Text
ff. 1a–376a · 753 folio sides
- 1a
stong chen mo rab tu 'joms pa'i mdo'i 'bum 'grel bzhugs/ /
- 1b
rgya gar skad du/ mahA sa ha srA pra marda ni sa ha sU tra TI kA/ bod skad du/ stong chen mo rab tu 'joms pa'i mdo'i 'bum 'grel lo/ /stong chen po rab tu 'joms pa la phyag 'tshal lo/ /thams cad mkhyen dang thams cad dga' / /skye 'gro kun gyi bla ma nyid/ /dngos grub thob pa phyag 'tshal nas/ /nyung du bsdus te yang dag dgrol/ /stong chen rab 'joms mdo sde yang/ /'bum 'grel bdag gis bshad par bya/ /'di skad bdag gis thos pa zhes bya ba ni/ /'di
- 2a
skad ces bya ba ni sgro skur dang bral ba'o/ /bdag gis thos pa zhes bya ba ni kun dga' bo'o// //grogs med dam zhe na/ nyan thos la sogs pa thabs gcig tu thos pa'o/ /su la thos na/ bcom ldan 'das la'o/ /gang thos na stong chen mo rab tu 'joms pa'i mdo 'di thos pa'o/ sus thos na kun dga' bos thos so/ /dus gcig na zhes bya ba'i sgra ni don gnyis la 'jug ste/ sdud pa po shes rab che bar go ba dang/ dam pa'i chos 'byung bar dkon pa'i don to/ /ston pa ni bcom ldan 'das so/ /
- 2b
bcom ldan 'das zhes bya ba ni/ bcom pa ni bzhi bcom/ /bzhi ni dgra'o/ /dgra ni bdud bzhi'o/ /bdud bzhi ni phung po'i bdud dang/ nyon mongs pa'i po'i bdud dang/ nyon mongs pa'i bdud dang/ 'chi bdag gi bdud bdud dang/ 'chi bdag gi bdud dang/ lha'i bu'i bdud dang bzhi'o/ /gang gi dus na bcom zhe na/ rdo rje gdan la bzhugs pa'i dus su'o/ /ldan pa zhes bya ba ni/ skal ba dang ldan pas na bcom ldan 'das so/ /'das zhes bya ba ni/ mya ngan las 'das so/ /'das pa ni gang gi dus na 'das she na/ dpyid zla ra ba'i gnam stong gi nub mo/ byang chub sems dpa' dang nyan thos dang 'khor bzhi la sogs pa la zhal chems phog pa la nga mya ngan las 'das pa'i 'og tu/ nga'i chos 'di dgra bcom pa lnga brgya 'dus la/ bsdu ba gyis shig ces gsungs so/ /de nas sangs rgyas mya ngan las 'das
- 3a
nas de'i phyi de dbyar ka dgra bcom pa lnga brgya 'dus nas/ bka' bgros mdzad de/ sdud pa po sla la don bsdu ba mdzad do/ /de nas lo brgya nyi shu na/ dgra bcom pa lnga brgya 'dus te rgyal po ma skyes dgras yon bdag byas te tshig bsdu ba mdzad do/ /de'i tshe sangs rgyas kyis gsungs pa la ma gsungs zer ba dang/ ma gsungs pa la gsungs zer ba byung ngo/ /de nas dgra bcom pa rnams kyis bka' bgros pa da lta'i dus su bdag cag bcom ldan 'das la dngos su thos pa rnams kyang ma mthun na/ phyi rabs pa thams cad sgro skur 'ba' zhig tu 'byung bas/ sangs rgyas kyi bka' rtags su rgya rnam gsum gdab par bya'o/ /sdom pa'i tshigs su bcad pa'i rgya dang/ dge ba gsum gyi rgya dang/ chos rtags kyi phyag rgya bzhi'i
- 3b
rgyas btab pa la/ stong chen mo rab tu 'joms ma 'dir ni dge ba gsum dang/ bka' rtags kyi phyag rgya bzhis rgyas btab pa'o/ /kye nyan thos dang byang chub sems dpa' rnams ngas bshad pa'i chos thams cad theg pa gsum du bshad kyang/ theg pa ni gcig yin par gsungs so/ /de nas shA ri'i bus langs te/ bcom ldan 'das la lan gsum bskor ba byas nas mgo bos phyag 'tshal te/ shA ri'i bus bka' stsal du gsol zhes zhus so/ /bcom ldan 'das theg pa ni gsum zhes bya bar gsungs na/ theg pa gcig yin zhes bya ba ni 'gal lo/ /de nas bcom ldan 'das kyis bka' stsal pa/ shA ri'i bu 'am rigs kyi bu nyon cig /dper na sngon gyi dus su mi rgan po gcig yod de/ shin tu phyug pa nor dang yo byad phun sum tshogs pa/ rnam thos sras kyi nor ji tsam yod pa de tsam yod de/ rgan po de'i bu dgras khyer nas ma rnyed do/ /rgan mo des mya ngan byas pas rang gi yul du ma bsdad par gzhan gyi yul du 'phos nas yul gzhan cig tu bsdad do/ /lo mang po lon nas dus gcig na bu de shin tu ltogs pa sprang long du song nas pha'i gan du blangs bas pha ngo ma shes te/ phas ngo shes te bu 'dir shog ces byas pas/ bu 'jigs pas bros so/ /pha na re pha gi bros pa nga'i bu yin/ 'dir khrid la shog byas
- 4a
pas mis bzung bas bu de rgyal/ kha nas dbugs kyang ma thon/ 'chi ba'i dus la bab pas/ phas 'di thong zhig byas pas bu de langs nas song ngo/ /phyis bu de'i grogs po dang nam zhig tu gnyis pos so/ /nam zhig tu bu de yang byung ngo/ /grogs po med par byung ngo/ /khyim der yang bsdad do/ /nam zhig na phan re khyod bur bya nga phar bya zer ro/ /bu na re rung zer zhag gcig gnyis na lor song nas bu la smras so/ /rgan po na re tshong dpon phun sum tshogs pa yin zer/ yul go sham pa yin/ bu'i ming dri ma med pa yin de zer ba dang bus nga'i pha yin par 'dug /nga'i khyim yin par 'dug sems nas blo brtan no/ /dpe de bzhin du theg pa gcig zhes bya'o/ /de skad byas nas mya ngan las 'das so/ /dus ni dpyid zla ra ba'i tshes gcig la 'das so/ /bcom ldan 'das zhes bya ba'o/ /rgyal po'i khab ces bya ba ni danda ka'i grong khyer dang/ ka ling ka'i grong khyer dang/ ma ga d+ha'i grong khyer dang gsum yod pa las/ ma ga d+ha'i grong khyer na drang srong sgom chen zhig yod pa la byis pa zhig gis gnod pa byas pas/ drang srong gi kha nas me byung bas/ grong khyer gsum po tshig pas dur khrod gsum du gyur/ de'i tshe lha'i bu shed las skyes dang/ shed bu grogs gnyis byung ste/ 'jig rten gyi mi rnams byung ste/
- 4b
dang po lha'i zhal zas bdud rtsi za/ gnyis pa bdud rtsis zhag za de gnyis kyang gsog 'jog gis nub ste/ gsum pa 'bras sa lu'i ljang pa za/ de'i tshe mi rnams 'bras sa lu'i ljang pa la ma mthun nas/ mi rnams kyis 'dus nas mdun ma byas pas/ 'o cag rnams la dpon po zhig dgos par 'dug byas nas yod pas/ de'i tshe shing zhig las sgra byung ste/ shing gi lba ba bcad pas rin po che baiDUrya gdung sha ri ram 'dra ba zhig byung/ de'i nang nas rgyal po mang pos bkur ba zhes bya ba byung ngo/ /de'i mtshan nyid ni dbu skra/ in+d+ra nI la? ltar 'dug pa/ so dung so 'khor bar 'dug ba/ 'gram pa seng ge 'dra ba/ sbyan dkar ma dangs phyed pa gzi ma ring ba sku chu zheng gab ba/ 'khor los sgyur ba'i cha byad can zhig byung ngo/ /der khrims bcas te/ mi rnams kyis bsod nams brtag par bya ba'i phyir/ 'bras sa lu ljang pa bgos so/ /ljag ma'i dpyil po la me mi btang ba'i khrims bcas so/ /de nas dus nam zhig na/ rgyal po'i btsun mos me shor bas/ rgyal po na re rang gi khrims rang gis bshig tu mi btub pas/ bya rgod phung po'i ri'i nub phyogs su nga'i khyim zhig rtsigs shig gsungs ngo/ /de nas brtsigs pas nyin mo brtsigs pas nub mo zhig pa la/ rgyal po'i zhal nas nga bsod nams khyad par 'phags pa yin pas phyogs bzhir rgyal po chen po'i khab yin no zhes bris shig gsum phyogs bzhir rgyal po'i khab yin no bris pas mi ma yin gyi gnod pa zhi'o/ /de nas pho brang baiDUrya rang shel bya bar yang grags so/ /rgyal po'i khab kyi tshad ni ci'i phyir zhe na/ 'di lta ste/ grong khyer rin po che sna bdun las byas pa'i rab rim pa bdun gyis bskor ba/ 'obs rim pa bdun dang/ shing rta la'i phreng ba rim pa bdun gyis yongs su bskor ba/ chur dpag tshad bcu gnyis zheng du dpag tshad bcu gnyis yod pa rgya che ba 'byor pa rgyas pa bde ba lo legs pa/ skye bo mang po dang/ mis gang ba/ grong bar
- 5a
gyi srang mnyam zhing mtshungs pa lta na sdug pa/ lnga brgya dag gis ri mor bris pa bzhin tu gtams pa/ skye bo gzhon pa dang/ khri nyam mi nga ba dang/ bar bar du zam pa btags pa/ legs par grub pa/ grong khyer gyi khor yug tu zhol gyi phyi rim rin po che sna bdun las legs par byas shing bskor ba/ rin po che sna bdun gyi ra ba de dag gi mnga' yab rnams ni 'dzam+bu chu bo'i gser las byas pa/ mtho zhing tshad dang ldan pa/ mnga' yab thams cad kyi rtse mo las kyang rin po che sna bdun gyi shing skyes te/ rin po che sna bdun gyi shing tog gi 'bras bu chags pa/ mnga' yab las shing skyes pa thams cad las kyang rin po che'i thi gu byung bas/ mnga' yab gnyis pa shing gzhan dang 'grel pa thams cad dang ldan pa'i grong khyer de dag thams cad gser gyi dril bu g.yer kha'i dra bas khebs te/ gser gyi dril bu g.yer ba de dag la rlung gis btab na sgra 'jam zhing snyan pa yid du 'ong ba dag 'byung ba 'di lta ste/ dper na yan lag lnga dang ldan pa'i rol mo'i tshogs pa/ rol mo mkhan mkhas pas brdung zhing blangs na/ sgra 'joM zhing snyan pa yid du 'ong ba dag 'byung ba de bzhin du dril bu g.yer kha de dag la rlung gis btab na/ sgra 'jam zhing snyan pa yid du 'ong ba dag 'byung ste/ sgra des sems can de dag rtse dga' kun tu spyod do/ /grong khyer der khor yug tu 'obs chu rjes su mthun par 'bab par gang zhing chu ha cang yang mi grang/ ha cang yang mi dro bas gang ba dag yod do/ /chu de las sngon gyi las kyi rnam par smin pa las grub pa/ rin po che sna bdun rnam par bkra zhing lta na sdug pa'i gru dag yod de/ der sems can dag zhugs nas rtse dga' / zhing rab tu rgyu'o/ /chu de dag thams cad kyang ma tog utpa la dang/ ku mu da dang/ puN+Da ri ka dag gis khebs pa/ me tog rigs che zhing bzang la dri zhim po dang ldan pa gzhan dag kyang khebs te/ stong gsum gyi stong chen po'i 'jig rten gyi khams na yod pa'i me tog
- 5b
gi rigs de las de na med pa gang yang med do/ /grong khyer de'i nang nas skyed mos tshal lnga brgya yod de/ /thams cad kyang rin po che sna bdun las byas pa/ rnam par bkra zhing lta na sdug pa sha stag ste/ skyed mos tshal de dag re re na yang rdzing bu khor yug tu rgyang grags kyi tshad tsam lnga brgya yod de/ rdzing bu de dag gi khor yug thams cad rin po che sna bdun gyi me tog utpa la dang/ ku mu da dang/ puN+Da ri ka rnams par bkra zhing lta na sdug pa dag skyes te/ de dag gis chu de khebs shing me tog utpa la dang/ pad+ma dang/ ku mu da dang/ puN+Da ri ka'i dri zhim po de dag thams cad kyang/ chu zheng du shing rta'i 'khor lo tsam ste/ mthing ga kha dog mthing gar ston pa/ mthing gar snang ba/ ser po kha dog ser po/ ser por ston pa/ ser por snang ba/ dmar po kha dog dmar po/ dmar por ston pa/ dmar por snang ba/ dkar po kha dog dkar po/ dkar por ston pa/ dkar por snang ba dag yod// //rdzing bu de dag thams cad na/ ngang dur dang/ khrung khrung dang/ ka rand+ha ka dang/ sa ra sa sgra 'byin pa dag yod do/ /skyed mos tshal de dag thams cad kyang nga yir bya ba med cing ris su bcad pa med de/ rgyal po'i khab ces bya'o/ /na zhes bya ba ni/ bcom ldan 'das bzhugs pa/ bya rgod phung po'i ri zhes bya ba ni gzhal yas khang ngo/ /ci'i phyir gzhal yas khang zhe na/ sangs rgyas rabs bdun bzhugs nas chos gsungs pa'i phyir ro/ /bya rgod phung po'i ri ni brtsegs pa'o/ /ci'i phyir na brtsegs she na/ rin po che sna bzhi las grub pa'i phyir ro/ /gser dang/ dngul dang/ pad+ma rA ga dang/ in+d+ra nI la la sogs pas ri rab bzhin du brgyan pas gzhal yas khang ngo/ /ri rab de'i tshad dang rgyan ni 'di lta ste/ mtho ba zlum pa/ gnam 'phang dang/ rgyur yangs pa/ lo thog thams cad kyi sa 'dzin pa/ me tog dang/ phreng ba dang/ spos rnam pa sna tshogs dang ldan pa/ mi 'am ci dang skyes bu 'am/ dri za'i tshogs rnam
- 6a
par rgyu ba/ gnod sbyin dang/ srin po dang/ sha za rnams pa mang po gnas so/ /de dag ni lho phyogs su rgyu ba'o/ /ri dags kyi tshogs rnam par rgyu ba la 'di lta ste/ seng ge dang/ stag dang/ glang po che dang/ bse dang/ dom dang/ dred dang/ gzig dang/ ma he dang/ sha kra dang/ bse kha sgo dang/ ba lang sngon po dang/ ba lang dang/ sha ba dang/ shan dmar dang/ spri'u'i tshogs rnam par rgyu ba'o// //de dag ni byang phyogs su rgyu ba'o/ /de na bya mang po brgya stong gnas pa 'di lta ste/ ne tso dang/ ri skegs dang/ khu byug dang/ shang shang te'u dang/ ngang pa dang/ khrung khrung dang/ rma bya dang/ g+hu g+hu ta ka dang/ ka ka dang/ thing ril dang/ yid 'ong ngang pa dang/ gong ma sreg dang/ e te nu ma kA ka d+he nu dang/ d+hand+ha zhes bya ba dang/ ka ta ru d+ha dang/ mo ra dang/ d+hurba dang/ bi ra ba ta dang/ rdo rje mchog dang/ ka ram da ba dang/ ngang skya dang/ ku ku ha dang/ nor skyong dang/ sha ma dang/ shi kan shi la dang/ bya gag dang/ phug ron dang/ kag ka ba dang/ ku ra rta dang/ bya rgod dang/ shan+ta sha ka dang/ tsat+tsa la dang/ gser bu dang/ 'ol ba dang/ khra dang/ khra sems dang/ 'ug pa dang/ sreg pa dang/ ka binda ka dang/ ba ti ka dang/ tsi ti ka dang/ na pa tsa ti ka dang/ tsa sha dang/ tsa go ra dang/ bya gag rgod dang/ rgyags byed ri skags dang/ ka ta ma ka dang/ ka tsa ru tsa ka dang/ ka ra ru be ka dang/ de dag la sogs pa bya'i tshogs rnams nub phyogs na gnas te/ de dag kyang sangs rgyas kyi mthus 'dod chags kyi gnod pa med do/ /zhe sdang dang/ gti mug gi gnod pa med do/ /gcig la gcig mi za'o/ /de dag gcig la gcig pha mar 'du shes shing gnas so/ /yang ri'i rgyal po bya rgod kyi phung po de la/ drang srong dang/ mi dang/ mi sna tshogs shar phyogs na gnas pa'o/ /yang ri'i rgyal po bya rgod kyi phung po de la shing gi tshogs brgya stong du ma yal ga sdug cing lo ma rgyas pa/ 'dab na drang srong gnas pa dag yod pa la 'di lta ste/ thang shing dang/ blag sha dang/ a shwat+tha dang/ pi pi ling gi shing dang/ rgya skyegs
- 6b
shing dang/ ha ra ti ta dang/ a ru ra'i shing dang/ skyu ru ra'i shing dang/ ba ru ra'i shing dang/ sa la dang/ ta la dang/ nags ta ma la dang/ dong kha'i shing dang/ a mra dang/ 'dzam bu'i shing dang/ kham shing dang/ ka pit+tha dang/ rgya shug gi shing dang/ seng ldeng dang/ mu du lu nge dang/ bal po se'u shing dang/ star ka'i shing dang/ tim tu ka dang/ ku dzdza ka dang/ d+ham ba ka dang/ sa ra la dang/ e la dang/ k+Shu pa dang/ n+ya gro dang/ dri d+ha ni ma dang/ b+h+ra go dang/ kam pi la dang/ pa la sha dang/ ni ya ma dang/ ka ke re ma dang/ ni t+tya po lo ti dang/ pog dkar po'i shing dang/ sra tsi pog gi shing dang/ shing kun shing dang/ tsan dan dang/ tsan dan dmar po dang/ u pa la ta dang/ sa ka bi tsa dang/ ga dza dang/ bi gardza dang/ gser shing dang/ pa na sa dang/ rgun shing dang/ shing bal shing dang/ pa ri sha tra dang/ hi la de lta dang bcas pa dag go /de dag ni phyogs phyogs na gnas pa'o/ /yang ri'i rgyal po bya rgod kyi phung po de la/ thang la skyes pa'i me tog rnam pa mang po dag skye ba 'di lta ste/ a ti muk+ta ka dang/ tsi pa ka dang/ skya snar dang/ parshi ka dang/ sna ma'i me tog dang/ dri mchog dang/ yu thi ka dang/ da nu ka ri dang/ bal+la dang/ ta ra ni dang/ gab ta ra ni dang/ kaM sa mu na dang/ lug mig dang/ hi ra ni ka dang/ mut+ta li ka dang/ many+dzu pu pI ka ste/ me tog sna tshogs de lta bu dag gis ri'i rgyal po bya rgod kyi phung po gang zhig kun la mdzes so/ /yang ri'i rgyal po bya rgod kyi phung po de la/ phyogs phyogs su skyed mos tshal re re yod de/ /skyed mos tshal re re na rdzing bu re re yod/ rdzing bu'i nang na chu las skyes pa'i me tog rnam pa mang po dag skye ba dag 'di lta ste/ utpa la dang/ pad+ma dang/ ku mu da dang/ pad+ma dkar po dang/ paM ka ni ri hi ka dang/ kaM ka ra dang/ kaM ka ra chen po ste/ de la sogs pa chu las skyes pa me tog rnams kyis ri'i rgyal po bya rgod kyis phung po mdzes par byas so/ /yang ri'i rgyal po bya rgod kyi phung po de la rtag tu rgyun mi 'chad par nam gyi
- 7a
gung thun la sprin chen po mngon par 'dus to/ thog mer ri'i rgyal po bya rgod kyi phung po de la/ char sprin lta bu mngon par bsgrags nas/ ba 'jos tsam gyi bar du yan lag brgyad dang/ ldan pa'i char zin bu ral bu ral bu 'bab ste/ des ri'i rgyal po bya rgod kyi phung po'i khor yug tshim par byas nas/ tho rangs sprin lha gyes shing nam mkha' la sprin med par gyur nas/ der yang bsil zhing 'jam la sim par byed pa'i rlung ldang ste/ de dag gis ri'i rgyal po bya rgod phung po la gnas pa'i sems can la ltas par byed/ sim par byed/ tshim par byed de/ 'di lta ste/ dper na/ me tog phreng rgyud dam me tog gi phreng rgyud kyi slob mas phreng ba rgyus zin nas/ chus btab pa dang/ de'i phreng ba de dag snga ma bas ches bzang bar gyur pa de bzhin du/ ri'i rgyal po bya rgod kyi phung po la rtag tu rgyun mi 'chad par nam gyi gung thun la sprin chen po mngon par 'dus te/ thog mar ri'i rgyal po bya rgod kyi phung po de la char sprin lta bu'i sgra mngon par bsgrags nas/ ba 'jos tsam gyi bar du yan lag brgyad dang ldan pa'i/ char zim bu zim bu dal bu dal bus 'bab ste/ tho rangs skya rengs shar ba'i dus na/ sprin lha gyes shing/ nam mkha' la sprin med par gyur te/ yang ri'i rgyal po bya rgod kyi phung po la/ rtsa sar pa dag skyes te/ reg bzod pa dang ldan pa dri dang ldan pa/ sngo zhing 'jam pa/ g.yas phyogs su 'khyil ba dag skye ba 'di lta ste/ dper na rma bya'i mgrin pa'i spu'i kha dog bzhin no/ /'di lta ste dper na barsha ka'i me tog gi dri bzhin no/ /'di lta ste dper na ka tsa liM d+ha'i gos la reg pa bzhin te/ rkang mthil la gzhag na ni sor bzhi nam zhes byed pa/ rkang pa btag na ni sor bzhi spar zhes byed pa/ me tog dang/ 'dab ma dang/ 'bras bu dang/ ldan pa/ lta bas chog mi shes pa dag go/ yang ri'i rgyal po bya rgod kyi phung po de la 'bab chu'i dong dang/ mtsho bran dang/ mtshe 'u dang/ rdzing
- 7b
rnam pa mang po bsil ba'i chus rab tu gang ba dag yod de/ de dag las me tog sngon po dang/ ser po dang/ dmar po dang/ dkar po dang/ le brgan dang/ shel gyi kha dog lta bu dang/ me'i kha dog lta bu dang/ gser gyi kha dog lta bu che tshad shing rta'i 'phang lo tsam dag skyes te/ de dag bcad na dri dang phyogs bzhi'i dpag tshad tsam du ldang ngo/ /bya rgod kyi phung po'i ri zhes bya ba'o/ /ri'i rgyal po de'i rtse mo'i lho phyogs kyi ngos na/ pad+ma'i gdan chen po and+ha rI la gzhan gyis mi tshugs pa/ rdo rje lta bu'i mche ba can/ bai DUrya chen po'i mdza' bskor ba/ 'dzam bu'i chu'o gser dri ma med pa'i 'dab ma rgyas pa/ tsan dan dus kyi rjes su 'brang ba'i snying po rnam par dag pa/ rin po che'i rdo'i snying po'i ze ba dang ldan pa/ tshad brgya mtsho ltar yangs shing rgya che ba/ lha ma yin gyi dbang po sa yas snying po kun tu bzung ba/ nor bu rin po che sa ya'i dra ba sna tshogs kyis g.yogs pa/ klu'i dbang po sa yas sprin las spos chu'i char phab pa nam mkha' lding gi dbang po sa yas kha nas dar dpyangs gi ri mo byas pa/ mi 'am ci'i dbang po sa yas phan pa'i sems kyis bltas pa/ lto 'phye chen po'i dbang po sa yas gdong gis phyag 'tshal cing ri mo byas pa/ dri za'i dpang po sa yas bstod cing bsngags mchod pa/ lha'i dpang po sa yas me tog dang/ phreng ba dang/ spos dang/ phyug pa dang/ gos dang/ gdugs dang/ rgyal mtshan dang/ lha'i ba dan gyi sprin gyi char mngon par bab pa/ tshangs pa'i dbang po sa yas mgo bos phyag 'tshal zhing ri mo byas pa gnas gtsang ma'i rigs kyi bu sa yas thal mo sbyar nas phyag byas pa/ mi 'am ci'i dbang po 'khor los sgyur ba sa yas nor bu rin po che sna bdun dang ldan pas bsdu ba/ rgya mtsho'i lha sa yas bsdu zhing phyag byas pa/ nor bu rin po che'i skar mdog sa yas 'od zer gyis snang bar byas pa/ bsod nams dag pa'i nor bu rin po che sa yas shin
- 8a
shin tu nges par mdzes par byas pa nor bu rin po che rnam par snang byed sa yas snying po dri ma med pa/ nor bu rin po che'i dpal gyi 'od zer sa yas dpal rab tu thal le ba/ nor bu rin po che'i mdzod sna tshogs sa yas mthas yas par snang ba/ nor bu rin po che 'dzam+bu rgyal mtshan sa yas bres pa legs par bzung bas brtan par gyur pa/ nor bu rin po che rdo rje seng ge sa yas gzhan gyis mi thub pa bkod pa/ nor bu rin po che nyi ma'i snying po sa yas rgya cher spras pa/ nor bu rin po che bsam gyis mi khyab pa sa yas kha dog sna tshogs ri mo byas pa yid bzhin gyi nor bu rin po che sa yas mi zad pa bkod pas ri mo byas pa byung ste/ pad+ma chen po rin po che de ni de bzhin gshegs pa'i 'jig rten las 'das pa'i dge ba'i rtsa ba las nges par byung ba/ byang chub sems dpa' i bsam pas mnos pa/ phyogs thams cad du mngon du go bar byed pa/ sgyu mar gyur pa'i chos las nges par byung ba/ dri nga ba med pa las skyes pa/ nyon mongs pa med pa'i chos nyid kyi tshul bkod pa/ rmi lam lta bu'i chos nyid kyis kun tu rgyu ba mngon par 'du byed pa med pa'i chos nyid kyi rgyas btab pa/ chags pa med pa dang ldan pa/ phyogs kun tu chos kyis dbyings kyis khyab par byed pa/ sangs rgyas kyi yul rab tu brjod pa dang mthun pa ste/ de'i rnam pa dang/ yon tan dang/ dbyibs dang/ kha dog dang bkod pa'i mdza' ni bskal pa grangs med par yang rtogs par mi nus pa'i pad+ma chen po de la/ bcom ldan 'das skyil mo krung bcas nas bzhugs te/ bcom ldan 'das de chos kyi 'khor lo ni shin tu bskor/ sangs rgyas kyi mdzad pa ni shin tu yongs su mthar phyin/ ye shes kyi tshogs ni shin tu yongs su rdzogs/ /thams cad mkhyen pa ni shin tu yongs su bzung/ byang chub chen po'i phyir pha rol tu phyin pa dang sa ni brnyes/ skyes bu chen po'i mtshan sum cu rtsa gnyis
- 8b
kyis brgyan pa'i sku ni rab tu 'bar/ yan lag dang nying lag thams cad ni dpe byad bzang pos rnam par spras/ dbu'i gtsug ni sems can thams cad kyis ltar mi mthong/ bdud kyi las thams cad ni mkhas/ sems can thams cad kyis ni shes/ spyan rnam pa lnga ni mnga' / rnam pa thams cad kyi mchog dang ni ldan/ thams cad mkhyen pa'i ye shes dang ni ldan/ sangs rgyas kyi chos thams cad dang ni ldan/ bdud dang phas kyi rgol ba'i tshogs thams cad ni bcom/ grags pa dang/ sgra dang tshigs su bcad pa ni 'phags/ khyu mchog dang seng ge'i sgra ni bsgrags/ ma rig pa'i mun pa ni kun tu bsal/ bskal pa bye ba khrag khrig brgya stong grangs med dpag tu med par/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ stobs dang/ smon lam dang/ ye shes kyis pha rol tu phyin pa dang/ bya dka' ba'i spyod pa las ni phyir ma log /sku ni skyes bu chen po'i mtshan sum cu rtsa gnyis dang/ dpe byad bzang po brgyad cus brgyan te/ rab tu mdzes shing/ thog mar dge ba/ bar du dge ba/ mdza' mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba'o/ /sangs rgyas zhes bya ba ni spangs pa phun sum tshogs pa'o/ spyod yul ni dus gsum sangs rgyas 'byung ba'i gnas so/ /rdo rje rin po che'i shing ljon pa rab tu snang ba'i nags tshogs na/ zhes bya ba ni rdo rje rin po che'i shing ljon pas legs par brgyan pa'i dbus na/ nyan thos dgra bcom pa rnams dang/ byang chub sems dpa' i dge 'dun dang thabs gcig tu bzhugs pa'o/ /tshe dang ldan pa shA ri'i bu nas tshe dang ldan pa kun dga' bo'i bar du de dag la sogs pa dge slong nyis brgya lnga bcu po de dag gi mtshan nyid ni/ dben pa'i ngo bo nyid kyi tshul mngon par rdzogs par rtogs pa/
- 9a
yang dag pa'i mdza' mngon sum du gyur pa/ chos kyi rang bzhin la zhugs pa/ srid pa'i rgya mtsho las brgal ba/ de bzhin nyid nam mkha' lta bur spyod yul ba/ kun tu sbyor ba dang/ bag la nyal gyi 'ching ba gcad pa/ gnas dang rten la ma chags pa/ nam mkha' lta bur zhi ba la rnam par rgyu ba/ sangs rgyas la nem nur dang/ yid gnyis dang/ the tsom za ba gcad pa/ sangs rgyas kyi ye shes rgya mtsho la mos pa'i lam du zhugs pa/ 'gro ba thams cad la phan pa'i phyir zhugs pa/ gsol ba btab par dge ba'i bshes gnyen byed pa/ sems can thams cad srung bar zhugs pa/ sems can thams cad yongs su mi gtong ba'i mdza' bshes su gyur/ sangs rgyas kyi bstan pa'i spyod yul las nges par 'byung ba/ de bzhin gshegs pa'i bstan pa bsrung bar bzhugs pa/ sangs rgyas kyi bstan pa kun tu 'dzin par smon lam btab pa/ de bzhin gshegs pa'i gdung rigs 'byung bar mngon du phyogs pa/ thams cad mkhyen pa'i ye shes mngon du gyur pa sha stag go /bya rgod phung po'i ri dang/ dge slong gi mtshan nyid kyi gnas skabs te dang po'o// //de'i tshe bcom ldan 'das dang dge slong gi dge 'dun tshogs pa'o/ /bcom pa ni bzhi'o/ /ldan pa ni skal pa drug dang ldan pa'o/ /'das pa ni mya ngan las 'das pa'o/ /dge slong gi dge 'dun ni nyan thos so/ /bcas pa ni byang chub sems dpa' dang bcas pa'o/ /lus 'phags po ni gzugs can snying po'o/ /yul ma ga d+ha zhes bya ba ni yul dbus so/ /rgyal po ma skyes dgra zhes bya ba ni/ ci'i phyir zhe na/ sngon gyi dus su ma skyes dgra ni sha bar skyes pa'o/ /gzugs can snying po ni ri khrod du rigs ngan du skyes pa'o/ /des ma skyes dgra sha bar skyes pa de la/ mda' brgyab nas gsang pas/ de'i las kyi rnam par smin pas/ rgyal po gzugs can snying po'i dgrar 'ongs pas ma skyes dgra zhes
- 9b
bya'o/ /ma ga d+ha'i bar gyi yul na rgyal po chos skyes la bu mo gnyis yod pa la/ rgyal po gzugs can snying po dang bu mo chung shos gnyen byas pa la/ bu mo che shos la gtsug lag khang kun na re 'dis khyod mi rnyed/ ci'i phyir zhe na/ khyo la phyin kyang bu mo la bu nam skye tsa na pha gsod zer pas/ su yang 'dad pa med pas nu mo la mo na re khyod kyis su la phyin kyang khyo gcig rnyed de 'ongs pas/ nga cag gnyis gzugs byad dbyibs dang thams cad 'dra bas/ nga gzugs can snying po la thong zer/ nu mos mnyan nas/ pho mos nu mor rdzus nas gzugs can snying po la phyin no/ /mo la bu skyes pas ma skyes dgra zhes bya'o/ /de'i pha ni rgyal po gzugs can snying po zhes bya'o/ /de la pho brang bai dUrya rang shel bya ba yod pa/ mchod gnas su yang dag par rdzogs pa'i sangs rgyas shAkya thub pa bzhugs pas/ bdud lha byin gyis phrag dog byed bas/ gzugs can snying po'i bu ma skyes dgra la/ khyod dang rgyal po gzugs can snying po gnyis/ yab sras bzang ngan med pa yin la/ pho brang baiDUrya rang shes kyang khyod la mi ster/ kho'i mchod gnas kyang gau ta ma la byas/ lha sbyin na re nga dang gau ta ma gnyis/ yab kyis ma phye yum gyis ma phye ba yin pa la/ gzugs can snying pos gau ta ma'i yon tan bdag byas/ nga la yon bdag byed pa med/ khyod la yang mchod gnas dang phro brang med/ ngas go'u ta ma bsad/ khyod kyis rgyal po gzugs can snying po song/ ngas mchod gnas bya/ khyod kyis yon bdag bya byas pas/ ma skyes dgras bdud lha sbyin la nyan nas/ 'khor ba dang blon po rnams bos nas/ nga'i yab zung zhig byas pas/ 'khor ba dang blon pos yab bzung ngo/ /ma skyes dgras yab kyi rkang mthil gshus nas/ 'bras ma bsgrus pa'i gseb nas drud bshal byas nas yab ma 'das par dod du bcug nas gsangs nas bzhag go /de nas rgyal po ma skyes dgra'i yum gyis bza' btung bag re bskyal lo/ /de nas bdud lha sbyin gyis kyang rgyal po'i khab kyi grong khyer bar gyi steng nas lcags kyi rdo'i
- 10a
'khrul 'khor bcas nas bzhag go/ bcom ldan 'das 'khor nyan thos dang bcas nas bsod snyoms mdzad nas/ rgyal po'i khab kyi grong bar na yar la byon pa la/ lha sbyin gyis 'khrul 'khor thag pa bcad pas rdo'i char drag po phab pas de'i dbus su gnod sbyin rgyu ba la phog pas/ gnod sbyin shi nas lha'i bur skyes so/ /rdo ba yar ma zhig gis bcom ldan 'das kyis zhabs g.yas pa'i mthe rtsal khrag byung ngo/ /khrag byung bas 'jig rten gyi mi rnams na re bcom ldan 'das kyi sku lus rdo rje'i phung po yin zer ba mi bden zer bas/ bcom ldan 'das kyi zhal nas sngon rigs ngan du skyes pa'i dus su ri dags zhig la brgyab pas de'i las kyi rnam par smin pa yin gsung ngo/ /de nas ma skyes dgra nga'i bu'i lag ngar la/ thor ba zhig la khrag byung bas/ ma skyes dgra'i khas mjibs nas bor nas sas g.yogs pa'o/ /de mthong nas ma skyes dgra'i ma rgod do/ /ma skyes dgra na re de phan chod du bshums pa la/ de ring yum dgyes pa de ci la dgyes pa yin zhes dris pas/ ma na re sngon khyod kyi lag pa la yang thor ba zhig byung nas/ yab rgyal po gzugs can snying pos kyang khrag de khyod kyis mthong na/ brgyal gyis dogs nas 'thung bas mig pa de dran pas dgad pa yin gsung ngo/ /de nas rgyal po ma skyes dgra des yab 'di 'dra ba'i drin can yin par 'dug pa la ngas ma legs pa 'di 'dra ba byas pa snyam nas 'gyod pa skyes nas yab dong nang nas ston la/ bsnyen bkur bya bsam nas/ phyin pas yab kyis ma skyes dgra'i skad drag par thos nas/ khos mtshon rgyab nas nga gsod par byung snyam nas// yab kyi snying gas nas 'das so/ /de'i dge ba'i rtsa ba la sangs rgyas bcom ldan 'das dang/ nyan thos dang byang chub sems dpa' rnams steg pa'i phyir/ na bza' dang zhes bya ba ni/ yang dag par rdzogs pa'i sangs rgyas dang/ 'khor rnam bzhi dus dus
- 10b
su na bza' gsol pa'o/ /gzim cha dang zhes pa ni/ de yang dus dus su gzims cha la sogs pa 'bul ba'o/ /snyun gyi gsos sman dang zhes bya ba ni/ sangs rgyas la sogs pa dge slong gi dge 'dun de dag la/ gso ba'i yo byad rtag tu 'bul ba'o/ /yo byad rnams kyis ni bkur sti byas/ rtag tu lus ngag yid gsum dad par bya'o/ /bla mar bya ba ni gong nas gong du dam par khur ba'o/ /bsti stang byas nas ni/ de bas kyang lhag pa med par khur ba'o/ /mchod pa byas pa'o zhes pa ni sangs rgyas dang 'khor rnams la sogs pa/ dus dus su rtag tu mchod pa'o/ /yang de'i tshes yang cher g.yos par 'gyur zhes bya ba ni/ sa chen po 'di rnam pa drug tu g.yos/ rab tu g.yos kun tu rab tu g.yos/ 'bul rab tu 'gul/ kun tu rab tu 'gul/ ldeg rab tu ldeg /kun tu rab tu ldeg go /chem chem rab tu chem chem/ kun tu rab tu chem chem/ 'ur 'ur rab tu 'ur 'ur/ kun tu rab tu 'ur 'ur/ shig shig /rab tu shig shig/ kun tu rab tu shig shig ste/ ltas chen po bco brgyad 'byung ba'o/ /ltas chen po bco brgyad po de gang gi phyir zhe na/ mu ge dang/ mi nad dang/ phyug nam dang/ yams kyi nad dang/ 'brum bu'i nang gsum dang/ rims nad dang/ rlung nad dang/ mkhris pa'i nad dang/ bad kan dang 'dus pa'i nad dang/ mdze dang lhog pa dang/ me rbal dang/ nad de dag la sogs pas g.yos pas 'byung ngo/ /sprin 'dus pa chen po yang 'byung zhes bya ba ni/ ma rungs pa 'bab pa'i phyir ro/ /ci'i phyir ma rungs pa zhe na/ me tshan gyi char chen po 'bab pa'i phyir ro/ /dus ma yin par rlung zhes bya ba ni/ nad thams cad 'byung ba'i phyir ro/ /ser ba chen po ni mu ge chen po 'byung ba'i phyir ro/ /sprin chen po las char pa yar 'bab par 'gyur zhes bya ba ni/ kyin 'dang sman dang gi char chen po bab nas lo nyes 'byung ba'i phyir ro/ /'brug kyang 'di ri ri zer zhes bya ba ni/ nam mkha' la 'jigs pa'i sgra 'byung ba'i phyir ro/ /glog rnams kyang 'byung zhes bya ba ni/
- 11a
yangs pa can gyi mi rnams gcig la gcig mthong nas skrag pa'i phyir ro/ /phyogs bcu yang 'khrug par gyur to zhes bya ba ni/ yangs pa can gyi mi rnams brgyal ba'i phyir ro/ /mun pa mun nag ces bya ba ni mi rnams gcig la gcig ma mthong ba'o/ /chen po yang byung zhes bya ba ni mi zad pa'i mun pas 'od rnams zil gyis mnan pa'i phyir ro/ /skar ma dang nyi ma dang zla ba mi snang zhing 'od dang mi ldan pa ni/ mun pa'i sprin chen pos bkab pa'o/ /ltan ner ma yin/ lhang nger ma yin zhing 'od mi gsal bar 'gyur ro zhes bya ba ni/ 'od rnams mi 'byung zhing gzi brjid mi gsal ba te/ shes rab can rnams shes rab dang bral bar 'gyur ba'o/ /de nas zhes bya ba ni/ de rnams kyi rdzu 'phrul gyi nus mthu bstan pa'o/ /yangs pa can gyi grong khyer chen por 'jigs pa de dag byung ba ni/ la? tsi byi 'byung pos btab pa'i phyir ro/ /yangs pa can gyi grong khyer zhes bya ba ni/ yul dbus nyid do/ /la tsi byi kha cig gi grong gzhan dang zhes bya ba ni/ bram ze'i grong khyer la bya'o/ /grong khyer gang yin pa de zhes bya ba ni/ ma ga d+ha dang bram ze'i grong gnyis la bya'o/ /gdon 'byung pos btab par gyur ces bya ba ni/ grong khyer de gnyis ka'i mi rnams la 'byung pos nang sna tshogs 'byung bas 'jigs pa'i phyir ro/ /grong gi gzhon nu rnams zhes bya ba ni/ rtsis mkhan dang ni gtsug lag mkhan pos mi zin pa/ mig rno dang mo ma rnams kyis kyang mi zin pa'o/ /blon po dang ni/ blon pos kyang rgyal po la zhu ba phul mi nus shing nad kyis btab pa'o/ /blon po chen po dang ni gong bzhin du'o/ /'khor dang gnas dang/ bran po dang/ bran mo dang/ las byed pa dang/ mdog pa dang/ g.yog kha cig kyang gdon zhes bya ba ni/ ma rungs pa'i 'byung po rnams kyis btab nas/ dran pa stor ba dang/ smyo ba dang/ yams nad dang/ rims nad 'brum bu dang//
- 11b
lhog pa la sogs pa'i nad ma rungs pa mang po 'byung ba'o/ /'byung pos btab par 'gyur zhes bya ba yan chod ni/ klu dang gnod sbyin dang/ yi dags dang/ 'byung po dang/ sha za la sogs pa rnams bram ze la tsi byis bskrad pas ma thub pa'i phyir/ grong de'i mi rnams la nad sna tshogs 'byung ba'i phyir 'jigs pa'o/ /yul yangs pa can ljongs dang kun gyi dge slong dang/ dge slong ma dang/ dge bsnyen dang/ dge bsnyen ma dang zhes bya ba ni/ dkon mchog gsum la dad pas skyabs su 'gro ba'o/ /kyi spung zhes bya ba ni drug tu 'jigs pa'i phyir ro/ /'jigs skrag sngags? te kyi spung zhes byed na zhes bya ba ni/ sangs rgyas dang chos dang dge 'dun la dad par byed pa rnams kyang/ sems can gyi sdug bsngal thos nas sems stor nas lus 'dar bar gyur te/ ngag gis kyang bzlas pa la sogs pa mi nus pa'o/ /kha gnam du ltas shing ngu 'bod do/ /zhes bya ba ni dus ma yin pa'i ser ba dang char pa rnam pa sna tshogs 'bab pas 'jigs pa'o/ /sangs rgyas dang chos dang dge 'dun la phyag 'tshal zhes bya ba ni/ gus par de rnams kyis kyang 'jigs skrag 'byung ba'i phyir/ sangs rgyas dang chos dang dge 'dun la phyag 'tshal lo/ /bram ze'i khyim bdag ces bya ba nas mchod rten gyi gnas na gnas pa dag la phyag 'tshal zhes bya ba ni/ lta ba log pa'i phyir rang dad pa'i lha la phyag 'tshal bas mun nag zhi bar byed pa'i phyir ro/ /gang dag yang dag par rdzogs pa'i sangs rgyas kyis bstan pa la mngon par ma dad pa'i bram ze dang zhes bya ba ni/ 'jig rten mi rigs mi gcig pa/ mu stegs kyi chos la dga' ba ste/ de rnams kyang lta ba mi gcig pa sum brgya drug cu ro yang/ de las bsdus pa drug ste/ snying rje med cing gab pa dang/ dgra bcom dang/ byol song la gus pa dang/ khrus chog dang dka' thub dang/ dge sbyong dang dag
- 12a
go de las bsdus pa/ gnyis te/ rtag chad gnyis so/ /khyim bdag de dag kha cig ni tshangs ba la phyag 'tshal zhes bya ba ni/ rtag par lta zhing tshangs pa la gus pa'o/ /kha cig ni brgya byin la zhes bya ba ni 'khor ba'i sdug bsngal la lta zhing/ 'dod pa'i yon tan lnga la lta ba'o/ /kha cig ni 'jig rten skyong ba la phyag 'tshal zhes pa ni/ dbang po dang tho ris thob par 'dod pa/ tshe 'di dang phyi ma la srung ba dang/ skyob par 'dod pa'o/ /kha cig ni dbang phyug /chen po dang zhes pa ni/ dka' thub tu gnas pa yod par lta ba rnams so/ /khyims bdag ni so so'i lta ba'o/ /nor bu bzang po dang ni/ rtag par 'dod pa nor gyi don la gnas pa rnams so/ /gang ba bzang dang 'phrog ma dang zhes pa ni 'jig rten 'di dang phyi ma la phun sum tshogs pa rtag par lta ba'o/ /nyi ma dang ni zhes pa ni/ chad par lta ba rnams so/ /zla ba dang ni zhes pa ni bar ma de'i lta ba'o/ /skar ma dang ni zhes pa ni gnyis la gtogs pa'o/ /gza' dang zhes pa ni/ mthun pa dang mi mthun pa'i lta ba gnas pa'o/ /ri dang nags tshogs dang/ sman dang/ ljon shing dang/ klung dang/ lteng ka dang/ mtshe 'u dang/ rdzing bu dang/ mchod rten gyi gnas na gnas pa dag la phyag 'tshal zhing zhes pa ni/ lta ba mi gcig pa de rnams/ gnas de rnams su phyin nas/ dam bdar ba dang/ smon lam la sogs pa 'debs pa'o/ /bdag cag ni 'di 'dra ba'i gnod pas 'jigs pa gnas na ji ltar thar par gyur snyam sems shing 'khod pa dag ces bya ba ni/ so so'i lta ba mi gcig pa'i lha rnams la/ de skad du smras nas rang gi yi dam la gsol ba 'debs pa'o/ /bcom ldan 'das ni bshad zin to/ /grong khyer yangs pa can gyi mun pa 'byung ba'i
- 12b
gnas skabs te/ gnyis pa'o// //spyan rnams par dag pas gzigs zhes bya ba ni/ thugs rje'i spyan gyis sems can la gzigs pa'o/ /de nas bcom ldan 'das zhes bya ba nas/ mngon par 'du mdzad do zhes bya ba yan chod ni dam pa'i chos mngon pas bshad pa yin te/ de nas bcom ldan 'das kyis rdzu 'phrul zhes bya ba ni/ gling bzhi bye ba brgyar sprul ba'i sku bye ba phrag brgyar sprul pa'o/ /mngon par 'du mdzad pas mngon par 'du mdzad pa zhes bya ba ni/ gang la gang gis 'dul ba de la de dang de'i ngo bor snang ba'o/ /de tsug yin par ci zhes na/ bcom ldan 'das kyis bka' las/ gang la gang 'dul de la de ston pa/ /ston pa'i glang po khyod la phyag 'tshal lo/ /stong gsum gyi stong chen po'i 'jig rten gyi khams zhes bya ba ni/ bcom ldan 'das kyis bka' stsal pa/ 'jig rten gyi khams ni gsum ste/ nyi zla stong gling bzhi ri rab dang bcas pa stong/ rgyal chen rigs bzhi nas tshangs pa'i 'jig rten gyi bar du stong spyi phud do/ /de stong la stong gnyis pa bar ma'i 'jig rten gyi khams so/ /stong gnyis pa bar ma'i 'jig rten gyi khams stong la/ stong gsum gyi 'jig rten gyi khams chen po'o/ /lha dang mi dang lha ma yin du bcas pa'i 'jig rten dad par gyur te zhes bya ba ni/ cho 'phrul rnam pa gsum ste/ ma dang pa dad par byed pa'i cho 'phrul dang/ kun rjod par byed pa'i cho 'phrul gsum gyis dad pa smin par byed pa'i cho 'phrul dang stong gsum gyi stong chen po'i 'jig rten gyi khams lha dang mi'i bar du 'dun par bcas pa'o/ /de nas zhes bya ba ni/ bcom ldan 'das kyi rdzu 'phrul gyis 'gro ba 'dun par mdzad pa de nas/ mi mjed kyi bdag po tshang
- 13a
pa zhes bya ba ni bsam gtan dang po'i lha ste/ tshangs pa chen po zhes bya'o/ /tshe tshad bskal pa drug cu thub/ lus dpag tshad phyed dang gnyis/ 'di man chad bsam gtan dang po'i rtog dpyod me dang 'dra bas me yis 'jig /'di yang bsam gtan dang po ste/ tshangs pa mdun na 'don gyi nges tshig gong ma'i tshangs pa chen po'i spyan sngar na/ 'og ma 'gro drug gi las dge sdig gi smrad 'don pas/ tshangs pa mdun na 'don ces bya'o// yang na tshangs pa chen po la phan 'dogs pas tshangs pa nye phan zhes bya ba/ /yang na tshangs pa chen po la 'khor bas tshangs 'khor zhes bya'o/ /tshe tshad bskal pa bzhi bcu thub/ lus dpag tshad gcig go /'di yang bsam gtan dang po ste/ tshangs rigs kyi lha'i nges tshig 'og ma'i 'dod pa khams kyi 'khor ba gyod 'khrin 'dra ba las ni tshangs pas tshangs pa chen po'o/ /'khor du tshangs ri/ /sa tshe'i tshad bskal pa nyi shu thub lus dpag tshad phyed do/ /lha rnams kyi dbang po brgya byin zhes bya ba ni/ lha'i dbang po brgya byin dang nye dbang sum cu rtsa gnyis/ rnam par rgyal ba'i khang bzangs tshon sna tshogs brgya rtsa gcig la byas pa'i nang na gnas/ dga' ba'i tshal dgyes pa'i tshal/ rtsub 'gyur tshal sna tshogs tshal/ grong khyer lta na sdug ces bya ba gnas so/ /ri rab kyi lcog gcig la/ lag na rdo rjes snod sbyin bskor ba gnas so/ /ri rab gru bzhi kha tshon phyogs re rer dpag tshad stong phrag bcu bcu yod do/ /rgyu rin chen bzhis byas pa'i steng 'di ni gser gyi sa gzhi shin tu bde zhing nyams dga' ba'o/ /rdo a mo li ka'i steng na ko'u shi ka chos 'chad pa'o/ /shing yongs 'dus brtol yang dpag tshad
- 13b
lnga brgya yar skyes/ dpag tshad lnga brgya mar zug/ yan lag lnga pa yang dpag tshad lnga bcu yod do/ /de la lha dang lha ma yin 'thab pa'o/ /sum cu rtsa gsum pa'i lha rnams dang zhes bya ba ni/ gzhan 'phrul dbang byed kyi lha dang/ 'phrul dga' i lha dang dga' ldan gyi lha rnams te/ gzhan 'phrul dbang byed kyi nges tshig ni/ log pa'i rdzu 'phrul dbang byed pas/ gzhan 'phrul dbang byed do/ /tshe tshad dang mi lo stong drug brgya la lha'i zhag gcig tu brtsis la lo drug stong thub/ lus la rgyang grags bcu yod do// lha'i rgyal po la dbang byed pas gzhan 'phrul dbang byed do/ /'phrul dga' i lha'i nges tshig ci 'dod pa rang gi lus la 'byung bas 'phrul dga' o/ /tshe tshad ni mi lo brgya la/ lha'i zhag gcig tu brtsis pa lo stong thub/ lus dpag tshad gcig/ bsam 'phel nor bu la longs spyod do/ /dga' ldan gyi lha'i nges tshig ni lha ma yin gyi 'thab rtsod dang bral ba'o/ /tshe ni mi lo nyis brgya la zhag gcig tu brtsis pa'i bzhi stong ngo/ /lus la rgyang grags bzhi yod yang na lha'i rgyal po dga' ldan bya ba yang bas/ dga' ldan no/ /lha mo lag pa sprang pas 'khrig /'di ni 'thab bral lha'i nges tshig ni lha ma yin gyis 'thab rtsod dang bral bas so/ /'thab bral gyi lha'i khangs bzangs ni/ ri rab steng na khyims yod/ lha mo dang sbyor ba ni lus la 'khyud pa tsam gyis tshim/ mi lo dgu pa tsam gyi tshong skye ste/ tshe tshad ni mi lo nyis brgya la lha'i zhag gcig tu rtsis pa'i nyis stong thub po/ /lus la rgyang grags gnyis yod do/ /lha re re la bsam 'phel nor bu re re la spyod do/ /sum cu rtsa gsum mi lo brgya la zhag gcig tu brtsis pa'i lo stong thub/ lus tshad ni gzhu 'dom nyis brgya lnga bcu'o// //rgyal po chen po bzhi zhes bya ba ni/ yul 'khor
- 14a
srung dang/ 'phags skyes po dang/ mig mi bzangs dang/ rnams thos sras so/ /rgyal chen rigs bzhi'i lha rnams dang zhes bya ba ni/ sum cu rtsa gsum mi bzhin mi spyod/ bu khye'u pha'i phrag pa g.yas pa la skye bu mo ma'i brla la skye'o/ /gnod sbyin gyi ded dpan nyi shu rtsa brgyad dang zhes bya ba ni/ 'di lta ste/ ring pa dang ni mig bzangs dang/ /gang po dang ni ser skya'o/ /nye shing dang ni seng ge dang/ /dus can dang ni dga' ba dang/ /seng ge ralpa can dang seng ge'o/ /bla ma dang ni ser skya dang/ /'dzin pa dang ni 'dzin pa dag /rtson skyong dang ni khyab 'jug go /lnga spyod dang ni tshigs lnga ser/ /ri mnyam dang ni gser can no/ /sa ba shin tu sa ba dang/ /nag po dang ni nye nag po/ / nyi ma zla ba me dang rlung/ /lus ngan gyi ni bu thub po/ /kun tu rgyal ba mi la gzhon/ /phrugs su ldan na gnas pa ste/ /lha yi bden pas gsol ba'o/ /gnod sbyin de dag ni gnod sbyin chen po'o/ /sde rnams kyis yongs su 'dren pa/ rdzu 'phrul dang ldan pa/ 'od dang ldan pa/ kha dog dang ldan pa/ grags pa dang ldan pa'o/ /gnod sbyin stobs po che sum cu rtsa gnyis zhes bya ba ni/ dbang po dang/ zla ba dang/ chu lha dang/ skye dgu'i bdag po dang/ ba ra d+hwa tsa dang/ dbang ldan dang/ tsan dan dang/ 'dar pa'i gtso bo dang/ mgrin ngan dang/ mgul nges dang/ b+ha Ti dang/ nor bu dang/ nor bu spyod dang/ sgra rab dang/ nye lnga spyod dang/ ri mnyam dang/ gser can dang/ gang po dang/ seng ldeng ba dang/ g.yon can dang/ gnod sbyin ba lang skyong dang/ 'brog gnas dang/ mi'i rgyal po dang/ rgyal ba'i khyu mchog dang/ tshigs lnga ser po dang/ bzhin bzangs dang/ gnod sbyin ring po 'khor dang bcas pa dang/ dri sna tshogs sde dang/ 'bras bu gsum pa dang/
- 14b
mgul gsum pa dang/ lcags mdung ring po dang ma ldan te/ gnod sbyin de dag ni gnod sbyin stobs po che chen po ste/ sde rnams kyis yongs su 'dren pa/ /rdzu 'phrul dang ldan pa/ 'od dang ldan pa/ kha dog dang ldan pa/ grags pa dang ldan pa ste/ lha dang lha ma yin gyi yul dag kyang myong bar byed pa dag go /'phrog me'i bu dang bcas zhes bya ba ni/ yab ni gnod sbyin chen po pany+tsi ka'o/ /bu ni lnga brgya 'o zhes bya ba ni 'khor la sogs pa'o/ /'khor dang bcas zhes bya ba ni/ tshangs pa nas 'phrog ma'i bu yan chad do kha dog ni so so'i kha dog go /'phags pa dang ni/ rang gi 'od kyis rang gsal ba'o/ /nub mo 'das zhes bya ba ni mun pa las 'das pa'o/ /yang na nyin mo dang nub mo khyab par med pa'o/ /dag pa lta bu'o zhes bya ba ni/ nyan thos dang byang chub sems dpa' dang/ lha dang lha ma yin la sogs pa dag pas dag pa'o/ /gang las dag ce na nyon mongs pa lnga dang bral ba'o/ /bya rgod kyi phung po'i ri la ni so so'i 'od kyis khebs pa'o/ /gang gi 'od ce na/ tshangs pa la sogs pa'i 'od do/ /mthus snang ba chen pos snang bar byas te/ zhes bya ba ni/ tshangs pa la sogs pa'i mthus bya rgod phung po la snang ba'o/ /bcom ldan 'das la zhes bya ba ni/ bcom pa ni bzhi bcom/ ldan pa ni dug go /'das pa ni mya ngan las 'das pa'o/ /gdal der zhes bya ba ni spyan sngar ro/ /dod nas phyin pa dang zhes bya ba ni tshangs pa la sogs pas phyin pa'o/ /bcom ldan 'das kyi zhabs la mgo bos phyag 'tshal te zhes bya ba ni/ lha'i me tog dang/ lha'i spos dang/ lha'i mar me dang/ lha'i zhal zas dang/ lha'i mand+ha ra ba pad+ma dkar po dang/ u dum bar la sogs pa me tog chir? bab pa'o/ /phyogs gcig tu 'khod nas zhes bya ba ni/ phyogs gcig tu tshangs pa la sogs pa 'dug pa'o/ /tshig gcig ces bya ba ni gnyis su med pa'o/ /dag gcig ces bya ba ni thams cad mthun pa'o/ /dbyangs gcig ces bya ba ni so so'i bstod pas mthun pa'o//
- 15a
bcom ldan 'das la tshigs su bcad de mngon par bstod pa zhes pa ni/ tshangs pa la sogs pa'i lha rnams kyis bstod pa'o/ /ji skad du bstod na/ shin tu 'bar ba'i gser dang 'dra zhes pa ni/ dper na gser mkhan gyis gser dangs pa'i 'od dang 'dra bas te/ yang na nyi ma bdun gyi 'od dang 'dra ba'o/ /zla ba nya ba'i 'od dang mtshungs zhes bya ba ni 'od dang mnyam pa ste/ dper na zla ba bsil bar byed pa bzhin du/ sems can thams cad kyi don byed pa'o/ /dpal ldan zhes bya ba ni gnyis ldan te/ 'jig rten pa'i dpal dang/ 'jig rten las 'das pa'i dpal lo/ /'jig rten pa'i dpal ni/ 'jig rten la grags pa'o/ /'jig rten las 'das pa'i dpal ni gnyis su med pa ste so so'i ma yin na/ rnam thos kyi bu bzhin bstan ces pa ni/ dper na rnam thos kyi bu'i nor la sogs pa zad pa med pa bzhin du/ yang dag par rdzogs pa'i sangs rgyas kyi yon tan zad mi shes pa'i phyir ro/ /rin chen rnams kyi 'byung gnas lags zhes bya ba ni/ dper na yid bzhin gyi nor bu rin po che bzhin du dgos 'dod 'byung ba'o/ /seng ge glang chen 'gra ba'i 'gros zhes bya ba ni dper na seng ge ni gcan gzan gyi rgyal po yin pa bzhin du/ nyon mongs pa thams cad kyi gnyen por gyur pa'o/ /glang chen 'gra ba'i 'gros zhes bya ba ni/ dper na glang po thogs rdug med par 'gro ba bzhin du/ de bzhin du bcom ldan 'das kyi yang lam mo/ /glang chen myos pa bzhin du gnon zhes bya ba ni/ dper na glang po cher rong bzhin du dran pa med de/ de dang 'dra ba yang dag par rdzogs pa'i sangs rgyas so/ /gser gyi ri bo dang yang mtshungs zhes bya ba ni/ bya rgod phung po'i ri la mtshungs zhes bya ba ni de dang mnyam pa'o/ /'dzam+bu gling gi
- 15b
gser rgyan 'dra zhes pa ni/ ri rab kyi lho ngos na rgya mtsho chen po'i 'gram na/ shing ljon pa'i 'dzam 'bras zhes bya ba yod de/ 'dzam 'gras kyi 'bras bu mar la lhung bas rgya mtsho la yang mdog 'gyur ba'o/ /des na 'dzam bu'i gling zhes bya ba'o/ de'i 'og na gser yod de/ shin tu dmar ba/ shin tu kha dog legs pa dag dang mnyam par byed/ dpe de bzhin du yang dag par rdzogs pa'i sangs rgyas kyang/ kha dog dang gzi brjid dang/ yon tan gyis brgyan pa'o/ /skar ma rnams kyis yongs bskor ba zhes pa ni/ dper na skar ma ste/ nyan thos la sogs pa'o/ /bskor ba ni bcom ldan 'das la'o/ nam mkha' i zla ba dri med bzhin zhes bya ba ni/ dper na dbyar gyi nam mkha' i 'od bzhin no/ /yang dag par rdzogs pa'i sangs rgyas nyon mongs pa'i dri ma dang bral ba'o/ /nyan thos dge 'dun rnams kyi dbus zhes bya ba ni/ dgra bcom pa byang chub sems dpa' 'khor rnams kyi dbus su'o/ /mtshan rnams kyis ni brgyan par 'gyur zhes pa ni/ mtshan sum cu rtsa gnyis/ dpe byad bzang po brgyad bcus brgyan pa'o/ /lha dang bcas pa zhes bya ba ni tshangs pa la sogs pa'o/ /'jig rten 'di ni gus par bcom ldan 'das la'o/ /thub pa la ni zhes bya ba drang srong thub pa zhes bya ba yod de de bzhin du de'i rgyud kyi thub pa zhes bya'o/ /yang na lus ngag yid gsum thub pas thub pa'o/ /skyabs su mchi zhes pas ni skyabs su 'gro bas na'o/ /mi rnams la ni sman slad du zhes pa ni bsrung ba dang skyobs pa'o/ /srung ba dus su nye bar gnas zhes bya ba ni/ srung ba ni ngan song gsum las so/ /dus su ni nyen pa'i dus su'o/ /sangs rgyas pa zhes pa ni/ nyon mongs pa spangs pa'o/ /snga mas bshad pa'i zhes pa ni/ gang+gA klung gi bye ma snyed brgyad khri bzhi stong gis gsungs pa'o/ /stong chen zhes bya ba ni gang+gA klung gi bye ma snyed brgyad
- 16a
khri bzhi stong de bzhin gshegs pa rnams de'i sgo nas sangs rgyas pa'o/ /chen po zhes pa ni/ de dang mnyam pa med pas so/ /rab ces bya ba ni mi mnyam pa'o/ /'joms pa ni stong gsum gyi stong chen mo'i bgegs thams cad 'joms pa'i phyir ro/ /mdo sde de ni zhes bya ba ni/ sangs rgyas rabs bdun nas sangs rgyas shAkya thub pa man chod kyi brgyud pa ste/ yang na 'dzin pa/ 'don pa/ phyag 'tshal ba la sogs pa'o/ /kho ra khor yug ri mdza' i bar zhes bya ba ni dbus su ri rab ste/ 'khor bas na khor yug go /gang 'khor zhe na/ ri rab dang gling bzhi la sogs pa 'khor bas na 'khor ba'o/ /mtshams gnod pa'i dam pa lags zhes bya ba ni/ mtshams gcod pa ni bsrung ba dang skyob pa'o/ /yang na bgegs rnams thams cad bcing ba'i phyir ro/ /dam pa zhes bya ba ni/ 'di dang 'dra ba med pa'o/ /phyag 'tshal zhes bya ba ni/ tshangs pa la sogs pa'o/ /skyes bu dpa' khyod la zhes pa gzhan dang mi 'dra ba nas skyes bu'o/ /dpa' bo zhes bya ba ni bdud bzhi bcom pa'i phyir ro/ /yang na khams gsum las rnam par rgyal bas dpa' o zhes bya ba'o/ /khyod la zhes bya ba ni bcom ldan 'das la'o/ /phyag 'tshal te tshangs pa la sogs pas so/ /skyes bu ni khams gsum gyi dam pa'o/ /mchog khyod ni sangs rgyas rabs bdun man chad do/ /chos zhes bya ba ni gnyis te/ kun rdzob dang don dam pa'i chos so/ /kun rdzob dang zhes bya ba ni log pa dang yang dag go /don dam pa zhes bya ba ni ngo bo nyid dang bral ba'o/ /rgyal po zhes bya ba ni ngag la dbang byed pas rgyal po zhes bya'o/ /yang na khams gsum chos kyi dbang bskur bas na rgyal po'o/ /thub ces bya ba ni lus ngag yid gsum thub pas thub pa'o/ /chen po zhes bya ba ni gzhan las khyad par du 'phags pa'o/ /thal mo sbyar te tshangs pa la sogs pa la phyag 'tshal lo/ /de nas zhes bya ba ni bzhugs
- 16b
pa'i gting la/ bcom ldan 'das zhes pa ni/ bzhi bcom drug ldan mya ngan las 'das pa'o/ /yud tsam zhig cad mi gsung bar dgongs nas zhes pa ni/ skad cig gis rgyal po chen po bzhi po dag bskul ba'o/ /ci phyir bskul zhe na/ skad cig gis ting nge 'dzin gyis bskul ba'o/ /rgyal po chen po bzhi po dag la bka' stsal pa zhes pa ni ting nge 'dzin gyis 'od kyis bskul ba'o/ /gang la bka' stsal na/ rgyal po chen po dag gang khyed kyi zhes pa ni 'khor dang bcas pa zhes bya ba'o/ /khyod kyis nga'i 'khor la 'tshe bar sems pa de ni tshul ma yin no/ /zhes bya ba ni/ snying rje dang bral ba'i phyir ro/ /ci'i phyir zhe na zhes bya ba ni/ sdig la sogs pa byed pa'i phyir ro/ /rgyu ni sangs rgyas dang mnyam pa'i phyir ro/ /mi'i 'jig rten 'dir sangs rgyas 'byung ba dang zhes bya ba ni/ mi'i 'jig rten ni 'dzam bu'i gling du'o/ /sangs rgyas 'byung ba dang ni ma ga d+har ro/ /chos legs par gsungs pa zhes bya ba ni bya rgod phung po'i ri la'o/ /dge 'dun legs par bsgrubs pa/ de la sa bon 'di btab nas zhes bya ba ni/ tshad med pa bzhi ni sgo nas btab pa'o/ /sangs rgyas dang zhes bya ba ni/ nyon mongs pa 'dod chags la sogs pa dang bral ba'o/ /bcom ldan 'das ni/ bzhi bcom drug ldan mya ngan las 'das pa'o/ /rang sangs rgyas rnams dang zhes bya ba ni/ rang zhes bya ba rang 'byung gi ye shes dang/ slob dpon med pa dang/ lus kyi sgo nas sems can 'dul ba dang/ bye brag du smra ba'i phyir dang/ rang 'byung ba'i ye shes so/ /dgra bcom pa rnams dang zhes bya ba ni/ shA ri'i bu la sogs pa dgra bcom pa lnga brgya yin te dgra ni nyon mongs pa la sogs pa'o/ /nyan thos zhes bya ba ni/ nyan thos la lta ba gsum yod do/ /nyan thos tha ma rab 'bring gsum mo/ /nyan thos tha ma ni bye brag pa yin te/ gang zag gi sgo nas chos ston pa'o/
- 17a
lta ba ni nga gcig pu sangs rgyas par 'gyur ro zhes bya'o/ /sangs rgyas dang chos dang dge 'dun gsum la skyabs su mchi'o zhes bya ba dang/ bde bar gshegs pa rnams la phyag 'tshal lo zhes bya'o/ /nyan thos 'bring po ni snga ma bzhin du yin te/ cung zad tsam sems can gyi don byed do/ /chos ni bye brag pa'o/ /rab ni snga ma bzhin du yin te/ chos ni kha che bye brag pa zhes bya'o/ /chos bstan pa ni 'phags pa'i bden pa bzhi'i sgo nas bstan to/ /nyan thos kyi chos ni de dag gis bstan pa'o/ 'jig rten du 'byung bar 'gyur zhes bya ba ni de kun yang 'byung ngo/ /de la 'jig rten de dag gis dge ba'i rtsa ba bskyed nas zhes bya ba ni/ dge ba'i rtsa ba bcu la sogs pa'o/ /srog gcod pa spangs pa dang/ ma byin pa len pa spangs pa dang/ mi tshangs par spyod pa dang/ rdzun du smra ba spangs pa dang/ 'phra ma smra ba spangs pa dang/ tshig rtsub pa smra ba spangs pa dang/ ngag 'khyal ba spangs pa dang/ brnab sems spangs pa dang/ gnod sems spangs pa dang/ log par lta ba spangs pa'o/ /yang na stong chen mo'i rab tu 'joms pa'i mdo sde'i phyag btsal ba dang/ bsgom pa dang/ smon lam gdab pa dang/ rjes su yi rang ba'i sgo nas dge ba'i rtsa ba bskyed pa zhes bya'o/ /lha'i rigs sum cu rtsa gnyis las lha'i rig gang yang rung ba dag tu skye bar 'gyur zhes bya ba ni/ dge ba'i rtsa ba de'i sgo nas zhes pa'o/ /rgyal po dag kyang dmag bzhi dang ldan pa dang zhes bya ba ni/ 'khor rnams bzhi ste/ rgyal po bzhi de dang ldan pa'o/ /gling bzhi ni lus 'phags po dang/ 'dzam bu'i gling dang/ ba lang spyod dang/ sgra mi snyan no/ /dbang sgyur ba zhes bya ba ni rgyal po bzhi'o/ /'khor los sgyur ba zhes bya ba ni dbang sgyur ba'i phyir ro/ /rgya mtsho la thug pa'i zhes bya ba ni kho ra khor yug tshun chad do/ /dkyil 'khor chen por chos kyi rgyal srid byed par 'gyur te zhes bya ba ni/ ri rab
- 17b
gling bzhi dang dkyil 'khor ro/ /rgyal srid ces bya ba ni dkon mchog gsum las mi 'da' ba' o/ /de dag la yang rgyal po bzhi'i bu'o/ /dpa' bas na dpa' ba' o/ /rtul phod pa zhes pas ni pha rol gyi dgra la sogs pa'o/ /yan lag mchog gzugs dang ldan pa zhes bya ba ni/ dge ba legs pa'o/ /kha dog dang ldan pa/ stobs dang ldan pa/ rdzu 'phrul dang ldan pa/ grags pa dang ldan pa'o/ /lha dang lha ma yin gyi rtsod pa nus pa'o/ /tshan chen po stobs kyi shugs bdog pa zhes bya ba ni/ pha rol gyi dmag bcom pa'i phyir ro/ /pha rol gyi sde rab tu 'joms pa zhes bya ba ni/ lha ma yin gyi grong 'joms pa'o/ /rin po che sna bdun dang ldan pa stong 'byung bar 'gyur ro zhes bya ba ni/ 'khor lo dang/ rta dang glang po dang/ nor bu dang dmag dpon dang/ btsun mo dang/ blon po dang bdun no/ /yang na gser dang dngul dang zangs dang shel dang byi ru dang/ dung dang/ ma ra ka ta dang bdun no/ /de stong 'byung bar 'gyur ro zhes bya ba ni/ rgyal po chen po bzhi'i pho brang du 'byung bar 'gyur ro/ /de bas na 'jig rten 'dir dge ba'i sngon gyi shugs kyi'o/ /rnam pa 'di lta bu 'byung bar 'gyur ba khyod kyi snying las chung ngur gnas par gyis shig ces bya ba ni/ rnam pa ni smin pa'o/ /'di lta bu 'byung bar 'gyur ba ni bzang ngan gyi khyad par ro/ /snying las chung ngur gnas pa ni/ rgyal po chen po bzhi'o/ /gnas pa ni brtan pa'o/ gnas par gyis shig ces bya ba ni/ bcom ldan 'das kyis bka' stsal to/ /de nas zhes bya ba ni/ yang bcom ldan 'das kyis mthu dang stobs kyis bka' stsal to/ /rgyal po chen po rnam thos kyi bu zhes bya ba ni/ zhal gcig phyag bzhi sku mdog ljang gu/ phyag g.yas gnyis na ral gri dang mda' bsnams pa'o/ /g.yon na ne'u le'i skyal pa dang bum pa bsnams pa'o/ /seng ge'i gdan la bzhugs pa/ rdzu 'phrul dang ldan pa/ 'od dang ldan pa/ stobs dang ldan pa/ grags pa dang ldan pa/ lha dang
- 18a
lha ma yin gyi rtsod pa nus pa/ byang phyogs kyi gnod sbyin gyi ded dpon byang phyogs la mnga' bdag byed pa'o/ /stan las langs te zhes pa ni bcom ldan 'das kyi spyan sngar ro/ /bla gos phrag pa gcig tu gzar nas bskor ba lan gsum byas pa'o// pus mo g.yas pa'i lha nga sa la gtsugs te zhes pa ni/ bcom ldan 'das kyi spyan sngar ro/ /bcom ldan 'das ga la ba der zhes pa ni dgra bcom pa dang/ byang chub sems dpa' 'khor dang bcas pa'i spyan sngar ro/ /logs su thal mo sbyar ba btud nas zhes pa ni lus ngag yid gsum gyis bcom ldan 'das kyi mdun du'o/ /bcom ldan 'das la 'di skad ces gsol to zhes bya ba ni/ lus ngan gyi tshig go/ bcom ldan 'das bdag cag la zhes pa ni gnod sbyin 'khor dang bcas pa'o/ /grong dang zhes pa ni pho brang la sogs pa'o/ /bskyed mos tshal zhes pa ni/ gnod sbyin rgyu ba'i gnas so/ /gzhal med khang zhes pa ni/ gnod sbyin la sogs pa'i dkyil 'khor ro/ /khang pa brtsegs pa dang zhes pa ni/ sum brtsegs yin te gnod sbyin gyi gnas so/ /bsil khang dang zhes bya ba ni/ /gnod sbyin pho dang mo'i gnas so/ /sgo khang zhes pa ni sgo khang na gnas pa'o/ /rta babs zhes pa ni mtshams mtshams su brgyan pa'o/ /yang na rta babs zhes ba ni ka ba dang/ ri dags sha ra na dang/ klung 'brug na ra dang/ chu srin twa ra dang/ bya khyung ka ran la sogs pa'o/ /dra ba dang? ? phyed pa dang/ mu tig gi dra ba dang/ gdugs dang/ rgyal mtshan dang/ ba dan dang/ ji lta ba bzhin du mdzes par brgyan pa'o/ /skar khung zhes bya ba ni/ mtshams mtshams su logs logs su zhes bya'o/ /skar khung la yang/ mu tig dang byu ru dang/ mu men dang/ gser dang/ dngul dang/ shel dang ji bzhin du mdzes par brgyan pa'o/ /dar gyi lnga ldi bzang zhing mdzes pa rnams zhes bya ba ni pho brang gi nang na'o/ /sna tshogs dang ldan zhes pa ni/ rnga ma dkar po gser gyi yu ba can dang/ phye ma phur ma la sogs pa/ me tog gi phreng ba la sogs pa/
- 18b
dri zhim po'i 'phreng bas dra ba byas pa'o/ /dril bu dang mu tig gi dra bas yongs su bskor ba dang zhes bya ba ni/ phyi'i sgo rgyan dang/ nang gi pho brang gi brgyan no/ /dril bu la sogs pa rlung gis btab pas/ dper na yan lag lnga dang ldan pa'i rol mo mkhan pos gar byas pa dang 'dra'o// bog por nas bdug pa dag dang zhes pa ni/ gser dang dngul gyis bya ste/ lhan cig skyes pa dang/ yang dag par sbyar ba dang/ tsan dan dang gu gul a ka ru la sogs pa'i dri ji bzhin du bdug pas bdug pa'o/ /me tog gis gtor ba'i khyim dang zhes pa ni/ rnam thos sras gyi bu'i pho brang ngo/ /gnas dang zhes bya ba ni lus ngan po'i gnas so/ /khang pa chen po dag mchis te zhes pa ni/ lus ngan po'i pho brang gi dbus su seng+ge'i gdan no/ /seng ge'i gdan gyi steng na pad+ma la sogs gdan la rgyan rnams bzhis byas pa'i khri chen po'o/ /de ltar bdag cag ces bya ba ni rnam thos kyis pu'o/ /bud med brgya phrag stong dag gis ces bya ba ni rnam thos kyi bu'i chung ma'o/ /yongs su bskor cing 'dod pa'i yon tan lnga tshangs par spyod pa dang ldan par gyur nas zhes bya ba ni/ gzugs dang sgra dang/ dri dang ro dang reg bya dang la sogs pa ji tsam pa bzhin du spyod pa'o/ /btsun pa zhes bya ba ni 'dod pa'i yon tan lnga spangs pa'o/ /bcom ldan 'das ni bzhi bcom drug ldan mya ngan las 'das pa'o/ /bdag cag ces pa ni/ rnam thos kyi bu gnod sbyin dang bcas pa'o/ /rab tu myos pa'i bag ma mchis par gnas pa zhes pa ni/ myos pa'i 'dod pa'i yon tan lngas myos pa'o/ /des ma thos pas chos dang mi ldan pa'o 'khor zas dang skom tshol tu phyogs bcu kun tu 'byer zhing/ skyes pa dang zhes pa ni/ rlung dang mkhris pa dang/ bad kan dang rims la sogs pa zas dang/ skom la sogs pa tshol ba'o/ /bud med dang zhes bya ba ni/ bud med bu skyes pa'i dus su yang zas tshol ba'o/ /bud med kyi gzugs su byas nas so/ /khye'u dang zhes bya ba ni/ khye'u'i gzugs su byas nas zas tshol ba'o/ /bu mo dang zhes pa ni/ bu mo'i gzugs can du byas nas so//
- 19a
btsas ma thag pa dang zhes pa ni/ btsas nas che bar song nas mdze dang phol mig la sogs pa nad rnam pa sna tshogs su gtong ba'i bdag go /dud 'gro'i skye gnas su gtogs pa'i zhes pa ni dud 'gro la gnod par byed pa'o/ /srog chags rnams kyi mdangs 'tshe bar bgyid ces bya ba ni/ srog chags zhes bya ba ni mi la sogs pa'o/ /mdangs 'phrog ces bya ba ni/ nad rnams mdze la sogs pa thams cad gtong ba'i bdag po'o/ /yang na dge ba'i rtsa ba la sogs pa'i bgegs byed pa'i bdag go /bgegs bgyid ces bya ba ni/ bzhi dang ldan pa'o/ /'bum par bgyid ces pa ni 'chi bdag go /srog dang 'bral bar bgyid de zhes bya ba ni/ kha thug tu phrad nas skad cig mas srog 'bral bar bgyid pa'o/ /btsun pa bcom ldan 'das zhes bya ba ni zhu ba'o/ /spyan sngar ni mdun du'o/ /bdag cag gis 'khor bzhi zhes pa ni/ dgra bcom pa'i nyan thos dang/ byang chub sems dpa' i dge slong dang/ dge slong ma la sogs pa'i mdun du'o/ /bdag cag gi gnod sbyin 'khor dang bcas pa'o/ /'khor gyi tshul gyi mtshan ma bstan pa zhes bya ba ni nad rnams kyi mtshan ma'o/ /gang gi 'khor gyi gdon 'byung ba der zhes pa ni rnam thos sras kyi 'khor te gnod sbyin gdon no/ /rgyal po chen po de'i gzugs zhes pa ni/ rgyal po chen po'i bzhi'i gzugs so/ /rnam thos sras kyi bu dang/ yul 'khor srung dang/ 'phags skyes po dang/ mig mi bzang dang bzhi'o/ /de'i mchod rdzas ni/ rgyal mtshan dang ni ba dan dang/ /gdugs dang me tog phreng ba sogs/ yang dag dri sbyor bzang po dang/ /'bras dang bag phye la sogs la/ /rgyal po bzhi yi gzugs byas la/ /dkyil 'khor bzang po'i sa gzhi la/ /sna tshogs mtshon gyis bri bar bya/ /dbus su pad+ma sna tshogs la/ /stong chen rab 'joms dbus na gnas/ /pad+ma bzhi dang mtshungs pa la/ /rgyal po bzhi ni bzhugs par shes/ /gnod sbyin gdon dang dri za'i gdon/ /grul bum gdon dang klu
- 19b
yi gdon/ /de dag thams cad phyi rol dgod/ /tshes brgyad dang ni bcu bzhi la/ /bco lnga dag la dus dag ni/ /rgyal po rnams kyi mchod par bya/ /sna tshogs me tog sna tshogs spos/ /sna tshogs dri dang me mar dang/ /lha bshos sna tshogs dri ldan pa/ /rgyal po rnams la 'bul bar bya/ /zho dang bu ram bsreg pa la/ /dri za drang srong lha rnams dga' / /me tog dkar po sil mar dgram/ /phreng ba dag kyang de yin no/ /shar phyogs ngos su dgod par bya/ /sha dang khrag dang chang dang chan/ /sgog pa la sogs pa nya sha dang/ /me tog ser po'i sil mar dgram/ /phreng ba la yang de bzhin no/ /lho phyogs grul bum ma mo dang/ srin mo srin po yi dags gdon/ /grul bum gdon du shes par bya/ /de rnams rdzas ni bsam par bya/ /nub phyogs klu dang 'dab bzangs gdon/ /'o ma sman dang mngar gsum sogs/ /nub phyogs ngos nas bsam par bya/ /me tog dmar po sil mar dgram/ /phreng ba la yang de yis shes/ /klu yi gdon gyi rdzas yin no/ /chang dang khrag dang sha la sogs/ /gnod sbyin dang ni tsag rnams so/ /gnod sbyin pho mo la sogs dang/ /byang gi ngos na gnas par shes/ /me tog ljang gu'i sil ma dgram/ /me tog phreng ba de yin no/ /byang gi ngos na bsam par bya/ /dge slong dag ni rdo rje 'dzin/ /dri ma med pa'i gos la sogs/ /bsnyung bar byas la dkar po bsten/ /snying rje ldan zhing don byed pa/ /de dag slob dpon mtshan nyid do/ /zhes bya ba bstan pa'o/ /mchod rten dang bcas pa chen po bgyid te zhes bya ba ni/ /zangs dang 'jim pa khar ba bcas/ /gser dang dngul dang rin chen sogs/ /tsha tsha la sogs rab gnas byas/ /de bzhin gshegs pa'i skur gnas pa/ /de lta bu yi mchod rten la/ /gang zag gis ni mchod par bya/ /mtshan ma legs dang mgrin pa ring/ /gsum po che dang mchu 'phyangs pa/ nag po ra ri med pa dang/ gser ram dngul la sogs pa yi/ /de lta bu yi bum pa la/ /bdug spos
- 20a
bzang pos bdugs par bya/ /dri 'am sman nam rin po che/ /gdugs sam mgul chings btsang ba la/ 'bras bu can gyi shing rnams kyis/ /kha rgyan dag ni legs par bya/ /rgyal po bzhi yi gzugs rnams dang/ /gdung rten la sogs gang yang rung// gser ram dngul lam snod bcas la/ /bum pa'i zhabs la bu gu dong/ /de yi 'og tu bzhag par bya/ /me tog dang ni bdug spos dang/ /dri mchog la sogs gtor ma dang/ /rdo rje slob dpon shes par bya/ /lnga 'am gcig gam gang yang rung/ /dkyil 'khor dbus su yang dag bzhag /phur pa dang ni mda' rnams dang/ /mdung dang ral gri mtshon rnams la/ /skud pa sna tshogs yang dag bskor/ /rdo rje slob dpon shes rab can/ /blo ldan mkhas pas yang dag shes/ /stong chen rab 'joms mdo sde yang/ /rgyun mi 'chad par gdon par bya/ /mchod rten mchod do zhes bya ba'o/ /nang pas rgyal po chen po de'i ming nas 'byung zhing zhes bya ba ni/ lag pa'i lag pas reg par bgyi'o/ /ming nas dbyung zhing zhes pa ni/ /rgyal po chen po bzhi dang nang pa'i mtshan rnams so/ /dri sna tshogs kyis rang gis lag pas gdug par bya'o/ /zhes bya ba ni nad pa rang rdo rje slob dpon gyi lag pas yang dag par mchod pa'o/ /yang na dri'i phor pa bzhi maN+Dal gyi khar yang dag par bzhag pa'o/ /dog sal me tog sil ma bkraM ste/ zhes bya ba ni// cho ga bya ba'i sa bzhi la'o/ /zhun mar bus la zhes bya ba ni/ /mar la byas pa'i me mar ro/ /mchod rten de la mchod par bgyid zhes bya ba ni/ /stong chen po rab tu 'joms ma dang/ rgyal po chen po bzhi la sogs pa ste/ de yang sangs rgyas rabs bdun yang mchod pa'o/ /btsun pa bcom ldan 'das zhes bya ba ni/ /rnam thos sras kyi tshig go /dag gi 'khor dang zhes bya ba ni/ rnam thos sras kyi 'khor ro/ /gnod sbyin gyi gdon gyis btab pa'i mtshan ma ni zhes bya ba ni/ /gnod sbyin gyi byang ngos kyi gdon no/ /gnod
- 20b
sbyin gyi gdon nyi shu rtsa brgyad yin te/ byang ngos dag la gnod par byed de/ /gnod sbyin de dag gi dpon por gyur pa'o/ /gnod sbyin gzugs ni sna tshogs gzugs yin te/ /gnod pa rang yang sna tshogs su skyel lo/ /rgyal po dang mi dang/ byol song la yang gnod pa skyel ba ste/ nad sna tshogs gtong ba la sogs pa'o/ /mtshan ma 'di lta bu yin te zhes bya ba ni/ /gzugs ni sna tshogs yin pa'o/ /gnod sbyin srin po ma mo rnams/ /la la kha nas me 'bar dang/ /sprul gyi zhags pas 'dzin pa dang/ /ral gri mnga' gzhu mdung thung rnams/ 'khor lo lto dmar mdung rnams thogs/ /sna bcad pa dang rna ba bcad/ /sho re dang ni so gcig pa/ /la la sbrul gyi sna dang chu srin dang/ mgo gcig pa dang mgo gnyis pa/ /mgo gsum pa dang mgo drug pa/ /mgo med brang ni kha yod can/ /mgo ni gcig la sna krong pa mi yi lpags pa gon pa dang/ mi yi mgo bo'i phreng ba byed/ /mi yi rus pa'i rgyan cha dang/ /sems can la ni gnod pa byed/ /sgra sgrogs pa dang skye ba che/ /seng ge'i sgra dang mtshungs par byed/ /bya dang khyi dang wa dag dang/ /sna tshogs gzugs ni rmi lam bstan// bzhin 'gyur dang ni mkhris pa'i nang/ /rlung dang bad kan ldan pa dang/ /mdze dang po la mig lhog pa dang/ /me dpal dang ni sha bkra dang/ /shu ba g.yan pa 'brum bu'i nad/ /de dag nad ni gtad ba'i bdag /ces bya ba bstan pa'o/ /phyi phyir rgod cing 'jigs par byed ces/ bya ba ni nad pa'i mtshan nyid do/ /phyi phyir rgod pa bud med dang skyes pa yang rung ba la/ gnod sbyin gyis btab pa'i phyir na rgod par 'dod pa'o/ /'jigs par byed ces bya ba ni/ rmi rlam mam dngos por mthong ba 'am/ sems la 'di 'byung zhes bya ba 'am nyal nas rmi lam sang nas byung ba 'am/ /'jigs par byed pa'o/ /smra bar bgyid cing zhes bya ba ni/ don med par lab lob smra ba ste/ yang na nad pa smra bar byed pa'o/ /khro bar byed ces bya ba ni/ don med par khro ba ste/ yang na rang gi lus la
- 21a
smyon pa bzhin du byas pa ste/ rang la lceb ba dang/ khro zhing gzhan la rdeg pa'o/ /de ni gnyid kyang ldog par 'gyur/ /zhes bya ba ni/ de gnyid ces bya ba ni nad pa ste/ gnyid log pa'i dus su 'dzin pa'o/ /yang na shin tu bro 'tshal 'gyur zhes bya ba ni/ yan lag la sogs pa na bar 'gyur pa'o/ /rtag tu gyen du ldang bar 'gyur zhes bya ba ni/ gdung ngam nam mkha' la sogs pa la lta ba'o/ /yang na shin tu mi dga' ba'o/ /skar ma dag la snyegs par bgyid/ /ces bya ba ni/ nub mo dag yin te/ skar ma la khro bo'i/ /nub mo shin tu dga' bar 'gyur/ /zhes bya ba ni nub mo bsam pa rdang ngo/ /dga' bar byed pa ni phyin cing nub mo la sogs pa la rgyu ba'o/ /dper na dur khrod dam lam rgya gram 'am snyam pa'i dus su/ /bud med skyes pa la mi dga' ba khyo tshol ba'i phyir/ bud med kyi khyo btang nas phyir dga' ba'o/ /rtag tu 'dar zhing sgra 'byin te zhes bya ba ni/ nad med pa de shin tu 'dar ba'o/ /sgra 'byin pa ni 'jigs pa'i sgra 'byin pa'o/ /de la sngags kyi tshigs mchis kyis zhes pa ni/ rgyal po chen po rnams thos sras kyi zhal nas gsungs te/ yang dag par rdzogs pa'i sangs rgyas gzi brjid kyi mthu dang stobs kyi byin gyis brlabs pa'i smra bar byed pa'o/ /'jig rten mgon po bdag la gson zhes bya ba ni/ 'jig rten mgon po ni sangs rgyas so/ /bdag ni rnam thos kyi bu'o/ /gson ces bya ba ni/ bcom ldan 'das kyi byin brlabs la/ stong chen mo rab tu 'joms pa'i rig sngags kyis gnod sbyin gyi gdon gcod pa'o/ /sya t+the daM zhes bya ba ni/ 'di lta ste/ rig sngags 'di'o/ /sid+d+hi zhes bya ba'i sngags so/ /bdag gi sngags kyi zhes bya ba ni/ rnam thos kyi bu'o/ /tshigs rnams grub par gyur cig ces bya ba ni/ rig sngags 'grub par gyur cig ces bya'o/ /rgyal po chen po rnams thos kyi bu'i med dang zhes bya ba
- 21b
ni/ nad pa la sogs pa de'i mtshan nyid kyis bde ba'o/ /stobs dang ni stobs kyis mi nus pa'o/ /dbang phyug dang ni gnod sbyin thams cad dbang du bsdus te/ dbang bskur ba'i phyir gnod pa mi bskyed pa'o/ /byin gyis brlab ces bya ba ni rig sngags dang sangs rgyas dang rnam thos kyi bu'i byin gyis brlabs pa'o/ /de nas zhes bya ba ni lus ngan gyi tshig go/ gting la'o/ /rgyal po chen po yul 'khor srung zhes bya ba ni/ zhal gcig phyag kyang bzhi pa ste/ sku mdog dkar po 'od zer ldan/ g.yas na 'khor lo mnga' gnas pa/ /g.yon na pi waM zhu 'dzin pa/ /dan yang glang chen dag la gzhon/ /gnas ni ri rab shar ngos nas/ dri za thams cad mnga' mdzad pa/ /shar phyogs ngos kyi mnga' bdag yin/ /dri za pho mo gzi ldan pa/ /dri za'i rgyal po de yang brjod/ gzi brjid dang ni stobs dang ldan/ /kha dog ldan zhing grogs dang ldan/ /lha dang lha min 'khrug tshod ldan/ /zhes bya ba yin no/ /stan las langs te zhes bya ba ni/ bcom ldan 'das la bskor ba lan gsum byas pa'o/ /bla gos phrag pa gcig tu gzar nas zhes bya ba ni/ /bcom ldan 'das dang byang chub sems dpa' 'khor bzhi'i bdun no/ /pus mo g.yas pa'i lha ngas la gtsugs te zhes bya ba ni/ gus pas te/ bcom ldan 'das la dge slong gi phyag ces bya ba'o/ /bcom ldan 'das zhes bya ba ni/ rgyal po yul 'khor srung gis gsungs pa'o/ /gal ba der zhes bya ba ni mdun du'o/ /thal mo sbyar nas zhes bya ba ni/ mgo bos phyag btsal nas gus pa'o/ /bcom ldan 'das la 'di skad ces gsol to zhes bya ba ni/ bcom ldan 'das kyi mthu dang gzi brjid dang/ stobs kyi byin gyis brlabs pa'o/ /bcom ldan 'das bdag gis zhes bya ba ni rgyal po chen po yul 'khor srung ngo/ /'khor dri za'i gdon gyis btab pa'i tshul zhes bya ba ni 'di lta bu ste/ gzugs bzang dang ni skye legs dang/ byad mtshar dri zhim glu la dga' / /me tog dri dang dri ma sogs/ /sems can thams cad gnod pa bskyal
- 22a
mer mer po dang nur nur po/ /bu yi sa bon ma lus dag/ skyes nas gzi brjid 'phrog pa dag /byis pa rnams ni 'jigs par byed/ /zas su za ba bu ram zho/ /shar gyi ngos nas gnod par byed/ /dri za nyi shu rtsa brgyad rnams/ de kun shar phyogs rgyu ba dag /dri za 'khor g.yogs yu 'bum phrag dag bstan pa'o/ /mtshan ma ni 'di lta bu dag yin te zhes bya ba'o/ /glu len cing zhes bya ba ni glu la shin tu dga' ba'o/ /yang na nad pas smyo ba'i tshul tu glu len pa'o/ /khro brdung zhing zhes bya ba ni/ rol mo'i tshogs la shin tu dga' ba ste/ yang na nad pa smyo zhing gar byed pa'o/ /rgyan rnams la yang dga' bar bgyid ces pa ni/ rgyan rnams la sogs dga' ba ste/ dri dang dri ma la sogs pa la shin tu dga' ba'o/ /yang na nad pa zho dang bu ram la sogs pa la dga' ba'i mtshan nyid do zhes bya ba'o/ /skam pa mchis zhes bya ba ni/ mi bden pa'i tshig yin te/ bden par smra ba'o/ /med par smra zhes bya ba ni/ med pa mi bstan pa ste/ phra ma'i tshig smra bar 'dod pa'o/ /rgod par byed cing zhes bya ba ni/ smyo ba'i tshul tu yin te/ don med par rgod pa'o/ /khro bar 'gyur zhes bya ba ni/ gzhan la ma 'gu ste/ rang gi tshul smyon pa lta bu'i tshul tu khro ba'o/ /sgom par gyur pa zhes bya ba ni/ dper na yi dags yin te/ yi dags bzhin du sgom pa'o/ /mig dmar te zhes bya ba ni/ pad kan la sogs pa nad kyis btab ste dmar ba'o/ /yang na rims kyis btab pa bzhin du'o/ /rtag tu rims kyis 'debs par 'gyur zhes bya ba ni/ ma shi bar gyi tshe na nad kyis thebs pa'o/ /mig kyang 'byed par mi bgyid de zhes bya ba ni/ mig nad ni rgas rgas su 'byung ba'o/ /rgyab kyi phyogs kyis nyal bar byed ni/ dper na mdun na yod pa bzhin du/ /gan kyal tu nyal ba'o/ /de la zhes pa ni dri za rnams la'o/ /sngags kyi tshig ces bya ba ni/ stong chen
- 22b
po rab tu 'joms ma'o/ /'jig rten mgon po ni bcom ldan 'das la'o/ /bdag ni dri za'i rgyal po'o/ /gson zhes bya ba ni bcom ldan 'das kyis byin gyis rlabs kyis so/ /syat+the daM zhes bya ba ni/ 'di lta ste/ stong chen mo rab tu 'joms ma'o/ /rig sngags ni a khe zhes bya ba la sogs pa'o/ /rgyal po chen po yul 'khor srung gi stobs dang zhes pa ni/ sangs rgyas dang stong chen mo dang rgyal po chen po rnam thos kyis srung pa'o/ /byin gyis zhes pa ni sangs rgyas so/ /bdag gdon thams cad dang zhes pa ni stong phrag brgyad cu'o/ /gnod pa thams cad las zhes bya ba ni/ 'dir dri za la sogs pa'o/ /thar par gyur cig swAhA zhes pa ni/ bdag dang sems can thams cad kyi nang zhi bar gyur cig ces pa'o/ /de nas zhes bya ba ni yul 'khor bsrung gis bshad pa'i de nas so/ /rgyal po chen po 'phags skyes pa zhes bya ba ni/ zhal gcig pa la phyag bzhi pa/ /g.yas pa gnyis na bsnams pa ni/ /dbyug tho dang ni mda''dzin pa'o/ /g.yon pa gnyis na bsnams pa ni/ rin chen dang ni gzhu bsnams pa'o/ /sku mdog ser po mi'i 'od/ /stag gi gdan la bzhugs pa'o/ nyi shu rtsa brgyad brul bum gdon/ /ma mo la sogs de bzhin 'khor/ /gtsor bar gyur pa de rnams ni/ /grul bum gdon ni bsam mi khyab/ /ri rab rtse mo'i lho phyogs na/ /grul bum gdon rnams gnas pa yin/ /lho phyogs mi la gnod pa byed/ /lho phyogs ngos ni grul bum gdon/ /sna tshogs nad ni gtong bar byed/ /rlung dang bad kan 'dus pa dang/ /mdze dang lhog pa shu ba dang/ phol mig dang ni g.yan pa dang/ /sha bkra dang ni me dpal dang/ 'brum bu'i nad rnams gtod par byed/ /ske bo che la skad che ba/ me ri chen po'i 'od dang mtshungs/ mig gcig pa dang mig gsum po/ /mjug gcig pa dang mjug gnyis pa/ /mgo gcig pa dang mgo gnyis pa/ mgo bzhi pa dang gdong gsum ma/ /rkang gcig pa dang rkang gsum pa/ /rkang pa dag ni gnam la lha//
- 23a
mi yi lpags pa gon pa dang/ mi mgo'i phreng ba'i do shal can/ /mi yi rus pas brgyan pa dang/ /'jigs pa chen po'i 'od 'bar ba/ /rdzu 'phrul chen po'i stobs ldan pa/ /sems can rnams la 'tshe bar byed/ /de dag mthong na thams cad 'jigs/ /mngal na gnas pa rlag par byed/ /skyes pa na yang gzi brjid 'phrog /phrang na dka' thub can gyi srog kyang 'phrog /rmi lam na ni wa dang spyang ki spre'u dang/ /byang dang bu chung bud med dang/ /rmi lam du ni bstan pa'o/ /grul bum gyi gdon gyi mtshan ma bstan pa'o/ /stan las langs te zhes bya ba ni/ bcom ldan 'das la bskor ba lan gsum byas pa'o/ /bla gos phrag pa gcig tu bzar nas zhes pa ni/ bcom ldan 'das dang dgra bcom pa dang byang chub sems dpa' dang 'khor rnam bzhi mdun du phyag btsal te/ pus mo g.yas pa'i lha nga sa la btsugs te zhes pa ni/ bcom ldan 'das kyi mdun du/ dge slong gi phyag gi tshul du'o/ /bcom ldan 'das gal ba der logs su thal mo sbyar nas zhes pa ni/ rgyal po chen po 'phags skyes pos bcom ldan 'das kyi mdun du thal mo sbyar ba'o/ /bcom ldan 'das nyid la phyag 'tshal zhing zhes pa ni/ shAkya thub pa la phyag 'tshal ba'o/ /'di skad ces gsol to zhes pa ni/ rgyal po chen po 'phags skyes pos bcom ldan 'das kyis mthu dang gzi brjid kyi byin gyis brlabs pa'o/ /bcom ldan 'das bdag gi 'khor zhes bya ba ni/ rgyal po chen po 'phags skyes po zhes bya'o/ /yi dags grul bum gyis zin pa'i tshul zhes bya ba ni/ shing bzhin mi sdug pa dang/ bod gi thung ba dang/ gsus pa che ba/ mig yo ba/ mgo bo che ba/ skra ring ba/ kha yo ba/ la la ni sha che ba/ la la ni sha skam pa/ rtag tu sems can la gnod pa byed pa'o/ /mtshan ma ni 'di lta bu lags te/ zhes bya ba ni 'di lta ste/ nad pa'i mtshan nyid do//
- 23b
shin tu skyigs bus 'debs par 'gyur zhes bya ba ni/ bu chung la sogs pa yin te/ ma yi mngal nas gzung nas ni/ /skyes ma thag tu nad kyis 'debs/ /g.yeng bas btab cing lta bar 'gyur zhes bya ba ni/ g.yeng bas ni byas pas 'jigs pa'o/ /btab cing ni'ang bas 'jigs pa'o/ /lta bar 'gyur ni mi ldog cing gyen du lta ba'o/ /bzhin yang ni mig dang lus ni dmar ba'o/ /dmar por ldang bar 'gyur zhes bya ba ni/ skyes pa 'am bud med dam/ khye'u 'am/ kha nas khrag tu skyug pa'o/ /bskum nas zhes bya ba ni/ nad pa'i rkang lag khums pa'o/ /khums pa'i nad kyis ma shi yang glen par 'gro ba'o/ /sa la nyal bar 'gyur zhes bya ba ni/ 'gul mi nus pa'o/ /gal te 'gro na rkang lag sa la mi tshugs pa'o/ /kha dog ngan zheng zhes bya ba ni/ mdze dang phol mig btab pa'o/ /lus kyang skem zhes bya ba ni/ glo'i nad kyis btab pa ste/ dbugs kyang phyi ru 'gro ba'o/ /skra dang sen mo ring ba ste/ /zhes bya ba ni/ mngal nas skyes ma thag tu na ba ma tshor bar du skra dang sen mo ring ba'o/ /dri ma can la zhes bya ba ni/ /rims kyis btab nas 'khru ba'o/ /dri mi 'da' zhes bya ba ni phyi sa bkag pa'o/ /rdzun ni don dam par slu ba'o/ /khyad par smra ba zhes bya ba ni/ mdza' shes rnams la 'phra ma 'jug pa'o/ /de la zhes bya ba ni/ grul bum gyi gdon 'dul ba'o/ /gang gis 'dul zhe na/ /stong chen mo'i rig sngags kyis gcod pa'o/ /sngags kyi tshig mchis zhes pa ni/ rgyal po 'phags skyes pa'i tshig go /'jig rten mgon pos zhes bya ba ni yang dag par rdzogs pa'i sangs rgyas so/ /bdag ces bya ba ni/ grul bum rgyal po 'phags skyes po'o/ /gson zhes bya ba ni/ sangs rgyas kyi gzi brjid dang sangs rgyas kyi mthu dang stobs kyis byin gyis brlabs pa'o/ /syat+the daM zhes bya ba ni 'di lta ste/ yang ston chen mo rab tu 'joms pa'i rig sngags so/ /sngags ni kha kha me zhes bya'o/ /rgyal po chen po 'phags skyes po zhes bya ba ni/ grum bum gyi gdon gyi
- 24a
bdag po/ /mig dang zhes bya ba ni/ sangs rgyas dang stong chen mo rab tu 'joms ma dang/ /rgyal po chen po 'phags skyes po'o/ /stobs dang zhes bya ba ni/ stong chen mo rab tu 'joms pa'o/ /dbang phyug dang zhes bya ba ni/ sangs rgyas kyis dbang phyug gis so/ /byin gyis brlabs zhes bya ba ni/ sems can no/ /bdag gis gdon gnod pa ni grul bum gyi gdon no/ /gnod pa thams cad rab tu zhi bar gyur ces pa ni/ nad pa la sogs pa ste/ rgyal po chen po 'phags skyes po'i byin gyis brlabs pa'o/ /de nas zhes bya ba ni/ rgyal po chen po 'phags skyes po'i tshig go /rgyal po chen po mig mi bzang zhes bya ba ni/ rgyal po chen po mig mi bzang/ /zhal gcig phyag kyang bzhi pa ste/ sku mdog dmar po me yi 'od/ /g.yas pa sprul zhags mda' yang bsnams/ /g.yon pa pad+ma gzhu yang bsnams/ /gdan la bzhugs te chu srin la/ /klu yi gdon la mnga' mdzad pa/ /nub kyi ngos nas byin brlabs mdzad/ /klu'i gdon ni nyi shu brgyad/ /klu rnams kyi ni dpon po'o/ /nad rnams thams cad gtong byed pa/ /dug gi bdag po klu rnams yin/ /'gro ba'i dug dang sdong pa'i dug /sbyor ba'i dug dang rnam gsum mo/ /bsam pa dang ni reg pa dang/ /kha rlangs dang ni tshor ba'o dug /mche ba dang ni mthong ba dang/ sprin pa'i dug dang chu yi dug/ sa dang rlung dang me yi dug /bad kan khris pa rlung dang ni/ ldan pa bzhi sbyor po la mig dang/ g.yan pa me dbal sha bkra dang/ shu ba mdze dang 'brum bu dang/ mig nad sna nad kha nad dang/ rna ba sna dang gag pa dang/ sman nang glang pa 'bras rnams dang/ spos shing skam pa chu ser dang/ /smu chu skran dang rgyu nang dang/ glo nad dbugs dang snying nad dang/ /mtsher pa mkhal ma bu snod la/ /bud med bu yang chags mi ster/ /skyes nas 'od 'phrog mngal nas skam/ /mer mer po yang mi ster ro/ /nur nur po la ca le
- 24b
chags grangs zhing grong med lus pa yin/ /klu rnams 'dab bzangs bdag dang/ /sa srin bsen mo klu btsan dang/ /klu yi pho mo klu rgyal dang/ sa la rgyu ba mthong mi 'gyur/ /rmi lam mthong zhing 'dar bar byed/ rmi lam mtsho dang chu rnams 'gyu/ /ba lang byis pa bud med 'gyur/ /phag dang ra lug rta dang ni/ /rang gi ma mo nye bar bsdu/ /sdig pa sprul dang nya rnams dang/ /chu la gnas pa'i sems can 'gyu/ /dngos po sprul dag mthong ba ni/ /sa bdag dngos pa yin par shes/ /mgo gcig pa dang mgo gnyi pa/ mgo gsum pa dang mgo lnga pa/ /bram ze rgyal rigs rje rigs dang/ dmang rigs dang ni gdol pa'i rigs/ /la las khro ba phyed khro ba/ /gzugs bzang zhi ba sprul 'jug can/ /de dag ni klu yi gdon gyi chu 'phrul lo/ /stan las langs zhes bya ba ni/ sangs rgyas dang dgra bcom pa dang/ byang chub sems dpa la/ skor ba lan gsum byas nas mgo bos phyag 'tshal ba'o/ /bla gos phrag pa gcig tu gzar nas zhes bya ba ni/ bcom ldan 'das la'o/ /pus mo g.yas pa'i lha nga sa la gtsugs te zhes bya ba ni/ bcom ldan 'das kyi mdun du ste/ yang na ni dge slong gi phyag ces bya ba'o/ /bcom ldan 'das ga la ba der zhes bya ba ni/ bcom ldan 'das kyi spyan sngar ro/ /thal mo sbyar nas zhes bya ba ni/ bcom ldan 'das la gus pas so/ /bcom ldan 'das nyid la zhes bya ba ni/ rgyal po chen po mig mi bzang gi phyag 'tshal lo/ /'di skad ces gsol to zhes bya ba ni/ sangs rgyas kyi mthu dang byin gyis brlabs dang/ stobs dang gzi brjid dang byin gyis brlabs kyis so/ /gsol to zhes pa ni bcom ldan 'das la mig mi bzang gis gsol ba btab pa'o/ bcom ldan 'das bdag gi 'khor zhes bya ba ni/ /rgyal po chen po spyan mi bzang gi 'khor ro/ /klu 'dab bzangs kyi gdon gyi btab pa'i tshul zhes bya ba ni/ mi yi lus la sprul gyi mgo /la la mi yi lus 'dra ba/ /la la bya yi gzugs su ston/ /mchan ma
- 25a
ni 'di lta bu'i lags te zhes bya ni/ nad pa'i mtshan ma nyid 'di lta ste/ 'og ma'i tshig go /skyigs bus 'debs shing zhes bya ba ni/ dgra rims nad kyis btab cing la bcol zer ba'o/ /dbugs kyang 'byin ces bya ba ni/ glo 'byin cing dbugs nang du sdud mi shes pa'o/ /de bzhin du dbugs kyang grang bar 'gyur zhes pa ni/ rims kyis btab cing lus grang zhing/ /lce lkugs rkang lag rengs pa'o/ /dul zhing zhes bya ba ni/ dper na nyin mtshan gyi rdul bzhin no/ /sbu ba kha chu 'byung ba ni/ /ra dug pa zos pas skyugs pa bzhin no/ /yang na chang 'thungs nas na zhing lkugs pa bzhin du'o/ /phyi phyir gnyid ni ldog par 'gyur zhes bya ba ni/ yang nas yang gnyid kyis log cing rgyu nad kyis btab pa'o/ /kha dog ldan zhing dpa' ba zhes bya ba ni/ nad kyi mtshan nyid de lhog pa dang 'brum bu dang sha re'o/ /de bzhin 'dar zhing zhes bya ba ni/ 'khod na tshad pa yod pa'o/ /skyug par 'gyur zhes pa ni/ smyo zhing phyi ru 'bros pa'o/ /sen mo dag kyang ston par bgyid ces pa ni/ khod cod nad kyi btab nas sen mo gzhan la ston pa'o/ /dogs par mchis shing zhes pa ni/ sa gzhi lta zhing snying mi dga' ba'o/ /du bar bgyid pa ni snyod cing snying du 'dre 'jug cing lceb 'dod pa'o/ /de la zhes bya ba ni/ klu'i gdon tshar gcod pa'o/ /gang gis tshar gcod ce na/ stong chen mo'i rig sngags kyis gcod pa'o// sngags kyi tshigs mchis zhes bya ba ni/ rgyal po chen po spyan mi bzang gi tshig go /'jig rten mgon po zhes bya ba ni yang dag par rdzogs pa'i sangs rgyas so/ /bdag ces bya ba ni rgyal po spyan mi bzang ngo/ /gson ces bya ba ni/ sangs rgyas kyi gzi brjid dang sangs rgyas kyi mthu dang/ stobs kyis byin gyis brlabs dang/ zhu ba phul ba'o/ /syat+the daM zhes bya ba ni/ 'di lta ste/ stong chen mo'i rig sngags so/ /krag med zhes bya ba la sogs pa'o/ /rgyal po chen po mig mi bzang zhes bya ba ni/ klu'i gdon gyi
- 25b
rgyal po ming dang zhes bya ba ni/ sangs rgyas dang stong chen mo rab tu 'joms ma dang/ rgyal po chen po spyan mi bzang ngo/ /stobs zhes bya ba ni rig sngags 'di'i mthu'o/ /dbang phyug dang zhes bya ba ni/ sangs rgyas kyi dbang phyug brgyad kyi phyir ro/ /byin gyis rlabs zhes bya ba ni/ sems can la'o/ /bdag gi gdon gnod pa ni klu'i gdon no/ /gnod pa thams cad zhi bar gyur cig ces bya ba ni/ nad pa la sogs pa ste/ rgyal po spyan mi bzang gis byin gyis brlabs so/ /de nas zhes bya ba ni/ rgyal po chen po bzhi'i bshad pa de nas so/ /de nas bcom ldan 'das kyis de'i tshe zhes pa ni/ ting nge 'dzin las bzhengs nas/ 'khor thams cad kyi mdun du zhes bya ba ni/ nyan thos dang/ byang chub sems dpa' dang rgyal po bzhi dang lha ru bcas pa'i mdun du'o/ /seng ge'i sgra bsgrags pa zhes bya ba ni/ bdag med pa la gsum ste/ de yang mtshan nyid med pas/ med ni kun tu brtags te/ de ltar brtag pa'i dus nyid na/ des stong pa'i phyir ro/ /de na mi mthun pa'i mtshan nyid kyis/ bdag med pa ni gzhan gyi dbang ste/ /de ltar brtags pa dang mi mthun pa ste/ rkyen gzhan la rag las shing skye ba'o/ /rang? dang spyi'i mtshan nyid kyis bdag med pa ni yongs su grub pa ste/ /thog ma nyid nas brtags pa des gtong ba'i phyir ro/ /de ltar bdag med pa gsum po de nyid kyis/ kun sgrag par byed pa bdag nyid dam/ nyam mi nga ba'i phyir seng ge'i sgra'o/ /bsgrags pa ni 'khor la bshad pa'o/ /nga ni stobs bcu zhes bya ba ni/ de yang gnas dang gnas ma yin pa'i stobs mi/ dge ba spyad pas mtho ris kyi gnas yin la/ ngan song rnams min pa ni/ 'dod pa gzhan gyi dbang ngo/ /log par spyad pa ni ngan song gi gnas yin gyi mtho ris kyi gnas ma yin pa ni/ mi 'dod pa gzhan gyi dbang ngo zhes bya ba la sogs pa mkhyen pa'o/ /dbang po mchog dang mchog ma yin pa'i mkhyen pa'i stobs 'di ni dbang po rnon po de'i rigs can yin/ 'di ni rtul po nyan thos kyi rigs can
- 26a
yin pa la sogs pa mkhyen pa'o/ /khams sna tshogs mkhyen pa ni sa bon gyi don ste/ 'di ni nyan thos kyi rigs sam skal pa 'am bag chags can no/ /'di ni rang sangs rgyas kyi theg pa chen po la sogs pa mkhyen pa'o/ /mos pa sna tshogs pa mkhyen pa ni gang zag gi nyan thos la mos pa/ 'di ni theg pa chen po la mos pa la sogs pa mkhyen pa'o/ /bsam gtan dang/ ting nge 'dzin dang rnam par thar pa dang snyoms par 'jug pa bzhi dang/ kun nas nyon mongs pa dang rnam par byang ba mkhyen pa'i stobs ni/ bsam gtan bzhi dang/ rnam par thar pa brgyad dang dpa' bar 'gro ba la sogs pa'i ting nge 'dzin dang/ mthar gyis gnas pa'i snyoms par 'jug pa dgu dang/ 'khor ba'i chos dang mya ngan las 'das pa'i chos la ma lus par mkhyen pa ste/ go rims ltar sbyar ro/ /las kyi rnam par smin pa mkhyen pa ni/ bsod nams dang bsod nams ma yin pa'i las dang mi g.yo ba'i las kyi 'bras bu rnam par smin pa 'di lta bu dang 'di lta bu thob pa la sogs pa mkhyen pa'o/ /thams cad du 'gro ba'i lam mkhyen pa ni 'dis? ni mngon par mtho? ba thob pas thams cad kyi lam mo/ /'di ni nyan thos la sogs pa'i nges par thob pa legs par thob cing bgrod par byed pa'i lam la sogs pa mkhyen pa'o/ /sngon gyi gnas rjes su dran pa ni sngon gyi yul 'dir las 'di lta bur blangs te/ pha ni 'di la ma ni 'di/ /'di lta bu la sogs pa bzhin du mkhyen pa'o/ /'chi 'pho ba dang skye ba dang mkhyen pa ni gang zag 'di dus 'di mi tshe rgyu 'di lta bu cig gi shi 'phos nas yul 'di'i rigs 'di lta bu zhig tu skyes so/ /zhes bya ba la sogs pa'i mkhyen pa'i zag pa zad pa mkhyen pa ni bdag gis sdug bsngal lo zhes so/ /kun 'byung ba spangs so/ /'gog pa mngon du byas so/ /lam rgyud las skyes so zhes bya ba la sogs pa mkhyen pa'o/ /mi 'jigs pa bzhis 'jigs pa med pa zhes
- 26b
bya ba ni/ mi 'jigs pa bzhi gang zhe na/ bdag gis yang dag par rdzogs pa'i sangs rgyas so/ /zhes dam bcas nas de la chos 'di rnams mngon par sangs ma rgyas so/ /zhes bya bar bdag la dge slong ngam/ bram ze ngam lha 'am bdud dam tshangs pa 'am/ skye dgu'i tshogs gzhan su yang rung ste/ 'jig rten na chos dang ldan par 'gyur ro/ /zhes bya ba'i rgyu yang dag par rjes su ma mthong ste/ rgyu yang dag par rjes su ma mthong bas bdag bde ba thob pa dang/ bag tsha ba med pa thob pa dang/ mi 'jigs pa thob par rnam par spyod pa dang/ khyu mchog brlabs po che'i gnas su dam bcas pa'o/ /'khor gyi nang du seng ge'i sgra sgrog go /tshangs pa'i 'khor lo 'jig rten na/ dge sbyong ngam bram ze 'am/ lha 'am/ bdud dam/ tshangs pa 'am gzhan su yang rung ste chos dang ldan pa skor bar mi nus pa bdag gis rab tu bskor bar bya'o/ /bdag zag pa zad do zhes dam bcas nas/ de la zag pa 'di rnams yongs su zad par ma gyur to zhes bya bar bdag la dge sbyong ngam bram ze 'am/ lha 'am bdud dam tshangs pa 'am/ skye dgu'i tshogs gzhan su yang rung ste/ chos dang ldan pa skor bar mi nus pa/ bdag gis rab tu bskor bar bya'o/ /bdag zag pa zad do zhes dam bcas nas/ de la zag pa 'di rnams 'di yongs su zad par gyur to zhes bya bar bdag la dge sbyong ngam/ bram ze 'am/ lha 'am/ skye dgu'i tshogs gzhan su yang rung ste/ 'jig rten na chos dang ldan par 'gyur ro/ /bya ba'i rgyu yang dag par rjes su mi mthong ste rgyu yang dag par rjes su na/ mthong bas/ de la bdag bde ba thob pa dang bag tsha ba med pa thob pa dang/ mi 'jigs pa thob pa rnam par spyod do/ khyu mchog rlabs po che'i gnas su dam bcas pa'o/ /'khor gyi nad na seng ge sgra sgrag go/ tshangs pa'i 'khor lo 'jig rten na dge sbyong ngam/ bram ze 'am/ lha 'am/ bdud dam/ tshangs pa 'am gzhan sus kyang rung ste/ chos dang ldan pa
- 27a
skor bar mi nus pa bdag gis rab tu bskor bar bya'o/ /gang yang bdag gis bar chad kyi chos yongs su bstan pa de dag la rten nas bar chad kyi chos yongs su 'gyur ro zhes dge sbyong ngam/ bram ze 'am/ lha 'am/ bdud dam/ tshangs pa 'am skye dgu'i tshogs gzhan su yang rung ste/ 'jig rten na chos dang ldan pa rgol bar 'gyur ro/ /zhes bya ba'i rgyu yang dag par rjes su mi mthong ste rgyu yang dag par rjes su ma mthong bas/ de la bdag bde bar thob pas/ bag tsha ba med pa dang/ mi 'jigs pa thob par rnam par spyod do/ khyu mchog rlabs po che'i gnas su dam bca' o/ /'khor gyi nang du seng ge'i sgra bsgrag go/ tshangs pa'i 'khor lo 'jig rten na dge sbyong ngam/ bram ze 'am lha 'am bdud dam tshangs pa 'am/ gzhan sus kyang rung ste/ chos dang ldan pa skor mi nus pa dag gis rab tu bskor bar bya'o/ /gang yang bdag gis lam 'phags pa byung ba rtogs pa gyur pa de byed ba'i sdug bsngal yang dag par gyur pa de dag la nan byas nas sdug bsngal yang dag par zad par 'gyur ba mi 'byung ngo/ /zhes dge sbyong ngam/ bram ze 'am lha 'am bdud dam tshangs pa 'am gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su mi mthong ste/ rgyu yang dag par rjes su ma mthong bas/ de la bdag bde ba thob pa dang/ bag tsha ba med pa thob pa dang/ mi 'jig pa thob pa rnam par spyod de/ /khyu mchog rlabs po che'i gnas su dam bca' o/ /'khor gyi nang du seng ge'i sgra sgrag go /tshangs pa'i 'khor lo/ /'jig rten na dge sbyong ngam bram ze 'am lha 'am bdud dam tshangs pa 'am gzhan su yang rung ste/ chos dang ldan par bskor bar mi nus pa bdag gis bar du bskor bar bya'o/ /zhes bya ste bzhi po de dag ni mi 'jigs pa'o/ /'khor gyi zhes bya ba ni/ dgra bcom pa lnga brgya'o//
- 27b
nang du seng ge'i sgra zhes bya ba ni/ bdag nyid kyis stong pa'i sgra'o/ /khyu mchog lta bu ni/ 'phags pa kun dga' bo'o/ /rgya chen po zhes bya ba ni/ nam khas? ji ltar khyab par stong pa'i sgras khyab pa'o/ /stong pa'i sgra des ci'i don byed ce na/ sems can thams cad grol bar byed pa'o/ /yang dag par zhes bya ba ni phyin ci ma logs pa ste chos kyi sku'o/ /chos kyi sku de dper na ci dang 'dra na/ ri bong gis rwa bzhin no/ /brjod du mi rung dngos por ni med pa'i phyir ro/ /de ni chos kyi sku'i dpe'o/ /bsgrags so zhes bya ba ni dngos su ste/ gzugs sku gnyis kyis don byed pa'o/ /gzugs sku gnyis ni dper na g.yag gi rwa bzhin no/ /g.yag gi rwas ni dngos por yang snang la 'bigs par byed pa'i don gyi phyir ro/ /de'i phyir na gzugs sku rnams gnyis kyis ni yod pa'i don byas so/ /chos skus ni med pa'i don byas/ yod dang med pa'i don byas pa'i phyir na stong pa nyid kyi sgra bsgrags pa'o/ /tshangs pa'i zhes bya ba ni/ /'od srungs kyis spyo ba brgyad kun dga' bo la byas bas tshangs pa'i phyir na tshang ba'o/ /'khor lo bskor zhes bya ba ni/ bka' i chos kyi 'khor lo bskor ba'o/ sde zhes bya ba ni/ bdud kyi rigs bzhi'o/ /mthu dang zhes bya ba ni so so'i nus pa'o/ /gzhon pa la ni lha mi'i bu'i cha byad do/ /bcas pa ni bdud kyi rigs bye ba dung phyur phrag bco lnga'o/ /bdud kyang gcig gis rab tu btul zhes bya ba ni/ yang dag par rdzogs pa'i sangs rgyas so/ /de la dang po bzhi la lha'i bdud ni/ gzhan 'phrul dbang byed kyi gnas na/ bdud kyi rgyal po dga' rabs dbang phyug ces bya ba dang/ bdud mo padmo gzi ldan ma/ 'khor 'jig rten skyong pa bzhi/ bdud kyi rigs byed pa dung phyur phrag bco lnga yod de/ de la lha'i rigs su skyes pas lha'i bu yin la zhi ba de thar pa'i srog gcod pa 'phags pas ni nor 'phrog pas kyang bdud yin no/ /de ltar na bdud kyi rigs bye ba phrag dung phyur bco lnga yod pas bar du gcod do/ /des chos na 'khor 'jig rten skyong ba bzhis bar du gcod do/ /de yang
- 28a
gcig sbyin pa'i bar/ gcig gis bzod pa'o/ /gcig gis brtson 'grus kyi bar du gcod pa'o/ /des kyang mchod na bdud kyi rgyal po dga' rab dbang phyug dang/ bdud mo pad+ma gzi ldan ma chags pa'i mda' lnga 'phen te/ gdung skem ra ro myos dang smyo/ /mda' lnga yin par shes par bya/ /de lta bu'i tshul gyis bar du gcod pa'i phyir na bdud do/ /nyon mongs pa'i bdud ni 'dod chags la sogs pa nyon mongs pa ste/ de rnams ma zhi ba'i rnam pa bskyed pa nyon mongs pa yin la/ bla na med pa'i byang chub thob pa'i dgegs byed pas 'phags pa'i nor 'phrog pas bdud kyang yin no/ /phung po'i bdud ni nye bar len pa'i phung po lnga la bya ste/ de nyid spungs pas na phung po'o/ /de nyid na ba dang rgas pa 'khogs pa la sogs pa'i bar du gcad pas bdud do/ /'chi bdag gi bdud ni dngos su rang gi tshe 'di'i 'phen pa zad nas 'chi ba yin pa la de'i phyag rgya ma 'am rtags su 'gro ba rnams kyi bdud rang gi lhag pa'i phyogs na gnas pa shes pa ste/ gshin rje'i rgyal po be ba swa ta zhes bya ba/ lus po mi'i lus po la mgo bo seng ge'i mgo bo can/ mig rtsa dmar po gcig gnas te/ de 'chi ba la dbang byed pas 'chi bdag kyang yin la der Arya'i nor 'phrog pa thar pa la bgegs byed pas bdud kyang yin no/ /de ltar yang 'gro ba rnams ni do nub 'di bya nang bar 'di byed las gzhan yang 'di byas sems dpas na/ gshin rje'i rgyal po mig rtsa dmar bas mdangs snyams pa dgod par byed ces pas so/ /de rnams btul ba dang ldan pa ste/ de yang kun rdzob dang don dam pa ste/ de yang dang po ni rdo rje gdan gyi spol sangs rgyas pa'i tshe bdud dga' rab dbang phyug gi rigs nas bdud mo pad+ma gzi ldan ma dang bcas pa mya ngan gyi khang par zhugs/ de'i tshe 'khor rnams kyis smras pa gtso bo ci'i phyir na mya ngan gyi khang par bzhugs mya ngan byed ces pa dang/ gtso bos smras pa 'jig rten 'dzam bu'i gling 'di na/ gzhon nu don grub mngon par rdzogs pas sangs
- 28b
rgyas pas/ de sangs rgyas nas 'dod pa'i khams stong par 'gyur ro/ /bdag cag mnga' ris gang la bya ste/ de'i phyir na mya ngan byed zer ste/ 'khor rnams kyis smras pa/ mya ngan ma byed de bas bar du gcod ces smras so/ /dang po bdud kyi bu mo shin tu mdzes pa bzhi sprul te/ b+ha ga bAn la chags pa skye ba'i phyir na gtang bas/ lha b+ha ga bAn mi sdug pa'i phyir/ ting nge 'dzin la snyoms par zhugs/ rgan po mi sdug pa sprang mo zhar ma lta bu bzhi ru gyur to/ /de nas 'khor 'jig rten pa la sogs pa rnams kyis mtshon cha'i char phab pas/ b+ha gas byams pa'i ting nge 'dzin la snyoms par zhugs te/ me tog gi char du gyur to/ /de nas sprul pa'i tshogs khro bo dpag tu med pa rnams kyis/ oM ya mAn+ta ka hUM zhes brjod pas/ 'tshe ba rtogs shig pa'i sgra nam mkha' khyab par bsgrags? pas bdud 'khor thams cad dbang du bsdus so/ /mthong tsam zhig gnas bdud dga' rab dbang phyug dang pad+ma gzi ldan shor ro/ /de nas lha'i bu'i bdud btul bar gyur to/ /de nas tho rangs rdo rje lta bu'i ting nge 'dzin gyis nyon mongs pa rkang la gnas pa dang/ spyi la gnas pa thams cad spangs te/ mngon par rdzogs par sangs rgyas nas nyon mongs pa'i bdud btul bar gyur te/ de nas chu bo nai rany+dza ra'i 'gram du dka' thub lo drug mdzad pas rdzud cing h+rid par gyur ba la tshong dpon gyi bu mo legs skyes mas ba lnga brgya'i 'o ma bsdus pa drangs pas/ sku gser gyi brtan pa phyis pa ltar sor/ sha med khrag med rgas pa med par gyur to/ /de ltar na phung po'i bdud btul/ de nas lo brgyad cu na sku mya ngan las 'das pa la bram zes su gtos gsol ba btab sku tshe rang dbang mnga' brnyed pa'i rtags su lo gnyis bzhugs pas 'chi bdag gi bdud btul lo/ /de nas don dam par btul ba ni/ de ltar na bdud bzhi snang ba nyid rang gi ye shes de lta bur snang ste/ sna tshogs su snang ba sprul pa'i sku/ de lta bur de yang rang rig par
- 29a
rig pa longs sku/ de nyid btsal na gang du yang ma rnyed pas/ stong pa 'od gsal ba chos kyi sku'o/ /sems can thams cad bsrung ba'i phyir zhes bya ba ni/ snying rje'i sgo nas so/ /rig sngags zhes bya ba ni stong pa nyid do/ de yang kun gzhi rnam par shes pas nye bar len pa'i rgyu byas/ stobs rnam pa lngas lhan cig skyes pa'i rkyen byas/ kun gzhi rnam par shes pa gnas 'gyur ba me long lta bu'i ye shes te/ stong pa mdza' dag dang bral ba'i don rtogs pas/ rig sngags mtshan nyid pa ste/ de'i mtshon cha me long lta bu'i ye shes/ mtshon pa stong chen mo rab tu 'joms ma ste/ sku mdog dang zhal phyag gi rnam par 'byung ba'o/ /de sku mdog ni mthing ka zhal gsum pa ste g.yas kyi zhal zhi ba dkar mo dregs pa'i tshul dang ldan pa'o/ /g.yon dmar mo rgod pa dbang gi tshul dang ldan pa'o/ /dang po'i zhal mthing ka khro bo ste/ drag po'i tshul dang ldan pa'o/ /zhal gsum pa ni sku gsung thugs kyi rnam par dag pa'o/ /phyag drug zhabs gnyis na gnod sbyin po mo mnan pa'o/ /gnod sbyin pho ni srid pa'i ngo bo'o/ /mo ni 'das pa yin te srid pa dang 'das pa rnam par 'joms pa'o/ /phyag drug pa zhes bya ba ni/ pha rol tu phyin pa drug rnam par dag pa'o/ /g.yas kyi dang po na rdo rje rtse lnga pa/ bar ma na ral gri tha ma na dgra sta'o/ /g.yon gyi dang po ni sdig mdzub zhags pa bar ma na rtse gsum tha ma na lcags kyu'o/ /g.yas na rdo rje zhes bya ba ni ye shes rnam par dag pa'o/ /ral gri zhes bya ba ni/ shes rab yin te nyon mongs pa gcod pa'o/ /sku gsung thugs kyi nyes pa rnams thub pa'i phyir dgra sta'o/ /rdo rje zhags pa ni yang dag pa'i ye shes kyis bcings pa'o/ /sdigs mdzub ni ma lus sems can sdang ba rnams la sdigs mdzub bo/ /srid pa gsum du song ba'i nyon mongs pa 'jigs
- 29b
par byed pas na mdung rtse gsum mo/ /mche ba gtsigs pa kha gdangs pa dbu skra gyen du 'bar ba/ spyan gsum pa dbu la thod pa lnga yis brgyan pa/ rgyan thams cad ni rin po che dang sprul gyis brgyan pa/ stong g.yogs dang smad g.yogs su bcas pa/ smad g.yog ni stag gi sham thabs can/ nyi ma'i gdan dang nyi ma'i 'od dang bcas pa'o/ /thams cad ces bya ba ni rigs lnga'i rang bzhin no/ /nga la zhes bya ba ni bcom ldan 'das la'o/ /nyon zhes bya ba ni/ bcom ldan 'das kyi tshig go /syat+the daM zhes bya ba ni 'di lta ste zhes bya ba'o/ /'di lta ste zhes bya ba ni rig sngags ston pa'i tshig go /rig sngags zhes bya ba ni a sam ge la sogs pa'o/ /de bzhin gshegs pa zhes bya ba ni/ de bzhin nyid du gshegs pas na de bzhin gshegs pa ste/ de bzhin nyid ni stong pa nyid spros pa dang bral ba ste/ de yang dang po byung yang de'i ngang las byung la/ bar du gnas kyang der gnas tha mar 'gag pa 'am thim pa yang de'i ngang las thim pa'i phyir ste chos kyi sku'o/ /yang de bzhin rtogs pa ste stong pa nyid spros bral rtogs shing rigs pa'i phyir te longs sku'o/ /yang de bzhin du gshegs pa ste/ mar me mdzad la sogs pa dus gsum gyi sangs rgyas rnams kyis/ mdzad pa bcu gnyis la sogs pa'i sgo nas sems can gyi don la gshegs pas de bzhin gshegs pa ste/ sprul pa'i sku'o/ /mtshan dang zhes bya ba ni sum cu rtsa gnyis so/ /stobs dang ni stobs bcu'o/ /dbang phyug dang zhes bya ba ni 'jigs pa brgyad dam gsum la dbang thob pa ste/ mi 'gyur ba'i sdug bsngal dang lha 'chi 'pho ba dang skye ba'i sdug bsngal la dbang thob pa'i phyir ro/ /byin gyis zhes bya ba ni stong chen mos byin gyis brlabs so/ /bdag la zhes bya ba ni nye bar mtshon pa'o/ /bde legs su gyur cig swA hA zhes bya ba ni/ sems can thams cad phun sum
- 30a
tshogs pa dang ldan par gyur cig /de dag rgyal po chen po bzhi'i cho ga'i skabs te gsum pa'o// //sangs rgyas kyi ni gsung thos nas zhes bya ba ni/ seng ge'i sgra yin te/ seng ge'i sgra zhes bya ba ni/ stong chen mo'i rig sngags 'di'i sgra'o/ /thos zhes bya ba ni 'byung po thams cad kyis so/ /phyogs bzhi'i 'jig rten skyong ba dag ces pa ni/ brgya byin dang dri za dang me lha dang gshin rje dang srin po dang chu lha dang rlung lha dang gnod sbyin dang/ dbang ldan dang tshangs pa dang sa'i lha mo'o// lha'i gdon dang/ klu'i gdon dang/ lha ma yin gyi gdon dang/ rlung lha'i gdon dang/ dri za'i gdon dang/ mi 'am ci'i gdon dang/ lto 'phye chen po'i gdon dang/ gnod sbyin gyi gdon dang/ srin po'i gdon dang/ yi dags kyi gdon dang/ sha za'i gdon dang/ 'byung po'i gdon dang/ grul bum gyi gdon dang/ srul po'i gdon dang/ lus srul po'i gdon dang/ skem byed kyi don dang/ rjed byed kyi gdon dang/ smyo byad kyi gdon dang/ grib gnon gyi gdon dang/ gnon po'i gdon dang/ ma mo'i gdon dang/ tsha mi ka'i gdon dang/ nam gru'i gdon dang/ me lha'i gdon dang/ nag po'i gdon dang/ nag po chen po'i gdon dang/ ri khrod kyi gdon dang/ zas su za ba'i gdon rnams so/ /de dag ni gtso bor gyur pa rnams so/ /bgegs rigs stong phrag brgyad cu'o/ /'jigs dang skrag dang dangs gyur te zhes bya ba ni/ rig sngags kyi byas pa'i phyir ro/ /thal mo sbyar nas 'khod par 'gyur zhes bya ba ni/ yang dag par rdzogs pa'i sangs rgyas la skyabs su 'gro ba dang/ 'jigs pa dang/ skrag par 'gyur bas na thal mo sbyar ba'o/ /'byung po'i tshogs ni lhag ma rnams/ sngags 'khrugs rod rod por gyur nas/ /zhes bya ba ni/ /stong phrag dang ni brgyad cu dang/ /de tsham dag ni nyi shu brgyad/ /sngags zhes bya ba ni/ dbugs ma thon
- 30b
pa'o/ /'khrugs pa zhes bya ba ni dran pa stor ba'o/ /rod rod por gyur zhes bya ba ni/ rengs pa'o/ /rab tu 'byer byed cing zhes bya ba ni/ khros pa'o/ /phyogs bcur zhes bya ba ni so sor gcig la mi sdod par 'bros pa'o/ /sgra bo che yang sgrogs par byed ces bya ba ni/ bred pa'i skad chen po 'don par byed pa'o/ /rgyal po chen po zhes bya ba ni/ rgyal po chen po bzhi'o/ /de shes na zhes pa ni mngon par shes pas 'byung po bred pa mthong ba'o/ /gsang ba gsum ni dam tshig ste/ rdo rje lta bu'i dam tshig chen po'o/ /yang dag par smra zhes bya ba ni/ phyin ci ma log par 'byung po la smra ba'o/ /kye ma zhes bya ba ni/ ngo mtshar ba'o/ /ma ni rgyu ba'o/ /rig sngags zhes bya ba ni/ nam mkha' bzhin du khyab pa'o/ /rig sngags che zhes bya ba ni stong pa'i lam ting nge 'dzin rdo rje lta bu'i thob pas che ba'o/ /stong chen zhes bya ba ni/ dus gsum gyi sangs rgyas thams cad dang byang chub sems dpa' thams cad kyi rang bzhin/ /nyan thos dang rang sangs rgyas bskyed par byed pa'i yum chos thams cad kyi ngo bo nyid do/ /rab tu 'joms byed ces pa ni/ 'byung po la sogs pa bar du gcod pa thams cad 'dul ba'o/ /sangs rgyas kyis ni gsung thos pa zhes bya ba ni/ sangs rgyas gang+gA'i klung gi bye ba brgya phrag stong gis gsungs pa'o/ /thos nas 'byung po skrag par 'gyur te zhes bya ba ni/ stong chen mo rab tu 'joms ma'i rig sngags kyi sgra thos na skrag pa'o/ /dper na rab tu 'bar ba'i me zhes bya ba ni/ bskal pa chen po dus kyi me/ yang na ni me chen po 'bar ba'i nang du til gyi mar blugs pa lta bu'o/ /til mar ngar btags ral gri bzhin zhes bya ba ni dper na nyin mtshan la ral gri sno mo nyi ma la bsregs nas til mar byug nas brgyab pas thams cad gcod pa bzhin du/ stong chen mo'i rig sngags 'dis kyang/ 'gro ba ris drug gi sdug bsngal gcod pa'i phyir ro/ /rig sngags spu gri'i so 'dra ba zhes pa
- 31a
ni/ dper na spu gris skra rnams rtsa ba nas 'dar? ba bzhin du bgegs thams cad phyir bud pa'i phyir ro/ /yang na ni rig sngags 'di'i byin gyis brlabs kyis 'gro ba ris drug gi rgyun bcad nas byang chub la dgang ba'i phyir ro/ /gau ta mas zhes bya ba ni drang srong go'u ta ma'i tsha bo yin pa'i phyir gau ta mar btags so/ /rab bshad pa zhes bya ba ni rgya che ba'o/ /drang srong gis ni legs bshad pa zhes bya ba ni/ phyin ci ma logs pa'o/ /sangs rgyas zhal nas gsungs pa la zhes bya ba ni/ bden pa'i tshig gis brgyan pa'o/ /de la gang zhig ma dad pa zhes bya ba ni/ dkon mchog gsum la skyabs su mi 'gro zhing lta ba log pa'o/ /de'i bu thu bo zhes bya ba ni/ dkon mchog gsum la ma dad pa gang yin de'u bu thu bo che'o/ /tshangs pa'i zhags pa zhes bya ba ni dus kyi zhags pa'o/ /med par 'gyur zhes bya ba ni/ dus kyi zhag pas bzung nas mchi ba'o/ /me ni rab tu 'bar byas la/ zhes bya ba ni/ dper na sbyin sreg mkhan pos me spar ba bzhin/ bla dang 'og dang phyogs bzhi yang zhes bya ba ni/ 'gro ba rig drug gi gnas so/ /sbyin sreg gi ni chus gtor te zhes bya ba ni/ /sbyin sreg gi chus zhes bya ba ni me long lta bu'i yang dag pa'i ye shes kyi chus ris drug gi tsha ba'i sdug bsngal zhi bar byed pa'o/ /gtor te zhes bya ba ni rim drug gi sems can la ye shes kyi 'od zer gyis byin gyis brlabs pa'o/ /nas dang yungs kar blangs nas su/ /mar gyi snying po dang spyar nas/ /me yi nang du blug par bya zhes bya ba ni/ dper na nas dang yungs kar dang 'dra ba gnod par byed pa'i gdon rnams so/ /blangs pas su ni sbyin sreg mkhan pos lag par rdzas blangs pa dang 'dra bar bcom ldan 'das kyi byin gyi brlabs kyis gnod byed kyi mi rnams bkug pa'o/ /mar gyi snying po dang sbyar nas zhes bya ba ni/ mar gyi snying po ni stong
- 31b
chen mo'i rig sngags so/ /sbyar nas zhes bya ba ni/ rig sngags dang ting nge 'dzin gyi mthu'o/ /me'i nang du blugs par bya zhes bya ba ni/ gnod pa'i gdon rnams ting nge 'dzin gyis mes blangs nas/ ye shes kyi mes bsregs pa'i phyir ro/ /legs par gsungs pa zhes bya ba ni/ bcom ldan 'das kyis gsungs pa'o/ /'di zhes bya ba ni stong chen mo'i rig sngags so/ /thos nas zhes bya ba ni 'byung ba rnams so/ /gal te myur du mi gtong na zhes bya ba ni/ chad pa dag gis gcod par byed/ /chang pa gang yin zhe na/ nar med par skye ba'o/ /thams cad 'bar bar 'gyur zhes bya ba ni/ dkon mchog gsum gyi bka' las 'das pa gang yin pa de lus la me 'bar ba'o/ /dper na mar dang yungs kar me blugs bzhin zhes bya ba ni dpe'o/ /de dag bde ba mi rnyed de zhes bya ba ni/ de dag ni bka' las 'das pa'o/ /bde ba mi rnyed ces bya ba ni/ mnar med pa'i sdug bsngal lo/ /gnod sbyin chad pa ni zhes bya ba ni/ nad chen po sna tshogs so/ /sdig pa ni sems can thams cad la'o/ /de yi rtsibs logs g.yas par ni/ 'bras chen nad kyang 'byung bar 'gyur zhes bya ba ni/ bka' las 'das pa de la'o/ /yang na na gang gis gnod par byed pa de la'o/ /gnod sbyin nad kyis btab pa ni sha bkra'i nad kyis btab par 'gyur zhes bya ba ni/ dkon mchog gsum la ma dad pa'i gang zag de la gnod pa byas pas/ de'i las kyi rnam par smin pas/ gnod sbyin ku bai ras chad pa chen po bzhi bcad pa'i phyir ro/ /lcang lo can gyi pho brang du/ gzhar yang 'gro bar mi 'gyur ro/ /zhes bya ba ni/ rig sngags 'di'i bka' las 'gal byung na/ rnam thos kyi bu'i pho brang du 'ong mi ster ste/ gnod sbyin rnams kyis chad pas gcod par 'gyur ro/ /lus ngan dregs dang ldan pa yi/ /khyim yang mthong bar mi 'gyur te/ zhes pa ni/ 'gro ba dang ci smos te/ mthong bar yang mi ster cing/ /gnod sbyin rnams kyis kyang ring po
- 32a
nas bkag pa'o/ /'byung po mang po tshogs pa na/ stan yang thob par mi 'gyur ro/ /zhes pa ni/ gal te pho brang du 'ong bar 'gyur na/ bsdad sa med par skyes te/ 'byung po rnams kyis brnyas par byed de/ sdug bsngal mang po myong ba'o/ /gnod sbyin dag gi dkyil 'khor du/ zas skom dang yang 'bral bar 'gyur/ zhes bya ba ni/ rig sngags kyi bka' las 'das pa'i 'byung po rnams ni 'ongs par gyur kyang mi ster te/ gal te sbyin yang lcags kyi rdog po dang/ me'i phung por mthong ba'o/ /de bas na lha dang mi dang yi dags pho la sogs pa yang/ rig sngags 'di'i bka' las mi 'da' ba' o/ /stong chen rab mjoms mdo sde la zhes bya ba ni/ sgrub pa po rten gyi gang zag la la zhig dkon mchog gsum la skyabs su song bar stong chen mo rab tu 'joms ma/ rdo rje'i rig sngags 'di 'chang ba dang/ klog pa dang/ yid la byed pa dang/ kha ton byed pa dang/ bsgom pa dang/ mchod pa dang/ nyan pa dang/ bshad pa de la/ gnod sbyin 'byung po'i bar chad byed pa de la/ spyi bo dag ni zhes bya ba nas/ de nyid du ni 'khor bar 'gyur zhes bya ba'i bar na chad pa chen po bdun gcod pa'o/ /su yis gcod ce na rdo rje 'chang gis gcod pa'o/ /gnod sbyin 'byung pos bar chad byed pa de la zhes bya ba ni/ rig sngags 'di'i bka' las 'da' ba/ dkon mchog gsum la skyabs su 'gro ba rnams la bar chad byas na sdug bsngal thams cad de'i lus la 'byung ngo/ /de la rdo rje 'chang khros te/ spyi bo dag ni 'gems par 'gyur zhes bya ba ni/ gnod sbyin gyi ded dpon lag na rdo rje 'khrugs te/ de'i stobs kyis 'byung po rnams la chad pa gcad pa'o/ /ci'i phyir chad pa gcod ce na/ de'i rnam par smin pas a rdza ga'i dog pa bzhin du/ tshal? pa brgyar 'gas par 'gyur ro/ /spu gri so ni rtsub mo yis/ de yi lce ni gcod par 'gyur zhes bya ba ni/ dkon mchog gsum gyi bka' las 'das pa dang/ lag na rdo rje'i ye shes kyi spu gris
- 32b
de'i lce gcod pa'o/ /mtshon cha shin tu rnon po yis/ /de yi sna dang rna ba gcod ces bya ba ni/ gong ma bzhin du/ de'i rnam smin gyis sna dang lce gcod pa'o/ /'khor lo spu gri mo 'dra bas/ glang pa rab tu gshegs par byed/ /ces bya ba ni/ nam mkha' nas las kyi 'khor lo 'byung pas/ spyi bo nas lte ba'i bar du gcod pa'o/ /tho ba lcags kyis dkris pa yis/ /de yi snying la 'joms par byed/ /ces bya ba ni/ bar snang nas lcags kyi 'khrul 'khor gyis/ bka' las 'das pas de'i snying ni 'joms pa'o/ /rnag dang khrag ni dron mo dag/ de yi kha nas 'dzag par 'gyur/ /zhes bya ba ni/ don snying lnga la nad zhugs shing/ rnag dang khrag rtag tu 'dzag pa'o/ /rig sngags zhags pas 'ching ba yis/ /rtag tu 'khor bar 'gro ba na/ zhes bya ba ni/ yang nas yang du/ rig sngags kyi smod pa'i zhags pa yis/ /las des rtag tu 'khor bar 'khyam pa'o/ /'khor ba gnod sbyin dkyil 'khor du/ /de nyid du ni 'khor bar 'gyur zhes bya ba ni/ de bas na 'di'i bka' las 'da' bar mi bya zhing/ /sems can la gnod pa mi bya'o/ /phyogs bzhi dag tu song gyur nas// zhes bya ba ni/ rig sngags 'di la gus pa'i gang zag skyong ba ste/ /rgyal po bzhi po dag gis ni/ /phyogs phyogs nas srung ba'o/ /chos kyi go cha bgos gyur te/ bzang po'i khri la 'dug pa ni/ /zhes pa ni/ byams dang/ snying rje dang/ dga' ba dang/ btang snyoms kyi go cha gyon pa/ seng ge'i gdan la bzhugs nas sems can rnams kyi don byed pa'o/ /shar phyogs na ni yul 'khor srung zhes bya ba ni/ /dri za'i ded dpon nyi shu brgyad dang ldan pa/ shar phyogs nas skyong ba'o/ /lho phyogs nas ni 'phags skyes po zhes bya ba ni/ grul bum gyi ded dpon nyi shu brgyad dang ldan pa/ lho phyogs skyong ba'o/ /nub phyogs na ni mig mi bzang zhes bya ba ni/ /klu'i ded dpon nyi shu rtsa brgyad dang bcas pas/ nub phyogs skyong ba'o/ /byang phyogs nas ni lus ngan po zhes bya
- 33a
ba ni/ gnod sbyin gyi ded dpon nyi shu brgyad dang bcas pas/ byang phyogs skyong ba'o/ /dpal dang gzi brjid 'bar ba yi/ /rgyal po dag ni phyin pa dang zhes bya ba ni/ 'jig rten du dpal dang ldan zhing/ sde bo che spung bzhi'i bdag po ste/ de'i gzi brjid kyis gling bzhi khyab pa'o/ /phyin pa ni khyab pa'o/ /de'i tshe ston pa thams cad mkhyen/ /bar snang gnas la rab tu 'phags/ /zhes bya ba ni/ yang dag par rdzogs pa'i sangs rgyas rnams kyang/ sems can gyi don la gnas pa ste/ nor bu rin po che dang 'dra bar 'jig rten gyi khams rang gi lag mthil du shes pa/ sems can rnams la 'phags pa'o/ /tshangs pas sprul pa'i gzhal med khang/ /de na rdo rje'i gdan la bzhugs/ zhes bya ba ni/ tshad med pa bzhi bsgoms pas tshangs pa ste/ gzhal med khang ni sku gsung thugs kyi rang bzhin/ lha'i sku'o/ /yang na gzhal med khang ni ri rab chen por snang ba 'jig rten gyi khams tsam mo/ /de lta bu'i gzhal yas khang gi nang na/ yang dag par rdzogs pa'i sangs rgyas rdo rje lta bu'i ting nge 'dzin snang ba'o/ /de nas tshangs dang tshangs chen rnams// thal mo sbyar 'khor phyag 'tshal lo/ /zhes bya ba ni/ de lta bu'i yon tan dang ldan pa'i sangs rgyas shAkya thub pa la/ mi mjed kyi bdag po tshangs pa dang/ tshangs chen rnams kyis gus par phyag 'tshal ba'o/ /dpal ldan gser gyi ri bo 'dra/ /gser gyi mchod sdong dang yang mtshungs/ /zhes bya ba ni/ phyi nang med par gser gyi yon tan dang ldan te/ mtshan sum cu rtsa gnyis dang ldan zhing dpe 'byed bzang po brgyad cus brgyan pa/ 'dzam bu'i gling gi gser gyi kha dog 'dra zhing/ yon tan gyis brgyan pa'o// me tog pad+ma bzhin du brgyas/ /sa la'i pad+ma bzhin du rgyas/ /zhes bya ba ni/ zhal pad+ma bzhin du sems can rnams la bstan pa/ shing sa la bzhin du zil gyis non pa'o/ /nyi ma dang 'dra zla nya la/ /skar ma rnams kyis yongs bskor zhing/ /zhes
- 33b
bya ba ni/ dreg pa nyi ma lta bu ste/ 'jam pa ni zla ba nya'i 'od zer lta bu'o/ /byang chub sems dpa' la sogs pa 'khor rnam bzhi ni/ skar ma lta bu'o/ /thub sku gser gyi kha dog la/ /mtshan rnams kyis ni yongs su bskor/ /zhes bya ba ni/ sku gsung thub cing/ 'dzam bu'i gling gi gser gyi kha dog 'dra ba/ sku la mtshan sum cu rtsa gnyis dang ldan pa/ dpe 'byad bzang po brgyad cus brgyan pa'o/ /'jig rten mes po tshangs pa yis/ /'jig rten sgron ma bstod byas ste zhes bya ba ni/ stong spyi phud kyi rgyal po tshangs pas kyang// yang dag par rdzogs pa'i sangs rgyas/ sems can thams cad 'khor ba nas sgrol ba/ stong gsum gyi chos kyi rgyal po la phyag 'tshal zhing bstod do/ /'jig rten mgon po'i spyan sngar ni/ /'jig rten skyong la 'di skad smras/ zhes bya ba ni/ stong gsum gyi stong chen po'i 'jig rten gyi khams kyi gtso bo ste/ sangs rgyas kyi bstan pa srung ba/ phyogs skyong bcus kyang zhus pa'o/ /'jig rten skyong gi 'khor rnams kyis/ /rjes su brten pa ma thob ste/ zhes bya ba ni/ yang dag par rdzogs pa'i sangs rgyas kyi chos 'di/ yid bzhin nor bu rin po che 'dra ba ste/ 'jig rten skyong ba dag gis kyang 'di dang gzhan du mtshungs pa med pa'o/ /gang phyir 'di la sangs rgyas dang/ rang sangs rgyas dag 'byung 'gyur zhing/ zhes bya ba ni/ stong chen mo rab tu 'joms ma'i lam 'di nas/ rin po che shel dang 'dra ba ste/ sangs rgyas la sogs pa gang yang 'byung ba'o/ /'di las nyan thos rnams kyang skye/ lha rnams dag kyang skye bar 'gyur/ zhes pa ni/ nam mkha' la char byung ba bzhin du/ 'di'i sgo nas gang yang 'byung ba'o/ /rig byed yan lag drug mthar phyin/ /bram ze rnams kyang skye par 'gyur zhes bya ni/ rtag pa'i chos drug yin te/ de yang sngar bshad pa bzhin du lta ba drug go/ de rnams mthar phyin cing grol ba ste/ 'di'i sgo nas skye gnas bzang
- 34a
po bram ze'i rigs thob pa'o/ /drang srong skal pa chen po dang/ dge spyod bram ze 'di las skye zhes bya ba ni/ stong chen mo rab tu 'joms ma'i sgo nas lta ba thams cad 'byung pa'o/ /khyed cag snying las chud byed pa/ /mi yi skye dgu gdon par 'gyur/ zhes bya ba ni/ ma rungs pa'i 'byung po rnams/ /'jigs skrag byed pa/ mi rnams la byams pa dang/ snying rjer ldan pa'o/ /tshangs pa yi ni tshig thos nas/ 'jig rten skyong gis tshig smras pa/ zhes bya ba ni/ mi mdzad kyi bdag po tshangs pa'i tshig thos nas/ 'byung po rnams la phyogs skyong ba bcu yis smras pa'o/ /tshangs pa dang ni thub chen po zhes bya ba ni/ sangs rgyas dang byang chub sems dpa' dang/ nyan thos dang rang sangs rgyas dang/ sems can thams cad bskyed pa'i ma stong chen mo rab tu 'joms ma'i rig sngags 'di yin pa'i phyir ro/ /bdag gis ri rab bsgul byas shing/ zhes bya ba ni phung po'i gnas skabs so/ /ri rab de yi rgya dang ni/ 'phang dang grwa bzhi'i zur rnams dang/ zheng la khru bzhi 'phang la bzhi/ /mu khyud zur brgyad sho 'dra ba/ steng du dkyil 'khor legs par bris/ /sa tshon lngas ni yang dag tu/ /stong chen rab 'joms dkyil 'khor yang/ /gru bzhi sgo bzhi ka ba brgyad/ /twa ra rnams bzhi rta babs rgyan/ dra byed ra ni chen la sogs pa/ gdugs dang rgyal mtshan ba dan rnams/ /'dod pa'i yon tan lha mo dang/ mkhas pa dag gis bri bar bya/ /'bras sam bag phye la sogs pas/ /mkhas pa dag gis yang dag bya/ /ri rab gzugs ni sho 'dra pa/ /lha dang lha min 'byung ba'i gnas/ /de lta bu yi gnas bcas la/ /lha dang lha min 'byung po dang/ /de rnams la ni 'bul bar bya/ /rgyal po dang ni rgyal po'i 'khor/ /blon po dang ni blon mo dang/ /gang dag de rnams gnod pa dang/ /'byung po yi dags sogs gnod dang/ /byang sems dang ni 'thor ba dang/ /ro langs rbod stong
- 34b
gtong ba dang/ /zos pa dang ni skyug pa dang/ /grib ma ngan dang ltas ngan dang/ bri nyes dang ni sgom nyes dang/ /smad nad dang ni nyin gcig dang/ /nyin gnyis gsum pa bzhi pa dang/ /nyin bdun zla phyed zla ba gcig/ nyin mo ba dang lung tsam dang/ ldab ldub pa dang 'byung po dang/ /mi yi rims dang mi ma yin/ /rlung dang mkhris ba pad kan dang/ /'dus pa bzhi 'gyur dag dang ni/ /de yi cho ga yang dag yin/ /nad ni bzhi brgya rtsa bzhir gyur pa las/ /rmi lam ngan dang mtshan ma ngan/ /sngags btang ba dang bzlog pa dang/ /ma mo zor kha phur kha dang/ /gshin rje la sogs gang yang rung/ /de bzlog cho ga yang dag yin/ /shu ba g.yan pa mdze dang ni/ /phol mig gzhad nad 'bras dang ni/ /dong dang me dpal bzlog pa dang/ /sha bkra rmu chu khong nad dang/ /glad pa na ba la sogs dang/ /de yi cho ga yang dag yin/ /gtso bor gyur pa nyi shu brgyad/ /stong phrag brgyad cu nyi shu rtsa brgyad phrag/ 'byung po rnams kyi cho ga yang dag bshad/ /ri rab la sogs bzhi dag la'ang/ dkar po dang ni mthing ka dang/ /dmar po dang ni ser po rnams/ /shar phyogs ngos nas rims bzhin du/ /yang dag gis ni shes par bya/ /shar phyogs lha dang drang srong dang/ /dri za'i gdon rnams gza' dang bcas/ /stong phrag brgyad cu nyi shu rtsa brgyad phrag/ de rnams shar phyogs gdon rnams so/ /grul buM la sogs ma mo dang/ /srin po yi dags gdon rnams dang/ /lho phyogs la ni yang dag shes/ /stong phrag brgyad cu nyi shu rtsa brgyad phrag/ de dag lho phyogs gdon rnams so/ /klu dang 'dab bzangs sa bdag dang/ /nub phyogs dag ni yang dag shes/ /stong phrag brgyad cu nyi shu rtsa brgyad phrag/ de dag nub phyogs gdon rnams so/ /gnod sbyin pho mo la sogs dang/ /klu btsan la sogs gzhan rnams dang/ /byang phyogs dag ni yang dag shes/ /stong phrag brgyad cu nyi shu rtsa brgyad phrag/ de dag byang phyogs gdon
- 35a
rnams so/ /shar lho lho nub nub byang dang/ /byang shar steng dang 'og dang ni/ /me yi don dang bden bral dang/ /rlung lha'i gdon dang/ 'byung po'i gdon/ tshangs pa la sogs pa bdag dang/ stong phrag brgyad cu nyi shu rtsa brgyad phrag/ mtshan drug la ni yang dag shes/ /stong dang 'og dang zur rnams su/ /'byung po'i tshogs ni shes par bya/ /bag phye dang ni 'bras phye 'am/ /gzugs ni sna tshogs mkhas par bya/ /ba dan dang ni rgyal mtshan dang gdugs dang me tog 'phreng ba dang// 'byung po'i tshogs dang bcas pa dang/ /bu ram zho dang sgrang rtsi dang/ /me tog dkar po la sogs dang/ /sha dang khrag dang chang dang ni/ /nya sha sgog pa la sogs dang/ /me tog ser mo'i phreng ba rnams/ /'o ma kar mngar gsum dang/ /mar la sogs pa'i sman rnams dang/ /me tog dmar po dur ba'i phreng ba dang/ /chang dang sha dang khrag rnams dang/ /la phug la sogs me tog ljang khu'i phreng ba dang/ /dmar po nag po mthing ka dang/ /sna tshogs me tog phreng ba dang/ /me dang bden bral rlung dang ni/ /dbang ldan tshangs pas bdag dang/ /sngon gyi rdzas la cha drug tu/ /yang dag gis ni shes rab la/ /mkhas pa'i sems la shes par bya/ /a kargu gul la sogs dang/ /sbrul gyi lpags pa nya mgo dang/ /yungs kar sgo pa bsres pa dang/ /ga pur bla rtse spang spos dang/ /tsan dan la sogs sbyar ba dang/ /tshil bu yungs kar bsres pa dang/ /de dag la ni spos phor ro/ /khu ba chan dang thug pa dang/ /de dag kun la shes par bya/ /rgya phibs bla res gdugs pa bcas/ /rgyal mtshan ba dan sna tshogs dang/ /spos sbyar yang dag me tog dang/ /bu ram zhal zas sna tshogs dang/ /lhan cig sbyar ba'i dri rnams dang/ /de rnams la ni yang dag mchod/ /sna tshogs pad+ma'i dbus su ni/ /stong chen rab tu 'joms ma yang/ /pad+ma'i lte bar
- 35b
yang dag bzhugs/ /de yi phyi rol ra ba la/ /'khor lo rtsibs brgyad zhes par bya/ /rgyal po bzhi dang phyogs skyong dang/ /bza' dang skar ma la sogs la/ /'khor lo lha snaM sgo rnams la/ /mkhas pas yang dag shes par bya/ /lnga 'am gcig gam gang 'byor yang/ /gang ba'i bum pa bkra shis pa/ /lnga pa'i dbus su bzhag par bya/ /gser ram dngul la byas pa yi/ /'jim sogs rab gnas byas pa yis/ /mchod rten la ni mchod par bya/ /mtshams gcod yul 'khor srung ba dang/ /bkra shis la sogs gang yang rung/ /de bzhin du ni byas nas ni/ /the tshom med de yang dag yin/ /slob dpon lnga 'am gcig kyang rung/ /yang dag gis ni rims pa bzhin/ /'byung po rnams ni dgug par bya/ /stong chen rab tu 'joms pa yang/ /phyogs bzhi'i mtshams su rgyun mi 'chad/ /slob dpon dgongs pa gsum ldan pas/ /dag ma 'dres par bzlas par byas/ zhes bstan pa'o/ /sa yang rnam par bzlog byas la/ /zhes bya ba ni/ phyogs skyong ba bcus tshangs pa dang/ yang dag par rdzogs pa'i sangs rgyas kyi spyan sngar zhus pa'o/ /stobs dang ldan zhing ri rab thogs par nus te/ sa gzhi yang 'khrugs par nus shing/ 'jig rten gyi khams kyang ldog par nus pa'o/ /rgya mtsho la ni thug pa rnams/ /rnam par sbyar ba nyid du bya/ zhes bya ba ni/ shar phyogs nas go rims bzhin du/ /phyi'i khor khor yug tsam bdag gi dbang du 'gyur te/ steng dang 'og tu yang de bzhin no/ /'jig rten khams de sbyong bar byed cing 'dul bas na sbyang ba'o/ /zhags pa dam po ma nyams pas nyi ma zla ba rlung rnams dang/ /zhes bya ba ni/ mdo sde zhags pas de dang de ldan pas yang 'dren pa'o// skar ma dang ni thams cad kyang/ /bdag gis su ni bcing bar bya/ /zhes bya ba ni/ rigs kyi smod mos zhags pas/ /smin drug la sogs pa'i rgyu skar rnams bcing ba'o/ /gang dag rab tu sdang byed cing/ 'jig rten la ni phan mi byed/ /ces bya ba ni/ stong gsum
- 36a
gyi stong chen po 'jig rten gyi khams su rgyu zhing/ /gnod pa skyel ba rnams la/ rig sngags kyi bcings pa lngas bcings pa'o/ /de dag la ni thams cad du/ phyogs kyang snang bar mi bya'o/ /zhes bya ba ni/ gnod pa skyel ba'i 'byung po rnams/ /phyogs bcu rnams su gnas pa'i sa med par/ /sdug bsngal drag po myong ba'o/ /'jig rten lha dang bcas pa te/ /'byung po rnams kyis phyir smod de/ zhes bya ba ni/ lha dang klu dang lha ma yin la sogs pa/ bgegs rigs stong phrag brgyad cu po rnams/ /phyir 'gyed cing 'dor mi gtong ba'o/ /'byung po mi yi skye dgu la/ gnod par byed cing 'tshe bar byed/ /ces bya ba ni/ phung po lnga'i rang bzhin/ byang chub sems la gnod pa'o/ /gang dag sngags dang sman rnams dang/ /rig sngags la ni 'da' byed pa/ zhes bya ba ni/ 'di la gus par byed cing dkon mchog gsum la skyabs su 'gro ba'i gang zag dang/ sems can rnams la 'tshe bar byed ces/ rig sngags kyi bka' las 'das pa rnams so/ /'di la sngags kyi dam pa ni/ pha rol gnon pa ston par byed/ /ces bya ba ni/ rig sngags kyi rgyal mo stong chen mo rab tu 'joms ma 'dis kyang/ gsang sngags kyi tshig ston pa tsam gyis ni/ ma rungs pa'i 'byung po rnams kyis stobs 'phrog pa'o/ /rig sngags la ni 'da' ba' i 'khor/ /kun tu chad pas bsdigs byas te/ zhes pa ni phyag mtshan dang sku mdog ston pa ni/ ded dpon dag ni nyi shu brgyad/ /re re la yang stong phrag brgyad cu brgyad cu'o/ /'di dag gi ni sku mdog dang phyag mtshan ni/ /dkar po dmar po ser po dang/ ljang khu dang ni mthing ka dang/ la la dkar ser dmar ser dang/ la la ser nag ljang nag dang/ mgo bo ser po mjug ma nag/ smad dkar stong gnag khra ba'i gzugs/ /sna tshogs gzugs te phyed gzugs so/ /lag na rdo rje 'khor lo sogs/ /gtun shing dang ni rtse gsum mo/ /la la ral gri lag na thogs/ /gtor ma ra dang mdung
- 36b
thung thogs/ /'phang mdung dang ni rar tsa dang/ /la la dbyug pa thogs pa dang/ /rtse gcig dang ni mdung rings thogs/ /mdung dang mda' gzhu lcags kyu dang/ /la la rda rings ga ge dang/ cha lar dang ni rol mo'i tshogs/ /pi wang gling bu glu len cing/ /gnod sbyin pho mo glu len cing/ /yan lag lnga dang ldan pa yis/ /rol mo'i tshogs ni la la byed/ /la la mi la blags gon pa dang/ /mi mgo lag na thogs pa dang/ /mi yi rgyu mas thod kyang byed/ /la la ni yi rus pa thogs/ /sna tshogs rgyan dang sna tshogs phyag mtshan dang/ /'byung po'i tshogs su shes par bya/ /sku mdog dang phyag mtshan bstan pa'o/ /'jig rten mgon po'i spyan snga ru/ /thal sbyar 'khod nas 'di skad smras/ /zhes bya ba ni/ 'byung po'i gnas ston pa'o/ /skya mnar bu ni ka ba na/ /grong khyer bzang na byang phyogs na/ bya rgod phung po'i rgyal po'i khab/ /rgya mtsho mdza' yi bar gyi sar/ /lan gsum bar du 'gro byed grong/ /mkha' lding rgyas pa sbed pa nas/ /rgyal khab dang ni ser skya'i gnas/ /shAkya'i tog na gar bltams par/ /sgra can dang ni tsinda na/ /gnyan yod dang ni gnas dang bcas/ /rgya mtsho'i gnas dang yangs pa can/ /gyad yul dang ni g.yor 'dor dang/ /tsam pa yul dang 'jug go can/ /sgo drug dang ni zangs kyi 'dab ma can/ /brang gi 'gro na 'grog gnas dang/ /'bru mangs na ni mchog tu srung/ /srungs pa can dang gso ba'i mdza' / /snyen dga' grong khyer gnas dang ni/ /chu mchog na ni 'chi med zhag /rnga bzangs dang ni gci can dang/ /ri ldan grong khyer phyogs mtshams dang/ /'od ma'i 'gram dang ka lim ka/ 'gro 'joms dang ni mi thub gnas/ /mdun khab gnas dang phreng ba brtsigs/ /rta dmar na dang ma rdzogs pa/ /snyems pa can dang ma rgyal gnas/ /gnas bcas dang ni zhi ba'i grong khyer dang/ /'jigs byed dang ni dbang 'gro dang/ /rdo grong dang ni shing gi grong khyer na/ /kha dog can dang tshangs par ldan/ /ba lang 'dzin
- 37a
dang rdo 'jog dang/ /'od srungs sel dang ri la gnas/ /ldan grogs dang ni hwo? nu'i dang/ /dga' ba dga' byed grong khyer na/ /rlung gi sa dang 'phyang 'gyur na/ /bcom rlag na dang lam ka dang/ /rab nyams dang ni mdzod 'dzin dang/ /rnam rgyal ldan dang bcom rlags na yang gnas/ /ma la ya dang rtse 'dzin dang/ /po 'dra na dang rab tu gnas /pi ta ma ka le dang ni rlabs ldan dang/ /sna nas thung dang gso ba'i mdza' / /dga' byed dang ni lag pa dang/ /pu mtshan dang ni mdzod 'dzin dang/ /pho brang ngan dang g.yog 'khor dang/ /'gram ldan phung po grong khyer drug /mdza' ma na dang srung ba can/ /ba lang 'jog dang phyogs mtshams na/ /gdugs 'dra na dang grong khyer gsum/ /tshang tshing gcig dang u dum 'bar/ /ku'u sham b+hi zhi ldan na/ /sbrul gyi gdugs dang g.yo 'dzin na/ gyen du 'gro dang thob byed na/ /grong ldan tshol ba lang chen mdzod/ /lha yi g.yul dang g.yul 'phyed? ldan/ /dgra ngan zhing dang rgyal gnyis na/ /de nyid dang ni rab can dang/ /don grub grub dang don gnas dang/ /'gro 'joms dang ni sbom po nyid// seng ge'i stobs dang sde po che/ /de bzhin gzhan gyi grong dang ni/ /tsam pa dang ni ri mangs dang/ /ba lang 'byor dang grong khyer dang/ /gnas dang khwa la ko sham b+hi/ /bzang po can dang dam pa can/ /'ching bu dang ni ma la ya/ /tshangs tshing gnas dang ma rgyal gnas/ /chu mchog dang ni sem d+ha ba/ /'gro ldan dag dang ser skya'i gnas/ /gzhan snyas dang ni sgo gnas dang/ /dbu ma'i sde dang bzang mdzes dang/ /grong khyer snying dang mya ngan sa/ /khyus 'gro dang ni nga rgyal brag/ 'jig byed dang ni kha che'i yul/ /ral ba can dang grong dang ni/ /kha che'i yul gyi sa mtshams na/ /sa la gnas dang spu yi mtshan/ /dkyil 'khor bstan dang ka bu sha/ dga' ba'i tshad dang ni nam bsrung/ /ngan pa dang ni tho gar yul/ /grong bcas pa dang rgya mtsho gnas/ /grong khyer
- 37b
gsum ni spu yi gnas/ /gra mi ngar dang sid ga la/ ne btso bzhin dang 'og na gnas/ /punb+ha gar dang grong khyer che/ /'jigs pa bzhin dang chu dang ldan/ /rtogs po'i yul dang ka ta ka/ /'phral ring 'phral dang u rgyan yul/ /thong shong ngan dang mya ngan na/ /yo ga na dang dga' dang ldan/ /phung po'i dbang dang chung ma can/ /rgyal po'i khab dang yangs pa ni gnas te/ /dug sbrul dang ga lcang lo'i grong/ /dga' ba'i grong dang lha las babs pa dang/ /de dag ni 'byung po'i gnas bstan pa'o/ /sbrul gyi gang gis 'byung po'i dkyil 'khor kun/ /zhes bya ba ni/ stong gsum gyi stong chen po'i 'jig rten gyi khams su 'gyu ba'i 'byung bo rnams/ /nga'i bka' las ma 'das na/ /pho brang lcang lo can du skye ba thob pa'o/ /'di bshad pa 'di mi nyan pa/ /de dag 'chad bar bshad bya ba/ /zhes bya ba ni/ yang dag par rdzogs pa'i sangs rgyas kyi bka' / /rig sngags kyi bden pa'i dmod mos rlag bar byed pa'o/ /tshangs pas sprul pa'i mdo sde ste/ /sangs rgyas zhabs la phyag 'tshal lo/ /zhes bya ba ni/ tshad med pa bzhi'i sgo nas gnas pa/ /byang chub kyi sems dang ldan pa/ /sangs rgyas shAkya thub pa la phyag 'tshal ba'o/ /phan tshun du ni bltas byas na/ baiDUrya dang gser dngul dang/ /zhes bya ba ni/ /'byung po rnams kyi gzhal yas khang/ /lta na sdug cing rin po che sna tshogs kyis brgyan pa'o/ /mu tig rnams dang shel dag dang/ /spug dang rdo yi snying po dang/ zhes bya ba ni/ mu tig dmar po dkar po 'dra ba byas pa/ sa gzhi dang rtsig pa shel las byas pa/ spug dang rdo'i snying pos ka? rten dang ka ba byas pa'o/ /rin chen bdun gyis brgyan pa yi/ /rtsibs stong kha dog gser 'dra ba'i/ /zhes bya ba ni/ sgo bzhi ka ba brgyad/ twa ra rnam bzhi ni gzhi gser las byas pa/ rin po che sna bdun gyis 'phra byas pa'o/ /shing rta rnam pa bzhis byas pa/ bzo rnams kun dang ldan pa ste/ zhes bya ba ni/ shar phyogs seng
- 38a
ge'i shing rta dang/ /rta ra rnams bzhis mdzes pa'o/ /de bzhin du go rims bzhin du sbyar bar bya'o/ /glang po che dang/ rta dang/ ri dags shardu la'o/ /rdzu 'phrul gyi ni mkha' la 'gro/ rgyal po dag ni der bzhugs nas/ /zhes bya ba ni/ yang na shing rta de dang ldan zhing/ nam mkha' la rgyu'o/ /'byung po'i dkyil 'khor nyid du dong/ /sa ni gser gyi phye ma la/ /zhes bya ba ni/ sems kyis sprul pa'i gzhal yas khang dang 'dra ba na/ lta na sdug pa sna tshogs kyi gzugs su snang pa'o/ /me tog dag gis bkang byas nas/ /mgul bar ltung dang skur pa dang/ /zhes bya ba ni/ sa gzhi yang me tog gis bkang ba/ pho brang yang me tog gis snang ba ste/ 'byung po dang 'byung mo rnams/ me tog gi mgo la brgyan pa ste/ 'dod pa'i yon tan lnga spyod pa'o// zhags pa dag kyang gdags byas la/ /phyogs kyi sa ni ji snyed pa'i/ /zhes bya ba ni/ 'byung po de rnams kyang/ tshangs pa'i thag pas bcings te/ /sa dang bar snang la rgyu ba rnams la'o/ /'byung bo thams cad khrid shog ces/ /gnod sbyin gyi ni ded dbon kun/ /ces bya ba ni/ gnod pa byed pa'i 'byung po rnams/ /kun kyang zhags pas drang ba'o/ /phyogs bcu dag tu dgye bar bya/ /zhes bya ba ni/ phyogs bcu na gnas pa'i stong gsum gyi stong 'jig rten gyi khams kyi 'byung po rnams dgye ba'o/ /stong chen rab tu 'joms pa yi/ /mdo sde yi ni dam pa 'di/ /zhes bya ba ni/ /seng ge'i sgra lta bus dam pa rnams kyi dam pa'o/ /tshangs pa'i 'jig rten rab tu 'byung/ /lha rnams kun gyis rnam par bsam/ /zhes bya ba ni/ chos sku'i rang bzhin nam mkha' i rang bzhin thams cad khyab pa/ /sems can rnams kyi yum lta bu'o/ /stong chen mo'i lus kyis so/ /gnod sbyin dang ni srin po btul zhes bya ba ni/ rig sngags kyi lus ngag yid gsum gyis kyang/ /ma rungs pa thams cad 'dul ba'o/ /lus
- 38b
ngan po yi tshig thos nas/ gnod sbyin gyi ni ded dpon stong/ zhes bya ba ni/ rgyal po chen po sku bai ra'i tshig thos nas/ /gnod sbyin ded dpon stong phrag gnas pa'o/ /phyogs bzhi dag tu song nas su/ /gsang ba po la drag tu bsgo/ zhes bya ba ni/ gnod sbyin de rnams kyang/ /bka' stsal pa'i tshig snang ba'o/ /thub pa 'byung po nyi shu brgyad/ /dri za las byung gdon gyi tshogs/ /zhes bya ba ni/ thub pa ni sangs rgyas la zhus pa'o/ /dri za'i ded dpon gyi gdon phyogs der 'khod pa dag go/ shar phyogs cha na 'khod pa dag/ mdo sde'i zhags pas de dag kun/ /ces bya ba ni/ shar phyogs na gnod par byed pa/ rig sngags kyi dmod mos zhags pas bcings pa'o/ /bcing ba lnga yis bsdams pa yis/ /'byung po mang po nga la nyon/ /zhes bya ba ni/ ye shes lnga'i zhags pas bsdams pa ste/ /dri za'i gdon stong phrag brgyad cu rnams/ /rgyal po chen po yul 'khor srung gis bka' stsal pa'o/ /thub pa 'byung po nyi shu brgyad/ /grul bum las 'byung gdon gyi rnams/ /zhes bya ba ni/ thub pa ni yang dag par rdzogs pa'i sangs rgyas kyi spyan sngar zhus pa'o/ /grul bum gyi ded dpon la sogs pa/ rig sngags dmod pa'i zhags pas 'dren pa'o/ /lho phyogs cha 'dir 'khod pa dag/ mdo sde zhags pas de dag kun/ /ces bya ba ni/ lho phyogs nas glags tshol zhing sems can la gnod pa byed pa rnams/ /rig sngags kyi zhags pas bcings pa'o/ /bcings pa lnga yi bsdam pa yis/ /'byung po mang po nga la nyon/ /zhes bya ba ni/ ye shes lnga'i rang bzhin gti mug la sogs pa de de'i bsdams pa bcings pa ste/ ma rungs pa'i gdon la sogs pa/ rgyal po chen po 'phags skyes pos 'dul ba'o/ /thub pa 'byung po nyi shu brgyad/ /klu las gdon du gyur pa rnams/ /zhes bya ba ni thub pas ni sangs rgyas la zhus pa/ klu'i ded dpon
- 39a
du gyur pa/ nub des nas 'khod pa'o/ /nub phyogs cha 'dir 'khod pa dag/ mdo sde'i zhags pas de dag kun/ /ces bya ba ni/ ma rungs pa'i klu dang sa bdag la sogs pa/ rig sngags kyi dmod mo'i zhags pas bcings pa'o/ /bcings pa lnga yis bsdams pa yi/ /'byung po mang po nga la nyon/ /zhes bya ba ni/ nub ngos nas glags tshol zhing/ sems can rnams la gnod pa byed pa ste/ /'dod pa'i yon tan lnga yis bcings pa bsdams nas/ /rgyal po chen po spyan mi bzang gis klu'i gdon la sogs pa la chad pa bcod pa'o/ /thub pa 'byung po nyi shu brgyad/ /gnod sbyin las ni gdon gyur pa/ /zhes bya ba ni/ thub pa ni sangs rgyas la zhus pas ste/ /gnod sbyin gyi ded dpon rnams byang ngos na gnas pa'o/ /byang phyogs cha 'dir 'khod pa dag/ mdo sde'i zhags pas de dag kun/ /ces bya ba ni/ byang ngos nas glags tshol zhing sems can la gnod par byed de/ /de rnams kyang rig sngags kyi dmod mo'i zhags pas bcings pa'o/ /bcing ba lnga yis bsdams pa yi/ /'byung po mang po nga la nyon/ / zhes bya ba ni/ gnod sbyin gyi gdon la sogs pa/ /ye shes lnga'i bcing bas bsdams te/ rgyal po chen po rnam thos bus chang pas gcod pa'o/ /lus ngan gyi ni bu thu po/ /kun tu rgyal pa mi la zhon/ /zhes bya ba ni/ gnod sbyin gyi ded dpon sde po che rnams yin te/ 'dir yang gnod pa byed pa rnams so/ /de'i drung na 'khod pa'o/ /gnod sbyin bye ba drug cu dag /ces bya ba ni rnam thos kyi bu che shos la 'khod pa'o/ /bcing pa rnam pa lngas bsdams nas/ /mdo sde'i zhags pas rab tu drangs/ /zhes bya ba ni/ 'dod pa'i yon tan lnga'i bcings pas bsdams pas/ /rig sngags kyi dmod mo'i zhags pas bsdams pa'o/ /de nyid kyi ni bu gnyis pa/ /skyed pa po zhes rnam grags pa/ /zhes bya ba ni/ rnam thos kyi bu che shos
- 39b
kyi 'og mo'o/ /de'i drung na 'khod pa yi/ /gnod sbyin bye ba drug cu rnams/ /zhes bya ba ni/ pu de'i 'khor ded dpon sde po che rnams so/ /bcings pa rnam pa lngas bsdams nas/ /mdo sde'i zhags pas kun tu drangs/ /zhes bya ba ni/ ye shes lnga'i rang bzhin gyis sdams shing/ rig sngags kyi dmod mo'i zhags pas bcings pa'o/ /de nyid kyi ni bu gsum pa/ /de yi ming ni gdon po che/ /zhes bya ba ni/ rnam thos kyi bu mdza' ltag go /de yi drung na 'khod pa yi/ /gnod sbyin bye ba drug cu rnams/ /zhes bya ba ni/ gnod sbyin gyi ded dpon sde po che/ rnams so/ /bcings pa rnam pa lngas bsdams nas/ /mdo sde'i zhags pas kun tu drangs/ /zhes bya ba ni/ 'dod pa'i yon tan lngas bsdams pa/ /rig sngags kyi dmod mos bcings pa'o/ /de nyid kyi ni bu bzhi pa/ /de yi ming ni bum bu'i lto/ /zhes bya ba ni/ rnam thos sras kyi bu tha ma'o de yi drung na 'khod pa yi/ /gnod sbyin bye ba drug cu rnams/ /zhes bya ba ni/ bu de'i 'khor ded dpon sde po che snams so/ /bcing ba rnam pa lngas bsdams nas/ /mdo sde'i zhags pas kun tu drangs/ zhes bya ba ni/ de rnams kyang ye shes lngas bsdams shing/ rig sngags kyi zhags pas bsdams pa'o/ /dbang phyug chen po lha chen po/ /lag bzhi pa la stobs po che/ /zhes bya ba ni/ g.yas gnyis na tri shul dang/ bum pa spyi blugs 'dzin pa/ g.yon gnyis na phreng pa dang mchod sbyin mdzad pa/ /stobs dang gzi brjid dang ldan pa khams gsum la dbang byed pa'o/ /de yi drung na 'khod pa yi/ /gnod sbyin bye ba drug cu rnams/ /zhes bya ba ni/ dbang phyug chen po'i 'khor rnams/ /zhes bya ba ni/ ded dpon du gnas shing/ sde che ba'o/ /bcings pa rnam pa lngas bsdams nas/ /mdo sde'i zhags pas kun tu drangs/ /zhes bya ba ni 'dod pa'i yon tan lnga bsdams shing/ /rig sngags kyi dmod mo'i zhags pas bsdams pa'o/ /'byung po 'joms pa'i ri la ni/ /'byung po
- 40a
thams cad lha gnas su/ /zhes bya ba ni/ ris mi gcig pa'i gdon thams cad gnas pa'o/ /'joms pa ni rig sngags kyis 'joms pa'o/ /rig sngags thams cad 'byung ba'i gnas/ /rig sngags 'di ni kun tu bsam/ /zhes bya ba ni/ nam mkha' bzhin thams cad la khyab pa/ /sems can dang byang chub sems dpa' la sogs pa bskyed pa'i yul lta bu'o/ /chad pa mi bzang drag po ste/ /gang phyir sangs rgyas rnams kyis gsungs zhes bya ba ni/ 'das pa ma 'ongs pa da ltar gyi sangs rgyas rnams kyi gsungs pa/ /gzhan rnams kyis mi thub pa/ dmod mo'i chad pa'o/ /sangs rgyas la ni gus par ni/ thams cad 'di la skyabs su 'dod/ /zhes bya ba ni/ yang dag par rdzogs pa'i sangs rgyas shAkya thub pa la skyabs su 'dod zhing zhes bya ba ni/ dam pa'i chos rig sngags la gus pa'o/ /g.yo med par ni rjes zhugs shing/ /thams cad med par gyur ta re/ zhes bya ba ni/ rdzun mi smra bar sems can mi slu bas te/ stong pa'i rang bzhin du snang ba'o/ /de nas thod cig tsam gyi ni/ 'byung po mang po thams cad lhags/ /zhes bya ba ni/ gzugs sna tshogs su snang ba'i 'byung po rnams kyang/ rig sngags kyi ye shes zhags pas drangs nas/ phyogs bzhir snang ba'o/ /ri rnams dang ni g.yang sa dang/ /rgya mtsho dang ni mtsho rnams dang/ /zhes bya ba ni/ 'byung po'i gnas ni de rnams dang ldan pa'o /rlung dang 'bab chu lu ma dang/ rba klong dag dang gang 'khod dang/ /zhes bya ba ni/ de dang ldan pa'i gnas su bsdad cing/ /sems can rnams la gnod pa byed pa'o/ /skyes mes tshal dang gzhal med khang/ /kun dga' dang ni nags rnams dang/ zhes bya ba ni/ 'byung po rnams dang gnas gcig tu mi gnas te/ gzug sna tshogs su snang ba'o/ /mchod rten gnas dang grang gis gnas/ /shing ljon drung na gang gnas dang/ /zhes bya ba ni/ gnas de dang de la gnas shing/ /'jig rten
- 40b
khams su rgyu ba'o/ /grong khyer sgo dang grong rnams dang/ grong rdal dang ni ljongs rnams dang zhes bya ba ni/ 'byung po chen gcig ni grong dang grong khyer rnams su rgyu zhing/ sems can rnams la glags tshol ba'o/ /rgyal po'i pho brang sgo rnams dang/ gzhal med khang dang gnas pa dang/ zhes bya ba ni/ tshan gcig yang rgyal po la gnod pa byed pa rnams/ /gnas der bsdad cing glags tshol ba'o/ /dkyil 'khor dag dang dur khrod dang/ de bzhin lha khang rnams dang ni/ zhes bya ba ni/ tshan gcig ni lha khang snying pa la chags shing dge ba la bar chod byed pa'o/ /mtshams dang sho gam gnas rnams dang/ /khang stong dang ni gram sa dang/ /zhes bya ba ni/ de dang der ldan pa'i gnas su bsdad cing/ /gzugs mi gcig par snang ba'o/ /gnod sbyin gang rnams bla 'og dang/ /phyogs bzhi dang ni mtshams rnams nas/ zhes bya ba ni/ gnod sbyin de dang ldan pa ni/ phyogs mtshams brgyad du gnas pa'o/ /gnod sbyin bye ba stong rnams ni/ /rig sngags zhags pas bkug pa rnams/ /zhes bya ba ni/ stong phrag de dang de yod pa/ ma rungs pa'i 'byung po rnams/ /rig sngags kyi dmod mo'i zhags pas 'dren pa'o/ /rdza rnga dag ni brdungs nas su/ /la las rnga zlum dag ni brdungs/ zhes bya ba ni/ sgra la dga' ba'i gnod sbyin rnams bsam gyi mi khyab par snang ba'o/ /pi wang gling bu khar ba'i rnga// stobs chen dag ni sgra 'byin te/ /zhes bya ba ni/ tshan cig yang rol mo la dga' zhing/ /sems can rnams la gnod par byed pa'o/ /rol mo'i sgra dbyangs sna tshogs dang/ glu dang gar rnams byas nas su/ /zhes bya ba ni/ sems can rnams slu ba'o/ /dbang po zla ba chu lha dang/ ba ra d+har? dza skye dgu'i bdag ces pa ni/ gnod sbyin gyi ded dpon sum cu rtsa gnyis su gnas shing/ /sangs rgyas kyi bstan pa srung bdag go/ ma ldan pa dang kun tu ldan/ /mngon shes gangs can rdzogs pa dang/ /zhes bya ba ni/ de rnams yang
- 41a
de'i ster bcas shing/ phyogs bcu'i 'jig rten gyi khams su rgyu ba'o/ /tsan dan dang ni 'dod mchog dang/ /ma gul ba mdzes dang mgul mdzes dang/ /zhes bya ba ni/ de rnams kyis kyang sems can gyi don byas shing/ rig sngags la gus pa'o// skye dgu'i bla mar 'gyur ba dang/ lha las byung ba'i ma ldan dang/ zhes bya ba ni/ gnod sbyin gyi tshan de dang der ldan zhing/ /nam mkha' dang sa steng 'og tu rgyu ba'o/ /dri za sna tshogs de dang ni/ /mi rgyal rgyal ba khyu mchog dang/ /zhes bya ba ni/ sde bo cher grags shing stobs dang ldan pa'o/ /de bzhin phung po lnga zhes bya/ /g.yer ma dang ni nyi zer dang/ /zhes bya ba ni/ nyi ma'i 'od dang ldan pa/ /yud tsam gyis stong gsum khyab pa'o/ /nya lcibs dang ral gri bu/ /kun gnyis bshes dang grags 'dzin dang// //zhes bya ba ni/ 'byung po sde tshan de dang ldan pa/ /ral gri bzhin du rno ba'o/ /'brog gnas dang ni yid bzangs dang/ /khab sna dang ni ri sul dang/ /zhes bya ba ni/ sde bo che nyi shu rtsa gnyis dang ldan pa/ de rnams yang gzugs sna tshogs dang ldan pa'o// rnga 'dzin dang ni khab bzangs dag /sde dang dpung dang bzhon pas byas/ /zhes bya ba ni/ stobs dang ldan pa sde bo cher grags pa'o/ /lha dang klu dang dri za dang/ /gnod sbyin 'byung po lha ma yin/ /zhes bya ba ni/ gdon rigs mi cig pa lha'i gdon la sogs pa stong phrag brgyad cu'o/ /nyin gsum pa'i smyo byed dang/ de bzhin bzhi pa'i rims dag dang/ zhes bya ba ni/ nad sna tshogs gtong zhing smyo bar byed pa rnams yin te/ /de rnams yang gzhan gyis mi thub pa stobs dang ldan pa'o// 'jig rten 'tsho ba gang yin pa/ /gnod sbyin 'byung po ma rungs rnams/ /zhes bya ba ni/ stong gsum gyi stong chen po 'jig rten gyi khams skad cig yud tsam thang cig gis rgyu ba/ sems can rnams la 'tshe bar byed pa'o/ /phyogs bzhi
- 41b
nas ni bkug nas su/ /bcing pa lnga yis bsdams pa rnams/ /zhes bya ba ni/ ma rungs pa'i 'byung po rnams la/ /ye shes lnga'i zhags pas bcings pa'o/ /'jig rten mgon pa'i spyan mnga' ru/ /thal mo sbyar nas 'di skad smras/ /zhes bya ba ni/ 'byung po de rnams kyis kyang yang dag par rdzogs sa'i sangs rgyas kyis spyan sngar/ /gus par byas nas zhus pa'o/ /phyag 'tshal skyes bu dpa' khyod la/ phyag 'tshal skyes bu mchog khyod la/ /zhes bya ba ni/ bdud bzhi 'joms pa la/ /dpa' ba/ skyes bu mtshan sum cu rtsa gnyis dang ldan pa/ dpe byad bzang pos sku la brgyan pa/ sems can rnams la mnyam pa nyid du lta ba/ snying rje dang byams pas khyab pa/ thal mo sbyar nas phyag 'tshal lo/ /chos rgyal khyod la phyag 'tshal lo/ /zhes bya ba ni/ 'byung po de rnams kyi zhabs la gus par phyag 'tshal te/ stong gsum gyi stong chen po'i 'jig rten gyi khams la/ chos kyi rgyal srid mdzad pa'o/ /de dag gi mdun du rgyug pa/ 'byung po gnod sbyin lus po che/ zhes bya ba ni/ che ba ri rab dang mnyam pa/ chung ba bas sdu'i rtse mo tsam/ /de dang der ldan pa'i 'byung po rnams rgyu ba'o/ /lag pa bzhi pa ma rungs pa/ /rkang mngas dang ni rkang gcig dang/ /zhes bya ba ni/ mnga' dang gzhu dang ral gri mdud rnams thogs pa/ stong tsho gcig gi rkang pa yod pa/ rkang gcig ni gnyis sprel nas rgyu ba'o/ /rkang bzhi pa dang rkang gnyis dang rkang pa bsgreng la spyi gtsug dang/ /zhes bya ba ni/ ma rungs pa'i 'byung po yang spyi bo'i gtsug gis 'gro zhing/ sems can rnams 'jigs par byed pa'o/ /de bzhin du rkang pa ni rkang gnyis kyang 'jigs par byed pa'o/ /lus mngas mgo bo gcig pa dang/ lus gcig pa la mgo bzhi dang/ /zhes bya ba ni/ gzugs che zhing 'jigs su rung ba bzhin mi sdug pa rnams so/ /mig mngas po la lus phyed dang/ /mig gcig lto ni
- 42a
bcu gnyis dang/ /zhes bya ba ni/ rkang gcig lag gcig lus su snang zhing/ lus de la mig mang po yod pa ste/ 'byung po gzhan yang lto ba ri bo lta bur gnas pa/ mang po bsdebs pa mig gcig tu snang ba'o/ /bod bu rnga mo glang chen mgo/ lag pa bsgreng la mgo sdud dang/ /zhes bya ba ni/ gzugs mi'i gzugs la mgo bo sna tshogs su snang ba/ /rkang pa dang lag pa bsgreng bar byed pa'o/ /mtshon cha'i so dang mtshon cha'i lag /mtshon cha'i rkang pa srin po rnams/ /zhes bya ba ni/ de kun gyi yan lag dang ral gri dang/ mnga' gzhu dang mdud la sogs par snang ba'o/ /zangs kyi skra dang zangs kyis so/ /zangs kyi mig dang zangs kyi lag ces bya ba ni/ shin tu dmar ba 'jigs su rung ba ste/ mtshon cha bzhin du snang ba'o/ /zangs kyi thob brkang pa dang/ zangs kyi sna dang zangs kyi kha/ /zhes bya ba ni/ mtshon cha mi 'jigs pa 'dzin pa/ rkang pa yang tho ba'i tshul tu gnas pa'o/ /de bzhin du kha la sogs pa yang/ /zangs kyi skra bzhin du snang ba'o/ /rkang lag kun tu 'bar ba dang/ mi yi lus su gnas pa rnams/ /zhes bya ba ni/ me bzhin du 'bar te/ des kyang mi la zhe sdang la sogs pa 'bar bar byed pa'o/ /sgur zhar lba ba gsum yod pa/ mig mi sdug pa kha glel ba zhes bya ba ni/ bong thung zhing lus po sgur te/ de'i ske la lba ba gsum yod pa/ /lus po zha zhing kha gdang pa/ mchu sngon por snang ba 'jigs pa'o/ /chu srin stag gi gzugs dang ni/ /gzugs mi sdug dang kha ral po zhes bya ba ni/ mi'i lus la mgo brnyan du yod pa/ kha gdangs shing mi sdug pa'o/ /mchu 'phyang po dang so yon po/ /rab tu sdug pa'i khro nyer can/ /gdong pa ya ba/ de bzhin du mchu dang so yo ba'o/ /khro bar gnas shing sems can la 'jigs par byed pa'o/ /gsus po che dang bum sna bo/ /rna 'phyangs po dang
- 42b
rna ba med ces bya ba ni/ gsus pa ri tsam snang/ rna ba gos su gon pa/ rna ba bcas pa'i 'byung po rnams so/ /lag rings dang ni rna ba ring/ /sna yi rtse dang lag rtse ring zhes bya ba ni/ /lag pa brkyang pas dpag tshad brgyar slebs te/ snas lus khebs te glang po che'i sna dang 'dra ba/ /de bzhin du sor mo yang ring pa'o/ /lus bskams lus ni ring ba dang/ /skra rings rab tu brgyan pa dang/ zhes bya ba ni/ shin tu nag pa/ shing lpags gyon pa 'dra/ ring ba ni ring ba bas kyang ches ring ba lus rnams kyang skra ring ba brgyan pa'o/ /rkang pa ming pa phra ba dang/ dri nga ba dang bum lto'o/ /zhes bya ba ni/ yan lag gi tshigs rdog por yod pa/ rkang pa phra bas te/ dri mi zhim pa rnam pa/ gsus pa ri bo tsam yod pa'o/ /yan lag tu srin 'dra ba dang/ gtun shing tho ba 'dra ba'i lto zhes bya ba ni/ lag pa dang rkang pa yang chu srin 'dra ste/ gzugs ring pa/ rked pa nyag pa/ nar por snang pa'o/ /gnam lto ba dang rna bo che/ /gyen du brdzes skra rab tu dmar zhes bya ba ni/ sna yar 'khyil pa glang po che'i sna 'dra ba/ /khab kyi rtse mo dang 'dra ba'i skra dmar bzhing 'bar ba'o/ /mgo bo che la gzhu mgrin po/ /rked pa sgur po bum lto bo zhes bya ba ni/ 'byung po la la ni gzhu bzhin du rked pa sgur bas te/ de bzhin du yan lag dang lus po rnams kyang sgur pa'o/ /ri rab rtse mo brgul nas su/ /me 'dag gi ni char ba 'bebs zhes bya ba ni/ gzi brjid dang/ /stobs dang ldan zhing/ ri rab dang sa g.yo bar byed pa ma rungs pa'i char 'bebs pa'o/ /ljon shing ri dang stong pa dang/ /sprin gyi tshogs kyi mdog 'dra ba zhes bya ba ni// la la gzugs bzang bar gnas pa/ gzhan rnams yang bzhin mi sdug pa'o/ /dung dang rnga chen rdza rnga dang/ /grul bum rnga bran rnams kyi sgra/ /zhes bya ba ni/ skra dang rol mo la dga' ba gar sna tshogs dang ldan pa'o/ /'jigs pa'i sgra ni rab tu
- 43a
'byin/ /ming po che la bung bu'i sgra zhes bya ba ni ri rab kyi rtse mo nas gling bzhir thos pa'i sgra/ sgra des sems can 'jigs pa'o/ /nag po sngon po ser po dang/ /dmar ser me ltar dmar ser dang zhes bya ba ni/ bzhin mi sdug pa gzugs sna tshogs su snang ba/ bskal pa'i me'i 'od dang 'dra ba'i 'od zer snang ba'o/ /khab 'dra'i spu dang ral gri skra/ /dmar po'i khrag gis bskus pa rnams zhes bya ba ni/ shin tu rno ba lus dang mgo rnams la khyab pa/ kha yang khrag gis bskus pa'o/ /mi ro dag ni khyer nas su/ /za bzhin tu ni rnam par rgyug ces bya ba ni/ mi rnams la 'tshe bar byed cing srog 'phrog pa rnams yin te/ glags tshol zhing 'phrang kha sgrugs pa rnams yin no/ /so rnon lag pa dmar po dang/ mchu ni khrag gis bskus pa dang zhes bya ba ni// mche ba ring ba/ mtshon 'dra ba ste/ sems can rnams kyis lag pa dmar por snang ba/ khrag 'thung ba la dga' ba'o/ /lus phyed dag ni zos pa dang/ /mkhal ma snying dang nang grol gyis zhes bya ba ni/ sems can rnams la 'tshe bar byed pas/ sha dang khrag la dga' ba dang/ don snying lnga la dga' ba'o/ /snying pa shin tu bkang ba dang/ /byin pa dag ni za bzhin du/ /zhes bya ba ni/ mi rnams kyis ni srog phrogs nas don snying rnams pa lnga phyung nas za bar byed pa'o/ /mer mer po dang srog chags kyi rkang lag rnams kyi stobs kyang 'phrog ces bya ba ni/ byang chub sems chags su mi ster bar za ba/ ma'i mngal nas gzi brjid 'phrog pa'o/ /keng rus kyi ni lus kyis su skye bo mang po skrag par byed ces bya ba ni/ lpags pa dang sha med pa dang rus par? snang te/ de lta bu'i gzugs kyis kyang 'tshe bar byed pa'o/ /khrag gis rab tu bkang ba yi/ mi'i pags pa thogs nas su/ /zhes bya ba ni/ sems can rnams kyi khrag 'jib cing/ /mi'i pags pa gon pa'o/ /mi zad dug gis kun bkus te/ phyogs
- 43b
phyogs dag tu rnam par rgyugs ces bya ba ni/ bsam pa dang/ mthong ba dang regs pa dang/ mtshe ba'i dug rnams bskus pa/ stong gsum gyi stong gi 'jig rten gyi khams rgyug pa'o/ /grong khyer rnams kyi sgo rnams dang/ /khyim nas khyim du rnam par mthong zhes bya ba ni/ sems can rnams la glags 'tshol ba/ grong dang grong khyer grong rngal tu rgyu ba'o/ /rlung dang bad kan mkhris pa rnams/ phyogs bzhi dag tu 'khrug par byed/ /ces bya ba ni/ 'byung po rnams kyi mdze dang phol mig la sogs pa nad bzhi brgya rtsa bzhi gtong ba'i bdag po'o/ /de ltar de la rgyal po yi/ /gdon dang 'jigs pa chen po gnas zhes bya ba ni/ rgyal po chen po bzhis kyang 'byung po'i gdon de rnams 'dul ba'o/ /lhags pa de dag thams cad kyang/ /rig sngags zhags pas rab tu bdams zhes bya ba ni/ stong chen mo'i rig sngags kyis/ 'byung po rnams rang dbang med par bkug pa'o/ /phyag 'tshal skyes bu dpa' khyod la/ phyag 'tshal skyes bu mchog khyod la/ zhes bya ba ni/ ma rigs pa la sogs pa nyon mongs pa 'dul ba la dpa' ba' o/ /skyes bu chen po'i mtshan sum bcu rtsa gnyis dang/ dpe byad bzang pos sku la brgyan pa/ 'jig rten khams kyi sems can thams cad la mnyam pa nyid du byed pa'o/ /thal mo sbyar nas phyag 'tshal lo/ /chos rgyal khyod la phyag 'tshal lo/ /zhes bya ba ni/ 'byung po rnams kyis kyang gsungs par phyag 'tshal te/ /stong gsum gyi chos kyi rgyal srid mdzad pa'o/ /grong khyer grong dang yul 'khor dang/ /pho brang 'khor du rgyu ba dang/ zhes bya ba ni/ 'byung po rgyu ba'i dus tshod ni/ snga dro shar gyi phyogs na rgyu/ /nyi ma phyed na lho na rgyu/ /nyi ma smyur nas nub kyi phyogs su rgyu/ /nyi ma smyur nas ma nub par du byang gi phyogs nas rgyu/ nyi ma nub nas sa sros bar du shar lho mtshams su rgyu/ srong 'khor nam byed bar du srin po'i phyogs
- 44a
nas rgyu/ nam phyed skya rengs tshun chad nub byang phyogs nas rgyu/ skya rengs shar nas nam langs tshun chad byang shar mtshams nas rgyu/ de dag dus rgyu ba ni mchod phyir ltags kyang 'tshe ba med/ tshes grangs dag la rgyu ba rnams/ /de dag mi la 'tshe bar byed/ tshes gcig dang ni bcu gcig la/ shar gyi phyogs nas chu tshod bzhi'i bar du rgyu/ tshe gnyis dang bcu gsum la lho'i phyogs nas chu tshod brgyad rgyu/ tshes gsum dang bcu gnyis la chu tshod bcu'i bar du rgyu/ srod 'khor tsam/ tshes bzhi dang bcu bzhi la nam phyed nas chu tshod drug byang gi phyogs nas rgyu/ tshes lnga dang bcu drug la ni nyi ma dros nas shar lho mtshams nas chu tshod bdun rgyu ba'o/ /tshes drug dang dgu la chu tshod sum cu tham pa lho nub mtshams nas snga dro nas rgyu'o/ /tshes bdun dang bcu tham pa'i dus su nub byang mtshams nas snga dro nas chu tshod bco lnga la rgyu'o/ /tshes brgyad dang gnam stong la byang shar nas snga dro nas chu tshod bcu gnyis bar du rgyu'o/ /de dag ni 'byung po rgyu ba'i dus bstan pa'o/ /gnod sbyin ma rungs mdangs 'phrog pa/ snying rje med cing khrag 'thung ba zhes bya ba ni/ sems can rnams 'tshe bar byed cing srog 'phrog pa ste/ 'byung po de rnams sha dang khrag la dga' ba'o/ /lus chen 'jigs pa chen po ste/ stobs po che la sgra yang che zhes bya ba ni/ lus ni ri rab dang mnyam pa/ stobs kyis ni ri rab sgul ba/ skad yang drag po'i tshul du snang ba'o/ /mgrin bcu po la mig stong por/ gdon chen mig ni dmar po rnams zhes bya ba ni/ mgo re re la mig brgya brgya yod pa ste/ mig de yang dmar por snang zhing 'jigs su rung ba'o/ /'khor ni mang po rnams btang ste/ lag na mtshon thogs rab tu 'jigs zhes bya ba ni/ gnod sbyin ma rungs pa mang por snang zhing/ ral gri la sogs pa'i mtshon cha mang po thogs pa'o/ /sprul gyi pags pa thogs pa dang/ lag bzhi lag
- 44b
na sgron me thogs zhes bya ba ni/ dug sgrul gyi pags pa gon pa/ mi gsal bar byed pa kha nas me 'bar zhing 'jigs par byed pa'o/ /lag na mtshon thogs dbyig pa thogs/ /rdo rje'i mdud rtse lag na thogs zhes bya ba ni/ 'byung po ma rungs pa rnams kyang/ lag na mtshon sna tshogs thogs shing/ 'jigs su rungs pa'o/ rab tu drag pa'i dmag rgal nas/ /phyogs bcu kun tu skrag par byed ces bya ba ni/ dpung mang po dang ldan zhing phyogs bcu dag tu 'khod pa ste/ /de dag gis kyang sems can rnams la 'jigs pa dang skrag par byed pa'o/ /sdang ba'i gnas na 'khod pa yi/ gsang ba po ni dang kun yang zhes bya ba ni/ sems can rnams la sdang ba/ rgya cher gnod pa skyel ba'o/ /mi yi 'jig rten 'di dag tu/ /skyes ba bud med gzhan yang 'dzin ces bya ba ni/ stong gsum gyi mi rnams la 'byung po de rnams kyis 'tshe bar byas pa'o/ /sha khrag dron mor bcas pa la/ rnam par 'khrul cing 'dod pa'i gzugs zhes bya ba ni/ mi rnams kyis srog gcod cing sha dang khrag la dga' ba'o/ /seng ge dang ni stag dang rta/ /ma he ba glang bong bu rnga zhes bya ba ni/ gzugs mi gcig pa byol song rnams kyi gzugs su sprul pa'o/ /glang po che yi gzugs 'dra dang/ /dom dang gzig dang spyang gi dang/ /zhes bya ba ni/ de dang der ldan pa'i gzugs su snang zhing/ sems can rnams la 'tshe bar byed pa'o/ /khyi dang wa dang ra dag dang/ byi la byi ba spri'u gzugs zhes bya ba ni/ gnod pa skyel ba'i dus su gcan gzan gyi gzugs su sprul pa'o/ /bse dang phag dang bsre mong dang/ nya dang rus sbal dag gi gzugs zhes bya ba ni/ gzugs kyang sna tshogs su snang ba/ rmi lam yang de bzhin du snang ba'o/ /kha cig dag ni sram gyi gzugs/ /khwa dang 'ug pa khu byug dang/ zhes bya ba ni/ de lta bu'i gzugs su snang zhing gnod pa cher skyel ba'o/ /bya rgod khra dang nya ming bcas/ /rma bya dang pa thi ba dang zhes bya ba ni/ de'i gzugs
- 45a
su ston cing/ skad mi gcig pa mang po 'don pa'o/ /khrung khrung dang ni bya rnams dang/ /kha gcig bya gag gzugs rnams su/ /zhes bya ba ni/ 'jigs su rung ba ma rungs pa rnams yin te/ ltas dang rmi lam ngan par byed pa'o/ /gnod sbyin rnams ni mi yis mthong/ /'dab bzang bya yi tshul gyis kyang zhes bya ba ni/ 'jigs su rung ba'i gzugs ston pa/ sems can rnams la skrag par byed pa'o/ /skye bo mang po skrag par byed cing bya ba ni/ skyes pa bud med byis pa rnams la skrag par byed pa'o/ /kha cig ni mi yi mgo can la/ /lus ni bya gag bung po 'dra/ /zhes bya ba ni/ 'jigs su rung ba'i 'byung po rnams kyang/ mi'i mgo can la byol song gi lus so/ /kha cig mtshon gyis rab tu 'tshe/ /lus dang bral ba nyid du snang zhes bya ba ni/ sna tshogs mtshon gyis 'tshe zhing/ khrag khrug la dga' ba'o/ /rnam par 'khrugs shing 'dod la mos/ /rgyu ma'i 'phreng bas rab tu dkris zhes bya ba ni/ 'dod pa'i yon tan lnga la dga' zhing sems 'khrugs par byed pa ste/ yan lag mi'i rgyu ma'i phreng bas brgyan pa'o/ /rtse gsum mdud gis rab 'debs shing/ /srog chags rnams la gnod par byed ces bya ba ni/ /'jigs su rung ba'i 'byung po de dag yang snying rje dang bral ba'o/ /mi zad pa'i dbugs 'byin cing/ /skye dgu 'di dag skrag par byed ces bya ba ni/ ske ba che zhing skad che ba ste/ sgra des sems can rnams krag pa'o/ /srog chags rgyud rnams ji snyed par/ /sna tshogs kyi ni gzugs su snang zhes bya ba ni/ nya la sogs pa'i sems can gyi gzugs su snang zhing/ gzugs mi gcig pa mang po snang ba'o/ /kha cig dag ni ri yang thogs/ /la la ral gri 'khor lo thogs zhes bya ba ni/ stobs dang ldan zhing ri rab thegs par nus pa/ mtshon rnon pos 'tshe bar byed pa'o/ /grangs ni brgya phrag stong rnams te/ dbyug pas bsdigs shing kha dog drag po zhes bya ba ni/ 'byung
- 45b
po rnams sde chen por gnas shing sems can rnams la chad pa chen po gcod pa'o/ /mig chung ba la bzhin mi sdug /srin po'i so ni rno ba dang/ zhes bya ba ni/ bzhin mi sdug pa kha dang so rnams yod pa'o/ /sna dang rna ba gcad pa dang/ lce gcad gdong ni gnyer ma can zhes bya ba ni/ gzugs ngan par snang zhing/ dbang po rnams ma tshang ba'o/ /rkang lag dang ni tubs pa dang/ /mgo bo gcad pa'i srin bu rnams zhes bya ba ni/ mgo bo med par brang nas gdong pa snang bas te/ tshigs rnams la yang gdong pa snang ba'o// skabs ni rab tu tshol bar byed/ sdig pa can rnams gzi brjid 'phrog ces bya ba ni sems can rnams la glags tshol zhing/ sdig pa'i sems dang ldan pa/ sems can gyi dpal 'phrog pa'o/ /mi yi lus rnams dag la ni/ rab tu phra ba'i gdon du snang zhes bya ba ni/ /mi yi lus la zhugs nas mi dga' i sems dang/ lceb pa'i sems dang ldan par byed pa'o/ /spu yi bar dang nad rnams dang/ /de bzhin rma yi kha rnams su zhes bya ba ni/ ba spu'i bar du 'dzin cing/ rma med pa rma yod par byas te/ rma'i nang rul bar byas nas/ phyi sums nas nang na/ tsha chen po dang ldan par byed do/ /lhags pa de dag thams cad kyang/ /rig sngags zhags pas rab tu drangs zhes bya ba ni/ rig sngags kyi dmod mo'i zhags pas ma rungs pa'i 'byung po rnams bcings pa'o/ /phyag 'tshal skyes bu mchog khyod la/ /zhes bya ba ni/ de dang der ldan pa'i 'byung po rnams kyis kyang/ /yang dag par rdzogs pa'i sangs rgyas la gus par phyag 'tshal lo/ /thal mo sbyar nas phyag 'tshal lo/ /chos rgyal khyod la phyag 'tshal lo/ /zhes bya ba ni/ stong gsum gyi stong chen po 'jig rten khams chos srid du mdzad cing/ stong gsum gyi chos kyis rgyal por snang ba'o/ /ri'i rgyal po ri rab dang zhes bya ba ni/ 'dod pa'i khams na 'dod yon lnga la spyod pa bzhin/ 'byung po rnams kyang 'dod pa'i yon tan lngas spyod do//
- 46a
ji ltar spyod ce na/ gzugs mthong bas mdangs 'phrog pa dang/ sgra snyan po thos nas 'dzin pa dang/ dri zhim po tshor nas 'dzin pa dang ro zhim po myangs nas 'dzin pa dang/ lus rig pas 'dzin pa dang/ de dag kyang gang na gnas she na/ ri rab 'khor yug la gnas nas 'dzin pa'o/ /de bzhin 'khor ra 'khor yug dang/ bya rgod phung po gshol 'da' 'dzin ces bya ba ni/ dbus kyi ri bo mchog rab nas/ phyi'i 'khor ra 'khor yug la thug pa'i ri bo chen po la gnas pa'i 'byung po rnams so/ /de bzhin du bya rgod phung po dang/ ri bdun la sogs pa'o/ /spos dang ldan dang gangs kyi ri/ /sna tshogs sde dang paN+Da ba zhes bya ba ni/ de yang 'dzam+bu'i gling na gnas pa'i ri rnams so/ /na la da yi ri gnyis dang/ dpal gyi ri yi rtse mo ni zhes bya ba ni/ 'dzam bu'i gling gi lho phyogs na gnas pa'o/ /gang dag shin tu mthong 'phags dang/ /ri bo de dag kun la yang zhes bya ba ni/ lha dang lha ma yin rnams tshogs shing/ 'byung po'i tshogs rnams 'dul ba'o/ /lha dang drang srong gang gnas pa/ /de dag thams cad mi dga' zhing zhes bya ba ni/ stong chen po rab tu 'joms ma'i gzi brjid kyis/ ri rab de rnams na gnas pa'i 'byung po rnams yid mi dga' ba'o/ /'jigs pa'i yid kyis mya ngan byed/ /bye ba stong gi lha dag dang/ bye ba phrag brgya'i lha dag dang zhes bya ba ni/ rig sngags kyi gzi brjid kyis/ 'dar zhing gyi hud ces sgra 'byin pa'o/ /lha yi bu mo skal chen dang/ thal mo rab tu sbyar bar byed ces bya ba ni/ rig sngags kyi dmod mos 'jigs pas gus par sangs rgyas la phyag 'tshal lo// thad bzangs ris dang sgra gcan dang/ /tshim par byed pa 'ang der phyin to zhes bya ba ni/ lha ma yin gyi dbang po la sogs pa yang/ rig sngags kyi dmod mos bkug ste/ gus par sangs rgyas la 'dud pa'o/ /lha min bye ba phrag stong dang/ lha min
- 46b
bye ba phrag brgya dang zhes bya ba ni/ de yang lha ma yin gyi grangs/ 'byung po la gtogs pa rnams so/ /de dag bu mo 'phrul ldan pa/ /mang po kun kyang thal mo sbyar zhes bya ba ni/ lha ma yin gyi dbang po'i bu mo la sogs pa yang/ rig sngags kyi gzi brjid kyis/ sangs rgyas kyi spyan sngar 'khod pa'o/ /rab tu gnas dang rgya mtsho dang zhes bya ba ni/ phyi'i rgya mtsho la gnas pa dang/ sa 'og dang nam mkha' la rgyu zhing/ /ma rungs pa'i klung dang sa bdag rnams dang/ rigs bzhir gnas shing phyogs bcu dag tu 'khod pa'o/ /klu yi rgyal po gzi can dang zhes bya ba ni/ sa rim pa bdun gyi 'og na gnas pa ste/ de'i 'khor sha za dang 'byung po rnams yod de/ mi'i dri tshor ba tsam yis mdangs 'phrog pa'o/ /klu'i gnod pa'i mtshan nyid bstan pa'o/ /klu yi rgyal po ma gros pa dang/ dga' bo snyan dga' gnyis po dang zhes bya ba ni/ sngar bshad pa bzhin du/ klu'i rgyal po de rnams kyis kyang sangs rgyas kyi drung du 'khod pa'o/ /rdo rje blo gros bag shu dang/ /gang dag dga' bo sin du mtsho zhes bya ba ni/ de rnams kyang mtsho ma gros pa la gnas shing/ gling bzhi ri rab dang bcas par rgyu ba'o// bya yi rgyal po 'dab bzangs dang/ /rgya mtsho chen po 'khrugs byed dang zhes bya ba ni/ de'i rgya mtsho gting na gnas pa rnams yin te/ /de rnams sangs rgyas kyi drung du 'khod pa'o/ /stong phrag bye ba'i klu rnams dang/ /bye ba brgya yi klu dag dang zhes bya ba ni/ de rnams kyi 'khor du bcas pa sa bdag klu dang bcas pa rnams so/ /de dag bu mo skal chen rnams/ /thal mo rab tu sbyar bar byed ces bya ba ni/ klu'i bu mo de yang grangs de dang ldan par gnas shing/ sangs rgyas kyi spyan sngar 'khod pa'o// nyi ma zla ba gnyi ga yang/ /skar ma'i 'khor gyis yongs su bskor zhes bya ba ni/ de yang bar snang du rgyu zhing/ /rig sngags kyi dmod mos 'khod pa'o/ /gser gyi me tog yan lag na/ /ma ga d+ha na 'jigs byed pa zhes bya ba ni/ de yang gnod sbyin
- 47a
'byung po rnams/ /'dzam bu'i gling na gnas shing/ rig sngas kyi dmod mos 'khod pa'o/ /gsol ba'i tha na mi thod can/ /ko sa la na rab tu dkar zhes bya ba ni/ yul ma ga d+ha na gnas shing/ stong gsum rgyu ba'o/ bzang po'i yul na kha spu can/ /gyang kyi yul na grags pa 'dzin/ ces bya ba ni/ de yang 'dzam+bu'i gling gi nub phyogs su gnas shing/ sems can rnams la 'tsho bar byed pa'o/ /rnga 'dzin pa dang skrag byed pa/ d+ha skye ba na mig dmar gnas zhes bya ba ni/ 'byung po'i gnas de dang ldan pa ni/ sems can la gnod par byed par grags pa'o/ /srung byed pa na ser skya ste/ sems dpa' na ni mig ser po/ /zhes bya ba ni/ gnod sbyin gyi ded dpon gnas de na gnas shing/ skad gcig mas thams cad rgyu ba'o/ /pe'u pan na bum pa'i lto/ /dga' ba'i yul na ring por skyes zhes bya ba ni/ gnas de dang ldan zhing gling bzhi ri rab dang bcas pa la rgyu ba'o/ /ba lang 'dzin na rab tu 'joms/ /dud yul na ni nyi ma'i grogs zhes bya ba ni/ gnas de dang ldan zhing sangs rgyas kyi spyan sngar 'khod pa'o/ /ljongs chen rnams kyi gnod sbyin ni/ /brjod pa bcu drug de dag la zhes bya ba ni/ 'byung po gnas can du gnas pa/ /grags pa dang ldan pa/ /rig sngags kyi zhags pas 'dren pa'o/ /lag na rdo rje gnad sbyin che/ /chos skyong rab tu dkar ba dang zhes bya ba ni/ ri rab rtse mo la gnas shing sangs rgyas kyi bstan pa srung ba'o/ /ser skya rab mdzes khyab 'jug dang/ /bum lto gsus pa gsum po dang zhes bya ba ni/ gnod sbyin de rnams yang ri rab kyi khod song lto ngas na gnas shing/ /dge ba'i rtsa ba la gnod par byed pa'o/ /chu srin bden pa 'chang ba dang/ ? ldan rgyal ba khyu mchog dang zhes bya ba ni/ de rnams kyang lto'i 'dzam bu'i gling na gnas shing/ gling bzhi ri rab dang bcas par rgyu ba'o/ /gnod sbyin chen po dbang phyug che/ /lag pa bzhin can stobs po che zhes bya ba ni/ ti se'i
- 47b
gang la gnas shing/ sems can rnams la mchod par 'os pa'o/ sde ba rab tu 'du ba ni/ mthu bo che la stobs po cha zhes bya ba ni/ 'byung po de dang der ldan pa ni/ stong gsum rgyud de rig sngags kyi zhags pas 'dren pa'o/ /gshin rje gshin rje'i pho nya dang/ bdud rnams sde dang bcas pa dang zhes bya ba ni/ ma rungs pa'i gshin rje'i pho nya mo dang/ bdud kyi lha rnams yang 'dren pa'o/ /gnod sbyin bye ba'i g.yog 'chang ba/ /gnod sbyin de ming 'phrog po yin zhes bya ba ni/ 'jig rten gyi mi rnams la gnod pa skyal zhing gzi brjid dang 'od 'phrog pa'o/ /shA ri ta ni sder bcas dang/ ri yi bu mo gnod sbyin ma zhes bya ba ni/ /de yang gzi brjid che zhing sa la gnas pa'o/ /gzi brjid chen mo 'jigs pa'i gzugs/ /'phrog ma zhes kyang grags pa dang zhes bya ba ni/ /gnod sbyin srin mor grags pa dang/ ma'i mngal nas bu 'phrog pa'o/ /gdol pa mo ni gtum mo yang/ /bu rnams lnga brgyas bskor pa dang zhes bya ba ni/ ma rungs pa'i 'byung po rnams bu lnga brgya dang ldan pa'o/ /mi sdug nag po karka te/ /pad+ma dang ni pad+ma can zhes bya ba ni/ gnod sbyin mo de rnams yang/ rig sngags kyi dmod mos sdod par mi nus te/ sangs rgyas kyi spyan sngar 'khong pa'o/ /me tog so dang sa ga dang/ /srin mo bong bu'i sna can dang zhes bya ba ni/ srin mo de rnams lho phyogs na gnas shing sems can rnams la gnod pa byed pa'o/ /tsan dan dang ni khyab 'jug len/ seng ge ser skya dmar ser po zhes bya ba ni/ de dag ni gnod sbyin gyi ded dpon du gnas pa/ byis pa'i gdon bco lnga'i gtso bo rnams so/ /glang po klu yi so can dang/ /ri shes drag po'i mche ba can zhes bya ba ni/ de dang de ldan zhing sems can rnams la gnod par byed pa'o/ /srin mo so bzangs yod pa dang/ tshangs pas len dang khyab 'jug len zhes bya ba ni/ ming der grags pa sems can la gnod pa/ skad gcig mas gling bzhir rgyu ba'o/ /gnod sbyin ha la ha la dang/ /gnod sbyin rnam
- 48a
pa'i mchu can dag ces bya ba ni/ gnod sbyin 'di dag yang/ lcang lo can gyi pho brang du gnas shing/ /rnam thos kyi bu'i 'khor du gnas pa'o/ /mdung dang mda' gzhu kun thogs shing/ /mi rta ba lang ri dags zhes bya ba ni/ mtshon cha sna tshogs thogs shing/ sems can rnams la gnod pa byed pa'o/ /za zhing 'tshe ba de dag ni/ phyogs rnams kun tu rgyug cing 'dod zhes bya ba ni/ sems can rnams la glags tshol zhing srog 'phrog pa rnams so/ /sa 'di rab tu g.yo bar byed/ /nags tshal rnams kyang rab tu skems zhes bya ba ni/ ri rab 'bul bar byed cing/ rgya mtsho yang skems par byed pa'o/ /ri rnams kun yang g.yo bar byed/ /skye dgu 'di dag 'che byed cing zhes bya ba ni/ che'i bar chod byed sems can rnams la 'jigs skrag byed pa'o/ /phan tshun nas ni 'du ba dag /rig sngags kyis ni drangs nas lhags zhes bya ba ni/ de dang der ldan pa'i 'byung po rnams la/ rig sngags kyi bcing ba lnga dmod mo'i zhags pas bsdams pa'o/ /phyag 'tshal skyes bu dpa' khyod la/ phyag 'tshal skyes bu mchog khyod la zhes bya ba ni/ 'byung po de rnams kyis kyang/ 'jig rten mgon po'i spyan snga ru/ gus pas phyag 'tshal nas bstod pa'o/ /thal mo sbyar nas phyag 'tshal lo/ /chos rgyal khyod la phyag 'tshal lo/ /zhes bya ba ni/ stong gsum gyi ? chen po'i chos srid mdzad cing/ dam pa'i chos kyis rgyal po la gus par phyag 'tshal ba'o/ /'jig rten mgon po'i spyan snga ru/ /gus pas phyag 'tshal bstod pa'o/ /zhes bya ba ni/ 'byung po rnams kyi so so rang rang gi sgo nas/ chos kyi rgyal po la zhu ba phul ba'o/ /de nas zhes bya ba ni/ 'byung pos smras pa'i don de gnas so/ /rgyal po chen po rnams thos bus/ /'jig rten mgon la 'di skad gsol/ /zhes bya ba ni/ yang dag par rdzogs pa'i sangs rgyas shAkya thub pa la/ /rgyal po
- 48b
chen po rnam thos sras kyis zhus pa'o/ /bdag gi phyogs cha byang phyogs su/ /rgyal po'i gnas su sprul pa ni zhes bya ba ni/ ri rab kyi byang phyogs na mnga' mdzad cing/ byang phyogs skyong bar byed pa'o/ /lcang lo ldan pa yid du mchi/ de bas bdag gi lcang lo'i bdag ces bya ba ni/ lta na sdug cing mdzes par snang ba'o/ /yid du 'ong bar gnas so/ /rgyal po'i pho brang lcang lo can/ /lha rnams kun gyis bsam par 'gyur zhes bya ba ni/ las kyis lhas byin gyis brlabs pa/ rin po che'i gzhal yas khang du snang ba'o/ /phyir shin tu mthon po can rin chen kun gyis brgyan pa lags zhes bya ba ni/ rin po che bdun las byas pa/ rgya phibs dang ldan pa/ bdun thog yod pa'o/ /'phang du dpag tshad bcu drug ste/ gser gyi rgyu las bgyis pa lags zhes bya ba ni thog re re la dpag tshad bcu drug bcu drug ste/ rin po che sna bdun gyi 'phra byas pa'o/ /phyogs bzhi lcog ni re re la'ang/ gnod sbyin lag na rdo rje dag ces bya ba ni/ sgo bzhi dang ldan pa phyogs re re nas srung mar snang ba'o/ /kun nas kun tu rnam par 'gyur/ lag na mtshon cha lags par sprul zhes bya ba ni/ gnod sbyin pho mo mang po gnas shing/ mtshon cha sna tshogs thogs pa'o/ /rgyal po'i pho brang de yi sgo/ bzhi pa bstod pa bgyis pa ni zhes bya ba ni/ /ka ba brgyad kyis mdzes pa/ rgyan rnams bzhis lta na sdug pa'o/ /gcig ni gser las bgyis pa'i sgo/ gnyis pa dngul las bgyis pa lags/ /zhes bya ba ni/ thog re re la yang sgo bzhi bzhi dang ldan pa'o/ /gsum pa shel gyi sgo mo lags/ /bzhi pa gser gyis rnam par spras zhes bya ba ni/ rim pa bzhin du rin po che rnams kyis byas pa'o/ /grong khyer de yi nad dag na/ /skyes mos tshal gyi me tog rgyas zhes bya ba ni/ rdzing bu dang/ me tog gi ra ba chu las skyes pa dang/ thang las skyes pas brgyan pa'o/ /de yi nad na gzhal med khang/ /rin chen sna bdun sna tshogs mchis zhes bya ba ni/ gnod
- 49a
sbyin po rnams spyod pa byed pa'i gzhal yas khang snang ba'o/ /rin chen sna tshogs ljon shing dang/ bya bran sna tshogs skad kyang 'byin ces bya ba ni/ de'i skyed mos tshal dang rdzing bur/ khrung khrung dang khu byug la sogs pa bya sna tshogs kyi skad kyis mdzes pa'o/ /me tog sna tshogs legs par bkram/ /sna tshogs spos kyi byug pas legs zhes bya ba ni/ chu dang thang las skyes pa'i me tog ku mu ta dang paN+Da ri ka la sogs pas brgyan pa/ /yan lag brgyad dang sbyar ba'i pog phor dang ldan pa'o/ /gnod sbyin mo ni 'joms ma dang/ /klu dang rol mos rab tu brgyan ces bya ba ni/ lta na sdug pa rgyags ma dang ldan pa sha stag rnams kyis/ /rol mo sna tshogs la spyod pa'o/ /dpal gyi dam pa nyams su myong/ /der ni 'byung po'i dkyil 'khor der zhes bya ba ni/ 'dod pa'i yon tan lnga phun sum tshogs pa de rnams la spyod pa'o/ /gang dag 'khor zhing mchis pa dag /rnams pa'i mchog kun ldan pa ste/ zhes bya ba ni/ yid bzhin nor bu bzhin du 'dod pa gang yang 'byung ba'o/ /chos 'tshal ba dang chos spyod pa zhes bya ba ni/ yang dag par rdzogs pa'i bka' nyan nas/ /mi la sogs pa sems can gang la yang gnod pa mi skyel cing sdom pa gsum la gnas pa'o/ /srogs chags rnams la 'tshe mi bgyid/ /zas dang skom gyis mi 'brel te zhes bya ba ni/ 'jig rten gyi sems can rnams la dga' zhing/ byang chub kyi sems dang ldan pa'o/ /skye dgu mi zad gzhan dag ni/ /longs spyod chen por 'tshal bgyid cing zhes bya ba ni/ mi'i tshogs rnams la phrad par dga' zhing/ /phun gsum tshogs par byas nas skyong bar byed pa'o/ /phyogs bzhi kun tu rnam par lta/ /grong khyer sgo gam g.yo ba dang/ /zhes bya ba ni/ mi'i grong khyer gyi phyogs bzhi nas
- 49b
srung zhing/ de rnams mtho bar dga' ba'o/ /bzang shing ra ba nags tshal na/ /gnod sbyin srin po 'byung po'i tshogs zhes bya ba ni/ gang dang gang du gnas pa'i 'byung po rnams la rig sngags 'di'i dmod mos 'khod pa'o/ /bya ba stong phrag brgya mchis pa de dag thams cad mdo sde yi/ /zhags pas drangs te klag par bgyi zhes bya ba ni/ gang yang rung ba gnod pa rnams la/ /rig sngags kyi dmod mo'i zhags pas 'dul bar byed pa'o/ /rgyal po'i pho brang dbus na ni/ chos kyi rgyal po gnas 'gyur ba zhes bya ba ni/ rgyal po chen po bzhi'i dbus su/ /dmigs pa med pa'i pho brang snang ba'o/ /bsil ba'i rdzing bus bskor ba ste/ tsan dan nags kyis 'khor ba lags/ zhes bya ba ni/ sems can rnams la bsil bar byed pa'i ye shes kyis bskor zhing byams pa dang snying rje'i nags tshal gyis bskor ba'o/ /kun nas dpag tshad drug cu ste/ khang pa brtsegs pa sprul pa dag ces bya ba ni/ sems kyi gzhal yas khang du snang zhing yid bzhin nor bu lta bu'o/ /gcig ni gser las bgyis pa ste/ gnyis ni dngul las bgyis pa lags/ /zhes bya ba ni/ phyi nang gnyis su med par/ rin po che gser dngul las byas pa'o/ /gsum pa baiDUrya las bgyid/ /bzhi pa gtsang dang shel gyi rgyu zhes bya ba ni/ chom mi 'gyur bar snang bas baiDUrya ste/ phyi nang gnyis su med par gsal ba ni shel lta bu'o/ /lnga pa mu tig dmar po ste/ /drug pa rdo yi snying po lags/ /zhes bya ba ni/ rdo rje pha lam las byas pa'i seng ge'i khas mu tig gi dra ba'i phreng bas ste/ /de yang mtshan sum cu rtsa gnyis dang/ dpe byad bzang po brgyad cus brgyan pa'o/ /bdun pa spug las bgyis pas te/ /brgyad pa rin chen bdun las bgyis zhes bya ba ni/ rin chen dra ba dang dra ba'i yon tan gyis brgyan pa'o/ /bud med stong
- 50a
phrag brgya dag dang/ /de dag re re kun na gnas zhes bya ba ni/ shes rab kyi rang bzhin gnyis su med pa'i ye shes dang ldan pa'o/ /lhab lhub sna tshogs mchog dag dang/ /cha byang sna tshogs mang pos brgyan ces bya ba ni/ tshad med pa bzhi'i rgyan gyis brgyan cing mdzes pa'o/ /glu dang rol mo sna tshogs dang/ /bzo yi gnas la mkhas pa mchis zhes bya ba ni/ zag pa zad pa'i ye shes dang ldan zhing/ sems can rnams kyi las 'joms par byed pa la mkhas pa'o/ /de lta'i rab tu dga' ba yis/ /bde zhing tshim pa'i yid du 'gyur/ zhes bya ba ni/ yang dag pa'i ye shes dang ldan zhing bde bar gnas pa'o/ /de na bdag gi rgun skyems dang/ /'dod pa bdag gis rab myong bas zhes bya ba ni/ de yang 'byung po la sogs pa'i 'dod pa'i yon tan lnga la spyod cing/ 'dod pa'i zhags pas bcings pa'o/ /bdag gi 'khor rnams 'phyan bgyid cing/ /phyogs bcu dag tu 'jigs pa skyed ces bya ba ni/ /rgyal po chen po rnam thos kyi bu'i 'khor tshan cig yang/ sdig la dga' bas sems can la 'jigs skrag byed pa'o/ /bud med dag dang skyes pa dang/ de bzhin khye'u pu mo dang zhes bya ba ni/ gzi brjid 'phrog pa she dag go /mngal na gnas pa 'jigs par bgyid/ /dud 'gro'i skye gnas gtogs pa la yang 'tshe zhes bya ba ni/ mer mer po dang nur nur po rnams 'phrog cing/ dud 'gro rnams kyi srog 'phrog pa'o/ /skar ma dag dang nyi zla dang/ /gtun pa'i gza' rnams gnod par bgyid ces bya ba ni/ zla ba nyi ma mi snang bar byas shing/ bza' ba dang btung ba rnams 'phrog pa'o/ /lo thog sa bon 'bras bu dang/ me tog sman dang skom dang/ zhes bya ba ni/ 'byung po de rnams kyis kyang dus ma yin pa'i rlung dang ser ba gtong ba'o/ /mi rnams kyi ni dpal 'phrog cing/ /mthon po
- 50b
rnams kyang dma' bar bgyid ces bya ba ni/ gzi brjid phun sum tshogs pa 'phrog par byed pa/ phyug po ltogs por gtong ba dag go/ 'jig rten dag na nongs pa rnams/ dmag dang thab mo sha nyer dang zhes bya ba ni/ khrag khrug la dga' bar byed pa 'am/ mi'i 'jig rten gyi sems rnam par byed pa'o/ /tshig gam zhig gam bsad bya ba/ /de kun 'byung po rnam par 'gyur zhes bya ba ni/ khrag khrug la sman ma byas shing/ /mi rnams kyi srog 'phrog pa'o/ /sbed cing stor bar bgyid pa dang/ /bzlog par bgyid cing rgod par byed ces bya ba ni/ 'byung po de rnams bzung nas/ zas dang skom yang mi 'ju cing bzlog te/ sped pa ni nad sna tshogs gtong zhing sems yang stor bar byed pa'o/ /res 'ga' yang sems smyong bar byed pa'o/ /byed pa rgod pa'o/ /'jigs par byed cing lta bar bgyid/ /dgrar 'gyur ba yang ston par bgyid ces bya ba ni/ skyes pa bud med khye'u bu mo rnams la/ rims dang yams nad kyis btab cing/ 'jigs slag byed cing slab 'tshol smras pa'o/ /lta ba ni dran pa stor zhing nam mkha' dang sa gzhi la lta ba rnams te/ sems mi dga' bar byas nas du ba'i sgra 'byin pa'o/ /sdig pa'i rmi lam mthong bar bgyid/ nyal ba dag la gnod par bgyid ces bya ba ni/ shin tu 'jigs pa'i rmi lam dang/ mi dge ba'i ltas ston te/ skyes pa la mor sgyur cing gnod la/ bud med la phor sgyur cing gnod pa'o/ /sgo nas se sgol sgra 'byung zhing/ /mi dran rjed de za bar bgyid ces bya ba ni/ grong dang grong khyer du rgyu zhing/ se gol tsam gyis khrag khrug byed do/ /khrag khrug gi sman mas za ba dang 'thung bar byed pa'o/ /mdza' bo gnyen bshes gzugs dag tu/ /dga' zhing skam mchid smra bar bgyid ces bya ba ni/ tshe 'di dang phyi ma yang/ mdza bo dang gnyis shes su skyes shing
- 51a
mi de la gnod par byed pa'o/ /bu mo sdug gu'i gzugs dag tu/ /'dod la spyod pa dga' bar bgyid ces bya ba ni/ mdzes sdug bu mo'i gzugs su byas nas/ byang chub sems dang tsha 'phrog ma'o/ /nyi ma skar ma'i gzugs dang ni/ zla ba'i gzugs su gda' bar bgyid ces bya ba ni/ rmi lam dang ltas la yang de lta bu'i rmi ba'o/ /rlung dang skar mda'i rtse gzugs su/ de la gnod par de dag gda' zhes bya ba ni/ phyugs chen por gyur cing/ nam mkha' nas 'brug sgra dang glog babs te/ bar snang la 'od chen po snang ba'o/ /skar ma'i tshogs dang 'dra ba dag /'jigs par bgyid pa wa dang khyi zhes bya ba ni/ dngos po dang rmi lam la yang/ gcan gzan gyi gzugs su sprul nas gnod pa'o/ /rnam par sprul nas ljon shing dang/ mchod rten dag gi gnas na gda' zhes bya ba ni/ gnas de dag tu gnas shing/ sems can rnams la gnod par byed pa'o/ /skyes pa gzhon nu'i gzugs mdzes pas/ /'bar zhing shing rta'i sgra yang 'byin ces bya ba ni/ 'byung po de rnams kyis khye'u dang bu mor skyes nas/ pham dag la gnod par byed pa'o/ /shing rta'i sgra ni skad sna tshogs su 'byung ba'o/ /gnas rnams dang ni shul dag tu/ /rnam pa sna tshogs rjes kyang ston ces bya ba ni/ gzugs dang 'od dang rdzu 'phrul ston pa'o/ /grong khyer dag dang khyim rnams kyi/ sgo yang gdon de dag kyang 'byed ces bya ba ni/ 'byung po de rnams kyi phyir 'brang zhing/ grong dang grong khyer rnams la gnod par byed de/ /sgo phug dang 'phrang kar bsdang cing 'dzin pa'o/ /srog dang lus kyang blangs bgyid cing/ /lam na kun tu bskor bar bgyid ces bya ba ni/ lus la na tsha drag por byas shing/ srog 'bral bar bgyid pa'o/ /bskal pa bdun gyi bar du yang rjes rnyag pa'o/ /rnam pa sna tshogs gzugs dag tu/ /rnam pa sna tshogs sgra rnams
- 51b
dang zhes bya ba ni/ gzugs sna tshogs su bsgyur zhing/ kha dog sna tshogs sprul pa'o/ /rnam pa sna tshogs nad kyi rnams/ /lus la na bar gnas par ston ces bya ba ni/ mdze dang lhog pa phol mig la sogs pa'i nad bzhi brgya rtsa bzhi ston pa dag go/ nad rnams kun gyi mtshan nyid kyang/ /phyin ci log tu brtson par byed ces bya ba ni/ rlung bad kan mkhris par ston cing/ bad kan rlung dang mkhris par ston te rtsa 'khrug par snang ba'o/ /ji snyed 'jig rten rang bzhin dag/ thams cad log pas de dag ston ces bya ba ni/ stong gsum stong chen po 'jig rten gyi khams skad cig yud tsam gyi rgyu zhing/ sems can rnams la 'tshe ba phyin ci log par ston pa'o/ /rig sngags zhags pas drangs pas na/ /de dag kun kyang 'dir mchis so zhes bya ba ni/ stong chen mo rab tu 'joms pa'i dmod mo'i zhags pas ma rungs pa'i 'byung po rnams bcings pa'o/ /de nas zhes bya ba ni/ 'byung po bshad pa'i de nas so/ /rgyal po chen po rnam thos bu zhes bya ba ni/ byang phyogs kyi gdon gnod par byed pa rnams la chad pa gcod pa'o/ /langs te thal mo rab sbyar nas zhes bya ba ni/ 'khor gyi nang nas sangs rgyas kyi spyan sngar langs so/ /zhabs la 'khor lo'i mtshan mnga' ba/ /gser gyi mchod stong dag 'bar zhing zhes bya ba ni/ mtshan sum cu rtsa gnyis dang ldan zhing/ dpe byad bzang po brgyad cus brgyan pa/ chos kyi phung po'i rang bzhin gyi sku'o/ /'jig rten snang bar mdzad pa'o/ /thub pa chen po me dang 'dra zhes bya ba ni/ stong gsum gyi stong gi 'jig rten gyi khams na chos kyi rgyal por snang ba bskal pa me ltar 'bar ba'i 'od do/ stong phrag drug cu rtsa bzhi ni/ gnod sbyin gsang sngags mi zad can zhes bya ba ni/ sangs rgyas bcom ldan 'das kyis stong chen mo'i rig sngags zhal nas /
- 52a
gsungs pas gnod sbyin gyi gdon rnams rlag par byed pa'o/ /byang phyogs cha yi phyogs cha gnas/ /byang phyogs dag tu gnod par bgyid ces bya ba ni/ gnod sbyin 'byung po ma rungs pa rnams so/ /'jig rten mgon po'i spyan sngar ni/ de dag 'chad pa bdag gis bcad ces bya ba ni/ stong chen mo'i rig sngags kyi chad pa gcod pa'o/ /syat+theM dam zhes bya ba ni/ 'di lta ste/ gang la zhe na rig sngags 'di 'o/ /byang phyogs su bdag bde legs su gyur cig ces bya ba ni/ bdag nye bar mtshon pa'o/ /bde legs ni sems can thams cad phun sum tshogs pa dang ldan par gyur gcig pa'o/ /de dag ni rgyal po bzhi dang phyogs skyong ba bcu'i chad pa sgres pa ste/ tshangs pa dang mi brgya byin dang/ /'jig rten skyong ba dbang phyug che zhes bya ba ni/ tshangs pa la sogs pa gzugs khams kyi lha rnams dang/ brgya byin la sogs pa 'dod pa khams kyi lha rnams dang/ 'jig rten skyong ba bcu po dang/ gnas gtsang ma dang dbang phyug chen po la sogs pa'i lha rnams dang/ gnod sbyin ded dpon thams cad dang/ 'phrog ma bu dang bcas pa dang zhes bya ba ni/ mthu bo che sum cu rtsa gnyis dang/ gnod sbyin gyi ded dpon nyi shu rtsa brgyad dang/ gnod sbyin gyi ded dpon lnga rtse na dang/ 'phrog ma'i bu lnga brgya'o/ / bdag gi me tog spos dag dang/ sbyin sreg 'di ni blang bar gyis zhes bya ba ni/ rgyal chen rnam thos kyi bus/ sems can gyi don du de dag 'bul ba'o/ /de dag gi ni brtson 'grus dang/ /gzi brjid dbang phyug stobs kyis kyang zhes bya ba ni/ lha de dag gi mthu'i nus pa'o/ /nad thams cad bcom par 'gyur zhes bya ba ni/ rlung khris bad kan la sogs pa nad bzhi brgya rtsa bzhi 'joms pa'o/ /bdag 'jigs pa dang/ gnod pa thams cad las bde legs su gyur cig swAhA/ zhes
- 52b
bya ba ni/ gang zag yang 'di la gus par byed pa nad dang 'jigs pa las thar ba'o/ /phyag 'tshal skyes bu dpa' khyod la zhes bya ba ni/ rgyal po chen po rnam thos kyi bus kyang/ mtshan sum cu rtsa gnyis dang/ dpe byad bzang po brgyad cus sku la brgyan pa'i sprul pa'i sku la gus par phyag 'tshal lo/ /thal mo sbyar te phyag 'tshal lo/ /chos rgyal khyod la phyag 'tshal lo/ /zhes bya ba ni/ stong gsum stong 'jig rten gyi khams chos kyi rgyal srid mdzad cing/ chos kyi rang bzhin gyis khyab ste/ de la sku gsung thugs kyis gus par phyag 'tshal ba'o/ /rgyal chen yul 'khor srung ba yang/ /langs te thal mo sbyar btud nas zhes bya ba ni/ 'jig rten mgon gyi spyan sngar gus pas 'dud pa'o/ /me tog lta bur rgyas gyur cig /ka la piM ka'i sgra dbyangs can zhes bya ba ni/ zhal pad+ma rgyas pa dang 'dra ba/ /dbyangs gsal la phra ba'o/ /khu byug dang ni rma bya'i sgra/ /rnga dang 'brug gi sgra sgrogs pa zhes bya ba ni/ sgra gsal ba yid du 'ongs ba/ /rol mo'i tshogs dang ldan pa'o/ /thub chen gnod sbyin gyi srin po dang/ /dri za stong phrag drug cu bzhi zhes bya ba ni/ shar phyogs na 'khod pa'i 'byung po rnams so/ /shar gyi phyogs cha'i phyogs na gnas/ shar phyogs pa la gnod par bgyid ces bya ba ni/ ma rungs pa de rnams la rig sngags kyi dmod mos cha dang gcad pa'o/ /'jig rten mgon gyi spyan sngar ni/ de dag thams cad bdag gis bshad ces bya ba ni/ yang dag par rdzogs pa'i sangs rgyas bcom ldan 'das shAkya thub pa'i spyan sngar/ rgyal po chen po yul 'khor srung gis zhus pa'o/ /gang zhus na drin la sogs pa'i srog snying rig sngags snying pos zhus pa'o/ /gsang sngags ni 'di lta ste/ d+ha ra Ni la sogs pa'o/ /shar phyogs su bdag bde legs su gyur swAhA zhes bya ba ni/ gang dag 'di la shar phyogs su gnod pa dang/
- 53a
'jigs pa mi 'byung ba'o/ /'di yang yul 'khor srung gis gsungs pa ste/ tshangs pa dang brgya byin la sogs pa ni/ gong du bshad pa bzhin du shes par bya'o/ /de dag gi gzi brjid dang mthu'i dbang gis/ gang zag nad dang 'jigs pa las thar pa'o/ /phyag 'tshal skyes bu dpa' khyod la sogs pa ni gong du bshad pa bzhin bya'o/ /rgyal po chen po 'phags skyes kyang/ thal mo sbyar te de nas langs zhes bya ba ni/ 'jig rten mgon gyi spyan sngar gus pas thal mo sbyar ba'o/ /thams cad mkhyen pa thams cad gzigs/ smras pas thams cad rab 'jigs pa zhes bya ba ni/ rin po che rang gi lag mthil du snang ba dang 'dra ba 'jig rten gyi khams thugs rjes lta ba/ rnam par rtog pa'i ngo bo bdud bzhi 'joms pa'o/ /the tshom thams cad gcod mthad pa/ /'jig rten thams cad rnam 'dren pa zhes bya ba ni/ ma rigs pa'i ngo bo nyid nyon mongs pa rnams 'joms pa'o/ /ye shes kyi 'od zer gyis 'jig rten gyi khams kyi sems can/ mtho ris su 'dren pa'o/ /grul bum yi dags srul po dag /stong phrag drug bcu rtsa bzhi rnams zhes bya ba ni/ ma rungs pa'i grul bum la sogs pa/ /rig sngags kyi chad pas gcod pa'o/ /lho phyogs cha yi phyogs na gnas/ /de dag bya la gnod par bgyid ces bya ba ni/ lho phyogs na 'khod cing gnod par byed pa'o/ /'jig rten mgon gyi spyan sngar ni/ /de dag 'chad pa dag gis bshad ces bya ba ni/ /yang dag par rdzogs pa'i sangs rgyas kyi sngar sngar rgyal po chen po 'phags skyes pos zhus pa'o/ /gang zhus she na/ grul bum la sogs pa'i srog gi snying po'o/ /rig sngags kyi las kyi snying po'o/ /gsang sngags ni lta ste/ shAn+ti shAn+ti la sogs pa'o/ /lho phyogs su bdag
- 53b
bde legs su gyur cig swAhA/ zhes bya ba ni/ gang zag 'di la gus pa la lho phyogs kyi nad 'jigs pa mi 'byung ba'o/ /tshangs pa la sogs pas zhes bya ba ni/ sngar bshad pa bzhin du shes par bya'o/ /de dag gi gzi brjid dang dbang phyug gis gang zag gi nad dang 'jigs pa dang bral ba'o/ /phyag 'tshal skyes bu dpa' khyod la sogs pa ni/ gong du bshad pa bzhin du shes par bya'o/ /rgyal po mig mi bzang ba yang/ /thal mo sbyar ba byas nas langs zhes bya ba ni/ 'jig rten mgon po'i spyan sngar gus par 'dud pa'o/ /sprin chen seng ge chen po la/ che ba'i chen po rgya mtsho che zhes bya ba ni/ 'jigs pa med pa seng ge bzhin du spyod pa/ sems can sprin gyi char bzhin don byed pa'o/ /rgya mtsho bzhin du bsam gyis mi khyab pa'o// gsung ba chen po dpa' chen po/ /g.yul chen rab tu 'joms mdzad pa zhes bya ba ni/ smra ba'i seng ge stobs dang ldan pa/ nyon mongs pa'i g.yul chen po 'joms pa'o/ /klu dang 'dab bzang gsang ba'o/ /stong phrag drug cu rtsa bzhi dag ces bya ba ni/ ma rungs pa klu'i gdon la sogs pa rig sngags kyi dmod mo'i chad pas gcod pa'o/ /nub kyi phyogs cha'i phyogs na gnas/ /de nas byung nas gnod par bgyid ces bya ba ni/ nub ngos nas 'khod nas de dag nas byung ba'o/ /'jig rten mgon gyi spyan sngar ni/ de dag 'chad pa dag gis bshad ces bya ba ni/ yang dag par rdzogs pa'i sangs rgyas kyi spyan sngar/ rgyal po chen po spyan mi bzang gis zhus pa'o/ /gang zhus she na/ klu rnams kyi snying po'o// rig sngags kyi lam gyi snying po'o/ /gsang sngags ni 'di lta ste/ ba Ti ba ra twi la sogs pa'o/ /nub phyogs su bdag bde legs su gyur cig swAhA/ zhes bya ba ni/ gang dag nub phyogs kyi 'jigs pa dang/ nad la sogs pa dang bral
- 54a
ba'o/ /tshangs pa la sogs pa ni/ sngar bshad pa bzhin no/ /de dag gi mthu dang gzi brjid kyis kyang/ gang zag gi nad dang 'jigs pa dang bral ba'o/ /phyag 'tshal skyes bu dpa' khyod la sogs pa ni/ gong bzhin du shes par bya'o/ /de nas ni tshig gi bar gyi de nas so/ /tshangs pa dang ni tshangs chen yang/ /thal mo sbyar ba bya snas langs zhes bya ba ni/ mi mjed kyi bdag po tshangs pas kyang/ 'jig rten mgon po'i spyan sngas 'dud pa'o/ /tshangs pa bkrus pas dag pa'o/ /rig byed kun gyi pha rol zhes bya ba ni/ mi dge ba bcu spangs shing dge ba bcu dang du blangs te/ tshad med pa bzhi'i sgo na sems can gyi don mdzad pa'o/ /skye bo dga' mdzad sman pa'i rje/ /'jig rten thams cad gso mdzad pa/ zhes bya ba ni/ 'jig rten gyi khams kyi mes por mdzad cing/ de'i don mdzad pas dbang du bsdus pa'o/ /gnod sbyin srin po gang gi rnams/ /phyogs dang phyogs mtshams gnas pa rnams zhes bya ba ni/ phyogs bcu na bsdad pa'i 'byung po rnams/ rig sngags kyi mod mos 'chad pa gcod pa'o/ /sa yi 'og dang sa yi steng/ /nam mkha' dag la gnas pa'i gdan zhes par bya ba ni/ sa bdag tu gnas pa bar snang la rgyu ba/ ma rungs pa'i 'byung po rnams so/ /'jig rten mgon po'i spyan sngar ni/ de dag thams cad bdag gis bshad ces bya ba ni/ yang dag par rdzogs pa'i sangs rgyas kyi spyan sngar/ mi mjed kyi bdag po tshangs pas zhus pa'o/ /gang zhus she na/ 'byung po rnams kyi gnyen po rig sngags kyi snying po'o/ /gsang sngags ni 'di lta ste/ b+hwa me bu ma go she la sogs pa'o/ /phyogs bcu dag tu bdag bde legs su gyur cig swAhA/ zhes bya ba ni/ gang zag 'di la gus pa la/ phyogs thams
- 54b
cad kyi 'jigs pa mi 'byung ba'o/ /tshangs pa dang ni brgya byin la sogs pa zhes bya ba ni/ gong du bshad pa bzhin du shes par bya'o/ /de dag kun gyi mthu'i nus pas/ gang zag la 'jigs pa dang/ nad thams cad dang bral ba'o/ /rlung las gyur dang mkhros las gyur/ bad kan las gyur 'dus las gyur ces bya ba ni/ 'o? de'i rkyen gyis mdze nad bco brgyad du 'byung ste/ de rnams kyis kyang 'jigs pa dang bral ba'o/ /nad rnams thams cad bcom par 'gyur/ /bdag 'jigs pa dang gnod pa thams cad las bde legs su gyur cig swAhA/ zhes bya ba ni/ gang zag gang yang 'di'i nus pas/ nad bzhi brgya rtsa bzhi dang 'jigs pa brgyad dang bral ba'o/ /phyag 'tshal skyes bu dpa' khyod la sogs pa ni gong bzhin du shes par bya'o/ /de yan chad ni 'byung po'i gnas skabs bshad pa ste /bzhi pa'o// //de nas zhes bya ba ni/ 'byung po cho ga bshad pa'i de nas so/ /bcom ldan 'das 'di snyam du dgongs te zhes bya ba ni/ grong khyer yangs pa can gyi sems can gyi sems gyi don la snyams par zhugs te/ yang na thugs rjes gzigs nas/ 'gro ba ris drug gi sems can la gdon bya sems pa'o/ /sangs rgyas bcom ldan 'das rnams ni zhes bya ba ni/ gang+ga'i klung gi bye ma snyed tsam mo/ /yang 'di nas sangs rgyas rnam par gzigs dang/ gtsug tor can dang/ thams cad skyob dang/ log par dang sel dang/ gser thub dang/ 'od srungs dang/ shAkya seng ge rnams zhes bya ni/ rgyal srid ni bcom ldan 'das kyis sems can gyi don la dgongs nas chos kyi rgyal srid byed ba'o/ /gcig gi phyir 'jig rten du 'byung ba ma yin zhes bya ba ni/ shAkya seng ge'i bstan pa las 'byung ba ni ma yin no/ /ci'i phyir zhe na/ sngon du song ba'i sangs rgyas rnams kyis byas pa'i phyir zhes
- 55a
bya'o/ /sangs rgyas bcom ldan 'das rnams ni zhes bya ba ni/ 'das pa dang da ltar bzhugs pa dang/ ma byon pa rnams so/ /grong khyer ni zhes bya ba ni/ sa gcig tu bshad pa la bya/ grong rdal ni che ba'i phyir ro/ /ljongs ni lcags ri dang bcas pa'o/ /grong dang zhes bya ba ni chung ba la sogs pa'o/ /khyim na zhes bya ba ni/ sems can no/ /sems can gcig gi bar gyi don gyi phyir/ 'jig rten du 'byung ba zhes bya ba ni/ sangs rgyas rnams 'byung ba'i/ gang gi phyir byung zhe na/ 'jig rten gyi lha dang bcas pa nas byung ba'i phyir ro/ /bcas nas byung zhes pa ni/ 'gro ba ris drug gi sems can gyi don du byung ba'o/ /bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dang/ lha dang mi dang lha ma yin du bcas pa'i don du zhes bya ba ni/ 'jig rten mi la gang yang 'byung ba'i phyir/ de'i don du sangs rgyas rnams kyi thugs rje'i spyan gyis lta ba'o/ /sangs rgyas bcom ldan 'das rnams ni zhes bya ba ni/ sangs rgyas gang+gA klung gi bye ma snyed tsam mo/ /'jig rten du 'byung ste zhes pa ni/ gcig gi don du ma yin no/ /ci'i phyir zhe na/ sangs rgyas rnams kyis lung bstan pa'i phyir ro/ /de ni zhes bya ba ni sangs rgyas bcom ldan 'das so/ /dper na zhes bya ba ni/ sman pa mkhas pa'i dpa' bo sman pa mkhas pa mchog tu phyin pa zhes bya ba ni/ gcig gi don du ni ma yin no/ /gang gi phyir ro/ /zhen sems can gyi don byed pa'i phyir ro/ gso ba la brtson pa zhes bya ba ni/ yon tan dang ldan pa'o/ /sman pas shes par bya ba bzhin du brlabs pa zhes bya ba ni/ yon tan ni rig pa bslabs pa'o/ /rgyal po gcig gi don du 'byung ba ma yin zhes bya ba ni/ rgyal po'i don du ma yin no/ /ci'i phyir zhe na/ sangs rgyas bcom ldan 'das rnams kyis/ rgyal srid byed
- 55b
pa'i phyir ro/ /yang na sems can gyi don byed do/ /yul gcig gi don du 'byung ba ma yin pas na zhes bya ba ni/ grong dang grong khyer dang grong rdal dang/ ljongs rnams su rgyu ba'o/ /sems can gcig gis zhes bya ba ni/ grong khyer yangs pa can no/ /rab tu byung zhes bya ba ni/ bcom ldan 'das shAkya thub pa'o/ /ma yin pa dang 'dra'o zhes bya ba ni/ theg pa chung ngu ma yin pas/ theg pa chen po yin pa'i phyir ro/ /de ci'i phyir zhe na zhes bya ba ni/ byang chub kyi sems kyis 'khor ba la gnas pa'i sems can rnams 'don pa'o/ /phyogs gang na sangs rgyas bcom ldan 'das rnams zhes bya ba ni/ 'das pa'i sangs rgyas rnams so/ /bzhugs pa'i phyogs de zhes bya ba ni/ phyogs bcu'i 'jig rten gyi khams na bzhugs pa'o/ /de dag tu zhes bya ba ni/ sems can gyi don na/ /mi rnams dang mi ma yin pa dag kyang rnam par 'tshe bar mi bya bar sems kyis zhes bya ba ni/ sangs rgyas bcom ldan 'das kyi sems kyis dgongs nas/ grong khyer yangs pa can du sems can gyi don du bzhengs pa'o/ / gang gi phyir zhe na/ mun nag byung ba'i phyir ro/ /da yang zhes bya ba ni/ sangs rgyas shAkya thub pa'o/ /yangs pa can gyi grong khyer chen po zhes bya ba ni/ zheng dang chu ru dpag chad lnga bcu'o/ /rgya che ba yangs pa skye bo mang po'i cho gas 'dul ba/ 'bas? rims pa bdun gyis bskyor ba/ shing ljon pa rnams phyogs na yod pa/ skyed mos tshal na phyogs na brgyan pa/ skyed mos tshal re re yang rdzing bu re re dang bcas pa/ rdzing bu'i nang na me tog pad+ma dang/ puN+Da ri ka dang/ utpal dang/ ku mu da la sogs te/ dri zhim po'i me tog skye ba/ chu de yang tsan dan la sogs pa'i dri zhim pa skye ba/ rdzing bu de rnams kyi nang na/ bya'i tshogs yod pa/ ngang pa dang dur pa dang/ khrung khrung dang/ sa rwa swa la sogs pa yod pa/ skyes mos tshal de rnams
- 56a
thang las skyes pa'i me tog dri zhim ba dzA ti'i me tog dang ku mun dang/ dzi ba ka dang/ ser po dang/ dmar po dang/ dkar po dang/ sngon po dang/ mthing ka dang/ le brgan la sogs pa'i dri zhim po skye pa/ skyed mos tshal gyi 'gram nas/ 'bras bu can gyi shing skyes pa/ a 'bras kyi shing dang/ 'jam 'bras kyi shing dang rta ka dang u nu'i shing dang se ba dang rgya'i se ba dang shug ba dang rgya shug dang/ shing bal po se'u dang/ u duM ba ra dang/ n+ya gro d+ha la sogs pa'i shing yod do/ /grong yangs pa can phyogs phyogs na mchod rten gyis bskor ba/ yang dag par rdzogs pa'i sangs rgyas kyi chos dar ba/ dge slong ngam dge slong ma ngam/ dge bsnyen nam dge bsnyen ma 'am/ de dag kyang sangs rgyas kyis gsungs pa de bzhin srung ba/ braM ze 'am bram ze mo 'am/ rgyal po 'am rgyal mo 'am/ btsad po 'am btsan mo 'am/ rje rigs sam dmad rigs la sogs pa 'am/ skye bo mang po 'dus pa 'am/ byol song ngam phyugs la sogs pa mang bo yod pa/ grong khyer chen po yangs pa can no/ /ga la ba der zhes bya ba ni grong gi nang du'o/ /yangs pa can gyi grong khyer chen po'i skye bo'i tshogs zhes bya ba ni/ li tsa byi la sogs pa'i bram ze'o/ /phal po che'i don yang byas par 'gyur ro zhes bya ba ni/ grags pa chen po byung ba'o/ /ci'i phyir zhe na/ mun nag chen po byung ba dang/ /mu khe byung ba dang/ nad sna tshogs byung ba'o/ /sangs rgyas kyis mdzad pa yang byas par 'gyur ro zhes bya ba ni/ sangs rgyas kyi don yin no/ /mnyam du dgongs te zhes bya ba ni/ sems can thams cad mnyam pa nyid du bsgom pa'o/ /de nas zhes bya ba ni mnyam pa nyid du bsgoms pa'i gtang la'o/ /bcom ldan 'das snga dro'i kyi tshe zhes bya ba ni nyi ma shar ba'i dus so/ /chos gos dang sham thabs dang lhung
- 56b
bzed bsnams te zhes bya ba ni/ sangs rgyas bcom ldan 'das stan las langs te bsil byed dang lhung bzed thogs nas bya rgod kyi phung po'i ri la babs nas grong khyer yangs pa can la kha ltas pa'o/ /dge slong nyis brgya lnga bcu dang thabs gcig tu zhes bya ba ni/ bcom ldan 'das 'khor dang bcas pa'o/ /bya rgod kyi phung po'i ri las shod du gshegs pa dang/ zhes bya ba ni/ lha dang lha ma yin la sogs pa mchod pa byed pa'o/ /mi mjed kyi bdag po tshangs pas lha'i gdugs lnga brgya tsam blangs te zhes bya ba ni lha'i rdzas dang/ me tog dang mchod pa la sogs pa 'bul te/ lha'i bu tshangs pa dang tshangs chen dang/ dga' ldan gyi lha'i bu la sogs pa la mchod pa byed pa'o/ /bcom ldan 'das la g.yas rol nas phul lo zhes bya ba ni lha dang mi la sogs pa gus pa byas nas 'bul ba'o/ /yang na ni bcom ldan 'das gar gshegs pa'i sar/ lha'i za 'og dang/ dar dang/ sa gzhi la gting nas gshegs pa'o/ /phul nas bcom ldan 'das la rdul yab kyis g.yob cing 'dug par 'gyur to zhes bya ba ni/ dga' ldan gyi lha'i bu dang/ tshangs pa dang tshangs chen la sogs pas/ lha rdzas kyi me tog dang dri la sogs pa'i char 'bebs pa'o/ /lha rnams kyi dbang po brgya byin gyis kyang gdugs lnga brgya tsam blangs te zhes bya ba ni/ lha'i dbang po brgya byin nam/ lha'i bu dbang phyug chen po 'am/ khyab 'jug gam 'khor dang bcas pas bcom ldan 'das la phul ba'o/ /bcom ldan 'das la g.yon rol nas phul lo/ /zhes bya ba ni/ sum cu rtsa gsum lha'i bu dang/ bu mo rnams kyis kyang phul lo/ /phul nas bcom ldan 'das la rdul yab kyis g.yob cing 'dug par gyur te zhes bya ba ni/ lha'i za 'og dang dar la sogs pa dog sa la gting ba'o/ /rgyal po chen po bzhis
- 57a
kyang re re zhing lha'i gdugs lnga brgya tsam blangs te zhes bya ba ni/ rgyal chen gyi lha rnams dang lha'i bu mo re re blangs nas phul ba'o/ /bcom ldan 'das la rnam logs nas phul zhes bya ba ni/ bcom ldan 'das kyi mdun du yin te/ me tog gi char phab pa'o/ /bcom ldan 'das la rdul yab kyis g.yo ba cing 'khod par gyur to zhes bya ba ni/ rgyal chen bzhi'i lha'i bu dang lha'i bu mos lha'i za 'og dang/ dar la sogs pa dog sa la bting pa'o/ /lha'i bu dbang phyug chen po la sogs so so nas lha'i gdugs dang zhes bya ba ni/ lha dang lha mo dang gnod sbyin dang gnod sbyin mo la sogs pas so so'i lag nas phul ba'o/ /nyan thos rnams la phul nas zhes bya ba ni sngon du bcom ldan 'das la phul nas/ nyan thos rnams la yang bkur sti byas pa'o/ /de lta bu'i grags pa dang bkur sti dang mnyes par bya ba mnyes nas zhes bya ba ni/ bcom ldan 'das 'khor dang bcas pa rnams la'o/ /bcom ldan 'das dge slong gi dge 'dun dang thabs gcig tu bya rgod phung po'i ri las shod du babs te zhes bya ba ni grong khyer yangs pa can gyi sems can gyi don du'o/ /yangs pa can gyi grong khyer chen po ga la ba der gshegs pa dang zhes bya ba ni/ yangs pa can gyi mi rnams kyis mthong nas/ gdugs dang rgyal mtshan dang/ ba dan dang rol mo'i tshogs kyis/ bcom ldan 'das rnams la sngon du zhu ba'o/ /grong khyer yangs pa can gyi grong dang grong par dang grong gi phyi rol dang/ ba dan dang rgyal mtshan dang/ gdugs dang me tog gi phreng ba dang mu tig dang mu tig gi 'phreng ba dang/ dra ba dang dra ba phyed pa dang/ bsil yab dang rnga mang dang/ rnga mang dkar po dang/ dar dpyangs dang bla re dang dog sa la za 'og dang dar bting ba dang/ grong bar du zur rdzun? du bkra shis
- 57b
bum pa gang ba yang dag par bzhag pa'o/ /yangs pa can gyi li tsa byi rnams kyis zhes bya ba ni/ bcom ldan 'das shin tu byon pa dga' nas li tsa 'am li tsa'i chung ma 'am li tsa'i bu 'am bu mo 'am/ li tsa'i 'khor po 'am 'khor mo 'am/ nye ba rnams la dga' ba'i sems dang ldan no/ /sdug bsngal thams cad dang bral ba ni/ dper na mi gcig btson du bzung ba dang brtson thon nas sdug bsngal dang bral ba lta bu'o/ /bcom ldan 'das shin tu mdzes pa zhes bya ba ni/ dper na bu mo gzhon nu ma bag mar 'gro ba bcas pa lta bu ste yang na dbyar ka'i nam mkha' la nyi zla shar ba lta bu'o/ /skar ma rnams ni nyan thos la sogs pa lta bu ste/ de bzhin du bcom ldan 'das la mdzes pa'o/ /dang por 'os pa zhes bya ba ni/ dper na pu gces pa tshong la song nas/ yun ring por ? nas ma dang phrad pa lta bu'o/ /dbang po zhi ba zhes bya ba ni/ mu stegs shin tu nga rgyal che ba bcom ldan 'das kyi zhal mthong nas dang pa skyes pa dang 'dra ste/ yang na ni 'dod pa'i yon tan lnga dang bral ba'o/ /thugs zhi ba zhes bya ba ni sems mi 'phro ba lta bu'o/ /dbang po dul ba zhes bya ba ni/ gzugs sgra dri ro reg bya dang bral ba'o/ /thugs dul ba zhes bya ba ni/ brna ba sems gnod sems log par lta ba las bral ba'o/ /dul ba dang zhi gnas kyi zhes bya ba ni/ nyan thos kyi tshul tu gnas pa'o/ /dam pa'i pha rol tu phyin pa bsnyes pa zhes bya ba ni/ pha rol tu phyin pa bcu ste de la sbyin pa ni sems can rnams yongs su 'dzin pa ste/ de la yang gsum/ zas skom dang nor bu dang/ 'bru la sogs pas sems can rnams tshim par byas te mgu bar byed pa dang/ phan skyabs dang dpung gnyen gyis sems can rnams 'jigs skrag las/ dbugs phyung ste mgu bar byed pa dang don dang yi ge dang brda'i sgo nas sems can rnams
- 58a
nyon mongs pa las grol bar byas te/ mgu par byed pa'o/ /tshul khrims ni de dag la mi gnod cing phan par sems pa ste/ de la gsum bcas pa dang rang bzhin gtso bo'i sgo nas gzhan las gnod pa las ldog par dam bcas pa'i sems can thams cad dang/ pha rol tu phyin pa bcu la sogs pa'i sgo nas dka' bar byed pa'i dam bcas pa'i sems bs? ba'i dngos po bzhi la sogs pa yis sems can gyi don byed par dam bcas pa'i sems brtan pa'o/ /bzod pa ni sran bya'i dngos po la mi sgrag cing sran tshugs pa sems pa'o/ /de la yang gsum ste/ chos la sems pa'i phyir rtag tu sdug bsngal ba la sran tshugs pa dang/ gzhan gyis gnod pa byas pa la mi skrag cing sran tshugs pa'i shes pa dang chos nyid stong pa nyid spros pa bral don la mi skrag cing sran tshugs pa'o/ /btsun 'grus ni dge ba la spro ba'i shes pa'o/ /de la yang gsum ste/ bsgrub bya'i dngos po de ltar sgrub pa'i dam bcas pa'i sems dpa' dang/ de nyid nyams su len pa'i sems pa dang/ bsgrub bya de nyid mthar ma phyin par mi gtod ba'i sems pa'o/ /bsam gtan ni dmigs pa la rtse gcig pa'o/ /de la yang gsum ste mi mthun phyogs kyi bying rgod dngos por yang ma byung la dog pa yang yod pa'i tshe spong ba'i sems mnyam pa nyid la rgyun tu bzhag /blan te bzhag pa'i sgo nas mngon par shes pa la sogs pa'i yon tan khyab par can sgrub pa dang/ bying rgod byung gis dogs pa yang yod kyang/ dngos su ma byung ba'i sems rnal tu zhugs pa'i skabs dang/ bying rgod sems byung yang ma byung gis dogs pa yang med pa'i sems lhun gyis grub pa'i skabs na lus kyi 'byor ba stod nas me byung smad nas chu grub pa la sogs pa'i sgo nas sems can don byed pa'o/ /shes rab ni chos rab tu rnam
- 58b
par 'byed pa'o/ /de la yang gsum ste/ sgra thos nas rtogs pa dang/ rig pa nges pa'i shes rab kyis sgra don la spyad pas don rtogs pa dang de lta bu'i don bsgoms pas blo phul tu byung ba skyes pa'o/ /thabs ni dge ba chung du byas pa yang mi zad par chen por byed pa ste/ rang gi skyon dge ba chen po chung ngur 'gro ba dang/ mi zad pa zad par 'gyur ba spong ba dang rang gi dge ba la sems 'jug pa'i thabs shes pa dang/ rang gi dge ba'i 'bras bur myur du smin pa'i thabs shes pa'o/ /smon lam ni 'dod pa'i gnas su rang gi dge ba stobs pa'o/ /de la yang gsum ste rang gi dge ba de phyi ma la sogs pa rgyun mi 'chad par smon cing de yang sems can thams cad kyi don du sngo ba dang/ bdag gang du skye ba der sems can rnams 'dod chags med pa zhe sdang med par gyur cig ces sems sbyong ba dang bdag gang du skye ba der ma btab pa'i lo thog skye ba dang sman dang me tog phun sum tshogs pa'i zhing khams rnam par dag pa thob par gyur cig ces smon lam gdab pa'o/ /stobs ni mi mthun pa'i phyogs zil gyis gnon pa'o/ /de la yang gsum ste/ mi dge ba'i las kyi dbang du mi 'gro zhing zil gyis gnon par mi nus shing phar la zil gyis gnon pa dang/ bdud dang rgol ba rnams kyis tshur zil gyis mnan par mi nus la par la zil gyis gnon pa'o/ /ye shes ni dngos po de shes pa'o/ /de la yang gsum ste/ gnyis su snang ba yang mi snang la zhen pa med pa dang snang ni snang la zhen pa med pa dang/ nyan thos la sogs pa gang gis 'dul ba dang/ /nga dang de ston pa'o/ /de ltar bcu po de rnams re re la yang gnyis gnyis te sbyin pa yin la pha rol tu phyin pa ma yin pa dang sbyin pa yang yin la pha rol tu phyin pa yang yin pa'o/ /de yang sems can thams cad kyi don du bsngo ba dang/ byams pa dang
- 59a
snying rje'i rnal 'byor gyis zin pa dang/ bla na med pa'i rgyur bsngos pa des ni/ sbyin pa yang yin la pha rol tu phyin pa yang yin pa'o/ /de las bzlog pa ni sbyin pa yang yin la pha rol tu phyin pa ma yin pa'o/ /de ltar tshul khrims la sogs pa yang sbyar bar bya'o/ /sbyin pa yang yin la pha rol tu phyin pa ma yin pa la gnyis te/ sbyin bya'i rdzas la sems pa mi dmigs pa dang/ sbyin bdag mi dmigs pa dang/ len pa mi dmigs pa'i shes rab kyis zin pa ni lo ka las 'das pa g.yeng ba las 'phags pa'i phyir 'das pa'o/ /'khor gsum yongs su ma dag pa ni lo ka las mi g.yo ba 'phags pa'i phyir na 'jig rten pa'i de ltar tshul khrims la sogs pa la yang sbyar ro/ /nges pa'i tshig ni sbyin pa nyid kyis pha rol tu phyin par byed pa'i phyir na sbyin pa'i pha rol tu phyin pa ste/ gzhan la yang sbyar bar bya'o/ /ming gi rnam grangs pha rol tu phyin pa zhes bya/ mchog tu byin pa zhes bya/ mthar phyin pa zhes bya'o/ /'o na 'bras bu sku gsum mam chos kyis dbyings ye shes dang/ rgyu pha rol tu phyin pa gnyis tha dad du mi 'gyur ram zhe na/ pha rol tu phyin pa bcu ni chos can la chos dbyings ye shes sam sku gsum ni chos nyid kyi tshul tu gnas pa 'am/ chos dbyings ye shes ni rten la/ pha rol tu phyin pa ni brten pa'i tshul tu gnas pa tha mi dad pa'o/ /dbang po dben zhing zhes bya ba ni/ dbang po ni mig gi dbang po'o/ /yang na ni gom pa bdun gyi bar du spyi lta ste/ ting nge 'dzin la snyoms par bzhugs pa'o/ /khug pa ni zhes bya ba ni sems yin te/ nyon mongs pa la sogs pa yang dag par spangs pa'o/ /glang po chen po ltar shin tu dul ba zhes bya ba ni/ glang po che ni dpe yin te glang po che dul ba ltar yang dag par rdzogs pa'i sangs rgyas kyang gzugs la sogs pa
- 59b
'dul ba'o/ /mtsho ltar dwang zhing zhes bya ba ni/ mtsho ni shin tu rgya che ba ting ring ba ste/ yang dag par rdzogs pa'i sangs rgyas kyi yon tan yang dpag tu med pa'o/ /rnyog pa ni dri mas te dri ma ni nyon mongs pa la sogs pa'o/ /yang dag par rdzogs pa'i sangs rgyas dri ma dang bral ba'o/ /rnam par gsal ba zhes bya ba ni/ ting nge 'dzin la sogs pa rnam par gsal ba ste/ yang na ni ye shes lnga rnam par gsal ba dang ldan pa'o/ /skyes bu chen po'i mtshan sum cu rtsa gnyis kyi sku legs par brgyan pa zhes bya ba ni/ mtshan sum bcu rtsa gnyis gang zhe na/ phyag dang zhabs 'khor lo'i mtshan dang ldan pa dang/ zhabs shin tu gnas pa dang/ phyag dang zhabs dra bas 'brel pa dang/ phyag dang zhabs gzhon zhing 'jam pa dang/ bdun shin tu mtho ba dang/ sor mo ring ba dang/ rting ba yangs pa dang/ sku che zhing drang ba dang/ zhabs legs par mtho ba dang/ yan lag gi spu gyen du 'khyil ba dang/ ri dags e na ya'i byin pa lta bu dang/ /phyag brla drang por slebs pa dang/ gsang ba'i gnas sbubs su nub pa dang/ gser gyi kha dog dang/ mdog dang shin tu 'jam pa dang/ spu re re nas g.yas phyogs su 'khyil ba dang/ zhal mdzod pus brgyan pa dang seng ge'i ro stod lta bu dang/ phrag pa'i lhun mdzes pa grub pa dang/ phrag so shin tu rgyas pa dang/ ro bro ba'i mchog dang shing n+ya gro d+ha ltar chu zheng gab pa dang/ dbu spyi gtsug dang ldan pa dang/ ljags shin tu yangs pa dang/ tshangs pa'i dbyangs dang/ seng ge'i 'gram pa lta bu dang tshems shin tu dkar ba dang/ tshems mnyam pa dang/ tshems thags bzang ba dang/ tshems mnyam zhing bzhi bcu tshang ba dang/ spyan dkar nag phyed pa dang/ ba'i rdzim lta bu ste/ de la de bzhin gshegs pa'i phyag dang zhabs kyi mthil la 'khor lo rtsibs stong dang ldan pa mu khyud can lte ba dang bcas pa rnams pa thams
- 60a
cad yongs su rdzogs pa 'di ltar/ rus pa 'am ba so la gzugs brkos pa dang 'dra ba mnga' bas phyag dang zhabs 'khor lo'i mtshan dang ldan pa'o/ /zhabs kyi mthil gnyis mnyam par sa la 'jog cing zhabs zhum pa med pas zhabs shin tu gnas so/ /ngang pa'i rgyal po ltar phyag dang zhabs kyi sor mo dra bar 'drel bas/ phyag dang zhabs dra bar 'brel ba'o/ /shing bal gyi g.yeng du ltar shin tu 'jam zhing gzhon pas phyag dang zhabs gzhon zhing 'jam pa'o/ zhabs dang phyag dang mgur gyi lhun shin tu mtho ba'o/ /phyag dang zhabs kyi sor mo ring ba'o/ /rting pa ring bas rting pa yangs pa'o/ /sku lag pa mdun du 'phags drang bas sku che zhing drang ba'o/ /pus mo'i lha nga dang long bu mdzes par nub pas zhabs legs par mtho ba'o/ /spu gyen du g.yas phyogs su 'khyil ba yin lag gi spu gyen du 'khyil ba'o/ /ri dags e na ya'i byin pa dang/ smin ma dang ldum bu dar ba ltar drang zhing mnyam pa la rims kyis gzhol bar grub cing byin pa zlum? pas ri dags e na ya'i byin pa lta bu'o/ /brla drang por bzhag ste ma btud kyang phyag gi mthil gnyis kyis pus mo g.yas pa'i lta nga la reg pa'o/ /phyag brla drang por slebs pa'o/ /glang po dang rta cang shes ltar gsang ba'i gnas shin tu mdzes par spubs su nub pas/ gsang ba'i gnas spubs su nub pa'o/ /shin tu sbyangs pa'i gser gyi kha dog lta bu dang ldan pas gser gyi kha dog go /gser dang dngul shin tu sbyangs pa ltar 'jam zhing snyoms pa'i kha dog tu ?? pa sku la rdul gyis ma gos pas mdog shin tu 'jam pa'o/ /shin tu rnam par phye ba'i spu re re skyes shing/ gnyis su med pas spu re re nas g.yas phyogs 'khyil pa'o/ /me tog kun dang zla ba dang 'o ma dang ba mo'i mdog
- 60b
ltar 'dug la/ nyi ma dang zla ba rgyas pas kyang 'phags pas 'od gsal ba'i mdzod spus smin mtshams shin tu rgyas pas zhal mdzod pus brgyan pa'o/ /ro stod che bas seng ge'i ro stong ngo/ /mgul pa rgyu legs par lhu 'brel cing lhun zlum pas/ phrag pa'i lhun mdzes pa grub pa'o/ /gser gyi bstan pa shin tu phyis pa ltar shin tu phrag so legs par grub pas phrag so shin tu rgyas pa'o/ /rlung dang mkhris pa bad kan gyis mnyams shing rnam par shes pa 'dra ba med pas ro bro ba'i mchog go /sku chu zhing 'dom du mnyam pas/ /shing n+ya gro d+ha ltar chu gab pa'o/ /spyi gtsug zlum zhing legs par g.yas phyogs su 'khyil ba dang ldang zhing dbu mnyam zhing legs par grub pa la/ mdzes pa mnga' bas dbu'i spyi gtsug dang ldan pa'o/ /me tog utpa la dmar po'i 'od mnga' ba'i kha dog ltar 'dug cing shin tu yangs pa ljags shin tu yangs shing srab pa'o/ /tshangs pa dang bya ka la piM ka lta bu'i gsung mnga' bas tshangs pa'i dbyangs so/ /'gram ba me long gi dkyil 'khor ltar legs par grub cing/ /mdzes par skyes te yid du 'ong bas seng ge'i 'gram pa lta bu'o/ /me tog kun d+ha dang dung gcig 'phro ltar shin tu dkar ba'i tshems mnga' bas tshems shin tu dkar ba'o/ /tshems la mtho dman med pas tshems mnyam pa'o/ /tshems la bar mtshams ma dod pas tshems thags bzang ba'o/ /bla 'og rgye dgu med pas tshems mnyam zhing bzhi bcu tshang ba'o/ /dkar nag cha ma 'dres pa shin tu rnam par dag pa'i mdog dmar po ma g.yogs pas/ spyan dkar nag phyed pa'o/ /rdzi ma bla 'og shin tu legs par gnas la ma 'dzings pas pa'i rdzi ma lta bu'o/ /de la bla ma la bsu skyel dang chos nyan pa la sdod pa dang/ gtsug lag khang dang mchod rten rjes su
- 61a
sgrub pa la sogs pa la phu dung du byas pas/ phyag dang zhabs 'khor lo'i mtshan dang ldan pa ste/ de ni 'khor lo shin tu mang ba'i snga ltas so/ /so yi dam la brtan pas zhabs shin tu gnas pa ste de ni mi g.yo zhing shin tu brtan pa'i snga ltas so/ /sbyin pa dang ngag snyan pa dang/ don dpyod pa dang don mthun pa'i bsdu ba rnams pa bzhi goms par byas pas zhab dang phyag dra bas 'brel ba ste/ de ni myur du 'du ba'i lnga ltas so/ /bza' ba dang bca' ba dang/ brtung pa zhim zhing nyams su bde ba byin pas phyag dang zhabs gzhon zhing 'jam pa dang/ bdun shin tu mtho ba ste/ de gnyis ni bca' ba dang bza' ba dang/ btung ba zhim zhing nyams su bde ba mthong ba'i snga ltas so/ /bcing ba bkrol ba dang srog gi rim gro byas pa dang/ srog gcod pa spangs pas sor mo ring ba dang/ rting pa yangs pa dang/ sku che zhing drangs pas te/ de ni tshes ring ba'i snga stas so/ /dge ba'i chos yang dag par blangs pa dang/ gzung ba mngon par spel zhing 'grib par ma byas pas zhabs kyi gong mtho ba dang/ yan lag gi spu gyen du 'khyil ba ste/ de ni mi mnyam pa'i chos dang ldan pa'i snga ltas so/ /rig pa dang bzo'i las rim gror byas shing gzhan 'byin pa dang/ bdag gis blangs pas ri dags e na'i byin pa lta bur ste/ de ni myur du 'dzin pa'i snga ltas so/ /bdog cing yod pa'i nor blangs nas mi 'god par gtong zhing med ces ma byas pas phyag brla drang por slebs pa ste/ de ni yo byad la mnga' ba dang 'dul ba snga ltas so/ /grogs po dang/ mdzab shes dang gnyen pa ma phye ba dang bye bar 'gyur ba'i sems can rnams tshangs pa'i spyod pa la yang dag pa bskul ba dang/ gsang ba'i tshig yongs su bsungs pas gsang ba'i
- 61b
gnas sbubs su nub ste/ de ni bu mang ba'i snga ltas so/ /stan dang gos dang khang pa dang gzhal med khangs dang/ gzhal med khang bzang po byin pas gser gyi kha dog dang/ mdog shin tu 'jam pa ste/ de gnyis ni na bza' dang gdan dang/ khang pa dang gzhal med khang dang gnas bzang po thob pa'i snga ltas so/ /'du 'dzi spangs pa dang/ mkhan po dang/ slob dpon dang pha ma dang phu nul sogs pa rnams la/ tshul dang 'dra ba'i rim gro byas pa dang/ btsun par byas pa dang bcol bar sna la ma gzan pas spu re re nas g.yas phyogs su 'khyil ba dang/ zhal mdzod pus brgyan pa ste/ de nas mnyam pa med pa'i snga ltas so/ /mi snyan pa zer zhing mi smon pa dang/ snyan par smra zhing legs par bshad pa mthun par 'dzin pas seng ge'i ro stong lta bu dang/ phrag pa'i lhun mdzes par grub pa ste/ de ni thub pa med pa'i snga ltas so/ /na ba rnams la ci dang rim gro dang/ sman pa dang nyams su phan pa'i zas byin pa dang/ rim gro byas pas phrag so shin tu rgyas pa dang/ ro bro ba'i mchog ste/ de ni nad nyung ba'i snga ltas so/ /sgyed mos tshal dang 'khor dang ltung ba dang rdzing bu dang/ rgal dka' ba'i zam pa dang/ kha zas dang 'phreng ba'i gnas dang/ stegs dang/ gtsug lag khang bya ba la sogs pa la gzhan mos? par bya ba sngon du stong zhing bdag gis gzhan byin pa ste shing n+ya gro d+ha ltar chu zheng gab pa dang dbu spyi gtsug dang ldan pa ste/ de ni mnga' chen po mnga' ba'i snga ltas so/ /yun ring por tshig snyan cing 'jam pa dang/ nyams su bde ba'i smra ba smras pas ljags shin tu srab pa dang tshangs pa'i dbyangs te de gnyis ni yan lag lnga dang ldan pa'i gsung mnga' ba'i snga ltas so/ /gsung yan lag lnga dang ldan pa zhes pa ni yongs su shes shing rnam par shes par gyur pa dang/ mnyan na
- 62a
dga' zhing mi mthun pa med pa dang/ zab cing dbyangs rjes su 'byung ba dang/ gtad mi bra zhing rnar snyan pa dang/ ma 'khrugs shing btsal ba'o/ /yun ring po nas tshig 'khyal pa spangs shing/ dus su smras pas seng ge'i 'graM pa lta bu ste/ de ni tshig kun gyis mnyan pa'i snga ltas so/ /rim gror bya ba dang snyam pa med pas gnyis 'tsho ba yongs su dag pas tshems shin tu dkar ba dang mnyam pa ste/ de ni 'khor snga nas bsags pa'i snga ltas so/ /yun ring po nas bden zhing phra ma med pa'i tshig smra bas tshems thags bzang pa dang/ tshems mnyam zhing bzhi bcu tshang ba ste/ de ni 'khor dbyer mi phyed pa'i snga ltas so/ /pang gis 'khyud pa bzhin du nye bar bsam pa med la ma chags mi sdang ba dang/ rmongs pa med pa'i mig gis blta bas spyan dkar nag 'byes pa dang/ ba'i rdzi ma lta bu ste/ de ni kun nas mdzes pa'i snga ltas so/ /de dag ni skyes bu chen po'i mtshan sum cu rtsa gnyis so// //dpe byad bzang po brgyad cus shin tu rgyas pa zhes bya ba ni gang zhe na/ sangs rgyas bcom ldan 'das rnams mngon par 'du bya ba thams cad las dben pa ste/ sen mo zad kyi mdog ltar 'dug pa'o/ /gnyen shes byams pa dang 'du bar sems can la phan pa dang bde ba'i thugs mnga' ba ste/ sen mo'i mdog snum pa yin/ rigs dang rgyud mthon por byung ba ste/ sen mo mtho ba yin/ tshul la kha na ma tho ba mi mnga' ba ste/ sor mo zlum pa yin no/ /dge ba'i rtsa ba shin tu tshogs pa ste/ sor mo rgyas pa yin no/ /dge ba'i rtsa ba rims kyis grub pa ste/ sor mo rim gyis grub pa bzhon pa yin no/ /thugs dang gsung dang sku'i 'phrin las dang/ 'tsho ba shin tu dben pa ste rtsa mi mngon pa yin no/ /nyon mongs pa'i mdun pa 'grol ba ste/ tsa bar mdud pa med pa yin no/ /shin tu dben pa'i chos
- 62b
mnga' ba ste/ long bu mi mngon pa yin no/ /mi mnyam pa thams cad las grol ba ste/ zhabs mi mnyam pa med pa yin no/ /mi'i seng+ge ste seng ge'i 'gros su bzhud pa yin no/ /mi'i glang po ste glang po che'i 'gros su bzhud pa yin no/ /ngang pa'i rgyal po ltar nam mkha' la bzhud pa ste/ ngang pa'i stabs su bzhud pa yin no/ /mi'i khyu mchog ste khyu mchog gi 'gros su bzhud pa yin no/ /mthun pa'i lam mnga' ba ste/ g.yas phyogs su bzhud pa yin no/ /lta na mdzes pa ste mdzes par bzhud pa yin no/ /rtag tu thugs yon bo mi mnga' ba ste/ ma yo bar bzhud pa yin no/ /tshul rnam par dag pa yon tan ston pa ste/ sku shin tu legs pa yin no/ /sdig pa'i chos rnams shin tu sbyangs pas te sku shin tu sbyangs pa yin no/ /chos rims kyis ston pas te sku rims kyis gzhol ba yin no/ /sku dang gsung dang thugs shin tu gtsang ba dang ldan pa ste sku shin tu gtsang ba yin no/ /rang bzhin gyis thugs 'jam pa dang/ ldan pas te sku shin tu 'jam pa yin no/ /rang bzhin gyis rnam par dag pa mnga' ste/ sku shin tu rnam par dag pa'o/ /chos dang 'dul ba shin tu rdzogs pa ste/ dpe byad bzang po shin tu rdzogs pa yin no/ /yon tan yangs shing zad pa ston pa ste sku che zhing mdzes pa yin no// sems can thams cad la mnyam pa'i thugs mnga' ste/ sku legs par mnyam pa yin no/ /mchog tu 'jam pa'i chos ston pa ste/ sku shin tu gzhon pa yin no/ /rtag tu zhum pa med pa'i thugs mnga' ste/ sku la zhum pa med pa yin no/ /mi dge ba'i rtsa ba thams cad byang ba ste/ sku shin tu rgyas pa yin no/ /yang 'byung ba shin tu bcom zhing zad pa ste/ sku shin tu mkhregs pa yin no/ /rten cing 'brel bar 'byung ba'i yan lag dang nying lag legs par ston pa ste/
- 63a
yan lag dang nying lag gtsang mar mdzes pa yin no/ /gzigs pa shin tu rnam par dag pa ste/ snang ba rab rib med cing rnam par dag pa yin no/ /tshul dang ldan pa'i slob ma mnga' ba ste/ phyal zlum pa yin no// 'khor ba'i legs nyes thams cad shin tu sbyangs pa ste/ phyal shin tu byang ba dang ldan pa yin no/ /nga rgyal gyi de'u bcom pa ste/ phyal ma zhum pa yin no/ /chos zad pa rnam par bzlog pas te phyal phyam mer 'dug pa yin no/ /chos zab mo shin tu thugs su chud pa ste lte ba zab pa yin no/ /mthun par 'dzin pa'i slob ma mnga' ba ste/ lte ba g.yas phyogs su 'khyil ba yin no/ /slob ma kun la mdzes pa'i dge 'dun mnga' ba ste/ kun nas mdzes pa yin no/ /thugs shin tu gtsang bas te/ sku spyod pa shin tu gtsang ba yin no/ /chos nag po stan pa dang bral ba'i chos dang 'dul ba mnga' ba ste/ sku la rme ba med pa yin no/ /shing bal ltar yang ba rab tu 'thob pa'i chos ston pas te phyag shing bal ltar 'jam pa yin no/ /rang gi skye bo dang phal pa la byams pas dge sbyong chen po mnyes pa ste phyag gi ri mo snum pa yin no/ /shin tu zab cing brtan par bzhugs pas bzhugs pa ste/ phyag gi ri mo zab pa yin no/ /bzod pa'i yangs pa ston pa ste/ /phyag gi ri mo ring ba yin no/ /bslab pa'i gnas ha cang yang mi ring bar 'chad ba ste/ zhal ha cang yang mi ring ba yin no/ /gzugs brnyan 'jig rten thams cad du dgye ba ste/ zhal gzugs kyi gzugs brnyan ma yin no/ /'jam pa sngon du gtong zhing 'dul ba ste/ ljags shin tu 'jam pa yin no/ /yon tan phra ba'i tshogs dang ldan pa ste/ ljags shin tu srab pa yin no/ /byis pa so so'i skye bo 'dod chags pa rnams kyis chos dang 'dul ba gting dpag par dga' ba ste/ ljags shin
- 63b
tu dmar ba yin no/ /glang po che chen po'i sgra dang 'brug gi sgra lta bus nyes pa mi mnga' ste/ glang po che'i nga ro dang 'brug gi sgra dbyangs dang ldan pa'o/ /snyan cing 'jams pa dang nyams su bde bar smra ba'i slob ma mnga' ste/ snyan cing 'jam pa dang nyams su bde ba'i gsung dang ldan pa'o/ /srid par kun tu sbyor ba las 'das te/ tshems mche ba shin tu zlum pa yin no/ /skye bo rno ba rnams 'dul bas te/ tshems mche ba rno ba dang ldan pa yin no/ /chos dang 'dul bar shin tu dkar ba ste/ tshems mche ba shin tu dkar ba yin no/ /sa phyogs mnyam pa la bzhugs pa ste/ mche ba mnyam pa dang ldan pa yin no/ /rim gyis mngon par rtogs pa'i chos ston pa ste/ tshems mche ba rim gyis zhol ba yin no/ /shes rab kyi ri bo mthon po la bzhugs pa ste/ shangs legs par mtho ba dang ldan pa yin no/ /'dul ba'i skye bo gtsang ma mnga' ba ste/ shangs shin tu gtsang ba yin no/ /sangs rgyas kyis chos phul tu yangs pa mnga' ba ste/ spyan ring ba dang ldan pa yin no/ /gzigs pa shin tu rnam par dag pa ste/ spyan rnam par dag pa yin no/ /sems can gyis tshogs shin tu bsags pa ste/ rdzi ma stug pa yin no/ /lha dang lha ma yin dang skyes bu dang na chung mchog mig dkar nag phyed pa pad+ma'i 'dab ma ltar 'dug pa rnams kyis mngon par dga' bar byas to/ spyan dkar nag phyed cing pad+ma'i 'dab ma ltar 'dug pa yin no/ /rtag tu yangs pa'i gzigs pa ste spyan ring ba dang ldan pa yin no// 'jam pa rdul ba la mkhas pa ste smin ma 'jam pa dang ldan pa yin no/ /skyon thams cad mkhyen pa ste smin ma'i spu mnyam pa dang ldan no/ /dge ba'i rtsa ba'i snum gyis sems snub par gyur pas skye bo 'dul ba ste smin ma snam pa
- 64a
dang ldan pa yin no/ /chos mchog tu yangs shing don dang ldan pa mnga' ste snyan legs shing snyan shal ring ba yin no nyon mongs pa'i rgyu las rnam par rgyal ba ste snyan mnyam pa yin no/ /sems can bsam pa ma mnyam pa 'bul ba ste snyan gyi dbang po ma nyams pa dang ldan pa yin no/ /lta ba'i rnam pa thams cad yongs su byang ba ste/ zhal 'phral ba legs par grub pa dang ldan pa yin no/ /phas kyi rgol ba shin tu dul ste/ zhal phra ba yangs pa dang ldan pa yin no/ /smon lam dam pa shin tu rdzogs pa ste/ dbu shin tu rgyas pa yin no/ /g.yul gyi bung ba rnams par bzlog pa ste/ dbu bung ba ltar gnag pa yin no/ /mthong ba dang bsgom pa spangs pa'i bag la nyal zad par bya ba ste dbu stug pa yin no/ /thugs 'jam pas bstan pa'i snying po thugs su chud pa ste/ dbu 'jam pa yin no/ /rtag tu ma 'khrugs pa'i thugs dang ldan pa ste/ dbu mi rdzi ba yin no/ /rlang ba'i gsung yongs su bral ba ste/ dbu mi rtsug pa pa yin no/ /byang chub kyis yan lag spos kyi me tog gis skye bo mthun par bsgrubs pa ste/ dbu la dri zhim pa yin no/ /sangs rgyas bcom ldan 'das rnams ni phyag dang zhabs dpal gyi be'u dang bkra shis dang dga' ba 'khyil pas brgyan pa yin no zhes bya'o/ /shing sa la'i rgyal po ltar zhes bya ba ni/ shin tu skye legs pa yal ga mang ba lo ma rgyas pa/ dper na dbyar ka tshad pa tshe ba'i dus su tshad pa la 'jigs nas shing des kyang mi la phan thogs te/ de bzhin du yang dag par rdzogs pa'i sangs rgyas rnams kyis kyang 'gro ba rigs drug sems can rnams la phan 'dogs pa'o/ /de bzhin gshegs pa zhes bya ba ni/
- 64b
de bzhin nyid du gshegs pas na de bzhin gshegs pa ste/ de bzhin nyid ni stong pa nyid spros pa dang bral ba ste/ de yang dang po byung yang de'i ngang las byung ba/ bar du gnas kyang der/ tha mar 'gag pa la ma thim yang de la thim pa'i phyir te chos sku'o// yang na de bzhin nyid rtogs pa ste/ stong nyis spros bral rtogs shing/ rig pa'i phyir longs sku'o/ /yang de bzhin du gshegs pas de bzhin gshegs pa ste mar me mdzad la sogs pa dus gsum gyi sangs rgyas rnams kyis mdzad pa bcu gnyis la sogs pa'i sgo nas sems can don la gshegs pa ste/ spral ba'i sku'o/ /sku rnam par spras pa zhes bya ba ni/ shing sa la'i lo ma rgyas pa ltar sangs rgyas bcom ldan 'das kyang yon tan gyis spras pa'o/ /nyi ma ltar 'od gzer gyi dra bas kun tu 'gyed pa zhes bya ba ni/ 'od gzer ni nyi ma bdun gyi 'od gzer dra ba ste/ nyi ma de bzhin du 'od gzer khyab pa bzhin du yang dag par rdzogs pa'i sangs rgyas kyi gzi brjid kyis khyab pa'o/ /'od gzer ni dra ba kun tu 'gyed pa ci'i phyir zhe na don med par dra ba 'gyed pa ma yin no/ /'o na rgyal po'i khab na rgyal po sbyin pa sa ra ri rgyal khrims yin pa dang yang dag par rdzogs pa'i sangs rgyas shAkya thub pa de'i dus na bai DUrya shel zhes bya ba'i lha khang na bzhugs te dus gcig na bcom ldan 'das sems can gyi don byed la dgongs nas bsod snyoms mdzad de tshong dpon chen po bkra shis dpal dang/ yum dpal ldan grags ma zhes bya ba ste/ yo byad phun sum tshogs pa me tog gi ra ba dang skyed mos tshal la sogs pa kho'i gnas ni shin tu yid du 'ongs pa dang/ sems dga' ba dang/ tshong dpon de'i slob dpon mu stegs gcer bu yin te/ yang dag par rdzogs pa'i sangs rgyas shAkya thub pas de'i khyim du bsod snyoms la
- 65a
gshegs te/ de nas tshong dpon yab yum dad pa skyes nas/ yang dag par rdzogs pa'i sangs rgyas ma byon pa de ring 'dir byon pa shin tu legs so/ /chos ston grangs bkur sti byas yo byad la sogs pa phul nas/ de nas tshong dpon gyi chung ma nang ba de bcom ldan 'das la gzigs su phul lo/ /tshong dpon gyis de skad smras so/ /bcom ldan 'das ni mngon par shes pa mdzad de 'di'i lus la ci skye zhe na/ de nas bcom ldan 'das kyis bka' stsal pa'o/ /tshong dpon 'di'i lus la skyes bu dam pa skye'o/ /sangs rgyas kyi bstan pa srung ba/ dgra bcom pa'i 'bras bu thob pa/ rdzu 'phrul gyi rkang pa dang ldan par myur du thob pa skye'o/ /bcom ldan 'das kyis de skad gsungs pa dang tshong dpon dga' ba'i sems dang ldan ni/ /bcom ldan 'das la phyag lan gsum btsal nas yang bkur sti la sogs pa byas so/ /de nas bcom ldan 'das gshegs so/ /gshegs pa'i dus su mu stegs gcer bu dang 'phrad do/ /gcer bu'i sems la nga'i yon bdag gau ta mas phrogs so snyam nas/ nang du phyin nas tshong dpon la smras so/ /kye tshong dpon gau ta mas ci la byon smras pas tshong dpon gyi zhal nas/ bcom ldan 'das gsod snyoms la byon pa lags dad pa skyes nas bkur sti byas pa yin pa'i 'di'i nad pa gzigs su phul ba lags/ bcom ldan 'das kyi zhal nas 'di'i lus la skyes bu dam pa dgra bcom pa'i 'bras bu thob pa/ sangs rgyas kyi bstan pa bsrung ba/ rdzu 'phrul gyi rkang pa myur du 'thob pa skyes gsungs so/ /gcer bu'i mtshan nyid ni mngon par shes pa gcer bu ra'i 'phongs la thal lcags brgyab pas gcer bu ra dang 'dra ba bzhi bzhi lnga lnga thon pa de bzhin du mtshan nyid dang 'dra ba'i gcer
- 65b
bus rdzun po smras so/ /kye tshong dpon go'u ta ma'i 'dod pa yin/ kye bu dang skye ste skyes ma thag nas ma gsod pa de'i ting la khyod kyi yo byad phun sum tshogs pa thams cad zad pa byed pa de'i gting la pha bsad nas/ bo rang rab tu byung ba yin/ de lta bu skye ba yin khyod kyis myur du ma bsad na de bzhin du khyod la de dag myur du 'ong ngo/ /de nas tshong dpon gyis sa nub mo'i dus su chung ma'i gsus pa phyag gnyis kyis mnyes so mnyes pas mo ma bzos nas skad ngan chen po byung ngo/ /de nas khyim tshes dang nye ba la sogs pas thos nas/ ram 'da' byas pas de'i nub mo dbugs dang ma bral lo/ /yang phyi de nub mo'i dus su me tog gi ra ba yod pa'i skyed mos tshal gyi dbus su khang pa gcig gi nang du yang khrid nas chung ma'i gsus pa mnyes so/ /mnyes pa dang bud med de na tsha chen po byung bas dbugs chad do/ /de nas tshong dpon gyis kha skang brgyur nas smras so/ /nga'i chung ma de yang byis pa ma thon par gum mo zhes smras so/ /mya ngan gyi tshul yang byas de nas mu stegs gcer bu'i tshogs rnams kyang rgyal po'i pho brang ngam/ srang ga 'am srang ga chen po 'am/ grong ngam grong khyer chen po 'am/ grong rngal la sogs pa la 'di skad ces smras so/ /kye rgyal po skyes bu rnams gau ta ma'i rdzun po la tshong dpon de'i bud med la bu khye'u ga re mo yang shi gau ta ma'i rdzun po la sems can thams cad dad pa skyes de skad bzhin du gcer bu'i tshogs rnams yang nas yang du smras zhing dril bu dkrol zhing ba dan 'phyar zhing yar mar 'gro byas so/ /gcir bu'i tshogs rnams kyang rang dong skyes so/ /de nas yang bcom ldan 'das kyis baiDUrya'i ra shal gyi gtsug lag khang gi nang du seng ge'i gdan la rdo rje dkyil krung du bzhugs te byang chub sems dpa' dang dgra bcom pa'i nyan thos dang dge slong ngam dge slong ma 'am/
- 66a
dge bsnyen nam dge bsnyen ma 'am/ 'khor gyi dbus su ting nge 'dzin la snyoms par zhugs so/ /yang dag par rdzogs pa'i sangs rgyas kyi mdzod spu nas 'od zer gyi dra ba nyi ma'i 'od dang ldan pa stong gsum gyi stong 'jig rten gyi khams chen po khyab po/ /kun tu khyab po yang 'od zer gyi dra ba de ba spu re re la 'du'o/ /de nas bcom ldan 'das kyis ba spu re re 'am mdzod spu nas 'od zer gyi dra ba nyi ma bdun shar ba dang 'dra ba nam mkha' la 'phro'o/ /de nas 'od zer de yang mi mjed kyi bdag po tshangs pa la sogs pa/ dga' ldan nam sum cu rtsa gsum mam rgyal chen gyi lha 'am/ 'od zer gyi dra bas kun tu khyab po 'od zer gyi dra ba de/ yang dag par rdzogs pa'i sangs rgyas kyi mdzod spu la 'du'o/ de nas tshe dang ldan pa kun dga' bo stan las langs te bcom ldan 'das la bskor ba lan gsum byas la/ mgo bos phyag 'tshal te/ spus mo g.yas pa'i lha nga sa la gtsugs nas/ thal mo sbyar nas bcom ldan 'das la zhus pa'o/ /bcom ldan 'das kyi lags gang gi sems can gyi don lags mtshan nyid gang lgags/ rgyu gang la lags rkyen gang lags bcom ldan 'das zhes smras so/ /de nas bcom ldan 'das kyis ting nge 'dzin de las langs te tshe dang ldan pa kun dga' bo la bcom ldan 'das kyis bka' stsal te/ /tshe dang ldan pa kun dga' bo byang chub sems dpa' dgra bcom pa nyan thos dang/ dge slong ngam dge slong ma 'am/ dge bsnyen nam dge bsnyen ma'i 'khor rnams dur khrod bsil ba'i tshal tu 'gro ba lags/ gzhon nu 'od zer skyes dgra bcom pa yang dag par byung bas gshegs par bgyi'o/ /de nas bcom ldan 'das seng ge'i stan las langs te/ gtsug lag khang nas phyir gshegs
- 66b
so/ /de bzhin du dgra bcom pa rnams kyang gshegs so/ /de nas mi mjed kyi bdag po tshangs pa dang/ tshang chen gyi lha dang lha'i dbang po brgya byin dang/ rgyal po chen po bzhi dang rgyal chen gyi lha rnams dang/ lha ma yin dang/ gdugs dang rgyal mtshan dang/ ba dan dang lha'i rol mos bcom ldan 'das la sngon du bsus ste/ lha rdzas kyi dri bzang po dang me tog gi char phab po/ /de nas rgyal po chen po gzugs can snying pos thos nas rgyal po dang rgyal po chen po 'khor dang bcas pa yang gshegs so// de'i gting la gcer bu'i mtshan ma 'am tshong dpon gyi 'khor ram/ ro de'i bla ma gshegs so/ /de bzhin du rgyal po khab kyi skye dgu 'am skye dgu'i bdag po la sogs pa dur khrod bsil ba'i tshal tu gshegs so/ /bsil ba'i tshal du slebs nas/ phyogs gcig tu bcom ldan 'das dang nyan thos la sogs pa bzhugs so/ /phyogs gcig tu gcer bu dang mu stegs bsdad do/ /de nas ro sregs pa'i sa nas skad byung po/ /skad byung ba dang pad+ma skye'o/ /pad+ma'i steng na gzhon nu 'od zer skyes zhes bya ba skyes so /shin tu skyes legs pa dgra bcom pa'i byed dang ldan pa de me'i nang du de lta bur skyes so/ /de nas bcom ldan 'das kyis tshong dpon la smras pa/ kye tshong dpon khyod kyi bu 'di lags so/ /zhes smras so/ /tshong dpon gyis gcer bu la kha bltas nas langs dogs byed do/ /de nas gcer bus tshong dpon la smras so/ /kye tshong dpon me'i nang du gang yang shi nas me la bsregs pa la/ khyod kyi bu ni gang la skyes/ me'i nang du 'gro na ni/ khyod ni nges par tshig par 'gyur zhes brjod pas 'gro ma nus so/ /de nas bcom ldan 'das kyis rgyal po gzugs can snying po la bka' stsal to/ /kye rgyal po chen po gzhon nu long la spyod cig ces brjod pa dang/ rgyal po chen pos blangs nas/ me'i nang na khyer nas 'ongs so//
- 67a
me de yang shin tu bsil ba'i kha tsha ba'i dngos po med do/ /yang dag par rdzogs pa'i sangs rgyas kyis blangs nas/ byin gyis brlabs nas/ dgra bcom pa gzhon nu 'od zer skyes zhes bya bar mtshan btags so/ /de nas gzugs can snying pos blangs te/ lha dang lha ma yin la sogs pa kyang ltas so/ /ngo mtshar che'o/ /mi rnams kyis kyang ngo mtshar che'o zhes bltad mo ltas so/ /yang bcom ldan 'das la dad pa skyes nas/ lha'i dbang po brgya byin la sogs pas/ lha rdzas kyi me tog gi char phab po/ /lha'i rol mos mchod pa byas so/ /mu stegs gcer bu'i tshan pa de pham mo/ /bdud pham mo/ /'od zer gyi dra ba 'gyed pa zhes bya ba'i nges tshig go/ /mtshan mo mun pa'i nang na zhes bya ba ni/ mtshan mo ni dpe yin te/ de bzhin du mtshan mo'i me ni shin tu gsal bas mtshan mo zhes bya'o/ /ri bo'i spol me'i phung po chen po rab tu 'bar ba dang 'dra zhing zhes bya ba ni/ dper na mi zhig gis ri bo chen po la 'bar ba mthong bzhin du'o/ /bcom ldan 'das gser gyi ri bo nas gshegs pa mthong ngo zhes bya ba ni/ gser zhes bya ba ni yon tan dang ldan pa'o/ /ri bo chen po ltar zhes bya ba ni bcom ldan 'das kyi sku'o/ /lham me lhan ne zhes bya ba ni 'od zer sna tshogs so/ /rgyang ring po nas gshegs pa mthong ngo zhes bya ba ni/ mun nag gi nang nas me 'bar ba mthong ba bzhin du mthong ngo/ /gshegs pa ni grong khyer yangs pa can gyi dbus su'o/ /mthong ba ni li tsa byi rnams kyis so/ /mthong ma thag tu zhes bya ba ni gus pa'i sems kyis bcom ldan 'das la'o/ /yangs pa can gyi li tsa byi rnams bcom ldan 'das la sems dad par gyur nas zhes bya ba ni nyon mongs pa dang ldan pa'i sems can rnams/ sangs rgyas bcom ldan 'das mthong nas sems de 'khril
- 67b
bar 'gyur ba'o/ /sems dad bar gyur pa de dag ces bya ba ni grong khyer yangs pa can gyi mi rnams so/ /byi dor byed pa zhes bya ba ni dad pa bcom ldan 'das la mchod pa byed pa'o/ /bcom ldan 'das yangs pa can gyi grong khyer chen por/ /lam gang nas gshegs pa'i lam de 'phyag cing chag chag 'debs zhes bya ba ni/ sangs rgyas gshegs pa'i lam la gzhan rnams kyis kyang tsan dan la sogs pa'i dri zhim po'i chus sa gzhi rnam par dag par byas pa'o/ /byi dor byas me tog 'thor zhes bya ba ni/ sa gzhi mthon dman med par byas la me tog sna tshogs kyis sil mar bkram la me tog gi phreng ba'i dra bas brgyan pa'o/ /dar gyi lnga ldi dang dril bu dang gdugs dang rgyal mtshan dang ba dan sna tshogs kyis brgyan te zhes bya ba ni/ grong khyer gyi phyogs bzhir yang bar snang gi phyogs su de rnams 'phyar ba'o/ /bdug spos sna tshogs kyis bdugs nas zhes bya ba ni/ grong khyer gyi phyogs dang mtshams su bdag spos sna tshogs kyis pog por bzhag pa dang bum pa gang ba bzhag pa'o/ /ga la ga der song ste ga la ba der dong ste byin pa dang/ zhes bya ba ni grong khyer yangs pa can gyi dbus su'o/ /zhabs gnyis la mgo bos phyag 'tshal te zhes bya ba ni/ grong khyer yangs pa can gyi mi rnams dang li tsa byi rnams kyis phyag 'tshal ba'o/ /de nas zhes bya ba ni phyag 'tshal gyi gting la'o/ /bcom ldan 'das kyi phyag gi mthil 'khor lo rtsibs stong dang ldan pa'o/ /ri mo can me tog pad+ma'i snying po ltar 'jam ba zhes bya ba ni li tsa byi'i mgo la reg pa'o/ /sngon legs par spyad pa'i mtshan gyis brgyan pa zhes bya ba ni skyes bu'i mtshan sum cu rtsa gnyis dang dpe byad bzang po brgyad cus legs par brgyan pa'o/ /gzhon sha chags shing zhes bya ba ni lo bcu gnyis ma'i sha lta bu'o/ /'jam pa ni lus
- 68a
ngag yid gsum 'jam pos nyi ma'i 'od zer bas lhag pa'i 'od dang ldan pa zhes bya ba ni nyi ma bdun gyis 'od zer dang ldan pa'o/ /'od zer brgya phrag mang po kun tu 'phro ba zhes bya ba ni/ mdzod spu 'am ba spu'i bu ga 'am lte ba'i gnas sam dbu'i gtsug tor ram ljags sam sna'i bu 'am/ snyan nam/ spyan gyi sgo nas sems can gyi don la 'phro ba'o/ /dri ma med pa'i phyag gis zhes bya ba ni/ nyon mongs pa'i dri ma dang bral ba'o/ /li tsa byi rnams gyi mgo la byugs te zhes bya ba ni bram ze chen po ste khyod kyis btab pas yang dag par rdzogs pa'i sangs rgyas kyi phyag spyi bor bzhag nas byin gyis brlabs pa'o/ /rjes su bstan pa mdzad do zhes bya ba ni rjes su dran pa drug go /de nas zhes bya ba ni li tsa byi byin gyis brlabs zhes bya ba'o/ /bcom ldan 'das yangs pa can gyi grong khyer chen po'i nang du gshegs pa ni/ grong khyer gyi dbus su nam gyi gung thun la zhes bya ba ni yi dags rgyu ba'i dus su'o/ /sgo skyes kyi gzhi zhabs kyis mnan na zhes bya ba ni/ dbang po'i phur pa la zhabs yang dag par bzhag pa'o/ /phyogs bzhir gzigs te zhes bya ba ni ye shes kyi spyan gyis gzigs pa'o phyag gser gyi mdog can brkyang nas zhes bya ba ni/ sngon du song ba ni skyes bu chen po'i mtshan sum cu rtsa gnyis/ dpe byad bzang po brgyad cu dang ldan pa'o/ /na bza' bla gos gsol te zhes bya ba ni/ mdzes pa'i chos gos phrag la gzar nas zhes bya ba ni yin no/ /bka' stsal to zhes bya ba ni phyin ci ma log pa'o/ /phyi ma'i dus na zhes bya ba ni/ sku mya ngan las 'das pa'o/ /dge slong ma la sogs pa zhes bya ba ni/ bstan pa bsrung dgos pa'i dus su ste bkur sti byed pa'o/ /gang su yang rung ba dag ces bya ba ni/ byang chub sems
- 68b
dpa' lcang lo can rnams kyis bkur sti byed par 'gyur ro/ /de bzhin gshegs pa'i sku gdung ring bsrel yungs 'bru tsam la mchod pa byed pa dang zhes bya ba ni/ 'das pa dang ma 'ongs pa dang da ltar yod pa rnams kyis/ sku gzugs dang gdung dang ring bsrel lta bu'o/ /rig sngags kyi rgyal mo stong chen mo rab tu 'joms pa gdon thams cad las thar bar byed pa'i chos kyi rnam grangs zhes bya ba ni/ stong pa nyid kyi rang bzhin bdud bzhi po pham par byed pa/ bskyed pa'i rim pa dang rdzogs pa'i rim pa yang dag par 'grub pa/ sdug bsngal thams cad 'joms par byed ma/ ma rungs pa'i 'byung po rnams rlag par byed ma/ chos thams cad kyi 'byung gnas de bzhin gshegs pa'i ring bsrel gyi skur snang ba'o/ /de bzhin gshegs pa dgra bcom pa yang dag par rdzogs pa'i sangs rgyas gang+gA'i bye ma snyed rnams kyis/ sangs rgyas kyi phyag 'di zhes bya ba ni/ stong chen po rab tu 'joms ma 'di/ yang 'das pa'i sangs rgyas 'od srung la sogs pa gang+gA klung gi bye ma snyed bye ba khrag khrig 'buM phrag brgyad cu rtsa bzhis bsrung zhing/ phyag rgya'i rgya btab pa de bzhin du ma 'ongs pa'i sangs rgyas byams pa la sogs pa yin no/ /de ltar yang shAkya thub pa la sogs pa/ /bsrung zhing phyag rgya'i rgyas btab pa'o/ /'dzin cing 'chang ba dang klog cing ston pa dang zhes bya ba ni/ bskyed pa'i rim pa dang rdzogs pa'i rim pa bsgom pa/ ting nge 'dzin dang kha ton du sngags dang mdo 'don pa dang/ kun chub par byed pa de dag la zhes bya ba ni/ rgya cher chos kyi 'khor lo bskor ba dang/ gus par 'di la rgya cher spel nas bla mar byas/ mchod par byas pa'o/ /yams kyi nad dang 'jigs pa dang/ 'che ba dang nad 'go ba dang 'khrug pa dang 'thab pa dang/ 'chang ba dang/ kha mchu dang shags dang tha na phra ma dang sdig
- 69a
pa mi dge ba sdug bsngal ba'i las kyis mi tshugs shing 'tshe bar byed pa thams cad kyis mi thub par 'gyur ro zhes bya ba ni grong yangs pa can gyi dbus su 'khor gyi nang du bka' stsal pa'o/ /bcom ldan 'das la mi mjed kyi bdag po tshangs pas 'di skad ces gsol to zhes bya ba ni/ mnyam pa nyid du khyab pa'i sangs rgyas la/ 'jig rten gyi mes pos zhus pa'o/ /btsun pa bcom ldan 'das zhes bya ba ni/ sku gsung thugs btsun pa dka' thub mdzad pa/ bdud rnams bcom zhing pha rol phyin pa drug mthar phyin pa nyon mongs pa lnga las 'das pa'o/ /rig sngags kyi rgyal mo stong chen mo rab tu 'joms ma zhes bya ba ni/ de bzhin gshegs pa rnams kyis ring bsral lta bu phyag rgya bzhi'i ngo bor gdon thams cad las thar bar byed pa'i chos kyi rnam grangs zhes bya ba ni bar chos med pa bdud rnams kyis mi tshugs pa ste 'di'i lam nas thar pa thob pa/ dmigs pa med pa'i ye shes stong pa nyid du snang pa'o/ /de bzhin gshegs pa dgra bcom pa yang dag par rdzogs pa'i sangs rgyas gang+gA'i bye ma snyed rnams kyi sangs rgyas kyi phyag rgya de gang lags zhes bya ba ni/ stong chen mo rab tu 'joms ma 'das pa dang ma 'ongs pa dang/ da ltar yod pas gsungs pa gsang sngags kyi tshig zhus pa'o/ /de skad ces gsol ba dang zhes bya ba ni/ mi mjed kyi bdag po tshangs pas bcom ldan 'das la zhus pa'o/ /bcom ldan 'das kyi mi mjed kyi bdag po tshangs pa la 'di skad ces bka' stsal to zhes bya ba ni/ mtshan sum cu rtsa gnyis dang ldan pa dpe byad bzang po brgyad cus rgyan pa sprul pa'i skus bka' stsal pa'o/ tshangs pa de'i phyir khyod legs par nyon la yid la zung zhig dang ngas khyod la bshad do zhes bya ba ni/ pha rol tu phyin pa'i
- 69b
rang bzhin sdug bsngal thams cad 'joms par byed pa'i gsang sngags sangs rgyas kyi sems can gyi don la bka' stsal pa'o/ /btsun pa bcom ldan 'das de ltar 'tshal lo zhes gsol nas zhes bya ba ni/ mi mjed kyi bdag po tshangs pas kyang gus par/ bcom ldan 'das la gsol ba btab pa'o/ /mi mjed kyi bdag po tshangs pas bcom ldan 'das kyi ltar nyan pa dang zhes bya ba ni/ 'khor rnam bzhi dang tshangs pas dbu'mdzad pa mi dang mi ma yin pa'i tshogs rnams 'joms pa'o// de la bcom ldan 'das kyis 'di skad ces bka' stsal to zhes bya ba ni/ de bzhin gshegs pa'i rigs dang mtshan ma ston te/ mtshan ma'i bcom ldan 'das rnam par snang mdzad do/ /de'i mtshon bya ni chos kyi dbyings kyi ye shes so/ /sku mdog ni dkar po zhal bzhi pa g.yas zhal sngon po ltag pa'i zhal dmar po g.yon ljang gu spyan gsum gsum dang ldan pa'o/ /dbul rigs lngas brgyan pa'o/ /phyag brgyad pa/ g.yas na 'khor lo ral gri /rdo rje dang rtse gsum mo/ / g.yon gyi phyag na 'dzin pa ni bum pa'i steng na rdo rje dang rin po che dang zhags pa dang ni lcags kyu'o/ /pad+ma zla ba'i steng na rdo rje skyil krung mdzad pa/ sku me 'od kyi dkyil na bzhugs pa'o/ /rdo rje rigs kyi de bzhin gshegs pa'i rigs so/ /de bzhin du stong chen mo rab tu 'joms ma rtsa ba'i sngags so/ /sya t+the daM/ a tsa le la sogs pa'o/ /stong chen mo rtsa ba'i sngags de la/ 'di skad ces bya ste/ lus su rtogs pa dang dran pa dang zhes bya ba ni byang chub kyi phyogs kyi chos sum cu rtsa bdun no// zhi gnas dang lhag mthong zhes bya ba ni/ thabs dang shes rab ste lha'i gzugs su bsgom pa ni thabs so/ /rig sngags stong pa nyid sgom pa ni shes rab ste/ des na thabs shes rab bzung du 'brel ba'o/ /ting nge 'dzin gsum gang zhe
- 70a
na/ rnam par thar pa'i sgo gsum ste stong pa nyid kyi ting nge 'dzin ni stong pa nyid kyi rnam pa dang/ dben pa'i rnam par sems rtse gcig pa ste de ni stong pa nyid kyi ting nge 'dzin ces bya'o/ /mtshan ma med pa'i ting nge 'dzin no/ /zhi ba'i rnam pa dang mtshan ma med pa'i rnam par sems rtse gcig pa ste/ de ni mtshan ma med pa'i ting nge 'dzin ces bya'o/ /smon pa med pa'i ting nge 'dzin gang zhe na/ mi rtag pa'i rnam pa dang/ sdug bsngal ba'i rnam par sems rtse gcig pa ste/ de ni smon pa med pa'i ting nge 'dzin ces bya'o/ /rdzu 'phrul gyi rkang pa bzhi zhes bya ba ni mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ spyod pa'i ting nge 'dzin spong pa'i 'du byed pa dang ldan pa'i rdzu 'phrul gyi rkang pa'o/ /yang dag par spong ba bzhi zhes bya ba ni/ sdig ston mi dge ba'i chos ma skyes pa rnams mi bskyed pa'i phyir mos pa bskyed pa dang/ skyes pa rnams spang ba'i phyir mos pa bskyed pa'o/ /dge ba'i chos ma skyes pa rnams bskyed pa'i phyir mos pa bskyed cing brtson 'grus rtsom pa dang/ skyes pa rnams 'phel zhing shin tu rgyas par bya ba dang bsgom pa yongs su rdzogs par bya ba'i phyir mos pa bskyed pa'o/ /dran pa nye bar zhag pa bzhi zhes bya ba ni/ lus dran pa nye bar bzhag pa ni/ yan lag 'dus pa sna tshogs kyi lus gzung 'dzin la sogs pa stong zhing mi dmigs pa bsgom pa'o/ /tshor ba ni phyi na yang med nang na yang med gnyis ka med par mi dmigs pa bsgom pa'o/ /sems ni ming tsam ste mi dmigs pa sgom pa'o/ /chos ni chos la mi dmigs par bsgom pa'o/ /de ni
- 70b
theg pa chen po'i dbang du byas pa'o/ /bsam gtan bzhi zhes bya ba ni bsam gtan dang po nas yan lag lnga ste/ rtog pa dang dpyod pa gnyis nyon mongs pa'i yan lag go /dga' ba dang bde ba gnyis pham pa'i yan lag go /sems rtse gcig pa gnyis ka'i yan lag go /bsam gtan gnyis pa ni yan lag kun la bsdus nas bzhir bshad do/ /nang rab tu dang ba gnyen po'i yan lag go /tshor ba yid dga' ba dang bde ba phan yon gyi yan lag /sems rtse gcig pa gnyis ka gnas kyi yan lag go /bsam gtan gsum pa la yan lag lnga ste/ btang snyoms dran pa shes bzhin gsum gnyen po'o/ /tshor ba bde ba phan yon gyi'o/ /sems rtse gcig pa gnyis ka gnas kyi yan lag go /gzhi pa na yang yan lag lnga ste bzhir bshad do/ /btang snyoms yongs su dag pa dang/ dran pa yongs su dag pa dang/ bde ba yang ma yin sdug bsngal ba yang ma yin pa'o/ /shes bzhin yongs su dag pa ni gnyen po'i tshor ba dang phan yon gyi yan lag go/ sems rtse gcig pa ni gnyis ka'i gnas kyi yan lag go /'phags pa'i bden pa bzhi zhes bya ba ni/ gang gis 'du byed thams cad ma skyes par mthong ba des sdug bsngal yongs su shes pa'o/ /chos thams cad 'byung ba med par mthong ba des kun 'byung ba rab tu spongs so/ /chos thams cad mya ngan las 'das par mthong pa des/ 'gog pa mngon du byas so/ /chos thams cad dngos po med par mthong ba des/ lam bsgoms so/ /dbang po lnga zhes bya ba ni/ dad pa'i dbang po ni/ las dang 'bras bu dang/ bden pa dang/ dkon mchog rnams la mngon par yid ches pa ste dbang po ni 'di'o/ zhes mngon par 'dzin pa'o/ /brtson 'grus kyi dbang po ni bya ba de la nges par 'jug pa'o/ /dran pa'i dbang po ni
- 71a
dran pa nyams pa med pa ste des ma rigs pa'i skabs mi byed pa'o/ /ting nge 'dzin gyi dbang po ni sems rtse gcig pa ste des dbang byed pa'o/ /shes rab kyi dbang po ni blang ba dang dor ba gnyis rnam par 'byed pa'o/ /stobs lnga zhes bya ba ni/ dad pa'i stobs la sogs pa bshad pa ni/ dbang po lnga nyid rab kyis mthar gyur pas bzhag go /de dag kyang dad pa'i stobs dang/ brtson 'grus kyi stobs dang dran pa'i stobs dang ting nge 'dzin gyi stobs dang shes rab kyi stobs zhes mngon par brjod par 'gyur ro/ /rjes su dran pa drug ces bya ba ni/ rten dkon mchog gsum rjes su dran pa/ yul tshad med pa bzhi rjes su dran pa/ shes bya ba bden pa gnyis rjes su dran pa/ thabs shes rab rjes su dran pa dang rgyu rigs lnga'i dam tshig rjes su dran pa dang/ 'bras bu sangs rgyas rjes su dran pa'o/ /byang chub kyi yan lag bdun zhes bya ba ni/ chos rnam par 'byed pa byang chub kyi yan lag gis sa dang po la chos kyi dbyings skye ba med pa rang gi mtshan nyid mngon sum du skyu ru ra lag mthil du bzhag pa bzhin rtogs pa'o/ /dran pa yang dag byang chub kyi yan lag gis gong du chos rang dang spyi'i mtshan nyid rtogs pa ma rjed pa'o/ /brtson 'grus yang dag byang chub kyi yan lag gis bdag mngon par rdzogs par sangs rgyas pa la thogs pa med par 'jug pas sam/ dge ba gong nas gong du 'phel bar byed pa'o/ /shin tu sbyangs pa yang dag byang chub kyi yan lag ni nyon mongs pa spong ba'i gzhi ste/ de la lus shin tu sbyangs pa ni lus shing bal gyi 'dab ma ltar yang ba dang reg na bde ba la sogs pa'o/ /sems shin tu sbyangs pa ni dmigs pa la rtse gcig pa ste rdzu 'phrul ye shes kyi mngon par shes pa dang ldan pa'o/ /ting nge 'dzin yang dag byang chub kyi yan lag ni/ nyon mongs pa spong ba gnas kyi yan lag ste ting nge
- 71b
'dzin la gnas nas gnas ngan len gnas 'gyur ba'i phyir ro/ /btang snyoms yang dag ni/ ngo bo nyid kyi yan lag ste/ nyon mongs pa dngos su yang mi 'byung mod kyi/ dag pa yang med de gnyen po'i 'bad rtsol med pa'o/ /dga' ba yang dag ni chos bdag med pa'i don mthong pas/ lus kyi dga' ba dang sems kyi bde ba phul tu phyung ba skyes pa ste phan yon gyi yan lag go /'phags pa'i lam yan lag brgyad zhes bya ba ni/ yang dag pa'i lta ba ni mnyam gzhag gi don rjes thob kyis bcod pa'o/ /yang dag pa'i rtog pa ni kun slong pa'i phel ba nus pa yod pa ste/ kha dog ni legs par byang ba bzhin no/ /yang dag pa'i ngag ni lta ba la yid ches par byed pa ste/ bshad pa dang 'brel gtam la sogs pa'i sgo nas yid ches pas so/ /yang dag pa'i las kyis mdza' ni/ las kyi mdza' tshul khrims rnam par dag pa la yid ches pa ste lus dang ngag dang yid rnams dang ye shes mngon du 'gro zhing ye shes kyi rjes su bzung ba'i phyir ro/ /mthar gyis gnas pa'i snyoms par 'jug pa zhes bya ba ni/ 'di la 'dod pas dben zhing sdig to mi dge ba'i chos kyis dben pa rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de la rnam par rtogs pa dang rnam par dpyod pa nye bar zhi nas/ nang yongs su dang ste/ sems kyi rgyud gcig tu gyur pas rtogs pa med pa dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ /de dag dga' ba las 'dod chags dang bral bas dran pa dang ldan pas shes bzhin du btang snyoms su gnas te/ bde ba lus kyis myong ba dang/ 'phags pa rnams kyis de la dran pa dang ldan pa bde ba rnam par spyod cing btang snyoms pa'o zhes brjod pa ste/ de dga' ba med pa'i bsam
- 72a
gtan gsum pa la nye bar bsgrubs te gnas so/ /de bde ba yang spangs sdug bsngal ba yang spangs shing yid bde ba dang yid mi bde ba snga nas kyang nub pas bde ba yang med sdug bsngal ba yang med btang snyoms dang dran pas yongs su dag pa/ bsam gtan bzhi pa la nye bar bsgrub te gnas so/ /de rnam pa thams cad du gzugs kyi 'du shes las yang dag par 'das de thogs pa'i 'du shes rnams nub par 'gyur zhing tshogs kyi 'du shes yid la mi byed pas na nam mkha' mdza' yas so zhes ste nam mkha' mdza' yas skye mched la nye bar bsgrub te gnas so/ /de la yang rnam pa thams cad du nam mkha' mdza' yas skyes mched las yang dag par 'das te/ rnam shes mdza' yas so zhes rnam shes mdza' yas skye mched la nye bar bsgrubs te gnas so/ /de rnam pa thams cad du rnam shes mdza' yas skye mched las yang dag par 'das te cung zad kyang ma yong ngo zhes/ cung zad med pa'i skye mched las nye bar bsgrubs te gnas so de rnam pa thams cad du cung zad med pa'i skye mched las yang dag par 'das te 'du shes dang tshor ba yang med do/ /zhes 'du shes med min skye mched la nye bar bsgrubs te gnas so/ de rnam pa thams cad du 'du shes med 'du shes med min skye mched las yang dag par 'das te 'du shes dang tshor ba 'gog pa la nye bar bsgrubs shing gnas te da ni mthar gyis gnas pa'i snyoms par 'jug pa dgu zhes bya'o/ /stobs bcu zhes bya ba ni/ gnas dang gnas ma yin pa mkhyen pa'i stobs dang/ dbang po mchog dang mchog ma yin pa mkhyen pa'i stobs dang khams sna tshogs mkhyen pa'i stobs dang/ mos pa sna tshogs mkhyen pa'i stobs dang/ rnam par byad pa mkhyen pa'i stobs dang/ las kyi rnam par smin pa mkhyen pa'i stobs dang/ thams cad du 'gro
- 72b
ba mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho ba dang skye ba mkhyen pa'i stobs dang zag pa zad pa mkhyen pa'i stobs so/ /rnam par grol ba'i skye mcher bcu gcig dang zhes bya ba ni/ mdza' dag sa dang/ mdza' dag chu dang me dang rlung dang sngon po dang/ ser po dang dmar po dang dkar po dang/ mdza' dag rnam par shes pa dang mdza' dag nam mkha' o/ /rten cing 'brel par 'byung ba'i yan lag bcu gnyis dang zhes bya ba ni/ de yang rgyu dang rkyen 'brel ba ste phyi dang nang gi'o/ /phyi rgyu ni sa bon myu gu dang sdong bu dang lo ma dang me tog dang/ 'bras bu drug go/ skyen ni sa'i khams dang chu'i dang me'i dang rlung gi dang nam mkha' i dang/ dus kyi khams drug go /nang gi rgyu ni ma rig pa nas rga sha'i bar du/ rten cing 'brel ba yan lag bcu gnyis te/ de la ma rig pa ni las legs nyes dang de'i 'bras bu mi shes pa dang yang dag pa'i don mi shes pas rmongs pa'o/ /'du byed ni las legs nyes byed pa'o/ /rnam par shes pa ni las kyis bsgos pa'i kun gzhi rnam par shes pa'o/ /skye ba thog mar mtshams sbyor ba'o/ /ming dang gzugs ni phung po lngar gyur pa'o/ /skye mched drug ni dbang po rnams dod pa'o/ /reg pa ni yul dbang po rnams shes gsum 'dus nas yongs su gcod pa'o/ /tshor ba ni rig pa las byung ba rnams pa gsum myong ba'o/ /sred pa ni tshor ba bde ba la zhen cing mi ngoms pa'o/ /len pa ni sred pa g.yen spyes nas 'dzin cing yongs su gtong pa'o/ /srid pa ni len pa las byung ba'i las zad pa dang bcas pa'o/ /skye ba ni srid pa mthun pa'i 'bras bu grub pa'o/ /dga' ba ni phung po smin pa'o/ /shi ba ni 'jig pa'o/ /de dag ni gong ma gong mas 'og ma 'og ma grub par byed do/ /'di dag yan lag lngar 'gyur te/ dang po gsum ni 'phen pa'i yan lag go /de'i 'og ma
- 73a
bzhi ni 'phangs pa'i yan lag go/ de'i 'og ma gsum ni mngon par sgrub pa'i yan lag go /skye ba ni mngon par grub pa'i yan lag go /rga shi ni nyes dmigs kyi yan lag go rgyu de yang tshe gsum la rdzogs shing dum bu gsum du gnas te/ de yang dang po gsum la rdzogs pa ni/ ma rig pa dang 'du byed tshe snga mas bsdus so/ /rnam par shes pas ming dang gzugs skye mched drug reg pa tshor ba sred pa len pa bdun ni da ltar gyis bsdus so/ /srid pa skye ba rga shi gsum ni phyi mas bsdus so/ /de la dum bu gsum ni nyon mongs pa dang las tshe dang gsum ste de yang/ dang po brgyad dang dgu nyon mongs/ /gnyis pa bcu pa las yin te/ lhag ma skye ba'i nyon mongs yin/ /zhes pas dang po ma rig pa brgyad pa sred pa dgu pa/ /len pa gsum ni nyon mongs pa'o/ gnyis pa 'du byed dang bcu pa sred pa gnyis ni las so/ /lhag ma rnam par shes pa ming dang gzugs/ skye mched drug reg pa/ tsher ba skye ba rga shi dang bdun ni/ tshe ste sdug bsngal zhes kyang bya'o/ /de yang dang po gsum las ni bar ma gnyis byung de las tha ma bdun byung bas thog ma dang tha ma med cing nges pa med par 'khor ro/ /de la ma rig pa dang 'du byed ni 'das pa'i nyon mongs pa dang las de da ltar gyi rgyu'o/ /rnam par shes pa dang/ ming dang gzugs dang skyes mched drug dang reg pa dang/ tshor ba ni da ltar gyi 'bras bu'o/ /sred pa dang len pa dang srid pa ni da ltar gyi nyon mongs pa dang las te/ ma 'ongs pa'i rgyur 'gyur ba'o/ /skye ba dang rga shi ni ma 'ongs pa'i 'bras bu'o/ /yang na dum bu gsum ste/ rgyu'i kun nas nyon mongs pa dang/ las kyi kun nas nyon mongs pa dang/ 'bras bu'i kun nas nyon mongs pa'o/ /de la dang po nyon mongs pa'i kun nas nyon mongs pa gsum ni nyer len gyi rgyu yin la/ las kyi kun nas
- 73b
nyon mongs pa ni lhan cig tu byed pa'i rkyen no/ /'bras bu'i kun nas nyon mongs pa ni/ yan lag bdun te skye ba'i kun nas nyon mongs pa'i mtshan nyid rnams so/ /yang na rgyu bdun gyi bye brag gis 'bras bu yang bdun te/ phyin ci log gi rgyu la sogs pa ni rgyu ma rig pa'o/ /zag pa med pa'i rgyu ni 'du byed de/ kun gzhi rnam par shes pa las kyis bag chags yang dang yang du 'jog pa'i phyir ro/ /srid pa'i rgyu ni rnam par shes pa ste/ nying mtshams sbyor ba'i phyir ram/ gnas su 'khrid par byed pa'i phyir ro/ /kun tu 'dzin pa'i rgyu ni ming dang gzugs dang skye mched drug go /nye bar byed pa'i rgyu ni reg pa dang tshor ba'o/ /sdud pa'i rgyu ni srid pa dang len pa dang sred pa'o/ /sdud pa'i rgyu ni skye ba dang rga shi'o/ /rnam pa bcu gnyis dang ldan pa'i chos kyi 'khor lo bskor ba dang zhes bya ba ni/ bden pa bzhi la chos rnam pa bcu drug tu phye nas chos kyi 'khor lo lan bzhi sum cu gnyis bskor bas te/ de yang ji skad du bshad pa'i sdug bsngal gyi bden pa las phye ba gsum ste mi rtag pa dang sdug bsngal ba dang/ stong pa dang bdag med pa las gsum gcig tu bsrung ba'o/ /kun 'byung gi bden pa la gsum rgyu kun 'byung ba dang rab tu skye ba dang/ rkyen gyi rnam pa gcig tu bsdus pa'o/ /'gog pa'i bden pa la 'gog pa dang/ zhi ba dang gya nom pa dang/ nges par 'byung ba bzhi gcig tu bsdus pa'o/ /lam gyi bden pa la lam dang rigs pa dang bsgrubs pa dang nges par 'byung ba gcig tu bsdus pa rnams so/ /de ltar skal pa ji lta ba bzhin du bden pa bzhin las phye ba'i bye brag gi /yan lag bcu gnyis su chos kyi 'khor lo bskor ba'o/ /dbugs dbyung ba dang rdub pa rjes su dran pa rnams pa bcu drug dang zhes bya ba ni/ dran zhing dbugs nang du rgyu na yang dran zhing dbugs nang du rgyu'o zhes bya bar rab tu shes so dran zhing dbugs phyir rgyu na yang dran zhing dbugs phyir
- 74a
rgya'o zhes bya bar rab tu shes so/ /dbugs nang du rgyu na yang dbugs nang du ring du rgyu'o zhes bya bar rab tu shes so/ /dbugs phyir ring du rgyun yang dbugs phyir ring du rgyu'o zhes bya bar rab tu shes so/ /dbugs nang du thung du rgyu na yang nang du thung du rgyu'o zhes bya bar rab tu shes so/ /dbugs phyir thung du rgyu na yang dbugs phyir thung du rgyu'o zhes bya bar rab tu shes so/ /dper na 'khor lo bskor ba 'am 'khor ba'i 'khor lo bskor ba'i mtshan bu mkhas pa ni rang du bskor na ring du bskor zhes bya bar rab tu shes so/ /thung du bskor na thung du bskor zhes bya bar rab tu shes so/ /sangs rgyas rjes su dran pa/ chos rjes su dran pa dge 'dun rjes su dran pa tshul khrims rjes su dran pa gtong ba rjes su dran pa lha rjes su dran pa/ skye ba rjes su dran pa/ dbugs phyi nang du rgyu ba rjes su dran pa/ 'chi ba rjes su dran pa/ bzod pa rjes su dran pa dang brtson 'grus rjes su dran pa dang/ bsam gtan rjes su dran pa dang shes rab rjes su dran pa dang/ thabs rjes su dran pa shes rab rjes su dran pa'o/ /sangs rgyas kyi chos ma 'dres pa bco brgyad dang zhes bya ba ni/ de bzhin gshegs pa la 'khrul pa mi mnga' 'o/ /ca co mi mnga' o/ /dngos po nyams pa mi mnga' o/ /'du shes sna tshogs mi mnga' o thugs mnyam par ma bzhag pa mi mnga' o/ /ma rtags pa'i btang snyoms mi mnga' o/ /mos pa yongs su nyams pa mi mnga' o/ /brtson 'grus yongs su nyams pa mi mnga' o/ /bsgom pa yongs su nyams pa mnga' o/ /ting nge 'dzin yongs su nyams pa mi mnga' o/ /shes rab yongs su nyams pa mi mnga' o/ /rnam par grol ba yongs su nyams pa mi mnga' o/ /rnam par grol ba'i ye shes yongs su gzigs pa yongs su nyams pa mi mnga' o/ /sku 'phrin las thams cad ye shes sngon du 'gro ba ste ye shes kyi
- 74b
rjes su 'brang ngo/ /gsung gi 'phrin las thams cad ye shes sngon du 'gro ba ste ye shes kyi rjes su 'brang ngo/ /thugs kyi 'phrin las thams cad ye shes sngon du 'gro ba ste ye shes kyi rjes su 'brang ngo/ /'das pa'i dus la ma chags ma thog pa'i ye shes gzigs pa la 'jug go /ma 'ongs pa'i dus la ma chags ma thogs pa'i ye shes gzigs pa la 'jug go /da ltar byung ba'i dus la ma chags ma thogs pa'i ye shes gzigs pa la 'jug go /stobs dang mi 'jigs pa la sogs pa'o/ /yi ge bzhi bcu rtsa gnyis zhes bya ba ni/ /gzhan dag las 'di skad du 'dams shing 'di skad du ston to/ /rigs kyi bu khyod tshur shog /yi ge mngon par sgrub pa la mkhas par gyis shig /yi ge gcig la mkhas par gyis shig /yi ge gnyis nas yi ge bzhi bcu rtsa gnyis kyi bar la mkhas par gyis shig /yi ge gcig gis sbyangs pa'i rang bzhin thams cad shes rab gyis shig /yi ge gnyis kyis byang ba'i rang bzhin thams cad shes par gyis shig /yi ge bzhi bcu rtsa gnyis kyis byang ba'i rang bzhin thams cad shes par gyis shig yi ge gcig tu yi ge bzhi bcu rtsa gnyis 'dus par bsgoms shig yi ge bzhi bcu rtsa gnyis su yi ge gcig 'dus par bsgoms shig ces ston to byang chub sems dpa' sems dpa' chen po de yang yi ge gcig la mkhas pa yin yi ge bzhi bcu rtsa gnyis kyi bar la mkhas pa yin yi ge gcig gi nang du yi ge bzhi bcu rtsa gnyis 'dus par bsgoms pa la mkhas pa yin/ yi ge bzhi bcu rtsa gnyis su yi ge gcig 'dus par bsgoms pa la mkhas pa yin de ltar yi ge mngon par bsgrub pa la mkhas par bya ba la goms shing/ yi ge med pa la mngon par sgrub pa la mkhas pa yin no/ /dper na de bzhin gshegs pa dgra bcom pa yang dag par rdzogs pa'i sangs
- 75a
rgyas kyi chos la mkhas pa dang yi ge mkhas pa yin te/ de'i chos la mkhas pa dang/ yi ge la mkhas pas yi ge mang pos yi ge med pa'i chos ston kyang chos de yi ge'i rnam pa dang bral ba yang ma yin te de yang byang chub sems dpa' sems dpa' chen po rnams kyi ngo mtshar gyi rmad du byung ba'i chos ta gang nyan thos dang rang sangs rgyas thams cad dang thun mongs ma yin no/ /yang dag par rdzogs pas sangs rgyas zhes bya ba ni stong pa'i rang bzhin de chos nyid kyi sku yin pas dper na stong pa la brten te glog snang ngo/ /glog la rten te 'od snang ngo/ /de bzhin du chos kyi sku la brten te bsod nams kyi sku snang ngo/ /bsod nams kyi sku la brten te sprul pa'i sku snang ngo/ /yang gsum du bgrang ba yod mod kyi dngos po ni gsum du med do/ /mi skye mi 'grib/ rmi lam sgyu ma dang 'dra'o/ /tshangs pa de ni rig sngags kyi rgyal mo stong chen mo rab tu 'joms pa zhes bya ba gdon thams cad las thar bar byed pa'i mdo zhes bya ba ni de lta bu'i rang bzhin te/ 'jig rten 'di dang phyi ma la yang sdug bsngal mi 'byung ba'o/ /de bzhin gshegs pa dgra bcom pa yang dag par rdzogs pa'i sangs rgyas zhes bya ba ni/ 'das pa ma 'ongs pa da ltar yod pa rnams kyis rtag tu bsrung ba'o/ /gaM gA snyed rnams kyi zhes bya ba ni grangs so/ /sangs rgyas kyi phyag ste zhes bya ba ni chos thams cad kyi sgo nas sangs rgyas kyi yum lta bu'o/ /sangs rgyas sgrub pa'o zhes bya ba ni/ de'i sgo nas thams cad sgrub ste/ sangs rgyas ni sku gsum gyi sangs rgyas sgrub po/ / chos sgrub pa'o zhes bya ba ni/ don dam pa dang kun rdzob pa'o/ /dge 'dun sgrub pa'o zhes bya ba ni dgra bcom pa'i ngo bo byang chub sems dpa' dang/ nyan thos sgrub pa'o/ /tshangs pa sgrub pa'o zhes bya ba ni tshangs pa'i 'jig rten gyi khams
- 75b
thun mong gi dngos grub gzugs kyi khams kyi lha sgrub po/ /dbang po sgrub pa'o zhes bya ba ni 'dod pa'i yon tan lnga la spyod pa 'dod pa'i khams kyi lha'i dbang po la sogs pa sgrub pa'o/ /'jig rten skyong ba sgrub pa'o zhes bya ba ni 'jig rten gyi khams kyi dbang phyug 'khor los sgyur ba'i rgyal po la sogs pa'o/ /dbang phyug sgrub pas ni gzhan pas dbang che bar gnas pa 'jig rten gyi dbang phyug sgrub pa'o/ /bden pa sgrub pa'o zhes bya ba ni ngag gis dbang phyug thob pa/ don dam kun rdzob go pa'o/ /lam sgrub pa'o zhes bya ba ni/ pha rol tu phyin pa lnga sgrub pa'o/ /rten cing 'brel par 'byung ba sgrub pa'o zhes bya ba ni ma rig pa la sogs pa 'byung bar 'dod pa'o/ /zla ba sgrub pa'o zhes bya ba ni zla ba bzhin du bdud rtsi zil gyis gnon pa'o/ /nyi ma sgrub pa'o zhes bya ba ni nyi ma bzhin du 'jig rten gyi khams rags pa dang ldan pa'o/ /gza' sgrub pa'o zhes bya ba ni/ 'jig rten khams la mthu che bar grags pa'o/ /rgyu skar sgrub pa'o zhes bya ba ni 'jig rten khams su bzang pa dang ngan pa dang bye brag 'byed pa'o/ /kun gzhi rnam par shes pa'i gnas 'gyur ba'i me long lta bu'i ye shes te/ stong pa mdza' dag dang bral ba'i don rtogs pas/ rig sngags mtshan nyid pa ste/ de'i mtshon bya me long lta bu'i ye shes so/ /mtshon pa stong chen mo rab tu 'joms ma ste sku mdog dang phyag mtshan gyis rnams par byung ba'o/ /sku mdog mthing ka zhal gsum pa phyag drug pa/ dang po mthing kha g.yas dkar ba g.yon dmar ba/ dbu la thod pa lngas brgyan pa dbu skra gyen du 'bar ba spyan gsum pa zhabs phyed skyil tu bzhugs pa/ nyi ma'i dkyil 'khor gyi steng na klu chen po dang gnod sbyin chen po gnyis so/ /g.yas pa na klu mnan pa g.yon pa na gnod sbyin mnan pa'o/ /g.yas kyi phyag
- 76a
gsum na rdo rje dang ral gri dang gri gug go /g.yon pa gsum na zhags pa dang thod pa dang rtse gsum mo/ /rgyan thams cad rin po che las byas pa/ rdo rje rigs kyi rang bzhin rgyu ma lta bu'o/ /nyi ma'i gdan la me'i 'od rigs lnga'i sangs rgyas kyi ngo bo nyid/ rig sngags rgyal mo stong chen mo rab tu 'joms ma sangs rgyas la sogs pa thams cad de'i sgo nas 'grub pa'o/ /syat+the daM zhes bya ba ni/ 'di lta ste rig sngags 'di'o/ /sngags ni sA le ka ni zhes bya'o/ /de nas zhes bya ba ni rig sngags kyi gting la bcom ldan 'das kyis de'i tshe tshigs su bcad pa 'di dag bka' stsal to zhes bya ba ni bkra shis pa'o/ /'jig rten na 'am zhes bya ba ni stong gsum gyi stong chen po'i 'jig rten gyi khams lha dang mi la sogs pa gyur pa'o// yang na 'das pa dang zhes bya ba ni sangs rgyas gang+gA klung gi bye ma snyed yin yang na bgrang ba las 'das pa'o/ /mtho ris dag ni rin chen mchog yod pa/ zhes bya ba ni mtho ris ni sangs rgyas kyi zhing khams te yang na sangs rgyas kyi zhing khams te yang na sangs rgyas thob pa'o/ /de bzhin gshegs pa lha yi lhar 'gyur ba/ mi yi mchog dang 'dir ni mtshungs pa med cing bya ba ni/ rig sngags 'di'o/ /lam nas de bzhin gshegs pa'i ngo bo dang lha'i lhar gyur pa'i ngo bo dang mi'i mchog kyang yang dag par 'gyur ba'o/ /de bas 'dir ni mchog tu gsungs zhes bya ba ni/ /stong chen mo rab tu 'joms pa ste yang na dkon mchog gsum mo/ /gsung ba ni yang dag par rdzogs pa'i sangs rgyas kyis gsungs pa'o/ /bden pa zhes bya ba ni/ stong chen mo rab tu 'joms ma'o/ /de yis zhes bya ba ni gang zag go /'dir ni zhes bya ba ni/ sems can thams cad dang rig sngags sgrub pa'o/ /bde legs shog ces bya ba ni/ bkra shis par
- 76b
gyur cig pa'o/ /zad pa chags bral bdud rtsi 'dus ma byas zhes bya ba ni/ 'dod pa'i yon tan lnga dang bral ba'o/ /yang na de kho na nyid kyi sgo nas ye shes bdud rtsi dang 'grags pa'o/ /zhes pas shAkya thub pa de rab tu byung zhes bya ba ni rig sngags kyi rgyal mo stong chen mo rab tu 'joms pa ste yang dag par bstan pa'o/ /bdud rtsi zhi ba 'dus byas ma yin pa zhes bya ba ni ye shes de/ de kho na nyid do/ /yang na ni 'gags pa'o/ /mtshungs pa gang yang med ces bya ba ni/ de'i sgo nas yang dag med pa'o/ /bde bas 'dir ni rin chen mchog tu gsungs/ /bden pa de yis 'dir ni bde legs shog /ces bya ba ni yid bzhin gyi nor bu rin po che bzhin du gang yang 'grub ste/ de yang dkon mchog gsum yin no/ /de'i bden pas bkra shis par gyur pa'o/ /mchog tu gang 'dod tshul bzhin rab tu bstan pa zhes bya ba ni khyad par du 'phags pa ste/ dper na yid bzhin du nor bu lta bu'o/ /ston pa'i rnal 'byor ni bla med rtag sgrub pa zhes bya ba ni ston pa'i mtshan nyid ji lta bu zhe na nyon mongs bdung tshogs gcod byed cing/ ngan 'gro srid las skyob byed pa/ ston pa'i ston pa brjod byed yin/ rnal 'byor ni thabs shes rab kyi bdag nyid bla na med pa ni gong na med pa'o/ /rdo rje lta bu'i mi gnyis lam mthong ba zhes bya ba ni/ rgyu mtshan nyid kyi theg pa dang 'bras bu rdo rje'i theg pa'o/ /rgyu mtshan nyid kyi theg pa gang zhe na byang chub kyi phyogs kyi chos sum cu rtsa bdun lam du 'khyer ba'o/ /'bras bu la rdo rje'i theg pa gang zhe na/ sku gsung thugs ye shes lnga lam du 'khyer ba'o/ /ting nge 'dzin de yang mnyam pa yod pa ma yin zhes bya ba ni de'i gong na khyad par gang yang med pa'o/ /de bas 'dir ni rin chen mchog tu gsungs/ bden pa
- 77a
de yis 'dir ni bde legs shog ces bya ba ni/ stong chen mo rab tu 'joms ma rin chen gyi bden pa 'di 'chang ba thams cad bkra shis pa'o/ /gang zag ces bya ba ni 'khor ba nas yang nas yang du 'dzag pa'o/ /nyan thos 'gog pa yin te bye brag tu smra ba'i mtshan pa yin pa'o/ /chen po brgyad po rab bsngags shing zhes bya ba ni dgra bcom pa rnams yin te/ 'od srungs dang 'od srungs chen po dang ga ya 'od srungs dang chu klung 'od srungs dang cang shes kau'u di na dang dga' byed dang ka ta ya'i bu chen po dar ba ku la dang brgyad de/ /gang zag zung bzhir brjod pa de dang ni phal chen pa dang thams cad smra ba dang gnas brtan pa dang/ thams cad bskur ba dang bzhi yin no/ /'dul ba'i sgo nas gang zag mdzad pa'o/ /drang srong chen po gang zag mtshungs pa med cing bya ba ni/ nga yin te 'khyil ba dang/ 'khyil pa chen po dang 'od srungs chen po 'khyil ba dang chu klung 'od srungs 'khyil ba dang de dag ni drang srong gang zag go /de dag ni 'gog pa chen po ste/ de dag ni stong chen mo rab tu 'joms ma'i rig sngags kyi sgo nas so/ /bde bar gshegs pa zhes bya ba ni dang po ni bder gshegs bya ba la sogs pa'i tshig de la gcad bya bdun gcad de phyag gi yul du sgrubs pa las bder gshegs ni/ bcom ldan 'das yin pas so so skye bo mchod pa'i yul ma yin te 'khor ba la zhugs pa'i phyir dang/ sangs rgyas ni 'khor ba las ldog pa'i phyir ro/ /bde bar gshegs pa'i sras ni mdzes par gshegs pa la sogs gsum la 'jug ste/ mdzes par gshegs pa ni ji ltar dbu'ma'i theg pa mkhyen pas nyon mongs pa la sogs pa'i sgrib pa spangs pas spangs pa phun sum tshogs pa bstan/ yang na mdzes pa ni chos thams cad rang bzhin med pa'i de kho na nyid rtogs shing
- 77b
khong du chud pa ste/ mkhyen pa phun sum tshogs pa'o/ /'dis ni mu stegs can gyi mkhyen pa rnams las khyad par bstan te/ de dag gi bdag tu lta ba la sogs pa'i mi ni pa rab tra ba spangs pas gshegs pa ste bdag tu lta ba la tshad mas gnod pa'i phyir dang 'khor ba la phyogs pa yin pa'i phyir don du spangs pa'i phyir mi ldog par gshegs pa ni skye ba len pa'i rgyu 'dod chags la sogs pa dang/ nga rgyal gyi sa bon ma rig pa la sogs pa thams cad spangs pas na bder gshegs te 'di ni rgyun tu zhugs pa dang lan cig phyir 'ong ba dang/ dgra bcom pa dang rang rgyal ba rnams la khyad par du gyur par bstan te/ de dag ni mdzes par gyur pa'i rgyu thams cad spangs pa'i phyir dang phyir mi ldog pa'i phyir ro/ /ji srid du rtogs pa'i dbye ba khong du chud pas lus dang ngag dang yid kyi nyes pa bag chags skyon gyi mtshan nyid thams cad rang gis mkhyen cing/ lam ston pa la rnam pa thams cad du mi gsal ba spangs pa'i phyir bde bar gshegs pa'o/ /sbyin pa'i gnas shes gsum zhes bya ba ni/ rgyu dang 'bras bu'o/ /rgyu ni dang po'i las can no/ /'bras bu ni gnyis su med pa'i ye shes yid la byed pa/ brjod du med pa'o/ /de la byin na 'bras bu che 'gyur ba zhes bya ba ni stong chen mo rab tu 'joms ma'o zhing rab gshin la zhes bya ba ni/ rig sngags kyi sgo nas zhing btab pa bzhin no/ /sa bon btab pa bzhin zhes bya ba ni dang po'i las can gyi 'bras bu'o/ /'dir ni dge 'dun rin chen mchog tu gsungs/ /bden pa de yis 'dir ni bde legs shog/ ces bya ba ni/ rig sngags 'di yang dgra bcom pa'i dge 'dun gyi rang bzhin grub pa dge 'dun dkon mchog gi bden pas bkra shis pa'o/ /gang dag bstan pa'i yid kyis rab brtson zhing zhes bya ba ni/ dag pa'i rnam par dag pa'o/ /bstan pa ni mi 'gyur
- 78a
ba'o/ /yid ni rlom sems so/ /sems kyi rang bzhin ci zhe na/ gsal ba sems kyi sangs rgyas kyi ngo bo nyid de ltar zab ste nam mkha' dang 'dra ste phyi mo nas gtsang na ci'i slad nas/ sems can gyi mya ngan rnams kyis sems can gyi dri ma de ni thog ma gang las mchis pa de bshad par smon to/ /bka' stsal pa mya ngan thams cad ni phyin ci log las skyes so/ /phyin ci log thams cad ni mi bden pa'i sems las skyes so/ /mi bden pa'i sems can thams cad phyi mo las skyes so/ /phyi mo med pa thams cad ni mi gnas pa nyid yin no/ /phyi mo med na yod pa ma yin no/ /yod pa ni dri ma'o/ /med pa ni gtsang ma'o/ /gtsang ma de'i gnas dag kyang de gtsang zhing pha rol tu phyin pa'o/ /de lta bu'i mthong ba zhes bya'o/ /gau ta ma'i bstan la 'jug byed pa zhes bya ba ni/ gau ta ma ni bcom ldan 'das bstan pa ni dkon mchog gsum mo dkon mchog gsum ni stong chen mo/ /stong chen mo ni chos so/ /chos ni ci'i phyir zhe na/ chos gang yang mi dmigs so/ /mi dmigs pa de nyid mi skye ba'i bzod pa thob pa zhes bya'o/ /de nas thob nas bdud rtsi 'jug thob ste zhes bya ba ni/ de dag gi rig sngags so bdud rtsi ni ye shes so/ /ye shes de kho na nyid kyi ngo bo'o/ /mun pa bsal nas mya ngan las 'das pa thob pa zhes bya ba ni mun pa ni nyon mongs pa'o/ /bsal ba ni ma rig pa'o mya ngan las 'das pa thob pa zhes bya ba ni mya ngan las 'das pa 'gag na bde na 'khor ba med do/ /de bas na dge 'dun rin chen mchog tu gsungs/ /bden pa de yis 'dir ni bde legs shog /ces bya ba ni rig sngags kyi 'dis kyang mnyam pa nyid lta byang chub sems dpa' i dge 'dun 'grub ste/ rin chen de'i bden pas bde bar gnas pa'o/ /lta ba 'di la sbyar ma thag tu
- 78b
ni zhes bya ba ni lta ba mu stegs kyi lta ba sum brgya drug cu tham pa'o/ /gnyis su 'dus pa'o/ /yang dag par lta ba ni sangs rgyas kyi lta ba'o/ /'jig tshogs lta ba dang ni zhes bya ba ni/ 'jig pa ni chad par lta ba dang/ rtag par lta ba'o/ /tshul khrims brtul zhugs dang zhes bya ba ni nyan thos so/ /the tshom ni rtog pa'o/ /rtog pa ni ma rig pa'o/ /nyon mongs gsum po dag ces bya ba ni/ 'dod chags la sogs pa'o/ /cig char spangs te zhes bya ba ni/ gti mug zhe sdang 'dod chags so/ /'phags pa'i bden pa mthong ba zhes bya ba ni bden pa bzhi pa'o/ /sdug bsngal kun 'byung/ 'gog pa/ lam mo/ des na dge 'dun rin chen mchog tu gsungs/ /bden pa de yis 'dir ni bde legs shog ces bya ba ni/ stong chen mo rab tu 'joms ma 'di yang/ byang chub sems dpa' dang nyan thos kyi dge 'dun rnams bskyed pa'i yum yin te/ de dkon mchog de'i bden pas bkra shis par 'gyur ba'o/ /lus sam dag gam de bzhin yid kyis kyang zhes bya ba ni lus la ni gsum dag la ni bzhi yid la ni gsum mo/ /sdig pa rnams gsum nam yang mi byed la zhes bya ba ni mi dge ba bcu spangs pa'o/ /glo bur byas na'ang 'chab par mi byed cing zhes bya ba ni bshags par byed pa'o/ /de ltar de dag lta bas 'dzin mi byed ces bya ba ni sdig pa dang bral ba'o/ /bde bas dge 'dun rin chen mchog tu gsungs/ /bden pa de yis 'dir ni bde legs shog ces bya ba ni/ rig sngags 'di yang dkon mchog gsum gyi ngo bo grub pa/ rin chen de'i bden pas bde bar 'gyur pa'o/ /ji ltar dbang po sdong po sar btsugs pa phyogs bzhi'i rlung rnams kyis ni ma g.yos ltar zhes bya ba ni/ 'dod pa'i yon tan lnga'i ngo bos mi tshugs shing glo bur gyi skyon gyis ma gos pa'o/ /'phags pa'i lam gyi dam pa mthong
- 79a
ba'i gang zag 'phags pa'i dge 'dun de bzhin no/ /zhes bya ba ni kun 'byung ba shes pa'o/ /sdug bsngal phung po lnga'i sdug bsngal spangs pa'o/ /'gog pa ni sngon du snang ba'o/ /lam ni stong pa nyid du snang ba'o/ /de bzhin du sems can rnams las 'phags pa'i phyir na 'phags pa'i dge 'dun du snang ba'o/ /des na dge 'dun rin chen mchog tu gsungs/ /bden pa de yis 'dir ni bde legs shog ces bya ba ni stong chen mo rab tu 'joms ma 'dis kyang rin chen de rnams 'grub cing ldan pa ste de'i bden pas bkris par gyur pa'o/ /shes rab zab mo shin tu bstan pa'o zhes bya ba ni shes rab ni rig pa/ rig pa ni stong pa nyid do/ /stong pa nyid ni chen po rab tu 'joms ma'o/ /stong chen mo ni chos kyi sku'o/ /chos sku ni nam mkha' o/ /'phags pa'i bden pa su dag rnams bsgoms shing zhes bya ba ni sdug bsngal ni phung po lnga'i rang bzhin te zhes bya'o/ /kun 'byung ni rnam par rtogs pa dang bral ba'o/ /'gog pa ni lhag mthong ste ba sngon du bya'o/ /lam ni stong pa nyid du bsgoms pa'o/ /lus kyang sbyin par yid la byas pa ni lus ni thabs so/ /yid ni shes rab bo/ /thabs dang shes rab zung du 'brel ba'o/ /thabs med pas zin pa'i shes rab bcing ba gang zhe na 'di ltar stong pa nyid dang mtshan ma med pa dang smon pa med pa la nges par rtogs shing mtshan dang/ dpe byad bzang po dang sangs rgyas kyi zhing gi rgyan dang sems can yongs su smin par bya ba la nges par mi rtogs pa 'di ni thabs med pas zin pa'i shes rab ste/ bcings pa'o/ /thabs kyis zin pa'i shes rab grol ba gang zhe na/ 'di lta ste/ mtshan dang/ dpe byad bzang po dang/ sangs rgyas dang zhing gi rgyan dang/ sems can yongs su smin par bya ba la sems nges par rtogs shing/ stong pa nyid dang/ mtshan ma med pa dang/ smon pa med pa yang
- 79b
'dris par byed la/ yongs su mi skye ba de ni thabs kyis zin pa'i shes rab ste grol ba zhes bya'o/ /de dag ni stong chen po rab tu 'joms ma'o/ /'jigs pa brgyad dang 'phrad par mi 'gyur zhes bya ba ni/ 'jigs pa ni seng ge dang glang po che dang me dang sprul dang/ btson du bzung ba dang/ chu dang brkun po dang/ yi dags dang ni brgyad do/ /phrad mi 'gyur ni rig sngags kyis byin gyis brlabs pa'o/ /des na dge 'dun rin chen mchog tu gsungs/ /bden pa 'di yis 'dir ni bde legs shog /ces bya ba ni/ rig sngags 'dis kyang dkon mchog gsum 'grub cing/ stong pa nyid du snang ba ste rin chen de'i bden pas bde legs su gyur pa'o/ /ji ltar me ni rlung gi rab gtor bas zhes bya ba ni mi dmigs pa'o/ /lag tu blangs te bgrang du med pa nyid ces bya ba ni/ stong pa nyid do/ /stong pa nyid ni mtshan nyid ci zhe na/ brjod du yod de dngos po med pa'o/ /yang na stong pa nyid la rdzu 'phrul byung ngo/ /gang zhe na nam mkha' la rlung la sogs pa 'byung ba bzhin du'o/ /de ltar kun tu sbyor ba btang ba zhes bya ba ni kun rdzob dang don dam pa'o/ /kun rdzob ni thabs kyi ngo bo ni don dam pa ni shes rab kyi ngo bo'o/ /de bzhin du thabs dang shes rab sbyor ba'o/ /sangs rgyas sras rnams bstan du mad par 'gro zhes bya ba ni dper na yid bzhin nor bu'i rgyal po ni/ ji ltar yid la bsams pa rdzogs byed pa/ de bzhin sangs rgyas chos nyid kyang/ rtag tu smon lam rdzogs par grub/ /mdza' dang dbus med 'jig rten 'dir/ /'jig rten pa ni 'gras par 'gyur/ /de yi smon lam de dag gis/ /phyogs bcu'i de dag rgyal ba gang/ /yang na ji ltar zla ba shar 'gyur ba/ /tshad med pa yis gzugs brnyan rnams/ /chu yi snod du snang 'gyur kyang/ /zla ba gnyis su 'gyur ba med/ /de bzhin chags med mkhyen ldan rnams/ /chags med rnam par sangs rgyas pa/ /zhing
- 80a
rnams kun nas rab tu snang/ /sangs rgyas la ni gnyis kyang med/ /ces gsungs so/ /des na dge 'dun rin chen mchog tu gsungs/ /bden pa de yis 'dir ni bde legs shog ces bya ba ni/ 'phags pa dgra bcom pa'i rang bzhin yang rig sngags 'di yis grub ste/ dkon mchog de'i bden pas bkra shis par gyur pa'o/ /sems can gang dag 'gro dang mi 'gro ba zhes bya ba ni/ sems can ni 'gro ba rigs drug tsam mo/ /bems po la sogs pa 'gyur ba rnams so/ /de dag thams cad 'dir ni bde gyur cig ces bya ba ni/ de dag ni sems can no/ /'dir ni stong chen mo'i byin brlabs so/ /bde gyur cig ni sems can thams cad do/ /ston mchog lha dang mis ni mchod 'os pa/ sangs rgyas phyag 'tshal deng 'dir bde legs shog ces bya ba ni stong pa nyid kyi rang bzhin sangs rgyas rnams kyis zhal nas byung ba stong chen mo rab tu 'joms ma'i ngo bo/ /sems can rnams kyis mchod par 'os pa'o/ /sems can gang dag 'gro dang mi 'gro ba/ de dag thams cad 'dir ni bde gyur cig ces bya ba ni/ 'gro ba rigs drug gi sems can rnams rin chen chos kyi bden pas bde legs su gyur pa'o/ /zhi ba chags bral lha mis mchod 'os pa/ /chos la phyag 'tshal deng 'dir bde legs shog ces bya ba ni/ 'gro ba rig drug gis sems can rnams sdug bsngal dang bral bar byed pa/ 'dod pa'i yon tan lnga spangs pa/ dmigs pa med pa'i chos la phyag 'tshal ba'o/ /sems can gang dag 'gro dang mi 'gro ba/ /de dag thams cad 'dir ni bde gyur cig ces bya ba ni/ 'phags pa'i bden pa bzhis sems can gyi don byed pa rnams de'i bden pas 'gro ba rigs drug par 'gyur ba/ dkon mchog bden pa de yis bkra shis pa'o/ /tshogs kyi dam pa zhes bya ba ni/
- 80b
'bras bu dang rgyu'o/ /lha dang mis mchod 'os ba zhes bya ba ni/ 'jig rten pa thams cad kyis mchod pa'o/ /dge 'dun phyag 'tshal deng 'dir bde legs shog/ ces bya ba ni mi dge ba spangs pa dge ba dang du blangs pa bden pa bzhi'i sgo nas spyod pa rnams la phyag 'tshal ba'o/ /'byung po gang dag 'dir ni lhags gyur te/ sa 'am 'on te bar snang 'khod pa dag ces bya ba ni/ blo bur gyi nyon mongs pa lnga'i ngo bo las gyur pa/ de dag 'byung po'i tshogs rnams so/ /skye dgu rnams la rtag tu byams byed shog /nyin dang mtshan du chos kyang spyod gyur cig ces bya ba ni/ rig sngags 'di'i bden pas byams pas khyab nas chos kyi dam par dar ba smon lam btab pa'o/ /'di ni rgyal ba dgra rgyal bden gang gis/ shin tu bden pa gsung zhing rdzun med pa zhes bya ba ni/ sangs rgyas rnams kyi bka' dang rig sngags kyi bden pas the tshom med pa'o/ /bden pa de yis deng 'dir ni bde legs shog ces bya ba ni/ dkon mchog gsum gyi bden pas/ 'jigs pa dang nad rnams bral zhing/ bkra shis dang bde legs su gyur pa'o/ /de kun 'jigs pa che las thar gyur cig ces bya ba ni/ stong chen mo rab tu 'joms ma ste rang bzhin ni smig rgyu dang 'dra ste ngo bo nyid ni rig lnga'i sangs rgyas so/ /mtshon bya mnyam pa nyid kyi ye shes so/ /mtshon pa ni stong chen mo rab tu 'joms pa'o/ /rigs ni rdo rje'i rigs kyi rin po che'i rigs so/ /de'i phyag mtshan dang sku mdog ni ser mo zhal gsum pa phyag drug pa/ g.yas na thing ka g.yon dmar ba spyan gsum pa dbu la rigs lnga'i dbu rgyan can g.yas pa gsum na/ rin po che dang ral gri dang mnga' o/ /g.yon na rdo rje dang zhags pa dang gzhu'o/ /zhabs rdo rje skyil krung du bzhugs pa/ pad+ma'i steng du nyi ma'i gdan dang bcas pa bzhugs pa nyi ma'i 'od dang bcas pa
- 81a
tshor ba'i phung po stong chen mo rab tu 'joms ma'o/ /rig sngags 'di ni syat+the daM 'di lta ste/ sngags ni d+hi ri d+hi ri dze zhes bya ba'o/ /tshangs pa zhes bya ba ni/ yang dag par rdzogs pa'i sangs rgyas kyis bka' stsal ba'o/ /rig sngags ni stong pa nyid do/ /rgyal mo ni 'jig rten la dbang ba'i phyir ro/ /stong chen mo rab tu 'joms ma zhes bya ba ni/ yid bzhin gyi nor bu 'dra ba ste/ sdug bsngal thams cad 'joms pa'o/ /gdan thams cad las thar par byed pa 'di ni zhes bya ba ni/ 'khor ba las thar ba'o/ /sangs rgyas ni sdug bsngal dang bral ba'o/ /phyag rgya'o zhes bya ba ni stong chen mo/ /de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gis bye ma snyed kyi sangs rgyas kyi phyag rgya'o/ /zhes bya ba ni stong chen mo rab tu 'joms ma 'di yang/ tshad med pa bzhi phyag rgya'i rgyas btab nas/ 'das pa dang ma 'ongs pa dang da ltar byung ba rnams kyis phyag rgya'i rgyas btab pa'o/ /sangs rgyas kyi gnas so zhes bya ba ni stong pa nyid kyi rang bzhin no/ /chos kyi gnas so zhes bya ba ni thabs dang shes rab gnyis su med par 'byung ba'o/ /dge 'dun gyi gnas so zhes bya ba ni/ mi dge bar mi gnas la/ tshegs sogs pa'i dam pa'o/ /tshangs pa'i gnas so zhes bya ba ni/ 'di la gnas shing tshangs par spyod pa'o/ /dbang po'i gnas so zhes bya ba ni/ 'di la brten cing 'dod pa'i yon tan lnga la longs spyod pa'o/ /'jig rten skyong ba'i gnas so zhes bya ba ni/ 'dis bskyed cing phyogs skyong bcu la dbang po'o/ /dbang phyug gi gnas so zhes bya ba ni/ 'di la brten nas dbang mdzad pa'o/ /drang srong chen po'i gnas so zhes bya ba ni/ 'di'i bden pa la brten nas dmod mos 'byung ba'o/ /'byung po'i gnas so zhes bya ba ni/ 'byung ba lnga'i rang bzhin du 'di las 'byung ba'o//
- 81b
ming gi gnas so zhes bya ba ni/ sna tshogs kyi lta ba yang der gnas pa'o/ /rgyu'i gnas so zhes bya ba ni 'byung ba bzhi'i rang bzhin no/ /phyogs kyi gnas so zhes bya ba ni/ nam mkha' bzhin du phyogs bcur thug pa med pa'o/ /bstan pa'i gnas so zhes bya ba ni/ mi dge ba byed cing/ sems can gyi don byed pa/ sbyin pa dang tshul khrims dang de rnams mdzad pa'o/ /sangs rgyas kyis mngon par rdzogs par sangs rgyas pa'o zhes bya ba ni/ rgyu dang 'bras bu'i sgo nas rdzogs te stong chen mo rab tu 'joms pa'i ngo bo nyid do/ /nyan thos rnams kyis ni reg pa'i zhes bya ba ni/ bye brag pa zhes bya ba yin te/ stong chen mo rab tu 'joms ma'i sgo nas/ tshangs pas byin gyis brlabs pa'o zhes bya ba ni/ tshangs pa'i ting nge 'dzin ni/ rlung sgogs? pa'o/ /de yang rig sngags kyi sgo nas so/ /dbang pos rab tu bsngags pa'o/ /zhes bya ba ni bsngags pa ni/ bsrung ba dang skye ba'o/ /de yang ni rigs sngags kyi sgo nas so/ /'jig rten skyong ba rnams kyis mchod pa'o zhes bya ba ni/ 'jig rten skyong ba ni/ brgya byin la sogs pa yin te/ de dag kyang rig sngags kyi rgyal mo mchod pa'o/ /dbang phyug gis phyag byas pa'o/ /zhes bya ba ni/ dbang phyug chen mo ni mu stegs kyi lta ba mthar thug pa yin te/ de dag kyang rig sngags kyi rgyal mo chen mo la phyag 'tshal lo/ /lha rnams kyis kun tu mchod pa'o/ /ces bya ba ni/ 'dod pa'i khams dang/ gzugs kyi khams dang gzugs med pa'i khams dang gsum mo/ de dag kyang rig sngags kyi rgyal mo la mchod pa'o/ /rnal 'byor spyod pa rnams kyis bsngags pa'o/ /zhes bya ba ni/ rnam pa dang bcas pa rnam pa med pa'o/ /de la rnam pa dang bcas pa'i ye shes smra ba ni/ drug gi cig car sbyar ba na/ phra rab rdul cha drug tu 'gyur zhes bya ba la sogs pa'o/ /rig
- 82a
pas kyang phra rab kyang dmigs par mi 'gyur gyi 'di dag thams cad ni sems tsam ste/ sems nyid gzung ba dang 'dzin pa'i ngo bo dang bral ba'o/ /rnam pa med par smra ba'i bsam gtan ni/ bden pa gnyis su med pa/ bsam gyis mi khyab pa snang ba med pa'i ye shes mngon sum du byed pa'o/ /de yang/ de yi ngo bo gsal bar 'dod/ /rnam pa med cing ma gos pa/ /de ni mkhas pas ma yin pas/ nam yang shes par mi 'gyur ro/ /'di dag thams cad sems tsam zhes/ de snyam du ni dmigs gnas su/ /ci yang rung ste mdun 'jog na/ /de nyid tsam la ma gnas so/ /gang tshe shes pa dmigs pa rnams/ nye bar de la dmigs pa'i tshe/ /sems tsam la ni gnas pa ste/ /gzung ba med par de 'dzin med ces bstan pas so/ /de bzhin du rig sngags kyi rgyal mo'i sgo nas spyod pa'o/ /mkhas pa rnams mngon par dga' bar gyur pa'o/ /zhes bya ba ni mkhas pa ni paN+Di ta la sogs pa ste/ rig pa'i gnas lnga la mkhas pa'o/ /rig pa'i gnas lnga gang zhe na/ lta bsnyen rig pa sbyangs dang sman dang ni/ bzo dang sgra dang lnga yin zhe na/ /de dag kyang stong chen mo rab tu 'joms pa la spyod pa'o/ /drang srong rnams kyis rab tu bsngags pa'o zhes bya ba ni/ drang srong ni ting nge 'dzin la gnas pa ste de dag kyang rig sngags kyi sgo nas gnas pa'o/ /tshangs pa rnams kyis rab tu brgyan pa'o zhes bya ba ni/ tshangs pa ni mi mjed kyi bdag po la sogs pa ste/ de dag kyang rig sngags kyi sgo nas gnas pa'o/ /lha rnams kyis mngon par bstod pa'o zhes bya ba ni/ lha rnams kyis mngon pa'i rang gi gnas nas mar la mthong ste/ de dag kyang rig sngags kyi sgo nas mthong ba'o/ /khrus byed pa rnams kyis bsams pa'o zhes bya ba ni/ khrus byed pa ni mu stegs kyi rigs yin te/ yang na ni gtsang sgra la
- 82b
brten te/ kri ya la gnas pa'o/ /de dag kyang rig sngags kyi sgo nas khrus byed pa'o/ /rigs bzhi'i 'jig rten gyis dga' bar byas pa'o/ /zhes bya ba ni/ rigs bzhi ni bram ze dang/ rgyal po dang/ rje'u dang/ dmang rigs dang bzhi yin te/ yang na ni bram ze'i bram ze'o/ /rgyal po'i rgyal po'o/ /rje'u'i rje'u'o/ /dmang rigs kyi dmang rigs so/ /dmang rigs kyi gdol ba ni/ grangs kyi mi mchod do/ /de dag kyang rig sngags kyi sgo nas so/ /sangs rgyas kyi spyod yul ni bya ba ni/ sangs rgyas kyi spyo yul ni dbu ma'i lam yin te/ chos kyi sku ni ting nge 'dzin rnam par mi rtogs pa de ni dbu ma'i lam mo/ /de nas sangs rgyas kyi spyod yul lo/ /de dag kyang rig sngags kyi sgo nas spyod yul du byas pa'o/ /rang sangs rgyas rnams kyi skyed mos tshal lo zhes bya ba ni/ sangs rgyas rnams ni rang 'byung ye shes te chos ni lus kyi bstan pa'o/ /de dag kyang rig sngags kyi sgo nas 'tshal lo/ /drang srong rnams kyi gnas so zhes bya ba ni/ drang srong ni sems dmigs pa sgom pa ste/ de dag kyang rig sngags kyi sgo nas byas pa'o/ /nyan thos rnams kyis mya ngan las 'das pa'o zhes bya ba ni/ nyan thos ni rtag pa dang mi rtag pa sgom pas sngon du rtag pa 'gro ba ni/ ting nge 'dzin gyi dri mas te de dag ni rig sngags kyi sgo nas mya ngan las 'das pa'o/ /rnal 'byor spyod pa rnams kyi gnas so/ /zhes bya ba ni rnal 'byor ni thabs dang shes rab bo/ /spyod pa ni thabs dang shes rab kyi sgo nas spyod pa'o/ /de dag kyang rig sngags kyi sgo nas spyod pa'o/ /byang chub kyi phyogs chos rnams kyi 'byung ba rnams so zhes bya ba ni byang chub kyi phyogs ni chos sum cu rtsa bdun no/ /de lam du khyer ba ste/ de dag kyang rig sngags kyi sgo nas 'byung gnas so/ /nyon mongs pa rnams 'joms pa'o zhes bya ba ni/ nyon mongs pa rnams ni bzhi'i sgo nas gnas so/ /de dag
- 83a
kyang rig sngags kyi sgo nas 'joms pa'o/ /bag la nyal gyi zug rngu rnams 'byin pa'o zhes bya ba ni/ bag la nal ba ni gtsar bu pa ste de dag kyang rig sngags kyi sgo nas sun 'byin pa'o/ /'phags pa'i kun tu ston pa'o zhes bya ba ni/ 'phags pa'i kun tu lam bzhi ste de dag kyang rig sngags kyi sgo ston pa'o/ /thar pa'i sgo rnams 'byed pa'o/ /zhes bya ba ni/ thar pa ni 'khor ba nas thar pas te/ de dag ni rig sngags kyi sgo nas so/ /'jig tshogs la lta ba rnams 'jigs par byed pa'o zhes bya ba ni 'jig tshogs ni phrag dog ste/ phrag dog 'joms ma ni rig sngags kyi rgyal mo'o/ /nga rgyal gyi ri rab brnyil bar byed pa'o zhes bya ba ni/ nga rgyal ba ni ma rig pa ste ri ni rab tu che ba ste/ de dag kyang rig sngags kyi sgo nas bsnyil par byed pa'o/ /'khor ba'i rgya mtsho skems par byed pa'o/ /zhes bya ba ni rgya mtsho ni rgya che ba gting ring ba ste/ de dag kyang rig sngags kyi sgo nas skems pa'o/ 'khor ba'i rgya mtshor ltung ba'i sems can rnams sgrol ba'o zhes bya ba ni rgya mtsho ni gting ring grangs mi chod pa'o/ /de dag kyang rig sngags kyi sgo nas sems can sgrol ba'o/ /bdud kyi zhags pa gcod pa'o zhes bya ba ni/ bdud bzhi'i zhags pa ni phyin ci log pa'o/ /de dag kyang rig sngags kyis gcod pa'o/ / bdud kyi 'khor skrag par byed pa'o zhes bya ba ni/ bdud ni lha'i bdud la sogs pa'o/ /de dag kyang rig sngags kyi sgo nas skrag pa'o/ /bdud kyi mchil ma 'dor ba'o/ /zhes bya ba ni/ bdud ni gar dbang phyug la sogs pa ste de dag kyang rig sngags kyis bcom mo/ /nyon mongs pa'i g.yul las sgrol ba'o zhes bya ba ni/ nyon mongs pa na mi rigs pa la sogs pa ste de dag kyang rig sngags kyi sgo nas sgrol ba'o/ /mya ngan las 'das pa'i grong khyer du 'jug par byed pa'o zhes bya ba ni mya ngan las 'das pa
- 83b
ni sangs rgyas kyi yul po/ /rig sngags kyi sgo nas 'khrid pa'o/ /'khor ba'i khyim nas 'byung bar byed pa'o/ /zhes bya ba ni 'khor ba'i khyim ni ma rig pa'o/ /'byung ba ni rig pa'o/ /rig pa ni dge ba'o/ /dge ba ni grol ba'o/ /grol bar byed pa ni stong chen mo rab tu 'joms ma'o/ /stong chen mo rab tu 'joms ma 'di gang zhe na/ rang bzhin ni chu'i chu bur lta bu'o/ /mtshon cha ni so sor rtogs pa'i ye shes so/ /rigs ni rdo rje dang pad+ma'i rigs so/ /mtshon pa ni rig sngags kyi rgyal mo stong chen mo rab tu 'joms pa'o/ /ngo bo nyid ni rigs lnga'i sangs rgyas kyi ngo bo nyid do/ /de'i phyag mtshan dad sku mdog ni gang zhe na/ zhal gsum phyag drug sku mdog dmar mo/ /g.yas dkar g.yon mthing kha/ rigs lnga'i dbu rgyan can/ spyan gsum pa/ phyag g.yas na pad+ma dang ral gri g.yon na rin po che'i steng na rdo rje dang rtse gsum mo/ /'og ma gnyis mnyam gzhag mdzad de/ phyag gi steng na bum pa'o/ /rgyan thams cad rin po ches brgyan pa'o/ /zhabs rdo rje skyil krung du bzhugs pa/ pad+ma'i steng na zla ba'i gdan dang bcas pa/ nyi ma'i 'od la 'du shes kyi phung po ste/ rig sngags gang zhe na/ sya t+the daM 'di lta ste/ sngags ni kha d+ha ni rg+ho she zhes bya ba'o/ /rig sngags zhes bya ba ni stong pa nyid do/ /stong chen mo rab tu 'joms ma zhes bya ba ni rig sngags kyi rgyal mo gdon thams cad las thar bar byed pa ni zhes bya ba ni thun mongs dang thun mongs ma yin pa'i don grub pa/ chos kyi bdud rtsi nyams myong dran pa med pa/ bdud bzhi 'joms pa/ stong pa nyid kyi rang bzhin srung ba dang skyob par byed pa/ 'jig rten khams la dbang byed pa/ glo bur gyi 'byung po rnams 'joms pa'o/ /mdo sde 'di de bzhin gshegs pa dgra bcom pa yang dag par rdzogs pa'i sangs rgyas gangA'i klung gi bye ma snyed rnams kyi zhes bya ba ni/ sangs rgyas kyi zhal nas zhal tu
- 84a
gsungs par sangs rgyas kyi rgyud rgyun mi chad pa'o/ /bka' yang dag par snang ba phyag rgya bzhi'i rgyan phyin ci ma log pa'o/ /'dis ni lha dang mi dang lha ma yin du bcas pa'i 'jig rten phyag rgyas btab ste zhes bya ba ni/ nam mkha' bzhin du khyab nas/ 'jig rten khams la rig sngags kyi phyag rgyas btab pa'o/ /sangs rgyas zhes bya ba ni gnyis su med do/ /phyag rgya zhes bya ba ni de nyid kyi phyag rgya'o/ /phyag rgyas btab ste zhes bya ba ni/ rig sngags kyis btab pa'o/ /mya ngan 'das pa'i grong khyer bla na med par bzhugs so zhes bya ba ni mya ngan las 'das pa zhes bya ba ni sangs rgyas so/ /grong ni zhing khams so/ /bla na med pa ni gong na med pa'o/ /de'i don gyi phyir mngon par sangs rgyas pa'i yang dag par rdzogs pa'i sangs rgyas dang zhes bya ba ni/ stong chen mo rab tu 'joms ma'i lam nas sa bcu rab tu thob ste/ de bzhin du pha rol tu phyin pa bcu thob nas/ sa bcu gcig pa yang dag par rdzogs pa'i sangs rgyas kyi sa thob pa'o rang sangs rgyas dang nyan thos thams cad kyis yang dag par rdzogs pa'i sangs rgyas rnams zhes bya ba ni zhi gnas dang lhag mthong gnas pa rnams dang/ bdag mi rtags pa'i rang bzhin bye brag pa rnams dang/ dmigs pa med par 'jig rten gyi khams lta ba rnams so/ /rang sangs rgyas rnams dang nyan thos rnams dang/ pha ma dang/ sbyin gnas dang zhes bya ba ni/ rig sngags kyi rgyal mo 'di la de rnams kyis kyang mchod par 'os pa gzhi nas gnas pa'o/ /bla ma lta bu rnams la bsnyen bkur to zhes bya ba ni/ gong nas gong ngo/ /tshangs par spyod pa spyad par bya ba ni stong chen mo'i sgo nas spyod pa'o/ /tshul khrims bsrungs so/ /mdzem pa dang med par sbyin pa sbyin/ /tshul khrims mchog kyang shin tu bsrungs/ /bdag
- 84b
lung mgon gyis ma bstan te/ /bdag la 'du shes med 'gyur tshe/ /sbyin pa'i 'du shes ma lus par/ /rnam par rtog pa kun spang nas/ /de ni byang chub lung bstan to/ /sbyin pas su ni longs spyod bshad/ /tshul khrims kyis ni mtho ris bsgrubs/ /gang na cung zad mi rnyed pa/ /de ni byang chub bla med do/ /dmigs par gnas pa'i sbyin pa rnams mkhas pas ma yin rtogs med do/ /de la theg pa chen po mi dmigs par/ /tshul khrims gcig pa'i dbu ma'o zhes bstan pa'o/ /snying rje'i pha rol tu phyin pa yongs su bskang ngo zhes bya ba ni snying rje ni tshad med pa bzhi'o/ /de bzhin du pha rol tu phyin pa lnga'o/ /shes rab kyi pha rol tu phyin pas yongs su zin pa/ thams cad mkhyen pa'i ye shes yongs su bsngos pa rnams la yang khyad par ram/ bye brag gang yang mi dmigs so/ /yang sems dang po bskyed pa nas nye bar bzung ste/ shes rab kyi pha rol tu phyin pa dang/ thabs mkhas pas bla na ma mchis pa'i byang chub ni the tshom ma mchis so/ /ci'i slad du zhe na/ chos gang yang mi dmigs so/ /mi dmigs pa nyid ma snyed pa'i bzod pa thob pa zhes bya'o/ /yang shes rab kyi pha rol tu phyin pa la spyod pa'i tshe/ sbyin pa dang sbyin pa'i bdag po dang/ len pa yang mi dmigs na/ de'i tshe byang chub kyi lam thob par 'gyur ro/ /yang chos thams cad la rab tu rtogs na chos gang la yang rnam par rgyu ba med pa de ni byang chub sems dpa' i shes rab kyi pha rol tu phyin pa'o/ /de dag bstan pa'o/ /byang chub thob par bsgrubs so/ /zhes bya ba ni/ ci'i phyir zhe na/ bla na med pa'i byang chub kyi rgyu gang las byung/ bka' stsal ba ma yin no/ /byang chub rgyu ni rkyen las ma yin no/ /de ci'i phyir zhe na ma skyes pa dang ngo bo nyid med pa ni/ rgyu dang rkyen las byung ba ma yin no/ /de ci'i phyir zhe na/ chos thams cad ma skyes pa'i phyir ro/ /bdud pham par byas so zhes bya ba ni ci'i phyir zhe na/ bdud ni bzhi yin te/ nyon mongs pa'i
- 85a
bdud dang/ phung po'i bdud dang/ 'chi bdag gi bdud dang/ lha'i bu'i bdud dang/ de dag bcom pas na phan pa zhes bya'o/ /de nas zhes bya ba ni/ tshangs pa la sogs pa'i don to/ /mi mjed kyi bdag po tshangs pa la sogs pa zhes bya ba ni/ rig sngags kyi rgyal mo la 'jig rten gyi lha rnams kyis ngo mtshar du che bas ngag gcig tu smra ba'o/ /kye ma'o rig sngags rig sngags che/ /zhes bya ba ni stong pa nyid chen po'o/ /stong chen mo rab tu 'joms ma zhes bya ba ni ma rungs pa thams cad 'joms pa'o/ /sangs rgyas phyag rgya de yis ni zhes bya ba ni mtshan sum cu rtsa gnyis dang dpe byad bzang po brgyad cu la sogs pa/ rgyas btab pa'o/ /phyogs bzhi'i sems can thams cad bsrung zhes bya ba ni phyogs bzhi'i sems can gyi gling bzhi'o/ /yang na ni phyogs bcu'i 'jig rten gyi khams la sogs pa'o/ /phyag rgya gang gis btab 'gyur zhes bya ba ni/ bden pa dang zlas pa byed pa dang rjes su yi rang ba dang yid la byed pa dang bsgom pa yang bshad pa la phyag 'tshal ba dang/ rig sngags kyi khyim du bzhugs pa dang cho ga byed pa dang mtshams gcod pa la sogs pa bya'o/ /dbang po thams cad skrag bgyid pa zhes bya ba ni/ ngan byed 'byung po la sogs pa skrag pa'o/ /stong chen mo rab tu 'joms ma'i mdo sde zhes bya ba ni nad thams cad 'joms pa'o/ /phyag rgya ni rig sngags so/ /bdag cag ni tshangs pa la sogs pa'o/ /btsal bar bgyi zhes bya ba ni chad pas gcod pa'o/ /mi gang rab tu sdang ba dang zhes bya ba ni dam pa las 'das pa'o/ /bstan pa 'di la ma dad pa zhes bya ba ni mu stegs kyi rigs yin te de dag yang na bstan pa 'jigs pa'o/ /de dag tshangs pas sprul pa yi zhes bya ba ni/ nad rnams thams cad 'byung ste gshin rje'i 'khor gyis 'tshed par 'gyur ro/ /rig sngags 'chang bas bcad par bgyi zhes bya ba ni bdud kyi zhags pas bcings nas khrid pa'o/ /brgya byin gyis ni spyi bos blangs zhes
- 85b
bya ba ni/ lha dang lha ma yin gyis kyang khas blangs pa'o/ /'jig rten skyong bas rgyas btab po zhes bya ba ni rdo rje slob dpon la dam tshig nyams pa dang/ sangs rgyas chos dang dge 'dun gsum gyi bstan pa 'jig pa dang/ rig sngags la ma dad pa 'jig rten skyong ba rnams kyis rgyas btab po/ /rig sngags ni gang zhe na rang bzhin ni chu shing lta bu ste mtshon bya ba ni nan tan gyi ye shes so/ /mtshon pa ni rig sngags kyi rgyal mo stong chen mo rab tu 'joms ma ste/ rigs ni las kyi rigs so/ /ngo bo nyid ni rigs lnga'i ngo bo nyid do/ /rgyas btab pa ni don yod grub pas rgyas btab pa'o/ /de'i phyag mtshan dang sku mdog ni ci la zhe na zhal gsum phyag drug sku mdog ljang gu/ zhal g.yas dkar ba g.yon dmar ba/ dbu skra ser po gyen du 'bar ba/ spyan gsum pa dbul thod pa lnga yis brgyan pa/ zhal gdangs pa/ mche ba gtsigs pa phyag g.yas na ral gri dang rdo rje dang/ lcags kyu'o/ /g.yon pa na sdigs mdzub dang zhags pa dang/ rdo rje rgya grams dang skyabs byin no/ /rgyan thams cad sbrul dang rin po che las byas pa nyi ma'i 'khor lo'i steng na bdud bzhi zhabs kyis mnan pa/ nyi ma'i 'od dang bcas pa 'du byed kyi phung po khro gnyer dang ldan pa las thams cad grub pa/ rdo rje rigs kyi las kyi rigs so/ /rig sngags kyi rgyal mo stong chen mo rab 'joms ma de bzhin no/ /rig sngags ni/ syat+the de 'di lta ste/ sngags ni ka liM ge la sogs pa'o/ /de dag ni grong khyer yangs pa can gyi mun pa sel ba'i cho ga'i gnas skabs te lnga pa'o/ /rig sngags kyi rgyal mo stong chen mo rab tu 'joms ma de bzhin no/ /zhes bya ba ni 'di bshad pa'i tshe zhes bya ba ni/ bcom ldan 'das kyi zhal nas gsungs pa'o stong gsum gyi stong chen mo 'jig rten gyi khams 'di rnam pa drug tu g.yos so zhes bya ba ni stong gsum gyi stong chen po'i 'jig brten gyi khams na yod pa'i sems can dmyal
- 86a
ba ni 'di'i sgo nas thon no/ /de bzhin du byol song dang/ yi dags la sogs pa yin te/ yang na gnod byed dang/ 'byung po dang/ bdud rnams la yang skrag par byed bsod par byed/ gnon par byed pa dang/ rig sngags kyi chad pas mgo bo dum bu dum bur byas pa'o/ /dper na a tsi ka'i dog pa bzhin no/ /rnam pa drug du g.yos ji bzhin g.yos she na/ sa chen po ni rnam pa drug tu g.yos so/ /rab tu g.yos kun tu rab tu g.yos so/ /'gul rab tu 'gul kun tu rab tu 'gul/ ldeg ldeg rab tu ldeg kun tu rab tu ldeg go /cheM cheM rab tu chem cheM kun tu rab tu chem chem/ 'ur 'ur rab tu 'ur 'ur kun tu rab tu 'ur 'ur/ shig shig rab tu shig shig kun tu rab tu shig shig go /ltas chen po bco brgyad byung ba'o/ /ltas chen po bco brgyad gang gi phyir byung zhe na/ mu ge dang mi nad dang phyugs nad dang/ yams kyi nad dang 'brum bu'i nad gsum dang/ rims nad dang/ rlung nad dang/ mkhris pa'i nad dang/ bad kan dang/ 'dus pa'i nad dang/ 'dze dang lhog pa dang/ me dpal dang nad de dag la sogs pa rlag par byed pa'o/ /bcom pa'o/ /mnan pa'o/ /phung po'o/ /phyir song ngo/ /ma tshugs so/ /mun nag sel ba/ 'byung po rnams pham mo/ /bdud rnams bcom mo/ /phyogs bzhi'i gnod sbyin dang srin po 'byung po la sogs pa zhes bya ba ni/ stong gsum gyi stong 'jig rten gyi khams kyi 'byung po la sogs pa'o/ /sa la gnas pa/ ri la gnas pa/ shing la gnas pa/ nam mkha' la gnas pa chu la gnas pa/ sa 'og na gnas pa ri bo chen po la gnas pa/ khyim na gnas pa/ rgyal po'i pho brang na gnas pa rnams kyang/ mchim byung ba'o/ /skang drag po byung ngo/ /lus zhig so/ 'dar ro/ /'jigs so/ /bdag cig ni 'byung ba'o/ /dbang du khrid pa ni stong chen mo'i dbang gis khrid do/ /de nas zhes bya ba ni/ 'byung po
- 86b
spag pa'i nges nas so/ /bcom ldan 'das kyis sa rdo rje mngon par sprul pa dang zhes bya ba ni/ ma rungs pa'i 'byung po rnams la 'dzul du mi ster bar 'tshe'o/ /de dag kyang phyogs bzhir 'byer ro zhes bya ba ni/ phyogs phyogs su 'byung po rnams 'bros pa'o/ /de nas zhes bya ba ni/ 'byung po bcom pa'i de nas so/ rgyal po chen po bzhi'o zhes bya ba ni/ so so'i sgo nas byin gyis brlabs pa'o/ /phyogs bzhir me lce'i phung po mngon par sprul pa dang/ de dag nam mkha' la kun tu rgyug go /zhes bya ba ni ma rungs pa'i 'byung po rnams phyogs bzhi mtshams su rgyug ste/ de ni 'bros su mi ster ba'i 'tsho'o/ /de nas mi mjed kyi bdag po tshangs pas nam mkha' la lcags su mngon par sprul pa dang zhes bya ba ni/ tshangs pas rdo rje'i lcags kyi rang bzhin sprul pa ni de rnams rgyug tu mi ster ba'i 'tshe ba'o/ /de dag shing rta la bdun tsam nas nam mkha' la kun tu rgyug go /zhes bya ba ni/ mtho dman de tsam du rgyug go /de nas lha rnams kyi dbang po brgya byin gyis ral gri dang mda' dang/ mdung thung dang mdung dang/ mnga' po che dang/ shing ljon pa dang ri'i char mngon par pag po zhes bya ba ni 'jigs su rung ba'i sgra dang bcas nas bar snang nas phab pa'o/ /de'i tshe gnod sbyin lnga stong mi mjed kyi 'jig rten gyi khams su 'dus pa rnams zhes bya ba ni mi mjed kyi 'jig rten gyi khams ni 'dzam+bu'i gling gling bzhi ri rab dang bcas pa nyi ma zla ba skar ma 'di dang khor lor yug gis bskor ba'o/ /rig byed kyi dmod mos bcom ste zhes bya ba ni gnod byed rnams kyis nad kyis thebs pa'o/ /rims nad kyis btab nas myos te rme bzhin zhes bya ba ni rig sngags kyi mthus gnod byed rnams kyi nad sna tshogs kyis zin pa'o/ /de la 'gyod pa ma skyes na mnar med la sogs pa 'tshed pa'o/ /bcom ldan 'das kyi zhabs gnyis la gtugs nas zhes bya ba ni nad kyis thebs pa dang/ dmyal ba mnar med du 'gro bar shes nas 'byung po'i tshogs
- 87a
kyis bcom ldan 'das la skyabs su 'gro ba'o/ /gsol ba dge sbyong go'u ta ma ni sems can thams cad la phan pa dang/ thugs brtse ba can lags kyis zhes bya ba ni ma rungs pa'i 'byung po de rnams kyang sangs rgyas la bag phab nas bcom ldan 'das kyi zhabs la 'dud de bzod par gsol ba'o/ /dge sbyong gau ta mas bdag cag bskyab du gsol zhes bya ba ni rig sngags kyi dmod mos 'jigs skrag ste/ rims nad kyis thebs pa'i phyir skyabs su 'gro ba'o de nas zhes bya ba ni 'byung pos gsol ba btab pa de nas so/ /de dag la byams pas khyab par mdzad nas zhes bya ba ni tshad med pa bzhi'i sgo nas so/ /bslab pa 'dzin du bcug go zhes bya ba ni 'byung po rnams dkon mchog gsum la skyabs su 'gro ba dang sdom pa gzung ba'i gsol ba btab pa dang phyis mi gnod pa'i khas blangs pa'o/ /bdag cag phyag rgya spong 'gyur na/ ma 'gums pa yi 'gro gang dang zhes bya ba ni ma rungs pa'i don rnams kyis kyang sangs rgyas kyi spyan sngar skyabs su 'gro zhing sdig pa bshags pa'o/ /pha 'gums pa yi 'gro gar dang/ dgra bcom pa yang 'gums gang dang zhes bya ba ni pha dang ma dang dgra bcom gyis ma legs byed pa rnams kyang/ sangs rgyas bcom ldan 'das la khas len cing bshags pa byed pa'o/ /dge 'dun dbyen 'byed 'gro gang dang/ rdzogs sangs rgyas la sdang sems kyis zhes bya ba ni mtshams med pa lnga yang 'dir byas pas/ sangs rgyas bcom ldan 'das kyi spyan sngar bshags su gsol ba'o/ /sku mtshal phyung ba bgyis pa yis 'gro ba gang legs der mchi'o zhes bya ba ni gzhan yang nyon mongs pa'i dbang gis bya ste lus ngag yid kyis sems can rnams 'tshe bar byas pa dang mi dge ba bcu las bzlog par bgyi'o/ /ardza'i ka'i dog pa dang/ mgo bo tshal ba bdun
- 87b
'gas shing zhes bya ba 'di las bzlog par ma gyur na mgo dang lus po yang dum bu dum bur dbye bar 'gyur ro/ /gnod sbyin nad kyis btab pa dang bdag lus sha bkra 'byung bar shog /ces bya ba ni 'di'i bka' las 'das par gyur na nad sna tshogs kyis thebs shing skye ba bdun du mnar med par skye ba'o/ /gang 'di rgyal bas gsungs pa'i mdo/ /stong chen po rab tu 'joms ma yi zhes bya ba ni/ 'das pa dang ma 'ongs pa dang/ da ltar yod pa rnams kyis gsungs te 'di dang mnyam pa 'ang mtshungs pa med pa'o/ /rig sngags rgyal bas 'gal bgyis nas zhes bya ba ni 'di'i dam tshig las 'gal bar gyur na rang gi don mi 'grub cing 'dir yang nad thams cad kyis thebs te 'jig rten phyi ma yang dmyal ba nas dmyal bar 'khor ba'o/ /bdag cag 'dod bzhin mi 'gyur ro zhes bya ba ni 'byung pos khas blangs pa'o/ /de'i tshe grong khyer yangs pa can zhes bya ba ni bcom ldan 'das kyi gzi brjid dang stobs dang mthu dang rig sngags kyi rgyal mo'i dmod mo dang chad pa yis nad thams cad med par 'gyur brlag par 'gyur ba'o/ /yams nad dang 'jigs pa dang/ gnod pa dang nad 'go ba dang 'khrug pa thams cad rgyun chad par 'gyur ro/ /zhes bya ba ni grong khyer yangs pa can gyi li tsa byi la sogs pa'i nad thams cad dang bral zhing zhi ba dang bde legs par gyur pa'o/ /gnod sbyin dang srin po dang mi dang mi ma yin pa rnams kyang rang rang gi spyod yul las 'das pa'o/ /zhes bya ba ni rig sngags kyi rgyal mo'i gzi brjid kyis/ 'byung po rnams kyis 'tsher bar byed pa mi nus shing so so'i spyod yul tu gnas pa'o/ /dad pa dang ne tso dang ri skegs dang/ khu byug dang rma bya dang dur ba dang shang shang rte'u dang bya'i tshogs rnams kyang sgra snyan pa 'byin to/ /zhes bya ba ni de rnams kyang yams dang rims kyis nad kyis btab pa yang da ltar rig sngags kyi gzi brjid kyis so so'i skad
- 88a
'byin cing yid du 'ong ba'o/ /mi 'am ci rnams ni lha'i bu mo bzhin du lus la gnod pa med do zhes bya ba ni yul de na gnas pa'i lha rnams kyang rang gi cha byad du gnas shing so so'i gnas su gnas pa'o/ /rin po che'i cha byad rnams kyang ma dkrol bar 'khrol lo zhes bya ba ni lha khang ngam pho brang ngam gzhan mi dang mi ma yin pa'i rgyan du byas pas sil sil sgra sgrogs pa'o/ /rnga bo che dang/ dung dang rdza rnga dang/ rnga bran dang/ pi wang dang zhes bya ba ni/ rig sngags kyi nus pas/ yul de rnams kyi sems can rnams la byar btub par byung ste/ sgra thams cad kyang rang sgrag par 'byung ba'o/ /gling bu rnams kyang ji ltar gnas bkon pa bzhin du sgra 'byin no/ /zhes bya ba ni/ gzhan gyis brdung mi dgos te bkra shis pa'i rtags so/ /dper na dril bu la rlung gis btab pa bzhin du so sor rang skad du byung ba'o/ /bal po se'u dang/ bilba dang skyu rur dang/ n+ya gro d+ha dang/ byang chub kyi shing dang/ spre'u gnas dang/ blag? sha dang/ u dum ba ra dang/ sa la zhes bya ba ni/ yul de'i shing dang/ me tog gi ra ba dang/ skad cig mas/ 'o ma dang/ me tog dang/ yal ga rgyas par skyes nas/ yid du 'ong bar snang ba'o/ /ta ma la'i shing ljon pa rnams kyang/ dri rab tu 'byin to zhes bya ba ni/ 'bras bu med pa la ni 'bras bu me tog med pa la ni me tog /dri med pa la ni dri rab tu byung ngo/ /lo ma med pa la ni lo ma byung ngo/ /shing bskams pa ni skyes so/ /de dag kyang bcom ldan 'das dang/ rig sngags kyi gzi brjid dang/ stobs dang mthu rnams kyis bkra shis pa'i rtags so/ /lha brgya stong dag gis kyang/ hi hi/ a la la zhes bya ba ni/ sgra byung ste zhes bya ba ni/ grong khyer yangs pa can gyi yul gyi lha dang/ sangs rgyas la gus par byed pa'i lha rnams mgu ba'i sems dang ldan pa'o/ /bar snang la me tog gi char mngon par
- 88b
phab po zhes bya ba ni/ grong khyer yangs pa can gyi yul gyi steng du me tog gi char phab bo/ /mi ma yin pa'i dri dag 'jig rten du 'byung zhes bya ba ni/ lha'i dri bzang po dang/ lha'i 'dug spos dang/ me tog la sogs pa'i mchod pa byung ngo/ /de nas lha rnams kyis kyang sdom pa bzung ngo/ /phyag 'tshal ba'o/ /'don no/ /grangs so/ /smon lam btab po/ /rjes su yi rang ngo/ /mgul tu btags so/ /de dag kyang 'jigs pa thams cad dang bral lo/ /de nas zhes bya ba ni/ nam mkha' la lha byung ba'i de nas so/ /rgyal po chen po bzhi thal mo sbyar te zhes bya ba ni/ lan gsum skor ba byas nas/ pus mo'i lha nga sa la gtsugs nas zhu ba phul ba'o/ /sangs rgyas ni gnyis su med pa'o/ /phyag rgya ni rig sngags so/ /chos ni stong pa nyid do/ /bcom ldan 'das la 'di skad ces gsol to zhes bya ba ni/ de lta bu'i yon tan dang ldan pa'i sangs rgyas la/ rgyal po chen po bzhis zhus pa'o/ /btsun pa bcom ldan 'das gang la la zhig gis bslab pa'i gzhi yongs su bzung ste zhes bya ba ni/ sdom pa gsum dang ldan pa sangs rgyas dang chos dang dge 'dun gsum la skyabs su 'gro ba'o/ /gos dur mrig gon nas mdo sde'i rgyal po/ /stong chen po rab tu 'joms ma gdon thams cad las thar bar bgyid pa/ sangs rgyas kyi phyag rgya zhes bya ba ni/ gzhan gyis mi thub pa 'byung po rnams kyi gnyen po'o/ /phyag rgya bzhi'i rang bzhin stong pa nyid du snang ba'o/ /chos kyi rnam grangs 'di blangs shing bzung ste/ zhes bya ba ni/ gus pas byas nas spyi bor bzhag pa'o/ /kun chub par gyis shig ces bya bar ni/ / sems can kun la phan 'dogs pa'o/ /yi ger bris nas mdud pa bor te de zhes bya ba ni/ yi ger bris nas ni gang zhe na/ dar ram shing shun nam gro ga 'am/ ras la sogs pa gang yang rung/ gi haM gur guM la sogs la/ yang dag
- 89a
gis ni bri bar bya/ /dbus su 'khor lo rtsibs brgyad bri/ mu khyud rim pa lnga bskor ba/ /pad+ma sna tshogs ra ba dang/ khyi rim rdo rje ra ba dang/ bzhi bcu dag ni bri bar bya/ /bye brag tu ni skyes pa rnams/ /gur kum gyis ni bri bar bya/ /de yi dgos pa 'dod pa rnams/ /grub 'gyur 'di la the tsom med/ /pad+ma gnyis sam yang na gsum/ /bzhi 'am yang na lnga bris te/ /pad+ma la ni phyag rgya'i mtshan/ /rnam pa sna tshogs gzugs su bri/ de bzhin du ni pad+ma rnams/ /ze bas kun tu 'khor ba bri/ /pad ma 'dab ma rab rgyas la/ /sdong bu dar gyis bcings par bri/ pad+ma la ni rtse gsum pa/ zur brgyad la ni dar dpyangs bri/ /de bzhin pad+ma dgra star bcas/ /'dab ma brgyad dang ldan par bri/ /pad+mar bcas pa'i ral gri bri/ /pad+ma dang ni dkar por bya/ /pad+ma'i steng du dung yang bri/ /thams cad du yang rgyas par bya/ /kun tu cho ga'i mtshan ma rnams/ /mkhas pa dag gis bri bar bya/ /gang la gnod pa'i sems byung ba/ /ming rus dag ni bri bar bya/ /mu khyud 'khor lo'i lte ba la/ /lnga po dag kyang de bzhin no/ /sngags ni dug po rigs drug pa/ /mkhas pa dag gis yang dag bri/ /hUM dang phaT dang yang dag ldan/ ha 'joms dang ni swAhA dag /'khor lo la ni rtsibs brgyad la/ /mkhas pa dag gis yang dag bstan/ /rab gnas yang dag byas nas su// mgul lam dpung par yang dag gdags/ /'di dag bstan pa'o/ /mdud pa por te zhes bya ba ni/ gang zhe na/ ras sam dar dmar skud pa la/ /gang dag rnyed pa gang yang rung/ /tshon skud sna tshogs gang rnyed pa/ /dkar po dag la yang dag bya/ /rgyal rigs lo brgyad lon pa la/ /bu mo gzhon nus mkhal bar bya/ /gtsang ma la ni gang yang rung/ mdud pa bor te brgya rtsa brgyad/ /de bas nyung na lnga bcu bzhi/ /bcu dang lnga dang mdud pa bor/ /sngags dang bzlas pas yang
- 89b
dag tu/ /bdug spos la sogs yang dag bdug/ mgul lam dpung pa lus la sogs/ /mkhas pas yang dag gcing bar bya/ /nad 'jigs sna tshogs mi tshugs pa/ /dus ma yin pa'i 'chi ba bzlog/ rmi lam ngan dang ltas ngan bzlog /gdon rnams thams cad mi tshugs so/ /de dag bstan pa'o/ /'chad na de la yams kyi nad dang 'jigs pa la sogs pa bzhes bya ba ni/ de dag nad 'jigs pas mi tshugs pa ste/ 'jig rten 'di dang phyi ma yang de bzhin no/ /'phra ma'i bar gyis bsdigs pa zhes bya ba ni/ rig sngags la rjes su yi rang ba la sogs pa byas na mi tshugs so/ /mi dge ba'i chos rnams kyis mi tshugs par 'gyur lags so zhes bya ba ni/ mi dge ba ni bcu ste mi dge ba'i chos byed pa'i yul na mdza' 'khob la sogs pa ste/ yang na byed mkhan ni bshan pa'i rigs sam gdol ba'i rigs la sogs pas mi tshugs pa'o/ /rnam par 'tshe ba thams cad las shes bya ba ni/ lha dang mi dang gnod sbyin 'byung bo la sogs pa yin te/ de dag 'byung pos kyang mi tshugs so/ /mi dang zhes bya ba ni rgyal po 'am rkun po 'am/ chom rkun nam /mi sdig can la sogs pa yin te/ de dag kun gyis kyang mi tshugs so/ /yang na 'tshe ba byed pa ni/ seng ge 'am/ stag gam/ ma he 'am/ ba men nam/ sbrul 'am/ sdig pa 'am/ dug rnams sam 'chi bar byed pa'i sems can de dag thams cad kyis mi tshugs so/ /rgyal bar 'gyur lags so zhes bya ba ni/ de dag rgyal ba'o/ /grong khyer yangs pa can gyi nad sel ba'i cho ga'i gnas skabs te drug pa'o// //yul 'khor mtshams gcad par 'tshal bar khrus bgyis pa zas dkar gsum 'tshal ba zhes bya ba ni gang zhe na/ dkyil 'khor legs par byas pa/ sa gzhi 'jam po legs pa la/ rnam lnga dag gis phyug par bya/ /mkhas pa dag gis thig btab la/ sa
- 90a
tshon sna lngas bri bar bya/ /dbus su sna tshogs pad+ma dang/ /ze 'bru'i steng du nyi ma yin/ /de steng rdo rje'i rigs su gnas/ /de bzhin pad+ma 'dab bzhi la/ /shar phyogs lho dang nub phyogs byang/ /de bzhin gshegs dang rigs bzhi bzhugs/ /de dag stong chen rab 'joms ma/ /rigs ni lnga ru yang dag shes/ /shar lho lho nub nub byang shar yang dag tu/ /d+hu pe ma la sogs pa yin/ /mu khyud rdo rjes bskor ba yin/ /phyi rim 'khor lo rtsibs brgyad la/ /sna tshogs 'khor lo de dag bzhin no/ /gza' rnams de la dgod par bya/ /de bzhin du ni mu khyud la/ /skar ma rnams ni yang dag shes/ gru bzhi lha rnams phyogs phyogs la/ /phyogs spyod bcu ni yang dag dgod/ /shar phyogs dang ni lho phyogs dang/ /nub phyogs byang dang sgo dag la/ /rgyal po bzhi ni yang dag bzhugs/ /gru bzhi sgo bzhi ka ba brgyad/ /twa ra rnam bzhi sna tshogs brgyan/ /sna tshogs pad+ma rgya gram dang/ /rdo rje ra ba me ris bskor/ /stong phrag brgyad cu nyi shu rtsa brgyad phrag/ bgegs rnams phyogs phyogs gnas pa'o/ /gtor ma sna tshogs phyogs phyogs su/ /rigs ni lta zhing mkhas pas bgyis/ /mda' dang mdung dang ral gri dang/ phur pa dag la tshon skud bskor/ /lnga 'am gcig gam gang yang rung/ /bkra shis bum pa yang dag dgang// nor bu rin chen byang chub shing/ /'bru dang snying po bdud rtsi dang/ /dri dang gos kyis legs par brgyan/ /bzhi po'i dbus su yang dag bzhag /lus khrus dag dang yid khrus dang/ dri ma med pa'i gos gon la/ /bsnyung par byas nas yang dag tu/ yang na dkar gsum la ni brten/ /snying rje ldan zhing sems can la/ /tshul khrims de la yang dag bsrungs/ /rdo rje slob dpon mkhas pa yis/ /bsnyen pa'i cho ga yang dag bzhugs/ /de dag bstan pa'o// //zas sna spangs pa zhes bya ba
- 90b
ni/ sha ran? sgog pa bsres pa dang/ chang dang nya sha la sogs dang/ /de dag la ni spangs par bgyi/ /mi slob pa'i gzhi thams cad yongs su gzung zhes bya ba ni/ /yang dag sems dang mtshungs pa dang/ /sdom pa gsum dang yang dag ldan/ /sdig pa thams cad spang bar bya/ /mi rnams thams cad grong pa dang/ /sdom pa la ni gnas pa bya/ /sems can thams cad la sems snyoms pa zhes bya ba ni gang zhe na/ mi dge bcu ni spang byas pa/ /tshangs pa'i gnas bzhi bsgom bya ba/ /grong dang grong la 'thab spangs pa/ /rang sems ji bzhin gzhan dag dang/ /thabs rtsod thams cad spangs par bya/ /shin tu brgyan pa gos dang rgyan dang ldan pa zhes bya ba ni/ bud med skyes pa de bzhin du/ /dri ma med pa legs par bgo/ /gser dang mu tig la sogs pa/ /lus la shin tu legs par brgyan/ des grong dang/ grong khyer dang/ grong rdal dang/ yul 'khor dang sum mdo dang zhes bya ba ni/ cho ga gar byed pa'i sa ru/ ba'i rnam lnga dang/ tsan dan la sogs pa'i dri bzang po'i chus/ /thams cad byugs te/ mi gtsang ba rnam bor nas/ spos sna tshogs kyis bdugs te/ gos dang me tog gi 'phreng bas brgyan pa'o/ /khyim rnams nyal nyil gyi phung po ma mchis par bgyis te zhes bya ba ni/ phyag dar bzang po byas nas su/ /sna lnga dri dang gtor bar bya/ /grong ngam grong khyer thams cad du/ /de bzhin la ni gtor bar bya/ /rgyal po'i pho brang 'khor gyi dbus kyi dgos rnams su me tog gi sil ma bkram pa zhes bya ba ni/ grong khyer dbus dang gzhan dag dang/ gang yang rung ste khyim la sogs/ me tog chu skyes thad skyes dang/ dus las byung te gang yang rung// spos sna tshogs kyis rab tu gdug par bgyi'o/ /zhes bya ba ni/ lhan cig sbyor dang gzhan dag dang/ /a ga ru sogs gang yang rung/ /phyogs bzhir bu mo shin tu khrus bgyis pa brgyan ces bya ba ni/ bram ze mo 'am rgyal rigs sam/ rjes rigs la
- 91a
sogs gang yang rung/ /bsnyung bar byas nas tshul khrims srung/ /skyes pa la sogs spangs byas pa/ yang na zas ni dkar gsum bsten/ /lo grangs bcu gnyis nyi shu gnyis/ /mtshan nyid legs pa byad mdzes pa/ /dri ma can gyi gos kyang spang/ /lag na mtshon thogs pa bzhi dang/ dril bu bzhi dang zhes bya ba ni/ gzhon nu de dag dang mtshan thogs nas/ ral gri la sogs g.yas na 'dzin/ /dril bu dkrol zhing bkra shis 'don/ /glu gar la sogs de bzhin no/ /rin po che snod bzhi bzhag par bgyi'o zhes bya ba ni/ grong ngam grong khyer grong rdal du/ grong par de bzhin bzhag par bya/ yang na chos ga byed pa'i sa/ phyogs bzhi la ni yang dag bzhag/ snga dro'i dus kyi tshe gdugs shar ba dang/ rig sngags klag par bgyi ste zhes bya ba ni/ de bzhin du phyogs bzhi phyogs rnams su/ /dag mi 'dre bar yang dag gdon/ /bsnyung bar bya zhing gtsang sbra bsten/ /yang na zas ni dkar gsum bsten/ /yi ge bris te mchod rten chen po zhes bya ba ni/ gser ram dngul las byas pa yi/ bum pa dang ni tsha tsha dang/ de la sogs pa gang yang rung/ yi ge bris te 'khor lo la/ de bzhin du ni rtse mo la/ /mchod rten la sogs yang dag bzhag/ bal srang drug cu tham pa la/ /bkal nas mchod pa bya ba'o/ /dar ram ras sam srin bal la/ /gang yang rung ste skud pa la/ tshon ni sna tshogs byas nas su// grong ngam grong khyer yang dag bskor/ /shing ljon pa chen po dang rgyal mtshan chen po'i rtse mo la stod de btags la/ me tog sna tshogs dang/ spos sna tshogs dag gis zhes bya ba ni/ de la sogs pa mthon po'i gnas su/ sngar bshad pa'i 'khor lo btags nas/ bal lam ras la byas pa'i skud pa srang drug cu tham pa byas pas shing la sogs pa la gdags par bgyi'o/ /de bzhin du mchod pa yang bya'o/ dgung zla phyed kyi bar du mchod par bgyi'o/ /zhes bya ba ni/ gcig
- 91b
gam gsum 'am lnga yang rung/ /de bzhin bdun dang dgu dang ni/ bcu gcig dang ni bco lnga'o/ /gdugs re re zhing rig sngags klag go zhes bya ba ni/ snga dro'i dus su bya'o/ /yang na rgyun mi 'chad pa klag go/ de ltar na yang yul 'khor yongs su thar bar 'gyur ro zhes bya ba ni/ dbang blangs ngo/ /khrus bya'o/ /bkra shis brjod/ /gdon no/ /rol ma sogs bya'o/ /bkra shis kyi rdzas gdon par bya'o/ /de dag ni grong khyer bsrung ba'i cho ga'i gnas skabs te bdun pa'o// //de ltar grong dang grong khyer la sogs pa zhes bya ba ni/ gang yang rung ba/ /yang na nad pa'i khyim mo/ /phyugs lhas rnams nyal nyil ma mchis par bgyi ste zhes bya ba ni/ legs par phyag dang byas nas/ ba'i rnam lngas gtor te/ hom khung zlum por byas nas/ cho ga ji bzhin du gtor bar bya'o/ /rdzas ni til dang mar la sogs pa/ /ku sha la sogs pa yang de bzhin no/ /seng ldeng dang rgya shug la sogs pa zhes bya ba ni/ zhi ba'i shing gang yang rung ba/ dog sa la me tog sil ma bkram ste zhes bya ba ni/ hom khung la sogs pa la gtor bar bgyi'o/ /sgo g.yas g.yon na dri sna tshogs la zhes bya ba ni/ gang ba'i bum pa yang g.yas g.yon du bzhag go/ dri dang me tog la sogs pa phul ba ste/ de bzhin du me lha la khrus bya'o/ /sa bon thams cad mar gyis bkus te phyogs bzhir gtor bar bgyi'o zhes bya ba ni/ sarba pA pa ni da ha na badzra shAn+tiM ku ru swA hA/ chab skor tshon skud sna tshogs bre bar bya'o/ /zhes bya ba ni/ mda' dang/ mdung dang/ ral gris bskor bar bya'o/ /dud 'gro'i skyes gnas su gyur pa dag ni bton la slar yang gzung bar bgyi'o zhes bya ba ni/ dud 'gro rnams phyir btang ste/ yang bzhugs par bya'o/ /yang na bgegs gang gnod pa'i ming byang bcug la/ me la gtong bar bya'o/ /rig sngags kyang klag par bgyi'o zhes bya ba ni/ gtsang sbrar la brten rgyun mi chad par klag par bgyi'o/ /yi ge bris saM
- 92a
zhes bya ba ni 'khor lo/ /'dud pa 'dud te zhes bya ba ni srung skud da/ /mthon po'i khar btags la mchod par bgyi zhing bya ba ni/ mchod rten chen po'i rtse mo 'am/ rang nyal ba'i steng ngam/ ya them la gdags pa 'am/ gdung gi log sa la gdags pa tsam gyis kyang/ gnod byed dang nad thams cad la sogs pa yang mi tshugs pa'o/ /nad pa'i mdun du sangs rgyas kyi sku gzugs sam zhes bya ba ni gser ram dngul lam zangs saM/ rang ris la sogs pa/ sangs rgyas kyi ring bsrel lam zhes bya ba ni zangs sam dngul la sogs pa la byas pa'i mchod rten nam/ rin po che'i snod du bzhag la/ bum pa zhabs phug la/ dri 'am sman la sogs pas yang dag par mchod la/ /khrus gsol bar bya'o/ /dkyil 'khor la sogs pa ni sngon du bshad pa bzhin no/ /tshangs pa la sogs pa'i gzugs sam zhes bya ba ni/ dkyil 'khor yang dag par bris la bgyi'o/ /yang na bag phye 'am 'bras phye la sogs pa la gzugs byas la/ dkyil 'khor la yang dag par bzhag go/ phyag rgya bzhi bgyis la bzhag par bgyi'o zhes bya ba ni/ phyag rgya bzhi ni rig sngags kyi rgyal mo stong chen mo yin te/ dar ram ras sam shing shun la sogs pa la cho ga bzhin du bris la/ nad pa la yang dag par gdags so/ /me tog sna tshogs dang/ spos sna tshogs dang zhes bya ba ni/ mchod pa sna tshogs kyis phyag rgya bzhi'i mchod par bya'o/ /tshangs pa dang/ brgya byin dang/ rgyal po chen po bzhi dang/ dbang phyug chen po dang/ gnod sbyin ded dbon dang/ 'phrog ma la sogs pa'i ming gis/ zhes bya ba ni/ de rnams kyi ming dang gzugs byas nas/ mchod pa dang ming byas nas a rga bya'o/ /dkon mchog gsum la mchod par bgyi'o zhes bya ba ni/ yang dag par rdzogs pa'i sangs rgyas shAkya thub pa dang/ rig sngags
- 92b
la sogs pa yang dag par mchod do/ /gzungs kyang dag ma 'dres par klag par bya'o/ de rnams kyang stobs dang dbang phyug dang/ byin gyis brlabs pa bdag la bde legs su gyur cig/ bdag la bsrung ba gyis shig ces bya ba ni/ sangs rgyas dang rig sngags dang/ tshangs pa la sogs pa 'jig rten skyong ba rnams so/ /nad pa rnams nad thams cad las thar bar gyur cig ces bya ba ni/ sems can thams cad la sogs pa'o/ /de bzhin du byas na the tshom med do/ /nad pa'i zas dang skoM dang zhes bya ba ni rig sngags kyi rgyal mo'i sngags bton nas/ byin gyis brlabs pa bya'o/ /sman rnams kyang rig sngags 'di btab ste/ stsal bar bgyi'o zhes bya ba ni phyi nas 'dod pa'i sngags rlabs nas/ bden pa yang dag par bdar bar bya'o/ /rdzogs sangs rgyas rnams sangs rgyas tshe/ /'jig rten skyong bas phyogs bzhi nas zhes bya ba ni rdzogs sangs rgyas ni dus gsum gyi sangs rgyas rnams so/ /'jig rten skyong ba ni brgya byin la sogs pas te/ de rnams yang phyogs bcur skyong ba'o/ /snod bzhi dag ni blabs nas su/ /bde bar gshegs la phul ba dang/ zhes bya ba ni/ dang po bde bar gshegs pa rnams la 'bul te/ gnyis pa phyogs skyong la sogs pa la sbyin pa'o/ /mthu yis gcig tu sprul mdzad pa/ /lha yi snod mchog de dag ni zhes bya ba ni/ rdzu 'phrul dang ldan zhing dag pa'i snod du'o/ /bdud rtsi 'dra ba'i sman gyi rnams/ /ston pa'i phyag na bsnams 'gyur ba/ zhes bya ba ni/ yang dag par rdzogs pa'i sangs rgyas kyi zhal nas byung ba/ rig sngags kyi nus mthu'i bdud rtsi'o// bden pa'i tshig ni de dag gis/ /sman rnams bdud rtsir gyur bar shog/ ces bya ba ni/ nad pa'i zas dang skom dang sman la sogs pa 'di'i byin brlabs kyi bdud rtsir 'gyur ba'o/ /de bzhin lha mo 'phrog ma yis/ /lha rdzas dge ba a ru ra/ /zhes bya ba
- 93a
ni/ nad pa rnams kyi ma lta bu/ /lha mos kyang yang dag par rdzogs pa'i sangs rgyas la a ru ra phul ba'o/ /blangs nas ston la rab phul ba/ /bdud rtsi 'dra ba'i sman gyi rnams zhes bya ba ni/ /de phul ba'i bden pas kyang/ 'dir nad pa la bdud rtsir snang ba'o/ /bden pa'i tshig ni de dag gis/ /nad pa rnams kyi nad sel cing zhes bya ba ni sangs rgyas kyi bka' dang/ rig sngags kyi bden pas nad rnams sel bar byed pa'o/ /nyes pa thams cad 'phrog par byed/ /sman rnams bdud rtsir gyur par shog /ces bya ba ni/ rig sngags kyi stobs dang gzi brjid kyi byin gyis brlabs kyis bdud rtsir snang ba'o/ /sangs rgyas rnams gzigs gzi brjid dang/ /gtsug tor can gyi stobs rnams dang zhes bya ba ni/ sngon gyi dus su 'das pa'i sangs rgyas rnams gzigs gzi brjid kyis/ /sems can gyi don byas pa de bzhin du gtsug tor can gyi stobs kyis sems can gyi don byed pa'o/ /thams cad skyob kyi bden tshig dang/ log dang sel gyi ting nge 'dzin dang/ zhes bya ba ni/ bskal pa gnyis pa'i dus su sangs rgyas thams cad skyob kyi bden pas sems can gyi don bya ste/ de bzhin log dang sel gyi ting nge 'dzin gyis kyang don sems can gyi byas pa'o/ /gser thub kyi ni ye shes dang/ 'od srung gi ni rdzu 'phrul dang zhes bya ba ni/ /skal pa gsum pa'i dus su/ /bder gshegs gser thub kyi ye shes kyis/ sems can gyi don byas pa de bzhin du sangs rgyas 'od srungs kyi rdzu 'phrul gyis sems can gyi don byas pa'o/ /shAkya seng ge thub rnams kyis/ /sman rnams bdud rtsir gyur par shog /ces bya ba ni/ bskal pa thams cad snyigs ma lnga'i dus su/ /mthu'i stobs kyis sems can gyi don byas pas/ de rnams kyi bden pas 'dir yang sman rnams bdud rtsir snang ba'o/ /nad pa shar phyogs kha bstan pa/
- 93b
sman rnams nye bar stsal bar gyi zhes bya ba ni/ bden bden pas 'di'i tshig dang/ rig sngags kyi gsang sngags 'dod du byas pas nad pa la bdud rtsi sbyin par bya'o/ /de'i tshe na rig sngags 'di zhes bya ba ni zhal gcig phyag gnyis sku mdog dkar mo g.yas na rdo rje dang g.yon na rin po che 'dzin pa/ spyan gsum pa dbu la rigs lnga'i sangs rgyas kyis brgyan pa/ rgyan thams cad kyis brgyan pa/ zhi ba'i gzugs can zhabs phyed skyil tu bzhugs pa/ pad+ma'i steng du zla ba'i gdan/ nyi ma'i 'od dang ldan pa/ sems can thams cad la don byed pa/ rdo rje rigs ma stong chen mo rab tu 'joms ma'o/ /lag thil bzhag ste klag par bgyi zhes bya ba ni/ rig sngags rgyal mo de bzhin du bsgoms nas/ rig sngags kyi zhal nas 'byung ba bzhin du bsgom par bya'o/ /rig sngags gang zhe na/ sya t+the daM 'di lta ste/ sngags ni kha de kha de la sogs pa'o/ /rlung las gyur dang mkhris las gyur/ bad kan las gyur 'dus las gyur/ /nad rnams thams cad bcom pas ste zhes bya ba ni/ de gsum gyi gzhi blangs pa/ nad bzhi brgya rtsa bzhi po rnams kyang/ /bden pa tshig dang rigs kyi gsang sngags kyis/ nad thams cad bcom zhing bde bar 'gyur ro/ /bdag la rtag tu bde legs shog ces bya ba ni nad pa dang mdza' yas kyi sems can thams cad do/ /rims nad la sogs pa sel ba'i cho ga ste brgyad pa'o// // byad dang ro langs dang ldan pa'i las rnams la/ skyes pa'am bud med gdugs zhag gcig bsnyung ba bgyis pa zhes bya ba ni/ sngags gtang ba dang rbod gtong gtang ba dang/ 'dze dang 'phol mig dang/ lhog pa dang/ dug dang dug sbyar ma dang sman dang/ sman nyes pa dang/ sa bdag la sogs pa'i nad thams cad smyo ba dang/ 'bog pa la sogs pa bcom ldan 'das/ /rab tu bkrus pa shin tu brgyan pa zhes bya ba ni/ byad kyis phog pa dang/ slob dpon yid bzhin no/ /des dags sa la me tog sil
- 94a
ma bkram ste zhes bya ba ni/ sngon gyi dkyil 'khor bshad pa la brten la/ slob dpon mkhas pas cho ga yang dag par bya ste/ de bzhin sta gon gyi cho ga'o/ /mchod pa rnams pa lnga la sogs pa byas nas/ ye shes sems dpa' yang de bzhin no/ /a rga la sogs pas yang dag par mchod do/ /spos sna tshogs kyis gdugs la zhes bya ba ni/ byang kyis phog pa dang/ bum pa rnams la gdug pa dang/ de bzhin du lha rnams kyang yin no/ /seng ldeng dang rgya shug rigs gnyis kyi zhugs bus te zhes bya ba ni/ thabs khung zur gsum khru gang tshad du byas pa/ nag po'i sum brtsegs sor bzhi byas pa'o/ /pad+ma gsum pa phyi logs su byas pa/ nang du yang de bzhin du yin te/ /me lha nag po khro bor nag po la zhon pa/ g.yas na ral gri/ g.yon na sdigs mdzub zhags pa 'dzin pa/ kha gdangs pa/ me'i mdog kyang de bzhin no/ /sa bon thams cad phyogs bzhir gtor bar dgyi'o/ /zhes bya ba ni rdzas ni til la sogs pa yin te/ sha sna tshogs dang/ 'bru sna tshogs dang/ dus kyi me tog gang yang rung ste/ bag phye 'am 'bras la sogs pas gzugs byas la/ laM ga kha dog kyang de bzhin no/ /zhugs kyi nang du yang gtor bar bgyi'o zhes bya ba ni/ rdzas de rnams dgang gzar blugs gzar gyi re mos blug par bgyi'o/ /rtsa ba thams cad dang me tog thams cad tshon skud 'tshol brgyus te zhes bya ba ni/ dug gi me tog sna tshogs dang byas gang gnod pa'i ming dus sam /mtshon cha la sogs pa'i rtse mo la btags la// phyogs bzhir gdags so/ /de bzhin du byas kyis phog pa'i mgul tu yang gdags so ral gri 'am mdung rtse gsum pa'am/ mdung ngam mda' la gdags par bgyi'o zhes bya ba ni/ hom bung gi zur du bzhi bzhi btsugs la sngar
- 94b
bshad pa'i gdags pa'o/ /spos chab sna tshogs sbyangs te/ bum pa chen po'i nang du blug la/ gang byad kyis phog pa de'i mgul ba skud pa des bcings te bum pa chab kyis bkru bar bgyi'o zhes bya ba ni/ stong chen mo'i gzhung bzhin du bzlas pa byas nas mtshon cha rnam sna gcig btags la gcig byang phog pa'i ske la gdags so/ /de nas stong chen mo'i rang bzhin bum pa'i chus dbang bskur la sku gsung thugs dag par bya'o/ /skud pa yang mtshon gyis bcad de zhugs kyi nang du dor ro/ /zhes bya ba ni/ stong chen mor bsams la/ rig sngags kyi ral grir byin gyis brlabs nas/ byang dang ro langs sngags su bsams la/ sregs par bya'o/ /stong chen mo rab tu 'joms ma'i mdo 'di yang brjod par bgyi'o zhes bya ba ni/ de'i dus su phyogs su ngag ma 'dres par gdon par bya'o// de nas bden pa bdar la/ mched pa bgyi'o/ /gang dag sangs rgyas rang sangs rgyas/ /sangs rgyas rnams kyi nyan thos dang/ /zhes bya ba ni/ sku gsum gyi sangs rgyas dang/ lhag ma mthong nas sems can gyi don byed pa'i rang sangs rgyas kyi bden pa ste/ dus gsum gyi sangs rgyas rnams kyis kyang sems can gyi don byed pa/ de bzhin du nyan thos rnams kyis kyang bden pa bzhi'i sgo nas don byed pa'o/ /tshangs dbang dang ni 'jig rten skyong/ /gnod sbyin ded dpon dbang phyug dang zhes bya ba ni/ tshangs pa la sogs pa'i phyag mtshan dbyug gus gsum dang rdo rje dang/ 'jig rten skyong ba so so'i phyag mtshan gnod sbyin gyi ded dpon bzhin te/ dbang phyug chen po'i rtse gsum mo/ /de bzhin gnod sbyon stobs chen dang/ 'phrog ma'i bu dang bcas pa dang zhes bya ba ni/ de rnams kyi so so rang rang gi stobs dang gzi brjid do/ /de dag mthu dang gzi brjid kyis/ ro langs las rnams 'chang gyur cig /ces bya ba ni/ byad dang/ ro langs dang/ sngags dang/ spong gtong dang/ dug dang dug spyor dang de rnams chad par gcang par 'gyur ba'o//
- 95a
rdo rjes rin chen phug pa dang/ me yis bung shing bsreg pa dang/ zhes bya ba ni/ rdo rje pha lam gyi mu men la sogs pa phig ste/ de bzhin du mes kyang thams cad bsregs pa'o/ /rlung gis sprin ni 'thor ba dang/ /nyi mas nags tshal skems byed pa zhes bya ba ni/ bar snang gi sprin 'thug po yang rlung gis gtor nas/ mi snang bar 'gyur te/ de bzhin du nyi mas kyang rgya mtsho skems pa'o/ /bden pa'i tshig ni de dag gis/ /byad stems las rnams tshig par shig ces bya ba ni/ de bzhin du sangs rgyas rnams kyi bka' yang bden ste/ de rnams kyi gzi brjid dang stobs rig sngags kyis gsang sngags kyis/ byang dang ro langs la sogs pa tshig pa'o/ /spos dang me tog sna tshogs kyis/ sdig pa thams cad nges par bsal zhes bya ba ni/ spos la sogs pa gsal te/ rig sngags 'di yi gzi brjid kyis/ sdig pa thams cad sreg par byed pa'o/ /sya t+the daM zhes bya ba ni/ rig sngags yin te/ rig sngags ni gang zhe na/ zhal cig phyag gnyis pa/ sku mdog nag mo/ spyan gsum pa dbu skra ser po/ /dbu la thod pa lngas brgyan pa/ g.yas na ral gri gdengs pa/ g.yon na lcags kyu dang zhags pa 'dzin pa zhabs pus btsugs su bzhugs pa/ g.yon pa'i zhabs rkyang pa/ nyi ma'i gdan gyi steng na gnod byed mnan pa/ bskal pa me ltar 'bar ba'i 'od dang ldan pa/ rgyan sprul gyis brgyan pa/ zhal gdangs pa mche ba gtsigs pa/ khro gnyer dang ldan pa/ rdo rje rigs ma dang/ stong chen mo rab tu 'joms ma'o/ /rig sngags ni rig sngags kyi zhal nas byung ngo/ /klag par bya'o/ /gsang par bya'o/ /bcom par bya ba la sogs pa'o/ /sngags ni hu me hu me la sogs pa'o/ /de bzhin du byas na the tsom med do/ /las kyi rnam par smin pa ni ma gtogs so/ /lha thams cad kyi gsang sngags 'di dag
- 95b
gi byad dang/ ro langs dang sman dang sngags dang/ dug dang dug sbyar ma rnams gcad do/ /bshig go /pham par byas so/ /pha rol pham par byas so zhes bya ba ni/ bden pa'i tshig de dag dang rig sngags kyi gsang sngags dmod mos 'tshig par byed pa'o/ /byang dang ro langs la sogs pa'i cho ga'i gnas skabs te dgu pa'o// //wa pa dang shu ba dang/ smyo ba dang/ 'bras dang/ 'brum bu dang/ skong po dang/ dug 'thungs pa la sogs pa thar par 'tshal ba zhes bya ba ni/ dang por rang gis phyag gis bgyi'o// gnyis pa chus gdab po/ /gsum pa dur bas bya'o/ /bzhi pa rtsa ku shas bya'o/ /lnga pa rma bya'i sgros sel lo/ /drug pa mtshon gyis brdeg go /bdun pa rang gis sos bya'o/ /de bzhin du byas nas the tshom med de/ des ma sos na las kyi rnam par smin pa yin te gang gis kyang mi sos so/ /lhog pa yang de bzhin bya'o/ /dug za bar 'gyur na chu la btab na 'thung du gzhug go /shin tu khrus bgyis pa brgyan pa zhes bya ba ni/ 'dod chags dang/ 'gog pa la sogs pa spangs par bgyi'o/ /stan bzang po'i steng du mchis te zhes bya ba ni/ sa bdag gi nad kyis btab pa yin te/ lus bde ba dang/ ngag bde ba/ sems bde bar byas la/ bzlas pa rgyun mi 'chad par bya'o/ /rig sngags 'di brjod par bgyi'o/ /zhes bya ba ni/ ngag ma 'dres par rig sngags kyi rgyal mo stong chen mo rab tu 'joms ma'i mdo gdon par bya'o/ /de bas bden pa brjod par bya'o/ /sangs rgyas kun gyi gzi brjid dang/ rang rgyal dag gi gzi brjid dang/ /zhes bya ba ni/ dus gsum gyi sangs rgyas rnams kyi gzi brjid kyis dug bcom ste dang sangs rgyas kyis kyang sku'i don byed pa'o/ /dgra bcom pa bdag gi mthu dag dang/ /gsang sngags 'dzin pa thams cad dang zhes bya ba ni/ nyan thos dgra bcom pa rnams kyis kyang/ nyon mongs pa bcom ste/ gsang sngags
- 96a
'dzin pa yang dag gzi brjid dang ldan pa'o/ /shA ri'i bu yi shes rab dang/ maung+gal bu yi rdzu 'phrul dang/ /zhes bya ba ni/ nyan thos kyi tshogs su gyur pa la/ shes rab la grags pa dang rdzu 'phrul la grags pa'o/ /ma 'gags pa yi mig dang ni/ 'od srungs sbyangs pa'i yon tan dang zhes bya ba ni/ nyan thos de gnyis la yang mthong bar grags pa dang/ sems can la byams par grags pa'o/ /kauN+Di n+ya'i sngar thob dang/ /kun dga' bo yis thos pa dang zhes bya ba ni nyan thos su gyur pa de gnyis kyang/ sangs rgyas kyi bka' thob pa dang/ thos pa mang po byas pa'o/ /tshangs pa yi ni byams pa dang/ /brgya byin gyi ni dbang rnams dang zhes bya ba ni/ 'jig rten gyi khams lta zhing/ sum bcu rtsa gsum la sogs pa dbang du 'dus pa'o/ /'jig rten skyong ba'i yul rnams dang/ dbang phyug chen po'i stobs dag dang/ /zhes bya ba ni/ phyogs bcu skyong bar byed pa de'i bdag por gnas pa/ lha dbang phyug chen po'i stobs dang ldan pa'o/ /ded dpon rnams kyi nus mthu dang/ 'phrog ma'i gzi brjid rdzu 'phrul dang zhes bya ba ni/ 'jig rten khams su mthu che bar grags pa/ 'phrog ma'i bu dang bcas pa yang/ 'jig rten gyi khams skad cig mas rgyu ba'o/ /de dag rnams kyi mthu dang gzigs bdag gis dug ni dug med shog /ces bya ba ni/ gang gis dug ni dug la sogs pa 'thung ba ni de rnams kyi mthu dang gzi brjid kyis dug gis mi tshugs shing/ nges par bcom mo/ /dug med dug rnams 'jigs byed pa/ /gsang sngags tshig rnams de lags so/ /zhes bya ba ni/ gsang sngags ni/ ha ri ke shi Ni la sogs pa'o/ /stong chen mo rab tu 'joms ma'i gsang sngags kyi tshig gis dug gsum nges par 'joms pa'o/ /gsang sngags tshig rnams de lags
- 96b
so/ /zhes bya ba ni/ rig sngags ni gang zhe na/ zhal gcig phyag bzhi sku mdog ljang gu /spyan gsum pa/ sangs rgyas lnga'i dbu rgyan can/ cung zad khro mo g.yas na ral gri dang rma bya'i sgro 'dzin pa/ g.yon pa na rdo rje dang sprul 'dzin pa'o/ /rgyan thams cad ni sprul dang bcas pa/ zhabs phyed skyil du bzhugs pa'o/ /nyi ma'i gdan gyi steng na mdza' yas dang/ 'jog po mnan pa'o/ /'od nyi ma'i 'od dang bcas pa/ rdo rje'i rigs ma stong chen mo rab tu 'joms ma'o/ /'bras dang rma dang shu ba dang/ g.yon pa dang ni 'brum bu dang/ lhog pa dang ni g.ya' ba ni/ bdun pa las te rab tu bcom zhes bya ba ni/ /'jig rten nang gi dug gsum ma spongs pas phyi'i dug gsum pa de dag 'byung ste/ 'dir yang gsang sngags kyi byin gyis brlabs kyis 'di dag nges par bcom mo/ /'dod chags zhe sdang gti mug rnams/ /de dag 'jig rten dug gsum ste zhes bya ba ni/ /'dod chags kyis ni 'dod pa'i yon tan lnga dang ldan no/ /de dag ni dug chen po zhes bya'o/ /zhe sdang gis ni mi la phrag dog la sogs pa byas te/ de dag kyang dug chen po zhes bya'o/ /gti mug ni ma rig pa yin te/ de dag kyang dug chen po yin no/ /yang na sku'i dug /gsung gi dug thugs kyi dug dang gsum mo/ /sngon gyi las kyi rnam par smin pa'am/ /'jig rten gyi dug gsum la/ rang gis rang dug gtang ba'o/ /yang na ni rang gis rang sel du btub ste/ 'jig rten gyi dug gsum ni/ yang dag par rdzogs pa'i sangs rgyas kyang mi sel lo/ /bcom ldan sangs rgyas dug mi mnga' / /zhes bya ba ni/ rang gis rang gi dug bcom ste/ bcom ldan 'das kyis dug bcom pa'o/ /de bas na dug mi mnga' ba zhes bya ba'o/ /sangs rgyas gzi brjid dug bcom mo zhes bya ba ni/ dug ni gsum yin te/ 'gro ba'i dug dang/ 'dug pa'i dug dang/ byas pa'i dug dang gsum mo/ /'gro
- 97a
ba'i dug la bzhi ste/ tshor ba mthong ba/ reg pa khas blangs pa bzhi'o/ /'dus pa'i dug ni sa la skyes pa ste/ sa ma ya 'bum sde'o/ /byed pa'i dug ni/ sbyor ba la sogs pa ste/ dper na kham phor gyi nang du mar dang sbrang rtsi mnyam par byas nas zhag bdun bzhag ste/ mchod rten gyi mdun du mchod par bya ba dang/ /sbyin sreg bya ba ni/ mchod pa bya ba dang/ dus khyad par du 'phags pa ni/ rig sngags klag par gyi'o zhes bya ba ni/ de dag gi tshul khrims dang ldan par bgyis la/ rig sngags gdon par bgyi'o/ /me tog la sogs pa mchod pa lnga dang ldan par bgyis la/ 'byung po dag la yang gtor ma sbyin no/ /tshes brgyad kyi tshe na ni/ rgyal po chen po bzhi'i skyes bu dag ces bya ba ni/ rgyal po'i gzugs su byas nas mchod par bgyi'o/ /rgyal po chen po rnams kyi mdun na de la sems par zhes bya ba ni/ sngon du bshad pa bzhin du/ rgyal po chen po bzhi'i mchod par bya'o/ /ming nas kyang 'don par bgyid do zhes bya ba ni yul 'khor srung dang/ 'phags skyes po dang/ spyan mi bzang dang rnam thos sras dang/ mchod pa yang dag par bya'o/ /tshes bcu bzhi'i che na rgyal po chen po bzhi dag nyid mdun na sems par bgyid do zhes bya ba ni/ yang nas yang du mchod pa la sogs pa bgyid de/ nad pa la sogs pa 'tshe ba thams cad kyis mi tshugs pa'o/ /ming nas kyang 'don par bgyid do/ /tshes bco lnga'i tshe rgyal po chen po bzhi po bdag nyid/ sems dpar bgyid cing ming nas kyang 'don par bgyid do zhes bya ba ni/ gang zag gang gi de bzhin du byas par 'gyur na/ nad dang sdug bsngal gyis mi tshugs te/ dus dus su rgyal po chen po bzhi po dag kyang 'khor bar 'gyur ba'o/ /bcom ldan 'das kyi nyan thos gang zhes bya ba ni/ sems ma dad pa gang gis kyang/ 'di la gus
- 97b
par byas na tshugs par yang mi 'gyur ro/ /stong chen mo rab tu 'joms ma'i mdo sde 'di zhes bya ba'i/ dus gsum gyi sangs rgyas kyi brgyud pa rgyun mi 'chad pa/ phyag rgya bzhi'i rgyas gdab pa'o/ /len pa dang/ 'chang ba dang/ ston pa dang/ klog pa dang/ kun chub par bgyid pa de ni/ srog chags 'byung po thams cad la snying brtse zhing/ phan par bgyid pa lags so zhes bya ba ni/ 'gro ba drug gi sems can rnams tshad med pa bzhi'i sgo nas lta ba/ gzhan yang 'di'i bslabs pas/ byams pa snying rjer ldan pas so// btsun pa bcom ldan 'das/ bdag cag rgyal po chen po bzhis kyang de la zhes bya ba ni/ bslab pa'i gzhi bzung zhing/ sems can rnams kyi don byed pa rgyal po chen po dag la yang gus par byas nas/ don 'grub par 'gyur ro/ /gos dang zas dang/ mal cha dang stan dang na ba'i gsos sman dang yo byad rnams kyis/ ming 'bril bar bgyi'o zhes bya ba ni/ de bzhin du byas par 'gyur na/ sems can rnams kyang bde bar 'gyur zhing/ nad rnams dang 'bral bar 'gyur ba'o/ /sems can thams cad kyis kyang/ sti stang bgyid par 'gyur zhes bya ba ni/ 'gro ba rigs drug gi sems can rnams kyang gus par byas pa'o/ /rgyal po dang blon po rnams kyis kyang/ bla mar bgyi ba dang/ rim gro ba gyi ba? dad mchod par bgyid par 'gyur lags so zhes bya ba ni/ sngar bshad pa bzhin du de dag gis kyang lus ngag yid kyis gus par byas pa'o/ /gzhan mu stegs can dang/ dge sbyong dang/ bram ze dang/ spyod pa can dang/ kun tu rgyu dang/ mdza' ba dang/ mi mdza' ba dag gi nang du mchis kyang mchod par 'gyur la/ so zhes bya ba ni/ mu stegs kyi rigs lta ba mi cig pa sum brgya drug cu yod kyang drug cu bsdus te/ drug po gnyis su bsdud pa'i lta ba rnams kyis kyang 'dir gong du bshad pa bzhin tu gus par byas pa'o/ /rigs kyi bu 'am rigs kyi bu mo dad pa des
- 98a
gtsang mar bgyis te zhes bya ba ni/ yul 'dzam bu'i gling gi dbus su mi'i lus su skye ste/ rigs las 'phags pa rgyal po dang bram ze dang rje 'u'i rigs su skye'o/ /lus gtsang ba dang/ gos dang rgyan dang mal cha dang/ stan dang yo byad khyad par can dang gtsang mar bgyi'o zhes bya ba ni/ mi dge pa bcu spangs shing phun gsum tshogs pa/ dkon mchog gsum rjes su dran pa'o/ /yul ngan pa rnyed par mi bgyid yul ngan pa'i mdza' bo dang/ rten par mi bgyid/ yul ngan pa na gnas pa la bsngags par mi bgyi'o zhes bya ba ni/ mdza' 'khob tu ni mi skye zhing/ de dag gis mi rnams dang/ gnas pa dang phrad par mi 'gyur ba'o/ /gang 'byung po'i gdon gyis zin pa'i mdun du stong chen mo rab tu 'joms ma'i mdo sde 'di dran par 'gyur na zhes bya ba ni/ rims nad dang/ yams nad dang de la sogs pa thams cad dang/ 'jigs pa thams cad dang/ smyo 'bog la sogs pa thams cad las thar bar 'gyur ro/ /de la rgyal po chen po bdag nyid/ bsrung ba dang zhes bya ba ni/ bzhi po de dag kyang stong chen mo la gus par byed pa ni ma nus so/ /'khor de dag gis kyang byed mi nus so/ /skyob pa dang sped par byed par 'gyur lags so zhes bya ba ni/ gang gis gnod par byed par 'gyur na/ mthong bar mi nus so/ /btsun pa bcom ldan 'das de ltar na stong chen mo rab tu 'joms ma'i mdo sde 'di mthu che ba zhes bya ba ni/ dngos po med pa dngos po dang bral ba rang bzhin du dag pa/ nam mkha' i ngo bo bzhin du yin te/ brjod pa yang med brjod du yang med do/ /gang gis rang gi khyim du mtshan gcig gam/ nyin gcig kyang rung yang dag par bsams na zhes bya ba ni/ 'di yi gzhung bzhin du bsgom pa dang/ ting nge 'dzin 'chang ba dang rgya cher 'phel ba'o/ /de la
- 98b
lo gcig bar du mi ma lags pas glags rnyed par mi 'gyur lags so zhes bya ba ni/ yud tsam du gus par byas nas yang/ sum cu rtsa gsum gyi lha rnams so/ /'jig rten skyong dang zhes bya ba ni/ me lha dang srin po dang rlung lha dang/ dbang ldan dang gshin rje dang/ gnod sbyin dang/ sa bdag rnams so/ /dbang phyug chen po zhes bya ba ni/ u ma de ba lha yin te/ yab yum gnyis dang ngo/ /gnod sbyin ded dpon thams cad dang zhes bya ba ni/ ded dpon nyi shu rtsa gnyis dang mthu'bo che nyi shu rtsa brgyad do// de rnams kyi ded dpon du gyur pa ni gsum yin te/ nam mkha' la rgyu ba dang/ sa la rgyu ba dang/ sa 'og la rgyu ba dang/ gsum mo/ /nam mkha' la rgyu ba ni tshangs pa'o/ /sa la rgyu ba ni khyab 'jug chen po'o/ /sa 'og la rgyu ba ni dbang phyug chen po'o/ /'phrog ma'i bu dang/ bcas pa yang zhes bya ba ni/ 'phrog ma'i bu ni lnga brgya ste/ yab ni gnod sbyin pany+tsi ka'o/ /'phrog ma'i bu dang bcas pa la gnod pa gang zhe na/ 'di lta bu yin te/ nyal nas rdul zhing skrag par 'gyid/ /rnam pa sna tshogs sgra yang 'byin/ /tshig pa za zhing rdul bar byed/ rnam pa sna tshogs gzugs bstan pa/ /'khru bar byed cing skyug par byed pa/ de dag 'phrog ma'i bu'i mtshan nyid do/ /de dag gi cho ga ni bshad par bya'o/ /sngon du bshad pa'i dkyil 'khor gyi cho ga la sogs pa byas nas/ rig sngags ni bklag par bya'o/ /yas rtags ni sha la nya sha bskal nas/ chan dang chang dang khur ba la sogs pa gtor ma la bzhag nas/ chang bu gsum yang mar gyis byugs la ha ri te zhes bya ba'i ming gton la gtang ngo/ /de nas byis pa khyi'u mang po bos la/ 'bru tshan nam sran ma'i chan bcos la/ byis pa la ston mo bya'o/ /de ltar byas na the tshom med do/ /thal mo dag ni rab sbyar nas zhes bya ba ni/ de dag rnams kyis thal mo sbyar nas/ sangs
- 99a
rgyas kyi mdun du'o/ /sgra skrad gcig tu 'di skad gsol zhes bya ba ni de dag rnams kyis skad cig tu byas nas/ bcom ldan 'das la zhu ba phul ba'o/ /nyi ma stong ltar bsal ba'o zhes bya ba ni/ stong chen mo rab tu 'joms ma'i gzi brjid dang/ /mthu dang stobs de bzhin du yin no/ /zla ba nya ltar 'od gsal ba zhes bya ba ni zla ba nya ba bzhin du 'od gsal ba de bzhin du/ stong chen mo rab tu 'joms mas kyang/ sems can thams cad la 'od gsal ba'o/ /lha ming bcas pa'i 'jig rten na zhes bya ba ni/ stong gsum gyi stong gi 'jig rten gyi khams kyi bgegs rnams rjes su gcod pa la drag po ste/ yang na stong gsum gyi stong 'jig rten gyi khams kyi sems can thams cad skyob pa la drag po'o/ /khyod dang 'dra ba yongs ma mchis zhes bya ba ni/ sngon du yang ma byung ste/ phyi nas kyang 'ong ba ma yin no/ /legs sam legs par sbyar na ni zhes bya ba ni/ 'di la dad pas 'dzin pa rnams la bkra shis pa'i rgyu yin no/ /gnod sbyin srin po rnams 'joms pa zhes bya ba ni/ sems can la gnod pa thams cad 'joms pa'o/ /rgyal srid thar gyid ces bgyi ba zhes bya ba ni/ de la gus par byed pa thams cad la kho'i rgyal srid las thar ba'o/ /rig sngags rgyal srid rab sbyor ba zhes bya ba ni/ de dag ni rtse mo ste/ bsrung ba gang gis khyad par du 'phags pa'o/ /de gang zhe na/ 'khor bar gnas med mya ngan 'das med do/ /gnyis ka med cing sdug bsngal 'joms byed pa/ rig sngags rgyal mo drags ma yin// stong chen gyi ni 'jig rten na/ srung pa'i mdo sde dam pa lags zhes bya ba ni/ dus gsum gyi sangs rgyas kyis yang dag par gsungs pa/ phyogs bcu'i 'jig rten khams khyab pa/ 'dis srung pa dang skyobs pa dang skyobs pa
- 99b
byed pa la'o/ /phyag 'tshal skyes bu dpa' khyod la/ phyag 'tshal skyes bu mchog khyod la/ zhes bya ba ni skyes bu mchog khyod la zhes bya ba ni/ skyes bu rnams kyi dam pa stong gsum gyi 'jig rten gyi khams/ chos spyod pa 'dud pa'i thal mo sbyar nas phyag 'tshal nas zhes bya ba ni/ yang dag par rdzogs pa'i sangs rgyas la phyag 'tshal ba'o/ /de nyid du ni mi snang 'gyur ro zhes bya ba ni/ de nyid ni kho na nyid do/ /myong 'gyur snang na ni ming gi gtso bo ste/ de dag kyang mi'i nang nas byung ba'o/ /yon tan gyi gnas skabs ste/ bco lnga pa'o// de nas zhes bya ba ni/ phan yon bshad pa'i de nas so/ /bcom ldan 'das nub ka'i dus kyi tshe zhes bya ba ni/ rang gi 'khor dge slong la sogs pa la bka' stsal ba'o/ /nang du yang dag 'jog las bzhengs nas zhes bya ba ni/ 'dul ba la sogs pa bka' yin te/ gsang ba la gnas bka' stsal ba'o/ /dge slong rnams la bka' stsal pa zhes bya ba ni/ dge slong lnga bcu la sogs pa'o/ /dge slong dag stong chen mo rab tu 'joms ma'i mdo sde la long zhig ces bya ba ni/ dad pa skyed la gus par gyis shig ces bya ba'o/ /tshangs shig /ltogs shig /ston cig/ kun chub par gyis shig ces bya ba ni/ gus par gzhan rnams kyis kyang rgya cher 'phel ba'o/ /de lha dang bcas pa'i 'jig rten la/ yun ring po'i don la phan pa dang/ ? pa la reg par gnas par 'gyur pa'o zhes bya ba ni/ 'di la de bzhin du byas par gyur na/ 'jig rten 'di dang phyi ma la yang bde bar gnas pa'o/ /dge slong dag nga'i dge slong gang la la zhig gis stong chen mo rab tu 'joms pa zhes bya ba ni/ 'di dang gzhan yang mtshungs pa med de/ /'di la gang gis kyang gus par 'dzin pa'o/ /mdo sde 'dis shing skam po la skud pas bcings nas zhes bya ba ni/ 'di 'chang ba dang klog pa dang/ rjes su yi rang ba la sogs pas dad pa skyes nas de bzhin du
- 100a
tshe thung ba rnams la tshe ring bar 'gyur ro/ /bkra mi shis pa ni shis par 'gyur ro/ /rgyal ba mi thob pa rnams rgyal bar 'gyur ba dang/ bu med pa bu rnyed par 'gyur ba dang/ gang gi sgo nas kyang 'bras bu thob par 'gyur ro/ /de las lo ma dang me tog dang 'bras bu rnams skye bar 'gyur na/ rnam par shes pa dang bcas pa'i lus la lta ci smos te zhes bya ba ni/ gzhi bems po yang de bzhin du snang ste/ byang chub sems dang ldan pa mi la sogs pa'i sems can yang/ tshe thung ba rnams tshe ring bar byed pa/ longs spyod med pa rnams longs spyod dang ldan pa 'gro ba ris drug gi sdug bsngal yang 'joms par byed pa'o/ /sngon gyi las kyi rnam par smin pa ma gtogs so zhes bya ba ni/ da ltar byas pa da ltar 'byang pa'o// dge dang mi dge ba de bzhin de yin te/ dper na zhag tu lon pa'i 'o ma bskol tu mi btub pa bzhin du/ dge ba dang mi dge ba yang de bzhin no/ /des na sngon gyi las ma gtogs pa zhes bya ba/ de skad ces bka' stsal pa dang zhes bya ba ni/ bcom ldan 'das kyi bka' stsal ba'o/ /bcom ldan 'das la dge slong de dag gis/ 'di skad ces gsol to zhes bya ba ni/ dge slong rnams kyis zhu ba phul lo/ /btsun pa bcom ldan 'das kyis mdo sde chen po lnga gsungs pa ni/ 'di lta ste zhes bya ba ni gzugs dang tshor ba dang/ 'du shes dang 'du byed dang/ rnam par shes pa rnams te/ de bzhin du ye shes rnam pa lnga'i sgo nas kyang yod de/ skye mched drug dang khams lnga'i sgo nas yang yin no/ /stong chen mo rab tu 'joms ma dang/ rma bya chen mo dang so sor 'brang ma dang/ bsil ba'i 'tshal dang/ gsang sngags rjes su 'dzin ma'o/ /zhes bya ba ni/ rdo rje dang/ de bzhin gshegs pa dang/ rin po che dang/ pad+ma dang/ las kyi rigs su zhugs so/ /yang na 'dul ba'i dbang du
- 100b
byas na phal chen pa dang/ thams cad smra ba dang/ gnas brtan pa dang/ mang pos bkur ba dang/ gcig ni rigs la mi gtogs te/ yang na rigs thams cad ngo bo nyid yin no/ /yang bstan pa'o/ /bram ze dang/ rgyal rigs dang/ rje rigs dang/ dmar rigs dang gdol ba'i rigs so/ /de dag kyang kri ya'i dbang du 'gyur na/ bram ze'i rigs zhes bya'o/ /de dag ni sems can gyi don la byas te/ grong khyer yang pa can du gsungs pa dang/ rgyal bu rgyal byed kyi tshal na mgon med zas sbyin gyi kun dga' ra ba nas gsungs ba dang/ dur khrod chen po bsil ba'i tshal du gsungs pa dang/ sum cu rtsa gsum pa'i yul du gsungs pa dang/ bya rgod phung po'i ril gsungs pa dang/ de dag ni mdo chen mo lnga yin no/ /zas sna lnga ni zhes bya ba ni/ sha dang 'dres pa'i zas yin te/ de yang 'dod chags la sogs pa'i ngo bo nyid yin no/ /btsun pa bcom ldan 'das kyis de dag zas rnam pa lngas yongs su spongs la tshongs shing ces kyang bka' stsal pa zhes bya ba ni/ zas rnam pa lnga ni dug dang 'dres pa'i zas yin te/ de yang 'dod pa'i yon tan lnga las byung/ de dang mi ldan pa ni zas myung ba'o/ /zas bsod snyoms la brten de/ rab tu byung zhing ces gsungs na zhes bya ba ni/ re re mi 'gro zhing rab tu byung ba zla dang 'grogs shing gnas pa bsod snyoms kyi zas kyang chags pa med par gsum du bgo ste/ rang za ba dang yi dags dang gzhan la dbul ba'o/ /bcom ldan 'das zas rnams lnga dang ma 'dres pa'i bsod snyoms ni nyung/ 'di ltar zas rnam lnga dang 'dres pa de ni mad lags na zhes bya ba ni/ dge slong rnams kyis kyang bcom ldan 'das la zas kyi don du zhus pa'o/ /btsun pa bcom ldan 'das de la bdag cag gis ji ltar nan tan bgyi zhes bya ba ni/ gal te zas rnam pa lnga lhung bzed du lhung par 'gyur na/ thabs ci bdog ces pa'o/ /de skad ces gsol ba dang/
- 101a
bcom ldan 'das kyis dge slong de ga la bka' stsal pa zhes bya ba ni/ zas rnam pa lnga'i don la dge slong rnams la phan pa'i phyir gsungs pa'o/ /'di skad ces bka' stsal to zhes bya ba ni/ dge slong gis bcom ldan 'das la zhu ba phul ba'o/ /bcom ldan 'das kyis bka' stsal pa'o/ /dge slong dag de nyid kyi phyir/ stong chen mo rab tu 'joms ma'i mdo sde 'chang pa des zhes bya ba ni/ sdig pa dag kyang mi tshugs te/ zas sna lnga dag kyang med do// rma med pa'i nor bu zhes bya ba ni/ yang dag pa'i don yin te/ yang dag pa'i don ni gang zhe na/ gnyis su yang med gnyis su brtags pa yang med do/ /so sor brtags pa yang med do/ /gzungs zhes bya ba bdag nyid srung ba'i phyir zhes bya ba ni/ stong chen mo rab tu 'joms ma 'di yang/ dge slong rnams la yang dag par gsungs te/ de yang zas rnam lnga srung bar byed pa'o/ /chongs shig des bsod snyoms len pa'i tshe/ zas la mi mthun ba'i 'du shes bskyed par bya'o/ /zhes bya ba ni/ 'di la rnam par rtog pa med par/ rig sngags 'dis sel ba'o/ /zas rnam lnga dang 'dres pa'i bsod snyoms la yang zas rnam lnga ma 'dres so snyam pa'i 'du shes bskyed par bya'o zhes bya ba ni/ gal te rgyus med pa'i sems can rnams kyis dad pas bsod snyoms la byon par gyur na/ de'i don la mi dmigs par bsam pa'o/ /'dus byas thams cad ni rtag ba'i rang bzhin dang zhes bya ba ni/ 'dus byas ni byas pa'i chos yin te/ de yang rmi lam lta bu sgyu ma lta bur snang ba'o/ /mi rtags pa la sdug bsngal ba'i 'du shes dang zhes bya ba ni/ rmi lam lta bu sgyu ma lta bu de yang/ lus kyi sdug bsngal du shes par bya'o/ /sdug bsngal ba la bdag med pa'i 'du shes bskyed par bya'o/ /zhes bya ba ni/ 'jig rten
- 101b
gyi khams kyi sna ba 'di sgyu ma lta bu yang dmigs pa stong pa nyid du snang ba'o/ /zas rnams lnga po ga la yod/ /zas rnams lnga po su yi yin zhes bya ba ni/ zas kyi gnas kyang med cing bdag 'dzin pa yang med pa'o/ /su zhig zas rnam lnga po zas zhes bya ba ni/ 'dzin mkhan med cing gzung bya yang ma grub pa'o/ /de bas na zas kyi mang yang med/ /brjod du med do/ /sems can ga la yod/ sems can dmigs su med do zhes bya ba ni/ dge ba yang ma grub cing/ mi dge ba grub pa yang med do/ /'jig rten gyi khams thams cad kyang dmigs su med pa'i ye shes su snang ba'o/ /de zas rnam lnga dang 'dres na/ tshes brgyad dang/ bcu bzhi dang/ bco lnga bdag la srung ba bya ste/ zhes bya ba ni/ gal te rnam par rtog pa skye bar 'gyur na/ rig sngags 'di'i thabs kyi srung bar byed pa'o/ /rgyal rigs kyi bu mo zhes bya ba ni sngon du bshad pa'i mtshan nyid dang ldan pa/ gtsang sbra la brten la kha shar phyogs su ltas la mkhal du gzhug pa'o/ /legs par srung pa shin tu brgyan pa zhes bya ba ni/ lo brgyad lon pa/ gzhan rnams dang ma 'grogs pa shin tu gtsang sbra la brten pa'o/ /nyin zhag gcig zas gcad pa/ bslab pa'i gzhi gzung ba zhes bya ba ni/ bsnyung bar byas shing za ma srung ba'o/ /skud pa dmar po bzhi bsgril du mkhal du bcug la zhes bya ba ni/ ras dang shing bal gyi skud pa kha dog bsgyur ba la bu mo des 'khal ba'o/ /gsang sngags 'dzin pa rig sngags dran par bya ste/ skud pa de la 'dud la zhes bya ba ni/ gang zag gis gzhung bzhin du mchod pa la sogs pa bya ste/ rdzogs pa'i rim pa dang/ bskyed pa'i rim pa bsgom par bya'o/ /skud pa de mtshon sar pas bcad de zhes bya ba ni/ mtshon gzhan ma gcad pa'i mtshon gyis dum bu bdun du byed pa'o/ /rin po che'i snod dam lcags kyi snod kyang rung ba chus bkang ste zhes bya ba ni/ gser
- 102a
ram dngul la sogs pa gang yang rung ba'i snod du tsan dan la sogs pa'i dri zhim po'i chus bkang ba'o/ /me tog dag gis khyad par khrom la zhes bya ba ni snod kyi nang du me tog sna tshogs kyis mchod par bya'o/ /bdug pa sna tshogs kyis bdugs te zhes bya ba ni/ a ka ru la sogs pas bdug par bya'o/ /yang na sngon du bshad pa'i cho ga bzhin du rig sngags yang dag par mchod la/ cho ga bzhin du klag par bgyi'o/ /snod kyi nang nas skud pa de slar 'byor te ma byung gi bar du rig sngags 'di brjod par bgyi'o/ /zhes bya ba ni/ gzhan dang dag ma 'dres par gsang sngags 'don par bya'o/ /de yang lag pa la bcings la zhes bya ba ni/ skud pa nam 'byor ba dang/ bsod snyoms pa'i dge slong rnams srung ba'o/ /tshig 'di skad du brjod do zhes bya ba ni/ bden pa bdar ba'o/ /bram ze rnams kyis bsdus nas/ shAkya seng ges skyob pa la zhes bya ba ni/ ma rungs pa phrag dog gi dug can la/ mu stegs kyi rigs can gyis bslus pa'o/ /bde bar gshegs pa shAkya seng ges yang thams cad skyob pa'o/ /dpal sbas kyis ni dug can gyi/ /bsod snyoms dag ni phul ba dang zhes bya ba ni/ sngon gyi dus su ma ga ta'i bdag po dpal sbas kyis phul ba'o/ /de las ni de ni blangs nas su/ ston pas dug ni bsal nas gsol zhes bya ba ni sngon gyi dus su yang dug dang 'dres pa'i zas de yang/ rnam par rtog pa med par rig sngags kyi yon tan gyis sel ba'o/ /bden pa'i tshig ni 'di yis su/ zas ni bdud rtsir gyur par shog/ ces bya ba ni/ bde bar gshegs pa rnams kyi bka' bden pa dang/ rig sngags kyi nus mthus/ zas la dug med par snang ba'o/ /rnam par gzigs la lha gang dang/ /gtsug tor can kun skyob pa dang zhes bya ba ni/ sems can la byams pa dang snying rjes lta zhing/ sangs rgyas gtsug tor can
- 102b
gyis kyang 'gro ba rigs drug la skyob pa'o/ /log par dang sel ba dang/ stobs chen lha gang dang pa dang/ zhes bya ba ni/ sangs rgyas log dang sel gyis kyang stobs dang ldan zhing bdud rnams btul ba'o/ /gser dang dpal ldan 'od srung dang/ shAkya yi ni seng ge la zhes bya ba ni/ sangs rgyas de rnams kyang dpal dang ldan te/ dmigs pa med pa'i ye shes snang ba'o/ /rab dang lha yi dbang po dang/ tshangs dbang sum cu'i dbang phyug dang/ zhes bya ba ni/ gzugs khams dang 'dod khams la dbang byed pa/ gzi brjid dang stobs kyis so/ /'jig rten skyong ba bzhi dag dang/ nor bu bzang dang dbang phyug che zhes bya ba ni/ phyogs bzhi skyong zhing phyogs la dbang byed pa dang/ gnod sbyin gyi ded dpon thams cad la dbang byed pa'o/ /srin mo nag mo chen po dang de bzhin gdol ba gtung mo dang zhes bya ba ni/ sangs rgyas kyi bstan pa bsrung zhing bzang la dga' ba rnams so/ /me tog dang ni bdug pa dang/ bdag gi sbyin sreg 'di bzhes shig ces bya ba ni 'dir yang gang gi sbyin pa'i mchod pa de rnams bzhes par zhu'o/ /de dag tshim zhing mchod gyur nas/ bdag gi za zas byang bar mdzod/ /ces bya ba ni/ de rnams kyi zhal du gsol te/ bdag gi bsod snyoms yang zas lnga dang ma 'dres pa'o/ /kha zas lnga dang 'dres par yang/ /bdag la ma 'dres mdzad du gsol zhes bya ba ni/ de dag gi nus pas zas lnga dang ma 'dres pa'o/ /kha zas lnga dang 'dres pa yang/ zas de kun gyi bza' bar bgyi zhes bya ba ni/ bdud rtsi lnga'i rang bzhin zas dkar po la brten pa'o/ /sa bon dag ni mchog kun la/ sa yi bcud ni zhugs pa yi/ /zhes bya ba ni/ sa nas skyes pa'i sdig pa'i zas? su? ma gyur pa'o/ /kha zas 'dres pa thams cad kyang/ bdag la? ma? 'dres mdzad du gsol zhes bya ba ni/ dug dang zas rnams lnga dang 'dres par gyur kyang/ rig sngags kyi nus mthus 'dres pa
- 103a
med pa'o/ /ji ltar skud pa bcad bsregs pa/ de lta bu yang slar 'byor pa zhes bya ba ni/ rig sngags kyi bden pa des kyang/ zas rnams lnga dang 'dres par mi 'gyur ba'o/ /de lngar zas rnams 'dres pa yang zhes bya ba ni/ bde gshegs kyi bka' dang/ rig sngags kyi bden pas/ zas 'dres pa'i 'jigs pa mi 'byung ba'o/ /ma 'dres par ni bdag la mdzod ces bya ba dang/ rig sngags kyi bden pa yin te/ rig sngags ni sku gzugs ni gang zhe na/ zhal gcig phyag gnyis sku mdog dmar mo// spyan gsum pa dbu la rigs lnga'i sangs rgyas can/ g.yas na rdo rje lcags kyu 'dzin pa/ g.yon na rdo rje dang zhags pa'o/ /zhabs phyed skyel du bzhugs pa/ rgyan thams cad kyi brgyan pa/ pad+ma'i steng du zla ba'i gdan nyi ma'i 'od dang bcas pa/ rdo rje'i rigs ma stong chen mo rab tu 'joms ma'o/ /gsang sngags ni gang zhe na/ ysya t+the? daM 'di lta ste/ gsang sngags ni kha kha me zhes bya ba la sogs pa'o/ /kha zas lnga dang 'dres pa yang/ ji ltar ma 'dres zas bzhin du/ /gang gis ji ltar skud bsreg pa zhes bya ba ni/ sangs rgyas kyi bka' dang rig sngags kyi nus mthus skud pa de yang 'byor ba/ zas rnam pa lnga yang rnam par rtog pa med pa'o/ /de 'dra ba yi bden pa mdzad du gsol zhes bya ba ni/ gsang ba'i snying po ste/ yang rig sngags gdon par bya'o/ /sya t+the? daM 'di lta ste gsang sngags ni ka la le la sogs pa'o/ /sangs rgyas rnam par gzigs dang gtsug tor can/ de gshegs kun skyob sangs rgyas log par dad sel dang zhes bya ba ni/ sangs rgyas bzhi po de dag kyang/ sems can gyi don byas nas thugs rjes spyan gyis gzigs pa'o/ /gser thugs 'od srung shAkya thub pa gau ta ma/ bsnyems ba mi mnga' ba la skyabs su nye bar mchi bar bgyi'o/ /zhes bya ba ni/ sangs rgyas gsum po de dag gis kyang/ sems can rnams kyi don byas nas thugs
- 103b
rje'i spyan gyis gzigs pa'o/ /yon tan dang ldan pa'i sangs rgyas gang zag gi skyabs su 'gro ba'o/ /mi mchog bdun po de rnams kyi ni sku rnams la/ /me tog dag dang spos rnams kyis ni mchod par bgyi zhes bya ba ni/ ye shes kyi rang bzhin mi'i tshogs gsog pa'o/ /dam pa de rnams yang mi'i tshogs rdzogs pas sangs rgyas pa/ de'i yon tan dang ldan pa mi'i mchog bdun po de 'dud pa'o/ /lus dang yid dang rab tu dang ba'i sems kyis ni/ de dag rnams kyis skyabs su nye bar mchi bar bgyi zhes bya ba ni/ gang zag rab tu gus par byed pa'i sems kyis/ sangs rgyas de rnams la skyabs su song zhing gus par byed pa'o/ /sangs rgyas rdzu 'phrul che dang ldan pa de dag la/ lha gang mngon par dad pa rab tu yod pa yin zhes bya ba ni/ rdzu 'phrul gyi rkang pa dang ldan pa zhing/ thams cad mkhyen pa gzhan gyis mi thub pa'o/ /lha de mgu zhing yid ni rab tu dga' 'gyur nas zhes bya ba ni/ dga' de rnams kyi byin rlabs kyis thams cad dga' zhing bde bar gyur pa'o/ /rab tu dang ba'i sems kyis bdag la bsrung du gsol zhes bya ba'i/ /lus dang ngag dang sems kyis kyang/ sems can thams cad srung ba ste/ dam pa'i chos 'di gus par byas na ni/ rgyun tu zhugs pa dang/ phyir mi ldog pa'i 'bras bu dang/ lan cig phyir mi ldog pa dang/ 'jig rten na yang dag par song ba dang/ yang dag par zhugs pa dang/ 'jig rten na dgra bcom pa'i 'bras bu thob pa'o/ /yang dag par rdzogs pa'i sangs rgyas kyi zhing khams dang/ sa bcu'i byang chub sems dpa' i zhing khams thob pa ste/ de bzhin du nyan thos dang/ rang sangs rgyas kyi 'bras bu yang yin no/ /lha tshe ring po'i yul du mi skye ba dang/ mdza' 'khob dang rigs ngan gyi yul du mi skye ba dang/ chom rkun dang rkun ma dang/ ngan song gsum nas thar ba dang/ de dag kyang rig sngags
- 104a
la dang bskyes pa yin no/ /de'i tshe na lha dang mi'i yul dang/ 'dzam+bu'i gling gi dbus bram ze 'am rgyal rigs sam/ gang gi rigs bzang ba la skye bar 'gyur ro/ /nam skyes pa'i dus su yang chos 'di dang 'grogs par 'gyur ro/ /da lta'i tshe na yang 'jigs pa las skyob pa dang/ sba ba dang srung ba dang/ mtshams gcod pa la sogs par yang 'gyur ro/ /gza' dang rgyu skar dang/ rmi lam ngan pa dang ltas ngan pa dang/ byad dang ro langs dang dug dang dug sbyor ba dang/ spod gtong dang sngags dang/ 'byung po rnams kyang 'tshe bar mi 'gyur ro/ /bsod snyoms kyi cho ga'i gnas skabs te bcu drug pa'o// //bcom ldan 'das kyis de skad ces bka' stsal nas zhes bya ba ni/ /rig sngags kyi rgyal mo stong chen mo rab tu 'joms ma 'di/ 'phags pa kun dga' bo la btad pa'o/ /dge slong de dag yi rang ste zhes bya ba ni/ dgra bcom pa'i nyan thos lnga brgya dang/ byang chub sems dpa' i dge 'dun dang/ dge slong dang/ dge slong ma dang/ dge bsnyen dang/ dge bsnyen ma dang/ mi mjed kyi bdag po tshangs pa dang/ tshangs chen gyi lha dang/ sum cu rtsa gsum gyi bdag po brgya byin dang/ dga' ldan gyi lha rnams dang/ rgyal chen rigs bzhi'i lha rnams dang/ /'jig rten skyong ba rnams dang/ gnod sbyin ded dpon nyi shu rtsa gnyis dang/ /gnod sbyin mthu bo che nyi shu rtsa brgyad dang/ 'phrog ma bu dang bcas pa lnga brgya dang/ mi'i rgyal po ma skyes dgra dang mi rnams la sogs pa'o/ /bcom ldan 'das kyis gsungs pa la mngon par bstod do/ /zhes bya ba ni/ bcom ldan 'das kyis de rnams kyi/ mdun du gsungs so/ /stong chen mo rab tu 'joms ma'i 'bum 'grel dag pa lnga ba/ stong chen mo rab tu 'joms ma'i 'grel pa/ las kyi rdo rje mdzad pa rdzogs so// //
- 104b
*/ (/rig sngags kyi rgyal mo rma bya chen mo'i mdo'i 'bum 'grel bzhugs so//) //rgya gar skad du/ ma hA ma yu ri bidya rA dz+nyi su tra ta TI ka nA ma/ bod skad du/ rig sngags kyi rgyal mo rma bya chen mo'i mdo'i 'bum 'grel zhes bya ba/ rig sngags kyi rgyal mo rma bya chen mo la phyag 'tshal lo/ /thub pa'i sku ni bde chen po/ /rtag tu gzhan gyi don mdzad pa/ dpal ldan ye shes rang bzhin can/ /thub pa'i sku la phyag 'tshal lo/ /mi shes mun pa bsal ba'i phyir/ /nga yis yang dag don bsams la/ /rig sngags 'bum 'grel bshad par bya/ /'di skad ces bya ba ni chos sku ste/ yang dag par rdzogs pa'i sangs rgyas kyi bka' o/ /bka' de ni phyin ci ma log pa ste/ de yang sku gsum gyi rang bzhin no/ /chos sku ni stong pa nyid de/ mi dmigs pa ni ye shes so/ /de ni chos sku'o/ /de'i rang bzhin gyi grib mas me long lta bu'i ye shes te/ /sgyu ma lta bu'i sku ni longs spyod rdzogs pa'i sku'o/ /de'i rang bzhin gyis stong gsum khyab ste/ sprul pa'i sku sems can gyi don mdzad pa'o/ /de yang shAkya seng ge'o/ /'di ltar ni shAkya seng ge'i bka' ste/ de bas na 'di skad ces bya ba ni/ bdag gis zhes bya ba ni/ kun rdzob kyi rang bzhin te/ /kun rdzob kyi cho de ni yang dag par log pa'o// log pa ni sgyu ma dang/ chu shing dang/ chu zla dang/ smig rgyu dang/ chu'i chu bur dang/ chu'i sbu ba dang/ rmi lam dang/ dri za'i grong khyer dang/ de brgyad ni log ba'i rkun rdzob kyi sgyu ma'o/ /yang dag pa'i kun rdzob ni don byed nus pa ste/ 'byung ba bzhi'i rang bzhin la sogs pa'o/ /de'i rang bzhin ngo bo ni kun dga' o/ /thos pa zhes bya ba ni/ rig sngags kyi rgyal mo rma bya chen mo 'di thos pa'o/ /de yang mi dmigs pa'i ye shes rang bzhin med pa'o/ /yang na sems can gyi don mdzad cing ye shes
- 105a
lnga shar bar byed pa'o/ /de lta bu'i ye shes ni sus thos she na/ kun dga' bos thos pa'o/ /dus gcig na zhes pa ni/ byang chub sems dpa' dang/ nyan thos dang/ dge slong dang/ dge slong ma dang/ lha dang mi la sogs pa'i tshogs pa'i dus so/ /bcom ldan 'das zhes bya ba ni/ bzhi bcom drug ldan 'khor ba mya ngan 'das/ /'di ni dang po 'chi bdag gi bdud bcom ste/ zhe sdang bcom pa'o/ /gnyis pa phung po'i bdud bcom ste/ 'dod chags bcom pa'o/ /gsum pa nyon mongs pa'i bdud bcom ste/ gti mug bcom pa'o/ /bzhi pa lha'i bu'i bdud bcom ste/ phrag dog dang ser sna bcom pa'o/ /ldan pa zhes bya ba ni dpal dang mtshan nyid dang/ gnas dang 'khor dang gdan dang yon tan dang drug go/ yang na pha rol tu phyin pa drug dang ldan pa'o/ /'das pa ni mya ngan las 'das te/ nyon mongs pa lnga las 'das pa'o/ /mnyan yod na zhes bya ba yul ma ga d+ha yin te/ 'das pa dang/ ma 'ongs pa dang/ da ltar byung ba'i gnas so/ /yang dag pa'i gnas ma nor ba'o/ /mnyan yod kyi grong khyer tshang ni dpag tshad lnga dang ldan pa ste/ skyes bu mang po bde bar gnas pa/ shAkya thub pa'i chos 'dzin pa dus dus su char 'bab pa'o/ /de'i khor khor yug na skyed mos tshal dang rdzing bu dang/ shing ljon pa rigs mi gcig pa mang po yod de/ rdzing bu dang skyed mos tshal de la yang 'dod pa'i yon tan lnga la spyod cing bde bar gnas pa'o/ /rdzing bu de'i gzhi ni rin po che sna bdun las grub pa ste/ gser dang dngul dang/ pad+ma rA ga dang/ in+d+ra nI la dang/ ma ra ka ta dang/ phu sA rA ga dang/ bdun no/ /rdzing bu de'i chu de yang dri zhim zhing tsan dang gyi chu dang 'dra ste/ blta na sdug pa/ dangs la yang rnyog pa med pa'o/ /chu de las skyes pa ni puN+Da ri ka dang/ utpa la dang/ pad+ma dang/ utpa la dmar po dag ku mu ta
- 105b
la sogs pa me tog sna tshogs yod de/ kha dog dkar po dkar bos mdang phye ba/ kha dog mthing kha/ mthing khas mdangs phye ba/ kha dog dmar po dmar pos mdangs phye ba/ kha dog ser po/ /ser pos mdangs phye ba/ kha dog ljang gu/ ljang gus mdangs phye ba'o/ /chu de'i nang na bya sna tshogs yod de/ ngang ser dang/ ngang skya dang/ khrung khrung dang/ so bya rog po la sogs pa'i skad sna tshogs 'byin cing snyan ba'o/ /skyed mos tshal de la yang me tog sna tshogs yod de/ me tog kunda dang/ dzA ti dang/ ka ko la'i me tog dang/ tsam pa ka'i me tog dang me tog dmar po dang/ ser po la sogs pa thang las skyes pa'o/ /yul de'i kho ra khor yug na/ shing sna tshogs yod de/ tsaM pa ka'i shing dang/ klu'i shing dang/ tsan dan dkar po'i shing dang/ tsan dan dmar po'i shing dang/ shing sa la dang/ shug pa dang/ rgya shug dang/ khan 'dzur la sogs pa'i shing/ sna tshogs pa dang ldan pa'o/ /shing de'i grims sems can thams cad bde bar gnas pa'o/ /rgyal bu rgyal byed kyi tshel mgon med bas byin gyis kun dga' ra ba na zhes bya ba ni/ mnyan yod kyi rgyal po'i rgyal bu ste/ de'i skyed mos tshal ni me tog sna tshogs yod pa/ blta na sdug pa shin tu mtshar ba'o/ /dpag tshad gnyis yod pa/ shing sna tshogs kyis mdzes pa'o/ /yul de'i sems can rnams 'dod pa'i yon tan lnga la spyod cing tshal de la rtse ba'o/ /de bzhin du rgyal bu yang yin no/ /tshong dpon mgon med kyis bzhengs nas/ bcom ldan 'das la sbyin par 'dod pa/ bkra shis pa'i sa btsal te/ gzhan nas ma rnyed pas de yang rgyal bu rgyal byed kyi skyed mos tshal na bzang po'i sems so/ /de nas tshong dpon mgon med kyis rgyal po la smras pa/ ngas ni dge ba byed pa'i sa ni khyod kyi tshal bkra shis pa nga nyo yis zhes pa'o/ /rgyal bus smras pa/ nga'i tshal 'di ni khyod kyis nyo nus sam/ gser pa gus brtsigs nas
- 106a
de khengs pa'i gser 'dod de khyod kyis 'jal bar nus sam/ de'i thog tu yang nga'i ming 'jug nus sam/ zhes smras pa'o/ /de nas tshong dpon gyis gser gyi phung po byas nas gzhal te/ rgyal bu gser gyi phung po ma 'dod de/ gser brdungs nas pha gu byas pa'o/ /de nas tshong dpon gyis sa gzhi der gser gyi pha gus brtsigs te rgyal bu la bzhal ba'o/ /de'i gting la sa gzhi de ru rin po che sna bdun gyi kun dga' ra ba byas te/ sgo bzhi sum thog tu byas pa/ phyogs phyogs su ka bas rnam par mdzes pa/ ka ba de yang rin po che sna bzhi las grub pa/ gdung dang phyam dang gser dang dngul las byas pas sum thog kyang de bzhin no/ /glo skar phyi nang yang rin po che sna bdun las byas shing mu tig gi dra bas brgyan pa ste/ phyogs gzhan yang de bzhin no/ /phyogs re re las yang dpag tshad re re yod cing/ /phyi nang gnyis ka yang rin po che sna bdun las byas pa'i ri mos mdzes shing blta na sdug pa'o/ /kun dga' ra ba de la yang phyogs bzhin sgo re re yod de/ de yang rin po che sna bzhi las grub pa'o/ /sgo re re la yang seng ge gnyis gnyis yod de/ seng ge de rnams kyang rin po che sna bdun las byas pa'o/ /de bzhin du ka ba gnyis gnyis kyis mdzes shing/ chu srin twa ra Na dang/ bya khyung ka ru Na dang/ ri dags sha ra Na dang/ shang shang sa ra na la sogs pas mdzes shing rta babs bzhis phyogs bzhi nas mdzes pa'o/ /rta babs de yang rin po che sna bdun las grub pa'o/ /kun dga' ra ba de'i thog na/ rgyal mtshan dang/ ba dan dang/ gdugs sna tshogs kyis phyogs bzhi nas/ brgyan pa'o// mu tig dang/ rin po che dang/ dril bu g.yer kha dang/ dril bu dang gser dang/ dngul las grub pa ste/ de rlung gis btab pas yan lag brgyad dang ldan pa'i sgra'i rol mo mkhan mkhas pa rol mo'i sgra skad sna tshogs 'byin pa bzhin no/ /kun dga' ra
- 106b
ba'i rab rin po che bai DUrya las byas pa ste/ mtshams bzhi byu ru las byas pa'o/ /de'i phyi nang yang de bzhin no/ /kun dga' ra ba de'i phyi logs na skyed mos tshal bzhi yod de/ de bzhin du rdzing bu dang bcas pa'o/ /skyed mos tshal dang rdzing bu la yang me tog chu skyes thar skyes sna tshogs yod de/ dri zhim zhing blta na sdug pa/ dkar po dang/ ser po dang/ dmar po dang/ ljang gu dang/ sngon po la sogs pas mdzes pa'o/ /de bzhin du bya rnams kyang skad sna tshogs 'byin pas mdzes shing/ shing ljon pa sna tshogs pa yang de bzhin no/ /tshong dpon mgon med zas sbyin zhes bya ba'i nges tshig ni/ rus las btags pa'o/ /yang na dge ba'i rtsa ba thogs pa med par sbyin pas na zas sbyin zhes bya'o/ /rgyal bu'i tshal las grub pas rgyal byed tshal zhes bya'o/ /tshong dpon gyis bcom ldan 'das la phul bas mgon med zas sbyin zhes bya'o/ /de bas na rgyal bu rgyal byed kyi tshal mgon med zas byin gyi kun dga' ra ba na zhes pa'o/ /bzhugs te zhes bya ba ni byang chub sems dpa' dang/ nyan thos dgra bcom pa dang/ dge slong dang/ dge slong ma dang/ dge bsnyen dang/ dge bsnyen ma dang/ lha dang mi la sogs pa dang/ thabs gcig tu byang chub sems dpa' bye ba khrag khrig 'bum phrag bye ba brgyad cu rtsa bzhis thams cad kyang skye ba gcig gis thogs pa/ bla na med pa yang dag par rdzogs pa'i byang chub las phyir mi ldog pa de bzhin gshegs pa thams cad dang/ mthu chen po thob pa/ rdo rje chen po rnam par thar pa dang/ ting nge 'dzin gyis sangs rgyas kyi zhing du rnam par 'phrul ba dang/ cho 'phrul chen po kun tu ston pa dang/ sems can gyi skad cig yud tsam zhig la sems can thams cad kyi sems dang spyod pa'i rjes su 'jug pa'i chos bstan pa/ sna tshogs mnyam pa nyid mnyam zhing rgya che la zab pa dang spobs pa dang/ cho 'phrul dang ldan pa/ sangs rgyas kyi
- 107a
zhing du mar de bzhin gshegs pa la mchod pa rgya chen po sprin gyis mchod pa dang/ rnam par thar pa'i sgo dang/ gzungs dang/ ting nge 'dzin dang/ dbang dang/ mngon par shes pa dang/ ma 'dres pa dang/ byang chub kyi yan lag dang/ lam dang sa dang/ pha rol tu phyin pa dang/ thabs la mkhas pa dang/ bsdu ba'i dngos po dang/ byams pa dang/ snying rje dang/ dga' ba dang/ btang snyoms dang/ byams pa'i stobs dang/ dben pa dang/ yongs su byang pa'i sems kyi rgyun dang/ ldan pa sha stag 'di lnga ste/ byang chub sems dpa' sems dpa' chen po sa'i snying po dang/ nam mkha' i snying po dang/ phyag na rdo rje dang/ 'jig rten dbang phyug dang/ sgrib pa thams cad rnam par sel ba dang/ kun tu bzang po dang/ nyi ma grags pa dang/ snying rje chen po dang rdo rje grags pa dang/ 'jam dpal grags pa dang/ byang chub sems dpa' sems dpa' chen po byams pa la sogs pa bye ba khrag khrig 'bum phrag nyi shu rtsa bzhi dang thabs gcig tu zhugs so/ /nyan thos chen po nyis brgya lnga bcu thams cad kyang dgra bcom pa/ zag pa zad pa/ srid par kun tu sbyor ba chad pa/ yang dag pa'i ye shes sems shin tu rnam par grol ba rdzu 'phrul stobs dang/ cho 'phrul bsam gyis mi khyab pas rnam par 'phrul pa'i mthu chen po thob pas/ lta ba chags pa med pa thams cad kyang dri ma dang bral ba/ kun nas nyon mongs pa'i bag chags kyi sa bon bsregs pa sha stag 'di lta ste/ tshe dang ldan pa shA ri'i bu dang/ tshe dang ldan pa byams pa'i bu gang po dang/ tshe dang ldan pa ka bi na dang/ tshe dang ldan pa rab 'byor dang/ tshe dang ldan pa maung+gal gyi bu chen po dang/ tshe dang ldan pa kun byed dang/ tshe dang ldan pa dga' byed dang/ tshe dang ldan pa 'od srungs dang/ tshe dang ldan pa 'od srungs chen po dang/ tshe dang ldan pa lteng rgyas 'od srungs dang/
- 107b
de dag la sogs pa nyan thos rab tu mang po dang/ dge slong dang/ dge slong ma dang/ dge bsnyen dang/ dge bsnyen ma dang/ lha dang mi dang lha ma yin dang/ dri za la sogs pa mang po 'dus pa'o/ /rgyal bu rgyal byed kyi tshal mgon med zas sbyin gyi kun dga' ra ba'i dbus su/ /rin po che rdo rje pad+ma'i snying po seng+ge'i khri la bzhugs te/ seng+ge'i khri la gang zhe na sngon gyi smon lam gyi stobs kyis/ sangs rgyas bcom ldan 'das gang du gshegs pa'i sar 'byung ba'o/ /rin po che dang/ rdo rje pad+ma'i khris/ kun dga' ra ba mdzes pa dang/ rin po che dang/ mu tig dang/ dril bu g.yer kha'i dra ba du ma sil sil sgra 'byung/ rdo rje dang rin po che du ma'i stegs bu la rtsa ba legs par brten pa/ rdo rje rin po che du mas chu srin kha nas byung ba'i mu tig dmar po'i phreng ba dang/ 'dam pa'i rnam rten bcug pa/ rin po ched du ma'i snying po can/ chags pa'i rin po che ke ke ru dang/ ke ke ru chen po dang/ in+d+ra nI la dang/ in+d+ra nI la chen po dang/ mdun nas 'od zer chen po bar snang la khyab pas kun nas mdzes pa dang/ rin po che rdo rje thur mas brgyan pa'i gdugs yu bas bstod pa bye ba khrag khrig 'bum phrag du mas grib mas bsgribs shing bskyebs pa/ dpag bsam gyi shing du mas brgyan par mdzes pa/ rdo rje rin po che pad+ma'i khri la kun dga' ra ba'i dbus na bzhugs te/ nyi ma stong pas lhag pa'i 'od zer gyi dkyil 'khor gyis phyogs ni rnam par brgyan zla ba nya ba ltar 'jig rten thams cad la ni sdug par snang/ dpag bsam gyi shing ljon pa chen po ltar sangs rgyas kyi chos rnams ni shin tu rgyas shing chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po tshig 'bru bzang po/ ma 'dres pa yongs su dag pa/ yongs su rdzogs pa/ yongs su byang ba/ yang dag par rab tu ston to/ /spyi gtsug ni sems can thams cad kyis lta bar mi mthong/ bdud kyi las thams cad
- 108a
las ni nges par rgyal/ de kho na thams cad mkhyen pa nyid thugs su chud/ ye shes kyi spyan lnga ni mnga' / /rnam pa thams cad mkhyen pa'i mchog dang mi ldan/ rnam pa thams cad mkhyen pa'i ye shes dang ni ldan/ sangs rgyas kyi chos thams cad dang ni ldan/ bdud dang phas kyi rgol ba'i tshogs thams cad ni bcom/ grags pa dang/ sgra dang/ tshigs su bcad pa ni 'phags/ khyu mchog dang seng ge'i sgra ni sgrogs/ ma rig pa'i mun pa ni kun nas bsal/ bskal pa bye ba khrag khrig 'bum phrag grangs med dpag tu med par sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ stobs dang/ smon lam dang/ ye shes kyi pha rol tu phyin pa dang/ dka' ba spyod pas mngon par grub pa'i skyes bu chen po'i mtshan sum cu rtsa gnyis dang/ dpe byad bzang po brgyad cus sku brgyan pas mdzes shing rin po che rdo rje chen po'i pad+ma'i snying po seng ge'i khri la bzhugs pa'o/ /rig sngags kyi rgyal mo rma bya chen mo'i gnas dang 'khor phun sum tshogs pa'i gnas skabs te dang po'o// //de'i tshe zhes bya ba ni/ bcom ldan 'das la byang chub sems dpa' dang/ nyan thos la sogs pa'i 'khor bzhi tshogs pa'i tshe na'o/ /mnyan yod na rgyal bu rgyal byed kyi tshel mgon med zas sbyin gyi kun dga' ra ba na zhes bya ba ni/ 'dzam bu'i dbus kyi grong khyer chen po mnyan yod na/ rgyal bu rgyal byed kyi tshal mgon med zas sbyin gyi kun dga' ra ba ni sngon 'das pa'i sangs rgyas rabs bdun gyi bzhugs gnas yin te/ de yang mar me mdzad dang/ sangs rgyas rnam par gzigs dang/ gtsug tor can dang/ thams cad skyob dang/ log par ngang sel dang/ gser thub dang/ 'od srungs dang/ bdun la
- 108b
sogs pa bye ba khrag khrig gang+gA klung gi bye ma snyed kyi sangs rgyas kyi bzhugs gnas so/ /de bzhin du nyan thos dgra bcom pa /rnams dang/ dge slong dang/ dge slong ma dang/ dge bsnyen dang/ dge bsnyen ma rnams gnas pa'o/ /ma 'ongs pa'i byams pa la sogs pa'i sangs rgyas rnams kyang de bzhin no/ /da ltar yang shAkya seng ge bzhugs shing sems can gyi don mdzad cing chos ston pa'o/ /lha dang lha ma yin dang mi dang mi ma yin pas mchod par 'os pa'i gnas byang chub kyi zhing khams bla na med pa yang dag par rdzogs pa'i sangs rgyas rnams kyang byang chub 'grub pa'i gnas so/ /dge slong sa ri zhes bya ba ni/ rgyal bu rgyal byed kyi tshal mgon med zas sbyin gyi kun dga' ra ba na gnas shing sar rab tu byung ba'o/ /gzhon nur thor bu lang tsho la bab pa/ rab tu byung nas ring po ma lon pa zhes bya ba ni/ 'dul ba'i chos mnyan pas/ btsun pa'i spyod lam mi byed cing/ rtse ba la dga' ba'o/ /bsnyen par rdzogs nas ring po ma lon pa zhes bya ba ni rab tu byung nas zhag bdun lon te/ bsnyen par rdzogs par shes pas gzhan dang spyod lam ma mthun pa'o/ /chos 'dul pa 'dir 'ongs nas ring po ma lon pa zhig gnas pa de zhes bya ba ni/ /rab tu byung nas zhag bdun lon te/ lo grangs bcu gnyis lon pa dang/ lus ngag yid gsum 'dul ba'i bya ba mi shes pas zag pa zad pa'i dge 'dun gyi gnas su byon nas/ rang gi stan la mi 'dug cing rang dgar gnas pa'o/ /dge 'dun gyi sro khang bya ba'i phyir shing gshegs pa dang/ zhes bya ba ni/ dge slong sa ri zhes bya ba de cang mi shes pa'i phyir/ dge 'dun gyi sro khang rtsed mo rtser phyin no/ /shing rul pa'i ser ka zhig nas sprul nag po chen po zhig byung nas zhes bya ba ni/ 'dul khrims nyams pa de'i rnam par smin pas
- 109a
mche ba'i dug can/ klu gdol pa'i rigs dug rnam pa bzhi dang ldan pa/ sprul nag po'i gzugs can/ mig na mthong ba'i dug yod pa/ bsam pa'i dug can reg pa'i dug yod pa dug rnam pa bzhi dang/ rigs rnam pa bzhi dang/ gang gi dus na zhe na/ nyams pa dang gang zag gi bya ba'i bsam pa gtang ba dang/ klu de'i rigs kyis kyang tshor te/ rigs ni bram ze yin te/ log pa'i 'dus kyang de'i dus na 'byung ste/ dug kyang de'i dus su chud do/ /de la bsam pa'i dug ces bya'o/ /mthong ba'i dug ni nyams pa dang/ gang zag dang/ gang zag gi rdzas rnams mthong ste/ de mthong ba tsam gyis khros shing mthong ba tsam gyis thal bar brlag ba'o/ /log pa'i dus kyang de yin te/ de'i rigs ni rgyal rigs so/ /reg pa'i dug ni de mthong ba tsi gyis reg ste/ de ni mche ba'i dug ces bya'o/ /rigs ni rje'u rigs so/ /kha blangs kyi dug ni/ bsam pa dang mthong ba dang/ reg pa'i sgo nas 'byung ste/ bsam pa btang ba tsam gyis kyang kha blangs kyi dug 'byung zhing/ mthong bas kyang de bzhin no/ /reg pa lta ci smos te/ kha blangs kyi dug ni gzhan dang mi 'dra'o/ /mi srin te gdol pa'i rigs can/ kha rlangs kyi dug de nag po'i dug ces bya ba/ /de'i rigs ni sprul nag po'o/ /shing gshegs nas byung zhing 'jigs su rung ba/ dug rnam pa bzhi'i rang bzhin dge slong sa ris mtshor bar byung ngo/ /rkang pa g.yas pa'i mthe 'ong la zin pa dang zhes bya ba ni/ mi srung pa sprul nag pos kyang dge slong sa ris brtul zhugs nyams pa/ mche ba'i dug gis zin pa'o/ /de ni glo bur gyi nyams pa yin no// lus sbrid nas sa la 'gyel te zhes bya ba ni/ dug gi nus pas mdog shor zhing/ lus thams cad skrangs shing sems la dran pa med cing/ kha nas kyang dbugs ma thon no/ /dge slong sa ris de yang nad chen pos btab cing sdug bsngal chen pos nyen pa'o//
- 109b
spu? bar skyug cing ming kyang bsgyur nas nyal ba dang zhes bya ba ni mche ba'i dug gis btab pas/ 'chi ba'i dus la bab cing mig shor zhing lce yang rdog por song ba'o/ /tshe dang ldan pa kun dga' bo zhes bya ba ni byams pa dang snying rje che zhing thos pa che ba/ sems can thams cad la snying rje mdzad pa/ sangs rgyas kyi bka' las mi 'da' ba/ 'dul ba'i sgo nas dgra bcom pa rnams la bsnyen bkur mdzad pa/ sdom pa la gnas shing/ snying rje dang ldan pa kun dga' bos ni/ dge slong sa ri nad kyis btab pa mthong ngo/ /mthong bas rings pa rings pas bcom ldan 'das ga la ba der song ste zhes bya ba ni/ sprul nag pos zin pa mthong ste/ thabs mi rnyed cing thabs kyi don la bcom ldan 'das kyi spyan sngar phyin no/ /bcom ldan 'das kyi zhabs la mgo bos phyag 'tshal te zhes bya ba ni/ dge slong sar snying rje zhing bcom ldan 'das la gus pas phyag 'tshal ste lan gsum bskor ba byas nas bcom ldan 'das la'o/ /phyogs gcig tu 'dug go /phyogs gcig tu 'dug nas zhes bya ba ni/ bcom ldan 'das kyi mdun du byang chub sems dpa' dang/ nyan thos dang/ dge slong dang/ dge slong ma dang/ dge bsnyen dang/ dge bsnyen ma dang/ lha dang mi la sogs pa'i dbus su'o/ /bcom ldan 'das la tshe dang ldan pa kun dga' bos 'di skad ces gsol to zhes bya ba ni/ dge slong sa ri'i don du bcom ldan 'das la zhu ba phul ba'o/ /btsun pa bcom ldan 'das zhes bya ba ni/ rang bzhin gyis btsun pa ste/ de yang sku gsum thugs thul zhing/ mi dge ba bcu spangs shing dge ba bcu dang du len pa ste/ sems can gyi don du rang bzhin gyis rab tu byung ba'o/ /de bzhin du stong gsum gyi stong chen po'i 'jig rten gyi khams kyi sems can la snying rjes khyab pa'o/ /bcom ldan 'das ni gti mug dang/ zhe sdang dang/ 'dod chags dang/ ser sna dang/ phrag dog dang/ de rnams bcom zhing 'khor
- 110a
ba la sa logs pa'o/ /yang na bag chags kyi shes bya'i sgrib pa bcom pa'o/ /ldan pa ni skal ba dang ldan pa'o/ /'das pa ni 'khor ba mya ngan las 'das pa'o/ /mnyan yod na zhes bya ba ni/ yul ma ga d+ha'o/ /rgyal bu rgyal byed kyi tshal mgon med zas sbyin gi kun dga' ra ba 'di ni zhes bya ba ni/ sangs rgyas dang byang chub sems dpa' dang/ nyan thos dgra bcom pa dang/ dge slong dang/ dge slong ma dang/ dge bsnyen dang/ dge bsnyen ma la sogs pa'i gnas yang na dngos grub kyis gces pa'o/ /dge slong sa ri zhes bya ba ni/ sa ri ni bram ze'i rigs las bos ste/ dge slong yang rab tu byung ba'i ming grags pa'o/ /de gnyis 'joms pas na dge slong sa ri zhes bya'o/ /gzhon nu thor bu lang tsho la bab pa zhes bya ba ni/ lo bcu gnyis lon pa ste/ gzhon nu'i dus su rab tu byung zhing 'dul ba ni mi shes pa'o/ /rab tu byung nas ring po ma lon pa zhes bya ba ni/ rab tu byung nas zhag bdun lon pa/ dge slong gi spyod pa mi shes pa/ rtse ba la dga' ba'o/ /bsnyen par rdzogs nas ring bos ma lon pa zhes bya ba ni bsnyen par rdzogs nas zhag gcig lon pa'o/ /chos 'dul ba 'dir mchis nas ring po ma lon pa zhig gnas pa de zhes bya ba ni/ lus ngag yid gsum 'dul bas na 'dul ba ste/ chos kyang de nas gnas pa'o/ 'dir mchis nas ring por ma lon pa dge slong gi spyod pa mi shes shing/ /gzhon nu'i spyod pa la gnas pa'o/ /dge 'dun gyi bsro khang bgyi ba'i slad du shing bshags pa dang/ shing rul ba'i seng ka zhig nas sprul nag po chen po gcig 'byung nas zhes bya ba ni/ bcom ldan 'das dge slong sa ri rtsed mo la phyin pa ste/ klu gdol pa'i rigs mche ba'i dug can 'jigs su rung ba/ dug rnam pa bzhi'i rang bzhin can/ shing rul pa bshags pa'i nang nas byung ba'o//
- 110b
rkang pa g.yas pa'i the bo la zin pa dang/ zhes bya ba ni glo bur gyi rnam par smin pas bzung bas so/ /lus sgring nas dog sa la 'gyel te zhes bya ba ni/ phyogs rnams mi shes shing/ lus po thams cad skrangs shing 'gas par 'gyur ba'o/ sdu bar skyug cing lus kyang sgyur nas nyal zhing mchis na zhes bya ba ni/ mig 'dzums mi shes shing lus kyang rengs kha nas dbugs kyang mi thon pa'o/ /btsun pa bcom ldan 'das de la bdag gis de la ji ltar nan tan bgyi zhes bya ba ni/ sngags dang thabs ci yod ces pa'o/ /rig sngags kyi rgyal mo rma bya chen mos las/ dge slong sa ri sprul nag pos zin pa'i gnas skabs te gnyis pa'o// //de skad ces gsol pa dang/ zhes bya ba ni/ dge slong sa ri'i don la tshe dang ldan pa kun dga' pos smras pa'i gting la'o/ /bcom ldan 'das kyis tshe dang ldan pa kun dga' bo la 'di skad ces bka' stsal to/ /zhes bya ba ni mtshan bzang po sum cu rtsa gnyis dang ldan pa/ dpe byad bzang po brgyad cu dang ldan pa/ stong gsum gyi stong chen po'i 'jig rten gyi khams kyi sems can gyi don la/ kun dga' bo'i drung du 'khor bzhi dang bcas te khyu mchog dang seng ge'i sgra sgrogs pa'o/ /kun dga' bo de bzhin gshegs pa'i bkas khyod la song la zhes bya ba ni/ sngon gyi de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi drung du rjes su yi rang zhing gsungs pa'o/ /de bzhin du yang dag par rdzogs pa'i sangs rgyas gtsug tor can la sogs pa'i sangs rgyas rnams kyis kyang rjes su yi rang zhing gsungs pa ste/ de bzhin du ma 'ongs pa'i rnams kyis kyang rjes su yi rang zhing gsungs pa'o/ /da ltar yang ngas kyang gsungs te/ khyod kyis kyang de bzhin gshegs pa'i bka' la brten la mdzod cig ces pa'o/ /de bzhin gshegs pas
- 111a
na/ de bzhin gshegs pa ste/ yang na ngo bo nyid dang bral zhing bde ba chen po thob pa stong pa nyid kyi rang bzhin no/ /mtshan ma med pa'i ting nge 'dzin dang/ smon pa med pa'i ting nge 'dzin gyi rang bzhin thob pa/ de bzhin gshegs pa'i bka' la nyon la gsungs shing ces pa'o/ /rig sngags kyi rgyal mo rma bya chen mo 'dis zhes bya ba ni/ rig sngags ni rnam pa gnyis te/ phyi'i rig pa dang/ nang gi rig pa'o/ /phyi'i rig pa ni/ rig pa rnams pa lnga mkhyen cing/ yang dag pa'i ye shes kyi lam nas pha rol tu phyin pa drug spyad nas rdzogs par sangs rgyas pa'o/ /nang? gi rig pa ni yang dag pa'i ye shes te/ ngo bo nyid dang bral zhing shes rab kyi rang bzhin mi dmigs pa'i ye shes so/ /rgyal mo ni thams cad las rgyal te/ de yang bdud rnams kyis mi tshugs shing 'khor ba bcom pa'o/ /chen mo ni nam mkha' bzhin du khyab ste/ sems can gyi don la thugs rjes khyab pa'o/ /rma bya ni sgyu ma lta bu ste/ sgyu ma'i rang bzhin gyis stong gsum gyi stong chen mo 'jig rten gyi khams la sogs pa'i sems can la snying rjes khyab nas rig pa'i lam nas 'jug pa'o/ /yang na ni rma bya ni sku gsum gyi rang bzhin yin te/ nam mkha' lta bu mi dmigs pa'i rang bzhin chos kyi sku'o/ /de'i sgrib ma ni sgyu ma lta bur longs spyod rdzogs pa'i sku'o/ /des sems can la don byed cing nam mkha' lta bur khyab ste sprul pa'i sku/ /yang na ni rma bya ni yang dag pa'i ye shes kyis phyir dug dang nang gi dug bcom zhing zas su dug za pa'o/ /'dis na sdug bsngal thams cad dang bral bas byed pa ste/ gzi brjid che ba dang/ mthu che ba dang/ stobs dang ldan zhing/ ngan song gsum 'joms pa ste// sems can bde ba la 'god pa'o/ /'di zhes pa rma bya chen mo'o/ /dge slong sa ri la
- 111b
srung bgyis shig ces bya ba ni/ gdon rigs mi cig pa stong phrag brgyad cu zhes pa dang/ de bzhin gdon re re la 'ang yin te/ nad rigs mi gcig pa bzhi brgya rtsa bzhi/ nad kyi rigs gcig pa la yang de bzhin no/ /dug rnams pa bzhi bsrung zhing ngo/ /dge slong sa ri la mche ba'i dug bcom zhing nyams pa thams cad skong ba'o/ /de bzhin du gzhan gyi dug kyang srung bar byed pa'o/ /srung ba gyis shig ces pa ni sems can thams cad dang dge slong sa ri la'o/ /sba ba dang zhes bya ba ni rig sngags 'di'i gzi brjid kyis/ dug dang 'byung po dang/ nad dang/ nyams pa dang/ sdig pa dang/ ngan song gsum na gnas pa sped pa'o/ /yang na sba ba ni/ sdug bsngal thams cad las thar zhing gzhan rnams kyis mi mthong bar 'gyur ro/ /yongs su bskyab pa ? ? bya ba ni/ sdug bsngal las bskyab pa/ chad pa thams cad bcom zhing 'khor ba'i sdug bsngal las skyob pa'o/ /yongs su bzung ba dang/ zhes bya ba ni 'jigs pa thams cad las thar par byed cing/ 'jigs pa la ma btang ste/ mi dge ba bsam zhing/ dge ba bzung ba'o/ /yongs su bskyab pa dang zhes bya ba ni sdig pa thams cad bcom zhing/ 'byung po la sogs pa thams cad las bsrung ba ste/ mi dge ba bcom zhing dge ba la brkyang pa'o/ /zhi ba dang bde legs su gyur pa dang zhes bya ba ni/ nad dang/ 'byung po dang mi dang mi ma yin pa la sogs pa zhi bar byas shing/ sdig pa thams cad bcom zhing 'khor ba'i sdug bsngal las thar pa'o/ /'di'i gzi brjid kyis bkra shis shing/ nad thams cad bcom zhing gang nas gang du yang bde legs 'byung ba'o/ /chad pa spang ba dang zhes bya ba ni/ lha'i gdon la sogs pa 'am/ rgyal po 'am/ rkun ma 'am/ chom rkun nam/ chu dang me 'am/ dus ma yin par 'chi ba brgyad dam/ mkha' 'gro 'am/ ma mo 'am gshin rje 'am/
- 112a
de la sogs pa thams cad spangs shing/ bde bar gnas pa'o/ /mtshon cha spangs pa dang/ zhes bya ba ni/ khrag khrug kun gyi sdug bsngal thams cad spangs te/ de la sogs pa glu bur gyi mtshon cha spangs pa'o/ /dug gzhil ba dang zhes bya ba ni/ mche ba'i dug la sogs pa spangs te/ de rnams kyis mi tshugs shing dug bcom pa'o/ /dug bsad pa dang/ zhes bya ba ni/ nang gi dug gsum phyi'i dug gsum ste/ nang gi dug gsum 'dod chags zhe sdang gti mug go /'dug pa dang/ byas pa dang/ 'gro ba'i dug go /de rnams bsad cing ye shes rnams shar bar byed pas so/ /mtshams cad pa dang zhes bya ba ni/ kho ra khor yug rtsam mtshams bcad de/ 'di'i nus pas nye bar mi nus so/ /sa gcing bgyis shig ces bya ba ni/ phyogs mtshams steng rnams bcings te/ gang gi ngos nas kyang glags tshol bar mi byed pa'o/ /rig sngags kyi rgyal mo 'dis lha'i gdon la sogs pa thams cad bcom zhing nad la sogs pa thar bar byed pa'o/ /lha'i gdon dang zhes bya ba ni/ brgya byin gyis gtso bo byas pa/ lha'i gdon rigs mi gcig pa stong phrag brgyad cu'o/ /lha'i gdon ni zhal gcig phyag gnyis pa/ sku mdog dkar mo phyag na rdo rje 'dzin cing/ glang po che la zhon pa'o/ /klu'i gdon dang/ zhes bya ba ni/ klu'i rigs mi gcig pa stong phrag brgyad cu ste/ de yang bram ze dang/ rgyal rigs dang/ rje'u rigs dang/ dmang rigs dang ngo/ de bzhin du sa bdag dang sa srin la sogs pa yang yin no/ /klu'i gdon ni sna tshogs kyi gzugs yin te/ sku mdog sna tshogs su gnas shing/ zhal gcig phyag gnyis pa/ phyag na sprul zhags 'dzin cing/ dbu la sprul gyi gdengs ka dang bcas pa'o/ /lha ma yin gyi gdon dang zhes bya ba ni/ lha ma yin gyi rgyal po thag zangs ris kyi gtso bo byas pa lha ma
- 112b
yin stong phrag brgyad cu ste/ de'i sku mdog dang phyag mtshan ni sku mdog mthing kha phyag na dbyug to bsnams shing/ ku bai ra la zhon pa'o/ /khro bo'i tshul tu gnas shing 'khrug pa la dga' ba'o/ /rlung gi lha'i gdon dang zhes bya ba ni/ rlung lha'i gdon rnam par rgyal byed la sogs pa ste/ rlung lha'i gdon stong phrag brgyad cu gzugs mi gcig pa gang nas gang du rgyu ba'o/ /sku mdog sngo skya/ phyag na ba dan 'dzin cing sha ba la zhon pa'o/ /nam mkha' lding gi gdon dang zhes bya ba ni/ nam mkha' lding gi rgyal po gser mig la sogs pa nam mkha' lding gi rgyal po stong phrag brgyad cu la sogs pa/ bya'i gzugs sna tshogs mi gcig pa'o/ /mi'i lus la bya'i mgo gnas shing mdog ser po'o/ /mig dmar zhing mchu mthing ka'o/ /gshog pa yod cing dbu la rwa gnas pa'o/ /dri za'i gdon dang zhes pa ni/ dri za'i? rgyal po zur phung lnga pa la sogs pa ste/ dri za'i gdon stong phrag brgyad cu/ /gzugs mi gcig pa sna tshogs gnas shing/ glu dang blo la dga' ba ste/ sku mdog ser po phyag na pi wang bsnams pa'o/ /mi 'am ci'i gdon dang zhes bya ba ni/ ljon pa la sogs pa yin te/ mi 'am ci'i gdon stong phrag brgyad cu ste/ mgo rta mgor gnas shing lus mi'i lus po la/ mdog ni mgo dmar po/ lus ser po phyag na gling bu bsnams pa'o/ /glu la dga' zhing dbyangs bzang po dang ldan pa'o/ /lto 'phye chen po'i gdon dang zhes bya ba ni/ lto 'phye'i rgyal po gser can la sogs pa yin te/ lto 'phye'i gdon stong phrag brgyad bcu gzugs sna tshogs dang ldan zhing/ mi'i lus la sprul gyi mgo can no/ /sku mdog ni mthing kha/ lus dmar ba la phyag gnyis cha lang 'dzin pa'o/ /sgra'i tshogs la dga' zhing/ gar yang skad cig gis sgyur ba'o/ /gnod sbyin gyi gdon dang zhes bya ba ni/ gnod sbyin gyi rgyal po sor mo lnga pa yin no/ /gnod sbyin gyi gnod stong phrag brgyad cu dang/ gzugs
- 113a
sna tshogs gnas shing chang la dga' ba/ sku mdog ser po/ phyag na rin po che'i dbyug tho bsnams pa'o/ /srin po'i gdon dang zhes bya ba ni/ bden bral gyi rgyal po 'jigs pa la sogs pa yin te/ srin po'i gdon stong phrag brgyad cu dang/ lho nub na gnas shing phyi'i rgya mtsho'i 'gram na gnas pa/ mdog nag po/ phyag na ral gri 'dzin pa/ srin po'i gdon sna tshogs bsdus pa'o/ /yi dags kyi gdon dang zhes bya ba ni/ yi dags kyi gdon gsus chen la sogs pa yin te/ yi dags stong phrag brgyad cu/ gzugs mi gcig pa gnas shing/ mdog nag po skra dang sen mo ring ba'o/ /'jigs su rung ba ste/ rus pa la lpags pas g.yos pa'i gzugs dang 'dra bas phyag na bsnams pa'o/ /sha za'i gdon dang zhes bya ba ni/ sha za sum 'gyur la sogs pa yin te/ sha za stong phrag brgyad cu/ sha za mi gcig pa gnas shing/ byi? ba'i? can? mdog? mdong sna tshogs gnas shing /lag na gri gug thogs shing nad sna tshogs gtong ba'o/ /'byung po'i gdon dang zhes bya ba ni/ 'byung po'i 'bras bu gsum pa la sogs pa yin te/ 'byung po'i gdon stong phrag brgyad cu/ gtsugs sna tshogs gnas shing thal ba'i mdog can/ thal ba'i bum pa 'dzin pa'o/ /grul bum gyi gdon dang zhes bya ba ni/ grul bum gyi gdon mgrin pa gsum pa rnams yin te/ grul bum gyi gdon stong phrag brgyad cu dang/ gsus pa che zhing/ bzhin mi sdug pa/ mgo bo che la mig g.yo ba'o/ /mdog ljang nag tu rab tu gnas shing dbyug pa 'dzin pa'o/ /srul po'i gdon dang zhes bya ba ni/ srul po'i gdon stong phrag brgyad cu/ phag pa'i mgo can te/ lus ni phag pa'i mdog can/ ba spu yang khab dang 'dra ba/ phyag na mi mgo 'dzin pa'o/ /lus srul po'i gdon dang zhes bya ba ni/ lus srul bo'i gdon stong phrag brgyad cu/ phag mgo lnga lnga yod pa/ phag gi mgo bo
- 113b
de yang dkar po dang/ dmar po dang/ ser po dang nag po dang/ ljang gu'o/ /lus ni thal ba'i mdog can te/ lag na rdo rje 'dzin pa'o/ /skem byed kyi gdon dang zhes bya ba ni/ skem byed kyi gdon de yang stong phrag brgyad cu ste/ spyang ki'i mgo can la mi'i lus po yong?/ spyang ki bzhin du lus kyang khra bor gnas te/ mnga' gzhu 'dzin cing/ sems can rnams 'dar bar byed pa'o/ /smyo byed kyi gdon dang zhes bya ba ni/ smyo byed kyi gdon stong phrag brgyad cu wa'i mgo can te/ mdog wa bzhin du yong? cing mi'i lus po ste/ phyag na zhags pa bsnams pa'o/ /grib gnon gyi gdon zhes bya ba ni/ grib gnon gyi gdon stong phrag brgyad cu ste/ mi'i lus la khyi'i mgo can/ mdog dmar po lag na 'khor lo 'dzin pa'o/ /brjod byed kyi gdon dang zhes bya ba ni/ brjed byed kyi don stong phrag brgyad cu gnas shing/ mi'i lus la byi la'i mgo can/ mdog nag po ral gri 'dzin pa'o/ /gnon po'i gdon dang zhes bya ba ni/ stong phrag brgyad cu rtsa bzhi yod de/ dred mo'i mgo can la/ mdog ni sra mo lag na dgra sta 'dzin pa'o/ /skar ma'i gdon dang zhes bya ba ni/ de yang rgyu skar nyi shu rtsa brgyad yin te/ smin drug dang ni snar ma dang/ mgo dang lag dang nams so dang/ rgyal dang skag ces bya ba'o/ /mchu dre spo dang me bzhi dang/ nag pas ri sa ga'o/ lha mtshams dang ni smon dang snubs/ /chu stod dang ni chu smad dang/ /dro zhu na byi zhun bdun rnams so/ /mon gre dang ni mon gru dang/ khrums stong dang ni khrums smad dang/ nam gru tha skar bra nye'o/ /de yi sku mdog dkar po dang/ nag po dang/ ser po dang/ dmar mo dang/ ljangs gu'o/ /phyag mtshan ni 'khor lo dang/ dbyug to dang/ pad+ma dar ral gri'o/ /gshed byed dang/ zhes bya ba ni/ las kyi rnam pa yin te/ de byed pa gang yin par bshed byed do/ /yang na gsher byed ni/ rnam par
- 114a
smin pa'i las so/ /bsgyur ba'i las dang zhes bya ba ni/ glo bur du byung ba ste/ de'i las bcom zhing lag par byed pa'o/ /byad dang zhes bya ba ni/ rnam par smin pa dang/ 'phral gyi las yin te/ de lta bu'i las yang bcom zhing srung bar byed pa'o g.yeng byed dang zhes bya ban/ brjed pa byed pa'i las yin te/ de lta bu'i las bcom zhing srung bar byed pa'o/ /ro langs dang zhes bya ban/ mi ma yin gyi rigs ro la 'byung ste/ de rnams kyis 'jigs pa spong bar byed cing bzlog par byed pa'o/ /sems bsgyur ba dang zhes bya ba ni/ dge ba'i sems sdig pa'i sems su sgyur bar byed pa ste/ de ni sems bsgyur ro/ /yang na sems bsgyur ni/ mi dge ba'i sems dang ldan par bsgyur ba de sems bsgyur ro/ /rig sngags kyi gzi brjid kyis de'i sems kyang bzlog par byed pa'o sgor gtod dang zhes bya ba ni/ 'jig rten gyi rig pa yin te/ de ni gshin rje dang ma mo dang/ rgyal po la sogs pa sbed pa'o/ /gza' nyes dang zhes bya ba ni/ bdud rtsi dug tu song ba ste/ de yang bye brag gis ma zhu ba rnam pa gnyis byung ba'o/ /ma zhu ba rnam pa gnyis ni dangs ma dang tshigs ma'o/ /yang na sbrang rtsi dang dmar dang/ de la sogs pa nyes pa'o/ /skyug nyes dang zhes bya ba ni/ 'byung po rnams kyis skyug pa nyes par byas te/ de bzlog par byed pa ni/ rig sngags kyi rgyal mo'o/ /yang na skyug pa de ni sman la sogs pa'i nus pa skyug pa nyes pa'o/ /gnod sgrib dang zhes bya ba ni/ gnod par byed pa yang gdon yin/ gdon gyi rigs stong phrag brgyad cu rtsa bzhi ste/ de rnams kyis bsgribs pas na sgrib pa'o/ /yang na bag chag dang/ shes bya'i sgrib pas bsgribs pa ni sgrib pa'o/ /gnod ltas dang zhes bya ba ni/ 'byung po la sogs pa thams cad dbang gis/ gnod pa'i lta ba skyes te/ de lta bas na gnod ltas so/ /yang na gdon ltas bya ba ni gnod par byed pa gang yin pa rgyal po dang/ rkun mo dang/ dgra bo dang/
- 114b
de la sogs pa blta pas na lta ba'o/ /lta ba ngan pa mu stegs la sogs pa chad par blta ba'i rigs so/ /bri nyes dang zhes bya ba ni/ bde bar gshegs pa'i sku gzugs ras bris dang/ bde bar gshegs pa'i sku glegs bam dang/ dkyil 'khor dang/ de la sogs pa'i bri nyes pa'o/ /yang na bri ba nyes pa ni/ lhag pa dang chad pa ste/ sbom pa dang phra ba ste/ tshad dang mi ldan pa'o/ /sgom nyes dang zhes bya ba ni/ bde bar gshegs pa'i bka' nas phyung ba'i yang dag pa'i don bsgoms pas te/ de bsgom nya na sgom nyes te/ de yang bskyed pa'i rim pa dang/ rdzogs pa'i rim pa'o/ /yang na sgom nyes ni/ yang dag pa'i chos mi bsgom zhing lta ba log par gnas pa/ chos ma yin pa la yin par bsgom pa'o/ /smad ba dang zhes bya ba ni/ bla ma 'am/ sangs rgyas sam/ byang chub sems dpa' 'am dgra bcom pa dang/ dge slong la sogs pa 'am/ dge bshes sam/ ston pa 'am/ mkhan po 'am/ pha ma la sogs pa rang che bar 'dod cing/ gzhan la smod par byed pa'i phyir smod pa'o/ /rims nyin gcig pa dang zhes bya ni/ yams kyi nang yin te/ de la tsha ba skye zhing 'byung ba ste/ nyin gcig pa'o zhes pa'o/ /yang na nyin gcig pa ni/ nad de drag por byung zhing nyi ma gcig gis glo bur du gsod pa'o/ /nyin gnyis par zhes bya ba ni/ snga ma bas drag pa ste/ nyi ma gnyis kyis 'joms par byed pa'i phyir na nyin gnyis pa'o/ /nyin gsum pa dang zhes bya ba ni/ de bzhin du nyin gsum pa las byung ste/ gsum gyis 'joms par byed pas na gsum pa'o/ /nyin bzhi pa dang zhes bya ba ni nyi ma bzhir byung ste/ de'i nang kyis sems can thams cad nyon mongs par byed pas na rim sa te/ zhag bzhis gsad bar byed pas na nyin bzhi pa'o/ /nyin bdun pa dang zhes bya ba ba ni/ nad de yang drag por byung zhing zhag lnga dang drug pa la mi shes te/ de'i nang zhag bdun gyis 'joms par byed pas na bdun?
- 115a
pa'o/ /zla ba phyed pa dang zhes bya ba ni/ nad de yang zla ba phyed kyi bar du 'byung ste/ byung ba'i dus su byung bas na zla ba phyed pa'o/ /zla ba gcig pa dang zhes bya ba ni zla ba phyed bzhin du 'joms pa'o/ /nyin mo pa dang zhes bya ba ni/ rims des nyi ma gcig gis 'joms pas na/ nyin mo pa'o/ /yang na nyon mo pa ni nam langs nas/ nyi ma nub bar tu 'joms pas na nyin mo pa'o/ /yud tsam pa dang zhes bya ba ni/ skad cig ma'i nang yin te/ yud tsam gyis sems can la gnod pas na yud tsam mo/ /yang na nad de byung na long med pas na yud tsam mo/ /rtag pa'i rims dang zhes bya ba ni/ nad de bral bar mi 'dod cing/ shi min gson men tshe ring zhing yun ring du na ba'o/ /shi ba'i dus su yang nad des khyer bas na rtag pa'o/ rims ldang dub pa zhes bya ba ni/ zla ba gcig tu byung zhing na zla ba gcig gis sos te/ de bzhin du zhag gcig dang gnyis dang gsum dang bzhi dang bdun la sogs pa nyi ma phyed dang/ phyi gro dang skad cig ma'o/ /'byung po'i rims dang zhes bya ba ni/ rigs mi gcig pa'i 'byung po rnams kyis kyang glags tshol zhing/ nang drag po 'byung zhing/ lus kyi rtsa ba rnams kyang drag po'o/ /mi'i rims dang zhes bya ba ni tshom kun nam/ rgyal po 'am/ de la sogs pas bsdoms pa'i rkyen gyis 'byung ste/ na tsha drag pos btab pas na mi'i rims zhes bya ba ni/ mi ma yin pa'i rims dang zhes bya ba ni/ me dang chu dang byol song gi rigs sder mo can dang mche ba can dang/ rwa can la sogs pa 'jigs pa'i nang ni mi ma yin pa'i rigs so/ /rlung gi rigs bzhi brgya rtsa bzhi las byung ste/ nad de'i gtso bor gyur pa ni rlung bcu'o/ /bcu las? bsdus pa lnga'o/ /lnga las bsdus gsum sum las bsdus pa gcig ste/ srog rlung zhes bya ba yin no/ /mkhris pa las gyur pa dang zhes bya ba ni/ mkhris pa las gyur pa bzhi brgya rtsa bzhi las byung ste/ de yang gsum las 'dus pa'o/ /gsum gcig la
- 115b
'dus nad de yang tshad pa las byung ba'o/ /ba kan las gyur pa dang zhes bya ba ni/ bzhi brgya rtsa bzhi ste/ de yang gnyis la 'dus so/ /gnyis ni grangs ba dang tshang pa las byung ba'o/ /de gnyis ni chu'i khams so/ /'dus pa las gyur pa/ zhes bya ba ni/ rlung khris bdag ma gsum 'dus pas 'dus pa'o/ /'dus pa de rlung shas tsha ba yang yod de/ de bzhin du mkhris pa dang bad kan yang de bzhin no/ /tshad pa drag po skye zhing/ bslab chol byed pa ste/ rlung shas che ba'o/ /tsha bar yod cing lce lkugs pa ni mkhris pa dang shes che ba'o/ /tsha zhing sems bsal ba ni bdag na shad che ba'o/ /de bas na 'dus pa'o/ /glang pa na ba med par gyis shig ces bya ba ni/ rlung dang bad kan gyis kyang na ba ste/ rig sngags kyi rgyal mo'i gzi brjid kyis/ glad pa na ba med par byed cing/ de bzhin du yan lag na ba yang med pa'o/ /rlung gis na ba ni gzi ba bzhin du glen par snang ba'o/ /yang na ldang dub byung ste drag po'i tshul tu na ba'o/ /langs pa'i dus su mgo 'thom zhing 'gyel ba'o/ /mkhris pas na ba ni khol ler na ba ste/ ldang dub byed cing nang drag bos theb pas langs pas 'gyel ba ni rlung la sogs pa bzhin du'o/ /bad kan gyis na ba ni gsal shing yang ba ste/ na ba drag po ni gnyis pa bzhin du'o/ /na ba'i dus ni rlung la dgongs mo'o/ /bad kan ni tho rangs ba'o/ /mkhris pa ni nyi ma phyed na'o/ /bzhogs byed na ba dang zhes bya ba ni/ snga ma bzhin du yin te/ de yan lang pa'i dus su 'thom pa med pa'o/ /de bzhin du mig na ba la sogs pa ni/ rlung dang mkhris pa dang bad kan las gyur pa'o/ /med par gyis shig ces bya ba ni/ kun dga' bo yang dag par rdzogs pa'i sangs rgyas kyi bka' / rig sngags kyi rgyal mo rma bya chen mo'i bden pa dang/ nang dang 'byung po dang/ dug rnam gzhon pa'o/ /mtshan mo bde legs nyin bde legs nyi ma'i gun gi bde legs dang/ nyin mtshan kun gyi bde legs dag ces bya ba ni/ dge slong sa ri dang//
- 116a
sems can thams cad rma bya chen mo 'di'i rig pa'i gsang sngags kyis/ dug rnams thams cad bcom zhing/ sdug bsngal thams cad dang bral zhing/ 'di gang na bzhugs pa'i sa na bde bar gnas pa'o/ /sangs rgyas kun gyi bdag la stsol zhes bya ba ni/ sngon yang yang dag par rdzogs pa'i sangs rgyas bye ba khrag khrig brgya stong gang+ga klung gi bye ma snyed kyi de bzhin gshegs pa'o/ /de bzhin du ma 'ongs pa rnams kyang ngo/ /da ltar bzhugs pa yang shAkya thub pa ste/ de rnams kyis byin gyis brlabs shing/ bde bar gnas pa'o/ /bdag ni gang zag sems can rnams dang/ dge slong sa ri'o/ /yang na kun dga' bos gsol ba gdab pa'o/ /gsol ba ni rig sngags kyi rgyal mo rma bya chen mo la'o/ /rig sngags kyi ngo bo ni stong pa nyid de stong pa nyid de yang shes rab bo/ /shes rab ni mtshon pa ste/ mnyam pa nyid kyi ye shes so/ /mtshon byed ni rig sngags nyid de/ thabs lta bu'o/ /rigs ni rin po che rigs tshor ba'i phung po cu'i khams sna'i skye mched do/ /ye shes lnga dang ldan zhing sangs rgyas lnga'i dbu rgyan can/ dbu la rdo rje rin po ches brgyan la/ spyan gsum pa la zhal gsum pa/ /phyag drug pa la sku mdog ser/ /zhal dang po ni sgegs pa'i tshul/ /g.yas khro ba la g.yon 'dzum pa'o/ /g.yas mthing ba la g.yon dmar ba'o/ /rgyan rnams thams cad kyis brgyan pa/ /pad+ma'i steng na zla ba'i gdan/ /zhabs gnyis rdo rje skyil krung bzhugs/ /nyi ma'i 'od dang ldan pa'o/ /g.yas pa yi ni phyag gsum na/ ral gri rdo rje mda' gzhu'o/ /g.yon ba yi ni phyag gsum na/ /bum pa'i steng na rdo rje dang/ /rin chen steng na rdo rje dang/ /rma bya'i sgron pi rnams pa'o/ /bcu gnyis pa yi cha byad can/ /dug ni rnam par gsum bcom zhing/ /sems can rnams la thugs rjes khyab/ /dug bcom pa yi thabs dag ni/ /lcags dang gser dang dngul dang ni/ /dug dang bla rtsi rma bya'i
- 116b
sgra/ /gu gul dkar nag gnyis dang ni/ /mu zi rnams ni bsres shing 'dug/ yang na byug pas byas shing bsrung/ /rig sngags ri bo 'di lta ste/ rig sngags gsang sngags kun 'don cing/ /dug dang 'byung po rnams bzlog par bya'o/ /de bzhin gshegs pa rnams kyis gsungs shing rjes su yi rang ba ni/ i ding di la sogs pa'i rig ba'o/ /rig sngags kyi rgyal mo rma bya chen mo 'dug bcom pa'i brtag pa dang bo rdzogs sho// //rig sngags kyi rgyal mo rma bya chen mo'i dge slong sa ri bsrung ba'i gnas skabs te gsum pa'o// //da ni yul 'khor srung la byams/ /sa srung bu la byams pa ste/ zhes bya ba ni/ yang dag par rdzogs pa'i sangs rgyas rnams kyi byams pa ni/ sems can khyad par med cing byams pa'o/ stong gsum gyi stong chen po'i 'jig rten gyi khams kyi sems can rnams la bu gcig pa lta bu'i byams pas khyab cing/ klu'i rgyal po yul 'khor srung dang/ de bzhin du sa srungs la yang ngo/ /da ni zhes pa ni yang dag par rdzogs pa'i sangs rgyas shAkya thub pas so/ /yang na klu'i rgyal po de rnams kyang byang chub sems skyes pas sems can rnams la byams pa'o/ /da ni mig mi bzang la byams/ /gau ta ma ni nag mo dang/ /zhes bya ba ni klu'i rgyal bo mig mi bzang dang/ klu'i rgyal po gau ta ma nag mo rnams la yang byams pas khyab cing/ sems can rnams kyi mnyam pa nyid du bsgom pa'o/ /sangs rgyas kyi bkas de rnams kyi byams pas khyab pa'o/ /nga ni klu rgyal nor bu dang/ /nga ni nor rgyas bu la byams zhes bya ba ni/ /mnyam pa nyid kyi ye shes kyis/ klu'i rgyal po nor bu dang/ nor rgyas kyi bu la byams te/ de yang sems can gyi don gyis byams pa'o/ /dbyug pa rkang gi klu dag dang/ /gang bzang la da rtag tu zhes bya ba ni/ mi dmigs pa'i ye shes kyis sems can rnams khyab ste/
- 117a
de bzhin du dbyug pa rkang pa dang/ gdab bzang po rnams la'o/ /klu gang dga' bo nyer dga' bo/ /kha dog ldan zhing grags dang ldan/ zhes bya ba ni gzi brjid che zhing mthu dang ldan pa ste/ skad cig gis kyang khams gsum rgyu nus shing/ sems can rnams la gnod pa mi byed de/ klu'i rgyal po de rnams la yang byams pas khyab pa'o/ /rdzu 'phrul che zhing lha min dang/ lha yi yul yang myong bar byed/ ces bya ba ni/ klu'i rgyal po de rnams kyang rdzu 'phrul che zhing grags dang ldan te/ so so'i kha dog dang ldan zhing yud tsam gyis kyang lha dang lha ma yin g.yul 'khrug par nus pa'o/ /ma dros pa dang chu lha dang/ /'jam pa len pa la yang byams/ /zhes bya ba ni 'dzam bu'i gling gi byang ngos na/ gnas shing ma dros pa'i mchi la gnas te/ klu'i rgyal po rnams kyis gtso bor gyur cing/ sems can gyi thugs rje dang ldan zhing/ de dang de rnams la byams pas khyab pa'o/ /'jog po dang ni mdza' yas dang/ de bzhin nor gyi sgo dang ni/ zhes bya ba ni mthong ba'i dug dang ldan zhing/ klu'i rgyal po de rnams byang chub sems dpa' i rigs yin te/ de rnams la yang byams pas khyab cing sems can gyi don phyed pa'o/ /gzhan las rgyal las nga byams te/ rtsod dang ldan pa'i bu la byams zhes bya ba ni/ sems can la bu gcig pa lta bur byams pa ste/ /klu'i rgyal po gzhan las rgyas pa dang/ bu dang bcas pa'o/ /rtag par gzi can la yang de bzhin no/ /zhes bya ba ni/ yang dag par rdzogs pa'i sangs rgyas shAkya thub pas sems can gyi don la bden pa bdar zhing byams pas te/ mnyam pa nyid du bsgom zhing/ klu'i rgyal po rtag par gzi can dang/ gzi can la byams pa'o/ /phub ma med dang dus mtshan dang/ longs spyod ldan dang dge tshul dang zhes bya ba ni/ klu'i rgyal po de rnams kyis kyang/ dus dus su char 'bebs nus
- 117b
shing dus su dus su lo thog smin par byed pa'o/ /sems can rnams kyi don byed cing thugs rjes khyab ste/ de lta bu la byams pa'o/ /kha nas zho dang nor bu dang/ pad+ma dkar po phyogs dag dang zhes bya ba ni/ /klu'i rgyal de rnams kyis kyang phyogs phyogs su srung ste/ nor 'phel bar byed cing byugs la byams pa/ de lta bu'i klu'i rgyal po rnams la byams pas khyab pa'o/ /stobs kyi rgyu dang dung skyong dang/ la ba dang ni mgyogs mchog dang zhes bya ba ni/ gzugs sna tshogs bstan cing sems can rnams skyong ba ste/ de lta bu'i klu'i rgyal po rnams kyis sems can rnams la zla ba'i bdud rtsi bzhin du/ phan thogs pa ste/ de lta bu'i bdud rtsis phan thogs pa'o/ /de rnams la yang byams bas khyab pa'o/ /klu'i rgyal po de dag la/ nga ni rtag tu byams pa yin/ /zhes bya ba ni/ sprul pa'i skus khyab cing bden pa'i tshig byin te/ rig sngags kyi rgyal mo rma bya chen mo'i spyi bo'i gtsug nas sprul nas dug rnam pa bzhi bcom pa'o/ /yang na klu'i rigs rnam pa bzhi dang/ /klu'i rgyal po rnams la byams pas khyab pa'o/ /gnas bcas chu srin kuM g+hi ra/ /de bzhin khab kyi spu dag dang/ zhes bya ba ni/ bden pa'i tshigs 'dis kyang klu'i rgyal po rnams la byams te/ rig sngags kyi gzi brjid kyis kyang/ byol song gi ris 'thon pa'o/ /brang 'gro bdag po nag po dang/ drang song la yang nga byams so/ /zhes bya ba ni/ thabs la mkhas pas shAkya thub pas byol song gi rigs su skyes pa klu'i rgyal po rnams la byams pa'o/ /de bzhin du rna ba tshang ba dang/ shing rta'i bzhin la byams pa ste/ zhes bya ba ni/ klu de rnams la yang mnyam pa nyid du ro gcig pa lta bur khyab ste/ de bzhin du sems can rnams la'o/ /gzi can dang ni rab dga' dang/ pad+ma'i bu la da rtag tu zhes bya ba ni/ sa dang nam mkha' i dang sa 'og tu rgyu ste/ de rnams kyang dug rnam pa bzhi dang ldan te sa la gnas pa
- 118a
ste/ de la yang rtag tu byams pa'o/ /nga ni e la'i 'dab la byams/ 'phyang ba'i tshul yang byams pa ste zhes bya ba ni/ e la'i lo ma bzhin du dri zhim zhing/ sems can rnams la 'tshe bar mi byed cing skyong ba'o/ /de rnams la yang sangs rgyas kyi ye shes kyis khyab pa'o/ /mi min klu ni gang dag dang/ de bzhin mi yis bla ma dang zhes bya ba ni mi dang mi ma yin par brdzu zhing byang chub kyi sems skye ba ste/ sangs rgyas kyi sdom pa la gnas shing bstan pa srung ba'o/ /de rnams la yang byams pa'o/ /klu chen tshol ba'i tshul can dang/ btang gzung zhes ni grags pa dang zhes bya ba ni/ klu'i rgyal po sum brgya bdun cu'i gtso bo ste/ klu rigs bzhi la brgyad du gnas shing bzhi las brgyad du gyes pa'o/ /brgyad ni gang zhe na/ bram ze'i bram ze'i rigs so/ /rgyal rigs kyi rgyal rigs te/ rje'u rigs kyi rje'u rigs so/ /dmang rigs kyi dmang rigs so/ /gdol pa'i rigs dang brgyad do/ /dug kyang rim pa bzhin du bzhi ste/ bsam pa'i dug dang mthong ba'i dug /reg pa'i dang/ kha rlangs kyi'o/ /bsam pa la gyes pa ni tshor ba'i dug go /mthong ba la gyes pa ni rna bas thos pa tsam mo/ /reg pa ni mche ba ste/ kha rlangs ni bzhi ka la gtogs pa'o/ /de ni klu'i dug 'gro ba zhes bya ba'o/ /sbrul dang/ sdigs pa dang/ sbal pa dang/ phyi ba dang/ sri mo dang/ bung ba la sogs pa'i sems can rnams la yang/ /'gro ba'i dug mche ba las byung ba'o/ /de rnams la yang byams shing/ snying rje dang/ btang snyoms kyis khyab pa'o/ klu gang sa la rgyu dag dang/ de bzhin chu la gnas rnam dang/ zhes bya ba ni/ rdzu 'phrul dang ldan zhing/ grags pa dang ldan pa ste/ de bzhin du tshe snga ma'i dran pa yang phyir rnyegs shing nang rnams thams cad btang ba'i bdag dang/ skad gcig mas khams gsum rgyu nus pa'o/ /gang dag par snang rgyu ba dang/ ? ? lhun po gnas pa
- 118b
dang/ /zhes bya ba ni klu'i rigs la yang nam mkha' la rgyu zhing/ ri rab kyi rtse mo la gnas shing/ lha dang lha ma yin la 'khrug par nus shing/ grags pa dang/ kha dog dang rdzu 'phrul gyi rkang pa dang ldan zhing/ gang yang gang dag dang ldan pa'o/ /mgo gcig pa dang mgo gnyis pa de dag la ni brtag byams zhes bya ba ni/ klu'i rgyal po rnams ni mi'i gzugs su gnas shing/ sprul gyi gdengs ka bcas shing/ rigs bzhi la rgyad du gnas pa ste/ bram ze la ni sbrul mgo bco lnga pa ste/ rgyal rigs la bcu gsum pa'o/ /rje'u rigs la bcu gcig pa ste/ dmang rigs la bdun pa'o/ /de bzhin du bram ze'i rigs dang/ rgyal po'i rgyal po'i rigs dang/ rje'u'i rje'u'i rigs dang/ dmang rigs kyi dmang rigs la ni gdol pa'o/ /rigs de la ni de yang nges pa med pas bsam gyis mi khyab pa'o/ /de bzhin du de rnams kyi sbrul mgo yang bcu gsum pa dang bcu gcig dang bdun dang gsum dang la la yang gnyis dang gcig la ngas pa med pa'o/ /de rnams kyi kha dog la yang dkar po dang ser po dang dmar po dang ljang gu'o/ /de bzhin du yang dkar po dang ser po dang/ dmar po dang/ ljang gu dang/ gzhan dmang rigs kyi kha dog la nges pa med do/ /rgyal po ji bzhin du 'khor rnams kyang yin te/ de yang sa bdag sa srin nas bla mo la sogs pa'i sems can sna tshogs kyi gzugs su snang zhing/ klu'i gdon stong phrag bzhi stong brgyad cu'o// de bzhin du de dag gis kyang byams pa'o/ /rkang pa med la nga byams te/ rkang gnyis pa la nga byams so/ /zhes bya ba ni stong gsum gyi stong chen po'i 'jig rten gyi khams/ sprul pa'i sku shAkya seng ges khyab cing byams pa dang snying rje dang dga' ba dang/ btang snyoms kyis khyad pa'o/ /de bzhin du sems can rnams rkang med pa la rkang pa gnyis pa la sogs te/ nga byams pa'o/ /rkang bzhi pa la nga byams ste/ rkang mangs la yang nga byams so/ /zhes bya ba ni yang dag par rdzogs pa'i sangs rgyas rnams kyi
- 119a
byams pa dang snying rje ni mi dmigs pa med pa'o/ /gzhan rnams la ni dmigs pa dang bcas shing rtogs pa la gnas pa'o/ /de bzhin rkang bzhi rkang mangs la yang byams pas khyab pa'o/ /rkang pa med la gnod ma byed/ rkang gnyis nga la gnod ma byed ces bya ba ni/ yang dag par rdzogs pa'i sangs rgyas shAkya thub pa'i bden pa'i tshig dang/ rig sngags kyi rgyal mo rma bya chen mo'i gzi brjid dang/ stobs dang mthus sems can rnams la gnod par mi nus pa'o/ /rkang bzhi nga la gnod ma byed/ rkang mangs nga la gnod ma byed ces bya ba ni/ sngar bshad pa bzhin du byams pa la sogs pa khyab cing/ rkang bzhi dang rkang mang ba'i 'byung po rnams kyis gzhan yang 'byung po rnams kyis kyang sangs rgyas kyi bden pa'i tshig dang/ rig sngags kyi rgyal mo'i gzi brjid kyis gnod par mi nus pa'o/ /gang dag chu la gnas pa yi/ /klu rnams kun la nga byams so/ /zhes bya ba ni/ chu la gnas pa'i klu'i rigs rnams la sangs rgyas kyi gzi brjid kyis khyab cing klu'i sdug bsngal thams cad dang bral bar byed pa'o/ /klu'i sdug bsngal gang zhe na/ sa g.yo ba dang/ me phye ma'i char 'bab pa dang/ gang gi mi gtsang pa'i rul pa'i 'jigs pa dang/ rgyal po dang bya khyung gi 'jigs pa dang bral ba'o/ /dper na sngon gyi dus su bya khyung gi 'jigs pa dang/ bral bar byed pa ni/ yang dag par rdzogs pa'i sangs rgyas shAkya thub pa rig pa'i rgyal mo rnam par shes pa sbyin pa'i rgyal bur skyes te/ yum ni bkris sbyin/ btsun mo ni bkra shis lcam/ yul ni rigs bzang ngam pa'o/ /de'i yul na chos dar zhing ma rig pa ni mi byed cing/ byang chub sems dpa' ldan pa'o/ /rgyal po rnams shes sbyin gyi sras mtshan yang rnam shes gson sbyin pa'o/ /rgyal bu de yang byang chub sems dpa' spyod pa dang ldan par sems can thams cad la nor dang 'bru dang gos la sogs pa'i sbyin pa byin pa'o/ /rgyal
- 119b
bu de yang nam zhig na snying dga' ba bshes gnyen dang 'grogs nas ma la'i rtse mor phyin te/ ma la ra'i rtse mo la klu'i rkeng rus mthong nas snying dga' bshes gnyen la dris pa'o/ /kye ho snying gi grogs snyen 'di'i rkeng rus ni gang gi rkeng rus yin gsungs pa'o grogs snyen gyis smras pa/ kye rgyal bu nam mkha' lding gi rgyal po gser mig gis na ma re re rgya mtsho'i nang nas 'ongs nas klu rnams kyi keng rus yin zhes smras so/ /de bstan pa dang/ rgyal bus zhal rog bzhugs shing snying mi dga' bar gnas pa'o/ dus gcig tu grogs gzhan dang ma 'grogs shing rgya mtsho'i 'gram du phyin no/ /klu'i jo mo rgyal bu gtsug tor can gyi yum bshums pa dang rgya mtsho'i 'gram du phrad do/ /kyi hud kyi hud dung gi gtsug tor can/ kyi hud kyi hud zla ba'i spyan mda'i bu zhes thos pa dang/ snying rje ldan zhing byang chub sems dpas rtsar phyin no/ /byang chub sems dpa' klu'i jo mo la smras pa/ kye ho jo mo ci'i don la bshums ces smras so/ /yum gyis smras pa/ de'i don mi 'grub ces smras so/ /yang rgyal bus smras pa/ gal te don 'grub par gyur na ci ste zhes smras so/ /yum gyis smras pa/ bshums shing kha nas mi thon yang smras so/ /kye ho skyes bu dam pa nga'i bu dung gi gtsug tor can dang sar nyi ma phyed na nam mkha' lding gi rgyal po gser mig can gyis khyer nas za ba'i dus la bab pas thabs 'dra ba mnga' 'am zhes smras so/ /byang chub sems dpas smras pa/ ngas brjes na ji cug 'ong smras so/ /de bskad ces smras pa dang/ /rgya mtsho'i nang du khrid do/ /de nas klu'i rgyal po dung can gyi bu dung gi gtsug tor can lo brgyad lon pa lta na sdug pa kha dog dang ldan pa de bltas nas/ klu'i bu mo tsam 'dus so/ /de'i gting la byang chub sems dpas sngar 'od ba'i khri la dar dmar po gyon nas gzims so/ /de nas nyi ma phyed kyi dus
- 120a
la nam mkha' lding gi rgyal po gser mig can mchu de ni bai DUrya dang 'dra ba mtho ba rno ba/ mig ser zhing dmar ba la sogs pa ring zhing rngo ba/ yan lag sder mo ring zhing rno ba/ bya khyung gi gzugs bzhin du 'jigs pa/ nam mkha' la 'bru sgra dang 'grogs shing/ me'i glog bzhin bstan zhing/ bar snang nas gshog pa rgya mtsho'i nang du rdegs pa/ g.yas pa'i gshog pa rdebs pas rgya mtsho'i chu mi snang bar gyur to/ /g.yon pa brdabs pas bdun brgya'i sa'i 'og tu slebs so/ /de nas byang chub sems dpa' khri la nyal ba de rtog gis blangs nas nam mkha' la khyer ro/ /de'i gting bar snang la khyer ba de byang chub sems dpa' i yab dang yum dang/ jo mo rnams kyis mthong nas cho nges 'debs shing mya ngan las 'das so/ /de nas bya khyung nges rim la ya'i rtse mor khyer nas sha zos khrag 'thungs te/ sha bzhogs gcig zad nas/ byang chub sems dpas gzhogs gcig tu zlogs so/ /de nas bya khyung 'jigs pa'i sems dang ldan te/ za ba 'phro bcad nas ngo mtshar che zhing klu rnams sngar ji tsam zos pa la 'di 'dra ba ma byung snyam nas 'phro bcad te 'dug go/ de'i tshe byang chub sems dpas smras pa/ kye rgyal po nam mkha' lding khyod kyi gsos yin mod khrag 'thung sha zo/ /de skad ces smras pa dang/ bya khyung gis ngo mtshar che nas smras pa/ kye khyod su yin snga ma bzhin du ma byung ngo/ /ngas kyang sngar ji tsam zos te khyod bzhin ngas na mthong ngo/ /byang chub sems dpas zhal nas khyod kyis 'dis ci smros zo shog 'thung shig ces gsungs/ /de nas byang chub sems dpa' i yab yum gyis kyang slebs nas bya khyung gis drung du cho nges 'debs shing smras so/ /kye ho nam mkha' lding gi rgyal po/ nga'i bus nyes pas cad yod dam khyod ci nyes ci bsam zhes gsungs so/ /de skad gsungs pa
- 120b
dang/ bya khyung de yang sdug bsngal gyis zin to/ /de nas bya khyung gis smras so/ /kye ho byang chub sems dpa' ngas ngo ma shes na/ bzod par gsol/ des lha yul tu phyin nas bdud rtsi khyer nas 'ongs nas bskus te/ sos par bya'o zhes gsungs so/ /de skad smras pa dang/ byang chub sems dpas smras pa/ kye ho rgyal po khyed kyi byin gyis brlabs kyis nga byang chub sems dang ldan na lus sngar bzhin du sos shig /de'i sems dang mi ldan na da lta bzhin du song zhig ces smras so/ /de'i tshig gis bden pas lus sngar bzhin du gyur to/ /de nas byang chub sems dpas bya khyung la smras pa/ khyod kyis rgya mtsho'i nang du song la klu rnams bos shig/ ces gsungs pa dang/ bya khyung langs nas rgya mtsho'i nang du song ngo/ /klu rnams bya khyung mthong ba dang/ 'jigs nas nga yang nga cag rnams thams cad bos ta gsong snyam nas/ de'i 'jigs pas klu rnams ma khugs/ bya khyung yar log nas byang chub sems dpa' i drung du gnas so/ /kye byang chub sems dpa' ngas klu ma khugs so zhes so/ /byang chub sems dpas smras pa/ khyod kyis lha'i yul nas bdud rtsi khyer nas 'ongs nas khyod kyis zos pa'i rkeng rus kyi thog tu bdud rtsi gtor zhig gsungs so/ /de nas bya khyung gis bdud rtsi gtor nas sngar shi ba'i klu rnams sos nas byung ste/ byang chub sems dpa' i spyan sngar gnas so/ /byang chub sems dpa' i zhal nas/ bya khyung gis klu rnams ma khugs pas/ khyod rnams kyis klu rnams bos la shog cig ces gsungs so/ /de skad ces bka' stsal pa dang/ klu rnams kyi rgya mtsho'i nang na yod? rnams ngos nas 'ongs so/ /de'i tshe byang chub sems dpas klu rnams la sdom pa phog ste/ dkon mchog gsum la skyabs su 'gro ba 'am/ sems can la gnod pa mi byed pa 'am/ de sems can la gnod byed bya khyung gis
- 121a
'jigs par 'gyur ro/ /de bzhin du bya khyung gis kyang sdom pa la gnas shing/ rig sngags kyi rgyal mo'i gzi brjid dang/ dkon mchog gsum gyi byin brlabs kyis/ klu rnams la yang bya khyung gi 'jigs pa dang/ bral ba'o/ /de bzhin du yang dag par rdzogs pa'i sangs rgyas shAkya thub pas kyang/ klu la sogs pa'i sems can la byams pa'o/ /gang dag sa la gnas pa yi/ /'byung po kun la nga byams so/ /zhes bya ba ni 'byung po lha dang/ klu dang/ lha ma yin dang/ nam mkha' lding dang/ rlung lha dang/ dri za dang/ mi 'am ci dang/ lto 'phye chen po dang/ gnod sbyin dang/ srin po dang/ grul bum dang/ srul po dang/ lus srul po dang/ sha za dang/ grib gnon dang/ ske ma byed dang/ smyo byed dang/ rnon po dang/ rgyu skar la sogs pa'i gdon rnams yin te/ 'byung po de rnams kyang stong phrag brgyad cu brgyad cu gnas te/ de dag sa la rgyu ba rnams yin te/ de bzhin du nam mkha' dang/ sa steng du rgyu ba'o/ /de kun la yang dag par rdzogs pa'i sangs rgyas kyis byams pa'o/ /sems can gang dag gnas par bcas/ /sems can kun la nga byams so/ /zhes bya ba ni stong gsum gyi stong chen po'i 'jig rten gyi khams nas gzhan yang 'jig rten gyi khams la yang de bzhin te/ rig sngags kyi gzi brjid dang/ bden pa'i tshig ? rdul phra mo la gnas pa'i sems can rnams la yang byams so/ /sems can kun dang srog chags kun/ 'byung po dag ni thams cad kyang/ zhes bya ba ni/ bden pa'i tshig 'dis dug gi nad bsam pa dang/ tshor ba dang/ kha rlangs rnams yin te/ de ni 'gro ba'i dug go /bsdang ba'i dug ni rtsa ba dang lo ma la sogs pa'o/ /byed pa'i dug ni sbyor ba las byung ba'o/ /dug de dag thams cad kyang sems can dang srog chags dang/ 'byung po rnams la yang byams pa'o/ /thams cad
- 121b
bde ba 'ba' zhig shog /thams cad nad ni med gyur cig /ces bya ba ni/ 'jig rten gyi sdug bsngal brgyad dang/ rlung dang/ mkhris pa dang bad kan las gyur pa de la sogs pa nad bzhi brgya rtsa bzhi rnams yin te/ bden pa'i tshigs des de rnams kyi sdug bsngal thams cad dang bral zhing bde bar gnas pa'o/ /kun tu bzang po mthong bar shog /gang yang sdig par ma gyur cig /ces bya ba ni/ mnar med pa'i sems can nas tshangs pa'i yul man chad kyis bde bar gnas/ las kyi sgrib pa dang/ shes bya'i sgribs pa dang/ bag chags kyi sgrib pa dang/ bral ba'o/ /yang na shes nas byas pa dang mi shes pa nas byas pa rnams dang yang bral ba'o/ /byams pa'i sems la gnas nas su/ /dug ni rab tu gsad par bya/ /zhes bya ba ni/ byams pa ni stong gsum gyi stong chen po'i 'jig rten gyi gnas pa'i sems can la bu gcig po la ma byams pa lta bu ste/ de nye bar bzhag pa'i sems kyis snying rje 'ba' zhig tu 'khor ba la gnas pa'o/ /sems can la snying rje'o/ /des sems can thon pa'i sems kyis sde rab tu dga' ba'o/ /de mnyam pa nyid du bzhag pas btang snyoms so/ /'dir ni yang dag par rdzogs pa'i sangs rgyas shAkya thub pas/ dge slong sa ri'i don la sems can thams cad gyi don gyis nang gi dug gsum phyi'i dug gsum zad pa'o/ /nang? gi dug ni 'dod chags zhe sdang gti mug gsum mo/ /phyi'i dug gsum ni de nye bar bzhag pas byung ba/ 'gro ba dang bsdang pa dang byed pa'o/ /rig sngags kyi gzi brjid dang/ sangs rgyas kyi bden pas byams pas dug zad pa'o/ /bsrung ba dang yongs su bzung ba dang/ de bzhin yongs su bskyang bar bya/ zhes bya ba ni/ tshigs su bcad pa'i bden pa 'dis te/ yang dag par rdzogs pa'i sangs rgyas rnams kyi bka' o/ /de yang 'das pa'i sangs rgyas rnam gzigs dang/ gtsug tor can dang kun skyobs dang/ log dang sel dang gser thub 'od srungs so/ /de la sogs
- 122a
pa'i 'das pa'i sangs rgyas bye ba khrag khrig gang+gA klung gi bye ma rnams kyis gsungs pa'o/ /ma 'ongs pa ni de bzhin du byams pa la sogs pa'o/ /da ltar ba ni shAkya seng ge ste/ dge slong sa ri'i don la sems can rnams la bsrungs pa'o// de bzhin de dang de 'dra'i srung ba dam pa ni/ srung ba dam pa rsba dang yongs su bskyab pa dang/ sdig pa zad pa dang/ mtshams gcod pa dang/ chad pa gcod pa dang/ 'di'i rigs pa gang 'dzin pas bsrung zhing yongs su bskyang bar 'gyur ro/ /sangs rgyas phyag 'tshal byang chub phyag 'tshal lo/ /zhes bya ba ni/ ngo bo nyid dang bral zhing dmigs pa med pa ste/ 'das pa dang srid pa'i ngo bo med cing da ltar byung ba yang med pa'o/ /de'i sgrib pas sgyu ma lta bu ste/ me long gi lto ba'i grib ma lta bu ste/ de ni gzugs sku dang po ste/ de nye bar bzhag pa'i ngo bos stong gsum gyi stong chen po'i 'jig rten gyi khams sprul pa'i skus khyab ste/ de yang gzugs sku gnyis pa'o/ /mtshan sum cu rtsa gnyis dang ldan zhing/ dpe byad brgyad cus sku la brgyan pa/ sems can gyi don byed pa ni thub pa'i sku'o/ /de lta bu'i sku gsum la phyag 'tshal lo/ /byang chub ni tshad med pa'i sgo nas sems can rnams la byams pa ste/ pha rol phyin pa bcu'i tshogs kyi lam ste/ sa bcu la gnas pa'o/ /de la gnas pa'i byang chub sems dpa' ni/ byams pa dang 'jam dpal la sogs pa'o/ /de rnams la phyag 'tshal lo zhes pa'o/ /grol gyur phyag 'tshal grol la phyag 'tshal lo/ /zhes bya ba ni/ bag chags dang shes bya'i sgrib pas ma gos pa ste/ de ni ye shes rnam par dag pa'i rang bzhin no/ /de'i ngo bo ni bsam gyis mi khyab pa'o/ /de lta bu la phyag 'tshal zhes bya'o/ /zhi gyur phyag 'tshal zhing la phyag 'tshal lo/ /zhes bya ba ni zhi ni lam yin te/ gyur ni 'bras bu'o/ /pha rol tu phyin pa drug gi lam nas sangs rgyas pa dang/ smon
- 122b
lam gyi stobs kyis sems can gyi don byed pa'o/ /de bas na zhi 'gyur ro/ /'bras bu yin te 'gyur ba med pa rang bzhin dang bral bas/ ye shes rnam par gsal ba ste/ ye shes de yang dmigs pa med pa'i rang bzhin gyis 'bras bu'o/ /gzhi las mi gnas pa'i phyir zhi 'gyur ro/ /gzhi dang gzhi la mi gnas pas phyag 'tshal zhes pa'o/ /rnam grol phyag 'tshal rnam par grol la phyag 'tshal lo zhes bya ba ni 'khor ba las grol bas na grol ba ste/ 'khor ba ni ma rig pa dang 'du byed dang rnam par shes pa dang ming dang gzugs dang skye mched drug dang/ reg pa dang/ tshor ba dang/ sred pa dang/ len pa dang/ srid pa dang skye ba dang/ rga shi dang bcu gnyis so/ /'du byed la sogs pa bkag pa'i phyir na/ rnam par grol ba ste/ de grol na ma rig pa'i ming yang ci smos te/ de bas na rnam grol la phyag 'tshal lo/ /bram ze gang dag sdig pa'i chos rnams bsal par gyur pa de dag la yang phyag 'tshal lo/ /zhes bya ba ni/ tshangs par spyod cing dgra bcom pa'i rang bzhin yin te/ de yang zag pa zad cing bag chags dri mas mi sko ba'o/ /de nas bram ze'i sdig pas mi sko ba la phyag 'tshal lo/ /yang na bram ze'i tshul tu gnas pas bram ze'o/ /de dag gis bdag la srung ba gyis shig ces bya ba ni/ rig sngags kyi rgyal mo'i gzi brjid dang bden pa'i tshig gang zag sems can thams cad dang kun bde bar gnas pa'o/ /'jigs pa thams cad dang zhes bya ba ni/ 'jig rten phyi ma'i ngan song gsum gyis 'jigs pa dang/ rkyen las byung ba'i da ltar byung ba'i 'jigs pa'o// tshe phyi ma'i ngan song 'byung ba ni dang po dmyal ba yin te/ tsha ba'i dmyal ba la brgyad do/ /de yang sos dang thig nag dang/ tsha ba dang/ rab tu tsha ba dang/ bsdus 'joms dang/ du 'bod dang/ du 'bod chen po dang/ mnar med pa dang brgyad do/ /yang glang
- 123a
ba la chu bur can dang/ chu bur can chen po dang/ so tham tham dang/ a chu chu dang/ 'dar chug cug dang/ utpa la ltar gas pa dang/ pad+ma ltar gas pa dang/ pad+ma chen po ltar gyes pa dang brgyad do/ /dmyal ba de rnams kyi 'khor ni re re la bcu drug bcu drug go/ de'i ming ni mtshon gyi sen mo dang/ shal ma ri dang/ lcags kyi rtun lum dang/ khyi'i gling dang/ chu bo rab med dang/ 'khrul ba'i mthong ba dang/ 'khor lo dang/ spu gri'i lam dang/ brag dkar po dang/ me mar mur dang/ rgya 'jigs dang/ lcags kyi sogs le dang/ lcags kyi thur ma dang/ bum pa dang/ lce la rmo ba dang/ slar ngas brdo ba dang/ bcu drug go/ de ni tshe phyi ma'i dmyal ba'i sdug bsngal dang 'jigs pa'o/ /yang gnyis pa bdud 'gro'i 'jigs pa ni gang gis gang za ba'i 'jigs pa ste/ srog dang 'bral pa'i rang bzhin gyis/ dud 'gro'i sdug bsngal ni shin tu 'jigs pa'o/ /gsum pa yi dags kyi 'jigs pa ni/ 'thung ba dang za ba med cing/ gang gis gang mthong ba la yang phrag dog gis 'thab rtsod byed cing/ yi dags kyi sdug bsngal de rnams so/ /da ltar rkyen gyis 'jigs pa ni/ 'byung po'i gdon ma rung pa'i 'jigs pa dang/ gzhan dgra bo dang 'phrad pa dang/ de la sogs pa'i 'jigs pa brgyad dang de la 'jigs pas na 'jigs pa dang zhes pa'o/ /gnod pa thams cad dang zhes bya ba ni dge ba'i rtsa ba la gnod pa ste/ bdud bzhi'i rang bzhin gyis bgegs kyi tshul du byas nas mi dang mi ma yin pas gnod ba skyel ba'o/ /nad 'go ba dang zhes bya ba ni/ rims dang lhog pa dang/ 'bras dang/ khrag rnag gzer thung dang/ de rnams la ni yud tsam la 'gos pa'o/ /yang na 'brum bu'i nad dang gzhan gyis mi thub cing/ sdig pa'i nad du gsungs pa'o/ /'khrug pa thams cad dang zhes bya ba ni/ gzhan gyi dpung
- 123b
gis 'dren pa dang/ rang yul tu khrag 'khrug 'byung ba dang/ bza' 'thab la sogs pa'o/ /rims thams cad dang zhes bya ba ni/ bad kan dang mkhris pa dang/ rlung las gyur pa de ni 'dus pa ste/ gnyis gnyis 'grogs pa ni ldan pa'o/ /nad de dang ldan pas na rims so/ /nad thams cad dang zhes bya ba ni/ bzhogs phyed na ba dang/ yig 'chus pa dang/ mig na ba dang/ sna na ba dang/ kha na ba dang/ mgul ba na ba dang/ snying nad dang/ lkog ma'i lha gor na ba dang/ rna ba na ba dang/ son ba dang snying na ba dang/ rtsibs logs na ba dang/ rgyab na ba dang/ lto ba na ba dang/ khur ba na ba dang/ chu so na ba dang/ skye gnas na ba dang/ rab tu skye gnas na ba dang/ rkeng pa na ba dang/ brla na ba dang/ phyin pa na ba dang/ lag pa na ba dang/ rkang pa na ba dang/ yan lag na ba dang/ nying lag na ba la sogs pa nad bzhi brgya rtsa bzhi'o/ gdon thams cad dang zhes bya ba ni/ lha'i gdon la sogs pa bgegs rigs mi gcig pa stong phrag brgyad cu phrag nyi shu rtsa bzhi'o/ /dug thams cad las srung ba gyis shig ces bya ba ni/ rigs sngags kyi gzi brjid dang sangs rgyas kyi bden pa'i tshig gis 'gro ba dang/ sdad pa dang byed pa'i dug bcom/ sems can thams cad bde bar gnas pa'o/ /lo brgya 'tsho bar gyur cig/ ston brgya mthong bar shog shig/ ces bya ba ni/ 'di 'chad ba dang/ klog pa rnams ni/ tsha ring zhing bkra shis te/ sdug bsngal thams cad dang bral ba'o/ /rig sngags kyi rgyal mo rma bya chen mo bden pa'i tshigs gis gnas skabs te/ bzhi pa'o/ //kun dga' bo sngon byung ba ri'i rgyal po gang ri'i lho phyogs kyi ngos la/ rma bya'i rgyal mo gser du snang ba zhes bya ba zhig/ gnas te zhes bya ba ni/ yang dag par rdzogs pa'i sangs rgyas gtsug tor can gyi bstan pa la/ dge slong sa ri bzhin mche ba'i dug gis btab pa la dran pa tsam gyis sos par gyur
- 124a
te/ de bzhin du gzhan yang nad thams cad kyis mi tshugs shing/ gdon thams cad kyang de bzhin no/ /bsgyur ba'i las dang/ byang dang g.yeng byed dang/ ro langs dang sems bsgyur ba dang/ sbod gtong dang/ bza' nyes dang/ skyug nyes dang/ gnod 'grib dang/ gnod bltas dang/ bri nyes dang/ bsgom nyes dang/ smad pa la sogs pa'i/ rims thams cad kyang mi tshugs shing/ dran pa tsam gyis ni sos par gyur ro/ /gangs kyi ri ni lho'i 'dzam bu gling gi rdo rje'i gdan gyi byang phyogs na/ ri bo spos ldan gyi rtsan mtsho chen po ma dros pa'i 'gram na/ mtsho chen po de la yang chu bo chen po 'bab ste/ de yang gaM gA dang/ pak+Shu dang/ sind+hu dang/ si ta dang bzhi'o/ /chu bo chen po de yang shar phyogs nas babs nas g.yas skor du bskor nas shar du 'bab bo/ /de bzhin du bskor nas lho dang nub dang byang phyogs la yang yin no/ /rig sngags kyi rgyal mo rma bya chen po gser du snang ba yang/ sems can gyi don la gangs kyi ri la gnas shing/ lha dang lha ma yin dang gnod sbyin dang/ klu dang mi ma yin la sogs pas mchod cing rma bya'i gzugs su snang ba'o/ /gzhi ni 'dzam+bu gling gis gser gyi mdog 'dra ba/ de'i lus la mchu baiDUryas byas pa/ gshog pa dang mjug ma ni rin po che sna bdun gyis byas pa/ rin po che sna bdun gyis byas pa'i khri la bsdad cing/ dug gi me tog gis brgyan cing dug za ba'o/ /rig sngags kyi rgyal mo 'di ni/ 'das pa dang/ ma 'ongs pa dang/ da ltar byung ba'i sangs rgyas rnams kyis rjes su yi rang zhing byin gyis brlabs pa'o/ /sgyu ma'i rang bzhin du gnas pas rma bya ste/ yang na rma bya'i phyag rgyas/ sangs rgyas dang byang chub sems dpa' dang/ rang sangs rgyas dang/ nyan thos dang sems can thams cad la rig sngags kyi phyag rgyas
- 124b
btab pas na rma bya'o/ /chen mo ni bsam gyis mi khyab pa'o/ /gser du snang ba ni gser gzhin du dkon pa ste/ gser gyis sems can thams cad la blta na sdug pa gser du snang ba'o/ /yang na gser rin po ches dug thams cad thub pa'o/ /de nas nang bar rig sngags kyi rgyal mo rma bya chen mo 'dis bde legs su gyur par bya ste/ zhes bya ba ni/ rig sngags 'di'i byin brlabs kyis tshe 'di la ma shi bar du nyin mo bde legs shing/ nub kar yang bde legs pa'o/ /de bzhin du tshe phyi ma yang bkra shis par 'gyur ro/ /mtshan mo bde legs su gnas pas so/ /zhes bya ba ni/ rmi lam ngan pa mi rmi zhing/ gdug pa can gyi 'byung po rnams kyis kyang gnod mi byed cing/ bde bar gnyid log cing nad par yang rig sngags kyi rgyal mo rjes su dran par bya'o/ /sangs rgyas la phyag 'tshal lo zhes bya ba ni/ sems can rnams la don byed pa/ ser po dang/ dmar po dang/ sngon po dang/ nag po la sogs pa'o/ /mtshon gyis mdog gis ma grub pa mtshan nyid dang bral zhing ngo bo nyid med pa la phyag 'tshal lo/ /chos la phyag 'tshal lo/ /zhes bya ba ni/ rgya che zhing bsam gyis mi khyab pa rig pa mthar thug pa chos la phyag 'tshal zhes pa'o/ /dge 'dun la phyag 'tshal lo/ /zhes bya ba ni/ dgra bcom pa zag pa zad pa/ bye brag tu smra zhing/ gang zag gi chos la gnas pa de bstan bsrung zhing/ dge 'dun tshe dang ldan pa la phyag 'tshal lo/ /rig sngags kyi rgyal mo rma bya chen mo la phyag 'tshal lo/ /zhes bya ba ni/ rig sngags kyi rgyal mo ni rig sngags kyi tshad yin te/ rig sngags kyi tshad ni stong pa nyid do/ /stong pa'i de yang kun gzhi rnam par dag pa ste/ kun gzhi rnam par dag pa ni shes rab kyi rang bzhin no/ /shes rab kyi rang bzhin de ni rin po che rdo rje'i rigs so/ /de'i mtshon pa ni me long lta bu'i ye shes te/ mtshon byed ni rig sngags kyi rgyal mo rma bya chen mo'o/ /zhal
- 125a
ba'i phyag brgyad sku mdog mthing kha/ dbu la de bzhin gshegs pa lnga'i dbu rgyan can/ spyi bo'i gtsug tu rdo rje mtshan pa/ ye shes lnga'i rang bzhin zhal dang po khro ba'o/ /spyan gsum pa/ g.yas zhi ba/ g.yon 'dzum pa/ rgyab dregs tshul dang ldan pa'o/ /g.yas dkar g.yon dmar rgyab ljang gu'o/ /rgyan thams cad sprul gyis brgyan cing/ g.yas brkyang g.yon bskum pa'i zhabs na klu dang gnod sbyin gdug pa can mnan pa'o/ /phyag g.yas pa rnams na ral gri dang 'khor lo dang rdo rje dang/ pad+ma bsnams pa'o/ /phyag g.yon pa rnams ni sdig mdzub dang zhags pa dang rma bya'i sgro dang rin po che dang bum pa bsnams pa'o/ /phung po ni rnams par shes pa'i phung po yin/ khams ni nam mkha' i khams so/ /skye mched ni yid kyi skye mched do/ /pad+ma sna tshogs kyi steng du nyi ma'i gdan la bzhugs shing/ bskal pa me ltar 'bar ba'i 'od dang ldan pa'o/ /ye shes lnga'i rang bzhin yi ge hUM gis de'i 'og tu nyi ma'i dkyil 'khor/ de yang rig sngags kyi snying khar bsam mo/ /sems can gyi don gyis rin po che'i rdo rje'i rigs kyi snying po'o/ /klu'i srog snying de rig sngags kyi snying po 'dod pa tsa gyis 'byung po thams cad rlag par byed cing/ dug rnams lta ci smos/ klu dang 'byung po rnams 'pho bar 'dod na/ 'bum phrag khri bzlas pa byas nas gu gul dang btsan dug gi du ba gtang zhing/ /yungs kar gyis gdug pa can gyi gnas la brdeg/ rin po che rdo rje rigs kyis rig sngags su bsam pa/ gdug pa can rnams la brlag par bya'o/ /nad pa gso ba gso ba 'dod na/ dug dang gu gul nag po bsres nas na sar bdug par bya ste/ byug pa'i sman ni btsan dug nag po dang/ mu zi nag po dang/ zir nag po dang/ ngan da rog po dang ru rta dang ldong ros dang/ shu dag nag po dang/ mi'i zhun gyis sbyar
- 125b
la byug pa bya'o/ /sngags kyis brdeg 'dod na yungs kar dang rma bya'i sgros brdeg go/ dug zos na chu la gdab bo/ /rig sngags kyi rgyal mo rma bya chen mo klu'i srog snying ni gang zhe na/ 'di lta ste/ hu hu hu hu hu nA ga le le le laM sogs pa'o/ /des dus gzhan zhig na rig sngags kyi rgyal mo rma bya chen mo 'dis bsrung ba dang/ zhes bya ba ni/ srung ba'i dam pa klu'i gnyen po 'di yang dag par rdzogs pa'i sangs rgyas 'od srungs kyi bstan pa la yang/ byin gyis rlobs par 'ong zhing sems can gyi don la dug nad thams cad mi gnas par bya ste/ 'byung po rnams kyang de bzhin no/ /bde legs su 'gyur bar ma byas na/ 'dod pa rnams la zhen cing chags te zhes bya ba ni/ sems can gyi don la thugs rje che zhing gnas te/ gang nas gang du gnas pa'i sa nas kyang bkra shis par 'gyur zhing 'jigs pa med cing/ rims bgo ba dang nad rnams dang/ rims drag po dang nad dang/ mdze dang phol mig dang/ sha bkra dang lhog pa dang/ 'bras dang g.yan pa dang/ me dbal dang/ 'byung po rnams kyis kyang/ mi tshugs so/ /rgyags pas myos nas rab tu rmongs shing brgyal ba dang zhes bya ba ni/ myos pas byas shing 'di 'chang ba ni/ rgyal bar 'gyur ba ni/ the tsom med de/ de bzhin du phyogs gang la bltas nas kyang bkris shing rgyal ba ste/ 'byung po'i tshogs rnams kyis kyang nye bar mi nus so/ /rab tu zhen te nags kyi rma bya gzhon nu mang po dang lhan cig tu zhes bya ba ni/ rig sngags kyi rgyal mo rma bya chen mo 'di sna tshogs kyi gzugs su sprul cing/ bya'i rgyal po rma bya'i gzugs su snang ste/ rma bya'i nang nas gser du snang ba'i rig sngags su gnas pa'o/ /ci'i phyir zhe na sems can gyi don gyis sems can sems mi gcig pa'i rang bzhin gyis sna tshogs kyis gzugs su sprul zhing/ bya'i rgyal po rma bya'i gzugs su snang ste rma bya'i nang nas gang gis gzugs ston te/ son
- 126a
de dag gi gzugs su byas nas 'dul ba'o/ /sems can bya'i gzugs su byas shing 'dul ba ste/ de dag gis gzugs kyis sems can 'dul ba'o/ /sems can lha'i gzugs su byas nas/ de dag gis gzugs kyis sems can 'dul ba'o// sems can 'byung po'i gzugs su byas nas/ de dag 'dul te/ de bzhin du sems can thams cad 'dul ba'o/ /kun dga' i ra ba nas kun dga' i ra ba'i bar/ skyes mos tshal nas skyes mos tshal du/ ri'i ngos nas ri'i ngos su rgyu zhing song songs pa las zhes bya ba ni/ rig sngags kyi rgyal mo rma bya chen mo gser du snang ba las bya'i gzugs su mang du sprul cing/ de'i dbus su rma bya gser gyi mdog can blta na sdug pa/ mchu baiDUrya las byas pa 'dra ba rin po che sna bdun gyis spras pa'i bsdu dang gshog pa snang ba de/ de bzhin du mjug ma yang blta na sdug pa'o/ /sems can gyi don la rma bya rnams kyi dbus su gnas pa'o/ /ri khrod sdig can gyi mi rnams kyis mthong nas/ blta na sdug ba'i phyir bltas so/ /de'i phyir na kun dga' ra ba nas kun dga' ra bar gnas so/ /skyed mos tshal nas skyed mos tshal tu gnas so/ /de bzhin du ri'i ngos nas ri'i ngos su rgyu ba'o/ /de bag med par gyur pas ri'i ser ka zhig tu chud nas zhes bya ba ni/ rig sngags de rnams kyis ded pas rma bya de rnams ser ka la chung ngo/ /de der rig ngan gzhon nu yun ring du phyir rgol ba zhes bya ba ni rig ngan gyi ri khrod pa snying rje med pa rnams kyis sleb bo/ /dgrar gyur pa zhes bya ba ni bsod snying che zhes sdig la mi lta ba'o/ /'che bar gyur pas zhes bya ba ni/ gtum mo rigs can ser sna la sred pa'o/ /glags blta ba rnams kyis rma bya'i rnyis bzung ste/ zhes bya ba ni/ mi bdud kyi rigs can/ glags tshol zhing sems can la gnod pa skyel ba de lta bu'i sdig can gyis rig sngags kyi rgyal mo gser du snang bzung ngo/ /de'i 'dza ba'i
- 126b
nang du son pa dang/ zhes bya ba ni/ bdud kyi rigs can rigs ngan de yang/ rig sngags kyi rgyal mo rma bya chen mo gser du snang ba de'i byin brlangs kyis snying rje'i stobs rnyed pa'o/ /bran pa slar rnyed nas zhes bya ba ni dge ba'i sems dang ldan zhing mi dge ba bor te yang dag par rdzogs pa'i sangs rgyas kyi bka' bden pa dang rig sngags kyi byin gyis brlabs kyi dran pa rnyed pa'o/ /rig sngags kyi rgyal mo rma bya chen mo 'di nyid yid la byas so/ /zhes bya ba ni/ de 'dra ba tsam gyis snying rje rnyed cing/ /dkon mchog gsum la skyabs su 'gro zhing rig sngags rjes su dran pa'o/ /sangs rgyas la phyag 'tshal lo zhes bya ba ni rnam par dag pa ngo bo dang bral ba'o/ /chos la phyag 'tshal lo zhes bya ba ni/ rgya che zhing bsam gyis mi khyab pa ste/ sems can rnams la skyob cing dran pa nye bar bzhag pa'o/ /dge 'dun la phyag 'tshal lo zhes bya ba ni/ dgra bcom pa zag pa zad pa phyir mi ldog pa'i 'bras bu dang/ yang dag par rdzogs pa'i 'bras bu thob pa'o/ /rig sngags kyi rgyal mo rma bya chen mo la phyag 'tshal lo/ /zhes bya ba ni/ ming de dran pa de ni/ rig sngags kyi rgyal mo rma bya chen mo kun gzhi rnam par dran no/ /kun gzhi rnam par dag pa de ni rin po che'i de bzhin gshegs pa'i rigs so/ /de mtshon pa ni chos kyi dbyings kyi ye shes so/ /mtshon byed ni rig sngags kyi rgyal mo rma bya chen mo'o/ /de'i sku mdog dang phyag mtshan ni/ zhal bzhi la phyag brgyad pa sku mdog dkar ba dbu la sangs rgyas lngas brgyan pa/ spyi bo'i gtsug tu 'khor los mtshan pa/ spyan gsum pa/ zhal dang po zhing g.yas khro bo/ g.yon dregs tshul dang ldan pa/ rgyab rgod pa'o/ /g.yas mthing g.yon dmar rgyab ser ba'o/ /rgyan thams cad kyis brgyan pa/ g.yas brkyang g.yon bskum pa'i zhabs kyis zla ba'i dkyil 'khor la mnan cing/ pad+ma'i gdan la bzhugs
- 127a
pa'o/ /phyag g.yas pa rnams la ni/ ral gri dang/ 'khor lo dang/ rin po che dang/ mda' bsnams pa'o/ /g.yon pa rnams na ni lcag kyu dang/ tho ba dang/ rtse gsum pa dang/ pad+ma bsnams pa'o/ /gzugs kyi phung po rang bzhin sa'i khams skye mched mig /ye shes lnga'i rang bzhin/ nyi ma'i 'od dang bcas pa'o/ /de lta bu'i rigs dang bcas shing/ yid la byas te bsams pa dang/ tshor ba dang/ reg pa dang/ kha rlangs kyi dug bcom zhing/ sems can thams cad la bde bar gnas pa'i rig sngags so/ /rig sngags ni gang zhe na/ 'di lta ste/ hu hu hu hu hu/ nA ga le le le la sogs pa'o/ /de nas sdug bsngal de las thar te zhes bya ba ni ma rigs pa'i rang bzhin gyis gtum pa dang ser sna dang/ zhe sdang dang 'dod chags dang gti mug dang/ phrag dog la sogs pa'i sdug bsngal dang bral ba'o/ /de nas sdug bsngal dang/ bral ba tsam gyis/ de'i yul tsam la bkra shis shing/ mi nad dang phyugs nad dang 'brum bu la sogs pa'i nad dang/ yul de yang bde legs shing bkra shis zhing zhi bar gnas pa'o/ /dga' ba dang bde ba dang/ bdag gi yul tu phyin nas gsang sngags kyi tshig 'di dag kyang bzlas so/ /zhes bya ba ni/ mi des kyang rig sngags kyi rgyal mo rma bya chen mo gser du snang ba'i gzi brjid dang/ stobs dang byin gyis brlabs kyis/ rin po che'i rin chen rig sngags kyi rgyal mo rma bya chen mo'i tshig smras pa'o/ /zhi ba dang rgyas par 'dod par gyur na 'di gzhung bzhin du zhag nyi shu rtsa gcig /'khor lo bris la rgyal mtshan gyi rtse mo 'am/ mchod rten gyis rtse mo 'am yul lha'i rtse mor btags nas de na gnas pa'i lha 'dre rnams zhi bar 'gyur zhing/ mi nad dang/ phyug nad thams cad zhi bar 'gyur ro/ /yang na gang zag rang gis nyal ba'i sa'i steng ngam/ ya them la btags nas bkra shis shing
- 127b
sdug bsngal thams cad dang bral bar 'gyur ro/ /'chang ba dang/ klog pa byas nas tshe da lta'i sdug bsngal dang bral te/ che phyi ma yang de bzhin no/ /kun gzhi rnam par dag pa ni/ rig sngags kyi rgyal mo rin po che'i rin chen rigs yin te/ de mtshon pa ni mnyam pa nyid kyi ye shes so/ /mtshon byed ni rig sngags kyi rgyal mo rma bya chen mo'o/ /phung po ni tshor ba'i phung po ste/ chu'i khams so/ /skye mched ni sna'i skye mched do/ /ye shes lnga'i rang bzhin ni/ de'i sku mdog dang phyag mtshan ni/ zhal bzhi pa phyag brgyad pa sku mdog ser mo'i// dbu la rigs lnga'i dbu rgyan can/ spyi bo'i gtsug rin po ches brgyan pa/ spyan gsum pa rgyan thams cad kyis brgyan pa/ zhal dang po dregs tshul dang ldan pa/ g.yas khro bo g.yon rgad pa/ rgyab zhi ba'i tshul dang ldan pa'o/ /g.yas dkar ba g.yon dmar pa rgyab mthing ba'o/ /zhabs g.yas brkyang pa g.yon skum pa pad+ma'i steng du zla ba'i gdan la bzhugs pa'o/ /phyag g.yas pa dang po na ral gri bar ma gnyis ni rin po che'i 'khor lo'o/ /tha ma na rma bya'i sgro/ g.yon dang po na rdo rje/ bar ma gnyis na pad+ma dang/ rdo rje rgya bram/ tha ma na rma bya'i sgro/ nyi ma'i 'od dang ldan zhing sems can thams cad la don byed pa'o/ /rig sngags klags pa tsam gyis sems can thams cad bde bar gnas pa'o/ /sangs rgyas la phyag 'tshal lo zhes bya ba ni/ sngon du mi gnas phyis mi gnas? par ltar mi gnas pa/ bsam gyis mi khyab pa'o/ /chos la phyag 'tshal lo zhes bya ba ni/ mi gzung mi gnas rgya cher khyab pa/ rtogs pa'i rang bzhin sems nyid la'o/ /dge 'dun la phyag 'tshal lo zhes bya ba ni/ dge ba mang po de 'dus pa de yis sdig pa bshags pa ste/ 'phags pa dgra bcom pa dag pa'o/ /rma bya'i rgyal po gser du snang bas phyag 'tshal lo/ /zhes bya ba ni/ rma bya ni sgyu ma lta bu'i rang bzhin chos thams cad mi dmigs pa'o/ /bya ni ye shes kyi rang bzhin ma rig mun pa rang gsal gnyug
- 128a
ma'i rang bzhin no/ /'di ni gnas med cing ngag gis mi 'grub mi skye ba med pa'o/ /yang na rma bya ni de bzhin gshegs pa thams cad dang/ byang chub sems dpa' rnams kyi yum mo/ /gser du snang ba ni gser bzhin du kha dog gsal zhing lta na sdug pa'o/ /rgyal mo ni bdud bzhi las rgyal ba'o/ /rig sngags kyi rgyal mo rma bya chen mo la phyag 'tshal lo/ /zhes bya ba ni/ rig pa ni stong pa nyid do/ /stong pa nyid ni shes rab bo/ /shes rab ni mi dmigs pa'i rang bzhin/ rang bzhin gyis 'od gsal ba'i ye shes so/ /sngags ni ma man+t+ra'i don gyis bskyabs pa dang skyob pa'i rang bzhin stong pa nyid du gnas pa'o/ /rgyal po ni ma rig pa las rgyal ba ste/ ma rig pa de ni 'khor ba'i rgyu'o/ /'khor ba'i rgyu de ni bdud bzhi'o/ /de las rgyal pas na rgyal mo'o/ /chen mo ni bsam gyis mi khyab cing/ nam mkha' bzhin du 'jig rten gyi khams rnams la khyab pa'o/ /rig sngags kyi gsang sngag kyi tshig gang zhe na/ 'di lta ste/ sI de su si de la sogs pa'o/ /sangs rgyas thams cad la phyag 'tshal lo zhes bya ba ni/ rig sngags kyi rgyal mo phyag rgyas btab pa/ 'das pa dang/ ma 'ongs pa dang/ da ltar byung ba'i sangs rgyas rnams so/ /bdag la dge ba dang/ bsrung ba mdzad du gsol/ /zhes bya ba ni/ gang zag sems can thams cad dang rig sngags kyi rgyal mo rma bya chen mos bsrung ba'o/ /lo brgya mtsho bar gyur cig ces bya ba ni/ 'di la 'chang ba dang/ gus par byed cing tshe ring zhing bkra shis te/ nad thams cad bral ba'o/ /ston brgya mthong bar shog cig ces bya ba ni/ ji srid ma shi bar du bde bar gnas shing yang nas yang du tshe mnan par 'gyur ro/ /rig sngags kyi rgyal mo 'di kun gzhi rnam par dag pa thabs shes rab gnyis su med pa/ mtshon par byed pa ni/ so so'i rtogs pa'i ye shes te/ mtshon byed ni rig sngags kyi rgyal mo'o/ /rigs ni rin po che pad+ma'i
- 128b
rigs so/ /'du shes kyi phung po mo'i khams lce'i skye mched do/ /ye shes lnga'i rang bzhin gsal zhing/ phyag brgyad sku mdog dmar mo'o/ /sangs rgyas lnga'i dbu rgyan can/ /dbu la pad+mas brgyan pa/ spyan gsum pa brgyan thams cad kyis brgyan pa/ zhal dang po cung zad khro ba/ /g.yas zhi ba g.yon dregs tshul dang ldan pa/ rgyab khro mor bsam mo/ /g.yas dkar po/ g.yon mthing kha/ rgyab ljang gu'o/ /zhabs g.yas brkyang pa/ g.yon bskum pa/ pad+ma'i steng du zla ba'i gdan la bzhugs pa'o/ /phyag g.yas ba rnams na/ ral gri dang/ pad+ma dang/ 'khor lo dang/ rin po che'o/ /phyag g.yon pa rnams na/ zhags pa dang/ lcags kyu dang/ rma bya'i sgro dang/ dgra stabs snams pa'o/ /'od dang ldan zhing/ sems can thams cad la thugs rje'i spyan gyis gzigs pa'o/ rig sngags kyi gsang sngags 'dis char 'bebs pa'i thabs ni rig sngags kyi gzhung du byas nas/ ri 'am chu mig gnyan po 'am/ sngags 'di bris nas mnan par bya'o/ /de bzhin du klu gang gnas pa'i ming byang bris la/ gu gul nag po 'am/ /mu zi nag po 'am/ ldong ros sam/ mi zhun bsres la sdong bu byas te/ de mnan pa dang bsreg par bya'o/ /rig sngags kyi gsang sngags ni 'di yin te/ drag por bzlas shing/ klu mdza' yas la sogs pa bskul bar bya'o/ /'di lta ste/ hu tsi gu tsi/ d+hu? tsi/ mya? tsi swAhA/ zhes ??/ /de bzhin byas na the tshom med cing char 'bebs par 'gyur ro/ /rin chen rigs kyi pad+ma'i rig sngags 'das dug za bar gyur na/ zas la btab la sbyin no/ /'byung po rnams la byin na snying kha la btab bo/ /rims nad byung spyi bo'i gtsug ? ? pa'i sman dang sngags gdab po/ /de ltar byas na the tshom med do/ /yang dag par rdzogs pa'i sangs rgyas rnams kyi bka' o/ /kun dga' bo zhes bya ba ni/ yang dag par rdzogs pa'i sangs rgyas shAkya thub pas sems can gyi
- 129a
don la kun dga' bo la bka' stsal pa/ de'i tshe de'i dus zhes bya ba ni sngon me? de'i dus na/ rig sngags kyi rgyal mo rma bya chen mo 'byung ba'i dus so/ /rma bya'i rgyal mo gser du snang ba zhes bya ba de zhes bya ba ni/ 'das pa dang/ ma 'ongs pa dang/ da ltar byung ba'i sangs rgyas rnams kyis gsung zhing/ rjes su yi rang ba sdug bsngal thams cad dang bral bar byed pa/ phyi'i dug dang nang gi dug 'joms pa'o/ /gzhan yin pa snyam du khyod sems na/ de ltar mi lta'o zhes bya ba ni/ sngon yang gi glu krung gi bye ma stong phrag brgyad khri brgyad cu rnams de bzhin gshegs pas gsungs te/ de ltar yang ngas gsungs pa'o/ /de bzhin du 'das pa rnams kyis kyang gsungs pa'o/ /de bzhin du ma 'ongs pa rnams kyis kyang gsung bar 'gyur ro/ /de ci'i zhe na zhes bya ba ni/ rig sngags kyi rang bzhin bsam gyis mi khyab pa brjod du med pa'o/ /rig sngags kyi slob dpon las kyi rdo rjes tshigs su bcad de gsungs pa/ sems ni sems kyi rigs ma yin/ ji srid sgros btags thams cad ni/ de kun thams cad med pas ma rig pa'i dam? la sgro btags med/ /des ni dgag dang sgrub pa med/ /shes pa gang zhig lhun grub pa/ /de la bsam gyis mi khyab brjod/ /bsam zhing du ni mi khyab pa/ /de la bsam gyis mi khyab brjod/ /gang zhig 'gro ba ma skyes zhes// glo ni rtag pa rtogs pa nyid/ /'gro ba'i gnyug ma bde ba nyid/ /blo dang ldan pas 'bad pa med/ /sgros btags kun las nges sgrol ba/ /bdag gi de nyid du ni brjod/ /stong pa la sogs mngon brjod pa/ /de la sgro btags brjod pa yis/ /zhes brtan pa'o/ /dbu ma'i lam nas rig pa'i don bstan pa'o// //de bas na kun dga' bo zhes brjod pa'o/ /nga nyid de'i tshe de'i dus na rma bya'i rgyal mo gser du snang ba zhes bya bar gyur to zhes bya ba ni/ de'i ngo bo nyid rig pa'i
- 129b
rgyal mar snang ste/ de ni kun rdzob kyi rang bzhin gyis sems can gyis don la snang bar gyur pa'o/ /kun dga' bo zhes bya ba ni sems can gyi don la bka' stsal pa'o/ /rig sngags kyi rgyal mo rma bya chen mo snying po 'ang yang dag par bzlas par bya'o/ /zhes bya ba ni sems can gyi don gyis glags pa de nyid yin te/ stong pa nyid kyis ma grub pas/ ma man tra'i don du skyabs pa dang/ /skyob pa'i don gyis rin chen rig sngags kyi las rigs kyi sprul pa'o/ /de yang kun bzhi rnam par dag pa ni stong pa nyid yin te/ thabs dang shes rab bral ba'i ye shes ni 'ching ba'o/ /shes rab dang thabs dang 'dzom pa'i ye shes ni grol ba'o/ /sus gsungs she na yang dag par rdzogs pa'i sangs rgyas kyis/ 'phags pa dri ma med par bstan pa zhes bya ba theg pa chen po'i mdo nas kyang gsungs so/ /shes rab bral ba'i thabs kyang 'ching ngo/ /thabs dang bral ba'i shes rab kyang 'ching ba'o/ /shes rab dang bcas pa'i thabs ni thar ba'o/ /thabs dang bcas pa'i shes rab ni thar ba'o/ /zhes gsungs so/ /'di dag de'i bdag nyid ni bla ma'i man ngag nyid nas sgron ma dang snang ba bzhin du lhan cig skyes pa bsgrub pa bzhin du rtogs par bya'o/ /de bas na stong pa nyid dang snying rje dbyer med pa'o/ /'dir yang stong pa nyid ni ye shes te mtshon par byed pa de bya ba nan tan kyi ye shes so/ /bdag nyid lta bu'i mtshon byed ni rin chen las kyi rigs kyi rma bya chen mo'o/ /zhal bzhi ston pa ni/ byams pa dang/ snying rje dga' ba/ btang snyoms kyi sgo nas rnam par dag pa'o/ /sku mdog ljang gur bstan pa ni/ rig sngags 'dis las thams cad 'grub par bstan ba'o/ /rnam par dag pa'o/ /ljang gu dang/ ser po dang/ dkar po dang/ dmar po'i zhal ni zhi ba la sogs pa'i las rnam bzhis bstan pa'o/ /de bzhin gshegs pa lnga'i dbu rgyan can ni/ ye shes
- 130a
lnga'i rang bzhin bstan pa'o/ /dbu la sna tshogs kyi rdo rjes brgyan pa ni/ rigs ma nges pa las kyi rigs kyi mtshan nyid do/ /spyan gsum pa ni/ ting nge 'dzin nye bar bstan pa'o/ /khro mor bsgom pa ni/ theg pa sna tshogs yod pas theg pa chen po'i rang bzhin bstan pa'o/ /sbrul gyi yan lag brgyan pa ni/ ma rungs pa'i gdugs pa can klu dang gnod sbyin la sogs pa 'dul ba'i phyir ro/ /rgyan thams cad kyi brgyan pa ni/ pha rol tu phyin pa drug gi rnam par dag pa'o/ /phyag brgyad du bstan pa ni/ rnam par thar pa brgyad do/ /g.yas dang po na ral gri bsnams pa ni/ shes rab kyi rang bzhin no/ /de'i 'og ma na rdo rje 'dzin pa ni ye shes lnga'i rang bzhin thabs so/ /g.yon dang po na sdigs 'dzub zhags pa ni 'gro ba ma lus pa'i sems can thams cad bcing ba'o/ /de'i 'og ma rtse gsum 'dzin pa ni/ nges par srid pa gsum 'joms pa'o/ /bar ma g.yas g.yon gnyis na mda' gzhu 'gengs pa ni thabs shes rab gnyis su med pa'i brda' bstan pa'o/ /'og ma g.yas g.yon gnyis na rma bya'i sgro bsnams pa ni/ nang gi dug dang phyi'i dug nges par 'joms pa'o/ /zhabs g.yas brkyang bas klu mnan pa ni/ srid pa 'joms pa'o/ /g.yon bskum pas gnod sbyin no/ /mya ngan gyi tshul gyis mnan pa'o/ /pad+ma sna tshogs kyi gdan ni theg pa sna tshogs bstan pa'o/ /nyi zla gdan la gting ba ni thabs dang shes rab zung du 'brel pa'o/ /'od gzer sna tshogs dang ldan pa ni khro bo'i tshul gyis gdug pa can rnams 'dul ba'o/ /ye shes lnga'i rang bzhin ni rigs lnga rnam par dag pa'o/ /rin chen rigs kyi rma bya chen mo ni/ las thams cad grub cing dug thams cad bcom pa'o// //ser ba bsrung bar 'dod na rig sngags bzlas shing gdon zlog ste/ rig sngags kyi rang bzhin byas nas g.yas na zor ba
- 130b
'dzin pa g.yon na zhag pa 'dzin pa/ rig sngags bzlas shing drag por gdon bzlog par bya'o/ /bdag nyid bsrung bar 'dod na/ gro ga 'am shin shun nam ras la bris la/ mgul lam lag pa la gdags so/ /nad pa gso bar 'dod na rig sngags kyi snying po'i bzlas par bya'o/ /gu gul nag po dang/ ldong ros dang/ mu zi dang/ shu dag dang/ gla rtsi dang/ btsan dug dang/ brag zhun dang/ mi sha dang/ khyi sha dang/ rta sha dang/ yungs kar dang/ zi ra nag po dang/ mi'i zhun gyis sbyar bar bya'o/ /bdug pa dang/ byug pa yin te/ des byas na nad rnams 'bros bar 'gyur ro/ /dug 'thungs na chu la btab la sbyin no/ /las thams cad grub pa'i rig sngags kyi gsang sngags gang zhe na/ 'di lta ste/ i ti mi ti la sogs pa'o/ /yang las kyi rdo rjes tshigs su bcad de gsungs pa/ gang zhig gang zag 'di grub na/ dngos grub thams cad 'di yis 'grub/ rnam par thar pa 'di yis 'grub/ /dri ma thams cad 'dir bral lo/ /skad cig mas ni bsgom byas na/ rig sngags 'chang ni 'dir 'grub po/ /rdzogs pa'i sangs rgyas rnams gsungs pa/ gnyis pa'i sems ni 'dir med do/ /de skad du gsungs pa'o/ /kun dga' bo zhes bya ba ni de bzhin gshegs pa'i zhal nas sems can don du bka' stsal pa'o/ /'di ni rig sngags kyi rgyal mo rma bya chen mo'i snying po yin no/ /zhes bya ba ni/ srung ba'i dam pa las kyi snying po gang du yang dran par gyur na grub par 'gyur ro/ /kun dga' bo zhes bya ba ni/ yang nas yang du sangs rgyas kyis 'gro ba rigs drug gi don du gsungs pa'o// rig sngags kyi rgyal mo rma bya chen mo 'di grong na 'dug na yang yid la bya'o/ /zhes bya ba ni yid bzhin gyi nor bu 'di 'dug par gyur nas rjes su yi rang nas/ rmi lam ngan pa dang ltas ngan pa zlog par 'gyur ro/ /dgon pa na 'dug gam zhes bya ba
- 131a
ni bsgom pa la bar chod med cing myur du bsgom pa 'grub pa'o/ /lam na 'dug gam zhes bya ba ni 'gro ba'i bsam pa grub cing/ myur du bkra shis par slebs pa'o/ /lam gol ba na 'dug gam zhes bya ba ni 'gro ba'i dus su dgra dang mi phrad cing 'gro ba'i bsam pa grub cing/ myur du khyim du slebs pa'o/ /rgyal po'i pho brang 'khor na 'dug gam zhes bya ba ni/ rgyal pos chad pas mi cod cing byams pa'i gtam thob par 'gyur ro/ /chom rkun gyi nang na 'dug gam zhes bya ba ni/ de rnams kyis mi mthong zhing rang gi yul tu nye bar sleb ste/ gal te mthong bar gyur na rig sngags kyi gzi brjid kyis 'joms par mi 'gyur ro/ /me'i nang na 'dug gam zhes bya ba ni/ khyim mam yul lam nags chal mes tshig par gyur na/ de'i nang du chud nas kyang me'i 'jigs pa dang bral bar 'gyur ro/ /chu'i nang na 'dug gam zhes bya ba ni rgya mtsho'i nang na rdzing bu chen po rgal ba'am/ gru'i nang du chud pa'am/ rab rgal ba la sogs pa chu'i nang du chud pas kyang/ chu de rnams kyi 'jigs pa med cing bkra shis par rang gi khyim du sleb bo/ /dgra'i nang na 'dug gam zhes bya ba ni gzhan yang glags tshol zhing dgra bor gyur pa 'am/ ngo mi shes shing dgra'i yul tu song ba'am/ rig sngags dran pa tsam gyis dgra bo'i nang nas yang thar bar 'gyur ro/ /phyir rgol ba dang dgra bo'i nang na 'dug gam zhes bya ba ni/ skungs kyi nang du chud pa 'am/ phyi rol gyi dmag 'dren pa'am/ 'di yid la byas pas na de rnams kyi nang du chud na yang grol bar 'gyur ro/ /'khor gyi nang na 'dug gam zhes bya ba ni 'khor de yang ngan sems skye bar 'gyur bas na/ de'i sems de bzlog par 'gyur ro/ /de bas na rig pa de yang yid la bya'o/ /rtsod pa'i dus su na 'dug gam zhes bya ba ni/ rtsod ba la yang gnyis te/ phyi rig pa la spros bas rtsod pa dang/ nor
- 131b
gyi khyim la mthun pas rtsod pa'o de la yid la byed par gyur na yang rgyal bar 'gyur ro/ /sprul gyis zin tam zhes bya ba ni/ gdug pa can rnams mchi ba'i dug gis zin pa rig sngags kyi rgyal mo 'di yid la dran pa tsam gyis kyang dug nges kyang mi tshugs par 'gyur ro/ /dug 'thungs sam zhes bya ba ni/ sbyor ba'i dug dang bsdad ba'i dug 'thung bar gyur pa rnams kyang rig sngags kyi snying po ni tshar bdun nam/ lan grangs nyi shu rtsa gcig gan? brgya rtsa brgyad dam de chu la btab nas 'thungs na yang mi tshugs so/ /'jigs pa thams cad 'dus pas na yang yid la bya'o zhes bya ba ni/ gzhan gyis mi thub pa'i rig sngags kyi snying po 'di yid bzhin gyi nor bu bzhin du shin tu dkon pa 'di yid la byas par gyur na/ dus ma yin pa'i 'jigs pa chen po brgyad las kyang thar bar 'gyur ro/ /bad kan las thar gzhan yang 'jigs pa phra mo las thar bar 'gyur ro/ /rlung las gyur pa dang zhes bya ba ni/ rlung gi nad bzhi brgya rtsa bzhi yang rig sngags kyi gzi brjid kyis zhi bar 'gyur ro/ /mkhris pa las gyur pa dang zhes bya ba ni de bzhin du mkhris pa'i nad bzhi brgya rtsa bzhi las kyang thar bar 'gyur ro/ /bad kan las gyur pa dang zhes bya ba ni bad kan kyang bzhi brgya rtsa bzhi yin te/ rig sngags kyi gzi brjid dang yid la byas par gyur na de rnams kyis kyang mi tshugs so/ /'dus pa las gyur pa dang zhes bya ba ni/ rlung dang mkhris pa dang bad kan dang/ de gsum 'dus pas na 'dus pa zhes bya ste/ ldan pa ni gang dag gnyis ldan pas na ldan pa'o/ /de lta bu'i nang la yang yid la byed par gyur na/ nad de kun gyis kyang mi tshugs so/ /nad bzhi brgya rtsa bzhi las nang gang yang rung bas btab par gyur dang zhes bya ba ni/ gzhan mi cig pa re re la yang mi cig pa bzhi brgya rtsa bzhis gnas te/ nad de rnams kyis kyang mi tshugs so/ /'phongs par gyur na yang shin tu yid la bya'o zhes bya ba ni/ phongs pa la rnam pa gsum ste/ mis 'phongs pa dang/ nor gyis 'phongs pa
- 132a
dang/ rig pas 'phongs pa'o/ /de kun gyis 'phongs na yang rig sngags 'di yid la bya'o/ /de ci'i phyir zhe na/ kun dga' bo la smras pa/ kun dga' bo zhes bya ba ni bcom ldan 'das kyis kun dga' po la lan du gsungs pa'o/ /gsang pa'i rigs pa ni chang pas bral bar 'gyur zhes bya ba ni rgyal po 'am gzhan yang 'byung po la sogs pas gsang ba'i sems yod pa la de rnams kyis kyang mi tshugs par 'gyur ro/ /chad pas bcad pa'i rigs pas ni gzhu tsog gis so zhes bya ba ni sems ngan zhing chad pa gcod 'dod pa'i sems de la yang byams pa'i sems dang ldan pa'o/ /gzhu tsog gi rigs pa ni brgyad pas so zhes bya ba ni/ gzhu tsog cing bskur ba gdab 'dod pa de yang bkag cing snying rje'i sems dang ldan par 'gyur ro/ /brgyad bkag pa'i rigs pas ni dam bcas pas so/ /brgyad de phyed par 'dod pa'i sems dang ldan par byed pa yang brgya khrol cing mi snang bar byed pa'o/ /dam bca' ba'i rigs pa ni spu zing zhes bya bas so zhes bya ba ni gti mug dang/ 'dod chags dang/ zhe sdang dang/ ser sna dang/ phrag dog go /spu zing zhes bya ba'i rigs pa ni/ de bzhin du thar par 'gyur te zhes bya ba ni/ dug lnga'i rang bzhin gyis bkag pa'i mun pa ni/ rang bsal ye shes kyis snang bar 'gyur ba'o/ /de ci'i phyir zhe na/ rig sngags kyi rgyal mo rma bya chen mo'i rig pas snang ba'o/ /de'i nad thams cad kyang ldog par 'gyur ro/ /zhes bya ba ni/ ma rig pa'i mun pas bkag nas/ 'khor ba'i sdug bsngal gyi nang yin te/ rig sngags kyi rgyal mo rma bya chen mo'i gzi brjid kyis me mang gyis kyang nad thams cad kyang thar ba'o/ /rig sngags kyi rgyal mo rma bya chen mo'i rin chen gyi rigs lnga phye ba'i gnas skabs te lnga pa'o/ //kun dga' bo zhes bya ba ni sems can la thugs rje chen po'i phyir/ kun dga' bo la
- 132b
smras pa/ rig sngags dang/ gsang sngags gzhi 'di yang yid la bya'o zhes bya ba ni/ rig sngags kyi rgyal mo 'di kun gzhi rnam par dag pa/ thabs shes rab zung du 'jug pa rin po che'i rigs mtshon bya ni/ mnyam pa nyid kyi ye shes so/ /mtshon byed ni/ rig sngags kyi rgyal mo rma bya chen mo'o/ /tshor ba'i phung po chu'i khams sna'i skye mched do/ /sku mdog dang phyag mtshan bsal ba ni/ zhal cig /phyag gnyis ba sku mdog ser mo /dbu la rigs lngas brgyan pa/ spyan gsum pa rgyan thams cad kyis brgyan pa/ lo bcu gnyis pa'i cha byad can/ phyag g.yas pa na mchod sbyin mdzad pa/ /g.yon pa na rma bya'i sgro bsnams pa'o/ /zhabs byed skyil tu bzhugs pa/ pad+ma'i steng na zla ba'i gdan/ nyi ma'i 'od zer dang ldan pa/ ye shes lnga'i rang bzhin de lta bu'i rig sngags yid la bya'o/ /'di yid la byas par gyur na glags tshol ba rnams kyis kyang glags mi rnyed do/ /rig sngags kyi gsang sngags gang zhe na/ 'di lta ste/ rtsi li mi li la sogs pa'o/ /kun dga' bo zhes bya ba ni/ yang dag par rdzogs pa'i sangs rgyas shAkya thub pas 'gro ba rigs drug gi don du kun dga' bo la gsungs pa'o/ /de bzhin gshegs pa gsungs pa'i rig sngags kyi rgyal mo rma bya chen mo 'dis zhes bya ba ni 'das pa'i de bzhin gshegs pa rnams kyis kyang rjes su yi rang zhing srung ba ste/ de bzhin du ma 'ongs pa rnams kyis kyang srung bar 'gyur ro/ /da ltar yod pa rnams kyis kyang srung ba'o/ /de bzhin drug la sogs pa gaM gA klung gi bye ma snyed stong phrag brgyad khri rnams kyis kyang srung ste/ de yang rang rang gi gzi brjid kyis gsungs pa'o/ /rang gi gzi brjid ni gang zhe na/ sangs rgyas rnams kyi gzi brjid dang/ gtsug tor can gyi stobs rnams dang/ /thams cad skyobs kyi bden tshig dang/ log dang sel gyi ting 'dzin dang/ gser thub gyi ni ye shes so/ /'od srung
- 133a
kyi ni rdzu 'phrul lo/ /shAkya seng ge'i brtson 'grus kyis/ /byams pa mgon po'i shes rab bstan/ /'das dang ma 'ongs da ltar dang/ /de bzhin rig sngags rim bzhin bsrungs/ /rig sngags kyi rgyal mo 'di yang/ mthu che zhing sems can rnams la thugs rjes khyab pa'o/ /srung bgyis shig ces bya ba ni/ gang zag sems can thams cad la'o/ /yongs su sba ba dang zhes bya ba ni rig sngags kyi don gsang bar byas pa sba ba'o/ /gang sba zhe na/ 'jigs pa thams cad las sbas pa'o/ /yongs su skyab pa dang zhes bya ba ni/ 'jig rten 'di'i sdug bsngal las yongs su skyab pa dang/ ngan song gsum la yongs su skyab pa dang/ 'khor ba'i sdug bsngal gyi 'jigs pa las bskyab pa'o/ /yongs su bzung ba dang zhes bya ba ni/ ma rig pa'i zhen pas mi dge ba bcu'i lam du 'jug ste/ der 'gror ma ster bas na yongs su bzung ba'o/ /yang na 'khor bar 'gro 'dod pa rnams bzung bar bya'o/ /yongs su bskyang ba dang zhes bya ba ni/ /rig sngags kyi ye shes kyis/ ma rig pa'i mun pa bsal ba ste/ rang bzhin 'od gsal gyis/ /ye shes kyi gsal ba'o/ /zhi ba dang bde legs su 'gyur ba dang/ zhes bya ba ni/ nad rnams zhi ba dang/ 'jig rten gyi sdug bsngal zhi ba'o/ /nor phun sum tshogs pa dang/ mi phun sum tshogs pa dang 'bru phun sum tshogs pa'o/ /nad thams cad dang bral zhing 'byung po 'am mi 'am cab cob kyi 'jigs pa mi 'byung zhing tshe phyi ma la yang de bzhin no/ /chad pa spang ba dang zhes bya ba ni rgyal po'am/ 'byung po 'am/ gshin rje la sogs pa'i chad pa spang ba'o/ /mtshon cha spang ba dang zhes bya ba ni dmag gam dgra la drug gam/ gzhan yang long med par 'byung ba'am/ de rnams thams cad spang bar 'gyur ro/ /dug gzhil ba dang zhes bya ba ni/ rig sngags kyi rgyal mo'i gzi brjid kyis 'gro ba'i dug dang bsdad pa'i dug dang byas pa'i dug dang gsum zhi bar 'gyur/ dug
- 133b
bsad pa dang zhes bya ba ni/ 'jig rten pa'i dug gsum ste/ de yang nang gi dug dang phyi'i dug go /nang gi dug ni gti mug dang/ 'dod chags dang/ zhe sdang gsum mo/ /phyi'i dug ni mche ba rtsa ba la spyod pa'o/ /mtshams bcad pa dang zhes bya ba ni/ phyogs mtshams brgyad dang bcu bcad de/ de las bcad pas na mtshams bcad pa'o/ /sa bcing bgyis shig ces bya ba ni sa la rgyu ba'i 'byung po la sogs pa rnams la yang bcing ba'o/ /lo brgya 'tsho bar gyur cig ces bya ba ni sdug bsngal dang bral zhing phun sum tshogs pas lo brgyad 'tsho bar 'gyur ba'o/ /ston brgya mthong bar shog shig ces bya ba ni/ nad med cing tshe ring ba ste/ bkra shis shing phongs pa med pa/ shi ba'i dus su yang rgas pa ma tshor bar 'chi ba'o/ /kun dga' bo zhes bya ba ni/ bsrung ba'i don du sems can gyi sdug bsngal la bcom ldan 'das kyis bka' stsal pa'o/ /gang rig sngags kyi rgyal mo rma bya chen mo 'dis bsrung ba byas shing sbas pa dang/ zhes bya ba ni 'di la gus nas 'chad ba'i gang zag de klog pa dang/ sgom pa dang/ bshad pa dang/ rjes su yi rang ba dang/ mchod pa dang/ smon lam gdab pa dang/ bla mar byed pa dang/ dkyil 'khor bzhengs pa la sogs pa byas nas yongs su sba ba la sogs pa byed par 'gyur ro/ /de ci'i phyir zhe na/ thugs rje che zhing mthu che ba ste/ gzi brjid dang/ stobs dang/ kha dog dang/ grags pa dang ldan te/ yang dag par rdzogs pa'i sangs rgyas rnams la phyag rgya'i rgyas gdab cing sangs rgyas rnams kyis kyang rjes su yi rang zhing gsungs pa'o/ /'jig rten 'di yi lha rnams dang zhes bya ba ni/ dmyal ba'i gnas nas gzugs med pa'i khams rnams so/ /dmyal ba la tsha ba'i dmyal ba dang/ grang ba'i dmyal ba gnyis gcig tu brtsis te/ brgyad do/ /byol song dang/ yi dags gnyis te bcu'o/ /mi yul gling bzhi la sor sor grangs pas bzhi/ lha la drug go /de ni 'jig rten 'dod pa'i
- 134a
khams so/ /bsam gtan dang po nas bzung nas/ gtsang ma rigs kyi lha man chod ni gzugs khams kyi 'jig rten no/ /skye mched mu bzhi gzugs med pa'i 'jig rten gyi khams so/ /de bas na 'jig rten 'di'i lha rnams dang zhes pa'o/ /bdud rnams dang zhes bya ba ni/ gar dbang phyug gi 'khor bdud kyi lha rigs stong phrag brgyad cu'o/ /tshangs pa spyod pa zhes bya ba ni/ mi mjed kyi 'jig rten gyi khams bdag po tshangs pa nas gzugs khams kyi lha man chad do/ /dge slong dang zhes bya ba ni/ rab tu byung zhing tshangs par spyod pa'i gzugs snang ba'o/ /bram ze'i lus su skyes pa 'am zhes bya ba ni mi'i 'jig rten gyi khams su/ rigs bzang por skyes nas gnas pa rnams so/ /skye dgu'i bdag po rnams zhes bya ba ni/ lha dang mi'i bye brag tu smra ba rnams so/ /lha dang mi dang lha ma yin rnams so/ /zhes bya ba ni/ gzhan yang de rnams kyis kyang rig sngags kyi rgyal mo rma bya chen mo la gus par byas nas/ de rnams la yang bsrung ba dang/ spa ba dang/ bskyang ba dang/ bya bar? 'gyur ro// sa bcing ba las rnam par 'tsho ba'i byir 'ong ba zhes bya ba ni/ 'byung po de rnams dge ba la bar du gcod cing glags tshol ba rnams yin te/ de ni bdud kyi rang bzhin 'khor ba la gnas par byed pa'i rgyu nad rnam pa sna tshogs btang ba'i bdag po dang/ sems can rnams la gnod pa skyel zhing sa dang sa'i bar snang sa 'og chu la rgyu ba rnams so/ /de rnams kyi stobs ni ri rab tsam sgul zhing sa g.yo bar byed do/ /de ni gzugs kyi rang bzhin can yin te/ yid kyi rang bzhin can no/ /de rnams kyi sems can rnams la glags tshol zhing/ 'tshe bar byas pa'o/ /lha 'am zhes bya ba ni lha'i 'byung po stong phrag brgyad cu'o/ /lha mo 'am zhes bya ba ni/ lha mo'i gzugs stong phrag brgyad bcu'o/ /lha'i bu 'am zhes bya ba ni/ lha'i bu stong phrag brgyad cu'o/ /lha'i bu mo'am
- 134b
zhes bya ba ni lha'i bu mo'i gzugs stong phrag brgyad bcu'o/ /lha rgan mo 'am zhes bya ba ni lha rgan po'i gzugs stong phrag brgyad cu'o/ /lha rgan po 'am zhes bya ba ni/ rgan mo'i gzugs stong phrag brgyad cu'o/ /lha'i 'khor bo 'am zhes bya ba ni lha'i 'khor po'i gzugs? stong phrag brgyad cu'o/ /lha'i 'khor mo nas rnon po'i 'khor mo 'am zhes bya ba la sogs pa stong phrag brgyad cu rnams so/ /de rnams kyis glags tshol ba ni ci'i phyir zhe na/ 'byung po ma rungs pa rnams gzugs sna tshogs su sprul cing glags tshol ba'o/ /de dag gi ni mdun rgyug pa/ 'byung po gnod sbyin lus po che/ /lag pa bzhi pa ma rungs pa/ rkang mangs dang ni rkang gcig pa/ /rkang bzhi pa la rkang gnyis pa/ /rkang pa bsgreng la spyi'u tshugs dang/ /lus mdas mgo bo gcig pa dang/ /lus gcig pa la mgo bzhi pa mig mangs po la lus gcig dang/ /mig gcig lto ni bcu gnyis dang/ bung bu rnga mo glang chen mgo /lag pa bsgreng la mgo btung dang/ /mtshon cha'i so dang mtshon cha'i lag /mtshon cha'i rkang pa'i srin po rnams/ /zangs kyi skra dang zangs kyis so/ /zangs kyi mig dang zangs kyi lag /zangs kyi tho ba'i rkang ba dang/ zangs kyi sna dang lcags kyi kha/ /rkang lag kun tu 'bar ba dang/ mi yi lus su gnas pa rnams/ /sgur zhar lpa ba gsum yod pa/ /mig mi sdug la kha gle ba/ /chu srin stag gi gzugs dang ni/ /gzugs mi sdug dang kha ral lo/ /mchu 'phyang po dang so yon po/ /rab tu stug de khro gnyer can/ /gsus po che dang bu sna'o/ /sna 'phyang po dang rna ba med/ /lag rings po dang rna ba ring/ sna yi rtse dang lag rtse ring/ /lus skams lus ni ring ba dang/ sgra ring rab tu brgyan pa dang/ /rkang pa mid pa phra ba dang/ /dri nga ba dang bum lto bo/ /yan lag chu srin 'dra ba dang/ /gtun shing tho ba 'dra ba'i lto/ rnam lto bo la rna bo che/ /gyen du sla rdzes rab tu dmar/ /mgo bo che la gzhu 'grin po/ /sken po sgur bo bum lto ba/ ri rab rtse mo bsgul
- 135a
nas su/ /me mdag gi ni char ba 'bebs/ /ljon shing ri yi rdo ba dang/ /sprin gyi tshogs kyi mdog 'dra ba/ /dung dang rnga chen rdza lnga dang/ /grul bum rnga chen rnams kyi sgra/ /'jigs pa'i sgra ni rab tu 'byin/ mig po che la bum bu'i sgra/ nag po sngon po ser po dang/ dmar ser me dang dmar ser dang/ khyab 'dra'i spu dang ral gri sgra/ /dmar po'i khrag gis bskus pa rnams/ /me ro dag ni khyer nas su/ /za bzhin du ni rnam par rgyug /so rnon lag pa dmar ba dang/ mchu ni khrag gis bskus pa dang/ /lus phyed dag ni zos pa dang/ /mkha' ma snying dang nang grol gyis /snyim pa bzhin du bkang ba dang/ /byis pa dag ni za bzhin du/ /mer mer po dang srog chags kyi/ rkang lag rnams kyi stobs kyang 'phrog/ keng rus kyi naM lus kyis su/ /skye bo mang po skrag par byed/ /khrag gi rab tu bkang ba yi/ /mi yi pags pa thogs nas su/ /mi bzad dug gis kun bskus te/ /phyogs phyogs dag tu rnam par rgyug /grong khyer rnams kyi sgo dag dang/ /khyim nas khyim du rnam par 'thor/ /rlung dang bad kan mkhris pa rnams/ /phyogs bzhi dag tu 'khrug par byed/ /de ltar de ni rgyal po yi/ /gdon dang 'jig pa chen po nas/ /lhags par de dag thams cad kyang/ /'byung po de dag rnams kyis kyang/ /glags tshol ba yi dus su yang/ /mi'i 'jig rten 'di la rmi lam dang rtags bstan pa'o/ /phyogs bcu dag tu 'jigs pa skyed/ /bud med dag dang skyes pa dang/ /de bzhin khye'u bu mo dang/ /mngal na 'ang gnas pa 'ang 'jigs pa skyed/ /dud 'gro'i skye gnas rtogs pa'ang 'tshe/ /skar ma dag dang nyi zla dang/ /gtum pa'i gzang? rnams gnod par bgyid/ /lo tog sa bon 'bras bu dang/ /me tog sman dang zas skom dang/ /mi rnams kyi ni dpa' 'phrog cing/ /mthon po rnams kyang dma' bar bgyid/ /'jig rten bdag na nod pa rnams/ /dmag dang thab mo sha gnyer dang/ tshig gam
- 135b
zhig gam gsang bya ba/ /de kun 'byung po'i rnam pas gyur ro/ /sped cing star bar bgyid pa dang/ /bzlog par bgyid cing god par bgyid/ /'jigs par bgyid cing lta bar bgyid/ /dgrar 'gyur ba yang ston par bgyid/ /sdig pa'i rmi lam mthong bar bgyid/ /nyal bdag la gnod pa bgyid/ /sgo nas se gol sgra 'byung zhing/ /mi nyan brjod de za bar bgyid/ /mdza bo gnyen bshes gzugs dag tu/ /gda' zhing bka' mchid smra bar bgyid/ /bu mo sdug gu'i gzugs dag tu/ /'dod la spyod pa gda' bar bgyid/ /nyi ma skar ma'i gzugs dag tu/ /zla ba'i gzugs su gda' bar bgyid/ /rlung dang skar mda' lce gzugs su/ /de la gnod par de dag gda' / /skar ma'i tshegs dang 'dra ba dag /'jigs par bgyid pa wa dang byi/ /rnam par sprul nas ljon shing dang/ /mchod rten dag gi gnas na gda' / /skyes pa gzhon nu'i gzugs mdzes pas/ /'bar zhing shing rta'i sgra yang 'byin/ /gnas rnams dang ni shul dag tu/ rnam pa sna tshogs rjes kyang ston/ /grong khyer dag na khyim rnams kyi/ /sgo yang gdon chen de dag 'byad/ /srog dang lus kyang blangs bgyis shing/ /laM ngan kun tu bskor bar bgyid/ /rnam pa sna tshogs gzugs dag dang/ /rnam pa sna tshogs sgra rnams dang/ rnam pa sna tshogs nad kyi rnams/ /lus ni na bar gnas par ston/ /nad rnams kun gyi mtshan nyid kyang/ /phyin ci log tu ston par bgyid/ /ji snyed 'jig rten rang bzhin dag /thams cad log par de dag ston/ /yang na 'byung po de rnams mi'i 'jig rten la gnod par byas nas/ /klags tshel zhing grong ngam grong khyer du rgyu na/ /mtshan nyid de bzhin du yin te/ /grong khyer grong rdal yul 'khor dang/ /pho brang 'khor du rgyu ba ni/ /gnod sbyin ma rungs mdangs 'phrog pa/ /snying rje med cing khrag 'thung pa/ /lus chen 'jigs pa chen po ste/ /stobs po che la sgra yang che/ /mgrin bcu po la
- 136a
mig stang po/ /gdon chen mig ni dmar po rnams/ /'khor ni mang po rnams btang ste/ /lag na mtshon thogs rab tu 'jigs/ /sbrul gyi pags pa shogs pa dang/ lag bzhi lag na sgron na thogs/ /lag na mchan dang dbyug pa thogs/ /rdo rje mdung rtse dbyug pa thogs// rab tu drag pa'i dmag rgal nas/ /phyogs kun tu ni skrag par byed/ /sdang ba'i gnas na 'khod pa yi/ /gsang ba po ni ngad kun kyang/ /mi yi 'jig rten 'di dag tu/ /skyes pa bud med gzhan yang 'dzin/ /sha khrag dron por bcas pa la/ /rnam par 'phrul cing 'dod pa'i gzugs/ /seng ge dang ni stag dang rta/ /ma he ba lang bong bu rnga/ /glang po che yi gzugs 'dra dang/ /mdom dang gzig dang spyang khu dang/ /khyi dang wa dang ra dag dang/ /byi la byi ba spre'u'i gzugs/ /bse dang phag dang bsre mo dang/ /nya dang rul sbal dag gi gzugs/ /kha cig dag ni sram gyi gzugs/ /khwa dang 'ug pa khu byug dang/ /bya rgod khra dang nya mi bcas/ /rma bya ngang pa thi ba dang/ /khrung khrung dang ni bya rnams dang/ /kha cig bya gag gzugs rnams so/ /gnod sbyin rnams ni mi yis mthong/ /'dab bzang bya yi tshul gyis kyang/ /skye bo mang po skrag par byed/ /kha cig mi yi mgo can la/ /lus ni bya gag bong bu 'dra/ /kha cig mtshon gyis rab tu 'tshe/ /lus dang bya la ba ngag tu snang/ /rnam par 'khrug shing 'dod la mos/ /rgyu ma'i phreng bas kun tu dkris/ /rtse gsum mdung gis rab 'debs shing/ /srog chags rnams la gnod par byed/ /mi zad pa yi gzugs 'byin cing/ /skye dgu 'di dag skrag par byed/ /srog chags rgyud ni ji snyed pa/ sna tshogs kyi ni gzugs su snang/ /kha gcig dag ni ri yang thogs/ /la la ral gri 'khor lo thogs/ /grangs ni brgya phrag stong gnas te/ /dbyug pas sdigs shing kha drag po/ /mig chung ba la bzhin mi
- 136b
sdug/ srin po'i gzugs ni sngo ba dang/ sna dang rna ba bcad pa dang/ /lce gcad gdong ni gnyer ma can// //rkang lag dang ni gtubs pa dang/ mgo bo bcang ba'i srin po rnams/ /skabs ni rab tu tshol bar byang/ /sdig pa can rnams gzi brjid 'phrog /mi dag gi ni lus rnams la/ /rab tu phra ba'i gdon du snang/ /spu yi bar dang gang na rnams dang/ /de bzhin rma yi kha rnams su/ /lhags pa de dag thams cad kyang/ /de bzhin du lha pho mo dang klu pho mo dang/ gnod sbyin pho mo la sogs pas skad cig thang cig la/ sems can la 'tshe bar byed pa nad sna tshogs gtong zhing 'byung po rnams kyis kyang glags tshol ba'o/ /glags tshol bar 'dod cing glags ma rnyed de zhes bya ba ni/ lha'i gdon dang bcas pa'i 'byung po rnams kyis kyang gnod par byed mi nus shing/ /rtsar yang 'ong mi nus shing/ /glags tshol ba lta ci smos so/ /rigs sngags kyi rgyal mo rma bya chen mo 'di/ yang dag par rdzogs pa'i sangs rgyas rnams kyis/ rjes su yi rang zhing gsungs pa/ gzi brjid che ba stobs dang ldan pa/ /'byung po rnams kyi gnyen por gsungs pa'o/ /de bas na glags tshol bas mi rnyed pa'o/ /lha ni lha 'du ba'i gnas su ma yin/ zhes bya ba la sogs pa nas/ /rnon po ni rnon po 'du ba'i gnas su ma yin no zhes bya ba ni/ rig sngags kyi gzi brjid kyis 'du bar mi nus shing 'byung po rnams so/ /sor 'khyams te/ gnod par mi nus shing/ rtsar nye bar mi nus pa'o/ /gang la la zhig rig sngags 'di las 'gal bar byed na/ zhes bya ba ni/ gal te glags tshol ba rnams rig sngags kyi bka' las 'das par gyur na/ sdug bsngal dpag tu med pa 'thob ste/ dmyal ba mnar med du skye bar 'gyur ro/ /dmyal ba de las thon nas yang dug gzhan du dmyal bar 'pho 'o/ /de'i mgo bo ardza ka'i dge ba bzhin du tshal ba bdun du 'gas
- 137a
so zhes bya ba ni/ rig sngags kyi dmod mos 'dze'am phol mig gam/ ltog pa 'am 'bras la sogs pa rnams kyis btab nas/ shi ba'i dus su tshal pa bdun du 'gas so/ /gsang sngags bzhi dag kyang yid la bya'o zhes bya ba ni/ 'byung po rnams kyi gnyen po ni/ rig sngags kyi rgyal mo rma bya chen mo gzhan gyis mi thub pa'i gsang sngags kyi thabs bshad par bya'o/ /slob dpon las kyi rdo rjes tshigs su bcad pa 'di gsungs so/ /dang por dgug pa gnyis pa bsgrad pa/ gsum pa mnan pa/ bzhi pa bsreg pa'o/ /gang gnod pa'i 'byung po rnams/ /rig sngags kyi nga rgyal byas nas/ phyag g.yas g.yon dgug pa'i phyag rgya bya ste/ rdo rjes khu tshur yang dag par bcas la/ mdzub mo gnyis kyis dgug pa'i tshul du'o// rig sngags kyi gsang sngags la/ oM badzra oM sha ku dza/ la rig sngags kyi gsang sngags btags la dgug par bya'o/ /ma rungs pa'i 'byung po rnams/ oM dang rdo rje hUM mdzad kyis/ /rig sngags smon gyis 'dug mi nus/ /ri rab dur khrod pho brang dang/ rgya mtsho rlung stong shing gcig dang/ /nags tshal dag dang rgya grams dang/ ri yi rtse mo mchod rten rtsa/ khron pa dag dang chu mig dang/ mtsho chen dang ni tshal gnas dang/ /de bzhin grong khyer grong gnas dang/ /grong rngal dang ni pho brang dang/ /ri yi rtse mo/ nam mkha' dang/ /bar snang chu dang sa la gnas/ /de bzhin sa 'og lam la gnas/ /dza(rgyud 'grel): hUM baM ho(rgyud 'grel): 'i phyag rgya yis/ /'byung po mang po rig sngags dkrugs/ /'byung po ma rungs pa rnams rig sngags kyi phyag rgyas dgugs pa'o/ /yang bskrad pa ni/ /yungs kar dang ske tshe dang bsres/ /ra bar tshe ma can gyi shing bu ste/ mdzod dang khyim gyi phyogs mtshams kyi sa blangs la ske tshe dang yungs kar bsres la yang bden pa'i tshigs bcad ston la/ /bde gshegs rnams kyi gzi brjid kyis/ /gtsug tor can gyi
- 137b
stobs rnams dang/ thams cad skyob pa'i bden tshig dang/ /log dang sel gyi ting 'dzin dang/ /gser thub kyi ni ye shes kyis/ /'od srungs kyi ni rdzu 'phrul lo/ /shAkya seng ge'i brtson 'grus so/ /'byung po de dag brlag par shog u tsa Ta ya phaT rnams kyis/ /rig sngags snying go de rtags la/ /rnga bo che dang khar rnga dang/ /de la sogs pa sgra yi tshogs/ /de brdungs 'byung po bskrad par bya/ /me tog sna tshogs gtor ma dang/ /rtsa ba sna tshogs lo ma dang/ /'bru sna chu dang/ bcas pa dang/ /'ongs pa'i phyogs su bskyal bar bya/ de bzhin bskrad nas mnan par bya'o/ /gro ga la sogs shing lo la/ 'byung po'i gzugs dang 'khor lo bcas/ /de'i nang du ming byang bri/ /yungs kar lan tsha ske tshe dang/ /shang tshe dug rdzas ro thang dang/ /de rnams chu la dril bar bya/ /rabs chad mdze thod nang du gzhug /sngar bshad dgug gzhug 'byung po la/ /rig sngags la ni stan b+ha ya gdags/ /lam rgya gram mchod rten 'og /pho khrom sar ni mnan par bya/ /de bzhin du mnan la bsreg par bya/ tsan dan la sogs dri rnams kyis/ /de'i chus ni lus rnams bkru/ /bsnyung bar byas nas gos gtsang gyon/ /seng ldeng shing la zhugs phul la/ /gnod byed gang la ming brtags la/ /zhugs kyi nang du gtor bar bgyi/ /gsang sngags la ni me sngags gdags/ /'byung po'i rnam pa ma lus bsregs/ /gtor ma me tog lo ma dang/ /chos skyong la ni sbyin par bya/ /de nas bden pa'i tshigs bshad 'di/ /yang dag gis ni brjod par bya/ /sangs rgyas kun gyi gzi brjid kyis/ /rang rgyal dag gi gzi brjid dang/ /dgra bcom pa yi mthu dag gis/ /gsang sngags 'dzin pa thams cad dang/ /shA ri'i bu yi shes rab dang/ /maung+gal gyi rdzu 'phrul dang/ /ma 'gags pa yi mig dang ni/ /'od srungs sbyangs pa'i yon tan dang/ /ku'u di na'i sngar thog dang/ kun dga' bo yis thos pa dang/ /tshangs pa yi ni byams pa dang//
- 138a
brgya byin gyi ni dbang rnams dang/ /'jig rten skyong ba'i yul rnams thob/ /dbang phyug chen po'i stobs dag dang/ /ded dpon rnams kyi mthu dag gis/ /'phrog ma'i gzi brjid rdzu 'phrul ldan/ /de dag rnams kyi mthu dag gis// bdag gi gnod byed bsreg par shog /'byung po dug dang dgra bo dang/ /bdag gi 'jigs pa thams cad dang/ /sangs rgyas bden pa de rnams kyis/ /sems can dag dang bdag rnams dang/ /sdig pa thams cad bsreg par shog /gsang sngags tshig rnams bden par shog /de bzhin du yang nas yang du gsang sngags la me'i sngags btabs la bsreg par bgyi'o/ /de nas rig sngags ni/ /gang zhe na kun gzhi rnam par dag pa ste/ /thabs dang shes rab gnyis su med pa'o/ / mtshon pa ni me long lta bu'i ye shes so/ /mtshon byed ni rig sngags kyi rgyal mo rma bya chen mo'o/ /rdo rje'i rigs so/ /rnam par shes pa'i phung po'o/ /nam mkha' i khams/ yid kyi skye mched/ zhe sdang gi rang bzhin no/ /sangs rgyas lnga'i dbu rgyan no/ /spyan gsum pa zhal gcig phyag bzhi pa/ khro gnyer can kha gdangs pa mche ba gtsigs pa/ /'jigs su rung ba/ sku mdog nag mo/ /yan lag thams cad rin po che dang/ /sbrul gyis rgyan pa/ sham thabs stags gis byas pa/ g.yas dang po ni rdo rje rtse lnga gdengs pa/ /de'i 'og man ni ral gri/ g.yon dang po na sdigs mdzub dang zhags pa/ de'i 'og ma na lcags kyu/ zhabs g.yas bskum pa g.yon brkyang ba gnyis na/ ma rungs pa'i 'byung po thams cad mnan pa'o/ /nyi ma'i gdan la nyi ma'i 'od/ skra gyi nang du ser po'o me ltar 'bar ba rigs lnga'i dbu rgyan de ni thod pas brgyan pa'o/ /dbu'i spyi bo'i gtsug na rma bya'i sgro lngas brgyan pa/ de ni ye shes lnga'i rang bzhin no/ /pad+ma'i gdan la bzhugs shing/ khro mo bsam mo/ /de bzhin du rig sngags
- 138b
kyi gsang sngags yid la bya'o/ /rig sngags kyi gsang sngags kyi tshig ni gang zhe na/ 'di lta ste/ i li mi li ki li la sogs pa'o/ /gsang sngags 'di'i tshig 'gal na/ /shi ba'i dus su mgo tshal bar 'gas shing/ /shi ma thag mnar med par 'gro ba'o// bdag la bsrung ba gyis shig ces bya ba ni gang zag sems can rnams la'o/ /sba ba dang yongs su bskyab pa dang/ zhes bya ba ni/ khams gsum na rgyu ba'i 'byung po thams cad sba ba'o/ /de bzhin du bskyab pa yang yin no/ /yongs su bzung ba dang/ zhes bya ba ni/ dper na rang gi nor gzhan du mi ster ba bzhin no/ /'byung bo de rnams la yang mi ster ba'o/ /yongs su bskyang ba dang zhes bya ba ni rig sngags kyi rgyal mo'i gzi brjid kyis/ /glang chen smyon pa bzhin du thub pa med pa'o/ /zhi ba dang zhes bya ba ni/ 'byung po thams cad dang nad zhi bar byed pa'o/ /bde legs su gyur pa dang zhes bya ba ni/ bkra shis shing nad rnams bcom pa'o/ /chad pa spangs pa zhes bya ba ni 'byung po de rnams kyis glags tshol bar 'dod pas glags mi snyed pa'o/ /mtshon cha spang ba dang zhes bya ba ni/ rig sngags kyi dmod mos 'byung po de rnams la nus pa med cing/ gzi brjid 'phrog pa'o/ /dug gzhil ba dang zhes bya ba ni/ 'byung po rnams kyi kha blangs kyi dug reg pa dang mthong ba rnams so/ /dug gsang pa dang zhes bya bya ba ni/ de'i rang bzhin gyis dug byung ste/ rig sngags kyi dmod mos yis dug gsang pa'o/ /mtshams bcad pa dang zhes bya ba ni/ 'byung po de rnams la bcad de/ /rig sngags 'di'i gzi brjid kyis dpag tshad gcig gi bar du 'ong mi nus pa'o/ /sa bcing ba gyis shig ces bya ba ni/ sa 'og tu mnan cing dpag tshad gcig tu 'ong mi nus pa'o/ /lo brgya 'tsho bar gyur cig ces bya ba ni 'byung po de rnams kyi sdug bsngal bral zhing/ /dus ma yin par 'chi ba med pa'o//
- 139a
ston brgya mthong bar shog shig ces bya ba ni/ yang nas yang du mtsho mnan cing nad rnams kyi mi tshugs te/ bkra shis shing tshe ring ba'o/ /rig sngags kyi rgyal mo rma bya chen mo'i 'byung po glags tshol 'dod pa ma steng ba'i skabs de drug pa'o// //'di lta ste zhes bya ba ni/ 'og tu lta ste/ 'og tu gang ltas she na/ 'das pa dang/ ma 'ongs pa dang da ltar yod pa'i sangs rgyas rnams kyis rjes su yi rang zhing byin gyis brlabs pa/ dgra bcom nyan thos rnams kyis kyang rjes su yi rang ba'o/ /'jig rten gyi lha dang bcas pa yang/ tshangs pa dang brgya byin dang/ gnod sbyin gyi sde dpon mthu chen sum cu rtsa gnyis dang mthu chen po nyi shu rtsa brgyad dang/ rgyal po chen po bzhi dang/ 'jig rten skyong pa bcu dang/ gnod sbyin gyi sde dpon chen po sor mo lnga pa dang/ 'phrog ma'i bu lnga brgya dang bcas pa yang lha'i gdon la sogs pa/ bgegs dang 'byung bo'i rigs su gyur pa stong phrag brgyad cu nyi shu rtsa bzhi'o/ /gzhan yang de lta bu rnams kyi rjes su yi rang zhing gnyen por gnas pa'o/ /rig sngags kyis gsang sngags kyis gso ba'i sman dang/ gsang sngags kyi tshig ni gang zhe na/ 'dir ni dug gis rang bzhin gyis zas ma legs pa 'byung ba ste/ zas ma legs pa ni rnam par rtog pa las byung ba'o/ /rnam par rtog pa ni dug lnga'o/ /dug lnga ni gti mug yin te/ gti mug gi rang bzhin gyis zhe sdang byung ngo/ /zhe sdang las 'dod chags 'byung ngo/ /'dod chags las nga rgyal byung ngo/ /nga rgyal las phrag dog byung ngo/ /de lnga 'dus pas 'jig rten gyi dug gsum la 'dus te/ 'jig rten gyi dug gsum na 'dod chags dang zhe sdang dang gti mug dang gsum mo/ /de'i rang bzhin gyis 'khor ba'i rgyu ste/ 'khor ba'i las phyi'i dug gsum byung ngo/ /phyi'i dug gsum ni 'jig rten pa'i
- 139b
las byung ba'o/ /de yang 'gro ba dang bsdad pa byed pa'o/ /'gro ba'i dug ni bsam pa dang/ mthong ba dang reg pa dang kha rlangs so/ /bsam pa la yang gnyis te/ rigs pas bsam pa dang/ /mthong nas bsam pa'o/ /reg pa la yang gnyis te/ nga rgyal gyis reg tu 'gro ba dang/ rang bzhin dbang med par reg tu 'jug pa'o/ /mthong ba la yang gnyis ta/ rang dang pas mthong ba dang/ reg nas mthong ba'o/ /kha rlangs la yang gnyis te/ mche ba dang/ dbugs rang bzhin gyis dpag tshad gnyis gnyis la slebs pa'o/ de'i rim pa bzhin du rigs la yang/ bram ze dang/ rgyal po dang/ rje'u rigs dang/ dmang rigs so/ /de bzhin du bram ze dang/ rgyal po'i rgyal po dang/ rje'u yi rje'u dang/ dmang rigs kyi dmang rigs ni gdol ba'o/ /dus ni snga dro dang/ nyi ma phyed dang/ sum cha gcig dang dgongs mo'o/ /srong dang nam phyed dang/ sum cha gcig dang tho rangs so/ /rim pa bzhin klu rnams rgyu ba'o/ /bram ze'i rigs kyi snga dro zin na ni/ /nad bad kan gyi dus yin te/ gcod dang tshigs rnams na zhing mig ser te/ skyug par 'dod cing dang ka mi bde'o/ /rgyal po'i dus ni nyi ma phyed yin te/ mkhris pa'i dus so/ /mchin pa la nad 'babs shing mig dmar ba'o/ /de stong mi bde zhing mgon pa ste/ lhog pa dang 'bras dang tshad pa skye bar 'gyur ro/ /nyi ma sum cha ni rje'u rigs kyi dus yin te/ nad chu ser gyi dus so/ /grang shum byed cing lus po thams cad 'dar ba'o/ /srang lo phol mig dang/ sha bkra dang tshigs na zhing mkhal ma skrad pa'o/ /rmangs rigs kyi dus ni dgongs ma ste/ mgo 'jing rengs shing na ba ste/ rkan 'khal zhing skad 'gag ste/ rna ba 'on zhing mig dmar/ kha dog skya ba/ mig 'gul zhing lus po thams cad 'gul ba'o/ /lus po skabs skabs su sbrid cing/ rkang lag lji ba ste/ snying mi dga' zhing lus po grangs/ sha ror song zhing shu ba
- 140a
'byung ste/ skra rnams 'byi zhing lus po skrangs pa'o/ /rus pa dang skang las byung ba ni/ yang dmang rigs kyi nad yin te/ lus po skam zhing dang ka 'gag pa ste/ rme ba 'byung zhing g.yan pa'i nad kyis thebs pa'o/ /de bzhin du rigs gzhan la yang shes par bya'o/ /'gro ba'i dug ni klu'i rigs yin te/ mche ba'i dug kyang klu'i rigs shes te/ sems can las shes par bya'o/ /yang bsdad pa'i dug la rtsa ba dang lo ma las byung ba'o/ /rtsa ba las byung ba ni btsan dug dang/ bong nga nag po dang/ ra dug dang/ thar nu dang/ ro'u 'jag dang/ thang phrong dang/ bong dug dang/ ri sho ma dang/ 'ji dug la sogs pa'o/ /de la lo ma'i dug ni de rnams kyi lo ma'o/ /de thos pa'i nang ni shi ba dang/ grangs pa dang/ smyo ba dang/ brgyal ba dang/ nang nus pas so/ /de ni bsdad pa'i dug ni nus pa'o/ /da byed pa'i dug ni/ rgya rtsa shing kun dang sum pa'i sha'o/ /de'i nang kyis snying mi dga' ste/ snying la byung ba'o/ /bong phrug gi sha dang 'ug pa'i sha shing kun dang ngo/ de yan lag la babs te zas? shum byed cing tsha ba skye ste/ rta'i mchin pa dang chu bya'i sha dang/ thar chu rnams so/ /de lus la babs te rus pa 'gags par 'gyur ro/ /yang na zas mi legs pa yang sbyor ba'i dug yin te/ sbrang rtsi dang mar gnyis mnyam pa'i byed ?? por gyi nang du zhag bdun bzhag ste/ de yang byed pa'i dug go /mkhris pa la tsha ba btang na de yang dug yin te/ rlung la grang ba gtang ba yang dug go /'jig rten pa'i dug ni rang bzhin las byung ste/ mi dag pa'i rang bzhin gyis rang la rang? gnod pa'o/ /slob dpon las kyi rdo rjes tshigs su bcad de gsungs pa/ gti mug dang ni 'dod chags dang/ /zhe sdang rang bzhin rang dug ste/ 'jig rten pa yi dug gsum 'di/ /phyi yi dug kyang de las byung/ 'gro dang bsdad dang sbyor ba
- 140b
dang/ /sangs rgyas chos dang dge 'dun gyis/ /phyi'i dug 'joms nus/ /rig sngags gzi brjid de 'joms nus/ /gti mug 'dod chags zhe sdang dang/ rang gi sems kyis bcom pa la/ gzhan gyis de ni mi choms so/ /bdag gis de ni bong bu bgyi/ /de skad ces gsungs so/ /rig sngags kyi rgyal mo rma bya chen mo dug gi gnyen po 'di/ /dug gsum gso ba la yang dag par nus pa'o/ /gsang sngags dang sman dang ting nge 'dzin gyi bye brag gis gso bar bya'o/ /'gro ba'i dug gso ba ni/ nad pa la rig sngags kyi rgyal mo'i ting nge 'dzin la zhugs la/ rig sngags kyi gsang sngags la 'jug pa'o/ /ltor bltang ba'i sman ni/ mu zi dang 'bras bu gsum dang/ ram nye ba'i rtsa ba'i khu ba dang/ de rnams ltor btang ba'o/ /grang ba chen tsha ba gsum dang/ tsha dang bsres pa sbrang rtsis sbyar la btang ngo/ /chu ser babs na/ thal ka rdo rje dang/ ba ku la dang/ se 'brum gyi phyi skogs dang/ bsres la btang ngo/ /rig sngags kyi gsang sngags zhag bdun bsgrub par bya'o/ /phol mig dang lus po gas par gyur na mu cing dmar nag bskol la dug dang 'bras bu gsum dang bsres la ser ka rnams la byug go /byed par 'dod na dang po phyag bgyis ste/ gnyis pas rtsa dur bas bya'o/ /gsum pa rtsa ku shas te/ bzhi pa rma bya'i sgro'o/ /lnga pa rang gi sos dug dbyung ngo/ /rig sngags kyi rgyal mo rma bya chen mo'i nga rgyal gyis byas la/ shu ba dang/ g.ya' ba dang/ mdze dang phol mig dang/ g.yan pa dang/ me dbal dang/ ltog pa dang 'bras dang/ sha skra dang/ rmu chu dang/ 'brum bu dang/ sha ro la sogs pa'i mdze'i rigs thams cad la de bzhin du bya'o/ /byug pa dang/ bdug pa 'dod na/ sngar bshad pa'i nag po'i sbyor ba la bya'o/ /ting nge 'dzin mnyam par bzlas pa drag po la 'jug go /de bzhin du 'gro ba'i dug gso ba'i bya thabs so/ /bsdad pa'i dug gso ba ni/
- 141a
sngo ma hA ra tsa dang/ chu drang mo la sbyar nas/ sngags lan bdun nam/ nyi shu rtsa gcig gam/ brgya rtsa brgyad btab la 'thung du gzhug go/ 'di ni btsan dug dang po ra? nag po'i gnyen po'o/ /ra dug la 'bras bu gsum dang lcags phye btab la/ bu chur? 'o ma 'thung ba'i chu 'am/ rang gi chu la btab la 'thung du gzhug go/ des ni btsan dug kyang thub po/ /sribs shing gi 'bru bu la 'bras bu gsum gyis bya'o/ /smyo bar gyur na kyur chu ca mo'i khu ba blud do/ /de ni thang phrom gyi gnyen po'o// gas par gyur na mar nag dang/ gu gul dkar po dang/ spyang la byug go /skrangs par gyur na thang phrom gyis rtsa ba dang/ ri sho ba'i rtsa ba dang/ dug dang sbyar la mnan no/ /gzhan yang thams cad chu grang la btab la btung bar bya'o/ /rig sngags kyi rgyal mo rma bya chen mo'i rig sngags kyi gsang sngags bston la bya'o/ /de ni bsdang ba'i dug gso ba'i bcos thabs so/ /da ni byed pa'i dug gso ba ste/ byed pa'i dug ni sbyar ba'i dug go/ yungs kar ma chig par bsngos la/ /gdung byas la lto stong la btang ngo// de bzhin du zhag gsum bzhi btang bar gyur na/ lo gcig bar du thub pa'o/ /sha tshan gsum dang skyer pa dang/ se rgol ma'i bar shun dang/ a ru ra dang/ ra dmar mo'i khrag dang/ ril bu byas la btang ngo/ /'dis ni lo gsum gi bar du thub ste/ ? gcig the tshom mi za bar thub po/ /sha dug byung na rga chung dang tsha la chu grang mo la btab la btung ngo/ /rin po che'i dug byung na cags phye dang 'bras bu gsum dang/ ldum bu re ral dang rtog gcig ma dang/ d+ha du ras la sbyar bya'o/ /'di ni sbyor ba'i dug gso ba'o/ rig sngags kyi rgyal mo rma bya chen mo ni 'di 'das pa'i sangs rgyas rnams kyis gsungs pa/ ma 'ongs pa rnams kyang de bzhin no/ /da ltar gyi shAkya thub pas gsungs shing rjes su yi rang ba'o/ /thabs shes rab dbyer med pa'o/ /kun
- 141b
gzhi rnam par dag pa'o/ /stong pa nyid kyi rang bzhin ni so sor rtog pa'i ye shes te/ thabs kyi ngo bo ni rig sngags kyi rgyal mo rma bya chen mo pad+ma'i rigs so/ /phung po ni 'du shes kyi phung po ste/ khams ni ma'i khams so/ /skye mched ni lce'i skye mched do// rang bzhin ni 'dod chags kyi rang bzhin no/ /sangs rgyas lnga'i dbu rgyan can/ spyan gsum pa/ zhal gcig phyag bzhi pa/ sku mdog dmar ba/ cung zad khro ba/ yan lag thams cad sbrul gyis rgyan pa/ dang po'i phyag g.yas g.yon na mdza' yas dang 'jog po'i ngo bor sprul bsnams pa/ rig sngags kyi rang bzhin rma bya gser du snang ba gnyis phyag 'og ma gnyis na bsnams pa'o/ /zhabs g.yas bskum pa g.yon brkyang ba'i zhabs kyis pad+ma dang ka ru ratra mnan pa'o/ /pad+ma'i steng na nyi ma'i gdan la bzhugs pa/ nyi ma'i 'od zer dang ldan pa/ ye shes lnga'i rang bzhin no/ /yang dag par rdzogs pa'i sangs rgyas shAkya thub pas/ thugs kyi dkyil 'khor las spros pa/ rig sngags kyi rgyal mo rma bya chen mo 'di/ dug gi gnyen po klu'i rgyal po rnams kyi bdag po'o/ /dug gi gnyen po'i snying po ni gang zhe na/ rig sngags kyi gsang sngags 'di/ gzhan rnams kyis kyang mi thub cing/ 'byung po rnams kyi yang gnyen po'o/ /sngags kyi tshig 'di lta ste/ tsin+ta? tsin+ta? mu la pa sogs pa'o/ /rgyal ba rnams gzigs mya ngan chings la gnas/ /zhes bya ba ni/ yang dag par rdzogs pa'i sangs rgyas rnam par gzigs de yang 'khrungs pa'i dus su yang/ shing byang chub kyi shing mya ngan tshangs pa'i 'og tu'o/ /sems can gyi don la yul ma ga d+ha la rdo rje gdan la bzhugs pa'i dus su/ byang chub kyi 'og tu'o/ /srod la bdud btul te/ tho rangs sangs rgyas pa'i dus su/ rig sngags kyi rgyal mo 'di dran par rnyed pa'o/ /de'i bden? pas 'gro ba'i dug dang/ bsdad
- 142a
pa'i dug dang/ byed pa'i dug nges bcom mo/ /rgyal ba gtsug tor pad+ma dkar po'i drung zhes bya ba ni// //yang dag par rdzogs pa'i sangs rgyas gtsug tor can ni/ byang chub kyi shing pad+ma dkar po'i tshal gyis 'og tu 'khrungs te/ de bzhin du rdo rje gdan la bzhugs pa'i dus su/ byang chub kyi shing pad+ma dkar po'i 'og tu srod la bdud btul te/ tho rangs mngon par rdzogs par sangs rgyas so/ /de'i dus su rig sngags kyi rgyal mo rma bya chen mo 'di yid la byas te/ de'i bden pas 'gro ba'i dus dang/ bsdad pa'i dug dang byed pa'i dug rnams nges par bcom mo/ /thams cad skyob pa sa la'i drung na gnas/ /zhes bya ba ni/ yang dag par rdzogs pa'i sangs rgyas thams cad skyob pa de yang 'khrungs pa'i dus su yang shing sa la'i 'og tu 'khrungs te/ sems can gyi don la yul ma ga d+ha ra/ rdo rje gdan la bzhugs pa'i dus su/ byang chub kyi shing sa la'i 'og tu srod la bdud btul te/ tho rangs mngon par rdzogs par sangs rgyas so/ de'i tshe de'i dus su chos kyi phung po brgyad khri bzhi stong dran pa nye bar bzhag nas/ sangs rgyas thams cad skyob pas kyang rig sngags kyi rgyal mo rma bya chen mo 'di la rjes su yi rang zhing de'i dus su 'gro ba'i dug dang bsdad pa'i dug dang/ byed pa'i dug nges par bcom mo/ /bram ze 'khor ba 'jig ni shing rta'i drung zhes bya ba ni/ yul ma ga d+ha'i chu bo gaM gA'i lho phyogs kyi 'gram na bram ze mo 'khor ba 'jig ces bya ba ni yum yin te/ de'i dus su yang dag par rdzogs pa'i sangs rgyas byang chub kyi shing shi ri Sha'i 'og tu sku 'khrungs/ rdo rje'i gdan la bzhugs pa'i dus su yang byang chub kyi shing shi ri Sha'i 'og tu'o?/ /sems can gyi don du srong la bdud btul te/ tho rangs mngon par rdzogs par sangs rgyas so/
- 142b
de'i dus su yang skad cig mas rig sngags kyi rgyal mo rma bya chen mo la rjes su yi rang ste/ sangs rgyas 'khor ba 'jig sems can gyi don la 'gro ba'i dug dang/ bsdad pa'i dug byed pa'i dug nges par bcom mo/ /sangs rgyas gser thub u duM ba ra'i drung zhes bya ba ni/ yul ma ga d+ha'i drang srong gi rigs su skyes nas/ byang chub kyi shing u duM ba ra'i 'og tu 'khrungs te/ de bzhin du rdo rje gdan la bzhugs pa'i dus su yang srod la bdud btul zhing tho rangs mngon par rdzogs par sangs rgyas so/ de'i dus su yang rig sngags kyi rgyal mo rma bya chen mo la rjes su yi rang zhing bden pa'i tshig gis kyang 'gro ba'i dug dang/ bsdad pa'i dug dang byed pa'i dug nges par bcom mo/ /'od srungs n+ya gro d+ha'i drung na gnas zhes bya ba ni/ /yang dag par rdzogs pa'i sangs rgyas 'od srungs 'khrung pa'i dus su n+ya gro b+ha'i rtsa bar 'khrungs te/ rdo rje gdan la bzhugs pa'i dus su yang de bzhin no/ /rig sngags kyi rgyal mo 'di la rjes su yi rang zhing rig pa'i nus pas sangs rgyas 'od srungs kyis kyang 'gro ba'i ngang/ bsdad pa'i dang/ byed pa'i dug gsum nges par bcom mo/ /shAkya thub mchog khyad par gnas drung du/ zhes bya ba ni/ grong khyer ser skya'i nang na rgyal po zas gtsang gi sras sems can gyi don la dga' ldan nas yum sgyu ma chen mo'i lhum su zhugs nas 'khrungs pa'i dus su byang chub kyi shing drung gi 'og tu 'khrungs te/ ? ma thag tu pad+ma bdun skyes so/ /de yang sems can gyi don la gom pa bdun por ste/ chu bo ne rany+dza ra'i drung du dka' thub lo drug mdzad pa'o/ /gnyis pa rdo rje gdan du byang chub kyi shing gnas kyi drung gi 'og tu/ rtswa ku sha'i gdan bting nas srod la bdud btul nas tho rangs mngon par rdzogs par sangs rgyas so/ /de'i tshe de'i dus su sngon gyi drin pa nye bar bzhag cing chos kyi phung po
- 143a
brgyad khri bzhi stong nye bar bzhag nas rig sngags kyi rgyal mo rma bya chen mo 'di la rjes su yi rang ba'o/ /gsum pa ba ra NA ser bden pa bzhi'i chos kyis 'khor lo bskor ba'o/ /bzhi pa mu stegs rigs gcer bu dang rtsod pa'o/ lnga pa lha'i yul nas 'dzam+bu'i gling du byon nas lha rnams dang spyod pa mdzad pa'o/ /drug pa spre'us sbrang rtsi phul ba'o/ /bdun pa sku mya ngan las 'das pa'o/ /dang po dga' ldan nas byon nas yum sgyu ma lha mdzes kyi lhums su zhugs nas btsas pa ni brgyad pa'o/ /de bas na 'khrungs ma thag tu me tog pad+ma brgyad dang ldan pa'o/ /de'i bden pa dang rig sngags kyi rgyal mo'i gzi brjid kyis/ 'gro ba'i dug dang bsdad pa'i dug dang byed pa'i dug gsum bcom pa'o/ /phyi nas byang chub mchog thob 'gyur/ /go'u tam zhes bya ba ni dus dang po na yang dag par rdzogs pa'i sangs rgyas rnam par gzigs pa yis bstan pa ste/ de'i dus su sa gzhi shel las byas pa 'dzam bu gling pa'i tshe tshad kyang stong du gnas so/ /gnyis pa sangs rgyas gtsug tor can gyi bstan pa la sa gzhi ni gser las byas pa'o/ /mi'i tshe lo ni lnga brgya thub bo/ /dus gsum pa la sangs rgyas thams cad skyob pa'i bstan pa las gzhi ni dngul las byas pa ste/ mi lo ni phye dang sum brgya thub pa'o/ /dus bzhi pa la sangs rgyas log por dad sel gyi bstan pa la/ sa gzhi ni in+d+ra nI la las byas pa'o/ /che lo brgya nyi shu rtsa lnga'o/ /dus lnga pa sangs rgyas gser thub kyi bstan pa la/ smon lam stobs kyis gser gyi sa gzhi mi'i tsha lo yang stor tsho gcig go/ dus drug pa la sangs rgyas 'od srungs gi bstan pa ste/ rin po che sna bdun gyi sa gzhi'i rin po che sna bdun la longs spyod do/ /mi lo lnga brgya'o/ /dus bdun pa ni tha ma'i dus yin te /sangs rgyas
- 143b
shAkya thub pa'i bstan pa ste/ sngon gyi dus su sangs rgyas mar me mdzad kyi bstan pa la/ sangs rgyas nyid la dang po'i smon lam btab pa'o/ /de'i tshe de'i dus su sangs rgyas mar me mdzad kyi/ /bstan pa la lha dang lha ma yin sde brgyad dang mi la sogs pa'i sems can gyis mchod pa'o/ /des dus su yang sangs rgyas shAkya thub pa bram ze'i lus su skyes nas ni nyi ma'i 'od ces pa'o/ /de'i bu phu zla ba'i 'od du mtshan btags pa'o/ /sangs rgyas mar me mdzad la dad pa skyes nas mchod pa byed du byin pa lha dang mi la sogs pa mang pos bkag nas ma thar te/ sangs rgyas zhal yang mthong bar mi thob pa'o/ /sangs rgyas nyid kyis de mngon par shes nas sems can don la char drag po 'bebs pa'o/ /sems can thams cad char la babs nas bram ze ngas sangs rgyas kyi zhal mthong bar gyur to/ /de nas bram ze'i phrug gu nyi ma'i 'od kyis sangs rgyas mar me mdzad nags gseb na bzhugs pa la dad pa skyes nas mgo bo'i steng du bzhag go /de'i tshe de'i dus su yang dag par rdzogs pa'i sangs rgyas mar ma mdzad kyi bskal pa tha ma'i dus su yang dag par rdzogs pa'i sangs rgyas shAkya seng ger 'gyur ro zhes lung bstan to/ /da ltar yang sa gzhi ni sa'i sa gzhi ste/ sems can yang bcos dka' ba mtshon sna lnga'i dus/ chos 'dul ba mngon pa theg pa chen po'i dus/ pha rol tu phyin pa gsang sngags kyis 'dul ba'i dus so/ /mi'i tshe lo yang brgya nyi shu thams pa/ gzugs kyang khru phye dang bzhi dang ldan pa'o/ /de'i dus su yang dag par rdzogs pa'i sangs rgyas shAkya thub pa'i bstan pa dang zhing rig sngags kyi rgyal mo rma bya chen mo 'di la sems can thams cad rjes su yi rang zhing gus par bya ste/ de'i nus pas kyang dug thams cad bcom pa'o/ /sangs rgyas rdzu 'phrul chen po de dag la zhes bya ba ni/ sangs rgyas rnam
- 144a
par gzigs dang/ gtsug tor can dang thams cad skyob dang log par dad sel dang gser thub dang 'od srungs dang shAkya thub pa ste/ de'i bden pa dang stobs dang gzi brjid kyis sems can thams cad kyi don byas shing dug bcom mo/ /mngon par dad pa'i lha gang 'khod pa dag ces bya ba ni/ de dag gi nus pas kyang lha rnams la sogs pas kyang 'di la dad pa bgyis pa gang yang tshe ring zhing nad thams cad dang bral te/ dug thams cad kyi 'jigs pa las thar bar 'gyur ro/ /lha rnams de dag yid dga' mgur gyur nas zhes bya ba ni sangs rgyas rnams kyi bden pa dang/ rig sngags kyi gzi brjid kyis lha dang mi dang lha ma yin la sogs bgegs rigs stong phrag brgyad cu rtsa zhi po rnams kyang mgu bar gyur cig/ sems can de la grogs byed par 'gyur ro/ /rtag tu dge zhing zhi bar 'gyur bar byos zhes bya ba ni thog ma tha ma bar du dge bar gyur cig /da ltar yang dug thams cad 'joms shing rig sngags 'grub par 'gyur ro/ /yang dag par rdzogs pa'i sangs rgyas kyi dag nas byung ste/ thabs shes rab gnyis su med pa ye shes lnga dang ldan pa/ 'du shes kyi phung po mi'i khams mnyam pa nyid kyi ye shes lce'i skye mched zhal gcig phyag gnyis pa sku mdog dmar mo spyan gsum pa/ sangs rgyas lnga'i dbu rgyan can/ rgyan thams cad sprul gyis brgyan pa/ na bza' la dug gis brgyan pa/ klu mdza' yas dang 'jog po mnan pa/ de bzhin du pad+ma dang pad+ma chen po phyag gis bzung ba/ nyi ma'i gdan dang 'od dang ldan pa/ cung zad khro ba'o/ /dug bcom pa'i rig sngags gang zhe na/ sangs rgyas shAkya thub pa'i zhal nas spros pa'o/ /'di lta ste/ 'og tu blta ba'o/ /rig sngags kyi gsang sngags ni/ i li mi li ki li la sogs pa'o/ /kun dga'
- 144b
bo zhes bya ba ni dge slong sa ri dang sems can thams cad kyi don du tshe dang ldan pa kun dga' bo la smras pa'o/ /rma bya chen mo 'di dag ni mi mjed kyi bdag po tshangs pa dang zhes bya ba ni/ tshangs pa'i lha la sogs pa gzugs khams kyi lha rnams so/ /sman ni rig sngags kyi gsang sngags so/ /bsam gyis mi khyab cing brjod du med pa'o/ /lha rnams kyi dbang po brgya byin dang zhes bya ba ni 'dod pa'i khams kyi lha sum cu rtsa gsum dang/ mtshe ma dang dga' ldan dang 'phrul dga' dang gzhan 'phrul dbang byed kyi lha rnams kyis kyang rjes su yi rang zhing/ sman chen por gsungs pa'o/ /rgyal po chen po bzhi dang zhes pa ni/ ri bdun gyi lha rnams dang sman chen por byas pa'o/ /gnod sbyin gyi ded dpon nyi shu rtsa brgyad kyis bshad pa ste zhes bya ba ni/ gnod sbyin chen po seng ge'i ral pa can la sogs pa bgegs rigs stong phrag brgyad cu rnams kyis kyang rjes su yi rang ba'o/ /kun dga' bo zhes bya ba ni/ sangs rgyas kyis yang nas yang du gsungs pa'o/ /gang sman chen mo'i 'di dag gi ming 'dzin pa la dga' zhing/ rab tu sdang ba'i sems kyis 'od na zhes bya ba ni/ rig sngags kyi rgyal mo rma bya chen mo'i bka' las 'das pa/ gang sdug bsngal thams cad theb cing dmyal ba mnar med par skye bar 'gyur ro/ /de'i mgo bo ardza ka'i dog pa bzhin du tshal? ba? bdun du 'gas so zhes bya ba ni de'i bka' las 'das pa de'i tshe 'di la mgo bo 'gas te/ lus kyang dum bu dum bur zhig go/ shi nas kyang skyes ma thag tu dmyal ba mnar med pa'i sdug bsngal thob cing/ de'i sdug bsngal las bral nas kyang/ dmyal ba pad+ma chen po ltar gas par skye'o/ /rig sngags ni gang zhe na yang dag par rdzogs pa'i sangs rgyas kyi spyi bo'i gtsug nas 'phros pa/ sku'i rang bzhin chos kyi dbyings kyi ye shes/ gzugs kyi phung po me'i
- 145a
khams/ mig gi skye mched ye shes lnga'i rang bzhin mtshon bya ni ye shes te/ de yang shes rab kyi rang bzhin no/ /mtshon par byed pa ni thabs so de gnyis su med pa'i sku ni zhal gsum phyag drug sku mdog dmar ba/ g.yas mthing kha/ g.yon ljang gu/ spyan gsum pa rigs lnga'i dbu rgyan can/ lus thams cad sbrul gyis brgyan pa/ rma bya la zhon pa/ phyag g.yas dang po na rdo rje/ 'og ma na rma bya'i sgro bsnams pa'o/ /tha ma na mda' bsnams pa'o/ /g.yon gyi dang po na rin po che/ bar ma na zhags pa/ tha ma na gzhu bsnams ba'o/ /dug gi me tog gi na bza' gsol ba/ zhi ba'i tshul du zhugs pa'o/ /rig sngags kyi gsang sngags ni 'di lta ste/ 'og tu blta'o/ /bka' 'di ni ka'i rti mu le la sogs pa'o/ /rig sngags kyi rgyal mo rma bya chen mo'i dug bcom pa'i gnas skabs te bdun pa'o/ /rkang gnyis khyed cag bde legs shog ces bya ba ni 'gro ba rigs drug la lha'i sdug bsngal la sogs pa de yang bde legs su 'gyur te/ de bzhin du mi'i la sogs pa'i sems can rkang bzhi khyed cag bde legs shog ces bya ba ni dud 'gro la sogs pa'i sems can rnams dang ste/ sdug bsngal ni gcig gis gcig za ba'i sdug bsngal rnams te/ de yang zhi bar byas shing yi dags dang bzhi pa rnams kyi sdug bsngal yang zhi bar byas so/ /lam du zhugs rnams bde legs shog ces bya ba ni/ gang zag 'di la gus par byed pa gang dang phyin pa der bde zhing/ slar log kyang bde ba'o/ /phyir 'od dag kyang bde legs shog ces bya ba ni/ rang bzhin du slobs nas kyang bde bar gyur cig/ lus thams cad kyang nad dang bral bar gyur ro/ /mtshan mo bde legs nyin bde legs/ nyi ma'i gud la bde legs shing/ /khyed cag kun tu bde legs shog ces bya ba
- 145b
ni nyal ba'i dus su yang rmi lam dge bar rmi zhing/ mi dge ba rnams mi rmi ste/ de bzhin du nyin mo yang dge ba'i sems su gnas shing/ nyon mongs pa rnams mi skye ba'o/ /de bzhin du nyi ma phyed kyang yin no/ /de dag sdig par ma gyur cig ces bya ba ni gang zag 'di la gnas pa ni skye ba bdun du tshe rab dran zhing/ 'di'i nus pas sdig pas ma gos pa'o/ /nyi ma thams cad dge ba yin zhes bya ni/ rig sngags kyi nus pas mi dge ba las skyes kyang dge bar 'gyur ro/ /rgyu skar thams cad bzang po yin zhes bya ba ni/ mi bzad pa ni skag dang bra nye'o/ /'bring po ni mchu dang khrums so/ /de la skyes pas kyang rig sngags kyi gzi brjid kyis/ rgyu skar thams cad bzang po'o/ /sangs rgyas thams cad rdzu 'phrul che zhes bya ba ni 'das pa ma 'ongs pa da ltar yod pa'i gzi brjid kyi stobs kyi rdzu 'phrul gyis sems can thams cad bde ba'o/ /yang na nam mkha' i bzhin du rdzu 'phrul gyis khyab pa'o/ /dgra bcom pa thams cad zag pa zad pa zhes bya ba ni/ bdud bzhi bcom zhing bag chags kyi sgrib pas ma gos pa ste/ de bzhin du nyan thos kyi rdzu 'phrul dang ldan pa'o/ /bden pa'i tshig 'dis kun tu bde legs su gyur ces bya ba ni/ yang dag par rdzogs pa'i sangs rgyas rnams kyi bka' bden pa dang/ rig sngags kyi gzi brjid kyi stobs kyis/ kun nas kun tu bde legs su 'gyur ba'o/ /de bzhin gshegs pas gsungs pa'i rig sngags kyi rma bya chen mo 'dis zhes bya ba ni rnam par gzigs dang/ gtsug tor can dang/ thams cad skyob dang/ log par dang sel dang/ gser thub dang/ 'od srungs la sogs pa'i sangs rgyas/ gang+gA klung gi phye ma snyed bye ba brgyad khri bzhi stong rnams kyis kyang/ rjes su yi rang zhing gsungs pa/ de bzhin du ma 'ongs pa rnams kyang byams pa la sogs pa'o/ /da ltar shAkya thub
- 146a
pas gsungs shing rjes su yi rang ba'o/ /de rnams kyis bka' nas gsungs te/ gzi brjid che zhing 'byung po rnams kyi mnyen pa'o/ /bdag la bsrung ba gyis shig ces bya ba ni/ gang zag gus par byed pa spa ba dang/ zhes bya ba ni/ sdug bsngal thams cad la 'gro 'dod pas spa ba'o/ /yongs su sbyar ba dang zhes bya ba ni/ 'gro ba rigs drug gi sdug bsngal las bskyob pa'o/ /yongs su bzung ba dang zhes bya ni/ mi dge ba bcu bor nas/ dge ba 'dzin pa'o/ /yongs su bskyang ba dang/ zhes bya ba ni/ dge ba'i rtsa ba ci byas pa rgya char 'phel ba'o/ /zhi ba dang zhes bya ba ni/ bar chad med cing dge ba'i rtsa ba ci byas pa gang yang zhi bar 'gyur zhing bsam pa 'grub pa'o/ /bde legs su 'gyur ba dang zhes bya ba ni/ tshe da ltar yang bde bas te de bzhin du phyi ma la yang bde ba'o/ /chad pa spang ba dang zhes bya ba ni/ rgyal po dang 'byung po yin te/ de la sogs pa'i chad pa thams cad spong ba yin no/ /mtshon cha spang ba dang zhes bya ba ni/ dper na g.yul tu zhugs pa'i dgra las rgyal par 'gyur ro/ /dug gzhi la ba dang zhes bya ba ni dug 'thungs pa dang dug zos pa dang/ phol mig dang g.yan pa dang me dbal la sogs pa'i dug thams cad 'byin pa'o/ /dug gsang pa zhes bya ba ni 'gro ba'i dug dang bsdad pa'i dug 'byed pa'i dug dang/ gsuM gsal nas phyi nas dug nad mi ldang ba'o/ /mtshams gcad pa dang zhes bya ba ni/ rig sngags 'dis phyogs mtshams steng 'og thams cad rig sngags kyi nus pas 'byung po rnams 'od mi nus pa'o/ /sa cing bgyis shig ces bya ba ni sa g.yo pa'i sdug bsngal yang mi 'byung ste/ gzhan yang ri dang khang pa la sogs pa yang mi rdib? pa'o/ /lo brgya 'tsho bar gyur cig ces bya ba ni/ tshe thung ba ring bar byed cing nad thams cad bral nas bde bar gnas pa'o/ /ston brgya mthong bar shog cig ces bya
- 146b
ba ni/ bag? dang 'thung ba phun sum tshogs shing/ ma shi'i bar du g.yog dang ldan zhing tshu ba thams cad ldan pa'o/ /kun dga' bo zhes bya ba ni yang dag par rdzogs pa'i sangs rgyas kyis/ sems can gyis don la bka' stsal pa'o/ /gnod sbyin gang dag rgya mtsho la gnas pa'i gnod sbyin chen po dag dang zhes bya ba ni/ bsam gyis mi khyab pa rgya mtsho la gnas pa'i 'byung po la sogs pa'o/ /gang dag ri'i rgyal po ri rab dang zhes bya ba ni de bzhin du rgyal po bzhi la sogs pa gnod sbyin gyi rgyal po nyi shu rtsa brgyad dang/ mthu chen sum cu rtsa gnyis so/ /gang dag ri'i rgyal po gzhan rnams dang zhes bya ba ni/ ri'i rgyal po ma la ya dang/ dpal gyi ri dang/ ri nag po la sogs pa'o/ /yang na stong gsum gyi stong chen po 'jig rten gyi khams kyi ri'i rgyal po ri rab dang bcas pa'i gnod sbyin 'byung po rnams so/ /'brog rnams dang zhes bya ba ni/ de la gnas pa'i gnod sbyin 'byung po rnams te/ yang stong gsum gyi stong chen po'i 'jig rten gyi khams stong la gnas pa'o/ /'brog chen po dang zhes bya ba ni de bas kyang che bas na chen po ste/ 'byung po rnams kyang de bas kyang che ba'o/ /klu rnams dang zhes bya ba ni/ gaM gA dang/ sind+hu dang/ si ta dang/ puk+Shu dang/ chu bo chen po nai rany+dza ra la sogs pa de lta bu'i chu klung rnams la yod pa'i gnod sbyin 'byung po rnams so/ /klu chen po rnams dang zhes bya ba ni phyi'i rgya mtsho chen po ste/ de la gnas pa'i klu dang gnod sbyin dang sa bdag la sogs pa'o/ /sman ljongs rnams dang zhes bya ba ni/ rdzing bu rnams yin te de la gnas pa'i 'byung ba sa bdag dang sa srin la sogs pa stong gsum stong che po la gnas pa'i rdzing bu rnams so/ /sman ljongs chen po rnams dang zhes bya ba ni/ de bas kyang che bas na chen po'o/ /'bab chu rnams dang zhes bya ba ni ba lang spyod dang dbyangs ldan dang/ sbrang rtsi'i blo gros la
- 147a
sogs pa'i 'bab chu la gnas pa'o/ /gnod sbyin 'byung po rnams so steng ka rnams dang zhes bya ba ni/ chu'i khron pa rnams te de la sogs pa chu mig la gnas pa'i sa srin dang sa bdag 'byung po gnod sbyin rnams gnas pa'o/ /lu ma rnams dang zhes bya ba ni de'i lteng ka na gnas pa'i mtsho chen po ste/ de klu la 'bab pas na lu ma'o/ /de la gnas pa'i 'byung bo dang/ klu'i rgyal po rnams so/ /ri'i phug rnams dang zhes bya ba ni stong par du gnas pa'i ri rnams la rgyu ba'i yi dags rnams so/ /yang na gdod pa lta bar mi nus pa'i 'byung po rnams so/ /dur khrod rnams dang zhes bya ba ni/ dur khrod ni dad pa dang/ rma bya'i sgro dang/ rtsal shing dang/ ro langs dang/ mes bsregs pa la sogs pa'o/ /de la gnas pa ni gnod sbyir dang 'byung po la sogs pa'o/ /dur khrod chen po rnams dang zhes bya ba ni bsil ba'i tshal dang/ ko la ha ra dang/ 'byung po ro langs la sogs pa'i dur khrod chen po rnams dang/ de bas kyang che zhing 'byung po rnams che ba'o/ /bzhi mod rnams dang zhes bya ba ni lam gyi rgya gram na gnas pa ste/ de la gnas pa'i 'byung po'o/ /grong rnams dang zhes bya ba ni/ de ni chu la gnas pa'i 'byung po rnams te/ ma rungs pa thams cad byed pa/ sems can la gnod cing grong la rgyu ba'o/ grong khyer rnams dang zhes bya ba ni de bas kyang che ba ste/ 'byung po yang de bas che ba'o/ /lha rnams dang zhes bya ba ni/ 'brog gi 'brog gnas te/ de la ba lang gnas pa'i gnas so/ /de na gnas pa'i gnod sbyin 'byung po rnams so/ /sgyid mos tshal rnams dang zhes bya ba ni/ pho dang mo rgyu ba'i gnas/ de bzhin du 'byung po yang pho mo sgyu ma'i gnas gzugs su byas nas rgyu bar byed pa'o/ /nags rnams dang zhes bya ba ni srin po yi dags rnams rgyu ba ste/ de la gnas pa'i ma
- 147b
rungs pa rnams so/ /nags tshal rnams dang zhes bya ba ni chu'i bar na gnas pa ste/ de'i nang du rgyu ba'i 'byung po rnams te/ yang na rgya mtsho'i bar na gnas pa'i 'byung po rnams so/ /lam rnams dang zhes bya ba ni/ 'gro 'dug byed pa la 'che bar byed cing ma rungs pa'i 'byung po ste/ de bzhin du rtag tu rgyu ba'o/ /lam gol bdag na gnas pa dang zhes bya ba ni/ sems can la log par 'khrid cing lam log par ston pa rnams so/ /kun dga' bo zhes bya ba ni bcom ldan 'das kyis kun dga' bo la yang nas yang du gsungs pa'o/ /gnod sbyin gang dag lcang lo can gyi 'khor na gnas pa de dag gis kyang zhes bya ba ni gnod sbyin gyi de dpon rnam thos sras kyi 'khor dang bcas pa de dag/ pho brang de na gnas pa'i gnod sbyin 'khor bcas rnams so/ /rig sngags kyi rgyal mo rma bya chen mo 'dis bdag la srung ba gyis shig/ ces bya ba ni gang zag dang dad pa skyes pa rnams dang/ rig sngags 'di 'chang ba dang/ 'chang du yod pa dang/ klong ba dang/ rjes su yi rang ba dang/ sgom pa dang/ rgya chen spel ba dang/ de rnams la sogs pa yang dag par srung bar byed pa'o/ /lo brgya 'tsho bar gyur cig ces bya ba ni/ rig sngags 'di'i nus pas lo brgya lon par gyur kyang/ gzhon nu'i tshul du zhugs shing nad rnams thams cad bral ba'o// ston pa rgya mthong bar shog shig ces bya ba ni/ dge ba'i dus su dge ba nus shing/ de bzhin du za ba dang 'thung ba yang nus pa'o/ /rig sngags 'di yang sems can thams cad la thugs rje che zhing/ gzugs skur snang ba'o/ /gzugs su de yang thabs shes rab gnyis su med pa/ zhal gsum phyag bzhi pa sku mdog mthing nag tu bzhugs pa/ g.yas dkar ba g.yon dmar ba/ khro mor dbu skra ser po sprul gyis bcings pa/ rin po che'i dbu rgyan spyan gsum
- 148a
pa/ yan lag sprul gyis brgyan pa/ phyag g.yas na ral gri dang rdo rje 'dzin pa/ g.yon sdig mdzub dang zhags pa dril bu'o/ /g.yas brkyang ba/ g.yon bskum pa/ zhabs kyis gnod sbyin po mo mnan pa/ pad+ma'i steng du nyi ma'i gdan la bzhugs pa/ nyi ma'i 'od dang ldan pa'o/ rig sngags kyi gsang sngags 'di lta ste/ 'byung po rnams kyi snying po ni de ni la sogs pa'o/ /kun dga' bo zhes bya ba ni shAkya thub pas yang nas yang du gsung pa'o/ /shar phyogs na bri ze'i rgyal po yul 'khor srung dri za thams cad kyi bdag po zhes bya ba ni/ ri rab kyi lcog shar na yod pa/ zhal gcig phyag gnyis pa/ sku mdog dkar po/ phyag g.yas na 'khor bsnams pa/ g.yon pa'i wang bsnams pa/ rin po che'i rgyan thams cad kyis brgyan pa/ pad+ma'i gdan la bzhugs pa'o/ /sems can thams cad kyi don byed pa/ 'jig rten gyi khams shar phyogs na gnas pa'o/ /'khor dri za stong phrag du ma yod pa zhes bya ba ni/ 'khor gyi mtshan ma ni glu len zhing bro brdungs te/ rgyan rnams la yang dga' bar bgyid/ /skam pa ma mchis mang bar smra/ rgod par bgyid cing khro bar 'gyur/ /sgom par 'gyur la mig dmar te/ rtag tu rims kyis 'debs par bgyid/ /mig kyang 'byed par mi bgyid de/ rgyab kyi phyogs shing nyal bar bgyid/ 'khor 'bum phrag du ma de dag kyang sems can la de bzhin du gnod pa byas shing/ rang gi mtshan nyid kyang de bzhin no/ /dri za rnams la dbang byed du 'jug pa gnas ste/ zhes bya ba ni/ de dang ldan pa dri za rnams la rgyal po chen po yul 'khor srung dbang du 'dus shing/ gzhan sems can rnams la gnod par mi byed pa'o/ /shar phyogs kyi rgyal po'am gdon rnams gnod par 'gyur na/ tshes bcu 'am nya 'am brgyad la
- 148b
sogs pa la me tog gam spos sam mar me 'am dri 'am/ lha bshos sam mchod pa'i rdzas rang gis ci rigs pa la sogs la/ rig sngags kyi rgyal mo rma bya chen mo 'am/ shar phyogs kyi rgyal bo yul 'khor srung la sogs pa/ shar phyogs na gnas pa'i rgyal po dang gdon rnams mchod par bgyi'o/ /yang rol mo'i rdzas ni gdugs dang ba dan dang rgyal mtshan la sogs pa'i rol mo'i rdzogs so/ /gtor ma'i rdzas la ni/ bu ram dang bsreg pa'i zho dang/ zho zan dang/ 'bras gyi chan dang/ 'bras las ? pa'i khur ba dang/ de la sogs pa mi rigs pa pa sogs la dri sna tshogs zhim par mchod cing/ me tog dkar ba'i phreng ba dang/ dog sa la me tog dkar po bkram la/ yang dag par mchod par bgyi'o/ /gang shar phyogs srung zhing yongs su skyab par byed pa de yang zhes bya ba ni/ sa dang po'i byang chub sems dpa' sems can thams cad kyi don byed pa de lta bu'i yul 'khor srung gi rgyal po/ /shar phyogs kyi sems can rnams skyong ba'o/ /bu dang bcas zhes bya ba ni/ rgyal po chen po bzhi dang 'khor rnams kyi'o/ /tsha bo dang bcas spun dang bcas/ blon po dang bcas/ ded pon dang bcas/ mdag pa dang bcas/ pho nya dang bcas/ g.yog dang bcas/ 'khor dang bcas pas zhes bya ba ni/ de dag rnams kyis sems can gyi don byas shing/ rgyal po dang 'khor rnams kyi tsha bo ba la sogs pa'i 'bum phrag du mar gnas pa'o/ /rig sngag kyi rgyal mo rma bya chen mo 'dis/ bdag la bsrung ba gyis shig ces bya ba ni/ rig sngags kyi rgyal mo rma bya chen mo ni/ zhal gcig phyag gnyis pa/ sku mdog dkar mo/ phyag g.yas na ral gri'o/ /g.yon sdig mdzub dang rma bya'i spo bsnams pa'o/ /sangs rgyas lnga'i dbu rgyan/ spyan gsum pa/ rgyan thams cad rin po ches brgyan pa/ lo bcu gnyis ma'i
- 149a
cha byed can/ zhi bar bzhugs shing pad+ma'i steng du zla pa'i gdan/ 'od kyang de bzhin te/ ye shes lnga'i rang bzhin can/ mtshon byed pa'i shes rab ste/ mtshon pa ni rig sngags kyi rgyal mo bdag nyid ngo chos kyi dbyings kyi ye shes gzugs kyi phung po sa'i khams mig gi skye mched do/ /de lta bu'i rigs sngags kyi rgyal mo gang zag bdag gis 'chad bar 'gyur na/ yang dag par srung zhing sdug bsngal thams cad dang bral ba'o/ /sba ba dang zhes bya ba ni ma rungs pa rnams kyis rlags tshol ba la spa ba'o/ /yongs su skyab pa dang zhe bya ba ni/ nang thams cad dang ma rungs pa rnams kyis bzung ba las bskyabs pa'o/ /yongs su bzung ba dang zhes bya ba ni/ ma rig pa'i sems can rnams kyis bzung par 'dod pa/ rig sngags kyi gzi brjid kyis gzung nas glags mi rnyed pa'o/ /yongs su bskyad ba dang zhes bya ba ni rig sngags kyi gzi brjid kyis gang gis 'jigs pa dang sdug bsngal thams cad dang bral zhing 'jigs pa thams cad bral ba ste/ rgya cher bskyad bas na yongs su bskur ba'o/ /zhi ba dang bde legs su 'gyur ba dang zhes bya ba ni zhi ba ni sdug bsngal thams cad zhi ba ste/ de nye bar bzhag pas na bde ba'o/ /bde legs su 'gyur ba dang zhes bya ba ni bde ba phun sum tshogs shing sdug bsngal thams cad dang ?? ? ma skyes pa'i dus su yang bde ba'o/ /chad pa spang pa dang zhes bya ba ni ma rungs pa'i gdon gyis chad pa gcod par 'dod pa la/ de'i gzi brjid kyis spang ba'o/ /mtshon cha spang ba dang zhes bya ba ni/ gzhan rnams kyis mtshon btang? nas/ ? bde ba dang mi phog pa'i phyir na spang ba'o/ /dug gzhil ba dang zhes bya ba ni/ mdze dang/ phol mig dang/ g.yan pa dang/ wa ba dang/ sha kra dang/ me dpal la sogs pa mdze rigs bcwo brgyad sel ba'o/ /dug gsad pa dang zhes
- 149b
bya ba ni de rnams mi ldang bar bya ba'i phyir na bsad pa'o/ /mtshams bcad pa dang zhes bya ba ni/ glags tshol ba rnams kyis glags mi rnyed de/ rig sngags kyi gsang sngags gar bzhag pa'i sar/ 'byung po rnams kyis 'ong mi nus pa'o/ /sa bcing ba gyis shig ces bya ba ni rig sngags kyis sa la reg nas sa bcing bar 'gyur na rdo rje gzhi dang ldan pa'o/ /lo brgya 'tsho bar gyur cig ces bya ba ni/ nang thams cad dang bral zhing bde bar gnas pa'o/ /ston brgya mthong bar shog cig ces bya ba ni/ phun sum tshogs shing bde bar gnas pa'o/ /tadya thA zhes bya ba ni 'di lta ste/ 'og tu blta ba'o/ /dri za'i snying po rig sngags kyi gsang sngags ni/ su ru su ru su ru la sogs pa'o/ /kun dga' bo zhes bya ba ni dge slong sa ri dang sems can rnams la bka' stsal pa'o/ /lho phyogs na grul bum gyi rgyal po 'phags skyes po zhes bya ba ni ri rab kyi lho phyogs na gnas pa 'jig rten lho phyogs skyong ba/ sems can thams cad kyi don byed pa/ sa dang po thab pa/ zhal gcig phyag gnyis sku mdog mthing kha/ g.yas dbyug to/ /g.yon rin po che bsnams pa/ rgyan thams cad kyis brgyan pa/ pad+ma'i gdan la zhugs pa bzhin mi sdug pa khro bor gnas pa'o/ /grul bum thams cad kyi bdag po grul bum stong phrag du ma yod pa zhes bya ba ni/ grul bum yi dags kyi don rnams kyi bdag po ste/ de bzhin du ma mo rnams kyang yin no/ /de rnams kyis btab pa'i mtshan ma ni/ shin tu skom gis 'de bas par 'gyur/ /g.yengs pas btab cing lta bar 'gyur/ bzhin yang dmar por lta bar 'gyur/ skum nas sa la nyal bar 'gyur/ kha dog dan cing lus kyang skem/ skra dang sen mo ring ba ste/ dri ma can la dri mi 'dag /rdzun dang kyal ba smra bar bgyid/ grul bum gyi gdon 'bum phrag du ma gnas pa ni/ sems
- 150a
can rnams la gnod par bgyid cing rgyal po'i 'khor du gnas pa'o/ /grul bum rnams la dbang byed du 'jug pa'o zhes bya ba ni grul bum gyi gdon rnams dbang du sdud cing/ sems can rnams la 'tshe bar mi byed pa'o/ /de rnams kyi gnod pa'i rdzas ni gong dang mthun no/ /tshe grangs yang god dang mthun no/ /gtor ma'i rdzas la khrag gam chad dam/ sha 'am nya 'am sgog pa 'am la phug gam/ sran chan nam khur ba 'am bu ram gyi thug pa'am/ khrag gi gtor ma me tog ser po'i phreng pa dang/ dog sa la me tog bkram la/ lho phyogs na gnas pa'i rgyal po rnams mchod par bya'o/ /gang lho phyogs srung zhing yongs su skyod bar byed cing zhes bya ba ni/ grul bum gyi rgyal po 'phags skyes po ri rab kyi lho phyogs yongs su srung zhing/ 'jig rten gyi khams rnams la srung bar byed ba'o/ /de yang bu dang bcas/ tsha bo dang bcas spun dang bcas/ blon po dang bcas/ ded dpon dang bcas/ mngag pa dang bcas/ pho nya dang bcas/ g.yog dang bcas/ 'khor dang bcas pas zhes bya ba ni/ rgyal po chen po 'phags skyes po dang/ 'khor 'bum phrag du ma dang bcas pa de rnams kyi bu dang tsha bo la sogs pa'o/ /rig sngags kyi rgyal mo rma bya chen mo 'dis bdag la srung ba gyis shig ces bya ba ni/ rig sngags kyi rgyal mo ni thabs shes rab gnyis su med pa'o/ /ye shes mnyam pa nyid dang ldan pa tshor ba'i phung po'o/ /rin chen gyis rigs chu'i khams sna'i skye mched ye shes lnga'i rang bzhin zhal gcig phyag gnyis pa sku mdog ser po/ phyag g.yas na ral gri/ g.yon rma bya'i sgro bsnams pa'o/ /sangs rgyas lnga'i dbu rgyan can/ rgyan thams cad rin po che sa brgyan pa'o/ /spyan gsum pa zhabs phyed krud du bzhugs pa/ nyi ma'i gdan dang 'od
- 150b
dang ldan pa de'i 'og na pad+ma'i gdan la khro mor bzhugs pa'o/ /gang zag gang gi 'di la mos par gyur na/ rgyal po bzhi dang 'khor rnams kyis kyang de la srung zhing skyob par byed do/ /sba ba dang zhes bya ba la sogs pas ni sngar bshad pa bzhin du shes par bya'o/ /tadya thA zhes bya ba ni 'di lta ste/ 'og tu blta ba ni gang zhe na/ grul bum gyi gdon gyi snying po rig sngags kyi gsang sngags ni/ me lu ke la sogs pa'o/ /kun dga' bo zhes bya ba ni yang dag par rdzogs pa'i sangs rgyas kyis kun dga' bo la bka' stsal pa'o/ /nub phyogs na klu'i rgyal po mig mi bzang zhes bya ba ni/ ri rab gyi rtse mo'i nub phyogs kyi lcog la bzhugs te/ nub phyogs kyi 'jig rten skyong ba/ klu rnams kyi bdag po sa dang po thob pa/ byang chub kyi sems dang ldan pa rnams so/ /zhal gcig phyag gnyis pa/ sku mdog dmar ba/ g.yas na sprul gyi zhags pa/ g.yon pad+ma bsnams pa/ rin po che'i rgyan thams cad kyis brgyan pa/ pad+ma'i gdan la bzhugs pa/ cung zad khro bor bzhugs so/ /klu thams cad kyi bdag po 'khor 'bum phrag du ma yod pa zhes bya ba ni/ rgyal po de'i 'khor yang klu dang sa srin sa bdag rnams yin te/ de rnams kyis btab pa'i mtshan ma ni/ skyigs pus btab cing dbugs kyang 'byin?/ de bzhin dbugs kyang grad bar 'gyur/ /rdul zhing kha chu sbu bar 'byung/ /phyir phyir gnyis kyis log par 'gyur/ /kha dog ldan zhing sba bas te/ de bzhin 'dar zhing skyug par 'gyur/ /sen mo dag kyang ston par byed/ tog tog 'tshig cing rdul bar byed/ /de bzhin du sems can rnams la mtshan ma btab nas/ rang gi mtshan yang de dag dang 'dra pa'o/ /klu rnams la dbang byed du 'byung ba gnas te/ zhes bya ba ni/ de rnams dbang du 'dus shing
- 151a
'jig rten nub phyogs skyod ba de rnams mchod pa'i rdzas gong dang mthun te/ tshe grangs kyang god dang mthun no/ /gtor ma'i rdzas ni mngar gsum dang dkar gsum lo? thug dang gro chad dang gro'i khur ba 'o ma las byas ba'i gtor ma me tog dmar po'i phreng ba me tog nga/ sil ma dog sa la bkram la/ klu sman la sogs pas mchod par bya'o/ /gang nub phyogs skyong zhing yongs su srung bar byed pa de yang zhes bya ba ni/ rgyal po spyan mi bzang des kyang ri rab kyi nub phyogs na yongs su skyong zhing sems can rnams la 'tshe bar mi byed pa'o/ /bu dang bcas pa la sogs pa zhes bya ba ni/ rgyal po chen po spyan mi bzang gi bu la sogs pa dang/ 'khor rnams kyi bu la sogs pa'o/ /rig sngags kyi rgyal mo rma bya chen mo 'dis bdag la srung ba gyis shig ces bya ba ni rig sngags kyi rgyal mo rma bya chen mo ni/ zhal gcig phyag gnyis pa/ sku mdog dmar mo phyag g.yas na ral gri/ g.yon na rma bya'i sgro bsnams pa'o/ /sangs rgyas lnga'i dbu rgyan can/ spyan gsum pa/ rin po che'i rgyan gyis brgyan pa/ so sor rtog pa'i ye shes/ pad+ma'i rigs 'du shes kyi phung po me'i khams/ lce'i skye mched/ ye shes lnga'i rang bzhin/ mtshon byed ni thabs/ mtshon bya ni shes dang/ de gnyis su med pa'i rang bzhin no/ /de lta bu'i lha mo la gus par byed gyur na/ gang zag de la srung bar byed cing sdug bsngal thams cad dang bral bar 'gyur ro/ /sba ba zhes bya ba la sogs pa ni/ sngar bshad pa bzhin du shes par bya'o/ /tadya thA zhes bya ba ni 'di lta ste/ 'og tu blta'o/ /gang bltas she ma klu rnams kyi snying po rig sngags kyi gsang sngags ni/ bi du ri'i bi du ri zhes bya ba la sogs pa'o/ /kun dga' bo zhes bya ba ni/ bcom ldan 'das kyis bka' stsal pa'o/ /byang phyogs na gnod sbyin gyi rgyal po rnams thos
- 151b
kyi bu zhes bya ba ni/ byang phyogs kyi rgyal po lus ngan po yin te/ ri rab kyi rtse mo'i byang phyogs kyi lcog la bzhugs te/ byang phyogs kyi 'jig rten gyi khams skyong ba'o/ /zhal gcig phyag gnyis pa sku mdog ljang gu/ phyag g.yas na ral gri/ g.yon na ne'u le'i skyal ba bsnams pa'o/ /rgyan thams cad rin po ches brgyan pa/ pad+ma'i gdan la bzhugs pa'o/ /gsus pa che zhing stod chung ba khro bor zhugs pa'o/ /gnod sbyin 'bum phrag du ma yod ba zhes bya ba ni/ rgyal po chen po lus ngan bo? gnod sbyin thams cad ded dpon gyi 'khor rnams so/ /'khor de dag gis btab pa'i mtshan ma ni/ phyir phyir ldog cing 'jigs par 'gyur/ /smra bar gyur cing khro bar 'gyur/ /de bzhin nyid kyang logs par 'gyur/ /yang na shin tu khro bar 'gyur/ /ltag tu gyen du lta bar 'gyur/ /skar ma dag la bsnyag? par bgyid/ /nub mo shin tu dga' bar 'gyur/ /rtag tu 'dar zhing skra yang 'byin/ /gnod sbyin gyi yang rang bzhin no/ /gnod sbyin rnams la dbang byed du 'jug pa gnas te zhes bya ba ni/ gnod sbyin 'bum phrag du ma gnas pa rnams la mnga' mdzad pa/ byang phyogs skyong ba'o/ /gang byang phyogs srung zhing yongs su skyong bar byed pa de la zhes bya ba ni/ sa dang po thob pa'i byang chub sems dpa' ting 'dzin gyi khams byang phyogs skyong bar byed pa/ sems can rnams la gnod par mi byed pa'o/ /bu dang bcas zhes bya ba la sogs pa ni rgyal po lus ngan po bu la sogs pa dang/ 'khor rnams kyi bu la sogs pa'o/ /rig sngags kyi rgyal mo rma bya chen mo 'dis bdag la srung ba gyis shig ces bya ba ni/ rig sngags kyi rgyal mo rma bya chen mo 'di yang/ zhal gcig phyag gnyis pa/ sku mdog ljang gu phyag g.yas na ral gri/ g.yon na rma bya'i sgro bsnams pa'o/ /las kyi rigs bya ba nan tan grub
- 152a
pa'i ye shes/ /'du byed kyi phung po rlung gi khams yid kyi skye mched ye shes lnga'i ngo bo nyid/ /sangs rgyas lnga'i dbu rgyan can/ spyan gsum ba rgyan thams cad rin po ches brgyan pa nyid ma'i gdan dang nyi ma'i 'od dang ldan pa/ de'i 'og na pad+ma'o/ zhabs? phyed krung du bzhugs pa/ /khro bor bzhugs pa'o/ /gang zag 'di la dad par gyur na/ /srung bar 'gyur zhing mi shi bar bde bar gnas pa'o/ /sba ba la sogs pa zhes bya ba ni/ sngar bshad pa bzhin no/ /tadya thA zhes bya ba ni 'di lta ste/ gang lta ba zhe na 'og tu lta ba ni gnod sbyin gyi snying po ni/ rig sngags kyi gsang sngags ni/ so ri so ri la sogs pa'o/ /shar phyogs na ni yul 'khor srung zhes bya ba ni/ 'bum phrag du ma dri za dang bcas shing/ shar phyogs skyong pa'o// lho phyogs na ni 'phags skyes po zhes bya ba ni/ grul bum gyi 'khor 'bum phrag du ma dang bcas shing/ lho phyogs srung ba'o/ /nub phyogs na ni mig mi bzang zhes bya ba ni klu'i 'khor rnams 'bum phrag du ma dang bcas shing/ nub phyogs skyong ba'o/ /byang phyogs na ni lus ngan po zhes bya ba ni gnod sbyin gyi 'khor 'bum phrag du ma dang bcas nas byang phyogs srung ba'o/ /rig sngags kyi rgyal mo rma bya chen mo la gus par byed cing srung ba btags na rgyal po chen po bzhi 'khor dang bcas nas bsrung ba dang sba la sogs pa byed par 'gyur ro/ /rgyal po chen po 'di bzhi dag ces bya ba ni 'khor rgyal po chen po bzhis byas shing/ rig sngags kyi rgyal mo gtso bor byas pa'o/ /dog sa bzhi bzang po la/ me tog dbyibs bzhin mkhas pas byas/ de steng tshon lngas bri ba la mdzes par byas nas yang dag bri/ gru bzhi sgo bzhi twa ra na bzhi/ dbus su sna tshogs pad+ma la/ rig sngags kyi rgyal mo yang dag bzhugs/ /sna tshogs pad+ma 'dab bzhi la/ rgyal po bzhi yang
- 152b
bzhugs pa'o/ /de bzhin gser gyi pad+ma la/ mchod pa'i lha mo bzhi yang dgod/ /sgo bzhi dang ni zung rnams la/ phyogs skyong bcu yang dgod bar bya/ rdo rje ra ba'i phyi rim la/ rgyal chen bzhi yi 'khor rnams dgod/ de bzhin 'byung po la sogs dang/ mkhas pas yang dag bri bar bya/ /rgyal po bzhis dkyil 'khor gyi bya thabs so/ /de nas bum pa'i bya thabs ni/ mtshan ma legs pa mgrin pa ring/ /nag por ri spangs pa dang/ mchu 'phyang lto ba che ba dang/ dar ram ras sam gang yang rung/ mgrin pa yang par bcing bar bya/ rin chen lnga dang 'bru lnga dang/ sman lnga dri lnga snying po lnga /chu gtsang gis ni legs par dgang/ gdugs dang ba dan rgyal mtshan dang/ /lo ma lnga dang ldan pa dang/ bkra dshis brgyad dang yang dag ldan/ /de rnams kyis ni brgyan nas ni/ /dkyil 'khor dbus su yang dag bzhag /snying po 'am nye ba'i snying po 'am/ /de'i sngags kyis bum pa lhag par byed pa'i cho ga byas la/ dkyil 'khor bskyed par bya'o/ /dkyil 'khor bskyed pa yang phyis bshad pa bzhin bya'o/ /rgyal po chen po bzhi'i 'khor gyis/ nad? kyis btab pa de sngar bshad pa'i snying po'i sngags kyis bsrung bar bya'o/ /de bzhin du bsrung ba byas na/ rgyal po chen po bzhis kyang 'jig rten skyong zhing nad pa yang skyod bar 'gyur ro/ /'jig rten skyong bar grags dang ldan zhes bya ba ni/ gling bzhi'i ri rab dang bcas pa'i 'jig rten gyi khams na grags pa'o/ /phyogs bzhi dag ni skyong bar byed/ ces bya ba ni/ yang dag par rdzogs pa'i sangs rgyas rnams kyis chos skyong ba byang chub sems dpa' i sa dang po thob nas sems can rnams kyi don mdzad pa'o/ /sde bo che la stobs po che zhes bya ba ni dri za dang/ grul bum dang klu dang gnod sbyin dang/ de rnams kyi ded dpon te/ de rnams la che bar mdzad cing 'jig rten la grags pa'i stobs dang ldan pa'o/ /pha rol dgra rnams
- 153a
rab tu 'joms zhes bya ba ni/ lha dang lha ma yin gyi yul la pha rol 'dul ba'o/ /gzhan gyis mi thub thul par dka' zhes bya ba ni gzhan 'jig rten gyi lha rnams kyis mi thub pa stobs che ba dang ldan pa'o/ /rdzu 'phrul ldan zhing 'od dang ldan zhes bya ba ni/ stong gsum gyi stong chen po'i 'jig rten gyi khams skad cig mas khyab cing sems can rnams kyi don mdzad pa'o/ /de bzhin du kha dog ldan zhing grags dang ldan zhes bya ba ni/ so sor rang rang gi kha dog ldan zhing de bzhin grags pa yang yin no/ /rdzu 'phrul che zhing lha min dang/ lha yi yul yang myong par byed ces bya ba ni/ lha dang lha ma yin gyi spyod pa la yang rtsod par nus shing/ pha rol gyi dgra rnams 'dul ba'o/ /de dag gis kyang rig sngags kyi rgyal mo rma bya chen mo 'dis bdag la srung bar gyis shig ces bya ba ni/ rgyal po chen po bzhi 'khor bcas dang gang zag bdag la srung bar byed pa'o/ /rig sngags kyi rgyal mo rma bya chen mo 'di/ mtshon bya ni shes rab ste/ mtshon byed ni thabs so/ /rgyal mo bdag nyid do/ /rin po che'i rigs mnyam pa nyid kyi ye shes/ tshor ba'i phung po chu'i khams/ sna'i skye mched ye shes lnga'i ngo bo nyid/ zhal gsum phyag drug pa/ sku mdog ser mo/ g.yas mthing kha/ g.yon dmar ba/ zhal dang po sgeg pa/ g.yas khro bo/ g.yon 'dzum pa/ zhal re re la spyan gsum dang ldan pa'o/ /sangs rgyas lnga'i bu rgyan /dbu la rin po che'i rdo rjes brgyan pa/ rgyan thams cad rin po ches brgyan pa'o/ /phyag g.yas dang po ral gri/ 'og ma na rdo rje rin po che/ g.yon dang po 'khor lo/ /'og ma na rma bya'i sgro tha ma gnyis na mda' gzhu 'geng pa'o/ /zhabs rdo rje skyil krung du bzhugs pa/ sna tshogs pad+ma'i steng du zla ba'i gdan/ nyi ma bdun dang ldan pa'i 'od mnga' ba/ bcu drug
- 153b
lon pa'i cha byad can thabs shes rab gnyis su med pa gang bdag gis gus par byed pa'o/ /sba ba dang zhes bya ba ni/ sdug bsngal thams cad sba ba'o/ /yongs su bskyab pa dang zhes bya ba ni/ 'khor ba'i sdug bsngal las bskyabs pa'o/ /yongs su bzung ba dang zhes bya ba ni/ mi dge ba bcu spangs nas dge ba bcu la bzung ba'o/ /yongs su bskyang ba dang zhes bya ba ni ma rig pa bcom nas yon tan bskyong ba'o/ /zhi ba dang bde legs su 'gyur ba dang zhes bya ba ni/ 'khor ba'i sdug bsngal zhi bar 'gyur te/ yang dag pa'i don thob nas mtho ris kyi ngo bo nyid thob pa'o/ /chad pa spang ba dang zhes bya ba ni/ bdud bzhi rnams kyi chad pa spangs nas ye shes shar pa'o/ /mtshon cha spangs pa dang zhes bya ba ni dmyal ba'i sdug bsngal mtshon cha spang ba'o/ /dug gzhil ba dang zhes bya ba ni/ dug lnga shar ba la nges bsil bar byed pa'o/ /dug bsad pa dang zhes bya ba ni ye shes lnga'i rang bzhin gyis dug lnga bsad pa'o/ /mtshams bcad pa dang zhes bya ba ni/ ma rig pa'i ngo bo bsad nas/ ye shes kyi ngo bo la 'jug pa'o/ /sa bcing bgyis shig ces bya ba ni/ sdig pa'i sems dang ldan pa rnams dge ba la 'jug pa'o/ /lo brgya 'tsho bar gyur cig ces bya ba ni/ rig sngags 'di'i gzi brjid kyis nad med cing shi ba'i dus kyis mi dgos pa'o/ /ston brgya mthong bar shog cig ces bya ba ni/ ye shes des sems can thams cad kyi don mdzad pa'o/ /tadya thA zhes bya ba ni/ 'di lta ste/ gang blta ba zhe na/ rig sngags kyi gsang sngags bsam gyis mi khyab pa blta'o/ /rig sngags kyi gsang sngags ni/ a le me le la sogs pa'o/ /rig sngags kyi rgyal mo rma bya chen mo'i rgyal po bzhi'i cho ga'i gnas skabs te brgyad pa'o/ /kun dga' bo zhes bya ba ni yang dag par rdzogs pa'i sangs rgyas
- 154a
shAkya thub bas kun dga' bo la yang nas yang du bka' stsal pa'o/ /khyod kyis gnod sbyin gyi sde dpon chen po rnams kyi ming zung zhig ces bya ba ni/ lus ngan po'i bu bzhi po'i ming brjod cing/ sems can rnams la yang dag par bsrung ste/ 'di'i nus pas gnod sbyin chen po de rnams kyis kyang gang dang gang du srung bar byed pa'o/ /'di lta ste zhes bya ba ni 'og tu blta ba'o/ /'og tu gang blta zhe na/ gnod sbyin gyi ded dpon chen po blta ba'o/ /lus ngan gyi bu thu bo zhes bya ba ni/ rgyal po chen po lus ngan po'i bu chen po de dag de/ gzi brjid che zhing stobs dang ldan pa/ kha dog dang ldan pa/ lha dang lha min gyi yul yang skye ba'o/ /kun tu rgyal ba mi la zhon/ phrugs su ldan na gnas pa ste/ lha yis bden pa gsol ba'o zhes bya ba ni/ de'i kha dog ni dkar po dang/ ser po dang/ dmar po dang/ ljang gu dang/ nag po dang/ de rnams ni zhal re re phyag gnyis gnyis so/ /phyag g.yas rnams na 'khor lo dang mdung dang dgra sta dang/ rtse gcig dang lcags kyu bsnams pa'o/ /phyag g.yon pa rnams na rin po che'i myu gu bsnams pa/ gnod sbyin de rnam ni sems can gyi don mdzad cing/ srog chags rnams la gnod pa mi byed pa'o/ /kun tu rgyal ba dang/ mi la zhon pa gnyis ni shar dang lho stong? pa'o// phrags? su ldan na gnas pa ste/ lcang lo can gyi pho brang na gnas pa lha'i dbang po brgya byin gyi bka' las mi 'da' ba yang dag par rdzogs pa'i sangs rgyas rnams kyi bstan pa srung ba/ rig sngags kyi rgyal mo rma bya chen mo 'di/ rjes su ? zhing rig sngags la gus par byas pa'o/ /kun tu rgyal dang mi la zhon gnyis kyis kyang nub phyogs dang byang phyogs skyong ba'o/ /ser mo lnga pas ni lha'i dbang po brgya byin gyi pho brang skyong ba'o/ /des kyang rig sngags kyi rgyal mo rma bya chen mo 'dis
- 154b
bdag la bsrung ba gyis shig ces bya ba ni/ bsrung ba dang/ rjes su yi rang ba dang/ klog pa dang/ kha don byed pa dang/ rgya cher spel ba dang/ gus par byas nas 'chang ba dang/ bsgom pa dang/ tshig gcig kyang 'don par gyur na/ tshe 'di yang gnod sbyin de rnams kyis bsrung bar 'gyur ro/ /tshe phyi ma la yang bsrung bar 'gyur ro/ /'di'i gnyen po'i rig sngags ni zhal gcig phyag gnyis pa/ sku mdog ljang gu/ las kyi rigs bya ba nan tan gyi ye shes 'du byed kyi phung po rlung gi khams lus kyis skye mched/ ye shes lnga'i ngo bo nyid spyan gsum pa cung zad khro ba/ rigs lnga'i dbu rgyan can yan lag thams cad sprul gyis brgyan pa/ g.yas na sna tshogs rdo rje bsnams pa'o/ /g.yon pa na rma bya'i sgro bsnams pa'o/ /rma bya la zhon pa/ de lta bu'i rig sngags la gang zag gi gus par byas na gnod sbyin de rnams kyis kyang skyong ba'o/ /sba ba la sogs pa zhes bya ba ni snga ma bzhin du shes par bya'o/ /tadya thA zhes bya ba ni 'di lta ste/ rig sngags kyi gsang sngags gnod sbyin gyi snying po ni/ tsa le ka tsa le la sogs pa'o/ /skya snar phun? 'khor pa 'jig ces bya ba ni gnas ni skya snar dbu/ gnod sbyin ni 'khor ba 'jig go /de yang 'dzam bu'i gling gi lho phyogs na gnas so/ /phyag gnyis pa sku mdog dkar po g.yas 'khor lo g.yon sdigs 'dzub bo/ /gzhan gyis mi thub dkar ba na zhes bya ba ni/ yul ni rgya gar gyi nub phyogs yin te/ gnod sbyin gzhan gyis mi thub pa ni zhal gcig phyag gnyis pa/ sku mdog ser po/ g.yas ral gri g.yon thod pa'o/ /grong khyer bzang na gnod sbyin brag ces bya ba ni de ni gnas yin te/ gnod sbyin gyi sku mdog ni mthing nag/ g.yas g.yon gnyis ni gri gug dang thod pa bsnams pa'o/ /shed kyi bu ni byang phyogs na zhes bya ba ni ri rab kyi byang phyogs na sgra mi snyan na gnas pa stobs dang ldan pa/ gzi brjid che ba'o/ /de'i kha dog ni gser
- 155a
dang 'dra ba/ g.yas na dbyug to g.yon na pad+ma bsnams pa'o/ /lag na rdo rje rgyal po'i khab ces bya ba ni/ rgya gar gyi yul grong khyer dbus na rgyal po'i khab kyi lho phyogs na gnas pa'o/ /sku mdog mthing kha/ g.yas na rdo rje g.yon sdig mdzub bo/ /bya rgod phung po'i gnas bcas pa zhes bya ba ni/ gnod sbyin lag na rdo rje ni/ pho brang bya rgod phung por byas nas khams gsum du skad cig mas rgyu ba'o/ /rgya mtsho'i mdza' i bar gyi sar/ /lan gsum bar du 'gro byed pa zhes bya ba ni/ mtsho dang bya rgod phung po gnyis la/ lan gsum gsum rgyu ba'o/ /skad cig mas 'dzam+bu'i gling par gnas brgyu ba'o/ /stobs che zhing ni gzi brjid che/ dpag tshad bcu ni rnam par gnon zhes bya ba ni/ gzhan gyi stobs dang 'gram par mi nus pa/ gzi brjid kyang de bzhin no/ /lus kyi tshad ni dpag tshad bcur sprul pa'o/ /gnod sbyin mkha' lding rgyas pa ni zhes bya ba ni/ rgyu ba ni nam mkha' la rgyu ba ste/ gnas ni ma la'i rtse mo na'o/ /gzugs bya dang 'dra ba lus ser po gshog pa nag po/ mjug ma yang nag po/ mchu sngon po ring ba/ lag pa dang rkang pa sder mo ring ba/ mig ser ba/ g.yas g.yon gnyis na sbrul za ba'o/ /skad cig ma dpag tshad lnga brgya lnga brgyar 'phur nus pa'o/ /sna tshogs sped pa gnas sgo na zhes bya ba ni/ de yang 'dzam bu gling gi lho phyogs na gnas sgo zhes bya ba'i yul na'o/ /gnod sbyin de'i sku mdog ni/ shin tu dmar ba/ khro bo'i tshul du yod pa/ phyag g.yas g.yon gnyis na mda' gzhu bsnams pa'o/ /gnod sbyin pa ku la rgyal khab na zhes bya ba ni/ gnas ni rgyal po'i khab kyi dbus na'o/ /sku mdog ni ljang gu'o/ /bzhin mi sdug pa/ gzugs thung pa/ phyag g.yas g.yon gnyis na nor bu rkyal pa 'dzin pa'o/ /sde bo che la stobs po che zhes bya ba ni/ ba ku la ni 'khor mang po
- 155b
yod pa/ gzi brjid dang ldan pa/ kha dog dang ldan pa'o/ /gnod sbyin nag po nye nag bo/ /ser skya yi ni gnas na gnas zhes bya ba ni/ chu bo gang+gA'i 'gram shar phyogs na gnas pa'o/ /gnod sbyin nag po nye nag po/ de bas kyang nag pas nye nag po/ gnod sbyin de gnyis kyang phyag gnyis gnyis/ g.yas pa na rin po che 'dzin pa'o/ /g.yon ne'u le'i rkyal ba bsnams pa'o/ /thub pa chen po shAkya'i rtog/ sangs rgyas thub pa gar bstan par zhes bya ba ni rgya gar yul gyi dbus chu bo gang+gA'i lho phyogs na/ der sangs rgyas gnas pa'o/ /phyag gnyis sku mdog gser gyi mdog can rab tu byung ba'i gzugs su bzhugs pa'o/ /rkang bkra bo ni dgra can la zhes bya ba ni/ rgya gar gyi yul gyi dbus/ lho nub kyi mtshams na'o/ /gnod sbyin de'i sku mdog dang phyag mtshan ni/ sku mdog mthing kha/ g.yas g.yon gnyis rtse gcig dang/ dung rnam pa'o/ /rtsir ta na dbang phyug che zhes bya ba ni 'dzam bu gling gi nub phyogs na gnas te/ zhal gcig phyag bzhi pa/ sku mdog sngo skya phyag g.yas pa gnyis na phreng ba dang bum pa/ g.yon pa gnyis na tri shu la dang a 'bras bsnams pa'o/ /spyan gsum pa ral pa'i thor tshugs can no/ /mnyan yod na ni phur bu'o/ /zhes bya ba ni rgya gar yul gyi dbus kyi grong khyer na/ rgyal pu mgon med sa bdun na'o/ /gnod sbyin phur bu ni/ sku mdog dkar po/ g.yas g.yon gnyis na mda' gzhu 'dzin pa'o/ /gnas ni rgya mtsho'i nang na gnas zhes bya ba ni/ gnod sbyin rgya mtsho ni zhal gcig phyag gnyis te/ sku mdog dkar po/ sprul gyi zhags pa 'dzin pa'o/ /yangs pa can na rdo rje mtsho zhes bya ba ni/ rgya gar yul gyi dbus kyi grong khyer na gnas pa'o/ /sku mdog ser po rin po che'i phreng ba 'dzin pa'o/ /spre'u ltar dmar ser gyad yul na zhes bya ba ni/ rgya gar yul gyi byang ngos na yin te/ gnod sbyin de ni sku
- 156a
mdog dmar po/ /phyag na gtun shing 'dzin pa'o/ /bar na ser nag po che zhes bya ba ni/ de yang 'dzam bu gling gi dbus su chu bo gang gA'i 'gram na'o/ /gnod sbyin nag po chen po ni zhal gsum phyag drug pa/ sku mdog mthing nag spyan gsum pa'o/ /g.yas pa gsum na ral gri gri gug rtse gsum mo/ /g.yon pa gsum na tsan dan gyi be con dang thod pa zhags pa bsnams pa'o/ /blta na sdug pa tsam pa na/ zhes bya ba ni/ rgya gar yul shar phyogs na/ shin tu byad mtshar ba gnod sbyin lta na sdug gi gnas so/ /ku mdog dkar po phyag na pad+ma bsnams pa'o/ /gnod sbyin khyab 'jug sgo can na zhes bya ba ni phyi'i rgya mtsho'i 'gram mo/ /sku mdog ljang nag phyag bzhi pa g.yas pa gnyis na/ 'khor lo dang a 'bras/ g.yon pa gnyis dbyug to dang dung bsnams pa'o/ /'dzin pa po sgo drug na zhes bya ba ni/ de yang rgya mtsho'i 'gram na yin te/ sku mdog ser po phyag g.yas g.yon gnyis na/ utpa la'i phreng ba 'dzin pa'o/ /'jigs byed zangs kyi 'dab ma na zhes bya ba ni/ lho nub kyi mtshams rgya mtsho'i 'gram na'o/ /sku mdog dmar skya g.yas ral gri/ g.yon sdigs mdzub bo/ /brang gi 'gro na 'joms pa po zhes bya ba ni/ rgya gar gyi byang ngos na'o/ /gnod sbyin dmar skya/ phyag na rtse gsum bsnams pa'o/ /'phrog na gnod sbyin 'brog gnas so zhes bya ba ni 'dzam+bu gling gi thang stong rnams la gnas pa/ sku mdog nag po phyag g.yas na ral gri/ g.yon na zhags pa'o/ /ser skya ba ni 'bru mangs na zhes bya ba ni/ de yang rgya gar yul gyi dbus su/ gnod sbyin mdog ser skya/ phyag na dbyug to bsnams pa'o/ /'phags rgyal na ni nor srung ba zhes bya ba ni 'dzam bu gling gi dbus su'o/ /gnod sbyin sku mdog ser po phyag drug pa g.yas pa gsum ni phyag 'tshal ba dang/ nor gyi snye
- 156b
ma dang/ mchod sbyin no/ /g.yon pa gsum na po ti dang 'bras gyi snye ma dang bum pa'o/ /srung byed na ni nor 'byor pa zhes bya ba ni/ yul de'i lho phyogs na'o/ /sku mdog ser po g.yas na rin po che'i bum pa bsnams pa'o/ /g.yon na gser gyi bum pa bsnams pa'o/ gso ba'i mdza' na gso ba zhes bya ba ni/ nub kyi phyogs na gnas te/ gnod sbyin gso ba po ni/ sku mdog ljang gu phyag na ne'u le bsnams pa'o/ /dga' bo nye dga' grong khyer gnas zhes bya ba ni/ yul dbus na'o/ /de gnyis kyang sku mdog ser po sprul gyi zhags pa bsnams pa'o/ /phreng ba 'dzin pa chu mchog na zhes bya ba ni/ de yang 'dzam bu gling gi dbus na gnas te/ gnod sbyin gyi kha dog ni dmar po phyag na gser gyi phreng ba 'dzin pa'o/ /kun dga' bo 'chi med sa bzhag ma zhes bya ba ni/ 'dzam bu'i gling gi shar phyogs na'o/ /sku mdog ser po phyag na rdo rje bsnams pa'o/ /mche ba dkar po ngos bzang na zhes bya ba ni ri rab kyi shar phyogs na gnod sbyin mche ba can gnas te/ sku mdog dkar po phyag na 'khor lo bsnams pa'o/ /ming bstan pa ni gzi brjid can zhes bya ba ni/ rgya mtsho'i bar na gnas pa te/ gnod sbyin gyi kha dog ni mthing nag tu yod pa/ phyag na lcags kyu bsnams pa'o/ /ri chen ri ldan grong khyer na/ zhes bya ba ni/ ri bo chen po'i bar na/ grong khyer lta na sdug gi dbus na/ rnam par rgyal ba'i gzhal yas khang gi srung ma'o/ /gnod sbyin de ni stobs dang ldan pa/ gzi brjid che ba'o/ /de'i sku mdog dang phyag mtshan ni sku mdog nag po/ /g.yas na gri gug g.yon na thod pa bsnams pa'o/ /nor gyi bu ni phyogs mtshams rnams zhes bya ba ni gnod sbyin rnams thos kyi bu yin te ri rab kyi phyogs mtshams na gnas pa'o/ /sku mdog ser po/ /g.yas na rin po che'i myu gu/ g.yon na bum pa bsnams pa'o/ /smin drug bu ni gzhon nu zhes/ /'jig rten grags pa skye yod na zhes bya ba ni/ gnod sbyin de
- 157a
ni sku mdog dmar po'o/ /g.yas na rtse gcig g.yon na phreng ba 'dzin pa'o/ /de'i 'og ma'i gnod sbyin ni thal ba'i mdog can lcags kyu 'dzin pa'o/ /'og ma'i 'gram na lag brgya pa zhes bya ba ni/ rdo rje gdan gyi lho phyogs nags gseb na'o/ /gnod sbyin shin tu 'jigs pa sku mdog dmar skya/ phyag na dgra sta bsnams pa'o/ /ka liM ka na shing rta che zhes bya ba ni rgya gar yul gyi lho phyogs so/ /gnod sbyin de'i sku mdog ni dkar po phyag na rtse gsum bsnams pa'o/ /thul bar dka' ni 'gro 'joms na zhes bya ba ni/ de yang dbus kyi nub phyogs su/ kha dog ser po phyag na bum pa bil ba bsnams pa'o/ /srid sgrub nags na srid sgrub pa zhes bya ba ni dur khrod bsil ba'i tshal gyi nags na'o/ /gnod sbyin de'i sku mdog ni sngo skya phyag na dbyug to bsnams pa'o/ /gnod sbyin 'joms pa'i mdun khang na zhes bya ba ni/ rgya gar yul gyi byang shar mtshams na gnas so/ /gnod sbyin gyi sku mdog ni ser skya ste/ gser gyi rkyal bu 'dzin pa'o/ /phreng ba bsrung ni ri rtsegs bzhes bya ba ni/ gser gyi ri rab kyi steng gi byang phyogs na gnas pa'o/ /gnod sbyin mdog ser po lag na phreng ba 'dzin pa'o/ /rta dmar na ni bzang po pa zhes bya ba ni de yang dar cig gi yul yin te/ gnod sbyin sku mdog dmar po phyag na lcags kyu dang zhags pa bsnams pa'o/ /ma rdzogs pa ni thams cad bzang zhes bya ba ni yul de yang rgya nag po'i byang phyogs na mi nyag ces bya ba'o/ /de na gnod sbyin de gnas te/ gnod sbyin de'i sku mdog phyag mtshan ni g.yas na 'bras kyi snyem 'dzin pa g.yon na nor gyi rkyal pa 'dzin pa'o/ /snyems pa can na skyong ba po zhes bya ba ni gnod sbyin sde dpon ni rnams thos kyi sras yin te/ rgya nag po'i shar phyogs na gnas te/ de yang khri stan gyi yul na'o/ /de na/ gnas pa'i gnod sbyin gyi
- 157b
phyag mtshan ni/ g.yas na ral gri 'dzin pa/ g.yon na nor gyi bum pa bsnams pa'o/ /ded dpon nor gyi dbang phyug go zhes bya ba ni/ gnod sbyin gyi sde dpon ni rnam thos kyis sras yin te/ nor gyi dbang gis rnam thos kyi yang ded dpon no ma rgyal rgyal na mche ba gtsigs zhes bya ba ni/ rgya nag po'i yul na gnas pa ste/ /de ni rgya nag po'i srung mar 'gyur zhing khrims rnams gnod sbyin des byas pa'o/ /de'i sku mdog dang phyag mtshan ni/ g.yas dbyug to/ g.yon zhags pa'o/ /kha dog ni dmar nag go /gnas bcas na ni nar bzang po zhes bya ba ni/ de yang lcang lo can gyi gnas na gnas la/ gnod sbyin de'i sku mdog dang phyag mtshan ni/ sku mdog dkar po g.yas na rin po che'i snod/ g.yon na gser gyi myu gu'o/ /zhi ba zhi ba'i grong len na zhes bya ba ni/ de ni bal yul gyi gnas yin no/ /gnod sbyin ni zhal bzhi pa/ phyag brgyad pa sku mdog dkar po dang sngo skya dang ljang gu dang/ mthing nag tu gnas pa'o/ /phyag g.yas g.yon gnyis na phreng ba dang skyabs sbyin/ yang g.yas g.yon gnyis na rtse gsum dang phreng ba de'i 'og gnyis na 'khor lo dang dbyug to/ /tha ma gnyis na rtse gsum dang thod pa'o/ /zhi ba bzang po 'jigs byed ni zhes bya ba ni/ mtsho ma drod kyi byang ngos na'o/ /gangs kyi rin yod pa ste/ gnod sbyin de ni yab yum du bcas pa mdog ser po/ /g.yas kyi phyag na tri shu la/ g.yon na phreng ba bsnams pa'o/ /yum gyi phyag na utpa la bsnams pa'o/ /gnod sbyin dbang po dang grong na zhes bya ba ni ri rab kyi rtse mo pho brang na sdug pa'o/ /gnod sbyin de ni rdo rje 'dzin pa/ sku mdog ser po'o/ /me tog tog ni rdo rje grong na gnas zhes bya ba ni/ de na dpal gyi ri na gnas te/ gnod sbyin de ni gzi brjid che zhing stobs dang ldan pa'o/ /phyag g.yas na phreng ba 'dzin pa/ g.yon
- 158a
na bum pa bsnams pa'o/ /kha dog dkar po'o/ /shing pa shing gi grong khyer na zhes bya ba ni/ de yang rim la yan yod pa ste/ de ni tsan dan gyi shing gi srung ma'o/ /gnod sbyin de'i sku mdog dang phyag mtshan ni/ mdog sngo bsangs su yod pa/ phyag g.yas na ral gri yod pa/ g.yon na phreng ba bsnams pa'o/ /kha dog can ni ser skyar gnas zhes bya ba ni/ yul bod yul na bzhugs pa'o/ /bod yul dbus na'o/ /gnod sbyin de ni g.yas na 'khor lo g.yon na gshol mda''dzin pa'o/ /sku mdog ljang gur gnas pa'o/ /nor bu bzang dang gang ba bzang zhes bya ba ni/ rnam thos sras kyi 'khor pho brang lcang lo can na gnas pa'o/ /de gnyis sku mdog dang phyag mtshan ni kha dog ser po dang/ dkar po'o g.yas rnams na rin po che'i myu gu dang nor gyis gang ba'i bum pa'o/ /g.yon rnams na nor gyi rkyal ba dang 'bru sna tshogs kyis gang ba'i bum pa bsnams pa'o/ /spun gnyis tshangs pa ldan pa na zhes bya ba ni nor bu bzang po dang gang ba bzang po gnyis te/ gzi brjid che zhing nor phun sum tshogs pa'o/ /ba lang 'dzin na 'joms pa po zhes bya ba ni/ gnas bal yul gyi byang ngos yin te/ gnod sbyin de ni shin tu khro zhing gdugs pa'o/ /phyag g.yas g.yon gnyis cha tri shul dang dgra sta 'dzin pa/ kha dog nag po'o/ /rab tu 'joms na rdo 'joms pa zhes bya ba ni/ de'i lho phyogs na yod de/ shin tu stobs che zhing sems can rnams la gnod pa byed pa'o/ /de'i kha dog ni ljang gur yod pa/ bzhin mi sdug pa/ g.yas ral gri g.yon zhags pa bsnams pa'o/ /gnod sbyin chen po 'od srungs sel zhes bya ba ni/ bod yul na gnas te/ gnod sbyin de yang srung ma la dga' zhing gnas pa g.yas na sgra sta g.yon zhags pa bsnams
- 158b
pa'o/ /kha dog thal ba'i mdog can no/ /skyugs pa yi ni ri la gnas zhes bya ba ni/ 'dzam bu gling gi lho phyogs na gnas pa/ stobs po che la gzi brjid ldan de'i kha dog phyag mtshan ni kha dog dmar po gri gug dang thod pa 'dzin pa'o/ /gsum sbas 'gram pa ldan dog na zhes bya ba ni/ laM ka'i lho phyogs na rgya mtsho'i 'gram na'o/ /gnod sbyin de ni gdong dmar po spre'u'i gzugs su yod pa'o/ /g.yas pa khu tshur g.yon sdigs mdzub bo/ /d+he nun ni 'od byed pa zhes bya ba ni/ laM ka'i nub phyogs na rgya mtsho'i bar rga'o/ /gnod sbyin mdog ser po/ /g.yas na a so ka'i shing thogs pa/ g.yon na zhags pa thogs pa'o/ /dga' ba can dang 'phel byed pa zhes bya ba ni/ yul ma ga d+ha'i lho nub mtshams na gnas pa'o/ /gnod sbyin de ni rdo rje 'dzin cing kha dog mthing khar gnas pa'o/ /dga' ba 'phel byed grong khyer na zhes bya ba ni/ de'i shar phyogs na gnod sbyin zhal gcig phyag gnyis pa/ g.yas na nor gyi rkyal ba bsnams pa g.yon na sbrul gyi zhags pa/ kha dog ljang gu'o/ /rlung gis na rlung ldan pa zhes bya ba ni/ 'dzam bu gling gi chu klung gang na yod pa'i sa na yod de/ skad cig mas khyab cing/ chu klung gang na yod par mnga' mdzad pa/ de'i sku mdog phyag mtshan ni/ phyag g.yas na dbyug to 'dzin pa/ g.yon sdigs mdzub bo/ /kha dog khra bor yod pa/ smad stsal du yod pa'o/ /'phyang bar 'gyur 'thab dga' ba zhes bya ba ni/ de yang rgya nag pa'i nub phyogs na grong khyer rtsong ka na'o/ /gnod sbyin zhal gcig phyag gnyis pa/ sku mdog dmar po g.yas na ral gri g.yon zhags pa bsnams pa'o// 'og nang gnyis na mda' gzhu 'gengs pa'o/ /gnod sbyin des skad cig mas khyab nas/ rtsod pa'i sems dang ldan par byed pa'o/ /bcom brlag na ni bung bu zhes bya ba ni/ yul lam ka na rgya mtsho'i 'gram na yod pa/ shin tu 'jigs pa'i
- 159a
tshul can sems can la gnod bcing sha khrag za ba/ de'i kha dog ni dmar nag go /phyag na sbrul gyi zhags pa bsnams pa'o/ /laM ka na ni bum pa'i lto zhes bya ba ni 'dzam bu gling gi lho nub mtshams yin te/ gzugs ni dpag tshad bcu yod pa/ shin tu gnag la 'jigs pa laM ka'i bdag po'i nub po/ /phyag brgyad yod pa g.yas na ral gri bar pa gnyis 'khor lo dang shag ti/ tha ma na mda'/ g.yon dang po na zhags pa 'phang mdung dgra sta rtse gsum mo/ /gnod sbyin de ni stobs che ba ri rab tsam bsgul ba'o/ /gnod sbyin nyi 'od rab nyams na zhes bya ba ni/ nam mkha' la rgyu ba nyi ma'i 'od bzhin du/ 'jig rten gyi khams khyab pa gzi brjid che ba/ de'i kha dog ni dmar po/ phyag g.yas g.yon na dung dang pad+ma dmar po bsnams pa'o/ /skad cig mas 'jig rten gyi khams rgyu ba'o/ /ko sa la ni ri mgo bo zhes bya ba ni yul ma ga d+ha'i lho phyogs na gnod sbyin stobs ldan yod de/ 'od nyi ma shar ba dang 'dra ba/ shin tu dmar ba'o/ /sangs rgyas kyi bstan pa srung ba'o/ /zhal gcig phyag gnyis pa/ g.yas 'khor lo zhags pa bsnams pa'o/ /rnam par rgyal dang rnam rgyal ldan zhes bya ba ni/ gnod sbyin de yang pham par mi 'gyur zhing/ gzhan rnams kyis mi thub pa'o/ /dkar po bcom/ /brlag yul na gnas zhes bya ba ni/ gnod sbyin de ni spun lnga gnas te/ dpag tshad ring dang 'jigs pa dang rna ba can dang/ gzugs can dang/ bum sna'o/ /de rnams kyi kha dog ni dkar po dang/ nag po dang/ ser po dang/ dmar po dang/ ljang gu'o/ /phyag mtshan ni 'khor lo dang/ dbyug to dang/ mda' gzhu dang/ 'phang mdung dang/ mdung ri rnams so/ /gnod sbyin gang ba mal yar zhes bya ba ni/ ma ga d+ha'i lho phyogs rgya mtsho'i 'gram na ri bo mal ya na de'i mnga' bdag tu mdzad pa kha dog dkar po/ phyag na tsan dan gyi be con 'dzin pa'o/ /ti se'i gangs na mi 'am ci zhes bya ba
- 159b
ni/ mnga' stong na gnas te/ gnod sbyin rta mgo can gnas pa/ kha dog dmar po/ dbyug to 'dzin pa/ sprin gyi phreng can spo 'dra na zhes bya ba ni/ li yul na gnas pa ste/ gnod sbyin sprin gyi mgo can/ phyag na nyi ma dang zla ba bsnams pa'o/ /rab tu gnas na du bu nga zhes bya ba ni/ de yang o rgyan na gnas pa ste/ gnod sbyin de'i kha dog ni dkar po phyag g.yas g.yon gnyis na gri gug dang thod pa bsnams pa'o/ /pi taM ka mar yang dag byed ces bya ba ni bod yul dbus su chu shar nas nub tu 'bab pa'i sa na gnas te/ gnod sbyin de ni kha dog dmar nag /lag pa gnyis na tsan dan gyi be con 'dzin pa'o/ /de'i sa phyogs kyi bsrung mar grags pa'o/ /rlabs dang ldan na bde byed pa zhes bya ba ni/ gnod sbyin de sems can rnams kyis bsgrubs par gyur na/ mthu dang ldan zhing dngos grub steng ba'o/ /sna nas byung nas gnod sbyin mdzes zhes bya ba ni/ bod yul dbus chu shar phyogs su 'bab pa'i sa/ chu klung byang nas lhor 'bab pa'o/ /de'i mdo na gnas pa'o/ /skad cig mas 'jig rten khams rgyu nus pa/ dang po shar phyogs na byung ?? rab tu byung ba'i tshul du gnas pa/ de ni sems can rnams la gnod pa drag po byed pa ste/ gnas de'i srung mar gnas pa'o/ /gso ba'i mdza' na ma chags pa zhes bya ba ni/ de'i byang ngos na gnod sbyin kha dog dkar po can yod de/ de yang sa bdag gi tshul du yod pa/ de bas kyang skad cig mas 'jig rten khams rgyu nus pa/ kha dog dkar po sbrul zhags 'dzin pa'o/ /dga' byed de ni pha dga' ba zhes bya ba ni/ de ni khams kyi yul na gnas te/ de yang pha pad du yod pa/ sems can rnams la phan 'dogs pa/ de grub par gyur na phyug por 'gyur ro/ /de gnyis kyi kha dog nag po dang ser po gnyis kas nor gyi rkyal pa bsnams pa'o/ /dpa' dang gser gyi lag pa dang zhes bya ba ni/ rgya gar gyi yul lho phyogs na gnas pa'o/ /shin tu stobs dang ldan pa/ gzhan rnams kyis
- 160a
mi thug gser gyi mdog can gser gyi bum pa gang ba bsnams pa'o/ /ka liM ka na lto 'phyang po zhes bya ba ni/ de yang rgya gar yul gyi dbus kyi lho phyogs na/ gnod sbyin kha dog nag po phyag na 'khor lo bsnams pa'o/ /kos lan nag po che zhes bya ba ni yul mig d+ha na yin te/ gnod sbyin nag po chen po yin te de yang zhal gcig phyag gnyis pa sku mdog nag po g.yas gri gug g.yon thod pa rnams pa'o/ /dge ba dge ba'i pho brang na zhes bya ba ni/ de yang rgya gar gyi dbus na'o/ /gnod sbyin dge ba ni sems can rnams la gnod pa mi byed sdig pa mi byed cing dge ba la gnas pa'o/ /de ni dge ba'i sems kyis me tog gi snod 'dzin pa kha dog dkar po ba ra NA sir skyong ba po zhes bya ba ni/ rgya gar yul gyi dbus ba ra NA si na gnod sbyin kha dog dmar po dbyug to dang zhags pa bsnams pa'o/ /'gram ldan phung por rna ba bzang zhes bya ba ni/ bod yul gtsang na gnas pa ste/ gnod sbyin de yang rna ba che ba bum pa lto kha dog nag po/ g.yas na nor gyi bum pa/ g.yon na ne'u le'i rgyal ba bsnams pa'o/ /grong khyer drug na nor gzhan po zhes bya ba ni/ grong khyer yangs pa can dang/ ka liM ka dang/ rgyal po'i khab dang/ mnyan yod dang/ ba ra NA si dang/ tsaM pa ka dang/ drug la skad cig mas rgyu ba'o/ /shin tu stobs dang ldan zhing yul de'i srung mar gyur pa/ (kha dog gser gyi) kha dog can g.yas na rin po che'i myu gu/ g.yon na bum pa bsnams pa ni gnod sbyin stobs can mdza' ma na zhes bya ba ni/ de yang bal yul gyi mdza' 'khob na gnas te/ sems can la gnod pa byed pa kha dog nag po sbrul gyi zhags pa 'dzin pa'o/ /bsrung ba can na mthong dga' ba zhes bya ba ni/ 'brog gnas thang stong rnams la gnas te/ sems can la dga' bar byed pa'o/ /kha dog sngo bsangs su yod pa/ phyag na bum pa bsnams pa'o/ /ba lang
- 160b
'joms na gtsugs phud can zhes bya ba ni/ ri rab kyi nub phyogs kyi gling na gnas pa'o/ /kha dog dmar po pad+ma dang/ nor gyi rkyal pa 'dzin pa'o/ /phyogs mtshams na ni thal mo dga' / /zhes bya ba ni gling par bzhin gnas pa ste/ gnod sbyin de yang skad cig mas rgyu zhing gling rnams khyab pa'o/ /de ni mdog nag po 'khor lo mda' gzhu bsnams pa'o/ /gdugs 'dran ni dkris pa mo zhes bya ba ni/ de yang yul dbus na'o/ /gnod sbyin kha dog dkar po phyag na gdugs bsnams pa'o/ /grong khyer gsum na chu srin 'dul zhes bya ba ni yangs pa can dang/ mnyan yod dang rgyal po'i khab gsum mo/ /de la res rgyu zhing stobs dang ldan pa'o/ /zhal gsum phyag drug pa sku mdog nag po/ g.yas pa rnams na gri gug dang ral gri rtse gsum mo/ /g.yon rnams na thod pa zhags pa dgra sta'o/ /de gsum gyi grong khyer srung ma'o/ /tshang tshing zhig na mig yangs pa zhes bya ba ni bal yul gyi mthil na/ gnas pa ste/ gnod sbyin mig gcig tu gnas pas bdag gi rigs kha dog gnag po zhags pa nag po dang sbrul zhags bsnams pa'o/ /mu duM ba ra sgo nga'i 'od ces bya ba ni/ rgya gar shar phyogs na'o/ /gnod sbyin de ni mdog dkar po me tog pad+ma 'dzin pa'o/ /kau sham+b+hin lhun gyis grub ces bya ba ni/ grong khyer chen po lho phyogs na gnod sbyin kha dog ser po/ phyag g.yas na shing tog g.yon ne'u la bsnams pa'o/ /rnam par agsnang byed zhing ldan na zhes bya ba ni/ shar phyogs kyi gling na gnas pa gnod sbyin de mdog dkar po 'khor lo 'dzin pa'o/ /sbrul gyi gdugs na dga' ba po zhes bya ba ni/ rgya gar yul gyi nub pos na zhes sbrul yul na gnod sbyin de yang sbrul gyi gdong pa can yul de'i khrims mdzad pa'o/ /g.yo ba 'dzin na ser skya'o zhes bya ba ni/ yul de'i lto ngos na/ gnod sbyin kha dog ser skya gnas pa'o/ /de'i phyag na bum pa
- 161a
dang sprul zhags bsnams pa'o/ /gyen du 'gro na bku la zhes bya ba ni shar phyogs ko la ha ri'i dur khrod na/ gnod sbyin bku la ni sku mdog shin tu 'jigs pa'o/ /gnas der mtshan mo 'gror mi gtub/ phyag bzhi pa g.yas g.yon gnyis ni mi'i pags pa 'phyar pa'o/ /de'i 'og gnyis na gri gug dang thod pa bsnams pa'o/ /gang po snying po thod byed na zhes bya ba ni/ dur khrod de'i phyogs na keng rus bya ba'i dur khrod do/ /gnod sbyin ha la ha la zhes pa gnas so/ /de'i sku mdog mthing ka be con dang thod pa bsnams pa'o/ /grong rdal tshol ba rnga mar na zhes bya ba ni stag gzig gi yul yin te/ gnod sbyin rnga mo'i mgo can mdog ljang gu/ dgra sta dang zhags pa bsnams pa'o/ /glang chen brjod pa 'dul ba mchog ces bya ba ni/ rgya gar yul gyi shar phyogs b+hang+ga la na/ glang chen gyi mgo can gnod sbyin kha dog dkar po/ dgra sta dang phreng pa 'dzin pa'o/ /chu lha'i yul na gzhu brtan po/ zhes bya ba ni/ rgya mtsho'i nang na gnas pa ste/ gnod sbyin de ni kha dog dkar zhing dung bsnams pa'o/ /g.yul 'gyed ldan pa grong khyer rgyal zhes bya ba ni/ ma ga d+ha'i grong khyer so mtshams na/ gnod sbyin de yang gzhan gyis mi thub pa/ stobs dang ldan pa/ kha dog dang ldan pa/ phyag g.yas g.yon mtshon sna tshogs bsnams pa'o/ /sgra ngan zhing na gnod sbyin rgyal zhes bya ba ni/ rgya gar gyi yul nub phyogs na gnod sbyin len pa/ de la byin par gyur pa na/ nyung bar byin yang 'phel bar 'gyur ro/ /de'i kha dog ni shin tu dkar ba gser gyi gnod 'dzin pa'o/ /gnyi dang rgyal dan rgyal gnyi na zhes bya ba ni/ de'i byang phyogs na'o? 'di/ gnod sbyin gyi ded dpon tu grags pa/ de'i kha dog ni nag mo/ g.yas na rin po che/ g.yon na nor gyi rgyal pa'o/ /gnod sbyin mor grags de nyid na zhes bya ba ni/ de gnod sbyin mo spun bzhi gnas te/ chen mo ni bal yul na gnas te/ 'bring mo
- 161b
gnyis ni mang yul dang 'gram na gnas te/ chud thag ni bod yul dbus na gnas so/ /de rnams kyi kha dog ni/ nag mo/ ser mo/ dmar mo/ ljang gu'o/ /de rnams kyi phyag mtshan ni/ gri gug dang/ thod pa dang dgra sta dang rtse gsum mo/ /g.yon pa rnams kha TwAM ga bsnams pa'o/ /gtum chen gser gyi 'od dpag can zhes bya ba ni/ spun de bzhi ka yang khro mor gnas pa/ gser gyi 'od dang ldan pa'o/ /gnod par byed dang don grub dang zhes bya ba ni/ gtsang gi yul na gnas te de ni spun gnyis yin te gnod pa dang phan pa byed pa kha dog ni dkar po dang/ nag po phyag g.yas na gri gug dang thod pa/ g.yon dbyug to bsnams pa'o/ /'byung bar byed pa nags na gnas zhes bya ba ni/ rgya mtsho'i 'gram zangs gling gi nags gseb na'o/ /kha dog nag po phyag na ral gri bsnams pa'o/ /'gro drug la 'gro 'joms pa na zhes bya ba ni/ ma ga d+ha'i yul na gnod sbyin rkang drug pa yod pa/ de'i kha dog ni dmar po g.yas na 'khor lo g.yon zhags pa'o/ /ka pa la ni ka pa nyid ces bya ba ni/ de'i byang phyogs na gzugs che ba nag pa dgra sta dang thod pa bsnams pa'o/ /seng ge'i stobs na gnod sbyin gang zhes bya ba ni/ phyi'i rgya mtsho'i tshal na/ seng ge'i yul na gnod sbyin seng ge'i gdod can gnas pa/ phyag bzhi pa sku mdog dkar po/ g.yas gnyis na 'khor lo dang sa 'bras 'dzin pa'o/ /g.yon gnyis dbyug to dang dung bsnams pa'o/ /seng ge stag stobs med byed gnyis zhes bya ba ni/ seng ge'i gling dpag tshad lnga brgya'i lho phyogs na/ stag gdong can gyi gling na gnod sbyin stag ces bya ba'o// gnod sbyin ? stag gi gdong pa can/ phyag bzhi bzhi/ g.yas pa rnams ni dbyug to dang lcags kyu g.yon gnyis na gri gug dang thod pa bsnams pa'o/ /bye ba 'bab na sde bo che zhes bya ba ni/ de'i byang phyogs dpag tshad lnga brgya na/
- 162a
khyi ling zhes bya ba na gnod sbyin gyi gdong can gnas pa'o/ /de'i mdog nag pa phyag na dgra sta bsnams pa'o/ /de bzhin gzhan gyi grong las rgyal zhes bya ba ni/ 'dzam bu gling na 'khor zhing rgya gar dbus su gnas pa kha dog dmar po phyag na gtun shing bsnams pa'o/ /me tog so ni brtsams pa na/ zhes bya ba ni/ de yang brgya gar yul gyi shar phyogs na/ gnod sbyin kha dog dkar po phyag na dgra sta bsnams pa'o/ /mnyam dga' ba ni rim pas na zhes bya ba ni ri nag po dang ma la ya dang dpal gyi ri dang bya rgod phung po'i ri la sogs pa skad cig mas rgyu zhing ri'i rtse mo rnams las 'dug pa'o/ /stobs dang ldan zhing gzi brjid che ba'o/ /nam mkha' i mdog can phyag na zhags pa bsnams pa'o/ /ba lang sbyor na gnod sbyin gi zhes bya ba ni nub phyogs la yang spyod kyi ri'i mtshams na/ gnod sbyin kha dog nag po/ /yul de'i srungs mar gyur pa g.yas g.yon gnyis na bum pa bsnams pa'o/ /grong khyer na ni de bzang ba zhes bya ba ni/ ma ga b+ha'i grong khyer yangs pa can na/ 'khor g.yog mang po yod pa/ stobs dang ldan pa/ /kha dog ser pa g.yas na rin po che bsnams pa/ g.yon bum pa bsnams pa'o/ /gnas dang/ bcas na lag pa dpa' zhes bya ba ni/ chu bo gang+gA'i 'gram shar phyogs na ri bo la gnas pa/ wa kiM zhes bya bar grags pa'o/ /de'i srung mar gyur cing stobs dang ldan pa/ kha dog dmar po phyag na dbyug to bsnams pa'o/ /kha la sbyin na bde byed pa zhes bya ba ni/ chu bo gang+gA'i 'gram na/ mo 'ge re zhes bya ba'i yul na/ gnod sbyin mdog nag la be con 'dzin pa'o/ /kau sham+b+hi? ni tshegs med pa zhes bya ba ni/ rgya gar yul gyi so mtshams na/ gnod sbyin kha dog ljang gu nag po/ /g.yas na tri shul g.yon na kha twAM ga bsnams pa'o/ /bzang po can na bzang po pa zhes bya ba ni/ ri rab kyi byang phyogs sgra mi snyan na/ gnod sbyin
- 162b
kha dog ser po g.yas ral gri g.yon bum pa bsnams pa'o/ /skya nar can gyi bu na ni/ gnod sbyin 'byung po'i gdod zhes bya ba ni/ 'dzam bu gling gi dbus na me tog gi rab na/ gnod sbyin me tog can yod pa'o/ /sku mdog ser po/ /phyag na utpa la sngon po bsnams pa'o/ /'ching bu na ni mya ngan med ces bya ba ni/ de'i shar phyogs na me tog a sho ka'i ra ba la nod sbyin kha dog nag po/ phyag na rdo rje 'dzin pa'o/ /ma la ya gnas sha thang ba zhes bya ba ni/ rim la ya'i lho phyogs tsan dan gyi nags gseb na sku mdog dmar skyar gnas pa/ phyag na rtse gcig pa bsnams pa'o/ /tshang tshing cig na don grub pa zhes bya ba ni/ bal yul gyi lho phyogs ko ba ya ga na/ gnod sbyin glang po che'i mgo can phyag bzhi pa sku mdog dkar po/ /g.yas gnyis na dgra sta dang zhags pa/ g.yon gnyis na tri shu la dang lcags kyu'o/ /ma rgyal rgyal na dmar ba po zhes bya ba ni/ dur khrod de ba'i kro Ta na/ gnod sbyin sku mdog dmar po sha khrag la dga' zhing thod pa bsnams pa ste/ 'jig rten mkha' 'gro rnams kyi srung ma'o/ /chu mchog na ni mu dza'i skra zhes bya ba ni/ laM ka'i phyogs na/ spre'u rnams kyi grong khyer na gnod sbyin stobs ldan gnas pa'o/ /de'i sku mdog phyag mtshan ni/ a sho ka'i shing bsnams pa/ kha dog dmar po'o/ /sen da ban? nor bu'i gnas zhes bya ba ni/ rgya gar yul gyi u tra na Ta bu ri na/ gnod sbyin baiDUrya yi mdog/ phyag na nor bu bsnams pa'o/ /gnod sbyin mi zad 'gro ldan nag ces bya ba ni/ rgya gar yul gyi lho nub mtshams na gnas te/ gnod sbyin de yang mche ba gtsigs pa/ 'jigs su rung ba/ sku mdog dmar nag/ g.yas na dbyug to g.yon zhags pa'o/ /ser skya yi ni gnas na gnas zhes bya ba ni/ de'i lho phyogs kyi gnas na gnod sbyin ser skya'i mdog can/
- 163a
g.yas g.yon gnyis na nor gyi rkyal pa bsnams pa'o/ /ba lang 'dzin dang gzhan brnyas dang zhes bya ba ni gang+gA'i chu 'gram na/ gnod sbyin ba lang mgo can/ mdog nag po phyag g.yas na dgra sta g.yon sdig mdzub bsnams pa'o/ /sgo ba gnas can rtag pa dang zhes bya ba ni/ phyi'i rgya mtsho'i 'gram na khyab 'jug gi yul na/ gnod sbyin gyi ded dpon kha dog thal ba'i mdog can/ g.yas na be con g.yon na 'bras kyi snye ma bsnams pa'o/ /dbu ma'i gnod sbyin dag ces bya ba ni 'dzam bu gling gi dbus na gnas pa/ sems can rnams la gnod pa mi byed pa/ sangs rgyas kyi bstan pa la dga' ba/ gnod sbyin blta na sdug pa kha dog gser gyi mdog rtag tu chod byed rnams la'o/ /grags pa chen po bzang mdzes na/ zhes bya ba ni ri bo rtse lnga na 'jam dpal gyi spyan snga ba/ gnod sbyin nyi ma grags pa de'i kha dog ser po/ /phyag na dbyug to dmigs can 'dzin pa/ 'jam dpal gyi srung ma'o/ /grong khyer snying por sgras 'dogs pa zhes bya ba ni rgya gar yul gyi shar phyogs na gnas te/ gnod sbyin baiDUrya'i mdog can/ phyag gnyis na me tog ku mu ta 'dzin pa'o/ /mya ngan sa na rmongs byed pa zhes bya ba ni/ rgya gar yul gyi ba len+d+ra na gnas pa'o/ /gnod sbyin de ni mdog sngo skya rin po che'i phreng ba 'dzin pa'o/ /khyus 'gro na ni gnod sbyin grags zhes bya ba ni/ 'gro la dga' zhing skad cig mas khyab pa'o/ /de bzhin du gnod sbyin bsam gyis mi khyab pa gnas po/ sku mdog sna tshogs can/ mtshon sna tshogs 'dzin pa'o/ /ma rungs pa yang de bzhin te zhes bya ba ni/ gnod sbyin de yang snga ma bshad pa bzhin no/ /nga rgyal bral dang lha tse ba zhes bya ba ni 'dzam+bu gling na rgyu zhing/ sems can rnams la nga rgyal byed pa de gnyis kyi kha dog ni/ ser po dang
- 163b
ljang gu'o/ phyag mtshan ni rin po che dang ral gri'o/ /'jigs sbyin na ni yid 'jigs pa zhes bya ba ni/ 'dzam bu gling gi zur gyi lho phyogs na/ gnod sbyin chen po stobs ldan pa de'i kha dog ni nag po ste/ ma rigs pa'i dbang gis gnod sbyin gyi kha dog ni srid pa tsam yod pa/ de ni srin po las kyi gshin rje zhes bya ba ni/ kha che'i yul na 'od byed pa zhes bya ba ni/ de ni gnod sbyin dbyangs ldan te/ de'i sku mdog ni gser gyi mdog 'dra ba/ spyan gsum pa phyag bzhi pa/ g.yas pa gnyis na pu ti dang mchod sbyin/ g.yon pa gnyis na phreng ba dang bum pa spyi blugs so/ /blo dman pa rnams bstod par byed pa'o/ /gtum po ral pa can grong na zhes bya ba ni/ phyi'i rgya mtsho'i 'gram na laM ka mgrin bcu'i srung ma'i ral ba can zhes bya ba/ sku mdog mthing nag/ zhal gsum phyag brgyad pa g.yas rnams na ral gri gri gug /dgra sta rtse gsum mo/ /g.yon rnams na sdig mdzub thod pa/ zhags pa lcags kyu'o/ /skad cig mas dpag tshad lnga brgya tsam rgyu ba'o/ /kha che yul gyi so mtshams na zhes bya ba ni/ mnga' ris dang kha che'i yul gnyis kyi mtshams na'o/ /gnod sbyin dbang chen dbyangs ldan pa de'i sku mdog ni dmar ser/ phyag g.yas na pu ti/ g.yon phreng ba snams pa'o/ /lngas rtsen zhes ni bya ba gnas zhes bya ba ni/ 'phrog ma ru lnga brgya dang/ de'i yab ni pany+tsi ke'o/ /'phrog ma'i bu lnga brgya ni dga' ba la sogs pa'o/ /de la bu ni lnga brgya ste/ zhes bya ba ni/ kha dog sna tshogs su gnas pa/ tshon cha sna tshogs bsnams pa'o/ /sde bo che la stobs po che zhes bya ba ni/ gzhan gyis mi rdub gzi brjid ldan/ 'khor g.yog mang po dang ldan pa'o/ /lnga rtsen gyi bu tho bo che zhes bya ba ni/ bu chen po de ni rgya nag na gnas pa/ rgya nag po'i pho brang na gnas pa/ srungs ma der mdzad pa'o/ /sku mdog ser po/ g.yas
- 164a
na rin po che myu gu 'dzin pa/ g.yon na bum pa bkang ba bsnams pa'o/ /rgya yul gyi ni sa na gnas zhes bya ba ni/ gnod sbyin chen po de ni rgya nag po'i yul na gnas pa'o/ /phrag pa'i mig ces bya ba ni mdzod ldan na ni spun dang gnas zhes bya ba ni/ rgya mtsho'i dbus na gnas pa spun gnyis sa bdag gi tshul du gnas pa'o/ /de gnyis kha dog ni nag po dang dmar po ste/ de gnyis kyi g.yas pa na 'khor lo dang/ dbyug to'o/ /g.yon na sprul zhags bsnams pa'o/ /ka liM kan mche ba rkang zhes bya ba ni/ phyi'i rgya mtsho'i 'bram lho phyogs na pho brang gser yul gyi dbus na/ 'jigs su rung ba'i gnod sbyin dmar skya'o/ /g.yas na ral gri g.yon na mi mgo bsnams pa'o/ /dkyil 'khor bstan dkyil 'khor ro zhes bya ba ni/ 'dzam bu gling gi dbus na gnod sbyin dkyil 'khor can gnas pa/ de yang sku mdog dkar po g.yas g.yon gnyis na pad+ma bsnams pa'o/ /ga pu sha na laM ka'i bdag ces bya ba ni 'dzam bu'i gling gi lho nub mtshams na gnas pa'o/ /gnod sbyin de ni mgrin pa bcu pa/ zhal gcig ni rta mchog gi dbu lta bu'o/ /phyag brgyad pa sku mdog mthing ka/ g.yas rnams na ral gri mda''khor lo/ /g.yon na zhags pa gzhu/ tha ma gnyis na pi wang sgyur ba'o/ /'od can dga' ba'i tshang tshing na zhes bya ba ni/ bal yul gyi lho phyogs na ko'u ri Na ya ka'i shar phyogs kyi nags tshal na gnod sbyin ma sku mdog dkar po/ /g.yas na utpal g.yon na nor gyi rgyal bu bsnams pa'o/ /nam mkha' srung na chos skyong ba zhes bya ba ni rgya gar yul gyi lho phyogs gser yul na phyi'i rgya mtsho'i 'gram na gnas pa/ g.yas na shes rab kyi pha rol tu phyin pa'i pu ti/ g.yon na me tog pad+ma bsnams pa'o/ /lag pa chen po dan pa na zhes bya ba ni de'i byang phyogs na gnod pa sbyin kha dog dmar po g.yas pad+ma dmar po g.yon bum pa gang? bsnams pa'o/
- 164b
rnam thos bu yi bu dpal ldan/ /rgyal ba khyu mchog rgyal po'i bu zhes bya ba ni/ gzhan gyi mi thub pa gnod sbyin rnams kyi rgyal po byang phyogs kyi 'jig rten gyi khams skyong ba sems can rnams kyi don byed pa pho brang lcang lo can la mnga' mdzad pa/ phyag gnyis pa sku mdog gser gyi mdog can/ g.yas na rin po che bdun gyi myu gu /g.yon na bum pa nor gyis gang pa rin po che sna bdun gyi khril bzhugs pa'o/ /gnod sbyin bye bas yang bskor cing/ tho gar gyi ni yul na gnas zhes bya ba ni/ lcang lo can gyi pho brang na dpal ldan rnam thos sras ni gnod sbyin gyi rigs mi gcig pa rnams kyis yongs su bskor cing/ nam mkha' la nya'i zla skar mas bskor ba bzhin du'o/ /'gror bcas ri dang gangs can dag ces bya ba ni yul ba ra NA si'i nub phyogs na/ chu bo gang gA dang sind+hu gnyis 'dus pa'i sa na/ gnod sbyin chen po de gnas so/ /de'i kha dog ni sngo skya/ zhal gcig phyag drug pa/ g.yas g.yon gnyis thal mo sbyar ba/ de 'og gnyis na rtse gsum dang mchod sbyin/ g.yon gnyis na phreng ba dang bum pa spyi blugs bsnams pa'o/ /spyan gsum ba glang la zhon pa'o/ /sind+hu yi ni rgya mtshor gnas zhes bya ba ni/ shar phyogs kyi phyi'i rgya mtsho'i nang na gnas pa gnod sbyin de'i kha dog ni dkar po sprul gyi zhags pa dang rin po che myu gu bsnams pa'o/ /grong khyer gsum na rtse gsum lag ces bya ba ni/ sa 'og sa steng sa bla gsum na gnas pa gnod sbyin legs ldan thal ba'i mdog can phyag g.yas na rtse gsum g.yon na phreng ba bsnams pa'o/ /ka liM ka na rab 'joms pa zhes bya ba ni rgya gar dbus na gnod sbyin kha dog nag po gri gug dang thod pa bsnams pa'o/ /tshigs lnga ser po 'gro lding na zhes bya ba ni rdo rje gdan gyi lho phyogs na gnod sbyin sku mdog ser po phyag na bum pa gser gyis bkang ba bsnams pa'o/ /siM ka li na nor gyi bdag ces bya ba ni sing+gi'i gshol
- 165a
mda'i yul phyi'i rgya mtsho'i tshal na gnod sbyin de gnas pa kha dog gur kum gyi mdog can phyag g.yas na rin po che'i snod dang/ gser gyi rgyal bu bsnams pa'o/ /ne tso bzhin ni 'brog gnas te/ zhes bya ba ni rdo rje'i gdan gyi nags tshal chen po na gnod sbyin kha dog dmar nag phyag na ral gri zhags pa'o/ /'gro 'am ci ni 'og na gnas zhes bya ba ni/ gnas nas 'og 'gro 'am ci ni ming kha dog ni sngo bsangs phyag g.yas na sbrul zhags g.yon du bsnams pa'o// smad spul lo/ /pad+ma dkar po'i 'od gsal ba zhes bya ba ni/ de ni gzugs khams na gnas pa ste/ de'i kha dog ni dkar po/ g.yas na phreng ba/ g.yon na bum pa spyi blugs bsnams pa'o/ /grong khyer chen po brtse ba can zhes bya ba ni sum cu rtsa gsum gyi gnas na gnod sbyin chen po gnas pa'o/ /kha dog ser po/ g.yas na skyabs sbyin g.yon rdo rje bsnams pa'o/ /'jigs pa sbyin na rab 'jigs pa/ zhes bya ba ni lho nub kyi mtshams phyi'i rgya mtsho'i 'gram laM ga pu ri nag gnod sbyin thal ba'i mdog can g.yas ral gri g.yon zhags pa bsnams pa'o/ /chu dang ldan na dmar ser gnas zhes bya ba ni/ ma dros kyi mtsho 'gran na gnod sbyin chen po gnas pa ni sku mdog dkar po phyag na sprul gyi zhags pa dang pad+ma bsnams pa'o/ /ba bang bskyod pa pa ta zhes bya ba ni/ bal yul gyi byang phyogs na chu dag kyi nags gseb na gnod sbyin kha dog ljang nag phyag bzhi pa g.yas gnyis na 'khor lo dang a 'bras/ g.yon gnyis na dbyug to dang dung bsnams pa'o/ /'dod pa sbyin na ma ldan dang zhes bya ba ni/ sum cu rtsa gsum gyi byang phyogs na gnod sbyin 'dod pa zhes bya ba gnas te/ 'dad pa'i lha mo lnga dang ldan pa/ phyag g.yas na 'dod pa'i mda' lnga bsnams pa/ g.yon na me tog gi gzhu bsnams pa'o//
- 165b
nya'i rgyal mtshan dang chu srin gyi rgyal mtshan dang ldan pa'o/ /bu mo 'jug na rab bsad pa zhes bya ba ni/ ba ra NA si'i shar phyogs na seng ge lha'i yul du gnas pa'i gnod sbyin seng ge gnas pa'o/ /gzugs ni seng ge'i gzugs su snang ba'o/ /ga pu sha na nal ku bar zhes bya ba ni de'i shar phyogs bal yul dang/ rgya gar gyi so mtshams na/ gnod sbyin chen po khyi'i gzugs su snang ba'o/ /pha rol mnga' med rdul chu na zhes bya ba ni/ rgya nag po'i shar phyogs gshin rje'i ba la gseb na/ gnod sbyin kha dog dmar po phyag na me sgron dang zhags pa bsnams pa'o/ /nus pa'i gnas na zhi byed pa zhes bya ba ni/ yul ma ga d+ha'i byang phyogs na gnod sbyin gdong zhes bya ba'i gnas na gnod sbyin chen po kha dog nag po dbyug to dang zhags pa bsnams pa'o/ /ba la ba na thang bzangs ris zhes bya ba ni/ ri rab kyi byang phyogs na gnod sbyin lha ma yin bya ba gnas te kha dog dmar nag phyag na 'khor lo dang dbyug to bsnams pa'o/ /ka ta ka na dmar ser po zhes bya ba ni/ sing+ga la'i shar phyogs na/ gnod sbyin kha dog gur kum 'dra ba/ phyag na rtse gcig dang zhags pa rnams pa'o/ /'phral ris 'phel na bzhin rgyas pa zhes bya ni/ nub phyogs kyi rgya mtsho'i 'gran na gnod sbyin mgon po zhes bya ba gnas so/ /zhal bcu gcig pa thal ba'i mthol can phyag bcu gnyis pa/ dang po gnyis na mda' gzhu/ de 'og g.yas pa rnams na 'khor lo dang dbyug to dang thod pa dang dgra sta dang rtse gsum pa/ g.yon pa rnams na zhags pa dang rin po che dang/ utpa la dang dud bsnams pa'o/ /o rgyan yul na ma rungs pa zhes bya ba ni/ rgya gar gyi dbus kyi nub phyogs na gnod sbyin chen po kha dog mthing nag/ gri gug dang thod pa bsnams pa'o/ /thod gshol ngan na bum lto bo zhes bya ba ni/ ma ga d+ha'i shar phyogs na/ gnod sbyin bum pa'i lto can bzhin mi
- 166a
*/ ? /sdug pa/ dung ka'i mdog can phyag na lcags kyu dang zhags pa bsnams pa'o/ /chu srin rgyal mtshan mya ngan nad zhes bya ba ni/ ma ga d+ha'i sa mtshams na 'dod chen zhes bya ba'i gnod sbyin gnas te/ sku mdog thal ba'i mdog can/ phyag gnyis na mda' gzhu bsnams pa'o/ /sna tshogs sde ni bo ga na zhes bya ba ni lho nub mtshams na gnod sbyin kha dog ljang gu/ phyag gnyis na 'khor lo dang dbyug to bsnams pa'o/ /dga' dang ldan na sgra sgrogs bu zhes bya ba ni/ rgya gar gyi yul byang shar mtshams na/ gnod sbyin thos grags ni sku mdog ser po phyag na mda' gzhu bsnams pa'o/ /phung po'i bdag bo dmar ser po zhes bya ba ni shar phyogs ka ma ru na gnas pa ste/ /gnod sbyin kha dog dkar po phyag g.yas na phreng ba bsnams pa'o/ /g.yon na bum pa spyi blugs bsnams pa'o/ /chung ma can na mthong dga' bo zhes bya ba ni/ yul ko ka na'i shar phyogs na gnod stobs ldan gnas pa ni/ kha dog dmar po phyag na 'khor lo bsnams pa'o/ /gnod sbyin chu srin rgyal ba'i khab ces bya ba ni/ rgyal ba'i khab kyi lho ngos na/ gnod sbyin chu srin gyi mgo can gnas te/ sa bdag gi tshul du yod pa/ sbrul gyi zhags pa dang/ sdigs mdzub bsnams pa'o/ /yang pa na ni gnas pa ste/ 'bum phrag dag ni med pa'o/ /zhes bya ba ni gnod sbyin 'du ba mang po gnas pa 'jig rten gyi khams rnams khyab pa'o/ /gnod sbyin rnams kyis bsnyen bkur zhes bya ba ni/ rgyal po chen po rnams thos sras la gnod sbyin rnams kyis bsnyen bkur byas te/ rgyal bo chen po'i bka' las mi 'da' ba' o/ /ba lang skyod ba sprul dug na/ zhes bya ba ni rgya gar gyi nub ngos na/ sbrul gyi yul na gnas pa/ gnod sbyin ba lang gi mgo can/ phyag na dbyug to dang zhags pa bsnams pa'o/ /lcang lo'i grong na lcang lo bzhes bya ba ni/
- 166b
rnam thos sras kyi gron na lus ngan po gnas te/ sku mdog ljang gu g.yas na ral gri g.yon na bum pa bsnams pa'o/ /dga' ba'i grong na dga' ba can zhes bya ba ni lcang lo can gyi pho brang na 'dod pa'i yon tan lnga la longs spyod pa ni gang zhe na/ rgyal po chen po rnams thos kyi bu gnod sbyin ma rnams kyi bsnyen bkur byed ba'o/ /grong gi lha sa ni stobs can gnas bya ba ni/ lcang lo can gyi gnas na lha ji b+ha la gnas pa sku mdog ser po g.yas na a ri pu ra/ g.yon na ne'u lo'i rgyal pa bsnams pa'o/ /lha las babs na rnam thos bu/ rang gi sde ni yongs su skyong zhes bya ba ni/ rang gi khyim srung zhing gnod sbyin gyi ded dpon du mar gnas pa/ de rnams skyong zhing dbang mdzad pa'o/ /lcang lo can na gnas pa ste/ gnod sbyin bye bas kun nas bskor zhes bya ba ni/ rgyal po chen po rnams thos kyi bu yang gnod sbyin thams cad kyi ded dpon po brang lcag lo can la gnod sbyin du ma bye ba mang pos bskor te/ rgyal po'i bka' las mi 'da' ba sngar bshad pa'i/ gnod sbyin rnams rnam thos kyi bu'i 'khor du gnas pa'o// gnod sbyin de dag rdzu 'phrul che ba zhes bya ba ni/ sa 'og sa stengs sa bla gsum du skad cig mas sgyu ma'o/ /sde che ba zhes bya ba ni/ gnod sbyin mi gcig pa mang po 'dus pas te/ de rnams kyang mi mthun pa med pa'o/ /stobs che ba zhes bya ba'i ri rab bdun kyang skul nus pa'o/ /pha rol gyi dgra rab tu 'joms pa zhes bya ba ni stobs che ba dgra rnams kyis mi thub pa/ lha ma yin gyis grong khyer rlag par byed pa'o/ /thub par dka' zhing gzhan gyis mi thub pa zhes bya ba ni/ mthu che ba rdzu 'phrul sna tshogs dang ldan pa che bar sprul ba'i dus su ri rab bas che bar sbrul pa/ chung ba ni rdul phra rab tsam du sbrul nus ba'o/ /rdzu 'phrul dang ldan pa zhes bya ba ni/ de lta bu'i rdzu 'phrul dang ldan te/ skad cig thang cig gis stong gsum gyi 'jig rten gyi
- 167a
khams khyab pa/ gnod byed dang phan byed byas pa'o/ /'od dang ldan pa zhes bya ba ni/ so so'i kha dog gis 'jig rten gyi khams snang ba'o/ /kha dog dang ldan pa zhes bya ba ni/ nag po dkar po dmar po ljang gu la sogs pa'o/ /rang rang gi rigs kyi kha dog snang ba'o/ /grags pa dang ldan pa zhes bya ba ni/ 'jig rten gyi khams na grags pa'o/ /lha dang lha ma yin gyi g.yul dag kyang myong bar byed pa zhes bya ba ni/ rdzu 'phrul gyi stobs kyis/ lha dang lha ma yin gyi g.yul 'gyed de/ la la lha ma yin gyi ngos nas/ la la lha'i phyogs nas so/ /rdzu 'phrul chen po dag ste zhes bya ba ni/ gzugs sna tshogs su sbrul pa/ lha dang lha ma yin gyi yul na rtsod par byed pa/ mi'i yul na yang de bzhin no/ /de dag gis kyang rig sngags kyi rgyal mo rma bya chen mo 'dis bdag la bsrung ba gyis shig ces bya ba ni/ rig sngags 'di la mos pa'i gang zag ni/ gnod sbyin chen po de dag gis kyang bsrung ba dang skyob par byas shing phyi ma la yang bsrung bar 'gyur ro/ /rig sngags kyi ngo bo ni/ mtshon cha dang mtshon byed gnyis dang ldan zhes mtshon pa ni shes rab ste mtshon byed pa ni rig sngags so/ /de gnyis med pa'i rig pa nam mkha' lta bur gnas pa stong bar snang ba'o/ /stong pa'i nang na me long gi gzugs brtan lta bu/ 'jig rten khams sgyu ma lta bu'o// de'i 'od kyis snying rje dang byams pas khyab pa'o/ /de'i rang bzhin rig sngags ni zhal bzhi phyag bcu gnyis pa/ sku mdog mthing kha zhal dang po khro mo/ g.yas dkar ba ni zhi ba/ g.yon dmar ba 'dzum pa/ rgyab ser ba ni sgeg pa'i tshul lo// zhal re re la thod pa lnga lngas brgyan pa/ spyan gsum pa/ dbu skra ser po gyen du 'bar ba/ dbu la rdo rjes mtshon pa/ ye shes lnga dang ldan pa/ phyag g.yas pa rnams ni/ ral gri dang rdo rje dang/ mdung shing dang/ lcags kyu dang/ rtse gsum dang/ 'khor lo
- 167b
bsnams pa/ g.yon pa rnams ni/ zhags pa/ rma bya'i sgro/ dgra sta/ rin po che/ pad+ma sna tshogs rdo rje bsnams pa'o/ /zhabs g.yas brkyang ba/ g.yon bskum pas mnan pa ni/ gnod sbyin pho mo mnan pa/ pad+ma dang nyi ma'i 'od dang ldan pa'o/ /sba ba dang zhes bya ba la sogs pa ni/ sngar bshad pa bzhin no/ /tadya thA zhes bya ba ni/ rig sngags de'i snying ka nas/ hUM gi yi ges 'od zer 'phros te/ de'i 'od zer gyis 'jig rten gyi khams khyab pa stong gsum gyi stong chen po'i 'jig rten gyi khams kyi 'khor ba'i sdug bsngal thams cad bcom nas/ gnod byed rnams gsang sngags re res 'joms te/ sngags re re dang 'od zer re res khro bo bcur sprul pa'o/ /khro bo bcu ni hUM mdzad dang dbyug pa sngon po dang/ gshin rje bshed po/ gzhan gyis mi thub pa/ rta mgrin dang/ mi g.yo mgon po/ dung rtsi 'khyil ba dang/ rnam par rgyal ba dang khams gsum rnam par rgyal ba dang/ stobs po che'o/ /'di lta ste ni 'og ma bzhin du'o/ /'og ma'i sngags kyis khro bo dkar po dang/ nag po dang/ dmar po dang/ ser po dang/ mthing nag dang/ dmar bo dang/ sngo skya dang/ ljang gu dang/ ljang nag dang/ mthing dkar gnas pa'o/ /de'i phyag mtshan ni/ g.yas rdo rje tho ba g.yon phur bu bsnams pa'o/ /zhags phur pa'i rang bzhin du yod pa/ de bzhin du nam mkha' i khams su spros pa'o/ /shar phyogs kyi khro bo'i sngags ni a ka te bi ka te la sogs pa'o/ /bdag ni mi mdza' ba rnams zhes bya ba ni/ 'khor lo bcur bris la/ drag po'i sbyin sreg gis bsregs par bya'o/ /'khor lo'i nang du gang mi mdza' ba'i ming rus bris la/ ha na ha na bcu bo rtsigs la dgong la/ gzhan gsang sngags mu khyud la dgod par bya'o/ /'khor lo de dris la gnyan pa'i sar mnan no/ /des grub par 'gyur ro/ /bdag la mi phan par 'dod pa rnams zhes bya ba ni/ ras sam shing
- 168a
shun nam/ ming rus bris la bsreg par bya'o/ /sngags ni da ha da ha la sogs pa gdol bar bya'o/ /'di ni shar phyogs kyi khro bo'i yin no/ /bdag la phyir rgol ba rnams zhes bya ba ni 'byung po 'am gang yang rung ba la 'khor lo rtsibs bcu tham pa bris la/ rtsibs re re la pa tsa pa tsa zhes bya ba bris la/ dbus su ming rus taM b+ha ya btags la bri'o/ /mu khyud la sngar bshad pa'i sngags bris la/ lam rgya gram mam mchod rten chen po 'am dur khrod du mnan par bya'o/ /sngags kyang pa tsa pa tsa la sogs pa'o/ /de ni byang shar mtshams kyi khro bo'i sngags so/ /gzhan yang mi mthun pa 'byung po 'am skrad par 'dod pa snga ma bzhin du 'khor lo bris nas sgo rtsar mnan te 'byung po'i ser ro/ /'khor lo'i sngags skrar ba'i sngags ni u tsa ta ya d+hu d+hu la sogs pa'o/ /lho'i 'o/ /bdag la mi phan par 'dod pa rnams zhes bya ba ni brgya rtsa brgyad drag po'i sbyin sreg byas la/ 'byung po dang dgra bo rnams la thun mong gi rdzas rnams gtor la bsregs par bya'o/ /sngags ni ha ha zhes bya ba la sogs pa ni lho nub kyi'o/ /dza ti dza ti zhes bya ba ni nub kyi khro bo'o/ /bdag gi dgra bo rnams zhes bya ba ni dgra bo dang 'byung po rnams ling ga bris nas bsreg pa'o/ /nA sha ya zhes bya ba ni drag po'i gzi brjid 'phrog pa'o/ /tsu lu tsu lu zhes bya ba ni nub byang gi'o/ /hi li hi li zhes bya ba ni byang gi'o/ /mi li mi la sogs pa ni byang shar gyi'o/ /phu ru phu ru la sogs pa ni 'og gi'o/ /tsi ti tsi ti la sogs pa ni steng gi ? bar bya'o/ /bdag gi dgra bo rnams nA sha ya zhes bya ba ni 'byung po dang dgra bo rnams bsregs nas/ sngags de rnams kyis bskrad par byas nas ming rus btags nas brdungs pa'i gsang sngags so/ /'dis kyang nad thams
- 168b
cad sel ba'o/ /hig ge mi ge la sogs pa ni/ rig sngags kyi snying po'o/ /gzhan thams cad la bsrung bar bya'o/ /bdag la bsrung ba gyis shig ces bya ba la sogs pa ni/ gang zag 'di ma gus par byas na rig sngags kyi gzi brjid kyis gnod sbyin de rnams kyis kyang srung bar byed de/ dam nyams na grogs kyang byed par 'gyur ro/ /rig sngags kyi rgyal mo rma bya chen mo'i gnod sbyin gyi gnas skabs dang 'byung po rnams 'dul ba'i gnas skabs te dag pa'o/ /kun dga' bo zhes bya ba ni yang dag par rdzogs pa'i sangs rgyas shAkya thub pas sems can gyi don la bka' stsal pa'o/ /khyod kyis gang dag phyogs bcu bsrung zhing yongs su skyong bar byed pa gnod sbyin gyi ded dpon chen po nyi shu rta brgyad po dag gi ming zung zhig ces bya ba ni sangs rgyas kyi bstan pa la bsrung ba gzi brjid che ba stobs dang ldan pa grags pa dang kha dog tu ldan pa/ rdzu 'phrul dang ldan pa/ lha dang lha ma yin gyi g.yul yang myong bar byed pa'o/ /kun dga' bo zhes bya ba ni/ bcom ldan 'das kyis kun dga' bo la bka' stsal pa'o/ /shar phyogs na gnod sbyin gyi sde dpon chen po gang dag shar phyogs bsrung zhing yongs su skyong bar byed pa bzhi gnas te zhes bya ba ni/ gang zag gang gis gus par byed pa 'am/ yi ge gcig tsam yod par rgyur na/ shar phyogs kyi gnod sbyin de rnams kyis srung bar 'gyur ro/ /'di lta ste zhes bya ba ni/ gnod sbyin rnams lta ba'o/ /ring po dang/ mig gi bzang dang/ ser skya'o/ /zhes bya ba ni/ de rnams kyi kha dog dang phyag mtshan ni dkar po dang/ nag po dang/ ser po dang/ dmar bo'o/ /phyag mtshan ni rdo rje dang/ 'khor lo dang/ rin po che dang/ pad+ma'o/ /g.yon na yang rim pa bzhin du mdungs dang/ zhags pa dang/ dgra sta dang/ rtse gsum mo/ /gnod sbyin bzhi po de rnams ni/ zhi ba'i
- 169a
tshul du gnas pa/ gzhan gyis mi thub pa'o/ /de dag gis kyang rig sngags kyi rgyal mo rma bya chen po 'dis bdag la srung ba gyis shig ces bya ba ni/ rjes su yi rang zhing gton pa tsam gyis kyang/ nad thams cad bral zhing 'jigs pa thams cad med par 'gyur ro sba ba la sogs pa zhes bya ba ni/ gong bzhin du shes par bya'o/ /kun dga' bo zhes bya ba ni sangs rgyas kyis kun dga' bo la gsungs pa'o/ /lho phyogs na gnod sbyin gyi ded dpon chen po/ gang dag lho phyogs skyong zhing srung bar byed pa bzhi gnas te zhes bya ba ni/ gnod sbyin chen po bzhi po de dag kyang gzi brjid che ba/ stobs dang ldan pa/ grags pa dang ldan pa/ kha dog dang ldan pa/ rdzu 'phrul dang ldan pa/ lha dang lha ma yin gyi g.yul myong bar byed pa'o/ /'di lta ste zhes bya ba ni gnod sbyin bzhi po blta ba'o/ /seng ge dang nye ba'i seng ge dang/ dung can dang/ dga' bo zhes bya ba ni gnod sbyin bzhi po de ni/ mthu che ba/ rig sngags kyi bka' las mi 'da' ba ste/ de rnams kyi sku mdog dang phyag mtshan ni/ ser po dang nag po dang/ dmar po dang/ ljang gu'o/ /de'i phyag mtshan rin po che dang/ rdo rje dang/ pad+ma dang ral gri'o/ /g.yon rnams ni/ mda' gzhu dang gtun shing dang lcags kyu dang/ 'khor lo bsnams pa'o/ /gnod sbyin de dag ni/ bzhin mi sdug pa'i gzugs su gnas pa/ khro bor snang ba'o/ /de dag gis kyang rig sngags kyi rgyal mo rma bya chen po 'dis bdag la bsrung ba gyis shig ces bya ba ni gang zag bdag gis rgya cher bstan pa dang/ 'chang ba dang/ yi ge gcig tsam klog par gyur pas kyang gnod sbyin bzhi pos lho phyogs su skyong ba dang/ bsrung bar 'gyur ro/ /sba ba la sogs pa zhes bya ba ni/ sngar bshad pa bzhin du shes bar bya'o//
- 169b
kun dga' bo zhes bya ba ni/ dge slong sa ri don dang sems can rnams kyis don la bka' stsal pa'o/ /nub phyogs na gnod sbyin gyi sde dpon chen po gang dag nub phyogs srung zhing yongs su skyong bar byed pa/ bzhi gnas te zhes bya ba ni/ sangs rgyas kyi bstan pa srung ba/ gzi brjid che ba stobs dang ldan pa/ grags pa dang ldan pa/ kha dog dang ldan pa/ rdzu 'phrul dang ldan pa/ lha dang lha ma yin gyi g.yul myong bar byed pa'o/ /'di lta ste zhes bya ba ni gnod sbyin bzhi po nub kyi ngos kyi bzhi blta ba'o/ /seng ge dang/ seng ge'i ral pa dang/ bla ma dang ser skya'o/ /zhes bya ba ni/ gnod sbyin bzhi po de dag ni rig sngags kyi bka' las mi 'da' ba ste/ de rnams kyi sku mdog dang phyag mtshan ni/ dmar po dang/ nag po dang/ dkar po ljang gu'o/ /g.yas rnams na/ pad+ma dang/ rdo rje dang/ 'khor lo dang/ ral gri'o/ /g.yon pa rnams na rtse gcig dang/ to ma ra dang/ 'phang mdung dang mdung ring bsnams pa'o/ /gnod sbyin de rnams ni mthu che zhing cung zad khro bar gnas ba'o// de dag gis kyang rig sngags kyi rgyal mo rma bya chen mo 'di bdag la bsrung ba gyis shig ces bya ba ni/ gang zag gang gis lus ngag yid kyi mos par byas nas bdag gi nad mdze la sogs pa med par 'gyur ro/ /bsgoms pa dang/ kha don byed pa la sogs? pa byas par gyur na/ nad de ltar yang mi 'byung ste/ tshe phyi ma yang de bzhin no/ /sba ba la sogs pa zhes bya ba ni/ gnod sbyin bzhi po dag gis kyang bsrung ba dang/ skyob bar 'gyur ro/ /gzhan yang bshad pa ni gong nas shes pa'o/ /kun dga' po zhes bya ba ni bcom ldan 'das kyis sems can gyi don du gsungs pa'o/ /byang phyogs na gnod sbyin gyi ded dpon chen po gang dag byang phyogs skyong zhing yongs su srung bar byed pa bzhi gnas te/ zhes bya ba ni bzhi po de dag gis kyang sangs
- 170a
rgyas kyi bstan pa bsrung bar byed pa bzhi gnas te/ zhes bya ba ni bzhi po dag gis kyang gzi brjid che ba stobs dang ldan pa/ grags pa dang ldan pa /'od zer dang ldan pa/ kha dog dang ldan pa/ rdzu 'phrul dang ldan pa/ lha dang lha ma yin gyi g.yul yang myong bar byed pa'o/ /de dang ldan pa'i gnod sbyin chen po rnams kyi rig sngags kyi bka' las mi 'da' ba' o/ /'di lta ste zhes bya ba ni/ gnod sbyin chen po bzhi po dag byang ngos nas lta'o/ /'dzin pa dang/ 'dzin dga' ba dang/ brtson skyong dang/ khyab 'jug gi zhes bya ba ni gnod sbyin chen po bzhi po de dag ni/ mthu chen po dang ldan pa/ de dag gi sku mdog dang phyag mtshan ni/ ljang nag dang/ nag po dang/ ser po dang/ dkar po'o/ /g.yas rnams ni ral gri dang/ rdo rje dang/ rin po che dang/ 'khor lo'o/ /g.yon pa rnams na/ zhags pa dang/ dgra sta dang/ rtse gsum mo/ mda' gzhu bsnams pa'o/ /gnod sbyin chen po de dag ni khro bor gnas pa gsus pa che ba sems can rnams kyi don mdzad pa'o// de dag gis kyang rig sngags kyi rgyal mo rma bya chen mo 'dis bdag la bsrung ba gyis shig bya ba ni gang zag gis gus par byas na/ sdug bsngal thams cad dang bral bar 'gyur te/ yi ge gcig tsam klog par byed na/ gus pa dang bcas pas mtshan nas brjod par bya ste/ gnod sbyin chen po de dag gis kyang da ltar yang srung bar byed pa dang/ tshe phyi ma la yang srung bar byed pa'o/ /sba ba dang zhes bya ba la sogs pa ni sngar bshad pa bzhin du shes par bya'o kun dga' bo zhes bya ba ni yang dag par rdzogs pa'i sangs rgyas kyis sems can gyi don du bka' stsal pa'o/ /gnod sbyin gyi ded dpon chen po gang dag phyogs mtshams na gnas te/ zhes bya ba ni shar lho dang /lho nub dang/ nub byang dang/ byang shar mtshams
- 170b
na gnas pa'o/ /gang dag phyogs mtshams bsrung zhing yongs su skyong bar byad pa bzhi po 'di dag ste zhes bya ba ni/ yang dag par rdzogs pa'i sangs rgyas rnams kyi bstan pa bsrung ba ste/ sems can rnams kyi don byed pa ste/ gnod sbyin de dag ni/ rdzu 'phrul che ba/ stobs dang ldan pa/ grags pa dang ldan pa/ kha dog dang ldan pa/ lha dang lha ma yin gyis g.yul yang myong bar byed pa'o/ /'di lta ste zhes bya ba ni/ gnod sbyin bzhi po de dag phyogs mtshams na lta'o/ /lnga spyod dang tshigs lnga ser po dang/ ri mnyam dang/ gser can no zhes bya ba dang/ gnod sbyin de dag gis kyang rig sngags kyi bka' las mi 'da' zhing/ mthu chen po dang ldan pa de dag gi sku mdog dang phyag mtshan ni dkar po dang/ nag po dang/ dmar po dang ljang gu'o/ /phyag g.yas rnams na pad+ma dkar po dang/ utpa la ser po dang/ pad+ma dmar po dang/ utpa la sngon po'o/ /g.yon rnams na 'khor lo dang/ rdo rje dang/ dbyug to dang/ ral gri rnams so/ /gnod sbyin bzhi po de yang rim bzhin du zhi ba'i tshul dang ldan pa/ drag po dang ldan pa/ khro bo dang ldan pa'o/ /de dag gis kyang rig sngags kyi rgyal mo rma bya chen mo 'dis bdag la bsrung ba gyis shig ces bya ba ni gang zag gang gis 'di la gus par byed na/ rjes su yi rang ba tsam dang/ lus ngag yid kyis gus pa tsam gyis kyang/ gnod sbyin gyi dad? dpon de rnams kyis/ yang dag par srung ba dang skyob par 'gyur ro/ /sba ba la sogs pa zhes bya ba ni/ gnod sbyin de rnams kyis 'jigs pa la sogs pa sbed pa'o/ /de rnams kyi bshad pa ni snga ma bzhin du shes par bya'o/ /kun dga' bo zhes bya ba ni bcom ldan 'das kyis bka' stsal pa'o/ /gnod sbyin gyi sde dpon chen po gang dag sa la gnas te/ gang dag srung zhing yongs su skyob par byed pa bzhi po 'di dag ste zhes bya ba ni/ yang dag par rdzogs pa'i sangs rgyas kyi bstan pa
- 171a
bsrung ba/ sems can thams cad kyi don byed pa/ gnod sbyin chen po de dag ni gzi brjid che ba/ stobs dang ldan pa grags pa dang ldan pa/ 'od zer dang ldan pa/ kha dog dang ldan pa/ rdzu 'phrul dang ldan pa/ lha dang lha ma yin gyi yul yang myong ba byed pa dag go/ 'di lta ste zhes bya ba ni gnad sbyin bzhi po sa la gnas pa ltar ro/ /sa pa dang shin tu sa pa dang nag po dang nye nag po dang zhes bya ba ni de rnams kyis kyang rig sngags kyi bka' las mi 'da' zhing 'og nas srung bar byed pa'o/ /de rnams kyi sku mdog dang phyag mtshan ni ser po dang dmar po dang nag po dang/ dmar nag gi mdog go /g.yas rnams na rin po che dang pad+ma dang/ rdo rje dang/ ral gri'o/ /g.yon rnams na mdung dang/ zhags pa dang/ 'khor lo dang/ dgra sta rnams so/ /bzhi po 'di dag gis kyang sa yongs su bsrung zhing/ sems can rnams la don byed pa'o/ /de dag gis kyang rig sngags kyi rgyal mo rma bya chen mo 'dis bdag la bsrung ba gyis shig ces bya ba ni/ gang zag gang dag gis rig la mos shing chos byed pa dang/ srung ba btags pa dang/ kha don byed pa dang/ yongs su bzung bar gyur na/ sa g.yo ba'i 'jigs pa dang/ mu ge'i 'jigs pa dang/ sa bdag rnams kyi 'jigs pa la sogs pa yang dag par srungs shig da ltar dang phye mar yang srung bar 'gyur ro/ /sba ba la sogs pa zhes bya ba ni/ gsang ba la sogs pa'i tshul gyis srung bar 'gyur te/ de rnams kyi bshad pa ni gong ma bzhin no/ /kun dga' bo zhes bya ba ni/ sems can gyi don la thugs rje chen pos bka' stsal pa'o/ /gnod sbyin gyi sde dpon chen po gang dag par snang la gnas pa ste/ zhes bya ba ni/ yang dag par rdzogs pa'i sangs rgyas rnams kyi bstan pa bsrung ba/ steng gi ngos na gnas pa'o/ /gang dag
- 171b
bar snang bsrung zhing yongs su skyong bar byed pa bzhi po 'di dag ste zhes bya ba ni/ gzi brjid che ba grags pa ldan pa/ 'od dang ldan pa/ kha dog dang ldan pa/ rdzu 'phrul dang ldan pa/ lha dang lha ma yin gyi g.yul yang myong bar byed pa'o/ /'di lta ste zhes bya ba ni/ gnod sbyin chen po bzhi po 'di dag par snang la blta'o/ /nyi ma dang zla ba dang me dang rlung ngo zhes bya ba ni mthu che ba/ rig sngags kyi bka' las mi 'da' ba/ de rnams kyi sku mdog dang phyag mtshan ni/ dmar po dang/ dkar po dang/ sngon po dang/ dmar nag gi mdog go/ phyag g.yas rnams na pad+ma dmar po pad+ma dkar po ba dan dang me sbar ba bsnams pa'o/ /g.yon rnams na 'khor lo/ dgra sta rtse gsum pa rtse gcig pa bsnams pa'o/ /gnod sbyin de dag bar snang la yongs su bsrung zhing/ sems can rnams kyi don byed pa'o/ /de dag gis kyang rig sngags kyi rgyal mo rma bya chen mo 'dis kyang bdag la srung ba gyis shig ces bya ba ni/ gang gis rig sngags kyi rgyal mo rma bya chen mo 'di la gus par byas na/ lce 'bab pa'i 'jigs pa dang/ ser ba la sogs pa yang yul der 'bab par mi 'gyur te/ 'jigs pa gzhan yang mi 'byung ba'o/ /sba ba dang zhes bya ba ni/ 'jigs pa dang nad thams cad las thar bar byas pa'o/ /yongs su skyong ba dang zhes bya ba ni/ mngal nas btsas ka dang/ bcas ma thag tu skyes nas kyang ma shi bar du skyong ba'o/ /yongs su bskyab pa dang zhes bya ba ni/ ma rungs pa'i 'byung po dang/ nad rnams dang/ sdug bsngal rnams las bskyabs pas so/ /yongs su bzung ba dang zhes bya ba ni ma rig pa'i mun pa spangs nas/ dge ba la sbyor ba'o/ /zhi ba dang zhes bya ba ni drag po'i tshul du gnas pa'i 'byung po rnams kyang zhi bar 'gyur ro/ /bde legs su 'gyur ba dang zhes bya ba ni/ lus ngag yid bde ba ste/ 'dis nus pas
- 172a
lus ngag yid bde bar byed pa'o/ /chad pa spang pa dang zhes bya ba ni/ rgyal po dang 'byung po la sogs pa'i chad pa spang ba'o/ /mtshon cha spang ba dang zhes bya ba ni/ yul gyi dbus sam/ rkun ma 'am/ chom rkun nam/ de rnams kyi mtshon cha spang ba'o/ /dug gzhi la ba dang zhes bya ba ni/ bsdang ba'i dug dang/ 'gro ba'i dug dang/ byed pa'i dug gsum gzhil ba'o/ /dug gsum pa dang zhes bya ba ni dug gsum po de dag kyang rig sngags kyi gzi brjid kyis/ lus la zhugs pa thams cad kyang 'joms par byed pa'o/ /mtshams cad pa dang zhes bya ba ni/ gsang sngags dang rig sngags kyi gsang sngags kyis bcing ba'i sar/ gzhan rnams kyis brgal bar mi nus so/ /sa bcing ba dang zhes bya ba ni/ des bcing ba'i sar sa g.yo ba drag po byung bas kyang 'gul mi nus te de na yod pa'i 'byung po rnams kyis kyang gnod par mi nus so/ /lo brgya lon pa zhes bya ba ni/ nad thams cad dang dral zhing bcud len gyi rang bzhin du rgas pa med pa'o/ /ston ba rgya mthong pa dang zhes bya ba ni/ nor phun sum tshogs pa ste/ rig sngags kyi gzi brjid kyis tshe ring zhing nad rnams dang bral te/ za ba dang 'thung ba dang/ ldan pa'o/ kun dga' bo zhes bya ba ni/ dge slong sa ri mche ba'i dug gis zin pa'i gnod pa dang/ sems can thams cad mche ba'i dug gis zin pa'i don la'o/ /khyod kyis zhes bya ba ni kun dga' bo la'o/ /rgyal po rnams thos kyi chos kyi spun gnod sbyin gyi ded dpon sde po che rnams zhes bya ba ni/ mthu bo che sum cu rtsa gnyis sangs rgyas kyi bstan pa srung ba la gzi brjid che ba stobs che ba/ grags pa dang ldan pa/ 'od dang ldan pa/ rdzu 'phrul dang ldan pa/ lha dang lha ma yin gyi g.yul yang myong bar byed pa'o/ gnod sbyin de rnams kyang bye ba 'bum phrag gnod
- 172b
sbyin 'khor du ma dang ldan pa'o/ /gang dag sems can rnams bsrung zhing yongs su skyong bar byed pa zhes bya ba ni sems can thams cad mthong ba dang dga' bas te/ de la gnod par mi byed cing/ snying rje'i sems kyis khyab pa'o/ /'jig rten gyi yams kyi nad dang/ gnod par 'khrug pa rnams med par byed pa zhes bya ba ni/ stong gsum gyi stong 'jig rten gyi khams skad cig mas khyab ste/ gnod sbyin mthu che ba rnams kyis kyang nad thams cad bcom zhing/ sems can rnams la byams pa dang snying rje'i stobs kyis sems can rnams skyong ba'o/ /'jig rten la phan gdags pa'i phyir/ 'jig rten na rgyu pa rnams kyi ming zung zhig ces bya ba ni/ mthu chen gnod sbyin gyi ded dpon sum cu rtsa gnyis/ 'jig rten gyi khams gsum gyi stong chen po'i 'jig rten/ sems can ma lus pa la phan par mdzad pa rig sngags kyi rgyal mo rma bya chen mo 'di la rjes su yi rang zhing gus par byed pa'o/ /'di lta ste zhes bya ba ni/ gnod sbyin gyi ded dpon mthu bo che sum cu rtsa gnyis lta ba'o/ /dbang po dang/ zla ba dang/ chu lta dang/ skye dgu'i bdag po dang/ b+ha ra d+ha dza dang zhes bya ba ni/ stobs che la mthu che ba/ de rnams kyi mdog dang phyag mtshan ni ser po dang dkar po dang dkar ser dang dmar po dang nag po dang g.yas rnams na rdo rje dang/ ri bong gi pags pa dang sprul gyi zhags pa dang/ pad+ma dang ral gri'o/ /g.yon rnams na mdung dang/ zhags pa dang/ lcags kyu dang/ rtse gcig dang/ dgra sta rnams so/ /dbang ldan dang/ tsan dan dang/ 'dod pa'i gtso bo dang/ mgrin ngan dang/ mgul nges dang zhes bya ba ni/ gnod sbyin gyi ded dpon mthu chen de rnams rig sngags kyi bka' las mi 'da' ba sems can rnams kyi don byed pa'o/ /de rnams kyi sku mdog dang phyag mtshan ni/ thal ba'i mdog dang/ mthing nag dang/ ser po dang/ dmar po dang/ dkar po'o/ /g.yas pa rnams na rtse gsum dang/
- 173a
tsan dan gyi be con dang/ mda' gzhu dang/ dbyug to mig can dang 'khor lo bsnams pa'o/ /g.yon rnams na phreng ba dang/ bum pa dang/ ne'u le'i skyal pa dang/ rin po che dang/ nor gyi rgyal po'o/ /sa Ti dang/ nor bu dang/ gnod sbyin dang/ sgra rab dang/ nye lnga po dang zhes bya ba ni/ de rnams kyis kyang sangs rgyas kyi bstan pa srung ba dang/ sems can rnams kyi don byed pa'o/ /de rnams kyi sku mdog dang phyag mtshan ni/ ljang gu dang/ sngo skya dang/ dmar ser dang/ mthing nag dang/ dkar po'o// g.yas rnams na 'phang mdung dang/ chu gri dang/ to ra dang/ rtse gcig dang/ ral gri'o/ /g.yon rnams me tog nag pus pa dang/ utpa la dang/ pad+ma dang/ puN+Da ri ga dang/ kun+ta bsnams pa'o/ /ri mnyam dang/ gser can dang/ gang po dang/ ser ldeng dang/ g.yon can dang zhes bya ba ni mthu chen po de rnams kyis kyang rig sngags kyi bka' las mi 'da' ba sems can gyi don byed pa'o/ /de rnams kyi sku mdog dang phyag mtshan ni/ dkar po dang/ ser po dang/ dmar po dang/ nag po dang/ ljang gu'o/ /g.yas rnams na rdo rje dang/ rin po che dang/ pad+ma dmar po dang/ ral gri dang/ rtse gcig bsnams pa'o/ /g.yon rnams na nor gyi rkyal pa dang/ bum pa gang ba dang/ rin chen gyi snod dang/ 'bras kyi snye ma dang/ rin chen snye ma dang/ gnod sbyin ba la bskyong dang/ 'brog gnas dang/ mi'i rgyal po dang/ rgyal ba'i khyu mchog dang/ tshigs sdang po dang/ zhes bya ba ni/ sangs rgyas kyis bstan pa bsrung ba/ sems can rnams la mi 'tshe pa'o/ /de rnams kyi sku mdog dar phyag mtshan ni/ mthing nag dang/ dmar nag dang/ sngo bsangs dang/ ljang nag dang/ dkar ser ro/ /g.yas rnams na mda' gzhu dang/ mdung dang/ zhags pa dang/ 'khor lo dang/ dgra sta bsnams pa'o/ /g.yon rnams na dung dang a
- 173b
'bras dang/ bum pa spyi'u blugs dang/ bi dza pu ra ka dang/ me tog gi phreng ba dang/ bzhin bzangs dang/ gnod sbyin ring po 'khor dang bcas pa dang/ dri sna tshogs dang/ 'bras bu gsum pa dang/ 'gul gsum pa dang lcags mdung ring po dang/ ma ldan pa ste zhes bya ba ni de rnams kyis kyang rig sngags kyi rgyal mo rma bya chen mo'i bka' las mi 'da' ba' o/ /sems can rnams kyi don byed pa/ de rnams kyi sku mdog dang phyag mtshan ni dkar po dang/ nag po dang/ ser po dang/ dmar po dang/ ljang gu dang/ sngo skya dang/ dmar nag go /de rnams kyi g.yas na mdung ring dang/ ral gri dang/ 'phang mdung dang/ rtse gsum dang/ rtse gcig dang/ gtun shing dang/ to ma'o/ /g.yon rnams na nor bu'i rkyal ba dang/ rin chen myu gu dang/ 'bras kyi snye ma dang/ rin chen snye ma dang/ bum pa nor gyis gang ba dang/ ne'u le'i rgyal pa dang/ rin chen phreng pa'o/ /gnod sbyin de dag ni gnod sbyin chen po'i zhes bya ba ni/ sems can la 'tshe ba mi byed pa/ sangs rgyas kyi bstan pa bsrung ba/ rig sngags kyi bka' las mi 'da' ba' o/ /de rnams kyi yongs su 'dren pa zhes bya ba ni lha dang lha ma yin rnams kyi rtsod pa las bye ba dung phyur rnams kyi sde bo che/ gzhan rnams kyis mi thub pa/ rgyal ba rnam par rgyal ba gnod sbyin rnams kyi gtso bor 'gyur ba'o/ /rdzu 'phrul dang ldan pa zhes bya ba ni/ stong gsum stong gi 'jig rten gyi khams ri rab dang bcas pa skad cig thang cig yud tsam gyis 'khor ba'o/ /'od ldan pa zhes bya ba ni/ rang gi kha dog gis rang gsal te/ 'jig rten khams gsal bar byed pa'o// kha dog dang ldan pa zhes bya ba ni rang gi kha dog dang ldan pa kha dog de bkrag dang ldan pa'o/ /grags pa dang ldan pa ste/ zhes bya ba ni/ mthu chen sum cu rtsa gnyis/ rgyal ba rnam par rgyal ba stong gsum gyi stong 'jig rten gyi khams kyi sems can rnams kyi
- 174a
don byed pa rig sngags kyi rgyal mo rma bya chen mo'i bka' las mi 'da' bar grags pa'o/ /rgyal po chen po rnam thos kyi bu'i spun te zhes bya ba ni/ gnod sbyin de rnams dang/ rdo rje spyan du grangs pa/ de gnyis sangs rgyas kyi bka' las mi 'da' ba' o/ /rgyal po chen po rnams thos kyi bus/ gnod sbyin 'di ni nga la rnam par 'tshe ba'o/ /zhes bya ba ni/ gzhan yang dri za'i gdon nam/ grul bum gyi gdon nam/ klu'i gdon nam/ gnod sbyin gyi gdon la sogs pas klags tshol ba'o/ /gnod sbyin 'di mi gtong ngo zhes bya ba ni gang dag la go bar byed pa 'di dag ni zhes bya ba ni/ /gzhan gnod par 'dod pa'i gnod sbyin rnams/ gnod pa mi gter bar/ rten gyi gang zag la bsrung ba grogs byed pa'o/ /rgyal po chen po rnams thos kyi bu'i spun te zhes bya ba ni/ sems can la 'tshe bar mi sems pa/ mthu chen po sum cu rtsa gnyis/ sde chen po gnod sbyin gyi sde dpon chen po rnam thos sras kyi rdo rje spun no/ /de dag gis kyang rig sngags kyi rgyal mo rma bya chen mo 'dis bdag la bsrung ba gyis shig ces bya ba ni/ gang nas gang du rig sngags kyi rgyal mo rma bya chen mo la gus par byas na/ kha don byed pa dang/ klog pa dang/ mchod pa byed pa dang bsnyen bkur byed pa dang/ rgya cher spel ba dang/ cho ga byed pa dang/ srung ba byed pa dang 'chad ba dang/ bla mar byed pa dang/ mchod par byed pa rnams gnod sbyin gyi ded dpon rnams kyis gang zag de las bsrung bar 'gyur ro/ /sba ba la sogs pa zhes bya ba ni/ gnod sbyin de rnams kyis sba ba la sogs pa byed pa'o/ /'thab pa dang/ rtsod pa dang/ zhes bya ba ni dgra bo dang g.yul 'gyed pa dang/ gzhan yang sems mi bde ba dang/ the tshom med pa dang/ nad 'thab pa dang/ de rnams la yang/ gnod sbyin de rnams
- 174b
kyis bsrung ba dang skyob par 'gyur ro/ /'tshang 'bru ba dang/ 'thab mo dang zhes bya ba ni/ gzhan rnams kyis sems mi bde zhing 'tshang 'bru bas te/ de rnams kyis 'tshang 'brur mi ster te/ bsrung ba dang skyob par 'gyur te/ 'thab pa la yang de bzhin du bsrung bar 'gyur ro/ /'gyed pa las yongs su skyobs shig ces bya ba ni/ glo bur gyi bgegs rnams dang/ bdud rnams kyi 'tshe bar byed pa la yang srung ba dang skyobs par byed pa'o/ /mi'i gdon dang zhes bya ba ni rgyal po 'am chom rkun la sogs pa'o/ /mi ma yin pa'i gdon dang zhes bya ba ni/ bdud rnams glags tshol ba'o/ /lha'i gdon dang zhes bya ba ni lha'i dbang po brgya byin la sogs pa 'dod lha ris drug gi lha rnams so/ /klu'i gdon dang zhes bya ba ni/ klu'i rgyal po dga' bo la sogs pa rigs brgyad kyi sku rnams so/ /lha ma yin gyi gdon rnams dang zhes bya ba ni/ lha ma yin gyi rgyal po thag bzangs ris bye ba 'bum phrag dung phyur tsam lha ma yin rnams so/ /rlung lha'i gdon dang zhes bya ba ni rlung lha'i rgyal po rnam par dga' byed la sogs pa rlung gi gdon bdun dang/ bye ba khrag khrig dung phyur tsam mo/ /nam mkha' lding gi gdon dang zhes bya ba ni/ nam mkha' lding gi rgyal po gser mig la sogs pa bya khyung gi rigs lnga dang/ de la sogs pa'i bye ba dung phyur tsam mo/ /dri za'i gdon dang/ zhes bya ba ni/ dri za'i rgyal po zur phung lnga pa la sogs pa de yang bye ba dung phyur tsam mo/ /mi 'am ci'i gdon dang zhes bya ba ni/ mi 'am ci'i rgyal po ljon pa la sogs pa bsam gyis mi khyab pa'o/ /lto 'phye chen po'i gdon dang zhes bya ba ni/ lto 'phye'i rgyal po bzang po la sogs pa bye ba dung phyur tsam mo/ /gnod sbyin gyi gdon dang zhes bya ba ni gnod sbyin chen po lnga rtsen la sogs pa 'phrog ma'i bu lnga brgya dang bcas pa'o/ /srin po'i
- 175a
gdon dang zhes bya ba ni srin po'i rgyal po 'jigs pa 'khor dang bcas pa bye ba dung phyur tsam gnas pa'o/ /yi dags kyi gdan zhes bya ba ni yi dags 'gul 'joms la sogs pa bsam gyis mi khyab pa'o/ /sha za'i gdon dang zhes bya ba ni/ sha za gang la sogs pa du mar gnas pa'o/ /'byung po'i gdon dang zhes bya ba ni 'byung po lnga ldan la sogs pa bsam gyis mi khyab pa'o/ /grul bum gyi gdon dang zhes bya ba ni grul bum 'dzin mig la sogs pa du mar gnas pa'o/ /srul po'i gdon dang zhes bya ba ni/ srul po rab bzang la sogs pa bye ba khrag khrig tsam gnas pa'o/ /lus srul po'i gdon dang zhes bya ba ni rab bzang chen po la sogs pa bsam gyis mi khyab pa'o/ /skem byed gyi gdon dang zhes bya ba ni skem byed mchu rings la sogs pa 'bum phrag bdun bcur gnas pa'o/ /smyo byed kyi gdon dang zhes bya ba ni/ smyo byed nyi shu rtsa gnyis te /sba ba sum 'gyur la sogs pa bsam gyis mi khyab pa'o/ /grib gnon gyi gdon dang zhes bya ba ni grib gnon 'bum la sogs pa brgyad khri bzhi stong tsam mo/ /brjed byed gyi gdon dang zhes bya ba ni nye ba'i bum pa la sogs pa bye ba du mar gnas pa'o/ /gnon po'i gdon dang zhes bya ba ni gdon po mig bzangs la sogs pa bye ba dung phyur tsam mo/ /rgyu skar gyi gdon dang zhes bya ba ni/ rgyu skar nyi shu rtsa brgyad de smin drug la sogs pa brjod kyis mi lang ba'o/ /byug pa'i gdon dang zhes bya ba ni phyug pa dril dga' ba ste/ gser thub la sogs pa bsam gyis mi khyab par gnas pa'o/ /de yang mi dang mi ma yin pa dang/ lha dang/ klu dang/ lha ma yin/ rlung dang nam mkha' lding dang/ dri za dang/ mi 'am ci dang/ lto 'phye chen po dang/ gnod sbyin dang/ srin po dang/ 'byung
- 175b
po dang/ sha za dang/ srul po dang/ lus srul po dang/ rjed byed dang/ smyo byed dang/ grib gnon dang/ skem byed dang/ gnon po dang/ skar ma dang/ dbyug pa'i gdon dang/ de rnams gtso bor gyur pa stong phrag brgyad cu brgyad cur gnas te/ nam mkha' la rgyu ba'i dus su ni/ ngang pa'i rgyal po bzhin no/ /sa stengs la rgyu ba'i nyi ma'i rta bdun bzhin du/ skad cig mas gling bzhi khyab pa'o/ /sa 'og tu 'dzul ba ni byi ba bzhin du'o/ /de lta bu'i gdon sa bdag la sogs pa rgyu ba'i dus su sa bdag bzhin no/ /de bzhin du lha'i gdon la sogs pa thams cad sna tshogs kyi gzugs su bstan nas rgyu ba'o/ /yongs su skyobs shig ces bya ba ni/ rig sngags kyi rgyal mo rma bya chen mo'i gzi brjid kyis/ mthu chen sum cu rtsa gnyis kyis kyang lha'i gdon la sogs pa bsrung ba dang/ skyob par byed pa'o/ /gzi brjid 'phrog pa dang zhes bya ba ni/ gdon de rnams kyi gzi brjid 'phrog pa ste/ gdon gzhan yang 'od 'phrog snga ma la sogs pa bsam gyis mi khyab pa'o/ /zas su mngal za ba dang zhes bya ba ni/ ser skya mo ste yi dags so/ /de yang bsam gyis mi khyab pa'o/ /zas su sha za ba dang zhes bya ba ni/ srin mo pad+ma ste/ de la sogs pa bsam gyis mi khyab pa'o/ /zas su khrag 'thung ba dang zhes bya ba ni/ sha za mo ma he mo la sogs pa te bsam gyis mi khyab pa'o/ /zas su zhag za ba dang zhes bya ba ni/ sa srin mo sdang mo du mar gnas pa'o/ /zas su tshil za ba dang zhes bya ba ni/ srin mo 'jigs can bye ba tsam du gnas pa'o/ /zas su rkang za ba dang zhes bya ba ni/ gnod sbyin me 'bar ma bsam gyis mi khyab pa'o/ /zas su btsas pa za ba dang/ zhes bya ba ni sha za gtum mo bsam gyi mi khyab pa'o/ /srog 'phrog pa dang zhes bya ba ni/ brjed byed ma bum pa can la sogs pa bye ba dung phyur gnas pa'o/ /zas su gtor ma za ba dang zhes bya ba
- 176a
ni/ gnod sbyin dri med la sogs pa bsam gyis mi khyab pa'o/ /zas su phreng ba za ba dang zhes bya ba ni/ lha mo nag mo bye ba dung phyur tsam mo/ /zas su dri za ba dang zhes bya ba ni/ dri za mo nag mo seng ge la sogs pa bye ba 'bum phrag du ma gnas pa'o/ /zas su bdug pa za ba dang zhes bya ba ni/ sa sin mo nag mo snang zhes bya ba ni la sogs pa bsam gyis mi khyab pa'o/ /zas su me tog za ba dang zhes bya ba ni/ klu mo 'od zer can zhes bya ba la sogs pa 'bum phrag khri tsam gnas pa'o/ /zas su 'bras bu za ba dang zhes bya ba ni/ sa bdag chu mo la sogs pa bsam gyis mi khyab pa'o/ /zas su lo tog za ba dang zhes bya ba ni/ srin mo stobs can mo la sogs pa'o/ /zas su bsregs bya za ba dang zhes bya ba ni/ sha za nag mo la sogs pa 'bum phrag khrir gnas pa'o/ /zas su rnag 'thung ba dang zhes bya ba ni/ sa srin mo glang chen mo la sogs pa brgya stong tsam gnas pa'o/ /zas su phyi sa za ba dang zhes bya ba ni/ sa srin mo srab mo la sogs pas te bsam gyis mi khyab pa'o/ /zas su gcin 'thung ba dang zhes bya ba ni/ 'byung po lag 'gro ma la sogs pa bsam gyis mi khyab pa'o/ /zas su mchil ma 'thung ba dang zhes bya ba ni/ ro langs mo gtang gi la sogs pa brgyad khri 'bum du gnas pa'o/ /zas su dar? snabs za ba dang zhes bya ba ni/ ro langs chen mo dmar ser mo la sogs pa 'bum du gnas pa'o/ /zas su snabs za ba dang zhes bya ba ni/ grul bum mo tshigs ba la sogs pa bye ba dung phyur gnas pa'o/ /zas su ? pa za ba dang zhes bya ba ni gnod sbyin mo gtun mo la sogs pa brgyad khrir gnas pa'o/ /zas su gtor khur nas 'bab pa 'thung ba dang zhes bya ba ni/ gnon po grul bum nag mo la sogs pa bsam gyis mi khyab pa'o/ /za ba de rnams
- 176b
kyang stong phrag brgyad cur gnas pa/ chung ba ni yud tsam che ba ni dpag tshad lnga brgyar gzugs sprul pa'o/ /de rnams kyang rdzu 'phrul dang ldan pa/ sems can rnams la gnod par byed pa'o/ /srung ba gyis shig ces bya ba ni/ rig sngags kyi rgyal mo rma bya chen mo la gus pa'i sems dang ldan pa rnams mthu chen sum cu rtsa gnyis gnod sbyin gyi ded dpon rnams kyis kyang srung ba dang skyob par 'gyur ro/ /sba ba la sogs pa zhes bya ba ni/ gong bzhin du shes par bya'o/ /gshed byed dang bsgyur ba'i las dang zhes bya ba ni 'byung po rnams kyi dbugs dang bral bar byed pa ste/ de gshed 'phrog pa'i 'jigs pa'o/ /lus ngag yid kyi las bsgyur ba ste/ de las bsgyur ba'i 'jigs pa lus mi bde ba/ ngag mi bde pa/ yid mi bde bo/ /byang dang g.yengs byed dang zhes bya ba ni/ sngon gyi las dang da ltar byas pa ste/ las kyi dbang gis ma rig pa'i sems kyis byas pa'i byad do/ /de'i dbang gis 'dar bar byed pa'i nad kyang 'byung po rnams kyis btang ba'o zhes bya ba ni ma tshang ba dang/ lhag pa dang/ nor ba dang/ 'joms pa dang/ pho nya dang zhes bya ba ni/ gzhan rnams kyi nus pas btang ba'o/ /'joms pa ni de 'joms pa'o/ /ro langs dang sems bsgyur ba dang zhes bya ba ni/ sngags kyis nus pas ro langs par 'gyur ba ste/ de ma thul ba'o/ /rig pa'i sems ma rig pas bsgyur ba'o/ /spong gdong dang/ bza' nyes dang zhes bya ba ni/ gshin rje 'am/ ma mo 'am/ 'jig rten gzhan yang brten byas nas dmod mo byas pa'o/ /skar ma 'am/ gza''am/ tshe grangs sam/ skad cig ma 'am/ ma mthun pa dang/ chu tshod dang/ dbyug gu dang/ thun tshong ma 'dzom pa'o/ /gza' rang la sogs pa sems mi mthun pa'o/ /skyug nyes dang/ zhes bya ba ni bad kan dang mkhris pa dang/
- 177a
rlung gi dbang gi ma zhu ba dang ma mthun pa ste/ de skyug na nyes pa'o/ /yang na 'byung po'i dbang gis sman ma zhu zhing skyug par byed pa ste/ skyug pa ma thon pa dang/ 'gags na skyug nyes pa'o/ /gnod sgrib dang/ zhes bya ba ni de ltar ma rig pa'i dbang gis sgrib par 'gyur te/ grib ma de gnod pas gnod sgrib po/ /de'i sdig mi mthong bar byed pa sgrib pa'o/ /gnod ltas dang zhes bya ba ni/ ma smin pa la smin par byas nas blta ba ste/ gnyan pa lta ba de gnod bltas so// bri nyes dang zhes bya ba ni/ dkyil 'khor la sogs pa sgra ma mthun pa nyes pa'o/ /bsgom nyes dang zhes bya ba ni/ ye shes bzhag nas ma rig pa bsgoms te/ yang na log men du go nas mchod par sgoms pa'o/ /smad pa dang zhes bya ba ni/ gzhan rnams kyis zhe sdang gi dbang gis smad pa'o/ /skrag pa dang zhes bya ba ni/ 'jigs pa sems bsgyur ba ste/ de yang g.yengs pa'o/ /rgyal po'i 'jigs pa dang zhes bya ba ni/ rang dbang med cing nor dang/ zhing la sogs pa 'brog pa'o/ /chom rkun gyi 'jigs pa dang/ glang po che'i 'jigs pa dang zhes bya ba ni/ nor dang grogs la 'jigs pa ste/ de bzhin du glang po che'i 'jigs pa'o/ /me'i 'jigs pa dang/ chu'i 'jigs pa dang zhes bya ba ni/ rang gi khyim dang/ gzhan rnams kyis 'ongs pa ste/ gru log pa dang/ rab mthar ba dang/ de la sogs pa me dang chu'i 'jigs pa dang bral ba'o/ /pha rol gyi dmag tshogs kyis 'jigs pa dang/ mu ge'i 'jigs pa dang/ zhes bya ba ni rgyal po'am gzhan pha rol gyi dgra bos te/ de rnams kyi 'jigs pa dang/ de rnams kyi lo tog 'joms pa dang/ char mi 'bab pa che bar 'bab pa dang/ byi ba dang ne tso dang/ bung ba dang/ ri bong dang/ mchil ba dang/ ser ba dang/ lhags pa'i
- 177b
'jigs pa la sogs pa'o/ /dus ma yin par 'chi bas 'jigs pa dang zhes bya ba ni/ dus ma yin par 'chi ba bcu drug go /seng ge dang/ glang po che dang/ rwa can la sogs pa dang/ mtshon dang/ chu dang/ me dang/ rims dang/ 'byung po dang/ thog mdza' dang/ thibs 'og dang/ chom rkun dang/ klu dang/ btson dang/ dug dang/ gza' dang/ g.yengs pa'o/ /sa g.yo pas 'jigs pa dang zhes bya ba ni/ stong gsum gyi stong 'jig rten gyi khams kyi dus gcig tu sa g.yo ba ste/ de 'byung ba'i dbang gis sa g.yo bar byed pa'o/ /gcan gzan khro'i 'jigs pa dang zhes bya ba ni/ seng ge dang/ stag dang/ dom dang/ dred dang/ chu srin la sogs pa'o/ /mi mdza' ba'i 'jigs pa dang/ zhes bya ba ni/ rogs shes dang/ grogs dang/ nye ba la sogs pa'o// 'chi ba'i 'jigs pa dang/ zhes bya ba ni/ nad kyis thebs pa ste/ gshin rje'i thag pas bcings pa'i dus su'o/ /'jigs pa thams cad las bdag la bsrung ba gyis shig ces bya ba ni/ rig sngags kyi rgyal mo rma bya chen mo'i gzi brjid kyis/ gnod sbyin gyi ded dpon dang/ mthu bo che sum cu rtsa gnyis kyis bsrungs pa dang/ skyob par 'gyur ro/ /shu ba dang/ g.ya' ba dang/ mdze dang/ 'brum bu phra mo dang/ mtshan par rdol ba dang/ phol mig dang/ g.yon pa dang/ me dbal dang/ lhog pa dang/ zhes bya ba ni/ de la sogs mdze rigs mi gcig pa bco brgyad de/ rlung dang bad kan dang/ mkhris pa dang/ chu ser las byung ba'o/ /shu ba ni/ chu ser sha dang lpags pa la babs pa'o/ /mdze dang rlung dang mkhris pa dang bad kan la babs pa'o/ /'brum bu phra mo ni tshad pa nang du shor nas mkhris pa las 'byung ba'o/ /mtshams par rdol ba ni rlung dang chu ser las byung ba'o/ /phol mig ni grang ba bzhin du 'byung ste/ rlung dang chu ser mkhris pa las
- 178a
byung ba'o/ /g.yan pa ni/ bad kan dang rlung las byung ba'o/ /me dbal ni mkhris pa las byung ba'o/ /lhog pa ni khris pa dang chu ser dang rlung las byung ba'o/ /gzhan yang 'bras dang rmu chu dang sha bkra dang/ lba ba la sogs pa yod do/ /mkhris pa dang/ chu ser dang rlung las byung ba'o/ /'jigs pa las bsrung ba gyis shig ces bya ba ni/ rig sngags kyi rgyal mo rma bya chen mo'i gzi brjid dang stobs kyis/ gnod sbyin gyi ded dpon de rnams las kyang/ srung ba dang skyob par 'gyur ro/ /klad pa na ba dang zhes bya ba ni/ rlung bad kan mkhris pa gsum gyis na ba'o/ /mgo lji zhing na ba ni rlung yin te/ yang zhing g.yo ba ni bad kan yin no/ /tsha zhing na ba ni mkhris pa'o/ /yang zhing stong sob pa ni rlung ngo// ? zhing 'grib pa ni bad kan no/ /tsha zhing sto ba ni mkhris pa'o/ /de bzhin du nang gzhan la sogs pa yang shes par bya'o/ /rims nad med par gyis shig ces bya ba ni/ tshad pa las byung ba ste/ tshad pa de yang rlung las byung pa dang/ bad kan las byung ba dang/ mkhris pa las byung ba'o/ /nyin gcig pa dang/ nyin gnyis pa dang/ nyin gsum pa dang/ nyin bzhi pa dang/ nyin bdun pa dang/ zla ba phyed pa dang/ zla ba gcig pa dang/ zla ba gnyis pa dang yun tsam pa dang/ zhes bya ba ni/ rig sngags kyi rgyal mo'i bden pas/ rig sngags de rnams kyi mi snang bar 'gyur te/ ded dpon de rnams kyang srung pa dang skyob par 'gyur ro/ /rtag pa'i rims dang zhes bya ba ni bad kan dang rlung 'don pa'o/ /rims lngar dub pa dang zhes bya ba ni/ tshad pa dang rlung shas che ba'o/ /'byung po'i rims dang zhes bya ba ni/ tsha ba drag por byung zhing rtsa rtsub pa'o/ /rlung las gyur pa dang/ bad kan las gyur pa dang/ mkhris pa las gyur ba dang/
- 178b
zhes bya ba ni rlung ni g.yo bar byed pa'o/ /bad kan ni lci bar byed pa'o/ /mkhris pa ni tsha bar byed pa'o/ /'dus pa las gyur pa dang zhes bya ba ni/ de gsum 'dus pa'o/ /ldan pa ni gnyis gnyis ldan pas na ldan pa'o/ /rims thams cad dang zhes bya ba ni/ tshang pa'i rims mi gcig pa bcu gnyis so/ /nad ni nad rigs mi gcig pa bzhi brgya rtsa bzhi'o/ /gdon thams cad dang zhes bya ba ni/ lha'i gdon la sogs pa stong phrag brgyad cu'o/ /dug thams cad dang zhes bya ba ni/ nang gi dug sum phyi'i dug gsum mo/ /sdig pa thams cad dang zhes bya ba ni/ las dang bag chags shes bya'i sgrib pa'o/ /sdug bsngal thams cad dang zhes bya ba ni/ nyon mongs pa brgyad khri bzhi stong dang/ 'khor ba'i sdug bsngal la sogs pa'o// 'jigs pa thams cad bdag la med par gyis shig /ces bya ba ni/ rig sngags kyi rgyal mo'i gzi brjid kyis gnod sbyin gyi ded dpon nyi shu rtsa brgyad dang/ mthu bo che sum cu rtsa gnyis dang/ sangs rgyas kyis bstan pa bsrung pa/ rig sngags kyi bka' las mi 'da' ba/ bsrung ba sems can gyi don byed pa'o/ /rig sngags kyi rgyal po rma bya chen mo'i gnod sbyin gyi ded dpon nyi shu rtsa brgyad dang/ mthu bo che sum cu rtsa gnyis kyi nas skabs te bcu pa'o// //kun dga' bo zhes bya ba ni yang dag par rdzogs pa'i sangs rgyas shAkya thub pas bka' stsal pa'o/ /sha za chen mo bcu gnyis po 'di dag ni zhes bya ba ni 'jig rten gyi khams la dbang mdzad cing/ mthu dang stobs dang ldan pa ste/ yang dag par rdzogs pa'i sangs rgyas kyis bstan pa bsrung zhing rig sngags kyis bka' las mi 'da' ba' o/ /gang dag byang chub sems dpa' i ma'i dum? du zhugs pa na yang bsrung zhes bya ba ni/ rig sngags kyi rgyal mo 'di'i gzi brjid kyis/ mi chags pa chags
- 179a
par byed pa ste/ chags nas nyer nyer po'i dus su bsrung ba/ skyes ma thag tu yang bsrung ba'o/ /btsa' kha dang btsas pa na yang bsrung ba dag go zhes bya ba ni/ ma skyes pa'i gong dang skyes ma thag tu yin te/ rig sngags kyis gzi brjid kyis sha za mo chen mo bcu gnyis kyis srung bar byed do/ /bcu gnyis ni gang zhes na/ zhes bya ba ni/ sngon gyi las kyis 'phros sha za mor skyes shing/ sangs rgyas kyi bstan pa srung ba'o/ /'di lta ste zhes bya ba ni sha za mo chen mo bcu gnyis lta ba'o/ /phreng ma dang/ rnam par phreng ma dang/ rab tu phreng ba dang/ kun tu phreng ma dang/ 'phrog ma dang/ seng ge'i ral pa dang/ spre'u ltar dmar ser dang/ nag mo dang/ mi bzed ma dang/ dung mgrin ma dang/ bya rog ma dang/ bum pa'o lto ste zhes bya ba ni/ de bcu gnyis pa ni/ shin tu mthu che zhing stobs dang ldan pa'o/ /de rnams kyi sku mdog dang phyag mtshan ni dkar mo dang/ nag mo dang/ ser mo dang/ dmar mo dang/ ljang gu dang/ dkar ser dang/ dmar ser dang/ mthing kha dang/ dmar nag dang/ dkar mo dang/ sngo bsangs dang/ dmar ser ma'o/ /g.yas rnams na 'khor lo dang/ rdo rje dang/ rin po che dang/ pad+ma dang/ ral gri dang/ me long dang/ utpa la ser po dang/ pad+ma dmar po dang/ utpa la sngon po dang/ dung dang/ lhung bzed dang/ bum pa bsnams pa'o/ /g.yon rnams na zhags pa dang/ ba dan dang/ thod pa dang/ dril bu dang/ rtse gsum dang/ dgra sta dang/ lcags kyu dang/ thod ba dang/ ral gri dang/ mda' gzhu dang/ phreng ba dang/ dbyug pa gsum bsnams pa'o/ /sha za chen mo 'di dag rdzu 'phrul dang ldan pa zhes bya ba ni/ stobs chen mo bcu gnyis ni/ sa 'og sa steng sa bla rnams rgyu ba ni/ skad cig mas rgyu ba'o/ /'od dang ldan pa zhes bya ba ni/ rang gi 'od kyis rang gsal ba'o/ /kha dog
- 179b
dang ldan pa zhes bya ba ni/ rang rang gi kha dog dkar po la sogs pa mdzes par ldan pa'o/ /grags pa dang ldan pa zhes bya ba ni/ 'jig rten gyi khams na grags pa'o/ /rdzu 'phrul che zhes bya ba ni nam mkha' la bya bzhin du rgyu ste/ chul nya bzhin te/ sa la byi ba bzhin du 'dzul ba'o/ /lha dang lha ma yin gyi g.yul dag kyang myong bar byed pa dag go zhes bya ba ni/ lha dang lha ma yin 'thab rtsod la sde bo cher grags nas/ rang gi ngos nas grogs byas na rgyal bar 'gyur ro/ /de dag gis kyang rig sngags kyi rgyal mo rma bya chen mo 'dis bdag la bsrung ba gyis shig ces bya ba ni gang zag 'di la gus par byed pa sha za chen mo bcu gnyis kyis kyang srung bar byed pa dag go /rig sngags kyi rgyal mo 'di ni zhal gsum phyag drug pa/ sku mdog dkar mo/ g.yas mthing kha/ g.yon dmar ba/ spyan gsum pa/ sangs rgyas lnga'i dbu rgyan can/ dbu la 'khor los mtshon pa/ phyag g.yas rnams na gshol dang/ sreg shang dang/ 'khor lo'o/ /g.yon rma bya'i sgro dang/ /lhung bzed dang/ zhags pa snams pa'o/ /rdo rje rigs ma/ de bzhin gshegs pa'i rigs ma'o/ /chos kyi ye shes kyi ye shes/ gzugs kyi phung po'o/ /zhabs g.yas brkyang pa/ g.yon bskum pa'o/ /zla ba'i gdan la nyi ma'i 'od zer dang ldan pa/ thabs shes rab gnyis su med pa'i ngo bo nyid do/ /spa ba zhes bya ba ni/ 'byung po rnams kyis glags tshol ba las spa ba'o/ /yongs su bskyab pa zhes bya ba ni 'byung pos 'jigs pa rnams las bskyab pa'o/ /yongs su bzung ba dang/ zhes bya ba ni/ 'byung po rnams kyis bzung bar 'dod pa mi snang bar mdzad pa'o/ /yongs su bskyang ba dang/ zhes bya ba ni rdo rje'i phung po btags nas gzhan rnams kyis glags mi rnyed pa'o/ /zhi ba dang zhes bya ba ni ma rungs pa'i 'byung po dang
- 180a
yi dags rnams zhi bas dbang du bsdu ba'o/ /bde legs su 'gyur ba dang zhes bya ba ni bkra shis shing phun sum tshogs pa'o/ /chad pa spang ba dang/ zhes bya ba ni 'byung po rnams kyi chad pa spang ba'o/ /mtshon cha spang ba dang/ zhes bya ba ni/ tshon sna tshogs kyi dbus nas kyang mi tshugs pa'o/ /dug gzhil ba dang zhes bya ba ni 'od du ma bcug par sngar nas bkag pa'o/ /dug bsad pa dang zhes bya ba ni/ 'khor na yod pa nus pas bsad pa'o/ /mtshams bcad pa dang zhes bya ba ni/ dpag tshad lnga brgya'i bar man chod bcang pa'o/ /sa bcing ba dang zhes bya ba ni 'og tu rlung gi dkyil 'khor yan chad do/ /lo brgya 'tsho bar gyur cig ces bya ba ni na tsha dang bral zhing gzhon nu'i tshul du gnas pa'o/ /ston ba rgya mthong bar shog ces bya ba na 'khor dang bu la sogs pa mang po mthong ba'o/ /de la sngags tshig ni 'di rnams yin no/ /zhes bya ba ni sha za bcu gnyis kyi srog snying rig sngags kyi rgyal mo'i las kyi snying po'o/ tadya thA zhes bya ba ni rig sngags kyi gsang sngags 'og tu blta ba ste/ sngags ni/ ha de kha re la sogs pa'o/ /kun dga' bo zhes bya ba ni/ byang chub sems dpas bka' stsal pa'o/ /sha za chen mo brgyad po 'di dag ni zhes bya ba ni/ sangs rgyas kyi bstan pa bsrung ba dang/ sems can rnams la phan par byed pa/ 'jig rten khams na grags pa'o/ /gang dag byang chub sems dpa' ma'i rum du zhugs pa na yang srung zhes bya ba ni/ 'di'i gzhung gis srung bar byed na sha za brgyad po bdag gis srung bar byed do/ /btsa' kha dang btsas pa yang srung ba dag go zhes bya ba ni/ gzhan rnams bya ba'i gdon gyi dbang du mi 'gyur bar rig sngags kyi rgyal mo'i gzi brjid kyis srung bar byed
- 180b
pa'o/ /de dag kyang gang zhen zhes bya ba ni/ brgyad po dag stobs dang ldan pa/ mthu che ba dang ldan pa'o/ /'di lta ste zhes bya ba ni brgyad po dag 'og tu blta ba'o/ /rgyags pa dang rgyags byed ma dang rgyags ma'i shes chen ma dang/ nye rgyags ma dang/ yi dags mo dang/ gzi byin 'phrog ma dang/ za ba mo dang/ 'cha ba ba mo ste zhes bya ba ni/ sangs rgyas kyi bstan bsrung ba la gnas pa rig sngags kyi bka' las mi 'da' o/ /de'i sku mdog dang phyag mtshan ni ser mo dang dmar mo dang dkar ser dang/ sngo bsangs dang/ ljang ser dang/ dkar mo dang/ dmar mo dang/ nag mo'o/ /g.yas rnams na me long dang/ dri'i phor ba dang/ rin po che'i phreng ba dang/ pi wang dang/ gling pu dang/ rnga dang/ rnga rked nyag dang/ rnga rings so/ /g.yon rnams na lhung bzed bsnams pa'o/ /sha za mo brgyad po 'di dag ni rdzu 'phrul dang ldan pa zhes bya ba ni/ rdzu 'phrul che zhing 'jig rten khams na rgyu ba'o/ /'od dang ldan pa zhes bya ba ni 'od zer gyi snang ba ste/ 'od des gzhan yang khyab pa'o/ /kha dog dang ldan pa zhes bya ba ni/ rang gi kha dog dang 'od ldan pa'o/ /grags pa dang ldan pa zhes bya ba ni/ khams gsum tsam yang grags pas khyab pa'o/ /rdzu 'phrul che ba dang zhes bya ba ni/ sa 'og sa steng sa bla skad cig mas rgyu ba'o/ /lha dang lha ma yin gyi g.yul dag kyang myong bar byed pa dag ?/ zhes bya ba ni lha'i dbang po brgya byin dang/ lha ma yin gyi rgyal po tha? ba zangs ris kyi 'thab rtsod dang/ grogs byed par snang ba'o/ /de dag gis kyang rig sngags kyi rgyal mo rma bya chen mo 'dis/ bsrung ba gyis shig ces bya ba ni gang zag dag gis rig sngags kyi rgyal mo 'di la gus pas byas shing/ rjes su yi rang te/ de'i yon tan gyis sha za chen mo brgyad po dag gis kyang bsrung bar bgyid pa'o/ /rig sngags kyi rgyal mo ni/ zhal gsum phyag drug pa sku mdog ser po/ /g.yas dkar
- 181a
g.yon dmar ba'o/ /sangs rgyas kyi dbu rgyan can spyan gsum pa dbu la rin po ches brgyan pa/ rgyan thams cad kyis brgyan pa'o/ /g.yas pa gsum na/ rin po che dang/ gtun shing dang/ dgra sta bsnams pa'o// g.yon gsum na/ rma bya'i sgro/ rtse gsum dang/ lcags kyu bsnams pa'o/ /mnyam pa nyid kyi ye shes kyi rang bzhin tshor ba'i phung po rin po che'i rigs thabs shes rab gnyis su med pa g.yas brkyang pa g.yon bskum pa'o/ /zla ba'i gdan la nyi ma'i 'od dang ldan pa'o/ /sba ba la sogs pa zhes bya ba ni/ gong du bshad pa bzhin no/ /tadya thA/ zhes bya ba ni 'di lta ste/ sha za mo brgyad po'i srog snying dang rig sngags las kyi snying po blta ba'o/ /rig sngags kyi gsang sngags ni/ ha re kha re la sogs pa'o/ /kun dga' ba zhes bya ba ni thugs rje chen pos kun dga' bo la bka' stsal pa'o/ /sha za chen mo sha khrag za ba mi dga' la rnam par 'tshe ba bdun po 'di dag ni zhes bya ba ni 'jig rten khams rgyu zhing/ skyes ba dang bud med la gnod pa skyel ba ste/ 'thab rtsed la dga' bar byed pa ste/ pho mo lceb pa'i sems su byed pa 'am byis pa rnams la gnod pa ste/ de bzhin du sems can rnams la glags tshol ba'o/ /de bzhin du glag tshol zhing grag la dga' ba'o/ /gang dag byang chub sems dpa' ma'i rum du zhugs pa na yang srung ba dang zhes bya ba ni/ rig sngags kyi rgyal mo'i dbang gis 'dus pa ste/ sha za bdun po de dag kyang de dag gi rig sngags kyi gzi brjid kyis srung bar byed pa'o/ /btsa' ba dang btsas pa na yang srung bar byed pa dag go zhes bya ba ni/ gzhan gyi dbang du mi 'gyur par sha za mo de rnams kyis bsrung ba'o/ /de dag kyang gang zhes bya ba ni/ sha za mo bdun po mthu che zhes stobs dang ldan pa
- 181b
bzhin mi sdug pa khro mo nang thams cad gtong ba/ sems can rnams 'jigs par byed pa'o/ /'di lta ste zhes bya ba ni 'og tu blta'o/ /rab 'char ldan dang srung ba mo/ /sha za khra mo dang/ gang ba bzang po dang/ me srung ma dang/ mdza' mo nag mo dang/ drang srong srungs ma ste/ zhes bya ba ni de rnams kyis kyang sangs rgyas kyi bstan pa bsrung ba dang/ rig sngags kyis bka' las 'da' mi nus pa'o/ /de rnams kyis sku mdog dang phyag mtshan ni dmar po dang/ ljang nag dang/ sngon mo dang/ dmar nag dang/ mthing nag dang/ nag mo dang/ thal ba'i mdog can no/ /g.yas rnams na gri gug dang/ rtse gsum dang/ dgra sta dang/ zhags pa dang/ lcags kyu dang/ snying dang/ sprul gyi zhags pa bsnams pa/ g.yon rnams na thod pa khrag gis grub bsnams pa'o// sha za chen mo bdun po 'di dag ni rdzu 'phrul dang ldan pa zhes bya ba ni/ gzhan rnams gnod bskyel ba'i phyir gzugs che bar bstan te/ ri rab tsam bstan no/ /chung ba ni ba spu'i rtse mo rtsam bstan te/ de lta bu'i rdzu 'phrul dang ldan pa'o/ /'od dang ldan pa zhes bya ba ni/ de'i 'od kyis sems can gyis lta mi nus pa'o/ /kha dog dang ldan pa zhes bya ba ni/ /kha dog drag pos te/ me'i tshul du snang ba'o/ /grags pa dang ldan pa zhes bya ba ni gnod sbyin 'jig rten gyi khams su grags pa'o/ /rdzu 'phrul zhes bya ba ni/ skad cig mas phyi'i rgya mtsho dang/ ri rab kyi rtse mo la rgyu ba'o/ /lha dang lha ma yin gyi g.yul dag kyang myong bar byed pa dag go /zhes bya ba ni drag po'i tshul gyis lha dang lha ma yin la grogs byed ba dag go /bdag gis kyang rig sngags kyi rgyal mo rma bya chen mo 'dis/ bdag la srung ba gyis shig ces bya ba ni/ gang zag 'di la gus pa dang srung bar byed na/ de rnams kyis gnod mi nus pa glag tshol bar mi nus pa'o/ /rig sngags ni zhal gsum phyag drug pa/
- 182a
sku mdog dmar mo cung zad khro ba/ g.yas bkar g.yon mthing kha dbu la rigs lnga'i dbu rgyan can pad+mas dbu la mchan pa/ rgyan thams cad rin po ches brgyan pa/ so sor rtog pa'i ye shes pad+ma'i rigs g.yas brkyang g.yon bskum pa/ zla ba'i gdan la nyi ma'i 'od dang ldan pa/ thabs shes rab gnyis su med pa'o/ /spa ba la sogs pa zhes bya ba ni sngar bshad pa bzhin du shes par bya'o/ /tadya thA zhes bya ba ni 'di lta ste/ gang blta zhes na/ sha za mo rnams kyi srog snying dang/ rig sngags kyis las kyi snying po'o/ /rig sngags kyi gsang sngags ni ha re kha re la sogs pa'o/ /kun dga' bo zhes bya ba ni/ bcom ldan 'das kyis bka' stsal pa'o/ /srin po chen po sha dang khrag za ba mi dag la rnam par 'tsho ba lnga po 'di dag ni zhes bya ba ni phyi'i rgya mtsho'i 'gram du grong khyer lam ka na srin po lnga po stobs dang ldan pa/ mthu che ba skad cig mas gling bzhi rgyu pa skyes pa pho mo la gnod pa/ sha khrag la dga' ba/ sems can thams cad la gnod par byed pa'o/ /gang dag byang chub sems dpa' ma'i rum du zhugs pa na yang bsrung zhes bya ba ni/ rig sngags kyi rgyal mo'i gzi brjid dang/ stobs dang mthu'i nus pas srin po de dag gis kyang rig sngags kyi bka' pas 'da' bar mi grub? pa de'i nus pa dang po yang srung ba/ bar tu yang srung ba/ tha mar yang srung ba'o/ /btsa' kha dang btsas pa na yang srung bar zhes bya ba ni/ rig sngags kyi bka' i nus pas skye ba la yang dag par srung ste/ skyes nas kyang tshe ma zad kyis bar du srung ba'o// lnga po de dag kyang gang zhe na/ zhes bya ba ni gzugs che zhing bzhin mi sdug pa sems can la 'jigs pa dang/ skrag par byed pa/ rmi lam na yang sdig par rmi ba de dag lnga po'o/ /'di lta ste zhes bya ba ni srin po lnga po lta ba'o/ /rtul po dang nges
- 182b
rtul bo dang/ dga' ba dang/ khyab 'jug len dang/ ser skya bo ste zhes bya ba ni gsus pa che ba/ mig dmar ba/ skra gzing ba/ de rnams kyi kha dog dang phyag mtshan ni dkar po dang/ nag po dang/ ser po dang/ dmar po dang/ ljang gu'o/ /g.yas rnams na sprul gyi zhags pa dang/ bdud kyi zhags pa dang/ gri khyer ro/ /lcags kyu dang/ ral gri bsnams pa/ g.yon rnams na thod pa dang/ mig go dang/ thal ba'i snod dang/ snying dang/ mi'i lpags pa bsnams pa'o/ /srin po lnga po 'di dag ni/ rdzu 'phrul dang ldan pa/ zhes bya ba ni nye ba 'am buAM bu mo'aM/ gzugs su byas nas gnod pa skyel te la la bya'i gzugs sa ma rma bya dang khrung khrung gi gzugs su byas nas rdzu 'phrul du sprul ba'o/ /'od dang ldan pa zhes bya ba ni/ gzhan gyis kyang 'od drag po mthong ste/ 'od de yang me lce 'bar ba'i 'od dang 'dra ba'o/ /kha dog dang ldan pa zhes bya ba ni/ so sor rang rang gi kha dog dang ldan pa'o/ /grags pa dang ldan pa zhes bya ba ni/ 'jig rten gyi khams su grags pa'o/ /rdzu 'phrul che ba zhes bya ba ni/ skad cig mas gling la rgyu nus pas so/ /lha dang lha ma yin gyi g.yul dag kyang myong bar byed pa'o zhes bya ba ni drag po'i tshul gyis g.yul las bzlog nus te/ 'thab rtsod byed bal rim pa'o/ /de dag gis kyang rig sngags kyi rgyal mo rma bya chen mo 'dis bdag la srung ba gyis shig ces bya ba ni/ gang zag gis 'di las gus par srung ba dang skyabs su gsol na/ srin po de dag gis kyang mi chugs pa/ rig sngags kyi ngo bo nyid thob pa'o/ /rig sngags kyi ngo bo gang zhe na/ thabs dang shes rab kyi rang bzhin te/ thabs kyi ngo bo ni/ sku mchog dang phyag mtshan bstan pa/ shes rab kyi ngo bo ni/ bya ba nan tan gyi ye shes so/ /zhal gsum pa phyag drug pa/ sku mdog ljang gu'o/ /g.yas dkar ba/ g.yon dmar ba/ spyan gsuM
- 183a
pa/ dbu la rigs lnga'i dbu rgyan can/ spyi bo gtsug na sna tshogs rdo rjes brgyan pa/ las kyi rigs/ 'du byed kyi phung po'o/ /g.yas rnams na/ ral gri dang/ sna tshogs rdo rje dang/ gtun shing bsnams pa/ g.yon rnams na rma bya'i sgro dang/ zhags pa dang/ lcags kyu bsnams pa'o/ /rgyan thams cad kyis brgyan pa'o/ /g.yas brkyang ba g.yon bskum pa zla ba'i gdan dang nyi ma'i 'od zer dang ldan pa/ thabs shes rab gnyis su med pa'o/ /sba ba la sogs pa zhes bya ba ni/ de lta bu'i rig sngags kyi rang bzhin gyis/ srung ba dang skyob pa dang skyong ba la sogs pa byed pa'o/ /tadya thA/ 'di lta ste/ de rnams kyi srog snying dang/ rig sngags kyis las kyi snying po blta ba'o/ /rig sngags kyi gsang sngags ni/ ha re kha re la sogs pa'o/ /kun dga' bo zhes bya ba ni/ bcom ldan 'das kyis bka' stsal pa'o/ /srin po chen po sha za dang khrag za ba/ mi rnams la rnam par 'tshe ba brgyad po 'di dag ni zhes bya ba ni/ 'jig rten gyi khams rgyu zhing glags tshol ba ste/ smyo ba dang/ lcebs pa dang/ khro ba dang/ gtun pa dang/ 'thab pa dang/ rtsod pa dang/ g.yul du zhugs shing/ mi rnams la 'tshe bar byed pa ste/ rims nad dang khrag nad gtong bar byed pa dag go /gang dag byang chub sems dpa' ma'i rum du zhugs pa na yang srung zhes bya ba ni/ rig sngags kyi rgyal mo rma bya chen mo'i gzi brjid kyis 'di la gus par byed pa tsam la/ gnod pa bcings pa ste/ gang zag gi thog ma dang tha ma bar du srung ba'o/ /btsa' kha dang bcas pa na yang srung ba dag go zhes bya ba ni skyes pa'i bar nas rgas pa'i bar du bsrung ste/ glo bur gyi rkyen yang mi gtong ba'o/ /de dag kyang gang zhe na/ zhes bya ba ni gzugs che zhing bzhin mi sdug pa gsus pa che ba/ mgo che ba/ mig kyang
- 183b
glog dang 'dra ba/ smin ma khro gnyer can sku khams nag gzings ba/ skad che ba sbom pa/ sems can rnams la 'jigs pa dang/ skrag par byed pa'o/ /'di lta ste zhes bya ba ni 'jigs pa dang skrag par byed pa brgyad pa'o/ /blta ba'o/ /glen pa dang/ mtshams bzang dang/ ku sha lta bu'i mig can dang/ sgra gcan dang/ skam po 'dzin dang/ rab mdzes dang/ mig dmar po dang/ mi bzang pa ste/ zhes bya ba ni/ mthu che zhing stobs dang ldan pa ste/ mi rnams la 'tshe ba la dga' ba'o/ /de rnams kyi sku mdog dang phyag mtshan ni nag po dang/ sngo bsangs dang ljang nag dang/ mthing nag dang/ dmar nag dang/ thal ba'i mdog can dang/ sngo skya dang/ ljang gu'o/ /g.yas rnams na mdung dang/ 'phang mdung dang/ rtse gcig dang/ gtor ma dang/ gtun shing/ 'khor lo dang/ mda' gzhu dang/ rtse gsum rnams pa'o/ /g.yon rnams na zhags pa dang/ sbrul dang/ mi snying dang/ mi mgo dang/ mi'i lpags pa dang/ rgyu zhags dang/ thod pa dang/ mi ro bsnams pa'o/ /dri mi zhim pa sbrul gyis brgyan pa'o// gcer bur gnas pa/ mi'i zhing lpags gon pa'o/ /de dag ni sha dang khrag za ba zhes bya ba ni/ mdza' ba dang mi mdza' bar bya ste/ 'thab rtsod kyi sems bcu gnas/ mtshon gyis mtshon 'gyed par byed pa/ nye ba dang rme 'khrug par byad pa la dga' ba'o/ /skyes ba dang/ bud med dang/ khye'u dang bu mo dag kyang 'phrog pa zhes bya ba ni/ de rnams dang phrad glags med pa/ gal te phrad par gyur na/ srog 'phrog pa grong ngam/ grong khyer ram/ ljongs sam/ grong rdal lam/ pho brang dag la rgyu ba sems can rnams la 'tshe bar byed cing/ srog 'phrog pa/ khye'u bu mo mngal na yod pa yang 'phrog pa ste/ de sha khrag rnag la dga' ba'o/ /bar du zhugs pa'i khyim dag dang/ khang stong la brten pa zhes
- 184a
bya ba ni/ shin tu rang gis rig bsrung ba la sdang ba/ stong pa'i nang du gzugs mi snang par 'dod pa/ yang na gzugs kyi rang bzhin ma yin te/ yid kyi rang bzhin du yod pa/ gzugs mi snang ba'o/ /mun pa'i 'od 'gro ba rjes su 'gro ba/ sgra 'byin pa zhes bya ba ni/ dur khrod dam/ lam rgya gram mam/ sum 'do 'am/ pho brang ngam de rnams mun pa la rgyu zhing 'jigs pa dang/ skrag par byed pa ste/ de bzhin du mi rnams la gnod par byed pa'o/ /mi 'di rnams kyi mdangs 'phrog par byed pa che ba'o/ /zhes bya ba ni/ mi rnams kyi gzi brjid 'phrog pa/ sems can la 'tshe bar grags pa/ shu ba dang/ g.ya' dang/ mdze dang/ phol mig dang/ sha bkra dang/ 'bras dang/ g.yon pa dang/ rmu chu dang/ de la sogs pa'i nad rnams gtong bar byed pa dag go /de dag ni snying rje med cing/ mi skye dgu skrag par byed pa ste/ zhes bya ba ni srin po brgyad po de dag kyang sems can rnams la rtag tu 'tshe ba ste/ shan pa bzhin du sems can la byas pa ste/ sha khrag la de bzhin du dga' ba ste/ srin po de dag ni 'jigs par snang ngo/ /srin po chen po brgyad po de dag ni rdzu 'phrul dang ldan pa zhes bya ba ni/ tshan cig 'tshe ba'i dus su gzugs che bar bstan te/ tshan cig pa spu'i rtse mo nas bzung nas gnod par byed pa'o/ /'od dang ldan pa zhes bya ba ni/ me dpung 'bar ba'i 'od zer dang ldan pa/ de dag gis 'od zer kha dog drug dang ldan pa'o/ /kha dog dang ldan pa zhes bya ba ni/ so sor rang rang gi kha dog dang ldan pa/ de'i kha dog gis mdzes par snang ba'o/ /grags pa dang ldan pa zhes bya ba ni/ 'jig rten gyi khams kyi nang na grags pa'o/ /rdzu 'phrul che ba zhes bya ba ni/ skad cig mas gling bzhi rgyu ba'o/ /lha dang lha ma yin gyi g.yul dag kyang myong bar byed pa dag go/ zhes bya ba ni/ de gnyis 'thab pa'i dus su yang de rnams kyi 'thab rtsod byed pa ste/ shin tu stobs dang ldan pa/ mthu che bar grags pa'o/ /de dag gis kyang rig sngags
- 184b
kyi rgyal mo rma bya chen mo 'dis bdag pa srung ba gyis shig ces bya ba ni/ gang zag gis 'di la gus par byed pa'i sems can brgyad po/ /de dag gis srung bar byed de/ gnod pa drag pos gnod par mi nus pa/ rig sngags kyi bka' las 'da' bar mi nus pa'o/ /rig sngags kyi ngo bo ni mtshon bya ni me long lta bu'i ye shes te/ shes rab lta bu'o/ /mtshon byed ni gzugs brnyan lta bu ste/ rig sngags kyi rgyal mo rma bya chen mo'i bdag nyid do/ /de yang rdo rje'i rigs rnam par shes pa'i phung po'o/ /ye shes lnga'i ngo bo nyid zhal gsum phyag drug pa sku mdog mthing khar bzhugs pa'o/ /zhal gsum du snang ba ni sku gsum thugs kyi rnam par dag pa'o/ /sku mdog mthing khar snang ba ni/ byams pa yongs su rdzogs pa'o/ /spyan gsum du snang ba ni ye shes gsum du rnam par dag pa'o/ /khro bor snang ba ni ma lus sems can yongs su rdzogs par byed pa'o/ /thod pa lnga'i dbu rgyan ni/ 'dod pa'i yon tan lnga por nas ye shes lnga shar ba'o/ /dbu skra ser po gyen du 'bar ba ni/ theg pa sna tshogs bstan pa'o/ /dbu la rdo rje mtshon pa ni/ rdo rje'i rigs kyi rnam par dag pa'o/ /khro gnyer du bstan pa ni/ theg pa gsum dang ldan pa'o/ /mche ba gtsigs pa ni/ kun rdzob dang don dam pa'i rang bzhin bstan pa'o/ /sbrul gyis yan lag brgyan pa ni/ nang gi dug dang phyi'i dug bcom pa'o/ /phyag drug dang ldan pa ni/ pha rol tu phyin pa drug dang ldan pa'o/ /g.yas brkyang g.yon bskum pa ni/ mya ngan dang srid pas ma gos pa'o/ /zla ba'i gdan la nyi ma'i 'od dang ldan pa ni/ thabs shes rab gnyis su mang ba'i brda bstan pa'o/ /pad+ma brgyad pa'i gdan ni rnam par thar pa brgyad do/ /phyag g.yas na ral gri bsnams pa ni shes rab kyi pha rol tu phyin pa rnam par dag
- 185a
pa'o/ /de'i 'og rdo rje bsnams pa'o/ /ye shes lnga'i rang bzhin dag pa'o/ /tha ma gtun shing bsnams pa ni/ theg pa du ma rnam par dag pa'o/ /g.yon rma bya'i sgro bsnams pa ni/ dug gsum rnam par 'joms pa'o// bar man zhags pa bsnams pa ni/ bdud bzhi bcings pa'o/ /tha ma na rtse gsum bsnams pa ni/ srid gsum rnam par 'joms pa'o/ /ye shes lnga'i rang bzhin rnam par bstan pa ni/ rig sngags kyi rang bzhin stong pa nyid du bstan pa'o// me long lta bu'i ye shes ni 'jig rten gyi khams me long lta bu ste/ sgyu ma lta bur snang ba rnam par dag pa'o/ /de lta bu'i rig sngags la gang zag dag gis mos par gyur na/ brgyad po de dag gis gnod par mi nus te/ de rnams kyis kyang mchod par 'os pa'o/ /sba ba la sogs pa zhes bya ba ni/ rig sngags kyi rgyal mo'i gzi brjid kyis sba ba la sogs pa'o/ /tadya thA zhes bya ba ni 'di lta ste/ brgyad po'i srog snying dang rig sngags kyi las kyi snying po'o/ /rig sngags kyi gsang sngags ni he re kha re la sogs pa'o/ /kun dga' bo zhes bya ba ni gau ta mas bka' stsal pa'o/ /srin mo chen mo bcu po 'di dag ni zhes bya ba ni/ sangs rgyas kyi bstan pa bsrung zhing/ rig sngags kyi bka' las mi 'da' ba/ sems can rnams kyi don byed pa'o/ /gang dag byang chub sems dpa' ma'i rum du zhugs pa na yang bsrung zhes bya ba ni/ rig sngags kyi bka' las mi 'da' bar byang chub sems dpa' i rgyu can sems can mi'i sa bon srung ba'o/ /btsa' kha dang btsas pa na yang bsrung bar dag go zhes bya ba ni/ rgyu'i byang chub sems dpa' phung po lnga'i rang bzhin rgyu'i sems dpas bsrung ba'o/ /de dag kyang gang zhe na zhes bya ba ni/ bcu po srin mo'i rang bzhin rnam par smin pa'i las byung ba
- 185b
sems can gyi don mdzad pa'o/ /'di lta ste zhes bya ba ni srin po bcu po blta ba'o/ /srin mo 'phrog ma dang/ srin mo dga' mo dang/ srin mo dmar ser mo dang/ srin mo dung can dang/ /srin mo lus las byung ba ma dang/ srin mo lha bshes mo dang/ srin mo bum pa ma dang/ srin mo me tog kun de'i mche ba can dang/ srin mo 'phyang ma dang/ srin mo me tog zhes bya ba ni/ de rnams ni stobs che zhing mthu che ba ste/ sangs rgyas kyi bstan pa bsrung ba ste/ sems can gyi don mdzad pa'o/ /de rnams kyi sku mdog dang phyag mtshan ni/ ser mo dang/ nag mo dang/ dmar ser ma dang/ dkar mo dang/ sngo skya dang/ dmar mo dang/ ljang gu dang/ dkar ser dang/ mthing kha dang/ gser gyi mdog can ma'o/ /g.yas rnams na utpal dang/ pad+ma dang/ pad+ma dmar po dang/ dung dang/ 'khor lo dang/ kunda dang/ me tog sund+ha dang puN+Da ri ka dang/ utpa la ser po bsnams pa'o/ /g.yon rnams lhung bzed rnams pa'o/ /srin mo chen mo bcu gnyis po 'di dag ni rdzu 'phrul dang ldan pa zhes bya ba ni gang nas gang du 'gro ba skad cig mas slebs te/ char dang me 'bar bar nus so/ /'od zer dang ldan pa zhes bya ba ni/ rang gi 'od zer gyis dpag tshad lnga brgya yang gsal lo/ /de bzhin du gzhan yang gsal lo/ /kha dog dang ldan pa zhes bya ba ni/ rang rang gi kha dog mdzes pa dang ldan pa'o/ /grags pa dang ldan pa zhes bya ba ni 'jig rten gyi khams su dge mar grags pa'o/ /rdzu 'phrul che ba zhes bya ba ni khams gsum du skad cig mas rgyu ba ste/ sems can gyi don la rdzu 'phrul dang ldan pa'o/ /lha dang lha ma yin gyi g.yul dag kyang myong par byed pa dag go zhes bya ba ni/ lha dang lha ma yin gyi 'thab rtsod la stobs dang ldan zhing
- 186a
mthu dang ldan pa'o/ /de dag gis kyang rig sngags kyi rgyal mo rma bya chen mo 'dis bdag la bsrung ba gyis shig ces bya ba ni/ gang zag gang gis rig sngags kyi rgyal mo la gus par byas te/ de'i gzi brjid kyis srin mo bcu gnyis po ngag gis srung ba dang skyob par byed pa'o/ /rig sngags ni zhal gcig phyag gzhi pa/ sku mdog dkar mo sa'i khams kyi rang bzhin/ dbu la 'khor los brgyan pa spyan gsum pa rigs lnga'i dbu rgyan can/ ye shes lnga dang ldan pa rgyan thams cad kyis brgyan pa/ g.yas pa gnyis na 'khor lo dang me long bsnams pa'o/ /g.yon gnyis na rma bya'i sgro dang rin po che bsnams pa'o/ /zhabs g.yas pa brkyang ba g.yon pa bskum pa/ zla ba'i gdan la nyi ma'i 'od dang ldan pa'o/ /sba ba la sogs pa zhes bya ba ni gong bzhin du shes par bya'o/ /tadya thA/ zhes bya ba ni 'di lta ste de rnams kyi srog snying dang rig sngags kyi snying po lta bu'o/ /rig sngags kyis bsang sngags ni/ ha re kha re la sogs pa'o/ /kun dga' bo zhes bya ba ni shAkya seng ge'i thugs rjes dgongs nas bka' stsal pa'o/ /srin mo chen mo bcu gnyis po 'di dag ni zhes bya ba ni de dag gis sangs rgyas kyi bstan pa srung ba sems can gyi don mdzad pa'o/ /gang dag byang chub sems dpa' i ma'i rum du zhugs pa na yang bsrung zhes bya ba ni rgyu'i sems dpa' mngal na srung ste/ de yang bar du srung ste/ tha mar yang srung ba'o/ /btsa' kha dang btsas pa yang na srung ba dag go zhes bya ba ni ma btsas pa nas bsrungs te/ skyes nas bar du lo brgya bcu gnyis rab tu bsrungs pa'o/ /de dag kyang gang zhe na zhes bya ba ni byang chub sems dang ldan pa/ srin mo bcu gnyis stobs dang ldan pa mthu
- 186b
che ba dag go/ 'di lta ste zhes bya ba ni srin mo rnams blta ba'o/ srin mo mgon med pa dang/ srin mo rgya mtsho ma dang/ srin mo drag mo dang/ srin mo srog 'phrog ma dang/ srin mo rig ma dang/ srin mo gzhu 'dzin ma dang/ srin mo mnga' 'dzin ma dang/ srin mo ral gri 'dzin ma dang/ srin mo gshol 'dzin ma dang/ srin mo 'khor lo 'dzin ma dang/ srin mo khor yug dang/ srin mo 'jigs byed ma dang/ zhes bya ba ni/ sangs rgyas kyi bstan pa srung zhing sems can gyi don byed pa byang chub sems ma'i rang bzhin no/ /de rnams kyi sku mdog dang phyag mtshan ni/ mthing kha dang/ dkar mo dang/ sngo bsangs dang/ dmar mo dang/ ser mo dang/ sngon mo dang/ ljang gu dang/ dmar ser dang/ dkar ser dang/ dung la dang/ ljang nag dang/ nag mo'o g.yas rnams na bum pa dang/ ral gri dang/ bum pa'i spyi blugs dang/ phreng ba dang/ dung dang/ gzhu dang/ mda' dang/ ral gri dang/ gshol dang/ 'khor lo dang/ mdung rtse gsum dang/ dgra sta bsnams pa'o/ /g.yon rnams na rin po che'i myu gu bsnams pa'o/ /srin mo chen mo bcu gnyis po 'di dag ni/ rdzu 'phrul dang ldan pa zhes bya ba ni/ gzugs sna tshogs sbrul zhing/ rdzu 'phrul sna tshogs byed pa'o/ /'od dang ldan pa zhes bya ba ni rang gi 'od gyis gsal ba'o/ /kha dog dang ldan pa zhes bya ba ni rang gis kha dog dang ldan pa'o/ /grags pa dang ldan pa zhes bya ba ni/ 'jig rten gyi khams na grags pa'o/ /rdzu 'phrul dang ldan pa zhes bya ba ni/ skad cig mas gang du yang 'khor ba'o/ /lha dang lha ma yin gyi yul yang myong bar byed pa dag go/ zhes bya ba ni lha dang lha ma yin 'thab ba'i dus su yang rdzu 'phrul snang ba'o/ /de dag gis kyang rig sngags kyi rgyal mo rma bya chen mo 'dis bdag la bsrung ba gyis shig ces bya ba ni gang zag gis rig sngags
- 187a
'di la gus par byas na/ rig sngags kyi gzi brjid kyis de rnams kyis srung ba dag go/ rig sngags ni zhal gcig phyag bzhi pa/ sku mdog ser mo/ chu'i khams/ sangs rgyas lnga'i dbu rgyan can/ spyan gsum pa/ rgyan thams cad kyis brgyan pa/ dbu la rin po ches mtshan pa/ ye shes lnga dang ldan pa/ phyag g.yas pa gnyis na rdo rje dang utpa la ser po bsnams pa/ g.yon pa gnyis na rma bya'i sgro dang dung ser po bsnams pa'o/ /g.yas brkyang g.yon bskum pa/ zla ba'i gdan la nyi ma'i 'od dang ldan pa/ thabs shes rab gnyis su med pa'o/ /sba ba dang zhes bya ba la sogs pa ni/ gong bzhin du shes par bya'o/ /tadya thA zhes bya ba ni 'di lta ste/ srin mo bcu gnyis kyi srog sngags dang rig sngags kyi snying po'o/ /rig sngags kyi gsang sngags ni/ ha re kha re la sogs pa'o/ /kun dga' bo zhes bya ba ni bcom ldan 'das kyis bka' stsal pa'o/ /ma mo bcu gnyis po 'di dag ni zhes bya ba ni/ lha dang lha ma yin gyi khrag khrug dus su phyung zhing/ lha ma yin rnams 'dul bar byed pa/ da ltar mi'i 'jig rten gyi khams kyi gnod byed phan byed byed pa'o/ /gang dag byang chub sems dpa' ma'i rum du zhugs pa na yang srung zhes bya ba ni 'jig rten gyi mar grags shing dbang phyug mar 'gyur te/ de rnams kyis kyang rgyu'i byang chub sems dpa' srung ba'o/ /btsa' ba dang btsas pa na yang srung zhing zhes bya ba ni/ dang po skye khar srung ste/ bar ma skyes nas srung ba'o/ /tha ma rgas kha na yang srung ba'o/ /gang dag sems can la gnod pa byed skrag par byed pa rnams par 'tshe ba dag go zhes bya ba ni/ /bam gsum tsam la skad cig mas rgyu zhing bcu gnyis po de dag gis kyang/ sha khrag la dga' zhing 'jig rten tsam la gnod byed phan byed pa'o/ /de dag kyang gang zhe na zhes bya ba
- 187b
ni/ 'jig rten gyi ma mo bcu gnyis mthu dang stobs dang ldan pa'o/ /'di lta ste/ zhes bya ba ni ma mo bcu gnyis po blta ba'o/ /tshangs pa'i chung ma dang/ drag po'i chung ma dang/ gzhun nu'i chung ma dang/ khyab 'jug gi chung ma dang/ phag gi chung ma dang/ dbang po'i chung ma dang/ lus ngan gyi chung ma dang/ rlung lha'i chung ma dang/ gshin rje'i chung ma dang/ rlung gi chung ma dang/ me'i chung ma dang/ ma mo chen mo ste zhes bya ba ni/ sangs rgyas kyi bstan pa bsrung ba dang/ rig sngags kyi bka' las mi 'da' ba' o/ /de rnams kyi phyag mtshan dang sku mdog ni zhal gcig phyag bzhi pa'o/ /tshangs pa mo la sogs pa rim bzhin du g.yas rnams na phyag 'tshal ba dang bum pa dang/ rtse gsum dang/ bum pa dang/ a 'bras dang/ rtse gcig dang/ phreng ba dang/ 'khor lo dang/ a 'bras kyi snying po'o/ /rdo rje dang/ thod pa dang/ nya dang/ dgra sta dang/ rin po che dang/ nor gyi brkyal pa dang/ sbrul gyi zhags pa dang/ dung dkar po dang/ be con dang/ gri gug dang/ rlung mkhris dang/ rtse gsum dang/ rtse gcig dang/ phreng ba dang/ gri gug dang/ rtse gsum mo/ /g.yon rnams na rim pa bzhin du/ dbyug gu gsum dang/ phreng ba dang/ thod pa'o/ /phreng ba dang/ rma bya'i sgro'o/ /dbyug to dang dung ngo/ /gri gug dang/ thod pa'i nang na sman phud do/ /gri gug dang thod pa'o/ /'bras kyi snye ma dang ne'u le'i rkyal pa'o/ /bum pa dang zhags pa'o/ /sdig mdzub dang mi mgo'o/ /ba dan dang zhags pa'o/ /phreng ba dang rtse gcig go/ zhags pa dang thod pa'o/ /sku mdog ni rim pa bzhin du/ dkar po dang/ sngo skya dang/ dmar mo dang/ ljang gu dang/ ser mo dang/ dmar mo dang/ dmar ser dang/ dkar ser dang/ mthing kha dang/ dung kha dang/ dmar nag dang/ nag po'o/ /de dag gis kyang rig sngags kyi rgyal mo rma bya chen mo 'dis
- 188a
bdag la srung ba gyis shig ces bya ba ni 'jig rten dbang phyug ma bcu gnyis kyis kyang/ gang zag gis 'di la bus par gyur na ma mo bcu gnyis kyis kyang srung ba dang skyob pa byed pa'o/ /spa ba la sogs pa zhes bya ba ni gong ma bzhin no/ /ma mo de dag ni rdzu 'phrul dang ldan zhing kha dog dang ldan pa/ grags pa dang ldan pa/ rdzu 'phrul dang ldan pa/ lha dang lha ma yin gyi g.yul dag kyang myong bar byed pa dag go /de dag dang ldan pa 'am ma mo bcu gnyis po rig sngags kyi bka' las mi 'da' ba' o/ /rig sngags kyi ngo bo ni zhal gcig phyag bzhi pa/ sku mdog dmar mo me'i khams/ sangs rgyas lnga'i dbu rgyan can/ spyan gsum pa dbu la pad+mas mtshan pa/ ye shes lnga dang ldan pa/ phyag g.yas pa gnyis na pad+ma dang 'khor lo/ g.yon gnyis na rma bya dang/ lhung bzed bsnams pa'o/ /rgyan thams cad kyis brgyan pa/ g.yas brkyang ba/ g.yon bskum ba/ zla ba'i gdan la nyi ma'i 'od dang ldan pa/ thabs shes rab gnyis su med pa'o/ /tadya thA zhes bya ba ni 'di lta ste/ ma mo'i srog snying dang rig sngags kyi las kyi snying po blta'o/ /rig sngags kyi gsang sngags ni/ ha re kha re la sogs pa'o/ /kun dga' bo zhes bya ba ni/ sems can gyi don la thugs rje chen pos bka' stsal pa'o/ /srin po'i chung ma sha za chen mo ral pa gcig ma zhes bya ba ni/ srin po'i rgyal po lang ka mgrin bcu'i chung ma chen mo ste/ de sems can rnams la gnod pa byed pa'o/ /rgya mtsho'i nges pa gnas pa gang dag khrag gi dri tshor na zhes bya ba ni/ lho'i 'dzam bu gling gi lho nub mtshams na/ phyi'i rgya mtsho'i tshal na/ yul la ka grong khyer na/ sha za chen mos sha khrag gi dri tshor na mi srun pa'o/ /mtshan gcig la dpag tshad rgyad
- 188b
khrir 'gro bar yod de zhes bya ba ni sha khrag gi dri snam ba tshor na mtshan gcig la gang na yod pa yang len nus so/ /de bzhin du sems can rnams la gnod pa byed pa'o/ /de yang byang chub sems dpa' ma'i rum du zhugs pa na yang srung zhes bya ba ni/ de yang rig sngags kyi rgyal mo'i gzi brjid kyis srung bar byed pa'o/ /btsa' kha dang btsas pa na yang srung ba'o zhes bya ba ni/ thog ma bar dang tha ma gsum bsrung ste/ gzi brjid che ba/ grags pa dang ldan pa/ 'od zer dang ldan pa/ kha dog dang ldan pa/ rdzu 'phrul dang ldan pa/ lha dang lha ma yin gyi g.yul yang myong bar byed pa dag go/ de kha dog dang phyag mtshan ni zhal gcig phyag bzhi pa/ sku mdog nag po'o/ /ral pa gcig tu yod pa/ bzhin mi sdug pa/ g.yas gnyis na gri gug dang rtse gsum/ g.yon gnyis na zhags pa dang thod pa bsnams pa'o/ /des kyang rig sngags kyi rgyal mo rma bya chen mo 'dis bdag la bsrung ba gyis shig ces bya ba ni/ gang zag ni rig sngags kyi rgyal mo rma bya mo la gus par byas na sha za chen mo des kyang srung ba dang skyob par bgyid pa'o/ /rig sngags ni zhal gcig phyag bzhi pa/ sku mdog ljang gu/ rlung gi khams spyan gsum pa/ rigs lnga'i dbu rgyan gyis rgyan pa/ dbu la sna tshogs rdo rjes brgyan pa/ ye shes lnga dang ldan pa/ rgyan thams cad kyis brgyan pa/ g.yas gnyis na yautpa la sngon po dang/ pad+ma'o/ g.yon gnyis na pad+ma'i sgro dang gos sna tshogs pa'o/ /g.yas brkyang ba/ g.yon bskum pa'o/ /zla ba'i gdan la nyi ma'i 'od dang dan pa'o/ /thabs shes rab gnyis su med pa'o/ /sba ba la sogs pa zhes bya ba ni/ sngar bshad pa bzhin du shes par bya'o/ /tadya thA zhes bya ba ni 'di lta
- 189a
ste/ sha za chen mo'i sogs snying dang/ rig sngags kyi las kyi snying po'o/ /rig sngags kyi las kyi snying po lta ba'o/ /rig sngags kyi gsang sngags ni/ ha re kha re la sogs pa'o/ /kun dga' bo zhes bya ba ni/ thams cad mkhyen pas sems can gyi don la yang nas yang du gsungs pa'o/ /khyod kyis srin mo rnams kyi ming zung zhig ces bya ba ni sngon yang byang chub sems dpa' spyan ras gzigs dbang phyug gi dus su/ zangs gling gi rgyal khams na srin mo lnga brgya yod de/ /de yang 'phags pa spyan ras gzigs kyi zi ma tog las shes par bya'o/ /da ltar yang srin mo bdun cu tham pa mthu dang stobs dang ldan pa sangs rgyas dang rig sngags kyi bka' las mi 'da' ba' o/ /'di lta ste zhes bya ba ni srin mo bdun cu lta ba'o/ /srin mo ser skya ma zhes bya ba dang/ srin mo pad+ma zhes bya ba dang/ srin mo ma he mo zhes bya ba dang/ srin mo dkar mo zhes bya ba dang/ srin mo sdu bu can zhes bya ba dang/ srin mo 'bar ma zhes bya ba dang/ srin mo gdung ma zhes bya ba dang srin mo bum pa can zhes bya ba dang/ srin mo dri med ces bya ba dang/ srin mo sa zhes bya dang zhes bya ba ni mthu dang ldan pa/ rig sngags kyi bka' las mi 'da' ba' o/ /de rnams kyi sku mdog dang phyag mtshan ni/ dmar ser dang/ nag po dang/ thal ba'i mdog dang/ dmar mo dang/ dkar po dang/ ser po dang/ sngo bsangs dang/ dmar ser dang/ mthing kha dang/ ljang gu'o// g.yas rnams na 'khor lo dang/ pad+ma dang/ rin po che dang/ rdo rje dang/ ral gri dang/ mdung dang/ zhags pa dang/ dgra sta dang/ rtse gsum dang/ gtung shing ba rnams pa'o/ /g.yon rnams na thod pa khrag gis bkang ba
- 189b
bsnams pa'o/ /de rnams kyis kyang sangs rgyas kyi bstan pa bsrung ba'o/ /srin mo seng ge'i zla ba zhes bya ba dang/ srin mo snar ma zhes bya ba dang/ /srin mo 'od zer dang/ srin mo bsreg bya za ma dang/ srin mo chu lha'i chung ma dang/ srin mo nag mo dang srin mo glang chen mo dang/ srin mo stobs can ma dang/ srin mo za ba mo dang/ srin mo la 'gro ma dang/ zhes bya ba ni/ rig sngags kyi rgyal mo'i bka' las mi 'da' zhing sems can rnams kyi don byed pa'o/ /de rnams kyi sku mdog dang phyag mtshan ni/ dkar mo dang/ dmar mo dang/ dmar ser mo dang/ dmar nag gi mdog dang/ dkar mo dang/ nag mo dang/ sngo skya dang/ ljang gu dang/ ser mo dang/ dmar ser mo dang/ g.yas rnams su na rdo rje dang/ rin po che dang/ 'khor lo dang/ zhags pa dang/ sbrul gyi zhags pa dang/ gri gug dang/ mdung dang/ 'phang mdung dang/ dgra sta dang/ rtse gsum mo/ /g.yon rnams na pad+ma bsnams pa'o/ /srin mo de rnams kyang sems rnams la bsrung ba dang skyob par byed pa/ rig sngags kyi bka' las mi 'da' ba' o/ /srin mo pa tang gi dang/ srin mo dmar ser mo dang/ srin mo thig pa 'dzin dang/ srin mo gtun ma'o/ /srin mo ri 'dzin ma dang/ srin mo grul bum ma dang/ srin mo mtshon ngan dang/ srin mo bzlog byed ma dang/ srin mo rgyags ma dang/ srin mo mngal? za dang zhes bya ba ni/ de rnams kyi sa kyang sangs rgyas kyi bstan pa bsrung ste/ sems can rnams la phan pa mdzad pa'o/ /de rnams kyi sku mdog dang phyag mtshan ni/ mthing kha dang/ dmar ser dang/ khro bo dang/ nag mo dang/ dkar mo dang/ ljang gu dang/ dmar po dang/ ser po dang/ sngo bsangs dang/ ljag nag dang/ g.yas rnams na mdung dag 'phang
- 190a
mdung dang/ to ma ra dang/ gtun shing dang/ zhags ba dang/ sbrul gyi zhags pa dang/ bum pa dang/ mnga' gzhu dang/ mdung ring dang/ rtse gcig bsnams pa'o/ /g.yon rnams na utpal bsnams pa'o/ /de rnams kyis rig sngags kyi bka' las mi 'da' bar gang zag srung bar byed pa'o/ /srin mo khrag za ma dang/ srin mo so to ma dang/ srin mo sdang byed ma dang/ srin mo tshangs pa ma dang/ srin mo stang ga smyon ma dang/ srin mo rdo rje 'dzin pa dang/ srin mo skems byed ma dang/ srin mo mun pa dang/ srin mo char 'bebs ma dang/ srin mo 'brug sgrogs ma dang/ zhes bya ba ni sangs rgyas kyi bstan pa srung zhing sems can rnams kyi don byed pa'o/ /de rnams kyi sku mdog dang phyag mtshan ni/ dmar bo dang/ dkar po dang/ nag mo dang/ ser mo dang/ ljang gu ma dang/ mthong kha dang/ dmar ser dang/ sngo skya ma dang/ dkar ser dang/ dug ka ma'o/ /de rnams kyi g.yas na gri gug dang/ rtse gsum dang/ mi mgo dang/ bum pa dang/ dgra sta dang rdo rje dang/ 'khor lo dang/ mdung rtse gsum dang/ ral gri dang/ rtse gcig bsnams pa'o/ /g.yon rnams na thod ba khrag gis bkang ba bsnams pa'o/ /de rnams kyang rig sngags kyi bka' las mi 'da' zhing /gang zag dag la/ srung par byed pa'o/ /srin mo 'gegs ma dang/ srin mo snang byed ma dang/ srin mo 'gro ma dang/ srin mo sgron ma kha dang/ srin mo nor 'dzin ma dang/ srin mo mtshan mo nag mo dang/ srin mo gshin rje pho nya mo dang/ srin mo dri med ma dang/ srin mo stobs bzangs ma dang/ srin mo ral pa 'greng dang zhes bya ba ni/ sangs rgyas kyi bstan pa bsrung zhing/ sems can rnams kyi don byed pa'o/ /de rnams kyi sku mdog dang phyag mtshan ni/ nam mkha' i mdog dang/ ser mo dang/
- 190b
ljang gu dang/ dmar ser dang/ dkar ser dang/ nag mo dang/ mthing kha dang dmar mo dang/ sngo skya dang/ ljang nag go/ g.yas rnams na nor gyi rkyal bu dang/ me spar dang/ dbyug to dang/ thod pa dang/ rin po che'i snye ma dang/ gri gug dang/ be con dang/ mdung dang dgra sta dang/ rtse gsum bsnams pa'o/ /g.yon rnams na zhags pa bsnams pa'o/ /srin mo mgo brgya ma dang/ srin mo mig brgya ma dang/ srin mo lag brgya ma dang/ srin mo gnod byed ma dang/ srin mo 'joms ma dang/ srin mo byi la mo dang/ srin mo zla ba mo dang/ srin mo mtshan mo brgyu ba dang/ srin mo nyin mo rgyu ba dang/ srin mo zhags ma dang/ zhes bya ba ni/ sangs rgyas kyi bstan pa srung ba/ sems can rnams kyi don byed ba'o/ /mgo brgya dang lag brgya mig brgya gsum po ni/ de bzhin du yod pa lus kyang khra bor gnas pa'o/ /de rnams kyi sku mdog dang phyag mtshan ni/ nag mo dang/ ser mo dang/ dkar mo dang/ dmar mo dang/ sngo skya mo dang/ dmar nag mo dang/ ljang gu'o/ /de bzhin du gsum po rnams dang/ sna tshogs kyi mtshon snams pa/ stobs dang ldan pa'o/ /bdun po de dag gi g.yas na 'khro lo dang mda' gzhu dang/ zhags pa dang/ bum pa dang/ mdung rtse gsum pa dang/ dgra sta dang/ rtse gcig pa bsnams pa'o/ /g.yon rnams na bum pa bsnams pa'o/ /srin mo khro mo dang/ srin mo rnam par 'tshe dang/ srin mo ral gri dang/ srin mo gtun shing 'dzin dang/ srin mo lag na rte gsum dang/ srin mo so brjod ma dang/ srin mo yid du 'ong ma dang/ srin mo des ma dang/ srin mo gtum mo dang/ srin mo so dang/ srin mo 'gro 'khrug ma dang/ srin mo sngon mo dang/ srin mo khro mo zhes bya ba ni/ sangs rgyas kyi bstan pa srung ba/ sems can rnams kyi don byed pa'o/ /de rnams kyi sku mdog phyag mtshan ni/ nag mo dang/ dmar mo dang/ sngo
- 191a
bsangs ma dang/ dkar ser dang/ dmar ser dang/ mthing kha dang/ dkar mo dang/ nag mo dang/ dkar mo dang/ dmar nag gi mdog dang/ sngon mo dang/ khra mo'o/ /g.yas rnams na dgra sta dang/ rtse gcig rnams dang/ rtse gsum dang/ mche ba dang/ utpal dang/ pad+ma dang/ gri gug dang/ ral gri dang/ dung dang/ mdung ring dang/ 'khor lo bsnams pa'o/ /g.yon rnams na gtun shing bsnams pa'o/ /srin mo chen mo de dag ni rig sngags kyi bka' las mi 'da' ba'o/ /gang zag dag la srung bar byed pa'o/ /srin mo chen mo bdun cu po 'di dag ni zhes bya ba ni/ zangs gling gi rgyal khams na 'khyim zhing/ mi'i 'jig rten gyi khams la gnod par byed pa/ bdun bcu po de dag ni lnga brgya'i gtso mo'o/ /da ltar yang 'jig rten dbang phyug gis srin mo lnga brgya btul nas/ sangs rgyas rnams kyi bstan pa srung ba ste/ rig sngags kyi rgyal mo rma bya chen mo'i bka' las 'da' mi nus so/ /rdzu 'phrul dang ldan pa zhes bya ban/ rgya mtsho'i nang du me //dang rlung la sogs pa gtong bar nus pa/ bud med kyi gzugs sna tshogs sprul zhing sems can la gnod pa'o/ /'od dang ldan pa zhes bya ba ni rang gi 'od kyis rang gsal zhing/ gzhan yang gsal ba'o/ /yang na de'i gzi brjid kyis gzhan rnams zil gyis gnon pa'o/ /kha dog dang ldan pa zhes bya ba ni/ rang rang gi kha dog gis bdud cu mdzes par snang ba'o/ /grags pa dang ldan pa zhes bya ba ni/ zangs gling gi srin mo lnga brgya 'jig rten du grags pa'o/ /rdzu 'phrul dang zhes bya ba mi zangs gling gi rgyal khams na gling bzhir rab dang bcas pa rgyu ba'o/ /lha dang lha ma yin gyi g.yul dag kyang myong bar byed pa dag dog zhes bya ba ni/ lha min gnyis kyi 'thab rtsod la grogs byed nus pa'o/ /de
- 191b
dag gis kyang rig sngags kyi rgyal mo rma bya chen mo 'dis bdag la srung ba gyis shig ces bya ba ni/ gang zag gis rig sngags kyi rgyal mo rma bya chen mo 'di la gus par byas na 'jigs pa thams cad dang bral zhing/ srin mo de rnams kyis bsrung bar 'gyur ro/ /rig sngags kyi ngo bo ni zhal gcig phyag bzhi sku mdog nag mo/ /nam mkha' i khams dang ldan pa/ spyan gsum/ rigs lnga'i dbu rgyan can/ dbu la rdo rje mtshon pa/ ye shes lnga dang ldan pa/ g.yas gnyis na rdo rje dang mchod rten/ g.yon gnyis na rma bya'i sgro dang/ 'khor lo bsnams pa/ g.yas brkyang g.yon bskum pa/ zla ba'i gdan la nyi ma'i 'od dang ldan pa/ thabs shes rab gnyis su med pa'o/ /sba ba dang zhes bya ba ni/ gshin rje'i 'jigs pa las sba ba'o/ /yongs su bskyab pa dang zhes bya ba ni/ 'khor ba'i sdug bsngal las bskyab pa'o/ /yongs su bzung ba dang zhes bya ba ni/ sdug bsngal gyis bzung ba las thar ba'o/ /yongs su bsgyur ba dang zhes bya ba ni sdug bsngal bor nas dge ba la bskyad ba'o/ /zhi ba dang zhes bya ba ni/ nyon mongs rnams las thar nas dge ba la gnas pa'o/ /bde legs su gyur pa dang zhes bya ba ni/ lus ngag yid bde ba ste/ stong pa nyid kyi rang bzhin bstan pa'o/ chad pa spang ba dang/ zhes bya ba ni/ skye ba dang mya ngan gyis chad pa spang ba ste/ de ltar yang mi gnas pa'o/ /mtshon cha spang ba dang zhes bya ba ni/ dmyal ba'i sdug bsngal thams cad bcom pa'o/ /dug gzhil ba dang zhes bya ba ni/ / 'jig rten gyi dug gsum gyis mi tshugs pa'o/ /dug bsad pa dang zhes bya ba ni ye shes kyi rang bzhin gyi dug lnga bsad pa'o/ /lo brgya 'tsho bar gyur cig ces bya ba ni tha ma thog ma da ltar med ba'o/ /ston brgya mthong bar shog cig
- 192a
ces bya ba ni/ sems can rnams byang chub la 'god par lta ba'o/ /ta dyathA zhes bya ba ni/ 'di lta ste/ 'byung po 'am 'jig rten gyi phyogs skyong ba 'am/ rgyal po la sogs pa 'am/ rig sngags kyi snying po lta pa'o/ /rig sngags kyi gsang sngags nai hi li hi li la sogs pa'o/ /rig sngags kyi rgyal mo rma bya chen mo'i mi mo rnams kyi ma gnas skabs te bcu gcig pa'o// //sangs rgyas thams cad la phyag 'tshal lo swAhA zhes bya ba ni/ bdas pa'i sangs rgyas rab bdun la sogs pa bsam gyis mi khyab pa'o/ /ma 'ongs pa'i sangs rgyas byams pa la sogs pa ste/ da ltar bzhugs pa shAkya seng ge'o/ /de rnams la phyag 'tshal ba'o/ /gang gis phyag 'tshal zhe na/ rig pa 'dzin pa'i gang zag gis phyag 'tshal ba'o/ /swA hA ni gang gi rten cing 'brel ba'i dngos grub ni/ de la sogs pa gsang sngags bsam gyis mi khyab pa gnas pa'o/ /rig sngags chen mo dang zhes bya ba ni phyi'i rig pa dang nang gi rig pa ste/ phyi'i rig pa ni rig pa rnam pa lnga'o/ de ni lha bsnyan dang/ dbyangs dang/ sman dang/ bzo dang/ sgra'o/ /lha bsnyan ni/ rgyud la sogs pa'i bye brag/ sngags dang/ rgyud dang/ 'khrul 'khor dang/ sbyin sreg dang/ dkyil 'khor dang/ slob ma lhag par gnas par byed pa la sogs pa'o/ /dbyangs dang ni ring pa dang thung ba dang/ drag po dang/ mthug po dang/ sgra chung ngu dang/ de rnams byung ba ni rig byed bzhi las byung ba'o/ /de las ma las pas? na dbyangs so/ /sman ni kha dog brtag pa dang/ rtsa ba rtag pa dang/ 'byung ba brtag pa dang/ dus brtag pa dang/ nyi ma brtag pa dang/ de'i bye brag gis/ sems can rnams la gseb? byed pa ste/ dus bzung nas sman la brtag pa ste/
- 192b
de bzhin du rlung dang bad kan dang/ mkhris pa la sogs pa'o/ /zas kyi bye brag dang/ rtsa'i bye brag dang/ phyi'i kha dog gi bye brag dang/ chu dri ma mig/ dbugs lce la brtag pa'o/ /de la brtag pas na sman no/ /bzo ni 'jig rten gyi bya ba thams cad la mkhas pa'o/ /sgra ni tshad ma'i rang bzhin gyis srang la bzhal ba dang/ gcig mthong bas mang po smra ba dang/ gcig gis gcig smra ba ste/ gcig gis gnyis smra ba dang/ gcig gis gsum smra ba dang/ gcig gis mang po smra ba'o/ /de yang mtshan brgyad du byung ba ste/ mtshan brgyad po de yang rig pa'i sgra bya ka ra NI sgra'i gnas brgyad do/ /de la mkhas pas na sgra'o/ /nang gi rig pa ni brjod du med pa kha dog dang bral ba/ gzugs dang bral pa/ mtshan nyid med pa/ gzhi med cing ngo bo nyid dang bral ba'o/ /sngags ni ma man ste/ srung ba dang skyob par byed pa/ sngags de yang sgyu ma lta bu'i rang bzhin/ /phyogs rnams dang bral ba'o// chen mo ni nam mkha' bzhin du 'jig rten gyi khams rnams khyab ste/ de yang bsam gyis mi khab pa'i rang bzhin no/ /gsang sngags chen mo dang zhes bye ba ni/ tshig tu brjod pa'i gsang sngags dang/ ting nge 'dzin gyi gsang pa dang/ ting nge 'dzin rang yang dang po'i rnal 'byor tshogs gsog pa/ gnyis pa rnal 'byor chen po ste/ dam tshig sems dpa' dang/ ye shes sems dpa' i rang bzhin rtog pa'o/ /rdzogs pa'i rnal 'byor ye shes gtso bor bzung nas rtag chad dang/ bral ba de'i ngo bo nyid rtogs pas na gsang ba'o/ /sngags ni sems can thams cad la phan par byed pa'o/ /de nyid bzung bas na gzugs sngags so/ /chen mo bsam gyis mi khyab pa'i/ /so sor 'brang ma chen mo
- 193a
dang zhes bya ba ni thabs shes rab gnyis su med de/ 'khor ba dang mya ngan las 'das pa gnyis su med do/ /so so ni 'gro ba rigs drug/ 'brang ma ni chos sku/ chos sku la yang brjod bya'i rang bzhin dper na mda' la sgro btags pa lta bu'o/ /ma ni sgyu ma'i rang bzhin no/ /de bas na so sor 'brang ma'o chen mo de lta bu bsam gyis mi khyab pa'o/ /srung ba chen mo 'di dag gis zhes bya ba ni/ de bzhin gshegs pa'i rigs so sor 'brang ma dang/ rdo rje'i rigs stong chen mo rab tu 'joms ma dang/ rin po che'i rigs rma bya chen mo dang/ pad+ma'i rigs gsang sngags rjes su 'dzin ma dang/ las kyi rigs bsil ba'i tshal dang lnga'o/ /lnga po de yang ye shes lnga'i rang bzhin zhal gcig phyag gnyis pa rnams so/ /sku mdog kyang dkar po dang/ nag po dang/ ser po dang/ dmar po dang/ ljang gu'o/ /phyag mtshan yang rim pa bzhin du/ 'khor lo dang/ rdo rje dang/ rin po che dang/ pad+ma dang/ sna tshogs rdo rje'o/ /g.yon rnams na rim pa bzhin du dung dang/ zhags pa dang/ rma bya'i sgro dang/ bum pa'i steng na rdo rje dang/ skyabs sbyin no/ gzugs kyang zhi ba dang/ khro bo dang/ rgyags pa dang/ cung zad khro ba dang/ bzhin 'dzum pa dang ngo/ /de rnams la yang sangs rgyas lnga'i dbu brgyan can spyan gsum pa/ rgyan thams cad kyis brgyan pa/ 'khor lo dang/ rdo rje dang/ rin po che dang/ pad+ma dang/ sna tshogs rdo rje rim pa bzhin du dbu la brgyan pa'o/ /zhabs rdo rje'i skyil krung du bzhugs pa/ zla ba'i gdan dang nyi ma'i 'od dang ldan pa'o/ /chen mo ni ye shes lnga bsam gyis mi khyab pa'o/ /'di dag gis ni srung ba lnga'i dam tshig go /bdag la srung ba gyis shig swAhA zhes bya ba ni/ rten gyi gang zag dang/ sems can thams cad do/ /swAhA ni de gyur cig
- 193b
ces pa'o/ /gshed phyed rnams bcom mo zhes bya ba ni/ rig sngags kyi rgyal mo de rnams kyis rnam par rtog pa'i las bcom pa'o/ /bsgyur ba'i las rnams dang zhes bya ba ni/ de ltar rkyen gyis bsgyur ba'i las rnams so/ /byad dang zhes bya ba ni/ sngon kyis las 'phro'o/ /g.yengs byed rnams dang zhes bya ba ni/ dran pa g.yengs pa las byung ste/ de bzhin du rtsub par byed pa'o/ /ro langs rnams dang zhes bya ba ni/ sngags kyis langs pa dang/ yi dags kyi rang bzhin gyis langs pa dang/ spod gtong gis nus pas langs pa'o/ /sems sgyur ba rnams dang/ zhes bya ba ni/ rig pa'i sems bzhag nas ma rig pa'i sems su bsgyur ba rnams so/ /spod gtong rnams bcom mo zhes bya ba ni ma rig pa'i sems dang ldan pa/ dmod mo'i rang bzhin btang pa/ grang srong la sogs pa'o/ /de bcom pa ni rig sngags kyis bcom pa'o/ /skems byed rnams dang zhes bya ba ni/ sngags shing 'gyur bar byed pa'o/ /spyo? byed dang zhes bya ba ni/ ma rig pa'i sems dang ldan pa/ sngags dang/ sman dang yi dags rnams kyis smyo bar byed pa'o/ /grib gnon rnams dang zhes bya ba ni/ grib ma la bzung nas gzugs kyi phung po la gnod par byed pa'o/ /brjod byed rnams bcom mo zhes bya ba ni/ glo bur du byung zhing sems can rnams la gnod pa'o/ /de yang rig pas bcom pa'o/ /skems byed rnams dang/ zhes bya ba ni lcong gi nad bzhin du yun ring ba'o/ /sgrag pa rnams dang zhes bya ba ni/ 'jig par byed cing sems can la 'tshe bar byed pa'o/ /dby? dug rnams dang zhes bya ba ni/ bu dang rin po che las byas pa'o/ /dug rnams bcom mo zhes bya ba ni/ rig sngags kyi rgyal mo'i gzi brjid kyis phyi'i dug dang/ nang gi dug bcom pa'o/ /bza' nyes rnams dang zhes bya ba ni nye ba la sogs pa'o/ /skyug nyes rnams dang zhes bya ba ni/
- 194a
sman dug du song ba'o/ /gnod grib rnams dang zhes bya ba ni lta ba log par byed pa'o/ /gnod ltas rnams dang zhes bya ba ni lta ba log pa rnams kyis blta ba'o/ /bri nyes rnams dang/ zhes bya ba ni/ phyin ci log tu bris pa'o/ /sgom nyes ? dang zhes bya ba ni/ ma rig pa bsgom pa'o/ /smad pa rnams bcom mo zhes bya ba ni/ ma rig pa'i pho nya byed pa rnams rig sngags kyi gzi brjid kyis bcom pa'o/ /rims nyin gcig pa rnams dang zhes bya ba ni/ nyin gcig gis rdzogs pa long med pa rnams so/ /nyin gnyis pa rnams dang zhes bya ba ni/ de pas ring ba ste nyin gnyis kyis rdzogs pa rnams so/ /nyin gsum pa rnams dang zhes bya ba ni/ nyin mo gsum pas rdzogs pa rnams te/ de bsod par byed pa'o/ /nyin bzhi pa rnams dang zhes bya ba ni/ nyin bzhi lon nas phan pa med pa'o/ /nyin bdun pa rnams dang zhes bya ba ni/ rims tshad ma ste drug ma zlog na/ bdun pa la 'chi'o/ /zla ba phyed ba rnams dang zhes bya ba ni/ gzhan tshe grangs na ma zlog na/ dus der 'chi'o// zla ba gcig pa rnams dang zhes bya ba ni/ rims nar ma ste/ dus gzhan la ma zlog na/ zla ba gcig lon nas 'chi'o/ /nyin mo pa rnams dang zhes bya ba ni/ snga dro nas dgongs ka la phan med par 'gro ba'o/ /yud tsam pa rnams dang zhes bya ba ni/ glo bur gyi nad gang gis kyang phan med pa'o/ /rtag pa'i rims rnams dang/ zhes bya ba ni/ lo nas lor 'gor ba ste/ bzhi tshad pas ma btang ba'o/ /rims ldang dub pa rnams dang/ zhes bya ba ni/ gso ba dka' ba res 'byung zhing ras drag pa'o/ /rlung las gyur ba rnams dang zhes bya ba ni/ rlung las gyur ba bzhi brgya rtsa bzhi'o/ /mkhris pa las gyur ba lrnams dang zhes bya ba ni mkhris pa las nad mi cig pa gzhi brgya rtsa bzhi'o/ /bad kan las gyur pa rnams dang zhes
- 194b
bya ba ni bad kan las gyur pa bzhi brgya rtsa bzhi'o/ /'dus ba las gyur pa rnams dang zhes bya ba ni/ de gsum 'dus pa ste/ 'dus pa'i nad rigs mi gcig pa yang bzhi rgya rtsa bzhir gnas so/ /mi'i rigs rnams dang zhes bya ba ni/ rkun ma 'am rgyal po 'am de la 'jigs skrag gi rkyen gyis byung bas na mi'i rigs so/ /mi ma yin pa'i rigs bcom mo zhes bya ba ni/ ma rungs pa'i 'byung po rnams kyis kyang rlung bad kan du bstan/ bad kan rlung du bstan mkhris pa bad kan du bstan te/ phyin ci log par bstan pa ni/ mi ma yin pa'i rims so/ /rims thams cad bcom mo zhes bya ba ni/ rig sngags kyi gsang sngags kyi nus pa de dag gi rims rnams ni 'byung bar mi nus pa'i/ shu pa dang/ g.yan pa dang/ 'brum bu phra mo dang/ mdze dang/ phol mig dang/ g.yan ba dang/ me dpal dang/ lhog pa rnams bcom mo zhes bya ba ni/ ma rungs pa'i nad de rnams la sogs pa bco brgyad do/ /de yang rig sngags kyi gzi brjid kyis bcom pa'o/ /klang pa na ba dang/ zhes bya ba la sogs pa'o/ /rlung dang bad kan mkhris pa gsum de gsum gyis bsgyur nas yan lag na ba nyi shu rtsa bzhi ste/ de yang de la sogs pa nad bzhi brgya rtsa bzhi bcom mo/ /gdon thams cad dang zhes bya ba ni/ lha'i gdon la sogs pa bgegs rigs mi gcig pa stong phrag brgyad cu'o/ /dug thams cad dang zhes bya ba ni phyi'i dug gsum dang nang gi dug gsum phyi'i bsdad pa 'gro ba'i dang byed pa'o/ /bsdad pa ni btsan dug la sogs pa rtse dang lo ma'i dug go /'gro ba la yang bsam pa reg pa mthong ba kha rlangs so/ /byed pa yang dbyig dug la sogs pa bsam gyis mi khyab pa'o/ /nad thams cad dang zhes bya ba ni nad rigs mi gcig pa brgya rtsa bzhi/ rig sngags
- 195a
kyi gsang sngags kyis bcom pa'o/ /bdag la bde legs su gyur cig ces bya ba ni/ gang zag dag dang sems can rnams la bde legs su 'gyur ro/ /mtshan mo bde legs nyin bde legs zhes bya ba ni rig sngags kyi gzi brjid kyis/ lus ngag yid mi bde'i rkyen byed pa mtshan mo dang nyin mo bde bar gyur to/ /nyi ma'i gung gis bde legs dang zhes bya ba ni/ nyi ma phyed na yang mi bde bar mi gnas pa'o nyin mtshan kun gyi bde legs dag ces bya ba ni/ nyin mo dang mtshan mo'i bar nas rtag tu bde ba ste/ rgas nas ma shi bar du yang bde ba'o/ /sangs rgyas kun gyis bdag la rtsol zhes bya ba ni/ gang zag bdag gis 'das pa dang/ ma 'ongs pa dang/ da ltar ba rnams la bdag 'tshal ba'o/ /sangs rgyas phyag 'tshal byang chub phyag 'tshal lo zhes bya ba ni/ sangs rgyas ni snga ma bzhin du bshad pa rnams te/ bzhi ma grub rkyen gyis ma gos pa rnams la phyag 'tshal ba'o/ /byang chub ni sems can rnams kyi don byed pa/ sa bcu la ni 'thob pa ste/ de rnams la ni phyag 'tshal lo/ /grol 'gyur phyag 'tshal grol la phyag 'tshal lo/ /zhes bya ba ni/ grol 'gyur ni byang chub sems dpa' rnams te/ grol ba ni sangs rgyas kyi bden pas rig sngags kyi bka' las grol ba'o/ /zhi 'gyur phyag 'tshal lo zhi ba la phyag 'tshal lo zhes bya ba ni zhi 'gyur ni yang dag pa'i don mi 'gyur te/ 'khor pa'i sdug bsngal las grol nas nam mkha' lta bu'o/ /zhi la ni sprul pa'i sku'i rang bzhin/ shAkya thub pa lta bur stong gsum gyi stong chen por snying rjes khyab pa'o/ /rnam grol phyag 'tshal rnam par grol la phyag 'tshal lo zhes bya ba ni/ rnam grol ni 'grol byed de rnam par grol bar byed pa
- 195b
na rig sngags kyi rgyal mo'o/ /'grol ba ni 'khor ba las 'grol ba'o/ /bram ze gang dag sdig pa'i chos brtsal bar gyur pa de dag la yang phyag 'tshal lo zhes bya ba ni/ rig sngags kyi rgyal mo bram ze dag yin te/ des sdig por nas dge ba la gnas pa de la sogs pa'i sdig pa thams cad sel ba rnams la phyag 'tshal lo/ /de dag gis kyang bdag la srung ba gyis shig ces bya ba ni/ gang zag rig sngags la gus par byed pa dag la gang yang de rnams kyis srung bar byed pa dag go/ pha bde legs su gyur cig ces bya ba ni bskyed pa'i sa bon gtor ba'i pha'o/ /ma bde legs su gyur cig ces bya ba ni/ skyes ba'i ma lan gyis mi 'khor ba'o/ /ma la bde legs su gyur cig ces bya ba ni/ ma'i mngal na yod pa yang bde ba'o/ /kang gnyis pa rnams bde legs su gyur cig ces bya ba ni/ sems can mi la sogs pa'o/ /rkang bzhi pa rnams bde legs su gyur cig ces pa ni/ stag dang seng ge la sogs pa'o/ /rkang med rnams bde legs su gyur cig ces bya ba ni/ sems can sbrul la sogs pa'o/ /srid pa gsum du gtogs pa'i sems can thams cad bde legs su gyur cig ces bya ba ni/ sa 'og sa steng sa bla rnams kyi sems can thams cad bde legs pa'o/ /rig sngags kyi rgyal mo rma bya chen mo'i sngags bshad pa'i gnas skabs te bcu gnyis pa'o// //kun dga' bo zhes bya ba ni/ yang dag par rdzogs pa'i sangs rgyas kyis kun dga' bo la bka' stsal pa'o/ /khyod kyis klu'i rgyal po rnams kyi ming zung zhig cas bya ba ni/ byang chub sems dang ldan pa sangs rgyas kyi bstan pa bsrung zhing/ rig sngags kyi bka' las mi 'da' ba' o/ /'di lta ste/ zhes bya ba ni klu'i rgyal po rnams blta ba'o/ /klu'i rgyal po de rnams
- 196a
kyang rig sngags bzhi dug bzhi dus bzhir gnas pa'o/ /rigs bzhi la yang bram ze rgyal po rje'u rigs dmar rigs so/ /rigs bzhi las byung ba de'i 'og ma ni/ bram ze'i bram ze rgyal po'i rgyal po rje'u yi rje'u/ dmar rigs kyis dmang rigs/ de ni bsam gyis mi khyab pa'o/ /dug gzhi la bsams pa las tshor ba byung ngo/ /mthong ba las yang gnyis te/ mngon shes kyis mthong ba dang/ mig gis mthong ba'o/ /reg pa yang gnyis te reg pa'i rang bzhin dang/ bzung ba'o/ /kha rlangs la gnyis te/ kha rlangs dbugs las byung pa dang/ mche ba'i dug go /rigs kyang de bzhin du yin te/ 'phral yang sems can dug bzhi yod pa'o/ /dug bzhi la yang snga dro dang/ nyi ma phyed dang/ phye dro dang/ dgongs mo'o/ /nub mo la srod dang nam phyed dang/ phyed yol dang/ tho rangs so/ /de bzhin du klu dang dus bzhi la rgyu ba'o/ /de dang ldan pa'i klu'i rgyal po rnams la zung zhig go /klu'i rgyal po sangs rgyas bcom ldan 'das dang/ klu'i rgyal po tshangs pa dang/ klu'i rgyal po tshangs chen dang/ klu'i rgyal po dbang po dang/ klu'i rgyal po nye ba'i dbang po dang/ zhes bya ba ni byang chub sems dpa' i rigs sangs rgyas dang chos dang dge 'dun la skyabs su 'gro ba'o/ /rig sngags kyi bka' las mi 'da' pa'o/ /de rnams kyi sku mdog dang phyag mtshan ni/ 'dzam bu'i gling gis gser gyis mdog dang/ dkar po dang/ dkar ser dang/ dmar po dang/ dmar ser ro// zhal gcig phyag gnyis pa/ lta na sdug pa dang/ lha'i cha byad can/ dbu la sbrul gyis gdengs ka dang bcas pa/ sbrul gyi mdud pa'i steng na bzhugs pa'o/ /g.yas rnams sa gnon gyis phyag rgya mdzad pa dang/ phreng ba dang/
- 196b
bum pa sbyi blugs dang/ rdo rje dang/ 'khor lo bsnams pa'o/ /g.yon rnams na sprul gyi zhags pa bsnams pa'o/ /de rnams ni sems can la 'tshe ba mi byed pa'o/ klu'i rgyal po rgya mtsho dang/ klu'i rgyal po rgya mtsho'i bu dang/ klu'i rgyal po dug med bcas dang/ klu'i rgyal po mtsho chen dang klu'i rgyal po mtsho chen bu dang/ zhes bya ba ni/ klu'i rgyal po de rnams kyang/ sangs rgyas kyi bstan pa bsrung ba/ dkon mchog gsum la bskyabs su 'gro ba'o/ /de rnams kyi sku mdog dang phyag mtshan ni/ ser po dang/ dkar po dang/ dkar ser dang/ dmar ser dang/ dud gi mdog go /de rnams kyang zhi ba'i tshul du gnas pa/ dbu la sbrul gyis gdengs ka dang bcas pa/ sbrul gyi mdung pa'i gdan la zhugs pa'o/ /g.yas rnams na rin po che dang/ bum pa dang/ rin po che myu gu dang rin po che phreng ba dang/ me tog ku mu ta'o/ /g.yon rnams na sbrul gyi zhags pa bsnams pa'o/ /de rnams sems can la gnod pa mi byed pa'o/ /klu'i rgyal po chu srin dang/ klu'i rgyal po dga' bo dang/ klu'i rgyal po nye dga' bo dang/ klu'i rgyal po mi zhu ba dang/ klu'i rgyal po nye bar mi zhum pa dang/ zhes bya ba ni/ klu'i rgyal po de rnams kyang/ sangs rgyas kyi bstan pa bsrung ba dang/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ nag po dang/ ser po dang dkar po dang/ ljang gu dang/ dmar po'o/ /g.yas rnams na/ shing tog bi tsa pu ra ka dang/ utpa la dang/ nA ga puShpa dang/ rin chen 'phreng ba dang/ me tog mand+ha ra'o/ /g.yon rnams na sbrul gyi zhags pa dang/ dbu la sbrul gyi gdengs ka can/ sbrul gyi mdung pa'i steng na bzhugs pa'o/ /bltan sdug pa mi'i cha byad du yod pa/ rig sngags kyi bka' las mi 'da' ba/ sems can gyi don byed pa'o/ /klu'i rgyal po lta na mdzes dang/ klu'i rgyal po nor rgyas kyi bu dang/
- 197a
klu'i rgyal po 'jog po dang/ klu'i rgyal po skya rengs dang/ klu'i rgyal po chu lha dang/ klu'i rgyal po paN+Da ka dang/ klu'i rgyal po sor mo drug pa dang/ klu'i rgyal po snying por 'gro dang/ zhes bya ba ni klu'i rgyal po de rnams kyis kyang sangs rgyas kyi bstan pa bsrung ba/ dkon mchog gsum la skyabs su 'gro ba de rnams kyi sku mdog dang phyag mtshan ni/ gser mdog dang/ dkar po dang/ sngo skya dang/ sna tshogs mdog can/ dmar po dang/ dkar ser dang/ dkar po dang/ ljang gu'o// g.yas rnams na/ me long dang/ utpa la ser po dang/ a so ka'i lo ma dang/ rin po che 'bar ba/ rin po che dang/ me tog utpa la sngon po dang/ pad+ma dang/ ku mu ta'o/ /g.yon rnams na sbrul gyi zhags pa bsnams pa'o/ /rig sngags kyi bka' las mi 'da' ba/ sems can gyi don byed pa'o/ /de rnams ni cung zad khro bor gnas pa'o/ /dbu la sbrul gyi gdengs ka dang bcas pa/ sbrul gyi mdud pa'i steng na bzhugs pa/ gnod sbyin gyi tshul du gnas pa/ bram ze'i rigs bsam pa'i dug can snga dro'i dus can no/ /klu'i rgyal po de rnams kyang sbrul gyi gdengs ka bco lnga bco lnga yod pa/ bram ze bram ze'i rigs la ni/ sbrul gyi gdengs ka dang/ g.yon rnams na gnas pa'i sbrul gyi zhags pa ni dkar po'o/ /klu'i rgyal po bram ze bram ze rigs nyi shu rtsa gsum po 'di dag ni/ gzhan yang gang dag sa'i dkyil 'khor 'dir dus dus su 'brug sgrog pa/ dus dus su lo tog smin pa/ dus dus su char 'bebs pa dang/ dus dus du lo tog sgrub pa/ sangs rgyas mthong ba/ bslab pa'i gzhi bzung ba/ gsum la skyabs su 'gro ba 'am/ nam mkha' lding gi 'jigs pa med pa/ me dang bye ma'i 'jigs pa med pa/ rgyal po las kyi 'jigs pa las thar ba/ sa 'dzin pa/ rin po che'i gzhal med bde chen po na gnas pa/
- 197b
tshe ring ba bskal bar gnas pa/ dbang che bar grags pa/ rdzu 'phrul che ba/ longs spyod che ba/ 'khor dpal che ba/ dgra dpung rab tu 'joms pa/ rdzu 'phrul dang ldan pa/ 'od dang ldan pa/ kha dog dang ldan pa grags pa dang ldan pa/ lha dang lha ma yin gyi g.yul dag kyang myong bar byed pa dag go /klu'i rgyal po de dag ni chung ma dang bcas pa/ bu dang bcas pa/ tsha bo dang bcas pa/ spun dang bcas pa/ blon po dang bcas pa/ ded dpon dang bcas pa/ pho nya dang bcas pa/ mdag pa dang bcas pa/ g.yog dang bcas pa/ 'khor dang bcas pa de dag ni/ shar phyogs na gnas pa'o/ /klu'i rgyal po dpal ldan dang/ klu'i rgyal po dpal mgrin dang/ klu'i rgyal po dpal 'phel dang/ klu'i rgyal po dpal bzang dang/ klu'i rgyal po stobs bzangs dang zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba/ de rnams kyi sku mdog dang phyag mtshan ni/ ser po dang/ dmar po dang/ dkar po dang/ ljang gu dang/ sngon po'o/ /g.yas rnams na dpal be'u dang/ gdugs dang/ 'khor lo dang/ dung dang bum pa'o/ /g.yon rnams na/ sbrul zhags bsnams pa'o/ /klu'i rgyal po de rnams kyang lha'i cha byad du bzhugs pa/ dbu la sbrul gyi gdengs ka dang bcas pa/ sbrul gyi mdud pa'i steng na bzhugs pa'o/ /rig sngags kyi bka' las mi 'da' ba/ sems can gyi don byed pa'o/ /klu'i rgyal po chu skyes dang/ klu'i rgyal po rtag re dang/ klu'i rgyal po lag bzangs dang/ klu'i rgyal po ri rab dang/ klu'i rgyal po nyid 'od dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba/ de rnams kyi sku mdog dang phyag mtshan ni/ nag po dang/ ser po dang/ dmar ser dang/ dmar po dang/ mthing kha'o/ /g.yas rnams na dgra sta dang/ lcags kyu dang/ ral gri dang/ 'khor lo dang/ rtse gsum bsnams
- 198a
pa'o/ /g.yon rnams na sbrul gyi zhags pa bsnams pa'o/ /klu'i rgyal po de rnams ni dbu la sbrul gyi gdengs ka dang bcas pa/ sbrul gyi mdud pa'i steng na bzhugs pa/ dri za'i cha byad du yod pa/ rig sngags kyi bka' las mi 'da' ba/ sems can gyi don byed pa'o/ /klu'i rgyal po zla 'od dang/ klu'i rgyal po bzad sdug dang/ klu'i rgyal po ngar ba dang/ klu'i rgyal po 'brug sgrogs dang/ klu'i rgyal po glog 'byin dang zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba/ de rnams kyi sku mdog dang phyag mtshan ni/ dkar po dang/ ser po dang/ dmar ser dang/ sprin gyi mdog dang sngo skya'o/ /g.yas rnams na pad+ma dkar po dang/ bum pa gang ba dang/ tsan dan gyi be con dang/ dbyug to dang/ me long ngo/ /g.yon rnams na sbrul gyi zhags pa bsnams pa'o/ /klu'i rgyal po de rnams ni dbu la sbrul gyi gdengs ka dang bcas pa/ sbrul gyi mdud pa'i steng na bzhugs pa/ mi'i cha byad can no/ /rig sngags kyi bka' las mi 'da' ba/ sems can gyi don byed pa'o/ /klu'i rgyal po rgyal byed dang/ klu'i rgyal po char 'bebs dang/ klu'i rgyal po dri med dang/ klu'i rgyal po stobs can mgo dang/ klu'i rgyal po lcang lo can gyi mgo dang/ klu'i rgyal po stag mgo can zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba/ de rnams kyi sku mdog dang phyag mtshan ni/ sngon po dang/ ser po dang/ dmar po dang/ dkar po dang/ ljang gu dang/ nag po'o// g.yas rnams na 'khor lo dang/ rin po che dang/ puN+Da ri ka dang/ ral gri dang/ rdo rje dang/ gos sna tshogs bsnams pa'o/ /g.yon rnams na sbrul gyi zhags pa bsnams pa'o/ /rig sngags kyi bka' las mi 'da' ba/ sems can gyi
- 198b
don byed pa'o/ /mthong ba dug can/ rgyal po'i rgyal rigs/ dus nyi ma phyed na rgyu ba/ sbrul gyi gdengs ka dang bcas pa/ sbrul gyi steng na bzhugs pa/ sbrul de yang sbrul mgo bcu gsum bcu gsum du yod pa/ sbrul gyi kha dog ser por gnas pa/ g.yon gyi phyag na bsnams pa'i sbrul yang ser po'o/ /klu'i rgyal po nyi shu rtsa gcig lho phyogs na gnas pa'o/ /klu'i rgyal po de rnams kyis kyang gzhan yang gang dag sa'i dkyil 'khor 'dir/ dus dus su 'brug sgra sgrogs pa/ dus dus su lo tog smin pa/ dus dus su char 'bebs pa/ dus dus su lo thog sgrub pa/ sangs rgyas mthong ba/ bslab pa'i gzhi bzung ba/ gsum la skyabs su 'gro ba/ nam mkha' lding gi 'jigs pa dang/ me dang/ bye ma'i 'jigs pa dang bral ba/ rgyal po las kyi 'jigs pa las thar ba/ sa 'dzin pa/ rin po che'i gzhal yas khang chen por gnas pa/ tshe ring ba/ bskal par gnas pa/ dbang che bar grags pa/ rdzu 'phrul che ba longs spyod che ba/ 'khor phal che ba/ dgra dbang rab tu 'joms pa/ rdzu 'phrul dang ldan pa/ 'od zer dang ldan pa/ kha dog dang ldan pa/ grags pa dang ldan pa/ rdzu 'phrul che ba lha dang lha ma yin gyi g.yul yang myong bar byed ba dag go /klu'i rgyal po de rnams kyang chung ma dang bcas pa/ bu dang bcas pa/ tsha bo dang bcas pa/ spun dang bcas pa/ blon po dang bcas pa/ ded dpon dang bcas pa/ pho nya dang bcas pa/ mngag pa dang bcas pa/ g.yog dang bcas pa/ de dag ni lho phyogs na gnas pa'o/ /klu'i rgyal po ba lang mgo dang/ klu'i rgyal po ri dags mgo dang/ klu'i rgyal po glang po che'i mgo dang/ klu'i rgyal po klang stobs can dang/ klu'i rgyal po skye bo 'tshe dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba/ de rnams kyi
- 199a
sku mdog dang phyag mtshan ni/ dmar po dang/ ser po dang/ dmar ser dang/ dkar po dang/ ljang gu'o/ /g.yas rnams na rdo rje dbyug to dang/ pad+ma'i dbyug to dang/ rdo rje'i tho ba dang/ rdo rje lcags kyu dang/ rdo rje'i dgra sta'o/ /g.yon rnams na sbrul zhags bsnams pa'o/ /lha'i cha byad du bzhugs so/ /dbu la sbrul gyi gdengs ka dang bcas pa'o/ /sbrul gyi mdud pa'i steng na bzhugs pa/ rig sngags kyi bka' las mi 'da' ba/ sems can gyi don byed pa'o/ /klu'i rgyal po ris bkra dang/ klu'i rgyal po mig bkra dang/ klu'i rgyal po sna tshogs sde dang/ klu'i rgyal po mig stong ba dang/ klu'i rgyal po gtong ba dang zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba/ de rnams kyi sku mdog dang phyag mtshan ni/ dmar ser dang/ ljang gu dang/ ljang nag dang/ dkar po dang/ ser po'o/ /g.yas rnams na pad+ma dmar po dang/ pad+ma dkar po dang/ utpa la dkar po dang/ utpa la ser po dang/ nA ga puShpu bsnams pa'o/ g.yon rnams na sprul zhags so/ /dri za'i cha byad du bzhugs pa/ dbu la sprul gyi gdengs ka dang bcas pa/ sprul gyi mdud pa'i steng na bzhugs pa'o/ /rig sngags kyi bka' las mi 'da' ba/ sems can gyi don byed pa'o/ /klu'i rgyal po btang bzung dang/ klu'i rgyal po sgra sgrogs kyi bu dang/ klu'i rgyal po rtogs pa'i bu dang/ klu'i rgyal po dpal dang/ /klu'i rgyal po dpal can dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ dmar po dang/ ser po dang/ ljang gu dang/ sngo skya dang/ dkar po'o/ /g.yas rnams na pad+ma dmar po dang/ puN+Da ri ka dang/ rin po che dang/ utpa la dang/ me tog ku mu de rnams so/
- 199b
g.yon rnams na sbrul gyi zhags pa'o/ /mi'i cha byad du bzhugs pa/ dbu la sbrul gyi gdengs ka dang bcas pa/ sbrul gyi mdung pa'i steng na bzhugs pa/ rig sngags kyi bka' las mi 'da' ba/ sems can gyi don byed pa'o/ /klu'i rgyal po 'phyang ba dang/ klu'i rgyal po srin bu dang/ /klu'i rgyal po mdza' yas dang/ klu'i rgyal po gser dang/ klu'i rgyal po glang po'i rtsal dang/ klu'i rgyal po dkar gsal dang zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ dkar po dang/ dmar po dang/ ser po dang/ nag po dang/ ljang gu dang/ dung gi kha dog go /g.yas rnams na utpa la/ pad+ma dkar po/ nA ga puShpa dang/ a so ka'i lo ma dang/ tsam pa ka'i me tog dang/ me tog kunda bsnams pa'o/ /g.yon rnams na sbrul zhags bsnams pa'o/ /gnod sbyin gyi cha byad du bzhugs pa'o/ /dbu la sbrul gyi gdengs ka dang ldan pa'o/ /sbrul gyi mdud pa'i khri la bzhugs pa'o/ /rig sngags kyi bka' las mi 'da' ba/ sems can gyi don byed pa'o/ /sbrul bcu gcig bcu gcig du gnas pa/ sbrul dmar por gnas pa/ g.yon na bsnams pa yang dmar po'o/ /klu'i rgyal po de rnams na rje'u rigs kyis rjes su rigs reg pa'i dug can/ dug phyi dro na rgyu ba'i/ /klu'i rgyal po de rnams kyis kyang gzhan dag kyang sa'i dkyil 'khor 'dir dus dus su 'brug sgra sgrogs pa/ dus dus su lo tog smin pa/ dus dus su char 'bebs pa/ dus dus su lo tog sgrub pa/ sangs rgyas mthong ba/ bslab pa'i gzhi bzung ba/ gsum la skyabs su 'gro ba/ nam mkha' lding gi 'jigs pa dang/ me dang phye ma'i 'jigs pa dang/ rgyal po las kyi 'jigs pa las thar ba'o/ /sa 'dzin pa rin po che'i gzhal
- 200a
yas khang chen po na gnas pa tshe ring ba bskal par gnas pa/ dbang che bar grags pa/ rdzu 'phrul che ba longs spyod che ba/ 'khor 'phel ba/ dgra'i dpung rab tu 'joms pa/ rdzu 'phrul dang ldan pa/ 'od dang ldan pa/ kha dog dang ldan pa/ grags pa dang ldan pa/ rdzu 'phrul che ba lha dang lha ma yin gyi g.yul dag kyang myong bar byed pa dag go /klu'i rgyal po de rnams ni chung ma dang bcas pa/ tsha bo dang bcas pa/ spun dang bcas pa blon po dang bcas pa/ ded dpon dang bcas pa/ pho nya dang bcas pa/ mngag pa dang bcas pa/ g.yog dang bcas pa/ 'khor dang bcas pa de dag ni nub phyogs na gnas pa'o/ /klu'i rgyal po ser skya dang/ klu'i rgyal po e le'i 'dab dang/ klu'i rgyal po dkar po dang/ klu'i rgyal po dud skyong dang/ klu'i rgyal po sog ma med dang zhes bya ba ni/ sangs rgyas kyis bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ ljang gu dang/ ser po dang/ mthing nag dang/ dmar po dang/ ljang nag go /g.yas rnams na ral gri dang/ sna tshogs kyi rdo rje dang/ sna tshogs kyi gos dang/ rin po che dang/ 'khor lo bsnams pa'o/ /g.yon rnams na sprul zhags so/ /lha'i cha byad du snang ba'o/ /sprul gyi gdengs ka dang/ ldan pa/ sbrul gyi mdud pa'i steng na bzhugs pa/ rig sngags kyi bka' las mi 'da' ba/ sems can gyi don byed pa'o/ /klu'i rgyal po nag po dang/ klu'i rgyal po nye nag po dang/ klu'i rgyal po stobs lha dang/ klu'i rgyal po sred med kyi bu dang/ klu'i rgyal po la ba dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba dag go /de rnams kyi sku mdog dang phyag mtshan ni/ nag po dang mthing kha dang/ ljang nag dang/
- 200b
sngo skya dang/ dmar nag gi mdog dang ngo/ /g.yas rnams na phreng ba dang/ bum pa spyi blug dang/ bum pa gang ba dang/ rin po che dang/ dung bsnams pa'o/ /g.yon rnams na sbrul zhags so/ /dri za'i tshul du bzhugs pa/ dbu la sbrul gyi gdengs ka dang bcas pa/ sbrul gyi mdung pa'i steng na bzhugs pa'o/ /rig sngags kyi bka' las mi 'da' bar sems can gyi don byed pa'o/ /klu'i rgyal po skrag byed dang/ klu'i rgyal po srin po dang/ klu'i rgyal po brag lag dang/ klu'i rgyal po gang+gA dang/ klu'i rgyal po sind+hu dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ dmar po dang/ ser po dang/ dmar nag dang/ ljang nag dang/ mthing kha'o/ /g.yas rnams na dbyug to dang/ be con dang/ dbyug to dmig can dang/ rdo rje tho ba dang/ ral gri'o/ /g.yon rnams na sbrul zhags so/ /mi'i cha byad du bzhugs pa/ dbu la sbrul gyi gdengs ka dang bcas pa/ sbrul gyi mdung pa'i steng na bzhugs pa rig sngags kyi bka' las mi 'da' bar sems can gyi don byed pa'o/ /klu'i rgyal po pak+Shu dang/ klu'i rgyal po si ta dang/ klu'i rgyal po bkra shis dang/ klu'i rgyal po ma dros pa dang/ klu'i rgyal po rab brtan dang/ klu'i rgyal pos srung gyi bu zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ sngo skya dang/ dkar po dang/ ser po dang/ dmar po dang/ sngon po dang/ nag po'o// g.yas rnams na rin po che dang/ bum pa gang ba dang/ rin po che 'bar ba dang/ utpa la dang/ nA ga puShpa dang/ pad+ma dkar po dang ngo/ g.yon rnams na sbrul zhags bsnams pa'o/ /de rnams gnod sbyin gyi cha byad can no/ /dbu la sbrul gyi gdengs ka dang ldan no/
- 201a
sprul gyi mdud? pa'i steng na bzhugs pa/ rig sngags kyi bka' las mi 'da' bar sems can gyi don byed pa'o/ /dmar rigs kyi dmar rigs/ kha rlangs kyi dug dus dgongs ka rgyu ba/ sprul gyi gdengs ka ni dgu dgur gnas pa'o/ /sprul de yang ljang gur gnas pa/ g.yon gyi sprul yang ljang gu'o/ /gzhan yang gang dag sa'i dkyil 'khor 'dir/ dus dus su 'brug sgra sgrog pa'o/ /dus dus su lo tog smin pa/ dus dus su char 'bebs pa/ dus dus su lo tog sgrub pa/ bslab pa'i gzhi bzung ba/ sangs rgyas mthong ba/ gsum la skyabs su 'gro ba/ nam mkha' lding gi 'jigs pa dang/ me dang bye ma'i 'jigs pa dang/ rgyal po las kyi 'jigs pa las thar pa/ sa 'dzin pa rin po che'i gzhal yas khang chen po na gnas pa/ tshe ring ba bskal par gnas pa/ dbang che bar grags pa/ rdzu 'phrul che ba longs spyod che ba/ 'khor phal che ba/ dgra'i dpung rab tu 'joms pa/ rdzu 'phrul dang ldan pa/ 'od dang ldan ba/ kha dog dang ldan pa/ grags pa dang ldan pa/ lha dang lha ma yin gyi g.yul dag kyang myong bar byed pa dag go /klu'i rgyal po de rnams ni chung ma dang bcas pa/ bu dang bcas pa/ tsha bo dang bcas pa/ spun dang bcas pa/ blon po dang bcas pa/ ded dpon dang bcas pa/ pho nya dang bcas pa/ mdag pa dang bcas pa/ g.yog dang bcas pa/ 'khor dang bcas pa/ de dag ni byang phyogs na gnas pa'o/ /klu'i rgyal po sa 'dzin dang/ klu'i rgyal po mu khyud 'dzin dang/ klu'i rgyal po mdog 'dzin dang/ klu'i rgyal po bzang po dang/ klu'i rgyal po rab tu bzang dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba/ de rnams kyi sku mdog dang phyag mtshan ni/ ser po dang/
- 201b
dmar po dang/ nag po dang/ dkar po dang/ ljang gu'o/ /g.yas rnams na 'phreng ba dang/ bum pa spyi blugs dang/ bum pa gang ba dang/ rtse gsum dang/ nor bu rin po che'o/ /g.yon rnams na sprul zhags bsnams pa'o/ /gzugs lha'i cha byad du bzhugs pa/ dbu la sprul gyi gdengs ka dang ldan pa/ sprul gyi mdud pa'i steng na bzhugs pa'o/ /rig sngags kyi bka' las mi 'da' bar sems can gyi don byed pa'o/ /klu'i rgyal po nor bzang dang/ klu'i rgyal po nor bu dang/ klu'i rgyal po nor bu 'gul dang/ klu'i rgyal po nag po gnyis dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba/ de rnams kyi sku mdog dang phyag mtshan ni/ ser po dang/ dkar po dang/ ljang gu dang/ dmar po dang/ nag po'o/ /g.yas rnams na nor bu rin po che dang/ a 'bras kyi snying po dang/ bum pa gang ba dang/ rin po che'i snod dang/ nor gyi rkyal? pa bsnams pa'o/ /g.yon rnams na sprul gyi zhags pa'o/ /dri za'i cha byad dang/ sprul gyi/ gdengs ka dang/ sprul gyi mdud pa'i steng na bzhugs pa'o/ /rig sngags kyi bka' las mi 'da' bar sems can gyi don byed pa'o/ /klu'i rgyal po ser po gnyis dang/ klu'i rgyal po dmar po gnyis dang/ klu'i rgyal po dkar po gnyis dang/ klu'i rgyal po phreng ldan dang/ klu'i rgyal po dmar 'phreng can dang zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ nag po dang/ ser po dang/ dmar po dang/ dkar po dang/ mthing nag go /g.yas rnams na dgra sta dang/ rtse gcig dang/ rtse gsum dang/ 'khor lo dang/ rin po che'i phreng ba bsnams pa'o/ /g.yon rnams na sbrul gyi zhags pa'o/ /mi'i cha
- 202a
byang du gnas pa'o/ /dbu la sprul gyi gdengs ka dang ldan pa/ sprul gyi mdud pa'i steng na bzhugs pa/ rig sngags kyi bka' las mi 'da' bar sems can gyi don byed pa'o/ /klu'i rgyal po be'u dang/ klu'i rgyal po khrums stong dang/ klu'i rgyal po lnga dang/ klu'i rgyal po nye rnga dang/ klu'i rgyal po a mra mu stegs dang/ klu'i rgyal po nor bu'i bu dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ dmar po dang/ dmar ser dang/ ser po dang/ dkar po dang/ nag po dang/ ljang gu'o/ /g.yas rnams na phreng ba dang/ utpa la dmar po dang/ rin po che'i snod dang/ rnga rked nyag dang/ rked ring dang/ me tog tsam pa ka bsnams pa'o/ /g.yon rnams na sprul gyi zhags pa'o/ /gnod sbyin gyi tshul du bzhugs pa/ dbu la sprul gyi gdengs ka dang bcas pa/ sprul gyi mdud pa'i steng na bzhugs pa'o/ /rig sngags kyi bka' las mi 'da' bar sems can gyi don byed pa'o/ /bram ze'i rigs tshor ba'i dug can/ srod la rgyu ba'o/ /sprul gyi gdengs ka dgu dgur gnas pa'o/ /mdog dmar por gnas pa/ g.yon gyi zhags pa yang dmar ro/ /klu'i rgyal po de rnams kyis/ gzhan yang gang dag sa'i dkyil 'khor 'dir dus dus su 'brug sgra sgrogs pa/ dus dus su lo tog smin pa/ dus dus su char 'beb pa/ dus dus su lo tog sgrub pa/ sangs rgyas mthong ba/ bslab pa'i gzhi bzung ba/ gsum la skyabs su 'gro ba/ nam mkha' lding gi 'jigs pa dang/ me dang bye ma'i 'jigs pa dang/ rgyal po las kyi 'jigs pa las thar ro/ /sa 'dzin pa rin po che'i gzhal yas khang chen po na bzhugs pa/ tshe ring ba bskal bar gnas pa dbang
- 202b
che bar grags pa rdzu 'phrul che pa longs spyod che ba 'khor 'phel che ba/ dgra dpung rab tu 'joms pa/ rdzu 'phrul dang ldan pa/ 'od dang ldan pa/ kha dog dang ldan pa/ grags pa dang ldan pa/ lha dang lha ma yin gyi g.yul yang myong bar byed pa dag go/ klu'i rgyal po de rnams ni chung ma dang bcas pa bu dang bcas pa/ tsha bo dang bcas pa/ sdun dang bcas pa/ blon po dang bcas pa/ ded dpon dang bcas pa/ pho nya dang bcas pa/ mdag pa dang bcas pa/ g.yog dang bcas pa/ 'khor dang bcas pa/ klu'i rgyal po de rnams ni shar lho mtshams na bzhugs pa'o/ /klu'i rgyal po yul 'khor srung dang/ klu'i rgyal po 'phags skyes po dang/ klu'i rgyal po mig mi bzang dang/ klu'i rgyal po rnam thos kyi bu dang/ klu'i rgyal po shing rta bzhin dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ dkar po dang/ mthing kha dang/ dmar po dang/ ljang gu dang/ ser po'o/ /g.yas rnams na pi wang dang/ dbyug to dang/ dung dang/ bum pa dang/ ral gri'o/ /g.yon rnams na sprul zhags bsnams pa'o/ /lha'i cha byad du bzhugs pa/ dbu la sprul gyi gdengs ka dang bcas pa/ sprul gyi mdud pa'i steng na bzhugs pa/ rig sngags kyi bka' las mi 'da' bar sems can gyi don byed pa'o/ /klu'i rgyal po tsam par skyes dang/ klu'i rgyal po gau ta ma dang/ klu'i rgyal po lnga len dang/ klu'i rgyal po gtsug phud lnga dang/ klu'i rgyal po 'dud dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba/ de'i sku mdog dang phyag mtshan ni/ dkar ser dang/ ser po dang/ kha dog drug dang/ dkar po dang/ dmar po dang/ g.yas rnams na phreng ba dang/ dbyug pa gsum dang/ bum pa dang/ rin po che
- 203a
dang/ zhags pa rnams so/ /g.yon rnams na sprul gyi zhags pa'o/ /dri za'i cha byad du bzhugs pa/ dbu la sprul gyi gdengs ka dang bcas pa/ sprul gyi mdud pa'i khri la bzhugs pa'o/ /rig sngags kyi bka' las mi 'da' bar sems can gyi don byed pa'o/ /klu'i rgyal po thigs pa dang/ klu'i rgyal po nye ba'i thigs pa dang/ klu'i rgyal po bum pa dang/ klu'i rgyal po dus las byung ba dang/ klu'i rgyal po stobs can dang zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ dkar po dang/ dmar po dang/ ser po dang/ nag po dang/ ljang gu'o/ /g.yas rnams na a 'bras dang/ nor bu rin po che dang/ pad+ma dang/ utpa la dang/ nA ga puShpa'o/ /g.yon rnams na sprul zhags bsnams pa'o/ /mi'i cha byad du bzhugs pa'o/ /dbu la sprul gyi gdengs ka dang bcas pa/ sprul gyi mdud pa'i khri la bzhugs pa'o/ /rig sngags kyi bka' las mi 'da' bar sems can gyi don byed pa'o/ /klu'i rgyal po chung zad dang/ klu'i rgyal po tshim pa dang/ klu'i rgyal po gau ta ma nag po dang/ klu'i rgyal po yid bzang dang/ klu'i rgyal po mi dang zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba/ de rnams kyi sku mdog dang phyag mtshan ni/ dmar nag dang/ dur kha dang/ mthing kha dang/ dkar ser dang/ dmar ser dang/ dmar po dang ngo/ /g.yas rnams na ral gri dang/ rdo rje dang/ 'khor lo dang/ rin po che dang/ pad+ma dang/ dgra sta'o/ /g.yon rnams na sprul gyi zhags pa bsnams pa'o/ /gnod sbyin gyi cha byad du bzhugs pa'o/ /dbu la sprul gyi gdengs ka dang bcas pa/ sprul gyi mdud pa'i steng na bzhugs pa/ rig sngags kyi bka'
- 203b
las mi 'da' bar sems can gyi don byed pa'o/ /'di sngon pa'i dug can/ rgyal rigs nam phyed na rgyu ba'o/ /sprul mgo dgu pa dang bcas pa/ sprul gyi kha dog kyang dud khar gnas pa/ sprul zhags kyang dud kha'o/ /klu'i rgyal po rnams kyis gang dag sa'i dkyil 'khor 'dir/ dus dus su 'brug sgra sgrog pa/ dus dus su lo tog smin pa/ dus dus su char 'bebs pa/ dus dus su lo tog sgrub pa/ sangs rgyas mthong ba/ bslab pa'i gzhi bzung ba/ gsum la skyabs su 'gro ba/ nam mkha' lding gi 'jigs pa dang/ me dang bye ma'i 'jigs pa dang/ rgyal po las kyi 'jigs pa las thar pa/ sa 'dzin pa/ rin po che'i gzhal yas khang chen por gnas pa/ tshe ring ba bskal bar gnas pa/ dbang che bar grags pa/ rdzu 'phrul che ba/ longs spyod che ba/ 'khor phal che ba/ dgra'i dpung rab tu 'joms ma/ rdzu 'phrul dang ldan pa/ 'od dang ldan pa/ kha dog rang ldan pa/ grags pa ldan pa/ lha dang lha ma yin gyi g.yul dag kyang myong bar byed pa dag go /klu'i rgyal po de rnams ni chung ma dang bcas pa/ bu dang bcas pa/ tsha bo dang bcas pa/ spun dang bcas pa/ blon po dang bcas pa/ ded dpon dang bcas pa/ pho nya dang bcas pa/ mngag pa dang bcas pa/ g.yog dang bcas pa/ 'khor dang bcas pa'o/ /klu'i rgyal po de rnams ni lho nub mtshams na bzhugs pa'o/ /klu'i rgyal po mi'i rtsa ba dang/ klu'i rgyal po mi'i bla ma dang/ klu'i rgyal po glang po che dang/ klu'i rgyal po mi ma yin dang/ klu'i rgyal po gzings dang zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ sngon po dang/ sngo bsangs dang/ ser po dang/ dmar po dang/ ljang gu'o/ /g.yas rnam na rtse gsum dang/ ba dan dang/ rlung
- 204a
'khril dang/ rin po che dang/ a 'bras snying po'o?/ /g.yon rnams na sprul gyi zhags pa bsnams pa'o/ /lha'i cha byad du bzhugs pa/ dbu la sprul gyi gdengs ka dang bcas pa/ sprul gyi mdud pa'i steng na bzhugs pa'o/ /rig sngags kyi bka' las mi 'da' bar sems can gyi don byed pa'o/ /klu'i rgyal po mchog dang/ klu'i rgyal po bal ka dang/ klu'i rgyal po a lu ka dang/ klu'i rgyal po hu lu ka dang/ klu'i rgyal po e la dang zhes bya ba ni sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ nag po dang/ dkar po dang/ ljang nag dang/ dkar ser dang/ sngon po'o/ /g.yas rnams na dgra sta dang/ ral gri dang/ rtse gcig pa dang/ 'phreng ba dang/ bum pa dang/ g.yon rnams na sbrul zhags bsnams pa'o/ /dri za'i cha byad du bzhugs pa/ dbu la sprul gyi gdengs ka can/ sprul gyi mdud pa'i steng na bzhugs pa rig sngags kyi bka' las mi 'da' bar sems can gyi don byed pa'o/ /klu'i rgyal po e la'i lo ma dang/ klu'i rgyal po 'gro sgra dang/ klu'i rgyal po 'chi sgra dang/ klu'i rgyal po gzi can dang/ klu'i rgyal po stobs can dang/ zhes bya ba ni sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ dmar po dang/ sngon po dang/ ljang gu dang/ dmar ser dang/ dkar po gnas pa'o// g.yas rnams na rgyal mtshan dang/ ba dan dang/ gdugs dang/ dung dang/ rin po che bsnams pa'o/ /g.yon rnams na sprul gyi zhags pa'o/ /mi'i cha byad du bzhugs pa/ dbu la sprul gyi gdengs ka dang ldan pa/ sprul gyi mdud
- 204b
pa'i steng na bzhugs pa'o/ /rig sngags kyi bka' las mi 'da' bar sems can gyi don byed pa'o/ /klu'i rgyal po ser skya dang/ klu'i rgyal po zhi ba 'dzin dang/ klu'i rgyal po me tog utpa la dang/ klu'i rgyal po ser po can dang/ klu'i rgyal po 'phel ba dang/ klu'i rgyal po thar pa dang zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ klu'i rgyal po de rnams ni khra bor gnas pa'o/ /g.yas rnams ni bum pa dang/ rgyal mtshan dang/ gdugs dang/ dung dang/ 'khor lo dang/ pad+ma dang ngo/ /g.yon rnams na sprul zhags bsnams pa'o/ /gnod sbyin gyi cha byad du bzhugs pa'o/ /dbu la sprul gyi gdengs ka dang bcas pa'o/ /sprul gyi mdud pa'i steng na bzhugs pa'o/ /rig sngags kyi bka' las mi 'da' bar sems can gyi don byed pa'o/ /rje'u rigs 'dzin pa'i dug dus nam phyed yol na rgyu ba'o/ /sprul de yang lnga lngar gnas pa/ sprul de yang khra bor gnas pa/ g.yon na gnas pa'i sprul de yang khra bo gnas pa'o/ /klu'i rgyal po de rnams kyis kyang gzhan yang gang dag sa'i dkyil 'khor 'dir/ dus dus su 'brug sgra sgrogs pa/ dus dus su lo tog smin pa/ dus dus su char 'bebs pa/ dus dus su lo tog sgrub pa/ sangs rgyas mthong ba/ bslab pa'i gzhi bzung ba/ gsum la skyabs su 'gro ba/ nam mkha' lding gi 'jigs pa dang/ me dang bye ma'i 'jigs pa dang/ rgyal po las kyi 'jigs pa las thar pa'o/ /sa 'dzin pa rin po che'i gzhal yas khang na gnas pa/ tshe ring ba bskal bar gnas pa/ dbang che bar grags pa/ rdzu 'phrul che ba/ longs spyod che ba/ 'khor phal che ba/ dgra'i dpung rab tu 'joms pa/ rdzu 'phrul dang ldan pa/ 'od dang ldan pa/ kha dog dang
- 205a
ldan pa/ grags pa dang ldan pa/ lha dang lha ma yin gyi g.yul dag kyang myong bar byed pa dag go /klu'i rgyal po de rnams ni chung ma dang bcas pa/ bu dang bcas pa/ tsha bo dang bcas pa/ spun dang bcas pa/ blon po dang bcas pa/ ded dpon dang bcas pa/ pho nya dang bcas pa/ mngag pa dang bcas pa/ g.yog dang bcas pa/ 'khor dang bcas pa/ klu'i rgyal po de rnams ni nub byang mtshams na gnas pa'o/ /klu'i rgyal po blo can dang/ klu'i rgyal po rab thar dang/ klu'i rgyal po ba lab dang/ klu'i rgyal po mgyogs rab dga' dang/ klu'i rgyal po e la dang zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ sngon po dang/ dmar po dang/ ser po dang/ ljang gu dang/ nag po'o/ /g.yas rnams na nA ga puShpa dang/ phreng pa dang/ pad+ma dang/ kunda dang/ utpa la sngon po'o/ /g.yon rnams na sbrul gyi zhags pa bsnams pa'o/ /lha'i cha byang du bzhugs pa/ dbu la sprul gyi gdengs ka dang bcas pa/ sprul gyi mdud pa'i steng na bzhugs pa/ rig sngags kyi bka' las mi 'da' bar sems can gyi don byed pa'o/ /klu'i rgyal po 'dus pa dang/ klu'i rgyal po dga' po dang/ klu'i rgyal po gsal ba can dang/ klu'i rgyal po lha mdzes chen po dang/ zhes bya ba ni sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ dkar po dang/ ser po dang/ dmar po dang/ nag po dang/ ljang gu'o/ /g.yas rnams na dung dang/ puN+Da ri ka dang/ rin po che dang/ a 'bras dang/ rin po che ba bar ba dang ngo/ /g.yon rnams na sprul zhags bsnams pa'o/ /dri za'i cha byad can du bzhugs pa/ dbu la sprul gyi gdengs ka
- 205b
dang bcas pa/ sprul gyi mdud pa'i steng na bzhugs pa'o/ /rig sngags kyi bka' las mi 'da' ba de sems can gyi don byed pa'o/ /klu'i rgyal po mchog can dang/ klu'i rgyal po mchog ldan 'gro ma dang/ klu'i rgyal po bzhin bzad dang/ klu'i rgyal po me long sdong dang/ klu'i rgyal po dri 'dzin dang zhes bya ba ni sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ nag mo dang/ sngon bo dang/ ljang nag dang/ dmar nag dang/ mthig bar? gnas pa'o/ /g.yas rnams na dgra sta dang/ rtse gcig dang/ 'khor lo dang/ rtse gsum dang mdung bsnams pa'o/ /g.yon rnams na sprul gyi zhags pa'o/ /mi'i cha byad du bzhugs pa/ dbu la sprul gyi gdengs ka dang bcas pa/ sprul gyi mdung pa'i steng na bzhugs pa'o/ /rig sngags kyi bka' las mi 'da' bar sems can gyi don byed pa'o/ /klu'i rgyal po seng ge 'dzin dang/ klu'i rgyal po 'gro lding dang/ klu'i rgyal po nag po gnyis dang/ klu'i rgyal po dkar po gnyis dang/ klu'i rgyal po nye dkar gnyis dang/ klu'i rgyal po nye nag gnyis dang/ zhes bya ba ni/ sangs rgyas kyi bstan pa bsrung ba/ dkon mchog gsum la skyabs su 'gro ba'o/ /de rnams kyi sku mdog dang phyag mtshan ni/ ser po dang/ dmar po dang/ nag po dang dkar po dang/ dkar ser dang/ mthing kha'o/ /g.yas rnams na rin po che dang/ pad+ma dkar po dang/ nA ga puShpa dang/ a 'bras kyi snying po dang/ me tog tsam pa ka dang/ utpa la sngon po dang/ g.yon rnams na sprul gyi zhags pa bsnams pa'o/ /gnod sbyin gyi cha byad du gnas pa'o/ /dbu la sprul gyis dengs ka dang bcas pa'o/ /sprul gyi mdung pa'i steng na bzhugs pa'o/ /rig sngags kyi bka' las mi 'da' bar sems can gyi don byed pa'o/ /gngal? pa'i rigs mche ba'i dug dus tho rangs rgyu pa'o/ /sprul
- 206a
gyi gdengs ka gsum dang ldan pa/ sprul nag por snang ba/ zhags pa yang nag po'o/ /klu'i rgyal po de dag dang/ gzhan yang gang dag sa'i dkyil 'khor 'dir/ dus dus su 'brug sgra sgrog pa/ dus dus su glog 'byin pa/ dus dus char 'bebs pa/ dus dus su lo tog sgrub pa/ sangs rgyas mthong ba/ bslab pa'i bzhi bzung ba/ gsum la skyabs su 'gro ba/ nam mkha' lding gi 'jigs pa dang/ me dang bye ma'i 'jigs pa dang/ rgyal po las kyi 'jigs pa las thar ba/ sa 'dzin pa rin po che'i gzhal yas khang chen po na gnas pa/ tshe ring bar bskal bar gnas pa/ dbang che bar grags pa/ rdzu 'phrul che ba/ longs spyod che ba/ 'khor phal che ba/ dgra'i dpung rab tu 'joms pa/ rdzu 'phrul dang ldan pa/ 'od dang ldan pa/ kha dog dang ldan pa/ grags pa dang ldan pa/ lha dang lha ma yin gyi g.yul dag kyang myong bar byed pa dag go /klu'i rgyal po de rnams kyang bu dang bcas pa/ chung ma dang bcas pa/ tsha bo dang bcas pa/ spun dang bcas pa/ blon po dang bcas pa/ ded dpon dang bcas pa/ pho nya dang bcas pa/ mdag? pa dang bcas pa/ g.yog dang bcas pa/ 'khor dang bcas pa'o/ /klu'i rgyal po de rnams ni phyogs re re na yang rigs bzhi bzhi dang ldan pa/ de bzhin du dug dang/ dus rnams kyang yin no/ /gzhan yang gang dag sa'i dkyil 'khor 'dir dus dus su 'brug sgra sgrog pa zhes bya ba ni stong gsum gyi stong chen? po'i 'jig rten gyi khams sam/ 'dzam bu gling 'dir yang dus dus su 'brug sgra sgrog pa'o/ /dus dus su glog 'byin pa zhes bya ba ni klu'i rgyal po de rnams kyis kyang nam mkha' ? la glog yang dag par 'byin pa'o/ /dus dus su char 'bebs pa zhes bya ba ni/ dbyar dgun yang char 'beb par byed pa'o/ /dus dus su me tog sgrub pa zhes bya ba ni ma smin pa smin par byed pa ste/ sems can gyi don la lo legs par
- 206b
byed pa'o/ /sangs rgyas mthong ba dang/ zhes bya ba ni/ yang dag par rdzogs pa'i sangs rgyas rnams par gzigs la sogs pa/ 'das pa'i sangs rgyas rnams dang yang zhal mjal te/ ma 'ongs pa byam pa la sogs pa rnams kyang mthong bar 'gyur ro/ /da ltar shAkya thub ba dang zhal mjal nas skyabs su 'gro ba'o/ /bslab pa'i gzhi bzung ba zhes bya ba ni/ tshes brgyad dam bcu bzhi'am/ nya la sogs pa'i sdom pa rtag tu yang dag par bzung ba'o/ /gsum la skyabs su song ba zhes bya ba ni/ sangs rgyas dkon mchog dang/ chos dkon mchog dang/ dge 'dun dkon mchog dang/ gsum la skyabs su song ba'o/ /nam mkha' lding gi 'jigs pa dang/ zhes bya ba ni/ gzhan klu rnams la nam mkha' lding gi 'jigs pa yod de/ klu'i rgyal po de rnams la mi tshugs so/ /me dang bye ma'i 'jigs pa dang/ zhes bya ba ni/ klu gzhan gyi yul na me dang bye ma'i 'jigs pa yod de/ de rnams la des mi tshugs pa'o/ /rgyal po las kyi 'jigs pa las thar ba/ zhes bya ba ni/ rgyal po rnams kyis sa brko ba'am/ sha rul pas 'jigs pa 'am/ khrag la sogs pa 'am/ sman mi rnyed pa 'am/ de rnams kyi 'jigs pa las thar ba'o/ /sa 'dzin pa'am/ zhes bya ba ni/ klu de rnams gar bsdad pa'i sar lo legs pa'am/ char che ba 'am/ chu bzang ba'am/ mu ges tshugs par mi 'gyur te/ sems can rnams la dpal 'phel ba'am/ klu'i 'jigs pas tshugs par mi 'gyur ro/ /rin po che'i gzhal med khang chen po na gnas pa zhes bya ba ni/ shar phyogs na gnas pa'i gzhan yas khang ni gzhi dngul las byas nas rin po che sna bdun la sogs par byas pa'o/ /lho phyogs kyi gzhal yas khang ni gzhi gser las byas te/ rin po che sna tshogs kyis brgyan pa'o/ /nub phyogs kyi gzhal yas khang ni gzhi pad+ma ma rA ga las byas pa ste/ rin po che sna
- 207a
bdun la sogs pas brgyan pa'o/ /byang phyogs kyi gzhal yas khang ni/ gzhi ma ra ka tas byas pa las rin po che sna tshogs kyis brgyan pa'o/ /mtshams bzhi yang phyogs bzhi dang mthun pa'o/ /blta na sdug pa'i gzhal yas khang gi nang na bzhugs pa'o/ /tshe ring ba bskal par gnas pa zhes bya ba ni/ bar gyi bskal pa gcig du gnas pa'o/ /dbang che bar grags pa zhes bya ba ni/ gzhan klu rnams kyang dbang che ba ste/ 'jig rten khams na grags pa'o/ /rdzu 'phrul che ba zhes bya ba ni/ sa 'og sa steng sa bla rnams na gzugs sna tshogs sprul zhing/ gang nas gang du rgyu ba'o/ /longs spyod che ba zhes bya ba ni/ lha'i longs spyod yod pa ji bzhin du de rnams kyang longs spyod pa'o/ /'khor phal che ba zhes bya ba ni sa srin nam sa bdag gam/ klu gtsan nam/ btsan nam/ klu la sogs pa'i 'khor bsam gyis mi khyab pa gnas pa'o/ /dgra'i dpung rab tu 'joms pa zhes bya ba ni/ de rnams ni gzhan gyi mi thub ste/ gang du 'gro ba na yang rgyal ba rnam par rgyal ba'o/ /rdzu 'phrul dang ldan pa/ zhes bya ba ni/ skad cig mas stong gsum khyab pa'o/ /'od dang ldan pa/ zhes bya ba ni/ de'i 'od kyi rang gi yul khyab ba rang rang gi 'od kyis rang gsal bar byed pa'o/ /yang na rin po che sna bdun gyi 'od kyi khyab pa'o/ /kha dog dang ldan pa zhes bya ba ni/ rang rang gi kha dog lta na sdug pa mdzes pa'o/ /grags pa dang ldan pa zhes bya ba ni klu byang chub sems dpa' sems can gyi don byed par grags pa'o/ /lha dang lha ma yin gyi g.yul dag kyang myong bar byed ba dag ste zhes bya ba ni/ klu'i rgyal po de rnams kyis kyang blta bar nus shing/ lha dang lha ma yin gyi g.yul bgyi? ba'i rdzu 'phrul dang ldan pa'o/ /klu'i rgyal po chung ma dang bcas pa zhes bya ba ni/ klu'i rgyal po de rnams re re la chung ma brgya brgya dang ldan pa/ 'dod pa'i yon tan lnga la longs spyod pa'o/ /klu
- 207b
mo rnams kyang skye legs pa blta na sdug pa/ rigs ji bzhin du klu mo rnams kyang de bzhin no/ /bu dang bcas pa/ tsha bo dang bcas pa zhes bya ba ni/ de rnams la bu dang tsha bo yang brgya brgya yod de/ longs spyod la sogs pa yang de bzhin no/ /spun dang bcas pa zhes bya ba ni/ de bzhin du spun brgya brgya yod de/ rgyal po rnams kyi bcung po'o/ /longs spyod la sogs pa yang gong bzhin no/ blon po dang bcas pa zhes bya ba ni/ blon po yang de bzhin no/ /ded dpon dang bcas pa zhes bya ba ni/ 'khrug pa'i dus yang ded dpon de rnams kyis lag tu len pa'o/ /pho nya dang bcas pa zhes bya ba ni/ /klu'i rgyal po re re la pho nya re re yod de/ pho nya'i dus su pho nya gtong ba'o/ /mdag pa dang bcas pa zhes bya ba ni/ klu'i rgyal po de rnams kyi 'phrin no/ /g.yog dang bcas pa zhes bya ba ni/ de rnams ni nang na yod pa ste/ g.yog brgya brgya dang ldan pa'o/ /'khor dang bcas pa zhes bya ba ni/ nang 'khor gyi 'khor gnyis yin te/ de yang bsam gyis mi khyab pa gnas pa'o/ /'khor dang g.yog dang mngag pa dang/ de rnams ni mi'i cha byad la smad sprul du 'dug pa'o/ /sems can la gnod pa skyel ba nad sna tshogs gtong ba'o/ /de dag gis kyang rig sngags kyi rgyal mo rma bya chen mo 'dis bdag la srung ba gyis shig ces bya ba ni/ thabs shes rab gnyis su med pa'i rang bzhin sgro 'dog med pa gnyug ma'i rang bzhin ngo bo nyid dang bral ba/ de lta bu'i rig sngags la gang zag gang dang gang gis gus par byed par gyur na/ klu'i rgyal po de rnams kyis kyang bsrung ba dang skyob par 'gyur ro/ /sda? ba dang zhes bya ba ni 'jigs pa las sba ba'o/ /yongs su skyob pa dang zhes bya ba ni/ klu'i 'jigs pa las skyob ba'o/ /yongs su bzung ba dang zhes bya ba ni/ 'jigs pa las yongs su bzung ba'o/ /yongs su bskyang ba dang zhes bya ba ni/ 'jigs pa las thar nas bsrung? ba'o/ /zhi ba dang zhes
- 208a
bya ba ni/ klu nad thams cad zhi ba'o/ /bde legs su gyur ba dang zhes bya ba ni/ klu'i nad kyi sdug bsngal las thar nas bde'o/ /chad pa spang ba dang zhes bya ba ni/ klu rnams kyi chad pas mi tshugs pa'o/ /mtshon cha spangs pa dang zhes bya ba ni/ klu'i rgyal po de rnams kyis kyang mtshon cha'i 'jigs pa spang bar byed ba'o/ /dug gzhil pa dang zhes bya ba ni/ dug bzhi spong ba'o/ /dug bsad pa dang zhes bya ba ni/ klu'i dug bzhi rtsa ba nas med pa'o/ /mtshams bcad pa zhes bya ba ni/ de'i nus pas mtshams las 'gal mi nus pa'o/ /sa bcing ba dang zhes bya ba ni/ sa de nas gnod mi nus pa'o/ /lo brgya 'tsho bar gyur cig ces bya ba ni/ rgas pa med cing nad thams cad dang bral ba'o/ /stan brgya mthong bar shog cig ces bya ba ni bu dang tshe bo thams cad mthong ba/ tshe ring bar gnas pa'o/ /gtsang sgra ma byas pa dang/ gtsang byas pa dang zhes bya ba ni gtsang sgra ma byas pa ni chos nyid yin te/ de yang rig pa'i rang bzhin no/ /gtsang sgra byas pa ni kri ya'i tshul gyis gnas pa ste/ de ni gtsang sgra la brten pa'i rig pa'o/ /myos pa dang/ rab tu myos pa dang/ zhes bya ba ni/ dran pa stor ba ste/ rab tu myos pa ni de bas kyang dran pa stor ba'o/ /'gro ba dang 'greng ba zhes bya ba ni thag ring ba dang thung ba dang/ bsdad ba'o/ 'greng ba ni dran pa mi rnyed cing 'gro mi shes pa'o/ /'dug pa dang nyal ba dang zhes bya ba ni/ ldang bar mi nus par nad kyis thebs pa'o/ /nyal ba ni de bzhin du nad kyis thebs pa'o/ /mi nyal ba dang 'ongs pa dang zhes bya ba ni/ 'dug snying mi 'dod cing/ mi rig pa'i sems dang ldan pa'o/ /ma 'ongs pa dge bar gyur cig ces bya ba ni/ de la sogs pa rig sngags kyi gzi brjid kyis bde bar gnas pa'o/ /rgyal po'i 'jigs pa dang zhes bya ba ni/ srog dang nor shor ba las thar ba'o/ /tshom rkun gyi 'jigs pa dang/ zhes
- 208b
bya ba ni lam du zhugs pa dang/ khyim du nor stor ba'i 'jigs pa'o/ /me'i 'jigs pa dang zhes bya ba ni/ rang gi khyim dang gzhan du 'gro ba'i sar ri la sogs pa tshig pa'o/ /chu'i 'jigs pa dang zhes bya ba ni/ gru dang gzings dang rab kyi dkyil lo/ /mi 'dza'? ba'i 'jigs pa dang zhes bya ba ni/ dgra po dang phrad pa'o/ /gsod pa'i 'jigs pa dang zhes bya ba ni/ /srog dang bral bar byed pa'o/ /phyir rgol ba dang zhes bya ba ni spro thung ba gshis ngan pa dang 'grad pa'o/ /dgra'i 'jigs pa dang zhes bya ba ni/ de ni gnod bar byed pa 'ba' zhig go /'joms pa'i 'jigs pa dang/ zhes bya ba ni rgyal po dang gzhan dbang che ba rnams kyis 'joms pa'o/ /pha rol gyi dgra'i tshogs kyis 'jigs pa dang zhes bya ba ni/ gzhan yang dpung gis bcom pa'i 'jigs pa'o/ /mu ge'i 'jigs pa dang/ zhes bya ba ni char dkon pa dang char ches pa dang/ sems can rnams kyi lo 'joms pa'o/ /dus ma yin par 'chi ba'i 'jigs pa dang zhes bya ba ni/ chu dang/ me dang/ mtshon dang/ 'byung po dang/ rims dang/ thog dang/ lhung pa dang/ sdig pa dang/ sa g.yo ba'i 'jigs pa dang/ zhes bya ba ni/ rkyen gyis g.yo ba dang/ rnam bar smin pas g.yo ba'o/ /gcan gzan khro bo'i 'jigs pa las bdag bde legs su gyur cig ces bya ba ni/ stag dang dom la sogs pa'i 'jigs pa ste/ rig sngags kyi rgyal mo'i gzi brjid kyis/ klu'i rgyal po de rnams kyis bsrung ba dang/ skyob pa byed pa'o/ /lha'i 'jigs pa dang zhes bya ba ni gdon rigs mi gcig pa stong phrag brgyad cu lha'i gdon la sogs pa gdon rigs stong phrag brgyad cu brgyad cu nyi shu rtsa gnyis so/ /de la sogs pa ngan song bsam gyis mi khyab po/ /gnon po'i 'jigs pa las bdag bde legs su gyur cig ces bya ba ni/ rig sngags kyi gzi brjid kyis klu'i rgyal po de rnams kyis kyang gdon de rnams
- 209a
kyi 'jigs pa las bsrung ba dang skyob par 'gyur ro/ /bshed byed dang sgyur ba'i las la sogs pa zhes bya ba ni/ las bcu bzhi las thar pa ste/ de'i las ni rnam par smin pa dang rkyen gyis byung ba'o/ /smad pa'i 'jigs pa las bde legs su gyur cig ces bya ba ni/ rig sngags kyi gzi brjid kyis/ klu'i rgyal po de rnams kyis kyang gdon de rnams kyi 'jigs pa las bsrung ba dang/ skyob par 'gyur ro/ /zhes bya ba la sogs pa ni/ mdo rigs mi mthun pa bco brgyad do/ /lhog pa'i 'jigs pa las bde legs su gyur cig ces bya ba ni klu nad de rnams ni rig sngags kyi rgyal mo'i gzi brjid kyis klu'i rgyal po de rnams kyis kyang nad de rnams la bsrung ba dang skyob par byed pa'o/ /mtshan mo bde legs nyin bde logs/ nyi ma'i gung gi bde legs dang zhes bya ba ni/ rig sngags kyi gzi brjid kyis dus de gnyis kyang bde bar gnas pa nad thams cad dang bral ba'o/ /nyin mtshan kun gyi bde legs dang/ sangs rgyas kun gyis bdag la stsol zhes bya ba ni dus tho rangs ka dang phyi dro dang/ rig sngags kyi gzi brjid kyis dus rtag tu bde ba'o/ /sangs rgyas phyag 'tshal byang chub phyag 'tshal lo/ zhes bya ba ni rten gyi gang zag gis de lta bu'i sangs rgyas dang byang chub la phyag 'tshal ba'o/ /grol 'gyur phyag 'tshal grol la phyag 'tshal lo zhes bya ba ni bzhi nas grol ba ste/ gzhi ni 'khor ba'i sdug bsngal lo/ /'khor ba'i sdug bsngal las grol ba la phyag tshal/ /zhi 'gyur phyag 'tshal zhi la phyag 'tshal lo zhes bya ba ni gzhi ni thun mong ste/ gzhi med pa ni thun mongs ma yin pa'o/ /de gnyis la phyag 'tshal lo/ /rnam grol phyag 'tshal grol la phyag 'tshal lo zhes bya ba ni/ rnam grol ni gzugs lta bu ste/ grol ba ni sdug bsngal te/ sdug
- 209b
bsngal grol ba rnams la phyag 'tshal lo/ /bram ze gang dag sdig pa'i chos rnams rtsal bar gyur pa de dag la yang phyag 'tshal lo/ /zhes bya ba ni/ sdig pas mi gos pa gtsang ba'i rigs rnams la phyag 'tshal ba'o/ /de dag gis kyang bdag la skyang ba dang srung bgyis shig swAhA/ zhes bya ba ni gang zag rig sngags kyi rgyal mo la gus par byas nas rjes su yi rang zhing kha ton byed par gyur na bsrung ba dang skyob pa dang sdug bsngal thams cad las skyob par 'gyur ro/ /rig sngags kyi rgyal mo rma bya chen mo'i klu'i rgyal po brgya bdun cu'i gnas skabs te bcu gsum pa'o/ /kun dga' bo zhes bya ba ni yang dag par rdzogs pa'i sangs rgyas shAkya thub pas gsungs pa'o/ /rig sngags kyi rgyal mo rma bya chen mo 'di ni zhes bya ba ni rig sngags kyi rgyal mo zhal bzhi phyag brgya dam sku mdog ser mo/ /zhal g.yas dkar ba/ g.yon dmar ba/ rgyab mthing kha'o/ /spyan gsum dang ldan pa/ sangs rgyas lnga'i dbu rgyan can/ ye shes lnga dang ldan pa/ phyag g.yas rnams ni ral gri dang 'khor lo dang zhags pa dang ngo/ /g.yon rnams na rma bya'i sgro dang/ dgra sta dang/ rtsa rtse gsum mo/ /tha ma gnyis na mda' gzhu 'gengs pa'o/ /rgyan thams cad kyi brgyan pa/ dbu la rdo rjes mtshan pa/ thab shes rab gnyis su med pa/ zhabs byed skyil du bzhugs pa/ pad+ma sna tshogs kyi gdan dang/ zla ba'i gdan la nyi ma'i 'od dang bcas pa'o/ /yang dag par rdzogs pa'i sangs rgyas rnam par gzigs kyis gsungs pa'o/ /zhes bya ba ni/ nam mkha' i rang bzhin dang 'dra ba/ sku gsung thugs rnam par dag pa/ de lta bu'i rig sngags yang dag par rdzogs pa'i sangs rgyas rnam par gzigs kyis gsungs pa'o/ /yang dag par rdzogs pa'i sangs rgyas rnam par gzigs ni/ sku mdog gser dang 'dra ba/ zhal gcig phyag
- 210a
gnyis pa/ g.yas g.yon gnyis chos kyi 'khor lo'i phyag rgya mdzad pa/ rdo rje'i skyil krung du bzhugs pa/ zla ba'i gdan dang nyi ma'i 'od dang ldan pa'o/ /tadya thA zhes bya ba ni 'di lta ste/ sangs rgyas rnam par gzigs kyis gsungs pa'o/ /rig sngags kyi gsang sngags blta ba'o/ /rig sngags kyi gsang sngags ni a ra Te ka Te te pa la sogs pa'o/ /kun dga' bo zhes bya ba ni/ bcom ldan 'das kyis bka' stsal pa'o/ rig sngags kyi rgyal mo rma bya chen mo 'di ni zhes bya ba ni/ rig sngags kyi rgyal mo rma bya chen mo bzhi phyag brgyad pa/ sku mdog ser mo/ /g.yas mthing kha/ g.yon dmar ba rgyab dkar ba'o/ /spyan gsum pa/ rigs lnga'i dbu rgyan/ ye shes lnga dang ldan pa/ rgyan thams cad kyis brgyan pa/ g.yas pa gsum na ral gri dang/ rdo rje dang/ 'khor lo'o/ /g.yon pa gsum na rma bya'i sgro dang/ zhags pa dang/ dgra sta bsnams pa'o/ /tha ma gnyis na mda' gzhu 'gengs pa'o/ /zhabs phyed skyil du bzhugs pa/ sna tshogs pad+ma dang/ zla ba'i gdan la nyi ma'i 'od dang bcas pa'o/ /thabs dang shes rab gnyis su med pa/ dbu la 'khor los mtshan pa'o/ /yang dag par rdzogs pa'i sangs rgyas gtsug tor can gyis gsungs pa'o/ /zhes bya ba ni/ stong pa nyid kyi rang bzhin nam mkha' lta bu/ shes rab kyi pha rol tu phyin pa'i ngo bo nyid/ rig sngags kyi rgyal mo de lta bu gsungs so/ /sangs rgyas gtsug tor can ni zhal gcig phyag gnyis pa/ sku mdog 'dzam+bu'i gling gi gser 'dra ba/ phyag mnyam gzhag tu mdzad pa/ zla ba'i gdan la nyi ma'i 'od dang ldan pa'o// tadya thA zhes bya ba ni 'di lta ste/ sangs rgyas gtsug tor can gyis gsungs pa'o/ /rig sngags kyi gsang sngags lta ba'o/ /rig sngags kyi gsang sngags ni/ iTTe miTTe la sogs pa'o/ /kun dga' bo zhes bya ba ni/ byang chub chen pos bka' stsal pa'o//
- 210b
rig sngags kyi rgyal mo rma bya chen mo 'di ni zhes bya ba ni/ zhal gzhi phyag brgyad pa/ sku mdog gur kum gyi mdog go /g.yas dkar ba/ g.yon ljang gu rgyab dmar pa/ sangs rgyas lnga'i dbu rgyan can/ spyan gsum pa/ rgyan thams cad kyis brgyan pa/ ye shes lnga dang ldan pa/ g.yas rnams na ral gri dang/ rdo rje dang/ rin po che'o/ /g.yon gsum na rma bya'i sgro dang/ rtse gsum dang/ zhags pa'o/ /tha ma gnyis na mda' gzhu 'gengs pa'o/ /zhabs phyed skyil du bzhugs pa'o/ /zla ba'i gdan dang/ nyi ma'i 'od dang ldan pa'o/ /thabs shes rab gnyis su med pa'o/ /dbu la rin po ches brgyan pa'o/ /yang dag par rdzogs pa'i sangs rgyas thams cad skyob kyis gsungs pa'o/ /zhes bya ba ni/ thabs shes rab gnyis su med pa mi dmigs pa'i ye shes kyi rang bzhin de de lta bu'i rigs kyi rang bzhin ni sangs rgyas thams cad skyob pas gsungs pa'o/ /sangs rgyas thams cad skyob pa ni zhal gcig phyag gnyis pa sku mdog ljang gu g.yas mchog sbyin/ g.yon mnyam gzhag go/ zhabs rdo rje skyil krung du bzhugs pa/ zla ba'i gdan la nyi ma'i 'od dang ldan pa'o/ /tadya thA zhes bya ba ni/ 'di lta ste/ sangs rgyas thams cad skyob pas gsungs pa'i rig sngags 'di gsang sngags blta ba'o/ /rig sngags kyi gsang sngags ni mo ri mo ri la sogs pa'o/ /kun dga' bo zhes bya ba ni/ thugs rje chen po gau ta mas gsungs pa'o/ /rig sngags kyi rgyal mo rma bya chen mo 'di ni zhes bya ba ni rig sngags ni zhal bzhi phyag brgyad pa/ sku mdog ser po zhal g.yas dkar g.yon dmar rgyab ljang gu'o/ /spyan gsum pa/ rigs lnga'i dbu rgyan can/ g.yas gsum na ral gri pad+ma/ rdo rje'o/ /g.yon gsum na rma bya'i sgro/ lcags kyu/ dgra sta'o/ /tha ma gnyis mda' gzhu 'gengs pa'o/ /ye shes lnga dang ldan pa/ rgyan thams cad kyis brgyan pa/
- 211a
zhabs phyed skyil du bzhugs pa sna tshogs pad+ma'i gdan dang/ zla ba'i gdan dang/ nyi ma'i 'od dang ldan pa/ thabs shes rab gnyis su med pa/ dbu la pad+mas brgyan pa'o/ /yang dag par rdzogs pa'i sangs rgyas 'khor ba 'jig gis gsungs pa'o/ /zhes bya ba ni/ yang dag pa'i ye shes kyi rang bzhin thabs shes rab gnyis su med pa'i ngo bo nyid dang bral ba/ de lta bu'i rig sngags sangs rgyas 'khor ba 'jigs gis gsungs pa'o/ /sangs rgyas 'khor ba 'jigs ni zhal gcig phyag gnyis pa sku mdog dmar ser/ phyag gnyis ting nge 'dzin gyi phyag rgya mdzad pa/ zla ba'i gdan la nyi ma'i 'od dang ldan pa'o/ /tadya thA zhes bya ba ni 'di lta ste/ sangs rgyas 'khor ba 'jigs gis gsungs pa/ /rig sngags kyi gsang sngags ni/ hi Ti mi Ti la sogs pa'o/ /kun dga' bo zhes bya ba ni bcom ldan 'das kyi bka' stsal pa'o/ /rig sngags kyi rgyal mo rma bya chen mo 'di ni zhes bya ba ni zhal bzhi phyag brgyad sku mdog dkar ser/ g.yas mthing kha/ g.yon dmar ba/ rgyab ljang gu'o/ /spyan gsum pa/ rigs lnga'i dbu rgyan can/ ye shes lnga dang ldan pa/ rgyan thams cad kyis brgyan pa/ g.yas gsum na ral gri dang/ sna tshogs rdo rje dang/ 'khor lo'o/ /g.yon gsum na rma bya'i sgro dang/ dgra sta dang/ rtse gsum bsnams pa'o/ /tha ma gnyis mda' gzhu 'gengs pa'o/ /zhabs phyed krung du bzhugs pa'o/ /pad+ma sna tshogs kyi steng du zla ba'i gdan la nyi ma'i 'od dang ldan pa'o/ /thabs shes rab gnyis su med pa'o/ /dbu la sna tshogs rdo rjes mtshan pa'o/ /yang dag par rdzogs pa'i sangs rgyas gseng thub gyis gsungs pa'o/ /zhes bya ba ni/ kun rdzob dang don dam pa gnyis kyi rang bzhin/ ye shes rnam par dag pa/ nam mkha' i ngo bo de lta bu'i rig sngags sangs rgyas gser thub kyis gsungs pa'o/ /sangs rgyas
- 211b
gser thub ni zhal gcig phyag gnyis pa/ sku mdog gser gyi mdog can/ g.yas pa skyu ba sbyin g.yon pa ting nge 'dzin gyi phyag rgya zla ba'i gdan la nyi ma'i 'od dang ldan pa'o/ /tadya thA zhes bya ba ni 'di lta ste/ sangs rgyas gser thub kyis gsungs pa'i rig sngags kyi gsang sngags lta ba'o/ /rig sngags kyi gsang sngags ni 'di lta ste/ ta ta le ta ta le la sogs pa'o/ /kun dga' bo zhes bya ba ni byang chub chen pos bka' stsal pa'o/ /rig sngags kyi rgyal mo rma bya chen mo 'di ni zhes bya ba ni zhal bzhi phyag brgyad pa sku mdog ser po/ g.yas dkar g.yon dmar/ rgyab mthing kha/ rigs lnga'i dbu rgyan spyan gsum pa/ ye shes lnga dang ldan pa/ rgyan thams cad kyis brgyan pa/ g.yas pa gsum na ral gri dang/ rdo rje dang 'khor lo'o/ /g.yon gsum na rma bya'i sgro dang/ dgra sta dang/ zhabs pa bsnams pa/ tha ma gnyis mda' gzhu 'gengs pa'o/ /zhabs phyed skyil du gzhugs pa/ pad+ma sna tshogs kyi steng na zla ba'i gdan la nyi ma'i 'od dang ldan pa/ thabs shes rab gnyis su med pa'i dbu la mchog sbyin gyis brgyan pa'o/ /yang dag par rdzogs pa'i sangs rgyas 'od srungs kyis gsungs pa'o zhes bya ba ni rig pa'i rang bzhin nam mkha' lta bu 'jig rten gyi khams khyab pa shes rab kyi pha rol tu phyin pa'i ngo bo nyid do/ /de lta bu'i rig sngags sangs rgyas 'od srungs kyis gsungs pa'o/ /sangs rgyas 'od srungs ni/ zhal gcig phyag gnyis pa/ sku mdog ser po/ phyag gnyis chos kyi dbyings kyi phyag rgya'o/ /zla ba'i gdan la nyi ma'i 'od dang ldan pa'o/ /tadya thA/ zhes bya ba ni 'di lta ste/ sangs rgyas 'od srungs kyi gsungs pa/ rig sngags kyi gsang sngags blta ba'o/ /rig sngags kyi gsang sngags ni anDa re paN+Da re la sogs pa'o/ /kun dga' bo zhes bya ba ni sangs rgyas shAkya thub pas bka' stsal pa'o/ /rig sngags kyi rgyal mo rma bya chen mo 'di ni zhes bya ba ni
- 212a
mtshon byed dang ldan pa/ mtshon pa ni ye shes so/ /chos kyi dbyings kyi ye shes so/ /mtshon byed ni rig sngags kyi rgyal mo bdag nyid de/ de ni thabs kyi rang bzhi no/ /de ni gnyis su med par bstan pa ni/ kun rdzob dang/ don dam pa gnyis su med par rnam par dag pa'o/ /zhal bzhi'i bstan pa ni tshad med pa bzhi rnam par dag pa'o/ /zhal re re la spyan gsum gsum dang ldan pa ni/ ye shes gsum gyi rang bzhin no/ /sangs rgyas lnga'i dbu rgyan ni rig lnga rnam par dag pa'o/ /ye shes lnga dang ldan pa ni/ stong pa nyid kyi rang bzhin bstan pa'o/ /zhal ser po dang/ dkar po dang/ dmar po dang/ mthing khar bstan pa ni/ las bzhi rnam par dag pa'o/ /sku mdog gser du snang ba ni dug bzhi bcom pa'o/ /phyag brgyad du snang ba ni/ rnam par thar pa brgyad rnam par dag pa'o/ /phyag g.yas na ral gri ni/ shes rab kyi pha rol phyin pa'i ngo bo nyid rnam par dag pa'o/ /de'i 'og rdo rje bsnams pa ni/ ye shes lnga'i rang bzhin rnam par dag pa'o/ /de'i 'og 'khor lo bsnams pa ni/ ma rig pa'i rang bzhin 'khor ba rnam par 'joms pa'o/ /g.yon dang po rma bya'i sgro bsnams pa ni dug bzhi rnam par 'joms pa'o/ /de 'og zhags pa bsnams pa ni/ ma rig pa'i bdud bzhi bcings pa'o/ /de 'og rtse gsum bsnams pa ni/ srid pa gsum rnam par 'joms pa'o/ /tha ma gnyis na mda' gzhu 'gengs pa ni/ thabs shes rab gnyis su med par rnam par dag pa'o/ /rgyan thams cad kyis brgyan pa ni/ theg pa sna tshogs bstan pa'o/ /sku la nam bza' gsol ba ni/ 'dod pa'i yon tan lnga spong ba'o/ /zhabs phyed skyil du bzhugs pa ni/ sems can ni dbul ba'i ngo bor bstan pa'o/ /sna tshogs pad+ma kha dog drug dang ldan pa ni/ pha rol tu phyin pa drug dang
- 212b
ldan pa'o/ /zla ba'i gdan la nyi ma'i 'od dang ldan pa ni/ kun rdzob dang don dam par dag pa'o/ /thabs shes rab gnyis su med pa ni/ ye shes kyi rang bzhin chos kyi sku'i ngo bo rnam par dag pa'o/ /dbu la rdo rjes mtshan pa ni/ nam mkha' i rang bzhin stong pa nyid du dag pa'o/ /yang dag par rdzogs pa'i sangs rgyas shAkya thub pa nga zhes bya ba ni/ chos sku longs sku sprul pa'i sku la de gsum tha mi dad pa'i rang bzhin stong gsum gyi stong chen po'i 'jig rten gyi khams khyab ba/ nam mkha' bzhin du rnam par dag pa sprul pa'i sku'i rang bzhin sems can gyi don byed pa sangs rgyas shAkya thub pa ni zhal gcig phyag gnyis pa/ sku mdog 'dzam+bu gling gi gser dang 'dra ba/ g.yas sa gnon gyi phyag rgya mdzad pa/ g.yon mnyam gzhag go/ mtshan sum cu rtsa gnyis dang ldan pa/ dpe byad bzang po brgyad cus brgyan pa/ dbu reg gtsug gtsug tor dang ldan pa/ sham thabs dang chos gos sku la gsol ba/ zhabs rdo rje skyil krung du bzhugs pa/ smin ma mdzod spus brgyan pa/ pad+ma'i gdan dang zla ba'i gdan dang/ rdo rje seng ge'i khri la bzhugs pa/ nyi ma'i 'od dang ldan pa'o/ /sangs rgyas rnam par gzigs la sogs pa ni sangs rgyas shAkya thub pa ji bzhin no/ /sems can la phan pa'i phyir da ltar bshad pa'o/ /zhes bya ba ni/ de lta bu dang ldan pa'i sangs rgyas shAkya thub pas/ dge slong sa ri dang/ mdza' yas kyi sems can gyi don la dug bzhi rnam par sel ba'i phyi rig sngags kyi rgyal mo rma bya chen mo sems can rnams la thugs rje che pa? dug dang/ bdud dang/ 'byung po rnams kyi gnyen po/ nad thams cad sel ba/ 'byung po thams cad 'joms pa/ sku gsungs thugs kyi rang bzhin rdo rje lta bu'i ting nge 'dzin gyi ngo bo nyid rig sngags kyi rgyal mo de/ sangs rgyas shAkya
- 213a
seng ges rig sngags gsungs pa'o/ /tadya thA zhes bya ba ni 'di lta ste/ rdo rje lta bu'i ting nge 'dzin rig sngags kyi gsang sngags blta ba'o/ /rig sngags kyi gsang sngags ni/ hi li hi li hi li hi li i li la sogs pa'o/ /ji ltar de bzhin gshegs pas bstan cing rjes su yi rang nas zhes bya ba ni gzhan gyi mi thub ba rnam par rgyal ba sems can thams cad la bkra shis pa rdo rje lta bu'i ting nge 'dzin gyi ngo bo nyid do/ /de lta bu'i rig sngags ni yang dag par rdzogs pa'i sangs rgyas shAkya thub pas da ltar gsungs pa'o/ /dge slong kun dga' bos dge slong sa ri la bde legs su 'gyur bar byas pa de bzhin du bdag la srung bar gyis shig ces bya ba ni/ kha rlangs mche ba'i dug gis zin pa ste/ klu gdol pa'i rigs kyi rang bzhin de'i dug sel ba dang/ sems can rnams la phan par byed pa dang/ de bzhin du bdag gis kyang de ltar gyis shig ces gsungs so/ /de lta bu'i rig sngags sems can rnams la phan par byed pa dug gi nad thams cad bcom pa'o/ /sba ba dang zhes bya ba ni/ dug gi 'jigs pa las sba ba'o/ /yongs su bskyab pa dang/ zhes bya ba ni dug gsum gyi 'jigs pa las bskyob pa'o/ /yongs su bzung ba dang zhes bya ba ni mi dge ba bcu bor nas/ dge ba la gzung ba ste/ nang gi gsum dang/ phyi'i dug gsum spang ba'o/ /yongs su bskyang ba dang zhes bya ba ni/ 'jigs pa thams cad bcom nas/ dge ba la bskyang ba'o/ /zhi ba dang zhes bya ba ni dug la sogs pa'i nad thams cad zhi ba'o/ /bde legs su 'gyur zhes bya ba ni/ lus ngag yid bde bar byed pa'o/ /chad pa spang ba dang zhes bya ba ni/ klu gdol pa'i rigs kyi chad pa yang spang ba'o/ /mtshon cha spang ba dang/ zhes bya ba ni/ mtshon gyi rigs su gtogs pa rnams yang dag par spong?
- 213b
ba'o/ /dug gzhil ba dang zhes bya ba ni dug gi rigs kyang dpag tshad brgyad bcu'i bar nas zhi ba'o/ /dug bsad pa dang zhes bya ba ni/ bsdad pa 'gro ba dang phyed pa'i dug gsum yang dag par 'doms pa'o/ /mtshams bcad pa dang zhes bya ba ni/ rig sngags kyi bka' las mi 'da' ba' o/ /sa bcing ba gyis shig ces bya ba ni/ rdo rje'i sa'i rang bzhin no/ /lo brgya 'tsho bar gyur cig ces bya ba ni de'i nus pas nad med cing tshe rings pa'o/ /ston brgya thod par shog cig ces bya ba ni/ dge ba'i rtsa ba la brtson zhing phun sum yang dag par rdzogs pa'o/ /kun dga' bo zhes bya ba ni/ yang dag par rdzogs pa'i sangs rgyas kyis yang nas yang du gsungs pa'o/ /rig sngags kyi rgyal mo rma bya chen mo 'di ni zhes bya ba ni zhal gsum phyag drug sku mdog ljang gu/ g.yas dkar/ g.yon dmar ba/ spyan gsum pa ral pa'i thor tshugs can/ dbu la rgyan dang bcas pa/ sham thabs sku 'gag dang bcas ba/ g.yas pa na pu ti dang/ phreng ba dang/ bum pa bsnams pa/ g.yon pa rnams na rma bya'i sgro dang/ bum pa'i spyi blugs dang/ skyabs sbyin no/ /rgyan thams cad kyis brgyan pa/ ye shes lnga dang ldan pa/ bzhengs nas bzhugs pa/ thabs shes rab gnyis su med pa/ zla ba'i gdan la nyi ma'i 'od dang ldan pa/ dbu la mchod rten gyis mtshan pa'o/ /byang chub sems dpa' byams pa brjod cing rjes su yi rang ba'o zhes bya ba ni/ byams pa dang/ snying rje dang/ dga' ba dang btang snyoms kyis rang bzhin sems can thams cad de lta bus khyab pa'i rang bzhin te/ de lta bu'i rang bzhin rig sngags kyi rgyal mo rma bya chen mo/ /byang chub sems dpa' byams pas gsungs pa'o/ /byang chub sems dpa' byams pa ni zhal gcig phyag gnyis pa sku mdog ser po ral pa'i thor tshugs can dbu la mchod rten gyis mtshan pa'o/ /g.yas mchog sbyin g.yon
- 214a
bum pa spyi blugs bsnams pa'o/ /phrag pa na kriSh+Na sa ra'i lpags pa yod pa/ sham thabs dang sku aM 'gag rag gis sku la brgyan pa/ me tog nA ga puShpas phrag pa gnyis la mdzes par brgyan pa/ de lta bu'i mdzes rgyud ldan pa'i byams pas kyang gsungs pa'o/ /tadya thA zhes bya ba ni/ 'di lta ste/ byang chub sems dpa' byams pas gsungs pa rjes su yi rang ba rig sngags kyi gsang sngags blta ba'o/ /rig sngags kyi gsang sngags ni/ shi ri shi ri la sogs pa'o/ /rig sngags kyi rgyal mo rma bya chen mo las 'das pa dang ma 'ongs pa dang da ltar yod pa rnams kyis gsungs zhing rjes su yi rang ba'i gnas skabs te bcu bzhi pa'o// //kun dga' bo zhes bya ba ni/ sems can gyi don du yang nas yang du gsungs pa'o/ /rig sngags kyi rgyal mo rma bya chen mo 'di ni zhes bya ba ni/ zhal gcig phyag bzhi pa sku mdog dkar mo spyan gsum pa ral pa'i thor tshugs can rgyan thams cad kyis brgyan pa'o/ /g.yas gnyis na phreng ba dang dung bsnams pa/ g.yon gnyis na rma bya'i sgro dang/ sbrul bsnams ba'o/ /bzhengs nas bzhugs pa/ zla ba'i gdan la me'i 'od dang ldan pa/ thabs shes rab gnyis su med pa/ mi mjed kyi bdag po tshangs pas smras shing rjes su yi rang ba'o// zhes bya ba ni thabs shes rab gnyis su med pa nam mkha' i rang bzhin/ rig pa mthar thug pa de'i rang bzhin mi mjed kyi bdag po tshangs pas gsungs pa'o/ /mi mjed kyi bdag po tshangs pa ni zhal bzhi phyag brgyad pa sku mdog dkar po/ spyan gsum pa/ ral pa'i thor tshugs can/ tshangs bar spyod pa'i rang bzhin can/ phyag g.yas pa rnams na phyag 'tshal ba dang/ phreng ba dang/ bum pa dang/ mchog sbyin du mdzad pa'o/ /g.yon rnams na po ti dang/ dbyug gu gsum pa dang/ buM
- 214b
pa spyi blugs dang/ mnyam gzhag go/ zhabs pad+ma'i skyil krung du bzhugs pa/ pad+ma'i gdan la bzhugs pa'o/ /tadya thA zhes bya ba ni 'di lta ste/ mi mjed kyi bdag po tshangs pas smra zhing rjes su yi rang ba'i rig sngags kyi gsang sngags blta ba'o/ /rig sngags kyi gsang sngags ni hi li hi li hi li la sogs pa'o/ /dug bcom mo/ /dug bcom nges par bcom mo zhes bya ba ni rig sngags kyi gsang sngags kyi gzi brjid kyis nang gi dug gsum dang/ phyi'i dug gsum bcom mo/ /nang gi dug gsum ni gti mug zhe sdang 'dod chags so/ /phyi'i dug gsum ni bsdad pa dang 'gro ba dang/ byas ba'i dug go /gti mug ni glo bur gyi rkyen gyis shes pa bkag nas ye shes mi 'char ba ste/ des gti mug yin no/ /de nye bar bzhag pas gti mug gi rkyen gyis zhe sdang drag po 'byung ngo/ /zhe sdang gi rkyen gyis khams gsum 'dod pa'i rang bzhin gyis 'dod chags drag po byung ste/ 'dod chags des yang nas yang du dmyal ba dang byol song dang yi dags su skyes pa'o/ /de ni nang gi dug gsum mo/ /phyi'i dug gsum ni bsdad pa'i dug yin te/ btsan dug la sogs pa'i dug gis gsod pa dang/ brgyal ba dang/ smyo ba dang/ 'gag pa dang/ chu bur dang/ long ba dang/ lce lkugs pa dang/ 'on pa dang/ rengs pa la sogs pa'o/ /'gro ba'i dug ni/ bsams ba dang/ reg pa dang/ kha rlangs so/ /des ni rlung dang/ bad kan mkhris pa/ chu ser/ bzhi gtor bar nus so/ /dngos bo yod pa'i dug ni reg pa dang/ kha rlangs dang/ mche ba'i dug go/ des kyang shi ba dang/ rgas pa dang/ rengs pa dang/ chu bur dang/ lce lkugs pa dang/ mig mi mthong ba dang/ 'on pa dang/ lus rengs pa dang/ de la sogs pa gtor nus pa'o/ /dngos po med pa'i dug ni/ /bsa pa dang mthong ba'i dug yin te/ bsam pas gnod pa ni stong phrag brgyad khri tsam gyi bar nas kyang gnod pa skyel nus
- 215a
pa'o/ /mthong ba'i dug ni dpag tshad lnga nas kyang mthong ngo/ /de gnyis kyang rlung bad kan khris pa chu ser gyi rang bzhin du yod pa de yang sa bdag gi nang mdze rigs mi gcig pa bco brgyad gtong nus pa'o/ /de'i nad kyang shu ba dang/ g.ya' ba dang/ mdze dang/ phol mig dang/ g.yon pa dang/ me dpal dang/ lhog pa dang/ dmu chu dang chu bur dang/ 'brum bu dang/ sha bkra dang/ mdzer pa dang/ skrangs pa dang/ blo dang/ lcong dang/ spa ba dang/ mig tshigs dang/ ling theg dang/ gag ba dang ngo/ /de yang de rnams kyis gtang ngo/ /gzhan gyi nad yang glad pa na ba la sogs pa nad rigs mi gcig pa nyi shu rtsa bzhi btong nus pa'o/ /rims la yang de bzhin no/ /dus des kyang shi ba dang/ gas pa dang/ rengs pa dang/ long ba dang/ lce lkugs pa dang/ 'on pa dang/ rkang lag zha ba dang/ de rnams la sogs pa lus kyi na tsha drag po 'byung ba'o/ /bsam pa'i dug can dang/ mthong ba'i dug can gyis ni lo bdun par du phyir 'phang ngo/ /de ni dngos su med pa'i dug go /de la byed pa'i dug ni/ phyi'i dug nag po dang/ rin po che dbyig dug dang/ bdud rtsi las byung ba'i dug la sogs pa'o/ /sbyor ba'i dug de ni bsam gyis mi khyab pa'o/ /phyi dug nag po ni/ dngul chu dang/ spu dug las byung ba'o/ /rin po che dbyigs dug ni gser dngul zangs las byung ba'o/ /bdud rtsi'i dug ni sbrang rtsi dang/ mar dang/ mkhar ba las byung ba'o/ /des kyang mdze dang phol mig la sogs pa gtong nus pa/ che ba dang/ grang ba dang/ tshigs bzhin ba dang/ phyi na ba dang/ nad na ba dang/ shi ba dang/ smyo ba dang/ rengs pa dang/ long ba dang/ 'on pa dang/ lce lkugs pa dang/ mkhris pa'i rang bzhin du 'dar ba dang/ pho ba la sogs pa na nus pa'o/ /rig
- 215b
sngags des ni de ltar bu'i dug bcom mo/ /sangs rgyas kyis gzi brjid kyis dug bcom mo zhes bya ba ni rgyu med pa'i/ rang bzhin ngo bo nyid dang bral ba nam mkha' lta bu'o/ /de lta bu'i ngo bo nyid kyis me long gi gzugs brnyan dang/ mig rgyu dang chu'i zla ba bzhin du gnas so/ /de'i ngang las 'jig rten khams su khyab pa las dang bag chags zhes bya ba bcom nas/ sems can rnams la nam mkha' bzhin du khyab pa ste/ lus ngag yid gsum sangs rgyas nas bdud bzhi bcom pa'o/ /de lta bu'i gzi brjid kyis dug bcom mo/ /rang sangs rgyas kyis gzi brjid kyis dug bcom mo/ /zhes bya ba ni/ rang sangs rgyas kyi gzi brjid ni lhag mthong gnyis yin te/ lhag ma ni stong pa nyid du bsgom pa mthong ba ni lus kyis bya ba bstan nas sems can rnams la bstan pa'o/ /de gnyis kyi bden pa'i gzi brjid kyis rang sangs rgyas kyi dug bcom mo/ /dgra bcom pa'i gzi brjid kyis dug bcom mo zhes bya ba ni dgra ni bdud bzhi ste/ bdud bzhi ni ma rig pa'o/ /ma rig pa ni 'khor ba'o// de lta bu'i 'khor ba'i dgra bcom ste/ de'i gzi brjid kyis dug bcom mo/ /phyir mi 'ong ba'i gzi brjid kyis dug bcom mo/ /zhes bya ba ni rang gi don la gzhan gyi don byed pa ni phyir mi ldog pa rnams so/ /de rnams ni 'gog pa'i rang bzhin/ de'i gzi brjid kyis dug bcom mo/ /lan cig phyir 'ong ba'i gzi brjid kyis dug bcom mo/ /zhes bya ba ni/ cung zad tsam sems can gyi don byed pa ste/ bag chags kyi sgrib pa bcom nas shes bya tsam gnas pa'o/ /de lta bu'i gzi brjid kyis kyang dug bcom mo/ /rgyun du zhugs pa'i gzi brjid kyis dug bcom mo/ /zhes bya ba ni byang chub sems dpa' i rang bzhin sems can rnams kyi don byed pa mi dmigs pa'i snying rje skye ba'o/ /de lta bu'i gzi brjid kyi dug bcom mo/ /bden par smra ba'i gzi brjid
- 216a
kyis dug bcom mo zhes bya ba ni 'das pa'i sangs rgyas rnams dang ma 'ongs pa rnams dang/ da ltar byung ba rnams kyis kyang bka' bden par smra ba gzhan yang 'jig rten pa drang srong rnams kyi bka' bden pa'o/ /de'i gzi brjid kyis kyang dug bcom pa'o/ /tshangs pa'i be con gyi gzi brjid kyis dug bcom mo zhes bya ba ni tshangs pa'i be con ni dbyug gu gsum yin te dbyug gu gcig ni sku brtag pa/ gnyis pa gsung brtag pa/ gsum pa ni yid brtags pa'o/ /de gsum ni khams gsum gyi rang bzhin de lta bu'i bden pa'i gzi brjid kyis dug bcom pa'o/ /dbang po'i rdo rje'i gzi brjid kyis dug bcom mo zhes bya ba ni dbang po'i rdo rje ni gang la 'phangs pa'i sar dgra rnams 'dul zhing slar rang gi lag du 'ong ba'o// de lta bu'i gzi brjid kyis kyang dug bcom pa'o/ /khyab 'jug gi 'khor los dug bcom pa'o/ /zhes bya ba ni sa 'og sa steng sa bla gsum la 'phangs pa tsam gyis 'khor lo nges dbang mdzad de/ 'jig rten gsum gyi dbang phyug du grags pa'o/ /de lta bu'i gzi brjid kyis dug bcom pa'o/ /me dpal gyi dug bcom mo zhes bya ba ni/ me ni tsha ba dang sreg par nus pa/ des kyang 'jig rten gyi khams sreg par nus pa de lta bu'i gzi brjid kyis kyang dug bcom pa'o/ /chu lha'i zhags pas dug bcom mo zhes bya ba ni chu lha'i zhags pa ni sbrul zhags yin te de ni klu rigs bzhi'i rang bzhin dug bzhir gnas pa bcing bar nus pa dug gis dug bcom pa'o/ /lha ma yin gyis sgyu mas dug bcom mo zhes bya ba ni lha ma yin re res bye ba dung phyur tsam du sbrul nus so/ /ji ltar sprul zhe na/ glang po che dang rta dang de la sogs pa gzugs sna tshogs ston nus pa'o/ /'jig rten khams la sgyu ma byas pa'o/ /klu'i rig pas dug bcom mo zhes bya ba ni/ phan pa dang
- 216b
gnod byed do shes pa tshe phyi ma la skye ba bdun du rig pa dran pa'o/ /dran pa'i mdung rtses dug bcom mo/ /zhes bya ba ni de yang rtse gsum du gnas pas te/ de khams kyi rang bzhin srid pa'i klu'i rig pas dgra bcom mo/ zhes bya ba ni skem byed kyi mdung thung gis dug bcom mo zhes bya ba ni de ni mdung rtse gsum yin te/ de 'phang pa tsam gyis 'jig rten khams tsam 'jig par byed pa'o/ /des kyang dug nges par bcom mo/ /rig sngags kyi rgyal mo rma bya chen mos dug bcom mo/ /zhes bya ba ni phyi'i rig sngags dang nang gi rig sngags so// phyi'i rig sngags ni kun rdzob kyi rang bzhin thabs lta bu'o/ /nang gi rig pa ni ye shes kyi rang bzhin nam mkha' lta bu'o/ /sngags ni sems can rnams la phan par byed cing srung ba dang skyob par byed pa'o/ /de lta bu yang sgyu ma lta bu ste/ 'jig rten khams mi rtag par gnas pa'o/ /de ni dug thams cad kyi gnyen po 'byung po thams cad kyi gtso mo/ sangs rgyas dang byang chub sems dpa' thams cad kyi yum du gnas pa'o/ /de lta bu'i gzi brjid kyis kyang dug bcom mo/ /dug nges par bcom mo/ zhes bya ba ni yang dag par rdzogs pa'i sangs rgyas rnams kyi bden pa dang/ rig sngags kyi gsang sngags kyi gzi brjid kyis dug kyang nges par bcom mo/ /dug sa'i nang du song zhig bya ba ni sa ni yum lta bu ste/ dug gi 'byung ba ni sa yin te sa des kyang dug sel ba dug gi nus pa med par byed pa'o/ /bdag dug thams cad dang zhes bya ba ni bdag dang sems can thams cad la gzi brjid de rnams kyis dug bcom mo dug nges par bcom mo be'u? lta bu'i lte ba'i dug dang zhes bya ba ni de la gnyis yod de nag po mi srun pa'i sdig pa dang/ rgyal po lta bu'i sdig pa dang/ nag po mi srun pa'i sdig pa ni mjug ma dang lte ba la yod pa'o/ /rgyal po lta bu sdig pa'i dug ni reg pa'i dug bzhin du lus thams cad dug du na ba'o/ /de gnyis kyang lo gcig lon nas mdud pa re rer
- 217a
skye ba'o/ /de gnyis kyi mdog kyang dmar po dang/ nag por snang ba'o/ /ha la ha la'i dug dang zhes bya ba ni/ de ni 'jig rten gyi lha rnams kyi dug yin te/ de yang mthong ba 'am reg pa tsam gyis 'jig rten gyi khams sregs nus pa'o/ /nag po brtsegs pa'i dug dang zhes bya ba ni de la gnyis yod de/ nang gi dug gsum brtsegs pa dang/ phyi'i dug gsum rtsegs pa'o/ /nang gi dug brtsegs pa ni gti mug dang 'dod chags dang zhe sdang ngo/ /de'i ngang la ser sna dang/ phrag dog kyang brtsegs pa'o/ /phyi'i dug ni bsdad pa dang/ 'gro ba dang/ byed pa'i dug brtsegs pa'o/ /yang na nag po brtsegs pa'i dug ni 'jig rten pa'i lha rnams kyis mi thub pa lha dang lha ma yin la sogs pa las byung ba/ klu'i rgyal po spyan mi bzang go mig las btang ba mig long bar gyur te/ des na spyan mi bzang du btags pa'o/ /dbang phyug chen po'i lhas rna brgyan du btags pa'o/ /de bas na tri kaN+Da btags pa'o/ /mche ba'i dug dang zhes bya ba ni/ klu'i kha rlangs kyi dug sprul la sogs pa'i sems can las byung ste/ de yang rigs bzhi la gtogs pa'o/ /rtsa ba'i dug dang zhes bya ba ni btsan dug la sogs pa las byung ba ste/ de ni sdang ba'i dug go/ de yang rtsa ba la sogs pa'i dug go /nag po dang/ dkar po dang/ dmar po la sogs pa bsam gyi mi khyab pa'o/ /phyi ma'i dug dang zhes bya ba ni/ de sbyor ba'i dug las byung ste/ de yang bsam gyis mi khyab pa'o/ /lta ba'i dug dang zhes bya ba ni de ni dbang phyug chen po 'am klu rnams sam/ 'byung po 'am gzhan drang srong la sogs pa sems can phal la yod pa'o/ /klog gi dug dang zhes bya ba ni/ des kyang sems can rnams la 'jigs pa dang skrag par byed pa ste/ des shi ba dang/ brgyal ba dang/ snying phyung ba dang/ na bar nus pa'o/ /sprin gyi dug
- 217b
dang zhes bya ba ni lce 'bab pa dang/ ser ba 'bab pa dang/ thog 'bab pa dang/ 'byug gi 'jigs pa dang/ de rnams kyis sems can la gnod par byed pa'o/ /sprul dang zhes bya ba ni sprul gyi rigs kyang rigs bzhi las byung ste/ sprul nag po ni gdol ba'i rigs/ sngon po dgang rigs/ dmar ba rje'u rigs/ dmar skya rje'i rigs so/ /ser po rgyal po'i rigs te/ ser skya rgyal po'i rgyal rigs so/ /dkar po bram ze'i rigs te dkar ser ni bram ze bram ze'i rigs so/ /de yang dug bzhi tshang pa'o/ /byi ba dang zhes bya ba ni/ mche ba'i dug yin te/ de yang dug bzhir 'dzin pa/ dug bzhir gnas pa'o/ /srin bu ki dang zhes bya ba ni/ sems can mchu ring pa/ phra mo'i rigs de yang mtshe ba'i dug can no/ /lu ta dang zhes bya ba ni sprang po che de ni 'jug ma dang lte ba'i dug can reg pa'i dug la gtogs pa'o/ /ka na b+ha dang zhes bya ba ni de yang chu la gnas pa kuM b+hi ra dang/ chu srin la sogs pa'o/ /kha rlangs dang/ mche ba'i dug go/ sbal pa dang zhes bya ba ni/ 'jug ring dang sbal pa sprul mgo can dang/ ser po dang dmar po dang/ dkar po dang/ nag po'i rigs kyang yod de/ de yang dus bzhi dug bzhi la gnas pa'i/ sbrang bu dang zhes bya ba ni chu'i sbrang bu dang sbrang bu ser po dang/ de yang dus kyi khyad par gyis sbrang rtsi las byung ba'i dug dang/ brang bu'i mjug ma las myur ba dang/ des kyang rengs pa dang/ shi ba dang/ rgas par nus pa'o/ /bung ba zhes bya ba ni/ bung ba las byung ba'i sgang rgor la sogs pa'o/ /ba Ta ra dang zhes bya ba ni byang ba nag po'o/ /traM bu ka dang zhes bya ba ni de ni sems can sre mo'i/ /tre la ta'i dug dang zhes bya ba ni mche ba'i dug can la khyi dang spyang gi dang/ stag dang dom la sogs pa las byung ba'o/ /mi'i dug dang zhes bya ba ni/ rig pa'i nus pas spong gtong dang ma mo la sogs pa'i mthus rengs pa dang shi
- 218a
ba dang smod pa la sogs pa'o/ /nus pa'o/ /sdig pa'i dug dang zhes bya ba ni sems can sdig pa dang/ mi dge ba'i sdig pa'o/ /mi ma yin pa'i dug dang zhes bya ba ni mi ma yin pa'i rigs dang/ 'byung po la sogs pa dang bsam pa dang/ mthong ba dang/ reg pa dang/ kha rlangs kyi dug can no/ /dogs pa'i dug dang zhes bya ba ni de yang rnam par rtog pa'i dug ste/ 'jigs pa dang 'tshe ba dang/ yi 'phrig pa'o/ /sman pa'i dug dang zhes bya ba ni drod btang ba bsil du song ste/ bsil btang ba drod du song ba'o/ /yang na rtse'u chung la sogs pa rtsa la las nyes su song ba'o/ /rig sngags kyi dug las bde legs su gyur cig ces bya ba ni/ sngags dang 'khrul 'khor dang/ gshin rje dang/ ma mo la sogs pa'i rig pa'i dmod mo las byung ba'o/ /bde legs ni rig sngags kyi rgyal mo'i gzi brjid kyis bdag dang sems can thams cad kyi dug thams cad bcom pa/ sdug bsngal thams cad las bde ba'o/ /rig sngags kyi rgyal mo 'di ni stong gsum gyi stong chen po'i 'jig rten gyi khams kyi sems can rnams la sman par grags pa'o/ /dug thams cad las bde legs su gyur cig ces bya ba ni dug rigs mi gcig pa sum cu rtsa gnyis las thar pa dang phyi'i dug dang/ nang gi dug thams cad kyang sa las byung zhing sa la song pa'o/ /kun dga' bo zhes bya ba ni bcom ldan 'das kyis bka' stsal pa'o/ /rig sngags kyi rgyal mo rma bya chen mo 'di ni zhes bya ba 'di ni zhal gcig phyag bzhi pa sku mdog ljang gu spyan gsum pa rigs lnga'i dbu rgyan can/ rgyan thams cad kyis brgyan pa/ ye shes lnga dang ldan pa g.yas gnyis na rdo rje dang ral gri'o/ /g.yon gnyis na rma bya'i sgro dang/ sprul bsnams pa'o/ /zhabs rdo rje'i skyil krung du bzhugs pa/ zla ba'i
- 218b
gdan la nyi ma'i 'od dang ldan pa'o/ /thabs shes rab gnyis su med pa dbul rdo rje rgya gram gyis mtshan pa'o/ /lha rnams kyi dbang po brgya byin gyis smras shing rjes su yi rang ba'o/ /zhes bya ba ni gzi brjid che zhing mthu dang ldan pa'o/ /dug thams cad bcom pa las dang bag chags shes bya'i sgrib pa sel ba/ ma rig pa thams cad las rgyal pa de lta bu'i rig sngags ni lha'i dbang po brgya byin gyis rjes su yi rang zhing gus par byas pa'o/ /lha'i dbang po brgya byin ni zhal gcig phyag bzhi pa sku mdog ser po spyan gsum pa/ rgyan thams cad kyis brgyan pa/ g.yas gnyis rdo rje dang mdung rtse gsum pa'o/ /g.yon gnyis na gdugs dang zhags pa bsnams pa'o/ /glang po che la zhon pa'o/ /tadya thA zhes bya ba ni 'di lta ste/ lha'i dbang po brgya byin gyis rig sngags kyi gsang sngags rjes su yi rang zhing gsungs pa la lta ba'o/ /rig sngags kyi gsang sngags ni ta le dzam bu le la sogs pa'o/ /kun dga' bo zhes bya ba ni yang dag par rdzogs pa'i sangs rgyas shAkya thub pas gsungs pa'o/ /rig sngags kyi rgyal mo rma bya chen po 'dis ni zhes bya ba ni zhal gcig phyag bzhi pa sku mdog dkar po spyan gsum pa rigs lnga'i dbu rgyan can ye shes lnga dang ldan pa/ rgyan thams cad kyis brgyan pa/ g.yas na 'khor lo g.yon na rma bya'i sgro bsnams pa'o/ /zhabs phyer kyil du bzhugs pa'o/ /zla ba'i gdan la nyi ma'i 'od dang ldan pa'o/ /thabs shes rab gnyis su med pa dbu la 'khor los mtshan pa'o/ /rgyal po chen po bzhis smras shing rjes su yi rang ba'o/ /zhes bya ba ni nang rigs mi gcig pa bzhi brgya rtsa bzhi bcom pa/ bgegs rig mi gcig pa stong phrag brgyad cu de'i gnyen po thabs shes rab gnyis su med pa stong pa nyid nam mkha' lta bu'o/ /de lta bu'i rig sngags rgyal po chen po bzhis gsungs pa'o//
- 219a
rgyal po chen po bzhi'i sku mdog dang phyag mtshan ni zhal gcig phyag bzhi bzhir gnas pa sku mdog ni dkar po dang ser po dang/ dmar po dang ljang gu'o/ /phyag g.yas pa rnams na go rims bzhin du 'khor lo dang mda' dang dbyug to dang mda' dang sprul zhags dang mda' dang/ ral gri dang/ mda' dang g.yon rnams na pi wang dang gzhu'o/ /rin po che dang gzhu pad+ma dang gzhu/ bum pa dang gzhu bsnams pa'o/ /shar phyogs zhi bar gnas pa nub phyogs cung zad khro ba lho dang byang ni khro bas ste bzhin mi sdug pa pad+ma'i gdan la bzhugs pa'o/ /de rnams kyang rgyan thams cad kyis brgyan pa'o/ /dbu la rim pa bzhin du 'khor lo dang rin po che dang pad+ma dang sna tshogs rdo rje'o/ /tadya thA zhes bya ba ni 'di lta ste/ rig sngags kyi gsang sngags ni rgyal po chen po bzhis gsungs pa lta ba'o/ /rig sngags kyi gsang sngags ni dzwa la dzwa la ni la sogs pa'o/ /spong gtong dang zhes bya ba ni/ 'jig rten las 'das pa'i dmod mo'o/ /gshin rje pho nya dang zhes bya ba ni dus ma yin par 'chi ba'i glo bur gyis 'jigs pa'o/ /mtshan mo nag mo dang zhes bya ba ni bdud kyi zhags pa'i rang bzhin ma mo'i rigs so/ /dus kyi zhags pa dang zhes bya ba ni bdud kyi rang bzhin du dus las 'dren pa'o/ /'chi bdag gi chad pa dang zhes bya ba ni 'chi bdag gi bdud ni dbang phyug chen po ste/ de'i chad pa'o/ /tshangs pa'i chad pa dang zhes bya ba ni phung po'i bdud ni tshangs pa ste/ de'i chad pa'o/ /dbang po'i chad pa dang zhes bya ba ni lha'i bu'i bdud do/ /de'i chad ba'o/ /khyab 'jug gi chad pa dang zhes bya ba ni nyon mongs pa'i dung de'i chad pa'o/ /drang srong gi chad pa dang zhes bya ba ni drang srong ni mngon bar shes shing rdzu 'phrul dang ldan te de'i dmod mo'i chad pa'o/ /lha'i chad pa la sogs pa ni lha'i gdon la sogs pa gdon rigs mi
- 219b
gcig pa rdzu 'phrul dang ldan pa/ rdzu 'phrul che ba nad rigs mi gcig pa stong phrag brgyad cu rtsa bzhi nyi shu rtsa bzhi phrag gi chad pa'o/ /rgyal po'i chad pa dang zhes bya ba ni rgyal po'i chad pa nor dang srog dang yan lag bcad nas chad pa gcod pa'i 'jigs pa'o/ /chom rkun gyi chad pa dang zhes bya ba ni nor dang srog gi chad pa'o/ /me'i chad pa dang zhes bya ba ni rang gi yul dang gzhan gyi yul du 'gro ba'i bar du mes 'jigs pa'o/ /chu'i chad pa dang zhes bya ba ni gzings dang rab la sogs pa'o/ /chad pa thams cad las bdag la bsrung ba gyis shig ces bya ba ni chad pa lnga bcu rtsa gnyis kyi 'jigs pa las thar bar gyis shig rig sngags kyi rgyal mo rma bya chen mo'i gzi brjid kyis chad pa de rnams kyi 'jigs pa dang bral ba/ bdag dang sems can rnams sdug bsngal las thar ba'o/ /rig sngags 'di yi gzi brjid kyis/ bsam pa'i dug dang mthong ba'i dug/ reg ba'i dug dang kha rlangs dug /dug ni de bzhin du klu yi dug/ de ni 'jig rten klu yi dug /de ni 'jig rten phyi yi dug/ 'gro ba'i dug du grags pa'o/ /rtsa ba dang ni lo ma dang/ 'jig rten phyi yi bsdad pa'i dug/ sbyor ba yang dag sman sbyor ba/ 'jig rten phyin ci log pa ste de ni sbyor ba'i dug du grags/ /sangs rgyas chos dang dge 'dun gsum/ /rig sngags gzi brjid yang dag gis/ dug ni gsum po 'joms byed par dug ni pha dang ma yin no/ /dug ni sa la 'gro bar 'gyur/ rig sngags kyi rgyal mo rma bya chen mo las/ /rig sngags kyi gzi brjid kyis/ dug gi mtshan nyid bshad pa'i gnas skabs te bco lnga pa'o// //kun dga' bo zhes bya ba'i yang dag par rdzogs pa'i sangs rgyas kyis gsungs pa'o/ /khyod kyi klung gi rgyal po'i ming rnams kyi ming zung zhig ces bya ba ni/ khams gsum la gnas pa/ klung gi rgyal po'i gtso bo bzhi bcu rtsa gcig du gnas pa'o/ /'di lta ste zhes bya
- 220a
ni/ klung gi rgyal po rnams kyi ming blta ba'o/ /klung gi rgyal po gang+gA dang zhes bya ba ni/ shar phyogs nas glang po che'i kha nas 'bab ste/ 'di ni mtsho chen po'i chu zhes bya ba/ g.yas phyogs su bskor nas klung lnga brgya dang lhan cig tu/ shar phyogs kyi rgya mtsho chen por 'gro'o/ /klung gi rgyal po sind+hu dang zhes bya ba ni/ lho phyogs khyu mchog gi kha nas 'bab ste/ de ni mtsho chen po'i chu zhes bya ba g.yas phyogs nas bskor nas/ klung lnga brgya dang lhan cig tu/ lho phyogs kyi rgya mtsho chen por 'gro'o/ /klung gi rgyal po pak+Shu dang zhes bya ba ni/ nub phyogs nas rta'i kha nas 'bab ste/ de ni mtshon chu zhes bya ba g.yas su ga skor nas/ klung lnga brgya dang lhan cig tu/ nub phyogs su rgya mtsho chen por 'gro'o/ /klung gi rgyal po si ta dang zhes bya ba ni/ byang phyogs nas seng ge'i kha nas 'bab po/ /de ni rgya mtsho chen po'i chu zhes bya ba/ g.yas phyogs su bskor nas klung lnga brgya dang lhan cig tu/ byang phyogs kyi rgya mtsho chen por 'gro'o/ /byang phyogs kha gur gyur pa yi/ chu mtsho yod de gzhan dag kyang/ de ni mtsho chen chu zhes bya/ /tha dad rgyun rnams byung nas yod/ /chu klung gang+gA sind+hu pak+Shu dang/ si ta pra rlabs spu ba'i phreng ba can/ 'bab cing thams cad gsil ba'i chu yin te/ phyogs bzhi khor yug dag nas 'byung/ /chu klung rab mchog bzhi po 'di dag ni/ mchog tu bzang zhing so sor 'bab pa ste/ /re re zhing yang lnga brgyar khyer nas ni/ /chu yi rgyun rnams rgya mtsho chen por 'phro zhes bya'o/ /klung gi rgyal po mda' 'byung dang/ klung gi rgyal po khyim ldan dang/ /klung gi rgyal po gshin rje sel dang/ /klung gi rgyal po gya gyu dang zhes bya ba ni/ lho'i 'dzam bu gling bzhin du/ nub kyi ba lang spyod la yang chu'o chen po bzhi 'bab ste/ rim pa bzhin du shar
- 220b
dang/ lho dang/ nub dang byang phyogs so/ /g.yas su bskor nas shar gyi rgya mtshor 'bab pa'o/ /de bzhin du lho la sogs pa yang/ /lho'i rgya mtshor dang/ nub kyi rgya mtshor dang/ byang gi rgya mtshor 'bab pa'o/ /'dzam bu gling bzhin du chu klung lnga brgya lnga brgyar srid pa'o/ /klung gi rgyal po rgyas 'bab dang/ klung gi rgyal po rgya 'bab dang/ klung gi rgyal po zhags bral dang/ klung gi rgyal po sa ldan dang zhes bya ba ni/ nub kyi ba lang spyod bzhin du/ byang gi sgra mi snyan la yang mtsho chen por yod de/ de ? yang chu chen po phyogs bzhir 'bab ste/ shar dang/ lho dang/ nub dang/ byang du'o/ /de g.yas phyogs su bskor nas/ rim pa bzhin du shar gyi rgya mtsho dang/ lho'i rgya mtsho dang/ nub gyi rgya mtsho dang/ byang gi rgya mtsho'o/ /chu klung de yang lnga brgya brgyar khrid nas 'bab pa'o/ /klung gi rgyal po zla ba'i cha dang/ klung gi rgyal po dbyangs chen dang/ klung gi rgyal po ru sbal can dang/ klung gi rgyal po chu dron can dang zhes bya ba ni/ byang gi sgra mi snyan bzhin du/ shar gyi yul la ?? na yang mtsho chen por yod de/ mtsho de la yang chu klung chen po bzhir 'bab pa/ de yang shar dang/ lho dang nub dang byang gi ngos su 'bab pa'o/ /de yang g.yas phyogs su bskor nas/ shar gyi rgya mtsho dang/ lho'i rgya mtsho dang/ nub kyi rgya mtsho dang/ byang gi rgya mtsho dang/ chu klung chen po de bzhis yang/ chu klung lnga brgya lnga brgya khrid nas 'bab pa'o/ /klung gi rgyal po chu mchog dang/ klung gi rgyal po bzang bdag dang/ zhes bya ba ni/ lho'i 'dzam bu gling gi gzhan ? na yod pa/ gling phran rnga yob ces bya ba yod de/ mtsho de la yang chu klung gnyis 'bab ste/ shar dang nub nas bab nas/ shar gyi rgya mtsho dang/ nub kyi rgya mtshor bab pa'o/ /klung gi rgyal po sbrang rtsi can dang/ klung gi rgyal po dbab
- 221a
ldan dang zhes bya ba ni/ lho'i 'dzam bu gling gi g.yon na/ gling phran rnga yab gzhan zhes bya ba ni/ snga ma bzhin du mtsho chen po yod de/ mtsho chen po de la yang byang dang lhor 'bab pa'o/ /lho'i rgya mtsho dang byang gi rgya mtshor 'bab pa'o/ /klung gi rgyal po bu ram shing ldan dang/ klung gi rgyal po ba lang ldan dang zhes bya ba ni/ ba lang spyod kyi shar na/ gling phran g.yo ldan gnas te/ de la yang snga ma bzhin du mtsho chen por gnas pa/ mtsho chen po'i kha nas yang/ chu klung chen po shar dang/ nub nas 'bab po/ /chu klung chen po de yang/ shar gyi rgya mtsho dang/ nub gyi rgya mtshor 'bab po/ /klung gi rgyal po lpags pa can dang/ klung gi rgyal po rtse 'byin dang/ /zhes bya ba ni/ ba lang spyod kyi g.yon na gling phran nye ba'i g.yon ldan yod de/ snga ma bzhin du mtsho chen po yod de/ mtsho chen po'i kha nas yang/ chu klung chen po gnyis 'bab ste/ de yang lho dang byang phyogs su 'bab ste/ lho'i rgya mtsho dang/ byang gi rgya mtshor 'bab pa'o/ /klung gi rgyal po mdza' bzangs dang/ klung gi rgyal po kun gyis bshes dang zhes bya ba ni/ byang gi sgra mi snyan gyi g.yas na/ gling phran sgra mi snyan gnas te/ de la yang snga ma bzhin du mtsho chen por gnas te/ mtsho chen po de'i kha nas yang/ chu klung chen po shar nas nub tu 'bab pa'o/ /chu klung chen po de yang shar gyi rgya mtsho dang/ nub kyi rgya mtshor 'gro'o/ /klung gi rgyal po 'chi med dang/ klung gi rgyal po me tog pad+ma dang zhes bya ba ni/ sgra mi snyan gyi g.yon na/ gling phran sgra mi snyan gyi zla ba rnams gnas te/ de la yang snga ma bzhin du mtsho chen por gnas pa/ mtsho de'i kha nas yang chu klung chen po lho dang byang nas 'bab pa'o/ /chu klung chen po de yang lho'i rgya mtsho dang/ byang gi rgya mtshor 'gro ba'o/ /klung gi rgyal po lnga len
- 221b
dang/ klung gi rgyal po nges bzangs dang/ zhes bya ba ni/ lus 'phags po'i gling g.yas na/ gling phran lus dang/ bya ba gnas te/ me la snga ma bzhin du/ mtsho chen po gnas so/ /mtsho chen po de la yang chu klung chen po gnyis gnas te/ shar dang nub nas 'bab ste/ shar gyi rgya mtsho dang/ nub kyi rgya mtshor 'gro ba'o/ /klung gi rgyal po dka' thub sbyin dang/ klung gi rgyal po dri bral dang zhes bya ba ni/ lus 'phags kyi g.yon na/ gling phran lus 'phags gnas te/ de la yang snga ma bzhin du mtsho chen por gnas te/ mtsho de la yang lho dang byang du 'bab pa/ chu klung chen po de yang lho'i rgya mtsho dang byang gi rgya mtshor 'gro ba'o/ /klung gi rgyal po skyon bral dang/ klung gi rgyal po gser ldan dang/ klung gi rgyal po ba lang sbyin mchog dang/ zhes bya ba ni/ 'og klu'i yul na 'dzam bu gling ji bzhin du/ mtsho chen po yod de/ klu rnams longs spyod byed pa/ mtsho de'i kha nas chu klung chen po bzhi 'bab pa/ de yang shar dang lho dang nub dang byang du 'bab ste/ chu de yang rigs bzhi'i klu'i mtsho'i nang du 'bab pa'o// klung gi rgyal po gsang srung dang/ klung gi rgyal po ba lang can dang/ klung gi rgyal po dri ma med pa dang/ klung gi rgyal po 'od gsal dang zhes bya ba ni/ ri rab kyi steng na sum cu rtsa gsum na gnas te/ de yang 'dzam bu gling gi ma dros bzhin du mtsho chen por gnas pa/ mtsho chen po'i kha nas chu klung chen po 'bab pa/ chu klung de yang g.yas phyogs nas bskor nas/ shar dang/ lho dang/ nub dang/ byang dang/ rdzing bu chen por 'gro ba'o/ /shar phyogs kyi rims pa bzhin du lho dang/ nub dang/ byang kyang shes par bya'o/ /klung gi rgyal po 'dul med dag ces bya ba ni/ lho'i 'dzam bu gling na rdo rje gdan gyi lho phyogs na gnas te/ mtsho chen po de'i byang phyogs nas 'bab pa/ rdo rje gdan gyi 'og nas bab nas chu bo gang+gA la 'gro ba'o//
- 222a
chu de yang kha'i ngos nas med pa/ 'og tu 'dzul te/ des na chu chen po nai rany+dza na zhes bya ba'o/ /mtsho chen po bco lnga po de ni srid pa gsum la gnas pa'o/ /ri'i rgyal po spos dang ldan nas/ de nas dpag tshad bcu'i tshu rol na/ mtsho chen chu zhes bya ba yod de/ ma dros pa zhes kyang bya'o/ /mtsho chen de'i tshad ni/ chur dpag tshad lnga bcu zheng du dpag tshad lnga bcu/ mdza' skor du dpag tshad nyi brgya/ 'phang du dpag tshad phyed dang gnyis yod pa/ dbyibs legs shing lta na sdug pa la/ mdzes pa/ chu bsil ba/ sbrang rtsi lta bus gang ba/ mtsho de'i nang du me tog pad+ma dang/ puN+Da ri ka dang/ utpa la sngon po la sogs pa/ chu las skyes pa'i me tog sna tshogs yod pa'o/ /chu de'i nang du yang bya sna tshogs yod pa/ khrung khrung dang/ ngang skya dang/ chu bya nag po dang/ chu bya rked rings dang/ ngang ser dang/ ngang skya dang/ ngang skya'i rgyal po dang/ de la sogs pa chu bya sna tshogs pa gnas pa'o/ /mtsho chen po ma dros pa bzhin du gzhan yang de bzhin du gnas pa'o/ /de dag dang gzhan yang gang dag sa'i dkyil 'khor 'dir 'bab pa'i chu klung de dag thams cad la zhes bya ba ni/ srid pa gsum na gnas pa'i chu klung gi rgyal po bzhi bcu rtsa gcig la gnas pa'o/ /gang dag rgyun tu gnas pa zhes bya ba ni/ chu la gnas pa/ lha dang/ lha ma yin/ gnod sbyin 'byung po ma rungs pa la sogs pa'o/ /gzugs tha dad pa zhes bya ba ni/ rkang mangs/ rkang gnyis/ rkang bzhi/ rkang drug/ rkang brgyad la sogs pa'o/ /gzugs mi sdug pa zhes bya ba ni/ bzhin mi sdug cing/ sbrul dang/ sbal ba dang/ nya dang/ bya dang/ khyi dang/ wa dang/ spyang ki dang/ chu srin dang/ kum b+hi ra la sogs pa'i mgo brnyan no/ /gzugs mang ba zhes bya ba ni/ sems can lo la chu srin gyi gzugs su yod pa/ rta'i gzugs su yod pa/ phag pa'i gzugs
- 222b
su yod pa/ glang po che'i gzugs su yod pa/ sbrul gyi gzugs la sogs pa/ /sems can gzugs mi cig pa mang po yod pa'o/ gzugs mdza' yas pa'o/ /zhes bya ba ni/ chung ba dang/ che ba dang/ bsam gyis mi khyab pa yod pa'o/ /'dod dgur bsgyur ba'i gzugs can gzugs sna tshogs pa'o lha rnams dang zhes bya ba ni/ srid pa gsum na gnas pa'i lha la sogs pa'i 'byung po stong phrag brgyad cu rtsa bzhi'o/ /zas su gzi brjid 'phrog pa rnams dang zhes bya ba ni/ zas su gzi brjid 'phrogs pa nas/ rigs mi gcig pa sum cu rtsa gcig /srid pa gsum la gnas pa'i/ chu klung chen po gnas pa'o/ /de yang gzugs mi gcig pa mang por gnas pa/ srid pa gsum skad cig rgyu ba'o/ /rig sngags kyi rgyal mo rma bya chen mo 'dis/ bdag la srung ba gyis shig ces bya ba ni/ gang zag gang gis rig sngags kyi rgyal mo 'di la gus par byas par gyur na/ chu klung chen po de rnams la yod pa rnams kyis kyang yang dag par srung ba dang skyob par 'gyur ro/ /sba ba la sogs pa dang zhes bya ba ni/ 'byung po de rnams kyis kyang snga ma bshad pa bzhin du byas pa'o/ /rig sngags kyi rgyal mo rma bya chen mo las chu klung bshad pa'i gnas skabs te bcu drug pa'o// //kun dga' bo zhes bya ba ni/ yang dag par rdzogs pa'i sangs rgyas shAkya thub pas gsungs pa'o/ /khyod kyis ri'i rgyal po rnams kyi ming zung zhig ces bya ba ni/ srid pa chags pa'i dus su chags pa/ ri rab la sogs pa ri'i rgyal po chen po lnga bcu rtsa bzhi'i ming zung zhig ces bya'o// 'di lta ste zhes bya ba ni/ ri'i rgyal po rnams kyi ming blta ba'o/ /ri'i rgyal po ri rab dang zhes bya ba ni/ dpag tshad brgyad khri ni thur du gser gyi sa gzhi la brten to/ /dpag tshad brgyad khri ni chu las gyen du 'phags pa'o/ /'phangs su dpag
- 223a
tshad 'bum drug khri yod do/ /rngams su dpag tshad brgyad khri/ zheng du dpag tshad brgyad khri yod pa/ mdza' skor du dpag tshad sum 'bum nyi khri'o/ /dbyibs legs shing lta na sdug la mdzes pa/ rin po che sna bzhi las grub pa/ de la sum cu rtsa gsum pa'i lha rnams gnas so/ /ri'i rgyal po ri rab kyi ngos bzhi ni/ shar phyogs ni shel las grub pa/ lho phyogs ni baiDUrya las grub ba/ nub phyogs su ni dngul las grub pa/ byang phyogs kyi ngos ni gser las grub pa'o/ /ri'i rgyal po ri rab la rtse mo bzhi yod de/ shar phyogs kyi rtse mo ni chur dpag tshad brgya nyi shu rtsa lnga/ zheng du dpag tshad brgya nyi shu rtsa lnga/ mdza' skor du dpag tshad lnga brgya yod pa/ dpag tshad phyed dang lnga ni ri'i rgyal po ri rab las gyen du 'phags te/ dbyibs legs shing lta na sdug pa la/ mdzes pa shel las grub pa/ de na gnod sbyin lag na rdo rje rnams gnas so/ /lho phyogs kyi rtse mo ni/ chur dpag tshad brgya nyi shu rtsa lnga/ zheng du dpag tshad brgya nyi shu rtsa lnga/ mdza' skor du dpag tshad lnga brgya yod pa/ dpag tshad phyed dang lnga ni ri'i rgyal bo ri rab las 'phags te/ dbyibs legs shing lta na sdug la mdzes pa/ baiDUrya las grub pa/ de na gnod sbyin lag na rdo rje gnas so/ /de bzhin du gnyis po la yang shes par bya'o/ /dngul las grub pa dang/ gser las grub pa'o/ /ri'i rgyal po ri rab ni/ bang rim bzhi yod de/ bang rim dang po ni chu las dpag tshad khris gyen du 'phags pa la/ ri'i rgyal po ri rab las dpag tshad khri drug stong phyir 'phags te/ dbyibs legs shing lta na sdug la mdzes pa/ rin po che sna bzhi las grub pa/ de ni lag na yol go thogs kyi lha rnams gnas so/ /bang rim gnyis pa ni/ bang rim dang
- 223b
po las dpag tshad khri gyen du 'phags pa/ ri'i rgyal po ri rab las dpag tshad brgya stong phyir 'phags te/ dbyibs legs shing lta na sdug la mdzes pa/ rin po che bzhi las grub pa/ de na phreng thogs kyi lha rnams gnas so/ /bang rim gsum pa ni/ bang rim gnyis pa las/ dpag tshad khri gyen du 'phags pa/ ri'i rgyal po ri rab las dpag tshad bzhi stong phyir 'phags te/ dbyibs legs shing blta na sdug la mdzes pa/ rin po che sna bzhi las grub pa/ de ni rtag tu myos pa'i lha rnams gnas so/ /bang rim bzhi pa ni/ bang rim gsum pa las/ dpag tshad khri gyen du 'phags la/ ri'i rgyal po ri rab las dpag tshad nyis stong phyir 'phags te/ dbyibs legs shing blta na sdug la mdzes shing/ rin po che sna bzhi las grub pa/ de'i phyogs bzhin rgyal po bzhi rnams gnas so/ /ri'i rgyal po gangs dang zhes bya ba ni/ sgra mi snyan nas ri nag po dgu 'das pa'i byang phyogs na/ ri'i rgyal po gangs zhes bya ba yod do/ /ri'i rgyal po spos kyi ngad ldang dang zhes bya ba ni/ ri nag po dgu 'das pa'i pha rol na yod do/ /ri'i rgyal po rtse brgya pa dang zhes bya ba ni/ phyi'i rgya mtsho'i 'gram gyi dpag tshad ldan/ srin po'i yul gyi byang ngos na rtse mo brgya yod pa/ zheng du dpag tshad sum brgya yod pa/ dpangs su dpag tshad lnga brgya yod pa/ rtse mo de rnams kyang dpag tshad gsum gsum mo/ /ri'i rgyal po seng ldeng can zhes bya ba ni/ gshol mngal 'dzin nas dpag tshad nyi khri bor te/ dpag tshad brgyad khri ni chu'i 'og gser gyi sa gzhi chen po la brten/ dpag tshad khri ni chu las gyen du 'phags so/ /zheng du yang de dang 'dra ste/ dbyibs legs shing lta na sdug la mdzes pa/ gser las grub pa/ de na rgyal chen bzhi'i lha rnams kyi grong dang grong khyer ljongs gnas so//
- 224a
ci'i phyir ri'i rgyal po seng ldeng can zhes bya ba ni ri'i rgyal po seng ldeng can gyi phyogs de dang de dag na/ ji ltar gser gyi seng ldeng yod pa bzhin du/ gzhan la med de/ de'i phyir na ri'i rgyal po seng ldeng can zhes bya'o/ /ri'i rgyal po gser logs dang zhes bya ba ni/ 'dzam bu'i gling gi byang ngos kyi cha na ri'i rgyar dpag tshad gsum/ dpangs su dpag tshad gnyis pa/ 'dzam bu'i gling gi sems can gyi gser de na gnas so/ /ri'i rgyal po 'od 'dzin dang zhes bya ba ni/ 'dzam bu'i gling gi phyogs na dpal gyi ri zhes bya ba yin gyi/ de la dpag tshad mdza' skor du dpag tshad lnga brgya yod do/ /dpangs su dpag tshad phyed dang sum brgya yod de/ de'i gnas na yang dngos grub can thams cad gnas pa'o/ /ri'i rgyal po mu khyud 'dzin dang/ zhes bya ba ni/ ri'i rgyal po snam 'dud nas dpag tshad stong nyis brgya lnga bcu por te/ dpag tshad brgyad khri chu'i 'og gser gyi sa gzhi chen po la brten pa/ dpag tshad drug brgya nyi shu rtsa lnga ni chu las gyen du 'phags pa'o/ /dpangs su yang de dang 'dra ste/ dbyibs legs shing lta na sdug la mdzes te/ gser las grub pa/ de ni rgyal chen bzhi'i grong khyer dang ljongs gnas so/ /ci'i phyir mu khyud 'dzin ces bya ba zhe na/ ri'i rgyal po mu khyud 'dzin gyi rtse mo/ /dbyibs legs shing lta na sdug la mdzes pa ni/ dper na shing rta'i mu khyud bzhin te/ de bas na ri'i rgyal po mu khyud 'dzin ces bya'o/ /ri'i rgyal po 'khor yug dang zhes bya ba ni/ phyi'i rgya mtshor bor te/ dpag tshad brgyad khri ni chu'i 'og gser gyi sa gzhi chen po la brten/ dpag tshad sum brgya rtsa phyed dang bcu gsum ni chu las gyen du 'phags so/ /rngams su yang de dang 'dra ste/ dbyibs legs shing lta na sdug la mdzes
- 224b
pa lcags las grub pa/ de na gnod sbyin gos sngon po can rnams gnas so/ /ci'i phyir ri'i rgyal po 'khor yug ri zhes bya zhe na/ ri'i rgyal po 'khor yug ri de dang de dag na/ ji ltar gser gyi 'khor lo yod pa bzhin du/ ri gzhan dag la med pa dang gzhan yang ri'i rgyal po 'khor yug ris/ gling bzhi pa 'di 'khor lo'i tshul du bskor te/ de'i phyir ri'i rgyal po 'khor yug ri zhes bya'o/ /ri'i rgyal po 'khor yug chen po dang zhes bya ba ni/ stong gsum stong 'jig rten khams rnams bskor ba/ 'og ni gser gyi sa bzhi yan chod yod pa/ steng ni tshangs pa'i 'jig rten man chad yod pa'o/ /gzhi ni lcags las byas pa/ des bskor ba ni yang dag par rdzogs pa'i sangs rgyas shAkya thub pa'i zhing khams su shes par bya'o/ /khyab pa che bas na 'khor yug chen por gtags so/ /ri'i rgyal po dbang po'i brag dang zhes bya ba ni/ ri rab kyi steng gi sa gzhi na/ sum cu rtsa gsum pa'i grong khyer blta na sdug ces bya ba/ chur dpag tshad nyis stong lnga brgya/ rgyar yang de dang 'dra ste/ mdza' bskor du khri yod pa/ gser gyi re? bas bskor bas te/ ra ba de la 'phang du dpag tshad phyed pa ste/ rin po che sna bzhi las grub pa'i lcog bzhi yod de/ lha'i grong khyer de na sgo dgu brgya dgu bcu rtsa dgu yod do/ /sgo re la 'phang du dpag tshad phyed ?? zheng du phye dang gnyis pa/ sgo de la rin po che sna bzhi las byas pa'i gzer/ skar ma'i gzugs su byas pa'i bzhi bzhi yod do/ /sgo re re la sum cu rtsa gsum pa'i srung ma go cha gon zhing mtshon cha thogs pa lnga brgya lnga brgya bkod do// grong khyer de'i dbus na lha'i dbang po brgya byin gyi khang bzangs rnam par rgyal byed ces bya ba/ chur dpag tshad nyis brgya lnga bcu/ rgyar yang de dang 'dra ste/ mdza' skor du stong yod pa/ lha'i grong khyer las dpag tshad phyed dang lnga gyen
- 225a
du 'phags so/ /rmang rten du yang rin po che sna bzhi las byas pa/ de'i phyir dbang po'i brag ces bya'o/ /ri'i rgyal po tshangs pa ldan dang/ zhes bya ba ni/ de yang bsam gtan dang po la gnas te/ tshangs pa gang na gnas pa na tshangs ldan no/ /ri'i rgyal po dpal ldan dang zhes bya ba ni/ 'dzam bu gling na gnas te/ dpal gyi ri'i byang phyogs na rgyar yang dpag tshad sum brgya yod de/ dpangs su yang sum brgya'o/ /de'i sa gzhi ni dpal dang ldan pas na dpal ldan no/ /ri'i rgyal po lta na sdug dang zhes bya ba ni/ ri'i rgyal po seng ldeng can nas dpag tshad khri bor te/ dpag tshad brgyad khri ni chu'i 'og gser gyi sa gzhi chen po la brten te/ dpag tshad lnga stong ni chu las gyen du 'phags so/ /zheng du yang de dang 'dra'o/ /dbyibs legs shing lta na sdug la mdzes pa/ gser las grub bde na rgyal chen bzhi'i grong dang grong khyer dang ljong gnas so/ /ci'i phyir ri'i rgyal po lta na sdug ces bya ba zhes ma ri'i rgyal po lta na sdug gi rtse mo ji ltar dbyibs legs shing lta na sdug la mdzes pa bzhin du/ ri gzhan dag la med de de'i phyir na ri'i rgyal po lta na sdug ces bya'o/ /ri'i rgyal po shin tu rgyas dang/ zhes bya ba ni/ rgya gar yul dang bod yul par na ri'i rgyal dpag tshad gsum yod pa/ dpangs su yang de bzhin te/ sa'i ri rab grag pa/ mdza' skor du gling bzhir bskor ba'o/ /ri'i rgyal po rin chen 'byung gnas dang zhes bya ba ni/ zangs kyi gling dang rin chen gling gi bar na gnas te/ rin po che sna tshogs las grub pa rgya mtsho chen po'i dbus na yod pa/ mdza' skor du dpag tshad lnga brgya yod pa/ spangs su dpag tshad sum brgya/ rgya mtsho'i rin po che thams cad kyang de nas byung ngo/ /ri'i rgyal po srin bu can dang zhes bya ba ni/ rgya gar
- 225b
dang bal yul gyi bar na yod de/ mthar bskor du dpag tshad sum brgya dpangs su dpag tshad lnga yod pa/ sems can thams cad gnas pa'i phyir na srin bu can zhes btags so/ /ri'i rgyal po nor bu'i rdzas dang zhes bya ba ni/ byad na sgra mi snyan gyi gling gis byang ngos na yod de/ mdza' skor du dpag tshad drug brgya/ dpangs su bzhi brgya'o/ /de'i sa na yid bzhin gyi nor bu bzhin du/ yod pas na nor bu'i rdzas zhes bya'o/ /ri'i rgyal po thags bzangs ris dang zhes bya ba ni/ ri rab kyi steng gi byang ngos na/ lha ma yin gyi gnas kyi dbus na/ lha ma yin gyi rgyal po thags zangs ris kyi bzhugs sa/ de bzhugs pa'i phyir na thag zangs ris zhes bya'o/ /ri'i rgyal po rdo rje 'byung gnas dang zhes bya ba ni/ bal yul gyi nub ngos na spre'u'i rgyal po ha lu manda'i lag gi bar nas shor ba'i ri/ de la mdza' skor la dpag tshad lnga/ 'phang du dpag tshad gnyis/ brag rdo rje lta bu'i yod pa'i phyir na/ rdo rje'i brag ces bya'o/ /ri'i rgyal po 'gram ldan dang zhes bya ba ni/ bal yul gyi shar phyogs na spre'u'i rgyal po ha lu manda sa bong ba/ mdza' skor la dpag tshad lnga bcu/ 'phangs du dpag tshad drug go /'gram pa bzhin du snang ba'i phyir na 'gram ldang zhes bya'o/ /ri'i rgyal po lha min 'babs dang zhes bya ba ni/ ri sbos kyi dang ldan de'i byang phyogs dpag tshad nyi shu na/ gser gyi brag bya skyibs lha ma yin gyi ngos bya skyibs zhes bya ba yod de/ chur dpag tshad lnga bcu/ zheng du dpag tshad lnga bcu/ mdza' skor du dpag tshad nyis brgya/ 'phang du dpag tshad phyed dang bzhi yod pa/ dbyibs legs shing lta na sdug la mdzes pa'o/ /ri'i rgyal po glogs 'od dang zhes bya ba ni nub phyogs ba lang spyod kyi shar phyogs dpag tshad lnga brgya'i bar na ri bo yod de/ mdza' skor du dpag tshad sum brgya/ 'phang du dpag tshad
- 226a
nyis brgya/ rgyu gser las byas pa/ klog gi 'ong bzhin lhan ne lhang nge yod pas klog ces bya'o/ /ri'i rgyal po rgyab gnas dang zhes bya ba ni/ lho'i 'dzam bu gling bskor ba mdza' skor du 'dzam bu'i gling tsam yod de/ 'phang du dpag tshad khri yod pa/ rgya che bas na khyab gnas zhes bya'o/ /ri'i rgyal po zla 'od dang zhes bya ba ni/ shar gyi lus 'phags kyi nub/ dpag tshad lnga brgya na shel las grub pa'i ri yod de/ mdza' skor du dpag tshad khri yod pa/ 'phang du dpag tshad lnga stong ngo/ /zla ba'i bzhin du bsil bas na zla 'od ces bya'o/ /ri'i rgyal po brag zangs dang zhes bya ba ni/ rgya gar gyi nub byang mtshams na laM ka'i 'gram na/ gnod sbyin ku bai ra'i gnas yin te/ rin po che sna bdun las grub pa'i ri mdza' skor dpag tshad lnga brgya/ 'phang du sum brgya/ gzhan byas bzang ba'i phyir na bram ze zhes bya'o/ /ri'i rgyal po nyi ma mdzes dang zhes bya ba ni/ gnya' shing 'dzin yang zer ri'i rgyal po ri rab nas dpag tshad brgyad khri bor te/ dpag tshad brgyad khri ni chu'i 'og gser gyi sa gzhi la rten pa ste/ dpag tshad bzhi khri ni chu las gyen du 'phags so/ /zheng du yang de dang 'dra ste/ dbyibs legs shing lta na sdug la mdzes pa/ gser las grub pa ste/ de na rgyal chen bzhi'i grong dang grong khyer dang ljongs gnas so/ /ri'i rgyal po thigs pa dang zhes bya ba ni/ zangs gling gi mdun na ri bo chen po yod de/ srin mo 'am srin po rgyu ba/ mdza' skor du dpag tshad brgyad pa/ 'phang du dpag tshad lnga yod pa/ thigs pa bzhin du snang bas na thigs pa zhes bya'o/ /ri'i rgyal po 'bigs byed dang zhes bya ba ni/ de yang gser gling na yod de phyi'i rgya mtsho'i 'gram mdza' skor du dpag tshad phyed
- 226b
dang nyis brgya yod de/ 'phang du dpag tshad brgya'o/ /ri de ni mtshon bzhin du yod de/ de'i phyir 'bigs byed ces bya'o/ /ri'i rgyal po zla ba'i brag dang zhes bya ba ni/ o rgyan gyi yul gyi shar phyogs dpag tshad gsum na/ ri de'i mdza' skor du dpag tshad drug yod de/ 'phang du dpag tshad phyed dang gnyis so/ /de'i rtse mo la zla ba bzhin du gnas pa zla ba'i brag ces bya'o/ /ri'i rgyal po sna tshogs brtsegs dang zhes bya ba ni/ rgya nag po'i ngos na ri bo rtse lnga pa mdza' skor du dpag tshad lnga brgya pa/ 'phang du dpag tshad phyed dang sum brgya/ dkar po dang/ ser po dang/ dmar po dang/ sngon po dang/ kha dog mdzes shing snang bas na sna tshogs mdzes zhes bya'o/ /ri'i rgyal po ma la ya dang zhes bya ba ni zangs gling gi lho ngos na/ tsan dan gyi nags gseb yod de/ mdza' skor du dpag tshad brgya/ 'phang du dpag tshad brgya'o/ /de'i lho phyogs na bya khyung yod pa ste/ shin tu drang ba'i phyir na ma la yin? ra brtags so/ /ri'i rgyal po gser gyi rtse mo dang zhes bya ba ni/ gshol mda''dzin ces bya'o/ / ri'i rgyal po gnya' shing 'dzin las dpag tshad bzhi khri bor te/ dpag tshad brgyad khri ni chu'i 'og gser gyi sa gzhi la brten/ dpag tshad nyi khri chu las gyen du 'phags so/ /zheng du yang de dang 'dra'o/ /dbyibs legs shing lta na sdug? pa mdzes pa/ gser las grub pa ste/ de ni rgyal chen bzhi pa'i grong dang grong khyer dang ljongs gnas so/ /ci'i phyir ri'i rgyal po gshol mda''dzin ces bya ba ni/ ri'i rgyal po gshol mda''dzin gyi rtse mo dbyibs legs shing sta na sdug la mdzes pa/ dper na gshol mda' bzhin te/ de'i phyir na gshol mda''dzin cing bya'o/ /ri'i rgyal po kun nas 'gro dang zhes bya ba ni/ te se gangs kyi ri'i byang ngos na/ tha mal pa'i yul gyis mtshams/
- 227a
mdza' skor du dpag tshad lnga brgya/ phang du dpag tshad lnga'o/ /'dzam bu gling gi khyab pa'i phyir na kun nas 'gro zhes bya ba'o/ /ri'i rgyal po lag bzangs dang zhes bya ba ni/ gser gyi ri lte rgya mtsho'i dbus na gnas te 'og gser gyi sa gzhi la thug pa/ chu las 'phags pa ni dpag tshad brgyad stong 'phags so/ /lag pa bzhin du gnas pas na/ lag bzangs zhes bya'o/ /ri'i rgyal po nor bu ldan dang zhes bya ba ni/ sgra mi snyan gyi shar phyogs na nor bu rin po che sna tshogs yod pa/ mdza' skor du dpag tshad lnga brgya/ 'phang du lnga brgya'o/ /nor bu rin po che thams cad de la ldan te/ de lta bus na nor bu ldan zhes bya ba/ /ri'i rgyal po sde bzangs dang zhes bya ba ni/ ba lang spyod kyi nub ngos na/ dpag tshad khri mdza' skor du yod pa/ dpag tshad lnga stong 'phang du'o/ /shin tu dbyibs legs pa lta na sdug pa'i phyir na/ sde bzangs du btags pa'o/ /ri'i rgyal po tshangs pa'i mchu dang zhes bya ba ni/ chu gaM gA'i 'gram ga ya zhes bya ba ni/ ri bo rked sum nyag yod de/ mdza' skor dpag tshad brgya yod do/ /rked nyag la dpag tshad re re/ 'phang du yang lnga bcu'o/ /de na tshangs pa gnas pa'i phyir/ tshangs pa'i mchu zhes bya'o/ /ri'i rgyal po rigs byed srung dang zhes bya ba ni/ de yang de'i tsa na yod de/ dbyibs dang rgya dang 'phang yang de bzhin no/ /de la tshangs pa gnas shing rig byed bzhi gnas de nas byung bas na rig byed ldan zhes bya'o/ /ri'i rgyal po ba lang sna dang zhes bya ba ni/ bal yul gyi byang ngos na khyab 'jug gi lha gnas pa/ dpag tshad bzhi ni mthar skor 'phang du ni gsum mo/ /ba lang gi sna bzhin du rtse mo yod pa'i phyir na ba lang sna
- 227b
zhes bya'o/ /ri'i rgyal po sna tshogs phreng dang zhes bya ba ni/ 'dzam+bu gling gi byang ngos rgya nag po'i byang shar mtshams na gnas pa/ mdza' skor du dpag tshad khri yod pa/ 'phang du dpag tshad lnga stong yod pa/ rtse mo la phrang ba bzhin du gnas pas na sna tshogs phreng zhes bya'o/ /ri'i rgyal po mi 'jigs sna tshogs dang zhes bya ba ni/ de ni nub kyi ba lang spyod kyi nub ngos na gnas te/ mdza' skor na dpag tshad lnga brgya/ 'phang du dpag tshad phyed dang sum brgya'o/ /gzhi lcags la grub pa/ de las gnas pa'i sems can rnams la 'jigs pa med pas na mi 'jigs sna tshogs zhes bya'o/ /ri'i rgyal po ral gri dang zhes bya ba ni/ 'dzam bu gling gi lho ngos na/ yul spyi bo gtsug na ri ral gri'i dbyibs su yod pa/ mdza' skor du dpag tshad brgya/ 'phang du nyis brgya'o/ /ral gri bzhin du rtse mo rno bas na/ ral gri zhes bya'o/ /ri'i rgyal po gdung ba dang zhes bya ba ni/ 'dzam bu'i gling gi dbus na yod de/ dbyibs tho ba dang 'dra ba/ mdza' skor du dpag tshad drug yod pa/ 'phang du dpag tshad brgyad do/ /gdung ba'i tshul du yod pa'i phyir na gdung ba zhes bya'o/ /ri'i rgyal po dmigs sku dang zhes bya ba ni/ sgra mi snyan gyi shar phyogs na ri chen por mig sku zhes bya bar grags pa/ mdza' skor du dpag tshad brgya pa/ 'phang du dpag tshad sum brgya'o/ /mig mi thar pa/ mi ma yin gnas pa'o/ /ri'i rgyal po muny+dza dang zhes bya ba ni/ mnga' ri kyi shar ngos gangs kyi ri rtse gcig tu yod pa/ mdza' skor du dpag tshad lnga brgya yod pa/ 'phang du dpag tshad sum brgya gnas pa/ rtse mo rno ba'o/ /de na gnas pa ni dbang phyug chen po'i bu gzhon nu gdong drug gnas so/ /ri'i rgyal po ri dags can dang zhes bya ba ni/ bal yul gyi byang ngos na gnas te/ dbyibs ri dags sha ra Na bzhin du gnas te/
- 228a
mdza' skor du dpag tshad lnga pa/ 'phang du dpag tshad gsum mo/ /ri dags bzhin du yod pas na ri dags can zhes bya'o/ /ri'i rgyal po 'jogs byed dang zhes bya ba ni/ bal yul dang rgya gar gi mtshams na/ mthar skor du dpag tshad bzhi yod pa/ 'phang du gnyis so/ ri'i rgyal po te se dang zhes bya ba ni/ gangs kyi ri yin te de yang rtse gsum du yod pa/ lha ma hA de ba yod pa/ mdza' skor dpag tshad lnga brgya yod pa/ 'phang du yang lnga brgya'o/ /ri'i rgyal po mi mjed dang zhes bya ba ni/ ti se'i byang ngos na dpag tshad lnga yod pa'i bar na/ mdza' bskor dpag tshad rgya/ 'phang du dpag tshad sum cu'o/ /ri'i rgyal po tsan dan phreng dang zhes bya ba ni/ ma la ya'i shar phyogs kyi bar na dpag tshad lnga yod de/ tsan dan gyi nags gseb/ sbrul gdug pa can yod pa/ mdza' skor du dpag tshad brgya yod par/ 'phang du yang brgya'o/ /ri'i rgyal po stobs 'dzin khyim dang zhes bya ba ni/ rgya nag po na gnas te/ mdza' skor du dpag tshad khri yod pa/ 'phang du dpag tshad lnga brgya yod pa/ ri'i rgyal po ri dbang chen dang zhes bya ba ni/ rgya bod kyi bar na ri bo chen po/ mdza' skor du dpag tshad brgya/ 'phang du dpag tshad lnga bcu'o/ /ri'i rgyal po dus 'bri byed dang zhes bya ba ni/ bal yul dang rgya gar 'khor nas yod pa/ mdza' skor du dpag tshad khri yod pa/ 'phang du lnga brgya'o/ /ri'i rgyal po skem ri dang zhes bya ba ni/ dus 'bri byed kyi byang ngos dpag tshad gcig na/ mdza' skor yang de bzhin no/ /'phang du dpag tshad drug brgya'o/ /ri'i rgyal po ba lang srung zhes bya ba ni/ bal yul gyi nub ngos na/ dbang phyug chen po'i lha gnas pa/ dpag tshad lnga mdza' skor ro/ /'phang du dpag tshad gsum mo/ /ri'i rgyal po bya rog sgra
- 228b
gcan dang zhes bya ba ni/ zlum po rgya che ba mdza' skor du dpag tshad bcu pa/ 'phang du dpag tshad bcu'o/ /sangs rgyas rnams kyi zhing khams su grags pa'o/ /ri'i rgyal po stan 'dzin dang zhes bya ba ni/ rgya mtsho'i nang na gnas pa/ rgya che ba gser gyi sa bzhi la thug pa/ rgyu yang gser las byas pa'o/ /ri'i rgyal po rta rna ri dang zhes bya ba ni/ ri lta na sdug pa dpag tshad lnga stong bor te/ dpag tshad brgyad khri ni chu'i 'og gser gyi sa bzhi chen po la brten te/ dpag tshad nyis stong lnga brgya chu las gyen du 'phags te/ zheng du yang de dang 'dra ste/ dbyibs legs shing lta na sdug la mdzes pa/ de na rgyal chen bzhi'i lha rnams kyi grong khyer dang ljongs gnas so/ /ci'i phyir ri'i rgyal po rta rna ri zhes bya ba ni/ ri'i rgyal po rta rna ri'i rtse mo dbyibs legs shing blta na sdug la mdzes pa ni/ dper na rta'i rna ba bzhin te/ de'i phyir ri'i rgyal po rta rna ri zhes bya'o/ /ri'i rgyal po rnams 'dud dang zhes bya ba ni/ ri'i rgyal po rta rna ri na dpag tshad nyis stong lnga brgya por nas/ dpag tshad brgyad khri chu'i 'og nas gser gyi sa gzhi chen po la brten te/ dpag tshad stong nyis brgya lnga bcu ni chu las gyen du 'phags so/ /rngams su yang de dang 'dra ste/ dbyibs legs shing lta na sdug la mdzes pa/ gser las grub pa/ de na rgyal chen bzhi pa'i lha rnams kyi grong dang grong khyer dang 'jongs gnas so/ /ci'i phyir ri'i rgyal po rnams 'dud ces bya ba zhe na/ ri'i rgyal po rnam par 'dus kyi rtse mo dma' zhing 'dud pa ni/ dper na gnyan ru bzhin te/ de'i phyir na ri'i rgyal po rnam par 'dud ces bya'o/ /sa'i dkyil 'khor 'di na/ ri'i rgyal po 'di bdag dang zhes bya ba ni/ ri'i rgyal po de rnams la sogs pas btso bo byas pa'o/ /gzhan dag kyang yod pa de la lha rnams dang zhes bya ba ni/ stong gsum gyi stong chen po'i 'jig rten gyi khams la gnas
- 229a
pa'i ri'i rgyal po la sogs pa rnams so/ /lha la sogs pa'i 'byung po stong phrag brgyad cu rtsa bzhi/ bgegs rigs mi gcig pa ri de rnams la gnas so/ /rig sngags 'chang grub pa dang zhes bya ba ni/ ri de rnams la gnas pa'i rig sngags 'chang gi rgyal po la sogs pa bsam gyis mi khyab pa gnas pa'o/ /rgyal po 'khor dang bcas pa gang dag rgyun du gnas pa zhes bya ba ni/ rgyal po bzhi yang ri de rnams la rgyu'o/ /gzhan yang rgyal po rnams dang ri de la rgyu ste/ de'i khor rnams kyang de la rgyu'o/ /ri de rnams la yang gzugs sna tshogs pa dang/ gzugs tha dad pa dang/ gzugs mang ba dang/ gzugs tha dad med pa dang/ 'dod pa'i gzugs dang/ gzugs mngon pa dang/ ri de rnams la gnas pa'o/ /de dag gis kyang rig sngags kyi rgyal mo rma bya chen mo 'dis bdag la srung ba gyis shig ces bya ba ni/ gang zag gang yang rung ba 'di la gus par byas na/ ri'i rgyal po de rnams la yong pa'i lha la sogs pa bsrung zhing skyob par 'gyur ro/ /sba ba la sogs pa zhes bya ba ni/ snga ma gong du song ba bzhin du shes par bya'o/ /sdig pa thams cad sol cig /dge ba rnams la snang bar gyur cig ces bya ba ni/ sdig pa ni mi dge ba bcu ste/ mi dge ba bcu ni/ lus la gsum ngag la bzhi/ yid la gsum mo/ /lus la gsum ni srog gcod pa/ ma byin par len pa/ mi tshangs par spyod pa'o/ /ngag gi bzhi ni/ rdzun dang/ ngag 'khyal dang/ tshig rtsub mo dang/ 'phra ma'o/ /yid kyi gsum ni/ brnab sems dang/ gnod sems dang/ log par lta ba gsum mo/ /gzhan yang las dang bag chags dang/ zhes bya ba la sogs pa sel ba'o/ /yang na mtshams
- 229b
med pa lnga byas kyang sel ba'o/ /de rnams las log pas na sdig pa thams cad sel ba'o/ /mi dge ba sol cig/ don rnams la snang bar gyur cig ces bya ba ni/ rig sngags kyi rgyal mo 'di'i gzi brjid kyis sdig pa de dag thams cad sol cig /don rnams la snang bar gyur cig ni/ thun mong dang thun mong ma yin pa'i dngos grub snang ba'o/ /thun mong yang las bzhi la sogs pa 'am/ gzhan yang tshangs pa la sogs pa'i dngos grub po/ /yang na srid pa gsum la spyod pa'i sa bcu'i byang chub sems dpa' i dngos grub bo/ /thun mong ma yin pa'i dngos grub ni/ rig sngags kyi ngo bo nyid nam mkha' lta bu ste/ rdo rje lta bu'i ting nge 'dzin thob ba'o/ /gnod pa rnams sol cig ces bya ba ni/ ma rig pa'i dbang gis/ mi dge ba bcu la bdud bzhi byung ngo/ /bdud bzhi la yang lha'i gdon la sogs pa bgegs rnams byung ba/ lus kyi na tsha rims rnams la sogs pa dbyung ba'o/ /de rnams rig sngags kyi gzi brjid kyis sel ba'o/ /mtshan mo bde legs nyin bde legs zhes bya ba ni/ rdo rje lta bu'i ting nge 'dzin/ sangs rgyas dang byang chub sems dpa' rnams kyis yum/ de'i gzi brjid kyis bde ba'o/ /nyi ma'i gung gi bde legs dang/ zhes bya ba ni/ stong gsum gyi stong 'jig rten gyi khams kyi lha dang lha ma yin la sogs pa 'byung bo rnams kyi gnyen po/ /rig sngags 'di'i stobs kyis bde ba'o/ /nyin mtshan kun gyi bde legs dag ces bya ba ni/ ri'i rgyal po de rnams kyis kyang/ rig sngags 'di'i stobs dang byin gyi brlabs kyis 'byung po la sogs pa de rnams kyis kyang srung ba dang skyob par byed pa'o/ /yang na bde bar 'gyur ba ni/ 'khor ba'i sdug bsngal spangs nas rig sngags kyi ngo bo thob pa'o/ /sangs rgyas kun gyis
- 230a
bdag la stsol zhes bya ba ni/ rnam par gzigs dang/ thams cad skyob dang/ log par dang sel dang/ gser thub dang/ 'od srungs la sogs pa 'das pa'i sangs rgyas bsam gyis mi khyab pa'o/ /ma 'ongs pa byams pa la sogs pa bsam gyis mi khyab pa'o/ /da ltar shAkya thub pas bde legs byin pa'o/ /swAhA zhes bya ba ni/ bde bar 'gyur ba'o/ /rig sngags kyi rgyal mo rma bya chen mo las ri'i rgyal po rnams bshad pa'i gnas skabs te bcu bdun pa'o// //kun dga' bo zhes bya ba ni/ yang dag par rdzogs pa'i sangs rgyas kyis gsungs pa'o/ /khyod kyis rgyu skar gang dag nam mkha' la rgyu zhing snang bar byed pa rnams kyi ming zung zhig ces bya ba ni/ dge ba dang mi dge ba byed pa/ bde ba dang mi bde bar byed pa/ lo legs pa dang lo nyes par byed pa/ tshe ring ba dang tshe thung bar byed pa/ spro ring ba dang spro thung bar byed pa/ phyug pa dang ltogs par byed pa/ na ba dang mi na bar byed pa/ bzhin sdug pa dang mi sdug par byed pa/ gzugs bzang ba dang ngan par byed pa/ de rnams ni nam mkha' la rgyu zhing/ 'jig rten gyi khams tsam gnas pa'i lha mo nyi shu rtsa brgyad do/ /'di lta ste zhes bya ba ni/ rgyu skar nyi shu rtsa brgyad blta pa'o/ /rgyu skar nyi shu rgya brgyad kyi lus kyi tshad bstan pa/ tsha ba la ni rgyang grags bco brgyad/ /chung ba dang rgyang grags gsum mo/ /phal cher ni rgyang grags bcu dang bcu gnyis so/ /smin drug dang ni zhes bya ba ni/ de la skyes pa'i mtshan ma ni 'di lags so/ /de yi gdong gi sor bzhin/ g.yas phyogs na ni sme ba yod pa/ spu can nag po mdog kyang dmar/ longs spyod che zhing grangs dang ldan/ mkhas shing rab tu dpal 'bar te/ smin drug la ni skyes pa'i
- 230b
mtshan ma de yin no/ /snar ma dang zhes bya ba ni/ gang zhig brla yi sor gzhin/ sme ba 'di nyid gda' ba ste snar ma la ni skyes pa ste/ shes shing rtag tu chos la dga' / mkhas la longs spyod phun sum tshogs/ rnam pa kun tu mdzes dang ldan/ dpa' zhing rgyal pa phun sum tshogs/ /dgra rnams rtag tu rab tu 'joms/ /mgo dang zhes bya ba ni/ mgul pa yi ni mdzub phyed na/ gang la tshig pa 'dra ba yod/ /de ni mgo la skyes pa ste/ dpa' zhing longs spyod ldan pa'o/ /lag dang zhes bya ba ni/ mdzub kyi phyed po gnyis pa la/ g.yon na sme ba gang yod pa/ /lag la skyes pa khro ba ste/ de ni blun zhing nabs so dang zhes bya ba ni/ mchan khu g.yon na sme nag yod/ nabs so la ni skyes pa ste/ nor dang 'bru rnams 'byor par 'gyur/ de rnams shes pa rgya yang chud/ /rgyal ni bkra shis phun sum tshogs/ /zhes bya ba ni/ mtshan mchog dag ni rab tu dga' / /phyag gi mthil la 'khor lo ni/ nyi ma lta bur rab tu mdzes/ /dbu skra dag ni thams cad kyang/ /gyen du g.yas mkhyil legs par yod/ sku ni chu zheng gab pa ste/ 'dren pas khyod kyi nyon mongs thul/ /de ni rgyal la skyes pa'o/ /de bzhin bkag ste bdun pa yin/ zhes bya ba ni/ tshig 'bra gang gi snying kha mchis/ /skag la skyes te 'thab la dga' / /tshul khrims 'chal zhing 'grogs mi bde/ de ni g.yem la dga' ba'o/ /de ltar rgyu skar bdun po de dag ni shar phyogs kyi sgo na gnas pa dag ste/ skar ma bdun po de dag ni chos kyi dbang du byas na/ sa'i khams su 'gyur ba ste/ lha mo'i gzugs su snang ba'o/ /smin drug ni dmar mo ste/ me'i dbyug to thogs pa/ me la zhon pa snar ma sngo skya lus thogs pa/ nya la zhon pa'o/ /mgo ljang gu lag na utpa la thogs pa/ kha sha la zhon pa'o/ /lag dkar po lag na sprul thogs pa/ sgrul la zhon pa'o/ /nabs so
- 231a
ser mo lag na rdo rje dril bu thogs pa/ lug la zhon pa'o/ /rgyal dmar po lag na dbyug pa thogs pa'o/ /gdan bum pa la 'dug pa'o/ /skag sngon mo lag la lcags skyu thogs pa/ bya rog la zhon pa'o/ /rgyan thams cad kyis brgyan pa/ dbyibs legs shing lta na sdug pa'o/ /gang dag shar phyogs srung zhing yongs su skyong bar byed pa dag go /zhes bya ba ni/ yang dag par rdzogs pa'i sangs rgyas kyi bka' las mi 'da' zhing/ rig sngags kyi byin gyis brlabs kyis khyab pa'o/ /de dag gis kyang rig sngags kyi rgyal mo rma bya chen mo 'dis bdag la srung ba gyis shig ces bya ba ni/ gang zag gang gis de la gus par byed pa de la/ shar gyi skar ma bdun po dag gis kyang bsrung zhing skyob ste/ shar phyogs kyi 'jigs pa thams cad las skyob par byed pa'o/ /sba ba la sogs pa zhes bya ba ni/ snga ma bzhin du shes par bya'o/ /mchu ni mi zad 'joms pa dang zhes bya ba ni/ 'og gam brang ngam rgyab cig na/ gang la byin sran 'dra ba yod/ /mchu la skyes te nor dang ldan/ /gtsun zhing chos dang ldan pa'i mi/ de bzhin bre dang zhes bya ba ni/ lte ba'i g.yas g.yon gnyis ga na/ gang la rme 'dra yod pa de/ /de ni bre la skyes pa te/ /ser sna che zhing tshe yang thung/ /spo gnyis dang zhes bya ba ni/ lte ba man sngags sor bzhin/ /gang na rme ba rab yod pa/ spo la skyes te longs spyod che/ /khrims ldan shi 'phos mtho ris 'gro/ me bzhi zhes bya ba ni/ sme ba dmar po chu so na/ rku zhing g.yo dan sgyu ma ste/ bsod nams chung zhing shes pa zhen/ me bzhi la ni skyes pa'o/ /nag pa zhes bya ba ni/ mtshan ma la ni sme ba yod/ /bda' bar gyur pa nges par yang/ /nag pa la ni de skyes te/ 'dod chags klu gar rtag tu dga' / /sa ri dang zhes bya ba ni/ mtshan ma'i 'og gam steng na ni/ /sme ba ser
- 231b
po rab tu gda' / /mi mkhas skam zhing mang po snang/ /sa ri la ni skyes pa'o/ /sa ga la ste bdun pa zhes bya ba ni/ brla gnyis kyi ni mdzub gang na/ /rme ba dmar po de bzhin te/ sa ga la skyes shar pa mchog/ skyes pa bud med rnams kyis bskor/ /mkhas shing dpa' la dgra yang thul/ /rtag tu bde la gnas pa ste/ ngo tsha shes shing bstan dang ldan/ /shi 'phos nas ni mtho ris skye/ /de ltar rgyu skar bdun po 'di dag ni/ /lho phyogs kyi sgo na gnas pa dag ste/ zhes bya ba ni/ skar ma bdun po de dag ni chu'i khams su gnas pa'o/ /lha mo'i tshul du gnas pa ste/ lho ngos dag na gnas pa'o/ /de rnams kyi sku mdog dang phyag mtshan ni/ mchu dkar po gri gug thogs pa'o/ /glang la zhon pa/ bre ser po pad+ma thogs pa gang na rngo/ spo dkar mo lag na rdo rje thogs pa/ glang po che la zhon pa/ me bzhi sngon mo/ lag na rma bya'i sgro thogs pa/ rma bya la zhon pa/ nag pa ser mo/ lag na rin po che'i phreng ba 'dzin pa/ ba la zhon pa/ sa ri mdog dmar skya/ lag na 'phang mdung 'dzin pa/ thag pa'i gdan la bzhugs pa/ sa ga dud ka/ dgra sta thogs pa/ mi'i gdan la bzhugs pa'o/ /gang dag lho phyogs srung zhing yongs su skyong bar byed pa dag go /zhes bya ba ni/ sangs rgyas kyi bstan pa srung zhing/ sems can rnams kyi don byed pa'o/ /rig sngags kyi bka' las mi 'da' bar/ lho phyogs yongs su skyong ba'o/ /de dag gis kyang rig sngags kyi rgyal mo rma bya chen mo 'dis bdag la srung ba gyis shig ces bya ba ni/ gang zag gang gis kyang/ rig sngags kyi rgyal mo 'di la gus shing 'chang ba de/ srung ba dang skyob par byed do/ /lho phyogs kyi 'jigs pa thams cad las skyob pa'o/ /sba ba la sogs pa zhes bya ba ni/ snga ma bzhin du shes par bya'o/ /lha mtshams gzi brjid chen po dang zhes bya ba ni/ brla gnyis kyi mdzub
- 232a
don gang la byi sran 'dra ba yod/ /lha mtshams la skyes tshul khrims can/ /chos dang longs spyod ldan pa'o/ /de bzhin son dang zhes bya ba ni/ gang ga brla 'og gnyis na ni/ sme ba yod pa snron la skyes/ /mi sdug tshe thung tshul khrims 'tshal/ /dbul zhing snying rjes ma mchis so/ /snubs dang zhes bya ba ni/ pus mo gnyis kyi gong na ni/ gang la sme chung yong ba ste/ snubs la skyes pa dbang thang can/ /myur du bdag khyim 'jigs par byed/ /chu stod? dang zhes bya ba ni/ sme ba pus mo'i lha ngan/ /sbyin pa bgyid cing chos lam shes/ /shi 'phos nas ni mtho ris 'gro/ chu stong la ni skyes pa'o/ /chu smad zhes bya ba ni/ sku dol ni sme ba yong/ /de ltar 'dug shes dang ldan/ longs spyod ldan zhing sems can byams/ /chu smad la ni skyes pa'o/ /de ltar byi zhun bya ba ni/ /srin po la ba ka mgrin bcu'i skar ma yin te/ lha rnams gnod pas/ spas nas 'dir ma bshad do/ /rtsis la ma bshad rgyu skar la bshad pa'o/ /gro zhun zhes bya ba ni/ gro zhun la skyes longs spyod rtag/ de bzhin nad med sems can byams/ /sme ba gnyis po yod pa ni/ shi 'phos nas ni mtho ris 'gro/ de ltar rgyu skar bdun po 'di dag ni/ nub phyogs kyi sgo gnas pa dag ces bya ba ni/ rgyu skar bdun po de dag ni/ nub phyogs na gnas pa/ lha mo'i tshul du snang ba/ me'i khams so/ /de rnams kyi sku mdog dang phyag mtshan ni/ lha mtshams chen po mdog dkar mo/ /lag na ngang pa dkar po 'dzin pa'o/ /ngad pa skya la zhon pa/ snron dmar mo lag na tri shul thogs pa/ ru sbal gyi gdan la yod pa/ sdubs dkar mo lag na la phug thogs pa/ gang na la phug la 'dug pa/ chu stong ljang gu lag na
- 232b
me tog gi phreng ba thogs pa/ gdan rdo rje la 'dug pa/ chu smad mthing ka/ lag na pad+ma thogs pa/ gdan rdo rje la byas pa/ byi zhun nag mo/ lag na zhags pa thogs pa/ bya khyung la gdan byas pa/ gro zhun ser mo lag na rdo rje thogs pa/ seng ge la zhon pa/ gang dag nub phyogs srung zhing yongs su skyong bar byed pa dag go zhes bya ba ni/ yang dag par rdzogs pa'i sangs rgyas rnams kyi bstan pa srung ba/ rig sngags kyi bka' las mi 'da' bar sems can gyi don byed pa'o/ /de dag gis kyang rig sngags kyi rgyal mo rma bya chen mo 'dis bdag la srung bar gyis shig ces bya ba ni/ gang zag gang gis kyang rig sngags kyi rgyal mo 'di la gus par byas na/ rgyu skar nyi shu rtsa brgyad po 'di dag gis kyang/ nub phyogs kyi 'jigs pa thams cad la bsrung ba dang skyob par byed do/ /spa ba zhes bya ba la sogs pa ni/ sngar bshad pa bzhin du shes par bya'o/ /mon gru dang zhes bya ba ni/ sme ba nag po rdze ngar la yod pa/ mon gru la skyes pa te/ de ni khro zhing 'dod chags chung/ /longs spyod ma mchis shes rab ldan/ mon bre dang zhes bya ba ni/ rje ngar la ni mdzub don/ sme ba nag po yod pa ste/ mon bre la skyes blun po ste/ de ni chu yis 'chi bar 'gyur/ /de bzhin khrums stong ces bya ba ni/ rje dang? 'og gi mdzub gang na/ rma 'dra yod pa khrums stong la/ blun zhing gzhan la gnod pa byed/ /de na dbul zhing kun mo byed/ khrums smad dang zhes bya ba ni/ gang la sme ba mdzub gang na zhes bya ba ni/ khrums smad la ni skyes pa ste/ sbyin dang tshul khrims ldan pa dang/ shes rab 'jigs med snying rje ldan/ nam gru dang zhes bya ba ni/ gang gi rkang pa gnyis ka la/ sme ba phra mo yong pa ni/ nam gru la skyes mar bas te/ 'dreg mkhan du yang 'gyur ba lags/ tha skar dang zhes bya ba ni/ gang gi mthe 'ong bar
- 233a
yang sme ba sngon po yod pa ni/ rtag tu stobs ldan nang ma mchis/ /tha skang la ni skyes pa'o/ /bra nye ste bdun pa yin zhes bya ba ni/ rkang mthil sme ba yod pa ni/ bra nye las skyes snying rje med/ gsod pa'i gshed ma'i dad tshul can/ shi 'phos nas ni dmyal bar 'gro/ de ltar rgyu skar bdun po 'di dag ni byang phyogs kyi sgo na gnas pa dag ste/ rgyu skar bdun po de dag ni byang phyogs na gnas pa/ lha mo'i tshul du snang ba/ rlung gi khams so/ /de rnams kyi sku mdog dang phyag mtshan ni/ mon gru ser mo 'bras kyi snye ma thogs pa gdan brel la 'dug pa/ mon bre sngon mo lag na tri shul thogs pa/ gdan glang la byas ba/ khrums stong ser mo/ lag na pad+ma thogs pa/ pad+ma'i gdan la 'dug pa/ khrums smad sngon mo lag na utpal la thogs pa/ gdan pad+ma la bzhugs pa/ nam gru dkar mo lag na 'khor lo thogs pa/ gdan 'khor lo la bzhugs pa/ tha skar ljang gu lag na phreng pa thogs pa/ gdan rta la bzhugs pa/ bra nye dung ka lag nar la gri thogs pa/ gdan ri dags la byas pa'o/ /gang dag byang phyogs srung zhing yongs su skyong bar byed pa dag go/ zhes bya ba ni/ yang dag par rdzogs pa'i sangs rgyas rnams kyis bstan pa sung ba/ rig sngags kyi bka' las mi 'da' bar sems can gyi don byed pa'o/ /de dag gi kyang rig sngags kyi rgyal mo rma bya che mo 'dis bdag la srung bgyis shig ces bya ba ni/ gang zag gang dang gang gis kyang rig sngags kyi rgyal mo 'di la gus par byas na/ rgyu skar nyi shu rtsa brgyad po 'dis kyang srung zhing skyob par byed de/ byang phyogs kyi 'jigs pa thams cad las skyob par byed pa'o/ /spa ba dang zhes bya ba la sogs pa ni/ sngar bshad pa bzhin du shes
- 233b
bar bya'o/ /rgyu skar rnams kyi gnas gang yin/ /gang zla ba dang nyi ma la brten cing/ rjes su rgyu ba'i rgyu skar nyi shu rtsa brgyad brjod pa de dag go/ de la mdzub ni sor brgyad kyi tshang ngo/ /mdzub de'i tshad kyis lus la srid du/ mdzub bcu gnyis mchis so/ /glang po'i spyi bo la mdzub gang dang/ rkang pa'i mthil du mdzub gar ste/ mdzub bcu bzhi ni skar ma rnams kyi gnas bshad pa'o/ /de nas dpyid zla ra ba'i tshes gcig la ni/ skar ma byi zhun no/ /gnyis la gro zhun/ gsum la mo dre/ bzhi la mon gru'o/ /lnga la khrum stod/ drug la khrims smad do/ /bdun lan ma gru'o/ /brgyad la tha skar ro/ /dgu la tha nye'o/ /bcu la smin drug/ bcu gcig la snar? ma/ bcu gnyis la mgo/ bcu gsum la lag/ bcu bzhi la nabs? so/ bco lnga la rgyal/ bcu drug la skag/ bcu bdun la mchu/ bco brgyad la bre/ bcu dgu la sbo/ nyi shu la me bzhi/ nyi shu gcig la nag pa/ nyi shu gnyis la sa ri/ nyi shu gsum la sa ga/ nyi shu bzhi la lta mtshams / nyi shu lnga la snron/ nyi shu drug la smas? nyi shu bdun la chu stong/ nyi shu brgyad la chu smad/ nyi shu dgu la byi zhun/ gnam stong la gro zhun no/ /dpyid zla 'bring po'i tshes gcig la mon gru /gnyis la mon bre/ gsum la khrums stod/ bzhi la khrims smad/ lnga la nam gru/ drug la tho skar/ bdun la bra nye/ brgyad la smin drug/ dgu la snar ma/ bcu la mgo/ bcu gcig la lag/ bcu gnyis la nabs so/ /bcu gsum la rgyal/ bcu bzhi la skag/ bco lnga la mchu/ bcu drug la bre/ bcu bdun la sbo/ bco brgyad la me bzhi/ bcu dgu la nag pa/ nyi shu la sa ri/ nyi shu gcig la sa ga/ nyi shu gnyis la lha mtshams/ nyi shu gsum la snron/ nyi shu bzhi la snrubs?/ nyi shu lnga ma chu stong/ nyi shu drug la chu smad/ nyi shu bdun la byi zhun/ nyi shu brgyad
- 234a
la dro zhun/ nyi shu dgu la mon gru/ gnam stong la mon dre'o?/ /dpyid zla tha chungs kyi tshe gcig la khrums stod/ gnyis la khrums smad/ gsum la nam gru/ bzhi la dbyug gu/ lnga la bre nye/ drug la smin drug/ bdun la snar ma/ brgyad la mgo/ dgu la lag/ bcu la nrubs so/ /bcu gcig la rgyal/ bcu gnyis la lkog/ bcu gsum la mchu/ bcu bzhi bre/ bco lnga la sbo/ bcu drug la me bzhi/ bcu bdun la lag pa/ bco brgyad la sa ri/ bcu dgu la sa ga/ nyi shu la lha mtshams/ nyi shu gcig la snron/ nyi shu gnyis la snrubs/ nyi shu gsum la chu stong/ nyi shu bzhi la chu smad/ nyi shu lnga la gro zhun/ nyi shu drug la byi zhun/ nyi shu bdun la mon gru/ nyi shu brgyad la mon bre/ nyi shu dgu la khrims stod/ gnam stong la khrums smad do/ /dbyar zla ra ba'i tshe gcig la nam gru/ tshes gnyis la dbyug gu/ tshes gsum la bra nye'o/ /bzhi la smin drug/ lnga la snar ma/ tshes drug la mgo/ tshes bdun la lag /tshes brgyad la nang so tshe dgu la rgyal/ /tshe bcu la skag/ tshe bcu gcig la mchu/ tshe bcu gnyis la bre/ tshe bcu gsum la sbo/ bcu bzhi la me bzhi/ bco lnga la nag pa/ bcu drug la sa ri/ bcu bdun la sa ga/ bco brgyad la lta mtshams/ bcu dgu la snron/ nyi shu la snrubs/ nyi shu gcig la chu stong/ nyi shu gnyis la chu smad/ nyi shu gsum la byi zhun/ nyi shu bzhi la gro zhun/ nyi shu lnga la mon gru/ nyi shu drug la mon bre/ nyi shu bdun la khrums stod/ nyi shu brgyad la khrum smad/ nyi shu dgu la nam gru/ gnam stong la dbyug gu/ dbyar zla 'bring po'i tshes gcig la bra nye/ gnyis la smin drug gsum la bi rji/ bzhi la mgo/ lnga la lag/ drug la nabs so/ /bdun la rgyal/ brgyad la
- 234b
la skag/ dgu la mchu/ bcu la bra/ bcu gcig la sbo/ bcu gnyis la me bzhi/ bcu gsum la nag pa/ bcu bzhi la sa ri/ bco lnga la sa ga/ bcu drug la lha mtshams/ bcu bdun la snron/ bco brgyad la snrubs/ bcu dgu la chu stod/ tshes nyi shu la chu smad/ nyi shu gcig la byi zhun/ nyi shu gnyis la bro zhun/ nyi shu gsum la mon gru/ nyi shu bzhi la mon bri/ nyi shu lnga la khrums stod/ nyi shu drug la khrums smad/ nyi shu bdun la nam gru/ nyi shu brgyad la tha skar/ nyi shu dgu la bra nye/ gnam stong la smin drug go /dbyar zla tha chungs kyi tshes gcig la snar ma/ tshe gnyis la mgo/ tshe gsum la lag/ tshes bzhi la nabs so/ /tshe lnga la rgyal/ tshes drug la skag/ tshes bdun la mchu/ tshes brgyad la bre/ tshes dgu la sgo/ tshes bcu la me bzhi/ tshes bcu gcig la nag pa/ tshes bcu gnyis la sa ri/ tshes bcu gsum la sa ga/ tshes bcu bzhi la lha mtshams/ tshes bco lnga la snron/ tshes bcu drug la snrubs/ tshes bcu bdun la chu stod/ tshe bco brgyad la chu smad/ tshes bco dgu la bya zhun/ nyi shu la gro zhun/ nyi shu gcig la mon gru/ nyi shu gnyis la mon bre/ nyi shu gsum la khrims stod/ nyi shu bzhi la khrims smad/ nyi shu lnga la na ma gru/ nyi shu dru la dbyug gu/ nyi shu bdun la bre nye/ nyi shu brgyad la smin drug/ nyi shu dgu la snar ma/ gnam stong la mgo'o/ /ston zla ra ba'i tshes gcig la lag/ gnyis la nabs so/ /gsum la rgyal/ bzhi la skag/ lnga la mchu/ drug la bre/ bdun la sbo/ brgyad la me bzhi/ dgu la nag pa/ bcu la sa ri/ bcu gcig la sa ga/ bcu gnyis la lha mtshams/ bcu drug la snron/ bcu bzhi la snrubs/
- 235a
bco lnga la mchu stod/ bcu drug la chu smad/ bcu bdun la byi zhun/ bco brgyad la gro zhun/ bcu dgu la mon gru/ nyi shu la mon bre/ nyi shu gcig la khrums stod/ nyi shu gnyis la khrums smad/ nyi shu gsum la nam gru/ nyi shu bzhi la dbyu gu/ nyi shu lnga la bre nye/ nyi shu drug la smin drug/ nyi shu bdun la snar ma/ nyi shu brgyad la mgo/ nyi shu dgu la lag/ gnam stong la nabs so/ /ston zla 'bring po'i tshes gcig la rgyal/ gnyis la skag/ gsum la mchu/ bzhi la bre/ lnga la sbo/ drug la me bzhi/ bdun la nag pa/ brgyad la sa ri/ dgu la sa ga/ bcu la lha mtshams/ bcu gcig la snron/ bcu gnyis la snrabs bcu gsum la chu stod/ bcu bzhi la la chu smad/ bco lnga la byi zhun/ bcu drug la gro zhun/ bcu bdun la mon gru/ bco brgyad la mon bre/ bcu dgu la khrims stod/ nyi shu la khrims smad/ nyi shu gcig la nam gru/ nyi shu gnyis la tha skar nyi shu gsum la dra nye/ nyi shu bzhi la smin drug nyi shu lnga la snar ma/ nyi shu drug la mgo/ nyi shu bdun la lag /nyi shu brgyad la nabs so/ /nyi shu dgu la rgyal/ gnam stong la skag go/ ston zla tha chung gi tshes gcig la mchu/ gnyis la bre/ gsum la sbo/ bzhi la me bzhi/ lnga la nag pa/ drug la sa ri/ bdun la sa ga/ brgyad la lha mtshams/ dgu la snron/ bcu la snrubs/ bcu gcig la chu stod/ bcu gnyis la chu smad/ bcu gsum la byi zhun/ bcu bzhi la gro zhun/ bco lnga la mon gru/ bcu drug la mon bre/ bcu bdun la khrims stod/ bco brgyad la khrums smad/ bcu dgu la nam gru/ nyi shu la tha skar/ nyi shu gcig la bra nye/ nyi shu gnyis la smin
- 235b
drug/ nyi shu gsum la snar ma/ nyi shu bzhi la mgo/ nyi shu lnga la lag/ nyi shu drug la nabs so/ /nyi shu bdun la rgyal/ nyi shu brgyad la skag/ nyi shu dgu la mchu/ gnam stong la bre/ dgun zla ra ba'i tshes gcig la sa ri/ gnyis la sa ga/ gsum la lha mtshams/ bzhi la snron/ lnga na snrubs/ drug la chu stod/ bdun la chu smad/ brgyad la byi zhun/ dgu la dro zhun/ bcu la mon gru/ bcu gcig la mon bre/ bcu gnyis la khrums stod/ bcu gsum la khrims smad/ bcu bzhi la nam gru/ bco lnga la tha skar/ bcu drug la bra nye/ bcu bdun la smin drug/ bco brgyad la snar ma/ bcu dgu la mgo/ nyi shu la lag/ nyi shu gcig la nabs so/ /nyi shu gnyis la rgyal/ nyi shu gsum la skag nyi shu bzhi la mchu/ nyi shu lnga la bre/ nyi shu drug la sbo/ nyi shu bdun la me bzhi/ nyi shu brgyad la nag pa/ nyi shu dgu la sa ri/ gnam stong la sa ga'o/ /dgun zla 'bring po'i tshes gcig la lha mtshams/ gnyis la snron/ gsum la snrubs/ bzhi la chu stod/ lnga la chu smad/ drug la byi zhun/ bdun la bre zhun/ brgyad la mon gru/ dgu la mon dre/ bcu la khrims stod/ bcu gcig la khrums smad/ bcu gnyis la nam gru/ bcu gsum la dbyug gu/ bcu bzhi la bre nye/ bco lnga la smin drug/ bcu drug la snar ma/ bcu bdun la mgo/ bco brgyad la lag/ bcu dgu la nabs so/ /nyi shu la rgyal/ nyi shu gcig la skag/ nyi shu gnyis la mchu/ nyi shu gsum la dre/ nyi shu bzhi la sbo/ nyi shu lnga la me bzhi/ nyi shu drug la nag pa/ nyi shu bdun la sa ri/ nyi shu brgyad la sa ga/ nyi shu dgu la lha mtshams/ gnam stong la snron/ dgun la tha chungs kyi tshes gcig la snrubs/ tshes gnyis la
- 236a
chu stod/ tshes gsum la chu smad/ tshe bzhi la byi zhun/ lnga la gro zhun/ drug la mon gru/ bdun la mon gre/ brgyad la khrims stod/ dgu la khrims smad/ bcu la nam gru/ bcu gcig la dgyug gu/ bcu gnyis la bra nye/ bcu gsum la smin drug/ bcu bzhi la snar ma/ bco lnga la mgo/ bcu drug la lag /bcu bdun la na bas so/ /bco brgyad la rgyal/ bcu dgu la skag/ nyi shu la mchu/ nyi shu gcig la bre nyi shu gnyis la sbo/ nyi shu gsum la me bzhi/ nyi shu bzhi la nag pa/ nyi shu lnga la sa ri/ nyi shu drug la sa ga/ nyi shu bdun la lha mtshams/ nyi shu brgyad la snron/ nyi shu dgu la snrubs/ gnam stong la chu smad do/ /nyin mtshan re re la chu tshod drug cu drug cu yod do/ /dpyid zla ra ba la nyin chu tshod nyi shu rtsa bzhi/ mtshan mo sum cu rtsa drug/ dpyid zla 'bring po la nyin mo nyi shu rtsa drug/ mtshan mo sum cu rtsa bzhi'o/ /dpyid zla tha chungs la nyin mo chu tshod nyi shu rtsa brgyad/ nub mo sum cu rtsa gnyis so/ dbyar zla ra ba la nyin mtshan gnyis la mchu tshod sum cu sum cu mnyam mo/ /dbyar zla 'bring po la nyin mo chu tshod sum cu rtsa gnyis/ nub mo nyi shu rtsa brgyad do/ /dbyar zla tha chungs la nyi mo chu tshod sum cu rtsa bzhi/ nub mo nyi shu rtsa drug /ston zla ra ba la nyin mo chu tshod sum cu rtsa drug /nub mo nyi shu rtsa bzhi'o/ /ston zla 'bring po la nyi mo chu tshod sum cu rtsa bzhi'o/ /nub mo la chu tshod nyi shu rtsa drug go /ston zla tha chungs la nyin mo chu tshod sum bcu rtsa gnyis nub mo nyi shu rtsa brgyad do/ /dgun zla ra ba la nyin mtshan gnyis ka la chu tshod sum cu sum cu'o/ /dgun zla 'bring bo la nyin mo chu tshod nyi shu rtsa brgyad/ mtshan mo sum cu rtsa gnyis so/ /dgun zla tha chung la nyin mo
- 236b
nyi shu rtsa drug/ nub mo chu tshod sum cu rtsa bzhi'o/ /de bzhin du dus tshod bcu gnyis so/ /de yang dbyid zlar ba rgyal mtshan no/ /dpyid zla 'bring po la/ seng ge'o/ /dpyid zla tha chungs la khyi'o/ /dbyar zla ba la glang/ dbyar zla 'bring po ru sbal/ dbyar zla tha chungs la bung bu'o/ /ston zla ra ba chu srin/ ston zla ra 'bring po la dung/ ston zla tha chungs la rnga mo'o/ /dgun zla ra ba la gzhu/ dgun zla 'bring po la mda'/ dgun zla tha chungs la glang po che'o/ /dpyid zla ra ba la tshes gcig nas gnam stong ma? mchod du/ nyi ma re re la chu tshod nyi shu rtsa bzhi/ dus tshod bcu gnyis la/ nyi ma shar nas bcu gnyis cha gcig la rgyal mtshan gyi dus so/ /cha gnyis pa seng ge'i dus so/ /cha gsum pa khyi'i dus/ cha bzhi pa glang gi dus/ cha lnga pa ru sbal gyi dus/ cha drug bung bu'i dus/ cha bdun pa chu srin gyi dus/ cha brgyad pa dung gi dus/ cha dgu pa rnga mo'i dus/ cha bcu pa gzhu'i dus/ cha bcu gcig pa mnga' i dus/ cha bcu gnyis pa glang po che'o/ /la la lug zer ro/ /nyi ma gcig la chu tshod nyi shu rtsa bzhi yod pa la/ dus tshod re re chu tshod gnyis gnyis kun la shes par bya'o/ /dpyid zla ra ba'i tshes gcig yan chod nas gnam stong man chod kyi nub re re la/ dus tshod bcu gnyis bcu gnyis yod pa/ rgyal mtshan dang glang po che'i bar dus dus tshod kyi rgyu lugs ni snga ma bzhin no/ /dus tshod re re la chu tshod gsum gsum du shes par bya'o/ /dbyid zla 'bring po'i tshes gcig nas gnam stong man chad du/ nyi ma re re la dus tshod bcu gnyis bcu gnyis yod pa la/ nyi ma gcig gi bcu gnyis cha gcig la seng ge rgyu ba'i dus/ cha gnyis pa khyi'i dus/ cha gsum pa glang gi dus/ cha bzhi pa rus sbal dus/ cha lnga pa bung bu'i dus/ cha drug pa chu srin gyis dus/ cha bdun pa dung gi dus/ cha brgyad par rnga
- 237a
mo'i dus/ cha dgu pa gzhu'i dus/ cha bcu pa mda'i dus/ cha bcu gcig pa glang po che'i dus/ cha bcu gnyis la rgyal mtshan gyi dus so/ /de la chu tshod nyi shu rtsa drug yod pa la/ dus tshad re re la chu tshod gnyis gnyis dang/ skad gcig ma brgya lnga bcu'o/ /seng ge la sogs pa'i dus tshod bcu gnyis ni nyin mo dang 'dra/ dus tshod dus bcu gnyis po de la/ chu tshod sum cu rtsa bzhi yod pa la/ dus tshod re re la chu tshod gsum du skad cig mas brgya lnga bcur ma tshang bar dus bcu gnyis po kun la shes par bya'o/ /dpyid zla tha chungs kyi tshes gcig nas gnam stong gi bar du/ nyi ma re re la dus tshod bcu gnyis bcu gnyis yod de/ nyi ma shar nas cha gcig la khyi'i dus/ cha gnyis la glang/ cha gsum la ru sbal/ cha bzhi la bung bu'i dus/ cha lnga la chu srin gyi dus/ cha drug la dung gi dus/ cha bdun la rnga mo'i dus/ cha brgyad la gzhu'i dus/ cha dgu la mda'i dus/ cha bcu pa la glang po che'i dus/ cha bcu gcig pa la rgyal mtshan gyi dus/ cha bcu gnyis pa la seng ge'i dus so/ /nyi ma re re la chu tshod nyi shu rtsa brgyad yod pa la/ dus tshod re re la chu tshod gnyis gnyis yod pa la/ skad gcig ma sum brgya sum brgya yod do/ /dpyid zla tha chungs kyi nub mo re re la khyi la sogs pa seng ge'i bar du/ dus tshod kyi grangs lnga ma bzhin no/ /chu tshod sum cu rtsa gnyis yod pa/ dus tshod re re la chu tshod gsum gsum du skad cig ma sum brgya sum brgya ma ldang? ba'o/ /dbyar zla ra ba'i tshes gcig nas gnam stong gi bar du nyi ma re re la/ dus tshod bcu gnyis bcu gnyis yod de/ nyi ma shar nas cha gcig la glang gi dus cha gnyis la rus sbal dus/ cha gsum la bung bu'i
- 237b
dus/ cha bzhi la chu srin gyi dus/ cha lnga pa dung gi dus/ cha drug pa rnga mo'i dus/ cha bdun pa la gzhu'i dus/ cha brgyad pa la mda'i dus/ cha dgu pa la glang po che'i dus/ cha bcu pa rgyal mtshan gyi dus/ cha bcu gcig pa la seng ge'i dus/ cha bcu gnyis pa la khyi'i dus so/ /dus tshod bcu gnyis la/ chu tshod sum cu yod do/ /de la dus tshod re re la chu tshod phyed dang gsum gsum yod do/ /nub mo la yang glang nas khyi'i bar du dus tshod bcu gnyis nyin mo bzhin du shes par bya'o/ /chu tshod kyang phyed dang gsum gsum du shes par bya'o/ /dbyar zla 'bring po'i tshes gcig nas gnam stong gi bar du/ nyi ma re re la dus tshod bcu gnyis bcu gnyis yod de/ nyi ma shar nas cha gcig la rus sbal gyi dus/ cha gnyis la bung bu'i dus/ cha gsum la chu srin gyi dus/ cha bzhi pa dung gi dus/ cha lnga pa rnga mo'i dus/ cha drug pa gzhu'i dus/ cha bdun pa mda'i dus/ cha brgyad pa glang po che'i dus/ cha dgu pa rgyal mtshan gyi dus/ cha bcu pa seng ge'i dus/ cha bcu gcig pa khyi'i dus/ cha bcu gnyis pa glang gi dus so/ /dus bcu gnyis kyi nyi ma re re la/ chu tshod sum cu rtsa gnyis yod pa la/ dus tshod re re la chu tshod phyed dang gsum gsum dang/ skad cig ma brgya lnga bcu lnga bcu yod do/ /dbyar zla 'bring po'i tshes gcig nas gnam stong gi bar du nub re re la dus tshod bcu gnyis bcu gnyis yod do/ /nyi ma nub nas cha dang po rus sbal gyi dus nas/ glang gi bar du bcu gnyis po'i nyin mo'i dus tshod bzhin du shes par bya'o/ /de'i dus tshod re re la chu tshod gnyis gnyis dang/ skad cig ma sum brgya sum brgya yod/ dbyar zla tha chungs kyi tshes gcig nas gnam stong gi bar du/ nyi ma re re la dus tshod bcu gnyis bcu gnyis yod pa
- 238a
la/ nyi ma shar nas cha gcig ni bung bu'i dus/ cha gnyis pa chu srin gyi dus/ cha gsum pa dung gi dus/ cha bzhi pa rnga rmo'i dus/ cha lnga pa gzhu'i dus/ cha drug pa mda'i dus/ cha bdun pa glang po che'i dus/ cha brgyad pa rgyal mtshan gyi dus/ cha dgu pa seng ge'i dus/ cha bcu pa khyi'i dus/ cha bcu gcig pa glang gi dus/ cha bcu gnyis pa rus sbal gyi dus so/ /nyi ma re re la chu tshod sum cu rtsa bzhi prtsa bzhi yod pa la/ dus tshod re re la chu tshod gsum gsum du skad cig ma sum brgya sum brgyas ma ldang ngo/ /dbyar zla tha chungs kyi tshes gcig nas gnam stong gi bar du/ nyi ma nub nas bung bu'i nas ru sbal yan chad kyi dus bcu gnyis nyin mo bzhin shes par bya'o/ /nub re re la chu tshod nyi shu rtsa drug yod pa la/ dus tshod re re la chu tshod gnyis gnyis dang/ skad cig ma brgya lnga bcu brgya lnga bcu yod do/ /ston zla ra ba'i tshes gcig nas gnam stong gi bar du/ nyi ma re re la dus tshod bcu gnyis bcu gnyis yod pa/ nyi ma shar nas cha gcig pa chu srin gyi dus/ cha gnyis pa dung gi dus/ cha gsum pa rnga mo'i dus/ cha bzhi pa gzhu'i dus/ cha lnga pa mda'i dus/ cha drug pa glang po'i dus/ cha bdun pa rgyal mtshan gyi dus/ cha brgyad pa seng ge'i dus/ cha dgu pa khyi'i dus/ cha bcu pa glang gi dus/ cha bcu gcig pa rus sbal gyi dus/ cha bcu gnyis pa bung bu'i dus so/ /nyi ma re re la chu tshod bcu gnyis bcu gnyis yod pa la/ dus tshod re re la chu tshod gsum gsum yod do/ /nub mo la yang nyi ma nub nas chu srin nas/ bong bu'i bar du dus tshod bcu gnyis nyin mo bzhin shes par bya'o/ /nub mo chu tshod nyi shu rtsa bzhi yod la/ dus tshod re re la yang chu tshod bcu
- 238b
gnyis bcu gnyis su shes par bya'o/ /ston zla 'bring po'i tshes gcig nas gnam stong gi bar du/ nyi ma re re la dus tshod bcu gnyis bcu gnyis yod pa la/ nyi ma shar nas cha gcig la dung gi dus/ cha gnyis pa rnga mo'i dus/ cha gsum pa gzhu'i dus/ cha bzhi pa mda'i dus/ cha lnga pa glang po che'i dus/ cha drug pa rgyal mtshan gyi dus/ cha bdun pa seng ge'i dus/ cha brgyad pa khyi'i dus/ cha dgu pa glang gi dus/ cha bcu pa rus sbal gyi dus/ cha bcu gcig pa bung bu'i dus/ cha bcu gnyis pa chu srin gyi dus so/ /nyi ma re re la yang dus tshod bcu gnyis bcu gnyis yod de/ dus tshod re re la yang chu tshod gsum gsum du skad cig ma sum brgya sum brgya ma ldang ba'o/ /nub re re la yang dus tshod bcu gnyis yod pa la/ nyi ma nub nas dung nas chu srin gyi bar du/ dus tshod bcu gnyis nyin mo gzhin du shes par bya'o/ /nub re re chu tshod nyi shu rtsa drug rtsa drug yod la/ dus tshod re re la yang chu tshod phyed dang gsum gsum yod pa/ ston zla tha chungs kyi tshes gcig nas gnam stong gi bar du/ nyi ma re re la dus tshod bcu gnyis bcu gnyis yod pa la/ nyi ma shar nas bcu gnyis kyi cha dang po rnga mo'i dus/ cha gnyis pa gzhu'i dus/ cha gsum pa mda'i dus/ cha bzhi pa glang po che'i dus/ cha lnga pa rgyal mtshan gyi dus/ cha drug pa seng ge'i dus/ cha bdun pa khyi'i dus/ cha brgyad pa glang gi dus/ cha dgu pa rus sbal gyi dus/ cha bcu pa bong bu'i dus/ cha bcu gcig pa chu srin gyi dus/ cha bcu gnyis pa dung gi dus so/ nyi ma re re la chu tshod sum cu rtsa gnyis rtsa gnyis yod pa la/ dus tshod re re la chu tshod phyed dang gsum gsum dang/ skad cig ma brgya lnga bcu lnga bcu yod do/ /nyi ma nub nas rnga mo nas dung li bar du/ dus tshod nyin mo bzhin du shes par bya'o//
- 239a
dus tshod nyi shu rtsa brgyad yod pa la/ dus tshod re re la chu tshod gnyis dang/ skad cig ma sum brgya sum brgya yod do/ /dgun zla ra ba'i tshes gcig nas gnam stong gi bar du/ nyi ma re re la dus tshod bcu gnyis yod pa la/ nyi ma shar nas bcu gnyis kyi cha gcig gzhu'i dus/ cha gnyis pa mda'i dus/ cha gsum pa glang po che'i dus/ cha bzhi pa rgyal mtshan gyi dus/ cha lnga pa seng ge'i dus/ cha drug pa khyi'i dus/ cha bdun pa glang gi dus/ cha brgyad pa rus sbal gyi dus/ cha dgu pa bung bu'i dus/ cha bcu pa chu srin gyi dus/ cha bcu gcig pa dung gi dus/ cha bcu gnyis pa rnga mo'i dus so/ /nyi ma re re la dus tshod bcu gnyis bcu gnyis yod pa la/ dus tshod re re la chu tshod phyed dang gsum gsum yod do/ /dgun zla ra ba'i tshes gcig nas gnam stong gi bar du/ nub re re la dus tshod bcu gnyis yod pa la/ nyi ma nub nas cha gcig pa gzhu nas rnga mo'i bar du/ dus tshod ni nyin mo bzhin du shes par bya'o/ /nub re re la chu tshod sum cu sum cu yod pa la/ dus tshod re re la chu tshod dang gsum gsum yod do/ /dgun zla 'bring po'i tshes gcig nas gnam stong gi bar du/ nyin ma re re la chu tshod bcu gnyis bcu gnyis yod pa la/ nyi ma shar nas bcu gnyis kyi cha dang po mda' ba' i dus/ cha gnyis pa glang po che'i dus/ cha gsum pa rgyal mtshan gyi dus/ cha bzhi pa seng ge'i dus/ cha lnga pa khyi'i dus/ cha drug pa glang gi dus/ cha bdun pa rus sbal gyi dus/ cha brgyad pa bung bu'i dus dgu pa chu srin gyi dus/ bcu pa dung gi dus/ bcu gcig pa rnga mo'i dus/ cha bcu gnyis pa gzhu'i dus so/ /nyi ma re re la dus tshod bcu gnyis bcu gnyis yod pa la/ dus tshod re re la yang chu tshod phyed dang gsum gsum du/ skad
- 239b
cig ma brgya lnga bcu lnga bcu ma ldang ba yod do/ /dgun zla 'bring po'i tshes gcig nas gnam stong gi bar du/ nyi ma nub nas mda' nas gzhu'i bar du/ dus tshod bcu gnyis ni nyin mo bzhin du shes par bya'o/ /dus tshod re re la chu tshod phyed dang gsum gsum dang/ skad cig ma brgya lnga bcu lnga bcu yod do/ /dgun zla tha chungs kyi tshes gcig nas gnam stong gi bar du/ nyi ma re re la dus tshod bcu gnyis bcu gnyis yod pa la/ nyi ma shar nas bcu gnyis cha dang po la/ glang po che'i dus cha gnyis pa rgyal mtshan gyi dus/ cha gsum pa seng ge'i dus/ cha bzhi pa la khyi'i dus/ cha lnga pa la glang gi dus/ cha drug pa la rus sbal gyi dus/ cha bdun pa bong bu'i dus/ cha brgyad pa chu srin gyi dus/ cha dgu pa dung gi dus/ cha bcu pa rnga mo'i dus/ cha bcu gcig pa gzhu'i dus/ cha bcu gnyis pa mda'i dus so/ /nyi ma re re la dus bcu gnyis bcu gnyis yod pa la/ dus tshod re re la chu tshod gnyis gnyis dang/ skad cig ma brgya lnga bcu lnga bcu yod do/ /dgun zla tha chungs kyi tshes gcig nas gnam stong gi bar du/ nyi ma nub nas chu tshod bcu gnyis yod pa la/ glang po che nas mda'i bar du/ chu tshod sum cu rtsa bzhi yod pa la/ dus tshod re re la yang chu tshod phyed dang gsum gsum dang/ skad cig ma sum rgya sum rgya yod do/ /de bzhin du lo dang/ zla ba dang/ dus tshod kun la shes par bya'o/ /rgyal mtshan ni 'jig rten gyi khams su grags pa'o/ /seng ge ni gcan zan thams cad la mi 'jig pa'o/ /khyi ni snying nye ba'o// glang ni blun pa'o/ /rus sbal ni theg pa che ba'o/ /bong bu ni 'jig rten gyi khams su ngan par grags pa'o/ /chu srin ni nye bar grub pa'o/ /dung ni brtan pa ste mi 'gyur ba'o/ /rnga mo ni las la ngan pa'o/ /gzhu ni 'khrul la
- 240a
bzang ba'o/ /mda' ni 'bigs pa'o/ /glang po che ni 'dod chags la dga' ba'o/ /de bzhin du ri bcu gnyis brtsi bar bya'o// //kun dga' bo zhes bya ba ni/ yang dag par rdzogs pa'i sangs rgyas kyis gsungs pa'o/ /khyod kyis gza' gang dag rgyu skar rnams kyi khrod na rgyu zhing zhes bya ba ni/ byang shar mtshams na bra nye dang/ smin drug gnas ste/ shar drang por ni snar ma dang mgo dang lag nabs so dang rgyal gnas so/ /shar lho mtshams na skag dang mchu gnas pa'o/ /lho phyogs na bri? dang me bzhi dang sbo dang nag pa sa ri gnas pa'o/ /lho nub mtshams na sa ga dang/ lho mtshams gnas so/ /nub phyogs na snron dang snubs dang chu stod chu smad byi zhun gnas pa'o/ /nub byang mtshams na gro zhun dang mon gru gnas so/ /byang phyogs na mon bre dang/ khrums stod dang khrums smad na ma gru dang/ tha skar gnas so/ /de bzhin du gza' bdun po yang gnas so/ /dpyid zlar ba'i tshes gcig la nyi ma'o/ /tshes gnyis la zla ba/ tshes gsum la mig dmar/ tshes bzhi la pa ba sangs/ tshes lnga la phur bu/ tshes drug la spen pa/ tshes bdun la gza' lag go/ tshes brgyad la nyi ma/ tshes dgu la zla ba/ tshes bcu la mig dmar/ tshes bcu gcig la pa bsangs/ tshes bcu gnyis la phur bu'o/ /tshes bcu gsum la spen pa/ tshes bcu bzhi la bza' lag go/ bco lnga la nyi ma/ bcu drug la zla ba/ bcu bdun la mig dmar/ tshes bco brgyad la pa bsangs/ tshes bcu dgu la phur bu/ nyi shu la spen pa/ nyi shu gcig la lag pa/ nyi shu gnyis la nyi ma/ nyi shu gsum la zla ba/ nyi shu bzhi la mig dmar/ nyi shu lnga la pa ba sangs/ nyi shu drug la phur bu/ nyi shu bdun la spen pa/ nyi shu brgyad la lag pa/
- 240b
nyi shu dgu la nyi ma/ gnam stong la zla ba'o/ /dpyid zla 'bring po'i tshes gcig la mig dmar/ gnyis la pa bsangs/ gsum la phur bu/ bzhi la spen pa/ lnga la lag pa/ drug la nyi ma/ bdun la zla ba/ brgyad la mig dmar/ dgu la pa ba sangs/ bcu la phur bu/ bcu gcig la spen pa/ bcu gnyis la lag pa/ bcu gsum la nyi ma/ bcu bzhi la zla ba/ bco lnga la mig dmar/ bcu drug la pa ba sangs/ bcu bdun la phur bu/ bco brgyad la spen pa/ bcu dgu la lag pa/ nyi shu la nyi ma/ nyi shu gcig la zla ba/ nyi shu gnyis la mig dmar/ nyi shu gsum la pa ba sangs/ nyi shu bzhi la phur bu/ nyi shu lnga la spen pa/ nyi shu drug la lag pa/ nyi shu bdun la nyi ma/ nyi shu brgyad la zla ba/ nyi shu dgu la mig dmar/ gnam stong la pa ba sangs so/ /dpyid zla tha chungs kyi tshes gcig la phur bu/ gnyis la spen pa/ gsum la lag pa/ bzhi la nyi ma/ lnga la zla ba/ drug la mig dmar/ bdun la pa ba sangs/ brgyad la phur bu/ dgu la spen pa/ bcu la lag/ /bcu gcig la nyi ma/ bcu gnyis la zla ba/ bcu gsum la mig dmar/ bcu bzhi la pa ba sangs/ bco lnga la phur bu/ bcu drug la spen pa/ bcu bdun la lag/ bco brgyad la nyi ma/ bcu dgu la zla ba/ nyi shu la mig dmar/ nyi shu gcig la pa ba sangs/ nyi shu gnyis la phur bu/ nyi shu gsum la spen pa/ nyi shu bzhi la lag pa/ nyi shu lnga la nyi ma/ nyi shu drug la zla ba/ nyi shu bdun la mig dmar/ nyi shu brgyad la pa ba sangs/ nyi shu dgu la phur bu/ gnam stong la spen pa'o/ /dbyar zlar ba'i tshes gcig la lag pa gnyis la nyi ma/ gsum la zla ba/ bzhi la mig dmar/ lnga la pa ba sangs/ drug la phur bu/
- 241a
bdun la spen pa/ brgyad la lag/ dgu la nyi ma/ bcu la zla ba/ bcu gcig la mi dmar/ bcu gnyis la pa ba sangs/ bcu gsum la phur bu/ bcu bzhi la spen pa/ bco lnga la lag pa/ bcu drug la nyi ma/ bcu bdun la zla ba/ bco brgyad la mig dmar/ bcu dgu la pa ba sangs/ nyi shu la phur bu/ nyi shu gcig la spen pa/ nyi shu gnyis la lag pa/ nyi shu gsum la nyi ma/ nyi shu bzhi la zla ba/ nyi shu lnga la mig dmar nyi shu drug la pa ba sangs/ nyi shu bdun la phur bu/ nyi shu brgyad la spen pa/ nyi shu dgu la lag pa/ gnam stong la nyi ma'o/ /dbyar zla 'bring po'i tshes gcig la zla ba/ gnyis la mig dmar/ gsum la pa ba sangs/ bzhi la phur bu/ lnga la spen pa/ drug la lag pa/ bdun la nyi ma/ brgyad la zla ba/ dgu la mig dmar/ bcu la pa ba sangs/ bcu gcig la phur bu/ bcu gnyis la spen pa/ bcu gsum la lag pa bcu bzhi la nyi ma/ bco lnga la zla ba/ bcu drug la mig dmar/ bcu bdun la pa ba sangs/ bco brgyad la phur bu/ bcu dgu la spen pa/ nyi shu la lag pa/ nyi shu gcig la nyi ma/ nyi shu gnyis la zla ba/ nyi shu gsum la mig dmar/ nyi shu bzhi la pa ba sangs/ /nyi shu lnga la phur bu/ nyi shu drug la spen pa/ nyi shu bdun la lag/ nyi shu brgyad la nyi ma/ nyi shu dgu la zla ba/ gnam stong la mig dmar ro/ /dbyar zla tha chungs kyi tshes gcig la pa ba sangs/ gnyis la phur bu/ gsum la spen pa/ bzhi la lag pa/ lnga la nyi ma/ drug la zla ba/ bdun la mig dmar/ brgyad la pa ba sangs/ dgu la phur bu/ bcu la spen pa/ bcu gcig la
- 241b
lag pa/ bcu gnyis la nyi ma/ bcu gsum la zla ba/ bcu bzhi la mig dmar/ bco lnga la pa ba sangs/ bcu drug la phur bu/ bcu bdun la spen pa/ bco brgyad la lag pa/ bcu dgu la nyi ma/ nyi shu la zla ba/ nyi shu gcig la mig dmar/ nyi shu gnyis la pa ba sangs/ nyi shu gsum la phur bu/ nyi shu bzhi la spen pa/ nyi shu lnga la lag pa/ nyi shu drug la nyi ma/ nyi shu bdun la zla ba/ nyi shu brgyad la mig dmar/ nyi shu dgu la pa ba sangs/ gnam stong la phur bu/ ston zla ra ba'i tshes gcig la spen pa/ gnyis la lag pa/ gsum la nyi ma/ bzhi la zla ba/ lnga la mig dmar/ drug la pa ba sangs/ bdun la phur bu/ brgyad la spen pa/ dgu la lag pa/ bcu la nyi ma/ bcu gcig la zla ba/ bcu gnyis la mig dmar/ bcu gsum la pa ba sangs/ bcu bzhi la phur bu/ bco lnga la spen pa/ bcu drug la lag pa/ bcu bdun la nyi ma/ bco brgyad la zla ba/ bcu dgu la mig dmar/ nyi shu la pa ba sangs/ nyi shu gcig la phur bu/ nyi shu gnyis la spen pa/ nyi shu gsum la lag pa/ nyi shu bzhi la nyi ma/ nyi shu lnga la zla ba/ nyi shu drug la mig dmar/ nyi shu bdun la pa ba sangs/ nyi shu brgyad la phur bu/ nyi shu dgu la spen pa/ gnam stong la lag pa'o/ /ston zla 'bring po'i tshes gcig la nyi ma/ tshes gnyis la zla ba/ gsum la mig dmar/ bzhi la pa ba sangs/ lnga la phur bu/ drug la spen pa/ bdun la lag pa/ brgyad la nyi ma/ dgu la zla ba/ bcu la mig dmar/ bcu gcig la pa ba sangs/ bcu gnyis la phur bu/ bcu gsum la spen pa/ bcu bzhi la lag pa/ bco lnga la nyi ma/ bcu drug la zla ba/ bcu bdun la mig dmar/ bco brgyad la pa ba sangs/ bcu dgu la phur bu/ nyi shu la spen pa/ nyi shu gcig la lag pa/ nyi shu
- 242a
gnyis la nyi ma/ nyi shu gsum la zla ba/ nyi shu bzhi la mig dmar/ nyi shu lnga la pa ba sangs/ nyi shu drug la phur bu/ nyi shu bdun la spen pa/ nyi shu brgyad la lag pa/ nyi shu dgu la nyi ma/ gnam stong la zla ba'o/ /ston zla tha chungs kyi tshes gcig la mig dmar/ gnyis la pa ba sangs/ gsum la phur bu/ bzhi la spen pa/ lnga la lag pa/ drug la nyi ma/ bdun la zla ba/ brgyad la mig dmar/ dgu la pa ba sangs/ bcu la phur bu/ bcu gcig la spen pa/ bcu gnyis la lag pa/ bcu gsum la nyi ma/ bcu bzhi la zla ba/ bco lnga la mig dmar/ bcu drug la pa ba sangs/ bcu bdun la phur bu/ bco brgyad la spen pa/ bcu dgu la lag/ nyi shu la nyi ma/ nyi shu gcig la zla ba/ nyi shu gnyis la mig dmar/ nyi shu gsum la pa ba sangs/ nyi shu bzhi la phur bu/ nyi shu lnga la spen pa/ nyi shu drug la lag pa/ nyi shu bdun la nyi ma/ nyi shu brgyad la zla ba/ nyi shu dgu la mig dmar/ gnam stong la pa ba sangs so/ /dgun zla ra ba'i tshes gcig la phur bu/ gnyis la spen pa/ gsum la lag pa/ bzhi la nyi ma/ lnga la zla ba/ drug la mig dmar/ bdun la pa ba sangs/ brgyad la phur bu/ dgu la spen pa/ bcu la lag pa/ bcu gcig la nyi ma/ bcu gnyis la zla ba/ bcu gsum la mig dmar/ bcu bzhi la pa ba sangs/ bco lnga la phur bu/ bcu drug la spen pa/ bcu bdun la lag pa/ bcu brgyad la nyi ma/ bcu dgu la zla ba/ nyi shu la mig dmar/ nyi shu gcig la pa ba sangs/ nyi shu gnyis la phur bu/ nyi shu gsum la spen pa/ nyi shu bzhi la lag pa/ nyi shu lnga la nyi ma/ nyi shu drug la zla ba/ nyi shu bdun la mig dmar/ nyi shu brgyad la pa ba
- 242b
sangs/ nyi shu dgu la phur bu/ gnam stong la spen pa'o/ /dgun zla 'bring po'i tshes gcig la lag pa/ tshes gnyis la nyi ma/ tshes gsum la zla ba/ bzhi la mig dmar/ lnga la pa ba sangs/ drug la phur bu/ bdun la spen pa/ brgyad la lag pa/ dgu la nyi ma/ bcu la zla ba/ bcu gcig la mig dmar/ bcu gnyis la pa ba sangs/ bcu gsum la phur bu/ bcu bzhi la spen pa/ bco lnga la lag pa/ bcu drug la nyi ma/ bcu bdun la zla ba/ bco brgyad la mig dmar/ bcu dgu la pa ba sangs/ nyi shu la phur bu/ nyi shu gcig la spen pa/ nyi shu gnyis la lag pa/ nyi shu gsum la nyi ma/ nyi shu bzhi la zla ba/ nyi shu lnga la mig dmar/ nyi shu drug la pa ba sangs/ nyi shu bdun la phur bu/ nyi shu brgyad la spen pa/ nyi shu dgu la lag pa/ gnam stong la nyi ma'o/ /dgun zla bas chungs kyi tshes gcig la zla ba/ gnyis la mig dmar/ gsum la pa ba sangs/ bzhi la phur bu/ lnga la spen pa/ drug la lag pa/ bdun la nyi ma/ brgyad la zla ba/ dgu la mig dmar/ bcu la pa ba sangs/ bcu gcig la phur bu/ bcu gnyis la spen pa/ bcu gsum la lag pa/ bcu bzhi la nyi ma/ bco lnga la zla ba/ bcu drug la mig dmar/ bcu bdun la pa bsangs/ bco brgyad la phur bu/ bcu dgu la spen pa/ nyi shu la lag pa/ nyi shu gcig la nyi ma/ /nyi shu gnyis la zla ba/ nyi shu gsum la mig dmar/ nyi shu bzhi la pa ba sangs/ nyi shu lnga la phur bu/ nyi shu drug la spen pa/ nyi shu bdun la lag pa/ nyi shu brgyad la nyi ma/ nyi shu dgu la zla ba/ gnam stong la mig dmar ro/ /tshes grangs kyis zla ba mi thub ste/ zla bas skar ma mi thub de bzhin du gza' rnams kyang lhag ste/ de bas na lo lnga lnga na zla ba re re la bsnams pa'o/ /de'i khongs su
- 243a
brtsis na/ zla ba dang tshes grangs dang skar ma dang/ bza' tshang ba'o/ /'grib pa dang zhes bya ba ni/ gza' dang/ skar ma tshes grangs la rgyu ste/ de gsum gyi bye brag gis/ bzang ba dang ngan pas 'grib pa'o/ /'phel ba dang zhes bya ba ni/ de bzhin du gza' dang skar ma gsum gyis bzang ngan gyis 'phel ba'o/ /bde ba dang zhes bya ba ni/ de la yang gsum ka 'dzoms pa'i dus su/ skyes par gyur na bde ba phun sum tshogs pa'o/ /sdug bsngal dang zhes bya ba ni/ skyes pa'i tshes grangs kyi khyad par yin te/ de yang bza' skar ma'i khyad par ro/ /lo legs pa dang zhes bya ba ni/ bza' dang skar ma lo dang zla ba bzang po'i khyad par gyis so/ /lo nyes pa dang/ zhes bya ba ni/ de bzhin du gza' dang skar ma lo zla ba ste/ de ngan pa'i skyon gyis/ de bas lo nyes pa dang tshe thung ba dang/ ltogs pa dang/ nad mong ba dang/ 'gro mi shes pa dang/ de la sogs pa byung ba'o/ /de bzhin du bzang ba yang shes par bya'o/ /dag kyang ston pa rnams kyi ming zung zhig ces bya ba ni/ gza' chen po dgu dang/ rgyu skar nyi shu rtsa brgyad dang/ lo bcu gnyis dang/ zla ba bcu gnyis dang/ dus drug dang/ ra shi bcu gnyis dang/ de rnams kyi khyad par gyis legs nyes ston pa'o/ /'di lta ste/ zhes bya ba ni/ gza' dgu po lta ba'o/ /gza' nyi ma dang zhes bya ba ni/ /ma'i khams yin te/ /de'i sku mdog dang phyag mtshan ni/ zhal gcig phyag gnyis pa/ sku mdog dmar po/ g.yas na spa lcag/ g.yon na pad+ma dmar po thogs pa'o/ /rta la zhon pa gon gon pa'o/ /gza' zla ba zhes bya ba ni/ chu'i khams te/ zhal gcig phyag gnyis sku mdog dkar po/ go cha gon pa g.yas na pad+ma dkar po g.yon na ri bong gi rgyal
- 243b
mtshan 'dzin pa/ ngang skya la zhon pa'o/ /gza' mig dmar zhes bya ba ni/ sku mdog dmar po zhal gcig phyag gnyis pa/ g.yas na dbyug to mig can/ g.yon mi mgo dang sdigs mdzub/ ra dmar po la zhon pa/ me'i khams so/ /gza' pa ba sangs zhes bya ba ni/ sa'i khams sku mdog ser po/ zhal gcig phyag gnyis pa/ g.yas na bum pa/ g.yon na rin po che'i phreng pa'o/ /pad+ma la bzhugs pa'o/ /gza' phur bu dang zhes bya ba ni/ shing gi khams sa/ /sku mdog dkar po zhal gcig phyag gnyis pa/ g.yas g.yon mda' gzhu thogs pa/ glang po che la zhon pa'o/ /gza' spen pa dang zhes bya ba ni/ chu'i khams so/ /sku mdog ser po zhal gcig phyag gnyis pa/ g.yas na pu ti/ g.yon na bum pa/ rdo'i gdan la bzhugs pa'o/ /gza' lag pa dang zhes bya ba ni/ lcags kyi khams so/ /sku mdog ljang nag zhal cig phyag gnyis pa/ g.yas ral gri/ g.yon sdig mdzub/ rus sbal la zhon pa'o/ /rA hu la dang zhes bya ba ni khams lnga ga'o/ /mdog nag po/ smad sprul du 'dug pa/ dbu skra ser po/ zhal gcig phyag gnyis pa/ nyi ma dang zla ba phyag gnyis na bsnams pa/ sprin gyi gdan la bzhugs pa'o/ /gza' du ba 'jug ring dang zhes bya ba ni/ mthog? dung kha zhal gcig phyag gnyis pa/ phyag g.yas na ral gri bsnams pa/ g.yon na zhags pa bsnams pa'o/ /khams lnga ga la gnas pa'o/ /gza' de rnams kyi dus su rig pa bslab par 'dod na/ bzang ngan gyi khyad par brtags la bya'o/ /chos dang bslob ma 'dzin pa'o/ /slob dpon 'dzin pa de bzhin no/ /gza' chen phur bu'i dus su ni/ dbu 'dzugs de ni bzang ba yin/ /de bzhin rig pa gzhan la yang/ /de yi dus su bzang bar
- 244a
bshad/ /skra mdud gos ni sar pa 'am/ /zas dang gsar pa gang byed pa/ /de yi dus su bzang bar bshad/ /skra bzhar sen mo 'breg pa dang/ /de bzhin gos bzo byed pa dang/ /rta dang glang po sogs pa'i nor// de yi dus su phyir mi btang/ /gal te btang bar gyur na ni/ /khar ce log par 'gyur ba'o/ /nyi ma spen pa'i gza' gnyis la/ /mgo 'dzugs de ni 'bring por bshad/ /dmag dang 'khrug pa gang byed pa/ /de'i dus su 'dren pa na/ rab tu yang dag bshad par bya/ /skra dang sen mo gos la sogs/ /de'i dus su byas na ni/ nad dang rims la sogs pa 'byung/ shi ba'i dus la 'bab pa'o/ /lam 'gro dbang bskur la sogs dang/ /nyi ma'i dus su bzang bar bshad/ /spen pa'i dus su de byas na/ /shin tu ngan par de bshad do/ /gal te de dus byas na ni/ /nad 'byung khar ce log par 'gyur/ /mig dmar dang ni lag pa la/ /rig pa gang gi mgo 'dzugs pa/ /slob ma slob dpon 'brel byed pa/ /lam 'gro nye chod byed pa dang/ /dbang bskur la sogs gang byed pa/ /de ni 'chi bdag thebs par 'gyur/ /ngan pa'i las ni gang byed pa/ /de yi dus su bzang bar 'gyur zla ba dang ni pa ba sangs/ /de dus rig pa bslabs gyur na/ /go ba ma snyed gti mug nas/ /las ni gang dag byed pa na/ de'i dus su 'grub mi 'gyur/ /de ltar gza' bdun po'i dus su/ khrus la sogs pa byed pa ni/ /gza' lhag pa la bya'o/ /gos gsang? pa 'grub pa dang gcod pa ni/ zla ba dang pa ba sangs la bya'o/ /chos la sogs pa'i rig pa ni/ /bza' phur bu la bya'o/ /khang pa rtsig pa 'am bag ma len pa'am/ bza' gsar ba byed pa ni/ nyi ma dang spen pa la bya'o/ /nyi ma
- 244b
skyes pa'i bu ni/ shin tu grags pa mis mi thub pa'o/ /zla ba la skyes pa'i bu ni/ /'jam zhing dbang po zhan pa'o/ /mig dmar la skye ba'i bu ni/ sdig pa la dga' zhing drag por skyes pa'o/ /pa ba sangs la skyes pa ni/ ser sna che zhing 'dod chags la dga' ba'o/ /phur bu la skyes pa ni/ shin tu grags pa la yon tan ldan pa'o/ /spen pa la skyes pa ni/ 'bring du shes par bya'o/ /gza' lag pa la skyes pa ni/ ltogs par 'gyur zhing sdig pa la dga' ba'o/ /nad thams cad 'byung ba'o/ /de rnams ni gza' brtags pa'o/ /gza'i la nye brtag pa ni/ nyi ma'i dus su ni/ 'dze? bo dang nad 'dog pa'i mi dang/ 'phrad par 'gyur ro/ /yang na btsun pa dang phrad do/ /zla ba'i dus su bud med rgan mo gos nag mo gon pa dang phrad do/ /mig dmar gyi dus su ni/ sngags pa gos dmar gon pa'am/ bud med sham du dmar po brtags pa dang phrad do/ /pa ba sangs kyi dus su ni/ btsun pa 'am bud med gos ser po gon pa dang phrad do/ /phur bu'i dus su ni/ mda' thogs pa'i mi ral pa can dang phrad do/ /spen pa'i dus su ni/ zhar ba dang phrad do/ /lag pa'i dus su rkang pa 'theng ba 'am/ lag pa bab? dang phrad do/ /bza' bdun gyi la nye brtag pa'o/ /gza' rA hu la dang du ba mjug rings ni/ khams lnga'i rang bzhin/ gzhan gyis mi thub pa drag shul che ba'o/ /dpyid zla ra ba'i tshes bzhi la/ srod la shar nas nub tu rgyu tshes brgyad la srod yol nas lho nub mtshams nas byang shar mtshams su rgyu ba'o/ /tshes bcu gnyis la byang nas ltong rgyu'o/ /bcu drug la nyi ma phyed na shar lho mtshams nas byang shar mtshams su rgyu'o/ /nyi shu tham pa la nub nas shar du nam phyed na rgyu'o/ /nyi shu bzhi la tho rangs kha shar lho nas nub byang du rgyu'o/ /nyi shu
- 245a
brgyad la nyi ma mdung gang na/ byang nas lhor rgyu'o/ /gnam stong la nyi ma nub nas lho nub mtshams nas byang shar mtshams su rgyu'o/ /dpyid zla 'bring po'i tshes bzhi la srod la nub nas shar du rgyu'o/ /de bzhin du zla ba lhag ma bcu po la yang sbel mar shes par bya'o/ /las dang bya ba ci byed kyang gza' rgyu ba'o/ /gdong thub du mi bya bar kho dang 'grogs la bya'o/ /zla ba gang yang rung ba la hal khyi rgyu ba ni zla ba gang yang rung ba'i tshes gcig la ni snga dro chu tshod lnga la kho gnas pa'o/ /tshes bdun la chu tshod bcu tham pa/ nyin phyed nas kho'i dus so/ /tshes brgyad la nyi ma mdung gang la chu tshod bzhi kho'i dus so/ /tshes bcu bzhi la nyi ma drod nas chu tshod nyi shu kho'i dus so/ /tshes bco lnga la nyi ma phyed nas chu tshod drug kho'i dus su/ /tshes bcu drug la srod 'khor nas chu tshod bdun la kho'i dus so/ /nyi shu gnyis la nam phyed nas chu tshod gsum kho'i dus so/ /nyi shu gsum la nam phyed nas chu tshod gsum 'das na chu tshod lnga kho'i dus so/ /nyi shu dgu la byang drang po nas chu tshod brgyad kho'i dus so/ /gnam stong la nyi ma phyed nas nam phyed du rgyu'o/ /de'i dus su las dang bya ba ci byed kyang/ sdug bsngal thams cad 'byung bas/ de'i phyir na las bya ba ci yang mi bya'o/ /hal khyi ni lnga yod do/ hal khyi nag po dang/ dkar po dang/ ser po dang/ dmar po dang/ ljang gu dang/ lnga po de zla ba dkar po dang/ nag po/ stod smad du spel nas rgyu ba'o/ /khyi'i gzugs su yod pa/ mdug na yang gdong pa yod pa/ kha nas me 'bar ba/ de dang 'phrad par gyur na/ gang gis kyang mi thub cing/ sdug bsngal thams cad 'byung bar 'gyur ro// //rgyu skar nyi shu rtsa brgyad ni/ de ltar phyogs na bdun bdun
- 245b
zhes bya ba ni/ smin drug ni me'i khams/ snar ma ni chu'i khams/ mgo ni sa'i khams/ lag ni shing gi khams/ nabs so lcags kyi khams so/ rgyal chu'i khams/ skag me'i khams so/ /bdun po de dag ni shar phyogs na gnas so/ /mchu ni sa'i khams bre ni chu'i khams/ sbo ni shing gi khams/ me bzhi ni lcags kyi khams/ nag pa me'i khams/ sa ri sa'i khams/ sa ga chu'i khams so/ /de dag bdun po ni lho na gnas so/ /lha mtshams chu'i khams/ snron me'i khams/ snrubs sa'i khams/ chu stod shing gi khams/ mchu smad lcags kyi khams/ byi zhun me'i khams/ bro zhun sa'i khams so/ bdun po de dag ni nub kyi phyogs na gnas so/ /mon gru chu'i khams/ mon bre lcags kyi khams/ khrums stod sa'i khams/ khrums smad shing gi khams/ nam gru me'i khams/ tha skar sa'i khams/ bra nye shing gi khams so/ /bdun po de dag ni byang gi phyogs na gnas so/ /skar ma gza' bdun de dag de bzhin de zhes bya ba ni/ gza' de yang bdun bzhir rgyu ste/ bdun bdun pho mo 'brel nas/ bzang ba dang ngan par ston pa'o/ /rdzu 'phrul che zhing dka' thub che zhes bya ba ni/ gling bzhi ri rab dang bcas par bskor bas/ 'jig rten gyi mi rnams la bzang ba dang ngan par ston pa ste/ de'i dus tshod shes par gyur na/ bzlog par btub pa'o/ /nyi ma dang zla ba dang/ sum cu rtsa gsum tshangs pa dag /ces bya ba ni/ zla ba re re la gza' dgu dang/ rgyu skar nyi shu rtsa brgyad tshad pa'o/ /nyi ma dang zla ba dang mig dmar dang/ pa ba sangs dang/ phur bu dang/ spen pa lag pa/ rA hu la du ba mjug rings/ /shar gyi phyogs nas go rim bzhin du rgyu'o/ /skar ma rnams kyang de bzhin no/ /rA hu la dang du pa mjug rings ni/ tshes grangs mi 'dzin te/ gzhan gyi tshes grangs la gza'
- 246a
gnyis po thod rgal du rgyu'o/ /'char ba dang ni nub pa dang zhes bya ba ni/ phyi mngon pa'i dbang du bshad pa dang/ nang gsang sngags kyi dbang du bshad pa ni/ shar ba ni 'jig rten khams kyi mi rnams/ skyes pa la ni nyi ma shar ba zhes bya'o/ /dper na 'jig rten du nyi ma shar ba bzhin no/ /nub pa ni 'jig rten gyi khams kyi mi? nas shi ba la nub pa zhes bya'o/ /'khor lo mtshon cha bzhin du rgyu zhes bya ba ni/ rgyu lugs rnam pa gsum yod do/ /'khor lo bzhin du rgyu ba dang/ mtshon cha bzhin du rgyu ba dang/ dbyug gu 'gros kyi rgyu ba gsum yod pa las/ 'khor lo bzhin du rgyu ba ni/ 'jig rten gyi khams kyi ri rab la/ zla ba 'khor lo'i 'gros su rgyu pa'o/ /mtshon cha bzhin du rgyu ba ni/ nyi ma'i 'gros te thad skar rgyu pa'o/ /dbyug gu'i 'gros ni chu tshod la brtsis te/ gcig por nas gcig len pa dbyug gu'i 'gros so/ /de bzhin du gza' rnams kyang rgyu ba'o/ /de ni rnal 'byor gyi dbang du byas na sna bug g.yas g.yon gnyis na rgyu ba'i dbugs ni/ nyin mo dang nub mo rgyu ba'i rgyu skar bzhin no/ /nyin zhag gcig la chu tshod drug cu yod pa la/ dbugs kyang de bzhin du rgyu ba'o/ /'jig rten du ni zad 'phel byed ces bya ba ni/ zla ba ni tshes stod la 'phel te/ smad la 'grib nas zad de/ dbugs kyang phyir 'gro ba ring ste/ nad du rdub pa ni thung ste/ de bzhin du 'jig rten gyi khams na gnas pa'i sems can rnams la yang zad pa dang 'phel bar byed pa'o/ /de bas na 'jig rten gyi khams kyi sems can rnams la yang/ tshe yi 'phel 'grib 'byung ngo/ /yang na 'jig rten gyi khams kyi mi rnams nor 'phel ba dang/ nor 'grib pa yang 'byung ngo/ /zla ba ji bzhin du 'jig rten gyi khams
- 246b
kyang 'phel 'grib byed do/ /gzi brjid rdzu 'phrul chen po dag ces bya ba ni/ rdzu 'phrul ni gling bzhi dang ri rab la rgyu ba ste/ gzhan rnams zil gyis gnon pa'o/ /de bzhin du 'jig rten gyi rgyu ma bzhin du snang bas na/ 'jig rten gyi khams na gzi brjid che zhing rdzu 'phrul che'o/ /rab tu dang ba'i sems kyis su/ rig sngags rjes su yi rang byos/ zhes bya ba ni/ 'jig rten khams na gnas pa'i/ gza' dang rgyu skar rnams kyis kyang/ /rig sngags kyi rgyal mo rma bya chen mo la gus pa'i sems kyis rjes su yi rangs bas te/ rig sngags kyi bka' las mi 'da' ba' o/ /de dag gi kyang rig sngags kyi rgyal mo rma bya chen mo 'dis/ bdag la srung ba gyis shig ces bya ba ni/ nam mkha' bzhin du 'jig rten gyi khams la khyab ste/ de yang bsam gyis mi khyab pa dag gis brjod du mi btub pa/ rgya chen sems can rnams kyis don byed pa'o/ /de lta bu'i rig sngags gang zag gang gis kyang gus par byas nas 'chad bar gyur na/ gza' dang rgyu skar ngan pa yang zlog ste/ de rnams kyis srung ba dang skyob par byed do/ /tshe phyi ma la yang gza' dang rgyu skar bzang po la skyes nas/ rig sngags 'di dran par 'gyur ro/ /sba ba dang zhes bya ba ni/ snga ma bzhin du shes par bya'o/ /rig sngags kyi rgyal mo rma bya chen mo las/ gza' dang rgyu skar gyi gnas skabs te bco brgyad pa'o// //kun dga' bo zhes bya ba ni/ yang dag par rdzogs pa'i sangs rgyas kyis bka' stsal pa'o/ /gling chen po bzhi'i 'jig rten gyi khams yan chad/ man chad kyi lha rnams kyi ming zung zhig ces bya ba ni/ gling bzhin gnas pa'i lha dang/ 'dod lha rigs drug dang/ gzugs med skye mched mu bzhi'i lha'o/ /de rnams kyi mtshan
- 247a
nyid ni 'di lta ste/ zhes bya ba ni/ ming dang gzugs dang/ tshe dang longs spyod dang gnas so/ /'di lta ste ni 'di rnams lta ba'o/ /rgyal chen bzhi'i lha rnams dang zhes bya ba ni/ rgyal chen rigs bzhi'i lha rnams kyi lus tshad ni/ rgyang grags kyi bzhi cha gcig go/ tshe tshad ni mi lo lnga bcu la/ rgyal chen bzhi pa'i lha rnams kyi zhag gcig/ nyin zhag sum cu la zla ba gcig/ zla ba bcu gnyis la lo gcig/ rgyal chen bzhi pa'i lha rnams kyi tshe tshad mdza' ni/ lo de ltar brtsis pa'i lo lnga brgya ste/ bar ma dor 'chi ba yod do/ /mi ltar brtsis na lo sa ya phrag dgu yod do/ /nyon mongs pa ni dbang po gnyis sbyor bas tshim pa'o/ /sum cu rtsa gsum ba'i lha rnams dang zhes bya ba ni/ lus tshad ni rgyang grags phyed do/ /tshe tshad ni mi rnams kyi lo brgya la/ sum cu rtsa gsum pa'i lha rnams kyi zhag gcig go/ de sum cu la zla ba gcig go/ zla ba bcu gnyis la lo gcig/ sum cu rtsa gsum pa'i lha rnams kyi tshe tshad kyi mdza' ni/ lo stong thub bo/ /mi lo ltar rtsis pa'i bye ba'i phrag 'bum phrag bcu gnyis dang/ bye ba phrag dgu khri drug stong yod do/ /bar ma dor 'chi ba ni yod do/ /nyon mongs pa spyi dang 'dra'o/ /'thab bral gyi lha rnams dang zhes bya ba ni/ lus tshad ni rgyang grags bzhi cha gsum mo/ /tshe tshad ni mi lo nyis rgya la 'thab bral gyi lha rnams kyi zhag gcig go/ de sum cu la zla ba gcig zla ba bcu gnyis la lo gcig ste/ 'thab bral gyi lha rnams kyi tshe tshad kyi mdza' ni/ lo de lta bur brtsis pa'i lha'i lo nyis stong thub po/ mi lo ltar rtsis pa'i bye ba phrag bcu bzhi dang/ sa ya bzhi yod do/ /nyon mongs pa ni
- 247b
'khyud pa tsam gyis bzhi pa'o/ /dga' ldan gyi lha rnams dang zhes bya ba ni/ lus kyi tshad ni rgyang grags gcig go/ tshe tshad ni mi lo bzhi brgya la/ dga' ldan gyi lha rnams kyi zhag gcig go/ de sum cu la zla ba gcig zla ba bcu gnyis la lo gcig go/ dga' ldan gyi lha rnams kyi tshe tshad kyi mdza' ni/ de ltar brtsis pa'i lo bzhi stong thub bo/ /mi lo ltar brtsis na bye ba phrag lnga bcu lnga bdun dang/ lo sa ya drug yod do/ /nyon mongs pa ni lag pa nas bzung ba tsam gyis tshim mo/ /'phrul dga' i lha rnams dang zhes bya ba ni/ lus tshad ni rgyang grags gcig dang/ de'i bzhi cha gcig go/ tshe tshad ni mi lo brgyad brgya la/ 'phrul dga' i nyin zhag gcig nyin zhag sum cu la zla ba gcig/ zla ba/ bcu gnyis la lo gcig/ de ltar brtsis pa'i 'phrul dga' i lha rnams kyi tshe tshad kyi mdza' ni/ lha'i lo brgya stong thub mi lo ltar rtsis na/ bye ba phrag gnyis brgya sum cu dang/ lo sa ya phrag bzhi thub po/ /nyon mongs pa ni/ rgad pa tsam gyi tshim mo/ /gzhan 'phrul dbang byed kyi lha rnams dang zhes bya ba ni/ lus tshad ni rgyang grags phyed dang gnyis/ tshe tshad ni mi rnams kyi lo stong phrag drug brgya la/ gzhan 'phrul dbang byed kyi lha rnams kyi zhag gcig go/ nyin zhag sum cu la zla ba gcig/ zla ba gnyis la lo gcig/ gzhan 'phrul dbang byed kyi tshe'i mdza' ni/ lo de ltar rtsis lha'i lo khri drug stong thub/ nyon mongs pa ni ltas pa tsam gyis tshim mo/ /mi lo ltar rtsis pa ni bye ba phrag dgu brgya nyi shu rtsa gcig dang/ lo sa ya phrag drug yod do/ /tshangs ris kyi lha rnams dang zhes bya ba ni/ lus kyi tshad ni dpag tshad phyed do/ /tshe tshad ni bskal pa phyed do/ /tshangs ris nas 'og min gyi bar du 'dod chags med do/ /tshangs pa
- 248a
mdun na 'don gyi lha rnams dang zhes bya ba ni/ lus tshad ni dpag tshad cig/ tshe'i tshad ni bskal pa gcig go/ 'di ni bsam gtan dang po'i lha ste/ tshangs pa mdun na 'don gyi lha'i nges tshig ni/ gong ma'i tshangs pa chen po'i spyan sngar 'og ma'i las dge sdig smrad 'don pas na tshangs pa mdun na 'don zhes bya'o/ /yang na tshangs pa chen po la phan 'dogs pas/ tshangs pa nye phan zhes bya/ yang na tshangs pa chen po la 'khor bas tshangs pa kun 'khor zhes bya'o/ /tshangs pa chen po'i lha rnams dang zhes bya ba ni/ lus tshad ni dpag tshad gnyis/ tshe tshad ni bskal pa phyed dang gnyis yod de/ tshangs pa chen po'i nges tshig ni/ 'dod pa khams kyi 'khor ba gyod drin las tshangs pa chen po'o/ /'od chung gi lha rnams dang zhes bya ba ni/ lus tshad ni dpag tshad gnyis yod do/ /tshe tshad ni bskal pa gnyis thub bo/ /nges tshig ni gong ma gnyis pas 'od chung bas so/ /tshad med 'od kyi lha rnams dang zhes bya ba ni/ lus tshad ni dpag tshad bzhi/ tshe tshad ni bskal pa bzhi/ nges tshig ni 'og ma la bltos nas lus dang gzhal med khang tshad med pa'i phyir ro/ /tshad ni dpag tshad gnyis yod do/ /'od gsal gyi lha rnams dang zhes bya ba ni/ lus tshad ni dpag tshad brgyad do/ /tshe tshad ni bskal pa brgyad thub/ nges tshig ni 'og ma gzhan gyi 'od kyang/ 'di'i 'od kyis gsal bar byed pa'o/ /dge chung gi lha rnams dang zhes bya ba ni/ lus tshad ni dpag tshad bcu drug/ tshe tshad kyang bskal pa bcu drug thub/ nges tshig ni bsam gtan dang ting nge 'dzin/ don gong ma gnyis pas chung bas na/ dge chung zhes bya'o/ /yang na 'dod pa'i yon tan dang bde ba gnas ris gong ma gnyis ? bas so/ /ting nge 'dzin gyi zas la spyod do/ /tshad med dge ba'i lha rnams dang zhes bya ba ni
- 248b
lus tshad dpag tshad sum cu rtsa gnyis/ tshe tshad bskal pa sum cu rtsa gnyis/ nges tshig ni 'og ma bas gong ma'i rtags chad mi spobs pas ni tshad med dge'o/ /dge rgyas kyis lha rnams dang zhes bya ba ni/ lus tshad ni dpag tshad drug cu rtsa bzhi/ tshe tshad ni bskal pa drug cu rtsa bzhi/ nges tshig ni 'jig rten pa'i dge ba ma lus par rdzogs par byed pas dge rgyas so/ /'og ma gnyis kyis ting nge 'dzin 'dis gsal bar byed pa'o/ sprin med kyi lha rnams dang zhes bya ba ni/ lus tshad ni dpag tshad drug cu rtsa lnga/ tshe tshad bskal pa nyi shu rtsa lnga/ /yang na bsam gtan dang ting nge 'dzin gyi tshad gzungs med par 'od dang/ byin rlabs 'byung ba'i phyir ro/ /nges tshigs ni sprin yang med pas so/ /yang na gnas kyi gzhi sprin dang 'dra bas so// bsod nams skyes kyi lha rnams dang zhes bya ba ni/ lus tshad ni dpag tshad nyis brgya lnga bcu/ tshe tshad kyang bskal pa nyis rgya lnga bcu/ nges tshig ni bsam gtan dang zag pa med pa bsgoms pas/ 'bras bu bsod nams chen po skyes la/ bsod nams skyes so /'brus bu tshe ba'i lha rnams dang zhes bya ba ni/ bsam gtan bzhi pa'i lha/ lus tshad ni dpag tshad lnga brgya/ tshe tshad kyang bskal pa lnga brgya/ nges tshig ni bsam gtan dang/ zag pa med pa spel mar bsgoms pas/ 'bras bu mthar phyin pa'o/ /'du shes med pa'i lha rnams dang zhes bya ba ni/ lus kyi tshad ni gong ma dang 'bra'o/ /tshe tshad ni bskal pa lnga brgya'o/ /nges tshig ni 'du shes de shes pa nang du khyil pas ngan par shes pa skyes te da dung skye ba mang po len pa mthong bas/ /bos thar pa mya ngan las 'das pa gtan med pa 'dra snyam nas skur pa btab pas/ dmyal bar ltung ba yod/ kha gcig blo rno bas 'bar te 'gro ba yang yod/ bsam gtan bsgoms pa nod pa yin
- 249a
zer lus 'od che la dran pa mi rgyu/ 'dod na 'du shes med pa'i lha/ gzugs su rags la tshor ba zhan pa'o/ /mi che ba'i lha rnams zhes bya ba ni/ lus tshad ni dpag tshad stong/ tshe tshad kyang bskal ba bzhi stong ngo/ /nges tshig ni rtog pa gong ma tsam du mi che'o/ /mi bdud ba'i lha rnams dang zhes bya ba ni/ lus tshad dpag tshad nyis stong/ tshe tshad kyang bskal pa nyis stong/ nges tshig ni khams gsum gyis bdud pa dang bral ba'i phyir ro/ /gya nom snang ba'i lha rnams dang zhes bya ba ni/ lus tshad ni dpag tshad bzhi stong/ tshe tshad kyang bskal pa bzhi stong thub po/ /nges tshig ni bsam gtan dang zag pa med pa bsgoms pas/ 'bras bu bde zhing gya nom pas gya nom zhes bya'o/ /shin tu mthong ba'i lha rnams dang zhes bya ba ni/ lus tshad dpag tshad brgyad stong ngo/ /tshe tshad kyang bskal pa stong thub po/ /nges tshig ni gnas de na thar pa dang bde ba thob pa ni ma yin/ gtan du mya ngan las 'das pa bgrod pa'i gnas su mthong bas/ shin tu mthong zhes bya ba'o/ /'og min gyi lha rnams dang zhes bya ba ni/ lus tshad dpag tshad khri drug stong/ tshe tshad bskal pa khri drug stong thub po/ /nges tshig ni gzugs khams bcu bdun gyi bla mar rgyur bas/ 'og min la bsam gtan dang ting nge 'dzin gsal bas/ 'og min gsal zhes bya'o/ /nam mkha' mdza' yas skye mched kyi lha rnams dang zhes bya ba ni/ tshe tshad ni mdza' i bskal pa nyi khri thub/ nges tshig ni chos thams cad nam mkha' ltar stong pa yin par shes na/ nam mkha' la yang kun tu mdza' yas par ltas nas/ de lta bu'i ting nge 'dzin la snyoms par zhugs nas/ skye mched nye bar blangs pa'i phyir ro/ /rnam shes mdza' yas skye mched kyi
- 249b
lha rnams dang zhes bya ba ni/ tshe tshad ni bskal pa bzhi khri thub/ nges tshig ni gzugs khams kyi ting nge 'dzin la blta ba nas/ chos thams cad nam mkha' ltar mdza' yas snyam pa ni rnam par shes pa yin la/ de yang ma zad de/ rnam par shes pa de dang 'grogs pa'i 'du shes kyang/ nam mkha' ltar kun tu mdza' yas par brtags nas/ skye mched nye bar blangs pa'i phyir ro/ /yod min med min skye mched kyi lha rnams dang zhes bya ba ni/ tshe tshad bskal pa brgyad khri/ nges tshig ni 'og ma ltar shes pa bkag nas/ rmongs pa ni ma rung ngo snyam nas/ 'du shes yod pa ma yin te/ shes pa dgags nas med pa yang ma yin te/ 'di ni 'du shes cha phra mo tsam la brten pa'i phyir/ yod min med min zhes bya'o/ /ci yang med pa'i skye mched kyi lha rnams dang/ zhes bya ba ni/ tshe tshad bskal pa drug khri ste/ nges tshig ni 'og ma ltar thos pa thams cad kyang ting nge 'dzin la dmigs pa'i rnam pa shes pa nam mkha' ltar mdza' yas pa'i 'du shes ni/ zug ngu'i skyes? mched yin par rtogs nas/ 'du shes ji phra bkag nas ni/ 'du shes bcung zad kyang mi 'gyur ba'i phyir ci yang med pa'i skye mched ces bya'o/ /skye mched mu bzhi po 'di la lpags pa'i lus ni med nam mkha' mdza' yas dang? rnam par shes mdza' yas gnyis la skye mched nye bar blangs pa'i phyir gzugs med pa'i khams na gzugs cung zad yod do/ /zhes brjod do/ /de dag thams cad la bar ma dor 'chi ba ni yod do/ /rgyal chen rigs bzhi nas 'og min gyi bar du/ thams cad kyang rin po che'i gos gon no/ /nyi zer gyi rdul bzhi bcu rtsa dgu'i cha gcig ni rdul phra rab yin no/ /rdul phra rab bdun la rdul phra mo gcig yin no/ /rdul phra mo bdun la nyi zer rdul gcig go /nyi
- 250a
zer gyi rdul bdun la ri bong gi rdul gcig go /ri bong gi rdul bdun la/ lug rdul gcig go /lug rdul bdun la ni/ glang rdul gcig go /glang rdul bdun la sro ma gcig sro ma bdun la a ba ga na gcig /a ba ga na bdun la ba ti ka gcig /ba te ka bdun la nas gcig /nas bdun la sor gcig /sor nyi shu rtsa gnyis la khru gang/ 'dzam bu gling pa'i mi rnams kha gcig ni/ gos khru tshad 'di lta bu rtsis pa'i khru brgyad pa gon no/ /kha cig khru bcu pa'o/ /lus 'phags po rnams kyi khru nyi shu'o/ /ba lang spyod rnams kyi mi khru bzhi bcu pa/ sgra mi snyan pa rnams kyi ni/ dpag bsam gyi shing la byung ba'o/ /gos khru brgyad pa gon no/ /rgyal chen bzhi nas 'og min gyi bar du ni/ lus ci ran ga'i gon no/ /'dzam bu gling ba'i mi rnams nas gzhan 'phrul dbang byed kyi bar du/ pho'i mtshan ma dang mo'i mtshan ma/ yod do/ /tshangs ris nas 'og min gyi bar du/ pho'i dbang po dang mo'i dbang po med do/ /'dzam bu gling dang/ lus 'phags dang/ ba lang spyod gsum na/ bag ma gtong ba dang len pa yod do/ /sgra mi snyan pa la ni med do/ /rgyal chen bzhi nas gzhan 'phrul dbang byed rnams la yang med do/ /tshangs ris nas 'og min gyi bar du gtong ba dang len pa gnyis ka med do/ /'dzam bu gling nas gling gsum la shin tu grang ba dang/ tsha ba yod do/ /sgra mi snyan na med do/ /rgyal chen bzhi nas 'og min gyi bar du tsha grang gnyis ga med do/ /'dzam bu gling pa la dgun dang dbyid dang/ dbyar dang ston yod pa bzhin du gling gsum dang/ rgyal chen bzhi nas gzhan 'phrul dbang byed kyi lha rnams la yang yod do/ /tshangs ris nas 'og min gyi bar du dus bzhi med do/ /ji ltar 'dzam+bu gling
- 250b
nas gzhan 'phrul dbang byed kyi bar du/ nyin mo dang mtshan mo yod do/ /tshangs ris nas 'og min gyi bar du ni nyin mo dang mtshan mo med do/ /'dzam bu gling nas gzhan 'phrul dbang byed kyi bar du pha ma yod do/ /tshangs ris nas 'og min gyi lha rnams la pha ma med do/ /'dzam+bu gling nas gzhan 'phrul dbang byed kyi lha rnams la rje dang bran yod do/ /tshangs ris nas 'og min gyi bar du rje dang bran med do/ /'dzam bu gling nas gling gsum na ni/ 'bru dang nor yod/ sgra mi snyan na 'bru ni yod nor ni med do/ rgyal chen bzhi nas gzhan 'phrul dbang byed kyi bar du 'bru ni med do/ /tshangs ris nas 'og min gyi bar du nor yang med 'bru yang med do/ /'dzam bu gling gi mi rnams la pha ma 'am bu mo 'am bran po 'am/ rje bo 'am 'bru la mngon par zhen pa yod pa bzhin du/ gling gnyis po la yang yod/ /sgra mi snyan pa rnams la ni/ mngon par zhen pa med do/ /rgyal chen bzhi pa rnams la ni/ 'bru ma rtogs pa rnams la mngon par zhen pa yod pa bzhin du/ sum cu rtsa gsum nas gzhan 'phrul dbang byed kyi bar du/ 'bru ma rtogs pa rnams la mngon par zhen pa yod do/ /tshangs ris nas 'og min gyi bar du cil yang zhen pa med do/ /gling bzhi pa'i mi rnams la bud med zla mtshan can dang/ sbrum ma dang bu btsa' ba yod do/ /rgyal chen bzhi pa'i lha rnams kyi ni/ 'dzam+bu gling gi mi rnams kyi bu tsha lo lnga lon pa tsam/ /lha 'am lha'i bu mo'i phrag pa 'am/ spangs par brdzus te skyes pa'o/ /lha 'am lha'i bu mo rnams ni/ bdag gi bu 'am bu mo yin snyam du sems dpa' o/ /? bya de dag ni/ 'di dag ni bdag cag gi pa'o/ /ma'o snyam du sems so/ /sum cu rtsa gsum pa rnams ni/ lo drug lon pa tsam/ 'thab bral ba rnams kyi lo bdun lon pa tsam/ dga' ldan pa rnams kyi lo brgyad
- 251a
lon pa tsam/ 'phrul dga' rnams kyi lo dgu lon pa tsam/ gzhan 'phrul dbang byed pa rnams kyi lo bcu lon pa tsam/ lha 'am lha'i bu mo'i phrag pa 'am/ spangs par brdzus te skye ba'o/ /lha 'am lha'i bu dag 'di ni bdag gi bu 'am bu mo snyam du sems so/ /khyi'u dang bu mo de dag kyang bdag cag gi pha 'am snyam du sems so/ /tshangs ris nas 'og min gyi bar du/ thog ma nas lus kyi yan lag dang/ nying lag thams cad rdzogs par skye zhing/ 'chi ba na yang de kho na bzhin no/ /gzugs med pa rnams la ni/ lus med do/ /de bas de dag la skyes ba yang mi mngon/ 'chi ba yang mi mngon no/ /rdzu 'phrul che ba zhes bya ba ni/ lha de rnams ni rang gi sa nas steng du 'gro mi nus par/ de bzhin du rdzu 'phrul gyi rkang pa yang yin no/ /'od dang ldan pa'i zhes bya ba ni/ 'od de yang yar mi 'gro zhing rang rang khyab nas 'od du gsal ba'o/ /bsod nams che zhing longs spyod che ba zhes bya ba ni/ lha de rnams kyi rang rang gi bsod nams kyi longs spyod che chung dang ldan pa'o/ /dbang che zhing 'khor mang po zhes bya ba ni/ lha de rnams kyang bsod nams kyi dbang gis 'khor phun sum tshogs pa'o/ /de bzhin du dbang che ba'o/ /lha dang lha ma yin rnams gnas pa'o/ /zhes bya ba ni/ lha ma yin ni zhe sdang dang ser sna'i dbang gis lha ma yin du grags te/ de med pa ni lha ma yin no/ /de bzhin du yon tan dang ldan pa'i lha dang lha ma yin rnams gnas pa'o/ /de rnams kyis kyang rig sngags kyi rgyal mo rma bya chen mo 'dis bdag la srung ba gyis shig ces bya ba ni/ thugs rje che zhing 'jig rten gyi khams la khyab pa/ ma lus rdzogs pa'i sems can gyi don la srung ba dang skyob par byed do/ /de lta bu'i
- 251b
rig sngags kyi rgyal mo gang zag gang gis kyang gus shing rjes su yi rang nas/ lha de rnams kyis bsrung ba skyob par byed par 'gyur te/ tshe phyi ma la yang srung ba'o/ /sba ba dang zhes bya ba la sogs pa ni/ sngar gong du bshad pa bzhin du shes par bya'o/ /rig sngags kyi rgyal mo rma bya chen mo las lha rnams bshad pa'i gnas skabs te bcu dgu pa'o// //kun dga' bo zhes bya ba ni/ yang dag par rdzogs pa'i sangs rgyas thugs rje can rnams kyis gsungs so/ /drang srong snying rje chen po rnams kyi ming zung zhig ces bya ba ni/ brtul zhugs kyi dbang gis drang srong nyi ma'i lta ba dang/ tshangs pa'i lta ba dang gnyis yod de/ drang srong chang par lta ba ni nyi ma'i gzhung ngo/ /drang srong rtag par lta ba ni tshangs pa'i gzhung ngo/ /de gnyis rtag pa dang chad par lta ba'i drang srong rnams yi ming zung zhig ces bya'o/ /brtul zhugs grub pa zhes bya ba ni/ de gnyis yang dga' thub kyi dbang gis/ rang gi lus la tshangs par spyod pa'i rang bzhin gyis/ rang gis dka' thub byas pa'o/ rig sngags grub pa zhes bya ba ni/ rang gi rig pa'i ye shes kyis/ phyi'i rig pa grub pa ste/ phyi'i rig pa de ni mngon par shes pa'o/ /grags pa 'bar ba zhes bya ba ni/ drang srong de rnams la/ 'jig rten gyi khams la grags pa'o/ /yang na 'bar ba ni/ de'i dmod mos mes bsregs pa bzhin du thal bar gtang ba'o/ /klung dang ri la gnas pa zhes bya ba ni/ mi'i sems can rnams mi gnas pa'i sa 'am/ 'brus bu rtsa ba shing gi rkogs pa gyon pa'o/ /sha med pa rkeng rus 'jigs pa'i cha byad can/ skra ring ba sen mo ring ba/ 'phreng ba dang ring ba spyi'u blugs thogs pa'o/ /smod pa'i mtshon cha can zhes bya ba ni/ rang dgu ba'i dus su legs par smras na/ bzang bar 'gyur te/ ngan par smras pas ngan par
- 252a
'gyur ro/ /dka' thub drag pa zhes bya ba ni/ sems can gzhan ma bzhin du/ srog gcod pa mi byed la/ ma byin par mi len par/ 'dod pa log par mi g.yem zhing/ mi tshangs par mi spyod pa/ brdzun du mi smra zhing/ 'phra ma dang ngag khyal med de/ tshig rtsub mo yod do/ /rdzu 'phrul dang ldan pa zhes bya ba ni/ lha dang mi dang klu dang gsum dus gcig tu rgyu nus pa'o/ /mngon par shes pa lnga dang ldan pa zhes bya ba ni/ lus kyi mngon par shes pa/ /ngag gi mngon par shes pa/ yid kyi mngon par shes pa/ mig gi mngon par shes pa/ rna ba'i mngon par shes pa'o/ /nam mkha' la 'gro ba de dag gi ming brjod kyis khyod zung zhig ces bya ba ni/ ngang pa'i rgyal po gser lta bu bzhin du/ nam mkha' la rgyu ba'o/ /'di lta ste zhes bya ba ni/ drang srong rnams la lta ba'o/ /drang srong chen po brgyad pa zhes bya ba dang/ drang srong chen po g.yon pa phyogs pa zhes bya ba dang/ drang srong chen po g.yon phyogs lha zhes bya ba dang/ drang srong chen po lha skabs kyi bu zhes bya ba dang/ drang srong chen po 'od zer can zhes bya ba dang/ zhes bya ba ni/ lnga po de rnams kyang rdzu 'phrul che ba gzi brjid dang ldan te/ bsam gtan bzhi la gnas pa'o/ /de rnams sku mdog dang phyag mtshan ni/ dkar po dang/ sngo skya dkar ser dang/ sngon po dang/ ser po'o/ /g.yas rnams na dbyug gu sum pa bsnams pa/ g.yon rnams na 'phreng ba bsnams pa'o/ /de rnams kyis kyang sangs rgyas kyi bka' las mi 'da' zhing/ rig sngags rjes su dran pa'o/ /drang srong chen po kun gyi bshes zhes bya ba dang/ drang srong chen po gnas nas 'jog ces bya ba dang/ drang srong chen po grog mkhar pa zhes bya ba dang/
- 252b
drang srong chen po 'gro skyob kyi bu zhes bya ba dang/ drang srong chen po 'gro skyong gi bu rgan po zhes bya ba dang/ zhes bya ba ni/ drang srong de rnams ni bstan bcos la mkhas pa/ gzugs tshad la mkhas pa lnga'o/ /de rnams kyi kha dog dang phyag mtshan ni/ dmar skya dang/ nag po dang/ sngo bsangs dang/ ljang gu dang/ ser po'o/ /g.yas rnams na po ti/ g.yon rnams na phreng ba bsnams pa'o/ /lnga po de rnams kyis kyang rig sngags kyi bka' las mi 'da' bar/ srung ba dang skyob par byed do/ /drang srong chen po ngan spong zhes bya ba dang/ drang srong chen po ngan spong dga' zhes bya ba dang/ drang srong chen po 'gro 'dzin ces bya ba dang/ drang srong chen po 'gro dga' zhes bya ba dang/ drang srong chen po 'jigs can zhes bya ba dang/ lnga po de dag kyang 'gog pa la snyoms par zhugs pa dang/ rnam par shes pa dang/ tshor ba dang 'du shes rnams spong ba'o/ /drang srong de rnams ni tshangs pa'i gzhung gis rtag par lta ba'o/ /de rnams kyi sku mdog dang phyag mtshan ni/ ser po dang/ dmar po dang/ nag po dang/ thal ba'i mdog dang/ sngon po'o/ /g.yas g.yon gnyis snyoms par bzhugs pa'i phyag rgya'o/ /de rnams kyis kyang rig sngags kyi bka' las mi 'da' bar srung ba dang skyob par byed pa'o/ /drang srong chen po bskal ldan shing rta zhes bya ba dang/ drang srong chen po rgyun zhes bya ba dang/ drang srong chen po 'dir zhes bya ba dang/ drang srong chen po mgo bo zhes bya ba dang/ drang srong chen po gshin rje'i ma zhes bya ba dang zhes bya ba ni/ rig byed kyi gzhung gis/ rig byed gtso bor byas nas/ rtag par smra ba dang rig byed bzhi ni/ mchod sbyin gyi rig byed dang/ snyan dngags kyi rig byed dang/ srid srung gi rig byed dang/ nyams yod kyi rig byed dang/ de bzhin yang bkra shis shing tshe ring ba'o/ /nad med pa
- 253a
dmod mos 'dod pa'o/ /de'i sgo nas grol bar 'dod ba'i lta bas so/ /de rnams kyi sku mdog dang phyag mtshan ni/ dmar po dang/ dkar po dang/ ser po dang/ nag po'o/ /g.yas rnams na bum pa spyi'u blugs 'dzin cing g.yon rnams na dbyug gu gsum pa bsnams pa'o/ /drang srong de rnams kyis kyang rig sngags kyi bka' las mi 'da' bar srung ba dang skyob par bya'o/ /drang srong chen po gnyis 'thung gi bu zhes bya ba dang/ drang srong chen po gnyis 'thung ngan po'i bu zhes bya ba dang/ drang srong chen po ljang sngo'i bu zhes bya ba dang/ drang srong chen po ljang sngo'i tsha bo zhes bya ba dang/ drang srong chen po bag mnyam zhes bya ba dang zhes bya ba ni/ nyi ma'i gzhung gis chang bar lta ba ste/ rgya mtsho'i 'gram nas rkang pa g.yas pa yar blangs shing/ g.yon pa sa la btsugs nas nyi ma la lha'o/ /de rnams sku mdog dang phyag mtshan ni/ nag po dang/ ser po dang/ dmar po dang/ sngon po dang/ ljang nag go /phyag gnyis thal mo sbyar nas/ gnam la lta ba'o/ /drang srong de rnams kyis kyang srung ba dang skyob pa dang/ rig sngags kyi srung ba dang skyob pa dang/ rig sngags kyis bka' las mi 'da' ba' o/ /drang srong chen po 'phags po zhes bya ba dang/ drang srong chen po yang dag 'phags po zhes bya ba dang/ drang srong chen po bzod pa smra zhes bya ba dang/ drang srong chen po grags pa zhes bya ba dang/ drang srong chen po rab grags zhes bya ba dang/ zhes bya ba nis/ tshangs pa'i gzhungs gis rtag par lta ba ste/ bum pa'i rang bzhin 'gog pa'i ting nge 'dzin la snyoms par zhugs pa'o/ /de rnams kyi ku mdog dang phyag mtshan ni/ nag po dang/ dmar skya dang/ ser po dang/ dmar po dang/ dkar po'o/ /phyag gnyis bum pa spyi blugs bsnams pa'o/ /rig sngags kyi bka' las
- 253b
mi 'da' bar/ srung ba dang skyob par byed pa'o/ /drang srong chen po bla ma zhes bya ba dang/ drang srong chen po grub pa zhes bya ba dang/ drang srong chen po grub 'dzin ces bya ba dang drang srong chen po lta bu zhes bya ba dang/ drang srong chen po gangs can zhes bya ba dang/ zhes bya ba ni/ 'gog pa'i rang bzhin gyi 'gog pa'i ting nge 'dzin la snyoms par zhugs pa'o/ /de rnams kyi sku mdog dang phyag mtshan ni ser po dang/ dmar po dang/ ljang nag dang/ sngo skya dang/ dkar ser ro/ /phyag gnyis ni ting nge 'dzin la snyoms bar zhugs pa'o/ /drang srong de rnams rig sngags kyi bka' las mi 'da' bar/ sems can gyi don byed pa'o/ /drang srong chen po mig dmar zhes bya ba dang/ drang srong chen po cha byad 'dzin gyi bu zhes bya ba dang/ drang srong chen po gos e ngan zhes bya ba dang/ drang srong chen po mda' ltar snang zhes bya ba dang/ drang srong chen po rgyags pa zhes bya ba dang/ zhes bya ba ni/ de rnams kyang chad par lta ba ste/ chos thams cad 'chal par rtogs nas/ ngo bo mi 'dzin pa'o/ /de rnams kyi sku mdog dang phyag mtshan ni/ dkar po dang/ dmar po dang/ ser po dang/ nag po dang/ thal ba'i mdog go/ g.yas rnams na rtse gsum dang/ g.yon rnams na phreng ba bsnams pa'o/ drang srong de rnams ni rig sngags kyi bka' las mi 'da' bar/ srung ba dang skyob par byed pa'o/ /drang srong chen po 'od ces bya ba dang/ drang srong chen po pa ba sangs zhes bya ba dang/ drang srong chen po phur bu zhes bya ba dang/ drang srong chen po rtsibs kyi mu khyud ces bya ba dang/ drang srong chen po pen pa zhes bya ba ni/ drang srong chen po de rnams yang skar ma'i blta ba can te/ blta ba ni bar ma dor gnas shing/ skye ba mi 'dod ba'o/ /de rnams kyi sku mdog dang phyag mtshan ni/ ser po dang/ dkar po dang/ nag po dang/ sngo skya dang/ /dmar po'o/ /g.yas
- 254a
rnams na dbyug gu gsum/ g.yon rnams na bum pa spyi lugs bsnams pa'o/ /drang srong de rnams yang rig sngags kyi bka' las mi 'da' par/ srung ba dang skyob par byed pa'o/ /drang srong chen po gza' lhag ces bya ba dang/ drang srong chen po dug sel zhes bya ba dang/ drang srong chen pos 'dzin ces bya ba dang/ drang srong chen po rwa gcig pa zhes bya ba dang/ drang srong chen po drang srong rwa gcig zhes bya ba dang/ zhes bya ba ni/ rig byed kyi gzhung gis rtag par blta ba ste/ de rnams kyi sku mdog dang phyag mtshan ni/ ljang nag dang/ ser po dang/ dkar ser dang/ dmar po dang/ dkar po dang/ nag po'o/ /g.yas rnams na bum pa spyi blugs/ g.yon rnams na phreng ba bsnams pa'o/ /drang srong de rnams kyis kyang rig sngags kyi bka' las mi 'da' bar/ sems can gyi don byed pa'o/ /drang srong chen po khyur mid? kyi bu zhes bya ba dang/ drang srong chen po gar ldan gyi bu zhes bya ba dang/ drang srong chen po dgra'i bu zhes bya ba dang/ drang srong chen po 'jigs byed ces bya ba dang/ drang srong chen po 'jigs byed glang po che zhes bya ba ni/ rtag par lta bar gnas pa ste/ bum pa'i ting nge 'dzin gyis lus bem por 'dod pa'o/ /de rnams kyi sku mdog dang phyag mtshan ni/ ser po dang/ dmar po dang/ thal ba'i mdog dang/ mthing ga dang/ nag po'o/ /phyag g.yas g.yon gnyis mnyam gzhag gi phyag rgya la snyoms par bzhugs pa'o/ /de rnams kyis kyang rig sngags kyi bka' las mi 'da' bar rjes su yi rang zhing srung ba dang skyob par bya'o/ /drang srong chen po ser skya zhes bya ba dang/ drang srong chen po gau tam ma zhes bya ba dang/ drang srong chen po rta dmar zhes bya ba dang/ drang srong chen po byis ba rtse zhes bya ba dang/ drang srong chen po mis sbyin gyi bu zhes bya ba dang/ drang srong chen po ri bo
- 254b
zhes bya ba dang/ drang srong chen po srin bu 'dzin zhes bya ba dang/ zhes bya ba ni/ drang srong bdun po de dag ni/ lha dang lha ma yin gyi bar byas shing/ rtag par blta pa ste/ de rnams kyi sku mdog dang phyag mtshan ni/ dkar po dang/ ser po dang/ dmar po dang/ ljang gu dang/ ljang nag dang/ dmar skya'o/ /g.yas rnams na phreng ba dang/ dbyug gu gsum bsnams pa'o/ /g.yon rnams na ril ba spyi blugs bsnams pa'o/ /drang srong de rnams yang rig sngags rjes su dran zhing/ sems can rnams kyi don byed pa'o/ kun dga' bo zhes bya ba ni/ yang dag par rdzogs pa'i sangs rgyas kyis yang nas yang du gsungs pa'o/ /drang srong chen po snying po 'di dag ni/ rig byed rnams byed pa zhes bya ba ni/ de rnams ni sngon gyi drang srong chen po ste/ de rnams yang rig byed bzhi 'don zhing/ rig byed de rnams kyi don ni/ bkra shis tshe ring chos sbyin dmod mos su snang ba'o/ rig byed bzhi po ni de'i don la 'don pa'o/ /gsang sngags rnams byed pa zhes bya ba ni dngos grub thob cing rig pa'i gnas lnga la mkhas pa/ gzhan sems can rnams la skyob par byed pa'o/ /dmod pa 'dor ba zhes bya ba ni de'i dmod mo ni gang yang grub pa'o/ /brtul zhugs dran pa zhes bya ba ni dge slong bzhin du 'dod chags dang/ brdzun du smra ba dang/ srog gcod pa dang/ ma byin par len pa dang/ de rnams spangs la bsgoms pa la gtso bor byas pa'o/ /gzi brjid che ba zhes bya ba ni/ drang srong de rnams kyi gzi brjid kyis/ mtho ris khyab pa'o/ /grub pa pha rol gnon pa zhes bya ba ni/ bum pa gang ba dang/ sems bem por grub nas/ de rnams kyi gzi brjid kyis gnon pa'o/ /grub pa dag ste zhes bya ste/ de rnams kyis kyang thun mongs gi dngos
- 255a
grub thob ba'o/ /de dag gis kyang rig sngags kyi rgyal mo rma bya chen mo 'dis bdag la srung ba gyis shig ces bya ba ni/ rig sngags 'dis ni zhal gsum phyag drug pa/ sku mdog ser mo g.yas dkar g.yon dmar ba/ spyan gsum pa/ ral pa'i thor tshugs can/ dbu la rin po che rdo rjes brgyan pa/ ye shes lnga'i rang bzhin rgyan thams cad kyis brgyan pa/ g.yas gsum na dbyug gu gsum dang/ bum pa spyi blugs dang/ po ti'o/ /g.yon gsum na rma bya'i sgro dang/ phreng ba dang/ sbrul bsnams pa'o/ /brtul zhugs kyi cha byad can/ zla ba'i gdan la/ nyi ma'i 'od dang ldan pa'o/ /thabs shes rab gnyis su med pa'o/ /de lta bu'i rig sngags gang zag gi gus par byas shing 'chang bar 'gyur na/ drang srong chen po de rnams kyis kyang bsrung ba dang skyob par 'gyur ro/ /sba ba dang zhes bya ba la sogs pa ni/ sngar bshad pa bzhin du shes par bya'o/ /tadya thA zhes bya ba ni/ 'di lta ste rig sngags kyi gsang sngags drang srong rnams kyi gnyen po lta'o/ /rig sngags kyi gsang sngags ni/ ha ri ha ri la sogs pa'o/ /rig sngags kyi rgyal mo rma bya chen mo las/ drang srong rnams kyi gnas bskabs te nyi shu pa'o// //kun dga' bo zhes bya ba ni/ /yang dag par rdzogs pa'i sangs rgyas shAkya thub pas gsungs pa'o/ /khyod kyi skye dgu'i bdag po gang dag ces bya ba ni/ khams kyi rigs rtag pa// 'gro ba rigs drug gi las kyi me long 'dzin pa'o/ lha rnams dang zhes bya ba la sogs pa ni/ sems can dmyal ba nas/ lha rnams skye ba'i gtsug lag 'dzin cing/ las kyi ri mo bris nas de la gtang ba'i bdag po'o/ /'di lta ste zhes bya ba ni /skye dgu'i bdag bo
- 255b
rnams kyi ming blta ba'o/ /skye dgu'i bdag po tshangs pa dang/ skye dgu'i bdag po bu can dang/ skye dgu'i bdag po za tshul can gyi bu dang/ skye dgu'i bdag po me dang/ skye dgu'i bdag po gso ba dang/ zhes bya ba ni/ 'jig rten sa bla na gnas pa ste/ de lnga po ni lha'i las kyi me long gi ri mo 'dzin pa'o/ /de rnams kyi sku mdog dang phyag mtshan ni/ dkar po dang/ ser po dang/ dmar po dang/ ljang gu dang/ nag por gnas pa'o/ /de rnams kyi g.yas na dbyug gu rtse gsum dang/ phreng ba dang/ bum pa spyi blugs dang/ 'khor lo dang/ zhags pa bsnams pa'o/ /g.yon rnams na las kyi me long ri mo bsnams pa'o/ /tshangs pa'i brtul zhugs su zhugs pa/ khams gsum tsam la dbang ba/ de rnams kyis kyang rig sngags kyi bka' las mi 'da' bar/ srung ba dang skyob par byed pa'o/ /skye dgu'i bdag po mdun du 'dar dang skye dgu'i bdag po sdu zing sel dang/ skye dgu'i bdag po go byed dang/ skye dgu'i bdag po mdzes gnas dang/ skye dgu'i bdag po zin po dang zhes bya ba ni/ skye dgu'i bdag po de rnams yang sa stengs kyi las kyi me long 'dzin cing/ mi dang byol song rnams kyi skye ba'i las 'dzin pa'o/ /de rnams kyi sku mdog dang phyag mtshan ni/ ser po dang/ nag po dang/ ljang gu dang/ dmar po dang/ dkar po dang/ g.yas rnams ni 'khor lo dang/ zhags pa dang/ dung dang/ be con dang/ dbyug to'o/ /g.yon rnams las kyi ri mo'i me long bsnams pa'o/ /de ltar bur skye dgu'i bdag po kyang/ sa stengs su dbang mdzad cing/ rig sngags kyi bka' las mi 'da' bar sems can gyi don byed pa'o/ /skye dgu'i bdag po lus mdzes dang/ skye dgu'i bdag po rab dga' dang/ skye dgu'i bdag po mkhas pa dang/ skye dgu'i bdag po gus yod de
- 256a
zhes bya ba ni skye dgu'i bdag po de rnams yang sa 'og na gnas shing yi dags dmyal ba'i las kyi me long 'dzin pa'o/ /de rnams kyi sku mdog dang phyag mtshan ni/ nag po dang/ ljang nag dang/ thal ba'i mdog dang/ mthing khar gnas pa'o/ /g.yas rnams na/ be con dang/ lcags kyu dang/ dbyug to dang/ zhags pa'o/ /g.yon rnams na las kyi me long gi ri mo bsnams pa'o/ /sa 'og la dbang mdzad cing/ rig sngags kyi rgyal mo'i bka' las mi 'da' bar/ sems can gyi don mdzad pa'o/ /kun dga' bo zhes bya ba ni/ yang dag bar rdzogs pa'i sangs rgyas kyis bka' stsal pa'o/ /skye dgu'i bdag po bdag nyid chen po 'di dag ni zhes bya ba ni/ de rnams kyis kyang khams gsum gyi bdag por gnas shing/ sems can bzang po ngan gyi las smra ba'o/ /gnas ba dang 'gro ba'i 'byung po'i tshogs bsrung ba'i phyir gnas pa dag go zhes bya ba ni/ 'ong ba da ltar dang 'das pa rnams kyi mngon par shes pa dang ldan pa/ gzi brjid che zhing dbang che ba rdzu 'phrul dang ldan pa de dag gis kyang rig sngags kyi rgyal mo rma bya chen mo 'dis bdag la srung ba gyis shig ces bya ba ni/ rig sngags kyi rgyal mo'i ngo bo ni zhal gcig phyag bzhi pa/ sku mdog nag mo spyan gsum pa/ dbu skra ser po dbu la rdo rjes brgyan pa/ ye shes lnga dang ldan pa/ yan lag thams cad sprul gyis brgyan pa/ g.yas pa gnyis na be con dang 'khor lo'o/ /g.yon pa gnyis na rma bya'i sgro dang/ zhags pa bsnams pa'o/ /g.yas brkyang ba g.yon bskum pa/ nyi ma'i gdan dang/ 'od dang ldan pa'o/ /thabs shes rab gnyis su med pa'o/ /de lta bu'i rig sngags la gang zag gang gis gus par gyur na/ skye dgu'i
- 256b
bdag po de rnams kyis kyang srung ba dang skyob bar 'gyur ro/ /sba ba la sogs pa zhes bya ba ni/ sngar bshad pa bzhin du shes par bya'o/ /tadya thA zhes bya ba ni/ 'di lta ste/ rig sngags kyi gsang sngags skye dgu'i bdag po'i gnyen po blta bar bya'o// rig sngags kyi gsang sngags ni/ hi ri hi ri la sogs pa'o/ /rig sngags kyi rgyal mo rma bya chen mo las khams gsum gyi mnga' bdag skye dgu'i bdag po chen po rnams kyi gnas skabs te/ nyi shu gcig ba'o// //kun dga' bo zhes bya ba ni/ yang dag bar rdzogs pa'i sangs rgyas bcom ldan 'das kyis bka' stsal pa'o/ /khyod kyis dug chen po rnams kyis ming zung zhig ces bya ba ni/ phyi'i dug rnams pa gsum ste/ 'jig rten gyi khams su grags shing gzhan rnams kyis mi thub pa/ thun mongs gi dug ces bya ba sems can rnams la gnod par byed pa'o/ /'gro ba dang/ gnas pa dang/ sbyor ba dang gsum mo/ /dug de gsum ni/ 'jig rten gyi khams la khyab ste/ sems can rnams la 'jigs par byed pa'o/ /tadya thA zhes bya ba ni/ 'di lta ste/ 'jig rten gyi dug gsum blta ba'o/ /aN+Da rA zhes bya ba ni/ sgo nga las byung ba'i dug yin te/ sprul la sogs pa'i sems can las byung ba'o/ /kha rlangs kyi dug dang/ mche ba'i dug ge/ paN+Da rI ma klu'i dug bsam pa'i dug go/ mthong ba'i dang gnyis so/ /ka rA la ni/ klu'i dug reg pa'i dug go/ 'dzin pa'i dug go/ ke yu rA ni bum pa'i dug yin te/ de ni reg pa'i dug go /b+hu'u taM ga ma ni/ 'byung po rnams kyi mthong ba'i dug yin te/ de yang dug bzhi gnas pa'o/ /b+hu'u ta pa ti ni/ mi ma yin gyi dug yin te/ de yang mthong ba'i dang reg pa dang/ bsams pa las byung ba'i dug go/ pin+tu pa ti ni/ thigs pa'i dug nyin te/ de yang bsams pa dang
- 257a
mthong ba las byung ba/ klu'i dug phol mig go /si ri pa ti ni/ de yang klu'i dug yin te/ rmu chu'i nad do/ /te dza pa ti ni/ klu'i dug me spal gyi nad yin no/ /ya sho pa ti ni/ de yang klu'i nad yin te/ 'dze'i bye brag po/ /yang sho gra pa ta ni/ sa bdag gi dug yin te/ 'bras kyi nad do/ ta ra Da ni/ de ni sa bdag gi rigs g.ya' ba' o/ /ta ra Da ni/ sa bdag gi rigs sha kra'i nad do/ /ta ra Da ni/ 'brum bu'o/ /tu tu rA ni lhog pa'i nad do/ /d+ha na tA hA ha rA ni/ mche ba la sogs pa las byung ba sems can dug gi so'i dug go /ha la ha la ni/ 'jig rten drag po'i dug yin te/ sems can nang gi dug go /me la hA la gra ni/ sbyor ba'i dug go /pA la ni/ 'bras bu las byung ba'o// gu ha ni gsang ba'i dug go /bsang ba'i dug ni dam tshig las byung ba'o/ /tsa rI ni/ brtan pa ste mi 'gyur ba'o/ /dan+tu ra ni/ btsan dug go /i ri kirtsi ka ni/ rtsa ba'i dug go /kaM bA ni/ blta ba'i dug go /sha staM du ri ni/ log pa'i dug go /bi pu li ni/ sprin gyi dug go /na ku la ni/ sre mod las byung ba'o/ /ki rI sbi ni/ phyi ba'i dug go /ta ra taM ga riSh+Ta ni/ srin bu ki ti'i dug go /a mra ma ti ni/ sbrul nag po'i dug go /dza bu ma ti ni/ sha drug go /ma d+hu ma ti ni/ bdud rtsi las byung ba'o/ /ka ma le ni/ mthong ba'i dug go /bi ma le ni/ phye ma'i dug go /kun+d+ra le ni/ rtsa ba'i dug go /a ha du hi ni/ sdig pa mang po'i dug go /a Di na Di ni/ sdig pa dmar po'i dug go /bu ge bu ge ni/ sa dug go / bat+sa na b+he ni/ spre'u de ba'i dug go /mahA ga ri ni/ nag po brtsegs pa'i dug go /du lam de ni/ rtsa ba nag po'i dug go /su la b+he ni zhes bya ba ni/ rin po che'i dbyig dug go /swAhA ni dug bcom pa'o/ /kun dga' bo zhes
- 257b
bya ba ni/ yang dag par rdzogs pa'i sangs rgyas kyi bka' stsal ba'o/ /'di dag ni dug chen po dag ste/ zhes bya ba ni/ 'jig rten la grags pa phyi'i dug ces bya'o/ /de dag gis kyang rig sngags kyi rgyal mo rma bya chen mo 'dis/ bdag la srung ba gyis shig / ces bya ba ni/ phyi'i dug dang nang gi dug 'joms nus pa'o/ /rig pa'i rang bzhin rig sngags kyi rgyal mo 'di la gang zag gang gis kyang gus par byas na/ dug nad thams cad kyi mi tshugs shing/ dug nad de rnams kyis kyang srung ba dang skyob par byed pa'o/ /sba ba dang zhes bya ba ni/ dug nad thams cad la sba ba'o/ /yongs su bskyab pa dang zhes bya ba ni/ dug de rnams las bskyab pa'o/ /yongs su bzung ba dang zhes bya ba ni/ nad de'i 'jigs pa las bzung ba'o/ /yongs su bskyang ba dang zhes bya ba ni/ de'i 'jigs pa las thar ba'o/ /zhi ba dang zhes bya ba ni/ dug nad de dag thams cad zhi ba'o/ /bde legs su 'gyur ba dang zhes bya ba ni/ dug nad bcom nas bde ba'o/ /'chad pa spang ba dang zhes bya ba ni/ dug can rnams kyis 'chad pa spang ba'o/ /mtshon cha spang ba dang zhes bya ba ni/ de'i mthong ba'i dug gi mtshon cha spangs pa'o/ /dug gzhil ba dang zhes bya ba ni/ dug 'ong ba rnams spong ba'o/ /dug gsod pa dang zhes bya ba ni/ yod pa yang med par byed pa'o/ /lo brgya mtsho bar gyur cig ces bya ba ni/ nad de mi'i tshugs shing/ tshe ring ba'o/ /ston brgya mthong bar shog cig ces bya ba ni/ phun sum tshogs shing nad rnams dang bral ba'o/ /rig sngags kyi rgyal mo rma bya chen mo las/ dug gi ming bstan pa'i gnas skabs te/ nyi shu rtsa gnyis pa'o// //kun dga' bo zhes bya ba ni/ yang dag par rdzogs pa'i sangs rgyas kyis bka' stsal ba'o/ /khyod kyis shing ljon pa chen po rnams kyi ming
- 258a
zung zhig ces bya ba ni/ byang chub kyi shing ljon pa chen po 'dzam bu'i gling na gnas pa'o/ /'di lta ste zhes bya ba ni/ byang chub kyi shing rnams blta ba'o/ /shing ljon pa chen po gser zhes bya ba dang/ shing ljon pa chen po ser skya zhes bya ba dang/ shing ljon pa chen po khyab nas zhes bya ba dang/ shing ljon pa chen po spre'u gnas zhes bya ba dang/ shing ljon pa chen po pad+ma dkar po zhes bya ba dang/ shing ljon pa chen po ser po zhes bya ba dang/ shing ljon pa chen po mya ngan tshangs zhes bya ba ni/ shing ljon pa chen po sna ldan byed ces bya ba ni/ shing ljon pa chen po de yang rim pa bzhin du/ shar dang/ shar lho dang lho nub dang/ nub dang nub byang dang/ byang dang byang shar dang/ de bzhin du zhing skyong la yang rim pa bzhin du shar nas bskor te/ glang po che'i gdong can dang/ ra'i gdong can dang/ ma he'i gdong can dang/ yi dags kyi gdong can dang/ chu srin gyi gdong can dang/ sha ba'i gdong can dang/ rta'i gdong can dang/ glang gi gdong can dang/ g.yas rnams na rdo rje dang/ rtse gcig dang/ be con dang/ ral gri dang/ sbrul zhags dang/ ba dan dang/ bum pa dang/ rtse gsum mo/ /g.yon rnams na bsdigs mdzub dang zhags pa'o/ /de rnams kyi kha dog kyang/ dkar po dang/ dmar po dang/ nag po dang/ dmar nag dang/ dkar po dang/ dung ka dang/ ser po dang/ mthing ka'o/ /de rnams kyis kyang rig sngags kyi bka' las mi 'da' bar srung ba dang skyob par byed do/ /shing ljon pa chen po rgyas byed ces bya ba dang/ shing ljon pa chen po ba'i ba zhes bya ba dang/ shing ljon pa chen po tsu te zhes bya ba dang/ shing ljon pa chen po dzam+bu
- 258b
zhes bya ba dang/ shing ljon pa chen po a 'bras zhes bya ba dang/ shing ljon pa chen po tA la zhes bya ba dang/ shing ljon pa chen po tsan dan zhes bya ba dang zhes bya ba ni/ shing ljon pa chen mo de rnams kyang rgya mtsho'i 'gram na gnas te/ de yang rim pa bzhin du gnas te/ rgya mtsho'i shar dang/ shar lho dang lho dang lho nub dang nub dang/ nub byang dang byang dang/ byang shar dang/ de rnams la gnas pa'i shing skyong rnams ni/ rim pa bzhin du/ khA gdong can dang/ khyi'i gdong can dang/ 'ug pa'i gdong can dang/ phag pa'i gzod ba can dang/ seng ge'i gdong can dang/ stag gi gdong can dang/ spyang ki gdong can dang/ bya'i gdong can no/ /de rnams kyi kha dog ni/ nag po dang/ ser po dang/ dkar po dang/ ljang gu dang mthing ka dang/ dmar po dang/ thal ba'i mdog can dang/ mthing ka'o/ /de rnams kyi phyag mtshan ni/ g.yas rnams na gri gug /g.yon rnams na thod pa/ bsnams pa'o/ /shing de rnams kyang shin tu g.yon pa/ yal ga rgyas pa/ de bzhin du lo ma dang ldan pa'o// shing ljon pa de dag dang/ gzhan dag lha gang dag gnas pa de dag gis kyang/ zhes bya ba ni/ shing de la sogs pa gzhan la yang/ lta'i gdon la sogs pa 'byung po stong phrag brgyad cu rnams gnas pa'o/ /rig sngags kyi rgyal mo rma bya chen mo 'dis bdag la srung ba gyis shig /ces bya ba ni/ thabs shes rab gnyis su med pa ye shes lnga dang ldan pa/ sems can rnams thugs rje che ba ni/ de dag dang ldan pa'i rig sngags la gang zag gang gi gus par byas nas ni/ zhing skyong de rnams kyis kyang/ srung ba dang skyob par byed pa'o/ /sba ba la sogs pa zhes bya ba ni/ snga ma bzhin du shes par bya'o/ /rig sngags kyi rgyal mo rma bya chen mo las/ shing ljon pa chen po bshad pa'i gnas skabs te nyi shu
- 259a
gsum pa'o// //kun dga' bo zhes bya ba ni/ yang dag par rdzogs pa'i sangs rgyas kyis bka' stsal pa'o/ /rig sngags kyi rgyal mo rma bya chen mo 'di ni/ zhes bya ba ni/ 'byung po thams cad kyi gnyen po/ sangs rgyas rnams kyi phyag rgya/ chos rnams kyi phyag rgya gsum la grags pa'o/ /yang dag par rdzogs pa'i sangs rgyas bdun gyis gsungs shing rjes su yi rang ba ste/ zhes bya ba ni/ 'das pa dang da ltar yod pa'i sangs rgyas rnams kyis gsungs pa'o/ /'di lta ste zhes bya ba ni/ sangs rgyas rabs bdun rnams blta ba'o/ /yang dag par rdzogs pa'i sangs rgyas rnam par gzigs kyis gsungs shing rjes su yi rang ba'o/ /zhes bya ba ni bskal pa dang po'i dus su yang dag par rdzogs pa'i sangs rgyas rnam par gzigs kyis kyang rjes su yi rang zhing sems can gyi don la gsungs shing/ phyag rgya'i rgyas btab pa'o/ /yang dag par rdzogs pa'i sangs rgyas gtsug tor can gyis gsungs shing rjes su yi rang ba'o zhes bya ba ni/ bskal pa gnyis pa'i dus su yang dag par rdzogs pa'i sangs rgyas gtsug tor can gyis kyang/ sems can gyi don la rjes su yi rang bzhin gsungs pa'o/ /rig sngags kyi phyag rgya'i rgyas btab pa'o/ /yang dag par rdzogs pa'i sangs rgyas thams cad skyob kyis gsungs shing rjes su yi rang ba'o zhes bya ba ni/ bskal pa gsum pa'i dus su/ sems can gyi don la yang dag par rdzogs pa'i sangs rgyas thams cad skyob kyis kyang/ rig sngags kyi phyag rgya'i rgyas btab pa'o/ /yang dag par rdzogs pa'i sangs rgyas 'khor ba 'jigs gis gsungs shing rjes su yi rang ba'o/ /zhes bya ba ni/ bskal pa bzhi pa'i dus su yang/ sems can gyis don la
- 259b
yang dag par rdzogs pa'i sangs rgyas 'khor ba 'jig gis kyang/ rig sngags kyi phyag rgya'i rgyas btab pa'o/ /yang dag par rdzogs pa'i sangs rgyas gser thub kyis kyang gsungs shing rjes su yi rang ba'o/ /zhes bya ba ni/ bskal pa lnga pa'i dus su yang dag par rdzogs pa'i sangs rgyas gser thub kyis kyang/ sems can gyi don la rig sngags kyi phyag rgya'i rgyas btab pa'o/ /yang dag par rdzogs pa'i sangs rgyas 'od srungs kyis gsungs shing rjes su yi rang ba'o/ /zhes bya ba ni/ bskal pa drug pa'i dus su yang dag par rdzogs pa'i sangs rgyas 'od srung gis kyang/ sems can gyi don la rjes su yi rang zhing rig sngags kyi phyag rgya'i rgyas btab pa'o/ /sangs rgyas drug po de ni/ pha rol tu phyin pa dang/ mngon pa dang 'dul ba la sogs pa'i tshas bstan cing/ sems can rnams 'dul ba'o/ /yang dag par rdzogs pa'i sangs rgyas shAkya thub pa ngas kyang da ltar bshad cing rjes su yi rang ba'o/ /zhes bya ba ni/ dus tha ma 'di la sems can gyi mtshan lnga'i dus su/ de bzhin du tshe lo brgya nyi shu tham pa la/ yul mnyan du yod pa na/ rgyal bu rgyal byed kyi tshal/ mgon med zas sbyin gyi kun dga' ra ba na/ rdo rje'i gdan la/ de dge slong sa ri mche ba'i dug gis zin pa'i don dang/ sems can la dmigs nas rig sngags kyi rgyal mo rma bya chen mo 'di/ yang dag par rdzogs pa'i sangs rgyas shAkya seng ges rjes su yi rang ba/ rig sngags kyi phyag rgyas rgyas btab pa'o/ /rig sngags 'di ni thabs shes rab gnyis su med pa/ kun gzhi rnam par shes pa rnam par dag pa/ chos rtags kyi phyag rgya bzhi'i sgo nas bstan pa'o/ /kun dga' bo zhes bya ba ni/ mtshan sum cu rtsa gnyis dang ldan pa dang/ dpe byad bzang po brgyad cus sku la brgyan pa/ sems can gyi don
- 260a
la stong gsum gyi stong chen po'i 'jig rten gyi khams kyi don la khyab pa'o/ /seng ge pad+ma'i gdan la bzhugs pa/ dge slong msa ri'i don la bka' stsal pa'o/ /rig sngags ky rgyal mo rma bya chen mo 'di ni byang chub sems dpa' byams pas kyang bshad cing rjes su yi rang ba'o zhes bya ba ni/ ma 'ongs pa'i sangs rgyas yang bskal pa 'di'i phyi ma yang dus bzang po la/ tshe lo stong sems can rnams kyis thub pa/ gser gyi sa gzhi'i yid bzhin gyi nor bu la spyod pa/ sems can rnams la las bya mi dgos pa/ chos kyang mtshan nyid dang mdo sde dang/ 'dul ba mngon pa gsum gyis 'dul ba'o/ /de'i tshe de'i dus su/ byang chub sems dpa' byams pa rjes su yi rang zhing gsungs te/ rig sngags kyi rgyal mo rma bya chen mo'i phyag rgya'i rgyas btab pa'o/ /mi mjed kyi bdag po tshangs pas smras shing rjes su yi rang ba'o/ /zhes bya ba ni/ stong spyi bud kyis 'jig rten gyi khams kyi rgyal po/ de rnams la dbang sgyur ba/ des kyang rig sngags kyi rgyal mo rma bya chen mo 'di la/ mi mjed kyi bdag po tshangs pas kyang spyi bo'i gtsug du bzhag nas/ rjes su yi rang zhing de'i yon tan smra ba'o/ /lha rnams kyi dbang po brgya byin gyis kyang smras shing rjes su yi rang ba'o/ /zhes bya ba ni/ 'dod pa'i khams la dbang mdzad pa/ lha rnams kyi dbang po sum cu rtsa gsum gyi rgyal po lha ma yin rnams 'dul ba/ lha'i dbang po brgya byin gyis kyang spyi gtsug du bzhag nas/ rjes su yi rang ste/ rig sngags kyi yon tan smra ba'o/ /rgyal po tsho nwa bzhi po dag gis kyang smras shing rjes su yi rang ba'o/ /zhes bya ba ni/ phyogs bzhi'i mi'i mgon mdzad pa'i chos kyi rgyal khris mdzad pa/ bzhi po de dag gis kyang spyi bo'i gtsug du bzhag nas/ gus par rjes
- 260b
su yi rang zhing smra ba'o/ /dri za'i rgyal po yul 'khor skyong gis kyang smras shing rjes su yi rang ba'o/ /zhes bya ba ni/ ri rab kyi shar phyogs na mnga' mdzad cing/ dri za rnams kyi rgyal po ste/ des kyang rig sngags la rjes su yi rang ba'o/ /grul bum gyi rgyal po 'phags skyes pos kyang smras shing rjes su yi rang ba'o zhes bya ba ni/ ri rab kyi lho phyogs la mnga' mdzad cing/ grul bum rnams kyi rgyal po ste/ rgyal po des kyang gus par rjes su yi rang ba'o/ /klu'i rgyal po mig mi bzang gis kyang smras shing rjes su yi rang ba'o zhes bya ba ni/ ri rab kyi nub phyogs na mnga' mdzad pa/ klu rnams kyi dbang po klu'i rgyal po des kyang/ rig sngags la gus par byed pa'o/ /gnod sbyin gyi rgyal po chen po rnam thos kyi bus kyang smras shing rjes su yi rang ba'o zhes bya ba ni/ ri rab kyi byang ngos na mnga' mdzad pa/ gnod sbyin rnams kyi rgyal po/ des kyang gus par byas pa'o/ /dri za'i ded dpon nyi shu rtsa brgyad dag dang zhes bya ba ni/ dri za'i rgyal po yul 'khor srung la yang/ ded dpon nyi shu rtsa brgyad yod de/ de rnams kyis kyang rig sngags la rjes su yi rang ba'o/ /grul bum gyi ded dpon nyi shu rtsa brgyad dag dang zhes bya ba ni/ rgyal po chen po 'phags skyes po la yang/ sde dpon de dag dang ldan te/ de rnams kyis kyang rig sngags la rjes su yi rang sa ba'o/ /klu'i sde dpon nyi shu rtsa brgyad dag dang zhes bya ba ni/ rgyal po chen po spyan mi bzang la yang sde dpon de dag dang ldan te/ de rnams kyis kyang rig sngags la rjes su yi rang ba'o// gnod sbyin gyi ded dpon nyi shu rtsa brgyad dag dang zhes bya ba ni/ rgyal po chen po rnams thos kyi bu de yang/ sde dpon de dag dang ldan te/ de rnams kyis kyang rig sngags la rjes su yi rang ba'o/ /gnod sbyin gyi ded dpon chen po lnga
- 261a
cen dang/ 'phrog ma'i bu lnga brgya dang bcas pa rnams kyis kyang smras shing rjes su yi rang pa'o zhes bya ba ni/ gnod sbyin gyi sde dpon chen po lnga rtsen dang/ gnod sbyin ma 'phrog ma dang gnyis kyi bu 'phrog ma'i bu lnga brgya ste/ de rnams kyang gzi brjid dang stobs dang ldan te/ kha dog dang grags pa dang ldan pa de rnams kyis kyang rig sngags kyis rgyal mo la gus par byas shing rjes su yi rang ba'o/ /de rnams kyi kha dog ni/ ser po dang/ g.yas na dbyug to dang/ me long bsnams pa/ g.yon na zhags pa dang/ utpa la bsnams pa'o/ /de rnams kyis kyang rig sngags la gus par byas shing/ de sems can gyi don la byed pa'o/ /kun dga' bo zhes bya ba ni/ yang dag par rdzogs pa'i sangs rgyas kyi yang nas yang du rjes su yi rang pa'o/ /rig sngags kyi rgyal mo rma bya chen mo 'di ni/ zhes bya ba ni/ lha'i gdon la sogs pa bgegs rig stong phrag brgyad cu kyang/ spyi bo'i gtsug tu bzhag nas rjes su yi rangs pa'o/ /rig sngags kyi bka' las mi 'da' ba' o/ /lha'i gdon dang/ klu'i gdon dang/ rlung lha'i gdon dang/ lha ma yin gyi gdon dang/ nam mkha' i lding gi gdon dang/ zhes bya ba ni/ de rnams kyis kyang rgol par mi 'gyur zhing/ rig sngags la rjes su yi rang zhing bka' las mi 'da' bar/ de rnams kyi kha dog ni/ ser po dang/ dkar po dang/ dmar po dang/ sngon po dang/ ser po'o/ /phyag rnams na rdo rje dang/ sbrul zhags dang/ ral gri dang/ ba ngan dang/ sbrul bsnams pa'o/ klu'i gdon ni/ ro smad sbrul du 'dug go lha ma yin gyi gdon ni khro bor gnas pa/ nam mkha' lding gi gdon ni bya'i gzugs so/ /gzhan yang lha'i cha byad du yod pa'o/ /dri za'i gdon dang/ mi'i
- 261b
ci'i gdon dang/ lto 'phye chen po'i gdon dang/ gnod sbyin gyi gdon dang/ srin po'i gdon dang/ yi dags kyi gdon dang/ zhes bya ba ni/ de rnams kyis kyang rig sngags la rjes su yi rang ste/ de rnams kyi kha dog ni/ dkar po dang/ ser po dang/ sngo skya dang/ nag po dang/ dmar po dang/ thal ba'i mdog go/ de rnams kyi phyag mtshan ni/ pi wang dang/ gling bu dang/ cha lang dang/ bum pa dang/ ral gri dang/ thod pa bsnams pa'o/ /mi 'am ci dang/ lto phye ni/ rta'i mgo dang/ sbrul gyi mgo dang/ yi dags kyi gdon ni/ sha za rnams skam zhing 'jigs pa'i cha byad do/ /gnod sbyin dang srin po ni/ khro bor gnas so/ /dri za'i gdon ni lha'i cha byad do/ /sha za'i gdon dang/ 'byung po'i gdon dang/ grul bum gyi gdon dang/ srul po'i gdon dang/ lus srul po'i gdon dang zhes bya ba ni/ de rnams kyis kyang rig sngags kyi rgyal mo la rjes su yi rang zhing/ bka' las mi 'da' ba' o/ /de rnams kyi kha dog ni/ dmar nag gi mdog dang/ sngo skya dang/ mthing ka dang/ dmar po dang/ ser po'o/ /phyag rnams na/ sbrul zhags dang/ thod pa dang/ dbyug to dang/ zhags pa dang/ phreng ba bsnams pa'o/ /de rnams kyi gdon ni phyi ba dang/ byi ba dang/ pha wang dang/ phag dang/ yang phag pa dang ngo/ /skem byed kyi gdon dang/ smyo byed kyi gdon dang/ grib gnon gyi gdon dang/ brjed byed gyi gdon dang gnon po'i gdon dang zhes bya ba ni/ gdon de la sogs pa gdon de rnams kyis kyang rig sngags kyi bka' las mi 'da' pa'o/ /de rnams kyi kha dog ni/ dmar po dang/ ser po dang/ mthing kha dang/ ljang gu dang/ thal ba'o/ /de rnams kyi phyag na/ rgyu zhags dang/ snying dang/ thod pa dang/ gri gug dang/ dbyug to dang ngo/ /de rnams kyi gdod pa ni/ khyi dang spyang ki dang/ pho rog dang/ ra'i
- 262a
gdong can no/ /gdon thams cad kyi 'gal bar bya ba ma yin pa'o zhes bya ba ni/ gdon rigs stong phrag brgyad cu po de rnams kyis kyang/ rig sngags kyi bka' las 'gal bar mi nus pa'o/ /gzi brjid 'phrog pa rnams dang zas su mngal za ba rnams dang/ zas su srog 'phrog pa rnams dang/ zas su gtor ma za ba rnams dang/ zas su sha za ba rnams dang/ zas su khrag 'thung ba rnams dang/ zas su zhag za ba rnams dang/ zas su tshil za ba rnams dang/ zas su rkang za ba rnams dang/ zas su btsas pa za ba rnams dang/ zhes bya ba ni/ de yang zas kyi rigs mi mthun pa za ba rnams yin te/ de rnams kyis kyang rigs sngags kyi rgyal mo la 'tshe bar mi nus pa'o/ /de rnams kyi gzugs ni/ dreng mo'i gzugs dang/ khyi'i gzugs dang/ seng ge'i gzugs dang/ stag gi gzugs dang/ spyang ku'i gzugs dang/ sre mo'i gzugs dang/ byi la'i gzugs dang/ 'phyi ba'i gzugs dang/ ra'i gzugs dang/ lug gi gzugs dang ngo/ /zas su dri za ba rnams dang/ zas su me tog za ba rnams dang/ zas su 'bras bu za ba rnams dang/ zas su lo tog za ba rnams dang/ zas su bsreg bya za ba rnams dang/ zas su rnag 'thung ba rnams dang/ zas su phyis sa za ba rnams dang/ zas su cin 'thung ba rnams dang/ /zas su mchil ma za ba rnams dang/ zas su ngar? snabs za ba rnams dang/ zas su snabs za ba rnams dang/ zas su lhag ma za ba rnams dang/ zas su skyugs pa za ba rnams dang/ zas su mi gtsang ba za ba rnams dang/ zas su gtor khung nas 'bab pa thung ba rnams dang/ zhes bya ba ni/ gdon de rnams kyang sna tshogs kyi gzugs kyi snang
- 262b
zhing/ mi srun pa rnams yin te/ de rnams kyis kyang rig sngags kyi bka' las 'da' bar mi nus pa'o/ /de rnams kyi gzugs kyang/ ma he dang/ glang po che dang/ glang dang/ rnga mo dang/ sha ba dang/ bong bu dang/ bya rog dang/ 'ug pa dang/ rma bya dang/ khrung khrung dang/ de po dang/ kye ka dang/ bya rgod dang/ bya rkang ka'i gzugs so/ /de rnams ni shin tu mi srun pa mgo ma rnyan gyi gzugs su yod pa dang/ 'gal bar bya ba ma yin pa zhes bya ba ni/ zas su za de ba rnams kyis kyang/ rig sngags kyi gnod par mi nus shing/ rig sngags la gus par byas pa'o/ /gshed byed la sogs pa dang zhes bya ba ni/ las bcu bzhi yod de/ nyes pa de rnams kyis rig sngags kyi gzi brjid kyis nyes pa mi nus pa'o/ /rim nyin gcig pa dang zhes bya ba/ la sogs pa ni rims kyi nad mi gcig pa bco lnga yod de/ rig sngags kyi nus pas/ rims de rnams kyis kyang mi tshugs pa'o/ /rlung las gyur pa dang/ zhes bya ba la sogs pa ni/ rlung las nad bzhi brgya rtsa bzhi'o/ /mkhris pa las nad bzhi brgya rtsa bzhi'o/ /bad kan las gyur pa nad bzhi brgya rtsa bzhi ste/ de gsum 'dus nas 'dul pa'i nad do/ /de gnyis gnyis dang ldan pas na ldan pa'o/ /de lta bu'i nad 'jigs pa can gyis kyang/ rig sngags kyi gzi brjid kyis 'ong bar mi nus so/ /rims nad thams cad kyis 'gal bar bya ba ma yin pa'o zhes bya ba ni/ rims kyi nad de rnams kyis kyang/ rig sngags kyi bka' las mi 'da' zhing/ nad de rnams kyis mi tshugs pa'o/ /glad pa na ba dang zhes bya ba la sogs pa ni/ rlung dang mkhris pa bad kan gsum gyis/ yan lag dang nying lag thams cad na ba ste/ nad de yang bzhi bcu rtsa bzhi yod de/ nad de rnams kyis kyang mi tshugs shing bde bar gnas pa'o/ /shu pa dang zhes bya ba la sogs pa ni/
- 263a
sa bdag gi nad rigs mi gcig pa bco brgyad yin te/ shu ba la sogs pa'i nad kyis mi tshugs pa'o/ /nad thams cad dang zhes bya ba ni/ nad rigs mi gcig pa bzhi brgya rtsa bzhis mi tshugs pa'o/ /dug nad thams cad dang zhes bya ba la sogs pa ni/ phyi'i dug dang nang gi dug drug go /dug de rnams kyi mi tshugs so/ /sdang ba thams cad dang zhes bya ba ni/ las kyi rnam par smin pas/ sems can rnams kyis sdang bas te/ de'i 'jigs pa las thar ba'o/ /'jigs pa thams cad dang zhes bya ba ni/ dus ma yin par 'chi ba'i 'jigs pa brgyad do/ /yams kyi nad thams cad dang zhes bya ba ni/ yams nad thams cad de ni 'go ba'i nad yin te/ nad des kyang mi tshugs pa'o/ /'thab pa dang rtsod pa dang zhes bya ba ni/ gzhan yang dgra bo rnams dang/ nye ba la sogs pa 'thab pa de rnams kyi 'jigs pas kyang mi tshugs pa'o/ /gnod pa dang zhes bya ba ni/ 'byung po dang/ rgyal po la sogs pa'i gdon pas mi tshugs pa'o/ /nad 'go ba dang/ 'khrug pa thams cad kyis 'gal bar bya ba ma yin no/ /zhes bya ba ni/ rig sngags 'di'i gzi brjid kyis/ nad de rkyen de rnams kyis mi tshugs pa'o/ /rig sngags kyi rgyal mo rma bya chen mo las/ phan yon tan bstan pa'i gnas skabs te/ nyi shu rtsa bzhi pa'o// //kun dga' bo zhes bya ba ni/ yang dag par rdzogs pa'i sangs rgyas kyis bka' stsal pa'o/ /gang zhig gis rig sngags kyi rgyal mo rma bya chen mo 'dis bsrung ba byas sam zhes bya ba ni/ 'di la gus par byas nas 'chang ba dang/ bsgom pa dang/ rgya cher spel ba dang/ rjes su yi rang ba dang/ sngags kyi tshig gcig gnyis brjod pa dang/
- 263b
dkyil 'khor rgya cher bri ba dang/ bsung ba bris nas btags na/ 'jigs pa thams cad dang bral bar 'gyur ro/ /gang zhig gis rig sngags kyi rgyal mo rma bya chen mo 'di la 'gal bar byas na/ lag na rdo rjes de'i mgo tshal ba bdun du 'gems par 'gyur ro/ /sangs rgyas dang byang chub sems dpa' dang/ rang sangs rgyas dang/ nyan thos thams cad kyi gzi brjid kyis/ de'i snang ba ma rungs par 'gyur sems can ma rungs bar 'gyur ro/ /'phags pa'i gang zag rnams la bslus par 'gyur ro/ /rgyal po chen po bzhi po dag gis kyang/ gshur zhes bya ba la thug pa'i bar gyis gsang sngags kyis de la sdug bsngal chen po byed par 'gyur ro/ /lha rnams kyi dbang po brgya byin yang sum cu pa'i tshogs kyis bskor te/ rdo rjes de'i mgo 'gems par 'gyur ro/ /tshangs pa'i gzi brjid kyis kyang nga'i 'byor pa thal bar log par 'gyur ro/ /dkyil 'khor dang bsrung ba'i bye brag gang zhe na/ 'di lta ste/ 'og tu blta pa'o/ /dar?? po sa ni brtag par bya/ gnyis pa sa blang cho ga bshad/ gsum pa sa ni yongs bzung ba/ bzhi pa sa ni spyong bar byed/ lnga pa sa ni byin brlabs bya/ /drug pa sa ni gdul bar bya/ /de dag ni sa'i cho ga'i bye brag go de yang rig sngags kyi snying po dang/ sa'i sngags kyis byin brlabs bya'o/ /sa gzhi bzang po'i dkyil 'khor la/ dri dang rnam lnga bsres pa'i chus/ /dkyil 'khor la ni byug par bya/ /sta gon la sogs cho ga ni/ mngon du 'gro ba gang yin pa/ /rdo rje slob dpon bka' drin gyis/ /sngon 'gro cho ga yang dag shes/ bcu gsum mam ni yang na dgu/ /lnga dang gcig las gang yin pa/ bum pa'i mtshan nyid brtag par bya/ gser ram dngul lam zangs
- 264a
las byas/ rdza la sogs pa gang yod la/ /gsus pa che la mgrin pa rid?/ /mchu 'phyang nag por ri med/ /de bzhin mtshan dang ldan pa la/ rig pa'i mtshan ma bri bar bya/ rma bya'i sgro dang/ rigs lnga'i mtshan/ /de rnams la ni yang dag bri/ /gu gul a ga ru la sogs/ /dung pas yang ni bdug par bya/ dri chu dang ni chu rnams kyis/ bum pa la ni yang dag dgang/ /mar ram zho 'am sbrang rtsi 'am/ bu ram ka ra 'o ma dang/ /de rnams kyis ni dgang bar bya/ /mu tig mu men byi ru dang/ gser dang dngul ni gzhug par bya/ /'bras sam til lam ma sha 'am/ gro 'am nas sam yang dag blug /mtshan ma legs pa'i bum pa la/ /dar mar ras sam ma nyams pas/ /bum pa'i mgul ni yang dag bcings/ /tsandan dang ni gur kum dang/ glang rtsi'i chu dang ga bur dang/ du ru ka ni bri lnga ldan/ /des ni bum pa dgang bar bya/ /bal po shing dang u duM par 'bar ta dpal shing kha de'i shing/ byang chub shing ni sna lngas ni/ /de'i lo mas mdzes par brgyan/ /dar dang rgyal mtshan gdugs dang ni/ /rin chen phreng dang me tog phreng/ /bkra shis brgyad dang me long dang/ bum pa la ni yang dag brgyan/ /rdo rje slob dpon yang dag gis/ dam tshig sems dang ye shes sems/ /bum pa la ni yang dag gzhug rdo rje slob dpon mtshan nyid ni/ /shes rab dang ni snying rje ldan/ /bri ba'i las la mkhas pa dang/ mi khengs gshis ni bzang ba dang/ dam tshig la sogs bsrung ba dang/ gus par sangs rgyas dkon mchog gsum/ /sems can mnyam pa nyid bsgom pa/ slob ma dag ni skyong byed pa/ /slob dpon la ni de dang ldan/ slob dpon dge slong lta bu la/ /tshul khrims yang dag srung byed
- 264b
pa/ de bzhin bzod pa brtson 'grus ldan/ /lus ni legs par khrus byas nas/ tsan dan la sogs chu la bkru/ de bzhin lus dang ngag dang ni/ /yid kyis rdo rje yang dag bkru/ /de bzhin rdo rje slob dpon gyis/ dang po'i la la yang dag 'jug bum pa lhag ma'i cho ga dang/ rdo rje slob dpon gyi mtshan nyid brtag pa'o/ /ras sam dar ram skud pa ni/ /rgyal po bu mo rje'u rigs ni/ /de bzhin bram ze'i bu mo la/ /de la sogs pa gzhan dag yang/ /lo grangs brgyad ni lon pa la/ /thig skud yang dag sgril bar bya/ /oM badzra su tra hUM phaT/ zhes bya bar byin gyis brlabs par bya'o/ /slob dpon shar lta slob ma nub/ de bzhin slob dpon byang du ste/ slob ma lho phyogs lta ba ste/ /rim bzhin shar lho nub byang dang/ /byang shar mtshams dang lho nub dang/ nam mkha' i thig ni gdab par bya/ oM badzra re khe hUM phaT swAhA/ dkyil 'khor sa gzhi bzang po la/ /thig ni yang dag gdab par bya/ /thig ni cha chen bcu drug gdab// de yi logs la sum cu gnyis/ /dbus kyi cha chen dang po la/ pad+ma'i lte bar shes par bya/ /gnyis pa'i cha ni pad+mar grags/ /phyi rim cha ni bzhi cha la/ /mu khyud rdo rje ra bar shes/ lhag ma'i cha ni sum cha dang/ /de phyir phyed dang ldan pa la/ 'khor lo'i cha ni yang dag yin/ de phyir phyed na cha yod pa/ /nang gi lha rnams shes par bya/ cha chen lnga po snang ba ni/ nang gi lha rnams yang dag yin/ /de phyir cha gnyis yod pa la/ /nang gi sgo ni yang dag shes/ /phyi rim cha ni dgu nang pa/ bar gyi lha rnams yin pa ste/ bcu dang bcu gcig snang ba ni/ bar ma'i sgor ni yang dag shes/ /bcu gnyis snang ba'i cha chen la/ /phyi'i lha rnams yin pa la/ /de phyir cha chen phye dang gsum/ /phyi'i sgor ni yang dag grags/ /de phyir phyed
- 265a
dang gnyis yod pa/ /rta babs su ni shes par bya/ /de phyir pad+ma rdo rje dang/ /me ri mkhas pas phyi nas btsal zhes gsungs so/ cha chen gcig sgor shes pa/ de yi logs ni sum pa dag/ de yi logs ni cha chung gcig de yi phyi rim cha chen la/ /sum cha gcig ni nang gi cha/ /sum cha gnyis ni ka bar shes/ /rin chen pany+tsa ra ga gang/ /da ru skad dang gsum po ni/ /cha chung gsum ni mnyam par bya/ /'dod pa'i lha rnams dra ba dang/ /de gnyis cha ni mnyam pa'o/ /cha ni sum cha gnyis gnyis te/ nang dang phyi dang sgo ru yang/ /mkhas pas de bzhin shes par bya/ /thig gi cho ga gsungs pa'o/ /rin chen dngul dang baiDUrya/ /gser dang pad+ma rA ga dang/ de bzhin in+d+ra nI la dang/ de bzhin rigs lnga'i ngo bo 'di/ /de ni rin chen phye mar grags/ /rig sngags snying po rigs lnga 'am/ /de yi sngags kyi byin brlabs bya/ /oM traM h+ri khaM hUM/ oM ma hA ma yU rA ye hUM hUM phaT phaT swAhA/ de yis mtshon rnams byin gyis brlab par bya'o/ /dbus su pad+ma'i lte ba la/ zla ba'i gdan ni shes par bya/ /de stengs rin chen de bzhin rigs/ rig sngags rma bya der gnas pa/ shar dang lho dang nub dang ni/ byang gi phyogs dang rim bzhin du/ dmar po ser po dmar po dang/ /ser po de ni byang na gnas/ /pad+ma bzhi po de bzhin shes/ shar lho dang ni nub byang dang/ /mthing ka'i mdog tu shes par bya/ lho nub byang shar mtshams su ni/ ljang gu in+d+ra nI la'i mdog/ rin chen rdo rje'i rigs dang ni/ /de bzhin rin chen rin chen rigs/ /rin chen pad+ma rigs dang ni/ /de bzhin rin chen las kyi rigs/ shar phyogs rim pa de bzhin du/ lha mo bzhi po dgod par bya/ /me tog spos dang dri dang ni/ mar me dang ni bzhi po dang/ /shar lho mtshams nas dgod bar bya/ /phyi rim mu khyud ra
- 265b
ba la/ /rdo rje ra bar shes par bya /de phyir 'khor lo rtsibs brgyad la/ /bzhi po rtsibs ni phyogs dang thun/ /zur gyi 'khor lo'i rtsibs bzhi ni/ /phyogs bzhir phyed phyed snang ba'o/ /de phyir mu khyud zlum po la/ /rdo rje ra bas bskor bar bya/ /nyi ma zla ba gza' chen dgu/ /shar la sogs pa'i go rims bzhin/ /'khor lo'i rtsibs la dgod par bya/ /de phyir lha rnams grub bzhi ni/ /kha dog dmar pos rnam par brgyan/ /lha rnams zur bzhir gnas pa ni/ /pi wang gling bu gar mkhan ma// de bzhin glu ma shes par bya/ /shar dang lho dang nub dang byang gi phyogs/ /lha rnams sgo dang de bzhin du/ /dngul dang gser dang pad+ma rA ga dang/ /de bzhin in+d+ra nI lar shes par bya/ /lha rnams sgo dang bzhi po la/ /sgyu skar rim bzhin shes par bya/ /gru bzhi pa la sgo bzhi pa/ /twa ra na bzhis rnam par brgyan/ /pany+dza rA ga lnga po la/ /dkar dang nag dang ser dang ni/ /dmar dang ljang gu lnga snang ba/ /de bzhin gshegs pa lnga'i ngo bo/ /'od ni snang ba lngar shes so/ /'dod pa'i rin chen pa? gu dang/ /'dod chags dang ni ser sna dang/ /phrag dog da ru khar ni rnams par grags/ /twa ra na bzhi snang ba ni/ /mdzes mtshon du ni shes par bya/ /phyi dang nang dang bar sgo dang/ /nang sgo ji bzhin mkhas pas shes/ /mu tig dra ba dra phyed dang rtsig pa'i logs la brgyan par bya/ /chos kyi 'khor lo ri dags dang/ /rta babs stong du gnas pa'o/ /gdug dang ba dan rgyal mtshan dang/ /gzhal yas khang gi steng na gnas/ /mdzes shing blta na sdug pa ste/ /gzhal yas khang du rnam par grags/ /dkyil 'khor lha dgod cing mtshon dkye ba'i rim pa'o// //bar sgo la ni gnas pa'i lha/ /phyogs skyong bcu ru shes par bya/ /sgo ba bzhi la gnas pa ni/ /rgyal po bzhir ni rab tu grags/ /phyi rol
- 266a
lha rnams sgo dang ni/ /sngar bshad klu rgyal rigs brgyad gnas/ /rdo rje slob dpon mkhas pa yis/ /dkyil 'khor lha bkod rim bzhin shes/ /bkra shis mtshan dang bkra shis rdzas/ /bkra shis brtags dang gsum pa nges/ /phyi nang bar sgo rim pa gsum/ /de yi 'gram la dgod par bya/ /bsrung ba yan lag brgyad dang ni/ /gtor ma'i rim pa gzhan las shes/ /dam tshig sems dang ye shes sems/ /rims bzhin dkyil 'khor lha la thim/ /arga la sogs pU dza rnams/ /rims bzhin mkhas pas dbul bar bya/ /mdo dang bzlas pa sgom pa gsum/ /thun mtshams gtor ma gtang bar bya/ /mdo ni rgyun mi 'chad 'don pa/ de bzhin cho ga byas nas su/ /sdug bsngal thams cad zad par 'gyur/ /rims dang nang rnams byung ba dang/ /mdze dang phol mig de bzhin te/ /gzhan yang nad rnams thams cad kun/ /bsgyur ba'i tshul la sogs pa kun/ /las dang shes bya bag chags kun/ /'byung po la sogs na ba dang/ /gang dag sdig pa byed pa dang/ /sdig pa thams cad 'dis 'joms so/ /gal te de las 'gal 'gyur na/ /sngar bshad rdo rje snying po sogs/ de rnams kyis ni chad pa gcod de/ /rig sngags 'di ni yang dag grags/ /sdug bsngal thams cad 'joms byed pa/ /'di yi yon tan yin par grags/ /dkyil 'khor gyi bya thabs rim pa'o// //skud pa btags pa zhes bya ba ni/ /srung pa'i rim pa yin te/ de yang ras sam dar ram de la sogs pa gang yang rung/ /mdud pa brgya rtsa brgyad bor la/ /lus rdo rjer bsrung bar bya'o/ /yang na ras sam dar ram shing shun la sogs pa la/ /gur kum dang 'gi wang gis ras sam shing shun la bri ba'o/ /'khor lo rim pa bcu gnyis
- 266b
bris la// //cha gnyis la pad+ma'i ra ba dang/ /'khor lo bri'o/ /de phyi rim cha gnyis la/ /rin chen rdo rje dang phyag mtshan gyis dgod par bya'o/ /rig sngags kyi snying po lnga la/ 'khor lo rim pa bzhin du dgod par bya'o/ /'khor lo de bzhin du bris nas lus la gdags so /de bzhin du btags par gyur na/ nad dang sdug bsngal thams cad dang/ sdig pa thams cad las thar bar 'gyur ro/ /rig sngags kyi rgyal mo rma bya chen mo las/ dkyil 'khor dang srung ba byed pa'i gnas skabs te/ nyi shu rtsa lnga pa'o// //de bsad pa'i rigs pa ni chad pas bral bar 'gyur ro zhes bya ba ni/ rig sngags 'di'i byin brlabs kyis/ /bsad par 'dod pa'i sems can yang/ snying rje dang ldan par 'gyur te/ chad pa de las thar bar 'gyur ro/ /chad pas gcad pa'i rig pas ni/ gzhu tsog pas so zhes bya ba ni/ chad pas gcad par 'dod pa'i sems ni/ sems de dang mi ldan te/ chad pa las bral bar 'gyur ro/ /gzhu tshogs pa'i rigs pa ni/ brgyad bkag pas so zhes bya ba ni/ sems can kha cig gnod pa skyel bar 'dod de/ gzhan gyis bkag nas gnod ba skyel bar mi nus so/ /brgyad bka' ba' i rigs pa ni dam bcas pa'i rigs pas so/ /zhes bya ba ni/ rig sngags 'di'i nus pas/ de lta bu'i sdug bsngal dang bral te/ gnod par byed pa rnams bkag ste/ dam bca' ba pa'i rigs pas ni spu zing zhes byed pas so/ /zhes bya ba ni/ rig sngags kyi nus pa nges kyang/ dam bshig nas so sor gnas pa'o/ /spu zing zhes bya ba'i rigs pa ni/ de bzhin du thar bar 'gyur ro/ /zhes bya ba ni/ so sor gnas pa de ni/ dngos por mi gnas shing zhig par
- 267a
'gyur ro/ /de la rgyal po'i 'jigs pa 'byung bar mi 'gyur ro zhes bya ba ni/ rgyal po'i chad pa nor dang srog las thar ro/ /chom rkun gyi 'jigs pa mi 'byung zhes bya ba ni chom rkun pa rnams kyis kyang rku ba'i sems btang ba de yang/ sems la mi 'jog cing 'jigs ba dang bral bar 'gyur ro/ /me'i 'jigs pa mi 'byung ngo zhes bya ba ni/ ma rungs pa'i me'i 'jigs pa de yang rig sngags 'di 'chang bar 'gyur na/ 'jigs pa de dang bral bar 'gyur ro/ /chus 'chi ba'i dus byed par mi 'gyur ro zhes bya ba ni/ blo bur gyi nad chus 'jigs bar yang mi 'gyur te/ gru dang rab la myur du rgal ba'o/ /de'i lus la dug gis mi tshugs te/ zhes bya ba ni/ dug gsum gyis mi tshugs shing rdo rje'i phung po lta bu'o/ /mtshon gyis ma yin no/ /zhes bya ba ni/ 'khrug pa'i dbus su bsdad na yang/ mtshon rnams kyis mi tshugs te/ de bzhin du glo bur gyi mtshon gyis kyang mi tshugs so/ /bde bar gnyis kyis log cing bde bar sad par 'gyur ro/ /zhes bya ba ni/ rmi lam ngan pa dang/ ltas ngan pa dang/ chags che ba dang/ mtshan ma ngan pa rnams log pa ste/ nyal ba na yang bde ba las sad pa na yang bde ba'o/ /bde ba dang/ gnod pa dang/ 'jigs pa med par 'gyur ro/ /zhes bya ba ni/ tshe dang ltar dang tshe phyi ma yang de bzhin te/ nam skyes pa'i dus su yang 'jigs pa de dang bral zhing/ bde bar gnas pa'o/ /phyir rgol ba bcom pa dang zhes bya ba ni/ sngags dang/ spod gtong gtang ba dang/ sngags dang gshin rje'i sngags kyi nus pa dang/ sngon spyod dkyil sogs pa btang ba rnams 'joms pa'o/ /dgra choms bar 'gyur ro zhes bya ba ni/ dgra bo sdang ba rnams 'joms te/ de'i 'jigs
- 267b
pas mi tshugs shing/ dgra rnams dang bde bar 'gyur ro/ /smras pa med par 'gyur ro zhes bya ba ni/ de'i yon tan gyis nus pas rig pa'i gnas lnga la mkhas shing/ dge ba'i bshes gnyen nams/ 'khor los sgyur ba'i rgyal po 'am/ sa bcu'i byang chub sems dpa' thob cing/ sems can rnams kyi don byed pa'o/ /yang na 'di'i zil gyis thams cad gnon pa'o/ /'jigs pa thams cad las thar bar 'gyur ro zhes bya ba ni/ 'khor ba'i 'jigs ba dang/ da ltar gyi rkyen gyi 'jigs pa dang/ de la sogs pa'i 'jigs pa thams cad las thar ba'o/ /bde bar yun du yang 'tsho bar 'gyur te/ zhes bya ba ni/ nad med ba tshe ring pa bza' ba dang btung ba nus shing/ mya ngan gyi sdug bsngal las thar bar 'gyur ro/ /kun dga' bo zhes bya ba ni/ yang dag par rdzogs pa'i sangs rgyas kyis bka' stsal pa'o/ /sngon gyi las kyi rnam par smin pa ni ma gtogs so/ /zhes bya ba ni/ zag pa bzhag pa ste/ da ltar byas pa da ltar ma ba spyangs nas sang phod smen ldang ba'o/ /dper na gang bzhin zhe na/ dgra thu po'i bu lus pa bzhin du'o/ /de yang las rnams smin pa'i mdo las kyang/ gsungs pa za ga pa bzhag pa ni/ yang dag par rdzogs pa'i sangs rgyas kyis kyang/ mi tshugs shing rang gi las kyi rnam par las byung ba'o/ /las rnam par 'joms pa'i mdo las shes par bya'o/ /ngas kyang smras pa skyes ma thag tu rtogs bar snang/ skyes nas lo bcu lon pa na/ gzhan gyis bzung zhing sdug bsngal thob/ /de grol rgya mtsho'i nang nas shing/ /'di ni yang sdug bsngal thob/ /de bzhin las kyi smin pa ni/ /mi 'gyur mi srid brtan ba'o/ /kun dga' bo zhes bya ba ni/ yang dag par rdzogs pa'i sangs rgyas kyis gsungs pa'o/ /rig sngags kyi rgyal mo rma bya chen mo 'di ni/ ha cang char che ba 'am/ char dkon pa'i tshe
- 268a
klag par bya'o zhes bya ba ni/ 'di ni sngar ma bzhin du dkyil 'khor la sogs pa byas nas/ ri'i rtse mo 'am chu mig gi 'gram 'am/ mtsho'i 'gro la sogs par klag par gyur na/ char chungs na char 'bebs shing char ches na char bcod bar 'gyur ro/ /des na klu thams cad spro bar 'gyur te/ zhes bya ba ni/ rig sngags kyi rgyal mo rma bya chen mo 'di klag pa tsam gyis/ de na gnas pa'i klu rnams dga' ba/ klu de rnams kyang sdug bsngal dang bral bar 'gyur ro/ /char chen ni gcod par byed/ char bkon na ni 'bebs so zhes bya ba ni de na gnas pa'i klu rnams ni dga' bar 'gyur ba'i phyir na/ dus dus su char 'bebs shing dus dus su lo tog smin pa/ sa'i dkyil 'khor der mu ges mi tshugs so/ /de bas na rigs kyi bu 'am rigs kyi bu mo de'i bsam ba ji srid bar 'char 'bebs par 'gyur ro/ /zhes bya ba ni/ rig sngags kyi rgyal mo 'di'i gzi brjid kyis/ char che ba yang mi 'byung la/ ha cang char chud bar yang mi 'gyur te/ de bas na rig sngags kyi rgyal mo 'di la gus par byas par gyur na/ dngos grub gang yang 'grub par 'gyur ro/ /kun dga' bo zhes bya ba ni/ yang dag par rdzogs pa'i sangs rgyas kyis gsungs pa'o/ /rig sngags kyi rgyal mo rma bya chen mo 'di dran pas kyang 'jigs pa dang dgra thams cad zhi bar 'gyur na/ sus dum bur ma gyur cing rdzogs par bcangs pa 'am/ bde legs su 'gyur bar byas pa lta smos kyang ci dgos zhes bya ba ni/ chos 'di la tshar brgya rtsa brgyad dam/ tshar lnga drug gam gcig gam/ rgyun mi 'chad par 'don na/ de dang de'i 'jigs pa mi 'byung ste/ de bzhin du bsgom pa dang bzlas pa byas par gyur na yang/ tshe 'di la yang bde bar 'gyur
- 268b
te tshe phyi ma la yang bde'o/ /de bas na chos 'di la mi 'chang ba 'am 'phro cod par mi bya ste/ yi ge gcig yang ma nor bar gri ba dang/ klog par bya'o/ /kun dga' bo khyod kyis zhes bya ba ni/ yang dag par rdzogs pa'i sangs rgyas kyis gsungs ba'o khyod kyis rig sngags kyi rgyal mo rma bya chen mo 'dis zung zhig ces bya ba ni/ lus ngag yid kyis gus par bzung zhing gzhan rnams la rgya cher spel ba'o/ /kun dga' bos bzung ba'i rig sngags ni/ zhal gcig phyag gnyis pa/ sku mdog ljang gu las kyis rigs la gtogs pa/ spyan gsum pa/ rigs lnga'i dbu rgyan can dbu la rdo rjes mtshan pa/ phyag g.yas na ral gri/ g.yon na rma bya'i sgro bsnams pa'o/ /yan lag thams cad sbrul gyis brgyan pa/ g.yas brkyang ba/ g.yon bskum pa/ thabs shes rab gnyis su med pa/ nyi ma'i gdan la nyi ma'i 'od dang ldan pa'o/ /'khor bzhi po zhes bya ba la sogs pa ni/ yang dag par rdzogs pa'i sangs rgyas shAkya thub pa'i bstan pa srung ba'i/ rig sngags 'dis kyang sdud pa? dang skyob par 'gyur ro/ /tadya thA zhes bya ba ni/ 'di lta ste/ rig sngags kyi las kyi snying po blta ba'o/ /rig sngags kyi gsang sngags ni/ ya baM ti la sogs pa'o/ /'dod chags zhe sdang gti mug rnams/ 'di dag 'jig rten dug gsum ste/ zhes bya ba ni/ 'dod pa'i dbang gis zhe sdang skyes so/ /zhe sdang drag po des 'jig rten gyi khams gti mug tu mthong ngo/ /de ni ma rig pa'i rang bzhin te/ ma rig pa des 'khor ba'i sdug bsngal las mi thar ba'o/ /'khor ba 'khor ba'i sdug bsngal ni/ yang du yang du 'khor bar lhung ste/ byol song yi dag dmyal ba'i sdug bsngal lo/ /de gsum la yang phyi'i dug gsum bcom pa'o/ /de bas na 'jig rten gyi dug gsum bcom pa'o/ /sangs rgyas bcom ldan dug med pa/
- 269a
sangs rgyas bden pas dug bcom mo/ zhes bya ba ni/ gzhan phyi'i dug gsum ni/ sangs rgyas kyi gzi brjid kyis dug bcom mo/ rig sngags 'dis kyang nges par bcom mo/ /nang gi 'jig rten dug gsum ni gzhan gyis mjoms mi nus so/ /rang rang gi 'od gsal gyi ye shes kyis/ rang rang las byung ba'i gti mug gi rang bzhin dug gsum bcom mo/ /'dod chags zhe sdang gti mug rnams/ /de dag 'jig rten dug gsum ste/ zhes bya ba ni/ 'jig rten las grags pa'i dug ni/ gsum yin te/ dug gsum po des sdug bsngal drag po myong bar byed pa'o/ /bcom ldan chos ni dug med pa/ chos kyi bden pas dug bcom mo/ zhes bya ba ni/ phyi'i dug gsum po ni rig sngags kyi rgyal mo rma bya chen mos kyang bcom ste/ nang gi dug gsum ni rang rang gis gzhom pa ma yin pa/ gzhan gyis gzhon mi nus pa/ de bas na nang gi dug ces bya'o/ /'dod chags zhe sdang gti mug rnams/ /'di dag 'jig rten dug gsum ste/ zhes bya ba ni nang gi dug gsum ni/ bltas na mi snang ste/ spyad na 'bras bu 'byung zhing/ sdug bsngal gyi phung po/ 'dod chags kyis zhe sdang zhe sdang gis gti mug /gti mug gse ser sna/ ser snas phra dog go / de'i 'bras bu ngan song gsum du yang nas yang du 'gro ba'o/ /de bas na nang gi dug gsum spang par bya'o/ /bcom ldan dge 'dun dug med pa/ /dge 'dun bden pas dug bcom mo zhes bya ba ni/ phyi'i dug ni 'gro ba dang/ mi 'gro ba sbyor ba dang gsum yin te/ 'gro ba ni bsam pa mthong ba ni/ reg pa kha rlangs so/ /mi 'gro ba ni btsan dug bong dug bdug la sogs pa'o/ /byed pa'i dug ni sbrang rtsi dang mar las byung ba bzhin du/ sbyor ba las
- 269b
byung ba'o/ /dug de gsum po ni/ 'jig rten phyi'i dug gsum ste/ de'i dug ni dge 'dun gyi gzi brjid kyis bcom pa'o/ /nang gi dug gsum ni/ gzhan gyis 'joms mi nus shing/ rang rang gi ye shes kyis 'joms pa'o/ /nang gi ye shes ni yang dag par rdzogs pa'i sangs rgyas kyi ngo bo/ /bla ma'i gdams ngag gis bcom pa'o/ /sangs rgyas kun gyi stobs gang dang/ dgra bcom rnams kyi grags pa dang zhes bya ba ni/ 'das pa dang ma 'ongs pa dang da ltar bzhugs pa'i sangs rgyas rnams kyi gzi brjid dang stobs kyis dug bcom mo/ /de bzhin du shA ri'i bu la sogs pa'i stobs dang gzi brjid kyis dug bcom pa'o/ /de bzhin gshegs kyi gzi brjid kyi zhes bya ba ni/ de bzhin gshegs pa yang 'das pa dang ma 'ongs pa dang da ltar yod pa ste/ phye ba phrag khrig brgya stong 'bum phrag gi /de bzhin gshegs pa rnams kyi gzi brjid kyis dug bcom mo/ /ngas ni bde legs 'gyur bar bya zhes bya ba ni/ yang dag par rdzogs pa'i sangs rgyas shAkya seng ges dge slong sa ri'i don la/ /stong gsum gyi stong gi 'jig rten gyi khams kyi sems can rnams kyi don la bde bar byas pa'o/ /kun dga' bo zhes bya ba ni/ yang dag par rdzogs pa'i sangs rgyas kyis bka' stsal ba'o/ /rig sngags kyi rgyal mo rma bya chen mos dug bcom mo zhes bya ba ni/ sdod pa'i dug dang/ 'gro ba'i dug dang/ byed pa'i dug gsum bcom zhing de bzhin du nang gi dug gsum bcom pa'o/ /rig sngags kyi rgyal mo rma bya chen mo las/ nang gi dug gsum bshad pa'i gnas skabs te/ nyi shu rtsa drug pa'o// //dge slong sa ri dge bar gyur cig ces bya ba ni sangs rgyas shAkya thub pa'i bkas/ rig sngags kyi gzi brjid kyis/ dge slong sa
- 270a
ri mche ba'i dug gis zin pa bde ba'o/ /tshe dang ldan pa dga' bos bcom ldan 'das la legs so zhes gsol te bya ba ni/ dge slong sa ri ni mche ba'i dug gis zin cing/ dran pa ma rnyed par yod pa lus kyang kha dog 'gyur zhing kha nas dbug kyang mi thon pa/ kha nas spu ba 'dzag pa/ lus rengs shing mig dkar log gis song ba mthong nas/ snying rje skyes nas sangs rgyas la dris ba ste/ de'i thabs bsrung ba'i phyir na/ sangs rgyas la bde legs phul ba'o/ /bcom ldan 'das kyi ltar nyan nas zhes bya ba/ rig sngags kyi rgyal mo rma bya chen mo'i rig sngag kyi gsang sngags/ sangs rgyas kyis gsungs pa bzhin du lus ngag yid kyis bzung ba'o/ /bcom ldan 'das kyis zhabs la mgo bos phyag 'tshal te/ lan gsum bskor ba byas nas/ dga' ba'i sems byas nas sangs rgyas kyi bka' las nyan nas/ dge slong sa ri'i don du rkang ba phyir bor te/ dge slong sa ri ga la ? pa'o/ /dge slong sa rig la ba der song ste/ phyin pa dang zhes bya ba ni/ yul mnyan yod rgyal bu rgyal byed kyi tshal mgon med zas sbyin gyi kun dga' ra ba na/ dge 'dun gyi bsro khang bgyi ba'i slad du shing gshegs pas shing rus pa'i sa bon dge slong sa ri nad kyis thabs pa'o/ /rig sngags kyi rgyal mo rma bya chen mo 'dis/ dge slong sa ri la chad pa spang ba bya ste zhes bya ba ni/ thog ma dang tha ma dang da ltar med pa'i rang bzhin ni/ rig sngags kyi gtso mor gyur pa/ thugs rje can gyi rig sngags kyi gsang sngags la klu'i kha slangs kyi dug las byung ba mche ba'i dug kyi chad pa spang ba'o/ /yongs su bskyab pa dang zhes bya ba ni/ dug las bskyabs te/ bzhan bar chad byung ba la
- 270b
yang bskyab pa'o/ /yongs su bzung ba dang zhes bya ba ni/ dug gi bzung ba las phral te/ dug des mi tshugs pa'o/ /yongs su bskyang ba dang zhes bya ba ni/ dug dang gzhan gyi 'jigs pa rnams dang phral te bskyang ba'o/ /zhi ba dang bde legs su 'gyur ba dang zhes bya ba ni/ dug nad de las zhi ba ste/ de'i nad kun bor nas lus kyi na tsha med par bde ba'o/ /chad pa spang ba dang zhes bya ba ni/ dug gi chad pa spang ba'o/ /mtshon cha spang pa dang zhes bya ba ni/ 'byung po rnams kyi mtshon cha spang ba'o/ / dug gzhil ba dang zhes bya ba ni/ mche ba'i dug gzhil ba'o/ /dug gsad pa dang zhes bya ba ni/ dug byung ba gsad pas/ dug gzhan 'ong bar mi nus pa'o/ /mtshams gcad ba dang zhes bya ba ni/ rig sngags kyi gsang sngags kyis gzhan gyi bar chong byung ba las bsrung ba'o/ /sa bcing ba byas te zhes bya ba ni/ de bzhin du bzhi yang bsrung ba'o/ /tshe dang ldan pa kun dga' bos bsrung ba dang zhes bya ba ni/ byams pa dang snying rje'i stobs kyis/ dge slong sa ri la sangs rgyas kyi bka' bzhin du bsrung ba'o/ /bde legs su 'gyur bar byas pas zhes bya ba ni/ tshe dang ldan pa kun dga' bos dge slong sa ri la/ dug gi nad las bde bar byas pa'o/ /tshe dang ldan pa dge slong sa ri nad de las sos so/ /zhes bya ba ni/ tshe dang ldan pa dge slong sa ril/ dug gi nad kyi rkyen byung ste/ sangs rgyas kyi bka' dang/ rig sngags kyi gzi brjid kyis/ kun dga' bo'i las bde ba'o/ /de nas tshe dang ldan pa kun dga' bo dang/ tshe dang ldan pa dge slong sa ri bcom ldan 'das ga la ba der song ste/ phyin nas zhes bya ba ni/ de gnyis ni lus ngag yid bde ba/ sangs rgyas kyi thabs bsam gyis mi byed pa la/ ye shes dang gzi brjid yang de bzhin te/ chos de'i nus pas sems can thams cad la bde ba'o/ /de'i phyi nas
- 271a
sangs rgyas kyi spyan sngar phyin pa'o/ /bcom ldan 'das kyi zhabs la mgo bos phyag 'tshal te zhes bya ba ni/ gus par byas nas lan gsum bskor ba byas te/ mgo bos phyag 'tshal ba'o/ /ji ltar gyur pa thams cad bcom ldan 'das la gsol nas/ bcom ldan 'das kyis gnang ste/ phyogs gcig tu 'khod do zhes bya ba ni/ mche ba'i dug gis zin pa'i lo rgyus ni/ bcom ldan 'das la zhu ba phul nas/ kun dga' bo dang dge slong sa ri gnyis/ bcom ldan 'das kyi mdun du 'khod pa'o/ /rig sngags kyi rgyal mo rma bya chen mo las/ dge slong sa ri sbrul nag pos/ zin pa'i gnas skabs zhes bya ba ste/ nyi shu rtsa bdun pa'o// //de nas zhes bya ba ni/ dge slong sa ri bde ba'i de nas so/ /bcom ldan 'das kyis tshe dang ldan pa kun dga' bo la bka' stsal pa zhes bya ba ni/ sems can gyi don la kun dga' bo la yang nas yang du bka' stsal pa'o/ /kun dga' bo zhes bya ba ni/ 'khor bzhi dang sems can gyi don la bka' stsal pa'o// rig sngags kyi rgyal mo rma bya chen mo 'di'i mthu mthong ngam zhes bya ba ni/ sde snod bzhi'i rang bzhin/ kun brtags rnam par dag pa/ thabs shes rab gnyis su med pa/ ma man+t+ra'i rang bzhin sgyu ma lta bu ste/ gzi brjid stobs dang mthu dang ldan pa ste/ nam mkha' bzhin du khyab pa/ sems can rnams la gnyis su med par don byed pa'o/ /kun dga' bos bcom ldan 'das de bzhin gsungs pa de la phyag 'tshal nas zhes bya ba ni/ rig sngags kyi mtshan nyid de gsungs pa/ mgu ba'i sems kyis lus ngag yid kyis sangs rgyas la mgo bos phyag 'tshal nas lan gsum bskor ba byas nas/ bcom ldan 'das la zhu ba phul ba'o/ /'di skad ces gsol to zhes bya ba ni/ bcom ldan 'das la kun dga' bos zhu ba
- 271b
phul ba'o/ /bcom ldan 'das ci'i slad du ma 'tshal zhes bya ba ni/ rig sngags kyi rgyal mo 'di'i nus pa gang zhig yod ces pa'o/ /bcom ldan 'das kyis bka' stsal pa zhes bya ba ni/ sems can gyi don la bka' stsal pa'o/ /kun dga' bo zhes bya ba ni/ yang dag par rdzogs pa'i sangs rgyas kyis gsungs pa'o/ /'di ltar rgya mtsho chen po bzhi ni skam yang srid ces bya ba ni/ rgya mtsho ni thar pa med cing rgya che ba ste/ de yang me bdun gyi dus su bskams te/ de yang rtag pa med pa'o/ /sa ni nam mkha' la 'phar yang srid ces bya ba ni/ bskal pa chen po'i dus su/ bskal pa'i mes sa rnams bsregs pa'o/ /zla ba dang ni nyi ma ni/ sa la lhung yang srid ces bya ba ni/ da ltar nyi ma dang zla ba snang bar 'gyur te/ de'i dus su yang nyi ma dang zla ba gnyis med bsregs nas/ nyi zla gnyis mi snang bar 'gyur ro/ /klung ni rgyun nas ldog kyang srid kyi zhes bya ba ni/ rkyen gyi rang bzhin gyis klung de yang med par 'gyur te/ de bzhin du sa dang rlung dang me dang chu la sogs pa/ 'jig rten gyi khams kyi snang ba 'di yang med pa ste/ sgyu ma dang rmi lam lta bu'i rang bzhin no/ /de bzhin gshegs pa'i bka' ni/ gzhan du 'gyur mi srid do/ /zhes bya ba ni/ 'das pa'i sangs rgyas rnams ni bsam gyis mi khyab pa'o/ /ma 'ongs pa rnams kyang de bzhin te/ da ltar shAkya seng ges bstan pa'i bden pa 'di bstan pa'o/ /de nas zhes bya ba ni/ bden pa'i tshig gi de nas so/ /bcom ldan 'das kyis tshe dang ldan pa kun dga' bo la bka' stsal pa zhes bya ba ni/ bcom ldan 'das kyis yang nas yang du gsungs pa'o/ /kun dga' bo de lta bas na zhes bya ba ni/ rig sngags kyi rgyal mo'i yon tan ni/ bsam gyis mi khyab cing brjod du med pa'o/ /rig sngags kyi rgyal mo rma bya chen po 'di la zhes bya ba ni/ thugs rje che zhing sems can rnams kyi don byed pa'o/ /'khor bzhi pa
- 272a
zhes bya ba ni/ nye ba'i 'khor dang nang gi 'khor dang phyi'i 'khor rnams so/ /nye ba'i 'khor ni byang chub sems dpa' bye ba khrag khrig 'bum phrag brgyad cu rtsa bzhi'o/ /nang gi 'khor ni nyan thos dgra bcom pa nyis brgya lnga bcu/ de la sogs pa dge slong ngam dge bsnyen nam dge bsnyen ma 'am/ phyi'i 'khor ni lha dang mi la sogs pa'o/ /dge slong ma zhes bya ba la sogs pa ni/ rig sngags kyi rgyal mo rma bya chen mo 'di srung ba dang skyob par byed pa'o/ /tshe dang ldan pa kun dga' bos/ bcom ldan 'das la legs so zhes bya ba ni/ kun dga' bo/ bcom ldan 'das kyis bka' stsal pa mgu nas/ legs so zhes bya ba zhu ba phul ba'o/ /bcom ldan 'das kyi ltar mnyan nas zhes bya ba ni/ sdud pa po kun dga' bo bzhi la bka' stsal pa'o/ /'khor bzhi po zhes bya ba ni/ byang chub sems dpa' rdo rje snying po la sogs pa/ bye ba khrag khrig 'bum phrag brgyad cu'o/ /shA ri'i bu la sogs pa/ nyan thos nyis brgya lnga bcu'o/ /dge slong dang/ zhes bya ba ni/ dge slong sa ri la sogs pa/ rgyal bu rgyal byed kyi tshal mgon med zas sbyin gyi kun dga' ra ba'i dge slong btsam mo/ /dge slong ma dang zhes bya ba ni/ sgra gcan 'dzin gyi ma shAkya 'dzin pa sogs pa/ brgya bco brgyad dang ngo/ /dge bsnyen dang zhes bya ba ni/ tshong dpon mgon med la sogs pa/ dge bsnyen mang po'o/ /dge bsnyen ma rnams kyis/ rig sngags kyi rgyal mo rma bya chen mo 'di la/ gus par byas so zhes bya pa ni/ rgya cher spel lo/ /rjes su yi rang ngo/ /klog par byas so/ /'chad du gzhug go /mchod par byas so/ /bla mar byas so/ /sgom par byas so/ /de bzhin du de'i yon tan gyis sems can thams cad ni/ sdug bsngal thams cad dang
- 272b
? bral zhing/ bde bar 'gyur ro/ /bcom ldan 'das kyis de skad ces bka' stsal nas zhes bya ba ni/ rig sngags kyi rgyal mo rma bya chen mo'i chos/ kun dga' bo la gtad nge zhes bya ba ni/ tshe dang ldan pa kun dga' bo dang zhes bya ba ni/ kun dga' bo la sogs pa/ nyan thos nyis brgya lnga bcu'o/ /tshe dang ldan pa sa ri dang zhes bya ba ni/ de bzhin nyan thos la sogs pa'o/ /lha dang zhes bya ba ni/ lha'i dbang po la sogs pa/ gzugs khams dang/ 'dod pa'i khams kyi lha rnams du ma 'dus pa'o/ /mi dang zhes bya ba ni mi'i rgyal po ma skyes dgra la sogs pa du ma gnas pa'o/ /lha ma yin gyi rgyal po thag bzangs ri la sogs pa grangs med par gnas pa'o/ /rlung lha dang zhes bya ba ni/ rlung lha'i rgyal po grangs 'dzin la sogs pa grangs med pa du ma gnas pa'o/ /nam mkha' lding dang zhes bya ba ni/ nam mkha' lding gi rgyal po/ /gser mig can la sogs pa/ nam mkha' lding grangs med pa'o/ /dri za dang zhes bya ba ni/ dri za'i rgyal po zur phud lnga pa la sogs pa grangs med pa'o/ /mi 'am ci dang zhes bya ba ni/ mi 'am ci'i rgyal po ljon pa la sogs pa grangs med pa'o/ /lto phye chen po dang zhes bya ba ni/ lto phye'i rgyal po yon tan grangs la sogs pa du mar gnas pa'o/ /gnod sbyin dang zhes bya ba ni/ gnod sbyin gyi rgyal po ku be ra la sogs pa mang por gnas pa'o/ /srin po dang zhes bya ba ni/ srin po'i rgyal po 'jigs pa la sogs pa mang por gnas pa'o/ /mi dang mi ma yin pa gang dag 'khod der 'dus te/ 'khod pa de dag thams cad yi rang ste zhes bya ba ni/ rgyal po rgyal byed kyi tshal mgon med zas sbyin gyi kun dga' ra ba na/ de dag thams cad bcom ldan 'das kyi spyan sngar gnas te/ rig sngags kyi rgyal mo la gus par rjes su yi rang ba'o/ /bcom ldan 'das kyis gsungs pa la
- 273a
mngon par bstod do zhes bya ba ni/ chos 'di bsam gyis mi khyab pa/ de dag thams cad kyi drung du/ bcom ldan 'das kyis bden par bka' stsal pa'o/ /rig sngags kyi rgyal mo rma bya chen mo las/ rjes su yi rang ba'i gnas skabs te/ nyi shu rtsa brgyad pa'o// //rig sngags kyi rgyal mo rma bya chen mo las brtag pa lnga pa rdzogs so// //rig sngags kyi rgyal mo rma bya chen mo'i 'bum 'brel rgya gar gyi slob dpon chen po las kyi rdo rjes mdzad pa rdzogs so// //paN+Di ta mkhas pa chen po a mo g+ha badzras rang 'gyur du mdzad pa'o// //rgya gar skad du/ mahA man+t+ra nu d+hA ra ni shu trat sa haM Sha tI kA/ bod skad du/ gsang sngags chen mo rjes su 'dzin ma'i mdo'i 'bum 'grel/ /rig sngags kyi rgyal mo chen mo gsang sngags rjes su 'dzin ma chen mo phyag 'tshal lo/ /yang dag ye shes snang bar ldan/ rtag tu sems can don byed pa/ /de bzhin yon tan yang dag ldan/ /'jig rten mgon phyag 'tshal nas/ rab rib kyis ni mi shes pa'i/ /de yi gti mug sel byed pa/ yang dag bsam la yang dag dgrol/ bdag gis 'bum 'grel bshad par bya/ /'di skad bdag gi thos pa'i dus gcig na/ zhes bya ba ni 'di skad ces bya ba ni/ sgro skur dang bral ba'o/ /bdag gis thos pa zhes bya ba ni kun dga' bos so/ /grogs med dam zhe na/ nyan thos la sogs pa dang thabs cig tu thos pa'o/ /su la thos na bcom ldan 'das la'o/ /gang thos na rig sngags gyi rgyal mo chen mo gsang sngags rjes su 'dzin ma'i mdo 'di thos pa'o/ /sus thos na kun dga' bos thos pa'o/ /dus gcig na zhes bya ba'i sgra ni don gnyis la 'jug ste/ sdud
- 273b
pa po shes rab che bar go ba dang/ dam pa'i chos 'byung bar dkon pa'i don to/ /ston pa ni bcom ldan 'das so/ /bcom ldan 'das zhes bya ba ni/ bcom pa ni gzhi bcom bzhi ni dgra ste/ dgra ni bdud bzhi'o/ /bdud bzhi ni/ phung po'i nga dung dang nyon mongs pa'i bdud dang/ 'chi bdag gi bdud dang/ lha'i bu'i bdud do/ /gang gi dus na bcom zhe na/ rdo rje'i gdan la bzhugs pa'i dus na'o/ /ldan pa zhes bya ba ni/ skal pa dang ldan pas bcom ldan 'das so/ 'das pa ni mya ngan las pa'o/ /'das pa ni gang gi dus she na/ dpyid zla ra ba'i gnam stong gi nub mo'o/ /'dam bu'i khrod na gzigs pa'i 'dug gnas na bzhugs te zhes bya ba ni/ grong khyer yangs pa can gyi dbus su lha dang lha ma yin dang/ mi ma yin pa rnams kyis byas pa'i gzhal yas khang yod de/ phyogs re re la dpag tshad lnga lnga yod pa gru bzhi pa/ sgo bzhi pa/ nang gi ka pa brgyad dang/ phyi'i ki ba brgyad kyis rgyan pa/ sgor de la seng ge gnyis kyis brgyan pa ste/ de bzhin du twa ra nas kyang brgyan pa'o/ /ka ba dang/ skar khung dang/ sgo logs dang/ ya them dang/ ma them dang/ sgo 'gram la sogs pa rin po che rnams las byas pa yin te/ ka rten ni ma ra ga ljang gu'o/ /gzhu ni in+d+ra ni'o la ste/ ka ba ni gser la byas pa ste/ 'phrin byu ru la sogs pas byas pa'o/ /de bzhin du gdung yang gser las byas pa ste/ phyag la sogs pa ni dngul las byas pa'o/ /rtsig pa ni rin po che sna bdun las byas pa/ phyi lo zlos dang nang log gnyis ka ri mo mkhas pas bris pa bzhin du snang ba'o/ /sa gzhi ni rin po che pad+ma rA ga las byas pa ste/ ra ba ni bai DU rya las byas pa'o/ /sgo bzhin rin po che sna bdun las byas pa/ de yang gser dang/ dngul dang/ inda nI ma/
- 274a
dang mar ka dang/ pad+ma rA ga dang/ bai DUrya dang/ shel dang bdun no/ /seng ge brgyad kyang rgyu shel las byas shing/ gnyA ral la sogs pa ni in+d+ra nI la dang/ byu ru las byas pa'o/ /mig dang kha ni in+d+ra nI la dang pad+ma rA gas mdzes shing/ so dang mche ba ni dngul las byas pa'o/ /rgya thibs dang ldan zhing/ rgya phibs kyi rten ni rin po che sna bdun las byas shing sna tshogs kyi gzugs su snang ba'o/ /dra ba dang/ dra ba phyed pas brgyan zhing/ gdugs dang/ ba dang rgyal mtshan gyi phyogs phyogs su brgyan cing/ rin po che la sogs pa mang la 'phyang zhing/ dril bu dang/ dril bu g.yer ka dang/ rlung gis btab pas skad sna tshogs 'byung ste/ dper na ro lo mo mkhas pas yan lag brgyad dang ldan pa'i rol mo byas pas skad sna tshogs 'byung ba bzhin no/ /de'i phyogs bzhin rin po che sna bdun las byas pa'i lcags ri gcig gis bskor ba'i nang na skyes mos tshal bzhi yod de/ skyed mos tshal re re la yang rdzing bu re re yod pa'o/ /skyed mos tsha de'i ming yangs dga' ba dang/ mchog tu dga' ba dang kun tu dga' ba dang/ rnam par dga' ba dang/ rnam pa bzhi yin no/ /de bzhin du rdzing bu'i ming yang yin no/ /rdzing bu'i 'og ni bai DUrya las byas pas log sogs skal ni rin po che sna bdun las byas pa'o/ /rdzing bu de'i chu yang shel /chags pa bzhin du dangs la gsal ba/ 'thungs na yang pa/ lta na yid du 'ong ba/ tsan dan dang/ ga bur la sogs pa dri dang ldan pa/ rdzing bu de'i nang na rang bzhin gyis chu las skyes pa'i me tog sna tshogs yod de/ de bzhin du kha dog sna tshogs kyis brgyan pa/ pad+ma dang/ pad+ma dkar po dang/ puN+Da ri ka dang puN+Da ri ka chen po dang/ utpa la dang/ utpa la sngon po dang/ ku mu ta dang/ ku mu ta chen po la sogs pa/
- 274b
? tshogs dang ldan zhing/ so so'i kha dog dang ldan pa/ lta na mdzes pa'o/ /rdzing bu de'i nang na bya'i tshogs sna tshogs yod de/ khrung khrung dang/ bya ngang pa dkar po dang/ bya ngan pa'i rgyal po dkar po dang/ ngang pa ser po dang/ sa ra sa la sogs pa'i bya'i skad sna tshogs 'byung bas mdzes shing mnyam pa'o/ /de bzhin du skyed mos tshal gyi nang na yang thang las skyes pa'i me tog gi shing nags tshal yod de/ tsam pa ka'i me tog gi shing dang/ kunda'i me tog gi shing dang/ rdza ti'i me tog gi shing dang kak+ko la'i me tog gi shing dang/ klu'i me tog gi shing dang/ a ru ra'i shing dang/ ba ru ra'i shing dang/ skyu ru ra'i shing dang thal dang ta la chen po'i shing dang/ tsan dan gyi shing la sogs pa rang bzhin gyis shing sna tshogs skyes te/ shing de'i me tog dang 'bras bus kyang sems can thams cad la phan 'dogs shing bde bar gnas pa'o/ /skyes mos tshol dang/ rdzing bu la yang/ dge slong ngam/ /dge bsnyen nam/ dge bsnyen ma 'am/ lha dang mi rnams kyis kyang sgom zhing/ tshogs sogs pa'i sa dang/ de na gnas pa'i byis pa rnams kyang zhe sdang med cing chos dang mthun par gnas pa'o/ /de lta bu'i gzhal yas khang gi dbus su rdo rje'i seng ge'i khris ya dang bcas pa yod de/ rdo rje sa la pad+ma sna tshogs dang bcas pa/ rdo rje rin po che'i sa ya sna bdun dang bcas pa/ rgyan rnams bzhi ta ra na dang ldan pa/ /rdo rje rin po che'i sna bzhi bya khyung gi twa ra na dang ldan pa/ rdo rje rin po che'i mu tig dang/ byu ru dang/ mu men la sogs pas gser gyi rgyu la 'phra byas shing/ klu'i zhags pa bya khyung twa ra nas khar bcug pa'o/ /ri dags sha ra ni ni rin po che sna bzhi las byas pa ste/ mdzes shing lta na sdug pa'o/ /de'i 'og tu shang shang na ra na yin te/ rdo rje rin po che sna bzhi las
- 275a
byas shing g.yas g.yon gnyis nas mdzes par brgyan pa'o/ /chu srin twa ra na rdo rje rin po che sna bdun las byas shing/ 'jug ma pa tra sna tshogs su 'khyil zhing lta na sdug pa'o/ /rdo rje seng ge'i pad+ma chen po'i khri ni/ mnan na nem byed pa/ bzhag na tho ba/ reg na 'jam pa/ lta na mdzes pa'o/ /gzhal yas dang/ seng ge'i khri de ni rang bzhin du yod cing sngon gyi smon lam gyi stobs las byung ba'o/ /de bzhin du gdung gdung g.yogs dang/ bla re dang rdo rje rin po che'i mu tig gi phreng ba'i 'dra bas brgyan pa'o/ /byang chub sems dpa' i rigs mi gcig pa brgya stong 'bum gyi 'khor dang bcas shing/ bla med pa yang dag par rdzogs pa'i byang chub las phyir mi ldog par mthu chen por thog pa/ rdo rje chen po'i rnam par thar pa dang/ ting nge 'dzin gyi sangs rgyas kyi zhing du rnam par sprul pa dang/ cho 'phrul kun tu ston pa dang/ sems kyi skad cig thad cig yud tsam gcig la sems can thams cad kyi sems dang spyod pa'i rjes su 'jug pa'i chos bstan pa sna tshogs mnyam pa nyid du mnyam zhing rgya che bar zab pa dang/ spobs pa dang/ cho 'phru dang ldan pa sangs rgyas kyi zhing du mar de bzhin gshegs pa la mchod pa chen po'i sbyin gyi mchod pa dang/ rnam par thar pa'i sgo dang/ gzugs dang/ ting nge 'dzin dang/ dbang dang/ mngon par shes pa dang/ ma 'dres pa dang/ byang chub kyi yan lag dang/ lam dang sa dang/ pha rol phyin pa dang/ thabs la mkhas pa dang/ bsdu ba'i dngos po dang/ byams pa dang/ snying rje dang dga' ba dang/ btang snyoms dang/ byams pa'i stobs dang/ dben pa dang/ yongs su byas pa'i sems kyi rgyun dang ldan pa sha stag go byang chub sems dpa' sems dpa' chen po lag na rdo rje dang/ rdo rje gtum po dang/ rdo
- 275b
rje sems dpa' dang/ lag na rdo rje mda' gzhu dang/ rdo rje byin gyis brlab pa dang/ rdo rje'i rgyan dang/ rdo rje'i 'od dang/ spyan ras gzigs dang/ kun tu bzang po dang/ kun tu gzigs pa dang/ rdo rje dpal dang/ pad+ma 'byung gnas dang/ zhal rnam par mche ba gtsigs pa'i rdo rje dang/ pad+ma snying po dang/ pad+ma'i spyad dang/ 'jam dpal dang/ byang chub sems dpa' sems dpa' chen po byams pa la sogs pa byang chub sems dpa' i dge 'dun dang thabs gcig go /nyan thos chen po rab tu mang po thams cad kyang dgra bcom pa/ zag pa zad pa/ srid par kun tu sbyor ba chad pa/ yang dag pa'i shes pas sems shin tu rnam par grol ba/ rdzu 'phrul gyi stobs dang/ cho 'phrul bsam kyis mi khyab pa rnam par 'phrul pa'i mthu chen pa thob pa/ lta ba chags pa med pa/ thams cad dri dang bral ba/ kun nas nyon mongs pa'i bag chags kyi sa bon bsregs pa sha stag la/ 'di lta ste/ tshe dang ldan pa sha ri'i bu dang/ tshe dang ldan pa byams ma'i ba gang po dang/ /tshe dang ldan pa ka bi na dang/ tshe dang ldan pa rab 'byor dang/ tshe dang ldan pa maung+gal gyi bu chen po dang/ tshe dang ldan pa skul byed dang/ tshe dang ldan pa dga' byed dang/ tshe dang ldan pa 'od srungs dang/ tshe dang ldan pa 'od srungs chen po/ tshe dang ldan pa lteng rgyas 'od srungs dang/ de dag la sogs pa nyan thos chen po rab tu mang po dang/ dge slong dang/ dge slong ma dang/ /dge bsnyen nam/ dge bsnyen ma dang/ lha dang mi dang/ 'khor du ma 'dus pa'i nang du bcom ldan 'das kyi 'khor lo shin tu bskor/ /sangs rgyas kyi mdzad pa ni shin tu mthar phyin/ bsod nams dang ye shes kyi tshogs ni shin tu rdzogs/ /thams cad mkhyen pa nyid kyi byang chub chen po'i?
- 276a
phyir pha rol tu phyin pa dang/ sa mnyes pa shin tu yongs su bzung/ spyi bo gtsug ni sems can thams cad kyis blta bar mi mthong bdud kyi las thams cad las ni nges par rgyal/ de kho na thams cad mkhyen pa ni thugs su chud/ spyan lnga ni mngal rnams pa thams cad kyi mchog dang ni ldan/ thams cad mkhyen pa'i ye shes dang ni ldan/ sangs rgyas kyi chos thams cad ni ldan/ bdung dang phas kyi rgol ba'i tshogs thams cad ni bcom/ bdag las ni 'phags/ khyu mchog dang seng ge'i sgra ni bsgrags/ /ma rig pa'i mun pa ni kun tu bsal/ /bskal pa bye ba khrag khrig 'bum phrag grangs med pa dpag tu med pa'i sbyin pa dang/ tshul khrims dang bzod pa dang/ btson 'grus dang/ bsam gtan dang shes rab dang/ thabs dang stobs dang/ smon lam dang/ ye shes kyi pha rol tu phyin pa dang bka' pa spyad pas/ mngon par grub pa'i skyes bu chen po'i mtshan sum cu rtsa gnyis dang/ dpe byad bzang po brgyad cus brgyan pa'i sku mdzes shing/ rin po che rdo rje chen po'i pad+ma'i snying po seng ge'i khri la bzhugs te/ gser gyi ri bo'i rgyal po ltar dpal ni 'bar/ sa phyogs ni nyi ma stong pas lhag pa'i 'od zer gyi dkyil 'khor gyis rnam par brgyan/ zla ba nya ga dang ltar 'jig rten thams cad la ni sdug par snang/ dpag bsam gyi shing ljon pa chen po ltar sangs rgyas kyi chos rnams ni shin tu rgyas shing chos ston te/ /tshangs par spyod pa/ thog mar dge ba bar du dge ba/ tha mar dge gdon bzang po dang/ tshig 'dru zang po/ /ma 'dris pa/ yongs su rdzogs pa/ yongs su dag pa/ yongs su byang ba yang dag par rab tu ston to/ /rig sngags kyi rgyal mo gsang sngags rjes su 'dzin pa'i gnas dang/ 'khor phun sum
- 276b
tshogs pa'i skabs de/ gnas skabs dang po'o/ /de nas zhes bya ba ni/ gnas phun sum tshogs pa'i de nas so/ /bcom ldan 'das kyi tshe dang ldan pa kun dga' bo la dka' stsal pa zhes bya ba ni/ bcom ldan 'das kyis yud tsam cig ci yang ma smras par/ smin mtshams nas/ ba spu'i bu ga thams cad nas 'od zer gyi dra ba 'phros te/ de bzhin du yang nas yang du spros nas stong gsum gyi stong chen po 'jig rten gyi khams su khyab ste/ slar lo gnas 'od zer gyi dra ba da smin mtshams dang/ ba spu'i bu ga thams cad du thim pa de nas kun dga' bo stan las langs te/ bcom ldan 'das la mgo bos phyag 'tshal te/ skor ba lan gsum byas nas/ pus mo g.yas pa'i lha da sa la btsugs te/ thal mo sbyar nas bcom ldan 'das la gsol pa/ bcom ldan 'das 'od zer dra ba 'di ni rgyu dang rkyen ci lags/ don med par 'od zer gyi dra ba mi 'gyed na zhes byas so/ /de nas bcom ldan 'das kyis bka' stsal pa/ grong khyer yangs pa can gyi nang na/ ma rungs par byed pa/ lha'i gdon dang/ klu'i gdon dang/ lha ma yin gyi gdon dang/ nam mkha' lding gi gdon dang/ rlung lha'i gdon dang/ dri za'i gdon dang/ me 'am ci'i gdon dang/ lto 'phye chen po'i gdon dang/ gnod sbyin gyi gdon dang/ sbyin po'i gdon dang/ 'byung po'i gdon dang/ yi dags kyi gdon dang/ grul bum gyi gdon dang/ sprul po'i gdon dang/ lus srul po'i gdon dang/ rjed byed kyi gdon dang/ /smyo byed kyi gdon dang/ grib gnod gyi gdon dang/ gnon po'i gdon dang/ de la sogs pa mkha' 'gro dang/ bgegs dang/ log 'dren dang ma rungs par byed pa gzhan gyi srogs 'phrog par byed pa dang/ gzi brjid 'phrog pa dang/ zas su sha za ba rnam dang/ gzhan yang ma rungs par byed pa'i
- 277a
yi dags dang/ 'byung po rnams kyis kyang yul der phyin nas yams kyi nad dang/ rims dang/ tsha ba dang/ 'dus pa dang/ rlung dang/ bad kan dang/ mkhris pa dang/ shu ba dang/ g.yan pa dang/ mdze dang/ phol mig dang/ ltog pa dang/ 'brum bu dang/ sha bkra dang/ 'bras dang/ me dpal dang/ de la sogs pa'i/ nad thams cad 'byung ste/ yul der mu ge dang/ klu'i tshad pas kyang mi tshugs te/ grong khyer yangs pa can gyi chos thams cad dar zhing/ chos kyi gzi brjid 'phrog cing chos kyi nus pa yang med par gyur to/ /de bzhin du mi nad dang/ phyugs nad dang/ grong khyer yangs pa can du ma rungs pa thams cad byung ste/ 'jigs su rung ba byung nas sems can thams cad la 'tshe bar byas so/ /de'i phyir na 'od zer gyi dra ba 'gyed pa dang/ bcom ldan 'das kyis bka' stsal to zhes gsungs so/ /kun dga' bo zhes bya ba ni/ bcom ldan 'das kyis kun dga' bo la bka' stsal pa'o/ /yangs pa'i grong khyer du byon nas/ yangs pa'i grong khyer ga la ba der dong ngo zhes bya ba ni/ yangs pa can gyi grong khyer ni dpag tshad brgya lnga cu yod pa/ dbyibs legs pa/ lta na mdzes pa/ phyogs bzhi'i srad bar nas/ rgyal mtshan dang/ ba dan dang/ gdugs la sogs pas brgyan pa/ tshong dus mi gcig pa brgya rtsa brgyad yod pa/ de bzhin du 'dod pa dang/ 'dod par byed pa rnams kyi nyo ba dang/ len pa dang/ rab gcig gis bskor zhing/ sman gyi shing dang/ me tog gi shing sna tshogs kyis bskor zhing/ de bzhin du skyang mos tshal dang/ rdzing bu bsam gyis mi khyab pas bskor ba'o/ /rdzing bu dang/ skyed mos tshal de dag la thang las skyes pa dang/ chu las skyes pa'i me tog dang/ tshogs dang/ bya rigs mi gcig pa sna tshogs dang/ ri dags kyi tshogs rnams yod
- 277b
de lta bu'i grong khyer gyi nang na 'gro ba sems can gyi don la bcom ldan 'das kyis bka' stsal to/ /btsun pa de ltar bgyi zhes gsol nas zhes bya ba ni/ kun dga' bos bcom ldan 'das kyis bka' stsal pa mnyan te/ sems can thams cad kyi don mdzad pa la bka' stsal pa'o/ /tshe dang ldan pa kun dga' bos bcom ldan 'das kyi ltar mnyan to zhes bya ba ni/ /grong khyer yangs pa can gyi don la sdug bsngal thams cad dang bral ba'i phyir yang dag par rdzogs pa'i sangs rgyas shAkya thub pas/ snying rje la gnas nas yang dag pa'i chos kyi 'khor lo ma nor bar bskor ro/ /de'i phyir na kun dga' bos kyang legs par gsan pa'o/ /de nas zhes bya ba ni/ kun dga' bo la bka' stsal pa de nas so/ /bcom ldan 'das yul bri? rdzir? yul rgyu zhing gshegs zhes bya ba ni/ grong khyer yangs pa can gyi dbus su sems can thams cad 'dus pa'i sa/ de bzhin du 'byung po rnams kyang 'du ba'i sa yin no/ /gser gyi sa gzhi la rin po che sna tshogs kyis brgyan pa/ sangs rgyas thams cad kyi rdo rje'i rlan/ sangs rgyas thams cad kyis byin gyis brlabs pa/ ma rungs par byed pa'i 'byung po thams cad 'dul ba'i sa yin no/ /yangs pa'i grong khyer du byon nas zhes bya ba ni/ byang chub sems dpa' dang/ nyan thos dang/ lha la sogs pa 'khor rnam bzhi dang bcas nas/ grong khyer yangs pa can du zhabs kyis bcags so/ /de nas gcad ma'i lha dang/ tshangs pa la sogs pa'i lha'i me tog bzang pos sil mar bkram ste/ spos dang/ dri dang/ rgyal mtshan dang/ ba dan dang/ gdugs la sogs pa bcom ldan 'das la dbul zhing/ lha'i rol mo sna tshogs kyis mchod par byas so/ /bcom ldan 'das gar gshegs pa'i sa nas kyang lha'i dar la
- 278a
sogs pas bting nas/ lha'i me tog manda ra ba dang/ manda da ra ba chen po la sogs pa me tog gi char 'bebs so/ /de bzhin du grong khyer yangs pa can gyi sems can thams cad kyis kyang bla na med pa'i mchod pa byas so// yangs pa'i grong gyi a mra bsrung ba'i tshal na bzhugs so zhes bya ba ni/ yangs pa can gyi grong gyi dbus na sems can thams cad 'du ba'i gnas a 'bras kyi shing gis bskor ba/ skyed mos tshal dang/ rdzing bu dang/ wa chu 'dren pa'i sa dang/ rdo rje'i khri 'am/ pad+ma chen po'i gdan la bzhugs so/ /de nas zhes bya ba ni/ bcom ldan 'das a 'bra'i tshal na bzhugs pa'i de nas so/ /bcom ldan 'das kyis tshe dang ldan pa kun dga' bo la bka' stsal pa zhes bya ba ni/ grong khyer yangs pa can gyi sems can gyi don la gdon ma rungs pa rnams 'dul ba'i phyir na/ kun dga' bo la bka' stsal pa'o/ /kun dga' bo yangs pa'i grong khyer du song la/ phyi nas sgo'i thems pa la rkang pa zhon te zhes bya ba ni/ grong khyer yangs pa can gyi dbus su yul lha'i thog tu dpa' bo'i dus su rkang pa g.yas par bzhag la/ seng ge'i sgra sgrags la/ khyu mchog dam bcas shing gsang sngags rjes su 'dzin ma chen mo yams kyi nad dang gdon ma rungs pa thams cad 'dul ba'i phyir ro/ /gsang sngags tshigs su bcad pa smras pa'o/ /rig sngags kyi rgyal mo gsang sngags rjes su 'dzin ma'i/ gsang sngags gzhi 'di dag dang/ tshigs su bcad pa 'di dag smros shig ces bya ba ni/ gzhan gyis mi thub pa stong pa nyid kyi rang bzhin nad thams cad dang/ gdon thams cad rlag par byed pa/ mtshon pa ni so sor rtogs pa'i ye shes te/ mtshon byed ni rig sngags kyi rgyal mo gsang sngags
- 278b
rjes su 'dzin ma'o/ /rigs ni pad+ma'i rigs so/ /phung po ni 'du shes kyi phung po/ /khams ni me'i khams/ skye mched ni ro'i skye mched do/ /rig sngags de'i sku mdog dang/ phyag mtshan ni gang zhe na/ 'di lta ste/ zhal gsum pa/ phyag bcu gnyis pa'o sku mdog dkar mo/ /g.yas ser ba/ g.yon dmar ba spyan gsum pa/ /sangs rgyas lnga'i dbu rgyan can/ rgyan thams cad kyis rgyan pa/ rdo rje'i skyil krung du bzhugs pa/ pad+ma'i steng na zla ba'i gdan la nyi ma'i 'od dang bcas pa'o/ /phyag g.yas g.yon gnyis kyis chos kyi 'khor lo'i phyag rgya'o/ /de'i 'og ma gnyis mnyam gzhag go /g.yas pa'i gsum pa na ral gri bzhi ba na rdo rje lnga pa na 'khor lo/ /drug pas mchod sbyin no/ /g.yon pa'i gsum pa ni rin po/ che'i steng na rdo rje'o/ /bzhi pa na pad+ma/ lnga pa na bum pa'i steng na rdo rje/ drug pa na lcags kyu/ maM gi yig 'brus sems can thams cad kyi don byed pa'o/ /rigs lnga'i sangs rgyas kyis dbu la brgyan pa ni ye shes lnga rnam par/ dag pa'o/ /spyan gsum ni sku gsung thugs rnam par dag pa'o/ /zhal gsum ni ting nge 'dzin gsum rnam par dag pa'o/ /rgyan thams cad kyis brgyan pa ni/ pha rol tu phyin pa drug rnam par dag pa'o/ /phyag bcu gnyis ni rten 'brel bcu gnyis rnam par dag pa'o/ /rdo rje skyil krung du bzhugs pa ni mi shigs pa rdo rje'i gdan rnam par dag pa'o/ /zla ba dang nyi ma'i 'od ni thabs shes rab zung du 'brel ba'o/ /chos kyi 'khor lo'i phyag rgya mdzad pa ni sangs rgyas dang sems can gnyis su med pa'o/ /mnyam gzhag ni/ rdo rje'i rang bzhin ting nge 'dzin rnam par dag pa'o/ /ral gri ni shes rab rnam par dag pa'o/ /rdo rje ni stong pa nyid rnam par dag pa'o/ /'khor lo ni 'khor ba bcad pa'o/ /mchod
- 279a
sbyin ni byin pa rnam par dag pa'o/ /rdo rje dang rin po che ni thabs shes rab rnam par dag pa'o/ /pad+ma ni rigs rnam par dag pa'o/ /bum pa dang rdo rje ni nang gi dug dang phyi'i dug rnam par dag pa'o/ /lcags kyu ni ma rig pa'i sems can rnams yar la 'dren pa'o/ /de lta bu'i rig sngags tshigs su bcad pa smras shing/ ma rig pa thams cad bcom ste/ mun pa'i nags tshal gsal bar byed cing/ rig sngags kyi tshigs su bcad pa smras pa'o/ /bi sa ra bi sa ra bi sa ra ta la sogs pa'o/ /sangs rgyas 'jig rten pa thugs brtse ba can gyis bka' stsal to zhes bya ba ni/ thugs rje che zhing yang dag par rdzogs pa'i sangs rgyas shAkya seng ges/ stong gsum gyi stong chen po'i 'jig rten gyi khams la sprul pa'i skus khyab cing/ sems can gyi don la gsang sngags rjes su 'dzin pa bka' stsal pa'o/ /sangs rgyas thams cad kyi dgongs pa zhes bya ba ni/ bye ba khrag khrig brgyad bcu rtsa bzhis gang+gA klung gi bye ma snyed kyi 'das pa'i sangs rgyas kyang rjes su yi rang ba'i phyag rgyas btab pa'o/ /ma 'ongs pa dang da ltar byung bas de bzhin no/ /rang sangs rgyas thams cad kyi bsam pa zhes bya ba ni/ zhi gnas dang/ lhag mthong gis kyang/ sku'i sgo nas ches bstan te/ rnams kyis kyang rig sngags kyi rgyal mo gsang sngags rjes su 'dzin pa rang bzhin gyi ngo bor gnas pa'o/ /dgra bcom pa thams cad kyi bsam pa zhes bya ba ni/ 'jig rten nas yang dag bar song ba dang/ yang dag par zhugs pa dang phyir mi ldog pa dang/ lan cig phyir ldog pa rnams yin te/ de'i bsgoms pa ni dbugs 'byung ba dang/ dbugs rdub pa rnams yin te/ sems dran pa med cing bum pa gang ba bzhin du 'gog pa'i rang bzhin gyis lus bom po'i rang bzhin
- 279b
du gyur pa ni ting nge 'dzin yin te/ de bzhin du rig sngags kyi rgyal mo gsang sngags kyi rjes su 'dzin ma de'i ngo bo nyid kyis kyang bsams pa'o/ /nyan thos thams cad kyis bsam pa zhes bya ba ni/ ngag gi sgo nas bstan pa'i chos 'di rtags mngon du byas nas/ de bzhin du mi rtag pa bsgoms te/ lta ba ni 'phags pa'i bden pa bzhi 'dzin cing/ de bzhin du ngo bo nyid 'dzin pas kyang/ rig sngags kyi lam gyi ngo bo nyid yin no/ /bden pa'i tshig dang ldan pa thams cad kyis bsams pa zhes bya ba ni/ yang dag par rdzogs pa'i sangs rgyas rnams dang/ byang chub sems pa rnams dang/ dgra bcom pa rnams yin te de rnams kyis kyang rjes su yi rang zhing phyag 'tshal te/ phyag rgya'i rgyas btab pa'o/ /chos kyi bsam pa zhes bya ba ni/ kun rdzob dang don dam pa gnyis yin te/ kun rdzob kyang log pa'i rgyu ma mi dmigs pa dang/ yang dag pa'i sgyu ma'i don byed nus pa gnyis so/ /don dam pa'i ngo bo nyid dang bral zhing dmigs pa med pa/ gnas pa med pa sdig pa dang/ dge ba dang/ bral ba/ yang rig sngags kyi rgyal mo gsang sngags kyi rjes su 'dzin pa'i gnas yin no/ /tshangs bas bsam pa zhes bya ba ni/ bsam gtan dang po dang/ gnyis ba dang/ gsum pa yin te/ tshangs par spyod pa'i ngo bo nyid 'dzin cing lus bem por gtang nas/ mi dmigs pa bsgoms te/ de yang rig sngags kyi rgyal mo gsang sngags kyi rjes su 'dzin ma'i ngo bo nyid kyi ngo bo yin no/ /tshangs par so sor bsam pa zhes bya ba ni tshangs ris kyi lha rnams dang/ gnas gtsang ma'i lha rnams kyi 'bras bu dang/ bsam gtan bzhi'i lha rnams yin te/ tshangs pa chen po'i ting nge 'dzin ni/ sems bkag nas bem por gnas te/ mi dmigs pa'i ting nge 'dzin tu gnas so/ /de yang rig sngags kyi rgyal mo gnas pa yin no//
- 280a
'dod pa'i dbang phyug gis bsam pa zhes bya ba ni/ khams gsum tsam la dbang mdzad de/ 'dod pa'i yon tan lngas sems can la dbang mdzad de/ de yang rig sngags kyi rgyal mo'i lam gnas yin no/ /dbang pas bsam pa zhes bya ba ni/ lha'i dbang po brgya byin gyis sum cu rtsa gsum gyi lha rnams la dbang mdzad pa ni/ rig sngags kyi rgyal mo gsang sngags kyi rjes su 'dzin nam ngo bo nyid kyis thob pa'o/ /lhas bsams pa zhes bya ba ni rigs bzhi dang rigs/ bdun gyi rnam pa yin te/ 'dod pa thams cad la spyod cing bde bar gnas te/ de yang rig sngags kyi bde bar gnas pa'o/ /lha ma yin gyi dbang bsams pa zhes bya ba ni/ thag zar yin te/ sems can thams cad kyi don mdzad cing byang chub kyi sems bskyed de/ khams gsum tsam la dbang mdzad cing/ lha rnams kyis kyang mi thub cing rig sngags grub pa'o/ /lha ma yin thams cad kyis bsams pa zhes bya ba ni/ lha ma yin rnams ni zhe sdang skyes shing lha rnams kyi brtsod pa ni rig sngags kyi stobs kyis rtsod pa'o/ /lha ma yin gyi mngag gzhug pas bsams zhes bya ba ni/ lha ma yin sgra gcan 'dzin rnams yin te/ nyi ma dang zla ba 'dzin nus shing/ 'jig rten gyi bya ba la stobs dang ldan pa/ 'jig rten pas thub pa tsam med de/ de yang rig sngags kyi stobs kyis byas pa'o/ 'byung po thams cad kyi bsams pa zhes bya ba ni/ sangs rgyas dang/ chos dang dge 'dun la dga' ba rnams yin te/ de'i stobs dang/ gzi brjid dang ldan pa ni/ rig sngags kyi lam nas yin no/ /gzhan yang 'byung po rnams kyis rig sngags kyi bka' las 'da' mi nus so/ /gal te bka' las 'da' bar gyur na/ mgo bo a dze ga bzhin du tshal pa tshal pa brgyar
- 280b
gas te/ ltog pa dang sha bkra dang/ 'bras rnams kyi nad kyis btab cing/ rig sngags kyi dmod mos sems can dmyal bar skye bar 'gyur ro/ /rig sngags kyi tshig ni yang nas yang du klag cing/ phyir rbad par bya'o/ /de yang bi sa ra ta la sogs pa smras pa'o/ /sangs rgyas 'jig rten la thugs brtse ba can gyi bka' stsal pa zhes bya ba ni/ sangs rgyas rnams kyi zhal nas sprul te/ de yang zhal cig phyag gnyis pa/ sku mdog dmar mo/ /khro mo spyan gsum pa/ dbu bkra ser po gyen du 'bar ba/ kha gdangs pa/ mche ba gtsigs pa/ yan lag sprul gyis brgyan pa/ zhabs g.yon brkyang ba/ /g.yas bskum pas/ klu gtum po'i rigs mnan pa/ phyag g.yas pa na pad+ma dbyug tho can bsnams pa/ /g.yon na zhags pa dang sdigs mdzub rnams te/ bdug pa tham cad rlag par byed cing/ so sor rtogs pa'i ye shes mtshan cing/ mtshon byed ni rig sngags so/ /me'i khams kyi ngo bo nyid dang ldan zhing/ dbang ni lce la byas pa'o/ /ye shes lnga'i ngo bo nyid dang ldan zhing/ nam mkha' bzhin du thams cad la khyab pa'o/ /rig sngags kyi tshig ni muM tsa ta la sogs pa'o/ /yams kyi nad phyir song zhig ces bya ba ni/ ma rungs par byed pa'i gdon dang/ 'byung po rnams dang/ gong du bshad pa'i nad rnams phyir bskrad cing/ rig sngags kyi dmod mos 'dug par mi tshugs shing gnod byed rnams phyir 'byung ba'o/ /phyir bskrad pa'i tshigs su bcad pa ni/ /nirga ta la sogs pa'o/ /sangs rgyas lha chen po lha'i yang lha lha'i bla ma gshegs shing zhes bya ba ni/ sangs rgyas lha chen ni shAkya thub pa'i zhal nas gsungs pa/ rig sngags kyi rgyal mo gsang sngags rjes su 'dzin pa/ yams kyi nad dang/ rims kyi nad la sogs pas mi tshugs te/ gzhan yang ma rungs par byed pa/ sdig pa'i sems
- 281a
dang ldan pa sdang ba'i sems dang ldan pa dang/ drag shul gyi sems dang ldan pa dang/ gzhan gyi srog 'phrog pa rnams dang/ 'tshe bar byed pa'i 'byung po dang/ nad thams cad 'joms par byed pa'o/ /lha chen po'i tshogs ni 'byung po'i tshogs yin te/ de yang phan gnod byed pa'i phyir na/ rig sngags kyi rgyal mo'i gzi brjid kyis phyin te/ gnod byed ni gang zhe na/ lha chen po'i 'khor bgegs rnams kyi bdag po 'byung po'i rgyal po dbang ldan gyi mtshams na gnas pa'o/ /skyer mi ster zhing ma'i mngal gnod par byed pa ni/ 'di rnams yin no/ /ri dags rgyal dang skyem byed dang/ brjed byed dang ni gu tshur can/ nam gru srul po/ je mi ka/ 'dod pa can dang mar dga' byed/ bzhin rgyal can dang gnya' lag can/ /bya gzugs mi 'chad 'joms pa mo/ /ma ma dang/ de rnams 'byung po gnod byed pa/ /lo grangs bcu gnyis bar du ni/ byis pa rnams la 'jigs par byed/ /gzhan yang gang gis mi mthong ba/ de rnams / 'byung po sa la rgyu/ /lha'i lha ni gnyis yod do/ /'jig rten dang ni 'jig rten las 'das pa ste/ 'jig rten las 'das pa ni yang dag par rdzogs pa'i sangs rgyas so/ /'jig rten pa ni lha'i dbang po brgya byin no/ /de yang shar gyi phyogs na gnas te/ phan pa dang/ gnod pa byed cing gnas pa'o/ /gnod byed ni dbang phyug chen pa biSh+Nu dang/ b+h+riM gi ri ti dga' byed dbang/ gzhon nu smin drug tshogs kyi bdag/ stobs dbyangs legs ldan de bzhin no/ /de rnams shar phyogs phan par byed pa dang/ 'tshe bar byed pa rnams yin no/ /lha'i bla ma ni gnyis te/ yang dag par rdzogs sangs rgyas dang/ dpa' ba bzang yin no/ /de yang 'jig rten dang/ 'jig rten las 'das pa'i bla ma'o/ /gnod par byed pa dang
- 281b
phan par byed pa dang/ lo legs par byed pa dang/ lo nyes par byed pa rnams ni/ nyi ma dang zla ba dang/ phur bu dang ni pa ba sangs/ spen pa dang ni lag dang ni/ sgra gcan 'dzin dang 'jug rings dang/ rgyu skar nyi shu rtsa brgyad rnams kyi de bzhin du/ bzang ba dang/ ngan pa dang/ tshes grangs 'dzin cing/ bkra shis pa dang/ mi shis par byed pa'o/ /dbang po dang bcas pa'i lha rnams dang zhes bya ba ni/ rgyal po bzhi 'khor dang bcas pa yin te/ de yang shar phyogs dang/ lho phyogs dang/ nub phyogs dang/ byang phyogs su khod cing gnod par byed pa rnams ni phyir khyed cig ces pa'o/ /rgyal po bzhi phags skyes bo dang/ yul 'khor srung dang/ mig mi bzang dang/ lus ngan po rnams yin te/ de'i 'khor ni/ dri za nor bu bzang dang/ dri za gdab bzang dang dri za me tog dang/ 'dor ru rnams yin te/ grul bum gtum mo dang/ nyes gtum mo dang/ grul bum rgan mo dang/ khyab 'jug len dang/ grul bum zhes rgan mo rnams yin no/ /klu'i rgya mtsho dang/ rgya mtsho'i bu dang/ dug med dang mtsho chen rnams so/ /gnod sbyin gyi dbang po la ba dang/ chu lha dang ni skye dgu'i bdag/ bar d+hA dza dbang ldan dang/ tsan dan 'dod pa'i gtso bo dang/ mgrin ngan dang ni 'gul nyes dang/ pa Di dang ni nor bu spyod/ gra rab nyer lngar ri mnyam dang/ gser can gang po sen te ba/ g.yon can nor 'dzin ba lang spyod/ 'brog gnas ma yin rgyal po dang/ /rgyal ba khyu mchog tshogs lnga ser/ /mgrin bzang rin chen 'khor bcas dang/ /dri za sna tshogs sde dang ni/ /'bras bu gsum pa mgu gsum pa/ /lcags mdung rin po ma ldan dang/ /gnod sbyin ded dpon de rnams kyis/ /byang phyogs na ni gnas pa'o/ /dbang ldan dang bcas pa rnams zhes bya ba ni/ mi mdzad kyi bdag po tshangs pa nas/ tshangs ris kyi lha dang/ tshangs chen
- 282a
dang/ tshangs pa'i 'khor rnams yin te/ de dag kyang steng na gnas pa'o/ /dbang bdag dang bcas pa rnams dang zhes bya ba ni/ gnas gtsang ma'i lha rnams yin te/ lha'i bu dbang ldan dang/ dbang chen dang/ dbang grags rnams yin no/ /byang shar mtshams na gnas pa'o/ /skye dgu'i bdag po dang bcas pa rnams dang zhes bya ba ni/ /'gro ba dang 'dug pa dang/ byed pa'i bdag po yin te/ lha dang lha ma yin dang/ nam mkha' lding dang/ mi 'am ci dang/ lto 'phye dang/ gnod sbyin dang/ srin po dang/ mi dang/ dud 'gro'i 'gro ba mtho ris dang/ dmyal ba dang/ bzang ba dang/ ngan pa'i phyogs shes shing/ khams gsum gyi bya ba shes pa'o/ /skye dgu'i bdag po tshangs pa dang/ a tre ya dang/ me dang nyi ma dang/ mi dang/ bzang po la sogs pa yin te/ de dag gis kyang mngon pa shes pa'o/ /'jig rten skyong ba bzhi po dag kyang ngo zhes bya ba ni/ me dang/ bden bral dang/ rlung dang/ gshin rje dang/ me'i 'khor rnams ni/ me zhi dang ni nag pa dang/ yang dag shes dang mdun bdar dang/ gya gyu gyur ming a gur dang/ g.yo 'dod dang ni shar lho gnas/ laM ga mgrin bcu me dang/ bum pa mgrin sna bum sna dang/ gzigs shing gsod byed la sogs lho nub mtshams na gnas sum rtse dang ni rab shim dang/ lha min he ruM ke ru dang/ kun tu sna tshogs la sogs nub byang mtshams na gnas rdo rje gzhon nu ma dang ni/ /nam gru dang ni nag po dang/ rdo rje lu gu rgyud sogs dang/ /lho'i phyogs na gnas pa'o/ /lha 'bum phrag du ma dag dang/ lha ma yin gyi dbang po rnams dang/ lha ma yin 'bum phrag du ma rnams kyang 'od zhes bya ba ni/ 'dod pa'i khams kyi lha ris drug dang/ gzugs khams kyi lha ris bco brgyad kyang/ /dad pa
- 282b
skyes nas byung ste/ gnod sbyin rnams song cig ces pa'o/ /bcom ldan 'das la mngon par dad pa'i 'byung po 'bum phrag kyang/ sems can thams cad kyi don gyi phyir 'od ste zhes bya ba ni/ lha dang/ klu dang/ lha ma yin dang/ nam mkha' i lding dang/ rlung lha dang/ dri za dang/ mi 'am ci dang/ lto 'phye dang/ gnod sbyin dang/ srin po dang/ 'byung po rnams dang/ yi dags dang/ sha za dang/ grul bum dang/ srul po dang/ lus srul po dang/ brjed byed dang/ smyo byed dang/ grib gnon dang/ gnod byed dang/ gnon pa rnams yin te/ gzhan yang mdangs 'phrog pa dang/ lo thog za ba rnams yod de/ la sogs pa 'byung po'i rigs mi cig pa stong phrag nyi shu yod de/ de rnams kyang dad pa skyes nas 'od bar 'gyur ro/ /de dag khyed la gnod pa chen po byed par 'gyur du 'od gis zhes bya ba ni/ de lta bu'i rigs kyis kyang gnod pa byas te/ des mi tshugs par bya ba'i phyir rig sngags kyi tshigs su bcad pa 'don par bya'o/ /rig sngags ni ni rga ts+tsha ta la sogs pa'o/ /myur du byer zhig ces bya ba ni snying rje'i sems dang ldan pa dang/ sna ba'i sems dang ldan pa rnams so sor song zhig/ bzang ba dang/ ngan pa ma 'grogs shing/ rig sngags kyi dmod mos ngan byed rnams mgo tshal pa tshal bar 'gas shing/ sems can dmyal bar 'gro ba'o/ /khyed cag la gang dag sdang ba'i sems dang ldan pa de dag ni phung bar gyur cig ces bya ba ni/ gzhan yang srog 'phrog par 'dod pa dang/ sdig pa'i sems dang ldan zhing/ drag shul byed 'dod pa ste/ rig sngags kyi dmod mo'i mtshan nyid/ dum bu dum bur brlag cing/ rig sngags kyi mes thal bar btang ba'o/ /gang dag byams pa'i sems dang ldan zhing/ nyes par mi 'dod la/ srung bar 'jug par 'dod pa de dag khyed cag ces bya ba ni/ 'jig rten skyong ba dang/ chos skyong
- 283a
ba rnams yin te/ lha dang mi dang/ lha ma yin dang/ gnod sbyin ded dpon chen po la sogs pas kyang rig sngags kyi rgyal po gsang sngags rjes su 'dzin ma'i gzi brjid dang/ stobs kyis srung zhing skyob pa'o/ /lus la yang 'jug par gyis shig ces bya ba ni/ sku dang gsungs dang/ thugs rnams srung ste/ sku srung ba ni/ tshon skud sna tshogs la mdud pa brgya rtsa brgyad por zhing lus la btags pa'o/ /yang na ngar ram/ shing shun nam/ grog la 'gi hang ngam gur kum la sogs pas bris na/ gzhan ngan byed thams cad dang/ glo bur gyi sdig pas mi tshugs pa'o/ /sangs rgyas 'jig rten la thugs brtse ba can gyi bka' stsal pa zhes bya ba ni/ yang dag par rdzogs pa'i sangs rgyas shAkya thub pa'i thugs ka nas sprul te/ gzi brjid dang ldan zhing/ stobs che ba/ nam mkhas khyab pa bzhin du/ grags pa yang de bzhin no/ /ye shes lnga'i rang bzhin sangs rgyas lnga'i dbu rgyan can/ cung zad khro bo/ zhal gcig phyag gnyis pa/ sku mdog nag mo/ spyan gsum pa/ zhabs phyed khyil du bzhugs pa/ phyag g.yas na rdo rje/ g.yon sdig mdzub dang zhags pa bsnams pa'o/ /zla ba'i gdan la nyi ma'i 'od dang bcas pa/ rgyan thams cad kyis brgyan pa/ sems can thams cad grol bar byed pa'i rig sngags kyi tshig ni gang zhe na/ 'di lta ste/ su mu su mu la sogs pa'o/ /sangs rgyas 'jig rten la thugs brtse ba can zhes bya ba ni/ yang dag par rdzogs pa'i sangs rgyas shAkya thub pas/ spyi bo gtsug nas sprul te/ rig sngags sku'i rang bzhin zhal gcig pa/ phyag gnyis pa/ sku mdog dkar po/ zhi ba'i tshul du bzhugs pa/ ye shes lnga'i rang bzhin/ sangs rgyas lngas dbu la brgyan pa/ spyan
- 283b
gsum pa phyag g.yas na 'khor lo/ g.yon pa na zhags pa bsnams pa'o/ /zla ba'i gdan la zla ba'i 'od dang bcas shing/ rgyan thams cad kyis brgyan pa'o/ /sems can thams cad la phan par lhag pa/ dgongs pa dang ldan pa zhes bya ba ni/ 'gro ba ris drug gi sems can la dgongs te/ rig sngags 'di'i gzi brjid kyis/ dmyal ba'i sdug bsngal dpag tu med pa gsod pa dang/ sreg pa dang/ rdeg pa dang/ dum bur btub pa dang/ tshig pa dang/ rengs pa'i sdug bsngal las/ yongs su thar pa'o/ /dud 'gro'i sdug bsngal ni/ bya dang lce sbyang la sogs pa rnams kyis gcig la gcig za'o/ /rig sngags kyi rgyal mo 'dis/ de lta bu'i 'gro ba las thar bar byas shing/ gcig la gcig za ba'i sdug bsngal dang bral ba'o/ /yi dags kyi sdug bsngal ni btung ba dang bzang ba med pa'i sdug bsngal yin te/ mthong ma thag tu zhe sdang gis gcig la gcig phrag dog byed cing 'thab rtsod byed pa'o/ /de yang rig sngags kyi rgyal mo 'di'i gzi brjid kyis btung ba dang bza' ba med pa'i sdug bsngal 'joms pa'o/ /lha ma yin gyi sdug bsngal ni/ phrag dog gis spyod pa zhe sdang gi sems skyes te ser sna'i rang bzhin gyis 'dod pa la ma mthun nas/ de yang g.yul 'gyed pa'i sdug bsngal lo/ /de'i sdug bsngal thams cad zhi bar byed pa ni/ rig sngags kyi rgyal mo'i spung gis 'joms pa'o/ /lha'i sdug bsngal ni/ 'chi 'pho'i sdug bsngal yin te/ byas pa'i dge ba'i rtsa ba rnams bzad pa dang/ lha'i bu rnams kyis kyang de'i 'chi ba'i pho ba tshor te/ dper na sngon gyi dus su lha'i bu dga' byed ces bya ba/ sum cu rtsa gsum nas mar la ltung ba tshor te/ gar 'pho ba tshor zhes na yul ba ra Na sir phag pa'i phrug gur skye bar tshor ro/ /de tshor ba'i sdug bsngal gyi
- 284a
lha'i bu de yang du zhing/ lha'i me tog gaM lha'i rdzas la sogs pa la lta zhing yang nas yang du sdug bsngal skye'o/ /lus las kyang bri ma 'byung ste/ me tog de kun yang skams so/ /lha'i grog po rnams kyis bor te/ 'od kyang med do zhag bdun bar du lha'i longs spyod bor nas/ mi gtsang ba za'o snyam nas yang du sdug bsngal dran zhing du'o/ /de nas lha'i dbang po brgya byin skyed mos tshal du rtse mo la 'ongs pas/ skad mi nyan pa thos te/ de nas de'i rtsar phyin nas de dag lha'i bu de la dris pa dang/ lha'i bus smras pa/ lha'i lha zhag bdun pa 'dzam bu'i gling gi dbus su/ grong khyer ba ra NA sir bdag zhag bdun na phag pa'i phrug gur skye'o zhes smras so/ /brgya byin gyis smras pa/ lha'i bu dga' ba khyod kyis/ sangs rgyas dang/ chos dang/ dge 'dun la skyabs su 'gro ba gyis shig/ des phan par 'ong ste/ gzhan gyi thabs ni med do zhes gsungs so/ /lha'i bu des de'i gdam ngag thos pa dang/ skyabs su 'gro ba nyin mtshan med du byas pa dang/ zhag bdun gyi nang par gnas gtsang ma'i lhar skyes so/ /lha'i longs spyod dang ldan zhing lha'i bu gser 'od ces bya bar skyes so/ /de nas lha'i dbang po brgya byin skyes mos tshal du lha'i longs spyod la 'ongs te/ lha'i bu de dran nas lha'i spyan? gyis 'dzam+bu'i gling du bltas pas/ der yang ma mthong ngo/ /dmyal ba dang/ byol song dang/ yi dags dang/ gzhan yang mi'i yul shar lus 'phags po dang/ ba lang spyod dang/ sgra mi snyan du bltas pa dang/ de rnams su yang ma mthong ngo/ /de nas rang gi yul dang lha ma yin dang/ rgyal chen rigs bzhi'i lha'i yul dang/ ri bdun gyi lha la sogs pa rnams su bltas te/ de rnams na yang ma mthong ngo/ /de nas de rnams su yang nas yang du bltas kyang ma
- 284b
mthong ste/ de ngo mtshar che bas/ lho'i 'dzam bu gling gis dbus su/ /grong khyer mnyan yod na/ rgyal bu rgyal byed kyi tshal mgon med zas byin gyi kun dga' ra ba na/ yang dag par rdzogs pa'i sangs rgyas shAkya seng ge bzhugs te/ de'i tshe lha'i dbang po brgya byin gyis/ lha'i me tog dang/ lha'i spos dang/ lha rdzas kyi mchod pa khyad par 'phags pa khyer nas/ bcom ldan 'das la mchod pa byas nas/ bcom ldan 'das la lha'i dbang po brgya byin gyis smras pa/ bcom ldan 'das lha'i bu dga' ba zhes bya ba 'chi 'pho nas phag pa'i phrug gur skyer 'gro ba'i dus su/ ngas gsum la skyabs su 'gro ba byin te/ de'i byin brlabs kyis gar skyes cha med pas/ bdag gis dbang tshad la bltas so/ /bcom ldan 'das kyis bka' stsal pa/ ko'u shi ka khyod kyis mthong bar mi 'gyur te/ khyod kyis longs spyod pa'i mtho ba'i gnas gtsang ma'i lha'i bu gser 'od ces bya bar skyes so/ /de nas lha'i dbang po brgya byin gyis bcom ldan 'das la/ lha rdzas kyi mchod pa yang nas yang du byas nas/ yid ches shing ngo mtshar che bar yang nas yang du skyabs su 'gro bar byas so/ /de bzhin du rig sngags kyi rgyal mos lha'i 'chi 'pho ba'i sdug bsngal yang 'joms pa'o/ /mi'i sdug bsngal ni/ skye ba dang/ rgas pa dang/ na ba dang/ 'chi ba la sogs pa'i sdug bsngal yin te/ de yang rig sngags kyi rgyal mo gsang sngags kyi rjes su 'dzin ma'i gzi brjid dang/ stobs kyis/ 'di 'chang ba tsam gyis sdug bsngal thams cad las bral bar 'gyur ro/ 'gro ba rig drug gi sems can thams cad kyi sdug bsngal 'joms pa'i phyir na/ thugs rjes bskyab pa zhes bya'o/ /byams pa la gnas pa/ thugs rje dang ldan pa zhes bya ba ni/ 'gro ba ris drug gi sems can la bu gcig pa lta bur byas nas/ de
- 285a
la bsnyen bkur byed cing/ 'tshe ba'i sems mi skye zhing/ khams gsum gyi sems can la de lta bu'i sems bzhag cing byams pa ste/ de bzhin du 'khor ba la gnas pa'i sems can la snying rjes khyab ste/ de'i 'dod pa'i sems nye bar bzhag pa snying rje'o/ /dga' ba la gnas pa/ gtang snyoms la gnas pa'o/ /gshegs kyis zhes bya ba ni/ dge ba'i rtsa ba la dga' ba ste/ 'gro ba ris drug gi sems can yar la thun pa dang/ mun pa mun nag bcom pas dga' ste/ de bzhin du mnyam pa nyid dang/ bsgom zhing sems can thams cad la khyab par med pas na/ btang snyoms so/ /ye shes kyi mchog dang/ chos nyid kyi lha thams cad dang zhes bya ba ni/ bsam gyis mi khyab pa yang dag pa'i ting nge 'dzin rdo rje lta bu yin te/ gang la yod ces na/ yang dag par rdzogs pa'i sangs rgyas kyi lta bu'o/ /de'i ye shes ni rig pa'i lha rnams yin te/ rig pa'i lha rnams ni gang zhe na/ stong chen mo rab tu 'joms ma dang/ rma bya chen mo dang/ bsil ba'i tshal dang/ so sor 'brang ma dang/ gsang sngags kyi rjes su 'dzin ma rnams yin no/ /mtshon pa ni ye shes rnams yin no/ /mtshon byed ni rigs pa'i lha mo rnams so/ /so so'i ye shes ni/ me long lta bu'i ye shes dang/ mnyam pa nyid kyi ye shes dang/ bya ba nan tan gyi ye shes dang/ /chos kyi dbyings kyi ye shes dang/ so sor rtogs pa'i ye shes dang lnga'o/ /rigs ni rdo rje'i dang/ rin po che dang/ las dang/ de bzhin gshegs pa dang/ pad+ma'i rigs so/ /phung po'i rnams shes dang/ tshor pa dang/ 'du byed dang/ gzugs dang/ 'du shes so/ /khams ni nam mkha' dang/ chu dang/ rlung dang/ sa dang/ me'o/ /skye mched ni/ rna ba dang/ sna dang/ lus dang mig
- 285b
dang/ lce'i rang bzhin te/ yid kyi rang bzhin ni stong chen mo rab tu 'joms ma'o/ /zhal gsum gsum/ phyag drug drug/ sangs rgyas lnga'i dbu rgyan can/ zhal re re la spyan gsum gsum dang ldan pa/ rgyan thams cad kyis rgyan pa/ zhabs g.yas bskum pa/ g.yos brkyang ba/ pad+ma'i steng na zla ba'i stan la nyi ma'i 'od zer dang bcas pa'o/ /zhal rnams ni khro ba dang sgeg pa dang/ 'dzum pa dang/ zhi ba dang/ cung zad khro ba'o/ /sku mdog ni nag po dang/ ser po dang/ ljang gu dang/ dkar po dang/ dmar po'o/ /g.yas pa'i zhal rnams ni/ dkar po dang/ mthing ka dang/ dkar ba'o/ /g.yon pa'i zhal rnams ni/ dmar po dang/ ljang gu dang/ ser po dang/ dmar po dang/ mthing ga'o/ /dang po'i phyag gnyis na/ rdo rje 'dzin cing/ g.yon pa na dril bu dkur brten pa'o/ /g.yas pa gnyis na ral gri ste gsum pa na mda' bsnams pa'o/ /g.yon pa gnyis na/ sdigs mdzub zhags pa ste/ gsum pa na gzhu bsnams pa'o/ /lha mo rnams ni ye shes lnga'i rang bzhin du ldan pa ste/ tshes nyid ni stong pa nyid do/ /lha mo ni dngos po'i rang bzhin thabs so/ /'byung po thams cad la bka' stsal pa'i gsang sngags kyi gzhi 'di dag ni grub pa'o zhes bya ba ni/ rig sngags kyi rgyal mo gsang sngags kyi rjes su 'dzin ma 'di/ 'byung po thams cad kyi bdag mo/ /gsang sngags kyi tshig gis khams gsum tsam yang 'dar bar byed de/ 'byung po rnams kyi mi tshugs so/ /'jig rten dang/ 'jig rten las 'das pa'i bya ba grub ste/ gsang sngags kyi tshig 'di grub na yang dag pa'i ye shes thob pa'o/ /tshigs su bcas pa 'di dag ni grub pa'o zhes bya ba ni/ tshe 'di la yang bkra shis te/ phyi ma yang de bzhin no/ /de bzhin gang bsgrub par 'dod pa yang 'grub ste/
- 286a
rgyal ba rnams kyis gsungs te the tshom med do/ /gang la ser sna rnams chags pa/ /rnam com dri ma sel mdzad cing zhes bya ba ni/ nga rgyal spang shing 'tshe bar mi byed pa ste/ yang dag pa'i ye shes shar nas dri ma de yang spong byed pa/ gang yang grub ste the tshom med/ thugs bzhi gnod pa mi mnga' ste/ khyed la bde legs mdzad par 'gyur zhes bya ba ni/ nga rgyal spangs shing 'che bar mi byed pa ste/ de'i sems nye bar bzhag na/ rig sngags 'di ni 'grub ste/ gnyis pa'i sems med pas na/ phun sum tshogs shing bkra shis 'di 'grub bo/ /'dren pa gang zhig 'gro ba rnams/ /thar pa'i lam du 'dzud byed cing/ zhes bya ba ni/ theg pa yang dag par bstan pa ste/ mun pa mun nag la ye shes kyi mar me bstan pa'o/ mtho ris thar pa'i lam 'di ni rgyal ba rnams kyis bsrungs pa 'di la ser sna la sogs pa gang yang med do/ /chos rnams thams cad ston pa ste/ khyed la bde legs mdzad par 'gyur zhes bya ba ni/ rig sngags 'di ni bstan pas na/ grub par 'gyur te/ gnyis pa'i sems spangs shing gzhi dad pa'i sems kyis 'dir ni bkra shis te/ the tshom med do/ /ston pa 'gro ba rnams kyis bsten/ sems can kun gyi don gyi phyir zhes bya ba ni/ gang yang sangs rgyas kyi chos la mos pa skyes na/ byams pa dang/ snying rje sems ni rtag tu bzhag pa ste/ rig sngags 'di la gzhi dad pa bskyed na/ 'khor ba'i dra ba gcod pa'o/ /gang gis bde ba mnga' mdzad de/ khyed la bde legs mdzad par 'gyur zhes bya ba ni/ 'khor ba'i sdug bsngal 'di bor la dge ba'i sems ni yongs su bzung la/ bde ba yang dag thob ste/ gnyis pa'i sems ni mi 'dzin pa/ bkra shis 'di ni yang dag par thob pa'o/ /skyob pa gang zhig byams pa yi/ thugs kyi 'gro ba 'di
- 286b
dag kun zhes bya ba ni/ 'khor ba'i sems can la/ de'i sems nye bar bzhag ste/ snying rjes ni thams cad la khyab ste/ mun pa'i mun nag bcom pa'o/ /bu gcig bzhin du rtag bskyangs nges/ /khyed la bde legs mdzad par 'gyur zhes bya ba ni/ 'gro ba rigs drug ni mnyam par bzhag ste/ byams pa'i stobs kyi skyob pa'i sems gzhag nas/ rtag tu sems can la snying rje'i sems dang ldan na/ tshe 'di la bkra shis par 'gyur ro/ /gang zhig 'khor bar 'khor ba yis/ /sems can kun gyi rten gyur cing/ zhes bya ba ni/ 'khor ba ni ma rig pa ste/ 'khor bar byed pa ni gti mug gis 'khor te/ gti mug gi steng du ser snas bcings te/ ser sna'i steng du zhe sdang byung ngo/ /zhe sdang la 'dod chags 'khor ro/ /de'i gting la ma rig pa'i snying rje skye ste/ des na 'khor bar 'khor ba zhes btags pa'o/ /de rten pa gcod par byed pa ni/ rig pa ste/ rig pa ni yang dag pa'i ye shes so/ /ye shes de ni rig sngags kyi rgyal mo gsang sngags rjes su 'dzin ma'i ngo bo nyid yin te/ des 'khor ba rnams 'joms pa'o/ /gling dang dpung gnyen gyur pa ste/ /khyed la bde legs mdzad par 'gyur/ /zhes bya ba ni/ de bzhin du de la mnyen zhing grub pa ste/ gzhan la snying rje yang dag pa skye ste/ tshe 'di la bkra shis par 'gyur te/ yang dag par grub pa'o/ /gang zhig chos kun mngon sum gyur/ gtsang zhing slu ba mi mnga' la zhes bya ba ni/ yang dag par rdzogs par sangs rgyas rnams kyi bde ba 'di la/ chos la the tshom med de/ lus dang ngag dang/ yid kyi the tshom med pa'i sems ni bzhag par gyur na/ chos kyi rtsa ba yang dag par thob pa'o/ /gsum gtsang gtsang bar mdzad pa des/ khyed la bde legs mdzad par 'gyur zhes bya ba ni/ brdzun dang/ phra ma dang/ ngag 'khyal pa dang/ tshig tsub pa dang/ gzhan gyi
- 287a
rna bar mi snyan pa'i ngag mi smra ba'o/ /yang na ngag 'khyal pa spangs shing/ gzhan la dga' ba'i gtam byin te/ mi dge ba spangs shing dge ba 'di byas na/ tshe 'di la yang bkra shis par 'gyur/ dpa' bo chen po gang skyes pas/ phun sum tshogs don 'byor 'gyur cing zhes bya ba ni/ bdud dang/ bdud kyis ris bcoms pa la/ chos skyong ba la ni dpa' ba' i sems dang/ brtson 'grus ni yang dag par skye ste/ de bzhin du/ sbyin pa dang/ tshul khrims dang/ bzod pa dang/ bsam gtan dang/ shes rab kyi phun sum tshogs pa'o/ /don grub tshogs kyang grub pa ste/ khyed la bde legs mdzad par 'gyur zhes bya ba ni/ de la de bzhin du byas par gyur na/ rig pa 'di yang 'grub ste/ don 'grub cing 'di la the tsom med de/ gang yang bkra shis 'di las 'byung ngo/ /gang zhig skyes pas sa rnams ni/ /nags 'tshal bcas par rab g.yos shing zhes bya ba ni/ 'di'i chos kyis nyams su myong ba thob pas na/ sa rnams thams cad g.yo zhing 'dar te/ de'i gzi brjid kyis sems can thams cad kyang dga' bar 'gyur ro// //sems can thams cad dga' ba ste/ khyed la bde legs mdzad par 'gyur/ /zhes bya ba ni/ rig sngags kyi rgyal mo gsang sngags kyi rjes su 'dzin ma 'di sgrubs na/ dga' ba smos ci dgos te/ yang dag pa'i byang chub thob pa'o/ /bkra shis shing chos grub par 'gyur ba ste/ tshe 'di dang/ phyi ma la yang de bzhin no/ /byang chub snying por/ gang dag gis/ ma dag rnams drug g.yos gyur cing zhes bya ba ni/ stong gsum gyi stong chen po'i 'jig rten gyi khams kyang 'dar ba ste/ de yang 'di grub pas/ bla na med pa'i byang chub thob pas na/ sa ni de bzhin du g.yo ba'i phyir ro/ /bdud yid mi bder
- 287b
gyur pa des/ khyed la bde legs mdzad par 'gyur/ /zhes bya ba ni/ sangs rgyas rnams kyi byang chub kyi sa gzhi la bzhugs pa'i dus su/ /gti mug dang/ 'khor bar 'khor ba rnams yid mi dga' ste/ de yang de'i nus pas/ mi dga' ba rnams gcod pa'o/ /rig sngags kyi gzi brjid kyi bkra shis shing bde bar gnas pa'o/ /chos kyi 'khor lo bskor ba na/ 'phags pa'i bden pa rnams gsungs pa zhes bya ba ni yang dag pa'i bden pa bdar te/ chos kyi 'khor lo lan bdun bskor zhing/ de yang gsum du 'dus te/ sku'i bden pa dang/ gsung gi bden pa dang/ thugs kyi bden pa dang/ de bzhin du 'dus pa'i ng bo la yin te/ de yang 'phags pa rnams kyi lam yin no/ /de yang bden pas na bkra shis par 'gyur te/ the tshom med do/ /'di la gang yang grub ba'o/ /thub pa'i mnyan pa gang byung des/ khyed la bde legs byed par 'gyur zhes bya ba ni/ yang dag pa'i chos yin te/ chos ni rig sngags kyi rgyal mo de'i phyag rgyas rgyas btab ste/ 'di yis gzi brjid gang byed pa ni/ bkra shis phyag rgyas rgyas btab pa'o/ /yis 'phrog gang gis mu stegs byed/ thams cad chos kyis pham mdzad cing/ zhes bya ba ni/ lta ba mi cig pa bsam gyis mi khyab pa yod de/ de rnams kyang/ rtag par lta ba dang/ chad par lta ba la ba sdu'o/ /de rnams gang du yang mi gnas shing/ chos kyi rang bzhin gsal la bzhag pa'o/ /de yis de 'dul bar byed pas na/ mu stegs kyi chos kyang pham par 'gyur ro/ /tshogs kun ? du mdzad pa de/ khyed la bde legs mdzad par 'gyur zhes bya ba ni/ 'di'i nus pa dang/ gzi brjid kyi chos kyi nyams myong yang dag par skyes te/ de yis de kun 'dul ba'i phyir ro/ /de'i gzi brjid kyis 'dir ni/ bkris
- 288a
shis shing phun sum tshogs pa'o/ /sangs rgyas khyed la bde legs mdzad/ /brgya byin ltar bcas bde legs dang zhes bya ba ni/ stong gsum gyi stong chen po'i 'jig rten gyi khams kyi sems can la/ 'khor ba'i sdug bsngal las thar bar byed pa'i bde ba chen po skye bar byed pa ste/ yang dag pa'i ye shes kyi mar me phye zhing bkra shis par byed de/ yang dag pa'i byang chub la dgod pa'o/ /de bzhin du lha'i sems can rnams kyang bkra shis bar 'gyur te/ lha rnams kyis ltung ba'i sdug bsngal dang bral ba'o/ /'byung po kun kyang bde legs ni/ khyed la rtag tu sbyin gyur cig ces bya ba ni/ ltung ba med pas sems can la 'tshe ba med de/ 'di'i nus pas 'tshe bar mi byed cing/ rtag tu bza' ba dang/ btung ba rnyed par 'gyur ro/ /bza' ba la lcags kyi thu lum du mthong ba rnams dang/ btung ba la zangs kyi khu bar mthong ba rnams dang/ de dag gis kyang rtag tu mchod pa chen po thob par 'gyur ro// sangs rgyas bsod nams mthu dag dang/ lha rnams kyis ni bsam pa yis/ zhes bya ba ni/ bsod nams kyi tshogs dang/ ye shes kyi tshogs gnyis yin te/ bsod nams kyi tshogs ni shAkya thub pa bzhin du/ sngon gyi smon lam gyi stobs kyi yang dag pa'i ye shes thob pa'o/ /ye shes kyi tshogs ni ngo bo dang bral zhing/ ngag gi brjod du med pa'o/ /de gnyis gzi brjid kyis kyang/ bkra shis shing bde ba ste/ 'jig rten dang/ 'jig rten las 'das pa rnams kyis kyang de bzhin no/ /khyed rnams 'dod don gang yin pa/ don de de ring grub gyur cig ces bya ba ni/ rig sngags kyi rgyal mo gsang sngags kyi rjes su 'dzin ma 'dis/ dngos grub thams cad grub ste/ lha dang/ mi
- 288b
dang 'byung ba'i tshogs rnams kyang 'di las don grub pa'o/ /rkang gnyis khyed cag bde legs shog/ rkang bzhi khyed cag bde legs shog ces bya ba ni/ mi dang bya dang lha dang 'byung po rkang gnyis pa la sogs pa ste/ 'dir ni bkra shis shing sdug bsngal dang dbral ba'o/ /rkang bzhi ni/ byol song gi rigs las gyur pa dang/ yi dags dang 'byung po dang/ lha rnams yin te/ rig sngags kyi gzi brjid kyis/ de bzhin du bkra shis pa'o/ /khyed cag lam 'gro bde legs shog/ phyir 'di dag kyang bde legs shog /ces bya ba ni/ gang yang lha dang mi dang/ 'byung po la sogs pa 'gro ba'i/ dus su yang bkra shis te/ phyir ldog pa'i dus su yang bkra shis pa'i phyir ro/ /nyin mo bde legs mtshan bde legs/ nyi ma'i gung la bde legs shog ces bya ba ni/ nad rnams med cing sdug bsngal dang bral ba ste/ rmi lam ngan pa ste/ ltas ngan pa dang rnams min mthong zhing/ srog dang mi 'bral bar bde zhing bkra shis te/ tshe phyi ma yang de bzhin no/ /khyed chag kun tu bde legs shog/ khyed cag sdig par ma gyur cig/ ces bya ba ni stong gsum gyi stong chen po'i 'jig rten gyi khams kyi sems can thams cad kyang bkra shis shing bde ba ste/ rig sngags 'di yang grub pa'o/ /sdig pa thams cad dang bral zhing/ sngon gyi dus dang/ da ltar dang/ shes pa dang/ mi shes pa 'joms pa'o/ /sems can kun dang srog chags kun ces bya ba ni/ stong gsum gyi stong chen po'i 'jig rten gyi khams kyi sems can dang/ srog chags bde bar 'gyur zhing/ yang dag pa'i byang chub thob pa ste/ 'jig rten gyi khams gzhan gyi sems can yang de bzhin no/ /'byung po kun dang khyed cag kun/ bde ba 'ba' zhig ldan gyur cig /ces bya ba ni/ 'byung
- 289a
po ni sngon gyi las kyis deb cung zad kyang med pa dang/ bde ba bag tsam yod pa dang/ mchod par 'os pa ste/ de bzhin du khyed cag kun kyang/ sems can mi gtogs te/ de bzhin du rab 'bring tha ma gsum gnas te/ de kun kyang bkris shing bde bar gnas te/ yang dag pa'i bde ba thob pa'o/ /thams cad nad rnams med par shog /kun gyis bzang rnams mthong gyur cig /ces bya ba ni/ 'di la nad rnams kyis mi tshugs te/ nad rnams thams cad bcom zhing/ bde ba 'ba' zhig la gnas te/ yang na bde ba yang dang yang du thob pa'o/ /gang yang sdig par ma gyur cig /ces bya ba ni/ sngon du byas pa dang/ da ltar byas pa'i sdig pa ci byas kyang/ 'dir ni mthol lo bshags so/ /zhes bya ba ni 'gyur po gang dag 'dir ni lhags gyur cing/ sa dang bar snang dag na gnas pa rnams zhes bya ba ni/ rig sngags kyi rgyal mo'i chos 'di la yang byon zhing/ sems can la 'tshe bar mi byed do/ de bzhin du gang dang gang la gnas pa'i 'byung po rnams kyang sangs rgyas kyi bka' las mi 'da' ba' o/ /skye dgu rnams la rtag tu byams byed shog /nyin dang mtshan du chos kyang spyod gyur cig ces bya ba ni/ byams pa dang/ snying rje dang/ dga' ba dang/ btang snyoms la 'god pa ste/ gzhan dang byang chub kyi snying po dang/ yang dag pa'i ye shes thob par 'gyur te/ de bzhin du/ shel bzhin du gsal ba ste/ bag chags dang shes bya'i dri mas ma gos pa/ yang dag par rdzogs pa'i sangs rgyas shAkya thub pa 'dis gsungs pa/ gang dang gang du yang 'jig rten gyi khams la spyod cing dar bar shog cig ces pa'o/ /rig sngags kyi rgyal mo gsang sngags rjes su 'dzin pa'o/ /grong khyer yangs pa can la/
- 289b
'jug pa'i gnas skabs te/ gnyis pa'o// //de nas zhes bya ba ni/ grong khyer yangs pa can la 'jug pa'i de nas so/ /mi mjed kyi bdag po tshangs pa tshangs ris kyi lha rnams dang bcas pa zhes bya ba ni/ bsam gtan dang po'i lha rnams dang bcas pa rnams byung ste/ tshangs ris dang/ tshangs pa mdun na'ang na dang/ tshangs la nye phan dang/ tshangs pa chen po dang bzhi'o/ /de ni bsam gtan dang po'o/ /bsam gtan gnyis pa'i lha rnams byung ste/ 'od chung dang/ tshad med 'od dang/ 'od gsal dang gsum mo/ /de ni bsam gtan gnyis pa'o/ /bsam gtan gsum pa'i lha rnams kyang byung ste/ dge chung dang/ tshad med dge dang/ dge rgyas so/ /de ni bsam gtan gsum pa'o/ /bsam gtan bzhi pa'i lha rnams kyang gnas te/ sprin med dang/ bsod nams skyes dang/ 'bras bu che ba'o/ /de gsum ni bsam gtan bzhi pa'o/ /de yang de'i gnas su 'du shes med pa'i lha gnas so/ /gnas gtsang ma'i lha rnams kyang byung ste/ de yang mi mchi ba dang/ mi gdung ba dang/ gya nom snang ba dang/ shin tu mthong ba dang/ 'og min dang lnga'o/ /de yang bsam gtan bzhi pa la gtogs te/ gzugs kyi khams kyi lha rnams kyang/ bcom ldan 'das la mgo bos phyag 'tshal nas/ bskor ba lan gsum byas te/ mi mjed kyi bdag po tshangs pas dbu byas shing phyogs gcig tu bsdad pa'o/ /lha'i dbang po brgya byin sum cu rtsa gsum pa'i lha rnams dang bcas pa dang zhes bya ba ni/ 'thab bral dang/ dga' ldan dang/ 'phrul dga' dang/ gzhan 'phrul dbang byed dang/ sum cu rtsa gsum gyi lha rnams dang/ brgya byin la sogs pa dang thabs gcig tu'o/ /rgyal po chen po bzhi rgyal chen bzhi'i lha rnams dang bcas pa dang zhes bya ba ni/ gshol mnga' 'dzin dang/ gnya' shing 'dzin dang/ phreng thogs kyi lha rnams
- 290a
dang/ lha ma yin la sogs pa/ rgyal chen ris bzhi'i lha dang/ /shar phyogs kyi rgyal po chen po yul 'khor srung dang/ lho phyogs kyi rgyal po 'phags skyes po dang/ nub phyogs kyi rgyal po chen po mig mi bzang dang/ byang phyogs kyi rgyal po lus ngan po la sogs pas dbu mdzad pa dang/ thabs gcig tu'o/ /gnod sbyin gyi sde dpon nyi shu rtsa brgyad dang zhes bya ba ni/ dbang po dang/ zla ba dang/ chu lha la sogs pa'i gnod sbyin gyi sde dpon chen po rnams dang/ thabs gcig cu'o/ /'phrog ma bu dang bcas g.yog 'khor dang bcas pa rnams/ bcom ldan 'das ga la ba der dong ste/ lhags nas/ zhes bya ba ni/ rnga rtsen dang/ 'phrog ma'i bu dga' byed la sogs pa brgya dang ngo/ /'phrog ma'i mdza' rtag dbang phyug la sogs pa brgya dang ngo/ /'phrog ma'i dbu dbu ma/ khyab 'jug len la sogs pa brgya dang ngo/ /'phrog ma'i bu gang ba dang 'og la sogs pa brgya dang ngo/ /'phrog ma'i bu skye dgu dag la sogs pa brgya ste lnga brgya dang bcas pa thabs gcig go /nag po dang/ nag mo dang/ grul bum dang/ dung la sogs pa so so'i 'khor dang bcas te/ grong khyer yangs pa can gyi a 'bras kyi tshal na so so'i kha dog bstan cing rdzu 'phrul yang de bzhin no/ /bcom ldan 'das kyi zhabs la mgo bos phyag 'tshal te zhes bya ba ni/ lan gsum du bskor ba bya ba nas/ lha so so'i mchod rdzas bla na med pa bcom ldan 'das la mchod par byas te/ bcom ldan 'das dang 'khor phun sum tshogs pa'i mdun du thabs gcig tu bzhugs pa'o/ /phyogs gcig la bod? ste zhes bya ba ni/ so sor mi smra zhing mgrin pa gcig gis smas pa'o/ /phyogs gcig tu 'khod nas mi mjed kyi bdag po tshangs pas zhes bya ba ni/ mi mjed kyi bdag po yin
- 290b
te/ stong spyi phud kyi bdag po 'khor de rnams kyi dbu byas shing bcom ldan 'das la zhu ba phul ba'o/ /bcom ldan 'das ga la ba der logs su thal mo sbyar ba btud de zhes bya ba ni/ mi mjed kyi bdag po tshangs pas gus par byas shing/ /bcom ldan 'das gyi mdun du'o/ /bcom ldan 'das la 'di skad ces gsol to/ /zhes bya ba ni/ de rnams kyis phyogs gcig tu smos te/ phyogs gcig tu skad cig tu tshangs pas smras pa'o/ /btsun pa bcom ldan 'das bdag ni zhes bya ba ni/ gzugs kyi khams dang/ 'dod pa'i khams dang/ bgegs kyi bdag po rnams yin te/ de bzhin bdag cag bcom ldan 'das kyi spyan sngar mchis so zhes pa'o/ /stong gi 'jig rten gyi khams rnams su zhes bya ba ni/ bsam gtan bzhi pa stong/ bsam gtan gsum pa stong/ bsam gtan gnyis pa stong/ bsam gtan dang po stong/ de bzhin du so sor bsgrang ba stong stong brtsi ste/ de ni gzugs kyi khams kyi rtsi lugs so/ /gzhan 'phrul dbang byed stong/ 'thab bral stong/ sum cu rtsa gsum stong/ rgyal chen rigs bzhi stong rim pa bzhin du lha'i ris drug ni 'dod pa'i khams la de bzhin du stong stong brtsi bar bya'o/ /de bzhin du ri rab kyang yin te/ nyi ma dang/ zla ba dang/ skar ma la sogs pa'o/ /shar gyi lus 'phags stong/ lho'i 'dzam bu gling stong/ nub kyi ba lang spyod stong/ byang gi sgra mi snyan stong/ de bzhin du tsha ba'i dmyal ba dang/ grangs pa'i dmyal ba dang/ dung 'gro dang/ yi dags rnams yin te/ de ni 'dod pa'i khams kyi stong rtsi lugs so/ /gzugs med kyi khams kyang de bzhin du yin no/ /dbang phyug chen po la dbang bgyid pa lags te zhes bya ba ni/ stong spyi phud kyi khams la dbang mdzad pa'o/ /yang na de ni stong spyi phud kyi 'jig rten gyi khams yin te/ mi mjed kyi bdag po tshangs pa chen
- 291a
po dbang sdud mdzad pa'o/ /btsun pa bcom ldan 'das bdag ni 'tshal na/ stong gi 'jig rten gyi khams rnams su srung bar bgyid ces bya ba ni/ tshangs pas dbu mdzad cing lha dang/ 'byung po rnams kyis kyang phan par byed pa dang/ gnod par byed pa'i des tshigs bcom ldan 'das kyi spyan sdang tshig zhus pa'o/ /srung bar bgyid ces pa ni/ bcom ldan 'das kyi dka' las mi 'da' ba' o/ /yongs su skyob par bgyid/ yongs su gzung ba dang/ zhi ba dang/ bde legs su 'gyur bar bgyid lags so zhes bya ba ni bkra shis shing/ sems can thams cad la bde bar gnas par byas pa'o/ /btsun pa zhes bya ba ni/ 'dod pa'i yon tan lnga spangs shing/ tshul khrims la sogs pa srungs te/ sems can thams cad kyi don la sprul pa'i skus khyab pa'o/ bde bar gshegs pa chos kyi mnga' bdag ces bya ba ni/ bag chags kyi sgrib pa dang/ shes bya'i sgrib pas ma gos te/ 'khor ba'i sdug bsngal gyis mi gos shing/ lus dang ngag dang/ yid bde ba ste/ de bzhin du gti mug dang/ zhe sdang dang/ 'dod chags dang/ ser sna dang/ phrag dog rnams kyis mi tshugs shing bde bar gshegs te/ lus pa med pas na bde bar gshegs pa ste/ chos rang bzhin ni dngos po med cing rnyeg pa med pa ste/ rang bzhin med cing/ rtag chad gnyis dang bral te/ brjod pas kyang mi khyab pa ste/ nam mkha' bzhin du sems can thams cad la khyab pas na/ dbang phyug ces bya'o/ /bcom ldan 'das ni stong gsum gyi stong chen po'i 'jig rten gyi khams rnams dbang phyug la mnga' mdzad pa lags te zhes bya ba ni/ bzhi bcom bskal pa dang ldan pa ste/ ri rab la sogs pa 'jig rten gyi khams 'di stong stong brtse ste/ de ni stong spyi phud kyi 'jig rten gyi khams yin no/ /de bzhin du nyis
- 291b
'gyur du rtsis pa ni stong bar ma'o/ /stong gsum gyi stong chen po'i 'jig rten gyi khams ni/ de de'i sum 'gyur du brtsis pa ni stong gsum mo/ /chen po ni sems can thams cad bsam gyi mi khyab pa'o/ /'jig rten gyi khams ni/ mnyam por gzigs shing mnyam por brten te/ dge sdig la sogs pa gnas shing sems can gnas pa'o/ /de la sprul pa'i skus khyab ste/ sems can ris mi gcig pa'i phyir na rdzu 'phrul sna tshogs bstan pa'o/ /yang na sems can gyi don la der dbang mdzad de/ theg pa sna tshogs bstan cing yang dag pa'i byang chub kyi lam bstan pa'o/ /de ni tshangs pa'i tshigs go /bcom ldan 'das kyang bzhed na/ zhes bya ba ni byams pa dang/ snying rje dang/ dga' ba dang/ btang snyoms bsgom zhing sems can rnams kyi don mdzad pa'o/ /stong gsum gyi stong chen po'i 'jig rten gyi khams rnams su zhes bya ba ni/ sprul pa'i skus kyang skad cig thang cig yud tsam gyis kyang/ sems can gyi don mdzad pa'o/ /bsrung ba dang/ yongs su bskyab pa dang/ yongs su bzung ba dang/ zhi ba dang/ bde legs su 'gyur bar mdzad pa lags na zhes bya ba ni/ mi dge ba bcu la yang 'gro ba yang srung ste/ mtho ris kyi lam bstan pa'o/ /'khor ba'i 'jigs pa dang/ 'jig rten dang da ltar byung ba rnams kyi 'chi ba dang/ ngan song gsum las than par byed pa'o/ /mi dge ba bcu la 'gro ba yang bzung ste/ de las bzlog nas dge ba bcu las 'jug pa'o/ /dper na shing skam po 'gugs te/ khengs pa'i rang bzhin thabs kyis 'gugs pa bzhin du khengs pa khro bo'i rigs kyang bcom ldan 'das kyi gzi brjid kyis kyang 'dul bar byed pa'o/ /yang na zhi ba ni bcom ldan 'das sangs rgyas dang chos dang dge 'dun gyi byin brlabs kyis zhi bar byed pa'o/ /sdug bsngal dang bral zhing/ bde ba la
- 292a
bkod de/ yang dag pa'i ye shes thob par byed pa'o/ /yang na 'jig rten gyi khams lus dang/ ngag dang/ yid bde zhing phun sum tshogs te/ yi dags rnams kyis kyang 'tshe bar mi byed pa'o/ /mdzad lags na zhes bya ba ni/ bcom ldan 'das la tshangs pas yang nas yang du zhus pa'o/ /btsun pa bcom ldan 'das zhes bya ba ni/ lan gcig sngon du zhugs te/ lan gnyis pa ni/ da ltar zhus te/ phyi ma yang zhus pa'o/ /lan gcig lan gnyis lan gsum du/ tshangs pa rnams kyi yang dang yang du zhes pa'o/ /de nas bcom ldan 'das mi mjed kyi bdag po tshangs pa la cang mi gsung bar gnang ngo zhes bya ba ni/ de nas ni tshangs pas smras pa'i de nas so/ /sems can rnams la dmigs nas rig sngags kyi rgyal mo gsang sngags rjes su 'dzin ma zhal nas byung lte/ maM gi yi ge'i rang bzhin las nam mkha' bzhin du khyab pa/ 'od zer sna tshogs pa 'phros pas/ /'gro ba ris drug gi sems can thams cad kyi sdug bsngal dang bral ba dang/ stong pa nyid kyi rang bzhin/ thabs dang shes rab gnyis su med pa/ ngo bo dang bral zhing gang gis brjod du med pa de ni bcom ldan 'das shAkya thub pa'i zhal nas byung ngo/ /zhal bzhi pa/ phyag brgyad pa/ sku mdog dmar mo// gzhon nu'i cha byad can/ sangs rgyas lnga'i dbu can dang bcas pa/ spyan gsum pa/ rgyan thams cad kyi brgyan pa/ zhal g.yas dkar po/ g.yon mthing ba/ rgyab ser po'o/ /phyag dang po'aM g.yas g.yon gnyis na chos kyi rgyal po'i phyag rgya mdzad pa/ de'i 'og ma gnyis kyi byang chub mchog gi phyag rgya mdzad pa/ de'i 'og ma gnyis kyis mnyam gzhag gi phyag rgya mdzad pa g.yas pa'i tha mas mchod sbyin gyi phyag rgya mdzad pa/ g.yon pas skyabs sbyin gyi phyag
- 292b
rgya'o/ /zhabs pad+mar skyil krung du bzhugs pa/ ye shes lnga'i rang bzhin/ shes rab kyi ngo bo ni so sor tog pa'i ye shes thabs kyi ngo bo yang rig sngags kyi rgyal mo'o/ /'du shes kyi phung por pad+ma gsung gi rigs me'i khams ro'i skye mched do/ /pad+ma dang/ zla ba'i gdan la bzhugs pa 'di? nyi ma'i 'od zer dang ldan pa/ 'jig rten dang 'jig rten las 'das pa'i 'khor dang bcas shing/ rin po che sna bdun gyi gzhal med khang dang bcas nas byung ba'o/ /bcom ldan 'das kyis cang mi gsung zhing sems can gyi don la tshangs pa la sogs pas zhus pa la ting nge 'dzin gnang pa'o/ /de nas zhes bya ba ni/ bcom ldan 'das kyi ting nge 'dzin gyis gnang ba de nas so/ /mi mjed kyi bdag pa tshangs pas bcom ldan 'das kyis cang mi gsung pas gnas pa rig nas/ de nyid du mi snang bar ? to zhes bya ba ni/ stong spyi phud kyi rgyal po tshangs pas mngon par shes pas ting nge 'dzin gyis gnad par shes so/ /de nas zhes bya ba ni tshangs pas mngon par shes pa'i de nas so/ /bcom ldan 'das kyis dge slong rnams la bka' stsal ? zhes bya ba ni/ ting nge 'dzin las bzhengs nas/ byang chub sems dpa' dang/ nyan thos dgra bcom pa dang/ gzhan yang dge slong dang/ dge slong ma dang/ dge bsnyen pa dang/ dge bsnyen ma dang/ de la sogs pa mi dang/ lha dang lha ma yin dang/ 'byung po mang po 'dul ba'i 'khor gyi nang du bcom ldan 'das shAkya seng ges bka' stsal to/ /dge slong dag stong spyi phud kyi rgyal po tshangs ris kyi lha rnams dang bcas pa dang zhes bya ba ni gzugs kyi khams kyi lha gnas rigs bcu bdun dang ngo/ /lha'i ? dbang po brgya byin sum cu rtsa gsum pa'i lha rnams dang bcas pa dang/ zhes bya ba ni 'dod pa'i khams sum cu rtsa gsum nas yang la bsgrangs pa lnga dang bcas pa'o/ /rgyal po chen po bzhi rgyal chen bzhi pa'i ris kyi lha rnam dang bcas pa/
- 293a
dang zhes bya ba ni/ rgyal chen bzhi'i ris nas mar la bsgrangs ba dang lha ma yin dang/ gser gyi ri bdun phreng thogs kyi lha rnams la sogs pa'i 'dod pa'i khams kyi lha'i bu rnams dang thabs gcig go/ rgyal po bzhi ni ri rab kyi lcog la gnas pa'o/ /gnod sbyin gyi ded dpon chen po nyi shu rtsa brgyad dang/ 'brog ma bu dang bcas/ g.yog 'khor dang bcas pa rnams zhes bya ba ni/ gdon gyi rigs nyi shu rtsa drug dpon re re dang bcas pa stong phrag brgyad cu lha'i gdon la sogs pa re re yang stong phrag brgyad cu brgyad cu'o/ /de rnams dang thabs gcig tu'o/ /dag la ba der 'ongs nas/ mi mjed kyi bdag pos nga la 'di skad ces smras so zhes bya ba ni/ sems can gyi don la rig sngags kyi tshig smras so zhes pa'o/ /btsun pa bcom ldan zhes bya ba ni/ mi mjed kyi bdag po tshangs pas bcom ldan 'das la lan gcig lan gnyis/ lan gsum zhus pa'i lan bcom ldan 'das kyis dge slong rnams la bshad pa'o/ /mnga' mdzad pa lags te zhes bya ba ni chos kyi rang bzhin gyis stong gsum gyi stong chen po'i 'jig rten gyi khams sprul pa'i skus khyab pa'o/ /bcom ldan 'das kyang bzheng nas zhes bya ba ni/ tshangs pas yang nas yang du zhus pa'i tshig dge slong rnams la smras pa/ lan gsum zhus pa'o zhes smras pa'o/ /bde legs su gyur par mdzad du gsol/ /zhes gsol to/ /zhes bya ba ni sems can gyi don la sprul pa dang/ bde legs su gyur cig ces pa'o/ /dge slong ngag ngas kyang mi mjed kyi bdag po tshangs pa la cang mi gsungs pas gnang ngo zhes bya ba ni/ stong gsum gyi stong chen po'i 'jig rten gyi khams gyi sems can don la/ skad cig ma'i ting nge 'dzin gyi rig sngags 'bros pas 'gro ba rigs drug gi don mdzad pa'o/ /de nas mi mjed kyi bdag po tshangs pas cang mi gsung bas
- 293b
gnang bar rig nas de nyid du mi snang bar gyur to/ /zhes bya ba ni/ bcom ldan 'das kyis gsungs pa'i de nas te/ de mngon par shes nas tshangs pa la sogs pas kyang/ de rig par shes pa'o/ /dge slong dag rig sngags kyi rgyal mo gsang sngags chen mo rjes su 'dzin pa 'di zhes bya ba ni/ bcom ldan 'das rig sngags kyi nges tshig smras te/ rigs ni shes rab ste/ sngags ni thabs so/ /rgyal mo ni bdud rnams kyis mi tshugs te/ 'khor ba rnams 'joms pa'o gsang ba ni stong pa nyid yin te/ khyab che ba mi dmigs pa rdo rje'i rang bzhin yin te/ gang gis kyang smra bar mi nus te/ ngo bo rnam par dag pa chos kyi dbyings kyi ye shes mi dmigs pa ste gsang ba'o/ /sngags ni skyob pa/ srung ba/ ma man+t+ra'i rang bzhin/ sgyu ma lta bu/ chos thams cad kyang sgyu ma lta bu'o/ /sangs rgyas rnams kyang sgyu ma lta bu'o/ /bcom ldan 'das kyis kyang shes rab kyi pha rol tu phyin pa brgyad stong pa las/ stong gsum gyi stong chen po'i 'jig rten gyi khams kyang sgyu ma lta bu ste/ gzugs dang/ tshor ba dang/ 'du shes dang 'du byed dang/ rnam par shes pa rnams kyang rmi lam lta bu'o/ /sgyu ma lta bu ste/ sangs rgyas dang/ chos dang/ dge 'dun dang/ rmi lam lta bu sgyu ma lta bu'o/ /zhes gsungs so/ /yang sngags ni thams cad la khyab ste sprul pa'i sku'i rang bzhin gyis sems can rnams kyi don mdzad pa'o/ rjes su 'dzin pa ni rig sngags kyi rgyas btab ste/ sangs rgyas dang/ byang chub sems dpa' dang/ dgra bcom pa dang/ lha dang/ mi la sogs pa rjes su 'dzin te/ de'i ye shes kyi lam gyis/ thun mong dang/ thun mong ma yin pa'i 'bras bu thob pa'o/ /rig sngags 'di ni yang dag pa'i ye shes yin no/ /'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so/ /zhes bya ba ni/
- 294a
bsam gyis mi khyab pa/ gaM gA glung gi bye ma snyed kyi bye ba khrag khrig brgya stong mar me mdzad la sogs pa sangs rgyas rnams kyis gsungs pa'o/ /rjes su yi rang ste 'di'i lam nas sangs rgyas pa'o/ /ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang gsungs par 'gyur ro zhes bya ba ni/ ma 'ongs pa rnams ni bcom ldan 'das byams pa la sogs pa yin te/ de bzhin du de'i lam nas yang dag par rdzogs pa'i sangs rgyas thob pa'o/ /da ltar byung na yang 'di lta ste/ sangs rgyas kyi byang chub nyid la phan par bya ba'i phyir da ltar rang nyid kyis bshad do zhes bya ba ni/ smon lam gyi stobs kyis 'di'i tshe 'di la sems can gyi don la/ shAkya seng ges kyang gsungs shing rjes su yi rang ste/ 'di'i lam yang dag par rdzogs pa'i sangs rgyas thob pa'o/ /rig sngags kyi rgyal mo gsang sngags rjes su 'dzin pa'i tshangs pa la sogs pas rig sngags zhu ba'i gnas skabs te gsum pa'o/ /rig sngags kyi nges tshig gi rtags dang po rdzogs so// //de nas zhes bya ba ni 'das pa dang/ ma 'ongs pa dang da ltar zhugs pas gsungs pa'i de nas so/ /bcom ldan 'das kyi tshe dang ldan pa kun dga' bo la bka' stsal pa/ zhes bya ba ni gsang sngags kyi tshig 'di zung zhig ces gsungs nas/ kun dga' bo bcom ldan 'das kyis gtang pa'o/ /kun dga' bo khyod kyi rig sngags kyi rgyal mo/ /gsang sngags rjes su 'dzin pa 'di zung zhig ces bya ba ni sku gsum gyi rang bzhin la sems can rnams kyi don mdzad pa gsang sngags kyi tshig gis/ ma rig pa'i mun pa gsal te/ srid pa gsum yang 'joms pa/ sku gsung thug kyis bzung nas/ /sems can
- 294b
thams cad kyi don mdzad do zhes pa'o/ /chongs shig lhogs shig/ shod cig /kun chub par gyis shig ces bya ba ni/ nga'i bka' las ma 'das par byas shing/ sems can gyi don la nga mya ngan las 'das nas kyang/ gsungs shig rjes su yi rang zhing sems can thams cad la ston cig ces bya ba'o/ /yang na da ltar khyod kyis de ltar bzung nas sems can gyi don la tshig bzung bar gyis shig ces pa'o/ /kun dga' bo zhes bya ba ni/ bcom ldan 'das kyis yang dang yang du gsung pa'o/ /rig sngags kyi rgyal mo gsang sngags rjes su 'dzin ma 'di ni zhes bya ba ni/ gzhan gyis mi thub pa/ ngan song gsum 'joms pa/ bsod nams kyi tshogs dang/ ye shes kyi tshogs rnam par dag pa/ 'khor ba nas log pa dang/ sdug bsngal thams cad dang bral ba'o/ /'khor bzhi po rnams kyi don dang/ phan pa dang/ bde ba dang/ bde bar reg par gnas par 'gyur ro zhes bya ba ni/ med pa yod par byed de/ yod pa rnams kyang med par byed pa'o/ /bkra mi shis pa bkra shis par te/ brjed pa rnams kyang dran pa rnyed de/ shes rab chung ba rnams kyang shes rab dang ldan pa/ 'jigs pa rnams kyang mi 'jigs pa'o/ /tshe thung ba rnams kyang tshe ring bar byed de/ nad thams cad 'joms shing/ mi bde ba yang bde bar byed de/ ma rungs pa'i gdon rnams kyis/ dge ba dang/ chos byed du mi gter ba'i gdon rnams 'joms shing/ tshig tu brjod pa tsam gyis kyang/ lha dang/ lha khang dang/ khyim dang/ po ti dang/ glegs bam dang/ lugs sku la sogs pa rab tu gnas par 'gyur ro/ /yang na 'khor bzhi la sogs pa la bar chod med cing bde bar bgyid do/ /rig sngags 'di'i tshig ni/ pad+ma'i rigs kyis de bzhin gshegs pa'i rigs te/ mtshon pa ni chos kyi dbyings kyi ye shes so/ /mtshon byed mi rig sngags
- 295a
kyi rgyal mo gsang sngags rjes su 'dzin pa'o/ /phung po ni gzugs kyi phung po'o/ /sa'i khams ni mig gi skye mched/ ye shes lnga'i ngo bo nyid/ /sangs rgyas lnga'i dbu rgyan can/ spyan gsum/ sku mdog dkar po/ zhal gsum pa/ phyag drug pa/ rgyan thams cad kyis brgyan pa/ zhal g.yas mthing ka g.yon dmar ba/ phyag g.yas pa gsum na/ ral gri dang/ be con dang/ 'khor lo rnams so/ /g.yon pa gsum na rin po che dang/ zhags pa dang/ lcags kyu rnams so// g.yas brkyang ba/ g.yon bskum pas pad+ma'i steng na/ zla ba'i mtshan nyid nyi me'i 'od dang ldan pa ste/ zhi ba'i tshul du bzhugs pa'o/ /rig sngags kyi tshig 'di lta ste/ u bu d+he/ ni bu d+he zhes bya ba la sogs pa'o/ /kun dga' bo zhes bya ba ni/ bcom 'das shAkya thub pas bka' stsal to/ /yun ring po nas spyad pa'i gsang sngags stobs dang/ mthu rtsal dang ldan pa 'di ni zhes bya ba ni/ dpag tshad lnga brgyar gnas pas kyang/ 'di nas bsrungs na/ bskyab pa dang/ zhi ba dang/ bde legs su 'gyur ro/ /de bzhin du de bzhin gshegs pa rnams kyis gsungs pa bzhan du yang dag par gsung bar bya'o/ /'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so/ zhes bya ba ni/ rnam par gzigs dang/ gtsug tor can dang/ kun skyob dang/ log par dang sel dang gser thub dang/ 'od srungs rnams yin te/ de la sogs pa bye ba khrag khrig brgya stong brgya phrag gi gA klung gi bye ma snyed kyis gsungs pa'o/ ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang gsung bar 'gyur ro/ /zhes bya ba ni/ rin chen zla ba dang/ rin chen 'byung ldan dang/ kun tu bzang po dang/ chos 'byung ba dang/ rnam par snang mdzad dang/ zhal
- 295b
rnam par gzigs pa'i utpa la dang/ de bzhin gshegs pa byams pa la sogs pas dbu mdzad pa bsam gyis mi khyab pa sangs rgyas te/ de rnams kyis kyang gsung bar 'gyur ro/ /da ltar byung ba na yang/ 'di lta ste/ sangs rgyas kyi byang chub 'di nyid la phan par bya ba'i phyir da ltar nga nyid kyis bshad do zhes bya ba ni 'gro ba ris drug gi don la sprul pa'i skus khyab ste/ mi bde bde bar byed pa'i phyir da ltar byang chub sgrub pa'i phyir rig sngags kyi rgyal mo bsam gyis mi khyab pa gsungs pa'o/ /des zhes bya ba ni/ bcom ldan 'das shAkya thub pas sems can rnams bsrung bar byas ba'o/ /rig sngags kyi rgyal mo gsang sngags rjes su 'dzin pa 'dis ming 'di zhes bya ba la bsrung bar bya'o zhes bya ba ni/ sems can thams cad dang/ bdag ces bya ba srung bar byed do/ /rig sngags 'di 'chang zhing gus par byed pa gang yin pa la/ tshe 'di la yang srung ste/ de bzhin du tshe phyi ma la yang yin no/ /mtshams gcad do zhes bya ba ni/ mi nad dang/ phyugs nad dang/ ma rungs pa'i nad byung na/ yul 'khor mtshams gcad par bya ste/ rtsa ba'i sngags kyis seng ldeng gi phur pa la bris nas/ phyogs mtshams su btags te/ dbus su gcig gdab po/ /tshon skud sna tshogs kyis bskor zhing/ rgyal bas gsungs pa bzhin du dkyil 'khor yang dag par bzhes te/ de bzhin du phyogs mtshams su gang ba'i bum pa bzhag nas/ chu de yang rigs kyi bu pho 'am/ rigs kyi bu mo la sogs pas gtor bar bya'o/ /de bzhin du byas nas/ phyugs nad dang/ mi nad dang/ ma rungs pa'i nad thams cad zhi bar 'gyur ro/ /sngon du byung ba rnams kyang phyir 'byung ste/ phyi nas 'ong ba rnams kyis mi tshugs so/ /shar phyogs su rgyang grags gcig tshun can mtshams bcad do zhes bya ba ni/ ring na rgyang grags gcig tshun chad du mtshams bcad do/ /gal te phyed tshun chad do/ /tha ma la rang gi yul
- 296a
'khor tsam mo/ /phyogs dang phyogs mtshams thams cad kyi bar du yang rgyang grags gcig mtshams bcad do zhes bya ba ni/ sngar bshad pa'i rdzas dang/ sngags kyis kyang mtshams gcad par bya ste/ de bzhin du phyogs dang mtshams kyang shes par bya'o/ /de bzhin du byas par gyur na/ yul de bkra shis par 'gyur te/ nad rnams kyis mi tshugs shing/ lo legs te ser ba la sogs pas kyang mi tshugs so/ /rig sngags kyi rgyal mo gsang sngags rjes su 'dzin pa'i pad+ma'i rigs kyi rin po che'i rigs ma/ mtshon pa ni mnyam pa nyid kyi ye shes/ mtshon byed ni rig sngags kyi rgyal mo'o/ /phung po ni tshor ba'i phung po/ /chu'i khams sna'i skye mched do/ /ye shes lnga'i ngo bo nyid sangs rgyas lnga'i dbu brgyan can/ spyan gsum pa/ sku mdog ser mo/ /zhal gsum phyag drug pa/ zhal g.yas dkar po g.yon dmar po/ rgyan thams cad kyis brgyan pa/ phyag dang po g.yas g.yon gnyis kyi mda' gzhu 'gengs pa/ bar ma na rin po che/ tha ma na be con no/ /g.yon pa'i bar ma na/ dgra sta/ tha man zhags pa'o/ zhabs g.yas brkyang ba/ g.yon bskum pa/ pad+ma'i steng na zla ba'i gdan la nyi ma'i 'od dang bcas pa/ gzhon nu'i cha byad can la/ sgeg mo'i tshul dang ldan pa'o/ /rig sngags kyi tshig ni 'di lta ste/ sa mu tsa/ pi nu? ? sogs pa'o/ /kun dga' po zhes bya ba ni/ bcom ldan 'das kyis yang dang yang du bka' stsal pa'o/ /yun ring po nas spyad pa'i gsang sngags kyi stobs dang/ mthu rtsal dang ldan pa 'di dag ni zhes bya ba ni/ yul 'khor mtshams gcod pa dang/ nad rnams bcom pa dang/ 'di nas dpag tshad lnga brgya'i bar du yang/ yongs su khyab pa dang/ yongs su bzung ba dang/ zhi ba dang/ bde legs su 'gyur ro/ /rig sngags 'di 'dzin pa gang yang/ tshe 'di dang tshe phyi ma yang bde ba thobs cing yang dag
- 296b
pa'i ye shes thob par 'gyur ro/ /'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so/ /zhes bya ba ni de bzhin gshegs pas bstan pa nyi ma phyag mtshan dang/ tshe dpag med dang/ mi bskyod pa dang/ rgya mtsho rdo rje 'dzin pa la sogs pa de bzhin gshegs pa bye ba khrag khrig brgya stong phrag brgya'i gaM gA klung gi bye ma snyed kyis kyang rjes su yi rang zhing gsungs pa'o/ /ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang gsung bar 'gyur ro/ zhes bya ba ni/ de bzhin du 'jig rten dbang phyug dang/ 'jam dpal dang/ rdo rje snying po la sogs pa bsam gyi mi khyab pa'i de bzhin gshegs pa rnams kyis kyang rjes su yi rang zhing gsungs pa'o/ /da ltar byung ba na yang ngas bshad do zhes bya ba ni/ sems can gyi don la sprul pa'i skus khyab pa ste/ bcom ldan 'das shAkya thub pas sems can gyi don la rjes su yi rang zhing yang dag par gsungs pa'o/ /mi mjed kyi bdag po tshangs pas kyang bshad do zhes bya ba ni/ rig sngags 'di'i lam nas tshangs pa'i ngo bo thob cing/ gus pas mchod par bya ste/ tshangs pas kyang rjes su yi rang zhing gsungs pa'o/ /kun dga' bo/ /dge slong ngam/ dge slong ma 'am/ dge snyen nam/ dge bsnyen ma gang la la rig sngags kyi rgyal mo gsang sngags chen mo rjes su 'dzin pa 'di bzung nas zhes bya ba ni/ rig sngags 'di bzung na ni pha rol tu phyin pa bcu thob ste/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ stobs dang/ smon lam dang/ ye shes kyi pha rol tu phyin pa ste/ de bzhin du 'di yi lam nas sa bcu'i byang chub thob pa'o/ /ji ltar bstan pa dang ji ltar kun chub par byas pa bzhin du shes sam/ zhes bya ba ni/ mi 'gyur ba rdo rje bzhin du bstan te/
- 297a
bsam gyi mi khyab cing/ mnyam pa nyid kyi ye shes bzhin du sems can la khyab pa'o/ /nam mkha' bzhin du kun la khyab ste/ 'jig rten gyi khams thams cad la yang ma lus par chos kyi khyab pa'o/ /ye shes kyi spyan gyi rnam par gzigs te/ de ltas pa'i phyir na shes par grags pa'o/ /mthong ngam las byed pa'i de la ni ji srid 'tsho'i bar/ srung ba dang/ yongs su bskyab pa dang/ yongs su bzung ba dang/ zhi ba dang/ bde legs su 'gyur bar byas par 'gyur ro zhes bya ba ni/ ye shes med par ye shes thob cing/ dper na mun pa'i nang me mar btang ba bzhin du bstan te/ yang dag pa'i ye shes thob cing 'jig rten 'di la yang bsrung zhing skyob ste/ shing ljon pa la nyi ma shar ba'i dus su sems can der song ba rnams bsil bar byed de/ ji srid ma shi'i bar du/ nad dang 'bral zhing dpal dang ldan te/ mya ngan la sogs pa bor zhing bde ba la gnas pa'o/ /de bzhin du tshe phyi ma la yang chos 'di dran zhing bde bar 'gyur ro/ /kun dga' bo zhes bya ba ni/ bcom ldan 'das kyis bka' stsal ba'o/ /'das pa dang/ ma 'ongs pa dang/ da ltar byung ba'i sangs rgyas bcom ldan 'das rnams kyis bka' stsal pa/ zhes bya ba ni/ mar me mdzad dang/ byams pa dang/ shAkya thub pa la sogs pas kyang gsungs te/ rjes su yi rang zhing rig sngags kyis rgyas btab pa'o/ /rig sngags kyi rgyal mo gsang sngags chen mo rjes su 'dzin ma 'dis ming 'di zhes bya ba la bsrung bar bya'o/ /zhes bya ba ni/ gang zag dang/ sems can thams cad dang/ 'di 'dzin par byed pa gang yang rung ba la/ srung zhing yongs su bskyab pa dang/ yongs su gzung ba dang/ zhi ba dang/ bde legs su 'gyur ro/ /shi 'phos nas yang de bzhin te/ bla na med pa'i byang chub thob par 'gyur ro/ /yongs su bskyab pa dang/ zhes bya ba ni gong du
- 297b
bshad pa bzhin du/ zhi ba dang/ bde legs yin te/ sems can de yang ma shi'i bar du bde zhing/ tshe phyi ma yang de bzhin no/ /mtshams bcad do zhes bya ba ni/ ma rungs ba'i gdon rnams yi ge la bris la mnan par bya ste/ de'i steng du yang rig sngags kyi rgyal mo'i gzugs 'di bris la bum pa chen po byas te/ rab tu gnas pa byas nas/ rig sngags kyi gsang sngags bris nas/ mchod rten gyi rtse mo la btags te/ de mthong ba tsam gyis kyang gden sa dug pa can rnams kyis 'od mi nus so/ /ring na rgyang grags gcig ste/ bar ma la rgyang grags phyed/ thung ba la yul 'khor tsam mo/ /shar phyogs mtshams gcad do/ /zhes bya ba la sogs pa ni/ gong du bshad pa bzhin du phyogs mtshams la rig sngags bris pa mchod rten gyi rtse mor gdags par bya'o// de ltar byas na 'jigs pa thams cad dang 'bral bar 'gyur ro/ /kun dga' bo zhes bya ba ni/ bcom ldan 'das shAkya thub pas yang nas yang du bka' stsal pa'o/ /rgyal po chen po bzhi lam dang/ lam ma yin pa na gnas pa bzhi yod de zhes bya ba ni/ rgyal po bzhi'i lam ni yul 'khor srung gis lam nas gnas pa dang/ 'phags skyes po'i lam nas gnas pa dang/ spyan mi bzang gi lam nas gnas pa dang/ lus ngan po'i lam nas gnas pa dang/ de bzhi yang/ sku mdog dkar po dang/ ser po dang/ dmar po dang/ ljang gu ste/ de bzhin du phyag mtshan ni/ 'khor lo dang/ dbyug thod dang/ sbrul gyi zhags pa dang/ ral gri ste/ de yang phyag g.yas pa rnams na rim pa bzhin du'o/ /pi wang dang rin po che ste/ pad+ma dang bum pa rnams ni/ phyag g.yon pa rnams na bsnams pa'o/ /glang po che dang/ rus sbal dang/ chu srin dang/ seng ge rnams yin te/ de rnams kyi don zhes bya'o/ /yang na rgyal po bzhi'i lam ni/ rgyal po bzhi po rnams kyis srung ba'o/ /lam
- 298a
ma yin pa ni/ rgyal po chen po rnams kyi bu yin te/ de bzhis kyang rgyal bran dang/ 'khor ba la sogs pa bskul zhing/ sems can rnams la 'tshe bar byas so/ /de dag gang zhe na zhes bya ba ni/ shar dang/ lho dang/ nub dang/ byang dang rnams gnod pa skyel te/ bgegs rigs stong phrag brgyad cu yang de bzhi la 'dus pa'o/ /de ni 'di lta ste/ bkra shis ldan dang/ kun shes dang/ gang po dang/ dga' ba'i dpal rnams te/ zhes bya ba ni/ nag po dang/ ljang nag dang/ dmar nag dang/ thal ba'i mdog rnams yin te/ de'i gzugs kyang rim pa bzhin du bshad de/ seng ge dang/ stag dang/ spre'u dang/ byi la'o/ /phyag mtshan yang/ gtun shing dang/ 'byug tho dang/ mdung dang/ ral gri'o/ /de ni g.yas pa rnams yin te/ g.yon pa na zhags pa bsnams pa'o/ /gzhon pa de yang gzugs ji bzhin du zhon pa yang de bzhin no/ /gang de dag gi mi shes pa dang/ zhes bya ba ni/ rig sngags kyi rgyal mo gsang sngags rjes su 'dzin pa'i sngags 'don cing/ de ngo bos 'dzin par shes na/ rgyal po rnams kyi 'jigs pa dang bral bar 'gyur ro/ /rus shes pa de la ni zhes bya ba ni/ rgyal po bzhi'i 'khor gyis nad btab pa bzhin du/ de rnams kyis kyang nad pha la nad kyis btab pa'o/ /rgyal po bzhi'i 'jigs pa mi 'byung ngo zhes bya ba ni/ rig sngags kyi gzi brjid kyi 'khor dang/ g.yog rnams kyis kyang mi nus pa'o/ /chom rkun gyi 'jigs pa dang zhes bya ba ni/ rig sngags kyi gzi brjid kyi chom rkun rnams kyang mi 'byung ste/ gal te 'od bar gyur na/ nor mi rnyed cing long par 'gyur ro/ /me'i 'jigs pa dang zhes bya ba ni/ rig sngags kyi bsrung ba'i gzi brjid kyis grong tsam la yang mi tshugs so/ /chu'i 'jigs pa dang zhes bya ba ni/ chu'i nang na rdzings chen po la
- 298b
yod par gyur na/ ga ra btang na yang ldog par mi 'gyur ro/ /mi'i 'jigs pa dang zhes bya ba ni/ rgyal po dang/ mi rgod la sogs pa yin te/ de'i nyes pas kyang 'jigs pa de mi 'byung ste/ mi rgod kyi nang du 'gro yang mi choms so/ /ya na de kun dang phrad par mi 'gyur ro/ /mi ma yin pa'i 'jigs pa mi 'byung ngo zhes bya ba ni lha'i gdon rnams yin te/ de la sogs pa gdon phran tshegs ngan byed la sogs pa yod de/ rig sngags kyi gzi brjid kyis 'jigs pa de mi 'byung ba'o/ /kun dga' bo zhes bya ba ni/ bcom ldan 'das kyis yang dang yang du gsungs pa'o/ /lag na rdo rje'i bu pho lag myur zhes bya ba/ grong khyer khor yug tu ces bya ba na gnas pa yod de zhes bya ba ni/ stobs che zhing gzi brjid che ba/ gnod sbyin thams cad kyi ded dpon/ sems can rnams la 'tshe bar mi byed pa/ sku mdog mthing nag /zhal gcig pa/ phyag gnyis pa ste/ phyag g.yas na rdo rje be con 'dzin cing/ g.yon pa na sdig mdzub dang/ zhags pa bsnams pa'o/ /de bzhin du grong khyer yang rin po che sna bdun las grub pa/ gnod sbyin pho mo mang po 'du zhing nges sde dpon mdzad pa'o/ gang de'i ming shes pa dang/ rus shes pa de la ni zhes bya ba ni/ rig sngags kyi rgyal mo'i gzi brjid kyis/ gnod sbyin de rnams 'khor dang bcas pa de rnams kyis kyang de la bsrung bar byas so/ /de srung bar byed ces bya ba ni/ rig sngags dang/ rdo rje slob dpon la sogs pa'i dam las ma 'das na/ grogs byed cing/ dpal dang ldan par byed do/ /yongs su skyob par byed/ yongs su 'dzin par byed/ chad pa bzlog par byed/ zhi ba dang/ bde legs su 'gyur bar byed ces bya ba ni/ phun sum tshogs par byed de/ de'i byin brlabs kyis/ zhi ba dang/ rgyas pa'i las thob cing/ nad thams cad las thar zhing/ bkra shis par gnas ba'o/ /ming 'di zhes bya
- 299a
ba'i phyir/ lag na rdo rje'i bu po lag myur las lo zhes bya ba ni/ rig sngags kyi cho ga bzhin du byas te/ bu de yang gnod sbyin la bcol bar gyur na/ byis pa'i gdon rnams kyis kyang mi tshugs te/ gzhan rnams kyis ci smos te/ tshe ring zhing nad med pa dang/ dus ma yin pa 'chi ba'i 'jigs pa dang bral zhing/ 'jig rten pa'i dngos grub thob par 'gyur ro/ /gsol ba 'debs so/ /zhes bya ba ni/ rjes su mthun pa'i gtor ma dang/ spos dang/ zhal zas la sogs pa/ mngar gsum dkar gsum la sogs pa byin nas gsol ba yang nas yang du gsol lo/ /de bzhin byas nas mngon sum du skad cig mas 'khod par 'gyur ro/ /'das pa dang/ ma 'ongs pa dang/ da ltar byung ba'i sangs rgyas bcom ldan 'das rnams kyis bkas/ gang ming 'di zhes bya ba skabs tshol ba dang zhes bya ba ni/ 'das pa rnams ni sangs rgyas mar me mdzad la sogs pa bsam gyis mi khyab pa'i de bzhin gshegs pa rnams yin te/ ma 'ongs pa ni byams pa la sogs pa yang bsam gyis mi khyab pa'o da ltar yod pa/ yang dag par rdzogs pa'i sangs rgyas shAkya thub pa yin te/ rig sngags kyi rgyal mo gsang sngags rjes su 'dzin ma 'di la sus gus par byas na/ 'di 'cha? ba dang/ klog pa dang/ bsgom pa dang/ rjes su yi rang ba la sogs pa byas na/ sangs rgyas de rnams kyis kyang byin gyis rlabs shing/ nad rnams med cing bde bar 'gyur te/ gzhan gyis kyang glags tshol bar mi 'gyur ro/ /ming 'di zhes bya ba ni/ sems can thams cad dang/ gang zag bdag rnams yin te/ glags lta ba'i gnod sbyin nam/ srin po 'am yi dags sam/ sha za 'am/ grul bum 'am/ srul po 'am/ lus srul po rnams kyis bdag la glags rnyed
- 299b
par ma gyur cig ces bya ba ni/ sems can thams cad la gnod par byed 'dod pa'i yi dags rnams kyis kyang rig sngags 'di srung bas mi tshugs te/ gnod sbyin gyi gdon bzhin mi sdug pa/ bsam gyis mi byab pa/ bsam pa ngan pa de rnams kyis kyang mi tshugs shing sems can thams cad dang/ gang zag de la gnod par mi byed de/ de bzhin du srin po dang/ yi dags dang/ sha za dang/ grul bum dang/ srul po dang/ lus srul po rnams kyis kyang gnod par mi byed do/ /glags tshol bas kyang glags mi rnyed do/ /bdag dang klan ka rnyed par ma gyur cig ces bya ba ni/ gang zag dang/ sems can thams cad la klan ka ci smos te/ rtsar nye bar yang mi nus so/ /kun dga' bo zhes bya ba ni/ yang dag par rdzogs pa'i sangs rgyas shAkya thub pas/ sems can gyi don la yang nas yang du bka' stsal pa'o/ /srin mo chen mo bcu bzhi yod do zhes bya ba ni/ gzi brjid che zhing stobs dang ldan pa/ dbyibs dang/ kha dog dang ldan pa ste/ lha dang/ lha ma yin gyi 'thab rtsod la rtsod par nus pa sha stag go /de dag ni byang chub sems dpa' yum gyis lhums na bzhugs pa na yang srung zhes bya ba ni/ rgyu'i byang chub sems dpa' yin te/ rgyu'i byang chub sems dpa' ci'i phyir yin zhe na/ rig sngags 'di'i lam nas yang dag pa'i byang chub thob par 'gyur te/ bslab pa dang/ slob pa yod pa de yang byang chub kyi sems kyi rgyu yin te/ dang po ma rig pa'i mun pas bkab nas mi snang bar 'gyur te/ de yang de bsal nas/ rin po che shel bzhin du phyi nang med bar gsal bar 'gyur ro/ /sems can dang/ sangs rgyas la yang gnyis su med cing so so ma yin te/ sems can gyis sangs rgyas grub pa yang byang chub kyi sems yod pas 'grub ste/ sems can la yang byang chub sems dpa' zhes grags so/ /'o na sems med pa'i bem po rnams sangs rgyas te/ de'i
- 300a
phyi ngan sems can dang/ sangs rgyas gnyis su med pa'o/ /de bzhin du byang chub sems dpa' ma'i lhums na bzhugs pa la srung ba zhes bya'o/ /bltams pa'i tshe yang srung/ bltams zin pa'i 'og tu yang srung zhes bya ba ni/ skye ba'i bar yang bde ba ste/ skyes nas kyang bde ba'o/ /rig sngags kyi rgyal mo 'di la gus par byed na/ tshe ring zhing gzi brjid dang ldan par 'gyur ro/ /sku 'khrungs na yang srung ste zhes bya ba ni/ tshe la bar chod med cing/ 'chib la ma thug gi bar du bde byas shing srung bar 'gyur ro/ /bcu bzhi gang zhe na/ zhes bya ba ni de'i sku mdog dang/ phyag mtshan ni nag mo dang/ ser mo dang/ dkar mo dang/ dmar mo dang/ ljang gu dang/ sngo bsangs dang/ dmar ser dang/ dkar ser dang/ ljang nag dang/ mthing nag dang/ thal ba'i mdog dang/ dkar po/ dmar po/ ser po'o/ /phyag mtshan ni 'khor lo dang/ gshol dang/ /tun shing dang/ mdung dang/ mda' gzhu dang/ shak+ti dang/ to ma ra dang/ zhags pa dang/ dgra sta dang/ rtse gsum dang/ rdo rje dang/ kha? TwAM ga dang/ ral gri bsnams pa'o/ /bcu bzhi ni 'di sha stag go /'di lta ste/ zhes bya ba ni/ stobs ldan ma la sogs pa'o/ /gang de dag gi ming shes pa dang/ zhes bya ba ni/ ming gong du bstan te/ rus shes pa de la ni de dag srung bar byed ces bya ba ni/ sku mdog dang/ phyag mtshan dang/ mtshan nyid shes pa'o/ /yongs su skyob par byed la sogs pa zhes bya ba ni/ nad med cing bde ba ste/ /bar chod kyis mi tshugs par 'gyur ro/ /kun dga' bo zhes bya ba ni/ rig sngags kyi tshig bcom ldan 'das kyis yang dang yang du gsungs pa'o/ /srin so chen mo brgyad yod do zhes bya ba ni/ gzi brjid che zhing stobs dang ldan pa ste/ longs spyod dang ldan zhing/ lha dang/ lha ma yin gyi 'khrug pa la yang
- 300b
rtsod par nus pa'o/ /de dag ni/ skyes pa dang/ bud med gnyid log kyang rung/ gnyid ma log kyang rung ste/ gzi brjid 'phrog par byed do/ /zhes bya ba ni/ sems can la 'tsho bar byed cing/ klags tshol te/ sdang ba'i sems dang/ drag shul gyi sems dang/ sdig pa'i sems dang ldan zhing/ srog gcod par byed pa'i sems dang ldan pa'o/ /de dag kyang gang zhe na/ zhes bya ba ni/ kha dog dang/ dbyibs bstan pa dang/ kha dog ni/ ljang nag dang/ sngon po dang/ nag khra dang/ stag ris dang/ mthing ka dang/ nag po dang/ dmar nag dang/ thal ba'i mdog dang/ dbyibs ni/ khyi dang/ wa dang/ spyang gu dang/ stag dang/ phag dang/ 'ug pa dang/ pho rog dang/ ra dang ngo/ /phyag mtshan ni/ ro dang/ thal ba dang/ zhags pa dang/ sprul gyi zhags pa dang/ me 'gal dang/ hom khud dang/ snying dang/ thod pa'o/ /'di dag ni mi srun zhing sems can rnams la 'tshe bar byed pa'o/ /'di lta ste/ zhes bya ba ni/ brgyad pa'i grangs dang/ mi bstan te/ de ni ra la sogs pa'o/ /gang de dag gi ming shes pa dang/ rus shes pa de la ni zhes bya ba ni/ rig sngags kyi rgyal mo gsang sngags rjes su 'dzin pa'i stobs dang/ gzi brjid dang/ mthu rnams kyis kyang srungs te/ rig sngags kyi bka' las mi 'da' zhing srungs te/ 'on kyang rig sngags kyi gzi brjid kyis ming rus shes par byed pa'o/ /de dag srung bar byed ces bya ba la sogs pas ni/ gnod par mi nus shing/ bde ba la bkod de/ rig sngags kyi gzi brjid kyis sems can rnams la/ sdig can rnams kyis kyang 'tshe bar mi byed cing/ nad thams cad dang 'bral bar byed pa'o/ /kun dga' bo zhes bya ba ni/ kun dga' bo la yang dag par rdzogs pa'i sangs rgyas kyis yang dang yang du bstan pa'o/ /srin mo chen mo bdun yod de zhes bya ba ni/ gzi brjid che zhing kha dog dang ldan pa/ rdzu 'phrul che zhing/
- 301a
stobs dang ldan te/ lha dang lha ma yin gyi 'thab rtsod la yang rtsod par nus pa'o/ /de dag ni khrag gi dri ma nam na dpag tshad lnga brgyad rgyug go zhes bya ba ni/ skad cig mas gang na yod pa'i sha khrag tshong ga de bzhin du skad cig mas len nus te/ sems can rnams la 'tshe bar byed pa'o/ /de dag kyang gang zhe na zhes bya ba ni/ kha dog dang/ dbyibs bstan te/ de'i kha dog ni/ ser mo dang/ dmar mo dang/ sngon mo dang/ ljang gu dang/ sngo bsangs dang/ nag mo dang/ mthing ka ste/ gzugs ni khro bo dang ldan pa ste/ skra ser po gyen du 'bar zhing/ drag po'i tshul du yod de/ zhags pa 'dzin pa sha stag go /'di lta ste zhes bya ba ni/ bdun pa'i grangs dang/ ming bstan pa ste/ gzi brjid mchog dang zhes bya ba la sogs pa'o// //gang de dag gi ming shes pa dang/ rus shes pa de la ni zhes bya ba ni/ sring mo bdun gyi ming dang/ rus ni rig sngags kyi gzi brjid kyi shes par 'gyur te/ de rnams kyis kyang rig sngags kyis dka' las mi 'da' o/ /zhes srung bar byed zhes bya ba la sogs pa ni rig sngags stobs kyis/ nor dang/ 'bru dang/ phyugs rnams kyang 'phel te/ de bzhin du bum pa rnams kyang yin no/ /nad med cing 'byung po rnams kyi 'tshe ba yang mi 'byung ngo/ /kun dga' bo zhes bya ba ni/ bcom ldan 'das kyis kun dga' bo la bka' stsal pa'o/ /sring mo chen mo nag mo zhes bya ba ni/ gzi brjid che zhing stobs che ba ste/ ri rab kyi rtse mo yang sgul nus pa ste/ de'i dbyibs dang/ kha dog la sogs pa ni/ ming dang mthun te/ phyag mtshan ni/ gri gug dang/ thod pa bsnams shing/ ral pa ring po gcig tu 'khyil ba yod do/ /mi srung zhing sems can rnams la gnod par byed pa'o/ /bu stong
- 301b
yod pa rgya mtsho'i 'gram na gnas pa zhes bya ba ni/ ma bzhin du bu rnams kyang yin te/ sems can la 'tshe bar byed cing zas 'tshe bar byed pa ste/ laM ka'i lho phyogs na rgya mtsho'i 'gram na tshal zhig na gnas pa'o/ /mtshan gcig gis dpag tshad brgyad khrir phyin pa zhig yod do/ /zhes bya ba ni/ sha dang/ khrag yod pa'i sar gnas nas kyang tshor nas/ bslangs nas khyer nus pa ste/ de bzhin du sha dang/ khrag gi phyir sems can rnams la gnod par byed pa'o/ /sha khrag 'thung shing srog 'phrog pa'o/ /gang de'i ming shes pa dang/ rus shes pa de la ni/ zhes bya ba ni/ rig sngags kyi rgyal mo gsang sngags rjes su 'dzin pa'i gzi brjid kyis/ ming dang rus shes par 'gyur te/ de'i gzi brjid kyis kyang de rnams kyis kyang gnod mi nus shing/ 'thab rtsod yod na nam yang rgyal bar byed cing grogs kyang byed pa'o/ /de bsrung bar byed ces bya ba la sogs pa ni/ rig sngags kyi gzi brjid kyis/ 'tshe bar mi nus shing snying rje dang ldan te/ gang gi yang sdug bsngal dang 'bral zhing bde bar byed pa'o/ /kun dga' bo zhes bya ba ni/ yang dang yang du bcom ldan 'das kyis bka' stsal pa'o/ /srin mo chen mo lnga zhes bya ba ni/ stobs dang ldan zhing gzi brjid che ste/ kha dog dang ldan zhing grags pa che ba/ rdzu 'phrul dang ldan zhing/ snying rje che ba ste/ skad cig mas 'dzam bu'i gling du/ sems can gyi don la skor nus pa'o/ /gnod sbyin 'bum phrag bdun cu rtsa bdun dang/ lhan cig 'dzam+bu'i gling gi mi rnams srung zhing skyob pa yod de zhes bya ba ni/ rnam thos sras kyi chos rnams yin te/ de rnams kyis kyang sems can rnams la srung ba dang/ skyob par byed de/ sems can gyi don la gnas shing/ gzhan sdig pa mi dge ba'i las la mi
- 302a
'jug cing/ sems can gyi don 'ba' zhig la gnas pa'o/ /de dag kyang gang zhe na/ zhes bya ba ni/ gtso bor gyur pa lnga yin te/ de dag gi kha dog dang/ dbyibs ni/ kha dog legs shing 'dzum bstan pa ste/ rtag tu zhi bar gnas pa'o/ /de'i sku mdog ni/ ser po dang/ dkar po dang/ sngo bsangs dang/ dmar po dang/ ljang gu'o/ /phyag mtshan ni/ 'khor lo dang/ dung dang/ dgra sta dang/ rtse gsum dang/ ral gri dang/ zhags pa bsnams pa'o/ /'di lta ste/ zhes bya ba ni/ lnga po 'di dag la sogs pa thams cad de bzhin yin te/ rtag tu myos dang zhes bya ba la sogs pa 'bum phrag bdun cu rtsa bdun gyi jo bo ni de rnams yin no/ /gang de dag gi ming shes pa dang/ rus shes pa de la ni zhes bya ba ni/ rig sngags kyi rgyal mo'i gzi brjid kyis/ ming dang/ rus kyang shes te/ rig sngags kyi mthus/ rig sngags kyi bka' las mi 'da' o/ /de dag srung bar byed do zhes bya ba la sogs pa ni/ sems can de yang bde bar gnas te/ nad med cing/ de rnams kyis rtag tu skyong bar 'gyur ro/ /de bas na zhes bya ba ni gzhan gzhin du lo mi rtag pa ma yin te/ de la bcol bar 'gyur na tshe ring zhing nad med de/ gzhan rnams kyis kyang mchod par 'os pa'o/ /bdag gi ming 'di zhes bya ba'i phyir srin mo/ /lnga po gnod sbyin 'bum phrag bdun cu rtsa bdun dang bcas pa de dag la gsol lo zhes bya ba ni/ gang zag dang/ sems can thams cad 'di la bcol bar byas na/ gang yang sdug bsngal dang bral zhing bde bar gnas so/ /gsol ba 'debs so zhes bya ba ni/ de bzhin du sems can rnams kyis kyang/ rig sngags kyi rgyal mo gsang sngags rjes su 'dzin ma dang/ srin mo de dag dang/ gnod sbyin de rnams la gus par byas
- 302b
shing mchod par bya'o/ /'das pa dang/ ma 'ongs pa dang/ da ltar byung ba'i sangs rgyas bcom ldan 'das kyi bkas/ ming 'di zhes bya ba ni/ 'das pa ni mar me mdzad la sogs pa'o/ /ma 'ongs pa la sogs pa rnams yin te/ da ltar bzhugs pa ni shAkya thub pas rig sngags kyi bka' 'di gsungs shing/ sems can gang zag rnams la bsrung shing skyob pa'o/ /bsrung ba gyis shig ces bya ba la sogs pa ni/ sangs rgyas kyi bka' dang/ rig sngags kyi gzi brjid kyis/ 'khor ba bcom zhing bde ba la gnas te/ yang dag pa'i byang chub kyi lam la 'god pa'o/ /rig sngags 'di ni pad+ma'i rigs yin te/ mtshon pa ni so sor rtog pa'i ye shes so/ /mtshon byed ni rig sngags kyi rgyal mo nyid do/ /phung po ni 'du shes kyi phung po/ khams ni me'i khams/ skye mched ni ro/ sangs rgyas lnga'i dbu rgyan can/ spyan gsum pa/ rgyan thams cad kyi brgyan pa/ zhal gsum pa/ phyag drug pa/ sku mdog dmar mo/ /zhal g.yas dkar ba g.yon mthing ka/ phyag g.yas pa gsum na bsnams pa ni/ ral gri dang/ pad+ma dang/ dung bsnams pa'o/ /g.yon pa gsum na zhags pa dang/ lcag kyu dang/ rdo rje bsnams pa'o/ /zhabs g.yas brkyang pa/ g.yon bskum pa/ pad+ma'i steng na zla ba'i gdan nyi ma'i 'od dang bcas shing/ cung zad khro bo'i tshul du bzhugs pa'o/ /rig sngags kyi tshig ni 'di lta ste/ pi mu ku te/ bi mu ku ta/ ba te la sogs pa'o/ /kun dga' bo zhes bya ba ni/ yang sems can gyi don la/ bcom ldan kyis bka' stsal to/ /rig sngags kyi rgyal mo gsang sngags chen mo rjes su 'dzin ma 'dis/ zhes bya ba ni/ bsam gyis mi khyab pa/ ye shes kyi rang bzhin te/ rdo rje lta bus khyab cing/ srung ba dang/ skyob pa yang yin no/ /'di lta bu'i rig sngags kyis kyang phyogs mtshams thams cad du khyab pa'o/
- 303a
gang la srung ba dang zhes bya ba ni/ gang yang 'jig rten gyi khams mnyam pa nyid du ltas shing srung ba'o/ /sba ba byas pa dang zhes bya ba ni gsang sngags cho ga du gsang ba ste/ 'jig rten khams kyi sems can thams cad gsang bzhin du bsrung ste/ sems can thams cad kyi gzhan gyis mi tshor zhing sangs rgyas pa'o/ /yongs su bskyab pa byas pa dang/ yongs su bzung ba byas pa dang zhes bya ba ni/ ngan song gsum nas bton nas mtho rigs su btang ste/ ngan song gsum gyi sdug bsngal las bskyab pa'i phyir na/ bskyabs pa zhes bya ste/ mtho ris su btang nas na bzung ba'o/ /zhi ba dang bde legs su 'gyur ba dang zhes bya ba ni/ chos 'di'i nyams myong gis zhi ba ste/ ji ltar zla ba bzhin du sems can rnams zhi bar byas te/ chos 'di'i don rtogs pas sems can lus ngag zhi ba'o/ /de bzhin du 'jig rten gyi khams kyi sems can rnams bde bar gnas pa'o/ /chad par bzlog par byas pa de la ni zhes bya ba ni/ 'jig rten 'di'i chad pa dang/ bdud bzhi rnams kyi chad pa ste/ rig sngags kyi gzi brjid 'dis gang gi chad pa yang 'ong bar mi nus so/ /lha dang bcas pa'i 'jig rten dang zhes bya ba la sogs pa ni/ stong gsum gyi stong chen po'i 'jig rten gyi khams kyi gzugs kyi khams dang/ 'dod pa'i khams kyi lha dang bcas pa/ rnams kyi 'byung po rnams dang/ 'jig rten gyi khams su skad cig mas rgyu ba stong phrag bcu brgya phrag nyi shu rtsa drug /de'i g.yog dang bcas pa yang de bzhin te/ de dag kyang stong gsum gyi stong chen po'i 'jig rten gyi khams su rgyu ba'o/ /glags lta ba dang/ glags tshol ba rnams kyis zhes bya ba ni/ sems can rnams la bar chod nas/ dge ba byed pa yang mi byed pa'i glags dang/ mi 'jigs
- 303b
pa yod pa 'jigs par byas te/ phyug po de yang ltogs por btang ba/ mi na ba na ba'i glags dang/ dga' ba mi dga' bar byed pa'i glags dang/ mthun pa rnams par du bcad nas so sor byas te/ sdom pa srung ba mi srung bar byed pa'i sems dang ldan par byed pa/ gti mug la sogs pa'i 'dod pa rnams khong du zhugs shing/ sred pa dang/ 'dod chags la dga' zhing/ zhe sdang la gnas te/ 'thab rtsod la dga' bar byed pa'i glags dang/ tshe ring ba thung bar byas te/ dge ba byed pa la rtag tu bar chod byed pa/ rnams 'di yin te/ klan ka ko ba dang/ glags tshol bas kyang glags mi rnyed de/ rig sngags kyi gzi brjid kyi glags tshol ba'i skabs kyang mi rnyed pa'o/ /yang na glags tshol ba rnams kyis rnyed pa 'am/ bgegs kyis rigs lta bu 'am/ ma 'am/ srin mo 'am/ bu 'am/ nye ba la sogs par skyes nas glags tshol te/ de'i glags kyis kyang mi tshugs so/ /glags rnyed pa'am/ /klan ka rnyed pa'i sems can gang nas yang med la zhes bya ba ni/ rig sngags kyi rgyal mo gsang sngags rjes su 'dzin ma'i ngo bo nyid rtogs na glags mi rnyed do zhes bya ba'o/ /ngo bo nyid gang zhe na/ thabs dang shes rab gnyis su med cing bsod nams kyi tshogs dang/ ye shes kyi tshogs yang dag par bsgoms te/ a las gnas shing ngo bo nyid bral ba'o// ma 'jig rten gyi khams rgyu ba lta bur bsgoms te/ de bzhin du mas khyab pa'o/ /tra sprul sku ste/ sems can gyi don la gnas pa'o/ /de lta bur sems kyis rtogs na glags kyang ga la rnyed de/ rnyed par yang mi 'gyur ro/ /ngas yang dag par ma mthong ste/ de ni gnas med do zhes bya ba ni/ rig sngags kyi lta ba 'di rtogs na de rnams kyis glags kyang mi rnyed cing/ gnod pa yang gang yang skyel ba med do/ /rig sngags kyi gzi brjid kyis de gang yang ma grub pa'o/ /yang na
- 304a
de rnams kyi gzi brjid 'phrog pa'o/ /rig sngags kyi rgyal mo gsang sngags rjes su 'dzin ma'i 'byung po rnams kyi mtshan nyid bshad pa'i gnas skabs te bzhi pa'o// //las kyi rnam par smin pa ni ma gtogs te zhes bya ba ni/ sngon bsags pa'i las dang/ sngon du mtshams med pa lnga byas na/ sngon du bshags dgos te/ sngon du bshags par ma gyur na/ las kyi rnam par smin pa de yang shing tog bzhin du smin par 'gyur ro/ /smin pa'i 'bras bu ni gang zhe na/ khyi dung dkar po bzhin du bram ze'i rigs su skyes nas kyang nga rgyal chen po'i las kyi rnam par smin pas byol song gi nang na khyi dung dkar por skye pa'o/ /mchod sbyin byas pa'i phyir na/ 'bras kyi thug pa khar sder du blugs nas za zhing/ nga rgyal che zhing khri la bsdad pa'o/ /dung gi mdog tu gyur pa ni sngon bram ze lus bsrungs shing/ khrims bsrungs pa'i phyir ro/ /'di'i nges tshig ni gang zhe na/ 'di lta ste/ de nas bcom ldan 'das snga dro chos gos dang shams thabs bsnams/ /lhung bzed bsnams te/ mnyan yod du bsod snyoms kyi phyir gshegs nas thar chags su mnyan yod du bsod snyoms bzhes te/ to'u de'i bu bram ze'i khye'u ne tso'i khyim ga la ba der gshegs so/ /de'i tshe to'u de yi bu bram ze'i khye'u ne tso'i khyim na ras gos ni ka bting ba'i khri'i stong na/ khye dung zhes bya ba 'dug ste/ khar gzhong rdo ba'i khar blangs pa la 'bras can dang/ sha bsres pa'i khrus ma 'thung ba las/ khye dung gis bcom ldan 'das sgo drung na bzhugs pa mthong ste/ mthong nas kyang 'a 'u zhes zug go /de nas bcom ldan 'das kyi khye dung la 'di skad ces bka' stsal to/ /khyi dung khyod kyi zhes bya ba las/ 'a 'u zhes zug par gyur na/ des kyang ma dul lam/ de skad ces bka' stsal pa dang/ khye dung khros 'khrugs tshig pa zos te/ yid ma rangs nas/ ras nas/
- 304b
ras go ni ka bting ba'i khri las babs te/ khri'i 'og na stor khung gi shing gi wa la 'dug go /de'i tshe to'u de yi bu bram ze'i khye'u ne tso bya ba zhig gi phyi rol tu byung ba las/ de nas to'u de yi bu bram ze'i khye'u ne tsos slar logs pa dang/ to'u de'i bu bram ze'i khye'u bram ze'i khye'u ne tsos/ khyi dung 'og na stor khung gi shing gi wa la 'dug pa mthong ngo/ /mthong nas kyang nang mi la smras pa/ khyed kyis khye dung 'di la ci zhig smras/ jo bo bdag cag gis kyang/ khyi dung la ci yang ma smras so/ /de ltar lags mo kyi dge sbyong gau ta ma ma byon par gyur te/ /khye dung gi dge sbyong gau ta ma sgo drung na zhugs par mthong ngo/ /mthong nas kyang 'a 'u zhes zug pa dang/ dge sbyong gau ta mas/ de la 'di skad ces bka' stsal to/ /khyi dung khyod kye zhes bya ba las/ 'a 'u zhes zug bar gyur na/ des kyang ma dul lam/ de skad ces bka' stsal pa dang/ khyi dung khros 'khrugs tshig pa zos te/ yi dam rangs nas/ ras go ni ka bting ba'i khri las babs te/ khri'i 'og na tor khung gi shing gi wal 'dug go /de nas bram ze'i bu ne tso khros 'khrugs tshig bzos te/ yid ma rangs nas/ mnyan yod nas byung ste/ rgyal bu rgyal byed kyi tshal mgon med zas byin gyis kun dga' ra ba ga la ba der song ngo/ /de'i tshe bcom ldan 'das dge slong brgya phrag du me'i 'khor gyi mdun na chos ston cing bzhugs te/ bcom ldan 'das kyis to'u de'i bu bram ze'i khye'u ne tso rgyang ring po nas 'ong ba gzigs so/ /gzigs nas kyang dge slong rnams la bka' stsal pa/ dge slong dag khyed kyis to'u de yi bu bram ze'i khye'u ne tso rgyang ring po nas 'ong ba mthong ngam/ btsun pa de lta legs so/ /gal te te'u de yi bu bram ze'i khye'u ne tso 'di'i 'chi ba'i dus byas par gyur na ni/ lus zhig nas shi ba'i 'og tu/ dper na mda' sde'u ka ma 'phangs pa bzhin
- 305a
du/ ngan song ngan 'gro log par ltung ba sems can dmyal ba rnams su skye bar 'gyur te/ 'di ltar 'di nga la sems rab tu khros pa'i phyir ro/ /sems rab tu khros pa'i rgyus/ de ltar na 'di nas sems can kha cig/ lus zhig nas shi ba'i 'og tu ngan song ngan 'gro log par ltung ba/ sems can dmyal ba rnams su skye bar 'gyur ro/ /de nas dge slong zhig gis de'i tshe tshigs su bcad de smras pa/ 'di na gang zag kha cig ni/ /rab tu sems khros gyur gzigs nas/ /ston pa dge slong tshogs rnams la/ don de nyid ni lung bstan to/ /kye ma go ba mi 'di ni/ /da ni 'chi ba'i dus byed na/ /de yi sems ni khros pa'i phyir/ /sems can dmyal ba rnams su skye/ /de bzhin gshegs la sems khros pa/ /de yi rgyus ni sems can rnams/ /dper na mda' ni 'phangs pa bzhin/ /de ltar ngan 'gror 'gor bar 'gyur/ de nas to'u de yi bu bram ze'i khye'u ne tso/ bcom ldan 'das ga la ba der song ste phyin pa dang/ bcom ldan 'das dang lhan cig tu/ mngon du kun dga' bar bya ba dang/ yang dag par dga' bar bya ba'i gtam/ rnam pa mang por byas nas/ phyogs gcig tu 'dug go/ to'u de yi bu bram ze'u khye'u ne tso phyogs gcig tu 'dus nas bcom ldan 'das la 'di skad ces gsol to/ /gau ta ma khyod bdag gi khyim du byon tam bram ze'i bu phyin to/ /gau ta ma khyod kyis bdag gi khyi dung la/ ci zhig ma gsungs sam/ bram ze'i khye'u nga 'dir snga dro chos gos dang sham thabs bgos te/ lhung bzed thogs nas/ mnyan yod du bsod snyoms kyi phyir zhugs te/ /mthar gyis mnyan yod du bsod snyoms blangs nas/ khyod kyis khyim ga la ba der song te phyin pa nas/ /sgo drung na 'dug pa dang/ de'i tshe khyi dung ras go ni ka ba
- 305b
btang ba'i khri'i steng na 'dug cing/ khar zhong rdo ba'i khar blangs pa la 'bras can dang/ sha bsres pa'i khrus ma 'thung ba las/ khyi dung gis nga sgo drung na 'dug pa mthong ste mthong nas kyang zug pa dang/ ngas de la smras pa dang/ khyi dung khyod kyis zhes bya ba las le'u zhes zug par gyur na/ des kyang ma dul lam zhes skad smras pa dang/ khyi dung khrod khrugs tshig pa zos te/ yi ma rangs nas/ ras go ni ka bting ba'i khris las babs te/ khri'i 'og tu tor khung gi shing gi wa la 'dug go/ gau ta ma khyod kyis khyi dung tshe snga ma la bdag gi cir mchi mkhyen tam/ bram ze'i khye'u la rog 'dug la nga la don 'di ma 'dri shig/ khyod kun tu gnod sems su gyur pa dang/ mi bzod pa dang/ sems mi bde bar 'gyur du 'ong ngo/ /lan gnyis lan gsum du to'u de yi bu bram ze'i khye'u ne tsos/ bcom ldan 'das la 'di skad ces gsol to/ /gau ta ma khyod kyis khyi dung tshe snga ma la bdag gi cir mchi mkhyen tam/ bcom ldan 'das kyis kyang lan gnyis lan gsum du/ to'u de yi bu bram ze'i khye'u ne tso la 'di skad ces bka' stsal to/ /bram ze'i khye'u kha dog la/ nga la don 'di ma dri shig/ khyod kun tu gnod sems su 'gyur ba dang/ mi bzod pa dang/ sems mi bde bar 'gyur du 'ong ngo/ /bram ze'i khye'u khyod lan gsum gyi bar du don 'di la nges par ma mthong bas/ de'i phyir bram ze'i khye'u legs par nyon la yid la bzung shig dang bshad do/ /bram ze'i khye'u khyod kyi pha to'u de ya gang yin pa de lus zhig nas/ dman pa'i khyi'u skye gnas su skyes so/ /kye gau ta ma bdag gi pha to'u de yang ni/ mchod sbyin bgyis pa/ sbyin sreg bgyis ga mchod sdong sgreng ba lags na/ de ci'i slad du zhe na/ 'di ltar 'gyur/ de ni lus zhig nas/ nges par tshangs pa'i 'jig rten bzang por skyes bar 'gyur ro//
- 306a
bram ze'i khyi'u khyod kyi pha to'u de yang ni/ nga rgyal las kyang nga rgyal de nyid kyis dman pa khye'u skye gnas su skyes so/ /bram ze'i khye'u gal te/ dus smras pa yid mi ches na/ bram ze'i khye'u khyod de'i phyir rang gi khyim du song la phyin pa dang khyi dung la 'di skad du/ gal te khyi dung khyod tshe snga ma la nga yi pha to'u de gyur pa lta na/ ras go ni ka ba'i khri la 'dug shig ces smros shig /khri la 'dug pa dang/ tshig 'di skad du gal te khyi dung khyod/ tshe snga ma la nga'i pha to'u de yar gyur pa lta na/ khar gzhong rdo ba'i khar blangs pa la/ 'bras chan dang/ sha bsres pa'i khrud ma 'thung shig ces smros shig/ 'thung na de la tshig 'di skad du gal te khyi dung khyod tshe snga ma la nga'i pha to'u de yang gyur pa lta na/ khyod 'chi ba'i dus kyi tshe bdag dbang ba gang yod pa ngal ma bstan pa de'i ston cig ces smros shig dang ston par 'gyur ro/ /de nas to'u de ye bu bram ze'i khye'u ne tsos/ bcom ldan 'das kyis gsungs pa bzung ste/ kun chub par byas nas/ rang gi khyim ga la bder song ste/ phyin pa dang/ khyi dang la 'di skad ces smras so/ /gal te khyi dung khyod tshe snga ma la nga'i pha to'u de yar gyur pa lta na/ ras go ni ka bting pa'i khri la'ang 'dug cig /khri la 'dug nas de la 'di skad ces smras so/ /gal te khyi dur khyod tshe snga ma la de'i pha to'u de ? gyur pa lta mkhar gzhong rdo ba'i khar blangs pa la/ 'bras chan dang/ sha bsres pa'i khrud ma 'thung shig/ 'thungs nas de la 'di skad ces smras so/ /gal te khyi dung khyod tshe snga ma la nga'i pha to'u de yar gyur pa lta na/ khyod 'chi ba'i dus kyi tshe/ bdag dbang bgang yod pa nga la ma bstan pa de ston cing/ /de nas khyi dung ras bo ni ka pi tang ba'i khri la babs te/ gnas khyim rnying pa zhig yod pa ga la bder song ste phyin pa dang/ khri'i rkang pa bzhi'i gnas su rkang lag gi sder mos brus so/
- 306b
dbus na snas snom mo/ /to'u de yi bu bram ze'i khye'u ne tsos/ de nas gser dngul brdungs me dang/ sil lcags zangs bzhi dang/ dbus na gser gyi khar ba dang/ ril brnyed do/ /de nas to'u de yi bu bram ze'i khye'u ne tsos gser de sbas nas/ dga' mgu zhing dbu tu dga' ste/ rangs nas dga' ba dang/ yid bde ba skyes te/ mnyan yod nas byung nas/ bcom ldan 'das ga la bder song ngo/ /de'i tshe bcom ldan 'das dge slong gi 'khor brgya phrag du ma'i mdun na chos ston cing bzhugs te/ bcom ldan kyis to'u do'i bu bram ze'i khye'u ne tso rgyang ring po nas 'ong ba gzigs so/ /gzigs nad kyang dge slong rnams la bka' stsal pa/ dge slong dag khyed kyi to'u de yi bya/ bram ze'i khye'u ne tso rgyang ring po nas 'ong ba mthong ngam/ btsun pa de ltar lags so/ /gal te to'u yi bu bram ze'i khyi'u ne tso de'i tshe 'chi ba'i dus byas par gyur na ni/ dper na mnga' to'u ku ma 'phangs pa bzhin du de 'gro mtho ris kyi 'jig rten du/ lha rnams kyi nang du skye bar 'gyur te/ 'di ltar de nga la sems dad par byas pa'i phyir ro/ /dge slong dag sems dang pa'i rgyus de ltar 'di ni sems can kha cig/ lus zhig nas bde 'gro mtho ris kyis 'jig rten du lha rnams kyi nang du skye bar 'gyur ro/ /de nas dge slong zhig gis de'i tshe tshigs su bcad de smras pa/ 'dzin gang zag kha cig na/ /rab tu sems dang gyur gzig nas/ ston par dge slong tshogs rnams la/ /don de nyid ni lung stan to/ /kye ma bso ba mi 'di ni/ nga ni 'chi ba'i dus byed na/ /de yi sems ni dad pa'i phyir/ lha rnams nang du skye bar 'gyur/ /de bzhin gshegs la sems dad pa/ /de yi rgyus ni sems can rnams/ /dper na mda' ni 'phangs pa bzhin/ /de ltar bzang 'gror 'gro bar 'gyur/ de nas to'u
- 307a
de yi bu bram ze'i khye'u ne tso/ /sangs rgyas bcom ldan 'das gal bder song ste phyin pa dang/ bcom ldan 'das dang lhan cig tu mngon tu kun dga' bar bya ba dang/ yang dag par dga' bar bya ba'i gtam rnam pa mang po byas nas/ phyogs gcig tu 'dug go/ to'u de'i bu bram ze'i khye'u ne tso phyogs gcig tu 'dug pa dang/ bcom ldan 'das kyis 'di skad ces bka' stsal to/ /bram ze'i khye'u ci/ ngas ji ltar lung bstan pa de bzhin du gyur tam/ kye gau ta ma med de/ ji ltar go tam khyod kyis/ khyi dur lung bstan pa de de bzhin no/ /slob dpon las kyi rdo rjes kyang gsungs pa/ rnam par smin pa'i las de yang/ lus dang ngag dang yid kyi las/ ngan song dang ni mtho'i sa dang/ 'jig rten rang gi spyod pa ste/ dper na ? chu skyes pa/ nags la me yi 'jigs pa na/ de bor sdong bu chu las skyes/ /der skyes rgyun gyi lhags pas tshig/ //mi 'gul las kyi rnam smin no/ /gang gis kyang ni thub mi 'gyur/ de yang gsungs pa'o/ rig sngags kyi rgyal mo gsang sngags rjes su 'dzin ma'i/ las kyi rnam par smin pa bshad pa'i gnas skabs te lnga pa'o// //de nas zhes bya ba ni las kyi rnam par smin pa bshad pa'i de nas so/ /'das pa dang ma 'ongs pa dang/ da ltar byung ba'o sangs rgyas bcom ldan 'das kyis bka' zhes bya ba ni/ 'das pa'i sangs rgyas mar me mdzad la sogs pa ste/ bsam gyis mi khyab pa'i sangs rgyas rnams kyis gsungs pa'o/ /ma 'ongs pa'i sangs rgyas byams pa la sogs pa yin te/ de yang bsam gyis mi khyab pa rnams kyis gsung ngo/ /da ltar yod pa ni/ yang dag par rdzogs pa'i sangs rgyas shAkya thub pa ste/ sems can gyi don la rig sngags 'di bka' stsal pa'o/ /rig sngags kyi rgyal mo gsang sngags chen mo rjes su 'dzin pa
- 307b
'di zhes bya ba ni/ rig sngags 'dis kyang sdug bsngal thams cad dang bral bar byed cing mi ma yin gyis 'tshe bar yang mi nus te/ mtho ris kyis lam bstan cing lnga dag pa'i byang chub bsgrub pa'i rgyu zhes bya'o/ /mi'am mi ma yin pa'am zhes bya ba la sogs pa ni rig sngags kyi gzi brjid kyis srung bar byed de/ de rnams kyang gzi brjid che ba/ stobs che ba/ kha dog dang ldan zhing rdzu 'phrul che ba ste lha dang lha ma yin gyi 'thab rtsod la yang rtsod par gnas pa'o de bzhin du de rnams kyis kyang srung bar byed do/ /ming 'di zhes bya ba srung bar bya'o/ zhes bya ba ni/ gang zag dang/ sems can thams cad la rig sngags kyi gzi brjid kyis gdon de rnams kyis snying rje che zhing srung bar 'gyur ro/ /yongs su bskyab pa dang zhes bya ba la sogs pa ni/ bde bar gnas shing nad rnams thams cad 'joms te/ zhi ba dang rgyas pa'i las la 'grub cing/ phun sum tshogs shing rigs kyang byed par 'gyur ro/ /rig sngags kyi rgyal mo gsang sngags rjes su 'dzin ma 'dis zhes bya ba ni/ ngan sems yod pa rnams kyang rig sngags kyi gzi brjid kyis/ dge ba'i sems dang ldan zhing/ sems can thams cad la snying rje dang ldan pa'o/ /sdang bar sems pa thams cad ces bya ba la sogs pa ni rig sngags 'di'i stobs kyis sngags ba'i ming zhes bya ba yang med de/ de rnams kyang snying rje skye zhing sems can la gnod par mi byed pa'o/ /myos par byed pa'o/ /zhes bya ba ni/ gal te sdang ba'i sems dang/ gnod pa'i sems dang/ sems can la 'tshe bar byed pa'i sems dang ldan par gyur na/ rig sngags kyi gzi brjid kyis de rnams kyis gtor zhing/ rang sems mi gnas shing myos par 'gyur ro/ /rab tu myos par 'gyur ro zhes bya ba'o/ /rengs pa dang zhes bya ba ni/ gzhan gyi sngags
- 308a
btang ba dang/ rang gi ma rungs par byed pa rnams rengs par phyed pa'o/ /gzhan gyi sngags zlog par byed pa ni/ li? ga bris la ni gats+tsha ta la sogs pa'i sngags bris la mnan par bya'o/ /gzhan ma rungs pa 'dul bar yang de bzhin no/ /li ka'i bye brag gis dbye bar bya'o/ /rmugs pa dang/ lag pa dang/ rkang pa dang/ sems dang/ lce bzung bar bya'o zhes bya ba ni/ snga ma bzhin byas te/ tha ma la pi sa ra ta/ pi sa ra ta la sogs pas bskor zhing lam rgya gram la gnas par bya ste/ gzhan gyi rbod gtong dang/ sngags dang/ ro langs dang/ dug dang/ dug sbyar ma dang/ gzhan gyis bsam pa ngan pa btang ba thams cad las thar par 'gyur ro/ rig sngags kyi rgyal mo gsang sngags rjes su 'dzin pa 'dis ni zhes bya ba ni/ gzhan gyis mi thub pa'i rig pa'i dam pa rdo rje lta bu ste/ gzhan rnams kyis kyang thub par mi 'gyur ro/ /gang dang gang du yang thar bar 'gyur ro zhes bya ba ni/ 'jig rten 'di'i sdug bsngal dang/ 'jig rten gyi chos brgyad kyang de bzhin te/ ma rig pa'i mun pa dang/ 'khor ba nas kyang thar par 'gyur ro/ /kye ma bram ze mya ngan 'das/ 'jig rten dag na sred las rgal/ zhes bya ba ni/ tshangs pa khyod kyis kyang thab mo'i don 'di la gnas pa/ ma rig pa'i mun pa bor zhi mya ngan las 'das pa'o/ /gzugs dang bsgra dang/ dri dang/ ro dang/ reg bya rnams bor te/ de bzhin du ma rig pa la sogs pa'i 'du byed rnams spangs te/ 'khor ba'i sdug bsngal rgya mtsho 'dra ba bsgral nas/ mya ngan 'das te/ de bas na sred las brgal zhes bya'o/ /khon dang 'jigs pa kun spangs pa/ ring mo zhig nas bzod mthong ngo zhes bya ba ni/ dge ba dang sdig pa rnams kyis mi gos te/ bdud bzhi'i 'jig pa dang/ 'khor ba ltung ba'i 'jigs pa dang/
- 308b
gzhan yang 'jigs pa thams cad dang bra te/ 'khor ba'i grong khyer zhig nas yang dag pa'i ye shes mthong ngo/ de'i ngo bo gang zhe na/ srid pa ma yin 'das pa de bzhin no/ da ltar yod pa la de bzhin ma yin te/ sdun na ni phyi'am dbus ma yin/ de bzhin yang dag don de yin/ /de bas na ring mo zhig nas bzod mthong ngo/ /zhes bya'o/ /bzod pa dka' thub mchog ste bzod pa na/ mya ngan 'das pa mchog ces sangs rgyas gsungs/ zhes bya ba ni/ sems can thams cad pa bzod pa bsgom zhing mnyam pa nyid du bsgom pa ste/ sdug bsngal bor zhing/ shes bya'i sgrib pa dang/ bag chags kyi sgrib pa dang/ bor nas yang dag pa'i ye shes thob cing ngo bo nyid dang bral ba'o/ /rab tu byung ba gzhan la gnod pa ni/ gzhan la 'tshe ba dge spyod ma yin no zhes bya ba ni/ /de bzhin gshegs pa'am/ bla ma'am/ pha ma 'am/ gzhan yang de la sogs pa la 'tshe ba ni/ dge ba gang byas kyang thar par mi 'gyur ro/ /mig dang ldan pas yang bzhin/ btsal bar byas pa yod pas na/ zhes bya ba ni rang gis spun nas mthong ste/ 'jig rten pas de mthong ste/ ma rig pa'i mun pas de yang mi mthong ba'o/ /mkhas pas 'tsho ba'i 'jig rten 'dir/ /sdig pa dag ni yongs su spang/ zhes bya ba ni/ yang dag pa'i ye shes kyi mar me bltam ste/ 'khor ba'i mun pa bsal nas/ 'khor ba'i sdug bsngal mthong ste/ de mthong ba'i dran pas na/ mkhas pas 'khor ba spangs pa'o/ /da ltar byung dang 'das pa dang/ ma 'ongs sangs rgyas gang yin pa zhes bya ba ni/ 'das pa'i 'od srungs nas sangs rgyas ra bas bdun la sogs pa ste/ da ltar yod pa shAkya seng ge'o/ /ma 'ongs pa yang de bzhin du byams pa la sogs pa'o/ /thams cad la yang bdag phyag 'tshal
- 309a
de dag kun la skyabs su mchi/ zhes bya ba ni/ de lta bu'i 'das pa dang/ ma 'ongs pa dang/ da ltar byung ba'i sangs rgyas bsam gyis mi khyab pa/ bdag dang sems can rnams kyis kyang sdig pa bshad pa'i phyir phyag 'tshal te/ 'jigs pa thams cad sgrol ba'i phyir na skyabs su mchi'o/ /'jig rten dgra bcom bder gshegs pa la/ /zla ba skyabs su mchi lags kyis zhes bya ba ni/ 'jig rten 'di'i sdug bsngal 'joms shing/ /mun pa mun nag gsal bar bya ste/ chos kyi nyams myong gi bdud rtsis/ sems can rnams la 'tshe bar byed pa ste/ thugs rje che zhing bdud rtsi snang ba rnams la skyabs su mchi'o/ /sangs rgyas 'jig rten thugs brtse rnams/ zla ba thar mdzed sgra gcan las zhes bya ba ni/ stong gsum gyi stong chen po'i 'jig rten gyi khams la sprul pa'i skus khyab ste/ rig sngags 'di'i chos nyid kyi nyams myong gis ma rig ba'i mun pa/ zla bas bsal ba bzhin du bsal te/ de yang chos kyi rang bzhin nam mkha' bzhin du khyab pa'o/ /sgra gcan zla ba mun sel ba/ /nam mkha' dag la 'od byed cing zhes bya ba ni/ 'jig rten khams la grags pa dang ldan pa zla ba yin te/ zla ba des kyang mun pa bsal cing bsal bar byas so/ /de bzhin du rig sngags kyi chos kyi nyams myong gis ma rig pa'i mun pa bsal te 'khor ba 'joms so zhes bya ba sgra gcan zhes bya ba'o/ /lam mer 'dug la dkar ba dang/ rnam par dag pa'i 'od dang ldan pa zhes bya ba ni/ chos nyid gzhan gyis mi gos te/ gzhan gyis ma byas pa rang gis rang bsal te/ rnam par dag cing dngos po med de/ dngos pos kyang ngo bo nyid dang 'bral lo/ /de lta bu'i 'od kyis kyang 'jig rten gyi khams la khyab pa'o/ /bar snang dag la ma bzung bar/ skye dgu'i sgron me myur du thong zhes bya ba ni/
- 309b
sdig pa dge ba skye zhing mi bya ste/ gang yang dge ba dag la gnas ba ste/ de bzhin du byas par gyur na mtho ris myur du thob par 'gyur ro/ /de nas rings bzhin sgra gcan de/ /lus kyang rdul zhing skrag gyur la zhes bya ba ni sdig pa byed par 'gyur na dmyal ba'i sems ni sregs par 'gyur ro/ /de bas na sdig pa spang par bya ste/ sdig pa'i ming yang mi bya'o/ /nad pa bzhin du bstan pa yin/ /zla ba rnam par gtong bar byed ces bya ba ni/ dper na sgra gcan zin gyis zla ba 'dzin pa bzhin du/ ma rig pa'i mun pas sems can 'dzin pa'o/ /zla ba sgra gcan gyis gter pa bzhin du/ rig sngags kyi chos kyi nyams myongs/ ma rig pa'i mun pas kyang btang ba'o/ /ci'i phyir na sgra gcan khyod lus kyang rdul zhing skrag gyur la zhes bya ba ni/ rnam par srid pa'i las kyis skrag par 'gyur te/ rig sngags kyi gzi brjid kyis kyang thar bar byang ba'o/ /nad pa bzhin du brtad pa yis/ /rings bar zla ba gtong bar byed ces bya ba ni/ rig sngags kyi gzi brjid des/ zla ba sgra gcan gyis bzung ba btang ba ste// nad pa de yang sman bzang po sos par byas te/ de bzhin du rig sngags kyi gzi brjid kyis sems can thams cad bde bar gnas pa'o/ /sangs rgyas tshigs gcad 'di brjod pas/ /gal te zla ba ma btang na zhes bya ba ni/ sgra gcan zin gyis zla ba bzung ba bzhin du myur du ma btang na gza' de yang nyes par 'gyur ro/ /de bzhin bum rungs pa'i don rnams kyis kyang rig sngags kyi bka' las 'das na mgo tshal pa tshal par 'gas par 'gyur ro/ /bdag gi mgo ni tshal pa bdun du 'gas/ gson kyang bde bar mi 'gyur ro/ /zhes bya ba ni/ lha dang/ mi dang/ 'byur po la sogs pa rnams kyang/ rig sngags kyi dam tshig las 'das par gyur na/ nad rnams thams cad 'byung zhing 'chi ba'i dus su mgo tshal par 'gas te/ shi nas kyang
- 310a
dmyal ba mnar med du skye'o/ /rig sngags kyi dmod mo yin pas gang gis kyang/ mi phan par 'gyur ro/ /kye ma bde ba gzigs pa yi/ /sangs rgyas rnams ni 'byung ba rmad ces bya ba ni/ smig rgyu dang/ sgyu ma dang/ rmi lam dang/ chu bur dang/ sbu ba dang/ chu shing dang/ dri za'i grong khyer dang brgyad do/ /de bzhin du sangs rgyas rnams dang/ 'jig rten gyi khams kyang yin te/ rig sngags kyi rgyal mo gsang sngags rjes su 'dzin pa yang de bzhin no/ /de kun yang yod par shes sam/ med par shes pa 'ang ma yin te/ med ba yang ma yin/ gnyis ka yang ma yin no/ /sgyu ma tsam du gnas te/ de yang sems can gyi don la gnas pa'o/ /de bas na sangs rgyas kyi chos rmad du med pa ste/ skyon rnams kyis kyang mi gos pa'o/ /de dag gis tshig ni tshigs su bcad/ /brjod na sgra gcan zla ba gang zhes bya ba ni/ de lta bu'i chos kyi rang bzhin gyis ni/ sgra gcan zin gyis zla ba stong pa bzhin du/ nad kyis kyang btang ba ste/ bden pa'i tshig 'dis kyang sdug bsngal thams cad dang bral bar 'gyur ro/ /bden pa dang bden pa'i tshig gang gis/ 'jig rten du sems can brjed ngas pa med pa'i chos can 'byung ba ni zhes bya ba ni/ 'jig rten gyi chos brgyad kyang brjed ngas pa yin te/ dang po ma rig par byung ba ma rig pa las 'du byed byung ste/ 'du byed kyis rnam par shes pa byung ngo/ /rnam par shes pas ming dang gzugs/ / ming dang gzugs kyi skye mched drug /skye mched drug gis srid pa/ srid pas reg pa/ reg pas sred pa/ sred pas skye ba/ skye bas len pa/ len pas rga shi de ni 'jig rten gyi chos can brjed ngas pa ste/ de las de
- 310b
'khor bar nyon mongs skye bar byed pa'o/ /rjed par mi 'gyur ba'i chos can ni/ ma rig pas rga shi 'gag pa'o/ /rga shis len pa 'gag go /len pas skye ba 'gag go /skyes pas sred pa 'gag go /sred pas rag pa 'gag go/ /rag pas srid pa 'gag go /srid pas skye mchen dug 'gag go /skyes mched drug gi ming dang gzugs 'gag go /ming dang gzugs kyis rnam par shes pa 'gag go /'du byed kyis ma rig pa 'gag go /de 'gag pas na skye ba ste/ rig pa shar pa de ni brjed ngas pa med pa'o/ /de bzhin gshegs pa'o/ /zhes yang dag par smra bas smra ba ni tshig kyang mi mnga' ste/ de bzhin gshegs pa'i mig gis yang dag pa'i ye shes thob cing/ /rig sngags 'di yang 'grub par 'gyur ro/ /dus su yang dag par smra bas smra ba yin no/ /zhes bya ba ni/ de bzhin gshegs pa rnams kyi rkyen med par nga mi smra ste/ sems can gyi don la rig sngags 'di yang dag par bstan pa'o/ /kun dga' bo zhes bya ba ni yang dag par rdzogs pa'i sangs rgyas shAkya thub pas smras pa'o/ /gzhan yang tshangs par spyod pa la/ phan pa'i phyir zhes bya ba ni/ tshul khrims ma dag par byed pa dang/ sdom pa med par sdom pa la 'jug pa dang/ bden pa'i tshig 'di dag gis sdom pa la gnas par 'gyur ro/ /yang na rig sngags 'dis sdom pa srung bar byed pa'o/ /de bzhin gshegs pa'i tshig gsungs pa gang yin pa de dag dang/ zhes bya ba ni/ rig sngags kyi rgyal mo gsang sngags rjes su 'dzin pa'o/ /bden pa'i tshig bden pa ste/ de bzhin gshegs pa rnams kyis yang dag par gsungs pa'i/ /kun dga' bo zhes bya ba ni/ yang dag par rdzogs pa'i sangs rgyas shAkya thub pas yang dang yang du bka' stsal pa'o/ /gzhan yang tshig de dag gis bya ba byed pa'i don dang zhes bya ba ni/ rig sngags
- 311a
kyi rgyal mo'i tshig 'dis gang yang 'grub ste/ 'jig rten dang 'jig rten las 'das pa'i dngos grub kyang 'grub pa'o/ /phan pa dang/ bde ba yang 'dis byed par 'gyur zhes bya ba ni/ rig sngags 'dis kyang/ gang yang gang gi sdug bsngal yang 'dis 'joms par 'gyur te/ sems can thams cad mtho ris 'dren pa la mthu che bar rig pa'i dam pa'o/ /pad+ma'i rigs kyi rdo rje'i rigs ni/ mtshan ma ni me long lta bu'i ye shes te/ mtshon byed ni rig sngags kyi rgyal mo bdag nyid do/ /phung po rnam par shes pa'i phung po ste/ khams ni nam mkha' i khams so/ /skye mched ni yid kyi skye mched do/ /de yang ye shes lnga'i rang bzhin/ sangs rgyas lnga'i dbu rgyan can/ spyan gsum pa/ zhal gsum pa/ phyag drug pa/ sku mdog mthing ka/ zhal g.yas dkar ba/ g.yon dmar ba/ rgyan thams cad kyis rgyan pa/ phyag g.yas pa gsum na/ rdo rje dang/ ral gri dang/ 'khor lo'o/ /g.yon pa gsum na/ pad+ma dang/ zhags pa dang/ dgra sta zhabs g.yas brkyang ba/ g.yon bskum pa/ pad+ma'i steng na/ zla ba'i gdan la nyi ma'i 'od zer dang ldan pa/ khro bo'i tshul du bzhugs pa'o/ /rig sngags kyi tshig ni gang zhe na/ 'di lta ste/ sa ti ma ti la sogs pa'o/ /rig sngags kyi rgyal mo gsang sngags rjes su 'dzin ma'i bden pa'i tshigs su bcad pa'i gnas skabs te drug pa'o// //kun dga' bo zhes bya ba ni/ bcom ldan 'das kyis kun dga' bo la yang/ bka' stsal pa'o/ /sa bon gyi rtsa ba bcu dang zhes bya ba ni/ sa bon gyi rtsa ba bcu ni/ sbyin pa dang/ tshul khrims dang/ bzod pa dang brtson 'grus dang/ bsam gtan dang/ shes rab dang/ thabs dang/ stobs dang/ smon lam dang/ ye shes kyi pha rol
- 311b
tu phyin pa dang bcu'o/ /de ni sa bon bcu zhes bya'o/ /sa bon gyi rtsa ba'i tshig bcu de bzhin gshegs pas gsungs pa yod do zhes bya ba ni/ rim pa bzhin du sa bcu'i byang chub kyi lam yin te/ de yang rab tu dga' ba dang/ dri ma med pa dang 'od byed pa dang/ 'od 'phro ba dang/ shin tu sbyang dka' ba dang/ mngon du gyur pa dang/ ring du song ba dang/ mi g.yo ba dang/ legs pa'i blo gros dang/ chos kyi srin dang bcu'o/ /de bas na sa bon gyi rtsa ba'i tshig bcu zhes bya'o/ /kun dga' bo zhes bya ba ni/ bcom ldan 'das kyis smras pa yi/ /tshig de dag de bzhin gshegs pas gsungs par 'gyur ba dang/ zhes bya ba ni/ pha rol tu phyin pa bcu'i 'bras bu dang/ sa bcu'i byang chub sems dpa' i lam rnams ni/ rig sngags kyi rgyal mo gsang sngags rjes su 'dzin ma la brten cing/ /de bzhin gshegs pa thams cad kyis gsungs pa'o/ /ston par 'gyur ba yang yod de zhes bya ba ni pha rol tu phyin pa bcu thob cing/ sa bcu dang/ de'i lam gyis bcu gcig thob pa'o/ /de dag bstan pa 'di la zhugs pa'i mi rnams kyi khar brjod na zhes bya ba ni/ bstan pa ni rig sngags kyi rgyal mo'i bstan pa ste/ de la zhugs par gyur na gang yang 'grub par 'gyur ro/ /gnod sbyin dang/ srin po rnams kyang bran bzhin du las byed par 'gyur ro zhes bya ba ni/ ? lam nas byang chub thob ste/ khams gsum gyi gtso bor 'gyur zhing/ de rnams kyang dbang du 'dus par 'gyur ro/ /bden pa dang bden pa'i tshig gang gis phyir mi ldog pa'i sa'i tshig bden pa rnams la 'jig rten gyi ming gis mchog dang zhes bya ba ni/ byang chub kyi sems kyang gzhan med de/ sa'i 'bras bu thob pa yang rang bzhin du gnas shing/ rig sngags nyid kyang logs na med do/ /de bzhin du phyir mi ldog pa'i 'bras bu yang
- 312a
yin te/ 'jig rten pa dang/ sangs rgyas gnyis su med cing/ gnyis su yang byar med do/ /de pas bden pa'i tshig dge sbyong rnams kyi nang dge sbyong skyed de ba zhes bya ba dang/ zhes bya ba ni/ dge ba'i rtsa ba 'di la gtogs na bde ba chen po thob ste/ bde ba'i nang na yang dag par rdzogs pa'o/ /de bzhin gshegs pa dgra bcom pa yang dag par rdzogs pa'i sangs rgyas ni 'jigs pa mi mnga' ba zhes bya ba ni/ rig sngags 'di'i lam spyod cing/ de bzhin gshegs pa'i yang dag pa'i 'bras bu thob ste/ bdud bzhi rnams kyi mi thub cing dri ma thams cad dang bral ba'o/ /bag tsha ba mi mnga' ba ste/ zhes bya ba ni/ mnyam pa nyid bsgom zhing/ nyon mongs pa'i dri ma dang 'bral zhing/ yang dag pa'i ye shes thob pa'o/ /mi skrag mi 'bros pa'i 'jigs pa med cing zhes bya ba ni/ dngos po yang med cing/ ngo bo yang gang na gnas pa med do/ /de yang 'khor ba dang mya ngan las 'das pa la mi gnas pa la mi gnas te de bzhin du 'jigs pa yang spangs shing/ sdig pa dang dge ba la yang mi gnas pa'o/ /'jig pa dang 'jigs par byed pa dang bral ba zhes bya ba ni/ 'jigs pa ni sems yin te/ 'jigs par byed pa ni/ rnam par rtog pa'o/ /'jigs pa spangs pa ni rang gi sems kyi rtogs pa yang dag pa'i ye shes yin te/ de yang sems kyi rang bzhin no/ /yang bcom ldan 'das kyis gsungs pa bsam te bsam gyis mi khyab pa bsam gyis mi khyab bsgom byas na/ bsam pa'i 'bras bu de thob cing/ sems nyid kyis ni gang yang 'grub/ /'jigs pa dang 'jigs par spangs par byed pa zhes bya ba ni/ 'jigs pa ni sems kyi rang bzhin no/ /'jigs par byed pa ni ma rig pa'i rang bzhin nyon mongs
- 312b
la yin te/ spangs pa ni sems kyi rang bzhin rtogs shing/ gnyug ma'i rang bzhin shes pa'o/ /skyi bung zhes byed pa med pa'o/ /zhes yang dag par smra bar smras pa'o/ /zhes bya ba ni/ 'khor ba la 'jigs pa'i bdud bzhi'i rang bzhin nyon mongs pa shas che zhing/ de la zhal lta byed par 'gyur ba ni rig sngags kyi rgyal mo yin te/ de rnams 'joms shing yang nas yang du 'joms par byed pa'o/ /dus su yang dag par smra bas smra ba yin te zhes bya ba ni/ de yang bdud rnams ni dge ba byed pa'i dus su bar du gcod de/ de'i dus su yang ming bar byed pa ni/ rig sngags kyi rgyal mo'o/ /bden pa dang bden pa'i tshig des ming 'di zhes bya ba la bde legs su gyur cig ces bya ba ni/ yang dag par rdzogs pa'i sangs rgyas shAkya thub pa'i bka' dang/ rig sngags kyi rgyal mo'i chos kyang ldan pas/ gang zag dang/ sems can thams cad 'jigs pa med cing bde ba ste/ yang dag pa'i byang chub thob pa'o/ /bden pa dang/ bden pa'i tshig gang gis/ tshul khrims dang brtul zhugs dang zhes bya ba ni/ bde bar gshegs pa shAkya thub pa'i bka' dang/ rig sngags kyi rgyal mo gsang sngags rjes su 'dzin ma'i chos kyi bden pas/ tshul khrims bsrung ba dang/ tshul khrims med pa rnams tshul khrims thob ste/ skus 'dul gsung gis 'dul te/ de 'dul pa'i phyir na brtul zhugs zhes bya'o/ /dka' thub dang/ tshangs bar spyod pa la gang ci yang rung ba de dag gis nang na ni zhes bya ba ni/ bka' des kyang tshangs par mi spyod pa tshangs par spyod de/ sems can nyon mongs pa rnams la sdom par mi gnas pa sdom par gnas shing/ rig sngags kyi bden pa 'dis kyang sems can thams cad bde bar gnas shing/ sdig pa thams cad
- 313a
kyang spong? bar byed pa'o/ /'phags pa dgyes pa'i tshul khrims mchog ces bya ba ni/ de bzhin du rig sngags kyi bden pa 'dis kyang 'phags pa'i tshul khrims mi thob pa thob par byas te/ sdig pa thams cad kyis mi tshugs shing tshul khrims la gnas te/ sems can thams cad la 'phags pas na 'phags pa zhes bya'o/ /bden pa'i tshig des ming 'di zhes bya ba ni la bde legs su gyur cig ces bya ba ni/ bde bar gshegs pa'i bka' dang/ rig sngags kyi bden pas/ gang zag dad pa can dang/ sems can thams cad las tshe 'di la bkra shis shing phun sum tshogs shing/ phyi ma la yang de bzhin te/ phyin ci ma log pa'i rig sngags kyi phyag rgya thob cing/ yang dag pa'i ye shes kyi lam la 'jug pa'o/ /gnas brtan rgyal po'i 'u thu bo dang/ 'dra bar rab tu byung nas ring du lon pa zhes bya ba ni/ gnas la dbang byas shing gzhan dge slong rnams la dbang med do/ /de bzhin du byas pa'i phyir na thu bo zhes bya'o/ /tshangs par spyod pa/ mngon par spyad pa rnams kyi mchog/ 'di lta ste zhes bya ba ni/ zag pa zad pa/ tshul khrims la gnas nas sems can gyi don byed pa/ skad cig mas kyang mngon par shes pa/ rdzu 'phrul dang ldan pa sha stag go /dge slong kun shes kau di n+ya dang zhes bya ba ni/ sngon shAkya thub pas byang chub sems dpar skyes tsam na/ srin po kau di n+ya lnga yod de/ de'i dus su yang chu med cing/ sgoms nad yod pa la byang chub sems dpa' des kyang tha chung gnyis btang nas/ kau di n+ya lnga la byin nas 'thung ngu bcug ste/ da ltar yang bcom ldan 'das kyi chos kyi nyams myong gis khams gsum tsam yang kun tu shes nas dge slong dgra bcom thob pa'o/ /'dod pa nyung ba sbyangs pa'i ba
- 313b
yon tan la gnas pa dang/ chos shes pa rnams kyi mchog 'od srungs chen po dang zhes bya ba ni/ sems can gyi don gyis zhing/ snying rje chen po dang/ byams pa la sogs pa dang ldan pa ste/ theg pa chung ngu na gye sgo nas 'od srungs chen po yin te/ 'dir dgra bcom pa thob cing/ sems can gyi don byed pa'o/ /shes rab che ba dang/ spobs pa che ba rnams kyi mchog shA ra dwa ti'i bu dang zhes bya ba ni/ phyi'i rigs pa sbyangs shing/ blo dang ldan te nyon mongs pa bcom zhing nyan thos kyi gtso bor gyur cing/ sems can gyi don byas pa'o/ /mi'i ming nas kyang bos pa'i phyir na shA radwa ti'i bu zhes bya'o/ /rdzu 'phrul che ba rnams kyi mchog/ shA ri'i bu dang/ rdzu 'phrul che ba dang/ mthu che ba rnams kyi mchog/ maung+gal gyi bu chen po dang zhes bya ba ni/ ri rab re re la rkang pa bzhag cing/ bdun bdun la 'gong nus te de bzhin du yang mthu dang ldan pa/ bram ze'i rigs su skyes nas chos kyi nga Trgyal dang ldan pa'o/ de yang ma'i ming nas btags pa'o/ /lha'i mig dang ldan pa rnams kyi ma 'gags pa dang/ zhes bya ba ni/ mthong ba la ni ma 'gags pa yin te/ khams gsum gyi bya ba thams cad dus gcig tu mthong ba'o/ /mthong ba la 'gags pa med pa'i phyir na ma 'gags pa'o/ mang du thos pa rnams kyis mchog kun dga' bo dang zhes bya ba na/ sangs rgyas bcom ldan 'das kyi chos ma lus par thos te/ pha rol tu phyin pa'i chos la sogs pa ni/ kun dga' bo la gtang ba'o/ /sems can thams cad dga' ba'i phyir ni kun dga' bo zhes bya'o/ /'dul ba 'dzin pa rnams kyi mchog nye bar 'khor dang zhes bya ba ni/ sku dang gsungs dang/ thugs thul bas 'dul ba 'dzin pa ste/ de 'dul ba'i phyir na nye bar 'khor zhes bya'o/ /chos smra ba rnams kyi mchog byams pa'i bu gang po dang zhes bya ba ni/ sems can
- 314a
la mi 'dzin ngag nas smra ba thogs pa med de/ ma'i ming nas bos pa'i phyir na byams pa'i bu gang po zhes pa'o/ /bslab pa la gus pa rnams kyi mchog sgra gcan zin dang zhes bya ba ni/ lha'i gdon la sogs pa bcom pa thob ste/ nyi ma gzas zin pa'i dus su skyes pa'i phyir sgra gcan zin zhes bya'o/ /mal ca dang stan sko ba rnams kyi mchog gyad nor bu dang zhes bya ba ni/ bcom ldan 'das dang dgra bcom pa rnams la gus bar byas na tshogs gsog par bya'o/ /seng ge sgra sgrogs pa rnams kyi mchog ba ra d+hwa? dza bsod snyoms lan dang zhes bya ba ni/ 'jigs med cing khams gsum tsam la yang sgra sgrogs te/ sems can gyi dge ba'i rtsa ba bsod snyoms bslangs pas 'phel ba'i phyir na/ bsod snyoms len zhes bya'o/ /khyim pa dad pa skyem pa rnams kyi mchog/ nag po 'char ka dang zhes bya ba ni/ ma rig rnams rig par 'jug ste/ khams gsum gyi sems can rnams ma lus par/ ma dad pa dad pa'i phyir na nag po 'char ka zhes bya'o/ /lha dang mis mchod pa rnams kyi mchog legs mthong bden pa dang zhes bya ba ni/ rdzu 'phrul gyis kyang khams gsum tsam yang dad par bya ste/ dad pa des kyang yang dag bar mchod par 'os pa/ de rnams kyis mchod pa'i phyir na legs mthong gi bden pa zhes bya'o/ /bden pa'i tshig des ming 'di zhes bya ba la bsrung bar bya'o zhes bya ba ni/ yang dag par rdzogs pa'i sangs rgyas shAkya thub pa'i bka' dang/ rig sngags kyi bden pa dang/ nyan thos dgra bcom pa rnams kyi yon tan gyi nges tshig dang/ gang zag dang/ sems can thams cad bde bar gnas shing/ nad thams cad dang 'bral ba'o/ /yongs su bskyabs pa dang zhes bya ba la sogs pa ni/ de rnams kyi bden pa dang/ sdug bsngal thams cad dang bral zhing/ rig
- 314b
sngags kyi phyag rgyas btab pa'o/ /rgyal po 'am zhes bya ba la sogs pa ni/ bden pa dang bden pa'i tshig gis de rnams kyi 'jigs pa med cing/ bde ba la gnas te kun kyang bde ba'o/ /bden pa dang/ bden pa'i tshig gang gis sems can zhes bya ba ni yang dag par rdzogs pa'i sangs rgyas shAkya seng ges thugs rje can gyi bka' dang/ rig sngags kyi rgyal mo'i gsang sngags rjes su 'dzin pa'i bden pa dang/ chos kyi bden pa dang/ nyan thos rnams kyi rdzu 'phrul rnams kyis bde legs su 'gyur ro/ /rkang pa med pa 'am zhes bya ba la sogs pa ni/ stong gsum gyi stong chen po'i 'jig rten gyi khams kyi sems can rigs mi gcig rnams la bden pa des bde bar byas shing/ sdug bsngal thams cad dang bral te/ sems can de rnams kyang byang chub kyi lam la dgod pa'o/ /de bzhin gshegs pa mchog ces bya ste zhes bya ba ni/ bye ba khrag khrig phrag brgya gam gA klung gi bye ma snyed kyi 'jig rten pa 'od srung nas 'das pa'i sangs rgyas rabs bdun la sogs pa dang/ ma 'ongs pa'i sangs rgyas byams pa la sogs pa yang de bzhin no/ /da ltar yod pa'i sangs rgyas shAkya thub pas kyang rig sngags kyi phyag rgyas btab cing bden pa bka' stsal pa'o/ /bden pa dang/ bden pa'i tshig nges ming 'di zhes bya bsrung bar bya'o/ /sangs rgyas de rnams kyi bden pa dang/ rig sngags kyi rgyal mo'i chos kyi bden pa dang/ bden pa de dag gis kyang sems can rnams la bde bar byas te/ sdug bsngal thams cad dang bral zhing/ yang dag pa'i byang chub thob par byed pa'o/ /yongs su bskyab pa dang zhes bya ba la sogs pa ni/ sems can thams cad kyang bde ba la bkod de/ nams kye ba'i dus su phun sum tshogs par skye
- 315a
chos 'di dang yang mi 'bral bar 'gyur ro/ /bden pa dang/ bden ba'i tshig gang gis shes bya ba ni/ rig sngags kyi rgyal mo gsang sngags rjes su 'dzin pa thugs rje che zhing sems can rnams kyi don mdzad pa ste/ de rnams kyi yang gang dang gang 'dod pa 'grub pa'o/ /'dus byas sam/ 'dus ma byas kyi chos ji snyed yod pa de dag gang gi nang na/ 'dod chags dang bral ba mchog ces bya ste/ zhes bya ba ni/ 'du byed kyi ma rig pa bkag ste ma rig pas rga ba'i la sogs pa bkag nas/ 'dod pa'i yon tan lnga la sogs pa'i ming yang med de/ des na nyon mongs pa la sogs pa dang bral zhing/ shes bya'i sgrib pa dang/ bag chags kyi sgribs pas ma gos pa'o/ /bden pa dang/ bde ba'i tshig des ming 'di zhes bya ba srung bar bya'o/ /zhes bya ba ni/ de lta bu'i rig sngags dang/ yang dag par rdzogs pa'i sangs rgyas rnams yin te/ bden pa ni sangs rgyas rnams kyi bka' o/ /bden pa'i tshig ni rig sngags kyi rgyal mo nyid do/ /gang zag dang sems can rnams la rig sngags kyi rgyal mo'i bden pa'i tshig gis yang dag par bsrung bar byas pa'o/ /yongs su bskyab ba dan zhes bya ba la sogs ba ni/ bde ba la gnas shing ?? dang/ tshe phyi ma rnams kyang sdug bsngal dang bral zhing/ yang dag pa'i byang chub thob pa'o/ /bden pa dang/ bden pa'i tshig gang gis zhes bya ba ni/ rig sngags kyi rgyal mo'i bden pa'i tshig gis gang 'grub cing/ rig sngags kyi ngo bo thob pa'o/ /tshogs sam/ 'dus pa 'am/ mang po 'am/ 'khor ji snyed cig yod pa de dag gi nang na ni/ de bzhin gshegs pa'i nyan thos kyi dge 'dun mchog ces bya ste zhes bya ba ni/ byang chub sems dpa' dang/ nyan thos
- 315b
dgra bcom pa dang/ lha dang bram ze dang/ rgyal po la sogs pa'i mi rnams/ bcom ldan 'das kyi spyan sngar tshogs pa'i bden pas kyang bde bar gnas pa'o/ /bden pa dang bden pa'i tshig des zhes bya ba ni/ rig sngags kyi rgyal mo'i bden pa'i tshig smras pa dang/ yang dag par rdzogs pa'i sangs rgyas rnams kyi bka' tshogs 'dus pa dang/ de'i bden pas bde legs kyi bkra shis ste/ dgra'i tshogs rnams kyang 'byung bar mi 'gyur ro/ /rgyal khams dang/ yul 'khor ram zhes bya ba la sogs pa ni bden pa'i tshig de dag gis kyang yul 'khor rnams la srung ste/ mi nad dang/ phyugs nad dang/ nad du ma rung ba 'dre gdon zhugs pa dang/ de la sogs pa nad thams cad 'byung ba de med cing brlag par 'gyur te/ de bzhin du zhing la gnod pa dang sad pa dang ser ba dang/ 'bru dang/ 'brum bu dang/ btsa' dang/ ne tso dang/ ri bong dang/ ri dags dang/ byi ba la sogs pa zhing la gnod pa'i sems can rnams kyis kyang mi tshugs shing sems can rnams la bde bar byas pa'o/ /nad pa 'di la bsrung bar bya'o zhes bya ba ni/ cho ga dang/ bsrung ba gnyis kyi srung ste/ srung ba ni gang zhe na/ bsrung ba'i 'khor lo dang/ dal gyi cho gas bsrung ba'o/ bdag gis 'dir bshad pa'o/ /dkyil 'khor bzang po sa gzhi la/ ba yi rnam lnga byugs pa ste/ chu dang lci ba sar bsres pa/ /lci ba dang ni sa yi sngags chu dang ri mo'i sngags kyis ni/ maN+Dal legs par phyug par bya/ /tshon ni sna tshogs legs bris la/ /dkyil 'khor mnyam pa nyid du bri/ /gru bzhi sgo bzhi twa ra bzhi dra ba phyed kyis mdzes pa la/ /mu tig phreng bcas rnams par brgyan/ rin chen lnga yi gzhal yas khang/ mdzes pa
- 316a
de ni mkhas pas bri/ /dang po nam mkha' rlung chags pa/ /me dang chu dang sa chags te/ /de bzhin ri rab rtse mo la/ /pad+ma'i steng du rgya gram ste/ 'og dang steng dang logs rnams su/ /sna tshogs rdo rje'i gur du bsam/ /de phyir rdo rje'i dra ba la/ /rlung dang me sa'i yul du 'khyam/ /phyi rgya kho ra khor yug dang/ /de rtsar mda'i dra ba 'bar/ /de phyir 'og dang steng dang ni/ /phyogs bzhi mtshams su me yis bskor/ /'og ni rdo rje sa gzhi ste/ de steng rdo rje bla res brgyan/ de 'og rdo rje sa gzhi la/ gzhal yas khang gis dbus su shes/ /dbus su sna tshogs pad+ma ste/ /phyir ni 'khor rtsibs brgyad do/ /de phyir lha rnams zlum bu ste/ gza' dang rgyu skar gnas pa'o/ /phyi rol lha rnams glu bzhi la/ /phyogs skyong yang ni der gnas so/ /shar dang lho dang nub dang ni/ /byang gi sgo bzhi dang po la/ /rgyal po bzhi yang der bzhugs so/ /dbus su sna tshogs pad+ma la/ /ye shes lha mo lnga yang bzhugs/ /mtshams bzhi pad+ma stong pa la/ /mchod pa'i lha mo bzhi gnas so/ /dbus su lte ba zla ba'i gdan/ /gsang sngags 'dzin ma der bzhugs so/ /dkyil 'khor gyi bya thabs so/ /rig sngags bum pa lnga bo ste/ mtshams ma ldan zhing nag po med/ rtsa ba yangs pa mchu 'chang ba/ /dbyibs ni legs shing lto ba che/ /de lta bu'i mtshan ldan la/ /a ka ru 'am gu gul bdug par bya/ /rin chen lnga dang 'bru lnga dang/ dri lnga sman lnga de bzhin te/ 'bras bu can gyi shing lnga yi/ /lo mas kha la rnam par brgyan/ /bdud rtsi lnga dang snying po lnga/ /de bzhin mgul chings gdugs kyis brgyan/ /rim bzhin dkyil 'khor dgod par bya/ /yan lag dang ni gtor ma dang/ bdag gis 'dir ni ma bshad de/ /gzhan la ltos la shes
- 316b
par gyis/ /rdo rje slob dpon dge slong gis/ /kha zas dkar po brten nas su/ /cho ga yang dag bsam par gyis/ /khengs pa med cing nga rgyal spangs/ /nyon mongs shas ni mi che zhing/ /byams pa snying rje dga' ba dang/ btang snyoms la ni yang dag 'jug/ yi ge bzhi pa'i sngags kyis ni/ /dgug pa bzhugs bcing ba dang/ /ye shes lta ni dgyes par 'gyur/ /sro ma mkhan la sogs bsangs gtor bya/ bsnyen pa cho ga yang dag bzung/ /mchod stod la sogs byas nas su/ thun gtor la sogs gtang bar bya/ /phyogs skyong bcu dang rgyal po dang/ gza' dang skar ma 'byung po rnams/ /rjes mthun gtor ma byin nas su/ /de la mchod pa bstod pa bya/ /rdo rje slob dpon bka' drin gyis/ /nad pa yul 'khor yang dag bsrung/ /sems can la ni snying rje'i phyir/ /rim gro'i cho ga yang dag bshad/ /de ni dkyil 'khor byed pa'i bya thabs so/ /'khor lo rim pa bcu bris la/ /sngar bshad las kyi snying po dgod/ /phyi rol 'khor lo'i ra ba la/ /phyag mtshan phyag rgya dgod pa ni/ /mnyam gzhag byang chub mchog dang ni/ /chos 'chad skyabs sbyin mchog sbyin dang/ sa gnon chos sbyin phyag skor ba/ /bum rten rdo rje rin chen dang/ /ral gri'i steng na rdo rje dang/ /de bzhin pad+ma de bzhin no/ /'khor lo lcags kyu rdo rje dang/ /de bzhin 'khor lo'i phyag rgyas bskor/ /pad+ma'i steng na phyag mtshan gnas/ sdong bu dar gyis bcings pa la/ /rgyas par yang ni bri bar bya/ /'khor lo gnyis pa zlum po la/ /pad+ma rdo rje yang dag bri/ /bde bar gsang sngags yi ge dgod par bya/ /de nad gsum po mu khyud la/ /sngar bshad sngags kyis bskor ba bya/ de nad mu khyud gcig bu la/ /'khor lo'i rim pa de bzhin shes/ /'khor lo'i nang du mu khyud de/ /sngar bshad sngags ni bri bar bya/ /de yi nang na 'khor lo la pad+ma'i ra ba shes pa'o/ /'khor lo lte
- 317a
bar mu khyud dang/ /snying po yi ni sngags bzhin no/ lte sngags yi ge bri ba ste/ blo dang ldan pas bri bar bya/ rig sngags kyi rgyal mo gsang sngags kyi rjes su 'dzin ma'i dkyil 'khor dang/ /srung pa'i 'khor lo bshad pa'i gnas skabs te bdun pa'o/ /yongs su bskyab pa dang/ zhes bya ba la sogs pa ni/ yang dag par rdzogs pa'i sangs rgyas kyi bka' dang/ rig sngags kyi bden pa dang/ srung ba de rnams kyis kyang/ /sdug bsngal thams cad dang bral zhing/ bde bar gnas te/ srung ba des yang dag par rdzogs pa'i sangs rgyas thob pa'o/ 'byung po thams cad bzlog par bya'o/ /zhes bya ba ni/ bden pa 'dis lha'i gdon la sogs pa thams cad kyis mi tshugs shing/ bden par gnas shing 'jigs pa med par gnas pa'o/ gzi brjid 'phrog pa rnams bzlog par bya'o zhes bya ba ni ma rungs pa'i byis pa'i gdon rnams yin te/ ma'i mngal nas 'dzin cing/ skyes nas lo bcu gnyis bar du 'dzin pa'o/ de'i phyir na sems can la gzi sbyin 'phrog pa yin te/ bden pa de yis bde bar gnas shing/ mngal na yang 'di lta ste/ skyes nas kyang bde pa'o/ lo bcu gnyis nas kyang bde bar 'gyur ro/ bden pa'i tshig ces bya ba ni/ yang dag par rdzogs pa'i sangs rgyas kyi bka' dang/ rig sngags kyi bden pas bde bar gnas te the tshom med do/ /gang gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes bya ba ni/ 'das pa dang/ ma 'ongs pa dang/ da ltar byung ba'i sangs rgyas rnams yin te/ 'das pa rnams ni mar me mdzad la sogs pa bsam gyis mi khyab ste/ mi 'ongs pa rnams kyang de bzhin du byams pa la sogs pa'o/ da ltar yod pa'i shAkya thub pas kyang bdud bzhi
- 317b
bcom pas ston par byas pa'o/ ngas 'dod chags dang/ zhe sdang dang/ gti mug zad par bya ba'i phyir zhes bya ba ni/ 'dod chags ni phung po'i bdud de/ zhe sdang ni nyon mongs pa'i bdud do/ /gti mug ni 'chi bdag gi bdud yin te/ de 'joms pa ni lha'i bu'i bdud do/ sangs rgyas rnams kyis bdud bzhi bcom zhing/ 'khor ba ma lus par bcom zhing chos kyi 'khor lo bskor ba'o/ chos kyi phung po brgyad khri bzhi stong bstan pa dang/ zhes bya ba ni bdud bzhi bcom nas/ sems can gyi don la/ sprul pa'i skus khyab nas chos ston pa'o/ /bshad pa dang/ brjod pa'i zhes bya ba ni/ chos kyi phung po brgyad khri bzhi stong bstan nas/ sku mya ngan las 'das pa'o/ de yang sems can gyi don la yin no/ bden pa dang/ bden pa'i tshig des ming 'di zhes bya ba'i nad bzhi brgya rtsa bzhi zad par gyur cig ces bya ba ni/ de bzhin du de'i bden pas/ bdag dang sems can thams cad bde bar 'gyur zhing/ nad thams cad zhi bar 'gyur ro/ nad med par gyur cig /zhi bar gyur cig/ rab tu zhi bar gyur cig ces bya ba ni/ rig sngags kyi rgyal mo gsang sngags rjes su 'dzin pa 'dis/ nad thams cad bcom par byas te/ gdon thams cad brlag bar byas nas/ rlung dang/ bad kan dang/ mkhris pa dang/ 'dus pa dang/ ldan pa la sogs pa'i nad rigs mi gcig pa bzhi brgya rtsa bzhi bcom nas/ nad pa rnams bde bar gnas bar byed pa'o/ /bden pa ni 'di yis kyang yang dag par rdzogs pa'i sangs rgyas kyis 'bras bu thub pa'o/ /rig sngags kyi rgyal mo gsang sngags rjes su 'dzin ma'i/ bden pa'i tshig gis nad pa gso ba'i gnas skabs te brgyad pa'o/ /de skad ces bka' stsal nas zhes bya ba ni/ rig sngags kyi rgyal po gsang sngags rjes su 'dzin ma'i tshig 'di bka' stsal
- 318a
pa'o/ /tshe dang ldan pa kun dga' bos/ /btsun pa de bzhin bgyi'o/ /zhes bya ba gsol to/ /zhes bya ba ni/ kun dga' bos thugs su chud nas/ gro ga 'am/ shing shun nam/ ras la bris nas/ rgyal mtshan gyi rtse mo la btags te zhes bya ba'o/ /bcom ldan 'das kyi ltar mnyan nas/ yangs pa'i grong khyer du song ste zhes bya ba ni/ tshe dang ldan pa kun dga' bos sems can thams cad dang/ yangs pa can gyi sems can rnams kyi/ mi nad dang/ phyugs nad dang/ mu ge dang/ chos rnams kyang bshad du ming btub cing/ ma rungs pa 'byung po rnams kyis khyer ba'i phyir ro/ /sgo'i them pa la rkang pa bzhag nas zhes bya ba ni/ grong khyer yangs pa can gyi dbus su yul lha'i them pa la mnan nas rig sngags kyi nga rgyal byas nas/ rgyal mtshan lag na thogs nas/ seng ge'i sgra sgrags so/ /gsang sngags kyi gzhi 'di dag dang/ tshigs su gcad pa 'di dag kyang smras so/ /zhes bya ba ni/ tshe dang ldan pa kun dga' bo'i zhal nas/ nyi ma'i stong phrag brgya shar ba bzhin du/ 'od gzer re res rig sngags kyi rgyal mo gsang sngags rjes su 'dzin ma khro ba'i tshul gyis bsam mi khyab pa 'phros te/ grong khyer yangs pa can du zhugs pa'i lha 'dra rnams de'i 'od zer gyi khro bos lha 'dre rnams phyir phyung ste/ /rig sngags kyi dmod mos mi thegs pas gzugs sna tshogs ston cing bros so/ /rigs sngags kyi tshig ni bi sa ra ta/ bi sa ra ta zhes pa la sogs pa'o/ /de'i sngags yungs kar bsres pa phyogs bzhir/ gtor bas lha 'dre thams cad kyis mi tshugs so/ /mi rgats+tsha ta ni rgats+tsha ta la sogs pa'i sngags kyis/ seng ldeng gi me phyogs bzhi mtshams bzhir sbar la mtshams bzhi nas blangs la/ /yungs kar dang/ skye tshe dang/ shing tsher ma/
- 318b
can bsres? pa/ me'i nang du gtor ro/ /phyogs bzhi mtshams bzhi nas chu gtor/ /de na bzhugs pa'i 'gyur po rnams kyi mi tshugs shing/ phyir 'byung ngo/ su ma su la sogs pa'i sngags kyis srung skud sna lnga bsngags shing mdud pa bor te de bsrung bar byas na nad thams cad kyis mi tshugs shing/ 'byung po rnams kyang 'phros so/ /su mu ru su mu ru/ zhes bya ba'i sngags ni rig sngags kyi snying po bstan no/ /de yang pad+ma'i rigs kyi lam mo rigs so/ /mtshon pa na bya ba nan tan gyi ye shes te/ mtshon byed ni rig sngags kyi bdag nyid do/ /phung po ni 'du byed kyi phung po ste/ khams ni drung gi khams so/ /skye mched ni lus kyi skye mched do/ /ye shes lnga'i rang bzhin/ sangs rgyas lnga'i/ bu rgyan can/ /spyan gsum pa sku mdog ljang gu/ zhal gsum pa/ phyag drug pa/ zhal g.yas dkar ba/ g.yon dmar ba'o/ /phyag g.yas pa gsum na/ ral gri dang/ rdo rje rgya gram dang/ skyabs sbyin no/ /g.yon gsum na bsnams pa ni/ 'khor lo dang/ zhags pa dang/ rdo rje'o/ /zhabs g.yas brkyang ba g.yon bskum pa/ pad+ma'i steng na zla ba'i gdan la nyi ma'i 'od dang ldan pa/ 'dzum pa'i zhal dang ldan par bzhugs so/ /rig sngags kyi rigs ni gang zhe na/ 'di lta ste/ su mu ru su mu ru la sogs pa'o/ /de dag sngags rnams grub par 'gyur zhes bya ba ni/ gsang sngags kyi bkra shis kyi tshigs su bcad pa la sogs pa'o/ /sangs rgyas rnams kyi byin brlabs dang/ rig sngags gsang sngags rnams kyi byin brlabs dang/ rnam par dag pa 'di 'das pa dang/ ma 'ongs pa dang/ da ltar yod pa rnams kyi bka' dang/ rig sngags kyi chos kyis bden pas/ grong khyer yangs pa can srung zhing skyob pa dang/ sba ba dang zhi ba dang/ bde legs su 'gyur ro/ bcom ldan 'das kyis de skad ces bka' stsal
- 319a
nas zhes bya ba ni/ /rig sngags kyi rgyal mo gsang sngags rjes su 'dzin ma bka' stsal lo zhes bya ba ni/ tshe dang ldan pa kun dga' bo dang zhes bya ba ni/ byang chub sems dpa' sems dpa' chen po lag na rdo rje la sogs pa/ bye ba khrag khrig stong phrag brgya dang ngo/ /nyan thos kyang de bzhin no shA ri'i bu la sogs pa nyis brgya lnga bcu dang ngo/ /gzhan yang dge slong pha 'am/ dge slong ma 'am/ dge snyen pha 'am/ dge snyen ma la sogs pa mang po dang thabs gcig tu'o/ /mi mjed kyi bdag po tshangs pa dang zhes bya ba ni/ tshangs ris kyi lha rnams dang/ gzugs kyi khams kyi lha rnams kyang thabs gcig go /lha dang zhes bya ba ni/ lha'i dbang po brgya byin sum cu rtsa gsum gyi lha rnams dang/ rgyal po chen po bzhi dang/ rgyal chen bzhi'i lha rnams dang zhes bya ba ni/ lha ma yin gyi rgyal po thag bzangs ris la sogs pa lha ma yin mang po dang/ gnod sbyin gyi sde dpon nyi shu rtsa brgyad dang ngo/ /dri zar bcas pa'i zhes bya ba ni/ dri za'i rgyal po zur phung lnga pa g.yog du ma dang bcas pa dang/ 'phrog ma bu dang bcas pa/ g.yog 'khor dang bcas pa rnams dang po/ 'jig rten yi rangs te zhes bya ba ni/ stong gsum gyi stong chen po'i 'jig rten gyi khams kyi'o// bcom ldan 'das kyis gsungs pa la mngon par bstod do/ /zhes bya ba ni/ byang chub sems dpa' dang/ nyan thos dang/ dge slong pha dang/ dge slong ma dang/ dge bsnyen pha dang/ dge bsnyen ma dang/ lha dang/ mi dang/ lha ma yin la sogs pa'o/ /rig sngags kyi rgyal mo gsang sngags rjes su 'dzin ma'o/ /grong khyer yangs pa can na zhugs pa'i 'byung po rnams phyir btang ba'i gnas skabs te dgu pa'o// //pad+ma'i rigs lnga bstan pa'i brtag pa ste/ gnyis pa rdzogs so//
- 319b
rig sngags kyi rgyal mo gsang sngags rjes su 'dzin ma'i mdo'i 'bum 'brel/ /slob dpon chen po las kyi rdo rjes mdzad pa rdzogs so// //rig sngags kyi rgyal mo gsang sngags rjes su 'dzin ma'i mdo'i 'bum 'grel/ /paN+Di ta mkhas pa chen po mi mnyam rdo rje'i sras/ paN+Di ta don yod rdo rjes/ jo mo sgrol mas zhabs kyis bcags pa/ /tshangs pa'i 'byung gnas/ rdo lung dgon par rab 'gyur ro/ /'di bskyur bsod nams gang thob pas/ /de yis mkhas srid gsum du ni/ /gsang sngags rjes su 'dzin ma yis/ dngos grub go 'phang myur du shog/ //rgya gar skad du/ ma hA shI ta ba ti bi dya rA dza su traM ta sa ha ra Sha TI kA nA me/ bod skad du/ rigs sngags kyi rgyal mo / bsil ba'i tshal gyi mdo'i 'bum 'brel zhes bya ba/ rig sngags kyi rgyal mo chen mo bsil ba'i tshal la phyag 'tshal lo/ /bder gshegs yang dag rdzogs pa'i sku/ /skyon gyis ma gos yongs rdzogs pa/ /gzhan yang sems can don mdzad de/ /thub pa'i sku la phyag 'tshal lo/ /bsil ba'i tshal gyi mdo sde 'di/ /yang dag bsams la ston byed ba/ /rab rib kyis ni mi shes pa'i/ /bdag gis bsams la yang dag bshad/ /'di skad bdag gis thos pa'i dus gcig na zhes bya ba ni/ 'di skad ces bya ba ni/ sgro skur dang bral ba'o/ /bdag gis thos pa zhes bya ba ni kun dga' bos so/ /grogs med dam zhe na/ nyan thos la sogs pa dang thabs gcig tu thos pa'o/ /su la thos na/ bcom ldan 'das la'o/ /gang thos na bsil ba'i tshal gyi mdo 'di thos pa'o/ /sus thos na kun dga' bos thos pa'o/ /dus gcig na zhes bya ba'i sgra ni don gnyis la 'jug ste/ /sdud pa po shes rab che bar go ba dang/ dam pa'i chos 'byung ba dkon pa'i don to/ /ston pa ni/ bcom ldan 'das so//
- 320a
bcom ldan 'das zhes bya ba ni/ bcom pa ni bzhi bcom/ bzhi ni dgra'o/ /dgra ni bdud bzhi'o/ /bdud bzhi ni phung po'i bdud dang/ nyon mongs pa'i bdud dang/ 'chi bdag gi bdud dang/ lha'i bu'i bdud bzhi'o/ /gang gi dus na bcom zhes na/ rdo rje'i gdan la bzhugs pa'i dus so/ /ldan pa zhes bya ba ni/ bskal pa dang ldan pas na/ bcom ldan no/ /'das zhes bya ba ni/ mya ngan las 'das pa'o/ /'das pa ni gang gi dus she na/ dpyid zla ra ba'i gnam stong gi nub mo'o// rgyal po'i khab ces bya ba ni/ dan+ta ka'i grong khyer dang/ ka liM ka'i grong khyer dang/ ma ga d+ha'i grong khyer dang/ gsum yod pa las/ ma ga d+ha'i grong khyer na drang srong sgom chen zhig yod pa las/ byis pa zhig gis gnod pa byas pas/ drang srong gis can? ? bas grong khyer gsum po tshig pas dur khrod gsum du gyur/ de'i tshe lha'i bu sheng las skyes dang/ sheng bu grogs gnyis byung ste/ 'jig rten gyi mi rnams byung ste/ dang po sa'i bcud za/ gnyis pa bdud rtsi'i zhag za/ gsum pa myu gu za/ bzhi pa 'bras sa lu'i ljan pa za ba la sems can de rnams ma mthun nas/ sems can de dag 'di snyam du sems te/ bdag cag tshogs shing 'dus pa la/ bdag cag gi nang nas sems can lhag par gzugs bzang ba/ lhag par lta na sdug pa lhag par mdzes pa/ lhag par bsod nams che bar grags pa gang yin pa de ni/ bdag cag gi zhing rnams kyi bdag por bkos dang/ des bdag cag chad par bcad par bya ba ni chad pas gcod par 'gyur/ phan gdags par bya ba rnams la phan 'dogs/ bdag cag gi zhing dag las 'khrungs pa gang yin pa de las/ de las chos bzhin du/ thog shas sbyin par bya'o zer nas/ de rnams kyi nang nas lhag par gzugs bzang ba/ lhag par mdzes pa
- 320b
lhag par bsod nams che bar grags pa gang yin pa de/ zhing rnams kyi bdag por bskos te/ 'di skad ces kye sems can khyod tshur shog /kho bo cag las chad par gcad par 'os pa rnams la chad pa chod cig/ phan gdags par bya ba rnams la ni phan thogs shig/ kho bo cag gi zhing dag las 'khrungs pa gang yin pa de las/ khyod la kho bo cag gis chos bzhin du thog shas sbyin no/ /des de rnams la chad pa gcad par bya ba la ni chad pa gcod/ /phan gdags par bya ba rnams la ni phan 'dogs par byed cing/ de la de rnams kyi zhing dag las 'khrungs pa gang yin pa de las/ chos bzhin du thog shas 'bul te/ /skye bo'i tshogs chen pos bkur zhing/ skye bo'i tshogs chen pos bkur bas mang pos bkur pa zhes grags so/ zhing de rnams kyi bdag por gyur pa na/ nyams pa las skyob par byed pas/ rgyal rigs rgyal rigs zhes bya bar grags so/ /chos kyis mgu bar byed cing/ tshul khrims nyams su blangs te gnas/ shes rab nyams su blangs te gnas pas/ rgyal po rgyal po zhes bya bar grags so/ /mi rnams bsod nams brtag bar bya ba'i phyir/ 'bras sa lu'i ljang pa bgos so/ /'jag ma'i spyil po la me mi gtang ba'i khrims bcas so/ /de nas dus nam zhig na rgyal po'i btsun mos me shor bas rgyal po na re rang gi khrims rang gis bshig tu mi btub pas/ bya rgod phung po'i ri'i nub phyogs su nga'i khyim cig brtsigs shig gsung ngo/ /de nas brtsigs pas/ nyin mo brtsigs pa nub mo zhig pa la/ rgyal po'i zhal nas nga bsod nams khyad par du// 'phags pa yin pas/ phyogs bzhir rgyal po'i khab yin no bris shig gsungs pas/ phyogs bzhir rgyal po'i khab yin no zhes bris pas/ mi ma yin gyi gnod bzhi'o/ /de nas pho brang bai DUrya dang shel bya bar kyang grags so//
- 321a
rgyal po'i khab kyi tshang ni gzhan du shes par bya'o/ /bya rgod phung po'i ri zhes bya ba ni/ gzhal yas khang ngo/ /ci'i phyir bzhal yas khang zhe na/ sangs rgyas rabs bdun bzhugs nas chos gsungs pa'i phyir ro/ /bya rgod phung po'i ril ni brtsags pa'o/ /ci'i phyir brtsegs she na/ rin po che sna bzhi las grub pa'i phyir ro/ /gser dang/ dngul dang/ pad+ma rA ga dang/ in+d+ra nI la'o/ /ri rab de de bzhin du brgyan pas gzhal yas khang ngo/ /ri rab de'i tshad ni 'di lta ste/ mtho ba zlum pa/ gnam 'phangs dang/ rgyar yangs pa/ lo tog thams cad kyis sa 'dzin me tog dang/ phreng ba dang/ spos rna ba sna tshogs dang ldan pa'o/ /dge slong nyis brgya lnga bcu'i dge slong gi dge 'dun chen po dang zhes bya ba ni/ nyan thos chen po rab tu mang po thams cad dgra bcom pa/ zag pa zad pa/ srid par kun tu sbyor ba chad pa/ yang dag pa'i ye shes sems shin tu rnam par grol ba/ rdzu 'phrul gyi stobs dang/ cho 'phrul bsam gyis mi khyab pas/ rnam par 'phrul pa'i mthu chen po thob pa/ lta ba chags pa med pa/ thams cad kyang dri ma dang bral ba/ kun nas nyon mongs pa'i bag chags kyi sa bon bsregs pa sha stag la 'di lta ste/ tshe dang ldan pa shA ri'i bu dang/ tshe dang ldan pa byams ma'i bu gang po dang/ tshe dang ldan pa ka bi na dang/ tshe dang ldan pa rab 'byor dang/ tshe dang ldan pa mong+gal gyi bu chen po dang/ tshe dang ldan pa skul byed dang/ tshe dang ldan pa dga' byed dang/ tshe dang ldan pa 'od srungs dang/ tshe dang ldan pa 'od srungs chen po dang/ tshe dang ldan pa lter rgyas 'od srungs dang/ de dag la sogs pa nyan thos rab tu mang po dang/ dge slong dang/ dge slong ma dang/ dge bsnyen dang/ dge
- 321b
bsnyen ma dang/ lha dang mi dang/ lha ma yin dang/ dri za la sogs mang po 'dus pa'o/ /thabs gcig tu zhes bya ba ni/ 'khor de dag dang/ byang chub sems dpa' rnams yin te/ /byang chub sems dpa' bye ba khrag khrig 'bum phrag brgyad cu rtsa bzhi thams cad kyang skye ba gcig gis thogs pa/ bla na med pa yang dag par rdzogs pa'i byang chub las phyir mi ldog pa/ mthu chen po thob pa/ rdo rje chen po'i rnam par thar pa dang/ ting nge 'dzin gyi sangs rgyas kyi zhing du rnam par 'khrul pa dang/ cho 'phrul chen po kun tu ston pa dang/ sems kyis skad cig thad cig yud tsam cig la sems can thams cad kyi sems dang/ spyod pa rjes su 'jug pa'i chos bstan pa sna tshogs mnyam pa nyid mnyam zhing rgya che la zab pa dang/ spob pa dang/ cho 'phrul dang ldan pa/ sangs rgyas kyi zhing du mar de bzhin gshegs pa la mchod pa chen po'i sprin gyis mchod pa dang/ rnam par thar pa'i sgo dang/ gzungs dang ting nge 'dzin dang/ dbang dang/ mngon par shes pa dang/ ma 'dres pa dang/ byang chub kyis yan lag dang/ lam dang/ sa dang/ pha rol tu phyin pa dang/ bsdu ba'i dngos po dang/ byams pa dang/ snying rje dang/ dga' pa dang/ btang snyoms dang/ byams pa'i stobs dang/ dben pa dang/ yongs su byang ba'i sems kyi rgyun dang ldan pa sha/ stag la 'di lta ste/ byang chub sems dpa' sems dpa' chen po sa'i snying po dang/ nam mkha' i snying po dang/ phyag na rdo rje dang/ 'jig rten dbang phyug dang/ sgrib pa thams cad rnam par sel ba dang/ kun tu bzang po dang/ nyi ma grags pa dang/ zla ba'i grags pa dang/ rdo rje'i snying po dang/ rdo rje grags dang/ 'jam dpal grags dang/ byang chub sems dpa' sems dpa' chen po byams pa la sogs pa bye ba khrag khrig 'bum phrag brgyad cu rtsa
- 322a
bzhi dang thabs gcig tu'o/ /bzhugs te zhes bya ba ni/ yang dag par rdzogs pa'i sangs rgyas shAkya seng ges 'dir chos kyi 'khor lo shin tu bskor ba dang/ sangs rgyas kyi mdzad pa shin tu yongs su rdzogs par mthar phyin pa dang/ bsod nams dang/ ye shes kyi tshogs ni shin tu yongs su rdzogs thams cad mkhyen pa nyid kyi byang chub chen po'i phyir pha rol tu phyin pa dang/ sa mnyes pa ni shin tu yongs su gzung rin po che pad+ma'i snying po seng ge'i khri la ni bzhugs te/ seng ge'i khri ni gang zhe na sngon gyi smon lam gyi stobs kyis sangs rgyas bcom ldan 'das gang du gshegs pa'i sa na yod pa'o/ /rin po che dang/ rdo rje pad+ma'i khri bya rgod kyi phung po'i rim mdzes pa dang/ rin po che dang/ mu tig dang/ dril bu g.yer ka'i dra ba du ma sil li sil li'i sgra 'byung/ rdo rje dang/ rin po che du ma'i stegs bu la/ rtsa ba la legs par brten pa/ rdo rje dang/ rin po che du ma'i chu srin gyi kha nas byung ba'i mu tig dmar po'i phreng ba dang/ 'dab ma'i rnam rten bcug pa/ rin po che du ma'i pad+ma'i snying po la chags pa'i rin po che ke ke ru dang/ ke ke ru chen po dang/ in+d+ra nI la dang/ in+d+ra nI la chen po dang/ mdun nas 'od zer chen po bar snang la khyab pas kun tu mdzes pa dang/ rin po che dang/ rdo rje'i thur mas brgyan pa'i gdugs yu bas bstod pa byed pa khrag khrig 'bum phrag du mas grib mar bsgribs shing bskyabs pa/ dpag bsam gyi shing du mas brgyan par mdzes pa/ rdo rje rin po che'i khri bya rgod kyi phung po'i rtse mo la bzhugs te/ gser gyi ri bo'i rgyal po ltar dpal ni 'bar/ sa phyogs ni nyi ma stong pas lhag pa'i 'od zer gyi dkyil 'khor gyis rnam par brgyan/ zla ba nya ba ltar 'jig
- 322b
rten thams cad la ni sdug par snang/ dpag bsam gyi shing ljon pa chen po ltar sangs rgyas kyi chos rnams shing du rgyas shing chos ston te/ tshangs par spyod pa/ thog mar dge ba bar du dge ba/ tha mar dge ba/ don bzang po tshig 'bru bzang po/ ma 'dres pa yongs su rdzogs pa/ yongs su byang ba/ yang dag par rab tu ston to/ /spyi gtsug ni sems can thams cad kyis blta bar mi mthong ba bdud kyi las thams cad las ni nges par rgyal/ de kho na thams cad mkhyen pa nyid thugs su chud/ spyan lnga ni mnga' / rnam pa thams cad kyi mchog dang ni ldan/ thams cad mkhyen pa'i ye shes dang ni ldan/ sangs rgyas kyi chos thams cad dang ni ldan/ bdud dang phas kyi rgol ba'i tshogs thams cad ni bcom/ grags pa dang/ sgra dang/ tshigs su bcad pa ni 'phags// khyu mchog dang seng ge'i sgra ni bsgrags/ /ma rigs pa'i mun pa ni kun tu bsal bskal ba bye ba khrag khrig 'bum phrag grangs med pa dpag tu med par sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ stobs dang/ smon lam dang/ ye shes kyi pha rol tu phyin pa dang/ dka' ba spyad pas mngon par grub pa'i skyes bu chen po'i mtshan sum cu rtsa gnyis dang/ dpe' byad bzang po brgyad cus sku brgyan par mdzes shing/ rin po che rdo rje chen po'i pad+ma'i snying po seng ge'i khri la bzhugs pa'o/ /rig sngags kyi rgyal po bsil ba'i tshal gyis/ gnas dang 'khor phun sum tshogs pa'i gnas skabs te dang po'o// //de'i tshe na zhes bya ba ni/ bcom ldan 'das rgyal po'i khab na bya rgod kyi phung po'i ri la bzhugs pa'i tshe'o/ /tshe dang ldan pa sgra gcan zin/ zhes bya ba ni/ gzhon nu la rab tu byung ba/ 'dul ba'i bya ba mang po mi shes pa/ nga rgyal gyi khengs shing sangs rgyas kyi sas/
- 323a
yin sems nas chos la ma chud do/ /rgyal po'i khab kyi dur khrod chen po bsil ba'i nags na zhes bya ba ni/ dpag tshad brgya yod pa/ 'jigs su rung ba/ ro dang/ ro langs dang/ lce spyang dang/ stag dang/ sbrul dang/ seng ge dang/ yi dags dang/ sha za dang/ 'byung po rnams kyis ro la ma mthun zhing/ phar bgrad tshung bgrad byas shing skad rnam pa sna tshogs 'don pa dang/ lce spyang rnams 'thab pa'i skad 'jigs su rung ba dang/ rkeng rus dang/ mgo dang/ lpags pa dang/ lag pa'i sor mo dang/ rkang pa'i dum bu dang/ ro'i dum bu dang/ bsal shing la bkyon pa dang/ shing la btags nas mgo mjug bslog pa'i ro dang/ man 'gal lcags skyus phig nas shing la bkal ba'i ro dang/ mtshon gyis dum bur byas shing/ kha yo ba dang/ mig yar la bltas shing shi ba dang/ ro mi cig pa sna tshogs kyis khengs te/ dur khrod shar na pa tra'i nags tshal yod de/ nags tshal gyi nang nas lha'i gdon ma rungs pa thams cad gnas pa'o/ /lho phyogs na dkar rany+dza ka'i nags tshal yod de/ gshin rje dang/ grul bum dang/ mkha' 'gro gnas te/ nub phyogs na la da'i nags tshal yin te/ 'dab chags bya dang/ nam mkha' lding dang/ klu'i gdon gnas pa'o/ /byang phyogs ni ? ki Ti'i nags tshal yod de/ nags tshal de'i nang na/ gnod sbyin dang/ sha za dang/ gdon ma rungs pa thams cad gnas pa'o/ /shar lho mtshams na tsu ta'i nags tshal yod de/ me lha dang/ brjed byed dang/ smyo byed la sogs pa'i gdon rnams gnas pa'o/ /lho nub mtshams na u dum ba ra'i nags tshal yod de/ de'i nang na srin po'i gdon dang/ ma mo'i gdon la sogs pa'o/ /nub byang gi mtshams na nai gro d+ha'i nags tshal la rlung gi gdon dang/ lha ma yin la
- 323b
sogs pa gnas pa'o/ /byang shar gyi mtshams na ta la'i nags tshal yod de/ de'i nang na dbang ldan gyi gdon dang/ 'byung po thams cad gnas pa'o/ de bzhin du de dag la sogs pa shing sna tshogs kyis khengs shing 'byung po dang/ sha za dang/ ro langs dang bar snang la rgyu ba'i bya dang/ bya rog dang/ 'ug pa dang/ bya rgod dang/ khrung khrung dang/ de bzhin du ka randa la sogs pa yang/ rtag tu 'gyur zhing ro la rgod ste/ gzhan yang bya la sogs pa skad sna tshogs 'don pas 'jigs su rung ste/ sa srin dang/ sa bdag la sogs pa yang de bzhin te/ dngos grub thob pa dang/ rnal 'byor pa'i tshogs mang po dang/ ro 'i rgod zhing za 'dod pa'i tshogs dang/ dngos grub 'dod pas bsgom pa yang sha stag go /yi dags dang/ sha za dang/ bya dang/ rnal 'byor pa'i tshogs kyis hUM dang phaT kyi sgra sgrogs shing/ hi hi dang ha ha dang/ kI li kI li'i sgra sgrogs shing/ 'jigs su rung ba dur khrod bsil ba'i tshal na 'byung po rnams gnas so/ /de nas dur khrod chen po bsil ba'i tshal gyi shar phyogs na/ de nas dpag tshad ldan/ na len+d+ra'i grong khyer chen po'i/ de'i lho phyogs dpag tshad gnyis na/ grong khyer yangs pa can gnas pa'o/ /de'i nub phyogs dpag tshad phyed dang gnyis na ka laM ka'i grong khyer gnas pa'o/ /de'i byang phyogs na/ dpag tshad gcig la bya rgod kyi phung po dang/ rgyal po'i khab gnas pa'o/ /bya rgod phung po dang/ rgyal po'i khab kyi bar na rgyang grags gcig go /de bzhin du grong dang/ grong rdal dang/ grong khyer dang/ ljongs dang/ gzhan yang mang po'o/ /bud shing chen po su'i phyogs na 'dug go zhes bya ba ni/ nga rgyal che zhing nyan thos tsam la 'gran te/ /nga yang yang dag par rdzogs pa'i sangs rgyas kyi sras yin sems nas/ thos pa mi byed cing/ bcom ldan 'das la zhu ba mi 'bul zhing/ /rang mthong
- 324a
gi nga rgyal gyis/ ngas ni dgra bcom pa grub par bya yi snyam nas dur khrod bsil ba'i tshal du phyin to/ /der 'di lta ste zhes pa ni/ bsgom mo snyam nas bsdad pa dang/ ma rungs pa'i 'byung po rnams kyis mtshe bar byas so// lha'i gdon rnams dang lha ma yin gyi gdon rnams dang zhes bya ba ni/ lha dang drang srong gang gnas pa/ /de dag thams cad mi bzad cing/ /'jigs pa'i sems kyis nyan byed pa/ /bye ba stong gi lha ngag dang/ /bye ba phrag brgya'i lha rnams dang/ lha'i bu mo bskal chen dang/ /theg bzangs ris dang sgrag can dang/ /lha min bye ba phrag stong dang/ lha min phye ba khrag brgyad dang/ /de dag bu mo 'phrul ldan pa/ /rnam pa sna tshogs gzugs sprul la/ de bzhin skad kyang sna tshogs 'don gzhon nu sgra zin rtsar bsdad nas/ /'tshe bar byas te sdig pa rnams/ lha'i gdon rnams dang lha ma yin gyi gdon rnams kyis kyang/ /'dus tu mi ster zhing drag shul bstan no/ /klu'i gdon rnams dang gnod sbyin gyi gdon rnams dang zhes bya ba ni rab tu gnas na rgya mtsho dang ? yi rgyal po gzi can dang/ klu'i rgyal po ma dros dang/ dga' bo nyi dga' gnyis po dang/ rdo rje blo gros pak+Shu dang/ gaM gA 'ga' po sind+hu mtsho/ /bya yi rgyal po 'dab bzangs dang/ rgya mtsho chen po 'khrugs byed dang/ rigs ni klu ni klu bzhi dang/ sa srin sa bdag za byed dang/ ma rungs byed cing khro ba dang/ dug pa byed cing 'tshe byed dang/ stong phrag bye ba'i klu yi gdon/ bya ba brgya'i klu dag dang/ de yi bu mo bskal chen rnams/ /rtag tu sems can gnod par byed/ /gnod sbyin ma rungs mdangs 'phrog pa/ /snying rje med cing khrag 'thung ba/ /gsus chen 'jigs pa chen po ste/ /stobs po che la sgra yang che/ /mgrin bcu po la mig stong ngo/
- 324b
gdon chen mig ni dmar pa rnams/ /'khor ni mang po rnams btang ste/ /lag na mtshon thogs rab tu 'jigs/ /sbrul gyi zhags pa thogs pa dang/ /lag bzhi lag na sgron ma thogs/ /lag na mtshon dang mi lpags thogs/ rdo rje mdud rtsi lag na thogs/ /rab tu grags pa'i gtan brgal nas/ /phyogs kun tu ni grags par byed/ /de yi gnas na 'khod pa yi/ /za ba po ni rtag tu skyangs/ /mi yi 'jig rten 'di dag tu/ /skyes pa bud med rnams kyang 'dzin/ /sha khrag don mor bcas pa la/ /rnam par 'khrul cing 'dod pa'i gzugs/ /gnod sbyin de dag ma rungs pa/ /sems can rnams la 'tsho bar byed/ /gzhon nu sgra zin bsgom pa la/ /drags shul gyis ni gnang ba byas/ /klu'i gdon dang gnod sbyin gyi gdon gyis bsgom par mi ster zhing drag shul gyis 'tshe bar byas so zhes bya ba'o/ /srin po'i gdon rnams dang mi 'am ci'i gdon rnams dang zhes bya ba ni/ /mi 'am ci dang srin po dang/ rnam pa sna tshogs gzugs bstan pa/ kha cig mtshon gyis rab tu 'tshe/ /lus dang 'bral ba dag tu snang/ /rnam par 'khrugs shing 'dod la mos/ /rgyu ma'i 'phreng bas kun tu bkra shis/ /rtse gsum mdung gis rab 'debs shing/ /srogs chags rnams la gnod par byed/ /mi bzang pa yi dbugs 'byin cing/ /skye dgu 'di dag skrag par byed srog chags rgyud ni ji snyed pa/ sna tshogs kyis ni gzugs su snang/ /kha cig dag ni ri yang thogs/ /la la ral gri 'khor lo thogs/ /bgegs ni brgya phrag stong rnams te/ /dbyugs pas bsdigs shing kha drag po/ /mig byung ba la bzhin mi gdug /srin po so naM rno ba dang/ /sna dang rna ba bcas pa dang/ /lce gcad gdon ni gnyer ma can/ /rkang lag dag ni 'khums ba dang/ mgo bo
- 325a
bcad pa'i srin po rnams/ /skabs ni rab tu 'tshol bar byed/ /sdig pa can rnams gzi brjid 'phrog /mi dag gi ni lus rnams la/ /rab tu phra ba'i gdon du snang/ /spu yi bar dang gnang rnams dang/ /de bzhin ma yi kha rnams zlums/ /srin po 'am mi ci'i gdon rnams kyis/ 'tshe ba bar du byas pa'o/ /srin po dang mi 'am ci'i gdon gyis/ /gzhon nu sgra can zin la rnam pa sna tshogs kyi gzugs bstan zhing/ gnod pa skyel pa'o/ /lto 'phye chen po'i gdon rnams dang dri za'i gdon rnams dang zhes bya ba ni/ lto 'phye dri za'i gdon rnams kyis/ /snying rje can cing 'tshe byed pa/ /rnam pa sna tshogs sgra 'byin na/ /gzhon nu de la 'tshe bar byed/ /rdza rnga dag ni brdungs nas su/ /la las rnga zlum dag ni brdungs/ /pi wang gling bu 'khar rnga dang/ /lto 'phye rnams ni sgra 'byin te/ /rol mo'i dbyangs sgra sna tshogs dang/ /glu dang gar rnams byas nas su/ /gzhon nu de la 'tshe bar byed/ /lto 'phye'i gdon rnams dang dri za'i gdon rnams kyis kyang/ /gzhon du sgra can zin la sgra sna tshogs kyi skad kyis 'tshe bar byed pa'o/ /mi ma yin gyi gdon rnams dang/ rlung lha'i gdon rnams dang zhes bya ba ni/ de yi mdun na 'jug pa yi/ /mi ma yin dang rlung lha'i gdon// lag pa bzhi pa ma rungs pa/ /rkang mngas dang ni rkang gcig pa/ /rkang pa bzhi dang rkang pa gnyis/ /rkang pa bsgreng la spyi gtsugs dang/ /lus mngas mgo bo gcig pa dang/ lus gcig pa la mgo bzhi dang/ /mig mangs po la lus phyed dang/ /mi gcig lto ba bcu gnyis dang/ bong bu rnga mo glang chen mgo /lag pa sgrengs la mgo btud dang/ /mtshon cha'i so dang mtshon cha'i lag/ mtshon cha'i rkang pa mi ma yin/ /zangs kyi skra dang zangs kyis so/ /zangs kyi mig
- 325b
dang zangs kyi lag /zangs kyi sna dang lcags kyi kha/ /rkang lag kun tu 'bar ba dang/ /mi yi lus su gnas pa rnams/ /sgur zhar lag pa gsum yod pa/ /mig mi sdug la kha glal ba/ /chu srin dag gi gzugs dang ni/ gzugs mi sdug la kha ra ko /'chu 'changs po dang so yon po/ /rab tu sdug pa khro gnyer can/ /gsus po che dang bum sna po/ /rnam 'phyangs pa dang rna ba med/ /lag rings dang ni rna ba ring/ /sna yi rtse dang lag rtse ring/ /lus bskams lus ni ring ba dang/ /skra rings rab tu brgyan pa dang/ /rkang pa ming pa phra ba dang/ /dri nga ba dang bum lto go /yan lag chu srin 'dra ba dang/ mi ma yi dang rlung lha de/ mdun la rgyu zhing lus ngan bstan/ /sems can thams cad 'tshe byed ba/ /gzhon nu'i lus la 'tshe bar byang/ /mi ma yin gyi gdon dang rlung lha'i gdon rnams kyis kyang/ /sna tshogs kyi gzugs bstan cing gzhon nu'i lus la 'tshe bar byas so/ /yi dags kyi gdon rnams dang 'byung po'i gdon rnams dang zhes bya ba ni/ yi dags 'byung po'i gdon rnams kyis/ /phyogs bzhi la ni gdon byed ba/ /mig sdug gzugs ni bstan nas su/ /drag po'i tshul gyis sgra yang 'byin/ /shin tu 'jigs pa'i tshul bstan nas/ /gtun shing tho ba 'dra ba'i lto/ rnam lto ba la rna bo che/ /gyen du brdzes skra rab tu dmar/ /mgo bo che la mjug rings po/ /skem bo skur bo bum lto bo/ /ri rab rtse mo 'gul nas su/ /me 'dag gi ni char pa 'bebs/ /ljon shing ri rab rdo ba dang/ sprin gyi tshogs gyi mdog 'dra ba/ /dung dang rnga chen rdza rnga dang/ /'byung po yi dags rnams kyi rdung/ /shin tu mi srun thal mdog 'dra/ /mgal ba chu la bcug pa'i mdog/ khrag la dga' zhing sha la dga' / /bzhin mi sdug cing gzugs che ba/ /rkeng rus gzugs ni skra rings po/ /mig yo kha yo mgo gnyis pa/ /skyes pa bud med gnod byas nas/ /gzi brjid 'phrog cing srog
- 326a
kyang 'phrog/ phyogs bzhi dag nas gnod pa po/ /gzhon nu sgra zin 'tshe bar byas/ /yi dags kyi gdon dang 'byung po'i gdon rnams kyis gzhon nu sgra zin la phyogs bzhi nas byas so/ /sha za'i gdon rnams dang grul gum gyi gdon rnams dang zhes bya ba ni/ sha za grul bum gdon rnams ni/ /stobs dang ldan zhing lus ngan po/ /gsus po che la mgo bo che/ /mig zlum sna ni sbrul 'dra ba/ /la la chu srin sna 'dra ste/ skad cig tsam gyis gang yang khyab/ /sa g.yo byed cing ri rab bsgul ma rungs pa ni 'bebs byed pa/ /ke ba che la sgra yang 'byin/ /la la me'i lpags thogs nas su/ /sems can rnams la 'tshe bar byed/ /mi yi gzugs la zhugs nas su/ /mdze yi nad rnams gtong ba'i bdag/ de bzhin phran tshegs nang gtor ba/ /sems can rnams la 'tshe bar byed/ /mi yi gzugs la zhugs nas su/ /mdze yi nad rnams gtong ba'i bdag/ de bzhin phran tshegs nad gtod ba/ /sems can rnams la gnod par byed/ /grul bum rnga bram rnams kyi sgra// /'jigs pa'i sgra ni rab tu 'byin/ /ming po che la bud bu'i sgra/ /nag po sngon po ser po dang/ /dmar ser me ltar dmar ser dang/ khab 'dra'i sbu dang ral gri'i skra/ /dmar po khrag gi bskus pa rnams/ /mi ro dag ni khyer nas su/ /za bzhin du ni rnam par rgyug/ so gnon lag pa dmar po dang/ /mchu ni khrag gis bskus pa dang/ /lus phyed dag ni zos pa dang/ mkhal ma snying dang nang grol gyis/ /snyim pa shin tu gang ba dang/ byin pa dag ni za bzhin du/ /mer mer po dang srog chags kyis ? rkang lag rnams kyi stobs kyang 'phrog/ rkeng rus kyi ni lus kyis su/ /skye bo mang po skrag par byed/ /khrag gi rab tu gang ba yis/ /mi yi lpags pa thogs nas su/ /mi zad dug gis kun bskus te/ /phyogs phyogs dag tu rnam par rgyug/
- 326b
grong khyer rnams kyi sgo dag dang/ khyim nas khyim du rnam par 'thor/ /rlung dang bad kan mkhris pa rnams/ /phyogs bzhi dag du 'khrug par byed/ /sha za grul bum gdon rnams ni/ gzhon nu de la gnod par byed/ /sha za grul bum gdon rnams kyis/ /rnam pa sna tshogs kyi nad btab la/ /rnam par 'tshe bar byas so/ /gzig rnams dang/ bya rog rnams dang/ 'ug pa rnams dang/ grog sbur dang sdig pa rnams dang zhes bya ba ni/ /rnam par 'khrul zhing 'dod pa'i gzugs/ /seng ge dang ni stag dang rta/ /ma he ba lang bong bu dang/ glang po che'i gzugs 'dra dang dom dang gzig dang sbyang ku dang/ khyi dang wa dang ra? dag dang/ byi la byi ba spre'u gzugs/ /bse dang phag dang dred mo dang/ /nya dang rul sbal dag gi gzugs/ /kha cig dag ni sram gyi gzugs/ /pwa dang 'ug pa khu yug dang/ /bya rog khra dang nya ming can/ /rma bya dang pa thi ba dang/ khrung khrung dang ni bya rnams dang/ /kha cig bya gag gzugs rnams su/ /gdon rnams la ni mi yis mthong/ /'dab bzangs bya yi tshul gyis kyang/ /skye bo mang po skrag par byed/ /kha cig mi yi mgo can la/ /lus ni bya gag bong bu 'dra/ /kha cig mtshon gyis rab tu 'tshe/ /lus dang bral ba dag tu snang/ sa dang bar snang phyogs dag tu/ /khengs nas sems can byung ba ste/ /gzhon nus lus la rnam par za/ /bsdad pa gang dang gang rnams su/ /sems can rnams kyis 'dug mi ster/ /bar snang tshogs nas byung nas su/ /gzhon nu'i lus la 'tshe bar byas/ gzhon nu sgra gcan zin la dur khrod bsil ba'i tshal du 'dug mi ster zhing/ lus la 'tshe bar byed pa'o/ /gzhan yang mi dang mi ma yin gyi sems can rnams kyis zhes bya ba ni/ /zhags pa ral gri 'dzin rnams dang/ /mda' gzhu mdung rnams thogs nas su/ /skra 'dzings skra mdud spyi gtsug tu/ /khro bo'i tshul du bstan pa ste/ zhi ba'i tshul du mi ston
- 327a
to/ /mi rgod mang po der byung nas/ /bsdigs shing tshogs par byed pa ste/ /khrid pa'i tshul ni bstan nas su/ mtshon gyi gdengs zhing bsdigs par byed/ /sems can thams cad gnod byed pa/ mi rgod de rnams sdig pa can/ lha dang klu dang dri za dang/ /gnod sbyin srin po lha ma yin/ /nyin gsum pa'i smyo byed dang/ de bzhin du ni rig dags dang/ /'jig rten 'tshe ba gang yin pa/ /gnod sbyin srin bo ma rungs rnams/ /'dir ni 'khod de gzhon nu la/ drag shul gyis ni gnod byed do/ gzhan yang bya rog 'ug pa dang/ /bya gag bya la sogs pa yis/ /bar snang dag la 'tshe bar byas/ /gnod sbyin srin po ma rungs rnams/ /'dir ni 'khod de gzhon nu la/ /drag shul gyis ni gnod byed do/ /gzhan yang bya rog 'ug pa dang/ /bya gag bya la sogs pa yis/ /bar snang dag la 'tshe bar byed/ /gdon rnams de rnams dag gis ni/ /log par bstan nas 'tshe byed pa/ /bud med dag dang skyes ba dang/ /de bzhin bu pho bu mo dang/ /mngal na gnas pa 'ang 'jigs par byed/ /dud 'gro'i skyes gnas gtogs pa 'ang 'tshe/ /skar ma dag dang nyi zla dag /gtum pa'i gza' rnams gnod par bgyid/ /lo tog sa bon 'bras bu dang/ /me tog sman dang zas skom dang/ /mi rnams kyi ni dpal 'phrog cing/ /mthong po rnams ni dma' bar byed/ /'jig rten dag na rmongs pa'i rnams/ /dmag dang 'thab mo sha gnyer dang/ tshig gam bzhig gam gsad bya ba/ /de kun 'byung po'i rnam par bsgyur/ /steng cing gtong bar byed ba dang/ /log par byed cing dgod par bgyed/ /'jigs par byed cing lta bar bgyis/ /dgrar 'gyur pa yang ston par bgyid/ /sdig pa'i rmi lam mthong bar bgyid/ /nyal bdag la gnod par bgyid/ /sgo nas se gol sgra phyung zhing//
- 327b
mi snyan brjod de za bar bgyid/ /mdza' bo gnyen gshes gzugs dag tu/ dga' zhing bka' mchid smra bar bgyid/ /bu mo sdug gu'i gzugs dag tu/ /'dod par spyod par dga' bar bgyid/ /nyi ma skar ma'i gzugs dang ni/ /zla ba'i gzugs su gda' bar bgyid/ /rlung dang skar mda' lce gzugs su/ /de la gnod par byed par gda' / /skar ma'i tshogs dang 'dra ba dag /'jigs par bgyid pa wa dang khyir/ rnam par sbal nas ljon shing dang/ mchod rten dag gi gnas na gda' / skyes pa gzhon nu gzugs mdzes pas/ /'bar zhing shing rta sgra yang 'byin/ /gnad rnams dang ni shul dag tu/ rnam pa sna tshogs rjes kyang ston/ /grong khyer dag dang khyim rnams kyis/ /sgo yang gdon chen de dag 'byed/ /srog dang lus kyang blangs bgyid shing/ /lam ngan kun tu bskor bar bgyid/ /rnam pa sna tshogs gzugs dag dang/ /rnam pa sna tshogs sgra rnams dang/ /rnam pa sna tshogs nad kyi rnams/ /lus lan bar gnas par ston/ /nad rnams kun gyi mtshan nyid kyang/ phyin ci log tu ston par bgyid/ /ji snyed 'jig rten rang bzhin dag /thams cad log par de dag ston/ /de bzhin log par bstan byed pa/ /'jig rten la ni 'jigs par byed/ /'tshe ba sgra zin gzhon nu la/ /phyin ci log cing gnod par byed/ /gzhon nu sgra can zin la gnod pa de rnams kyis/ /zhe sdang byas shing 'tshe bar byas so/ /tshe dang ldan pa sgra gcan zin la na shin tu gtses so zhes bya ba ni/ /dug lnga khong du shar bas zhe sdang byas shing nga rgyal che ba dang/ ma shes par shes par smra ba/ ma mnyan par mnyan par smra ba/ /rang gi rigs pas smras zhing gzhan la bston pa/ bla ma la mi zhu zhing/ rang rig gis bstan pa dang/ bla ma'i rig pa bzhag cing/ rang rig smra ba dang/ lus dang bka' la mi ston cing/ rang
- 328a
gi nga rgyal gyis rang bzo byas pa dang/ tshe phyi ma la mnar med du skye ste/ tshe 'di la yang gdon de rnams kyis 'tshe bar byed cing srog 'phrog pa'o/ /de bzhin du gzhon nu sgra can zin yang/ skad sna tshogs 'byin cing gzugs sna tshogs ston cing gdon rnams kyis phar then tshur then byas shing rang gi lus la rang dbang med do/ /gzhon nu sgra gcan zin de 'jigs par byed bcing 'dar te/ lus la yang na tshas thebs te/ bcom ldan 'das dran zhing skang sna tshogs 'byin zhing kyi hud kyi hud zer zhing sangs rgyas la skyabs su gsol lo/ /chos la skyabs su gsol lo/ /dge 'dun la skyabs su gsol lo/ /de skad ces gsol pa dang/ gdon rnams kyi lan cig bzhag go/ bzhag ma thag tu bsil ba'i tshal nas bros te/ bros ma thag tu gdon rnams kyis ded pa dang/ gzhon nu sgra can zin mdog shor zhing/ ba spu yang gyen la log ste/ hag zad cing 'jigs pa'i sdug bsngal nyams su myong ngo/ /rig sngags kyi rgyal mo bsil ba'i tshal gyi gzhon nu sgra gcan zin gdon gyis zin pa'i gnas skabs te/ gnyis pa'o// //de nas zhes bya ba ni/ gdon gyi zin pa'i de nas so/ de nas tshe dang ldan pa sgra gcan zin/ bya rgod gyi phung po'i rig la ba dang/ bcom ldan 'das ga la ba der song ste phyin nas zhes bya ba ni/ gdon thams cad kyis 'tshe bar byas pas/ 'jigs shing mdog kyang shor ste/ ba spu rnams gyen du log cing/ g.yangs ste phar lta tshur lta byas shing/ gdon rnams kyis phyir 'brang ngo/ /sems so/ /bcom ldan 'das kyis zhabs la mgo bos phyag 'tshal te bya ba ni/ bag chags dang shes bya'i dri ma thams cad 'joms pa sems can thams cad gyi don mdzad pa/
- 328b
de kho na nyid kyi ye shes khong du chud pa/ sangs rgyas thams cad kyi ngo bo nyid ces pa rdo rje'i seng ge pad+ma chen po'i gdan la bzhugs te/ bya rgod phung po'i rig zhal yas khang gyi rang bzhin gyi gzhi la/ byang chub sems dpa' dang dge slong dang dge slong ma dang/ dge bsnyen pha dang/ lha dang mi dang 'khor phun sum tshogs pa'i spyan sngar 'jigs shing lus po thams cad bdar ba dang kha nas dbugs kyang 'thon te/ /bcom ldan 'das la lan gsum bskor ba byas nas zhes bya ba ni/ tshe dang ldan pa sgra gcan zin gdon gyis btab pa'i 'jigs pas bcom ldan 'das la gus par bya'o/ /bcom ldan 'das kyi spyan sngar 'dus te/ mchi ma blags so zhes bya ba ni/ gdon gyis btab pa'i yul gyis/ kyi hud kyi hud zer zhing dbyar gyi char bzhin du gdong gi mchi ma mi thub po/ /de nas zhes bya ba ni/ gzhu nu sgra gcan zin yul che ba de nas so/ /bcom ldan 'das kyi tshe dang ldan pa sgra gcan zin la bka' stsal pa/ zhes bya ba ni/ sems can thams cad mnyam pa nyid du bsgom pa'i sems dang ldan pa/ sngon gyi bya ba dur khrod bsil ba'i tshal gyi lo rgyus thugs kyis mkhyen nas/ sems can thams cad kyi don la tshe dang ldan pa sgra can zin la bka' stsal pa'i/ /zhes sgra gcan 'dzin khyod ci'i phyir nga'i mdun du 'dug nas mchi ma klog ces bya ba ni stong gsum gyi stong chen po'i 'jig rten gyi bya ba thams cad skad cig mas thugs su chud nas/ des tshig gi gtam dris pa'o/ /de skad ces bka' stsal nas zhes bya ba ni/ bcom ldan 'das kyis tshe dang ldan pa sgra can zin la smras pa'o// bcom ldan 'das la tshe dang ldan pa sgra can zin gyis 'di skad ces gsol to zhes bya ba ni/ bcom ldan 'das kyi spyan sngar des tshig gi gtam smras shing zhus pa'o/ /bcom ldan 'das rgyal po'i khab kyi dur khrod chen po bsil ba'i
- 329a
tshal nags na zhes bya ba ni/ bya rgod kyi phung po'i ham dang rgyal po'i khab dang/ bsil ba'i tshal gyi bar na dpa tshad gcig yod de/ bya rgod kyi phung po'i ri'i lho phyogs na ro thams cad bskul ba'i sa/ rnam rtog gsum bcom pa'i bsil ba'i tshal lo/ /rnam rtog gsum dang/ bsil ba'i tshal na nges tshig gang gi phyir zhe na/ bsil ba'i tshal de yang/ 'jigs pa'i sgra'i rnam par rtog ba byung ste/ sems can thams cad mnyam ba nyid sgom zhing/ byams pa'i stobs kyis 'jigs pa dang bral ba'o/ /rnam par rtog pa de spangs pas 'jigs pa'i rang bzhin de mi 'byung ngo/ /ngo tsha'i rnam par rtog pa ni yi dags dang/ ro yang gcer bur gnas te/ de bzhin du 'jig rten gyi khams kyi sems can yang mi rtag ste de'i ngo bor bzhag nas 'jig rten gyi khams sgyu ma lta bu yin te/ de'i rang bzhin gyis ngo bo tsha ba'i rnam rtogs dang bral ba'o/ /skyug bro ba'i rnam rtog ni dur khrod bsil ba'i tshal de la yang 'byung ste/ ro'i rnam pa mi gcig pa dang sha dang khrag dang klang pa la sogs pas khengs pa'i sa gzhi yin te/ de bzhin du rang gi lus la rnag dang mchis ma dang rgyu ma dang gci ba la sogs pa yang 'byung ste/ de bzhin du mi rtag cing rnam par rtog pa med do/ /bsil ba'i tshal ni rnam par rtog pa gsung dang bral zhing/ yang dag pa'i ye shes de nas de byung ste/ dngos grub thams cad kyi sa gzhi/ byang chub thob pa'i lam/ sgyu ma thams cad bstan pa mi rtag pa'i rang bzhin du bstan pa/ sems can thams cad dug gsum gyi rang bzhin gyis rnam par rtog pa dang 'bral bar byed pas na bsil ba'i tshal yin te/ de bzhin du lus ngag yid zhi bar byed bas na/ bsil ba'i tshal yin zhes/ yang na bsil ba'i tshal ni rnam par rtogs ba
- 329b
thams cad dang 'bral ba'i phyir ro/ /bud shing chen po lta bu'i phyogs na mchis na zhes bya ba ni/ dug lnga'i rang bzhin gyis nga rgyal dang zhes sdang byas te/ de bzhin du gti mug kyang shes cha zhing/ bcom ldan 'das la mi zhu zhing bdag dgra bcom pa thob par bya snyam nas bsil ba'i tshal du mchis so/ /zhes smras so/ /der zhes bya ba ni/ dur khrod bsil pa'i tshal gyis dbus su bdag gi sdug bsngal thams cad myong ba zhes pa'o/ /lha'i gdon rnams dang/ lha ma yin gyi gdon rnams dang zhes bya ba ni/ lha dang lha ma yin gyi gdon yang gzugs sna tshogs ston cing/ lha'i 'khor pho dang lha'i 'khor mo sna tshogs pa bya ba stong gi lha dang/ bye ba phrag brgya'i lha rnams dang/ de bzhin du lha ma yin gyis kyang 'tsho bar byas so/ /zhes ba'o/ /klu'i gdon rnams dang gnod sbyin gyi gdon rnams dang/ zhes bya ba ni/ klu'i nad thams cad gtong zhing/ gnod sbyin gyi gzugs sna tshogs bstan te/ de bzhin du bye ba stong gi klu dang/ bye ba stong gi gnod sbyin dang bye ba phrag brgya'i klu'i g.yog dang thabs gcig tu 'tshe bar byas so// srin po'i gdon rnams dang/ mi 'am ci'i gdon dang zhes bya ba ni/ sha khrag la dga' zhing/ gdon de gnyis ni dpon g.yog dang bcas shing/ bya ba stong dang bya ba brag brgya'i gdon rnams kyis kyang bdag la 'tsho gar byas so/ /zhes pa'o/ dri za'i gdon rnams dang/ lto 'phye chen po'i gdon rnams dang zhes bya ba ni/ gru len zhing bro rdung zhing sgra sna tshogs ston te/ gdon de gnyis ni bye ba phrag brgya 'khor g.yog dang bcas pa byung ste/ de bzhin du bdag la gnod pa/ / bskyal zhes bya ba'o/ /mi'i gdon rnams dang/ rlung lha'i gdon rnams dang zhes bya ba ni/ dur khrod bsil ba'i tshal gyi nang na/ gzugs dang sgra sna tshogs byas shing byung ba ste/ de bzhin du g.yog dang 'khor mang po 'dus shing sgom
- 330a
du mi ster ba'o/ /yi dags kyi gdon rnams dang 'byung po'i gdon rnams dang zhes bya ba ni/ gdon de gnyis kyang bzhin mi sdug cing/ mdun du ltar byung ste/ gzugs sna tshogs ston cing sgra sna tshogs ston pa'o/ /sha za'i gdon rnams dang/ grul bum gyi gdon rnams dang zhes bya ba ni/ gsus pa che la mgo che ba mang po 'dus nas byung ste/ gdon de rnams kyis kyang phyogs bzhi nas 'tshe bar byas pa'o/ /gzig rnams dang bya rog rnams dang 'ug pa/ rnams dang grog bur rnams dang sdig sbrul rnams dang zhes bya ba ni/ sa dang bar snang la rgyu ba'i sems can thams cad kyis kyang lus la 'tshe bar byas shing/ bdag la na che byung ngo zhes pa'o/ /mi dang mi ma yin pa'i sems can rnams kyis/ bdag shin tu gtses pa lags mod kyi zhes bya ba ni/ mi rgod mtshon sna tshogs thogs pa dang/ gzhan yang bgegs ma rungs pa rnams kyis kyang/ gzhon nu sgra gcan zin la sdug bsngal thams cad myong zhing 'tshe bar byas so zhes pa'o/ /de nas zhes bya ba ni sgra gcan zin gyis smras ba'i de nas so/ /bcom ldan 'das kyis tshe dang ldan pa sgra gcan zin la bka' stsal pa zhes bya ba ni/ sems can thams cad kyi don dmigs la 'khor phun sum tshogs pa'i nang du khyu mchog dang seng ge'i sgra sgregs pa'o/ /sgra gcan zin khyod kyis zhes bya ba ni/ gti mug gi rang bzhin gyis nga rgyal dang/ phrag dog byas ted yang khyod kyis ma byed cig ces rig sngags kyi rgyal mo bsil ba'i tshal be con chen po zhes bya ba ni/ rig sngags ni chos sku ste/ bsil ba'i tshal ni lung sku'o/ /tshal ni sprul sku ste/ be con ni chang ba thams cad dang 'bral bar byed pa'o/ /de bzhin ci'i phyir zhe na/ rig pa stong ba ste/ ngo bo nyid dang bral zhing brjod du
- 330b
med pa'o/ /sngags ni ma man+d+ra ste skyob pa dang bscang? ba'o/ /de yang stong pa nyid kyi rang bzhin no/ /bsil ba ni sgyu ma lta bu'i rang bzhin te/ longs spyod rdzogs pa'i sku'i rang bzhin/ yong pa yang min med yang min/ gnyis ka yang ma yin no/ /tshal ni sprul sku ste/ stong gsum gyi stong chen po'i 'jig rten gyi khams la dus cig du nam mkha' khyab pa bzhin du khyab pa'o/ /be con gyi lha'i gdon rnams kyi chad pa dang 'jig rten 'di'i rgyal po dang/ rkun mo dang chu dang me la sogs pa'i chad pa dang gzhan yang gshin rje dang 'khor ba nas 'bral te/ de sdug bsngal thams cad dang bral bas na be con zhes bya ba'o/ /yang na bsil ba'i tshal ni lus ngag yid zhi bar byas te/ 'khor ba'i sdug bsngal thams cad dang 'bral bar byed pa'o/ /gzungs kyi rig sngags zhes bya ba ni/ gzungs ni lus dang ngag dang yid kyi gzungs te/ de yang dag par bzung zhing/ stong pa nyid la sems bzhag nas/ sems can thams cad la byams pa dang snying rjes khyab pa'o/ /'khor bzhi po zhes bya ba ni/ bcom ldan 'das gar gshegs pa'i sar 'khor ba'o/ /dge slong rnams dang zhes bya ba ni byang chub sems dpa' dang/ dgra bcom pa la sogs pa'o/ /dge slong ma rnams dang zhes bya ba ni/ dgra gcan zin gyi ma dang/ dge slong ma lnga brgya la sogs pa'o/ /dge bsnyen rnams dang dge bsnyen ma rnams dang zhes bya ba ni/ rgyal po chen po ma skyes sgra dang/ btsun mo la sogs pa'o/ /bsrung ba dang/ bskyang ba dang/ spa ba dang/ yun ring po'i don dang phan pa dang bde bar 'gyur ba zung zhig ces bya ba ni/ rig sngags kyi rgyal mo 'di 'chang bar gyur na /sdug bsngal thams cad dang bral zhing bde ba thob pa'o/ /lha dang mis kyang de bzhin zung zhig ces bya ba ni/ gzugs
- 331a
khams kyi lha dang 'dod khams kyi lha dang sangs rgyas dang chos dang dge 'dun la gus par byed pa'i mi rnams kyis/ rig sngags 'di zung zhig ces pa'o/ /rig sngags kyi ngo bo nyid gang zhe na/ shes rab dang thabs yin te/ 'dir ni shes rab kyi ngo bo las/ thabs kyi ngo bor mi snang ngo zhes pa'o/ /slob dpon las kyi rdo rjes gsungs pa ni/ mtshon pa dag ni ye shes te/ mtshon byed rig sngags rgyal mo la/ /phyag mtshan sku mdog bstan pa de/ /thabs kyi ngo bo de bzhin no/ /de bzhin du bya ba nan tan gyi ye shes mtshon pa ni shes rab bo/ /rig sngags nyid bsgom pa ni/ thabs kyi ngo bo nyid yin te/ de yang mtshon par byed pa'o/ /de'i phyir na thabs cad shes rab gnyis su med pa'o/ /de'i phyag mtshan dang sku mdog ni gang zhe na/ zhal gsum pa phyag drug pa sku mdog ljang gu sangs rgyas lnga'i dbu brgyan can/ spyan gsum pa zhal g.yas dkar po/ /g.yon dmar ba lo bcu drug pa'i gzugs su bzhugs pa phyag g.yas pa'i gsum na/ ral gri dang/ skyabs sbyin dang rin po chen stong na rdo rje'o/ /g.yon pa gsum na/ bum pa'i steng na rdo rje dang/ zhags pa dang lcags kyu'o/ /zhabs rdo rje'i skyil krung du bzhugs pa/ pad+ma'i steng na zla ba'i gdan la nyi ma'i 'od dang ldan pa'o/ /rgyan thams cad kyis brgyan ba ye shes lnga'i ngo bo nyid las kyi rigs rlung gi khams/ lus kyi skye mched traM gi yig 'bru las ye shes lnga 'bros sems can thams cad kyi don byas so/ /rig sngags kyi ngo bo nyid sems can gyi don byed pa'i tshig ni las kyi snying po ste/ 'di lta ste/ oM gA baM gA bAM ga la so gas pa'o/ /rgyal po dbang po dang zhes bya ba ni/ brgya byin yin te/ zhal gcig pa phyag bzhi pa sku
- 331b
mdog ser po/ /spyan gsum pa la dpral ba'i mig phyed las yod pa/ lha'i dbu rgyan la sogs pas brgyan pa/ phyag g.yas pa gnyis na rdo rje dang mnga' o?/ /gson pa gnyis na gdugs dang gzhu bsnams pa'o/ /glang po che la zhon pa'o/ /rgyal po gshin rje dang zhes bya ba ni/ zhal gcig phyag bzhi pa sku mdog nag po khro bo'i tshul du bstan pa dbu la sgra thor tshugs can g.yas pa gnyis na ral gri dang be con 'dzin pa/ g.yon gnyis na zhags pa dang lcags kyu bsnams pa'o ma he la zhon pa zhal gcig phyag bzhi pa ste/ sku mdog dkar po go cha gyon pa/ g.yas g.yon gnyis na pad+ma dkar po bsnams pa/ g.yas pa na ral gri g.yon pa na ri bong gi rgyal mtshan bsnams pa'o/ /rnga mo dkar po'i shing rta la zhon pa'o/ /rgyal po chu la dang zhes bya ba ni/ zhal cig phyag bzhi pa/ sku mdog dkar po sgrul gyi gdengs ka dang bcas pa/ phyag g.yas pa'i dang po na pad+ma dmar po ste/ 'og ma rin po che'o/ /g.yon pa dang po na sbrul gyi zhags pa 'og ma na bum pa bsnams pa ste/ /chu srin la zhon pa'o/ /rgyal po dang nyi ma dang zhes bya ba ni/ zhal gcig sku mdog dmar po phyag bzhi pa g.yas g.yon gnyis na pad+ma dmar po 'dzin pa/ g.yas na ral gri g.yon pa na lcags kyu bsnams pa'o// shing rta dang bcas shing nam mkha' la rgyu ba'o/ /rgyal po rlung lha dang bcas pa zhes bya ba ni/ zhal gcig phyag bzhi pa sku mdog sngo skya phyag g.yas pa gnyis na ba dan dang lcags kyu bsnams pa g.yon pa gnyis na rlung 'khyil ba dang bam pa bsnams shing sha pa la zhon pa'o/ /rgyal po gzi can dang zhes bya ba ni/ zhal gcig phyag gnyis pa ste/ sku mdog ser po phyag g.yas na sbrul zhags 'dzin cing/ g.yon na a 'bras 'dzin cing kun ber la zhen pa'o/ /rgyal
- 332a
po sems shing bya ba ni/ dpa' ba sangs yin te/ zhal gcig phyag gnyis pa sku mdog dkar po/ phyag g.yas na bum pa spyi blugs g.yon pa phreng ba bsnams pa/ pad+ma'i gdan la bzhugs pa'o/ /rgyal po gshin rje'i dbyug to can zhes bya ba ni/ zhal gcig phyag bzhi pa sku mdog dmar nag phyag g.yas pa gnyis na/ ral gri dang tho ba bsnams pa/ g.yon pa gnyis na/ zhags pa dang sdig mdzub mdzad cing/ ro langs la zhon pa'o/ /rgyal po me'i dbyug tho can zhes bya ba ni/ me lha'i dbang po yin te/ zhal gcig phyag bzhi pa sku mdog dmar po/ phyag g.yas pa gnyis na rtse gcig dang bum pa spyi blugs bsnams pa'o/ /g.yon pa me 'bar ba dang phred pa bsnams pa skyes pa zhon pa'o/ /rgyal po dbyug rdo can dang zhes bya ba ni mig dmar yin te/ zhal gcig phyag gnyis pa sku mdog dmar po khro bo/ /g.yas na dbyug to mig can 'dzin pa'o/ /g.yon pa na mi mgo sdigs mdzub bsnams pa'o/ /ra dmar po la zhon pa'o/ /rgyal po rgyal ba zhes bya ba ni slen? pa yin te/ zhal gcig phyag gnyis pa sku mdog dkar po phyag g.yas na po ti bsnams pa/ g.yon bum pa bsnams pa/ phrag gi gdan la bzhugs pa'o/ /rgyal po rnam par rgyal zhes bya ba ni/ phung bu yin te/ zhal gcig phyag gnyis pa/ sku mdog mthing nag phyag g.yas g.yon gnyis kyis mda' gzhu bsnams shing glang po la zhon pa'o/ /rgyal po 'jigs pa dang zhes bya ba ni/ lag ba yin te/ zhal gcig phyag gnyis pa/ sku mdog ljang nag phyag g.yas na ral gri g.yon na sdig 'dzub rus sbal la zhon pa/ rgyal po rnam par gzigs dang zhes zhes bya ba ni/ rA hUM la yin te/ zhal gcig phyag gnyis sku mdog nag po ro smad med pa phyag g.yas g.yon gnyis na zla ba dang nyi ma bsnams
- 332b
pa/ sprin gyi gdan la bzhugs pa'o/ /rgyal po 'byung po zhes bya ba ni/ dbang ldan yin te/ zhal gcig phyag gnyis pa/ thal ba'i mdog can spyan gsum pa phyag g.yas pa gnyis na rtse gsum dang bum pa spyi blugs bsnams pa/ g.yon ba gnyis na phreng ba dang/ a 'bras bsnam pa glang la zhon pa'o/ /rgyal po yul 'khor srung bya ba ni/ dri za'i rgyal po yin te/ zhal gcig phyag bzhig sku mdog dkar po phyag g.yas g.yon gnyis na 'khor lo dang mchod rten bsnams pa/ pad+ma'i gdan la bzhugs pa'o// rgyal po 'phags skyes po dang zhes bya ba ni/ grul bum gyi rgyal po yin te/ zhal gcig phyag bzhi pa/ sku mdog mthing ka/ phyag g.yas pa gnyis na/ dbyug tho dang tho ba bsnams pa'o/ /g.yon pa gnyis na rin po che dang rtse gsum bsnams pa pad+ma'i gdan la bzhugs pa'o/ /rgyal po mig mi bzang zhes bya ba ni klu'i rgyal po yin te/ zhal gcig phyag bzhi la/ sku mdog dmar po phyag g.yas pa na pad+ma/ gnyis pa dgra sta g.yon dang po na sbrul gyi zhags pa gnyis pa dung bsnams pa/ pad+ma'i gdan la bzhugs pa'o/ /rgyal po lus ngan po zhes bya ba ni gnod sbyin gyi rgyal po yin te/ zhal gcig phyag bzhi sku mdog ljang gu/ phyag g.yas kyi dang po na ral gri/ 'og ma na dbyug to/ g.yon pa na ne le/ 'og ma na bum pa/ pad+ma'i gdan la bzhugs pa'o/ /rgyal po mi mdzed kyi bdag po tshangs pa zhes bya ba ni/ zhal bzhi pa phyag bzhi pa sku mdog ser po/ spyan gsum pa phyag g.yas na dbyug tho gsum/ 'og ma mchod sbyin g.yon dang po na 'phreng ba/ 'og ma na bum pa spyi blugs/ pad+ma'i gdan la bzhugs pa'o/ /sangs rgyas bcom ldan 'das chos kyi rje/ chos kyi rgyal po 'jig rten la thugs brtse bla na med pa zhes bya ba ni/ yang dag par rdzogs pa'i sangs rgyas shAkya thub pa rnams yin te/ de yang chos sku dang
- 333a
longs spyod rdzogs pa'i sku dang/ sprul sku yin te/ 'dir yang sprul sku'i rang bzhin ni thugs rje che zhing sems can gyi don la bshad de/ zhal gcig phyag gnyis pa/ sku mdog 'dzam bu gling gi gser gyi kha dog 'dra ba/ sa gnon gyi phyag rgya mdzad pa/ rdo rje'i seng ge pad+ma'i gdan la bzhugs pa/ rab tu byung ba'i cha byad du bzhugs pa/ dus gcig tu sems can gyi don la snying rjes khyab pa'o/ /bdag dang sems can thams cad la srung du gsol/ srung du gsol zhes bya ba ni/ rig pa 'chang ba gang yin pa de 'jig rten dang 'jig rten las 'das pa'i 'khor rnams kyis kyang srung zhing sdug bsngal thams cad dang bral te/ bla na med pa yang dag pa'i bde ba thob pa'o/ /sems can thams cad kyang de bzhin no/ yongs su bskyal ba dang yongs su bzung ba dang/ yongs su bskyang ba dang zhi ba dang bde legs su gyur pa dang chad pa spang pa dang tshon cha spang ba dang dug bsad pa dang dug gzhil ba dang mtshams bcad pa dang sa bcing ba mdzad du gsol zhes bya ba ni/ rig sngags kyi rgyal mo bsil ba'i tshal 'di la gus par byas nas/ 'chang ba dang klog pa dang sgom pa la sogs pa byas te/ de bzhin du de ni 'grub par 'gyur ro/ /de nas rig sngags 'chang bar bya'o zhes pa'o/ /rig sngags ni gang zhe na/ ye shes lnga dang ldan pa ste/ mtshon pa ni bya ba nan tan gyi ye shes te/ mtshon byed ni rig sngags kyi rgyal mo'i bdag nyid do/ /de yang thabs dang shes rab gnyis su med pa'i rnam par dag pa'o/ /gzhi bstan pa ni rnam par thar pa'i ye shes lnga dang ldan pa ste/ mtshon pa ni bya ba nan tan gyi ye shes te/ mtshon byed ni rig sngags kyi bdag nyid do/ /de yang thabs dang shes rab gnyis su med pa'i rnam pa/ zhal bzhi bstan pa ni rnam par
- 333b
thar ba'i sgo bzhi'i dag pa'o/ /sangs rgyas lnga'i dbu rgyan ni/ gti mug la sogs pa dug lnga bcom nas/ ye shes lnga shar ba'i rnam par dag pa'o/ /spyan gsum dang ldan pa ni ye shes kyi spyan gyis mun pa mun nag bcom nas 'khor ba thams cad las thar bar byed pa'o/ /zhal nag po dang dkar po dang dmar po dang ser po bstan pa ni/ mngon spyod dang zhi ba dang dbang dang rgyas pa'i las bzhi bstan pa'o/ /khro bo dang/ zhi khro ba dang/ zhi ba dang/ sgegs pa dang/ rgod pa ni sems can mi gcig pa'i theg pa sna tshogs bstan pa'o/ /sku mdog nag po ni byams pa chen po ldan pa'i rnam par dag pa'o/ /rgyan thams cad dang ldan pa ni/ pha rol tu phyin pa drug rnam par dag par dag pa'o/ /phyag brgyad ni rnam par thar pa brgyad kyi rnam par dag pa'o/ /g.yas dang po na ral gri ni shes rab kyi rang bzhin blo dman pa rnams la blo 'phel bar byed pa'o/ /'og ma na rdo rje rgya gram bsnams pa ni/ sems can ma rig pa'i las las thar bar byed pa'o/ /de'i 'og ma na dgra sta bsnams pa ni/ 'khor ba rnams la gcod par byed pa'o/ /tha ma na mnga' bsnams pa ni/ thabs kyi rang bzhin bstan pa'o/ /g.yon pa'i dang po na zhags pa bsnams pa ni/ 'khor ba na gnas pa'i sems can 'dren pa'o/ /de'i 'og mas 'khor lo bsnams pa ni/ gti mug la sogs pa'i dug lnga gcod pa'o/ /de'i 'og ma na rtse gsum bsnams pa ni/ srid pa gsum 'joms par byed pa'o/ /tha ma na gzhu bsnams pa ni/ shes rab kyi rang bzhin rnam par dag pa'o/ /zhabs phyed skyil du bzhugs pa ni/ bdud bzhi rnam par bcom pa'i brda'o/ /pad+ma dang zla ba'i gdan la bzhugs pa ni/ chos de'i nyams myong 'khor ba thams cad las thar ba'o/ /nyi ma'i 'od dang ldan pa ni/ rig sngags kyi bya ba bstan nas/ khro bo'i tshul du sems can ma
- 334a
rungs pa rnams 'dul ba'o/ /rig sngags kyi snying po gang zhe na/ 'di lta ste/ bA la bA ti tsa ra ma ti la sogs pa'o/ /sgra gcan be con chen po'i gzugs kyi rig sngags zhes bya ba ni/ gdon thams cad las thar bar byed pa/ chad pa thams cad 'joms pa/ lam thams cad las kyang thar ba ste/ rig sngags 'di ni gzi brjid che zhing stobs che ba/ mthu che zhing dpa' ba/ sangs rgyas thams cad kyi rig pa'i phyag rgya'o/ /rig sngags 'di bzung na sdug bsngal thams cad las thar bar byed pa'o/ /brgya rtsa brgyad pa 'di skud pa las btags sam zhes bya ba ni/ skud pa sngon po bram ze 'am/ rgyal rigs sam/ rje rigs la sogs pa'i bu mo lo brgyad nas bcu gnyis lon pa'i bar gyis gos gtsang ma gon zhing khrus legs par byas te/ kha zas bzang po la brten cing kha lho phyogs su bstan la bkal bar bya'o/ /rig sngags re re la mdud pa re re bor te/ rig sngags dang mdud pa ni brgya rtsa brgyad du bya'o/ /de bzhin du byas nas/ gdon thams cad las thar ba dang/ sdug bsngal thams cad las thar bar 'gyur ro/ /mgul lam lus sam lag pa la brtags na zhes bya ba ni/ gro ga 'am/ shing shun nam/ ras sam/ ngar la sogs pa la bris nas mgul du btags te/ rgyal mtshan gyi rtse mo 'am/ mchod rten gyi rtse mo 'am/ rnga la sogs pa la btags pas kyang/ thos pa tsam gyis kyang bsrung bar 'gyur te/ mthong ba tsam yang bsrung ngo/ /kun nas dpag tshad brgya kho ra yug tu zhes bya ba ni/ gzhan gyi yul du 'gro na yang rang gi yul gyi srung ba byas pas kyang bsrung bar 'gyur ro/ /de bzhin du rig sngags 'di mthu che zhing gzi brjid che ba ste/ /thugs rje che zhing sems can rnams kyi don mdzad pa'o//
- 334b
dri 'am me tog rnams dang zhes bya ba ni/ yang dag par rdzogs pa'i sangs rgyas rnams kyi gsung bzhin du mchod par byas te cho gar byas te/ bzung? bar byas te/ 'chang ba la sogs pa gus par byas na/ de 'grub par 'gyur ro/ /phyag rgya rnams kyis de spang? bar byas par 'gyur ro/ /zhes bya ba ni/ rig sngags kyi rgyal mo bsil ba'i tshal 'khor dang bcas pa rnams kyis kyang/ tshe 'di dang tshe phyi ma rnams la yang srung bar byed de/ 'di'i lam las yang dag pa'i byang chub thob pa'o/ /de la zhes bya ba ni/ rig sngags 'di 'chang ba ste/ bla na med pa'i byang chub thob cing/ da ltar yang chad pa la sogs pa thams cad dang bral ba'o/ /mi dang mi ma yin pa rnams kyis mi tshugs par 'gyur ro/ /zhes bya ba ni/ mi ni rgyal po dang/ rkun po dang/ mi rgod dang gnyen po shes la sogs pas lto phye? ba'i chad pa dang gzhan yang 'jigs pa thams cad dang 'bral ba'o/ /mi ma yin pa rnams ni/ lha'i gdon la sogs pa ma rungs pa rnams yin te/ chu dang me'i 'jigs pa la sogs pa dang bral ba'o/ /mtshon dang dug dang zhes bya ba ni/ g.yul 'byed pa dang glo bur du 'thab pa ste/ des mi tshugs shing dug rnam pa gsum gyis kyang mi tshugs so/ /nad dang rims rnams dang zhes bya ba ni/ mdze las gyur pa la sogs pa dang/ bad kan dang mkhris pa dang rlung dang ldan pa dang/ 'dus pa la sogs pa'i nad do/ /rims drag po dang/ zhes bya ba ni/ bzhi 'dus pa yin te/ de bzhin du rlung shas che zhing gzhu bzhin du gug ste/ mda' btang ba bzhin du rengs nas 'chi bar 'gyur ro/ /rig sngags dang gsang sngags dang zhes bya ba ni/ gzhan gyi sbod gtong btang ba dang/ 'jig rten gyi rigs pa spang ba dang/ de bzhin du gsang sngags gshin rje dang/ ma mo dang/ 'jig rten gyi ngan sngags kyis kyang mi tshugs pa'o/ /ro langs dang/ khro dug dang zhes bya ba ni/ rigs pa mkhan pos ro langs bsgrubs nas btang te/ de yang de'i
- 335a
khro dug gis kyang mi tshugs so/ /me dang chus 'chi ba'i dus byed par mi 'gyur ro zhes bya ba ni/ dus ma yin par 'chi ba rnams yin te/ rig sngags kyi gzi brjid kyis de'i 'jigs pas kyang mi tshugs so/ /rig sngags dang gsang sngags dang/ sbyor bas legs par sbyor ba thams cad kyi ma grub pa rnams grub par byed pa'o zhes bya ba ni/ bri nyes dang smra nyes dang/ bsgom nyes pa dang gtam nyes pa dang tshul nyes pa dang de la sogs pa nyes pa thams cad ni/ rig sngags 'di'i gsang sngags kyis nyes pa thams cad kyang gso bar byas pa'o/ /rig sngags 'di'i gsang sngags kyi tshig tsam gyis bar chod byed pa'o/ /gdon rnams kyis mi tshugs pa'o/ /ma grub pa rnams grub par byed/ grub pa rnams chud mi za bar byed do/ /gzhan yang dngos grub nyams par gyur na/ rig sngags 'dis 'grub par 'gyur te/ thob pa rnams gzhan la ma gtang ste/ glo bur gyi bar chod kyis mi tshugs pa'o/ /pha rol gyi sbyor ba 'ching ba'o zhes bya ba ni/ sngags dang 'jig rten gyi skyon rnams yin te/ de'i 'jigs pas kyang mi tshugs pa'o/ /pha rol gyis bcings pa las grol bar byed pa'o/ /zhes bya ba ni/ gzhan gyis sbyor ba'i sngags btang te/ des kyang mi tshugs shing bar chod dang 'bral ba'o/ /nad dang mya ngan dang bgegs rnams 'jigs par byed pa'o/ /zhes bya ba ni/ bzhi brgya brgyad cu'i nad rnams dang mya ngan gyis mi phog cing/ bgegs kyi rigs stong phrag bcu las thar pa'o/ /'thab pa rab tu zhi bar byed pa'o/ /zhes bya ba ni phra ma dang bcugs dang 'thabs rtsod kyi rgyud rnams rna bas mi thos shing/ bde ba dang dge ba'i gtam thos te/ 'thab rtsod dang nyag nyog gi sdug bsngal dang bral ba'o/ /gdon thams cad bzlog par byed pa'o zhes bya ba ni/ sgom pa la bsgom du ma ster ba
- 335b
dge ba dang dge ba byed pa de rnams kyang bgegs rigs te/ de rnams kyis mi tshugs shing/ rigs pa'i gzi brjid kyis mi tshugs pa'o/ /gdon gang gis mi gtong ba de'i mgo a rdza ka'i dog pa bzhin du mgo tshal ba bdun du 'gas pa'o/ /zhes bya ba ni/ rig sngags kyis srung ba dang 'chang ba dang sgom pa dang/ kha don byed pa la sogs pa la gnod par byed na/ rig sngags kyis dmod mos/ mgo tshal pa tshal bar 'gyur ro/ /srog dang bral zhing dmyal ba mnar med du skye'o/ /gnod sbyin gyi ded dpon chen po lag na rdo rje yang rdo rje 'bar ba kun tu 'bar/ kun tu rab tu 'bar ba me lce gcig tu gyur pa/ de'i mgo a rdza ka'i dog pa bzhin du tshal pa bdun du 'gas so/ /zhes bya ba ni/ rig sngags kyi bka' las 'das pa dang/ rig sngags 'di 'chang ba la bar chod byed pa dang/ gzhan yang 'di'i sgo nas dge ba las bar chod byed na/ phyag na rdo rje gzi brjid kyis dum bur byas shing/ dngos po mi snang bar byed pa'o/ /rgyal po chen po bzhis kyang lcags kyi 'khor los spu gri'i so lta bu'i mtshon gyis phur? bar byed do/ /zhes bya ba ni/ rig sngags kyi dam las 'das shing/ gdon rnams kyis sems can la 'tshe bar byas te/ de'i rig sngags kyi dmod mos rgyal po bzhi rnams kyis kyang lcags kyi 'khor lo me lce 'bar bas dum bu dum bur byas shing/ chad pa gcod par 'gyur ro/ /gnod sbyin gyis 'jig rten de nas shi 'phos nas/ lcang lo can gyi pho brang 'khor du gnas pa mi thob po zhes bya ba ni/ rig sngags kyi bka' las 'das pa'i gdon des shi ba ni rgyal po bzhi'i chad pas shi ste/ gal te 'byung po'i tshogs su skyes na lcang lo can gyi pho brang du mi tshud do/ sgra gcan zin zhes bya ba ni/ bcom ldan 'das kyis gzhon nu la bka' stsal pa'o/ /rgyal po dang mi rgod dang me dang chu dang mtshon dang 'brog dang dgon pa dang/ mya
- 336a
ngan du song ba zhes bya ba ni/ rig sngags kyi rgyal mo bsil ba'i tshal 'dis chad pa thams cad gcod bar byed pa ste/ gzhon nu sgra gcan zin gyis kyang bsgoms shig yid la zung zhig mchod par gyis shig kha ton du bya zhing sems can thams cad la phan par gyis shig ces bya'o/ /de bzhin du byas na de dang de'i 'jigs pa dang 'bral ba'o/ /yang na bdud bzhis mi tshugs te/ 'khor ba'i sdug bsngal thams cad 'joms pa'o/ /gang gis be con chen po'i gzungs kyi rig pa 'di lan gcig brjod na/ sdig pa thams cad las thar bar 'gyur ro/ /zhes bya ba ni da ltar byas pa ni yang 'dag ste/ sngon du byas pa yang 'dag pa'o/ /de bzhin du mthu che zhing gzi brjid dang ldan pa/ ngan song gsum gyi sdug bsngal dang 'bral bar byed pa'o// sgra gcan zin zhes bya ba ni sgra gcan zin gyi rkyen gyi sems can gyi don la/ bcom ldan 'das kyis yang nas yang du bka' stsal pa'o/ /be con chen po'i gzugs kyi rig sngags 'di/ sangs rgyas bcom ldan 'das gang+gA'i klung dgu bcu rtsa gcig gi bye ma snyed kyis gsungs pa zhes bya ba ni/ gzhan gyis mi thub pa rig sngags kyi rgyal mo bsil ba'i tshal 'dis/ chad pa thams cad 'joms pa/ byang chub kyi lam yang dag par rdzogs pa'i sangs rgyas rnams khams bsam gyis mi khyab cing ngo bo nyid dang bral ba'o/ /gsung ba gsungs bar 'gyur ba zhes bya ba ni/ 'das pa rnams kyis kyang gsungs pa'o/ /ma 'ongs pa rnams kyis kyang gsung ste/ de bzhin du da ltar bzhugs pa rnams kyis kyang gsungs pa'o/ /phyag 'tshal rjes su yi rang 'di'i lam gyis 'bras bu grub pa'o/ /grub mchog tu grub pa gzhan gyis mi thub pa zhes bya ba ni/ thun mong gi dngos grub pa zhes bya ba ni/ thun mong gi dngos grub kyang
- 336b
'grub ste/ thun mong ma yin pa yang de bzhin no/ /thun mong gi dngos grub ni/ 'jig rten 'di'i sa la spyod ba dang/ nam mkha' la spyod pa dang sa'i 'og nas spyod pa'o/ /de la sogs pa phra mo'i dngos grub kyang yod de/ de yang zhi ba dang rgyas pa dang dbang dang mngon spyod la sogs pa'o/ /thun mong ma yin pa'i dngos grub ni/ sa la spyod pa la sogs pa ni mgo mnyam ste/ nam mkha' 'jig rten gyi khams la khyab pa bzhin du 'khor ba bor zhing srid pa ma yin 'das pa yang ma yin te/ da ltar yod pa yang ma yin no/ /de'i dngos grub thob pa'i phyir na mchog tu grub pa'o/ /gzhan gyis mi thob pa ni/ 'khor ba'i sdug bsngal gyis mi thub ste/ de bzhin du gdon la sogs pas kyang mi thub pa'o/ /lha dang klu dang dri za dang/ gnod sbyin dang lha ma yin dang ? lding dang mi 'am ci dang/ lto 'phye la sogs pas bstod pas zhes bya ba ni/ rig sngags 'di la rtag tu rjes su yi rang ste/ mchod par byas shing rig sngags kyi rgyal mo'i bka' las mi 'da' o/ /'byung po'i tshogs thams cad kyis yongs su ?? ste zhes bya ba ni/ gnod pa skyel ba'i sems yod pa rnams kyang rig sngags kyi srung ba yod par gyur nas/ gzhan yang de'i rtsar bsdad nas/ de rnams kyang song bar 'gyur ro/ /rtag tu 'byung po rnams kyis phyag 'tshal zhing rjes su yi rang ba'o/ /bdag dang sems can thams cad gnod pa thams cad las bde legs su gyur cig ces bya ba ni/ tshe dang ldan pa gzhon nu sgra gcan zin gyis kyang/ rig sngags 'di lus la btags par byas so/ /yid la bzung zhing kha ton du byas so/ /bsgoms par byas so/ /gzhan gyis mi thub pa rig sngags kyi go cha gon nas gti mug la sogs pa dug lnga bor te/ dgra bcom pa'i 'bras bu sgrub par dur khrod bsil pa'i tshal 'jigs su rung ba'i nang du song ngo/ /sems can
- 337a
thams cad kyis kyang rjes su yi rang zhing srung ba'o/ /nad med pa dang 'jigs pa med par gyur cig ces bya ba ni/ lha'i gdon rnams dang/ lha ma yin gyi gdon rnams dang/ klu'i gdon rnams dang/ gnod sbyin gyi gdon rnams dang/ srin po'i gdon rnams dang/ mi 'am ci'i gdon rnams dang/ lto 'phye chen po'i gdon rnams dang/ dri za'i gdon rnams dang/ mi ma yin gyi don rnams dang/ rlung lha'i gdon rnams dang/ yi dags kyi don rnams dang/ 'byung po'i gdon rnams dang/ sha za'i gdon rnams dang/ grul bum gyi gdon rnams dang/ gzig rnams dang bya rog rnams dang 'ug pa rnams dang/ grog spur rnams dang/ sdig sprul rnams dang/ gzhan yang mi dang mi ma yin gyi sems can rnams kyis kyang/ tshe dang ldan pa sgra gcan zin la gus par byas te/ phyag 'tshal lo/ /mchod par byas so/ /tshe dang ldan pa gzhon nu sgra gcan zin yang dgra bcom pa yang dag pa thob cing/ zag pa zad pa rdzu 'phrul dang ldan pa/ cho 'phrul ston nus pa'o/ /bkra shis te/ sems can thams cad byang chub kyi lam du 'jug pa'o/ /rig sngags kyi rgyal mo/ /bsil ba'i tshal gyi/ gzhon nu sgra gcan zin gyis gdon 'dul ba'i gnas skabs te/ gsum pa'o// //rig sngags kyi snying po rtag pa dang po rdzogs so// //de nas rgyal po chen po lus ngan po dang/ yul 'khor srung dang mig mi bzang dang/ 'phags skyes po bu dang bcas pa zhes bya ba ni/ gnod sbyin gyi rgyal po stong phrag nyi shu rtsa brgyad dang/ dri za'i rgyal po stong phrag nyi shu rtsa brgyad dang grul bum gyi rgyal po stong phrag nyi shu rtsa brgyad dang klu'i rgyal po stong phrag nyi shu rtsa brgyad dang bcas pa/ de bzhin du bu dang yang bcas pa'o/ /blon po dang bcas pa/ 'khor dang bcas mngag? gzhug pa dang bcas/ pho nya dang bcas
- 337b
g.yog 'khor dang bcas zhes bya ba ni/ gnod sbyin dang/ dri za dang/ grul bum dang/ klu stong phrag nyi shu rtsa brgyad dang/ thabs gcig tu ste/ de bzhin du chung ma dang/ bu dang bu mo dang/ tsha bo dang yang tsha bo la sogs pa dang thabs cig tu'o/ /kha dog 'phags pa dag nam phyed na lhags nas/ gros mthun par dur khrod chen po bsil ba'i tshal du dong ste/ zhes bya ba ni/ bcom ldan 'das kyang bya rgod kyi phung po'i ri nas/ sems can gyi don la 'khor bzhi po dag dang bcas shing 'jigs su rung ba bsil ba'i tshal gyi nang du phyin nas bzhugs so/ /de nas rgyal po chen po bzhi po dag 'khor dang bcas pa rnams kyang so so rang rang gi gzi brjid dang mthu dang kha dog dang stobs dang rdzu 'phrul dang bcas shing dur khrod bsil ba'i tshal la kha bltas pa'o/ /rang bzhin gyi kha dog dang mthus 'od chen po snang bar byas nas zhes bya ba ni/ gzhan rnams kyi kha dog ma yin te/ rgyal po chen po bzhis 'khor dang bcas pa'i gzi brjid kyi so so rang rang gi rang bzhin mthu'i kha dog ces bya'o/ /bcom ldan 'das ga la ba der song ste phyin nas zhes bya ba ni/ byang chub sems dpa' dang nyan thos dang dge slong dang dge slong ma dang/ dge snyen pha dang dge snyen ma dang/ lha dang mi dang/ 'khor mang po 'dus pa'i nang du/ bcom ldan 'das kyi mdun du'o/ /bcom ldan 'das kyi zhabs la mgo bos phyag 'tshal te/ lan gsum bskor ba byas te thal mo sbyar te/ zhes bya ba ni/ rgyal po chen po bzhi dang/ 'khor de dag rnams dang/ bcas shing bcom ldan 'das la gus par byas nas so so rang rang gi me tog dang spos la sogs pas/ mchod par byas so/ /bcom ldan 'das 'ba' zhig la phyag 'tshal zhing phyogs gcig tu 'khod do zhes bya ba ni/ bcom ldan 'das la lus ngag yid gsum gyis gus par byas nas/ yang dang yang du phyag 'tshal zhing/ de rnams kyang thabs
- 338a
gcig tu 'khod pa'o/ /phyogs gcig tu 'khod nas/ rgyal po chen po bzhis bcom ldan 'das la tshigs su bcad pas bstod pa zhes bya ba ni/ de rnams kyis kyang dbyangs cig skad cig tu byas nas bcom ldan 'das la gus par byas pa'o/ /'jig rten mkhas pa rdzogs sangs rgyas/ dpa' chen khyod la phyag 'tshal lo/ /zhes bya ba ni/ chos kyi rang bzhin dbyer med pa/ ngo bo nyid dang bral ba'i chos sku dang sgyu ma lta bu'i rang bzhin me long gi gzugs brnyan bzhin du snang ba/ longs spyod rdzogs pa'i sku dang ldan pa/ dang ngo/ /mtshan bzang po sum cu rtsa gnyis dang/ dpe byad bzang po brgyad cu dang ldan zhing/ sems can gyi don la stong gsum gyi stong chen po'i 'jig rten gyi khams la sprul pa'i skus khyab pa'o/ /sprul pa'i sku de yang dpa' ba dang zhing bdud bzhi bcom pa la stobs dang ldan te/ bag chags dang shes bya'i sgrib pas mgos shing/ nyon mongs pa lnga bcom zhing 'khor ba'i ming yang med do/ /de bzhin nyid du ldan pa'i sangs rgyas la phyag 'tshal zhing 'dud pa'o/ /gau ta ma khyod kyis gang khyen pa/ de ni lha rnams ma 'tshal to/ zhes bya ba ni/ chos kyi phung po brgyad khri bzhi stong sems can gyi don la thug la bzung ba/ stong gsum gyi stong chen po'i 'jig rten gyi khams la skad cig mas khyab pa/ sems can lta ba mi gcig pa rnams la so so rang rang gi chos ston pa ste/ de lta bu'i sangs rgyas la 'jig rten dag gis mi 'tshal lo/ /zhes bya ba'o/ /lan gnyis lan gsum du yang rgyal po chen po bzhis bcom ldan 'das la tshigs su bcad pas bstod pa zhes bya ba ni/ lan dang po 'dul ba ni/ chos sku'i rang bzhin gnyis su med pa'i sku ste/ bcom ldan 'das kyi thugs la 'bul ba'o/ /lan gnyis pa ni sgyu ma lta bu'i rang
- 338b
bzhi gyi ste/ longs spyod rdzogs pa'i sku yin te/ bcom ldan 'das kyi gsung la 'bul ba'o/ /sems can don la rdzu 'phrul dang cho 'phrul gyi rang bzhin dang ldan te/ stong gsum la skad cig mas sprul pa'i skus khyab ste/ bcom ldan 'das kyi sku la bstod pa'o/ /'jig rten mkhas pa rdzogs sangs rgyas/ dpa' chen khyod la phyag 'tshal lo/ /zhes bya ba ni/ grong khyer ser nas ser skya'i gzhi'i grong khyer ra ba rim pa bdun dang/ 'obs rim pa bdun gyi bskor nas grong khyer gyi sgo 'phar lcags las byas shing/ sgo 'phar rnams la dril bu shin tu sgra gsal ba btags te sgo phye na de'i sgras dpag tshad gcig khor yug tu grags par 'gyur ro/ /rgyal po chen po zas gtsang ma yod de/ byang chub sems dpa' dga' ldan nas rgyu ma chen po'i mngal du zhugs te de skyes nas rab tu gyur nas ma ga d+ha'i dbus su rdo rje gdan la yang dag pa'i byang chub thob par 'gyur ro/ /lha'i bdud la sogs pa bcom zhing/ de rnam par rtog pa thams cad dang bral te/ de lta bu'i rang bzhin du shAkya'i bu sangs rgyas te/ gau ta ma'i rigs su skyes pa yang dag par rdzogs pa'i sangs rgyas shAkya seng+ge la phyag 'tshal bstod cing 'dud do zhes bya ba'o/ /gau ta ma khyod kyis gang mkhyen pa/ de ni lha rnams ma 'tshal to zhes bya ba ni/ yang dag par rdzogs pa'i sangs rgyas shAkya thub pas mkhyen pa/ lha rnams kyis ci smos zhes te/ rgya mtsho'i nang na nor yod pa bzhin du'o/ /rgyal po bzhi la sogs pas bcom ldan 'das la bstod pa'o/ /de nas zhes bya ba ni/ rgyal po bzhis bstod pa'i de nas so/ /bcom ldan 'das la rgyal po chen po bzhis 'di skad ces gsol to zhes bya ba ni/ bcom ldan 'das kyi spyan ngar zhu ba 'bul ba'o/ /btsun pa bcom ldan 'das yul dang spro lags sam/
- 339a
'tsho ba dang ldan lags sam zhes bya ba ni/ bcom ldan 'das kyi 'khor bzhi po de dag kyang bde bar gnas sam zhes bya ba'o/ /bcom ldan 'das kyi sku bde lags sam/ snyun mi mnga' lags sam/ nyam nga ba ma mchis saM zhes bya ba ni/ bdud bzhi po rnams kyis bar du mchod dam/ 'jig rten gyi dug gsum po ma shor ram zhes bya ba yin no/ /bcom ldan 'das kyi sku la/ gnod pa mi mnga' lags sam zhes bya ba ni ma rungs pa bdud bzhi'i rigs kyis 'byung po rnams kyi chos la bar chod ma byas sam zhes bya ba'o/ /bcom ldan 'das la gnod sbyin dang zhes bya ba la sogs pa ni/ chos la bar chod byed cing/ sems can rnams la gnod pa byed pa rnams yin te/ yid mi bde bar byed pa yang de rnams yin te/ lus lan tsha drag pos thebs par byed pa yang de yin no/ /sems can mngal na 'tshe ba ni/ mi'i khong du zhugs nas/ mer mer po dang/ nur nur po rnams kyang 'chags su mi ster te/ gal te chags nas kyang mal na tsha drag pos thebs? nas 'chi ba dang shi ro dang skyes nas shi ba dang/ der ma nus na glags gar rnyed pa'i dus su gnod pa skyel pa'o/ /mngal du zhugs pa'i dus du yang gzi brjid 'phrog cing/ skyes pa dang bud med kyi tshogs kyang 'jigs par byed pa'o// chung pa la 'jug ni/ ba spu'i rtse mo brgya stong tsam gnas zhes bya ba'o/ /che ba ni ri rab pas kyang che ste/ stobs gtang na ri rag kyang 'gul lo/ /rgyu ba'i dus khams gsum skad cig mas rgyu'o/ /de lta bu'i 'byung po rnams kyis gnod par ma byas sam zhes bya ba'o/ /rims drag po dang zhes bya ba la sogs pa ni nad bzhi brgya brgyad cu de las 'du ba yis te/ nad de rnams kyis kyang mi mnga' 'am zhes pa'o/ /mi dang mi ma yin pa sdang bar sems dpa' dang
- 339b
zhes bya ba la sogs pa ni rkun mo dang mi rgod dang rgyal po la sogs pa yin te/ mi dang mi ma yin pa ni ma rungs pa'i sdig can gyi rigs sems can la 'tshe bar byed pa rnams so/ /de rnams kyang gnod pa ma byas sam zhes bya ba'o/ /de skad ces gsol ba dang/ zhes bya ba ni bcom ldan 'das la rgyal po bzhis snyun gsol ba'o/ /bcom ldan 'das kyi rgyal po chen po bzhis 'di skad ces bka' stsal te zhes bya ba ni/ bcom ldan 'das kyis rgyal po chen po bzhi las snyun gsol ba ni lan bka' stsal pa'o/ /kye rgyal po chen po dag nga la ni thams cad yod de zhes bya ba ni rgya mtsho lta bu ste/ de'i nang du rin po che sna tshogs zad mi shes pa yod pa bzhin du nga la yang de bzhin no/ /yul dang yang sprod 'tsho ba dang yang ldan lus kyang bden kyang med/ nyam nga ba yang med do zhes bya ba ni/ mngon sum du 'khor phun sum tshogs pa yang de bzhin te/ dang po phung po'i bdud bcom pa ste/ gnyis pa nyon mongs pa'o/ /de bzhin du gsum pa 'chi bdag gis bdud bcom pa ste/ bzhi pa lta'i bu'i bdud bcom pa'o/ /de bas nyam ming zhes bya ba'o/ /kye rgyal po chen po dag nga'i lus la ni gnod pa yang med do zhes bya ba ni rdo rje phung po'i rang bzhin gyi sku la smos ci dgos te/ gzhan yang sangs rgyas kyi byin gyis brlabs pa la? tshugs so/ /kye rgyal po chen po dag ngas ni 'jig rten lha dang bcas pa zhes bya ba la sogs pa ni sangs rgyas rnams la gnod pa skyel bar 'dod pas kyang gnod pa skyel ba'i skabs ma rnyed cing/ gnod pa rnams kyang mi snang ba'o/ /gal te gzhan gyi sems la dad pa skyes par gyur na/ 'jig rten 'di la sdug bsngal drag pos thebs cing shi nas kyang mda''phangs pa bzhin du dmyal bar 'gro'o/ /dmyal ba nas kyang ngan song nas ngan song du mi thar te/ thar ba'i dus
- 340a
kyang mi 'ong ngo/ /de bas na bde bar gshegs pa bla ma dang/ nyon mongs pa la sogs pa dang/ pha ma la sogs pa la yang gnod par mi bya'o/ /de'i phyir na gnod par byed par sems dpa' yang dag par ma mthong ngo zhes bya ba'o/ /kye rgyal po chen po dag de lta mod kyi khyed kyis 'khor rnams de'i 'khor la gnod par byed par sems so zhes bya ba ni/ yang dag par rdzogs pa'i sangs rgyas kyis mngon par bltas pas ma rungs pa'i gdon rnams kyis gnod par bya bar sems so/ /de sems ma thag tu yang dag par rdzogs pa'i sangs rgyas kyi zhal/ /gnas smra ba dang/ ting nge 'dzin gyis byin gyis brlabs pa'o/ /de skad ces bka' stsal pa dang zhes bya ba ni/ bcom ldan 'das kyis rgyal po chen po bzhi la bka' stsal pa zhes bya ba'o/ /bcom ldan 'das la rgyal po chen po bzhis 'di skad ces gsol to zhes bya ba ni rgyal po chen po bzhis bcom ldan 'das la zhu ba 'bul ba'o/ /btsun pa bcom ldan 'das bdag cag gsol pa mchis te zhes bya ba ni/ rgyal po chen po bzhis sems bcom ldan 'das la gus par byas nas srung ba dang sba ba dang yongs su bskyab pa dang zhi ba dang bde legs kyi tshig ni bcom ldan 'das la zhus pa'o/ /de'i slad du bcom ldan 'das la blta ba dang/ phyag bgyi ba dang/ bsnyen bskur bgyi ba dang/ bcom ldan 'das nyid la zhu ba'i slad du/ bdag cag bcom ldan 'das kyi spyan sngar mchis pa lags so zhes bya ba ni/ gnod pa'i sems ni ci mchis te/ zhes bya ba dang rgyal po chen po bzhi dang 'khor rnams kyang bsrung bar 'dod cing/ rig sngags kyi rgyal mo bsil ba'i tshal gyis grags pa thos pa dang/ srung ba dang bde bar 'dod pas bcom ldan 'das nyid la gus par byas shing/ zhu ba
- 340b
dbul pa'o/ /de ci'i slad du zhen zhes bya ba ni/ bcom ldan 'das kyi bka' stsal pa dang/ rig sngags kyi byin gyis brlabs kyis sems can thams cad bde bar gnas shing nad med de/ ma rungs pa'i gdon thams cad bcom zhing yang dag pa'i byang chub kyi lam la 'jug pa'o/ /btsun pa bcom ldan 'das dgon po dang bas mdza' i gnas lam 'di dag na/ zhes bya ba ni/ 'jigs su rung ba dur khrod bsil ba'i tshal na ro langs dang ro dang lce spyang la sogs pa dang/ bya'i tshogs mang po 'dus pa'i sa/ khyi dang lce spyang 'tha' pa'i sgras 'jigs su rung ste/ de bzhin du ro langs dang yi dags kyang skad 'don zhing 'jigs su rung ste/ de bas na mdza' i gnas lam zhes rtags pa'o/ /shin tu sdang ba'i gnod sbyin dang zhes bya ba la sogs/ 'dzin sa bzhi de dag nas pa'i gdon rnams ni shin tu mi srun zhing ro la dpa' ste/ gson pa'i sha khrag la dga' zhing sems can rnams la 'tshe bar byed de/ gzugs sna tshogs ston cing gzi brjid 'phrog pa dang skad sna tshogs 'don zhing skyes pa dang bud med kyi tshogs la 'jigs par byed pa dang/ gdon rigs mi gcig pa bsam gyis mi khyab pa gnas shing 'jigs rten gyi khams na sems can la gdon pa'o/ /rims dang zhes bya ba la sogs pa ni/ nad bzhi brgya rtsa bzhi de rims de dag la 'dus ste/ nad de rnams kyang ma rungs pa'i 'byung po rnams kyis btang zhing sems can rnams la/ gnod pa skyel ba'o/ /mi dang mi ma lags pa zhes bya ba la sogs pa ni/ sa gzhi der mi rgod la sogs pa rgyu ba ste/ /gzhan yang rgyal po la sogs pa'i 'jigs pa dang mi dang mi ma yin pa ma rungs pa'i 'byung po rnams kyis kyang bcom ldan 'das kyi bka' dang/ rig sngags kyi byin gyis brlabs kyis ma nus pa'o zhes bya ba'o/ /btsun pa bcom ldan
- 341a
'das kyi nyan thos de dag kyang de la gnas lags te zhes bya ba ni/ bcom ldan 'das kyi 'khor bzhi po yang rig sngags kyi rgyal mo bsil pa'i tshal la sbyor zhing de la gnas pa'o/ /btsun pa bcom ldan 'das kyi nyan thos de dag ni/ srod dang tho rangs la mi nyal bar sbyor ba la btson par gnas so/ /zhes bya ba ni de ltar bar chod kyi rkyen bzlog pa dang/ tshe phyi ma'i don la byang chub kyi lam bsgom pa dang/ de ltar mi rtag pa'i rang bzhin bsgom ste/ nyan thos de rnams kyang rig sngags yid la byed pa'o/ /btsun pa bcom ldan 'das gnod sbyin dang srin po nas gnod par bgyid pa'i bar gang dag bcom ldan 'das kyi bstan pa 'di la dang ba'i sems dang ldan zhing cung zad cig mchis par bas so zhes bya ba ni gzhan yang sdig pa'i sems dang ldan pa rnams ni/ bcom ldan 'das kyi zhal thong ma thag tu dge ba'i sems la brtson zhing sems can gzhan rnams la yang sdang ba dang sdig pa'i sems dang mi ldan zhing byams pa dang snying rje la brtson zhing chos kyi sems dang ldan ste/ sems can rnams la 'tshe bar mi byed pa'o/ /de'i yon tan gyis ni chung zad gcig mchis pas so zhes bya ba'o/ /gang dag bcom ldan 'das kyis bstan 'di la pha ma dang pa'i sems dang ldan pa ni/ ches mang lags te zhes bya ba ni gang dang gang dag sems can rnams ni dge ba las mi brtson zhing sdig la brtson par 'gyur ro/ /sdig pa'i sems dang sdang ba'i sems dang gcig gis gcig la 'tshe bar byed pa'i sems dang ldan pa'o/ /byams pa dang snying rje'i sems dang ldan zhing chos la rtsom pa nyung ste de ci'i phyir zhe na ma rig pa'i rkyen gyis nyon mongs pa bal tu skye ste/ phal cher sems can des rnams ni mtho ris su 'gro ba nyung zhing ngan song gsum du skye ba'o/ /de bas
- 342b
na 'byung po yi dags kyi lus thob nas kyang gzhan la gnod par byed pa'i sems dang ldan par skye ba'o/ /de dag ni zhes bya ba ni ma rungs pa'i gdon dang 'byung po rnams glags btsal zhing/ dge ba dang bsgom pa la sogs pa la bar chod byas nas mtho ris thob tu mi ster ba'o/ /btsun pa bcom ldan 'das kyi nyan thos srod dang tho rangs la mi nyal zhing sbyor ba la brtson par gnas pa/ rnams la gnod par byed par sems lags te zhes bya ba ni/ phung po la gnod par byas nas rlung dang mkhris pa dang/ bad kan dang 'dus pa'i nad btang zhing dge ba'i sbyor ba de yang mi nus par byed pa'i sems dang ldan pa mang po 'dus pa'o/ /sems la gnod par byed cing mi dga' bar byed pa ste/ bsgom snying mi 'dod cing logs par byed pa'i sems dang ldan pa mang po yod pa'o/ /bsgom pa'i dus su srog la zhugs shing 'chi bar byed pa'i sems dang ldan pa mang po sha stag yod pa'o/ /bsgom pa'i dus su ltas ngan pa dang rmi lam ngan pa bstan cing phal cher dngos por 'byung zhing bsgom du mi ster ba ste/ bsgom pa'i gang zag la 'jigs par byas shing/ nam sgom pa'i dus su bar chod byed cing bsgom du mi ster ba'o/ /de bas na gdon de dag gis gnod par bgyid pa lags te zhes bya ba'o/ /rig sngags kyi rgyal mo bsil ba'i tshal gyis/ bcom ldan 'das kyi 'khor bzhi po la /gdon gyis glags btsal ba'i gnas skabs te bzhi pa'o// //de dgag pa'i slad du zhes bya ba ni don ma rungs pa rnams dang sdig can bdud kyi rigs dang sa dang bar snang dngos 'og la rgyu ba'i 'byung po rnams stong phrag brgyad cu ste/ de phrag nyi shu rtsa drug go /de bzhin du g.yog dang chung ma dang bu dang bu mo la yang yin no/ /gnod sbyin ma rungs pa rnams dad par
- 343a
bgyi ba dang zhes bya ba ni de bzhin du ma rungs pa'i gdon rnams mi dad de sangs rgyas dang chos dang dge 'dun gyis byin gyi brlabs kyis dad par byed pa'o/ /dad pa rnams slar zhing dad par bgyi ba dang/ zhes bya ba ni/ phyi bzhin nas yod pa'i sems ni yang nas yang du dad pa skyes pa ste/ de 'ong bar mi byed pa'i sems ni brtan par mi byed pa'o/ /'khor bzhi po rnams bde legs dang zhes bya ba ni sngar gnod par byed 'dod pa'i sems dang sdang bar 'dod pa'i sems de rnams ni dad pa'i sems dang ldan par gyur na/ 'khor bzhi po de dag dang sems can thams cad bde bar gnas par 'gyur ro/ /bde bar gnas par bgyi ba dang zhes bya ba ni/ bsgom pa dang nyan pa la yang bar chod med cing de bzhin du spyod pa dang/ dge ba'i rtsa ba bsngo ba la bar chod med cing de rnams la bde bar bgyi bas na bde ba'o/ /ma lus par shin tu mnyam par bzhag par 'gyur ba'i slad du zhes bya ba ni/ rnam par rtog pa ma lus par 'joms te/ de 'joms na/ de bar du gcod pa'i bgegs kyang smos cing dgos te/ shes bya bde bag chags kyi dri mas mi dgos pa'o/ /bsil ba tshel gyi mdo chen po 'di bshad par tshal lo zhes bya ba ni/ 'das pa dang ma 'ongs pa dang da ltar yod pa'i ? rgyal rnams kyis gsungs pa thabs shes rab gnyis su med de/ de'i chos kyis nyams myong gis/ zla ba sems can rnams la bsil bar byed pa bzhin du des kyang sems can rnams la bde bar byas pa'o/ /rig sngags des kyang 'jig rten gyi khams thams cad la nam mkhas khyab pa bzhin du khyab pa'o/ /mi ma yin pa sdang sems can/ /rgyal ba'i bstan la ma dad pa zhes bya ba ni/ yang dag par rdzogs pa'i sangs rgyas shAkya thub pas sems can rnams la phan
- 343b
par bgyid pas mi ma yin gdon dang/ lha'i gdon la sogs pa rig sngags kyi rgyal mo bsil ba'i tshal gyis byin gyis brlabs kyis sdig pa'i sems dang ldan pa yang sdig pa'i sems med cing srog gcod pa'i sems dang ldan pa rnams kyang srog mi gcod cing/ bstan pa yang bsrung bar byed pa'o/ /de dag bdag gis bzlog par bya/ rgyal chen rnams ni bdag la nyon/ /zhes bya ba ni/ bcom ldan 'das kyis bkas rig sngags kyi rgyal mo'i gzi brjid kyis ma dad pa dang dad par byas pa ste/ dad pa rnams kyang spong bar mi byed pa'o/ /rgyal chen bzhi 'khor dang bcas pa rnams kyis kyang sems la zung zhig ces bya'o/ /mdo chen 'di ni thos nas kyang/ /mi rnams la ni gnod ma byed/ /ces bya ba ni/ sdig pa thams cad rlag par byed pas nam do ste/ dge ba'i rtsa ba 'dod pas na 'do'o/ /yang na sangs rgyas rnams kyi yon tan dang chos kyi nges tshig dang/ dge ba dang mi dge ba thams cad de nas byung zhing bshad de de gsal bar bshad pas mdo zhes bya'o/ /chen po ni sangs rgyas kyi bka' dang/ ye shes bsam gyis mi khyab pa ste/ de lta bu'i ye shes kyi don thob pas na thob pa ste/ de lta bu'i rang bzhin gyis don gyis 'jigs pa med cing gnod pa yang mi mnga' ste/ sems can rnams la pha na par byed pa'o/ /gnod sbyin min po klu rnams dang/ nam mkha' lding dang gsang ba pa/ zhes bya ba ni ma rungs pa thams cad de rnams kyis byed de/ sdig pa yang de rnams kyis byed pa/ sems can la gnod par byed cing za ba dang 'thung ba tshol ba'o/ /? ? mi 'dod gang yang rung/ /de dag thams cad bzlog par bya/ zhes bya ba ni/ sangs rgyas kyi bka' dang rig sngags kyi dmod mos/ ma lus pa thams cad brlag par byed cing thal bar btang ste/ ma dad pa rnams kyang snang bar mi byed do/ /lha dang lha
- 344a
min rlung lha dang/ ma mo'i tshogs kyis gang ba yis/ /zhes bya ba ni gzugs kyi khams kyi lha dang/ 'dod pa'i khams kyi lha rnams dang/ phyogs skyong ba la sogs pa dang/ dam tshig la gnas pa'i lho mo rnams yin te/ de yang ye shes pa dang/ 'jig rten gyi lha mo rnams so/ /gzhal med khangs mdzes de dag ni/ me dang 'dra bar 'od gsal zhing/ zhes bya ba ni/ 'jig rten pa ni 'jig rten gyi khams gzhal yas khang la gnas te/ ye shes pa yang de bzhin yin te/ so so rang rang gi 'od zer gyi snang bas nam mkha' la mdzes par snang ba'o/ /nyi ma zla ba'i tshul 'dra bar/ rin chen las byas shin tu snang/ zhes bya ba ni/ mun pa mun nag gi nang na/ yid bzhin gyi nor bu rin po ches mi snang ste/ de bzhin du nyi ma zla bas gsal bar byas shing rin po che mthong ngo/ /de bzhin du glo bur gyi skyon nyon mongs pa rnams kyis bkag cing bla ma dam pa rnams kyi gdam ngag bstan pas ye shes de snang ba'o/ /bsod nams byas pa dag gis gang/ rab sdang gdon rnams rnam par spangs/ /zhes bya ba ni de bzhin de'i dge ba byas pa'i bsod nams bsam gyis mi khyab pa'o/ /gnod par byed pa dang sdig pa bsags pa thams cad des de'i 'joms par byed pa'o/ /mi la gnod byed gang yin pa'i/ 'byung po grul bum srin po dang/ /zhes bya ba ni khams gsum tsam yang skad cig gis khyab ste/ la la bza' rgyu yod cing mchod par 'os te/ la la sems can rnams kyis kyang sdang zhing dmod mos dmod pa'o/ /de 'byung po rnams kyis kyang mi'i sems can la gnod par byed pa'o/ /yi dags srul po de dag gis/ /rmad byung de dag mi mthong ste/ zhes bya ba ni rig sngags kyi rgyal mo bsil ba'i tshal gyi ye shes sdig can de dag gis mi mthong
- 344b
ste/ zhing de dag rnams kyang bde bar gnas par mi 'gyur ro/ /gzi brjid ldan pa'i gdon lha rnams kyis/ /grong khyer du yang mi 'gro'o/ /zhes bya ba ni 'jig rten dang 'jig rten las 'das pa'i lha rnams te/ sems can la gnod par mi byed cing/ byams pa dang snying rjes 'tsho ba'o/ /de rnams kyis gzi brjid kyis ma rung ba'i gdon rnams kyang rtsar 'gro bar mi nus shing/ gnas kyang thob par mi 'gyur ro/ /'byung po chen po 'du ba na/ der yang de dag 'dur mi 'bad/ zhes bya ba ni/ /sems can la gnod par byed par 'byung po de kun yang lcang lo can gyi pho brang ci smos te/ de 'di ba'i phyi rol yang mi thob cing/ rig sngags kyi dmod mos bde bar mi gnas pa'o/ /stan nams yang na chu yang rung/ /zas dang skom yang mi dbang ngo/ /zhes bya ba ni/ de bzhin de la dam las 'das pa rnams 'thung ba dang/ za ba ci smos te/ 'thung ba'i skom yang zangs kyi chur mthong ngo/ /bza' ba'i zas kyang lcags kyi tho lum 'bar bar mthong/ /lus ngan gyi ni pho brang du/ /nam yang de dag 'gro mi 'gyur/ /zhes bya ba ni/ gnod sbyin gyi sde dpon lcang lo can gyi pho brang du sdig can 'byung po gnod byed rnams dang/ gzhan yang gnod sbyin rnams kyis srung zhing pho brang nang du gtam yang thob par mi 'gyur ro/ /rgyal po chen po rnams kyi tshig/ 'byung po gang zhig mi nyan pa/ zhes bya ba ni/ rgyal po chen po bzhi po dag gis smras pa ste/ rgyal po chen po bzhi po ni/ yul 'khor bsrung dang/ 'phags skyes po dang/ spyan mi bzang dang/ lus ngan po rnams yin te/ de'i rig sngags kyi dmod mo dang rgyal po bzhi'i tshad pas/ 'byung mo de rnams bde bar mi 'gyur ro/ /de'i kha nas khrag dron dag/ /myur du rab tu 'bar bar 'gyur/ /zhes bya ba ni/ ma rungs pa'i 'byung po de rnams rgyal po chen po bzhi'i chad pa myur du nad kyi thebs te/ kha nas khrag drong
- 345a
skyug cing srog gi dus la bab ste/ mda''phangs pa bzhin du myur du dmyal bar skyes so/ /de yi brla yi g.yas rol nas/ phol mig dag kyang 'byung 'gyur te/ zhes bya ba ni/ 'byung po de rnams kyi brlag yas rol nas ma rungs pa'i nad 'byung po/ de ci'i phyir 'byung zhe na/ rig sngags kyi bka' las 'das pa dang/ sems can la gnod par byas pa'i phyir ro/ /de ni nad kyis 'chi 'gyur zhing/ gnod sbyin gzugs kyang ston par 'gyur/ /zhes bya ba ni/ nad de rnams kyis btab na 'chi ste/ tshe phyi ma ngan song gsum du skye zhing/ 'byung po'i lus blangs par gyur kyang/ gzhan rnams kyis bsnyen du ming tub cing de bas kyang sdug bsngal thob par 'gyur ro/ /'jig rten skyong gis bshad pa yi/ mdo las gang zhig 'gal byed pa/ zhes bya ba ni/ 'jig rten skyong ba bcu po ste/ brgya byin dang/ gshin rje dang/ chu lha dang/ gnod sbyin dang/ me lha dang/ srin po dang/ rlung lha dang/ dbang ldan dang/ nyi ma dang zla ba dang/ tshangs pa dang/ sa bdag dang ngo/ /de rnams kyis kyang chad par gsungs so/ /yang na 'jig rten las 'das pa'i 'jig rten skyong ba ni/ thabs la mkhas pa/ sems can la snying rje che ba/ yang dag par rdzogs pa'i sangs rgyas rnams so/ de rnams kyis kyang bden pa'i bka' gsungs pa'o/ /'jigs pa thams cad la de la'o/ /mgo bo tshal pa bdun du 'gas zhes bya ba ni/ sa g.yo ba'i 'jigs pa dang/ me'i char 'bab pa dang/ gnod sbyin 'byung po la sogs pa'i 'jigs pa dang/ za ba dang/ skom med cing rig sngags kyang dmod mos 'chi ba'i dus su mgo tshal bar gas nas 'chi'o/ /rgyal po chen po rnams kyi tshig/ gnod sbyin gang dag ma nyan pa/ zhes bya ba ni/ rgyal po chen po rnams thos kyi bu la sogs pas gsungs te/ rig sngags kyi bka' las 'das
- 345b
pa dang/ rgyal po chen po bzhi'i bka' ma nyan par gyur na/ de rnams kyis sdug bsngal chen po thob pa'o/ /'byung po srin po gang yod pa/ ngan phreng lhag pa'i ngan phreng rnams/ zhes bya ba ni/ 'gyur po de rnams ni gcig la gcig gis/ phrag dog gis ngan sems skye ste/ de'i ngan pa kyang yang nas yang du ngan pa'o/ /lcags las kyang pa'i 'khor lo yi/ /mtshon cha spu gri so 'dra bas/ zhes bya ba ni/ de yis de ngan pa rnams ni rig sngags kyi bka' las 'das te/ mtshon cha lta bu'i las kyi sku gris yang nas yang du bcod cing sdug bsngal chen po thob pa'o/ /gnod sbyin de dag brlag par 'gyur/ rgyal po chen po dpal dang ldan/ zhes bya ba ni/ yang dag par rdzogs pa'i sangs rgyas kyi bka' las 'das pa dang/ rig sngags kyi bka' i dmod mos brlag par byed pa ste/ de bzhin du rgyal po chen po bzhi po rnams kyis kyang/ dpal dang ldan pa ni/ gzi brjid che zhing stobs che ba ste/ rdzu 'phrul dang ldan zhing sems can gyi don byed pa'o/ /go cha sra zhing mtshon rno ba// stan rnams la ni 'khod pa dag/ ces bya ba ni/ sangs rgyas kyi bka' dang/ rig sngags kyi bka' las 'das pa la ni de dag dang 'khod par byas nas/ mtshon cha sna tshogs thogs nas phyogs phyogs su bsdad pa'o/ /shar phyogs na ni yul 'khor bsrung/ /lho phyogs na ni 'phags skyes po/ /zhes bya ba ni/ dri za'i rgyal po stong phrag nyi shu rtsa brgyad 'khor g.yog dang bcas pa ste/ de bzhin du grul bum gyi rgyal po 'khor g.yog dang bcas pa'o/ /nub phyogs na ni mgo mi bzang/ /byang phyogs na ni lus ngan po/ /zhes bya ba ni/ klu'i rgyal po stong phrag nyi shu rtsa brgyad 'khor g.yog dang bcas pa ste/ de bzhin du gnod sbyin gyi rgyal po rnams kyang yin no/ /go cha go na zhing mtshon sna tshogs pa stobs
- 344a
dang ldan pa sha stag go /de dgeg? 'khod pa yi/ gnyen bskor gnod sbyin 'di rnams gnas/ zhes bya ba ni/ phyogs bzhi nas bu dang 'khor g.yog dang chung ma la sogs pa rnams kyis kyang phyogs phyogs nas srung zhing gnas pa'o/ /seng+ge'i gzugs dang stag gi gzugs/ mi sdug pa dang 'gro zhing rgyu/ zhes bya ba ni/ 'byung po de rnams kyang 'dul bar byed pa'i rgyal po rnams ni seng+ge dang stag gi mgo can du gnas pa'o/ /skad cig mas stong rgyu zhing 'khor bar gnas pa'o/ /glang chen gzugs dang rta'i gzugs/ /kha cig ma he'i gzugs can te/ zhes bya ba ni/ stobs dang ldan zhing gzi brjid che ste/ skad cig mas ri rab rtse mo dang/ bar snang dang sa steng dang sa 'og tu dus gcig tu rgyu ba'o/ /dred mo dang ni ba yi gzugs/ /lugs dang spyang ku phag rgod rnams/ /zhes bya ba ni/ 'byung po de rnams kyang sna tshogs kyi gzugs su sprul zhing sems can rnams la bstan pa'o/ /sna ba 'phyang dang rna bo che/ rna ba gcig pa tha dad pa/ zhes bya ba ni/ glang po che bzhin du rna ba 'phyang ba ste/ rna ba gcig pus byas shing/ lus po thams cad khebs pa ste/ /de bzhin du gzugs bstan zhing sems can rnams la gnod par byed pa'o/ /skad cher 'byin cing 'jigs byed pa/ /sa gzhi rab tu g.yo bar byed/ ces bya ba ni/ bum pa'i nang du skad smras pa bzhin du sems can rnams la 'tshe bar byas shing 'jigs par byed de/ bar chod byed pa dang/ gnod par byed pa'i dus sa g.yo zhing skad sna tshogs 'don par byed pa'o/ /bong bu dang ni rnga mo che/ cha lugs gzhan yang nye 'khor 'khod/ /ces bya ba ni/ mi'i lus la rnga mo bong bu'i mgo bo dang/ gzhan yang sems
- 344b
can gyi gzugs su sprul nas gzugs dngos su bstan pa dang/ rmi lam du bstan pa'o/ /rgyal po chen po stobs po che/ /de dag phan tshun 'du ba ni/ zhes bya ba ni/ de bzhin du stobs dang ldan pas 'byung po ma rungs pa rnams kyang/ rgyal po chen po rnams kyis 'dul zhing/ sangs rgyas kyi bstan pa bsrung pa'o/ /lha'i shing rta bcas pa yis/ /nam mkha' las ni 'gro bar byed/ /ces bya ba ni/ sna tshogs pa'i mtshon cha thogs shing spung dang bcas shing 'gro ba ste/ de bzhin du bar snang dang sa 'og dang sa steng la rgyu ba'o/ /gnod sbyin dag gis bdag po yang/ /mi rnams la ni bde legs byed/ /ces bya ba ni/ sangs rgyas kyi bden pa dang/ rig sngags kyi bka' las mi 'da' zhing/ gnod sbyin 'khor yog stong phrag nyi shu rtsa brgyad kyis bdag po ste/ rnam thos kyi bu de yang sems can la gnod par mi byed cing/ snying rje la gnas pa'o/ /de bzhin du rig sngags la mchod par byed cing gus par byed pa'o/ /rig sngags kyi ngo bo ni gang zhe na/ las kyi rigs las/ las kyi rigs ma yin te/ mtshon pa ni bya ba nan tan gyi ye shes/ mtshon byed ni rig sngags kyi rgyal mo'o/ /ye shes lnga'i bdag nyid can/ sangs rgyas lnga'i dbu rgyan can/ spyan gsum zhal gsum phyag drug pa sku mdog ljang gu'o/ /zhal mthing ka/ g.yon dmar ba ste/ phyag g.yas pa gnyis na/ ral gri dang rdo rje rgya gram mo/ /g.yon pa gnyis na/ skyabs sbyin dang 'khor lo bsnams pa'o/ /phyag 'og ma'i g.yas g.yon gyis mda' gzhu 'gengs pa ste/ rgyan thams cad dang ldan pa'o/ /zhabs g.yas skum/ g.yon bskyang ba/ pad+ma dang zla ba'i gdan la bzhugs shing/ nyi ma'i 'od dang ldan zhing bzhad pa'i chul du bzhugs pa'o/ /rig sngags kyi gsang sngags
- 345a
ni gang zhe na/ 'di lta ste/ b+ha ga hu mu le b+ha ga hu mu le zhes bya ba la sogs pa'o/ /rgyal po chen po rnams thos bu/ /mi la zhon pa sde bcas pa/ /zhes bya ba ni/ rig sngags kyi rgyal mo bsil ba'i tshal gyi tshigs su bcad pa 'di thos pa tsam gyi lus 'dar zhing 'jigs par gnas te/ gnod sbyin gyi gdon stong phrag nyi shu rtsa brgyad kyang de bzhin no/ /'di smras nas ni tshub ma langs/ de bzhin ri yang g.yos par 'gyur/ /zhes bya ba ni rig sngags kyi rgyal mo bsil ba'i tshal 'di'i gzi brjid dang stobs kyis rlung tshub sna tshogs 'byung ste/ sa ni lan drug tu g.yos shing/ dril bu'i skad bzhin du rings par snang ngo/ /rgyal po chen po rnams thos bu'i/ /rin chen shing rta bcas pa na zhes bya ba ste/ byang ngos kyi rgyal po rnams thos kyi bu de yang gzugs sna tshogs bstan cing/ rin po che'i gdan la zhugs nas/ skad sna tshogs smra ba'o/ /lha dang mi yi sgra skad sgrag/ rgyal po chen po mchis pa ni/ zhes bya ba ni lha dang mi'i gzugs su sprul zhing rdzu 'phrul chen po stan te/ skad sna tshogs kyang de bzhin du smras pa'o/ /dngos po rnams kyang 'bar 'gyur ro/ /srin po 'dod dgur sgyur ba'i gzugs zhes bya ba ni/ rig sngags kyi rgyal mo'i gsang sngags kyi dmod mo dang/ gnod sbyin gyi rgyal po rnam thos kyi rgyal po'i bu'i stobs kyis kyang/ ma rungs pa'i srin po 'byung po rnams kyang dngos po rnams ni skrag par 'gyur ro/ /de'i mdun na rgyug par bgyid/ /mi ma yin pa'i gzugs rnams kyis/ /zhes bya ba ni/ gzi brjid de mthong zhing 'jigs par byed cing/ phyir 'gro ba'o/ /'jigs shing skrag pa skyed par bgyid/ /che zhing gtum la mi bzad pa/ /zhes bya ba ni/ 'byung po de rnams kyi mtshan nyid ni/ sems can la 'tshe bar byed cing/ rmi lam nyams pa la yang
- 345b
gzugs bstan cing/ 'jigs pa'i sgra sgrogs te rtag tu sems can la gnod par byed pa'o/ /drag cing mthon na mi sdug la/ spu yang ring la sen mo ring/ /zhes bya ba ni/ bzhin mi sdug cing lus dang gdong pa khra bor gnas te/ khab dang 'dra ba'i spus ni lus la khengs shing de bzhin du sder mo yang mtshon dang 'dra ba'o/ /lag na ral gri tho ba thogs/ sems? ni zangs can 'jigs par bgyid/ /ces bya ba ni/ 'byung po de rnams ni khrag khrug la dga' zhing phra mo byed pa la dga' ba ste/ de bzhin du khrag khrug byed pa'i sha khrag la dga' zhing 'jigs pa'i ral gri dang 'jigs pa'i zangs kyi sa rnams kyis sems can la 'tshe bar byed pa'o/ /sna che rnga mo rtag gi 'dra/ drag cing lag pa khrag dmar ba/ /zhes bya ba ni/ 'byung po 'di rnams kyis kyang/ sna tshogs kyi gzugs bstan cing/ mi'i lus la mgo gcig pa bstan cing bud med kyi mngal khrag la dga' zhing byis pa rnams la gnod par byed pa'o/ /yan lag ma tshang phyed tshal lus/ /mig ser lus kyang shin tu ser/ /zhes bya ba ni/ la la mgo bo med cing brang la gdong pa yod pa ste/ la la lag pa gcig med cing/ mgo la gnas pa'o/ /tshan cig la yang rkang pa gcig med cing/ lte ba nas res snang res mi snang bar byed de/ la la phyed gzugs su snang zhing sems can rnams skrag par byed pa'o/ /dri ma can la lus skem pa/ /skra rdzes lcags kyi mchu can la/ zhes bya ba ni keng rus la lpags pas g.yogs pa dang 'dra bar yod de/ /de la dreg pa chags shing bzhin mi sdug pa ste/ khab kyi rtse mo tsam gyi mchu la gsus pa yang ri tsam mo/ /de rta bu'i lus la skra bzangs brdzes pa'o/ /mtshon cha tshabs cher 'debs par bgyid/ /rna ba gzhu 'dra stobs po che/ /zhes bya ba ni/ 'thab mo la sbyor te
- 346a
gcig la gcig 'dzugs shing/ 'khrug pa dpung dang bcas pa byas te/ de la mtshon cha tshab che bar 'bebs pas 'bebs pa zhes bya ba'o/ /rna ba gzhu 'dra ba yod cing bzhin mi sdug pa yin te/ de lta bu'i 'byung po rnams kyis kyang sems can rnams la drag por gnod pa'o/ /sbrul gyi gzugs can be'u'i gzugs/ /phag gi gzugs can lto bo che zhes bya ba ni/ mi'i lus la mgo brnyan mi gcig pa ste/ rtag tu ltas dang rmi lam la yang de'i gzugs bstan pa/ /rnam par rtog pa skyes par byed pa'o/ /de skyes pa dang nad drag pos tshugs te/ nad kyis srog dang 'bral byed pa'o/ /mgo bo che la lag ring ba/ /rna 'phyang po la nu ma 'phyang/ zhes bya ba ni/ mtshan gcig 'dre mo'i gzugs yod de/ dpag tshad brgya'i bar nas kyang 'tshe bar byas shing sha khrag len nus te/ bzhin mi sdug cing lag pa ring ba'i rbar mos 'debs pa'o/ /de 'dra'i gnod sbyin mang po yis/ /g.yog 'khor dag gis yongs su bskor/ /zhes bya ba ni/ de dag ni rgyal po rnams thos kyi bu'i 'khor yin te/ stobs che zhing mi srun te/ khams gsum tsam la 'gyur zhing dur khrod bsil ba'i tshal gnas pa'o/ /gnod sbyin bye ba phrag stong rnams/ /de dag ma ni lam log can/ zhes bya ba ni/ de dag ni byang phyogs na gnas pa ste/ byang gi phyogs nas 'ongs unas/ tshan cig phan bya dang gnod bya gnyis byed par 'ongs pa ste/ tshan cig snying rje med sems can la 'tshe ba/ mtshan cig snying rje dang ldan zhing sems can la grogs byed pa'o/ /g.yog 'khor de dag lan cig tu/ /bdag ni phyag 'tshal slad du mchis/ /zhes bya ba ni/ de dag lta bu'i 'byung po rnams kyis kyang/ bcom ldan 'das dang lhan cig tu 'khod cing gus par phyag 'tshal ba'o//
- 346b
gau ta ma dpa' bo khyod la ni/ chos bzhin mthun par lta zhing mchis/ /zhes bya ba ni/ sems can rnams la 'tshe bar mi byed do/ /chos dang ldan zhing snying rje skye ste/ rig sngags kyi rgyal mo'i gzi brjid kyis/ 'tshe bar mi nus pa'o/ /drag cing rgod la gtum pa dang/ /lto bo che la skra ring ba/ /zhes bya ba ni/ 'byung po de lta bu'i tshan cig byung ste/ sdig la mi 'dzem zhing sems can rnams la gnod par byed pa drag po'i tshul bstan nas/ phyogs bzhi mtshams bzhir 'gyu ba'o/ /mi rnams dang ni ri dags dang/ bya rnams gzi brjid 'phrog par bgyid/ /ces bya ba ni/ tshan cig grong ngam grong khyer du phyin cing mi rnams kyi lus la zhugs nas gzi brjid 'phrog pa ste/ tshan cig ni ri dags la sogs pa'i sems can la 'tshe bar byas nas srog 'phrog ste/ sems can rnams la ma rungs par byed pa'i 'byung po'o/ /me 'bar za dang mang du za'o/ /mig cig pa dang mig ser dang/ zhes bya ba ni/ bzhin mi sdug cing gzugs sna tshogs bstan te/ sems can rnams la 'tshe bar byed cing ma'i mngal nas zhugs nas/ gzi brjid 'phrog pa rnams so/ /sna dang rna ba bcas pa dang/ chad pa mang pos bcad pa dang/ zhes bya ba ni/ tshan cig kyang sna dang rna ba bcas pa'i gzugs su byas nas/ sems can 'tshe bar byas te/ de rnams kyis kyang mi rnams kyi lus la zhugs nas ma rungs pa thams cad byed pa'o/ /gzhan rnams kyis kyang de'i 'bras bu sna dang rna ba dang/ rkang pa dang/ lag pa gcod pa'i chad pa byed par 'gyur ro/ /de yang 'byung po rnams kyis skyon byas pa yin no/ /mgo ma mchis dang mgo bcad dang/ lus kyang skur la gnyen ma gdong/ /zhes bya ba ni/ de rnams tshan cig gis kyang sems can rnams la rmi lam dang/ ltas dang/ dngos por mthong par byas te/ de'i rtogs pas nad sna tshogs btang
- 347a
zhing sems can gyi srog 'phrog pa'o/ /de rnams ni ltas ngan gyi 'byung po rnams yin no/ /mig la me 'bar rkang phyed ba/ /mi rnams 'jigs par bgyid pa ste/ zhes bya ba ni/ nags tshal lam/ dur khrod dam/ ri dang/ lung stong la gnas pa ste/ sems can mi rnams kyis mthong bar gyur na ngo sped pa ste/ 'byung po des sems can mthong na nyin mo gnod mi nus shing/ mtshan mo'i rigs la cis kyang phan pa med cing srog 'phrog pa'o/ /phel ka che la rgod bag can/ de bzhin 'gro zhing rgyu bar bgyid/ ces bya ba ni/ phel ka che zhing mtshan rnams rgyu ba ste/ pho mo nyal ba'i dus su mnyan nas glags rnyed par gyur na lus la 'jug ste/ bdud kyi rigs su skyes nas pha? ma? rnams skrag par byed pa'o/ /de 'dra'i gnod sbyin mang po yi g.yog 'khor dag gis yongs su bskor/ /zhes bya ba ni/ bcom ldan 'das ga la ba der 'byung po rnams kyis bskor te/ phyogs gcig tu 'khod de/ 'jig rten mgon gyi spyan sngar bsdad pa'o/ /gnod sbyin bye ba phrag stong rnams/ /de dag ma ni skul ma lags/ /zhes bya ba ni/ de dag kun kyang dur khrod chen po bsil ba'i tshal na gnas shing/ rgyal po rnams thos kyi bu'i 'khor yin te/ de rnams kyang rig sngags kyi gzi brjid kyis 'khod pa'o/ /g.yog 'khor de dag ni lhan gcig tu/ /bdag ni phyag 'tshal slad du mchis/ /zhes bya ba ni/ dpon g.yog de rnams kyis kyang/ bcom ldan 'das la gus par byas nas/ phyogs gcig tu 'khod nas phyag 'tshal ba'o/ /gau ta ma dpa' bo khyod la ni/ chos bzhin mthun par lta zhing mchis/ /zhes bya ba ni/ 'jig rten dbang phyug gi spyan sngar sems can rnams la 'tshe bar mi byed cing snying rje dang ldan te/ rig sngags kyi rgyal mo bsil ba'i tshal gyi dmod mos 'tshe bar mi
- 347b
nus pa'o/ /bdag cag gis ni gnas 'di ni/ /shing rta zhes bgyi srin po mchis/ /zhes bya ba ni/ lho nub kyi mtshams na lam ka na gnas pas srin po'i tshogs mang po 'byung ste/ de rnams kyis kyang sems can rnams la gnod par byed cing 'gru gu'i nad rnams gtong ba'o/ /de la bu mo stobs ldan pa/ stong phrag bcu yi grangs snyad mchis/ /zhes bya ba ni/ srin mo'i tshogs kyang de rnams byung ste/ stobs dang ldan zhing rang gi kha dog tu snang ba de rnams kyis kyang bcom ldan 'das kyi spyan sngar 'khod pa'o/ /de dag bdag gi g.yag lags te/ de dag phyag 'tshal slad du mchis/ /zhes bya ba ni/ bdag cag kyang bcom ldan 'das kyi spyan sngar g.yog du ma dang bcas nas mchis te/ sangs rgyas dang/ chos dang/ dge 'dun la skyabs su mchi'o/ zhes bya ba'o/ /gau ta ma dpa' bo khyod la ni/ chos bzhin mthun par lta zhing mchis/ zhes bya ba ni/ 'jig rten bla ma'i spyan snga ru/ /sems can rnams la snying rje dang ldan zhing 'tshe bar mi byed de/ rig sngags kyi rgyal mo'i gzi brjid kyis sems can rnams la 'tshe bar mi byed pa'o/ /bdag cag gis ni gnas rnams na/ mgrin rings shes ba'i srin mo mchis zhes bya ba ni/ laM ka mgrin chu'i rigs mgo bcu gcig yod pa 'jigs su rung ba rnams 'byung pa ba'o/ /srin mo shin tu gnas pa dag/ srin mo nag po zhes bgyid ba zhes bya ba ni/ dpal lha mo dang/ 'khor g.yog yin te/ srin mo ral pa gcig pa rnams/ /'khor g.yog du ma dang bcas pa byung ste/ de rnams kyang bcom ldan 'das kyi spyan snga ru'o/ /srin mo rab gnag rnams mchis te/ /de dag gau ta ma mthun par lta/ /zhes bya ba ni/ rgya mtsho'i 'gram na zang gling zhes bya ba ni/ yul na gnas te/ de bas kyang gnag pa lnga brgya yod do/ /de rnams kyis kyang sems can
- 348a
la 'tshe bar byas shing/ bud med du brdzus nas gnod pa skyel ba'o/ /sa yi gnod sbyin bdag nyid che/ /de dag sa steng gnas pa lta/ /zhes bya ba ni/ nor rgyun ma'i 'khor g.yog yin te/ de yang ldang ma mo dang/ kun tu bzang mo dang 'od ldan ma la sogs pa yin te/ de rnams kyis kyang sems can la gnod par mi byed cing/ phan pa sha stag ste/ sa la gnas shing sa la bdag byed pa'o/ /g.yog 'khor de dag rnams kyis ni/ yongs su bskor te 'dir mchis lags/ /zhes bya ba ni/ srin po dang/ srin mo dang/ sa bdag mo la sogs pa 'khor g.yog du ma dang thabs gcig tu/ bcom ldan 'das kyi spyan sngar ro/ /de dag kun dang lhan cig tu/ /bdag ni phyag 'tshal slad du/ mchis/ /zhes bya ba ni/ rig sngags dang/ sangs rgyas rnams la skyabs su mchi'o/ /sems can la gnod par mi byed cing/ sangs rgyas bcom ldan 'das dang thabs cig tu 'khod pa'o/ /gau ta ma dpa' bo khyod la ni/ chos bzhin mthun par lta zhing mchis/ /zhes bya ba ni/ stong gsum gyi stong chen po'i 'jig rten gyi khams kyi dbang phyug la bdag cag sems can rnams la 'tshe bar mi byed cing spyan sngar mchis pa'o/ /bdag gi mdun na rgyug pa yi/ yi dags gnod sbyin srin po rnams/ zhes bya ba ni/ lus ngan po'i spyan sngar rgyug pa'i ma rungs pa 'byed pa la dga' ba'i 'khor chen cig yod de/ sdig la dga' zhing snying la mi sdug pa sha stag go/ lus chen shugs kyang drag pa ste/ /so yang che la lto bo che/ zhes bya ba ni/ 'jig rten g.yo bar nus shing yud tsam gyis gang la yang khyab ste/ gzi brjid che zhing rbad pa la dga' ste/ de'i gzugs kyis sems can la gnod par
- 348b
byed pa'o/ /rna 'phyang 'jigs pa chen po ste/ slo ma sna la rab tu 'phyang/ /zhes bya ba ni glags btsal te dam tshig nyams pa la smad cing gnod pa che bar byas pa ste/ de rnams kyis kyang chad pa bcod cing drags shul bstan pa'o/ /yan lag drug po so brtan pa/ /gur kum mdog can tho ba 'dra/ /zhes bya ba ni/ mgo bo drug phyag drug /rkang pa drug de bzhin du sprul pa ste/ mdog mdzes pa ste/ mche ba gtsigs shing so gtsigs shing sems can rnams la ston par byed pa'o/ /so yang rtsub cing rno ba dang/ mdung mthung gsal zhing 'jigs par bgyid/ /ces bya ba ni/ sems can la gnod pa byed pa'i dus su ni mtshon cha sna tshogs bstan te/ so rno zhing sems can smad pa la dga' ba'o/ /glang chen mgo dang bum rna can/ mgo seng ge stag dang 'dra/ /zhes bya ba ni/ gzugs sna tshogs par sprul zhing sems can rnams la 'jigs par byed pa ste/ de rnams mi srun zhing gnod par byed pa la dga' ba'o/ /lcags kyi so can lcags kyi sgra/ gdon rnams rnam par ? bgyid pa/ zhes bya ba ni/ mtshon gyi so dang khab kyi skra ste/ de bzhin du lus po'i ba spu rnams kyang yin no/ /nang la nang 'thab 'dod cing sems can gyi lus la zhugs nas kyang de bzhin no/ /lag na lcags kyi gtum bu thogs/ /lag na lcags kyi thob thogs /zhes bya ba ni/ gdon de rnams kyang 'thab pa'i dus su de bzhin te/ de'i tshul gyis bstan bcing sems can la 'thab rtsod rdod par byed pa'o/ /so rnon lag pa ring ba ste/ 'jigs pa'i gzugs can lcags kyi mchu/ zhes bya ba ni/ za ba'i dus su so rno ba/ gnod par byed pa lag pa ring ba/ yang na lag pa ring ba ni phyogs gcig nas bsdad nas dpag tshad brgyar bslebs pa'o/ /drag po'i tshul du bstan cing mtshon
- 349a
gyis mchu dang ldan pa'o/ /mgo bo che la skra g.yengs pa/ nag cing mig ser sna zhon pa/ /zhes bya ba ni/ yan lag phra zhing bong thung ba ste /mgo bo che la bzhin mi sdug ste/ sol ba'i mdog la mig la me 'bar ba ste/ sna med cing sug sug byed pa de'i gzugs kyis gnod par byed pa'o/ /bum pa'i mgrin dang mig dmar ba/ mig gcig pa dang lto bo che/ /zhes bya ba ni/ bum pa 'dra ba'i lba ba gsum yod pa ste/ de'i lus la mig dmar ba'o/ /mig gcig sbrul gyi mgo can te/ stobs dang ldan zhing sa bdag gis gzugs su gnas pa'o/ /mchu 'chang po dang lag gcig pa/ /rkang gcig pa dang rkang gnyis pa// zhes bya ba ni/ chu srin gyi mchu dang ldan pa/ lus la lag pa gcig med cing 'jigs su rung ba ste/ la la yang rkang pa re re yod cing gnyis gnyis 'grogs nas 'gro ba'o/ /gzhan yang khro bo'i tshul du yod pa la rkang pa gnyis dang ldan pa'o/ /kha med kha gnyis drag po ste/ mi rnams rab tu 'jigs par bgyid/ ces bya ba ni/ khab kyi kha la gsus po che ste/ kha yang kha ltag khung na yang kha yod pas kha gnyis pa ste/ de bzhin du mi rnams la yang gnod ba ste/ drag po'i tshul gyis gnod par byed pa'o/ /lag na khar ba dbyug pa thogs/ /mdung rtse gsum pa drag cing 'jigs zhes bya ba ni/ gdon ma rungs pa rnams la ni/ mtshon cha sna tshogs thogs shing mi rnams la 'jigs par byed pa ste/ de bzhin du 'tshe ba drag po byed pa'o/ /skrag cing 'jigs par byed pa ste/ gdon rnams rnam par skrag bgyid pa zhes bya ba ni/ drag po'i tshul gyis gnod par byed de/ de bzhin du gdon sna tshogs kyis nad sna tshogs btang nas 'tshe bar byed pa'o/ /skrag par bgyid cing smra bar bgyid/ /sems kyang 'khrul par byed pa ste/ zhes bya ba ni nad kyis
- 349b
thebs? shing lab lob smrar 'jug pa ste/ yang na sems can de smyos par byas nas sems gtor ? kha'i kha bden smra ba'o/ /smyo bar bgyid cing rmongs par bgyid/ /de nas gzi brjid 'phrog par bgyid/ /ces bya ba ni/ gdon gyis btab pa de ni 'bog ste sems kyang gtor de bzhin du dag kyang med do/ /lus de yang nyon mongs shing dpal dang mi ldan te/ de bzhin du gnod sbyin gyi gdon gyis btab pa'o/ /de dag 'jig rten 'jigs pa ste/ stobs po che la brten par bka' / /zhes bya ba ni/ de bzhin du 'jig rten gyis khams thams cad la sems can gyis sems can la gzod par byas te/ 'jigs shing skrag par byed pa'i phyir na/ rig sngags kyi rgyal mo bsil ba'i chal la brten pa'o/ /stong phrag drug cu rtsa bzhi bo/ /rgyal po chen po'i mdun na rgyab ces bya ba ni/ gnod sbyin gyi sde dpon lus ngan po'i mdun du rgyug ste/ de dag 'jigs par skyobs gsol ba'o/ /de 'dra'i gnod sbyin mang po yi /g.yog 'khor dag gis yongs su bskor/ zhes bya ba ni/ lus ngan po dang thabs bcing tu/ /sangs rgyas gal ba der 'khod de/ gus par bskyed nas thabs gcig tu 'o/ /gnod sbyin bye ba stong phrag rnams/ /de dag phyag 'tshal slad du mchis/ /zhes bya ba ni/ 'khor g.yog bdag cag sangs rgyas dang/ chos dang dge 'dun la skyabs su mchi te/ gus bar byas nas rig sngags la phyag 'tshal ba'o/ /gau ta ma dpa' bo khyod la ni/ chos bzhin mthun par lta zhing mchis/ zhes bya ba ni/ bdud bzhi bcom pa la dpa' bo ste/ de bzhin du mun pa nu na nag gsal te/ 'jig rten las 'das nas sems can rnams kyi don byed pa ste/ bdag cag gis sems can rnams la 'tshe bar mi byed de/ rig sngags bdag gis gzungs bar bya/ /sa ga lnga rtsen zla ba dang/ /seng+ge sde dang rab gnon dang/ zhes bya ba ni/ de yang gnod
- 350a
sbyin sde don nyi shu rtsa gnyis yin te/ de rnams kyi ming grangs ni gsangs sngags la pa chen dang la sogs pa'o/ /rig pa stobs chen nor bu dang/ /zhes bya ba ni/ gsang sngags chen dang/ pa la la sogs pa'i bar nas 'di dag yin te/ gnod sbyin gyi sde dpon nyi shu rtsa gnyis de yang stobs dang ldan zhing gzi brjid che ste/ kha dog dang ldan zhing rdzu 'phrul dang ldan pa/ lha dang lha ma yin gyi rtsod pa las rtsod par nus te/ gnod sbyin de dag kyang sangs rgyas kyi/ bstan pa bsrung zhing/ rig sngags la rjes su yi rang ba'o/ /'jog po nag po chen po dang/ la ba can dang rje'u gnyis/ zhes bya ba ni/ klu'i rgyal po klu rigs bzhi yin te/ de dag kyang sa dang chu la gnas shing bstan pa bsrung ba'o/ /klu yi rgyal po sa srung bu/ /yan lag chen po rdzu 'phrul che/ zhes bya ba ni/ stobs dang ldan zhing kha dog dang ldan te/ sangs rgyas kyi bstan pa bsrung zhing 'jigs pa med cing/ /gnod par mi byed pa'o/ /nam mkha' lding ni shugs chen bar?/ 'dab chags kun gyi mchog gyur pa/ zhes bya ba ni/ nam mkha' lding gi rgyal po gser mig can yin te/ 'dab chags bya la gzugs che zhing/ stobs dang ldan pa'o/ /bya yi shugs kyis mchi bgyid cing/ rgya mtsho kun tu 'khrug bar bgyid/ /ces bya ba ni/ sems can des klu'i sems can rnams la 'jigs par byed de de yang de dag rnams kyis kyang/ 'tshe bar byed pa'i rgyu la gnas pa'o/ /lha dang lha min dri za rnams 'jigs bgyid pa dang dge ba 'ang rung/ /zhes bya ba ni/ phan byed dang gnod byed gnyis nus te/ de rnams kyis kyang/ phan par byed pa dang/ gnod par byed pa la gnas pa'o/ /ma dang pha dang dad pa rnams/ /de dag thams cad 'dir mchis
- 350b
te/ zhes bya ba ni/ chos la gnas pa dang mi gnas pa gnyis/ /sdig la 'dzem pa dang mi 'dzem pa gnyis yin te/ de dag rnams kyang bcom ldan 'das kyi spyan sngar mchis so/ /gau ta ma dpa' bo khyod la ni/ chos bzhin mthun par lta zhing mchis/ zhes bya ba ni/ ma rig pa la sogs pa bcom pa la dpa' ba/ nyon mongs pas mi tshugs shing thugs rje dang ldan pa ste/ gdon de rnams kyang rig sngags kyi mthus chos dang ldan par gnas pa'o/ /'phrog ma zhes bya ba gnod sbyin no/ /'jigs par bgyid pa stobs chen mo/ /zhes bya ba ni/ rang gi bu tsha ni snying du sdug ste/ gzhan gyi bu tsha rnams 'jigs par byed cing/ gnod byed nus pa ste/ des kyang byis pa rnams la 'jigs par byed cing srog 'phrog pa'o/ /de yi bu ni lnga brgya rnams/ /'jigs bgyid gnod sbyin mthu rtsal can zhes bya ba ni 'phrog ma'i bu ste/ de rnams kyis kyang sems can la gnod par byed cing mngal nas rlag par byed de/ ma dang bu rnams kyang srog 'phrog pa'o/ /bdag nyid kyi ni g.yog lags te/ de dag phyag 'tshal slad du mchis/ zhes par ni 'phrog ma'i bu lnga brgya dang/ 'phrog ma dang bcas pa 'khor g.yog du ma gnas te/ de dag kyang sangs rgyas dang chos dang/ dge 'dun la phyag 'tshal zhing skyabs su gsol te/ de ltar bcom ldan 'das ga la ba der phyogs gcig tu gnas pa'o/ /gau ta ma dpa' bo khyod la ni/ chos bzhin mthun par lta zhing mchis/ zhes bya ba ni/ nyon mongs pa rnams bcom zhing/ de bzhin du de bcom pa la dpa' bo zhes bya ste/ sdig dang/ dge ba dang 'bral zhing sangs rgyas ba'o/ /bdag cag gis kyang chos dang mthun par dge pa la gnas te/ sems can la snying rje bya zhing spyan sngar mchis pa'o/ /ma ga d+ha na thams cad mthong/ /ka shi na ni pad+ma 'chang/ /zhes bya ba ni/ mngon sum du 'jig rten gsum la rdzu 'phrul gyis mthong ste/ stobs
- 351a
de dang ldan pa'i gnod sbyin ni rgya gar gyi dbus su'o/ /yul go shi ka nas pad+ma 'chang nas te/ pad+ma bzhin du spyan yod pa'i phyir na pad+ma 'chang ba'o/ /yangs pa can na rgyal mchog gnas/ /kyang yul na ni grags 'dzin gnas/ zhes bya ba ni/ ma ga d+hA na gnod sbyin rgyal mchog gnas te/ de bzhin du gyad yul na yang de dang 'dra bar gnas pa ste/ stobs che zhing gzi brjid dang ldan pa'o/ /rgyal po'i khab na kun b+hi ra/ ser skya'i gnas na drag po ste/ zhes bya ba ni/ ri bo rgyal po'i khab kyi dad dbon ni gnod sbyin chen po kuM b+hi ra la sogs pa'o/ /de bzhin du ser gyi mi yul na grags pa dang ldan pa grags pa'o/ /ta ma la ni 'byor pa gnas/ /mi thi la dang kun tu rgyal/ /zhes bya ba ni/ mi thi la dang ta ma la gnyis ni ma ga d+ha'i lho phyogs yin te/ gnod sbyin chen po dang kun tu rgyal gnas pa'o/ /ma mo chen mo 'di brgyad ni/ gnod sbyin rnams kyi sde dpon mchog/ ces bya ba ni/ 'jig rten gyi ma mo brgyad yin te/ de yang 'di dag gis ming ni 'joms pa'i dngos grub dang/ keng rus can dang/ tshangs chen ma dang/ nag mo chen mo dang/ gzhon nu mo dang/ rnam rgyal mo dang/ drag mo dang/ khyab 'jug mo dang brgyad do/ /de rnams ni 'jig rten gyi mar gyur cing mi srun gnod sbyin rnams kyi bdag mo'o/ /rdzu 'phrul chen mo skal ba che/ /stobs chen de dag thams cad ni/ zhes bya ba ni/ skad cig mas 'jig rten khams la 'gyu ste/ kha dog ldan zhing gtor ma rnams len par byed pa'o/ /gzhan rnams kyis kyang mchod pas 'os shing gtor ma len du gtad pa'o/ /yi dge dad pa'i sems dang ldan/ /rdzogs sangs rgyas la skyabs mchis pa/ zhes bya ba ni/ glo bur gyi dad pa ma yin pa lnga nas kyang dad pa dang ldan te/ sangs rgyas kyi bstan pa bsrung zhing rig sngags kyi chos?
- 351b
la gus bar byas te/ sangs rgyas dang chos dang/ dge 'dun la rjes su yi rang zhing skyabs su 'gro ba'o/ /de dag dang ni 'dus nas kyang/ rgyal bo chen po stobs chen gyis/ /zhes bya ba ni/ rgyal po chen po rnams tho kyi bu yang stobs dang ldan te/ de dag kyang dbang du 'du zhing/ sems can rnams la 'tshe bar mi byed pa'o/ /yang dag rdzogs sangs rgyas bstan la/ /mi rnams la ni snying brtse slad ces bya ba ni/ bcom ldan 'das kyis gzi brjid la brten sa nas/ rig sngags kyi dmod mo'i 'jigs pas/ 'jig rten gyi khams kyi mi rnams la 'jigs par mi byed cing/ snying rje skye ba'o/ /gnod sbyin 'byung po yi dags dang/ sdang ba'i gdon rnams bzlog pa dang/ /zhes bya ba ni/ sdig pa'i sems dang ldan pa thams cad las ? gyi bka' dang rig sngags kyi gzi brjid kyis gnod sbyin 'byung po'i gdon rnams bzlog par byed cing/ de rnams kyis kyang mi tshugs pa'o/ /mi ma yin rnams bzlog pa yi/ /srung ba 'di ni legs par bgyid/ /zhes bya ba ni/ ? ba'i dam pa rbod gtong dang/ /rig pa dang sngags dang/ de rnams bzlog pa ste/ de bzhin du 'byung po dang/ yi dags la sogs pa bzlog par byed pa'o/ /de nas rgyal po rnams thos bu/ /thal sbyar 'dug ste smras pa ni/ /zhes bya ba ni/ bcom ldan 'das ga la ba der rgyal po chen po rnams thos bus/ pus mo g.yas pa'i lha nga sa la btsugs te/ bcom ldan 'das la thal mo sbyar nas zhus pa'o/ /khon dang 'jigs kun 'das pa/ /rnam grol zag pa mi mnga' ba/ /zhes bya ba ni shes bya'i dri ma dang/ bag chags kyi dri ma mi gnas shing/ 'khor ba'i sdug bsngal thams cad bcom ste/ 'jigs pa thams cad dang bral bar byed pa dam pa'i dam pa'o/ /gau ta ma dpa' bo khyod la ni/ chos bzhin mthun par
- 352a
lta zhing mchis/ /zhes bya ba ni/ 'jig rten gyi khams la dbang mdzad cing/ bgegs thams cad bcom pa ste/ de bcom pas na/ dpa' bo zhes bya ba'o/ /gau ta ma la phyag 'tshal skyabs su 'gro ba'o/ /khyod la lha dang/ grul bum dang/ bram ze thams cad phyag 'tshal te/ zhes bya ba ni/ mi mjed kyi bdag po tshangs pas phyag 'tshal te/ 'jig rten pa'i stong spyi phud kyi bdag po yin te/ yang na bram ze phyag 'tshal lo zhes bya ba ni/ tshangs par spyod pa'i dbang po de la phyag 'tshal skyabs su mchi zhes bya ba'o/ /gnod sbyin bye ba drug khri dang/ /bzhi stong dag kyang lhags nas ni/ zhes bya ba ni/ gzugs sna tshogs bstan pa/ sna tshogs kyi lta ba yod pa/ /gnod byed dang phan byed gnyis yod pa/ sdig pa dang/ dge ba byed pa sha stag bcom ldan 'das kyi spyan sngar mang por 'dus pa'o/ /khor khor yug yongs bskor nas/ thal mo sbyar te 'khod gyur lags/ /zhes bya ba ni/ dur khrod bsil ba'i tshal gyi sa gzhi la/ gnod sbyin 'byung po rnams pus mo g.yas pa'i lha nga la sa la btsugs te/ bcom ldan 'das kyi spyan sngar phyogs phyogs nas bskor zhing thal mo sbyar ba'o/ /bdag ni rgyal po rnam thos bu/ /byang phyogs skyong bar bgyid pa ste/ zhes bya ba ni rgyal po rnams thos kyi bus kyang gnod sbyin chen po 'khor g.yog dang bcas shing byang phyogs na bsrung bar bgyid pa'o/ /'jig rten mgon po'i nye bskor du/ /gnod sbyin rgyu ba smyo byed dang/ zhes bya ba ni/ bcom ldan 'das ga la ba der gza' dang rgyu skar dang/ bcas shing bzhin sdug pa dang/ /mi sdug pa rnams kyis bskor te/ 'byung bo mang po spyan sngar 'dus pa'o/ /brjed byed dang mi 'am ci/ /skems byed pa ni rims drag dang/ /zhes bya ba ni/ glo bur du nad
- 352b
gtong ba dang/ glo bur du bar chod byed pa 'di rnams yin te/ gzi brjid 'phrog pa 'di rnams kyang/ bcom ldan 'das kyi spyan sngar gnas pa'o/ /de bzhin rims rnams zhag bzhi pa/ de dag bdag gi bzlog par bgyi/ zhes bya ba ni/ rgyal po chen po rnams thos kyi phyag rig sngags kyi rgyal mo bsil ba'i tshal gyi gzi brjid kyis/ rims nad la sogs pa nad rigs mi cig pa bzhi brgya rtsa bzhi bzlog par byed pa'o/ /rig sngags kyi rgyal mo bsil pa'i tshal gyi/ 'byung po mang po rigs brtag pa'i gnas skabs te/ drug pa'o// //bsil ba'i tshal gyi rig sngags zhes bya ba 'di ni/ gang zhe na/ las kyi rigs kyi de bzhin gshegs pa'i rigs ni/ mtshon pa ni chos kyi dbyings kyi ye shes so/ /mtshon byed ni rig sngags kyi rgyal mo bsil ba'i tshal lo/ /gzugs kyi phung po ste/ khams ni sa'i khams so/ /skye mched ni mig ste/ rang bzhin ni ye shes lnga'o/ /sangs rgyas lnga'i dbu rgyan can/ spyan gsum pa/ rgyan thams cad kyis brgyan pa/ zhal gsum pa/ phyag drug pa/ sku mdog dkar mo/ /zhal g.yas ?? g.yon dmar ba/ phyag g.yas pa gnyis na ral gri dang 'khor lo/ /g.yon pa gnyis na dgra sta dang rtse gsum/ /'og ma'i g.yas g.yon gnyis kyis mda' gzhu 'gengs pa/ zhabs g.yas bskum pa/ g.yon bskyang pa/ pad+ma dang/ zla ba'i? gdan la gzhugs shing nyi ma'i 'od dang bcas pa ste/ zhi ba'i tshul du bzhugs pa'o/ /rig sngags kyi gsang sngags kyi tshig ni gang zhe na/ 'di lta ste/ u ha haM zhes bya ba la sogs pa'o/ /rgyal po chen po rnam thos kyi bu lus ngan lcang lo can gyi bdag po phyogs skyong bar gyur cig ces bya ba ni/ sangs rgyas kyi rig sngags kyi byin brlabs kyis sangs rgyas rnams kyi bstan pa bsrung ste/ byang phyogs skyong zhing sems can rnams kyi don byed pa'o/ /lha'i rgyal po nor lha'i bu zhes bgyi ba mchis te/ zhes bya ba ni/
- 353a
sems can rnams la don byed cing/ /rnam thos kyi bu la phyag 'tshal te/ de bzhin du 'byung po rnams kyis kyang skyabs su mchi zhes bya'o/ /de la bdag kyang phyag 'tshal zhes bya ba ni/ gnod sbyin 'byung po rnams kyis phyag 'tshal ba'o/ /de yang bcom ldan 'das nyid la phyag 'tshal te/ zhes bya ba ni/ 'jig rten dbang phyug sems can gyi don la sprul pa'i skus khyab pa de la bdag gis phyag 'tshal zhes bya ba'o/ /rdzogs pa'i sangs rgyas dpa' bo ste/ kun mkhyen kun gzigs khyod la 'dud/ ces bya ba ni/ shes bya dang bag chags kyi sgrib pa 'joms shing/ 'jig rten gyi rnam par rtogs pa grol zhing/ rgyal ba rnam par rgyal nas sangs rgyas so/ /'jig rten kun gyi 'jigs skyob pa khyod la 'dud do/ /zhes bya'o/ /yang dag dpa' bo khyod la 'dud/ /chos bzhin mthun par lta zhing mchis/ /zhes bya ba ni/ phyin ci ma log cing nges par bdud bzhi bcom pa ste/ yang dag pa'i ye shes thob cing/ sems can gyi don mdzad pa'o/ /de lta bu'i gzi brjid kyis bdag kyang sems can la snying rje byas shing spyan sngar mchis so/ /zhes bya ba'o/ /de nas zhes bya ba ni/ rnam thos kyi bu'i tshig gi de nas so/ /rgyal po chen po yul 'khor srungs/ /thal sbyar 'dug ste smras pa ni/ zhes bya ba ni/ shar phyogs kyi rgyal po dri za' thams cad la dbang mdzad pa/ pus mo g.yas pa'i lha ngas la gtsugs pa'o/ /bcom ldan 'das kyi spyan sngar thal mo sbyar nas zhus pa'o/ /chos kyi rgyal po 'di mdzad pa/ sangs rgyas dpal la bdag phyag 'tshal/ /zhes bya ba ni/ chos kyi phung po brgyad khri bzhi stong 'jig rten la bshad nas sku mya ngan las 'das te/ chos de'i 'od zer 'jig rten gyi khams rnams la khyab ste/ de bzhin
- 353b
du de sangs rgyas shing snying rje che la bdag gis phyag 'tshal lo zhes bya ba'o/ /gau ta ma dpa' bo khyod la ni/ chos bzhin mthun par lta zhing mchis/ /zhes bya ba ni/ 'jig rten gyi khams thams cad spangs shing bdud rnams btul ba ste/ de bzhin du 'khor ba'i mun nag sel zhing sangs rgyas pa'o/ /de lta bu'i chos kyi gzi brjid kyis dag cag dri za rnams ni sems can rnams la snying rje byas shing spyan sngar mchis so/ /gau ta ma khyod kyis gang mkhyen pa/ /de ni lha rnams phyag 'tshal lo/ /zhes bya ba ni/ rig sngags kyi rgyal mo bsil ba'i tshal gyi ye shes de ni bdag cag rnams kyis mi shes te/ bsam gyis mi khyab pa/ rang bzhin dang bral ba/ skye ba med pa'i rang bzhin no/ /srin po mthong na rab 'jigs pa/ /stong phrag drug cu rtsa bzhi rnams/ /zhes bya ba ni/ bzhin mi sdug pa dang/ sdug pa rnams dri za srin pos mang po 'dus pa'o/ /kho ra khor yug yongs bskor nas/ thal mo sbyar te 'khod gyur lags/ /zhes bya ba ni/ 'jigs su rung ba dur khrod chen po bsil ba'i tshal la/ srin po'i gdon dang/ dri za'i gdon rnams kyis phyogs bzhi nas pus mo g.yas pa'i lha nga sa la gtsugs te/ thal mo sbyar nas 'jig rten mgon po la'o/ /bdag ni rgyal po yul 'khor srung/ shar phyogs skyong bar bgyid pa ste/ zhes bya ba ni/ yang dag par rdzogs pa'i sangs rgyas kyis bstan pa bsrung zhing/ rig sngags kyi bka' las mi 'da' ste/ rig sngags 'dis chad ba'i gang zag la shar phyogs skyong bar bgyid cing sems can gyi don byed pa'o/ /'jig rten mgon po'i nye 'khor du/ srin po rnams dang sha za dang/ zhes bya ba ni/ de bzhin du rig sngags kyi gzi brjid kyis sangs rgyas kyi bka' las mi 'da' zhing de rnams kyis kyang skyong bar byed pa'o/ /dri za dang ni rlung lha rnams/ /de dag bdag gis bzlog par bgyi/ zhes bya ba
- 354a
ni/ dri za'i rgyal po yul 'khor srung gis kyang/ rbod gtong dang rig pa dang/ sngags dang ma rungs pa'i 'byung po rnams bzlog cing rig sngags la gus par byed pa ste/ rig sngags kyi ngo bo ni gang zhe na/ las kyi rigs kyi rin chen rigs/ /mtshon pa ni mnyam pa nyid kyi ye shes te/ mtshon byed ni rig sngags kyi rgyal mo bsil ba'i tshal lo/ /ye shes snga'i rang bzhin sangs rgyas lnga'i dbu rgyan can/ spyan gsum pa rgyan thams cad kyis brgyan pa/ zhal gsum pa/ phyag drug pa/ sku mdog ser mo/ /phyag g.yas pa gnyis na ral gri dang rin po che/ g.yon pa gnyis na pad+ma dang/ 'khor lo bsnams pa'o/ /de'i 'og ma g.yas g.yon gnyis kyis mnga' gzhu 'gengs pa'o/ /zhabs g.yas bskum pa/ g.yon brkyang ba/ pad+ma dang zla ba'i gdan la bzhugs shing/ nyi ma'i 'od dang ldan zhing/ sgeg pa'i tshul ru bzhugs pa'o/ /rig sngags kyi gsang sngags kyi tshig ni gang zhe na/ 'di lta ste/ i Ta mi Te la sogs rgyal po chen po yul 'khor srung phyogs skyong par gyur cig /ces bya ba ni/ shar phyogs su skyong ba ste/ rig sngags 'di la bka' stsal cing/ sems can don la skyong ba'o/ /srin po dang zhes bya ba la sogs pa ni/ shar phyogs na gnod par byed pa ste rnams ni/ rgyal po yul 'khor srung rig sngags kyi gzi brjid kyis de rnams shar phyogs nas byung ba bzlogs pa'o/ /lha'i nang na lha'i rgyal po nor lha'i bu zhes bgyi ba mchis te/ zhes bya ba ni/ dri za'i rgyal po yul 'khor srung la skyabs su mchis te/ shar phyogs kyi mnga' bdag la phyag 'tshal ba'o/ /de la phyag 'tshal lo zhes bya ba ni/ shar phyogs na yod pa'i 'byung po rnams kyi phyag 'tshal ba'o/ /de yang bcom ldan 'das nyid la phyag 'tshal ba ste/
- 354b
zhes bya ba ni/ bzhi bcom drug ldan/ de lta bu'i sangs rgyas la bdag cag rnams kyis phyag 'tshal lo zhes pa'o/ /rdzogs pa'i sangs rgyas dpa' bo ste/ kun mkhyen kun gzigs khyod la 'dud/ /ces bya ba ni/ rnam par rtog pa thams cad dang bral zhing 'dod pa'i yon tan lnga bcom ste/ de lnga dang bral nas mya ngan las 'das pa'o/ /de lta bu'i sangs rgyas kyis kun nas kun tu 'jigs pa bcom ste/ de yang 'khor ba'i 'jigs pa bcom pa'o/ /yang dag dpa' bo khyod la 'dud/ chos bzhin mthun par lta zhing mchis/ /zhes bya ba ni/ phyin ci ma log cing rig sngags kyi ngo bo nyid bstan te/ de'i ye shes kyis nyon mongs pa thams cad bcom ste/ de lta bu'i sangs rgyas chos la mthun pa byas shing sems can rnams la 'tshe bar mi byed pa'o/ /de nas zhes bya ba ni/ yul 'khor srung gi tshig gi de nas so/ /rgyal po chen po 'phags skyes po/ /thal sbyar 'dug ste smras pa ni/ /zhes bya ba ni/ rgyal po chen po 'phags skyes pos kyang stan las langs te/ bcom ldan 'das kyi spyan sngar ?? g.yas pa'i lha nga sa la btsugs nas thal mo sbyar te zhes bya ba'o/ /'jig rten mgon po skyabs mdzad pa/ 'jig rten kun la phan par mdzad/ /ces bya ba ni/ stong gsum gyi stong chen po'i 'jig rten gyi khams la sprul ba'i skus khyab ste/ de rnams la byams pa dang snying rje gzigs nas sdug bsngal thams cad 'joms pa'i thabs la mkhas pa'o/ /gau ta ma dpa' bo khyod la ni/ chos bzhin mthun par lta zhing mchis/ zhes bya ba ni/ nyon mongs rnams bcom zhing dpa' ba ste/ sku gsung thugs thams cad ma lus par sangs rgyas pa de'i chos bzhin grul bum bdag cag gis mchis te/ sems can la 'tshe bar mi byed cing snying rje'i sems dang ldan pa'o/ /grul bum yi dags srul po rnams/ /stong phrag drug cu rtsa bzhi ni/
- 355a
zhes bya ba ni/ lho phyogs na/ grul bum gdon rigs mi gcig pa 'byung ste/ srun pa dang mi srun pa sha stag mang po 'dus pa'o/ /kho ra khor yug yongs su skor nas/ /thal mo sbyar te 'khor gyur lags/ /zhes bya ba ni phyogs phyogs na/ bcom ldan 'das kyi spyan sngar pus mo g.yas pa'i lha nga sa la btsugs nas bcom ldan 'das la gus pas thal mo sbyar ba'o/ /bdag ni rgyal po 'phags skyes po/ /lho phyogs skyong bar bgyid pa ste/ zhes bya ba ni/ sangs rgyas kyi bka' rig sngags kyi bka' las mi 'da' ste/ gang zag rig sngags 'chang ba'i de la lho phyogs skyong bar byed pa'o/ /'jig rten mgon po'i nye 'khor du/ /'byung po rgyu ba gzi brjid 'phrog /ces bya ba ni/ ma rungs pa'i 'byung po rnams kyis kyang bar du gcod cing gzi brjid 'phrog pa ste/ drag shul gyis ni gnod par byed pa'o/ /grul bum yi dags srul po rnams/ /de dag bdag gis bzlog par bgyid/ zhes bya ba ni/ sangs rgyas kyi bka' dang/ rig sngags kyi rdzu 'phrul gyis grul bum gyi gdon bzlog pha dang rbod gtong dang/ sngags dang/ rig pa rnams bzlog ste/ de yang rig sngags kyi rgyal mo'i rig pas bzlog pa'o/ /rig sngags kyi rgyal mo'i ngo bo ni gang zhe na/ las kyi rigs kyi pad+ma'i rigs so/ /rig sngags 'di'i mtshon pa ni so sor rtog pa'i ye shes so/ /mtshon byed ni rig sngags bdag nyid do/ /phung po ni 'du shes kyi phung po ste/ khams ni me'i khams so/ /skye mched ni lce ste/ ye shes lnga'i rang bzhin/ /sangs rgyas lnga'i dbu rgyan can spyan gsum pa/ rgyan thams cad kyis brgyan pa/ zhal gsum pa phyag drug pa/ sku mdog dmar mo/ /phyag g.yas pa gnyis na ral gri dang pad+ma/ g.yon pa gnyis na lcags kyu dang zhags pa/ /'og ma'i g.yas g.yon gnyis kyi
- 355b
mda' gzhu 'gengs pa'o/ /zhabs g.yas bskum pa/ g.yon brkyang pa/ pad+ma dang zla ba'i gdan la zhugs shing nyi ma'i 'od zer dang ldan pa ste/ cung zad khro bo'i tshul du bzhugs pa'o/ /rig sngags dang/ gsang sngags kyi tshig ni gang zhe na/ 'di lta ste/ A le a le le la sogs pa'o/ /rgyal po chen po 'phags skyes po phyogs skyong bar gyur cig ces bya ba ni/ yang dag par rdzogs pa'i sangs rgyas kyi bka' dang/ rig sngags dang gsang sngags kyi tshig gis rig sngags 'dzin pa'i gang zag dang sems can thams cad la rgyal po chen po 'phags skyes pos rig sngags kyi dam las mi 'da' bar srung ba'o/ /grul bum dang zhes bya ba la sogs pa ni/ rgyal po chen po 'phags skyes pos ? lho phyogs skyong zhing nad thams cad 'dzoms shing grul bum la sogs pa'i yi dags bzlog par byed cing/ rig sngags 'chang ba'i gang zag la skyong bar byed pa'o/ /lha'i nang na lha'i rgyal po nor lha'i bu zhes bgyi ba mchis te zhes bya ba ni/ rgyal po chen po 'phags/ skyes po lho phyogs skyong bar mchis te/ de la bdag gis phyag 'tshal zhing skyabs su 'gro ba'o/ /de la bdag phyag 'tshal lo zhes bya ba ni/ grul bum gyi gdon la sogs pa 'byung po rnams kyis phyag 'tshal ba'o/ /de yang bcom ldan 'das nyid la phyag 'tshal te zhes bya ba ni/ bdud bzhi bcom zhing sangs rgyas te/ ye shes mnyam pa nyid kyis sems can thams cad la snying rjes khyab ste/ de lta bu'i ye shes ldan pa'i sangs rgyas la phyag 'tshal zhes bya ba'o/ /rdzogs pa'i sangs rgyas dpa' bo ste/ kun mkhyen kun gzigs khyod la 'dud/ /ces bya ba ni/ nyon mongs pa rnams 'dul zhing 'jig rten gyi bya ba bor nas mun pa'i mun nag sel te/ de lta bu'i 'khor ba bzhag nas sangs rgyas te/ lus ngag yid yang
- 356a
dag par rdzogs pa'o/ /de'i ye shes kyis kun nas kun tu nyon mongs pa rnams la sprul pa'i skus 'jig rten gyi khams la khyab ste/ de rnams kyis 'jigs pa thams cad dang bral bar byed cing 'khor ba'i 'jigs pa'i thabs la mkhas pa'o/ /yang dag dpa' bo khyod la 'dud/ /chos bzhin mthun par lta zhing mchis/ zhes bya ba ni/ nyon mongs pa lnga bcom zhing dpa' ba ste/ phyin ci ma log pa ye shes thob cing/ yang dag par rdzogs pa'i sangs rgyas la 'dud pa ste/ bdag cag grul bum gyi rigs la sogs pa'i rig sngags kyi rgyal mo bsil ba'i tshal gyi gzi brjid kyis sems can la 'tshe bar mi byed cing snying rje dang ldan pa'o/ /de nas zhes bya ba ni/ 'phags skyes po'i tshig gis de nas so/ /rgyal po chen po mig mi bzang/ /thal sbyar 'dug ste/ smras pa ni/ zhes bya ba ni/ rgyal po chen po de yang bstan las langs te/ bcom ldan 'das kyi spyan sngar pus mo g.yas pa'i lha nga sa la gtsugs te/ thal mo sbyar nas bcom ldan 'das la zhus pa'o/ /mun par gyur ba'i 'jig rten la/ bcom ldan lam rnams ston mdzad pa/ /zhes bya ba ni/ ma rig pa'i rkyen gyis ye shes de yang nus te/ de'i ye shes brtan par byed pa yang dag par rdzogs pa'i sangs rgyas shAkya thub pas bstan pa'o/ /gau ta ma dpa' 'o khyod la ni/ /chos bzhin mthun par lta zhing mchis/ zhes bya ba ni/ bdud bzhi bcom pas na dpa' bo ste/ de bcom zhing ye shes thob pa ste/ bdag cag klu rnams kyang sems can gyi don byed cing snying rje la gnas pa'o/ /'jig rten dag ni nyi zla 'dra/ /rin chen snying po stobs po che/ zhes bya ba ni/ rang gis ye shes shar te/ de'i ye shes kyang thams cad la khyab pa'o//
- 356b
de bzhin du nyi zla yang rang gi 'od zer gyis snang ba'o/ /de'i 'od zer thob cing yid bzhin gyi nor bu rin po che lta bu ste/ yid bzhin gyi nor bu rin po che de yang/ 'jig rten gyi khams so/ /klu dang mkha' lding gsang ba pa/ stong phrag drug cu rtsa bzhi rnams/ zhes bya ba ni/ klu'i rgyal po mig mi bzang dang/ klu'i gdon sa bdag la sogs pa nub phyogs nas mang po 'dus te/ de rnams kyang bcom ldan 'das kyi spyan sngar ro/ /kho ra khor yug yongs bskor nas/ thal mo sbyar te 'khor gyur lags/ /zhes bya ba ni/ gdon de rnams kyis kyang/ dur khrod bsil ba'i tshal la bcom ldan 'das ga la ba der phyogs bzhi nas bskor nas/ pus mo g.yas pa'i lha nga sa la gtsugs te/ bcom ldan 'das kyi spyan sngar thal mo sbyar nas zhu ba 'bul ba'o/ /zhes bya ba'o/ /bdag ni rgyal po mig mi bzang/ /nub phyogs skyong bar bgyid pa ste/ /zhes bya ba ni/ yang dag par rdzogs pa'i sangs rgyas kyi bka' rig sngags kyi gzi brjid kyis rgyal po chen po mig mi bzang gis kyang klu'i gdon srung ba'i don du/ nub phyogs skyong bar bgyid do/ /zhes bya ba'o/ /'jig rten mgon po'i nyen 'khor du/ /klu dang mkha' lding gsang ba pa/ zhes bya ba ni/ bcom ldan 'das ga la pa der rgyal po mig mi bzang dang/ srin po'i gdon dang/ sa bdag la sogs pa bcom ldan 'das kyi spyan sngar 'khod nas/ sems can rnams la gnod par bgyid do/ /zhes pa'o/ /lha min dbang po stobs po che/ de dag bdag gis bzlog par bgyid/ /zhes bya ba ni/ sa bdag gi gdon la sogs pa/ gsang ba po dang klu rnams kyang rig sngags kyi dmod mos gnod par byed pa'i sems pa'i/ don dang/ rbod gtong dang/ gzhan gyis rig pa dang/ de rgyal po mig mi bzang gis kyang de rnams bzlog
- 357a
par byed pa'o/ /rig sngags kyi rdo rje/ ni gang zhe na/ las kyi rigs kyi rdo rje'i rigs ma ste/ mtshon pa ni/ me long lta bu'i ye shes te/ mtshon byed ni rig sngags kyi rgyal mo'i bdag nyid do/ /phung po ni rnam par shes pa'i phung po ste/ khams ni nam mkha' i khams so/ /skye mched ni yid kyi skye mched do/ /rang bzhin ni ye shes lnga'i rang bzhin no/ /sangs rgyas lnga'i dbu rgyan can/ spyan gsum pa rgyan thams cad kyis brgyan pa/ zhal gsum pa/ phyag drug pa/ sku mdog mthing ka/ zhal g.yas dkar pa/ g.yon dmar ba phyag g.yas gnyis na/ ral gri dang rdo rje/ g.yon gnyis na zhags pa dang rdo rje rgya gram/ de'i 'og ma gnyis mda' gzhu 'gengs pa'o/ zhabs g.yas bskum pa/ g.yon brkyang ba/ pad+ma dang zla ba'i gdan la bzhugs shing nyi ma'i 'od dang ldan pa/ khro bo'i tshul du bzhugs pa'o/ /rig sngags kyi gsang sngags kyi tshig ni gang zhe na/ 'di lta ste/ Ta ka ge Ta ka ge zhes bya ba la sogs pa'o/ /rgyal po chen po mig mi bzang phyogs skyong bar gyur cig ces bya ba ni/ bcom ldan 'das kyi bka' dang/ rig sngags kyi gzi brjid kyis/ rgyal po chen po spyan mi bzang gis kyang/ nub phyogs skyong zhing sems can gyi don mdzad pa'o/ /klu dang zhes bya ba la sogs pa ni/ klu'i gdon rnams kyis kyang nad sna tshogs gtang zhing sems can rnams la gnod pa skyel zhing srogs gcod pa ste/ de'i gzi brjid 'phrog 'dod pa dang/ rig sngags kyi dmod mos rgyal po spyan mi bzang gis de rnams 'joms par byed pa'o/ /lha'i nang na lha'i rgyal po nor lha'i bu zhes bgyi ba mchis te/ zhes bya ba ni/ nub phyogs kyi rgyal po spyan mi bgrang dang/ yang dag thabs gcig tu gzi brjid che zhing stobs che ba/ kha dog dang ldan zhing rdzu 'phrul dang ldan te/ lha dang lha ma yin gyi rtsod par nus pa de rnams
- 357b
la yang bdag gis skyabs su mchis/ de la bdag phyag 'tshal lo/ /zhes bya ba ni/ klu'i gdon dang/ gsang ba po rnams kyi phyag 'tshal ba'o/ /de yang bcom ldan 'das nyid la phyag 'tshal te zhes bya ba ni/ bzhi po bcom zhing phun sum tshogs pa dang ldan te/ mnyam pa nyid kyi ye shes kyis kyang 'jig rten gyi khams la khyab cing thugs rje'i spyan gyis lta ba'i bcom ldan 'das la phyag 'tshal zhes bya ba'o/ /rdzogs pa'i sangs rgyas dpa' bo ste/ kun mkhyen kun gzigs khyod la 'dud/ /ces bya ba ni/ shes bya'i sgrib pa dang/ bag chags kyi sgrib pa de nyid spangs pa'o/ /sku dang gsung dang thugs rdzogs pa ste/ 'jig rten gyi bya ba thams cad spangs nas sangs rgyas pa'o/ gau ta ma yang dag cag gis kyang/ yang dag par rdzogs pa'i sangs rgyas kyi bka' dang/ rig sngags kyi gzi brjid kyi rgyal po chen po spyan mi bzang dang gdon de rnams kyis kyang snying rje dang ldan zhing/ sems can gyi don mdzad pa'o/ /de nas zhes bya ba ni/ rgyal po chen po spyan mi bzang gi tshig gis de nas so/ /rgyal po chen po bzhi bla gos phrag pa gcig tu bzar nas pus mo g.yas pa'i lha nga sa la gtsugs te/ thal mo sbyar nas zhes bya ba ni/ 'jigs su rungs pa dur khrod bsil ba'i tshal gyi nang du yul 'khor srungs dang/ 'phags skyes bo dang/ spyan mi bzang dang/ lus ngan po dang/ rgyal po chen po bzhi po dag gi bcom ldan 'das ga la ba der bcom ldan 'das la bskor nas/ bcom ldan 'das la zhu ba 'bul ba'o/ /bcom ldan 'das 'da' zhig la phyag 'tshal zhing zhes bya ba ni/ rgyal po chen po bzhi po dag gis kyang/ bskor ba lan gsum byas nas yang nas yang du phyag 'tshal ba'o/ /gros mthun pa dang/ tshig mthun pa dang/ skad mthun par bcom ldan 'das la 'di skad ces gsol to zhes bya ba ni/ rgyal po de dag gis dbyangs
- 358a
gcig tu byas nas/ bcom ldan 'das la zhu ba 'bul ba'o/ /btsun pa bcom ldan 'das zhes bya ba ni/ rgyal po chen po bzhis bcom ldan 'das la zhu ba 'bul ba ni tshig go /bsil ba'i tshal gyi mdo chen po 'di rgyal po chen po bzhi srung ba ste/ yang dag par rdzogs pa'i sangs rgyas rnams kyis gsungs pa/ de bzhin du 'das pa dang/ ma 'ongs pa dang/ da ltar byung ba shAkya thub pas gsungs te/ gzi brjid che zhing stobs che ba/ byams pa dang/ snying rje dang/ dga' ba dang/ btang snyoms dang ldan pa/ thabs shes rab gnyis su med cing/ 'khor ba bcom pa/ rgyal po chen po bzhi po dag gis kyang yid dam du bzung ba'o/ /'khor bzhi po rnams la yongs su khyab pa la sogs so/ /zhes bya ba ni/ dge slong ngam/ dge slong ma 'am/ dge bsnyen nam/ gzhan yang lha dang/ mi dang de na gnas pa'i sems can thams cad dang/ rgyal po chen po bzhi dag gis kyang rig sngags kyi gzi brjid kyis/ srung ba dang/ yongs su bskyab pa dang/ yongs su bzung ba dang/ yongs su zhi ba dang/ mtshams bcad pa dang/ dug bsad pa dang/ dug zhi ba dang/ chad pa bcod pa dang/ bde legs su gyur cig ces bya ba'o/ /gnod sbyin dang srin po nas gnod pa bgyid pa'i bar du bzlog par bgyid pa dang zhes bya ba ni/ rig sngags kyi gzi brjid kyi mthus ma rungs pa'i 'byung po rnams dang/ sngags dang phyag rgya dang/ gzhan gyi rbod stong btang ba dang/ rig pa dang/ khrag khrug dang/ dus ma yin par 'chi ba rnams bzlog pa'o/ /de yang rgyal po chen po bzhis kyang rig sngags kyi gzi brjid kyis bzlog pa'o// 'khor bzhi po rnams la bsrung ba dang/ zhes bya ba la sogs pa ni/ bde bar gnas shing yang dag pa'i ye shes thob ste/ gal te 'jig rten gyi khams su skye bar 'gyur na/ rig pa 'di dang mi 'bral zhing nam skye ba'i dus su dran par 'gyur
- 358b
zhing/ bde ba phun sum tshogs par 'gyur ro/ /rgyal po chen po bzhi po dag gis kyang de bzhin du bsrung ba dang/ skyob pa la sogs pa byed par 'gyur ro/ /de skad ces gsol ba dang zhes bya ba ni/ de dag ni rgyal po chen po bzhi po dag gis smras pa'o/ /bcom ldan 'das kyis rgyal po chen po bzhi la 'di skad ces bka' stsal to zhes bya ba ni/ byams pa dang snying rje dang/ btang snyoms kyis khyab pa'i sems kyis sems can gyi don la rgyal po chen po bzhi la bka' stsal pa'o/ /kye rgyal po chen po dag /rig sngags kyi rgyal po chen po bzung zin no zhes bya ba ni/ bcom ldan 'das kyis kyang rgyal po chen po byin gyis brlabs nas rig sngags 'dzin du bcugs pa dang/ dran par byed pa dang/ rig sngags kyi tshig rgyal po chen po bzhi'i zhal nas smra bar bgyid pa'o// bsil ba'i tshal gyi mdo chen po ngas yongs su bzung zin no zhes bya ba ni/ bskal pa grangs med pa'i sngon du rig sngags kyi rgyal mo bsil ba'i tshal 'di dag gis thugs la bzung ste/ de bzhin du gsum pa dang skus kyang yin no/ /de bas na yongs su bzungs ngo zhes bya ba'o/ /kye rgyal po chen po dag ces bya ba ni/ bcom ldan 'das kyi rgyal po chen po bzhi la yang nas yang du bka' stsal pa'o/ /gzhan yang ngas kyang bsil ba'i tshal gyi mdo chen po rjes su yi rang pa'i zhes bya ba ni/ 'das pa'i sangs rgyas 'od srungs la sogs pa bsam gyi mi khyab pas rjes su yi rang zhing 'di gsungs pa'o/ /de bzhin du ma 'ongs pa rnams kyang gsungs par 'gyur te/ de yang byams pa la sogs pa bsam gyis mi khyab pa'i sangs rgyas rnams kyis gsungs par 'gyur ba'o/ /da ltar bdag gis kyang rjes su yi rang zhing gsungs pa'o/ /rig sngags kyi rgyal mo chen mo brjod kyis de legs par rab tu nyon la yid la zung zhig dang ngas brjod do zhes bya ba ni/
- 359a
gnyug ma'i rang bzhin gzhan gyi dri mas ma gos pa ste/ rang bzhin med cing rnam par dag pa/ srid pa dang/ mya ngan las 'das pa med cing nam mkha' bzhin du khyab pa ste/ de lta bu'i rig pa nyon mongs pa rnams kyis bzung zhig /bcom ldan 'das kyis bshad do zhes bya ba'o/ /bcom ldan 'das 'di ni de ltar 'tshal zhes bya ba ni/ stong pa nyid kyi don 'di rgyal po chen po bzhis kyang bzung nas 'khor ba na 'khyams nas yod pa nyon mongs pa rnams la ston par bgyid do zhes bya ba'o/ /rgyal po chen po bzhis bcom ldan 'das kyi bka' la mnyan to zhes bya ba ni/ rig sngags 'di'i tshogs 'di ni ngo bor dang bral zhing rang bzhin med de/ de lta bu'i ye shes kyi tshig ni mnyan to/ zhes bya ba'o/ /rig sngags kyi rgyal mo bsil ba'i tshal gyi las kyi rigs lnga bshad pa'i gnas skabs te bdun pa'o/ /zhes bya ba ni rgyal po chen po bzhi la gtad pa'i de nas so/ /bcom ldan 'das kyis phyag rin po che g.yas pas na bza' chos gos phye nas/ 'byung po'i tshogs de dag la bka' stsal to zhes bya ba ni/ rdo rje seng+ge'i pad+ma chen po'i khri la rdo rje skyil krung du ting nge 'dzin gyi phyag rgya mdzad pa bshig nas/ skyab sbyin gyi phyag rgya bstan pa'o/ /chos gos de phyi ba'i rgyu mtshan ni/ ci'i phyir zhe na/ rig sngags kyi rgyal mo bsil ba'i tshal/ bcom ldan 'das kyis gsungs shing/ 'byung po rnams rlag par byed pa'o/ /de'i phyir na chos gos phyi ba zhes bya ba'o/ /rin po che'i phyag gis skyabs sbyin bstan pa ni/ yid bzhin gyi nor bu rin po che bzhin du yod de/ /de lta bu'i chos kyi nyams myong sems can thams cad sangs rgyas shing/ sdig can bdud kyi rigs rnams la mi 'jigs pa bstan pa'o/ /sor mo re re la yang
- 359b
'od zer sna tshogs dang ldan pa/ 'od zer de yang ye shes lnga'i rang bzhin no/ /ye shes lnga ni phung po lnga ste/ phung po lnga ni rigs lnga/ rigs lnga ni khams lnga/ khams lnga po de lnga stong pa nyid du bsam mo/ /de lta bu'i phyag rgya 'byung po rnams la ston pa'o/ /bsam gyi mi khyab pa'i rig sngags 'di bka' stsal pa'o/ /des 'di bstan par bya'o zhes bya ba ni/ rig sngags kyi rang bzhin gyi ye shes ngo bo nyid nas dag pa ste/ dngos po med pa'i rang bzhin brjod du med pa/ dag pa 'di yin zhes bya bar brjod par mi nus so/ /rig sngags kyi phyag rgya'i phyag rgya bstan pa'o/ /rgyal po chen po rnam thos kyi bu la dbye bar zhes bya ba ni/ phyag rgya'i phyag rgya de'i rnam thos kyi bu la bstan te/ de yang rgyal po bzhi'i gtso bo nas yin no/ /thams cad la go bar bya'o/ /zhes bya ba ni/ stong gsum stong chen po'i 'jig rten gyi khams la sprul pa'i skus khyab ste/ de lta bu'i sems can rnams kyis gos par byed pa'o/ /de nas zhes bya ba ni/ rgyas par bshad pa'i de nas so/ /bcom ldan 'das yang dag par rdzogs pa'i sangs rgyas kyis rig sngags 'di bka' stsal to/ zhes bya ba ni/ bcom ldan 'das kyi thugs ka nas hUM gi yi ge las 'od zer sna tshogs 'phros te/ 'od zer sna tshogs de yang 'gro ba rigs drug gi don byas te/ 'od sna tshogs de yang bcom ldan 'das kyi thugs ka'i hUM la thim mo/ /hUM de'i yi ges bcom ldan 'das kyi thugs ka nas rig sngags kyi rgyal mo bsil ba'i tshal rdo rje'i rigs su snang la 'phros pa'o/ /de'i thugs ka nas kyang hUM gi yi ge las 'od zer sna tshogs snang ba'o/ /rig sngags de ni zhal bzhi pa/ phyag bcu gnyis pa/ sku mdog nag mo/ /khro mo'o/ /dbu skra ser po gyen du 'bar ba/ thod pa lnga yis dbu
- 360a
la brgyan pa/ dbu la rdo rje'i mtshan ma dang ldan pa/ spyan gsum pa/ zhal g.yas dmar po g.yon ljang gu/ rgyab dmar po'o/ /zhal bzhi yang mche ba gtsigs pa khro gnyer dang ldan pa/ rgyan thams cad ni sbrul gyis brgyan pa/ phyag dang po'i g.yas g.yon gyis rdo rje snying khar 'dzin cing/ g.yon gyi dril bu dkur brten cing gnas pa'o/ /de'i 'og ma g.yas g.yon gnyis kyi chos kyi dbyings kyi phyag rgya dbu steng du mdzad pa'o/ g.yas pa gsum na rdo rje/ bzhi pa na ral gri/ lnga pa na 'khor lo/ g.yon pa gsum na rin po che/ bzhi pa na zhags pa/ lnga pa na lcags kyu/ de'i 'og ma g.yas g.yon gyis mda' gzhu 'gengs pa'o/ /thabs shes rab ngo bo nyid du bzhugs ba rdo rje sems dpa' i rang bzhin mi bskyod pas rgyas btab pa/ chos kyi dbyings gyi ye shes te/ de yang sgyu ma lta bu me long lta bu'i ye shes kyis brgyan pa'o/ /de gnyis kyi rang bzhin gyi ye shes lnga rgyas btab pa'o/ /mtshon pa ni ye shes lnga yin te/ mtshon byed ni rig sngags kyi rgyal mo'o/ /phung po ni rnam par shes pa'i phung po'o/ /khams ni nam mkha' i khams/ skye mched ni yid kyi skye mched/ zhabs phyed skyil du bzhugs shing/ klu pho mo dang/ gnod sbyin pho mo mnan pa/ pad+ma dang zla ba nyi ma'i gdan la bzhugs shing/ bskal pa'i me ltar 'bar ba'i 'od dang ldan zhing/ ma rig pa'i mun pa thams cad sreg pa'o/ /rig sngags kyis rdo rje'i snying po ni gang zhe na/ 'dir bstan pa ste/ gang bstan ce na/ yang dag par rdzogs pa'i sangs rgyas shAkya thub pas bstan pa'o/ /de yang rdo rje'i snying po'o/ /hi li hi li b+hi sa ni la sogs pa'o/ /bcom ldan 'das
- 360b
kyis rig sngags kyi rgyal mo 'di bka' stsal pa na/ zhes bya ba ni rig sngags kyi rgyal mo 'dis gzi brjid dang/ stobs dang/ dpa' pas 'di'i sngags bshad ma thag tu sa g.yo ba dang/ sgra chen po byung ba'o/ /sa ni kun tu g.yos zhes bya ba ni/ rnam pa drug tu g.yos/ ji bzhin du g.yos she na sa chen po 'di rnam pa drug tu g.yos/ rab tu g.yos/ kun tu rab tu g.yos so/ /'gul rab tu 'gul/ kun tu rab tu 'gul/ bldegs rab tu ldegs/ kun tu rab tu ldegs/ chem chem/ rab tu chem chem kun tu rab tu chem chem/ 'ur 'ur rab tu 'ur 'ur/ kun tu rab tu 'ur 'ur/ shig shig rab tu shig shig/ kun tu rab tu shig shig ste/ ltas chen po bco brgyad byung ba'o/ /de nas ni kun tu g.yos zhes bya ba'o/ /rig sngags kyi gzi brjid kyis/ sa des kyang mi theg cing g.yos pa'o/ /'byung po thams cad ni rab tu 'dar nas zhes bya ba ni/ skad cig smra bar mi nus shing/ lus kyang 'thoms nas ba spu yang gyen du log ste/ 'jigs par byas nas 'bros pa'i tshul du bstan to/ kye ma kye hud kye ma sdug bsngal sgra chen po byung ngo/ /zhes bya ba ni 'byung po'i tshogs rnams kyang rab tu 'jigs nas 'byung po rnams rlag par byed do/ /snyam nas skad chen po gton to/ /yang nas yang du skad ngan chen po gton to/ /srin po rnams kyis kyang 'di skad ces smras te/ zhes bya ba ni 'byung po dang bcas shing/ bcom ldan 'das la zhu ba 'bul ba'o/ /'di ltar yang dag rdzogs sangs rgyas/ sems can kun la thugs rtse ba/ zhes bya ba ni/ rig sngags kyi rgyal mo'i lam nas kyang sangs rgyas te/ de bzhin du bskal pa grangs med pa'i sngon du tshogs bsags te/ tshogs bsags pa de yang/ sems can thams cad kyi don du bsngo ste/ mnyam pa nyid kyi sems can gyi don mdzad pa'o/ /'byung po kun 'jigs nyen pa yi/ /rig sngags
- 361a
'di 'dra gsung bar mdzad/ /ces bya ba ni/ rig sngags kyi dmod mos ma rungs pa'i 'byung po rnams kyang bcom zhing thal bar rlog pa ste/ de lta bu'i gzi brjid che ba'i rig sngags ni sangs rgyas shAkya thub pa'i zhal nas gsungs pa'o/ de nas kun mkhyen ston pa po/ /sems can kun la thugs rtse ba shes bya ba ni/ de nas ni mtshams sbyor ba'i de nas so/ /chos kyi phung po brgyad khri bzhi stong bstan te/ de yang sems can rigs mi cig pas theg pa sna tshogs bstan pa ste/ 'khor ba'i sems can rnams la/ byams pa dang snying rjes khyab pa'o/ /gnod sbyin srin bu dri za dang/ /klu dang mkha' lding gsang ba pa/ zhes bya ba ni/ sems can las kyi 'bras bu mi cig pas/ 'byung po'i lus su gzhan la gnod pa'i sems dang ldan par skyes te/ de yang yi dags dang/ byol song gi lus su skyes pa'o/ /'byung po rgyu ba gzi brjid 'phrog/ grul bum yi dags srul po dang/ zhes bya ba ni/ de rgyu ba dang sems can phrad par gyur na/ gti mug dang zhe sdang yod pas/ sems can rnams la gzi brjid 'phrog ste/ snying rje'i sems dang mi ldan pa'o/ /lha min gshed byed ro langs dang/ brjed byed dang ni mi 'am ci zhes bya ba ni/ de rnams la bza' ba med cing skom pa'i sbyin pa ma btang zhing khro ba ste/ la la yang mchod rdzas la sogs pa za bar yod pa ni/ sbyin pa gtong zhing khro bar byas pa'o/ /skem byed dang ni rims drag dang/ de bzhin bram ze srin bu dang/ zhes bya ba ni/ gzhan la grags pa 'dod pas/ sems can gyi srog gcod cing/ sbyin pa zad pa med pa btang ste/ de'i 'bras bus kyang srin po la sogs par skye zhing snying rje med pa'o/ /smyo byed rims nad zhag gsum pa/ /de bzhin zhag ni bzhi pa rnams/ /zhes bya ba ni/ 'byung po dang/ 'byung po ma yin pa/ rims de dag kyang rig sngags kyi dmod mos 'joms
- 361b
pa ste/ gzhan yang nad rlung dang/ bad kan dang/ mkhris pa las gyur pa bzhi brgya brgyad cu rtsa bzhi yang 'joms pa'o/ /skrag cing rab tu 'dar gyur te/ phyogs bcur rgyug pa gzigs nas kyang/ /zhes bya ba ni/ 'byung po'i tshogs rnams kyang rig sngags kyi gzi brjid mthong bas 'jigs shing skrag pa ste/ phyogs bzhi nas kyang 'bros par 'gyur ro/ /de dag la ni thugs rje'i phyir/ /rig sngags 'di ni brjod par mdzad/ ces bya ba ni/ de dag kyang las kyi 'bras bus skyes te/ de yang sangs rgyas thugs rje'i sems kyis sems can la 'bros par 'gyur ro/ /de dag kyang las kyis 'bras bus skyes te/ de yang sangs rgyas thugs rje'i sems kyis sems can la mnyam pa nyid du khyab ste/ de yang rig sngags kyi ngo bo ni/ thabs dang shes rab gnyis su med pa ste/ ye shes kyi rang bzhin chos kyi dbyings kyi ye shes so/ /thabs kyi ngo bo nyid ni rig sngags so/ /de'i rigs ni de bzhin gshegs pa'i rigs te/ phung po ni gzugs kyi phung po'o/ /khams ni sa'i khams te/ skye mched ni mig gis skye mched do/ /ye shes lnga dang ldan/ zhing/ sangs rgyas lnga'i dbu rgyan can/ spyan gsum pa/ brgyan thams cad kyis brgyan pa'o/ /zhal bzhi pa phyag brgyad pa/ sku mdog dkar mo/ zhal g.yas mthing ka/ g.yon ljang gu/ rgyab dmar pa'o/ /dbu la 'khor los brgyan pa'o/ /zhi ba'i gzugs can ma'o/ /phyag g.yas dang po na/ snying khar rdo rje brten cing/ g.yon dril bu dku la brten pa'o/ /de'i 'og ma g.yas pa gsum na ral gri dang/ 'khor lo dang/ dgra lta'o/ /de bzhin du g.yon pa gsum na/ zhags pa dang/ rtse gsum dang/ dung ? pa'o/ zhabs rdo rje'i skyil krung du bzhugs cing/ pad+ma dang zla ba'i gdan la nyi ma'i 'od dang ldan pa'o/ /rig sngags bsil ba'i 'tshal de bzhin gshegs pa'i rigs kyi ngo bo yin no/ /de bzhin gshegs pa'i snying po ni gang zhe na/ 'di lta ste/ rig
- 362a
sngags dang gsang sngags kyi tshig go /ti ri ma khA/ ti ta kha kha kA Ta ma Ti la sogs pa'o/ /gsang sngags chen mo'i rig sngags chen mo 'di las 'gal bar ma byed cig ces bya ba ni/ 'byung po la sogs pa rnams kyis kyang rig sngags las 'gal bar byed par gyur na/ tshe 'di la yang sdug bsngal drag po thob cing/ phyi ma la yang dmyal bar skye bar 'gyur ro/ /bcom ldan 'das kyis gsung gi chos la yang dag par rtogs shing ces bya ba ni/ sangs rgyas kyi bka' la mi bden pa mi mnga' ste/ de bzhin du rig sngags kyi gzi brjid yang bsam gyis mi khyab pa'o/ /kun mkhyen lus zhig ste zhes bya ba ni/ yang dag par rdzogs pa'i sangs rgyas kyi bka' las 'das shing rig sngags la smra bar gyur na/ mgo po dang lus tshal pa brgyar 'gas shing/ ar dza ga'i manyNar bzhin du 'gas te/ tshe 'di la yang nad kyis sdug bsngal chen po thob par 'gyur ro/ /shi ba'i 'og tu ngan song ngan 'gro log par ltung ba sems can dmyal ba rnams su skye zhing 'khor bar 'gro ba re zhes bya ba ni/ sangs rgyas dang/ rig sngags kyi bka' las 'das pa'i 'byung po rnams ni/ shi 'phos ma thag tu mda''phangs pa bzhin du/ mnar med sreg ste/ gal te dmyal ba de nas 'phos na yang dmyal ba gzhan du yang nas yang du skye bar 'gyur ro zhes bya ba ni/ rgyas par bshad pa'i de nas so/ /rgyal po chen po bzhis/ bcom ldan 'das kyi rig sngags kyi rgyal po sngon ma thos pa 'di thos nas zhes bya ba ni gzhan gyis mi thub pa 'khor ba'i sdug bsngal thams cad bcom pa/ stong pa nyid kyi rang bzhin/ thabs la mkhas pa/ 'byung po thams cad kyi gnyen po/ /sangs rgyas dang byang chub sems dpa' thams cad kyi yum/ sems can rnams la khyad par 'phags
- 362b
pa 'di thos pa'o/ /skrag cing spangs te/ mi dga' las kyi bud zhes byed nas/ thal mo sbyar te zhes bya ba ni/ rig sngags kyi dmod mos rgyal po chen po bzhi yang mdog shor zhing ba spu rnams kyang gyen du log ste/ bcom ldan 'das kyi spyan sngar dad pa skyes nas thal mo sbyar ba'o/ bcom ldan 'das la phyag 'tshal zhing gros mthun pa dang tshig mthun pa dang zhes bya ba ni rgyal po chen po de rnams kyis kyang/ bcom ldan 'das kyi spyan sngar phyag 'tshal zhes bya ba'o/ /skad mthun par bcom ldan 'das la 'di skad ces gsol to/ /zhes bya ba ni dbyangs gcig tu byas nas/ bcom ldan 'das la zhu ba 'bul ba'o/ /sdang ba'i 'byung po zad bgyid pa/ /rig sngags 'di ni legs par gsungs/ /zhes bya ba ni/ sdig can bdud kyi rigs/ sems can rnams la gnod par byed pa rnams/ /rig sngags kyi dmod mos rlag par byed pa'o/ /dngos po med cing yang dag par rdzogs pa'i sangs rgyas kyis gsungs pa/ 'khor ba'i sdug bsngal thams cad dang bral bar byed pa'o/ /mi yi 'jig rten bden bgyid pa'i/ /rig sngags bdag cag brjod par 'tshal/ /zhes bya ba ni rig sngags 'di 'chang ba rnams bsrung ba dang/ spa ba dang/ skyob pa dang/ zhi ba dang/ bde legs su 'gyur zhing/ sdug bsngal thams cad dang bral bar byed pa'o/ /de la rig sngags 'di lags te/ 'jig rten mgon po bdag la gson/ zhes bya ba ni/ sha za dang/ yi dags dang/ gnod sbyin gyi gdon 'byung po rnams kyis mi tshugs shing/ ngo bo nyid dang bral zhing mi dmigs pa'o/ /'jig rten dbang phyug gis kyang rig sngags legs par gsungs shing legs par nyon cig ces gsungs pa'o/ /yang dag par rdzogs pa'i sangs rgyas kyis byin gyi brlabs kyis/ rgyal po chen po bzhis bsrungs te/ rig sngags kyi ngo bo ni gang zhe na/ thabs dang shes rab
- 363a
ma bral ba'o/ /mtshon pa ni mnyam pa nyid kyi ye shes te/ mtshon byed ni rig sngags bsil ba'i tshal lo/ /rims ni rin po che'i rigs te/ phung po ni tshor ba'o/ /khams ni chu'i khams te/ skye mched ni sna'i skye mched do/ /ye shes lnga'i rang bzhin sangs rgyas lnga'i dbu rgyan can/ spyan gsum pa/ rgyan thams cad kyis brgyan pa'o/ /zhal bzhi pa/ g.yas dkar mo/ g.yon mthing ka/ rgyab dmar po'o/ /phyag brgyad pa/ sku mdog ser mo /phyag g.yas pa na rdo rje 'dzin pa/ g.yon pa dril bu dkur brten pa/ phyag g.yas pa gnyis pa dang/ gsum pa dang/ bzhi pa rnams ni ral gri dang/ rin po che dang/ mda' bsnams pa'o/ /g.yon pa gnyis pa dang/ gsum pa dang/ bzhi pa rnams na zhags pa dang/ 'khor lo dang/ gzhu bsnams pa'o/ /zhabs rdo rje skyil krung du bzhugs shing/ pad+ma dang zla ba'i gdan la bzhugs shing/ nyi ma'i 'od dang ldan pa ste/ lo bcu gnyis pa'i tshul du bzhugs shing/ sgeg pa'i tshul dang ldan pa'o/ /rig sngags dang gsang sngags gzhan gyis mi thubs pa ni/ gang zhe na/ 'di lta ste/ u hu ha la ku li dzi ba/ la sogs pa'o/ /bcom ldan 'das 'byung po thams cad bzlog pa 'di bzung bar gsol zhes bya ba ni/ sngags dang/ rbod gtong dang/ gzhan gyi rig pa dang/ ma rungs par byed pa'i 'byung po rnams/ rig sngags kyi gzi brjid dang/ stobs kyis bzlog par byed pa'o/ /rig sngags kyi ngo bo 'di yang stong pa nyid yin te/ thabs dang shes rab gnyis su med pa'o/ /shes rab kyi ngo bo ni so sor rtog pa'i ye shes yin te/ thabs kyi ngo bo ni rig sngags nyid do/ /de yang thabs dang/ shes rab gnyis su med cing/ mtshon pa dang mtshon byed yang gnyis su med do rig sngags
- 363b
de'i rigs ni ? tshigs te/ phung po ni 'du shes kyi phung po'o/ /khams ni me'i khams te/ skye mched ni lce'i skye mched do/ /ye shes lnga'i ngo bo ni rigs lnga'i dbu rgyan can/ spyan gsum pa/ rgyan thams cad kyis brgyan pa/ zhal bzhi pa/ phyag brgyad pa sku mdog dmar mo/ /phyag g.yas dang po na rdo rje snying khar brten pa/ g.yon pa dang pos dril bu dkur brten pa'o/ /g.yas gnyis na ral gri/ gsum pa na pad+ma/ g.yon gnyis pa na dgra sta dang/ gsum pa na rtse gsum mo/ /de'i 'og ma g.yas g.yon gnyis kyis mda' gzhu 'gengs pa'o/ /zhabs rdo rje skyil krung du bzhugs shing/ pad+ma dang zla ba'i gdan la bzhugs shing/ nyi ma'i 'od zer dang ldan te/ zhal g.yas dkar po/ g.yon mthing ka/ rgyab ser po/ bzhad pa'i tshul du bzhugs pa'o/ /rig sngags kyi gsang sngags pad+ma'i snying po ni gang zhe na/ 'di lta ste/ i li i li la sogs pa'o/ /rig sngags kyi rgyal mo 'di ni lo gcig gi bar du mtshams gcod pa dang/ zhes bya ba ni/ lo gcig gi sngon du yang bsrung bar byed par 'gyur/ srung ba dang/ sba ba dang/ bskyab pa dang/ mtshams gcod pa dang/ dug zhi ba dang/ dug bsad pa/ zhi ba dang bde legs su 'gyur zhing/ rig sngags dngos su skyabs par 'gyur ro/ /'byung po thams cad bzlog pa dang/ don thams cad sgrub pa lags so zhes bya ba ni/ de bzhin du byas par gyur na/ sdig can gyi rigs ma rungs pa'i gdon thams cad kyang mi 'ong ste/ gal te 'ong bar gyur na/ rig sngags kyi dmod mos brlag par 'gyur ro/ /bya ba thams cad grub cing bde bar gnas pa'o/ /de nas zhes bya ba ni/ bar du gcod pa'i de nas so/ /gnod sbyin dang/ srin po dang/ dri za nas gnod par byed pa'i bar rnams kyis zhes bya ba ni/ de dang de ma slebs pa'i mtshams su 'byung
- 364a
po de rnams kyis kyang bar du chod bar byas te/ rig sngags 'di byung ba tsam gyis kyang/ bar du gcod par mi nus pa'i/ /bcom ldan 'das kyi rig sngags kyi rgyal mo chen mo sngon ma thos pa 'di yang thos zhes bya ba ni/ sangs rgyas kyi ye shes 'di chad pa thams cad 'joms par byed pa/ nor bu rin po che lta bu bcom ldan 'das kyis gsung pa'o/ /rgyal po chen po bzhi'i bsrung ba/ sngon ma thos pa 'di yang thos nas/ skrag cing ? la mi dga' ste/ zhes bya ba ni/ khyad par du 'phags shing sems can gyi don mdzad pa ste/ de bzhin du rgyal po chen po bzhi po dag kyang yin te/ ma rungs pa rnams la 'jigs par byed pa ngan song gsum nas 'byin pa'i gzungs 'di yang dag pa'o/ /skyi bur zhes byed nas/ sa la 'dzul/ kun tu 'dzul kun tu rab tu 'dzul bar byed do/ /zhes bya ba ni/ rig sngags kyi gzi brjid dang/ dmod mos sdig can gyi rigs 'byung po rnams/ de yang rig sngags kyi gzi brjid mthong bas ma tshugs pas skad ngan grags te/ de rnams kyang sa la 'dzul zhing bying bar 'gyur ro/ /mthong bar mi gnas shing so so rang rang bros so/ /de nas zhes bya ba ni/ 'byung po rnams 'jigs pa'i de nas so/ /bcom ldan 'das kyi sa gzhi rdo rjer sprul nas zhes bya ba ni/ sdig can bdud kyi rigs de rnams rdzu 'phrul sa la 'dzul du mi ster zhing/ rig sngags kyi gzi brjid kyis byin gyis brlabs nas/ rdo rje'i sa gzhir snang ba'o/ /de dag phyogs bzhir rgyug go zhes bya ba ni/ sdig can 'byung po bdud kyi rigs de rnams ni/ sa la 'dzul ma nus shing phyogs phyogs su bros te hag zad do/ /de nas zhes bya ba ni 'byung po rnams bros pa'i de nas so/ /rgyal po chen po bzhis phyogs bzhir me lce'i
- 364b
phung po mngon par sprul to/ /zhes bya ba ni/ rig sngags kyi rgyal mo'i gzi brjid kyis/ rgyal po chen po bzhi po rnams kyis kyang/ phyogs mtshams thams cad du me sna tshogs sprul zhing/ sdig can de rnams 'gror mi ster ba'o/ /de nas zhes bya ba ni/ tshig spal ba'i de nas so/ /de dag nam mkha' la rgyug go zhes bya ba ni/ sdig can rnams rdzu 'phrul gyis nam mkha' la rgyug ste/ phyogs mtshams bzhi la 'dzul pa med cing nam mkha' la rgyug pa'o/ /de nas zhes bya ba ni/ nam mkha' la bros pa'i gnas so/ bcom ldan 'das kyi nam mkha' gser du sprul to/ /zhes bya ba ni/ nam mkha' i phyogs na/ rdo rje'i gser gyi sa gzhir byin gyis brlabs te/ sdig can de rnams kyang 'gro dbang med cing sdug bsngal ba'o/ /de nas zhes bya ba ni/ sdug pa'i de nas so/ /'jig rten skyong rgyal po chen po rnams thos kyi bu lha dang/ dri zas bskor cing mdun du bdar te/ steng gi nam mkha' bar snang la 'phags nas/ zhes bya ba ni/ sems can la gnod par byed pa'i sems dang ldan pa/ sdig pa'i sems dang ldan pa/ sdad ba'i sems dang ldan pa/ drag shul gyi sems dang ldan pa/ gzhan la srog 'phrog pa'i sems dang ldan pa sha stag/ sdig can gyi rigs 'byung po de rnams 'gro mi rnyed cing mar log nas/ rgyal po chen po rnams thos kyi bu la skyabs su tshol pa'o/ /gnod sbyin dang srin bu nas gnod pa byed pa'i bar rnams gzhon pa dang zhes bya ba ni/ dpa' zhing gzi brjid che ba ste stobs dang ldan zhing/ sdig can bdud kyi rigs/ rig sngags kyi dmod mos 'joms pa'o/ /sems can thams cad la snying brtse ba dang/ 'byung po thams cad bzlog pa dang/ zhes bya ba ni/ 'jig rten gyi khams su sems can gyi don du byams pa dang/ snying rje dang/ btang snyoms kyis khyab ste/ de lta bu'i thugs rjes khyab nas/ byad dang ro langs dang/ dug dang dug
- 365a
sbyor dang/ dug 'thung ba dang/ gzhan gyi rig pa dang/ sngags dang/ rbod gtong dang/ /'jig rten gyi ma mo dang/ ngan sngags sbyor ba dang/ sdig can bdud kyi rigs de rnams la sogs pa rig sngags kyi gzi brjid 'joms pa'o/ /'khor bzhi po rnams bsrung ba dang/ zhes bya ba la sogs pa ni/ de bzhin du bdud kyi rigs 'byung po la sogs pa bcom zhing/ bar chod med cing bde bar gnas te/ 'khor ba'i sdug bsngal thams cad dang 'bral bar byed pa'o/ /rig sngags 'di brjod do/ /zhes bya ba ni/ rig sngags kyi rang bzhin gzhan gyis ma bcom par gnyug ma ste/ phyogs dang bral zhing rang bzhin med pa de lta bu'i ye shes brjod pa'o/ /de yang rig sngags kyi rgyal mo las kyi rigs ni las thams cad rdzogs par byed pa/ las kyis don thams cad 'joms pa las thams cad grub/ sna tshogs kyi rigs su snang ba'o/ /de yang rig sngags kyi mtshon pa ni/ bya ba nan tan gyi ye shes so/ /mtshon byed ni rig sngags bdag nyid do/ /phung po ni 'du shes kyi phung po'o/ /khams ni rlung gi khams so/ /skyes mched ni lus kyi skye mched do/ /ye shes lnga'i ngo bo nyid sangs rgyas lnga'i dbu brgyan can/ spyan gsum pa/ zhal bzhi pa/ phyag brgyad pa/ sku mdog ljang nag/ zhal g.yas dkar po/ g.yon dmar po/ rgyab ser po/ phyag g.yas dang po na rdo rje gdengs pa/ gnyis pa na ral gri/ gsum pa na rdo rje rgya gram mo/ /g.yon dang po na dril bu/ gnyis pa zhags pa/ gsum 'khor lo'o/ /'og ma'i phyag g.yas g.yon gnyis kyis mda' gzhu 'gengs shing/ zhabs g.yas pa pus mo btsugs pa/ g.yon brkyang ba/ bdud bzhi'i rang bzhin 'byung po rnams mnan pa'o/ /pad+ma'i steng na nyi ma'i gdan la nyi ma'i 'od ldan pa'o/ /yan lag cthams cad sbrul gyis brgyan pa/ khro bo
- 365b
'jigs su rung ba'i gzugs so/ /rig sngags kyi gsang sngags las kyi snying pos ni/ las thams cad 'grub cing bdud thams cad 'dul te/ sems can thams cad rab tu zhi bar byed pa'o/ /gsang sngags kyi tshig ni 'di lta ste/ gi ma gi ma la sogs pa'o/ /rgyal po chen po rnam thos kyi bu phyogs skyong bar gyur cig /ces bya ba ni/ sangs rgyas kyi bka' dang/ rig sngags kyi byin brlabs kyi gang zag rig sngags la gus pa dang/ sems can thams cad dang/ de la bsrung ba dang/ skyong bar byed cing/ rig sngags kyi chos kyi bsten pa bsrung ba'o/ /lha rnams kyi nang na lha'i rgyal po nor lta'i bu zhes bgyi ba mchis te/ zhes bya ba ni/ sems can thams cad kyi don mdzad pa'o/ /nor thams cad gzhan gyi don du byin pa/ sems can thams cad kyi don byed pa ste/ de lta bu'i sems dang ldan pa/ nor lha lta bu byung ba'o/ /de la bdag phyag 'tshal lo zhes bya ba ni/ de lta bu'i byang chub sems dpa' la rgyal po rnams dang/ 'byung po rnams kyis phyag 'tshal ba'o/ /de yang bcom ldan 'das nyid la phyag 'tshal te?? bdud rnams las rnam par rgyal zhing dgra rnams kyang ma lus te/ phun sum tshogs pa dang ldan zhing/ sangs rgyas pa ste/ de lta bu'i bcom ldan 'das la/ bdag cag rnams kyis phyag 'tshal ba'o/ /rdzogs pa'i sangs rgyas dpa' bo ste/ kun mkhyen kun gzigs khyod la 'dud/ ces bya ba ni/ nyon mongs pa thams cad bcom zhing/ dpa' ba ste/ sku gsung thugs rdzogs par byas pas na rdzogs pa ste/ dug gsum dang bral zhing/ sangs rgyas pa'o/ /de lta bu'i sangs rgyas rkang gnyis mchog/ shes rab chen po khyod la 'dud/ ces bya ba ni/ sngon bskal pa grangs med pa'i dus su tshogs rdzogs te/ de ltar ma lus par sems can thams cad rdzogs par 'dod nas/ theg pa sna tshogs dang/ thabs sna tshogs bstan pa ste/
- 366a
rkang gnyis kyi tshogs kyis dam pa/ phyi nang gi tshogs la mkhas pa/ thams cad mkhyen cing thams cad la byams pas khyab pa'o/ /de lta bu'i thub pa chen po la 'dud pa'o/ /gau ta ma khyod kyis gang mkhyen pa de ni lha rnams ma 'tshal to/ /zhes bya ba ni/ yang dag pa'i ye shes ni rgya tsho lta bu ste/ sangs rgyas kyi yon tan yang de bzhin no/ /de lta bu'i ye shes zhes ba ni/ lha ci smos te/ rang nyid kyis rang gi rig pa yang mi shes pa'o/ /rang gi rig pa'i ci'i phyir ma shes na/ rang la skyes pa'i ma rig pas ma shes pa'o/ /yang dag dpa' bo khyod la 'dud/ /chos bzhin mthun par lta zhing mchis/ /zhes bya ba ni/ yang dag par bdud bzhi bcom ste/ de 'dul bas na dpa' bo ste/ de lta bu'i ye shes dang ldan ba la yang dag par 'dud de// bdag cag kyang snying rje dang ldan zhing mchis pa'o/ /zhes bya ba'o/ /gnod sbyin dang/ srin bu dang/ dri za nas gnod par byed pa'i bar rnams mi 'di zhes bya ba'i lus la babs pa las gud du dengs shig ces bya ba ni/ ma rung pa'i sdig can 'byung po rnams ni/ gang zag rig sngags 'chang ba dang/ sems can rnams la gnod pa byas nas/ rig sngags kyi dmod mos mgo bo a tsa kar ma dza ri'i rdog pa bzhin du tshal bar 'gas pa'o/ /gal te ming 'di zhes bya ba'i lus las myur du ? zhes bya ba ni/ rig pa mi 'chang ba'i gong du/ sdig can ma rungs pa rnams kyis gzung bar gyur na/ de nas sangs rgyas rnams kyis gsungs pa bzhin du rig pa 'chang ste/ de'i chos bzhin du gang zag dang sems can la bsrung bar byas te/ myur du ma thon na nyes la chen por 'gyur ro/ /de dag la myur du 'jigs pa chen po dang/ nad drag pos 'debs par 'gyur la zhes bya ba ni rig sngags kyi bka' las 'das pa sdig can gtum po'i rigs 'byung po rnams ni nad drag po mdze dang/ phol mig dang/
- 366b
'bras dang lhog pa dang/ sha kra dang me sbal dang chu bur dang/ 'brum bu dang/ lus thams cad rul zhing g.yan pa la sogs pa'i nad kyi thebs shing srog dang 'bral te/ shi 'phos nas kyang mnar med du skye ba'o/ /de'i rkyen gyis mgo dang snying tshal pa rgyar 'gas par 'gyur te zhes bya ba ni/ gang zag ji bzhin du gnod par byed bzhin te sdig can de yang sdug bsngal drag po thob ste/ nad chen pos btab pa'o/ /de'i mod la sdug bsngal du ma byung ba dang brlag pa dang/ mdza' med par 'gyur ro/ /zhes bya ba ni rig sngags kyi dmod mos sdug bsngal drag po 'byung ste/ gar yang 'gros med cing lcang lo can gyi pho brang yang mi thob ste/ de'i lus kyang zhig cing rul bar 'gyur ro/ /'brum bu'i gdon gang yin pa dang skya rengs 'char ka'i gdon gang yin pa dang/ grib gnon gyi gdon gang yin pa de dag kyang bsil ba'i tshal gyi mdo chen po 'di thos nas zhes bya ba ni/ 'di gdon pa dang sgom ba dang yid la byed pa dang/ gdam ngag byin pa dang/ bshad pa dang/ rjes su yi rang zhing 'chang ba ste/ de dag la gnod par 'gyur na/ rig sngags kyi bka' las 'das pa'o/ /yang na rig sngags 'di mnyan nas sems can la 'tshe bar mi bya'o/ /ming 'di zhes bya ba'i lus la myur du gud du dengs shig ces bya ba ni/ gnod par byed pa rnams gang zag dang sems can thams cad kyi don la myur du thon cig ces bya ba'o/ /yang na rig sngags kyi dmod mos sdug bsngal myur du thob po zhes bya ba'o/ /gal te myur du ma dongs na 'jigs pa chen po dang/ nad drag pos 'debs par 'gyur la zhes bya ba ni/ rig sngags kyi bka' las 'das shing ma btang bar gyur na/ rgyal po chen po bzhi'i chad pa'i 'jigs pa dang/ g.yan pa'i nad la sogs pas myur du thebs par 'gyur ro/ /de'i rkyen gyi mgo bo dang snying tshal pa rgyar 'gas par 'gyur zhes bya ba ni/ yang dag par rdzogs pa'i
- 367a
sangs rgyas kyi bka' dang/ rig sngags kyi dmod mos a rdza ri'i gdog pa bzhin du 'gas pa'o/ /de'i mod la sdug bsngal du ma 'byung ba dang/ brlag pa dang mdza' med par 'gyur ro zhes bya ba ni de bzhin du rig sngags kyi dmod mos 'gro sa mi rnyed cing/ de'i rnam par smin pas sdug bsngal drag po thob ste/ shi nas kyang mnar med kyi mes sregs cing/ dmyal ba nas dmyal bar 'khor ro/ /gzi byin dang ni khrag za ba/ /nyin mtshan rgyu ba gang yin pa/ zhes bya ba ni/ zas su khrag za dang sha za dang la sogs pa rnams kyis kyang gzi brjid 'phrog pa dang/ sems can la 'tshe bar byed pa dang/ nyin mo dang mtshan mo la sogs pa rgyu zhing ma byed cig ces bya ba'o/ /de dag gis kyang legs gsungs pa'i/ mdo bshad thos nas spang bar gyis/ zhes bya ba ni/ yang dag par rdzogs pa'i sangs rgyas rnams kyis/ rig sngags 'di yang yang dag par gsungs te/ de bzhin du rgyal po chen po bzhi po rnams kyis kyang/ rjes su yi rang zhing srung ba ste/ de bzhin du khyad par du 'phags pa'i mdo 'di thob par gyur na/ sems can la gnod par byed pas sdug bsngal dpag tu med par thob pa'o/ /de bas na spang par gyis zhes bya ba'o/ /sha za lus 'phags skem byed dang/ 'byung po 'jigs byed srul po rnams/ /zhes bya ba ni/ 'byung po de rnams kyis kyang sems can la gnod par byas te/ de yang dam la btags nas gnod par byed pa spangs pa'o/ /de dag gis kyang legs gsungs pa'i/ /mdo 'di bshad pa thos nas thod/ zhes bya ba ni 'das pa dang ma 'ongs pa dang/ de ltar byung ba'i sangs rgyas rnams kyis kyang gsungs te/ de bzhin rgyal po bzhi po rnams kyis kyang dam tshig srung ste/ rig sngags kyi gzi brjid kyis sdig can 'byung po de
- 367b
rnams kyis kyang gzhan la 'tshe ba spangs pa'o/ /lha dang lha min rlung lha dang/ dri za dang ni gdon gyi bla/ zhes bya ba ni/ zhe sdang dang gti mug gis sems can thams cad la gnod par byas te/ da yang rig sngags kyi gzi brjid dam pa thob pa'o/ /'byung po dang ni sha za dang/ de bzhin gnod sbyin srin po rnams/ zhes bya ba ni/ ser sna dang/ zhe sdang dang/ 'dod chags kyi sems can rnams la 'tshe bar byas te/ de yang rig sngags kyi dmod mo'i 'jigs pas gnod mi nus pa'o/ /kun tu 'khrugs shing kun tu g.yos/ /skrag cing kun tu rab tu 'gul/ /zhes bya ba ni/ rig sngags 'di'i gzi brjid dang/ stobs kyis sa lan drug du g.yos te/ de bzhin du ltas chen po bco brgyad byung pa'o/ /kun tu khrugs shing kun tu g.yos pa ni shar dma' ste/ nub mtho ba'o/ /nub dma' na shar mtho/ /phyogs phyogs rnams kyang de bzhin no/ /mgo 'khrugs shing phyogs rnams gtor ba'o/ /de bas kyang skrag cing ba kun tu 'gul ba ste/ yun ring zhing drag pa'o/ /gdon dang gnod par byed pa rnams/ ltung zhing rab tu pham par 'gyur/ /zhes bya ba ni/ sdig can bdud kyi rigs kyi 'byung po rnams ni sems can la gnod par byed pas rang pha ma ste/ sdug bsngal chen po thob cing rig sngags kyi dmod mos 'joms pa'o/ /sa bzhi dag kyang rab tu g.yos/ /sgra bo che yang sgrogs par byed/ ces bya ba ni/ rig sngags kyi gzi brjid kyis/ stong gsum gyi stong chen po'i 'jig rten gyi khams sa g.yo zhing 'byung po rnams skrag par byed/ sa de yang ? cha lang dang dril bu'i skad 'byung ngo/ /kun tu rab tu 'byung ngo zhes bya'o/ yi dags dang ni grul bum rnams/ /sdang ba'i gdon ni bzlog byed pa'o/ zhes bya ba ni/ 'byung po de rnams kyang sems can drag por gnod par byas te/ gzhan gang dag gis kyang mi thub cing de'i
- 368a
gnyen po lta bu rig sngags kyi rgyal mo yin te/ mdo 'di dag ni thos gyur na/ 'jigs pa drag po 'bebs bar 'gyur/ /zhes bya ba ni/ gnod byed sngar ba'i sems dang ldan pa dang sdig pa'i sems dang ldan pa dang/ sems can gyi srog 'dod pa rnams/ rig sngags kyi rgyal mo bsil ba'i tshal 'dis brlag par byed pa'o/ /sangs rgyas chos dang dge 'dun la/ dad pa'i gnod sbyin gang yin pa/ zhes bya ba ni 'byung po byang chub sems dpa' i rigs yod de/ yang dag par rdzogs pa'i sangs rgyas shAkya thub pa dang/ chos dang dge 'dun la dga' zhing 'jig rten gyi khams rnams skyong bar byed de/ sangs rgyas kyi bstan pa bsrung zhing sems can rnams kyi don byed pa'o/ /rig sngags kyi rgyal mo bsil ba'i tshal 'di la rjes su yi rang zhing rig sngags kyi bka' las mi 'da' ba' o/ /de dag mgu zhing yid dga' nas/ /legs par rjes su yi rang ngo/ /zhes bya ba ni/ byang chub sems dpa' i rigs 'byung de rnams kyang rig sngags kyi rgyal mo bsil ba'i tshal gyi chos la dga' zhing snga nas kyang chos la dad pa yod de/ de ltar dad pa kun tu rab tu skyes nas dga' bas rab tu dga' ste/ chos la mchod pa legs par mchod nas/ de rnams kyi rjes su yi rang ngo/ /zhes bya ba'o/ /rig sngags kyi rgyal mo bsil ba'i tshal gyi 'byung? po dam la btags ba'i gnas skabs te brgyad pa'o// //de nas zhes bya ba ni 'byung po dam dam la btags pa'i de nas so/ /rgyal po chen po bzhi bar snang las babs nas/ zhes bya ba ni/ rgyal po chen po de yang chos la rab tu dga' ste/ bcom ldan 'das la snga nas kyang dad pa skyes te/ de ltar yang rab tu skyes nas bcom ldan 'das kyi spyan sngar phyin pa'o/ /bcom ldan 'das ga la ba der song ste/ lhags nas zhes bya ba ni/ so so rang gi 'od zer yang 'bar te
- 368b
bsil ba tshal gyi chos 'di 'dad pa yang nas yang du skyes te/ de bzhin du bcom ldan 'das la yang de bzhin no/ /de bas na rgyal po chen po bzhis kyang legs lhags pa zhes bya ba'o/ /bcom ldan 'das kyi zhabs la mgo bos phyag tshal te/ zhes bya ba ni rgyal po chen po bzhi rab tu dga' nas zhabs kyi pad+ma la gus pas phyag 'tshal ba'o/ /thal mo sbyar nas bcom ldan 'das la phyag 'tshal zhing zhes bya ba ni/ rgyal po chen po bzhis bcom ldan 'das kyi sbyan sdang bus mo g.yas pa'i lha nga sa la gtsugs te/ de nas bcom ldan 'das la thal mo sbyar ba'o/ /gros mthun pa dang tshig mthun pa dang skar mthun par/ bcom ldan 'das la 'di skad ces gsol to zhes bya ba ni dbyangs gcig tu byas shing rgyal po chen po rnams kyis kyang rig sngags kyi chos la gus pa'i sems kyis bcom ldan 'das la zhu ba 'bul ba'o/ /btsun pa bcom ldan 'das bsil ba tshal gyi mdo chen po di ni zhes bya ba ni/ bsrung ba dang/ skyob pa dang/ spyod pa dang sems can thams cad la rig sngags kyi ? snga? kyis bya ba ste/ sdang ba'i sems zhi bar byed pa 'khor ba rnams bcom zhing yang dag pa'i ye shes kyi lam bstan pa'o/ /rgyal po chen po bzhis zhabs la phyag bgyi ba dang/ zhes pa? ? ? par bya ba phyag 'tshal te/ rgyal pa tshan po bzhis rang yang srung zhing ngag gis 'don pa dang/ yid kyis bzung ba dang/ lus kyi bcang bar byas te/ rig sngags 'di yang btags nas kyang/ ngan song gsum du mi 'gro zhing byang chub kyi lam bstan pa'o/ /'khor bzhi po rnams la srung ba dang zhes bya ba ni/ dge slong dam dge slong ma 'am/ dge bsnyen nam dge snyen ma la sogs pa'i sems can rnams yang bsrung ba'i dam pa'o/ /yongs su skyob pa dang zhes bya ba ni/ gzhan las
- 369a
kyang khyad par du 'phags te/ zhi ba dang bde legs su 'gyur zhing sdug bsngal thams cad dang bral ba'o/ /gnod sbyin dang srin po nas gnod bar bgyid pa'i bar rnams 'joms pa lags so/ /zhes bya ba ni ma rung ba bdud kyi rigs rnams kyi 'byung po de yang 'joms shing rig sngags dang gsang sngags kyi dmod mos rlag par byed pa'o/ /btsun pa bcom ldan 'das zhes bya ba ni/ rgyal po chen po bzhi dag gis kyang bcom ldan 'das la rig sngags kyi 'dri bar byed pa ste/ de yang 'khor bzhi la rtag tu srung bar byed pa'o/ /dge slong dang dge slong ma dang/ dge snyen nam dge snyen ma de dag gis kyang zhes bya ba ni/ bcom ldan 'das la rtag tu 'khor pa'i 'khor bzhi yin te/ rig sngags kyis kyang de dag srung zhing bar chod bsal te rtag tu bde ba thob pa'o/ /bsil ba'i tshal gyi mdo chen po 'dis bzung bar bgyi brjod par bgyi kun chub par gyi'o/ /zhes bya ba ni/ rig sngags kyi rgyal mo bsam gyis mi khyab pa 'di dur khrod chen po yi dags dang 'byung po rnams kyi gnyen po mi'i sems can rnams kyi ston pa/ stong gsum gyi stong chen po'i 'jig rten gyi khams skyong bar byed pa ste/ 'khor bzhi po dag gis kyang 'chang ba dang/ bzung nas kyang sems can thams cad la bstan nas/ sdug bsngal thams cad dang bral bar byed pa ste/ 'khor bzhin po dag gis kyang lus ngag yid bzung ba'o/ /btsun pa bcom ldan 'das zhes bya ba ni/ rgyal po bzhis kyang bcom ldan 'das la yang zhu ba 'bul ba'o/ /dge slong ngam dge slong ma 'am/ dge snyen nam dge snyen ma dang zhes bya ba ni/ 'khor bzhi po dag dang sems can thams cad la bsrung zhing sdug bsngal thams cad dang 'bral bar byed de/ 'di'i lam nas kyang byang chub kyi tshogs bstan ba'o/ /bdag bsrung ba dang bdag swa ba dang/ gzhan sba ba'i slad du zhes bya
- 369b
ba ni/ gang zag rig sngags 'chang ba dang/ nyon mongs pa'i sems can rnams srung ba ste/ byams pa dang snying rje'i lam nas bdag gis kyang sems can gyi don la bstan par bya zhes bya ba'o/ /bsil ba'i tshal gyi mdo chen po 'di 'dzin pa dang/ 'chang ba dang brjod pa dang/ kun chub par bgyid pa de la ni/ zhes bya ba ni stong pa nyid kyi rang bzhin/ thabs shes rab gnyis su med pa ste/ chos dang longs spyod dang sprul pa'i skus khyab pa ste/ de bzhin du 'di la gus pa byas pa'i gang zag ni/ sdug bsngal thams cad dang 'bral ba'o/ /gnod sbyin dang srin bu nas gnod par bgyi ba'i bar rnams nyen 'khor yang gnas par mi 'gyur na/ gnod par bgyid pa lta ga la sems lags zhes bya ba ni/ mthu che zhing gzi brjid cha ba ste/ dpa' ba stobs che zhing gzi brjid che ba ste/ dpa' ba stobs che ba zhing sems can rnams la byams pa dang snying rje dang ldan pa ste/ gang nag 'di 'chad ba la da lta'i rkyen lta ci smos te/ tshe phyi ma la yang de bzhin no/ de gang du mtshan gcig tsam gnas pa der yang zhes bya ba ni rig sngags kyis rgyal mo bsil ba'i tshal 'di yang grong ngam grong khyer ram grong rdal? lam/ ljongs la sogs pa la yi ge gcig tsam yang dag par gyur na/ de bzhin du 'byung po 'am/ yi dags la sogs pa gnod par mi 'gyur te/ grong de na gnas pa'i sems can rnams la yang khrag khrug dang rtsod pa dang rims drag po'i nad mi 'byung ste/ gzhan gyi dang rgyal po'i chad pa yang mi 'byung ngo/ /gnod sbyin dang srin po nas gnod par bgyid pa'i bar rnams nyan 'khor du yang gnod par mi 'gyur zhes bya ba ni/ mtshan de yang lus la btags pa 'am/ yid kyis 'dzin pa 'am ngag du gdon pa 'am/ rgyal mtshan gyi rtse mo 'am mchod rten gyi rtse mo la btags nas/ de thos pa dang de mthong ba tsam gyis de'i 'od zer gyi gzi brjid kyis rgyang grags kyis
- 370a
tshun chad du yang nye bar mi nus so/ /de gang du rtag tu gnas pa der lta smos kyang ci 'tshal lags zhes bya ba ni/ rig sngags 'di yang 'das pa'i sangs rgyas bsam gyis mi khyab pa rnams kyis rjes su yi rang zhing gsungs pa'o/ de bzhin du ma 'ongs pa rnams kyis kyang gsung bar 'gyur ba'o/ /de ltar yang dag par rdzogs pa'i sangs rgyas shAkya thub pas/ sems can gyi don la gsungs pa ste/ gnyis pa'i sems med cing/ nges bar the tshom med do zhes bya ba'o// btsun pa bcom ldan 'das gang la mi ma lags pa'i gnod pas thebs pa'i mdun du bsil ba'i 'tshal gyi mdo chen po 'di brjod na zhes bya ba ni/ yul 'khor bsrung ba dang byad dang ro langs kyi nad kyis btab pa dang bsgoms nyes dang bri nyes la sogs pa gso ba dang/ bkra mi shis pa bkra shis par byed pa dang/ gzhan yang de la sogs pa thams cad la sngags te/ gzhan yang mkha' la rgyu ba'i yid dags rnams bzlog pa'i cho ga yang dag par bshad par bya'o/ /lci ba chu dang bsres pa'i sa/ dkyil 'khor yang dag byug par bya/ nad pa'i mdun du yang dag tu/ /de bzhin gzhan yang mkhas pas shes/ /sa tshon lnga ni yang dag tu/ rgyal ba'i dkyil 'khor mdzes par bris/ /dbus su sna tshogs pad+ma la// phyi rim rdo rjer ba ste/ de phyir 'khor lo sna tshogs rtsibs/ de phyir lha rnams zlum por bri/ de yi phyi rim gru bzhil/ lha rnams pad+ma rA ga'i mdog /gru bzhi sgo bzhi ka ba brgyad/ /twa ra bzhi yis yang dag brgyan/ /dra ba la sogs brgyan pa la/ /rin chen sna bdun gzhal yas khang/ gdugs dang ba dang de bzhin brgyan mdzes bas yang dag rnams par brgyan/ pad+ma 'khor lo lha rnams dang/ /ye shes lha dang 'jig rten lha gzhan yang gsungs pa de bzhin du/
- 370b
mkhas pa'i blo yis shes par bya/ bzhi ba'i dbus su yang dag tu/ /rnam par rgyal ba dbus su bzhag/ lto ba ldir ba rke ba ring/ mchu 'phyangs mtshan ma legs pa la/ /nag por ri rtsa ba spangs/ /de lta bu'i bum pa la/ /gu gul la sogs bdug par bya/ rin chen 'bru lnga sman lnga dang/ /dri lnga byang chub shing lnga dang/ /mgul chings dang ni gdugs dang ni/ /me tog phreng dang rin chen phreng/ gzhan yang ji snyed yang dag brgyan/ /de bzhin rgyal ba'i bum pa'i gzugs/ /gzhal yas khang gi dbus su bzhag// rims nad phyugs nad gang yin pa/ de ni bkra shis la sogs dang/ /dbang bsgyur sbyin bsregs de bzhin te/ /lha dang rab gnas de bzhin shes/ /rdo rje slob dpon mkhas pa yis/ /dkyil chog blo yis yang dag shes/ gro ga shing shun dang sogs la/ gur gum 'gri? hang la sogs bri/ /phyi rim mu khyud ra ba la/ /rgyal ba'i mtshan ni yang dag bri/ dar gyi bcings pa'i pad+ma la/ /de steng phyag 'tshan rgyas pa bri/ /ral gri skyabs sbyin rin chen dang/ /rin chen steng du rdo rje gnas/ /zhags pa lcags kyu bum pa dang/ de steng rdo rje yang dag gnas/ mtshams bzhi rdo rje rgya grams yin/ /be con dang ni utpal dang/ pad+ma la sogs 'khor lo dang/ gzhan yang phyag mtshan gang yod pa/ /mkhas pas brtag nas bri bar bya/ de nas mu khyud zlum po la/ rdo rje rgya gi yang dag bri/ rdo rje rgya gram bar du ni/ /las kyi snying po yang dag bri/ /phyag mtshan bar du rdo rje rigs kyi yi ge dgod/ /de nas mu khyud gsum po la/ /sngar gsungs las kyi snying po bri/ /de nas mu khyung 'khor lo bri/ /'khor lor gri ba'i yi ge ni/ /rig sngags skyed byed yang dag tu/ /hUM dang phaT gyis rnam par brgyan/ de nas mu khyud gsum po la/ /rig sngags snying po yang dag bri/ /de nas pad+ma 'dab brgyad la/ /yang snying snying po bri bar bya/ /de bzhin mu khyud bskor ba
- 371a
la/ gzhan gyi mi thub snying po bri/ /de dbus yi ge gnas pa ni/ bsil ba'i tshal gyi bskyed yid bri/ yi ge'i nang du mkhas pas ni/ yang dag gis ni bri bar bya/ /de bzhin rig sngags 'chang bris la/ /mgul lam phyogs sogs gdags par bya/ /de bzhin btags par gyur na ni/ nad dang 'jigs pas mi tshugs te/ /mya ngan la sogs de bzhin du/ /mi rigs thams cad mi tshugs so/ /tshe ring sdug bsngal thams cad med/ /ngan song gsum yang de bzhin no/ /rgyal ba'i bsrung ba yang dag tu/ /nga yis yang dag bshad par gyis/ /rdo rje ri rab gus dang ni/ bla res sa gzhi dra ba dang/ /rdo rje'i rang bzhin shes par bya/ /de phyir me ri sna tshogs kyis/ /yang dag gis ni bskor ba'o/ /nad pa'i drung du dkyil 'khor 'di/ /de bzhin yang dag bri bar bya// ring bsrel gdung rten lugs ma 'am/ /tsha tsha la sogs mchod rten gang/ /nad pa'i mdun du yang dag mchod/ /rig sngags bsil ba'i tshal gyis gzungs/ /cho ga'i dus su yang dag gdon bar gyis mi chod de bzhin du/ bzlas pa la sogs de bzhin bya/ /phyogs skyong gza' dang rgyu skar dang/ /de bzhin 'byung po la sogs la/ /rjes su mthun par dbul bar bya/ /dri dang me tog spos dang ni/ /ang ka la sogs yang dag dbul/ /de bzhin mkhas pas thun gtor du/ /yang dag gis ni dbul par bya/ /nad pa la sogs khrus byas la/ /rig sngags gtang ba'i cho ga bya/ /dbang skur la sogs gzhan yang mthun/ /de bzhin sdom pa 'bogs pa dang/ gzhan dang la sogs mthun pa ste/ /de bzhin la sogs byas na ni /gang yang las kyang 'grub par 'gyur/ /rig sngags kyi rgyal mo bsil ba'i tshal gyi/ dkyil 'khor dang bsrung ba bshad pa'i gnas skabs te/ dgu pa'o/ //de myur ba kho nar bde legs dang nad ma mchis pa dang zhes bya ba ni/ /de bzhin du dkyil 'khor
- 371b
la sogs pas bsrung ba byas na/ /sdug bsngal thams cad dang bral te/ ma rungs pa'i gdon thams cad kyang de bzhin no/ /bde bar 'gyur zhing thar bar 'gyur la zhes bya ba ni/ tshe da lta dang phyi ma la yang bde bar 'gyur ba ste/ 'khor ba'i sdug bsngal thams cad las thar ba'o// mi ma lags pa rnams de la log pa mi bgyid cing/ myur du mchi bar 'gyur lags te/ zhes bya ba ni/ 'di 'chang ba'i gang zag rnams la 'byung po de rnams grogs mi byed na/ 'byung po de rnams kyang rig sngags kyi dmod mos sdug bsngal drag po 'thob par 'gyur ro/ /btsun pa bcom ldan 'das zhes bya ba ni/ rgyal po bzhis bcom ldan 'das la zhus pa'o/ /bsil ba tshal gyi mdo chen po 'di ni/ de ltar don che ba lags so zhes bya ba ni/ stong gsum gyi stong chen po'i 'jig rten gyi khams la/ sems can rnams la bde bar rnam par byas shing tshe da ltar dang phyi ma'i sdug bsngal zhi bar 'gyur ro/ /bcun pa bcom ldan 'das/ dge slong ngam dge snyen ma gang la la sogs pa ni yang nas yang du bcom ldan 'das la/ rgyal po bzhis zhu ba 'bul ba ste/ de yang 'khor bzhi'i don la zhu ba 'bul ba'o/ /bsil ba'i tshal gyi mdo chen po 'di 'dzin pa dang zhes bya ba ni/ grong ngam grong khyad raM grong brdal lam/ de la sogs pa la yod pa tsam gyis kyang 'jigs pa thams cad 'bral bar gyur te/ 'chang ba dang zhes bya ba ni/ mgul du btags nas gus par byas par gyur na/ rig sngags kyi rgyal mo 'di'i nus pas sdug bsngal thams cad las thal bar 'gyur te/ tshe da lta dang tshe phyi ma de bzhin no/ /brjod pa dang zhes bya ba ni/ klog pa dang bsgom pa rjes su yi rang ba de la bshad par byed pa/ de la sogs pa byas par gyur na/ de bzhin du sdug bsngal dang bral bar 'gyur ro/ /kun chub bar bgyid pa dang zhes bya ba ni/ stong gsum gyi stong chen po'i 'jig rten gyi khams gyi sems can gyi don la khyab pa'o/ /yang nan rig pa ni nam mkha'
- 372a
bzhin du khyab pa ste/ sems can gyi don la khyab pa'o/ /sbyor bar bgyid pa de la ni/ zhes bya ba ni/ 'das pa dang ma 'ongs pa dang da ltar yod pa'i sangs rgyas rnams kyis gsungs pa/ rig sngags kyi rgyal mo bsil ba'i tshal 'di ni rjes su yi rang zhing gsung pa'o/ /de dag gi gang zag ni sdug bsngal thams cad dang bral zhing de bzhin dus gsum du yin no/ /dad pa can gyi gnod sbyin dge snyen rnams/ /rgyal po chen po bzhi'i gan du mchis nas/ ming smos par bgyid do zhes bya ba ni/ mi ma yin pa'i 'byung po rnams kyis kyang/ tshes brgyad dam/ bcu dgu 'am/ nya 'am/ stong la sogs pa la/ rgyal po chen po bzhi dang/ de bzhin du byas par gyur na/ gdug pa can gyi gnod sbyin rnams kyang dad par 'gyur ro/ /kye rgyal po chen po dag ces bya ba ni/ bsil ba'i tshal gyi mdo chen po 'di la/ rgyal po chen po bzhi dag kyang/ 'di la 'chang bar 'gyur na/ dad par 'gyur te/ de bzhin du yang dag pa'i don yang thab par 'gyur ro/ /dge slong ngam zhes bya ba nas/ dge bsnyen ma zhes bya ba ni/ 'khor bzhi la yang bsil ba tshal gyi mdo 'dis bsrung bar 'gyur ro/ /che ge mo zhig ces bya ba la sogs pa ni/ stong gsum gyi stong chen po'i 'jig rten gyi khams kyi sems can thams cad do/ /yang na ni gang zag sems can 'di 'chang ba'o/ /btsun pa bcom ldan 'das zhes bya ba ni/ rgyal po chen po bzhis/ bcom ldan 'das la yang nas yang du zhus pa'o/ /dad pa can gyi gnod sbyin dge bsnyen rnams/ rgyal po'i pho brang lcang lo can du mchis nas zhes bya ba ni/ sngon du bshad pa bzhin du bsil ba'i chal gyi mdo 'di'i bka' bzhin du rgyal po chen po bzhi po de/ mchod pa byas na/ nad thams cad/
- 372b
las thang bar 'gyur ro/ /rgyal po chen po rnam thos kyi bu'i mdun du/ gnod sbyin rnams 'dus shing/ 'byung po thams cad tshogs pa'i nang du yang/ bsgrags nas zhes bya ba ni/ gnod sbyin mthu bo che sum cu rtsa gnyis dang/ sde dpon chen po nyi shu rtsa brgyad dang/ bgegs rigs stong phrag brgyad cu rnams kyi mdun du/ bsil ba'i tshal gyi mdo 'di bsgrags na/ sdug bsngal thams cad dang bral bar 'gyur ro/ /der de dag mngon par dga' bar 'gyur te zhes bya ba ni/ rig sngags kyi rgyal mo bsil ba'i tshal gyi byin gyi brlabs kyis/ de rnams kyis kyang grogs byed par 'gyur ro/ /btsun pa bcom ldan 'das/ bsil ba'i tshal gyi mdo chen po 'di ni de ltar don che ba lags so zhes bya ba ni 'jig rten dang 'jig rten las 'das pa'o/ /yang dag pa'i don thob ste/ mi'i yul du skye bar gyur nas kyang/ chos 'di dang mi 'bral ba'o btsun pa bcom ldan 'das zhes bya ba ni/ sems can gyi don la rgyal po chen po bzhis yang nas yang du zhu ba phul ba'o/ /dge slong dam zhes bya ba la sogs pa ni/ sde pa bzhi dang/ mi dge ba bcu dang/ dge bsnyen gyi sdom pa lnga'o/ /sde pa bzhi ni/ phal cher pa dang/ phaM yod par smra ba dang/ gnas brtan pa dang/ mang po skur ba'i sde'o/ /mi dge ba bcu ni/ srog gcod pa dang/ ma byin par len pa dang/ mi tshangs par spyod pa dang/ rdzun du smra ba dang/ tshig rtsub mo dang/ dag 'khyal? ba dang/ phra ma'o/ /brnab sems dang/ gnod sems dang/ log par lta ba'o/ /dge bsnyen gyi sdom pa lnga ni/ srog gcod pa dang/ ma byin par len pa dang/ 'dod pas log par g.yem pa dang/ rdzun du smra ba dang/ chang dang lnga ste/ bsil ba tshal gyi mdo 'di gton pa tsam gyis kyang/ de rnams kyi sdom pa nyams kyang/ de'i sdig pa las thar bar 'gyur ro/ /chang mi btung ba dang/ dran pa dang/ shes bzhin du 'chi ba dang/ zhes bya ba ni/ chang mi 'byung ba ni/ sgog pa dang/ sha dang/ bud med dang la sogs pa bkag pa kri ya'i
- 373a
gzhung ngo/ /dran pa ni rig sngags 'di 'dra ba ste/ de 'dra ba tsam gyis kyang zas nyams pa las kyang thar par 'gyur ro/ /shes bzhin du mchis pa ni/ sdig pa'i rang bzhin du mchis pa ni sdig pa'i rang bzhin du shes pa yin te/ de bzhin du shes pa'i rang bzhin yang shes pa'o/ /dge dang mi dges mi tshugs shing/ /de dran pa tsam gyis thar bar 'gyur ro/ /zas rnam pa lnga la 'di lta ste/ zhes bya ba ni/ bcom ldan 'das la rgyal po chen po bzhis zhus pa'o/ /bu ram dang sbrang rtsi dang/ til dang sha dang/ nya sha rnams yongs su spangs par bgyi'o/ /zhes bya ba ni/ 'byung po rnams kyi zas yin no/ /de yang sdig par 'gyur ba'i zas yin pas/ bu ram ni 'bu rnams kyi zas yin no/ /sbrang rtsi ni bum pa'i zas so/ /til ni srog chags rnams kyi zas so/ /sha ni srog bcad pas sdig pas sdig par 'gyur zas so/ /nya sha yang de bzhin no/ /de'i phyir na zas rnam pa lnga yongs su spang ba'o zhes gsungs ba'o/ /de ci'i slad du zhe na/ zhes bya ba ni zas lnga po de sdig par 'gyur ba'i phyir ro/ /btsun pa bcom ldan 'das zhes bya ba ni/ rgyal po chen po bzhis zhu ba'i phyir pos pa'o/ /gnod sbyin dang srin po nas gnod par bgyid pa'i bar rnams zhes bya ba ni/ zas rnam pa lnga po de spangs par gyur na/ dpag tshad lnga brgya'i nang tshun chad du gdon rnams kyis mi tshugs so// bsil ba'i tshal gyi mdo chen po 'di 'dzin pa la sogs pa ni/ bye ba khrag khrig gi bA klung gi bye ma snyed kyis/ sangs rgyas rnams kyis kyang rjes su yi rang ste/ de bzhin du 'das pa dang/ ma 'ongs pa dang da ltar byung ba'i sangs rgyas rnams kyis kyang rjes su yi rang ba ste/ de rnams bka' bden pas sems can thams cad kyi don mdzad pa'o/ /de dag gzhom pa'i slad du yi dam 'di bgyi 'tshal lags so/ /zhes bya ba ni/ da ltar gyi shAkya thub pas gsung ste/ sdug bsngal thams cad dang bral
- 373b
bar byed cing 'khor ba las thar te/ de bzhin du yang dag pa'i don thob nas/ rig pa'i don gyi rjes su 'brang ba'o/ /btsun pa bcom ldan 'das zhes bya ba ni/ rgyal po chen po bzhis sems can gyi don du yang nas yang du zhu ba'o/ /dge slong dam dge slong ma 'am/ dge bsnyen nam dge bsnyen ma gang la la zhes bya ba ni/ sems can thams cad do/ /bsil ba tshal gyi mdo chen po 'di zhes bya ba ni/ nam mkha' bzhin du 'jig rten gyi khams thams cad la khyab ste/ de bzhin du sems can thams cad bsil bar byed pa'o/ /'dzin pa zhes bya ba la sogs pa ni/ dad bar byas shing rjes su yid dang bar 'gyur na/ sdug bsngal thams cad dang bral te/ sems can thams cad thar pa thob pa'o/ /btsun pa bcom ldan 'das zhes bya ba ni gong du bshad pa'o/ /bsil pa'i tshal gyi mdo chen po 'di ni de ltar don che ba lags so zhes bya ba ni/ nam mkha' bzhin du khyab pa ste/ me long gi gzugs bsnyan bzhin du sgyu mar snang bas/ stong gsum gyi stong chen po'i 'jig rten gyi khams thams cad la khyab pa'o/ /btsun pa bcom ldan 'das gzhan mu stegs can zhes bya ba la sogs pa ni/ bdud kyi rigs sdig can/ bstan pa 'jig pa'i lta ba log pa'i rigs/ de rnams kyi don mi 'grub cing the tshom gyis dus su yang 'pham par 'gyur ro/ /de'i phyir na mdo 'di la dang pa la don che pa'o/ /mi ma lags pa rnams kyi bar mdor 'gum pa dang zhes bya ba la sogs pa ni/ 'di 'chang ba'i gang zag de la/ chu dang me dang/ rkun ma dang/ choms rkun dang/ seng+ge dang/ glang po che dang/ dug dang/ thog dang/ rgyal po'i chad pa la sogs pa zhi bar byed pa yin te/ yang na ni mi rig pa'i 'byung po rnams kyis rims kyis ? pa'o/ /de ci'i slad du zhe na/ zhes bya ba ni/ 'jigs pa de rnams klag par byed pa'o/ /de ni de dag la gnod par 'tshal ba dang zhes pa la sogs pa ni bar du gcod pa'i bgegs rnams glags tshol te/ gang zag de gus par gyur na/
- 374a
glags? mi rnyed cing bar du gcod bar mi nus so/ /btsun pa bcom ldan 'das 'jig rten na sems can rnams bsrung ba dang/ zhes bya ba la sogs pa ni/ snying rje che zhing/ sems can thams cad la byams pas khyab pa ste/ rig sngags kyi rgyal mo bsil ba'i tshal 'di chad pa thams cad dang bral zhing bde bar gnas pa'o/ /de nas zhes pa ni/ bsil ba tshal gyi yon tan bshad ba de nas so/ /rgyal po chen po bzhis tshigs su bcad de gsol ba zhes bya ba ni/ rig sngags kyi rgyal mo bsil ba'i tshal gyi phan yon rgyal po chen po bzhis tshigs su bcad de bshad pa'o/ /mi mchog gang zhig mdo 'di dag /yongs su rdzogs pas gsungs pa dang/ zhes bya ba ni/ gling bzhin gnas pa'i 'jig rten 'di gang zag gang gis kyang gus par byas shing 'chad ba de dag la bsrung ba gzhan gyi mtshung? pa med do/ /bde legs bgyid pa de la ni/ srin po rnams kyang 'tshe mi bgyid/ /ces bya ba ni/ gzi brjid che zhing stobs dang ldan te/ tshe phyi ma yang ngan song gsum las grol zhing/ de ltar yang dpal dang ldan te/ de de dag 'dzin pa'i gang zag yang dag pa'i byang chub thob pa'o/ /yang na stong gsum gyi stong chen po na yod pa'i bgegs rnams kyis kyang/ 'tshe bar mi nus shing/ srin po rnams kyang lta ci smos pa'o/ /su yang rung ste mdo 'di dag /mi mchog gis ni gsungs pa bzhin/ /zhes bya ba ni lha 'am/ mo 'am/ lha ma yin ni/ yi dags la sogs pa gang zag 'di la gus par byas pa de la sogs pa'i sems can gzhan la yang/ phan thogs pa ste/ 'das pa'i sangs rgyas rnam par gzigs dang/ gtsug tor can dang/ kun skyob dang/ log par dang sel dang/ gser thugs dang/ 'od srung rnams kyis kyang bsrungs pa'o/ /ma 'ong pa'i sangs rgyas rnams kyis kyang bsrung ste/ de yang phyag na rdo rje dang/ 'jam dpal dang/ spyan ras gzigs dang/ byams pa la sogs pa'i sangs rgyas rnams kyis kyang bsrung bar 'gyur ro/ /da ltar yang sems can gyi don la/ rig sngags
- 374b
la rjes su yi rang zhing bsrung pa'o/ /yongs su rdzogs shing ma chad par shin tu tshang bar 'chang bgyid pa/ /zhes bya ba ni/ sbyin pa dang/ tshul khrims dang bzod pa dang/ brtson 'grus dang bsam gtan dang/ shes rab la sogs pa yongs su rdzogs pa ste/ de yang de'i 'khor gsum dag pas 'chang ba'o/ /yang na pha rol tu phyin pa bcu dang/ sa bcu'i byang chub sems dpa' la yongs su rdzogs pa'o/ /de la gnod sbyin yi dags dang/ 'byung po grul bum srin po dang/ mi dang mi ma yin pa'i gdon rnams kyis kyang/ rig sngags 'di la rjes su yi rang bstan pa bsrung pa ste/ 'di la tshig gcig kyang smras par 'gyur na/ 'byung po rnams kyi 'jigs pa dang bral ba'o/ /smyo byed rgyu ba klu rnams dang/ de lta bu dag 'tshe mi bgyid/ /ces bya ba ni/ smyo byed kyi gdon stong phrag brgyad cu rtsa bzhi yod de/ de bzhin du klu'i gdon yang yin no/ /de rnams kyis srod tho rangs nams phyed la rgyu zhing/ sems can rnams la tshe bar byed pa ste/ de rnams kyis kyang mi tshugs shing/ sems can rnams la bde bar byed pa'o/ /de la mi la lags dang gdon/ /myur du mgum du 'chi dang 'gyur? yang dag par rdzogs pa'i sangs rgyas rnams kyi bka' dang/ rig sngags kyi dmod mos mtshe bar byed pa'i 'byung po de rnams mgo tshal pa brgyar 'gas shing/ /'chi bar 'gyur te/ shi ma thag tu mda''phangs pa bzhin du mnar med par skye'o/ /de la cis kyang mi tshugs ste/ de la rtse bar yang mi nus zhes bya ba ni u dum ba ra'i me tog bzhin/ shin tu dkon pa/ rig sngags kyi rgyal mo 'di yang mthu cheb zhing gzi brjid che ste/ 'di'i nus pas gang gis kyang 'tshe bar mi nus pa'o/ /rgyal po chen po bzhi po yis bcom ldan phyag 'tshal zhes brjod de/ zhes bya ba ni stong phrag nyi shu rtsa brgyad kyi dri za rnams dang/ de bzhin du grul bum dang/ klu dang gnod sbyin rnams so/ /de rnams kyi gdon gyis kyang 'tshe bar mi nus shing phyogs rnams kyang bsrung bar 'gyur ro/ /sangs rgyas
- 375a
zhabs la phyag 'tshal nas/ de nyid ni mi snang 'gyur/ /zhes bya ba ni/ dur khrod bsil ba'i tshal du/ bcom ldan 'das la bar tshed byed cing glags lta ba rnams glags mi nyed cing/ /bcom ldan 'das la gus par byas na/ sems can la 'tshe bar mi byed cing/ mi snang bar 'gyur ba'o/ /de nas zhes pa ni/ tshigs su bcad pa'i de nas so/ /bcom ldan 'das de'i chen mo 'das te zhes bya ba ni/ 'jigs su rung ba bsil ba'i tshal gyi nang na/ bcom ldan 'das 'khor bzhi dang bcas pa bzhugs pa'i nam la 'das pa'o/ /nam langs nas/ dge slong gi dge 'dun gyi gung la bzhugs te zhes bya ba ni/ rnam rtog gsum dang bral ba'i dur khrod bsil ba'i tshal gyi dbus su bcom ldan 'das 'khor bzhi dang bcas pa'o/ /dge slong rnams la bka' stsal pa/ zhes bya ba ni/ de'i tshe de'i dus su bcom ldan 'das kyis/ stong gsum gyi stong chen po'i 'jig rten gyi khams kyi sems can gyi don la bka' stsal pa'o/ /dge slong dag mdangs gsum dag rgyal po chen po bzhi bu dang bcas zhes bya ba la sogs pa ni/ rgyal po chen po bzhi dang/ 'khor rnams dur khrod bsil ba'i tshal du 'ongs te/ de dag gis kyang glags tshol ba ste/ rig sngags kyi rgyal mo bsil ba'i tshal gyi gzi brjid kyis/ glags tshol mi nus par gnas pa'o/ /nga'i rkang pa la mgo bos phyag 'tshal te/ zhes bya ba ni/ rgyal po bzhi dang 'byung po de rnams kyis/ bskor ba lan gsum byas nas/ bcom ldan 'das la gus par byas nas/ rig sngags kyi rgyal mo bsil ba'i tshal la rjes su yi rang ba'o/ /phyogs gcig tu 'khod do zhes bya ba ni rgyal po bzhi dang/ 'byung po thams cad phyogs gcig tu 'khod/ phyogs gcig tu 'khod nas/ rgyal po chen po bzhis nga'i thad du bsil ba'i tshal gyi mdo chen po 'di brjod nas dong ngo zhes bya ba ni/ bcom ldan 'das kyi 'khor bzhi la bka' stsal zhing/ rig sngags kyi rgyal mo bsil ba'i tshal gyi don yang dag par
- 375b
bstan pa'o/ /khyed kyis de dag legs bar rab tu nyon la yid la zung zhig dang/ des bshad do zhes bya ba ni/ sdug bsngal thams cad dang bral ba/ stong pa nyid kyi rang bzhin no/ /rig pa mthar thug pa yang dag par rdzogs pa'i sangs rgyas rnams kyis gsungs pa'o/ /btsun pa de ltar 'tshal 'tshogs gsol to zhes bya ba ni/ dge slong la sogs pa'i 'khor rnams bzhis/ bcom ldan 'das la zhus pa'o/ /dge slong rnams kyis bcom ldan 'das kyis bka' stsal pa mnyan nas zhes bya ba ni/ de rnams kyis kyang rig sngags kyi rgyal mo 'di la rjes su yi rang zhing/ 'chang ba dang/ klog pa dang/ bsgom pa la sogs pa byas pa'o/ /bcom ldan 'das kyis zhes bya ba la sogs pa ni/ chad pa med cing tshig la yang ba/ khyab pa ni nam mkha' bzhin du khyab pa/ rig pa phyi nang yang dag par bstan pa/ thabs shes rab gnyis su med pa'o/ /bcom ldan 'das kyi de skad ces bka' stsal nas zhes bya ba ni/ gzhun nu sgra gcan 'dzin gyi sems can thams cad kyi don la bsil ba'i tshal gyi mdo chen po 'di rgyas par bka' stsal te/ de yang bcom ldan 'das mya ngan las 'das nas kun dga' bos sdus pa'o/ /dge slong dang zhes bya ba ni sgra gcan 'dzin la sogs pa nyis brgya lnga bcu'o/ /dge slong ma dang zhes bya ba ni/ grags 'dzin ma la sogs pa'o/ /dge bsnyen dang zhes bya ba ni rgyal po ma skyes dgra la sogs pa'o/ /dge bsnyen ma de dag yi rangs te zhes bya ba ni/ ma skyes dga' i btsun mo la sogs pa de dag gis kyang rig sngag kyi rgyal mo 'di la rjes su yi rang ba'o/ /gzhan yang rgyal po chen po bzhi dang/ sum cu rtsa gsum gyi lha rnams dang/ gnas gtsang ma'i lha rnams dang/ /gzhan yang lha dang/ lha ma yin la sogs pas rjes su yi rang ba'o/ /rig sngags kyi rgyal mo bsil ba'i tshal gyi mdo'i 'bum 'grel/ slob dpon mkhas pa chen po las kyis rdo rjes mdzad pa rdzogs so// //smon lam stobs kyi grong khyer mu gyen bcas/ /mkhas bar grags pa'i mi mnyam rdo rje'i sras/ skye ba lnga
- 376a
brgyar sbyangs ba'i 'bras bu yis/ /rig pa'i gnas lnga dag la ma rmongs shing/ /gsang sngags gdams pa ma lus thugs la mnga' ba can/ /mtshan yang don yod rdo rje zhes par grags/ /sngon gyi smon lam dbang gis bod yul dbus su byon/ /smon lam stobs kyis dam pa 'gro lo'i bla mar gyur/ /'dzam gling byang phyogs brag dmar dpal gyi bsam yas su/ /rgyal po khyad par 'phags pa khri ba'i gdungs rgyud sras/ lha gcig khyad par 'phags pa lha lcam dar sgron gyis/ /bkra shis phro brang rdo lung dgon pa ru/ /lo paN zhabs nas btags nas dam chos 'di bsgyur ba// bsgyur ba'i bsod nams gang thob bsags pa des/ /bdag dang mdza' yas sems can kun/ /bla med byang chub myur du thob par shog/ / //bkra shis// //sarba mang+gA laM// //