phyug gi nga rgyal gyis snying gi padmo'i dbus kyi ho/ sna tshogs sems dpa' las 'phros pa'i rnam par dag pa mthar son par bya'o/ /de'i 'og tu pral ba dang phun sum tshogs pa la sogs pa'i yon tan rnams ni sku gsung thugs ye shes kho na lnga po nyid gnyis med dbang phyug gi nga rgyal gyis snying gi padmo'i dbus kyi ho gnyis med sems dpa' las 'phros pa'i yon tan dpag tu med pa yongs su rdzogs par bya'o/ /lhun gyis grub pa dang rgyun mi 'chad pa la sogs pa'i 'phrin las rnams ni sku gsung thugs ye shes de kho na lnga po nyid rang byung ba'i dbang phyug gi nga rgyal gyis snying gi padmo'i dbus kyi phaT rang byung sems dpa' las 'phros pa'i 'phrin las rtag tu rtsol bar mi mnga' bar 'jug pa rnam par 'phrul bar bya'o/ /sgrub pa po dang rjes su 'jug pa la sogs pa'i rgyun rnams ni sku gsung thugs de ye shes de kho na lnga po nyid nye bar sbyor ba'i dbang phyug gi nga rgyal gyis snying gi padmo'i dbus kyi swAhA nye bar sbyor ba'i sems dpa' las 'phros pa'i rgyun nam mkha' ji srid par sbyor ba dbang du 'gyur bar bya'o/ /rang rang cho ga rjes mthun pas/ /ji ltar bsgrub pa dga' bzhin du/ /dka' yang skyo ba med spyod na/ /mi de myur du dngos grub byed/ /gang zhig gang gi don 'dod pas/ /lhag mas rab tu snying brtses 'jug /de dag rang bzhin stong nyid shes/ /brtul phod 'phags sras phyir mi ldog /sku gzugs kyi cho ga rdzogs so// //spyan ras gzigs dbang phyug gzi brjid rgyal po la phyag 'tshal lo/ /'jig rten mgon po mnyes byas pa'am/ /mnyes 'dod dang pa thob pas kyang/ /mang po'i spyod yul 'gyur bar ni/ /mchod rten la sogs brtsam par bya/ /gzi brjid rgyal po zhal gcig pa
- 204b
'am/ /yang na dpag tu med zhal phyag /bsam gyis mi khyab spyan mnga' ba/ /bsod nams bsgrub phyir spyan drangs mchod/ /bdag nyid h+rI(rgyud 'grel): yig las skyes pa'i/ /rtsa ba'i rgyal ba gang bsgoms pa/ /de yis byin brlabs dbang bskur nas/ /rgya mtsho la ni char byan? bzhin/ /'jim pa la sogs yo byad la/ /rdo rje 'bar bas bgegs bsal te/ /rig pa'i rgyal pos gzi bskyed la/ /rnal 'byor ldan pa'i byin gyis brlab/ /oM A(rgyud 'grel): h+rI(rgyud 'grel): sarba a b+hi ka naM ha ra ha ra pra ha ra hUM hUM hUM phaT/ oM A(rgyud 'grel): h+rI sarba d+harmma ni rma la bi shud+d+ha swa b+ha wa sarba mahA g+hu na a nu ba rti ta ye swAhA/ /oM A(rgyud 'grel): hUM(rgyud 'grel): ho(rgyud 'grel): de nas rten la tshogs bsags te/ /stong pa nyid dang bsam mi khyab/ /phyogs bcu'i sangs rgyas dgongs mdzad par/ /sngags pas mchod rten bzhengs par bya// oM na mo b+ha ga wa te/ lo ki shA ra ya/ pra b+ha rA dza ya/ ta thA ga tA ya/ arha te/ semyaksa m+bu d+d+hA ya/ tadya thA/ oM suk+Sh+mE su k+Sh+mE sa me sa ma ya/ shAn+te/ dAn+te/ sa ma ro pe/ a nA laM/ ta raM be/ ya sho wa ti/ mahA te dza/ ni ra ku le ni ra bA na/ sarba bud+d+ha/ a d+hiSh+ThA na/ a tiSh+Thi te swAhA/ gzi brjid kyi rgyal po'i gzungs 'di brgya rtsa brgyad bzlas shing las la 'jug pas bcom ldan 'das 'jig rten dbang phyug dran pa dang/ mi 'bral bar byed na/ des ji srid yo byad la gnas pa'i rdul phra rab ji snyed yod pa de snyed kyi mchod rten sku gzugs byas par 'gyur ro/ /de rjes gzi brjid nyid dpal gyis/ /ye shes spros la rab gnas bya/ /nam mkha' ji srid bzhugs gsol nas/ /bzod par gsol te mchod pas mchod/ /sku gzugs dang mchod rten gyi cho ga rdzogs so// //bcom ldan 'das ye shes 'bar ba la phyag 'tshal lo/ /theg pa mchog zhugs de nyid ye shes ma mthong dang/ /mthong ba ji srid rnal du mi gnas res 'ga' nyid/ /de bzhin rnam g.yengs
- 205a
thibs por gyur dang mthar mi 'gro /blo gros lam ltos de dag las 'phags 'dir bshad bya/ /bdag lus spyi gtsug cod pan la/ /dpal ldan bla ma brgyud pa'i rim/ /ye shes shing rta'i rtsa mchog lam/ /drang dang bar mchad dang dangs/ /de mdza' slob dpon rdo rje rtse/ /bdag gi tshangs gnas nam mkha' i sgor/ /A(rgyud 'grel): hUM gnyis mtshan reg bsgoms la/ /steng rim nas ni gsol ba gdab/ /ma lus ye shes can rnams kyis/ /yang dag rim mdzad sa bon hUM/ /pad+ma la ni ge ser bzhin/ /mkhas pas rab dang thugs kar bsgom/ /zla ba la yang skar ma ltar/ /rdo rje 'chang chen 'od mthar ni/ /bcu dang gnyis bcas a phreng gis/ /bsgor bltas gsang sngags bzlas bar bya/ /oM ratna gu ru sh+rI a ba lo ki te shwa ra sarba ashTa de ba ta maha tiSh+Tha ne ma ma tsi ta ta ta ta dz+nyA na dzwa la dzwa la/ pra ti dzwa la pra ti dzwa la/ pra tyu ban+na h+ri(rgyud 'grel): da ya dzwa la dzwa la spha ra Na hUM hUM hUM/ gsang sngags rgyal po rig pa che/ /rdo rje 'bebs pa gdon mi za/ /rnal 'byor phyag rgya nges pa 'di/ /thugs bskul ye shes 'bab par 'gyur/ /rdo rje dbang phyug sa bcu'i snying/ /bum pa las ni rgyun bzhin du/ /rim gyis bdag snying sa bon la/ /bab gyur de yi gzi brjid bskyed/ /'char ka'i 'od ltar dmar ba dang/ /zla rgyas dkyil 'khor ltar dkar nyid// dbang po'i gzhu mdog lta bu yi/ /'od kyis bdag lus gang bar bya/ /gang phyir bskal ba bye bar yang/ /'bang byas dal bas yang min la/ /bde chen 'od gsal rnams mi rtog /bla ma'i drin thob thob par 'gyur/ /chu gtor che las brlan pa'i rlangs bskyod dri med mkha' la mi zad sprin 'khrigs dkar ba med/ /rta bdun shar tshe thibs pos ma rungs gling rnams mi gsal snang bar byas la dka' ba med/ /nam mkha' i dngos la shugs drag rlung 'khrugs glo bur sprin sgribs dangs
- 205b
par byas la dkar ba med/ /de bzhin bdag gis chos kyi rjer gyur dam pa'i mthus kyang ye shes 'bar bar dka' ba med/ ye shes sbar ba'i gdams ba rdzogs so// //bcom ldan 'das thugs rje chen po la phyag 'tshal lo/ /gang zhig byang chub sems bskyed na/ /bdag gam gzhan gyis don 'jug pa/ /de tshe shes dang mi shes pas/ /dri ma rab tu mang skye 'gyur/ /de la mgon po spyan ras gzigs/ /thugs rje chen pos byin brlabs pa/ /ye shes bdud rtsi'i chu rgyun gyis/ /bkru ba dam pa 'dir bshad do/ /rab tu gnas pa mchog gnas pa'i/ /rten gang byin gyis brlabs ba zhig /mdun bdar me tog bdug spos sogs/ /mchod pa du mas legs mchod bya/ /phyogs bcu dus gsum gshegs pa yi/ /rgyal ba sras bcas rin chen gsum/ /sprin gyi phung po ltar dkrigs pas/ /nam mkha' i ngos la gang bar lta/ /nyes dmigs rnam pa mang dran bas/ /gdung pa'i yid kyis 'gyong bas ni/ /thog med nas bsags sdig pa'i tshogs/ /ma lus so sor bshags shing bsdam/ 'gro ba dge ba'i rtsa rnams la/ /rjes su yid byed yi rang ba/ /'di ni bsam mi khyab pa'i las/ /ming la phun tshogs khyad par 'dod/ /de nas 'phags tshogs spyan sngar bdag /gus pas phyag 'tshal rab dad pas/ /sdig ldan bdag la bskyab pa'i phyir/ /thugs rje chen pos dgongs su gsol/ /gti mug thibs pos non pa bdag /mi zad sdig pa'i dbang gyur te/ /'gro ba ngan song nges pa'i sar/ /gdon mi za bar myur ltung 'gyur/ /de bas skyob pa rnams kyi mthus/ /mgon med bdag ni gnas skabs 'di/ /gzigs nas myur du bskyab du gsol/ /khyed las skyabs bzhan bdag ma mchis/ /de ltar sna tshogs gdungs pa yi/ /smre sngags du mas smre brjod la/ /rtse gcig ma yangs thal sbyar nas/ /re ba'i yid kyis mdun du 'dug /de tshe lha mchog 'dus pa yi/ /tshogs rnams
- 206a
thugs rje'i thugs bskyod de/ /de dag las sprul 'jig rten mgon/ /dkar bzangs bum pa 'dzin pa 'ong bsam/ /yang ni mi byed dang dang dang/ /mchod byas gsol ba gdab par bya/ /de rjes mgon po'i thugs ka nas/ /'od phyung mi 'jigs sbyin pa'i sgras/ /dbyings 'byin dri ma bsal ba dang/ /bkrus dang yongs su spyang ba bya/ de la 'od zer rnon po yis/ /dri ma bsregs pa dang po ste/ /bdud rtsi chu rgyun phreng ba yis/ /bkru ba gang yin gnyis pa'o/ /yang dag ye shes mnyam gzhag la/ /mnyam 'jog yongs su sbyong ba bshad/ /dag dang dri med 'od gsal dang/ /sgrub pa las la sbyar ba yis/ /don bsgrubs nas ni dkyil 'khor gnyis/ /slar bdag snying khar bsdu bar bya/ /dri ma rnam dag gi cho ga rdzogs so// // bcom ldan 'das spyan ras gzigs dbang phyug la phyag 'tshal lo/ /sngags pa gang zhig yul lam dbang po dang las kyi stobs kyis gal te phyi dang nang gi dam tshig nyams pa 'ga' zhig lta bu byung bar gyur na/ /de 'phags pa spyan ras gzigs dbang phyug thugs rje chen po dang ldan pa dran par byas la/ lus dang longs spyod dang/ gdam ngag la lhag par chags pa yang spangs te/ cho ga rnams las ji snyed 'byung ba'i bshags pa dang/ spyang ba rnams kyis shin tu gus par rab tu dag par bya'o/ /de'i yang cho ga rnams kyi gtso/ /dpal ldan 'jig rten gsum rgyal po/ /dri ma spyod pa'i brtag pa las/ /gang bshad bdud rtsi'i chu rgyun 'di/ /padmo dkar rgyas 'dab stong rnam par bye ba yi/ /lte bar dang sems dri med hUM gi snying po can/ /sgrib tshogs chags nyams du ba khug rna dngul gyi tshul/ /me long ngos la g.ya' dang ji bzhin khebs par bsam/ /de yi gtsug tor nas brgyud pa/ /d+hu ti rin chen spangs pa yi/ /spu gu dkar po gyin?
- 206b
'greng? ba/ /spyi gtsug par du gsal bar bya/ /bdag nyid cod pan nyi zla'i gdan stengs 'bar ba la/ /bla ma mgon dang a haM yab yum phyi nang rim/ /ji bzhin snyoms 'jug bde chen stong nyid bsam gtan la/ /rtag tu dges bzhugs bdag gi nyams pa gso mdzad bsgom/ /phyi nang gsang gsum mchod pa dang/ /bstod sogs rgyas par byas nas ni/ /'gyod dang sdom dang dang bar bcas/ /rtse gcig blo yis gsol bar bya/ /thog ma kho nar bla ma snyoms zhugs byang chub sems kyi rgyun rab dmar/ /sbyor mtshams nas sam nyid kyi rdo rje rdo rje rnam dag rtse lnga las/ /byung ba'i me lces bdag lus kun khyab rlung gi shugs bcas dkrugs pa dang/ /mngar ba'i shugs kyis ji snyed chags nyams dri ma ma lus bsreg par bya/ rdo rjes lha yang snyom par zhugs/ /thig le dkar hUM bkru ba dang/ /de bzhin thabs dang shes rab kyang/ /snyoms 'jug thig le sngon pos gso/ /cho ga dam pa 'di yis ni/ /mi gang shes dang mi shes dang/ /ma dang nga rgyal mang ba dang/ /bsnyen sogs rgyu yis lam nyams pa/ /de dag myur du gza' las thar ba'i zla ba bzhin/ /zla ba gcig gam yang na gnyis nyid de ste gsum/ /brtson dang gus drag the tshom yid gnyis bsal nas ni/ /rig ma mchog bcas snyoms par zhugs na nges par grol/ /chags nyams gso ba rdzogs so// //'phags pa spyan ras gzigs dbang phyug la phyag 'tshal lo/ /rab tu snga bar langs nas ni/ /dri zhim chu yis bkang ba yi/ /bum par brtson mdzad spyan ras gzigs/ /bzhu ba'i rgyun gyis lus bkru bya/ /dge ba'i khung bu dam par ni/ /brtse ldan skyes bu che rnams kyis/ /dul ba'i blo gros dran pa dang/ /bag yod dbang po rab bsdams pas/ /zhugs la sna tshogs mchod pa yi/ /rdzas rnams chal bar bkram bya zhing/ /dri bsung bdug pa mchog gis bdug
- 207a
khro bo'i rgyal po'i sngags bzlas bya/ /oM a b+hi ka nan sarba to Sha pra ha na hUM phaT/ de nas lha yi rnal 'byor gyis/ /ji bzhin bskyed dang rdzogs pa yi/ /cho ga rim pas sngon btang la/ /pha Ti ka li sbyor ba brtsam/ /rdo rje lcags kyu'i phyag rgya dang/ /smin mtshams 'phro ba'i 'od zer gyis/ /brtson pa'i 'jig rten gsum dbang po/ /skad cig tsam gyis mdun du drang/ /shel ltar dri med yangs pa yi/ /pho brang rin chen sgron ma can/ /rab tu nyams dga' lham me ba/ /brgyan rnams kun gyis phun tshogs lha/ /rlung gis bskyod pa'i er ka rab snyan bde bar gshegs pa'i gsung rab las/ /bstan pa gang dag shin tu rnam nges rtag dang bde dang gtsang ba dang/ /bdag tu chags pa'i lte ba'i kun sel mi rtag sdug bsngal mi gtsang dang/ /bdag med chos ston nam mkha' i mthar thug skye dgu'i snying ram sim byed bsam/ /dgu brgya dgu bcu rtsa dgu yi/ /gzhal med khang brtsegs dam pa dag /kun tu 'od 'tsher rgyal ba yi/ /sku mdzes mang pos rab brgyan pa'o/ /khang bzangs re yang mchod pa yi/ /lha mo bcu drug bcu drug gis/ /mngon par rol byas rtag tu rtse na/ /thams cad ting 'dzin bskyed brtson pa'o/ /de yi phyi rol nye 'khor du/ /phyogs skyong bcu yi bu rnams kyis/ /gtsor byas mchod pa'i sprin phung las/ /lus phyed mngon phyung btud pa'o/ /phyogs bcu'i rgyal ba thams cad kyi/ /smin mtshams mdzod spu phyung ba yi/ /skar mnga' ltar dkar 'od 'phros pas/ khang bzangs rgyal ba'i thugs bskul ba/ /'di ltar rnam par g.yeng kun gyis/ /rtsa ba 'dzin pa yin pa'i phyir/ /mkhas pa ting 'dzin myur 'dod pas/ /'dzin pa mdza' dag spang bar bya/ /de 'dzin pa rnam pa bzhi ste/ /longs spyod
- 207b
bshes dang lus nyid dang/ /dge ba'i tshogs la mngon zhen pa'o/ /'di dag gzhan gyi don du bsngo/ /de nas me long zla rgyas dang/ /dbang po'i gzhu dang 'od kyi khyim/ /ston gyi nam mkha' i gung snyams kyis/ /sbyor ba brtan pas rnam par bsgom/ / 'jig rten mgon po'i ting nge 'dzin/ /thogs med 'od dpag med nyid kyis/ /dbu rgyan h+rI(rgyud 'grel): yig snying po can/ /smin mtshams nyi mas mtshan gyur lta/ /oM A(rgyud 'grel): h+rI(rgyud 'grel): ma ma tsi tra sa ma ya d+hi badzra mu tra pra tyud ta pheM pheM pheM dzwa la dzwa la dzwa la hUM hUM hUM/ sngags 'di rgyal ba'i sku gsung thugs/ /ting 'dzin dbab pa'i phyag rgyas te/ /rang bzhin pad+ma 'dab stong dbus/ /thig le dkar 'tsher rdo rje'i rgyu/ /nyi ma'i zer gyis padmo dbye/ /thig le las ni 'od tshogs spro/ /de yi mun pa kun bsregs pas/ /thogs med bsam gtan rang byung 'gyur/ /ting nge 'dzin myur du bskyed pa'i gdam ngag rdzogs so// //spyan ras gzigs ting nge 'dzin rab tu brtan pa la phyag 'tshal lo/ /gang zhig ting 'dzin ri dbang po ltar g.yeng ba'i rlung gis mi bskyod cing/ /shin tu 'od gsal ston ka'i mkha' la nyi 'od dra ba bkram 'dra ba/ /gnyis med bde chen rtogs dka' i rtog pas rtag tu dges bzhugs 'dzum pa'i zhal/ /bsam gtan mchog gi phyag rgyas mnyam gzhag mnyam med mgon po nyid rtag 'dud/ /sgrub po gang zhig sgrub pa 'am/ /ngo bo nyid kyis rnyed pa yi/ /ting 'dzin rab tu mi brtan pa/ /de dag brtan pa'i thabs 'dir bshad/ /shin tu dben pa'i gnas nyid du/ /lus dang sems ni rab ral? ba rgya chen mchod sbyin byas nas su/ /man ngag gsum gyi dang po bsgom/ /ma lus 'gro la byams sogs tshad med tshangs pa'i gnas pas legs gnas la ji skad bshad pa'i ting 'dzin phyag rgyas dpa' bo chen po mnyam gzhag
- 208a
bya/ /de rjes mtshan bcas mtshan med cho gas mgon po la gus gsol btab la/ /sbyor ba gsum pa'i rnal 'byor rgyal po rtse gcig brtan par yang dag bsgom/ /tha mal rang lus dkyil 'khor dbus/ /snying dkyil padmo dbye ba'i nang/ /rdo rje 'dzin pa legs bsgoms la/ /de yi nang na'ang mgon po nyid/ /de bzhin de yi snying po nyid/ /dus gsum rgyal bas byin brlabs pa/ /sgrub po'i ting 'dzin brtan pa'i rgyu/ /ye shes chen/ po h+rI(rgyud 'grel): yig go /de ni gnyis su med sems rgyu/ /de la sa bon yang dag brten/ /sku gsung thugs dang ye shes dngos/ /'bru bzhi phyogs bzhir rnam par bsam/ /mgon po nyid mthar A li ste/ /bla ma'i mthar yang kA li'o/ dbus nas brtsams te sngags bzla zhing/ /'od zer sbyor pas don gnyis bsgrub/ /skye ba las ni phyogs bcu'i mthar thugs gang dag bsam gtan ma thob ba 'am/ /thob kyang gang zhig rnal du mi gnas ri yi rtsa rtse ltar g.yo ba/ /de dag de ltar skad cig yud la ri rab spo ltar brtan pa yi/ /ting 'dzin la bkod bde chen ro myang 'chi med mnyam gzhag cher gzhag bya/ /bsdus pas phyi ma phyi ma'i rim/ /thim gyur nang ma nang ma la/ /dag dang dri med brtan pa zhes/ /bya ba'i ming can ting 'dzin gsum/ /go rims ji bzhin bsgoms nas ni/ /gcig tu 'gro ba snying brtse bas/ /thun gsum zhag bdun yid byed na/ /de yi ting 'dzin ri ltar 'gyur ting 'dzin brtan par byed pa'i gdam ngag rdzogs so/ //'phags pa mi g.yo pa'i ting nge 'dzin can la phyag 'tshal lo/ /mi gang sems g.yo 'gog 'dod pas/ /skad cig sbyor bar spyan ras gzigs/ /ting 'dzin rgya mtsho dus drug tu/ /mtshan ma
- 208b
drug ni bsgom par bya/ /de la g.yon pa brtan par bya ba ni/ /phyi'i mtshan ma ri mo dang ri mo mer pa la rtse gcig tu 'jug pa'o/ /nang gi mtshan ma ye ge med pa la rtse gcig tu 'jug pa'o/ /gsang ba'i mtshan ma skye ba dang skye ba med pa la rtse gcig tu 'jug pa'o/ /mi g.yo ba brtan par byed pa ni phyi'i mtshan ma rgya mtsho dang nam mkha' i sbyor ba'o/ /nang gi mtshan ma bum pa lta bu dang ri mo lta bu'i sbyor ba'o/ /gsang ba'i mtshan ma ni/ /thig le snyos pa'i sbyor ba'o/ /phyi nang gsang g.yo mi g.yo bas/ /dbang gyur dmigs par rang gnas na/ /de yang de tshe byed bral du/ /dub pa ngal bso mkhas pas shes/ /sems brtan par byed pa rdzogs so// //dpal ting nge 'dzin gyi rgyal po byin gyis brlabs pa'i gter la phyag 'tshal lo/ /dpal ldan padmo 'dzin dbang gis/ /sngags mthu ma grub grub pa dang/ /nyams chags gso ba'i cho ga ni/ /mkhas pas 'bad de bsgom par bya/ /tha mal lus kyi snying 'dab dbul/ /phyogs kyi kha dog can hUM yig /rnal 'byor rgyal po rang sems gzhi/ /dkar 'khyil gzi brjid 'od mdzad bsgom/ /kha dang rna ba sna gnyis dang/ /mig gnyis bshang dang gci ba'i sgo/ /de bzhin rkang pa lag gnyis ni/ /gtso bo las spros rdo rje bdag /gsung ba'i dkyil 'khor cho ga bzhin/ /pad+ma utpal rdo rje phra/ /nyi zla rdo rje hoM khung zum/ /rgya gram rdo rje rtse mang nyid/ /a phrang ka phreng dkar dmar gyis/ /bskor bas khrag 'thung 'jigs pa'i sngags/ /thugs rje 'phros pa 'od zer las/ /skyes pa'i sbyor ba yid ngag bya/ /dam tshig rdo rje hUM yig las/ /ye shes dpal 'dzin bcu gnas ni/ /mchod sogs cho ga bzhin btud nas/ /ting 'dzin sems dpa' rtse gcig bya/ /rnam par rtog pa kun bshigs dang/ /ye shes phyag rgya mchog sbyor la/ /mnyam gzhag phrin las bcu lhag spyod/ /
- 209a
mkhas pas som nyi med par spyad/ /rtag tu sems can la phan dang/ /lhag pa'i lhas de de nyid shes/ /rnal 'byor cho ga la brtson pas/ /zla ba drug na rtags mthong 'gyur/ lus nad me dong lce 'bar ba da ltar tsha me 'od rnam par 'khrug pa dang/ /rdo rje'i spu skyes kha nas me 'bar skye bo mang po'i mgo btud bstod/ /lag na rdo rje ral gri 'bar thogs ha la'i sgra sgrogs phyogs bcur rgyug /mig 'bras rab gsal sgron ma'i 'od 'char blo gros nye bar zhi ba'o// byin gyis brlabs mi zad pa'i chog rdzogs so// //btsun pa spyan ras gzigs dbang phyug la phyag 'tshal lo/ /re zhig sngags pa blo gros dam pa phul du sbyangs pa dag gis zla ba rgyas pa'i tshe kha shar du bltas la btsun pa spyan ras gzigs dbang phyug yid la byed pa dang mi 'bral bas/ /thog mar skyabs su 'gro ba dang sems bskyed pa la mngon par brtson par bya'o/ /de'i 'og tu tshangs pa'i gnas pad+ma la legs par gnas pa'i shes rab shin tu sbyangs pa yid la bya'o/ /me tog la sogs pa'i mchod pa dang/ /'phags pa dgyes pa'i tshigs su bcad pas bstod pa dang/ sngar byas pa la 'gyod pas sdig pa bshags pa la sogs pa ji skad bshad pa de dag nyid kyang ngo/ /de nas rang lus rgyal ba yi// pho brang 'khor lo dkar mdzes su/ /skad cig tsam gyis mngon bltas la/ /rnam dag gsum po bsgom par bya/ /de la mgo bo g.yas g.yon lag /gsang ba'i rdo rje g.yas g.yon rkang/ /'di dag rtsibs drug gsal ba ste/ /lte ba lte ba lin bar bshad/ /hUM dang oM dang traM h+rI(rgyud 'grel): a/ /phaT ces bya ba sngon po dang/ /dkar ser dmar ljang gud mdog rnams/ /rims bzhin me long gzugs ltar dgod/ /sgyu ma smon lam rnam thar gyis/ /don du grub pa med pa yang/ /snang ba mi dmigs
- 209b
rgyud du 'brel/ /rtog pa mdza' gnyis las grol ba'o/ /de rjes lte dbus sems kyi gzhi/ /brtan pa'i h+rI(rgyud 'grel): yig dkar bsams te/ /de steng bde chen thig le bsgom/ /sbyor ba gsum pa'i rnal 'byor gyis/ /bsdu dang dbang du bya ba dang/ /nges par rtogs pa'i rim gsum gyi/ /mkhas pas bde chen 'bar ba yi/ /khu ba zhu ba bsgom par bya/ /'gro ba'i don bsgrub rdo rje yi/ /'khor lo 'gal me bskor ba zhes/ /bya ba 'di yang bla ma yi/ /man ngag gis ni de rjes brtsam/ /brtse chen byang chub sems bzang gi/ rlung bskyong ye shes 'bru lnga yi/ /phreng ba 'khor lo bskor ba las/ /chos kyi sgra dbyangs snyan bsgrag bya/ /mi rtag sdug bsngal bdag med stong/ /mtshan med smon pa zad pa yis/ /gsung rab drang dang drang ba min/ /phyogs bcur mkha' khyab bstan par bya// lhan cig don gnyis byed pa 'dis/ /cig car bdag gzhan don bsgrubs nas/ /mthar ni brtan dang g.yo ba yi/ /'khor lo sbar ba'ang shes par bya/ /de bzhin 'gro dang 'dug dang smra/ /gnyid log la sogs dus kun tuAng/ /brtan pa mi phyed dran ldan pas/ /rtag tu spyod pa spyad par bya/ /'khor lo 'bar ba rdzogs so// //'phags pa spyan ras gzigs dbang phyug gsung dbang gi rgyal po rnam par rol pa la phyag 'tshal lo/ /gsung gi dbang phyug ngag gi bdag /rtag tu spongs pa mchog bskyed mdzad/ /so so rang rang rig mgrin par gnas/ /dpal ldan spyan ras gzigs phyag 'tshal/ /blo ldan rab dang snying rje'i chab kyis rtog pa'i myu gu rnam brlan dang/ /gang zhig skal ngan dag gi dpa' nyams skye bos rab brnyas ma rungs nyid// gzhan dag sngags rig mthu bskyed 'dod dang de bzhin pha rol byad bzlog 'dod/ /de dag gus pas shin tu yid dga' dag gi mthu bskyed gsung gis rol pa 'di bsgom bya/ /re zhig sngags pas skyabs su 'gro ba dang sems bskyed pa dang dbang
- 210a
bskur ba yang dag par rjes su dran pas lha'i rnal 'byor chen po yud tsam gyis mngon du byas la/ h+rI(rgyud 'grel): yig las yongs su gyur pa'i padmo sdong bu can gyi 'dab ma'i lce dang steng du a dang hUM las zla ba dang rdo rjer bskyed pa nas de'i mthar A li dang kA li rang phreng ba 'bar ba dkar dmar g.yas dang g.yon du bskor ba'i bar du ste/ ji skad 'phags pa'i lce byin gyis brlab pa'i mdo las 'byung ba ltar bsam par bya'o/ /de nas lhag bsam rnam dag pas/ /'gro ba'i dag gi dri bsal zhing/ /mthu bcu spobs pa bskyed 'dod pas/ /thog mar a la sogs pa zla/ /de'i phyir de dag las 'od kyi phreng ba dkar po dra ba dang dra ba phyed pa dang gur phub pa dang/ /gzha' ris kyi rnam pa lta bur shar bas sems can ma lus pa'i ngag gi dri ma bsal zhing/ /byang chub sems dpa' gsung gi dbang po'i rgyal po rnam par rol pa zhes bya ba'i ngag gi mthu rnam pa bcu po dag yongs su bskyed pa dang/ /tshur 'dus pas de dag gi ngag gi nus pa de gang yod pa de dag kyang mar me ltar blangs shing/ /yi ge nyid las mngon par thib pa dang/ /a sogs rdo rje dkar po dang/ /de bzhin lhag bsam sngo bas/ /ka sogs ral gri'i bar bsams te/ /ral gri rdo rje rnam par sel/ /de la ral gri ni gnyis gnyis so/ / rdo rje ni re re'o/ /mthar phreng ba phreng rgyud gcig la dgod par bya'o/ /rdo rje'i las ni ngag gi skyon 'jig par byed do/ /ral gri'i las ni ngag gi mthu rnon po yang dag par 'byin par byed pa'o/ /rdo rjes yi ge de dag gis mtshan rdo rje'i mchog dang rno ba yi/ /ral gri 'bar ba spu gri'i so 'dra 'od zer dkar dmar lhag ge ba/ /mkhas pas de tshe skad cig mngon bltas tshig bcas klag cing ma yengs pas/ /rang gzhan don phyir bro gar 'gyu byas spro dang bsdu ba'i 'od dbyung bya/ /de ltar sbyor
- 210b
ba dam pa 'di nyid dang ldan pas nam langs pa 'am/ nyi ma 'char ka 'am srod thog thag gam mtshan phyed dam rtag tu yang rung ste/ gzhan la brtse ba drag po bcas pas gang grub pa'i dge ba nyid kyang bdag nyid lhag par chags pa med par gzhan la yang dag par phan par 'dod na/ /'di'i ngag gi nus pa ni drang srong dang mtshungs par 'gyur ro/ /gang tshe bzlas pas yid skyo zhing/ /'gro don ldan par 'dod pa na/ /sngags gsum bzlas pas phreng ba yi/ /'khor lo bskor ba 'od du bzhu/ /dpal ngag gi mthu bskyed pa'i man ngag rdzogs so// //dpal 'jig rten dbang phyug rlung gi 'khor lo 'dzin pa la phyag 'tshal lo/ /sngags pas shin tu nyams dga' ba'i/ /gnas su rab tu mtho ba'i tshal/ /bsil khang rlung rgyun rtag 'bab par/ / gsang sngags 'khor lo bskor bar bya/ /h+rI(rgyud 'grel): oM A(rgyud 'grel): h+rI(rgyud 'grel): hUM(rgyud 'grel): blak+Sha 'am byang chub shing lo 'am/ /de bzhin rtag tu rlung gis bskyod/ /kha dog dri bzang tshal ba'ang rung/ /bsrung ba byas nas 'khor lo bca' / /ci tsam g.yo bar sla ba yi/ / bzo bcos lte ba padmos mtshan/ /brgya ched la ni rdo rje yi/ /ral gri mi bzang gzugs bya'o/ /pho brang gnas su sa bon las/ /mgon po rlung gi 'khor lo can/ /rtsibs rnams la ni shes rab thabs/ /yongs gyur sngags grub lha mo bsam/ /dngos dang byin brlabs gzhug pa yis/ /gzi byin bskyed la mchod pas mchod/ /rang nyid 'khor lo 'dzin bsgoms nas/ /'od bkye sngags bzlas 'khor lo bskor/ /thun gsum thog mar brgya rtsa brgyad/ /gsang sngags myur du grub 'dod bas/ / gsol btab rlung la bka' bsgo ste/ /rang nyid ci bde spyad par bya/ /gang du 'khor lo rab 'khyil pa/ /thugs rje che mchog rig pa'i mthus/ /sgrub po'i ngal ba 'jig byed pa/ /der ni sdig ldan mi brten no/ /de ltar 'khor lo chen po rang nyid 'phags pa
- 211a
spyan ras gzigs kyi mthus rigs lnga bcu rtsa lnga zlos par mdzad pa ni dam tshig can rnams kyis thabs yin par blta bar bya'o/ /me tog la sogs pa'i mchod pa ji snyed pa la gang zag med pas ces le lo dang brnyas pa mi bya'o/ /kha na ma tho ba phra rab dang/ dge ba'i rtsa ba chung ngu thams cad la bag yod pa dang/ brtson pa lhur bya'o/ /dkar po'i phyogs gcig gis brnyes pa thams cad yongs su rdzogs par 'gyur te/ /'di la the tshom mi bya'o/ /dpal ldan bla ma'i man ngag zab mo'i drin/ /gang thob skal ldan ngal ba med par ni/ /gsang sngags sgrub byed lus med shugs can gyi/ /'khrus 'khor 'jig rten mgon nyid las gzhan min/ /gsang sngags myur du grub pa'i cho ga rdzogs so// //'phags pa thugs rje chen po dang ldan pa la phyag 'tshal lo/ /gsum la skyabs song sems bskyed ldan/ /'gro la phan 'dod bdag 'dul ba'i/ /skyes bu dam pa bsam gtan gyi/ /khung bur bzhugs la rmi lam bsgom/ /btsun pa spyan ras gzigs kyi sku/ /btso ma gser gyi mdog ldan pa/ /zhal gcig phyag bzhi g.yas dang po/ /'jigs skyob de bzhin g.yon du ni/ /pad+ma dmar po gnyis pa gnyis/ /ting 'dzin mchog gi phyag rgya'o/ /thugs kyi padmo kha zum pa'i/ /dbus su sems dngos h+rI bsam bya// 'di 'dri'i 'phags pa nyid du bdag /skad cig tsam gyis bsgom nas ni/ /dge dang brtse dang dad ba yis/ /rnal 'byor rgyal po gnyid log bya/ /gang tshe gnyid du nye ba na/ /h+rI(rgyud 'grel): yang thig le gnyis la bsdu/ /rim gyi thig le 'og ma yang/ /de bzhin thig le gong ma la'o/ /de nas sna tshogs snang ba kun/ /rang gi lus la bsdus nas de/ /pad dbus thig le nyag gcig la/ /chu la chu bzhin ji bzhin bzhag /sems ni dri med zung 'jug bdag/ dngos med dngos bral rnam par dag /'od gsal chen po
- 211b
nyid la nyid/ /mngon gsum mi g.yo brtan par gzung/ /tshul 'di rang bzhin mkha' 'dra ste/ /rnam pa thig le bde ba che/ /ngo bo kun tu ma 'gags pa'o/ /spyangs sdom can gyi chos gcig bzhed/ /de ltar sgyu 'dra chos kyis rang bzhin med/ /gzhan la ma rig bdag nyid snying dkyil brtan par gnas/ /rgyal ba rnams kyi gshegs shul gcig yin ma nor ba/ /bsgoms na de rjes rmi lam nyid duAng de mthong 'gyur/ /gal te sgrib tshegs bud shing tshang tshing gis bsgribs pas/ /yang dag ji bzhin de tshe mngon du ma gyur na'ang/ /rnal 'byor rgyal pos re ba chad par mi bya ste/ /goms pa cung zad gcig tu brtson 'grus gsel mi bya/ /mdun gyi mkha' la sangs rgyas byang chub sems dpa' dang/ /nyan thos rang rgyal lha yi tshogs kyis yongs bskor pa'i/ /rgyal ba'i dkyil 'khor sprin gyi phung po ltar mthong 'gyur/ /de tshe de nas ring po mi thogs 'od gsal 'thob/ /rnam dag 'khor lo padmo 'dam nas skyes pa bzhin/ /gnyis kyis myos 'gyur ma rig gis bslad blo gros 'di/ /rang gis rang dben mkha' la nya ltar spros bral du/ /rtsol ba med nyid rang dbang mngon sum 'char bar byed/ /rmi lam skyes bus rmi lam gyi/ /grong du dga' dang mya ngan la/ /bzung ba rloms sems can yin la/ /de tshe de yis shes par 'gyur/ /me long gzugs brnyan gsal ba ni/ /yod dang med dang gnyi ga dang/ /gnyis pa ma yin brjod min pa/ /de tshe yid ches mthong bar 'gyur/ /nam mkha' i ngos la dbang po'i gzhu/ /de bzhin seng sbrin 'brug sgra can/ /thog mar skyes dang 'gag mi dmigs/ /'od gsal la gnas skyes bu shes/ /ji ltar smig rgyu'i rgyun 'bab pa/ /shar sogs nas ni gang zhig nas/ /ma 'ongs gar yang mi 'gro ba/ /rmi lam mthong ba de yis shes/ /dril bu dang ni pi wang sgra/ /brag cha la sogs 'du byed ni/ /rnam par thar ba gsum gyi sgos//
- 212a
zab mo rnam par dben ba yang/ /snang dang mun pa thibs po dang/ /'od gsal bye brag med gyur pa/ /shin tu sbyangs pa'i gser bzhin du/ /dri bral rnam par dag pa rmad/ /ji srid 'dzin pa mang po la/ /zad dang mi skye bsre ba yis/ /ro gcig nyid du sbyor shes pa/ /rmi lam las gzhan rnal 'byor rmi/ /de ni sad ba nyid na'ang/ /yid kyi dbang po tshim pa dang/ /'dod pa'i srid pa las blo ldog /chos 'di brjod pa tsam rtogs so/ /de ltar gzung dang 'dzin pa yi/ /dri ma dri ma bral ba dang/ /bral ba rang bzhin med pa yang/ /yid kyi mngon par 'du mi byed/ /'phags pa'i mig ces bshad pa ste/ /spyan ras gzigs kyi mthu yis so/ /rmi lam dri ma med pa'i sgom pa rdzogs so// //bcom ldan 'das spyan ras gzigs ral gri 'bar ba la phyag 'tshal lo/ /mi gang gnyid kyis log pa na/ /ma 'ongs bkra shis min pa yi/ /ltas gang byung ba gyur pa de/ /dga' ba'i lhas bstan mthong bar 'gyur/ /'di la btsun pa spyan ras gzigs/ /dad pa thob pa dka' thub can/ /brtse ldan dbang po dul ba yis/ /bzlog pa'i cho ga gsungs pa yin/ /nyi ma 'char ka'i 'od 'phro tshe/ /gso sbyong yan lag la gnas pa/ /shar du kha bltas gos bzang gyon/ /gdong bkrus me tog phreng bas brgyan/ /gsum la skyabs song brtse chen gyis/ /sna tshogs mchod rdzas legs bshams la/ /spyan ras gzigs kyi sku gzugs shig /mdun du bdar de sdig pa bsal/ /skad cig cho gas lha mchog gi /rnal 'byor byas la de yi sku/ /zhal brgya phyag spyan stong ldan dang/ /'od phreng dkar po las grub pa'i/ /rdo rje ral gri be con dang/ /dgra sta lcags kyu kha TwAM ga /rdo rje dbyug pa rdo rje zhags/ /'di brgyad re re las kyang stong/ /sbrul pas 'khor yug bskor bar lta/ /'khor lo rnam gsum
- 212b
bzlas ba yis/ /bcad dang gtub dang bsreg pa ni/ /ltas ngan rnam par ba shig par byed/ /sna tshogs mchod pa sngon 'gro bas/ /gtor ma stong ni rab tu sbyin/ /de la sngags ni 'di yin te/ /dag bsdams pa'i rgyun chags so/ /oM A(rgyud 'grel): mahA ta thA ga te aSh+Ta sa ta mahA lo ke shwa ra sa pa ri bA ra ba liM ta pu dza me g+ha samu dra spha ra Na hUM hUM lan gsum gsum gyis so/ /mthar ni 'di'o/ /ma ma ku TeSh+Ti ku karmmA sarba rbad tra sarba tha shA na ka rA phaT/ a ka ru yis legs bdug cing/ /lha mchog mdun du rnam bsams pas/ /mi 'jigs sbyin pa'i sgra phyung ste/ /mkha' la gzhal ltar zhi bar bsams/ /sdig pa dang ni bkra shis min/ /dgra dang gdon kun rab 'jigs pa/ /cho ga'i rgyal po ye shes mchog /spyan ras gzigs kyi brtag pa'o/ /rmi lam gyi lta ba ngan pa rnam par bzlog pa rdzogs so// //'phags pa thugs rje chen po la phyag 'tshal lo/ /lte dbus las skyes byu ru pad+ma rA ga'i mdog can raM/ /snying ka nas 'ongs kha ba dung ltar dkar ba'i bdud rtsi h+rI: smin mtshams las brgyud in dra mkha' 'dra'i thig le'i rgyal po a/ /gtum mo rnams kyis kaM bsreg nri sbyong thig le mchog gso rgyal/ /re zhig byang chub sems dpa' byang chub mchog la rab gzhol bas/ /sems ni cig tu rnam par nges cing g.yengs par ma gyur pa/ /'gro ba lnga po rnams la byams dang snying rje dga' ba dang/ /btang snyoms byang chub kyi sems yang dag par bsgoms pa ngag gis skye bo gdul bar dka' ba ma rungs pa tha dad pa dmu rgod du gyur pas/ rgyud ma rungs par byas pa rnams kyi khro ba bsal bar bya'o/ /gang phyir srid pa'i sdug bsngal rtsa/ /nyon mongs de yi rtse phyir dang/ /bsod nams mang po gzhig phyir dang/ /bdag la brtan nas gzhan brlag phyir/ /de la
- 213a
bdag nyid bsgom par bya ba'i gnas ni/ 'phags pa spyan ras gzigs dbang phyug rnam par dkar ba zhes bya'o/ /de'i zhal ni brgya pa'o/ /phyag ni stong ngo/ /spyan ni rab tu mang ba'o/ /spu re re zhing yang 'od kyi zer glog gi me lta bu rnam par 'phro ba'o/ /sgron shing dang tshil chen po yi mar me la dgyes pa'o/ /a ka ru dang du ru ka dang/ gla rtsi'i bdug pas yang dag par bdug pa'o/ /tshes gcig dang gsum dang bdun la sogs pa'i sbyor ba la zhugs pa'o/ /tshes brgyad dang bzhi dang bco lnga la rgyun gyi sbyor ba la gnas pa'o/ /bcu drug dang bco brgyad dang gnam stong la bsreg pa'i sbyor ba mdzad pa'o/ /gcig dang gsum dang bdun dang ni/ /brgyad dang bcu bzhi btsa lnga dang/ /bcu drug bco brgyad gnam stong la/ /byis pa'i ston mo grangs rim bzhin/ /'di ni zla ba dang po la'o/ /de nas rim bzhin yang phyi mar/ /mas bzlog grangs kyi bud med ston/ /de bzhin de phyis ci 'byor mchod/ /tshul 'dis sbrul gdug nag po yang/ /lcags bsreg snod du mar gsar bzhin/ /ring po mi thogs snying brtse can/ /zhu bar 'gyur bar gdon mi za/ /khro ba bsal ba rdzogs so// //dpal thugs rje chen po gdug pa 'dul ba la phyag 'tshal lo/ /snying rje che ldan sngags pa yi/ /shin tu gdug pa can gnas sam/ /mi srun skye bos gang ba'i gzhir/ /dpal ldan gdug pa 'du ba mdzad bsgom/ /ji skad 'byung ba nyid dpal che/ /sna tshogs rin chen rgyan ldan pa/ /spyi bo 'od dpag med kyis spras/ /h+rI(rgyud 'grel): yig ye shes snying po can/ /gsal byas de thugs nyi ma yi/ /'khor lo rtsibs stong lha mchog stong/ /gdug pa 'dul phyir mnyam gzhag pa/ /rnal 'byor can gyi skad cig bskyed/ /spyi gtsug
- 213b
bshad sgo rdo rje'i rtse/ /spu gu dkar po ta la phyin dang/ /lte ba lta ba nyid yin te/ /de stengs mgon po nyer mtshan pa'o/ /de dbus su ni rang sems h+rI:/ /khros pa drag po rab gnas bsam/ /brtse bas rtsal bskyed cher 'phel bas/ /'od 'phros gdug pa bkug mdun bdam/ /cho ges gtor ma sbyin byas la/ /de snying padmo gcig dbus hUM/ /gdug pa'i sems gang yin pa bskyed/ /cho ga gsum gyis de bsreg go/ kun tu sdang ba med nyid dang/ /ltos bral gcig tu snying brtse can/ /dpal ldan mgon po che nyid la/ /drin sdod de yi dgra rnams 'jig/ gang tshe rmi lam nang du yang/ /byams sems zhugs pas snying g.yo zhing/ /gzhan don mchi ma 'khrug 'gyur ba/ /de tshe gdug pa thul bar 'gyur/ /rlom med dregs ba zhi ba dang/ /rtag tu byams ldan snying ston pa/ /mi de'i dam tshig zab mo ni/ /mchod sbyin byang chub sems bsnun bshad/ /'phags pa thugs rje chen po gdug pa 'dul ba'i cho ga rdzogs so// //'phags pa spyan ras gzigs dbang phyug la phyag 'tshal lo/ /yang de nas skye bo gdul bar dka' ba rnams kyi snying dregs pa zhi bar byed pa'i cho ga bshad par bya ste/ bdag nyid 'phags pa zhal brgya pa/ /phyag stong spyan dpag med ldan sku/ /dkar zhing dri med 'od 'bar ba/ /mi 'jigs sgra sgrogs bsgom par bya/ /shar du ha la zhal gsum khros/ /phyag drug mda' gzhu rdo rje dri ba/ /lcags kyu zhags pa 'dzin dud mdog/ sbrul dkar gyis brgyan bzhad pa'o/ /lhor ni khro bo ha ha che/ /zhal gsum phyag drug rdo rje dril/ /dgra sta kha TwAM thal mo bsdams/ /nam mkha' i mdog can sbrul ser brgyan/ /nub tu gtum chen dmar nag dpal/ / zhal gsum phyag drug lcags kyu zhags/ /nyi zla sdigs mdzub mtshangs pa'i mgo/ sbrul dmar gyis brgyan rngam pa yin/ /byang du za byed thal mdog can/ /zhal gsum phyag drug glang chen lpags/ /mdung mthung be con ral gri phub/ /sbrul nag gis
- 214a
brgyan rgyu ma gsol/ /'di dag dpa' bo khros pa yi/ /cha lugs stang stabs drag bcas pa/ /spyan mad kyis spras spung mgo nas/ /kun nas (me 'bar 'khyil ba'o/ /de nas) dkyil 'khor chen po'i cho ga las ji skad bshad pa'i cho gas mchod pa la sogs pa byas la/ /bde ba chen po'i pho brang gi rnam par thar pa zab mo dang bcas pas ye shes sems dpa' spyan drangs te/ yang mchod pa la sogs pa bya'o/ /de'i 'og tu gang dag kun nas nyon mongs pa gang dag gang gi dbang las skyes pa'i nga rgyal gyi sems rab tu dregs shing mngon par mtho bar 'gyur ba/ /lta ba phyin ci log dang sems phyin ci log gis kun nas bkris pa yi/ 'chi ba dam po'i dbang du gyur pa de dag nyid blos mdun du bya'o/ /de la mkhas pa sdang ba dang/ /brnyas bral zhi ba'i sems ldan pas/ /byams dang snying rje dga' ba dang/ /btang snyoms las byung byang chub sems/ /yang dang yang du brtan bsgoms te/ /de yi sems ni rlung gi rta/ /thig le rtsa yi sbyor ba can/ /rnam par shes dang gcig gyur ni/ /de gdan tsita ta dmar 'dab b+hi/ /phyogs bzhi'i char gnas b+hu paM raM/ /yaM zhes dkar sngo dmar ljang mdog/ go rims bzhin du dgod par bya/ /phyogs kyi lha dbang rnam bzhi yi/ /thugs las dbyangs dkar gsal phyed dmar/ /phreng ba'i yi ge 'bru gsum gyis// mtshams spel khab la khab len bzhin/ /bdag nyid snying gi bad 'dab bzhi'i/ /lte dbus rnam par shes bdag hUM/ /bsams la dbyangs dang gsal byed kyi/ /'khor lo g.yon du bskor ba yis/ /mthu bsgrubs nas ni grub pa dang/ /rmi ltas dkar po bzhi mthong ba/ /de tshe chos sbyin gtor ma sbyin/ /de 'og bstan bas las sbyar bya/ /che ge mo'i duShta tsin tA shAn tiM ku ru ye swAhA/ /rjes su gdags pa'i sngags so/ /las ni 'od zer mda' gzhu dang/ /me dang mar gyi gong bu dang/ /'khrul 'khor
- 214b
bskor dang nyi mun gyi/ /sbyor ba bla ma'i man ngag bzhi/ /i Ti// //bcom ldan 'das ye shes kyi 'khor lo'i bdag po la phyag 'tshal lo/ /sngags pa yan lag drug rtsibs drug/ 'khor lo 'bar ba dri ma med/ /de nang padmo stong 'dab la/ /bskal bzangs sangs rgyas brgya phrag bcu/ /lte ba padmo can nyid de/ /de snying rdo rje 'dzin pa yin/ /de yi thugs ni ye shes che/ /gnyis med thig le dkar 'tsher ro/ /oM A(rgyud 'grel): h+rI(rgyud 'grel): hUM phaT swAhA/ /g.yas dang g.yon lag mgo bo dang ni de bzhin rkang/ /g.yas g.yon rdo rje yan lag bzhi lag go rim bzhin/ /zla mdog me dang nam mkha' in+d+ra dang/ /mar me'i dud mdog gnas drug dag gi bdag nyid bsam/ /dza hUM baM ho(rgyud 'grel): ji bzhin ye shes bzhugs pa yi/ /man ngag gis ni lha bcings la/ /rnal 'byor mu khyud bzlas pa yis/ /dpal phreng gsum gyi sngags rings brjod/ /sna tshogs kha dog can 'od zer/ /de bzhin dkar dang dmar ba nyid/ /spro dang bsdu ba'i sbyor ba yis/ /don gsum rtag tu bsgrub par bya'o/ /oM A(rgyud 'grel): h+rI(rgyud 'grel): hUM phaT swAhA/ a A/ i a'i/ u a'u/ ri rI/ li lI/ e i/ aM a(rgyud 'grel): ka kha ga g+ha nga/ tsa tsha dza dzha nya/ Ta Tha Da Dha Na/ ta tha da d+ha na/ pha pha ba b+ha ma/ ya ra la wa/ sha Sha sa ha k+Sha:/ rnam dag ye shes thig le las byung bde ba'i rgyun gyis bla ma dang/ /de las kyang 'phros pad+ma 'dzin sku shel ltar rab dang rab tu gang yang des rdzogs sangs rgyas dang nyan thos sras bcas de bzhin 'khor lo yig 'bru nyid/ /mu khyud 'khor lo zag med ro myang byang chub sems rgyun gyis khyab spro/ /de rjes de nyid rim pa yis/ /ye shes 'od gsal phyung bas kyang/ /yid kyi mun pa kun bsal zhing/ /lus can la yang bdar bar bya/ /ji skad bstan pa'i cho ga yis/ /rnal 'byor rgyud dag gyur pa ni/ /dmigs bya dmigs byed dmigs bral ba'i/ /rnam par mi rtog rang skye 'gyur/ /dpal 'khor lo rnam dag gi sgrub thabs rdzogs so// //
- 215a
dpal 'jig rten mgon po dug thams cad 'joms pa la phyag 'tshal lo/ /dpal ldan rdo rje can gyis slob ma snying gi dug sbyong ba/ /'jig rten gsum mgon rtag pa mchog/ rtag tu mnyam par gzhag par bya/ /lnga phung rgyal ba rnam lnga bdag/ spyan ras gzigs dpal sngar byas na/ /rdo rje slob dpon rdo rje che/ /rnam dag rdo rje 'bar ba'i dbus/ /legs gzhag shin tu dangs pa yis/ /mchod pa kun gyis rab tu mchod/ /de mthar yi ge bzhis brgyan ba/ thabs dang shes rab 'od zer 'phros/ /snying gi mun pa sel mdzad ni/ /dran pa'i rgyas gdab mkhas pas bsgom/ /skye bo thibs po thams cad la/ /brtse chen rlung bskyod ye shes me/ /a phreng sogs bcas phyogs kun tu/ /spro zhing bsdu bas don gnyis bsgrub/ /de 'og rdo rje 'dzin pa yis/ /thugs bskal 'od zer gsum rim gyi/ /ye shes mkha' 'gro bkug nas ni/ /gsang sngags 'gog pas bzlas par bya/ /sngags las skyes dang sku las skyes/ /'od zer las skyes a phreng gis/ /ji srid slob dpon sku gang ba/ /de srid ma yengs brtson par bya/ /nam zhig snying la dga' bas khyab/ /ba spu gyen 'gro mchi ma g.yo/ /sems la ting 'dzin rang byung ba/ /de nas bdag ? kun khyab bya/ /snying gi dug sbyong ba rdzogs so// //mgon po spyan ras gzigs la phyag 'tshal lo/ /skye dgu kun gyi mchod pa'i gzhi/ /lus yin grol ba'ang de bzhin no/ /de bas 'ching dang grol 'dod bas/ /mgon po'i man ngag 'dir bsgom bya/ /rta bdun bskal pa'i me 'od can/ /lte bar hUM las yongs gyur pa'i/ /ye shes rdo rje 'bar ba ni/ /tshangs pa'i 'jig rten la reg bsam/ /hUM brjod rdo rje spel bar bya/ /lhag pa'i me lce cher 'bar bas/ /gdug
- 215b
ba thams cad rnam par bsreg/ mdza' dag bar chod ma lus bsrung/ /oM badzra rak+Sha rak+Sha hUM hUM/ /sngags 'di brgya rtsa brgyad bzlas nas/ /gsum pa rnam gsum rim pa bzhin/ /rdo rje me ri rlung dmar rnams/ /rgyud 'brel bar ma chad bsgom bya/ /de nas de dbus lte bar ni/ /thugs rje che khros bzhad pa'i sku/ /rdo rje'i khyung gshog mthing kha can/ /rdo rje dril 'dzin lhas mtshan bsgom/ /ser sprin ltar gnag khro bo'i zhal/ /rab tu dgrad cing mche ba gtsigs/ /brkyang bskum zhabs gnyis stang stabs tshul/ / dbu skra smin ma smar ser 'khyil/ /khro bo'i rgyal po bzhad pa 'di/ /spyan ras gzigs dbang thugs rje yi/ /khros pas gdug pa kun 'dul ba/ /'bar ba'i phyag rgya gnyis ba yin/ /de nas bsrung ba 'di yi rjes/ /rnam par gzhig pa'i rim pa yis// stong bar rnam par bsgoms nas ni/ /skad cig tsam gyis rgyal gzungs bsgom/ /rdo rje skyil krung bcas skyed sku/ /rdo rje mdud pa bsdams pa dang/ /rdo rje thos sor zhes pas bsdam/ /de bzhin rdo rje'i 'khor lo bskor/ /spyi bo mgrin pa snying ga lte/ /bde chen longs spyod chos sprul gyi/ /'khor lo mdzes pa dkar dmar sngo/ /kha dog sna tshogs go rims bzhin/ /sum cu gnyis dang bcu drug dang/ /bzhi dang drug cu bzhi po'i rtsibs/ /kha sbyar kun nas sbug sbug po/ /rtsa mchog srog shing dang bcas bsam/ /g.yas g.yon la la ra sa nA/ /'khor lo rnams kyi lte bar khyung/ /gzhan du ngos gnyis 'khyog 'khyog po/ /'dir rgyud ye shes rlung gis gzhug lcags kyu zhes pa'i rlung bzung la/ /'og rlung steng rlung 'then par gyis/ /gnam lcags zhes ba'i rlung nyid kyang/ /gzung la steng yang 'og tu mnan/ /gnyis 'dus lte ba'i dkyil 'khor la/ /dbang du bya ba'i rlung sbyangs la/ /goms pas rab tu 'dris par bya/ /lhag par bsnyen pa shin tu gces/ /gang tshe drod stabs kha dog shugs/ /thob nas rtsa mchog rdo rje rtse/ /nor bu lcags
- 216a
kyu'i rlung gis drangs/ /hUM gsum brjod pas lte ba'i dbus/ /a gsum brjod pas snying gis dbus/ /oM gsum brjod pas mgrin pa dang/ /de bzhin ha gsum gyi spyi bor/ /rim pa bzhin du drang bar bya/ /rdo rje'i mdud rtse gyen phyogs la/ /gnas bzhir mdud pa bzhi btab nas/ /dbu yi gtsug tor cod pan gyi/ /thig le ro myang bsam gtan bya/ /nam mkha' yid kyis lha yi dbang/ /snyoms par 'jug pa'i bdud rtsi yi/ /rgyun gyis shin tu dri med pa/ /bde chen zung 'jug dag la yi/ /thig le lhung bas 'khor lo dgrol/ /ji ltar sngar ni bcings pa'i rim/ /de bzhin byang chub sems gang bas/ /mdud pa ma lus rnam par gshig/ tshul 'dis lus kun bde ba yis/ /mngon bar gang bar gyur pa na/ /gsal dang mi rtog zhes pa gang/ /rdo rje 'dzin pas gsar ba'i skur/ /gang bshad gdon mi za bar rnyed/ /de dang de ni ro mnyam du/ /'jug pa'i blo la mi ltos par/ /yid kyi byed pa gcig gis so/ /e ma rnal 'byor rgyal po che/ /'khor dang mya ngan 'das pa'i ro/ /gang gi skad cig gcig nyid la/ /mngon du 'gyur ba zab mo'i thabs/ /lus kyi 'khor lo bcing ba dang/ dgrol ba'i man ngag rdzogs so// //dpal spyan ras gzigs rdo rje thod pa can la phyag 'tshal lo/ /dpal ldan ye shes rdo rje 'dzin dang bde ba che/ /mgo phyed khrag bkang nyams dgu gar gyis rol pas bzhugs/ /me tog 'dab dbus ge sar rang gi snying po bzhin/ /lha mchog gis mtshan ye shes lha mo bzhis btud 'dud/ /blo ldan cho ga bzad shes pas/ /bde chen dngos grub nye ba'i phyir/ /ka pA la 'dra'i gnas su ni/ /ka pA la yi dngos grub bsgrub/ /mtshan bzang rin chen mgo phyed la/ /ga bur gla rtsi tsan dan sogs/ /sna tshogs dri zhim byugs byas te/ /gso sbyong can gyi dkyil 'khor bri/ /seng khri nyi
- 216b
zla padmo dang/ /dbugs bral gdan la gzhag nas ni/ /lnga mtshan lnga phrag lnga rab dgang/ /bde gshegs ring srel snying por gzhug/ 'dab brgyad rtsibs brgyad mu khyud phreng/ /bkra shis brgyad dang rin chen brgyad/ /brgya phrag grub pa'i rdzas 'dzin pa// sgeg mo mdzes lha mos bskor dbus/ /'dab bzhi rdo rje mtshan pa'i rtser/ /rgyal po'i pho brang khri bzangs can/ /legs bskyod de mdza' phogs bzhi'i char/ /lha mo bzhi yi thod ba dgod/ /glang chen myos pa'i mche ba rno dang smad 'tshong chad 'chong me long dang/ /sa dbang mnga' bdag cod pan dpa' bo sen mo de bzhin dka' thub 'dzin kha spu/ /bde gshegs sku khrus chil chen dang ni g.yas su 'khyil ba'i dung dkar rnams/ /phyogs mtshams rin chen bum pa bzang la brgyan bar bya/ /de nas sngags ba kha shar bltas/ /gos mchog phyi dang dkar dmar lhub/ /me tog phreng bas spras gon te/ /g.yas g.yon rdo rje'i thod bzung 'dug/ 'jig rten mgon po bde chen sku/ /dkar la dmar gsal mdangs mnga' ba/ /rdo rje rin chen rus pas spud/ /rdo rje thod 'dzin nga rgyal bya/ /de mdun rdo rje phreng ldan ma/ /dmar la dkar gsal shin tu mdzes/ /rdo rje gri gug mgo phyed can/ /bcing ba'i phyag rgyas 'khyud pa'o/ /phyi nang gsang bcas rnal 'byor gyi/ /cho ga bla ma'i man ngag bzhin/ /mchod byas ye shes pa bkug la/ /'dod pa drag pos gsol ba gdab/ /bde chen 'jig rten gsum mgon ni/ /shes rab rdo rje 'bar ba dang/ /snying rje chen po ka pA la/ /gnyis med ye shes h+rI(rgyud 'grel): yig 'dzin/ /rdo rje mkha' 'gro rdo rje can/ /dkar mo sgeg mo bde sder ma/ /gri gug dang ni thod pa thogs/ /gtso chen gtso mo nyid phyag 'tshal/ /e ma'o stabs bdag brtse slad du/ /ka pA la ni bde chen snod/ /dngos grub phyir ni shes rab thabs/ /snyoms par 'jug pa mdzad du gsol/ /de ltar
- 217a
bstod dang gsol ba yis/ /gtso bo'i thugs kar bskul ba na/ /'dab bzhi lha mo phyogs kyi lhas/ /rang rang rjes mthun mchod par bya/ /de nas shes rab thabs snyoms zhugs/ /dkar dmar a phrang ka phrang rgyun/ /bde chen gyi nang byug sbyangs nas/ /ring srel la ni lha bstim bya/ /'tsheg dang 'grul dang 'phar ba dang/ /'od 'byin pa dang sgra grag dang/ /rdzas rnams 'phyung ba mthong nas ni/ /mchod pa chen po rnam par bya/ /dpal rdo rje thod pa'i dngos grub bsgrub pa'i thabs rdzogs so// //spyan ras gzigs mi 'jigs pa sbyin pa la phyag 'tshal lo/ /'phags pa spyan ras gzigs dbang gi /mi 'jigs sbyin pa brtag pa yis/ /sngags la phyi nang gsang ngag gi bar du gcod pa las sems bsrung/ /rang lus ji srid rdo rje yi/ /rang bzhin rin chen shel 'od mdzes/ /bkra shis sgo stong mchod rten dbyibs/ /bcu drug phrag brgya rdo rje 'dzin/ /de nas sems ni snying gi padmo gsar pa'i 'dab/ /dmar ba'i 'od chags ge sar bye ba stong gi rtser/ /a stong ye shes rdo sems dpa' i spyan ras gzigs/ /chu dang me long zla ba byang kyi gzugs brnyan bzhin/ /dbus su dpal chen thugs rje che/ /sor rtse bcu drug gzi brjid brtan/ /bcu bdun sum cu brgyad zhal phyag /h+rI(rgyud 'grel): yig gnyis phreng gis brgyan pa'o/ /pho brang mchog la rab tu gsal ba'i 'od zer sngags bcas gzi chen kun bkram 'bar ba yi/ /rdo rje'i rdul dang ral gri be con dgra sta mdung zhags kha DwAM gri khug mda' chen dang/ /tshe zer glog 'khyug gya gyu 'phros las rno ba'i lce phyung 'jigs pa'i rgyu gang 'di dang gzhan/ /ma lus da ltar byams pas nyer brlan snying rje'i stobs yid gcig pus nyer zhi brlag par bya/ /mgon po
- 217b
yi ni sngags brjod cing/ /bdug pa mchog gis bdug byas la/ /'gro ba'i 'jigs pa 'jigs med byed/ /mkhas pas stong nyid bsgom par bya/ /mtsho chen nang du ri rab gzugs shar de nad me long dri med la/ 'dam skyes mdzes 'khrungs sna tshogs bung ba dang dir sna sgrogs khyu mang 'khrigs/ /mkha' la 'od 'gyed glog rgyun 'bab pas rmi lam yul gyi dgra 'joms pa/ /dpal chen rnams kyi rig sngags bla med ma lus 'jig pa kun skyob yin/ /dus dang dus min 'chi ltas dang/ /mya ngan thongs pa ltas ngan dang/ /phun sum tshogs min dgra rnams las/ /legs skyob 'jig rten gsum mgon rtog /dpal mi 'jigs pa sbyin pa'i sgrub thabs rdzogs so// //'phags pa spyan ras gzigs la phyag 'tshal lo/ /zla ba dung dang kun 'gangs ri ltar 'tsher ba/ /gzhon nu rab mdzes rin chen phreng bas rnam brgyan cing/ /mchog sbyin padmo 'od dpag med kyi g.yas g.yon phyag /spyi gtsug legs spras 'jig rten gsum mgon la phyag 'tshal/ /rang lus dkyil 'khor pho brang dang po ? gsal ba'i dbus/ /zla brgyas mdog lha'i sems nyid ngo bo ye shes h+rI(rgyud 'grel): yig 'ong 'bar gyis/ /thig le rnam dag bde chen rang bzhin rlung sems bcud gang yin pa de/ /legs bsdus nas ni blo ldan dpa' rnams gnyug ma mchog la brtan gnas bya/ /de yi snying po las spras pa'i/ /'od zer lcags kyu rnon po yis/ /rgyal po'i pho brang po ta la'i/ /dbus nyid nas ni 'phags pa bskyod/ /shin tu dkar gsal stong gyi zla ba phye ba brgya yi 'od 'khrigs pa/ /bdag gi blo gros padmo rgyas pa'i kha dbye'i phyir ni bde gshegs 'bum gyi 'khor dang bcas/ /skad cig yung? la rta bdun lam gang mgon po nyid mchod sprin rum 'khrigs pa'i dpung bkod pa/ /shes rab snang bas gsal bar bltas la mchod sprin rgya mtshos rab tu mchod/ /lha yi dbang
- 218a
phyug padmo'i rigs/ /pad+ma stong ldan sdong bu 'dzin/ /phyogs bcu nas 'ongs phyogs bcu'i char/ /bzhugs bltas de dag mgon mchod bsam/ /tshangs dbyangs sna tshogs sku gsung thugs bstod mnyam med ngag gi skyon bral bas// yon tan kun brjod 'dod pa drag pos shin tu gsol btab gus byas la/ /dza(rgyud 'grel): hUM baM ho(rgyud 'grel): sa ba de gshegs sa bon zla 'od 'bar ba la bstim bya/ /thim gyur rjes thogs thang cig de nyid bcu drug phyed phyed thig ler gyur/ /de yang yud kyis de bzhin du/ spyan ras gzigs dbang gzhon nur gyur/ /de bzhin de yi thugs kar yang/ rgyal ba'i snying po h+rI(rgyud 'grel): bsam mo/ /de las zer bskyod dang pa'i zhags sra rdo rje'i thig gu bzhus pa yis/ /thub dbang thugs stabs skad cig de la thugs rje che mda'i thugs bskul gyur/ /dus gsum gshegs pa'i 'dren pas byin brlabs phun tshogs 'od zer dmar mdzes zhing/ /gyen du 'gring ltas smin mtshams mdzod spu'i sgo nas thogs med tal phyin phyung/ /zla zer 'od ni nyi ma yi/ /zer yin de yi lces reg pas/ /snying gi 'dab stong kha dbye zhing/ /phye ba'i dbus na bskyab pa'i sku/ /'od dpung rgya mtsho gang ba 'dis/ /zhag bcu phrag gsum nyid na de/ /blo ldan yid kyi mun sel zhing/ /dri ma ma lus rnam bar 'khrud/ /rjes la brang srong nyid kyi sku/ /sdud byed byung gi shugs can gyis/ /'dab stong bdud rtsi'i bum 'thung ba/ /ting nge 'dzin yin 'khrul 'khor mchog /kha sarba Ni pad+ma kha 'byed kyi man ngag rdzogs so// //bcom ldan 'das thugs rje chen po gzugs brnyan gyi rnam par snang ba la phyag 'tshal lo/ /ting 'dzin goms pa'i gang zag gi/ /bden rtog ma lus bzlog phyir dang/ /lha yi dri ma'ang spangs pa'i phyir/ /gzugs la rnyan gzugs can man ngag gyi /skye bos rab dben nyams dga' i bzhir/ /'dab brgyad padmo phye ba yi/ /maN+Dal
- 218b
yid 'ong legs bris la/ /de dbus 'dren pa snang bar bya/ /shar gyi 'dab mar khri btsugs la/ /de steng shin tu dri med gzugs/ /brtson pa'i cha byad rgyan mang mnga' / /dkar dmar la sogs bdag yid ltar/ /chu nang rag dang zla ba dang/ /gzugs ltar de yi sprul pa gsal/ /shel dang me long la sogs ngos/ /dkyil 'khor lte par mngon par bzhugs/ /drang srong gtso bo sgyu ma'i rnam thar ni/ gdul ka gdul phyir sna tshogs skur ston mang/ /de tshe de don de nyid gzugs mi mnga' / /de nyid 'dir ni stong nyid gzugs zhes brjod/ /ma dag lus kyi dri ma thams cad las/ /shin tu ring gyur phun tshogs skur snang la/ /de nyid mkha' ltar dmigs pa rab zhi ba/ /dus gsum rgyal pa'i ye shes sku yin no/ /byis pa rnams ni kha dog dbyibs/ /dbye bas snang ba ji bzhin don de bzhin ces rtogs/ /mkhas rnams ji ltar snang ba sna tshogs nyid/ /gang snang de ltar de tsam zhi bar zhes/ /ji ltar lha yi sbyor ba 'dir mtshan med/ /de ltar gzugs sogs dngos kun yang dben na/ /shes rab kyis brtags blo gros rim gnyis la/ /mkhas pas mtshan mar mi bya smos ci dgos/ /de ltar lha dang lha'i rang bzhin dang chos thams cad kyi dag pa rtogs par byas nas rten cing 'brel par 'byung bas sngon par sprul pa'i lha'i sku phyag rgya chen po dmigs te/ /bdag nyid rim pa gnyis dang ldan pa'i sku gsung thugs mtshan nye bar zhi ba'i mthar thugs par gyur dang bse bar bya'o/ /de nas khrus dang byug pa la sogs pa sngon du song bas/ /phyag 'tshal pa dang bskor ba la sogs pa'i sgo nas sdig pa spang ba dang/ tshegs bsgrub ste/ dngos su 'byor ba dang yid las byung ba'i yo byad dpag tu med pas yang dag par mchod de/ /dri ma sbyang ba'i phyir sngags 'di bzla'o/ /oM A(rgyud 'grel): h+rI(rgyud 'grel): mahA ka prati bi pa ru pi bi shud+d+ha ta trA dwA nA ma ma tsat+tA ma
- 219a
bye pra ti s+thI ra hUM/ rnam dag ye shes mchog sprul pas/ /sku bstan nyid kyi thugs h+rI(rgyud 'grel): yig /'od mdzad ma yis 'gro kun gyi/ /'dzin pa gnyis bsregs gzugs brnyan gyur/ ? med dang rnam mi rtog/ gdul bya dang ni yang dag la// snang dang mi snang dbyer med gzugs/ /bsgrub pa rgyun mi 'chad pa'o/ /thugs rje chen po gzugs brnyan la brten pa'i sgrub thabs rdzogs so/ //'phags pa me tog gi snying po'i ge sar la phyag 'tshal lo/ /dang ldan mang du thos blo sbyangs/ /g.yeng bral rtse gcig yid byed pa/ /de yid 'phags pa me tog gdan/ /dngos grub nye phyir bsgrub pa'o/ /yul gang ma tog kun gsal rgyas/ /'bras bu bzang rnams smin pa dang/ /nyams dga' byi dor rgyas ldan par// sdig pa spangs nas brtson 'grus brtsam/ /dkar dang dmar dang ser dang sngo/ /kha dog gnag dang kha dog gcig /sna tshogs kha dog can me tog /bsung zhim dri yis bsangs byug bya/ /gser sogs nor mang bkod pa dang/ /mu tig la sogs rgyan de bzhin/ /gdugs sogs yo byad lhab lhub bcas/ /mkhas pas dkyil 'khor brgyan phyir dgod/ /gang che dang yid dga' bas khengs/ /spra bas don kun bsgrub brtson pas/ /dpal chen dngos grub nyer spyod pa// nga yi dus ni de yin no/ /bcal bkram pa dang phung po dang/ /tshom bu snyegs brtsegs chun 'phyang lding/ /dra ba dra ba phyed khang brtsegs/ /ji srid mchod 'os de snyed do/ /sngon du bsnyen pa mthar phyin pas/ /dri zhim khang par dad pa yis g.yas bskyod zhugs la rnal 'byor gsum/ /dran byas khri bzang la mnyam gzhag /shin tu byin brlabs lhag pa'i lhas/ /dngos grub phyir bstan? mgon po'i sku/ /me tog kun bkod bdun bdar la/ /rim gnyis las byung
- 219b
bzlas bar bya/ /res 'jog skyes dang skyes lan gyi/ /h+ri(rgyud 'grel): yig bdud rtsi'i bum gang bzang/ /cig car rtag tu padmo'i dbus/ /dam tshig la ni ye shes 'jug /thun mtshams rtag tu bya ba yang/ /khrus gsol me tog phrang sogs gdags/ /bsam mi khyab dang mchog rab zhi/ /sangs rgyas sras bcas 'dab stong mchod/ /khyud dkor kun tu dga' ba yis/ /lha bu lha mo dang bas yid/ /myos 'dud re re'ang dpag med rdzas/ /mchod phyir thogs pas brtson bskor bya/ /thub sogs dngos grub ma lus dbang can yang/ /mchod bsnyen sgrub bya don phyir thugs g.yos pas/ /du ma gcig gyur me tog rdo rjes mtshan/ /phreng rgyun tshangs dbang lte ba'i sbubs su 'jug oM A(rgyud 'grel): h+rI(rgyud 'grel): a a a a a a a/ h+ri h+ri h+ri h+ri h+ri h+ri h+ri/ ho ho ho ho ho ho ho:/ hUM hUM hUM swAhA/ dpal me tog gi gdan can gyi sgrub thabs rdzogs so// //'jig rten gsum las rgyal ba'i mtshan ma can la phyag 'tshal lo/ /thub dbang mtshan ltas bde gshegs me tog 'dab stong dang/ /bdag nyid chen po'i pad+ma 'dab brgya phyag mtshon pa/ /skal bzang rgyal ba byang chub phyogs brgya'i lha tshogs can/ /chos 'chad phyag dbus g.yas g.yon sdong bu mdzes rgyas mdun/ /skal ba bzang pos snga dro'i dus/ /dben pa'i gnas su maN+Dal bri/ /rin chen khri bkod padmo'i steng/ /rgyal dang de sras rin chen bzhugs/ /bstod dbyangs sngon du 'gro bas mchod/ /rkang pas bro brdung lag gar bsgyur/ /se gol gtogs pas spyi gtsug gzhag /khrus gsol de nas rgyan sogs dbul mchod pa lnga dang ldan pa yis gtor ma chen po dbul byas la/ /rol mo dang ni bdug par bcas/ /lan grangs nyi shu gcig bskor bya/ /me tog du mas bkang ba yi/ /bum pa bzang po bzhi bcas te/ /ba dan dmar po bzhi mtshan la/
- 220a
me tog snod bzhis kha rab brgyan/ /phreng ba spel legs mdzes pa la/ /yid bzhin nor bu'i sngags btab nas/ /g.yas su 'khyil ba la sogs dung/ /song bzung dal bus dor bar bya/ /'jig rten gsum las rnam rgyal mtshan/ /ri dbang rtse nas spyan drangs te/ /bdag lus mchod sbyin byas nas su/ /sems ni sku la bstim par bya/ /rdo rje'i sku mchog 'od bzang mkhrogs/ /thub dbang ring srel do shal thogs/ /gzhon nu cha lugs gar mkhan tshul/ /pi wang lhan cig dgyes pa'o/ /ye shes can las ye shes sku/ /gzhan sprul bum bzang dpag tu med/ /thogs nas dri mchog khrus gsol cing/ /me tog snying pos mchod char dbab/ /phyogs bzhi nas ni dam tshig can/ /sngags pa lhab lhub gos gyon nas/ /rol mo dbyangs dang lhan cig pas/ /me tog sna tshogs char dbab po/ /oM A(rgyud 'grel): h+rI(rgyud 'grel): badzra dz+nyA nA pi shud+d+ha mahA bi na bi phul d+har/ sarba twArthA ma ma sarba kA ya wak+tsit+tA pA paM a ba ra Na sho d+hA ya/ sho d+hA ya/ b+ha ra b+ha ra/ saM b+ha ra saM b+ha ra/ saM ha ra A karShA ya/ A karShA ya/ sarba ta thA ga ta h+ri da ya garb+he dzwa la hUM phaT swAhA/ /de nas gang bdog pa 'byor pa rnams kyi bsti stang bya ba dang/ gus pas me tog blangs nas spyod yul kun la khyab par gtor/ snying po mchog nyid shing lo'i ga 'ur gzhug cing dri bzang byug /de yi khrus chab bdag gdong bkru sgo thams cad bsgrub/ /me tog la brten pa'i sgrub thabs rdzogs so// //thugs rje chen po ri khrod pa la phyag 'tshal lo/ /rab tu yid dga' nags kyi dbus/ /me tog 'bras bu dud pa yi/ /shing drung rtswa yi spyil bu nyid/ /chags bral rnyog pa med bzhugs 'dud/ /de nas sgrub po spras pas 'jigs pa dang/ /rnam par g.yeng bas dal ba ma thob pa yang rung ste/ gcig pu dag dpen pa dang yid byung
- 220b
ba'i blo can gyis/ /dus bzang po'i tshe nags su song la gang na ljon shing bzang ba la yal ga dang lo 'bras gya nom pa dang ldan pa/ grib ma bsil pas lus skyob cing drung na 'dug na skyid skyid ltar snang ba yod pa zhig btsal te/ /de'i 'gram du gtor ma sbyin pa sngon du btang nas rtswa'i sbyil bu mdzes pa bcos bar bya'o/ /de'i nang gi steng gi gzhir rje btsun spyan ras gzigs spyil bu can gyi rten byin gyis brlabs pa dang ldan pa zhig bzhugs la/ /mchod pa thams cad kyis mchod na/ me tog gis snyam pa bkang ste/ /tsog pur 'dug la sngags 'di brjod do/ /oM A(rgyud 'grel): h+rI(rgyud 'grel): ba na lo ka nA tha/ mahA kA ru Ni ka/ sarba bud+d+ha dz+nyA nA garb+ha ma ma tsit+te kan+tA hUM hUM swAhA/ de nas spyil bu de dang rten/ /pho brang mchog dang lha nyid du/ /byin gyis brlabs la me tog gtor/ /skad cig de la bsam gtan bya/ snyoms med mi yengs brtan pa yis/ /zla ba drug gam gsum mam gcig /nges par byas na nags kyi nang/ /mgon po gang rung gzugs su ston/ /de yi smin mtshams padmo 'dra'i/ /ri mo 'am thig le gsal bar 'gyur// brtson bas ma 'khrugs dkyil 'khor bya/ /mgo btung zhabs la gtugs te gsol/ /oM A(rgyud 'grel): h+rI(rgyud 'grel): pU ra be pra tI ts+tsha surma ra ho/ thal sbyar mig mi 'dzums pa yis/ /me tog bstabs la sngags 'di brjod/ /de tshe bdag ni ci 'dra yang/ /skyob pas rjes su 'dzin par 'gyur/ /spyil bu can gyi sgrub thabs rdzogs so// //thugs rje chen po rnga bo che sgra dbyangs rnam par rol pa la phyag 'tshal lo/ /rnga chen gang zhig tsan dan sogs shing gla rtsi ga bur gur kum byugs/ /phyogs gnyis drang srong ri dags mo lpags 'brug sgra grag dang lhan cig g.yogs/ /padmo dmar dang 'khor lo dkar dbus nga ro che ba cibs? rnga chen brdung/ /grags chen dbang phyug sgra dbyangs rol pas sa steng ma lus rgyal gyur cig /dang po re zhig rig pa goms
- 221a
pas mthu thob pa 'am/ /gang yang bstan la dgra bo rnam par gnon pa nyid/ /de bzhin sngags myur grags pas grong khyer 'khrugs 'dod pa/ /de dag kun yid snying rje ldan sbyar cho ga brtsam/ /'dab chags nga ro chen po'i lo/ /skar ma rgyal la bab pa 'am/ /yang na dbyar gyi sgra sgrogs dus/ /mkhas pas rnga chen bcos par bya/ /tsan dan sdong bu dkar dmar ram/ /sgra sgrogs shing dang snyan pa'i 'dab/ /seng ldeng glang sna bu 'bod dang/ /ti ti ra sogs rgyu yin rtag/ nyi ma shar dang zla ba shar/ /srod kyi dus la bab pa na/ /gla rtsi ga bur gur kum byug/ rdo rje khros pas bgegs tshar bcas/ /byams pa'i nyi ma gang la bab/ /khri gnyan mo yi pags pa sbyangs/ /nam mkha' i sgra gsang sgrog pa na/ /lho ru kha bltas g.yog par bya/ /de nas dri mchog dam tshig can/ /bdud rtsi 'dzag pas legs byugs la/ /dbang thob lha bzo skad mthon pos/ /sgra dbyangs mgon po bri bar bya/ /dbus su padmo dmar bzhi'i steng/ /gzhon nu'i mdangs rgod nga ro bcings/ /phyag gnyis rin chen rnga chen brdung/ /zla ba'i mdog can brjid pa'o/ /shar sogs 'dab bzhir grags chen dang/ /'brug sgra snyan pa'i dbyangs can dang/ /nga ro mi bzad gnod sbyin bzhi/ /phyogs kyi kha dog ji bzhin gnas/ /brtsan pa'i cha byad rgyan gyis spud/ /phyag bzhi rud dkar kA la hA/ /dril bu dang ni gaN+Di thogs/ /mig dmar dga' bkhros pa'i tshul/ /de mthar 'khor lo brgyad rtsi bas rim/ /bkra shis brgyad 'dzin lha mo brgyad/ /shin tu sgeg mdzad dul ba'i tshul/ /'dzum pa'i mdzad dkar sna tshogs mdog/ mu khyud rdo rje'i sprin mkhrigs pa/ /'ur 'ur skad 'byin 'jigs pa dang/ /glog rgyun phreng bas mdzes pa ni/ /mkhas pas ting 'dzin ldan pas bris/ /de'i 'og tu ji skad bsngags pa'i gnas nas ye shes kyi
- 221b
'khor lo can gyi rnga bkug nas rol mo la sogs pa'i mchod pas mnyes par bya ste rjes su gzhug par bya'o/ /de nas lte ba mu khyud gyi nang gi khyud 'khor du yi ge chen po lnga dang nye ba'i yi ge lnga bcu byang chub kyi sems gnyis 'dres pas bri zhing/ /sngags de dag nyid sgra chen po lan bdun glags la rol mo gsil ba dang bro brdung bar bya'o/ /de rjes mkhas pas brgya byin gyi/ /lag pa 'dra ba'i 'khrul 'khor gyis/ /rtsol ba spangs nas rnga brdung zhing/ /bdag nyid rnal 'byor brtson pas bya/ /sgrub pa po yid dag med kyang/ /ji tsam bsnyen pa'i mtshan bshad sngags/ /de yi phyed kyis 'grub par ni/ /nges par the tshom mi bya'o/ /de yi 'og g.yul bzlog pa 'am/ /grags pa mtho 'dod de bzhin gzhan/ /thams cad snying rje ma bral bar// 'di brdungs pa tsam gyis 'grub/ /'jig rten gsum grags mdza' yas pa/ /thugs rje chen pos nyid sprul pa/ /rnga chen rgyal po brtag pa'i las/ /don kun grub par byed pa yin/ /thugs rje chen po rnga sgra'i sgrub thabs rdzogs so// // rgyal ba nyi ma dang zla ba'i phyag mtshan can la phyag 'tshal lo dbang po rtul po nyid de gang/ /de bzhin 'jig rten don bsgrub 'dod/ /gzhan dag bsod nams nor 'dod pa/ /de ni nyi zla'i mtshan can bsgrub/ /sprin tshogs rdul dang khug rna du ba dang/ /rlangs bral dri med bai DUr bcag 'dra yi/ /mkha' la dpal bzang nyi zla 'char bar byed/ /de tshe dang ldan smra ba bcad nags 'jug/ drang song bu dang lhan cig nags bzung du/ /srid pa'i sdug bsngal skyon ni dran byas la/ /bdud 'dul thub pa'i dam tshig phyag rgya che/ /mngon sum bcas te pad+ma'i mig gnyis bskyod/ /de'i lag tu mchod pa thams cad sta gon byas nas/ bdug pa dri zhim po thams cad kyis bdug cing/ rgyal bar gyur cig rgyal bar gyur cig/ /stobs bcu'i
- 222a
'od zer chen pos 'gro ba gsum gyi mun pa sel ba dus tshad med par brtson pa'i chos kyi rgyal po nyi ma dang zla ba'i mtshan ma can de ring rgyal gyur cig /bdag cag la sogs pa'i dbang po rtul po dang/ don bsgrub pa dang/ bsod nams gnyer par rnams kyi phrin las thogs pa mi mnga' ba mdzod cig/ ces lan gnyis lan gsum ched du brjod pas ched du brjod do/ /nyi ma zla ba las kun la sngags bdun 'dod rnam pas/ brjod pa gang yin pa dang/ thugs rje'i lhas bstan drang srong a b+his shar du kha bltas chags bral rnyed tshe mngon bstod gang/ /de bzhin gang gzhan glang po skyong dang gter bdag gser srung 'od ma'i tshal du sngon byung dbyangs/ /de dag ma lus mgrin bzangs rnams bsdebs mgrin gcig mchod bcas dad pa drag pos dngos grub gsol/ /de rjes rta bdun chu yi snying po 'od kyi dra ba can/ /snying brtses thugs brtul glo bur lhag ge byon pas gdong bsal gyur/ /de tshe rang bar ma 'khrugs mchod bya gsang sngags bzlas/ /dkyil 'khor gnyis dbus pad phyag nyi zla'i rgyan can 'bar ba'o/ /'khor lo dang rjes mthun pa'i kha dog can/ /brtson pa'i cha byad gti mug dang chags pa dang/ sdig pa gsum sel ba dang/ spyod pa'i phyir bsreg pa dang/ bsil ba'i mtshan nyid can no/ /rgyun gyi mthar dran pa'i rgya btab pa ces bya ba dang/ sbyor ba'i rgyas btab pa ces pa gnyis ci rigs su dran par bya'o/ /oM A(rgyud 'grel): h+rI(rgyud 'grel): badzra sUrya tsan+d+ra kA dza sid+d+ha sa ma ya sa ma ya sma ra sma ra a nu smri ti ka ra hUM/ nyi zla sgron ma'i chog rdzogs so// //bcom ldan 'das thugs rje chen po grags pa'i rgyal mtshan can la phyag 'tshal/ /'dir 'jig rten pa mang po chos dang ldan pa'i don bya ba la sbyar pa'i phyir//
- 222b
re zhig dam tshig can yon tan tshul ma gnas pa'i che ba bsgrags pas gnas gang du skye bo 'dul ba 'am/ mang pos mthong ba dang thos pa'i spyod yul du gyur pa zhig bcos la/ rdo rje thab sbyor la sogs pas bgegs bsal zhing der khang bu brtsegs pa'i dkyil 'khor rim pa gnyis pa grong khyer pa dang pho brang pa man ngag dang ldan pas brtsig cing bri bar bya'o/ /de'i 'khor yug la sogs par mchod pa thams cad kyis brgyan cing/ /bkra shis tshigs su bcad pa klog pas phyogs bzhir sgra sgrogs par byas la/ rnal 'byor can bdag dang skal pa lhag pa dang/ mnyam pa thams cad la rnam pa thams cad gus pa'i ched du brjod pa dang/ skal pa sman pa rnams la snying rje'i lcags kyus zin pas ji tsam don bya bar bzod pa de srid 'bad par bya'o/ /gang phyir grags pa ma yin rgyu/ /mi snyan brjod sogs don min phyin/ /mkhas pa grags pa bzang skyong 'dod/ /des ni sdig pa bsal phyir 'bad/ /gdug pa'i ngag gis mtshon rnon pos/ /gzhan gyi grags pas gcod byed cing/ /tshe rabs kun tu bdag gi yang/ /snyan pa ma yin kun bskyed pa'o/ /mi gang bdag nyid skyon brjod kyi/ /gzhan gyi yon tan mi 'chab la/ /nam yang nyes par smra mi byed/ /de ni grags pa bzang ldan 'gyur/ /ston pa la sogs gud ston byed/ /pha rol grags pa ngal sel brtson/ /bdag nyid sdig pa spang la mkhas/ /grags pa'i rgyal mtshan cho ga bzhi/ /sdig pa nyung du dang bsod nams mang po can ni 'phags pa dgyes pa'i gang zag ste/ grags pa'i rgyal mtshan gyi tshogs snyan pa mang po rnyed par rung ngo/ /des nam du yang khong khro bas gzhan skyo bar mi bya'o/ /slob ma log par zhugs pa la sogs pa 'khrugs pas mi snyan par brjod pas slar zlog pa ni ma yin no/ /dkyil 'khor bris nas rtsod pa can gyi skyes bu bsten par mi bya'o/ /rtag tu byams pas zhen
- 223a
pa'i yid/ /'jam zhing yid 'bab snyan smra dang/ /kha na ma tho med kun spyod/ /rnam kun zhi la grags pa 'grub ste de la 'dir rtsa'i rigs pa sngon du bsten pas dbang gyur pa thob par byas nas grong khyer pa'i dkyil 'khor ni rang nyid ci tsam du grags pa bsgrags par 'dod pa de tsam nye bar dgod do/ /pho brang pa'i dkyil 'khor ni 'khor lo'i rtsibs brgyad pa pad+ma 'dab ma brgyad dang ldan pa sprin gyi phung po'i rum phrag na gnas pa rgyun mi chad par 'brug gi sgra zab mo sgrogs pas mdzes pa'o/ /grags pa'i rgyal mtshan dbus bzhugs la/ /sgra ldan brgyad kyis dung 'bud bsgor/ /phyogs gzugs mtshams ni phyed gzugs mdog/ 'dab brgyad la gnas las sgrub brtson/ /de bzhin rtsi bas rim dga' ba dang/ /mi pham dbyangs bzang nga ro che/ /snyan pa'i rtog dang kun khyab byed/ /yid gzhungs don bsgrub ces bya brgyad/ /dkar dang dmar ser ljang dang dmar/ /dkar dang ljang dang ser bas te/ /lha yi rnga chen brdung ba dang/ /bsgrub pa po yi sngags pa brjod/ /g.yer kha la sogs snyan pa'i sgras/ /grong khyer la ni sems byed cing/ /pho brang lhan cig 'brug sgra yis/ /ma lus grags pa sgrog par byed/ /de ltar dkyil 'khor sa bskyed nas/ /bdag gi smin mtshams kyi h+rI(rgyud 'grel): las 'od phyung bas po ta la nas grags pa'i dkyil 'khor spyan drangs te/ de nyid bzhugs pas byin gyis brlab par bya'o/ /de nas phrin las la sbyar bar bya ba'i phyir sngags bzla bar bya ste/ oM A:h+rI(rgyud 'grel): sarba lo ka ma ma kIrte sla ra sphya ra/ gardza gardza/ pra kA sa pra kA sa sa ma ya hUM/ ji srid ngal bar mi 'gyur bar ro/ /dkyil 'khor rjes mthun don grub byed/ /rnal 'byor ldan pas 'bad byas mthar/ /mchod pa mnyes byas gshegs su gsol/ /grags pa bskyed pa'i cho ga rdzogs so/ //thugs rje chen po gzi brjid 'bar ba
- 223b
la phyag 'tshal lo/ /sngags pa gang zhig lus ring nyam chung dang/ /bzhin bzangs mthong bas 'gro ba dang 'gyur nyid/ /spro ba lhur len skye bo sdung byed la/ /de dag phyir ni gzi brjid bskyes pa bri/ /gzi brjid 'bar ba brjid pa'i sku/ /ras ris la sogs mdun bzhugs la/ /brgya rtsa brgyad mtshan bstod pa yis/ /gus bstod me tog phreng ba gdags/ /gzhan du ma brtul me long ngam/ /rin chen sogs 'od brdar ba yis/ /sku bkram me tog spos sogs dbul/ /me yi las kyis dngos grub blang// sprin bral nyi ma zla ba dang/ /mar me 'bar ba'i 'ed reg pas/ /sku gzugs gsal bar byas nas su/ /h+rI(rgyud 'grel): yig gzi brjid snying po bskyed/ /de la sku mchog bstims la sku/ /rang 'dra dpag tu med 'phros pas/ /rdzogs sangs rgyas sogs gzi brjid bsdus/ /'gro ba gzi brjid bskyed bdag don bsgrubs pas/ /phyi nang lus dang snying gi dbus/ /'khor lo pad+ma padmo can/ /gzi brjid rgyal po 'od 'bar ba/ /sdig 'joms rtag tu bsgom par bya/ /gzugs sgra dri ro reg dang chos/ /sangs rgyas sras po gzi bskyed la/ /gzi chen 'bar ba'i gsang sngags kyis/ /stobs bskyed bya phyir rtag tu dbul/ /sems can gzi byin chung ngu gang/ /de dag la yang cho ga bzhin/ /bzang dang 'gran zla ma rabs rim/ /dga' dang 'dun pa snying rjes spyod/ /lhag pa'i sems dang lhan cig tu/ /rlung dang 'od dang 'od 'byung zhing/ /spro bas skye bo thams cad kyi/ /yid 'ong rlom pa zhu bar byed/ /mi gang 'jig rten mgon la dang/ /'bar ba'i mtshan mas rtag lus mtshan/ /de ni dud 'gro 'dra na yang/ /'gro ba'i mig sngar lta ltar sdug/ oM A(rgyud 'grel): d+hI(rgyud 'grel): mahA dzrA na swAhA/ oM A(rgyud 'grel): h+rI(rgyud 'grel): mahA ka ru Ni ka swAhA/ oM A(rgyud 'grel): h+rI(rgyud 'grel): mahA dzwa la ga to swAhA/ /lus las me 'bar 'od 'byung dang/ /nyi ma la sogs snang bar reg/ rin chen sgron ma
- 224a
lag na thogs/ /'di dag gzi brjid grub pa'i ltas/ /de nas blo ldan grong khyer sogs 'jug rang gi khyim du de rten la/ /'od 'bar mdog bzang mar me dri zhim bdug pa can skor snyan pa'i sgras/ /legs mchod su yang ji srid bdag song de srid mthong ba 'bad bkag la/ /slar log don bsgrub gtor mas mnyes bya slob ma bzang la rgyun mched bsgoms/ /gzi brjid bskyed pa'i cho ga rdzogs so// //'phags pa thugs rje chen po yid du 'ong ba'i gzugs can la phyag 'tshal lo/ /gzi brjid phung po mthong tsam gyis/ /skye bo kun gyi yid 'phrog cing/ /rgyal po'i ngag bzhin thams cad la/ /bsgos pa don yod byed rig bshad/ /thog mar brtan g.yo nam mkha' i sbyor ba yis/ /ngag bcas de las pad+ma zla ba bskyed/ /de steng a dang ka phreng ze'u 'bru can/ /'dres gyur mgon po yid 'ong gzugs can bsgom/ /shel ltar rab dangs rdo rje lta bur 'khregs pa'i sku/ /dkar la dmar dangs shing tu 'od gsal rnam par dag/ bltas pas mi ngoms dpe byad mtshan rab kun rdzogs pa/ /skyabs sbyin chu skyes g.yas g.yon phyag rgyas btab pa'o/ /brgya phrag 'od 'bar rgyan rnams las byung phan tshun 'od zer rnams 'khrugs pas/ /nyid kyi sku bkab dra ba dang ni dra ba phyed dang rdo rje g.yung drung 'khyil/ /zer phog pa dang gzugs brnyan rab 'dres tig tig gong bu 'khyil 'gyur te/ /spu sgo kun la rin chen 'od 'dzag mkhas la nyi ltar mdzes bdag gyur/ /de'i snying por yi ge gsum pa 'dus pa la nu ma gnyis kyis brgyan pa bltas la/ dad pa dang lhan cig pa'i 'od kyang zhags pas po ta la nas gzhon nu 'bar ba nyid bkug la/ /bcu drug dang brgyad dang/ nyi shu dang bcu dang/ bdun dang lnga la sogs pa'i lha mo lte ba'i sgo las mngon
- 224b
par 'phro ba'i mchod pa thams cad kyis yang dag par ma rgod nas/ /phyogs kyi gzhon nu ma bzhis yid 'ong mtshung med la sogs pas bsteng nas lcags kyu dang zhags pa dang/ lcags sgrog dang/ dril bu'i rang bzhin gyis bkug cing bkug ste bcing la dgyes par bya'o/ /de nas thugs ka dang ljags la yi ge bzhi dang bcu drug gi padmo dang 'khor lo nye bar bkod de/ /byams pa chen po'i yid kyis bzlas la/ nam gyi tshe skye bo bdag gi ming thos pa dang/ gzugs mthong bas dbang po mngon par g.yo ba'i tshe/ /de dag gi snying la h+rI(rgyud 'grel): dmar po bsams nas/ sna bug g.yas nas spros pa'i sa bon las 'od kyi mnga' bkye ba bsnun te/ de las bdud rtsi rgyun zags pas lus thams cad la khyab par bya'o/ /byams pa'i lta bas rnam blta zhing/ /rtag tu kun la snying rje 'jug /chags bral sdang ba yang med pa/ /sgrub po 'gro ba kun yid 'phrog/ dbang po rab tu dul ba dang/ /dregs med bka' blo rab tu bde/ /'jig rten mgon la lhag par dang/ /yid gzhungs gang yin skal ldan mtshan// ci ste 'di brtsams kyis ma spobs/ /de nas sbrang rtsi rma bya'i mdongs/ /me tog bzang po kun 'dab rtse/ /spos chus sbyar ba smin mtshams byug/ byang chub sems dkar dmar thig le/ /rgya mtsho'i lbu ba seng ldeng dpag/ tsan dan dmar po ga bur bcas// dpral bar byugs la gsang sngags brjod/ /spyan ras gzigs dpal yid 'ong mthus/ /dam bcas dam tshig rjes dran phyir/ /rtag pa'i rgyal po las byed 'dis/ /skye bo kun yid mngon sum 'phrog/ sems can mgu bar byed pa rdzogs so// // 'phags pa thugs rje chen po rab tu snang mdzad la phyag 'tshal lo/ /ma 'ongs pa na 'byung bar 'gyur ba nges par mi shes pas ci byas tol med par gyur te ldongs pa rnams kyis 'dir bcom ldan 'das 'phags pa thugs rje chen po rab tu snang mdzad la
- 225a
re ba bskyed la/ /zhag gsum 'am gnyis sam gcig gi bar du yid la byed pa gcig dang mi 'bral bas rig pa bzla zhing smyang bar gnas par bya'o/ /tadya thA/ na ma(rgyud 'grel): sh+rI AryA ba lo ki te shwa rA ya/ bo d+hi satwa mahA ka ru Ni kA/ darsha darsha/ pra darsha pra darsha/ sarba bud+d+ha dz+nyA nA garb+he tiSh+Tha tiSh+Tha ma ma sa pa Na tOSh+Ta pra darsha hUM hUM swAhA/ 'jig rten mgon po'i mchod rten la/ /me tog dkar po sogs bdug bcas/ /mchod pa mang pos nyer mchod cing/ /phyag 'tshal kun tu bskor bar bya/ /lus kyi 'dab skyes 'dab bzhi la/ /ji ltar 'dod pa'i dngos po bzhi/ /man ngag bzhin du ri mor dgod/ /ge sar rang sems me long ngo/ /de nas lhag pa'i lha dran pas/ /sdig la sogs pa bsal nas ni/ /'phags pa'i zhabs la mgo gtugs la/ /snang ba gsal pos snyoms par 'jug/ sangs rgyas sras bo thugs rje che/ /kun mkhyen lus can kun don bsgrub/ /'dod ldan yul la rtags skugs ltar/ /dus drug gzigs des mkhyen pa 'jug/ tho rangs dge slong dkar po dang/ / padmo'i rtags can bud med kyi/ /'dod pa'i don gang yod pa de/ /me long nang gi gzugs ltar ston/ /rmi lam ston pa rdzogs so// //mgon po mya ngan med pa'i dpal la phyag 'tshal lo/ /brtse chen ring nas gdungs ba spangs pa'i rgyus/ /rnam kun skye bo mya ngan sel mdzad pa/ /dpal ldan mgon po mya ngan med pa'i dpal/ /ji bzhin sgrub thabs bdag gis 'dir bsdu bya/ /rkang gnyis skyil krung lag pa mnyam par bsnol/ /mig phab rdo rje skyil krung brtsegs nas ni/ /rta mchog rgyal po dal dbus rjes 'gro dang/ /'ong bas rgyud rab rtse gcig gyur pa na/ /bde bar gshegs pa sras dang bcas pa'i sku gsung thugs kyi yon tan dran par byas la mchod pa rgya chen po sngon du 'gro bas bcom ldan
- 225b
'das spyan drang bar bya'o/ /rim pa gang dang ldan pas gsol ba btab la/ /de'i snying po ri bong can las 'od dang bdud rtsi dang yi ge h+rI(rgyud 'grel): yi rgyun gyis gtar ba'i phreng ba phyung ste/ bsgrub bya'i snying gi ze'u 'bru'i rtse mo nas brlan par bya'o/ /bde gshegs zla ba dkar mdog mun sel ba/ /rnam par mi rtog 'od mdzad mya ngan med/ /cig car ting 'dzin chos sgo brgya phrag la/ /mnyam gzhag chos ston til gyi gang bu bzhin/ /rdul bral dgra bcom dbang po rab zhi dang/ /kun spyod brtul zhugs thogs med rnal 'byor can/ /mkha' rgyu stobs chen sa'i lha mo sogs/ /skad cig gis lhags me tog gtor ma sbyin/ /snying dbus dkar 'tsher a dang drag po'i mig gnyis la/ /yi ge bdud rtsi 'od gsal phreng ba mas rims bzhin/ /mya ngan med cing mya ngan de bde dang/ /mya ngan rnam dag bla ma'i gdams ngag bzhin/ /kun mthong ri bo'i rtser gnas rtswa zil la/ /brag ngos me tog snying po gzhag nas ni/ /rjes mthun skye bo yid rab zhi ba yis/ /dbyangs brjod mya ngan med mgon dran bas sbyin/ /gnas gang na 'bab chu dang ne'u gsing dang me tog sngon po 'am/ /dkar pos brgyan pas/ dus dang nye bar sbyar ba'i gti grags pas sems tshim par byed cing/ snying rje chen pos brten pa'i bzhir lha'i rnal 'byor la snying por byed pa'i grogs dang lhan cig pas nyi ma bdun nam/ /dgu 'am bcu gcig la sogs pa'i bar du gnas par bya'o/ /rtag tu lha yis dbugs 'byin dang/ /pha rol sems dang yon tan dran/ /'jig rten mgon la yid ston pas/ /skye bo'i mya ngan mya ngan sel/ /oM A(rgyud 'grel): h+rI(rgyud 'grel): ka ra ka ra a tsa ra tsa ra i/ Ta ra Ta ra u/ ta ra ta ra e/ pa ra pa ra o/ ya ra ya ra oM/ hUM hUM hUM/ sho ka shan+tA tA pa ha ra ha ra/ a sho ka brA ha ra brA ha ra a sho ka ni/ swA b+hA ba shU nyA tA a
- 226a
phaT swAhA/ /yid 'gyod pa bsal ba rdzogs so// //'phags pa thugs rje chen po longs spyod mi zad pa la phyag 'tshal lo/ /re shig sgrub pa po 'byor pa dman pa dang/ phun sum tshogs pa rgud pas zil non te bag zhum pa dang/ yang kyang myur du 'dzad pas ma rungs par byed pa de dag thams cad/ chags pa dang brnab sems kyis rang dang gzhan gyi yongs su bzung ba la mngon par gdungs pa spangs te/ 'phags pa spyan ras gzigs rgya mtsho'i gter gyi bdag po la skyabs su dong bar bya'o/ /shel dang bai DUr rA ga dang/ /nI la rin chen las grub pa'i/ /gzhal med khang mchog dbus su ni/ /mgon po longs spyod mi zad bsgom/ /gser gyi bum pa bzang bkang ba/ /nor bu tshom tshom skyug pa'i kha/ /dpag bsam shing chen rgyas pa'i gseb/ /sprin grib la ni yongs su rtsen/ /g.yas dmar g.yon sngo dbus dkar zhal/ /snang mdza' rdo rje thig les brgyan/ /nor sbyin byin rlob skyabs mdzad dang/ /gter dang lcags kyu padmo'i phyag /skyil krung phyed brtan kun da'i mdog/ 'dom gang 'od gsal 'khor lo sogs/ /rin chen bdun 'dzag mu tig 'bru'i/ /char 'bebs g.yo ba mi mnga' o/ /de yi phyag rgya nor sbyin par mdzad pa'i bdud rtsi can gyi mthong thos las/ nor bu dang 'bru dang sman gyi char dong tshe brtsegs pa lta bu rgyun ma chad bar 'ongs pas bdag gis longs spyod thams cad kyi sbubs su 'jug par bya'o/ /oM A(rgyud 'grel): h+rI(rgyud 'grel): sh+rI AryA lo ki te shwA ra ma ma sarba saM b+ha ka ra ratna ratne/ mahA tsind+ha ma Ni d+he ra d+ha ra a k+Sha ya ak+Sho? pa ti s+thi ti hUM/ /bdag nyid btsun mo padmo can gyi ting nge 'dzin gyis me tog dmar po dang dkar po sil ma thogs la/ /pog phor bdug cing thal
- 226b
mo sbyar ba 'am/ 'dus pa sngon du song bas mchod par bya'o/ /de nas ji tsam longs spyod pas zad pa de tsam 'phags pa'i phyag nas blang ngo/ /bla ma dang lha mchod pa dang phan pa'i gnas dang/ mgon med pa la sbyin pa'i rim pa lhag pa'i bsam pa dang ma bral ba ni dam tshig go/ grub pa'i 'bras bus lus can la/ /bsngo dang nga rgyal med nyid dang/ /phyin pas dbul dang 'phongs 'gyur zhes/ /dogs bral de yi spyad mi bya/ /longs spyod mi zad pa'i sgrub thabs rdzogs so// // thugs rje chen po dpag bsam gyi shing can la phyag 'tshal lo/ /dpag med bsod nams ye shes tshogs rab smin pa'i rgyus/ /gang sku mi gtong dpag bsam shing chen bsil grib can/ /'gro ba'i don du shin tu rmad byung sku ston pa/ /spyan ras gzigs dbang thugs rje che mnga' 'dir mnyes brjod/ /thog mar rnal 'byor gyi dbang phyug chen pos tshangs pa'i gnas bzhi bsgom par bya'o/ /phyi dang nang la sogs pa'i rnam par dag pa skyur ba'i rim pas rgyas btab la/ bdag ting nge 'dzin rgyal po'i ngang la gnas pas/ rin po che'i sa gzhi las mngon par byung ba'i dpag bsam gyi shing yal ga dang/ me tog dang 'bras bu bsam gyis mi khyab pa rgyab pa/ spos kyi ngang zhim pos bsung zhing de las grub pa'i sil snyan gyi sgras chos kyi sgo thams cad yang dag par ston pa/ lha'i bu dang bu mo la sogs pa bye ba khrag khrig brgya stong gis bstod cing phu dud byas pa'i sdong bu chen po la bzhugs pa ni/ 'phags pa spyan ras gzigs kun nas 'od zer bkod pa'i rgyal po/ kun tu zhal kha dog bzhi pa/ phyag brgyad kyis rab tu mdzes pa rdo rje skyil mo dkrung gis mi g.yo bar bzhugs shing/ 'od dpag tshad gcig pas btsun mo dang bcas pa'i 'khor gyi dkyil 'khor lham me ltar de? gsal bar
- 227a
mdzad pa'o/ /chags bral chags pa'i kha dog can/ /nor bu 'bar bas brgyan pa'i sku/ /blta bas mi ngoms btsun mo dang/ /lhan cig 'jigs skyob la sogs 'khyud/ /gzhan dag sdong bu las phye ba/ /dgu brgyad dgu bcu dgu yal ga/ zla ba nyi ma sogs steng du/ /skal bzang sangs rgyas 'dzum pa mdzad/ /shAkya'i rgyal po thugs ka dang/ /'od dpag med dpal cod pan dang/ /smin mtshams na ni mi bskyod pa/ /phyag mthil rdo rje mgrin sngon nyid/ /gang dag 'jig rten 'di dang gzhan/ /bkra shis rdzas dang nor dang 'bru/ /me tog rgyan dang mchod rdzas sman/ /gang yod ma lus 'dir sprul bya/ /bai DUr rang bzhin sdong bu rab tu kun nas brjid chags 'khrungs pa yi/ /yal ga bzang gyis phyogs bcur 'dud rnams rdzogs pa'i sangs rgyas khur khyer zhing/ /'bras bu g.yur za me tog kha phye phan tshun 'gran pa bzhin ston pa/ /mkha' khyab dri ldang 'jig rten gsum skyabs dga' ba skyed par byed pa yin/ /ye shes spyan drangs nas gus pas rdzas dang bcas pas rim 'gro rdzogs par byas la/ /sdig pa bsal ba dang/ 'gro ba'i don du gsol ba btab ste/ rang gi spyod yul du gnas par bsam mo/ /de'i 'og tu dpag bsam gyi mchod pa 'bul ba dang/ lhan cig tu rig sngags bzla zhing gar mkhan dang rol mo mkhan dang/ glu mkhan la sogs pas dgyes pa bskyed par bya'o/ /oM A(rgyud 'grel): h+rI(rgyud 'grel): kalpa brik+Sha hUM/ nam zhig skyo bar gyur na yang/ /ye shes rten la bsdus nas su/ / dam tshig dran pa'i rgyas btab ste/ /tshogs brdar ba ni mkhas pa'i lugs/ /dpag bsam gyi shing can gyi bsgrub thabs rdzogs so// //thugs rje chen po bum pa bzang po can la phyag 'tshal lo/ /gter chen bum pa
- 227b
gser gyi mchog/ dpag bsam shing ltar 'gro ba yi/ /re bzhin yal ga bzang gyed pa/ /de yi dbus bzhugs nyid dpal 'dud/ /gang yang sgrub po blo gros che/ /dad dang ldan yang dbul? gyur pa/ /de dag gi ni 'byor ba dang/ /dngos grub lhan cig 'phags pa sgrub/ /re zhig phun sum tshogs pa'i gnas sam bum pa bzang po lta bu'i dbyibs kyi gzhir de dang 'dra ba'i bsam gtan gyi khang bu bcos la/ /gang du 'dug pa'i mal du mtshan nyid phun sum tshogs pa'i bum pa bris te/ rab tu gnas pa'i bkra shis gsol bar bya'o/ /de nas zla ba nyal bab na spyan ras gzigs dbang phyug snyan gsan phab la/ /zla ba gcig gi bar tshangs par spyod pas btsun pa dka' thub chen po can mnyes par bya'o/ /slad kyis yang zla ba rgyas pa'i nyin mor gyur pa na/ gos bzang po gyon/ skra dang khas spu ni bcos/ rgyan du mas ni brgyan/ rol mo mang po ni bskor te/ 'phags pa'i rten la phyag dang bskor ba bya zhing/ /snying gar h+rI(rgyud 'grel): bsams nas de'i 'od kyis 'phags pa spyan ras gzigs bum pa la bstim mo/ /gzhal med khang mchog rin chen bum pa bzang 'khyil la/ /lha rdzas mgul bcings yid bzhin yal ga 'bras bus brgyan/ /de dbus sdong bu me tog u dum bA ra'i rtser/ /'jig rten gsum skyob dmar mdzes nor gyi rgyun can bsgom/ dpag med lo 'dab me tog tshogs 'khrungs bkram pa'i yang/ /ge sar rtse la rgyal sras chos mang ston pa dang/ /rtse dga' mchod pa'i lha tshogs rnam par 'phro ba yis/ /sa 'dir ma lus cig car cho 'phrul rnam par 'phrul/ /mig gi rdzi bskyod rkang pa ya gcig bteg pa dang/ /lag pa dkur brten 'dzum pa'i mdangs legs 'gying pa sogs/ /mi yi bu mo bzhin bzangs rnams kyang bka' bsgo la/ /pum bzangs mdun byas 'phags pa mchod la brtson bar bya/ /oM A(rgyud 'grel): h+rI(rgyud 'grel): sarba bud+d+hA
- 228a
ni ma rid+d+hi ratna ratna/ d+ha ra d+ha ra d+hi ri d+hi ri d+hu ru d+hu ru badzra dz+nyA na kA ru Na ye/ ratna g+ha Ta b+ha tra saM purba/ su saM pUr+Na ku ru ye swAhA/ gzungs skud dri ldan lag tu thogs/ /me tog phreng bas mgo bcings la/ /rnal 'byor ldan pas sngags bzla zhing/ /bum bzang las ni dngos grub blang/ /dkar nag phyed phyed phyogs kun la/ /dbul po tshim par bya ba dang/ /rnyed pa'i dang pos bla ma mchod/ /kun la chags med mchod sbyin spyod/ /bum pa bzang po can gyi sgrub thabs rdzogs so// // thugs rje chen po lam gyi bzhi mdo can la phyag 'tshal lo/ /rgyu dang mi rgyu'i 'jig rten la/ /thugs brtses dpon pa spangs nas ni/ /lam gyi bzhi mdor kun don spyod/ /skyo ba med skyob sgrub thabs bri/ /byang chub sems dpa' chen po snying rje chen po can gyi bdag nyid grags pa la sogs pa'i phyir ma yin par lam gyi bzhi mdo dang tshong 'dus chen po la sogs par 'phags pa spyan ras gzigs dbang phyug bsgrub bar bya'o/ /de ni thugs rje shes rab kyis/ /dben pa spangs phyir chags med phyir/ /lam chen zhugs dang bltos med phyir/ /'du 'dzir 'du 'dzi med pas grub/ /re zhig skye bo mang po'i spyod yul du byed pa'i gnas ni 'phags ba dgyes pa'i gnas yin bas der spyil bu 'am khang bu la sogs pa gnas mal kha dog dkar bo padmo'i can legs par bcos la/ ji snyed 'byor ba'i yo byad thams cad kyis 'phags pa nyid mchod ba'i phyir brtson bar bya'o/ /skyob pa skyo ba med gcig pu/ /ljon shing bzang la sku brten te/ /padmo dang ni 'bras bu ster/ /bcu drug na tshod mdzes pa'o/ /cho ga bzang shes bdag dang lha/ /tha dad rim gro bya byed du/ /bltas te dus gsum mchod pas mchod/ /de mnyes bya phyir rig pa bzlas/ /oM A(rgyud 'grel): h+rI(rgyud 'grel): sarba lo kArthA sarba rid+d+ha sid+d+hi hUM hUM hUM/ sarba satwarthA pa ri pU ra pUrba sa ma ya
- 228b
sma ra hUM hUM hUM sarba tsit+ta saM duSh+Ta b+ha ra b+ha ra/ saM b+ha ra saM b+ha ra/ pra tyut+ta pansu saM b+ha ba ka ra hUM hUM hUM zhes bya ba 'bum phrag gcig bzlas la/ de'i phrin las yongs su rdzogs par bya ba'i phyir/ lam gyi bzhi mdo la sogs par mchod rten bzhengs par bya'o/ /de'i nang du padmo'i sdong bu dbus mal bzhugs pa'i spyan ras gzigs skyo ba rnam bar spangs pa dang/ shar la sogs pa'i sdong bu bzhi la lcags kyu dang zhags pa dang lcags sgrog dang dril bu can gyi thugs rje chen po/ dkar po dang/ ser po dang/ dmar po dang/ ljang gu'i kha dog can rnams bcos la/ rab tu gnas ba cho ga ji lta ba bzhin byin gyis brlab par bya'o/ /skye bo mang po don gnyer la/ /skye med dkyil 'khor sbyin gyi tshul/ /mkha' la lding bas ster brgyan pa/ /mgon po rnams kyi yid bzhin nor/ /srog chags gang gang dang yod dang// dad med shes dang mi shes ba'ang/ /kun tu lam chen 'dir rgyu na/ /de dag ngan 'gror 'gro mi srid/ /rang gi mthong dang thos dang dran/ /gri mas reg dang so sor rtog/ /de dag rnams kyang ma thogs par/ /'jig rten mgon gyi zhing du skye/ /lam chen po'i sgrub thabs rdzogs so// //wa ti'i rgyud can gyi thugs rje chen po la phyag 'tshal lo/ /dkar bsil ro brgya bdud rtsi'i rgyun 'bab nyid kyi phyag/ glang chen sna phub lha brgya'i cod pan gyis gtugs pa/ /ma lus sa steng bgyi ba bsgrub mdzad mchog gi bu/ /dpal ldan dpal chen spyan ras gzigs dbang nyid rtag 'dud/ /dga' dang mya ngan ha cang sdig med dge ba sogs/ /'gyur ba'i las kyi dbang po gang yin de gzhan 'gyur/ /de tshe lha mchog wa ti'i rgyun 'bebs dus gsum du/ /nyin dang mtshan mo rnam pa kun tu mi g.yeng bsgom/ /de la rgyun 'bab pa ni gnyis te/ yid kyi las can dang/ dngos po'i las can no/ /yid kyi las can ni mtshan mo la'o/ /dngos po'i las ni nyin par ro/ /gang na 'jug dogs ba'i zhing dri? la? slang? ba? mi?
- 229a
tog ljon shing g.yur za bas mdzes par/ /nyid kyi phyag dpung pa tshun cad yongs su rdzogs pa 'am/ mkhrig ma'i bar du yang rung ste/ de lta bu'i gzugs gdub bu dang sor gdub la sogs pa rgyan thams cad kyis brgyan pa bcos te/ mdog bzang pos bsgyur la/ zla ba nya ba dang nyi ma shar ba'i dus gang rung la rab tu gnas par bya'o/ /me tog char dang bdug pa'i sprin gtibs rol mo 'brug sgrags shing/ /ba dan rnga yab glog gi rgyun 'khrigs ro bzangs zhal zas kyis mchod de/ /par snang kun 'gro 'phrin las rjes bstod tshangs dbyangs nga ros dril bsgrags la/ /rdo rje dril sgrogs dgyes pa'i gar bskyod rdo rje dga' bas bro gar dbul/ /de nas yi ge gsum sngags kyis/ /byin gyis brlab pa'i rgyun phab pa'i/ /padmo'i phyag gis ming med kyi/ /rtse nas legs gtor snying pos btung/ /rdo rje sems dpa' i dang po dbang/ /dag byed dri med bde ba che/ /de 'dir padmo sems dpa' che/ /rnams dag 'od gsal rmad yin no/ /ji lta ji ltar spyi gtsug nas rgyun 'bab de lta de ltar ni/ /skal ba bzang po'i lus ngag yid/ /dri bral mi nyam mnyam par 'gyur/ /gzhan dag phongs ba sna tshogs dang/ /phun sum tshogs min gang gyur pa/ /de dag kyang ni skad cig gis/ /spong gyur 'thungs pa tsam gyis kyang/ /dpal 'jig rten dbang phyug wa ti can gyi sgrub thabs rdzogs so// //thugs rje chen po gtsug tor nas byung ba'i rgyal po la phyag 'tshal lo/ /mtshan mar 'dzin pa'i skye bo ldongs ba yang/ /gang gis shes rab thugs rje 'bar ba yis/ /mi gtong rtag tu spyi gtsug rtsa mchog rtser/ /brtan bzhugs bdag gir mdzad pa dgongs grub shog/ mi ni ring nas dad dang mngon 'dod yod/ /de la drang srong nam yang mi ring ste/ /thag ring mtsho nang pad+ma skyes pa yang/ /bung ba
- 229b
nags na gnas pa nyid rer brtul/ /'di na tshangs sogs grags chen mthu can yang/ /ma rgas skye 'chi srid pa'i dgra tshogs las/ /rgyal bar ma gyur yang? ma spangs na/ /nus pa bdag la ci zhig bde ba yis/ /sa gsum dbang phyug 'jig rten skyob nyid 'dir/ / mchog dman bar ma'i yid can skal rim bzhin/ /snying dbus spyi gtsug ring nas skyob dam bcas/ /de bzhin skyabs 'dod gtsug tor cho ga bsam/ /dkyil 'khor bstan bcas mig phab ste/ /smyug ma lta bu'i tshigs rgyun gyis/ /sgo gnyis nas ni dbugs bzlog la/ /rtsa mchog rtser ni thugs dbang lha/ /rta mchog lam ni sdong bus te/ /dkyil 'khor gang yin rgya mtsho'o/ /spyi gtsug 'dab ma bye bas lte/ /de steng mtho gang 'phags pa lha/ /lnga ldan yal ga dbus 'dab la/ /mi g.yo'i phyag rgya padmo 'dzin// rtsa skyob rlung skyob thig le skyob/ /ting 'dzin skyob rnams phyogs bzhi'o/ /h+rI(rgyud 'grel): yig snying ga las 'ongs sa bon dang/ /ri dbang nas bskyong ye shes lha/ /'dus gyur bde gshegs bzhir bcas yum/ /sgrub pa pos ni rnam par bsgom/ /'od dang thig le mnyam par bzhag/ rang gnas snyoms par 'jug pa dang/ /'du bral 'du mi byed dang de/ /zhi ba nyid dang 'od gsal rtag/ thog ma bar dang mthar rim bzhin/ /smin mtshams tshangs sgo nam mkha' yi/ /lam nas 'jug cing 'bab dang gnas/ /nyid kyi sngon du dam bcas pa'o/ /gang dag rnam par mi g.yeng bas/ /thun gsum du ni rtag tu dran/ /snying rje chen pos kun spyod pa/ /kha na ma tho me 'grub rgyu/ /padmo'i sdong bu can gyi sgrub thabs rdzogs so// //a/ dpal thugs rje chen po dri ma 'jig pa la phyag 'tshal lo/ /yang 'dir bshad par bya ba'i dus/ /snga dro 'dab chags sgra sgrog tshe/ /dpal ldan po ta la rgyal ba/ /dad pa drag pos dmigs nas ni/ /me tog dmar po dri dang bzang po bsung ba ji snyed tshogs ba btus la/ gser gyi snod dam
- 230a
khams sa'i snod yol mor spungs te/ /zangs sam mtshal gyis byugs pa'i bum pa rgyan dang bcas pa lnga tshan lngas gdab dkar po'i chu dang sbyar bas yog pa lhag ma'i rgyun mchu bteg nas 'bab pa steng du gzhag par bya'o/ /ldong ros dang gla rtsi dang ga bur la sogs pa dri dam pas byugs pa'i sku gtsug tor du bzhugs so/ /shar dang lho dang nub byang rim/ /me long dbyug pa rnga yab rgyan/ /btags la thun mtshams phrin las dbul/ /thal sbyar mi g.yeng gus bstod mchod/ /de nas gtor ma dang mchod pa'i khyad par rnam pa thams cad kyis rgya cher phung dung du byas te/ snyan pa'i dbyangs dang lhan cig ba'i rol mo phul la bstod nas/ lag pa rdo rje'i khu tshur bcangs pas rdo rje byin gyis brlag cing/ rdo rje dang pad+ma mtshon pa'i pi wang bsgreng zhing snyan pa'i nga ro gsang bstod pas sngags ni bzla'o/ /oM a i u e o aM h+ri(rgyud 'grel): badzra a mri ta dza ra dza ra pheM pheM pheM phaT swAhA/ /'od zer dmar pos brgyus pa yi/ /sngags phreng dmar po'i 'khor lo can/ /cig car rtag tu bar ma chad/ /rgya mtsho la ni char rgyun bzhin/ /bdag nyid dri ma 'jig pa yi/ /spyan ras gzigs kyi nga rgyal gyis/ /ye shes bstims pa'i rjes la bum pa steng gi lha bdag nyid ji bzhin du skyed de/ bdag dang de'i srin lag nas 'bab par rig par bya'o/ /dngos sam nyams sam rmi lam na/ /lha mthong ba dang lus bkrus dang/ /bum nang pi wang sgra sgrog pa/ /grub pa'i ltas yin de nas spyad/ spyan ras gzigs dri ma 'jig pa'i bum pa'i cho ga rdzogs so// //'phags pa thugs rje chen po kun nas 'bar ba'i mtshan ma can la phyag 'tshal lo/ /tadya thA/ oM A(rgyud 'grel): h+rI(rgyud 'grel): badzwa badzrod b+ha ba sarba d+harmma ni/ swa b+ha ba rA pe ta ga ra pa Di NA dzwa la dzwa la/ pra ti dzre la pra ti dzwa la ha na ha na pra ha na pra ha na/ sarba ta thA ga to tsit+ta s+thI ra
- 230b
hUM phaT/ lte dbus rta bdun 'bar ba nyid/ /h+rI(rgyud 'grel): yig 'bros pas mtshams bsgoms la/ /spro dang bsdu ba'i sbyor ba yis/ /tshogs rdzogs rdo rje sgeg bar blta/ /hUM brjod rim gyis 'phel 'gyur te/ /a brjod bdag lus bzhu ba ni/ /rdo rje la bcugs ho brjod pas/ /kun tu bskor zhing spang bar bya/ /lte bar hUM mtshan rtsa ba a dang de bzhin ho/ /a sogs ka sogs bde chen bdun pa'i yi ge'ang de mthar phreng ba'i tshul/ /sngags brjod rab zhi gdug pa'i sems skrag ye shes me lce 'bar/ /mi bzang sgra sgrag nam mkha' i ngos la ser sprin 'brug gi nga ro bzhin/ /rnal 'byor rgyal po gzi brjid che/ /thugs rje khros pas drag po'i thugs/ /dpal ldan rnam par rgyal phyag 'tshal/ /dgra don sdig pa kun sel ba'o/ /dpal rdo rje 'bar ba'i srung ba chen po'i man ngag rdzogs so// //thugs rdo rje chen po spyan 'khor lo rab tu 'bar ba la phyag 'tshal lo/ /thugs rje chen po gdul bya yi/ /don du lhor bltas 'khor lo bri/ /nyi shar zla rgyas skar mda''phro/ /'brug sgra drag dang char drag 'bab/ sprin med ba dang rnyed pa thob/ /de tshe sngags gsum rim bzhin no/ /ga bur tsan dan dkar thig le/ /sku gdung khrus chab sbyor ba yis/ /mu khyud a phreng dkar ldan pa'i/ /'khor lo rtsibs brgyad rab dkar bri/ /oM A(rgyud 'grel): h+rI(rgyud 'grel): hUM ho phaT swAhA/ /gla rtsi tsan dan dmar zla mtshan/ /snying rje chen po'i me tog chus/ /ze'u 'bru dkar phreng dmar ldan pa'i/ /padmo 'dab brgyad rab dmar bri/ /h+rI(rgyud 'grel): sh+rI(rgyud 'grel): d+hig+hi dza(rgyud 'grel): hUM baM ho(rgyud 'grel): gu gul sbrang dang myos byed chu/ /snying rjes zags pa'i mtshims sbyar/ /thabs shes thig le gnyis ldan pa'i/ /lte bar bde gshegs snying po bri/ /sngags gsum rdzas gsum go rims bzhin/ /ming dang rus dang sa bon dgod/ /rak+Sha gnyis kyis mdza' rton la/ /mi 'gyur thig les mtshan par bya/ /de nas dkar phyogs
- 231a
gza' skar shis/ /ye shes bkug nas rab gnas bya/ /me tog dkar dmar sngo gtor la/ /mchod pa kun gyis mngon mchod gdags/ /bsrub pa'i 'khor lo rdzogs so/ //bcom ldan 'das rdo rje 'bar ba la phyag 'tshal lo/ /gnyis med rnam par mi rtog dag/ zhi ba'i dbyings su bsrung rdzogs nas/ /thugs rje'i stobs kyis gzhan skyob dpal/ /'jig rten mgon po la btud brjod/ /yang mya ngan phongs pa yis/ /gnas su bdag nyid de nyid tshe/ /padmo can gyi lcags kyu yis/ /rdo rje chen po'i bsrung ba brtsam/ /bde gshegs mdzad pa'i lhag ma can/ /lte ba rwa rtse pad+ma lhas/ /mtshan pa lhag par gnas legs byas/ /sor bzhi sor gcig tshon gang tshang/ /rin chen maN+Dal bkod dbus su/ /sgron chen bzhis bskor padmo'i steng/ /grags chen phyag rtse nas 'bab pa'i/ /'o mas khrus gsol mchod pas mchod/ /padmo rdo rje dam tshig che/ /gsang sngags rgyal bo rjes dran pas/ /bdun phrag gcig tu bzlas bsnyen te/ /ye shes rgyal po mngon bzhugs bstod/ /oM a a a h+ri h+ri h+ri hUM hUM hUM phaT/ tha mal lus dbul rdo rje brtul/ /rdo rje'i yi ges rnam rgyan pa/ /dad ming bzlas pas spel ba dang/ /lus bzhu rdo rje'i gzugs su 'gyur/ /rtse gnyis rwa dgu go rim bzhin/ /oM phaT 'bru dgus dbus brgyan pa/ /de nyid sngags pas me dpung 'khrug/ thugs rje khros pas rngam par byed/ /lta stengs bsreg dang bskad pa dang/ /gzhig dang bsnun dang bsang pa'i las/ /brtan pa rnams kyi kun sbyor la/ /nam yang 'jigs par mi bya'o/ /gnyid dang myos dang rnam par g.yeng/ /nad dang mya ngan glo bur dgra/ drug po las ni rdo rje yi/ /thod par lus bcug rdo rjes gcing/ /zhu lu ba spu glang chen gos/ /mgal dum ga'u gzhal med khang/ /rnal 'byor
- 231b
chen po bdag dang gnas/ /bcing bas bcing bar shes par bya/ /rang bsrung ba'i cho ga rdzogs so// //'phags pa thugs rje chen po thugs rje khros pa la phyag 'tshal lo/ /ma lus yon tan rgya mtsho'i mthas klas pas/ /'gro ba'i don du rmad byung shin tu grags/ /stobs bcu lha dang mi lus rnams rgyal ba/ /gtso bo nyid gcig thugs rjes khros la 'dud/ /snying rje chen po snying rje zab/ /shes rab 'od gsal shes rab dag/ gnyis med gnyis su rab ston pa/ /de ming thugs rje chen po'o/ /gdul bya'i don mthong dang bzhin dang/ /cig shos zhi dang zhi bral dang/ /gdul bya rnams kyi don phyir ni/ /dpal ldan mtshan bzang khros bar snang/ /nyin mtshan zla ba dkar dang nag/ dul? ba dang ni gdug pa dang/ /gnyis la gnyis mdzad mgon po mchog/ /cha lugs gnyis kyis gnyis bya'o/ /bdag nyid rdo rje chen po yi/ /bsrung bas gzi byin bskyed pa'i rjes/ /de yi gnas dang lus bskyab pa'ang/ /ji bzhin cig car thog thag brtag/ oM A(rgyud 'grel): h+rI(rgyud 'grel): hUM oM A(rgyud 'grel): h+rI(rgyud 'grel): h+ro(rgyud 'grel): oM A(rgyud 'grel): h+rI(rgyud 'grel): haM/ oM A(rgyud 'grel): h+rI(rgyud 'grel): phaT/ rgya gram gzugs kyis bzhad pa'i zhal/ /gnam lcags rgyun sgra sngags kyi lces/ /bsrung ba bya dang brlag bya ba/ /mtshan ma'i rnal 'byor las gzhan min/ /gzhan bskyab pa'i cho ga rdzogs so// //'phags pa spyan ras gzigs rdo rje'i rgyas btab pa la phyag 'tshal lo/ / 'phags pa spyan ras gzigs la dad pa thob bas/ tshor bas gzir ba dang/ gdon gyis glags btsal ba dang/ rkun po dang dgras 'jigs pa'i dbang ba bsrung ba la sogs pa'i don du snying rje chen pos bsrung skud bcing par bya'o/ /'khor lo rdo rje rin chen dang/ /padmo sna tshogs kha dog can/ /ras dang dar dang bal dang rtswa/ /pad+ma'i skud pa shin tu bsngags/ /gzhon nu gos dmar gos dkar gyon/ /rgyan dmar rgyan dkar de bzhin du/ /cod pan thabs dang shes rab 'dzin/ /rdo rje dril 'dzin g.yas
- 232a
g.yon 'dzin/ /mchod pa kun sngon 'gro ba yis/ /'dab rgyas padmo bris dbus su/ /gnyis kyis srad bu gzhag nas ni/ /bgegs bsal gtor ma sngon song sbyang/ /de rjes lhag pa'i lhar bskyed nas/ /'jig rten dbang phyug padmo dang// srad bu bsnams pas dgyes bzhugs la/ /'od 'phros mdud pa dor bar bya/ /lus ngag sems gsum bcings pa yi/ /rgya gsum phyag rgya bsam pa ste/ /ting nge 'dzin gsum sngags gsum rim/ /slob dpon ma g.yeng la gnas pas/ /rdo rje khu tshur gnyis bcings dang/ /sdig mdzub rdo rje rtse gcig nyid/ /sku gsung thugs kyi rang bzhin gyis/ /'od phyung rdo rje'i rgya btab pa'o/ /oM A(rgyud 'grel): h+rI(rgyud 'grel): kA ya badzra gaN+Tha hUM/ oM A(rgyud 'grel): h+rI(rgyud 'grel): wAka badzra wAka gaN+Tha hUM/ oM A(rgyud 'grel): h+rI(rgyud 'grel): tsit+ta badzra tsit+ta gaN+Tha hUM/ dam tshig srad bu dung dang byu ru gser 'od bai DUr in+d+ra'i mdog gsal ba/ /rgya gsum 'bar ba'i rdo rje sku gsung thugs dag skal ldan lus ngag yid btab pa/ /slob dpon mthu chen po ta la yi 'phags pa sras mchog snying rjes shin tu non pa'i yid/ ting 'dzin lcags kyus de nyid bcug la gus pa bzang ldan mgul dang dpung pa bcing/ /srung skud kyi cho ga rdzogs so// //dpal 'phags pa spyan ras gzigs dbang phyug la phyag 'tshal lo/ /mgon po gzhon nu sgeg khros tshul/ /gzhon nu gdon las rnam rgyal ba/ /gzhon nu skyob la phyag 'tshal nas/ /gzhon nu bsrung phyir 'di bshad bya/ /re zhig nam langs ma thag tu kha shar du bshad du bltas te 'phags pa spyan ras gzigs dbang phyug thugs rje chen po dang ldan par byas la/ /de'i dkyil 'khor gzhon nu khros pa zhes bya ba'i sngags 'di bzlas par bya'o/ /oM A(rgyud 'grel): h+rI(rgyud 'grel): ku mar kro d+ha sarbba duSh+Ta na ha ra ha ra ku ma ra rak+Sha rak+Sha hUM phaT/ khri snyan nag po'i stan 'dug la/ /gzhon nu khros pa'i nga rgyal gyis//
- 232b
shar sogs phyogs gzhir gtum mo bzhi/ /rang bzhin ma yengs blta bar bya/ /de la lus bsrung dpa' bo gnag/ zhal gsum phyag drug dkar dmar sngo/ /rdo rje dril bu dgra sta zhags/ /ral gri utpal bsnams pa'o/ /srog bsrung dpa' bo dmar pos te/ /zhal gsum phyag drug sngo ser dmar/ /gri gug thod pa khor lo dbyig/ rgyal mtshan mgo bo 'dzin pa nyid/ /stobs bsrung dpa' bo sngo ljang ser/ /zhal gsum phyag drug ser dmar ljang/ /be con sdig mdzub mdung tho ba/ /rdo rje mda' gzhu thogs pa'o/ /dpal bsrung dpa' bo dkar pos ste/ /zhal gsum phyag drug sngo dmar dkar/ /gnam lcags kha TaM skyabs sbyin sgrom/ /mnyam par bzhag pas zhi zhing khro/ /gzhon nu'i ston mo sngon song bas/ /lag tu rdo rje dril thogs shing/ /rkang ba rdo rje 'gros bskor bas/ /gzhon nu rab tu srung bar bya/ /lha la skyabs su 'gro ba dang/ /gzhan la bltos pa mad nyid kyis/ /'od zer rdo rje'i gur phub cing/ /ka pA la'i sbyor ba brtsam/ /rang nyid rdo rje spar ba yis/ /rnal 'byor gzhon nu khros pa yis/ /ting nge 'dzin la brtan pa dang/ /gzhon nu ngan pa'i rgyas bskyab bya/ /gzhon nu bsrung ba'i cho ga rdzogs so// //jo bo thugs rje chen po nad thams cad las rnam par rgyal ba gzi brjid kyi rgyal po phyag 'tshal lo/ /'jig rten gsum dbang rnam par rgyal/ /'gro ba'i nang ni sna tshogs dang/ /de rgyu nyid dang ring brtsal/ /oM lus pha rol phyin phyag 'tshal/ /blo ldan bdag gam gzhan gyi don/ /rtsom pa che la zhugs pa na/ /dgra dang gdon nyid dang las dang/ /de bzhin rkyen gzhan nad skyed byed/ /de la dpal ldan spyan ras gzigs/ /sdug bsngal can la thugs brtse bas/ /? dang skyob dan sred rim bzhin/ /snying bus spyi bo phyag 'tshal bshad/ /rlung mkhris bad kan 'dus pa nyid/ /'og ma'i rim drag sna tshogs rigs/ /mdze can dang ni krem smu chu/ /thibs non la sogs kun nges skyob/ /sgrub po dang ldan byams yid brlan
- 233a
pho brang mchog tu kha bltas te/ /khrus byas gos dkar bzang gyon la/ /tshangs pa'i gnas pas legs gnas bya/ /sna tshogs mchod mdzes dpag med dang/ /'byung po rnams kyis don grub rdzas/ /stobs can dkar dmar mang dang ldan/ /bdug pa mchog gis bdag gus mchod/ /oM A(rgyud 'grel): h+rI(rgyud 'grel): sarba bya d+hi pa ti pra ha na hUM phaT swAhA/ /bdag nyid 'dam skyes stong dbus su/ /ji skad 'byung ba'i rgyal po nyid/ /'od dpag med kyi snying por bcas/ /dkar gsal rnam par mi g.yeng ba'o/ /de nas dang pa drag gdung bcas/ /'gro la brtse dang gzhan bltos med/ /gcig tu rnam par nges yid kyis/ /skyabs gsol mgon po spyan drang bya/ /dpag med sprin tshogs mchod pa'i lhas/ /lha mchog mdun du bdar nas ni/ /ring bar thub chen 'khor mang bcas/ /brtse phyir steng gi mkhar bzhugs blta/ /me tog sbos dang mar me dri bzang ro brgya'i bza' dang lhab lhub gos mang rgyan mchog dang/ /pi wang dung dang rnga chen gling bu glu dbyangs snyan 'tsher sna tshogs mchod pa'i lha mor bcas/ /ji ltar sangs rgyas kun tu bzang sogs ji snyed mchod mdzad bdag gi'ang zab cing rgya che sprul/ /de rjes gzhan yang bstod dpyangs kun brjod mi bzang yid kyi nongs pa ma las yang dag bshags de nas dang pa mang ldan dang/ /skye dgu rnams la snying brtse bas/ /yid bzhin nor la nyer mkho bzhin/ /sna tshogs nad las bsrung gsol bya/ /bdag gi lus dang lhag bsam nyid/ /drang srong gi ni thugs rje dang/ /smon lam stobs kyis mdzad pa yi/ /byin brlabs bdud rtsi'i rgyun 'bab gyur/ /rnga yab dkar rgya ser bu'i dang skyong bstan par mi nus g.yo bar byed/ /mtsho chen gting zab drag pa rdzis 'khrug lha dbang thugs kyang btsun mos bzhu/ /tshang sil zer can
- 233b
nyi zla 'bar ba'ang rta bdun rlung g.yos gnas gcig min/ /de bzhin nyid thugs rnyog med zhi ba'ang gdul bya'i don mthong rnam pa kun tu mi bzad 'gyur/ /de tshe dbang phyug thugs dkyil du/ /bdag gi lha mos bde bsnun pas/ /thugs rje'i thugs bskyod byin rlabs rgyun/ /bdud rtsi'i rgyun ltar dkar phreng dbab/ /g.yas phyag ming med rtse nas su/ /zla ba kha ba kun da dung/ /pad+ma dkar mdog las lhag pa/ /yul dus rnam kun bar ma chad/ /rgyun bzang spyi gtsug rtsa mchog nas rgyud nas/ /snying dkyil lha mchog nyid sku gang byas la/ /ches lhag zer kun lus kun rgyas gyur dang/ /de las 'od phyung 'dom gang dkyil 'khor bskor/ /gang tshe gnyid log 'du byed g.yengs gyur na/ /g.yon phyag nyid kyi pad+ma bdag 'byin la/ /de dbus bdag bzhugs 'dab stong thub stong ldan/ /slar zum spyi bo'i phrag nas bdud rtsi blang/ /dpal spyan ras gzigs kyi nad bsrung ba'i cho ga rdzogs so// //'phags pa thugs rje chen po la phyag 'tshal lo/ /ma lus nad rnams kun gyi gzhi/ /chags sdang gti mug phrag dog dang/ /ser sna'i dug 'joms spyan ras gzigs/ /bdud rtsi'i bum 'dzin la phyag 'tshal/ /nad med nad kyis 'jigs pa dang/ /nad bcas sdug bsngal gyis gzir ba/ /de dag 'phags pa nad 'joms kyis/ /sbyor bas 'jigs pa bskyab par bya/ /rin chen sbyangs pa'i snod dag par/ /nam mkha' i chu yis gang byas pa/ /bde gshegs ring bsrel snying po can/ /mdun bzhag yid kyi dkyil 'khor bsam/ /da la dkyil 'khor rnam gsum ste/ /ma ngag dag par byed pa ni/ /zla ba'i dkyil 'khor la gnas pa/ /nad 'joms mgon po dkar mdzes so/ /de ni mtshan mo zla shar dus/ /shel mdog h+rI(rgyud 'grel): yig las skyes pa/ /bdud rtsi bum pa dkar bsnams shing/ /phyag stong bcu gcig zhal mnga' ba'o/ /dag pa dri med 'khor
- 234a
lo la/ /nyi ma'i dkyil 'khor la gnas pa/ /nad sel mgon po dmar mdzas te/ /nyin mo rta bdun 'char che yin/ /dri mang phyir mi ldog pa yi/ /'khor lo de ni phyed gsum dus/ /sna tshogs padmo la gnas pa/ /nad bral mgon po in+d+ra'i mdog /bud med byis pa bde ster te/ /zla tshes zla rgyas nad 'jig dus/ /nyi shar nyi zer nad med pa/ /de bzhin phyed gsum nad spangs so/ /de phyir mkhas pa nad med lus/ /don gnyer 'dod pas 'di dag dus/ /ston mo nye ba'i ston mo dang/ dga' ston chen po sbyin par bya/ /gang yang rnal 'byor lus sbyin gyi/ /gtor ma rgya chen bya ba dang/ /mi 'jigs sbyin pa zhes bya ba'i/ /mchod pa rim bzhin brtsam par bya/ /spyan ras gzigs kyi bdud rtsi'i rgyun/ /snying rje ldan pa rnams kyis bsgrub de la mi gang zhig sngon gyi las kyi rnam par smin pa 'am/ /glo bur gyi rkyen gang gi stobs kyis lus sam sems la nye bar gnod pa'i mtshan ma 'ga' zhig mthong na de'i sgrib pa bsal bar bya ba'i don du 'phags pa spyan ras gzigs kyi bdud rtsi'i rgyun gyi cho ga 'di la rab tu brtson par bya'o/ /ba dmar ser gyi 'o ma dang/ klu shing gi lo 'bras/ dar skud dmar po dang/ mkhal ma dang/ snying dang/ 'tshar ba dang sha sha la sogs pa dang/ rtsi sman sna tshogs dang/ klu sman thams cad dang/ rin po che dmar po dang/ gdugs dang rgyal mtshan la sogs pa'i mchod pa'i rdzas dang/ spos dang me tog la sogs pa dang/ 'bras yos dang snum khur la sogs pa ji snyed 'byor pa'i yo byad bsham par bya'o/ /mdor na klu gom pa'i cho ga rnams las ji snyed bshad pa thams cad do/ /skya skyob mgon po dkar bzang zhi ba zhal mnga' ba/ /spyan gsum brtse ba'i mche bas rab skyod smin ma g.yo/ /ltos 'gro rgyal po phu yis 'gram gang mgo rgyu can/ /ba spu
- 234b
re re 'ang bdud rtsi'i bum pa'i khur khyer pa'o/ /g.yas phyag mchog sbyin thal mo padmo mdzes bcug kha phye glang chen sna 'dra'i sor mo bkram/ /ming med rtse nas klu rnams rab dga' sman mchog ro brgya phan mdzad nyid kyi sa bon can/ /rab tu dang zhing g.yo ba'i 'od 'jag dri dang phyogs bcur ldang ba'i thigs pa bdun rtsegs 'bab/ /phyag mthil a las ye shes 'od 'phrog dbyangs dang gsal byed bdud rtsi yig 'bru rnam bcus brgyan/ /oM A(rgyud 'grel): h+rI(rgyud 'grel): maM nA ga bo ShA hUM swAhA/ /zla ba la ni skar ma bzhin/ /klu spyod 'khor lo dkar po 'di/ /me long nang gi gzugs brnyan ltar/ /snang ba dri med bsgom par bya/ /byams pa'i gzhu bkang snying rje yi/ /mnga' bzung gsang sngags bde bsnun pas/ /rdzas rnams dri ma gzhom pa dang// byin gyis brlabs pa'i mchog tu bya/ /bdud rtsi thigs pa bdun pa las/ /pad+ma'i rtsa ba'i skud pa ltar/ /phra zhing grims pa'i rgyun phab la/ /mchod rdzas rnam dag rgya mtshor bskyed/ /phyag thil a las zer spros pas/ /gdug pa de dag spyan drang ngo// oM nA gA sa pA ri sa ma ya hUM dza dza/ rdo rje bsdams pa byas nas ni/ /mdzub gnyis lcags kyu'i tshul gyis so/ /mtsho chen rab dang dpag med rin chen chal par bkram pa'i nang/ /khang bzangs mang brtsegs klu tshogs zhi bas gnas pa dang// gtum pa'i tshul can longs spyod rgya cher 'byor pa la sogs dang/ /de bzhin sa dang ring gnas rtse shing rten sogs ma lus blta/ /thams cad lce la thub pa yi/ /'khor lo'i sngags las 'od 'phros pas/ /'od kyi sbu gu dam pa dag /re re las kyang skar mnga' bzhin/ /de nas sbyin pa'i sngags 'di dag /brjod pas bdud rtsi'i rgyun 'dzag pa/ /bcas te klu rnams tshim par bya/ /snying rje chen po dam tshig yin/ /oM A(rgyud 'grel): h+rI(rgyud 'grel): mahA kA ru Na sh+rI lo ka nA tha sarba nA ge stwaM yi pat+tye a d+hiSh+Tha
- 235a
ne sarba lo kA sarba na gA d+ho Sha pra ha na ha na ha na hUM phaT/ boShA pra tyut+ta bo Sha a tyan+ta pra tyut+ta po swAhA/ /tshad med bdud rtsi'i thig le bzhis/ /nyer btsas 'phags pa nyid bzhugs pa'i/ /khu ba'i chu rgyun dag pas kyang/ /klu rnams lan mang bkru bar bya/ /byang ma dag gis rig sngags bzhin/ /de dag gnod pas sos gyur na/ /bdag gi gang gang gnod yod pa/ /de yang snying po mi thogs mdzod/ /'phags pa spyan ras gzigs kyi klu gso ba'i cho ga rdzogs so// // dpal 'phags pa spyan ras gzigs dbang phyug la phyag 'tshal lo/ /sngon nam tshe 'di 'am glo bur gyi/ /las dbang gis khengs klu yi nad/ /rigs bzhi gang gis thebs gyur pa/ /de dag gso ba 'dir bshad bya/ /brag ri nags tshal phug gam ljongs/ /me tog dkar pos rab brgyan par/ /thub pa 'od dpag med kyi sras/ /nad bral 'jig rten mgon po bsgrub/ /gang na klu gnyan sa bdag dang/ /lha dang lha min gyis bstod pa'i/ /rten la mchod pa byas nas ni/ /mdze can rnams la bkur sti bya/ /de nas lhor ni mngon bltas la/ /bdag lus 'khor lo 'bar ba yis/ /spyi bo snying gar mgon po hUM/ /dkar dmar gsal bar bsgoms nas ni/ /'bar dang 'dzag dang dbang du bya/ /lus can gdug pa 'dul bya'i phyir/ /de'i rten dpal ldan thugs rje gtso/ /klu mgon brgyad kyi gdangs ka can/ /dug sel bdud rtsi'i ril 'dzin pa/ /spyan mang 'od dpag med pa'i mtshan/ de yi thugs rje mi bzad thugs/ /snang mdza' ye shes snying po'i bdag / lus can gdug pa 'dul bya'i phyir/ /dpag med dug 'joms ting 'dzin zhes/ /bya bas h+rI(rgyud 'grel): yig mnyam gzhag pa'o/ /lha 'di klu 'dul? cod pan zhes/ /mdo las rab grags de bzhin sems/ /stobs mthu dpal dang bcas pa
- 235b
yi/ /ngo bo yi ge rgyal po snying/ /oM A(rgyud 'grel): h+rI(rgyud 'grel): sarba bud+ha garb+ha sh+rI lo ka nA tha ma ma sa ka la bya d+ha pra ti pra ha na ka ra ka ra hUM/ ha ra ha ra hUM/ bA rats+tsha bA rats+tsha/ bI bA rats+tsha bI bA rats+tsha/ hUM hUM phaT phaT/ /sngags 'di rtag tu bzlas nas ni/ /bdag gi dang dang mgon po'i mthus/ /nyid kyi thugs bskul 'od dpag med/ /dug 'joms rgyal po dug sel dang/ /dug gsod nges par 'byin pa dang/ /dug mthar mdzad dang dug med dang/ /dug bral slar mi ldog pa yi/ /'od zer phyung bas snying dbus spro/ /oM A: h+rI(rgyud 'grel): hUM oM A(rgyud 'grel): h+rI(rgyud 'grel): raM hUM oM A(rgyud 'grel): h+rI(rgyud 'grel): khaM hUM/ oM A(rgyud 'grel): h+rI(rgyud 'grel): sha baM hUM/ oM A(rgyud 'grel): h+rI(rgyud 'grel): paM hUM/ oM A(rgyud 'grel): h+rI phaM hUM/ oM A(rgyud 'grel): h+rI(rgyud 'grel): baM hUM/ oM A(rgyud 'grel): h+rI(rgyud 'grel): taM hUM/ oM A(rgyud 'grel): h+rI(rgyud 'grel): maM hUM/ /mthar byed bdud rtsi 'dzag pa yi/ /rgyun gyis gso dang byams pa yi/ /'od kyi phyug pas sbyang bar bya/ /de rjes 'gro ba'i dug sbyang ngo/ /yang na mtho ris sa steng gi /sbyor ba gnyis kyis bsad dang gso/ /sbyang ba'i cho ga rnam pa gsum/ /dpal ldan dug sel rgyud las bshad/ /mdze nad gso ba rdzogs so// //'phags pa spyan ras gzigs gzhan gyis mi thub pa la phyag 'tshal lo/ /pad+ma rA ga byi ru me ltar kun nas rab 'bar 'od 'phro'i sku/ /padmo nyi zla bgegs rnams mgo mnan mi bzad rngam pa'i sku chen po/ /zhal gsum phyag drug spyan stong mnga' ba'i rgyal ba dpa' bo 'jigs shing rab 'jigs bzhad pa po/ /g.yas dkar g.yon sngo dbus dmar zhal ldan de bzhin ral gri mchog dang dgra sta dang/ /sdigs mdzub dang ni dril bu zhags bcas tshangs pa'i mgo bsnams stag gi pags pas smad g.yogs pa/ /bskal pa'i me ltar ye shes 'bar ba'i rlabs 'khrugs rab tu 'jigs pa'i 'ur sgra can/ /khrag gis zhal bkang nga ro mi bzad sgra sgrogs sprul gdug bros pas sku rab brgyan/ /dbang bdag brgyad cu'i mgo bo rlon pas do shal
- 236a
phreng thogs brdabs pa'i gang rgyangs 'byin pa'o/ /lha 'di dpa' bo dpa' chen po/ /bdud kyi dgra las rnam rgyal zhing/ /gzhan gyis mi thub mthu bo che/ /pha rol dpung rnams 'joms pa yin/ /sngags pa gang zhig nad dang dgra/ sngon bsags bsod nams ma yin dang/ /sna tshogs mya ngan 'jigs rnams las/ /sgrol ba mi pham sbyor ba 'di/ /rnal 'byor pa rtsom par byed pa des bzla ba drug ni lon pa dang/ /stag dang seng ge glang chen dang/ /mkha' lding nor bu sgron mthong 'gyur/ /de tshe snying dkyil pad+mar gyi/ /'dab drug yi ge drug dgod bya/ /oM A(rgyud 'grel): h+rI(rgyud 'grel): hUM phaT swAhA/ /de'i dbus su snying po yi/ /snying po sa bon h+rI(rgyud 'grel): khros pa'o/ /sngags 'di 'khor lo bskor ba yi/ /tshul gyis zhag bdun bzlas nas ni/ /gang gang bzlog dang bsgrub pa yi/ /las de la ni sbyar bar bya/ /las gang yang dag grub 'gyur ba/ /de nyid skye bo gzhan la yang/ /sngags dang ting 'dzin phyag rgya dang/ /khrus kyi cho ga sbyin pa yi/ /glo bur ring por mi thogs par/ /ma lus dbang du 'gyur bar bshad gzhan las rnam par rgyal ba'i gdams ngag rdzogs so// //'phags pa spyan ras gzigs dbang phyug pha rol rnam par gnon pa la phyag 'tshal lo/ /re zhig sgrub pa po brtson 'grus can the tshom mi zabs/ /dgra dang gdon dang nad la sogs pa pha rol gyi 'jigs pa thams cad bsrung ba'i phyir/ /dang po kho nar byang chub tu sems brtan par bya'o/ /de nas sems can thams cad la/ /snying rje chen po mdun gzhag ste/ /bsgrub pa'i bar chad bsal ba'i phyir// bsrung ba'i 'khor lo bsgom par bya/ /rang lus padmo 'dzin khros sku/ /rdo rje sdig mdzub 'khor lo 'dzin/ /'bar ba'i lte ba rnam par gnon/ /rgya phyed ral gri'i rtsibs 'phro ba'o/ /mi phaM snying po h+rI(rgyud 'grel): yin te/ /gcod byed brgya phyed a kas mtshan//
- 236b
ye shes me dpung 'bar ba'i dbus/ /dpa' bo rdza mkhan 'khor lo bzhin/ /pha rol byang ma la sogs bgegs/ /rnam par gnon mdzad thugs rje che/ /nyid kyi thugs skyod khros pa yis/ /ye shes spyan drangs gsang sngags gsungs/ /oM A(rgyud 'grel): h+rI(rgyud 'grel): pra re a dzi ta mahA ka ru Ni ka kro d+ha sa ma ya sma ra hUM/ kha Da ge saM shod+ha ya ma na sarba pA paM b+hi ka naM sa trU byA d+hi a dni sphu Ta spho Ta ya spho Ta ya/ mA ra mA ra/ mA ra ya mA ra ya/ ha ra ha ra/ pra ha ra pra ha ra/ sarba pa rau ba trA rak+Sha rak+ShA hUM phaT phaT/ bde bar gshegs pa thams cad kyi sku gsung thugs la 'jug pa bcom ldan 'das pha rol rnam par gnon pa'i de kho na nyid ting nge 'dzin byed pa dang/ ma bral bas gsang sngags kyi rgyal po chen po bar ma chad par rjes su bzla zhing gnod pa thams cad bsreg par bya'o/ /rig pa 'di bzlas pa tsam gyis sngon gyi dam tshig rjes su dran pas 'phags pa nyid snying la 'jug cing yid la snang ba'i rnam pas bgegs la sogs pa thams cad rnam par bzlog par byed do/ /sgrib pa dang sdig pa thams cad kyang yongs su gtor bar byed do/ /yang ba dang 'jigs pa gzhan dag kyang rnam pa thams cad kyi thams cad du mi 'byung ngo/ /de la phyogs bcu'i sangs rgyas byang chub sems dpa' thams cad kyang rtag tu dgongs pa mdzad par 'gyur ro/ /ting 'dzin ldan pas sngags bzlas brtson 'grus can/ /'bar ba'i ral gri me lces bzhus pa'i zhun/ /dmar 'khrug rdo rje'i tsha tsha 'phro bar byed/ /skad cig de la dgra rnams thal bar 'gyur/ /skyobs thun gyi mdza' la bab pa na/ /snying rjes yid brtul nga rgyal spangs pa yis/ /brtan pa'i dran pas g.yo ba rgyun bcad la/ /rgya chen phyi nang mchod pas 'khor lo mchod/ /pha rol gyi gnod pa bsrung ba rdzogs so// //bcom ldan 'das pha rol gyi dpung las rnam par rgyal ba la phyag 'tshal lo/ /brtan pa rnams kyis chos kyi srid/ /pha rol 'jigs las bsrung ba'i phyir/ /rdo rje 'jigs
- 237a
byed thugs rje khros/ /gzhan gyis mi thub cho ga brjod/ /de la pha rol gyi dpung bzlog pa ni rnam pa gnyis te/ nges par rtogs pa'i ting nge 'dzin dang/ 'jigs par byed pa'i sbyor ba'o/ 'dir 'jigs par byed pa'i sbyor ba ni/ thog mar mtshan ma grub pa sngon du 'gro bas/ /ring bsrel can gyi snying po can gyi mchod rten nam/ thun mong ma yin pa'i rab tu gnas pas gnas par byas pa'i rten gyi mdun du song ste/ rang bzhin ma lus kyis gsol ba btab la/ /'dod pa drag pos thal mo sbyar te shin tu rab tu gus pas re bar bya'o/ /rten gang thugs dkyil thugs rje khros/ /rdo rje 'jigs byed bcu drug sor/ /mi bzad rngam zhing rnam 'gyur ba/ /bsgoms la ye shes bstims par bya/ /rang snying nyi dbus hUM ngam h+rI:/ /'bar ba yongs 'gyur rdo rje blta/ /de nyid brjod pas 'jigs byed nyid/ /kun tu me 'od 'khrigs pa'o/ /g.yas dkar g.yon dmar ma he zhal/ /de g.yas 'bar ba rnga phyag rgya/ /gnam lcags me phung rlung dmar dang/ /nyi ma dang ni mkha' lding ngo// g.yon du sdig mdzub rdo rje zhags/ /zla ba dang ni dgra sta'o/ /nyi shu gcig dang brgya rtsa brgyad/ /yang na stong phrag gcig bar du/ /rdo rje 'bar ba yi ge gcig /dpa' bos rngam par rnam par bzla/ /de nas lha la lus bstims la// sku chen rab rib mnyam pa yis/ /yi ge gcig brjod 'od phyung la/ /pha rol rjes skyob zil mnan bya/ /rkang pa g.yas ni bteg nas su/ /zhags pas drangs te mgo bos rdzi/ /g.yon brgyang nga ro 'bar ba yis/ /gsus pa dral nas rgyu ma mnan/ /pha rol dmag dang g.yul 'khor bcas/ /phyag rgya lha yis las rim gyis/ /thal ba tsam duAng ma lus dang/ /yang na rdo rje zhags pas bcings/ /oM A(rgyud 'grel): h+rI(rgyud 'grel): pheM(rgyud 'grel): pheM(rgyud 'grel): pheM(rgyud 'grel): oM A(rgyud 'grel): h+rI(rgyud 'grel): raM(rgyud 'grel): raM(rgyud 'grel): raM(rgyud 'grel): oM A(rgyud 'grel): h+rI:
- 237b
dza(rgyud 'grel): dza(rgyud 'grel): dza(rgyud 'grel): oM A(rgyud 'grel): h+ri(rgyud 'grel): h+ri(rgyud 'grel): h+ri(rgyud 'grel): h+ri(rgyud 'grel): oM A(rgyud 'grel): h+rI dza(rgyud 'grel): dza(rgyud 'grel): dza:/ /phyag rgya 'phang ba'i sngags so/ /oM A(rgyud 'grel): h+rI(rgyud 'grel): badzra band+ha band+ha mA ra ya rbad/ rdo rje zhags pa bcing ba'i sngags so/ /rdo rje rtse dang thab chen shing/ /ri gzar tswa dang gtsubs shing me/ /bya rgod kyi ni dang du g.yas/ /yungs kar phye ma thal chen bsres/ /gsang sngags rgyal po 'bum bzlas la/ /dmag tshogs myos pa 'ongs pa yi/ /gdong du khros pas gtor byas te/ /phaT ces drag pos skrag par bya'o/ /wa rnams la ni seng ge bzhin/ /mthong ba tsam gyis dngangs 'bros pa 'am/ /ro langs la ni gsang sngags bzhin/ /rengs 'gyur g.yo ba'ang mi 'thob bo/ /ji ste spobs pa'i cho ga ni/ /myos byed rdzas bdun sbyar ba dang/ /'jigs byed chen po'i sku phyar la/ /gdug pa lnga bsregs rnga chen brdung/ /dpal ldan rdo rje 'jigs dpal che/ /rab tu gsang ba'i rtog pa las/ /legs phung pha rol dpung bzlog pa/ /snyigs dus bstan pa bsrung ba yin/ /pha rol gyi sde gzhom pa rdzogs so// //'phags pa thugs rje chen po dang ldan pa la phyag 'tshal lo/ /shin tu snying rje non pa'i yid/ /lus can mya ngan 'das pa las/ /bsam pa thag pas mgron gnyer ba/ /de yis pha rol bsdu bar bshad/ /nam langs mun pas sleb pa dang/ /gnyid du nye bas sad pa'i dus/ /dga' dang gdung ba skyes pa ni/ /de ni cho ga spyan ras gzigs/ /bdag gi lus gang lha yin te/ /ngag ni yi ge bzhi nyid do/ /rnam par rtog dang mi rtog sems/ /snying rje che dang stong pa nyid/ /mig gnyis nyi ma 'bar ba dang/ /lce steng a ka'i phreng bas brgyan lte ba me thab 'khyil pa'i dbus/ /dpal ldan 'dod pa'i lha mo'o/ /mi gang dbang du bya ba de'i/ /smin phrag gnyis dang lte ba'i dbus/ /dga' dang dad dang gdung ba nyid/ /thig le padmo a yi gzugs/ /byams pa yi ni a yi rgyun/ /bdag gi sprul
- 238a
pa la skyes reg /rab tu mi bzad snying rje can/ /dga' ba'i lta bas rnam par bzhu/ /btang snyoms tshad med blo gros che/ /yi ge lnga brjod padmo 'byed/ /oM A(rgyud 'grel): h+rI(rgyud 'grel): dza(rgyud 'grel): hUM 'bum phrag lnga rab ma yengs dang/ /lhag bsams bar chad spangs bsnyen bsgrub/ /bde gshegs ring bsrel sku khrus sogs/ /brtse ldan rnams kyis sngags chur bcas/ /me tog dmar khus gdong bkrus la/ /lce dkyil sbrang rtsi ldan sngags brjod/ /oM A(rgyud 'grel): h+rI(rgyud 'grel): sh+rI lo ka nA thA mahA kA ru Ni ka ho/ /sa ma ya haM/ che ge mo tsit+ta mahA bArd+ha tsa la tsa la pra tsa la pra tsa la dza(rgyud 'grel): dza(rgyud 'grel): dza(rgyud 'grel): blo gros bzang po snying rjes myos gyur pa/ /skye bo 'di dag thabs gang phrin las kyis/ /bde bar rung na bdag cing 'gyur bla'o zhes/ /nyin mtshan rtag tu yid byed mi 'bral na/ /rnal 'byor rgyal po rtag pa 'dis/ /zhag gsum drug gam dgu nyid na/ /lcags yus bzhus pa'i yal ga ltar/ /gdon mi za bar de dbang 'gyur/ /pha rol dbang du bya ba rdzogs so// //'phags pa spyan ras gzigs pha rol rnam par gnon pa la phyag 'tshal lo/ /glang chen pags bsnams bcu drug phyed phyed gdong pa can/ /rdo rje ral gri 'khor lo mda' thogs de bzhin g.yon/ /dril bu sdigs mdzub kha TwAM gzhu 'dzin rngam pa'i sku/ /gtum chen zhabs brgyad bgegs brgyad mgo mnan rgyal gyur cig /'jig rten thams cad bsrung ba'i phyir/ /pha rol rnam gnon mthing kha drag /gdug pa kun gyi sku brgyan pa/ /me dpung rab 'bar dpa' bo bsgoms/ /snying rje khros pas sku bsgyur la// dus gsum sangs rgyas cod pan 'chang/ /rus pa'i gdugs phub 'brug sgra sgrogs/ /'khor gnyis kyis ni las byed pa'o/ /oM A(rgyud 'grel): h+rI(rgyud 'grel): ma hA kA ru Ni ka tsaN+Da mahA ro Sha ni g+ha ya ha ra Ne rak+Sha ba ra NaM gu ba ti pa re bi dze swAhA/ /gcan zan drag po
- 238b
rnams kyi mche ba dang sder mo'i rtse mo la rgod dang rgyal po'i khrag gam sen mo'i chus byugs la rig pa brgya bzlas la dpung par bcing ngo /'jigs skyob khro bo drag shul che/ /mdun nas 'gro zhing chom rkun gsod/ /dga' byed drag po phag khrid pa/ /phyi bzhin rjes 'brang mi 'jigs sbyin/ /ji srid ya nga'i lam skyabs nas/ /spyod yul phyin par gyur pa na/ /gnyis 'dus mgon po rgyan med zhi/ /sku gzugs rnam pas mchod pas mnyes/ /sna tshogs 'jigs pas ya nga nyam thag dang/ /gang yang pha rol dregs pas btul byas nas/ /go 'phang mchog 'dir dngos grub sbyin 'dod pa/ /rgyal sras bzang la grogs mchog 'dir 'gyur ro/ /khro dang nga rgyal mang ba dang/ /sred pas zang zing don gnyer ba/ /de ni gus par gyur na yang/ /cho ga 'di las ring bar byed/ /chom run bcing ba rdzogs so// //bde bar gshegs pa padmo can la phyag 'tshal lo/ /de la rdo rje 'dzin pa gang zhig slob ma la phan gdags 'dod pas blo dang ldan pa'i gang zag don du gnyer ba dang bcas pa gang glo bur du lhags pa 'am gnyug mar gnas pa yin kyang rung ste/ dul bas mdun du bdar bor gyur pa de dag la/ /'phags pa spyan ras gzigs padmo dam ba can gyis byin gyis brlabs kyis snying gi padmo kha phye bas shes rab gsal po bskyed pa'i cho ga 'di dran par bya ba yin no/ /skal ldan skye bo lhags pa na/ der ni de ma thag tu de/ /paM brjod pas ni pad+mar bskyed/ /de yi snying yang de bzhin no/ /de la snying gi padmo ni/ /'dab brgyad dkar po zlum pos te/ /dbus su h+rI(rgyud 'grel): yig gis mtshan pa/ /spyi bor thig le gsum brtsegs pa'o/ /dkar dmar bdud rtsi nam mkha' i mdog /rim bzhin rab tu dang bar bsam/ /smin mtshams nas zug snying gi dkyil/ /rtsa mchog sbu gu dkar zangs so/ /mkhas pa rdo rje 'dzin rgyal bdag /byams sogs tshad med las skyes pa'i/ /thub dbang shes rab 'od zer 'chad
- 239a
spyan ras gzigs su myur bar bskyed/ /spyan gsum 'dzum pa'i mdangs dkar ldan/ /rnam dag 'od bzangs dkyil 'khor can/ /btsun mo gnyis kyis sku brten cing/ /rnga yab dkar g.yo ba dgyes bzhugs pa'o/ /de rjes gzhan la phan brtson pa'i/ /yid kyis de yi don bsgrub phyir/ /rnam gus pa yi sbyor ba yis/ /bdag gi dgos pa lha mchog reg /de bas de la gsol btab pas/ /spyan drangs bdag nyid la bstims bya/ /de nas phyag g.yas chos 'chad kyi/ /mthil skyes ma las yongs gyur pa/ /nyi ma rdo rje snying po can/ /dbyangs dang gsal byed kyis brgyan bsam/ /h+rI(rgyud 'grel): bcas sngags phreng gnyis brjod pas/ /nyi 'od tsha zhing rab rno yi/ /ze 'phros pas ni pad+ma dbye/ /h+rI(rgyud 'grel): las de bzhin thig le'o/ /de las thog mar dka' thig le/ /pha yi sa bon zhu bar bshad/ /dmar po ma yi sa bon te/ /de bzhin mkha' 'dra kun bzhir bzhed/ /mthar zhu ba'i thig le'i rgyun/ /dbyer med phan tshun rnam 'dren pa/ /bde chen 'od gsal rnam mi rtog /blo gros padmo rab rgyas gsungs/ /cho ga'i rgyal po dam pa 'di/ /gang gang skal bar ldan pa'i mthus/ /brtse ldan gus pas sngon song ba/ /de ya thos sogs rnam dag 'phel/ /slob ma la shes rab bskyed pa rdzogs so// //bcom ldan 'das spyan ras gzigs mgon po la phyag 'tshal lo/ /dpal ldan 'od zer gzi brjid 'bar ba'i rgyal po ser sprin rab mthu bsreg par mdzad/ yi ge gnyig gis gdug pa'i stobs 'joms nga ro mi bzad nam mkha' ngos la gang brgyangs sgrogs/ /zhal gsum phyag drug dkar dmar mthing ga in+d+ra'i mdog ldan rdo rje mda' gzhu thal mo brdebs/ /me dpung sdigs mdzub ral gril gshog bsnams dbang po'i rgyal po'i spyan ras gzigs dbang la phyag 'tshal/ /de nas ser ba bzlog pa
- 239b
bshad par bya ste/ lha dang klu la sogs pa khros pa dang/ 'byung ba nyid kyi dbang dam/ grong khyer pa rnams kyi don ma yin pa'i las kyi stobs las kyang rung ste/ dus dang dus ma yin pa'i gnod pa ni 'di lta ste/ du ba'i mdog dang/ rgya mtsho rlung gis bskyod pa'i rlabs lta bu'i sprin gyi phung po 'khrig cing/ /'brug gi sgra kun tu mi bzad pas klad pa 'gems ba lta bu dang/ gnam lcags dang ser ba drag po 'bab pa'i ltas ngan mngon du gyur pa na/ byang chub sems dpa' grong khyer ba rnams dang/ skye bo mang po la snying brtse bas gdung ba'i yid can/ bdag gi don btang nas gzhan gyi nye bar mkho ba la lhag par chags pas zil gyis mnan pa dag /'byung po dpag tu med pa la phan pa dang bde ba'i phyir/ 'phags pa spyan ras gzigs dbang phyug drag po chen po 'od zer 'bar ba'i gzi brjid kyi rgyal po ltas ngan pa thams cad rnam par 'jig par mdzad pa'i rig sngags kyi rgyal po 'di yang dag par dran par bya'o/ /de zhal g.yas dkar lha bsrung ba/ /g.yon pa dmar po mi yi rje/ /dbus gnas mthing ga glu 'dul grags/ /spyan gsum mche gtsigs khros pa'o/ /g.yas g.yon dang po mda' gzhu'i phyag /gnyis pa gnyis ni thal mo brdebs/ /gsum pa'i phyag na me dpung ste/ g.yon pa sdigs mdzub bsgrod pa nyid/ /sgron shing dung mdog sku chen 'gyid/ /ral gri'i gshog rgyangs spu mthul ba/ /shin tu za byed rngam pa che/ /'jigs pa'i zhabs bgrang bzhad pa'o/ /thugs ka lte bar pad nyi ni/ /hUM phaT sngo dang dmar ba yi/ /yi ge gnyis sam sngags kyis bskor de gsang sngags kyi rgyal po 'di/ oM h+rI(rgyud 'grel): AryA ba lo ki te shwa rA ya a ti kro d+ha mahA dzA la sarba tu sa ra ha ra ha ra/ da ha da ha/ sh+rI graM lu d+hi ma ra ya phaT/ thal mo g.yas la pha dkar dang/ /g.yon la Ta nag bkod nas ni/ /brdabs pas me lce
- 240a
'bar ba yis/ /dpa' bos ser ba rnam par bzlog /mig gnyis nyi ma'i dkyil 'khor dang/ /smin ma khro gnyer glog rgyun dang/ /shangs las me stag zhal las kyang/ /lce'i 'bar phu yis btab pas kyang/ /de las rang nyid 'dod thag gru/ mkhas pas yid kyis mtshams bcad de/ /sprin tshogs 'o ma can gyi khri/ /bsnol bas chu gzhag gis byug bya/ /gang tshe dus la bab gyur pa/ /de tshe rngam pa'i stang stabs kyis/ /rngam par byas la me dpung 'bar/ /bskal ba'i me ltar mkha' g.yog 'gyur/ /sngags phreng gsum mam bdun nam dgu /yang na nyi shu rtsa gcig brjod/ /skad cig de la rdo rje yi/ /pha 'ong nyid kyang gzhu bar 'gyur/ /dpal spyan ras gzigs khros pas ser ba bzlog pa'i cho ga rdzogs so// / 'phags pa thugs rje chen po dang ldan pa la phyag 'tshal lo/ /gsum pa skyabs song sems bskyed ldan/ /'gro la phan 'dod bdag 'dul ba'i/ /skyes bu dam pa bsam gtan gyi/ /khang bur zhugs la rmi lam bsgom/ /btsun pa spyan ras gzigs kyi sku/ /btso ma gser gyi mdog ldan pa/ /zhal gcig phyag bzhi g.yas dang po/ /'jigs skyob de bzhin g.yon du ni/ /pad+ma dmar po gnyis pa gnyis/ /ting 'dzin mchog gi phyag rgya'o/ /thugs kyi pad+ma kha zum pa'i/ /dbus su sems dngos h+rI(rgyud 'grel): bsam bya/ /'di 'dra'i 'phags pa nyid du bdag /skad cig tsam gyis bsgoms nas ni/ /dge dang brtse dang dad pa yis/ /rnal 'byor rgyal po gnyid log bya/ /gang tshe gnyid du nye ba na/ /h+rI(rgyud 'grel): yang thig le gnyis la bsdu/ /rim gyis thig le 'og ma yang/ /de bzhin thig le gong ma la'o/ /de nas sna tshogs snang ba kun/ /rang gi lus la bsdus nas de/ /pad dbus thig le nyag gcig la/ /chu la chu gzhag de bzhin gzhag /sems ni dri med zung 'jug bdag /dngos med dngos
- 240b
bral rnam par dag /'od gsal chen po nyid la nyid mngon sum mi g.yo brtan par bzung/ /tshul 'di rang bzhin mkha' 'dra ste/ /rnam pa thig le bde ba che/ /ngo bo kun tu ma 'gags pa'o/ /sbyangs sdom can gyi chos gcig bzheng/ /de ltar rgyu 'dra chos kun rang bzhin rang bzhin med/ /gzhan la mi rag bdag nyid snying dkyil brtan par gnas/ /rgyal ba rnams kyi gshegs bshul gcig yin ma nor ba/ /bsgoms na de rjes rmi lam nyid duAng de mthong 'gyur/ /gal te sgrib tshogs bud shing tshang tshing gis bsgribs pas// yang dag ji bzhin de tshe mngon du ma gyur na'ang/ /rnal 'byor rgyal pos re ba chad par mi bya ste/ /goms pa ma zad gcig tu brtson 'grus g.yel mi bya/ /mdun gyi mkha' la sangs rgyas byang chub sems dpa' dang/ /nyan thos rang rgyal lha yi tshogs kyis yongs bskor ba'i/ /rgyal ba'i dkyil 'khor sprin gyi phung po ltar mthong 'gyur/ /de tshe de nas ring po mi thogs 'od gsal 'thob/ /rnam dag 'khor lo padmo 'dam nas skyes pa bzhin/ /gnyid kyis myos 'gyur ma rig gis bslad blo gros 'di/ /rang gi rang dben mkha' la nyi ltar spros bral du/ /rtsol bral med nyid rang dbang mngon sum 'char bar byed/ /rmi lam skyes bus rmi lam gyi/ /grong du dga' dang mya ngan la/ /bzung ba rlom sems tsam yin pa/ /de tshe de yis shes par 'gyur/ /me long gzugs brnyan gsal ba yi/ /yod dang med dang gnyis ka dang/ /gnyis ka ma yin brjod min pa/ /de tshe yid ches mthong bar 'gyur/ /nam mkha' i ngo sla dbang po'i gzhu/ /de bzhin ser sprin 'brug sgra can/ /thog mthar skyes dang gags mi dmigs/ /'od gsal la gnas skyes bus shes/ /ji ltar smig rgyu'i chu 'bab pa/ /shar sogs phyogs ni gang zhig nas/ /ma 'ongs gar yang mi 'gro ba/ /rmi lam mthong ba de yis shes/ /dril bu dang ni pi wang sgra/ /brag cha la sogs 'du byed ni/ /rnam par thar pa gsum
- 241a
kyi bsgos/ /zab mo rnam par dben pa yang/ /snang ba mun pa thibs po dang/ /'od gsal bye brag med 'gyur ba/ /shin tu sbyangs pa'i gser bzhin du/ /dri bral rnam par dag pa rmad/ /ji srid 'dzin pa mang po la/ /zad dang mi skye bsre ba yis// ro gcig nyid du sbyor shes pa/ /rmi lam las gzhan rnal 'byor min/ /de ni sad pa nyid na yang/ /yid kyi dbang po tshim pa dang/ /'dod pa'i sred pa las blo zlog /chos 'di brjod pa tsam rtogs so/ /de ltar gzung dang 'dzin pa yi/ /dri ma dri ma bral ba dang/ /bral ba rang bzhin med pa yang/ /yid kyi mngon par 'du mi byed/ /'phags pa'i mig ces bshad pa ste/ /spyan ras gzigs kyi mthu yis so/ /rmi lam dri ma med pa bsgom pa rdzogs so// //'phags pa spyan ras gzigs dbang phyug slob ma la phan par mdzad pa la phyag 'tshal lo/ /mkhas gang dpa' bo rdo rje 'dzin/ /'dzin pa'i ri bo brtan 'jig byed/ /bla ma mchog gi drin thob pas/ /slob ma la phan byin brlabs gyur/ /phyi dang nang dang gsang ba yi/ /mchod rdzas ma lus kun bshams la/ /zhi ba'i yid kyis skyil krung bya/ /bde chen dkyil 'khor blos blta'o/ /bdag gi gtsug tor nas brgyud pa'i/ /skyob pa rdo rje 'dzin pa'i phreng/ /ye shes sa bon hUM yig gis/ /mtshan ma rdo rje spu gu'i rgyun/ /smin mtshams nas 'phros slob ma yi/ /d+hu ti'i rin chen pho brang du/ /zhugs gyur de snying padmo'i bar/ /bar chad med 'brel brtan pas bsgom/ /de nas bla ma'i man ngag gis/ /ye shes dbab pa'i sbyor ba bya/ /byang chub sems khengs ye shes kyi/ /me lce dal bus sbar bar bya/ /babs par gyur na lus gcig des/ /sngon chad ma myong ro myang med/ /spu g.yo ba yis 'dren par gsungs/ /bdug pa mchog gis bdug bya zhing/ /sgra chen glu dbyangs rol mo yis/ /dpa' bo'i gar bya brtul
- 241b
shugs can/ /rtse gcig mnyam par gzhag pas mchod/ /de rjes rgya mtsho dang ba la/ /ri rab ston ka'i mkha' 'dra dang/ /nyi shar zla tshes skar mda' yi/ /rims can nyams myong skye bar byed/ /ting 'dzin mchog gis btul byas pas/ /glang chen lcags kyus dul ba ltar/ /zhi gyur sems rab dang ba la/ /sems kyi gzugs brnyan mthong bar 'gyur/ /de la snying po'i chos rnam bzhi/ /stong pa'i mtshan nyid sems gnas lugs/ /de yi snang ba glo bur ba/ /dbyer med mtshan med rnal 'byor ro/ /sor gzhag de yi mtshan nyid gsum/ /rab tu gsal zhing rnam mi rtog/ bde chen blo sgra dpe bral ba/ /bsam gtan phyag rgya la rten bsgom/ /ngos bzung ba ni blta ba dang/ /bsre dang mnyam par bzhag pa'o/ /sgo gsum rim dang rim min pas/ /drag rtogs glo bur nyid rtog 'gyur// ji ltar gang zhig gang du gang/ /dran rnams dga' gdung der shar ba/ /de nyid de ltar de der med/ /'di ni gnyis med mtshan nyid do/ /'gro 'ong gnas dang mi gnas dang/ /skye dang 'gag dang rten bral sogs/ /rjes su 'grogs dang gzhig pa yi/ /gdams ngag gis ni mtshan med 'gyur/ /oM A(rgyud 'grel): badzra gu ru sarba dz+nyA na DA ki nI ma ma kA ya wAk+tsit+tA mahA su kha dz+nyA na dzwa la dzwa la spha ra spha ra peM pheM/ ye shes dbab pa'i sngags so/ /rdo rje dril bu me long thong/ /sbyin pa rdo rje mkha' 'gro yi/ /brtul zhugs sngon du song ba yi/ /tshil chen mar me sbar bar bya/ /oM A(rgyud 'grel): badzra badzra mahA badzra badzra dzra la hUM hUM hUM oM A gaN+Da gaN+Da mahA gaN+Da dzwa la a a a oM a darba na mahA darba na dzwa la/ h+ri(rgyud 'grel): h+ri(rgyud 'grel): h+ri(rgyud 'grel): oM a ka pA la ka pA la mahA ka pa la dzwa la ho ho ho/ byin gyis brlabs nas sbyin pa'i sngags so/ /mthar ni spyan ras gzigs dbang gi /bsrung bas bsrung pa bya ba ni/ /thugs rje khros pas mar rkang gi/ bde chen 'khor lo zhes pas bshad/ /slob ma byin gyis brlab pa'i man ngag rdzogs so// //'phags pa thugs rje
- 242a
chen po ye shes 'bebs ba la phyag 'tshal lo/ /e ma'o/ /mgon po mi rtog bde chen ster mdzad sku/ /dus gsum rgyal ba'i rdo rje 'dzin bcas brgyud dang bltas/ /spyi bo nas brtsegs ye shes yi ge 'phreng ba dpal/ /gzhu nyid pad zlas ye shes 'khor lo 'bar bar 'gyur/ /shin tu gus bcas gtong ba che/ /bzod ldan the tshom med rtog bral/ /g.yeng ba spangs shing dbang po dul/ /slob ma de ni rjes su bzung/ /sna tshogs padmo ge sar ldan/ /ze 'bru rdo rje me phreng gis/ legs spras byin gyis brlabs pa'i dbus/ /skal ldan gzhag la bgegs bskrad bya/ /oM a bi g+h+nAn+ta krita hUM phaT/ bdug pa mchog gis rab bdug cing/ /me tog dmar po bcal bkram la/ /mar me 'bar ba du ma yis/ /kun nas khor yug bskor bar bya/ /bdag nyid lhag pa'i lha'i nga rgyal du byas la/ rdo rje la ni yi rlung gi shugs can/ /de ni rgyal ba rnams kyi rang bzhin no/ /gtsug tor du haM thig le'i snying po can no/ /de ni 'jig rten mgon po'i rang bzhin no/ /steng nas 'dzag pas ni mi 'grib po/ /smin mtshams nas gri 'phros pas ni slob ma la 'bab par 'gyur ro/ /slob ma'i 'og tu ni rlung gi dkyil 'khor ro/ /de ni sbyor ba 'og mas bskyod par byed do/ /sprul par ni yang lha mo nyid do/ /de ni sbyor ba bar mas sbyor bar byed do/ /snying kar ne yang ba de gshegs snying po nyid do/ /de ni sbyor ba gong mas 'bebs par byed do/ spyi bor ni yang mgon po'o/ /de ni sbyor ba thog mas 'bebs par byed do/ /ma phebs na spobs pa'i cho ga ni/ rdo rje sna bug gi sbyor bas so/ /shin tu spogs pa ni rdo rje spyi gtsug gi sbyor bas so/ /babs bar gyur na spu 'greng zhing/ /gang sgyur 'od gsal ba nyid dang/ /brjod par mi nus yang na gtso/ /mi rtog bde bas myos bar 'gyur/ /ye shes gzhug pa'i cho ga rdzogs so// //'phags pa
- 242b
spyan ras gzigs sku gsung thugs yon tan 'phrin las lhun gyis grub pa la phyag 'tshal lo/ /dang por re shig byang chub sems dpa' i blo gros sbyangs pa dang/ chos thams cad ngo bo nyid med pa dang/ /bdag gir 'dzin pas chags pa sdug bsngal ba dang/ /phongs pa rnams kyis 'gyur ba mthong bas mi bzang pa skyes nas/ thog mar gang yang rung ba'i rnal 'byor 'jug ba na bdag gi bltos pa ring du spangs nas snying rje chen pos gzhan gyis ma bskul bar bdag 'jug par ting nge 'dzin gyi byin gyis brlab par bya'o/ /brtan pa'i gnas dang g.yo ba lus dang ngag dang yid/ /rnam kun nyer spyod gzhal med khang bzangs rdo rje'i sku/ /gsang sngags dam tshig nga ro bcu drug mthar gnas dang/ /pha rol phyin bcu lha yi sbyor ba rnam dag bsgom/ /'di na gang dag don min sbyor/ /smad pa'i gnas la blo rab chags/ /ljongs pas sdig pa mang ldan pa/ /de dag rang bzhin zhi ba'o/ /chos gang la ni rnam par shes/ /de shes nyid ni pha rol 'gro/ 'di ltar gang la don gsal 'thob/ /sim 'gyur 'od gsal bde chen gsungs e ma'o 'gro ba yang dag spyod/ /gang spyod de yin gzhan ma 'gyur/ /gnas min gnas sogs gang brtags pa/ /nam yang skye sogs mi dmigs pa'o/ /'on kyang log pas cig shos su/ /bsgribs nas dri mar khrid pa yang/ /bdag gi las gsum yan lag lngas/ /dag bcas lhag mar mi bya'o/ /spyan ras gzigs mgon nyid dam bcas/ /spyad pa spyod pa'i rim ji bzhin/ /sangs rgyas sras po brtse chen yang/ /pha rol ltos pa mi 'cha'o/ /'di na ji ltar bdag nyid dang/ /sdug bsngal mngon 'dod mi 'dod pa/ /de bzhin lugs can thams cad kyang/ mtshungs na bdag cig bde ba brtson/ /yon tan phrin las thams cad la/ /rgyas btab rgyal sras 'bad par bya'o/ /gang zhig phan btags drin shes pa/ /de yang kun gyis bsngags 'os na/ /
- 243a
bcol rang dga' byin rlob pa'i/ /bdag nyid chen po cis mi bsngags/ /ting nge 'dzin gyis byin brlabs rdzogs so// //dpal 'jig rten dbang phyug 'khor los bsgyur ba la phyag 'tshal lo/ /gang zhig dpal ldan bdud bzhi'i dgra bcom byang chub mchog dbang nyes mnyes na/ /thugs rjes mi bsnyel lus can gzhan yang zhi ba bla med lam bzang du/ /smin mdzad dbang rtsol sa gsum bdag po spyan ras gzigs dbang la btud de/ /sgal ldan ting 'dzin ye shes sems spyod rnam par dbang bskur chog bshad/ /yid 'ong gnas su bde ba yi/ /rkyen sogs dam tshig kun ldan pas/ /snying rje chen po mdun bzhag la/ /gus pas sngon du gsol gdab bo/ /'dom gang srid 'phags nam mkhar ni/ /thub pa chen po 'khor los sgyur/ /bde chen yum dang lhan cig skyes/ /dpag med sras bcas bsgom par bya/ /sna tshogs dngos kun mchod pa'i sprin/ /kun tu bzang spyod ji bzhin du/ /mchod byas sdig pa bsal nas su/ /rnam dag dbang bskur de rjes nod/ /lha dang bdag lus gnas gsum du/ /rdo rje 'bru gsum mngon bsam la/ /dad dang thugs rje dam tshig gis/ /kha dog rim gsum 'od zer dbyung/ /sku mchog snying po oM las 'od zer dkar po dang/ /gsung rgyun dri med A(rgyud 'grel): las de bzhin dmar po'i 'od/ /rnam dag thugs bdag hUM las rnam 'phros rab sngo zer/ /bdag lus ngag yid gnas gsum la reg dri gsum sel/ /de rjes bdud rtsi dkar dmar sngo/ /dag byed rnam gsum man ngag bzhin/ /de 'og yi shes rnam gsum gzhug /mthar ni gnyis med bzhi pa'o/ /thig le gsum rgyun spyod pa ni/ /de rjes blo gros chen pos bsgom/ /dbang bskur nas ni gshegs su gsol/ /ting 'dzin gyi dbang bskur rdzogs so// //'phags pa pad+ma'i phyag la phyag 'tshal lo/ /gang gi snying la rdo rje 'dzin pa'i thugs rje'i gzhus bskyod byin brlabs
- 243b
kyi/ /mnga' rtse rnos bsnun yud tsam gang la nag po'i phyogs kyi rtsa lag dang/ /bdud kyi bu mo g.yo ba'i mig gis rnam kun blta par mi nus pa'i dpal gang bde chen rab tu 'bar byed 'khrul 'khor rgyal po la phyag 'tshal/ /de nas 'phags pa thugs rje che/ /ye shes 'khrul 'khor 'bar ba zhes/ /bya ba dang lus rtsa mchog gi /bu ga thog mar bsam par bya/ /rab dmar rdo rje rnon po'i 'ong/ /khro zhing ha har bzhad pa'i nyams/ /thugs ka las brgyud ye shes mes/ /zhal bkang bdag don brtson pa po// lcags kyu padmo g.yas dang g.yon/ /brtul shugs drag po rtsal 'gyed pa/ /gzhan gyis mi thub stobs po che/ /tshon gang bar ni bsgom par bya/ /lte bar ye shes sbar pa'i rlung/ /rtsibs brgyad gshog pa rno ldan dang/ /de dbus ri yig gis mtshan bcas/ /d+hu ti yangs pa'i rkang zug pa'o/ /de dbus nas zhugs ye shes rlung/ /rab tu rdo rje'i rkang srog can/ /snying dkyil padmo 'dab brgyad rtsa/ /bsdus shing grims par bzung ba yin/ /de lte bde gshegs snying pa yi/ /sa bon yi ge hUM dkar 'khrigs/ /bltas te dgang pa'i rnal 'byor brtsam/ /sprul ba'i gnas kyi 'khor lo ni/ /rtsol ba'i rlung shugs 'dis bskyod pas/ /mgal me bskor ba ji bzhin du/ /sgra drag 'od zer 'khrug pa yi/ /mi bzad rab tu 'bar bar 'gyur/ /de phyir ye shes shugs las kyang/ /me lce g.yo ba de bzhin du/ /de 'bar srog shing rlung gis kyang/ /thogs med srog g.yo snying gar 'gyur/ /de tshe phaM sgra dang bcas pas/ /steng nas lha yi bdud rtsi dbab/ /bde chen rab tu gsal ba'i dngos/ /'bar ba rab 'bar cher 'bar 'gyur/ /gang tshe ye shes btud? ba yi/ /chang gis myos pa rim 'gyur ba/ /de tshe dang dbang med par ni/ /lus sems spro bas nan par 'gyur/ /dpal ye shes 'bar ba'i 'khrul 'khor rdzogs so// //thugs rje chen po tshe rabs
- 244a
dbang du gyur ba la phyag 'tshal lo/ /dal ba 'dis lam dbang du ma gyur pa'i sgrub pa po rnams kyis bcom ldan 'das tshe rabs dbang du gyur pa'i brtag pa bsgom par bya ste/ ji ltar spyod pa'i gnas nyid du/ /'jig rten pha rol dran byas nas/ /ji skad bshad pa'i man ngag gis/ /dbang 'gyur 'phags pa mnyes par bya/ /dal ba ring du mi gnas dang/ /rgyu dang 'bras pus rjes 'brel la/ /som nyi spangs nas srid pa las/ /yid byung zhi la dga' ba bskyed bdag gis yongs su gzung ba gang/ /ji tsam chags pas rjes bsrungs pa/ /de dag de tsam skyo ba yis/ /mchod sbyin byas te gcig pur gnas/ /zhing 'dir gdung ba drag po dang/ /mi g.yo la sogs 'dun pa che/ /ltos khrol lhag par mos bcas pa/ /rnal 'byor rgyal po nges par bya/ /de'i 'og tu bdag nyid kyi lus kyi snying po gsum lha'i mtshan ma gsum du bsgyur te/ /tha mal lus las 'das nas ting nge 'dzin sems dpa' i mngon par 'du byed pas bcom ldan 'das tshe rabs dbang du gyur pa'i gzugs kyi 'du byas pa la zhugs te bla ma dang lha rjes su dran pa dang ma bral ba bzhin du rig pa mchog gi sngags 'di brjod par bya'o/ /oM A(rgyud 'grel): h+rI(rgyud 'grel): ma ma ma pa rA dzArmma pak+ShA ba ra Ne gu pa ti birya pya ma he swAhA/ oM A(rgyud 'grel): h+rI(rgyud 'grel): sarba duShuM ma ma krita te dzaM b+ha ya stwaM b+ha ya/ mo ha ya/ band+ha ya hUM hUM hUM/ phaT phaT phaT/ swAhA/ oM A(rgyud 'grel): h+rI(rgyud 'grel): mahA kA ru Ni kA ya/ ma ma ba ra dzArmma dzArmma ta ra sarba pras+tha be rak+Sha par NaM gupta ti bits+tsha lnga shi sma ra sma ra/ pra ti dz+nyA mi hA sa ma ya su sma ra swAhA/ /brtson pa'i cha lugs gnas zhabs gnyis/ /gang du 'dod pa'i zhing der bskyod/ /chu skyes la sogs sdong bu 'am/ /rin chen pho brang mchog bdag 'jug /mi la mis pas
- 244b
bar chod pa/ /do mod mtshan mo'i par skabs 'dras/ /mkhas pas dogs pa med byas te/ lha bsnyen ji ltar 'dod bzhin skye/ /skye bo kun gyi mngal sgor ni/ /snying rje chen po spangs pa'i rten/ /sa bon sdig pa bsams nas ni/ /rtag tu 'jigs pa goms par bya// dpal ldan shar sogs yongs dag zhing/ /mngon dga' drag pos rtag goms pa/ /smon lam lhan cig/ dra srong mthus/ /skar mnga' lta bur thogs pa med/ /skye ba bsdams pa'i cho ga rdzogs so// //'phags pa spyan ras gzigs dbang phyug la phyag 'tshal lo/ /sgrub po gang zhig 'chi ba dang 'chi ba ma yin lhas gang dag/ gang tshe sngon du gyur pa na/ /mgon po'i blu ba 'dir bshad do/ /'jig rten g.yeng ba ma lus las/ /rnam dben ngal ba bsgrubs nas ni/ /mchog gsum skyabs 'gro nas brtsams te/ /ci rigs chos spyod brtsam par bya/ /longs spyod bshes dang lus nyid dang/ /byang chub phyogs kyi mngon par zhen/ /rnam bcu rnam gsum spang nas ni/ /bltos pa thams cad rnam par dor/ /mi rtag sdug bsngal bdag med dang/ /stong pa nyid kyi rnam thar gyi/ /'khor ba'i gnas la yid phyung zhing/ /mya ngan 'das la mngon par dga' / /de nas bskyed pa'i rim pa'i rnal 'byor la brtson par bya ste/ /ba lto phyogs su bltas la/ 'phags pa spyan ras gzigs dbang phyug yid la byed pa dang/ /ma bral bas mig mi 'dzum par mdun gyi nam mkha' la rgyal ba lha nyi shu rtsa lnga'i dkyil 'khor mngon par bsam par bya'o/ /gal te spros par nus na ni sku gsung thugs ye shes phrin las mdzad pa dam tshig rnam pa bdun gyi dkyil 'khor bdag nyid kyi snying ka rlung sems kyi ngo bo h+rI(rgyud 'grel): gsal po bsil pa'i 'od zer can la shes pa gtad nas ji bzhin dgug pa'i sbyor pas gzhug par bya'o/ /de'i 'og tu rang gi nyer bsngogs kyi dngos po gang yin pa 'di dag nyid lha'i rnam par dag par
- 245a
dmigs la/ mngon par chags dang yongs su sdang/ /rab tu mi shes gzhi gsum gyi/ /dbang gi las gang mngon gyur gang/ /de 'dir mgon po gsum du mos/ /dbus su mthing ga rdo rje can/ /g.yas su dmar mdzes ral gri 'dzin/ g.yon du dkar gsal zhags bsnams pa/ /thams cad g.yon du padmo mtshan/ /rgya chen pho brang lhar bcas pa/ /skad cig gis ni lha gsum 'dir/ /bsdus la rim pa ji bzhin du/ /'gro ba'i 'chi bdag sngar blu bya/ /gang phyir 'chi bar byed pa'i rgyu// nyon mongs gsum yin de yi rkyen/ /las phyir de yi mi mthun phyogs/ /stobs chen spyan ras gzigs dbang brtan/ /de bas 'chi ba zlog 'dod pas/ /sku dang de yi nyer bstan dang/ /bsam pa'i thugs rje che zhes pa/ /rnam gsum rim gyis bsgom par bya/ /cho ga 'di yis 'gro rnams kyi/ /snying gi bum pa chags sdang bcas/ /bsal zhing de yi sbyor ba dang/ /yan lag rnam par gzhig pa'ang 'bad/ /'di yi 'grub pa rnam pa bzhi/ /ma lus 'chi ba bdag len dang/ /de dag 'chi ba zlog nyid dang/ /sman mchog sbyor ba nyid dang ni/ /'chi ba med dang brtse chen gyi/ /ltos 'dor khyad par nges pa'o/ /gal te 'byor ldan skye ba 'ga' / /nus na dkyil 'khor chen po yi/ /cho ga cho ga ji bzhin du/ /mkhas pas 'bad de bsgrub par bya/ /ji srid 'chi bdag sgra gcan la rnal 'byor tshe yi zla ba nya/ /grol 'gyur de tshe rmi lam du/ /gsung gi dbugs 'byin thob par 'gyur/ /de nas dga' ston tshogs bsags phyir/ /dpag med mchod pa'i rgya mtsho yis/ /phyi nang gsang dang yang dag gis/ /spyan ras gzigs dbang mchod par bya/ /'chi ba slu ba'i gdams pa rdzogs so// //dpal spyan ras gzigs dbang phyug la phyag 'tshal lo/ /sngags pa bde chen grong 'jug pas/ /bco brgyad e dbyings phyag rgya bca' / /g.yo ba mi g.yo bzung nas ni/ /lhag pa'i lha yi rnal
- 245b
'byor bya/ /sprul pa'i gnas su ri bong 'dzin/ /ma lus byang chub sems bsdus gzugs/ /zla ba bzang ba bde ba che/ /'od mdzad drod rlung srog bdag bsam/ /h+rI(rgyud 'grel): lha dbang lhan cig skyes pa'i sku/ /zhal sbyor spyi gtsug gzi brjod bzang/ /sor bzhi pas ni bar chod bcas/ /bsams nas 'od kyi snyoms 'jug bskul/ /sbyor mtshams dkar dmar rgyun lhung bas/ /bdag lus dri med byas nas su/ /thog mar gang skyed phyis de bzhin/ /pad mchog zla pa bzang stobs bskyed/ /de nas kun sdud rdo rje yi/ /rlung bzung nas ni 'dus pa'i 'od/ /shing rta lam chen sbyangs byas nas/ /lcags kyu lta bus drang byas la/ /gtum mo ye shes sbar ba mes/ /lte pa'i dkyil 'khor spros pas ni/ /me dpung la ni lan tsha bzhin/ /mi bzad sgrar bcas gyen du 'phar/ /de tshe spyi gtsug rdo rje 'dzin/ / shes rab nyid la bsdus byas la/ /de yi padmo kha phye bar/ /rnam shes bung ba gzhug par bya/ /skal ldan ngo bo nyid dbang du/ /bde ba mchog gis rgyud tshim zhing/ /chos kun rmi lam 'drar shes dang/ /gang bsgyur sems ston grub pa'i rdzas/ /de nas 'og gi pho brang lha/ /'od zer dkrugs pa'i sbyor ba yis/ /zhu byas de ni gong mar bstim/ /thim gyur rang gnas brtan par 'dod/ /dpal lha'i grong khyer du 'jug ba rdzogs so// //bcom ldan 'das 'jig rten mgon po la phyag 'tshal lo/ /dpal ldan 'jig rten mgon zhabs kyi/ /cho ga ting 'dzin rgyal po yi/ /yongs dang zhing du rnam par shes/ /'pho ba rdo rje'i skar mda' brtsam/ /shin tu yid dga' grub pas byin brlabs sam/ /lha mchog legs nas ting 'dzin grub pa'i gzhi/ /yang na dur khrod chu po shing/ gcig 'gram/ /skal ldan chags bral the tshom med pa zhugs/ /rgya chen mchod sbyin re ba med yid dga' ba dang/ /bcas la rgyal ba lha yi pho brang dga' ldan du/ /rtse gcig yid byed gang la chags pa'i gnas/ /ma 'ogs dong ltar mi
- 246a
bka' skyob drag bskyed bya/ /skyil krung rgyal po rdo rje'i mdud pa brtan pa la gnas la/ /spyi bo snying ka lte dbus haM dang hUM dang aM rim bzhin/ /dkar dang sngo dang dmar po 'od 'phro rtsa chen sbubs nang gzhug/ pha ma sems dbyings lus rlung srog bsdus yi ge gsum la bsdu/ /skye med las skyes ma yis rab bzhus rgyal sras 'od 'dzag sprul ba bskyod/ /lcags kyu zhags -pa rdo rje rlung gis ha aM hUM gsum gcig gyur cing/ ye shes 'od phyung d+hU ti'i lam byung shin tu dmar gsal dag byas la/ /rje btsun phyag mthil pad dbus a las 'od sbubs dmar po yang drang bya/ /de la rje btsun spyan ras gzigs nyid gdul ba'i don la gcig tu thugs rnam par brtse bas bdag gi ltos pa thams cad nye bar dor ba thugs bskyod pa ni/ rigs kyi bu khyod gang gi tshe tshe'i dus byed pas nyid mtshams sbyor ba'i 'jigs par (bas rab tu 'jigs) par gyur pa de'i tshe/ kho bo'i thugs rje dang byin gyis brlabs kyis ci nas kyang/ /khyod ji ltar 'jigs pa med pa de ltar yang dag par skyob par 'gyur gyis thams cad kyi thams cad du rnam pa thams cad 'khor ba 'am ngan song du yang ba dang 'jigs par ma byed cig/ /rigs kyi bu che ge mo zhes bya ba khyod rjes su 'dzin pa'i lha ni nga yin no zhes gsung bas dbugs phyung ste/ ji skad brjod pa dang skyo ba drag po gnyis kyis gnas gnyis la mngon par dga' ba dang/ gdung ba nyid dang lhag pa'i lha la gus pa mi zad pas skyabs su gsol ba ni thabs yin no/ /de nas stobs ldan sprul pa'i dbus/ /legs bcug d+hU tis dbus nas/ /skubs? dag nas ni sran 'brum bzhin/ /mkhas pas rnam shes 'pho bar bya/ /tshangs dbang za dang 'gul dang 'phrig /dmigs pa rang dbang gyur nyid dang/ /gsol btab dal bsos gdon mi dra/ /brtan pa'i pho ba grub pa'i ltas/ /rdo rje skar mda'i
- 246b
man ngag rdzogs so// //'phags pa spyan ras gzigs ngan song spyod ba la phyag 'tshal lo/ /snying rje chen po yid gzhungs pas/ /spyan ras gzigs dpal bsnyen byas te/ /lus can mi 'dod bzhin du dod/ /de dag ngan 'gro bzlog par bya/ /sngon nas sbyangs pa nyid dang ni/ /gzhan dag blo bur bya ba nyid/ /de bzhin phyi nas gzhan gyis te/ /mchog dang bar mdza' grangs bzhin 'dod/ /bdag nyid gang la lhag par dang/ /me tog lhung ba nyid dam snga/ /goms par bsnyen par byas pa'i lha/ /'jig rten dbang phyug thugs kar dgong/ /de nyid lhags pa'i lha yin na/ /sa bon nam ni bla ma'i tshul/ /yang yang goms par rang gi sems/ /de yi thugs bcug ting 'dzin bya/ /mi g.yo ba dang rtse gcig dang/ /kun tu sdud pa zhes bya ba'i/ /ming can 'od zer 'du sngon 'gros// g.yeng ba spangs la brtan par gnas/ /spyi bo snying ga lte ba ni/ /haM dang hUM dang aM bsams nas/ /bla ma'i man ngag gis gcig tu/ /bsdus nas 'phen pa thabs yin no/ /de nas rten la yid 'phrog cing/ /dmigs pa brtan par gyur pa na/ /'od kyi spu gu'i sbyor ba yis/ /rten de nyid dang de yi zhing/ /mkhas pas bdag dang bdag gir bya/ /cho ga'i rgyal po 'di yis ni/ /rnal 'byor bar dor 'jug pa na/ /dran pa tsam gyis goms pa yis/ /rten la blos 'jug 'jigs med 'gyur/ /de ltar ring nas lam goms pa'i blo ldan dus las 'das gyur tshe/ /'phags pa ngan song spyod dpal gyis/ /cho ga bdun phrag bdun du sbyang/ /ro 'am rus pa 'am gos sam ming/ /rten de'i mdun du gzhag nas su/ /ma dag pa dang dag pa yi/ /dkyil 'khor gnyis la rten gnyis gzhag /brdeg dang bsreg dang bkru ba yis/ /dri ma gzhig gzhom dang pa dag/ dkyil 'khor nag po bya bas te/ /brten dang dbang bskur bya ba la'o/ /yungs kar bye ma thal chen la/ /rig pa bzlas nas bsnun bya zhing/ /sbyin sreg cho ga'i bya ba yis/ /rten bcas bar
- 247a
chags 'bad de bsreg/ ngan song sbyong ba'i sku gsung thugs/ /bzhu ba'i chus bkang bum pa blugs/ /rdo rje'i glu blang rig pa bzla/ /ma lus dri ma bkru bar bya/ /oM A(rgyud 'grel): h+rI(rgyud 'grel): sarba durga ti ba ri sho d+ha yi rA dzA ya/ a mu ke kA ya wAk+tsi t+tA sarba pA paM toSha wa ra Na b+haM ga b+haM/ Da ha Da ha/ bE ra tsha bA ra tshe/ sho d+ha ya sho d+ha ya/ phaT phaT swAhA/ de rjes dri ma dag pa'i sems/ /lhag pa'i lha la bcug nas ni/ /ji bzhin dbang bskur byas te mchod/ /dga' ston chen po sbyin par bya// tshe 'das pa la bya ba'i cho ga rdzogs so// //bcom ldan 'das thugs rje chen po gzi brjid kun nas 'bar ba la phyag 'tshal lo/ /dal ba don yod dus las 'das pa dang/ sdig mad ngan 'gro'i sgor zhugs de bzhin du/ /ya da bar ma nying mtshams sbyar ba'i tshe/ /de rten chog rgyal pos rnam par sbyang/ /slob dpon shin tu snying brtse can/ /rig pa rgya mtsho pha rol son/ /brtan zhing mi 'phrogs mkhas pa yis/ /dbugs bral slob ma mdun du gzhag /chus bkrus dris byugs rgyan btags te/ /brdeg dang bkru sogs cho ga bzhin/ /de nas sngags bcas bdug pa yis/ /bgebs bskrad 'khor lo bcings nas ni/ /spyi gtsug bla ma yab dang yum/ /snyoms zhugs thig le ma lhung ba/ /goms pa'i lha rten mdun gnas kyi/ /shangs bug nas ni myur bsdus zhes/ /de yi thugs dkyil padmo bsgom/ /rdo rje'i rgyas btab zum pa'i nang/ /mi 'gyur yongs gyur lha gzugs bskyod/ /slar byung zhing mchog de sras gyur/ /ngogs su mthar phyin gru 'dra yis// phung po ma dag dag pa dang/ /dag pa dri med sreg rdzas su/ /byin gyis brlabs la rtog bral mchod/ /sngags chu dri ldan yungs kar dang/ /ral gri la sogs mtshon brdar phye/ /mar dang til sbyar blug cing bsreg/ me lce 'bar ba'i ltas rnam brtag/
- 247b
gson tshe goms par byas pa yis/ /'bras bu de ring dus yin gyi/ /bu khyod 'khrug par ma byed pas/ /brtan par rnal 'byor dran par gyis/ /khyod kyi lus kyi grong khyer ni/ /rten 'di yin te de yi thugs/ bu khyod sems dang gnyis med nyid/ /khyod kyi rtag gnas 'di min te/ /yongs dag zhing ni rtag pa'i yul/ /rjes 'dzin pa bshes gnyen 'di yin te/ /'di dag gnas skabs 'dres pa'o/ /gang yang gnas dang lus 'di dang/ /spyod yul 'di la nyes dmigs dang/ /yongs dag zhing dang rten dang ni/ /spyod yul mchog brjod nges par bya/ /gzhan yang 'khor dang mya ngan 'das/ /sdig dang dge legs skyon yon mang/ /sngags mtshams dal dbus dal dbus rnyed nas su/ /skyo dang spro bas dbugs 'byung ngo/ /de rjes gtor ma bzang byin la/ /bzang po spyod pa'i smon lam gdab/ /dam tshig 'dzin pa'i sngags bzla zhing/ /rus pa bsdus la mchod rten bsgrub/ /ro bsreg gi cho ga rdzogs so// //spyan ras gzigs me'i lha la phyag 'tshal lo/ /de nas me'i lha gtso bo sbyin bsreg mnyes/ zhes 'byung pa'i sgrub thabs bshad par bya'o/ /'bar ba'i dbus na brjid pa'i sku/ /me thab dad ni padmo 'dzin/ /dmar ba'i 'od kyis gdug pa bsreg/ bsgrub po'i don mdzad rgyal gyur cig/ sdig pa gzhig dang dpal bskyed phyir/ las kun sgrub par byed pa'i rgyu// me yi las ni phyogs gnyis las/ /mkhas bas 'bad de rnam par brtag /padmo lta bu'i thab dkar mdzes/ /khru bzhi khru gsum khru gang tshad/ zlum po brgya phyed slar brus pa/ /sor bzhi byir bskyob byi dor byug/ kha khyer stegs ngos pad+ma dang/ / rin chen dra ba dra ba phyed/ /phyi rol dkyil 'khor 'dab brgyad pa/ /sgo bzhir bcas dang pho brang nyid/ /'o ma ? dang dri 'byin dang/ /bkra shis byed pa'i yams shing tshad/ /ci rigs dri zhim sngags byugs la/ /bsangs nas gtor ma sngon 'gro
- 248a
bas/ /rol mo mkhan dang me tog brgyud/ /bram ze'i khyim nas blangs pa 'am/ /yang na rdo rje yams shing la brtsal me/ /bsil yab kyis ni g.yabs te sbar/ /mar dang til dang 'bras dang nas/ /me tog sman dang 'bras bu sbrang/ /zho zan yungs kar dur ba shing/ /mthar byed sngags kyis bsad par bya/ /arg+haM la sogs byin brlabs la/ /lha yi sbyor bas me lha bskyed/ /me dang yo byad yams shing sbyangs/ /ye shes bkug pa dbul bar bya/ /oM badzra ag na ye swAhA/ /mar dbul ba'o/ /oM badzra sarba pA pa da ha na badzra swAhA/ /til dbul ba'o/ /oM badzra puSh+Ta ye swAhA/ /'bras bu dbul ba'o/ /oM badzra san tuSh+Ta na ye swAhA/ me tog dbul ba'o/ /oM badzra ni ra byA di swAhA/ /sman dbul ba'o/ /oM badzra sarba pha la ye swAhA/ /'bras bu dbul ba'o/ /oM badzra a nu mri te swAhA/ /sbrang dbul ba'o/ /oM badzra saM ba da ye swAhA/ /zho zan dbul ba'o/ /oM badzra a big+h+na nA swAhA/ /bgegs bsal ba'o/ /oM badzra A yu She swAhA/ /dur ba dbul ba'o/ /oM badzra bo d+hi b+hik+Sha ye swAhA/ /yams shing dbul ba'o/ /oM A(rgyud 'grel): h+rI(rgyud 'grel): na ma(rgyud 'grel): sa man+ta bud+d+hA naM aM agna ye a mu ka sya sarba karma sid+d+ha ku ru ye swAhA/ /bsreg rdzas thams cad kyi mgo 'am mjug du dgang blugs dbul ba'o/ /gzhan yang mchod pa thams cad kyang/ /ci rigs mkhas pas shes byas te/ /dgang dang blugs pa'i phyag rgya yis/ /mnyes byas khrus dang bcas pas mchod/ /mthar bzod par gsol ba dngos grub blangs la gshegs su gsol nas bde ba la reg par gnas par bya'o/ /sbyin sreg gi cho ga rdzogs so// // thugs rje chen po bkra shis kun tu snang ba la phyag 'tshal lo/ /de nas kun tu snang ba bkra shis byed zhes 'byung ba'i sgrub thabs bshad par bya'o/ /slob dpon gang zhig gdul bya'i don mthong bas blo rab tu phyogs te/ /bsil khang gi rnga yab
- 248b
lta bur gzhan gyi dbang gis g.yo zhing mi brtan ba thob pa na/ des bdag la dad cing ltos ba bor ba rnams kyi don du 'phags pa zla ba'i kha dog can yid la byas la/ /dkar po'i tshes brgyad dang bcu dang bco lnga la ji snyed 'byor ba'i yo byad dang ldan pas yid dang mthun pa'i gnas byin gyis brlabs par bya'o/ /bkra shis bzang dang bkra shis nor 'bru sman/ /bkra shis mchod rdzas dang ni bkra shis rgyan/ /dpal ldan bkra shis dkyil 'khor cher bri la/ /bkra shis rgyal po spyan ras gzigs dbang dgug/ gang dag gang gis phyir dang gang du ji ltar bya ba'i rang bzhin thams cad la bkra shis ces sbyar ro/ /shis ba brjod pa'i dbyangs dang sems dang rjes su mthun pa'i rol mo dang glus mchod do/ /me tog dkar dmar dang tsan dan dkar dmar dang ni brgyan dang dri'i khyad par nges ba'o/ /yo byad glo bur pa dang gsar du skyes pa mdza' dag la rgyal bar gyur pa'i tshig sngon du song bas so/ /sbyin bdag gam slob ma'i lus bkrus la bkra shis kun tu snang ba'i rgyas gdab bo/ /dge ba'i dkyil 'khor zlum po dkar/ /kun tu 'od mdzad thugs rje che/ /bkra shis brgyad ldan padmo 'dzin/ /sa gnon ting 'dzin mchog gis brjid/ /de nas 'khor lo'i rtsibs brgyad la gdugs la sogs pa brgyad do/ /mu khyud la grub pa nyi shu'o/ /steng nas bkra shis kyis rdzas sna tshogs ba'i char 'bebs pa'i lha'i sku brgya stong phrag mang po'o/ /mchod pa'i sprin rum las 'bru sgra dal bus sgrogs pa dang/ glog 'byin pa yang dgod par bya'o/ /'og nas klu'i rgyal po rgya mtsho la sogs pas bum pa nor bus gad pa 'bul ba'i tshul lo/ /rdo rje slob dpon kun tu snang/ /bkra shis rnam par snang mdzad kyi/ /ting nge 'dzin la snyoms zhugs te/ sngags brjod bum pa dgu gang bya/ /bum pa gang ba dgu la sngags kyi phreng pa dgu dgu bzhu bas byin gyis brlab pa/
- 249a
rdzas snod dang bcud ma lus pa la ni lha rdzas kyi nor bu rdo rje mtshan pa re res brgyan par ro/ /phyag dang bskor ba byas nas bgegs bsal te/ bkra shis sbyin par bya'o/ /rdo rje dril bu dpa' bo gsal/ /snying rjes kun tu bskor zhing brgyug /gnas dang gang zag rnal 'byor rnams/ /ma lus bsrung pas bkra shis gsol/ /oM A(rgyud 'grel): h+rI(rgyud 'grel): a i u e o aM a(rgyud 'grel): sh+rI AryA wa lo ki te shwar maM ga la sidb+hi/ a d+hiSh+Tha na ne dA na pa ti che ge mo'i sarba ba ri gra hA swAsti ma hA maM ga la su maM ga la pra ti maM ga la sid+d+hi sid+d+hi hUM hUM swA hA/ /bkra shis kyi cho ga rdzogs so// //dpal spyan ras gzigs sku gdung rnam par snang ba la phyag 'tshal lo/ /de nas gzhan yang bshad bya ba/ /mchod rten gyi ni cho ga brjod/ /ji bzhin brtags shing sbyangs pa'i sa/ /dri zhim chus bran gsang sngags brjod/ /mgon po snying rje che rnal 'byor/ /sangs rgyas bstan la rab gus pas/ /yongs dag dkyil 'khor mdun byas te/ /mchod sogs cho ga ji bzhin brtag /de'i rjes la bsrung ba'i dkyil 'khor sngon du song bas mtshams bcad do/ oM A(rgyud 'grel): big+ha nAn ta krita hUM zhes brjod do/ /oM h+rI(rgyud 'grel): badzra kha na kha na hUM sa brko ba'o/ /oM h+rI(rgyud 'grel): badzra A yu She hUM sa blang ba'o/ /oM h+rI(rgyud 'grel): badzra a mri te hUM phaT chu sbyang ba'o/ /oM h+rI(rgyud 'grel): a badzra d+hu mi d+hu li pany+tsa ratna hUM sa dag par bya ba'o/ /oM h+rI(rgyud 'grel): badzra b+ha ba ni swa b+hA ba bi shud+d+ha a d+ho ye hUM bsres nas rdzi ba'o/ /oM h+rI(rgyud 'grel): badzra mung+ga ra a ko Ta ya hUM phaT brdung zhing mnal ba'o/ /oM hUM h+rI(rgyud 'grel): badzro d+d+hA bA ya swAhA/ 'bi 'bi bya ba'o/ /oM h+rI(rgyud 'grel): badzra a ra dze swAhA/ til byug pa'o/ /oM h+rI(rgyud 'grel): d+harmA d+hA tu garb+he swAhA/ /'bi 'bi gzhug pa'o/ /oM h+rI(rgyud 'grel): d+harma d+hA tu la d+he? badzra ru ba ni rma na swA hA/ phyag rgya 'debs pa'o/ /oM h+rI(rgyud 'grel): badzra mung+ga ra/ a ko Ta gardza sid+d+he ho swAhA/ tho bas bskyod pa'o/ /oM h+rI(rgyud 'grel): badzra lo ka nA tha na rmi na pra ka se swAhA/ /dbyung ba'o/ /oM h+rI(rgyud 'grel): badzra su pra tiSh+ThA badzre swAhA/ bzhugs su gsol ba'o/ /oM h+rI(rgyud 'grel): badzra tsakra pra brta
- 249b
na swA hA/ 'khor lo gzugs pa'o/ /oM h+rI(rgyud 'grel): mahA tsha tro la hUM swAhA/ gdugs dbub pa'o/ /oM h+rI(rgyud 'grel): pany+tsa li ka bAs tra hUM swAhA/ na bza' gsol ba'o/ /oM h+rI(rgyud 'grel): sarba da sha a a bi dik+ShA ma ka ra hUM swA hA/ bzod par gsol ba'o/ /oM h+rI(rgyud 'grel): a ka sA d+hArma swa b+ha ba bi shud+d+ha hUM swAhA/ lha mchog nga rgyal brtan las dang ba yi/ /g.yo ba 'od kyi phreng ba dkar bskyed de/ /ye shes spyan drangs sku gsum rang bzhin la/ /de nyid rdo rje brtan pa'i sngags brjod gzhug /oM A(rgyud 'grel): h+rI(rgyud 'grel): badzra tri kA ya pra tis+thi ti hUM swAhA/ rab tu gnas pa'o/ /oM na mo b+ha ga wa tyai ratna ke tu rA dzA ya/ ta thA ga tA ya/ arha te saM myaksaM b+hud+d+ha ya/ tadya thA/ oM ratne ratne ratna bi dza ye swAhA/ oM A(rgyud 'grel): h+rI(rgyud 'grel): hUM phaT swAhA/ /rten yongs su dag par bya ba dang/ cho ga phun sum tshogs par bya'o/ /tsha tsha 'debs pa'i cho ga rdzogs so// //'phags pa spyan ras gzigs gser mdog can la phyag 'tshal lo/ /yon tan ma lus rgya mtsho yi/ /mthar phyin gser 'od kha dog can/ /mdzad pa gcig gis gdul bya yi/ /dpag med don grub nyid zhabs 'dud/ /sngon du goms pa thob pa yis/ /tshogs pa tshad bar byas nas ni/ /snying rje can gyi gas pa la/ /mi g.yo rdo rje'i phyag rgyas 'dug /me yi las sam gtor mar bcas/ /gus pa drag pos mchod sngon 'gro/ rim dang cig char bskyod pa'i rim/ /mkhas pas rdzogs pa'i rim pa bsgom/ /ji srid sku gsung thugs rten yod/ /de snyed ston pa nyid yin te/ /rab tu gnas pa mi 'thad mod/ /lhag par gnas phyir rab gnas brjod/ /de la sku khrus byug pa sogs/ /phu dud byas la mdzes zhugs te/ /slob dpon lha yi nga rgyal gyis/ /ye shes bsdus la gnyis pa gzhug/ oM A(rgyud 'grel): h+rI(rgyud 'grel): dza(rgyud 'grel): oM A(rgyud 'grel): h+rI(rgyud 'grel): hUM oM A(rgyud 'grel): h+rI(rgyud 'grel): baM oM A(rgyud 'grel): h+rI(rgyud 'grel): ho(rgyud 'grel): rdo rje khu tshur gnyis bcings la/ /mthe'u chung lu gu brgyud du sprel/ /mdzub mo gnyis ni lcags kyu'i tshul/ /rgya 'di ye shes dgug pa'o/ /de las mdzub mo gnyis bkug dang
- 250a
rdo rje brdams dang gar bsgyur ba/ /dgug pa bcing dang dgyes bya ba/ /rim pa bzhin du shes par bya/ /ji ltar bdag nyid la bcings pa/ /de bzhin rten la yang yin te/ /bcings nas dbang bskur rgyas gdab dang/ /mchod pa la sogs bdag 'jug bzhin/ /oM A(rgyud 'grel): h+rI(rgyud 'grel): badzra kA ya wak+tsit+ta pra tis+thi rA hUM hUM hUM badzra dz+nyA na a d+hiSh+Tha ni sarba lak+Sha Na pa ri pU ra hUM hUM hUM sarba d+harmA swa b+hA ba bi shud+d+ha bi ma la da ma hUM hUM hUM rdo rje'i lus kyi pad+ma'i lag /rin chen me tog snyim par bzung// 'khor lo'i gar bsgyur rgya raM gyi/ /phyag rgya ldan pas gtor bar bya/ /de nas me tog rtsi tog bcud/ /dri bzang mang dang ldan pa yi/ /gser gyi thur ma rdo rjes mtshan/ /thogs la mkhas pas spyan dbye'o/ /oM A(rgyud 'grel): h+rI(rgyud 'grel): tsak+Shu tsak+Shu badzra tsak+Shu sa man ta tsak+Shu bi sho d+ha ya tsak+Shu ye swAhA/ /ci 'byor ba'i yon phul te bzod par gsol nas 'khor ba ji srid par bzhugs su gsol ba dang/ 'phrin las la thogs pa med par gsol ba btab la/ dga' ston dang mchod sbyin chen pos thams cad yongs su tshim par bya'o/ /oM A(rgyud 'grel): h+rI(rgyud 'grel): ho(rgyud 'grel): rab tu gnas pa'i cho ga grub pa brnyes pa'i paN+Di ta chen po a ji ta mi tra guptas mdzad pa rdzogs so// //rnal 'byor gyi dbang phyug chen po sh+rI dza ga ta mi trA nan+ta'i zhal snga nas dang/ kha che'i paN+Di ta chen po bud+d+ha sh+rI dz+nyA nas gtan la phab nas/ bod kyi lo tsha ba gnubs byams pa'i dpal bzang po zhes bya bas bsgyur ba'o// //'phags pa phyag stong spyan stong gi sgrub thabs bzhugs so/ / rgya gar skad du/ sa ha sra b+hu dzi? ne? tra sA d+ha naM/ bod skad du/ phyag stong spyan stong gi sgrub thabs 'phags pa phyag na rdo rje la phyag 'tshal lo/ /'jig rten rnams kyi mgon po mchog /dkar po thugs rje rtag 'chad ba'i/ /byams pa'i stobs
- 250b
kyis 'gro 'dul ba/ /dam pa de la phyag 'tshal nas/ /bdag nyid dran phyir sgrub thabs gang/ /nges pa'i shes pa bri bar bya/ /'gro ba rnams kyis dben pa yi/ /yid du 'ong ba'i sa phyogs su/ /sa gzhi legs par byugs byas la/ /me tog dri zhim bkram byas te/ /gcig dang sbyar bas 'dug pa'i stan/ /bde ba la 'dug byas nas ni/ /'gro ba'i don du sems bskyed la/ /snying gar raM las gyur pa yi/ /'od 'byung dmar po bsam byas nas/ /de steng thugs yid las gyur pa'i/ / gnod mdzes rgyal por bdag bsams te/ /chu shing raM shing sbyar ba'i sgras/ /phyogs bcu dag tu sdigs mdzub dang/ /sngags kyis yang dag bskrad par bya/ /oM sarba big+h+nAM ha na ha na hUM phaT rak+Sha rak+Sha swAhA/ /de nas bdag nyid snying ga la/ /a las ri bo can bsams nas/ /de ni thugs mchog bsgom par bya/ /de las 'od zer nag po dag /sa gzhi dag la spros byas pas/ /sa gzhi la sogs rdo rjer gyur/ /de las 'od 'phros ra ba dang/ /gur dang bla bre dra ba dag /shin tu mngon par bsgom par bya/ /de nas nam mkhar bla ma dang/ /sangs rgyas byang chub sems dpa' dag /sngon du mngon sum dmigs pa la/ /phyag 'tshal ba dang mchod pa dang/ /sdig pa bshags dang yid rang dang/ /bsod nams bsngo dang skyabs 'gro dang/ /sems bskyed pa dang gnas bzhi dang/ /mthar ni stong nyid bsgom pa'o/ /don gyi dngos por bsams nas ni/ /sngags 'di myur du bklag par bya/ /oM swa b+hA ba shud+d+ha: sarba d+harmA swa b+hA ba shud+d+ho haM/ oM shU n+ya tA dz+nyA na badzra swa b+hA ba At+ma ko haM/ de dag nang du bsam bya ba/ /a ba ra la rnam bzhi pa/ /steng du sna ldan gzhag pa las/ /dbang chen chu bdag 'bar ba dang/ /
- 251a
sgyod par byed pa rnam bzhi yi/ /dkyil 'khor kha dog rnam bzhi rnams/ /rim pa bzhin du rnam par bsgom/ /de steng suM las ri rab ni/ /rin chen sna bzhis yang dag gnas/ /de dag yongs su gyur pa las/ /khang pa rtsegs pa bsam bya ba/ /gru bzhi pa la sgo bzhi pa/ /ka ba brgyad kyis nye bar brgyan/ /ye shes sna lnga'i rtsig pa dag /phyogs bzhi dag tu brgyan nas kyang/ /dra ba dra phyed dag dang ni/ /rin chen pha gu dag dang ni/ /gru bzhi par ni brgyan pa yin/ /tor na ni bzhis brgyan cing/ /mdzes pa'i pad+ma'i phreng ba dang/ /rdo rje thig skud 'od 'bar ba'o/ /gru bzhi dag tu dpag bsam shing/ /chen po bzhi dang klu rgyal dang/ /sprin dang phyogs skyong zhing srung rnams/ /yang dag par ni dgod par bya/ /de dkyil thig ni bzhi btab pas/ /dkyil 'khor dgu ru gyur ba la/ /dkyil du bcom ldan phyag stong pa/ /kha dog dkar po ldem bag can/ /zhal gdong bcu gcig phyag bco brgyad/ / dbu ma'i zhal gsum dkar la mdzes/ /lhag ma khro zhal 'jigs pa'i gzugs/ /kun gyi steng na 'od dpag med/ /pad+ma'i rigs kyi phyag rgyas btab/ /dang po phyag gnyis snying ga na/ /thal mo nges par sbyar ba yin/ /de 'og g.yas na dgra sta dang/ /de 'og gri gug rnon po yin/ /pad+ma ral gri zhags pa dang/ /ljon shing me long bsil yab dag /rim pa bzhin du gnas pa yin/ /g.yon pa'i phyag ni de 'og dag /rdo rje dril bu mnga' gzhu dang/ /lcags kyi bum pa 'khor lo dang/ /gdugs dang rin chen 'bar ba rnams/ /rim pa bzhin du bsnams par mdzad/ /rdo rje bsnams pa'i phyag gis ni/ /lha mo pad+ma'i sgrol ma la/ /gnyis su med pas 'khyud
- 251b
par mdzad/ /lha mo de ni zhal gcig ste/ /phyag ni drug tu nges pa ste/ /dang po'i g.yas pas utpal gyi/ /steng na pad+ma brgyad bsnams pas/ /thugs rje che ba 'khyud par mdzad/ /de 'og gri gug pad+ma bsnams/ /g.yon pa'i dang pos me long dang/ /bsil yab bum pa bsnams par mdzad/ /hUM dang paM las gyur pa yi/ /phyag stong yum bcas de ltar bsgom/ /de yi shar gyi dkyil 'khor la/ /yi ge baM las gyur pa yi/ /rdo rje pad+ma zhes bya ba'i/ /zhal gcig kha dog dkar po can/ /phyag g.yas dang po utpal gyi/ /steng na pad+ma 'dab ma brgyad/ /de steng rdo rje rtse dgu pa/ /sngon po nyid kyis bsnams par mdzad/ /de 'og 'khor lo zhags pa dang/ /g.yon gyi dang pos dril bu 'dzin/ /de 'og lcags kyi dgra sta dag /phyar ba nyid kyis bsnams par mdzad/ /lho phyogs dkyil 'khor sngon po la/ /yi ge raM las gyur pa yi/ /rin chen pad+ma bsam bya ba/ /g.yas kyi dang po utpal gyi/ /steng na pad ma 'dab ma brgyad/ /de steng rin chen zur brgyad pa/ /'bar ba nyid kyis yang dag 'dzin/ /lhag ma shar gyi bcom ldan ltar/ /phyag mtshan rnams ni bsnams par mdzad/ /nub kyi dkyil 'khor dmar po la/ /muM yig 'bar ba las gyur pa'i/ /thub pa'i pad+ma bsgom bya ba/ /g.yas kyi dang po rang nyid kyi/ /mtshan ma rnams ni bsnams par mdzad/ /lhag ma shar gyi bcom ldan ltar/ /phyag mtshan rnams ni bsnams par mdzad/ /byang gi dkyil 'khor ljang gu la/ /bcom ldan 'das kyi pad+ma ni/ /yi ge kaM las gyur pa ste/ /g.yas kyi dang por rang nyid rtags/ /phyag gzhan gong ma rnams
- 252a
bzhin no/ /shar lho'i rdo rje sgrol ma ni/ /lha mo sku mdog sngo skya la/ /zhal gcig phyag ni drug pa'i dbyibs/ /g.yas kyi dang po utpal te/ /chu skyes 'dab ma brgyad pa la/ /rdo rje rtse lnga bsnams par mdzad/ /phyag gzhan gri gug pad+ma dang/ /me long bsil yab bum pa bsnams/ /paM yig las gyur de ltar bsam/ /lho nub rin chen sgrol ma ni/ /raM yig las gyur dmar ser mdog /phyag g.yas dang po rang nyid rtags/ /lhag ma rdo rje sgrol ma bzhin/ /nub byang thub pa'i sgrol ma ni/ /muM yig las gyu lnga dang? dmar mdog /dang po rang gi rtags 'chang ba'o/ /byang shar las kyi sgrol ma ni/ /gaM yig las gyur ljang skya'i mdog /phyag g.yas rang gi rtags 'chad zhing/ /phyag gzhan gong ma rnams dang mtshungs/ /gru bzhir rin chen bum pa bzhi/ /kha dog rnams bzhis rnam par gnas/ /de yi phyi rol snam bu la/ /ling tshe bcu drug bri bya ste/ /phyag na rdo rje 'jam dbyangs dang/ /kun gzigs sgrib pa rnam sel dag /zhal gcig phyag ni gnyis pa la/ /kha dog rnam bzhis rnam par gnas/ /g.yas na rdo rje utpa la/ /pad+ma sna tshogs rdo rje bsnams 'gying ba? tshul du gnas par mdzad/ /g.yon pa dang ba'i phyag rgya'o/ /de dag kun gyi g.yon rol du/ /sgeg mo rin chen phreng ba dang/ /dbyangs dang gar gyis mnyes mdzad rnams/ /rang rang phyag rgyas yang dag gnas/ /byams pa nam mkha' i snying po dag /kun bzangs sa yi snying po dang/ /rang rang kha dog phyag rgya yis/ /de yi cha la rnam par gnas/ /de g.yon me tog bdug spos dang/ /mar me dri chab lha mo rnams/ /rang nyid kha dog phyag mtshan gyis/ /yang dag par ni gnas pa'o/ /lha rnams de dag thams cad ni/ / phyag rgya lnga yis rnam par brgyan/ /pad+ma'i steng na nyi zla yi/ /steng na rab tu gnas pa'o/ /shar dang lho dang nub dang byang/ /sgo rnams na ni sgo skyong dag /shes rab mthar phyed gshin mthar byed/ /pad+ma mthar byed bgegs mthar rnams/ /dbu gsum phyag ni drug pa la/ /
- 252b
'jigs pa'i gzugs kyi cha lugs can/ /phyag g.yas dang po ral gri dang/ /thong dbyug pad+ma rgya gram 'dzin/ /lhag ma lcags kyu zhags pa dang/ rtse gsum lcags sgrog dam pa'i bdag /rdo rje brag gi stong gnas pa'o/ /de nas dam tshig sems dpa' yi/ /thugs las 'od zer spros nas kyang/ /ye shes 'khor lo spyan drangs nas/ /mdun du yang dag mchod par bya/ /sngags dang phyag rgyas sbyor shes pas/ /dam tshig 'khor lo myur du gzhug /de nas rang gi sa bon las/ /'od zer nam mkha' i phyogs spros nas/ pad+ma'i sgrol sogs lha mo lngas/ /ye shes lnga yi bum pa yis/ /chu yis bdag la dbang bskur ba'o/ /oM a b+hi shiny+tsa tu maM lo ka nA tha ya hUM/ de nas bdag nyid snying ga la/ /ri bong can dang shing rta bcu/ /kha sbyor phur mar gnas pa yi/ /nang du chu skyes 'dab ma brgyad/ /de steng dug gsum yi ge ni/ kha dog dkar po rnam par gnas/ /de la stod nas dkar po ni/ /rgyan rnams kun gyis brgyan pa'o/ /'phrog dang nang dang kun gyi steng/ /dug gsum yi ges rnam par brgyan/ /de nas dkyil 'khor 'khor lo ni/ /phyogs bcu dag tu spros pa las/ /'gro ba'i sems can thams cad ni/ /nyon mongs thams cad sbyang byas nas/ dkyil 'khor 'khor lo ngo bos gnas/ /de dag rim par bsdus pa las/ /sku gsung thugs kyi rdo rje can/ /lha yi sku mi bsgom par bya/ /de ni rang bzhin 'od gsal ba'o/ /bsgom pas skyon sngags bzlas pa/ /mu tig 'phreng ba'i tshul gyis sku/ /steng nas steng du 'bar ba ni/ /rang bzhin 'khor bar rnam par bsam/ /dang po dag dang bar gnas pa'i/ /tha ma dag gis bsdus pa yi/ /sngags kyis yang dag bzlas par bya/ oM pad+ma hastA ya/ sa ha swa badzra b+hu dza ne tra/ nI la kaN+Tha lo ke shwa rA ya hUM hUM phaT/ oM pad+ma tA re hUM/ oM badzra pad+ma hUM/ oM ratna padme hUM/ oM mu ni padme hUM/ oM karma padme hUM/ oM badzra tA re hUM/ oM mu ni tA re hUM/ oM ratna tA re hUM/ oM karma tA re hUM/ oM badzra pA Ni hUM/ oM many+dzu sh+rI hUM/ oM sa man+tA ki ki hUM/ oM A ba ra Na bi ski b+hi b+hi hUM/ oM badzra lA sya hUM/ oM ratna mA
- 253a
ye hUM/ oM padme gI ti hUM/ oM karma ni rti hUM/ oM me tri ya hUM/ oM a gaM saM gurde hUM/ oM sa man+ta d+ha dre hUM/ oM k+Shi te garb+ha hUM/ oM badzra d+hU pe hUM/ oM ratna puShpe hUM/ oM pad+ma A lo ke hUM/ oM karma gand+he hUM/ oM pradz+nyan+ta ka hUM/ oM ya mAn+ta ka hUM/ oM banAn+ta? ka hUM/ oM big+h+NAM ta ka hUM mchod pa dag ni nyi shu yi/ /sngags dang phyag rgyas yang dag mchod/ /yi ge brgya pa'i gsang sngags ni/ /rtag tu 'don pa nyid du bya/ /lam du zhugs dang 'chag pa'i tshe/ /spyod lam la ni spros pa ni/ /rdo rje rtsi gcig phyag rgyas ni/ /'od byung steng la snying po yi/ /sngags de yongs su gyur pa dang/ /cho ga gsum las rdzogs pa yi/ /rim pa bzhin du lha bsams nas/ /yan lag bzhi la rab tu bstim/ /cho ga'i phyag rgya dpa' po lnga/ /phyag rgya 'di yis lus mdzes pa'o/ /de nas sbyin sreg cho ga ni/ /bdag nyid 'phrin las rnam bzhi yi/ /rnal 'byor yang dag bsam byas la/ /las kyi dang po zhib mchod/ /dkyil 'khor khru gang zlum po la/ /pad+ma'i phreng bas nang bstor? zhing/ /rdo rje 'bar ba'i phreng ba dag /de yi phyi rol bri byas la/ /dri zhim dkar po zhor ldan pa'i/ /bsreg cing ku shas bcings te gzugs/ /gu gul me tog ku sha dang/ /mar dang 'bras thug til dang ni/ /'o thug lung thang sngon po dag /las kyi sngags ni mthar sbyar la/ /me lha de yi snying ga yi/ /mkha' la 'khor lo bsam byas te/ /bdag nyid dam tshig sems dpa' yis/ /rim pa bzhin du mchod pa'o/ /bya ba rnams ni thams cad la/ /de yi ngo bos mnyam par bzhag /de nas bstod pa bya ba ni/ /sangs rgyas kun gyi gzugs kyi sku/ /chos kyi sku ste gzhan gyi mchog /sngags kyi mgon po mchog gi lha/ snying rje'i bdag nyid phyag 'tshal bstod/ /ye shes rdo rje stobs po che/ /shin tu nges pas zhi ba'i tshul/ /theg pa chen po'i go 'phang thob/ /rdo rje chos la phyag 'tshal bstod/ /shin tu dag pa'i dpa' bo che/ /mdog gi dbang phyug kun gyi mgon/ /dam chos mchog tu mi 'gyur ba'i/ /ji?
- 253b
bzhin 'dul la phyag 'tshal bstod/ /ci yang mi dmigs stong pa'i dang/ /lhan cig skyes pa'i ral gri bsnams/ /mi rtog ye shes go cha can/ /rgyu dang 'bras bu phyag 'tshal bstod/ /de nas zas kyi rnal 'byor ni/ /chu yi dkyil 'khor de la yang/ /raM las me yi dkyil 'khor ni/ /gru gsum 'bar ba bsam byas nas/ /de dkyil tshogs kyi 'khor lo yang/ /gsal bar rab tu bsam byas nas/ /snod ni rab las rin chen ni/ /rang bzhin 'bar bar bsgom byas nas/ /der ni kha zas sna tshogs rnams/ /bsams nas de dkyil rdo rje ni/ /rtse lnga rab tu 'bar ba las/ /bdud rtsir gyur par rab tu bsam/ /de nas rang gi sa bon las/ /'od zer kha dog sna lnga dag /nam mkha' i phyogs su 'phros pa las/ /phyogs dus kun na bzhugs pa yi/ /de bzhin gshegs pa thams cad kyi/ /mdzod spur zhugs nas thugs kyi ni/ /bdud rtsi blangs nas de nyid du/ /'dres par bsams nas sngags 'di yi/ /byin gyis brlabs nas bza' bar bya/ /oM A(rgyud 'grel): h+rI(rgyud 'grel): bdag gi 'jig rten mgon po yi/ /sgrub pa'i thabs 'di byas pa yis/ /sems can 'gro ba mdza' dag la/ /nyon mongs sgrib pa kun bsal nas/ /sku gsung thugs kyi rdo rje can/ /lha yi sku ni thob par shog /slob dpon chen po dngos grub brnyes pa/ ta thA ga ta badzra'i zhal snga nas mdzad pa/ bcom ldan 'das phyag stong spyan stong gi sgrub thabs rdzogs so// //mkhas pa'i 'byung gnas shar phyogs b+haM ga la'i nyi ma 'byung gnas zla ba zhes bya ba/ mkhas pa chen po de yi zhal snga nas/ /bod kyi lo tsA dge tshul khyung grags kyis/ /'dul ba'i bstan pa snying po gnas pa'i sa/ /dpal ldan rgyan gong gtsug lag khang de ru/ /bder gshegs bstan la phan phyir bsgyur lags kyi/ /rnal 'byor spyod rnams nges par brtson par mdzod// // !/ */ /'phags pa 'jig rten dbang phyug yid bzhin nor bu 'khor lo sgyur ba'i sgrub thabs bzhugs so//) rgya gar skad du/ AryA ba lo ke te shwa ri tsan+ta ma ni tsakra b+ha d+hi sa d+ha na/ bod skad du/ 'phags pa
- 254a
'jig rten dbang phyug gi yid bzhin gyi nor bu 'khor los sgyur ba'i sgrub thabs/ thugs rje chen po la phyag 'tshal lo/ /'gro ba skyob mdzad thugs rje chen po'i gtso/ /zla ba'i nor lha'i sku mnga' i thugs rjes mchog sbyin de la gsum gyis phyag 'tshal nas/ /nyi ma'i zer gyis mun bsal chu skyes kha 'byed ltar/ /thugs rje'i 'od kyis ma rig mun sel snying gi pad+ma 'byed mdzad pa'i/ /sgrub thabs dam pa bka' drin dran phyir bri bar bya/ /me tog rab la sogs gtsang ma yid dga' i gnas su ni/ /rnam lnga h+rI(rgyud 'grel): yis bsngags pa'i maN+Dal legs par bya/ /kha dog dkar po'i me tog la sogs mchod pa ldan byas la/ /yi ge gsum ldan khrus kyi dri ma gnyis bkrus te/ /nyon mongs mdza' dag gzhig phyir bde ba'i stan la 'dug /yi ge sum ldan h+rI(rgyud 'grel): yis gnas bdag rnal 'byor bsrung/ /snying gar zla ba'i dkyil 'khor steng du h+rI(rgyud 'grel): yig dkar po bsam/ /'od kyis 'gro ba'i don byas 'jig rten dbang phyug spyan drangs te/ yi ge gsum ldan h+rI(rgyud 'grel): yis me tog la sogs mchod pa 'bul/ /de la sdig pa bshags shing mi 'gyod sdom pa blad/ /rjes su yi rang skyabs su 'gro ba dang/ /byang chub mchog tu sems bskyed dge ba'i rtsa bar bsngo/ /'khor ba'i rgya mtsho sgrol mdzad thugs rje 'od kyis blta/ /byams pa'i 'od kyis sems can 'jig rten mgon gyi gzugs su mthong/ /dga' ba'i 'od kyis sems can bde ldan rgyun mi 'chad bar bsam/ /btang snyoms 'od kyis gzung 'dzin cha spangs chos nyid mthong bar blta/ /gzung ba dag phyir sngags 'dis byin gyis brlab par bya/ /oM swa b+hA ba shud+d+ha(rgyud 'grel): sarba d+harma swa b+hA ba shud+d+ho nyahaM/ 'dzin pa dag phyir sngags 'dis byin gyis brlabs/ /oM shU n+ya tA dz+nyA na badzra swa b+hA ba At+ma ko haM/ dri med nam mkha' lta bur kun bltas te/ /dbus su bskyes pad+ma dkar po sngon por bcas/ /lte bar h+rI(rgyud 'grel): las byung ba chu shel 'od dang ldan/ /de dbus h+rI(rgyud 'grel): yig las byung yid
- 254b
bzhin nor bu 'bar/ /h+rI ldan 'od kyis 'gro ba'i don byas te/ /phyogs bcu rgyal sras bkug ste nor bu byin brlabs pas/ /de yongs gyur te 'jig rten dbang phyug bzhengs/ /zhal gcig phyag gnyis 'gying bag 'od zer dkar po 'bar/ /gu lang dkar po'i mdog bzhin gzhon nu rgyan cha can/ /phyag g.yas sbyin pa bzhi yi gtor sbyin yid bzhin nor bu 'bar/ /phyag g.yon 'khor ba sgrol phyir 'khor lo rin chen ldan/ /spyi gtsug thor tshugs stang na gsung gi dbang phyug bzhugs/ /thugs rje 'od kyis 'gro ba kun khyab byed/ /rang snying pad steng zla ba'i dkyil 'khor la/ /nor bu dbus na h+rI(rgyud 'grel): yig dkar po gsal/ /de 'od las byung sgrol ma khro gnyer can sogs phyogs bzhi'i lha/ /pad+ma zla ba'i steng na 'gying bag ldan par bzhugs/ /phyi rol rgyal chen bzhi dang mchod pa'i lha mo sprul/ /de dag sku mdog so so'i phyag mtshan gtso bor mtshungs par blta/ /kun gyi thugs kar zla ba la gnas nor bu sa bon bsam/ /'od zer lcags kyu dang mtshungs nam mkha' khyab spros te/ /ye shes 'khor lo spyan drangs me tog la sogs pas/ /yongs su mchod nas legs pas sngags 'di gzhug dza(rgyud 'grel): hUM(rgyud 'grel): baM ho(rgyud 'grel): sa 'o ma chu ltar tha dad med pa'i 'khor lo la/ /skye mched gnas su zla ba h+rI(rgyud 'grel): yig bsam/ /sku gsung thugs la yi ge gsum bltas la/ /thugs ka'i 'od kyis de bzhin gshegs pa bskul/ /mchod bstod byas nas gsol ba gdab par bya/ /oM sarba ta thA ga ta aM b+hi Shiny+tsa tu maM/ de nas de bzhin gshegs rnams kyis/ /lha yi chu ldan bum pas ni/ /'khor lo la ni dbang bskur te/ /spyi bo 'od dpag med pas brgyan/ /gzugs sogs rnal 'byor ma rnams kyis/ /'khor lo la ni legs par mchod/ /sangs rgyas byang chub sems dpa' la/ /de dag gis ni bstod par bya/ /de nas thugs kyi sa don la/ yi ge sngags kyi phreng ba ni/ /mar me lta bur rab bltas la/ /'od kyis sems can thams cad ni/ /'jig rten mgon por bsgrub byas te/ /yi ge'i phreng ba rnams ??
- 255a
zhal dang lte ba'i bar du ni/ /rgyun mi 'chad pa'i phreng bar bsgom/ /oM tsin+ta ma Ni tsakra ba rti ma Ni padme a(rgyud 'grel): h+rI hUM phaT swAhA/ /snying po'i sngags so/ /oM pad+ma b+ha ra ta ke a(rgyud 'grel): h+rI hUM phaT swA hA/ /nye ba'i snying po'i sngags so/ /rtsa ba'i sngags la sogs pa rnams/ /sa bon yi ge gsum dang ldan/ /swA hA phaT ces bzlas par bya/ /'od zer la ni yig 'bru dgus/ /rdo rje skud pa lta bu yi/ /'khor bar bzlas pas lus khyab nas/ /sgrib pa gnyis spangs ye shes kyi/ /'khor lo gsal bar ston par byed/ /'jig rten 'jig rten 'das pa yi/ /lha rnams kyis ni bsnyen 'gyur te/ /thun mong thun mo ma yin pa'i/ /'dod pa'i dngos grub ster bar byed/ /bye ba gsum rdzogs sngags pa yis/ /rab dga' la sogs sa thob nas/ /sa bcu dbang phyug mthong bar 'gyur/ /sngags bzlas dus su cho ga ni/ /gtsang mar byas pa'i sa phyogs su/ /gu gul tsan dan a ga ru/ /pus kas dus tso ri ka/ /go ro tsa na shing gi bcud/ /legs sbyar dung ngam nya phyis su/ /gzhag ste brtse ba la sogs pa'i/ /gzungs sngags stong phrag bzlas nas ni/ /phyag g.yas zla ba dri bcas pas/ /dkyil 'khor khru ngo la sogs byug /pad+ma dkar po la sogs pa'i/ /me tog lha yi gnas su bkod/ /der ni paM skyes pad+ma ni/ /dkar po 'dab ma brgyad pa ni/ /rim pa gsum du gnas par bsam/ /lha rnams thugs kyi sa bon las/ /lha yi 'khor lo sprul byas te/ /pad+ma rim pa gsum dag la/ /rim pas lha rnams bzhugs par bsam/ /ye shes 'khor lo spyan drangs bstim/ /dbang bskur cho ga rdzogs pa dang/ /skye mched gnas gsum byin brlabs te/ /ma ka ru dang shel spang ka /'bra ma tsa ri la sogs pa'i/ /dri zhim spos kyis mchod par bya/ /pad+ma dkar po tsam pa ka /dzA ya kun das mchod par bya/ /ga bur go ro tsa na dang/ /tsan dan dkar po ldan pa yi/ /dri zhim mar gyi mar me dbul/ /sA lu dkar po zho zan dang/ /sbrad bcas 'o ma dbul bar bya/ /dri zhim dkar po chu
- 255b
yis ni/ /sku la byug pa dbul bar bya/ /na bza' rgyan dang me tog phreng/ /gdugs dad ba dan rgyal mtshan dang/ /rlung yab la sogs rgyan rnams dbul/ /dril bu pi bang rdza rnga dang/ /gling bu rnga rings pa Da ha/ /sgra mchog rnams kyis mchod par bya/ /sangs rgyas byang chub sems dpa' dang/ /bla ma 'khor lo bcas pa la/ /bstod nas gsol ba gdab par bya/ /'khor lo'i lha rnams thams cad kyi/ /thugs kar pad steng zla ba la/ /h+rI(rgyud 'grel): yig sngags kyis bskor bar bya/ /'od zer sngags kyi phreng ba ni/ /zhal nas byung ste rjes gnang tshul/ /bdag gi zhal zhugs? thugs kar thim/ /de dag khri phrag sngags blangs nas/ /zhi dang rgyas dang dbang drag po/ /sngags phreng kha dog bzhir shes nas/ /mdun gyi dkyil 'khor lha rnams la/ /rjes su mthun pa'i gsol ba gdab/ /'jig rten 'jig rten 'das pa yi/ /'khor lor bcas pa'i lha rnams kyis/ /gang 'dod dngos grub sbyin par bsam/ /de nas lha rnams thugs kar bsdu/ /de ltar cho ga byas nas ni/ /mchod bstod gsol gdab sngon 'gro bas/ /gzungs sngags bzlas pa brtson par bya/ /bsnyen pa rdzogs par gyur na ni/ /gang zhig bdag gam? nad pa'am/ /gdon chen nyen dang tshe nyams dang/ /'jig pa brgyad kyis nyen pa la/ /bsrung ba'i cho ga brtsam par bya/ /shis par gyur pa'i nyi ma la/ /ras sam shing lo gro ga ni/ /dri zhim spos kyis bdug pa dang/ /nye ba'i snying po stong phrag gcig /h+rI: bcas sngags kyis byin brlabs te/ /gur kum go ngo tsa na dang/ /kor si sha ldan khu ba yis/ /'khor lo legs par bri bar bya/ /me tog dkar po yu ba yis/ /pad+ma dkar po 'dab brgyad bri/ /dbus su h+rI(rgyud 'grel): chen bris pa'i nad/ /sgrub pos legs par bri bar bya/ /phyi rol pad+ma'i lte ba la/ /yi ge gsum ldan nye snying po/ /h+rI(rgyud 'grel): yig par du sgrub pa po/ /rak+Sha ku ru ldan par bri/ /pad+ma'i 'dab ma brgyad la ni/ /snying po spel sngags ldan par bri/ /pad+ma'i mu khyud tha ma la/ /rtsa ba'i gzungs sngags god dang mtshungs//
- 256a
gtsang sgra ldan pas bris nas ni/ /dkyil 'khor dri yis legs byugs la/ /me tog dkar ba dri zhim po/ /sil ma legs par bkram pa yi/ /steng du 'khor lo legs par gzhag /lha rnams thugs ka'i 'od zer gyis/ /'khor lo 'od kyis sems sbyangs te/ /paM bskyed pad+ma'i gnas gnas su/ /gzung sngags mar me'i phreng ba bzhin/ /'od ldan gsal bar bsgom par bya/ /de nas thugs ka'i 'od zer gyis/ lha yi 'khor lo spyan brangs te/ /mchod dang bstod pa byas nas ni/ /'khor lo la ni bstim par bya/ /lha rnams thugs ka nas spros pa'i/ /rtsa ba'i gzungs sngags la sogs pa'i/ /khri phrag bzlas pa 'khor lor bstim/ /ngas ni srung ba'i sgrub pa rdzogs/ /mchog gi dngos grub sgrub 'dod pas/ /gong gi dkyil 'khor logs byas te/ /dbus su gtso bo la sogs pa/ /lha rnams cho ga gsum gyis bskyed/ /ye shes spyan 'dren la sogs pa/ /cho ga'i yan lag thams cad kyang/ /gong gi mchod pa'i rdzas rnams kyis/ /dus gsum legs par mchod byas la/ /yi ge grangs kyi 'bum phrag bzla/ /thun mtshams gsol gdab bskor ba ni/ /brgya 'am stong phrag re re bya/ /de tshe thugs rje byin brlabs kyis/ /'khor lo zhal ston yang na ni/ /dngos grub rjes su gnang ba sbyin/ /lus la 'od zer 'byung ba dang/ /dri zhim shel gyi mdog dang mtshungs/ /sems can thams cad dang gyur cing/ /gcan zan ri dags 'bros mi 'gyur/ /nam mkhar 'phur dang shing rta zhon/ /rgya mtsho sgrol dang ri rgyal mdzeg /nor bu 'khor lo rnyed ba dang/ /pad+ma dkar po zla ba mthong/ /h+rI(rgyud 'grel): bcas yi ge zhal zhugs mthong/ /rang mdog dkar po khrus byed na/ / de dag 'grub pa'i rtags su bshad/ /de nas sman mchog ri lu sgrub/ /bum pa bzang po'i nang du ni/ /yungs kar ba yi rnam lnga dang/ /ru rta tsan dan dkar po dang/ /shi ri khaN+Da ga pur dang/ /rnam par rgyal ba'i a gu ra/ /sman lnga 'bru lnga rin chen lnga/ /dri lnga
- 256b
snying po lnga bcas te/ /rgyu skar rgyal gyi nyi ma la/ /bum par btsal te dkyil 'khor gyi/ /dbus su legs par gzhag par bya/ /de steng gdugs dang ba dan dang/ /phyogs bzhi nga rgyal mtshan gdags par bya/ /der ni lha yi 'khor lo ni/ /cho ga gsum gyis bskyed par bya/ / ye shes spyan drangs la sogs pa/ /cho ga rdzogs par byas nas ni/ /dus gsum mchod dang bstod par bya/ /'jig rten mgon po thugs kar ni/ /paM bskyed pad+ma zla ba'i steng/ /a las pu pa bzang por gyur/ /nang du h+rI(rgyud 'grel): mtshan ri lu bsam/ /gtso bo la sogs lha rnams kyi/ /thugs las rtsa ba'i snying po dang/ /nye snying spros nas ri lur bstim/ /thun mtshams bskor pa brgya phrag byas/ /de tshe ri lu lhar mthong na/ /'jig rten mgon po 'grub par 'gyur/ /ri lu rgyal chen bzhir mthong na/ /zhi sogs phrin las 'grub par 'gyur// ri lu nyi ma zla bar mthong/ /mkha' la 'gro 'gyur the tshom med/ /ri lu 'khor lo nor bur mthong/ /yid bzhin dngos grub 'grub par 'gyur/ /de tshe bum pa'i gzugs mthong na/ /sa 'og dngos grub 'grub par 'gyur/ /'od mthong lha yi spyan dang 'dra/ /sgra 'byung lha yi snyan dang ldan/ /ral gris shes rab 'phel bar 'gyur/ /du ba byung bas tshe 'phel 'gyur/ /dri yis nad rnams zhi byed 'gyur/ /gzhan yang bzlas pa la sogs pa'i/ /sgrub pa gzungs kyi cho gar shes/ /bdag gis sgrub thabs 'di brtsams pas/ /de yis bsod nams gang thob pa/ /'khor ba'i sems can thams cad kun/ /'jig rten mgon po thob par shog /'phags pa 'jig rten dbang phyug yid bzhin gyi nor bu 'khor lo sgyur ba'i sgrub thabs/ slob dpon dze ta ris mdzad pa rdzogs so/ //paN+Di ta pur+Na kIrti dang/ sna nam rdo rje bla mas bsgyur ba'o// // */ /rgya gar skad du/ lo ke shwa ra sA d+ha naM/ bod skad du/ 'jig rten dbang phyug gi sgrub thabs/ /'jig rten dbang phyug la phyag 'tshal lo/ /rje btsun 'jig rten dbang phyug bsgom par 'dod pas/ dang por skyabs 'gro dang sems bskyed
- 257a
byas nas rang gi snying gar yi ge a dkar po yongs su gyur pa las zla ba'i dkyil 'khor dang/ de'i steng du yi ge h+rI(rgyud 'grel): dkar po zhig bsgom/ de las 'od zer 'phros pas ri bo po ta lan rje btsun 'jig rten dbang phyug bzhugs pa de mdun gyi nam mkhar spyan drangs te de la rang gi lus dpag tu med pa sprul nas yid kyis phyag byas par bsam zhing snying ga'i h+rI'i 'od zer gyis mchod pa lngas mchod de/ sdig pa thams cad ni so sor bshags so/ /bsod nams thams cad la rjes su yi rang ngo/ /sangs rgyas thams cad la gsol ba 'debs so/ /bdag gis bla na med pa'i ye shes thob par gyur cig ces brjod do/ /de nas ye shes pa de'i thugs ka'i yi ge h+rI las 'od zer byung ste/ /rang gi snying ga'i yi ge h+rI la thim de las 'od zer 'phros pas rang gi sgrib pa gnyis dag par byas te rang rje btsun 'jig rten dbang phyug sku mdog dkar po zhal gcig phyag bzhi pa/ phyag dang po gnyis thugs kar thal mo sbyar ba/ g.yas kyi gnyis pa na nor bu'i bgrang phreng g.yon gyi gnyis pa na pad+ma dkar po 'dzin pa/ ral pa'i thor tshugs can sangs rgyas 'od dpag med kyis dbu brgyan pa/ rin po che'i rgyan kun gyis spras shing/ /lha rdzas kyi na bza' dang ldan pa zhig tu gyur par bsam/ de nas ye shes pa de rang dam tshig pa la thim pas dbyer med du gyur bar bsgom/ yang rang gi snying ga'i yi ge? h+ri las 'od zer 'phros pas sems can thams cad la phog ste de rnams kyi sgrib pa gnyis dag par byas nas thams cad rje btsun 'jig rten dbang phyug tu gyur par bsgom zhing de rnams kyis ngag tu sgra ci phrag pa thams cad kyang yi ge drug pa zlos pa bsam/ rang gis zlos pa'i tshe de thams cad kyis yi ge drug pa di ri ri'i zlos par bsgom zhing dag par bzlas so/ /mthar yongs su dag pa'i bsngo pa bya'o/ /'jig rten dbang phyug zhal gcig phyag bzhi pa'i sgrub thabs rdzogs so// //slob dpon klu sgrub kyis mdzad pa/
- 257b
chag lo tsa ba chos rje dpal gyis nyung du bsdus te bsgyur ba'o// (//yi ge drug pa'i rgyud kyi rim pa'i dkyil 'khor bstan pa'i sgrub thabs bzhugs so//) //rgya gar skad du/ ShaDa ak+Sha ratan+t+ra kra ma maN+Dal tsakra u pa de sha sA d+ha naM/ bod skad du/ yi ge drug pa'i rgyud kyi rim pa'i dkyil 'khor bstan pa'i sgrub pa'i thabs/ mgon po thugs rje chen po dang ldan pa 'phags pa spyan ras gzigs dbang phyug la phyag 'tshal lo/ /re shig dang por ting nge 'dzin dang rjes su mthun pa'i sa phyogs su zhugs nas/ thal mo sbyar la spyi bor bzhag nas shar phyogs su/ oM sarba ta thA ga ta badzra banda naM kA ro mi zhes phyag bya'o/ /de bzhin du lho phyogs nas/ oM sarba ta thA ga ta ratna banda naM kA ro mi/ zhes bya ba dang/ de bzhin du nub phyogs su/ oM sarba ta thA ga ta pad+ma banda naM kA ro mi/ zhes bya ba dang/ de bzhin du byang phyogs su/ oM sarba ta thA ga ta karma banda naM kA ro mi/ zhes bya bas phyag bzhi byas la/ g.yas pa'i khu tshur spyi bor gzhag nas/ oM sarba ta thA ga ta ur b+ha ba ya swAhA/ zhes bya bas lus dang ngag dang sems byin gyis brlab par bya'o/ /khu tshur de nyid kyis kha la/ oM padmotb+ha bA ya swAhA/ zhes bya bas dag byin gyis brlab par bya'o/ /g.yon pa'i khu tshur snying gar gzhag nas/ oM badzrod+d+ha pA ya swAhA/ zhes bya bas sems byin gyis brlab par bya'o/ /de'i rjes la cho ga 'dis bgegs bsal bar bya ste/ oM a mri ta ha na ha na sarba bi d+hAM da ha da ha/ sarba pA paM hUM phaT/ ces bya ba brjod la thal mo sbyar nas/ mthe bong bar du gzhag pa de la badzra hUM phaT ces bya ba'i yi ge 'bar ba'i rnam par bkod la/ thal mo de las phyogs bcur 'bar ba'i rdo rje 'phro bar bsams nas/ oM a mri ta ha na ha na sarba b+hig+h+rAM da ha da ha/ sarba pA pi hUM phaT/ ces bya ba 'di lan bdun brjod la thal mo lan gsum brdabs nas se gol yang lan gsum brdab par bya'o/ /de'i rjes la sngar bshad pa'i 'bar ba'i rdo rje dra bas bgegs thams cad bsal bar bya'o/ /de'i rjes la rang gi snying gar a las zla ba'i dkyil 'khor ro/ /de'i steng du re pa las me 'bar ba'i rnam pa bsams la/ rdo rje'i
- 258a
phyag rgya bcings nas/ rje btsun gyi yi ge brgya ba brjod par bya ste/ oM pad+ma sarba sa ma ya/ ma nu pA la ya/ pad+ma satwa twe na pa tiSh+Tha/ driDho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi mme pra yats+tsha/ sarba karma su tsa me/ tsit+taM sh+re ya(rgyud 'grel): ku ru hUM/ ha ha ha ha ho(rgyud 'grel): b+ha ga bAn sarba ta thA ga ta pad+ma mA me muny+tsa pad+ma badzri b+ha ba mahA sa ma ya satwa A(rgyud 'grel): zhes lan bdun brjod do/ /spyi bor a las zla ba'i dkyil 'khor cha bcu drug pa bdud rtsi'i bdag nyid la yi ge oM gyis brlabs la bsgom par bya'o/ /sngags brjod pa'i rjes nyid la snying ga'i gnas su re pha las me sbar la lus thams cad bsregs la yang spyi bo'i zla ba'i bdud rtsi 'bab par bsam mo/ /de'i rjes la rdo rje thal mo bcings la/ oM sarba ta thA ga ta pU dzo pas+tha nA ya At+ma na nai? ryA ta ya mi oM sarba ta thA ga ta a sham se ta sarba satwa naM sarba sid+d+ha ya saM paryan+taM/ sarba ta thA ga ta taSh+Ta a b+hi tiSh+Tha taM/ zhes bya ba 'di nyid lan gsum brjod la/ sangs rgyas dang byang chub sems dpa' dang/ de bzhin gshegs pa rnams kyis nam mkha' yongs su gang bar lhag par mos la de rnams yid kyis mchod nas gsum la skyabs su 'gro ba la sogs par bya'o/ /oM dkon mchog gsum la skyabs su mchi/ /sdig pa thams cad so sor bshags/ /'gro ba'i bsod nams rjes yi rang/ /sangs rgyas byang chub yid kyi bzung/ zhes bya bas sdig pa bshags pa dang/ bsod nams ? su yid rang ba dang/ byang chub tu sems bskyed pa la sogs pa bya'o de'i rjes la/ oM swa b+hA ba shud+d+ha(rgyud 'grel): sarba d+harmA swa b+hA ba shud+d+ho haM/ zhes brjod la/ byang chub kyi sems tsam la lhag par gnas pa sems kyis mthong nas/ oM d+harma hA? tu swA b+hA ba Arya konyaM zhes mngon par brjod nas/ byang chub kyi sems de yi ge paM gyi rnam par yongs su gyur par mthong nas/ de las sna tshogs pad ma chen por bskyed la/ de'i steng du yi ge a las nyi ma'i dkyil 'khor/ de'i steng du yang yi ge a las zla ba'i dkyil 'khor/
- 258b
de'i steng du b+h+ruM dkar po/ de las mchod rten dkar po/ de las yang/ rnam pa gsum du spros pa nyid kyis bum pa dang/ kha khyer thams cad kyi steng du yang yi ge hUM bsams la/ bum pa de'i nang du yang a las nyi ma'i dkyil 'khor/ de'i steng du yang/ a la zla ba'i dkyil 'khor/ de la yi ge drug las 'dab ma brgyad pa'i pad ma dmar po/ /mtshams gyi 'dab ma dang bcu gnyis pa/ de'i steng du yi ge h+rI(rgyud 'grel): las 'dab ma drug pa'i pad+ma dkar po/ /de'i steng du a las zla ba'i dkyil 'khor/ /de'i steng du oM ma Ni padme hUM/ zhes bya ba yi ge drug pa gong nas gong du nang du zhugs par rnam par bsgoms la/ de gyur pa las bcom ldan 'das sku mdog dkar po 'phags pa spyan ras gzigs dbang phyug zhal gcig ba phyag drug ba snang ba mdza' yas kyi dbu rgyan can bsgom mo/ /bcom ldan 'das kyi phyag g.yas pa'i dang po ni ba dan gsum pa'i phyag rgya de'i rtse mo la chud zad dbu 'dud pa'o/ /gnyis pa la phreng ba/ gsum pa'i phyag skyabs sbyin la rin po che zur drug pa bsnams pa'o/ /phyag g.yon gyi dang bos pad+ma'i steng du rin po che zur drug pa gnas ba la pad+ma 'dab ma drug pa'o/ /gnyis pa la dbyug pa gsum pa la ril ba spyi blugs bsnams pa'o/ /de'i g.yon gyi pad+ma la bcom ldan 'das pad+ma sgrol ma oM pad+ma ta ri hUM zhes bya ba 'dis de'i rnam bar bsam mo/ /khyad bar ni pad+ma der la utpa la'i steng du rin po che zur drug pa'i steng du pad+ma 'dab ma drug pa bsnams pa'o/ /shar du aau badzra pad+ma hUM/ lhor oM ratna pad+ma hUM/ nub tu oM mu ne pad+ma hUM/ byang du oM karma badzra hUM/ zhes bya ba'i sngags kyi rim pa 'dis/ rdo rje pad+ma dang/ rin chen pad+ma dang/ thub pa'i pad+ma dang/ las kyi pad+ma rnams bcom ldan 'das nyid kyi rnam par blta'o/ /khyad par ni pad+ma'i steng du rin po che zur drug ba'i steng du rdo rje dang/ rin po che dang/ 'khor lo dang/ sna tshogs rdo rje'o/ /me'i phyogs su oM badzra re hUM/
- 259a
bden bral gyi phyogs so oM ratna tA re hUM/ rlung gi phyogs su oM mu ne tA re hUM/ dbang ldan du oM karma tA re hUM/ zhes bya ba'i sngags 'dis go rims bzhin du bco ldan 'das nyid kyi rnam par rdo rje sgrol ma dang/ rin chen sgrol ma dang/ thub pa'i sgrol ma dang/ las kyi sgrol ma dag bcom ldan 'das la mngon du bltas pa'o// //khyad par ni utpa la'i steng bzhin du/ rin po che zur drug pa'i gnas su rdo rje dang/ rin po che dang/ 'khor lo dang/ sna tshogs rdo rje'o/ /brgyad po 'di dag sems dpa' i skyil mo krung gis zla ba'i dkyil 'khor la bzhugs par bsam mo/ /phyogs mtshams kyi 'dab ma la shar phyogs su oM ya mAn+ta ka hUM/ lho ru oM pradz+nyAn+ta ka hUM/ nub tu oM padmAn+ta ka hUM/ byang du oM big+h+nAn+ta ka hUM/ zhes bya ba'i sngags kyis bcom ldan 'das nyid kyi ngo bor khro bo bzhi blta bar bya'o/ /khyad par ni g.yas brkyang ba/ mi'u thung gi rnam pa la zhal rnam par 'gyur ba/ sna gong nyag pa smin ma ser skya nyi ma'i dkyil 'khor la bzhugs pa/ 'od 'bar ba'i dbus su gnas par bsgom mo/ /thams cad kyi g.yon pa'i rtsa ba'i phyag dag ni sdigs mdzub mdzad pa'o/ /g.yas pa'i phyag dag la tho ba'o/ /gnyis pa la ral gri /gsum pa la zhags pa'o/ /lhag ma'i phyag gnyis la pad ma dang/ sna tshogs rdo rje'o/ /de ltar dkyil 'khor gyi 'khor lo bskyed la snying gar paM las pad+ma dkar po/ /de'i steng du a las zla ba'i dkyil 'khor de'i steng du oM ma Ni padme hUM/ zhes snga ma bzhin du yi ge rnams bsams la/ de las 'od zer spros nas sems can thams cad yang dag par sbyangs nas/ bcom ldan 'das kyi ngo bor bsgrubs nas/ yang bsdus te de nyid du bzhugs so/ /de'i rjes la sngags kha nas byung nas rdo rje'i lam nas rjes su zhugs nas mu tig gi phreng ba ltar bsams nas bzlas pa bya'o/ /bzlas pa byas nas snying ga'i sngags las cig car dkyil 'khor gyi 'khor lo phyi rol tu spros nas mchod par bya'o/ /'di dag gi sngags ni/
- 259b
oM sarba ta thA ga ta arg+haM pU dza me g+ha sa mu dra spha ra Na sa ma ye hUM/ arga'i sngags so/ /oM sarba ta thA ga ta badzra puShpa pU dza me g+ha sa mu tra spha ra Na sa ma ye hUM/ me tog gi sngags so/ /oM sarba ta thA ga ta ratna pU dza me g+ha sa mu dra spha ra Na sa ma ye hUM/ mar me'i sngags so/ /oM sarba ta thA ga ta gand+ha pU dza me g+ha sa mu dra spha ra Na byu ha hUM/ byug pa'i sngags so/ /oM sarba ta thA ga ta rA sa/ e gro pi te na a ha ri na san ta ra pa ya me pU dza me g+ha sa mu dra spha ra Na sa ma ye hUM/ lhab shos kyis sngags so/ /de ltar mchod pa byas nas/ dkyil 'khor gyi 'khor lo rang gi snying gar sngags kyi yi ge la gzhug par bya'o/ /de'i rjes la bstod pa dang/ smon lam yang btab nas/ langs la rang gi lha'i nga rgyal gyis gnas par bya'o/ /yi ge drug pa'i rgyud kyi rim pa'i dkyil 'khor gyi 'khor lo bstan pa'i sgrub thabs rdzogs so// //rgya gar gyi mkhan po mahA dza na dang/ lo tsa ba gzhon nu 'od kyis bsgyur ba'o// (//dpal kha sarba Na'i sgru ? bzhugs so//) rgya gar skad du/ AryA ba lo ki te shwa ra kha sarba Na sA d+ha ni/ bod skad du/ 'phags pa spyan ras gzigs dbang phyug kha sarba Na sgrub thabs/ mgon po 'phags pa spyan ras gzigs dbang phyug la phyag 'tshal lo/ /yid dang mthun pa'i phyogs gang yang rung bar ji ltar bde ba'i stan la 'dug ste/ ras ris la sogs pa'i 'jig rten dbang phyug gi sku mdun du bzhugs par dmigs la/ phyi nang gi mchod pas legs par mchod de/ sdig pa bshags pa dang/ bsod nams la rjes su yi rang ba dang/ gsum la skyabs su 'gro ba dang/ bdag nyid dbul ba dang/ byang chub tu sems bskyed pa ni/ dkon mchog gsum la skyabs su mchi/ /sdig pa mi dge so sor bshags/ /'gra ba'i dge la rjes yi rang/ /sangs rgyas byang chub yid kyis bzung/ zhes bya ba'i tshigs su bcad pa 'dis bya'o/ /de'i 'og tu rang gi snying gar yi ge a las byung ba'i zla ba'i dkyil 'khor gyi 'od zer dang bcas pa de'i steng du yi ge h+rI(rgyud 'grel): 'od zer 'phro ba'i 'od zer gyi tshogs de dag gis
- 260a
chos thams cad drangs nas 'od zer gyi tshogs rnams h+rI(rgyud 'grel): de nyid kyi nang du zhugs pa dang/ thal mo lan gsum brdabs la tshig 'di lan gsum brjod do/ /oM swa b+hA ba shud+d+ha sarbba d+harmma swa b+hA ba shud+d+honyahaM/ de'i 'og tu chos thams cad bdag med pa bsgom par bya'o/ /tshig gi don dang bcas par bsams nas/ zla ba bye ba dang mnyam pa'i 'od zer yongs su gyur pa las ral pa'i cod pan gyi dbus na gnas pa'i rgyal pa'i sku 'dzin pa/ rin po che'i ri'i phug gi nang na pad+ma chen po dang/ zla ba'i gdan la bzhugs shing zla ba'i 'od dang ldan pa/ rgyan thams cad gyis brgyan pa/ zhabs g.yon pa sems dpa' i skyil mo krung la gnas pa cung zad brkyang ba/ phyag g.yon pa na pad+ma dkar po bsnams pa/ g.yas kyis mchog sbyin pa zhi ba'o/ /bcom ldan 'das kyi g.yas logs na bcom ldan 'das ma sgrol ma rgyan thams cad kyis brgyan pa utpa la'i snying po kha 'byed pa bsam mo/ /de bzhin du bcom ldan 'das kyi g.yon logs su khro gnyer can cod pan 'chang ba/ phyag bzhi pa/ g.yon gnyis na dbyug pa dang/ spyi blugs bsnams pa g.yas gnyis kyis phyag byed pa dang/ mchog sbyin pa'o/ /spyi gtsug las skyes pa'i mchod rten gyis brgyan pa dang/ bcom ldan 'das kyi g.yon na khro bo chen po rta mgrin phyag g.yas pa phyag 'tshal ba dang/ g.yon pas dbyug pa 'dzin pa'o/ /bcom ldan 'das kyi g.yas na nor bzangs thal mo sbyar nas bzhugs pa de ltar bsam mo/ /sangs rgyas sprin ni 'phro ba yis/ /rnal 'byor 'di 'dra bsgoms na ni/ /'jig rten mgon po 'od chen po/ /tshe 'di nyid la thob bar 'gyur/ /bsgoms pas dub par gyur na/ rang gi snying ga'i zla ba'i dkyil 'khor gyi steng du sngags mu tig gi phreng ba dang 'dra ba bsam te bzlas par bya'o/ /bzlas pa'i sngags ni 'di yin te/ /oM ma Ni padme hUM/ brgya 'am stong du bzlas par bya ste/ /bcom ldan 'das la bdag nyid kyis mchod pa legs par bya'o/ /oM khyod kyis 'gro ba'i don kun mdzod/ /rjes su mthun pa'i dngos grub gsol/ /sangs rgyas yul du gshegs su gsol/ /slar yang byon par mdzad du gsol/ /tshigs su bcad pa 'dis gshegs pa dang slar byon
- 260b
par bskul nas bzod par gsol bar bya ste/ gang yang bdag blo gti mug pas/ /'dir ni nyes pa gang byas pas/ /gang yang lus can skyabs gyur pas/ /mgon po khyod ni bzod pa zhes/ /gtso bo nus pa ma mchis pas/ /ma tshang ba dang ma rnyed pa'i/ /'dir ni bya ba gang byas pa/ /mgon khyod de mi bzod par mdzod/ /bdag gi dge ba'i rtsa ba 'dis/ /sangs rgyas nyid ni thob nas kyang/ /srid pa'i rgya mtsho brgal dka' las/ /'gro ba ma lus sgrol bar shog /'phags pa spyan ras gzigs dbang phyug kha sarba Na sgrub thabs// //rgya gar gyi mkhan po dI paM ka ra sh+rI dz+nyA na dang/ lo tsa ba dge slong shAkya blo gros kyis bsgyur ba rdzogs so// //rgya gar skad du/ Arya sha Da k+Sha ra sA d+ha naM/ bod skad du/ 'phags pa yi ge drug pa'i sgrub pa'i thabs/ 'jig rten mgon po la phyag 'tshal lo/ /dang por re zhig sngags pas gdong bkrus nas stan bde ba la 'dug ste/ sangs rgyas la sogs pa bsams la/ skyabs su 'gro ba la sogs pa bya'o/ /bdag ni dkon mchog gsum la skyabs su song ba yin no/ /zhes mos pa byas nas/ sems can ji snyed sems can du bsdus pas yang dag par bsdus la/ sgo nga las skyes pa 'am/ mngal las skyes pa 'am/ drod gsher las skyes pa 'am/ rdzus te skyes pa 'am/ gzugs can nam/ gzugs can ma yin pa 'am/ 'du shes can nam/ 'du shes med pa 'am/ 'du shes med 'du shes med min te/ ji srid du sems can ni khams gsum du btags pas/ btags pa de dag thams cad bdag nyid kyis phung po lhag ma med pa'i dbyings su dgod par bya'o zhes bsam/ de nas oM swa b+hA ba bi shud+d+he(rgyud 'grel): sarbba d+harmA swa b+hA ba bi shud+d+ho haM/ de nas stong pa nyid du bsdu bas bsdus pa tsam gyis bsgoms la de'i 'og tu rang gi snying gar zla ba'i dkyil 'khor /de'i steng du yi ge h+rI(rgyud 'grel): las 'od zer brgya stong 'byung bar bsgoms te/ yang de nyid kyis thog ma med pa nas bsags pa'i 'dod chags la sogs pa'i nyon mongs pa ma lus pa mdza' dag rnam par dag par byas nas bdag nyid kyi snying gar zhugs pa las/ bdag nyid 'jig rten dbang phyug gi sku rgyan thams cad kyis brgyan pa/ sku mdog dkar po phyag bzhi pa/
- 261a
g.yas na bgrang phreng g.yon na pad+ma bsnams pa/ gzhan gnyis kyis thugs kar thal mo sbyar ba'o/ /g.yas su nor bu 'dzin pa sku mdog dang phyag la sogs pa yang de dang 'dra'o/ /g.yon du 'bru drug pa'i rig sngags chen mo phyag bzhi pa ston ka'i sprin lta bu'o/ /de nas oM mahA bu ka badzra satwa/ dza hUM baM ho su ra ta stwaM/ a la la la la ho/ a a a a zhes bya bas byin gyis brlabs pa'i sngags kyi rgyal po brjod par bya'o/ /de ltar bsgoms nas de'i 'og tu 'jig rten dbang phyug gi thugs kar zla ba'i dkyil 'khor la phreng ba 'dra ba dkar po zhal nas gyu zhing lte bar byugs te 'khor lo 'khor ba'i tshul gyis sangs rgyas thams cad kyi yid bzhin nor bu'i rtog pa'i sngags kyi rgyal po 'di mchan ma med pa'i tshul gyis bzlas par bya'o/ /de nas lus g.yo ba dang bcas bar gyur pa la sogs par gyur pa'i rnal 'byor pa dad pa dang snying rje dang/ bla ma la gus pa dang ldan pa ni ring po mi thogs par 'grub par 'gyur ro/ /oM ma Ni padme hUM zhes de ltar bzla'o/ /de nas ldang ba'i dus su sngags 'di brjod pa'o/ /oM badzra satwa sa ma ya/ ma nu pA la ya/ badzra satwa twe no pa tiSh+Tha/ dri Dho me b+ha ba/ su to Sh+yo me b+ha ba/ a nu rak+to me b+ha ba/ su bo hyo me b+ha ba sarba sid+d+hi me pra yats+tsha/ sarba karma su tsa me/ tsit+taM sh+re ya(rgyud 'grel): ku ru hUM ha ha ha ha ho:/ b+ha ga ba na/ badzra mA me muny+tsa/ badzri b+ha ba/ mahA sa ma ya satwa A(rgyud 'grel): de ltar bzlas nas ci bde bar gnas par bya'o/ /yi ge drug pa'i sgrub thabs rdzogs so// //slob dpon chen po pU dza badzras mdzad pa'o// rgya gar gyi mkhan po chen po dAM baM ka ra sh+rI dz+nyA na dang/ lo tsa ba dge slong shAkya blo gros kyis bsgyur ba'o// //*/ /rgya gar skad du/ Argya ba lo ki te shwa ra sA d+ha naM/ bod skad du/ 'phags pa spyan ras gzigs dbang phyug gi sgrub thabs/ rje btsun spyan ras gzigs dbang phyug la/ phyag 'tshal lo/ /stong nyid snying rje las byung ba/ /rnam lnga byang chub che bdag nyid/ /sku gsung thugs kyis thugs? dag pa/ /'jig rten ma bon po mkhas pas sgrub/ /pad+ma zla dbus gzhon nu'i sku/ /skyil krung phyed brkyang 'gying bag brtan/ /zla ba rgyas pa'i zhal mdzes pas/ /sa gsum bdag
- 261b
gir gzigs mdzad pa'o/ /mchog sbyin padmo g.yas dang g.yon/ /rgyal ba'i cod pan rin chen brgyan/ /'od dpag med kyis spyi gtsug mdzes/ /de yi thugs ni pad+mar rgyal/ /h+rI(rgyud 'grel): yig rang sems 'od gsal ba/ /sa gsum sbyangs mdzad yi ge bzhi/ /'khor lo rnam gsum dam tshig bzhi/ /sgyu ma brag ca mkhas 'dra ba'o/ /thugs rje chen po kha sarba Ni'i sgrub thabs tshigs su bcad pa bzhi pa rdzogs so// //*/ /rgya gar skad du/ yo gA sA ra/ rnal 'byor snying po/ dpal 'jig rten dbang phyug la phyag 'tshal lo/ /mi rtag sdug bsngal dran byas nas/ snying rje chen po rab bskyed de/ /spyi bor bla ma snying kar lha/ /rang sems ma yengs bsgom par bya/ /gang shar thams cad de yin te/ /de ni gang duAng ma shar ba'o/ /de phyir gang skyes de ma skyes/ /ma skyes pa nyid skye ba'i tshul/ /gang skyes gnyug ma nyid yin phyir/ /de shar dran pas ma brjed na/ /gang snang stong pa nyid bdag tu/ /rnal 'byor rgyal po gdon mi za/ /ma rtogs 'gro la rang dbang du/ /rnam kun dmigs pa med yid kyis/ /snying rje chen po ngang gis 'grub/ /de yi thabs sbyangs byang chub bzhed/ /rnal 'byor snying po/ rnal 'byor gyi dbang phyug chen po sh+rI dzaka ta mi tra'i gdams pa a'i thI// (//spyan ras gzigs kha sarba Na'i sgrub thabs bzhugs so/) /rgya gar skad du/ sh+rI kha sarba Na lo ke shwa ra sA d+ha naM/ bod skad du/ dpal kha sarba Na 'jig rten dbang phyug gi sgrub thabs/ thugs rje chen po 'phags pa spyan ras gzigs dbang phyug la phyag 'tshal lo/ /rnal 'byor dbang phyug byams pa dang/ /snying rje dga' ba btang snyoms las/ /byung ba'i byang chub sems kyi bdag /'jig rten mgon po la phyag 'tshal/ /de zhabs pad+ma mo la reg pas/ /'jig rten sdug bsngal bsgral ba'i phyir/ /ji bzhin ji ltar bsgrub pa'i thabs/ /mdor bsdus bdag gi bstan par bya/ /mkha' ltar dri med stong nyid dbyings las dbang po gzhu ltar gsal ba'i dngos/ /padmo zla rgyas thugs gsung 'od la dro sgyu ma'i rnam thar sprul pa'i sku/ /rab mdzes sku ni gzi brjid brtan mdzes 'bar ba'i 'od zer dkar 'khrigs pa/ /skyil krung phyed brkyang dul ba'i phyag
- 262a
g.yas mchod sbyin gsal po g.yon gyi phyag /padmo'i sdong mdzes dri med 'dab brgyas gzhon nu sgeg po'i thugs kar 'dzin/ /shel ltar dri med utpal spyan rib? kun nas yid 'phrog 'od 'bar zhal/ /brtan po dkar gsal zla rgyas stong lhag ral pa'i cod pan thub pa'i gdan/ /'bar ba'i rin chen dri med sna tshogs shin tu 'od sbyangs legs spras shing/ /mkha' la nyi shar lham me lhan ne nam mkha' i mthar gtugs 'od 'gyed pa/ /dpe byad mtshan rdzogs gcig bu skyob pa skyabs kyi dam pa slu med ni/ /shin tu rtogs dka' de nyid gzhir gyur snying gi pad 'dab h+rI yig gis/ /gang ba'i phyogs rnams de bzhin de gzugs oM dang A(rgyud 'grel): dang h+rI(rgyud 'grel): dang hUM/ /dkar sogs kha dog dag gi phreng ba yid ni ye shes yig 'bru'i dngos/ /brtse ba'i rlung bskyod ye shes me 'bar 'gro ba'i sdig tshogs bud shing bsregs/ /zhi ba'i ngang ni gnyis med mi g.yo mkha' ltar spros bral rol gcig ro/ /bde chen 'byung gnas ye shes dri med mnyam gzhag chen po bsgom par bya/ /de rjes mchod sogs dag pa'i yan lag cho ga ji bzhin ye shes sems dpa' legs bcug ste/ /rnam gsum 'khor lo dkar dmar sngo tshul go rim ji bzhin sku gsung thugs/ /brtan po'i mtshan nyid dam pa'i zhal bzhin mkhas pas rab tu shes par bya/ /thugs rje chen po khar sarba Na'i sgrub thabs/ grub pa'i brnyes pa'i skyes bu chen po sh+rI shAn+ta ka ras mdzad pa rdzogs so// //bod kyi lo tsa ba gnubs byams pa'i dpal gyis bsgyur ba'o// //rgya gar skad du/ pany+tsa de wa ta thA ga to lo ke sho ra sA d+ha naM/ bod skad du/ de bzhin gshegs pa 'jig rten dbang phyug lha lnga'i sgrub thabs/ rgyal ba lnga la phyag 'tshal lo/ /shin tu rnam dag dang ba'i mtshor/ /rab mdzes sdong bu lnga ldan steng/ /rnam snang rdo rje sems dpas dang/ /rin 'byung 'od dpag med don grub/ /sa rigs rnam dag sna tshogs gzugs/ /dngos gcig rgyal ba lnga la 'dud/ /byang chub sems dpa' i spyod pa khyad
- 262b
par can la gnas pra/ snying rje chen po mdun du byas la/ /thog mkho nar chos thams cad stong pa nyid du rab tu bsgom par bya'o/ /'dod nas ma skyes 'od gsal ba/ /gang shar nyid na ngo bo med/ /chos rnams kun gyi mtshan nyid de/ /bla ma'i drin gyis rtogs par 'gyur/ /gang 'di ltar ngo bo nyid med pa'i chos 'di dag ni zab pa'i phyir rtogs par dka' bas mi shes pa'i/ 'gro ba lnga po ni nges par sdug bsngal ba'o zhes brtags nas/ dmigs pa med pa'i thugs rje chen po rlung gi dkyil 'khor mngon bar bskyod gyur pas/ /skye bo nyon mongs sgrib tshogs sprin kyi phung po shin tu mthug po gtums gyur la/ /tsham tshom med par drag po'i shugs kyis kun tu dral zhing yongs su gtor/ /de yi thabs gyur thugs rje'i dbyings skyes sna tshogs mdzad pa dbyer med cig char sgrub pa yi/ /mgon po dam par rigs kyi lha lnga drim lnga spyod las lnga bsgrub cing stobs la sogs/ /de la dbus sogs sdong 'dab bcas/ /zla ba'i 'khor lo gsal ba la/ /me long gzugs ltar 'bru lnga bsam/ /'phrin las la sbyar skur bskyed do/ /rnam par snang mdzad ni kha ba'i mdog can/ /ji skad 'byung ba'i phyag rgya can h+rI(rgyud 'grel): 'i snying po can 'khor los mtshan pa'o/ /rdo rje sems dpa' ni nam mkha' i mdog can/ ji skad 'byung ba'i phyag rgya can/ hUM gi snying po can rdo rjes mtshan pa'o/ /rin chen 'byung ldan ni gser brtso ma'i mdog can/ ji skad 'byung ba'i phyag rgya can/ tri ga snying po can rin po ches mtshan pa'o/ /'od dpag med ni me lce 'bar ba'i mdog can/ ji skad 'byung ba'i phyag rgya can/ h+rI(rgyud 'grel): 'i snying po can pad+mas mtshan pa'o/ /don yod grub pa ni sA lu ljang pa'i mdog can/ ji skad 'byung ba'i phyag rgya can/ a'i snying po can ral gris mtshan pa'o// 'di dag dbus bcas phyogs rnams su/ /rim bzhin las lnga mdzad pa la/ /brtson pas ting nge 'dzin bzhugs pa/ /bdag spyang ba dang gzhan sbyang gnyis/ /oM a swa pa ra dz+nyA na bi shud+ha kra sa hUM/ 'khor lo lha bu'i sngags so/ /thugs rje chen po lha lnga'i sgrub thabs
- 263a
rnal 'byor gyi dbang phyug chen po sh+rI mi tra a nan ta'i gdams pa rdzogs so// //gnubs lo tsa bas bsgyur ba'o// //*/ /rgya gar skad du/ siM ha nA da sA d+ha naM/ bod skad du/ seng+ge sgra'i sgrub thabs/ 'jig rten dbang phyug la phyag 'tshal lo/ /dang por re zhig sngags pas kha bshal ba la sogs pa byas te/ stan bde pa la 'dug nas/ rang gi snying gar zla ba'i dkyil 'khor du yi ge h+rI(rgyud 'grel): dkar po bltas te/ de'i 'od kyis gla ma dang sangs rgyas dang byang chub sems dpa' rnams spyan drangs te mdun du bsams la/ de'i rjes la mchod pa dang sdig pa bshags pa la sogs byas te/ stong pa nyid bsgom par bya'o/ /oM shU n+ya tA dz+nyA na badzra swa b+ha ba At+ma konyahaM/ zhes pa 'dis byin gyis brlab po/ /de nas skad cig gis paM gyur pa las pad+ma dkar po de'i steng du yi ge siM yongs su gyur pa las seng+ge dkar po de'i steng du zla ba la gnas pa'i yi ge h+rI(rgyud 'grel): las yang dag par byung ba'i 'jig rten dbang phyug seng+ge sgrar bdag nyid bsam par bya/ dkar po 'od dpag med pa'i dang ral ba'i thor cog can spyan gsum pa dka' thub pa'i cha lugs 'dzin pa/ rgyal po chen po'i 'gying bag gis bzhugs pa/ phyag gnyis pa'i g.yon pa na pad+ma gyen du langs pa'i thog na ral gri 'bar ba/ g.yas na rtse gsum dkar po sprul gyis bcings pa/ yang g.yon ngos su dri bzangs sna tshogs kyis bkang ba'i thod pa dkar po/ de bzhin gshegs pa lnga 'phro ba sprul pa'i sku chen por bsam par bya'o/ /bzlas pa'i sngags ni/ oM A(rgyud 'grel): h+rI(rgyud 'grel): siM ha nA da hUM phaT/ de'i rjes su gzungs 'byung bar 'gyur ro/ /na mo ratna tra yA ya/ na ma(rgyud 'grel): Arya ba lo ka ti shwa rA ya/ po d+hi satwA ya/ (mahA satwA ya/) mahA ka ru Ni kA ya/ tadya thA/ oM a ka Te/ bi ka Te/ ni ka Te/ ka Te ka Te/ ka ro TaM/ bidya swAhA/ 'di ni bcom ldan 'das 'phags pa 'jig rten dbang phyug gi spyan sngar snga dro'i dus su ba lci sa la ma lhung bas maN+Dal brgyad byas la maN+Dal ra ra la yang lan bcu gsum brjod par bya/ de nas lci ba lhag ma la sngags lan bdun bzlas la
- 263b
byin gyis brlabs te/ nad gang du byung ba'i sar bskus na nad thams cad zhi bar 'gyur ro/ /nyi ma bdun nam bcu gsum mam nyi shu rtsa gcig byas na mtshams med pa lnga byas pa yin du zin kyang grub par ma gyur na ngas mtshams med pa lnga byas par 'gyur ro// rje btsun seng+ge sgra'i sgrub thabs/ slob dpon tsan+d+ra go mis mdzad pa rdzogs so// //dpal chos kyi bzang pos bsgyur ba'o// // */ /rgya gar skad du/ lo ke shwa ra si ha nA da sto tra/ bod skad du/ 'jig rten dbang phyug seng+ge sgra zhes bya ba'i bstod pa/ 'jig rten dbang phyug seng+ge sgra la phyag 'tshal lo/ /bdag gis 'jig rten nyes pa ma lus dbang gyur ji srid legs pa'i lam la ma bkod pa/ /de srid yang dag 'don phyir bdag ni byang chub mchog tu bgrod par byed ma gyur/ /gang gis khams gsum 'di dag seng+ge sgra chen mchog gis gsal bar gang gyur pas/ /sdug bsngal can dag bskyab phyir thugs rje'i spyan dang seng+ge sgra ldan khyod la bstod/ /ral pa rgya che'i dbyibs can dri me zla 'dra shin tu dkar ba'i zhal mnga' ba/ /bskal pa du mar tshogs bsags brtul zhugs chen po shin tu dag byed dang ldan pa/ /'gro ba ma lus phan mdzad lha dang lha min grub pa rnams kyis rab btud pa/ /shin tu rgya che ba yi sku mnga' khyod la rtag tu gus pas phyag 'tshal lo/ /pad+ma dmar po rgyas pa zla ba'i gzugs dang ldan pa lnga yi gdan/ /seng+ge'i gdan gyi steng na rgyal po'i rol bas rnam par mdzes/ /chos kyi mnga' bdag 'byor bas dri med gsung ni bka' stsal pas/ /'jig rten mgon po 'od dpag med pa'i dpal gyi sku la 'dud/ /g.yas kyi phyag ni pad+ma gsal ba lta bur 'jam pa yis/ /khams gsum nyes pa gsum po zhi bar bya phyir rtse gsum pa/ /'od zer 'bar 'khrigs sprul dang ldan pas rtag tu gang 'dzin pa/ /bdag gi thub pa seng+ge sgra de la ni rtag tu bgyi'o/ /khams gsum po la thugs rje chen po gnas kyang skyon gyis ni/ /khyod la gos pa med kyang de dag spang phyir khyed kyis ni/ /g.yon pa'i phyag gis ral gri dam rdzas dang bcas
- 264a
pad+ma bsnams/ /rgyal ba'i sras po khyod la rtag tu bdag nyid skyabs su mchi/ /nga rgyal la sogs tshogs kyis g.yengs pa'i sems can rnams la ni/ /dmigs nas rgyal ba lnga po yang dag spros nas de rnams la/ /ji lta ji ltar dag pa'i thabs la mkhas pa dag gis mdzad pa ni/ /gang la dgongs pa de mnga' phyag na pad+ma de la phyag 'tshal lo/ /mkhas pa rnams kyis gang la tshig gi go skabs med pa ni/ /thod pa la sogs bral bas khyod la mos dang gus pa med/ /de dag rnams kyis mkhas pa'i mchog nyid dag ni thob pa yi/ /mnyam med dpal ldan seng+ge sgra la bdag ni skyabs su mchi/ /skye ba gzhan gyi mi dge mdze yi rnam par gyur pa rus pa dang/ /sna nas rkang lag srin bus skad 'gags ldan pa dag/ khyod bstod pas ni skad cig gis ni gser mdog lta bu'i lus su gyur/ /thub pa seng+ge sgra khyod la ni de nyid skyabs su mchi/ /klu yi dbang du gyur pa chu lha dbang du mdzad nas ni/ /dus min char dang char med mdze dang skyon dang zhi don dang/ /'gro ba'i don dang don med tshogs dag rab tu sel bar mdzad pa yi/ /brtson 'grus brtan par rab brtsams khyod la kun nas 'dud/ /mang brjod tsam zhig khyod kyi mtshan dang sku dag dang/ /gang zhig la la gus pas 'dzin pa dang ni sems dga' dang/ skye bo de ni longs spyod rgya che ba dag thob par gyur nas kyang/ /srid pa'i rgya mtsho brgal dka' brgal nas mya ngan 'das pa thob par 'gyur/ /ngag gi dbang phyug la sogs gang gis kyang ni rje btsun gyi/ /yon tan phyogs gcig cha tsam bskal pa du ma ru/ /'bad las kyang ni brjod par nus pa ma yin na/ /ji ltar bdag 'dras 'khrus kyang gus byas 'di dag bzod par gsol/ /'jig rten gsum po'i sdug bsngal srog byed/ /mchog gi dges byed can/ /dpal ldan
- 264b
seng+ge sgra yi bstod pa las thob bsod nams gang/ /dpag med kun tu ngo shal rged pa dkar po dang 'dra ba/ /de yis skye bo byang chub 'gyur med go 'phangs myur thob shog /bcom ldan 'das 'jig rten dbang phyug seng+ge sgra'i bstod pa/ /rgya gar gyi slob dpon chen po ti la kas mjad pa rdzogs so// //paN+Di ta de nyid dang lo tsa ba mal gyis bsgyur cing gtan la phab pa'o// // */ /rgya gar skad du/ siM ha nA nga rak+Sha tsa gra nA ma/ bod skad du/ seng+ge sgra'i bsrung ba'i 'khor lo zhes bya ba/ 'phags pa seng+ge sgra la phyag 'tshal lo/ /thugs rje mchog dang ldan pa yi/ /seng+ge sgra la phyag 'tshal te/ /sems can kun gyi nad dang gdon/ /bsrung ba'i cho ga bshad par bya/ /dus dang tshes grangs bzang po la/ /mchod rten maN+Dal bshams nas ni/ /lha yi nga rgyal ldan pa yi/ /ras sam shing lo gro ga la/ /khrag gam rgya skyegs gur gum gyis/ /rim pa lnga ru bskor bar bya/ /dang po pad+ma'i lte ba yin/ /gnyis pa mu khyud phra bar bskor/ /gsum pa cung che pad 'dab brgyad/ /bzhi pa lnga pa'i rim pa ni/ /pad+ma'i phyir la phra ba bya/ /yi ge dgong pa'i sbyor ba ni/ /dbus su raoM gyi sbyor yig dang/ /de mthar ming dang bsrung tshig bri/ /de yi phyir rim mu khyud la/ /dbyangs kyi yi ge bcu drug bri// gsum pa bad 'dab brgyad pa la/ /oM spangs yi ge brgyad po bri/ /rim pa bzhi pa'i mu khyud la/ /gzungs sngags bsrung tshig bcas pa bri/ /rim pa lnga pa'i mu khyud la/ /gsal byed sum cu bzhi pa la/ /bsrung bya las sngags ldan pa dgong de ltar bri ba rdzogs nas ni/ /rab tu gnas pa'i cho ga ni/ /maN+Dal steng du 'khor lo gzhag/ /mchod dang gtor ma gcig btang ste/ /'khor lo'i oM yig las spros te/ /rje btsun 'khor lo'i steng du drang/ /rang gi thugs ga'i sa bon
- 265a
las/ /lha mo lnga la mchod pa dang/ rdzas kyi mchod pa rnam lngas mchod/ /bstod cing bsrung bar gsol ba gdab/ de zhu yig 'bru'i rnam par gyur/ /de la byin brlabs bya phyir sngags bzlas pa/ /oM A(rgyud 'grel): h+rI(rgyud 'grel): saM ha nA da hUM phaT/ che ge mo sarba ka te rak+Sha ku ru shAn+ti puSh+Ti ku ru swA hA/ oM a A/ i a'i/ u a'u/ ri rI/ li lI/ e i/ o aau/ aM a(rgyud 'grel): che ge mo la rak+Sha ku ru shAn+tiM ka ru puSh+TiM ku ru swAhA/ na mo ratna tra yA ya zhes pa'i gzungs dang/ ka kha ga g+ha nga/ zhes pa'i gsal byed la yang maM dang las sngags sbyar te/ sngags de rnams brgya dang rtsa brgyad dam/ /nyi shu rtsa gcig gam thebs bdun bzlas pa la gtor ma btang bsrung bar gsol ba gdab/ /de nas dril te gdag par bya'o/ /de yi rjes la bya ba ni/ /rang gi ye shes bcug gyur na/ /mchod de bzod gsol gshegs par bya/ /rang la byed dam gzhan la 'ang/ /bsrung ba btags pa'i phan yon ni/ /tshe ring bsod nams che ba dang/ /sdig pa thams cad byang ba dang/ /bgegs dang log 'dren 'tsho skyob dang/ /rje btsun bsrungs 'khor byas pa yi/ /dge des sems can bar chad zhi/ /rje btsun seng ge sgra'i bsrung 'khor bla ma'i zhal nas 'ongs pa rdzogs so// (//'phags pa don yod zhags pa bzhugs so/ /) rgya gar skad du/ saM k+Shi ta a mo g+ha pA sha sA d+ha naM/ bod skad du/ don yod zhags pa'i sgrub thabs mdor bsdus pa/ 'phags pa don yod zhags pa la phyag 'tshal lo/ /mgon po h+rI(rgyud 'grel): yig las byung zhing/ /thugs ni thugs rje yis brlan pa/ /don yod zhags pa zhes bya ba'i/ /'jig rten mgon la bdag phyag 'tshal/ /sdig pa bshags sogs byas nas ni/ /stong pa nyid sogs mthar thug pas/ /skad cig rnam pas rje btsun ni/ /ji lta'i gzugs su rnam par
- 265b
bsgom/ sna tshogs chu skyes steng bzhengs nas/ /zhal gcig pa la phyag brgyad pa/ /mi 'jigs pa dang mchog sbyin dang/ /zhags pa bgrang phrang rab mdzes g.yas/ /dbyug pa rtse gsum glegs bam dang/ /pad ma'i spyi blugs 'dzin pa g.yon/ /dka' thub chos 'dzin mdzad pa yis/ /stag gi lpags pas smad dkris pa/ /g.yas g.yon nor bzangs rta mgrin dang/ /sgrol ma khro gnyer can yang ngo/ /mgon po yan lag kun dkar po/ /rab dkar na bzas rnam par spras/ /'od zer dkar pos mnyam par 'khrigs/ /de bzhin gshegs pa lnga 'phro ba/ /'od dpag med dmar cod pan can/ /sems can don mdzad pa la brtson/ /de ltar bsgom par byas nas ni/ /gsang sngags bzlas pas 'dud 'byor ro/ /oM a mo g+ha pA sha h+rI(rgyud 'grel): swA hA/ don yod zhags pa'i sgrub thabs mdor bsdus pa/ kha che'i paN+Di ta chen po shAkya sh+rI b+ha dras mdzad pa rdzogs so// //bod kyi lo tsa ba dge slong rab mchog dpal bzang pos/ drang song srin po rir bsgyur ro// //gtor ma ni rang nyid lha'i rnal 'byor dang ldan pas/ /snod gtsang mar sha khrag dang bral ba'i gtor ma legs par bshams la/ stong pa'i ngang las yi ge paM las byung ba'i rin po che pad ma'i snod du/ gtor ma'i rdzas rnams yi ge A(rgyud 'grel): dkar po las lha rdzas kyi bdud rtsir gyur par bsams la/ oM A(rgyud 'grel): hUM zhes brjod cing ji ltar 'dod par byin gyis brlab par bya'o/ /de nas rang gi snying ka'i sa bon gyi 'od zer gyis 'phags pa don yod zhags pa'i lha rnams mdun gyi nam mkha' la spyan drangs la/ phyag btsal zhing mchod pa sngon du 'gro bas/ /lha rnams kyi stong pa'i rang bzhin las ni yi ge hUM las de nyid kyis mtshan pa'i rdo rje rtse gcig pa 'od zer gyi spu gu dang ldan pas bdud rtsi'i gtor ma 'dren par bsams zhing/ oM a mo
- 266a
g+ha pA sha h+rI(rgyud 'grel): i maM ba liM grih+Na grih+Na ma ma sarba pA paM shan+tiM ku ru swA hA/ zhes lan lnga'i bar du brjod de/ /se gol gyi sgra bya zhing gtor ma dbul bar bya'o/ /de nas yang dag par mchod cing dril bu sgra dang ldan pas mtshan brgya rtsa brgyad kyis bstod de/ mngon par 'dod pa'i don du gsol ba gdab la/ yi ge brgya pa'i sngags brjod cing dge ba'i rtsa ba yongs su bsngo ste/ oM khyed kyis zhes bya ba la sogs pa'i tshigs su bcad pas gshegs su gsol bar bya'o/ /don yod zhags pa'i gtor ma'i cho ga/ kha che'i paN+Di ta chen po shAkya sh+rI b+ha dras mdzad pa rdzogs so// //lo tsa ba dge slong rab mchog dpal bzang pos bsgyur ba// // */ /rgya gar skad du/ po sha ka ra NI ya/ bod skad du/ gso sbyong blang ba/ /'phags pa don yod zhags pa la phyag 'tshal lo/ /sangs rgyas chos dang tshogs mchog la/ /byang chub bar du bdag skyabs mchi/ /bdag dang gzhan don rab bsgrub phyir/ /byang chub sems 'di bskyed par bgyi/ /sdig pa thams cad bshags bgyid cing/ /bsod nams la yang rjes yi rang/ /'phags pa'i gso sbyong yan lag brgyad/ /bsnyen pa la ni spyad par bgyi'o/ /bcom ldan bdag la dgongs su gsol/ /bdag ming 'di zhes bgyi ba ni/ /dus 'di nas gzung ji srid nas/ /nyi ma'i 'od ni ma shar bar/ /srog chags gsod dang gzhan nor 'phrog /mi tshangs spyod dang bden min smra/ /myos pa bskyed dang bzhon pa dang/ /dus ni ma yin pa yi zas/ /phreng ba kha dog glu dang gar/ /khri stan mthon po la sogs pa/ /thams cad bdag gis spang bgyid cing/ /'phags pa'i yon tan brgyad spyad dang/ gso sbyong khrims sdom yi dam 'di/ /sems kyi brgyan sems kyi yo byad rnal 'byor
- 266b
gyi tshogs mchog tu don dam pa'i sangs rgyas nyid/ thob pa la ni 'od 'dis reg gyur cig/ byang chub mchog gi sems 'di bskyed bgyis la/ /sems can thams cad bdag gis mgron du gnyer/ /byang chub spyod mchog yid 'ong spyad nas ni/ /'gro la phan phyir sangs rgyas 'grub par shog/ kha che'i paN+Di ta chen po shAkya sh+rI b+ha dras mdzad pa rdzogs so// //lo tsa ba dge slong rab mchog dpal bzang pos bsgyur ba'o// //rgya gar skad du/ Arya a mo g+ha pA sha po Sha ta bi d+hi aM nA ya/ bod skad du/ 'phags pa don yod zhags pa'i gso sbyong gi cho ga'i man ngag/ 'phags don yod zhags pa la phyag 'tshal lo/ /na ma(rgyud 'grel): AryA ba lo ki te shwa ra ya/ bo d+hi satwA ya/ mahA satwA ya/ mahA ka ru Ni kA ya/ tadya thA/ oM a mo g+ha shI la saM b+ha ra saM b+ha ra/ b+ha ra b+ha ra/ mahA shud+d+ho satwa/ pad+ma bi b+hu Shi ta b+hU dza d+ha ra d+ha ra/ sa man+ta a ba lo ki te/ shwa ra oM A(rgyud 'grel): hUM(rgyud 'grel): phaT swA hA/ gzungs 'di 'phags pa don yod zhags pa'i gso sbyong gi dus su nyi shu rtsa gcig brjod par bya'o/ /de'i cho ga ni dkar po'i phyogs kyi tshes brgyad la brtul zhugs kyi gdams par gyur pas khyad par du bklag par bya ste/ bcom ldan 'das don yod zhags pa la yang dag par mchod cing gsol ba gdab par bya'o/ /chu tshod la sogs kyi khongs su 'o ma dang/ ka ra dang/ dkar gsum gyi zas bza' bar bya'o/ /nyal ba'i dus su ku sha bting ba la seng ge'i nyal thabs kyis mgo la bcom ldan 'das lhag par mos par bya ste/ phyag byas mchod par bya'o/ /tshes brgyad kyi tho rangs shin tu gtsang mar bkrus shing sngags kyis dag par gyur pa dang/ rang gi snying gar zla ba'i dkyil 'khor la gnas pa'i h+rI(rgyud 'grel): yi ge dkar bo'i 'od zer gyi dra ba rang gi lus la sogs pa sna tshogs gsal bar byas nas/ bcom ldan 'das 'khor dang bcas pa spyan drangs par bya'o/ /oM A gats+tsha A gats+tsha b+ha ga bAn a mo g+ha pA sha ra A:
- 267a
sngags 'di yis phyi rol du ba lci la sogs pas byugs pa'i dkyil 'khor bdun po rnams su lhag par mos pas bzhugs par bya ste/ re re la gzungs lan re bklag cing mchod par bya'o/ /mdun du chu'i bum pa bdun dang/ 'bram zas kyi kham por bdun gzhag par bya'o/ /de'i rjes la dag kun bsdams par gyur cing/ dad pa brtan pa'i sems kyis lan dang po bklag par bya'o/ /de'i rjes la gzungs tsam po lan lnga'o/ /bdun pa la sngar rang bzhin du yongs su rdzogs pa nyid do/ /chu tshod bdun gyi khongs su dkar gsum gyi zas bza' bar bya'o/ /de ltar gnyis pa gung gi thun la yang ngo/ /de nas bzhin du thun gsum pa la'o/ /de'i rjes la mchod pa bdun po rnams kyis yang dag par mchod la/ /bskor bar bya zhing yan lag smad lnga'i phyag byas te/ bla na med pa yang dag par rdzogs pa'i byang chub tu bsod nams yongs su bsngo bar bya'o/ /tshes dgu la yang tshes bdun pa bzhin du thams cad byas la/ gso sbyong gi brtul zhugs la rjes su yi rang ba dang/ bsod nams yongs su bsngo bar bya'o/ /tshig 'di yin te/ 'di bdag gis don yod zhags pa'i gso sbyong gi brtul zhugs tshul khrims kyi sdom pa'i yid dam gyi sems kyi rgyan dang/ sems kyi yo byad dang/ rnal 'byor gyi tshogs dang/ sems can thams cad kyi don du bla na med pa'i sangs rgyas nyid thob par gyur cig ces bya ba mchod pa gshegs su gsol te/ /chu tshod bdun gyi nang khongs su dkar gsum gyi zas bza' bar bya'o/ /khyad par ni tshes bdun pa bzhin no// 'phags pa don yod zhags pa'i gso sbyong gi cho ga'i man ngag/ kha che'i paN+Di ta chen po shAkyA sh+rI b+ha dras mdzad pa rdzogs so// //bod kyi lo tsa ba dge slong rab mchog dpal bzang pos bsgyur ba'o// (//phyag na rdo rje'i sgrub thabs slob dpon
- 267b
sangs rgyas gsang bas mdzad pa bzhugs so/) /rgya gar skad du/ sh+rI badzra pA Ni sA d+ha naM/ bod skad du/ dpal phyag na rdo rje'i sgrub thabs/ bcom ldan 'das de bzhin gshegs pa thams cad kyi sku dang gsung dang thugs rdo rje'i bdag po dpal phyag na rdo rje ye shes kyi sku can la phyag 'tshal lo/ /de nas gsang ba'i bdag po dpal phyag na rdo rje mnyes par 'dod pas/ dang por gsang sngags dang/ rigs sngags thams cad 'grub pa'i rgyu dam tshig gi gnas rnams srog gi phyir yang mi gtang bar bsrung bar bya ste/ de la dam tshig ni 'di dag go/ dkon mchog gsum dang byang chub sems/ /sngags dang phyag rgya slob dpon dag/ srog gi phyir yang mi gtang ste/ /de dag mchod cing rim gror bya/ /sangs rgyas bstan la zhugs pa yis/ /dge slong rnams la gus bya zhing lha dang bla ma la mi khro/ /'jig rten lha tshogs mi snang ngo/ /sems can rnams la byams pa dang/ snying rje chen po bskyed nas kyang/ /de yi gnod pa gsal bya zhing/ /bdag la gnod byas bzod par bya/ /ser sna ring du bsal nas ni/ /sbyin pas sems can phan gdags so/ /dam tshig med par gyur pa la/ /sngags dang phyag rgya byin mi bya/ /chang ni btung bar mi bya zhing mdor na bdag dang gzhan rnams la/ /phan pa 'ba' zhig lhur bya zhing/ /khri la nyal bar mi bya'o/ /de ltar dam tshig bsrung ba la 'bad pas dang por mal nas cog por 'dug la chos nyid rnam par dag pa'i sngags lan gsum ma/ /bdun bzlas so/ /oM swa b+hA ba bi shud+d+he d+harmma ta badzra satwa hUM/ de nas mdun gyi nam mkha' la rigs gsum 'khor ba dang bcas pa dang/ /dpal phyag na rdo rje mdun du dmigs la phyag bya ste/ 'di skad gsol ba gdab bo/ /'phags pa thams cad kyis thugs rjes gzigs te/ mgon ma mchis pa dag myur du sangs rgyas grub par mdzad du gsol zhes brjod par bya'o/ /de nas khro bo bsnol ba med pa'i sngags dang phyag rgya dang bcas pas snying ga dang/ lkog ma dang smin mtshams dang spyi bo dang/ gnas gzhir gzhag ste bsrung bar bya'o/ /de nas phyi rol sa la sogs par 'gro bar bya'o/ /lag pa g.yas pa khu tshur bcas la mthe
- 268a
bong bsgreng ba ni khro bo bsnol ba med pa'i phyag rgya ste sngags oM badzra kro d+hA na hUM dza(rgyud 'grel): phyi rol sa la sogs par 'gro ba'i tshe bdud rtsi thab sbyor gyi sngags 'di bar chad med par lan bdun bzlas nas de'i tshe bag med par spyad kyang bgegs rnams kyis mi brdzi'o zhes lung nas 'byung ngo/ /de'i sngags la/ na mo ratna tra ya yA/ na ma ShtsaN+Da badzra pA Na ye/ mahA yak+Sha se nA ba ta ya/ na mo badzra kro d+hA ya/ daMSh+Te tA? Ta b+hai ra ba ya/ a si mu sa la pa ra yA/ pA ra shu pA sha sa trA ya/ tadya thA/ oM a mri ta kuN+Da li/ kha kha/ khA hi khA hi/ tiSh+Tha tiSh+Tha/ band+ha band+ha/ ha na ha na/ grih+Na grih+Na/ gardza gardza/ pi spho Ta ya bi spho Ta ya/ sarba big+h+naM bi nA ya ka naM mahA ga na pa ti dza bi tAM ta ka rA ya hUM swA hA/ phyi rol nas slar log ba dang/ ba lag bkrus te nye reg bya'o/ /lag pa g.yas pa'i thal mo bkan la gud mo dang srin lag yid tsam bkug pa bar du chu blugs la sngags 'dis btab la mgo dang lus kun la gtor la lhag ma rnams btung ngo/ /oM shud+d+he na tu sho d+ha na swA hA/ de nas rgyud dang mthun pa'i gnas yid du 'ong bar khrus byas kyang rung ma byas kyang rung ste/ nyes pa med de tshad med pa bzhi bsgoms pas sems kyi rgyud sbyangs la/ 'gro ba mdza' dag gdon par yid la 'don pas sku gzugs la sogs pa'i spyan snga 'am/ gzhan yang rung ste/ phyag btsal ba dang mchod pa bshams pa dang byang chub tu sems bskyed pa la sogs te rim bzhin byas nas theg pa mchog las mi nyams par bya ba'i phyir skyil mo krung bcas te/ dam tshigs nyams pa ? ba'i phyir dam tshig gsum gyi phyag rgya la sogs pas byin gyis brlabs cho ga 'di bzhin du bya'o/ /de la dam tshig gsum gyi phyag rgya thal mo sbyar la mthe bong gnyis bsgreng ba'o/ /phyag rgya 'di ni rgya chen te/ /sangs rgyas skyob pa rnams
- 268b
kyi yin/ /sangs rgyas kun gyi dam tshig ni/ /phyag rgya 'di la rab tu gnas/ /de'i sngags la/ na ma(rgyud 'grel): sa man+ta bud+d+ha nAM/ a sa me tri sa ma mahA sa ma ye swAhA/ de nas chos kyi dbyings kyi phyag rgyas bdag rnam par dag par bya ba ni lag pa gnyis kyi khu chur bcangs la mthe bong gnyis nang du bcug la 'dzub? mo gnyis bsgreng ngo/ /phyag rgya 'di phyag rgya chen po ste/ chos dbyings rnam par sbyong ba'o/ /de'i sngags la/ na ma(rgyud 'grel): sa man+ta bud+d+ha nAM/ d+harmA d+hu tu swa b+hA ba At+ma ko haM/ rdo rje sems dpar byin gyis brlab pa ni lag pa gnyis sor mo rgyab tu bsnol la/ mthe bong gnyis lag pa g.yas pa'i mthil du gzhug go/ rgyal mchog dpal dang ldan pa yi /chos kyi 'khor lo sbyar ba yi/ /'jig rten mgon po skyob ba yis/ /'khor lo rab tu 'di sgyur ro/ /de'i sngags la/ na ma(rgyud 'grel): sa man+ta badzra naM badzra At+ma ko haM?/ yi ge raM dkar po yang spyi bor bsam mo/ /de nas rdo rje go cha'i phyag rgya dang sngags kyis gnas lngar gtugs na go gyon bar 'gyur ro/ /de'i phyag rgya la thal mo sbyar la mdzub mo gnyis gung me'i rgyab tu sbyar mthe bong gnyis gung mo la sbyar ro/ /sngags ni/ na ma(rgyud 'grel): sa man+ta badzra nAM/ badzra ka ba tsaM hUM/ de nas bgegs thams cad rnam par sel ba mi bzad pa'i rig sngags chen mo rjes su 'breng bar bya ba'i phyag rgya ni thal mo sbyar la mdzub mo gnyis bkug ste nang du gzhug gung mo gnyis rtse sbrang srin lag gnyis brkyang mthe'u chung gnyis cung zad dgug pa ni bsrung ba chen mo'i phyag rgya ste/ sngags la/ na ma(rgyud 'grel): sarba ta thA ga te b+hyo sarba b+ha ya bi ga te b+hyo bi shwa mu kha b+hya: sarba ta thA haM khaM rak+Sha ma hA ba le/ sarba ta tha ga ta pu ne nir dza te/ hUM hUM tra Ta tra Ta/ a pra ti ha te swA hA/ bgegs dang ngan khrid thams cad dang/ /srin po 'jigs pa'i gzugs can rnams/ /'di ni dran pa tsam gyis kyang//
- 269a
de dag thams cad 'byer bar byed/ de nas yon chab kyi snod chu gtsang ma dang dri chu dang me tog bzang pos bkang la chos kyi dbyings kyi yi ge dang/ rigs kyi snying po dang 'phags pa mi g.yo ba'i sngags kyis btab ste/ g.yon phyogs su gzhag go /bsang gtor dang mchod pa'i yo byad gzhag go /de dag kun yang bsang ba dang sbyad pa'i phyir mi g.yo mgon nam/ bdud rtsi thab sbyor gyi sngags kyis gdab bo/ /de nas bskrad pa dang mtshams bcad pa dag byas te bsgom par bya'o/ /bskrad pa dang mtshams bcad pa yang de dag nyid kyis bya'o/ /chos kyi dbyings kyi yi ge raM/ /rigs kyi snying po badzra d+h+ri ka /mi g.yo ba'i phyag rgya ni lag pa g.yon pa'i khu tshur bcangs la 'dzub mo dang gung mo gnyis brkyang la/ srin lag dang mthe'u chung gnyis kyi rtse mo mthe bos mnan la lag pa g.yas pa yang de bzhin du byas te mdzub mo dang gung mo gnyis g.yon pa'i mthil du gzhag go / mi g.yo mgon po'i ral gri shubs su bcug pa ste/ bskrad pa'i tshe ral gri shubs nas phyung nas g.yon nas bskor/ mtshams bcad pa'i tshe g.yas nas bskor sngags la/ na ma(rgyud 'grel): sa man+ta badzra nAM a tsa la kA Na tsaN+Da mahA ro Sha Na spho Ta spho Ta ya hUM/ tra Da haM maM lan gsum bya'o/ /bdud rtsi thab sbyor gyi sngags dang phyag rgya thal mo sbyar nas gung mo gnyis rtse sprad de brkyang mthe'u chung bsnol te nang du bcug pa'i nang du srin lag gnyis gzhag pa'i rtse mo mthe bong gnyis kyis mnan la mdzub mo gnyis gung mo'i phyi rol nas rgur por byas te nas gang tsam ma reg par bya'o/ /bdud rtsi thab sbyor phyag rgya rtse gsum pa las thams cad pa ste las kun la 'dis sbyar ro/ /
- 269b
sngags ni oM a mri ta hUM phaT/ yang na sngar gyi sngags mang pos sbyar ro/ /de nas rdo rje sems dpa' i skyil mo krung du 'dug la snying kar zla ba'i dkyil 'khor la yi ge ba bsams te/ de las chos thams cad tshig gi lam dang bral lo zhes sgra byung nas dngos po thams cad stong par bsgom/ de las 'od zer spro ba dang bsdu ba'i rim gyis bdag nyid bcom ldan 'das phyag na rdo rje'i sku re ba thams cad yongs su skong bar byed pa/ mdog me tog pri yang ku ltar ljang ser ram/ yang na rin po che markata ltar ljang sngon phyag gnyis pa dbu rgyan can rgyan thams cad kyis brgyan pa stod g.yogs dar la smad g.yogs dar ba ti 'am/ dar tshigs gu bsnams pa 'od zer gyis bskor ba gzi brjid dang ldan pa phyag na ye shes kyi rdo rje rtse lnga pa bsnams par bsgom mo/ /chos kyi dbyings kyi yi ge raM dkar po yang spyi bor bsam mo/ /mi gnyis su traM dmar po gzhag ste/ byams pa'i lta bas blta bar bya'o/ /de nas brtan par bya ba'i phyir nyid kyi phyag rgya bcings te gnas lnga ru gtug go /lag pa gnyis khu tshur bcangs la gung mo gnyis gzhibs te bsgreng/ /mdzub mo gnyis bkug la ngos gnyis su gzhag la rdo rje ltar bya'o/ /mthe bong gnyis dang mthe'u chung gnyis gzhibs ta bsgrengs la gzhag srin lag gnyis lag pa'i nang du gzhug go /phyag rgya chen po rdo rje'i rgya/ /mi shes grong khyer 'jigs pa ste/ /sangs rgyas rnams kyi ye shes 'di/ /nyid kyi byin gyis brlabs te bstan/ /phyag na rdo rje'i phyag rgya ste/ rdo rje la'o/ /sngags la na ma(rgyud 'grel): sa man+ta badzra nI? tsaN+Da? ma hA ro Sha Na hUM/ de nas yan lag rdzogs par bya ba'i phyir gtsug gyi phyag bcings la spyi gtsug tu gzhug go /lag pa gnyis khu tshur bcings la gung mo gzhibs te bsgreng mdzub
- 270a
mo gnyis ngos nas bkug ste sbyar ro/ /gtsug tor phyag rgya rgya che ste/ /gtsug tor zhes ni grags pa yin/ /'di ni bcings pa tsam gyis kyang/ /rgyal ba'i mchog tu gyur pa yin/ /de'i sngags la/ na ma(rgyud 'grel): sa man+ta badzra nAM hUM hUM/ de nas ye shes kyi spyan bsgrub bo/ /lag pa g.yas pa khu tshur bcangs la gung mo srin lag brkyang ste mthe bong gi drung du gzhag go /'di ni sangs rgyas mgon rnams kyi/ /ye shes byung spyan yin te mig gi steng du mkhas pas gzhag /de las ye shes sbyin du gyur/ /de'i sngags la/ na ma(rgyud 'grel): sa man+ta bud+d+ha nAM/ ga ga na spha ra Na k+Sha Na/ ka ru mahA ta thA ga ta tsak+Shu swAhA/ de nas yum gyi phyag rgya bcings la gnas sngar gtug go /lag pa gnyis khu tshur bcangs la gung mo gnyis gzhibs te bsgreng mdzub mo gnyis gung mo'i phyi rol nas bkug la bar nas gang tsam gyis ma reg par bya/ mthe bong gnyis srin lag gnyis dang mthe chung gnyis nang du gzhug go / 'di ni yum mA ma kI'i phyag rgya ste rdo rje rtse gsum pa'o/ /de'i sngags la na ma(rgyud 'grel): sa man+ta badzra nAM dri Dha dri Dha tiSh+Tha tiSh+Tha dza yan+te swA hA/ de'i 'og tu rdo rje go cha'i phyag rgya bcings la go bgo ste phyag rgya dang sngags gong du bstan no/ /de nas mdun du gzhal med khang bsams te/ de'i rim pa yang dang por chos kyi dbyings kyi yi ger raM gyis gnas kun stong pa'i rang bzhin gyis rnam par dag par bsams la de'i 'og tu nam mkha' i dkyil 'khor du yi ge a gser gyi mdog can las gser gyi sa gzhi gru bzhi pa dang rdo rje'i rang bzhin can rdo rjes mtshan ma brgya dang khyon dpag tu med par bsam mo/ /de'i steng du pad+ma dkar po 'dab ma brgyad pa'i steng du yi ge ba mdog dkar po gangs dang shel lta bus dang cing gsal
- 270b
ba las chu'i rgyun 'o ma dang mu tig gi 'bru lta bu yan lag brgyad dang ldan pa 'byung ba/ /gser gyi sa gzhi bkang ste dpag tu med pa'i rgya mtsho chen por gyur par bsam mo/ /de'i nang nas yi ge laM las ri rab chen po sna bzhi las grub pa gru bzhi pa rgya dang khyon dpag tu med par 'byung ba'i steng du rin po che sna bdun gyi gzhal med khang rtsegs ma'i nang na pad+ma dang seng+ge'i gdan chen po pad ma'i gdan mang pos bskor bar bsams te/ de dag ji ltar bsams pa bzhin du gyur par sngags 'dis byin gyis brlab po/ /na ma(rgyud 'grel): sa man+ta bud+d+ha nAM/ oM a na ma(rgyud 'grel): sarba ta thA ga te b+hyo bi shwa mu khe b+hya(rgyud 'grel): sarba tatgaM ud+ga te spha ra Na hi maM ga ga na khaM swA/ /'di ltar de dag thams cad de bzhin du gnas par 'gyur ro/ /yang na nam mkha' mdzod kyis kyang de bzhin du gnas par 'gyur ro/ /de nas bcom ldan 'das phyag na rdo rje spyan drang par bya ste/ nyid kyi dam tshig gi phyag rgya bcings nas mtho bo gnyis nang du g.yab cing sngags 'dis rang gi pho brang nas spyan drang bar bya'o/ /na ma(rgyud 'grel): sa man+ta badzra NAM/ e hye hi b+ha ga bAn ma hA kA ru NI ka badzra pA NI sa pa ri bA ra sa ma ya satwaM/ de nas gshegs te mdun gyi nam mkha' la dmigs la sngar bstan pa'i dam tshig gsum gyi sngags dang phyag rgya dang/ rang gi phyag rgya dang yum gyi phyag rgya rnams bstan te so so'i sngags brjod do/ /de nas dam tshig can du gzigs pas mnyes par bya ste/ gzhan la phan 'dogs par bzhed pas sngags pa ji srid 'dod pa de srid du byin gyis brlab po/ de nas 'phags pa mi g.yo mgon nam bdud rtsi thab sbyor gyi sngags dang phyag rgyas snga ma gnas pa dang/ phyi nas 'brangs pa'i bgegs rnams bskrad par bya'o/ /de nas gzhal med khang gi nang du gshegs par bya ba'i phyir mchod yon sngags kyis btab pa blangs la/ tshigs su bcad pa 'dis mchod yon sprang zhing nang du byon par bsam mo/ /bdag gi dad dang
- 271a
dam tshig gis/ /tshur gshegs tshur gshegs bcom ldan 'das/ /bdag gi mchod yon bzhes nas kyang/ /'di nyid du ni bzhugs su gsol lo/ /de nas byon de dbus kyis pad+ma dang seng+ge'i gdan la dpal phyag na rdo rje dang 'khor gyi pad+ma'i gdan rnams la gsang sngags dang khro bo la sogs pa dpal phyag na rdo rje'i zhabs 'bring gi 'phags pa rnams bzhugs su gsol lo/ /de nas ?? kyi snod du spos chu gtsang ma blugs la zhal dang zhabs bsil dbus par bya'o/ /de'i sngags la oM bra ba ra satka ra pra tIts+tsha swAhA/ bdag kyang 'phags pa'i 'khor gyi nang na 'dug par bya'o/ /'phags pa'i pho brang gi phyi rol du 'phags pa mi g.yo ba'i 'am/ /bdud rtsi thab sbyor gyi sngags dang phyag rgyas mtshams bcad do/ /de nas 'phags pa'i tshogs la phyag bya ste/ tshigs su bcad pa 'di brjod do/ /mchod rnams rim pa bzhin du dbul/ /bcom ldan thugs rjes byon pa legs/ /bdag ni bsod nams skal bar ldan/ /bdag gi mchod yon bzhes nas kyang/ /thugs rjes thugs dpag mdzad du gsol/ /zhes dang por mchod yon dbul bar bya'o/ /de'i sngags ni oM sarba de ba ta thA a tsi ta a mri ta da rA ya swAhA/ de nas dri dbul te/ gtsang zhing gtsang mar sbyar ba yi/ /lha rdzas dam pa'i dri mchog dag /bdag gi dad pas dbul las kyi/ /bzhes nas bdag la dgyes par mdzod/ /A ha ra A ha ra b+ha ga bAn sarba bidya d+ha ra pu dzi ti swA hA/ zhes sngags 'dis tshigs bcad kun gyi mjug la brjod/ de nas me tog dbul te/ gtsang zhing gtsang mar skyes pa yi/ /lha rdzas dam pa'i me tog 'di// bdag gi dad pas 'dul lags kyis/ /bzhes nas bdag la dgyes par mdzod/ /de nas bdug sbos dbul te/ nags tshal bcud ldan yi gar 'ong/ /dri zhim rgyas pa'i bdug pa'i mchog /bdag gi dad pas 'dul lags kyis//
- 271b
bzhes nas bdag la dgyes par mdzod/ lha bshos dbul te/ sman rnams bcud gtsang yi ger 'ong/ /sngags kyi zhal zas bshos 'di dag /bdag gi /dad pas 'bul lags kyis/ /bzhes nas bdag la dgyes par mdzod/ /mar me dbul te/ gdon rnams 'joms shing bkra shis pa/ dge zhing mun pa rnams sel ba/ /bdag gi dad pas 'bul lags kyis/ /bzhes nas bdag la dgyes par mdzod/ /a lo ke sarba bi b+hyA d+ha ra pU dzi te hUM swA hA/ dri la sogs pa dngos su ma 'byor na yang/ de dag gi phyag rgya bas? la yid kyi 'jig rten gyi khams thams cad khyab pa'i mchod pa bya'o/ /de la mchod yon gyi phyag rgya ni thal mo bkan la mdzub mo gnyis gung mo'i tshigs gsum par sbyar la srin lag gnyis dbus su bkug la mthe bong gnyis glor sbyar ba 'di ni bdud rtsi rgyun gyi phyag rgya ste mchod yon gyis sbyar ro/ /dri'i phyag rgya ni lag pa g.yas pa mi 'jigs pa'i phyag rgya bya ste/ lag pa g.yon pas g.yas pa'i 'khrigs ma nas gzung ba'o/ /me tog gi phyag rgya ni lag pa gnyis sor mo phan tshun bsnol la lag pa'i nang du bcug la mdzub mo gnyis rtse mo gnyis gcig tu sbyar la gdu bu'i tshul du byas la mthe bong glor gzhag ste thal mo ltar bya'o/ /bdug spos kyi phyag rgya ni lag pa gnyis kyis mthe chung dang srin lag dang gung mo'i sor mo rnams phan tshun du rgyab tu sbyar te so so'i sor mo'i drung du bkug nas mdzub mo gnyis gzhibs te bsgreng/ mthe bong gnyis glor gzhad ge/ lha bshos kyi phyag rgya ni bzed pa'i thal mo las mdzub mo cung zad bkug pa'o/ /?? phyag rgya ni mthe bong dang gung mo'i sor mo gnyis gcig tu sbyar te gtong la lhag ma rnams khu tshur du bya'o/ /mchod yon gyi sngags ni/ na ma(rgyud 'grel): sa man+ta bud+d+hA nAM ga ga na sa ma ye swAhA/ dri'i sngags ni na ma(rgyud 'grel): sa man+ta bud+d+hA nAM/ bi shud+d+ha gand+hed+d+hA bA ya
- 272a
swA hA/ me tog gi sngags ni/ na ma(rgyud 'grel): sa man+ta bud+d+ha nAM/ ma hA mu dra mud+ga te swA hA/ bdug pa'i sngags ni/ na ma(rgyud 'grel): sa man+ta bud+d+hA nAM/ d+harma d+hA tu mud+ga te swA hA/ lha bshos kyi sngags ni/ na ma(rgyud 'grel): sa man+ta ta thA ga te pU dza pU dza na sa ma ye hUM/ mar me'i sngags ni/ na ma(rgyud 'grel): sa man+ta bud+d+haM nAM/ ta thA ga ta a tsi spha ra Na a ba b+ha sa ga ga me da ra ye swA hA/ 'di dag kyang mchod pa tsam du zad do/ /bdag gi nus pa dang 'jig rten na bsngags pa'i mchod pa rgya chen po gzha? dag kyang ci 'byor pa dbul lo/ /de nas mchod pa spyi'i phyag rgya bcings te/ sems rab tu dang ba'i sgo nas yid kyis mchod pa rgya chen po byas te/ de'i thabs kyang sangs rgyas dang byang chub sems dpa' thams cad kyi mthu dang/ chos kyi dbyings byin gyi mthu dang/ bdag gi bsod nams dang ye shes dang smon lam gyi mthu dang/ dam pa'i chos kyi dbyings kyis khyab pa'i mchod pa chen po'i sprin chen po dang/ rgyan dam pa dang/ bstod pa sna tshogs pa rnams 'phags pa thams cad kyi 'khor gyi dkyil 'khor du 'byung zhing de bzhin gshegs pa thams cad kyis byin gyis brlabs par gyur cig ces bsam zhing tshig tu yang brjod la/ mchod pa'i sprin chen po 'byung bar byed pa'i rig sngags 'di lan gsum brjod do/ /mchod pa spyi'i phyag rgya ni lag pa thal mo khong stong du sbyar la spyi bor gzhag go /'di'i sngags la/ na ma(rgyud 'grel): sa man+ta bud+d+ha nAM/ a b+hi sa ma ye spha ra Na hi maM ga ga na khaM/ d+harmA d+hA tu A kA sha sa man+ta ya/ sarba ta thA ga ta pa ri shud+d+ha maN+Dal/ ma ma pra ti pu n+na dz+nyA na ba len+ta sarba ta thA ga ta a d+hiShthA Na ba le ny+tsa swA hA/ de ltar mchod pa'i sprin chen po 'phags pa thams cad kyi dkyil 'khor du de bzhin du gnas par 'gyur bar yid ches par bya'o zhes bcom
- 272b
ldan 'das kyis gsungs so/ /de nas rdo rje dril bu lag tu blangs la dril bu dkrol zhing bstod pa 'dis bstod do/ /dpa' bo chen po thabs brnyes pa/ /sku gsung thugs ni rdo rje yis/ /rdo rje mchog gi lam ston pa/ /rdo rje rgyal po phyag 'tshal bstod/ /ye shes gnyis med tshul 'chang zhing/ /theg mchog rtogs par thugs su chud/ /gsang sngags rgyal po gsang 'dzin pa/ /gsang ba'i bdag po phyag 'tshal bstod/ /stobs po che la drag shul che/ /rig sngags rgyal po dge ba po/ /gdul dka' ba dag 'dul mdzad pa/ /rdo rje bsnams la phyag 'tshal bstod/ /de nas byang chub tu sems bskyed pa dang/ sdom pa gzung ba la sogs pa bya ste/ 'di skad du 'dod pa'i don la gsol ba gdab po/ /bcom ldan 'das bdag sangs rgyas dang byang chub sems dpa' thams cad la skyabs su mchis kyis bdag la thugs brtse bar gzigs te/ 'gro ba lus pa bskyab pa'i mthu bdag la stsol cig ces brjod do/ /de nas 'jig rten gyi khams ma lus par sems can gyi don du 'gyur bar bya ste/ 'jig rten gyi khams phyogs bcu'i zhing rab 'byam thams cad du sems can gyi don mdzad pa kha dog dang tshul dang/ spyod lam rnam pa sna tshogs su ldan pa kun tu bzang po'i sprul pa mang po rab tu 'byung bar gyur cig des kyang sems can thams cad kyi phyi nang gi don thams cad rab tu zhi zhing de bzhin gshegs pa thams cad kyis rab tu bsngags la 'jig rten dang 'jig rten las 'das pa'i phun sum tshogs pa thams cad kyang de dag gis thob par gyur cig par bsams nas byin gyis brlab pa gsum gyis byin gyis brlab po/ /sems can gyi don gyis rlob pa'i rig sngags nam mkha' mdzod du byung bar mdzad pa 'di lan gsum brjod do/ /na ma(rgyud 'grel): sarba ta thA ga ta b+hyo/ bi shwa mu khe b+hya(rgyud 'grel): sarba tatkhaM ud+ga te spha da Na hi maM ga ga na khaM
- 273a
swA hA/ 'dis lan gsum bzlas pas ji ltar bsams pa'i don rnams sems can gyi khams rnams su de bzhin du 'gyur bas sangs rgyas dang byang chub sems dpa' rnams kyis mkhyen gyi gzhan shes rab chung ba rnams kyis mi shes so shes bcom ldan 'das kyis gsungs so/ /de bas na byang chub sems dpa' i theg pa pa rnams kyis yid ches par bya'o/ /de ltar de bzhin gshegs pa rnams mnyes par bya zhing 'gro ba ma lus pa'i don byas pa des bdag gi lha'i phyag rgya dang sngags kyi yi ge bkod pa la sogs pas bdag nyid lha'i skur bsgyur la yi ge khaM dkar po de'i spyi bor gzhag ste mdun du lha bzhugs pa'i thugs kar bzlas pa bya ba'i yi ge phreng ba bkod la dbugs dang dran pa rab tu bsdams nas slar sdud pa'i tshig gis non par yid la 'am shub bur mi drag mi ngal bar mi skyo bar ci tsam 'dod pa'i bar du bzlas bar bya'o/ /bzlas kar nyid kyi dam tshig gi phyag rgya bcings te bdag dang lha'i thugs kar gzung la de nas nor bu lag pa g.yas pas blangs nas snyim par bcug la bdud rtsi thab sbyor gyi sngags bzlas te de'i 'og tu yang yum bzlas snying ga'i thad kar bzung la bzlas pa re la nor bu re re bgrang zhing mgo mjug tu phyag bya'o/ /na ma(rgyud 'grel): sa man+ta badzra nAM tsaN+Da mahA ro Sha Na hUM/ ji skad bstan pa bzhin ma nus na yang sangs rgyas dang/ byang chub sems dpa' thams cad la phyag 'tshal bar dmigs te/ sems can gyi don phun sum tshogs par 'gyur bar dmigs shing bzlas so/ /de nas ngal lam gtong bar 'dod na bzlas ba btang ste bzlas pa rnams yid kyis dpal phyag na rdo rje la gtams pa'i tshul gyis phul la las kyi rdo rje
- 273b
sems dpar bsgyur te/ 'phags pa rnams la mchod pa ji skad bstan pa bzhin du bya zhing dge ba'i rtsa ba yang rgya cher bsngo'o// //'phags pa rnams la mchod pa'i phyir bdag las kyi rdo rje sems dpar byin gyis brlab pa ni/ na ma(rgyud 'grel): sa man+ta badzra nAM zhes bya'o/ /de nas mchod yon dbul te/ 'di skad brjod pas dpal phyag na rdo rje 'khor dang bcas pa slar gshegs su gsol lo/ /gdon mi za bar bdag la yang/ rjes su brtse bar dgongs nas ni/ /rgyal ba sras dang bcas pa rnams/ /ci bde ba yang gshegs su gsol/ /de nas dam tshig gsum gyi phyag rgya spyi bor gyen du dkrol/ sngar dam tshig gi phyag rgyas bzhugs pa rnams gshegs par bya'o/ /mtshams bcad pa yang yid kyis dgrol lo/ /de nas chos kyi dbyings kyi phyag rgyas chos kyis dbyings su byin gyis brlabs la/ rdo rje sems dpa' i sngags dang phyag rgyas las kyi rdo rje sems dpar byin gyis brlab bo/ /spyi bor chos kyis dbyings kyi yi ge ra yig bsam mo/ /rdo rje go cha'i phyag rgyas kyang go bgas la ksangs rgyas dang/ byang chub sems dpa' thams cad la phyag byas nas dge ba'i/ las bya bar rab tu bsam zhing ldang ngo/ /langs nas kyang mdo sde zab mo klag pa la sogs pa dge ba'i las ci nus pa bya'o/
- 274a
de nas zas za ba'i tshe na bdag nyid rigs kyi snying pos bsrungs la sngags 'di bzlas la lan gsum btab ste chos kyi dbyings kyi yi ges sbyangs la zas kyis ro la ma chags par rigs pa dang ldan par ran par bza' o/ /na ma(rgyud 'grel): sa man+ta bud+d+hA nAM/ oM a mri tod+d+ha bA ya swA hA/ nyal ba'i tshe na yang rigs kyi yum gyi snying pos bsrungs nas/ blo g.yas pas nyal lo ji skad bstan pa bzhin du ma nus pas mnyes par bya mi nus so snyam pa'i bsam pa mi bskyed do/ /dpal dang ldan pa'i skal ldan pas/ /zhabs la gtugs nas bsdus pa yin/ /rnam dag lam chen mdzod yin pas/ /skal ldan byang chub mchog gis spyad/ /dpal phyag na rdo rje sgrub pa'i thabs slob dpon sangs rgyas gsang bas mdzad pa rdzogs so// //paN+Di ta chen po de nyid dang/ lo tsa ba 'jam dpal go chas bsgyur cing gtan la phab pa'o// (//phyag na rdo rje gos sngon po can gyi sgrubs thabs dngos grub nye ba bzhugs so/) /rgya gar skad du/ nA lAM ba ra d+ha ro ba sid+d+ha nA ma/ bod skad du/ gos sngon po can gyi dngos grub nye ba zhes bya ba/ bcom ldan 'das gos sngon po can la phyag 'tshal lo/ /bla ma dang ni rdo rje 'dzin/ /thugs rje chu rgyun bdag po la/ /rtag tu brjed med yid kyis mos/ /mchod rten sngon po'i gdams ngag bshad/ rnal 'byor brtson 'grus drag po yi/ /dbang dang gdams ngag thob nas kyang/ /myur du nus pa 'byung ba dang/ /dngos grub rnam gnyis nye ba'i phyir/ /nye bya sku gdung mchod rten bsgrub/ /rnal 'byor dam tshig la gnas pa/ /bla ma'i man ngag byin brlabs kyis/ /'grub ste the tshom mi bya'o/ /rgyu dang byin gyis brlabs pa dang/ dbang bskur ba dang mchod pa dang/
- 274b
bskor ba bya dang yon tan no/ /gser dngul zangs lcags dung yang rung/ /rwa shing 'dags pa la sogs pa/ /hUM gi bskyed rim ldan pa yis/ /drag po'i tor tshogs mdun du ni/ dbang bskur chas bsgyur ? bo yis/ /bai DUrya 'dra legs par byug bum pa'i nang du rgya shog/ /sku gsung thugs dang yon tan las/ /snying po thams cad bris te gzhug/ bla ma grub thob brgyud pa dang/ /rtsa ba'i lha yi mtshan dag dang/ /ming dang gsang mtshan gzhug pa ni/ /sku gdung byin brlab snying po gzhug/ sreg shing la sogs me tog phreng/ /mdzes pa'i rgyan gyis spras par bya/ /dbang bskur du ma gzhung bzhin bya/ /mchod pa phyi nang rtag tu dbul/ /gsal zhing ma 'dres thig le ste/ de las saM b+hyo ka ya lnga/ /de nyid mchod rten dag tu bstim/ /brgyud pa'i bla ma'ang de bzhin no/ /gtso bo 'khor gyis bskor ba ste/ shin tu gsal bar de bzhin bsgom/ /brgya stong nus tshad bzlas shing bskor/ /lha tshogs bla ma'i thugs ka nas/ /'od zer byung ba kun tu 'phros/ /mdza' yas sgrib bsregs dag par sprul/ /slar 'dus rang gi lus la thim/ /rtog sgrib rags pa ji snyed pa/ /skad cig gis bsregs sbyangs nas ni/ /rang lus shel gyi nor bu bzhin/ /gsang ba nyi shar rdo rje bgo/ phyag dang gsol bstod me tog mchod/ /thog med sgrib bsreg dngos grub nye/ /khyad par du ni yi dam myur/ /sgrib pa sbyangs pas mi 'dod yal/ /rtag tu bzlas pa bskor ldan pas/ bskor bas lus kyi sdig pa 'dag/ bzlas ? dag gi sdig pa 'dag /dag pas 'dod pa phyogs med 'phel/ /mdor bsdus phrin las rnam bzhi 'grub/ /rang sems chos sku lhar ldan pa/ /mchog dang thun mong 'di la sbyor/ /snod kyi bye brag ldan par sbyin/ /legs nyes rin chen bdug dang
- 275a
mtshungs/ /de nas gsang sngags legs par sba/ /snod ldan rnams kyis 'grub par shog/ slob dpon klu sgrub kyis mdzad pa'i dngos grub nye bar byed pa'i mchod rten gyi man ngag rdzogs so// //rgya gar gyi paN+Di ta dI paM ka ra sh+rI dz+nyA na dang/ bod kyi lo tsa ba rgya brtson 'grus seng ges bsgyur cing zhus te gtan la phab pa'o// //mthu stobs kyi bdag po dpal phyag na rdo rje la phyag 'tshal lo/ /gang gi stobs kyis gdug pa 'joms byed pa/ /mthu stobs dbang phyug rdo rje can la 'dud/ /'gro ba 'di kun phal cher gnod mang ba/ /de sel bdud rtsi 'di ni brjod par bya/ /rig pa 'dzin pa nyams dga' i phyogs 'dug nas/ /rnam par sbyangs pa'i sa gzhi dag pa la/ /rab sngo mchod pa'i rten sogs mdun byas nas/ /thub dbang rdo rje'i bdag po'i go 'tshad ba/ /bsod nams tshogs bdun rab tu rdzogs byas nas ni de rjes su/ /sngar nyid pad+ma'i rang bzhin snying nyid paM las der bsam bya/ /de dkyil raM las byung ba'i tsha zer can ni dmar ba bltas byas nas/ /der mi srog gi rang bzhin ye shes lnga yi dngos nyid yi ge blta/ /'og tu dbugs nyid yaM yig las skyes rab sngo gzhu 'dra ba/ g.yo ba'i ba dang gyis mtshan nyid de g.yos pa yis ni rab dkrugs nas/ me yi rang bzhin nyi ma yang ni sbar byas hUM yig gis ni 'bar gyur pas/ /mthong dang reg pa'i dus sogs rgyu can nang kyi dngos bsregs nas/ /rab tu tsha ba'i me lhe'i sgra las rig pa'i sgra bsgrog la/ /ma yengs sems kyis skyon ? sngags ni rab tu bzlas byas nas/ /dbugs ni 'byung dang rdub ba'i rlung gis lus kyi steng lag cha ni rim bzhin bsreg/ zla drug goms pas lus la drod thob la sogs mtshan ma bzang brnyed/ /gso bar dka' ba'i nad
- 275b
rnams 'joms 'gyur sa mchog rnams kyang rim gyis 'thob/ /langs nas gza' tshe kha zas tshogs na gang gnod shar bsam bsreg par bya/ /'phags pa klu sgrub kyis mdzad pa rdzogs so// //rdo rje 'dzin la phyag 'tshal lo/ /lag pa brdabs pa'i sgras 'jigs pa'i/ /rdo rje bya ba'i las tshogs ni/ /rdo rje 'dzin par bsgom nas kyang/ /bsam brgyud rang gi lag mthil la/ /a dang ma las dkyil 'khor bskyed/ /maM las sna tshogs rdo rjer bsam/ /mu khyud rdo rje'i bum dkyil la/ /thun mong khyad par gsang sngags bsam/ /ser mo hUM las bde gshegs sku/ /mtshan rnams dag dang yang dag ldan/ /dpe byas bzang po brgyad cus spras/ /me yi mkha' la rnam par bzhugs/ /me dpung chen po'i ting nge 'dzin gyis/ /nad dang gdon dang dug sogs la/ /lcags kyu'i ting 'dzin sbyor ba yis/ /dbyung ba'i tshul du phyung nas kyang/ /zhi ba'i gzugs brnyan dag la bstim/ /dkar gsum klu sman dag dang bcas/ /gang gnod phyogs su bskyal bar bya/ /mngon spyod drag po'i phrin las ni/ /rdzus skyes tshul du bskyed byas la/ /gang dmigs gzugs dang rten du bcas/ /phyud ste khyad par gsang sngags bzlas/ /bsreg dang sbyang dang brdung byas la/ /lag pa brdabs pas sgras 'jigs 'gyur/ /rdo rje bya ba pa'i las tshogs/ rje btsun klu sgrub kyis mdzad pa rdzogs so// //bcom ldan 'das dpal phyag na rdo rje la phyag 'tshal lo/ /de yongs su bsnyen par 'dod pa'i rig pa 'dzin pas/ /bsam gtan gyi khang par maN+Dal sngon po bya ste/ mchod rten sngon po dang/ rta gtor dang/ mchod rdzas dang/ rten khyad par can bzhag la/ dang po khrus byas la/ de nas skyabs su 'gro/ rgyu byang chub mchog tu sems bskyed/ rkyen byams
- 276a
pa dang snying rje bsgom/ /thabs pha rol tu phyin pa drug la gnas pa de ni thabs kyi bsrung ba'o/ /shes rab kyis bsrung ba ni stong pa rang gsal bar bsgom pa'o/ /de gnyis su med pa'i bsrung ba ni rgyud rkyang lam du khyer la nyams su blangs pa'i man ngag ni/ ye shes lnga ldan yig 'bru las/ /kha dog lnga yi 'od zer 'phro/ /nyon mongs lnga dang klu dug lnga/ /rnam smin lus kyi nang lnga bsreg/ de yi de dag bsregs nas kyang/ /lhag ma lus par gyur pa rnams/ spobs pa yi sbyor bas bsreg /bcom ldan 'das kyis gsungs pa yi/ /gsang sngags skyon spangs bzlas par bya/ /de la man ngag rnam gsum ste/ /bsam gtan ting 'dzin rtse gcig la/ /gnyid kyi bar chad rab tu spang/ /gzhan gyi gtam gyis ? mi gcad/ /bdud dang rdo rje 'dzin pa'i lam/ /bla ma'i zhal las shes par bya/ /rgyun du 'am thun bzhi'i rnal 'byor bya/ /de nas spyod lam dus dag tu/ /bskyed bsdu mi dmigs rgyas btab la/ /brgya bas bshags shing dge bar bsngo/ /rtags rnams sgyu ma lta bur gzung/ /dad ldan brtson byas yid ches na/ /gdon mi za bar 'grub 'gyur te/ de bas the tshom med par ni/ /shin tu dang pas 'bad de bsgrub/ /zla drug bsnyen pa de ldan na/ /thun mong mchog gis dngos grub 'grub/ /des na bsgrub bya 'dren pa'i lha/ /dge slong dpal dang ldan pa yi/ /klu zhes bya bas da skad gsungs/ /skyabs 'gro sems bskyed byams snying rje/ /bsgoms te pha rol phyin drug lam/ /de dag thabs kyi bsrung ba'o/ shes rab zung 'jug lam bsgoms te/ /skyan spangs sngags bzlas dge ba bsngo/ /yan lag bdun ldan sgrub thabs 'di/ /'bad pas tshogs gnyis bsags nas ni/ /dngos grub rnam gnyis thob nas kyang/ /gdug pa'i nad las
- 276b
grol bar shog/ slob dpon 'phags pa klu sgrub kyis mdzad pa rdzogs so// // */ /rgya gar skad du/ mahA yak+Sha se nA pa ta ye badzra pA Ni sA d+ha nAM nA ma/ bod skad du/ gnod sbyin gyi sde dpon chen po lag na rdo rje zhes bya ba'i sgrabs pa'i thabs/ /dkon mchog gsum la phyag 'tshal lo/ /sangs rgyas gang+gA'i bye snyed rjes gnang ba'i/ /mche gtsigs spyan dmar dbugs rgyu me ltar 'bar/ /'jigs pa'i nga ros klu rnams rgyan du brgyan/ /gshin rje'i gzugs can khams gsum 'jigs par mdzad/ /klu rnams 'ching mdzad de la phyag 'tshal nas/ /de yi gzungs la brten nas sgrub thabs 'di/ /ji lta ba ni bdag nyid dran phyir bri/ /dang por sa phyogs bzang ba'o/ /dur khrod dam ni shing gcig gam/ /dben pa'i gnas su 'dug nas ni/ /ba yi rnam lnga dri lnga yis/ /maN+Dal sngon por legs par byug /dri yi thig le dgu bkod la/ /dbus su mchod rten sngon pa bzhag/ bum pa rta gtor mchod rdzas bsham/ /phyi nang dag pa'i khrus byas te/ /de nas rig pa 'dzin pa nyid bde ba'i stan la rab 'dug ste/ /dang por byang chub sems bskyed la/ /snying gar zla ba'i dkyil 'khor bsam/ /de yi steng du hUM bsam te/ /de las 'od 'phros snod bcud sbyangs/ /sngar gyi gnas su thim pa las/ /phyi nang thams cad dag par bsgom/ /swa b+hA ba bi shud+d+ha sarba d+harmA nA badzra sid+d+hi hUM/ snying ga'i yi ge mtshan ma las/ /de las 'od zer rnam lnga 'phros/ /bla ma la sogs lhag pa'i lha/ /sangs rgyas byang chub sems dpa' dang/ /dkon mchog gsum po spyan drangs te/ phyag 'tshal mchod cing bshags pa dang/ /yi rang bskul zhing gsol ba gdab/ /skyabs 'gro lus dbul dge rtsa bsngo'o/ /de nas bgegs dgra'i ting 'dzin gyis/ /las rnams thams cad pa yi sngags/ /bzlas shing khro bo'i
- 277a
sprul pa spro/ /btul zhing sbyangs te nam mkha' gyur/ /de nas tshangs pa'i gnas bzhi bsgom/ /oM mahA shU n+ya tA dz+nyA badzra swa b+ha ba At+ma ko haM/ chos rnams thams cad stong par bsgom/ e yaM raM baM khaM laM saM/ e las chos kyi 'byung gnas te/ /de bzhin 'byung ba rim bzhin bsgom/ /laM las ri rab lhun pa'i steng/ /saM las sna tshogs rdo rje bskyed/ /de las 'od zer sna lnga 'phros/ /rdo rje gur dang ra ba dang/ /mtshon cha'i 'khor lo rdzogs par bskyed/ /dbus su bruM las gzhal yas khang/ /bai DUrya ltar thams cad bskyed/ /tsa las 'khor lo rtsibs bzhi'i steng/ /chu skyes nyi zla'i gdan steng du/ /kha dog mthing ga'i yi ge hUM/ /de nyid las ni 'od 'phros pas/ /snad bcud dag ni sbyangs byas nas/ /rang gi lhag pa'i ltar gyur te/ /tshur 'dus khro bo'i rdo rjer gyur/ /de yi bum dkyil hUM sngon las/ /'od 'phros khro bo'i rigs bkug nas/ /de dag yongs su gyur pa las/ /thams cad 'joms pa'i stobs ldan pa/ /gnod sbyin sde dpon chen po ni/ /mdo nas ji ltar gsungs bzhin bsgoms/ /zhal gcig phyag gnyis sku mdog mthing/ /g.yas pa rdo rje g.yon sdigs mdzub/ /'od zer nyi ma 'bum gyi gzi/ /gos sngon na ra'i rgyan gyis brgyan/ /stas gis smad dkris seng bstod g.yogs/ /klu chen rnams ni rgyan du brgyan/ /dbu skra smra ra ser la 'jigs/ /smin mtshams dpral bsdus ha ha bzhad/ /brkyang bskum klu brgyad zhabs kyis mnan/ /rdo rje mchu yis klu brgyad gzir// nyi zla dang ni pad+mar bcas/ /dbus kyi cha la rnam par bzhugs/ /de nas rang gi snying gar ni/ /rang dang 'dra ba'i gos sngon bskyed/ /dbang po drug la'ang de bzhin bsgom/ /de nas thugs ka'i sa bon las/ /hUM 'phros 'khor lo
- 277b
rtsibs bzhi'i steng/ /'phros 'dus phyag mtshan yig 'brus mtshan/ /de dag yongs gyur sde dpon bzhi/ /shar du rdo rje gnod sbyin te/ /lto ru srin po za ba de/ /nub tu rdo rje gdon chen bdag/ byang du rdo rje ro langs te/ /sde dpon chen po bzhi rnams kyang/ /zhal gcig phyag gnyis mthing nag la/ /g.yas pa rdo rje rtse lnga 'dzin/ /g.yon rnams sdigs mdzub tri shU la/ /ral gri dbyug to 'khor lo'o/ /klu chen brgyad ni rgyan du byas/ /smad dkris na bza' bsngo bkra dang/ /ra ga ? ? par brgyan/ /pa ti khra bo'i sham thabs kyis/ /stod g.yogs sngon po'i chos gos 'chang/ /dbu skra smra ra gyen ser 'greng/ /ma la la yi gang rgyangs sgrog/ brkyang bskum rigs bzhi'i klu rnams mnan/ /brgya byin mdzes dang ma ra bcas/ /me 'bar dbus su bskyed par bya/ /sgre ba dag kyang yig 'bru las/ /ji bzhin du ni bskyes byas te/ /rdo rje go cha'i phyag rgya yis/ /gnas sngar gtugs cing lus bsrung bya/ /na ma(rgyud 'grel): sa man+ta badzra naM badzra ka ba tsa hUM/ rdo rje rtse lnga'i phyag rgya yis/ /brtan par byas te lus byin brlab/ /thugs ka'i hUM las 'od 'phros nas/ /ye shes sems dpa' spyan drangs la/ /phyag 'tshal mchod bstod sdig bshags te/ /sku gsung thugs su byin brlabs nas/ /mchod rten sngon po dag la bstim/ /'od zer 'du 'phro'i byin gyis brlab/ /thugs las 'od 'phros bde gshegs bskul/ /mi bskyod sangs rgyas bye snyed rnams/ /spyan drangs mchod cing sdig bshags te/ /gzungs ltar rjes su gnang mdzad nas dbang bskur byin brlabs de nyid thim/ /dbu la mi bskyod rdo rje mtshan/ /thugs mtshan la sogs bsgoms nas ni/ /sngags kyi phred pa 'khor ba las/ /spros bsdu'i rim pa gsal bar bsgom/ /sangs rgyas gang+ga'i byed snyed
- 278a
kyi/ /sangs rgyas gsung pa'i gsang sngags skyon spang bzlas/ /phar 'phros pa ni mchod pa'i tshul/ /de las 'od byung gdon sdig sbyangs/ /dngos grub rnam gnyis thob par bsam/ /ji ltar nye bar ma gyur pa/ /gshegs su gsol dang thun mtshams med/ /mchod rten sngon po dag la'o/ /yang na rig pa 'dzin pa yis/ /thun mtshams chod bstod gtor ma gtang/ /tho ma'i thun la gshegs su gsol/ /dkyil 'khor lha rnams thugs kar bsdu/ /de nyid mi dmigs stong par bsgom/ /sgyu ma lta bu'i spyod lam bya/ /bsnyen dus rig pa 'dzin pa yis/ /rtsa sngags yig 'bru bcu bdun bzlas/ /oM nI lAM ba ra d+ha ra badzra pA Ni rAdz+nyA ba ya ti swA hA/ /'di yis las rnams thams cad 'grub/ /grangs dang dul dang mtshams ma yin/ /bsnyen pa rab 'brid tha ma'i tshad/ /dbang po rab 'bring dag dang sbyar/ /bsnyen pa rtags dang ldan gyur na/ /dngos grub blang phyir bsgrub pa bya/ /snod du bsnyen po che ga'o/ /de nas bsgrub pa bya ba ni/ /lho phyogs rgya mtsho'i ga nas dag tu/ /gtsang ba'i sa blangs stegs bu brtsigs /ba lci gnam nas blangs pa dang/ 'o ma'i dri chu tsandan dang/ /gur kum ga bur la sogs byug/ gru bzhi rab tu gnas pa dang/ /thig la sogs pa'i rim pa yang/ /gzhan nas 'byung ba bzhin du gdab/ /dbus su 'khor lo rtsibs bzhi bri/ /lha rnams la sogs cha rnams kyang/ /mtshan nyid rgyas par gzhan bzhin no/ /mchod rdzas la sogs gong bzhin bshams/ /khyad par dag gi rdzas rnams ni/ /bum pa sgrub pa'i rdzas kyis dgod/ /dngos grub rdzas kyis kha bcad la/ /mgul chings sngon po'i dar gyis bcing/ /dkyil 'khor dbus su bzhag par bya/ /rag sha rus pa'i rgyan cha dang/ /seng ldeng phur pa rdo rje rnams/ /zla re rgyal
- 278b
mtshan ba dan gdugs/ /gzhan yang sgrub rdzas thams cad gsogs/ /de nas rig pa 'dzin pa nyid/ /rtsa ba'i sngo pa la sogs bsrung/ /gtsang ba'i zas gos smyung bar gnas/ /shar bltas chos gos sngon po gyon/ /bde ba'i stan la rab 'dug ste/ snga dro dang po snying rje'i bdag/ bskyed rim bsnyen pa'i dus bzhin bya/ /khyad par bum pa'i lha rnams bskyed/ /tshogs bsag sngon 'gro rjes 'jug rnams/ /bsnyen pa'i dus dang mthun par gsungs/ /khyad par ye shes sems dpa' bstim/ /sku gsung thugs su byin gyis brlabs/ /rigs kyi bdag po spyan drangs te/ /byin brlabs dbang bskur bum nang thim/ /thun mong sngags sam khyad par sngags/ /bzlas shin spro bsdu'i rim pa ni/ /snod bcud ye shes bcud bsdus nas/ /bum nang lha dang rdzas la thim/ /sngags la gtang de bzlas pa ni/ /lce ni hUm gis rdo rjer gyur/ /snying ga'i mtshan ma la sogs las/ /sngags kyi phreng ba brgyud mar 'khor/ /de las khro chung grangs med spros/ /bsregs gzir bcom gtags che bcad bskad/ /tshur 'dus pa dang 'don rnams phyung/ /dngos grub rnam gnyis thob nas kyang/ /rdo rje lta bu'i ting 'dzin bsgom/ /thun mtshams mchod bstod gtor ma gtang/ /sgrub pa thun nas bum pa yis/ /bdag gam gzhan la dbang bskur te/ /dngos grub rdzas par lha la dbul/ /lhag ma bdud rtsir bsams te bza' / /de nas yi ge brgya pas bshags/ /ye shes 'khor lo gshegs su gsol/ /dam tshig dkyil 'khor rang la bsdu/ /sgyu ma lta bu'i nga rgyal las/ /ji ltar zhi ba'i las rnams bya/ /po las chu skyes 'dab brgyad bskyed/ /gtso bo klu chen brgyad bsams te/ /rin chen snod du gtor ma bshams/ /dkar gsum mngar gsum klu sman blugs/ /sbyangs shing byin gyis brlabs byas te/ /klu la byan pas gdugs rtsub zhi/ /sngags bzlas
- 279a
'od zer 'phro 'du yis/ khyab ba'i rdzas kyis dug phyung ste/ /chos bshad khro bo'i che brjod pas/ /sngon gyi dam tshig rjes dran te/ /des na zhi bar 'gyur ba yin/ /yang na mtshan ma bzang po 'byung/ /ngan na pogs pa'i cho ga bya/ /de rjes zhi ba'i sbyin bsreg bya/ /gdon dang sdig pa zhi bar 'gyur/ /zhi bar ma gyur gdon bgegs la/ /smag bshad pa la bo se'u yis/ /sngags bzlas lcug mas bya bas sam brabs?/ /'jigs pa brgyad kyi rdzas kyis gzir/ /glu rtsi gu gul mu zi dang/ /dri chen mi sha sbyang ki'i drun/ /bsregs pa'i dud pas skag cing 'phros/ /de ni khyad par klu la shis/ /de bzhin gzungs kyi las chogs rnams/ /ji ltar bar ni 'grub par 'gyur/ /de yis ma zlag bgegs rnams la// mngon spyod dag gi las byas te/ /gnas ni gdug cing rtsub pa yi/ /gnod sbyin pho mo 'du ba'i ser/ /sde dpon chen po'i 'khrul 'khor bca' / /rig pa 'dzin pas lhor bltas te/ /gnag cing rtsub pa'i stan la 'dug/ gtsar du khyos pa'i sems ldan pas/ /dur khrod ro ras chen po la/ /khrag dang dug gis zhal zhal bya/ /rmyo byed tsha ba gsum gyis byug/ ni ma pa ga pur snag chal/ /rus chen dag gi smyu gu yis/ /'khrul 'khor rin gyis bca' ba ni/ /'khor lo rtsibs brgyad cu khyud bcas/ /re mig phyir bstan rtse mo nang/ /sde dpon lto bar 'khrul 'khor bri/ /khros pas mche gtsigs gnod sbyin 'jigs/ /sprul gnyis za zhing 'khor lo 'dzin/ /de bzhin steng 'og 'khor lo bri/ /mu byud dag la mdza' rten sngags/ /rtsigs la ya tshogs bcu drug bri/ /dbus su lhas byin gzugs bris te/ /mgo dang dbang po yan lag rnams/ /rtsibs mchan dag la rgyang zhing dgod do/ /snying gar nri dang lte bar dza/ /ming rnams go rim bzhin du bri/ /'khrul
- 279b
'khor lcags kyi bum bar gzhug /bskyed pa'i rim pa tshul bzhin bsgom/ /bzlas ba'i sngags kyi rim pa yis/ /bkug ste gsum kha bcad gzir/ /sngags bzlas 'khrul 'khor dgongs pa yang/ /stong gcod me'i 'khor lo ste/ /me rlung drag po g.yon du 'khor/ /'og gcod rlung gi 'khor lo ste/ /drang zhing myur bar g.yas su 'khor/ /'khor lo spu gri chen po yis/ /lhas byin lus sems so so dbral/ /phung po mtshon cha'i 'khor los gtub/ /'khor lo tsha srang 'thabs pa'i sgra/ /'ur 'ur 'brug ltar sngags bzlas shing/ /khros pas rgyun du bskor ba ni/ klu chen brgyad po 'chi bar 'gyur/ /nges par bsod na mnan dang bsreg / yang na nag po'i tshes brgyad nas/ /brtsams ta mthing nag 'brug khung? du/ /ling+ga 'khrul 'khor nang bcug la/ /rdzus skyes tshul du bskyed bya ste/ /sngags bzlas bkug ste rtags ldan na/ /sde dpen bzhi yi 'khrul 'khor du/ /bcug ste rdo rje 'am phur bu yis/ /dus drug 'khrul 'od shad du brdung/ /mngon spyod las rnams gang byed kyang/ /mchod rten nag por byug bya ste/ /gdug pa'i mchod yon la sogs bsham/ /nyi shu rtsa gcig tu mchod cing/ /mtshan dang ldan pa'i ka pA lar/ /bdud rtsi sha lnga sna tshogs bkang/ /gtor ma sde dpon rnams la sbyin/ /thod tshon rnga brdung phrin las bcol/ /ling+ga drag po'i sbyin sreg bya/ /yang na mnan pa'i las bya'o/ /bcom ldan 'das kyis gsungs pa yi/ /gzungs kyi las tshogs gang byed kyang/ /mchod rten sku mdung dang ldan par/ /rtag tu me tog sngon pos mchod/ / bdun nam bcu bzhi nyi shu gcig/ gzungs sngags stong rtsa brgyad bzlas na/ /des ni las rnams thams cad 'grub/ /grub nas rtag tu mchod par bya/ /gnod sbyin sde dpon chen po yi/ /gzungs sgrub 'di la nyes pa gang/ /gong ma rnams
- 280a
la bzod par gsol/ /bsod nams sems can kun la bsngo/ /bdag gis sgrub thabs 'di byas pas/ /'bad pas tshogs gnyis bsags nas ni/ /rig sngags 'chang 'drar gyur nas kyang/ /gdug pa'i nad las grol bar shog/ gnod sbyin gyi sde dpon chen po lag na rdo rje'i gzungs kyi sgrub pa'i thabs/ slob dpon chen po su bA gi shwa rakArti si mdzad pa rdzogs so// //rgya gar gyi paN+Di ta dI paM ka ra sh+rI dz+nyA na dang/ lo tsA ba rgya brtson 'grus seng ges bsgyur cing zhus te gtan la phab pa'o// //rgya gar skad du/ badzra pA Ni no pi ka sA d+ha nAM nA ma/ bod skad du/ phyag na rdo rje bsgrub pa'i thabs zhes bya ba/ bcom ldan 'das rdo rje hUM la phyag 'tshal lo/ /dpal ldan sangs rgyas 'dus pa'i sku/ / gdug pa 'dul mdzad sprul sogs brgyan/ /rdo rje 'dzin la phyag 'tshal te/ /de yi sgrub thabs bri bar bya/ /bcom ldan rdo rje 'dzin pa yi/ /sgrub pa yi ni go rim rnams/ /bla mas ji ltar gsungs pa ltar/ /man ngag brjed byang du bkol ba/ /khro bo'i rgyal po bsnyen 'dod pas/ /gnas ni dur khrod shing gcig gam/ /yang na rdo rje 'dzin pa'i khyim/ /bkra shis nyams dga' i gnas ngag tu/ /ma Na Da la sngon po legs byas la/ /me tog la sogs mchod rdzas dgraM/ /bde ba'i stan la rab 'dug ste/ /gdod la sogs pa khrus byas la/ /skad cig ma yi ting 'dzin gyis/ /hUM yig las ni mdog nag pa/ /khro bo'i rgyal po rab bsgoms te/ /dpal ba'i nyams kyis yungs kar pa/ /skad cig ma yi ting 'dzin gyis/ /sngags bzlas khro bo'i sprul pa spro/ /gdug pa tshar bcad tshur 'dus pas/ /rdo rje gur dang ra bar gyur/ /de nas rang gi snying gar ni/ /a dkar zhu bas zla ba yi/ /dkyil 'khor nya gang lta bur bsam/ /de steng hUM sngon zhu ba las/ /rdo rje sngon po rtse lnga
- 280b
bsam/ /de yi bum par hUM sngon po/ /de las 'od zer phyogs bcur 'phros/ /sangs rgyas byang chub sems dpa' dang/ /lhag pa lha dang bla ma rnams/ /spyan drangs mdun gyi mkha' la bzhugs/ /bsod nams tshogs ni bsag pa'i phyir/ /phyag 'tshal mchod cing sdig bshags rnams/ /bdun po yongs su dag pa yis/ /tshig tu brjod de tshogs bsags bya/ /spyan drangs rnams ni gshegs su gsol/ /de nas ye shes chogs bsags phyir/ /phyi nang snod bcud 'od zhu nas/ /bdag nyid kyi ni thugs kar thim/ /de nyid 'od tu hUM la 'dus/ /hUM zhu zla chos thig ler thim/ /chos rnams rang bzhin rnam dag pa'i ngo bo nyid las byung ba yi/ /sngags 'di yang dag brjod par bya/ /oM mahA shU n+ya tA dz+nyA na badzra swa b+ha ba At+ma ko haM/ tshig gis don dang bcas par bsgom/ /chu las chu bur rdol pa'i tshul/ /yaM las rlung gi dkyil 'khor te/ /raM las me yi kha dog lnga/ /dbus su paM las pad+ma bsam/ /a las zla ba'i dkyil 'khor ro/ /de yi steng du hUM sngon las/ /de zhu rdo rje sngon po ni/ 'od zer sngon po 'phro bar bsam/ /de yi bum par hUM sngon bsam/ /de las 'od zer hUM phra mo/ /'phros nas phyi nang snod bcud sbyangs/ /tshur 'dus rdo rje phra mor gyur/ /sngar gyi gnas su thim las/ /de zhu rdo rje sngon po na/ /nam mkha' i mdza' dang mnyam par bsam/ /de yi bum dkyil hUM sngon las/ de las 'od byung bcur spangs te/ /tshur 'dus phyag na rdo rje yi/ /sku ni phra mo'i tshul du 'dus/ /de las phyag na rdo rje'i sku/ /mdo nas ji ltar gsungs bzhin bsgom/ /de nas dam tshig sems dpa' i sku/ /bsnyen pa'i dus su bsgom pa ni/ /sku mdog nam mkha' 'od can/ /zhal gcig phyag kyang gnyis pa ste/ /spyan dmar mche ba gtsigs pa la/ /phyag g.yas rdo rje g.yon sdig mdzub/ /shin tu gdug cing khros pa ste/ /klu chen brgyad kyis rnam par brgyan/ /stod g.yogs sngon po legs bsnabs shing/ /na bza' chos gos sngon po
- 281a
'chang/ /smad g.yogs pa ti khra bo 'chang/ /stag gi smad g.yogs seng stong g.yegs/ /nyi zla'i steng na gar byed dgyes/ /bdag nyid dang ni sprul rgyan gyi/ /kha nas ha ha'i sbra sgrogs pas/ /log 'dren tshogs rnams 'joms par byed/ /de ltar khro bo'i rgyal por ni/ /bdag nyid rnam par bsam par bya/ /bdag nyid dam tshig sems dpa' yi/ /thugs kar zla ba rdo rje hUM/ /'phro 'dus ye shes sems dpa' bsgom/ /thugs kar nyi ma rdo rje hUM/ /sran ma nas tshad yungs 'bru la/ /rtsa ba'i sngags kyis bskor bsam mo/ /rdo rje go cha'i phyag rgya yis/ /gnas lngar gtug cing lus bsrungs bya/ /na ma(rgyud 'grel): sa man+ta badzra naM k+Sha tsa hUM/ rdo rje rtse lnga'i phyag rgya yis/ /sngags 'di brjod de brtan par bsam/ /na ma(rgyud 'grel): sa man+ta badzra naM badzra tsanDa ma hA re sha NA ya hUM/ lcags kyu'i phyag rgya bcas nas ni/ /thugs ka'i hUM las 'od 'phros pas/ /'od zer lcags kyu'i dbyibs byung nas/ /ye shes sems dpa' spyan drangs te/ /'og min gnas mchog dam pa yi/ /lcang lo can yi pho brang nas/ /sangs rgyas kun gyis rjes gnang ba'i gsang bdag 'phags pa gos sngon can/ /'khor bcas ma lus spyan 'dren gyis/ /'dir gshegs mchod pa dam par bzhes/ /oM nI lAM ba ra d+ha ra badzra pA Ni sa ma ya maN+Dal ma d+ha A gats+tsha ya/ A gats+tsha ya/ pra be sha ya/ pra be sha ya/ tiSh+Tha ya tiSh+Tha ya/ a ba lo kA ya hUM dza(rgyud 'grel): mdun gyi nam mkha' bzhugs par bsam/ /snying ga'i lha mo'i tshogs kyi mchod/ /oM nI lAM ba ra d+ha badzra pa Ni/ badzra puShpa pU dza me b+ha sa mu dra spha ra Na sa ma ye hUM/ badzra d+hu pe hUM/ badzra a lo ke hUM/ badzra gand+he hUM/ badzra nai re dye hUM/ badzra gI ti/ ga ta ga ta hUM swA hA/ sngags dang tshigs bcad rab brjod pas/ /dngos sam yid kyis mchod pa dbul/ /de nas bstong dang phrin las bcol/ /mdun du rta yi gtor ma la/ /a lA band+ha gzhal yas khang/ /thun mong gdan
- 281b
dang ma yin te/ /hUM yig las ni mdog gnag pa/ /las kyi sems dpar bskyed par bya/ /ri rab chen po'i lho shar nas/ /lcang lo can gyi skul tshig dang/ /sngags dang phyag rgyas spyan drangs bstim/ /mchod dang sdig bshags la sogs bya/ /dza(rgyud 'grel): hUM baM ho(rgyud 'grel): zhes pa yis/ /ye shes sems dpa' bstim par bya/ /spyi bo mgrin ba snying ga ru/ /oM A(rgyud 'grel): hUM gsum rab bkod de/ /yi ge bcu gsum 'khor lo bsgom/ /oM sarba ta thA ga ta kA ya bak+tsat+ti badzra swa b+hA ba At+ma ko haM/ sku gsung thugs su byin brlabs nas/ /mi bskyod sangs rgyas bye snyed rnams/ /spyan drangs mchod dang sdigs bshags te/ /rjes su gnang ba gsum ldan gyis/ /dbang bskur byin brlabs gnyis med tham/ /oM sh+rI badzra bA Ni hUM mahA tsaN+Da sarba duSh+Tan sarba bud+d+ha sa pa ri wA ra badzra sa ma ya hUM/ chos kyi rgyal por dbang bskur ro/ /thugs ka'i ting 'dzin sems dpa' la/ /gtad de sngags kyi phreng bas bskor/ / bdag dang las kyi sems dpa' la/ /spro dang bsdu ba'i rim pa rnams/ /ji lta bar ni gsal bar bsgom/ /bcom ldan 'das kyis gsungs pa yi/ /gsang sngags skyon spangs bzlas par bya/ /bsnyen dus lha la gtad de bzlas/ /sgrub pa'i dus su sngags la gtad/ /bzlas dus gzas ba po rnams la/ /gtad de sngags kyi 'phro 'du bya/ /de nas bdag dang rgyan cha yis/ /sbrul gyi kha nas sngags bzlas pas/ /me yi tshub ma dmar nag dang/ /khro bo grangs med 'phros pa las/ /de yis de dag bsrengs nas kyang/ /lhag ma las par gyur pa rnams/ /sbogs pa yi ni sgyor bas bsred/ /de ltar byas nas bsgom zhing bzlas/ /de
- 282a
nas dang po'i thun thon nas/ /skyo 'am dub na mchod byas te/ /gtor ma byin gyis brlabs de dbul/ /bstod dang phrin las bcol bar bya/ /ji ltar nye bar ma gyur bar/ /ye shes sems dpa' gshegs mi gsol/ mchod rten sngon po dag la'o/ /thun ni gnyis dang gsum pa la/ /ye shes sems dpa' mchod pa dang/ /thun ni tha ma bsgom pa'i tshe/ /dang po'i thun ni mthun par gsungs/ /yi ge brgya pas brtan par bya/ /de nas lngar ba'i dus dag tu/ /rig sngags las kyi lha la gtad/ /de ltar ma nor bsgom byas na/ /dngos grub dam pa ci 'dod pa/ /gang la dmigs de 'grub par 'gyur/ /bsnyen rdzogs mtshan ma bzang ba dang/ /ye shes sems dpa' gshegs mi gsol/ /gshegs na dngos grub yal 'gyur bas/ /lha ni rgyun du 'khor ba yi/ /man ngag zhal las shes par bya/ /gtor ma bka' las phab nas ni/ /gta' yi bdag po mchod byas nas/ /gta' gtor bskul tshig bcas la gtang/ /bsgrub bya'i phyogs su dmar la ma brtan/ /gta' yi bdag po gshegs su gsol/ /las kyi sems dpa' bdag la bsdu/ /hUM hUM zhes bsdu mi dmigs bsgom/ / skad cig ma yin nga rgyal gyis/ /spyod lam ci bder gnas par bya/ /bsnyen rdzogs mtshan ma bzang gyur nas/ /drag po las la sbyar byas te/ /mchod rten sngon po sku gdung ldan/ /me tog sngon po drir bsnyugs kyis/ /nyi shu rtsa gcig tu mchod cing/ /bdag nyid gos sngon chas gon la/ /rak+Sha rus pa'i phreng ba bgrang/ /sngags ni brgya dang brgya lnga bcus/ /thun
- 282b
bdun gyi ni rnal 'byor bya/ /rdo rje 'am seng ldeng phur ba la/ /gzugs sngags stong rtsa brgyad bzlas te/ /bsam gtan rdo rje thogs pa yi/ /drag sngags lnga bcu rtsa gcig bzlas/ /gzas pa po las bsnun gyur na/ / des ni las rnams thams cad 'grub/ /bdag gis 'di byas dge ba yis/ /blo chung rnams kyis don rtogs te/ /'bad pas tshogs gnyis bsags nas ni/ /phyag na rdo rje thob par shog /phyag na rdo rje mdo lugs kyi man ngag / slob dpon su bA gI shwa ra kIrtis gzungs kyi 'grel pa ltar mdzad pa 'grel pa las gzungs sgrub thabs su mdzad pa rdzogs so// //rgya gar gyi paN+Di ta dI paM ka ra sh+rI dz+nyA na dang/ lo tsa ba rgya brtson 'grus seng ges bsgyur pa'o// //rgya gar skad du/ //nI lAM ba ra d+ha ra badzra pA Ni sA d+ha nAM nA ma/ bod skad du/ phyag na rdo rje gos sngon po can gyi sgrub thabs zhes bya ba/ gnod sbyin gyi sde dpon chen po khro bo gtum po la phyag 'tshal lo/ /gdug pa 'dul mdzad klu rnams rgyan du mdzad/ /gtum zhing rngam pas gshin rje'i cha lugs 'dzin/ /khro rgyal gos sngon can la phyag 'tshal te/ /de yi sgrub thabs bdag nyid dran phyir bri/ /gnod sbyin gyi sde dpon nye bar sgrub par 'dod pa'i rnal 'byor pas/ /gnas dben zhing nyams dga' ba'i sar? maN+Dal bya ba ni bu mo lo bcu drug lon pa lus sngo ba/ sna nyeg pa khro gnyer dang ldan pa/ /shin tu khros pa'i ngang tshul dang ldan pas len du bcug ste/ lho nub mtshams nas sngon po 'am nag po
- 283a
len du bcug la/ dri zhim pa'i chu la srung ba'i sngags bzlas te/ oM badzra pA Ni satwa artha sid+d+hi ku ru rak+Sha zhes btab la/ maN+Dal sngon po rgyar khru gang ba la/ dpangs su mtho gang brtsigs te/ tsan dan dang/ a ka ru dang/ dza ti dang/ e la dang/ rams dang/ sa shing gi lo ma dri chus byugs la/ me tog sngon po 'am dri'i thig le bdun byas la/ mchod rdzas dgram par bya'o/ /de nas sgrub thabs ltar lha dgu'i rang bzhin bsgom mo/ /de'ang sgrub thabs las rta bcas la mchod do zhes pa ni gnod sbyin lag na rdo rje'i sgrub thabs 'di'o/ /dpal rdo rje gnod sbyin gyi rta gtor 'di la brten la rtag tu sgrub pa ni gtor ma'i snod rin po che'i rgyu las byas te/ de'i nang du 'bras chan dang/ nas dang/ gro la sogs pa las gtor ma byas te/ spyan gzigs dang/ sha dang mar dang/ mngar la sogs pas brgyan par bya'o/ /de'i nang du thun mong dang thun mong ma yin pa'i gdan bshams pa 'am bskyed par bya'o/ /la las ri rab bsams te/ de'i steng du ba las nyi ma/ paM las pad+ma bsam/ bdag nyid kyi thugs ka'i hUM las 'od 'phros te/ bsgrub bya bkug te thun mong ma yin pa'i gdan la bstim/ yang 'od zer lcags kyu lta bu'i tsha tsha 'phros bas lha dang phral la gcer bu byab thang la bor ba ltar bsam/ steng du hUM las gnod sbyin gyi sde dpon chen po bskyed do/ /sku mdog mthing nag zhal cig phyag gnyis g.yas rdo rje/ g.yon rtse gsum 'phan can 'phyar ba/ bzhin khros pa/ smin ma glog stong 'od du 'gyur ba/ dbu skra dmar ser gyen du bcings pa ste/ rin po che dang sbrul gyis brgyan pa/ mig 'bras hUM las me'i phung bo 'dra gzhi?
- 283b
nas ha ha dang hUM hUM gi sgra sgogs pas khams gsum pa rgyal bar byed pa/ klu chen po brgyad kyis sku la rnam par brgyan pa sku che la yan yag rags pa/ ri rab la rnam par bzhugs pa ste/ zhabs gnyis rgya mtsho'i gting du brkyang la/ dbu bar snang gi khams na 'phyo ba/ 'khor rdo rje gnod sbyin dang srin po'i tshogs kyis bskor ba cig bskyed do/ /de ci 'dra bar cig ri rab rtse la spyan drangs la phyag btsal /mchod pa dbul/ bdun rnam dag bya ste/ bstod pa dang 'dod pa'i don la gsol ba btab ste/ dza(rgyud 'grel): hUM baM ho(rgyud 'grel): sa gnyis su med par bstims la/ gta' bdag las kyis gnod sbyin phyag na rdo rje drag po'i sgo nas thugs rjes bzhugs pas gzas pa po'i nyon mongs pa dang/ rig sngags dang/ gsang sngags dang/ snying po dang/ phyag rgya dang/ phrin las rnam pa bzhi'i sgo nas bzhugs te/ drag po drag pos sgrol bar bsam mo/ /de nas sngags bzlas par bya ste/ oM badzra pA Ni h+rI da ya Na hUM phaT swA hA/ dpal ldan gnod sbyin gyi yang snying yin pas bsnyen pa'i dus su bdun 'bum nyi khri gdon no// / //mtshan ma bzang ba dang? sgrub pa la 'jug ste/ bdag nyid phyag na rdo rje'i nga rgyal gyis thugs ka'i hUM las 'od zer 'phros pas las kyi gnod sbyin gyi thugs dam bskul te 'od zer dmar po me'i 'od lta bu byung ste/ gzas pa po bsreg pa dang sdig pa la sogs pa sbyangs te/ /slar bdag nyid kyi thugs kar thim par bsam oM ya k+Sha nI lAM ba ra
- 284a
d+ha ra badzra pA Ni hUM/ mahA yak+Sha se nA pa ta ye a mu ka sya mA ra ya hUM phaT zhes sngags (bzlas pas zhal nas sngags) kyi phreng ba me'i 'od dang bcas te las kyi lha'i zhal du thim/ thugs ka nas 'thon te /slar bdag nyid kyi snying gar thim ste sngags kyis phreng bas bskor bas gzas pa po sngags kyi phreng bas bsregs shing 'dul bar bya'o/ sgrub pa rtags bzang ba dang las la sbyar te/ rgyud las kyang 'og tu me'i dkyil 'khor bsam/ me 'bar klong chen dkyil du gzir/ /bsam gtan rdo rje thogs pa yis/ /gdul bya'i steng du dbab par bya zhes gsungs pas bsregs bskrad bcom btags par bsam/ dmar lam bstan pa ltar ting nge 'dzin gyi dgongs pa bya zhing drag sngags bzlas te/ tadya thA bud+hha bud+d+ha/ bi bud+d+ha mahA pra bta/ ha ra ha ra nA ga nAM/ pra ha ra pra ha ra/ nA ga nAM/ ts+tshinda ts+tshinda/ nA ga h+ri da ya ni b+hinda b+hinda/ nA ga d+ha mA ni/ bas? mand+ha nAM ga sha rA ra ni/ bi spho Ta ya/ nA ga ya nA ni ta dya tha hUM phaT/ /nA ga bi d+ha ra na ya hUM phaT nA ga uts+tsha Ta nA hUM phaT/ /nA ga mA ra na sod sod/ /nA ga mA ra bying bying/ nA ga mA ra na mugs mugs/ nA ga mA ra na ha la ha la/ nA ga mA ra na shig shig /nA ga mA ra na du na du na/ nA ga mA ra na myos myos/ zhag nyi shu rtsa gcig tu mi yengs mi myur bar smra ba bcad do/ /ting nge 'dzin gyi dgongs
- 284b
ba gsal la /drag par bya'o/ /kha zas kyi dus la bab pa 'am ldang bar 'dod na ye shes sems dpa' phye la mchod pa 'bul /gtor ma bsngo/ bstod pa bya/ las kyi lha la gtor ma dbul ba ni phyag na rdo rje'i thugs ka'i hUM las a las ban d+ha'i 'og tu yaM las rlung gi dkyil 'khor gyi steng du raM las me gru gsum/ de'i steng du hUM gsum/ de'i steng du ban d+ha'i gzhal yas khang / de'i nang du sha lnga bdud rtsi lnga/ yaM las rlung byung/ me 'bar/ me thod pa bskol/ sha lnga bdud rtsir gyur pas mchod /rtsa sngags la ba laM ta khA hi zhes btags la dbul/ las kyi dus su gtor ma sha khrag tu dmigs la dbul/ rtsa sngags la ma ma sarba sha truM btags la dbul/ skabs su gtor mas bskul/ / bdag nyid gnyid log gam /kha zas dus la bab na las kyi lha la thugs dam gtad/ rag sngags dbul/ gta'i gtor ma gtor na bka' las phab lo no pi ka ltang bskul tshig dang bcas la gtang ngo/ /gta' bdag gshegs su gsol/ bskyed pa bdag la bsdu/ gnod sbyin lag na rdo rje'i sgrub ba'i thabs/ gta'i gtor ma'i gdams ngag slob dpon su bA gI shwa ra kIrtis mdzad pa rdzogs so//
- 285a
*/ (/phyag na rdo rje'i 'khor lo'i man ngag bzhugs so//) /rgya gar skad du/ tsakra u pa de sha nA ma/ bod skad du/ 'khor lo'i man ngag ces bya ba/ dpal phyag na rdo rje la phyag 'tshal lo/ /rnal 'byor sngon bsnyen byas pas/ /drag po'i las la sbyar bya ste/ /las sbyor cis kyang ma thul na/ /'khor lo'i las la 'jug par bya/ /sbyor ba 'di la zhugs gyur na/ /brlag par 'gyur te the tshom med/ /drag po las kyi 'khrul 'khor 'di/ /ting nge 'dzin gyi mtshon yin te/ /rtse gcig bsgoms pas 'grub pa las/ /kun gyis 'grub par mi nus so/ /'di ni zhe sdang 'khor lo ste/ /drag po 'khrugs pa'i rdzu 'phrul gyis/ /dmigs na lha 'ang brlag par 'gyur/ /'das dang ma byon da ltar gyi/ /sangs rgyas rnams kyi thugs brtol nas/ /gzugs sngags drag po'i 'khrul 'khor 'dis/ /myur du bsgrims te bsgral ba na/ /nam mkha' nyid kyang 'jig 'gyur na/ /bsgrub bya'i rnam shes smos ci dgos/ /'di ni dgug pa'i 'khor lo ste/ /sga tsha thal chen grog mo'i zhing/ /bong bu'i spangs dang sa gnyan la/ /klu rigs rnams kyi gzugs bya ste/ /snying po til dang ming bcug la/ /dgug pa'i dgos pa 'di ltar bya/ /tha ma'i phaT las dza(rgyud 'grel): 'phros te/ /dza(rgyud 'grel): las lcags kyu'i dbyings byung nas/ /bsgrub bya'i rnam shes bkug par bsam/ /khugs nas sgrub pa'i las la 'jug /de nas gsung ba'i 'khor lo brtsam/ /stong nyid ngang las e las ni/ /mthing ga gru gsum chos 'byung dbus/ /yaM las rlung gi dkyil 'khor te/ /ri las me ri lnga yi dbus/ /'bar ba'i 'khor lo bskyed par bya/ /bruM badzra tsakra rak+Sha rak+Sha hUM/ bruM las srid pa'i 'khor lo ni/ /spu gri gcod pa'i 'khor lo bskyed/ /badzra rdo rje'i 'khor lo ni/ /me 'bar dpal dang bcas par bsam/ /tsakra phyogs
- 285b
mtshams 'khor lo ni/ /rdo rje ra ba'i 'khor lo bsgom/ /rak+Sha zhes pas steng bsrung ba'i/ /byin gyis brlab pa'i 'khor lo bskyed/ /hUM rnams las ni bde gshegs sku/ /cho ga yan lag gsum gyis bskyed/ /thugs kar ye shes 'khor lo bsgom/ /ye shes sems dpa' i thugs ka ru/ /nyi steng dpa' bo 'bru lnga dgod/ /mu khyud rtsa ba'i sngags kyis bskor/ /bde gshegs bka' dang dam tshig las/ /mi 'da' ba yi 'khor lo la/ /zil gyis mnan pa'i sngags rnams dgod/ /phyogs mtshams mtshon cha'i 'khor lo la/ /gnad la dbab pa'i sngags rnams dgod/ /rdo rje srid pa'i 'khor lo la/ /tshar bcad pa yi sngags rnams bsam/ /byin brlabs srung ba'i 'khor lo'i dbus/ /mi bskyod zhe sdang rdo rje ste/ /mthing nag sdigs mdzub rdo rje bcas/ /sems dpa' i skyil krung nyi zla'i gdan/ /'khor lo yi ni rtsibs dag la/ /bcom ldan gtum po khros pa'i sku/ /rdo rje dang ni sdigs mdzub bcas/ /zhal nas sngags kyi sgra sgrogs pas/ /log 'dren tshogs rnams 'joms par byed/ /de ltar 'khor lo chen po bsgom/ /ye shes 'khor lo spyan drangs te/ /mchod bstod sdig bshags la sogs bya/ /phyag rgya bzhi yis de la bstim/ /sku gsung thugs su byin gyis brlab/ /rjes su gnang ba sum ldan gyis/ /chos kyi rgyal bor dbang bskur te/ de nas 'khor lo bskor 'dod na/ /thugs ka'i hUM las 'od 'phros pas/ /ye shes sems dpa' i thugs dam bskul/ /de las 'od 'phros sngags la phog /sngags las 'od 'phros 'khor lo bskul/ /'khor lo 'od zer 'bar ba yis/ /steng 'og phyogs mtshams 'khor lo bskor/ /thub cing rab tu bsreg par bsam/ /bdag nyid kyis ni sngags bzlas pas/
- 286a
sngags kyis 'khor lo rim par bskor/ /gzas pa po yi snying ga ru/ /yi yis bskyod de hUM gis bsdu/ /phaT kyis rnam par 'thor zhing bsreg /srid pa rdo rje'i 'khor los gtubs/ /phyogs mtshams mtshon cha'i 'khor lo yis/ /phog na thams cad brlag par 'gyur/ /tsit+ta thugs kyi sgrub pa ste/ /shin tu gnod na brten la bskor/ /skabs su gnod na dgug cing bskor/ /bskor nas brlag par gdon mi za/ /'khrul 'khor 'di yi sbyor ba yis/ /gzhan gyis byas pa'i rig sngags dang/ /byad dang bka' nyan pho nya dang/ /'khor lo'i ting 'dzin la sogs rnams/ /gnod sbyor thams cad 'jig byed cing/ /gzhan gyis byas pa'i rig sngags gcod/ /rig sngags drag po'i gzungs sngags kyi 'khrul 'khor zhes bya ba/ slob dpon su bA gi shwa ra kIrtis mdzad pa rdzogs so// //rgya bod gnyis la grags par gyur pa yis/ /mdo sngags don la mkhas pa'i di paM ka ra la/ sgra sgyur bod nam mkhas pa'i rgyal po brtson seng ges bka' bas nyams su blangs nas rin chen gser gyis zhus// //rgya gar skad du/ sh+rI badzra pA Ni nI lAM ba ra d+ha ra kalpaM ba liM ta bi d+hi nA ma / bod skad du/ dpal phyag na rdo rje gos sngon po can gyi gzungs kyi gtor ma'i cho ga zhes bya ba/ dpal phyag na rdo rje la phyag 'tshal lo/ /slob dpon dang ni sgrub pa po/ /bsnyen pa dang ni sgrub ba dang/ /dkyil 'khor dang ni sbyin sreg dang/ /gzhan yang lha rnams mnyes ba dang/ /bgegs zhi ba dang nyams pa bskang/ /'khrul 'khor tshogs kyi 'khor lo dang/ /phan gdags pa dang tshar bcas dang/ /dgar dang gsang dang dgug pa dang/ /gzir dang bcing dang mnan pa dang/ /rgyas dang bsdus
- 286b
dang shin tu bsdus/ /zhi dang longs spyod 'phel ba dang/ /rgyas dang dbang dang mngon spyod kyis/ /las rnams nye bar 'grub ba dang/ /thun mong mchog dang dngos grub dang/ /bsod nams chen po thob bya'i phyir/ /yar ngo mar ngo'i tshes bcu dang/ /brgyad dang bcu bzhi nya stong ngam/ /yang na rgyun nam dus drug tu/ /rtag tu gtor ma'i las rnams bya/ /rtsa ba lnga dang yan lag lnga/ /'bru dang shing rtog sman rnams dang/ /chan thug khur ba dkar gsum mngar/ /sha khrag rus pa snying sna rnams/ /dgra 'am 'byung po bgegs kyi gzugs/ /sbrul dang sbal ljong nya sha rnams/ /de sogs drag po'i thun rdzas so/ /cho ga gsum 'aM skad cig mas/ /'dod pa'i lha rnams bskyed byas la/ /tshogs bsags sngon 'gro rjes 'jug rnams/ /bsnyen sgrub dus dang mthun par bya/ /bdag mchod lha rnams mnyes bya'i phyir/ /mtshan ldan rdo rje ka pA la/ /rdzas rnams kun gyis bkang byas te/ /yaM las rlung steng ri me spar/ /de steng a las ka pA lar/ /de 'og ye shes lnga ldan gsum/ /go ku da ha na las ni/ /lcags kyu lnga po bskyed par bya/ /bi mu ma ra shu las ni/ /bdud rtsi lnga yi rang bzhin bskyed/ /dpa' bo lnga yis rab sbyangs te/ /zla steng oM las rdo rje hUM/ /de gyur rtse lnga de nyid can/ / snga bskyed med spar rdzas rnams bskol/ /'od kyis ri bong rtse lnga zhu/ /thim pas bdud rtsi'i ngo bor gnas/ /ye shes lnga yi yig 'bru las/ /'od kyis gang ga'a'i klung sogs kyi/ /bdud rtsi drangs te gnyis med bstim/ /'bru gsum sngags kyis byin gyis brlabs/ /lhag pa'i lha dang bla ma dang/ /dkon mchog gsum dang chos skyong rnams/ /lce yi rdo rjes bdud rtsi len/ /oM nI lAM ba ra d+ha ra badzra ni pA Ni ba liM ta i daM g+hih+na g+hih+na khA hi/ bA hi b+huM dza ho ba liM ta khA hi/ oM a kA ro mu
- 287a
khaM sarba d+harmA NAM A dya nutpan+na twA ta oM(rgyud 'grel): A(rgyud 'grel): hUM zhes bsnyen pa'i dus su dbul lo/ /de rjes sgrub pa'i dus dag tu/ /gtor ma byin gyis brlabs pa ni/ /a las ban d+ha'i nang dag tu/ /maM las sha yi phung po bskyed/ /keM las rus pa'i pho brang las/ /ra las rak+ta'i rgya mtsho bskyil/ /sha khrag rus par byin brlabs la/ /dug gsum dmar gyi mchod pa 'di/ /drag po'i sngags 'dis dbul bar bya/ /oM nI lAM ba ra d+ha ra badzra pA ni/ ma ma sarba sha truM a mu ka'i madzdza me/ pA sa maM sa dzI baM bu gaM ru b+hi ra prI ya ku ru b+hak+Sha ni i daM ba liM grih+Na grih+Na khA hi khA hi b+huM dza ho/ rak+ta pI ba ta a ti kra ma sa ma ye swA hA zhes sgrub pa'i dus su'o/ /las sbyor drag po'i dus dag tu/ /rta yi gtor ma dbul ba ni/ /sbal lcong nya sha'i gtor ma bsham/ /gzas pa po yi ling ga la/ /sngags dang phyag rgya'i ting 'dzin gyis/ /rdzus skyes tshul du bskyed bya ste/ /bkug ste gru gsum kha bcad gzir/ /'jig rten 'das dang ma 'das pa'i/ /las kyi gnod sbyin tshogs la dbul/ /yak+Sha nI lAM ba ra d+ha ra badzra pA Ni hUM/ mahA yak+Sha se nA pa ta ye che mo'i srog la shag shag ma ma sarba sha trUM a mu ka zhes dbul lo/ /de nas bstod cing smon lam btab/ /thod chen rnga brdung phrin las bcol/ /rdo rje sems dpa' i snying po yis/ /rang rang gnas su gshegs su gsol/ /go bgo lus bsrung brtan par bya/ /rang nyid nga rgyal ci bder gnas/ /phyag na rdo rje gos sngon po can gyi gzungs kyi gtor ma'i cho ga zhes bya ba/ slob dpon su bA gi shwa ra kIrtis mdzad pa rdzogs so// //rgya gar skad du/ badzra pA Ni no pa ka sA d+ha nAM nA ma/ bod skad du/ phyag na rdo rje'i sgrub pa'i thabs mdor bsdus pa zhes bya ba/
- 287b
khro bo gtum po la phyag 'tshal lo/ /gdug pa ma lus 'joms mdzad pa/ /rdo rje 'dzin la phyag 'tshal te/ /de yi gsang sngags dbye ba bshad/ /oM nas swAhA bcu bdun bar/ /gtsol bsnyen pa dbul ba'o/ /de nas sgrub pa'i thabs dag la// 'bum du bsnyen pa rdzogs byas nas/ /myur du bsad pa'i las la 'jug /klu dang gnyan dang sa bdag gsogs/ /gzhan yang gnod sbyor mdza' dag rnams/ /bzlog cing mi tshugs bya ba'i phyir/ /las kyi gnod sbyin sgrub thabs brtsam/ /sngags bdag nag po'i sgrub pa la/ /sngags kyang du ma rnam pa bzhi/ /bod pa sbad pa bsad dang mchod/ /gdams ngag can gyis nan tan bya/ /oM badzra pA Ni yak+Sha kro d+ha/ badzra d+ha ra badzra khaDga d+ha ra/ badzra kha la rU pa sha d+ha ra/ badzra tsakra d+ha ra/ nA ga mA rA ya hUM phaT/ oM badzra pA Ni yak+Sha kro d+ha/ badzra d+ha ra nA ga rA ya hUM phaT/ oM badzra pA Ni yak+Sha kro d+ha khaDga d+ha ra nA ga mA ra ya hUM phaT/ oM badzra pA Ni yak+Sha kro d+ha kha la ru pA sha d+ha ra nA ga mA rA ya hUM phaT/ oM badzra pA Ni yak+Sha kro d+ha tsakra d+ha ra nA ga mA rA ya hUM phaT/ oM badzra pA Ni yak+Sha kro d+ha hUM/ ha ra ha ra nA ga naM/ pra ha ra pra ha ra nA ga naM/ che ge mo mA ra ya sod sod/ nA ga mA ra ya bying bying/ nA ga mA ra ya mugs mugs/ na ga mA rA ya shig shig /nA ga mA rA ya myogs myogs/ /nA ga mA rA ya du na du na/ nA ga mA rA ya thum rI la dza/ oM badzra pA Ni yak+Sha kro d+ha badzra d+ha ra badzra khaDga d+ha ra kha la ru pA sha d+ha ra tsakra d+har/ yak+Sha kro d+ha che ge mo'i srog la shag shag /ma mi sarba sha trUM/ a mu ki ya madzdza ma d+ha/ b+ha sa mAM sa dzI bi bu ga ru dA? ra brI yaM btak+Sha ni ba liM i daM grih+Na grih+Na khA hi khA hi b+huny+dza ho/ rak+ta pi ba ho/ mA ti kra ma sa ma ye swAhA/ gnod sbyin gyi sde dpon bzhi'i sgrub thabs thun mong ma yin pa gu ru su bA gI shwa ra kIrtis mdzad pa rdzogs so// //paN+Di ta
- 288a
dI paM ka ra sh+rI dz+nyA na dang/ lo tsa ba rgya brtson 'grus seng ges bsgyur ba'o// //dpal phyag na rdo rje la phyag 'tshal lo/ /sangs rgyas bye ba phrag 'bum bye snyed kyis/ /rjes gnang las kyi khro bor dbang bskur ba'i/ /mthu stobs bdag po gdug pa'i gnyen po la/ /dang bas phyag 'tshal sgrub pa'i go rim bri/ /dang por gnas dang dkyil 'khor bsham/ /mchod rten sngon po bum pa bcas/ /gta' bcas mchod rdzas tkhrus byas la/ /mchod rten sngon po bum pa dang/ /gta' gtor mchod yon byin gyis brlab/ /sems bskyed snod bcud sngags kyis sbyang/ /tshogs bsags mgron gyi lha rnams gshegs/ /bgegs bskrad mtshams bcad tshad med bsgom/ /stong nyid bsgoms la 'byung rnams bskyed/ /ri rab steng du srung 'khor bsgom/ /de dkyil gzhal yas khang dang gdan/ /yig 'bru rnams las lha rnams bskyad/ /thugs kar ye shes 'khor lo bsgom/ /byin brlabs lus bsrung brtan par bya/ /ye shes 'khor lo dgug gdan dbul/ /phyag 'tshal mchod bstod sdig bshags bstim/ /byin rlabs 'od zer gsum 'phro 'du/ /dbang bskur lha rnams spyan drangs mchod/ /sdig bshags gzungs ltar rjes gnang bya/ /dbang bskur byin brlabs de nyid bstim/ /lce ni byin brlabs skyon spangs bzlas/ /bsnyen dus lhar gtad spro bsdu bya/ /thun mtshams phye la mchod gtor btang/ /gshegs gsol bskyed bsdu mi dmigs bsam/ /bsnyen pa rtags ldan dngos grub blang/ /rta gtor nam gung tho rangs dus/ /dbang bskur rgyas gdab bum lha gshegs/ /lus bsrung spyod lam rnal 'byor bya/ /rtags rnams sgyu ma lta bu gzung/ /de don gzhan la smra
- 288b
mi bya/ /sgrub thabs gsal bar byed pa'i man ngag 'di/ /tshig rkang sum cus de nyid don bsdus nas/ /shes par byed pa'i don 'grol sgron ma 'di/ /byas pa'i dge ba sems can kun la bsngo/ /nongs pa mchis na 'phags pas bzod par gsol/ /slob dpon gsung gi dbang phyug grags pas mdzad pa rdzogs so// //bcom ldan 'das dpal phyag na rdo rje la phyag 'tshal lo/ /dus gsum bde gshegs sku gsum sras bcas kyis/ /rjes gnang las kyi khro bor dbang bskur ba'i/ /khro bo'i rgyal po dug dgra dregs 'joms la/ /dad bas phyag 'tshal sgrub thabs go rim bri/ /grangs dang dus dang mtshan ma yi/ /bsnyen rdzogs dngos grub blang ba'i phyir/ /gnas dang phyogs dang sngon 'gro bya/ /brig? dang tshon dgyes phyag 'tshal dgod/ /khyad par rdzas gsog bum pa bca' / /dngos grub rten dang mchod rdzas bsham/ /sdom bsrung smyung gnas chos gos brgyan/ /tshogs bsag sngon 'gro rjes 'jug dang/ /bskyed rim mchod pa bsnyen dus bzhin// bum nang lha bskyed spyan drangs mchod/ /dbang bskur byin brlabs bum nang thim/ /gzungs thag btags te rig sngags bzlas/ /steng dang 'og gi lam gnyis las/ /thun mong khyad par spro bsdu bya/ /khri phrag bdun du dngos grub blang/ /dbang bskur mchod bstod gshegs su gsol/ /bskyed bsdu spyod lam rnal 'byor bya/ /de rjes sgrub pa thon pa dang/ /zhi dang bskrad dang 'khrul 'khor dang/ /sbyor ba bdun pas las la sbyar/ /sgrub pa'i go rim/ slob dpon su bA gI shwa ra kirtis mdzad pa rdzogs so// // */ /rgya gar skad du/ ka la sha sA d+ha nAM nA ma/ bod skad du/ bum pa'i sgrub thabs zhes bya ba/ /dpal phyag na rdo rje la phyag 'tshal lo/ /gdug pa'i dgrar gyur mi shigs 'dzin//
- 289a
khro rgyal spyi bos rab btud nas/ /bdag dang gzhan la phan bya'i phyir/ /buM pa'i sgrub pa bri bar bya/ /maN+Dal sngon po'i steng dag tu/ /rdzas rnams mngon par 'dus byas la/ /bdag nyid yid dam lhar bskyed de/ /bum pa ye shes gzhal yas su/ /sman lnga 'bru lnga snying po lnga/ /rin chen lnga dang dri chu lnga/ /bdud rtsi'i rgya mtshor byin brlabs la/ /cho ga bzhin du lhar bskyed de/ /de nas sgrub po'i gnas mal bca' / /gzhon nus bkal ba'i skud pa yis// bdag dang lha ru 'brel bar bya/ /spro ba gsung gi rang bzhin la/ /bsdu bsngags kyi yan lag yin/ /skyo bar gyur na gzungs thag gzung/ /steng dang 'og gi lam gnyis la/ /brten pas mtshan ma 'byung par 'gyur/ /med na las kyi sbyin sreg bya/ /de yis 'bras bu 'byin par byed/ /'di ni bum pa'i sgrub pa ste/ /lam brtan bzlas pa'i sgor 'jug yin/ /dbang bskur ba dang khrus la sogs/ /gang byas dngos grub 'byung bar byed/ /snod ldan rnams kyis 'di yi don/ /rtogs nas thun mong mchog thob shog /bum pa'i sgrub thabs zhes bya ba/ slob dpon su bA gI shwa ra kIrtis mdzad pa rdzogs so// //rgya gar skad du/ tat+twa pra dI pa nA ma/ /bod skad du/ de kho na nyid sgrol ma zhes bya ba/ dpal phyag na rdo rje la phyag 'tshal lo/ /mthu stobs kun gyi bdag po ni/ /rdo rje 'dzin la phyag 'tshal nas/ /bsnyen sgrub las sbyor la sogs pa'i/ /rtags kyi rim pa bri bar bya/ /de la rtags ni bzhi yin te/ /lha grub gdon rnams thub pa dang/ /nad phyir byung dang mi ldog pa'o/ /lha ni nye bar grub gyur na/ /yang dag rtags dang bdud kyi rtags/ /rnam pa gnyis su shes par bya/ /dang po rnam pa gsum yin te/ /mngon sum
- 289b
rmi lam nyams myong ngo/ /dbang po'i mngon sum dag tu yang/ /lha yi sku mdog phyag mtshan gzugs/ /rten dang lus las 'od byung ba/ /mig gis mthong ngam nyams su 'byung/ /rna bas dag pa'i gsang sngags thos/ /des ni dngos grub gnyis ka 'byung/ /'bring ni rmi lam gsal po la/ /dngos dang phyag 'tshal mchod rten dang/ /me tog sngo dang khye chung sngo/ /bla ma sangs rgyas mthong ba dang/ /ri bo 'dzeg dang lha yul mthong/ /dngos grub 'grub tu nye ba ste/ /bsnyen pa'i rtags su shes par bya/ /rang gi nyams su 'byung ba ni/ /lus la srog chags sngar bas ni/ /phyi dang nang du nyung ba dang/ /rig pa shin tu bde ba dang/ /nyon mongs rnam rtag shas chung ba'o/ /gong du bstan pa de rnams kyang/ /yang na 'jigs dang bcas pa dang/ /kha dog skya la mdangs med dang/ /'od kyang so zhing mi rtag dang/ /nam gung man chad rmi lam ni/ /sad nas 'jigs shing skyi g.ya' ba/ /bdud kyi rtags su shes par bya/ /sngar gyi rtog pa sangs pa ni/ /nad rnams phyi la thon pa'i rtogs/ /gzugs brnyan bsregs par thal bar gyur/ /dgra bo yul nas thon gyi rmi/ /'og tu bcug pas dngos po brlab/ /phyir mi ldog pa'i rtags yin te/ /de rnams las bzlog ngan pa yi/ /rtags su nges par shes par bya// 'di la rten nas 'dir zhugs rnams/ /'di yis dngos grub thob par shog /de kho na nyid sgrol ma zhes bya ba/ /slob dpon su bA gI shwa ra kirtis mdzad pa rdzogs so// //bcom ldan 'das dpal phyag na rdo rje la phyag 'tshal lo/ /bsnyen sgrub rtags dang ldan gyur nas/ /spur zhing gsang pa'i las dag brtsam/ /de yang las tshogs bsdus pa las/ /zhi bar ma gyur gdon bgegs la/ /smag shad bal po me'u yi/ /sngags bzlas bcug mas bya bas sam
- 290a
brabs/ /'jigs pa brgyad kyi rdzas kyis gzir/ zhes pa ni spur bsad kyi sbyor ba'o/ /de'ang spur ba ni bskrad pa'i las te/ /thog mar rig pa 'dzin pa nyid kyis zhugs pa bzhi'i mtshan nyid brtags la/ nad rnams 'byung zhing gdon pa gdon par bya ba'i thabs ni/ rgyal po bram ze rje rigs kyi/ /gzhon nu gtsang ma shar bltas te/ /dkon mchog gsum dang gos sngon la/ /phyag btsal sems bskyed smyag shad blang/ /dag byed sngags bzlas chus bsangs la/ / yungs kar rma bya tshon skud bcings/ /bya ba pa'i rjes te rtag tu bcad/ /de nas rin chen snod dag tu/ /gtso bo klu chen brgyad pa dang/ /rigs drug rigs bzhi'i sa bdag gnyan/ /gzugs brnyan byas te klu sman dang/ /dkar gsum rin chen dar zab bcas/ /shing snas mdza' bskor mtshon lngas brgyan/ /gzhan yang mchod rdzas thams cad bsog /rig pa 'dzin pa sgrub thabs ltar/ /sngon du 'gro ba'i las rdzogs bya/ /gtso bo gdan gyi klu brgyad las/ /paM las 'dab brgyad naM gyis mtshan/ /de gyur sprul lam klu chen brgyad/ /btsun mo sras bcas blon po dang/ /sprul pa yang sprul rnams bskyed la/ /de dang 'dra ba bkug bstim mchod/ /dbang bskur gtor ma byin brlabs sbyin/ /oM nA ga rA dza pa su tak+Sha ka kar/ ko pad ma ma hA pad ma shaM kha pa la g+he la g+he'u hu lu hu lu ta ge ni ba li i daM grih+na grih+na khA hi khA hi/ gtor ma byin pas gdug rtsub zhi/ /de nas bdag nyid khro bor bsgom/ /gzungs sngags bzlas shing lcug mas bya ba/ nA ga rA dza ba su gi h+ri daM da ra ya phud phud/ /dza ye phu/ bi dza ye phu/ dzi ti dzi ti phu/ dzi ti i ge phu/ sa ma ya phu/ shaM ka ru te phu/ a la u ga te phu gra he ka ra phu/ sa ma ya phu/ nA ga sarba ni phu/ h+ri daM d+ha rA ya phud
- 290b
phur/ nad pa la byabs gzugs la dbab/ /dug phyung khro bo'i che brjod la/ /zla dkyil steng bzhag yaM las bskyod do/ /nA ga spha ra Na phaT zhes/ klu pro bsgag cing dam tshig bsgag /gzungs brgya bzlas la spur zhing bskrad/ /de ltar brgya 'am stong byas na/ /klu yi nad las grol bar 'gyur/ /gzugs brnyan sa 'am chu bor dor/ /rdo rje 'dzin la phyag 'tshal te/ /zhi dang spur bas mi thul zhing/ /rig sngags 'chang gi bka' 'das na/ /de la 'jigs pa'i las brgyad brtsam/ /grogs 'khar bdud chad tshub ma yin/ /sa las mthing nag gru gsum brtsigs/ /zur gsum lcags kyu'i rtsags mas mtshan/ /dbus su ling ga sngon dmar gyis/ /bcings te byang bcug phur la gtor/ /mgyogs phur rtsar dang phur pas bskor/ /bye tshan gze ma yungs kar dang/ /tsha la zangs lcags dur blug bcas/ /dmar gtor du ga gtor dug thun bsham/ /gru gsum dur khrod g.yam pas bcas/ /dur khrod ras la nam mkha' lding/ /gser mdog zhal gsum phyag drug gis/ /ba su ta yi klu rnams 'dzin/ /spyan mig nyi zer rdo rje'i mchu/ /'khor lo'i bzhug sgro ral gri'i gshog /lus rnams rdo rje'i spu yis gtams/ /de 'dra rgyal rigs kha bstan gzhag /khra spyang nya khrag can gzan gyi/ /mche sder la sogs chu rnams bsog /drag po'i mchod yon bsham byas la/ /de nas rig pa 'dzin pa rnams/ /na ra'i gos gyon gos sngon gyis/ /so so'i bsam gtan la zhugs nas/ /bsnyen sgrub spur dang gsang sngags bzlas/ / zhi bas dug phyung gsad pa yi/ /rtse gcig bsgoms te brtson 'grus kyis/ /bar chad med par las la sbyar/ /nag po'i tshes brgyad nas brtsams te/ /zhi ba byams pa snying rje bsgom/ /gzungs kyi sngags dang shAn+ti bzlas/ /nad dang
- 291a
gdug go rtsub zhi bar bsam/ /spur ba gong du bstan pa bzhin/ /gsad pa'i sbyor ba'i drag sngags ni/ /rig pa 'dzin pa hUM yig las/ /gyur te nag po char sprin mdog /smin mtshams dpral bsdus ha ha bzhad/ /rdo rje tshar gcod sdigs mdzub bcas/ /de 'drir bsgoms te yungs kar la/ /sngags bzlas tshangs pa'i gnas su brab/ /shi sa drag po 'di yis gdab/ yak+Sha nI lAM bar d+ha ra badzra pA Ni hUM/ mahA yakA se nA pa ta yi/ /de ba ku ru shan da ra/ thog thog thog ril thog thog dang byams sad/ che ge mo'i lus la rum rum/ snying la shag shag ma ma shAn+te rbang pu nan ti ta sri rbang pu nan/ nA ga sa khrag pu mo mA ra ya phaT/ yungs kar dang ni yungs nag se tshe dang/ /che la zangs lcags bye tsha na char/ /gnam lcags drag po'i sngags des brdeg /gcan zan mche sder bya khra'i mchu/ /mkha' lding rgyal po'i sngags bzlas brab/ /kI la ya dang bcas pa'i sngags/ /dus drug phur pas gzir bar bya/ /'og nas drag po'i rdzas kyis bdug /smag shang bal po se'u yis/ /lcug mas brdzeg cing rig sngags bzlas/ /g.yas nas gsad cing g.yon nas spur/ /mi bzad rdzas kyis de la byug /gag pa lhag pa byung ba bzhin/ /drag po'i sngags kyis de la gdab/ /bdun nam rtsa gcig bdun tsho bdun/ /de la sogs te bsgrubs gyur na/ /nA ga rA dza ka ra ko Ta/ des zin pa yang grol 'gyur nges/ /phyag na rdo rje'i las bsdus 'di/ /paN+Di ta rnams kyis mdzad las/ /mi ma yin rnams skrag cing brgyal/ /des na rnam smin sdig pa'i rgyu/ /de phyir shin tu gsang bar gsungs/ /dpal lag na rdo rje'i spur gsad las tshogs bsdus pa zhes bya ba/ slob dpon su pA gI shwa ra kIrtis mdzad pa rdzogs so// //
- 291b
ta dya thA/ oM bi bu le pra bA ra nA ga /mahA nA ga hyid? ya/ ya pa ra te/ dzwa la dzwa la sarba nA DI ta ya ni/ ki mI ki mI/ nA ga ku la pi d+hwaM? sa ni ha na ha na sarba nA ga duSh+Ta Di ta ya ni/ da ha da ha sarba puSh+TaM/ na ga d+ha pa na ni/ pa tsa pa tsa ya sarba puSh+TaM/ nA ga naM/ a kra ma a kra ma sa mu twa/ sA ga ra tsa ma le/ bI kri mA ma hA nA ga ti dza ba re swAhA/ zhes nam mkha' lding gi rgyal po'i drag sngags kyis bsad pa'o/ /oM na me bud d+hA ya/ badzra kI li ki lA ya/ nA ga du tsunde mi li mi li/ ban d+ha ban d+ha nA ga na swAhA zhes phur pa gdab pa'i sngags so/ /oM tsa ta tsa ta/ bi tsa ta bi tsa ta/ sha ta sha ta/ bi sha de/ nA ga pi shad swAhA/ klu 'bros pa'i sngags so// /bcom ldan 'das phyag na rdo rje la phyag 'tshal lo// de yongs su bsnyen par 'dod pa'i rig pa 'dzin bas dben zhing nyams dga' ba'i sar sa bslang ba dang/ gnas brtsig pa dang/ /dgos pa'i yo byad dang/ mthun pa'i sbyor ba dang/ mchod pa'i rdzas rnams bsogs la sngon du 'gro ba'i? las bya ste/ dang por dkon mchog mchod/ de nas chos skyong dang rigs drug la sbyin/ gtor ma rgya chen po gtang/ de nas bsam gtan khang pa byi dor byas te/ /me tog gcal du bkram la rgyan rnams kyis brgyan te/ de'i byas su maN+Dal sngon po gru bzhi pa zhig gi steng du/ mchod rten sngon po sku gdung dang ldan pa'i drung du me tog sngon po la sogs te/ mchod pa rnams pa lnga dang/ gta' gtor dang/ bum pa bca' thabs rdzogs par byas la dang por ?? bya ste/ de nas rig pa 'dzin pa nyid stan bde ba la 'dug ste/ dang por byang chub mchog tu sems bskyed la/ de nas a las zla ba'i dkyil 'khor gyi steng du hUM sngon po bsams te sngags 'di brjod par bya'o/ /oM sarbba d+harmA ta badzra
- 292a
sid d+hi hUM/ zhes pas snod bcud dang rdzas thams cad dag pa chen por bsam mo/ /hUM de nyid las skad cig tu lha'i nga rgyal du gnas pa'i hUM las 'od zer phyogs bcur 'phros pas/ bla ma dang/ lhag pa'i lha dang/ dkon mchog spyan drangs te/ e hye hi b+ha ga bAn/ sarba ta thA ga ta/ bu d+d+ha/ d+harma/ saM g+ha/ badzra pA Ni/ mahA gu ru/ badzra sa ma ya hUM dza(rgyud 'grel): zhes brjod pas nam mkha' i mdza' dang mnyam pa mdun du byon par bsam mo/ /pad+ma sa ma ya stwaM zhes gdan dbul lo/ /phyag btsal ba dang/ mchod pa dbul ba dang/ sdig pa bshags pa dang/ rjes su yi rang ba dang/ chos kyi 'khor lo bskor ba dang/ gsol ba gdab cing skyabs su 'gro ba dang/ lus dbul zhing dge ba'i rtsa ba bsngo ba'o/ /de nas yi ge brgya pas tshogs sogs lha rnams gshegs su gsol/ /oM A(rgyud 'grel): big+h+nAM ta kri ta hUM zhes pas bdag nyid bgegs dgra'i ting nge 'dzin gyis yungs kar la sngags bzlas te/ khro bo'i sprul par spro ste oM a mri ta kuN+Da li ha na ha na hUM/ sarba big+h+nAM ta kri ta hUM phaT zhes phyogs bzhi mtshams brgyad steng 'og bcur sngags bdun bdun dang bcas te mtshams bcad par bya'o/ /na mo ratna tra ya yA/ na ma(rgyud 'grel): tsaN+Da badzra pA Na ye mahA yak+Sha se nA pa ta ye/ na mo badzra kro d+hA ya/ mahA daMShDotka Da b+hai ru pA ya/ a si mu sa la/ b+ha rA ya/ pa ra shu pA sha hasta/ tadya thA/ oM a mri ta kuN+Da li kha kha/ khA hi khA hi/ tiSh+Tha tiSh+Tha/ band+ha band+ha/ tadya thA/ oM a mri ta kuN+Da li kha kha/ khA hi khA hi/ tiSh+Tha tiSh+Tha/ band+ha band+ha/ ha na ha na/ grih+Na grih+Na/ gardza gardza/ paM spho Ta ya bi spho Ta ya/ sarba big+h+nAM/ paM dzA ya ga /mahA ga Ne/ dza bi taM/ ta ka rA ye swAhA/ zhes mtshon
- 292b
cha'i char phab la btul zhing spyod par bya'o/ /de nas khams gsum gyi sems can thams cad sdug bsngal dang bral bar bya'o snyam pa ni snying rje tshad med pa'o/ /bde ba la dgod par bya'o snyam pa ni byams pa tshad med pa'o/ /bde ba dang nam duAng mi 'bral bar bya'o snyam pa ni dga' ba tshad med pa'o/ /de'ang sems can thams cad dang thun mong du byed pa ni btang snyoms tshad med pa'o/ /oM mahA shU n+ya tA dz+nyA na badzra swa b+ha ba At+ma ko haM zhes pa stong pa nyid du bsams la/ de'i ngang las e las chos 'byung gru gsum pa'i dbus su yaM las rlung gi dkyil 'khor/ baM las chu'i dkyil 'khor/ khaM las gser gyi sa gzhi/ raM las me ri lnga'i dbus su/ laM las ri rab kyi steng du/ saM yongs su gyur pa las sna tshogs rdo rje/ de yongs su gyur pa las rdo rje'i gur dang/ rab dang/ mtshon cha'i 'khor lo rdzogs par bsgoms pa'i dbus su/ bruM sngon po 'phros 'dus pa las gzhal yas khang sngon po gru bzhi/ sgo khyud dang ldan par bsgom mar bya'o/ /tsa ser po las 'khor lo rtsibs bzhi'i dbus su paM las pad+ma/ ma las nyi ma/ a las dkyil 'khor gyi steng du hUM mthing nag bsams/ 'od 'phros pa las 'phags pa mchod/ / sems can gyi don byas nas snang ba thams cad rang gi lhag pa'i lhar gyur te/ de dag yongs su gyur pa las khro bo'i rdo rje rtse lnga pa kha dog sngon po 'od zer gyi phreng ba rnam par 'khrug pa lte ba hUM gi mtshan par bsam mo/ /de'i 'od zer gyi khro bo'i rigs rnams bkug nas de dag yongs su gyur pa las/ gnod sbyin gyi sde dpon chen po lag na rdo rje gos sngon po can sangs rgyas gang gA'i klung phrag 'bum bye ma snyed kyis rjes su gnang ba mche ba gtsigs
- 293a
pa dang 'tsham pa 'am/ sku mdog sngon po g.yas rdo rje/ g.yon sdigs mdzub klu chen brgyad kyis bzungs nas byung ba ltar brgyan pa/ stag gi sham thabs dang/ na bza' chos gos sngon po dang/ seng+ge stod g.yogs dang/ /gdan dbang po dang/ nyi ma dang/ pad+ma'i steng na klu chen po brgyad nam mkha' lding gi rgyal po dang bcas pa yang dag par bskyod do/ /de nyid kyi snying kar ye shes sems dpa' i 'khor lo gos sngon can rnams bsgom par bya'o/ /dbang po drug la'ang de dang 'dra ba'i gos sngon po can re bsam par bya'o/ /de nas ye shes kyi 'khor lo'i hUM las hUM re 'khor lo'i steng du gnas pa las phyag 'tshan tri shUl dang/ ral gri dang/ dbyug to dang/ 'khor lo hUM gis mtshan par gyur te/ de dag yongs su gyur pa las shar gyi 'khor lo'i steng du las kyi gnod sbyin lag na rdo rje g.yas rdo rje/ g.yon tri shUl rtse gsum 'phan can 'phyar ba/ na bza' mi bzang sngo bkra gsol ba/ gdan klu rgyal rigs mnan pa'i/ /lhor rdo rje srin po g.yas rdo rje g.yon ral gri na bza' pad+ma rA ga /gdan bram ze'i rigs can mnan pa'o/ /nub tu rdo rje gdon chen g.yas rdo rje/ g.yon dbyug to/ /gdan rje rigs mnan pa/ na bza' za hor btsan dmar gsol ba'o/ /byang gi 'khor lo'i steng du rdo rje ro longs g.yas rdo rje/ g.yon 'khor lo na bzla ba ti khra bo gdan klu dmar rigs mnan pa'o/ /sde dpon de dag sku mdog gtso bo dang mthun pa/ klu rnams rgyan mdzad pa/ bskal pa'i me rab tu 'bar ba'i dbus na bsgom mo/ /dza(rgyud 'grel): hUM(rgyud 'grel): baM ho:/ bzhi las sgo bzhir lcags kyu ma dang/
- 293b
zhags pa ma dang/ lcags sgrogs ma dang/ dril bu ma dang/ khro mo de dag kyang stag gi sham thabs dang/ sbrul gyi rgyan cha dang/ nyi zla'i gdan dang bcas pa'o/ /de nas rdo rje go cha'i phyag rgyas gnas lngar gtugs te/ na ma(rgyud 'grel): sa man+ta badzrA nA ka ba tsa hUM zhes brjod pas lus thams cad rdo rjer bsgom mo/ /de nas rdo rje rtse lnga'i phyag rgya bcas te/ na ma(rgyud 'grel): sa man+ta badzra nAM badzra tsaN+Da mahA ro Sha Na hUM zhes brjod nas gnas ldang rgyas btab bas lus thams cad kyi rdo rje'i dra mig rnams khro chung tshon gang pas gtams par bsams te byin gyis brlab bo/ /de nas de ltar dam tshig gi dkyil 'khor bskyod nas/ /rang bzhin gyi dkyil 'khor spyan drang ba ni/ 'og min gnas mchog dam pa yi/ /lcang lo can gyi pho brang nas/ sangs rgyas kun gyis rjes gnang ba'i?/ /gsang ba'i bdag po gos sngon can/ /maN+Dal sngon po'i gzhal yas 'dir/ /'khor bcas ma lus spyan 'dren gyis/ /pad+ma'i gdan la bzhugs su gsol/ /phyag na rdo rje dbang gi mthu/ / gnod sbyin rgyal po gos ston can/ /ri rab chen pa'i lcog bzhi yi/ /lcags ri nag po'i gzhal yas na/ /spyan 'dren mchod kyis gshegs su gsol/ /yak+Sha nI lAM ba ra d+ha ra badzra pA Ni hUM/ mahA yak+Sha me nA pa ta ye/ badzra d+ha ra/ badzra khaDga t+ta ro/ badzra nI la d+ha ra/ badzra tsakra d+ha ra/ sa ma ya maN+Da la ma d+he/ A gats+tsha ya/ A gats+tsha ya/ pra ba sha ya/ pra bi sha ya/ tiSh+Tha ya tiSh+Tha ya/ a ba lo kA ya/ a ba lo kA ya hUM swAhA/ bzhugs su gsol ba ni/ gdug pa 'dul ba'i gnyen po ni/ /phyag na rdo rje gos sngon can/ /mchod rten sngon po gzhal yas 'dir/ /dgyes shing brtan par bzhugs su gsol/ /phyag na rdo rje gos sngon gyis/ /las kyi khro bor dbang bskur ba'i/ /gnod sbyin sde dpon 'khor dang
- 294a
bcas/ /phyag dang zhabs gnyis bsil nas kyang/ /'tsham ba'i gdan la bzhugs su gsol/ /yak+Sha nI lAM ba ra d+ha ra badzra pA Ni hUM mahA yak+Sha se nA pa ta ye/ pad+ma sa ma ya tiSh+Tha ldan/ sangs rgyas mang pos dbang bskur ba'i/ /gnod sbyin kun pas khyad par 'phags/ /mthu stobs kun gyi bdag po ste/ /stobs chen khyod la phyag 'tshal/ /las kyi gnod sbyin chen po rnams/ /'jigs su rung ba'i cha lugs can/ /thams cad ma lus 'jigs par byed/ / rigs bzhi klu yi gnyen po ste/ /'jigs byed khyod la phyag 'tshal lo/ /de nas mchod pa dbul ba ni/ /shel ltar dag pa'i snod mchog tu/ /bkra shis 'o ma'i chab kyis gtams/ /bcom ldan phyag na rdo rje yi/ /dkyil 'khor lha tshogs rnams la dbul/ /yak+Sha nI lAM ba ra d+ha ra badzra pa Ni hUM/ mahA yak+Sha se nA pa ta ye/ badzra pA Ni tsaN+Da mahA yak+Sha kro d+ha/ ro Sha NA ya/ badzra d+ha ra/ badzra kharga d+ha ra/ badzra nI la d+ha ra/ badzra tsakra d+ha ra/ badzra yak+Sha rak+Sha he/ A ha ra pU dza me g+ha sa mu twa spha ra na sa ma ye swAhA/ me tog dam pa 'di dag dang/ /de bzhin lha rdzas me tog rnams/ /bcom ldan phyag na rdo rje yi/ /dkyil 'khor lha tshogs rnams la dbul/ /badzra puShpa pU dza/ me g+ha sa mu da spha ra Na sa ma ya swAhA/ a ka ru dang tu ruSh+ka /lhan cig skyes dang sbyar ba'i dri/ /lha rdzas dam pa'i bdug spos 'di/ /gsang bdag 'phags pa gos sngon gyi/ /dkyil 'khor lha tshogs rnams la dbul/ /badzra d+hU pa pU dza me g+ha sa mu dra spha ra Ni sa ma ye swAhA/ tsan dan ga pur dzA ti dang/ /gur kum chu gtsang sman sbyar 'di/ /bcom ldan phyag na rdo rje yi/ /dkyil 'khor lha tshogs rnams la dbul/ /badzra g+hand+ha bU dza me g+ha sa mu dra spho ra na sa ma ye swAhA/ mun pa'i tshogs
- 294b
ni 'joms byed cing/ /phyogs bcu gsal ba'i mar me 'di/ /bcom ldan phyag na rdo rje yi/ /dkyil 'khor lha tshogs rnams la dbul/ /badzra A lo ke dI ba pU dza me g+ha sa mu dra spha ra Na sa ma ye swAhA/ kha dog dri dang ro ldan pa'i/ /lha rdzas dam pa'i zhal zas 'di/ /bcom ldan phyag na rdo rje yi/ /dkyil 'khor lha tshogs rnams la dbul/ /badzra nai dai tye pU dza me g+ha sa mu dra spha ra Na sa ma ye swAhA/ bla med rdo rje theg pa'i don ston pa'i/ /shes rab mchog gi rjes 'gro rol mo'i sgra/ /bcom ldan phyag na rdo rje yi/ /dkyil 'khor lha tshogs rnams la dbul/ /bdud kyi 'khor lo gzhom phyir gshegs su gsol/ /badzra gI ti ga ta ga ta hUM/ spha ra Na sa ma ye swAhA/ bla bre? rgyal mtshan ba ngan? gdugs/ /dpung rgyan do shal se mo do/ /na bza' chos gos sngon por bcas/ /dkyil 'khor lha tshogs rnams la dbul/ /oM wastra a laM ka ra bi b+hu Sha na pA da spha ra na sa ma ye hUM swAhA/ de nas bcom ldan 'das la khro bo'i mtshan brgya rtsa brgyad pas bstod la/ bcom ldan phyag na rdo rje yi/ /las kyi khro bor dbang bskur ba'i/ /sku gsung thugs dang phrin las las/ /gnod sbyin sde dpon bzhi sbrul pa/ /ring po chen po'i lcags la gnas/ /kun kyang sku mdog mthing nag la/ /g.yas pa rdo rje rtse lnga bsnams/ /g.yon pa so so'i phyag mtshan 'dzin/ /na bza' la ba sngon po gsol/ /na bza' sngo kra stag sham can/ /klu chen brgyad kyi sku la brgyan/ /dus mdza' i me dpung 'bar ba yi/ /dkyil nas 'od zer mtshon cha phyar/ /klu rigs bzhi la 'bebs mdzad pa/ /sde dpon rnams la phyag 'tshal lo/ /de nas yan lag bdun pas sdig pa bshags la/ /'dod pa'i don la gsol ba gdab cing phrin las bcol te/ /dza(rgyud 'grel): hUM baM
- 295a
ho(rgyud 'grel): zhes ye shes kyi 'khor lo'i lnga rnams bstim par bya'o/ /oM A(rgyud 'grel): hUM zhes sbyi bo dang/ mgrin pa dang/ snying gar dkar po dang/ dmar po dang/ mthing ga dang/ sku gsung thugs kyi 'khor lo la yi ge bcu gsum pa bkod de/ rgyas gdab par bya'o/ /de nyid las spro bsgu'i rim pa ni/ /oM sarba ta thA ga ta kA ya bIk+tsit+ta badzra swa b+ha ba At+ma ko haM zhes phyogs bcu'i 'jig rten gyi khams na sangs rgyas kyi zhing kham bye ba phrag brjod kyis mi lang bar 'dod yon gyi lha mo rnams kyis 'phags pa rnams la yang dag par mchod cing gnyis su med par thim nas de dag gi gsung rnam par dag ba dang/ sangs rgyas kyi che ba'i yon tan rnams kyi 'od zer bdag nyid la thim pas sgrib pa sbyangs te/ thugs 'od zer 'gro drug la phogs pas rang gi lhag pa'i lhar gyur nas/ sems can gyi don byas te/ slar bdag nyid la bstim pa dang/ /spro ba spu'i rim pa yang nas yang du bya'o/ /de nas dbang bskur bar bya ste/ rigs kyi bdag po mi bskyod pa dang/ sangs rgyas gang gA'i klung gi bye ma snyed dang/ de'i sras khro bo rnams spyan drangs pa dang/ mchod cing sdig pa bshags te/ 'dod pa'i don la gsol ba gdab pa ni/ bcom ldan 'das kyis gsungs pa'i gzungs las ji ltar byung ba ltar sangs rgyas thams cad kyi mi bskyod pa/ rigs bzhi'i 'khor dang sangs rgyas gang gA'i klung gi bye ma snyed dang/ rigs kyi yum rnams kyis bum pas dbang bskur zhing/ rdo rje sems dpa' sngags yi ge brgya bas sku khrus gsol ba ni/ lha'i rjes su gnang ba ste/ sku rdo rje byin gyis brlab pa'o/ /mdo nas ji ltar byung ba ltar sngags kyi gnang ba thob pa ni gsung rdo rjer byin brlab pa'o/ /oM sh+rI badzra pA Ni hUM/ mahA tsaN+Da
- 295b
sarba duShta na sarba bud d+ha sa pa ri wa ra badzra samta ya dza(rgyud 'grel): hUM baM ho(rgyud 'grel): zhes dgug ba dang gzhug pa dang/ dbang du bya ba dang/ tha mi dad par byas te/ sku gsung thugs rdo rje'i bdag nyid khams gsum chos kyi rgyal po thugs gsang ba'i bdag po rdo rje 'dzin par gyur te/ ji ltar skyo bar ma gyur gyi bar du bsgom par bya'o/ /skyo bar gyur na bcom ldan 'das kyis gsungs pa'i gzungs kyi phreng ba kho na la sprul 'khril ba ltar bzlas shing rdo rje gsum gyis dgongs pas bdag nyid kyis lus kyi nang dang sdig sgrib dang/ klu'i dug dang gdug rtsub rnams zhi bar bsgom mo/ /thun mtshams su bzlas pa gtong bar 'dod pa dang/ ye shes sems dpa' mchod rten sngon po bzhugs su gsol te/ me tog la sogs pas yang mchod cing bstod la gtong ma gtang ba'i las bya'o/ /tha ma'i thun la/ gang yang bdag blo gti mug pas zhes bzod par gsol la/ khyed kyis sems can don kun mdzad/ ces gshegs su gsol lo/ /bskyed pa thugs kar bsdu/ /mir? min? par bsam/ yi ge brgya pa brjod/ spyod lam gyi dus su skad cig mas lhar bskyed/ lus bsrung go ba po/ nang ye shes kyi 'khor lo dang/ phyi dam tshig gi 'khor lo gdag? 'khor lo kha sbyor bsdam?/ rtag tu lha yi rgyal gyi spyod lam la gnas par bya'o/ /sgyu ma lta bu'i blos dge ba'i las 'ba' zhig la 'bad par bya'o/ /bsnyen pa'i dus su bcom ldan 'das kyis gsungs pa'i rtsa ba'i sngags yi ge 'bru bcu bdun pa dang/ las kyi phyag na rdo rje'i yi ge bcu pa la rtag tu bzlas shing nang nub bum pa la gzungs sngags brgya rtsa brgyad kyis bsnyen pa dbul lo/ /gta' gtor la'ang de bzhin bya'o/ /bsnyen pa'i grangs kyi tshad ni bye ba 'am bdun 'bum mo/ /rtags kyi mtshan ma thob nas bsnyen
- 296a
pa thon nas/ nam gung la gta' gtor btang/ thos rangs bum pas rang ngam slob ma la dbang bskur/ rta bdag las kyi gnod sbyin ri/ rab kyi lcog la gshegs su gsol/ bum pa'i lhas bdag la rgyas gdab/ khrus byas/ dngos grub kyi rten phung lha la dbul/ lhag ma dngos grub tu dmigs la rang bza' / bskyed ba sdu/ me dmigs par bsam/ lha rgyun tu 'khor ba'i man ngag la gnas par bya'o/ /dpal phyag na rdo rje mdo lugs kyi man ngag lag tu blang ba'i sgrub thabs slob dpon chen po bIrya tsaN+Das mdzad ba rdzogs so// //lha dgu'i lag len// //'phags pa lag na rdo rje gos sngon po can la phyag 'tshal lo/ /dben zhing nyams dga' i gnas dag tu/ /rnal 'byor sngags kyi skyon gyur pa/ /sgra ches skyon gyur 'byung po dag /snod med gyur pas thos gyur na/ /sgra ches bar chad mthu med 'gyur/ /sgra chungs gyur na dngos grub med/ /skyon gyur lus kyi phrad pa nyams/ /des na sngags kyi mthu med 'gyur/ /bul na bzlas ba'i grangs med pas/ /dus 'das pas gcod? sbyor ba 'byung/ /glo dang g.yal dang sbrid pa dang/ /gnyid la sogs pas bar chod na/ /des ni yi dags bdud la sogs/ /spro nas myur du bar gcod 'byung/ sngags kyi bsnyen pa byed pa byed dus su/ /me dang 'dra ba'i zhes sdang gis/ /sngags kyi 'bras bu sreg par byed/ /kun nas dkris pa'i 'dod chags kyis/ /yon tan rgyu rnams 'ching bar byed/ /mun pa lta bu'i gti mug gis/ /dngos grub stor ba rnyed mi 'gyur/ /sgang bu lta bu'i nga rgyal gyis/ /dngos grub chu 'dra rtse la min/ /sngags kyi yon tan sprin 'dra la/ /phrag dog rlung gis mthor bar
- 296b
byed/ /dngos grub bye ma'i rgyun bsdus ba'ang/ /brtson 'grus rdo rje'i brag med na/ /le los rba rlabs chen po 'khrug /dngos grub bar du gcod ba bcu/ /lnga las 'byung bas lnga bcu ste/ /mi dge bcu zhes gsungs pa yin/ /ma byin len dang srog gcod g.yem/ /tshig 'khyal ngag rtsub phra ma rdzun/ brnab sems gnod sems log par lta/ /dge bcu'i bar du gcod pa ste/ /yang dag don gyi sgra zhes bshad/ /'di ltar dngos grub kun bral bas/ /sngags kyi 'bras bu 'dod pas spang/ /de spangs 'bras bu myur du 'thob/ /rtag tu bzas brjod me dpung la/ /bsam gtan rlung gis sbar gyur na/ /sdig pa stobs can mi bzad pa'i/ /ljan ljin thams cad srog par byed/ /bzlas brjod me yi rgyun 'dra yang/ / bsam gtan bral bas mi 'grub ste/ /sdig pa chu dang 'dra bas gsod/ /de bas bsam gtan ldan par bya/ /rdo rje'i bzlas pa zhes gsungs pas/ /rdo rje gsum gyi skur bsgoms te/ /phyi nang shin tu nad dag dang/ dgug dang gdon dang yang dag dang/ /oM gyi don dang la sogs pa/ /dre la dmigs nas bzlas par bya/ /gang zhig don 'di med gyur pas/ /gsang sngags bzlas brjod byas gyur pa/ /mun la bye ma'i gser phye tshol/ /mi 'dod 'du yi 'dod pa min/ /slob dpon chen po birya tsaN+Das mdzad ba gsang sngags bzlas brjod rdzogs so// //*/ /rgya gar skad du/ badzra ba ti rA dza tu Na De sA d+ha naM nA ma/ bod skad du/ nam mkha' lding gi rgyal po rdo rje sgrub pa'i thabs zhes bya ba/ gnod sbyin gyi sde dpon chen po lag na rdo rje drag po la phyag 'tshal lo/ /re zhig dang po dben pa'i gnas su/ /rig pa 'dzin pa des khrus bgyis te gtsang mar bgyis la/ gos gsar pa bgos/ dam tshig dang sdom pa la
- 297a
gnas shing/ /gtsang sbra'i spyod pa dang bcas pas maN+Dal ba'i rnam lngas byugs la/ spos kyi dkyil 'khor bgyis te/ bcom ldan 'das shAkya thub pa'i gzugs sam/ mchod rten sku gdung dang bcas pa dkyil 'khor de'i dbus su gzhag ste/ spos chab kyis bkru bar bya'o/ /me tog dang bdug pa la sogs te/ mchod rdzas rnams bshams la stan bde ba la 'dug ste/ dang por byang chub mchog tu sems bskyed la de'i rang bzhin a las zla ba'i steng du hUM yongs su bsam par bya'o/ /de'i 'od zer gyis bla ma dang lhag pa'i lha dang sangs rgyas dang byang chub sems dpa' rnams mdun du bkug ste/ phyag btsal ba dang/ mchod cing bshags pa dang/ rjes su yi rang zhing chos kyi 'khor lo bskor ba dang/ mya ngan las mi 'da' bar gsol ba gdab pa dang/ de dag dge ba'i rtsa bar bsngos te gshegs su gsol/ tshangs pa'i gnas bzhi bsgom par bya'o/ /de nas bcom ldan 'das kyi sku mtshan dang dpe byad ldan par bskyed la/ snying rje dang byams pa dang/ btang snyoms chen po'i dang gis sngags 'di brjod par bya'o/ /na mo b+ha ga pa te shAkya mu nA ye/ ta thA ga tA ya/ ta dya thA/ b+hu dza sa ma ye/ b+hu dze ta tha b+hu dze/ pra ba ra b+hu dze/ sa man+ta a ka b+hu dza/ tu ru tu ru swAhA/ sa ma ya pA lA ya swAhA/ na sarba sa tsa nA da swAhA/ klu mi bgrungs pa/ dam tshig mi 'tshal ba rnams slar bzlog cing bskrad pa'i phyir lan bdun brjod do/ /swa b+hA ba bi shud d+ha sarba d+harmmA swa b+ha pa bi shud d+ho haM zhes brjod pas de nyid kyi dang las badzra ba ti ga ru Da zhes sgra'i rnam pa dang bcas te hUM ngo bor gnas pa las de nyid yongs su gyur pa las/ rin po che 'bar ba hUM gis mtshan pa/ 'od zer gyi phreng ba rnam par
- 297b
'khrug par gyur/ de dag yongs su gyur pa las rI dza sri dza hUM zhes pas nam mkha' lding gi rgyal po gser gyi 'dab ma can/ rdo rje'i mchu can bdag nyid chen po'i lus 'bar ba rdo rje'i rang bzhin/ khro bo 'jigs su rung ba'i rtsal can/ rin po che tha dad pa sna tshogs dang/ mu tig dang/ man shel dang/ gser gyis spras pa'i rgyan mgo la thogs pa/ gser gyis klubs pa/ dregs pa'i gzugs can 'gying bar lta ba/ klu chen po brgyad gdan du bcas pa/ klu mgo dgu pa brgyan du byas pa/ klu mgo gsum pa g.yas na thogs pa/ nor bu'i rin po che'i dbyug pa g.yon na thogs pa/ lus thams cad rdo rje 'bar ba gsor gyi rang bzhin gshog pa'i 'dab ma brkyang bas klu rigs dbang du bsdud pa/ g.yog 'khor nam mkha' lding gi tshogs kyis bskor ba zhig tu bsam par bya'o/ /de nas nam mkha' lding gi rgyal po'i phyag rgya bcas te/ oM su pra tiSh+Tha badzra dun+ti mi li mi li swAhA/ de nas brtan par byas te lus bsrung bar bya'o/ /de dang 'dra ba'i nam mkha' lding gi rgyal po 'khor dang bcas pa spyan drangs la/ yang dag par mchod cing bstod la de nyid kyi rten la bstim par bya'o/ /de nas ji ltar skyong bar ma gyur gyi bar du spro ba dang bsdu ba'i rim pa bya'o/ /de nyid gsal bar ma gyur na skyon spangs pa'i bzlas pa bya'o/ /oM badzra ba ti ga ru Da be ga ta hUM hUM dza dza rA dza hUM phaT ces nyin gcig bzhin sngags stong ngam khri brjod do/ /nam lus kyi mi thub par skyo bar gyur pa'i tshe kha zas dkar po bza' bar bya ste/ yang khrus byas la bsgrub par bya'o/ /gu gul gyi dung pas bdug go /me tog dang/ bdug pa dang/ yon chab dang/ mar me dang/ bshos gtsang la sogs te/ gtor ma'i rdzas ci 'byor pas mchod cing/ yang dag par bstod nas nyal
- 298a
na/ dge ba dang mi dge ba ston par 'gyur zhing las thams cad 'grub par 'gyur la/ mchog dang thun mong thams cad sbyin par 'gyur ro/ /ci bsgo ba des byed pa 'gyur/ grub nas kyang rtag tu mchod par bya'o/ /nam mkha' lding gi rgyal po sngon pa'i cho ga /slob dpon bIrya tsaN+Das mdzad pa rdzogs so// // */ /rgya gar skad du/ badzra pA Ni sA d+ha naM nA ma/ bod skad du/ phyag na rdo rje sgrub pa'i thabs zhes bya ba/ phyag na rdo rje la phyag 'tshal lo// drag po'i stobs kyis gdul dka' 'dul/ /bde gshegs kun gyi thugs ngo bo/ /rdo rje 'chang la phyag 'tshal nas/ de yi sgrub thabs bri bar bya/ /bslab pa gsum ldan dge slong ngam/ /dge tshul dge bsnyen bsnyen gnas pa/ bya ba'i rgyud/ mos de yis bsgrub/ /gzhan gyis de ltar ma yin no/ /dang por sa phyogs rang nyams dga' ba'i phyogs su/ stan bde ba la sems dpa' i skyil mo krung gis gnas la/ dri dang me tog la sogs pas dkyil 'khor mdzes par byas la/ mdun du rig sngags kyis bdag po dang/ bla ma bsams la/ ji skad gsungs pa'i mchod pas mchod/ sdig pa bshags pa dang/ byed pa bsdam pa dang/ gsum la skyabs su 'gro ba dang/ byang chub tu sems bskyed par bya/ de nas oM bA? b+hA? ba shud+d+ha(rgyud 'grel): sarba d+harmmA swa b+hA ba shud+d+ho haM zhes lan gsum brjod pas thams cad stong par bsam mo/ /rang sems dag pas paM pad ma/ /dkar po 'dab brgyad dbus zla ba/ /dbus su hUM las rdo rjer gyur/ /lte ba'i dbus su hUM mthing ga/ / gyur pa bzhi pa rdo rje 'chang/ /brkyang bskum sems dpa' khros pa ste/ /mthing ga na ra'i rgyan gyis bud?/ /'jigs byed mgo skyes gyen du brdzes/ /rdo rje dril 'dzin me phud bzhugs/ /rtse gcig pa yi sems kyis bsam/ /rang snying zla
- 298b
bar snying po dgod/ /sngon du bsnyen pa gsum 'bum bya/ /gsang sngags rgyal po 'di lan cig bzlas pas sdig pa thams cad bsreg pa dang/ thams cad bsrung bar byed do/ /'byung po'i gdon gyi zin pa la sogs pa la bsnun na 'byor bar byed mog kha ting khas kham phor la bris te sgo la dbyangs na srin bu srung bar byed do/ /spra tshil la gzugs sor bzhi pa byas la/ de'i snying gar dgra'i ming dang sngags spel nas tshe mas kha la btsugs na phyir rgol ba'i ngag rengs par byed do/ /snying la btsugs na khros ba zhi ba dang/ gsang ba'i sems kyis gsang bar 'gyur ba dang/ rkang lag gang la btsugs na zha bar 'gyur ba dang/ rtags la btsugs na nus pa med par 'gyur ro/ ma'i rje dar gyi phur bu 'aM lcags phur la bsngags te gang bsnun pa rengs par 'gyur ro// mi thod la sngags bris la/ de'i nang du mi khrag gis bkang ba dur du sbas na rigs rgyud 'chad do/ /dug blugs te klu yod pa'i gnas su sbas na mdze nad kyis 'dzin to/ /dgra'i sgor sbas na 'byer bar byed pa dang/ zhing dkyil du sbas na zhing mi skye ba dang/ phyugs lhas su sbas na mi 'phel ba dang/ chur sbas nas chu skems so/ /skyes bu mtshon gyis bsang pa'i thod pa la/ bsngags dang/ yul lha'i ming spel la bris nas yul lha'i ga nas su spas la/ de'i thog tu phur pa la sngags mang du bzlas la yul lha'i snying gar dam du gdab/ de'i steng du tsher ma can gyi shing la gdug pa'i me btang la/ rta dang/ mi dang/ ba lang dang/ khyi dang ma he la sogs pa'i sha khrag bsregs la/ lha khyed kyis yul 'dir thog ser phob shig /ma phebs na bskal par mi gtang ngo zhes brjod la/ phebs na rdzas rnams 'o mas bkrus la btang/ ma phebs na gzhag /las de dag thams cad ni sngags dang ming spel ba'i dbye bas shes par
- 299a
bya'o/ /gsang sngags ni oM tsaN+Da mahA ro Sha Na che ge mo hUM phaT/ gzhan yang gong gi gzugs brnyan gyi snying gar ming 'ba' zhig bris la/ mchod rten nag po mtho gang pa'i nang du bcug la/ lhung bzed kyi 'og tu maN+Dal byas la gzhag /de nas dge slong ngam dge tshul lam/ dge bsnyen phyag na rdo rje'i rnal 'byor dang ldan pa sngags pa po bzhi yan chad kyis/ /dben par nub bcom ldan nam gung la sngags brgya rtsa brgyad bzla zhing bskor ba bya/ bcu drug pa la bskor ba bzlog la gzugs bsrigs na/ ci skad sngags dang/ spel ba bzhin lo las mi 'da' o/ /ser ba la sogs pa bzlog pa la 'khor lo la bri ba 'am rnga'o/ /yul du 'jug na ral gri la sogs pa'o/ /nad thams cad chu dang yungs kar la sogs pa'o/ /gzhan yang 'di'i yon tan ni brjod par mi nus so/ /phyag na rdo rje sgrub pa'i thabs/ slob dpon chen po sh+rad+d+ha kA ra ba rmas mdzad pa rdzogs so// //dpal phyag na rdo rje la phyag 'tshal lo/ /bcom ldan 'das kyis bka' stsal pa/ klu rigs lnga la dug lnga ste/ /'gro ba gzhan la gnod pa byed/ /gnod pa'i mtshan nyid 'di lnga ste/ /brag par grog po gting rings dang/ /ri phug dog dang sgo dog mor/ /mi shong bzhin du 'tshang ba dang/ /lha khang khang h+rul nyams mi dga' / /chu dang 'dam rdzab brab pa ngan/ /g.yag dang ba lang ra lug dang/ /ri dags gcan gzan khyi yis 'tshe/ /gzar ba'i ri la 'dzeg 'bab rmi/ /lus dang shes pa lci ba dang/ /gnyid che sems dkar snang glu len/ /spro thung snying mig dga' ba 'ong/ /bcom ldan 'das kyis bka' stsal pa/ de dag bsrung dang gso bya'i phyir/ /rdzas kyi sbyor ba bstan par bya/ /thun mong sbyor ba bshad bya ba/ /ri dags lte dri
- 299b
'dre gsod chu/ /nags kyi rtsi dang rtsi ngo tsha/ /dri chen nya yi mkhris pa dang/ /byi sku bdun du sbyar ba yi/ /klu gnyan sa bdag nag mo bskor/ /'byung po rnams kyis mi tshugs shing/ /mdze 'bras shu ba stong pa dang/ /bal ldags g.yan pa med bal dang/ /gag pa lhog pa rma rims dang/ /tshad rims rgyu zer 'byung po'i nad/ /bza' dang gdags dang byug dang bdug /thams cad 'joms par byed pa'i mchog /khyad par sbyor ba rnam pa bzhi/ /lte dri shing kun a ru ra/ /dri chus sbyangs shing khong du btung/ /skad snyan tshe ring nad skems srun/ /lte dri 'dre gsod thang chu dang/ /nags kyi rtsi dang rtsi bo che/ /byi sku ha la dza ti rang/ /a mri ta sbyar bcad pa'o/ /lte dri 'dre gsod du rta nag /bdud rtsi rgya tshil sa tshil dang/ /byi sku ha la mi phrag bcud/ /byug pa'i rdzas su bshad pa yin/ /rus chen mnan la bdug pa bya/ /nyi ma'i 'od la mun pa bzhin/ /jo bo rje dang/ rgya brtson 'grus seng ges bsgyur// // */ /rgya gar skad du/ nI lAM ba ra d+ha ra badzra pA Ni sA d+ha ni/ bod skad du/ phyag na rdo rje gos sngon po can gyi sgrub pa'i thabs/ bcom ldan 'das phyag na rdo rje la phyag 'tshal/ /lhag pa'i khro rgyal skyon kun las rgyal ba/ /rnam dag byang chub sems can don mdzad pa/ /gos sngon phyag na rdo rje la btud de/ /de yi sgrub thabs sems can phan phyir bshad/ /'di la lhag par dbang ba'i sngags pa ni/ /snying rje yis ni yid ni bcugs gyur cing/ /lhag par mos pa brtan po'i yid can ni/ /byang chub sems kyi rnam pas rab tu brgyan/ /dkon mchog gsum la gcig tu skyabs su song/ /bla ma'i rjes gnang thob cing yon tan ldan/ /rang 'dod lha dang bla ma dbyer med lha/ /shin tu brtson ldan dbang du gyur pa yis/ /
- 300a
snga bar langs te snying kar nyi ma la/ /hUM yig sngon po bung ba lta bu'i 'od/ /'od gsal ba ni blo ldan gyis brtan nas/ /kha la sogs pa rab tu dag par bya/ /tsan dan a kar dzA ti e la dang/ /rams dang so ba shing gi lo ma yis/ /bsres pa'i dri zhim chu yis byugs pa la/ /me tog sngon pos nye bar brgyan byas te/ /sha dkar dri sogs bdug pa dag gis ni/ /bdug cing yid du 'ong bar gyur pa yi/ /nye bar 'tshe ba'i 'jigs pa rnams spangs te/ /yangs shing 'jam pa'i stan la rab 'dug nas/ /de nas khams gsum rnam par rgyal ba yi/ /bdag nyid khro rgyal gtso bo dag tu ni/ /rnam par bsgoms nas g.yas kyi sdigs mdzub la/ /raM yig dmar po rnam par bsgom par bya/ /de nas de las byung ba'i nyi ma la/ /hUM yig sngon po las ni byung ba yi/ /mi bzad pa ni rdo rje rtse dgu pa/ /'od zer rab tu 'phro ba bsam par bya/ /de nas phyogs bcu dag tu ni/ /khros pas sngags ni brjod bya zhing/ /go rim ji bzhin se gol gyis/ /gnas bdag rnal 'byor bsrung bar bya/ /de la gnas la sogs pa bsrung ba'i sngags ni/ /oM badzra kro d+ha sarba big+ha nAM ha na ha na hUM phaT rak+Sha rak+Sha swAhA zhes bya'o/ /de nas sngon gsungs nyid kyis ni/ /dri zhim chu yis dkyil 'khor yang/ /byas nas me tog dgram par bya/ /arg+ha la sogs hUM bzlas bya/ /de nas rang gi snying gar 'od zer gyi phreng ba'i lcags kyus bkug pa'i de bzhin gshegs pa thams cad dang/ byang chub sems dpa' i dge 'dun gyis nam mkha' i phyogs su nye bar gnas par lhag par mos te/ de rnams la yang dag pa'i dad pa nye bar bskyed de/ de kun la bla na med pa'i mchod pa rnam bdun bya'o/ /dus gsum
- 300b
du bzhugs pa'i sangs rgyas la lus dang ngag yid kyis phyag 'tshal lo/ /rab gus rgya che'i mchod pa yis/ /bde gshegs rnams la te bar mchod/ /'jigs pas de mdun ma lus pa'i/ /sdig pa byas pa bshags par bgyi/ /sangs rgyas sogs bgyis bsod nams la/ /deng 'dir rjes su yi rang ngo/ /chos kyi 'khor lo bskor slad du/ /bde gshegs rnams la bskul bar bgyi/ /bde gshegs mya ngan 'da' bzhed la/ /de rnams yun rings gnas gsol 'debs// gsungs mchod rang bzhin bsod nams dang/ /dge ba gzhan yang bdag gis ni/ /gang de thams cad byang chub dag /gcig tu bsdus nas bsngo bar gyis/ /de nas skyabs su 'gro bya ste/ /dus gsum 'byung ba'i sangs rgyas dang/ /theg chen dam chos 'di dang ni/ /dge 'dun sangs rgyas sras tshogs la/ /byang chub par du skyabs su mchi/ /de nas bdag nyid dbul bya ste/ /bdag nyid thal mo sbyar nas ni/ /sangs rgyas rnams la 'bul bar gyi/ /bdag kyang rab tu bzhes mdzod la// ji ltar dgyes pa bzhin du sbyor/ /de nas byang chub tu sems bskyed par bya ste/ ngo mtshar che mchog byang chub ni/ /bla med dag ni thob nas su/ /shin tu mthar thug mya ngan 'das/ /'gro ba myur du dgod par bgyi/ /de nas lam ni bsten bya ste/ / gang 'dir rgyal dang rgyal ba'i sras/ /snying rje mchog gis bstan bya ba/ /rdo rje theg pa bla na med/ /mchog gyur snying po brten par bgyi/ /de nas snying rje bsgom byas te/ /'khor ba'i rgya mtsho ma brgal ba'i/ /'gro ba ma lus rnams bltas nas/ /sdug bsngal sel bar byed pa yi/ /snying rje mthar thug bsgom par bya/ /de nas stong nyid bsgom bya ste/ /gzung dang 'dzin pa mi ldan pa'i/ /ma dpyad dngos po yod ma yin/ /de phyir 'gro kun stong pa nyid/ /gnyis su med par sgom par bya/ /de
- 301a
na oM shU n+ya tA dz+nyA na swa b+hA ba At+ma ko haM zhes bya ba 'dis byin gyis brlab par bya'o/ /de nas rgyu mthun pa las yongs su rdzogs pa'i 'byung ba bzhi ste/ dkyil 'khor bzhi'i rnam pa'i 'byung ba chen po bzhi bsgom par bya'o/ /de la laM skyes ser po ste/ /mdza' ni ma lus rdo rjes mtshan/ /gru bzhi pa la rab rgyas pa'o/ /dbang chen dkyil 'khor bsgom par bya/ /de nas paM skyes dkar po ni/ /zlum po bum pas mtshan pa ste/ /chu yi dkyil 'khor zlum po de/ /steng du gnas pa yang dag bsam/ /de nas raM skyes dmar po ni/ /gru gsum raM gyis rtse mtshon pa/ /'bar zhing 'phro ba steng du ni/ /me yi dkyil 'khor bsam par bya/ /de nas yaM skyes sngon po ni/ /sbyar gzhu lta bu 'od 'bar ba/ / ba dan dang bcas mnyam gzhag pas/ /rlung gi dkyil 'khor blta bar bya/ /'byung ba bzhi ni yang dag gyur/ /rgyas 'phro gzhal yas khang pa ste/ /rnam snang mdzad kyi rang bzhin ni/ /thar pa'i grong mchog bsgom par bya/ /gru bzhi pa la sgo bzhi ba/ /rta babs bzhi dang yang dag ldan/ /mchod rnams bzhi yis yongs su bskor/ /ka ba brgyad kyis nye bar mdzes/ /rdo rje thig gis rab tu bskor/ /dra ba dra ba phyed pas brgyan/ /bla re rnga yab me long dang/ /gos dang me tog phrang gis brgyan/ /mchod pa lnga yis yang dag brgyan/ /'dod yon lnga dang yang dag ldan/ /glu dang gar sogs mchod pa ni/ /lha rdzas bsnams pa'i lha mo'i tshogs/ /bdan rtse mo rlung bskyod pa'i/ /dril bu dag ni phyogs sgor 'khrol/ /kha dog lnga yi 'od tshogs kyi/ /ma lus pa yi khams ni gsal/ /de yi lte bar pad+ma ni/ /sna tshogs 'dab ma ge sar bcas/ /dga' bo la sogs klu brgyad ni/ /gdan du rnam par bsam par bya/ /shar la sogs
- 301b
ba'i phyogs bzhi ru/ /de bzhin gdan ni bsgom bya ste/ /pang gnas 'jigs byed stag dang ni/ /chu srin mi ni rim bzhin no/ /de nas phyi 'phar bzhi po la/ /rol sngon po bris pa yi/ /dkar dang nag dang sngo skya dang/ /de bzhin ser skya bsgom par bya/ /de nas dbus gdan shes rab ni/ /dbyangs yig bcu drug ngo bo nyid/ /rab rgyas zla ba bsgom bya ba/ /me long ye shes ngo bo nyid/ /de stengs sum cu rtsa bzhi yi/ /gsal byed snying rje'i bdag nyid ni/ /nyi ma'i 'od ? rnams bsam pa// mnyam nyid ye shes ngo bo nyid/ /de steng paM gis hUM byas pa/ /yang dag skyes la rtse lnga pa'i/ /rdo rje lte bar hUM gis mtshan/ /so sor kun rtogs ye shes bsgom/ /hUM las sangs rgyas spro bya ste/ /bsdus te de la de rnams gzhug / yang dag 'dus nas dbyer med pa/ /de ni bya ba grub bar bsgom/ /zla ba nyi mtshan hUM yig las/ /skyes pa'i rang nyid gos sngon can/ /rnam dag ye shes ngo bo nyid/ /yun ring phyag na rdo rje bsam/ /dbu skra kham pa gyen du 'greng/ /khro gnyer spyad ni dmar ba ste/ /mche ba gtsigs pa yi ni zhal/ /grog gi ljags kyis 'jigs byed pa/ /'jigs dus rlung gi dbugs dang ni/ /hUM yig 'don pa yi ni zhal/ /ha har rgod pa rtsub cing drag /rgya mtsho chen po lto ba che/ /pad+ma dbu la rgyas pa ro/ /dga' bo nye dga' rna cha ste/ /pad+ma chen po tshang skud do/ /dung skyong tak+Sha lag gdub po/ /rigs ldan karko dpung brgyan te/ /lha gcan nor rgyas rkang gdub po/ /phrag pa zla ba nyi mas brgyan/ /seng ge rkang brgyad pags pa'i gos/ /rdo rje lcag skrog rked par dkris/ /brang 'gro chen po gsol bas so/ /rang mdog rdo rje rtse gsum ni/ /g.yas kyi phyag na bsnams pa ste/ /rdo rje dbyug chen mi bzad pa/ /g.yon gyi phyag na bsnams pa'o/ /nyi ma'i gdan dang rgyab rten brag /g.yon
- 302a
brgyang pa yi zhabs kyis gnas/ /de nas dbyug pa'i steng bsam pa/ /mkha' la 'gro bdag bya khyung ste/ /khros shing lus ni che la dpa' / /kha gdangs sna tshogs mdog can no/ /rkang pa gnyis kyis sprul rgyal po/ /rang bzhin pa ni nyid du byed/ /zlum zhing dmar la 'bar ba'i spyan/ /'jigs shing kun tu seng seng lha/ /de nas snying gar nyin mtshan hUM/ /de nyid 'od zer 'phro ba'o/ /de bzhin spyi bo mgrin pa snying/ /oM A(rgyud 'grel): hUM yongs su bsgom par bya zhes bya ba ni sbyor ba dang po zhes bya ba'i ting nge 'dzin to/ /de nas snying nyin mtshan gnas pa'i/ /sa bon las byung zla ba ni/ /'jigs byed la sogs brgyad la dgod/ /de rnams nyi gnas de bzhin no/ /de la zla nyi sbyor ba las/ /de bzhin sa bon brgyang du gyur/ /hUM hUM phuM(rgyud 'grel): kuny+dza shaM raM maM/ /thig le nA da ldan rim bzhin/ /de rnams yongs su gyur las lha'i/ /mtshan ma brgyad ni go rims bzhin/ /'og nas 'byung bzhin sgrub pa po/ /rang rang sa bon yang dag ldan/ /de nas zla ba nyi ma dang/ /mtshan ma sa bon las byung ba'i/ /dkyil 'khor pa ni go rims bzhin/ rang rang gdan gnas bsam par bya/ /de nas khams gsum rnam rgyal ni/ /kun tu sngo ba 'bar ba'i sku/ /rtsa zhal gnag cing dkar ba ni/ /g.yas pa'i zhal te spyan mig dmar/ /g.yon zhal dmar zhing sha rgyas la/ /cung zhig mche ba gtsigs pa'i zhal/ /stag lpags gos can khros pa ste/ /nyi gnas rnam par 'phro ba'i 'od/ /rdo rje ral gri lcags kyu rno/ /g.yas kyi phyag na bsnams pa'o/ /dril bu zhags pa mi mgo ni/ /g.yas las cig shos phyag na bsnams/ /g.yon brkyang ba yi zhabs gnas pa/ /shar gyi gdan la bsam par bya/ /sges cing lang tsho dang
- 302b
ldan zhing/ /rgyan rnam kun gyis rnam par bsam/ /lho phyogs gdan gyi nyi ma la/ /nag po chen po de nas blta/ /spyan gsum po ni dmar ba ste/ /gnag cing khros pa mche ba gtsigs/ /skra ni kham pa gyen du 'gyed/ /gang yang rung ba'i rgyan gyis mdzes/ /sbrul mchog mchod phyir thogs pa ste/ /g.yon brkyang ba yi zhabs kyi gnas/ /rtse mo rno zhing 'jigs pa yis/ /tsan dan bud shing g.yas na bsnams/ /g.yon pa'i phyag ni zhags pa ni/ /bsnams shing mi bzad pa yis gzugs/ /nub kyi gdan gyi zla ba la/ /klu yi rgyal po ba ru na/ /dkar po gdengs ka brgyad kyis sgeg /mnyam pa'i zhabs kyis yang dag gnas/ /sdong bu dang bcas pad+ma phye/ /g.yas pa'i phyag na bsnams pa'o/ /de nas g.yon pa'i phyag gis ni/ /phyag byed tshul du bsgom par bya/ /byang gi gdan la nyi ma la/ /gsang ba'i dbang phyug rnam thos sras/ /ser zhing bzang la mchog tu dga' / /lha rdzas rgyan gyis rnam par brgyan/ /yid bzhin nor bu 'od 'phro ba/ / g.yas pa yi ni phyag na bsnams/ /gser gyi ne'u le kha 'og bltas/ /g.yon pa yi ni phyag na bsnams/ /rtag tu bsam pa yongs rdzogs byed/ /g.yon brkyang pa yi zhabs kyis gnas/ /spyan ni kun tu dmar zhing che/ /lto ba che zhing smon pa bsam/ /de nas phyi 'phar bsam bya ste/ /shar gyi gdan gyi nyi ma la/ /sreg za dag ni che zhing gnag /ri dang sdigs mdzub kyi ni phyag /lho phyogs gdan gyi nyi ma la/ /de nas dbugs 'phrog pa ni blta/ /dUrpa lta bu ljang zhing ring/ / pags pa dang ni sdigs mdzub phyag /nub kyi gdan gyi nyi ma la/ /dmar po khrag za bsgom par bya/ /sbal ba'i khrag gis gang ba yi/ /thod pa dag ni phyag na bsnams/ /byang gi gdan gyi nyi ma la/ /sha za ba ni rnam par bsam/ /thal ba'i
- 303a
mdog can gri dang zhags/ /phyag bsnams 'jigs par byed pa'o/ /bzhi po 'di ni stobs dang ldan/ /bong thung grims pa yi ni lus/ /mche ba gtsigs shing mi sdug pa/ /sma ra smin ma mgo skyes ldan/ /ha har bzhad bcas ljags 'dril ba/ zlum zhing dmar ba yi ni spyan/ /smin ma 'khrog cing gsus po che/ /'jigs dus kyi ni me yi 'od/ /drag po stag lpags kyi ni gos/ /thod ba'i rus pas rnam par brgyan/ /zhal gcig phyag gnyis khros pa ste/ / g.yon brkyang ba yi zhabs kyis gnas/ /khams gsum rnam rgyal zhes sogs nas/ /mdangs 'phrog ma yi mthar thug par/ /snying kar sa bon gdan mtshan ma/ /de nyid gsum dang ldan pa bsam/ /gzhan yang yongs rdzogs dkyil 'khor ni/ /sngags rig pa yis bltas nas su/ /rang snying sa bon 'od zer gyis/ /ye shes 'khor lo yongs su dgug /de nas mdun gyi nam mkha' la/ /de bzhin gshegs pa yang dag bzhugs/ /hUM gis bgegs ni bskrad bya ste/ / bsang gtor la sogs sbyar bar bya/ /dza(rgyud 'grel): hUM baM ho(rgyud 'grel): sa dgug pa dang/ /gdug dang bcing dang dgyes par ni/ /tshogs dam tshig ye shes ni/ /gcig tu gyur par rnam par bsam/ /de nas snying sngags 'od zer gyis/ /nam mkha' i rgyal ba bkug nas su/ /bzhugs gsol me tog la sogs mchod/ /brtul zhugs dbang bskur gsol ba gdab/ /de nas ye shes chus gang ba'i/ /rgyal bdag rin chen bum pa yis/ /bdag dang dkyil 'khor bcas pa la/ /sangs rgyas rnams kyis dbang bskur bsgom/ /de na dbang bskur chu gyur pas/ /kun gyi dbul mi bskyod de/ /ral pa'i dbu rgyan gyis brgyan pa'i/ /mig sman lta bu bsgom par bya/ /de nas snying ga'i sa bon 'od/ /byung ba'i lha mo'i tshogs rnams
- 303b
kyis/ /yang dag mchod bzhin bdag nyid kyis/ /dkyil 'khor yang dag ldan par bsam/ /de'i rjes su dkyil 'khor kun gyis glu gsum gyis dkyil 'khor gyi dbang phyug gi bdag nyid la bstod bzhin par blta'o/ /gsang ba'i bdag po gtso chen po/ /sangs rgyas sku dang 'dra ba'i lus/ /gti mug rdo rje'i rang bzhin bdag /rdo rje'i sku la phyag 'tshal bstod/ /gsang ba'i bdag po gtso chen po/ /sangs rgyas gsung dang 'dra ba'i dag /'dod chags rdo rje'i rang bzhin bdag / rdo rje'i gsung la phyag 'tshal bstod/ /gsang ba'i bdag po gtso chen po/ /sangs rgyas thugs dang mtshungs pa'i yid/ /zhe sdang rdo rje rang bzhin bdag /rdo rje'i thugs la phyag 'tshal bstod/ ces pa ni dkyil 'khor rgyal po mchog ces bya ba'i ting nge 'dzin gnyis pa'o/ /de na rjes su mthun pa'i gzugs kyi 'gro ba'i don byed la rjes su gnas par bya ste snying ga'i 'od kyis bskul te dkyil 'khor pa kun gyis 'od spro zhing rang gi lus la sdud par bsam par bya'o/ /rang nyid dkyil 'khor gyi gtso bo las yang rang gi 'od yongs su spros te/ sems can gyi don byas shing rang nyid la rang nyid kyi 'od ma lus pa bsdu bar bya'o/ zhes pa ni las rgyal po mchog ces bya ba'i ting nge 'dzin gsum pa'o/ /gzhan yang bsgoms pas sgyon? ngal so zhing sngags yongs su bzlas par bya ste/ sngags kyi yi ge phreng ba snying ga'i nyi ma la dkyil 'khor gyi rnam par go rims bzhin du rnam par bltas nas/ sgra khro bo dag gis rab tu bzlas so/ /rdo rje'i bzlos pa mgal me'i 'khor lo'i rim pas gzhan nyid kyang ngo/ /ji srid mi skyo'i bar du bla ma'i man ngag gis bzlas so/ /sngags ni/ tadya thA /b+ho b+ho ban+nA ga a d+hi pa ta ye/ i daM nI lAM ba ra d+ha ra sha rI raM/ badzra pA Ni h+ri da yaM/ ya(rgyud 'grel): sa mA ti kra ma tha/ ma ku lotwA
- 304a
da nAM/ b+ha bi Sh+ya ti/ tadya thA/ bud+d+ha bud+d+ha/ bi bud+d+ha bi bud+d+ha/ mA ti kra ma tha/ ha ra ha ra/ nA gA nAM/ pra ha ra pra ha ra/ nA gA nAM/ ts+tshinda ts+tshinda/ nA ga h+ri da yA ni/ b+hinda b+hinda/ nA ga marmA Ni/ bi sa ma da/ nA ga shA rI raM/ biM spro Ta ya/ nA ga nA ya nA ni tadya thA/ /hUM phaT/ nA ga ba rA ra NA ye hUM phaT/ nA go t+sA dA ya phaT/ nAM lAM bA sa nA ya phaT/ a pra ti ha ta ba la/ pa ra kra mA ya phaT kri tAn+tA ya phaT/ krI tAn+ta rU pA ya phaT/ ro Sha nA ya phaT /twA sa nA ya phaT/ kuSh+maN+Da? ? da nA ya phaT/ pre ta bi shA tsa/ bi nA sha ka rA ya phaT/ yak+Sha a pasmA ra baM nA shA karA ya phaT/ ha sa ha sa d+ha ra d+ha ra/ mA ra ya mA ra ya/ nA sha ya/ nA sha ya/ sarba big+ha nA/ bi nA sha ka rA ya phaT/ sarba sha trUM saM g+haM baM nA sha ka rA ya phaT/ oM nI lAM ba ra d+ha ra badzra pA Ne rA dz+nyA ba ya ti swAhA zhes bya'o/ /bzlas pa dang bsgom pas skyo na sngags pas skyo ba yongs su spang ba'i phyir lus gso ba'i cho ga bya ste/ bdud rtsi lnga zhu gang ba yi/ /spyi bo'i steng du zla dkyil 'khor/ /oM yig byin brlabs bsgom bar bya/ /de yi 'od zer dkar spros pas/ /ye shes bdud rtsi sangs rgyas las/ /'bad pas yang dag dgug pa bya/ /de dag nyid las bsgrub bya ste/ /ro gcig gnyis med dag tu bya/ /srog dang rtsol ba bsdams pa las/ /de nas legs rgyun la babs pas/ /bdag nyid lus la sogs pa de/ /gso bzhin par ni blta bar bya/ /de nas langs par 'dod na ni/ /smon lam dag kyang gdab par bya/ /phyag na rdo rje gos sngon can/ /go 'phang myur du thob par shog /bsod nams 'di yis 'gro ba ni/ /ma lus pa yis thob par shog /de nas de nyid gsum brjod pas/ /rang snying sa bon rang dkyil 'khor/ /bsdus te lha yi rnam pa yi/ /nga rgyal dag gis
- 304b
gnas par bya/ /nyin mo thun gnyis rnal 'byor pas/ /rang nyid sa bon las byung ba'i/ /yongs sur rdzogs pa'i dkyil 'khor kun/ /sngon bzhin du ni rab tu bya/ /de ltar nub kyi thun mtshams su/ /'on kyang khyad par yod gyur te/ /ye shes 'khor lo gshegs su gsol/ /'khor lo rang gi gnyug mar bsdu/ /ye shes 'khor gshegs su gsol ba'i sngags ni/ /oM khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang/ /slar yang 'di ru byon par mdzod/ /mu(rgyud 'grel): zhes bya'o/ /ye shes 'khor lo gshegs su gsol/ /gnyug mar dkyil 'khor bsdu bya ste/ /mal stan klu ru bsgom bya zhing/ /blo ldan seng ge bzhin du nyal/ / sngon gsungs klu ni gsum po yi/ /tho rangs bdag la bskul bzhin par/ /klu dbang rang nyid bsam par bya/ /langs nas sngon gyi zhag bzhin du/ /bsgom pa'i rim pa rab tu bya/ /dngos su thun ni so so la/ /ji srid dngos grub gyur de bzhin/ /bgegs rnams nye bar zhi don du/ /sngags rig pa yis thun la ni/ /ji lta'i gdams ngag gis sbyangs te/ /cho ga bzhin du gtor ma sbyin/ /rgyal bas dbang bskur bar bsams nas/ /rang nyid rnam par dag 'dod bya/ /rtsa sngags lan gsum brjod nas su/ /blo ldan byams pas gsol bar bsam/ /rkang 'og sna tshogs rdo rje ni/ /hUM yig las ni byung bar bsam/ /de yi steng du hUM skyes pa'i/ /rdo rje rtse mo lnga pa bsam/ /de steng 'bar ba'i rdo rje yi/ /gur ni hUM las byung ba ste/ /bgegs kun zhi bar bya ba'i phyir/ /bsgom pa rnal 'byor pa yi bya/ /sgrub po'i bsgom dang rmi lam na/ /mtshan ma rnyed gyur de nas ni/ /stegs bu rab tu bsgrub pa'i phyir/ /lha rnams kun la
- 305a
mchod par bya/ /ri bo dben pa skyed tshal dang/ /rgya mtsho'i 'gram dang chu bo'i dogs/ /yid 'ong byang chub sems dpa' gzhi/ /ma mo'i khang pa gnyug gzhi 'am/ /gzhan yang sa yi cha la ni/ /de la 'tshe ba bral? ba ru/ /dngos grub sgrub pa'i cho ga'i phyir/ /sngon gsungs dri yi chag chag gdab/ /bcu drug lo lon mig yang sa pa/ /lus rgyas mgo skyes gnas pa yi/ /khro zhing sna ni nyag gyur pa/ /bu mo blo ldan gyis bsgrub bya/ /rmangs? te chu dang 'o ma dang/ /dri zhim chu dang ldan pa yis/ /khrus byas gos sngon sar ba ni/ /de la yongs su bskon bar bya/ /me tog sngon po'i phreng ba dang/ /skra yi zhags pas dkri bar bya/ /dpral bar thig le bkod nas su/ /de la lcags kyu bri bar bya/ /lcags kyu rtse mo rnon po ni/ /de nas lag pa g.yas su sbyin/ /mkhrad zhing gsar du byas pa yis/ /snod ni de yi g.yon du sbyin/ /bsrung ba'i sngags kyi bzlas pa yis/ /de la yungs kar brdeg par bya/ /'khor los sgyur ba'i sngags 'di ni/ /brgya rtsa brgyad du brjod par bya/ /de la 'khor los sgyur ba'i sngags ni 'di yin te/ /oM badzra pA Ni ye sarba artha sid d+hi ku ru swAhA/ zhes bya'o/ /de nas sngags pas rdan? byin te/ /thun mong sbyin pas 'di mnyes bya/ /bden bral mtshams gnas bzang po yi/ /sa ni 'di yis blang bar bya/ /zhi ba'i sngags ni brjod par bya/ /sa ni nag po brke bar bya/ /phyung ste snod du blug nas su/ /rung ba'i gnas su blang sa la gzhag /de nas sa ni blangs pa la/ /dri zhim chu bzlas der gdab bya/ /mtho gang dang bcas sra ba yi/ /khru gang mtho ba'i stegs su dge /sa ni nag po dang bcas pa'i/ /sngon gsungs dri yis byugs par bya/ /stegs bu me tog sngon po yis/ /dus
- 305b
gsum du ni nye bar brgyan/ /stegs bu 'og gos la ni/ /de nas gos sngon rnal 'byor gyi/ /ting 'dzin gsum ni rab byas te/ /bum par lhag par gnas par bya/ /nag nog rtsa ba med mchu 'phyang/ /mgrin ring lto ba che ba la/ /'bras dang 'bras bu gsum 'og ma/ /rin chen sman dang yang dag ldan/ /me tog 'bras bu ldan gyur pa'i/ /yal ga dag gis kha brgyan te/ /sngon po mgul par gos ni sngo/ /sna tshogs me tog dag gis brgyan/ /bsam gtan dkyil 'khor yang dag ldan/ /rjes su mthun pa'i gdan la gnas/ /ci srid brgya rtsa brgyad tu ni/ /rtsa ba'i sngags ni bzlas par bya/ /maN+Dal dgu yi rim pa ni/ /de nas stegs bu dag la bya/ /lha yi gnas su yang dag gnas/ /dkyil 'khor rnon po 'gro zhu las/ /lha yi dkyil 'khor dge ba ni/ /dkyil 'khor steng du yang dag blta/ /ye shes dkyil 'khor bkug nas su/ /yang dag mchod de rab tu gzhug /bcid dang dgyes bya'i cho ga yis/ /yang ni arg+hA la sogs sbyin/ /sna tshogs mchod pas mchod nas ni/ /bstod dang sngags ni rab tu bzla/ /zhag ni nyi shu rtsa gcig tu/ /de ltar nyi re bzhin du bya/ /sngags pas bzlas pa khri phrag gcig /nyi ma re re yongs su bskang/ /de ltar byed pa'i rnal 'byor pas/ /zhi dang rgyas dang dbang dang ni/ /mngon spyod las ni thams cad du/ /des ni nges par 'grub par 'gyur/ /skyon rnams thams cad zad 'gyur te/ /yon tan thams cad thob par 'gyur/ /dug dang nye ba'i dug dang ni/ /klu yi dug ni med par 'gyur/ /'jigs pa brgyad nyid nyams 'gyur zhing/ /rims dang nad rnams de bzhin no/ /mi ma yin ni 'gres 'gyur zhing/ /rgyal po rkun po dbang du 'gyur/ /sdug bsngal skal dan dbul ba dang/ /rtsod pa sdig pa bsags pa rnams/ /mi 'dod pa yi sbyor ba yang
- 306a
rims kyis zad cing zil gnon 'gyur/ /g.yeng dang tshe dang legs stobs dang/ /rig pa dag dang 'khor gyis rigs/ /phyugs dang nor ni thams cad dang/ /nor dang 'bru yang 'phel bar 'gyur/ /gzhan yang sbyor ba ni yang dag par bskul ba rtsa ba'i sngags ni chu la lan gsum bzlos te/ shar phyogs su kha bltas bas g.yon pa'i lag pa phyag byed pa ltar byas te sngags pas khyor ba gsum btung bar bya'o/ /zla ba drug gi nang du shes rab dang ldan par 'gyur ro/ /sor lnga lnga brkos pa'i 'og gis dkar po dang/ 'bras zan la rtsa ba'i sngags kyis lan brgya rtsa brgyad bzlas te/ rkun po la mngon par phyogs te gtor na rkun po rengs par byed do/ /mi ma yin pas gzung ba la de bzhin du de'i dpung pa la yongs su bzlas te skud pa sngon pos bcings na grol bar 'gyur ro/ /byi la 'dug pa'i sa la de bzhin du yongs su bzlas te dri'i chu rma bya'i sgro'i chun pos gtor te/ grub pa'i don du chag chag byas na byi la rab tu zhi bar 'gyur ro/ /ba lang gi ske 'am rwa la de bzhin bzlas te/ skud pa sngon po la mdud pa brgya byas nas phyugs kyi nang zhi bar 'gyur ro/ /mi mang po 'chi ba'i sar sngar bzhin du bzlas pa'i dri chu la 'bu ka'i gsheg pas gtor zhing yungs kar ser po gtor na zhi bar 'gyur ro/ /khrag dang nya dang/ sha dang/ 'bras dang/ mon sran rde'u bsres pa'i zan dang/ kha dog kun dang/ til dang/ spos dang/ mon sran dre'u bcos pas sa'i khams skyong gang ba la de bzhin du bzlas te/ gtor ma de gang gi khyim du gtor ba de rtsa rgyud 'chad do/ /rang gi snying ga'i nyi ma las spros pa'i rab tu gtum pa'i 'od zer gyi tshogs kyis khams gsum du gtogs pa'i dug bsregs bzhin par rnam par bltas la rang gi snying ga'i sa bon las spros pa'i
- 306b
rab tu dkar ba'i 'od zer gyi bdud rtsis rgyas par snang bzhin par blta bar bya'o/ /khams gsum gyi dug nyams par byed pa'i sbyor ba'o/ /nam mkha' la spyod pa'i nyi ma'i dkyil 'khor la khams ser po rnam par bsams la/ de yongs su gyur pa las mdag ser pa'i dug gis phung por nyi ma'i dkyil 'khor rnam par bsgom par bya'o/ /de nas nyi ma las byung ba'i dug gi 'od zer gyi tshogs kyi zel ma'i rnam pa dmug pa lta bu lhang ste/ sems can gyi 'jig rten dang/ snod kyi 'jig rten gnyis khyad par bya'o/ /brtan pa dang g.yo ba dug du bya ba'i sbyor ba'o/ /gal te yang/ dug de med par byed 'dod na gong du bstan pa'i sbyor bas bya'o/ /dug bslang ba'o/ /klu rnams tshar bcad par 'dod na/ klu'i gnas su sngags de nyid khro bo'i tshig gis bzlas par bya'o/ /klu 'bros par 'gyur ro/ /gal te mi 'bros na de rnams spyi bo dang mig 'gags so/ /mtsho skam mo/ /gzhan yang chu'i skye bo 'chi bar 'gyur ro/ /klu la sogs par tshar bcad pa'o// de nas phyag na rdo rje gtum po'i sngags kyi sbyor ba brjod par bya ste/ na mo ratna tra yA ya/ nA ma(rgyud 'grel): tsaN+Da badzra pA Na ye mahA yak+Sha sai nA pa ta ye/ a na le/ pa ra le/ hUM ru ra swAhA zhes bya ba 'dis ske tshe'i mar khu la brgya rtsa brgyad bzlas te/ de yis rkang? byugs dpag mtshar bcu ru 'gro zhing song yang mi 'chad do/ /rkang pa'i nye bar spyod pa'o/ /na mo ratna tra yA ya/ na ma(rgyud 'grel): tsaN+Da badzra pA Na ye/ mahA yak+Sha sa nA pa ta ye/ oM kA me ka ma ya ka badzri ni ka ma la ye/ kA ma bA si ni ka ma shwa ri ni mit+trI? kA ma badzre ni/ A nA ya la glu? che ge mo/ /me ba sha mA nA ya swAhA zhes bya ba'i sngags bzlas par bya'o/ /de nas gro kha la tshon sna ma lus pas sor brgyad kyi tshang phyag g.yas pa dang g.yon pa gnyis na/ sa bon gyis gang ba'i shing tog
- 307a
dang/ rdo rje bsnams pa'i rdo rje 'dod ma bri la/ snying kar dri zhim po'i me tog la brgya rtsa brgyad bzlas shing snying gar dus gsum du brdeg par bya'o/ /zhag bdun phrag gsum na phyag rgya'i sbyor bas brgya byin gyi bu mo yang 'gugs par 'gyur ro/ /de la phyag rgya ni lag pa gnyis phan tshun sbyar te/ sor mo'i rtse mo khab lta bur byas te/ rdo rje'i rnam par mtheb chen gnyis sdigs mdzub gnyis la sbyar bar bya'o/ /dbang dang dgug pa'o/ /na mo ratna tra yA ya/ na ma(rgyud 'grel): tsaN+Da badzra pA Na ye/ /ma hA yak+Sha ye nA pA ta ye/ tadya thA/ na ma(rgyud 'grel): tsaN+Da yak+Shi ni/ as+thi ni/ tsA pa sha hi sa da dzA me da mahA ta swAhA zhes bya bas shar gyi grwar phyag na rdo rje'i sku gzugs gyi mdun du stong phrag gcig bzlas par bya'o/ /de nas phyag na rdo rje la ci 'byor bas mchod pa byas la/ sngags brgya brgya'i bar du bzlas pa byas la nyal bar bya'o/ /de'i tshe gang bsams pa de 'grub pa 'am mi 'grub pa de nyid brjod par byed do/ /rmi lam brtag ba'o/ /na mo ratna tra yA ya/ na ma(rgyud 'grel): tsaN+Da badzra pA Na ye/ mahA yak+Sha se nA pa ta ye/ oM bA bA hi/ mahA pA rA hi/ badzra pA rA hi/ mahA badzre/ ma nu Sha badzra/ a be shA ya/ de ba h+ri dA ya/ /a be shA ya/ yak+Sha h+ri da ya/ a be sha ya/ gand+ha ? h+ri da ya/ a be sha ya/ daM Sh+Ta ma daM Sh+Ta/ a be sha ya/ a be sha ya/ hUM hUM hUM/ gardza gardza/ g+hur+Na g+hur+Na/ nar da nar da/ kaM pa kaM pa/ a be sha ya/ a be sha ya/ b+hu me pa ta ya/ sid+d+ha tsaN+Da? badzra pA Ni rA dz+nyA pa ya ti swAhA/ zhes bya bas ? dkar po'i shing la sor brgyad kyi tshang? ma'i pags pa snams pa'i rdo rje phag? mo mdun du gzhag ste/ 'bum 'phrag gcig bzlas ba bya'o/ /de nas nag po'i phyogs kyi brgyad nas nub gsum du smyur bar gnas pas/ lha
- 307b
lha mo'i mdun du bum pa'i chu la brgya phrag brgyad mngon par bsngags par byas la/ me tog gi phreng ba yang dag par gzhag ste/ ci srid rang nyid la bsams kyi bar du bzlas par bya'o/ /de nas dgos dgu byed pa'i g.yog pos bum pa'i chus khrus byas la/ me tog gi phreng ba skad? pa la dkris na de nas babs pa las legs par 'gyur ro/ /de nas gzung ste mthong ba tsam gyis thams cad la phobs par 'gyur ro/ /sbra tshil dang myos byed kyi rang bzhin gyi sprul la brgya phrag brgyad mngon par bzlas te/ lha che ge mo shig ces kyang brjod par bya'o/ /de nas sbrul 'dzin par 'gyur ro/ /chu bos bar du chod pa'i grong yang 'dzin te/ de yang gzhan gyis 'tsho ba'i nus pa med do/ /gzhan yang 'tsho bar 'dod na gzung ba'i mi/ /lha mo'i mdun du khrus byas la/ /lha mo'i mos khrus byas na de nas sos par 'gyur ro/ /tsha ba gsum gyis lto ba bkang ba'i spra tshil gyi rang bzhin gyi gzugs byas te/ myos byed kyi tsher mas phug la seng ldeng gi me la nyin zhag bdun dus gsum du gdungs na/ gang gi ming nas gzung ba de dbang du 'gyur ro/ /de ltar pho ba ris dkar po'i sbyin sreg zhag bdun du byas na de dbang du 'gyur ro/ /de yang lha mo g.yon pa'i phyag gis rdo rje gzung ba/ g.yas pa'i phyag gis mdud 'phyang ba/ mi bzang cing bod thung la khro bo'i lta stangs can g.yas brkyang ba'i zhabs kyis gnas pa'o/ /las kyi sbyor ba gzhan dang gzhan ni gzhung mangs pa sa 'jigs bas na 'dir ma brjod do/ / sngon gyi slob dpon byas pa'i gzhung/ /bltas nas ma rgyas 'khrugs pa la/ /de dag rgyas phyir 'di byas la/ /bdag la mkhas rnams bzod par mdzod/ /gos sngon phyag na rdo rje'i sgrub thabs ni/ /rab rgyas sbyor ba dang ldan byas pa
- 308a
las/ /bdag gi bsod nams bsags pa de yis ni/ /gos sngon rdo rje 'dzin pa dgra rgyal shog /klu'i rgyal po thams cad kyis phyag byas pa'i phyag na rdo rje gos sngon po can gyi sgrub pa'i thabs/ slob dpon mkhas pa chen po dpal stong pa nyid ting nge 'dzin rdo rje'i zhal snga nas mdzad pa rdzogs so// //rang gi bla ma nyid la thos nas khams pa dge slong ba ri lo tsa ba chen po rin chen grags pas bsgyur cing/ slad kyis rgya gar gyi mkhan po a bi yug+ha dang/ zhu thig byas nas gtan la phab pa'o// (//phyag na rdo rje'i dkyil chog 'gro bzang snying bos mdzad ba'o/) /rgya gar skad du/ badzra pA Ni maN+Dal bid+hi/ bod skad du/ phyag na rdo rje'i dkyil 'khor gyi cho ga /dpal phyag na rdo rje la phyag 'tshal lo/ /dpal ldan phyag na rdo rje dang/ /bla ma la gus phyag 'tshal te/ /sgrub pa po la phan pa'i phyir/ /de yi dkyil 'khor cho ga brtsam/ /dpal phyag na rdo rje sgrub par 'dod pa'i rnal 'byor pa'i don du dkyil 'khor cho ga 'di bsdu bar bya'o/ /de la sngon du bsnyen pa bya ba ni sgrub pa'i thabs las 'byung ba bzhin du bdag nyid lhar bskyed la snying po 'bum bzlas pa bya ba 'am/ yang na ji srid mtshan ma thob par ma gyur gyi bar de srid du bsgom pa dang bzlas pa ni sngon du bsnyen pa'i cho ga'o/ /de ltar bsnyen pa rdzogs nas sa'i cho ga bya ste/ gtsug lag khang ngam kun dga' ra ba 'am/ nags tshal la sogs pa yid du 'ong ba'i gnas su sa bslang ba dang/ sa sbyang ba dang sa gzung ba dang/ sa byin gyis brlab par byas te/ da la bslang ba ni gnas kyi bdag po la bslang ba dang/ maN+Dal dang dri'i thig le dang/ me tog
- 308b
gi tshom bu bya ste/ /mchod pa bdag dor ma bshams nas oM a pra ti bi ka ra sha hUM zhes bya ba dang/ rdo rje bsdam ma pa'i mdzub gnyis brkyang las la reg par byas pas sa'i lha mo 'khor dang bcas ba spyan drangs la/ sa'i lha mo mtshon pa dang/ de'i 'khor la gtor ma byin nas gsol ba gdab par bya ste/ skyob pa sangs rgyas thams cad kyi/ /spyod ba'i tshul dang khyad par dang/ /sa dang pha rol phyin pa la/ /lha mo khyod ni dbang du gyur/ /skyob pa shAkya seng ge yis/ /ji ltar bdud kyi sde bcom pa/ /de bzhin bdag gis bdud kyi sde/ /pham par bya ste dkyil 'khor bri zhes lan gsum gyi bar du brjod la/ byin par bsams te mchod la gshegs su gsol/ /de nas spyang ba ni drag po dang zhi ba'i sbyin srog bya'o/ / 'dom gang nye 'khor du lte ba nub tsam/ pus mo nub tsam brkas la gseg ma dang/ gya mo dang/ rus pa la sogs pa bsal la sbos chus bran la/ sa de nyid kyis bkang nas sa'i ltas brtag par bya ste sa sbyang ba'i cho ga'o/ / de'i rjes las gzung ba ni gdugs dang/ rgyal mtshan dang/ bla bre la sogs pa bres la sku gzugs bkras nas phyogs bzhir spos rgyun mi 'chad par btul bar bya'o/ /de nas lag pa g.yas pa der gtugs te/ yi ge brgya pa bdun nam nyi shu rtsa gcig bzlas bar bya ste/ sa gzhi rdo rje'i rang bzhin du byin gyis brlab pa ni sa gzung ba dang byin gyis brlab pa ste sa'i cho ga'o// //de nas bdag nyid khrus bya zhing dris byugs la/ gos sngon po'i stod g.yogs dang/ smad g.yogs bgo zhing/ rgyan gdags shing rdo rje dril bur ldan pas gal te nus ni smyung bar gnas ba 'am/ ma nus na zas dkar gsum bza' bar bya'o/ /de la re zhig sa'i dkyil 'khor gyi
- 309a
dbus su 'dug la tshogs bsag pa dang/ bsrung ba'i 'khor lo bsgom pa dang/ gzhal yas khang gdan dang bcas pa bsgom par bya ste/ de'ang yi ge hUM yongs su gyur ba las rdo rje chen po nam mkha' i tshad dang mnyam pa khong stong bsam pa ni bsrung ba'i 'khor lo'o/ /de'i nang du b+h+ruM las gzhal yas khang gru bzhi sgo bzhi pa/ rta babs dang bcas pa bskyed la/ dbus su a las zla ba'i dkyil 'khor bsgom par bya'o/ /de nas bdag nyid lhar bskyed la ye shes sems dpa' gzhug pa dang/ dbang bskur ba dang/ yi ge gsum gyis gnas gsum du byin gyis brlab pa'i bar du byas la sa'i lha mo mchod nas gsol ba gdab pa'i bar du bya'o/ /de nas sgrub pa'i grogs pos mtshan brgya rtsa brgyad pas/ bstod nas gsol ba gdab par bya ste/ maN+Dal dbus dang phyogs bzhir ni/ gos sngon rigs lnga skad cig gis bsgoms la/ lha la gsol ba gdab pa'i cho ga /rdo rje'i dkyil 'khor bri ba'i phyir/ bdag gis dkyil 'khor sa gzungs bas/ /sangs rgyas byang chub sems dpa' yis/ /bdag la byin gyis brlab du gsol zhes so/ /slob ma bzhi yis phyogs bzhi nas gsol ba gdab pa'i tshig 'di dag go /rdo rje gos sngon rigs kyi gtso/ /mnyam pa'i ngang las 'bar ba'i sku/ /zhe sdang chen po tshar gcod phyir/ /rdo rje rigs kyis sa gzung mdzod/ /rin chen gos sngon rigs kyi gtso/ /mnyam pa'i ngang? las 'bar ba'i sku/ /nga rgyal can rnams gzhom pa'i phyir/ rin chen rigs kyi sa gzung mdzod/ /pad+ma'i gos sngon rigs kyi gtso/ /mnyam pa'i ngang las 'bar ba'i sku/ /'dod chags can rnams gdul ba'i phyir/ /pad+ma rigs kyi sa gzung mdzod/ /las kyi gos sngon rigs kyi
- 309b
gtso/ /mnyam pa'i ngang las 'bar ba'i sku/ /phrag dog can rnams gdul ba'i phyir/ /las kyi rigs kyi sa gzung mdzod ces so/ /de nas mig g.yas par ma las nyi ma'i dkyil 'khor/ g.yon par Ta las zla ba/ rkang mthil du sna tshogs rdo rje bskyed nas langs te sangs rgyas thams cad la phyag byas bdag lha'i sku gsal bar dmigs te/ dbus kyi gtso bo nam mkhar bteg la khro bo'i bstod pa bya'o/ /de la bstod pa ni/ chos dbyings stong pa gnyis med dang nyid las/ /'jig rten spyod pa'i tshul yang mi sbor? zhing/ /thabs la mkhas pa 'jigs byed skur ston pa'i/ /khro chen 'bar ba'i tshegs la phyag 'tshal bstod/ /bskal pa'i med bung 'bar ba'i klong dkyil nas/ /dpa' ba' i stang stabs brkyang bskum tshul du bzhugs/ /nyi zla 'bar ba'i spyan gyi sdad mig gis/ /bgegs dpung bsreg par mdzad la phyag 'tshal bstod/ ces brjod la bka' bsgo par bya ste/ dkyil 'khor chen po'i sa gzhi la gnas pa'i/ /lha la sogs pa'i bgegs tshogs kun nyon cig /da ni gnas 'dir dkyil 'khor chen po 'dri/ /bgegs kyi rigs tshogs gang yin 'byer bar gyis/ /ci ste nga yi bka' las 'das gyur na/ /ye shes can gyi rdo rje 'bar ba 'dis/ /spyi bo tshal pa brgya ni 'gas 'gyur zhing/ /rnam par 'jig par 'gyur bar gdon mi za zhes bya ba dang/ ding rnal 'byor gyi dbang phyug che ge mo zhes bya bas rdzogs pa'i slob ma che ge mo zhes bya ba byang chub tu rdzogs pa'i bya ba'i phyir dang/ sems can thams cad bla na med pa'i byang chub thob pa'i phyir dang/ dpal phyag na rdo rje zhes bya ba'i dkyil 'khor chen po zhig rtsom gyis gang su yang rung bas phyogs 'di na gnas pa'i lha dang/ lha ma yin dang/ gnod sbyin dang/ srin po dang/ yi dags
- 310a
dang sha za dang/ 'byung po dang/ gnon po dang/ mkha' lding dang/ mi 'am ci dang/ rigs 'dzin la sogs pa rgan po dang/ rgan mo dang/ 'khor dang/ g.yog du bcas pa 'dir ma gnas par gzhan du dengs shig de ltar phyag na rdo rje'i bka' thos pas myur ba nyid du dengs shig /gang dag mi 'gro ba de dag ni de'i ye shes kyi rdo rje chen po kun tu 'bar ba 'dis mgo bo tshal ba brgyar 'gas par 'gyur te re zhes lan gsum brjod de/ rdo rje chen po'i ga ra dang/ rdo rje chen po'i 'gros kyis sa gzhi lan gsum bskor zhing/ rang gi lus las khro bo'i tshogs phyung la sdang ba thams cad bskrod par bsam mo/ /de nas yi ge hUM gis bsrung ba'i 'khor lo byas la/ phur bu lnga stong phyag na rdo rje smad rdo rje rtse gcig pa lta bur bskyed nas/ oM badzra kI li kI la ya sarba big+han+na? ban d+ha hUM phaT ces bya ba brgya rtsa brgyad bzlas la dbus su grwa bzhir oM g+ha g+ha g+hA ta ya g+hA ta ya/ sarba duSh+Tan hUM phaT/ kI la ya kI la ya/ sarba pA paM hUM phaT/ hUM hUM hUM badzra kI li kI la ya badzra d+ha ra Adz+nyA pa ya ti/ kA ya bAk tsit+ta badzra kA li ya hUM phaT ces bya bas btab la/ oM badzra mud ga ra A ko Ta ya hUM phaT ces bya bas brdung bar bya'o/ /de nas srung skud bcing ba dang/ gu gul gyis bdug pa dang/ me tog phreng ba btags shing dri'i thig le byas nas byams pa'i go chas bskon par bya'o/ /de nas dkyil 'khor ba'i rnam pa lnga dang/ snying po bzlas pa'i bri chus byugs la/ dbus su dri'i thig le byas te me tog gi tsham bu bkram nas dza(rgyud 'grel): hUM bo ho(rgyud 'grel): 'i sngags kyis bteg pa la bzhugs su gsol la ye shes sems dpa' gzhug pa dang/ dbang bskur ba dang/ yi ge gsum gyis gnas gsum du byin gyis brlabs/ mchod pa lnga dang/
- 310b
mchod pa rgyas pa dang/ bstod ba byas nas snyan gsan dbab par bya ste/ phyag na rdo rje bcom ldan 'das/ /rigs sngags rgyal la phyag 'tshal lo/ /slob ma kun la brtse ba dang/ khyed rnams la yang mchod pa'i phyir/ /sang ni dkyil 'khor bri bar 'tshal/ /bcom ldan bdag ni gus pa la/ /de bas gnang ba mdzad par rigs/ zhes lan gsum brjod par bya ste/ lha lhag par gnas par bya'o/ /de nas bum pa gnyis legs par bkrus nas ras gtsang ma mgul bar bcings te/ ldum bcas lcug mas kha brgyan la/ rin po che lnga dang/ sman lnga dang/ 'bru lnga bcug nas lhag par gnas par ste/ de nas bum pa bdud rtsi 'khyil pas bsangs nas/ b+h+ruM las gzhal yas khang dang/ baM las 'o ma can gyi rgya mtsho dang/ h+ri las sna tshogs pad+ma dang/ a las zla ba'i dkyil 'khor bskyed nas de'i steng du hUM las phyag na rdo rje bskyed de/ ye shes sems dpa' dgug pa dang/ gzhug pa dang/ dbang bkur ba dang/ byin gyis brlab pa dang/ mchod pa dang/ bstod pa byas nas sngags brgya rtsa brgyad bzlas te/ gos gtsang mas bkab la bzhag ste/ phyi de zhag gsum du bzlas pa bya ste bum pa lhag par gnas pa'o/ /de nas 'byor pa yod na sbyin sreg gi mchod pa bya'o/ / de nas gtor ma'i cho ga las 'byung ba bzhin du gtor ma gtang nas slob ma lhag par gnas pa bya ste/ /brus byas la me tog lag tu thogs te slob dpon gyi zhabs gnyis la phyag 'tshal nas gsol ba btab ste rgyun bshags bya'o/ /dga' chen khyod la bdag dge'o/ /slob dpon khyod ni dgongs su gsol/ /byang chub chen po'i tshul bstan pa'o/ /mgon po chen po bdag la stsol/ dam tshig chen po stsal du gsol/ /byang chub sems ni bdag la stsol/ /sangs rgyas chos
- 311a
dang dge 'dun te/ /skyabs gsum dag ni bdag la stsol/ /thar pa chen po'i grong mchog tu/ /mgon po bdag ni gzhug tu gsol/ khu tshur theg pa chen po yi/ /gsang sngags tshul chen spyod pa dag /khyad la yang dag bstan par bya/ /khyod ni tshul chen snod yin te/ /dus gsum 'byung ba'i sangs rgyas rnams/ /sku gsung thugs kyi rdo rje can/ /rdo rje gsang sngags 'di bsgoms pas/ /dpa' bo byang chub shing drung du/ /thams cad mkhyen pa'i mtshan ma brnyes/ gsang sngags sbyor ba mnyam med de/ /shAkya seng ge skyob pa yis/ /bdud sde shin tu mi bzad pa'i/ /dpung chen dag kyang de yis bcom/ /'jig rten rjes 'jug par rtogs nas/ /'khor lo bskor nas mya ngan 'das/ /des na kun mkhyen thob bya'i phyir/ /bu yis blo gros 'di gyis shig /de nas lhar bskyed nas mchod pa bya ste/ /so shing dor ba dang/ ku sha sbyin ba dang/ spung skud gdags pa dang/ zab cing rgya che ba'i chos bshad pa bya ste/ 'jig rten du ni kun mkhyen rnam// u dum pa ra'i me tog bzhin/ /rgya lam na ni res 'ga' zhig /'byung 'gyur yang ni mi 'byung ngo/ /gsang sngags spyod pa'i cho ga ni/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nas/ /skal pa bye ba du ma ru/ /chos kyi 'khor lo bskor ba dang/ /'gro don mnyam med byed par 'gyur/ /gzhan yang theg pa chen po yi/ /lam mchog 'di ni dpal dang ldan/ /khyed rnams der ni dong bas na/ /thams cad mkhyen pa'i 'bras bu thob/ /rdzogs pa'i sangs rgyas nyid du 'gyur/ /des na bu yis brtson par gyis/ /slob ma lhag par gnas pa'o/ /de ltar lhag par gnas par byas nas/ /nang bar nyi ma shar dang mchod pa bshams la//
- 311b
dkyil 'khor nam mkha' bteg ste/ sa bzhi pa'i rnam lnga dang dri chen pos byugs nas thig skud byin gyis brlabs la cho ga bzhin thig gdab par bya'o/ /de nas tshon dgye bar bya ste/ tshon byin gyis brlab la dbus su pad+ma dang zla ba'i gnas la rdo rje rtse lnga pa bris pa dang/ phyogs kyi rim par tshon dgye ba dang/ rtsig pa la phyir rim dkar po dang/ sor po dang/ dmar po dang/ ljang gu dang/ zhag po dang/ kha khyer dmar po dang/ rin po che pha khu ser po dang/ dra ba dra phyed nag po/ /mnga' yab ljang gu /rta babs ci mdzes pa/ rdo rje me ri dang/ bcas bri bar bya'o/ /de ltar dkyil 'khor bris nas dgongs ka'i dus su mchod rdzas bsags nas bdag nyid stan bde ba la 'dug ste/ lha'i nga rgyal gyis dkyil 'khor btags la yid kyis nang du zhugs te/ lhag pa dang mchod pa'i nyes pa zhi bar bya ba'i phyir lan bdun pa skor bar bya'o/ /de nas me tog gi phreng ba dor la slar rang gi mgo la bcing bar bya'o/ / de nas bdag nyid lhar bskyed la mdun gyi lha yang sa bon gyi yi ge yongs su gyur pa las/ rdo rje las 'od zer sngo bsdu byas nas/ lhar bskyed la ye shes sems dpa' gzhug pa la sogs pa byas nas/ mchod pa rgyas par phul bstod pa byas nas bum par bcug ste/ bzlas pa byas nas tshur zhu ba las sku khrus gsol bar bya'o/ /de nas sbyin sreg bya ba dang/ gtor ma btang nas slob ma la dbang bskur bar bya ste/ de nas bdag nyid 'jug pa'i chog dang/ slob ma 'jug pa'i cho ka mang tshul bzhin du bya'o/ /de nas dkyil 'khor gyi lha la phyag byas la/ /gnang pa nod par bya ste/ bdag ming 'di zhes bgyi bas ni/ /rdo rje slob dpon dka' thub che/ /sems can rnams la phan
- 312a
pa'i phyir/ /slob ma rnams ni 'jug par 'tshal/ /de nas rdo rje slob ma yis/ /spyod lam lags par bsrungs pa yis/ /bla ma chen po khyed kyis ni/ /byang chub chen po'i lam ston pa'i/ /bsam gyis mi khyab dam chos slob/ /dbang bskur dam pa mdzad du gsol/ /gdong g.yogs bcing ba dang/ rgyun bshags bya ba dang/ sdom pa gzung ba dang/ lhar bskyed cing las thams cad pa'i buM pas khrus bya ba dang/ dkyil 'khor du 'jug pa dang/ /lha'i dam tshig bsgrag pa ni/ /mthu stobs phyag na rdo rje ni/ /khyed kyi snying la yang dag zhugs/ rtag tu yi dam lha yin gyi/ /tshul 'di smra bar ma byed cig /gal te tshul 'di smras na yang/ /de ma thag tu dral te gshegs zhes pa'o/ /de nas tsan dan gur kum la sogs pa'i chu khyor bar blugs la 'di ni khyod kyi dmyal ba'i tshul/ /dam tshig 'das na tshig par byed/ /gal te gsang sngags dngos grub ni/ /rdo rje bdud rtsi'i chu 'dis 'grub ces brjod do/ /de nas slob dpon gyis dam tshig bsgrag ste/ nga ni phyag na rdo rje ste/ /nga yis bsgos pa'i las nyon cig /ma mos brnyas par ma byed cig /gal te khyed kyis bsnyas na ni/ /dam tshig 'di yis sreg bar byed/ /tsha ba chen po'i gnas su sreg ces pa'o/ /ye shes dbab pa/ de nas rdzas kyi dud pa btang/ rdo rje slob dpon gyi thugs ga nas/ /kha dog dmar ba'i a gton nas/ /slob ma'i snying gar gzhug bar bya/ /slob ma rnams kyis bde ba bsgom/ /'phar dang ldeg pa'i rtag byung na/ /de nyid brtan pa'i yan lag bya/ /ye shes dbab pa'o/ /phreng ba dor ba dang/ gdong g.yogs dgrol ba dang/ dkyil 'khor blta ba byas nas
- 312b
lhar bskyed la/ rang bzhin rnam dag bdag nyid las/ /dpa' bo dbang phyug ma yi gnas/ /dri ma rang bzhin dkyil 'khor ni/ /bu khyed kyis ni blta bar gyis/ /gdong g.yogs bkrol te 'khor lo'i lhag de bzhin nyid ni bstan par bya/ /gtso bo sgo mar bcas pa bstan/ /chu dang/ cod pan dang/ rdo rje dang/ dril bu dang/ ming gi dbang bskur bar bya'o/ /de nas sku gsung thugs kyi brtul zhugs la sogs pa bskur ro/ /de yang dang po/ /yon phul nas ni gsol gdab bya/ /bum ba'i chu kun bsdus nas kyang/ /slob ma la ni dbang bskur bya/ /byang chub rdo rje sangs rgyas pas/ /ji ltar phul bas mchod pa che/ /bdag kyang bsgral ba'i don du ni/ /nam mkha' i rdo rje bdag la gsol zhes brjod la/ de nas bum pa'i dbang bskur te/ rdo rje dbang bskur chen po ni/ /khams gsum kun gyis phyag byas pas/ /gsang gsum bzhi las byung ba yi/ /rdo rje gos sngon chu dbang sbyin/ /oM badzra nI lAM ba ra a b+hi Shiny+tsa mi/ / de nas dbu rgyan gyi dbang bskur te/ sangs rgyas yon tan las byung ba'i/ /yid bzhin nor bu 'bar ba che/ /bsams pa thams cad 'byung pa'i gnas/ /rin chen gos sngon ka dbang bskur ro/ /oM ratna mu ku Ta a b+hi Shiny+tsa mi/ de nas rdo rje'i dbang bskur te/ /sangs rgyas kun gyi rdo rje'i dbang/ /di ring khyod la bskur byas pas/ /sangs rgyas thams cad rab bsgrub phyir/ /pad+ma'i gos sngon rdo rje zung/ /oM pad+ma nI lAM ba ra d+ha ra badzra pA Ni a b+hi Shiny+tsa mi/ de nas dril bu'i dbang bskur te/ /chos kun sgyu ma'i sgra sgrogs te/ /stong pa'i don las sad par byed/ /shes rab dril bu'i dbang bskur bas/ /las kyi gos sngon dbang thob shog /oM karma nI lAM ba ra d+hi pa ti stwaM a b+hi Shiny+tsa mi/ de nas ming gi dbang bskur
- 313a
te/ /rdo rje'i ming ni bla med pas/ /cis kyang mi tshugs mi shigs pas/ /bla med byang chub des thob pa/ /bde gshegs gos sngon dbang thob shog /oM bud+d+ha nI lAM ba ra d+ha ra nA ma a b+hi Shiny+tsa mi/ des nas phyir mi ldog pa rdo rje slob dpon gyi dbang bskur te/ /dbang stegs pad+ma 'dab brgyad dri/ /de steng slob ma bzhag nas ni/ /tshig gis gsol ba gdab par bya/ /mi ldog 'khor lo'i dbang gsol cig dkyil 'khor lha yi de nyid dang/ /sngags dang phyag rgya'i de nyid rnams/ /bdag nyid slob dpon bgyid par 'tshal/ /de nas bum chus dbang bskur ba/ /gsang ba byang chub sems kyi chu/ /lha yi chu ni dag pa ste/ /dri med rdo rje chu yi dbang/ /rdo rje rigs mchog chu dbang sbyin/ /rdo rje dam tshig sbyin te/ hUM thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ rdo rje snying po bdag po'i gtso/ /yang dag thog ma med pa yi/ / skyes bu chen po bcom ldan 'das/ /oM badzra a b+hi Shiny+tsa mi/ /dril bu'i dam tshig sbyin/ /'di de sangs rgyas thams cad kyi/ /shes rab dbyings shes 'gro bar 'dod/ /rtag tu khyed kyis kyang bzung ste/ /rgyal ba'i byang chub mchog tu bzheng/ /oM badzra dipta driSh+Ta a b+hi Shiny+tsa mi/ phyag rgya'i dam tshig sbyin te/ thabs dang shes rab gnyis med rgya/ mi phyed rdo rje'i ngo bo nyid/ /'khyud pa'i dam tshig phyag rgya ste/ /khyed kyis kyang ni rtag tu bcad/ /oM kA ya mu dA a b+hi Shiny+tsa mi/ /dkyil 'khor gyi ni de nyid dang/ /slob dpon de nyid rab tu sbyin/ /de ba maN+Dal gu ru a b+hi Shiny+tsa mi/ de la lha'i gnang ba sbyin pa'o/ /sems can rnams la phan don phyir/ /'jig rten khams ni thams cad du/ /ji lta
- 313b
ji ltar 'dul 'gyur ba/ /de ltar chos kyi 'khor lo bskor/ /rjes su gnang ba sbyin ba'o/ /'di ni sangs rgyas thams cad kyi/ /rdo rje sems dpa' i phyag na gnas/ /rtag tu khyod kyis kyang gzung ste/ /lag na rdo rje'i brtul zhugs brtan/ /oM sarba ta thA ga ta tiSh+Tha sa ma ya/ a te de sha stwaM d+ha ra ya ni badzra satwa hi hi hi hi ha hUM zhes brtul zhugs sbyin no/ /de nas slob dpon gtso bor bsgoms te/ chos gos gyon pa'i tha ma lag pa g.yon pa'i khu chur gyis snying gar gzung la/ /lag pa g.yas pa mchod sbyin du bya/ kye 'dod chags rdo rje rdzogs sangs rgyas zhes bos la/ /sngags 'di brjod bar bya'o/ /sid+d+hi sa ma ya staM/ b+hu ra b+hu ba swA hA/ de nas lung bstan te/ sangs rgyas dang byang chub sems dpa' dang/ 'phags pa thams cad kyis mgrin gcig tu yang dag pa'i byang chub tu lung bstan pa'o/ /mchod sbyin gyi phyag rgya chen po'i mthu dang/ sngags kyi mthu nges par 'ong gis dad par gyis shig ces lung bstan par bya'o/ /dkyil 'khor cho ga sbyar ba yi/ /dge ba gang nges 'gro ba kun/ /phyag na rdo rje thob nas ni/ /'gro don ma lus byed par shog /dpal phyag na rdo rje'i dkyil 'khor gyi cho ga/ slob dpon klu sgrub dang/ 'gro bzang snying po'i don gcig tu bsdebs pa rdzogs so// // */ /rgya gar skad du/ sh+rI badzra pA Ni sto tra/ bod skad du/ dpal phyag na rdo rje la bstod pa/ dpal phyag na rdo rje la phyag 'tshal lo/ /hUM bskal ba me ltar 'bar ba'i klong dkyil nas/ /bzhengs shig bzhengs shig chos kyi dbyings nas bzhengs/ /chos sku nam mkha' lta bu'i ngang nyid las/ /gzugs sku 'ja' tshon lta bu'i skur snang ba/ /bcom ldan rdo rje gtum po khros pa'i sku/ /zhal gcig
- 314a
phyag gnyis sku mdog mthing nag la/ /g.yas pa rdo rje rtse lnga bsnun pa'i tshul/ /g.yon pa sdigs mdzub 'chang ba thugs kar 'dzin/ /dbu skra dmar ser gyen brdzes cod pan can/ /dbang bskur sangs rgyas mi bskyod pa yis mdzes/ /smin bsdus smin ma glog stong 'od du 'phro/ /spyan gsum 'bar ba khro bo'i lta bas mdzes/ /mche ba gtsigs shing dbugs rgyu me ltar 'bar/ /a la la yi gang rgya ngas chen po sgrogs/ /ha ha'i gad mos steng gsum brgyal bar byed/ /hUM gi nga ro 'brug stong ldir ba'i sgra/ /phaT kyis thog 'bebs rdo rje ser chen 'bebs/ /gshin rje'i gzugs can rgyan dang cha lugs ldan/ /sku stong seng ge'i pags pas rnam par brgyan/ /na bza' chos gos sngon po 'chang pa bsnabs/ /stag gi smad g.yogs pa ti khra bos brgyan/ /rin chen 'bar ba'i sprul gyis dbu brgyan cing/ /dga' bo nyer dga' i snyan chas rab tu mdzes/ /gdug pa 'bar ba zas su gsol par mdzad/ /? nag ser la kha ru brgyan pa ste/ /'dab bzang dkar pos ska rags rnams par bcings/ /nor rgyas bus ni phyag dang zhabs brgyan te/ /nyi zla'i steng na khro rgyal gar byed dgyes/ /sna tshogs pad+ma'i gdan la rnam par bzhugs/ /rdo rje'i rigs mchog bcom ldan gtum po ste/ /sangs rgyas 'dus pa'i sku la phyag 'tshal bstod/ /hUM bskal pa'i me 'bar klong na bzhugs pa 'di/ /nyon mongs 'khor brtsad nas gcod pa'i rtags/ /zhal gcig phyag gnyis sku mdog mthing nag ni/ /thabs dang shes rab zung du 'brel pa'i rtags/ /rdo rje rtse lnga g.yas na bsnams pa ni/ /ye shes lnga ldan dug lnga 'joms pa'i rtags/ /g.yon pas sdigs mdzub thugs kar 'chang ba ni/ /chos kyi dbyings
- 314b
las 'gyur ba med pa'i rtags/ /dbu skra dmar ser gyen du brdzes pa ni/ /khams gsum 'khor ba'i sems can 'dren pa'i rtags/ /sangs rgyas mi bskyod pa yis brgyan pa ni/ /de bzhin gshegs pa'i rigs la dgongs pa'i rtags// smin bsdus smin ma glog stong 'phro ba ni/ /thugs rje'i thabs kyis gdug pa 'dul ba'i rtags/ /mche gtsigs dbugs rgyu me ltar 'bar pa ni/ /thabs kyi spyod pas nyon mongs bsreg pa'i rtags/ /spyan gsum dmar ba khro bos blta ba ni/ /sku gsung thugs kyi don dang ldan pa'i rtags/ /a la la yi gang rgyangs sgrogs pa ni/ /'jig rten gsum na 'gran zla med pa'i rtags/ /ha ha'i gad rgyangs stong gsum brgyal ba ni/ thabs mkhas thugs rjes gdug pa 'dul ba'i rtags/ /hUM gi nga ro 'brug stong ldir ba ni/ /khro bo'i rigs rnams dbang du sdud pa'i rtags/ /phaT kyis rdo rje'i thog ser 'bebs pa ni/ /ma mo mkha' 'gro dbang du sdud pa'i rtags/ /gshin rje'i gzugs can rgyan dang cha lugs ni/ /sku tshe yan lag rags te che ba'i rtags/ /sku stong seng ge'i pags pas brgyan pa ni/ /chos nyid don lan spros dang bral ba'i rtags/ /na bza' chos gos sngon po 'chang ba ni/ /tshul khrims don ldan dri ma med pa'i rtags/ / stag sham pa ti khra bos brgyan pa ni/ /zhe sdang 'du la mdzad sgrub mchog skyob pa'i rtags/ /rin chen 'bar ba'i sprul gyis dbu brgyan pa/ /'dod dgu bsam pa re ba skong ba'i rtags/ /dga' bo nye dga' snyan chas brgyan pa ni/ /bram ze'i klu rnams dbang du sdud pa'i rtags/ /gdug pa 'bar bzas su gsol ba ni/ /gdol pa'i rigs rnams dbang du sdud pa'i rtags/ /klu nag ser la kha ru brgyan pa ni/ /dmangs rigs klu rnams dbang du sdud pa'i rtags/ /'dab
- 315a
bzangs dkar po ska rags bcings pa ni/ /rgyal rigs klu rnams dbang du sdud pa'i rtags/ /nor rgyas bu yis phyag zhabs brgyan pa ni/ /rje rigs klu rnams dbang du sdud pa'i rtags/ /nyi zla'i steng na gar byed dgyes pa ni/ /thabs dang shes rab bzung du 'brel ba'i rtags/ /sna tshogs pad+ma'i gdan la bzhugs pa ni/ /nyon mongs 'khor ba'i skyon gyis ma gos rtags so/ /rdo rje'i rigs mchog bcom ldan gtum po ni/ /thabs dang spyod pas 'gro don byed pa'i rtags/ /sangs rgyas thams cad 'dus pa'i skur bstan pa/ /sangs rgyas kun gyi 'phrin las mdzad pa'i rtags/ /sku yi yan lag rags te dpa' dang 'dra/ /rgyan dang cha lugs ldan te sgeg sgeg 'dra/ /zhe sdang 'joms mdzad stag gi sham thabs can/ /gdug pa 'dul mdzad sprul gyi chun pos brgyan/ /nyon mongs 'joms mdzad med pung klong na zhugs/ /sangs rgyas kun gyi bdag nyid rdo rje 'chang/ /bcom ldan gtum po'i sku la phyag 'tshal bstod// dpal phyag na rdo rje la don rtags kyi sgo nas bstod pa/ /slob dpon dI paM ka ra sh+rI dz+nyA nas mdzad pa rdzogs so// //paN+Di ta de nyid dang/ lo tsa ba rgya brtson 'grus seng ges bsgyur pa'o// // rgya gar skad du/ b+ha ga bA na badzra pA Ni sto tra/ bod skad du/ bcom ldan 'das phyag na rdo rje la bstod pa/ dpal phyag na rdo rje la phyag 'tshal lo/ /hUM bcom ldan phyag na rdo rje ni/ /sku mchog 'bar ba'i 'od zer can/ /gdug pa ma lus 'dul mdzad cing/ /stobs po che la phyag 'tshal lo/ /bcom ldan phyag na rdo rje ni/ /gsung mchog 'bar ba'i 'od zer can/ /ngag gi nyes pa 'joms mdzad pa/ /sngags rnams gsung la phyag 'tshal lo/ /bcom ldan phyag na rdo rje
- 315b
ni/ /thugs mchog 'bar ba'i 'od zer can/ /rnam rtog ma lus 'joms mdzad pa/ /rdo rje bsnams la phyag 'tshal lo/ /bcom ldan phyag na rdo rje ni/ /sku mdog sngon po 'od zer 'bar/ /rdo rje'i rtogs kyis 'byung po 'dul/ /rdo rje bsnams la phyag 'tshal lo/ /las kyi gnod sbyin chen po rnams/ /'jigs su rung ba'i cha byad can/ /ma lus thams cad 'jigs bar byed/ /'jigs byed khyod la phyag 'tshal lo/ /lcang lo can gyi gnas mchog dam pa na/ /gsang sngags rigs sngags kun gyi bdag po ste/ /log 'den bgegs kyi tshogs rnams 'joms mdzad pa/ /bcom ldan rdo rje bsnams la phyag 'tshal lo/ /bcom ldan 'das phyag na rdo rje la bstod pa/ rdzogs so// // */ /rgya gar skad du/ b+ha ga bAn nI lAM ba ra d+ha? badzra pA Na bA d+ha naM nA ma/ bod skad du/ bcom ldan 'das phyag na rdo rje gos sngon po can gyi sgrub pa'i thabs zhes bya ba/ bcom ldan 'das khro bo'i rgyal po phyag na rdo rje gos sngon po can la phyag 'tshal lo/ /g.yon brkyang ba yi gar gyis ni/ /ri bo 'dzin la bde bar bzhugs/ /klu rigs rnams kyi dgrar gyur ba'i/ /khro rgyal spyi bos rab btud nas/ /de nas bla ma'i bka' drin las/ /ji lta'i rim pas sgrub pa yi/ /bdag nyid de ltar dran pa yis/ /'di ni bdag gis bri bar bya/ /de la khro bo'i bdag po yang dag par sgrub par 'dod pa'i rnal 'byor pas/ /thog mar gdong khrus byas la phyag bya ste/ sa gzhi rnam par dag pa la me tog bkram nas de'i dbus su stan bde ba la 'dug ste/ rang gi snying gar yi ge hUM kha dog sngon po bsam la/ /de'i 'od kyis rje btsun phyag na rdo rje gos sngon po can dang thabs gcig pa'i bla ma dang sangs rgyas dang byang chub sems dpa' rnams yang dag par bskul la mdun du bsam nas mchod par bya'o/ /de nas sdig pa bshags pa
- 316a
la sogs pa'o/ /de nas oM shU n+ya tAdz+nyA na badzra swa b+hA ba At+ma ko haM/ de'i sgra'i don dang lhan cig tu stong pa nyid kyi don rnam par bsam par bya'o/ /de nas nam mkhar yi ge a yongs su gyur pa las zla ba'i dkyil 'khor de'i steng du yi ge hUM kha dog sngon po 'od zer dang bcas pa bsam par bya'o/ /de'i 'od kyis 'gro ba thams cad rnam par sbyangs nas rnam par grol bas so sor gos sngon po can gyi sku'i ngo bor byas la/ de nas 'od kyis bsdus nas sa bon gyi yi ge'i dbus su gzhug par bya'o/ /de nas rdo rje sngon po rtse lnga pa 'od zer 'phro ba dang bcas pas bltas la de nas de las 'od zer 'phros pas sems can thams cad drangs nas rdo rje la gzhug par bya'o/ /de ni yongs su gyur pa las// sku mdog sngon po cher 'bar ba/ /shin tu khro bas dregs pa yi/ /g.yon brkyang ba yis bde bar bzhugs/ /na tshod bcu drug lon pa bzhin/ /drag cing khro bo'i nyams dang ldan/ /klu brgyad kyis ni rnam par brgyan/ /zhal gcig pa la phyag gnyis pa'i/ /rdo rje rtse lnga bsnams pa yis/ /bsnun pa'i tshul gyis 'dzin mdzad cing/ /g.yon pa sdigs mdzub 'chang ba dang/ /na bza' sngon po 'char ba bsnams/ /spyan dmar mche ba brtsigs pa ste/ /dbu skra nyi ma'i 'od zer bzhin/ /dbu skra dgyen brdzes cod pan can/ /ha ha'i sgra ni cher sgrogs pa/ /khro bo'i rgyal po 'jigs par byed/ /log 'dren la sogs bsregs par mdzad/ /bdag nyid de 'drer bsam par bya/ /de nas rang gi snying gar yi ge hUM bkod la ye shes sems dpa' spyan drang bar bya/ /de nas mdun du bzhugs pa de la/ mchod par byas la/ /dza hUM baM ho(rgyud 'grel): zhes bya bas dgug pa dang gzhug ba dang bcing ba dang dbang du bya'o/ /yang lus dang ngag dang yid byin gyis brlabs par bya ste/
- 316b
mgo dang lkog ma dang snying gar zla ba'i dkyil 'khor la/ oM A(rgyud 'grel): hUM rim pa ji lta ba bzhin bkod la/ dkar po dang dmar po dang nag po dang bsam par bya'o/ /phyi nas ji srid nus par spro ba dang bsdu ba'i rim gyis mi skyo ba'i rab tu bsgom par bya'o/ / skyo bar gyur na gsang sngags yid kyis bzlas par bya ste/ myur ba dang dal ba dang gsal ba dang/ mi gsal ba spangs pa'i log pa'i rnam par rtog pa spangs la bzlas pa bya'o/ /bzlas pas skyon/ oM A kA ro mu khaM sarba d+harma NaM adya nutpan+na twat/ oM A(rgyud 'grel): hUM swAhA/ /gsang sngags 'dis gtor ma gtang ngo/ /de nas yi ge brgya pa bzlas par bya'o/ /de'i de ma thag tu ye shes sems dpa' mchod la/ khyod kyis sems can don kun mdzad/ /rjes su mthun par dngos grub gsol/ /sangs rgyas yul du gshegs nas kyang/ /slar yang byon par mdzad du gsol/ zhes bya bas gshegs su gsol/ de la bsnyen pa'i sngags ni/ oM nI lAM ba ra d+ha ra badzra pA Ni hUM hUM phaT de bzhin du brjod par bya'o/ /skal bar ldan pas sgrub thabs 'di la 'bad pas na/ /rang gi 'bad bas bla ma'i man ngag bdud rtsi ni/ /'thungs nas lus ni yongs su rgyas pa bskyed pa dang/ /rnal 'byor gcig gis byang chub sa ni bde thob 'gyur/ /skye ba snga ma'i yang dag skal bar ldan na yang/ /nyes pa 'di dag ji ltar spong bar nus pa 'gyur/ /bla ma'i drin gyis man ngag thob par gyur pa na/ /bsnyen pa med kyang dgongs pa 'di dag thams cad ni/ /de yis myur du dngos grub thob par gyur pa dang/ /dam pa'i gdam ngag phan pa'i bdud rtsi yi/ /thigs pas sdug bsngal phung po 'jigs par byed pas na/ /skye ba rnam rtog rdul rnams zhig par byed par 'gyur/ /khro bo'i rgyal po chen po gos sngon can sgyi sgrub pa'i thabs slob dpon 'gre
- 317a
bzang snying po'i zhal snga nas kyis mdzad pa rdzogs so// //rgya gar gyi mkhan po paN+Di ta te dza de ba dang/ bod kyi lots+tsha ba dge slong 'phags pa shes rab kyi bsgyur cing gtan la phab pa'o// // rgya gar skad du/ badzra pA Ni a ba ba la nI bi d+hi/ bod skad du/ phyag na rdo rje gos sngon po can gyi gtor ma'i cho ga /bcom ldan 'das khro bo'i rgyal po phyag na rdo rje gos sngon po can la phyag 'tshal lo/ /chu gtor byed par 'dod pas dang po gtor ma'i snod ci 'byor pa'i nang du chu gtsang ma srog chags med pas khengs par bkang/ de'i nang du phyed dang/ rin po che lnga dang/ sman dang/ me tog la sogs pa ci 'byor pa btab la skyabs 'gro sems skyed byas la/ bdag nyid phyag na rdo rje wa la gyis bsgoms la lus ngag yid gsum byin gyis brlab par bya'o/ /de nas oM swa b+hA ba shud+d+ha sarba d+harmA swa b+hA ba shud d+ho haM(rgyud 'grel): zhes brjod pas chu gtor gyi snod de stong par bsams la/ stong pa'i ngang las bruM ser po las gtor ma'i snod rin po che'i khang bu brtsegs pa/ /ri'i rgyal po ri rab kyi tshad tsam du bsams te/ de'i nang du gtor ma yi ge khaM ljang khu las kha zas ro brgya pa/ nam mkha' i tshad dang mnyam pa bsams te/ de'i nang du/ oM a kA ro mu khaM sarba d+harmA NAM/ Adya nutpan+na twat oM A(rgyud 'grel): hUM zhes 'jig rten pa'i bdud rtsir byin gyis brlabs te/ oM A(rgyud 'grel): hUM gsum gyis byin gyis brlabs te/ ye shes kyi bdud rtsir byin gyis brlab ba ni/ oM rur? a'u ru dzwa la tiSh+Tha sid+d+hi lo tsa na sarba artha sA d+ha na ye swAhA/ zhes bya ba sangs rgyas spyan gyi sngags dang/ nam mkha' mdzod kyi sngags kyis spel ba ni/ oM na ma(rgyud 'grel): sarba ta thA ga te b+hyo(rgyud 'grel): bi sho mu khe b+hya:/ sarba thA khaM
- 317b
ung+ga ta spha ra na hi maM ga ga na khaM swAhA/ zhes lan gsum brjod do/ /rang gi sa bon las 'od 'phros pas nam mkha' i khams su h+rI(rgyud 'grel): las pad+ma dpag tu med pa bsams te/ de'i steng du yi dam lha la sogs pa 'gro drug thams cad spyan drangs la/ de rnams la yang 'od phog pas sdig sgrib dag nas yi dam gyi lhar byas la/ bdun rnam dag byas la bgegs bskrad pa ni oM badzra pA Ni a mri ta kuN+Da li ha na ha na hUM phaT ces byas/ /oM nI lAM ba rad+ha ra badzra pA Ni A dz+nyAM pa ya ti i daM ba liM grih+na tu sa ma ya/ rak+ShaM tu ma ma sarba sid+d+hiM me pra yats+tshiM tu ma ma sarba karma sA du swAhA zhes pas yi dam rnams la dbul/ /mgron gzhan rnams la yang sbyin pa na /na ma(rgyud 'grel): sarba ta thA ga ta a ba lo ki taM oM saM b+ha ra stwaM ba ra hUM zhes brjod pas byin gyis brlabs kyis/ phan tshun zhe 'gras pa med pa dang/ 'byor pa phun sum tshogs par byas nas sngags 'dis yid la ci 'dod pa dang/ mig sngar ci mdzes pa mngon par dga' ba dang/ mi skye ba'i chos la bzod pa thob par 'gyur/ oM ru ru sphu ru dzwa la tiSh+Tha sid+d+hi lo tsa na sarba artha sA d+ha na ye swAhA/ sngags 'di gnyis lan bdun bdun du brjod do/ /de ni zang zing gi sbyin pa'o/ /chos kyi sbyin pa ni rten 'brel snying po dang/ de nas chos rnams thams cad rgyu las byung/ /de rgyu de bzhin gshegs pas gsungs/ /de la 'gog pa gang yin pa/ /dge sbyong chen pos 'di skad gsungs/ /sdig pa ci yang mi bgyi ste/ /dge ba phun sum tshogs par spyang/ /rang gi sems ni yongs su dul/ 'di ni sangs rgyas bstan pa yin/ zhes pa dang/ de nas smon lam gdab ba ni/ /dge ba 'di yis skye bo kun/ /bsod nams ye shes tshogs bsags te/ /bsod nams ye shes las byung pa'i/ /dam pa nyid ni thob par shog /zhes
- 318a
pa'o/ /de nas bden pa bdar ba ni/ /sangs rgyas kyi bden pa dang/ chos kyi bden pa dang/ gsang sngags dang/ rigs sngags dang/ phyag rgya dang/ ting nge 'dzin dang/ bdag gi bsam pa rnam par dag pa'i stobs kyis sems can thams cad kyi gnod pa thams cad zhi nas bar chad dang gnod pa thams cad spangs te byams pa'i sems dang ldan par gyur cig /bdag gi dge ba'i rtsa ba 'di dag gis/ /klu rnams gnod pa myur du zhi ba dang/ /bgegs dang log 'dren 'tshe ba med pa dang/ /bdag gi las rnams thams cad grub par mdzod/ /de nas rdo rje sems pa'i yi ge brgya pa brjod pa/ badzra mu zhes pas so sor rang gi gnas su gshegs par bya'o/ /rdo rje gos sngon po can gyi chu gtor gyi cho ga slob dpon 'gro bzang snying pos mdzad pa rdzogs so// //rgya gar gyi mkhan po paN+Di ta te dzo de ba dang/ bod kyi sgra sgyur gyi lo tsa ba dge slong shes rab kyis zhus shing gtan la phab pa'o// //rgya gar skad du/ badzra pA Ni nI lAM ba ra d+ha ra nA ga ra ba liM bi d+hi/ bod skad du/ phyag na rdo rje gos sngon po can gyi klu gtor gyi cho ga /bcom ldan 'das khro bo'i rgyal po phyag na rdo rje gos sngon po can la phyag 'tshal lo/ /rang nyid lha yi nga rgyal gyis/ /byams dang snying rje byang chub sems/ /yang nas yang du bsgom byas nas/ /mdun du paM las pad+ma ni/ /kha dog dmar po 'dab brgyad de/ /phu brgyad las ni klu brgyad bskyed/ /de nas snying ga'i 'od zer dang/ /oM phe phuM zhes pas klu chen brgyad/ /'khor dang bcas pa bkug la bstim/ /dkar gsum mngar gsum bdud rtsir bcas/ /dam tshig yi shes klu rnams mchod/ /de nas gtor ma byin brlabs
- 318b
te/ /snod ni khaM las rin po che/ /shin tu mdzes shing blta na sdug /yangs la rgya ni che bar bsgom/ /rin chen snod mchod de nang du/ /dkar gsum mngar gsum bdud rtsir bcas/ /snod ni shin tu gang bar bsam/ /de yi steng du yi ge gsum/ /kha dog dri dang ro sbyangs dang/ /bdud rtsi ro mchog brgya dang ldan/ /g.yas pa mchog sbyin phyag rgya la/ /ha ho hi baM dag las ni/ /dpag bsam shing chen bsam byas la/ /lo ma yal ga thams cad la/ /rin chen bum pa bdud rtsis gang/ /dpag tu med pa bsams nas ni/ /bruM las bdud rtsir char babs pas/ /gtor ma yongs su gang bar bsam/ /oM A(rgyud 'grel): hUM zhes lan gsum brjod/ /mgron rnams thams cad lce las ni/ /hUM las rdo rje spu gus rdub/ /oM ba su ki i maM bi laM ta kha kha khA ha khI hi/ oM tak+Sha ka oM maM ba liM ta kha kha oM karko Ta/ oM hu lutNa ka/ oM pad+ma/ oM mahA pad+ma/ oM shaM Sha pA la/ oM ko li sha ya/ oM nA ga pa na saM khru ha ra ha re i maM ba liM Ta/ kha la khA hi khA hi/ i maM bi laM tsa la gdags/ oM pheM klu'i rgyal po sog ma med/ i maM bi lAM kha khA hi khA hi/ oM mdza' yas dang ni nor rgyas bu/ /'jog po dang ni stobs kyi rgyu/ /pad+ma pad+ma chen po dang/ /dung skyong dang ni rigs ldan dang/ /lha mo lha mo chen mo dang/ /zla ba zla ba spyi gtsug che/ /snying po med dang 'gu ling ta/ /dga' bo dang ni nyer dga' dang/ /rgya mtsho dang ni rgya mtsho che/ /gdung ba dang ni gdung ba che/ /dpal gyi 'od dang 'od bo che/ /rin chen 'od dang gzugs bzangs dang/ /gzugs chen 'od dang sprul bzangs lto 'phye che/ /smig rgyu dang ni smig rgyu che/ /klu chen brgyad po 'khor dang bcas/ /'dir gshegs mchod sbyin gtor ma bzhes so/ /mdzes pa'i dkar gsum gtor ma 'di/ /mngar gsum 'o ma'i rgya mtshor
- 319a
bcas/ /rin chen phreng ba'i them skas can/ /klu yi gnod pa skyob byed pa/ /mthun pa'i rdzas su 'di gyur cig /mchod sbyin gtor ma 'di bzhes la/ /bdag cag 'khor dang bcas rnams la/ klu las gyur pa'i nad rnams la/ /mthong ba'i dug dang kha rlangs dug /bsam pa'i dug la sogs pa kun/ /de dag thams cad zhi gyur cig /bdag bsag ces pa'i rdzas khyer la/ /bdag la gnod pa ma byed par/ /rtag tu byams pa'i sems dang mi tha ma bu'i sems kyis ltos/ /gzhan yang las las skyes pa yi/ /bka' dang dam las thogs pa yi/ /gdug pa can gyi tshogs rnams kun/ /bka' yi pha babs? 'di snams la/ /so so rang re'i gnas su dengs/ /nyon cig nyon cig rigs kyi bu/ /ji ltar sa bon tsha ba la/ /myu gu cha ba 'byung ba ltar/ /so so rang re'i gnas la spyod/ /'byung bzhi so so'i gyur yang srid/ /bde gshegs bka' las 'gyur ba med/ /las 'bras 'gyur zhing slu mi srid/ /de las khyod sdig ma byed par/ /dge ba'i bsam pas gnas par gyis/ /bden pa bdar la chos bshad bya/ /rdo rjes yi ge brgya ba brjod do/ /ye shes klu rnams gshegs su gsol/ /dam tshig pa ni ma dmigs bsam/ /gtor ma rgya mtsho chen po 'am/ /yang na gnod pa'i phyogs su btang/ /rdo rje gos sngon gyi klu gtor cho ga slob dpon 'gro bzang snying bos mdzad pa rdzogs so// //rgya gar skad du/ ga na tsakra pra nA ma/ bod skad du/ tshogs kyi 'khor lo zhes bya ba/ /gos sngon can la phyag 'tshal lo// gdug pa 'dul byed rdo rje can/ /de la rtag tu phyag 'tshal te/ /tshogs gnyis yongs su rdzogs bya'i phyir/ /tshogs kyi chog bshad par bya/ /gnas khang dben zhing nyams dga' bar/ /phyag dang phyag phyag byas nas ni/ /dkyil 'khor dang ni rab
- 319b
bzhengs la/ /yang na maN+Dal sngon por bya/ /gdugs dang ba dan la sogs dbul/ /rdo rje can gyi rten rnams dgram/ /mched pa lnga dang ldan par bya/ /gtor chogs rnams kyang bzang du bsham/ /bdag nyid yi dam lhar ni bskyed/ /mig gnyis dag tu nyi zla bsgom// de steng hUM ni bsam par bya/ /phyogs rnams kun tu bltas pas bsreg /de nas ni bsrung bya'i phyir/ /oM suM b+ha ni suM b+ha hUM hUM phaT/ shar gyi phyogs su rab 'phros pas/ /rdo rje rigs kyi khro bo ste/ /sku mdog dkar la 'jigs pa'i gzugs/ /phyag na mtshon cha sna tshogs thogs/ /dpag tu med pas gang ba bskyed/ /oM grih+Na grih+Na hUM hUM phaT/ rin chen rigs kyi khro bo ste/ /sku mdog ser la 'jigs pa'i gzugs/ /phyag na mtshon cha sna tshogs thogs/ /dpag tu med pas gang ba bskyed/ /oM grih+Na pa ya grih+NA pa ya hUM hUM phaT/ pad+ma rigs kyi khro bo ste/ /sku mdog dmar la 'jigs pa'i gzugs/ /phyag na mtshon cha sna tshogs thogs/ dpag tu med pas gdab bskyed/ /oM A na ya ho bidya rA dza hUM hUM phaT/ /las kyi rigs kyi khro bo ste/ /sku mdog sngo la 'jigs pa gzugs/ /phyag na mtshon cha sna tshogs thogs/ /dpag tu med pas gang bar bskyed/ /phyogs gsum spros pa shes par bya/ /rdo rje gur dang rab bsam/ /de la me dpung 'bar ba bskyed/ /de nas mgron rnams spyan drangs la/ /bdun po yongs su dag par bya/ /de nas gtor ma gtong chog bzhin/ /rgyas par rab tu dbul bar bya/ /de nas tshogs la bgegs bskrad la/ /gtor ma byin gyis brlab pa ni/ /de nas tshogs bdag bkod pa ni/ /tshogs rje tshogs kyi bdag po ni/ /bcom ldan rdo rje gos sngon can/ /tshogs kyi bdag ba gzhugs su gsol/ /dus gsum bla ma rnams dang ni/ /jo bo dkon mchog gsum po dang/ /bstan pa srung ba'i chos skyong dang/ /dpal mgon bdun cu rtsa gnyis sogs/ /tshogs kyi bdag por bzhugs su gsol/ /de nas tshogs ni dbul ba ni/ /dus
- 320a
gsum bla ma rnams dang ni/ /yi dam lha tshogs 'khor bcas la/ /tshogs kyi mchod pa dbul lags na/ /thugs rje cher dgongs dngos grub gsol/ /a la la te mchod pa bzhes/ /lha rnams 'dul phyir gos dkar dang/ /sku yi dkyil 'khor 'khor bcas la/ /lha sin 'dul phyir gos dmar can/ /gsung gi dkyil 'khor 'khor bcas la/ /klu rnams 'dul phyir gos dmar can/ /thugs kyi dkyil 'khor 'khor bcas la/ /bla med dkon gsum po la/ /bstan pa bsrung ba'i chos skyong la/ /lhag ma yul bdag rnams la sbyin/ /de nas tshogs la longs spyod pa/ /lhag ma 'byung po'i gtor ma btang/ /glu dang gar dang bskor ba sogs/ /mchod pa rnam pa sna tshogs dbul/ /de nas 'jug gi las rnams su/ /mchod bstod yi ge brgya pas bshags/ /bzod par gsol zhes gshegs pa ni/ /gang yang bdag blo gti mug pas/ /legs sbyangs 'di la nyes pa gang/ /de kun mgon pos bzod par mdzod/ /gtso bo nus pa ma mchis shing/ /ma tshang ba dang ma tshogs pa/ /de kun mgon pos bzod par mdzod/ /hUM khyed kyi sems can don kun mdzad/ /rjes su mthun pa'i dngos grub gsol/ /nyid kyi yul du gshegs su gsol/ /nyid kyi yul du gshegs nas kyang/ /thugs kyis brtse bar slar dgongs la/ /slar yang byon par mdzad du gsol/ /badzra mu(rgyud 'grel): yis gshegs su gsol/ /tshogs kyi 'khor lo'i cho ga grub pa thos pa'i slob dpon 'gro bzang snying pos mdzad pa rta gon// // rgya gar skad du/ badzra bA Ni maN Dal b+hi d+hi/ bod skad du/ phyag na rdo rje'i dkyil 'khor gyi cho ga /dpal phyag na rdo rje la phyag 'tshal lo/ /dpal ldan phyag na rdo rje dang/ /bla ma la gus phyag 'tshal nas/ /sgrub pa po la phan pa'i phyir/ /de yi dkyil
- 320b
'khor cho ga brtsam/ /dpal phyag na rdo rje bsgrub par 'dod pa'i don du/ dkyil 'khor cho ga 'di bsdu bar bya'o/ /de la sngon du bsnyen pa bya ba ni/ /sgrub pa'i thabs las 'byung ba bzhin du/ bdag nyid lhar bskyed nas/ /snying po 'bum pa blas par bya ba 'am/ yang na ji srid mtshan ma ma byung gi bar de srid kyi bar du bsgom pa dang bzlas pa bya'o/ /de ni sngon du bsnyen pa byed pa'i cho ga'o/ /de ltar sngon du bsnyen pa'i cho ga rdzogs nas/ sa'i chog bya ste/ gtsug lag khang ngam/ /kun dga' ra ba 'o/ / nags tshal la sogs pa yid du 'ong pa'i gnas su sa bslang pa dang/ sa sbyang ba dang/ sa gzung ba dang/ sa byin gyis brlab par bya ste/ tshad brtag pa dang/ dbyibs brtag pa dang/ kha dog brtag pa'o/ /de la sa bspang? ba ni/ gnas kyi bdag bo la bslang ba ni/ maN+Dal dang dri'i thig le dang me tog gi tshom bu byas te/ mchod pa dang gtor ma bshams nas/ oM bi ti baM sa A karSha ya dza(rgyud 'grel): bya ba dang/ rdo rje bsdams pa'i mdzub mo gnyis brgyad ba sa la reg par byas pas/ sa'i lha mo 'khor dang dang bcas pa spyan drangs la/ sa'i lha mo la mchod pa dang/ de'i 'khor la gtor ma byin la gsol ba gdab par bya ste/ skyong pa sangs rgyas thams cad kyi/ /spyod pa'i tshul dang khyab par gyi/ /sa dang pha rol phyin pa la/ /lha mo khyod ni dbang du gyur/ /skyob pa shAkya se ge yis/ /ji ltar bdud sde bcom pa ltar/ /de bzhin bdag gi bdud kyi sde/ /'pham par byas te dkyil 'khor 'dri/ /zhes lan gsum gyi bar du brjod la/ byon par bsams te mchod la gshegs su gsol lo/ /de nas sbyangs pa'i phyir drag po dang ni zhi ba'i sbyin sreg dang 'dom gang nye 'khor du/ lte ba nub tsam 'am/ bus mo nub tsam brkos la gseg ma dang gyo mo dang/ rus pa la sogs pa gsal te/ spos chus
- 321a
bran te/ sa de nyid kyis bkang nas sa'i ltas brtag par bya ste/ sa bslang ba'i cho ga'o/ /de'i rjes la sa gzung ba ni/ gdugs dang rgyal mtshan dang/ /bla? bre la sogs pa bres la/ sku gzugs rnams bkram nas/ /phyogs bzhir spos rgyun mi 'chad par btul bar bya'o/ /de nas lag pa g.yas pa der gtugs te/ yi ge brgya pa lan bdun nam nyi shu rtsa gcig bzlas pa bya'o/ /sa bzhi rdo rje'i rang bzhin gyis brlab pa na/ sa gzung ba dang byin gyis brlab pa ste/ sa'i cho ga'o/ /de nas khrus bya zhing dris byugs la/ gos sngon po'i stod g.yogs bgos la rgyan gdags shing rdo rje dang dril bur ldan pas/ gal te nus na smyur bar gnas pa dang/ ma nus na zas dkar gsum bza' bar bya'o/ / de la re shig dkyil 'khor gyi dbus su 'dug la/ tshogs bsags pa dang/ bsrung ba'i 'khor lo dang/ gzhal yas khang gdan dang bcas pa bsgom par bya'o/ /de la yi ge hUM yongs su gyur pa las/ rdo rje chen po nam mkha' i ched dang mnyam pa'i khong stong bsam pa ni bsrung ba'i 'khor lo'o/ /de'i steng b+hwaM las gzhal yas khang gru bzhi pa rta babs dang bcas pa bskyed la/ dbus su a las zla ba'i dkyil 'khor bsgom par bya'o/ /de nas bdag nyid lhar bskyed la// ye shes sems dpa' gzhug pa dang/ dbang bskur ba dang/ yi ge gsum gyis gnas gsum du byin gyis brlabs pa'i bar du byas la lha mo mchod nas/ gsol ba gdab par bya'o/ /de nas sgrub pa'i grogs pos mtshan brgya rtsa brgyad pas bstod la gsol ba gdab ste/ mig g.yas par ma las nyi ma/ /g.yon par Ta dang a las zla ba/ rkang mthil du a las sna tshogs rdo rje bskyed nas langs te/ sangs rgyas thams cad la phyag byas na/ bdag nyid lha'i
- 321b
nga rgyal gsal bar byas nas/ dbus kyi gtso bo nam mkhar bteg la khro bo'i bstod pa bya'o/ /de la bstod pa ni/ chos dbyings stong pa gnyis med dang nyid las/ /'jig rten spyod pa'i tshul yang mi spong zhing/ thabs la mkhas pas 'jigs byed skur ston pa/ /khro chen 'bar ba'i tshogs la phyag 'tshal bstod/ /bskal pa me ltar 'bar ba'i klod dkyil nas/ /dpa' bo'i stang stabs brkyang bskum tshul du bzhugs/ /nyi zla 'bar ba'i spyan gyi sdang mig gis/ /bgegs dpung bsreg bar mdzad la phyag 'tshal bstod/ ces brjod nas bka' bsgo bar bya ste/ dkyil 'khor chen po'i sa bzhi la gnas pa'i/ /lha la sogs pa'i bgegs tshogs kun nyon cig /nga ni gnas 'dir dkyil 'khor chen po 'dri/ /bgegs kyi rigs tshogs gang yin 'byed par gyis/ /ci ste nga yi bka' las 'das gyur na/ /ye shes can gyi rdo rje 'bar ba 'dis/ /spyi bo tshal ba brgyad ni rab bgems shing/ /rnam par 'jig par 'gyur bar gdon mi za/ zhes bya ba dang/ deng rnal 'byor gyi dbang phyug che ge mo zhes bya bas/ slob ma che ge mo zhes bya ba/ rdzogs pa'i byang chub thob par bya ba'i phyir dang/ sems can thams cad bla na med pa'i byang chub thob par bya ba'i phyir dpal phyag na rdo rje zhes bya ba'i dkyil 'khor chen po zhig rtsom gyis/ gang su yang rung ba sa phyogs 'di na gnas pa'i lha dang lha ma yin dang gnod sbyin dang srin po dang/ yi dags dang/ sha za dang brjed byed dang 'byung po dang/ nam mkha' lding dang mi 'am ci dang/ rig 'dzin la sogs pa rgan po dang/ rgan mo g.yog dang 'khor du bcas pa rnams 'dir mi gnas par gzhan du dengs shig /de ltar phyag na rdo rje'i bka' thos pas myur ba nyid du dengs shig /gang dag mi 'gro ba de dag ni/ nga'i ye shes kyi rdo rje chen po
- 322a
kun tu 'bar ba 'dis mgo bo tshal ba brgyad 'gas par 'gyur ro/ /hUM zhes lan gsum brjod do/ rdo rje chen po'i gar dang/ rdo rje'i 'gros kyis sa gzhi lan gsum bskor zhing/ rang gi lus la khro bo'i tshogs byung la/ snang ba thams cad bskyod par bsam mo/ /de nas yi ge hUM gis bsrung pa'i 'khor lo byas pa la/ 'phur bu lnga stong phyag na rdo rje smad rdo rje rtse gcig pa lta bur bskyed nas/ oM badzra kI li kI la ya sarba big+h+naM ban d+ha hUM phaT/ zhes bya ba brgya rtsa brgyad bzlas la dbus dang gwa bzhir/ oM g+ha g+ha ta ga ta ya g+hA ya sarba duSh+Tan phaT/ kI ya la kI ya la sarba pA baM phaT/ hUM hUM hUM badzra kI li kI la ya badzra b+ha ra a dz+nya pa ya ti kA ya bak+tsit+ta badzra kI la ya hUM phaT/ ces bya bas btab la/ oM badzra mud ga da A kO Ta ya hUM phaT/ zhes bya bas bsdud par bya'o/ /de nas bsrung skud bcing pa dang/ gu gul gyis bdug pa dang/ me tog gi phreng bas gdags shing dri'i thig le byas nas/ byams pa'i go cha bsgom par bya'o/ /de nas dkyil 'khor ba'i rnam lnga dang/ snying po bzlas pa'i dri'i chus byugs la/ dbus su bri'i thig le bya'o/ /me tog gi tshom bu bkram nas/ dza(rgyud 'grel): hUM baM ho(rgyud 'grel): 'i sngags kyis bteg pa'i lha gzhugs su gsol/ /ye shes sems dpa' gzhug pa dang/ dbang bskur ba dang/ yi ge gsum gyis gnas gsum du phyin gyis brlabs la mchod pa lnga dang/ mchod pa rgyas pa dang/ bstod pa byas nas snyan gsan ?? pa bya'o/ /phyag na rdo rje bcom ldan 'das/ /rig sngags rgyal la phyag 'tshal lo/ /slob ma kun la brtse ba dang/ / khyed rnams la yang mchod pa'i phyir/ /sang ni dkyil 'khor 'bri bar 'tshal/ /bcom ldan bdag ni gus pa la/ /de bas gnang ba mdzad par rigs/ zhes lan gsum brjod par bya ste/ lta lhag par gnas pa'o/ /de nas 'byor ba yod
- 322b
na sbyin sreg gi mchod pa bya'o/ /de nas gtor ma'i cho ga nas 'byung ba bzhin du gtor ma btang nas/ slob ma lhag par gnas par bya ste/ khrus byas la/ me tog lag na thogs te/ slob dpon gyi zhabs gnyis la phyag byas nas/ gsol ba btang ste rgyun bshags byas te/ de nas lhar bskyed gnas mchod pa byas te so shing dor ba dang/ ku sha sbyin pa dang/ srung sdud gdags pa dang/ zab cing rgya che ba'i chos bshad par bya ste/ rgyas par ni bzhi brgya lnga bcu pa'i cho ga las shes par bya'o/ /slob ma lhag par gnas pa'o/ /de ltar lhag par gnas pa byas nas/ nad par nyi ma shar dang/ mchod pa bshams la dkyil 'khor nam mkhar bteg ste/ sa gzhi ba'i rnam lnga dang/ dris byugs nas/ thig byin gyis brlabs la cho ga bzhin du thig gdab par bya'o/ de nas tshon dgye bar bya ste/ tshon byin gyis brlabs la dbus su pad+ma dang zla ba'i gdan la rdo rje rtse lnga pa bri ba dang/ phyogs kyi rim par tshon dgyi ba dang/ rtsig pa la phyi rol dkar po dang/ ser po dang/ dmar po dang ljang gu dang/ nag po dang/ kha khyer dmar po rin po che pha gu ser po dang/ dza? badzra phyir nag po/ rta babs ci mdzes par bri bar bya'o/ /de ltar dkyil 'khor bris nas/ /rgongs ka'i dus su mchog pa'i rdzas rnams bsags nas stan bde ba la 'dug ste/ lha'i nga rgyal gyis dkyil 'khor bteg la yid kyis dkyil 'khor nang du zhugs te/ lhag pa dang ma tshang ba'i nyes bzhi par byi ba'i phyir/ lan bdun bskor bar bya'o/ /de nas me tog gi phreng ba der la slang rang gi mgo la bcing bar bya'o/ /de nas bdag nyid ltar bskyed la/ mdun pa? lha yang yi ge yongs su gyur pa las rdo rjer/ de la 'od zer spros bsdu byas nas/ lhar bskyed la ye shes sems dpa' gzhug pa la sogs lta ba rdzogs par byas nas mchod pa rgyas pa dbul bar bya'o/ /bstod pa byas nas bum pa bcug
- 323a
ste/ bzlas pa byas nas chung bzhul sku khrus gsol bar bya'o/ /de nas sbyin sreg bya ba dang/ gtor ma btang nas slob ma la dbang bskur ba'o/ /de la dang por gsol ba btab pa dang/ gdod g.yogs bcing ba dang/ rgyun bshags bya ba dang/ sdom pa bzung ba dang/ lhar bskyed cing las thams cad pa'i bum pas sku khrus gsol bar bya'o/ /dkyil 'khor du gzhug pa dang/ lha'i dam tshig bsgrags pa dang/ slob dpon gyi dam tshig bsgrags pa dang/ ye shes dbab pa dang/ phreng ba dor ba dang/ gdod g.yogs dgrol ba dang/ dkyil 'khor lta ba byas nas/ lhar bskyed nas/ chu dang cod pan dang/ bdag po dang/ ming gi dbang bskur bar bya'o/ /de nas sku gsung thugs kyi brtul zhugs dang/ spangs pa dang/ ye shes la sogs pa'i dbang dang/ rjes su gnang ba dang/ brtul zhugs kyi dbang la sogs pa bya'o/ /dkyil 'khor cho ga sbyar ba 'di/ /dge ba gang des thob pa kun/ /phyag na rdo rje thob nas ni/ /'gro don du ma byed par shog /phyag na rdo rje'i dkyil 'khor gyi cho ga /slob dpon 'gro bzang snying pos mdzad pa rdzogs so// //rgya gar skad du/ Arya badzra pA Ni nI lAM bar d+ha ra sA d+ha tsin+ta ma Ni nA ma/ bod skad du/ 'phags pa lag na rdo rje gos sngon po can gyi sgrub pa'i thabs yid bzhin gyi nor bu zhes bya ba dang/ dpal phyag na rdo rje la phyag 'tshal lo/ /re zhig dang po rnal 'byor pas shing gcig la sogs pa'i phyogs su stan 'jam pa la 'dug ste/ rang gi snying ga'i nyi ma'i dkyil 'khor la gnas la pa'i hUM nag po bsams nas de'i 'od zer gyis nam mkha' la gnas pa'i de bzhin gshegs pa dang byang chub sems dpa' rnams bltas te/ mchod pa rnam pa lngas mchod cing sdig pa
- 323b
bshags pa la sogs pa bya'o/ /de nas byams pa dang/ snying rje dang/ dga' ba dang/ btang snyoms zhes bya ba tshad med pa changs pa'i gnas bzhi bsams la/ gcig dang du ma dang bral bas sems can gyi khams ma lus pa dang/ bdag nyid kyang stong par bsams la tho rang sa kyi skar ma dang 'dra bar bdag nyid ma dmigs shing/ oM shu n+ya tA dz+nyAn badzra swa b+hA ba At+ma ko haM zhes bya bas ni brtan par bya'o/ /de nas yi ge paM las pad+ma nag po'i lte bar yi ge hUM las byung ba'i maM nyi ma'i dkyil 'khor gyi dbus su hUM kha dog nag po dang ring po'i sgra sbyir sgra'i yi ge hUM bsams la/ de yongs su gyur pa las khro bo'i rdo rje rtse lnga pa bsam zhing de'i 'od zer gyis nam mkha' la khro bo'i rigs kun bkug la de nyid gzhug ste/ de yongs su gyur pa las bcom ldan 'das phyag na rdo rje gos sngon po can/ sku mdog nag po sprin lta bu/ zhal gcig pa/ phyag gnyis pa/ spyan gsum dmar ba/ mche ba gtsigs pa/ zhal khro gnyer can/ dbu skra gyen du brdzes pa/ ral pa'i cod? pan gyi dbus na mi bskyod pa sku mdog nag pos brgyan pa/ g.yon brkyang bas gnas pa/ gdug pa rnams la sdigs mdzub mdzad pa/ phyag g.yas pas rdo rje phyar te gnas pa/ phyag g.yon pa khro bo'i khu tshur gyis gdug pa gnon pa'i sdigs mdzub 'chad ba/ rang gi snying gar nyi ma'i dkyil 'khor la gnas pa'i yi ge hUM nag po dang ldan pa/ gos sngon po'i ga sha dang/ sham thabs bsnams pa/ rigs kyi klu brgyad kyis dbu brgyan mdzad pa ni 'jog po dang/ rigs ldan dmar po/ zhabs gnyis la mdza' yas dang nor rgyas kyi bu nag po/ snyan gnyis la pad+ma dang pad+ma chen po'o/ /skar gsum bcings pa ni dud skyong dkar po/ ral pa gcig pa'i srang bu ni hUM lu ta ljang gu 'dzin pa/ bdud thams cad dang/
- 324a
dbang phyug chen po dang/ /khyab 'jug la sogs pa mu stegs pa'i gzhung dang gzugs 'joms par bsams la/ de dang 'dra ba'i gos sngon po can mdun du nyi ma'i dkyil 'khor gyi steng du bzhugs par bsams la rang gi snying ka nas spros pa'i mchod pa'i lha mo'i tshogs kyi mchod la/ dza(rgyud 'grel): hUM baM ho(rgyud 'grel): zhes pa'i sngags kyis dgug pa dang/ gzhug pa dang/ bcing pa dang/ dbang du bya ba dang/ tha mi dad par bya ba'o/ /de nas lce la yi ge hUM las rdo rje rtse lnga pa de nyid kyis mtshon par bsams la ye shes pa'i thugs ka na yang rdo rje rtse lnga pa hUM gis mtshan pa bsams te/ mig la sogs pa'i dbang po drug la yang yi ge hUM drug yongs su gyur ba las de dang 'dra ba'i gos sngon po can drug bkod de/ yi ge gsum gyis sku la sogs pa byin gyis brlabs te/ ru rak+Sha'i phreng ba las bzla bar bya'o/ /oM nI lAM bar d+ha ra badzra pA ni hUM hUM phaT/ snying po'i sngags 'di yi ge bcu gsum pa'o/ /oM badzra pA ni hUM hUM phaT/ nye ba'i snying po yi ge bdun pa'o// de dag la yang sngon du bsnyen pa 'bum phrag gcig bzlas na drag po'i las 'grub par 'gyur ro/ /de nas gsang pa'i las ni dur khrod du byin la/ me thab gru gsum bcas la bsgrub bya'i rkang rjes kyi sa dang/ dur khrod kyi thal ba dang/ ske tshe dang/ da du ra dang/ khrag dang/ dug dang bsgrub bya'i gzugs brnyan la/ bcad bcing bsregs na zhag bdun nas 'chi bar 'gyur ro/ /hUM dang phaT spangs pa'i sbyor ba de nyid kyis mngar gsum la swAhA'i mdza' can gyis bsregs na/ zhi bar 'gyur/ /rgyas pa la ni oM gyi mdza' can gyis so/ /dbang la ho'i mdza' can gyis so/ /dgug pa la ni dza(rgyud 'grel): 'i mdza' can gyis so/ /bdud rtsi lnga ni las thams cad 'grub par 'gyur ro/ /oM a kA ro mu khaM sarba d+harmA NAM A
- 324b
dya nu tpan+na twat ces pa'am/ snying po 'am nye ba'i snying pos gtor ma btang bar bya'o/ /gtor ma gtong ba'i rdzas ni bza' ba dang/ bca' ba dang/ gzhib pa dang/ bldag pa 'os pa dang ldan pa'i sbyor ba bya'o/ /ldang ba'i dus su ye shes sems dpa' kri d+ha A(rgyud 'grel): mu(rgyud 'grel): zhes bya bas gshegs su gsol ba dang/ sbyod lam bzhi de'i ngang gis gnas par bya'o/ /phyag na rdo rje khro bo che/ /sgrub thabs gsal ba 'di byas pas/ /bsod nams gang zhig bsags pa des/ /sgrub pa 'di yis las kun byed par shog/ 'phags pa phyag na rdo rje gos sngon po can gyi sgrub pa'i thabs yid bzhin gyi nor bu zhes bya ba/ slob dpon dngos grub brnyes pa'i mkhas pa chen po nyin mdzad rdo rje'i zhal snga nas mdzad pa/ phyag na rdo rje gos sngon po can gyi sgrub pa'i thabs rdzogs so// //rgya gar gyi mkhan po sh+rI ku mA ra kA shu'i zhal snga nas bsgyur cing zhus ba'o// // rgya gar skad du/ sh+rI badzra pA Ni tsaN+Da mahA ro Sha Na ho ma ta bi d+hi nA ma/ bod skad du/ dpal phyag na rdo rje gtum po chen po'i sbyin sreg gi cho ga zhes bya ba/ /dpal phyag na rdo rje la phyag 'tshal lo/ /bcom ldan rdo rje gtum po la/ /gus pa'i spyi bos phyag 'tshal nas/ bgegs dang gnod rims zhi ba'i phyir/ /de yi sbyin sreg cho ga bshad/ /bcom ldan 'das gos sngon po can sgrub pa'i rnal 'byor pas/ / dur khrod dam chu ngogs la sogs pa'i gnas yid du 'ong bar/ sbyin sreg gi cho gas sbyin sreg bya'o// /de la cho ga 'di yin
- 325a
te/ zhi ba 'ba' zhig gi las la/ thab khung rgyar khru gang ba/ zabs su de'i phyed la kha khyer sor bzhi spangs su brtsig pa dang/ sor bzhi phyir dor? la/ tha mar ga bzhir byas te/ sgo bzhir sgo khyud dang ldan par byas la/ sa gzhi la kha dog dkar po byugs te/ dbus su zhi ba'i rdo rje rtse lnga pa dkar po bri'o/ /de'i phyi rol rim pa gsum la/ dang po la zhi ba'i rdo rje phreng ba dang/ gnyis pa la khro bo'i rdo rje bri'o/ /gsum pa la me 'od dad bcas pa bris nas/ mtshams su zla ba'i rdo rje bri'o/ /de nas de'i phyi rol du ba'i rnam lngas byugs la/ me tog sil mas mdzes par bya'o/ /de nas rdza sa bsag ste/ yam shing dang/ mar dang/ til dang/ nas dang/ gro dang/ nas so ba dang/ 'bras so ba dang/ sran ma dang/ sran ma ma sha dang/ me tog dang/ dug pa dang/ mar me dang/ dri dang zhal zas dang/ dzA ti pha? la dad/ 'bas bu gsum dang/ bil pa dang/ tar ka dang/ u dum ba ra la sogs pa shing lo ma can gyi yam shing dang/ gser dang/ dngul dang/ dar dkar po dang/ gdugs dang/ rgyal mtshan la sogs pa dang/ 'o ma dang/ zho dang/ 'obs chan dang/ ku sha dang/ dur ba la sogs pa bsags la/ dgongs mo'i dus su sbyin sreg bya ste/ bdag nyid ji lta ba bzhin du lhar bskyed nas/ oM swa b+hA ba shud+d+ha sarba d+harmA swa b+hA ba shud+d+ho haM zhes brjod pas gnod kyi 'jig rten stong pa nyid du bskyed la/ yaM las rlung raM las me/ paM las chu/ laM las sil dkyil 'khor bskyed la/ suM las ri rab/ de'i steng du hUM las sna tshogs rdo rje der hUM las thabs khung gzhal yas khang du bskyed de snod bcud thams cad phyag na rdo rje zhi ba'i sems dang ldan par bsams la/ de'i nang du raM las me gru gsum ri gyis mtshan pa/ zung gsum la oM A(rgyud 'grel): hUM gsum yongs
- 325b
su gyur pa las me lha zhal gcig phyag bzhi ba sku mdog dkar po phyag gnyis rdo rje rtse gsum dang phreng ba/ g.yon gnyis na dbyug pa dang g+hand+he bsnams par skyes la bcings par bsams la/ ye shes sems dpa' spyan drang bar bya'o/ / lag pa g.yas pa srin lag gi rtsa bar mthe bong btsugs la spos snod gzung ste/ tshur sbyon tshur sbyon 'byung po che/ /me lha'i rgyal po drang srong mchog/ sreg blugs zhal zas 'di snoms la/ /'bar ba'i gdan la bzhugs su gsol zhes bya ba dang/ e hye he ma hA b+hA te de ba ri Shi dwi dza ya satwa ma hA smri a smin san+ni hi to b+ha ba oM baM bA agna ye swAhA zhes pas spyan drang bar bya'o/ /de nas bsang gtor bya ste 'thor 'thung dang nye reg byas nas/ dza(rgyud 'grel): hUM baM ho(rgyud 'grel): zhes bya ba dang/ dgug gzhug bya ste dam tshig gi phyag rgyas bsgrubs nas/ chos kyi phyag rgya lce la raM bsgoms nas/ las kyi phyag rgya gar las byung ba dang/ phyag rgya chen po phyag mtshan dang bcas pa bsgom mo/ /de nas phyir byung la dbang bskur ba dang/ rtags su rdo rje rtse lnga pa bsgom mo/ /de nas mchod pa lnga byas nas bstod pa bya ste/ 'jig rten dbang phyug tshangs dbang mchog gi sras/ /mi lha'i rgyal por yongs kyis dbang bskur ba/ /shes rab mchog gis nyon mongs thams cad bsreg /'jigs byed me lha nyid la mngon par bstod ces pas bstod/ me sbar te/ me gso ba'i phyir mar gyi dgang blugs gsum mam bdun dbul bar bya'o/ /mar gyi dgang blugs dbul ba'i dus su dgang? gzar blugs gzar gyi kha la yi ge gsum dgod pa dang me lha'i zhal du raM bsam par bya'o/ /de nas me'i spra brtags te/ bgegs yod na yungs kar la oM tsaN+Da mahA ro Sha Na mA rA ya hUM phaT/ zhes bya bas bsal bar bya'o/ /de nas mchod par bya ste/ dang por mar la/ de nas til/ de nas
- 326a
yaM shing 'o ma zho/ /nas dang so ba 'bras dang ni/ /sran ma ma sha gro dag dang/ /sman dang dUrA ? sha sogs/ /ci 'byor pas ni mchod pa bya ba/ zhes 'byung ba ltar mchod par bya'o/ /de la dbul ba'i sngags ni oM badzra a na le mahA b+hU ta dzwa lA/ sarba b+hasmiM ku ru sarba duSh+Ta na hUM zhes pas mar gyi dgang blugs kyi'o/ /oM agna na ye swAhA mar gyi'o/ /oM sarba pA paM da ha nA ya swAhA til gyi'o/ /oM badzra agnan ye swAhA yaM shing gi'o/ /oM sarba saM ba de swAhA/ zho dang 'o ma'o/ /oM mahA be gA ye swAhA/ nas kyi'o/ /oM badzra bi dzA ye swAhA/ nas so ba'i 'o/ /oM badzra puSh+Ta ye swAhA/ 'bras so ba'i 'o/ /oM mahA pa lA ya swAhA/ sran ma'i 'o/ /oM badzra mu dz+nyA ye swAhA/ sran ma ma sha'i 'o/ /a badzra g+hasma dI ye swAhA/ gro'i 'o/ /oM badzra sho pa ye swAhA/ sman gyi'o/ /oM badzra a pra ti ha ta pa la swAhA/ ku sha'i 'o/ /oM badzra A yuShe swAhA/ dU rbi'i'o/ /gzhan dag ni rang dang gi ming dang me nyid kyi sngags kyi sa dbul la/ /de la yaM shing ni 'od la'o/ /zhu pa'i rdzas rnams zhal du'o/ /me tog dbu la'o/ /bdug pa shangs la'o/ /mar me sbyan la'o/ /dri thugs kar ro/ /lha bshos zhal du'o/ /rdzas gzhan phyag tu'o/ /de ltar nyi shu rtsa gcig gam lnga bcu rtsa bzhi'am brgya rtsa brgyad dbul bar bya'o/ /de nas rdo rje gtum po'i sngags kyis me bsangs la 'od du bzhu'o/ /raM las me'i dkyil 'khor/ de'i steng du hUM dang rdo rje las phyag na rdo rjer bskyed la/ ye shes sems dpa' gzhug pa dang/ dbang bskur ba dang/ yi ge gsum gyis byin gyis brlabs la/ mchod pa lngas mchod pa dang bstod pa bya ste/ hUM gtum chen dus mdza' i me ltar brjid/ /'od zer nyi ma'i bum gyi
- 326b
gzi/ /gdug pa'i mtshon cha sna tshogs bsnams/ /bdud dgra khyod la phyag 'tshal bstod ces bya ba la sogs pas bstod pa bya'o/ /de nas dgang blugs dbul te/ bcom ldan 'das kyi sngags kyis ci nus par sbyin sreg bya'o/ /de nas bstod pa byas la dang por gsol ba btab par bya ste/ dkon mchog gsum la phyag 'tshal lo/ /sangs rgyas dang byang chub sems dpa' thams cad la phyag 'tshal lo/ /dpal ldan phyag na rdo rje gos sngon po can la phyag 'tshal lo zhes bya ba la sogs pa brjod do/ /de nas bgegs zhi ba la sogs pa las thams cad pa'i sbyin sreg byed na/ oM ma ma shAM tidku ru ye swAhA/ oM de ba shAM ti dku ru ye swAhA/ oM nA ga shAM ti dku ru yaM swAhA/ oM pi shA tsa shAM tidku ru ye swAhA/ oM ka ra Na shaM tidku ru ye swAhA/ oM mahA rA ge na shAM tidku ru ye swAhA/ oM u pa tA pa nA shA ye swAhA/ oM la ka la mi tu nA shA ya swAhA/ oM ro ga shAM tidku ru ye swAhA/ oM rAk+Sha shAM tidku ru ye swAhA/ oM b+hya ha shAM tidku ru ye swAhA/ zhes bya ba la sogs pa dang/ thog ma dang tha mar bsgrub bya'i ming dang bcom ldan 'das kyis sngags dang spel la/ yungs kar raM til ci nus par bsreg par bya'o/ /de'i gdug pa can kun ye shes kyi mes zhi bar bsam mo/ /gal te sdig pa bsreg par 'dod na/ sdig pa'i gzugs snying ga nas drangs la bsreg par bya'o/ /oM nAM lAM ba ra d+ha ra badzra pA Ni sarba pA paM da ha na badzra ya swAhA/ zhes brjod cing dmigs pa rtse gcig pas bsreg go /klu gdon can la sbyin sreg byed na ye shes kyi thugs ka nas byed? tshan gyi char bab pas bsgrub bya'i lus la byug par bsam/ mngar gsum gyi dgang blugs byin te/ oM nA ga shAM tidku ru ye swAhA/ zhes brjod cing sbyin sreg mngar gsum gyis bya'o/ /de nas rgya mtsho chen por gshegs par bsams te/ gzugs
- 327a
brnyan mngar gsum dang bcas te chu bo chen por dor ro/ /de yang dang por sa gtsang ma la sbrul gyi gzugs bya la /tshon gyis khra bor byas te/ lus bor la der phyung ste/ mngar gsum gzhug go /de nas chu bor 'dor ba'i tshe dam bsgrag par bya ste/ klu rnams khyed kyi sa bdag gi dag mnyan na/ /yid bzhin nor ltar bsam pa 'grub pa dang/ /mkha' lding ris dang bye tshan gdon zhi ste/ /'dod yon lnga la bde ba longs spyod shog /ji snyed yi bka' bas 'das gyur na/ /mkha' lding bye tshan rims kyis char phab nas/ /dus rnams rtag tu nad kun ldang ba dang/ /phyag na rdo rjes mgo bo bkas gyur cig ces brjod klu la gtor ma gtang ba dang/ rnam thos sras kyang spyan drangs te gtor ma rgya chen po btang ngo/ /bsgrub bya bsrung ba ni/ bcom ldan drang srong chen po khyed/ /sum mdo'i rigs mtshan ldan pa la/ /ji ltar bsrung bar dam bcas pa/ /de ltar 'di la bsrung bar mdzod/ ces brjod la/ de nas mar gyi dgang blugs phul te/ mchod pa dang bstod pa byas la/ bzod par gsol te/ gang yang bdag blo gti mug pas/ /legs bshad 'di la nyes pa gang/ /lus can kun gyi skyabs byung pa'i/ /de kun mgon pos bzod par mdzod/ /gtso bos nus pa ma mchis shing/ /ma 'tshal ba dang ma rnyed? bas/ /bdag gis bgyis pa gang bgyis pa/ /de kun mgon pos bzod par mdzod ces brjod do/ /oM khyed kyis sems can don kun mdzod/ /rjes su mthun pa'i dngos grub gsol/ /sangs rgyas yul du gshegs nas kyang/ /slar yang byon par mdzad du gsol/ zhes brjod la gshegs par bsam/ /de nas dam tshig sems dpa' rang la bsdu/ de nas byin za la mchod bstod byas nas me lha'i zhabs drung gi thal bas bdag dang yon bdag bsrungs te/ smon lam gdab po//
- 327b
rang gi don dang gzhan gyi don/ /byin za khyod kyis mdzad lags kyis/ /rang gi yul du gshegs nas kyang/ /slar yang byon par mdzad du gsol/ /e tye hi gats+tsha zhes bya bas gshegs su gsol/ de nas dam tshig gi me lha rims kyis tha ma la ba'i me la thim par bya'o/ /de nas thal ba slod ba la sbyin no/ /'byung po thams cad 'dul ba'i rgyud chen las/ /btus te sbyin sreg cho ga mdor dran byas/ /des ni 'gro ba'i gdon dang sdig pa zhi ba dang/ /klu rnams kun gyis gnod pa bral gyur cig /rje btsun phyag na rdo rje gos sngon po can gyi sbyin sreg gi cho ga zhes bya ba/ slob dpon bri ze nyi mdzad rdo rjes mdzad pa rdzogs so// //sbyin sreg gi dus su bstod pa ni/ /hUM gtum chen dus mdza' i me ltar 'bar/ /'od zer nyi ma 'bum gyi gzi/ /gdug pa'i mtshon cha sna tshogs bsnams/ /bdud dgra khyod la phyag 'tshal bstod ces ba la sogs pa'o/ /bgegs 'gugs pa ni/ hUM dus gsum sangs rgyas thams cad 'dus pa'i ngo bo nyid/ /ta krita bya ba'i khro rgyal gyis/ /deng gi dgug bya 'dir khug cig /nam mkha' stong pa 'gugs byed na/ /gzugs dang ldan pa smos ci dgos/ /sems med ri bo 'ang 'gugs byed na/ /sems dang ldan pa smos ci dgos/ /rdo rje 'dzin pa'i bka' dang ni/ /rang bzhin dag pa'i sbyor ba yis/ /bar du gcod ba'i bgegs chen rnams/ /ched dang don du 'dir khug cig/ rnam thos sras klu brgyad dang bcas pa 'gugs na/ /oM be sh+ra ba Na ya A karSha ya hUM dza:/ oM nI lAM ba ra badzra pA Ni A karSha ya A karSha ya hUM dza(rgyud 'grel): zhes pa'o// //bcom ldan 'das rdo rje snying po la phyag 'tshal lo/ /thog mar rnal 'byor pas yid dang mthun ba'i gnas su byi dor bya ba dang/ ba'i rnam lngas byug pa la sogs pa rgyud nas ji ltar byung ba bzhin byas na/ yo byad tshogs pa dang/ stan bde ba la 'dug ste/ rang gi snying ga'i sa bon las 'od 'phros pas bla ma dang bcom ldan 'das
- 328a
phyag na rdo rje dang/ sangs rgyas dang byang chub sems dpa' la sogs pa mdun gyis nam mkha' la spyan drangs te/ phyag 'tshal ba dang mchod ba dbul ba dang/ yan lag bdun pa byas la de'i rjes la tshad med pa bzhi bsgom par bya'o/ /de nas oM swa g+hA ba shud+d+ha sarba d+harmA swa b+hA ba shud+d+ho haM zhes bya bas rgyu ba dang mi rgyu ba thams cad rnam par dag par bya'o/ /de'i rjes la mdun du paM las pad+ma'i steng du a las zla ba'i dkyil 'khor bsam/ de'i steng du hUM/ de 'phros 'dus pas sems can gyi sdig pa dang sdug bsngal bsal nas slar 'dus pa las rdo rje'o/ /de yongs su gyur pa las rang nyid bcom ldan 'das rdo rje snying po sku mdog sngon po zhal gcig phyag gnyis pa/ g.yas pa rdo rje 'phyar ba/ g.yon sdigs mdzub bstan pa zhabs g.yas bskum/ g.yon brkyang ba/ gdug pa'i tshogs kyis sku la brgyan par bsgom/ de las rang gi snying ga'i sa bon las 'od 'phros pas ye shes sems dpa' spyan drangs la mchod nas rang la bstim par bya'o/ /de nas dbang bskur bar bya ste/ rang gi spyi bor mi bskyod pa bsgyom par bya'o/ /de'i rjes la sku gsung thugs byin gyis brlabs te ji srid du sems mi 'phro bar mnyam par bzhag par bya'o/ /mi rtog pa bsgom/ drag po'i las byed par 'dod na rdzas la sogs pa ni gong du bshad pa bzhin no/ /raM las nyi ma'i steng du hUM/ de las 'od 'phros pas rdul phra rab thams cad rdo rje'i snying por byas te 'dus pa las rdo rje'o/ /de las rang nyid phyag na rdo rjer bsgom par bya'o/ /yang na skad cig gis stong par bsams te/ cho ga gsum gyis phyag na rdo rjer ldang bar bya'o/ /yang na badzra hUM zhes brjod pa tsam gyis skad cig gis lhag gi tsher? chu las nya ldang ltar rdo rje snying por lngar ba bya'o/ /de ltar bsgoms nas ldan bar 'dod na/ rang gi snying gar sa bon gyi mthar/ badzra badzra hUM zhes brjod pas rang brtan?
- 328b
par byas la/ bcom ldan 'das kyi dug 'jil bar byed pa'i sngags brgya 'am lnga bcu la sogs pa thogs ma nyid du zlos par bya ste/ des klu'i dug 'jil bar byed pa'o/ /de nas mdza' yas bskyed bar bya ste/ /mdun du 'o ma can gyi rgya mtsho 'am/ de'i steng du paM las pad+ma'i steng du phu las/ klu mdza' yas sku mdog ljang gu/ zhal gcig phyag gnyis pa stod mi smad sbrul/ mgo la sbrul mgo dgu yod pa/ sbrul rigs lnga'i gdan la bzhugs pa/ rang dang 'dra ba'i btsun mos 'khyud pa bsam mo/ /de nas rang gi snying kha'i sa bon las 'od 'phros pas/ klu'i gnas nas mdza' yas rang rgyud pa bkug la bstim pas bya'o/ /de nas bdag la bka' mod? par bya ste/ de nas klu'i srog snying dang bcas pa bzlas te/ 'di ni bsnyen pa'i sngags so/ /de yang tshogs sogs ba la ni/ rang dang blu gnyis ka'i sa bon las 'od zer dkar po 'phros/ 'dus pas sdig pa thams cad dag par bsam mo/ /ba dra bo la ni 'od zer nag po dang dmar bo dang me lta bu 'am/ yang na rang dang 'dra ba'i khro bo 'am rlung grangs med pa 'phros te/ de dag gis gnod pa dpag tu med pa byed par bsam mo/ /de yang rgyun du ni bsnyen pa nyid do/ /gdon thams cad la ni sngags thams cad do/ yang na gang yin pa de nyid do/ /'jog par 'dod na gtor ma btang la bstod nas 'phrin las bcol zhing gshegs bar mkhyen par byas nas/ daM tshig sems dpa' rang gi sa bon la bsdu bar bya'o/ /de nas smon laM gdab pa dang/ mdo 'don pa la sogs pa ci bde bar gnas par bya'o/ /bla ma'i bka' drin mnos pa la brten te/ /sgrubs thabs man ngag sbrang rtsi rab tu btung/ /'thung byed rab tu dang bas de dag la/ /rdo rje 'dzin pa nyid kyis skyob byed shog /rdo rje snying po'i man ngag sgrub pa'i thabs zhes bya ba paN+Di ta dz+nyA na sh+rI mdzad ba rdzogs so// //'phags pa gos sngon po can
- 329a
la phyag 'tshal lo/ /gos sngon can la phyag 'tshal nas/ /rig sngags gtad pa'i cho ga ni/ /rgyud chen mdo dang mi 'gal bar/ /bdag gis dran phyir bri bar bya/ /dam tshig ldan pa'i slob dpon gyis/ /dang por bsnyen pa bya ba ni/ / maN+Dal mchod yon mchod pa dang/ /tshul bzhin gtor ma bshams nas ni/ dam tshig dkyil 'khor gsal bskyed la/ /ye shes lha ni spyan drangs la/ /mchod pa lnga yis mchod de bstod/ /maN+Dal steng du sku gzugs gzhag /dam tshig lha ru byin brlabs nas/ sgo bzhi'i sngags dang phyag rgya yis/ /gnyis med gos sngon bstim byas la/ /mchod dang bstod pa gong bzhin bya/ /med na maN+Dal dkyil 'khor la/ /pad+ma 'dab brgyad legs bris la/ /de dbus hUM gi 'phro 'du las/ /dam tshig lha ru bskyed byas nas// rang bzhin dkyil 'khor bstim zhing mchod/ /de nas bzlas pa bya ba ni/ /'bum maM khri yi bar du bzlas/ /mtshan ma byung nas dkyil 'khor brtsam/ /dang por sa gzhi brtag byas la/ /khru gang yang na khru do ru/ /khrus nas skyon rnams bsal bar bya/ /nang du nor bu rin chen gzhug /'thas par bcags la dri yis byung/ /lha'i dkyil 'khor bskyed byas la/ /sa yi lha mo bstan ma la/ /mchod bstod gsol btab bka' yang bsgo /dam tshig can gyi srung ma la/ /gtor ma sbyin la 'phrin las gsol/ /pus btsugs lag tu spos thogs la/ /ye shes lha la gsol ba gdab/ /de nas sa yi bgegs rnams kyang/ /drag po sngags kyis bskrad par bya/ /skyon bral dngul gyi bum pa ni/ /lto ba che la mgrin pa ring/ /rgyan dang mche ni rdzogs byas la/ /byin brlabs gos sngon ltar bskyed cing/ /spyan drangs mchod yon mchod pas mchod/ /bzlas pa brgya ni rtsas brgyad bya/ /de nas dkyil 'khor sta gon ni/ /me tog dgram zhing gsang sngags bzlas/ /gdan dang lha ru bskyed byas la/ /
- 329b
de la mchod cing gsol ba gdab/ /lan gsum rab tu brjod par bya/ /de nas blo ldan slob ma la/ /khrus byas lus ni dris byugs la/ /me tog thogs la phyag 'tshal gzhug/ gsol gdab gnang ba sbyin pa dang/ /skyabs 'gro sdig bshags la sogs kun/ /yan lag bdun pa nyid kyis bya/ /slob dpon gyis brjod slob mas nyan/ /de nas sems bskyed cho ga ni/ /slob dpon slob ma nyis kas bzlas/ /de ltar slob ma snod ldan la/ /dpral ba mgrin pa snying ka ru/ dri yi thig le gsum byas la/ / nyi ma zla ba pad+ma gsum/ /snying ka la sogs dgod par bya/ /oM A(rgyud 'grel): hUM yi ge las/ /'bras bu sku gsung thugs lhar bsgom/ /me tog spos la sogs pas mchod/ /srung skud la sogs sbyin byas la/ /chos bshad rmi lam brtag bar bya/ /nang par sngar langs dkyil 'khor bri/ /'dab ma brgyad pa'i dkyil 'khor la/ /dbus su gos sngon dgod par bya/ /d+hu po la sogs lha mo dang/ /sgo ba bzhi yang dgod par bya/ /ba dan la sogs rgyan rnams dang/ /mchod pa gtor ma dgram par bya/ /de nas ting 'dzin tshul bskyed la/ /gzhug pa'i cho ga bya ba ni/ /gtor ma gtang la 'thor 'thung bya/ /gsol btab gdong g.yogs bcing ba dang/ /bka' bsgo me tog ga dor byas la/ /mig phye lha yi ngo yang bstan/ /de nas rig pa'i dbang bskur te/ /dang por bum pa lag thogs la/ /bkra shis glu blangs buM dbang bskur/ /oM sid d+hi sid d+hi zhes bzlas/ /de nas sngags rigs kyis 'jug la/ /a b+hi Shiny+tsa zhes btags la /chu yi de ni dbang bskur ro/ /de nas dbu rgyan la sogs pa/ /bya ba'i rgyud dang mthun byas la/ /rjes su gnang ba sbyin/ /de nas bskyed pa'i rim pa la sogs pa thams cad bslabs la/ de nas lha la mchod bstod bya/ /de nas zhi ba'i sbyin sreg bya/ /de nas gos sngon can bsgrubs cing/ /bye brag gis ni las thams cad
- 330a
'grub tu rung ngo/ /de nas yi ge brgya pa bzlas shing dkyil 'khor bsdu ba la sogs pa bya'o/ /rig sngags gtad pa'i cho ga rdzogs so// //rgya gar gyi mkhan bo nag po dang/ tshul khrims rgyal bas bsgyur cing gtan la phab pa'o// (//phyag na rdo rje gos sngon can gyi cho ga bzhugs so/) /rgya gar skad du /nI lAM ba ra badzra pA Ni maN+Da la bi d+hi nA ma/ bod skad du/ phyag na rdo rje gos sngon po can gyi dkyil 'khor gyi cho ga zhes bya ba/ sangs rgyas dang byang chub sems dpa' thams cad la phyag 'tshal lo/ /bcom ldan 'das phyag na rdo rje gos sngon po can la phyag 'tshal lo/ /nyes pa kun bcom de nyid rtogs gyur kyang/ /thugs rje'i rgyun gyis 'jigs pa'i sku sprul pa/ /klu dbang la sogs gdug pas phyag byas pa'i/ /gos sngon phyag na rdo rje khyod phyag 'tshal/ /gang zhig mthong bas sdug bsngal sel 'gyur zhing/ /gang du smin pas dngos grub skal gyur phyir/ /dri med rgyud mang mthong dang bla ma yi/ /drin thob gyur pas dkyil 'khor cho ga bshad/ /gang zhig dbang rnams rim thob dam tshig ldan/ /brten zhing dul ba bzod ldan blo gros che/ /dpa' zhing brtson ldan drangs la g.yo sgyu med/ /sngags dang rgyud kyi sbyor ba rab shes dang/ /de nyid bcu shes dkyil 'khor bri bar mkhas// mtshan nyid dang ldan gyur pa'i bla ma la/ /skal ldan slob mas gsol ba lan gsum gdab/ /snod ldan gyur na bla mas gnas ba sbyin/ /slob ma'i lte bar hUM gi yi ge ni/ /du ba'i mdog can 'od zer 'bar ba bsam/ /snying kar kaM yig nag po smig pa yi/ /rang bzhin bltas te hUM gi 'od zer gyis/ /sna rtser bton te ltung bas sdig pa ni/ /mi sdug cer bu skra grol nyal thag cing/ /til mar gyis bsgos gnag la rid pa bsam//
- 330b
hUM las byung ba'i rdo rje gnod sbyin la/ /badzra yak+Sha sogs sngags kyis zos pa 'am/ /hUM las byung ba'i phur bus gdab par bya/ /saM las kun tu bzang po bskyed nas ni/ /snying gar hUM las sna tshogs rdo rje bsam/ /spyi bor gtugs te rtsa sngags lan gsum gyis/ /bzlas te slob ma yongs su bsrung bar bya/ /dben zhing nyam dga' i gnas su bdag nyid ni/ /ting 'dzin sum ldan mtshan ma thob ba 'am/ /bzlas pa 'bum rdzogs yang na zla gcig dang/ /zla drug la sogs bsnyen pa rdzogs par bya/ /de ltar bsnyen pa yongs rdzogs nas/ /khang stong dag gam dur khrod dang/ /sbum med drag po'i las can dang/ /de bzhin tshang tshing mi bzad 'jigs/ /de la sogs pa'i gnas rnams su/ /drag po'i las kyi dkyil 'khor bri/ /yang na yid ni gang dag du// nges par dga' ba skye 'gyur ba/ /mdor na sa gzhi nyams dga' dang/ /mdangs bsam shar du gzhol bar bshad/ /yul der dkyil 'khor bri ba yi/ /las ni legs par sbyar bar bya/ /tsan dan a ka ru sogs la/ /dri zhim chu dang ba sogs kyi/ / chag chag legs par gdab par bya/ /phyogs skyong rnams la gtor ma ni/ /sbyin par byas te gsol ba gdab/ /sa yi lha mo sku mdog ser/ /phyag gnyis bum pa bsnams pa ni/ /zlos bkug mchod de gsol ba gdab/ /skyob pa sangs rgyas thams cad la/ /lha mo khyod ni dpang du gyur/ /rin chen sna tshogs 'dzin pa yi/ /sa 'dir dkyil 'khor bri bar bya/ /zhes brjod nas mkhar gdegs par bya/ /bdag dang slob ma sa bdag sogs/ /zhi bar bya ba'i phyir dang ni/ /bgegs rnams bzlog bar bya ba'i phyir// zhi dang drag po'i sbyin sreg bya/ /de nas pus nub 'dom gang par/ /brus te rdo dang rus sogs bsal/ /slar yang sa yis de nyid dgang/ /gal te lhag par gyur na ni/ /dngos grub yod par ston pa yin/ /de ltar sbyang ba byas pa dang/ /dri zhim chu dang
- 331a
sbyar ba'i sas/ /gru bzhi shin tu 'thas byas te/ /dri zhim chu dang ba yi lngas/ /shar nas brtsams te legs byugs la/ /grwa bzhi sgo bzhi khang brtsegs ma/ /rta babs sgar khung dra ba can/ /me tog chun 'phyang sogs ldan pa'i/ / khang pa'i nang chud rgyan sogs dgram/ /de nas hUM baM hUM zhes pas/ /rnam par dag pa'i nam mkha' bsam/ /hUM suM hUM las byung ba yi/ /rin chen sna bzhi'i ri rab bskyed/ /de steng hUM laM hUM byung ba'i/ /gser gyi sa bzhi bru bzhi pa/ /bskyed de thal bcings kha sbub la/ /sngags kyis byin gyis brlabs par bya/ /oM me di ni badzri b+ha ba band+ha hUM/ de nas khams gsum rnam rgyal ni/ /bsrung ba'i sngags kyis bsrung bya ba/ /sa yi cho gar gsungs pa yin/ /de nas bdag nyid khrus byas shing/ /shin tu sngo ba'i gom? bgos te/ /ji snyed rgyan gdags dri zhim bya/ /dkyil 'khor dbus nas shar du bltas/ /ji ltar sgrub thabs las bshad pa'i/ /ting 'dzin gsum ni bsgom pa dang/ /bzlas pa dag la brtson pa la/ /grogs mchog rnams kyis bstod gsol gdab/ /gsang ba'i bdag po brtson chen po/ /sangs rgyas sku dang 'dra ba'i lus/ /gti mug rdo rje'i rang bzhin can/ /rdo rje sku la phyag 'tshal lo/ /gsang ba'i bdag po brtson chen po/ /sangs rgyas gsung dang 'dra ba'i ngag /'dod chags rdo rje'i rang bzhin bdag /rdo rje gsung la phyag 'tshal lo/ /gsang ba'i bdag po brtson chen no/ /sangs rgyas thugs dang 'dra ba'i yid/ zhe sdang rdo rje'i rang bzhin bdag /rdo rje thugs la phyag 'tshal lo/ /mgon po khyod la gsol ba ni/ /sems can kun la sman slad du// gdub pa thams cad 'dul byed pa'i/ /dkyil 'khor dam pa bshad du gsol/ /de ltar gsol gdab bdag po yi/ /nga rgyal brtan pas langs nas ni/ /bdag nyid rang bzhin rdo rje can/ /phyag na rdo rje bdag rang yin/ /bdag ni sangs rgyas rgyal po che//
- 331b
stobs chen rnal 'byor can bdag yin/ /rnal 'byor dbang phyug rgyal po'i bdag /phyag na rdo rje bstan bdag ste/ /byin gyis brlabs pa mi 'dor ro/ /zhes brjod badzrod ti Sha yis/ /dkyil 'khor mkhar bteg ma Ta yis/ /nyi ma zla ba hUM mtshan nyid/ /rkang 'og hUM las byung ba yi/ /sna tshogs rdo rje bsam byas nas/ /bsgyings pa'i tshul gyis yongs bskor bas/ /bgegs bskrad ra ba sa gzhi kun/ /rdo rje'i rang bzhin can du bsam/ /de nas dbus su gnas nas ni/ /sku gsung thugs kyi rdo rje can/ /sangs rgyas thams cad bdag la gson/ /bdag ni dpal ldan rdo rje 'dzin/ /bka' yi 'khor lo rab sbyor gyis/ /lha dang lha min gsang ba pa/ /brjed byed la sogs bgegs kyi tshogs/ /sa 'dir ma gnas gzhan du dengs/ /gal te dam tshig las 'das na/ /rdo rje khro bo bzhin 'bar pa'i/ /rdo rje rab tu 'bar ba yis/ /mgo ni tshal pa brgyar 'gas shing/ /zhig bar 'gyur bar gdon mi za/ zhes brjod byang shar nas brtsams te/ /khro bo'i gar gyi 'dor stangs kyis/ /drag tu lan gsum bskor byas la/ / dbus 'dug bden pa'i byin brlabs brjod/ /bdag slob dpon ming 'di zhes bya bas/ /slob ma che ge mo zhig rdzogs pa'i byang chub thob par bya ba dang/ sems can thams cad kyis kyang bla na med pa'i ye shes thob par bya ba'i phyir/ /sa phyogs 'dir bcom ldan 'das gos sngon po can zhes bya ba'i dkyil 'khor gyi rgyal po 'dri bas lha dang lha yin dang/ gnod sbyin dang srin po dang/ yi dags dang/ sha za dang/ brjed byed dang/ 'byung po dang/ mkha' 'gro ma dang/ mi 'am ci dang/ rig sngags grub pa rgan po dang/ rgan mo 'khor dang g.yog tu btsas pa gang dag 'khor pa rnams dengs shig /de ltar rdo rje 'chang ba'i bka' thos nas myur du dengs shig /gang dag mi 'gro ba de dag ni/ /phyag na rdo rje hUM zhes bya ba rab tu 'bar ba khro bzhin 'bar ba'i ye shes
- 332a
kyi rdo rje chen po 'dis mgo tshal pa brgyar 'gas bar byed do/ /de ltar brjod nas dbus su ni/ /mthun pa'i stang stabs shar la sogs/ /phyogs bzhi stang stabs bzhi yis ni/ /bgegs rnams tshar gcad bsrung 'khor bya/ /de nas phur bu lnga la ni/ /dri phyug me tog srad? bu dmar/ /btags te zhal gsum phyag drug pa/ /smad ni mdud ltar byin brlabs te/ /phur pa'i gsang sngags legs brjod la/ /g+ha g+ha la sogs kyis gdab bya/ /de nas dbus su dris byugs la/ /baM las ma yi lha mo bskyed/ /bkug ste mchod la gsol ba gdab/ /skyob pa sangs rgyas thams cad kyi/ /spyod pa'i tshul gyi khyad bar dang/ /sa dang pha rol phyin pa la/ /lha mo khyod ni dpang du gyur/ /shAkya seng+ge skyob pa yis/ /ji ltar bdud kyi sde bcom pa/ /de bzhin bdag gi bdud kyi steng/ /pham par byas te dkyil 'khor bri/ zhes ni lan gsum brjod de bstim/ /de nas dris yis legs byugs la/ /dri yi thig le dgu byas te/ /me tog tshom bu lhar bskyed la/ /nam mkha' i dkyil 'khor phab mchod bstod/ /rdo rje 'char ba bcom ldan 'das/ /rig sngags rgyal la phyag 'tshal lo/ /thugs kyi bdag nyid can rnams kyis/ /dkyil 'khor bdag ni 'dri bar 'tshal/ /slob ma rnams la brtse ba dang/ /khyod rnams la yang mchod pa'i phyir/ /bcom ldan bdag ni gus pa la/ /de ni gnang pa mdzad pa'i rigs/ /sangs rgyas 'gro 'khor bya don stsol/ /byang chub sems dpa' 'bras gnas dang/ /gang gzhan gsang sngags lta rnams dang/ /'jig rten skyong ba'i lha rnams dang/ /gang yang 'byung po mthu chen dang/ /gang yang rdo rje spyan mnga' ba'i/ /sems can bstan la dga' ba rnams/ /bdag ming 'di zhes bgyi ba yis/ /phyag na rdo rje'i dkyil 'khor ni/ /yo byad ci 'byor pas 'dri na/ /deng bdag
- 332b
slob mar bcas pa la/ /thugs brtse bas ni dgongs nas su/ /tshogs pa thams cad dkyil 'khor du/ /byin gyis brlab pa mdzad du gsol/ /zhes ni lan gsum gsol btab la/ /mchod dang bstod pa rgyas par bya/ /de nas bum pa dgu 'am bcu/ /mtshan nyid dang ldan bkru byas te/ /rigs kyi mtshan mas mtshan byas la/ /sman 'bru rin chen lnga dri chu/ /btsal te mgul bcings kha brgyan la/ /rnam rgyal bum pa gtso bo'i mdun/ /lhag ma phyi rol dag la 'god/ /las byed bum pa sgo 'gram dgod/ / baM las bum bskyed de'i nang du/ /lha rnams skad cig gis bskyed la/ /ye shes sems dpa' dgug sogs bya/ /mchod bstod byas te gtso bo la/ /rtsa ba'i sngags ni brgya rtsa brgyad/ /sa bon de nyid gsum ldan ni/ /lhag ma rnams ni bzla bar bya/ /de nas mtshan nyid dang ldan pa'i/ /slob ma nang du pos byas la/ /sngags kyi dngos grub don gnyer gang/ /dkyil 'khor 'dir ni 'jug par byed/ /bsod nams 'dod pas de las gzhan/ /gzhan dag 'jig rten pha rol gnyer/ /'jig rten pha rol don gnyer ba'i/ /dad pa mang du byad pa yis/ /blo ldan dkyil 'khor 'jug par bya/ /tshe 'di'i 'bras bu gnyer mi bya/ /gal te 'di 'bras don gnyer na/ /'jig rten pha rol 'grub mi 'gyur/ /'jig rten pha rol la dmigs na/ /'bad pa med par 'di 'bras 'grub/ /ces brjod slob mas gsol ba gdab/ /dga' chen khyod bdag ston ba bas/ /slob dpon khyed ni dgongs su gsol/ /byang chub chen po'i tshul bstan pa/ /mgon po chen por bdag 'tshal lo/ /dam tshigs de nyid stsal du gsol/ /sangs rgyas chos dang dge 'dun te/ /skyabs gsum dag ni bdag la gsol/ /thar pa chen po'i grong mchog tu/ /mgon po bdag ni 'jug par 'tshal/ /de ltar lan gsum brjod nas ni/ /khyod ni tshul chen snod yin te/ /bu chur theg
- 333a
pa chen po yi/ /gsang sngags spyod tshul cho ga ni/ /khyod la yang dag bstan par bya/ /rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung ba'i mgon po rnams/ /'gro la phan phyir bzhugs pa dag/ de dag kun gyis gsang sngags kyi/ /cho ga bzang po'i 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /shAkya seng+ge skyob pa yis/ /bdud sde shin tu mi bzad pa/ /dpung chen dgra yang de yis bcom/ /de bas kun mkhyen thob bya'i phyir/ /bu yis blo gros 'di gyis shig /ces brjod slob mas bshags sogs bya/ /dkon mchog gsum la skyabs su mchi/ /sdig pa thams cad bshags par bgyi/ /'gro ba'i dge la rjes yi rang/ /sangs rgyas byang chub tu sems bskyed/ /de nas slob ma'i gnas gsum du/ /khu tshur spos chur ldan pa yis/ /thig le byas te zla ba dang/ /pad+ma nyi steng sa yig gsum dgong/ /sku gsung thugs su byin brlab nas/ /dus 'di nas ni gzung nas ni/ /'khor ba'i nyes pas ma gos par/ /mchod pa kun dang ldan par ni/ /dus kun tu ni bde bar mnos/ zhes brjod me tog sogs kyis mchod/ /a shwatTha sogs so shing ni/ /sor bcu gnyis drang srog chags med/ /rtse mo me tog gis btags sbyin/ /dkyil 'khor 'dom gang gru bzhi la/ /shar ram byang du bltas te dor/ /byang shar lho nub steng 'og tu/ /zhi rgyas mngon spyod dbang rigs 'dzin/ /sa 'og dngos grub phyir lhung med/ /oM h+rI(rgyud 'grel): sogs sngags skyor chu blung/ /khams gsum rnam rgyal bzlas pa yis/ /ku sha stan dang sngas su sbyin/ /sngags de bzlas pa'i srung spung ni/ /mdud pa gsum ldan dpung g.yas bcing/ /de nas
- 333b
gzengs bstod phyir 'chos pa/ /'jig rten du ni kun mkhyen rnams/ /u duM bA ra'i me tog bzhin/ /brgya lam na ni res 'ga' zhig /'byung 'gyur yang na mi 'byung ngo/ /gsang sngags spyod pa'i tshul 'byung ba/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /bskal pa bye ba du ma ru/ /sdig pa bgyi bar 'gyur ba gang/ /de kun dkyil 'khor 'di 'dra ba/ /mthong bas 'byang bar 'gyur lag na/ /grags pa mdza' yas sngags spyod pa'i/ /tshul la gnas par smos ci dgos/ /skyob pa gsang sngags bzlas nas ni/ /go 'phang bla med thob par 'gyur/ /gang dag spyod pa mchog 'di la/ /blo gros rtag tu mi g.yo ba/ /de dag gis ni ngan 'gro'i rgyu/ /sdug bsngal kun 'byung rab tu bcad/ /bdag nyid chen po khyed rnams kyis/ /rnyes pa mnyam med de ring rnyed/ /gang phyir rgyal ba sras bcas la/ /bdag nyid chen po kun gyis ni/ /bstan pa 'di la khyed rnams kun/ /yongs su bzung ste skye bzhin pa/ /de phyir khyed rnams theg chen la/ /sang ni rab tu skye bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams 'dir ni dong bas na/ /rang byung skal ba chen po pa/ /'jig rten thams cad mkhyen pa yi/ /de bzhin gshegs pa rnams su 'gyur/ /de ltar chos bshad spro bskyed la/ /bzhin bzangs longs la song zhig dang/ /sang ni thar pa chen po yi/ /grong khyer mchog ni mthong 'gyur zhes/ /brjod la nyal du gtang bar bya/ /slob dpon bdag nyid dkyil 'khor gyi/ /mdza' legs dag tu nyal bar bya/ /de ltar lhag gnas rdzogs byas nas/ /nang par skya reng shar ba dang/ /lha yi rnal 'byor ldan byas te/ /slob ma'i rmi lam brtag byas la/ /ngan na sbyin sreg gis bzlog bya/ /nyi ma 'char kar gyur pa dang/ /dkyil 'khor nam mkhar bteg byas la/ /thig
- 334a
gdab pa ni brtsams par bya/ /sar pa legs par bka' nas kyang/ /tshad dang mi thun pa'i mdzes pa ni/ /kha dog so sor bsgyur byas la/ /oM traM h+rI(rgyud 'grel): A(rgyud 'grel): hUM bkod de/ /'bar ba'i lha rnams bkug nas ni/ /gcig tu bsgril bar bya ba yin/ /oM n+yo n+ya oM nu ga ta sarba d+harmA ba ras pa ra sarba d+harmA/ /a tyan ta a nu ga ta sarba d+harmA/ oM badzra sa ma ya sU tra ma ti kra ma hUM/ grogs mchog khams gsum rnam rgyal du/ /dmigs te dza gsum gyis thig drang// shar dang byang ltar tshangs thig gdab/ /mer gnas byang du bltas pa dang/ /rlung gnas lho ru bltas pa dang/ /de nyid nas ni shar bltas dang/ /me gnas nub tu bltas pa yis/ /phyi yi thig ni bzhi gdab bya/ /me dang bden bral du gnas te/ /mtshams kyi thig gnyis gdab par bya/ /de bzhin tshangs pa'i thig nas ni/ /phyi yi thig gi bar du ni/ /ngos rer bdun bdun gdab par bya/ /de bzhin sgo khyud logs dang ngos/ /'gram dang ya phubs kyang gdab bya/ /sgo ni 'khor lo brgyad kyi cha/ /sgo khyung lha rnams sgo yi tshad/ /kha khyer dra phyed de yi phyed/ /tshon sna lnga ni kha khyer phyed/ /rta babs sgo yi gsum 'gyur ro/ /gru bzhi pa la sgo bzhi pa/ /rta babs bzhi dang yang dag ldan/ /mchod rnam bzhi yis yongs su bskor/ /ka ba brgyad kyis nye bar mdzes/ /rdo rje thig gis yongs su bskor/ /dra ba dra ba phyed pas brgyan/ /bla re rnga yab me long dang/ /gos dang me tog phreng gis brgyan/ /lha rdzas bsnams pa'i lha mo'i tshogs/ /ba dan rtse mo rlung bskyod ldan/ /de ltar legs par thig btab nas// tshon dgyes ba ni brtsam par bya/ /rin chen lnga yi phye ma 'am/ /yang na sa yi phye ma ni/ /kha dog lnga dang ldan pa la/ /sa bon lnga dang ldan byas te/ /'bar ba'i lta bas sangs rgyas lnga/ /spyan drangs tshan la bstim par bya/ /oM badzra tsi tra saM ma ya hUM/ phur
- 334b
bu'i bu ga bkang nas ni/ /dbang ldan nas brtsams bri bya ste/ /ma chad ya yo med par bri/ /dkar po ser po dmar dang ljang/ /sngon po nang du bri bar bya/ /shar phyogs su ni dkar ba ste/ /lho dang nub dang byang dang dbus/ /ser po dmar po ljang dang gnag /legs par bris nas mtshan ma dgod/ /dbus su sna tshogs pad+ma ste/ /sbrul brgyad mjug ma bsnol ba la/ /nyi ma'i steng du rdo rje che/ /sngon po rtse lnga 'od zer can/ /shar sogs leng tshe bzhin la ni/ /sna tshogs pad steng 'jigs byed dang/ /stag dang chu srin mi rnams la/ /nyi me'i dkyil 'khor ldan par bya/ /chu srin steng du zla ba bri/ /de rnams steng du rdo rje che/ /rtse mo dgu pa nyid dang ni/ /tsan dan bud shing pad+ma dang/ /rin po che rnams bri bar bya/ /shar la sogs pa'i phyogs rnams su/ /pad+ma nyi ma'i gdan rnams la/ /gri gug sbrul gyi pags pa dang/ /sbal ba'i khrag ldan thod pa dang/ /gri ste mtshan ma bzhi bri bya/ /de ltar legs par bri byas la/ /me tog chal ba bkram nas ni/ /gzhan yang rgyan rnams legs par 'god/ /de nas rgongs ka'i dus su ni/ /khrus byas nang du zhugs byas la/ /gzhal yas khang bslang shugs 'jug bya/ /oM badzra u tiSh+Tha/ oM badzra be gA kra ma hUM/ lhag chad bskad ste me tog ni/ /bcom ldan 'das la dbul bar bya/ /de nas sgo phye phyir byung ba/ /dang po sbyor ba'i ting 'dzin la/ /gnas nas lha rnams spro bar bya/ /so sor gnas su gdan bskyed la/ /bdag gi thugs ka'i sa bon las/ /zla nyi sa bon ldan spros pas/ /de las so so'i mtshan mar gyur/ /de las lha rnams kun rdzogs bsgom/ /nam mkha' i dkyil 'khor bkug nas ni/ /dkyil 'khor gcig tu bsgom par bya/ /bdag gi thugs ka'i sa bon la/ /nam mkhar rgyal ba spyan drangs la/ /mched bstod gsol btab dbang bskur ba/ /kun gyi dbul mi bskyod pa/ /lha rnams kun gyi gnas gsum du/ /de nyid gsum gyis byin brlabs bya/ /de nas me tog la sogs pa'i/ /mchod
- 335a
pa rnams kyis mchod bstod bya/ /phyogs skyong la sogs gdon tshogs la/ /gtor ma rgya chen sbyin par bya/ /de nas zhi ba'i thab khung du/ /lha rnams sbyin sreg gis tshim bya/ /de nas bum pa so so la/ /sngar bzhin bzlas pas mnyes par bya/ /de nas slob dpon bdag nyid ni/ /'jug dang dbang bskur ba yi ram/ /slob ma'i bzhin du 'dir spyad bya/ /de nas slob ma gzhug don du/ /bden pa'i byin brlabs brjod par bya/ /nam mkha' skye ba mtshan ldan phyir/ /thog ma tha ma med pa'i mchog / sems pa'i rdo rje che rang bzhin/ /rdo rje sems dpa' i bdag 'grub mdzod/ /kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag 'grub mdzod/ /nyes pa mi mda' rtag pa khyod/ /'dod chags kun gyi rjes chags pa/ /'dod chags chen po dga' ba che/ /bcom ldan de nyid kyis 'grub mdzod/ /shin tu dag pa kun gyi mchog /gdod nas grol ba de bzhin gshegs/ /kun tu bzang po kun bdag nyid/ /byang chub sems dpa' bdag 'grub mdzod/ /dngos grub chen po kun gyi mchog /dbang phyug chen po phyag rgya'i mchog /grub pa'i rdo rje cher bstod pa/ /rdo rje snyems bdag bdag mdzod cig /sems can kun gyi yid khyab cing/ /sems can kun gyi snying la zhugs/ /sems can gyi yab gyur cing/ /'dod chags dam tshig gyur pa'o/ /bden pa gang gis ye shes mchog /shes rab thabs bdag dkyil 'khor yin/ /bden pa de yis mgon bdag la/ /khyod kyis 'dod pa rab rdzogs mdzod// chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun tu 'byung/ /de bzhin nyid las nges par skyes/ /bden pa 'di yis dkyil 'khor du/ /gzugs brnyan gsal bar slob ma ni/ /
- 335b
kun gyis dri ma med mthor shog /de ltar slob dpon bdag zhugs la/ /slob ma 'jug pa brtsam par bya/ /las byed bum pas khrus byas la/ /ras sngon gdong g.yogs phyi rol dgug /'dod pa dag pa gang yin smos/ /bdag ni skal bzang zhes brjod do/ /de nas slob dpon phyag byas la/ /dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa' i tshul bstan pa/ /mgon po chen po bdag la gsol/ /dam tshig de nyid bdag la gsol/ /de ltar lan gsum gsol btab la/ /me tog thogs pa'i slob ma yis/ /sdig pa bshags la sogs pa bya/ /slar yang gsol ba gdab bya ste/ /gtso bo bdag la sdom pa gsol/ /thub pa'i nyi ma ma lus pa/ /sangs rgyas rnams ni bdag la dgongs/ /bdag ming 'di zhes bgyi ba yis/ /slob dpon dbang du gnas pa la/ /sangs rgyas rol mo las byung ba'i/ /mi ldog pa la 'khor lo sbyor/ /thar ba chen po'i grong khyer mchog /gsang ba chen po 'jug par bgyi/ /gsang ba thams cad bsdus pas ni/ /slob dpon chen po bdag 'jug mdzod/ /mi ldog pa yi dbang bskur ba/ /skal pa chen po bdag la gsol/ /mtshan rnams kun gyis rgyas btab cing/ /dpe byad rnams dang yang dag ldan/ /sangs rgyas sku ni yid 'ong ba'i/ /slob dpon chen po bdag la gsol/ /dbang bskur chen po rmad byung ba'i/ /sems can kun gyi don gyi phyis /bdag ni rtag tu slob dpon bgyi/ /slob dpon chen po bdag la gsol/ /de nas rdo rje slob dpon bgyi/ /che ge zhes bya ba 'di nyid ni/ /byang chub sems ni yongs 'dzin pa'i/ /dam tshig mchog dang gsang ba yi/ /'khor lo 'dir ni 'jug par mtshal/ /de ltar gsol btab 'dod dam dri/ /gsang chen po yi rigs dag pa'i/ /gsang ba chen po yongs 'dzin par/ /bdag nyid chen po 'dod dam cing/ /des kyang tshal zhes brjod par bya/ /sangs rgyas chos dang dge 'dun te/ /dkon mchog gsum la skyabs su song/ /'di ni sangs
- 336a
rgyas rigs dag pa'i/ /dam tshig brtan par 'gyur ba'o/ /rdo rje dril bu phyag rgya dag /blo chen khyod kyis gzung bar bya/ /byang chub sems gang de rdo rje/ /shes rab bril bu zhes bshad do/ /slob dpon dag kyang gzung bar bya/ /bla ma sangs rgyas kun dang mnyam/ /'di ni rdo rje rigs dag pa'i/ /sdom pa dam tshig yin par gsungs/ /rin chen rigs mchog chen po la/ /nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rtag tu byin/ /phyi dang gsang ba theg pa gsum// dam chos khyod kyis gzung bar bya/ /'di ni pad+ma'i rigs dag pa'i/ /dam tshig sdom pa yin par gsungs/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bya/ /mchod pa'i las kyang ci nus bya/ /gzhan yang bcu bzhi 'di dag ni/ /phas pham par ni rab tu bshad/ /spang zhing dor bar mi bya ste/ /rtsa ba'i ltung bar shes par bya/ /nyin dang mtshan mo lan gsum du/ /nyin re zhing ni bzla bar bya/ /gang tshe nyams gyur rnal 'byor pa/ /kha na ma tho sbom por 'gyur/ /khyod kyis srog chags gsad mi bya/ /ma byin par yang mi blang ngo/ /'dod pa log par mi spyod cing/ /brdzun du smra bar mi bya'o/ /phung khrol kun gyi rtsa ba ste/ /chad ni rnam par spang bar bya/ /sems can 'dul phyir ma gtogs pa/ /bya ba ma yin thams cad spang// dam pa nye bar bstan bya zhing/ /rnal 'byor pa las bsnyen bkur bya/ /lus kyis las ni rnam gsum dang/ /ngag gi rnam pa bzhi rnams dang/ /yid? kyis rnam pa gsum dag ni/ /cing nus par ni rjes su spongs/ /theg pa dman la 'dod mi bya/ /sems can rnams la rgyab phyogs min/ /'khor ba dag kyang yong mi spang/ /rtag tu mya ngan 'da' mi chags/ /lha dang lha min gsang ba pa/ /khyod kyis brnyas par mi bya zhing/ /phyag rgya bzhon pa mtshon cha dang/ /mtshan ma 'gom par mi bya zhing 'di dag dam tshig yin par
- 336b
bshad/ /khyod kyis rtag tu bsrung bar byed/ /des kyang 'di skad brjod bya ste/ /slob dpon 'di ni bdag la gson/ /gtso bos ji ltar bka' stsal pa/ /de ltar bdag ni bgyid 'tshal zhes/ /ji ltar gzung bzhin khas blang bya/ /de nas slob ma sems bskyed de/ /oM sarba yo ga tsit+ta ut pA da yA mi/ /de nas snying gar rdo rje ni/ /sngags 'dis rab tu gzhag par bya/ /su ra ta sa ma ya stwaM ho badzra sid+d+hi ya thA su khaM/ de nas slob ma ltar bskyed la/ /dri la sogs pa lngas mchod bya/ /me tog thogs pa'i slob ma yis/ /bla ma yon gyis mnyes byas la/ /las byed bum pas dbang bskur te/ /gung mos me tog gzung byas la/ /sgo bzhi nas bcug shar du gnas/ /deng khyed de bzhin gshegs pa thams cad kyi rigs su zhugs kyis/ ngas khyod la ye shes gang gis de bzhin gshegs pa thams cad kyi dngos grub kyang 'thob na/ dngos grub gzhan lta smos kyang ci dgos te/ de lta bu'i ye shes bskyed par bya yi/ khyod dkyil 'khor chen po ma mthong ba rnams la smra bar ma byed cig /dam tshig nyams par gyur ta re/ de nas sngags 'dis chu 'thung gzhug rdo rje sems dpa' der khyod kyi/ /snying la yang dag zhugs par mdzad/ /gal te tshul 'di smra na ni/ /de ma thag tu dril te gshegs/ /oM badzro da ka tha/ de nas brtsams te khyod kyis phyag na rdo rjer yin gyis nga la brnyas par ma byed cig /mi bde ba ma spangs pas khyod dus byas nas dmyal bar ltung bar gyur ta re/ /de nas gdam ngag ji lta ba/ /slob ma'i rgyud la dbab par bya/ /legs par babs par shes pa dang/ /'di ltar bdag gi slob ma ni/ /dkyil 'khor du ni legs bcug nas/ /'di yi bsod nams ci 'dra las/ /lha yi rim bzhin 'bab par shog /'di ni dngos grub gang gyur dang/ /rigs ni gang gi snod gyur dang/ /bsod nams mthu ni ci yod dang/ /dkyil 'khor ba'i de? de bzhin 'gyur/ /de nas me tog bcom ldan gyi/ /dbu la brtan pas dong bar bya/ /pra tIts+tsha badzra ho/ /dor te me
- 337a
tog slar bcings nas/ /pra ti grih+na la sogs brjod/ /dngos grub gang 'grub mtshan min/ /ci zhig mthong zhes dri bar bya/ /sngags 'dis gdongs g.yogs grol byas te/ /oM rdo rje sems dpa' khyod la deng/ /mig 'byed pa la brtson bar mdzad/ /mig ni thams cad 'byed 'tshal te/ /rdo rje mig ni bla na med/ /he badzra pA sh+ya/ de nas lha rnams legs bstan la/ /dbang bskur ba ni brtsam par bya/ /slob ma gzhag ste lhag byas la/ /gnas gsum de nyid gsum 'god de/ /dri la sogs pa lngas mchod bya/ /bkra shis brjod cing bum pa yis/ /chu yis dbang bskur sbyin par bya/ /oM badzra a b+hi Shiny+tsa/ sa bon lnga las skyes pa yi/ /cod pan mgo bor bcings byas la/ /sangs rgyas rnams kyi rdo rje'i dbang/ /de ring khyod la bskur bar bya/ /sangs rgyas kun gyi rang grub phyir/ /rdo rje 'di ni khyod kyis long/ /oM badzra ya d+hi pa ti stwaM a b+hi Shiny+tsa mi/ tiSh+Tha badzra sa ma ya stwaM/ /rdo rje dang ni dril bu gnyis/ /'khyud pa'i tshul du 'dzin du gzhug /de nas rdo rje dril bu gnyis/ /slob dpon spyi bor gzung bya la/ /badzra satwa stwaM a b+hi Shiny+tsa mi tiSh+Tha badzra nA ma a b+hi She ka ta/ kye dpal phyag na rdo rje zhes bya ba'i de bzhin gshegs pa zhes/ ming 'dis dbang bskur bar bya/ /de nas rdo rje slob dpon gyis/ /dbang bskur phyir ni gsol ba gdab/ /bdag dang gzhan gyi don gyi phyir/ /rdo rje slob dpon dbang bskur ba/ /thugs rje can khyod bka' drin gyis/ /bdag la di ring stsal du gsol/ /de ltar gsol btab hUM las ni/ /rdo rje rab tu bskyed byas la/ /thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid / rdo rje snying po bdag po'i gtso/ /bcom ldan 'das dpal mchog dang po'i skyes bu'o/ /a las dril bu bskyed byas te/ /'di ni sangs rgyas thams cad kyi/ /shes rab dbyangs kyi rjes 'gror brjod/ /khyod kyis kyang ni rtag tu
- 337b
bcang/ /byang chub mchog tu rgyal ba bzhed/ /slob ma'i lag tu sbyin bya la/ /srid pa'i rang bzhin dag pa'i phyir/ /rang bzhin gyis ni dngos med byas/ /rang bzhin dag pa'i sems ldan pas/ /srid pas dag pa'i mchog tu byed/ /de ltar brjod la dkrol par bya/ /yid kyi lus ni brtan pa'i phyir/ /dam tshig phyag rgya zhes byar brjod/ /gang gis lus kun rten byed pa/ /de nas phyag rgyar rab tu grags/ /de rjes dkyil 'khor dag pa dang/ /lha yi rnam dag slong dpon gyi/ /bya ba'i rim pa legs par brlab/ /de nas gser gyi thur thogs te/ /de nas mig mkhan rgyal po yis/ /'jig rten ling tog bsal ba ltar/ /bu khyod kyi ni mi shes pa'i/ /rab rib rgyal ba rnams kyis bsal/ /oM badzra nai tra a pa ha ra pa Ta laM h+ri/ /de nas me long rab bstan la/ /chos rnams gzugs brnyan lta bu ste/ /gsal zhing dag la rnyog pa med/ /gzung du med cing brjod du med/ /rgyu dang las las kun tu 'byung/ /rang bzhin dag phyir bdag med pa/ /de ltar chos rnam shes byas nas/ /sems can don ni mnyam med byos/ /'on kyang sangs rgyas sras su skyes/ /a yis dril bur rab byin la/ /thams cad nam mkha' i mtshan nyid de/ /nam mkha' la ni mtshan nyid med/ /nam mkha' dang mnyam sbyor ba yis/ /kun mchog mnyam pa nyid du gsal/ /ho yis mda' drug gzhu byin la/ /de bzhin gshegs rnams mnyes gyis zhes/ /brjod la mnga' drug 'phen du gzhug /badzra satwas me long bstan/ /rdo rje sems dpa' me long bzhin/ gsal zhing dag la rnyog pa med/ /bu khyod kyi ni sting la gnas/ /rdo rje sems dpa' rang nyid gtso/ /rkang pa'i bar du 'khor lo ni// badzra he tus bcug byas la/ /oM b+ha Sha raM gyis ni/ /lag pa g.yas pas dung byin la/ /g.yon par po ti legs sbyin la/ /de nas brtsams te sems bskyed pa/ /tsam gyis chos kyi 'khor lo bskor/ /khyod kyis the tshom dogs med par/ /yid gnyis
- 338a
med pa'i sems kyis su/ /chos kyi dung ni bla med pa/ /dri med kun tu gang bar gyis/ /sngags mchog tshul gyis gdug pa rnams/ /skye bo rnams kyis don du chos/ /de ltar byas na sangs rgyas la/ /phan 'dogs drin du gzo zhes bya/ /rdo rje 'dzin pa de kun kyang/ /khyod la rtag du bsrung bar byed/ /sems can kun la phan pa'i phyir/ /sems can ma lus thams cad la/ /ji ltar 'dul gyur sna tshogs pa/ /chos kyi 'khor lo rab tu bskur/ /de bzhin rdo rje rin chen pad/ /las kyi 'khor lo'i rjes gzhan sbyin/ /de nas lung brtan dbugs 'byung sogs/ /ji skad gsungs bzhin sbyin par bya/ /'di ni sangs rgyas thams cad kyi/ /phyag na rdo rje'i lag na 'dug /rtag tu khyod kyis gzung bar bya/ /phyag na rdo rje brtul zhugs brtan/ /oM sarba ta thA ga ta sid+d+hi badzra sa ma ya tiSh+Tha e Sha twaM/ d+ha ra ya mi hi hi hi hi hUM/ zhes pas brtul zhugs sbyin par bya/ /de nas 'byor pa'i yon bdag gis/ /bla ma rjes su mnyes par bya/ /zhi ba yi ni thab khung du/ /sbyin sreg gis ni tshim par bya/ /de nas rdul tshon la sogs ni/ /'dod pa'i mi la sbyin pa 'am/ /chu bo chen por dor bar bya/ /klu rigs kun gyi dgrar gyur pa'i/ /gos sngon dkyil 'khor cho ga byas/ /'di la 'khrul pa mthong na yang/ /mkhas pa rnams kyis bzod par mdzod/ /'di byas dge ba gang thob pa/ /des ni 'gro ba ma lus pa/ /rdo rje can gyi zhal mthong nas/ /sdug bsngal mtshe las sgrol bar shog /phyag na rdo rje gos sngon po can gyi dkyil 'khor gyi cho ga /slob dpon chen po stong pa nyid kyi ting nge 'dzin snying rje'i zhal snga nas mdzad pa rdzogs so// // rgya gar gyi mkhan po paN+Di ta don yod pa'i rdo rje dang/ bod kyi lo tsa ba khams pa ba ri dge slong rin chen grags pas bsgyur cing zhus pa'o// //rgya gar skad du/ badzra kro d+ha d+ha ra sA d+ha nA ma/ bod skad du/ khro bo rdo rje 'dzin pa'i sgrub pa'i thabs zhes
- 338b
bya ba/ /bla ma rje btsun pa'i zhabs la phyag 'tshal lo/ /rnal 'byor ba la gnod pa yi/ /'byung po'i tshogs rnams bsgrub ba'i phyir/ /rdo rje 'dzin mchog sgrub pa'i thabs/ /'bad pa'i blo yis bsgrub par bya/ /dang por stan bde la 'dug ste/ /skad cig gcig gis rdo rje 'dzin/ /khro bo'i rgyal por bskyed pa yi/ /snying ka'i sa bon 'phros pa las/ /'gro ba sbyang ba rnam gsum bya/ /mchod pa'i lha rnams spyan drangs te/ /mnyes pa'i don du lus sprul bya/ /snying ga'i sa bon las byung ba'i/ /mchod pa rnam pa lnga dag kyang/ /spro bsdul tshul gyis brgyan par bya/ /oM badzra sa man+ta a ga ba badzra puShpe hUM badzra d+hu de hUM badzra pa dI ye hUM/ badzra gan d+he hUM/ badzra ne be dye hUM/ shapta hUM/ de nas pus mo sar btsugs te/ /rdo rje thal mo sbyar nas kyang/ /rab tu gus pas 'di brjod bya/ /bsags sdig ji snyed bshags par bgyi/ /tshogs rnams kun la rjes yi rang/ /zab mo'i 'khor lo bskor bar bskul/ /mya ngan mi 'da' bzhugs su gsol/ /dge ba thams cad mchog tu bsngo/ /lus nyid kyang ni rnam par dbul/ /byang chub sems ni rab bskyed bya// bdag gis rdzogs sangs rgyas thob shog /de nas byams dang snying rje dang/ /dga' dang btang snyoms bsgom par bya/ /de nas snod bcud rnam par sbyang/ /oM a kA ro mu kham sarba d+harmA NAM A dya nuta pan na twAt/ zhes brjod pas chos thams cad stong pa nyid du bsgom mo/ /hUM las rgya gram dra pa'i mchog /pad+ma zla ba'i steng dag tu/ /hUM las rdo rje'i skur bskyed bya/ /badzra hUM kar zhes pas/ /rab tu 'jigs pa'i khro bo ni/ /in+d+ra nI la'i kha dog can/ /zhal gcig spyan gsum 'jigs pa'i bzhin/ /smar mgo skyes seng la mdzes/ /sprul sngon za zhing mche ba gtsigs/ /g.yas na rdo rje gdengs pa'i tshul/ /g.yon pa bsdigs pa'i mdzub mo ste/ /sbrul nag se ral kha ru bzang/ /a la la yi gang mo sgrogs/ /klu brgyad dag gis brgyan pa'i sku/ /pad+ma'i
- 339a
gdan la brkyang bskum bzhugs/ /stag gis pags pas smad dkris pa/ /brgyan la ye shes sems bsgom bya/ /sa bon 'od kyis mchog bkug nas/ /gong gi mchod pas mnyes byas te/ /bstod pa'i rgyal po 'di yang brjod/ /oM na ma swAhA ri shuSh+To pa yi na ma sh+rud kri badzra pA Ni na ma(rgyud 'grel): sa ro na paM sarba wa sh+ruSh+NI Sha ka ri he he he he/ dza(rgyud 'grel): hUM baM ho(rgyud 'grel): sa gnyis med nas/ /lha mo bzhi las dbang blangs pa'i/ /rtags ni mi bskyod cod pan rtser/ /yi ge gsum gyis byin gyis brlabs/ /yid bzhin 'khor lo'i bzlas pa ni/ /tadya thA b+hyo b+hyo zhes bya ba nas/ /rata na pa ya ti swAhA/ zhes bya ba'i bar du'o/ /sgra che ma yin chung ma yin/ /rang bzhin gsal ba'i bzlas pa ni/ /mi skyo bar du ci bder bya/ /de nas spro bsdu ji snyed pa'i/ /mdza' la bsdu ba byas nas kyang/ /stong pa nyid du bsgom par bya/ /slar la bskyed la phyag rgya dgrol/ /oM A(rgyud 'grel): hUM mu(rgyud 'grel): de nas spyod pa ci bder spyad/ /dam tshig nga rgyal gtang mi bya/ /de thun bzhi yi sbyor ba yis/ /brtson par byas na nges par 'grub/ /dang ldan bla ma ldan pa dang/ /dbang dang dam tshig ldan pa la/ /bcom ldan rdo rje 'dzin mchog gi /mchog gi dngos grub nyer rnyed 'gyur/ /khro rgyal rdo rje 'dzin mchog gi /sgrub thabs dam pa 'di nyid ni/ /bdag gis brtsam par mi rigs kyang/ /rgyud 'brel dgongs pa las btus byas/ /'di las byung ba'i dge ba yis/ /'gro rnams rdo rje 'dzin par shog /khro bo rdo rje 'dzin pa'i sgrub thabs zhes bya ba rdzogs so// //slob dpon ba su d+ha badzras mdzad pa'o/ /de nas yang dag bshad bya ba/ /sa gzhi shin tu legs pa la/ /thab khung rgyar mi khru gang zhing/ /zabs su khru phyed brkos pa dag /kha khyer sor gzhi gnyis dor bya/ pa yi rnam pa lnga yis byug sa/ /kha dog dkar po byas nas kyang//
- 339b
dri dkar 'o ma me tog dor/ /dkyil du rdo rje sor brgyad pa/ /nang du rdo rje bskor nas kyang/ /tha ma me yi 'od zer can/ /bya ba thab khung rim pa'o/ /tsandan pa la sha dag dang/ /byang chub shing dang n+ya gro d+ha/ /dri bzangs dri zhim pa yi shing/ /srog chags med cing ma rul ba/ /gsar pa khru gang tshad la ni/ /'o ma sbrang rtsi bran nas kyang/ /dri zhim pa yi chu yis gtor/ /thab kyi kho ra khor yug tu/ /ku sha rtse mo phyir bstan pa/ /bkram la bud shing rtsig par bya/ /thab pas mtho na nyes par 'gyur/ /de ni bud shing rim pa'o/ /rtse mo'i cha las byung ba yi/ /yam shing sor ni bcu gnyis la/ /gsar zhing 'dab ma bcas pa dang/ drang zhing bla skams med pa ste/ /skyon dang bral ba'i yam shing la/ /mngar gsum dkar gsum dag gis bran/ /dri yi tshogs kyis bsangs nas kyang/ /mchod pa'i don du g.yas su gzhag /de ni yam shing rim pa'o/ /dkar gsum mngar gsum 'bras chen dang/ /'bras thug lag pan la du dang/ /sman sna tshogs dang gza' ba' i rdzas/ /til la sogs pa ji snyed kun// bsreg pa'i don du g.yas su gzhag /mar khu rdo rje dril bu dang/ /dgang gzar blugs gzar mdun du'o/ /me tog spos dang mar me dri/ /bshos gtsang rol mo ji snyed pa/ /mchod pa'i don du g.yon du gzhag /mchod yon las kyi bum pa ni/ /mnyes dang bsang ? g.yas su gzhag /mchod rdzas sreg rdzas rim pa'o/ /de nas skad cig lhar bskyed la/ /dus nas brtsams te mngon rtogs kyis/ /cho ga'i rim pa ji snyed pa/ /sgrub thabs bzhin du bsgom par bya/ /de ni rnal 'byor bdag nyid kyi// mngon par dogs? pa'i rim pa'o/ /de nas thab ni bsang byas la/ /a las pad+ma'i gzhal yas khang/ /dkar zhing zlum pa mdzes pa bskyed/ /paM las chu yi dkyil 'khor te/ /de steng paM las pad+ma'o/ /a dang ma las nyi ma'i gdan/ /hUM las rdo
- 340a
rje dkar po ste/ /der bskyed pa ni rdo rje 'dzin/ /zhu bar raM las gru gsum me/ /de nas me lha'i rgyal po ni/ /dkar zhing zhi la sgeg pa ste/ /zhal gcig phyag bzhi skyil krung byed/ /chu yi dkyil 'khor la gnas shing tshangs pa'i skud pa ser la bzang/ /g.yas ni dbyug pa spyi blugs te/ /g.yon na phreng ba ku mu ta/ /dbu rgyan la sogs rgyan rab mdzes/ /bskyed la ye shes me lha dgug /gong ltar mchod pas mnyes byas la/ /dza hUM baM hos dgug gzhug bya/ /dbang bskur ba dang byin brlab pa/ /mchod pas rab tu mnyes byas nas/ /bstod pas rgyal po 'di dag kyang/ /rdo rje dril bu ldan pas kyang/ /glu dang ldan pas bstod pa bya/ /hUM me lha'i rgyal po tshangs pa mchog gis sras/ /me lha'i rgyal po dag gis dbang bskur ba/ /shes rab mchog gis nyon mongs thams cad bsreg /'dzin byed me lha nyi la phyag 'tshal bstod/ /de nas dgang gzar blugs gzar ni/ /lag pa g.yas g.yon thogs nas kyang/ /me lha bdud rtsi'i zhal nyid du/ /sngags 'di dag gis bsreg par bya/ /oM badzra agna ye mahA b+hU ta dzwa la ya sarba b+hasmiM ku ru sarba duSh+TaM hUM phaT/ na ma che ge mo zhes bya ba 'di/ /shI tidku ru ye swAhA/ brgya rtsa brgyad dam lnga bcu ste/ /nyi shu lnga 'am bdun du dbul/ de ni me lha'i riM po'o/ /de nas me lha'i thugs ki'i nang/ /pad+ma nyi zla'i gdan steng du/ /hUM las rdo rje sngon po ste/ /de las rdo rje 'dzin pa ni/ /mngon par rtogs pa'i chag bzhin/ /bsal ba nyid du bskyed par bya/ /de nas mchod pas mnyes bya ba nas/ /bstod pa dag kyang rab tu brjod/ /de nas bsreg rdzas dbul ba ni/ /rtsa ba'i sngags kyi 'ba' zhig la/ /sreg sngags 'di dag btags la dbul/ /oM sarba pu dza me g+ha ratna a ga d+ha/ /na ma che ge mo zhes bya ba 'di shAM ting ku ru swAhA/ ji
- 340b
snyed spros pa phul nas kyang/ /de nas mchod bstod yang byas te/ /gshegs dang bzod pa gsol nas kyang/ /bsngo dang smon lam gdab par bya/ /oM A hUM mu(rgyud 'grel): ye shes sems dpa' gshegs su gsol/ /dam tshig rang gi snying gar bsdu/ /mchod dang bsreg pa'i rdzas rnams ni/ /lhag ma ji snyed yod pa yis/ /me lha mnyes par yang byas te/ /mchod pa la sogs gong bzhin no/ /ye shes me lha gshegs su gsol/ /dam tshig 'bar ba'i rnam par bstim/ /bdag gis sbyin sreg sbyar ba yis/ / dngos grub myur du 'grub gyur cig /rdo rje 'dzin pa'i sbyin sreg gi cho ga rdzogs so// //slob dpon chen po bsu d+ha badzras mdzad pa'o// //rgya gar skad du/ badzra d+har ba liM bi d+hi nA ma/ bod skad du/ rdo rje 'dzin pa'i gtor ma'i cho ga zhes bya ba/ bla ma rje btsun pa rnams la phyag 'tshal lo/ /las rnams kun gyi sngon 'gro ba/ /bshad phyir bla ma la btud de/ /thams cad tshig par byed pa yis/ /gtor ma'i cho ga de bshad bya/ /de la dang por rdo rje 'dzin/ /sgrub par 'dod pa'i rnal 'byor ba dag gis/ rin po che las snod rgya che la bzang la mnyams pa de dag gi nang du/ 'bras chan la sogs pa chan gyi tshogs dang/ /khur ba la sogs pa bza' ba'i tshogs dang/ nya sha la sogs pa sha'i tshogs dang/ 'o ma la sogs pa bza' ? ba'i tshogs dang/ bu ram la sogs te myang ba'i tshogs dang/ /bil ba la sogs te shing tog gi tshogs dang/ til la sogs pa 'bru'i tshogs dang/ utpa la sogs te me tog gi tshogs dang/ a ka ru la sogs te bdug pa'i tshogs dang/ rin po che la sogs te snang ba'i tshogs dang/ du ru ka dang dri zhim sbyar ba la sogs te dri'i tshogs dang/ ga bur la sogs te sman gyi tshogs dang/ rol mo dang/ gdugs dang/ rgyal mtshan deng/ ba dan dang/ ras bzang po la
- 341a
sogs pa ci 'byor pa'i yo byad bshams te/ maN+Dal sngon po dag gi steng du me tog chal pa bkram la de'i steng du bzhag par bya'o/ /de nas rnal 'byor pa bdag nyid mngon par rtogs pa'i cho ga ltar bskyed la/ lag pa g.yon pa'i mthil du dri sbyar ba'i chu blugs la/ oM sarba big+h+nan nA sha ya a mri ta kuN+Da yi ha na ha na hUM/ zhes lan nyi shu rtsa gcig tu brjod do/ /oM a bag+hi nAM ta krita hUM phaT/ zhes pas gtor ma lan gsum du bya'o/ /de nas yi ge traM ser po las bskyed pa'i snod kyi dkyil 'khor gyi nang du/ rdzas dngos po dpag tu med pa bsams te/ de'i steng du zla ba hUM gis mtshan pa dag gi 'od kyis bsregs shing sbyangs pa'i bdud rtsi'i dngos por gyur par bsam mo/ /de nas thugs ka'i sa bon gyi 'od kyis de bzhin gshegs pa thams cad kyi smin mtshams kyi mdzod spu nas/ bdud rtsi 'o ma rgyun lta bu 'bab pas snod gang bar bsams la oM A hUM/ zhes lan bdun brjod pas byin gyis brlab par bya'o/ /de nas snying ga'i sa bon gyi 'od kyis bcom ldan 'das rdo rje 'dzin pa spyan drangs la badzra dzi hwa zhes byin gyis brlabs la sngags 'di lan bdun brjod la dbul bar bya'o/ oM badzra bA Ni d+ha rA ya/ kA ya bAk+tsit+ta d+hu pa/ puShpa/ dI pa/ gand+he ba liM/ arg+ha ta ba li ma da mAM sa i daM grih+na khA hi khA hi d+huny+dza ho/ /pi ba ho/ a ti kra ma ye swAhA/ de nas thugs ka'i sa bon gyi 'od kyis khams gsum gyi 'byung po'i tshogs ma lus pa bkug ste/ oM badzra hUM ka ra ka Ta ka Ta ka Ta phaT/ ces bya bas sbyang ngo/ /de thams cad rdo rje 'dzin gyi ngo bor 'gyur bar bsams te/ yi ge gsum pa? la lce byin gyis brlab par bya'o/ /de nas oM a kA ro mu khaM sarba d+harmA NAM Adya nutpan+na twat/ oM A(rgyud 'grel): hUM phaT swAhA zhes lan gsum brjod do/ /de nas 'byung po'i tshogs de dag mnyes par gyur nas/
- 341b
rgyal bar gyur cig ces brjod par bsam mo/ /de nas lag tu me tog thogs te/ 'dod pa'i don la gsol ba btab la/ bzod pa gsol ba ni/ hUM lhag pa dang ni chad bas kyang/ /bdag gis brjed pas gang bgyis pa/ /mgon po khyed kyis bzod mdzad nas/ /thun mong mchog gi dngos grub gsol/ /zhes brjod la/ oM khyed kyis sems can don kun mdzad/ /rjes su mthun ba'i dngos grub gsol/ /sangs rgyas yul du gshegs nas kyang/ /slar yang byon par mdzad du gsol/ /oM A(rgyud 'grel): hUM mu: zhes pas gshegs su gsol/ /de nas phyag rgya bkrol te/ gtor ma gtsang ma'i sa phyogs su bskyal la/ ci bder gnas par bya'o/ /rdo rje 'dzin pa mchod pa'i phyir/ /mchod sbyin 'di brtsams bsod nams kyis/ /'gro ba thams cad rgyas gyur te/ rdo rje 'dzin pa'i sa thob shog /rdo rje 'dzin pa'i gtor ma'i cho ga rdzogs so// //slob dpon ba su d+ha badzras mdzad pa'o// / */ /rgya gar skad du/ karma sarba rak+Sha bid+hi nA ma/ bod skad du/ bsrung ba'i cho ga las thams cad pa zhes bya ba/ /bla ma rje btsun pa rnams la phyag 'tshal lo/ /nad dang gnod pa zhi ba dang/ /mi mthun thams cad bzlog pa'i phyir/ /bsrung ba'i dam pa'i rim pa 'di/ /phan phyir bdag gis bshad par bya/ /de la rdo rje 'dzin pa sgrub pa'i rnal 'byor pa dag gis/ /dben pa'i sa phyogs su maN+Dal logs re la khru re yod pa/ gru bzhi pa 'phangs su so sor brgyad pa/ ngos shin tu mnyam pa brtsigs la/ de la ba'i rnam ba lngas byug ba bya'o/ /de'i steng du tsandan dang gur kum la sogs pa'i dri bzang po rnam gyi snyoms par byug par bya'o/ /de'i steng du me tog dri dang kha dog dang ldan pas legs par spungs te/ de'i steng du bsrung ba'i 'khor lo bzhugs su gsol ba ni/ ras sam gos bzang la bri ba'i/ gur kum chu yis 'khor lo ni/ /rtsibs brgyad mu khyud gnyis bcas
- 342a
la/ /rgya gram nang du chung pa bri/ /oM dang swAhA'i bar dag tu/ /na mo ming dang spel ba ni/ /dri sna tshogs kyi thig le byas/ /lte ba dag tu dgod par bya/ /tsandan la sogs rnam pa brgyad/ /oM hUM phaT mthar bsras pa ni/ /rtsibs brgyad dag la rims bzhin no/ /mu khyud nang gi riM pa la/ /oM tsaN+Da mahA ro Sha Na hUM phaT/ che ge mo zhes bya ba 'di kA ya bA ga tsit+ta A yu She dzi baM sh+rI de dza sarba rak+Sha rak+Sha swAhA/ nang du lta ba'i tshul gyis bri/ /phyi rol mu khyud yang de bzhin/ /mtshal dang dngul gyi khu ba yis/ /g.yas g.yon dag tu bri bar bya/ /ka kha ga g+ha nga/ tsa tsha dza dzha nya/ Ta Tha Da Dha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha:/ da ha Ta TTa/ a A i a'i u a'u ri rI li lI/ e i o aau aM a(rgyud 'grel): de nas 'khor lo de dag nyid/ /rdo rje 'dzin par bskyed bya ste/ /dgug gzhug mchod bstod byas nas kyang/ /'khor lo'i ngo bor gyur par bsam/ /rtsa ba ming dang bsrung ba'i sngags/ /spel ba'i bzlas pa stong du bya/ /zhes 'byung ba'i phyir/ cho ga'i rim pa 'di dag las nyams par mi bya'o/ /'di dag gis ni brgya byin la sogs pa gnod pa ches che ba dag kyang ma lus par bsrung bar 'gyur ro/ /dus ma yin par 'chi ba dag kyang ma lus par bsrung bar 'gyur ro/ /dus ma yin par 'chi ba dag kyang nges par bzlog par 'gyur ro/ /sngags mkhan 'di dag ni tshangs spyod kyi dka' thub kyis gnas par bya'o/ /tshes brgyad nas brtsams te bco lnga'i bar gyis cho ga'i rim pas ji lta bar bya'o/ /bcu drug 'gro ba mnyes pa'i mchod ston bya'o/ /sgo gsum gnod pa bsrung ba'i phyir/ /bdag gis bsrung mchog la legs sbyangs/ /'di la nye bar gzhol ba rnams/ /mi mthun thams cad zhi bar shog /las thams cad pa'i bsrung ba'i cho ga zhes bya ba rdzogs// //
- 342b
slob dpon ba su d+ha badzra sa mdzad pa'o/ /rnal 'byor pa bsod snyoms pa pradz+nyA sh+rI dz+nyA na kIrtis rang 'gyur du mdzad pa'o// // */ /rgya gar skad du/ nI lAM ba ra d+ha ra badzra pA Ni kro d+ha rA dza badzra sA d+ha naM/ bod skad du/ khro bo'i rgyal po phyag na rdo rje gos sngon po can sgrub pa'i thabs/ phyag na rdo rje gtum po la phyag 'tshal lo/ /g.yon brkyang gar gyis ri bo 'dzin pa la/ /legs bzhugs khro rgyal klu dgra de btud nas/ /de bsnyen cho ga bla ma bzang po las/ /ji ltar 'ongs pa bdag nyid dran par bri/ /de la khro bo'i bdag po yang dag par bsnyen par 'dod pa'i rnal 'byor pas tho rangs nyid du gdong bkru ba la sogs pa byas nas bsam gtan gyi sa la me tog gcal du bkram pas dga' bar byas pa'i dbus su stan bde ba la 'dug ste/ rang gi snying gar yi ge hUM sngon po bsams la/ de'i 'od kyis rje btsun bla ma dang/ sangs rgyas dang rgyal ba'i sras thams cad bskul to/ de dag gi mdun du yang dag par mchod pa dang/ sdig pa bshags pa la sogs bya'o/ /de'i 'og tu oM shU n+ya tA dz+nyA na badzra swa b+hA ba At+ma ko haM/ tshig gi don dang bcas par stong pa nyid du rnam par bsam mo/ /de nas rang gi snying gar a las byung ba'i zla ba'i dkyil 'khor/ de'i steng du yi ge hUM mthing ga 'od dang bcas par bsams te/ de'i 'od kyis 'gro ba ma lus par sbyangs shing/ /rang gi lhag pa'i skur gyur te/ de dag thams cad 'dus nas sa bon gyi yi ge la zhugs pa dang/ rdo rje sngon po rtse lnga pa 'od zer gyi phreng ba 'khrugs par gyur pa lta ste/ de nas yang de las 'od zer 'phros pas sems can ma lus par rab tu drangs te/ rdo rje la zhugs pa dang/ de nas de yongs su gyur pa las/ /kha dog sngon po cher 'bar ba/ /rab tu khros shing 'dug pa ste/ /g.yon brkyang ba yis legs brten pa/ /bcu drug lo lon lta bu la/ /rab tu khros pa'i
- 343a
lta stangs can/ /lto 'phye brgyad kyi sa rnam brgyan cing/ /zla ba'i gdan la logs bzhugs te/ /zhal gcig phyag ni gnyis pa ste/ /g.yas na rdo rje rtse lnga pa/ /bsnun pa'i tshul gyis legs gzung zhing/ /g.yon pa sdigs mdzub 'dzin mdzad pa/ /smad g.yogs sngon po legs bsnams shing/ /spyan dmar mche ba rnam gtsigs pa/ /nyi ma'i 'od can mgo skyes ni/ /dmar ser gyen phyogs cod pan can/ /ha ha 'o dod chen po yis/ /log 'dren sogs pa skrag byed pa/ /'jigs byed khro bo'i bdag por ni/ /bdag nyid rnam par bsam par bya/ /de'i rjes su nyid kyi thugs ka'i hUM las 'od zer 'phros pas ye shes sems dpa' spyan drangs te/ yang dag par mchod la dza(rgyud 'grel): hUM baM ho(rgyud 'grel): zhes pas/ de dgug pa dang gzhug pa dang/ bcing ba dang dgyes par bya'o/ /de nas sku gsung thugs byin gyis brlab pa'i phyir spyi bo dang mgrin pa dang snying ka'i zla ba'i dkyil 'khor rnams la rim pa ji lta bar/ dkar po dang nag po dang dmar po'i oM(rgyud 'grel): A(rgyud 'grel): hUM rnams rnam par bsam mo/ /de'i 'og tu spro ba dang bsdu ba'i rim par ji srid skyo bar ma gyur gyi bar du bsgom pa bya zhing skyo bar gyur na sngags bzlas par bya ste/ skyon pa dang phul ba dang shin tu gsal ba dang mi gsal ba yang ma yin pa'i rnam par rtog pa spangs pas so/ /de nas bzlas pas skyon/ oM a kA ro mu khaM zhes bya ba la sogs pas gtor ma nye bar phul te/ oM badzra satwa sa ma ya/ ma nu pA la ya/ badzra satwa twe no pa tiSh+Tha/ dri Dho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+hi me pra yats+tsha/ sarba karma su tsa me tsit+taM sh+re ya(rgyud 'grel): ku ru hUM(rgyud 'grel): ha ha ha ha ho(rgyud 'grel): b+ha ga ban/ sarba ta thA ga ta/ badzra mA me muny+tsa/ badzri b+ha ba mahA sa ma ya satwa A/ zhes bya bas lhag pa dang ma tshang ba dag yongs su rdzogs par bya'o/ /de'i rjes su ye shes
- 343b
sems dpa' yang dag par mchod pas/ oM kro d+ha b+ha ba sarba satwa rba/ sid+d+hi ta ta twa ya tha mu gats+tsha d+ha/ bud+d+ha bi shwa ya ma bu na ra ga ma nA ya mu(rgyud 'grel): zhes bya ba 'dis gshegs par bya'o/ /de la 'dir yang dag par bsnyen pa'i sngags ni/ oM nI lAM ba ra d+ha ra badzra pA Ni hUM phaT ces bya'o/ /de ltar sgrub la mngon par brtson pa'i skal ldan rnams kyis ni/ /sgrims te rang gi bla ma'i man ngag bdud rtsi gang/ /'thungs pas lus sogs rab rgyas sngags rtsa bskyed pa yis/ /rtog pas bstan pa'i las rab sbyar ba de bar ni/ /de yis gnod pa ma lus bsal bar phod pa ste/ /gang dag skal ldan sngon gyi skye bar bsnyen byas pa/ /de dag bla ma bzang pos nyer bstan thob tsam gyis/ /sngon du bsnyen pa ma byas rtog par sbyar bas kyang/ /dgos pa lus med mi ring nyid kyis 'byung bar 'gyur/ /de ltar bla mas gang bshad phan byung bdud rtsi yis/ /thigs pas sdug bsngal zhi byed ni 'dir gtogs pas/ /skye bo rtog pa'i dug gi nad med nyams gyur pa/ /de dag rtog skyes nad dang nyer 'tshe zhi bar shog /khro bo'i rgyal po phyag na rdo rje gos sngon po can gyi sgrub thabs slob dpon su tsan+d+ra b+ha dra'i zhal snga nas mdzad pa rdzogs so// //rgya gar gyi mkhan po bi na ya tsan+d+ra dang/ lo tsa ba dge slong chos kyi shes rab kyis bsgyur ba'o// // (//rdo rje rnam par 'joms pa'i dkyil 'khor drug gi cho ga bzhugs so//) */ /rgya gar skad du/ Sha Ta maN+Da la bi d+hi nA ma/ bod skad du/ dkyil 'khor drug gi cho ga zhes bya/ bcom ldan 'das rdo rje rnam par 'joms pa la phyag 'tshal lo/ /chu klung ngam? nags tshal lam chu bo'i 'gram mam/ ri sul lam phug gam yid dang mthun pa yul dben ba bas mdza' i dgon par slob dpon gtsug lag la mkhas pa/ chos la dga' ba bslab pa bsrung bar 'grogs
- 344a
na bde ba snying rje can/ /dkyil 'khor du dbang bskur ba thob pa/ /dkyil 'khor lo sogs pa'i las la dga' ba bya ba nyung zhing 'dod zhen chung ba/ /rig sngags kyi 'bras bu rmi lam gyi rtags dang dngos grub 'thob ba dang/ grub pa'i grogs po rigs btsun pa/ /chos spyod la dad pa can/ sems stobs che zhing brtson 'grus can/ bden par smra zhing rim gro can/ gzugs ha cang mi ring mi thud ba/ mi sbom zhing mi skam pa/ sngo bsangs sdug bsngal bzod cing brtan pa/ gsang sngags zlos shing dam tshig shes pa/ bsam pa bzang zhing mi skyo ba gzhan gyis brid kyang 'phags pa'i tshul mi gtong ba'i grogs dang lhan cig tu maN+Dal byas nas stan bde ba la 'dug ste/ rab tu dri zhim pa'i me tog dang/ /rtsa ba dang sdong bu la sogs pa sbyar ba'i spos dang/ gur kum la sogs pa'i dri dang/ sman gyi sdog gu thams cad dang/ kha ba dang tsha ba dang/ bro ba dag thams cad kyang 'bras chan dang ldan pa rdo rje'i rigs la dbul bar gsungs so/ /de ltar sgrub ba'i yan lag gi rdzas bstan nas/ sgrub pa'i lus ngag yid gsum gyi mtshan nyid bstan pa ni/ sangs rgyas kyi gzugs brnyan dang phyag rgya dang dam nam la mi bsgom/ 'bru mar gyis lus mi bslu/ /la phug dang sgog pa dang/ tsha dang skyur po dri mi zhim pa rnams mi bza' / /brdzun dang phra ma dang/ ngag khyal pa rnams mi smra/ glu dang gad mo dang rtsed mo dang rta gad rnams mi bya/ /don med pa'i gtam dang mu stegs can dang rtsod pa mi bya/ gdol pa dang ma rabs dang kha shags mi bya/ /lha dang drang srong rnams la zhes sdang gi sems mi bskyed/ sngags rang gzir mi bya/ ngan pa rnams la mi brnyas/ bla ma dang/ /rdo rje spun la zhe sdag? gis mi smad/
- 344b
mthu rgyas mi bya'o/ /de ltar sgrub pa'i yan lag bstan nas/ lus kyi kun tu spyod pa ni thun gsum du khrus byas te/ oM hUM ha na badzri Na ha sa lan 'ga' bzlas nas ro smad la bsdu ba dang/ oM badzra ha ra hUM zhes bya ba'i sngags kyis chu'i bgegs bsal la/ na mo badzra oM hUM du na du na ma tha ma tha bi d+hwa nas swAhA/ zhes pas 'khrud cing bdud rtsi 'khyil ba'i sngags rings kyis bgegs bskrad la khrus byas nas/ oM a mri te hUM phaT ces bya khrus zin pa'i rting la chu? snyim pa gsum spyi bor blugs so/ /oM su si ti ka ri swAhA/ zhes zlos shing/ khyim pa yin na spyi gtsug bcing/ rang byung yin na zhwa dang gos gyon/ de nas nye ba'i dbang po lnga kha dang lag ba dang rkang pa dang bshang ba dang gci ba'i lam dang nye ba'i dbang po lnga chus gtor la/ oM ki li ki li rak+Sha rak+Sha badzra hUM phaT ces bya ba zlos shing bsnyen ba'i khang bar 'gro bar bya'o/ /rdo rje'i rigs la stong g.yogs smad g.yogs sngon po 'am/ /dkar po la khro bo bdud rtsi thab sbyor bzlas te bgo ba dang/ sangs rgyas spyan bzlas de ze kha bcing ba dang/ oM badzra kro d+ha mahA ba la ha na da ha pa tsa bi d+hA nas ya u tsuSh+ma kro d+ha hUM zhes pas rab byung yin na sham thabs bgo /khyim ba yin na rkang snam bsgo'o/ /rdo rje dbyings kyi dbang phyug ma'i phyag rgya dang/ na ma(rgyud 'grel): sa man+ta bud d+ha? nAM hUM zhes pas cod pan bcing ngo/ /na ma(rgyud 'grel): sa man+ta bud d+ha nAM d+haM d+haM riM riM badzri dzA swAhA/ zhes pas rdo rje dril bu gzung ngo/ /de skad du yang/ gos dang khrus dang rgyan ngag gis/ /bdag nyid brgyan pa mthong nas ni/ /de tshe bsnyen pa'i sgrub pa yis/ /las rnams rab tu brtsam par bya zhes gsungs so/ /de nas bdag nyid las thams cad nga bdud rtsi thab sbyor du bsam par bya ste/ na mo ratna tra yA ya/ mahA yak+Sha se nA pa ta ye/ na mo badzra kro d+hA ya tadya thA hu lu hu lu tiSh+Tha tiShA band+ha
- 345a
ban d+ha ha na ha na a mri ta hUM phaT ces bya ba dang mthe bong gnyis kyis mthe chung mnan te/ bsnol ba dpung par gzhag ste/ snying ga'i zla ba'i dkyil 'khor la hUM bsgoms te spha ra Na hUM zhes pas rang dang 'dra ba'i khro bo du ma spros te sems can gyi don byas nas sa ha ra Na hUM zhes pas bsdus nas spyan gsum pa stag gi sham thabs can klu brgyad kyis brgyan pa/ g.yon brkyang ba'i gnas pas bzhugs pa bsams la gnas ldang bsrung ba bya ste/ rdo rje thal mo las mthe chung gnyis bsnol srin lag gnyis 'khyung gung mo gnyis kyi rtse mo sbyar mdzub mo gnyis rgyab tu sbyar mthe bong gnyis sbyar la snying gar gzhag pas dpal be'u dang/ dbral bar gzhag pas mdzod spu dang/ lkog mar pad+ma dang/ mgor dbu'i gtsug tor dang/ rkang lag la 'khor lo rtsibs stong dang ldan pa bskyed par bya'o/ /de nas mig g.yas pa ma las nyi ma dang g.yon pa Ta las zla ba/ dbus ma dus mtshams kyi me 'dra bar bskyed la/ mdzub mo gnyis mthe bo'i rtsa bar bkug mthe bong dang gung mo sbyar la/ oM ru ru sphu ru dzwa la tiSh+Tha sid+d+ha artha sA d+ha ne swAhA zhes bas mgo byin gyis brlab par bya'o/ /de skad du yang i las gyur pa'i mig tu bya/ /mig 'bras hUM las bskal pa'i me/ /de las khro bo me byung bas/ /sngags pas sprin dang rlung rnams bsreg ces gsungs so/ /g.yon pa'i srin lag la ku sha'i dag byed btags/ badzra d+hwi ka ces brjod par bya'o/ /dpral bar tsandan gyi thig le byas dzi nA ka ces brjod par bya'o/ /bu mo gtsang mas bka' ba' i skud pa la mdud pa gsum rgyab la ru rak+Sha rdo rje gcig pa dang bcas pa a ro li ka ces pa'i sngags bzlas shing dge bsnyen mgul bar dang btsun pa'i dam? bcing bar bya'o/ /skud pa dmar po gur kum las btsos pa la mdud pa bor la bsngags te/ oM ha ra
- 345b
ha ra ban d+ha nI shu kra d+ha ra ni sid+d+ha artha sA d+ha ni swAhA/ zhes bya ba stong bzlas pa rked par bcings la rtag tu khu ba 'gag par 'gyur ro/ /de ltar lus bsrungs nas gnas bsrung ba ni khro bo bdud rtsi 'khyil ba'i sngags rings dang spos chus bsang gtor byas pa dang/ oM kI li kI la ya badzra b+hu ra ban d+ha hUM phaT ces bya ba khro bo phur bus phyogs bcur btab nas thal ba dang yungs kar gyis kyang bsrung bar bya'o/ /de nas steng bcing bar bya ste/ oM su sid+d+hi ka ra dza la na a man+t+ra ta murta ye dza la dza la dza band+ha band+ha d+ha ha na ha na hUM phaT ces bya bas rdo rje gdams pa las mthe bo dang mdzub mo mthe chung gsum sbrengs te/ rdo rje'i bla re bsams par bya'o/ /de ltar bla re byas nas bar ni/ /na mo ratna tra yA ya na maShtsaN+Da badzra pA Na ye/ mahA yak+Sha sa nA pa ta ye/ oM suM b+ha ni suM b+ha hUM phaT/ oM grih+Na grih+Na hUM phaT/ oM grih+Na pa ya grih+Na pa ya hUM phaT/ oM A na ya ho b+ha ga ban bidyA rA dza ya hUM phaT ces bya bas ra ba bya'o/ /de skad du yang/ tshogs rab tu grub par byed pa'i rgyud las/ bdag nyid sngags dang phyag rgyas bsrung/ /gtsug pud gos dang gtsang byed dang/ /mdung ba bor te bdun gsum bzlas/ /bdag nyid bsrung ba'i phyir bzla'o/ /khang pa khor khor yug dang/ /phur bu rab bla re dang/ /phur bu bdud rtsi thab sbyor dang/ /khro bo gnyis kyis rtag tu sbyar/ /yang na dpa' bo gcig sngags kyis/ /thams cad sngags kyis bsrung bar bya/ /gsang sngags gsum po zhi ba la'ang/ /bsgrub pa po yin nan tan bya/ /phyi rol sa phyogs mi gtsang na/ /rdo rje 'chol ba'i sngags kyis bsrung/ /bdud rtsi thabs sbyor khrus kyi tshe/ /zan za'i tshe na badzra d+h+ri ka/ /'khor lo 'tshol ba'i sngags ni na mo badzra kro d+ha mahA ba la/ ha na da ha pa tsa bi d+hwa na sa ya/ u tsuSh+ma kro d+ha hUM phaT/ bdud rtsi thab sbyor gyi bshad zin to/ /nyal ba'i tsho/ oM e ka dza la badzra/ /oM sa ma ya ma nu sma ra hUM phaT ces gsungs so/ /rang gi las la
- 346a
bye brag tu/ /bsrung dang spyan drangs sbyang ba dang/ /phyag rgya bcing dang bzlog gnon dang/ /bskang dang tshim par bya ba dang/ /tshar bcad pa dang bskul ba dang/ /'khrul 'khor sbyin sreg khrus bya ba/ /dngos grub kun la thams cad du/ / bsgrub pa po yis de dag bya/ /zhes gsungs pa las bsrung ba'i cho ga rim par phye ba ste dang po'o/ /gnyis pa spyan drang ba'i cho ga ni rig pa mchog las gsungs pa bzhin ri rab kyi rtse mor bsams la dkyil 'khor drug gang la mos pa'i lha'i tshogs ris kyi steng du bsams la mchod pa rnams dang mchod yon mdun du gzhag me tog la rdo rje thal mo kha phye ba dang/ /oM mahA me tri b+hyud ga de swAhA/ me tog ma ser mo skyed pa dang/ rdo rje thal mo brkyang la mdzub mo gnyis sbyar te/ oM ka li ta d+harma d+hA tu a nu ga te swAhA/ zhes pas bdug pa ma dkar mo skyed do/ /rdo rje thal mo brkyang ba dang/ oM bi shud d+ha gan d+hod b+ha ba me swAhA/ zhes pas dri chab ma ljang khu skyed do/ /rdo rje thal mo las g.yon pa'i mthe bo dang mdzub mo sbyar la oM tsa le tsu lu tsun de swAhA/ zhes pas lha bshos ma mthing ka bskyed do/ /rdo rje thal mo nyid dang oM tsa le tsu le tsuM de ga ga na sa ma ye swAhA/ zhes bya bas yon chab ma dkar mo skyed de/ /de nas bdag nyid byin gyis brlab par bya ste bdag nyid rigs drug gi bskur bskyed pa la tshogs mar ni oM las gser mdog bsgyings pa'i sangs rgyas bsgom mo/ /mig gnyis la tsa las gtsug tor 'khor los bsgyur ba ser po bsgom mo/ /lkog mar le las mi g.yo ba nag po ral gri dang zhags pa bsgom mo/ /lte bar tsu las gtsug gi nor bu mdog dmar po phyag gnyis pa dang po'i sangs rgyas bsgom mo/ /dpung pa gnyis su la las don yod zhags ba ser po bsgom mo/ /snying khar tsu las lha mo tsun da phyag
- 346b
bco brgyad pa dmar mo bsgom mo/ /brla gnyis la las phyag na rdo rje nag po bsgom mo/ /rkang pa gnyis kyi d+ha las ral gcig ma mche ba gtsigs pa nag mo bsgom par bya'o/ /de ltar bdag nyid byin gyis brlabs nas mchod pa 'bul ba dang phyag 'tshal ba'i lag pa byin gyis brlab par bya ste/ lag pa g.yas pa ni 'khor ba/ g.yon pa ni mya ngan las 'das pa/ mthe chung sa'i dkyil 'khor/ srin lag chu'i dkyil 'khor gung mo me'i dkyil 'khor/ mdzub mo rlung gi dkyil 'khor/ mthe bong nam mkha' i dkyil 'khor/ dri med nam mkha' lta bu'i lha'am mo lnga bsams la phyag 'tshal zhing thal mo sbyar te/ dang po rigs drug gi 'khor lo gang rung spyan drang pa'i phyir/ g.yon brkyang pa bdud rtsi thab sbyor phyag rgya las gung mo g.yab cing spyan drang pa'i sngags ni ma tsu ra kun d+ha tsur kun d+ha/ badzra pA Ni na mo b+hu ta sa sya swAhA zhes pas spyan drangs la/ dbyangs ni bde bar gshegs so bcom ldan 'das/ /tshur gshegs 'dir ni bzhugs su gsol/ /bdag la mchod pa bzhes nas kyang/ /thugs rdzas? dgongs shing gnang bar mdzad/ /thal mo sbyar ba kan ba las mdzub mo gnyis cung zad bkug nas dpral bar bzhag ste/ oM ta thA ga tod b+ha ba ye swAhA thal mo legs par sbyar ba la sor mo dbus la gsum bskyed pa pad+ma kha phye ba 'dra ba lkog mar gzhug la/ oM pad mod b+ha pa ya swAhA/ lag pa gnyis ni rgyab bsnol te/ mthe chung dang mthe bo gnyis dkris te rdo rje 'dzin pa'i phyag rgya lte bar gzhag ste badzrod b+ha ba ya swAhA/ zhes bya bas phyag bya'o/ /me tog dbul ba'i dbyangs ni/ ye shes rgya mtsho rlabs chen gyi/ /sems can kun la byams pa yi/ /stobs chen ye shes me tog gi /sangs rgyas bzhin du mchod par shog /sbyar ba'i dri yis bsgos pa yis/ /lus la lhag par khyab gyur pa/ /ye shes spos kyi byug
- 347a
pa ni/ /dri bzangs rtag tu 'byung bar shog /mkhas pa gang gis dngos po rnams/ /chos kyi dbyings dang mtshungs mthong zhing/ /de yi rjes su zhugs pa yi/ /bdug spos kyis ni tshim par shog /dngos po thams cad snang byed pa/ /mi shes mun nag la sogs pa/ /bcom nas mar me rab tu gsal/ /chos kyi 'od zer kun 'byung shog /lus can kun gyi ji tsam du/ /yid la re ba yongs rdzogs pa/ /byang chub snying por 'dug nas su/ /bdud bcom sangs rgyas rol gyur cig ces bya bas mchod pa dbul lo/ /de skad du yang/ thog mar byug pa me tog dang/ /bdug spos lha bshos rjes mthun pa/ /tha mar mar me rab sbyar nas/ /khro bo'i rgyal pos bsangs nas dbul/ zhes gsungs pa na'o/ /de lta ba phyag 'tshal zhing mchod nas sdig pa bshags pa ni sangs rgyas chos dang dge 'dun dang/ /byang chub sems dpa' rnams dang ni/ /rig sngags gsang sngags tshogs rnams la/ /bdag gis sdig pa ma lus bshags/ /oM sarba bA pa di sha na ye swAhA/ sangs rgyas chos dang dge 'dun dang/ /byang chub sems dpa' rnams dang ni/ /rig sngags gsang sngags tshogs rnams la/ /dang pas rjes su yi rang ngo/ /oM a nu mo ta ye swAhA/ bde gshegs padmo rdo rje rigs/ /rdo rje ?? po pho nya dang/ /bka' nyan la sogs pho nya dang/ /chos kyi 'khor lo bskor bar bskul/ /oM d+harma tsakro brtan ye swAhA/ bde gshegs rdo pad+ma'i rigs/ /rdo rje khro bo pho nya dang/ /mya ngan mi 'da' gsol ba 'debs/ /oM a bar ni ra ba na ye swAhA/ sems can phongs pa skyabs pa dang/ /ngan song gsum gyi mgon byas dang/ /dkon mchog gsum gyi rten byin dang/ /'khor ba'i skyabs bgyis byang chub sngo/ /oM ku sha la pa rin ma ye swAhA/ /sems can phong pa bskyab pa dang/ /ngan song gsum gyi
- 347b
mgon byas dang/ /dkon mchog gsum gyi rten byin dang/ /'khor ba'i skyabs kyis bdag lus 'bul/ /oM pad+ma ni ra ta ya ta ya mi swAhA/ ngan 'gro rnams las bsgral ba dang/ /nyon mongs rnams las sgrol ba dang/ /srid pa'i mi bde dbugs 'byin dang/ /mya ngan 'das pa'i sems bskyed do/ /oM bo d+hi tsit+ta ut pA da yA mi swAhA/ ngan 'gro rnams las bsgral ba dang/ /nyon mongs rnams las dgrol ba dang/ /srid pa'i mi bde dbugs 'byin dang/ /mya ngan 'das pa'i skyabs su mchi/ /oM tri sha ra NaM gats+tsha ya mi swAhA/ sngon gyi rgyal ba'i sras rnams kyis/ /smon lam ji ltar mdzad pa bzhin/ /sbyin dang tshul khrims bzod brtson 'grus/ /bsam gtan shes rab bdag bskyed shog /oM pra ne ta na ye swAhA/ de ltar 'khor lo drug spyan drang zhing tshogs bsags nas sbyang pa bshad pa ni/ /dang po mchod pa'i yan lag rdzas spyad bshad pa ni sngar bstan pa'i bdud rtsi thab sbyor gyi sngags dang phyag rgyas mchod pa'i bgegs skrad la/ bdud rtsi thab sbyor gyi sngags bzlas pa'i spos chu lag mthil du byugs la rdzas rnams la blta zhing ku sha'i bir thogs la oM dzwa la dzwa la ban du ri hUM phaT ces bya ba'i chus bsangs pa dang/ yungs kar gyis brab par bya'o/ /de'i rjes la gnas spyad/ pa ni sa gzhi'i dbus yi ge re bsams la 'od zer gyi spro bsdu byas pas las dang nyan mongs pa'i sa gzhi sbyangs la/ de nas stong pa sgyu ma lta bu las/ yi ge a gser gyi mdog can bsams la de'i 'od zer 'phro 'du las gser gyi sa gzhi rdo rjes mtshan pa dbangs su dpag tshad 'bum phrag brgyad yod pa/ /rgyar stong gsum gyi chad yod pa bsams la/ bdud rtsi 'khyil ba'i phyag rgyas la gzhag nas/ oM a tsa le bi ra swAhA/ zhes bya bas sa gzhi rdo rjer byin gyis brlab po/ /de nas sa'i
- 348a
lha mo'i sngags dang phyag rgyas phyis 'chad par 'gyur bas kyang byin gyis brlab par bya'o/ /de steng du paM las pad+ma dkar po 'dab ma brgyad pa de'i lte ba la yi ge ba shel dang ba lta bu las yan lag brgyad dang ldan pa'i chu 'o ma can gyi rgya mtsho chen po bsam par bya'o/ /phyis 'chad par 'gyur ba'i sangs rgyas kyi phyag rgya dang sngags kyis byin gyis brlabs la/ oM baM ma le ud d+ha ga d+ha di hUM zhes bya bas kyang byin gyis brlab par bya'o/ /de nas yi ge laM las ri rab rin po che'i sna bzhi'i rang bzhin can/ gser gyi ri bdun dang gling bzhi gling phran brgyad kyis bskor ba/ de'i steng du brum las gzhal yas khang sgo bzhi sgo khyung dang bcas pa'i dkyil 'khor drug gang yang rung ba rnal 'byor pas gang mos pa bsgoms la/ oM na ma(rgyud 'grel): sarba ta thA ga tA nAM sarba thA ud ga te spha ra Na hi mi ga ga na khaM zhes bya ba dang/ thal mo khod stod du sbyar bas gzhal yas khang byin gyis brlab par bya'o/ /de nas oM las seng+ge'i khri gdan bskyed la/ de'i steng du baM las pad+ma 'dab ma brgyad pa bskyed de/ /oM ki li ki li sarba badzri b+hur ban da hUM phaT ces bya bas gzhal yas khang gdan dang bcas pa la/ spos chus lan gsum gyi bar du bsang gtor byas pas gnas dang stan sbyangs par la gyur ro/ /de nas lha spyad pa ni dkyil 'khor drug gang la mos pa'i lhar dkyil 'khor dang gdan la bzhugs su gsol/ /de nas gu gul gyi dud pas bdug cing/ /oM su sid+d+hi ka ra dzwa laM ta a nan ta mur ta ye/ dzwa la dzwa la/ band+ha band+ha/ ha na ha na hUM phaT ces bya ba lha rnams bsang ba dang/ steng du rdo rje phur bu bcus bgegs bcing ba dang/ lha rnams sbyang par yang 'gyur ro/ /sngar bshad pa'i su sid+d+hi ka ra'i sngags dang/ gnod mdzes kyi rig sngags kyis rdo rje bla re dang rdo rjer ba
- 348b
byas pas kyang gnas dang lha rnams sbrang bar 'gyur ro/ /de nas rdo rje khu tshur gnyis bcings nas mdzub mo gnyis brkyang ba sa la btsugs la/ na ma(rgyud 'grel): sa man+te bud d+ha nA nA/ oM ta ra ta ra/ tu ru tu ru/ ma Ta ma Ta/ band+ha band+ha/ sarba tra a pra ti ha te/ sa si mi/ sa si? me saM b+han d+ha/ ku ru ku ru/ ta ra ta ra/ sa man+ta badzre sa man+te badzre/ ku ru a ma la/ ku ru ma ye tu ta ye tu ta ye/ ba ra ba ra/ ka ra ka ra/ su mi ma sa man+ta bi d+hA na sa ya dzwa lA ya swAhA/ zhes bya bas lan bdun bzlas pa'i ri mo bdun dang/ thal ba'i ri mo bdun byas la me 'od kyi phreng ba bsams la mtshams bcad par bya'o/ /de ltar spyad pa'i cho ga gsum pa bstan nas bzhis pa bcing ba'i cho ga bstan pa ni dang por rkang pa rdo rje'i skyil dkrung ngam/ sems dpa' i skyil dkrung bcas la/ dkyil 'khor drug las gang yang rung ba'i mdun du 'dug ste/ thal mo sbyar la bstod pa bya ste/ mgon po thugs rje che ldan pa/ /thams cad mkhyen pa'i ston pa po/ /bsod nams rgya mtsho yon tan zhing/ /de bzhin gshegs la phyag 'tshal lo/ /dag pa 'dod chags bral ba'i rgyu/ /dge ba ngan song las grol ba/ /gcig tu don dam mchog gyur pa/ /zhi gyur chos la phyag 'tshal lo/ /grol nas gral ba'i lam thob pa/ /bslab pa dag la rab tu gnas/ /zhi gi dam pa yon tan gnas/ /dge 'dun la yang phyag 'tshal lo/ /stobs po che la drag shul che/ /rig sngags rgyal po dge ba can/ /gdul dka' ba dag 'dul ba po/ /rdo rje 'dzin la phyag 'tshal lo/ /de ltar phyag 'tshal bas khro bo nyi shu rtsa gcig pa'i/ bcu gsum pa 'am/ lha lnga pa 'am/ 'khrul 'khor gyi lha 'am/ pho nya mo bcus bskor ba 'aM/ pho nya mo drug cu rtsa bzhis bskor bar bsams la/ rdo rje'i rigs kyi ru rag sha'am/ ?rus pa'i phreng ba la/ oM badzra a dzi te ye swA/ zhes pa'i sngags
- 349a
bzlas shing phreng ba bzung nas dkyil 'khor gyi lha 'am/ bum pa'i lha 'am/ sbyin sreg gi lha gang yang rung ba'i phyag rgya bcings nas bsnyen pa'i bzlas pa bya'o/ /de la dang por khro bo nyi shu rtsa gcig pa'i lha'i phyag rgya bcing pa bstan pa ni dbus su rig pa mchog nas 'byung ba bzhin du dbang phyug chen po dang/ u ma'i steng du g.yas brkyang ba'i gnas pas bzhugs pa/ khams gsum rnam par rgyal ba'i phyag rgyas rdo rje dang dril bu bsnams pa ste/ sbrul gyi rgyan gyis brgyan pa stag gi lpags pa'i sham thabs mnabs pa/ de'i g.yas su lha mo mA ma kI lag tu rdo rje dang sdigs mdzub 'chad ba/ /sku mdog sngon por bsam pa'o/ /g.yon du bdud rtsi thab sbyor sku mdog dmar po/ /g.yas na ral gri dang dgra sta/ g.yon na zhags pa dang sdig mdzub bsam par bya'o/ /gtso bo'i snying po dang phyag rgya ni na mo ratna tra yA ya/ na ma(rgyud 'grel): tsaN+Da badzra pA Na ye/ mahA sha yaka se nA ba ta ye/ oM suM b+ha ni suM b+ha hUM/ oM grih+NaM? grih+NaM? hUM/ oM grih+NA ba ya hUM/ oM A na ya ho/ b+ha ga bAn bidyA rA dzA ya hUM phaT/ phyag rgya ni kham gsum rnam par rgyal ba'i phyag rgyas so/ /mA ma kA'i phyag rgya ni rdo rje thal mo las mthe bo dang srin lag gnyis dang mthe chung nang du gzhug go /sngags ni na ma(rgyud 'grel): sa man+ta badzra ? na trita? tri ta dza yan ti swAhA/ bdud rtsi thab sbyor gyi phyag rgya ni rdo rje thal mo las gud mo gnyis brkyang la mdzub mo gnyis rgyab tu lcags kyur byas pa'o/ /sngags ni oM a mri te ha na ha na/ bi du na bi du na/ go pa ya go pa ya/ khA da khA da/ e smi dang ma ma / swAhA/ na mo badzra pA Ni sya/ oM dza ye dza ye ba he swAhA/ rgyal po'i gsang sngags so/ /oM badzra pA Ni sa/ oM bi dza ye bi kra me trai lokya bi kra me swAhA/ rnam par rgyal ba'i gsang sngags so/ /na mo badzra pA Ni swAhA/ rdo rje mchog gi sngags so/ /na mo badzra pA Ni
- 349b
sya oM badzra ts+tshinda swAhA/ rdo rje rtags kyis sngags so/ /na mo badzra pA NI sa mo sa ra hA ka bi shud d+ha rang re swAhA/ bkra shis kyi gsang sngags so/ /na mo badzra pa Ni swA /oM nyang gu swAhA/ shin tu bkra shis kyi sngags so/ /na mo pa ni sa ni oM saM baM ye swA hA/ pad mtshan gyi gsang sngags so/ /na mo badzra pA Na sya/ oM bi shud d+he swAhA/ pad+ma'i phreng ba'i sngags so/ /oM na mo badzra pA Na sya oM pra mar di na swAhA/ g.yung drung gi gsang sngags so/ /na mo badzra pA Ni swa oM bi d+hwaM sa na pra mar da ni ts+tshinda ts+tshinda swAhA/ mdud rtsi gsum pa'i gsang sngags so/ /na mo badzra pA Ni sya oM bi na ya ka na ya swAhA/ rdo rje gsang sngags so/ /na mo badzra pA Ni sarba sha trUM ? mar da ya swAhA/ mche ba'i sngags so/ /na mo badzra pA Ni sa/ oM a di sha ya bkra me swAhA/ mdung thung gi sngags so/ /na ma badzra pA Ni swa/ oM hUM phaT swAhA/ klu lag gi gsang sngags so/ /na mo badzra pA Ni sa oM pA sha ye swAhA/ zhags pa'i gsang sngags so/ /na mo badzra pA Ni sya oM bi tra ba ni swAhA/ dbyug pa'i gsang sngags so/ /oM badzra pA Ni sa/ oM tsakra a yu d+ha ke swAhA/ 'khor lo'i gsang sngags so/ /rdo rje 'dzin pa'i phyag rgya las g.yas pa'i khu tshur bcangs ba ni rgyal ba'i 'o/ /gung mo gnyis bzhi bas nas brkyang ba ni rnam par rgyal ba'i 'o/ /srin lag gung mo gnyis brkyang ba ni rdo rje mtshan gyi'o/ /rdo rje 'dzin ma'i phyag rgya pa la?? dkyil du gzhag pa ni rdo rje rtags kyi'o/ /rdo rje 'dzin ma'i phyag rgya nyid brang du dkyil du gzhag pa nibkra shis kyi'o/ /lte bar gzhag pa ni shin tu bkra shis kyi'o/ /thal mo kha phye ba dra ba ni pad+ma'i phyag rgya'o/ /thal mo kha phye ba pad+ma'i phreng gi phyag rgya'o/ /khams gsum rnam par rgyal ba'i phyag rgya las mthe bong dang srin lag gnyis bsnol ba ni g.yung drung gi'o/ /rdo rje bsdams ba gung mo gnyis brkyang nas mdzub mo gnyis zhabs su gzhag pa ni mdung rtse gsum pa'i 'o/ /rdo rje thal mo las srin lag nang du mthe bong mnan pa
- 350a
rdo rje'o/ /g.yon pa'i khu tshur gyi steng du g.yas pa'i khu tshur gyi mdzub mo sgreng ba ni mche ba'i 'o/ /khams gsum rnam par rgyal ba'i phyag rgya ltar lag dar gnyis rgyab sprad la gung mo gnyis bshibs pa ni mdung thung gi'o// lag pa gnyis rgyab sprad la/ /mthe bo dang mthe chung gnyis lu gu rgyud du sprel la sor ma drug sbrul mgo'i gdengs ka ltar brkyang ba ni klu lag gi'o/ /lag pa gnyis sprang la mthe chung mnan pa ni zhags pa'i phyag rgya'o/ /lag dar gnyis bzhibs nas mthe bos mdzub mo mnan la sor mo gsum brkyang ba ni ral gri'i phyag rgya'o/ lag pa gnyis rdo rje khu tshur gyi gyen du bsgreng ba'i gung mo gnyis brkyang ba ni dbyug pa'i phyag rgya'o/ /g.yon pa khas phub pa'i steng du g.yas brkyang la kha pub nas gzhag pa ni 'khor lo'i phyag rgya'o/ /de ltar phyag rgya bco brgyad bcings nas bzlas par bya ste/ dkyil 'khor la dgod pa'i thabs bshad pa ni rgyal ba dang/ rnam par rgyal ba dang/ rdo rje mtshan ni shar du'o/ /rdo rje rtags dang/ bkra shis dang shin tu bkra shis ni byang du'o/ /pad+ma'i mtshan dang pad phreng dang g.yung ris na lho phyogs su'o/ /mdung rtse gsum pa dang rdo rje dang mche ba ni nub phyogs su'o/ /dkyil 'khor gyi nang gi shar du mdung thung/ lhor klu lag/ nub tu ? byang du zhags pa/ dbyig pa dang 'khor lo gnyis ni gtso bo mdun dang rgyab tu'o/ /g.yas dang g.yon du mA ma kI rdo rje lcags kyu bsnams pa dang bdud rtsi thab sbyor ro/ /rig pa mchog las mA ma kI der gzhug na rig sngags 'grub par ? tshom me bya'o/ /zhes gsungs so sngags zlos pa'i tshe rig sngags 'di rnams gdon gang la bya zhe na /rgyal bas lha'i gdon rnams so/ /rnam par rgyal bas snying nad skye pa'i dri za'o/ /shin tu bkra shis kyis gnod sbyin la'o/ /pad+ma'i
- 350b
mchan gyi srin po la'o/ /pad+ma phreng gi gzu lums can yugs sa ma'i gdon la'o/ /g.yung drung ris kyis bi sa ra la bong bu'i gdang can la'o/ /rtse gsum pas ni smyo byed la'o/ /rdo rjes ni log 'dren la'o/ /mche bas sha za'o/ /mdung thungs gis brjed? byed la'o/ /klu lag ni dug bskyed pa'i klu la'o/ /zhags pa ni nam gru la'o/ /ral gri ni bya la bstan par bya'o/ /dbyug pa ni skam byed la'o/ /'khor lo ni gzhon nu la'o/ /mA ma kI'i phyag ni thams cad la'o/ /rdo rje lcags kyu bstan bya zhing/ /rdo rje 'dzin bka' bzlas brjod bya/ /lag na rdo rjes sngags bstan pas/ /gdon rnams thams cad 'jig par byed ces gsungs pas rang phyag na rdo rjer bsgom par nges so/ /rgyal ba stegs bu'i steng du rdo rje rtse gsum pa 'chang gzungs can bri'o/ /de bsams la bzlas bas sa'i gdon gyi pho nya thams cad kyis mi tshugs so/ /rnam par rgyal ba rdo rje rtse gsum pa dbyug pa la btsugs pa me 'od 'bar ba bsams la sngags dang phyag rgya bzlas pas tshangs pa'i chu'i gdon gyis mi tshugs so/ /rdo rje mtshan gyi rdo rje rtse gsum pa bsams nas phyag rgya bcings shing bzlas pa la lha chen po me'i gdon gyi tshig par bden pa'o/ /rdo rje rtags kyi sngags dang phyag rgya bcings pa log 'dren rnams kyis mi tshugs pas sa ba'o/ /rta bkra shis kyi sngags dang phyag rgya bcings pas rdo rje'i rta rigs kyis dmyal bas mi tshugs pas brtan pa'o/ /shin tu bkra shis kyi sngags dang phyag rgya bcings pas phur bu'i gsum pa ste yi dags kyi mi chugs pas thogs pa med pa'o/ /pad+ma'i mtshan ni spyan ras gzigs dbang phyug ste/ ? song gi sems kyis mi tshugs pas ma pham pa'o/ /pad+ma phreng ni dpal chen mo ste mi'i sems skrag par byed pa'o/ /g.yung drung ni tshog skyi lha rnams te/ lha dang lha ma yin gyi sems ? bar byed pa'o/ /mdung rtse gsum bas ni ? gi
- 351a
lha mo ste/ gnod sbyin gyi rigs rnams gcod par byed pa'o/ /rdo rje ni khro bo bdud rtsi thab sbyor ste/ srin po rnams gnon par byed pa'o/ mche ba ni mo rnams kyi ste rang gi las dang nyon mongs pa 'jig par byed pa'o/ /mdung thung ni smin drug gi bu kar ti ka steng gzhan gyi las 'jig par byed pa'o/ /klu lag ni klu'i rgyal po rgya mtsho ste/ bdag gi gdon gza' chen po rnams brlag par byed pa'o/ /zhags pa ni 'jig rten skyong ba ste gzhan ni gdon ma rungs pa'i 'khor lo las thar bar byed pa'o/ /ral gri ni mi'i steng/ 'byung po rnam 'gugs pa'o/ /dbyug pa ni sa'i lha mo ste/ phrin las rnam bzhi byed du 'jug pa'o/ /'khor lo ni nor lha ste ma grub pa rnams 'grub par byed pa'o/ /bdud rtsi thab sbyor gyis ni grub pa rnams chud mi za bar byed pa'o/ /rdo rje mA ma kI sa ni 'dod pa thams cad sbyin par byed pa'o/ /de ltar na lha nyi shu rtsa gcig gis phyag rgya bcing ba bshad pa yin no/ /dkyil 'khor dang po'i sngags dang phyag rgya bcing ba rdzogs so// // dkyil 'khor gnyis pa la mos pa'i sngags dang phyag rgya bcing ba bshad pa'i bdag nyid cho ga drug gis lhar bskyed nas/ mdun du snga ma lta bu'i gzhal yas khang gi nang du rdo rje rigs kyi khro bo gzhag pas/ shar phyogs su khams gsum rnam par rgyal ba'i phyag rgya bcings nas/ sngags ni tra Ta twa Ta tro Ta ya aTTa ha sa nI la badzra su badzrA ya swAhA/ lho phyogs su rin chen rigs kyi rnam par rgyal ba'i rin chen hUM mdzad kyi phyag rgya bdings la/ oM sphu Ta sphu Ta spho Ta ya spho Ta ya he phul lu ni ? phul lu ni? tsu lu ku ru ku ru ku lu badzra bi dza yA ya swAhA/ nub phyogs su pad+ma'i rigs kyi khro bo'i rdo rje phur bu hUM mdzad chos kyi phyag rgya bcings la/ g+hUr+Na g+hUr+Na g+hUr+Na pa ya kI lI kI lI ya swA hA/ byang phyogs su las kyi ??
- 351b
ba rdo rje myos pa ni las kyi hUM mdzad kyi phyag rgya bcings la/ /sarba satwa ni bod+ha ya saM bo d+ha ya ka Ta ka Ta ma Ta ma Ta ra Ta ra Ta mo Ta nA ya swAhA/ shar lho mtshams kyi phur bu chen po ni b+h+ra ma b+h+ra ma/ sam b+h+ra ma ya saM b+h+ra ma tshinda tshinda b+hinda b+hinda mahAkI lAM kI lAM ya swAhA/ lho nub mtshams kyi khro bo phur bu'i sngags ni/ oM sarba bud d+ha ni ku Ta ku Ta sang ku Ta ya sang ku Ta ya ban d+ha ban d+ha kro d+ha kro d+ha kI lI kI lA ya swAhA/ nub byang mtshams kyi phur bu gtum po'i sngags ni/ oM sarba sha tUM g+ha Ta nA na/ g+ha Ta g+ha Ta/ sang g+ha Ta ya sang g+ha Ta ya/ tsu ru tsu ru tsaN+Da li kI lI kI lA ya swAhA/ byang shar mtshams kyi khro bo rdo rje phur bu'i sngags ni/ oM sarba bidyA badzra badzra/ twA sa ya twA sa ya/ badzra kI lI kI lA ya swAhA/ de bzhi'i phyag rgya ni rdo rje bsams pa las gung mo gnyis rdo rje phur bu bzhigs ba ni phur bu'i phyag rgya'o/ /shar phyogs kyi sgo pa rdo rje 'dzin pa'i sngags ni/ oM sphu Ta sphu Ta badzra badzra/ ha ra ha ra badzra d+ha rA ya swAhA/ lho'i sgo ba rdo rje rab tu 'jigs pa'i snying po ni/ oM ka Ta ni badzra badzra pra ha ra ha ra/ badzra b+hany+dza nA ya swAhA/ nub kyi sgo ba rdo rje mgyogs pa'i snying po ni/ oM ma Ta badzra badzra su tis+thi ra badzra bras+thi ra badzra mahA badzra a pra ti ha ta badzra/ a mo g+ha badzra/ e hi badzra mahA badzra/ e haM badzra shI g+haM badzra swAhA/ byang phyogs kyi sgo ba rdo rje bsgyur ba'i snying po ni/ /oM ma tha ma tha badzra? kI lI kI lA du ru du ru/ sarba badzra ku lan a ba ra tA ya swAhA/ de rnam kyi phyag rgya ni rdo rje lcags kyu dang/ zhags pa dang lcags sgrog dang/ dril bu'i phyag rgya nyid kyis so/ /de ltar sngags dang phyag rgya bcings nas/ bsgrub pa'i lha ni yi ge hUM las gtso bo rdo rje rnam par 'joms pa rdo rje dang sdig mdzub bsnams pa skyed de de'i thugs ka'i hUM las khro bo bcu gnyis sprul nas/ de dang ye shes sems dpa' tha mi dad par gyur pa las/ sngags dang phyag rgya bcings nas/
- 352a
sgrub pa po zhes phyag na rdo rje dbang bskur ba las gsungs so/ /yang na snga ma'i gnas de'i steng du twa bi ta'i khro bo lnga dang/ phyogs skyong ba bcu dang bcas ba spyan drangs la/ dbus kyi rdo rje rnam par 'joms pa sku mdog ljang sngon g.yas pa na rdo rje rtse lnga pa rgya gram phyogs gcig med pa bsnams pa/ de'i phyag rgya ni thal mo sbyar la/ rdo rje dbyings kyi dbang mo'i phyags las srin lag gnyis nad bsnol la/ na mo ratna tra yA ya/ na ma shtsaN+Da badzra/ pA Na ye/ oM badzra bi da ra badzra hUM phaT/ dza ya na swAhA/ byang shar mtshams kyi rdo rje gtum po dmar nag rdo rje rtse gcig pa 'phyar te bsnams pa'o/ /phyag rgya ni g.yon pa sdig mdzub snying khar gzhag la g.yas pa ba dan gsum ba 'phyar ba dang/ sngags ni oM mahA tsaN+Da hUM phaT/ stobs po che ni rdo rje ka na yang zhes bya ste/ rdo rje nas 'bras 'dra ba bsnams pa sku mdog nag po'o/ /de'i phyag rgya ni lag pa gnyis khong stong du sbyar la/ sngags ni ma hA ba la hUM phaT/ gzhan gyis mi thub pa rdo rje rtse gsum pa bsnams pa sku mdog ljang ser/ phyag gi ni 'dzam b+ha la'i chu sbyin ba'i phyag rgya nyid gzhan gyis mi thub pa'i phyag rgya ste/ sngags ni oM a dzi ti hUM phaT/ shar du brgya byin/ lhor gshin rje/ nub tu chu lha /byang du gnod sbyin/ byang shar du dbang ldan/ shar lhor me lha/ lho nub tu bden bral/ nub byang du srin po/ /steng du mtshangs pa dang nyi zla/ 'og gi sa'i lha rnams kyi 'chad par 'gyur cing sngags dang phyag rgyas bskul ba la bzhugs su gsol bar bya'o/ /'khrul 'khor byed par 'dod na byis 'chang pa'i khro bo bcu gsum bsams la/ zhi ba ni gro ga 'am ras la 'khrul 'khor bcu gsum pa bris la sngags dang phyag rgyas bskul ba 'am/ rgyas pa'i ras ser po la bri ba 'am/ dbang la bud
- 352b
med kyi smad sham la bri ba'o/ /mngon spyod kyi dur khrod kyi ras la bri ba dang/ gi wang 'am gur gum mam 'tshal lam dug gis bris la/ khro bo bcu gsum pa'i sngags dang/ phyag rgya bcing bar bya'o/ /'khrul 'khor bri ba ni 'grel ba las shes par bya'o// yang na dkyil 'khor lnga pa pho nya bcus bskor ba'i phyag na rdo rje gzhal yas khang gis dbus su gzhag la/ phyis chad par 'gyur ba'i sngags dang phyag rgya bcing zhing bsgrub par bya'o/ /yang na pho nya mo drug cu bzhis bskor ba'i dkyil 'khor gyis 'chad par 'gyur ba'i sngags dang phyag rgyas bcing zhing bsgrub par bya'o/ /de ltar dkyil 'khor drug gi phyag gya bcing ba'i cho ga rdzogs so// //lnga pa'i dkyil 'khor drug gi phyir zlog pa'i cho ga bshad pa ni/ phyir zlog lus kyi nyes pa ni lces sngags zlos mi nus pa dang/ lag pas phyag rgya bcing mi nus pa dang/ rkang pas skyil dkrung dang stang stabs mi nus pa dang mig gis sku gzugs dang mchod rten dang lha la blta bar mi nus pa dang/ gang gi nyes pa brdzun dang phra ma dang/ ngag 'khyal pa dang tshig rtsub mo la dga' ba dang/ sems kyi nyes pa bzlas brjod byed pa'i tshe khro ba dang/ 'dod yon lnga la chags pa che ba dang/ zhum pa dang mi dga' ba dang/ 'jigs pa dang 'jums pa dang/ rig sngags zlos pa'i tshe sgrib pa dang lud pa dang/ gtam gyis bar chos ba'i tshe nye reg byas nas phyag 'tshal te/ bzhi nas bzlas brjod brtsams nas bzlas brjod kyi bgegs dang bar gcod thams cad bzlog cing zil gyis mnan par 'gyur bzlas ba'i phyir bzlog pa bshad nas/ mchod pa'i phyir bzlog pa ni/ mchod pa dus gsum du byas nas bar chod phyir bzlog go /rdzas kyis phyir bzlog pa ni lha la bsngos pa'i snod rnams kyang nyin re bzhin lan rer bkru bar bya'o/ /me tog la sogs
- 353a
pa'i rnying ba rnams dus gsum du phyag par bya'o/ /shes rab kyi pha rol tu phyin pa la sogs pa'i glegs bam bklag pa dang/ mchod rten dang dkyil 'khor dus gsum du byas na bar chad rnams phyir bzlog par 'gyur ro/ /slob ma gdul bya'i phyir bzlog pa ni bgegs kyis brlabs pa 'am/ nad kyis gzir ba 'am/ lhod pa dang bag med pa dang/ lus dang sems skyes ba 'am/ ma bsdams pa 'am mi btsangs bas bzlas brjod byas na bzlas grangs su mi gtegs te/ mnyam par ma gzhag pa'i bzlas brjod dang/ sbyin sreg byas pa dang/ spyan drang ba'i cho ga bzlas pa ma rdzogs na grangs su mi rtsi bas zla ba nyi ma gzas zin pa'i tshe/ sngags stod bzlas na phyir bzlog gi bsnyen pa the tshom med do/ /sangs rgyas zhabs kyis bcags pa'i gtsug lag khang dam mchod rten nam cho 'phrul gyi zla ba la bsnyen par 'gyur ro/ /bla ma la spags kyi gnang ba mnos na yang myur du 'grub par 'gyur ro/ /bum pa spos chus bkad ba 'dra ba'i ting nge 'dzin la 'khor lha lnga pa 'am/ bcu gsum pa'i sngags zlos pa'i bum pas dbang bskur na yang phyir bzlog par 'gyur ro/ /bum pa ma rnyed na mchod yon gyi snod me tog dang chus bkang la/ bgegs bsam zhing phyir zlog pa'i phyir dbang bskur bar bya'o/ /tshes bco brgyad dam bco lnga 'am/ gnam? stong gi tshe/ lha bshos che ba dang/ mar me ches che ba dang/ sbyin sreg bshos ches che ba dang/ sa gzhi byi dor ches khyad par gyur ba byas pas kyang phyir bzlog par 'gyur ro/ /bar chad kyi bgegs dang bral na sku gzugs dang mchod rten las 'dri 'byung bar 'gyur ro/ /bkres pa chung ba dang nad las thar ba dang/ shes rab 'phel ba dang/ gzi mdangs che ba dang/ rmi lam bden pa mthong ba dang/ bzlas brjod la dga' ba dang/ dal ba chud ba dang/ dri zhim pa dang/ gtong mod
- 353b
pa dang/ yon tan lhur len par 'gyur ro/ /bsnyen ba'i phyir bzlog pa'i cho ga rdzogs so/ //sa bon dang dkyil 'khor chen po'i tshe yang/ mchod pa med pa dang/ mi gtsang ba dang/ bzlas brjod kyi yi ge la lhag chad byung ba dang/ me la? dang 'dod chags dang g.yeng ba dang bcas pa'i cho til nag dang yungs kar gyis sbyin sreg byas na phyir bzlog par 'gyur ro/ /dkyil 'khor chen po'i tshe dbang bskur bya'i slob ma mtshams med pa lnga dang/ de dang nye ba lnga dang/ mi dge ba bcu byas 'ang thog mar bzlas pa 'bum byas pa yang tha mar sbyin sreg byas na phyir bzlog par 'gyur ro/ /lnga pa phyir bzlog ba bshad nas/ gsang sngags kyis yongs su bskad ba bshad pa ni yi ge lhag chad byung ba dang/ rmi lam du byung ngam lhas bstan med? bskad pa'i cho ga ni/ shog shog gam gro ga la gi wang sgis sngags kyi yi ge yangs mor bris la lha la mchod pa chen po byas shing sbyin sreg byas nas/ rig sngags khri'i steng du gzhag ste/ mngon bar mchod nas gsol ba btab nas/ bde? nyid ku sha'i stan la mgo shar phyogs su bstan nas nyal nas rigs kyi dbang phyug ma dang/ bde bar gshegs pa sras dang bcas pa rnams kyi shog shog la sngags tshang bar bris pa 'am/ rmi lam du chang bar ston par 'gyur ro/ /sa bon dang dkyil 'khor chen po'i tsha rdzas kyi lhag ma dang ma tshang ba dang/ dkyil 'khor dang lhi'i lhag pa dang/ ma tshang ba bskad bar bya'o/ /drug pa bskad pa'i cho ga rdzogs nas/ lha tshim par bya'i cho ga bshad pa ni mchod pa byed pa'i thog mar khrus dang chas byas pas lta mnyes pa dang/ /a ga ru nag po la sogs pa'i mchod pa'i rdzas khyad par can phul bas lha mnyes pa dang/ til dang zho dang mar dang/ sbrang rtsi bsres pa'i sbyin sreg 'bum phrag brgya phul na lha mnyes pa dang/ nyin zhag gsum 'am
- 354a
lnga 'am bdun nam nyi shu rtsa gcig gi bar du 'o ma dang zas mchog dang mar dang bcas pas sbyin sreg phul na mnyes par 'gyur ro/ /lha'i mchod pa'i bar du bcod pa'i lha dang bral du 'jug pa lha'i bgegs byed pa la mngon spyod kyi phur bas gdab pa dang/ yungs kar gyis gzir ba dang/ 'khrul 'khor bris nas snying gar gzhug pa dang/ nyis ldab bam suM ldab du bskyor na lha mnyes par 'gyur ro/ /bsnyen ba lha tshim bar byed pa bstan nas dkyil 'khor gyi tshe bzlas brjod dang/ sbyin sreg dang dbang bskur gyis kyang lha rnams mnyes par 'gyur ro/ /de ltar mnyes pa bdun pa bstan nas brgyad pa tshar gcad pa ni dkyil 'khor bri ba dang/ sta gon gyi chod bo 'am/ dur khrod dam khar stong ngan shing gcig gam 'bab chu'i 'gram 'am/ skyed mos tshal lam phug la sogs pa'i gnas su bgegs nye bar zhi ba'i phyir dang bor sa sbyar ba'i cho ga bya'o/ /tsandan dmar pos byugs pa'i seng ldeng gi phur ba bzhi la skud dmar dkri zhing phur bu'i sngags brgya bzla zhing gnang? pa dang/ bdud rtsi 'khyil ba'i sngags bzlas la yungs kar gyi bral pa dang/ ba dan dkar po gcig la rig sngags kyi rgyal po bzlas smyug ma ring po'i rtse ma la btags te shar phyogs su gzugs ba dang/ rdo rje las kyi sngags kyi phye mas ra ba bya ba dang/ rdo rje dri ba'i sngags kyis lcags kyi phye ma la brgya bzlas pas ri mo bris nas rdo rje dra bar 'gyur ro/ /dkyil 'khor dang po'i sgor bdud rtsi 'khyil pa'i ral gris bsrung ba dang/ gzhan gyis mi thub pa'i rtse gsum pas bsrung ba dang/ 'phrog ma la sogs pa gnod sbyin gyi sde dpon nyi shu rtsa brgyad bris pas bsrung par bya'o/ /na ma(rgyud 'grel): sarba ta thA ga te b+hya(rgyud 'grel): sarbba mu khe b+hya(rgyud 'grel): ka ma ha/ badzra kI lI kI lA ya swAhA/ a karb+ha swA hA/ rdo rje phur bu'i sngags so/ /na ma(rgyud 'grel): sarbba ta thA ga te d+hya(rgyud 'grel): sarbba mu khe
- 354b
b+hya(rgyud 'grel): sarbba badzra pra ka ra/ ta thA ga ta g+ha ta dza na ka/ ku ru ku ru/ kra na swAhA/ rdo rje ra ba'i sngags so/ /na ma(rgyud 'grel): sarbba ta thA ga te b+hya(rgyud 'grel): sarbba mu khe b+hya(rgyud 'grel): sarbba thA badzra madz+nyA rin kI ba ga ga na ka swAhA/ brgyad pa tshar gcad pa rdzogs so// //dgu pa bskul pa ni dkyil 'khor chen po'i tshe lugs blugs pa 'am bris ba 'am/ brkos pa 'am brdungs pa la sogs pa mdun du gzhag la bdag nyid cho ga drug gis lhar skyed la/ snying po dang bskul ba'i sngags lha la bskul bar bya'o/ /de la lha drug ni 'dir rdo rje rigs kyi dbang du byas nas dang po stong pa nyid du sgoms nas/ na ma(rgyud 'grel): sarbba ta thA ga ta nan oM sarbba bi shud+d+ha badzra hUM zhes bya bas snod bcud thams cad stong pa nyid du bsam par bya'o/ /don dam pa'i lha ste dang po'o/ /stong pa nyid kyi ye shes las kun rdzob kyi snang ba/ na ma(rgyud 'grel): sa man+ta bud+d+ha naM/ tsaN+Da mahA ro Sha? Na hUM tsan dra A sa ma zhes bya pas rigs byed kyi sgra'i tshul du rtog bral gyis shes pas sgra brnyan gyi tshul du snang ba gdan bskyed pa ste gnyis pa'o/ /de nas rtog pa dang bcas pa'i shes pas yi ge hUM k+ShiM bsams pa ni yig 'bru'i lha ste gsum pa'o// hUM las 'od zer 'phros pa dang bcas pas spro bsdu byas pa las rdo rje rtse lnga pa'i phyag rgya bsam ba ste phyag rgya'i lha ste bzhi pa'o/ /phyag 'tshal nas 'od zer 'phro 'du byas pa las sku phyag rgya chen po'i lha na ma(rgyud 'grel): sa man+ta bud d+hA nan tsaN+Da mahA ro Sha Na hUM/ tai ?? bi dza ya hUM zhes bya ba khro bo khams gsum rnam par rgyal bzhal gcig pa phyag gnyis pa gnod mdzes kyi phyag rgyas rdo rje dril bu bsnams pa/ g.yas pa brkyang ba'i gnas bas dbang phyug chen po dang u ma mnan pa/ rig sngags kyi rgyal po chen po stobs b? zhes grags pa 'od zer gyi phreng ba can bsams la mA ma kI'i phyag rgya bcings te/ snying gar na ma(rgyud 'grel): sa man+ta badzra nan kri ta kra ta dza ya na ti swAhA/ zhes pas snying kar dpal be'u bskyed par bya'o/ /dpral bar sngags dang phyag rgya tshangs pa'i gsung dbyangs pad+ma bskyed
- 355a
par bya'o/ /spyi gtsug tu gzhag nas dbu'i gtsug tor bskyed par bya'o/ /rkang pa dang lag pa'i mthil du 'khor lo rtsibs stong dang ldan ba bskyed par bya'o/ /sku phyag rgya chen po'i lha ste lnga pa'o/ /de nas lha nyi shu rtsa gcig gam bcu gsum pa 'am tra pi tra lha lnga pa 'am/ 'khrul 'khor gyi lha 'am/ rdo rje pho nya mo bcus bskor ba 'am/ pho nya mo drug cu rtsa bzhis bskor ba'i phyag rgya dang sngags rig pa mchog rgyud dam/ sna tshogs rab tu grub pa'i rgyud las gsungs pa rnams kyis bskul ba'i sngags dang spel nas bzlas pa byas ste bsnyen pa dang pa'o/ /bsnyen pa'i tshe bum pa bskyed nas bum pa la bzlas cing bsnyen pa gnyis pa'o/ /sbyin sreg bya zhing sngags rgya bcings pa bsnyen pa gsum pa'o/ /ras ris saM sku gzugs gzhag nas sngags dang phyag rgya bzlog pa ste bsnyen pa bzhi pa'o/ /zhi ba'i rdzas mar ram 'o ma mdun du gzhag la/ rgyal ba'i rdzas gi wa dang ma sre ta a dza nal sogs pa gzhag pa'am/ dpal la mtshal dang tsandan dang gur gum la sogs pa gzhag pa dang/ mngon spyod la khrag gam zhag gam dug la sogs pa mdun du gzhag la dro ba 'am 'bar ba 'am/ 'phar ba 'am du bar 'thul ba'am rdul la sogs pa'i rtags byung ba'i bar du sngags dang phyag rgya bzhi pa ni bsnyen pa lnga pa'o/ /nad la sogs pa thag dad? na yang rims dang dug dang nad zhi bar bya ba'i phyir nad pa de'i gzugs brnyan byas la sngags dang phyag rgya bcing ba dang/ rgyas pa la tshe 'phel ba dang/ rigs rgyud 'phel ba dang/ nor 'phel bar bya ba'i phyir de'i gzugs brnyan byas la sngags dang phyag rgya bcing ba dang/ dbang la mi rigs bzhi dbang du bya ba dang/ lha dang dri za dang gnod sbyin dang srin po dang/ lha dang lha ma yin gyi gzugs brnyan byas la sngags dang/ phyag rgya bcing ba dang/ mngon spyod la gsad pa dang/ bskrad pa
- 355b
dang rmugs pa dang/ rengs par bya ba'i phyir de'i gzugs brnyan byas la sngags dang phyag rgya bcing ba ni bsnyen ba drug pa'o/ /de ltar bsnyen pa rdzogs nas ldang bar 'dod pa'i cho ga bcu gcig bya ste/ dang por phyag 'tshal ba dang/ bstod pa dang/ rang dang bsgrub pa'i grogs po dang/ byis pa chung ba la 'di ltar bsrung bar bya ste/ gser dang lung thang dang/ pun dza ri dang/ gi wang dang/ mar dang sbrang rtsi dang shu dag rnams la na mo badzra pA Ni sya tsi li tsi li/ bin d+hi bin d+hi/ muny+tsa muny+tsa/ di pa la ka na swAhA/ badzra pA Na rA dz+nyA pa ya ti swAhA/ de bas na d+ha rA dz+nyA pa yi ti swAhA/ ri ya sa rA dz+nyA pa ya ti swAhA/ zhes bya ba'i sngags kyis bsrung bar bya'o/ /shis par brjod pa dang/ smon lam gdab pa dang/ bzod par gsol ba dang/ lha'i bum pa gos kyis dgab pa dang/ cho ga bskon nas ru rag sha gdong gcig pa 'am/ rdo rje 'bu yang lag pa g.yon par bcangs la bsrung bar bya'o/ /de bzhin gshegs pa'i yi ge brgyab pa'am rdo rje'i rigs kyi yi ge brgyab pa bzlas pas lhag pa dang ma ched pa bskad bar bya'o/ /ldang pa'i tshe mtshan thog thag bsdu ba dang ling ka sman pa yang gos kyis dgab par bya'o/ /phreng ba dang sngags lha la bcol bar bya'o/ /gzungs 'don cing bdag dang/ lha mi brjed par ldang bar bya'o/ /bsnyen pa'i cho ga rdzogs so// //de ltar bsnyen pa zhag bdun byas nas/ zla ba gcig gam zla ba drug gam lo gcig gi bar du bsnyen pa byas las sbyangs pa'i dkyil 'khor gyi thig gam/ ras ris sam sku gzugs mdun du gzhag la nye ba'i bsnyen pa zhag bdun nam gsum bya'o/ /zhes gsungs so/ /rdul tshon gyi dkyil 'khor byed pa'i tshe sngon du sa'i cho ga bya ba ni skad? ma rgyal dang gza' phur bu dang/ khyim khyu mchog la bab pa'i dus su sa sbyang bar bya ste/ thog mar bdag nyid bdud rtsi thab sbyor raM hUM mdzad kyi skur bskyed la maN+Dal bya/ dri'i thig le bya/ me tog dgram/ mchod pa bsham/ gtor ma
- 356a
bshams la sa'i lha mo spyan drang ba dang/ 'khor la gtor ma sbyin par bya'o/ /de nas sbyin sreg dang/ bdud rtsi 'khyil pa'i sngags rigs kyis bgegs bskrad par bya'o/ /lkog ma 'am rked pa 'am/ pus mo nub tsam du brkos la/ spos chus bskus pa'i sa sa bkang ste/ rdo rje mA ma kI'i sngags dang/ phyag rgyas sman lnga rin po che lnga gzhug par bya'o/ /sa'i mtshan nyid bstan nas mthon dman can dang/ gyo mo can dang/ dam 'grog dang rus pa dang/ sdong dum dang thal ba dang/ gseg ma dang rdo dang/ skra dang/ srin bu dang grog spur la sogs de rnams kyi nye bar 'tshe ba spangs te/ shar ngam byang du gzhol ba/ nye 'khor na chu no? pa/ khor yug tu me tog dang 'bram? bur ldan pa/ 'o ma can gyi shing skyes pa zhi ba las dkar po/ rgyas pa la ser po/ /dbang la dmar po/ mngon spyod la sa gzhi nag po der sa sbyang ba'o/ /sa gzhi 'thas pa dang khang thogs dang/ rngo leb dang/ mchod rten drung du/ 'bab chu dang mtsho'i drung dang/ mngon spyod kyi sbyin sreg gam phur bus gdab pa'i gnas su sa gzhi sbyar mi dgos so/ /sa gzung ba ni dang por ba'i rnam pa lnga dang/ tsandan dang gla rtsis byugs nas me tog sil ma la sogs pa bkram ste/ khro bo la kI la yas bsang gtor bya'o/ /gzhan gyis mi thub pa dang rgyal ba'i gtsug tor gyi ? kyis sa sbyang ba dang/ rdo rje'i rigs la khyad par du bdud rtsi thab sbyor gyis sa gzung ngo/ /sa brtag pa ni ri bo mchog rab kyi dngos grub 'thob po/ /mtsho 'gram du 'jig rten pa'i dngos grub 'thob po/ dur khrod la sogs par 'jig rten pa'i dngos grub 'thob po/ /ring bsrel can gyi mchod rten gyi drung du sngags kyi dngos grub 'thob bo/ /'bab chu'i 'gram du rig sngags 'grub bo/ /nags tshal du gnod sbyin mo 'grub bo/ /phug tu mngag gzhug pa rnams
- 356b
'grub po/ /bsnyen pa'i tshad gcad? pa'i cho ga sngar bshad pa bzhin du byas pas ni sa bsrung bar bya'o/ /de nas slob dpon dang/ sgrub pa'i grogs pos sngar bshad pa bzhin du khrus dang gos dang rgyan btags pa dang/ mchod pa rnams byin gyis brlab cing snga ma bzhin du bdag nyid cho ga drug gis lhar bskyed la/ snga ma bzhin du ri rab kyi rtse mor bsams la/ rdo rje lcags kyu ma'i phyag rgyas sa'i lha mo spyan drang pa bya ste/ ba dan gsum pa'i phyag rgya las gung mo lcags kyus g.yab pa dang/ na ma tsu ru ku da/ tsa ru kuM da badzra pA Ni/ na mo bud d+ha ya swAhA/ oM pra tis sa pi pa ya twa sa twa sa ni hi ho b+ha ba zhes brjod cing bzhugs su gsol lo/ /de nas mchod yon dang bcas pa'i mchod pa lngas mchod la/ /skyob pa sangs rgyas thams cad kyi/ /spyod pa'i tshul dang khyad par gyis/ /sa dang pha rol phyin pa la/ /lha mo khyod ni dpang du 'gyur/ /skyob pa shAkya seng ge yis/ /ji ltar bdud kyi sde bcom ltar/ /de bzhin bdag gis bdud kyi sde/ /'pham par byas te dkyil 'khor bri zhes bya bas dpang du gsol lo/ /mi bskyod pa'i phyag rgyas sa la lan gsum reg par bya'o/ /de nas 'khor la gtor ma byin gyis brlab cing bsngos nas/ sa'i lha mo dang gnas pa gshegs su gsol lo/ /de nas sta gon gyis bgegs nye bar zhi ba'i cho ga bya ste/ ma dang Ta las mig gnyis su nyi ma dang/ zla ba bskyed la/ mig 'bras hUM las rdo rjer bskyed par bya'o/ /rkang mthil du hUM las sna tshogs rdo rje bskyed la khro bo'i skur bsgoms la/ sgrub pa'i grogs mchog gis ngan song spyod ba nas 'byung ba'i me ltar 'bar ba'i mtshan brgya rtsa brgyad pas bstod la de'i rjes la slob dpon gyis khro bo'i bstod pa bya ste/ chos dbyings stong pa gnyis med dang nyid las/ /'jig rten spyod pa'i tshul yang mi spong ste/ /thabs la mkhas pas 'jig byed skur ston pa/ /khro
- 357a
chen 'bar ba'i tshogs la phyag 'tshal lo/ /de nas dkyil 'khor chen po'i sa gzhi la gnas pa zhes pas kyang bsgo ste/ de rnal 'byor gyi dbang phyug che ge mo zhes bya ba dang/ rig sngags 'chang grub pa rgan po dang/ rgan mo rnams dengs shig ces bya bas bgegs bskrad pa dang/ hUM hUM 'gro ba 'dzin pa yis ni byas zin gyi/ /hUM hUM gdug pa'i yid can gang yin pha zad song/ /hUM hUM khro bo'i rgyal po sdang mig 'bar ba yis/ /hUM hUM bsregs nas thal ba bzhin du byas sa re// shar phyogs nas ni char chen 'bab/ /me phyogs glo bur snang ba 'byung/ /gshin rje 'chi bdag gzugs su 'byung/ /bden bral sems can la 'jigs byed/ /chu phyogs gshin rjes 'brug sgra sgrogs/ /rlung gi phyogs nas tshub ma 'gyur/ ?? sbyin pho mos byang phyogs gnas/ /dbang ldan phyogs nas sna tshogs gzugs/ /steng nas mthu chen lha rnams dang/ /'og nas sa 'gas g.yo byed pa/ /gang dag mtshan mo rgyu ba yi/ /bgegs rnams thams cad 'gro bar gyis zhes bya ba brjod la bdud rtsi thab sbyor gyis bgegs bskrar par bya'o/ /de nas rdo rje'i 'gros kyis skor ba lan gsum byas la 'greng la thal mo mtshogs mar gzhag la de bzhin gshegs pa la phyag 'tshal lo/ /sngags ni star bshad de nas ltar? stabs? bya ste/ g.yas brgyad dang g.yon brkyang gis phyogs bzhir bya ba dang/ thal mo sbyar te rked pa'i g.yas su gzhag la/ rting? pa phrang? de mig thur la bltas la/ rdo rje phur bu sred med kyi bus sa 'og rim pa bdun g.yo bar bya'o/ /hUM 'brug gi sgra lta bu dang/ rdo rje gyen du gsor zhing rdo rje gar bskor nas legs par blangs pa'i rdo rje 'phen pa dang bsdu ba bya'o/ /de nas khro bo dang phyag brnyan dang bran mo dang pho nya mo rnams spro zhing/ rdo rje be con thogs pa'i g.yas brkyang dang/ 'byug?
- 357b
pa dang mdung thung dang/ mnga' po che dang/ 'khor lo dang/ rdo rje rtse gcig pa dang/ gtum shing la sogs pa thogs pa'i khro bo bgegs gzhom pa'i stang stabs bya'o/ /tshangs pa'i gnas man chad gser gyi sa gzhi yan chad lha dang lha ma yin dang/ gnod sbyin rnams gcig tu bsdus nas/ rdo rje me dang rlung gi khro bos bskrad par bya'o/ /dkyil 'khor gyi dbus su seng ge'i tshul du mtshongs? nas g.yas brkyang dang g.yon brkyang bya ba dang rdo rje khu tshur gnyis rked par gzhag nas lus po 'gul zhing gar bya ba dang/ rdo rje gsor zhing rkang pa g.yas g.yon sa la gdab pa dang/ bung ba'i 'phur stabs bya ste/ rkang pa rlar gzhag la lus po bskor bar bya'o/ /g.yon pa rdo rje'i khu tshur gyi nang du g.yas pa'i sor mo gsum btsugs pa bton la ral gri shubs nas 'byin pa bzhin du ral gri'i phyag rgyas bgegs bskrad pa dang/ rkang pa gnyis gzhibs la rdo rje spyi bo la bskor zhing 'khor lo 'phangs pa'i tshul du bya'o/ /rgyas par ni phyag na rdo rje dbang bskur ba'i rgyud dang/ mngon par byang chub pa'i rgyud phyi ma'i las lta bar bya'o/ /de ltar stang stabs brjod nas/ sngar bshad pa'i tshar gcad pa'i chogs kyang 'dir rab dang dra bas bsrung bar bya'o/ /de nas seng ldeng dam lcags la byas pa'i phur bu stod khro bo smad rdo rje rtse gcig pa lta bu bskyed la phur bu'i sngags brgya rtsa brgyad bzlas par bya zhing dbus dang/ zur bzhir btsugs la/ skud pa dmar mo btags pa dang/ me tog phreng ba dang/ dri dang gu gul gyi dud ba dang/ go cha bskon ba'i bar du phur bu'i cho ga rdzogs par bya'o/ /des dkyil 'khor drug gang yang dung ba byed par 'dod pas bruM las gzhal yas khang bskyed la ba'i rnam pa lnga dang/ tsandan la sogs pa'i dris byugs te/ dkyil 'khor drug gaM lha dang mthun pa'i so so'i sngags zlos shing dri'i thig le dang/ me tog
- 358a
gi tshom bu bya'o/ /de nas dkyil 'khor drug byed 'dod pa'i lhar bskyed la/ me tog gi sil ma gtor te/ sngags dang phyag rgyas sgo phye la/ sngar bsnyen pa bzhin du spyan drang ba dang/ sbyang ba dang bcing ba dang/ phyir bzlog pa dang/ lhag pa dang ma tshang ba bskang ba dang/ lha tshim par bya ba'i phyir cho ga rgyas pa snga ma bzhin du dbul bar bya'o/ /de nas bum pa lhag par gnas pa bya ste/ rtsa ba nag nog med pa/ kha gyed pa/ mchu 'phyang ba/ gsus pa che ba/ mgrin pa ring ba/ ras dang/ dar gyis mgul pa bcings pa 'bras bu can gyi shing gis kha brgyan pa'i nang du sman lnga dang/ 'bru lnga dang rin po che lnga dang/ spos lnga dang snying po lnga spos chu dang bcas pa bcug la raM las bum pa snga ma'i sngags dang/ phyag rgyas stong par bsams la bruM las gzhal yas khang du bsams la/ baM las 'o ma'i rgya mtsho'i stengs du a las byung ba'i zla ba dang pad+ma bsams la de'i steng du lha so so'i sngags kyis lhar bskyed par bya'o/ /yod cing 'byor na dkyil 'khor drug gi so so'i lha dang mnyam pa'i bum pa'i steng du las thams cad pa'i bum pa bya ba 'am/ mi 'byor na lnga 'am las thams cad pa dang gnyis bya'o/ /de nas sngags dang phyag rgyas phye ste lha spyan drang bar bya'o/ /hUM ye shes bskal pa me ltar 'bar ba'i 'od/ /ma rig 'dod khams bdud rnams thams cad bsreg /zhe sdang gshin rje'i 'jig rten thams cad 'joms/ /log 'dren srin po yang dag 'dul ba'o/ /dpa' bo chen po dpa' mtshan stag lpags can/ /rig pa'i rgyal po khro bo bzhugs su gsol// log 'dren 'joms pa'i slad du spyan 'dren gyis/ /'gro ba'i don phyir mchod kyis gshegs su gsol/ /bdan gsum pa'i phyag rgyas g.yas bcing/ /na mo tsur kun d+ha/ tsur kun d+ha/ badzra pA Ni bud d+ha sa sya/ badzra aM ku sha dza(rgyud 'grel): zhes bya bas
- 358b
spyan drang ngo/ /oM pra ba ra sad kA ra pra tIts+tsha swAhA/ zhes bya bas zhabs bsil dang/ pushpa mA lA ye swAhA/ zhes bya bas me tog gi gdan dngul bar bya'o/ /de nas bdud rtsi 'khyil bas lha'i phyi nas 'ongs pa'i bgegs bskrad la/ phaT mahA kA lA hUM zhes bya bas sgo gcad de/ rdo rje rigs kyi phyag rgya dang/ badzra d+h+ri ka ces bya ba'i spyi'i snying po yang brjod par bya'o/ /des nas dkyil 'khor drug gang byed pa'i sngags dang phyag rgya bstan te/ sku mdog dang phyag mtshan yang bum pa'i nang du gsal bar dmigs nas sku phyag rgya chen po bsgoms te/ mchod yon sngon du 'gro ba'i mchod pa dang/ bstod pa dang/ mtshan brgya rtsa brgyad 'don pa dang/ rdo rje rnam par 'joms pa'i gzungs kyang tshar gcig gdon bar bya'o/ /bdag gis dge ba'i rtsa ba 'di dag gis 'jig rten dang 'jig rten las 'das pa'i rgud pa dang bral bar gyur cig /'jig rten dang 'jig rten las 'das pa'i 'byor pa phun sum tshogs pa thob bar gyur cig ces bya ba'i smon lam gdab par bya'o/ /bcom ldan 'das rdo rje 'chad ba 'khor dang bcas pa yang bdag dang slob mar bcas pa la dbang bskur ba dang khrus bya bar yang gnang bar mdzad du gsol/ bum pa lhag bar gnas pa'i cho ga'o/ /de nas sbyin sreg lhag par gnas par bya ste/ zhi ba byed na dkyil 'khor gyi byang shar gyi mtshams su thab khung zlum po sor bzhi phyir dor ba'i kha khyer zlum po dang/ sor bzhi steng du brtsegs pa'i kha khyer gyis bskor ba dang/ sor bzhi phyi rol du bskor ba kha khyer la/ rig pa mchog dang ngan song ba'i rgyud nas 'byung ba bzhin du phyag mtshan bkod de/ tshon rtsi dkar pos byugs te 'o ma can gyi shing la mar dang 'o ma dang/ sbrang rtsir bcas pas sbyin sreg bya'o/ /byang phyogs su rgyas pa'i thab khung gru bzhi pa kha khyer sor brgyad pa rim pa gsum dang bcas pa snga ma'i rgyud las 'byung ba bzhin du phyag mtshan bkod de la sa ser
- 359a
byugs te/ zho dang 'bras chan dang bcas pa sbyin sreg bya'o/ /nub phyogs su gzhu lta bu'i thab khung la/ rgyar khru gang zhabs su khru byed/ zheng du yang khru phyed yod pa/ /ba khyer ni bzhi pa rim pa gsum gyis bskor ba/ rgyud las 'byung ba bzhin du phyag 'tshan bkod la/ ba cig gis byugs te/ mar dang sbrang rtsi dang/ me tog la sogs pas dbang gis sbyin sreg bya'o/ /lho phyogs su dkyil 'khor gru gsum kha khyer gsum brtsegs dang bcas pa/ sor gsum pa'i tshad lo/ rgyud las 'byung ba bzhin du khro bo'i phyag mtshan bkod la tshon rtsi sol nag gis byugs la dug dang khrag dang ske tshe dang lan tshe la sogs pas sbyin sreg bya'o/ /yang na gru gsum sgo nub tu btod pa'i dkyil 'khor bris la de'i dbus su gnod sbyin gyi sde dpon mthu chen legs par grub ba zhes bya ba dang/ phyogs gcig tu dbyig pa khu tshur rdo rje lcags kyu ki li ki li/ 'jigs byed/ ser skya dang/ thog thag dang/ lu gu rgyud dang/ rnam rgyal dang/ nag po dgod do/ /sgor ni dga' byed gdong dang rdo rje sde dang/ lag bzangs gsum dgod do/ /gru gsum khar na can la/ yam shing seng ldeng dang nim pa dang dur khrod las skyes pa dang/ dug dang khrag dang ske tshe dang yungs kar gzugs brnyan gyi steng du gnas nas bsreg pa'am /mjug tu gzugs brnyan gtub cing bsrag par bya'o/ /rdo rje rnam 'joms kyi ma mo bcus bskor ba'i snying po ma d+hi zhes bya ba yin par legs par grub pa las gsungs so/ /yang na las thams cad ba'i thab khung zhi dad pa/ mtshungs pa las chung zad kha phyir gyed pa la/ dkyil 'khor drug gang byed pa'i lha bkod la/ 'o ma can gyi shing la me sbar la/ a las pad+ma'i steng du me lha ser po zhal gcig spyan gsum pa tshangs pa'i gzugs can ril ba spyi blugs dang/ phreng ba
- 359b
thogs pa mchod phyir thogs dang/ thal ris gsum pas mtshan pa/ ra skyes la bzhon pa'i lha bskyed de me sbar bas/ me lha ye shes sems dpa' spyan drangs te/ tshur gshegs tshur sbyon 'byung po che/ /me lha'i rgyal po drang srong che/ /sregs blugs zhal zas 'di bzhes la/ /'bar ba'i nang du bzhugs su gsol/ zhes brjod la/ skyabs sbyin gyi phyag rgya las mthe bo srin lag gi drung du gzhag la/ ag ne e hye hi/ mahA b+hU te/ daM ba ro shi/ h+ri dza sarbat+to ma gri hor da hu ta/ mahA da smin/ san na taM to b+ha bA zhes pa'i sngags kyis bzhugs su gsol lo/ /mchod yon dang zhabs bkru ba dang/ gdan dang/ sku khrus gsol ba dang/ dris byugs pa dang/ me tog dang spos la sogs pas mchod pa dang/ 'o ma dang nas dang 'bras yos la dogs pas mchod las gang bzar mar gyis bkang ba dang/ ag ne ha bya/ ka bya/ ba ha na ya/ a di bya a di bya/ ba hA nA ya swAhA/ zhes bya bas dgang blugs dbul lo/ /de nas me brtag bar bya ste/ du ba med cing gser gyi mdog lhar gdang/ /rab tu che la ma lce g.yas su 'khyil/ /kha dog 'ja''dra yang na/ dkar yang rung/ /yang na byi ru bcag pa'i kha dog 'dra/ /shin tu smra ma la me lce 'gab nas 'phro/ /rab tu 'bar ba zhi ba'i 'od zer dang?/ /dbyibs ni bum pa rgyal mtshan gdugs dang 'dra/ /dpal be'u dung dang pud? blugs gzar 'dra/ /me lce trishUl rdo rje ral gri 'dra/ /yang na shing rta mchog dang rnga yab 'dra/ /sgra dang ga ba rdza rnga gling bu'i sgra/ /du ba me lce di zhim ma stag bzang yang na me sbar yang 'bar bar 'gyur// de tshe dngos grub rgya chen thob par 'gyur/ /du ba che zhing me stag dgod pa dang/ /'bar ba dka' zhing cung bcung zad? 'bab/ me lce rnam par 'chad cing gzi mdangs med/ /rtsug nag sprin dang ba la sha yi ma dog gsal shing dang 'dra zhib ma'i gzugs kyang 'dra//
- 360a
phyugs kyi mgo 'dra sgra yang rab tu rtsub/ /me lce 'phro bas sbyin sreg byed pa'i mchog /mi ro'i dring dngos grub med par ston/ de yi mtshan ma 'di dag mthong nas ni/ /stobs po che yi mar gyis sbyin sreg bya/ /de nas til dang nas dang zho dang 'o ma'i sbyin sreg byas la me lha bstod de/ /me lha'i thugs kar dkyil 'khor drug gang yang rung ba'i lha bkod de/ mchod pa dang bstod pa dang bsreg rdzas dbul bar bya'o/ /de nas me lha'i thugs ka'i ye shes sems dpa' i dkyil 'khor du phyir bzhugs su gsol lo/ /me lha gshegs su gsol 'dab? bcing/ /me lha'i dam tshig sems dpa' me tha mal pa la thim par bsam mo/ /gtor ma sta gon du gnas pa ni bdud rtsi 'khyil ba'i sngags kyis gtor ma bsangs la/ khro bo 'tshol pa'i sngags kyis bsrungs nas/ sangs rgyas spyan dang nam mkha' mdzod kyi sngags kyis spel de/ kha 'bar ma'i sngags kyis bsngos la/ dpung bzangs kyis zhus ba'i rgyud nas byung ba bzhin du gdon rnams la sngon du mchod pa phyogs skyong ba rnams la phyis mchod pa bya'o/ /phyogs skyong gi sngags ni dbang ldan la ru twA ya swAhA/ dbang po la sha krA ya swAhA/ me lha la a ga nA ye swAhA/ gshin rje la be bsad d+ha ye swAhA/ bden bral la rak+Sha a b+ha pa ta ye swAhA/ chu lha la ba ru Na ye swAhA/ rlung lha la pA yi ge swAhA ku be ra la yak+Sha si d+ha re swAhA/ srin po la krang ka ri swAhA/ sha za la mi tsi ma tsi/ 'byung po la gung gung/ gdon rnams kyi naM sarba de ba nA ga yak+Sha rAk+Sha sa a su ra kin+na da/ ma ho ra ga pi shA tsi/ u na ma ta/ a pasma raM/ ka ta pU ta na/ ru ru spha ru dzwa la tiSh+Tha sid+d+ha lo tsa na sarbba arbba sA d+ha ni swAhA/ zhes pas bsngos la gtang bar bya'o/ /khyad bar gyi 'byung po la gcig sbyin par bya'o/ /gtor ma lhag par gnas pa'o/ /de nas sngar bstan pa'i slob ma mtshan nyid dang ldan pa lhag par gnas par
- 360b
'dod na/ de nas gshegs pa la mchod yon dang/ mchod pa phul la/ na bza' re re 'am/ sbyir zur gcig phul la/ bde gshegs rdo rje'i rigs bdag po/ /rdo rje 'chang ba thugs rje'i gdag/ bdag la mnyes shing dgyes pa dang/ /byin gyis brlab cing dngos grub gsol zhes gsol ba btab la rdo rje lcags kyu'i phyag rgyas slob ma dgug pa dang/ lcags sgrog gis btsong ba dang/ rdo rje ser ba'i phyag rgyas bsngags pa dang/ /bro bo be con dang stobs po ches dam tshig 'dzin du gzhug pa dang/ de nas snga ma bzhin du bdun rnam dag byas la/ slob ma khro bo phyag na rdo rje'i bdud rtsi'i khyil par bskyed de/ yi ge hUM rang rang gi sngags kyis lha'i phyag rgya chen po bsams la/ mA ma kI'i phyag rgyas gnas ldar byin gyis brlab ste/ so shing dor ba dang/ kha lan gsum du bkru ba dang/ bsrung skur mdud pa gsum pa bcing ba dang/ ku sha byin pas rmi lam brtag pa dang/ sems dpa' gtsug tor dang/ gzi brjid phung po bskyed pa dang/ byams pa'i sngags kyis go cha bskon pa dang hUM bzhi pa'i sngags dang bdud rtsi thab sbyor gyi bsrung ba dang/ spos chus brlan pa'i lag pa mgo la gzhag la rig sngags kyi rgyal po lan bdun bzlas pa dang/ de nas slob ma la zab cing rgya che ba'i chos bshad par bya'o/ /slob ma lhag par gnas pa'o/ /de nas snyan gsan dbab par bya ste/ lha rnams kun la gsan par gsol lo/ /'di zhes bgyi ba'i bcom ldan 'das/ /rig sngags rgyal la phyag 'tshal lo/ /bdag ni brtse bar gyur nas su/ /slob ma rnams la brtse ba dang/ ? rnams la yang mchod ba'i phyir/ /sang ni dkyil 'khor 'dri bar 'tshal/ /bcom ldan bdag ni gus pa lags/ /de bas gnang bar mdzad par rigs/ /sangs rgyas mgon po brtser? ldan dang/ /byang chub sems dpa' brtsar? ldan dang/ /gang yang
- 361a
gsang sngags lha rnams dang/ /'jig rten skyong ba lha rnams dang/ /gang yang 'byung po mthu chen dang/ /gang yang lha yi spyan mnga' ba'i/ /sangs rgyas brtan la dga' ba rnams/ /bdag la dgongs pa mdzad du gsol/ / bdag gi ming ni 'di zhes bgyi/ /sang ni gdugs la dkyil 'khor ni/ /bzang po ming ni 'di zhes bgyi/ /yo byad cing 'byor pas 'dri na/ /bdag dang slob mar bcas pa la/ /thugs ni brtsi bar dgongs nas su/ /tshogs pa thams cad dkyil 'khor du/ /byin gyis brlab par mdzad du gsol/ /zhes snyan gsan bab nas/ /phyag 'tshal nas bstod do/ /sta gon gyi lha gshegs su gsol lo/ /sta gon gyi cho ga bsgrub pa rdzogs so// //bsgrub pa chen po dkyil 'khor gyi cho ga byed par 'dod pas/ /slob dpon dang slob ma ku sha'i stan dang sngas la nyal/ nang par slob ma la snying brtse ba'i phyir/ dkyil 'khor bya ste/ slob ma la rmi lam ci mthong zhes kyang dri bar bya'o/ /sangs rgyas dang mchod rten dang sku gzugs la sogs pa mthong dge'o/ /phyag na rdo rje kun nas btus pa las 'byung ba bzhin du rmi lam brtags nas/ rmi lam mi shis na gtor ma dang sbyin sreg la sogs pa bya'o/ /nad par sngar bshad pa'i sngags dang phyag rgyas gos dkar po gon nas/ bdud rtsi 'khyil pa'i sngags zlos shing/ tshon sna lnga'i srad bu sar pa gtsang ma mdzes pa/ shin tu ran pa dri zhim pa reg na bde ba/ legs par bkal ba sbom phra med pa/ 'jur mdud med pa'i thig skud la/ dkar po la ram chos kyi dbyings kyi rang bzhin/ dmar po la kaM dmar ser thugs kyi rang bzhin/ ser po la aM thub pa byang chub snying po'i rang bzhin ljang khu la paM phyag na rdo rje'i rang bzhin/ sngon po la hUM khams gsum rnam par rgyal ba'i rang bzhin du
- 361b
bskyed la/ oM badzra sa ma ya mA tri kra ma hUM zhes bya bas bzlas la/ mchod pa lngas mchod nas thig gdab par bya'o/ /thig gi cho ga ni thun mong gi cho ga las shes par bya'o/ /srad bu chad na bla ma 'chi/ /ring thung khyer na na bar 'gyur ro/ /phyogs 'khrul slob ma myos par 'gyur/ /ltas ngan byung ni dngos mi 'grub/ /ces gsungs so/ /de nas 'byung ba rnam pa lngas sa gzhi khor khor yug du chag chag btang la byug ste/ byung na rin po che'i phye ma 'am/ sA lu'i phye ma 'am/ sa'i phye mas bya'o/ /de nas tshon rtsi la oM badzra tsi tra sa ma ya hUM zhes bya ba dang/ rig sngags kyi rgyal po phyag na rdo rje'i sngags kyis bsang gtor bya/ mchod pa phul la/ dang po gzugs su bri bar bshad/ /gnyis pa dag ni phyag rgyar bshad/ /gsum pa stan dang gnas dag dang/ /yig gzu? bri bar rab tu bsngags/ /de la dkyil 'khor dang po lha nyi shu rtsa gcig pa dgod de/ dbus kyi lte ba rtsibs lnga pa la dbus su bcom ldan 'das phyag na rdo rje sngar bshad pa bzhin du bri ba dang/ 'khor lo rtsibs bzhi la g.yas su mA ma kI/ g.yon du bdud rtsi 'khyil pa ste/ mA ma kI'i rtags rdo rje rtse gsum pa/ byang du rdo rje rtse gsum pa dbyug pa la gtsugs pa/ dbus su rdo rje rtse gsum pa gnyis chad gzugs dang por 'dug la/ chad gzungs kyi lte ba la dgra sta srab mo kha phyir bltas pa bri bar bya'o/ /mdun du skam byed kyi dbyig pa/ rgyab tu gzhon nu'i 'khor lo/ /rdo rje rtse gsum pas bskor ba/ de'i phyi rol gyi rtsibs bcu gnyis la/ shar du rgyal ba'i rdo rje rtse gsum pa rnam par rgyal ba'i rdo rje rtse gsum pa ma lce 'phro ba/ rdo rje mtshan gyis rdo rje rtse gsum pa shar du dgod do/ /byang du ni rdo rje rtags kyis rtse gsum pa/ bkra shis kyi rdo rje rtse gcig pa/ shin tu dkra shis kyi rdo rje rtse gsum pa pad+mas mtshan pa'o/ /lhor pad+ma'i mtshan pad+ma'i gdan du kha cung zad bye ba rdo
- 362a
rje rtse gsum pa dang bcas pa'o/ /pad+ma phreng gi pad+ma'i sdong bu kha bye ba dbus na rdo rje rtse gsum pas mtshan pa'o/ /nub du g.yung drung ris kyis ni gru bzhi bsnol pa'i dbus su g.yung drung 'khyil ba'i rtse mor shing tog skyu ru ra'i 'bras bu rin po ches mtshan pa'o/ /mdud rtse gsum pa/ rdo rje ni kha gnyis pa rdo rje'i ra dbus nas 'bras kyi dbyings ltar 'dug pa'o/ /mche ba ni pad+ma'i sdong bu la mche ba gnyis rdo rje rtse gsum pas mtshan pa'o/ /nang gi sgo bzhir mdud rtse gcig pa dang/ sprul gyi zhags pa me lce dang bcas pa rdo rje rtse gsum pas mtshan pa dang/ mdud rtse gsum pa sprul gyi zhags pa dang bcas pa dang/ ral gri bris la/ pany+tsa rA ga'i rtsig pa dang/ 'dod yon gyi snam bu dang/ rin po che'i mnga' yab dang/ dra ba dra ba phyed dang/ dar yol dang/ rtabs dang/ rdo rje ra ba me 'od dang bcas pa bri'o/ /dgod pa'i sngags dang phyag rgya ni sngar bshad zin to/ /dkyil 'khor gnyis pa ni sngar bshad pa'i sngags dang phyag rgya dbus su rdo rje rnam par 'joms pa sku mdog sngon po khams gsum rnam par rgyal ba'i phyag rgyas rdo rje dang dril bu bsnams pa/ stag gi pags pa'i sham thabs can/ rig pa mchog las gsungs pa bzhin bsam par bya'o/ /shar gyi khro bo dkar po rdo rje dang sdigs mdzub/ lho'i khro bo ser po rin po che dang sdigs mdzub/ nub kyi khro bo dmar po pad+ma dang sdigs mdzug byang gi khro bo ljang gu sna tshogs rdo rje dang sdigs mdzub mdzad pa'o/ /mtshams bzhi'i sku mdog nag po'o/ /shar lhor rdo rje'i phur bu bsnams pa'o/ /lho nub tu rin po che'i phur bu bsnams pa'o/ /nub byang du pad+ma'i phur bu bsnams pa'o/ /byang shar du sna tshogs rdo rje'i phur bu bsnams pa'o/ /sgo bzhir lcags kyu dang/ zhags pa dang/ lcags sgrog dang
- 362b
dril bu bsnams pa'o/ /lhag ma ni snga ma bzhin no/ /lha lnga pa ni sku mdog phyag mtshan snga ma bzhin du bkod la/ phyogs skyong ba bcu yang sta gon gyi gtor ma'i sngags dang/ rdo rje bsnams pa las gung mo myu gu ltar gshibs te/ bsgreng la mthe bong dang/ mthe chung so sor bsgrengs la spyi'i phyag rgyas dgod par bya'o/ /dkyil 'khor bzhi pa 'khrul 'khor yang khro bor bskyed pa'i tshe dbus kyi gtso bo rdo rje 'dzin pa sku mdog sngon po/ g.yas rdo rje g.yon pa sdigs mdzug stag gi pags pa'i sha ma thabs bsnams pa/ dbang phyug chen po'i khyod shugs mnan pa'o/ /thams cad kyang sku mdog nag po'o/ /stag gi pags pa'i sham thabs mnabs pa/ shar du rdo rje be con/ /lhor rdo rje 'chol ba rdo rje bsnams pa/ nub tu rdo rje thob byang du rdo rje? ?lhor rdo rje lcags sgrog /lho nub du rdo rje ser pa/ nub byang du rdo rje gnod mdzes/ byang shar du rdo rje rmongs byed/ shar sgor rdo rje stobs po che/ lho sgor rdo rje bzhad pa/ /nub sgor rdo rje seng+ge'i gdan/ byang sgor rdo rje gtum po/ /ya sos ma mchu mnan pa/ skra dang rma 'bar ba bri bar bya'o/ /lhag ma ni snga ma bzhin no/ /yang rdo rje pho nya mo bcus bskor ba'i dkyil 'khor ni dbus su rdo rje rnam par 'joms pa snga ma bzhin du bris la/ 'khor lo rtsibs bcu pa'i rtsibs dang po blo gros rdo rje ma rdo rje bsnams pa/ gnyis pa rdo rje dril bu bsnams pa/ gsum pa rdo rje rtse gsum pa bsnams pa/ bzhi pa gzhan gyis mi thub pa be con bsnams pa/ lnga pa rdo rje rol pa rdo rje rtse gcig bsnams pa/ drug pa rdo rje ska rags rdo rje rtse gsum bsnams pa/ bdun pa rdo rje shugs mda' gzhu bsnams pa/ brgyad pa rdo rje nyi ma rdo rje 'bar ba bsnams pa/ dgu pa rdo rje dbyug pa dbyug to bsnams pa/ bcu pa rdo rje bden pa sna tshogs rdo rje bsnams pa bri bar bya ste/ de sgrubs sngags dang phyag
- 363a
rgya ni rdo rje dbyings kyi dbang phyug ma'i phyag rgya las srin lag nang du bcug la/ na ma(rgyud 'grel): sa man ta bud d+ha badzrA NA na tsaN+Da mahA ro Sha Na hUM phaT/ ces bya bas bris par bya'o/ /yang na rdo rje nyid bstod de/ bstan pa ni pho nya mo rnams kyi ste/ na mo ratna tra yA ya/ na mo badzra d+ha ra pra na ma bidyA ga Na sya swAhA/ zhes bya'o/ /rdo rje pho nya mo drug cu rtsa bzhi bskor ba'i dkyil 'khor la/ shar phyogs su rdo rje rigs kyi dang po rdo rje 'dzin pa gnyis pa mdangs dkar ma/ gsum pa rdo rje rgyal po/ rdo rje rnam par rgyal ba rdo rje khu tshur/ rdo rje rtse gcig pa/ rdo rje gdong dmar/ rdo rje 'od zer 'phreng/ rdo rje rna cha'i gdong rdo rje dga' byed gdong/ rdo rje sde/ rdo rje lag bzang/ rdo rje khro bo/ rdo rje rtse gcig pa/ rdo rje snying po'i rgyal po/ /rdo rje 'jigs byed rnams bzhag par bya'o/ /lhor rin po che'i rigs rdo rje ska rags rdo rje klu mgo can/ rdo rje yangs pa chen mo/ rdo rje klu chen mo/ rdo rje 'phrog pa/ rdo rje dga' ba nye dga' / rdo rje kha 'bar ma/ rdo rje dka' thub bzlog /rdo rje dbyig pa/ rdo rje 'od zer phreng/ rdo rje lcags kyu ma/ dpal gyi blo gros/ khro bo ki li ki li ya/ khro bo su ru su ru/ dpal lha mo nub phyogs pad+ma'i rigs la/ ma tang gi mig /sna ma'i gdong/ rdo rje rtse mo/ skrag byed chen mo/ b+h+ring gi ri ti/ rdo rje ser skya/ rdo rje gtsug 'chang/ /rdo rje lcags sgrogs/ rdo rje sel byed/ rdo rje gdong/ nam mkha' i gdong/ rdo rje gnod 'joms/ rdo rje mi bzang pa/ rdo rje 'jigs pa/ rdo rje lu gu rgyud/ rdo rje thog thog rnams bri bar bya'o/ /byang phyogs su las kyi rigs rdo rje dbyug pa/ 'jigs byed chen po/ /bdud rtsi thabs sbyor/ pad+ma yangs pa/ rdo rje legs pa/ rdo rje dgra sta/ rdo rje seng ge'i khri/ rdo rje lcags mda'/ rdo rje mtshon cha mchog /rdo rje mtshon cha'i shugs/ mtshon cha'i snying po/ dam tshig chen po/ rdo rje dbyug pa/ rdo rje gtsug gtor/
- 363b
rdo rje 'dod pa/ rdo rje 'jigs byed rnams bri bar bya'o/ /rdo rje pho nya de rnams bri bar sngags dang phyag rgya ni sngar bstan pa'i spyi'i de nyid kyis bya'o/ /de ltar dkyil 'khor drug bris nas/ gdugs bzhi dang/ ba dan bzhi gur gum dang rgya skyegs las btsos ba shing rings bzhi'i rtse mo la gtags pa la sogs pa'i dkyil 'khor gyi rdzas dang/ phyag na rdo rje dbang bskur ba'i rgyud nas 'byung ba bzhin du bsrung ba'i yan lag /phyogs bzhir mdo bzhi klag pa dang/ mda' bcu dang phur gdab pa dang/ ral gri dang/ mtshon thag btags pa dang/ sngar bshad pa bzhin du bsrung ba'i yan lag rnams dang/ mchod pa'i rdzas thams cad dang/ bum pa dang sbyin sreg dang/ gtor ma'i rdzas thams cad bsags la rnal 'byor pa bdag nyid sngar bshad pa bzhin du khrus dang gos bgob byas nas/ cho ga drug gis lhar bskyed de/ bsrung dang spyan drang sbyang ba dang/ phyag rgya bcing dang phyir bzlog gnon/ bskad dang tshim par bya ba dang/ tshar gcad pa dang bskul ba dang/ 'khrul 'khor sbyin sreg khrus bya ba zhes bshad pa'i cho ga bcu gnyis 'dir yang thams cad rdzogs par byas la bdag nyid dngos grub bsgrub pa'i slob ma dbang bskur ba'i phyir cho ga thams cad sbyad par bya'o/ /de ltar bsnyen pa'i tshe don bcu gnyis ji ltar byas pa bzhin du nye ba'i bsnyen pa la yang de bzhin du bya'o/ /sgrub pa sta gon la yang de bzhin du bya'o/ /sgrub pa chen po dkyil 'khor gyi zhag don bcu gnyis snga cha bzhin du bya'o/ /de nas dkyil 'khor drug gang yang rung ba la/ slob ma dbang bskur ba'i cho ga bshad par bya ste/ de la dang por phyi'i 'jug pa ni sems rab tu dang pa'i slob ma snga ma bzhin du phyag 'tshal ba dang/ mchod pa dang/ sdig pa bshags pa/ rjes su yi rang ba dang/ chos kyi 'khor lo bskor ba la sogs pa
- 364a
bdun rnam dag byas la/ sngar bshad pa'i sngags kyis btab pa'i stod g.yogs dang smad g.yogs dang/ gdong g.yogs bskon la dkyil 'khor gyi bdag po'i sngags dang phyag rgya spyi bor gzhag nas sngags lan gsum bzlas nas/ lha'i rigs kyi bsod nams ci 'dra ba de bzhin du 'bab par 'gyur ro/ /des dkyil 'khor dbang du 'gyur ro/ /de nas rdo rje rigs kyi sngags bzlas la me tog 'phangs la gang la phog pa'i lha de ni de'i rigs kyi lhar 'gyur ro/ /de nas gdong g.yogs dkrol nas dkyil 'khor bstan te/ dkyil 'khor bzang po 'di la ltos/ /da ni dang pa rab tu bskyed/ /khyod ni sangs rgyas rigs su bskyed/ /sngags dang rigs pas byin gyis brlabs/ /'byor ba thams cad mngon du 'gyur/ /rten dang dngos grub thams cad kyang/ /khyod la mngon du phyogs 'gyur gyi/ /dngos grub thob phyir dam tshig srungs zhes brjod par bya'o/ /de'i tshe me tog dbu la phog ma mchog gi dngos grub 'thob/ /me tog rked pa la phog na thun mong gi dngos grub 'thob/ me tog rkang pa la phog na 'jig rten pa'i dngos grub 'thob par 'gyur ro/ /nang gi 'jug pa rdzogs nas/ nas dang sbrang rtsi dang 'o ma la sogs zhi ba 'am/ yang na rgyas pa/ mngon spyod kyis bgegs bzlog pas dbang ba'i 'os su 'gyur ro/ /de nas bdud rtsi 'khyil ba'i sngags kyis btab pa'i rten sar ba la bzhag nas/ sgrub pa'i grogs pos bkra shis kyi tshigs su bcad pa 'di skad gdon par bya ste/ gang la ser sna rnam chags pa/ /rnam bcoms dri ma sel mdzad cing/ /thugs zhi gnod pa mi mnga' des/ /khyod la bde legs mdzad par shog /'dren pa gang zhig 'gro ba rnams/ /thar ba'i lam du mdzud mdzad cing/ /chos rnams thams cad ston pa des/ /khyod la bde legs mdzad par shog /ston pa bzhugs pa rnams kyi rten/ /sems can
- 364b
kun gyi don gyi phyir/ /gang gi bde ba mda' mdzad des/ /khyod la bde legs mdzad par shog /skyob pa gang gis byams pa yis/ /thugs kyi 'gro ba 'di dag kun/ /bu gcig bzhin du rtag bskyangs nges/ /khyod la bde legs mdzad par shog /gang zhig 'khor bar 'khor ba yi/ /sems can kun gyi rten gyur cing/ /gling dang dpung gnyen gyur ba ste/ /khyod la bde legs mdzad pa shog /gang zhig chos kun mngon sum gyur/ /gtsang zhing bslu ba mi mnga' la/ /gsung gtsang gtsang bar mdzad pa ste/ /khyod la bde legs mdzad par shog /dpa' bo chen po gang skyes par/ /phun sum tshogs don 'byor gyur cing/ /don grub tshogs kyang grub pa ste/ /khyod la bde legs mdzad par shog /gang zhig skyes pas sa rnams ni/ /nags tshal bcas par rab g.yogs shing/ /sems can thams cad rab dga' byed/ /khyod la bde legs mdzad par shog /byang chub snying por gang zhig gis/ /sa dag rnam drug g.yos gyur cig /bdud yid mi bder gyur pa ste/ /khyed la bde legs mdzad par shog / chos kyi 'khor lo bskor ba na/ /'phags pa'i bden pa rnams gsung ba/ /thub pa'i bstan pa gang 'byung ste/ /khyed la bde legs mdzad par shog /sangs rgyas khyed la bde legs mdzad/ /rgya byin bcas pa'i lha rnams dang/ /'byung po kun gyi bde legs ni/ /khyed la rtag tu sbyin gyur cig /sangs rgyas bsod nams mthu dag dang/ /lha rnams kyis ni bsams pa yis/ /khyed kyi don 'dod gang yin pa/ /don de de ring 'grub 'gyur shog /rkang gnyis khyed cag bde legs shog /rkang bzhi khyed cag bde legs shog /khyed cag lam 'gro bde legs gyur/ /phyir 'ong dag kyang bde legs gyur/ /nyin mo bde legs mtshan bde legs/ /nyi ma gung la'ang bde legs shog /khyed cag kun tu bde legs 'gyur/ /khyed cag sdig
- 365a
par ma gyur cig /ces bkra shis brjod nas/ cho ga drug gi lhar bskyed nas gnas sngar byin gyis brlabs nas dkyil 'khor gyi sngags bzlas pa'i gdugs bteg la khro bo gnod mdzes kyi sngags bzlas ba'i bdug pas bdug cing rnga yab kyi g.yabs la glu dang sil snyan dang/ rnga brdungs nas/ dkyil 'khor gyi lha kun la gsol ba btab la/ dkyil 'khor gyi lha'i sngags btab pa'i bum pas lan gsum bskor ba byed du bcug la/ chu'i dbang bskur bar bya'o/ /de nas phyag rgya bcing ba dang/ sngags bzlas pas spyi bor gtug par bya'o/ /de nas gos sar pa bskon nas cod pan dang rgyan btags pa dang/ dkyil 'khor gyi lha thams cad kyi phyag mtshan g.yas pa g.yas par sbyin/ g.yon pa g.yon par byin la/ de nas slob dpon gyis me tog gi phreng ba spyi bor gzhag la ming btags par bya'o/ /de nas seng ge'i khri'i kha la gzhag la/ gdugs dang rgyal mtshan bsgrengs na/ rin po che sna dang bkra shis rdzas brgyad dang lha rnams kyis phyag mtshan dang bcas pa byin la/ rang gi ming dang lung bstan pa dang/ gzeng bstod pa dang/ dbugs dbyung bar bya'o/ /de nas sngags kyi gnang ba gi wang ngam gur kum gyi yi ge bris la slob dpon mnyam du lan bdun gyi bar du bklag par bya'o/ /des sngags kyis gnang ba thob par 'gyur ro/ /dkyil 'khor mthong nas dbang bskur ba ni rnam pa bzhir 'gyur te/ slob dpon go 'phang thob pa'i phyir/ /dang po'i dbang du bsgrags pa yin/ /rig sngags thams cad 'grub pa'i phyir/ / gnyis pa'i dbang du bshad pa yin/ /bgegs mi rab tu gzhom pa'i phyir/ /gsum pa rab tu bsgrags pa yin/ /bzhi pa sbyor ba thob pa'i phyir/ /cho ga bzang po de bshad do/ /zhes gsungs so/ /bum pa'i dbang bskur ba dang po'o/ /rigs
- 365b
sngags bzlas pa gnyis pa'o/ /bgegs rnams zhi ba gsum pa'o/ /dpal 'phel ba ni bzhi pa'o zhes gsungs pas/ ngan song gsum du mi ltung dang/ /mi khom ba brgyad spangs pa dang/ /tshe rabs dran zhes longs spyod che/ /tshul khrims ldan zhing gzugs dang bzang/ /rtag tu mi dang lha rnams kyi/ /mtho ris gnas su skye bar shog /ces smon lam yang gdab par bya'o/ /gal te sdom pa 'dzin par mi nus pa 'am/ nad pa 'am bar chad nang du 'byung ba 'am/ 'byung po'i log 'dren gyis zin pa 'am/ rig pa mchog las gsungs pa'i gdon rnams kyis gtses pa la khrus kyi cho ga bya ste/ bdud rtsi 'khyil par bskyed la gnas byin gyis brlab ste/ lha rnams kyi sngags bzlos shing yungs kar gyis bra ba pa dang/ rma bya'i sgo'i dbus su phyag rgya bcings pa ni du ba la zhes bya bas dkyil 'khor gyi sngags bzlos shing byab pa dang/ ru rag sha gdod gcig pa'i rin po che rma med pa lus la btags nas bsrung ba bya ste/ dkyil 'khor gyi lha rnams la gsol ba gdab par bya'o/ /mgon po thugs rje 'chang ba'i lha/ /rig sngags rgyal po dge ba can/ /gnod pa thams cad zhi ba'i phyir/ /mgon po khyod kyis byin gyis brlabs mdzod ces brjod la/ dge ba'i rtsa ba bsngo bar bya ste/ bdag gis dge ba'i las rnams 'di dag gis/ /'jig rten du ni sangs rgyas myur bar shog /'gro la phan phyir chos rnams ston byed cing/ /sems can sdug bsngal mang po'i gzir las grol zhes dge ba'i rtsa ba bsngo ba dang/ bzod par gsol bar bya ste/ gang yang bdag blo gti mug pas shes bya la sogs pa brjod par bya'o/ /de nas rdo rje lcags kyu ma'i sngags dang phyag rgyas dkyil 'khor lha bum pa'i lha dang gcig tu bsres la/ rma bya'i sgros dkyil 'khor gyi phyag rgya rnams
- 366a
phyi nas khrus kyi gzhong pa gzhag ste/ e ma sangs rgyas thams cad kyi/ /thugs rje can gyi thabs chen gyi/ /zhi yang sems can don du ni/ /dri ma med pa'i khro bor gyur zhes bstod la bdud rtsi 'khyil pa'i sngags rings kyis kyang mtshams gcad gnas lngar rdo rjes gtug cing byin gyis brlab/ sems dpa' gtsug tor dang/ gzi brjid phung po bskyed par bya ste/ lag pa g.yas pa khu tshur bcangs la mdzod spur gzhag ste/ na ma(rgyud 'grel): sa man+ta bud+d+hA nAM/ a pu dza zhes bya bas mdzod spu bskyed par bya'o/ /rdo rje dbyings kyi dbang phyug ma'i phyag rgya spyi bor bcings te/ oM dza la dza la/ di ba da oM da ka de u pri sha du na du na hUM/ zhes bya bas gtsug tor bskyed par bya'o/ /rdo rje 'tshol ba'i sngags dang phyag rgya dang/ gu gul gyi dud pas kyang bdug par bya'o/ /khams gsum rnam par rgyal ba'i phyag rgya dang/ oM badzra a sha ni hUM phaT ces bya bas sran phye dang bag phye de'i lus la btab la sgrub pa'i grogs pos sngar bshad pa'i bkra shis tshigs su bcad pa gdon zhing bum pa thams cad kyi lha'i bum par bsams la de bzhin gshegs pa shAkya thub pa la phyag 'tshal lo/ /phyag na rdo rje la phyag 'tshal lo/ /bdud rtsi thab sbyor la phyag 'tshal lo/ /de thams cad kyi mthu dang/ /byin gyis brlabs kyis che ge mo zhes bya ba'i gnod pa dang/ gdon thams cad zhi bar gyur cig ces brjod la/ spyi bo nas rkang pa'i bar du lus thams cad khrus bya'o/ /dkyil 'khor gyi lha'i sngags lan bdun bzlas pas spyi bor blugs pa dang/ lan bdun bzlas shing snying khar blugs pa dang/ lan bdun bzlas pas lte bar blugs par bya'o/ /de nas rma bya'i sgos bya ba cing/ rdzogs sangs rgyas kyis bsags pa yis//
- 366b
go 'phang 'di ni thob bya'i phyir/ /'khor ba'i rgya mtsho ma rungs pa'i/ /dgra dang bgegs kyang med par shog /rkun po la sogs pa med par shog /mu stegs can las rgyal 'gyur cig /byang chub snying po thob par du/ /bdud sde bzhi yis mi thub cing/ /pho nya mdag gzhug pho nya mo/ /bran la sogs pas bsrung bar shog /gcong rong g.yang sa la sogs dang/ /gdon dang rims nad med par shog /ces byas la rma bya'i sgros byab par bya'o/ /de nas rdo rje rnam par 'dzoms kyi gzungs lan gnyis gsum bton la khrus lan gsum bya'o/ /de nas sngar bshad pa bzhin du/ de nas bsrung ba byas la me tog gi phreng ba dang/ khro bo rnams kyi phyag mtshan bri ba 'am/ lugs ma spyi bor gdags par bya'o/ /de nas bdag nyid kyang sngar bshad pa bzhin du bsrung ba byas la ldang bar bya'o/ /spyan drang ba'i lha yang khyod kyis sems can don kun mdzad ces bya ba la sogs pas gshegs su gsol bar bya'o/ /dam tshig sems dpa' yang stong pa nyid du zhu ba dang rdul tshon gyi lha'i dman ma yang chu bo la sogs par dor bar bya'o/ /de nas gnas de na gnas pa'i 'byung po dang/ gdon rnams dang/ phyogs skyong la gtor ma byin la/ nus na sbyin bdag dang slob ma bsrung ba'i sbyin sreg bya'o/ /sangs rgyas byang chub sems dpa' dang/ /rigs 'dzin sngon gyi mkhas pa yis/ /ci gsungs lhag chad med par ni/ /rang gzor ma byas bzod gsol med/ /legs grub rig pa mchog dag dang/ /rab grub gsang ba spyi rgyud dang/ /phyag na rdo rje'i dbang bskur la/ /yon blangs dge rtsa sngo ba byed/ /rdo rje rnam par 'joms pa'i cho ga rin po che mig thur zhes bya ba'i slob dpon shA rI ga wa rmas mdzad pa rdzogs so// // */ (/rdo rje rnam par 'joms pa'i dkyil 'khor cho ga rdo rje gi chos
- 367a
mdzad pa'o/) /rgya gar skad du/ badzra bi d+ha rA maN+Da la bi d+hi nA ma/ bod skad du/ rdo rje rnam par 'joms pa'i dkyil 'khor gyi cho ga zhes bya ba/ bcom ldan 'das rdo rje rnam par 'joms pa la phyag 'tshal lo/ /rdo rje kun dge 'joms mdzad pa'i/ /dkyil 'khor cho ga bshad par bya/ /dang por bdag stan bde ba la 'dug ste/ oM sho dan+te sho dan ye swAhA/ zhes dbang po'i sgo dag pa'i khrus byas te/ chos thams cad stong pa nyid nang gi bdag nyid can gyi khrus byas la/ bdag nyid skad cig mas lhar bskyed pa/ oM suM b+ha ni suM b+ha hUM/ grih+Na grih+Na hUM/ grih+NA pa ya grih+NA pa ya hUM A na yo ha b+ha ga bAn bidyA rA dzA ya hUM phaT/ mi 'gro ba rnams la mtshon cha'i char dbab pa ste/ oM tsakra hUM bruM traM bruM h+riM bruM/ ha bruM/ de nas mtshon cha lnga'i gur dang sa gzhir 'gyur te/ mtshams kyi khang pa'i nang du/ tsakra tsa la maN+Da la ma ye zhes tshogs bsag pa rten gyi dkyil 'khor mdun du sprul la/ phyi dang nang gi mchod pas mchod/ rdo rje me'i phyag rgyas mchod pa'i rdzas rnams bsregs la/ badzra dzau ti dzA la rA hUM zhes pa'o/ /dam tshig phyag rgyas sprul te/ pra dzra satwa hUM/ pra bar satkA ra pra tIts+tsha hUM/ d+hU pe/ puShpe traM a lo ke h+ri:/ gan d+he a(rgyud 'grel): nai bidye hUM/ dbul ba las kyi phyag rgyas dbul/ hUM yan lag brgyad dang ldan pa yi/ /khrus kyi dam pa yon chab 'di/ /bcom ldan rnams 'joms nyid la dbul/ /'gro ba'i don du bzhes su gsol/ /oM ga ga na ga ga na sa ma ye hUM/ hUM dag cing gtsang mar sbyar ba yi/ /lha rdzas dam pa'i khrus chab 'di/ /rnam 'dzoms 'khor dang bcas la 'bul/ /'gro ba'i don du bzhes su gsol/ /oM pra ba ra satkA ra pra tIts+tsha ho/ /hUM nags tshal btsud ni yi gar 'ong/ /dri mchog rgyas pa'i spos me 'di
- 367b
bcom ldan rnam 'joms 'khor bcas la/ /dad pas dbul lo bzhes su gsol/ /oM na ma(rgyud 'grel): bi d+ha ra badzra pU dza me g+ha sa mu dra sa pha ra Na sa ma ye hUM/ chu 'am thang las skyes pa yi/ /kha dog dbyibs legs me tog 'di bcom ldan dad pas na ma(rgyud 'grel): badzra bi dA ra puShpe/ gdon rnams 'joms shing bkra shis pa'i/ /dge zhing mun sel snang gsal 'di/ /bcom ldan dad pas dbul/ A lo ke /'chal ba'i dri ma sel mdzad pa'i/ /yid bzhin bdud rtsi mtsho ltar bskyil/ /gan d+ha/ dag cing gtsang mar sbyar ba yi/ /lha rdzas dam pa'i zhal zas 'di/ /nai bitye/ de las gzhan yang mchod pa'i tshogs/ /rol mo sgra snyan yid 'ong ba/ /sems can sdug bsngal tshim mdzad pa'i/ /dus rnams kun tu rgyas gyur cig /oM na ma(rgyud 'grel): bi dA ra badzra g+haN+Ta ra ta na pU dza me g+ha sa mu dra spha ra Na sa ma ye hUM/ nang gi mchod pa 'bul ba yang/ /bdun ni rnam dag byang chub sems/ /bsod nams tshogs chen bsags par bya/ /sangs rgyas byang chub sems dpa' thams cad la/ bdag nyid lus 'bul gyis thugs rje chen po dang ldan pa'i mgon po khyed rnams kyis/ bdag dus thams cad du bzhes su gsol lo/ /ji ltar dus gsum mgon po yi/ /dge ba'i rtsa ba ci bsags pa/ /thams cad ma lus bsdus nas ni/ dge rtsa byang chub chen por bsngo/ /ji ltar dus gsum mgon po yi/ /byang chub tu ni nges mdzad pa'i/ /byang chub sems ni bla med pa'i/ /dam pa bdag gis bskyed par bgyi/ /dkon mchog bla ma dam pa'i chos/ /phyi nang gsang ba'i mchod pa dang/ /sems bskyed sdom pa rnams ni/ /rigs lnga'i dam tshig sdom pa bzung/ /ma grol ba rnams grol bar bgyi/ /ma rgal ba ni bsgral bar bgyi/ /dbugs ma phyin pa dbugs phyung ste/ /sems can mya ngan 'das la dgod/ /des ni
- 368a
bla na med pa sems kyi mchod pa'o/ /badzra any+dza li sar sdom pa/ /badzra ban d+ha tra Ta zhes sdig pa dral/ /badzra a be sha a a zhes ye shes dbab pa bstan pa badzra muSh+Ti baM zhes pa/ sdig sgrib dral zhing ye shes dbab pa ni/ /ye shes kyi tshogs bsags pa ste/ de kho na nyid kyi mchod pa'o/ /mchod pa lnga yis tshogs gnyis rdzogs/ /bsrung 'khor bsdus la nam mkhar gnas/ /sarba bid badzra zhes brjod pas/ /rgyu dang mi rgyu thams cad kun/ /stong pa nyid du bsgom par bya/ /sems nyid a yi rang bzhin las/ /skye ba'i cho 'phrul aM du shar/ /sngon po gzhu yi dbyibs lta bu/ /de steng baM las chu che ni/ /zlum la dkar po bsil ba ste/ /suM las sa gzhi ri rab bskyed/ /bruM las rin chen gzhal yas khang/ /gdan gsum ldan pa'i steng dag tu/ /a ni hUM tu gyur pa las/ /'od zer spro bsdus lan gnyis byas/ /rdo rje rtse lnga pad+ma'i dbus/ /de las spros dang bsdus pa yis/ /spho Ta badzra'i sngags brjod pas/ /rnam 'joms sku ni bai DUrya/ /sngon po phug gi kha dog la/ /g.yas pa rgya gram 'dzin pa ste/ /g.yon ni sdig mdzub thugs kar bsgreng/ /khro las byang chub sems dpa' i rgyan/ /cha lugs brgyad dang ldan pa la/ /thugs las hUM bzhi phyogs bzhir chad/ /gri gug nyi zla'i rtsibs steng du/ /'jigs pa'i khro bo chen po bzhi/ /ma nor rtsa ba'i sngags kyis bskyed/ /shar du rdo rje gtum po ni/ /smug nag rdo rje rtse lnga bsnams/ /lho ru rdo rje phur bu ste/ /ljang nag rdo rje phur bu bsnams/ /nub tu rdo rje be con ni/ /dmar nag phyag na bo con bsnams/ /byang du rdo rje tho ba ni/ /ljang nag phyag na tho ba bsnams/ /g.yon pa kun ni sdigs mdzub ste//
- 368b
phro las byang chub sems dpa' i brgyan/ /'khor lo'i gong ras bzhi la ni/ /phyag mtshan rdo rje rin po che/ /pad+ma sna tshogs rdo rje la/ /spho Ta badzra badzra lA sye hUM zhes brjod pas/ /lA sye dkar mo phyag na me long bsnams/ /badzra mA le traM/ mA le sngon mo phyag na phreng ba bsnams/ /badzra gI ti hwi(rgyud 'grel): gI ti dmar mo phyag na pi wang bsnams/ /badzra nri tye a:/ nri tye ljang ku gar bsgyur thal sbyir spyi/ /phyi rim rgyas pa'i gru chad la/ /phyag rgya gser dngul zangs lcags gzhong pa bzhi/ /mchod pa'i lha mo bzhi po bskyed/ /d+hU pa dkar mo spos gzhong ser mo bsnams/ /badzra d+hU pe hUM/ puShpe ser mo me tog gzhong pa bsnams/ badzra puShpe traM/ mar me dmar skya me gzhong dmar po bsnams/ /badzra A lo ki h+ri:/ dri chab ljang ku lcags kyi gzhong pa bsnams/ /badzra gand+he a(rgyud 'grel): khyams la phyogs skyong bcu po bskyed/ /rdo rje me thab gru gsum dang/ /be con ral gri sbrul zhags dang/ /ba dan dbyug pa kha TwAM ga /shar du nyi zla nub tu bum pa las/ /sngags 'di brjod la sku ru gsal bar bskyed/ /in+d+ra ye swAhA/ brgya byin dkar po phyag na rdo rje bsnams/ /agna ye swAhA/ agne dmar ser phyag na mtheb bsnams/ /ya ma ye swAhA/ gshin rje nag po phyag na be con bsnams/ /nai ri te swAhA/ bden bral dmar ser phyag na ral gri bsnams// bA ru Na ye swAhA/ chu lha dmar po phyag na sprul zhags bsnams/ /ba ya be swAhA/ rlung lha dmar ljang phyag na ba dan bsnams/ /ku pe ra swA hA/ gnod sbyin ljang gu lag na dbyug to thogs/ /i sha na ye swAhA/ dbang ldan ljang skya phyag ni kha TwAM ga(rgyud 'grel): sU rya tsan+d+ra ye swAhA/ tshangs pa sngo skya phyag na nyi zla bsnams/ /pra ti b+hya ye swAhA/ sa bdag mthing nag phyag na bum pa bsnams/ dregs ba sems can kun gyi gdan la bzhugs/ /sgo bzhir phyag rgya lcags kyu dang/ /zhags pa lcags
- 369a
sgrog dril bu las/ /shar du angku sha dzA(rgyud 'grel): rta gdong dkar mo phyag na lcags kyu bsnams/ /lhor pA sha hUM las/ phyag gdong nag mo mche zhags thogs pa'o/ /nub sgor lo ka bi las/ nyi zla dmar mo lcags sgrog bsgom mo/ byang sgor a be sha las/ /thal byed ljang nag dril bu 'khrol bar bskyed do/ /yang na khyams su bkra shis kyi lha mo brgyad las/ /phyag mtshan brgyad las sku mdog ser mo phyag na bkra shis kyi rdzas brgyad bsnams pa bskyed do/ /badzra sin da ma/ badzra tra ma ye/ badzra dzi ba ye/ badzra sha lo ye/ badzra ku sha hUM/ yak+Sha hUM/ ba la hUM/ da la hUM/ zhes bskyed la/ 'di dkar gsum la/ dang po rdo rje rab la phyogs bskyong bskyed/ /pad+ma la lha srin sde bskyed/ me 'od la bgegs rigs stong phrag brgyad cu bskyed de/ /don gyi lha dgu/ /rtsa ba'i lha lnga/ bskyed pa'i lha nyi shu rtsa lnga/ /mchod pa'i lha stong phrag brgyad cu rtsa lnga'o/ /rtsa ba'i sngags brjod la phyag rgya bstan/ /snying po ti lnga dbu stengs su/ /sangs rgyas lnga yi dbang bskur ba/ /ka ta badzra zhes brjod pas/ /spyi bor dbang bskur byin gyis brlabs/ /bskyed pa'i lha rnams kun la ni/ /rigs kyi bdag po re re bsgom/ /dbang bskur lha rnams thams cad la/ /ma ta badzra zhes brjod pas/ lus la rdo rje gos gyon no/ /mad tha mi 'gyur ka nan gtang/ /a tha zhes ni bgegs kyang bskrad/ /su las rdo rje khang pa ni/ /rab tu bstan par 'gyur ba dang/ /gzhi yi rnal 'byor lus rnams ni/ /badzra bdun gyis byin gyis brlab/ /rang bzhin gnas nas bskul ba ni/ /ha ra ha ra badzra bi dA ra/ se go la drag tu brdabs pa yis/ /dza(rgyud 'grel): yi sprul pas snyan gsan dbab/ /pra ha ra pra ha ra badzra pra b+hany+dza dza(rgyud 'grel): hUM baM ho:/ 'od zer lnga yi mdun du byon/ /ya tis+thi ra badzra/ de yi lha rnams cha gnyis dbye//
- 369b
su tis+thi ra badzra/ gdan gcig mi gnyis tshul du gcod/ /pra tis+thi ra badzra/ de rnams gnyis med 'dres par bstim/ /mahA badzre sku bstan/ a pra ti badzra gsung bstan/ a mo ga badzra thugs bstan/ /e hye hi badzra dgyes pa bskyed/ shI g+h+raM badzra dngos grub ma thob bar du bzhugs/ dam tshig lha dang ye shes lha/ /gnyis med bsgrubs la mchod pas mchod/ /bsgom zhing bzlas pas sgrub pa bya/ /sngags ring nye ba'i snying po gnyis/ /bsdus rgyas lha yi bsnyen pa bskyal/ /mtshan ma dus dang grangs la sogs/ /dam du bcas pa'i bsnyen pa ni/ /thun bzhi rims kyis nyin dang mtshan/ /bsnyen pa rdzogs pa'i cho ga bya/ /dkyil 'khor zhag gi cho ga la/ /sa dang sta gon rdul tshon rnams/ /mkhas pas rim par brtsam par bya/ /dang po sa yi cho ga ni/ /sa brtag bslang zhing sbyang ba dang/ /byin gyis brlab cing gzung ba lnga/ /sa brtag pa la bzhi ru grang/ /nam mkha' i phyogs dang sa gzhi dang/ /bdag po yod med brtag pa bzhi/ /sa sbyang ba la gnyis yin te/ /mngon pa mi la nyo bslang dang// mi mngon bgegs la bslang pa'o/ /bden pa ba dang te chos bshad bskang ba dang/ /mchod cing gsol ba gdab ste bslang ba'o/ /skyob pa sangs rgyas bcom ldan 'das/ /spyod pa'i tshul dang khyad par gyis/ /sa dang pha rol phyin pa yi/ /lha mo khyor ni dbang du gyur/ /ji ltar shAkya seng+ge yis/ /bdud sde dpung bcas bcom pa bzhin/ /de bzhin bdag gis bdud las ni/ /rgyal bar byas te dkyil 'khor bri/ zhes rdo rje brdzabs pas sa'i ser ka nas/ sa'i lha mo byon te sa gnang ngo/ /sa'i lha mo dang sa bdag gnas kyi bdag po la/ mchod pa dang gtor mas mchod nas/ hUM gang yang sa la gnas pa dang/ /sa la rgyu ba'i lha klu rnams/ /mchod dang gtor ma 'di long la/ /sems can kun dge don du yang/ /byams pa'i sems kyis
- 370a
gnad par mdzod/ /pra ti bya d+hU paM/ puShpe paM/ A lo ke/ gand+haM/ nai bi tye/ pU dza me g+hA sa mu tra spha ra Na sa ma ye hUM/ pra ti bya ni sarba ta thA ga te b+hyo bi shwa mu ge b+hya(rgyud 'grel): sarba tad khaM ut khaM ba li taM khA hi/ sa sbyang ba ni/ las dang bya ba sa sbyang ba dang/ sngags dang phyag rgyas sbyang ba'o/ /chos nyid stong pa'i sngags dang phyag rgyas stong par spyad pa'o/ /las dang bya bas brkos te ro lnga bsal/ /'thas shing tshad ldan par bya/ /tshangs thig zur thig bzhi yang gdab/ /cha chen bcu drug bgo byas la/ /lha snam men pa bzhi bzhir ba?/ /zlum bskor rim pa brgyad du bskor/ /pho brang 'khor lo'i gong ras la/ /rim pa gnyis gnyis bzhi ru bskor/ /rdo rje pad+ma me 'od dang/ /cha bran gnyis gnyis mnyam pa ru/ /rim pa bzhin du bskor te gzhag /mthing ga dkar po ser le ba rgan/ /ljang gu la sogs pany+tsa gtang/ /yang na mthing ga dkar po dang/ /dmar po sku gsum tra rA ga /gong ras ljang gu gru chang ser/ /sgo dang lha snam phyogs tshon la/ /lnga rtse dmar po pha gu ser/ /dra ba dkar la chu 'chang lcags/ /dkyil 'khor steng du sku gzugs gzhag /sa de sangs rgyas byang chub sems dpa' i sku gzugs kyis bzung ba'o/ /bdud rtsi 'khyil pa'i bum pa gzhag pa ni/ khro bo las ? pas sa gzung ba'o/ /gnyis pa sta gon gnas par bya/ /lha dang bum pa slob ma dang/ /sta gon dus kyi sbyin sreg go /dkyil 'khor lha yi gnas rnams tsan dan gur kum dri yi thig le bya/ /rang rang sngags kyi skad cig bskyed/ /de las mchod dang gtor ma dang/ /gsang ba sder bzangs mchod pa dbul/ /mchod de gsol ba gdab pa ni/ /bcom ldan rdo rje rnam 'joms ni/ /rig pa'i rgyal po phyag 'tshal bstod/ /khyed rnams la yang mchod pa dang/ /sems can kun
- 370b
la brtse don du/ /sar ni dkyil 'khor bri bar 'tshal/ /yo byad ci 'byor pa yis ni/ tshogs pa thams cad dkyil 'khor du/ /byin gyis brlab pa mdzad du gsol/ /ces pa lan gsum du gsol ba gdab bo/ /bum pa sta gon du gnas pa ni// bum pa'i rgyu bstan pa dang/ bum pa'i bcud bstan pa dang/ mgul chings bstan pa dang/ kha rgyan bstan pa dang/ bca' ba'i thabs bstan pa dang/ bzlas pa'i grangs bstan pa dang/ bum pa'i grangs bstan pa'o/ /bca' ba'i grangs ni/ bum pa'i grangs ni bsdus pa drug ste/ dbang bskur ba'i bum pa lnga/ bdud rtsi 'khyil pa'i bum pa dang drug go /rigs kyi mtshan ma ni gur kum gyis til lnga bris/ bdud rtsi 'khyil pa la hUM bri/ kha dog mthing ser dmar ljang ngo/ /bdud rtsi sdug gi kha dog can du bya'o/ /bam las bum pa gzhal yas khang/ /paM las bdud rtsi'i gzhal yas khang bskyed/ rgya mtsho pad+ma'i gdan steng du/ /ting nga yaM yig hUM las ni/ /lha bskyed spyan drangs mchod pa dbul/ /nyi shu rtsa gcig bzlas pa ni/ /bum pa'i la rdzogs par bya/ /yungs kar re la sngags re btab/ /des ni bum pa'i sta gon no// //de nas slob ma lhag par gnas pa ni/ de la dang po khrus byas la gos gtsang ma gyon zhing/ lag na me tog thogs la/ slob dpon lha la phyag byas la 'di skad zhu'o/ /dga' chen khyod bdag ston pas ni/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po phyag 'tshal lo/ /dam tshig de nyid stsal du gsol/ /sangs rgyas chos dang dge 'dun ste/ /skyabs gsum dag ni bdag la gsol/ /thar ba chen po grong mchog tu/ /mgon pos bdag ni 'jug par bgyi/ /de nas slob dpon gyis spro ba bskyed la/ ho rtog pa rnams ni legs par bsdus nas su/ /shin tu bsam pa bzang dang
- 371a
ldan pas nyon/ /brjod des blo la rdo rje rnam 'joms pa'i/ /bde bar gshegs pa rnams kyis byin mi rlob/ /de nas slob mas sdig pa bshags pa/ dbang med bdag gis mi dge bgyis pa dang/ /rjes su yi rang yang na bgyis stsal gang/ /de dag thams cad byang chub mchog chen gyi/ /spyan sngar sdig pa ma lus so sor bshags zhes lan gsum du brjod do/ /bdag gis sems can don du ni/ /byang chub sems ni bskyed par bya/ /sdug bsngal gru las thar ba'i phyir/ /byang chub mchog tu sems bskyed do/ /slob ma'i snying gar rdo rje rgya gram bcug la/ na ma(rgyud 'grel): tsaN+Da badzra kro d+ha kI li kI la ya/ zhes brjod la slob ma rdo rje rnam par 'joms par bskyed la/ /hUM tra(rgyud 'grel): h+ri(rgyud 'grel): a(rgyud 'grel): zhes pas gnas bzhi byin gyis brlab ste/ rdo rje bsnams pa'i phyag rgyas snying gar hUM las rdo rje/ dpral bar traM las rin po che/ mgrin par h+rI(rgyud 'grel): las pad+ma/ spyi bor a(rgyud 'grel): las sna tshogs rdo rje bskyed do/ /de ltar gnas bzhir ye shes bzhi rtags dang ldan par byin gyis brlabs nas mchod pa dbul zhing snang bar byas te/ bdug spos lag tu gtad/ me tog lus la gtor/ dri thugs kar byug mar me snang bar bstan/ lha bshos zhal du bcug /sil snyan rnam par bsgrags sngags dang phyag rgyas tshig rnams go bar brjod do// //a shwat+tha la sogs pa'i so shing/ sor bcu gnyis pa rtse mo me tog bcings pa/ de badzra hA sa a zhes sbyin par bya'o/ /ku sha sngon po badzra tIk+Sh+na zhes gtad la/ la la sngas su gzhug /la la snyan du bting la nyol cig ces bsgo'o/ /de nas rdo rje rnam 'joms bzlas pa'i srung skud mgul du gdags so/ /gsol ba gdab par bya'o/ /nang par bzhin bzangs longs shig /dkyil 'khor chen po mthong bar 'gyur ro zhes brjod/ lhag gnas slob ma sta gon
- 371b
gyi cho ga'o/ /sta gon gyi dkyil 'khor de/ badzra driSh+Ti maT ces nam mkha' la bteg la thig gdab par bya'o/ /gzhung dang mthun par bris nas ni/ /dkyil 'khor zhag gi cho ga byas te/ dkyil 'khor de nam mkhar bslang bar bya ste/ rdo rje rgya gram phyag rgya yis/ badzra be gA kra ma hUM zhes gdeg par bya'o/ /phyag mtshan la sta gon gyi ye shes dbab ste/ badzra tsaN+Da a/ badzra hu lu a/ badzra tiSh+Tha a/ badzra band+ha a/ badzra ha na a/ badzra lA sye a/ zhes sgo ba 'pheb pa'i bar du dbab par bya'o/ /dkyil 'khor byin dang ldan pa'i phyir/ rdo rje gzungs kyis bsgrub par bya ste/ bdag rdo rje rnam par 'joms pas bsgoms la/ gzungs tshar nyi shu rtsa gcig bton pas/ kun kyang rdo rje'i gur dang sa gzhir gyur te/ mtshams bcad cing bar chad med par bsgrub par bya'o/ /lhag chad kyi nyes pa kha bskang bar bya ba'i phyir/ rdo rje shugs kyis bsgrub par ste/ rdo rje sems dpa' i yi ge brgya pa bzlas shing/ dril bu dkrol zhing lan bdun du dkyil 'khor la bskor ba bya/ rdo rje shugs ni dkyil 'khor nam mkha' la bteg ste bskor ba byas pas/ cho ga lhag pa dang ma tshang ba'i nyes pa dang/ ma 'byor pa'i cho ga nyams pa thams cad sor chud par 'gyur ro/ /rtsa ba'i sngags brjod pa thams cad gsung yin/ lha thams cad/ kyis phyag mtshan gsal ba thugs/ de las sku gsal bar byed med du gyur par bsgom mo/ /dkyil 'khor gyi gdan thog tu phyag mtshan phab pa de rnams la/ na ma(rgyud 'grel): tsaN+Da badzra kro d+ha kI lI kI la ya zhes brjod pa de gsung/ rdo rje rgya gram du gsal pa de thugs/ de las 'od gzer 'phro 'dus byas te/ skur dkrongs tser sor ba de gsum dbyer med pa de ka/ sku gsung thugs tha mi dad par bsgrub pa'o/ /dkyil 'khor gyi lha ye shes lha yi bdag nyid can du bsgrub pa'i chos brgyad de/ rdo rje slob dpon gyi ser gol brdab cing/ badzra sa mA ya dzA(rgyud 'grel): hUM baM ho(rgyud 'grel): zhes rang
- 372a
bzhin gnas nas spyan drang ngo/ /badzra g+hanTe pra be sha phaT/ ces sgo dbye/ a badzra aM ku sha dza(rgyud 'grel): phyi nas nang du spyan drang/ badzra pA she ho(rgyud 'grel): gdan gcig la gzhug /badzra spho Ta baM gnyis med bstim/ a be sha a zhes dgyes pa bskyed/ badzra a mri ta kuN+Da li sarba big+ha nAM sha ya hUM phaT/ badzra ka rmas ra ba bya/ badzra sand+hi baM gis sgo gcod do/ /yi ge gnyis gnyis kyis lha thams cad la rdo rje ka nan gtang/ /phyag rgya bzhis rgyas gdab par bya ste/ dam tshig gi phyag rgya bcas te/ oM badzra tsaN+Da dri sh+ya dza hUM baM ho(rgyud 'grel): sa ma ya stwaM/ sa ma ya stwaM/ a haM/ a haM/ oM badzra tsaN+Da tsaN+Da ti/ rtsa ba'i lha'i snying po mthun te lnga'o/ /oM badzra lA sye hUM/ /ma le traM/ gI ti h+rI(rgyud 'grel): nri ra tye a(rgyud 'grel): oM badzra d+hu pe hUM/ oM badzra puShpe traM/ a lo ke h+rI(rgyud 'grel): gand+he a(rgyud 'grel): oM badzra saM dam/ oM badzra pra ma ye/ oM badzra dzi pa ye/ oM badzra shi lo ye/ oM badzra gu sha hUM/ oM badzra yak+Sha hUM/ oM badzra ba la hUM/ /oM badzra da la hUM/ bkra shis lha mo brgyad ni phyag thal mo gzings pa'o/ /oM badzra aM ku sha dza(rgyud 'grel): oM badzra pA sha hUM/ oM badzra spho Ta baM/ oM a be sha a/ zhes dam tshig phyag rgya'o/ /chos kyi phyag rgya ni/ lha thams cad kyis ldags la badzra d+harmA dz+nyA na zhes bsgom mo/ /las kyi phyag rgya ni/ rigs lnga la/ g.yas gdangs shing/ g.yon sdigs mdzub thugs kar bsgreng ba'o/ /rdo rje rnam par 'joms pas/ sems can thams cad bsrung ba'i las mdzad du gsol/ rdo rje gtum pos zhi ba/ rdo rje phur bus rgyas pa/ rdo rje be con gyis dbang/ rdo rje thobs sems can thams cad rengs pa'i las mdzad du gsol lo/ /gsang ba'i lha mo bzhis de bzhin gshegs pa thams cad mnyes par mdzad du gsol lo/ /mchod pa'i lha mo bzhis mchod pa'i las/ bkra shis lha mo brgyad kyis sems can thams cad re ba bskang pa'i las/
- 372b
sgo ba bzhis de bzhin gshegs pa dgug gzhug gis las mdzad du gsol lo/ /phyag rgya chen po rdo rje dril bu thogs la/ las kyi phyag rgya bzhin bca' zhing/ hUM mu dra mahA sa lha thams cad zhi ba'i las mdzad du gsol lo/ /kun gyi phrin las gcig yin pas/ /de nas re re ma bshad do/ /mchod pa rgyas par bar 'dir mchod par bya'o/ /mchod yon sngon du 'gro bas mchod pa rnam pa lngas mchod/ bcom ldan khro bo gos sngon can/ /yon tan thams cad 'dus pa'i sku/ /rdo rje rgya gram las rnams rdzogs/ /rdo rje'i sku la phyag 'tshal bstod/ /bcom ldan rdo rje gtum po ni/ /mthing nag brjid pa'i cha lugs can/ /rdo rje rtse lnga sdigs mdzub 'gyed/ /rdo rje thugs la phyag 'tshal bstod/ /bcom ldan rdo rje phur bu ni/ /ser nag 'jigs pa'i cha lugs can/ /rdo rje phur bus las rnams mdzad/ /yon tan rdzogs la phyag 'tshal bstod/ /bcom ldan rdo rje be con ni/ dmar nag 'jigs pa'i cha lugs can/ be con 'bar bas gdug pa 'dul/ /dbang sdud sku la phyag 'tshal bstod/ / bcom ldan rdo rje thob ni/ /ljang nag 'jigs pa'i cha lugs can/ /thod sbrul dar gyi rgyan cha can/ /phrin las rdzogs la phyag 'tshal bstod/ /sgeg mo phreng ba gar dang dbyangs/ /mdzes pa'i me long phreng bas brgyan/ /snyan pa'i pi wang gang sgyur zhing/ /gsang ba'i lha mo bzhi la phyag 'tshal bstod/ /bdug pa me tog mar me dri/ /rin chen mdzes pa'i gzhong pa bsnams/ /shangs spyan thugs 'od mchod pa dbul/ /mchod pa'i lha mo bzhi la phyag 'tshal bstod/ /bkra shis lha mo las kyi sku/ / btso ma gser mdog rgyas pa'i sku/ /phyag na bkra shis rdzas brgyad rnams/ /re bskong rnams la phyag 'tshal bstod/ /lcags kyu zhags pa lcags sgog dril/ /dgug gzhug dgyes pa'i las mdzad ma/ /sgo ba rnams la phyag 'tshal bstod/ /
- 373a
tshangs pa brgya byin me yi lha/ /gshin rje srin po chu yi lha/ /rlung lha gnod sbyin bgegs kyi rgyal/ /sa bdag la sogs phyogs skyong bcu/ /lha klu gnod sbyin dri za dang/ /mkha' lding 'dab bzangs lus srul po/ mi 'am ci dang lto 'phye che/ /sde brgyad tshogs la phyag 'tshal bstod/ /sa chu me rlung nam mkha' las/ /gnas pa'i bgegs rigs stong phrag tshogs/ /so so rang gis 'khor 'dul zhing/ /sa gnas rnams la phyag 'tshal bstod/ /de nas bsgom zhing bzlas pas bsgrub pa bya ste/ lha rnams rang gi snying gar zla ba'i dkyil 'khor bsams/ /rdo rje'i lte ba'i hUM la rang rang gi sngags kyis bskor ba la/ bzlas pa byas pas/ sngags kyi lha mo mchod pa dang/ sgrib pa sbyang ba dang/ bgegs thon pa dang/ dngos grub bsdu ba'i las bzhi'i 'phro 'du bya'o/ /de nas thun mtshams su sder bzangs kyi mchod pa dbul te/ tshe 'dzin zas kyi steng du ni/ /sbrang gi seng ge skyong bzhi gzhag/ mar gyi tha ma zangs kyi bcud/ /bu ram dpag bsam rdzing gi shing/ /lan tshwa spos mchog gangs ri spungs/ /oM A(rgyud 'grel): hUM/ bcom ldan rdo rje rnam 'joms la/ /snying po lnga yi mchod pa dbul/ /tshogs bsags byang chub lam sbyangs phyir/ /thugs rjes dgongs nas bzhes su gsol/ /oM A(rgyud 'grel): hUM pa na pe na ku rak+Sha khA hi/ zhes lan gsum bar du btab par bya'o/ /bcom ldan 'das rdo rje gtum po la/ snying po lnga'o/ /tshogs bsags thugs rjes/ oM A(rgyud 'grel): hUM pa na peM pa na ku ru/ /rak+Sha khA hi/ rdo rje phur bu/ be con thob rnams 'dre'o/ /oM A(rgyud 'grel): hUM/ dkyil 'khor gong ras 'khor lo'i mtshams/ /gsang ba'i lha mo bzhi po la/ /snying po 'dre /rgyas pa'i gru chad ser po la/ /las mdzad mchod pa'i lha mo bzhi/ /snying po lnga'i
- 373b
mchod pa man tshad mthun/ /oM A(rgyud 'grel): hUM/ 'bar ba'i bar khyams phyogs mtshams brgyad/ /yid 'ong bkra shis lha mo brgyad/ /snying po/ oM A(rgyud 'grel): hUM/ ye shes las kyis sgo bzhi nas/ /sgom dgu gzhug las mdzad cing/ /snying po lnga/ oM A(rgyud 'grel): hUM/ rdo rje pad+ma me 'od las/ phyogs skyong sde bzhi 'byung pa'i tshogs/ /snying po lnga yi mchod pa dbul/ /tshogs bsag byang chub lam sbyang phyir/ /thugs rjes dgongs nas bzhes su gsol/ /oM gyis nyes pa'i skyon rnams dag/ A(rgyud 'grel): yis bdud rtsi chen por 'gyur/ /hUM gis spros te mchod pa 'bul/ /pa na pe na pe na ku rA k+Sha khA hi/ phung tsho bcu'i mchod pa 'bul lo/ /de nas nad du 'jig rten las 'das pa rnams la/ zhi ba'i sbyin sreg gis mchod/ /de nas sgo'i phyir rol 'od kor la/ /'jig rten pa rnams gtor ma cha gsum gyis mchod/ dkyil 'khor bris pa'i rjes la/ /dkyil 'khor bslang zhing ye shes phab la/ bum pa rnams dgram ste/ rigs kyi bum pa lnga phyogs bzhi dbus dang ldar dgod/ bdud rtsi 'khyil pa'i bum pa 'jug pa sgo'i g.yon logs su dgeng/ de rnams lhar bskyed la mchod pa rnam pa lngas mchod/ bsgom zhing bzlas ba'i skabs su/ /bum pa re la snying po brgya rtsa brgyad sngags kyis bskyal lo/ /dang po dkyil 'khor brlang zhing ye shes dbab pa'i bsgrub pa byas la/ bum pa dgram pa sngon du 'gro ba mchod pa rnam pa lngas mchod/ dkyil 'khor de byin dang ldan par bya ba'i phyir/ /rdo rje gzungs kyi sgrub pa byas la/ lhag chad kyi nyes pa bskang ba rdo rje shugs kyi sgrub pa bya/ sku gsung thugs tha mi dad pa'i sgrub pa bya/ /dkyil 'khor gyi lha ye shes kyi lha'i bdag nyid du bsgrubs la/ phyag rgya bzhis rgyas btab ste/ mchod pa rgyas pas mchod/ /rtsa ba'i lha bsgom zhing sgrub pa phyas te/ sder bzangs tshogs kyi mchod pa 'bul/ nang du 'jig rten las 'das pa
- 374a
la sbyin sreg gis mchod/ phyi rol du 'jig rten pa la gtor ma cha gsum gyis mchod la de ltar mchod cing bsgrub pa'i chos bcu gcig la gnas nas/ dbang bskur bar bya ste/ de yang dang po la slong ma lhag gnas dus kyi/ dbang bskur ba smin pa'i chos bcu po bya/ slob ma dang po lus khrus byas la slob dpon la gsol ba gdab/ de nas slob dpon gyis spro ba bskyed/ slob mas rang gis sdig pa bshags sdig pa bshags nas sems bskyed/ sems bskyed kyi 'bras bu lhar bskyed/ lha'i gnas bzhi byin gyis brlab/ slob ma'i lus lha'i dkyil 'khor du byin gyis brlabs la/ /slob dpon gyis de la mchod pa 'bul/ lha gang la dbang thob pa'i dkyil 'khor du spyan bkang la sa shing bsgyur? / dbang la bar chad bskyab phyir srung skur gang gso/ /hUM srung skur sngags kyi byin brlabs kyis/ /lha yi mgul du dbang bskur bas/ /cis kyang mi tshugs mi shigs pa'i/ /rdo rje'i dbang mchog thob par shog /oM badzra rak+Sha rak+Sha bsrung du gsol lo/ /bar chad cis kyang mi tshugs pa'i rdo rje'i go cha gyon par bsam mo/ /de nas slob ma dkyil 'khor du bcug la dbang bskur bar bya'o/ /dang po bum pa thogs te 'di skad do/ /bum pa dag byed chos nyid spros bral ste/ /kun gzhi nyon mongs gnas 'gyur lus ngag ste/ /me long lta bu'i ye shes mthar rtogs nas/ /rdo rje rnam 'joms sku ru sangs rgyas shog /na ma(rgyud 'grel): tsaN+Da badzra a b+hi Shiny+tsa hUM/ oM hUM traM h+rI(rgyud 'grel): a(rgyud 'grel): lan lnga brjod pa gong mas 'gre/ /bum pa hUM yi dbang bskur bas/ /lus kyi sgrib pa dag pa ste/ me long lta bu'i don mchog ni/ /snang la rang bzhin med pa'i don rtogs par gyur cig /de nas dbu rgyan thogs la 'di skad do/ /dbu rgyan rigs lnga ye shes lnga yi sku/ /nyon mongs lnga yi gnas
- 374b
ni dag 'gyur te/ /lus kyi sgrib pa dag ste mnyam nyid rtogs/ /rin chen 'byung ldan sku ru sangs rgyas shog /rdo rje dbyings kyi dbang mo'i phyag rgya bcas te/ oM badzra d+hA twi shwa ri ni hUM/ badzra Ni a b+hi Shiny+tsa maM/ badzra badzri Ni hUM/ ratna badzra Ni traM/ d+ha rmA badzri NaM hUM/ oM karmA badzri Ni hUM a b+hi Shiny+tsa mAM/ rigs kyi bu khyod la dbu rgyan gyis dbang bskur bas/ nyon mongs pa can gyi yid gnas gyur pas mnyam pa nyid kyi ye shes rtogs to/ rin chen 'byung ldan skur sangs rgyas par gyur cig /de nas rdo rje thogs la 'di skad do/ /de nas hUM sangs rgyas rnams kyi rdo rje'i dbang/ di ring khyod la bskur bar bya/ /sangs rgyas kun tu rab 'grub phyir/ /rdo rje 'di ni khyod kyis long/ /oM badzra a d+hi pa ti a b+hi Shiny+tsa badzra sa ma ya stwaM/ rigs kyi bu la rdo rje'i dbang bskur bas/ /yid kyi rnams par shes pa gnas gyur te/ so sor rtogs pa'i ye shes thob par gyur cig /de nas ming gi dbang bskur te/ /kye rdo rje kun tu bzang po zhes ming btags pas/ rnam rtog sgo lnga'i dri ma gnas gyur pas// bya ba grub ba'i ye shes der rtogs nas/ /ye shes rang gnas kyi dbang thob par gyur cig /oM badzra satwa stwaM a b+hi Shiny+tsa badzra nA ma a b+hi She ka ta/ rdo rje ming gi dbang thob pa kho nar gyur cig /de nas rdo rje dril bu gnyis ka thogs la/ /rdo rje brtul zhugs kyi dbang bskur ba/ /'di ni sangs rgyas thams cad kyi/ /phyag na rdo rje'i lag na 'dug /khyod kyis kyang ni rtag tu bcang/ /phyag na rdo rje brtul zhugs brtan/ /oM sarba tA thA ga ta sid d+hi badzra sa ma yastwaM e Sha stwaM d+ha ra ya me badzra satwa hi hi hUM/ rigs kyi bu khyod la rdo rje brtul zhugs kyi dbang bskur bas/ /khyad par byang chub sems dang ldan te/ gti mug gnas gyur te/ chos kyi dbyings kyi ye shes rtogs pa kho nar gyur cig /de nas zhal zas la slob ma la bkra shis
- 375a
gsol lo/ /dkyil 'khor zhal gsum/ skar ma rab rib mar me dang/ /sgyu ma zil pa chu bur dang/ /rmi lam glog dang sprin lta bu/ /'dus byas chos kyang de dang 'dra/ /man+d+ra mu dra/ sa ma ya traT zhes dbus nas nub tu kha bltas te zhal gsum mo/ /rim par brtsams pas bdag nyid dga' / /shes par byas pas mun la sgron/ /dga' sgron dkyil 'khor cho ga 'di/ /bdag gis brtsams par mi rigs kyang/ /bdag pas dman la phan phyir brtsams/ /'di yis bsod nams gang thob pa/ /rnam 'joms sku yi zhal mthong shog /dkyil 'khor gyi cho ga dga' ba'i sgron ma zhes bya ba/ rgya gar gyi slob dpon rdo rje go chas mdzad pa rdzogs so// //bod kyi lo tsa ba spu rangs bsod nams blo gros kyis bsgyur cing zhus te gtan la phab pa'o// // !/ (/rdo rje rnam par 'joms pa'i khrus chog gi 'grel pa rdo rje chogs mdzad pa'o/) /rgya gar skad du/ badzra bi dA ra Na nA ma bi d+hi prit+ti/ bod skad du/ rdo rje rnam par 'joms pa zhes bya ba'i khrus kyi cho ga'i 'grel pa/ dpal rdo rje 'dzin pa la phyag 'tshal lo/ /rgyal po rgyal rigs spyi bo nas dbang bskur ba dag dang rgyal po'i blon po dang/ rje rigs dag dang dmar rigs dag dang/ dge sbyong dang bram ze gang dag srid pa'i rgya mtsho las ma brgal ba dag la/ nad dang gnod pa dang/ byad la sogs pa gzhan gyis gnod pas sdug bsngal bar gyur pa de dag la/ dpal rdo rje rnam par 'joms pa'i khrus kyi cho gas grol bar 'gyur te/ de'i phyir de dag rnam par dbye ba'i rim pa brtsam par bya'o/ /mdo sde 'di'i don gyi mtshan rdo rje rnam par 'joms pa zhes bya ba'i ming gi sgo nas nges par bstan te/ ji lta zhe na/ rdo rje zhes pa ni 'phags pa rnams kyi yang
- 375b
dag pa'i ye shes kyi tshig bla dags te/ ye shes de ni bsod nams dang ye shes tshad med pa rnams kyi tshogs can/ rang dang gzhan gyi don phun sum tshogs pa'i yon tan dang ldan pas/ de'i phyir lag na rdo rje lus thams cad rdo rjer byin gyis brlabs nas zhes bya bas/ 'byung ba chen po bzhi las grub pa lta bu ni ma yin gyi ye shes kyi lus can du bstan pa'o/ /de'i phyir rdo rje'i ting nge 'dzin la snyoms par zhugs pa zhes pa yang ye shes des chos kyi de kho na nyid shin tu rtogs pa'i ngo bo rdo rje ltar thogs pa med pas rtse gcig tu mnyam par gzhag pa'i gnas skabs la bya bar mngon no/ /ci'i phyir ye shes 'di la rdo rje zhes bya zhe na/ phyi rol gyi rdo rje rin po che dang chos mthun pa rnam pa bdun yod pa'i phyir dpe'i sgo nas nye bar mtshon pa yin te/ de dag kyang 'di lta ste/ mi chod pa/ mi shigs pa/ bden pa/ sra ba/ brtan pa/ thams cad du thogs pa med pa/ thams cad du ma pham pa zhes bya ba rnams te/ de ni ye shes de nyid kyis rang gi yon tan phun sum tshogs pa yang bstan to/ /de gzhan gyi don bstan pa ni/ thabs la mkhas pa'i byang chub sems dpa' i sgo sna tshogs nas sems can gyi don mdzad pa ste/ khams gsum pa 'jig tshogs la lta ba/ phyin ci log gi lta ba can/ phyi dang nang nas bgegs dang long 'dren rnams ldang ba'i rgyud/ /las kyi bag la nyal ba dang/ kun nas ldang ba dang bcas pa de dag 'dul bar bya ba'i phyir sems can thams cad skrag par byed pa/ sems can thams cad 'jil bar byed pa zhes bya ba nas/ sems can thams cad bsrung ba zhes bya ba dang/ sems can thams cad rengs par byed pa/ rmugs par byed pa zhes bya ba'i bar du cho ga'i don rnams pa bco lngas bstan te/ de dag rnam pa bzhi'i sgo nas gzhan gyi don mdzad pa bstan te/ zhi dang rgyas dang drag spyod dang/
- 376a
dbang sogs las rnams bzhi po dag /thabs kyis 'dul ba'i don mdzad pa/ /ci rigs par ni sbyang bar bya'o/ /de ltar de dag gi ye shes kyi rdo rje des 'dul bar mdzad/ sel bar mdzad 'joms par mdzad pa'i phyir/ /rdo rje rnam par 'joms pa zhes bya'o/ /de nas gsang sngags kyi gang dag gsung pa de dag ye shes kyi rgyu las byung ba'i phyir/ thogs pa med pa'i rdo rje'i tshig tu rig par bya'o/ /de nas de dag gi cho ga bshad par bya ste/ cho gar bya ba thams cad la/ gtsod slob dpon la brten par bya ba yin pas de'i phyir slob dpon slob ma gnyis sta gon la gnas pa'i cho ga bshad cing bstan par bya ba ni/ des ni rab khrus gtsang ma yin/ /mdo sde dam pa mnyan par bya/ /gang dag yid dge sems dang zhing/ /gtsang ma'i gos kyi ra ba brgyan te/ /zab mo sangs rgyas spyod yul ba zhes bya ba la/ shin tu khrus bya ba dang/ gos gtsang ma bgo ba ni phyi'i gtsang sbra'o/ /sgo gsum nas sdig pa mi byed pa ni yid dge ba'o/ /byang chub tu smon pa ni sems dang ba ste/ de dag ni phyi nang gi gtsang sbra'o/ /mdo sde dam pa mnyan par bya zhes pa'i don no/ /rig sngags de rnams ye shes las byung bar rig par bya'o/ /zab mo sangs rgyas spyod yul ba zhes pa yang ye shes kyi rang bzhin du rtogs pa nyid do/ /de nas slob dpon gyi cho gar bya ba ni mdo sde 'di nyid las dbang bskur ba'i yan lag bstan pa tsam du zad de/ dkyil 'khor la sogs pa'i cho ga gsungs pa de nyid gsungs pa las mi mngon par 'gyur ba 'am yang na spyi rgyud dag las gsal ba'i phyir ro/ /de dag du ma bstan pa de gnyis ka ltar na yang de dag dang sbyar de las ni/ phyugs lhas shing gcig lha yi khang pa dang/ /lam gyi bzhi mdo khang stong nags tshal du/ /dkyil 'khor
- 376b
gru bzhi lham pa khru bzhi'i tshang/ /tshon rtsi rnam pa sna tshogs rnams kyis bri/ /phyogs kyi lha rnams kyis yongs su bsrung/ /sgo bzhi ru ku sha'i rtswa rnams dgram zhes gsungs pa la rig par bya ste/ de ltar dkyil 'khor bya ba yang slob dpon gyis dang po brtag pa dang sbyang ba la sogs pa'i cho ga tshul bzhin du bya ste/ 'thas par bcag ste ba'i rnam pa lnga dang spos chu gtsang mas byugs te steng yang bla re bre zhing/ dar gyi lda ldi dang/ me tog gi phreng ba dang/ me long dag gis kyang brgyan par bya'o/ /gzhan yang dbang bskur ba'i cho ga la bkra shis kyi bum pa tshul dang mthun par yon tan 'grub pa'i phyir 'di nyid las de'i rgyu bstan pa ni/ gser ram yang na ni/ dngul gyi bum pa dag kyang rung zhes bya bas bston to/ /de'i nang du dgang ba ni chu yis zhes pa smos te/ tsan dan dang gur kum la sogs pa'i spos chus bkang ste/ de'i lhan cig ldan pa'i rin po che ni shel dang rdo rje zhes pa ni dngos su zad nor bu zhes pa spyi'i tshig tu smos te/ rnam par ma phye ba'i pad+ma rA ga dang/ in+d+ra nI la la sogs pa ni rin po che'i rigs su gtogs pa dang mu tig dang sa le sbram la sogs pa ste/ de dag gas chag med pa rgyan gyi bya ba byed nus pa ste rin chen rma med ces bya'o/ /gzhan yang de'i zla la yungs kar dang/ rtswa dUrba dang/ me tog rnams gzhug par bya'o tshul de bzhin spyi rgyud las kyang/ bum pa pad+ma dmar po'i mdog 'dra zhing/ nag po ra ri med cing rin chen bcas/ /sman dang 'bru dang spos chus bkang ba dag /kha brgyan ras kyis mgul pa dkri bar bya zhes bstan to/ /de dag gi lto bar chu bre gang shong ba la sogs bstan to/ /mtshan nyid gzhan rgyud dag las rig par bya'o/ /yang gong ma'i 'bru dang sman zhes bya ba la/ bya kri seng kri la sogs pa'i sman rnam pa lnga dang/ til
- 377a
dang sran ma la sogs pa'i rgyun las grags pa bzhin no/ /mgul chings gtsang ma'i gos zhes bya ba ma spyad pa ma nyams pa'i ros dkar po kha tshar dang bcas pa'o/ /dkri zhing dgar ba ni gong du bstan pa rnams kyi mdor bsdus te bstan pa'o/ /bum pa de ltar byas pa yang rtog pa gzhan cho ga las 'byung ba ji bzhin du grangs bzhi 'am lnga gu gul gyi dud pa la sogs pas gdugs la dbus dang grwa bzhir gzhag pa'o/ /de nas slob dpon bdag nyid las kyi khro bor bsgyur nas/ lag pas rdo rje dang yungs kar blangs te/ bskrad cing bsrung ba dang/ mtshams bcad pa dag byas na/ thig skud lag tu blangs te/ phyogs ma 'khrul bar sa bcad de/ rim pa gsum par thig gdab par bya'o/ /de nas ri mo bri ste/ dkyil 'khor gyi gtso bo'i phyag rgya rdo rje rgya gram las phyogs gcig med pa pad+ma 'am khri'i steng du gzhag go /de'i gru bzhir 'khor rnams kyi phyag mtshan byang shar nas brtsams te/ khro bo rdo rje gdengs pa dang/ rdo rje gcig pa dang/ be con rdo rje mtshan pa dang/ rdo rje tho ba rnams bri'o/ /de nas rim pa gnyis par dbang ldan la sogs pa phyogs skyong bcu dang/ de'i bkra shis kyi lha mo brgyad kyi phyag mtshan bri'o/ /rim pa gsum par rin po che chun 'phyang dang mu tig gi phreng bdag dgod cing phyogs bzhir sgo khyud dang rta babs kyis mdzes bar bya'o/ /de'i phyi rol stegs bu'i mdza' bskor du rtswa ku shas bskor cing/ me tog gi sil ma dag kyang dgram mo/ /de nas phyi rol du byung ste/ 'byung po thams cad la snying brtse ba'i phyir/ bza' ba sha chang la phug la sogs bcas/ 'bras chan 'bras bu mang po'i gtor ma sbyin zhes bya ba dag khyer nas/ lha dang lha min gnod sbyin ste
- 377b
'phye grul zhes pa la sogs pa'i bstod pa dang bcas pa'o/ /bden pa bdar ba byas nas lag pa gnyis kyis thal mo khong stang du sbyar ba las kha phye ste/ bskan nas bstan pa'i tshul du bya ba ni gtor ma sbyin pa'i phyag rgya ste/ 'byung po de dag la so so'i rig sngags brjod cing nam mkha' mdzod kyi rig bas byin gyis brlabs te bsngo ba'o/ /de nas slar log ste lha'i gnas su sod la tshon gyi dkyil 'khor de dag mdun gyi bar snang la gyen du dpag cing rin po che'i gzhal yas khang gdan seng ge dang pad+mar bcas pa'i gdan khri bsams nas der rig sngags kyi lha 'khor dang bcas pa spyan drang ba ni pho brang lcang lo can gyi dpal phyag na rdo rje ye shes kyi snang ba'i khyad par las byung ba'i/ /dpal rdo rje rnam par 'joms pa zhes bya ba mdog ljang sngon zhal gyi smin ma khro gnyer can phyag g.yas prdo rje rtse lnga pa thugs kar 'dzin pa/ phyag g.yon pa dkur brten cing 'gying bag can/ stod g.yogs dang smad g.yogs dar ljang gu'i tshig gu gsol ba/ rgyan thams cad kyis brgyan pa 'khor rig sngags kyi lha dang/ khro bo phyag rgya grangs med pa'i phyag brnyan can bdag nyid kyis phyag rgyas spyan drang ste/ lag pa gnyis thal mo khong stong du sbyar la srin lag gnyis nang du bcug la phan tshun bsnol ba'i rtse mo mdzub mo'i drung du cung zad bkug pa byas la/ gung mo gnyis gzhibs pa'i phyi rol nas mdzub mo gnyis bkug la/ bar nas gang tsam gyis ma reg par byas na mthe bong gnyis mthe chung gnyis gzhibs la de'i sngags ni/ oM badzra dza la na ya swAhA zhes bya'o/ /yang na rdo rje lcags kyu ma'i sngags dang phyag rgyas spyan drang ngo/ /de nas mthog mar dam tshig gi phyag rgya bstan par bya ste/ lag pa g.yas pa'i mthe chung gis sen mos mthe bo mnan la/ lhag ma
- 378a
rnams rdo rje rtse gsum pa'i tshul du byas te/ de'i sngags ni oM shar mahA swa ma ye swAhA/ zhes brjod do/ /de nas yang dkyil 'khor nang gi grwa bzhir khro bo bzhi gzhag ste byang shar mtshams nas gzung ste khro bo'i rgyal po rdo rje gtum po zhes bya ba sku mdog smug nag /bzhin khro gnyer can phyag g.yas na rdo rje rtse lnga gdengs par byas te thogs par bsams te/ de'i phyag rgya ni lag pa g.yon pa'i mdzub mo snying ga'i phyogs su gzhag /g.yas pa'i sor mo gsum rdo rje ltar bya ste/ de nyid kyi sngags kyang 'di nyid las/ /ts+tshinda ts+tshinda mahA ki la ki lA ya swAhA/ zhes sbyar bar bya'o/ /de nas shar lho mtshams su rdo rje kyi lA ya zhes bya ba/ mdog ljang nag dpral ba khro gnyer can phyag g.yas pa rdo rje rtse gcig pa ka na ya'i dbyibs 'dra ba thogs par bsam ste/ de'i phyag rgya ni lag pa gnyis khu tshur nang du bcangs te/ cung zad bsnol ba'i tshul du bcug ste mthe bong gnyis gyen du gzhibs la bsgreng la/ de'i sngags ni band+ha band+ha kro d+ha kro d+ha kI li kI lA ya swAhA/ zhes bya bar sbyar ro/ /de nas yang lho nub mtshams su rdo rje be con zhes bya ba sku mdog mthing nag smar ser po gyen du 'khyil ba/ g.yas na be con gyi rtse mo rdo rjes mtshan pa bsams te/ de'i phyag rgya ni phyag 'tshal ba'i thal mo sbyar ba las mthe bong gnyis bsgreng ste/ tshigs bkug nas srin lag gi drung du gzugs par bya'o/ /de'i sngags ni/ tsu ru tsu ru tsaN+Da kI li kI lA ya swAhA zhes bya bar sbyar ro/ /de nas nub byang gi mtshams su rdo rje khro bo zhes bya ba mdog nag po shin tu khros pas mche ba gtsigs pa bsams te/ de'i phyag rgya ni lag pa gnyis khu tshur bcings te mthe bong gnyis nang du gzhug ste/ de'i sngags ni/ trA sa ya trA sa ya badzra ki li
- 378b
ki lA ya swAhA zhes bya bar sbyar bar bya'o/ /de nas de'i phyi rol gyi dkyil 'khor rim pa gsum par dbang ldan la sogs pa 'jig rten skyong ba bcu dang/ rnam rgyal la sogs pa bkra shis kyi lha brgyad kyi phyag mtshan rnams dgod par bya ba'i phyir/ de dag so so'i sngags dang phyag rgya bcings la spyan drangs shing rang rang gnas su bkod nas gtso bo 'khor dang bcas pa rnams la gus pa khyad par can byas te/ mchod yon dang me tog dang bdug spos la sogs pa dang zhal zas mar me'i mchog rnams rim bzhin dbul lo/ /de nas phyogs bcu dag na ji ltar srid pa'i lha rdzas dang/ kun tu bzang po'i mchod pa dag gis mchod la/ nam mkha' mdzod kyi rig pas kyang byin gyis brlab ste/ 'di ltar na ma(rgyud 'grel): sarbba ta thA ga te b+hyo/ bi shwa mu khe b+hya:/ oM sarbba tar khaM ud ga te/ spha ra Na ti maM ga ga na khaM swAhA/ de nas bstod ba gang yang rung bas bstod/ de nas rig sngags gdon pa ni/ /lan grangs nyi shu rtsa gcig gam/ /yang na lan grangs brgya rtsa brgyad ces bya bas grangs nges par gsungs pa la/ rtsa ba'i rig sngags dang mjug nas yang snying gi sngags rnams? dang gnyis bskul ba dang bcas bar zlo na ni lan grangs nyi shu rtsa gcig zlos bar 'gyur ro/ /yang na de rnams gnyis ka zlos par mi nus na mjug nas na ma(rgyud 'grel): tsaN+Da badzra zhes pa nas/ sa mri te hUM phaT ces ba'i bar ni rig sngags 'di'i yang snying ste bskul tshig dang bcas pa lan grangs brgya rtsa brgyad bzlas par bya'o/ /de ltar bzlas brjod zin nas yon bdag dang slob ma gnyis ka yang dkon mchog la skyabs su 'gro bar bya'o/ /dkyil 'khor dbus su khri lta bu bzhag pa'i sar yang na ri mo yid kyis gdeg pa dang/ yang na phyag rgya nyi tshe bya'o/ /de nas der bum pa rnams kyi chus blugs shing dbang bskur te/ shu ti dang nyi shing la
- 379a
sogs pas kyang bkru/ /rol mo dang bkra shis la sogs pa yang gdon no/ /khrus zin nas sgor 'byung ba'i dus su zho mar sman dang 'bras bu la sogs bkra shis kyi rdzas rnams la sogs pa bkag pa med do/ /de nas rig sngags kyi rgyal po 'di'i cho ga'i phan yon 'byung ba mdor bsdus na gnyis su 'dus te/ sdug bsngal sel bar byed pa dang bde ba bskyed par byed pa'o/ /de la sdug bsngal sel bar byed pa ni/ sems can dbang po nyams dang/ tshe zad pa dang tshe nyams dang zhes bya ba nas/ de dag thams cad zhi ba lta zhes bya ba dang/ sdig pa thams cad byang byas nas/ sdug bsngal thams cad med par byed ces bya ba la sogs pa tshigs su bcad pa bzhis bstan to/ bde ba bskyed par byed ba ni/ /rgyud do cog gis rtsa ba ste/ /dpal kun gyis ni legs par brgyan zhes bya ba nas/ tshe dang bsod nams 'phel bar 'gyur/ /sdig pa kun las rnam par thar zhes bya ba rnams kyis bstan te/ de dag gi phan yon mdor bsdus pa tsam du zad kyi/ gzhan yang rgyal po'i chad bas 'jigs pa dang/ chom rkun dang/ me dang chu dang/ dug dang mtshon la sogs pas 'jigs pa thams cad las sgrol bar rig par bya'o/ /rdo rje rnam par 'joms pa'i khrus kyi cho ga'i 'grel pa slob dpon rdo rje go chas mdzad pa rdzogs so// //dpal rdo rje rnam par 'joms pa la phyag 'tshal lo/ /las kyi mdza' bco brgyad pa'i sgrub thabs sil mar bshad pa la spyi don bzhir shes bar bya ste/ sngon du bsnyen pa'i cho ga dang/ lhag par gnas pa sta gon gyi cho ga dang/ las su bya ba dkyil 'khor gyi cho ga dang/ mjug bsdu ba'i cho ga'o/ /bsnyen pa'i cho ga spyir mthun no/ /lhag par gnas ba sta gon gyi cho ga
- 379b
la lnga ste/ so so'i ling kha bca' ba dang/ bdug pa'i rdzas gdab pa'i rdzas/ /brab pa'i rdzas byug pa'i rdzas so/ /las kyi mdza' bco brgyad kyang las bzhir bsdu na/ zhi ba la lce dpog dkar po/ rgyas pa la gla rtsi dang ga bur/ /dbang la tsandan gur kum/ brag po la gu gul nag po'o/ /zhi ba la 'o ma can gyi shing/ rgyas ba la gser can gyi shing/ dbang la khrag can gyi shing/ drag po la dug can gyi shing ngo/ /sor bzhi dang/ sor drug dang/ sor brgyad dang/ sor bcu gnyis pa bya zhing/ rtse mtshan zlum po dang gru bzhi/ zla kham/ zur gsum mo/ /de dag lte ba dang/ dpung ba dang/ gsang ba dang/ snying gar so sor gdab po/ /gzhan yang yungs kar kun gtsor byas te/ til dang ske tshe shar tshe dang/ yungs kar brab pa'i las dang ? las su bya ba dkyil 'khor chen po dang mthun pa las/ gro ga 'am ras sam shing shun las gang 'dod pa'i gzugs dang ming bris te/ dkyil 'khor chen po'i dbus su gang yang rung ba'i phur bus gzir te gzhag /bzlas pa la ? dang/ traT nas sa ga'i bar du yang snying rtsa sngags so sor sbyar ro/ /gtor ma'i cho ga yan chad rdzogs nas mjug bsdu ba'i cho ga shes bar bya ste/ sems can gang zhig bskrag par bya ba'i cho ga ni/ tra Ta dang sbyar te ri mo bdun du blangs? te/ rdo rje khro bo'i sngags bzlas shing lan brgya rtsa brgyad du gu gul nag po'i dud bas bdug cing phur ba snying gar btab ste/ brabs nas yul wa ra NA se'i sas byugs nas/ ri mo rlung chen po la phyar na gdab? bya ba de kho na skrag par 'gyur ro/ /dmag gi dbung bzhil ba ni tro Ta dang sbyar te/ sbyar ba thams cad gong dang 'thun pa las mjug bsdu ba'i cho ga'i dus su ri mo bdun du blangs te lce dpog dkar pos bdug /phur pas btab ste brabs nas mi rus kyi phya mar ?
- 380a
nas 'bi 'bi'i nang du bcag la mchod rten byas te mchod nas sgra mtshams su spyi tshugs su sbas na/ dgra bgegs kyi dpung nye bar zhi bar 'gyur ro/ /rig sngags thams cad gcod pa sphu Ta dang sbyar te/ ri mo la bdug pa brab pa'i las byas nas thal chen gyis byugs la/ mtshon rnon pos gtubs la dug gi shing gi me la/ /byad kyi rdzas gnyis dang mar nag tu byas pas sbyin sreg tu byas te/ thal ba chu chen por gtor na nges bar gzhan gyi smod pa zhi ba'o/ /rig sngags thams cad gnon pa ni/ spho Ta dang sbyar te/ thal chen gyis byugs pa yan chad 'thun pa las rdzas dang bcas te mchod rten chen po'i 'og tu spas na/ gzhan gyi rig sngags thams cad kyi mgo gnon par 'gyur ro/ /las thams cad 'joms pa ni g+hur+N+Na dang sbyar te/ de ni lho phyogs kyi rgyal po stobs ldan gyi rnam smin mi bzad pa ste/ bram ze'i phru gu rig pa 'dzin pa dang/ mdo sde dang gzungs sngags ltar bzlas pa'i rjes la/ rgyal po'i nad mi bzad ba de thams cad/ sarbba bidya g+hur+N+Na g+hur+N+Na mA ra ya ku ru ya swAhA/ bram ze/ chen pos bzlas pa'i yon tan de tsam na bsgrubs pa'i yon tan bsams las 'das rig sngags rgyal po dge par gsungs zhes pa dang/ /sgrub pa'i dus su dkyil 'khor chen po'i cho ga gzhung ltar byas la bzlas pa'i dus su yang snying dang rtsa sngags la sarbba bidyA dang g+hur+N+Na sbyar ro/ /'jug pa dang dbang bskur ba dang/ mjug gi don bya ba dang/ khyab pa dang bsrung ba bya ba ni gtil nag po la sdig pa byas te/ mtshon rnon pos gtubs te/ shing sar pa la sbyin sreg byas pas nges pa kho nar sngon gyi las bcom mo/ /gzhan gyi las thams cad 'jig par byed pa ni/ g+hur+N+Na pA ya da sbyar te/ gzhan dag las
- 380b
'gran sems can gyi ming gang yin pa'i ri mo bris la/ dkyil khor chen po'i dbus su gzhag ste/ cho ga yongs su rdzogs par byas te/ ri mo mdun du blangs te bdug pa dang brab pa byas te/ ro'i sol bas byugs nas tsher ma can gyi me blangs te sbyin sreg bya ste/ thal ba rlung chen po la phyar na'o/ /dgra bgegs brlag par byed na ni/ sarbba satwa ni la sogs pa ni gsang ba thun mong ma yin pa'o/ /gdon thams cad las thar bar byed pa ni bo d+ha dang sbyar te/ 'di ni thar bar byed pa yin gyi rlag par mi byed de btson ra nas thar ba dang 'dra zhes pa'i tha tshig go /thar bar 'dod pa'i ri mo dkyil 'khor chen po'i dbus su gzhag ste/ las thams cad gong ma dang 'dra ba las phur pa dang bcas pa la chas dril ba la/ gser dang g.yu rgod dang/ ngo? rgod che ba g.yas rdo rje dang bcas pa lus sam mgul du btags na/ gdon la sogs pa las thar bar 'gyur ro/ /'byung po thams cad 'gugs pa ni bshaM dbang du bya ba dngos so/ /rig sngags kyi las thams cad byed du 'jug pa ni sam b+ho dang sbyar te/ gro ga 'am ras sam shog bu la gang 'dod kyi ming byang bris te/ dkyil 'khor chen po'i dbus su gzhag ste/ cho ga rnams yongs su rdzogs pa dang/ bdug pa dang/ gdab pa dang/ brab pa'i sbyor ba byas te sbyar spros dang dri sna tshogs ba byugs te/ tsandan? la sogs shing bsung can gyi me lha sbyin sreg byas nas sol ba dang de nyid mar dkar dang bsres te/ bza' ba dang byug pa byas na nges par 'grub po ma grub pa grub par byed pa ni bra ma dang sbyar te/ gang grub par 'dod pa'i ri mo bris la/ cho ga gong ma nyid dang 'thun no/ /yang na ming mgul khug du gzhug go /grub pa chud ma za bar byed pa ni saM b+h+ra ma sbyar te/ gang sngon du gyur pa'i nor rdzas kyi ming bris te/ dkyil 'khor chen po'i dbus su gzhag la bdug pa dang gdab pa dang brab pa rdzogs pa dang a shwa ta yi khu bas byugs
- 381a
nas za ma tog tu bcug la ras gtsang ma dkris nas phur pa dang bcas te rgyas btab la /sku gzug sam mchod rten gyis mnan te/ shin tu dben pa'i sar gzhag na nges par chud mi za'o/ /'dod pa thams cad rab tu sbyin pa ni ku Ta dang sbyar te/ de la lnga ste/ gu sbyin pa dang nor sbyin pa dang/ 'bru sbyin pa dang/ rkang mgyogs sbyin pa dang/ tshe dang bsod nams sbyin pa'o/ /bu sbyin pa ni bu 'dod pa'i ming byang bdug gdab bral pa bya ste/ ga bur la sogs pa'i dris byugs te lung thab dang bo de tse dang glas dang bcas te/ ser po shing la me btang la sbyin sreg bya ste/ sol ba 'bru mar dang sbyar te byin na bu med pa bu yod par gyur te/ nor dang 'bru 'dod pa la nor dang 'bru'i ma bris la bdug gdab par bya ste/ phyug po'i bang mdzod dang/ rgyal po'i dkor mdzod cha gang gi nor sna tshogs pa tshogs na 'grub bo/ /dud 'gro'i ming bris te lcags la bzlas nas byin na 'grub bo/ /tshe dang bsod nams sbyin pa ni bkra shis kyi zhal zas la brten te /A yu bar ta ne puSh+Tir ku ru ye swAhA/ dang sbyar ro/ /de dag thams cad la 'jug cing dbang bskur ba la sogs ba ni dkyil 'khor chen po dang mthun no/ /sems can thams cad bsrung ba ni/ saM ku TTa ya dang sbyar te/ de la yang lnga ste/ rims bsrung ba dang/ gdon bsrung ba dang/ 'khor dang nor phyugs bsrung ba dang/ lo tog bsrung ba dang/ sri'u bsrung ba'o/ /de dag ni gdams ngag las shes par bya'o/ /ser ba bsrung ba la spyi'i 'khor lo lus la bcangs te/ so so'i 'khor lo'i thog tu gzugs pa dang/ yang snying rtsa sngags dril te gdong bzlog bya ba'o/ /rengs bar byed pa ni g+ha Ta dang sbyar te/ gang rengs par 'dod pa'i ming bris te/ bdug gdab brab pa yan chad so so'aM las kyi bye brag
- 381b
spyir 'thun pa las thal chen byugs te/ shing bsrang ba'i rna ma'i shing dag la me sbar te me tog ker btsugs dang/ rlung gi rta mo'i dang/ ril ma la sbyin sreg byas nas thal ba de byi ba'i rling bur blugs te yungs kar dang yungs nag du sbyar nas gar gtor ba de rings bar byed do/ /rmugs par byed pa ni saM g+ha Ta ya dang sbyar ta/ gang rmugs par 'dod pa'i ming byang gdug gdab pa brab pa byas nas la cas dril la/ rkang 'og dang lce 'og du bcug na nges pa kho nar rmugs par 'gyur ro/ /las kyi mdza' bco brgyad pa'i man ngag slob dpon rdo rje go chas mdzad pa rdzogs so// // ? (/rdo rje rnam par 'joms pa'i gzungs kyi cho ga bzhugs so/) / */ /rgya gar skad du/ badzra bi dA ra Na nA ma d+ha ra Ni bi d+hi/ bod skad du/ rdo rje rnam par 'joms pa zhes bya ba'i gzungs kyi cho ga /rdo rje rnam par 'joms pa la phyag 'tshal lo/ /zhi yang gdug 'dul khro mchog sku 'dud de yi cho ga bshad/ /rang skad cig gis lha'i nga rgyal dang ldan pa'i thugs kar zla ba'i dkyil 'khor gyi steng du gzungs kyi sngags bsams la de'i 'od kyis sangs rgyas dang byang chub sems dpa' dang/ bcom ldan 'das phyag na rdo rje dang bcas pa spyan drangs la/ mchod pa dang/ sdig pa bshags pa dang/ bsod nams la rjes su yi rang ba dang/ dkon mchog gsum la skyabs su gsol ba dang/ byang chub tu sems bskyed pa dang/ lam la gnas pa dang/ lus dbul ba dang/ dge ba'i rtsa ba bsngo ba byas la/ oM shU n+ya tA dz+nyA na badzra swa b+hA ba At+ma konya haM zhes bas chos thams cad stong pa nyid du lhag par mos par bya'o/ /de'i rjes la gzungs kyi yi ge sgra tsam la dmigs pa dang/ de yongs su gyur pa las/ gzungs kyi yig 'bru rnam par bsam pa dang/ de yongs su gyur pa las/ zla ba'i dkyil 'khor chen po gzungs kyi yi ge rnams/ gzungs
- 382a
kyi tshul du nang na gnas par bsams la/ de las phyag na rdo rje'i sku dpag tu med pa 'phros bas sems can thams cad kyi sdig ba sdug bsngal sbyangs te/ bla na med pa'i byang chub la bkod de/ slar 'dus nas zla ba la thim/ de yongs su gyur pa las/ bcom ldan 'das phyag na rdo rje'i thugs kyi sbrul ba rdo rje rnam par 'joms pa sku mdog ljang sngon phyag g.yas na sna tshogs rdo rje ngos gcig med pa bsnams pa g.yon pa dril bu dku ru bsten pa/ rgyan thams cad kyis brgyan ba/ sems dpa' i skyil mo krung du bzhugs pa/ de'i thugs ka'i zla ba'i dkyil 'khor gyi steng du gzungs kyi yi ge rnams bsam mo/ /de'i sngags kyi 'od kyis mdun du ye shes sems dpa' rang dang 'dra ba lcang lo can gyi pho brang nas spyan drangs nas/ me tog la sogs pas mchod nas bstod de/ de gnyis kyi zla ba'i dkyil 'khor gyi steng gi sngags kyi 'od 'phros pas yi ger ba 'od bskal ba'i mi 'dra ba bsam/ ye shes sems dpa' i sku dang de'i thugs ka'i zla ba dang/ de'i steng gi gzungs kyi yi ge la dmigs te gzungs gdon no/ /yang dam tshig sems dpa' i gsung la dmigs te gzungs gdon no/ /de bzhin du rim gyis thun bzhi ru gzungs 'bum bzlas pa ni sngon du bsnyen pa'o/ /de nas nad pa la sogs pa'i don du sa phyogs gtsang ma ru ba yi rnam pa lngas byugs te/ me tog gi sil ma dgram par bya'o/ /phyogs skyong bcu dang bcas pa'i dkyil 'khor bri ba 'am/ maN+Dal gang yang rung ba byas la/ rin po che 'am sa las byas pa'i bum pa rtsa ba mi gnag ba nag por ri med pa'i rin po che sna lnga dang/ 'bru lnga dang/ sman lnga dang/ snying bo lnga dang/ spos dri zhim blugs te/ ldam bus kha brgyan la mgrin pa ras kyis dkri'o/ /brum las rin po che'i bum par
- 382b
bskyed de baM las bdud rtsi'i rgya mtsho/ paM las pad+ma/ de'i steng du gong bzhin du bcom ldan 'das bskyed la/ ye shes sems dpa' spyan drangs te mchod bstod byas la gtor ma gtang ste/ gong bzhin bzlas ba bya'o/ /de nas nad ba sdom pa 'dzin du bcug la/ bum pa'i chus khrus byas na nad pa nad las thar bar 'gyur ro/ /rdo rje rnam par 'joms pa'i khrus kyi cho ga slob dpon byang chub snying pos mdzad ba rdzogs so// //rnam par 'joms pa ye shes sku/ /rab tu btud nas mdor bsdus bshad/ /dben gnas 'dus la maN+Dal bca' / /khrus byas gos bgos mchod ba bsham/ /spyan drangs la sogs sngon 'gro bas/ /tshad med bzhi bo bsgom par bya/ /de nas stong pa nyid bsgoms te/ /rang sems zla bar hUM bsams bya/ /hUM las 'od gzer 'phros ba yis/ /rdo rje ra ba dra ba dang/ /'gro ba'i don mdzad tshur 'dus te/ /hUM las rdo rje rtse lngar gyur/ /gnag cing 'bar ba'i me 'od bcas/ /de nas 'od gzer 'phros pa yis/ /sngar bzhin sems can don byas te/ /slar yang rdo rje nyid la 'dus/ /rdo rje yongs gyur sku ru gsal/ /sku mdog mthing nag spyan gsum pa/ /nyi ma'i dkyil 'khor rnam par gnon/ /phyag gnyis thabs dang shes rab brda/ /zhabs gnyis stag gi pags pa bsnams/ /klu lngas lus brgyan me dpung 'bar/ /de ltar rnam par bsgoms nas kyang/ /ye shes khro bo spyan drangs te/ /mchod nas rad la gzhug bar bya/ /nam mkhar sangs rgyas spyan drangs te/ /sbrul pa'i lha mos dbang bskur ro/ /spyi bor sna tshogs rdo rje bsam/ /spyan drangs lha rnams gshegs par gyur/ /de nas rnal 'byor bdag nyid kyis/ /spyi bo la sogs gnas gsum du/ /zla ba'i steng du yi ge gsum/ /yongs gyur mtshan mo gsum du gnas/ /de las bzlas ba
- 383a
bya ba ni/ /phyogs bcu'i sangs rgyas spyan drangs la/ /sngags dang 'od gzer bcas pa las/ /phyag na rdo rje sku ru gsal/ /thams cad 'dus pa'i dbus dag na/ /bdag nyid khro bo chen por gnas/ /kun gyi thugs kar nyi steng du/ / rnam par 'joms pa'i yi ge dgod/ /phar spros don ni rdzogs pa dang/ /tshur 'dus sgrub pa nus par ldan/ /sngags kyi 'brug sgra lta bu ste/ /skyon gtor ma gtang bar bya/ /mchod ba byas te ye shes gshegs/ /dam tshig ba rgyal kun spyod bya/ / 'dis ni sgrub pa mdor bsdus te/ /bsod nams mchog ni gang thob pa/ /bdag dang sems can thams cad kyis rnam par 'joms pa thob par shog /'phags pa rdo rje rnam bar 'joms pa'i sgrub thabs mdor bsdus pa slob dpon tsan+d+ra go mi la mdzad pa rdzogs so// //rgya gar skad du/ /badzra bi dA ra maN+Da la bi d+hi/ bod skad du/ rdo rje rnam par 'joms pa'i dkyil 'khor gyi cho ga/ dpal rdo rje rnam par 'joms pa la phyag 'tshal lo/ /gdug pa 'dul mdzad khro bo che/ / rdo rje can la phyag 'tshal nas/ /gang gis legs par smin byed pa'i/ /'khor lo'i cho ga bshad par bya/ /slob dpon mtshan nyid bzang ldan pas/ /legs par brtags pa'i slob ma la/ /tshul bzhin bsnyen pa sngon song nas/ /ri bo bzang sogs shis ba'i sar/ /bslad dang sbyang dang gzung ba dang/ /bsrung ba'i cho ga legs byas bas/ /thog mar bum pa'i bya ba la/ /gser ram dngul lam yang na zangs/ /kham las gnyi lnga nyi shu la/ /dkar po rdzas kyis legs byugs la/ /rang lha'i mtshan ma ldan bar bya/ /ma nyams ras kyis mgu la dkris pa/ /dri zhim chu yis bkang ba dang/ /'bru sman rin chen lngar ldan pa/ /bza' ba'i shing gis kha brgyan nas/ /hUM sha'i ston la yang dag gzhag
- 383b
lha yi 'khor lo bsgom pa dang/ /bzlas mthar mchog zhu bdud rtsir bya/ /slob ma gsum la skyabs 'gro dang/ /byang chub tu ni sems bskyed bas/ /sgo gsum mi dge las bzlog cing/ /kun tu spyod ba gtsang ldan pas/ /rang lha'i rnal 'byor brtson byed pa'i/ /dam tshig rjes su 'dzin pa la/ /gnas gsum yi ge gsum gyur pa'i/ /mtshan ma gsum gyis byin brlabs te/ /rdo rje dang bcas dris reg dang/ /mchod pa lnga yis legs mchod bya/ /dkyil 'khor bya dor legs byas bar/ /dri dang me tog tshom bur bcas/ /bskyed dang gnyis med mchod ba la/ /bstod de nam mkhar gshegs gsol bya/ /dri dang ba yi lci ba yis/ /legs par byugs pa'i stegs bu la/ /gtsang ma'i ras kyis srang bu dang/ /man ngag rig pas thig btab ste/ /der ni kha dog lnga ldan ba'i/ /tshon gyis khro bo'i 'khor lo bri/ /gru bzhi kun nas sgo bzhi pa/ /to ra na bzhis rnam bar brgyan/ /phyi rol rdo rje'i phreng ba dang/ /'bar ba'i phreng bas yongs su bskor/ /nad dbus rdo rje kha bzhi ba/ / 'phar la rtsibs bcu'i 'khor lor ldan/ /der ni rang lha mtshan ma rnams/ /ji ltar mthong ba'i rjes 'brang bri/ /der yang bum pa dgod pa dang/ /bla bre me tog phreng mdzes pas/ /sna tshogs mchod pa'i bkod par ldan/ /dri zhim bum pa gtor ma bcas/ /slob dbon kun spyod gtsang ldan pas/ /gtsang ma chu yis khrus byas te/ sar ba'i gos dang rab ldan pas/ /bde ba'i stan la legs 'dug ste/ /mdun gnas 'khor lo gtong ba yis/ /rnam sbyangs dam tshig bskyed ba dang/ /ye shes gnyis med byin rlabs dang/ /dbang bskur mchod dang bstod bzlas bya/ /dri zhim chu yis legs bkrus te/ /bzang po'i dri yis legs byugs shing/ /sar ba'i gos dang rgyan ldan pa'i/ /slob ma dkyil 'khor nad
- 384a
bcug ste/ ku sha'i stan la legs gzhag nas/ /thog mar bum pa'i chu dbang bskur/ /rdo rjes dri yis thig le dang/ /mngon par mngags pa'i me tog phreng/ /bkra shis tshigs bcas mgo la sbyin/ /bsgom dang bzlas dang gtad ba dang/ sbyin bya bsgrub bya sku dang gsung/ /thugs dang yon tan phrin las la/ /'khrul 'khor sbyin sreg phur bu dang/ /mnan pa'i las la dbang bar bya/ /de nas mchod dang gtor ma dang/ /gshegs dang dkyil 'khor bsdu ba'o/ /tshul 'dis sbyin byas slob ma ni/ /las dang dngos grub kun dbang phyug /gzhan la phan byed bdag nyid che/ /lha rig sngags rnams kun mnod 'gyur/ /rdo rje khro bo'i dkyil 'khor du/ /slob ma yongs su smin byed pa'i/ /cho ga legs bkod bsod nams des/ /kun gyis bla med mchog thob shog/ //rdo rje rnam par 'joms pa'i dkyil 'khor gyi cho ga bram ze dza ya wa rmas mdzad pa rdzogs so// (//rnams 'joms kyi sgrub bskor dpal ldan ga ga dar sa mdzad pa bzhugs so//) rgya gar skad du/ badzra bi d+ha ra sA d+ha naM nA ma/ bod skad du/ rdo rje rnam par 'joms ba zhes bya ba'i sgrub thabs/ /dpal rdo rje rnam bar 'joms ba la phyag 'tshal lo/ /chos dbyings ye shes rang bzhin gyis/ /'gro ba'i gdug pa kun 'dul ba'i/ /rdo rje can la phyag 'tshal te/ /de yi sgrub thabs bri bar bya/ /dkon mchog gsum la skyabs song zhing/ /byang chub sems dang rab ldan pas/ /dkyil 'khor zhugs shing dbang blangs te/ /rjes su gnang ba thob ba dang/ /ri bo bzang zhing 'jug ngogs ? rnam bar dben zhing nyams dga' bar/ /kun nas gtsang ba'i kun spyod kyis/ /bde ba'i stan la 'dug ba dang/ /rang snying pad zlar gnas pa yi/ /hUM yig mthing shun
- 384b
mdog lta bu/ /'od gzer phreng bas 'khris pa yi/ /phyogs rnams kun tu khyab ba dang/ /rdo rje khro bo 'jigs chen po/ /sangs rgyas byang chub sems dpar bcas/ /nam mkha' gang bar gsal dmigs te/ /phyag 'tshal la sogs bcu gcig bya/ /rdo rjes phung po la sogs pa'i/ /chos kun rnam par dben pa yi/ /stong pa'i rang bzhin la gnas pas/ /gsang sngags brjod de bstan par bya/ /nam mkhar gnas pa'i paM yig dang/ /a las pad+ma zla bar gnas// hUM yig 'od gzer phreng 'phros pas/ /ra ba sa gzhi bla re gur/ /dra ba me yis yongs su bskor/ /de gnas hUM las spros bsdus pas/ /khro bo rdo rje rtse lnga pa/ /de yongs gyur las rang lha'i gzugs/ /zhal gcig phyag gnyis char sprin mdog /g.yas dang g.yon gyi phyag gnyis kyi/ /rab 'bar rdo rje rtse lnga dang/ /dril bu bsgyings bcas sdigs mdzub bcas/ /rdo rje phreng ba rin chen sbrul/ /stag gi pags pas rnam brgyan pa/ /g.yon brkyang ba yis goms bas bzhugs/ /kun nas 'od kyi tshogs 'phros bas// gdug ba ma lus bsregs bar bsgom/ /lus ngag yid kyi gnas gsum du/ /pad+ma nyi ma zla ba la/ /rdo rje rtse gsum rang yig gsum/ ... /dkar dang dmar dang nag por bsgom/ /hUM yig las 'phros 'od gzer gyis/ /mdun du? ye shes spyan drangs te/ /mchod dang bstod pa sngon song bas/ /dbang bskur de nas bzlas pa brtsams// / oM na ma(rgyud 'grel): /tsan+d+ra badzra kro d+ha ya/ // hu lu hu lu/ /tiSh+Tha tiSh+Tha/ /band+ha band+ha/ ha na ha na/ a mri te hUM phaT/ /dam tshig ye shes snying gar gnas/ /spro dang
- 385a
bsdu ba'i bsam gtan can/ /khro bo'i skad gsang mthon po yis/ /sngags mchog yang dag bzlas par bya/ /bzlas pa'i mthar ni mchod pa dang/ /bstod dang yi ge brgya pa gdon/ /mdun nas ye shes gshegs gsol la/ /khro bo'i ngar 'dzin brtan bos gnas/ /bla ma'i man ngag ji bzhin du/ /sgrub thabs yang dag bkod pa la/ /dge ba thob pa gang yin des/ /'gro kun sangs rgyas thob par shog /rdo rje rnam par 'joms pa'i sgrub thabs dpal gaM gA d+ha ras mdzad ba rdzogs so// //paN+Di ta chen po dz+nyA na sh+ri dang/ lo tsa ba cog gru rab zhis bsgyur ba'o// //rgya gar skad du/ badzra bi dA ra Na nA ma d+ha ra Ni sA d+ha naM/ bod skad du/ rdo rje rnam par 'joms pa zhes bya ba'i gzungs kyi sgrub thabs/ rdo rje rnam par 'joms pa la phyag 'tshal lo/ /rang gi rang bzhin zhi ba las/ /gdug pa 'dul phyir khro bo'i sku/ /ma rungs tshar gcod rdo rje can/ /rdo rje che la mgos phyag 'tshal/ ji ltar bla ma'i zhal snga nas/ /legs rtogs gang de bri bar bya/ /rdo rje rnam par 'joms pa sgrub par 'dod pas dben zhing yid dang mthun pa'i sa phyogs kun tu spyod pa gtsang ba dang ldan pa stan bde ba la 'dug ste/ sems can thams cad srid pa'i sdug bsngal las bsgral la rdzogs pa'i byang chub kyi bde ba la dgod pa'i blo sngon du btang ste rang gi snying gar paM las pad+ma dang/ der a las bsil ba'i 'od gzer gyi dkyil 'khor la gnas pa/ hUM yig mthing shun gyi mdog lta bu bsam par bya'o/ /de las rnam par 'phros pa'i 'od gzer gyis sangs rgyas dang byang chub sems dpa' dang/ rdo rje khro bo'i dkyil 'khor mdun du dmigs la/ yid las byung ba'i mchod ba rnams kyi yang dag par
- 385b
mchod de/ /phyag btsal ba la sogs pa bya/ /sangs rgyas kun gyi sku gsung thugs/ /gdug pa tshar gcod khro bo'i sku /rdo rje chen po 'jigs chen po/ /rdo rje 'joms la phyag 'tshal lo/ /thog med 'khor bar log pa yi/ /rnam rtog dbang gyur sgo gsum gyis/ /sdig pa bgyis la bdag 'gyod cing/ /mgon po'i spyan sngar rab tu bshags/ /nyan thos sangs rgyas rang sangs rgyas/ /so so'i skye bo byang chub sems dpa' kun gyi dge la dga' ba yis/ /bdag ni rjes su yi rang bgyid/ /sems can khams ni ma lus rnams/ /sangs rgyas bde la dgod pa'i phyir/ /bdag gi dge kun bltos med par/ /byang chub chen por bsngo bar bgyi/ /'gro ba'i skyabs chen gcig pu pa/ /sangs rgyas theg pa mchog gi chos/ /tshogs mchog phyir mi ldog pa la/ /bdag ni skyabs su nye bar mchi/ /srid pa'i rgya mtsho sdug bsngal gyi/ nyam thag mgon med gyur pa rnams/ /bla med bde la gzhag pa'i phyir/ /sems mchog yang dag bskyed par bgyi/ /lam gang gis ni der 'gro ba/ / sngags kyi theg pa'i lam 'di la/ /deng nas byang chub snying po'i bar/ /bdag ni tshul bzhin gnas par bgyi/ /zhes brjod la de nas byams pa dang/ snying rje dang/ rab tu dga' ba dang/ kun la btang snyoms bsgom par bya'o/ /de'i rjes la brtan pa dang g.yo bar snang ba'i chos thams cad rang bzhin gyis dben pa'i don can du rig par bya ste/ oM swa b+hA ba shud d+ha sarbba d+harmma swa b+hA ba shud d+ho nya haM zhes pa'i sngags kyis byin gyis brlab bo/ /stong par gnas pa'i paM yig dang/ /raM las pad+ma nyi ma la/ /hUM byung ba las rgya gram gyi/ /rdo rje chen po rnam par bsgom/ /der gnas hUM las 'od 'phros pas/ /ra ba sa gzhi gur yang bsgom/ /de nas bruM las gzhal yas khang/ /kun nas gru bzhi sgo bzhi pa/ /rtsibs bcu 'khor lo'i lte
- 386a
ba la/ /rgya gram rdo rje dang bcas bsgom/ /der yang zla ba nyi ma dang/ /hUM byung rdo rje che las 'od/ /spros shing bsdus las khro bo che/ /khro bo'i 'khor lo rdzogs par bskyed/ /dbus gnas rdo rje'i lte dbus su/ /khro bo rdo rje 'joms chen po/ /char sprin sngon po'i mdog 'dra ba/ /rdo rje dril bu 'gyid bcas 'dzin/ /shar phyogs rdo rje'i ra dbus su/ /rdo rje khro bo phur bu che/ /utpal sngon po'i mdog mtshungs ba/ /phyag g.yas rdo rje phur bu 'dzin/ /lho yi phyogs su khro bo che/ /rdo rje be con stang zil mdog / g.yas na rdo rje be con ste/ /rdo rje'i ra dbus gnas pa'o/ /nub gnas rdo rje'i ra dbus su/ /rdo rje tho ba khro bo che/ /nam mkha' i mdog can phyag g.yas na/ /rdo rje tho ba 'phyar ba'o/ /byang gnas rdo rje khro bo che/ /gtum po bung ba'i mdog lta bu/ /rdo rje rgya gram phyag g.yas 'dzin/ /rdo rje'i ra dbus gnas par bsgom/ /phyi rol rdo rje'i rtsibs rnams la/ /gzhan gyis mi thub gshin rje gshed/ /rta mgrin rdo rje bdud rtsi 'khyil/ /utpal kun da dza pa dang/ /mar gad mdog can g.yas pa na/ /thod ba dbyugs pa pad+ma dang/ /rgya gram rdo rje phyar ba 'dzin/ /shar nag g.yas skor rim pas bsgom/ /'dod pa'i rgyal po dbyug pa sngo/ /mi g.yo stobs chen sku mdog gnag/ g.yas rnams rim bzhin lcags kyu dang/ /dbyug pa ral gri rtse gsum 'dzin/ /byang shes nas ni nub byang mthar/ /'di yang g.yas bskor rim pas bsgom/ /mkhar nas rdo rje hUM mdzad dang/ /sa 'og gnod mdzes rdo rje che/ /mdog gnag g.yas na rdo rje 'dzin/ /khro bo 'di dag thams cad kyang/ /phyag g.yon sdigs mdzub zhags par ldan/ /kun kyang g.yon brkyang gom pa yis/ /nyi ma'i dkyil 'khor la gnas ba'o/ /shar sgor rdo rje lcags kyu dkar/ /lhor gnas rdo rje zhags pa ser/ /nub tu rdo rje lcags sgrog dmar/ /rdo rje dril ljang byang sgor te/ /lcags kyu zhags pa lcags
- 386b
sgrog dang/ /dril bu 'dzin cing g.yon bskyang bas/ /nyi ma'i steng na gnas pa'o/ /thams cad mche gtsigs spyan gsum zhal/ /dmar ser dbu skra gyen brdzes dang/ /stag gi pags pas smad dkris shing/ /sbrul dang rin chen rgyan mdzes pa'o/ /rang snying zla bar sa bon dang/ /gnas gsum rdo rje gsum bsgoms te/ /sa bon 'od kyi sbyor ba yis/ /ye shes bkug mchog gnyis med bya/ /snying gar sngags kyi phreng bkod de/ /'khor lor gnas pa thams cad dang/ /mgrin gcig skad gsar mthon po yis/ /sngags mchog yang dag bzlas par bya/ /na mo ratna tra yA ya/ na ma(rgyud 'grel): tsaN+Da badzra pA NA ye/ /ma hA yak+Sha se nA pa ta ye?/ oM ha ra ha ra badzra/ ma tha ma tha badzra/ d+hu na d+hu na badzra/ da ha da ha badzra/ pa tsa pa tsa badzra/ d+ha ra d+ha ra badzra/ dA ra ya dA ra ya badzra/ da ru rdza? da ru Na badzra/ ts+tshinda ts+tshinda badzra/ b+hinda b+hinda badzra hUM phaT/ na ma shtsaN+Da badzra kro d+hA ya hu lu hu lu/ tiSh+Tha tiSh+Tha/ ban d+ha ban d+ha/ ha na ha na/ a mri te hUM phaT/ 'dis ni rdo rje khro bo rnams kyi thugs bskul nas/ sgrub la bgegs med byed cing/ dngos grub ster ba'o/ /ji srid mi skyo'i bar du mngon par du bzlas pa'i mthar/ ye shes 'khor lo phyur nas mdun gzhag mchod pa dang/ /yi ge brgya pa'i mthar ni rdo rje'i sngags brjod de/ rang gnas gshegs la 'khor lo snying kar bsdu bar bya/ rdo rjes rnam par 'joms ba'i gzungs kyi sgrub thabs bram ze ma ni badzra mdzad pa rdzogs so// //paN+Di ta chen po dz+nyA na sh+rI dang/ lo tsa ba rab zhi bshes gnyen gyis bsgyur ba'o// //rgya gar skad du/ sh+ri badzri ba dA ra Na sto tra/ bod skad du/ dpal rdo rje rnam par 'joms pa la bstod ba/ dpal rdo rje rnam par 'joms pa la phyag 'tshal lo/ /dus gsum rgyal ba'i yon tan dang nyid las/ /thabs mkhas thugs rjes 'gro don mdzad sprul pa/ /gdug pa 'dul phyir 'jigs pa'i cha lugs can/ /bcom ldan rdo rjes
- 387a
'joms la phyag 'tshal lo/ /gang gi rang bzhin chags snang rnam bral yang/ /gdul bya'i dbang gis khro la khro ba dang/ /'dod chags can la chags can ltar ston pa/ /byang chub mchog gnas de la phyag 'tshal lo/ /gang zhig las dang rnam smin mkhyen pa yis/ /'gro ba kun dang ji ltar 'thun pa yi/ /gsang sngags rol pa rab tu ston mdzad pa/ /bsam yas sprul ba mnga' la phyag 'tshal lo/ /gang zhig sdang dang gdug ba tshar gcod phyir/ /bsdigs pa'i mtshon cha sna tshogs 'dzin ba'i sku/ /nyon mongs dug chen rtsad nas gcod mdzad pa'i/ /sprul gdug rgyan gyis brgyan la phyag 'tshal lo/ /bskal pa'i me ltar 'bar ba'i 'od dbus na/ /dpa' bo steng stabs brkyang bskum tshul bzhugs pas/ /spyan gyi sdang mig nyi zla 'bar ba yi/ /bgegs dpung bsregs par mdzad la phyag 'tshal lo/ /dus mdza' i me ltar gzi brjid 'bar ba'i sku/ /glog stong 'gyur 'dra khro gnyer mche ba gtsigs/ /gsung gi nga ro 'brug stong bzhin sgrogs pa/ /bgegs 'dul khro rgyal gtso la phyag 'tshal lo/ /dpal rdo rje rnam par 'joms pa la bstod pa slob dpon bram ze ma Ni badzras mdzad pa rdzogs so// //paN+Di ta dz+nyA na sh+rI dang/ lo tsa ba rab zhi bshes gnyen gyis bsgyur ba'o// // rgya gar skad du/ badzra bi dA ra ka la sha bi d+hi/ bod skad du/ rdo rje rnam par 'joms pa'i bum pa'i cho ga /rdo rje rnam par 'joms pa la phyag 'tshal lo/ /yid du 'ong ba'i sa yi char/ /kun tu sbyod ba'i gtsang ldan pas/ /gser ram dngul lam kham gzhan gyi/ /bum pa mtshan nyid bzang ldan pa/ /legs bkrus dkar po'i rdzas kyis byugs/ /dris bdug ras kyis mgul pa bkris/ /me tog srad bus mdzes byas bar/ /rin chen rma med tsan dan dri/ /rgyu 'bab chu yis legs bkang ba/ /
- 387b
bzang bo'i shing gis kha brgyan te/ /sa dang lci bar bsres pa yi/ /dkyil 'khor 'dab brgyad par dbus su/ /dUrba'i stan la yang dag gzhag /dri zhim chu yis bkang ba'i snod/ /rdo rje me tog phreng bar ldan/ /rang lha'i bsam gtan la gzhol bas/ /stong pa'i sngags kyis rnam sbyangs te/ /bruM las rin chen gzhal yas khang/ /baM byung 'o ma'i rgya mtshor ldan/ /paM par a las zla dkyil 'khor/ /der gnas hUM yig spros bsdus las/ /khro bo khro bo'i 'khor lo bskyed/ /ye shes spyan drangs mchod pa dang/ /bstod dang gnyis su med par bya/ /dbang bskur slar yang mchod bstod nas/ /rang snying sngags kyis phreng bkod de/ /bzlas dang bum par spro bya bar/ /lan grangs nyi shu rtsa gcig gam/ /yang na brgya rtsa brgyad la sogs/ /ji srid mngon par 'dod pa'i mthar/ /mchod bstod 'dod don gsol ba dang/ /lha rnams ye shes bdud rtsi yis/ /rab bkrus gtsang mar gyur pa dang/ /nad med bgegs rnams 'joms pa dang/ /dpal du byed cing bkra shis dang/ /phun sum tshogs min 'joms par byed// rdo rje rnam par 'joms pa'i bum pa'i cho ga rdzogs so// //rgya gar skad du/ shaM ti ho ma bi d+hi/ bod skad du/ zhi ba'i sbyin sreg gi cho ga dpal rdo rje rnam par 'joms pa la phyag 'tshal lo/ /zug rdu'i nyes ba dang bral zhing/ mi shes mtshan ma spangs pa dang/ /ma rungs gdon bgegs mi gnas pa/ /dkar zhing gtsang ma snum pa'i sar/ /khru gang kun nas zlum po'i dbyibs/ /khru phyed thur du brus pa'i khung/ /kha khyer gyis mdzes zhi ba yi/ /mtshan ma dkar po'i rdzas kyis byug/ dkar zhing dri zhim 'o ma can/ /reg na zug rdu dang bral ba'i/ /zla mdog me tog 'byung ba'i shing/ /khur sa dang rjes mthun dbyibs su brtsigs/ /mchod dang bsreg pa'i yo byad rnams/ /las dang rjes mthun nyer bsags te/ /me spar
- 388a
me dbus raM las lha/ /mdog dkar bgrang 'phreng dbyug gu dang/ /mi 'jigs spyi blugs 'dzin pa bskyed/ /ye shes me bkug gnyis med bstim/ /mchod dang bstod dang bsreg pa'i mthar/ /slar yang mchod bstod mnyes pa yi/ /me lha 'bar ba'i me dbus su/ /rang lhag lhar bskyed ye shes bstim/ /der yang mchod dang bstod pa dang/ /bsreg pa'i rdzas kyis mnyes pa dang/ /mchod bstod 'dod don gsol ba dang/ /yi ge brgya pas yongs bskangs nas// gshegs bsdu slar yang me lha yi/ /mchod sreg rdzas kyis tshim byas la/ /'dod don las kyis gsol btab ste/ /gshegs gsol nye bar bsdu bar bya/ /zhi ba'i sbyin sreg gi cho ga rdzogs so// // rgya gar skad du/ ba liM bi d+hi nA ma/ bod skad du/ /gtor ma'i cho ga zhes bya ba/ dpal rdo rje rnam par 'joms pa la phyag 'tshal lo/ /sha chang sgog btsong 'byung po'i zas/ /rnam par spangs pa'i kha zas las/ /rin chen snod du legs bshams te/ /khro bo'i sngags kyi gegs med dang/ /stong pa'i sngags kyis rnam sbyang bya/ /bruM gyur pa las rin chen snod/ /de nyid gsum gyi kha dog dang/ /dri ro phun sum tshogs pa la/ /nam mkha' mdzod kyis mngon spel bas/ /bsam yas mchod pa'i sprin dang ldan/ /rang snying sa bon 'od zer gyis/ /khro bo khro bo'i 'khor lo bskor/ /sangs rgyas byang chub sems dpa' dang/ /nyan thos rang rgyal mkha' spyod dang/ /sa spyod sa 'og bcas pa yi/ /'gro rnams dang bcas mdun bltas te/ /mchod bstod 'byung po kun sngags dang/ /tshig brjod nas ni tshim byas nas/ /'dod don blang dang bskang ba dang/ /mu(rgyud 'grel): yig dang bcas gshegs gsol bya/ gtor ma'i cho ga rdzogs so// //
- 388b
*/ (/rdo rje rnam par 'joms pa'i las bzhi'i cho ga braM ze ma Ni badzra gyis mdzad pa bzhugs so/) / */ /rgya gar skad du/ badzra bi dA ra karmma tsa tu sA d+ha bi d+hi/ bod skad du/ rdo rje rnam par 'joms pa'i las bzhi sgrub pa'i cho ga/ rdo rje rnam par 'joms pa la phyag 'tshal lo/ /gnyis med ye shes rdo rje can/ /ma rungs 'dul la phyag 'tshal nas/ /'byung ba bzhi la brten pa'i las// tshar bcas rjes su gzung ba bshad/ /sa phyogs gang du gnod pa'i las/ /sgrub par 'os pa der gnas te/ /tsha sgo can nas sa blangs la/ /thab khung me dbyibs nag pos byug /gnag dang 'khyog dang dri nga dang/ /srin gyis rnam par zos pa dang// reg na zug du bskyed pa'i shing/ /khung dang rjes mthun dbyibs su gcig /gu gul nag po na ri'i sha/ /khwa yi gshegs pa bong bu'i spangs/ /mche ba can gyi rtug ba dang/ /yungs kar gdon rnams tshar gcod byed/ /til dang me tog nag po dang/ /ma sha la sogs 'bru nag bcas/ /dug khrag tsha ba'i mar khu rnams/ /skyes pa'i yan lag las byung ba'i snod dam yang na lcags kyi snod/ /nom pa'i shing lo'i snod gzhag nas/ /rdo gnyis gtsubs las byung ba 'am/ /rngon pa'i khyim blangs me sbar te/ /de dbus raM las drag pa'i me/ /khro gzugs 'jigs par byed pa po/ /mdog nag rnam par gtsigs pa'i zhal/ /bgrang phreng mi 'jigs sbyin pa dang/ /dbyug gu rtse gsum spyi blugs 'dzin/ /phyag bzhi 'jigs chen 'jigs mdzad pa/ /ra yi stan la gnas pa bskyed/ /ye shes me ni spyan drangs te/ /de dang gnyis su med byas la// mchod dang bstod pas mnyes par bya/ /oM agne de ba/ ka la ru tra/ mahA ru tra/ sarbba karmA ma he shwa ra duSh+Ta na mA ra ya hUM phaT/ sngags bcas rdzas rnams tsha ba yi/ /mar la sbags te me la dbul/ /slar yang mchod dang bstod pa yis//
- 389a
mnyes par byas te me dbus su/ /rang lha bskyed dang ye shes gzhug /der yang mchod dang bstod byas te/ /tsha ba'i mar gyis spags ba'i rdzas/ /sngags bcas bsregs pas lha mnyes byas/ /'dir yang de bzhin mchod pa dang/ / bstod pas mnyes byas sgrub gsol dang/ /yi ge brgya pa'i gsang sngags kyis/ /yongs su dag pas mnyes par bya/ /rdo rje'i sngags kyi lha gshegs te/ /slar yang mi dmigs mchod pa dang/ /bsregs dang mchog dang las sgrub par/ /gsol btab nas ni gshegs gsol bya/ /'dis ni sgrub la bar gcod pa'i/ /bgegs med dngos grub sbyin par byed/ /dpal rdo rje rnam par 'joms pa'i las su bya ba me dang 'brel pa'o// //thal pa mtshan ngag gnod gzhag pa/ /der ni bgegs kyi gzugs bris la/ /dkyil 'khor dur khrod so phag gis/ /me gzugs bris pa'i steng du gzhag /rang lhar bsgoms pa'i snying ga yi/ /ye shes yi ge'i 'od zer gyis/ /bgegs bkug mdun gyis sngags la bstim/ /sngags 'od me bzhin tsha ba yis/ /bsreg par bsam zhing bzlas par mthar/ /yungs kar yungs nag ske tshe dug /gsang sngags bzlas dang bcas pa brag /skyes pa'i rkang dam seng ldeng gi/ phur bu sngags bcas snying gar bsnun/ / de mdza' gzugs bcas thal ba la/ /rnam par 'thor ba'i sbyor ba yis/ /tshar gcod bgegs med grub sbyin byed/ /dpal rdo rje rnam par 'joms pa'i las su bya ba rlung dang 'brel pas 'thor ba'o// //bsreg pa'i thal ba tsha sgo can/ /shing gcig rtsa ba 'jug dogs la/ /nim pa'i khu bas sbrus pa las/ /bgegs gzugs snying gar sngags bris gzhug /rang lha ye shes yi ge yi/ /'od kyis bgegs bkug gzugs la bstim/ /sngags 'od zhags bas
- 389b
'ching ba yis/ /bsam gtan ldan pas rig snas bzlas/ /'tsheg dang 'phar dang snying rje ba'i/ /nga ro 'don pa'i rtags thob nas/ /mchod rten mtshan ma gcig pa la/ /dur khrod ma mo'i khyim du sba/ /sbyor 'dis bsgrub la bar gcod pa/ /bcings nas bgegs med dngos grub ster/ /dpal rdo rje rnam par 'joms pa'i las su bya bas dang 'brel pa mnan pa'o// //dben par tsha sgo can sa la/ /dug dang khrag sbyar chus sbags pas/ /dkyil 'khor gru gsum dug dang khrag /ro bsregs sol bas nag por byug/ der ni bum pa kha dog gnag/ sngon po ras kyis mgul dkris te/ /gdug pa'i shing gis kha brgyan pa/ /rgyun bral chu yis legs bkang ste/ /der yang ming rus yungs kar dang/ /dug khrag gu gul ske tshe gzhug rang lha'i rnal 'byor ldan pa yis/ /bum nad yaM raM baM bruM las/ /rlung gnas me steng chu dkyil 'khor/ /bsgoms te rang snying sa bon las/ /bgegs bkug 'khor lo'i lte bar gzhug /sngags kyi 'od kyis bskul ba'i rlung// rnam par g.yos pas me sbar te/ /rab tu khol ba'i chu rlabs dang/ /bsregs pa'i 'khor los bgegs kyi lus/ /nyam thag byed bsgoms gsang sngags bzlas/ /sbyor ba 'di yis ji srid du/ /mngon par 'dod pa rdzogs pa dang/ /gang gi lus la chus reg pa/ /bgegs kyi gnod pa las grol 'gyur/ /dpal rdo rje rnam par 'joms pa'i las su bya ba chu dang 'brel pas bkru ba'o/ /rdo rje can gyi las gang gi /ma rungs gdon bgegs tshar gcod nas/ /'gro rnams rjes su 'dzin pa'i las/ /'di ni gzhan phan byed pa'o/ /rdo rje rnam par 'joms pa'i las bzhi sgrub pa'i cho ga /bram ze ni badzras mdzad pa rdzogs so// //
- 390a
paN+Di ta chen po dz+nyA na sh+rI dang/ lots+tsha ba rab zhi bshes gnyen gyis bsgyur ba'o// //rgya gar skad du/ badzra bi dA ra karmma tsa tu sA d+ha ho ma bi d+hi/ bod skad du/ rdo rje rnam par 'joms pa'i las bzhi sgrub pa'i sbyin sreg gi cho ga /rdo rje rnam par 'joms pa la phyag 'tshal lo/ /zhe sdang chen po khro bo'i skus/ /'gro ba'i zhe sdang gdug pa 'joms/ /rdo rje can la phyag 'tshal te/ /sbyin? sreg? las kyi rim pa bshad// bsnyen pas lha rnams nye bar byed/ /sbyin sreg 'dod pa'i 'bras bur ster/ /de bas gang bsgrubs 'bras yod par/ /'dod pas sbyin sreg las la 'bad/ /zhi bas nad dang gdon bgegs zhi/ /rgyas pas tshe stobs longs spyod spel/ /dbang gos gzhan bdag dbang du byed/ /drag pos gdug pa tshar gcod pa'o/ /bgegs med dngos grub 'byung ba yi/ /gnas su zhi sogs brtsams pa dang/ /gang na mdungs bgegs gnas pa// der ni drag po bya ba nyid/ /dkar ba'i sa las khru gad tshad/ /zlum po thur du khru phyed pa/ /zhi ba'i las la yang dag bsngags/ /sa ser sa las gru bzhi'i dbyibs/ /khru ? zabs su de yi phyed/ /rgyas pa'i thab tu shes par bya/ /dbang la dmar po'i sa las ni/ /zla gam khru gang khru phyed zabs/ /gnag pa'i sa la sor nyi shu/ /zabs su de phyed mngon spyod la'o/ /bud shing dri zhim me tog mdzes/ /'bras bu bzang 'byung 'o mar ldan/ /mdog dkar ser dang dmar ba ni/ /rim bzhin zhi rgyas dbang la'o/ /shing gang de las bzlog pas te/ /kha dog gnag 'khyog dri da pa/ /reg na zug du bskyed pa ni/ /drag shul spyod la rab bsngags pa'o/ /las dang rjes mthun
- 390b
bud shing rnams/ /rang thab dbyibs dang mthun par brtsig /gang la bud shing bya ba'i shing/ /de nyid la ni yam shing ste/ /rtse? mo'i cha las byung ba ste/ /sor ni bcu gnyis mkhas pas brtag /sngags 'chang las dang rjes mthun pa'i/ /gos dang rgyas stan cod pan ldan// las mthun mchod par ldan pa dang/ /rdzas dang yo byad bkod par ldan/ /bram ze khyim ba dang/ smad 'tshong dang/ /dur khrod yang na rdon pa'i khyim/ /gang sgrub las dang 'thun pa yis/ /me ni mkhas pas blang bar bya/ /oM agne dzra la dzra la hUM/ gsang sngags 'di yis me sbar te/ /las mthun rigs kyi sa bon gyis/ /mar gyi dgang blugs gsum byin la/ /dge dang mi dge'i mtshan ma brtag /dbyibs dang kha dog dri dang sgra/ /mi shis mtshan ma mthong ba na/ /oM a(rgyud 'grel): big+h+nAM? ta kraM ta hUM/ sngags 'dis bsregs blugs bdun byin bas/ /bgegs ni rnam par zlog par byed/ /bgegs med shes nas ma nyams pa'i/ /ku sha kha khyer kun tu dgram/ /me dbus baM las pad+ma dang/ /a las nyi mar raM yig las/ /me lha las 'thun kha dog can/ /zhal gcig phyag bzhi bgrang phreng dang/ /mi 'jigs ?? blugs 'dzin/ /ra yi stan la gnas pa bskyed/ /rang nyid yi ge'i 'od zer gyis/ /ye shes me ni nyer bkug ste/ /mdun gnas mchod dang bstod mnyes pa/ /dam tshig me dang gnyis med bya/ /slar yang mchod de stod pa yis/ /mnyes bya de nas sbyin sreg ni/ /'bar? ba'i me las yam bsreg shing/ /thog mar me yi sngags kyis sbyin/ /mar sbyin pas yang de nyid de/ de 'og til la sogs pa kun/ /rang rang sngags dang 'brel bas so/ /oM agne de ba ta ye swAhA/ oM sarbba pa dAM? da ha na sarbba pA paM swAhA/ oM badzra puSh+Ta ye swAhA/ oM badzra g+hasma rI ya swAhA/ oM mahA biryA ya swAhA/ oM mahA ba lA ya swAhA/ rim bzhin me dang til nang 'bras/ /gro dang nas dang sran ma ste/ /thun mong thun mong ma yin pa'i/ /dbye sgor man ngag rim bas bsreg /rdzas rnams ji ltar ? phul bas/ /slar yang mchod re
- 391a
bstod par bya/ /mi yi lha ni gzi brjid che/ /'dod don thams cad ster ba bo/ /bdag dang gzhan don mdzad pa yi/ /drang srong che la phyag 'tshal bstod/ /'jig rten snang mdzad tshangs pa'i sras/ /me lha'i rgyal po dag byed mchog /bgegs rnams ma lus bsreg mdzad pa/ /'jigs byed che la phyag 'tshal lo/ /ye shes 'od kyis nyon mongs bsreg/ mngon shes rdzu 'phrul mthu dang ldan/ /nyes pa'i skyon rnams tshangs par mdzod/ /thugs rje che la phyag 'tshal bstod/ /bden pa'i tshig gi mi bslu ba/ /'jig rten skyong rnams kun gyi gtso// tshangs par gyur pa'i dag ldan pa/ /rnam 'dren khyod la phyag 'tshal bstod/ /de nas zhi la til dang mar/ /dUrba me tog dkar pos bsreg /rgyas la 'bru gzhan me tog ser/ /mngar ba'i rdzas la rnam par sbags/ /dbang dang 'bru dang me tog dmar/ /lan tshwar bcas pa bsreg par bya/ /drag po yungs nag ske tshe dang/ /me tog nag po khrag bcas bsreg/ zhi la shAn ting oM swAhA/ dbang la h+rI(rgyud 'grel): bcas la wa shar ldan/ /drag po hUM phaT mA ra ya/ /sngar bstan me yi sngags nyid la/ /rnam par sbyar ba ji srid du/ /mngon par 'dod pa de bsregs pas/ /las de nye bar 'grub par byed/ /de nas me lha 'bar ba'i mar/ /bltas te de dbus rang gi lha/ /mngon par brjod pa rim pa yis/ /bskyed pa ye shes gnyis med pa/ /sngon du mchod dang bstod pa yis/ /mnyes bya rang lhag lha sngags kyis// yam shing mar dbul rdzas gzhan rnams/ /sngar bstan sngags kyis ji lta bu'o/ /de 'og mchog dang bstod byas te/ /khyad par las kyi sbyin sreg kyang/ /sngar bzhin rang lha'i sngags kyi bya/ /der yang mchod dang bstod pa dang/ /'dod don las kyi gsol btab ste/ /gshegs gsol nye bar bsdu ba'o/ /de nas lar yang me dbus su/ /lha gzugs mngon par bltas pa la/ /gong du brjod pa ji lta bar/ /mchod dang sreg dbul rdzogs pa'i mthar/ /gang 'dod la kyis bsgrub gsol te/ /gshegs dang mi dmigs blta
- 391b
bar bya/ /gang zhig dang brtan the tshom bral/ /rang lhag lha la legs bsnyen pas/ /tshul 'di la ni mngon gzhol ba/ /'dod 'bras yid bzhin nor bu mtshungs/ /sgrub la phan pa mchod ster ba'i/ /cho ga legs bkod bsod nams nges/ /ma lus 'gro ba'i don 'byung ba'i// bla med go 'phang thob par shog/ dpal rdo rje rnam par 'joms pa'i las bzhi bsgrub pa'i sbyin sreg gi cho ga /paN+Di ta chen po dz+nyA na sh+rIs mdzad pa rdzogs so// //paN+Di ta dz+nyA na sh+rI dang/ lo tsa ba rab zhis bsgyur ba'o// //rgya gar skad du/ badzra di dA ra karmA tsa tu sA d+ha ka la sha bi d+hi/ bod skad du/ rdo rje rnam par 'joms pa'i las bzhi sgrub pa'i bum pa'i cho ga /dpal rdo rje rnam par 'joms pa la phyag 'tshal lo/ /gang zhig rang lha legs bsnyen pas/ /bum pa'i cho ga zhi sa sogs/ /las bzhi mngon par ? 'dod pas/ /las mthun gnas su brtsam par bya/ /zhi la dngul dang rgyas la gser/ /dbang la zangs te drag po lcags/ /yang na khams 'am shing yang rung/ /las mthun ras kyi mgul pa dkri/ /dge ba'i shing ngam gdum pa can/ /las dang mthun pas kha brgyan te/ /su ru b+ha ti tsandan dkar/ /dmar dang 'bru sman rin chen lnga/ /rgyun 'bab chus bkang las gsum la'o/ /drag po a kar nag po dang/ /gu gul rgyun bral chu yis dgang/ /rang lha'i bsam gtan ldan pa yis/ /bum par las mthun la bskyed de// ye shes mchod pa gnyis med bstim/ /slar yang mchod de bstod mnyes bya/ /sngags bzlas zhi la dkar ba yis/ /'od gzer bsil ba rnam par spro/ /rgyas la btso ma'i gser 'od dang/ /dbang la pad+ma rA ga'i mdog /drag po la 'od kha dog nag/ dri nga gdung ba bskyed pa yis/ /gang reg? nad dang gdon sdig zhi/ /tshe dang stobs 'phel longs spyod rgyas/ /dbang du byed dang tshar gcod par/ /bsgom dang bzlas la shan+tiM dang/ /puSh+TiM tha shaM mA ra ya/ spel ba gang 'dod las 'grub byed/ /ji srid mngon par 'dod pa yis
- 392a
bzlas pas rdzogs mthar lha 'od zhu/ /sngags kyi chu yis gang bkrus pa/ /de la zhi sogs 'dod 'bras ster/ /dpal rdo rje rnam par 'joms pa'i las bzhi sgrub pa'i bum pa'i cho ga /paN+Di ta chen po dz+nyA na shIs mdzad pa rdzogs so/ // paN+Di ta dz+nyA na sh+rI dang/ /lo tsa bar ba zhis bsgyur ba'o// /rgya gar skad du/ badzra pi dA ra karmA tsa tu sA d+ha tsakra bi d+hi/ /bod skad du/ rdo rje rnam par 'joms pa'i las bzhi sgrub pa'i 'khor lo'i cho ga/ dpal rdo rje rnam par 'joms pa la phyag 'tshal lo/ /rang lha nye bar bsnyen pa yis/ /'khor los las kun 'grub pa'i phyir/ /phyi rabs sgrub la phan byed pa'i/ /'khor lo'i man ngag bshad par bya/ /thog mar las kun sgrub byed pa'i/ /'khor lo'i mtshan nyid brjod bya ste/ /re khA bcu yis yongs bskor ba'i// rtsibs brgyad 'khor lo pad 'dab brgyad/ /slar yang rtsibs brgyad gnyis par ldan/ /rtse gsum kha drug rdo rje mdzes/ /der sngags dgod pa'i rim pa ni/ /nang gi 'khor lo rtsibs brgyad pa/ /na ma(rgyud 'grel): tsaN+Da badzra kro d+ha ye zhes pa'i yi ge brgyad nyid dang/ /phyi rol pad+ma'i 'dab rnams la/ /hu lu hu lu/ tiSh+Tha tiSh+Tha/ band+ha band+ha/ ha na ha na/ zhes pa'i sngags tshig brgyad po dang/ de yi phyi rol mu khyud las/ a mri te hUM phaT ces pa'i sngags yi ge lnga yis bskor/ /'khor lo gnyis pa'i rtsibs rnams la/ /na mo ratna yA ya/ na ma(rgyud 'grel): ? badzra pA Na ye/ ma hA yak+Sha se na pa ta ye/ oM ha ra ha ra badzra/ ma thA ma thA badzra/ d+hu na d+hu na badzra/ da ha da ha badzra/ ha na ha na badzra/ zhes pa'i sngags rkang brgyad po dang/ /kha drug rdo rje'i rwa dbus su/ pa tsa pa tsa badzra/ d+ha ra d+ha ra badzra/ d+hA ra ya d+hA ra ya badzra/ dA ru Na rA ru Na badzra/ ts+tshinda ts+tshinda badzra/ b+hinda b+hinda badzra hUM phaT/ sngags kyi rkang pa drug nyid dang/ /mu khyud bzhi la rim bzhin du/ /na mo ratna tra yA ya/ na ma(rgyud 'grel): tsaN+Da badzra pA na ye/ sngags rkang gsum rim dang po la'o/ /tadya thA/ oM tru Ta tru Ta/ tro Ta ya tro Ta ya/ sphu Ta sphu Ta/ spho Ta ya spho Ta ya/ g+hur+N+Na
- 392b
g+hur+N+Na/ g+hur+N+NA pa ya g+hur+N+NA pa ya/ sarbba satwA ni/ bo d+ha ya bo d+ha ya/ saM bo d+ha ya saM bo d+ha ya/ b+h+raM b+h+raM/ saM b+h+rA ma ya saM b+h+rA ma ya/ sarba bud+d+ha bo d+ha ni/ ku Ta ku Ta/ saM ku Ta ya saM ku Ta ya/ sarbba sha trUM g+ha Ta g+ha Ta/ saM g+ha Ta ya/ saM b+ha Ta ya/ sarbba bidyA badzra badzra/ spho Ta badzra badzra/ ka Ta badzra badzra/ ma Ta badzra badzra/ ma tha badzra badzra/ badzra aTTa hA sa badzra badzra/ nI la badzra /su badzra ya swAhA/ rim gnyis la dgod gsal sngags so/ /he phu lu Ni ru phu lu grih+Na ku lu mi li tsu lu/ badzra bi dzA ya swAhA/ kI li lI lA ya swAhA/ ka Ta ka Ta/ ma Ta ma Ta/ ra Ta ra Ta/ mo Ta na pra mo Ta nA ya swAhA/ tsa ra ni tsa ra/ ha ra ha ra/ sa ra sa ra/ mA ra ya mA ra ya/ badzra bi d+hA ra NA ya swAhA/ ts+tshinda ts+tshinda/ b+hinda b+hinda/ mahA kI li ki lA ya swAhA/ band+ha band+ha/ kro d+ha kro d+ha/ kI li ki li ya swAhA/ tsu ru tsu ru tsaN+Da kI li ki lA ya swAhA/ trA sa ya trA sa ya/ badzra kI li ki lA ya swAhA/ ha ra ha ra badzra d+hE rA ya swAhA/ pra hA ra prahA ra badzra/ pra b+hany+dza na ya swAhA/ ma tis+thi ra badzra/ su tis+thi ra badzra/ pra tis+thi ra badzra/ mahA badzra/ a pra ti ha te badzra/ a mo g+ha badzra/ riM pa gsuM pa la dgod pa'o/ /e hye hi badzra/ shAM g+haM badzra d+hA ra swAhA/ d+ha ra d+ha ra/ d+hi ri d+hi/ d+hu ru d+hu ru/ sarbba badzra ku laM A barta nA ya swAhA/ amu kaM mA ra ya swAhA/ phaT/ na ma(rgyud 'grel): sa man+ta badzra NAM/ sarbba ba laM A barta ya mahA ba leka ta baM ta ta le/ a tsa le maN+Da la mA ye/ a ti badzra/ mahA ba le/ bi ga ra Na/ a dzi dzwa? dzwa la dzwa la/ ti Ti ti Ti ping+ga? le/ da ha da ha/ ? pa ti/ ti li ti li ti li/ b+handa b+handa/ ma hA ba la/ badzra ga dzwa la ya swAhA/ rim pa bzhi par bri ba'i sngags rnams so/ /sngags rnams thams cad g.yas bskor te/ /zhi rgyas bsrung dang dbang byas la/ /yig mgo phyir bstan mngon spyod la/ /de las bzlog par shes par bya/ /zhi la gtsang ma'i ras dkar ram/ /dge ba'i shing gi lo ma la/ /rgyas la ras gang ser po dang/ /phro ga bzang po'i shing 'dab la/ /dmar po'i ras sam shing gang la/ /me tog dmar 'byung 'dab shun dbang/ ras gang shing gang me tog nag /'dab shun ro ras drag po la'o/ /zhi
- 393a
la tsandan dkar 'o ma/ /rgyas la pi? wang gur kum bzang/ /dbang la rgya skyegs drag po la/ /ro sol dug dang khrag gi bri/ /las mthun rang lha'i rnal 'byor ldan/ /'khor lo maN+Dal steng mdun gzhag /lha bskyed ye shes spyan drangs du bstim/ /mchod bstod sngags yig gnyis med lha/ /sngags bzlas 'khor lo las 'phros 'od/ /dkar pos nad sogs zhi ba dang/ /ser pos tshe stobs longs spyod spel/ /dmar pos gang reg dbang du byed/ /nag po rnam par tshar gcod pa'o/ /shaM tiM ku swAhA/ zhi rgyas la puSh+Ti ? ru oM/ wa shaM mA na ya ho(rgyud 'grel): dbang/ gsang la mA ra ya hUM phaT/ sngags kyi mthar sbyar bzlas pa dang/ /bri la 'khor lo'i lte bar ro/ /gang sgrub las kyi 'bras sbyin byed/ /rdo rje rnam par 'joms pa'i las bzhi'i 'khor lo'i cho ga /paN+Di ta chen po dz+nyA na sh+rIs mdzad pa rdzogs so// //paN+Di ta chen po dz+nyA na shI dang/ lo tsa ba rab zhis bsgyur ba'o/ //rgya gar skad du/ badzra bi dA ra karmmA bi d+hi sA d+ha nI/ bod skad du/ rdo rje rnam par 'joms pa'i las sgrub pa'i thabs kyi cho ga /rdo rje rnam par 'joms pa la phyag 'tshal lo/ /rang lha'i dmigs pa gsal ba dang/ /sngags kyi bzlas pa mthar phyin pas/ /rig sngags thogs pa med pa dang/ /pha rol sngo las rgyal ba dang/ /skrag dang mthu stobs gzhig pa dang/ /rig sngags gcad dang mnan pa dang/ /las gzhol pha rol las gzhig dang/ /gdon brlag gdon las grol ba dang/ /'byung po dgug dang mngag pa dang/ /las rnams ma grub spogs pa dang/ /grub pa'i 'bras bu mthar dbyung dang/ /'dod 'bras dngos grub bsgrub pa dang/ /bsrung dang zhi dang rgyas pa dang/ /rengs? dang rmugs par byed pa yis/ /thun mong khyad par bdag nyid kyi/ /cho ga nyi shu'i sbyor ba rnams/ /ji ltar bla ma'i man ngag las/ /rtogs pa'i rim pa gsal bar bya/ /de la las gang sgrub kyang thog ma nyid du rang gi rig sngags kyi mthus thogs pa med
- 393b
par bya ba las/ de'i rim pa ni 'di yin te/ dben zhing rab tu shis pa'i gnas su maN+Dal gyi dbus su thab khung brus te/ der dri bzang po dang ldan pa'i bud shing gtsigs la/ bsgrub pa po'i khyim nas me blangs te sbar ba'i dbus su sgrub thabs nas 'byung ba'i rim pas rang gi lha gsal bar dmigs la/ de la mchod pa dang/ bstod pa sngon du song ba'i bar gyi sregs blugs phul te/ de nas gzhan du longs ma spyod pa'i me tog sngon po dkar gsum dang mngar gsum gyis rnam par spags la/ gang la bsnyen pa byas pa'i sngags kyis thab tu dbul zhing bsreg par bya'o/ /ji srid mngon par 'dod pa'i sbyin sreg gi mthar rig sngags kyi mthu thogs pa med pa'i don gsol na/ yi ge brgya pa mu(rgyud 'grel): yi mdza' can gyis gshegs shing bsdu'o/ /rim pa 'dis bsnyen pa ji tsam byas pa'i grangs kyi bcu'i cha'i sbyin sreg yongs su rdzogs par byas na rig sngags kyi las gang sgrub kyang mthu thogs pa med par 'gyur ro/ /gzhan yang de yi sbyor ba la/ /me dbus bdag gi lha dmigs te/ /sngags bcas mar la bsnyugs pa yi// dUrba bsregs pa khri phrag gis/ /gang la bsnyen pa'i sngags kyi las/ /thogs pa med par byed pa'o/ /'jugs dogs bye ma'i mchod rten 'bruM/ /sngags bcas bgegs sgrib zhi ba yis/ /sgrub pos gang gi las sgrub pa'i/ /rig sngags thogs pa med par byed/ /pha rol gyi dmag dpung las rgyal bar 'dod na lha chen po la phul ba'i rgyal mtshan gyi ras sam/ /'gegs nas shi ba'i ro la bshus pa'i ras dug dang khrag dang dur khrod kyi sol bas re khA bcu yongs su bskor ba'i 'khor lo'i rtsibs brgyad pa/ phyi rol tu pad+ma 'dab ma brgyad pa dang ldan pa de'i phyi rol tu slar yang 'khor lo'i rtsibs brgyad pa kha drug pa rdo rje dang bcas pa la bla ma'i man ngag rnam par rig pas sngags kyi yi ge rnams yang dag par bkod pa'i lte bar che ge mo'i dmag dpung staM b+ha ya naM ces pa'i skul? tshig dang
- 394a
bcas pa bris te/ rang gi lha'i rnal 'byor byas pa'i mdun du lhag pa'i lha gsal bar dmigs nas de las rnam par spros pa'i sprul pa'i pho nya pha rol gyi dmag dpung gtong grogs kyi lha dang bcas pa bkug cing 'khor lo'i lte bar bstim pa la dmigs pas sngags kyi bzlas pa rdzogs pa dang/ 'khor lo thod pa kha sbyar du bcug ste/ dbang chen dang ri bo la gnas pa'i sna tshogs rdo rje rgyas btab nas gang du g.yul 'gyed pa'i gnas der sbas pas thams cad du rang gi sde rnams pha rol las rgyal bar byed do// //yang pha rol dang rtsod pa las rgyal bar 'dod pas sngar bstan pa'i 'khor lo'i lte bar che ge mo'i ngag staM b+ha ya naM ces pa dang bcas pa bris nas rang lha'i rnal 'byor dang mdun du lhag pa'i lha gsal bar dmigs te/ de las sprul pa'i pho nya'i tshogs kyi pha rol gyi dag gi stobs thams cad bkug cing 'khor lo'i lte bar bstim pa dang/ gro mkhar gyis la gzugs brnyan byas pa'i snying gar bcug nas de la'ang bsgrub bya'i rnam par shes pa bcug ste/ de nas sngags dang bcas pa'i seng ldeng gi tsher ma dug gi chu la spags pa lce la bsnun pa dang/ mthar thod pa kha sbyar du bcug nas rig sngags mnan pa'i sbyor ba byas na pha rol dang rtsod pa las rgyal bar byed do// //'byung po'i gdon skrag par bya bar 'dod pas sngar bstan pa'i 'khor lo'i lte bar skrag cing tshar gcad pa'i 'byung po'i ming bris nas grog mkhar gyi sa las byas pa'i gzugs brnyan gyi snying gar bcug ste rang lha'i rnal 'byor la gnas pa'i mdun du lhag pa'i lha gsal bar dmigs shing/ de las rnam par spros pa'i pho nya'i tshogs kyis bkug cing bstim pa dang/ de nas
- 394b
sngags brjod pa dang bcas pa'i yungs kar gyis brabs pa'i mthar dug dang khrag dang gu gul dang byi la'i ril ma dang khyi'i rtug pa sbyar ba'i bdug pas gdugs na rnam par skrag cing tshar gcod par byed do// //pha rol gyi mthu stobs gzhil bar 'dod na sngar bstan pa'i 'khor lo'i lte bar gang gi mthu stobs gzhil bar 'dod pa de'i ming bskul tshig dang bcas pa bris nas rang lha'i rnal 'byor la gnas pa'i mdun du lhag pa'i lha dmigs pa las spros pa'i pho nya rnams kyis pha rol gyi sbyor ba las byung ba'i mthu stobs bkug nas 'khor lo'i lte bar bstims pa la dmigs te/ sngags kyis bzlas pa byas pa'i mthar thod pa kha sbyar du bcug nas dbang chen ri rab la gnas pa'i sna tshogs rdo rje'i rgyas btab pa sbyor ba po'i them 'og tu sbas na pha rol gyi sbyor ba las byung ba'i mthu stobs thams cad 'jil bar byed do/ /gzhan gyi rig sngags gcad par 'dod pas sngar bstan pa'i 'khor lo'i lte bar che ge mo'i rig sngags ts+tshinda ts+tshinda ces pa'i spel tshig dang bcas pa bris la rang? ? rnal 'byor dang mdun du lhag pa'i lha dmigs te/ de las spros pa'i pho nya'i tshogs kyis pha rol gyi rig sngags kyi sbyor ba las byung ba'i mthu thams cad 'khor lo'i lte bar bsdus pa dang/ rang gi rig pa'i mthu las byung ba'i mtshon cha dang me'i tshogs kyis dum bur byas shing bsreg pa la dmigs nas sngags bzlas so/ /de nas 'khor lo dum bur gtubs nas sbyin sreg byas pa'i thal ba rlung la bskur nas gzhan gyi rig sngags kyi las thams cad gcod par byed do// // pha rol gyi rig sngags mnan par 'dod na sngar bstan pa'i 'khor lo'i lte bar che ge mo'i lte bar che ge mo'i rig sngags staM b+ha ya naM ces pa'i spel tshig bkod pa bris la/ rang lha'i rnal 'byor la gnas pa'i mdun du lhag pa'i lha
- 395a
dmigs shing de las spros pa'i pho nya'i tshogs kyis rig sngags kyi mthu thams cad 'khor lo'i lte bar bsdus pa dang/ rang gi sngags las byung ba'i dbang chen la gnas pa'i ri bo rdo rje dang bcas pas mnan par bsgom zhing sngags bzlas la/ mthar thod pa kha sbyar du bcug ste dbang chen la sogs pa'i rgyas btab nas de bzhin gshegs pa'i ring bsrel gyi snying po can gyi mchod rten gyi 'og tu mnan na pha rol gyi rig sngags mnan par 'gyur ro// //gal te rang gi mi dge ba'i las thams cad 'joms par 'dod na rin po che'i snod du tsandan gyi sol ba la me bus te/ rang lha'i rnal 'byor la gnas pa'i mdun du til gyi snod bzhag la snying ga nas spros pa'i 'od kyis lhag pa'i lha mdun du spyan drangs na/ de las spros pa'i 'od gzer gyis bdag gi lus khyab pa dang mi dge ba'i las kyis bsags pa'i dri ma rnams snying gar 'dus nas mi sdug pa'i gzugs can du gyur pa sna'i bu gnas 'thon te/ til la thim par bsams la bsngags brjod pa dang bcas pas bsregs? pa'i mdun gyis lha'i lus las ye shes kyi bdud rtsi babs pas bdag nyid kyi lus kun tu gang bar bsgoms la/ yi ge brgya pa ci nus brjod nas gshegs pa'o/ /'dri ni mi dge ba'i las thams cad bcom ste 'bras bu mi 'byin par byed do// // yang gzhan gyi mi dge ba'i las 'jigs par 'dod na de'i rim pa 'di yin te/ dben zhing nyams dga' i ba'i sa phyogs su zhi ba'i las dang mthun pa'i thab khung du bud shing gtsigs te/ rang lha'i rnal 'byor la gnas pas der mi spas ba'i dbus su lhag pa'i lha la? kun nas dkar ba'i kha dog can du dmigs la/ de'i lus la dkar zhing bsil ba'i 'od gzer gyur bas pha rol po'i sdig pa thams cad 'jig par dmigs nas sngags dang bcas pa'i til gyi sbyin sreg byas pa'i mdza' mchod bstod dang yi ge brgya ba brjod la
- 395b
gshegs su gsol/ de ltar pha rol po la dmigs nas yang dang yang du byas na de'i las thams cad nges par 'jig par byed do// //yang lha la sogs pa'i gdon thams cad brlag par byed 'dod pas sngar bstan pa'i 'khor lo'i lte bar gang dag brlag par bya ba'i gdon gyi ming spel tshig dang bcas pa bris nas grog mkhar dang/ tsha sgo can dang 'jug ngogs dang shing rkang gcig gis dur khrod kyi thal ba la lhan cig sprus pa las gzugs brnyan byas pa'i snying gar bcug ste/ rang lha'i rnal 'byor dang mdun du lhag pa'i lha gsal bar dmigs nas/ rnam par spros pa'i pho nya'i tshogs kyis bkug cing bcug ste/ 'tshe zhing dum bur gtub pa dang bsreg cing thal bar byed pa la dmigs nas sngags brjod pa dang bcas pa'i yungs kar gyis brabs pa'i mthar sbyin sreg byas te/ thal ba rlung la phyar nas gang la dmigs pa'i gdon de brlag par byed pa la the tshom med do// //gal te gza' la sogs pa'i gdon gyis bzung ba'i gnod pa thams cad las thar bar 'dod na gtsang zhing nyams dga' ba'i phyogs su maN+Dal byas te/ der bum pa gtsang ma'i dri'i chu la sogs pa nye bar mkho ba'i yo byad dang bcas pa bzhag ste/ rang lha'i rnal 'byor byas pas bum pa'i nang duAng lhag pa'i lha gsal bar dmigs la gzungs kyi bzlas pa rdzogs pa'i mthar chu'i ngo bor bsam pas lus bkrus te/ sngags kyi mngon par bsngags pa'i sa rdzi na'i bdug pa byin na gdon gyis bzung ba las thar bar 'gyur ro// //'gyung po dgug par 'dod na smad 'tshong gi ras la rgya skyegs kyi khu bas sngar bstan pa'i 'khor lo'i lte bar bu ta karSha ya dza zhes pa'i spel tshig dang bcas pa bris nas grog mkhar la sogs pa'i sa las byas pa'i gzugs brnyan gyi snying gar bcug ste/ maN+Dal gyi steng du bram ze'i thod par gzhag la/ rang lha'i rnal 'byor du gnas pa'i mdun du lhag pa'i lha gsal bar dmigs te/ de las
- 396a
spros pa'i pho nyas bkug cing gzhug pa'ang byas te/ sngags kyi mthar 'byung po a karSha ya dza(rgyud 'grel): ces pa bzlas shing/ 'bras chan dang 'bru'i thug pa dang la phug la sogs pa 'byung po'i gtor ma'i nye bar sbyor ba byas na 'byung po zhugs nas bdag gi las ci bya zer ba 'byung ste/ 'byung po dgug pa'i cho ga'o/ /de nas rig sngags kyi las thams cad byed du 'jug par ma dag pa ni/ sngar bstan pa'i gtor ma dus gsum du sbyin zhing/ bu ta wa shaM ma nA ya zhes pa'i spel tshig dang bcas pa'i sngags bzlas te/ bram ze mo gtsang ma'i zla mtshan gyis bsgos pa'i ras dang sardza na'i bdug sbyin nas/ mngon par bsngags pa'i tsandan dmar po'i thig le dpral bar byas na ci bgo ba nyan cing mngag gzhug gi las byed par 'gyur ro/ /de ltar dbang du gyur pa de rig sngags kyi las gang bsngags kyang myur du grub pa'i grog byed do// //gal te las ma grub na spogs pa'i cho gas grub par byed pa ni rang gi mdun du maN+Dal byas te/ der 'dod pa'i lha'i sku gzugs gzhugs la/ rang lha'i rnal 'byor dang ldan pas lhag pa'i lha mdun du gsal bar dmigs nas/ de las sngags brjod pa dang bcas pa'i me tog khri phrag gcig phul la/ de nas me tog de rnams bsdus te/ de nyid kyis bsreg rdzas byas pa'i sbyin sreg de snyed du byas na las ma grub pa rnams grub par byed par 'gyur ro// //grub pa chud mi za bar bya ba'i phyir las kyi 'bras bu dbyung ba ni las dang mthun pa'i thab khung du bud shing gtsigs nas me sbar ba'i dbus su lhag pa'i lha gsal bar dmigs la/ de nas las gang sgrub kyi spel tshig dang bcas pa'i sngags kyi de dang mthun pa'i sbyin sreg byas na sgrubs pa'i las rnams chud mi za bar gang mngon par 'dod pa'i 'bras bu des 'byin par byed do/ /mngon par 'dod pa'i 'bras bu sgrub par 'dod na gnas dben par maN+Dal gyi steng du lhag pa'i lha'i
- 396b
sku gzugs bzhugs la/ de'i drung du rin po che'i snod du dngos grub kyi rdzas gzhag nas rang lha'i rnal 'byor dang ldan pas/ mdun du lhag pa'i lha gsal bar dmigs te/ de la mchod pa dang bstod pa sngon du song bas sngags kyi bzlas pa bya zhing/ pho nya'i tshogs pa spro ba dang bsdu ba'i sbyor bas dngos grub sgrub par dmigs te/ dro ba dang du ba 'thul ba dang 'bar ba las mkha' spyor dang sa spyod dang sa 'og gi dngos grub sbyin par byed do/ /sems can thams cad bsrung bar 'dod na tshes grangs dang dus tshod bzang po la sgrub pa po shar du mngon par phyogs pas gro ga 'am ras la gur kum 'am gi wang gis sngar bstan pa'i 'khor lo'i lte bar ming tshig dang bcas pa bris la/ rang lha'i rnal 'byor du gnas pa'i mdun du lhag pa'i spyan drangs mchod bstod byas te/ 'khor lo'i sngags dang dbyer med du bstim nas bzlas pa ci rigs byas pas mgo 'am mgul pa'am dpung ba la btags na gang la btags pa'i sems can nad dang gdon la sogs pa'i mi mthun pa'i phyogs thams cad bsrung bar byed do// //gal te rang gzhan gyi nang dang gdon la sogs pa zhi bar 'dod na/ dge ba'i shing gi lo ma la tsandan dkar po'i khu bas sngar bstan pa'i 'khor lo'i lte bar zhi ba'i spel tshig dang bcas pa bris la/ rang lha'i rnal 'byor dang mdun du lhag pa'i lha dmigs nas de'i lus kyi 'od gzer gyis 'khor lo dang/ 'khor lo las 'phros pa'i 'od zer gyis bsgrub bya'i kun nas 'gengs par bsgom zhing sngags bzlas pa'i mthar 'khor lo'i mes bkrus nas/ des gang la khrus byas pa de'i nad gdon zhi bar 'gyur ro// //yang tshe dang longs spyod la sogs pa rgyas par 'dod na rang lha'i rnal 'byor byas pa'i mdun du lhag pa'i lha gsal bar bltas la/ puSh+Tir ku ru oM zhes pa'i spel tshig dang bcas pa'i sngags bzlas shing mdun gyi lha las gser gtso ma lta bu'i 'od gzer
- 397a
kyi phreng ba spros pas gang la dmigs nas las bsgrub pa de'i lus kun tu khyab cing yongs su rgyas par bsgoms pas tshe dang longs spyod la sogs pa rgyas par byed do// //gal te rengs pa'i las sgrub par 'dod na dur khrod kyi ras la yung ba'i khu bas sngar bstan pa'i 'khor lo che ge mo'i kA ya pak+tsit+ta stwaM b+ha ya laM zhes pa'i spel tshig dang bcas pa bris la/ grog mkhar la sogs pa'i sa las byas pa'i gzugs brnyan gyis khar bcug ste/ rang lha'i rnal 'byor la gnas pa'i mdun du lhag pa'i lha dmigs nas/ de la rnam par spros pa'i pho nya'i tshogs kyis bsgrub bya bkug cing bstims la/ de nas sngags bzlas pa dang/ rig pa'i mthu las byung ba'i dbang chen dang/ ri bo la gnas pa'i rdo rje'i tshogs kyis lus dang yan lag thams cad rnam par gtams shing mi g.yo bar bsams na rengs par the tshom med do// //gzhan yang rmugs par bya bar 'dod na/ dur khrod kyi ras la myos byed kyi khu ba dang ni nim pa'i 'dabs mas sngar bstan pa'i 'khor lo'i lte bar che ge mo mo ha ya zhes pa'i spel tshig dang bcas pa bris nas/ grog mkhar gyis las byas pa'aM gzugs brnyan gyi snying gar bcug ste/ rang lha'i rnal 'byor dang mdun du lhag pa'i lha dmigs la/ de las spros pa'i pho nyas bsgrub bya bkug cing bstims te/ de nas gsang sngags bzlas pa rig pa'i mthu las byung ba'i dbang chen dang ri bo la gnas pa'i rdo rje snying gar mnan te/ dran pa dang bral bar bsams na rmugs par byed pa la the tshom med do// //gang la bsnyen pa byas pa'i sngags/ /las sgrub pa'ang de nyid la/ dad brtan the tshom med pa la sngags ni yid bzhin nor ltar 'grub/ /rdo rje rnam par 'joms pa'i las sgrub pa'i thabs kyi cho ga byang chub sems dpa' byams pa'i zhabs kyi rdul la reg pa/ dpal gaM ga d+ha ra'i sras kyi mthu bo zam zem?
- 397b
Ni badzras mdzad pa rdzogs so// //paN+Di ta dz+nyA na sh+rI dang/ lo tsa ba rab zhi bshegs gnyen gyis bsgyur ba'o// //dpal rdo rje rnam par 'joms pa la phyag 'tshal lo/ /dkar zhing srog chags nyung ba dang/ /zug rngu med cing snum pa'i sar/ /zhi ba'i thab khung shing gtsigs te/ /me dbus rang lhag lha bskyed la/ /ye shes gzhug mchod bstod byas te/ /sngags mthar pA pa shAn+tiM sbyar/ /til dang me tog dkar bsregs la/ /'bar bcas thun bzhi'i sbyor ba yi/ /chu bor 'jug dang gos dkar gyon/ /'khru dang skyug dang khrag 'dzag sogs/ /rmi ltas mtshan ma mthong ba yis/ /sdig pa thams cad byang bar byed/ /bum pa dkar ba mtshan nyid bzang/ /dkar po'i ras kyis mgul pa dkris/ /dge ba'i shing gis kha brgyan par/ /rgyun 'bab chu dang dkar po'i dris/ /bkang bar rang gi lha skyed de/ /ye shes gzhug dang mchod bstod bya/ /sngags mthar sdug bsngal shan+ti nga sbyar/ /dkar 'ong spro dang bsdu ba'i mthar/ /lha zhu bdud rtsi'i chus bkrus pas/ /sdug bsngal thams cad med par byed/ /ser ba'i sa las byas pa'i thab/ /me tog 'bras bu bzang 'byung zhing/ /me dbus lha bskyed ye shes bcug /mchod dang stod pas mnyes byas la/ /sngags mthar puSh+Tir ku ru sbyar/ /'bras bu 'brang bar me tog ser mngar ba'i rdzas rnams bsregs pa yis/ /dpal ni rnam par 'phel bar byed/ /rin chen buM pa'i dri zhim chu/ /gtsang ma'i ras kyis mgul ba dkris/ /bzang po'i shing gis kha brgyan pa/ /lha bskyed ye shes gnyis med la/ mchod bstod pas mnyes byas te/ /in+d+ra bi sho d+ha na ya/ /sngags mthar sbyar ba bzlas pa'i chus/ /legs bkrus dbang po rnam par sbyar/ /rgyas pa'i thab tu dri bzang shing/ /me dbus rang lhag lha bskyed de/ /ye
- 398a
shes gnyis med mchod dang bstod/ /sngags mthar A yu d+hA ra sbyar/ /durba me tog ser bsrags pas/ /tshe zad pa dang tshe nyams skyob/ /sngar bstan thab tu bzang po'i shing/ /me dbus lha bskyed ye shes bstim/ /mchod dang bstod pas legs mnyes bya/ /sngags mthar rgyas pa'i spel tshig dang/ /'bru ser me tog ser bsregs pas/ /phun sum tshogs pa 'phel bar byed/ /bum bzang gtsang ma'i chus bkang ste/ /'bru sman rin chen snying po dri/ /ma nyams pas kyis mgul dkris shing/ /bzang po'i shing gis kha brgyan par/ /lha bskyed ye shes gzhug mchog bstod/ /sho d+ha yi b+ha sho d+hA ya/ mthar sbyar sngags bzlas legs bkrus pas/ /lha rnams mdun gyi nye bar gnas/ /dmar ba'i sa la dbang byed thab/ /me tog dmar 'byung shing gtsigs pa'i/ /me dbus lha bskyed ye shes bcug /mchod bstod wa shaM mA na ya/ /sngags kyi mthar sbyar me tog dmar/ /bsregs pas mdza' sdug dbang du byed/ /tshe ra'i tsha la gu gul dang/ yungs kar ce spyang klad par sbyar/ /brgya rtsa brgyad du mngon bsngags pa/ /dur khrod sol ba'i me la bsreg /bdug pas bran gza' sogs lus bdug /gdon gyis gtses las thar bar byed/ /pad+ma'i rtsa ba tsandan dmar/ /mngon par bsngags pa'i me spar te/ /rig sngags brgya rtsa brgyad bzlas dus rang gi mig bskus na/ /phan tshun mi mthun gnas pa yang/ /bltas pa tsam gyis mdza' bor 'gyur/ /rgyas pa'i thab tu shing brtsigs nas/ /me dbus lha bskyed ye shes bstim/ /mchod dang bstod pas legs mnyes bya/ /puSh+Tir ku ru mthar sbyar ba'i/ /sngags bcas 'bru rnams bsreg pa yis/ /nor 'phel nor 'grib 'joms par byed/ /bzang po'i bum par gtsang ma'i chu/ /'bru sman rin chen dri bzang ldan/ /mngon par bsngags pas legs bkrus pas/ /mya ngan ngal dang gnod pa 'joms/ /bla gos mdza'
- 398b
la brgya rtsa brgyad/ /mngon bsngags mdud pa bdun por nas/ /lam du zhugs na mi bzang pa'i/ /'jigs dang nyam nga las grol byed/ /tho rangs lha yi bsam gtan ldan/ /sngags kyis mngon par bsngags pa yi/ /chu dang thal ba yungs kar gyis/ /phyogs mtshams bcings pas 'phongs pa 'joms// (//rig sngags kyi bsngags) sardza na'i/ /bdug pas gza' las thar pa dang/ /gu gul bdug pas lus bdug pas/ /rgyu skar gnod pa 'joms par byed/ /kha dog lnga yi skud pa la/ /rig sngags stong phrag bdun zlas nas/ /gang gi mgul lam dpung pa la/ /bcings pas byang stems las grol byed/ /mi bzad gdon gyis gnyen pa la/ /sngags kyi chu yis lus bkrus nas/ /gu gul yungs nag yi dag skra/ /khwa yi bshog pa rma bya'i sha/ ce spyang rtug pa sngags bcas pa'i/ /bdug pas nges par thar bar byed/ /rmi lam sdig pa'i mtshan ma mthong/ /gtsang ma'i gos byon dris bdugs te/ /shar du mngon par phyogs pa yis/ /rig sngags brgya rtsa brgyad bzlas pa'i/ /chu yis khrus byas dge ba dang/ sdig med dpa' dang ldan par byed/ /dpal rdo rje rnam par 'joms pa'i las sna tshogs sgrub pa'i cho ga rdzogs so// //paN+Di ta chen po dz+nyA na sh+rI dang/ lo tsa ba rab zhes bsgyur ba'o// (//rdo rje rnam par 'joms pa'i gzungs kyi sgrub ? cho ga zhib mo dang bcas pa'o/) / */ /rgya gar skad du/ Arya badzra bi dA ra Na nA ma d+ha ra Ni sA d+ha naM sa kalpaM/ bod skad du/ 'phags pa rdo rje rnam par 'joms pa zhes bya ba'i gzungs kyi sgrub thabs cho ga zhib mo dang bcas pa'o/ /'phags pa rdo rje rnam par 'joms pa la phyag 'tshal lo/ /rin chen lta bu don bdun ldan pas rang don sku gcig ma shigs rdo rje ldan/ /gzhan don rdo rje 'joms pas gnyis med rdo rje'i sku gnyis snang/ /thams cad rnam pa kun mchog ldan zhing mi phyed mi shigs pa/ /gdug pa 'dul
- 399a
phyir rdo rje'i sku ste 'jigs byad zung la 'dug /bya ba'i rgyud mchog rtog pa bye brag rdo rje rigs kyi don/ /bdag gzhan don rnams rdzogs byed sangs rgyas kyis gsungs te/ /bla ma rgyal de grub mnyes byin brlabs de thob 'di'i zhal mthong ste/ /gnang ba byin dang ldan pas bdag nyid bram ze gzhon nu ste/ /rig sngags ma lus 'chang 'gyur 'di bsgoms nus thob la/ /slob ma sangs rgyas gsang bas bskul phyir 'di bshad bya/ /gang zhig 'di la dad mos nas/ /bsgrubs na yon tan rdo rje 'byung/ /'di yi dgongs pa'i bsams yas dang/ /lhun po ri rab zom rgyu du/ /de bzhin gshegs pas 'di skad gsungs/ /sngon gyi 'phrul pa la brten nas/ /ma 'ongs man ngag rnam gnyis te/ /bdag don rdo rje'i bsnyen pa dang/ /gzhan don rdo rje'i las sbyor bcas/ de tsam ma bshad do zhe na/ gang dag du rang nyid kyis/ /las kyi cho ga med pa la/ /de ni spyi yi rgyud chen las/ /gsungs pa'i cho ga 'dir bsten bya/ /rdo rje'i dus ni bzang zhing rab tu shis pa la/ /rdo rje'i gnas te bkra shis zhi gnas su bar chad zhi sogs kun byas rdo rje'i g.yog dam dang/ /rdo rje sgrub po shes rab la sogs lung las bsngags pa ni/ bya ba'i dbang dam tshig rab shes te/ /lus dang ngag sems yid dge bas/ /rdo rje'i sbyor ba kun dang ldan pas sgrub/ /sa phyogs rab tu nyams dga' bar/ /sa yi cho ga kun shes nas/ /ba yi rnam lnga dri bcas pas/ /maN+Dal sngon po me tog bcas/ /der ni rten rnams ldan pa dang/ /mchod pa lnga dang mchod yon bcas/ /khrus kyi bum pa bzang po dang/ /lha yi bum pa bzang por bya/ /de yang gseng sogs dag las 'byung/ /mtshan nyid ldan der chu klung chu/ /'o ma dri la sman dang 'bru/ /rin chen snying po me tog bcas/ /shel dang pha lam mu tig dang//
- 399b
kha brgyan mgul gsum pa yis bcad/ /dur ba bdun dang ku sha dang/ /rma bya'i sgro dang rdo rjer ldan/ /las kyi cho ga mthong ba yis/ /legs byas bskrad la grub rdzas ni/ /rin chen snod du steng du gnas/ /maN+Dal steng du de gzhag la/ /ngas sogs gtsang ma gon pa yis/ /phyi rol khrus kyi rdzing bu ni/ /nyams dga' der ni nyin phyed na/ /khrus bya der yang sa rab bsngags/ /stong pas dri ma rnam par spyad/ /der song khro bos khro bo sbrul/ /se gol sngags kyis bgegs bskrad la/ /chu de lag g.yon gsum du gtos/ spyi bor gcig gzhag kha bshal te/ /khrus byas nye rag 'thor 'thung sngags/ /de bzhin bum pas snga bar bya/ /bud med sha chang la sogs ni/ /rku ba'i zas ni rnam lnga spang/ /bshang sogs mi gtsang sbyor ba la/ /mnol ba med par sprul nas ni// de yi sngags dang phyag rgyas gdab/ /thams cad nyes par mi 'gyur ro/ /gtsang khang nyams dgar log nas ni/ /se gol 'chi med khro bos skrad/ /rdo rjes sgo gcod stan yang ni/ /'jam bder ku bshar ldan pa la/ /nub tu kha bltas brtan par gnas// skad cig mi phyed phyag rdor gyis/ /rnams 'joms dpag med rab bstan nas/ /skrod pa'i phyag rgyas sngags rdo rje/ /phyag 'tshal nas ni gtor byed par/ /rnam snang khro bo gnyis ldan pas/ /tshangs la sogs pa'i gdon sogs bskad/ /'od zer rdo rje'i ra sogs bsam/ /bar chod bgegs kyis mi tshugs so/ /rnam 'joms yang snying dri chab kyis/ /'byor ba bsangs te skad cig gis/ /mchod pa dag par bya phyir brlab/ /de nas mdun gyi nam mkha' la/ /sangs rgyas gnyis dang 'jigs byed drug /de la yid kyis las kun bya/ /rang bzhin rnam dag sngags kyis ni/ /nyams dang stong pa'i ye shes bya/ /rin chen khang pa yid 'ong ste/ /rdo rje'i brag tu rnam par bsam/ /der ni lha chen drug por bya/ /bdag nyid 'jigs pa'i nga rgyal gyis/ /shAkya seng+ge 'khor bcas la/ /gsol
- 400a
gdab rdo rje'i bsam gtan gnyis/ /'dres byas 'dres pa stong pa na/ /rdo rje'i rnam par bsam sngags bstod/ /bdag don rdo rje stong pa'i lha/ /de nas gzhan don yi ge ste/ /thog med las ni gsal ba ste/ /de la yid gnyis sngo spras pas/ /nus ldan yi ge'i lha yin no/ /de la rdo rje sngags kyi sgra/ /stong pa mtshon byed khams rnams su/ /dam pa gnyis byas de la bstim/ /de ni sgra'i lha zhes bya ste/ /de gyur dam pa kum thim pas/ /rdo rje nyi ma la gnas pa'i/ /phyag na rdo rje gsang ba'i bdag /stobs chen khro bo 'jigs cha byad/ /sngo nag rdo rje sdigs mdzub can/ /ral pa la sogs kun ldan pas/ /'byung po bsdigs pa gzugs brnyan tshul/ /'di ni gzugs kyi lha zhes grags/ /de nas de ni gsal brtan phyir/ /ri bo 'bigs pa'i phyag rgya dang/ /rdo rje yan lag 'bar ba yi/ /sngags kyi spyi bo sogs gzhag pas/ /gtsug tor la sogs grub cing bsrung/ /de yang phyag rgya'i lha ru bstan/ /de nas dus ni thams cad du/ /de dang mi 'bral kun byed pa/ /mtshan ma 'am rnam rtog lha zhes gsungs/ /ye shes lnga dang sku gsum dang/ /don gnyis grub cing 'od dang ni/ /rdzu 'phrul nus pa ston byed pas/ /lha zhes shAkya mchog gis gsungs/ /de nas bum pa mi dmigs las/ /rin chen khar bar 'dam skyes bzhi/ /ge sar sogs la bsil rdo rje/ /rdo rje man ngag ldan par bsam/ /dbus su sprin sgra gyur ba la/ /phyag na rdo rje thugs kyi mchog rdo rje rnam 'joms khro bo ni/ bdag mtshungs las kyi rdo rje la/ /zla ba mdo ba bsnams pa'o/ /de yi mdun du mA ma kI/ /sngo zhing dga' ldan utpal sngo/ /dam tshig rgyas 'debs bsnams pa'o/ /dran pa bzhi las byung ba ni/ /kun kyang ril min cig car ro/ /shar lho rdo rje ki la ni/ /sngo dmar 'jigs pa kun ldan la/ /rdo rje phur bu g.yas
- 400b
na ste/ /g.yon pa kun ni bsdigs par mdzad/ /lho nub rdo rje be con ste/ /sngo nag rdo rje be con no/ /nub byang rdo rje tho ba ste/ /sngo skya de bzhin 'jigs pa la/ /rdo rjes mtshan pa'i tho ba ste/ /sngo skya de bzhin 'jigs pa la/ /rdo rjes mtshan pa'i tho ba ste/ /byang shar rdo rje gtum bo ni/ /mig sprin mdog 'dra rdo rje ni/ /rtse gcig bsnams pa rab tu bsgom/ /kun kyang tsham rngam bdud bzhi 'joms/ /de rnams ye shes lnga ldan rigs/ /dbu la mi bskyod mgon po ni/ /ngal pa'i thor tshugs bzhad khro ba/ /dbang po dag la rnam par gsungs/ /de nas 'od gzer 'gugs byed kyis/ /'og nas 'khor bcas spyan drangs nas/ /rig pa rig ma dam tshig can/ /dpag med byon gyur mi 'chi ba/ /thugs ka nas bton des bskrad gcad/ /de la rang sngags bskul bcas kyis/ / mchod yon bzang po nye bstan pa/ /mi shigs phyag rgya rang sngags lngas/ /so so la ni gnyis med zhugs/ /phyogs bskyong 'khor gyi phyi rim du'o/ /de nas dam tshig bstan bya'i phyir/ /de bzhin mi phyed khros pa yis/ /rigs kyi yum gyis brgyas btab pa/ /de yang rig pa rnam pa gnyis/ /mdza' med par du zhugs phyir ro/ /bdag ni dam tshig ldan pa las/ /ye shes mi 'jug mtho dman tshul/ /de yang bya ba kun nas gsungs/ /de nas mchod pa rnam pa lnga/ /kun gyi rigs la de rigs dbul/ /sgra dang dbang po de bzhin no/ /thal mo sbyar nas gus pa yis/ /byang chub rdo rje rnams la bstod pa yin/ /gang gi rang bzhin chags sdang rnam bral yang/ /gdul bya 'dul phyir khrol khro ba dang/ /'dod chags can la chags can ltar ston pa/ /byang chub mchog gnas de la phyag 'tshal bstod/ /gang zhig las dang rnam smin mkhyen pa yis/ /'gro ba kun dang ji ltar 'thun pa yis/ /gsang sngags gzugs kyis rjes su 'jug mdzad pa/ /sngags kyi rnam 'dren de la phyag 'tshal lo/ /gnad gcod bdud
- 401a
'dom mi rtog bzhi las byung/ /las rnams mdzad phyir khro bo 'bar bar snang/ /nor bu rin chen lta bur gdul bya 'dul/ /khro bo khyer rnams la ni bstod phyag 'tshal/ /rig pa skyong ba'i lha rnams la/ /tshigs bcang bcu yis bstod pa yin/ /de nas 'dod pa'i don gsol gdab/ /da nas bya ba rab rdzogs pas/ /don dang tshig gi lhar gnas shing/ /bya ba rigs dang gdul bya'i phyir/ /bya rgyud rig pa 'dzin sde ste/ /der gnas sngags kyi bzlas bya ba/ /nor bu'i phreng ba'i sku'i sngags kyis/ /byin brlabs lag pa legs bzung ste/ /mig gi lha thugs zla ba la/ /rdo rje gyes pa hUM gnas bsam/ /lce rtse mi g.yo gzhan ma thos/ /yid kyis sngags kyi sgrar gnas pa/ /rdo rje'i sngags ni rgyas bsdus gsum/ /chos ba gcig ni bzlas par bya/ /thugs bskul bdag gzhan don rdzogs nas/ /sems can khams sbyang sems can che/ /byin brlab rnam gnyis de gnas bsdu/ /don rnams rab tu rdzogs byed pas/ /zab mo bdag gi spyod yul te/ /sgra la gnas pa'i bzlas pa de/ /mi tshig g.yal dang dri ngan sogs/ /bar chad ngan pa spangs la bsgrub/ /de yang dam bcas par du'o/ /de dag 'byung bar 'gyur ba na/ /khrus byas kha bshal phyag rdor gyis/ /yi ge brgya pas gsol gdab 'jug /thun drug sbyor ba de ltar bya/ /khrus gsum bya dang gos brjed sogs/ /bya ba las gsungs rgyas par bya/ /tha mar nor bu bum pa dbul/ /bsrung la ngo mtshar tshul du gdams/ /bshad sogs spyod lam de bzhin bya/ /zas la bdud rtsir byin brlabs te/ dbul dang bza' bas tshim pa'o/ /'khor la gtor ma gtang ba yang/ /bdag byas cho ga bzhin du'o/ /de ltar yon tan tshang ba yis/ /mthong dang rig pa'i mtshan ma 'gyur/ /lha yi rten bzhad mthong sogs dang/ /lus bde mngon gsum la sogs so/ /de ltar grub bas gang byas kyang/ /grub de gzhan du
- 401b
nyams par 'gyur/ /rtag tu de byed rnal 'byor pa/ /rdo rje'i ni nges par 'grub/ /rdo rje'i sku las kun smos ci dgos/ /de nas dkyil 'khor gshegs mchod dang/ /bzod gsol dam tshig bsdu byas la/ /maN+Dal lags par byi dor bya/ /lha la gnyis dpa' bo gcig pa ni 'byor pa chung bar shes par bya/ /de nas sgrub pa las sbyar te/ /nang la sogs pa zhi bya dang/ /las kyi tshogs rnams sgrub pa'o/ /rdo rje khrus kyis dag bya ba/ /rgyas par bdag chog las shes bya/ /bdag gam gzhan ? sdug bsngal sogs/ /ldan pa bsal phyir 'di dag brtsam/ /rdo rje slob dpon slob ma na/ /gos gtsang khrus bya dkar gsum bza' / /shin tu spyod lam gtsang ba yis/ /nang gi sdom pa bsnyen gnas sogs/ /rten gyis blangs te dag gzhi can/ /de dag sta gon gnas pa ste/ /zhag gcig nyi ma la sogs bya/ /de nas sogs? las byas te/ /gtor ma rgyas pa gsungs pa bzhin/ /bslang la sogs ni sngags dag dang/ /bsam gtan dag gis cung zad yin/ /ma 'byed 'bru dang bye gtsang dang/ /rten gyi dkyil 'khor tshul du ba/ /'byor ba ldan na 'di lta ste/ /byug pas legs byug khru bzhi pa/ /dge ba'i ngas kyi thig btab nas/ /bkra shis tshon kyi 'khor lo ni/ /lte ba rtsibs bzhi la sogs bri/ /mtshan ma kun ni nges par dgod/ /sgo la phyag rgya bzhi yang ngo/ /las kyi cho ga shes par bya/ /legs par nub tu sgo dbye'o/ /lhag chad gso zhing de rgyan du/ /mda' sogs 'phan dang rgyal mtshan gdugs/ /lnga ldi phreng bas nyams dgar mdzes/ /gong du gsungs pa'i bum pa gcig/ khri la dbus su gnas par bya/ /mtshams bzhi de bzhin bum pa bzhi/ /bdag khrus bum pa nub tu'o/ /de nas rgyas par sngon bzhin du/ /khrus nas gsol gdab bar du bya'o/ /bum pa'i rdo rje thag bzung nas/ /bsam gtan sngon bzhin ldan pa yis/ /khro bo'i dag tu ring thung gnyis/ /brgya rtsa brgyad dam rtsa gcig bzlas/ /las la de las mang mi dgos/ /? dang lha sogs 'od gzer gyis/ /bsgrub bya'i 'dod sgrub byas
- 402a
par bsam/ /de yang lha ni rdo rje chu/ /de nas las kyi cho ga ni/ /lha yi mtshan ma dug 'joms kyis/ /phyi ste nub kyi sgo nas ni/ /shar sgor ston pa thar par bsam/ /dbus su khri steng de nas ni/ /rnam par 'joms pas nga rgyal bya/ /dri ma dag dang ldan bsams te/ /bden pa bdar zhing bka' bsgo nas/ /sngags rnams kun tu dri las yi/ /dbang por de la yungs kar gyis/ /bskrad de de nas rma bya dang/ /durba ku shas bya bas pa la/ /nang sogs ma lus gdon par bya/ de nas sngags ? ? las kyi ni/ /bkra shis bsgags la chu dbang bskur/ /thams cad dag par bsam par bya/ /dung la sogs par bkra shis sbyin/ /de nas de la lha bkod de/ /sngags kyi gnas su bsrung bar bya/ /dge ba'i ri la bsrung 'khor ni/ /rtsibs pa ni rgyan sngags spras pa yang// rin po ches bris rab gnas la/ /byin brlabs bzlas te gdags par bya/ /de nas de la shes bsgo nas/ /nub nas bton la rdo rje sbyin/ /rnam 'joms las kyang bslab par bya/ /des ni dbang bskur thob pa ste/ /nad la sogs pa las thar ba/? ? las thar bzhin/ phun sum tshogs pa'i rgyud kun ldan/ /yon tan ma lus rtsa bar 'gyur/ /bde ba kun dang ldan pa dang/ /sdug bsngal thams cad sal mdo bzhin/ /sdig las grol te byang chub mchog /thun mong las ni nges par 'grub/ lan cig brtsams bas de? sgrub na/ /rtag tu khrus byas smos ci dgos/ /de nas dkyil 'khor gshegs gsol la/ /bzod gsol dam tshig bsdu byas la/ /maN+Dal lags par byi dor bya/ /lha gcig bum pa gcig pa ni/ /'byor pa chung ?? par bya/ /de ltar shes pa'i grub pa pos/ /bdag gzhan 'dod pas rdzogs don du/ /rdo rje las sngags ting 'dzin gyis/ /las rnams sgrub par bya ba yin/ /bshad rgyud rdo rje'i zoms las ni/ /rdo rje'i rtso bo 'di ltar bkrol/ /skrag pa la sogs pas?
- 402b
lnga la las kyi mdza' bsgyur sngags 'khor las/ /bsam gtan mkhas pas shes par bya/ /bsdu na rnam pa bzhi ru 'gyur/ /rig sngags mnan dang rig sngags bcad/ /las gsum rmongs dang rengs pa'o/ /zhi ba la sogs lam rnams ni/ /dus dang 'ogs dang rdzas rnams dang/ /bsam pa thabs dang lha dang sngags/ /'khor lo ming gis bsgyur ba'o/ /zhi bar byas pa'i las sogs rnams/ /lha yi rnam pa gsum 'gyur te/ /gtso 'khor gnyis su bsdebs pa dang/ /gtso dang 'khor ni so so ste/ /kun la las kun rdzogs pa'o/ /sngags dang lha dang 'khor los shes/ /kun gyis las ni 'di ltar bya/ /zhi ba'i dus ni snga dro ste/ /shar du kha bltas dkyil 'khor la/ /rten pa 'am yang na bum pa la'o/ /shin tu dge ba'i las dag las/ /tsandan dkar pos 'khor lo bris/ /rab gnas bum pa'i stang? gzhan ste/ /lha rnams dkar por rnam par bsam/ /mchod pa de bzhin sngags mchog na/ /phyag 'tshal thams cad rig pa gnas/ /zhi ba gtso ste 'khor gyi yang/ /bzhi la bod pa rab brtags te/ /kye nas blo gos bzlas pa yis/ /thams cad zhi bar bltas? ni/ /'khor lo lus la gdags pa yis/ /nad sogs thams cad zhi bar 'gyur/ /rgyas la ser po'i ras la ni/ /gur kum gyis ni 'khor lo bri/ /de bzhin bya ste lha rnams ser/ /stags ni de bzhin gtso bo yi/ /gcod byed 'khor lo'i 'dzin bskul lo// nga yi rgyas bsams mchod na ni/ /tshe sogs thams cad rgyas par 'gyur/ /dbang la snad 'chod zhab ma la/ /rgya skyas zhu bas 'khor lo bri/ /de bzhin bsam gtan dmar po la/ /sngags ni de mtshungs phur bu nas/ /phyag 'tshal bzlas pas? byas bsam/ /lam chen spas na kun dbang 'gyur/ /gsang la bru gsum chos 'byung dang/ /thams cad nag byas ro ras la/ /dug la sogs pas 'khor la bri/ /kha sbyar phye la bkug bstim nas/ /lha rnams drag der? bsad par ?
- 403a
sngags ni gsang ba gsang par bzlas/ /tham bsregs na thams cad 'chi/ /gzhan rig sngags gcad pa ni/ /gi wang gis ni 'khor lo bri/ /lha kun drag por shes par bya/ /de bzhin gcangs ming bcas par/ /stobs chen bzlas sngags gcang bar bsam/ /de nyid de yis rab btugs na/ /des ni byad stems rig sngags kun/ /gtsang byed de la the tshom med/ /rig sngags mnan la de bzhin du/ /mtshan gyi reg pas bris nas mi/ las kyi rdo rjes mnan par bya// sngags ni ming bcing bzlas bsdam bsreg /de yi sngags rnams mnan bsam shing/ /lam chen rgya gram dag mnan na/ /nges par rig sngags kun gzhom 'gyur/ /reg la de bzhin ka ya staM/ /rmongs la bi d+hi mo ha'o/ /dag rengs b+ha ga sta zhes brjod do/ /skag la b+hai ra ya hUM ngo/ /'jil ba la bA ya ka ra'o/ /'joms la ma ta zhes pa yin/ /las 'jil karma b+hany+dza'o/ /brlag la ha thA ya zhes te/ /thar la b+hi mok+Sha ya'o/ /dgug la A karSha ya'o/ /las byed karmma kA ra ya/ /ma grub grub byed ?? 'dod la karmma d+hya'o/ /bsrung la rak+Sha ku ru ste/ /gza' skar bzlog pa la sogs pa/ /man ngag ldan pas mkhas par sbyar/ /'dis ni las rnams 'grub par byed/ /bya ba'i gzhi ni nges shes bya/ /rdo rje lta bur thogs med pa/ /nan tan gyis ni bsgrub par bya/ nan tan gyis ni bsgrub byas pas/ /dag dang gzhan don nges par 'grub/ /nges par don mthong bya ba'i cho ga ni/ /brgya rtsa brgyad byas de ni 'di ches te/ /rdo rje rnam 'joms cho ga 'di sbyar bas/ /khams gsum ma lus don rnams thob par shog/ //'phags pa rdo rje rnam par 'joms pa'i cho ga zhib mo dang bcas pa/ bram ze rig sngags 'chang grub pa mkhas pa chen po ku mA ra se nas mdzad pa rdzogs so// //rgya gar gyi mkhan po bud+d+ha gupta dang
- 403b
bod kyi lo tsa ba dpa' many+dzu sh+rI wa rmas bsgyur cing zhus te gtan la phab pa'o// //phyis paN+Di ta dz+nyo na te da ha du dang/ lo tsa ba da 'og bsod nams mos pa shes rab kyis gsan nas zhus pa'o// (//rdo rje rnam par 'joms pa'i gzungs kyi grub? thabs dpa' po gcig tu bsgrub pa'o/) / */ /rgya gar skad du/ badzra bi dA ra Na nA ma d+hA ra Ni e ka bI ra sA d+ha nA ma/ bod skad du/ rdo rje rnam par 'joms pa zhes bya ba'i gzungs kyi sgrub thabs dpa' bo gcig tu sgrub pa zhes bya ba/ 'phags pa 'jam dpal la phyag 'tshal lo/ /gang zhig rdo rje bdag gzhan rdzogs/ /rdzogs na mthar byin skur gnas pa/ /rdo rje rnam 'joms phyag 'tshal te/ /bya ba nyung ba'i sgrub thabs bri/ /gang zhig shes rab chung gyur la/ /spros pa mi dga' i rnal 'byor pa/ /dam tshig dbang thob ? gnang can/ /des ni don gnyis phyir 'di bsgrub/ /rgyas par yan lag bya ba kun/ /sgrub thabs che las 'byung bzhin bya/ /khyad par man ngag 'di lta ste/ /rab tu dben pa'i gnas dag tu/ /rnal 'byor 'khor dang bcas pa yis/ /dus ngan par chad bsal byas te/ / maN+Dal la brten mched pa dang/ /bum pa gnyis dag legs bya ste/ /sngon du rdo rje nus pas bsnyan/ /tho rangs dus su khrus gnyis bya/ /bshad sogs spangs te stan bde la/ /gnas pas yang snying gis bgegs bskrad/ /lha gnyis bla ma mdun bltas te/ /bdun po dang/? byas stong par bsam/ /de las rdo rje'i khang pa ste/ /gdan bcas steng du lha drug gis/ /bdag nyid phyag na rdo rjer bsam/ /bum pa stong sogs gdan dag la/ /hUM las rdo rje rnam 'joms te/ /yum dang khro bo bcas par bsam/ /spyan drangs bgegs bskrad yon phul nas/ /phyag rgya sngags kyis bstim par bya/ /phreng ba byin brlabs thugs zla ba/ /rdo rje lte bar sngags bsams te/ /ngag gsang gsum bzlas don gnyis byas/ /bar chad byung na bsal la bskyar/ /spyod lam legs byas 'bad pa yis/ /rtags
- 404a
byung nus pa thob pa yi/ /de nas gzhan don sgrub pa ni/ /nad sogs zhi bar bya ba'i phyir/ /sta gon gnas las cho ga bya/ /dkyil 'khor bri zhing rdzas dgod pa/ /thig gdab pho brang zlum po la/ /rin chen phreng ba lta gnas gnyis/ /sgo ldan bris te rgyan bkram nas/ /bum pa dbus nas nub sgor te/ /khrus sogs sngar bzhin shes par bya/ /sngags gnyis grangs ldan grag pa'i sgra/ /rdo rje nad sogs 'joms par bsam/ /de nas khrus kyi las la sbyar/ /mtshan ma phyis nas nub sgo nas/ /dbus su bzhag nas bgegs bskrad nas/ /bya ba dang bsrung ba kun bya ste/ /bum chu sngags dang bkra shis sgras/ /dbang bskur khrus bya nad sogs zhi/ /bsams te rdzas brgyad byin bya ste/ /nub nas bton te las kyang bslab/ /yon phul lan gsum gyis rdzogs 'bar// sngon gyi las kyang nges par 'jig 'phral gyi rkyen dag smos ci dgos/ /gshegs bsdu phyis la legs par gnas/ /'di ni bsdus par gyur pa ste/ /lha gnyis bum pa gcig pa ni/ /'byor pa cung zad shes bya zhes/ bla mas gsungs te de bsten byas/ / bdag gis 'di byas dge rtsa yis/ /khams gsum sems can nad gnyis can/ /de las gral te gsang bdag gis/ /go 'phang rnam gnyis thob par shog /'phags pa rdo rje rnam par 'joms pa'i gzungs kyi sgrub pa'i thabs dpa' bo gcig pa zhes bya ba mkhas pa chen po sangs rgyas gsang bas rigs can du mdzad pa rdzogs so// //mkhan po de nyid dang/ lo tsa ba dba' many+dzu shI wa rmas bsgyur ba'o/ /rgya gar skad du/ Arya badzra pi dA ra Na nA ma d+ha ra Ni ba li bi? d+hi kra ma nA ma/ bod skad du/ 'phags pa rdo rje rnam par 'joms pa'i gtor ma'i cho ga'i rim pa zhes bya ba/ 'phags pa 'jam dpal la phyag 'tshal lo/ /don rnams ma lus rab mdzad pa'i/ /rdo rje rnam 'joms phyag 'tshal te/ /rnal 'byor
- 404b
kun la phan bskyed pa'i/ /gtor ma'i cho ga mdor bsdus bshad/ /bad? gcang zhi dang tshogs bsag dang/ /'dod pa thams cad rab sgrub phyir/ /zla ba zhag dang thun mtshams la/ /yo byad ci 'byor gtor ma gtad/ /gtor ma'i cho ga rgyas pa ni/ /bla mas g.yos yig gsum ltar byas/ /rnal 'byor don phyir bsdus pa 'di/ /bdag byas cho gas kun la 'gro/ /de bas so so'i lha tshogs dang/ /zhi sogs gang 'dod lha tshogs bsgyur/ /mdun du maN+Dal legs byas te/ /phyogs skyong bgegs la me tog dbul/ /rgyal la sogs pa de bzhin te/ /khri stengs rin chen snod gtsang ma/ /'bras chan khur ba sha sogs pa'i/ /gtor ma gsum mam gcig dag ste/ /mchod yon mchod pa lnga bcas pa'o/ /sngags pa khrus byas gos gtsang kyon/ /yi dam lhar gnas bgegs bsal nad yang snying gis sam yig gsum gyis/ /bdud rtsir byin brlabs yig gsum gyis/ /de yi sngags dang phyag rgya sde/ /de nas dgug byed phyag rgya dang/ /dzaTi? pa yis phyogs skyong bgegs/ /bkra shis lha mo bcas te dgug /me tog bstan la rab gzhag nas/ /yum gyi rgyas gdab dam tshig bstan/ /bsang gtor mchod yon mchod lnga dbul/ /de las lag g.yas snying gar gtang/ /g.yon pa rtse gsum gtor mar bstan/ /se gol brdab cing dang sngags dbul/ /oM badzra A(rgyud 'grel): hUM a kA ro mu khaM sarba d+harmA NAM sa? dya nutpan+na twa tra/ da sha di klo ka pA d+h+rig /sarba big+ha nAM/ maM ga la de bi aSh+Ta/ sa pa ri pA raM/ ba li pU dza kha hi/ ma ma sarba karmmA satya ya hUM hUM hUM/ lan gsum brjod la gtor ma de/ /bdud rtsi 'dod yon lnga ldan par/ /rdo rje zhal ?? sngags kyis/ /drangs? pas sbyin pa gnyis rdzogs bsam/ /sbyin pa gnyis rdzogs tshig kyang brjod/ /dbang po rdo rje 'chang sogs kyis/ /phyogs skyong dag la bstod pa bya/ /bgegs la bka' sgo lha mo la/ /bkra shis gsol gdab
- 405a
kun la yang/ /zhi ba la sogs gang 'dod zhu/ /mchod pas mchod de se gol sgra/ /yi ge brgya pa mu(rgyud 'grel): bcas pa/ /bzod gsol rang gnas gshegs su gsol/ /gtor ma thag ring gnas bcas bzhag/ dri ma ma yal 'byung po mnyes/ /de bas khyi bya dag la min/ /'di ni gang 'dod las 'grub ste/ /rang gi las zhes gsungs pa na/ /'bad de sgrub kun zhugs pa yi/ /rnal 'byor pa yis kun byas nas/ /dngos grub rnam gnyis grogs su 'gyur/ /sangs rgyas gsang ba bdag gis ni/ /'jam dpal go chas gsol btab nas/ /gtor ma'i rim pa bsdus pa yis/ /dge ba kun kyang brol bar shog/ rdo rje rnam par 'joms pa'i gtor ma slob dpon chen po sangs rgyas gsang bas mdzad pa rdzogs so//// rgya gar gyi mkhan po de nyid dang/ lo tsa ba dpa' many+dzu sh+rI ba rmas bsgyur ba'o// (/rdo rje rnam par 'joms pa'i las kyi thabs zhes bya ba'i man nag bzhugs so//) /rgya gar skad du/ u pa ya karma nA ma/ bod skad du/ las kyi thabs zhes bya ba/ dpal rdo rje rnam par 'joms pa la phyag 'tshal lo/ /rdo rje can rnams rgyal 'gyur ba'i/ /rdo rje rnam 'joms phyag 'tshal te/ /rdo rje rnam par 'joms pa yi/ /gza' skar byad stems zlog pa bshad/ /byang ni mkha' 'gro la sogs pa'i/ /rig sngags gang yin de yi mthus/ /rnal 'byor gsod pa stems pa ste/ /de bzlog rig sngags gcad nan bzhin/ /gang dag gza' skar btsas pa 'am/ /de la bab nas las ngan la/ /'di byas gnod pa med par 'gyur/ /dkyil 'khor brgyad dam bzhi pa la/ /yang na gcod byed med pa la/ /gza' brgyud rgyu skar gzugs rnams ni/ /lha yi snam bur dgod par bya/ /gtor ma mchod pa de dag mtshungs/ /bum pa lnga 'am bcu
- 405b
gsum 'am/ /gcig pa thams cad bsham ste gzhag/ de nas khrus byas bsrungs ldan pas/ /bcu gsum lnga 'am dpa' bo cig/ skyed rdzogs de dag 'dra shes bya/ /gza' rnams gra las nag po che/ /bum pa rtse gsum thogs pa'o/ /rgyu skar 'od zhon bum pa dang/ /glog phreng thogs sgyed sbyan drangs nas/ /bstims te mchod pa byas nas ni/ /rdo rje'i gzungs sngags 'di dag la ni/ oM a sta na gra gra ha he rnaM na gra a sta d+ha d+ha ra rA dz+nyA pa ya ti swA hA/ de dang ldan pas bzlas pa yis/ /nus pa kun tu byas bsams shing/ /bka' yi bden pa bsgrags byas te/ /mchod nas de dag mkha' la gshegs/ /bum pas phyi bzhin khrus byas na/ /de dag las ni thar bar 'gyur/ /de nas gzhan yang las rnams ni/ /rgyas par 'grel dang sgrub thabs te/ /so sor sbyar na 'di dag yin/ /dkyil 'khor rdzas dang yo byad dang/ /lha dang sngags ni so so la/ /mkhas pas de bzhin sbyar bar bya/ /phyag 'tshal la sogs kun la sbyar/ /dang por bdag don mi chod sogs/ /bdun grub 'dod nas sarba bid// de la sogs pa bdun sbyar ro/ /gzhan don las bdag bshad pa yin/ /sems can thams cad skrag pa la/ /tra Ta la sogs rnam par shes/ /'jil las sarba ta thA sogs/ /rig sngags gcod la chin da sogs/ /gnon la band+ha ya sogs yin las rnams 'joms la he sogs sbyar/ /las 'jig pa la kyi li sogs/ /gdon brlag pa la sA da ni/ b+hu ta la sogs de bzhin no/ /de las thar la tsa ra sogs/ /dgug la ? la sogs pa'i/ /las byed pa la tsu ru sogs/ /ma grub grub byed e te sogs/ /grub pa brtan la ma ti sogs/ /des par sbyar bas 'grub par 'gyur/ /gnod sbyin nam pa la sogs yin/ /srung la ma na sogs nges par bya/ /zhi la ti ti la sogs so/ /rgyas la te dza la sogs te/ /rengs shir gsod la
- 406a
a mu sogs/ /rmugs la ban? sogs sbyar te/ /ting 'dzin la sogs pas bar sbyar/ /de dag 'grub pa rgyal bas gsungs/ /yang na bsdus pa 'di la ste/ /sems can skrag par bya bas na/ /rmugs pa'i bar du bco lnga la/ /ha gnas ni hUM phaT bar/ /bco lnga mkhas pas rim bzhin sbyar/ /gzhan yang las rnams dag ni 'di lta ste/ /sdig sbyar ba la sarba pA pa'o/ /gshags dang dag bsam de bzhin bya/ /du(rgyud 'grel): khats+tsho sdug bsngal med la ste/ /thams cad tsi la ta na tra mu la'o/ /dpal ldan sh+ri ma de bzhin ? par sbyar// dbang po nyams phyir in dra pu sha ya/ /tshe chad srid ba A yud de ste/ cho nyams rgyas la A yu puSh+Ta la'o/ /gyur las/ ma ba ti yang nges bar bya/ /lha ring ba la de ba u yo'o/ /mdza' ldang ba la pre dag bri yang bya/ rigs bzhis gtses la tso tur ku la dang/ /shAn ting ku ru bri ya des zhes bya/ /'khrug la man a sha a ka'i 'o/ /nor zad arba sa ra na d+he'o/ /mya ngan las byung a shong pa yi'o/ /'jigs pa a shan? yaM shAn+ta ta de ste/ /phongs la a shar yang sbyar bar bya/ /gza' la sogs pa gong bzhin 'dir shes te/ /gdon la de sha a sha u tsa ta ya'o/ /mya ngan de bzhin a sho su d+ha ya/ /rmi lam ngan d+ha ra band+ha ka ra ste/ /mdze la ko ra pri mo ka ye'o/ /bsod nams 'phel phyir phu? phyar d+ha ya bzlas/ /'byor la mkhas pas mi 'grub gang yang med/ /kun la khrus sogs rab tu sngags pa yin/ /rnal 'byor gces sbra ldan pas bsgrubs na 'grub/ /de min byas na lha ni mi 'grub pas/ /de phyir lus ? bya ba dag la? bad bar bya/ /'di byas bsod nams sems can kun la'o/ /rdo rje rnam par 'dzoms pa'i man ngag/ las kyi thabs zhes bya ba slob dpon grub pa chen po bud+d+ha gu hya sa mdzad pa rdzogs so// //'phags pa rdo rje rnam par
- 406b
('joms pa'i khrus kyi cho ga zhes bya ba bzhugs so/) /! /rgya gar skad du/ Arya badzra bi d+ha ra na nA ma a b+ha sa bid+hi bod skad du/ 'phags pa rdo rje rnam par 'joms pa zhes bya ba'i khrus kyi cho ga/ dpal rdo rje 'dzin pa la phyag 'tshal lo/ /rgyal po rgyal rigs spyi bo nas dbang bskur ba dag dang/ rgyal po'i blon po dang/ rje rigs dang/ dmangs rigs dang/ dge sbyong dang/ bram ze gang dag srid pa'i rgya mtsho las ma rgal ba dag la/ nad dang gdon dang/ byad la sogs pa gzhan gyi gnod pas sdug bsngal par gyur pa de dag la/ rdo rje rnam par 'joms pa'i rig sngags kyi cho gas grol bar 'gyur te/ de'i phyir de dag rnam par dbye ba'i rim pa brtsam par bya'o/ /mdo 'di'i mtshan rdo rje rnam par 'joms pa zhes bya ba'i ming gis nges par bstan te/ ji ltar zhe na/ rdo rje zhes bya ba ni 'phags pa rnams kyi yang dag pa'i ye shes kyi tshig bla gdags te/ ye shes de ni bsod nams dang ye shes tshad med pa'i tshogs can/ rang dang gzhan gyi don phun sum tshogs pa'i yon tan dang ldan pas de'i phyir lag na rdo rjes lus thams cad rdo rjer byin gyis brlabs nas zhes bya pas/ 'byung ba chen po bzhi las grub pa lta bu ni ma yin gyi ye shes kyi lus can du bstan to/ /de'i phyir rdo rje'i ting nge 'dzin la snyoms par zhugs so zhes bya ba yang/ ye shes de chos rnams kyi de kho na nyid shin tu rtogs pa'i ngo bo rdo rje ltar thegs pa med pas/ rtse gcig tu mnyam par gzhag pa'i gnas skabs la bya bar mngon no/ /ci'i phyir ye shes 'di la rdo rje zhes bya ba la/ zhe na phyi rol gyi rdo rje rin po che dang chos mthun pa bdun yod pa'i phyir dpe'i sgo nas don nye bar mtshon pa yin te/ 'di dag kyang 'di ltar/ mi chod pa/ mi shigs pa/ bden pa/ sra pa/ brtan pa/ thams cad du thogs pa mad pa/ thams cad du ma bam pa zhes bya ba
- 407a
rnams te/ des ni yis de nyid kyi rang gi lhon phan sum tshogs pa yang bstan to/ /de na gzhan gyi don bstan ba ni/ thabs la mkhas pa'i byang chub sems dpa' sgo sna tshogs nas sems can gyi don mdzad pa ste/ khams gsum pa'i ? ? la lta ba phyin ci log gi bsam pa can/ phyi dang nang nas bgegs dang log 'dren rnam par ldang ba'i rgyu las kyi bag la nyal dang/ kun nas ldang bar bcas pa de dag 'dul ba'i phyir/ sems can thams cad skrag par byed pa/ sems can thams cad 'jil par byed pa zhes bya ba nas sems can thams cad rengs bar byed pa/ rmugs par byed pa'i zhes bya ba'i bar du tshig don bco lngas bstan te/ de dag kyang mdor bsdu na las rnam pa gzhi'i sgo nas gzhan gyi ngan mdzad bar bstan te/ zhi dang rgyas dang drag spyod dang/ /dbang sogs las rnams bzhi po dag/ thabs kyis 'dul ba'i don mdzad pa/ /ci rigs par ni sbyar bar bya/ /de ltar de dag ye shes kyi rdo rje des 'dul bar mdzad sel bar mdzad/ 'joms bar mdzad ba'i phyir rdo rje rnam par 'joms pa zhes bya'o/ /de nas gsang sngags kyi tshig gang dag gsungs pa de dag kyang ye shes de'i rgyu las byung ba'i phyir thogs pa med pa rdo rje'i tshig tu rig par bya'o/ /de nas de dag gi cho ga bshad par bya ste/ cho gar bya ba thams cad kyang gtso bor slob dpon la brten pa yin pas/ /de phyir slob dpon dang slob ma gnyis ka sta gon du gnas pa'i cho ga ni/ des ni rab bskrus gtsang ma yin du mdo sde dam pa mnyam par bya/ /gang dag yid dge sems dang zhing/ /gtsang ma'i gos kyi rab brgyan te/ /zab mo sangs rgyas spyod yul ba/ /zhes bya ba la shin tu khrus bya ba dang gos gtsang ma gyon pa ni phyi'i gtsang sgra'o/ /sgo gsum nas
- 407b
sdig pa mi dge ba mi byed pa'i yid dge ba'o/ /byang chub tu mon pa ni sems dar ba ste de dag ni nang gi gtsang spra'o/ /mdo sde dam pa mnyan po'i don ni rig sngags de dag ye shes las byung bar khong du chud par bya'o/ /zab mo sangs rgyas spyod yul ba/ zhes bya ba yang ye shes de'i rang bzhin du rtogs pa nyid do/ /de nas slob dpon gyi cho gar bya ba ni mong 'di nyid las dbang bskur ba'i yan lag tu bum pa bstan pa tsam du zad do/ /dkyil 'khor la sogs pa'i cho ga gsungs pa de dag 'di nyis du gsungs pa la mi mngon par 'gyur ba 'am/ yang na spyi rgyud las gsal ba'i phyir ram de dag tu ma bstan pa ni gnyis ka ltar na yang de ltar sbyar bar bya ba nyid de/ de las mi phyugs lhas shing gcig lha'i khang pa'am/ lam gyi bzhi mdo khang stong nags tshal du/ /dkyil 'khor gru bzhi lham pa gru bzhi tshad/ /tshon rtsi rnam pa sna tshogs rnams kyis bri/ phyogs kyi lha rnams gnas ni yongs su bzung/ /sgo bzhi po la ku sha'i rtswa yang dag ma/ /zhes gsungs pa las reg par bya'o/ /de nas dkyil 'khor bya ba? slob dpon gyis dang pos bslang ba dang sbyar ba la sogs pa'i cho ga tshul bzhin du byas pa ste/ 'thabs par bcags la ba'i rnam pa lnga dang sdes chu gtsang mas byug go/ steng du yang bla re bre zhing dar gyi lnga ldi dang me tog gi phreng ba ? long dag gis kyang brgyan par bya'o/ /gzhan yang dbang bskur ba'i cho ga la bkra shis kyi bum pa tshul dang ldan bas yon tan 'grub pa'i phyir/ 'di nyid las de'i rgyu bstan ba ni/ gser ram yang na ni dngul gyi bum pa dag kyang rung// zhes bya bas bstan to/ /de dag ni nang dga' ba ni chu'i zhes bya ba smos te/ tsan dan dang gur kum la sogs pa'i chu yang nang dga' la/ de dang lhan cig ldan pa'i rin po che dang shes dang zhes bya ba dngos su zad do/ /nor bu zhes bya ba
- 408a
ni spyi tshig tu smos ba ste/ rnam par phyi na pad+ma rA ga dang on+d+ra nI la sogs pa rin po che'i rigs su btogs pa mu tig dang sa la spra ma la sogs pa dag ste de dag kyang dags chag med pa rgyan gyi bya ba byed nus pa dag ni rma med ces bya'o/ gzhan yang zla la yungs kar dang/ rtswa du rba dang me tog rnams gzhug bar bya'o/ /tshul de bzhin du spyi'i? rgyud las kyang/ bum pa pad+ma dmar po'i mdog 'dra zhing/ nag por ri mod pa rin chen bcas/ /sman dang 'bru dang spos nus bkang ba dag/ ldum dus kha rgyan ras kyi mgul pa bkri/ zhes bstan te/ de dag gi ltor ne chu bre gang shong ba las bstan to/ /mtshan nyid gzhan ni rgyud gzhan dag las rig par bya'o/ /yang gong? ma? 'bru dang sman dang zhas bya ba la/ bya kri? dang seng kri la sogs pa'i sman rnam pa lnga dang/ til dang sran ma la sogs pa 'bru sna lnga rnams rgyud las grags pa bzhin du sbyar ro/ /mgul mchings ni gtsang ma'i gos shes bya ba ma spyad pa ma bab ba'i ras dkar bo kha tshar dang bcas pa'o/ /bkra shis dgang ba ni gong du bstan ba'i rdzas rnams kyi ngan mdor bsdus te bstan pa'o/ /bum pa de ltar bca' ba de yang rtog pa gzhan gyi cho ga las 'byung ba bzhin du grangs bzhi 'am lnga dag gu gul la sogs pa la rdo rje khro bo'i sngags kyis btab ste bdugs la dbus dang gru bzhi? ru bzhag par bya'o/ /de nas slob dpon bdag nyid las kyi khro bor bsgyur la lag tu rdo rje dang yungs kar blangs te/ bskrad cing bsrung ba dang/ mtshams bcad la dag byas nas/ thig skud lag tu blangs te phyogs ma 'khrul bar sa bcad la rab pa gsum par thig gdab bo/ /de nas bris nas/ dbus kyi dkyil 'khor du gtso bo phyag na rdo rje rgya gram phyogs cig med pa pad+ma dang seng ge'i khri'i stengs su bzhag go/ /de'i gru bzhir 'khor rnams kyi
- 408b
phyag rgya byang shar mtshams nas bzung ste khro bo'i rdo rje rtse lnga ba gdengs ba dang/ rdo rje rtse gcig ba dang/ be? can rdo rjes mtshan ba dang/ rdo rje tho pa rnams bri'o/ /de nas rim ba gnyis bar dbang ldan la sogs bar 'jig rten sbyod? ba bcu dang/ bkra shis kyi lha mo brgyad kyi mtshan ma dag bri'o/ /rim pa gsum bar rin po che'i chun 'phyang dang/ /mu tig gi phreng ba dag dgod do/ /phyogs bzhir sgo 'khyud dang rta babs dag gis mdzes par bya'o/ /de'i phyi rol stegs bu'i? mthar bskor du yang rtswa ku shas bskor cing me tog gi sil ma dag kyang bkram mo/ /de nas phyi rol tu byung ste 'byung po rnams la snying rtse ba'i phyir/ /bza' dang sha chad la phug la sogs bcas/ /'bras chan 'bras bu mang po'i gtor ma sbyin/ /zhes bya bas khyer nas/ lha dang lha min gnon sbyin lto 'phye grul/ zhes bya ba la sogs pa bstod ba'i bden pa brdar? la/ lag pa gnyis thal mo khong stong du sbyar ba las kha phye ste bkan nas bstan tshul du byas ba ni gtor ma sbyin pa'i phyog rgya ste/ 'gyur bo de dag la so so'i rig sngags dag rjod cing nam mkha' mdzod kyi rig pas kyang byin gyis brlabs la bsngo'o/ /de nas slar log sde lha'i gnas su song la tshon gyi dkyil 'khor de dag mdun gyi nam mkha' la gyen du dpag cing/ rin po cher gzhal yas? khang pad+ma dang seng ge'i gdan khrir bcas pa bsams nas/ der rigs kyi sngags kyi lha 'khor dang bcas pa spyan drang ba ni pho brang lcang lo can nas dpal phyag na rdo rje ye shes kyi khyad par las byung ba rdo rje rnam par 'joms pa zhes bya ba sku mdog ljang sngon zhal gyi ? ma khro gnyer can/ phyag g.yas pa na rdo rje rtse lnga pa thugs kar bsnams pa/ g.yon pa dkur brten cing 'gyid ba/ stong g.yogs smad g.yogs dar ba ti 'am tshig gu gsel pa/ rgyan thams cad kyis brgyan pa/ /
- 409a
'khor gsang sngags dang rigs kyi khro bo dang/ khro mo phyag brnyan grangs med pa'i tshogs can dag rang nyid kyi rtsa ba'i phyag rgyas spyan drangs te/ lag pa gnyis thal mo khong stong du sbyar la srin lag gnyis nang du bkug ste phan tshun bsnol ba'i rtse mo 'dzub mo'i drung du cung zad dbyung bar byas la/ gung mo gnyis gzhibs pa'i phyi rol nas mdzub mo gnyis bkug ste/ bar nas gang tsam gyis ma reg par byas la mthe bong gnyis gzhigs par bya'o/ /de'i sngags la/ oM badzra badzra lan ye swAhA/ zhes bya'o/ /yang na rdo rje lcags kyu la sogs pa'i sngags dang phyag rgyas spyan drang ngo/ /de nas thog mar dam tshig gi phyag rgya bstan te/ lag pa g.yas pa'i mthe chung gi sen mo mthe bos mnan la lhag ma rnams rdo rje rtse gsum gyi tshul du byas la/ de'i sngags ni/ oM shaM ka ra ma ha sa ma ye swAhA/ de nas dkyil 'khor gyi grwa bzhir khro bo bzhi bzhag ste/ byang shar mtshams nas gzung ste khro bo'i rgyal po rdo rje gtum po zhes bya ba mdog smug nag bzhin khro gnyer can/ phyag g.yas pa na rdo rje rtse lnga pa gdengs pa phyar te thogs pa bsam mo/ /de'i phyag rgya ni lag pa g.yon par mdzub mo snying ga'i logs su gzhag /g.yas pa'i sor mo gsum rdo rje ltar byas te/ de'i sngags kyang 'di nyid las/ oM tsu ru tsu ru/ ShtsaN+Ta li badzra kI li kI lA ya swAhA/ zhes bya ba dang sbyar ro/ /de nas shar lho'i mtshams su rdo rje kI li ki lA ya zhes bya ba mdog ljang gnag dbral ba khro gnyer can/ phyag g.yas pa na rdo rje rtse gcig pa ka na ya'i dbyibs 'dra ba thogs pa bsams te de'i phyag rgya ni lag pa gnyis khu tshur bcangs la cung zad bsnol pa'i tshul du byas la/ mthe bo gnyis gyen du gzhibs la bsgreng ngo/ /de'i sngags ni/ oM tra sa yA tra sa yA badzra kI li kI lA ya swAhA
- 409b
zhes bya ba dang sbyar ro/ /de nas lho nub kyis mtshams su rdo rje be con zhes bya ba mdog mthing nag sma ra ser po 'khyil ba/ /phyag g.yas na be con gyi rtse mo rdo rjes mtshan pa bsnams pa ste/ de'i phyag rgya ni lag pa phyag 'tshal ba'i thal mo las mthe po gnyis bsgong ste tshigs bkug nas srin lag drung du gzugs par bya ste/ de'i sngags la/ oM ha ra ha ra badzra d+ha ya swA hA/ zhes bya ba dang sbyar ro/ /de nas nub byang gi mtshams su rdo rje tho ba zhes bya ba mdog nag po shir tu khros pa mche ba gtsigs pa bsams te/ de'i phyag rgya ni lag pa gnyis khu tshur bcangs te mthe bong gnyis bsgreng mthe chung gnyis nang du gzhug go /de'i sngags ni/ oM pra ha ra pra ha ra badzra pra b+hany+tsa nA ya swA hA/ zhes bya ba dang sbyar ro/ /de nas phyi rol gyi rim pa gnyis par dbang bdag la sogs pa 'jig rten skyong ba bcu dang/ rgyal ma sogs pa bkra shis kyi lha mo brgyad kyi phyag rgya bsgom ste/ de dag so so'i sngags dang phyag rgya bcings te spyan drang zhing rang rang gi nas su bkod la/ gtso bo 'khor dang bcas pa de rnams la gus pa'i mchod pas khyad par bya ste/ mchod yon byug spos me tog bdug pa dang/ /zhal zas mar me'i tshogs rnams rim bzhin dbul/ /de nas phyogs bcu dag ni ji ltar srid pa'i lha rdzas dag /kun tu bzang po dag gis mchod la/ nam mkha' mdzod kyi rig pas kyang byin gyis brlabs te/ 'di ltar ro/ /na ma sarba ta thA ga te b+hyo/ bi shwa mu khe b+hya:/ sarba tad khaM ud ga te spha ra na hi maM ga ga na khaM swA hA/ de nas bstod pa ci shes pas kyang bstod do/ /de nas bzlas pa bya ba ni/ lan grangs nyi shu rtsa gcig gam/ yang na lan grangs brgya rtsa brgyad/ ces pa grangs ma nges par gsungs pa la/ rtsa ba'i rig sngags mjug snying po'i rig sngags rnam pa gnyis bskul tshig dang bcas bzlos pa ni nyi shu rtsa
- 410a
gcig bzlas par bya'o/ /yang na de rnams gnyis ka gdon par mi nus na 'jug na/ na maShtsaN+Ta badzra zhes bya ba nas a mri te hUM phaT/ zhes bya ba'i bar ni rig sngags 'di'i snying po yin te bskul tshig dang bcas par lan grangs brgya rtsa brgyad gdon par bya'o/ /de ltar bzlas brjod zin nas yon bdag gsum la skyabs su 'grol la sogs pa byas te/ dkyil 'khor gyi dbus su khri'u lta bu gzhag pa'i sar ri mo yid kyis bteg pa dang/ yang na phyag rgya nyi tshes byi bar bya'o/ /de nas bum pa rnams kyi chu blugs shing dbang bskur te/ shu ti dang nye shing la sogs pas khrus bya'o/ /rol mo dang bkra shis kyang gdon no/ /khrus zin nas sgor 'byung ba'i dus su zho dang sman dang 'bras la sogs pa bkris kyi cho gar bstan pas mthong ba 'am reg par bya ba dag ni bkag pa med do/ /de nas rig sngags kyi rgyal po 'di'i cho ga'i phan yon 'byung ba yang mdor bsdu na gnyis te/ sdug bsngal sel bar byed pa dang/ bde ba bskyed par byed pa'o/ /sdug bsngal sel bar byed pa ni/ sems can dbang po nyams pa dang/ tshe zad pa dang tshe nyams pa dang/ zhes bya ba nas/ de dag thams cad zhi bar lta zhes bya ba'i bar dang/ sdig pa thams cad byang byas nas/ /sdug bsngal thams cad med par byed/ ces pa'i tshigs su bcas pa bzhis bstan to bde ba skyed par byed pa ni/ rgyud do cog gi rtsa ba ste/ /dpal kun gyis de? legs par brgyan/ zhes bya ba dang/ tshe dang bsod nams 'gel bar 'gyur/ /sdig pa kun las rnam par thar/ ces bya ba rnams kyis bstan to/ de dag kyang phan yon mdor bsdus pa tsam du zad kyi/ gzhan yang rgyal po'i chad pa dang/ tshom rkun dang/ me dang/ chu dang/ dug dang/ mtshon la sogs pa'i 'jigs pa thams cad las sgrol bar rig par bya'o/ /'phags pa rdo rje rnam par 'joms pa'i khrus
- 410b
kyi cho ga/ slob dpon sangs rgyas gsang bas mdzad pa rdzogs so// //sngon tshe bde gshegs pho brang spyan snga ru/ /gdug pa 'dul phyir rdo rje can gyis ni/ /rjes mthun 'phrin las khyad par gang bsgo ba/ /dam bcas phrin las de ni rjes dgongs la/ /de phyir bgegs dang log 'dren tshar gcad cing/ /'gro ba 'di la rjes su gzung ba'i phyir/ /sdug bsngal des bsal bde mchog 'byor pa po/ /khro rgyal khyod kyis de ring byin brlabs mdzod/ /khrus kyi skyes bu la dang por bdud rtsi thab sbyor gyi sngags lan gsum brjod pas bskrad/ /da nas rdo rje khu tshur gyi sngags lan bdun nam/ gsum brjod pas bdug /de nas yungs kar la pra tsa ta zhes pa dang/ d+ha ra d+ha ra zhes bya ba'i sngags lan gsum bzlas la gtor ro/ /de nas chu'i khrus dang/ bya ba dang bsrung ba rim pa bzhin du bya'o/ /de'i rjes la rdo rje go cha dang/ bsrung ba chen mo'i sngags dang phyag rgyas rim bzhin du bsrung ngo/ /de'i rjes la snying ga dang spyi bor phyag rgya bsams la rdo rje gtug go/ /oM pra tsa Ta ku bi ta sangs ti/ ukshi pi bad+hwa na d+ha ra ni/ d+ha ra d+ha ra hUM hUM phaT phaT/ na mo rad na tra ya yA/ na maShtsaN+Da badzra kro d+ha ya/ mahA bid d+ha sya/ mahA bid d+ha ra tsA ya/ tadya thA/ d+ha ra d+ha ra ma ha kro d+ha/ mu ru mu ru/ sarba big+hA nAM bi nA ya ka/ ma thA ma thA/ pra ha ? ra/ sarba duSh+Ta? na yan+t+ra ka ba ta na/ bi nA sha ya b+hasmi ku ru da ha da ha hUM hUM phaT phaT/ nir ma tha nir ma tha mahA kro d+ha dza ya dza ya/ sarba duSh+Tan pa ri ka dzwa la dzwa la swA hA/ oM badzra dzwa la nA ya swA hA/ che ge mo sarba big+hA ne/ shAn ti be? ku ru swA hA/ sarba byi ta b+hya:/ sarba u pa tra b+hya(rgyud 'grel): sarba a kA la mri tyu b+hya(rgyud 'grel): sarba gra he d+hya(rgyud 'grel): sarba dzra re b+hya/ sarba du ra swab ne b+hya:/ sarba dur ni mi te b+hya:/ sarba tsit ta bya ku la b+hya:/ de bzhin du/ oM badzra dzwa la nA ya swA hA/ che ge mo sarba
- 411a
big+hA ni a pa na ye swA hA/ sarba bya ti b+hya:/ 'dre'o/ /oM badzra dzwa la na ye swA hA/ che ge mo sarba bi ga he na raksha raksha swA hA// //sarba bya ti b+hye:/ ku la b+hya ri bar du 'dre'o/ chu khrus dang/ byab pa dang/ bsrung ba'o bsrung ba chen po rnams ni mi 'jigs pa gser gyi mdog can/ gos dkar mo gyon pa dbyug pa thogs pa'o/ /'jigs pa thams cad med pa kha dog dkar mo ral gri thogs pa'o/ /gdul bka' ma ni gos dmar mo gyon pa dkyil 'khor la lta ba'o/ /ma thul ma ni kha dog nag mo khro gnyer gnyer ba smad g.yogs nag po gyon pa 'jig rten gyi khams rang gi 'od kyi snang bas 'bar bar byed ba dbyug to thogs pa'o/ /tsa pa saksha/ phyag rgya ni ? po khong stong du sbyar ba las/ mdzub mo gnyis dang gung mo gnyis nang du bkug ste mthe bo gnyis dang srin lag gnyis mthe chung gnyis bsgreng ba'o/ /sngags la/ /na ma(rgyud 'grel): sarba ta thA ga te b+hya:/ sarba b+ha ya bri ga to b+hyo/ bi shwa mu khe b+hya/ sarba thA haM khaM rak+Sha rak+Sha mahA ba le/ sarba ta thA ga te spu Na nir rdza ste hUM hUM/ ta Ta tra Ta/ a pra ti ha te swA hA/ rdo rje khu tshur gyi sngags la/ oM badzra da ma da ma hUM/ spho Ta ya b+haM smi ku ru hUM phaT swA hA/ bskor ba dang/ bdug pa dang/ chu'i khrus dang/ byab pa dang/ bsrung ba rim pa bzhin du bya'o/ /khrus kyi cho ga'i rim pa rdzogs so// (//rdo rje rnam par 'joms pa'i gzungs kyi man ngag bzhugs so//) rgya gar skad du/ badzra bi dA ra Na nA ma d+ha ra Ni u pa de sha/ bod skad du/ rdo rje rnam par 'joms pa zhes bya ba'i gzungs kyi man ngag/ bcom ldan 'das rdo rje rnam par 'joms pa la phyag 'tshal lo/ /'dir bla ma'i man ngag
- 411b
gis las kyi cho gas cung zad dran pa rnams dgod par bya'o/ /de la las kyi rnam par dbye bas mang mod kyang 'dir ni phrin las bco brgyad las ma gsungs pas de dag gi don kyang bsdu na gnyis nyid de/ phan gdags pas rjes su gzung ba/ tshar gcad pas rjes su gzung ba'o/ /de dag kyang zhi ba la sogs pa bzhis 'grub par 'gyur la phrin las kyang sgrub po tshad dang ldan pas yin gyi gzhan du na don med par 'gyur ro/ /thog mar sngags pa snying rje chen pos bskul ba'i bsnyen pa yongs su rdzogs par byas ba/ de'i las dang mthun ba'i 'khrul 'khor bri bar bya'o/ /de yang zhi? ba'i 'khrul 'khor ni dkar po phyogs kyi tshes gang yang rung ba la ras sam shing shun la sogs pa gzhi dkar po la pad+ma rgyas pa lta bu'i rtsibs brgyad pa'i 'khor lo gur kum la sogs pas gtsang sbra la gnas par bya'o/ /de'i lte ba la na mo ratna tra yA ya/ na ma(rgyud 'grel): tsanDa badzra pA Na ye ma hA yak+Sha se nA pa ta ye che ge mo la rak+Sha rak+Sha zhes spel la bri'o/ /rtsi? rnams la rim pa bzhin du gnod par byed pa rnams tra Ta tra Ta to Ta ya tro Ta ya che ge mo la rak+Sha rak+Sha zhes bri'o/ /de'i mu khyung phyi ma la yang snying po bri bar byas te/ sngags de thams cad mgo phyir bstan pa'o/ /de ltar bris pa'i 'khrul 'khor de la sngags pas 'di ltar las la sbyar ba bya ste/ rang nyid yud tsam gyi lhar bsams la mdun gyi nam mkha' la bcom ldan 'das rnam par 'joms pa bskyed la gsol pa gdab pa ni bcom ldan 'das thugs rje chen po khyod ni thams cad la phan pa dang bde ba'i phyir zhugs pa yin na de che ge mo 'di'i gnod pa 'di dag nye bar zhi bar byin gyis brlabs dur gsol zhes dag gam yid kyi sa lan gsum gsol ba gdab par bya ste bar gyi tshig spros la
- 412a
phrin las gzhan la yang sbyar bar bya'o/ /de ltar gsol ba btab pas bdag dang bsgrub bya la byin gyis brlabs nas 'di ltar 'dod pa grub par bsams te/ slar yang bcom ldan 'das 'khrul 'khor gyi lte ba la bzhugs te rgyun mi 'chad par byin gyis brlabs par bsams la spel ba dang bcas pa'i bzlas pa bya'o/ /zin pa dang mchod de bstod pa yang byas thams cad zhu ba dang bcom ldan 'das kyi thugs pad+ma rgyas pa lta bu'i thugs kar bsgrub bya tshud pas mchog tu bde zhing gnas par bsams la/ de bzhin nyid kyi blos me tog la yang snying po ci nus par bzlas la 'khor lo la gtor bar bya'o/ /de ni rab tu gnas pa zhes bya ste 'khor lo dril la bsgrub bya la gtags te/ de la 'gom par mi bya ba ni dam tshig gi/ sems can thams cad gzhil bar byed pa dang/ zhi ba dang bsrung ba ste/ las gsum dang 'brel pa'i zhi ba'i 'khrul 'khor gyi rnam par dbye ba rdzogs so// //ji ltar sngar bstan pa'i tshul gyis bar gyi tshig 'dis spel la 'dir yang sbyar te rgyas pa'i 'khrul 'khor ni gzhi ser po la rin po che'i phung po lta bu'i dbyibs can bris la ming 'di zhes bya ba'i che ge mo rab tu gnas par rgyas par mdzad cig ces spel bar bri zhing mu khyung phyi ma la ni snying po bri'o/ /de nas gdab ba la sogs sngar bzhin no/ /de la 'dir khyad par gyi gdams ngag ni 'di yin te/ 'dod pa thams cad rab tu sbyin pa zhes gsungs pa'i phyir na yo byad don du gnyer bas nor gyi bdag po la bskul bar bya'o/ /de yang 'khrul 'khor gyi sbyor ba spangs nas yan lag brgyad dang ldan pa'i chu la spos la sogs pa'i dza stsal te dngos su 'am bsams pas rnal 'byor pas yud tsam gyis rnam par
- 412b
snang mdzad du bsams la mdun gyi nam mkha' la de bzhin gshegs pa bsam zhing de bas dma' bar ji ltar 'dod pa'i nor gyi lha bsams te/ dag ni dbul te de bzhin gshegs pa mchod pa dang dbul po rnams la phan pa'i nus pa med pa la ji ltar bya snyam du 'dun pa drag po byas la/ yang 'di snyam du dkon mchog mchod pa la sogs pa'i yo byad kyi don du dzaM b+ha la khyod la nor gyi dngos grub 'byung gis bdag la myur du longs spyod rgya chen po stsal du gsol zhes dngos sam yid kyis brjod la/ de'i ngang? la yang snying po brgya rtsa brgyad pa'i chu lag g.yas pas dzaM b+ha la'i spyi bor blugs par bsams te de la chu sbyin no/ /de'i tshe dzaM b+ha las sngon bcom ldan 'das kyi spyan sngar ji ltar khas blangs pa dang/ de ltar yang chu ster ba'i dus su yang bcom ldan 'das dbang po tshul du bzhugs pa dang/ bdag ni bcom ldan 'das rnam par 'joms pa'i sku yin la de ni sangs rgyas kun gyi gsang ba'i bdag nyid kyang yin te lag na rdo rje'o/ /lag na rdo rje ni gnod sbyin gyi lde dpon yin pa dzaM b+ha la yang gnod sbyin yin pas na/ sde dpon lag na rdo rje yin pas 'bangs sam 'khor dzaM b+ha la la bka' stsal pa ni mi bslu bas na bsngags pa'i 'dod pa thams cad dzaM b+ha las rab tu sbyin par 'gyur te 'di ni nges pa'o/ /'khrul 'khor rgyas pa 'di ni gnas dben par mchod cing gzhag par bya'o/ /'di ni rgyas pa'i las dang 'dod pa thams cad rab tu sbyin pa dang/ ma grub pa rnams grub par byed pa dang/ grub pa rnams chud mi za ba ste phrin las rnam pa bzhi po de ni rgyas pa'i 'khrul 'khor gyi las su rig par bya ba rdzogs so// //dbang gi 'khrul 'khor dmar po zla kham gis la dbus su hUM nag po bri zhing de'i g.yas dang g.yon du h+ri dmar po re re bris te/ mu khyud hUM
- 413a
pos bskor ba la yang snying bris la stegs bu la gzhag go/ de nas sngags pas gos dmar po bgos la nub phyogs su bltas te de nas brtsams te che ge mo dbang du bsdu'o snyam pa'i blo dang ba gsol ba la sogs pa byas la de'i rjes la rang gi lus 'khrul 'khor gyi lte ba'i hUM la thim nas/ de yongs su gyur ba las rnam par 'joms mdzad du rang nyid bsam mo/ /las myur du bsgrub pa ni lag pa nyid myur bas na rang gi srin lag g.yas pa la h+ri dmar po zhig byung nas rang gi g.yas na 'dug par bsam la/ g.yon pa las kyang de bzhin te h+ri las 'od dmar po 'phro zhing rang 'dod pa'i las byas te slar yang de nyid la 'dus pas sngags kyang rang gi spel pas bzlas de'i tshe na yang sngar gyi nam mkha' i bcom ldan 'das ni ji srid 'dod kyi bar du byin gyis brlabs cing bzhugs par bsam mo/ /'dod pa'i don grub nas h+ri ni rang la bsdus la rang yang zhu nas ji ltar 'dod pa'i tshul du gnas par bya'o// 'di ni 'khrul 'khor ni ting 'dzin nyid kyang rung ngo/ /'dis ni 'byung po thams cad 'gugs pa dang/ gdon thams cad las thar bar byed pa la sogs pa phrin las gnyis gtso bor byed do/ /dbang gi phrin las kyi rim pa rdzogs so// // bcom ldan 'das dpal rdo rje rnam par 'joms pa gtum po la phyag 'tshal lo/ /mngon spyod la gnyis te/ mi dang mi ma yin pa'i dbye bas so/ /'khor lo bris la lte ba'i gru gsum la bsgrub bya'i ming dang mA ra ya sod nan zhes bya ba la sogs pa'i spel ba dang bcas pas bri'o/ /shar gyi rtsibs la sarbba sha truM nAM/ g+ha Ta g+ha Ta che ge mo mA ra ya rbad ces bri'o/ /g.yon du skor ba'i rtsibs la saM g+ha Ta ya che ge mo mA ra ya rbad ces so/ /rtsibs gcig la a mu kaM mA ra
- 413b
ya phaT na ma(rgyud 'grel): sa man+ta badzra NAM sarbba ba laM A barta ya ma hA ba le che ge mo mA ra ya rbad ces bri zhing mu khyud la yang sngags de dag nyid do// /sngags de dag ni mgo nang du bstan bas/ /de nas yang gsol ba la sogs pa sngar bzhin bya ste/ bcom ldan 'das ni shin tu khro bor bzhugs pa la gsol ba gdab bo/ rang nyid rnam par 'joms mdzad du bsam pa'i zhal nas sngags brjod pas sngags kyi phreng ba 'phros nas gang la bya ba'i lus la phog pas de yongs su zhu nas rnam shes yig 'bru gcig tu gyur pa 'phen pa'i rlung gis bteg ste/ yi ge yaM gi steng ni nri sngo nag tu gnas pa bkug nas 'khor lo'i lte bar tshud par bsams la/ de yang 'dar zhing 'phar la mi bzod bzhin du gnas par bsam mo/ /'khor lo'i rtsibs kyi rtse mo la yang gzugs brnyan bri ba 'am bsam par bya'o/ /rab tu bsgrims par bya'i gzhan du na rang gi srog kyang g.yo bar 'gyur na dgra bgegs lta rtsi smos/ zin pa dang las kyi mdza' bsreg pa 'am/ mnan pa gang yang rung ba bya'o/ /'dir yang man nga ni 'di yin te/ rig sngags gcod pa zhes bya ba'i skabs su skud pa sngon po la sum bsgril byas nas sngags brgya rtsa brgyad bzlas te rdo rje lta bu'i mdud pa 'am/ lcags sgrog gam zhags pa lta bu'i mdud pa dor zhing mdud pa re re'i nang du pha rol gyis rbad pa'i mi ma yin pa dang de rbod par byed pa po'i dngos po rnams chud cing rab tu gdams nas sngags bzlas pas de ltar gyur te de mgul du gdags so/ gang gi tshe dgos pa'i tshe ? ba dgrol bar bya'o/ /gzhan du bsod nams ma yin pa sogs par 'gyur ro/ /de bzhin rig sngags thams cad gnod par byed pa zhes pa de la yang man ngag gi nad 'di lta bu brtsam par bya'o/ 'khrul 'khor gzhung ltar bris la 'khrul 'khor gyi
- 414a
lto bar bsgrub bya'i gzugs lce shin tu che pa bris la/ lce la rtsibs kyi sngags rnams dang/ che ge mo 'di zhes bya ba'i dag rengs par gyis shig gces spel te bri'o/ /de la bsgrub pa byas la ri rab sa nag po la byas pa'i stong du rnam par 'joms mdzad kyi sngags shog bu la sogs pa la bris la stsal/ smad du bug pa gru gsum brus la de'i nang 'khrul 'khor bris pa de bcug la mnan par bya'o/ /'di ni sngags kyi nus pa 'am ? gtong nye bar zhi bar byed pa ste mngon spyod kyi khyad par ro// //yang sems can thams cad skrag par byed pa zhes bya ba la 'khrul 'khor spangs la rta nag po'i rnga ma la bshad ba'i srin bu brgyus te phreng ba byas nas gang la bya ba la dmigs te khro bas sngags bzlas na/ grong khyer la sogs pa 'jigs shing skrag par 'gyur te sngags las su rung na las de dag la the tshom mi za'o/ /mngon spyod kyi 'khrul 'khor ni skrag pa dang rig sngags gcod pa dang rig sngags gnon pa dang las 'joms pa dang rig sngags kyi las byed du 'jug pa dang/ rengs par byed pa ste las drug byed pa'o/ /dgra mngon spyod kyi 'khrul 'khor rnam par phye ba'i rim pa rdzogs so// //da ni bgegs kyi mngon spyod kyi 'khrul 'khor brtsam par bya ste/ ro ras la sogs pa la 'khrul 'khor gru gsum sum rtseg tu byas la gru rnams la/ oM ts+tshinda mo che ge ts+tshinda b+hinda che ge mo b+hinda mahA kI li ki lA ya che ge mo ma ra la/ phaT ces bri'o/ /dbus su bgegs kyi gdugs pa// mA ra ya zhes spel la bri'o/ /yang gsol ba btab pa la sogs pa byas la rang nyid chu'i zla ba lta bu'i rnam par 'joms mdzad du sku che la yan lag rags par bsgom mo/ /de nas rab tu bsgrims nas sngags ring po
- 414b
'ba' zhig bzlas par bya ste/ sngags kyi 'od kyis gang la bya ba'i lus la phog pas rab tu gzir cing mi bzod par bsams te/ dper na lo tog la ser ba bab pa lta bur dmigs shing khros pas bzla'o/ /zin pa dang las kyi zhabs bsreg pa dang/ mnan pa gang 'dod pa bya'o/ /'khrul 'khor 'di ni phal char bgegs la bshad kyis 'on kyang rnal 'byor la su rung ba'i sngags pas 'khrul 'khor gcig gis kyang las thams cad la sbyar bar nus so/ /'dis gdon rlag bar byed pa dang/ rmugs par byed pa'i las gnyis 'grub po/ /de ltar phrin las bcu bdun no/ /gzhan gyi las 'jig pa ni sdig pa ste de dag par byed pa ni bum pa la sogs pa'i khrus dang 'brel phyir 'dir ma smos so// thams cad la ni spel ba'i tshig ni dang so so'i skabs la dang sbyar ro/ /rdo rje rnam par 'joms pa'i man ngag paN+Di ta smri ti dz+nyA na kIrtis mdzad pa rdzogs so// //paN+Di ta chen po de nyid kyis bsgyur ba'o// // (rdo rje rnam 'joms kyi gzungs kyi dkyil 'khor gyi cho ga rin chen snang ba sogs pa rnam 'joms kyi bskor bzhugs so//) // * rgya gar skad du/ badzra bi dA ra Na ma d+ha ra Ni ratna du ti maN+Da la bi d+hi nA ma/ bod skad du/ rdo rje rnam par 'joms pa'i gzungs kyi dkyil 'khor gyi chog rin chen snang ba zhes bya ba/ bcom ldan 'das 'jam pa'i rdo rje la phyag 'tshal lo/ /ma rig log par lta ba 'joms mdzad pa'i/ /ye shes thugs rje nyi ma lta bu yis/ /mi shes sgrib? pa ma lus sel mdzad pa'i/ /rdo rje rnam par 'joms la phyag 'tshal nas/ /gti mug dra ba bsal pa dang/ 'dod chags dri ma bkru ba dang/ /zhe sdang zhi bar bya ba'i phyir/ /rgyud la brten nas 'di bshad do/ /byams dang snying rje
- 415a
ldan pa yi/ /theg chen don la rab tu zhugs/ /sngon du bsnyen ba rab rdzogs shing/ /brtul zhugs can gyis rab du brtsams/ /dad dang ldan zhing snying brtser bcas/ /ri bo nags tshal yid 'ong ba'i/ /dben pa'i gnas su yongs 'dug ste/ /sngon du bsnyen pa bya ba ni/ /rtsa ba'i dkyil 'khor bdun bsams te/ /rang nyid gtum po'i skur gsal bas/ /rtsa ba'i sngags ni brjod par bya/ /oM na mo ratna tra yA ya/ na ma shtsaN+Da badzra pA Na ye/ ma hA yak+Sha se nA pa ta ye hUM hUM/ phyogs skyong dag la gtor ma dag/ rdo rje glu dang bcas pas dbul/ /sdig pa che dang bcas pa'i ma rungs pa/ /sa bdag dag la bka' sgo bskrad byas nas/ /gzur ba sbyang zhing maN+Dal legs byas te/ sa yi lha mo dag la rab tu mchod/ /gser dngul la sogs bum par ni/ /bkra shis brgyad dang snyig po sogs/ /gzhan rnams dri zhim chus dgang ba'o/ /phyogs bzhir dkar dang mthing dang dmar/ /ljang gu gcing gos gang du bu'o/ /cod ban phur bu bcu rnams dang/ /gtor ma mchod rdzas ? ?// yo byad rdzas rnams sogs pa dang/ /thig dang tshon gyi sa las byas te/ /bstan pa'i sngags kyis thig byin rlabs/ /thig gi bya ba rdzogs pa yis/ /bsrung ba'i sngags tshon byin gyis brlab/ /'dab bzhi 'khor lo bcur 'dug pa'i/ /sgo bzhi rta babs bcas pa bri/ /bum pa pad+ma dag la dgod/ /phur ba 'khor lo rtsibs bcu la'o/ /lha rnams dag la gtor ma ste/ /'dod yon bkra shis rdzas dag dgod/ /gru chad mchod pa rdzogs par bshams/ /de ltar rdzas rnams dgong par bya/ /rgyan rnams kun gyis legs bgos te/ /ku sha'i steng 'dug shar du blta/ /mchod cing sdig gshegs sogs byas nas/ /tshad med bzhi ldan sems bskyed do/ /oM d+harma d+hA tu sarbba d+harma a(rgyud 'grel): hUM gis sa bon
- 415b
las byung pa'i/ /gur dang dra ba'i rnam par bsgom/ /chos 'byung dkar po'i nang du bruM/ /rin chen khang par mdzes par bskyed/ /dbus su pad steng bum pa'i nang/ /zla steng hUM byung rdo rje'i sku/ /mdog dkar rdo rje dril bu can/ /thugs kar zla steng rdo rje hUM/ /shar du pad steng bum pa'i nang/ /zla steng d+hI(rgyud 'grel): 'byung sangs rgyas spyan/ /mdog dkar bum pa rdo rjes mtshan/ /thugs kar zla stong d+hI(rgyud 'grel): yig bsam/ /lho ru pad steng bum pa'i nang/ /traM byung zla steng mA ma kI/ mdog mthung? bum pa rin chen nang/ /thugs kar zla steng sna tshogs traM/ nub tu pad steng bum pa'i nang/ /zla steng raM byung gos dkar mo/ /mdog dkar bum pa pad+mas mtshan thugs kar zla steng raM yig bsam/ /byang du pad steng bum pa'i nang/ /zla steng traM byung sgrol ma'i sku/ /mdog ljang bum pa sna tshogs mtshan/ /thugs kar zla ba'i/ steng taM bsam mo/ /rdo rje skyil drung gtso bo ste/ /rgyan rnams kyis ni rab brgyan te/ /mchod dang mtshung pa'i tshul gyis ni/ /yum rnams rnam par bzhengs pa'o/ /'khor lo dag la nyi ma bcu/ /hUM gis sa bon las byung ba'i/ /rnam rgyal dkar po rdo rje bsnams? gshin rje dmar nag be con te/ /rta mgrin dmar po'i pad+mas mtshan/ /bdud rtsi 'khyil pa ljang gu'o/ /dbyug ba sngon po sngon po ste/ /don yod zhogs pa mthing kha'o/ /khro gnyer can ni dmar nag ste/ /rdo rje 'khor lo ljang gu'o/ /steng phyogs mthing kha chen po ste/ /'og ni nam mkha' i mdog can no/ /phyag na phur bu so so ste/ /stag dang sbrul dang me dpung nang/ /de ltar dkyil 'khor rab rdzogs nas/ /ye shes spyan drang mchod nas bstim/ /de nas dbang bskur zhi bsgom mo/ /de'i rtsa ba'i sngags ni/ /oM sarbba bi d+ha badzra badzra? hUM/ gtso bo'i sngags so/ /spho Ta badzra badzra/ ka Ta badzra badzra/ ma Ta badzra badzra/ ma tha badzra badzra/ hUM d+hI(rgyud 'grel): traM raM taM zhes bya ba'o/ /lan dang lan gyi tshul du mched/ /de nas las kyi sgrub pa ni/ /oM na mo ratna tra yA ya/ na ma shtsaN+Da badzra pA Na ya/
- 416a
mahA yak+Sha se nA pa ta ye/ tadya thA/ oM tra Ta tra Ta/ tro Ta ya tro Ta ya/ sphu Ta sphu Ta/ spho Ta ya spho Ta ya/ g+hUr+N+Na g+hUr+N+Na g+hUr+N+Na pa ya g+hUr+N+Na pa ya/ sarba satwa ni/ bo d+ha bo d+ha/ saM bo d+ha ya saM bo d+ha ya/ b+h+ra ma b+h+ra ma/ saM b+h+ra ma ya/ saM b+h+ra ma ya/ sarba bud+d+ha ni/ ku Ta ku Ta/ saM ku Ta ya saM ku Ta ya/ sarba sha truM/ g+ha Ta g+ha Ta/ saM g+ha Ta ya saM g+ha Ta ya/ a TTa ha si nA la badzra su badzra ya swA hA/ hUM d+hI(rgyud 'grel): traM raM taM hUM phaT swA hA/ spro dang bsdu bas gtso bo zhu/ gtso bos 'khor dang de bzhin no/ /gtso bo'i bdud rtsi chu nang du/ /rnam shes shar du nyi steng hUM/ /bdag nyid gtum po bsam byas nas/ /sku gsung skye mched byin brlabs bya/ /ma tis+thir badzra hUM/ su tis+thir badzra oM/ pra ti s+thi ra badzra A(rgyud 'grel): gung mo thal sgyar rdo rje ste/ /sor mo bsnol ba 'khor lo yis/ /mdzub mo rtsi sbyar pad+ma yis/ /lan gsum bcings nas gsang sngags gsum/ /zla steng rdo rje 'khor lo ste/ /pad+ma sku gsung thugs la'o/ /skye mched zla steng rdo rje ni/ /so so dag la bsam par bya'o/ /mahA badzra/ a pra ti ha ta badzra/ a mo g+ha badzra/ e hye hi badzra/ shI g+h+raM badzrA ya swA hA/ de nas phyogs bskyong bcu rnams dgug/ khro bo bcu yi phur bus gdab/ he phu lu ni ru phu lu gri ha ku lu mi li tsu lu ku ru ku lu badzra kI li kI lA ya swAhA/ ka Ta ka Ta/ ma Ta ma Ta/ ra Ta ra Ta/ pra mo Ta Na pra mo Ta Na ye kI li kI lA ya ?? tsa ra ni tsa ra/ ha ra ha ra/ sa ra sa ra mA ra ya kI li kI lA ya swA hA/ ha na ha na/ tsu ru tsu ru ma hA kro d+ha tsaN+Da kI li kI lA ya swA hA/ ts+tshinda ts+tshinda/ b+hinda b+hinda/ ma hA kI li kI lA ya swA hA/ band+ha band+ha/ kro d+ha kro d+ha kI lI ya swA hA/ ha ra ha ra badzra b+ha ra ya swA hA/ trA sa ya trA sa ya badzra kI li kI lA ya swA hA/ pra ha ra pra ha ra pra b+hany+dza nA ya/ trA sa ma trA sa ya badzra kI li kI la ya swA hA/ /brgya 'am nyi shu rtsa gcig gis/ /go rim bzhin du phyogs rnams bcing/ /slob dpon chos gos yongs byon
- 416b
nas/ /rdo rje dril bu rab thogs nas/ /gzhan dag mchod rdzas thogs byas te/ /kha zas dri zhim sman dang ni/ /bkra shis rdzas thogs slob ma dag/ bskor zhing glu 'di blang bar bya'o/ /na ma(rgyud 'grel): sa man+ta badzra NAM/ sarba ba le A barta ya/ mahA ba le/ ka ta be/ ta ta le/ a tsa le/ maN+Da la mA ye swA hA/ a ti badzra/ ma hA ba le bi ga ra Na ra Na a dzi te dzwa la dzwa la/ ti Ti ti Ti bing ga le/ da ha da ha/ te dzo ba ti/ ti li ti li/ band+ha band+ha/ mahA ba le/ badzra kro d+ha dzwa lA ya swA hA zhes pas blangs zhing bskor bar bya'o grub? pa chud mi za bar bya'o/ /bkra shis ston mo bza' bar bya/ /slob ma'i 'dod pa sgrub pa'i phyir/ /gtsang gos ser po rgyan btags nas/ /ku sha'i steng du legs 'dug ste/ /'khor lo'i steng du gzhag par bya/ /gang dag yid dag sems dang ba'i sdig bshags sems bskyed sdom pa sbyin spyi bor gtso bo mgrin par bdag/ thugs kar yum ni bsam par bya/ /sangs rgyas bstim nas khrus gsol bya/ /bdag nyid khro bo'i thugs ka nas/ /lha mo'i glu dang bcas pas bkru/ /spyi bor bdag po bsam par bya/ /brtan par bya phyir sngags 'di bzlas/ /oM ma ti s+thi ra badzra/ su tis+thi ra badzra/ pra ti s+thi ra badzra/ badzra kA ya A barta ya swA hA/ mchod pa dag gis yang dag mchod/ /de nas gzung ste lha yi sku/ /rtag tu bral bar mi bya'o/ /lus kyi las dag bya ba ni/ /mi dge bcu dag mi bya'o/ /de ltar rdzogs nas gtor ma btang/ /sbyang spel sbar ba byas nas ni/ /dkyil 'khor lha dang mgron rnams mchod/ /oM na ma(rgyud 'grel): sa man+ta badzra NAM/ sarbba ba le A barta ya/ ma hA ba le/ ka ta ba/ ta ta le/ a tsa le/ maN+Dal mA le/ sgrub pa'i dkyil 'khor mchod pa'o/ /a ti badzra mahA ba le bi ga ra Na a dzi ti dzwa la dzwa la/ ti Ti ti Ti pa ga le/ da ha da ha te dzo ba ti/ ti li ti li/ band+ha band+ha/ ma hA ba le/ badzra
- 417a
kro d+ha dzwa la ye swA hA/ bar du gcod pa sel ba'i khro bo bcu mchod pa'o/ /ha ra ha ra badzra d+ha rA ya swA hA/ phyogs skyong mchod pa'o/ /pra ha ra pra ha ra badzra pra b+hany+dza nA ya swA hA/ oM a kA re mu khaM zhes bya bas 'byung po thams cad pa'i mchod pa'o/ /de ltar mchod nas bstod pa ni/ /bde gshegs dri med khro bo'i sku/ /skyon gyi ma gos sku mdog dkar/ /rdo rje dril bu mi g.yo brtan/ /rnam par 'joms la phyag 'tshal bstod/ /dus gsum sangs rgyas bskyed pa'i yum skyon gyis ma gos sku mdog dkar/ /sems can bde la sbyar mdzad pa'i/ /spel ba'i rdo rje ma la bstod/ /yon tan thams cad bskyed pa'i yum/ /mi 'gyur rin chen be DUr mdog /sems can kun gyi skyabs mdzad pa'i/ /sku yi rdo rje ma la bstod/ /dri ma med cing 'od gsal ba'i/ /'dod chags dri ma spangs pa'i yum/ /sems can rnams la spro ba mdzad/ /blo ldan rnams la phyag 'tshal bstod/ /bya ba thams cad yongs su bsgrub/ /shes rab sgrol ma yum gyi mchog /ljang gu'i mdog can 'gying bag can/ /don dang ldan la phyag 'tshal bstod/ /khro bo chen po brjod pa'i sku/ /zhe sdang rnam dag bdag nyid can/ /dri za 'dul mdzad rdo rje bsnams/ /rnam par rgyal la phyag 'tshal bstod/ /khro bo chen po bgyid pa'i sku/ nga rgyal rnam dag bdag nyid can/ /gshin rje 'joms byed be con bsnams/ /gshin rje gshed la phyag 'tshal bstod/ /khro bo chen po brjid pa'i sku/ /'dod chags rnam dag bdag nyid can/ /chu lha 'dul mdzad pad+ma bsnams/ /rta mchog dpal la phyag 'tshal bstod/ /khro bo chen po brjid pa'i sku/ /phrag dog rnam dag bdag nyid can/ /gnod sbyin 'dul la phyag 'tshal bstod/ /me dpung 'bar ba brjid pa'i sku/ /sngon po'i mdog can dbyug pa sngo/ /me lha gdug pa 'dul mdzad pa'i
- 417b
dbyug sngon can la phyag 'tshal bstod/ /me dpung 'bar ba brjid pa'i sku/ /don yod zhags pa mthing kha'i mdog /rlung lha gdug pa 'dul mdzad pa'i/ /don yod zhags pa phyag 'tshal bstod/ /me dpung 'bar ba brjid pa'i sku/ / khro gnyer can ni dmar nag ste/ /srin po'i gdug pa 'dul mdzad pa'i/ /khro gnyer can la phyag 'tshal bstod/ /me dpung 'bar ba brjid pa'i sku/ /rdo rje 'khor lo'i ljang gu'i mdog /'byung po'i dregs pa 'joms mdzad pa'i/ /rdo rje 'khor lo phyag 'tshal bstod/ /rdo rje hUM sgra sgrogs pa che/ /steng phyogs degs pa 'joms mdzad pa'i/ /mthing ka'i mdog can rab 'jigs pa'i/ /hUM sgra sgrogs la phyag 'tshal bstod/ /stobs chen rab tu gnon mdzad pa'i/ 'og gis bgegs chen gnon pa'i bdag /nam mkha' i mdog can 'jigs pa'i sku/ /stobs chen gnon la phyag bstod/ /de ltar bstod nas gshegs su gsol/ /rdo rje rnam par 'joms pa'i sku'i dkyil 'khor bstan pa ste dang po las kyi rim pa'o// //thugs kyi dkyil 'khor bstan pa ni/ /bdag nyid lha'i skur bsgoms la/ /maN+Dal me tog bcas pa'i stang/ /gtso bo bum pa steng bzhag ste/ /yang snying nye ba'i snying po bzlas/ /snying po them nas bsgrub pa brtsam/ /dang po sa yi cho ga bya/ /maN+Dal mnga' gang gru bzhi ste/ /pad+ma 'dab bzhi 'khor lo bcu/ /so sor rigs dang mthun par bri/ /gser dngul la sogs bum par ni/ /nor bu yungs kar dUrba dang/ /shel dang pad+ma tsan dan dang/ /gser dang rin chen chus dgang bya/ /dri zhim bkang ba'i bum pa bzhi/ /
- 418a
'dab ma bzhi por bzhag par bya/ /'khor lo'i steng du de bzhin te/ /mchod pa'i rdzas dang gtor ma bsham/ /de ltar rdzogs nas ku sha'i steng/ /rgyan dang bcas pa legs 'dug ste/ /mchod dang sdig bshags la sogs bya/ /oM sarba d+harma d+hA tu A(rgyud 'grel): de nas stong pa'i ting 'dzin las/ /yi ge hUM du rab bsams te/ rdo rje'i khang pa rab tu bskyed/ /b+h+ruM las rin chen khang bar ni/ /dag cing gsal ba rgyal dang bcas/ /pi las byung ba'i pad+ma'i gdan/ /steng du rin chen bum pa ni/ /zla stengs rdo rjes mtshan pa'o/ /sarbba biryA badzra badzra/ spho Ta badzra badzra/ ka Ta badzra badzra/ ma Ta badzra badzra/ ma tha badzra badzra/ yang snying zla steng hUM la ste/ /snying po zla steng rdo rje la'o/ /ha ra ha ra badzra/ ma Ta ma Ta badzra/ d+hu ni d+hu na badzra/ da ha da ha badzra/ pa tso pa tso badzra/ d+ha ra d+ha ra badzra/ d+ha ra ya d+ha ra ya badzra/ dA ru Na dA ru Na badzra/ ts+tshinda ts+tshinda badzra/ b+hinda b+hinda badzra hUM hUM/ phyogs bzhi'i bum pa'i rdo rje la/ /yang snying bzhi po go rims bzhin/ /de bzhin khro bo'i bum pa la/ /nyi ma khro bo'i rdo rje la/ /snying po sngags kyi so? go rims bzhin du bsgom par bya'o/ /de ltar rdzogs nas sangs rgyas bstan/ /bdag nyid shar du gnas pa yis/ /mchod dang mchod pa'i tshul du bzlas/ /oM na mo ratna tra yA ya/ na ma(rgyud 'grel): tsaN+Da badzra bA Na ye/ mahA yak+Sha sa nTa? pa ta ye/ sU? mdza? badzra badzra spho Ta badzra badzra/ ka Ta badzra badzra/ ma Ta badzra badzra/ ma tha badzra badzra/ aTTa ha sa nI la badzra su badzra ya swA hA/ snying po ni na mo ratna tra yA ya/ na ma shtsaN+Da badzra pA Na ye/ mahA yak+Sha se nA pa te ye/ ha ra ha ra badzra/ ma Ta ma Ta badzra/ d+hu na d+hu na badzra da ha da ha badzra/ pa tsa pa tsa badzra/ d+ha ra d+ha ra badzra/ d+ha ra ya d+ha ra ya badzra/ dA ru Na dA ru Na badzra/ tshinda tshinda badzra/ b+hinda b+hinda badzra/ a mri te hUM hUM phaT/ de ni gtso bo'i bzlas pa ste/ /yang snying mchod pa'i bum pa la'o/ /snying pos bar
- 418b
chad sel ba'i phyir/ /phyogs skyong bcu po bsdu bar bya/ /de ltar byas dang bdag nyid dang/ /slob mas bskor ba bkra shis rdzas/ /mchod rdzas thogs nas bskor ba dang/ /stong pa'i sngags ni brjod pa dang/ /de nas bkra shis ston mo bya/ /bdag gis da ni khrus bya ste/ lha mo dpag mod sbrul nas ni/ /slob ma dag la khrus gsol phyir/ /gsang sngags bstod pas khrus gsol bya 'o ma na(rgyud 'grel): sa man+ta badzrA NAM/ sarba ba le A barta ya/ ma hA ba la/ ka ta pa/ ta ta le/ a tsa le/ maN+Dal mA ye/ a ti badzra/ mahA ba le/ bi ga ra Na da Na a dzi te dzwa la dzwa la/ ti Ti ti Ti ping+ga le/ da ha da ha/ te dza ba ti/ ti li ti li/ band+ha band+ha mahA kro d+ha dzwa lA ya swA hA/ ma tis+thir badzra/ su ti shthi ra badzra/ pra ti shthi ra badzra/ mahA badzra/ a pra ti ha ta badzra/ a mo g+ha badzra/ e hi badzra/ shli g+haM badzra ya swA hA d+ha ra d+ha ra/ d+hi ri d+hi ri/ d+hu ru d+hu ru/ sarba badzra ku laM A barta ye swA hA/ zhes khrus byas nas/ gtor ma phul te gshegs su gsol/ /rdo rje rnam par 'joms pa'i thugs kyi dkyil 'khor bstan pa'o// //gsung gi dkyil 'khor bstan pa ni/ /bdag nyid khro bo'i skur bsgoms nas/ /maN+Dal steng du gtso bo'i bum/ /sa bon la brten pas/ /dang po sa yi cho ga bya/ /maN+Dal shin tu legs byas te/ /pad+ma 'dab bzhi bri bar bya/ /de ltar dkyil 'khor rdzogs nas ni/ /rin chen rgya las byas pa yi/ /bum pa lnga po pad steng dgram/ /las kyi bum pa shar du ste/ /gtso bo'i snying po rdzas kyis dgang/ /gzhan dag dri zhim chus dgang ngo/ /mchod dang gtor ma zhal zas bsham/ /ku sha'i steng du legs 'dug ste/ /byang chub mdzad? tu sems bskyed do/ /de nas stong pa'i ting 'dzin las/ /bdag nyid khro bo'i skur bskyed nas/ /spyan dang byin rlabs rdzogs pa yis/ /mdun du maN+Dal rin chen gnas/ /pad+ma 'dab bzhir bcas pa yi/ /steng du bum pa lnga bskyed nas/ /nang du ?
- 419a
stengs sa bon ni/ /hUM d+hI(rgyud 'grel): traM raM taM ngo/ /na ma shtsaN+Da badzra kro d+hA ya hUM hu lu hu lu/ tiSh+Tha tiSh+Tha/ pand+ha band+ha/ ha na ha na/ a mri te hUM phaT/ bum pa bzhi la so so ste/ /de ltar bskyed nas sangs rgyas bstim/ /bsgrub pa'i rig sngags 'di bzlas so/ /na ma shtsaN+Da badzra kro d+hA ya/ hu lu hu lu/ tiSh+Tha tiSh+Tha/ band+ha band+ha/ ha na ha na/ a mri te hUM hUM phaT/ mchod dang mchod pa'i tshul gyis ni/ /bdud rtsi chu'i rang bzhin bsam/ /las kyi bum pa byin gyis brlabs/ /bum na zla steng bdud rtsi 'khyil// sngon po grang du bsnol ba'i phyag/ shin tu 'jigs pa bskyed par bya/ /oM tsaN+Da badzra kro d+ha ya/ hu lu hu lu/ tiSh+Tha tiSh+Tha/ band+ha band+ha/ ha na ha na/ a mri te hUM phaT/ ces pas bgegs bskrad bskor bar bya/ /bkra shis gsol nas khrus bya'o/ /gtor ma'i cho ga rdzogs pa yis/ /dam tshig bsdus nas gshegs su gsol/ /rig pa las dag gtad pa'i phyir/ /gang dag yig dge sems dang pas/ /dkyil 'khor la ni 'jug pa'i phyir/ /lus ni byin gyis brlab par bya'o/ /ma tis+thi ra badzra/ su ti s+thi ra badzra/ oM A(rgyud 'grel): hUM/ mahA badzra/ a pra ti ha ta badzra/ a mo g+ha badzra/ e hye hi badzra/ shI g+h+raM badzra/ hUM hUM hUM hUM hUM rdo rje 'khor lo pad+ma'i steng/ /'dug sde phreng ba dor bar bya'o/ /d+ha ra d+ha ra/ d+hi ri d+hi ri/ d+hu ru d+hu ru/ hUM pU dza ho zhes bya bas dong bar bya'o/ /de nas rdo rje phyag byang du bcug la/ rdo rje'i glu dang bcas pas bskor bar bya ste/ gong du yang de bzhin no/ /bla ma rdo rje 'dzin pa kye/ /gtso bo 'khor bcas dgongs su gsol/ /mi shes mun gyis bsgribs pa la/ /dkyil 'khor dam pa bstan du gsol/ /lam chen 'di ni bstan par bya/ /khyod ni lam 'di bsgrub par gyis/ /lam mchog sgrub par rab tu dka' / /nyes pa dag gis ma gos par/ /'bras bu myur du 'byin par phyed/ /dam tshig 'das nas dmyal bar ltung//
- 419b
na mo ratna tra yA ya/ na ma(rgyud 'grel): tsaN+Da badzra kro d+hA ya na ra kan hUM/ mi shes mun gyis bsgribs pa la/ /dkyil 'khor 'di ni bstan par bya/ /maN+Dal la phaT/ badzra shis rdzas kyi mchod pa bya/ /de nas lha mos khrus gsol nas/ /'khor lo'i steng du bzhag nas ni/ /slob ma lha yi skur bskyed la/ /mchod pa bdag gis yang dag mchod/ /dus gsum gshegs pa'i sku yi mchog /sku dang yongs su rgyas pa'i sku/ /sku mchog 'di ni khyod kyis zung/ /lus kyi ming dge spang bar bya'o/ /sarba ta thA ga ta su tis+this badzra oM/ de nas mchod ba dbul bar bya'o/ /dus gsum gshegs pa thugs kyi mchog /thugs dang phyin las ldan pa'i thugs/ /ye shes 'di ni khyod kyis bzung/ /yid kyi las dag mi bya'o/ /oM sarbba ta thA ga ta ma ti s+thi badzra hUM/ mi 'brel gzungs kyi bdag nyid che// mu tig rin chen phreng ba 'di/ /sku dang ye shes mi 'bral ba'i/ /ngag gi nyes spong phreng ba gzung/ /oM sarbba ta thA ga ta pra ti s+thi badzra A(rgyud 'grel): de nas bkra shis brgyad dang rgyal mtshan dang/ /gdugs kyis kyang dbang bskur bar bya'o/ /de'i rjes la tshigs su bcad pa 'di lan gsum brjod par bya'o/ /yon tan rgyas pa sku mdog gser dang mtshungs/ /shes rab rtags su po ti ral gri bsams/ /'phags pa 'jam dpal bkra shis gang yin pa/ /bkra shis dam pa des kyang deng 'dir bde legs shog /thugs rje'i rtags su sku mdog zla ba'i 'od/ /ma chags skyon gyis ma gos phyag na pad+ma bsnams/ /'phags pa spyan ras gzigs kyi bkra shis gang yin pa/ /bkra shis dam pa des kyang deng 'dir bde legs shog /chos nyid ma 'gyur rtags su sku mdog mthing nag ste/ /thabs dang shes rab dbyer med rtags su rdo rje 'dzin/ /dpal ldan phyag na rdo rje'i bkra shis gang yin pa/ /bkra shis dam pa des kyang deng 'dir bde legs shog /de nas gtor ma gtang nas yas sems
- 420a
pa'i mdun du yi ge brgya pa brjod de gshegs su gsol/ /dad pas bla ma bzang btsal des/ /dam pa'i drin gyis yang dag thob/ /dge ba gang gis ye shes 'di/ /'dir bzhugs rnams yis thog par shog /rdo rje rnam par 'joms pa'i dkyil 'khor gyi rin chen snang ba zhes bya ba slob dpon chen po sa ba ri pas mdzad pa rdzogs so// //bal po'i bla ma de ba pur+Na ma hi dang/ /lo tsa ba dge slong chos kyi bzang pos bsgyur ba'o// // rgya gar skad du/ badzra d+ha karma mA ra ya sA d+ha nA ma/ bod skad du/ rdo rje khro bos gsang ba'i las shes bya ba'i sgrub pa'i thabs/ dpal ldan phyag na rdo rje la phyag 'tshal lo/ /thabs dang shes rab dbyer med pa'i/ /mi 'gyur dbyer med ? dpal ldan/ /drag po de la phyag 'tshal nas/ /gdug pa ma lus zhi mdzad pa'i/ /drag po'i sgrub thabs brtsam par bya/ /dur khrod la sogs pa'i gnas su maN+Dal me tog dang bcas pa sngon po'i steng du mchod rten sku gdung dang ldan pa bzhag la/ mchod cing skyabs su 'gro ba la sogs pa bya'o/ /de nas stong pa nyid du bsgom pa ni/ /oM mahA shU n+ya tA dz+nya na badzra swA b+hA ba At+ma ko haM/ de nas sa bon hUM las byung ba'i baM las pad+ma 'dab ma bzhi pa bskyed la/ de'i dbus su lag na rdo rje rnam par 'don? ? mdog mthing nag zhal gcig phyag gnyis pa/ g.yas na be con bsnams pa/ g.yon rdo rje thogs pa/ zhabs brkyang bskum du bzhugs pa bsgoms te/ de'i thugs ga nas hUM las 'od 'phros nas klu'i rgyan cha bcing pa ni/ oM tsi la? tsi la? phu ru phu ru phu ru/ phu phu phu zhes pas klu'i rgyan cha bcing bar bya'o/ /des ni rgyal rigs kyis ni dbu la/ chu lhas ni mgul du/ gzi can se ral khar na tris pa'o/ /oM dzwa la dzwa la/ /b+hu na b+hu na b+hu na/ band+ha band+ha band+ha/ nI laM nI laM nI laM/ badzra d+ha ra
- 420b
zhes pa sku khro bo 'chol ba'i me dpung dang ldan par byin gyis brlabs pa'o/ /oM ki ti ki ti ki ti ni/ /sarba b+hU ta ni/ badzra ma li/ badzra d+ha ra/ badzra aTTa hA sa/ tsartu martu/ ku ru ku ru/ hu ru hu ru hu ru/ hu 'uM hu 'uM hu 'uM/ he he he/ phaT phaT phaT/ tsand+ha tsand+ha tsand+ha/ mahA tsaN+Da hu ru tu hu ru tu/ mu ru mu ru mu ru/ grih+Na grih+Na/ badzra pA Ni ha na ha na mAM sarba sha trUM murna ha da la phaT/ ku tu ku tu ku tu ku tu/ 'dis ni bar du gced ba sel cing/ dam tshig gi sku gzi byin dang ldan par byin gyis brlabs pa'o/ /de nas pad+ma 'dab ma bzhi la d+hI(rgyud 'grel): las bskyed pa'i yum sangs rgyas spyan no/ /traM las bskyed pa'i mA ma kI'o/ /raM las bskyed pa'i gos dkar mo/ taM las bskyed pa'i sgrol ma rnams bskyed do/ /de nas spyan drang zhing gnyis su med par bstim dbang bskur ba ni/ tadya thA/ oM mo ha ni mo ha ni/ na mo ratna tra yA ya/ na ma(rgyud 'grel): tsaN+Da badzra pA Na ye/ mahA yak+Sha se nA ba te ye/ tadya thA/ ta thA ga ta sa ma tI d+hi de ni/ ma A barta i sh+yA mi/ e hya badzra ku ti li/ ko ti pa la ka ku la/ shi kho gi ba la ke shi/ ti Da? tsi ti tsi ti/ mahA ni/ ka rga ti mu ta ba ti badzre/ mahA be du dul lo le bu gu gu/ su mu su mu/ sa ra sa ra/ swAhA sya hA/ u to ti bi ga le tsi te/ bi dza di dza la sing ga le/ sarbA de bA ga Na pra ha ra/ na ma ya sid+d+hi yi ge/ ? badzra gri ne/ badzra d+hi d+ha sa pra ha ra Ne/ ratna tra yA d+hi ga la bud+d+he/ badzra be sha sa ni ka /a pra ti ha ta pra ma ta ni swA hA/ khro bo me ltar 'bar bas rdo rje'i klus mchod cing gsol ba btab pa'o/ /tadya thA/ oM mu ne ma ne mahA mu na/ tadya thA/ dza ye dza ye/ mahA dza ya ba ti ye/ khu da d+he a bi shi te/ d+harma ma a bA b+ha saM ni bu d+d+ha i d+ha i d+ha ga mye/ dz+nyA na a ba b+ha se swA hA/ dbang bskur zhing spyi bo na bcom ldan 'das bsam zhing bsgom mo/ /snying po ni 'di'o/ /oM tsaN+Da badzra d+ha ? ya hu lu hu lu/ ti??
- 421a
tiSh+Tha/ band+ha band+ha/ ha na ha na/ a mri te hu 'uM swA hA/ nye ba'i snying po ni/ na mo ratna tra yA ya/ na ma(rgyud 'grel): tsaN+Da badzra pA Na ye/ mahA yak+Sha se nA pa ta ye/ /oM d+hi(rgyud 'grel): aM/ oM traM aM/ oM raM aM/ oM taM aM swAhA/ sgrub pa'i snying po 'di las dang 'brel te 'di'o/ /oM mahA kro d+ha mahA ba la ha na da ha pa tsa bi d+hwaM sa ya/ dza ti ba laM bo d+ha rA ya/ u ts+tshuSh+ma kro d+ha hu luM phaT/ klu'i gzugs byas te tshon sna lngas bcings la/ khaM sa'i ga 'ur bcug la zhungs kar la bsngags la gdab po/ /dgug cing mnan pa'i sngags ni 'di'o/ /oM sarbba at+ma dza/ mahA de tsa badzra aM ku sha ni/ badzra pra sha a nu pra bi sha sarbba duSh+TaM staM b+ha ya staM b+ha ya hu 'uM phaT/ mtshon gyis gtub pa ni/ badzra kro d+ha badzra kArta ri ka rak ra/ tshind+ha tshind+ha hu 'uM phaT/ bsreg pa ni/ oM badzra kro d+ha mahA ba la dzwa la dzwa la pra dzwa la pra dzwa la/ d+hi pya ya di pya ya/ hu 'uM phaT/ dbye ba ni oM badzra kro b+ha mahA ba la/ ta da ta da/ tad ya/ tadya thA hu 'uM phaT zhes bya ba'o/ /de nas gtor ma btang ba ni/ spyod lam gyis gnas par bya'o/ /ma lus gdug ba'i dug sel ba'i/ /dam ba la brten 'di brtsams pas/ /nyon mongs dug gis zin pa rnams/ /grol nas bde dang ldan gyur shog /rdo rje khro bos gsang ba'i phrin las slob dpon chen po sa ba'i pas mdzad pa rdzogs so// //lo tsa ba dge slong chos kyi bzang pos bsgyur ba'o// //rgyag gar skad du/ nI lAM bar badzra d+ha ra badzra pA Ni ro Sha sA d+ha nAM/ bod skad du/ phyag na rdo rje gos sngon bo can gtum po zhes bya ba'i sgrub thabs pa 'jam dpal la phyag 'tshal lo/ /g.yon brkyang zla ba'i gdan la bzhugs/ /rdo rje bsnams shing klu rnams 'dul rgyan ldan khro bo'i rgyal la 'dud
- 421b
ji ltar rtog brgyud la brten nas bri/ /snying rtse shes rab dad? dang ldan/ /dbang dang rjes gnang sgrub pa bos/ /gnas khang me tog bcas bkram nas/ /bde ba'i stan la nyer 'dug ste/ /rje btsun la sogs spyan drangs nas/ mchod cing sdig bshags la sogs bya/ /oM shU N+ya tA dz+nyA nas badzra swa b+hA ba At+ma ko haM/ de nas rang sems hUM du bsam/ /'od 'phros gyur dang sa gzhir bsam/ /de nas bruM las gzhal yas ni/ /rdo rje sngon po lte bar bcas/ /glu bzhi sgo bzhi zla ba'i gdan/ /hUM las rdo rje sku bskyed do/ /brkyang bskum ljang nag rdo rje g.yas/ /sprul dang stags lpags bsdigs pa g.yon/ /khro bo'i zhal mdog thugs ni hUM/ /de las khro bo bzhi po 'phros/ /khams gsum rgyal dang shin tu khros/ /rdo rje khro bo bdud rtsi 'khyil/ /sgo bzhi dag tu bsam par bya/ /sku mdog ljang nag phur bu bsnams/ /zla ba'i gdan la brkyang bskum bzhugs/ /ye shes la sogs spyan drangs bstims/ /sku gsung byin brlabs gnas drug bsrung/ /oM tsaN+Da mahA ro Sha Na hUM phaT/ bradz+nyA ta kri ta kI li kI lA ya hUM phaT/ tsu ru tsu ru tsaN+Da kI li kI lA ya phaT/ trA sa ya trA sa ya badzra kI li kI lA ya phaT/ na ma(rgyud 'grel): tsaN+Da a mo g+ha kI li kI lA ya phaT ces bzlas par bya'o/ /gtor ma ni oM hUM h+rI(rgyud 'grel): zhes pas byin gyis brlab bo/ /rtsa pa'i sngags kyis dbul bar bya'o/ /dam pa'i byin brlabs phan pa chen po thob/ /'bras bu nye ba nyid du 'grub 'gyur te/ /bla ma'i zhal gyi bdud rtsi 'di/ /bdag gis 'thungs nas gzhan phyir brtsams/ /bdag gis sgrub thabs 'di byas bas/ /bdag dang mdza' yas sems can rnams/ /bar chad thams cad rab zhi ste/ /phyag na rdo rje 'dra bar shog /phyag na rdo rje gtum po'i sgrub thabs o rgyan gyi slob dpon a mo pa na d+ha zhes bya bas mdzad pa rdzogs so// //paN+Di ta ?
- 422a
pur+Na ma ti dang/ lo tsa ba chos kyi bzang pos bsgyur ba'o// //rgya gar skad du/ hom baM b+hi/ bod skad du/ sbyin sreg gi cho ga 'phags pa 'jam dpal la phyag 'tshal lo/ /mi g.yog tum po'i gzugs su snang// sdug bsngal bskyab la phyag 'tshal 'dud/ /rnal 'byor pa la phan bya'i phyir/ /sbyin sreg rim par bshad par bya/ /bkra shis gnas su sa brtag sogs/ /phyag na rdo rjes byin brlabs bya/ thab ni zlum po khru gang tshad/ /dbus su rdo rje sngon pos mtshan/ /bud shing khru gang yam shing ni/ /mdzub gang mdog dkar lo 'dab rgyas/ /dkar gsum la sogs mchod rdzas bsag /dri zhim chu dang me tog bcas/ /dgang blugs tshang dbyibs rgyu rnams mthun/ /rgyan la sogs pa bgos byas nas/ /lha'i rnal 'byor ldan pa yis/ /me lha bskyed nas mchod pa dang/ /de rjes thugs ka'i dkyil 'khor mchod/ /rjes la phyogs skyong mchod par bya/ /thams cad rtsa sngags kyis mchod/ /gtor ma'i mgon rnams tshim par bya/ / bdag gi sbyin sreg rim brtsams pas/ /las dang nyon mongs dag gyur nas/ /dam pa'i dam pa nyer thob cing/ /'bras bu sku gsum thob par shog /slob dpon chen po bram ze par ma tis mdzad pa 'phags pa rnam par 'joms pa'i sbyin sreg rdzogs so// //bal po'i paN+Di ta da pa pur+Na ma ti dang/ lo tsa ba dge slong chos kyi bzang pos sbyar pa'o// // rgya gar skad du/ badzra bo dE ra rgA ma d+hA ra Ni tsaN+Da ma hA bo Sha Na sA d+ha nA ma/ bod skad du/ rdo rje rnam par 'joms pa gtum pa'i sgrub thabs zhes bya ba/ 'phags pa 'jam dpal la phyag 'tshal lo/ /
- 422b
thabs dang shes rab rang bzhin gyis/ /gdug pa can rnams 'joms pa yi/ /shin tu khro zhing 'jigs pa'i sku/ /rnam par 'joms la phyag 'tshal nas/ /rtsa ba'i rgyud don la brten nas/ /bdag gis sgrub thabs 'di bshad bya/ re zhig yid du 'ong ba'i gnas su/ /stan bde ba la 'dug ste /byams pa dang ldan pa'i khrus byas nas/ dur khrod kyi sa la sogs dkyil 'khor gang gru bzhi pa byas te/ dbus su gru gsum brtsegs ma'o/ /tha ma rdo rje rgya gram dang/ 'khor lo rtsibs bcu pa'i gru chod bzhi dang/ sgo bzhi rta babs dang bcas pa/ /rdo rje me ri dang bcas pa bri'o/ /de ltar bris nas phur bu bco lnga dgod do/ /phyogs skyong la gtor ma dang lha bshos bzhag par bya'o/ /de ltar rdzogs nas bsgom pa ni byang chub tu sems bskyed pa la sogs pa byas/ de nas oM swa b+hA ba shu d+hA(rgyud 'grel): sarbba d+harmma ni hUM/ de'i rjes la rang nyid sa bon hUM gi rnam par gnas te /'od zer gyis rdo rje ra ba me ri dang bcas pa bsgom par bya'o/ /de nas bruM las dkyil 'khor gyi khang pa bskyed nas/ dbus su nyi ma zla pa'i gdan no/ /rgya gram bzhi dang 'khor lo rtsib bcu la nyi ma'i dkyil 'khor bcu bsam nas/ bdag nyid nyi zla'i steng du bsam te/ yongs su gyur pa las rdo rje/ de las 'od 'phros sems can spangs/ sangs rgyas thams cad rdo rje de nyid la thim pas/ rdo rje rnam par 'joms pa mthing nag tu 'dug pa / dbu skra dmar ser gyen du 'khyil pa/ chu lha dkar mo mgul du bcings pa/ gzi brjid can nag po se ral khang bcings pa/ mche ba gtsigs pa/ stod g.yogs sngon po/ smad stag gi sham thabs bcings pa /
- 423a
zhabs brkyang bskum du bzhugs pa'o/ /na mo ratna tra yA ya/ na ma shtsaN+Da badzra pA Na ye mahA yak+Sha saM nA pa ta ye/ hUM bcu las 'khor lo brdu'i steng du khro bo bcu dang/ hUM bzhi las rdo rje rgya gar nyid gyi steng du khro bo bzhi'i khro bo bzhi na khro bo mche ba gtsigs pa'o/ /zhe sdang zhi zhing brjid pa'i sku mdog dkar po'o/ /lho'i rdo rje be con ni rtog pa thams cad gzhig pa'i sku nga rgyal zhi ba'i bdag nyid dmar nag go /nub kyi rdo rje brtan pa ni 'dod chags dri ma spangs pa'o/ /byang du rdo rje don yod brtan pa phrag dog 'joms pa ljang khu'o/ /zhal gcig phyag gnyis pa rdo rje dang dril bu bsnams pa'o/ /sarbba bidy'badzra badzra/ spho Ta badzra badzra/ ka Ta badzra badzra/ ma Ta badzra badzra/ ma tha badzra badzra/ aTTa hA sa nI la badzra su badzra ya swA hA/ ('khor lo'i rtsigs bcu la khro bo chen po bcu ni) khams gsum rnam par rgyal ba dkar po'o/ /gshin rje gshed ni dmar nag ste/ /rta mgrin dmar po rta mgo ljang gu can/ bdud rtsi 'khyil pa ljang gu'o/ /sgo bzhir ro/ /ri phyug pa sngon po la sogs pa tshams su'o/ /de ltar steng 'og gnyis te/ khro bo bcu ni stag sham can/ sbrul gyis brgyan cing thams cad phur bu bsnams pa ? brkyang bskum du bzhugs par bsgom mo/ /de ltar dam tshig rdzogs nas spyan drangs pa dang/ mchod ba dang bstim pa byas nas/ oM A(rgyud 'grel): hUM sa bon gsum gyis byin gyis brlab pa byas la thugs phyag mtshan dang bcas pas skye mched byin gyis brlabs nas dbang bskur zhing gtso bos mtshan par bya'o/ /de nas bsgoms pas skyon bsnyen pa dang/ sgrub pa'i bzlas pa bya'o/ /de nas lha mo'i glus gtor ma nye bar phul te /
- 423b
skyod pas gnas par bya'o/ /las bya bar 'dod pas rabs chad nag po'i rus pa'i phye ma dang/ yungs kar dang/ ska tshe dang/ shangs tshe dang/ /ti nag po dag gis thod par ni dug chu dag gis gdab par bya'o/ /tadya thA/ oM tra Ta tra Ta /tro Ta ya tro Ta ya/ sphu Ta sphu Ta/ spho Ta ya spho Ta ya/ g+hur+N+Na g+hur+N+Na/ /g+hur+N+Na pa ya g+hur+N+Na pa ya/ sarbba satwa ni/ bo d+ha bo d+ha/ saM bo d+ha ya saM bo d+ha ya/ b+ha ma b+ha ma/ saM b+ha ma saM b+ha ma ya /sarba bud d+ha ni/ ku Ta ku Ta/ saM ku Ta ya/ saM ku Ta ya/ sarba sha truM nA na/ g+ha Ta g+ha Ta/ saM g+ha Ta ya saM g+ha Ta ya/ a mu kaM mA ra ya phaT/ lcags phye zangs phye rdo phye gdab/ oM sarbba bidyA badzra badzra/ spho Ta badzra badzra/ ka Ta badzra badzra/ ma Ta badzra badzra/ ma tha badzra badzra/ aTTa ha sa ni ya badzra su badzra ya swA hA/ de nas khro bo chen po bcu'i phung pas gdab par bya'o/ /he phu lu ni ru phu lu grih+Na ku ru mi li tsu lu ku lu ku lu badzra bi dza ya badzra kI li kI lA ya swAhA/ /ka Ta ka Ta/ ma Ta ma Ta/ ra Ta ra Ta/ mo Ta na pra me Ta nA ya/ badzra kI li kI lA ya swA hA/ tsa ra ni tsa ra ni/ ha ra ha ra/ sa ra sa ra/ mA ra ya badzra kI li kI lA ya swA hA/ tshinda tshinda mahA kI li kI lA ya swA hA/ b+hinda b+hinda mahA kI li kI lA ya swA hA/ band+ha band+ha kI li kI lA ya swA hA/ kro d+ha kro d+ha kI li kI lA ya swA hA/ tsu ru tsu ru tsaN+Da kI li kI lA ya swA hA/ ha ra ha badzra d+ha rA ya swA hA/ trA sa ya trA sa ya badzra kI li kI lA ya swA hA/ pra ha ra pra ha ra badzra bra b+hany+dzanA ya trA sa ya trA ya badzra kI li kI lA ya swA hA/ de nas gtor ma byas nas dbul bar bya'o/ /de nas drag po'i sbyin sreg ni/ gru gsum khru gad pa la sum rtseg tu bya'o/ /dur khrod kyi sol
- 424a
bas byugs la/ dbus su rdo rje nag po bri bar bya'o/ /rus pa'i phye ma dang/ yungs kar dang/ yungs nag dang/ ske tshe dang/ shangs tshe la sogs gong du bstan pa'i rdzas ni sreg rdzas so/ /de nas pad nyi khro bo gtum po 'khrugs pa'i skur bsgom mo/ /mdun du me thab nag po'i nang du /'khor lo'i steng du lha bco lnga po so sor me dpung dang bcas pa bskyed la/ thugs kar raM bsam la reg par bya ba ni/ mA ra ya dgug pa dang/ gzhug pa dang/ bcing ba dang/ myos su gzhug pa dang/ sprul pa'i khro bos byas la sngags 'dis bsreg go /na mo ratna tra yA ya na sa saM ga ta ya'i bar dang/ sarbba sha trUM hUM/ a mu kaM mA ra ya phaT ces pas sreg rdzas dbul bar bya'o/ /yang snying sngags la mA ra ya btags pas bsreg par bya'o/ /phrin las rnam pa bzhi'i sngags kyis yungs kar la sogs pa sreg par bya'o/ /yang snying gis ni bye ma rnams kyis gdab par bya'o/ /yam shing gis gdug pa'i shing la bya ste/ khro bo'i sngags kyis bsreg bar bya'o/ /de ltar phul nas gtor ma gtang ste/ thal bas mnan par bya'o/ /de ltar sbyin sreg rdzogs nas mnan par bya'o/ /nag po'i thod par che ge mo'i gzugs gcer bu/ dbyangs yig dang gsal byed phyin ci log gi gnas brgyad du brgyad kyis bskor ba'i gzugs/ mi gtsang ba'i skud las byad du bcug la thod pa phur bu go /phur bu bcus gdab par bya'o/ /thun la sogs pas gdab par bya'o//
- 424b
de ltar byas nas mchod rten kun nas bzlas pa 'am/ khru gsum gang yang rung ba sum rtseg byas la/ 'og rnams la rdo rje gsum bri bar bya'o/ /bum ba'i nang du sangs rgyas gagngA klung gis byin gyis brlabs pa'i sngags dang/ yang snying 'khor lo rtsibs bzhi pa la bris pa gzhug go /rab tu gnas pa'i bya ba'i phyir sngon du bsnyen pa bya ba ni/ bdag nyid rdo rje rnam par 'joms pa sku mdog mthing nag/ sbrul gsum gyi brgyan cing rdo rje dril bu bsnams pa/ shin tu khro ba zhig bsgoms la/ thugs kar nyi ma'i steng du hUM bsgoms la/ ye shes sems dpa' spyan drang ba la sogs pa byas la bsgom pa ni/ oM na ma(rgyud 'grel): tsaN+Da badzra pA Na ye/ mahA yak+Sha se nA pa ta ye hUM zhes 'bum mam sa ya bzlas par bya'o/ /de ltar rdzogs nas rab tu gnas par bya ba ni/ maN+Da la sngon po me tog gcal du bkram ste/ bu dza ci 'byor pa yang bshams la/ sku'i dkyil 'khor la sogs pa brten nas bsgrub par bya'o/ / de ltar rdzogs nas mchod rten hUM nag po las rdo rje rgya gram gyi steng du mchod rten 'khor lo sum rtsegs pa'i rnam pa can bskyed la/ 'khor lo dang po la rdo rje rnam par 'joms pa la khro bo bzhi dang bcas pa/ bar du hUM kar la phyogs kyi khro bo bzhi ste/ 'og gi stobs po che la mtshams kyi khro bo bzhi ste/ lha bco lnga'i rnam par bsams mo/ /de nas bdag nyid rdo rje gtum por bsams la/ des ye shes sems dpa' spyan drangs te bstim ba la sogs pa bya'o/ /'khor lo rtsibs rnams las de bsgoms nas/ sku'i gsang sngags phrin las bzhi dang/ de las sna tshogs te sprul pa'i
- 425a
las bya'o/ /thugs kyi sngags ni sku gdung byin gyis brlabs pa'i ched du bzlas so/ /gsung gi sngags kyis ni bdag nyid do/ /de ltar dang po gsang mnan bzlog pa'i las bya'o/ /thod pa dang bcas pa mnan cing bskor bar bya'o/ /dam pa'i gdams ngag la brten nas/ /rgyud don zab mo lam 'di sbyar/ /nyes pa khyed la bzod par 'bul/ /'di brtsams sems can bde thob shog /rdo rje rnam par 'joms pa'i sgrub thabs/ slob dpon chen po dngos grub brnyes pa'i sa ba ri pas mdzad pa rdzogs so// //bal po'i paN+Di ta de ba pur+Na ma ti dang/ lo tsa ba dge slong chos kyi bzang pos bsgyur ba'o// //sarba mang+ga la/ //bkra shis// //