Text
ff. 1b–352a · 702 folio sides
- 1b
@#bam po brgyad tsu lnga pa// / kye rgyal ba'i s ras bcu po 'di dag ni byangachub sems dpa' rnams kyi snying po byang chub la 'dug paste/ bcu gang zhe na/ 'di ltar
- 2a
'jig rten gyi khams thams cad rab tu spyod cing / byang chub sems dpa rnams snying po byang chub la 'khod do/ / 'jig rten gyi khams thams cad snang bar byed cing byang chub sems dpa' rnams snying po byang chub la 'khod do/ / ngan song thams cad rab tu zhi bar byed cing / byang chub sems dpa' rnams snying po byang chub la 'khod do// 'jig rten gyi khams
- 2b
thams cad rdo rje'i rang bzhin du byin gyis rlob cing / / byang chub sems dpa' rnams snying po byang chub la 'khod do// de bzhin gshegs pa'i gdan seng ge'i khri la rnam par lta zhing / byang chub sems dpa' rnams snying po byang chub la 'khod do// yid nam mkha' dang mnyam pa la rnam par mi rtog cing / byang chub sems dpa' rnams snying po byang chub la 'khod do// ji ltar mthun pa'i/ lus dang spyod lam yongs su ston cing / byang chub sems dpa' rnams snying po byang chub la 'khod do// rdo rje'i snying po'i ting nge 'dzin rjes su rtogs par byed cing / byang chub sems dpa' rnams snying po byang chub la 'khod do// de bzhin gshegs pa
- 3a
@thams cad kyi byin gyi rlabs rnam par dag pa'i gnas yang dag par len cing / byang chub sems dpa' rnams snying po byang chub la 'khod do/ / bdag gi dge ba'i rtsa ba'i mthus 'gro ba thams cad byin gyis rlob cing / byang chub sems dpa' rnams snying po byang chub la 'khod do// kye rgyal ba'i sras bcu po de dag ni byang chub sems dpa' rnams kyi snying po byang chub la 'dug pa'o/ / kye rgyal ba'i sras byang chub sems dpa' rnams snying po byang chub kyi mchog la 'khod nas kyang / ngo mtshar rmad du byung ba'i chos bcu 'byung ste/ bcu gang zhe na/ kye rgyal ba'i sras de la snying po b yang chub mchog la 'khod pa'i byang chub sems dpa' rnams la 'jig rten gyi khams thams cad na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis zhal mngon par bstan te/ phyag g.yas pa brkyang zhing / kye ded dpon chen po rgyal bar gyur cig rgyal
- 3b
par gyur cig ces gsung rjod de/ 'di ni ngo mtshar rmad du byung ba'i chos dang po'o// kye rgyal ba'i sras snying po byang chub mchog la 'khod pa'i byang chub sems dpa' rnams la de bzhin gshegs pa de dag thams cad dgongs pa dang / byin gyis rlob pa yang dag par mdzad de/ 'di ni ngo mtshar rmad du byung ba'i chos gnyis pa'o// kye rgyal ba'i sras snying po byang chub mchog la 'khod pa'i byang chub sems dpa' rnams la sngon lhan cig tu spyod spyod pa'i byang chub sems dpa' rnams 'ongs te/ byang chub sems dpa' de dag la kun nas bskor cing mchod pa'i las rnam par phye ba rnam pa sna tshogs mngon par sgrub pa ste/ 'di ni ngo mtshar rmad du byung ba'i chos gsum pa'o// kye rgyal ba'i sras snying po byang chub mchog la 'khod pa'i byang chub sems dpa' rnams la 'jig rten gyi khams thams cad kyi rtswa dang / gel ba dang / sdong po dang / nags tshal thams cad kyang bsam pa yod ko lta ste/ snying po byang chub gang na ba der 'dud cing phyag 'tshal te/ 'di ni ngo mtshar rmad du byung ba'i chos bzhi pa'o// byang chub sems dpa' spyod pa thams cad las yang dag par 'da' ba'i tshe yang chos kyi dbyings rnam par 'byed pa zhes bya ba'i ting nge 'dzin mngon du 'gyur te/ / ting nge 'dzin de thob ma thag tu byang chub sems dpa'i spyod pa thams cad las yang dag par 'da' bar 'gyur te/ 'di ni nge mtshar rmad du byung ba'i chos lnga pa'o// kye rgyal
- 4a
b a'i rdzas rgya mtsho mchog gi dam pa dri ma med cing kun nas snang la 'od gsal ba'i sar snying po la 'khod pa'i byang chub sems dpa' rnams la de bzhin gshegs pa thams cad rgya sa kyi sprin chen pos kun nas yog par 'gyur te/ 'di ni ngo mtshar rmad du byung ba'i chos drug pa'o// kye rgyal ba'i sras snying po byang chub mchog la 'khod pa'i byang chub sems dpa' rnams kyi mthus de bzhin gshegs pa la mchod pa dang / rim gror bya ba shin tu chen po'i rnams de bzhin gshegs pa'i mchod pa'i las kyi phyir 'jig rten gyi khams 'byam klas pa thams cad du 'byung ste/ 'di ni ngo mtshar rmad du byung ba'i chos bdun pa'o// kye rgyal ba'i sras snying po byang chub mchog la 'khod pa'i byang chub sems dpa' rnams la ye shes mchog gis sems can thams cad kyi bsam pab dang / dbang po dang / spyod pa mngon du 'gyur te/ 'di ni ngo mtshar rmad du byung ba'i chos brgyad pa'o// kye rgyal ba'i sras snying po byang chub mchog la 'khod pas byang chub sems dpa' rnams la blo shin tu rnam par dag pa zhes bya ba'i ting nge 'dzin mngon du 'gyur te/ ting nge 'dzin de thob ma thag tu nam mkha' dbyings tshad med pa dang / dus gsum rgyas par 'gengs pa'i lus kun nas gnas par 'gyur te/ 'di ni ngo mtshar rmad du byung ba'i chos dgu pa'o// kye rgyal ba'i sras snying po byang chub mchog la 'khod pa'i byang chub sems dpa' rnams kyi lus kyi las dus thams
- 4b
cad la yang dag par gzhol zhing / ye shes chen po chags pa med pa rdul dang bral ba'i snang ba dang ldan par 'gyur te/ 'don ngo mtshar rmad du byung ba'i chos bcu pa'o// kye rgyal ba'i sras bcu po dag ni byang chub sems dpa' rnams kyi ngo mtshar rmad du byung ba'i chos rnams te/ byang chub sems dpa' snying po byang chub mchog la gnas pa rnams la 'byung bar 'gyur ba dag go/ kye rgyal ba'i sras don rnam pa bcu po 'di dag gi dbang yang dag par mthong nas/ snying po byang chub mchog la 'dug pa'i byang chub sems dpa' bdud 'dul ba ston te/ bcu gang zhe na/ 'di ltar kun nas nyon mongs pa'i 'jig rten gyi khams 'byam klas pa na/ 'thab mo dang g.yul la mos pa'i sems can rnams la byang chub sems dpa'i stobs kyi che ba nyid yang dag par bstan pa'i phyir/ byang chub sems dpa' bdud 'dul ba ston to// yid gnyis dang the tshom du gyur pa'i mi dang lha rnams kyi yid gnyis dang the tshom gcad pa'i phyir bdud 'dul ba ston to// bdud rgya sde yongs su smin par bya ba'i phyir bdud 'dul ba smon to/ / 'thab mo dang g.yul la mos pa'i lha dang mi rnams kun nas bsdu ba dang / kun nas 'dus pa'i lha dang mi rnams 'dul ba'i dbang gi phyir bdud 'dul ba ston to/ / byang chub sems dpa'i mthu la thub pa med pa yongs su bstan pa'i phyir bdud 'dul ba ston to// sems can gzhan mos shing spro bar bya ba'i phyir bdud 'dul ba ston
- 5a
to/ / phyi ma'i skye bo rnams la stong brtse ba'i phyir bdud 'dul ba ston to// snying po byang chub kyi bar gyi bdud kyi las yongs su bstan pa dang / byang chub sems dpa' bdud kyi lam thams cad las 'das pa yongs su bstan pa'i phyir bdud 'dul ba ston to/ / nyon mongs pa'o stobs kyis nyam smad cing stobs med par byas pa yongs su bstan pa dang dge ba'i rtsa ba brjod pa dang / byams pa'i stobs yang dag par bstan pa'i phyir bdud 'dul ba ston to// kun nas nyon mongs pa'i 'jig rten gyi khams 'byam klas pa dag tu chos nyid rjes su 'brang bar bya ba'i phyir/ byang chub sems dpa' bdud 'dul ba ston to// kye rgyal ba'i sras don bcu po de dag gi dbang mngon pas na/ byang chub sems dpa' bdud 'dul ba ston to/ / kye rgyal ba'i sras bcu po 'di dag ni byang chub sems dpa' rnams kyi de bzhin gshegs pa'i stobs mngon par rdzogs par byang chub pa ste/ bcu gang zhe na/ kye rgyal ba'i sras de la byang chub sems dpa' rnams bdud dang / las dang / nyon mongs pa thams cad las 'das shing / byang chub sems dpa'i spyod pa thams cad yongs su rdzogs pa yin/ byang chub sems dpa'i ting nge 'dzin gyi sgo thams cad la rnam par rtsa ba yin/ byang chub sems dpa'i bsam gtan 'byam klas pa thams cad dang ldan pa yin/ chos dkar po'i tshogs thams cad
- 5b
yang dag par bsags pa yin/ chos snang ba rnam par dpyad par bya ba thams cad shin tu rnam par phye ba yin/ 'jig rten gyi khams thams cad du khyab pa'i lus dang ldan pa yin/ sems can thams cad la snyoms pa'i sems dang dbyangs su ldan pa yin/ byin gyi rlabs thams cad kyis rab mchog por byin gyis brlabs pa yin/ 'das pa dang / ma byon pa dang / da ltar byung ba'i de bzhin gshegs pa thams cad kyi sku dang / gsung dang / thugs rnam par mi rtog pa thob pa yin/ skad cig gcig gis dus gsum rnam par 'tshang rgya ba yin/ shin tu rnam par sangs rgyas pa zhes bya ba'i ting nge 'dzin kyang rab tu thob pa yin/ de bzhin gshegs pa'i stobs dang ldan pa yin te/ 'di ltar gnas dang gnas ma yin pa'i stobs dang ldan pa yin/ zag pa zad pa shes pa'i bar gyi stobs dang ldan pa yin te/ kye rgyal ba'i sras bcu po de dag ni/ byang chub sems dpa' rnams kyi de bzhin gshegs pa'i stobs mngon par rdzogs par byang chub pa ste/ stobs bcu po de dag dang ldan pa'i de bzhin gshegs pa rnams ni/ de bzhin gshegs pa zhes bya ba'i grangs su 'gro'o// kye rgyal ba'i sras de ltar mngon par sangs rgyas pa'i de bzhin gshegs pa dgra bcom pa yang dag par rdzogs pa'i sangs rgyas ni/ chos kyi 'khor lo chen po rnam pa bcur bskor te/ rnam pa bcu gang zhe na/ 'di ltar mo 'jigs pas
- 6a
shin tu sbyangs pa'i ye shes dang ldan pa dang / tha dad pa yang dag par shes pa bzhi'i sgra rjes su bsgrags pa dang / bden pa bzhi'i tshul gyis shin tu brtags pa dang sangs rgyas kyi rnam par thar pa bsgribs pa med pa'i rjes su song ba dang / sems can thams cad kyi sems dga' bar 'gyur ba dang / thogs pa med cing blta bar dka' la yo ba med cing sdug bsngal gyi gsal shing 'byin pa dang / sngon gyi snying rje chen po'i byin gyis brlabs pa dang / 'jig rten gyi khams thams cad du grags pa dang / bskal pa grangs med par chos ston pa rgyun mi 'chad pa dang / / dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa dang / legs par spyad pas bskor ba'o// kye rgyal ba'i sras sgo rnam pa bcu po de dag la sogs pa rnam pa tshad med par de bzhin gshegs pa chos kyi 'khor lo bskor ro// kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi 'khor lo de ni sems can gzhan gyi sems kyi rgyud la chos dkar po'i rnam pa bcus thogs pa med pa dang / mngon pa med par 'byung bar 'gyur te/ bcu gang zhe na/ 'di ltar smon lam thams cad kyi stobs kyi shugs dang / snying rje chen po'i byin gyi rlabs dang / sems can gyi khams thams cad mi gtong ba dang / ye shes kyi rnam par 'phrul pa
- 6b
bsam pa ji lta bzhin du smon pa dang / dus la bab par thob par byed pa dang / rigs pa'i tshul bzhin du mi 'khrul pa dang / dus gsum shes par bya ba rab tu rtogs pa dang / lus kyi dbang zil/ gyis mi non pa dang / tshig gi dbang dmigs par dka' ba dang / ye shes kyi dbang tshig bzhin du khong du chud par byed pa ste/ kye rgyal ba'i sras chos dkar po'i rnam pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi 'khor lo sems can gzhan gyi sems kyi rgyud la thogs pa med pa dang / mngon pa med par 'byung bar 'gyur ro/ / kye rgyal ba'i sras sangs rgyas kyi 'phrin las rdzogs par mdzad zin pa'i de bzhin gshegs pa dgra bcom pa yang dag par rdzogs pa'i sangs rgyas ni don bcu'i dbang gzigs nas/ yongs su mya ngan las 'da' ba chen po ston to// bcu gang zhe na/ 'di ltar yang dag pa ji lta ba bzhin du 'du byed mi rtag pa yongs su bstan pa dang / 'dus byas thams cad yid brtan du mi rung bar bstan pa dang / mya ngan las 'da' ba'i phyogs bde bar 'gro bas 'jigs pa dang bag tsha ba thams cad dang 'bral ba yang dag par bstan pa dang / gzugs kyi lus la zhen pa'i lha dang mi rnams la gzugs kyi lus mi rtag pa nyid du yang dag par bstan pa dang / chos kyi sku la yang dag par sbyar ba dang rnam par 'gyur ba'i mthu phyir ma
- 7a
gapa la/ 'du sa sa shA sa smra m a'i rnam pa 'a gyur yongs su bstan pa dang / mya ngan las 'das pan blang ba dam pas/ 'jigs pa'i chos kyang du yang dag par bstan pa dang / dran 'byung zhing 'jig par 'ja la na lu #nas sa pa rdzag la d gongs pa thams cad yongs su rdzogs shing chos kyi 'khor lo shin tu bskor te/ 'dul ba thams cad shin tu dul nas/ byang chub sems dpa' thams cad shin tu lung bstan par 'gyur te/ mnyam pa med pa' ge 'phang yongs su mya ngan las 'da' ba chen po ji yongs su byang na las 'da'a'o// kyi rgyal bar zas dan bcu ba de dag yang dag par gzigs nasadebazhin bshes pa dgra bcom pa yang dag par rdzogs pa'i sangs rgyas mnyam pa med pa'o go 'phang yongs su mya ngan las 'das pa chen po yongs su ston to/ / kye rgyal ba'i sras 'di ni byang chub sems dpa' rnams kyi spyod pa yongs su sbyong ba zhes bya ba'i chos kyi sgo ste/ yang dag par rdzogs pa'i sangs rgyas mang pos gsungs pa'o//
- 7b
don tshad med pa khong du chud par 'gyur ba'o// mkhas pa'i skye bo dga' bar byed pa'o// byang chub sems dpa' thams cad kyi spyod pa dang smon lam chen po rgyun mi 'chad par byed pa'o// sems can gang gis 'di thos par gyur te/ thos nas kyang mos par byed pa dang / mos par gyur nas kyang nan tan gyis yang dag par bsgrub pa de dag thams cad myur du bla na med pa yang dag par rdzogs pa'i sangs rgyas su mngon par 'tshang rgya bar 'gyur ro/ / kye rgyal ba'i sras de ci'i phyir zhe na/ byang chub ni byang chub sems dpa' nan tan lhur byed pa rnams kyis 'grub kyi/ nan tan dang mi ldan pa rnams kyis ma yin no/ / kye rgyal ba'i sras de lta bas na byang chub sems dpa' sems dpa' chen po nan tan la gnas pas/ 'jig rten las 'das pa'i chos kyi sgo'i le'u/ byang chub sems dpa'i spyod pa dang yon tan gyi 'byung gnas/ don rnam par gdon mi za ba'i me tog/ chos kyi sgo thams cad la yang dag par gzhol ba/ ye shes kyi sgo la 'jug pa/ 'jig rten gyi lam thams cad las yang dag par 'das pa/ nyan thos dang rang sangs rgyas thams cad kyi lam dang bral ba/ 'gro ba thams cad dang thun mong ma yin pa/ chos thams cad kyi sgo snang bar byed pa/ 'gro ba thams cad kyi 'dzag rten dang 'jig rten las 'das pa'i dge ba'i rtsa ba rnam par 'phel bar byed pa 'di rim gror byas te mkhyen par bya'o/ / zang bar bya'o// yongs su gzung bar bya'o//
- 8a
yongs su bzung nas kyang nges pas rtogs pa'i zhes yongs su sbyang ba dang / smon lam mngon par bsgrub pa la brtson par bya'o// kye rgyam dar sras de skar ba pa'i byang chub sems dpa' rnams la ni bla na med pa yang dag par rdzogs pa'i byang chub dkon pa ma yin no/ / 'jig rten las 'das pa'i chos kyi sgo'i le'u chos thams cad sgor yang dag par gzhol ba'i chos kyi rnam grangs 'di bstan pa'o tshe/ sangs rgyas kyi mthu dang / chos kyi rnam grangs 'di'i chos nyid thob pas/ phyogs bcu'i 'jog rten gyi khams cad med grangs med pa rnams rab tu g.yos par gyur to/ / 'jig rten gyi khams g.yos par gyur pa de dag thams cad kyang snang ba chen pos rgyas shing gsal bar gyur to// phyogs bcu'i sangs rgyas bcom ldan 'das kyang dgyes par gyur te/ byang chub sems dpa' kun tu bzang po la zhal bstan nas gsung brjod pa/ kye rgyal ba'i bu legs so legs so// ji ltar khyod kyis byang chub sems dpa' sems dpa' chen po rnams la/ 'jig rten las 'das pa'i chos kyi sgo'i le'u/ byang chub sems dpa'i spyod pa dang yon tan gyi 'byung gnas/ don rnam par gdon mi za ba'i me tog/ chos kyi sgo thams cad la yang dag par gzhol ba/ ye shes kyi sgo la 'jug pa/ 'jig rten gyi lam thams cad las yang dag par 'das pa/ nyan thos dang
- 8b
rang sangs rgyas thams cad kyi lam dang bral ba/ 'gro ba thams cad dang thun mongs ma yin pa/ chos thams cad kyi sgo snang bar byed pa/ 'gro ba thams cad kyi 'jig rten dang 'jig rten las 'das pa'i dge ba'i rtsa ba rnam par 'phel bar byed pa 'di bstan pa ni/ rgyal ba'i bu khyod chos 'di dag la legs par bslabs pas shin tu byung ba ste/ rgyal ba'i bu khyod kyis chos kyi byin gyi rlabs dang / mthus mos pa'i chos kyi rnam grangs 'di legs par bshad de/ nged kyis kyang mngon par bsngags so// de bzhin du de bzhin gshegs pa thams cad kyis kyang mngon par bsngags so// kye rgyal ba'i bu khyod kyi chos kyi rnam grangs 'di da ltar dang ma 'ongs pa'i byang chub sems dpa' rnams kyis ma thos pa'i chos thos par bya ba'i phyir/ nged kyis byin gyis brlabs pa mdzadad/ de nas byang chub sems dpa' sems dpa' chen po kun tu bzang pos sangs rgyas kyi byin gyi rlabs kyis phyogs bcur bltas te/ 'khor gyi dkyil 'khor thams cad la bltas nas chos kyi dbyings thams cad la bltas te/ de'i tshe tshigs su bcad pa 'od dag smras so// gang rnams de dag bskal pa bye ba khrag khrig stong du brtul zhugs dka' spyad pa/ gang rnams de dag sangs rgyal bye ba khrag khrig stong las byung ba'i chos kyi zas// gang rnams de dag sems can bye ba khrag khrig slong rnams byang chub rab 'god pa// dpe ma med pa de dag rnams
- 9a
kyi spyod pa bshad kyis rtse gcig mnyan par byos/ / gang dag sangs rgyas khrag khrog mtha' yas mchod kyang bdag ni sangs rgyas mi gnas pa// / gang dag nyon mongs bcings pa'i 'gro ba thar byed sems can 'du shes mi gnas dang / / gang rnams de dag sangs rgyas yon tan rtag tu tshol yang yon tan mi gnas pa// de dag 'jig rten rab tu dga' bar byed pa'i spyo mchog mdzes pa brjod par bya/ / gang rnams de dag srid pa gsum na las dang nyon mongs bdud kyi dbang song snang // gang rnams de dag 'phags pa'i yon tan ldan zhing khyu mchog spyod pa ston pa po/ / gang rnams de dag gti mug nyon mongs nyes bral bsam pa zhi zhing rab zhi ba// 'gro ba rnams la spyod pa'i rim pa ston pa de dag yon tan brjod par bya// gang rnams de dag bdud g.yo 'gro ba kun las rgal te thams cad dbang byed pa/ / 'gro ba thams cad dag la sprul pa sna tshogs tha dad mtha' yas rab tu ston// sems bskyed gyur ma thag tu gnas dang 'jig papa'o bya ba thams cad ston byed pa/ / de dag yon tan sna tshogs mdzes pa sems can dga' bar byed pa brjod par bya// srid pa'i rgyud na sems can sdug bsngal nyen cing skye dang rga bas gzir ba dang / / 'chi dang mya ngan dag gis gtses shing gnod byas nyon mongs kun tu gzir mthong nas// de dag thar par bya phyir snying rje rgya chen bskyed nas ye shes mchog 'god pa// de dag yon tan
- 9b
shin tu dge ba phyogs tsam bshad kyis rtse gcig mnyan par byos/ / sbyin dang tshul khrims bzod pa brtson 'grus dga' bar bsam gtan la yang rnam par rtsen// shes rab thabs kyi pha rol byon cing byams dang snying rje lhag pa'i bsam pa dang / / dga' ba'i chos la brtson zhing btang snyoms dga' bas bskal pa brgyar yang spyod spyad pa// de dag spyod ldan yon tan ldan pa rnams kyi yon tan bstan gyis de dag nyon/ / gang rnams de dag byang chub gnyer phyir bye ba khrag khrig stong gi lus skems pa// gang rnams byang chub zhi ba tshol zhing srog la lta ba med par gyur pa dang // gang rnams de dag sems can phan phyir rtag brtson bdag gi bde ba mi tshol ba/ / byams dang snying rje'i sems ldan thub pa de dag kun gyi spyod mchog brjod par bya// rgya mtsho'i chu thigs bgrangs pa re res thams cad zad par bya bar rung srid kyi/ / de dag yon tan bskal pa bye ba khrag khrig du ma stong du brjod byas kyang // dpe tsam bya bar mi nus legs par brjod cing bstan par mi nus 'on kyang go// sems can phan pa'i don du sangs rgyas yul rnams bstan par bya ba mnyan par byos// gang dag 'gro ba rnams kyi don phyir dge ba kun 'dzin dkar po 'phel byed kyang // mtho bar mi sems dma' bar sems med mi dman chos tshol ngoms par yong mi 'gyur/ / 'gro ba kun gnas don gnyer cu klung ye shes mtsho chen shes rab shing sdong ste// ston pa'i mkhas pa de dag rnams ni sa ltar
- 10a
'grob thams cad 'tsho ba yin/ / byams pa rnan yon snying rje rdza ba dga' ba ldang ba brtan pa sdom pa ste// che ba ye shes rdzun tshul khrims bzang ba la ma ma N+Dag san tan can/ / sangs rgyas 'od kyis rab tu rgyas byas blo gros ldan pa sems can dgar byed pa// de dang de dag pad+mo lta bur 'dus byas ma gos 'gro ba rnams la snang // sa bon mos pas gzhi bsam pa byams dang snying rje dang ni rtsa ba ste/ / sdong po shes rab thabs ni yal ga lkug ma dag ni pha rol phyin rab lnga// bsam gtan shes rab mngon shes me tog rgyas pa kun mkhyen ye shes 'bras bu ste/ / chos kyi shing mchog rdzu 'phrul bya 'khod de dang des ni 'jig rten gsum po khebs// rim gyis dkar yangs yongs su spel ba lus yin bden pa rnams ni rkang pa ste/ / dran pa mgrin pa spyod mchog shes rab mgo yin ral pa rnam par grol ba dge/ stong pa don dam sul dang phug yin byams dang snying rje dag ni mig gnyis te// de dag seng ge lta bur bdag med sgra 'byon bdud sde rab tu skrag par byed/ / 'gro ba ma lus rnams ni 'khor ba'i 'brog dgon nyon mongs mi bzad 'khyams gyur te// bdud kyi bya ma rta dang rkun por bcas pas zin cing gti mug mdongs gyur pa/ / lam ni rab stor mi mkhas sems can mthong nas ded dpon mkhas pa de dag no// lam gyi mthar khrid 'jigs pa med pa'i
- 10b
grong khyer dam pa mchog la rab tu 'god/ / 'gro ba dag ni 'dod chags zhe sdang mun pa nyon mongs sna tshogs nad btab cing // yun ring nas ni 'dus byas sdug bsngal dag la gzhol zhing sdug bsngal rab 'bar ba/ / sems can mthong nas snying rje bskyed de nyon mongs pa yi nad pa kun gso zhing // nad rnams zhi bar byed pa stong phrag brgyad cu rtsa bzhi dam pa dag kyang ston// rgyal po lta bu de dang de dag 'khor rnams dgar byed 'gro la chos ston pa/ / sdig pa spongs la dge la bstan cing sangs rgyas yon tan rnams kyang tshol cig ces// rkang gnyis dbang po'i chos kyi yul la kun mkhyen ye shes dbang por dbang bskur ba/ / rgya chen byang chub yan lag rin chen 'byung gnas de dag 'gro ba'i 'phags pa'i nor// tshul khrims lte ba ting 'dzin mu khyud brgyan pa ye shes 'od dang shes rab mtshon/ / ye shes rno ba'i gzhu can nyon mongs 'joms shing bdud kyi sde rnams dkrug byed pa// chos kyi sgron mche 'byon mchog rnams de dang de dag sangs rgyas bskor ba yin/ / 'khor lo'i mchog rnams bskor zhing pha rol rgol ba dag dang mu stegs thams cad 'joms// ye shes chu ni zab cing mi zad shin tu rgya chen chos kyi re dang ldan// byang chub yan lag de bzhin bsam gtan rin chen gang ba 'gro kun shes par dka'/ / thams cad mkhyen pa'i gnas kyi mtha' yas yul rnams dag cing lhag bsam dge/ de dang de dag ye shes rgyam
- 11a
mtshungs med bstan pas zad par mo 'gyur ro/ / 'jig rten rab 'phags rtag tu yul gyis mi gos 'gro ba rnams kyi gnas gyur pa// bsam gtan mngon shes rab 'phel ye shes rtse mo lhag pa'i bsam pa mo bskul pa/ / gang dag de dang nyer phrad shes rab pashes mchog gis rab tu 'dra bar 'gyur// de dang de dag yon tan ri rab shes rab rab brtan 'gro ba kun gyis bltos/ / lhag pa'i bsam pa mchog ni rdo rje mtshungs shing 'dra ste brtul zhugs thams cad brtan// sangs rgyas chos dang dge 'dun thams cad mkhyen pa'i spyod las bsam pa mi phyed de/ / bdud dang sems can nyon mongs 'jig rten rlung dag gis ni mi bskyod rab brtan pa// de dang de dag 'jig rten dam pa nyon mongs 'bar ba dag las zlog par byed// byams pa'i sprin rnams kun 'dus snying rje stug po rig pa'i glog chen rgyu zhing ldog/ thub pa rnams ni rdzu 'phrul gnas bzhi dbyangs kyi 'jug sgra 'byin cing rab tu sgrog/ tha dang yang dag shes dang tshul khrims yan lag brgyad ldan chu yi char 'bebs pa/ / de dang de dag sprin chen nyon mongs zhi byed sems can don phyir mngon par 'phags// shes rab rab dga' dang khrel yod dag ni 'obs te chos kyi rgyal mtshan bsgreng / / ye shes shing thabs yin te thar pa'i sgo bye dran nga de dag sgo ba yin// bden pa rnams ni lam chen bzhi ste shin tu dge ba'i rdzu 'phrul rab brgyan
- 11b
pa/ / srid pa gsum na bdud sde dag gis mi rdul grong khyer chos nyid dag tu ston// thams cad mkhyen gyi sems mchog shing la rab 'dug rdzu 'phrul rkang pa'i rkang pa brtan// gshog pa thabs kyi stobs te pha rol gnon mthu byams dang snying rje mig gnyis yin/ / ston pa de dag 'gro ba kun na thub med mkha' lding dbang po'i drag shul 'dra// srid pa'i mtsho nas 'don cing lha mi rnams kyang mya ngan 'da' ba'i mchog la 'god/ / tshul khrims dkyil 'khor rdzu 'phrul rkang pa'i shugs ldan ye shes 'od zer 'phreng ba mdzes// 'od snang kun char nyon mongs 'joms shing srid pa'i rgya mtsho rab tu skam par byed/ / stobs dang dbang po dge ba'i sman 'phel sems can pad+mo yongs su rgyas byed pa// de dang de dag snang byed chos kyi nyi ma'i khyu mchog 'gro ba kun tu 'byung / / chos dbyings rnam par dag pa dkyil 'khor 'gro ba kun gyis blta na mdzes pa ste// nyan thos rang rgyal rnams kyi tshogs mang skar ma 'dra ba dag ni zil gyis non// sems kyi rgyud rnams mthong nas srid pa gsum du 'phel dang 'grib pa rnam par ston// de dang de dag ye shes zla ba 'gro la 'char zhing mkhas pa nam mkha'i mtha'// chos kyi dbang 'gro ba kun la dbang byed gzugs dang yon tan dag gis brgyan/ / ye shes rdo rje mnga' ba thabs ni mog ste chos la dbang chen sbyar gnas pa// lus dang mtshan dang dpe byad bzang po sna
- 12a
tshogs kun gyis blta ba'i dbang po ste/ / chos kyis 'gro ba kun las rgyal ba de dang de dag chos kyi dbang ba yin// srid pa gsum na 'dod pa'i 'das dang nyon mongs las las rab 'das kun dbang po/ / byams pa snang dang thugs rje bsam gtan dga' dang btang snyoms rnams la mos// srid pa gsum po kun tu tha dad lus ston chos kyi sgras kyang go byed pa/ de dang de dag tshangs pa lta bur rnam dag mos shing lta ba'i rnam pa sel// 'khor las rab tu 'das shing rnam dag yul dang ldan pa bdag po chos kyi dbang // phyir ldog mi 'gyur blo gros che 'chang gang rnams theg pa dma' dang tha dad la/ / chos kyi dbang por dbang bskur 'jig rten dam pa ye shes phyir ldog mi 'gyur ba// thams cad mkhyen gyi yon tan dbang phyug grags chen de dang de dag 'jig rten dbang / / nam mkha'i mkha' dbyings lta bur dngos dang rnam bral dmigs pa thams cad rnam bsal ba// 'gro ba kun tu bya ba nyams len khyu mchog ci la'ang gnas pa med pa ste/ / 'gro ba kun tu spyod pa dkar zhugs mkhas pa de dag rab tu mi gnas pa// de dang de dag ye shes dge zhing dag pas shes rab nam mkha'i dbyings dang 'dra// de dang de dag shin tu rgya chen thabs ldan pa ltar 'gro ba kun gyi gsos/ / chu 'dra de dang de dag byams dang snying rjes nyon mongs me ni rab tu sel// de dang de dag ye shes mas ni nyon mongs sreg cing bag chags
- 12b
bcas pa bsal/ / ston pa de dag mi gnas rlung dang 'dra bar srid pa gsum na rab tu rgyu// de dang de dag rin chen 'dra ste shin tu dkon zhing 'gro bar dbul yang sel// de dang de dag rngo rje lta bur srid pa gsum na lta ba kun tu 'joms/ / de dang de dag yon tan kun gyi 'phreng ba sna tshogs 'jig rten gsum mdzes byed// ston pa de dag nor bu rin chen mtshungs 'dra spyod pa kun gyi gtsug tu phyin/ / de dang de dag me tog lta bur yon tan rab rgyas byang chub yan lag rtse// 'phreng ba lta bur de dang de dag smon lam bcings shing 'jig rten mgo la gnas// de dang de dag tshul khrims ma nyams skyon med rnam dag dri ni dri rab zhim// de dang de dag 'jig rten gsum na chos dang ye shes kyis ni bag chags dag/ gdugs 'dra de dang de dag stobs kyi bla res nyon mongs rdul las skyob par byed/ / ye shes rgyal mtshan bsgreng ba'i thugs mnga' de dang de dag nga rgyal rgyal mtshan stsol// de dang de dag spyod pa'i ba dan sna tshogs yid 'ong ye shes kun tu 'phags/ / gos 'dra de dang de dag rdzu 'phrul yon tan 'gro ba kun la khebs par byed// theg pa dra ba khyu mchog mtha' yas de dang de dag 'jog rten gsum las 'byin// de dang de dag rab dul glang po lta bur yid kyis rtag tu dul la gnas// de dang de dag rdzu 'phrul rtas ni khal chen khyer zhing 'jig rten gsum las 'da'// klu yi dbang po lta bu de dang de
- 13a
dag sems kyi yul du chos char 'bebs/ / de dag 'gro ba kun la me tog u dum war mtshungs 'dra shin tu dkon// dpa' bo lta bu de dang de dag nyon mongs 'joms shing bdud kyi sde rnams 'khrug/ mi ldog 'khor lo lta bu de dang de dag 'dren pa rnams kyis rab tu btsud// de dang de dag sgron ma lta bur mun pa sel cing sems can lam yang ston// de dang de dag tu klung lta bur yon tan ded cing lam rgyan rjes su 'gro/ / de dang de dag zam pa lta bur ngal ba med par rtag tu 'gro ba sgrol// gru dang gru chen lta bur smon lam rab btab ye shes gang chen mtsho thob byed/ / de dang de dag mnyan pa lta bur 'gro ba ye shes thang chen mchog la 'god// de dag skyed mos tshal gyi dga' ba rtse zhing 'gro la yang dag spyod pa ston// de dag chos kyi rnam thar mngon shes me tog ye shes gzhal med khang dag pa/ / mkhas pa de dang de dag sman ltar nad zhi byed cing nyon mongs rab tu sel// sman gyis rgyas pa'i gangs ri lta bur de dang de dag ye shes 'byung gnas so/ / de dag sangs rgyas lta bur ye shes kyis ni 'gro ba gnyid log mun pa sel// yang dag sangs rgyas lta bur gzhan min yod kyis 'gro ba yang dag rtogs par byed// de dang de dag rgyal ba ci 'dra de ltar 'ongs te mkhas pa de nyid gnas/ / de dag thams cad mkhyen pa lta bur ye shes 'byung gnas kun nas sgor yang zhugs// zhi ba skyed pa de dang de dag ston pas rab
- 13b
bsngags 'gro ba kun la ston/ / de dang de dag rang gi ye shes yul dang thams cad mkhyen gyi spyod yul shes// de dang de dag tshad med dpung dang 'dra bar 'gro ba kun na thub pa med// de dang ye shes mi 'jigs blo gros 'chang ba thams cad mkhyen pa'i chos kyang shes/ / gang na gang dag 'gro ba kun gyi gzugs dang ming rnams ji snyed snang yod pa// kun tu gzugs snyoms gzugs kyi rjes su song zhing ming dbyangs rjes su song ba yin/ / gzugs rnams kun las 'das shong ming dang rnam par bral yang bya ba thams cad ston// de dag mthu ni 'gro ba rnams kyis rnam pa kun tu brjod par mi nus so/ gang dag 'di 'dra'i yon tan thob cing dngos bral dngos po med pa'i chos gnas shing // yod dang med pa'i mdud pa thams cad bral ba mkhas pa ye shes mngon sum can// thams cad shes kyang ye shes rten pa ma yin ye shes de la gnas pa min/ / de dag spyod la 'jug pa yid 'ong 'jig rten dga' bar byed pa bshad par bya// chos kyi tshul ni sgyu ma'i rang bzhin dngos po dben pa lta bur rab rtogs nas/ / mkhas pa sangs rgyas byin gyi rlabs kyis smon lam thabs dang snying rje dag kyang byed// sprul pa'i ye shes sgo dang ldan pas khyu mchog bya ba sna tshogs rab ston pa'o/ / byang chub sems dpa' ma nor yid can rtse gcig mnyam pa med pa legs par grag/ lus gcog la ni mtha' yas lus dang rgya chen lus rnams tha dad rab tu ston// sems med
- 14a
yid med sems kyi yul med 'on kyang 'gro ba kun tu de dag ston/ / khyu mchog brjod pa'i pha rol phyin pa de dag dbyangs gcig rnam par rjod byed kyang // 'gro ba dag gis sgra skad ji snyed yod pa de dag thams cad rab tu brjod/ / nyon mongs rgyud byung lus dang bral yang sems can rnams kyi lus la dbang sgyur te// brjod du med pa'i tshul gyis zhi ba rtogs shing sgra rnams thams cad rab tu ston/ / de dag sems kyi rang bzhin zhi zhing 'od gsal nam mkha' mtshungs par yang dag shes// 'gro ba kun la bya ba rnam pa sna tshogs sgo nas 'jig rten sna tshogs ston/ / de dag lus rnams gang la'ang gnas pa med de lus kyang de dag ston pa byed// 'gro ba thams cad kyi ni skye ba dag dang rgyu mthu gnas pa ji snyed pa// thams cad kun du skye ba'i lus dang ldan yang skye ba dag la gnas pa med/ / rang gi lus la mkha' 'dra dngos bral sems can sems la sna tshogs rnam pa ste// mkhas pa kun la dbang sgyur de dag lus ni mtha' yas kun tu ston byed cing / / me tog dri dang byug pa bye ma sil snyan gdugs dang bdan rgyal mtshan rnams// thams cad mkhyen la mchod pas rkang gnyis gtso bo 'jig rten mchog la mchod byed cing / / mkhas pa bsam pa zag pas lus kyi 'dud byed mchod pa dam pa kun tu ston// mkhas pa de dag rgyal ba zhabs kyi drung 'khod rgyal ba thams cad kyi//
- 14b
'khor rnams kun na snang zhing mtshungs med de dag zhu ba kun kyang zhu ba byed// chos kyi dam pa thos nas ting 'dzin re re mtha' yas sgo ldan thob gyur cing // blo gros ldan pa de snyed rnam par ldang ba ston pa byed kyang zad pa med/ / 'gro ba sgyu ma lta bur rtogs nas shes rab ye shes thabs kyi pha rol phyin// sgyu ma lta bu'i chos dang gzugs smos mtha' yas dang ba 'gro ba kun la ston// sna tshogs gzugs dang sgra rnams mtha' yas shin tu rgya che sems kyang rab tu ston/ / 'gro ba thams cad la ni 'du shes dri ba 'jug pa ston kyang gnas pa med// 'gro don rjes 'gro de dag la la dag tu thog ma'i sems su 'gro ba ston/ / la lar 'gro ba kun la byang chub spyod pa mtha' yas rgya chen dag kyang ston// la lar sbyin dang tshul mkhas bzod pa brtson 'grus bsam gtan dang ni shes rab rnams// la lar tshangs pa'i lam sdud kha cig tu ni spyod pa mchog kyang rab tu ston// mkhas pa rtog med de dag la lar spyod pa rdzogs shing bzod pa thob pa ston// la lar skye ba gcig gis thogs par nges shing la lar rgyal bas dbang bskur ba/ / la lar nyan thos gzugs su gyur cing la la dag tu rang rgyal gzugs su 'gyur// bye ba khrag khrig mang po'i zhing du mya ngan 'da' bas spyod las ldog pa med/ / de dag la lar lha dbang brgya byin lha dang bcas pa la lar tshangs par 'gyur// de dag la lar lha yi bu mo brgyas bskor la lar gcig pu ston pa spyod// la lar dge slong
- 15a
rab tu ni zhing yid zhi la lar rgyal po dbang phyug 'gyur/ / la lar chos kyi dra bar 'jug pa'i ye shes khyu mchog gzugs kyang rab tu ston// la lar bud med spu rtsal pa rol rab byin la lar dka' thub can du 'gyur/ / la lar 'dod pa'i longs spyod rgya chen ston cing la lar bsam gtan thub pa byed// la lar mya ngan 'da' dang tshe yi sa dang la lar rgan dang byis par ston/ / de dag spyod pa bsams na skye bo myos par 'gyur te yid gnyis rnyed par 'gyur// la lar lha dang 'grogs shing la lar shi 'pho la lar mngal 'gro gnas pa ston// la lar mngal zhugs la lar rnam par sangs rgyas la lar 'khor lo rab tu bskor/ / la lar skye ba la lar mya ngan 'das pa la lar bzo yang dag rab tu slob// la lar bud med tshogs kyi dpung gnas la lar ting 'dzin la lar mngon par 'byung / / la lar khyu mchog byang chub dam par sangs rgyas byang chub shing gi drung na bzhugs// la lar 'khor lo rab tu skor zhing la lar sna tshogs chos rnams yongs su tshol/ / la lar sangs rgyas gyur cing zhong rnams bye ba brgyar khyab 'gro bar ston byed kyang // byang chub don du spyod pa dag gis tshogs rnams las kyang phyir ldog ma yin no// bskal pa'i grangs la 'jug pa'i pha rol phyin pas bskal pa bye ba phrag brgya dag/ khyu mchog sems gcig nang ston sems gcig bskal pa brgyar yang de bzhin ston pa byed// 'gro ba thams
- 15b
cad la yang rtog dang mi rtog rtog pa'i yul rnams thams cad ston/ / sogs pa med cing phyogs la gnas mang spyod pa de dag kun kyang rab tu ston// gang phyir rgyal ba nyes rgyal de dag kyi mo phyog med kun na bzhugs pas na/ / 'gro ba kun gyi rgyal ba ji snyed pa dag thams cad rdul gcig steng du mthong // sangs rgyas zhing rnams bsgrubs dang sems can yul dang chos kyi rgyu tshul rnams kyang mthong / / de ltar brtson pas bskal pa khrag khrig brtson byed 'on kyang cha shas zad mi 'gyur// de ltar 'gro ba kun gyi sems can tshul rnams mtha' yas rgya chen rab tu shes/ sems can gcig la mtha' yas lus dang rgyu dang bye ba khrag khrig yod pa'i rnams// de dag 'gro ba gcig dang ma lus thams cad dag la rnam pa kun tu ston pa byed// bslab pa 'di yi phyogs la pha rol phyin te ma bslabs rnams ni ston pa byed/ / dbang po rnon po dang ni 'bring dang gang dag dbang po rtul ba'ang rab shes nas// 'gro bar skal ba med pa'i dbang po'i 'khor lo skor ba byed/ / dbang po re re la yang dbang po thams cad rnam pa phan tshun gnas pa dang // dbang po'i dngos po phra ba'i tshul dang gang dag dbang po rtul ba'ang rab tu shes// de ltar khams dang mos dang bsam pa spyod dang nyon mongs bag chags rnams kyang shes/ / sngon gyi mtha' dang phyi ma'i mtha' lo sems spyod nga ltar byung ba'ang de bzhin te// sems can kun gyi spyod par
- 16a
pha rol byon kyang 'ong dang 'gro ba yod ma yin/ / ma nor spyod pa shes nas 'gro ba kun la chos kyi dam pa ston pa byed// de ltar sems kyi sems spyod sna tshogs kun nas nyon mongs med pa dag/ sems gcig la ni khong du chud nas byang chub mchog tu kun mkhyen rnam sangs rgya// sems kyi skad cig gcig gis 'gro ba rnam phya rang gi shes pas rtogs gyur nas/ / sems kyi tshul shes sems med rab tu gzhol bas ye shes mchog la kun kyang 'god// rdzu 'phrul mchog thob ye shes khyu mchog mngon par shes pa kun gyis rab tu 'phags// sems bskyed gcig gis khrag khrig mtha' yas zhing dang phyogs rnams thams cad du'ang 'gro// de ltar ye shes dbang sgyur 'gro zhing bskal pa bye ba khrag khrig zad byed kyang // sgra rgyu shin tu phra ba gcig la zhugs par gnas las gar yang 'pho ba med/ / 'tsho ba'i don du sgyu mkhan gzugs rnams sna tshogs 'gro ba kun la ston byed kyang // sgyu ma kun btsal gzugs su mi dmigs gzugs yod ma yin par yang dmigs pa med/ / de ltar mkhas pa ye shes thabs dang shes rab rgya chen sgyu mar zhugs pa rnams// sprul pa phun sum tshogs pas 'jig rten phal chen khyab par byas shing rab tu ston/ / nyi ma zla ba mkha' la rgyu zhing mdzes la shin tu 'phags pa'i rnams// ma rlogs chu rnams ji snyed dag tu snang yang de ni rgyu dang 'dres ma yin// de ltar chos nyid dag
- 16b
pa'i dkyil 'khor mchog la shes pas shin tu 'phags pa'i rnams/ / 'gro ba dag pa'i sems kyi yul la snang yang 'gro ba dag dang 'dres ma yin// la la gnyid log rmi lam dag na bya ba rnam pa sku tshogs tha dad byed/ / lo no bye ba khrag khrig mang po zad par rmis kyang mtshan mo de ma zad// de ltar chos nyid rang bzhin mtshungs par rjes rtogs bya ba sna tshogs kun ston te// skad cig gcig la bskal pa bye ba zad byed de dag ye shes zad mi 'gyur/ / ri yi dbang po ri sul gnas pa 'jig rten dag dang mnyam du thos pa'i sgra// kun nas sgra yi sgra brnyan de dang 'dra bar rjod kyang rtog cing g.yo ba med// de bzhin chos kyi rang bzhin shes pa'i khyu mchog byang chub sems dpa' mkhas pa dang // rtog pa med par sems can sgra rnams ji snyed par ni chos dang spyod pa ston// dpyid zla dag gi smig rgyu g.yos la ji ltar sems can chur ni 'du shes nas/ / de nas chu rnyed mi 'gyur btung du med cing je bas je skom rnam 'phel ba// de ltar mkhas pa thar la zhugs pa sems can dag gi nyon mongs g.yo ba'i rnams/ / shes pas rtogs nas sems can 'du shes bya med phyir zhing bya ba rnam par 'phel// gzugs ni dbu ba lta bur khyu mchog ston te tshor ba chu yi chu bur 'dra// 'du shes thams cad sdig rgya lta bur rag las 'dus byas rgya skyes shing dang 'dra/ / sems ni sgyu 'dra sgrub bya sbeng byed de bzhin bya ba sna tshogs rab tu ston// de ltar phung po dged pa sngon kyang dbang sgyur dag ni de la
- 17a
gnas pa med/ / skye mched stong pa'i rang bzhin dbang med 'khrul 'khor bya ba kun tu 'byin byed dang // khams ni chos kyi dbyings mtshungs dngos po dag dang bral bar 'gro ba rnams la ston/ / dam pa'i don tshul zhi ba las ni bden pa sna tshogs rnams kyang rab tu ston// de ltar de dag chos tshul rnam par dgod pa ston pa byed kyang gnas pa med// 'ong ba med cing phyogs su 'gro ba med la rgyud du gnas pa med pa yi/ / nyon mongs rgyu las byung ba'o las las sdug bsngal de ltar lam gsum du// rkyen las rag las 'byung ba rnams dang yod dang med las rab tu 'das pa yi/ / yang dag don dam dbu ma'i lam ni dngos po med la gnas pa rab tu ston// skad cig gcig la dus gsum khong du chud kyang skad cig sna tshogs rnams kyang ston// 'dod dang gzugs dang gzugs med khams kyi yul dang bya ba sna tshogs ston pa byed// sdom pa gsum gyi spyod dang rab tu ldan zhing thar pa gsum yang rab tu ston// thams cad mkhyen pa nyid du gcig la theg pa gsum du rnam par dgod pa de bzhin ston/ / gnas dang gnas ma yin pa rab tu dbye ba'i chos dang dbang po pha rol phyin// khams dang mos pa dag dang nyon mongs rnam 'byed kun tu 'gro ba thob gyur pa/ / mig gi yul gyur sngon gyi gnas pa dran zhing nyon mongs zhi bar mkhas pa dag/ sangs rgyas stobs bcu dag gis ye shes shin tu yangs kyang stobs la dmigs
- 17b
pa med/ / sangs rgyas thams cad rjes su dpog spong 'gro ba kun tu mngon sum chos bzhed de// nyon mongs drag pa ldan cig skyes pa mi mngar byang ba'ang brnyes par gyur pa med// 'byung bzugs su chud pa'i ye shes rgya chen des ni 'gro ba 'don pa mdzad/ / 'di yi gnas la rgyal sras 'jigs pa med cing 'on kyang zhi bar spyod pa med// 'khrul pa mi mnga' lam las g.yo ba'ang mi mnga' dgongs pa nyams pa'ang mi mnga' ste/ / mos dang brtson 'grus ting 'dzin shes rab rnam par 'byed pa ye shes gang du'ang nyams med pa// thams cad mkhyen mdzad sdom pa gsum mdzad dus gsum kun la mngon sum mkhyen mnga' ba/ / 'gro ba kun gyis ma thob byams pa'i chos nyid mi 'phrogs chags pa med brnyes pa// chos sgo gang dag gis ni spyod pa 'di dag rab tu thob pa smra ba'i mchog/ de dag yon tan mang po don gyis brgyan pa'i phyogs tsam bdag gis brjod par bya// de dag spyod pa bskal pa khrag khrig dag tu brjod kyang zad par mi nus te/ / 'on kyang ji ltar sa las rdul 'dra ye shes spyod pa phyogs tsam brjod par bya// sangs rgyas ye shes rten ldan bsam pa thob pas ngo mtshar 'du shes gnas pa'i rnams// spyod pa mchog dang ldan zhing byams pa'i rjes song brtson 'grus brtan pas rnam gnon cing // tshul khrims mo g.yo dbugs phyin de dag 'gro ba thams cad yongs su smin par byed// lung
- 18a
bstan rab tu thob nas rgyal sras rnams kyi spyod pa tshul bzhin thob par byed/ / sangs rgyas yon tan dag la zhugs kyang sems can sems dang zhing la sems pa byed// bskal pa'i dus la 'jug pa'i ye shes ldan zhing mkhas pa skyo ba'i 'du shes med// gzugs kyi tshul dang yang dag tha dad stobs rnams thob cing yang dag don gyis rgyal// bstan pa man+ta med sems kyis mkhas pa byang chub zhi ba rnam par 'tshang yang rgya/ / sems kyi spyod pa thams cad bzang po'i yon tan spyod pa'i mchog tu smon pa byed// snying rje'i rkyen dang byams pa mchog rten byang chub dam pa sbyong bar byed dang ldan/ / brtson pas pha rol phyin rtogs rab tu mkhas shing skyo ba'i pha rol phyin gyur pas// khyu mchog mos dang rab tu rtogs pa'i stobs thob byang chub dam pa mngon 'tshang rgya/ / mnyam pa nyid kyis mnyam pa thob cing ye shes tshul gyis chos mchog ston byed pa// yon tan thob byed spobs dang ldan pa de dag chos kyi dbang phyug mchog tu 'gyur// dbang la gnas kyang gnas pa med pas mnyam pa med pa'i sems kyi 'brug sgra sgrog/ ye shes mchog dang de bzhin sprul pa sgrub cing byang chub zhi bar nye bar 'gro// mkhas pa de dag bskal pa 'byam klas byon rlabs shes pas dbugs phyin rab tu thob/ / zab la gnas pas brtan par 'gro na gnas shing nem nur bsal bas mkhas pa'i rnams// ye shes bsam
- 18b
gyis mi khyab chos kyi dgongs pa mkhas shing rnam phye pha rol phyin/ / snyoms par 'jug pa'i ye shes yul la zhugs nas thams cad mkhyen par 'tshang yang rgya// ye shes rnam thar kun gyi pha rol phyin cing mngon par shes pas rnam par rtse/ / rig pa'i snang ldan rnam grol nyon mongs bral bas 'gro la skyed mos tshal dang 'dra// gang la dkar ba'i spyod pa'i gzhal med khang mdzes sna tshogs spyod pa ston pa po/ / 'gro ba kun la rgyan rnams du ma rab tu ston kyang sems las g.yo ba med// bsam pa shin tu shes pas bstan pa rab tu mkhas shing pha rol phyin 'gyur bas// mkhas pa dag ni dag cing sbyangs pa'i byang chub phyag rgya snang ba'i ye shes kyis// 'gro ba dag dang mi mtshungs zhum med khyu mchog lhag pa'i bsam pa ri bo 'dra// ye shes rgya mtsho 'dra dang yon tan mi zad don du spyod pa chen po spyod/ / de dag rin chen 'dra ba'i gnas la rdo rje lta bu'i go cha bgos pas gnas// shin tu rgya chen rtsom la rab tu mkhas shing 'gro ba kun na thub pa med// byang rgyachub mchog tu lung bstan skyon med khong du chud pa'i rgya chen sems la gnas/ / sangs rgyas gter mchog mi zad thob nas thams cad mkhyen pa nyid du 'tshang rgya'o// rtag tu kun rdzob shes pas dbang 'gyur rnam par 'phrul pa rnams la mkhas pas na/ / zhing rnams kun dang chos kyi yul la rnam par 'phrul pa'i ye shes rgyud la gnas// lus dang smon lam spyod yul ye shes
- 19a
rnam par 'phrul pa la yang de bzhin te/ / 'gro ba dag la rnam par rtsa ba bye ba khrag khrig du ma mang ba ston// mngon par shes pa'i rdzu 'phrul stobs kyis rnam par 'phrul zhing nges// par rnam par rtse// khyu mchog de dag sangs rgyas yul la stobs thob 'gro ba kun gyis thub pa med// mkhas pa 'jigs pa med dang bag tsha med dang ma 'dres rnams kyis shin tu brgyan// sangs rgyas sras dag las rnams thams cad byed cing shin tu mdzes pa'i lus dang ldan/ / de dag lus kyi las kyi dngos po shin tu rgya che dag kyang dag cing dge/ de yang 'byin pa'i tshe na rgyal bas byin gyis brlabs shing las ni mchog kyang byed/ / dam pa de dag sems bskyed gcog la sems rgyas byed pa'i sems kyang rab tu ston// rgyal ba'i dbang po thob pas rtag tu dbang po ting 'dzin dbang la rab tu gnas/ / bsam pa dag cing g.yo sgyu rnams dang bral te lhag pa'i bsam pa mngon sum gyur// mos pa'i 'jug pa rnam pa sna tshogs tha dad 'gro ba dag la rab tu ston// bag chags thams cad spangs nas spyod pa dam pa rab tu 'dzin/ / nan tan bya ba 'grub pa'i ye shes mkhas pas thams cad mkhyen par 'tshang yang rgya// bsam pa rnam par spangs nas de dag skyon med gnas pa zhi ba mchog kyang 'thob/ / mkhas pa 'di lam shin tu bslabs pa de dag ming ni yon tan sgo nas grags// mtha' yas sems kyi yul ldan gnas pa med par lam rnams
- 19b
yang du sgom pa byed/ / ye shes tshul la gnas shing 'gro ba rnams la lam gyi rgyan rnams shin tu ston// spyod pa lag pa lnga bu dag dang ldan pa lto yon snying po ye shes mchog/ snying ni rdo rje lta bu snying rje'i go bgos ye shes gdab pa'i mtshon cha yin/ / shes rab mgo ste chos rtog mig yin byang chub spyod pa yang ni rna ba yin// tshul khrims dag cing nyon mongs med la gtsang ste mun pa zhi byed sna yin te/ / spobs pa lce yin lus ni rig pa yin te sems ni ye shes dam pa yin// spyod pa rgyu ba yin te byang chub shing gnas seng ge'i khri ni 'dug sa yin// tshangs pa'i lam rnams dag ni lam yin stong pa chags med dam pa spyod yul lo/ / gang gis de dag snang bar 'gyur ba'i snang ba bde bar gshegs kyi ye shes yul// sems can spyod la rnam par lta ba ye shes mchog ste rnam pa sna tshogs bsgyings/ / sems can dben zhing chags dang bral ba'i sbyin pa bsnyems pa med pa'i tshul khrims dang // bzod pa mi 'khrug brtson 'grus mi ldog dbang sgyur ba ni bsam gtan dam pa yin/ / rgyu ba med cing nam mkha' 'dra ba shes rab byams pa sems can rnam par 'dren// skyo med snying rje rnam dag chos ni dga' ba nyon mong gnas las btang yang snyoms/ / don ni zhi ba chos kyi yul la nye bar 'gro ba bsod nams 'gro la bsngos// ye shes tshogs ni ral gri rnon po lta bu snang ba chen po rig pa ste// 'gro
- 20a
ba rnams la thos pa ldan pas mi rims bskal bar 'dren kyang 'jigs pa med/ / nan tan byed la gnas te bdud rnams btul nas bdud kyil ma yang rab tu bcar/ rgyal ba rnams kyi 'phrin las gang yin ye shes spyod pa lhag pa'i bsam pas 'dzin// nga rgyal las rnams rnam par spang ste rtag tu ye shes kyi yang bya ba byed// bdud rnams byin gyi rlabs bcom mkhas pa de dag sangs rgyas byin gyi rlabs kyis 'phags/ / chos kyi byin gyi rlabs thob blo gros chen po 'chang ba lha yi gnas su 'dong // lha rnams byas te 'chi 'phos song nas mchog gi mngal ni shin tu phra bar 'gro/ / skye ba mchog ni nye bar bstan nas mchog gi gom pa bdun ni 'dor ba byed// mkhas pa de dag sems can kun la bzo dang spyod dang btsun mo'i 'khor yang ston/ / chags pa med par mngon par byung nas byang chub shing drung chos kyi rgyan kyang byed// stong pa'i stan las 'od zer dra ba yangs pa bkye zhing yang dag skul ba byed// bdud rnams btul te byang chub ga 'phang sangs rgyas rnaMs kyi 'khor lo rab tu bskor/ / sangs rgyas sa yang rab tu bstan nas 'dren pa de dag mtshungs pa med par bzhud// gang gis mkhas pa bskal pa bye bar rnam par rtse zhing yang dag byung 'gyur nas/ / sems can bye ba khrag khrig stong phrag du ma sangs rgyas yon tan rab 'god kyang // rnam pa kun tu sems can mi gnas chos la ma
- 20b
len spyod pa ma yin pa'o/ / de dag gan spyad pa 'di 'ja mtha' yas shin tu rgya chen mdor bstan to// de 'dra'i spyod dang ldan pa'i ye shes khyu mchog rdzu 'phrul dag gis rnam par rtse/ zhing rnams bye ba spong yang skra rtse gcig la bskal pa khrag khrig brgyar 'dzin te// lag tu khyer te zhing rnams bye bar 'gro yang lus la ngal dub gang yang med// mkhas pas khyer nas lha'i gnas su bkod kyang 'gro ba dag la gnod pa med/ / 'jog rten mkhyen pa'i zhing gau rgyan rnams ji snyed rnam pa tha dad bstan pa dag/ kun kyang ba spu gcig gi bu gar khyu mchog de dag yang dag rab tu ston/ / mkhas pa ba spu'i bu gar rgya mtsho chu rnams ma lus khong chud rab ston kyang // 'phel zhing 'grib med 'gro ba dag la gnod par 'gyur med bya ba de yang ston/ / khor yug khrag khrig shin tu phra ba'i rdul byas lag gis bsdus khyer zhing // zhing rnams khrag khrig bye ma snyed du 'dor byed gcig tu gnyis kyang gzhog ma byed// / zhing rnams de dag rdul du byas te de bzhin gzhan yang rnam par 'jig byed de// de 'dra'i rjes su dang bzad par gyur kyang 'jug pa de dag mi zad de// 'jig rten kun gyi nyi ma rdza ba skar ma gang dag stong rnams ji snyed dang / / gang yang nor bu'i 'od dang me yi 'od dang gang rnams lha dbang 'od// mang po de dag rab tu 'das pa'i 'od zer khrag khrog spu gcig khung nas
- 21a
'gyed/ / 'jig rten kun gyi ngan song sdug bsngal zhi bar byed cing chos kyi dam pa ston// 'gro ba ma lus sgra yi rnam pa sna tshogs skad rnams thams cad ji snyed pa/ khyu mchog de dag tshig gcig rab tu brjod pas sgra rnams thams cad tshang bar brjod// srog chags bye ba rnams kyis yid du 'ong ba'i sgra thos dga' zhing mgu bar 'gyur// rgyal bas bstan pa'i chos kyi rnam pa ji snyed thams cad de las thos par 'gyur/ / gang yang ji snyed 'das pa'i bskal pa yod pa de dag ma 'ongs bskal par ston// gang yang ma 'ongs pa dang da ltar byung ba ji snyed de dag 'das par ston/ / khyu mchog dag ni zhing rnams 'tshig dang gnas pa rnam pa tha dad ston pa byed// 'gro ba ji snyed thams cad mkhas pa de dag skra rtse gcig la rab tu 'god/ / 'das dang ma byon pa dang phyogs bcu kun na bzhugs pa'i rgyal ba ji snyed pa// de dag thams cad rang gi lus las ma nor dbang sgyur rnam par 'phrul pa ston// sprul pa'i byin gyi rlabs la shes pa'i mkhas pa de dag 'gro ba ji snyed sems// de skad lus rnams rdul dang bral ba ston kyang lus la gnas pa gang yang med// lam rgyud drug po gang rnams ji snyed yod pa'i 'gro ba kun gyi lus bsdus shing / / brgya byin tshangs pa'i 'jig rten mgon po rnams dang de bzhin lha dang mi yi rnams// gang yang nyan thos rang
- 21b
rgyas rnams la dad cing sangs rgyas sku la mos pa la/ / sangs rgyas byang chub 'grub pa'i spyod pa dag dang thams cad mkhyen pa'i spyod pa ston// 'gro ba kun gyi 'du shes dra ba rab dang 'bring dang tha mar 'jug pa rnams/ / thams cad shes shing byin rlob byang chub 'tshang rgya zhing rnams kun kyang rab tu ston// 'du shes dra ba rnam bsgoms blo ldan 'jig rten 'du shes rnams la dbang sbyar ba/ / bya ba dang ni sbyor ba ji snyed pa dang kun mchog byang chub spyod pa ston// de dag de dang rnam par 'phrul pa shin tu rgya chen dam pa gzhan yang ston// de dag gang la 'jig rten sa min pa dang yul min de dag bya ba ston/ / ston kyang bya ba lhur len ma yin gzhan yang phyir zhing gong du ston pa byed// de dag sems can rnams kyi bsam pa ji bzhin spyod pa ci bzhin yang dag 'jug/ lus ni nam mkha' lta bu ngag dang yid la chags med 'jig rten gsum gyi gtso// tshul khrims spos kyi byug pa rab tu zhi ba gos yin yon tan sna tshogs rgyan/ / chos kyi go 'phang skyon med thob cing thams cad mkhyen pa yid bzhin nor bu ste// bde gshegs kun gyi ye shes dbang bskur thams cad mkhyen pa'i rgyal po'o thabs la gnas/ pha rol byon pa rtag 'byung 'khor lo yin te glang po mngon par shes pa mchog/ ye shes rdzu 'phrul rta ste chags pa med 'gro shes rab nor bu dam pa yin// spyod pa btsun mo bzang mo bcu
- 22a
ba rnam pa bzhi po khyim bdag dam pa'o/ / thabs la shin tu mkhas pa blon po yon po yin te mkhas pa de dag 'khor los sgyur// stong pa khyim ste ting 'dzin grong khyer mchog yin byams dang snying rje'i go cha'o/ / shes rab ral gri yin te dran pa gzhu mdzes dbang po rno ba mda' yang yin// 'jig rten mkhyen pa rnams kyi byin gyi rlabs ni gdugs te ye shes rgyal mtshan bsgreng / / de dang de dag bzod pa'i stobs kyis bdud kyi dpung dang sde rnams 'dus pa 'joms// gzungs ni sa ste byang chub spyod pa chu klung ye shes lu ma shes rab shing // me tog byang chub yan lag ting nge 'dzin ni rta ste rdzu 'phrul rgyal mtshan rgyan/ / stong pa rnam thar brgyan pa rdzing bu yin te rnam par dpyod pa bzang po btsun mo yin// thar pa bdud rtsi bza' ba yin te chos ni btung ba theg pa gsum gyi rtse/ / de dag spyod pa de 'dra yid 'ong khyad par 'phags te de bas gong du mang // gang gi bskal pa bye ba khrag khrig stong du skyo ba yongs su mi skye bas// ston pa mchod cing rnam dag zhing la brtson pas 'gro ba ye shes mchog la 'god/ / kha na ma ze kun med ye shes rab gnas thams cad mkhyen pa nyid rgyas byed// zhing rnams rdul gyi 'brur rags re re nas kyang bgrang zhing brtsi bar nus 'gyur la/ / bar snang mkha' chen 'di yang sgra yis gzhal te zad par bya bar nus srid de// skad cig gcig la 'gro ba rnams kyi sems ni bgrang tshul shes
- 22b
par nus srid kyi/ / sangs rgyas sras rnams spyod pa dag ni bskal pa brgyar brjod zad par mi nus so// gang zhig yon tan rnam dag 'di dag 'thob par 'dod cing gong du gzhan 'dod dang // ga zhig sdug bsngal rnams las 'gro ba thar byas bde la dgod par 'dod pa dang / / gang zhig bde bar gshegs pa'o sku gsung thugs dang mnyam du 'gyur bar 'dod pa dag/ des ni rdo rje lta brtan pa'i sems su gyis te yon tan bslab par byos/ / shin tu rgyas pa chen po'i mdo sangs rgyas phal po che zhes bya ba las/ 'jig rten las 'das pa'i le'u ste bzhi bcu rtsa bzhi pa'o// / bam po brgyad cu drug pa// bcom ldan 'das mnyan du yod pa'i 'dze ta'i tshal/ skyabs med pa la zas sbyin pa'i kun dga' ra ba'i nang / pho zung brtsam pa bkod pa rgya chen po can na/ byang chub sems dpa' kun tu bzang po dang / 'jam dpal la sogs pa 'ang lha ste/ byang chub sems dpa' sems dpa' chen po shes pa dam pa'i ye shes dang bstan pa dam pa'i ye shes dang / chags med dam pa'i ye shes dang / me tog dam pa'i ye shes dang / nyi ma dam pa'i ye shes dang / zla ba dam pa'i ye shes dang / dri med dam pa'i ye shes dang rdo rje dam pa'i ye shes dang / rdul med dam pa'i ye shes dang / byang chub sems dpa' rnam par snang ba dam pa'i ye shes dang / byang chub sems dpa' skar ma'i rgyal mtshan dang / ri rab rgyal
- 23a
mtshan dang / rin chen rgyal mtshan dang / chags med rgyal mtshan dang / me tog rgyal mtshan dang / dza med rgyal mtshan dang / nyi ma'i rgyal mtshan dang / mdzes pa'i rgyal mtshan/ dang / rdul med rgyal mtshan dang / byang chub sems dpa' rnam par snang ba'i rgyal mtshan dang / byang chub sems dpa' rin chen gzi brjid dang / blo gros chen po'i gzi brjid dang / ye shes rdo rje'i gzi brjid dang / dri ma med pa'i gzi brjid dang / chos kyi nyi ma'i gzi brjid dang / bsod nams ri bo'i gzi brjid dang / ye shes snang ba'i gzi brjid dang / kun nas dpal gyi gzi brjid dang / kun nas 'od dpal gzi brjid dang / byang chub sems dpa' phyogs bcu snang bas rgyas par 'gengs pa'i gzi brjid dang / byang chub sems dpa' sa'i snying po dang / nam mkha'i snying po dang / pad+mo'i snying po dang / rin po che'i snying po dang / nyi ma'i snying po dang / yon tan rnam dag snying po dang / chos rgya mtsho'i snying po dang / rnam par snang ba'i snying po dang / gtsug gi snying po dang / byang chub sems dpa' pad+mo dpal gyi snying po dang / byang chub sems dpa' bzang po'i mig dang / rnam par dag pa'i mig dang / dri ma med pa'i mig dang / chags pa med pa'i mig dang kun nas lta ba'i mog dang / shin tu rnam par lta ba'i mig dang / ut+pa la'i mig dang / rdo rje'i mig dang / rin po che'i mig dang / byang chub sems dpa' nam mkha'i mig dang / byang chub sema?
- 23b
dpa' lha'i cod pan dang / chos kyi dbyings snang ba'i blo gros cod pan dang / byang chub sems dpa' dam pa'i cod pan dang / phyogs rnam par snang ba'i cod pan dang / sangs rgyas thams cad yang dag par byung ba'i snying po'i cod pan dang / 'jig rten thams cad las mngon par 'phags pa'i cod pan dang / kun nas rnam par snang ba'i cod pan dang / zil gyis non pa med pa'i cod pan dang / de bzhin gshegs pa thams cad kyi seng ge'i khri 'dzin pa'i cod pan dang / byang chub sems dpa' chos kyi dbyings nam mkha' kun nas snang ba'i cod pan dang / byang chub sems dpa' tshangs pa'i dbang po'i gtsug pud dang / klu'i dbang po'i gtsug pud dang / sangs rgyas thams cad kyi sprul pa snang ba'i gtsug pud dang / byang chub dam pa'i gtsug pud dang / smon lam rgya mtsho thams cad rab tu sgrog ba'i rin chen rgyal po'i gtsug pud dang / de bzhin gshegs pa thams cad kyi 'od kyi dkyil 'khor rab tu 'gyed pa'i nor bu rin chen 'brug sgra'i gtsug pud dang / nam mkha'i dbyings thams cad tha mi dad par rnam par dmigs pa'i rin chen rgyal pos brgyan pa'i gtsug pud dang / de bzhin gshegs pa thams cad rnam par 'phrul pa snang ba'i rgyal mtshan rin po che'i rgyal po'i dra bas kun nas log pa'i gtsug bud dang / de bzhin gshegs pa thams cad kyi chos kyi 'khor lo sgrog pa'i gtsug pud dang / byang chub sems dpa' dus gsum gyi ming thams cad rab tu sgrog pa'i gtsug
- 24a
dud dang / byang chub sems dpa' rgya chen par 'di dang / gza brjod rnam med par 'od dang / na patsha'i 'ad dang / rdul dang thal ba' 'ad dang / skang pa' 'ad dang chos kyi 'od dang / zhi ba'i 'od dang / nyi ma'i 'od dang / rnam par 'phrul pa'i 'od dang / byang chub sems dpa' lha'i 'od dang / byang chub sems dpa' bsod nams dpal dang / ye shes dpal dang / chos kyi dpal dang / mngon par shes pa'i dpal dang / 'od kyi dpal dang / me tog dpal dang / rin po che'i dpal dang / byang chub kyi dpal dang / tshangs pa'i dpal dang / byang chub sems dpa' kun nas snang ba'i dpal dang / byang chub sems dpa' tshangs pa'i dbyangs dang / rgya mtsho'i dbyangs dang / sa sgra'i dbyangs dang / 'jig rten dbang po'i dbyangs dang / ri dbang rgyal po 'thab pa'i dbyangs dang / chos kyi dbyings kun tu rgyas pa'i dbyangs dang / chos rgya mtsho thams cad rab tu sgrog pa'i dbyangs dang / bdud kyi dkyil 'khor thams cad rab tu 'dul ba'i dbyangs dang snying rje chen po'i tshul gyi sprin rab tu sgrog pa'i dbyangs dang / byang chub sems dpa' 'gro ba thams cad sdug bsngal rab tu zhi bar bya bas dbugs 'byin pa'i dbyangs dang / byang chub sem dpa' chos kyi 'phags pa dang / khyad par gyis 'phags pa dang / ye shes kyis 'phags pa dang / bsod nams ri bos 'phags pa dang / yon tan gyi tshogs kyis 'phags pa dang /
- 24b
grags pas 'phags pa dang / kun tu snang bas 'phags pa dang / byams pa chen pos 'phags pa dang / ya shas rgya mtshos 'phags pa dang / byang chub sems dpa' de bzhin gshegs/ pa'i rgyud kyi gdung gis 'phags pa dang / byang chub sems dpa' 'od kyi dpal dang / mchog gi dpal dang / kun tu 'phags pa'i dpal dang / rnam par snang ba'i dpal dang / kyi dpal dang / zla ba'i dpal dang / nam mkha'i dpal dang / rin po che'i dpal dang / dpal gyi dpal dang / byang chub sems dpa' ye shes kyi dpal dang / byang chub sems dpa' ri'i dbang po'i rgyal po dang / chos kyi dbang po'i rgyal po dang / 'gro ba'i dbang po'i rgyal po dang / tshangs pa'i dbang po'i rgyal po dang / tshogs kyi dbang po'i rgyal po dang / lha'i dbang po'i rgyal po dang / zhi ba'i dbang po'i rgyal po dang / mi g.yo ba'i dbang po'i rgyal po dang / khyu mchog dbang po'i rgyal po dang / byang chub sems dpa' mchog gi dbang po'i rgyal po dang / byang chub sems dpa' rab tu zhi ba'i sgra dang / chags pa med pa'i sgra dang / sa'i dbyangs kyi sgra dang / rgya mtsho'i 'brug gi sgra dang / sprin gyi dbyangs kyi sgra dang / chos snang ba'i sgra dang / nam mkha'i dbyings kyi sgra dang / sems can kun gyi dge ba'i rtsa ba rab tu sgrog pa'i sgra dang / sngon gyi smon lam yongs su skul ba'i sgra dang / byang chub sems dpa' bdud kyi dkyil 'khor
- 25a
gcom med par byed pa'i sgra dang / byang chub sems dpa' rin po che'i blo dang / ye shes ri bo'i blo dang / nam mkha'i blo dang / dri ma med pa'i blo dang / chags pa med pa'i blo dang / rnam par sangs rgyas pa'i blo dang / dus gsum snang ba'i blo dang / yangs pa'i blo dang / kun tu snang ba'i blo dang / byang chub sems dpa' chos kyi dbyings su snang ba'i blo dang / de dag la sogs pa byang chub sems dpa' lnga stong tsam ste/ kun kyang byang chub sems dpa' kun tu bzang po'i spyod pa dang / smon lam gyi byung ba dang / sangs rgyas kyi zhing thams cad rgyas par 'gengs pas chags pa med pa'i spyod yul can/ de bzhin gshegs pa thams cad kyi drung du 'dong bas lus mtha' yas pa'i byin gyi rlabs dang ldan pa/ sangs rgyas thams cad kyi rnam par 'phrul pa yongs su bstan pa/ rnam par dmigs par bya ba la bsgribs pa med pa'i mig gi dkyil 'khor rnam par dag pa/ de bzhin gshegs pa thams cad mngon par 'tshang rgya ba'i tshe/ nyebar 'dong ba rgyun mi gcod pas tshad med par phyin pa/ chos rgya mtsho'i tshul thams cad la ye shes snang ba rab tu thob pas snang ba mtha' yas pa dang ldan pa/ tha dad pa yang dag par shes pa rnam par dag pas bskal pa mtha' yas par shin tu ston pa mi zad pa/ 'gro ba'i bsam pa ji lta ba bzhin du gzugs kyi lus yongs su ston pas/ nam mkha'i dbyings kyis
- 25b
klas par ye shes kyi spyod yul rnam par dag cing mi gnas pa/ sems can gyi khams sems can med pa dang / srog med pa yongs su shes pas rab rib med pa/ chos kyi dbyings thams cad du 'od zer gyi dra bas rgyas par 'gengs pas nam mkha' dang mnyam pa sha stag dang thabs cig tu bzhugs so/ / nyan thos rdzu 'phrul chen po dang ldan pa lnga brgya ste/ thams cad kyang bden pa'i tshul gyi rang bzhin mngon par khong du chud pa/ yang dag pa'i mtha' mngon sum du gyur pa/ chos kyi rang bzhin la zhugs pa/ srid pa'i rgya mtsho las gyen du 'phags pa/ de bzhin gshegs pa'i tshogs su 'gyur ba'i spyod yul can kun nas sbyor ba dang / bag la nyal ba dang / bcings pa rnam par bzlog pa/ chags pa med pa'i gnas la brten pa/ nam mkha' lhar zhi ba la rnam par spyod pa/ sangs rgyas la the tsom dang / nam nur dang / yid gnyis yongs su chad pa/ sangs rgyas kyi ye shes rgya mtsho la mos pa'i lam du zhugs pa sha stag dang / 'jig rten gyi dbang po sngon gyi rgyal ba la bya ba byas pa/ 'gro ba thams cad la phan pa dang bde ba'i don du zhugs pa/ gsol ba ma btab par dge ba'i bshes gnyen du gyur pa/ sems can gzhan bsrung ba la zhugs pa/ 'jig rten thams cad las 'phags pa'i khyad par dang ldan pa'i ye shes kyi sgo la zhugs pa/ sems can thams cad yongs su mi gtong ba'i sems dang
- 26a
ldan pa/ sangs rgyas thams cad kyi bstan pa'i spyad yul las byung ba/ de bzhin gshegs pa'i bstan pa yongs su bsrung ba la zhugs pa/ sangs rgyas kyi rags yang dag par gzung ba'i smon lam gyis yang dag par skyes pa/ de bzhin gshegs pa'i gdung gi rgyud du 'byung ba mngon du gyur pa/ thams cad mkhyen pa nyid la mngon par mos pa sha stag dang yang thabs cig go/ / de nas byang chub sems dpa' 'khor dang bcas pa de dag dang / nyan thos rdzu 'phrul chen po dang ldan pa de dag dang / 'jig rten gyi dbang po 'khor dang bcas pa de dag 'di snyam du gyur te/ de bzhin gshegs pa'i yul dang / de bzhin gshegs pa'i ye shes kyi spyod yul dang / de bzhin gshegs pa'i byin gyi rlabs dang / de bzhin gshegs pa'i stobs dang / de bzhin gshegs pa'i mi bsnyengs pa dang / de bzhin gshegs pa'i ting nge 'dzin dang / de bzhin gshegs pa'i rnam par spyod pa dang / de bzhin gshegs ba'i mnga' dang / de bzhin gshegs pa'i ye shes dang / de bzhin gshegs pa'i byin gyi rlabs dang / de bzhin gshegs pa'i rnam par 'phrul pa dang / de bzhin gshegs pa'i mthu dang // de bzhin gshegs pa'i sngon gyi smon lam dang / sngon legs par spyad pa'o dge ba'i rtsa ba dang / dge ba'i bshes gnyen gyi skyabs dang / dad pa'i mig yongs su dag pa dang / rgya chen
- 26b
po la mos pa'i snang ba rab tu thob pa dang / byang chub sems dpa'i lhag pa'i bsam pa rnam par dag pa dang / bsam pa zag pas thams cad mkhyen pa nyid du smon cing / yang dag par zhugs pa ma gtogs par lha dang bcas pa'i 'jig rten gyis 'jug pa 'am/ khong du chud pa 'am/ yid ches pa 'am/ yongs su shes pa 'am/ rnam par rtogs pa 'am/ gzung ba 'am/ rnam par dpyad pa 'am/ rnam par bsgom pa 'am/ rnam par dbye ba 'am/ rnam par dgrol ba 'am/ rab tu brjod pa 'am/ sems can pha rol gyi rgyud du phyin par bya bar ni mi nus na/ bcom ldan 'das nyid kyis bdag cag byang chub sems dpa' rnams kyi bsam pa'i tshul ji lta ba dang / sems can bsam pa rnam pa tha dad pa dang / mos pa sna tshogs dang / shes pa sna tshogs kyi chog dang brda sna tshogs su gyur pa/ dbang sgyur ba'i sa gzhan dang gzhan la gnas pa/ dbang po sna tshogs su rnam par dag pa/ bsam pa dang sbyor ba rnam pa gzhan dang gzhan can/ sems dang bsam pa'i yul gzhan dang gzhan can/ de bzhin gshegs pa'i yon tan gzhan dang gzhan la gnas pa/ chos bstan pa gzhan dang gzhan la mos pa dag la/ sngon thams cad mkhyen pa nyid du zhugs pa lta'ang yang dag par bstan grang / sngon byang chub sems dpa'i smon lam mngon par bsgrubs pa lta'ang yang dag par bstan zang / sngon gyi byang chub sems dpa'i pha rol tu phyin pa'i dkyil 'khor yongs su dag pa lnga'ang yang
- 27a
dag par bstan grang / sngon gyi byang chub sems dpa'i sa yongs su mnan pa'i rnam par 'phrul pa lta'ang yang dag par bstan grang / sngon gyi byang chub sems dpa' spyad pa'i dkyil 'khor mngon par bsgrubs pa yongs su rdzogs par mdzad pa lta'ang yang dag par bstan grang / sngon gyi byang chub sems dpa'i tshul mngon par bsgrub pa rnam par phye ba'i snang ba lha'ang yang dag par bstan grang / sngon byang chub sems dpa'i lam gyi bkod pa yongs su dag par mdzad pa lta'ang yang dag par bstan grang / sngon byang chub sems dpa'i dbyung ba'i tshul rgya mtsho mngon par bsgrubs pa lta'ang yang dag par bstan grang / sngon gyi byang chub sems dpa'i yang dag par bsgrub pa dang / rnam par 'phrul pa'i bkod pa phun sum tshogs pa lta'ang yang dag par bstan grang / byang chub sems dpa'i sngon gyi sbyor ba rgya mtsho lha'ang yang dag par bstan grang / mngon par rdzogs pa'i byang chub kyi sgos rnam par 'phrul pa lta'ang yang dag par bstan grang / de bzhin gshegs pa'i chos kyi 'khor lo rab tu bskor ba'i rnam par 'phrul pa dang / khyu mchog gi mthu lta'ang yang dag par bstan grang / de bzhin gshegs pa'i sangs rgyas kyi zhong yongs su dag pa dang / rnam par 'phrul pa lta'ang yang dag par bstan grang / de bzhin gshegs pa'i sems can gyi khams gdul ba'i thabs kyi sgo lta'ang yang dag par bstan grang / de bzhin gshegs pa thams cad mkhyen pa nyid kyi chos kyi grong khyer
- 27b
la mnga' mdzad pa lta'ang yang dag par bstan grang / de bzhin gshegs pa sems can thams cad kyi lam snang bar mdzad pa lta'ang yang dag par bstan grang / de bzhin gshegs pa sems can thams cad kyi gnas su gshegs shing / rnam par 'phrul pa mdzad pa lha'ang yang dag par bstan grang / de bzhin gshegs pa sems can thams cad kyi yon bzhes pa mdzad pa lta'ang yang dag par bstan grang / de bzhin gshegs pa sems can thams cad kyi bsod nams dang / yon ston pa'i cho 'phrul mdzad pa lha'ang yang dag par bstan grang / de bzhin gshegs pa sems can thams cad kyi sems kyi tshul la/ sangs rgyas kyi gzugs brnyan dmigs pa mdzad pa lta'ang yang dag par bstan grang / de bzhin gshegs pa sems can thams cad la rnam par 'phrul pa'i cho 'phrul mdzad pa lta'ang yang dag par bstan grang / de bzhin gshegs pa sems can thams cad la yongs su bstan pa dang / rjes su bstan pa'i cho 'phrul mdzad pa lha'ang yang dag par bstan grang / de bzhin gshegs pa sems can thams cad la sangs rgyas kyi ting nge 'dzin gyi spyod yul bsam gyis mi khyab pas rnam par 'phrul pa mdzad pa lta'ang yang dag par bstan grang snyam pa dang / de nas bcom ldan 'das kyis byang chub sems dpa' de dag gi sems kyis yongs su rtog pa thugs kyis mkhyen nas/ seng ge rnam par bsgyings pa zhes bya ba'i ting nge 'dzin nam
- 28a
mkha' dang mnyam pas dpe med pa/ 'gro ba thams cad du rnam par snang ba'i rgyan dang ldan pa/ thugs rje chen po'i rang bzhin can/ thugs rje chen po'i sgo dang ldan pa/ thugs rje chen po'i sngon du 'gro ba/ thugs rje chen po'i chos can la mnyam par gzhag go// bcom ldan 'das kyis de ltar mnyam par bzhag ma thag tu/ pho brang brtsegs pa rgyun chen po can yang mtha' dang dbus med par yangs shing / rdo rje thub pa med pa'i rgyal mtshan gyis sa'i gzhi rab tu brgyan pa dang / nor bu rin po che'i rgyal po thams cad kyi dra ba kun tu bkram pa/ rin po che du ma'i me tog sil mas chal par gang ba/ nor bu rin po che dam pa bkram pa dang / bai DUR+Ya'i ka bas mdzes par byas pa/ rin po che'i rgyal po 'gro ba rnam par snang bas rgyan shin tu rnam par phye ba dang / rin po che bzang po mang po dang ldan pa'i nor bu rin po che 'dzam bu'i chu klung gi phung pos shin tu brgyan pa dang / rin po che thams cad las sgo khang dang / rta babs dang / pu shu dang / skar khung byas shing / khri 'phang grangs med pa rnam par dag pas brgyan pa dang / 'jig rten gyi dbang po thams cad dang 'dra ba'i nor bu rin po che'i rgyan dang ldan pa dang / 'gro ba rgya mtsho'i nor bu rin po che rnam par phye ba dang / nor bu rin po che thams cad kyi dra bas kun nas yog pa'i gdugs dang rgyal mtshan rab tu bsgreng ba dang / sgo dang rta babs thams cad las 'od zer chos kyi dbyings su rgyas par
- 28b
'gengs pa rab tu 'byung bas rnam par mdzes par byas pa dang / phyi rol gyi 'khor gyi dkyil 'khor gyi sa'i gzhi stegs bu brjod du med pas brgyan pa dang / phyogs kun nas them gas kyi 'phreng ba nor bu rin po ches brtsegs shing / shin tu rnam par phye bas rab tu mdzes par kun nas gnas par gyur to// 'dze ta'i tshal thams cad kyang chu zheng gab par shin tu yangs shing rgyache bar kun nas gnas par gyur te/ sangs rgyas kyi mthus sangs rgyas kyi zhing brjod du med pa'i rdul shin tu phra ba snyed kyi sangs rgyas kyi zhing rnams kyang / chu zheng kun tu rgya che zhing yangs pa dang / rin po che thams cad kyi rgyun sna tshogs dang ldan zhing / sa'i gzhi nor bu rin po che sna tshogs brjod du med pas kun nas grub pa dang / nor bu rin po che grangs med pa'i ra bas kun nas bskor ba dang / rin po che sna tshogs kyi shing ta la'i 'phreng bas mdzes pas brgyan par kun nas gnas par gyur to// sangs rgyas kyi zhing de dag na spos chu'i chu klung tshad med pa glong mtha' yas par 'khyil ba'i spos kyi chus yongs su gang ba/ rin po che sna tshogs kyi me tog mang po dang 'dres par gyur la g.yas phyogs su 'khyil zhing 'bab pa/ sangs rgyas kyi chos thams cad dbyangs su sgrog pas rab tu brgyan pa dag kyang kun nas gnas par gyur te/ rin po che'i me tog pud+d+ha ri ka'i 'phreng ba dang / rin po che'i shing gas lo rin po che thams cad kyi pad+mo rab tu rgyas shing shin tu 'phags pas mdzes
- 29a
par bkod pa dang / rin po che sna tshogs kyi khang pa brtsegs pa'i 'phreng ba bsam gyis po khyab pa/ nor bu rin po che thams cad kyi dra bas kun nas yog pa/ nor bu ran po che grangs med pa'i dra ba kun tu snang bas brgyan cing mdzes pa dang / nor bu rin po che'i gzhal med khang nor bu rin po che thams cad kyis brgyan pa grangs med pa/ spos thams cad kyi ngad kun nas 'byung ba/ bdug spos kyi sprin gyi rgyan dang ldan pa dag kyang kun nas gnas par gyur to// rin po che'i rgyal mtshan grangs med pa dang / gos kyi rgyal mtshan dang / ba dan gyi rgyal mtshan dang / rin po che'i snam bu'i rgyal mtshan dang / me tog gi rgyal mtshan dang / rgyan gyi rgyal mtshan dang / 'phreng ba'i rgyal mtshan dang / rin po che sna tshogs kyi dril bu'i rgyal mtshan dang / rin po che'i rgyal po'i gdugs kyi rgyal mtshan dang / nor bu rin po che snang bas kun tu rgyas par 'gengs pa'i rgyal mtshan dang / nor bu rin po che'i rgyal po de bzhin gshegs pa thams cad kyi mtshan gyi 'khor lo'i dbyangs rab tu sgeg pa'i rgyal mtshan dang / nor bu rin po che'i rgyal po seng ge yid du 'ong ba'i rgyal mtshan dang / nor bu rin po che'i rgyal po de bzhin gshegs pa thams cad kyi sngon gyi sbyor ba rab tu sgrog pa'i rgyal mtshan dang / nor bu rin po che'i rgyal po chos kyi dbyings thams cad rab tu snang ba'i rgyal mtshan dang / rgyal mtshan gyi rgyan rnam par phye ba thams cad phyogs kun nas rgyan du gyur pa dag kyang kun
- 29b
nas gnas par gyur te/ 'dzena'i tshal gyi nam mkha'i dbyings thams cad kyang lha'i gzhal med khang gi sprin bsam gyis mi khyab pas brgyan par kun nas gnas par gyur te/ 'dze ta'i tshal tshad kyang ma sna tshogs kyi shing grangs med pa'i sprin gyis kun nas yog cing brgyan pa dang / brjod du med pa'i rgyan sna tshogs dang ldan pa'i ri rab kyis kun nas 'khor cing bkod pa dang / rol mo rdung ba dang dkrol ba brjod du med pa'i sprin las/ de bzhin gshegs pa thams cad la bstod pa'i dbyangs dang / nga ro snyan pa 'byung bas kun nas brgyan pa dang / rin po che'i pad+mo brjod du med pa'i sprin gyis kun nas yog cing brgyan pa dang / rin po che'i seng ge'i khri brjod du med pa'i steng / lha rdzas kyi rin po che'i stan bting ba la byang chub sems dpa' 'khod cing // de bzhin gshegs pa la bstod pa'i sgra dbyangs snyan pa 'byin pa'i sprin gyis kun nas brgyan pa dang / lha'i dbang po brjod du med pa'i gzugs brnyan mngon par 'byung ba'i nor bu rin po che'i 'bru'i sprin gyis kun nas brgyan pa dang / mu tig dkar po'i dra ba'i sprin brjod du med pas kun nas brgyan pa dang / mu tig dmar po'i khang pa brtsegs pa'i sprin brjod du med pas kun nas yog cing brgyan pa dang / rdo rje lta bur sra ba'i/ mu tig gi sprin brjod du med pa'i char mngon par 'bab pas rab tu brgyan par kun nas gnas par gyur to// de ci'i phyir zhe na/ de ni de bzhin gshegs pa'i dge ba'i rtsa ba bsam
- 30a
gyis mo khyab pa'i phyir ro/ / de bzhin gshegs pa'i ches dkar po'i tshogs bsam gyis mi khyab pa'i phyir ro// de bzhin gshegs pa'i khyu mchog gi mthu dang byin rgya rlabs bsam gyis mi khyab pa'i phyir ro/ / de bzhin gshegs pa'i sku gcig gis 'jig rten gyi khams thams cad du rgyas par 'gengs pa rnam par 'phrul pa bsam gyis mi khyab pa'i phyir ro/ / de bzhin gshegs pa thams cad kyi sku gcig tu zhugs pas/ sangs rgyas kyi zhing rnam par phye ba thams cad la yang dag par gzhol ba'i byin gyi rlabs yongs su ston pa bsam gyis mi khyab pa'i phyir ro/ / de bzhin gshegs pa rnams rdul shin tu phra ba gcig la chos kyi dbyings thams cad kyi gzugs brnyan rnam par dmigs par yongs su ston pa mdzad pa bsam gyis mi khyab pa'i phyir ro/ / de bzhin gshegs pa rnams pa spu'i bu ga gcig tu sngon gyi mtha'i de bzhin gshegs pa gcig nas gcig tu brgyud pa yongs su ston pa mdzad pa bsam gyis mi khyab pa'i phyir ro/ / de bzhin gshegs pa rnams kyi 'od zer gcig gi sgo nas 'jig rten gyi khams 'brum klas pa snang bar 'gyur ba bsam gyis mi khyab pa'i phyir ro// de bzhin gshegs pa rnams pa spu'i rtse mo gcig las sprul pa'i smon 'jig rten gyi khams thams cad kyi rdul shin tu phra ba snyed kyi sangs rgyas kyi zhing thams cad rgyas par 'gengs pa bsam
- 30b
gyis mi khyab pa'i phyir ro/ / de bzhin gshegs pa rnams pa spu'i sgo gcig nas 'jig rten gyi khams 'du ba dang 'jig pa'i bskal pa yongs su son pa bsam gyi mi khyab pa'i phyir ro// ji ltar 'jo/ ta'i tshal de lta bu'i sangs rgyas kyi zhing yongs su dag pas yongs su dag par kun nas gnas par gyur pa de bzhin du/ phyogs bcu'i 'jig rten gyi khams chos kyi dbyings kyis klas pa/ nam mkha'i mthas gtugs pa thams cad kyang yongs su dag par kun nas gnas shing rab tu brgyan pa dang / shin tu spyad pa dang / de bzhin gshegs pa'i skus yongs su rgyas pa dang / 'dze ta'i tshal du yang dag par gzhol ba dang / byang chub sems dpas yongs su rgyas pa dang / de bzhin gshegs pa'i 'khor gyi dkyil 'khor rgya mtsho shin tu rnam par gnas pa dang / rgyan thams cad kyi sprin gyi char mngon par 'bab pa dang / rin po che thams cad kyi 'od kyis rab tu snang ba dang / rin po che sna tshogs thams cad kyi sprin gyi char mngon par 'bab pas brgyan pa dang / zhing thams cad kyi bkod pa'i sprin gyis kun nas yog par brgyan pa dang / lha rdzas kyi lus thams cad kyi sprin gyi char rab tu 'bab pas brgyan pa dang / me tog sna tshogs thams cad kyi sprin shin tu rgyas pa'i lhun gyis kun tu rgyas shing brgyan pa dang / gos thams cad kyi shing gi sprin gyi mdzod nas gos kha dog sna tshogs su mdzes pa'i char rab tu 'bab pas brgyan pa dang / 'phreng ba dang / lnga ldi dang / so mongang
- 31a
rgyan thams cad kyi sprin gyi char rgyun mi 'chad par mngon par 'bab pas brgyan pa dang / spos sna tshogs kyi bdug spos phyogs kun nas 'thul ba'i sprin dang / na dun rgya char thams cad kyi lus kyi dbyibs ltar mngon par 'bab pas brgyan pa dang / rin po che thams cad kyi me tog gi dra ba'i sprin las rin po che'i rgyal po'i phye ma zhib bu'i char rgyun mi 'chad par rab tu 'bab pa dang / rin po che thams cad kyi rgyal mtshan dang ba dan gyi sprin lha'i bu mo'i lag na khyer ba/ nam mkha'i dbyings kun tu rgyu zhing 'khor bas brgyan pa dang / rin po che thams cad kyi pad+ma rin po che sna tshogs kyi 'dab ma'i dkyil 'khor can du chu ba mthon po dang ldan pa'o ze ba la rol mo bkod pa/ kun nas sgra 'byin cing dbyangs snyan par sgrog pas brgyan pa dang / rin po che'i 'bru sna tshogs kyi dra ba dang / rin po che seng ge'i dra ba sna tshogs rnam pa tha dad pa'i 'phreng ba dang / se mo dos brgyan par kun nas gnas shing snang bar gyur to// de ltar bcom ldan 'das de bzhin gshegs pa'i ting nge 'dzin chen po seng ge rnam par bsgyings pa de la mnyam par bzhag ma thag tu/ de'i tshe shar phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams gser gyi sprin sgron ma'i rgyal mtshan zhes bya ba/ de bzhin gshegs pa rnam par snang mdzad dpal gyi gzi brjid rgyal po'i sangs rgyas kyi zhing nas/
- 31b
byang chub sems dpa' rnam par snang ba'i smon lam gyi gtsug gi 'od zer snang ba zhes bya ba/ byang chub sems dpa' sangs rgyas kyi zhing brjod du med pa'i rdul shin tu phra ba snyed dang lhan cig tu bcom ldan 'das des gnang nas 'khor gyi dkyil 'khor rgya mtsho de nas 'phags te/ nam mkha'i dbyings rgyan sna tshogs kyi sprin gyis brgyan pa dang / lha rdzas kyi me tog gi sprin gyi char mngon par dbab pa dang / lha rdzas kyi spos kyi sprin gyi char rab tu dgye ba dang / lha rdzas kyi rin po che'i pad+mo'i sprin gyi char mngon par gtor ba dang / lha rdzas kyi 'phreng ba'i sprin gyi char rab tu btang ba dang / lha rdzas kyi rin po che'i sprin gyi char mngon par dbab pa dang / lha rdzas kyi rgyan gyi sprin gyi char mngon par dgye ba dang / lha rdzas kyi rin po che'i gdugs kyi sprin gyi char mngon par bsgrub pa dang / kha dog sna tshogs rnam pa tha dad cing shin tu phra ba'i lha rdzas kyi gos kyi sprin gyi char mngon par dbab pa dang / lha rdzas kyi rin po che'i rgyal mtshan dang ba dan gyi sprin nam mkha'i dbyings las byin gyis brlab pa dang / rin po che sna tshogs kyi sprin gyi rgyan yid du 'ong bas nam mkha'i dbyings rgyas par 'gangs par byed cing / mi mjed kyi 'jig rten gyi khams gang na ba dang lhags nas/ bcom ldan 'das gang na ba der dong ste 'khor dang bcas pas/ bcom ldan 'das la phyag 'tshal nas shar phyogs su brtan te/ khang pa brtsegs pa rgyan kun dang ldan zhing nor bu rin po che'i dra bas kun nas khyab pa dang / seng ge'i khri
- 32a
nor bu rin po che phyogs rab tu snang ba'i bad+mar snying po can dag mngon par sprul nas/ nor bu rin po che yid bzhin gyi rgyal po'i dra ba'i rgyan gyis kun nas brgyan pa'i byang chub sems dpa'i lus su byin gyis brlabs nas/ skyil mo krung bcas te 'khod do// lho phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu za ba snyed kyi pha rol gyi 'jig rten gyi khams rdo rje rgyal mtshan gyi snying po zhes bya ba/ de bzhin gshegs pa dpal gyi snying po kun nas snang ba'i rgyal po'i sangs rgyas kyi zhing nas/ byang chub sems dpa' sems dpa' chen po brtson 'grus kyi shugs thub par dka' ba'i rgyal po zhes bya ba/ byang chub sems dpa' sangs rgyas kyi zhing brjod du med pa'i rdul shin tu phra ba snyed dang lhan cig tu bcom ldan 'das des gnang nas 'khor gyi dkyil 'khor rgya mtsho de nas 'phags te/ 'jig rten gyi khams rgya mtsho thams cad spos kyi lnga ldi dang dra bas kun tu 'brel bar byin gyis brlab pa dang / sangs rgyas kyi zhing 'byam klas pa thams cad rin po che sna tshogs kyi lda ldi dang dra ba chen pos kun tu 'brel bar byin gyis brlab pa dang / sangs rgyas kyi zhing gi rgyud thams cad kyi me tog thams cad kyi lda ldi dang 'phreng ba'i dra bas kun nas 'brel bar byin gyis brlab pa dang / sangs rgyas kyi zhing gi 'khor thams cad 'phreng ba dang / lnga ldi dang / se mo do'i dra bas kun nas 'brel bar byin gyis brlab pa dang
- 32b
sangs rgyas kyi zhing gi dkyil 'khor thams cad 'og gi gzhi rten rdo rje thams cad kyi 'brang bas yangs su gzung bar byin gyis brdab pa dang / sangs rgyas kyi zhing gi tshul thams cad nar bu ngan pa can/ tshogs kyi dra bas kun nas 'brel bar byin gyis brlab pa dang / 'jig rten gyi khams thams cad gos sna tshogs kyi lnga ldis kun nas yongs su blangs shing bzung bar byin gyis brlab pa dang / sangs rgyas kyi zhing thams cad rin po che sna tshogs kyi lus kyi 'phreng ba dang / lnga ldi mang po'i dra bas kun nas 'brel bar mngon par bsgrub pa dang / zhing thams cad nor bu rin po che dpal gyi 'od zer gyi lda ldi dang 'phreng ba'i dra bas kun nas 'brel bar byin gyis brlab pa dang / sangs rgyas kyi zhing thams cad rin po che rnam par snang ba'i lda ldi dang dra bas kun tu 'brel bar byin gyis brlab pa dang / 'jig rten gyi khams thams cad kyi gzhi nor bu rin po che seng ge yid du 'ong ba'i 'phreng ba dang lnga ldi'i dra bas yongs su bzung bar byin gyis brlab pa byed cing // mi mjed kyi 'jig rten gyi khams gang na ba dar lhags nas/ bcom ldan 'das gang na ba der dong ste 'khor dang bcas pas/ bcom ldan 'das la phyag 'tshal nas lho phyogasasu brtan te/ nor bu rin po che 'gro ba la rnam par snang ba'i khang pa brtsegs pa dang / seng ge'i khri nor bu rin po che phyogs kun tu rnam par snang ba'i pad+mo'i snying po can dag mngon par sprul te/ rin po che thams cad kyi me tog gi dra ba'i rgyan gyis kun
- 33a
nas brgyan pa'i byang chub sems dpa'i lus su byin gyis brlabs nas/ skyil mo krung bcas te 'khod do// nub phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams rin po che'i ri rab rnam par snang ba'i rgyal mtshan mar me zhes bya ba/ de bzhin gshegs pa chos kyi dbyings kyi ye shes sgron ma'i sangs rgyas kyi zhing nas/ byang chub sems dpa' dpal kun nas 'phags pa'i gzi brjid ces bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu/ bcom ldan 'das des gnang nas 'khor gyi dkyil 'khor rgya mtsho de nas 'phags te/ chos kyi dbyings thams cad bdug spos kha dog sna tshogs dang dri sna tshogs su ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad spos kha dog sna tshogs dang ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad bdug spos kha dog dang dri du mar ldan pa'i ro rab kyi spron/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad spos kha dog sna tshogs dang ldan pa'i ri rab kyi sprin/ sangs rgyas
- 33b
kyi zhing brjod du med pa'i rdul shin tu zab snyed kyis rgyas par dgang ba dang / chos kyi dbyings thams cad nor bu rin po che'i rgyal po mdangs 'byung ba sa thams cad kyi rdul gyi kha dog dang 'ja ba'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad nor bu rin po che skar ma'i rgyal mtshan 'od kyi dkyil 'khor sna tshogs kyi dkod pa dang ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad rin po che'i rgyal po rdo rje'i snying po kha dog sna tshogs can/ bkod pa rnam pa tha dad pa'i yul dang ldan pa'i ri rab kyi sprin/ sangs rgyas kyi zhing brjod du med pa'i rdul shin tu za ba snyed kyis rgyas par dgang ba dang / chos kyi dbyings thams cad nor bu rin po che 'dzam bu'i chu klung / 'jig rten gyi khams thams cad du snang ba'i yul dang ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / rnam mkha'i dbyings tham cad nor bu rin po che'i rgyal po chos kyi dbyings thams cad rab tu snang ba'i ri rab kyi sprin sangs rgyas kyi zhing brjod du med pa'i rdul shin tu phra ba snyed kyis kun nas khyab par byin gyis brlab pa dang / sems can gyi khams kyi yul thams cad nor bu rin po che'i rgyal po
- 34a
bzhin gshegs pa thams cad kyi mtshan rab tu snang ba'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad kyi nam mkha'i rin po che'i rgyal po de bzhin gshegs pa thams cad kyi sngon gyi sbyor ba rab tu snang bar yongs su ston cing / byang chub sems dpa'i spyod pa'i sgra 'byin papa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / phyogs bcu thams cad rin po che'i rgyal po de bzhin gshegs pa thams cad kyi snying po byang chub rab tu snang ba'i 'od dang ldan pa'i ri rab kyi sprin/ sangs rgyas zhing brjod du med pa'i rdul shin tu phra ba snyed kyis rgyas par 'gengs pa byed cing / mi mjed kyi 'jig rten khams gang na ba der lhags nas/ bcom ldan 'das gang na ba der dong ste 'khor dang bcas pas/ bcom ldan 'das la phyag 'tshal nas nub phyogs su brtan te/ khang pa brtsegs pa spos kyi rgyal po thams cad kyi lhun po dang ldan pa/ mu tig gi dra bas kun nas khyab pa dang / seng ge'i khri nor bu rin po che lha'i dbang po rab tu snang ba'i rgyal mtshan gyi pad+mo'i snying po can dag mngon par sprul nas/ rin po che gse gyi dra ba kun nas brgyan pa dang / yid bzhin gyi rgyal po'i cod pan bcings pa'i byang chub sems dpa'i lus su byin gyis brlabs nas/ skyil mo lung bcas te 'khod do// byang
- 34b
phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams rin po che'i gos yongs su snang ba zhes bya ba/ de bzhin gshegs pa chos kyi dbyings nam mkha'i dpal rnam par snang ba'i sangs kyi zhing nas/ byang chub sems dpa' chags pa med pa'i dpal gyi rgyal po zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu/ bcom ldan 'das des gnang nas 'khor gyi dkyil 'khor rgya mtsho de nas 'phags te/ nam mkha'i dbyings rin po che'i snam bu'i sprin gyi rgyan gyis brgyan par byin gyis brlab pa dang / nam mkha'i dbyings rin po che'i gos kha dog ser po dang / mdog ser po'i sprin gyi rgyan gyis brgyan par byin gyis brlab pa dang / nam mkha'i dbyings rin po che'i gos spos sna tshogs kyis dri zhim por byas pa'i sprin gyi char rab tu 'bab pa'i rgyan gyis brtan par byin gyis brlab pa dang / nam ma ba dpying rin po che'i rgyal po nyi ma'i rgyal mtshan gyi sprin gyi rgyan gyis brgyan par byin gyis brlab pa dang / nam mkha'i dbyings nor bu rin po che gser gyi mdog shin tu 'bar ba'i sprin gyi rgyan gyis rgyan par byin gyis brlab pa dang / nam mkha'i dbyings nor bu'i rgyal po rin po che 'bar ba'i gos kyi sprin gyi rgyan gyis brgyan par byin gyis brlab pa dang / nam mkha'i dbyings rin po
- 35a
che skar ma thams cad kyi gzugs brnyan gyis sna tshogs su gyur pa'i gos kyi sprin gyi rgyan gyis brgyan par byin gyis brlab papa/ nam mkha'i dbyings phyogs bcu kun nas nor bu rin po che snam bu khra bo'i rdo ltar snang ba'i sprin gyis yong su rgyas par byin gyis brlab pa dang / nam mkha'i dbyings phyogs bcu kun nas rin po che'i rgyal po rnam par snang ba'i dpal rab tu 'bar ba'i 'od dang ldan pa'i gos kyi sprin gyis yongs su rgyas par byin gyis brlab pa dang / nam mkha'i dbyings phyogs bcu kun nas nor bu'i rgyal po snang ba shin tu gsal bas phyogs kyi dbyings rnam par snang ba'i gos kyi sprin gyis yongs su rgyas par byin gyis brlab pa dang / nam mkha'i dbyings rin po che'i rgyal po rgya mtsho'i rgyan gyi gos kyi sprin gyis kun nas yog par byin gyis brlab pa byed cing mi mjed kyi 'jig rten gyi khams gang na bder lhags nas/ bcom ldan 'das gang na ba der dong ste 'khor dang bcas pas/ bcom ldan 'das la phyag 'tshal nas byang skyes su brtan te/ rin po che'i rgyal po rgya mtsho yongs su 'byung ba'i khang pa btsogs pa dang / seng ge'i khri bai DUR+Ya'i pad+mo'i snying po can rag mngon par sprul nas/ nor bu rin po che'i rgyal po se ge mdzes pa'i dra bas yongs su brgyan pa dang / rin po che skar ma'i rgyal mtshan mgo la thogs pa'i byang chub sems dpa'i lus su byin gyis brlabs nas/ skyil mo krung bcas te
- 35b
'khod do/ / byung dang shar gyi phyogs mtshams kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu za ba snyed kyi pha rol gyi 'jig rten gyi khams chen pa thams cad du mdzes pa'i rin po che'i 'od zer gyi na pa rab tu 'gyed pa zhes bya/ de bzhin gshegs pa mi dmigs pa'i spyan gyi sangs rgyas kyi zhing nas/ byang chub sems dpa' co dbyings su shin tu 'phrul ba'i smon lam tha ba zhes byab/ byang chub sems dpa' 'jig rten gyi khams rgya mtsho 'arjod du med pa'i rdul shin tu za bsnyed dang ldan cig tu/ bcom ldan des gnang nas rje'i ri gyi dkyil 'khor rgya mtshor nas 'phagasate/ 'jig rten gyi khams rab 'byam thams cad rin po che'i ga pa brtsegs pa'i sprin gyis kun nas khebs par byin gyis brnab pa dang 'jig rten gyi khams rang 'brum thams cad thos kyi 'ang ba brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byam thams cad 'dug spos kyi yang ba brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'brum thams cad tsan dran gyi 'ang pa brjems dr-in gyis kun nas thebs par byer gyis brnang pa dang / 'jog rten gyi khams rab 'bum thams cad me tog gi 'ang pa brtsegs pa tshe smin gyis kun nas lems par byin gyis ba
- 36a
pa dang / 'jig rten gyi khams rab 'byam thams cad rin po che'i khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byam thams cad rdo rje'i khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byam thams cad gser gyi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byam thams cad gos kyi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byam thams cad pad+mo'i khang pa brtsegs pa'i sprin gyis kun nas khebs par byin gyis brlab pa byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste 'khor dang bcas pas/ bcom ldan 'das la phyag 'tshal nas byang dang shar gyi phyogs mtshams su brtan te/ nor bu rin po che'i khang pa brtsegs pa sgo chos kyi dbyings thams cad la mngon par lta ba dang / seng ge'i khri rin po che'i rgyal po spos mtshungs pa med pa'i pad+mo'i snying po can dag mngon par sprul nas/ rin po che'i rgyal po'i me tog gi dra yongs su brgyan pa dang / rin po che'i rgyal po mdzod sna tshogs kyi dra ba'i cod pan bcings pa'i byang chub sems dpa'i lus su byin gyis brlabs nas/ skyil mo krung bcas te
- 36b
'khod do/ / shar dang lho'i phyogs mtshams kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams spos kyi sprin bkod pa'i rgyal mtshan zhes bya ba/ de bzhin gshegs pa klu dbang rgyal po'i sangs rgyas kyi zhing nas/ byang chub sems dpa' chos kyi 'od 'phro ba dang ldan pa'i rgyal po zhes bya ba byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu/ bcom ldan 'das des gnang nas 'khor gyi dkyil 'khor rgya mtsho de nas 'phags te/ nam mkha'i dbyings thams cad 'od kyi dkyil 'khor gser gyi kha dog lta bu'i sprin gyis kun tu khyab par bya ba dang / nam mkha'i dbyings thams cad rin po che kha dog mtha' yas pa'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad de bzhin gshegs pa'i mdzod spu'i kha dog gi 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad rin po che sna tshogs kyi kha dog lta bu'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad pad+mo'i snying po'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad nor bu'i rgyal po rin po che'i shing gi yal
- 37a
ka'i dkyil 'khor lta bu'i 'od kyi dkyil 'khor gyi sprin gyis ba tu khyab par bya ba dang / nam mkha'i dbyings thams cad de bzhin gshegs pa'i gtsug tor lta bu'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad 'dzam bu'i chu klung gi gser gyi kha dog lta bu'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad nyi ma'i kha dog lta bu'i 'od kyi dkyil 'khor gyi sprin gyis kun tu khyab par bya ba dang // nam mkha'i dbyings thams cad zla ba dang skar ma'i tshogs kyi kha dog lta bu'i 'od kyi dkyil 'khor gyi sprin gyis kun tu khyab par byed cing / mi mjed kyi 'jig rten gyi khamam gang na ba der lhags nas/ bcom ldan 'das gang na ba der dong ste 'khor dang bcas pas/ / bcom ldan 'das la phyag 'tshal nas shar dang lho'i phyogs mtshams su brtan te/ rin po che rdul dang bral zhing rnam par snang ba phun sum tshogs pa'i me tog gi khang pa brtsegs pa dang / seng ge'i khri rin po che seng ge rdo rje'i pad+mo'i snying po can dag mngon par sprul nas/ nor bu'i rgyal po rin po che'i 'od zer rab tu 'bar ba'i dra bas yongasu brgyan pa'i byang chub sems dpa'i lus su byin gyis brlabs nas/ skyil mo krung bcas te 'khod do// lho dang nub kyi phyogs mtshams kyi 'jig
- 37b
rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams ring po che'i nyi ma'i rab tu snang ba'i snying po zhes bya ba/ de bzhin gshegs pa chos kyi 'khor lo'i ye shes kun tu snang ba'i rgyal po'i sangs rgyas kyi zhing nas/ byang chub sems dpa' bdud kyi 'khor thams cad rnam par 'thor ba'i ye shes rgyal mtshan zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba bsnyed dang lhan cig tu/ bcom ldan 'das des gnang nas 'khor gyi dkyil 'khor rgya mtsho de nas 'phags te/ ba spu'i bu ga thams cad nas me tog 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ba thams cad nas rol mo 'od 'phro ba'i sprin nam mkha' ltar yangs pa rab tu dgye ba dang / baspu'i bu ga thams cad nas nor bu rin po che 'od 'phro ba'i sprir nam mkha' dbyings ltar yang sa ba rab tu dgye ba dang / ba spu'i bu ga thams cad nas rin po che'i gos 'od 'phro ba spos dang bdug spos sna tshogs kyis rnam par bdugs pa'i sprin nam mkha'i dbyings ltar yangs pa rab tu dgye ba dang / ba spu'i bu ka thams cad nas klu sa rnam par sprul pa'i glog 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga
- 38a
thams cad nas nor bu rin po che rnam par snang ba 'od 'phro ba'i sprin nam mkha'i dbyings ltar yangs pa rab tu dgye ba dang / ba sku'i bu ka thams cad nas nor bu rin mo chetsheche gser rab tu 'bar ba 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas rin po che'i rgyal po dpal gyi snying po 'bar ba 'od 'phro ba'i sprin nam mkha'i dbyings ltar yat+pa pa rab tu dgye ba dang / ba spu'i bu ga thams cad nas nor bu rin po che de bzhin gshegs pa'i dgongs pa rgya mtsho ltar dus gsum gyi rgyud rab tu snang ba'i tshul dang ldan pa 'od 'phro ba'i sprin nam mkha'i dbyings ltar yangs pa rab tu dbye ba byed cing / / mi mjed kyi 'jig rten gyi kham gang na ba der lhags nas// bcom ldan 'das gang na ba der dong ste 'khor dang bcas pas/ bcom ldan 'das la phyag 'tshal nas lho dang nub kyi phyogs mtshams su brtan te/ / nor bu rin po che chen po 'od zer gyi dra ba phyogs kun tu mngon par gzhol ba'i thig les chos kyi dbyings thams cad du rab tu snang ba'i khang pa brtsegs pa dang / seng ge'i khri nor bu rin po che spos kyi sgron ma'i 'od 'phro ba'i pad+mo'i snying po can dag mngon par sprul nas/ rin po che'i rgyal po dri ma med pa'i snying po'i dra bas yongs su brgyan pa dang // rin po che'i rgyal po sems can thams cad rab tu 'dzud pa'i dbyangs dang ldan pa'i cod pan bcings pa'i byang chub sems rapa'i lus su byin gyis brlabs nas/ skyil mo krung bcas te 'khod do// nub dang / nga gi phyogs
- 38b
mtshams kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams rnam par snang mdzad kyi snying po zhes bya ba/ de bzhin gshegs pa dpal gyi ri bo kun rnam par snang ba'i rgyal po'i sangs rgyas kyi zhing nas/ byang chub sems dpa' rnam par snang ba'i smon lam yis shes dpal zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu za ba snyed dang lhan cig tu/ bcom ldan 'das des gnang nas 'khor gyi dkyil 'khor rgya mtsho de nas 'phags te/ mtshan dang dpe byad bzang po thams cad dang / baspu'i sgo thams cad dang / lus thams cad nas dus gsum du gshegs pa'i de bzhin gshegs pa thams cad kyi sku gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du byung ba'i byang chub sems dpa' thams cad kyi lus kyi gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i de bzhin gshegs pa thams cad kyi 'khor gyi dkyil 'khor lus kyi gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i sangs rgyas thams cad kyi sprul pa'i tshogs kyi gzugs brnyan mang po'i sprin
- 39a
kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / sus thams cad nas dus gsum du gshegs pa'i de bzhin gshegs pa thams cad kyi sngon gyi sbyor ba'i gzugs brnyan mang po'i sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du byung ba'i nyan thos dang rang sangs rgyas thams cad kyi lus kyi gzugs brnyan rab tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i de bzhin gshegs pa thams cad kyi snying po byang chub dang / byang chub kyi shing gi gzugs kyi gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i sangs rgyas thams cad kyi rnam par 'phrul pa'i gzugs brnyan mang po'i sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du byung ba'i 'jig rten gyi dbang po thams cad kyi lus kyi gzugs brnyan gyi sprin kun tu dbye ba dang / mtshan dang dpe byad bzang po thams cad dang baspu'i sgo thams cad dang / lus thams cad nas dus gsum du byung ba'i sangs rgyas kyi zhing yongs su dag pa thams cad kyi gzugs brnyan gyi sprir kun tu dgye ba skad cig skad cig tu nam mkha'i dbyings thams ca
- 39b
rgyas par 'gengs shing / / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste 'khor dang bcas pas/ bcom ldan 'das la phyag 'tshal nas nub dang byang gi rtsos mtshams su brtan te/ rin po che'i rgyal po phyog kun nas rnam par snang ba'i snying po'i seng ge khri rin po che 'gro ba rnam par snang ba'i pad+mo'i snying po can dag mngon par sprul nas/ mu tika 'od thug pa med pa'i dra bas yongs su brgyan pa dang / rin po 'od kun tu snang ba'i cod pan bcings pa'i byang chub sems dpa'i lus su byin gyis brlabs nas/ skyil mo krung bcas te 'khod do// 'og gi phyogs k yi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams de bzhin gshegs pa thams cad kyi 'od kyi dkyil 'khor rnam par snang ba zhes bya ba/ de bzhin gshegs pa ye shes nam mkha' lta bur chags pa med pa'i dpal gyi rgyal mtshan rgyal po'i sangs rgyas kyi zhing nas/ byang chub sems dpa' bsgribs pa thams cad rnam par 'thor ba'i ye shes kyis rnam par gnon pa zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu/ bcom ldan 'das des gnang nas 'khor gyi dkyil 'khor rgya mtsho de nas 'phags te/ ba spu'i bu ga thams cad nas 'gro ba thams cad kyi skad dang / sgra dang / dbyangs dang / nges pa'i tshig mngon par bsgrubs pa rgya mtsho rab tu brjod pa dang / dus gsum gyi
- 40a
byang chub sems dpa' thams cad 'byung ba'i tshul rgya mtsho'i sprin gyi 'brug sgra rab tu bsgrag pa dang / byang chub sems dpa' thams cad kyi smon lam mngon par bsgrub pa'i tshul rgya mtsho dbyangs rab tu bsgrag pa dang / byang chub sems dpa' thams cad kyi pha rol tu phyin pa yongs su dag pa yongs su rdzogs par bya ba'i tshul rgya mtsho'i sprin gyi sgra rab tu bsgrag pa dang / byang chub sems dpa' thams cad kyi spyod pa'i dkyil 'khor zhing thams cad du rgyas par 'gengs pa'i tshul rgya mtsho'i dbyangs rab tu bsgrag pa dang / byang chub sems dpa' thams cad kyi yang dag par bsgrub pa dang rnam par 'phrul pa'i tshul rgya mtsho'i dbyangs rab tu bsgrag pa dang / de bzhin gshegs pa thams cad byang chub pa'i snying por gshegs pa dang / bdud kyi dkrug ma rnam par 'thor ba dang / byang chub pa'i snying por rnam par 'tshang rgya ba dang / rnam par 'phrul pa mdzad pa'i dbyangs rgya mtsho rab tu bsgrag pa dang / de bzhin gshegs pa thams cad kyi chos kyi 'khor lo bskor ba dang / mdo sde'i tshul dang / ming rgya mtsho'i dbyangs kyi sprin gyi 'brug sgra bsgrag pa dang / 'gro ba 'dul ba thams cad dus la bab pa'i 'khor los 'dul ba'i chos kyi tshul dang thabs kyi sgra rab tu bsgrag pa dang / ye shes thams cad khong du chud par bya ba'i phyir smon lam ji ltar btab pa dang / dge ba'i rtsa ba'i khyad par dang / dus dang / thabs dang / chos kyi tshul rgya mtsho'i dbyangs rab tu bsgrag pa byed cing / mi mjed kyi 'jig rten gyi khams gang na ba der lhags nas/ bcom ldan 'das kang
- 40b
na ba der dong ste 'khor dang bcas pas/ bcom ldan 'das la phyag 'tshal nas 'og gi phyogs su brtan te// de bzhin gshegs pa thams cad kyi gzhal med khang gzugs brnyan du rab tu sna ba'i rin po che sna tshogs thams cad kyi mdzod kyi khang pa brtsegs pa dang / seng ge'i khri rin po che thams cad kyi gzugs kyi pad+mo'i snying po can yongs su gzung ba dag mngon par sprul nas/ rin po che'i snying popo byang chub thams cad kyi gzugs brnyan rab tu snang ba'i rgyal mtshan gyi cod pan mgo la bcings pa'i byang chub sems dpa'i lus su byin gyis brlabs nas/ skyil mo krung bcas te 'khod do// steng gi phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams sangs rgyas kyi rigs mi zad pa shin tu ston pa zhes bya ba/ de bzhin gshegs pa ye shes kyi dkyil 'khor kun tu snang ba'i dbyangs kyi sangs rgyas kyi zhing nas/ byang chub sems dpa' chos kyi dbyings kyi smon lam gyi gzhi rab tu rtog pa zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu/ bcom ldan 'das des gnang nas 'khor gyi dkyil 'khor rgya mtsho de nas 'phags te/ mtshan dang dpe byad bzang po thams cad dang / ba spu'i sgo thams cad dang / lus thams cad dang // yan lag dang nying lag thams cad dang / tshig gi lam thams cad dang / gos dang smad g.yogs thams cad nas/ byang chub sems dpa'i
- 41a
'khor thams cad dang / bdag dang / bcom ldan 'das rnam par snang mdzad dang / sngon gyi mtha'i mur thug pa'i de bzhin gshegs pa 'das pa thams cad dang / phyi ma'i mtha'i mu thug pa'i de bzhin gshegs pa lung bstan pa dang / lung ma bstan pa ma byon pa thams cad dang / da ltar byung ba phyogs bcu'i sangs rgyas kyi zhing rab 'byam thams cad na bzhugs pa rnams kyi sngon sbyin pa'i pha rol tu phyin pa mdzad pa dang ldan pa'i sngon gyi sbyor ba rgya mtsho dang / len pa dang / sbyin pa'i dngos po thams cad kyi gzugs brnyan mtshan dang dpe byad bzang po dang / ba spu'i sgo dang / lus thams cad dang / yan lag dang / nying lag dang / tshig gi lam dang / gos dang / smad g.yogs thams cad la rab tu snang bar gyur par rnam par bstan pa dang / tshul khrims kyi pha rol tu phyin pa thams cad dang ldan pa'i sngon gyi sbyor ba rgya mtsho dag kyang rab tu snang bar yongs su bstan pa dang / bzod pa'i pha rol tu phyin pa dang ldan pa yan lag dang nying lag thams cad 'thub pa rab tu bstan pa dang ldan pa'i sngon gyi sbyor brgya mtsho rab tu snang bar gyur pa yongs su bstan pa dang / byang chub sems dpa' thams cad kyi brtson 'grus dang / drag shul dang / rnam par gnon pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / de bzhin gshegs pa thams cad kyi bsam gtan rgya mtsho yongs su tshol zhing rab tu bsgrub pa dang ldan pa'i sngon gyi sbyor ba rgya mtsho rab tu snang bar gyur pa yongs su
- 41b
bstan pa dang / de bzhin gshegs pa thams cad kyi chos kyi 'khor lo bskor ba'i tshul yongs su bsgrub cing chos yongs su tshol ba dang ldan pa dang / bdog pa thams cad yongs su gtong zhing / shin tu zhe non pa'i lus dang / ngo'i gzugs brnyan rnam par dmigs par bya bas sngon gyi sbyor ba rgya mtsho rab tu snang bar gyur pa yongs su bstan pa dang / de bzhin gshegs pa thams cad mthong zhing dga' ba dang / byang chub sems dpa' thams cad kyi lam la 'gro ba thams cad mngon par mos par byed pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / byang chub sems dpa' thams cad kyi stobs kyi pha rol tu phyin pa rab tu grub pa dang / rnam par mnan pa dang / rnam par dag par byas pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / chos kyi dbyings rgya mtsho chen po rnam par 'phrul pa thams cad kyi sprin gyis rgyas par bka' ste/ byang chub sems dpa' thams cad kyi ye shes kyi dkyil 'khor dang ldan pa'i sngon gyi sbyor brgya mtsho rab tu snang bar gyur pa yongs su bstan pa byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste 'khor dang bcas pas/ bcom ldan 'das la phyag 'tshal nas steng gi phyogs su brtan te/ rdo rje'i dbang po sna tshogs thams cad kyi rgyan gyi snying po can gyi khang pa brtsegs pa dang / seng ge'i khri rdo rje dang / in+d+ra nI la'i pad+mo'i snying
- 42a
po can dag mngon par sprul nas nor bu'i rgyal po rin po che thams cad rab tu 'bar ba'i kun nas brgyan pa dang / rin po che'i rgyal po nus gsum gyi de bzhin gshegs pa'i mtsha dbyings su sgrog pa'i 'phreng ba rab tu 'phyang ba dang / mgo la rin po che'i cod pan thogs pa'i byang chub sems dpa'i lus su byin gyis brlabs nas/ skyil mo krung bcas te 'khod do// / bam po brgyad cu bdun pa// / byang chub sems dpa' de dag thams cad kyang 'khor dang bcas par/ byang chub sems dpa' kun tu bzang po'i spyod pa dang / smon lam gyis byung ba// de bzhin gshegs pa thams cad kyi zhabs kyi drung nas zhal du lta ba/ ye shes yongs su dag pa'i mig dang ldan pa/ de bzhin gshegs pa thams cad kyi chos kyi 'khor lo dang mdo sde'i tshul gyi gsung rgya mtsho la rna ba yongs su gzhol ba/ byang chub sems dpa' thams cad kyi dbang rab tu thob par bya ba dang / pha rol tu phyin pa'i mchog thob pa/ de bzhin gshegs pa thams cad kyi drung du 'dong ste/ skad cig skad cig tu yongs su bstan par rnam par 'phrul bas byung ba/ 'jig rten gyi khams thams cad lus gcig gis rnam par dgang ba'i yul dang ldan pa/ de bzhin gshegs pa thams cad kyi 'khor gyi dkyil 'khor du lus mngon par 'byung zhing rnam par snang ba/ rdul shin tu phra ba gcig la 'jig rten gyi khams thams cad kyi khams
- 42b
gcig tu snang zhing khongs su chud par yang dag par ston pa'i yul dang ldan pa/ 'gro ba thams cad yongs su smin par bya ba dang / gdul ba'i dus la sdod par gzhol ba/ de bzhin gshegs pa thams cad kyi chos kyi 'khor lo'i sprin gyi 'brug smra ba spu'i bu ga thams cad nas rab tu sgrog pa'i yul dang ldan pa/ sems can gyi khams thams cad sgyu ma lta bur yongs su shes pa rab tu thob pa/ de bzhin gshegs pa thams cad mig yor lta bur khong du chud pa/ srid pa'i rgyud du skye ba thams cad rmi lam lta bur shes pas byung ba/ las dang rnam par smin pa thams cad gzugs brnyan lta bur shes pas rnam par dag pa/ ye shes mngon par grub pa thams cad smig rgyu lta bur mngon par shes pa/ 'jig rten gyi khams 'byam klas pa thams cad sprul pa lta bur khong du chud pa de bzhin gshegs pa'i stobs bcu dang ye shes kyi snang ba rab tu thob pa/ mi 'jigs pa'i khyu mchog dang seng ge'i nga ros rnam par gnon pa/ tha dad pa yang dag par shes pa/ mi zad pa'i rgya mtshor zhugs pa/ 'gro ba thams cad kyi skad rgya mtsho dang chos kyi nges pa'i tshig gi ye shes rab tu thob pa/ chos kyi dbyings dang nam mkha' ltar chags pa med pa'i ye shes kyi spyod yul dang ldan pa/ chos thams cad la bsgribs pa med pa'i ye shes rab tu thob pa/ byang chub sems dpa' thams cad kyi mngon par shes pa la ye shes kyi dkyil 'khor rnam par dag pa/ bdud kyi dkyil
- 43a
'khor thams cad rnam par dgug pa'i brtson 'grus dang ldan pa/ / dus gsum thams cad shes pa'i stobs la rab tu gnas pa/ chos thams cad la ye shes bsgribs pa med pa rab tu tho pa gnas med pas nam mkha'i spyod yul dang ldan pa/ thams cad mkhyen pa'i sa len pa med pa/ nam mkha' lta bu'i brtson 'grus dang ldan pa/ srid pa thams cad mi dmigs pa'i ye shes kyi spyod yul can/ chos kyi dbyings thams cad kyi tshul rgya mtsho la rab tu zhugs pa/ 'jig rten gyi khams thams cad tha mi dad pa'i ye shes kyi sgor zhugs pa/ 'jig rten gyi khams tham cad gcig nas gcig tu gzung ba'i rnam par 'phrul pas byung ba/ 'jig rten gyi khams kyi rgyud thams cad du skyes pa'i lus yongs su ston pa/ 'jig rten gyi khams thams gyad kyi dbyibs phra ba dang / rgya che ba dang / yangs pa dang / dog pa sna tshogs rab tu rtogs pa// shin tu phra bar rgya chen po yang dag par gzud pa'i ye shes khong du chud pa/ dmigs pa rgya chen po shin tu phra bar shes pa dang ldan pa/ sangs rgyas thams cad dang sems kyi skad cig la 'grogs pa rab tu thob pa// de bzhin gshegs pa thams cad kyi byin gyi rlabs kyi ye shes kyi lus dang ldan pa/ phyogs rgya mtsho thams cad du mgo rmongs pa med pa'i ye shes rab tu thob pa/ sems kyi skad cig gis phyogs rgya mtsho thams cad du rnam par 'phrul pas rgyas par 'gengs pa sha stag ste/ de bzhin gshegs padz+ra
- 43b
byin gyi rlabs kyis de lta bu'i yon tan tshad med pa dang ldan pa'i byang chub sems dpa' sha stag gis 'dze ta'i tshal thams cad yongs su rgyas par gyur kyang / nyan thos chen po shA ri'i bu dang / mo'u 'gal gyibu dang / 'od srungs chen po dang / nam gru dang / rab 'byor dang / 'gag med dang / mos po dang / ka t+ya'i bu dang / byams gang gi bu la sogs pas 'dze ta'i tshal na 'khor bzhin du/ de bzhin gshegs pa'i rnam par 'phrul pa de dag ma mthong ngo / / sangs rgyas kyi bkod pa de dag dang / sangs rgyas kyi khyu mchog gi mthu dang / sangs rgyas kyi rnam par rol pa dang / sangs rgyas kyi cho 'phrul dang / sangs rgyas kyi mnga' chen po dang / sangs rgyas kyi spyod pa'i rnam par sprul pa dang / sangs rgyas kyi mthu dang / sangs rgyas kyi byin gyi rlabs dang / sangs rgyas kyi zhing yongs su dag pa'ang ma mthong ngo / / byang chub sems dpa'i yul bsam gyis mi khyab pa de dag dang / byang chub sems dpa' kun nas 'ongs pa dang / byang chub sems dpa' kun nas 'dus pa dang / byang chub sems dpa' kun nas tshogs pa dang / byang chub sems dpa' nye bar 'ongs pa dang / byang chub sems dpa' rnam par 'phrul pa dang / byang chub sems dpa'i cho 'phrul dang / byang chub sems dpa'i 'khor gyi dkyil 'khor dang / byang chub sems dpa'i phyogs su 'khor pa dang / byang chub sems dpa'i seng ge'i khri bkod pa dang / byang chub sems dpa'i khang pa dang / byang chub
- 44a
sems dpa'i rnam par spyod pa dang / byang chub sems dpa'i ting nge 'dzin gyis rnam par rtse ba dang / byang chub sems dpa'i rnam par lta ba dang / byang chub sems dpa'i rnam par bgyis/ pa dang / byang chub sems dpa'i rnam par gnon pa dang / byang chub sems dpa'i de bzhin gshegs pa mchod pa dang / byang chub sems dpa'i lung bstan pa dang / byang chub sems rapa'i yongs su smin par gyur pa dang / byang chub sems dpa'i sngon du 'dor ba dang / byang chub sems dpa'i chos kyi lus rnam par dag pa dang / byang chub sems dpa'i ye shes kyi lus yongs su rdzogs pa dang / byang chub sems dpa'i smon lam gyi lus rnam par dmigs pa dang / byang chub sems dpa'i gzugs kyi lus yongs su grub pa dang / byang chub sems dpa'i mtshan phun sum tshegs pa yongs su dag pa dang / byang chub sems dpa'i 'od kyi dkyil 'khor kha dog mtha' yas pa'i bkod pa dang / byang chub sems dpa'i 'or zer gyi dra ba rab tu 'gyed pa dang / byang chub sems dpa'i sprul pa'i sprin kun tu 'gyed pa dang / byang chub sems dpa'i phyogs kyi dra ba rgyas par 'gengs pa dang / byang chub sems dpa'i spyod pa'i dkyil 'khor rnam par sprul pa'ang ma mthong ngo // de ci'i phyir zhe na/ dge ba'i rtsa ba mi mtshungs pa'i phyir te/ de dag gis ni sngon sangs rgyas kyi rnam par 'phrul pa mthong ba'i rgyur 'gyur ba'i dge ba'i rtsa ba ma bsags so// de dag la ni sngon sangs rgyas bcom ldan 'das rnams kyis phyogs bcu'i 'jig rten
- 44b
gyi khams su gtogs pa'i sangs rgyas kyi zhing thams cad kyi yon tan dang rgyan yongs su dag pa yang dag par bstan pa ma mdzad do/ / de dag la ni sangs rgyas bcom ldan 'das rnams kyis sang rgyas kyi rnam par 'phrul pa yang dag par brjod pa ma mdzad do/ / de dag gis ni sngon 'khor ba na 'khor ba'i tshe// sems can rnams bla na med pa yang dag par rdzogs pa'i byang chub tu yang dag par bskal ba ma byas so/ / de dag gis ni gzhan gyi sems kyi rgyud la byang chub tu sems bskyed pa rab tu bzhag pa ma byas so// de dag gis ni de bzhin gshegs pa'i gdung rgyan mi 'chad pa'i phyir zhugs pa ma yin no/ / de dag gis ni sems can thams cad yongs su bsdu ba'i phyir brtson pa ma yin no// de dag gis ni byang chub sems dpa' rnams pha rol tu phyin pa la yang dag par bsku ba ma byas so/ / de dag gis ni sngon 'khor ba na 'khor ba'i tshe/ 'gro ba thams cad las khyad par du 'phags pa'i ye shes kyi sa la dmigs pa ma byas so// de dag gis ni thams cad mkhyen pa nyid du 'gyur ba'i dge ba'i rtsa ba nye bar bsags pa ma byas so/ / de dag gis ni de bzhin gshegs pa'i 'jig rten las 'das pa'i dge ba'i rtsa ba yongs su ma bsgrubs so// de dag gis ni sangs rgyas kyi zhing yongs su dag pa thams cad du rnam par 'phrul pa'i mngon par shes pa khong du ma chud ro/ / de dag gis ni byang chub sems dpa'i mig gi lam gyis rnam par dmigs par bya ba 'jig rten
- 45a
ya su ya ma ma tha ma mas pa sa 'a pa byang chub sems pa'i sa byu smra na / / sna sa m+b+ha g yis ni byang chub sems dpa' kun tu bzang po'i ye shes kyi mig gi lam gyis rnam par dmigs pa thun mong ma yin pa/ de bzhin gshegs pa'i byin gyi rlabs las byung ba'i sgyu ma'i rnam pa'i chos gyis chubapa/ byang chub sems dpa mi 'du shes ma tshogs yangs su badzin pa rgyan gyis rnams pa// byang chub sems dpa'i dag pa'i shug sbyin pa rnam par 'phel par byed pa 'ang ma do/ / de bas na nyan thos chen po mchog gi zung dang / bzang po'i zung la sogs pa de dag gis de bzhin gshegs pa'i rnam par 'phrul pa de mi mthong ngo // mi thos so// mi shes so// khong du mi chud do// mi rtogs so// mi rig go// yid mi ches so// mi sems so// rnam par mi lta'o// rtogs par mi lta'o// nges par mi lta'o// nye bar mi sems so// de ci/ phyir zhe na/ de ni sangs rgyas kyi spyod yul te/ nyan thos kyi spyod yul ma yin no// de bas na nyan thos chen po de dag 'dze ta'i tshal de nyid na 'khod kyang / sangs rgyas kyi rnam par 'phrul pa de dag mi mthong ste/ de dag la de dang mthun pa'i dge ba'i rtsa ba med do// de dag gis sangs rgyas kyi rnam par 'phrul pa de dag mthong du/ de lta bu'i ye shes kyi mig rnam par ma dag gi/
- 45b
dmigs pa chung ngu la rgya chen po'i byin gyi rlabs kyis 'jug tu ting nge 'dzin de lta bu med do// de dag shes pa dang lta ba 'am/ khong du chud par bya ba 'am/ rtogs par bya ba 'am/ rgyas par dgang bar/ bya ba 'am/ 'jug par bya ba 'am/ rnam par blta ba 'am/ nyams su myong bar bya ba 'am/ gnan pa 'am/ rnam par gnon pa 'am/ gzhan gyis thos par bya ba 'am/ bstan par bya ba'am smos par bya ba 'am/ yang dag par bstan par bya ba 'am/ bstabs par bya ba 'am/ sbyin par bya ba 'am/ de la sems can rnams yongs su bskul bar bya ba 'am/ sbyar bar bya ba 'am rab tu dgod par bya ba 'am/ sangs rgyas kyi rnam par 'phrul pa'i chos nyid la sems can dgod par bya bar yang de dag la de lta bu'i rnam par thar pa med do// de lta bu'i rdzu 'phrul med do// de lta bu'i mchog gi mthu med do/ / de lta bu'i stobs med do// de lta bu'i dbang med do// de lta bu'i gnas med do// de lta bu'i 'du shes med do// de lta bu'i mig gi mthu med do// de lta bu'i ye shes med do// de ci'i phyir zhe na/ de dag ni de ltar nyan thos kyi theg pas byung ba/ nyan thos kyi lam gyis yongs su grub pa/ nyan thos kyi spyod pa'i dkyil 'khor yongs su rdzogs pa/ nyan thos kyi 'bras bu la gnas pa 'den pa snang ba shes pas nges par rtogs pa/ yang dag pa'i mtha' la gnas pa/ shin tu zhi ba'i mthar thug po/ snying rje chen po'i bsam pa med pa/ 'jig rten thams cad la mi lta mi sdod pa
- 46a
rang gi don grub pa dag ste/ de dag ni 'dze ta'i tshal de nyid du kun nas 'dus te 'khod la/ bcom ldan 'das kyi spyan snga dang / g.yas g.yon dang snam na/ bcom ldan 'das la mngon du lta bar gnas kyang / 'dze ta'i tshal der sangs rgyas kyi rnam par 'phrul pa de dag mthong bar ma gyur to// de ci'i phyir zhe na/ thams cad mkhyen pa'i ye shes la yang dag par ma bsgrubs pa dang / thams cad mkhyen pa'i ye shes yang dag par ma bsdus pa dang / thams cad mkhyen pa'i ye shes la yang dag par ma zhugs pa dang / thams cad mkhyen pa'i ye shes la smon lam yang dag par ma btab pa dang / thams cad mkhyen pa'i ye shes mngon par ma bsgrubs pa dang / thams cad mkhyen pa'i ye shes yongs su ma bsgoms pa dang / thams cad mkhyen pa'i ye shes ma sbyangs pa de dag gis ni/ de bzhin gshegs pa'i ting nge 'dzin gyi rnam par 'phrul pa de la 'jug cing rtogs par bya ba 'am/ blta zhing khong du chud par bya bar mi nus so// de ci'i phyir zhe na/ de ni byang chub sems dpa' rigs dang ldan pa rnams kyi mig gi lam gyis blta ba yin gyi/ nyan thos kyi mig gis blta ba ma yin no// de bas na nyan thos chen po de dag 'dze ta'i tshal de nyid na 'khod kyang / de bzhin gshegs ba'i rnam par 'phrul pa dang / sangs rgyas kyi byin gyi rlabs dang / sangs rgyas kyi zhing yongs su dag pa dang / byang chub sems dpa' kun nas 'dus pa'ang mthong bar ma gyur to//
- 46b
yang 'di lta ste/ dper na gang+gA'i chu klung chen po'i ngogs pha rol tshu rol tu yi dgas bkres pa dang skom pas rab tu mnar ba/ gcer ba/ gos med pa/ lus kyi mdog dang kha dog tshig cing 'chums pa dang rlung dang nyi mas bskams pa/ bya rog mang pos gtse ba/ spyang khyi dang wa sa mtho btsam pa brgya stong mang po kun nas 'dus kyang / pad+ma'i chu klung chen po mi mthong ste/ sgrib pa'i las kyis bsgribs pa'i phyir/ la las ni bskams te chu med par mthong ngo // la las ni thal bas yongs su gang bar mthong ngo // de bzhin du nyan thos chen po gnas brtan de dag 'dze ta'i tshal de nyid na 'khod kyang / thams cad mkhyen pa nyid dang mi mthun pa'i phyogs ma rig pa'i ling tog gis mig kun nas khebs pa dang / thams cad mkhyen pa nyid kyi sa'i dge ba'i rtsa ba'i mthus yongs su ma bzung ba'i phyir/ de bzhin gshegs pa'i rnam par 'phrul pa de dag ma mthong ma shes so// 'di lta ste/ dper na 'dun ma chen po 'dus pa'i skye bo mang po'i dbus su mi la la zhig gnyid kyis myos te log par gyur nas de gnyid kyis log pa'i rmi lam du gnas de nyid na lha'i grong rdal brgya byin gyi gnas blta na mdzes pa dang / ri rab kyi steng shing dang bcas pa/ bza' shing gi ra ba'i 'khor dang bcas pa/ lha'i bu mo bye ba khrag khrig brgya stong gis gang ba/ lha'i bu khrag khrig brgya phrag stong snyed gnas pa/ lha'i me tog sna tshogs kyis yongs su gang ba dang / yid bzhin gyi shing lha rdzas kyi gos dang / mu
- 47a
smyig gi 'phreng ba dang / rin po che'i can dang / saM mo das tshogs mang po 'byin pa dang / lha rdzas kyis la ldan rnam bya ma tshags rlung gis yongs su bskyod rnyig sku dbyangs yid du 'ong la snyan pa 'byin pa'i sil snyan gyi shing mang po dang / dga' ba'i rtsed mo'i bkod pa rnam pa sna tshogs mthong bar gyur la/ lha'i bu mo mang pos glu blangs pa dang / lha rdzas kyi rol mo byas pa'i sku yid du'ong zhing snyan pa thos par gyur te/ bdag nyid kyang de na 'dug pa snyam byed la/ lha rdzas kyi bkod pas klubs pa'i gnas de dag thams cad mthong bar gyur kyang / skye bo'i tshogs mang po de dag gis gnas de nyid na 'khod bzhin du mi mthong mi shes khong du mi chud do/ / de ci'i phyir zhe na/ de ni skyes bu gnyis kyis log pa de nyid kyi rmi lam gyis blta ba yin gyi// gnas de nyid na 'khod kyang skye bo mang po dag gis blta ba ma yin no/ / de bzhin du byang chub sems dpa' de dag dang / 'jig rten gyi dbang po byang chub la mngon par mos pa de dag sangs rgyas kyi byin gyi rlabs rgya chen po dang / rang gi dpe ba'i rtsa ba'i stobs ma nor bar shin tu bsags pa dang / thams cad mkhyen pa nyid du smon lam shin tu mngon par bsgrubs pa dang / de bzhin gshegs pa'i yon tan thams cad la shin tu zhugs pa dang byang chub sems dpa'i lam bkod pa chen po dang ldan pa la shin tu gnas pa dang / thams cad mkhyen pa'i ye shes kyi chos nyid dang / yan lag rnam pa thams cad du shin tu rdzogs pa dang / byang chub sems
- 47b
sam snang ba byang pa dang / sa la byags pa dang / d+hA nungs pa sa mas thalas pa sum na sems dpa' ting nge 'dzin gyis rnam par spong pa thams cad la rnam par rtse ba dang / byang chub sems dpa'i mi shes kyi spyod sras thams cad sa chags pa med par rnam par spyod pas/ bsam gyi mi khyab pa'i sangs rgyas kyi khyu mchog gi mthu byung ba de dag dang / sangs rgyas kyi rnam par rol pa de dag mthong zhing yong du chung la nyams su spong bar gyur kya / thos chen po mchog gi 'jung dang bzang po'i zung la sogs pa de dag la byang chub sems dpa'i mig med pas mthong bar mgyur shes par mgyur to/ / 'di lta ste/ dper na ro'i rgyal po khab can ldan gyi 'byung gnas kyis gang ba la/ sngags dang / rig sngags dang / sman gyi tshul dang / blang ba'i rgyus shes shing / rig sngags grub pa'i skyes bu gnas pa/ sman gyi cho ga thams cad shes pa/ sman blang ba'i las byed kyang ri bo'i dbang po de nyid la gnas pa'i phyugs dang / ba glang dang / ra lug 'tsho ba dang / rngon pa dang / de ma yin pa'i mi sman gyi tshul mi shes pa gzhan dag gis sman de dag gi cho ga dang / sman gyi ro dang / mthu dang / yon tan dang / byin dang / thabs dang / 'phrong ba mi shes so// de bzhin du byang chub sems dpa' de bzhin gshegs pa'i ye shes kyi yul la zhugs pa/ byang chub sems
- 48a
dpa'i rnam par 'phrul pa'i yul gyis byung ba de dag gis/ de bzhin gshegs pa'i ting nge 'dzin gyi rnam par 'phrul pa'i yul de dag mthong yang / nyan thos chen po mchog gi zung dang / bzang po'i zung la sogs pa rang gi dgos pas tshim par gyur pa/ gzhan gyi dgos pa yal bar gzhog pa/ btang snyoms can de dag 'dze ta'i tshal de nyid na gnas kyang / tshe 'di la bdes spyod pas bde zhing dga' bar gnas pa las/ phar de bzhin gshegs pa'i ting nge 'dzin gyi rnam par 'phrul pa'i yul de dag khong du mi chud do// 'di lta ste/ dper na sa chen po rin po che thams cad kyi 'byung gnas phun sum tshogs pa/ gter brgya stong du mas gang ba/ rin po che sna tshogs rnam pa tha dad pas yongs su gang ba 'di la'ang rin po che'i 'byung gnas dang / gter gyi rgyus la mkhas shig byang ba'i mi/ rin po che brtag pa'i gtsug lag gi blo shin tu byang ba/ gter gyi gtsug lag dang / rgyus dang / ngan rtags gya nom par lobs pa/ bsod nams rgya chen po'i stobs kyis brtan pa dag/ de las rin po che ci 'dod par blangs shing bdag kyang yongs su tshim par byed/ pha dang ma la'ang legs par rim gro byed/ bu pho smos kyang legs par gso bar byed cing / de ma yin pa'i sems can rga ba dang / na ba dang / dbul ba dang / nyam nyes pa dang / kha zas dang / gos kyis mi 'byor pa rnams la btud cing khyab par bgo bsha' byed pa/ nor gyi dga' ba sna tshogs
- 48b
nyams su myong bar byed kyang / sems can rin po che'i 'byung gnas dang / gter gyi rgyus mi shes pa/ bsod nams ma byas pa/ rin po che la shes pa'i mig yongs su ma dag pa/ de dag de nyid na 'khod kyang / rin po che'i 'byung gnas de dag dang / rin po che'i gter de dag khong du mi chud mi shes pas/ rin po che'ang blang du med do// rin po che'i don kyang byar med do// de bzhin du byang chub sems dpa' de bzhin gshegs pa'i yul bsam gyis mi khyab pa la ye shes kyi mig shin tu rnam par dag pa/ de bzhin gshegs pa'i ye shes kyi yul bsam gyis mi khyab pa la zhugs pa de dag 'dze ta'i tshal na 'khod cing / sangs rgyas kyi rnam par 'phrul pa de dag mthong la/ chos kyi tshul rgya mtsho la 'jug cing / ting nge 'dzin gyi phyag rgya yongs su sgrub ste/ de bzhin gshegs pa'i mchod pa dang rim gro la brtson zhing / dam pa'i chos yongs su gzung ba la mngon par brtson te/ bsdu ba'i dngos po bzhis sems can de dag yongs su sdud kyang / nyan thos chen po de dag gis de bzhin gshegs pa'i rnam par 'phrul pa de dag dang / byang chub sems dpa'i tshogs chen po kun nas 'dus pa de lta bu'ang ma mthong ma shes so// 'di lta ste/ dper na skyes bu la la zhig mig gnyis po gos kyis bkab ste rin po che'i gling du phyin par gyur na/ des rin po che'i gling der phan tshun 'gro ba dang / 'greng ba dang / 'dug pa dang / nyal ba byas kyang rin po che'i 'byung gnas de mi mthong ngo // rin po che'i shing dang /
- 49a
gos kyi rin po che dang / spos kyi rin po che dang / rin po che thams cad kyang mi mthong la/ rin po che de dag gaspyod yub lam/ rin thang ngam/ yongs su spyad pa'i rgyas kyang mi shes pas/ de ni rin po che de dag len kyang mi len la/ rin po che'i don kyang nyams su myong bar mi byed do// gang gi mig la bsgribs pa med pa de dag gis ni de dag thams cad mthong zhing shes so/ / de bzhin du byang chub sems dpa' chos rin po che'i gling chen por phyin pa de dag gis/ bla na med pa'i de bzhin gshegs pa rin po che 'jig rten thams cad kyi rgyan du gyur pa mngon du gyur to/ / 'dze ta'i tshal na bzhugs shing / sangs rgyas kyi rnam par 'phrul pa bsam gyis mi khyab pa yongs su ston pa mthong yang / nyan thos chen po de dag de bzhin gshegs pa'i zhabs kyi drung de nyid na gnas shing spyod kyang / de bzhin gshegs pa'i ting nge 'dzin gyi yul rnam par 'phrul pa'i cho 'phrul de dag ma mthong ngo // byang chub sems dpa'i tshegs mang po de lta bu'i rin po che'i 'byung gnas chen po'ang mthong bar ma gyur to/ / de ci'i phyir zhe na/ de bzhin gshegs pa'i ting nge 'dzin gyi khyu mchog gi mthu phyung ba dang / cho 'phrul bsam gyis mi khyab pa de dag bltar thams cad mkhyen pa nyid dang mi mthun pa'i phyogs kyi ma rig pa'i gos kyis ye shes kyi mig bkab pa de dag la/ byang chub sems dpa'i ye shes kyi mig yongs su dag pa de lta bu med do// de dag gis chos kyi
- 49b
dbyings gcig nas gcig tu brgyud pa la 'jug pa de lta bu khong du ma chud do/ / 'di lta ste/ dper na mig yongs su dag pa rdul dang bral bas rab tu snang ba dang ldan pa zhes bya ba rab rab dang / mun pa thams cad dang mi 'grogs pa yod de/ de mi la la zhig gis thob par gyur na/ de rdul dang bral bas rab tu snang ba dang ldan pa'i mig yongs su dag pa dang ldan pas mtshan mo mun pa'i mun nag shin tu gnag par gyur pa'i nang na/ sems can bye ba khrag khrig brgya stong kun nas 'dus pa dang / cho ga dang / spyod lam rnam pa sna tshogs dang ldan zhing / mun pa'i rab rib gyis mig yongs su 'khrigs par gyur pa'i mi'i khrod na 'dug cing rnam par rgyu la phan tshun 'gro ba dang / 'greng ba dang / spyod lam rnam pa sna tshogs kyis spyod kyang / mi de dag gis skyes bu spyod lam sna tshogs kyis spyod pa de mi mthong mi shes so// skyes bu des ni 'gro ba'i tshogs chen po spyod lam dang cho ga sna tshogs kyis rnam par spyod pa/ phyogs tha dad du mngon par bltas pa/ dbyibs kyi rnam pa tha dad pa/ kha dog gi rnam pa tha dad pa/ dmigs pa'i tshul tha dad pa thams cad kyang mi mthong ba med do/ / de bzhin du de bzhin gshegs pa byang chub sems dpa'i tshogs kyi 'khor mnga' ba/ rnam par dag cing chags pa mi mnga' ba'i spyan dang ldan pas/ 'jig rten thams cad mkhyen cing gzigs te/ sangs rgyas kyi ting nge 'dzin gyi rnam par 'phrul pa dang cho 'phrul chen po bstan pa mdzad kyang / nyan thos chen po de dag gis de bzhin
- 50a
gshegs pa'i ye shes dang / ting nge 'dzin gyis rnam par sprul pa'i tshe 'phrul chen po de dag mthong bar smram+WAr to// byang chub sems dpa' chen po'i tshogs chen po la bul mthong bar ma gyur to/ / 'di lta ste/ dper na dge slong la la zhig skye bo mang po'i tshogs kyi dbus su skus khyab pa'i ting nge 'dzin la snyoms par zhugs sam/ chus khyab pa 'am/ mes khyab pa'am/ rlung gis khyab la'am/ sngon pos khyab pa 'am/ ser pos khyab pa 'am/ dmar pos khyab pa 'am/ dkar pos khyab pa 'am/ lhas khyab pa 'am/ sems can sna tshogs kyi lus kyis khyab pa pas/ sgra dang dbyangs kun gyis khyab pa 'am/ dmigs pa thams cad kyis khyab pa'i ting nge 'dzin la snyoms par zhugs na/ 'gro ba mang po'i tshogs de dag gis chu'i phung po de mi mthong ngo // me'i snang ba de'ang mi mthong ngo / / sems can sna tshogs kyi lus kyis khyab pa dang / dmigs pa thams cad kyis khyab pa'i bar du'ang mi mthong ste/ ting nge 'dzin de la snyoms par zhugs shing rnam par spyod pa rnams ni ma gtogs so/ / de bzhin du de bzhin gshegs pas sangs rgyas kyi ting nge 'dzin gyi yul gyi rnam par sprul pa bsam gyis mi khyab pa de dag yongs su bstan pa mdzad na/ nyan thos chen po de dag gis mthong zhing shes par ma gyur te/ byang chub sems dpa' de bzhin gshegs pa'i lam la zhugs pa de dag gis ni de bzhin gshegs pa'i yul de dag mthong ngo // khong du chud do// 'di lta ste/
- 50b
dper na sru ba rngub pa'i mi ni mig gnyis bsdus ma thag tu/ skye bo mang po thams cad kyis lus mi mthong ngo // des ni 'gro 'am/ 'dug gas/ baphreng yang rung ste/ skye bo mang po thams cad mthong / de bzhin du de bzhin gshegs pa 'jig rten las 'das pa/ 'gro ba thams cad kyi yul las yongs su 'das pa/ thams cad mkhyen pa'i ye shes kyi yul du zhugs pa/ byang chub sems dpa' ye shes kyi mig gis shes par bya ba des 'gro ba thams cad gzigs kyang / nyan thos chen po de dag gis de bzhin gshegs pa'i rnam par 'phrul pa de dag ma mthong ngo // 'di lta ste/ dper mi'i tsher 'grogs pa'i lha rtag tu rjes su 'brang ba ni des mi de mthong yang / mis lnga de mi mthong ngo // de bzhin du de bzhin gshegs pa thams cad mkhyen pa'i ye shes kyi yul la bzhugs pa/ byang chub sems dpa'i tshogs kun nas 'dus pa chen po'i dbus su sangs rgyas kyi rnam par 'phrul pa chen po yongs su bstan pa mdzad kyang / nyan thos chen po de dag gis de bzhin gshegs pa'i rnam par 'phrul pa dang / cho 'phrul chen po dang / byang chub sems dpa'i 'khor gyi dkyil 'khor gyi rnam par 'phrul pa de dag kyang ma mthong ma shes so// 'di lta ste/ dper na dge slong sems can thams cad la dbang gi pha rol tu phyin pa'i mchog thob pa/ 'du shes dang tshor ba 'gog pa la snyoms par zhugs pa ni/ shes pa med la tshor ba med pas dbang po drug gis kyang bya ba gang yang nyams su
- 51a
mi myong ste/ mya ngan las 'das pa'ang ma yin la/ 'jig rten gyi rnam par spyod pa thams cad gnas de na yod kyang / snyoms par zhugs pa de nyid kyi byin gyi rlabs dang mthu des mi shes mi mthong ngo / / de bzhin du nyan thos chen po de dag 'dze ta'i tshul de na'ang rnam par spyod la/ de dag la dbang po drug kyang yod de/ de bzhin gshegs pa'i ting nge 'dzin dang / rnam par 'phrul pa dang / khyu mchog gi mthu phyung ba dang / cho 'phrul de dag mthong bar ma gyur/ khong du chud par ma gyur/ shes par ma gyur to// byang chub sems dpa'i cho 'phrul chen po de dag dang / byang chub sems dpa'i rnam par 'phrul pa de dag kyang khong du ma chung ma mthong ma shes so/ / de ci'i phyir zhe na/ sangs rgyas kyi yul ni zab cing yangs la tshad med de/ blta bar dka' zhing rtogs par dka' ste/ khong du chud par dka' la/ 'jig rten thams cad las yongs su 'das pa'o// sangs rgyas kyi yul ni bsam gyis mi khyab pa ste/ nyan thos dang rang sangs rgyas thams cad kyis mi 'dus pa'o// de bas na nyan thos chen po de dag 'dze ta'i tshal de nyid na 'khod cing / bcom ldan 'das kyi zhabs kyi drung na spyod kyang / sangs rgyas kyi rnam par 'phrul pa de dag dang / byang chub sems dpa'i tshogs chen po de dag kyang ma mthong ngo / / 'dze ta'i tshal 'jig rten gyi khams grangs med pa/ bsam gyis mi khyab pa rnam par dag pa'i yon tan dang / bkod pa yongs su 'dus pa de'ang ma mthong ma shes te/ de ni
- 51b
snong du ma gyur pa'i phyir ro/ / de nas byang chub sems dpa' rnam par snang mdzad kyi smon lam gyi gtsug gi 'od zer rab tu snang bas/ sangs rgyas kyi byin gyi rlabs kyis de'i tshe tsham su bcad pa 'di dag smras so/ / ltos shig sems can dam pa yi// sangs rgyas byang chub bsam mi khyab// rgyal bas sangs rgyas rnam 'phrul pa// 'dze ta'i rgyal mtshan 'dir bstan to// rang byung rnams kyi byin gyi rlabs/ / bgrang du med par 'byung ba la// sangs rgyas chos tshul mi shes pa'i// 'jig rten kun kyang mgo rmongs so// chos kyi rgyal po'i cho 'phrul dag/ tshad med bsam gyis mi khyab cing / / shin tu zab pa 'byung ba ni// de la 'jig rten 'bab mi nus// rdzogs pa'i sangs rgyas kha dog mdog/ mtshan gyis shin tu rnam par klubs// yang dag sangs rgyas bskyed pa yi/ / chos rab de dag mtshan nyid med// rnam 'phrul mtha' dang dbus med pa// tshig gi lam gyis brjod dka' ba'i// rnam 'phrul shin tu zab pa dag/ rgyal bas 'dze ba'i tshal du bstan/ rgyal sras bdag nyid che ba'i rnams// zhing rnams bsam yas bye ba nas// rgyal ba'i zhal ltar mos dga' ste// kun nas 'dus pa'i tshogs la ltos// smon lam yongs su phun sum tshogs// spyod la ma spyod pa chags med pa// de dag bsam pa shes par ni// 'jig rten kun gyis mi nus so// de dag sems dang spyod yul dang // spyod pa dag kyang nyan thos dang // rang rgyal thams cad
- 52a
yongs kyis kyang / / rnam pa kun tu shes mi nus// rgyal sras shes rab chen po'i rnams// gzhan gyis thub dka' bam med la// dpa' ba'i rgyal mtshan ma 'dres shing / ye shes sa la gzhol gyur pa// ting 'dzin dpag tu tshad med la// zags chen mnyam par bzhag pa rnams// chos dbyings thams cad rgyas bkang zhing // rnam par 'phrul pa kun kyang ston// de nas byang chub sems dpa' thub par dka' ba'i brtson 'grus kyi shugs kyi rgyal pos/ sangs rgyas kyi byin gyi rlabs kyis phyogs bcur rnam par bltas nas/ de'i tshe tshigs su bcad pa 'di dag smras so/ / bsod nams snying po shes rab che// byang chub spyod pa'i tshul rtogs shing // 'jig rten gun la bde byed pa'i// bde gshegs sku las skyes pa ltos// yid gzhungs blo gros mtha' yas shing // shin tu mnyam gzhag sems ldan pa// mtha' dang dbus med zab pa yi// ye shes rgya chen spyod yul can// rgyan rab mang pos mdzes byas pa'i// 'dze ta'i nags tshal rgya che ba// byang chub sems dpa' kun rgyas shing // bde gshegs bzhugs pa'i gnas gyur par// gnas med mi gnas gyur pa'i rnams// phyogs rnams bcu kun 'dus te/ / pad+mo'i stan la 'khod pa dag/ rgya mtsho mngal lta bgyis// gnas med len pa med pa'i rnams// spros pa med cing mi rten la// rdul bral chags pa'i sems med pa// chos kyi dbyings la
- 52b
gzhol ba dang / / ye shes rgyal mtshan rab dpa' ba// rdo rje'i sems ni mi g.yo zhing // grub pa med pa'i chos rnams la// mya ngan 'da' bar gang ston pa// phyogs bcu'i zhing mang bye ba'i rnams/ grangs kyis mi chod kun nas 'dus// yang dag sangs rgyas drung du lhags// gnyis kyi 'du shes rnam par spangs// rang byung shAkya seng ge yi// rnam par 'phrul pa 'di dag mthong // de yi byin rlabs dam pa yis/ / byang chub sems dpa' 'di dag lhags// sangs rgyas chos la 'byed pa med// chos dbyings gzhi la'ang de bzhin te// spyod pa tsam du yongs 'byed pa'i// pha rol phyin pa rgyal ba'i sras/ / chos kyi dbyings la dbyer med pa'i// mtha' la thug pa de dag gnas// tshig rnams yongs su zad med pas// chos la dbye ba'ang rab tu byed// de nas byang chub sems dpa' dpal kun nas 'phags pa'i gzi brjid rgyal pos/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so// ltos shig sems can dam pa yi// ye shes dkyil 'khor shin tu yangs// dus dang dus min mkhyen mdzad cing // sems can rnams la chos kyang ston// mu stegs ldan pa'i tshogs 'dus pa'i// rgol ba thams cad rab tu 'joms// sems can bsam pa ji bzhin du// rnam par 'phrul pa yongs su ston// phyogs na mi bzhugs bde gshegs rnams// sangs rgyas yul gyi rjes mi bzhud//
- 53a
tshad med pa dang tshad yod las// thub pa chen po 'das pa min// nyi ma mkha' las 'gro ba ni// nyin par bgrangs pa smos pa byed// de bzhin mkhyen pas mkhas ston pa/ dus gsum chags pa med pas brjod// zla ba nya ba'i mtshan mo la// zla ba'i dkyil 'khor 'phags par snang // de bzhin chos dkar yongs rdzogs pa'i// mgon po rnams kyang mthong ba yin// bar snang nam mkha'i dbyings 'di las// nyi ma'i dkyil 'khor rgyu ba ni// gar yang thogs pa med par 'gro// sangs rgyas rnam 'phrul de bzhin no// ji ltar nam mkha' phyogs rnams kyi// zhing rnams kun la mi gnas pa// de bzhin 'jig rten sgron ma yi// sangs rgyas rnam 'phrul shes par bya// ji ltar sa ni 'jig rten na// lus can kun gyi gnas yin pas// 'jig rten sgron ma'i 'jig rten na/ / chos kyi 'khor lo de ltar gnas// ji ltar rlung ni chags med par// mkha' la mgyogs par rab rgyu ba// de bzhin sangs rgyas chos nyid kyang // 'jig rten khams su rab tu rgyu/ ji ltar chu yi phung po la// zhing rnams bgrangs pa kun gnas pa// de bzhin dus gsum sangs rgyas kyang // ye shes tshogs la rab tu gnas// de nas byang chub sems dpa' dpal gyi snying po chags pa med pa'i rgyal pos/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad 'di dag smras so// ji ltar rdo rje'i ri rab brag
- 53b
zang yag shin tu mtho yod pa/ / de ltar 'jig rten kun skyob pa'i// sangs rgyas mngon par 'phags pas mtho// ji ltar rgya mtsho'i chu chen dag/ tshad med rnyog pa med pa ltar// sangs rgyas mthong ba'ang de bzhin te/ / 'jig rten kun gyi sgom pa gcod// rgya mtsho'i chu las 'phags pa yi// ri bo ri rab ci 'dra bar// de bzhin 'jig rten sgron ma yang // chos kyi mtsho las mngon par 'phags/ / rin chen kun gyi 'byung gnas kyis// rgya mtsho rgyas pa ji bzhin du// rang byung ye shes de bzhin te// mi zad skad cig rab tu mkhyen// mgon po'i ye shes shin tu zab// tshad med de/ bzhin bgrang du med// de bas sangs rgyas rnam 'phrul pa// bsam gyis mi khyab tshad med ston// sgyu ma'i mtshan nyid ston pa yi// sgyu mkhan mkhas pa ci 'dra ba// de ltar sangs rgyas mkhyen dbang yang / / rnam par 'phral pa rab tu ston// yid bzhin nor bu rnam dag pa// bsam don rdzogs byed ji lta ba// de bzhi bsam pa dag pa la// rgyal ba smon lam rdzogs pa mdzad// 'od snang gsal ba byed pa yi/ / rin chen rnam snang ji lta ba// de ltar thams cad mkhyen dag pa// 'gro ba'i bsam pa gsal bar mdzad// ji ltar phyogs la mngon lta ba'i// rin chen zur brgyad rab gnas ba/ / de bzhin chags med sgron ma yang // chos dbyings rab tu snang ba mdzad// chu 'dang rin chen 'od gsal ba// ji ltar dri med chu 'dang byed// de bzhin sangs rgyas mthong bas kyang // 'gre
- 54a
ba'i dbang po dag par 'gyur/ / de nas byang chub sems dpa' chos kyi dbyings su smon lam rab tu 'phrul pa'i zla ba'i rgyal pos/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so// phyogs 'di in+d+ra nI la yis// kha dog mdog gcig byas pa ltar// sangs rgyas mthong bas skye dgu rnams/ / de bzhin byang chub mdog tu 'gyur// sangs rgyas rdul phran re re la// rnam par 'phrul pa sna tshogs rnams// tshad kyis gzhal du med pa ston// byang chub sems dpa' rnam dag mdzad// de ni rmad byung shin tu zab// mtha' yas bsgrub pa dka' ba ste// blo ldan ye shes yul de la// 'jig rten rnams ni 'bab mi nus// byang chub sems dpa' bsgrub don du// bkod pa phun sum tshogs pa dang / / sangs rgyas tshul gyis rnam spangs pa'i// chos kyi dbyings la 'jug pa ston// sangs rgyas zhing rnams bsam yas pa// blo ldan bskor ba'i sangs rgyas kyis// kun nas gang bar gyur pa yang / / rgyal ba de la ston pa mdzad// chos kun mnga' sgyur ston pa ste// shAkya'i khyu mchog skyes par gyur// de yi tshe 'phrul tshad med pa// 'di dag rab tu byung ba yin// brtan pa'i spyod pa sna tshogs rnams// tshad med rnam par gzigs gyur nas// rnam par 'phrul pa mtha' yas pa// tshad med gzi can ston pa mdzad// 'jig rten mgon po rgyal sras rnams// chos kyi
- 54b
/ / dbyings la slob pa mdzad// chos rnams thams cad yongs la yang // chags med ye shes spong yul 'gyur// skyes bu'i dbang po'i byin rlabs kyis// cho 'phrul brgya dang rab ldan zhing // 'jig rten thams cad rnam sbyong ba'i/ / chos kyi 'khor lo rab tu bskor// sems can gtso bo'i yul la yang // ye shes dkyil 'khor yongs spungs shing // shes rab chen po'i klu chen rnams// 'jig rten thams cad 'grel par 'gyur/ de nas byang chub sems dpa' chos kyi don gyi blo gros gzi brjid rgyal pos/ bcom ldan 'das kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so// drang srong dam pa'i mchog rnams kyi// dus gsum nyan thos gang byung ba// de dag kun gyis bde gshegs kyi// gshegs thabs 'jog 'degs mi shes so/ / dus gsum ma lus thams cad kyi// ma nor rang rgyal gang byung ba// de dag gis kyang mgon po yi// gshegs thabs 'jog 'degs mi rig go/ ma rig mun pas bsgribs pa rnams/ / khyi ltar ltong la brgyus pa yi// sems can de 'dra kun gyis ni// mgon po mi shes smos mi dgos// rgyal ba tshad mas gzhal ba min// de ni shes par mi nus te// sangs rgyas chags med ye shes can/ / tshig gi lam las shin tu 'das// zla ba nya rgyas 'od mnga' ba// brtan pa mtshan gyis rnam par bris// de ni bskal pa dpag yas par// rnam 'phrul thogs
- 55a
med spyod pa mdzad/ / tshul sgo re res sangs rgyas la// shin tu mnyam gzhag bsams byas kyang // bskal pa bye ba bsam yas pa// brjod du med pa zad 'gyur gyi/ rang byung rnams kyi yon tan las// phyogs gcig cha yi mthar mi phyin// sangs rgyas de yi zhal bltas kyang // sangs rgyas chos ni bsam mi khyab// gang zhig de la smon byed cing // gang zhig yid kyis dga' mos pa/ / de dag kun kyang de 'dra ba'i// spyod yul blta dka' 'thob par 'gyur// bsod nams ye shes mtha' yas shing // tshogs chen yangs pas rnam gnon la// dri med blo ldan sems gnas pa/ / de dag 'di yi tshul la 'jug/ de dag smon lam rgya che bas// sems dang sdom pa rgya che ste// rgyal ba'i spyod yul thob gyur cing // byang chub rgya chen gnon par 'gyur/ de nas byang chub sems dpa' bdud kyi dkyil 'khor rnam par 'thor ba'i ye shes rgyal mtshan gyi rgyal pos/ sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcud pa 'di dag smras so/ / chags med ye shes sku mnga' bas// bsam yas ye shes yul mnga' bas// de dag bsam par mi nus so// 'phrin las dkar po bsam yas pas/ / sangs rgyas sku rab bsgrubs pa'i phyir// de la 'jig rten gsum mi 'go/ mtshan dang dpe byad bzang pos mdzes// chos kyi dbyings kyis rnam spangs pas// 'jig
- 55b
rten kun tu snang ba mdzad/ / sangs rgyas byang chub sgo yin te// ye shes kun gyi gnas chen no// chags pa thams cad rnam sbyangs pas// rdul med spros pa mi mnga' 'o// ye shes 'od zer rab 'gyed pas/ / 'jig rten kun tu nyi ma 'dra// khams gsum thams cad rnam spong bas// srid pa'i 'jigs pa rnam par gcod// byang chub sems dpa' sgrub pa mdzad// byang chub 'byung gnas de bzhin no/ / kha dog mtha' yas ston mdzad kyang // kha dog kun la gnas pa med// sems can kun gyis bsam yas pa'i// kha dog tshad med yongs su ston// skad cig gcig la sangs rgyas kyis/ / byang chub bsam yas spangs pas na// de yi ye shes mthar phyin par// brtag par sus kyang mi nus so// ye shes brtan pa zad mi shes// rang bzhin rnam par 'gyur ba med/ / de la dus gsum rgyal ba kun// skad cig gcig gis rab tu brjod// rtag par las gzhan yongs btang ste// shes ldan byang chub don gnyer bas// sems la sems shes bya bar yang / / de la sems skye med par bsam// gang gis sangs rgyas bskyed pa yi// sangs rgyas chos rnams bsam mi khyab// de dag brjod pa'i yul ma yin// shin tu zab pas tshig lam spangs// de nas byang chub sems dpa' rnam par snang mdzad kyi smon lam dpal gyi rgyal mtshan gyis// sangs rgyas kyi byin gyi rlabs kyis phyogs
- 56a
bcur rnam par bltas te/ de'i tshe tshigs su bcad pa 'di dag smras so// dran pa rmongs med dag pa'i rnams// chos 'dzin shin tu nges rtogs shing // blo gros bsam gyis mi khyab la/ / byang chub rgya mtsho mi zad pa// de dag yid ni 'di la nges// de dag spod pa'i spyod yul yin// de dag shes pa 'dir mi g.yo// de dag 'di la the tsom 'chad// de dag skyo bar mi 'gyur te/ / de dag yid kyang zhum mi 'gyur// sangs rgyas chos la rab gzhol bar// de dag sems kyang rab tu 'byung // de dag dad pa rting tshugs shing // yang dag 'phags pa rab tu/ skye// dmigs med gnas pa med pa yi// ye shes 'di la de dag dga'// bskal pa bye bar bsags pa yi// yongs su rdzogs pa dge ba'i chos// ye shes 'di 'dod mtshungs med pa// de dag thams cad yongs su bsngo/ / 'khor ba'i nang na rnam rgyu yang // 'khor ba dag la gnas pa min// sangs rgyas chos rnams rab rtogs pas// sangs rgyas yul la rab tu rtse// sems can khams na ji snyed du/ / 'jig rten phun sum tshogs rgyu ba// de dag thams cad brtan pas spangs// sangs rgyas phun sum tshogs la gnas// sangs rgyas rtag tu 'byung gyur kyang // 'jig rten don med rab tu gnas/ / chags med spyod pa de dag ni// rtag tu sems can don la gnas// de dag spyod pa mtshungs med de// lus can kun gyis bsam mi khya'o// 'jig rten bde ba kun sems pas/
- 56b
dedag sdug bsngal rnam par bzlog/ 'jig rten kun la snying brtse zhing // byang chub ye shes rnam dag pas// de dag 'jig rten snang bar gyur// 'jig rten thams cad rab tu 'grel/ de nas byang chub sems dpa' sgrib pa thams cad rnam par 'thor ba'i rgyal pos/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ / bskal pa bye ba phrag brgyar yang // sangs rgyas sgra ni rab dkon na// the tsom thams cad gcod pa yi// dam pa mthong ba ci zhig smos// chos kun thugs su chud rtog pa// 'jig rten gsum po'i bsod nams stegs/ / sems can thams cad rnam spong ba'i// 'jig rten sgron ma mthong gis dga'// sems can gtso bo ma smad pa'i// gzugs kyi skra ni mthong gyur na// bskal pa bye ba khrag khrig tu// ngoms shing tshim pa skyer mi btub// mi yi dbang po'i sku gzugs la// rgyal ba'i sras rnams lta lta zhing // rang gi dge ba chags med pa// gzhan don brtson pa byang chub bsngo/ / thub pa chen po'i gzugs kyi sku// de las tha dad yang dag shes// chags med ye shes 'byung 'gyur bas// de ni sangs rgyas byang chub sgo// sems can bsam yas tshad med pa// snang bar mdzad de theg chen la// btsud nas thub pa chen po'i mchog/ byang chub dam par lung yang ston// bsod nams chen po'i rang bzhin zhing // ye shes dkyil 'khor shar cing byang // 'jig rten tshad med kun
- 57a
tu snang / / bsod nams phung po rnam 'phel mdzad// sdug bsngal dra ba rab tu gcod// ye shes phung po rnam par spong // gang gis rgyal ba bsnyen bkur ba// de dag ngan song 'jigs pa med/ / rkang gnyis dam pa mthong gyur na// shin tu yangs pa'i sems skye ste// 'od snang gsal ba'i shes rab mthu// grangs med pa yang skye bar 'gyur// sangs rgyas skyes bu'i mchog mthong zhing / / byang chub dam par nges par 'gyur// de bzhin gshegs par 'gyur bya zhes// de nag kun kyang nges par sems/ de nas byang chub sems dpa' chos kyi kyi smon lam gyi gzhi rab tu rtogs pas/ sangs rgyas kyi byin gyi rlabs kyis de'i tshe tshigs su bcad pa 'di dag smras so// yon tan mtha' yas phun ldan pa// shAkya'i khyu mchog thub mthong nas// yongs su sngo ba byed pa'i sems// theg pa che la rnam par dag/ sems can kun gyi don gyi phyir// thugs rje che mnga' brtan pa'i rnams// chos kyi 'khor lo bskor mdzad pa// de bzhin gshags pa 'byung bar 'gyur/ / bskal pa khrag khrig phrag brgyar yang // sems can don la brtson mdzad pa'i// sangs rgyas rnams la lus can rnams// kun gyis lan bla na cis kyang nus// ngan song gsum po mi bzad par/ / bskal pa bye bar bcos bla yi// chags pa thams cad zlog mdzad pa'i// ston pa mi mthong ma yin no// sems can kun gyi rgyud rnams na// sdug bsngal phung po
- 57b
yod pa/ / ma lus nyams su bzod nus kyi// sangs rgyas mi mthong ma yin no// 'jig rten 'di dag thams cad na// tha dad ngan song rgyud yod pa// de dag yun ring gnas bla yi// sangs rgyas mi thos ma yin no/ / sems can dmyal ba re re yang // bskal pa tshad med gnas bla yi// mtha' yas rgyal bas brnyes pa yi// byang chub mchog las ring gnas min// ci zhig phyir ni / ngan song du// yun ring gnas pas 'dod ce na// rgyal ba'i dbang po mthong ba ni// ye shes 'phel ba'i rgyur 'gyur phyir// rgyal ba 'jig rten mchog mthong na// sdug bsngal thams cad 'chad par 'gyur/ / rtogs pa'i sangs rgyas spyod yul gyi// ye shes khong du chud pa 'byung // sangs rgyas mi yi mchog mthong zhing // sgrib pa thams cad zad par 'gyur// byang chub gang gis 'thob pa yi/ / bsod nams tshad med 'phel bar 'gyur// sangs rgyas mthong bas sems can rnams// the tsom yid gnyis chad par 'gyur// 'jig rten 'das dang 'jig rten gyi// bsam pa'ang yongs su rdzogs par 'gyur/ / de nas byang chub sems dpa' sems dpa' chen po kun tu bzang pos/ byang chub sems dpa'i tshogs thams cad la rnam par bltas te// de bzhin gshegs pa'i ting nge 'dzin seng ge rnam par bsgyings pa 'di nyid de bas kyang rnam par dbye ba dang / rgya cher brjod pa dang / gsal bar bya ba dang / rab tu brjod pa dang / yang dag par
- 58a
bstan pa dang / shin tu snang bar bya ba dang / rab tu gsal bar bya ba dang / man ngag bstan pa'i phyir/ chos kyi dbyings kyi tshul nam mkha'i dbyings dang mnyam pas dus gsum mnyam pa nyid dang / chos kyi dbyings mnyam pa nyid dang / sems can gyi khams mnyam pa nyid dang / 'jig rten thams cad mnyam pa nyid dang / las kyi rgyud thams cad mnyam pa nyid dang / sems can gyi bsam pa mnyam pa nyid dang / sems can gyi mos pa mnyam pa nyid dang / chos kyi snang ba mnyam pa nyid dang / sems can yongs su smin par bya ba'i dus mnyam pa nyid dang / 'gro ba thams cad kyi dbang po mnyam pa nyid kyi/ de bzhin gshegs pa'i ting nge 'dzin seng ge rnam par bsgyings pa 'di nyid/ byang chub sems dpa' de dag la bstan pa'i tshul bcus yang dag par rab tu ston te bcu gang zhe na/ 'di lta ste/ chos kyi dbyings thams cad du gtogs pa'i sangs rgyas kyi zhing gi rdul shin tu phra ba rnams la/ sangs rgyas gcig nas gcig tu brgyud pa bstan pa dang / 'di lta ste/ nam mkha'i dbyings kyis klas pa'i sangs rgyas kyi zhing thams cad du phyi ma'i mtha'i mur thug pa'i bskul par/ de bzhin gshegs pa'i yon tan rjes su brjod pa bstan pa dang 'di lta ste/ sangs rgyas kyi zhing thams cad du de bzhin gshegs pa yongs su skye ba dang / mtha' dang dbus med pa'i mngon par rdzogs pa'i byang chub kyi sgo rgya mtsho yongs su brjod cing bstan
- 58b
pa dang / 'di lta ste/ nam mkha'i dbyings kyis klas pa'i sangs rgyas kyi zhing gi de bzhin gshegs pa'i 'khor gyi dkyil 'khor gyi byang chub sems dpa'i dge 'dun snying po byang chub mngon du gyur pa'i gnas bstan pa dang / 'di lta ste/ dus gsum gyi sangs rgyas kyi sku dang 'dra bar sprul pa/ ba spu'i sgo thams cad nas sems skad cig la rab tu dgye zhing chos kyi dbyings rgyas par dgang ba bstan pa dang / 'di lta ste/ phyogs rgya mtsho thams cad du sangs rgyas kyi zhing rgya mchi gzhi mnyam par byin gyis brlab cing / lus gcig gis rgyas par dgang ba bstan pa dang / 'di lta ste/ dmigs pa'i gzhi thams cad la sangs rgyas kyis rnam par sprul pa dus gsum thams cad yang dag par gzhol bar 'gyur ba'i byin gyi rlabs yang dag par bstan pa dang / 'di lta ste/ zhing thams cad kyi rdul shin tu phra ba rnams la dus gsum gyi zhing gcig nas gcig tu brgyud pa'i sangs rgyas kyi rnam par 'phrul pa dang / bskal pa rgya mtsho yongs su bshad cing bstan pa dang 'di lta ste/ dus gsum gyi sangs rgyas kyi smon lam rgya mtsho thams cad pa spu'i sgo thams cad nas rab tu brjod pa phyi ma'i mthar byin gyis brlab pas/ byang chub sems dpa' yang dag par 'byung ba bstan pa dang / 'di lta ste/ chos kyi dbyings dang mnyam pa'i seng ge'i khri dang / byang chub sems dpa'i 'khor gyi dkyil 'khor dang / byang chub pa'i snying po'i rgyan tha mi dad pa dang
- 59a
chos kyi 'khor lo rnam pa tha dad pa rab tu bskor ba phyi ma'i mthar byin gyis brlab pa bstan pa'o/ / kye rgyal ba'i sras de ltar seng ge rnam par bsgyings pa'i ting nge 'dzin 'di la bstan pa bcu po 'di dag la sogs pa shin tu bstan pa sangs rgyas kyi zhing brjod du med pa'i rdul shin tu phra ba snyed yod de/ kye rgyal ba'i sras dag/ de ni de bzhin gshegs pa'i ye shes kyi spyod yul lo/ / de nas byang chub sems dpa' kun tu bzang pos/ de bzhin gshegs pa'i ting nge 'dzin chen po seng ge rnam par bsgyings pa 'di nyid kyi don gyi phyogs bstan pa'i phyir/ sangs rgyas kyi byin gyi rlabs kyis de bzhin gshegs pa'i zhal du lta zhing / 'khor gyi dkyil 'khor rgya mtsho thams cad la rnam par bltas nas/ sangs rgyas kyi yul bsam gyis mi khyab pa dang / de bzhin gshegs pa'i ting nge 'dzin gyi rnam par 'phral pa mtha' dang dbus med pa la rnam par bltas te/ 'jig rten gyi khams bsam gyis mi khyab par gzhol ba la rnam par bltas nas/ ye shes bsam gyis mi khyab pa'i sgyu ma'i chos nyid la rnam par bltas te/ dus gsum gyi sangs rgyas mnyam pa nyid bsam gyis mi khyab pa la rnam par bltas nas mtha' dang dbus med pa'i ngag gi lam dang / nges pa'i tshig dang / chos kyi tshul thams cad la rnam par bltas te/ de'i tshe tshigs su bcad pa 'di dag smras so// ba spu gcig la
- 59b
rgya mtsho rgyal ba'i zhing / / zhing kun shin tu phra ba'i rdul dang mnyam// de na sangs rgyas byang chub sems dpa'i 'khor// kun gyis yongs bskor sangs rgyas gdan la bzhugs/ spu gcig rtse la zhing mang rgya mtsho rnams// snying po byang chub pad+mo'i gdan gnas pas// chos dbyings rgya chen yongs su rgyas bkang zhing // shing drung dam pa kun na mgon po snang // zhing rnams kun gyi rdul phran rab mang snyed/ / rgyal ba spu rtse gcig la yongs bzhugs pa// byang chub sems dpa'i 'khor gyis yongs su bskor// kun kyang bzang po'i spyod pa ston pa mdzad// zhing mchog gcig na rgyal ba bzhugs gyur kyang // byang chub sems dpa'i sprin mang mi zad pa// de dag phyogs bcu ma lus thams cad nas// rab 'byam zhing kun bkang zhing kun kyang 'ong // zhing rnams bye ba'i rdul phran mnyam pa yi// byang chub sems dpa' yon tan rgya mtsho 'od// phyogs bcu'i chos dbyings rgyas par kun bkang zhing // ston pa de la kun kyang 'khor nas ldang / zhing rnams kun tu gzugs brnyan rab tu ston// chos kyi rgyal po rgyal ba'i ye shes mtsho// de dag kun kyang bzang po'i spyod la gnas// sangs rgyas kun gyi 'khor du nye bar 'dong // rab 'byam zhing rnams kun na 'khod spyod cing / / byang chub sems dpa'i dga' ba rab gnas te// chos kyi sprin mnyan dpa' bo de dag ni// zhing gcig tu'ang bskal pa bye bar spyod// bya nus
- 60a
sems dpa'i spyad pa spyod pa byed/ / chos kyi gang chen mtsho spyod rnam par snang // smon lam rgya mtsho kun la rab tu 'jug/ de dag sangs rgyas sa yi spyod yul gnas/ rgyal ba'i chos rnams gzhan dang gzhan byung ba'i// de dag kun tu bzang po'i spyod pa shes// sangs rgyas yon tan legs pa rgya mtsho dang // rnam par 'phrul pa rgya chen yang sa la 'jug/ bder gshegs chos dbyings kun tu rgyas bkang zhing / / zhing rnams kun gyi rdul phran ji snyed pa'i// sku yi sprin rnams rtag tu 'gyed mdzad cing // chos kyi char gyis byang chub rab la 'god// / bam po brgyad cu rtsa brgyad pa/ de nas bcom ldan 'das kyis/ byang chub sems dpa' de dag sangs rgyas kyi ting nge 'dzin seng ge rnam par bsgyings pa 'di nyid la de bas kyang brnan te dgod par mdzad pa'i don du smin mtshams kyi mdzod spu'i nang nas/ chos kyi dbyings sgo kun nas rnam par dmigs pas dus gsum snang ba zhes bya ba'i 'od zer chen po/ 'od zer gyi 'khor sangs rgyas kyi zhing brjod du med pa'i rdul shin tu phra ba snyed dang ldan pa bkye ste/ phyogs bcu'i 'jig rten gyi khams rgya mtsho thams cad kyi sangs rgyas kyi zhing 'byam klas pa thams cad snang bar mdzad do/ / de nas byang chub sems dpa' 'dze ta'i tshal du tshogs pa de dag gis/ chos kyi dbyings thams cad du gtogs pa'i sangs rgyas kyi zhing rnam
- 60b
mkha'i dbyings kyi mthas klas pa thams cad dang / sangs rgyas kyi zhing thams cad kyi rdul shin tu phra ba'i khongs su chud pa'i sangs rgyas kyi zhing thams cad kyi rdul shin tu phra ba dag la/ sangs rgyas kyi zhing gi ming du bya ba kha dog sna tshogs dang rnam pa sna tshogs su rnam par dag pa dang / gzhi sna tshogs dang dbyibs sna tshogs dang ldan pa'i sangs rgyas kyi zhing dag na/ byang chub sems dpa' snying po byang chub tu phyin te seng ge'i khri la 'dug pa/ 'jig rten gyi dbang po thams cad kyis shin tu mchod pa/ byang chub sems dpa'i tshogs kyis kun nas bskor ba/ bla na med pa yang dag par rdzogs pa'i byang chub tu mngon par 'tshang rgya bar mthong ste/ la la na ni sangs rgyas kyi zhing brjod du med pa tsam du shin tu yangs pa'i 'khor gyi dkyil 'khor na/ chos kyi dbyings rgyas par khyab pa'i dbyangs kyi dkyil 'khor gyis chos kyi 'khor lo bskor bar mthong ngo / / la la na ni lha'i gnas na 'dug/ la la na ni klu'i gnas na 'dug/ la lan ni gnod sprin gyi gnas na 'dug/ la la na ni lha ma yin gyi gnas na 'dug/ la la na ni nam mkha' lding gi gnas na 'dug/ la la na ni mi 'am ci'i gnas na 'dug/ la la na ni lto 'phye chen po'i gnas na 'dug/ la la na ni mi'i dbang po'i gnas na 'dug/ la la na ni mi'i 'jig rten gyi grong dang / grong khyer dang / grong rdal dang ljongs dang / khams dang / rgyal po'i pho brang 'khor dag na rnam par 'phrul pa sna tshogs
- 61a
dang / spyod lam sna tshogs dang / lus sna tshogs dang / ting nge 'dzin gyi sgo rnam par dmigs pa sna tshogs dang / ting nge 'dzin gyi mngon par shes pa sna tshogs dang / rigs dang rgyud sna tshogs su byung ba dang / kha dog rnam par dmigs pa sna tshogs dang / 'od kyi dkyil 'khor sna tshogs dang / 'od zer gyi dra ba dgye ba sna tshogs dang / dbyangs kyi dkyil 'khor sna tshogs dang / gtam gyi skyes bu'i gzhi sna tshogs dang / bstan pa'i gzhi sna tshogs dang / tshig dang / yi ge dang / nges pa'i tshig sna tshogs kyis 'khor gyi dkyil 'khor sna tshogs na chos ston pa mthong bar gyur te/ byang chub sems dpa' ji snyed kyis 'jig rten gyi khams chos kyi dbyings kyis klas pa/ nam mkha'i mthas gtugs pa/ phyogs bcu na rnam par gnas pa/ phyogs kyi rgyud mtha' yas pas 'dus pa/ phyogs rgya mtsho thams cad du gtogs pa/ chos sna tshogs kyi sgo dang ldan pa/ phyogs kyi ming du bya ba sna tshogs su gtogs pa/ phyogs sna tshogs kun tu gzhol ba/ phyogs cha rnam pa tha dad par gtogs pa/ phyogs sna tshogs kyi rjes su song ba/ phyogs rgya mtsho sna tshogs su gtogs pa/ 'di lta ste/ shar phyogs dang / lho phyogs dang / nub phyogs dang / byang phyogs dang / byang dang shar gyi phyogs mtshams dang / shar dang lho'i phyogs mtshams dang / lho dang nub kyi phyogs mtshams dang / nub dang byang gi phyogs mtshams dang / 'og dang
- 61b
steng gi phyogs kyi zhing gi lhun gyi phyogs dang / sems can gyi lus kyi phyogs dang / sems can gyi ming du bya ba'i phyogs dang / sngon gyi mtha'i mur thug pa'i phyogs dang / phyogs bcud ltar byung ba'i phyogs dang / nam mkha'i khongs thams cad du skra'i rtse mo shin tu phra ba dgod pas dmigs pa'i phyogs dang / zhing thams cad kyi rdul shin tu phra ba gcig nas gcig tu brgyud pa'i phyogs la 'jug pa khong du chud par bya ba'i phyogs dang / las kyi 'du byed sna tshogs kyis yongs su grub pa'i phyogs dang / skra'i rtse mo gcig la mtha' dang dbus med pa'i nam mkha'i dbyings kyi ming du bya bar gtogs pa'i phyogs kyi khong du chud pa'i dus gsum gyi dbyings mnyam pa nyid du gzhol bas/ kun tu gtogs pa'i 'gro ba thams cad tha mi dad pas/ sems can thams cad kyi 'du shes kyi rnam pa la mnyam pa'i sgra dbyangs su gyur pa'i 'gro ba thams cad tha mi dad pas/ sems can thams cad kyi 'du shes kyi rnam pa la mnyam pa'i sgra dbyangs su gyur pa'i 'gro ba thams cad kyi sems la gzugs brnyan rab tu snang bar gyur pa'i de bzhin gshegs pa'i sangs rgyas kyi ting nge 'dzin rnam par 'phral pa/ sems can thams cad kyi lus la mngon par lta ba dmigs par bya bas/ 'khor gyi dkyil 'khor thams cad du 'gro ba'i tshul dang ldan pa/ bskal pa thams cad la ye shes tha mi dad pa zhing thams cad la kun tu snyoms pas/ sems ca
- 62a
gyi bsam pa ji lta ba bzhin du gzugs mngon sum du bstan pa/ rnam par dmigs pa dang / de bzhin gshegs pa'i rnam par 'phrul pa dang / sangs rgyas kyi chos thams cad yang dag par bstan pas/ sems can thams cad 'dul ba rgyun mi 'chad pa mthong bar gyur pa de dag thams cad ni/ sngon bcom ldan 'das rnam par snang mdzad kyis dge ba'i spyod pa skal ba mnyam pa dang / bsdu ba'i dngos po gzhis yongs su bsdus pa mthong ba dang / mnyan pa dang / rjes su dran pa dang / bsnyen bkur bas yongs su smin par byas pa dag go// sngon bla na med pa yang dag par rdzogs pa'i byang chub tu sems bskyed du btsud pa dag go/ / de bzhin gshegs pa de dang de dag gi drung du gshegs pa'i tshe/ dge ba'i rtsa bas yongs su bsdus pa dag ste/ de ltar dge ba'i rtsa ba skal ba mnyam pas thams cad mkhyen pa nyid du yongs su smin par 'gyur ba'i thabs kyis shin tu bzung ba'i phyir/ bcom ldan 'das rnam par snang mdzad kyi ting nge 'dzin gyi rnam par 'phrul pa chos kyi dbyings ltar yangs shing / nam mkha'i dbyings kyi mthas gtugs par gyur pa dag kyang mthong zhing khong du chud par gyur pa yin te/ la la ni chos kyi sku la 'jug go/ la la ni gzugs kyi sku la 'jug go/ la la ni sngon gyi byang chub sems dpa' yongs su bsgrub pa la 'jug go// la la ni pha rol tu phyin pa yongs su rdzogs pa la 'jug go// la le ni spyod
- 62b
pa'i dkyil 'khor yongs su dag pa'i rgyan la 'jug go/ la la ni byang chub sems dpa'i sa'i rnam par 'phrul pa la 'jug go/ la la ni mngon par byang chub pa'i rnam par 'phrul pa la 'jug go/ la la ni sangs rgyas rnam par spyod pa'i ting nge 'dzin tha mi dad pa'i rnam par 'phral pa la 'jug go/ / la la ni de bzhin gshegs pa'i stobs dang mi bsnyengs pa la 'jug go/ la la ni sangs rgyas kyi tha dad pa yang dag par mkhyen pa rgya mtsho la 'jug go/ / de dag la sogs pa sangs rgyas kyi rnam par 'phral pa rgya mtsho sangs rgyas kyi zhing brjod du med pa phrag bcu'i rdul shin tu phra ba snyed la 'jug ste/ mos pa sna tshogs dang / lam sna tshogs dang / sgo sna tshogs dang / 'jug pa sna tshogs dang / 'bab pa sna tshogs dang / tshul sna tshogs dang / rjes su 'brang ba sna tshogs dang / phyogs sna tshogs dang / snod sna tshogs dang / yul sna tshogs dang / 'jig rten sna tshogs dang / khong du chud pa sna tshogs dang / tshogs sna tshogs dang / rnam par 'phrul pa sna tshogs dang / thabs sna tshogs dang / ting nge 'dzin sna tshogs kyis sangs rgyas kyi rnam par 'phrul pa rgya mtsho de dag la 'jug go// ting nge 'dzin sna tshegs kyis 'jug pa 'di lta ste/ byang chub sems dpa'i ting nge 'dzin chos kyi dbyings kun nas brgyan pa dang / byang chub sems dpa'i ting nge 'dzin dus gsum thams cad la thogs
- 63a
pa med par yul snang bar byed pa dang / byang chub sems dpa'i ting nge 'dzin chos kyi dbyings kyi gzhi tha mi dad pa'i ye shes snang ba dang / byang chub sems dpa'i ting nge 'dzin de bzhin gshegs pa'i yul gyi dbyings la 'jug pa dang / byang chub sems dpa'i ting nge 'dzin nam mkha'i dbyings su snang ba dang / byang chub sems dpa'i ting nge 'dzin de bzhin gshegs pa'i stobs bcu 'thob pas rnam par 'byed pa dang / byang chub sems dpa'i ting nge 'dzin sangs rgyas kyi bsnyengs pa mi mnga' ba'i rgyan gyis rnam par gnon cing rnam par bsgyings pa dang / byang chub sems dpa'i ting nge 'dzin chos kyi dbyings kyi tshul thams cad kyi glong gi snying po dang / byang chub sems dpa'i ting nge 'dzin chos kyi dbyings thams cad du thogs pa med par sgra sgrog pas rgyas par 'gengs pa'i zla ba dang / byang chub sems dpa'i ting nge 'dzin chos kyi dbyings mnyam pa nyid kyis rgyan pa'i 'od kyis/ byang chub sems dpa' de dag bcom ldan 'das rnam par snang mdzad kyi sangs rgyas kyi rnam par 'phrul pa rgya mtsho de dag la rab tu 'jug go/ byang chub sems dpa'i ting nge 'dzin chos kyi rgyal po'i thabs chags pa med pa'i rgyal mtshan dang / byang chub sems dpa'i ting nge 'dzin dmigs pa thams cad la sangs rgyas rgya mtsho rnam par lta ba dang / byang chub sems dpa'i ting nge 'dzin 'jig rten
- 63b
gyi rgyud thams cad du tha mi dad pa'i lus snang ba'i rgyal mtshan dang / byang chub sems dpa'i ting nge 'dzin de bzhin gshegs pa'i sku tha dad pa'i yul la 'jug pa dang / byang chub sems dpa'i ting nge 'dzin 'jig rten thams cad kyi rgyud kyi rjes su 'jug pa snying rje'i snying po can dang / byang chub sems dpa'i ting nge 'dzin chos thams cad kyi gnas la rten pa'i byin gyi rlabs dang / byang chub sems dpa'i ting nge 'dzin shin tu zhi le rab tu zhi bas kun tu snang ba'i dkyil 'khor dang / byang rlab sems dpa'i ting nge 'dzin sprul pa bzang po dmigs su med pas kun tu 'phral pa'i gzug brnyan dang / byang chub sems dpa'i ting nge 'dzin zhing thams cad yongs su 'du ba'i byin gyi rlabs dang / byang chub sems dpa'i ting nge 'dzin zhing thams cad du mngon par 'tshang rgya ba'i rnam pa mngon par bsgrub pa dang / byang chub sems dpa'i ting nge 'dzin 'gro ba thams cad du dbang po'i kha dog gis rnam par spod pa dang / byang chub sems dpa'i ting nge 'dzin 'gro ba thams cad du khyad par du 'phags pa'i dkyil 'khor chags pa med pas rnam par spyod pa dang / byang chub sems dpa'i ting nge 'dzin de bzhin gshegs pa thams cad skyed pa las byung ba'i byin gyi rlabs dang / byang chub sems dpa'i ting nge 'dzin yon tan rgya mtsho thams cad la non tan gyis 'jug pa dang / byang chub sems dpa'i ting nge 'dzin dmigs pa ma lus pa thams cad du rnam par 'phrul
- 64a
pa mngon par bsgrubs pas phyi ma'i mthar byin gyis rlob pa dang / byang chub sems dpa'i ting nge 'dzin de bzhin gshegs pa thams cad kyi sngon gyi sbyor ba rgya mtsho la 'jug pa dang / byang chub sems dpa'i ting nge 'dzin phyi ma'i mthar de bzhin gshegs pa thams cad kyi rigs yang dag par 'dzin pa'i byin gyi rlabs dang / byang chub sems dpa'i ting nge 'dzin phyogs bcu'i zhing rgya mtsho da ltar byung ba thams cad yongs su dag par mos pa'i byin gyi rlabs dang / byang chub sems dpa'i ting nge 'dzin sems kyi skad cig gcig la sangs rgyas thams cad dang rnam par spyod cing 'grogs pa dang / byang chub sems dpa'i ting nge 'dzin dmigs pa thams cad la chags pa med pa'i mthar 'jug pa dang / byang chub sems dpa'i ting nge 'dzin 'jig rten gyi khams thams cad sangs rgyas kyi zhing gcig tu byin gyis rlob pa dang / byang chub sems dpa'i ting nge 'dzin sangs rgyas thams cad kyi skur 'phrul pa mngon par bslab pa dang / byang chub sems dpa'i ting nge 'dzin dbang po rgya mtsho rdo rje'i dbang po lta bu thams cad khong du chud pa dang / byang chub sems dpa'i ting nge 'dzin de bzhin gshegs pa thams cad sku gcig pa'i snying po'i byin gyi rlabs dang / byang chub sems dpa'i ting nge 'dzin sems kyi skad cig gcig gi cha la/ chos kyi dbyings kyi tshul thams cad khong du chud pas khom par gnas pa dang / byang chub sems dpa'i ting nge 'dzin chos kyi dbyings thams cad du zhing 'byam klas pa bsgrub pa yongs su ston
- 64b
pa'i byin gyi rlabs dang / byang chub sems dpa'i ting nge 'dzin spyi'u tshugs gzhi la rnam par spod pa'i byin gyi rlabs dang / byang chub sems dpa'i ting nge 'dzin sangs rgyas kyi zhing thams cad kyi sems can gyi lus tha mi dad par byin gyis rlob pa dang / byang chub sems dpa'i ting nge 'dzin ye shes kyi glong thams cad la mngon sum du yang dag par gzhol ba dang / byang chub sems dpa'i ting nge 'dzin chos thams cad kyi rang bzhin dang mtshan nyid yongs su shes pas rab tu 'byed pa dang / byang chub sems dpa'i ting nge 'dzin dus gsum sems kyi skad cig la tha mi dad pa'i dkyil 'khor dang / byang chub sems dpa'i ting nge 'dzin sems kyi skad cig thams cad chos kyi dbyings kyi tshul gyi rang bzhin dam pa dang / byang chub sems dpa'i ting nge 'dzin de bzhin gshegs pa thams cad kyi rigs kyi rjes su 'brang ba'i ye shes kyis rnam par gnon pa'i seng ge dang / byang chub sems dpa'i ting nge 'dzin dmigs pa thams cad chos kyi dbyings su shes pa'i mig gi dkyil 'khor dang / byang chub sems dpa'i ting nge 'dzin stobs bcu'i rtsal gyis rnam par gnon pas yang dag par rtsom pa dang / byang chub sems dpa'i ting nge 'dzin dmigs pa thams cad kun nas mthong ba'i mig gi dkyil 'khor dang / byang chub sems dpa'i ting nge 'dzin pa dog thams cad kyi dkyil 'khor gyis 'gro ba shin tu mdzes pa mngon par bsgrub pa dang / byang chub sems dpa'i ting nge 'dzin glong mi gso
- 65a
pa'i snying po dang / byang chub sems dpa'i ting nge 'dzin chos gcig la chos thams cad yongs su 'du bar ston pa dang / byang chub sems dpa'i ting nge 'dzin chos gcig gi tshig gi lam la nges pa'i ngag gis tshig rab tu 'byed pas byang chub sems dpa' de dag/ bcom ldan 'das rnam par snang mdzad kyi sangs rgyas kyi rdzu 'phrul gyis rnam par 'phrul pa rgya mtsho de dag la rab tu 'jug go/ / byang chub sems dpa'i ting nge 'dzin sangs rgyas thams cad kyi rgyal mtshan gyi byin gyi rlabs kyis chos ston pa dang / byang chub sems dpa'i ting nge 'dzin dus gsum gyi mu la mthar thug pa med pa dang / byang chub sems dpa'i ting nge 'dzin bskal pa thams cad khong du chud pas tha mi dad pa'i ye shes dang / byang chub sems dpa'i ting nge 'dzin tshul shin tu phra bas stobs bcu khong du chud pa dang / byang chub sems dpa'i ting nge 'dzin mi 'phrogs pa'i byang chub sems dpa'i spyod pa bskal pa thams cad du mngon par bsgrub pa dang / byang chub sems dpa'i ting nge 'dzin phyogs thams cad kun tu shugs kyis mngon du 'char ba'i sprin dang / byang chub sems dpa'i ting nge 'dzin mngon par 'tshang rgya ba'i rnam par 'phrul pa rnam par bsgrub pa dang / byang chub sems dpa'i ting nge 'dzin tshor ba thams cad kyis reg pa med pas bde ba'i rgyal mtshan dang / byang chub sems dpa'i ting nge 'dzin rgyan thams cad du nam mkha'i
- 65b
rgyan mngon par bsgrub pa dang / byang chub sems dpa'i ting nge 'dzin skad cig la 'gro ba snyed kyi sprul pa'i gzugs brnyan gyi sprin mngon par bsgrub pa dang / byang chub sems dpa'i ting ' dzin de bzhin gshegs pa'i zla ba'i 'od nam mkha' ltar rdul dang bral ba dang / byang chub sems dpa'i ting nge 'dzin de bzhin gshegs pa thams cad nam mkhar byin gyis rlob pa dang / byang chub sems dpa'i ting nge 'dzin chos thams cad la dbang po'i rgyan rab tu snang ba dang / byang chub sems dpa'i ting nge 'dzin chos thams cad kyi don rnam par 'byed pa'i sgron ma dang / byang chub sems dpa'i ting nge 'dzin stobs bcu'i dkyil 'khor snang ba dang / byang chub sems dpa'i ting nge 'dzin dus gsum gyi sangs rgyas dpal gyi rgyal mtshan dang // byang chub sems dpa'i ting nge 'dzin sangs rgyas thams cad gcig tu 'dres pa'i snying po dang / byang chub sems dpa'i ting nge 'dzin skad cig skad cig la brtsams pa thams cad mthar phyin par byed pa dang / byang chub sems dpa'i ting nge 'dzin bsod nams mi zad pa'i snying po dang / byang chub sems dpa'i ting nge 'dzin sangs rgyas mtha' yas pa mthong ba'i yul rab tu snang ba dang / byang chub sems dpa'i ting nge 'dzin chos thams cad la rdo rje'i seng ge ltar rab tu gnas pa dang / byang chub sems dpa'i ting nge 'dzin de bzhin gshegs pa thams cad kyi sprul pa yongang su bstan pas kun tu rnam par dmigs
- 66a
pa mngon par bsgrub pa dang / byang chub sems dpa'i ting nge 'dzin de bzhin gshegs pa thams cad kyis mnan pa'i nyi ma gnon pa dang / byang chub sems dpa'i ting nge 'dzin dus gsum gcig tu spong ba dang / byang chub sems dpa'i ting nge 'dzin chos thams cad rang bzhin gyis rab tu zhi bar sgra dbyangs kun tu sgrogs pa dang / byang chub sems dpa'i ting nge 'dzin sangs rgyas thams cad mthong ba'i mtshams 'dzin pa dang / byang chub sems dpa'i ting nge 'dzin chos kyi dbyings ma lus pa thams cad kyi gnas kyi pad+mo'i tshal rab tu rgyas pa dang / byang chub sems dpa'i ting nge 'dzin gnas med pa'i chos kyi nam mkha' la rnam par lta ba dang / byang chub sems dpa'i ting nge 'dzin phyogs gcig tu phyogs bcu rgya mtsho yongs su sdud pa'i glong dang / byang chub sems dpa'i ting nge 'dzin chos kyi dbyings kyi gzhi thams cad kyi sgor 'jug pa dang / byang chub sems dpa'i ting nge 'dzin chos rgya mtsho thams cad dang ldan pa dang / byang chub sems dpa'i ting nge 'dzin sems can thams cad la 'od rab tu 'gyed pas rab tu zhi ba'i lus su 'gyur ba dang / byang chub sems dpa'i ting nge 'dzin sems kyi skad cig gcig la mngon par shes pa dang / smon lam thams cad mngon par bsgrub pa dang / byang chub sems dpa'i ting nge 'dzin rtag par thams cad du kun nas mngon par rdzogs par 'tshang rgya ba'i byin gyi rlangs dang
- 66b
byang chub sems dpa'i ting nge 'dzin chos kyi dbyings thams cad rgyan gcig tu khong du chud par 'jug pa dang / byang chub sems dpa'i ting nge 'dzin sangs rgyas thams cad dran pa'i rang bzhin gyis rab tu snang ba dang / byang chub sems dpa'i ting nge 'dzin 'gro ba thams cad du khyad par chen po dang ldan pa'i ye shes mngon par shes pa dang / byang chub sems dpa'i ting nge 'dzin sems kyi skad cig gis chos kyi dbyings kyi tshul mtha' yas pa rang gi lus kyis rgyas par 'gengs pa dang / byang chub sems dpa'i ting nge 'dzin chos kyi dbyings tshul gcig pas chos thams cad tshul gcig par rnam par 'god pa'i 'od dang / byang chub sems dpa'i ting nge 'dzin sangs rgyas kyi chos kyi dkyil 'khor gyi 'khor lo gzi brjed byin gyi rlabs dang / byang chub sems dpa'i ting denge 'dzin sems can gyi khams mig 'phrul lta bu yongs su bsdu ba'i smon lam dang spyod pa byin gyis rlob pa dang / byang chub sems dpa'i ting nge 'dzin chos kyi gzhi thams cad tha mi dad pa dang / byang chub sems dpa'i ting nge 'dzin pad+mo'i byin rnam par 'phrul pas kun tu rnam par gnon pa dang / byang chub sems dpa'i ting nge 'dzin sems can thams cad kyi lus kyi rgyud khong du chud pas mngon par shes pa dang / byang chub sems dpa'i ting nge 'dzin lus sems can thams cad la mngon du byin gyis rlob pa dang / byang chub sems dpa'i ting nge 'dzin sems can thams cad kyi dbyangs kyi
- 67a
/ yan lag rgya mtshor 'gro ba thams cad kyi skad yongs su 'byed pa'i tshul mngon par shes pa dang / byang chub sems dpa'i ting nge 'dzin 'gro ba'i gzhi tha dad pa thams cad khong du rud pas mngon par shes pa dang / byang chub sems dpa'i ting nge 'dzin snying rje chen po'i mdzod tha mi dad pa'i snying po dang / byang chub sems dpa'i ting nge 'dzin sangs rgyas thams cad de bzhin nyid du rtogs pa'i mtha' la 'jug pa dang / byang chub sems dpa'i ting nge 'dzin de bzhin gshegs pa thams cad kyi rnam par thar pa'i pho brang la rnam par lta bas seng ge rnam par bsgyings pa dang / de dag la sogs pa byang chub sems dpa'i ting nge 'dzin gyi lam la 'jug pa sangs rgyas kyi zhing brjod du med pa'i rdul shin tu phra ba snyed kyis/ byang chub sems dpa' de dag de bzhin gshegs pa rnam par snang mdzad kyi sangs rgyas kyi rnam par 'phrul pa rgya mtsho de dag la rab tu 'jug go/ / sems kyi skad cig re re la chos kyi dbyings thams cad du rgyas par 'gengs par 'jug pa'i tshul gyis sngon skal ba mnyam par spyad pa'ang rjes su dran no/ / de ltar byang chub sems dpa' de dag 'dze ta'i tshal du phyin cing / bcom ldan 'das kyi spyan snga na 'khod pa/ seng ge'i khri rin po che sna tshogs kyi pad+mo'i snying po can/ 'jig rten gyi khams sangs rgyas kyi zhing bcu'i rdul shin tu phra ba snyed dang mnyam par yangs
- 67b
pa la 'khod pa/ ye shes dang mngon par shes pa chen po'i rnam par 'phrul pas byung ba/ ye shes dang mngon par shes pa rno ba dang ldan pa'i sa rjes su thob pa/ ye shes kyi kun tu rnam par sprod pa/ shes rab kyi 'byung gnas kyi rigs su byang ba/ thams cad mkhyen pa'i ye shes la mngon du gyur pa/ ye shes kyi mig rab rib med pa dang ldan pa/ sems can gyi kha lo sgyur ba'i rang bzhin thob pa/ sangs rgyas thams cad dang mnyam pa nyid kyi rjes su song ba/ rtag tu rnam par rtog pa med par chos la spyod pa/ chos kyi dmigs pa thams cad rab tu rtogs pa/ chos thams cad rang bzhin gyis zhi bar dmigs pa/ 'jig rten thams cad shin tu zhi bas gnas tha dad pa med pa la rab tu gzhol ba/ 'jig rten tha dad pa thams cad du rab tu zhugs pa/ gnas med par zhing thams cad du 'dong ba/ chos kyi gnas thams cad la rten pa med par chos thams cad blang du med pa'i gzhal med khang du phyin pa/ 'gro ba thams cad yongs su smin par bya ba dang gdul ba la zhugs pa/ sems can thams cad la bde ba'i lam ston pa/ ye shes dang rnam par thar pa shin tu 'phags pa'i gnas kyi spyod yul can/ 'dod chags dang bral ba'i mthar phyin pa'i ye shes kyi lus dang ldan pa/ srid pa'i rgya mtsho thams cad las gyen du 'phags pa/ 'gro ba thams cad la yang dag pa'i mtha' rnam par ston pa/ chos rgya mtsho'i shes rab snang ba'i dkyil
- 68a
'khor can/ ting nge 'dzin gang chen mtsho dang ldan pa'i dbyings la shin tu mnyam par bzhag cing snying rje chen po rab tu sems pa/ chos kyi tshul sgyu ma'i rnam pa lta bu rab tu rtogs pa/ 'jig rten gyi khams thams cad la rmi lam lta bur zhugs pa/ de bzhin gshegs pa mthong ba thams cad mig yor lta bur khong du chud pa/ sgra skad dang dbyangs thams cad sgra brnyan lta bur rnam par rig pa/ chos thams cad mngon par sgrub pa'i ye shes sprul pa lta bur rab tu rtogs pa/ khyad par du 'phags pa'i smon lam shin tu bsags pa/ ye shes kyi dkyil 'khor kun nas rnam par dag pa'i mkhas pa dang ldan pa/ sems shin tu zhi zhing rab tu zhi ba dang ldan pa/ gzungs kyi rgyud thams cad kyi ye shes kyi yul dang ldan pa/ ting nge 'dzin gyi stobs kyis dogs pa med par kun nas rab tu gnon pa/ chos kyi dbyings kyi gnas kyi mthar phyin pa'i mig dang ldan pa/ chos thams cad la dmigs pa med par rnam par spyod pa rab tu thob pa/ shes rab rgya mtsho mtha' yas pa la rnam par spod pa/ ye shes kyi pha rol tu phyin pa'i pha rol tu song ba/ shes rab kyi pha rol tu phyin pa'i stobs dang shugs thob pa/ rdzu 'phrul gyi pha rol tu phyin pas 'gro ba thams cad kyi pha rol tu phyin pa/ ting nge 'dzin gyi pha rol tu phyin pa dbang du gyur pa/ de bzhin gshegs pa thams cad kyi don mkhas pa la phyin ci log med pa'i ye shes dang
- 68b
ldan pa/ chos kyi mdzod dbye ba'i cho ga la mkhas pa/ nges pa'i tshig shes pa la mngon par mkhas pa/ spobs pa'i stobs dang chos kyi sprin zad mi shes pa dang ldan pa/ mi 'jigs pas khyu mchog dang seng ge'i nga ro 'byin pa/ gnas med pa'i chos kyi dga' ba la dga' bas mos pa/ chos thams cad la rab rib med pa'i mig gis lta ba/ 'jig rten thams cad kyi 'byung ba dang 'jig pa shes pa'i zla bar gyur pa'i shes rab kyi dkyil 'khor gyis bden pa'i tshul thams cad la rnam par spyod pa'i 'od zer can/ ye shes kyi rdo rje bsod nams kyi khor yug tu gyur pa/ dper bya ba thams cad las shin tu 'das pa/ chos thams cad la dbang po dang ye shes kyi myu gu rab tu skyes pa/ dpa' bo'i rgyal mtshan dang ldan pa/ bdud thams cad kyi rgyal mtshan rab tu snyol ba la dpa' ba/ ye shes mtha' yas pa'i dkyil 'khor gyi gzi brjid can/ 'gro ba thams cad las mngon par 'phags pa'i lus dang ldan pa/ chos thams cad la shes rab sgrib pa med pa/ zad pa dang mi zad pa'i mtha'i ye shes kyis rnam par sangs rgyas pa/ yang dag pa'i mtha' kun gyi mthar phyin pa la gnas pa/ mtshan ma med pa la rnam par lta ba'i ye shes kyi mig mngon sum can/ byang chub sems dpa'i spyod pa thams cad mngon par bsgrub pa'i rgyu la mkhas pa/ mi gnyis pa'i ye shes kyi spyod yul dang ldan pa/ 'jig rten gyi rgyud thams cad la rnam
- 69a
par lta ba/ sangs rgyas kyi zhing gi rgyud gnas med pa thams cad du gzugs brnyan snang bar gyur pa/ chos thams cad la mun pa dang rnam par bral ba/ ye shes kyi dkyil 'khor mun pa la rab tu zhugs pa/ phyogs kun tu chos kyi snang ba rab tu bkye ba/ 'gro ba thams cad kyi bsod nams kyi zhing mchog tu gyur pa/ thos pa dang / mthong ba dang / smon lam don yod pa'i zla ba/ bsod nams kyi ri rab 'jig rten thams cad las mngon par 'phags pa/ phas kyi rgol ba'i tshogs thams cad tshar gcad pa la shin tu dpa' ba sangs rgyas kyi zhing thams cad du sgra skad dang dbyangs kyi nga ro 'byin pa/ sangs rgyas thams cad kyi sku mthong bas mi ngoms pa/ sangs rgyas kyi sku'i gzugs brnyan gyi dbang sgyur ba dang ldan pa/ 'gro ba gdul ba dang mthun pa'i lus su byin gyis rlob pa/ zhing 'byam klas pa thams cad du lus gcig gis rgyas par 'gengs pa/ mngon par 'du bya ba med pa'i rdzu 'phrul gyi dkyil 'khor yongs su dag pa/ thogs pa med par 'gro ba'i ye shes chen po'i theg pa'i gru dang ldan pa/ ye shes kyi dkyil 'khor gyis chos kyi dbyings thams cad du lus rab tu snang ba// ye shes kyi nyi ma 'gro ba thams cad du shar ba/ 'gro ba thams cad bsam pa ji lta ba bzhin du dga' ba'i kha dog dang ldan pa/ 'gro ba thams cad kyi bsam pa dang dbang po rab tu rtogs pa'i ye shes can/
- 69b
chos thams cad bsgribs pa med pa'i yul du khong du chud pa/ chos thams cad kyi rang bzhin skye ba med pa rnam par rig pa/ phra ba dang yangs pa phan tshun du yongs su bsdu ba la dbang sgyur ba sangs rgyas kyi sa zab mo'i tshul nges par rtogs pa/ don zab mo'i tshig dang yi ge'i tha snyad la mkhas pa/ tshig dang / yi ge dang / don mi zad pa rab tu brjod pa/ mdo sde rgya mtsho thams cad tshig gcig tu chud par rab tu ston pa/ gzungs dang ye shes kyi lus rgya chen po byin gyis rlob pa/ bskal pa mtha' yas par yongs su 'dzin pa'i gzungs dang ldan pa'i byin gyi rlabs can/ sems kyi skad cig gcig gis bskal pa brjod du med par gnas pa rab tu rtogs pa'i ye shes can/ sems kyi skad cig gcig gis dus gsum shes pas 'jig rten thams cad mngon par shes pa/ chos kyi gzungs kyi sangs rgyas kyi chos rgya mtsho mtha' yas pa dran zhing spobs pa/ 'gro ba thams cad kyis shes par 'gyur ba'i thabs kyis chos kyi 'khor lo bskor ba las phyir mi ldog pa/ sangs rgyas kyi yul la ye shes snang ba rab tu thob pa/ gya nom par snang ba'i ting nge 'dzin la rtag tu mnyam par bzhag pa/ chags pa med pa'i mtha'i chos thams cad rab tu dbye ba'i ye shes la mngon par mkhas pa/ chos thams cad las khyad par du 'phags pa'i rnam par 'phrul pa'i yul la ye shes kyis rnam par rtse ba/ dmigs pa thams cad la rgyan bzang
- 70a
por byin gyis rlob pa/ chos kyi dbyings phyogs med pa la phyogs kyi rjes su 'brang bas rab tu zhugs pa/ phyogs thams cad rnam par dbye bas chos kyi dbyings las yang dag par gzhol ba/ shin tu pra ste yangs pa'i rdul shin tu phra ba la byang chub tu rnam par 'tshang rgya ba/ rang bzhin kha dog med pa las kha dog thams cad yongs su ston pa/ phyogs gcig la yang dag par gzhol ba de lta bu'i yon tan dang ye shes mtha' yas pas yang dag par bskyed de/ bsod nams dang ye shes kyi snying po dang ldan par gyur pa/ sangs rgyas thams cad kyis bstod pa/ bsngags pa/ bkur ba/ tshig dang yi ge mi zad pas yon tan dang legs pa brjed du yod pa'i byang chub sems dpa' 'dze ta'i tshal du 'dus te 'khod pa/ de bzhin gshegs pa'i yon tan rgya mtsho la 'jug pa/ de bzhin gshegs pa'i 'od zer gyis rab tu snang bar gyur pa de dag gi lus thams cad dang / khang pa brtsegs pa de dag dang / byang chub sems dpa'i longs spyod de dag dang / byang chub sems dpa'i stan de dag dang / 'dze ta'i tshal thams cad nas kyang dga' ba chen po'i shugs rab tu thob pa'i chos nyid dang / byang chub sems dpa'i chos snang ba bsam gyis mi khyab pa rab tu thob pas/ dga' ba'i shugs las byung ba'i rnam par 'phrul pa chen po'i rgyan mngon par 'thon nas/ chos kyi dbyings thams cad rgyas par khyab par/
- 70b
gyur to// 'di lta ste/ sems kyi skad cig re re la 'od zer gyi dra ba'i sprin shin tu yangs pa 'gro ba thams cad yongs su tshim par byed pa mngon par 'thon te/ phyogs bcu rgyas par khyab par gyur to/ / rin po che sna tshogs kyi dril bu'i sprin mngon par 'thon te/ dus gsum gyi de bzhin gshegs pa thams cad kyi yon tan dang legs pa rab tu brjod pa'i sprin rgya nga ro rjes su bsgrags pas phyogs bcu rgyas par khyab par gyur to/ / dmigs pa thams cad las 'gro ba thams cad kyi rol mo'i sprin mngon par 'thon te/ sems can thams cad kyi las dang rnam par smin pa rol mo'i sgra snyan par blang bas rjes su sgrog cing / phyogs bcu rgyas par khyab par gyur to// byang chub sems dpa' thams cad kyi smon lam dang / byang chub sems dpa'i spyod pa sna tshogs yang dag par ston pa'i tshul gyi sprin mang po mngon par 'thon nas/ byang chub sems dpa' thams cad kyi smon lam gyi sgra dbyangs rab tu sgrog pas phyogs bcu rgyas par khyab par gyur to/ / de bzhin gshegs pa thams cad kyi sprul pa dang rnam par 'phrul pa'i sprin mang po mngon par 'thon nas/ de bzhin gshegs pa thams cad kyi gsung gi dbyangs rjes su brjod cing / phyogs bcu rgyas par khyab par gyur to// byang chub sems dpa'i lus mtshan dang dpe byad bzang pos rnam par brgyan pa'i sprin mang po mngon par 'thon nas/ zhing thams cad dbyung
- 71a
pa'i sangs rgyas skye ba gcig nas gcig tu brgyud pa rab tu brjod cing / phyogs bcu rgyas par khyab par gyur to// dus gsum gyi de bzhin gshegs pa thams cad dang mnyam pa'i snying po byang chub kyi sprin mang po mngon par 'thon nas/ de bzhin gshegs pa thams cad mngon par byang chub pa'i rgyan byung ba yongs su ston cing / phyogs bcu rgyas par khyab par gyur to/ / dmigs pa thams cad las klu'i dbang po'i lus kyi sprin mang po mngon par 'thon nas/ spos sna tshogs kyi char rab tu 'bebs shing / phyogs bcu rgyas par khyab par gyur to// 'gro ba thams cad kyi dbang po'i lus dang 'dra ba'i sprin mang po mngon par 'thon nas/ byang chub sems dpa' kun tu bzang po'i spyod pa yongs su rjod pa byed cing / phyogs bcu rgyas par khyab par gyur to/ / zhing yongs su dag pa rin po che thams cad kyi rang bzhin yongs kyi gzugs brnyan gyi sprin mang po mngon par 'thon nas/ de bzhin gshegs pa thams cad kyi chos kyi 'khor lo bskor ba mngon par ston cing / phyogs bcu rgyas par khyab par gyur to// de dag la sogs pa byang chub sems dpa' de dag gi byin gyi rlabs dang / chos kyi snang ba rgya mtsho bsam gyis mi khyad pa rab tu thob pa'i chos nyid kyi rgyan chen po rnam par sprul pa'i sprin sangs rgyas kyi zhing brjod du med pa'i rdul shin tu phra ba snyed byung bar gyur to/ / de nas byang chub sems dpa
- 71b
'jam dpal gyis sangs rgyas kyi byin gyi rlabs kyis/ rnam par 'phrul pa de dag yongs su ston pa byed cing phyogs bcur rnam par bltas nas/ de'i tshe tshigs su bcad pa 'di dag smras so// 'dze ta'i tshal du sangs rgyas byin gyi rlabs// mtha' yas rgya chen yongs su byung la ltos// dmigs pa kun las lus kyi sprin chen rnams// mngon par 'thon cing phyogs rnams kun tu khyab/ bde gshegs sras po rnams kyi sna tshogs rgyan// kha dog mtha' yas rgya chen rnam dag pa// stan dang dmigs pa yongs su bcas pa la// de dag thams cad gzugs brnyan byung ba snang / / rgyan rnams sna tshogs rin chen 'od 'phro'i sprin// bde gshegs sras po rnams kyi spu rtsa las// sangs rgyas gsung rnams rab tu sgrog byed cing // zhing rnams kun gyi dbyings su khyab par 'phro/ / tshangs pa'i dbang po'i gzugs 'dra lus rnams dang // spyod lam rab tu zhi ba dag pa'i gzugs// zhing gi me tog kun las mngon 'thon te// bsam gtan yan lag brjod cing kun tu 'dong / / kun tu bzang po 'dra ba'i rgyal ba'i sras// mtshan rab dpe byad bzang pos brgyan pa'i lus// grangs med bsam yas bde gshegs pa spu las// sprul pa 'dra thogs pa med par 'byung / / bde gshegs sras po dus gsum byung ba'i rnams// yon tan rgya mtsho'i legs pa brjod pa dag/ rgya mtsho tshe mnyam rgyan sprin de dag kun// 'dze ta'i tshe la
- 72a
na gnas shing rab tu brjod/ / phyogs rnams kun gyi sems can yongs kyi las// rgya mtsho chen po sna tshogs ma lus par// 'dze ta'i tshal gyi shing gi gzugs rnam kyi/ / gseb nas byung bar gyur pa kun tu grag/ dus gsum 'byung ba'i rgyal ba thams cad kyi// zhing rnams kun gyi ma lus rnam 'phrul pa// zhing rnams rgya mtsho'i rdul snyed de dag kyang // so so dmigs kyis dmigs par gyur pa snang // sangs rgyas phyogs kyi zhing rnams rgya mtsho'i sprin// spu rtsa re rer sna tshogs rnam phye ba'i// sangs rgyas gnas rnams skad cig re rer snang // de dag la yang sangs rgyas sprin mang bzhugs// 'gro dang mnyam par phyogs rnams kun bkang zhing // sems can thabs kyis yongs su smin par byed// de dag 'od las spos kyi 'od 'phro dang / / me tog phal chen rgya mtsho sprin kyang 'byung // mkha' ltar tshad med rin chen gzhal med khang // ma lus rgyan rab kun gyis rnam mdzes pa// de dag thams cad phyogs rnams kun khyab byed/ / zhing dang snying po byang chub de bzhin no// dus gsum byung ba'i rgyal ba'i sras rnams kyis// kun tu bzang po spyod pa'i rnam tshul du// zhing rnams rgya mtsho rnam par dag byas pa'i// rgyan rab sna tshogs 'gro ltar tshad med pa// phyogs rnams dus gsum kun tu gang byung rnams// bskal pa rgya mtsho chen por rnam spongs pa// de dag kun kyang 'dze ta'i nags tshal gyi// bar
- 72b
snang mkha' la gzugs brnyan tshul du snang / / de nas byang chub sems dpa' sangs rgyas kyi ting nge 'dzin gyis rgyud shin tu snang bar byas pa de dag las/ byang chub sems dpa' re// res kyang snying rje chen po'i sgo sangs rgyas kyi zhing brjod du med pa'i rdul shin tu phra ba snyed du zhugs par gyur nas/ de dag de bas kyang 'gro ba thams cad la phan pa dang yongs su bsdu ba'i don du zhugs par gyur te/ de ltar mnyam par bzhag pa de dag gi ba spu'i sgo re re nas kyang 'od zer sangs rgyas kyi zhing brjod du med pa'i rdul shin tu phra ba snyed mngon par 'thon par gyur te/ 'od zer de dag gi sgo renas kyang byang chub sems dpa' 'phrul pa'i sprin 'jig rten gyi dbang po thams cad 'dra ba'i lus dang / 'gro ba thams cad la mngon par lta ba'i lus dang / sems can thams cad yongs su smin par bya ba dang 'phrod pa'i lus dang ldan pa mngon par 'thon te/ mngon par 'thon nas kyang phyogs thams cad kyi chos kyi dbyings rgyas par bkang nas/ sems can thams cad yang dag par bskul zhing yongs su smin par bya ba dang gdul ba byed do/ / lha'i gnas nas shi 'phos pa yongs su bstan pa'i sgo dang / 'jig rten gyi khams thams cad du skye ba yongs su bstan pa'i sgo dang / byang chub sems dpa'i spyod pa'i dkyil 'khor yongs su bstan pa'i sgo dang / rmi lam yongs su bstan pa'i sgo dang / sangs rgyas kyi zhing brjod du med pa'i rdul shin tu phra ba snyed kyis sems can yongs su skul
- 73a
pa byed do/ / byang chub sems dpa' thams cad kyi smon lam gyis 'byung ba'i sgo dang / 'jig rten gyi khams yongs su bskyod pa'i sgo dang / sbyin pa'i pha rol tu phyin pa'i spyod pa yongs su bstan pa'i sgo dang / de bzhin gshegs pa thams cad kyi yon tan dang nan tan du bya ba dang rab tu bsgrub pa'i sgo dang / yan lag dang nying lag gcod pa'i bzod pa'i pha rol tu phyin pa yongs su bstan pa'i sgo dang / byang chub sems dpa'i rnam par 'phrul pa chen pos brtson 'grus kyi pha rol tu phyin pa'i yongs su bstan pa'i sgo dang / byang chub sems dpa'i bsam gtan dang / rnam par thar pa dang / ting nge 'dzin dang / snyoms par 'jug pa thams cad dang / sangs rgyas kyi ye shes kyi lam gyi dkyil 'khor snang ba rab tu brjod pa'i sgo dang / sangs rgyas kyi chos thams cad yongs su btsal ba'i phyir/ chos kyi tshig dang yi ge re re'i phyir lus grangs med pa yongs su gtong ba yongs su bstan pa'i sgo dang / de bzhin gshegs pa thams cad kyi drung du 'gro zhing chos thams cad yongs su dri ba'i sgo dang / dus la ji ltar 'bab pa dang bsam pa ji lta ba bzhin du 'gro ba'i drung du 'gro zhing thams cad mkhyen pa nyid du yongs su smin par 'gyur ba thob par bya ba'i tshul rgya mtsho snang ba rnam par dmigs par bya ba'i sgo dang / byang chub sems dpa'i bsod nams dang ye shes kyi tshogs thams cad bdud dang phas kyi rgol bas mi
- 73b
tshugs pa'i stobs kyi rgyal mtshan yongs su bstan pa'i sgo dang / bzo thams cad shes shing mkhas pa dang ldan pa'i shes pa'i sa yongs su bstan pa'i sgo dang / 'gro ba thams cad las khyad bapar du 'phags par shes shing mkhas pa dang ldan pa'i ye shes kyi sa yongs su bstan pa'i sgro dang / sems can thams cad kyi bsam pa'i khyad par shes shing mkhas pa dang ldan pa'i ye shes kyis yongs su bstan pa'i sgo dang / sems can thams cad kyi dbang po la 'jug pa'i thabs kyis nyon mongs pa dang bag chags sna tshogs yang dag par gzhom pa la shes shing mkhas pa dang ldan pa'i ye shes kyis yongs su bstan pa'i sgo dang / de dag la sogs pa'i sems can yongs su smin par bya ba dang / gdul ba'i thabs dang / bsdu ba'i sgo sangs rgyas kyi zhing brjod du med pa'i rdul shin tu phra ba snyed kyis byang chub sems dpa' de dag sems can thams cad kyi gnas su phyin par snang ste/ la la ni lha'i gnas su phyin par snang ngo // la la ni klu'i gnas su phyin par snang ngo // la la ni gnod sbyin gyi gnas su phyin par snang ngo // la la ni dri za'i gnas su phyin par snang ngo // la la ni lha ma yin gyi gnas su phyin par snang ngo // la la ni nam mkha' lding gi gnas su phyin par snang ngo / / la la ni mi 'am tsa'i gnas su phyin par snang ngo // la la ni lto 'phye chen po'i gnas su phyin par snang ngo // la la ni tshangs pa'i dbang po'i gnas su phyin par snang ngo // la la ni
- 74a
mi'i gnas su phyin par snang ngo / / la la ni gshin rje'i gnas su phyin par snang ngo // la la ni yi dgas kyi gnas thams cad du phyin par snang ngo // la la ni sems can dmyal ba'i 'jig rten thams cad du phyin par snang ngo / / la la ni yi dgas kyi skye gnas kyi rgyud thams cad du phyin par snang ste/ mthong bas 'dul ba'i sems can dang / thos pas 'dul ba dang rjes su dran pas 'dul ba dang / dbyangs kyi dkyil 'khor gyis 'dul ba dang / ming gi chu klung gi sgras 'dul ba dang / 'od kyi dkyil 'khor gyis 'dul ba dang / 'od zer gyi dra ba rab tu dgye bas 'dul ba dang / sems can rnams kyi bsam pa'i tshul ji lta ba bzhin du yongs su smin par bya ba dang / gdul ba'i phyir snying rje chen po tha mi dad pa dang / smon lam tha mi dad pa dang / ya/ shes tha mi dad pa dang / sems can yongs su bsdu ba tha mi dad pa'i tshul du byang chub sems dpa' de dag 'dze ta'i tshal nas rnam par 'phral pa'i rgyan rnam pa sna tshogs kyis/ 'jig rten gyi khams 'byam klas pa thams cad dang / sems can gyi khams 'byam klas pa thams cad rgyas par 'gengs pa byed par snang yang / de bzhin gshegs pa'i zhabs kyi drung nas mi g.yo ste/ la la ni rang gi gnas dang / khang pa brtsegs pa dang / stan dang / 'khor du bcas pas phyogs bcu rgyas par byed par snang yang / de bzhin gshegs pa'i zhabs kyi drung nas mi
- 74b
g.yo'o/ / la la ni sprul pa'i sprin rab tu 'gyed par snang // la la ni sems can yongs su smin par bya ba'i don du gcig pu gnyis su med par 'gro bar snang yang / de bzhin gshegs ba'i 'khor gyi dkyil 'khor nas mi g.yo'o/ / la la ni dge sbyong gi gzugs/ la la ni tshangs pa'i gzugs/ la la ni brdul zhugs can thams cad kyi cha byad dang / cho ga dang / chu zheng gi / gzugs/ la la ni sman pa'i gzugs/ la la ni tshong pa'i gzugs/ la la ni snyan pas 'tshe ba'i gzugs/ la la ni gar mkhan gyi gzugs/ la la ni lha khyer ba'i gzugs/ la la ni ba po thams cad dang ldan pa'i gzugs su grong dang / grong khyer dang / grong rdal dang / ljongs dang / khams dang / rgyal po'i pho brang 'khor du phyin par snang ste/ dus kyi dbang gis dus kyi rjes su 'brang zhing / ming dang / gzugs dang / lus mngon par bsgrub pa tha dad pa dang / lus kyi kha dog dang dbyibs tshul dang 'dra ba dang / dbyangs rnam pa tha dad pa dang / skad rnam pa tha dad pa dang / spyod lam rnam pa tha dad pa dang / gnas rnam pa tha dad pas byang chub sems dpa'i spyod pa 'gro ba thams cad mig 'phrul lta bur shes pa dang / bzo'i 'khor thams cad rab tu brjod pa dang / 'gro ba thams cad kyi shes pa brjod pas snang ba'i sgron ma dang / bde ba thams cad kyi byin gyi rlabs kyis brgyan pa dang / las thams cad snang bar byed pa'i 'od dang ldan pa dang / phyogs
- 75a
thams cad theg pa la gnas pas rab tu sbyong ba dang / byang chub sems dpa'i spyod pa chos thams cad kyi dkyil 'khor rab tu snang ba la spyod cing sems can yongs su smin par bya ba dang / gdul ba'i don du grong dang / grong khyer dang / grong rdal dang / ljongs dang / khams dang / rgyal po'i gnas dag tu phyin par snang ngo // de nas 'jam dpal gzhon nur gyur pa gnas pa med pa'i khang pa brtsegs pa na 'dug 'dug pa las/ skal ba mthun pa'i byang chub sems dpa' de dag dang / rtag tu phyi bzhin 'brang ba'i lag na rdo rje dag dang / 'jig rten thams cad kyi nyam brta ba la brtson zhing / sangs rgyas thams cad bsnyen bkur bar smon pa'i sems dang ldan pa'i lus kyi rigs su gtogs pa'i lha dag dang / sngon gyi smon lam gyis rjes su 'brang ba'i rkang gis 'gro ba'i ris su gtogs pa'i lha dag dang / chos mnyan pa la mngon par mos pa'i sa'i lha dag dang / snying rje chen po la brtson pa'i lum dang / mtsho dang / mtshe'u dang / rdzing bu dang / khron pa dang / chu klung gi lha dag dang / shes rab kyi 'od snang bas rab tu gsal ba'i me'i lha dag dang / rin po che'i cod pan thogs pa'i rlung gi lha dag dang / chos kyi phyogs snang bar khong du chud pa'i phyogs kyi lha dag dang / ma rig pa'i mun pa bsal ba la brtson pa'i mtshan mo'i lha dag dang / de bzhin gshegs pa'i nyi ma mngon par bsgrub pa la
- 75b
brtson pa'i nyi ma'i lha dag dang / chos kyi dbyings thams cad kyi nam mkha' brgyan pa la brtson pa'i nam mkha'i lha dag dang / 'gro ba thams cad srid pa'i rgya mtsho las bsgral bar brtson pa'i gang chen mtsho'i lha dag dang / thams cad mkhyen pa nyid du tshogs yang dag par bsags pa la brtson zhing / dge ba'i rtsa ba'i sgo mngon par 'phags pa'i sems dang ldan pa'i ri'i lha dag dang / 'gro ba thams cad kyi lus brgyan par brtson zhing sangs rgyas thams cad kyi kha dog dang byin gyi rlabs la smon cing brtson pa'i chu klung gi lha dag dang / 'gro ba thams cad kyi sems kyi grong rdal yongs su bskyang bar brtson pa'i grong gi lha dag dang / thams cad mkhyen pa'i chos kyi grong khyer du smon cing mos pa'i klu'i dbang po dag dang / sems can thams cad yongs su bsrung ba la zhugs pa'i gnod sprin gyi dbang po dag dang / sems can thams cad kyi dga' ba'i shugs rnam par 'phel bar bya ba la brtson pa'i dri za'i dbang po dag dang / yi dgas kyi rgyud thams cad rnam par bzlog pa la brtson pa'i grul bum gyi dbang po dag dang / sems can thams cad srid pa'i rgya mtsho nas gdon pa'i smon lam gyis zhugs pa'i nam mkha' lding gi dbang po dag dang / 'jig rten thams cad las 'phags pa'i de bzhin gshegs pa'i sku dang stobs yongs su bsgrub par smon lam yongs su bskyed pa'i lha ma yin gyi dbang po dag dang / de bzhin gshegs pa mthong bas dga' bar gyur cing lus
- 76a
rab tu 'dud pa'i lto 'phye chen po'i dbang po dag dang / 'khor ba las skyo ba'i yid dang ldan zhing ngor lta ba'i lha'i dbang po dag dang / rim gro chen po rab tu byed cing lus rab tu 'dud pa'i tshangs pa'i dbang po dag dang lhan cig tu de dag gis rim gro chen pos mngon par bstod de mchod cing / de lta bu'i byang chub sems dpa'i rnam par gnon pa'i rgyan phun sum tshogs pa dang ldan par rang rang gi gnas nas byung ste/ bcom ldan 'das la g.yas phyogs su bskor ba lan brgya phrag du ma zhig tu byas nas/ mchod pa rnam pa du mas mchod de/ bcom ldan 'das kyi spyan snga nas phyir byung nas/ lho phyogs logs su yul rgyu zhing song ngo // // bam po brgyad cu rtsa dgu pa/ de nas sangs rgyas kyi zhing byin gyis/ tshe dang ldan pa shA ra dwa ti'i bus/ 'jam dpal gzhon nur gyur pa byang chub sems dpa'i rnam par 'phrul pa'i rgyan phun sum tshogs pa de 'dra bas 'dze ta'i tshal nas byung ste/ lho phyogs logs su 'gro ba mthong nas/ de 'di snyam du gyur te/ bdag kyang 'jam dpal gzhon nur gyur pa dang lhan cig tu yul rgyu zhing 'gro'o snyam nas/ de dge slong drug cu tsam gyis bskor cing mdun du byas te rang gi gnas nas byung nas/ bcom ldan 'das gang na ba der song ste/ bcom ldan 'das kyi zhabs gnyis la spyi bos phyag 'tshal nas/ bcom ldan 'das la zhus te/ bcom ldan 'das kyis gnang ba dang / bcom ldan 'das la
- 76b
lan gsum bskor ba byas nas/ bcom ldan 'das kyi spyan snga nas phyir byung ste/ 'jam dpal gzhon nur gyur pa gang na ba der/ dge slong lhan cig tu spyod pa rab tu byung nas ring po ma lon pa gas/ duzhugs pa sha stag ste/ 'di ltar dge slong rgya mtsho'i blo dang / legs par byin pa chen po dang / bsod nams kyi 'od dang / bu chen po dang / kun khyab sbyin pa dang / rnam dag spyod pa dang / lha'i dpal dang / dbang po'i blo gros dang / tshangs pa'i dam pa dang / dge slong zhi ba'i blo gros dang / de dag la sogs pa dge slong drug cu tsam kun kyang sngon gyi rgyal ba la bya ba byas pa/ dge ba'i rtsa ba bskyed pa/ mos pa zab mor gyur pa/ dad pa'i mig yongs su dag pa/ sems rgya chen pos yongs su spyod pa/ sangs rgyas kyi chos rnam par lta ba la mthu yod pa/ chos kyi ngo bo nyid dang rang bzhin nges par rtogs pa'i sems dang ldan pa/ gzhan la phan par gyur pa'i blo can/ de bzhin gshegs pa'i yon tan la mngon par mos pa/ 'jam dpal gzhon nur gyur pa'i chos bstan pas 'dul ba sha stag dang 'grogs shing mdun du byas te sngon du bdar nas/ 'jam dpal gzhon nur gyur pa gang na ba der dong ngo // de nas tshe dang ldan pa shA ri'i bus de ltar lam du zhugs te 'dong pa'i tshe/ dge slong de dag kun la bltas nas/ dge slong rgya mtsho'i blo la smras pa/ rgya mtsho'i blo byang chub sems dpa' 'jam dpal gyi lus mtshan dang dpe byad bzang pos rnam par
- 77a
brgyan cing yongs su dag pa/ lha dang mir bcas pas bsam gyis mi khyab pa dang / 'od kyi dkyil 'khor yongs su dag cing sems can tshad med pa'i dga' ba yongs su skyed pa dang / 'od zer gyi dra ba'i rgyan sems can dpag tu med pa'i sdug bsngal rab tu zhi bar byed pa dang / 'khor phun sum tshogs pa sngon gyi dge ba'i rtsa bas yongs su bzung ba dang / lam gyi rgyan 'gron lam mig mangs ris su gnas pa dang / lam rnam par gnon pa'i rgyan phyogs kyi dkyil 'khor thams cad la mngon par lta bar gnas pa dang / bsod nams phun sum tshogs pa'i rgyan g.yas g.yon nas gter chen po mngon par 'thon pa dang / sngon gyi sangs rgyas la rim gro byas pa'i dge ba'i rtsa ba dang rgyu mthun pas shing gi gseb thams cad nas rgyan mang po 'byung ba dang / 'jig rten gyi dbang po thams cad mchod pa'i sprin gyi char mngon par 'bebs shing btud de phyag 'tshal ba dang / phyogs bcu nas de bzhin gshegs pa thams cad kyis 'od zer gyi dra ba'i dkyil 'khor mang po bkye ba sangs rgyas kyi chos thams cad rab tu sgrog cing spyi bor 'char ba la ltos shig ces/ de dag la sogs pa tshe dang ldan pa shA ri'i bus 'jam dpal gzhon nur gyur pa lam du/ zhugs pa'i yon tan gyi rgyan tshad med pa dag dge slong de dag la yongs su bstan te// brjod do// bshad do// smos so// bkrol lo// rab tu brjod do// rnam par phye'o// gsal bar byas so//
- 77b
de ltar gnas brtan shA ri'i bus/ 'jam dpal gzhon nur gyur pa'i yon tan ji tsam ji tsam du brjod pa de tsam de tsam du dge slong de dag gi sems rnam par dag par gyur te// rab tu dang bar gyur to/ / dga' ba'i shugs rnam par 'phel bar gyur to// mos pa skyed par gyur to// de dag gi sems kyi rgyud las su rung bar gyur to// dbang po rab tu dang bar gyur to// yid bde ba rnam par 'phel bar gyur to/ / yid mi bde ba rab tu byang bar gyur to// sems kyi skyon dang bral bar gyur to// sgrib pa thams cad phyir ldog par gyur to// sangs rgyas blta ba la mngon par mos par gyur to/ / sangs rgyas kyi chos la sems rab tu gzhol bar gyur to// byang chub sems dpa'i dbang po yongs su dag par gyur to// byang chub sems dpa'i dad pa'i shugs skye bar gyur to// snying rje chen po 'byung bar gyur to/ / pha rol tu phyin pa'i dkyil 'khor gnon par gyur to// snying rje chen po yongs su skye bar gyur to// phyogs bcu'i sangs rgyas rgya mtsho yongs su snang bar gyur to// de ltar de dag thams cad mkhyen pa nyid du mos pa'i shugs thob par gyur nas 'di skad 'dzer te/ mkhan po bdag cag kyang skyes bu dam pa de'i drung du phyin par mdzad du gsol zhes nas// de nas tshe dang ldan ba shA ri'i bu dge slong de dag dang 'grogs te/ 'jam dpal gzhon nur gyur pa gang na ba der song nas 'di skad ces smras so// 'jam dpal dge slong 'di dag ni khyod la blta bar 'dod pa dag
- 78a
go/ de nas 'jam dpal gzhon nur gyur pas dge slong de dag dang / 'khor gyi dkyil 'khor gyi sa'i phyogs de tsam dang bcas par/ glang po'i lha stangs kyis gzi dang ldan par khyab par bltas pa dang / de'i rjes la dge slong de dag gis/ 'jam dpal gzhon nur gyur pa'i rkang pa gnyis la spyi bos phyag 'tshal nas/ thal mo sbar te 'di skad ces smras so/ / skyes bu dam pa khyod mthong ba dang / khyod la phyag 'tshal ba'i dge ba'i rtsa ba 'di dang / bdag cag gi dge ba'i rtsa ba gzhan khyod kyis mkhyen pa dang / mkhan pos thugs su chud pa dang / gang yang bcom ldan 'das de bzhin gshegs pa shAkya thub pas mngon du gzigs pa'i dge ba'i rtsa ba des khyod ci 'dra ba de 'dra bar gyur te/ rnam pa 'di 'dra ba'i lus thob par shog cig/ rnam pa 'di 'dra ba'i dbyangs dang / rnam pa 'di 'dra ba'i mtshan dang / 'di lta bu'i rnam par 'phral pa dag kyang khyod ji lta ba bzhin du thob par shog cig ces/ dge slong de dag gis de skad du smras pa dang / 'jam dpal gzhon nur gyur pas/ dge slong de dag la 'di skad ces smras so// dge slong dag yongs su mi skyo ba'i sems bskyed pa bcu dang ldan pa'i rigs kyi bu 'am/ rigs kyi bu mo theg pa chen po la zhugs pa ni/ byang chub sems dpa'i sa lta smos kyang ci smos kyi/ de bzhin gshegs pa'i sa'ang gnon par 'gyur ro// bcu gang zhe na/ 'di lta ste/ de bzhin gshegs
- 78b
pa thams cad blta ba dang / bsnyen bkur ba dang / mchod pa dang / rim gro bya ba la yongs su mi skyo ba'i sems bskyed pa dang / dge ba'i rtsa ba thams cad bsags pa las phyir mi ldog cing yongs su mi skyo ba'i sems bskyed pa dang / chos thams cad btsal ba la yongs su mi skyo ba'i sems bskyed pa dang / byang chub sems dpa'i pha rol tu phyin pa thams cad sbyor ba la yongs su mi skyo ba'i sems bskyed pa dang / byang chub sems dpa'i ting nge 'dzin thams cad yongs su bsgrub pa la yongs su mi skye ba'i sems bskyed pa dang / dus gcig nas gcig tu brgyud pa thams cad du 'jug pa la yongs su mi skyo ba'i sems bskyed pa dang / phyogs bcu'i sangs rgyas kyi zhing rgya mtsho rgyas par dgang zhing yongs su dag par bya ba la yongs su mi skye ba'i sems bskyed pa dang / sems can gyi khams thams cad yongs su smin par bya ba dang / gdul ba la yongs su mi skyo ba'i sems bskyed pa dang / zhing dang bskal pa thams cad du byang chub sems dpa'i spyod pa mngon par bsgrub pa la yongs su mi skyo ba'i sems bskyed pa dang / sangs rgyas kyi zhing thams cad kyi rdul shin tu phra ba snyed kyi pha rol tu phyin pa sbyar bas/ sems can gcig yongs su smin par bya ba'i tshul du/ sems can thams cad yongs su smin par bya bas/ de bzhin gshegs pa'i stobs gcig yongs su bsgrub pa la yongs su mi skye ba'i sems bskyed pa'o//
- 79a
dge slong dag yongs su mi skyo ba'i sems bskyed pa bcu po 'di dag dang ldan pa'i rigs kyi bu 'am/ rigs kyi bu mo dad pa dang ldan pa ni/ dge ba'i rtsa ba thams cad la yongs su 'grub par 'gyur ro/ / 'khor ba'i rgyud thams cad las phyir ldog par 'gyur ro// 'jig rten gyi rgyud thams cad las gyen du 'phags par 'gyur ro// nyan thos dang rang sangs rgyas kyi sa thams cad las yongs su 'da' bar 'gyur ro/ / de bzhin gshegs pa thams cad kyi rigs dang rgyud du 'byung bar 'gyur ro// byang chub sems dpa' thams cad kyi smon lam la yang dag par 'grub par 'gyur ro/ / de bzhin gshegs pa thams cad kyi yon tan gyi nan tan la rnam par dag par 'gyur ro// byang chub sems dpa'i spyod pa thams cad la yongs su dag par 'gyur ro/ / de bzhin gshegs pa thams cad kyi stobs la yang dag par 'byung bar 'gyur ro// bdud dang phas kyi rgol ba thams cad rab tu 'dul bar 'gyur ro// byang chub sems dpa'i sa yongs su gnon par 'gyur ro/ / de bzhin gshegs pa'i sa dang shin tu nye bar 'gyur ro// de nas dge slong dag gis chos kyi tshul 'di thos nas/ sangs rgyas thams cad rnam par mthong ba la chags pa med pa'i mig gi yul zhes bya ba'i ting nge 'dzin thob par gyur to/ / de'i mthus phyogs bcu mtha' yas mu med pa'i 'jig rten gyi khams na bzhugs pa'i de bzhin
- 79b
gshegs pa'i 'khor gyi dkyil 'khor mthong bar gyur to/ / 'jig rten gyi khams de dag gi 'gro ba'i rgyud du skyes pa'i sems can de dag kyang ma lus par mthong bar gyur to// 'jig rten gyi khams de dag gi sems can rnams kyang ma lus par mthong bar gyur to/ / 'jig rten gyi khams de dag kyang rnam par phye ba sna tshogs su mthong bar gyur to// 'jig rten gyi khams de dag ra rdul shin tu phra ba ji snyed yod pa de dag kyang bgrang ba'i tshul gyis rab tu shes par gyur to/ / sems can de dag gi rin po che'i gnas dang longs spyod de dag kyang mthong bar gyur to// de bzhin gshegs pa de dag gi dbyangs kyi yan lag rgya mtsho bang thos par gyur to/ / chos bstan pa de dag kyang tshig dang / yi ge dang / nges pa'i tshig dang / skad dang / ming dang / brdas yongs su shes par gyur to// sems can de dag gi sems dang / dbang po dang / bsam pa la'ang rnam par lta bar gyur to// sngon gyi mtha' dang phyi ma'i mtha'i tshe rabs bcu'ang rjes su dran par gyur to// de bzhin gshegs pa de dag gi chos kyi 'khor lo bcu'i nges pa'i tshig mngon par bsgrub pa la'ang rab tu zhugs par gyur to/ / rdzu 'phrul gyis rnam par 'phrul ba mngon par bsgrub pa bcu la'ang rab tu zhugs par gyur to/ / bstan pa'i tshul mngon par bsgrub pa bcu la'ang rab tu zhugs par gyur to// rjes su bstan pa'i tshig mngon par bsgrub pa bcu la'ang rab tu zhugs par gyur to// de bzhin gshegs pa de dag gi tha dad pa yang
- 80a
dag par mkhyen pa'i tshul mngon par bsgrub pa bcu la'ang rab tu zhugs par gyur to/ / ting nge 'dzin de thob ma thag tu byang chub kyi sems kyi yan lag stong phrag bcu'ang yongs su rdzogs par gyur to/ / ting nge 'dzin stong phrag bcu'ang yongs su non par gyur to// pha rol tu phyin pa'i yan lag stong phrag bcu'ang rnam par dag par gyur te/ snang ba chen po rab tu thob cing shes rab chen po'i dkyil 'khor 'khor gyis snang bar gyur pa de dag gis/ byang chub sems dpa'i mngon par shes pa bcu rab tu thob par gyur to// de ltar mngon par shes pa'i myu gu gzhon zhing shin tu phra ba thob ste/ byang chub tu sems bskyed pa brtan pa la gnas pa de dag 'jam dpal gzhon nur gyur pas/ byang chub sems dpa' kun tu bzang po'i spyod pa la yang dag par bskal nas rab tu bkod do/ / de ltar byang chub sems dpa' kun tu bzang po'i spyod pa la rab tu gnas pas de dag smon lam chen po rgya mtsho la zhugs shing mngon par bsgrub par gyur to// de ltar smon lam chen po rgya mtshos mngon par bsgrubs pa'i sems rnam par dag pas lus yongs su dag pa rab tu thob par gyur to/ / lus rnam par dag pas lus yang ba rab tu thob par gyur to// de ltar lus rnam par dag pa dang / lus yang bas mngon par shes pa'i sgo de dag shin tu yangs par byed pas/ mi nyams shing rjes su 'brang ba'i mngon par shes pa rab tu thob par gyur to// mngon par shes pa thob pas
- 80b
'jam dpal gzhon nur gyur pa'i rkang pa'i drung nas kyang mi g.yo la/ sangs rgyas kyi chos thams cad yongs su bsgrub pa'i phyir phyogs bcur yang de bzhin gshegs pa thams cad kyi sku'i 'phrin las kyi sprin mngon par bsgrub par gyur to/ / de nas 'jam dpal gzhon nur gyur pas/ dge slong de dag bla na med pa yang dag par rdzogs pa'i byang chub tu bkod nas/ mthar gyis yul rgyu zhing lho phyogs logs skyid pa'i 'byung gnas zhes bya ba'i grong rdal chen po gang na ba der logs su song ste phyin nas/ grong rdal chen po skyid pa'i 'byung gnas kyi shar phyogs logs na nags tshal chen po sA la sna tshogs kyi rgyal mtshan gyi rgyan ces bya ba sngon gyi sangs rgyas bzhugs bzhugs pa'i mchod rten/ sems can smin par mdzad pa'i don du de bzhin gshegs pas byin gyis brlabs pa/ zhing mtha' yas par ming gi sgra rjes su grags pa/ sngan chad bcom ldan 'das byang chub sems dpa'i spyod pa mdzad pa'i tshe/ yongs su gtang bar dka' ba du ma yongs su btang ste/ sa'i phyogs de na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rnams rtag tu rgyun mi 'chad par mchod pa la brtson pa'i gnas yod pa der 'khor dang bcas te phyin nas/ der 'jam dpal gzhon nur gyur pas mdo sde chos kyi dbyings kyi tshul rab tu snang ba zhes bya ba mdo sde bye ba khrag khrig brgya stong phrag
- 81a
bcu 'byung ba bstan to/ / de bstan pa'i tshe/ rgya mtsho chen po nas klu bye ba khrag khrig brgya stong du mnye bar lhags te/ de dag gis chos kyi tshul de thos nas/ klu'i rgyud la rnam par smod cing de bzhin gshegs pa'i yon tan la mos par gyur nas klu'i rgyud rnam par bzlog ste/ lha dang mer skye ba yongs su 'dzin par gyur nas/ der klu stong phrag bcu bla na med pa yang dag par rdzogs pa'i byang chub las phyir mi ldog par gyur to/ / chos de bstan pa'i tshe/ sems can gyi khams mtha' dang dbus med pa theg pa gsum gyis dus gzhan dang gzhan du rnam par dul bar gyur to/ / de nas skyid pa'i 'byung gnas kyi mi rnams kyis/ 'jam dpal gzhon nur gyur pa'i skyid pa'i 'byung gnas kyi grong rdal du phyin te/ sA la sna tshogs kyi rgyan gyi mchod rten gyi gzhi 'di nyid na rnam par spyod do zhes thos nas/ dge bsnyen tshong dpon shes rab chen po la sogs pa dge bsnyen pa dang / dge bsnyen ma dang / khye'u dang / bu mo mang po dag so so nas 'khor lnga brgya lnga brgya dang bcas te skyid pa'i 'byung gnas kyi grong rdal nas byung nas/ 'jam dpal gzhon nur gyur pa gang na ba der dong ngo // de la dge bsnyen shes rab chen po ni/ dge bsnyen bzang pos byin dang / lhas byin dang / bsod nams 'od dang / grags pa'i lha dang / grags pas byin dang / zla ba'i dpal dang / zla ba dga' bo dang / blo gros bzang po dang / blo gros chen po dang /
- 81b
sgra gcan bzang po dang / dge bster bzang po'i dpal dang / de dag la sogs pa dge bsnyen lnga brgyas bskor cing mdun du byas te/ 'jam dpal gzhon nur gyur pa gang na ba der dong nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba byas nas phyogs gcig tu 'khod do// de la dge bsnyen ma shes rab chen mo ni dge bsnyen ma 'od bzang mo dang / lus bzang mo dang / dge ba yod pa dang / dge ba'i dpal dang / zla ba'i 'od dang / dpal gyi 'od dang / dpal bzang mo dang / dge bsnyen ma mig bzang mo dang / de dag la sogs pa dge bsnyen ma lnga brgyas bskor cing mdun du byas te/ 'jam dpal gzhon nur gyur pa gang na ba der dong nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba byas nas phyogs gcig tu 'khod do// de la tshong dpon gyi bu nor bzangs ni/ tshong dpon gyi bu brtul zhugs bzang po dang / tshul khrims bzang po dang / ngang tshul bzang po dang / rnam par gnon pa bzang po dang / bsam pa bzang po dang / blo gros bzang po dang / blo bzang po dang / mig bzang po dang / lag pa bzang po dang / tshong dpon gyi bu 'od bzang po dang / de dag la sogs pa tshong dpon gyi bu lnga brgyas bskor cing mdun du byas te/ 'jam dpal gzhon nur
- 82a
gyur pa gang na ba der dong nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba byas nas phyogs gcig tu 'khod do/ / de la khyim bdag shes rab chen po'i bu mo dge ba bzang mo ni/ bu mo bzang mo dang / yid du 'ong ba'i bzhin dang / brtan pa'i blo gros dang / dpal bzang mo dang / tshangs pas byin pa dang / dpal gyi 'od dang / bu mo 'od bzang mo la sogs pa bu mo lnga brgyas bskor cing mdun du byas te/ 'jam dpal gzhon nur gyur pa gang na ba der dong nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba byas nas phyogs gcig tu 'khod do// de nas 'jam dpal gzhon nur gyur pas skyid pa'i 'byung gnas kyi grong rdal nas skyes pa dang / bud med dang / khye'u dang / bu mo de dag 'dus te 'khod par shes nas/ bsam pa ji lta ba bzhin du bstan pa'i byin gyis zil gyis mnan/ byams pa chen po'i byin gyis sim par byas nas/ snying rje chen po'i byin gyis chos bstan pa mngon par sgrub ste/ ye shes kyi byin gyis sems dang bsam pa rnam par phye nas tha dad pa yang dag par shes pa chen pos chos bstan par dga' ste/ tshong dpon gyi bu nor bzangs la bltas so// tshong dpon gyi bu nor bzangs zhes bya ba/ ci'i phyir nor badz+ra
- 82b
zhes bya zhe na/ tshong dpon gyi bu nor bzangs zhes bya ba de/ thog ma ma'i mngal du zhugs ma thag tu/ khyim de'i 'khor kun nas rnam par phye ba'i rin po che sna bdun gyi sdong po 'thon par gyur te/ rin po che'i sdong po de dag gi 'og na rin po che'i gter bdun yod de/ gser dang / dngul dang / bai DUR+Ya dang / shel dang / mu tig dmar po dang / asma gar ba dang / mu sa ra gal ba dang rin po che de bdun gyi rin po che'i sdong po de dag kyang / gter de dag nas skyes te sa'i gzhi brtol nas mngon par 'thon par gyur to// de yan lag dang nying lag thams cad yongs su rdzogs te/ zla ba bu/ lon nas btsas pa dang / de'i tshe gter chen po bdun po de dag kyang chu zheng dang / rngams su khru bdun tsam du sa'i steng nas mngon par 'phags te/ snang bar byung nas rnam par snang zhing mdzes par gyur to// khyim der rin po che sna tshogs kyi snod lnga brgya'ang byung bar gyur te/ 'di ltar mar gyi snod dang / til mar gyi snod dang / sbrang rtsi'i snod dang / mar gsar gyi snod dang / gzhan dag kyang so so nas yo byad sna tshogs thams cad kyis yongs su gang ba dge ste/ 'di ltar rdo rje'i snod spos sna tshogs kyis yongs su gang ba dang / spos kyi snod gos sna tshogs kyis yongs su gang ba dang / man shel gyi snod kha zas dang spyan gzigs sna tshogs ro mchog tu zhim pas yongs su gang ba dang / nor bu'i snod rin po che sna tshogs kyis yongs su gang ba dang / gser gyi snod dngul sil mas yongs su gang ba dang /
- 83a
dngul gyi snod gser byes yongs su gang ba dang / phra men gyi snod nor bu rin po che bai DUR+Yas yongs su gang ba dang / shel gyi snod mu sa ra gal bas yongs su gang ba dang / mu sa ra gal ba'i snod rin po che shel gyis yongs su gang ba dang / asma gar ba'i snod mu tig dmar pos yongs su gang ba dang / mu tig dmar po'i snod asma gar bas yongs su gang ba dang / nor bu rin po che skar ma'i rgyal mtshan gyi snod nor bu rin po che chu' dang gis yongs su gang ba dang / nor bu rin po che chu 'dang gi snod nor bu rin po che skar ma'i rgyal mtshan gyi yongs su gang ba dang / de dag la sogs pa rin po che'i snod lnga brgya 'thon par gyur to/ / tshong dpon gyi bu nor bzangs de btsas ma thag tu khyim dang / bang ba dang / mdzod thams cad du nor dang / 'bru dang / dbyig dang / gser dang / rin po che sna tshogs kyi char mngon par bab par gyur to// de la bram ze'i ltas pa dang / pha dang / ma dang / gnyen gyi tshogs kyis 'di btsas ma thag tu nor mang po phun sum tshogs pa byung bar gyur pas na/ nor bzangs nor bzangs zhes de ltar ming du btags te/ tshong dpon gyi bu nor bzangs de ni sngon gyi rgyal ba la bya ba byas pa'o// dge ba'i rtsa ba bskyed pa'o// mos pa rgya chen po dang ldan pa'o/ / dge ba'i bshes gnyen gyi rjes su 'brang ba'i bsam pa can no// lus dang / ngag dang / yid kyi spyod pa kha na ma tho ba med pa'o// byang chub sems dpa'i lam yongs su
- 83b
sbyang ba la rab tu brtson pa'o/ / thams cad mkhyen pa la mngon par mos pa'o// sangs rgyas kyi chos kyi snod du gyur pa'o// bsam pa'i nam mkha' yongs su dag pa'o// byang chub kyi sems chags pa med pa yongs su rdzogs pa'o/ / de nas 'jam dpal gzhon nur gyur pas/ tshong dpon gyi bu nor bzangs la bltas te dga' ba'i gtam byas nas/ de la 'di lta ste sangs rgyas kyi chos thams cad las kyang brtsams/ sangs rgyas kyi chos thams cad yang dag par bsdu zhing 'thob par bya ba las kyang brnams/ sangs rgyas thams cad gcis nas gcig tu rgyu pa las kyang brtsams/ sangs rgyas gcig nas gcig tu brgyud pa thams cad shes par bya ba las kyang brtsams/ sangs rgyas thams cad kyi 'khor gyi dkyil 'khor rnam par dag pa las kyang brtsam/ sangs rgyas thams cad kyi chos kyi 'khor lo dang sprul pa'i rgyan las kyang brtsams/ sangs rgyas thams cad kyi gzugs kyi sku'i mtshan dang dpe byad bzang po rnam par dag pa las kyang brtsams sangs rgyas thams cad kyi chos kyi sku yongs su grub pa las kyang brtsams/ sangs rgyas thams cad kyi gsung rnam par phye ba las kyang brtsams/ sangs rgyas thams cad kyi 'od kyi dkyil 'khor gyi rgyan rnam par dag pa las kyang brtsams/ sangs rgyas thams cad kyi mnyam pa nyid las kyang brtsams te/ chos kyang bstan par gyur to// de nas 'jam dpal gzhon nur gyur pas
- 84a
tshong dpon gyi bu nor bzangs dang / skye bo'i tshogs chen po de dag chos dang mthun pa'i gtam gyis bstan te/ yang dag par bskul nas spro ba bskyed de dga' bar byas nas/ bla na med pa yang dag par rdzogs pa'i byang chub tu sems bskyed du btsud de/ sngon gyi dge ba'i rtsa ba yongs su dran par byas nas/ skyid pa'i 'byung gnas kyi grong rdal de'i sems can rnams kyi bsam pa ji lta ba bzhin du chos bstan pas byin gyis brlabs te/ bde bar byas nas de nas song ngo // de nas tshong dpon gyi bu nor bzangs kyis/ 'angam dpal gzhon nur gyur pa las rnam pa de lta bu'i sangs rgyas kyi yon tan dang / che ba nyid thos nas bla na med pa yang dag par rdzogs pa'i byang chub tu mos shing brtson pas phyi bzhin du 'brang ste/ 'jam dpal gzhon nur gyur pa la tshigs su bcad de mngon par bstod do/ / blo gros chen po mtha' yas spyod yul can// khyod kyi mthus ni sems can sman slad du// bdag kyang byang chub mchog tu zhugs par gyur/ la nges pa gang mchis bdag la gson// dga' ba'i chus bkang 'obs kyis kun nos bskor// nga rgyal dregs pa'i ra ba mtho bar brtsegs// sems can lam brgyud sgo rnams btsud cing gad / de 'dra'i khyim ni srid gsum ming ldan che// de ni gti mug ma rig gzings pas khebs// 'dod chags zhe sdang me lces rab tu gdungs// rtag par bdud kyi dbang po'i dbang du gyur// de la byis
- 84b
pa ma rig rten kyang 'cha'/ / sred pa'i sgrog dang zhugs pas shin tu grags// gso dang sgra la skyon gyis mtho btsams shing // the tsom yin gnyis dag gis mig mdongs pa// lag pa byin phyogs lam la rab tu zhugs/ / phrag dog ser sna'i thag pas btags shing bcings// yi dgas byol song sems dmyal mi khom rgyu// rga shi nad dang skye bas rab tu mnar// mgo rmongs lam rgyud 'khor lo kun tu 'khor/ / de la khyod ni thugs rje rnam dag pa'i// dkyil 'khor ye shes 'od zer snang ba mdzad// nyon mongs rgya mtsho skam par shar te 'phags// nyi ma 'dra ba bdag la snang ba mdzod/ / byams pa bsgoms pas dkyil 'khor rdzogs shing nya// bsod nams zla 'od bde ba'i zer 'gyed pa// sems can kun gyi gnas su shar gyur gyis// zla ba nyab lta bus bdag snang mdzod/ / dkar mthu thams cad yongs bsags bskor mnga' zhing // chos dbyings mkha' la chags pa mi mnga' ba// chos kyi 'khor lo rin chen sngon 'dren pas// rgyal por gyur pas bdag la bstan du gsol/ / byang chub theg pa'i smon lam mthu mnga' ste// bsod nams ye shes shin tu yang bsags shing // sems can kun la phan pa'i don bzhugs pa'i// ded dpon chen pos bdag kyang bskyang du gsol/ / bzod pa brtan zhing sra ba'i go mnabs te// ye shes bshan mnga' thugs rje'i phyag ring bas// bdud kyi dmag dpung tshogs rnams mngon 'gyur bar// dpa' bo chen pos
- 85a
bdag gi sel yang mdzod/ / chos kyi ri rab spol bstan bzhugs shing // ting 'dzin mchog gi lha mos kun nas bskor// nyon mongs sgra gcan lha min 'dul mdzad pa/ brgya byin gyur pas bdag kyang gzigs su gsol// byis pa'i gnas gyur khams gsum khang pa nas// nyon mongs las rnams rnam par bsal ba mkhyen// rgyu yi sa dang lham rgyud 'khor rmongs par// ma mar 'dra bas bdag kyang shul bstan gsol/ / ngan 'gro'i lam rnams rnam par zlog mdzad cing // bde bar 'gro ba'i lam rnams rnam spong ba// 'jig rten kun gyi lam gyi rgyud las 'das// bdag la'ang thar pa'i sgo ni bstan du gsol/ / rtag dang bdag dang bde bar 'du shes ldan// log 'dzin sgo re'i skyabs kyis bcad gyur gyis// bden pa'i ye shes spyan rno mchog mnga' bas// thar sgo bdag la'ang myur du dbye bar gsol// yang dag log ba'i lam la mkhas gyur cing / / lam gyi rgyus dang tshul la bsnyengs mi mnga'// lam rnams kun gyis 'dul ba thugs chud pa// bdag la byang chub shul ni bstan du gsol// yang dag lta ba'i sa yi thang la bzhugs/ sangs rgyas kun gyi yon tan chab kyis bskrun// sangs rgyas chos legs me tog char 'bebs pa// byang chub shul ni bdag la bstan du gsol// rgyal ba gang 'das ma byon gang rnams dang // da ltar byung ba'i rgyal ba snang mdzan pa/ sems can gtso bo legs par gshegs pa'i phyogs// de yang lam ston mdzad pas bdag bstan gsol// las kyi 'khrul 'khor tshul la mi bsnyengs pa// chos theg shing rta'i la khrul 'khor ma khyen gyur cing // ye shes
- 85b
theg pa'i tshul la rnam nges pa/ / byang chub theg pa bdag la bshad du gsol// mos shing smon pa'i 'khor lo'i mu khyud can// bzod pa rdo rje snying rje srog shing rten// dad pa'i gnyal shing rin chen legs spras pa'i// byang chub theg la bdag kyang bskyon du gsol/ / gzungs rnams kun gyis rnam dag dkyil 'khor can// byams pa brtsegs pa'i dgab pas rab brgyan pa// tha dad yang dag shes pa'i dril 'phreng can// theg mchog bzang pos bdag la bsnyad du gsol/ / tshangs pa'i spyod pa'i lam gyis mngon par brgyan// ting 'dzin bud med khrag khrig kun nas rgyu// chos kyi rnga yi dbyangs chen rab bsgrags pa// theg pa'i dam pas bdag la bstabs su gsol/ / bsdu ba bzhi yi mi zad mdzod ldan pa// ye shos rin chen yon tan 'phreng gis brgyan// khrel yod dul ba'i 'breng bas mchog bsdams pa'i// theg pa'i dam pa bdag la bstan du gsol// sbyin pa'i 'od zer dkyil 'khor bzang po can/ / tshul khrims tsan dan snying rje'i byug ldan zhing // bzod pa'i zer gyis mtshams rnams dam sbyar ba'i// theg pa'i mchog la myur du bdag gzhag gsol// sems can thams cad 'dul las mi ldog pa// bsam gtan ting 'dzin kha khyer mthor smon cing / / shes rab thabs gnyis 'byor mthun 'gro rgyu ba'i// chos kyi theg pa mchog la bdag gzhag gsol// smon lam 'khor los lam gyi 'khor spong ba// chos kyi gzungs dam mthu brtan che ldan zhing / / ye shes 'khrul 'khor legs sbyangs legs byas pa'i// chos kyi theg pa de la bdag bskyon gsol// kun tu bzang po'i spyod pas rab spangs shing // sems can lta bas rgyu la thogs med pa// kun tu bzang po'i spong
- 86a
pas gnon 'gyur ba'i/ / ye shes theg pas bdag la bstud du gsol// de ni brtan pas rdo rje bzhin gnas pa// ye shes sgyu mas legs sbyangs legs byas shing // sgrib dang chags pa thams cad gcod pa yi/ / bzang po'i thig la bdag kyang bskyon par gsol// 'gro mnyam dri med shin tu yangs gyur pa// sems can thams cad skyob pas bde sgrub cing // chos dbyings shin tu rgya chen rnam ska ba'i/ / byang chub theg la bdag kyang bskyon du gsol// sdug bsngal phung po rab 'gyur gcod byed pa// nyon mongs las kyi rdul mang spyod sel cing // bdud dang las kyi rgol ba kun 'jom pa'i// chos kyi theg la bdag kyang bskyon du gsol/ / phyogs rnams kun tu ye shes rang snang ba// chos dbyings nam mkha' rnam par klub byed cing // sems can kun gyi bsam pa rdzogs byed pa'i// chos kyi theg la bdag kyang bskyon du gsol/ rnam dag mkha' ltar tshad med mi zad pa// sred dang ma rig lta ba'i skyon med cing // sems can kun la phan par rab gnas pa'i// chos kyi theg la bdag kyang bskyon du gsol// rlung chen langs pa'i shugs kyi shugs ldan pas/ / smon lam mthu yis 'jig rten kun 'dzin cing // zhi ba'i gnas rab kun sar skyel byed pa'i// chos kyi theg la bdag kyang bskyon du gsol// sa chen gzhi yi stobs kyi stobs ldan pa// snying rje'i mthu dang shugs kyis khur khyer zhing / / ye shes lo tog 'gro ba nyer 'tsho ba'i// theg pa'i mchog la bdag kyang bskyon du gsol// nyi ma lta bur 'gro ba nyer 'tsho zhing // bsdu ba rab yangs 'khor gyi dkyil 'khor can// gzung
- 86b
kyi stobs mchog dag pa'i 'od bzang ba'i/ / ye shes nyi ma bdag la bstan du gsol// bskal pa mang po du mar rab bslabs pas// rgyu yi tshul dang sa kun mkhas gyur pa// gang gis 'dus byas grong khyer gzhom 'gyur ba'i/ / shes brtan rdo rje 'phags pas bdag la stsal du gsol// sangs rgyas legs kun bslab pa phun sum gyis// ye shes rgya mtsho yangs pa gang zhig la// tshad med rgya mtsho'i blo mangs bslabs gyur pa/ / de legs ci 'dra 'phags pas bka' stsal gsol// gang na yang dag spyan mnga' khyod bzhugs shing // ye shes rgyal po'i cod pan legs brgyan te// chos kyi mthu thod dam pas dbu bcings pa'i// chos kyi rgyal po'i pho brang ba dag kyang ston// de nas 'jam dpal gzhon nur gyur pas glang po'i lta stangs kyis bltas te// tshong dpon gyi bu nor bzangs la 'di skad ces smras so// rigs kyi bu de ltar khyod kyis bla na med pa yang dag par rdzogs pa'i byang chub tu sems bskyed de/ dge ba'i bshes gnyen gyi rjes su 'brang zhing / byang chub sems dpa'i lam yongs su rdzogs par bya bar 'dod de/ byang chub sems dpa'i spyod pa yongs su dri bar bsam pa legs so legs so/ / rigs kyi bu 'di lta ste/ dge ba'i bshes gnyen rnams la bsnyen cing bsten pa dang / rim gror bya ba 'di ni thams cad mkhyen pa nyid yongs su grub par 'gyur ba'i gzhi yin te/ 'di ni mthun pa'i rgyu yin gyis/ rigs kyi bu de bas na khyod kyis dge ba'i bshes gnyen bkur bas yongs su ma skyo bar gyis shig/ nor bzangs kyis smras pa/ 'phags pa ji ltar byang chub
- 87a
sems dpas byang chub sems dpa'i spyod pa la bslab par bgyi/ ji ltar nan tan du bgyi/ ji ltar byang chub sems dpas byang chub sems dpa'i spyod pa brtsam par bgyi ji ltar byang chub sems dpas byang chub sems dpa'i spyod pa la spyad par bgyi/ ji ltar byang chub sems dpas byang chub sems dpa'i spyod pa yongs su rdzogs par bgyi/ ji ltar byang chub sems dpas byang chub sems dpa'i spyod pa yongs su spang par bgyi/ ji ltar byang rlab sems dpas byang chub sems dpa'i spyod pa la 'jug par bgyi// ji ltar byang chub sems dpas byang chub sems dpa'i spyod pa mngon par bgrub par bgyi/ ji ltar byang chub sems dpas byang chub sems dpa'i spyod pa'i rjes su 'brang bar bgyi/ ji ltar byang chub sems dpas byang chub sems dpa'i spyod pa la lhag par dmigs par bgyi/ ji ltar byang chub sems dpas byang chub sems dpa'i spyod pa rgyas par bgyi/ ji ltar byang chub sems dbu kun tu bdang ro spyod pa'i dkyil 'khor yongs su rdzog pa 'gyur ba rgya cher bstan du gsol/ de nas 'jam dpal gzhon nur gyur pas/ tshong dpon gyi bu nor bzangs la tshigs su bcad de spras pa/ dge ba'i bsod nams gang chen mtsho/ de ster byed ni nga'i drung nyer byin te// snying rje snying brtse rgya chen gyi// yid ldan byang chub dam pa tshol ba legs// 'gro ba thams cad dgrol don du// spyod pa mtshungs mer don du smon lam
- 87b
bdengs shing / 'gro ba kun gyi skyabs 'gyur ba/ byang chub sems dpa'i spyod pa'i tshul 'di yin/ byang chub sems dpa' brtan pa'i rnams// 'khor ba'i nang na som mid kyis spyod byed pa/ de dag kun tu bzang po sa/ spyong pa thung me chags med 'thob par 'gyur// bsong rnams 'od rkun bsod nams dpal/ 'am khyod ni kun tu bzang po'i sbyor pa la/ 'grol bar byed sngon byed pa/ / bsod nams rgya mtsho dag bzhi dag pa'i mtshan// mtha' dang dbus med tshad med pa'i// phyogs bcu'i 'jig rten sangs rgyas kun kyang mthong bar 'gyur/ dran pa'i mthu dang sngos kyis kyang / / de dag chos kyi sbyin kyang yongs su 'dzin par 'gyur// de ltar khyod kyis phyogs bcu yi/ sangs rgyas zhing rnams kun du rgyal ba mthong nas kyang / byang chub spyod pa'i don gyi phyir de dag kun la smon lam rgya mtsho dag byer 'gyur/ / 'jig rten gtsol slob byed cing // gang rnams sangs rgyas sa la gnas ni bca' byas shing / 'di tshul rgya mtshor zhugs gyur pa// de dag kun thams cad gzigs par 'gyur/ khyod ni 'byam klas zhing kun tu// bskal mang zhing rdul snyed du kun tu bzang po yi// spyod pa'i dam pa spyangad byas shing / byang chub dam pa zhi ba 'thob par 'gyur// zhing rnams mtha' dang dbus med pa// ma lus kun tu bskal pa rgya mtshor spyad par gyis// kun tu bzang po'i spyod mchog phyir// smon lam rgya chen yongs su rdzogs par byos// khyod kyi smon lam
- 88a
thos gyur nas/ / sems cam phrag khrig dga' ba yongs su skyes gyur cing // kun du 'azang po'i ye shes kyi// byang chub mchog tu smon pa byed la ltos/ de nas 'jam dpal gzhon nur gyur pas tshogs su bcad pa de dag smras nas/ / tshong dpon gyi bu nor bzangs la 'di skad ces bsgo'o// rigs kyi bu de ltar khyod bla na med pa yang dag par rdzogs pa'i byang chub tu sems bskyed cing / byang chub sems dpa'i spyod pa yongs su btsal bar sems pa legs so legs so// rigs kyi bu 'di ltar bla na med pa yang dag par rdzogs pa'i byang chub tu sems bskyed pa de lta bu'i sems can yang rab tu dkon te/ de bas kyang gang gis bla na med pa yang dag par rdzogs pa'i byang chub tu sems bskyed nas/ byang chub sems dpa'i spyod pa yongs su tshol de lta bu'i sems can ni ches dkon no/ / rigs kyi bu de bas na byang chub sems dpa' thams cad mkhyen pa'i ye shes thob par bya ba'i phyir/ yang drag pa'i dge ba'i bshes gnyen las gdon mi za bar rtogs pa thob par gyis shig/ dge ba'i bshes gnyen yongs su btsal ba la yongs su skyo ba'i yid med par gyis shig/ dge ba'i bshes gnyen balnga ba la ngoms pa med par gyis shig/ dge ba'i bshes gnyen gyis bstan pa la mthun pa 'dzin par gyis shig/ dge ba'i bshes gnyen gyi thabs mkhas pa'i spyod pa la khong khro ba med par gyis shig/ rigs kyi
- 88b
Tab+h+yo phyogs kyi rgyud 'di nyid na/ yul mi mo gya nom mchog ces bya ba yod de/ de na mgul legs pa zhes bya ba'i ri zhig yod pa de la dge slong sprin gyi dpal zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dang / ji ltar byang chub sems dpas byang chub sems dpa'i spyod pa bca par bya ba dang / ji ltar byang chub sems dpa'i spong ba la spyad par bya ba dang / ji ltar byang chub sems dpa'i spyod pa yongs su rdzogs par bya ba dang / ji ltar yongs su dag par bya ba dang / ji ltar 'jug par bya ba dang / ji ltar mngon par bsgrub par bya ba dang / ji ltar rjes su 'brang bar bya ba dang / ji ltar lhag par dmigs par bya ba dang / ji ltar rgyas par bya ba dang / ji ltar byang chub sem dpa 'akun tu bzang po'i spyod pa'i dkyil 'khor yongs su rdzogs par 'gyur brjes shig dang / dge ba'i bshes gnyen de khyod la kun tu bzang po'i spyod pa'i dkyil 'khor ston to// de nas rkyong khon gyi bu nor bzangs dka' rangs te/ mgu zhing nyams bde la/ tshim zhing yid bde ba skyes nas/ 'jam dpal gzhon nur gyur pa'i nang pa gnyis la spyi bos phyag 'tshal 'jam dpal gzhon nur gyur pa la lan brgya stong du mar g.yas phyogs su bskor ba byas nas/ lan brgya stong du mar phyir bltas te/ dge ba'i bshes gnyen yid du 'ong ba'i sems dang ldan pas/
- 89a
dge ba'i bshes gnyen mi mthong ba mi bzod de gdong mchi mas gang bar ngu zhing / 'jam dpal gzhon nur gyur pa'i drung nas song ngo // de nas tshong dpon gyi bu nor bzangs mthar gyis yul mi mo gya nom mchog ces bya ba der song ste phyin nas/ yul mi mo gya nom mchog nas rnam par brgyus te/ sngon gyi dge ba'i rtsa bas byung zhing las rgya chen pos byin gyis brlabs pa'i longs spyod yid du 'ong ba la yongs su spyod cing / ri mgul legs pa gang na ba der phyin nas/ mgul legs pa'i ri la 'dzegs te/ dge slong sprin gyi dpal tshol tshol zhing sha phyogs logs su byung ngo / / de bzhin du lho dang / nub dang / byang dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams su'ang byung ste/ bla 'og tu'ang lnga zhing / dge slong sprin gyi dpal chol tshol ba las/ des zhag bdun lon pa dang / dge slong sprin gyi dpal ri rtse gcig cig gi sman ljongs na 'chag cing 'dug pa mthong nas/ dge slong sprin gyi dpal gang na ba der song ste/ dge slong sprin gyi dpal gyi rkang pa gnyis la spyi bos phyag 'tshal nas/ dge slong sprin gyi dpal la g.yas phyogs su bskor ba byas te mdun du 'dug nas thal mo sbyar te 'di skad ces smras so/ / 'phags pa'i thugs su chud par mdzad du gsol/ bdag gis bla na med pa yang dag par rdzogs pa'i byang chub tu sems bskur na/ ji ltar byang
- 89b
chub sems dpas byang chub sems dpa'i spyod pa la bslab par bgyi ba dang / / ji ltar nan tan du bgyi ba dang / ji ltar byang chub sems dpa'i spyod pa brtsam pa dang / ji ltar byang chub sems dpa'i spyod pa la spyad par bgyi ba dang / ji ltar byang chub sems dpa'i spyod pa yongs su rdzogs par bgyi ba dang ji ltar yongs su dag par bgyi ba dang / ji ltar 'jug par bgyi ba dang / ji ltar rjes su 'brang bar bgyi ji ltar mngon par bsgrub par bgyi ba dang / ji ltar lhag par dmigs par gyi ba dang / ji ltar rgyas par bgyi ba dang / ji ltar byang chub sems dpas kun tu bzang po'i spyod pa'i dkyil 'khor yongs su rdzogs par 'gyur ba ma 'tshal te/ 'phags pa khyod ni byang chub sems dpa' rnams la gdams ngag dang rjes su ston pa mdzad ces thos na/ 'phags pa ji ltar byang chub sems dpa' bla na med pa yang dag par rdzogs pa'i byang chub tu 'byung bar 'gyur ba bdag la bstan du gsol/ de skad ces spras pa dang dge slong sprin gyi dpal gyis/ tshong dpon gyi bu nor bzangs la 'di skad ces smras so/ / rigs kyi bu de ltar khyod kyis bla na med pa yang dag par rdzogs pa'i byang chub tu sems bskyed cing / byang chub sems dpa'i spyod pa yongs su dri ba legs so legs so// rigs kyi bu 'di lta ste/ byang chub sems dpa'i spyod pa yongs su btsal ba dang / byang chub sems dpa'i spyod yul yongs su btsal ba dang / byang chub sems dpa'i 'byung ba rnam par dag pa yongs su btsal
- 90a
ba dang / byang chub sems dpa'i lam rnam par dag pa yongs su btsal ba dang / byang chub sems dpa'i spyod pa rgya chen po rnam par dag pa yongs su btsal ba dang / byang chub dpa'i mngon par shes pa sgrub pa rnam par dag pa yongs su btsal ba dang / / byang chub sems dpa'i rnam par thar pa yongs su bstan pa dang / byang chub sems dpa'i snang ba'i snying rje'i rgyur yod su bstan pa dang / byang chub sems dpa' 'gro ba'i bsam pa ji lta ba bzhin du rjes su 'brang ba dang / byang chub sems dpas 'khor ba dang mya ngan las 'das pa'i sgo yongs su bstan pa dang / byang chub sems dpa' rnams kyi 'dus byas dang / 'dus ma byas kyi skyon dang / 'jigs pas mi gos pa'i rgyud yongs su btsal ba 'di ni dka' 'o// shin tu dka' 'o// rigs kyi bu kho bo ni mos pa'i stobs kyi dbang gis mig gi blo gros dang / dad pa'i mig rnam par dag pas/ kun tu mngon par lta ba'i ye shes kyi 'od snang ba phyir phyogs med pa dang / yul kun la thogs pa med cing bsgribs pa thams cad dang bral ba'i lhag mthong la mkhas pa dang / mig gi yul kun nas yongs su dag pa'i lus rnam par dag pa dang / phyogs kyi rgyud 'byam rdzas pa tha ma cad du mngon par 'dud pa'i lus kyi 'dud pa la mkhas pa dang / sangs rgyas thams cad kyi chos kyi sprin yongs su 'dzin pa'i gzungs kyi stobs kyis/ phyogs kyi rgyud thams cad kur nas
- 90b
mngon du gzigs pa'i de bzhin gshegs pa rnams mthong ste/ 'di ltar shar phyogs kyi de bzhin gshegs pa gcig kyang mthong ngo // sangs rgyas gnyis dang / bcu dang / sangs rgyas brgya dang / sangs rgyas stong dang / sangs rgyas brgya phrag stong dang / sangs rgyas bye ba dang / sangs rgyas bye ba brgya dang / sangs rgyas bye ba stong dang / sangs rgyas bye ba brgya phrag stong dang / sangs rgyas bye ba khrag khrig brgya phrag stong nas de bzhin gshegs pa tshad med pa/ dpag tu med pa/ grangs med pa/ bsam gyis mi khyab pa/ mtshungs pa med pa/ kun tu mtha' yas pa/ sa mtshams med pa/ gzhal du med pa/ brjod du med pa'i yang brjod du med pa dag kyang mthong ngo // de bzhin gshegs pa 'dzam bu'i gling gi rdul shin tu phra ba snyed kyang mthong ngo // de bzhin gshegs pa gling bzhi pa'i 'jig rten gyi khams kyi rdul shin tu phra ba snyed dang / stong dang / stong gnyis pa dang / stong gsum gyi stong chen po'i 'jig rten gyi khams na sangs rgyas kyi zhing gi rdul shin tu phra ba snyed kyang mthong ngo // de bzhin gshegs pa sangs rgyas kyi zhing bcu'i rdul shin tu phra ba snyed kyang mthong ngo // de bzhin gshegs pa sangs rgyas kyi zhing brgya'i rdul shin tu phra ba snyed dang / sangs rgyas kyi zhing sdong gi rdul shin tu phra ba snyed dang / sangs rgyas kyi zhing brgya phrag spong gi rdul shin tu phra ba snyed dang / sangs rgyas kyi zhing bye ba'i rdul shin tu phra ba snyed dang / sangs rgyas kyi zhing bye ba phrag brgya'i rdul shin tu dra nga ste
- 91a
dang / sangs rgyas kyi zhing bye ba stong gi rdul shin tu za ba snyed dang / sangs rgyas kyi zhing bye ba brgya phrag stong gi rdul shin tu phrab snyed dang / sangs rgyas kyi zhing bye ba khrag khrig brgya stong gi rdul shin tu phra ba snyedan/ sangs rgyas kyi zhing brjod du med pa'i yang rje du med pa'i rdul shin tu phra ba snyed dag kyang mthong ste// shar phyogs logs su ji lta ba de bzhin du/ lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang zla'i phyogs kyi de bzhin gshegs pa gcig kyang mthong ba nas/ de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed dag kyang mthong ba'i bar du ste/ phyogs re rer rnam par bltas kyang / de bzhin gshegs pa kha dog sna tshogs mnga' ba dang / dbyibs sna tshogs mnga' ba dang / rnam par 'phrul pa sna tshogs mnga' ba dang / khyu mchog gi mthu dang rnam par rol pa sna tshogs mnga' ba dang / 'khor gyi dkyil 'khor gyi rgyan rnam pa sna tshogs mnga' ba dang / 'od zer gyi dra ba snang ba la dog du ma can dang / kha dog mtha' yas pa rab tu 'byed pa dang sangs rgyas kyi zhing rnam par dag pa dang / pho zang dang rgyan sna tshogs mnga' ba dang / sku tshe'i tshad rnam par dag pa rnam pa sna tshogs mnga' ba dang / 'gro ba'i bsam pa ji lta ba bzhin du rnam par
- 91b
/ dmigs par mdzad pa dang / mngon par 'tshang rgya ba rnam par dag pa'i sgos rnam par 'phrul pa rnam pa sna tshogs mnga' ba dang / sangs rgyas kyi khyu mchog dang seng ge'i nga ro rnam par grog pa mang po mthong ngongo/ / de ltar rigs kyi bu kho bos ni sgro kun nas dmigs pa thams cad rnam par rig pa la yang dag par gzhol ba'i sangs rgyas rjes su dran pa 'di thob par zad na/ byang chub sems dpa' ye shes kyi dkyil 'khor rnam par dag pa gang gis de bzhin gshegs pa thams cad kyi dkyil 'khor dang / sangs rgyas kyi zhing dang / pho zang rnam par dag pa'i rgyan mngon par mthong bas/ sangs rgyas rjes su dran pa'i sgo kun nas snang ba'i dkyil 'khor rab tu thob pa dang / bsam pa ji lta ba bzhin du rnam par dmigs par de bzhin gshegs pa mthong ba rnam par dag pas/ sangs rgyas rjes su dran pa'i sgo 'gro ba thams cad du sgro btagA pa rab tu thob pa dang / gang gis de bzhin gshegs pa'i stobs bcu tshad med pa'i rjes su 'brang bas/ sangs rgyas rjes su dran pa'i sgo stobs kyis sngo btasa? pa rab tu thob pa dang / gang gis chos mnyan pa'i rnam pas de bzhin gshegs pa thams cad kyi sku'i sprin la blta bas sangs rgyas rjes su dran pa'i sgo chos kyis sgro btags pa rab tu thob pa dang / gang gis phyogs rgya mtsho thams cad kyi sangs rgyas rgya mtsho tha mi dad pa la 'jug pas/ sangs rgyas rjes su dran pa'i sgo phyogs rnam par snang ba'i snying po rab tu thob pa dang / gang gis de bzhin gshegs pa'i
- 92a
rnam par 'phrul pa dang khyu mchog gi mthu phyung ba la rab tu phra bar dmigs shing 'jug pas/ sangs rgyas rjes su dran pa'i sgo phyogs thams cad du 'jug pa rab tu thob pa dang bskal pa thams cad du de bzhin gshegs pa mthong zhing rnam par dmigs pa dang mi 'bral bas/ sangs rgyas rjes su dran pa'i sgo bskal par spro btags pa rab tu thob pa dang / gang gis dus thams cad du de bzhin gshegs pa mthong zhing 'grogs pa dang mi 'bral bas sangs rgyas rjes su dran pa'i sgo dus su sgro btags pa rab tu thob pa dang / gang gis sangs rgyas kyi zhing thams cad nas mngon par 'phags shing zil gyis mi non pa'i sangs rgyas kyi sku yongs su mthong zhing rnam par rig pas/ sangs rgyas rjes su dran pa'i sgo zhing du sgro btags pa rab tu thob pa dang gang gis dus gsum gyi de bzhin gshegs pa'i dkyil 'khor rang gi sems dang bsam par yang dag par gzhol bas/ sangs rgyas rje su dran pa'i sgo dus gsum du sgro btags pa rab tu thob pa dang / gang gis dmigs pa thams cad la de bzhin gshegs pa gcig nas gcig tu brgyud pa yang dag par tshogs pa mthong zhing dmigs pas/ sangs rgyas rjes su dran pa'i sgo dmigs par spro btags pa rab tu thob pa dang / gang gis skad cig gcig la 'jig rten gyi khams thams cad du de bzhin gshegs pa thams cad yongs su mya ngan las 'da' ba rnam par dmigs pas/ sangs
- 92b
rgyas rjes su dran pa'i sgo zhi bas sgro btags pa rab tu thob pa dang / gang gis nyin gcig tu gnas thams cad du de bzhin gshegs pa thams cad gshegs par rnam par dmigs pas sangs rgyas rjes su dran pa'i sgo 'bral bas sgro btags pa rab tu thob pa dang / gang gis de bzhin gshegs pa re re skyil mo krung du bzhugs pas kyang / chos kyi dbyings thams cad du rgyas par khyab pa'i sangs rgyas kyi sku rnam par dmigs pas sangs rgyas rjes su dran pa'i sgo shin tu yangs pas sgro btags pa rab tu thob pa dang / gang gis sku'i rtse mo gcig la sangs rgyas brjod du med pa byang ba mnyes par bya ba la 'jug pas/ sangs rgyas rjes su dran pa'i sgo shin tu phra bas sgro btags pa rab tu thob pa dang / skad cig gcig la 'jig rten gyi khams thams cad du mngon par 'tshang rgya zhing rnam par 'phrul pa ston pa rnam par dmigs pas/ gang gis sangs rgyas rjes su dran pa'i sgo rgyun du sgro btags pa rab tu thob pa dang / sangs rgyas byung ba thams cad kyi chos kyi 'khor lo dang / rnam par 'phrul pa dang / ye shes snang ba rab tu thob pas/ gang gis sangs rgyas rjes su dran pa'i sgo dgos par sgro btags pa rab tu thob pa dang / rang gi sems dang bsam pa la bltas na de bzhin gshegs pa thams cad rab tu snang ba thob pas/ sangs rgyas rjes su dran pa'i sgo sems kyis sgro btags pa rab tu thob pa dang / 'gro ba thams cad kyis las rnam pa ji lta bur bsags pa'i
- 93a
gzugs brnyan yongs su ston pas/ gang gis sangs rgyas rjes su dran pa'i sgo las kyi sgro btags pa rab tu thob pa dang / chos kyi dbyings ma lus pa thams cad pad+mo'i tshul gyis rgyas par sangs rgyas rnam par 'phrul pa rgya chen po ston pa/ phyogs kun tu mngon sum du dmigs pas gang gis sangs rgyas rjes su dran pa'i sgo rnam par 'phrul pas sgro btags pa rab tu thob pa dang / de bzhin gshegs pa'i sku gzugs brnyan gyi sprin dbyangs sgrogs pas chos kyi dbyings dang nam mkha' kun tu snang bas/ gang gis sangs rgyas rjes su dran pa'i sgo nam mkhas sgro btags pa rab tu thob pa de dag gi spyod pa shes pa'am/ yon tan brjod par nus re skan/ song rigs kyi bu lho phyogs kyi rgyud 'di nyid na/ phyogs kyi ljongs rgya mtsho'i sgo zhes bya ba yod pa de na dge slong mtsho'i sprin ces bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig dang / rigs kyi bu dge ba'i bshes gnyen de khyod la dge ba'i rtsa ba'i tshegs dang rgyu yongs su ston par 'gyur ro/ / tshogs kyis rgya chen po'ang khong du chud par byed do// dge ba'i rtsa ba'i stobs dang shugs rgya chen po'ang yongs su skyed par byed do/ / byang chub kyi sems kyi tshogs dang rgyu rgya chen po'ang yong su rjod par 'gyur ro// theg pa chen po rab tu 'thob pa dang snang bar 'gyur ba'i rgyu rgya chen po'ang skyed par byed do//
- 93b
pha rol tu phyin pa'i tshigs kyi stobs rgya chen po'ang rab du byon par byed do// spyod pa rgya mtshol 'jug pa'i rdul rje chen po'ang rab tu rjod par 'gyur ro// smon lam gyi dkyil 'khor rgya cher po'ang yongs su sbyong bar 'gyur ro/ / sgo kun na byu ba'i DU rgya chen po'ang rnam par sbyong bar 'gyur ro// snying rje chen po'i stobs rgya chen po'ang yongs su 'phel bar byed do// de nas tshong dpon gyi bu nor bzangs kyis/ dge slong sprin gyi dpal gyi rkang pa gnyis la spyi bos phyag 'tshal nas/ dge slong sprin dpal la lan brgya stong du mar g.yas phyogs su bskor ba byas te/ lan brgya stong du mar phyir bltas nas/ dge slong sprin gyi dpal gyi drung nas song ngo // / bam po dgu bcu rnam pa// de nas tshong dpon gyi bu nor bzangs dge ba'i sa nyen gyi gdams ngag de rjes su bsam pa dang / ye shes snang ba de rjes su dran par bya ba dang / byang chub sems dpa'i rnam par thar pa de rnam par dpyad pa dang / byang chub sems dpa'i ting nge 'dzin gyi tshul de rjes su sbyang ba dang / byang chub sems dpa' rgya mtsho'i tshul de blta ba dang / sangs rgyas kyi dkyil 'khor de la mngon par mos par bya ba dang / sangs rgyas blta ba'i phyogs de la mngon par spro bar bya ba dang / sangs rgyas rgya mtsho de la rjes su bsam pa dang / sangs rgyas gcig nas gcig tu brgyad pa de rjes su dran par bya ba dang / sangs rgyas kyi tshul rtogs par bya ba de khong du chud par bya ba dang
- 94a
sangs rgyas kyi nam mkha' de la rjes su blta bar bya ba byed cing mthar gyis phyogs kyi ljongs rgya mtsho'i sgo gang rna ba dang / dge slong rgya mtsho'i sprin gang na ba der phyin nas/ dge slong rgya mtsho'i sprin gyi rkang pa gnyis la spyi bos phyag 'tshal te/ dge slong rgya mtsho'i sprin la lan brgya stong du mar g.yas phyogs su bskor ba byas nas/ dge slong rgya mtsho'i sprin gyi mdun du 'dug ste/ thal mo sbyar nas 'di skad ces smras so/ / 'phags pa bdag ni bla na med pa yang dag par rdzogs pa'i byang chub tu mngon par zhugs te/ bla na med pa'i ye shes rgya mtsho la 'jug par 'tshal na/ ji ltar byang chub sems dpa' rnams 'jig rten gyi rgyud las phyir ldog cing / de bzhin gshegs pa'i rigs su 'grub par 'gyur ba dang / 'khor ba'i rgya mtsho las rgal zhing / thams cad mkhyen pa'i rgya mtshor 'jug par 'gyur ba dang / byis pa so so'i skye bo'i sa las gyen du 'phags par 'gyur zhing / de bzhin gshegs pa'i rigs su 'grub par 'gyur ba dang / 'khor ba'i rgyud las ldog par 'gyur zhing / byang chub sems dpa'i spyod pa'i rgyud du 'jug par 'gyur ba dang / 'khor ba rgya mtsho'i rgyud kyi 'khor lo las phyir ldog cing / byang chub sems dpa'i spyod pa dang smon lam gyi 'khor gyi 'khor lor 'jug par 'gyur ba dang / bdud kyi dkyil 'khor thams cad rab tu 'jom zhing / sangs rgyas kyi dkyil 'khor 'byung ba thams cad rab tu ston pa dang / sred pa'i rgya mtsho yongs su skems shing snying rje
- 94b
chen po'i mtsho rnam par 'phel bar byed pa dang / mi 'om pa dang / ngan song dang / ngan 'gro dang / log par ltung ba thams cad kyi sgo gcod cing mtho ris dang mya ngan las 'das pa'i sgo 'byer pa dang / khams gsum gyi grong khyer gyi sgo rnam par gcod cing thams cad mkhyen pa nyid kyi pho brang gi sgo rnam par 'byed pa dang / yo byad thams cad kyi sred pa rnam par spong zhing 'gro ba thams cad bsdu ba'i smon lam yongs su skyed par 'gyur ba ma 'tshal to/ / de skad ces smras pa dang / dge slong rgya mtsho'i sprin gyis/ tshong dpon gyi bu nor bzangs la 'di skad ces smras so/ / rigs kyi bu khyod kyis de ltar bla na med pa yang dag par rdzogs pa'i byang chub tu sems bskyed pa legs so legs so// rigs kyi bu dge ba'i rtsa ba ma bsred pa'i sems can rnams ni byang chub tu sems kyang mi skye'i/ dge ba'i rtsa ba sgo kun tu snang ba rab tu thob pa dang / thabs kyi snying po dang ldan pa'i lam gyi ting nge 'dzin gyi ye shes snang bas rab tu snang bar gyur pa dang / bsod nams rgya mtsho'i tshogs rgya chen po bsags pa dang / dkar po'i tshogs thams cad kyi rgyun mi 'chad pa dang / dge ba'i bshes gnyen thams cad bkur bas yongs su skyo ba med pa dang / lus dang srog la 'phangs par mi rtsi ba dang / dngos por 'dzin pa thams cad dang bral ba dang / mtho dman med pa'i sa ltar sems mnyam pa dang / rang bzhin gyis snying rje zhing byams par sems
- 95a
pa dang ldan pa dang / srid pa'i lam gyi rgyud thams cad du gnas par 'dun pa dang / de bzhin gshegs pa'i yul la mngon par mos pa'i sems can rnams byang chub tu sems skye ste/ 'di ltar sems can thams cad yongs su bskyab pa'i phyir snying rje chen po'i sems dang / 'gro ba thams cad la snyoms par nan tan du bya ba'i phyir byams pa chen po'i sems dang / 'gro ba thams cad kyi sdug bsngal gyi phung po zhi bar bya ba'i phyir bde ba'i sems dang / mi dge ba'i chos thams cad las rnam par bzlog pa'i phyir phan pa'i sems dang / 'jigs pa thams cad las yongs su bsrung ba'i phyir snying brtse ba'i sems dang / sgrib pa thams cad rnam par bzlog pa'i phyir chags pa med pa'i sems dang / chos kyi dbyings thams cad rgyas par dgang ba'i phyir rgya chen po'i sems dang / nam mkha'i dbyings kun tu gzhol zhing kun tu 'gro bar bya ba'i phyir mtha' yas pa'i sems dang / de bzhin gshegs pa thams cad mthong zhing rnam par dmigs par bya ba'i phyir dri ma med pa'i sems r lung dus gsum gyi dmigs pa ma lus par ye shes kyis rgyas par dgang ba'i phyir rnam par dag pa'i sems dang thams cad mkhyen pa'i ye shes rgya mtshol la 'jug par bya ba'i phyir ye shes kyi sems kyang skye bar 'gyur ro/ / rigs kyi bu kho bos ni phyogs kyi ljongs rgya mtsho'i sgo 'dir lo bcu gnyis su rgya mtsho chen po 'di la dmigs te/ mngon du byas nas 'di ltar rgya mtsho rgya
- 95b
ning tshad med pa la rjes su bsam pa dang / dri ma med cing dang ba dang / zab cing gting dpag dka' ba dang bkas kyis gzol zhing legs par gnas pa dang / rin po che'i 'byung gnas du mas rnam par brgyan pa dang / chu'i phung po tshad med pa dang / 'dog rnam pa tha dad pa mang zhing bsam gyis mi khyab pa dang / 'byung po mtha' yas pa'i gnas su gyur pa dang / srog chags mang po sna tshogs kyi rten du gyur pa dang / sprin chen po'i char yongs su 'dzin pa dang / gang zhing 'bri bar 'gyur ba med pa la rjes su sems pa byed ning ga nas gnas te/ rigs kyi bu de la kho bos 'di snyam du bsams so// 'jig rten gyi khams 'di na rgya mtsho chen po 'di bas kyang 'phags par rgya che la sa 'di bas kyang yangs shing 'di zas kyang tshad med la 'dri bas kyang ngo mtshar dang ldan pa la la zhig yod dam snyam/ de de ltar kho bo tshul bzhin du bsam pa yid la byed pa la brtson par gnas pa'i tshe/ rgya mtsho chen po'i 'og gi gzhi las pad+ma chen po nor bu rin po che in+d+ra nI la thub pa med cing rdorje lta bur sra ba'i chu ba can nor bu rin po che bai DUR+Ya dam pa'i rgyan dang ldan pa/ 'dzam bu chu klung gi gser star dri ma med pa'i lo ma rgya chen po can/ dus dang mthun pa'i tsan dan gyi snying po'i
- 96a
rgyan gyis brgyan pa/ rin po che a sma gar ba'i ze ba can/ rgya mtsho tsam du yangs shing rgya che ba/ lha ma yin gyi dbang po brgya stong phrag bcus sdong po'i lhun nas brdung ba/ rin po che sna tshogs brgya phrag stong gi dra bas kun nas yogs pa/ klu'i dbang po brgya stong phrag bcus spos chu'i char mngon par phab pa/ nam mkha' lding gi dbang po brgya stong phrag bcus dar dang / rin po na'i lda ldi dang / sen mo de mang po mchus gzung zhing rab tu sbyangs pa/ mi 'am ci'i dbang po brgya stong phrag bcus phan pa'i sems kyis kun nas blta ba/ lto 'phye chen po'i dbang po brgya stong phrag bcu 'khor nas mngon par 'dud pa/ srin po'i dbang po brgya stong phrag bcus lus btud cing mngon par mchod pa/ dri za'i dbang po brgya stong phrag bcus rol mo dang klu sna tshogs snyan pas bstod cing mchod pa/ lha'i dbang po brgya stong phrag bcus lha rdzas kyi me tog dang / spos dang / 'phreng ba dang / bdug spos dang / byug pa dang / phye ma dang / gos dang / gdugs dang / rgyal mtshan dang / lha'i ba dan gyi sprin gyi char mngon par phab pa/ tshangs pa'i dbang po brgya stong phrag bcus spyi bos gtugs te phyag 'tshal zhing mchod pa// gnas gtsang ma'i ris kyi lha brgya stong phrag bcus thal mo sbyar cing phyag bya ba/ mi'i dbang po 'khor los sgyur ba brgya stong phrag bcus rin po che bdun gyis bsro zhing mngon par mchod pa/ rgya mtsho'i lha brgya stong phrag bcus mngon par 'acwo
- 96b
cing phyag bya ba/ nor bu rin po che skar ma'i ngad brgya stong phrag bcu'i 'od zer gyis rab tu snang bar byas pa/ nor bu rin po che bsod nams kyis dag pa brgya stong phrag bcus 'khos su khebs par 'phel bas rab tu brgyan pa/ nor bu rin po rnam par snang ba brgya stong phrag bcus snying po rab tu gsal bar byas pa/ nor bu rin po che dpal gyi snying po brgya stong phrag bcus dpal chen po shin tu 'bar bar gyur pa/ nor bu rin po che mdzod sna tshogs rgya stong phrag bcus mtha' yas par snang bar byas pa nor bu rin po che 'dzam bu'i chu klung brgya stong phrag bcus yongs su ston par gnas pas rab tu brgyan pa nor bu rin po che rdo rje'i seng ge brgya stong phrag bcus thub pa med par brgyan pa/ nor bu rin po che nyi ma'i snying po brgya stong phrag bcus rgya cher gsal bar 'grubs pa/ nor bu rin po che 'bar ba brgya stong phrag bcus kha dog sna tshogs su brgyan pa/ nor bu rin po che yid bzhin gyi rgyal po brgya stong phrag bcus mi zad pa'i rgyan rang 'od 'bar bar byas pa byung ste/ pad+mo chen po de ni de bzhin gshegs pa'i 'jig rten las 'das pa'i dge ba'i rtsa ba las byung ba'o/ / byang chub sems dpa'i bsam pas yongs su brtan pa'o// phyogs thams cad du mngon par dmigs su yod pa'o// sgyu ma'i rnam pa'i chos kyi byung ba'o// rjen pa'i dri med pa'i las kyis byung ba'o// nyon mongs pa med pa'i chos kyi tshul gyis brgyan pa'o// rmi lam lta bu'i chos nyid kyis yongs su 'byung ba'o//
- 97a
mngon par 'du bya ba med pa'i chos kyi tshul gyis rgyas btab pa'o// chags pa med pa'i chos kyi tshul dang ldan pa'o// phyogs kyi khams kun tu chos kyi dbyings rgyas par 'geb pa'o/ / sangs rgyas kyi yul brjod pa dang mthun pa ste/ de'i rnam pa dang / yon tan dang / dbyibs dang / kha dog dang / rgyan gyi mthar phyin par ni bskal pa brgya stong grangs med par yang khong du chud par nus te/ pad+mo chen po de'ang de bzhin gshegs pa'i sku skyil mo krung du bzhugs pas khyab cing / yongs su rgyas par mthong ngo // de bzhin gshegs pa'i sku re'ang 'di nas bzung ba nas/ srid pa'i rtse mo'i bar gyi mtha' klas par mthong ngo // de bzhin gshegs pa de'i gdan gyi rgyan bsam gyis mi khyab pa'ang mthong ngo // 'khor gyi dkyil 'khor gyi rgyan bsam gyis me khyem pa dang 'od kyi dkyil 'khor gyi rgyan bsam gyis mi khyab pa dang / mtshan phun sum tshogs pa bsam gyis mi khyab pa dang / dpe byad bzang po sna tshogs bsam gyis mi khyab pa dang / sangs rgyas kyi khyu mchog gi mthu dang / sangs rgyas kyi rnam par 'phrul pa bsam gyis mi khyab pa dang / de bzhin gshegs pa'i sku mdog rnam par dag pa bsam gyis mi khyab pa dang / spyi gtsug bltar mi mthong ba bsam gyis mi khyab pa dang ljags yangs pa bas mchis mi khyab pa'ang mthong ngo / / sangs rgyas kyi gsung gi rgyan bsam gyis mi khyab pa dang / dbyangs kyi dkyil 'khor bsam gyis mi khyab pa'ang thos so// stobs tshad
- 97b
med pa bsam gyis mi khyab pa dang / mi bsnyengs pa'i rgyan rnam par dag pa bsam gyis mi khyab pa dang / tha dad pa yang dag par mkhyen pa'i stobs mngon par bsgrubs pa bsam gyis mi khyab pa'ang rjes su shes so/ / sngon byang chub sems dpa'i spyod pa yang dag par bsgrubs pa bsam gyis mi khyab pa'ang rjes su dran no// mngon par rdzogs par byang chub pa'i rnam par 'phrul pa bsam gyis mi khyab pa'ang mthong ngo / / chos kyi sprin gyi 'brug sgra mngon par bsgrags pa bsam gyis mi khyab pa dang / yongs su bstan pa rnam par dmigs pa'i gnas dang / rgyan bsam gyis mi khyab pa'ang thos so/ / g.yas g.yon gyi sku'i rnam par tshad med pa bsam gyis mi khyab pa dang / sems can gyi don dang dgos pa bsam gyis mi khyab pa yongs su grub par gyur pa'ang mthong ngo // de bzhin gshegs pa des kyang phyag g.yas pa brkyang zhing kho bo'i mgo la byugs nas chos kyi rnam grangs kun nas mig ces bya ba/ de bzhin shegs pa thams cad kyi yul byang chub sems dpa'i spyod pa rab tu brjod pa/ chos kyi dbyings kyi gzhi dang rnam pa tha dad pa thams cad rab tu snang ba/ / chos thams cad kyi dkyil 'khor la yang dag par gzhol zhing snang bar byed pa/ zhing gi dkyil 'khor dang rnam pa thams cad rnam par dag pas yongs su snang ba/ phas kyi rgol ba'i dkyil 'khor thams cad rnam par 'thor ba/ bdud kyi dkrugs ma'i dkyil 'khor thams cad rab tu 'joms pa/ sems can gyi
- 98a
khams thams cad shin tu tshim par byed pa/ sems can thams cad kyi sems thibs po rab tu snang bar byed pa/ sems can thams cad kyi bsam pa ji lta ba bzhin du rnam par dmigs pa/ sems can thams cad kyi dbang po'i 'khor lo'i rgyud dang mthasnang bar byed pa yang dag par bstan te// kho bos kyang kun nas mig gi chos kyi rnam grangs de blangs so// bzung ngo // spel to// bsams so// de ltar bzung ba de la'ang phrin ni snag che rgya mtsho chen po'i chu'i phung po tsam dang / spyi gu'i phung po'i rab ri'i rgyal po tsam zad par gyur kyang chos kyi rnam grangs de las le'u re re dang / sgo re re dang / chos kyi tshul re re dang / chos kyi chog rnam par phye ba re re las kyang zad pa 'am/ 'grib pa 'am/ 'byung ba 'am/ mthar thug pa'am/ mtha' zad par 'gyur ba dmigs par mi rung ngo / / rigs kyi bu de ltar bdag gis lo bcu gnyis tshang bar chos kyi rnam grangs kun nas mig ces bya ba 'di la nyi ma gcig cing yang thos pa 'dzin pa'i gzungs kyi 'od snang ba sa le'u grangs med pa zhig khong du chud do/ / zhi ba'i sgo'i gzungs kyi 'od snang bas le'u zangs med pa zhig la zhugs so// glong mtha' yas pa'i gzungs kyi 'od snang bas le'u grangs med pa zhig la yang dag par 'jug go/ sa la rnam par dpyad cing rjes su rtogs par byed pa'i gzungs kyi 'od snang bas le'u grangs med pa zhig rnam par bsgoms te rnam par dbye ba byas so//
- 98b
gzi brjid dang ldan pa'i gzungs kyi 'od snang bas le'u grangs med pa zhig yongs su blangs so// pad+mo'i rgyan gyi gzungs kyi 'od snang bas le'u grangs med pa zhig mngon par bgrubs so// dbyangs kyi tshul gyi gzungs kyi 'od srung bas le'u grangs med pa zhig yang dag par bshad do/ / nam mkha'i snying po'i gzungs kyi 'od snang bas le'u grangs med pa zhig rab tu phye'o// skar ma brtsegs pa'i gzungs kyi 'od snang bas le'u grangs med pa zhig shin tu rgyas par byas so/ / rgya mtsho'i snying po'i gzungs kyi 'od snang bas le'u zangs med pa zhig yongs su bkod do// kho bo'i drung du shar phyogs legs nas lha dang lha'i dbang po 'am/ klu dang klu'i dbang po 'am/ gnod sbyin rang gnod sbyin dbang po 'am/ dri za dang dri za'i dbang po 'am/ lha ma yin dang lha ma yin gyi dbang po 'am/ nam mkha'i lding dang nam mkha' lding gi dbang po 'am/ mi 'am ci dang mi 'am ci'i dbang po 'am/ lto 'phye chen po dang lto 'phye chen po'i dbang po 'am/ mi dang mi'i dbang po 'am/ tshangs pa dang tshangs pa'i dbang po 'am/ sems can gang su 'ongs kyang rung ste/ de dag thams cad de bzhin gshegs pa dang byang chub sems dpa'i spyod pa snang ba'i chos kyi rnam grangs kun nas mig ces bya ba 'di nyid la rab tu bkod cing bcud do/ / de dag kun kyang kun nas mig gi chos kyi rnam grangs 'di nyid la mos par byas so// rtog tu btsud do// yongs su bstan to// yang dag par brjod do// /
- 99a
yongs su gsal bar byas so// rnam par bya'o// rgyas par byas so// mngon par bstan to// rnam par bkrol lo// rab tu phye'o// shin tu snang bar byas so// de lta shar phyogs kyi la ji lta ba de bzhin du/ lho phyogs dang / nub phyogs dang / byang phyogs dang / byang shar gyi phyogs mtshams dang / shar lce'i phyogs mtshams dang / lho nub kyi phyogs mchu dang / nub byang gi phyogs mtshams dang / 'og dang bla'i phyogs nas sems can gang su 'ongs kyang rung ste/ kun la'ang snga ma bzhin no// rigs kyi bu de ltar kho bos ni chos kyi rnam grangs gcig gcig shes par zad na/ byang chub sems dpa' smon lam yongs su dag pa dang ldan pas/ byang chub sems dpa'i spyod pa rgya mtsho thams cad la zhugs pa dang / bskal pa thams cad du gnas pa rgyun mi gcad pa'i phyir smon lam rgya mtsho thams cad la zhugs pa dang / bsam pa ji lta ba bzhin du rjes su 'brang bar bya ba'i phyir sems can rgya mtsho thams cad la zhugs pa dang / stobs bcu'i ye shes chags pa med pa'i snang ba yongs su bskyed pa'i phyir 'gro ba thams cad kyi sems rgya mtsho la zhugs pa dang / yongs su smin par bya ba dang gdul ba'i dus las mi 'da' bar bya ba'i phyir sems can thams cad kyi dbang po rgya mtsho la zhugs pa dang / zhing thams cad rnam par dag par bya ba'i smon lam mngon par bsgrub pas zhing rgya mtsho thams cad la zhugs pa dang / de bzhin
- 99b
gshegs pa la mchod cing rim gro byed pa'i stobs kyi sangs rgyas rgya mtsho thams cad la zhugs pa dang / ye shes rnam par rig pas chos rgya mtsho thams cad la zhugs pa dang / nan tan dang wAr yon tan rgya mtsho thams cad la zhugs pa dang / brjod pa thams cad du chos kyi 'khor lo bsor ba mngon par bsgrub pa'i phyir/ 'gro ba'i skang rgya mtsho thams cad la zhugs pa rnams kyi spyod pa shes pa 'am/ yon tan brjod par nus re skan/ song rigs kyi bu 'di nas dpag tshad drug cu 'das pa'i lho phyogs kyi gnas 'di nyid na/ lang ka'i gnas rgya mtsho'i ngogs shes bya ba yod de/ de na dge slong shin tu brten pa zhes bya ba 'dug gis/ de'i kun du song la ji ltar byang chub sems dpas byang chub sems dpa'i spyod pa yongs su sbyang bar bya ba dris shig/ de nas tshor dpon gyi bu nor bzangs kyis/ dge slong rgya mtsho'i sprin gyi rkang pa gnyis la spyi bos phyag 'tshal te/ dge slong rgya mtsho'i sprin la lan brgya stong du mar g.yas phyogs su bskor ba byas nas yang dang yang bltas te/ dge slong rgya mtsho'i sprin gyi drung nas song ngo // // de nas tshong dpon gyi bu nor bzangs dge ba'i bshes gnyen gyi gdams ngag de dang / kun nas mig gi chos kyi rnam grangs de'ang rjes su dran par byed cing de bzhin gshegs pa'i rnam par 'phrul pa de'ang rjes su bsam pa dang / chos kyi tshig dang yi ge'i sprin de dag kyang yongs su bzung ba dang
- 100a
chos kyi sgo rgya mtsho'i tshul de dag la'ang 'jug par bya ba dang / chos kyi tshul de la'ang rjes su rnam par bsdu ba dang / chos kyi le'u dang klong gi nub de dag la 'jug par bu bdud cho kyi nam mkha' de la yang dag par gzhol bar bya ba dang / chos kyi dkyil 'khor de'ang rjes su sbyang bar bya ba dang / chos rin po che'i gling de'ang rjes su sems shing mthar gyis lang kwa'i gnas rgya mtsho'i ngogs shes bya ba gang na ba der phyin nas/ dge slong shin tu brtan pa mthong bar dga' zhing shar phyogs su bltas so// de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / bla dang 'og tu'ang dge slong shin tu brtan pa mthong bar dga' ste kun tu bltas pa dang / des dge slong shin tu brtan pa nam mkha'i dbyings la lha brgya stong grangs med pas yongs su bskor cing phan tshun 'chag pa mthong ngo // nam mkha'i dbyings de'ang lha'i dbang po rnams kyis dge slong shin tu brtan pa la mchod pa'i las su bya ba'i phyir/ lha rdzas kyi me tog sil ma'i sprin gyis yog pa dang / lha rdzas kyi rol mo'i sprin gyi sgra dang / dar gyi ba dan grangs med pa'i rgyan gyis brgyan par mthong ngo / / klu'i dbang po rnams kyis nam mkha' de la a ka ru nag po'i spos mngon par 'thul ba'i sprin shin tu mtho ba las 'brug smra bsam gyis mi khyab pa 'byung bar byas pa mthong ngo //
- 100b
mi'am ci'i dbang po rnams kyis nam mkha' de la lha rdzas kyi ngag snyan pa'i rgyud kyis bstod pa'i rol mo brdung ba dang / bkrol ba dang / klur blang ba'i dbyangs thams cad sbyar cing blangs pa thos par gyur to/ / lto 'phye chen po'i dbang po rnams kyis nam mkha' de la gos shin tu phra zhing mdog bzang ba'i sprin bsam gyis mi khyab pa dag yid dga' ba dkye ste/ dge slong shin tu brtan pa la dad cing mos pa'i gzugs su phyung ba mthong ngo / / lha ma yin gyi dbang po rnams kyis kyang nam mkha' de la/ nor bu rin po che'i sprin bsam gyis mi khyab pa byin gyis brlabs te/ yon tan bsam gyis mi khyab pa'i rgyan snang ba dang ldan par byas pa mthong / / nam mkha' lding gi dbang po mang po'ang mi'i gzugs dang / kha dog dang / dbyibs su 'khod cing / nam mkha' lding gi dbang po'i bu mos kun nas bskor te/ gsod pa med pa la dga' zhing thal mo sbyar te gnas pa bsam gyis mi khyab pa mthong ngo // gnod sbyin gyi dbang po brgya stong 'khor dang bcas pa bsam gyis mi khyab pa dag kyang nam mkha' de la shin tu mi sdug pa'i gzugs su/ dge slong shin tu brtan pa la byams pa'i mthu dang ldan par 'khod pa mthong ngo // srin po'i dbang po brgya stong 'khor dang bcas pa bsam gyis mi khyab pa dag kyang / nam mkha' de la dge slong shin tu brtan pa yongs su srung ba byed cing kun tu rgyu ba mthong ngo // tshangs pa'i dbang po brgya stong bsam gyis mi khyab pa dag kyang nam mkha' de la
- 101a
thal mo sgyur cing dga' ba dang yid du 'ong ba'i tshug pargyad kyis bstad pa rab tu brjod pa mthong / gnas bcad ma ban skyong bsam gyis mi byas pa dag kyang nam myal dge slong shin tu brtan pa la mchod pa'i las su bya ba'i phyir/ thal mo sbyar cing gzhal med khang nas gnas pa mthong ngo // de nas tshong dpon gyi bu nor bzangs kyis/ dge slong shin tu brtan pa de ltar nam mkha'i dbyings la 'chag cing 'dug pa mthong nas/ dga' rangs te mgu zhing nyams bde la tshim zhing yid bde ba skyes nas/ dge slong shin tu brtan pa la thal mo sbyar te phyag 'tshal nas 'di skad ces smras so/ / 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas sangs rgyas kyi chos btsal bar bgyi ba dang / ji ltar byang chub sems dpas sangs rgyas kyi chos yongs su bsgrub par bgyi ba dang / ji ltar byang chub sems dpas sangs rgyas kyi chos yongs su bsdu bar bgyi ba dang / ji ltar byang chub sems dpas sangs rgyas kyi chos bsten par bgyi ba dang / ji ltar byang chub sems dpas sangs rgyas kyi chos bsgom par bgyi ba dang / ji ltar byang chub sems dpes sangs rgyas bya chos kyi rjes su 'brang bar bgyi ba dang / ji ltar byang chub sems dpas sangs rgyas kyi chos yongs su brtul bar bgyi ba dang / ji ltar byang chub sems dpas sangs rgyas kyi chos yongs su bsgom par
- 101b
ba dang / ji ltar byang chub sems dpas sangs rgyas kyi chos rnam par dag par bgyi ba dang / ji ltar byang chub sems dpas sangs rgyas kyi chos yongs su sbyang bar bgyi ba dang / ji ltar byang chub sems/ dpas sangs rgyas kyi chos khong du chud par bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags pa ji ltar byang chub sems dpa' sangs rgyas kyi chos la nan tan du bgyi/ ji ltar nan tan du bgyis na yang dag pa ji lta ba bzhin dang sol bar mi 'gyur ba'i slad du/ sangs rgyas mthong ba dang mi 'bral ba dang byang chub sems dpa' thams cad kyi dge ba'i rtsa ba dang tshul gcig tu 'gyur ba'i slad du/ byang chub sems dpa' mthong ba dang mi 'bral ba dang / ye shes rtogs par 'gyur ba'i slad du/ sangs rgyas kyi chos dang mi 'bral ba dang / byang chub sems dpa' thams cad kyi don yongs su thob par bgyi ba'i slad du/ byang chub sems dpa'i smon lam thams cad dang mi 'bral ba dang / bskal pa thams cad du gnas pas yongs su mi skyo bar bgyi ba'i slad du/ byang chub sems dpa'i spyod pa dang mi 'bral ba dang / 'jig rten gyi khams thams cad yongs su dag par bgyi ba'i slad du/ sangs rgyas kyi zhing thams cad rgyas par dgang ba dang mi 'bral ba dang / de bzhin gshegs pa thams cad kyi rnam par 'phrul pa thams cad rnam par dmigs par bgyi ba'i slad du/ sangs rgyas kyi rnam par
- 102a
'jal pa yod / byang ma dpa'i sgru khrus pa da myon g bar bgyi ba'i spyad du/ 'dus byas kyi gnas dang mi 'bral ba dang / de bzhin gshegs pa thams ched kyi chos kyi sprin yongs su zung ba'i sring du/ chos mnyan pa rang mi 'bral ba dang / dus sum gyi mi shes 'ong du rgyad cing rjes su 'brang bar bsti ba'i slad du/ ye shes snang ba dang mi 'bral bar 'gyur ba ba pe la bas du gso// de skad ces smras pa dang / dges shin du brtan pas/ tshong dpon bzangs la 'di skad ces sproso// de ltar byed kyis blan med pa yang dag par rdzogs pa'i byang chub tu sems bskyed de/ sangs rgyas kyi chos dang / thams cad m khyen pa'i chos dang / rang byung gi chos 'dri ba legs so legs so// rigs kyi bu kho bo ni byang chub sems dpa'i rnam par thar pa thogs pa med pa'i sgo thob pa sa/ rigs kyi bu byang chub sems napa'i rnam par thar pa thogs pa med pa'i sgo kho bos blangs te/ yongs su bzung nas rjes su 'brang zhing rnam par dbye ba dang / rnam par dpyang ba dang / rnam par brtus pa dang / snang bya ba dang / rab tu snang bar byas pas thogs pa med pa'i mtha' zhes bya ba'i saM shes snang ba tho bo// de thob pas cho bos mi sems can thams cad kyi sems dang spyod gcong du chung bar byas la
- 102b
thogs pa med do/ / sems can thams cad kyi skye ba dang shi 'phos yongs su shes par bya ba la thog pa med do// sngon gyi gnas rjes su dran par bya ba'i sgor 'jug pa la thogs pa med do// phyi mar mtha'i bskal par 'gro ba thams cad dang 'grogs par bya ba la thogs pa med do/ / da ltar byung ba'i dus kyi 'gro ba thams cad rnam par rig par bya ba la thogs pa med do// sems can thams cad kyi sgra skad dang kun rdzob yongs su shes par bya ba la thogs pa med do/ / sems can thamacad kyi the tsom gcad par bya ba la thogs pa med do// sems can thams cad kyi dbang po tha dad pa khong du chud par bya la thogs pa med do/ / sems can thams cad yongs su smin par bya ba dang gdul ba'i dus su 'gro bar bya ba la thogs pa med do// nyin mtshan dang / skad cig dang / yud tsam dang / thang cig dang / dus kyi ming du bya ba khong du chud par bya ba la thogs pa med do// dus gsum rgya mtsho'i rgyur du 'jug par bya ba la thogs pa med do// phyogs bcu'i sangs rgyas kyi zhing rang gis lus kyis rgyas par dgang bar bya ba la thogs pa med do/ / de ni de ltar dngos po med pa la gnas shing mngon par 'du bya ba med pa'i rdzu 'phrul thob pa'i phyir te/ rigs kyi bu dngos po med pa la gnas shing mngon par 'du bya ba med pa'i rdzu 'phrul de'i byin gyis/ kho bo nam mkha'i dbyings 'di las phan tshun du 'gro zhing 'dug pa dang / skyes pa dang / spyod lam sna tshogs su spyod do// maM snang ba byed do// snang bar 'byung ngo // du ba
- 103a
'phrul bar byed do/ / me lce 'bar bar byed do// gcig tu byas shing mang por bsgyur ro// mang por byas shing gcig tu bsgyur ro// snang ba dang mi snang ba'ang nyams su myong bar bye ro/ / rtsig pa la'ang thags thogs med pa dang / ra ba la thags thogs med par 'gro ste/ dper ni nam mkha' la bya ba bzhin no// nam mkha' la'ang skyil mo krung gis 'gro ste/ dper na 'dab chags bya bzhin no/ / sa la'ang byi'u zul dang steng du 'byung ba byed de/ dper na chu la bya ba bzhin no// chu la'ang bying ba med par 'gro ste/ dper na sa la bya ba bzhin no// du ba 'thul ba dang re lce 'bar bar byed do/ / dper na me'i phung po chen po bzhin no// sa'ang yongs su g.yo bar byed do// nyi ma dang zla ba 'di gnyis de ltar rdzu 'phrul che zhing de ltar mthu che la/ de ltar gzi brjid che'ang lag pas kun nas yongs su nyug go/ / tshangs pa'i 'jig rten gyi bar dag tu'ang lus kyis dbang sgyur ro// 'jig rten na spos kyi dud pa na bun du chags pa'i sprin gyis kun nas khebs par byas shing rab tu 'bar bar byed do/ / rin po che thams cad kyi 'od zer gyi sprin gyi dra bas 'jig rten kun nas khebs par byas shing 'gro ba thams cad dang 'dra ba'i sprul pa'i sprin rab tu 'gyed ro// kha dog mtha' yas pa'i 'od kyi dra ba'i sprin rab tu bkye zhing phyogs kun tu'ang 'gro ste/ 'di ltar shar phyogs su'ang 'gro'o// lho phyogs dang / nub phyogs dang / bya'i phyogs dang / byang shar gyi phyogs mtshams dang / shar lho'i phyogs
- 103b
mtshams dang / lho nub kyi phyogs mtshams dang / nub byang gi phyogs mtshams dang / 'og dang bla'i phyogs su'ang 'gro'o// sems kyi skad cig re re zhing yang shar phyogs logs su 'jig rten/ gyi khams gcig kyang 'da' 'o// 'jig rten gyi khams gnyis dang bcu'ang 'da' 'o// 'jig rten gyi khams brgya dang / 'jig rten gyi khams stong dang / 'jig rten gyi kham brgya phrag stong dang 'jig rten gyi khams bye ba dang / 'jig rten gyi khams bye ba phrag brgya dang / 'jig rten gyi khams bye ba phrag stong dang / 'jig rten gyi khams bye ba brgya phrag stong dang / 'jig rten gyi khams bye ba khrag khrig brgya phrag stong dang / 'jig rten gyi khams tshad med pa dang / 'jig rten gyi khams dpag tu med pa dang / 'jig rten gyi khams grangs med pa dang / 'jig rten gyi khams bsam gyis mi khyab pa dang / 'jig rten gyi khams mtshungs pa med pa dang / 'jig rten gyi khams gzhal du med pa dang / 'jig rten gyi khams kun tu mtha' yas pa dang / 'jig rten gyi khams mu med pa dang / 'jig rten gyi khams mtshams med pa dang / 'jig rten gyi khams brjod du med pa'i yang brjod du med pa dag kyang 'da' bar byed de/ 'jig rten gyi khams de dag na sangs rgyas bcom ldan 'das ji snyed cig bzhugs shing 'tsho gzhes la/ 'jig rten gyi khams rgya mtsho de dang de dag dang / 'jig rten gyi khams 'byam klas pa de dang de dag dang / 'jig rten gyi khams kyi phyogs de dang de dag dang / 'jig
- 104a
rten gyi khams kyi rgyud de dang de dag dang / 'jig rten gyi khams yongs su 'du ba de dang de dag dang / 'jig rten gyi khams 'byung ba de dang de dag dang / 'jig rten gyi khams su bya ba de dang de dag dang / 'jig rten gyi khams kyi sgo de dang de ba dang / 'jig rten gyi khams kyi bsal bar bya ba de dang de dag dang / 'jig rten gyi khams su 'jug pa de dang de dag dang / 'jig rten gyi khams kyi snying po byang chub rnam par bkod pa de dang de dag dang / 'jig rten gyi khams kyi 'khor gyi dkyil 'khor de dang de dag na// sangs rgyas bcom ldan 'das ji snyed cig chos ston pa'i de bzhin gshegs pa de dag las/ de bzhin gshegs pa re re zhing yang sangs rgyas kyi zhing mtha' yas pa'i rdul shin tu phra ba snyed kyi lus sna tshogs dang / lus re re zhing yang sangs rgyas kyi zhing mtha' yas pa'i rdul shin tu phra ba snyed kyi mchod pa'i sprin gyi char 'bebs shing spyan sngar 'gro'o/ / de dag tu phyin nas kyang me tog thams cad dang / spos thams cad dang / 'phreng ba thams cad dang / phye ma thams cad dang byug pa thams cad dang / na bza' thams cad dang / rgyal mtshan thams cad dang / lha'i ba dan thams cad dang / tha re thams cad dang / dra ba thams cad dang / gzugs thams cad kyi mchod pa rgyun ma chad par byed do/ / sangs rgyas bcom ldan 'das de dag gis gang ji snyed du gsungs pa dang / bstan pa dang / brjod pa dang / yang dag par bshad pa dang / yang dag par smos pa dang
- 104b
yongs su brjod pa dang / man ngag tu gsungs pa dang / shin tu bstan pa dang / rab tu brjod pa de dag thams cad kyang shes shing 'dzin to// sangs rgyas bcom ldan 'das de dag gi sangs rgyas kyi zhing yongs su dag pa ji snyed pa de dag thams cad kyang rjes su dran no/ / shar phyogs su ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs su'ang 'jig rten gyi khams gcig kyang 'da' 'o// 'jig rten gyi khams gnyis dang bcu'ang 'da' 'o/ / 'jig rten gyi khams brgya nas 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed dag kyang 'da' 'o// 'jig rten gyi khams de dag na sangs rgyas bcom ldan 'das ji snyed cig bzhugs shing 'tsho skyong la/ 'jig rten gyi khams rgya mtsho de dang de dag dang / 'jig rten gyi khams rnam par dag pa de dang de dag nas/ 'jig rten gyi khams kyi 'khor gyi dkyil 'khor de dang de dag na chos ston pa de dag kun kyang mthong ngo // de bzhin gshegs pa de dag la'ang me tog thams cad nas/ gzugs thams cad kyi bar gyis mchod pa byed do/ / sangs rgyas bcom ldan 'das de dag gis gang ji snyed du gsungs pa nas/ rab tu brjod pa'i bar de dag thams cad kyang yongs su shes shing 'dzin to// sangs rgyas bcom ldan 'dra
- 105a
de dag gi sangs rgyas kyi zhing yongs su dag pa gang ji snyed pa de dag thams cad kyang rjes su dran no/ / sems can gang gis kho bo mthong bar gyur pa dang / gang dang 'tshogs par gyur pa de dag kun kyang bla na med pa yang dag par rdzogs pa'i byang chub tu nges par 'gyur ro/ / sems can phra mo 'am/ rags pa 'am/ ngan pa 'am/ bzang ba 'am/ bde ba 'am/ mi bde ba gang ji snyed cig kho bos mthong bar gyur pa de dag kun la'ang yongs su smin par bya ba dang / 'du ba'i dus las mi 'da' bar bya ba'i phyir/ khong ta de dag gi lus kyi tshad dang mnyam par lus byin gyis rlob bo// sems can ji snyed cig kho bo'i rlung du 'ong ba de dag thams cad kyang / byang chub sems dpa'i rnam par thar pa kun tu 'gro ba 'di dang / byang chub sems dpa'i rnam par thar pa rnam par gnon pa don yod pa la rab tu gzhog go/ / rigs kyi bu kho bos ni byang chub sems dpa'i rnam par thar pa thogs pa med pa'i sgo kun tu 'gro ba/ de bzhin gshegs pa'i mchod pa dang rim gro rab tu sbyor ba/ sems can thams cad yongs su smin par bya ba dang 'thun pa 'di shes par zad na/ kho bos byang chub sems dpa' snying rje chen po'i ngang tshul can// theg pa chen po'i ngang tshul can/ byang chub sems dpa'i lam dang mi 'bral ba'i ngang tshul can/ / thogs pa med pa'i ngang tshul can/ byang chub sems dpa'i bsam pa'i snying po chud mi gson pa'i ngang tshul can/ byang chub kyi sems yongs su mi gtong ba'i ngang tshul can//
- 105b
sangs rgyas kyi chos la lhag par dmigs pa'i ngang tshul can/ thams cad mkhyen pa yid la bya ba dang mi 'bral ba'i ngang tshul can/ nam mkha' dang mnyam pa'i ngang tshul can/ 'jig rten thams cad la mi gnas pa'i ngang tshul can/ chung mi gson pa'i ngang tshul can/ ma nyams pa'i ngang tshul can/ ma god pa'i ngang tshul can/ glags med pa'i ngang tshul can/ ma 'dres pa'i ngang tshul can/ rnyog pa med pa'i ngang tshul can/ 'gyod pa med pa'i ngang tshul can/ rnam par dag pa'i ngang tshul can/ byang chub sems dpa' rdul dang bral ba de dag gi spyod pa shes pa 'am/ yon tan brjod par nus re skan/ song rigs kyi bu lho phyogs kyi rgyud 'di nyid na/ dra byi la'i grong rdal rdo rje'i grong khyer ces bya ba yod de/ de na na byi la sprin ces bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ dge slong shin tu brtam pa'i rkang pa gnyis la spyi bos phyag 'tshal nas/ lan brgya stong du mar g.yas phyogs su bskor ba byas te yang dang yang du bltas nas/ dge slong shin tu brtan pa'i drung nas song ngo // / de nas tshong dpon gyi bu nor bzangs chos kyi rang pa'i shugs dang byin gyis non pa/ sangs rgyas yid la bya ba'i 'du shes dang ldan pa/ dkon mchog gsum gyi gdung mi gcad pa la rab tu brtson pa
- 106a
dus gsum snang bas sems snang bar gyur pa/ smon lam chen po yid la byed pa dang ldan pa/ sems can gyi khams thams cad yongs su bskyab pa'i thabs la zhugs pa/ 'dus byas kyi dga' ba thams cad la mi gnas pa'i sems dang ldan pa/ chos thams cad kyi rang bzhin nges par rtogs par bya ba la brtson pa/ 'jig rten gyi khams thams cad yongs su sbyang ba'i smon lam las mi g.yo ba/ sangs rgyas thams cad kyi 'khor gyi dkyil 'khor na gnas pa med par gnas pa/ chos kyi snang ba rjes su dran par bya ba dang / dge ba'i bshes gnyen rjes su dran par bya ba dang / 'dod chags dang bral ba'i rigs yongs su rjod pa byed cing / mthar gyis rba byi la'i grong rdul rdo rje'i grong khyer du phyin nas/ dra byi la sprin yongs su tshol tshol ba las/ grong khyer gyi khyams shig na chos bstan pa'i don du seng ge'i khri la 'dug cing / srog chags stong phrag bcu tsam zhig la/ chos kyi rnam grangs yi ge'i 'khor lo'i rgyud kyi rgyan ces bya ba yongs su ston cing 'dug pa mthong ngo / / de nas tshong dpon gyi bu nor bzangs kyis/ dra byi la sprin gyi rkang pa gnyis la spyi bos phyag 'tshal te/ da byi la sprin la lan brgya stong du mar g.yas phyogs su bskor ba byas nas mdun du 'dug ste/ thal mo sbyar nas 'di ska ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na
- 106b
ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dang / ji ltar byang chub sems dpa'i byang chub kyi sems srid pa'i lam rgyud thams cad du chab mi 'tshal ba dang / ji ltar yongs su skyo ba ma mchis shing bsam pa brtan par 'gyur ba dang / ji ltar thub pa ma mchis shing lhag pa'i bsam pa yongs su dag par 'gyur ba dang ji ltar yongs su skyo ba ma mchis shing snying rjes chen po'i stobs yang dag par skye bar 'gyur ba dang / ji ltar sgo kun nas rnam par dag cing gzungs kyi stobs gnon par 'gyur ba dang / ltar ma rig pa'i rab rib dang sgrib pa rnam par 'thor zhing shes rab kyi 'od chos thams cad la rab rib ma mchis pa'i snang ba skye bar 'gyur ba dang / ji ltar don dang / chos dang / nges pa'i tshig dang spobs pa la mkhas pa'i dbyangs kyi dkyil 'khor yongs su rdzogs shing tha dad pa yang dag par shes pa'i stobs gnon par 'gyur ba dang / ji ltar sangs rgyas thams cad kyi 'khor lo tha mi dad pa yang dag par 'dzin cing dran pa'i stobs yongs su gnon par 'gyur ba dang / ji ltar chos thams cad kyi phyogs rig pa'i snang ba rjes su rtogs shing rig pa'i stobs rnam par dag par 'gyur ba dang / ji ltar byang chub sems dpa'i ting nge 'dzin gyi stobs chos thams cad kyi don rnam par gdon mi za bar rab tu dbye ba la brtson pa 'grub par 'gyur ba ma 'tshal to//
- 107a
de nas dkyil sprin gyis byang chub sems dpa' la rim mor bya ba'i phyi seng ka'i wi las langs te babs nas/ tshong dpon gyi nu nor bzangs la lus thams cad kyis byab byas nas/ tshong dpon gyi bu nor bzangs la gser gyi me tog gi phung pos mngon par gtor to// nor bu rin po che rin thang med pa mang po dang / tsan dan gyi phye ma dam pas kyang mngon par gtor to// gos tshon sna tshogs rnam pa tha dad pas kha dog bsgyur ba brgya stong phrag du mas kyang mngon par bkab bo// spos kyi me tog kha dog rnam pa tha dad cing yid du 'ong la blta na sdug pa mang pos kyang mngon par gtor nas/ mchod pa rnam pa sna tshogs gzhan dag gis kyang mchod pa dang / rim gro dang / bkur sti dang / bsti stang cher byas te/ tshong dpon gyi bu nor bzangs la 'di skad ces smras so// rigs kyi bu khyod kyis de ltar bla na med pa yang dag par rdzogs pa'i byang chub tu sems bskyed pa legs so legs so// rigs kyi bu gang gis bla na med pa yang dag par rdzogs pa'i byang chub tu sems bskyed pa de ni/ sangs rgyas thams cad kyi gdung mi gcad pa'i phyir zhugs pa yin/ 'dod chags dang bral ba'i rigs yang dag pa ji lta ba bzhin du rnam par rig par bya ba la brtson pa yin/ zhing gi rgyud thams cad yongs su dag par bya ba la zhug pa yin/ sems can gyi rigs thams cad yongs su smin par bya ba dang gdul ba la sta gon du gnas pa yin/ chos kyi rigs thams cad yang dag par ji
- 107b
lta ba bzhin du brtags pa la brtson pa yin/ las kyi rigs thams cad rang mi 'gal bar gnas pa yin/ byang chub sems dpa'i spyod pa'i rigs thams cad yongs su rdzogs par bya ba la rab tu brtson/ pa yin/ smon lam gyi rigs thams cad rgyun mi gcad pa'i phyir yang dag par zhugs pa yin/ dus gsum gyi rgyud thams cad ye shes kyi khong du chud par bya ba la zhugs pa yin/ mos pa'i rigs shin tu brtan par bya ba'i phyir brtson pa yin te/ de ni de bzhin gshegs pa mang po thams cad kyis byin gyis brlabs pa yin/ sangs rgyas thams cad kyis yang dag par dgongs pa yin/ byang chub sems dpa' thams cad dang mnyam pa nyid du gyur pa yin/ 'phags pa thams cad kyis rjes su dgyes par bya ba yin/ tshangs pa'i dbang po thams cad kyis mngon par dga' bar bya ba yin/ lha'i dbang po thams cad kyis yang dag par mchod pa yin/ gnod sbyin gyi dbang po thams cad kyis yongs su bsrungs pa yin/ srin po'i dbang po thams cad kyis rim gror byas pa yin/ klu'i dbang po thams cad kyis bsu ba yin/ mi 'am ci'i dbang po thams cad kyis mngon par bstod pa yin/ 'jig rten gyi dbang po thams cad kyis yang dag par bsngags pa yin des ni sems can gyi khams thams cad kyang ngan song gi lam rgyud gsum po yongs su gcad pa dang / mi khom pa dang / ngan 'gro'i lam thams cad bzlog pa dang / dbul ba'i lam thams cad
- 108a
las yang dag par 'da' ba dang / lha dang mi'i phun sum tshogs pa thob par bya ba dang / dge ba'i bshes gnyis mthong ba dang mi 'bral ba dang / sangs rgyas kyi chos rgya chen po mnyan pa dang 'bral bar mi 'gyur ba dang / byang chub kyi sems kyi yan lag yongs su dag par bya ba dang / byang chub kyi sems 'byung ba'i rgyu yongs su bsgrub pa dang / byang chub sems dpa'i lam snang ba thob par bya ba dang / byang chub sems dpa'i ye shes khong du chud par bya ba dang / byang chub sems dpa'i sa la gnas par bya bas dbugs phyin par bya ba yin/ rigs kyi bu de la bdag 'di snyam du sems te/ byang chub sems dpa' rnams ni dka' ba byed pa ste/ 'byung bar dka' zhing mthong bar dka' ba'o// byang chub sems dpa' rnams ni sems can rnams la bag dro bar byed pas pa dang ma lta bu'o/ / byang chub sems dpa' rnams ni lha dang bcas pa'i 'jig rten gyi rgyan du gyur pa'o// byang chub sems dpa' rnams ni sdug bsngal gyis mnar ba rnams la skyabs su gyur pa'o// byang chub sems dpa' rnams ni 'gro ba thams cad yongs su bsrung ba'i phyir gnas su gyur pa'o// byang chub sems dpa' rnams ni 'jigs pa sna tshogs kyis gtses pa rnams la dpung gnyen du gyur pa'o/ byang chub sems dpa' rnams ni 'gro ba thams cad ngan song gsum du ltung ba las yongs su ston pa'i phyir rlung gi 'khor lo lta bu'o// byang chub sems dpa' rnams ni sems can thams cad kyi dge ba'i
- 108b
rtsa ba rnam par 'phel bar byed pas sa lta bu'o/ / byang chub sems dpa' rnams ni bsod nams rin po che'i mdzod mi zad pa'i gtos dang ldan pas rgya mtsho lta bu'o// byang chub sems dpa' rnams ni ye she kyi 'od kyis snang bar byed pa'i phyir nyi ma lta bu'o/ / byang chub sems dpa' rnams ni dge ba'i rtsa ba shin tu mtho bas ri rab lta bu'o// byang chub sems dpa' rnams ni snying po byang chub tu ye shes kyi zla ba 'char bar 'gyur ba'i phyir zla ba lta bu'o/ / byang chub sems dpa' rnams ni bdud kyi sde thams cad rab tu 'joms pas dpa' bor gyur pa'o// byang chub sems dpa' rnams ni rang byung gi chos kyi grong khyer du phyin par byed pas rtul phod pa lta bu'o/ / byang chub sems dpa' rnams ni sems can thams cad kyi bdag la byams pa'i rlan yongs su skams pas me lta bu'o// byang chub sems dpa' rnams ni chos kyi sprin rgya chen po'i char mngon par 'bebs pas sprin lta bu'o/ / byang chub sems dpa' rnams ni sems can gyi dbang po dad pa la sogs pa'i myu gu rnam par 'phel bar byed pas char pa lta bu'o// byang chub sems dpa' rnams ni chos rgya mtsho'i 'gram yongs su ston pas mnyan pa lta bu'o// byang chub sems dpa' rnams ni sems can thams cad 'khor ba'i rgya mtsho las yang dag par sgrol ba'i phyir zam pa lta bu'o/ / byang chub sems dpa' rnams ni sems can thams cad kyis mngon par bzod par bya ba'i phyir mu stegs lta bu'o// de ltar na dra byi la sprin gyis tshong dpon gyi bu nor bzangs kyi mdun du
- 109a
'dug ste/ tshig gi rgyud de dag gis byang chub sems dpa' rnams la yongs su bsngags pa byas nas/ tshong dpon gyi bu nor bzangs la legs so zhe bas sa/ deltar des byang chub sems dpa' yang dag par dga' bar bya ba'i tshogs brjod pa'i tshe/ kha'i sgo nas 'od 'phro ba'i phung po rnam pa 'di lta bu byung ste/ 'od 'phro ba'i phung po des stong gsum gyi stong chen po'i 'jig rten gyi khams rgyas par gang bar gyur nas/ lha dang / lha rdzu 'phrul chen po'am/ klu dang / kru rdzu 'phrul chen po 'am/ gnod sbyin dang / gnod sbyin rdzu 'phrul chen po 'am/ dri za dang nidrizirnga rdzu 'phrul chen po 'am/ lha ma yin dang / lha ma yin rdzu 'phrul chen po 'am/ nam mkha' lding dang / nam mkha' lding rdzu 'phrul chen po 'am/ mi 'am ci dang / mi 'am ci rdzu 'phrul chen po 'am/ lto 'phye chen po dang / lto 'phye chen po rdzu 'phrul chen po dang / mi dang / mi rdzu 'phrul chen po 'am/ mi ma yin pa dang / mi ma yin pa rdzu 'phrul chen po 'am/ tshangs pa dang / tshangs pa rdzu 'phrul chen po 'am/ sems can gang sus mthong yang rung ste/ snang ba des yongs su snang bar byas pa de dag dra byi la sprin gyi drung du 'ongs so// de nas de ltar dra byil sprin gyis bsam pa byin gyis brlabs shing thal mo sbyar te gnas pa/ lus dang sems sim par gyur pa/ dga' ba rgya chen po skyes pa/ sri zhu chen po la gnas pa/ nga rgyal gyi rgyal mtshan bcom pa/ g.yo sgyu dang bral ba/ dbang
- 109b
po rnam par dang bar gyur pa de dag la dra byi la sprin gyis chos kyi rnam grangs yi ge'i 'khor lo'i rgyud gyi rgyan ces bya ba de nyid rgya cher yang dag par bstan te/ khong du chud pa dang / rtogs pa dang / shes pa dang / rig par byas so// de thos nas kyang de dag thams cad bla na med pa yang dag par rdzogs pa'i byang chub las phyir mi ldob par gyur to// de nas de'i phyir chos kyi stan la 'dug nas tshong dpon gyi bu nor bzangs la 'di skad ces smras so/ / rigs kyi bu kho bo ni dbyangs dang ldan pa'i gzungs thob pa ste/ de'i mthus kho bos stong gsum gyi stong chen po'i 'jig rten gyi kham 'di'i lha rnams kyi lha'i skad kyang shes so/ / de bzhin du klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / tshangs pa rnams kyi tshangs pa'i skad kyang shes so// lha rnams kyi lha'i skad sna tshogs kyang shes so// de bzhin du klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / tshangs pa rnams kyi tshangs pa'i skad sna tshogs kyang shes so// lha rnams kyi lha'i skad gcig pa'ang shes so/ / de bzhin du klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / tshangs pa rnams
- 110a
tshangs pa'i sad gcig pa'ang shes so/ / rna rnams kyi lha'i skad tha dad pa'ang shes so// de bzhin du nu dang / gnon sbyin dang / dr-irba dang / lA ma yin dang / nam mtha' / dang / mi 'am ci dang / lto 'phye chen po dang / mi dang / mi ma yin pa dang / tshangs pa rnams kyi tshangs pa'i skad tha dad pa'ang shes so// byol song gi skye gnas su skyes pa'i sems can rnams kyi brda dang / skad dang / ming tha dad pa'ang shes so// sems can dmyal ba pa'i sems can rnams kyi skad dang ming rnams kyang shes so// gshin rje'i 'jig rten pa'i sems can rnams kyi skad dang ming rnams kyang shes so/ / 'phags pa'i skad dang ming rnams kyang shes so// 'phags pa ma yin pa'i skar dang ming rnams kyang shes so// byang chub sems dpa' rnams kyi tshig dang / brda dang / nges pa'i ngag sems can gyi bsam pa bzhin du 'byung ba'ang shes so// sems kyi skad cig re re la'ang dus gsum du gshegs pa'i de bzhin gshegs pa rnams kyi dpyad kyi yan lag dang gsung rgya mtsho sems can thams cad kyi ming dang gtam gyi sgra dang tshig tu ldan pa'ang rtogs shing khong du chud do/ / ji ltar stong gsum gyi stong chen po'i 'jig rten gyi khams 'di'i sems can rnams kyi bar dang / nges pa'i tshig dang / skad dang / ming rgya mtsho la 'jug cing shes pa de bzhin du shar phyogs kyi 'jig rten gyi khams bye ba khrag khrig brgya stong tshad med pa/ grangs med pa/ bsam gyis mi Sh+yal
- 110b
pa mtshungs pa med pa/ kun tu mtha' yas pa/ mu med pa/ sa mtshams med pa/ gzhal du med pa/ brjod du med pa'i yang brjod du med pa dang / de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs kyi 'jig rten gyi khams bye ba khrag khrig brgya stong tshad med pa nas/ brjod du med pa'i yang brjod du med pa'i bar gyi sems can rnams kyi brda dang / nges pa'i tshig dang / skad dang / ming rgya mtsho thams cad la'ang 'jug cing shes te/ ji ltar lha rnams kyi lha'i skad kyang shes so// tshangs pa rnams kyi tshangs pa'i skad kyi bar du'ang shes so// rigs kyi bu kho bos ni byang chub sems dpa' rnams kyi gzugs snang ba dbyangs dang ldan pa 'di shes par zad na/ kho bos byang chub sems dpa' 'gro ba sna tshogs kyi brda'i rnam pa rgya mtsho la zhugs pa de dag dang / 'gro ba sna tshogs kyi skad dang ming rgya mtshol zhugag pa de dang / 'gro ba sna tshogs kyi ming shin tu bstan pa rgya mtsho la zhugs pa de dag dang / 'gro ba sna tshogs kyi brjod pa rab tu bkod pa dang / rnam par spyod pa rgya mtsho la zhugs pa de dag dang / tshig thams cad kyi mtshams sbyar ba rgya mtsho la zhugs pa de dag dang / tshig lhur blangs te bstan pa rgya mtsho la zhugs pa de dag dang / dus gsum gyi dmigs pa thams cad dmigs gcis
- 111a
tu rnam par spyod pa rgya mtsho gang chen mtsho la zhugs pa de dag dang / tshig gis brtsegs te bstan pa rgya mtsho la zhugs pa de dag dang / tshig gnyis nas brtsegs te bstan/ pa rgya mtsho la zhugs pa de dag dang / tshig rab tu phye ste bstan pa rgya mtsho la zhugs pa de dag dang / chos thams cad rab tu dbye bas 'dul ba'i tshul bstan pa rgya mtsho la zhugs pa de dag dang / 'gro ba thams cad kyi skad rgya mtsho la zhugs pa de dag dang / dbyangs kyi dkyil 'khor rnam par dag pa'i rgyan thams cad la zhugs pa de dag dang / yi ge'i 'khor lo'i mthar phyin par bya bas rab tu dbye ba la byung ba de dag gi spyod pa shes pa'am/ yon tan brjod par nus re skan/ song rigs kyi bu lho phyogs kyi rgyud 'di nyid na/ yul nags tshal na gnas pa zhes bya ba yod de// de na tshong dpon btang brjod ces bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la brtson par bya ba dang / ji ltar 'byung bar bya ba dang / ji ltar sems nges par gzhag par bya ba dris shig/ de nas tshong dpon gyi bu nor bzangs kyis/ drA byi la sprin gyi rkang pa gnyis la spyi bos phyag 'tshal te/ chos kyi rim gro byas nas/ dad pa'i mtshan nyid rtsa ba tshugs pa la rab tu brtag pa dang / dge ba'i bshes gnyen las 'ongs pa'i thams cad mkhyen pa nyid la yang dag par lta zhing gdong mchi mas gang bar dus te/ dra byi la sprin
- 111b
la lan brgya stong du mar g.yas phyogs su bskor ba byas nas yang dang yang du bltas te phyag 'tshal zhing / dra byil sprin gyi drung nas song ngo // / bam po dgu bcurtsa gcig pa/ / / de nas tshong dpon gyi bu nor bzangs la byang chub sems dpa'i gzungs snang ba dpyad dang ldan pa'i rgyan de nyid la rjes su bsam pa dang / byang chub sems dpa'i skad kyi tshul rgya mtsho de nyid la 'jug par bya ba dang / byang chub sems dpa'i tshul phra mo la 'jug pa de nyid rjes su dran par bya ba dang / byang chub sems dpa'i sems rnam par byang bas rnam par dag pa de nyid kyi rjes su 'brang bar bya ba dang / byang chub sems dpa'i dge ba'i rtsa ba'i bag chags bsdu zhing bsgrub pa mngon par bsgrub pa dang / byang chub sems dpa'i yongasu smin par bya ba'i sgo de nyid rnam par sbyang ba dang / byang chub sems dpa' rnams kyi sems can bsdu ba'i ye shes de nyid shin tu byang bar bya ba dang / byang chub sems dpa'i bsam pa'i stobs rnam par dag par bya ba de nyid brtan par bya ba dang / byang chub sems dpa'i lhag pa'i bsam pa'i stobs de nye bar brtan par bya ba dang / byang chub sems dpa'i mos pa'i rgyud de'ang yongs su sbyang ba dang byang chub sems dpa'i sems de nyid gdon mi za bar dge bar bsam pa dang / / byang chub sems dpa'i yi dam chen po de nyid mthar byin par byed cing / tshong dpon gyi bu nor bzangs yi dam la
- 112a
brtan cing smon lam gyi sems kyis yongs su skyo ba med pa'i rgyud kyi rgyan dang ldan pa phyir mi ldog pas rnam par gnon pa'i brtson 'grus can/ yid kyis brtul ba las mi/ zlogs pa/ rang pa mi 'thogs pa'i stobs dang ldan pa/ rdo rje'i mthu bo ches mi phyed pa'i sems dang ldan pa/ dge ba'i bshes gnyer thams cad kyi gdams ngaga'athun par len pa shes rab ma bab pa'i yul dang ldan pa/ sgo kun nas rnam par dag pa la mngon du gyur pa/ ye shes rnam par dag pa'i spyod yul thogs pa med pa/ kun tu lta ba'i ye shes kyi tshul sdang ba dang ldan pa/ sa'i gzungs kun nas snang ba rab tu thob pa/ chos kyi dbyings kyi bzhi'i bye brag la mngon sum du gyur pa'i sems dang ldan pa/ gzhi kun la rten pa'i rgyan rnam par dag pa'i rang bzhin rnam par dmigs pa gnas med pa dang / bdag gi med pa dang gnyis su med pa'i spyod yul la rab tu brtson pa/ 'du shes thams cad las 'da' bar byed pa'i ye shes kyi sgo rnam par dag pa/ kyi phyogs dang bzhi tha dad pa'i phyogs la so sor rtog pa med pa/ 'jig rten gyi gzhi dang phyogs kyi bye brag las phyir mi ldog pa/ chos kyi gzhi dang phyogs kyi bye brag las phyir ldog pa/ sang rgyas kyi phyogs dang bzhi tha dad pa mthong ba dang rnam par rig par bya ba la gzhol ba/ dus kyi phyogs dang gzhi'i bye brag khong du chud pa'i ye shes can/ chos kyi 'khor lo yid du 'ong bas yang
- 112b
dag par bsgrubs pa'i blo dang ldan pa/ ye shes kun nas snang ba'i ting nge 'dzin gyi rnam par snang bas sems gsal bar byas pa// yid kyi lus yul kun dang ldan pa'i sa la zhugs pa de bzhin gshegs pa'i ye shes snang bas rgyud shin tu snang bar byas pa/ thams cad mkhyen pa nyid du dad pa'i dba' rlabs kyi shugs kyis rab tu slob pa/ sangs rgyas kyi chos la mo pa'i shugs dang 'bral ba med pa/ de bzhin gshegs pa'i byin gyi rlabs kyis byin du brlabs pa/ sangs rgyas thams cad rang gi sems kyi rgyud du khong du chud pa'i 'od kyis snang bar gyur pa 'jig rten gyi khams kyi dra ba thams cad rang gi lus kyis rgyas par dkang ba'i smon lam dang / chos kyi dbyings thams cad rang gi lus su yang dag par bsdu ba dang / mngon par bsgrub pa la brtson pa de mthar gyis so song ste/ lo bcu gnyis kyis yul nabs tshul na gnas par phyin nas/ des tshong dpon btang rjod de btsal btsal te mthong ngo // mthong nas kyang lus thams cad kyis phab ste/ phyag 'tshal nas mdun du 'dug ste/ thal mo sbyar nas 'di skad ces smras so// 'phags pa bdag re ring dge ba'i bshes gnyen dang mjal bar gyur pa ni/ bdag gis 'thob par bgyi ba legs par thob bo// de ci'i slad du zhe na/ dge ba'i bshes gnyen rnams ni mthong bar dka' ba'o// 'byung bar dka' ba'o//
- 113a
'jal bar dka' ba'o// bzod par dka' ba'o// bsnyen bkur bgyi bar dka' ba'o// mnyes par bgyi ba dka' ba'o// 'grogs par dka' ba'o// rim gror bgyi ba dka' ba'o/ / dge ba'i bshes gnyen rnams ni rjes su 'brang bar dka' ba lags na/ de lta bu'i dge ba'i bshes gnyen dang 'grogs pa de ring bdag gis thob par gyur to// 'ja pa bdag gis 'di lta ste/ sangs rgyas thams cad la bsnyen bkur ba dang / sangs rgyas thams cad la rim gror bgyi ba dang / sangs rgyas thams cad kyi zhal blta ba dang / sangs rgyas tham cad rnam par dmigs par bgyi ba dang / sangs rgyas thams cad dang mnyam pa nyid thob par bgyi ba dang / sangs rgyas thams cad kyi smon lam khong du chud par bgyi ba dang / sangs rgyas thams cad kyi smon lam yongs su rdzogs par bgyi ba dang / sangs rgya thams cad kyi yang dag par 'grub pa'i ye shes snang bar bgyi ba dang / sangs rgyas thams cad rang gi lus su mngon par sgrub pa dang / sangs rgyas thams cad kyis yang dag par bsgrubs pa rang gi spyod par bsgrub par bgyi ba dang / sangs rgyas thams cad kyi rnam par 'phrul pa mngon sum du rtogs par bgyi ba dang sangs rgyas thams cad kyi stobs dang mi bsnyengs pa yongs su dag par bgyi ba dang / sangs rgyas thams cad kyis chos bstan pa mnyan pas mi ngoms par bgyi ba dang sangs rgyas tham
- 113b
cad kyis chos bstan pa mnyan cing blang bar bgyi ba dang / sangs rgyas thams cad kyis chos bstan pa yang dag par gzung bar bgyi ba dang / sangs rgyas thams cad kyis chos bstan pa rnam par dbye bar bgyi ba dang / sangs rgyas thams cad kyis bstan pa yongs su gzung ba dang / byang chub sems dpa' thams cad dang tshul gcig tu 'gyur bar bgyi ba dang / byang chub sems dpa' thams cad dang skal ba mnyam par bgyi ba dang / byang chub sems dpa' thams cad kyi spyod pa yongs su dag par bgyi ba dang / byang chub sems dpa' thams cad kyi pha rol tu phyin pa yongs su rdzogs par bgyi ba dang / byang chub sems dpa' thams cad kyi smon lam mngon par sgrub pa rnam par dag par bgyi ba dang / byang chub sems dpa' thams cad kyi sangs rgyas kyi byin gyi rlabs kyi mdzod rab tu thob par gyi ba dang / byang chub sems dpa' thams cad kyi chos kyi gter dang mdzod mi zad pa'i ye shes snang ba 'thob par bgyi ba dang byang chub sems dpa' thams cad kyi ting nge 'dzin gyi gter dang mdzod khong du chud par bgyi ba dang / byang chub sems dpa' thams cad kyi mdzod tshad med pa mngon par bsgrub pa dang / byang chub sems dpa' thams cad kyi snying rje chen po'i gter dang mdzod sems can 'dul ba'i mthar phyin par bgyi ba dang / byang chub sems dpa' thams cad kyi rnam par 'phrul pa'i
- 114a
gter dang mdzod rnam par dmigs par bgyi ba dang / byang chub sems dpa' thams cad kyi dbang gi gter dang mdzod rang gi sems kyi dbang du u0f7fradang / byang chub// sems dpa' thams cad kyi rnam par dag pa'i gter dang mdzod rnam pa thams cad du brgyan par bgyi ba'i slad du/ bla na med pa yang dag par rdzogs pa'i byang chub tu sems sbyang nas/ 'phags pa de lta bu'i sems kyis bdag 'dir mchis so/ / bsam pa de lta bu dang / yid la smon pa de lta bu dang / mngon par dga' ba de lta bu dang sems pa de lta bu dang gdon mi 'a bar bsgrub par bsams pa de lta bu dang / spyod yul mngon du bgyi ba de lta bu dang / tshul khong du chud par bgyi ba la mos pa de lta bu dang / rnam par dag pa la gzhol pa de lta bu dang / rnam par dpyod pa'i bsam pa de lta bu dang / rab tu gzhol ba'i sems de lta bu dang / dge ba'i sbyor ba de lta bu dang / mngon du gyur pa'i dbang po de lta bus bdag 'dir mchis te'aja pa ni byang chub sems dpa' rnams la gdams ngag dang rjes su ston pa mdzad cing tshul ni nye bar ston pa mdzad/ rtogs par bgyi ba ni snang bar mdzad lam ni bstan par mdzad mu stegs la ni 'jog par mdzadachos kyi sgo ni rnam par 'byod par mdzad/ the tsom ni yongs su gcod par mdzad/ nem nur ni sel bar mdzad/ yid gnyis kyi zag rngu ni 'byim par
- 114b
mdzad/ dogs pa'i dri ma ni sbyospyong bar mdzad/ sems kyi thibs po ni snang bar mdzad/ sems kyi dri ma ni yongs su sel bar mdzad/ sems kyi rgyud ni rab tu dang bar mdzad sems kyi g.yo sgyu ni yongs su sel bar mdzad/ sems kyi dung pa ni yongs su sim par mdzad/ 'khor ba las ni sems rnam par bzlog par mdzad/ mi dge ba las ni phyir zlog par mdzad/ sems can dmyal ba las ni ldog par mdzad/ gnas dang ni da pral bar mdzad/ mngon par zhen pa las ni gyen du baspyod pa mdzad/ chags pa thams cad las ni yongs su 'brel pa mdzad/ thams cad mkhyen pa nyid du ni bsgrub pa mdzad/ chos kyi grong khyer du 'jug par bgyi ba'i slad du ni mngon du gyur pa mdzad/ snying rje chen po la ni rab tu bsgrub pa mdzas byams pa chen po la ni rab tu gzhol ba mdzad byang chub sems dpa'i spyod pa la ni rab tu sbyor ba mdzad/ ting nge 'dzin gyi sgo bsgom pa la ni 'dzud pa mdzad/ rtogs par 'gyur ba'i sgo la ni gnas par mdzad/ rang bzhin nges par rdzogs pa la ni gzhog pa mdzad/ stobs dang ldan pas ni khyab par mdzad/ 'gro ba thams cad mnyam pa nyid du ni sems rnam par dbye ba mdzad ro zhes thos na/ 'phags pa ji ltar byang chub sems dpas byang chub sems dpa'i spyod pa la brtson par bgyi/ ji ltar sbyar bar bgyi/ ji ltar brtson par bgyis na byang chub sems
- 115a
dpa'i dkyil 'khor rnam par dag par 'gyur ba bdag la bsnyun du gsol/ de nas tshong dpon btatung brjod kyis de'i cha byang chub sems dra pa'i ting nge 'dzin gyisgo sangs rgyas kyi zhing thams cad yang dag par 'du ba zhes bya ba gzungs kyi sgo slong mtha' yas pa sngon du 'gro ba la sngon gyi dge ba'i rtsa ba'i shugs dang / de bzhin gshegs pa'i byin gyi rlabs/ 'jam dpal gzhon nur gyur pas yang dag par bsams shing / ye shes snang ba nye bar bsgrubs pas snyoms par zhugs so// tshong dpon btang brjod de ltar snyoms par zhugs ma thag tu gzugs kyi lus yongs su dag pa rnam pa 'di lta bu gnas par gyur te/ lus yongs su dge ba de'i mthus phyogs bcu'i sangs rgyas bcom ldan 'das sangs rgyas kyi zhing bcu'i rdul shin tu phra ba snyed sangs rgya kyi zhing yongs su dag pa dang bcas/ 'khor gyi dkyil 'khor dang bcas/ 'od rnam par dag pa dang bcus/ sngon gyi spyod pa la bzhugs pa dang bcas/ sangs rgyas kyi rnam par 'phrul pa dang bcas/ smon lam gyi tshogs dang bcas/ spyod pa dang 'byung ba'i rgyan rnam par dag pa dang bcas/ mngon par rdzogs par 'tshang rgya ba yongs su ston pa dang bcas/ chos kyi 'khor lo shin tu ston pa dang bcas/ sems can yongs su smin par mdzad pa dang bcas/ chos kyi ru'i mthar thug pa dang bcas par kun kyang lus kyi khongs su chud cing
- 115b
'dus par snang ste/ de dag kyang phan tshun ma 'dzes pa dang / phan tshun ma chod pa dang / phan tshun shin tu rnam par phye ba dang / phan tshun shin tu rnam par gnas pa dang / tshul sna tshogs su bzhum/ pa dang / yang dag pa ji lta bzhin du rnam par dmigs pa dang / sangs rgyas kyi zhing rgyan sna tshogs can mnga' ba dang / byang chub sems dpa'i 'khor gyi dkyil 'khor sna tshogs kyi rkyen dang ldan pa dang / sangs rgyas kyi rnam par 'phrul pa sna tshogs su yongs su ston par snang ngo // theg pa sna tshogs rnam par dgod pa mdzad pa dang / smon lam gyi sgo sna tshogs yongs su brjod pa dang / 'jig rten gyi khams la ya na ni dpa' ldan gyi pho brang du skyes shing / sangs rgyas kyi 'phrin las thams cad mdzad par snang ngo // la la na ni dga' ldan gyi phro brang nas 'pho ba dang / la la na ni yum gyi skun bzhugs shing rnam par 'phrul ba sna tshog yong su ston pa dang / la la na ni skye ba dang / la la na ni byis pa'i rtsed mo ston pa mdzad pa dang / la la na ni btsun mo'i 'khor gyi nang na bzhugs pa dang / la la na ni mngon par 'byung ba dang / la la na ni snying po byang chub tu gshegs te rnam par 'phrul pa'i rgyan chen pos bdud kyi sde pham par mdzad pa dang / la la na ni lha dang / klu dang / gnod sbyin dri zas yongs su bskor cing / tshangs pa'i dbang pos chos kyi 'khor lo bskor bar gsol ba gdab pa dang / la la na ni chos kyi 'khor lo bskor ba mdzad pa dang / la la na ni sems can thams
- 116a
cad kyi gnas na bzhugs pa dang / la la na ni yongs su mya ngan las 'da' bar snang ngo // 'jig rten gyi khams la lan ni de bzhin gshegs pamya ngan las 'das pa rnams kyi ring bsrel rnam par 'god par snang ngo / / sangs rgyas kyi zhing la la na ni lha dang mi rnams de bzhin gshegs pa'i mchod rten la rgyan gyis sgrub pa byed par snang ste/ sad+yas bcom ldan 'das de dag gis sems can gyi ris rnam pa tha dad pa dang / sems can gyi 'jig rten rnam pa tha dad pa dang / sems can gyi lam rnam pa tha dad pa dang / sems can gyi skye gnas rnam pa tha dad pa dang / sems can gyi tshogs rnam pa tha dad pa dang / sems can gyi dge ba'i rtsa ba'i rgyud rnam pa tha dad pa dang / sems can gyi lam gyi rgyud rnam pa tha dad pa dang / sems can gyi bsam pa'i rgyud rnam pa tha dad pa pa dang / sems can gyi mos pa'i rgyud rnam pa tha dad pa dang / sems can gyi dbang po'i rgyud rnam pa tha dad pa dang / dus kyi rgyud rnam pa tha dad pa dang / sems can gyi las kyi bye brag rnam pa tha dad pa dang / sems can gyi lce mi mthun pa rnam pa tha dad pa dang / sems can gyi 'jig rten rnam par dbye ba rnam pa tha dad pa dang / sems can gyi tshul lam dang spyod pa rnam pa tha dad pa la rnam par spyod pa dang / sems can rgya mtsho bsam pa dang sbyor ba'i rnam pa tha dad pa dang / dbang po mi mthun pa sna tshogs rnam par dag pa dang / nyon mongs pa dang bkra chags sna tshogs bag la nyal bar
- 116b
gyur pa'i sems can 'byam klas pa rnams la sangs rgyas kyi rnam par 'phrul pa rnamapa sna tshogs yongs su bstan pa dang / yul sna tshogs kyi nges pa'i tshig dang / dbyangs kyi yan lag dang / gsung rnam pa sna tshogs su bsgrub pa dang / mdo sde sna tshogs kyi tshul rab tu brjod pa dang / gzungs kyi sgo rnam pa tha dad pa'i rgyud dang / tha dad pa yang dag par mkhyen pa'i tshul gyi gzhung sna tshogs dang / 'phags pa'i bden pa'i ming rgya mtsho'i rgyud rnam pa sna tshogs dang / sangs rgyas kyi khyu mchog dang / seng ge'i nga ro rab tu bsgrag pa dang / sems can gyi dge ba'i rtsa ba sna tshogs bstan pa'i cho 'phrul yongs su bstan pa dang / dran pa sgo tshegs can shin tu bstan pa'i rnam par 'phrul pa dang / byang chub sems dpa'i lung bstan pa'i seng ge'i nga ro sna tshogs dang / de bzhin gshegs pa'i / chos kyi 'khor lo'i mthu phyung ba rnam pa sna tshogs kyis 'khor gyi dkyil khor mtha' dang dbus med pa mtha' yas par rnam pa tha dad pa phan tshun mchod pa dang / rnam par dag pa'i 'khor gyi dkyil 'khor sna tshogs yengs pa dang / 'khor gyi dkyil 'khor shin tu phra bar 'dus pa dang / dpag tshad gcig gi tshad tsam dang / dpag tshad bcu'i tshad tsam dang / dpag tshad brgya'i tshad tsam nas/ 'khor gyi dkyil 'khor 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi tshad tsam du sangs rgyas bcom ldan 'das de dag gis
- 117a
@de bzhin gshegs pa'i gsung dbyangs kyi yan laka dang / s+thA skad thams cad kyi rjes su 'thobs/ chos ji skad du bsnun pa de dag thams cad kyang tshong dpon gyi bu nor bzangs kyis thos so/ / blangs so// yang dag par bzung ngo // bsams so// sangs rgyas kyis rnam par 'phrul pa de dag kyang mthong ngo // byang chub sems dpa'i ting nge 'dzin gyi khyu mchog gi mthu phyung ba de dag kyang mthong ngo / / de nas tsheng dpon btang rjod dran zhing shes bzhin du ting nge 'dzin de las langs nas/ tshong dpon gyi bu nor bzangs la 'di skad ces smras so/ / rigs kyi bu kho bo ni de bzhin gshegs pa'i rnam par thar pa thogs pa med pa'i rgyan ces bya ba yongs su blangs shing 'dzin pa te/ rigs kyi bu de ltar kho bo de bzhin gshegs pa'i rnam par thar pa thog pa med pa'i rgyan de la rtog cing dpyod pa'i tshe/ shar phyogs kyi 'jig rten gyi khams 'dzam bu chu klung gi mdog dang ldan pa na/ de bzhin gshegs pa ma bcom pa yang dag par rdzogs pa'i sangs rgyas skar ma'i dbang phyug rgyal po zhes bya ba/ byang chub sems dpa' rnam par snang ba'i snying po la sogs pa/ byang chub sems dpa'i 'khor gyi dkyil 'khor thams cad dang / thabs cig tu bzhugs pa'ang mig lam du snang ngo // lho phyogs kyi 'jig rten gyi khams stobs thams cad kyi shugs dang ldan pa na/ de bzhin gshegs pa dgra bcom yang dag par
- 117b
rdzogs pa'i sangs rgyas spos kun tu rnam par yangs pa zhes bya ba/ byang chub sems dpa' bsam pa'i rgyal po la sogs pa/ byang chub sems dpa'i 'khor gyi dkyil 'khor thams cad dang thabs cig tu bzhugs pa'ang mig lam du snang ngo / / nub phyogs kyi 'jig rten gyi khams spos thams cad kyi 'od dang ldan pa na/ de bzhin gshegs pa dgra bcom pa yang dag par rdzogs pa'i sangs rgyas ri rab mar me'i rgyal po zhes bya ba/ byang chub sems dpa' chags pa med pa'i sems la sogs pa/ byang chub sems dpa'i 'khor gyi dkyil 'khor thams cad dang thabs cig tu bzhugs pa'ang mig lam du snang ngo / / byang phyogs kyi 'jig rten gyi khams ngur smrig rgyal mtshan na/ de bzhin gshegs pa dgra bcom pa yang dag par rdzogs pa'i sangs rgyas rdo rje rab tu 'dul ba zhes bya ba/ byang chub sems dpa' rdo rje'i gom pas rnam par gnon pa la sogs pa/ byang chub sems dpa'i 'khor gyi dkyil 'khor thams cad dang thabs cig tu bzhug pa'ang mig lam du snang ngo / / byang shar gyi phyogs mtshams kyi 'jig rten gyi khams rin po che thams cad rab tu 'bar ba na/ de bzhin gshegs pa dgra bcom pa yang dag par rdzogs pa'i sangs rgyas mi dmigs pa'i spyan rnam par dmigs pa zhes bya ba/ byang chub sems dpa' dmigs pa med par shin tu sprul pa la sogs pa/ byang chub sems dpa'i 'khor gyi dkyil
- 118a
'khor thams cad dang thabs cig tu bzhugs pa'ang mig lam du snang ngo / / shar lho'i phyogs mtshams kyi 'jig rten gyi khams spos kyi 'od zer rab tu snang ba nA bzhin gshegs pa dgra bcom pa yang dag par rdzogs pa'i sangs rgyas spos kyi mar me zhes bya ba/ byang chub sems dpa' chos kyi dbyings kyi bzhi tha dad pa'i dpal gyi rgyal po la sogs pa/ byang chub sems dpa'i 'khor gyi dkyil 'khor thams cad dang thabs cig tu bzhugs pa'ang mig lam du snang ngo // lho nub kyi phyogs mtshams kyi 'jig rten gyi khams nyi ma'i zer ltar snang ba na/ de bzhin gshegs pa dgra bcom pa yang dag par rdzogs pa'i sangs rgyas sgo kun nas ye shes rnam par snang ba'i dbyangs shes bya ba/ byang chub sems dpa' me tog gi 'od kun nas 'gro bar gtsug phud rab tu 'phyang ba la sogs pa/ byang chub sems dpa'i 'khor gyi dkyil 'khor thams cad dang thabs cig tu bzhugs pa'ang mig lam du snang ngo // nub byung gi phyogs mtshams kyi 'jig rten gyi khams spos kyi rgyan yid du 'ong ba dge ba'i snying po na/ de bzhin gshegs pa dgra bcom pa yang dag par rdzogs pa'i sangs rgyas yon tan rgya mtsho tshad med pa'i 'od ces bya ba/ byang chub sems dpa' lus kyi 'od zer thogs pa med pa'i gzi brjid rgyal po blo gros la sogs pa/ byang chub sems dpa'i 'khor gyi dkyil 'khor thams cad dang thabs
- 118b
cig tu bzhugs pa'ang mig lam du snang ngo / / 'og gi phyogs kyi 'jig rten gyi khams rin po che'i seng ge snang zhing 'bar ba na/ de bzhin gshegs pa dgra bcom pa yang dag par rdzogs pa'i sangs rgyas 'od zer chos kyi dbyings su snang ba zhes bya ba/ byang chub sems dpa' chos kyi dbyings 'od 'phro zhing rnam par snang bar byung ba'i blo gros la sogs pa/ byang chub sems radaba'i 'khor gyi dkyil 'khor thams cad dang thabs cig tu bzhugs pa'ang mig lam du snang ngo / / steng gi phyogs kyi 'jig rten gyi khams mtshan gyi 'od rnam par snang ba na/ de bzhin gshegs pa dgra bcom pa yang dag par rdzogs pa'i sangs rgyas yon tan thags pa thogs pa med pa'i rnam par thar pa'i 'od kyi rgyal po zhes bya ba/ byang chub sems dpa' stobs dang brtson 'grus thogs pa med pa'i blo zos la sogs pa/ byang chub sems dpa'i 'khor gyi dkyil 'khor thams cad dang thabs cig tu bzhugs pa'ang mig lam du snang ngo // rigs kyi bu de ltar de bzhin gshes pa 'di dag la sogs pa/ phyogs bcu'i de bzhin gshegs pa dgra bcom pa yang dag par rdzogs pa'i sangs rgyas sangs rgyas kyi zhing bcu'i rdul shin tu phra ba snyed mthong yang / de bzhin gshegs pa de dag kyang 'dir mi byon/ kho bo'ang der 'gro ba med de/ nam 'dod pa de na bde ba yod pa'i 'jig rten gyi khams na/ de bzhin gshegs pa 'od snang mtha' yas bzhugs
- 119a
pa'ang mthong ngo / / tsan da na yod pa'i 'jig rten gyi khams na/ de bzhin gshegs pa 'od snang rdo rje bzhugs pa'ang mthong ngo // spos dri yod pa'i 'jig rten kyi khams na/ de bzhin gshegs pa 'od snang rin chen bzhugs pa'ang mthong ngo // pad+mo yod pa'i 'jig rten gyi khams na/ de bzhin gshegs pa 'od snang rin chen pad+mo bzhugs pa'ang mthong ngo / / gser yod pa'i 'jig rten gyi khams na/ de bzhin gshegs pa 'od snang zhi ba bzhugs pa'ang mthong ngo // mngon par dga' ba'i 'jig rten gyi khams na/ de bzhin gshegs pa mi bskul ba bzhugs pa'ang mthong ngo / / shin tu brtan pa'i 'jig rten gyi khams na// de bzhin gshegs pa seng ge bzhugs pa'ang mthong ngo // me long gi dkyil 'khor ltar snang ba'i 'jig rten gyi khams na/ / de bzhin gshegs pa blo gros zla ba bzhugs pa'ang mthong ngo // rin chen dpal gyi dang pas brgyan pa'i 'jig rten gyi khams na/ de bzhin gshegs pa rnam par snang mdzad bzhugs pa'ang mthong ngo // rigs kyi bu de ltar kho bos ni phyogs gang dang gang du/ 'jig rten gyi khams gang dang gang gi de bzhin gshegs pa gang dang gang mthong bar 'dod pa'i de bzhin gshegs pa de dang de dag kyang mthong ngo / / dus gang dang gang de dmigs pa gang dang gang la sngon gyi spyod pa gang dang
- 119b
gang gis de bzhin gshegs pa mthong bar 'dod pa dang / rnam par 'phrul pa gang dang gang gi don dang / sems can 'dul ba gang dang gang gi don du de bzhin gshegs pa gang dang gang mthong bar 'dod pa'i de bzhin gshegs pa de dang de dag kyang mthong ste/ de bzhin gshegs pa de dag kyang 'dir gshegs pa ma yin/ bdag kyang der phyin pa ma yin no// rig kyi bu de ltar kho bos de bzhin gshegs pa rnams ka las kyang byon pa med par shes la/ rang gi lus kyang gar yang 'gro ba med par shes pa dang / de bzhin gshegs pa rnams rnam par dmigs pa'ang rmi lam lta bur shes la/ rang gi sems rnam par dmigs pa'ang rmi lam dang 'dra bar rgyu bar shes pa dang / de bzhin gshegs pa rnams rnam par dmigs pa'ang gzugs brnyan lta bur shes la/ rang gi sems rnam par dmigs pa'ang chu'i snod gsal ba lta bur shes pa dang / de bzhin gshegs pa rnams rnam par dmigs pa'ang sgyu mas byas pa'i gzugs lta bur shes la/ rang kyi sems rnam par dmigs pa'ang sgyu ma lta bur shes pa dang / de bzhin gshegs pa'i gsung yang sgra brnyan ri'i zag cha lta bur brjod par shes la/ rang gi sems rnam par dmigs pa'ang sgra brnyan lta bur shes pas / byang chub sems dpa' rnams kyi sangs rgyas kyi chos thams cad ni rang gi sems kyi byin gyi rlabs
- 120a
las byung ngo zhes bya bar rjes su rtogs shing khong du chud do/ / sangs rgyas kyi zhing yongs su dag pa thams cad kyang rang gi sems kyi byin gyi rlab so// byang chub sems dpa'i spyod pa'ang rang gi sems kyi byin gyi rlabs so/ / sems can thams cad yongs su smin par bya ba dang gdul ba'ang rang gi sems kyi byin gyi rlabs so// byang chub sems rapa'i smon lam mngon par bsgrub pa rang rang gi sems kyi byin gyi rlabs so/ / thams cad mkhyen pa nyid kyi zong khyer du phyin par bya ba'ang rang gi sems kyi byin gyi rlabs so// rnam par thar pa bsam gyis mi khyab pas rnam par rtse ba'ang rang gi sems kyi byin gyi rlabs so/ / sangs rgyas kyi byang chub tu mngon par rdzogs par tshang rgya ba'ang rang gi sems kyi byin gyi rlabs so/ / chos kyi dbyings kun nas 'dus par khyu mchog gi mthu 'byung zhing rnam par 'phrul pa'ang rang gi sems kyi byin gyi rlabs so// bskal pa thams cad shin tu phra bar smra ba'i ye shes kyang rang gi sems kyi byin gyi rlabs so zhes bya bar khong du chud cing rjes su rtogs so/ / rigs kyi bu de la kho bos 'di snyam du sems te/ dge ba'i rtsa ba thams cad kyis ni rang gi sems nyid nye bar brtan par bya'o/ / chos kyi sprin gyis ni rang gi sems nyid yongs su brlan par bya'o// sgrib pa'i chos rnams las ni rang gi sems nyid yongs su
- 120b
sbyang bar bya'o/ / brtson 'grus kyis ni rang gi sems nyid brtan par bya'o// zod pas ni rang gi sems nyid mnyam par bya'o// ye shes khong du chud par bya ba la ni rang gi sems nyid gzhol bar bya'o/ / shes rab kyis ni rang gi sems nyid yongs su sbyang bar bya'o// dbang rnams la ni rang gi sems nyid mngon par bsgrub par bya'o// sangs rgyas dang mnyam pa nyid la ni rang gi sems nyid rgyas par bya'o/ / de bzhin gshegs pa'i stobs bcus ni rang gi sems nyid snang bar bya'o snyam mo// rigs kyi bu kho bo ni de bzhin gshegs pa'i rnam par thar pa thogs pa med pa'i rkyen 'di shes te/ blangs shing yongs su 'dzin par zad na/ kho bos byang chub sems dpa' chags pa med pa'i sems dang ldan pa/ chags pa med par rnam par spyod pa'i spyod yul dang ldan pa/ da ltar byung ba'i sangs rgyas thams cad mngon sum du bzhugs pa'i ting nge 'dzin rab tu thob pa/ mya ngan las 'da' ba med pa'i ma la gnas pa'i rdzogs pa'i byang chub kyi sgo'i ting nge 'dzin rab tu thob pa/ dus gsum mnyam pa nyid du gyur pa/ gzhi kun nas phyed pa'i ting nge 'dzin gyi spyod yul gyi tshul shes pa sangs rgyas kyi zhing thams cad du lus rnam par ba'am pa/ sangs rgyas kyi spyod yul tha mi dang pa la rnam par spyod pa/ phyogs thams cad du mngon par phyogs pa'i spyor yul dang ldan pa/
- 121a
byin phyogs med pa'i ye shes kyi dkyil 'khor gyis rnam par lta ba de dag gi lus la 'jig rten gyi khams thams cad 'jig cing 'du bar snang yang / de dag la bdag dang 'jig rten gyi khams su gnyis kyi 'du shes med pa de dag gi spyod pa shes pa 'am/ yon tan brjod par nus re skan/ song rigs kyi bu lho phyogs kyi rgyur 'di nyid kyi 'dzam bu gling gi mgo 'gabs pas rgyas par 'gengs pa zhes bya ba yod de/ de nas dge slong rgya mtsho'i rgyal mtshan zhes bya ba 'dug gis/ de'i gan du song la ji ltar byang chub semA da pA byang chub sem dpa'i spyod pa la bslab pabar bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ tshong dpon btang brjod kyi rkang pa gnyis la spyi bos phyag 'tshal te/ tshong dpon btang brjod la lan brgya stong du mar g.yas phyogs su bskor ba byas nas yang dang yang bltas te/ tshong dpon btang brjod kyi yon tan grangs med pa la snyan par rjod de brtag pa dang / mos par bya ba dang / mi gtang bar bya ba sems shing du ste/ smre sngags bton nas/ dge ba'i bshes gnyen sdug par sems shing dge ba'i bshes gnyen gyi rjes su 'brang ba dang / dge ba'i bshes gnyen bsnyen bkur bar mos pa dang / dge ba'i bshes gnyen gyis bsgo ba dang mi 'gal bar byed pa dang / thams cad mkhyen pa nyid dge ba'i bshes gnyen la rag lus par
- 121b
rjes su lta ba dang / dge ba'i bshes gnyen la rjes su bsam pa dang / dge ba'i shes gnyen la g.yo sgyu med par spyod pa dang / dge ba'i bshes gnyen gyi sems kyi dbang du 'gro bar bya ba dang ldan pas dge ba'i bshes gnyen rnams gnod pa thams cad yongs su spong bar byed pas ma tsam du sems/ dge ba'i rtsa ba thams cad yongs su skyed pas pha tsam du sems/ shing tshong dpon btang brjod kyi drung nas song ngo // / de nas tshong dpon gyi bu nor bzangs/ tshong dpon btang brjod kyis bstan pa de la rjes su sems shing / dpon btang brjod kyi gdayas ngag la nan tan bya ba dang / byang chub sems dpa'i rnam par thar pa bsam gyis mi khyab pa'i rjes su 'brang bar bya ba dang / byang chub sems dpa'i ye shes snang ba bsam gyis mi khyab pa rjes su dran par bya ba dang / chos kyi dbyings la 'jug cing 'bab pa bsam gyis mi khyab pa khong du chud par bya ba dang / byang chub sems dpa' rnams kyi yongs su 'du bar bya ba'i tshul bsam gyis mi khyab pa la 'jug par bya ba dang / de bzhin gshegs pa'i rnam par 'phrul pa bsam gyis mi khyab pa rjes su blta bar bya ba dang / sangs rgyas kyi zhing yongs su bsdu ba bsam gyis mi khyab pa la mos par bya ba dang / sangs rgyas kyi byin gyi rlabs kyi rgyan rje su sbyang ba dang / byang chub sems dpa'i ting nge 'dzin dang rnam par thar pa'i rnam par dgod pa dang / khye
- 122a
mchog gi mthu phyung ba bsam gyis mi khyab pa la yongs su brtag pa dang / 'jig rten gyi khams tha dad pa la bsgribs pa med pa bsam gyis mi khyab pa la 'jug pa dang / byang chub sems dpa'i las la bsam pa shin tu brtan pa de la nan tan du bya ba dang / byang chub sems dpa'i las dang smon lam gyi rgyun bsam gyis mi khyab pa de'i rjes su spyod cing / mthar gyis 'dzam bu gling gi mgo 'gebs pas rgyas par 'gengs pa zhes bya ba gang na ba der phyin nas/ dge slong rgya mtsho'i rgyal mtshan tshol tshol ba las 'chag pa'i gnas shing gi 'chag sa'i mthar 'dug ste/ ting nge 'dzin la snyoms par gzhag nas/ dbugs phyi nang du rgyu ba med cing mi g.yo la/ byed pa med cing lus drang por bsrangs te dran pa mngon du byas nas/ ting nge 'dzin gyi rnam par 'phrul pa bsam gyis mi khyab pas rnam par 'phrul zhing / g.yas g.yon dang steng logs su lus mtha' yas la/ tshad med cing bsam gyis mi khyab pa/ spyi gdug bltar mi mthong ba/ kha dog du ma'i lus dang ldan pa/ sems kyi skad cig re re la kha dog rnam pa tha dad pa tshad med pa yongs su ston pa de/ de ltar mnyam par bzhag cing zab la ni ste/ g.yo ba med cing dmigs pa med la/ dga' bas lus mtho bar gyur pa de'i ba spu'i sgo thams cad nas/ byang chub sems dpa'i rnam par thar pas rnam par 'phrul pa bsam gyis ma khyab
- 122b
pa rab tu 'byed pa byed cing 'dug pa mthong ngo / / rnam par thar pas rnam par 'phrul pa de'i mthus/ sems kyi skad cig re re la sems can thams cad yongs su smin par bya ba dang / de bzhin gshegs pa thams cad kyi mchod pa sbyang ba dang / sangs rgyas kyi zhing thams cad yongs su dag par bya ba dang / sems can thams cad kyi sdug bsngal gyi phung po rnam par bzlog pa dang / ngan song gyi lam thams cad yongs su gcad pa dang / sems can thams cad kyi bde ba'i lam gyi sgo dbye ba dang / sems can thams cad kyi nyon mongs pa'i gdung ba rab tu zhi bar bya ba dang / sems can thams cad kyi mi shes pa'i sgrib pa rnam par gtor ba dang / sems can thams cad thams cad mkhyen pa nyid la dgod pa'i phyir/ rnam par 'phrul pa'i bye brag rnam pa sna tshogs mtha' yas pas chos kyi dbyings thams cad rgyas par 'gengs shing / de'i rkang pa'i mthil gnyis nas tshong dpon gyi tshogs bkur sti dang rim gro sna tshogs byed pa/ 'jig rten gyi khams thams cad du gtogs pa'i tshong dpon dang 'dra ba'i gzugs dang ldan pa/ lhag pa'i yul spyod pa/ rgyan sna tshogs kyis lus shin tu klubs pa/ rdo tsugs dang / gtsug gi rin po che dang / cod pan sna tshogs thogs pa sangs rgyas kyi zhing grangs med pa'i rdul shin tu phra ba snyed byis pa bye ba 'phyes pa'i 'khor dang ldan par 'byung ba
- 123a
mthong ngo / / bram ze dang khyim bdag mang po bza' btung rnam pa mang po dang / ro'i yan lag sna tshogs su sbyar ba thams cad dang / rgyan thams cad dang / gos thams cad dang / me tog thams cad dang / 'phreng ba thams cad dang / spos thams cad dang / byug pa thams cad dang / 'dod pa'i yo byad thams cad dang / rin po che thams cad dang gnas thams cad dang / snod rnam pa sna tshogs thams cad dang / yo byad rnam pa sna tshogs thams cad kyis sems can dbul po rnams yongs su sdud cing / 'gro ba sdug bsngal ba rnams nathugs dbyung ba dang / sems can gyi sems tshim par bya ba dang / sems can gyi bsam pa rnam par dag par bya ba dang / sems can rnams byang chub tu yongs su smin par byed cing // phyogs bcu bkang ste 'dong ba mthong ngo / / pus mo'i lha nga gnyis nas rgyal rigs mkhas pa'i gzugs dang / bram ze mkhas pa'i gzugs dang / 'jig rten na mkhas pa'i gzugs dang / bzo sna tshogs la mkhas pa'i gzugs dang / mi'i 'gro ba'i rgyud na mkhas pa'i gzugs dang / 'jig rten pa dang 'jig rten las 'das pa'i las kyi tshul dang / rgyus la gsal zhing mkhas pa'i gzugs dang / 'jig rten gyi slob dpon du bya bar mkhas pa'i gzugs cha byad rnam pa du ma dang ldan pa/ dbyibs dang rgyan rnam pa du ma dang ldan pa/ yid du 'ong ba'i tshig mang po brjod pas
- 123b
yid mi bde ba'i sems can rab tu dga' bar byed cing / chos kyi nor gyis dbul ba'i sems can rnams la phan gdags pa dang / sdug bsngal ba'i sems can rnams bde bar bya ba dang log par lhung ba'i sems can rnams mngon par gdon pa dang / theg pa'i gru la nyam nyes su gyur pa'i sems can rnams dbugs dbyung ba dang / 'jigs pa'i sems can rnams yongs su bskyab pa dang / dge ba'i rtsa ba'i sgra kun tu zag par bya ba dang / sdig pa las bzlog pa'i sgra yongs su bsgrag pa dang / dge ba'i chos yang dag par blang ba la sems can gzung pa dang / don spyad pa la sems can dgod pa dang / dga' ba'i shugs yongs su bskyed pa dang / snyan par smra ba'i bsdu ba'i dngos po yongs su brjod pa dang / 'jig rten la don mthun par bsdub pa ston par byed cing / phyogs bcu rgyas par bkang ste 'dong ba mthong ngo // lte ba'i dkyil 'khor nas drang srong mang po 'gro ba thams cad kyi lus dbyibs su 'khod pa/ pags pa dang / shun pa'i gos gyon pa/ ril ba thogs pa/ gzugs dang / cha byad dang / dbyibs sna tshogs can/ spyod lam rab tu zhi ba dag byung nas/ steng gi bar snang las sangs rgyas kyi yon tan rjod pa byed cing / chos kyi sgra yongs su bsgrag pa dang / sangs rgyas kyi sgra brjod pa dang / byang chub sems dpa'i dge 'dun yongs su bstan pa dang / tshangs pa'i spyod pa yongs su brjod
- 124a
pa dang / dbang po dben pa la sems can dgod pa dang / rang bzhin med pa'i don rab tu brtag pa dang / ye shes kyi don la 'jig rten rang tu dgod pa dang / 'jig rten gyi gtsug lag gi rnam pa yongs su brjod pa dang / thams cad mkhyen pa'i ye shes kyis 'byung ba'i lam gyi tshul rab tu bstan pa dang / mthar gyis bya ba'i las la sems can rab tu dgod pa byed cing / phyogs bcu bkang ste 'dong ba mthong ngo // rtsib logs gnyis nas klu'i bu mo 'jig rten rgyu ba thams cad kyi grangs dang mnyam pa/ lus kyi dbyibs bsam gyis mi khyab pa du ma dang ldan pa byung ste/ klu'i rnam par 'phrul pa bsam gyis mi khyab pa yongs su bstan pa dang / spos kyi sprin gyi rgyan bsam gyis mi khyab pa nam mkha'i dbyings la byin gyis brlab dang me tog gi sprin gyi rgyan bsam gyis mi khyab pas nam mkha'i dbyings thams cad brgyan pa dang / 'phreng ba'i sprin bsam gyis mi khyab pa'i rgyan gyis nam mkha'i dbyings thams cad rnam par grub pa dang / rin po che'i gdugs kyi sprin bsam gyis mi khyab pa'i rgyan gyis chos kyi dbyings thams cad yongs su khebs par bya ba dang / rin po che'i rgyal mtshan gyi sprin bsam gyis mi khyab pa'i rgyan dang / rin po che'i lha'i ba dan gyi sprin bsam gyis mi khyab pa'i rgyan dang / rin po che'i byang phrul sna tshogs kyi sprin dang char bsam gyis mi khyab pa'i rgyan dang / nor bu rin po che dam pa'i sprin gyi char
- 124b
'bab pa bsam gyis mi khyab pa'i rgyan dang / rin po che'i se mo do sna tshogs dang me tog gi sprin gyi char bsam gyis mi khyab pa'i rgyan dang / rin po che'i khri la skyil mo krung du 'khod pa'i byang chub sems dpa' sangs rgyas kyi chos kyi sprin gyi char bsam gyis mi khyab pa 'bebs pa'i rgyan dang / lha rdzas kyi rin po che'i rgyan sna tshogs dang ldan pa'i lha'i bu mo mang po chos kyi klu snyan pa'i sgra dbyangs kyi sprin gyi char 'bebs pa bsam gyis mi khyab pa dang / rin po che'i pad+mo ze ba mtho ba mu tig ki dra bas brgyan pa/ rin po che'i rgyal po thams cad kyi 'bru'i sprin gyi char rnam par 'thor ba bsam gyis mi khyab pa'i rgyan dang / rin po che'i cod pan gyi sprin nor bu rin po thams cad kyis rab tu brgyan pa/ 'od zer gyi sprin mtha' yas pa'i char 'bebs pa bsam gyis mi khyab pa'i rgyan dang / lnga'i lus kyi sprin gyi me tog dang / 'phreng ba dang / gdugs dang / rgyal mtshan dang / lha'i ba dan bsam gyis mi khyab pa'i rgyan dang / lha'i bu mo mang po'i lus kyi sprin thal mo sbyar te gser gyi me tog snyim pas 'thor ba/ de bzhin gshegs pa la yon tan dang legs pa thams cad du bstod pa'i sprin gyi 'brug sgra 'byin cing char 'bebs pa bsam gyis mi khyab pa'i rgyan nam mkha'i dbyings la byin gyis rlob cing / spos kyi phung po'i sprin rin po che thams cad kyi kha dog tu 'dug pa dang / bdug spos kyi nabun dang / sprin shin tu rgya che bas de bzhin gshegs pa thams cad kyi dkyil
- 125a
'khor la 'khor mngon par khebs par bya ba dang / 'jig rten gyi khams 'byam klas pa thams cad rab tu brgyan pa dang / sems can thams cad rab tu dga' bar bya ba dang / sangs rgyas thams cad mchod pas skad cig tu chos kyi dbyings thams cad rgyas par 'gengs pa/ tshong dpon gyi bu nor bzangs kyis mthong ngo // thong ka'i dpal gyi be'u nas lha ma yin gyi dbang po sangs rgyas kyi zhing zangs med pa'i rdul shin tu phra ba skyed byung ste/ lha ma yin gyi skyes rnam par 'phrul pa bsam gyis mi khyab pa rab tu ston cing / chu 'dzin chen po yongs su bskyam pa dang / 'jig rten gyi khams brgya stong rab tu bskyod pa dang / ri'i rgyal po chen po thams cad 'thab par bya ba dang / lha'i gnas thams cad yongs su bskyod pa dang / bdud kyi dkyil 'khor thams cad zil gyis gnon pa dang / bdud kyi sde thams cad rab tu gdul ba dang / nga rgyal dang / rlom pa dang / dregs pa thams cad rab tu gzhom pa dang / gnod par sems pa'i sems bzlog cing dga' bar bya ba dang / mtho 'tsham pa'i sems phyir bzlog par bya ba dang / sems can rnams kyi mi dge ba'i chos rab tu zhi bar bya ba dang / nyon mongs pa'i ri rnam par gtor ba dang / nyon mongs pa'i 'thab mo shin tu zhi bar bya ba dang / lha ma yin gyi skyes rnam par 'phrul pa dang rnam par rtse ba sna tshogs kyis sems can rnams skyo bar bya ba dang /
- 125b
sdig pa las gyen du bskyod pa dang / 'khor bas 'jigs par bya ba dang / srid pa'i lam gyi rgyud thams cad nas gyen du bskyod de gnas med pa la rab tu gnas par bya ba dang / byang chub kyi sem la sems can rnams rab tu 'god pa dang / byang chub sems dpa' rnams kyi byang chub sems dpa'i spyod pa rnam par dag par bya ba dang / byang chub sems dpa' rnams pha rol tu phyin pa la rab tu dgod par bya ba dang / byang chub sems dpa'i sa la rab tu gzud pa dang / byang chub sems dpa' rnams kyi sangs rgyas kyi chos kyi tshul snang ba yongs su bskyed pa dang / chos kyi tshul rnam par dgod pa sna tshogs kyi sems kyi skad cig re re zhing chos kyi dbyings rgyas par 'gengs par byed pa/ tshong dpon gyi bu nor bzangs kyis mthong ngo // rgyab kyi gzhung nas nyan thos dang rang sangs rgyas mang po sangs rgyas kyi zhing grangs med pa'i rdul shin tu phra ba snyed byung nas/ nyan thos dang rang sangs rgyas kyis 'dul ba'i sems can bdag tu mngon par zhen pa rna la bdag med pa dang / sems can med pa yongs su rjod pa byed cing / rtag par mngon par zhen pa rnams la 'du byed thams cad mi rtag par yongs su bstan pa dang / 'dod chags kyi spyod pa can rnams la mi sdug pa dang / zhe sdang gi spyod pa can rnams la byams pa dang / gti mug gi spyod pa can rnams la rkyen las 'byung ba'i rten cing 'brel par 'byung ba rjod pa dang / cha mnyam
- 126a
pa'i spyod pa can rnams la ye shes kyi yul dang ldan pa'i chos kyi tshul mngon par bstan pa dang / yul la mngon par dka' ba rnams la gnas med pa rab tu brjod pa dang / zhi ba la nas su sems pa rnams la smon lam gyi khyad par gyis spro ba bskyed pa dang / phyogs kyi rgyud dang sgo thams cad du chos kyi tshul rgya mtsho'i rgyud dang sgo thams cad sems can thams cad kyi don du rjod pa byed cing chos kyi dbyings rgyas par 'gengs pa/ tshong dpon gyi bu nor bzabs kyis mthong ngo // phrag pa'i lhun gnyis las gnod sbyin dang srin po'i dbang po dbyin sna tshogs dang ldan zhing lus mi sdug pa dang / kha dog dang chu zheng sna tshogs can/ spyod lam gyi rnam pa sna tshogs dang ldan pa/ bzhon pa sna tshogs la zhon pa/ 'khor sna tshogs kyis yongs su bskor ba/ sems can gyi khams yongs su bskyang ba la brtson pa/ 'od sna tshogs kyis snang bar bya ba la brtson pa/ dbyangs sna tshogs rab tu sgrog pa/ sangs rgyas kyi zhing grangs med pa'i rdul shin tu phra ba snyed byung nas thabs mngon par bsgrub pa sna tshogs ma 'dres pas phyogs dang phyogs mtshams kun gyi nam mkha' rgyas par 'gebs shing / dge ba'i spyod pa thams cad yongs su bsrung ba dang / 'phags pa'i dkyil 'khor thams cad yongs su bsrung ba dang / byang chub sems dpa' thams cad yongs su gzung ba dang / laka na rdo rje'i las kyis yang
- 126b
gdag par song ba dang / yang dag par zhugs pa thams cad yongs su bsrung ba dang / sangs rgyas thams cad la mchod pa dang rim gro bya ba dang / sems can log par lhung ba rnams kyi ngan song gi lam gyi rgyud thams cad rnam par bzlog pa dang / 'jig rten thams cad kyi nad dang / gnod pa dang / 'jigs pa thams cad zhi bar bya ba'i don du brtson pa/ sems can gyi don byabs 'jig rten yongs su bskyang ba la brtson pa rnams bsod nams dang ye shes kyi 'khor lo yongs su rdzogs par bya ba dang / chos kyi 'khor lo'i rjes su 'brang bar bya ba dang / pas kyi rgol ba'i khor char gcod pa byed cing / chos kyi dbyings thams cad rgyas par 'gengs par byed pa/ tshong dpon gyi bu nor ba zabs kyis mthong ngo // mdun gyi lto nas mi 'am ci dbang po sangs rgyas kyi zhing grangs med pa'i rdul gis sa ba rnyed mi 'am ci'i dbang po'i bu mo'i 'khor brgya stong grangs medu bya can dang / dri zla'i dbang po sangs rgyas kyi zhing grangs med pa'i rdul shin tu phra ba snyed dri za'i dbang po'i bu mo'i 'khor brgya stong grangs med pa can dag byung nas lha'i rol mo brgya stong grangs med pa'i sgra snyan pa dang / kwa'i dbyangs kyis chos kyi rang bzhin dang ldan pa'i sangs rgyas kyi bstod pa rjod pa byed cing / byang chub kyi sems yong su bsngags pa dang / byang chub sems dpa'i spyod pa yongs su brjod pa dang / mngon/
- 127a
par rdzogs par 'tshang rgya ba'i sgo thams cad la mngon par bstod pa dang / chos kyi 'khor ma'i sgo thams cad du 'jug pa dang / rnam par 'phrul pa thams cad la mngon par spro bar bya ba dang / yongs su mya ngan las 'da' ba'i sgo thams cad yongs su brjod pa dang / sangs rgyas kyi bskrun pa'i sgo thams cad yongs su gzungs pa dang sems can gyi sgo thams cad rab tu dga' bar bya ba dang / sangs rgyas kyi zhing gi sgo thams cad yongs su dag par bya ba dang / chos kyi sgo thams cad mngon par bstan par bya ba dang sgrib pa'i sgo thams cad rnam par bzlog par bya ba dang / dge ba'i rtsa ba'i sgo thams cad yongs su skyed pa byed cing chos kyi dbyings rgyas par 'gengs pa/ tshong dpon gyi bu nor bzangs kyis mthong ngo / / kha'i sgo nas 'khor lo'i sbyar ba'i rgyal po rin po che bdun dang ldan zhing // stobs kyi yan lag bzhi'i tshogs kyi 'khor dang ldan pa byung nas/ sbyin pa chen po'i 'od zer gyi rgyan rab tu 'gyed cing rin po che'i 'byung gnas thams cad yongs su gtang ba dang / nor bu rin po che'i tshogs thams cad sbyin pa dang / dbul po rnams nor dang ldan par bya ba dang / srog gcod pa las 'jig rten rnam par bzlog pa dang / byams pa'i sems la sems can rab tu dgod pa dang / ma byin par len pa dang rab tu dpral ba dang
- 127b
rgyan gyis shin tu brgyan pa'i bu mo bye ba khrag khrig brgya stong yongs su gtang ba dang / 'dod pas log par g.yem pa lus rnam par bzlog pa dang / tshangs pa'i spyod pa la rab tu dgod pa dang / brdzun du smra ba las rnam par bzlog pa dang / bslu ba med pa la gzhol bar rab tu dgod pa dang / phra ma'i tshig las rnam par bzlog pa dang / gzhan 'dum par brtsom pa'i tshig rab tu brjod pa dang / / zhe gcod pa'i tshig las 'jig rten rnam par bzlog pa dang / 'jam zhing yid du 'ong ba'i tshig rab tu brjod pa dang / gnod pa'i chos dang ldan pa'i byung rgyal du smra ba las sems can rnam par bzlog pa dang / don zab mo'i tshig rab tu dbye ba gdon mi zla bral yang dag par dgod pa dang / ngag gnyis pa thams cad las 'jig rten rnam par bzlog pa dang / snying rje dang ldan pa'i tshig rab tu brjod par bya ba dang / 'jig rten gyi snying gi dri ma yongs su sel cing 'dod pa chung ba dang / chog shes pa la brtson par sems can rab tu dgod pa dang / chags sems las 'jig rten rnam par bzlog pa dang / gzhan gyi sems kyi rgyud dga' bar byed pa la rab tu dgod pa dang / lta ba'i dra ba thams cad las 'jig rten rab tu gdon pa dang / yid gnyis kyi rab thams cad rnam par gtor ba dang / the tshom gyi spo thams cad rab tu gzhom pa dang / nem nur dang som
- 128a
rab rib yongs su bsal ba dang / chos rnam par dbye ba 'jig rten du rab tu dbye ba dang / rkyen las byung ba rab tu rjod pa dang / rang bzhin gyis bden pa'i tshul la sems can rab tu dgod pa dang / sgrib pa thams cad rnam par bzlog pa dang / sgri pa med pa'i tshul la gzud pa dang / sangs rgyas kyi don gyi tshul sna tshogs rjod pa byed cing / phyogs bcu'i chos kyi dbyings rgyas par 'gengs pa/ tshong dpon gyi bu nor bzangs kyis mthong ngo // mig gnyis nas nyi ma'i dkyil 'khor baN+Di stong sangs rgyas kyi zhing grangs med pa'i rdul shin tu phra ba snyed byung ste/ sems can dmyal ba chen po thams cad yongs su snang bar byed ring 'jig rten gyi mun pa chen po sel ba dang / sems can rnams kyi gti mug gi rab rib sel ba dang / grang ba'i sems can dmyal ba na 'khod pa'i sems can rnams kyi grang ba'i sdug bsngal rab tu zhi bar byed pa dang / sa'i rang bzhin gyi zhing rnams su 'od kha dog dkar po can rab tu 'gyed pa dang / gser gyi rang bzhin gyi zhing rnams su 'od bai DUR+Ya'i kha dog can rab tu 'gyed pa dang / bai DU R+Sha'i rang bzhin gyi zhing rnams su 'ong gser gyi kha dog can rab tu 'gyed pa dang / dngul gyi rang bzhin gyi zhing rnams su 'od gser gyi kha dog can rab tu 'gyer pa dang / gser gyi rang bzhin gyi zhing rnams su 'od shel gyi kha dog can rab tu 'gyed pa dang
- 128b
ga ser gyi rang bzhin gyi zhing rnams su 'od mu tig dmar po'i kha dog can rab tu 'gyed pa dang / asma gar ba'i rang bzhin gyi zhing rnams su 'od gser gyi kha dog can rab tu 'gyed pa dang / gser gyi rang bzhin gyi zhing rnams su 'od asma gar ba'i kha dog can rab tu 'gyed pa dang / in+d+ra nI la'i rang bzhin gyi zhing rnams su 'od rin po che'i rgyal po nyi ma'i snying po'i kha dog can rab tu 'gyed pa dang / rin po che'i rgyal po nyi ma'i snying po'i rang bzhin gyi zhing rnams su 'od rin po che in+d+ra nI la'i kha dog can rab tu 'gyed pa dang / mu tig dmar po'i rang bzhin gyi zhing rnams su 'od rin po che'i rgyal po zla ba'i 'od zer gyi dra ba dang dkyil 'khor gyi snying po'i kha dog can rab tu 'gyed pa dang / rin po che'i rgyal po zla ba'i 'od zer gyi dra ba dang dkyil 'khor gyi snying po'i rang bzhin gyi zhing rnams su 'od mu tig dam po'i kha dog can rab tu 'gyed pa dang / rin po che gcig gi rang bzhin gyi zhing rnams su zad rin po che sna tshogs kyi kha dog can rab tu 'gyed pa dang / rin po che sna tshogs kyi rang ba'i/ gyi zhing rnams su 'od rin po che gcig gi kha dog can rab tu 'gyed pa dang / de bzhin du byang chub sems dpa'i 'khor gyi dkyil 'khor thams cad du sems can gyi don tshad med pa la brtson zhing chos kyi dbyings rgyas par 'gengs pa/ tshong dpon gyi bu nor bzangs kyis mthong ngo // smin mtshams kyi mdzod spu nas zla ba mang po sangs rgyas kyi zhing grangs med pa'i rdul shin tu phra ba snyed byung nas/ lha'i
- 129a
dbang po thams cad zil gyis gnon cing / 'jig rten thams cad kyi 'dod pa'i dga' ba rnam par bzlog pa dang / sangs rgyas blta bar dga' ba la rjes su bsngags par byed cing sems can tshad med pa gdul ba la brtson par phyogs bcu'i chos kyi dbyings rgyas par 'gengs pa mthong ngo / / dpral ba nas tshangs pa chen po spyod lam rab tu zhi ba sangs rgyas kyi zhing grangs med pa'i rdul shin tu phra ba snyed byung nas/ tshangs pa'i dbyangs su brjod de sangs rgyas thams cad la gsol ba gdab pa dang / byang chub sems dpa' thams cad rab tu dga' bar bya ba byed cing sems can gyi don tshad med pa la brtson par phyogs bcu'i chos kyi dbyings rgyas par 'gebs pa/ tshong dpon gyi bu nor bzangs kyis mthong ngo // mgo nas byang chub sems dpa' sangs rgyas kyi zhing grangs med pa'i rdul shin tu phra ba snyed byung nas/ kha dog dbyibs sna tshogs kyi brgyan pa'i lus yongs su ston cing / dpe byad bzang pos rnam par bres pa'i lus rab tu brten pa dang / 'od kyi dkyil 'a gyi sprin mtha' dang dbus med pa rab tu dgye ba dang / ba spu'i bu ga thams cad nas sangs rgyas thams cad kyi sngon gyi byang chub sems dpa'i spyod pa nas bzung ste gtong ba dang / len pa dang / dngos po yongs su gtang ba'i rnam pa'i sprin mang po rab tu dge ba dang / pha rol tu phyin pa sna tshogs dang ldan pa'i sngon gyi sbyor ba rgya mtsho yongs su bstan pa dang / sbyin pa'i
- 129b
spyod pa 'jig rten du yongs su brjod pa dang / ser sna'i dri ma rnam par bzlog pa dang / chags pa thams cad spang ba la sems can rab tu dgod pa dang / 'jig rten rin po che sna tshogs thams cad kyi rgyan gyis brgyan par byin gyis brlab pa dang / sbyin pa'i pha rol tu phyin pa la sems can rab tu dgod pa dang / mtshan thams cad kyi yon tan yongs su yang dag par brjod pa dang sangs rgyas kyi mtshan 'byung ba'i rgyu ston pa byed pa mthong ngo / / yang byang chub sems dpa' sangs rgyas kyi zhing grangs med pa'i rdul shin tu phra ba snyed byung nas tshul khrims kyi pha rol tu phyin pa yongs su brjod cing / ba spu ni bug thams cad nas sangs rgyas thams cad kyi tshul khrims kyi pha rol tu phyin pa dang ldan pa'i sngon gyi sbyor ba rgya mtsho yongs su bstan pa dang sems can thams cad lam gyi rgyud dang yul las phyir phyogs par byas te de bzhin gshegs pa'i yul la mngon du phyogs par bya ba dang / 'jig rten gyi 'dod pa la rnam par smad pa dang / 'jig rten gyi phyin ci log gi ling tog rnam par bsal ba dang / log pa'i rnam par rtog pa rab tu zhi bar byas nas byang chub sems dpa'i tshul khrims la yang dag par dgod pa dang / snying rjeche po'i tshul khrims yongs su brjod cing / de bzhin gshegs pa tshul khrims rab tu thob par bya ba'i phyir/ sangs rgyas kyi lam nan tan du bya ba'i tshul khrims la sems can rab tu dgod pa
- 130a
dang / srid pa'i lam gyi rgyud rmi lam lta bur sems can rnams la rab tu brjod cing / mi lam gyi tshul dang mnyam par yongs su gzhol bar bya ba'i phyir yul yongs su 'dzin pa dang nyon mongs pa la dbang sbyar ba sems can rnams rab tu dgod pa byed pa mthong ngo / / yang byang chub sems dpa' sangs rgyas kyi zhing grangs med pa'i rdul shin tu phra ba snyed byung nas/ 'jig rten rnams la mdog gi ser gyi kha dog lta bu mngon par ston cing khro ba med pa dang / 'khrug pa med pa dang / shar gnyer ba med pa dang // zhe sdang ba med pa dang / chung gson pa med pa dang / khong khro ba med pa'i sems la sems can rab tu dgod pa dang / byol song gi skye gnas kyi lam gyi rgyud thams cad yongs su gcod pa'i phyir/ ba spu'i sgo thams cad nas bzod pa'i pha rol tu phyin pa dang ldan pa'i de bzhin gshegs pa'i sngon gyi sbyor ba'i sprin rab tu 'gyed cing bzod pa'i stobs la sems can rab tu dgod pa dang / chos la dbang sgyur ba la sems can rab tu snang bar byed pa mthong ngo / / yang byang chub sems dpa' sangs rgyas kyi zhing grangs med pa'i rdul shin tu phra ba snyed byung ste/ byang chub sems dpa'i brtson 'grus kyi stobs mtha' yas pa shin tu ston cing / thams cad mkhyen pa nyid du brtsams pa las phyir mi ldog pa'i stobs kyis thos pa rgya mtsho yongs su btsal bas mi skyo bar bya ba yongs su brjod pa dang / de bzhin gshegs
- 130b
pa thams cad mchod cing rim gro bya ba la sems can rab tu gzung pa dang / sdug bsngal gyi phung po thams cad rnam par bzlog pa'i brtson 'grus chen po la sems can rab tu dgod pa dang // brtson 'grus kyi pha rol tu phyin pa dang ldan pa'i sngon gyi sbyor ba mang po'i sprin lus thams cad las rab tu 'gyed cing / byang chub sems dpa'i brtson 'grus kyi pha rol tu phyin pa'i spyod pa yongs su bstan pa dang / sems can rnams kyi le lo'i ri rnam par gtor ba dang / brtson 'grus kyi pha rol tu phyin pa la sems can rab tu dgod pa dang / las la dbang sbyar ba la 'jig rten rab tu gzud pa dang rgyan mi 'chad pa brtson par byed pa mthong ngo / / yang byang chub sems dpa'i sangs rgyas kyi zhing grangs med pa'i rdul shin tu phra ba snyed byung nas/ byang chub sems dpa' rnams kyi rjes su dran pa'i lam la sems can thams cad rab tu dgod cing sgrib pa dang / bar du gcod pa dang rab rib thams cad rnam par bsal ba dang / rlom pa dang bag med pa thams cad las sems can rnam par bzlog pa dang / bag yod pa'i chos la rab tu dgod pa dang / khengs pa 'gying ba dang nga rgyal gyi rgyal mtshan rab tu gzhom pa dang / sangs rgyas kyi bsam gtan gyi yan lag rgya mtsho brjod pa dang / 'jig rten rnams la bsam gtan gyi pha rol tu phyin pa yongs su bsngags pa dang
- 131a
ba spu'i bu ga thams cad nas bsam gtan gyi pha rol tu phyin pa dang ldan pa'i sngon gyi tshul mang po'i sprin rab tu dgye ba dang / sems can la dbang sbyar ba la sem can rab tu dgod pa byed cing / skad cig re re la n+do kyi dbyings rgyas par 'gengs pa mthong ngo // yang byang chub sems dpa'i sangs rgyas kyi zhing grangs med pa'i rdul shin tu phra ba sred byung ste/ ba spu'i bu ga thams rud nas sangs rgyas kyi chos yongs su tshol ba dang ldan pa'i sngon gyi sbyor ba mang po'i sprin rab tu dgye ba dang / dbyangs kyi yan lag rgya mtsho'i skad thams cad kyis shes rab kyi pha rol tu phyin pa'i sprin gyi 'brug sgra sgrog pa dang / yang dag par lta ba'i glog rab tu 'gyed pa dang / chos kyi rang bzhin gyi sgra dbyangs rab tu bsla pa dang / sems can rnams kyi bdag tu lta ba'i r-i'i lhun rab tu gzhig pa dang / lta ba thams cad zug rngu dbyung ba dang / the tsom dang / yid gnyis dang / nem nur gyi rab rib rnam par bsal ba dang / ye shes kyi dbang yang dag par bsngags pa byed cing sems kyi skad cig re ra la chos kyi dbyings rgyas par 'gengs pa mthong ngo // yang byang chub sem dpa' sangs rgyas kyi zhing zangs med pa'i rdul shin tu phra ba snyed byung nas/ sangs rgyas thams cad kyi thabs mkhas pa'i tshul gyi dkyil 'khor rab tu rjod pa byed cing / ba spu'i bu gzam
- 131b
cad nas thabs mkhas pa dang ldan pa'i sngon gyi sbyor ba mang po'i sprin rab tu dgye ba dang / 'jig rten rnams la thabs mkhas pa'i spyod pa rab tu brjod pa dang / theg pa chen po'i 'byung ba mngon par bstan pa dang / sangs rgyas thams cad kyi dkyil 'khor yang dag par bsngags pa dang / 'khor ba dang mya ngan las 'das pa tha mi dad pa'i byang chub sems dpa'i spyod pa yongs su bstan pa dang / byang chub sems dpa' rnams kyi thabs mkhas pa'i pha rol tu phyin pa la sems can rab tu dgod pa dang / 'jig rten rnam la byang chub sem dpa'i dbang gi dkyil 'khor rab tu bstan pa byed cing sems bskyed pa re re la chos kyi dbyings rgyas par 'gengs pa mthong ngo / / yang byang chub sems dpa'i sangs rgyas kyi zhing zangs med pa'i rdul shin tu phra ba snyed byung ste/ ba spu'i bu ga thams cad nas de bzhin gshegs pa thams cad kyi mtshan rgya mtsho'i sprin gyi 'brug snga sgrog cing / ba spu'i bu ga tham cad nas byang chub sems dpa' thams cad kyi smon lam gyi pha rol tu phyin pa yongs su dag pa dang ldan pa'i sngon gyi sbyor ba mang po'i sprin rab tu dgye ba dang / smon lam gyi pha rol tu phyin pa yang dag par bsngags pa dang / byang chub sems dpa'i dbang thams cad la sems can rab tu dkod pa dang / smon lam chen po'i shing rta'i 'khor lo phyi ma'i mtha'i mur thug par 'dril ba dang / chos
- 132a
thams cad kyi rjes su 'brang ba/ nyon mongs pa thams cad rnam par zlog pa/ mi shes pa'i ri rnam par 'thor ba 'jig rten du rab tu rjod pa byed cing smon lam / tshogs kyi rnam par 'phrul pas/ sems kyi skad cig re re la chos kyi dbyings rgyas par 'gengs pa mthong ngo // yang byang chub sems dpa'i sangs rgyas kyi zhing grangs med pa'i rdul shin tu phra ba snyed byung ste/ byang chub sems dpa'i stobs rab tu snang bar bya ba dang / byang chub sems dpa'i stobs yongs su bsgrub pa'i sgra rab tu byung ba dang / ba spu'i bu ga thams cad nas stobs kyi pha rol tu phyin pa sgrub cing 'byin pa'i sngon gyi sbyor ba mang po'i sprin rab tu dbye ba dang / bdud dang phas kyi rgol ba thams cad kyis mi thub pa'i stobs yongs su bstan pa dang khor yug dang rdo rje'i ri thams cad lus kyi steng du rdib kyang mi nyam pa'i stobs rab tu brjod pa dang / bskal pas 'tshog pa thams cad kyi me rgya mtsho'i nang na gnas kyang lus la gnod pa med pa'i stobs yongs su bstan pa dang / 'jig rten gyi khams 'byam klas pa thams cad lag pa'i mthil gyis nam mkha'i dbyings su ston pa'i stobs yongs su ston pa byed cing sems kyi skad cig re re la chos kyi dbyings 'gebs pa rgyun mi gcod pa mthong ngo / / yang byang chub sems dpa' sangs rgyas kyi zhing brjod du med pa'i rdul shin tu phra ba snyed byung nas
- 132b
sems can rnams la ye shes kyi dkyil 'khor ston cing / ba spu'i bu ka thams cad nas ye shes kyi pha rol tu phyin pa yongs su dag pa dang ldan pa'i son gyi sbyor ba mang po'i sprin rab tu 'gyir papa dang / 'jig rten rnams la sangs rgyas thams cad kyi yon tan rang ye shes mngom par shes pa dang ldan pa'i ye shes kyi sa rab tu brjod pa dang / sangs rgyas thams cad kyi mtshan mngon par shes pa dang ldan pa'i ye shes kyis mngon par bstan pa dang / smon lam thams cad mngon par bsgrub pa'i ye shes mngon par shes pa dang ldan pa'i ye shes kyi sa yongs su brjod pa dang / sems can thams cad yongs su bsdu ba'i smon lam mngon par 'grub pa'i ye shes mngon par shes pa dang ldan pa'i ye shes kyis shin tu yangs par bya ba dang / sems can thams cad bdag med pa'i rang bzhin la gzud pa mngon par shes pa dang ldan pa'i ye shes kyis rnam par bstan pa dang / sems can thams cad kyi sems rgya mtsho rnam la ba mngon par shes pa dang ldan pa'i ye shes kyis rab tu brjod pa dang / sems can thams cad kyi dbang po rnam par dbye ba'i ye shes mngon par shes pa dang ldan pa'i ye shes kyis rab tu dbye ba dang / sems can thams cad kyi bsams pa dang mos pa rnam par blta ba'i ye shes mngon par shes pa dang ldan pa'i ye shes kyi sa yang dag par brjod pa dang
- 133a
sems can thams cad kyi las rgya mtsho la 'jug pa'i ye shes mngon par shes pa dang ldan pa'i ye shes kyi sa rnam par dgrol ba dang / sems can thams cad kyi smon lam rgya mtsho la 'jug pa'i ye shes mngon par shes pa dang ldan pa'i ye shes kyis yongs su bstan pa byed cing / sems kyi skad cig re re la chos kyi dbyings rgyas par bgengs pa/ tshong dpon gyi bu nor bzangs kyis mthong ngo // spyi bo'i gtsug tor gyi gseb nas de bzhin gshegs pa'i sku sangs rgyas kyi zhing zangs med pa'i rdul shin tu phra ba snyed mtshan dam pa dang / dpe byad bzang po rnam par dag pas brgyan pa/ 'dzam bu chu klung gi gser gyi ri bo shin tu 'bar ba ltar snang ba/ 'od kyi dkyil 'khor phyogs bcur sba zhing tshad med par 'bar ba dang / chos kyi dbyings tshul gyis rgyas par 'gengs pa'i dbyangs mnga' ba/ sangs rgyas kyi rnam par 'phrul pa mtha' dang dbus med pa yongs su ston pa dang / 'gro ba thams cad la tha mi dad par chos kyi sprin gyi char mngon par 'bebs pa ste/ 'di ltar snying po byang chub mchog tu phyin pa'i byang chub sems dpa' rnams la chos kyi dbyings kyi gzhi'i bye brag mngon sum du shes pa'i sprin ces bya ba'i chos kyi sprin gyi char mngon par dbab pa dang / byang chub sems dpa' dbang bskur ba thob pa rnams la gzhi
- 133b
kun tu rten pa'i sprin ces bya ba'i chos kyi sprin gyi char mngon par dbab pa dang / byang chub sems dpa' chos chen po'i rgyal tshab tu dbang bskur ba rnams la sgo kun nas 'jug pa zhes bya ba'i chos kyi sprin gyi char mngon par dbab pa dang / byang chub sems dpa' gzhon nur gyur pa rnams la kun nas brgyan pa zhes bya ba'i chos kyi char mngon par dbab pa dang / byang chub sems dpa'i phyir mi ldog pa rnams la snying rje chen po'i tshogs shin tu brtan pa zhes bya ba'i chos kyi sprin gyi char mngon par dbab pa dang / byang chub sems dpa' lhag pa'i bsam pa dag pa rnams la chos thams cad kyi rang bzhin gyi bye brag shes pa'i rdo rje zhes bya ba'i chos kyi sprin gyi char mngon par dbab pa dang / byang chub sems dpa' sngon gyi sbyor ba dang ldan pa rnams la 'gro ba yongs su sdud pas kun nas brgyan pa zhes bya ba'i chos kyi sprin gyi char mngon par dbab pa dang / byang chub sems dpa' cher skyes pa rnam la dus gsum gyi de bzhin gshegs pa'i dkyil 'khor mngon sum du dmigs pa'i sprin ces bya ba'i chos kyi sprin gyi char mngon par dbab pa dang / byang chub sems dpa' rnal 'byor la spyod pa rnams la chos thams cad kyi rang bzhin dang gzhi rab tu smog pa zhes bya ba'i chos kyi sprin gyi char mngon par dbab pa dang / byang chub sems dpa' las
- 134a
dang po pa rnams la snying rje chen po'i tshul dang thabs kyi snying po'i sprin kun tu 'byung ba zhes bya ba'i chos kyi sprin gyi char mngon par dbab pa dang / byang chub sems dpa' sems dang po bskyed pa rnams la dga' bar bya ba'i mdzod shin tu bsags pa'i snying po zhes bya ba'i chos kyi sprin gyi char mngon par dbab pa dang / byang chub sems dpa' yangs pa la mos pa rnams la rnam par thar pa mi zad pa dang / de bzhin gshegs pa'i smon lam gyis dga' bar byed pa'i mdzod ces bya ba'i chos kyi sprin gyi char mngon par dbab pa dang / gzugs la spyod pa'i sems can rnams la gzhi kun tu mi zad pa'i mdzod ces bya ba'i chos kyi sprin gyi char mngon par dbab pa dang / tshangs pa'i ris kyi swA rnams la tshul rgya mtsho tshad med pa'i 'brug sgra'i dbyangs shes bya ba'i chos kyi sprin gyi char mngon par dbab pa dang / dbang sgyur gyi lha rnams la stobs 'byung ba'i chos kyi yo byad mi zad pa'i mdzod ces bya ba'i chos kyi sprin gyi char mngon par dbab pa dang / bdud kyi ris kyi lha rnams la thams cad mkhyen pa nyid kyi tshogs rgyal mtshan sna tshogs can yang dag par bsgrub pa'i dbyangs shes bya ba'i chos kyi sprin gyi char mngon par dbab pa dang / 'phrul dka'i lha rnams la ye shes kyi rin po che sna tshogs la brtson pa zhes bya ba'i chos kyi sprin gyi char
- 134b
mngon par dbab pa dang / dga' ldan gyi lha rnams la byang chub sems dpa'i smon lam rin po che sna tshogs kyi rgyal mtshan zhes bya ba'i chos kyi sprin gyi char mngon par dbab pa dang mtshe ma'i lha rnams la de bzhin gshegs pa thams cad rje su dran pa'i mdzod ces bya ba'i chos kyi sprin gyi char mngon par dbab pa dang / lha'i dbang po brgya byin gyi gnas su de bzhin gshegs pa mthong ba sa dga' ba'i shugs 'byung ba zhes bya ba'i chos kyi sprin gyi char mngon par dbab pa dang / gnod sbyin gyi dbang po'i gnas su chos kyi dbyings kyi nam mkha' la de bzhin gshegs pa'i rnam par 'phrul pas rgyas par 'gengs pa zhes bya ba'i chos kyi sprin gyi char mngon par dbab pa dang / dri za'i dbang po'i gnas su de bzhin gshegs pa thams cad kyi chos yang dag par 'gro ba zhes bya ba'i chos kyi sprin gyi char mngon par dbab pa dang / lha ma yin gyi gnas su ye shes kyi tshul rdo rje'i dkyil 'khor ces bya ba'i chos kyi sprin gyi char mngon par dbab pa dang / nam mkha' lding gi dbang po'i gnas su de bzhin gshegs pa thams cad 'byung ba'i thabs kyi sprin ces bya ba'i chos kyi sprin gyi char mngon par dbab pa dang / mi 'am ci'i dbang po'i gnas su chos kyi sprin yang dag par 'gro ba thams cad kyi dbyangs shes bya ba'i chos kyi sprin gyi char mngon
- 135a
par dbab pa dang / klu'i dbang po'i gnas su byang chub sems dpa'i rnam par 'phrul pa sgrog cing srid pa'i lam gyi rgyud las skyo ba skyed pa zhes bya ba'i chos kyi sprin gyi char mngon par dbab pa dang / lto 'phye chen po'i gnas su dga' ba rgya mtsho nom par 'phel bar byed pa'i shugs shes bya ba'i chos kyi sprin gyi char mngon par dbab pa dang / mi'i gnas su 'gro ba thams cad las khyad par 'phags pa'i ye shes rnam par 'byed pa zhes bya ba'i chos kyi sprin gyi char mngon par dbab pa dang / sems can dmyal ba'i 'jig rten du 'khor ba'i sdug bsngal thams cad las rab tu zhi ba'i dbyangs dang 'phags pa'i lam gyi tshig gi rgyud kyis brgyan pa zhes bya ba'i chos kyi sprin gyi char mngon par dbab pa dang / byol slong gi skye gnas su las kyi lam kha na ma tho ba med pa lanan tan+da bya ba'i dbyangs dang / de bzhin gshegs pa rjes su rngam pa'i sprin gyi dkyil 'khor gyi lhan ces bya ba'i chos kyi g yi char mngon par dbab pa dang / / gshin rje'i 'jig rten du de bzhin gshegs pa thams cad kyi pha rol tu phyin pa bsgrags pas/ sems can thams cad kyi gtong ba'i sems 'byung ba zhes bya ba'i chos kyi sprin gyi char mngon par dbab pa dang / sems can log par ltung ba rnams la sdug bsngal thams cad zhi ba rab tu 'thob pas dbugs dbyung ba'i
- 135b
kyi nga ro zhes bya ba'i chos kyi sprin gyi char mngon par dbab pa mdzad cing / chos kyi dbyings rgyas par 'gengs pa/ tshong dpon gyi bu nor bzangs kyis mthong ngo // ba spu'i bu ka thams cad las ba spu'i sgo re re nas kyang / 'od zer gyi dra ba dang dkyil 'khor kha dog dang gzugs kyi glong dang rgyan grangs med pa can/ dgos pa sna tshogs grangs med pa la snga gon du gnas pa/ sangs rgyas kyi zhing grangs med pa'i rdul shin tu phra ba snyed byung nas phyogs bcu'i chos kyi dbyings rgyas par 'gengs pa mthong ste/ 'di ltar ba spu'i sgo'i 'od zer gyi dra ba dang dkyil 'khor la la las ni/ sbyin pa'i sbyor ma sgron med pas bdog mi thams cad yongs su gtong bar rnam par 'phrul pa mthong ngo // ba spu'i rdo'i dra ba dang dkyil 'khor la la las ni/ dus gsum gyi byang chub sems dpa' thams cad kyi tshul khrims dang / brtul zhugs dang / yi dam dang / tshul gyi dkyil 'khor du rnam par 'phrul pa mthong ngo // ba spu'i sgo'i 'od zer gyi dra ba dang dkyil 'khor la la las ni/ byang chub sems dpo'i thams cad bzod pa'i spyod pa rnam pa dus gsum du byung ba'i byang chub sems dpa' rnams rkang lag dang yan lag gi dam pa bcad kyang / nyams su bzod pa byed pa'i rnam par 'phrul pa dang / khu tshur rang dbyig pas bsnun te mtshon gyis lus la btab kyang / nyams su bzod par byed pa'i
- 136a
rnam par 'phrul pa dang / lus thams cad gshegs sam snying dang mig phyung yang / nyams su bzod pa byed pa'i rnam par 'phrul pa mthong ngo // byang chub sems dpa' dus gsum du byung ba rnam par brtags pa'i lus dang ldan pa gzhan dag gis thams cad mkhyen pa'i chos nyid yongs su btsal ba'i ched du/ lus dang sems la gnod pa thams cad dang / yan lag dang nying lag bcad pa thams cad kyang snying rje chen pos dbang du byas pa'i phyir nyams su bzod par byas pa dang / bag la zhi bar byas pa dang / btang snyoms su bzhag pa'i byang chub sems dpa'i bzod pa'i rnam par 'phrul pa'i gzugs brlan gyi gzugs de lta bu dag kyang mthong ngo / / ba spu'i sgo'i 'od zer gyi dra ba dang dkyil 'khor la la las nibyang chub sems dpa' thams cad kyi brtson 'grus kyi spyod pa rnam pa tha dad pa rnam par phye ba'i gzugs dang / byang chub sems dpa' 'das pa dang / ma 'ongs pa dang / da ltar byang ba'i brtson 'grus kyi rnam par 'phrul pa 'jig rten yongs su bskyod pa dang / rgya mtsho yongs su bskyab pa dang / sems can yongs su skyo bar bya ba dang / mu stegs can thams cad yongs su tshar gcad pa dang / bdud thams cad sra bkong ba dang / chos kyi phyogs snang bar bya ba'i byang chub sems dpa'i mthu chen po rnam par 'phrul pa mthong ngo // ba spu'i sgo'i 'od zer
- 136b
gyi dra ba dang dkyil 'khor la la las ni/ byang chub sems dpa' thams cad kyi spyod pa rnam par rgyu ba'i rnam grangs ji snyed pa dang // lus nye bar len pa ji snyed pa dang / rigs su skye ba yongs su gzung ba ji snyed pa dang / gzugs kyi lus yongs su grub pa ji snyed pa dang / dge ba'i bshes gnyen gyis rjes su bstan pa yongs su gzung ba ji snyed pa dang / dge ba'i bshes gnyen gyi man ngag la nan tan du bya ba'i gnas ji snyed pa dang / de bzhin gshegs pa'i bsam gtan gyi yan lag yongs su bsgrub pa dang mthun pa'i gtsug lag dang gnas dang / gzhal med khang dang / yul dang / ri'i sul ji snyed pa dang / bsam gtan gyi yan lag de dag sus yongs su bsgrubs pa'i drang srong gi lus ji snyed pa dang rgyal po'i thabs ji snyed pa dang / 'byung ba la mngon par mos pa ji snyed pa dang / brtul zhugs dang / yi dam dang / tshul dang / spyod lam ji snyed pa de dag thams cad kyang tshong dpon gyi bu nor bzungs kyis mthong ngo / / ba spu'i so'i 'od zer gyi dra ba dang dkyil 'khor la la lus ni/ shes rab kyi pha rol tu phyin pa'i spyor pa la rnam par spyod cing / chos thams cad yongs su tshol ba dang ldan pa'i lus yongs su bzung mthong ste/ lus gang gis chos kyi tshig gcig gi don du'ang 'dog pa thams cad yong su bdang ste/ sems can
- 137a
thams cad las yongs su btsal ba dang / rim mo dang bkur sti thams cad kyis dge ba'i bshen gnyen thams cad las yongs su btsal ba dang / dad pa dang zhus lus rab tu btud de/ de bzhin gshegs pa rnams las yongs su btsal ba dang / chos kyi tshig gcig la ji lta ba de bzhin du shes rab kyi pha rol tu phyin pa dang ldan pa'i chos kyi tshig thams cad la'ang de bzhin te/ 'gro ba thams cad du gzugs brnyan byung ba'i lus thams cad kyis yongs su btsal ba de dag thams cad kyang / tshong dpon gyi bu nor bzangs kyis baspu'i sgo gcig gi 'od zer gyi dra ba dang dkyil 'khor la mthong ngo / / ba spu'i sgo'i 'od zer gyi dra ba dang dkyil 'khor la la las ni/ byang chub sems dpa' thams cad kyi sems can yong su smin par bya ba'i thabs 'gro ba'i rgyud rgya mtsho thams cad du 'byam klas pas sems can thams cad yongs su bsdu ba'i sbyor ba mthong ngo / / sems can re re la'ang lus dang spyod pa'i tshul gyi sgo sngon gyi lus nye bar blangs pa/ thabs mkhas pa'i spyod pa la brtson pa/ sems can thams cad kyi lus dang 'dra bas yongs su sdud pa'ang ba spu'i sgo'i 'od zer gyi dra ba'i dkyil 'khor gcig las mthong ngo / / ba spu'i sgo'i 'od zer gyi dra ba'i dkyil 'khor la la las ni/ sngon bcom ldan 'das kyis bskal pa thams cad du smon lam mngon par
- 137b
bsgrubs pa'i spyod pa dang / sems can thams cad yongs su smin par bya ba'i smon lam mngon par bsgrubs pa'i spyod pa dang / zhing thams cad yongs su dag par bya ba'i smon lami mngon par bsgrub pa mdzad pa ji snyed pa dang / smon lam thams cad mngon par bsgrubs pa'i dkyil 'khor ji snyed cig de bzhin gshegs pa de dang de dag gi zhabs kyi drung du 'khor skyon thams cad las 'khor ba'i skyon so so re re'i gnyen por mngon par bsgrub pa mdzad pa de dag thams cad kyang / tshong dpon gyi bu nor bzangs kyis ba spu'i sgo'i 'od zer gyi rna ba'i dkyil 'khor gcig las mthong ngo / / ba spu'i sgo'i 'od zer gyi dra ba'i dkyil 'khor la la las ni/ stobs kyi pha rol tu phyin pa'i spyod pa thams cad dang ldan pa'i sngon gyi sbyor ba rgya mtsho mthong ngo / / ba spu'i sgo'i 'od zer gyi dra ba'i dkyil 'khor la la las ni/ ye shes kyi spyod pa rnam par rgyu ba thams cad dang ldan pa mi shes pa'i gnyid kyis log pa'i sems can sad par byed pa'i rang bzhin dang ldan pa'i sngon gyi sbyor ba rgya mtsho mthong bar gyur to/ / de nas tshong dpon gyi bu ni babangs dge slong rgya mtsho'i rgyal mtshan ltar mnyam par bzhag pa la sems shing rtog pa dang / ting nge 'dzin gyi rnam par thar pa'i dkyil 'khor de rjes su dran par bya ba dang / byang chub sems dpa'i ting nge 'dzin
- 138a
gyi khyu mchog gi mthu phyung ba de la rjes su rnam par bsam pa dang / sems can gyi don gyi tshul rgya mtsho de la 'jug par bya ba dang / mngon par 'du bya ba'i sgo rgyud kun la mngon du gnas pa'i rgyan de'i rjes su 'brang zhing khong du chud par bya ba dang / chos kyi dbyings kyi rgyan rnam par dag pa'i ye shes kyi sgo de la 'jug par bya ba dang / sangs rgyas kyi byin gyi rlabs yang dag par mnon pa'i ye shes de la rab tu brtag pa dang / byang chub sems dpa'i dbang gi stobs de yongs su bskyed pa dang / byang chub sems dpa'i smon lam gyi stobs de brtan par bya ba dang / byang chub sems dpa'i spyod pa'i stobs de shin tu rgyas par bya ba byed cing / dge slong rgya mtsho'i rgyal mtshan gyi mdun du nyin zhag gcig kyang lon no// nyin zhag gnyis dang bdun yang lon no/ / zla ba phyed dang / zla ba gcig dang / zla ba gnyis dang / zla ba drug gi bar dang / nyin zhag kyang drug tu/ dge slong rgya mtsho'i rgyal mtshan gyi mdun du lon te/ de ltar zla ba drug dang nyin zhag drug 'das nas/ dge slong rgya mtsho'i rgyal mtshan ting nge 'dzin de las langs so// de nas nor bzangs kyis smras pa 'phags pa ting nge 'dzin 'di de ltar zab la de ltar rgya che zhing de ltar tshad ma mchis pa'i yul dang ldan pa dang / de ltar bsam gyis mi khyab pa'i rkyen dang ldan pa dang / de ltar snang
- 138b
mtshungs pa ma mchis pa dang / de ltar grangs ma mchis pa'i rgyan dang ldan pa dang / de ltar mi 'brog pa'i spyod yul dang ldan pa dang / de ltar ma 'dres pa'i yul dang ldan pa dang / de ltar phyogs kun tu rnam par snang ba dang / ting nge 'dzin 'di de ltar sems can gyi don tshad ma mchis pa rab tu sgrub par gyur pa ni ngo mtshur te/ de ni sems can thams cad kyi sdug bsngal gyi phung po tshad ma mchis pa rnam par zhi bar bgyi ba la sta gon du gnas pa ste/ 'di ltar dbul ba'i sdug bsngal zhi bar bgyi ba la sta gon du gnas so// sems can dmyal ba'i lam gyi rgyud rgyun gcad pa dang / byol song gi skye gnas kyi lam gyi rgyud las yongs su bskyab pa dang / mi khom pa'i lam gyi rgyud kyi sgo thams cad gcad pa dang mtho ris kyi lam gyi rgyud du phyin par bgyi ba dang / lha dang mi'i dga' ba dang bde ba 'byung bar bgyi ba dang / bsam gtan gyi yul gyi dga' ba nyams su myong bar bgyi ba dang // 'dus byas la spyod pa'i bde ba yongs su 'phel bar bgyi ba dang / khams gsum pa las 'byung ba'i sgo yongs su bstan pa la sta gon du gnas pa'o// byang chub kyi sems yang dag par skye ba'i rgyud yongs su brjod pa la sta gon du gnas pa'o/ / bsod nams dang ye shes kyi tshogs yang dag par skye ba'i rgyu rnam par 'phel bar bgyi ba dang / snying rje chen po'i shugs
- 139a
rgya chen po rnam par 'phel bar bgyi ba dang / smon lam chen po'i stobs yongasu bskyed par bgyi ba dang / byang chub sems dpa'i lam snang ba rab tu thob par bgyi ba dang / pha rol tu phyin pa chen po'i theg pa rnam par dgod pa dang / theg pa chen po'i khyad por la 'jug pa mngon par bsgrub pa dang / kun tu bzang po'i spyod pa shes shing snang bar bgyi ba dang / byang chub sems dpa'i sa shes shing snang ba thob par bgyi ba dang / byang chub sems dpa' thams cad kyi smon lam dang / spyod pa dang / 'byung ba'i rgyan rnam par dag pa yongs su bsgrub pa dang / thams cad mkhyen pa'i sa gnon pa la thogs pa ma mchis par bgyi ba la sta gon du gnas pa'o// 'phags pa ting nge 'dzin de'i ming ci zhes bgyi/ / smras pa/ rigs kyi bu shes rab kyi pha rol tu phyin pa kun nas lta ba'i btang snyoms yong su thob pa zhes bya ba yod de/ ting nge 'dzin 'di ni de'i snang ba ste/ sgo kun nas rnam par dag pa'i rgyun ces bya ba'o// rigs kyi bu shes rab kyi pha rol tu phyin pa kun nas lta ba'i btang snyoms rab tu thod pa'i snang ba las skyes pa'i ting nga 'dzin sgo kun nas rnam par dag pa'i rgyan ces bya ba 'di shin tu bsgoms na/ sgo kun nas rnam par dag pa'i rgyan la sogs pa ting nge 'dzin brgya stong grangs med pa phrag bcu tshang ba yongs
- 139b
su 'grub par 'gyur ro/ / smras pa/ 'phags pa'i ting nge 'dzin 'di'i yul der bas sam ma bas/ smras pa/ rigs kyi bu ting nge 'dzin 'di la snyoms par zhugs pa la ni 'jig rten gyi khams rnam par dmigs pa la thogs pa med do/ / 'jig rten gyi khams su 'jug par bya ba la thogs pa med do// 'jig rten gyi khams rnam par gnon pa la thogs pa med / 'jig rten gyi khams yongs su brgyan pa la thogs pa med do// 'jig rten gyi khams yongs su spang ba la thogs pa med do// 'jig rten gyi khams yongs su dag par bya// ba la thogs pa med do// sangs rgyas blta zhing rnam par dmigs par bya ba la thogs pa med do// sangs rgyas kyi bdag nyid che ba brtag pa la thogs pa med do// sangs rgyas kyi rnam par 'phrul pa yongs su shes par bya ba la thogs pa med do/ / sangs rgyas kyi stobs la 'jug cing khong du chud par bya ba la thogs pa med do// sangs rgyas kyi yon tan rgyu mtshor 'jug pa la thogs pa med do/ / sangs rgyas kyi chos kyi sprin gyi char yongs su gzung ba la thogs pa med do// sangs rgyas kyi chos kyi 'khor lo 'khor ba ma 'dres pa shwe shing khong du chud par bya ba la thogs pa med do/ / sangs rgyas kyi 'khor gyi dkyil 'khor rgya mtsho la 'jug cing khong du chud par bya ba la thogs pa med do// phyogs bcur 'jug cing rjes su 'grang
- 140a
bar bya ba la thogs pa med do/ / sangs rgyas kyi chos bstan pa rjes su rtag par bya ba la thogs pa med do// sangs rgyas kyi phyogs rjes su brtag par bya ba la thogs pa med do/ / snying rje chen po'i phyogs rnam par mi spang ba la thogs pa med do// byams pas phyogs rgyas par dgang ba la thogs pa med do// sangs rgyas blta ba'i phyogs la 'jug pas mi ngoms par bya ba la thogs pa med do/ / sems can rgya mtsho thams cad du 'jug cing khong du chud par bya ba la thogs pa med do// sems can gyi dbang po rgya mtsho thams cad shes shing khong du chud par bya ba la thogs pa med do/ / sems can gyi dbang po tha dad pa thams cad shes par bya ba la thogs pa med do// rigs kyi bu kho bos ni shes rab kyi pha rol tu phyin pa la rnam par spyod pa 'di shes su zad na/ byang chub sems dpa'i shes rab kyi pha rol tu phyin pa la rnam par spyod pa rgya mtsho la zhugs pa/ chos kyi dbyings kyi yul la tho gros rnam par drag pa/ chos thams cad la rig pa rjes su 'brang ba'i ye shes can/ blo shin tu yangs pas tshad med pa'i yul rgyas par 'gengs pa/ gzung chen po'i snang ba la dbang sgyur ba/ ting nge 'dzin gyi dkyil 'khor snang ba thams cad shin tu dag pa/ mngon par shes pas rnam par 'phrul pa dang khyu mchog gi mthu 'byin pa la shin tu
- 140b
'byung ba/ tha dad pa yang dag par shes pa mi zad pa'i rgya mtsho la zhugs pa/ ngag snyan pas sa'i snying po dang ldan pa brjod pa/ 'gro ba thams cad kyi rten du gyur pa rnams kyi spyod pa ba'am/ yon tan brjod pa 'am/ spyod yul bstan pa 'am/ yul rab tu brjod pa 'am/ smon lam chen po'i stobs yang dag par bsngags pa 'am/ 'byung ba'i sgo yongs su snang bar bya ba 'am/ yang dag par sgrubs pa mngon par brjod pa 'am/ lam yongs su bstan pa 'am/ ting nge 'dzin gyi rgyun gyi rjes su 'brang bar bya ba 'am/ sems kyi yul shes par bya ba 'am/ / ye shes mnyam pa nyid khong du chud par bya ba nus re skan/ song rigs kyi bu lho phyogs kyi rgyud 'di nyid na/ phyogs kyi gnas rgya mtsho rnam par rlob pa zhes bya ba yod de na bza' shing gi ra ba kun nas rnam par brgyan pa zhes bya ba zhig/ grong khyer 'od chen po zhes bya ba'i shar phyogs logs na yod de de na shed las skyes pa'i rgyal po 'od bzangs kyi chung ma dge bsnyen ma yid bzhin zhes bya ba yod kyis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs dga' rangs te/ mgu zhing nyams bde la/ tshim zhing yid bde ba skyes nas/ dge slong rgya mcho
- 141a
rgyal mtshan las snying po yongs su blangs te/ chos kyis nye bar 'tsho bar byas pa/ ting nge 'dzin gyi yul la zhugs pa/ snang ba thob pa/ ye shes snang bar gyur pa/ ting nge 'dzin gyi snang ba rab tu thob pa/ mos pa rnam par dag pas khong du chud pa/ sems can chos kyi tshul gyi snang ba'i rjes su song ba/ rnam par dag pa'i sgos snang ba dang ldan par gyur pa/ phyogs su ye shes kyi snang ba rab tu 'dal ba des/ dge slong rgya mtsho'i rgyal mtshan gyi rkang pa gnyis la spyi bos phyag 'tshal te/ lan brgya stong du mar g.yas phyogs su bskor ba byas nas/ dge slong rgya mtsho'i rgyal mtshan la btud de phyag 'tshal nas yang dang yang lta zhing / yang dang yang mngon par blta ba dang / phyag bya ba dang / rab tu gdud pa dang / gus par bya ba dang / rim gror bya ba dang / yid la bya ba dang / bsam pa dang / bsgom pa dang / yongs su bsgom pa dang / legs par brjod pa dang / ngo mtshar du bya ba dang / yon tan mngon du bya ba dang / rjes su bsngags pa dang / rjes su 'brang bar bya ba dang / rjes su dran par bya ba dang / brtan par bya ba dang / mi gtang ba dang / yid la bsam pa dang / rjes su 'brang bar bya ba dang / smon lam gyi rjes su 'jug par bya ba dang / mthong bar dga' ba dang / dbyangs kyi mtshan ma gzung ba dang / gzungs
- 141b
kyi rjes su bsam pa dang / ming yongs su gzung ba'i rjes su yong ba'i sems dang ldan par bya ba dang / kha dog dang dbyibs rjes su dran par bya ba dang / ye shes kyi yul rjes su bsam pa dang ting nge 'dzin gyi yul la rjes 'jug par bya ba dang / smon lam gyi yul la rjes su 'brang bar bya ba dang / spyod yul gyi yul rnam par dpyad par bya ba dang / ye shes kyi snang ba yongs su gzung ba byed cing dge slong rgya mtsho'i rgyal mtshan gyi drung nas song ngo / / / bam po dgu bcu gnyis pa// / de nas tshong dpon gyi bu nor bzangs dge ba'i bshes gnyen gyi yon ngan gyis ni mgu/ dge ba'i bshes gnyen gyis ni yang dag par bsngags te btang / dge ba'i bshes gnyen mthong ba'i byin gyis ni byin du 'drag/ dge ba'i bshes gnyen gyi gdams dag la ni nan tan du byed/ dge ba'i bshes gnyen yid du 'ong ba ni rjes su sems/ dge ba'i bshes gnyen la ni sangs rgyas kyi chos kyi 'byung gnas tsam du lta/ dge ba'i bshes gnyen ni sangs rgyas kyi chos ston pa yin par yang dag par lta/ dge ba'i bshes gnyen ni thams cad mkhyen pa nyid kyi chos la rjes su lta/ dge ba'i bshes gnyen ni sangs rgyas nam mkha' blta ba la mig tsam du lta zhing mthor gyis phyogs kyi gnas rgya mtsho rnam par rlob pa'i bza' shing gi ra ba kun nas rnam par brgyan pa ga na ba der phyin nas de mthong ba/ bza' shing gi ra ba kun nas rnam par brgyan pa rin po che thams cad kyi ra bas kun nas bskor ba/
- 142a
rin po che'i shing gi 'phreng ba spel legs pas yongs su brgyan pa/ ring po che thams cad kyi shing gi 'phreng ba'i me tog srad bu yid du 'ong sprin rab tu 'phrul pa sa gzhi rgyas pa/ rin po che thams cad kyi shing gis yang dag par brgyan pa/ shing thams cad kyi me tog shin tu rgyas pa sna tshogs kyis yongs su gang ba/ spos sna tshogs kyi shing gi 'phreng ba las phyogs kun tu spos kyi ngad zhim pa/ rin po che'i 'phreng ba'i shing sna tshogs kyi lhun las rin po che sna tshogs kyi 'phreng ba 'phyang ba rab tu 'byung zhing char ltar mngon par 'bab pa/ rin po che'i rgyal po thams cad kyi shing dang / nor bu rin po che sna tshogs kyis mdzes shing sba la rgya cher brgyan pa'i gzhi can/ yid bzhin gyis gos kyi shing thams cad las kha dog sna tshogs kyi gos 'byung bas gam yo khebs shing mdzes par brgyan pa sil snyan gyi shing thams cad las lha rdzas las kyang 'phags pa'i sil snyan rlung gis bskyod cing sgra 'byin pa'i dbyangs snyan pa 'byung ba/ sa'i gzhi mtho dman med par gnas pa/ rgyan gyi shing sna tshogs kyi gseb nas rgyan du 'byung zhing 'phyang bas rab tu brgyan pa'i rgyan dang ldan pa mthong ste/ bza' shing gi ra ba chen po kun nas
- 142b
rnam par brgyan pa de'i nang na/ khang pa bye ba brgya stong phrag bcu kun kyang nor bu rin po che dam pa sna tshogs kyi ba gam gyis rnam par brgyan pa dang / khang pa brtsegs pa brgya stong phrag bcu 'dzam bu chu klung gi gser las brtsegs pa'i bad dang ldan pa dang / gzhal med khang brgya stong phrag bcu ka gdung rin po che rnam par snang ba las bres pa dang / rdzing bu brgya stong phrag ru rin po che thams cad las bzhi blangs te rin po che sna tshogs kyi pha gus mu khyud byas pa/ rin po che thams cad kyi them sas btag pa/ rin po che sna tshogs kyi stegs bus bskor ba/ lha rdzas kyi tsan dan gyi dri dang ldan pa'i chus gang ba/ gser gyi bye ma kun tu tham pa gzhi nor bu rin po che chu'angang kun tu bkram pa/ phyogs bzhi nas them skas rnam par zos pa/ yan lag brgyad dang ldan pa'i chus gang ba/ ngang dur dang / rma bya dang / khu byug dang / zung khrung dang / ka la bing ka dang / ku na la'i sgra skad snyan pa'i dbyangs dang ldan pa/ rin po che'i ta la'i 'phreng bas kun nas brgyan pa/ gser gyi dril bu'i dra bas kun nas yog pa/ rlung gis bskyod pa'i sgra yid du 'ong ba 'byung ba/ steng nas rin po che'i bla re chen po zas pa/ rin po che sna tshogs kyi shing gi rabs yongasu bskor ba/ rin po che'i dra bas brgyan pa'i gdugs dang rgyal mtshan lags par bsgreng ba/ lu ma brgya stong phrag bcu dus dang 'thun
- 143a
pa'i tsan dan gyi 'dam gyis mtha' 'khor ba/ rin po che sna tshogs kyi kha dog tu 'dug pa'i pad+mos yongs su khyab pa/ rin po che'i pad+mo'i 'od chen pos snang bar gyur pa'i chu dri ma med pa dang ldan pa yod pa ste/ bza' shing gi ra ba de'i dbus na gzhal med khang chen po rgyal mtshan sna tshogs shes bya ba sa'i gzhi rin po che rgya mtsho'i snying po las blangs pa/ nor bu rin po che'i ka ba bkye ba/ 'dzam bu chu klung gi gser gyi lhan mngon par 'phags pa/ nor bu rin po che 'gro bar rnam par snang ba'i spang leb bkye bas brgyan pa/ gzhi nor bu rin po che 'bar ba grangs med pa'i dra bas bres pa/ rin po che'i rgyal po mi 'pham pa'i spos kyi dris gam yo kun nas bdugs pa/ rin po che'i rgyal po sgra snyan pa 'byin pa'i dri'i nga kun tu ldang ba/ rin po che'i rgyal po dri rnam par gsal bar byed pas dbang po rno ba'i bag chags rnam par bsgrubs pa dang ldan zhing gzhal med khang chen po rgyal mtshan sna tshogs der stan grangs med cing tshad med pa bting bar gyur pa 'di lta ste/ pad+mo'i snying po can dang / nor bu rin po che phyogs snang bar byed pa'i pad+mo'i snying po can dang / nor bu rin po che rnam par snang ba'i pad+mo'i snying po can dang / nor bu rin po che 'gro ba yid du 'ong ba'i pad+mo'i snying po can dang / nor bu rin po che mdzod skra
- 143b
tshogs kyi pad+mo'i snying po can dang / nor bu rin po che seng ge'i shing thags kyi pad+mo'i snying po can dang / nor bu rin po che dri ma med pa'i pad+mo'i snying po can dang / nor bu rin po ches brgyan pa'i pad+mo'i snying po can dang / nor bu rin po che sgo kun nas brgyan pa'i pad+mo'i snying po can dang / nor bu rin po chu 'od kyi rgyan gyi pad+mo'i snying po can dang / nor bu rin po che rgya mtshon gnas rnam par dag pa'i rin po ches rnam par brgyan pa'i bod zer kun tu 'byung ba'i pad+mo'i snying po can dang / nor bu rin po che rdo rje'i seng ges gnon pa'i pad+mo'i snying po can dag bshams shing bting ba ste/ gzhal med khang chen po rgyal mtshan sna tshogs de'i ba gam mang po'ang rin po che bsam gyi mi khyab pa las byas pa/ rin po che sna tshogs kyis rnam par brgyan pa/ kha dog bsam gyis mi khyab par mdzes shing gzugs yid du 'ong ba dag go// bza' shing gi ra ba kun nas brgyan pa de steng nas bla re chen po brgya stong phrag brkus kun nas khebs pa ste/ 'di ltar gos kyi bla re dang / 'khri shing gI t+ka re dang / me tog gi bla re dang / 'phreng ba'i zla re dang / spos kyi bla re dang nor bu rin po che'i bla re dang / ka ser gyi bla re dang / rgyan gyi bla re dang / rin po che'i rdo rje snang ba'i bla re dang / glang po shugs dang ldan pas sprul pa'i lha mo'i bla re dang nor bu rin
- 144a
po che brgya byin mngon par dga' ba'i bla re dang / de dag la sogs pa bla re brgya stong phrag bcus kun nas khebs par byas pa'o// rin po me pa brgya skyong phrag bcus kun nas yog pa ste/ 'di ltar rin po che dam pa'i dril bu'i dra ba dang / rin po che'i gdugs kyi dra ba dang / rin po che'i 'bru'i dra ba dang / mu tig rgya mtsho'i snying po'i dra ba dang / nor bu rin po che bai DAR+Ya sngon po'i dra ba dang / seng ge'i khri shing gi dra ba dang / nor bu rin po che chu shel gyi dra ba dang spos kyi gzugs kyi rba ba dang / rin po che'i cod pan dang / rin po che'i 'phreng ba'i dra ba dang / de dgu la sogs pa rin po che'i dra ba brgya stong phrag bcus kun nas yog pa'o// snang ba chen po brgya stong phrag bcus kyang kun nas yog pa ste/ 'di ltar nor bu rin po che skar ma'i 'od zer gyi snang ba dang / nor bu rin po rje nyi ma'i snying po'i snang ba dang / nor bu rin po che zla ba'i rgyal mtshan kyi snang ba dang / nor bu rin po che spos kyi dud pa 'od 'phro ba'i snang ba dang / nor bu rin po che dpal gyi snying po'i snang ba dang / nor bu rin po che pad+mo'i snying po'i snang ba dang / nor bu rin po che skar ma'i rgyal mtshan gyi snang ba dang / nor bu rin po che sgron ma chen po'i snang ba dang / nor bu rin po che phyogs kun tu rnam par snang ba'i snang ba dang // nor
- 144b
bu rin po che spos kyi sprin chen po'i snang ba dang / glog gi 'phreng ba 'byung ba'i snang ba dang / de dag la sogs pa nor bu rin po che'i snang ba chen po brgya stong zag bcus rtag tu snang bar byas pa'o/ / bza' shing gi ra ba de ni rgyan chen po'i sprin brgya stong phrag bcu'i char 'bab pa'i rgyan dang ldan pa ste/ dus dang 'thun pa'i tsan dan gyi sprin brgya stong phrag bcu'i 'brug sgra rab tu 'byung ba/ lha dzes las 'das pa'i 'phreng ba dang lnga ldi'i sprin chen po kun tu mched pas rab tu brgyan pa/ lha rdzas las 'das pa'i gos tshon sna tshogs dang ldan pa'i sprin brgya stong phrag bcu'i sprin mngon par 'bab pa lha rdza sa las 'das pa'i rgyan gyi sprin brgya stong phrag bcus rnam par klubs pa/ lha'i bu brgya stong phrag bcu mthob bar dga' ste 'og tu lta zhing rab tu 'dud pa'i phyag char bzhin du 'bab pa/ lha mo'i sprin brgya stong phrag bcu sngon gyi spyod pa'i skal ba mnyam pas rang rang kyi lus 'bul ba'i char mngon par 'bab pa/ byang chub sems dpa'i sprin brgya stong phrag bcu chos mnyan pas skom zhing 'ong ba'i char mngon par par 'bab pa ste/ de ni dge bsnyen ma yid bzhin gser gyi snying po'i khri chen po la 'dug cing mu tig rgya mtsho'i snying po'i dra bas brgyan pa'i cod pan thogs pa
- 145a
lag pa la wA rdzas las 'das pa'i gser gyi dpung rgyan dang gdu bu thogs pa/ lag pa nor bu rin po che dpal gyi rang bzhin gyi 'od zer gyis rnam par mdzes par gyur pa/ rna cha rin po che mthon mthing dri ma med pa rab tu 'phyang ba/ mgo nor bu rin po che'i du bas mdzes par brdzun pa/ nor bu rin po che seng ge'i gdong gyi rna ba'i gong rgyan thogs pa/ nor bu rin po che yid bzhin gyi nor bu rgyal po'i mgul 'khor thogs pa/ lus rin po che thams cad kyi dra bas yog cing 'od rab tu 'bar ba srog chags bye ba khrag khrig gis lus rab tu btud de phyag bya ba zhig 'dug ste/ dge bsnyen ma yid bzhin de'i drung du shar phyogs nas tshangs pa chen po 'am/ tshangs lha nye phan/ nam/ tshangs pa'i ris su gtogs pa'am/ dbang byed dam/ gzhan 'phrul dbang byed kyi ris su gtogs pa 'am/ rab 'phrul dga' 'am/ 'phrul dga'i ris su gdog pa 'am/ rab dga' ldan ma/ dga' ldan gyi ris su gtogs pa 'am/ rab 'tshe ma 'am/ 'tshe ma'i ris su gtogs pa 'am/ lha'i dbang po 'am/ sum cu rtsa gsum kyi ris su gtogs pa 'am/ gnod sbyin gyi dbang po 'am/ gnod sbyin nam/ dri za'i dbang po 'am/ dri za 'am/ phul bum gyi dbang po 'am/ grul bram mam/ klu'i dang
- 145b
po 'am/ klu 'am/ lha ma yin gyi dbang po 'am/ lha ma yin nam/ nam mkha' lding gi dbang po 'am/ nam mkha' lding ngam/ mi 'am ci'i dbang po 'am/ mi 'am ci'am/ lto 'phye chen po'i dbang po 'am/ lto 'phye chen po 'am/ gshin rje'am/ gshin rje'i bu mo 'am/ yi dgas rdzu 'phrul chen po 'am/ yi dag sa sam/ mi'i dbang po 'am/ mi 'ang rung ste/ sems can tshad me da grabs med pa dag 'ong ba dang / de bzhin du lho phyogs dang // nub phyogs dang / byang phyogs dang / byang shar gyi phyogs mtshams dang // shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs nas kyang / tshangs pa chen po 'am/ tshangs lha nye phan nam/ tshangs pa'i ris su gtogs pa 'am/ dbang byed dam/ dbang byed kyi ris su gtogs pa nas/ mi'i dbang po 'am/ mi'i bar gyi sems can mang po 'od bde dag nang sna tshogs shig gis btab bam/ nyon mongs pa sna tshogs kyis kun nas 'khor tam/ lta ba'i rnam pa sna tshogs la mngon par zhen tam/ las kyi sgrib pas bsgribs pa zhig yod na'ang / de dag gis dge bsnyen ma yid bzhin de mthong ma thag tu nang thams cad kyang rab tu zhi bar 'gyur// sems kyi nyon mongs pa'i dri ma dang bral bar
- 146a
'gyur/ lta ba'i gsal shing yang phyin par 'gyur/ sgrib pa'i ri thams cad kyang rnam par shigs par 'gyur/ rnam par dag pa'i dkyil 'khor bsgribs pa med pa'ang khong du chud par 'gyur te/ rnam par dag pa'i dkyil 'khor de yod pas na dge ba'i rtsa ba thams cad kyang rab tu byang bar 'gyur/ dbang po'i myu gu thams cad kyang rnam par 'phel bar 'gyur/ thams cad mkhyen pa'i ye shes kyi tshul rgya mtsho la'ang yang dag par gzhol bar 'gyur/ gzungs kyi sgo rgya mtsho thams cad la'ang 'jug par 'gyur/ ting nge 'dzin gyi sgo dang tshul rgya mtsho thams cad kyang mngon sum du 'gyur/ smon lam gyi sgo thams cad kyang yang dag par skye bar 'gyur/ spyod pa'i sgo thams cad kyang rab tu 'byung bar 'gyur/ yon tan mngon par bsgrub pa'i sgo thams cad kyang rnam par dag par 'gyur/ sems rgya chen po'ang mngon par shes pa thams cad dang ldan pa'i tshul du 'byung bar 'gyur/ lus thogs pa med pas kyang thams cad du rjes su 'gro bar 'gyur ro// se nas tshong dpor gyi bu nor bzangs bza' shing gi rang kun nas rnam par brgyan pa'i nang du phyin te bltas na/ dge bsnyen ma yi bzhin khri bzang po la 'dug pa mthong nas// de dge bsnyen ma yid bzhin gang na ba der song ste phyin nas
- 146b
dge bsnyen ma yid bzhin gyi rkang pa gnyis la spyi bos phyag 'tshal te/ dge bsnyen ma yid bzhin la lan brgya stong du mar g.yas phyogs su bskor ba byas nas 'di skad ces smras so/ / 'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par dkyi ba dang / ji ltar nan tan du bgyi ba ma 'tshal te// 'phags ma ni byang chub sems dpa' rnams la ga damra ngag dang rjes su bstan pa mdzad do zhes thos na// 'phags ma ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ des smras pa/ rigs kyi bu kho mo ni byang chub sems dpa'i rnam par thar pa mya ngan med pa bde ba'i rgyal mtshan thob pa ste/ rigs kyi bu kho mo ni de'i mthus mthong na don yod pa'o/ / mnyan na don yod pa'o// rim gror byas pa don yod pa'o// ka nas gcig na 'grogs pa don yod pa'o// rjes su dran par byas pa don yod pa'o// rig kyi bu kho mo ni sems can dge ba'i rtsa ba ma bskyed pa/ dge ba'i bshes gnyen gyis yongs su ma zin pa/ yang dag par rdzogs pa'i sangs rgyas kyi sa ma dgongs pa rnams
- 147a
kyis mthong zhing rnam par dmigs par mig lam du 'ong bar mi 'gyur te/ rigs kyi bu kho mo mthong ba tsam gyis ni/ sems can rnams kyang bla na med/ pa yang dag par rdzogs pa'i byang chub las phyir mi ldog par 'gyur ro// gzhan yang rigs kyi bu kho mo'i drung du shar phyogs nas/ de bzhin gshegs pa dag byon cing gdun/ rin po che'i khri 'di la bzhugs nas chos ston to// shar phyogs nas ji lta ba bzhin du/ phyogs bcu nas kyang de bzhin te/ rigs kyi bu de lta bas na/ kho mo ni de bzhin gshegs pa mthong ba dang mi 'bral ba'o/ / chos mnyan pa dang mi 'bral ba'o// byang chub sems dpa' dang 'grogs pa mi 'bral ba'o// rigs kyi bu kho mo dang spyod pa'i skal ba mnyam pa'i srog chags bye ba khrag khrig brgya stong phrag brgyad cu rtsa bzhi po bza' shing gi ra ba kun nas rnam par brgyan pa 'di na gnas pa de dag thams cad kyang / bla na med pa yang dag par rdzogs pa'i byang chub las phyir mi ldog pa sha stag go/ / rig kyi bu sems can gzhan gang 'di na gnas pa de dag kyang bla na med pa yang dag par rdzogs pa'i byang chub lnga phyir mi ldog pa'i dge 'dun du gtogs pa sha stag ste/ kho mo dang sbyor pa'i skal ba mnyam pa dag go/ smras pa/ 'phags ma khyod kyis bla na med pa
- 147b
yang dag par rdzogs pa'i byang chub tu yul ji srid cig nas thugs bskyed/ smras pa/ rigs kyi bu kho mos ni sngon gyi gnas rjes su dran te/ de bzhin gshegs pa dgra bcom yang dag par rdzogs pa'i sangs rgyas mar med mdzad ces bya ba byung ba de bzhin gshegs pa de'i drung du kho mos tshangs pa'i spyod pa spyad do/ / de bzhin gshegs pa de kho mos mchod do/ / de bzhin gshegs pa de las chos bstan pa kho mo yongs su bzung ngo // de'i snga rol tu de bzhin gshegs pa dri ma med pa zhes bya ba byung ste/ de'i bstan pa la'ang kho mo rab tu byung ngo / / chos kyi 'khor lo'ang kho mos zung ngo // de'i snga rol tu de bzhin gshegs pa dpal zhes bya ba byung ste/ de'ang kho mos bsnyen bkur to// de'i snga rol tu de bzhin gshegs pa ri rab dpal zhes bya ba byung ngo // de'i snga rol tu de bzhin gshegs pa pad+mo'i snying po zhes bya ba byung ngo // de'i snga rol tu de bzhin gshes pa rnam par snang mdzad ces bya ba byung ngo / / de'i snga rol tu de bzhin gshegs pa kun tu gzigs pa zhes bya ba byung ngo // de'i snga rol tu de bzhin gshegs pa tshangs pa dag bzhes bya ba byung ngo / / de'i snga rol tu de bzhin gshegs pa rdo rje'i gtsug ces bya ba byung ngo // de'i snga rol tu de bzhin gshegs pa chu bo'i lha zhes bya ba byung ste/ rigs kyi bu gzhung de
- 148a
ltar tshe gcig tu brgyud pa dang / bskal pa gcig nas gcig tu brgyud pa'i sangs rgyas gcig nas gcig tu brgyud pa de bzhin gshegs pa'i mtshams 'dab chag su bsams te dran par byas nas/ gang kho mo'i rim gror byas te bsnyen bkur ba dang / mchod pa dang / bsti stang du byas pa dang / gang gi spyan sngar kho mos thob par gyur pa dang gang gi bstan pa la kho mos tshang ba'i spyod pa spyad pa'i de bzhin gshegs pa chu klung gang+gA sum cu rtsa drug gi bye ma snyed rjes su dran te/ rigs kyi bu de phan cad du kho mos de bzhin gshegs pa ji snyed cig bsnyen bkur ba ni de bzhin gshegs pa rnams kyis mkhyen to/ / rigs kyi bu sems dang po bskyed ma thag tu chos kyi dbyings rgyas par 'gengs pas/ byang chub sems dpa'i rnams ni tshad med pa'o// rigs kyi bu snying rje chen po'i khongs su 'gro ba thams cad chud pas/ byang chub sems dpa' rnams ni tshad med pa'o// rigs kyi bu smon lam chen pos phyogs bcu'i chos kyi dbyings kyi gzhi zad zad du 'gro bas/ byang chub sems dpa'i rnams ni tshad med pa'o// rigs kyi bu byams pa chen po'i 'gro ba thams cad rgyas par 'gebs pa'i phyir/ byang chub sems dpa' rnams ni tshad med pa'o// rigs kyi bu byang chub sems dpa'i spyod pas zhing thams cad du bskal pa thams cad yongs su
- 148b
srung bas/ byang chub sems dpa' rnams ni tshad med pa'o// rigs kyi bu ting 'dzin gyi stobs kyis byang chub sems dpa'i lam las phyir mi ldog pas/ byang chub sems dpa' rnams ni tshad med pa'o/ / rigs kyi bu gzungs kyi stobs kyis 'gro ba thams cad yongs su 'dzin pa'i gzungs kyi tshul khong du chud par byed pas/ byang chub sems dpa' rnams ni tshad med pa'o/ / rigs kyi bu ye shes snang ba'i stobs kyis dus gsum gyi ye shes kyi tshul khong du chud par byed cing yang dag par 'dzin pas// byang chub sems dpa' rnams ni tshad med pa'o/ / rigs kyi bu mngon par shes pa'i stobs kyis zhing thams cad du sems can rnam kyi bsam pa dang / mos pa ji lta ba bzhin du 'od kyi dra ba'i 'khor lo mngon par bsgrub pas/ byang chub sems dpa' rnams ni tshad med pa'o// rigs kyi bu tha dan pa yang dag par shes pa'i stobs kyis tshig brjod kyang / 'gro ba thams cad shin tu tshim par byed pas/ byang chub sem dpa' rnams ni tshad med pa'o// rigs kyi bu lus rnam par dag pas sangs rgyas kyi zhing thams cad rang gi lus kyis rgyas par 'gengs pas/ byang chub sems dpa' rnams ni tshad med pa'o// nor bzangs kyis smras pa/ 'phags ma khyod ji srid cig na bla na med pa yang dag par rdzogs
- 149a
pa'i byang chub tu mngon par rdzogs par 'tshang rgya bar 'gyur/ smras pa/ rigs kyi bu 'di lta ste/ sems can gcig cig la dmigs shing gdul bar bya ba dang smin par bya ba'i/ phyir byang chub sems dpa' rnams kyi sems byang chub tu skye ba ma yin te/ sems can brgya'i phyir ma yin// sems can stong gi phyir ma yin// sems can brgya phrag stong gi phyir ma yin/ sem can bye ba'i phyir ma yin/ sems can bye ba brgya'i phyir ma yin/ sems can bye ba stong gi phyir ma yin/ sems can bye ba brgya phrag stong gi phyir ma yin te/ sems can bye ba khrag khrig brgya phrag stong kigi don du byang chub sems dpa' rnams kyi sems byang chub tu skye ba ma yino/ / sems can thams cad kyi phyir ma yin/ sems can khrag khrig gi phyir ma yin/ sems can gang ya'i phyir ma yin/ sems can pan bun gyi phyir ma yin/ sems can phyir phyur gyi phyir ma yin/ sems can byang bying ki phyir ma yin/ sems can nyer 'jal gyi phyir ma yin/ sems can phyal byol gyi phyir ma yin/ sems can yal yol gyi phyir ma yin/ sems can ldad khyod kyi phyir ma yin/ sems can phyor zim gyi phyir ma yin/ sems can phyad phyod kyi phyir ma yin/ sems can lham snyem gyi phyir pa yin/ sems can ya gangs kyi phyir ma yin/ sems can cho ma'i phyir ma yin/ sems can khram khrim gyi phyir ma yin/ sems can ma
- 149b
nub kyi phyir ma yin/ sems can brgyad yas kyi phyir ma yin/ sems can btang yas kyi phyir ma yin/ sems can 'as yar gyi phyir ma yin/ sems can / yas kyi phyir ma yin/ sems can gzhal brtag kyi phyir ma yin/ sems can mtshungs med kyi phyir ma yin/ sems can lam sum gyi phyir ma yin/ sems can rab rib kyi phyir ma yin/ sems can zab thid kyi phyir ma yin/ sems can 'grib yol gyi phyir ma yin/ sems can zin 'byo'i phyir ma yin/ sems can bsam khyod kyi phyir ma yin/ sems can 'dra mnyam gyi phyir ma yin/ sems can zang zeng gi phyir ma yin/ sems can bgrod yas kyi phyir ma yin/ sems can rgyal 'dal gyi phyir ma yin/ sems can bsno yas kyi phyir ma yin/ sems can zang yag gi phyir ma yin/ sems can 'phro ba kye'i phyir ma yin/ sems can rtse 'phyo'i phyir ma yin/ sems can yod than gyi phyir ma yin/ sems can zug g.yos kyi phyir ma yin/ sems can sang yal gyi phyir ma yin/ sems can zhing yig kyi phyir ma yin/ sems can snang yal gyi phyir ma yin/ sems can nan pa'i phyir ma yin/ sems can yid 'phyo'i phyir ma yin// sems can nab neb kyi phyir ma yin// sems can khrig zas kyi phyir ma yin/
- 150a
sems can yal yol gyi phyir ma yin/ sems can bgrang yas kyi phyir ma yin/ sems can thug yal gyi phyir ma yin/ sems can yang sud kyi phyir ma yin/ sems can phyo ldog gi phyir ma yin/ sems can brda yas kyi phyir ma yin/ sems can sgrub pa'i phyir ma yin/ sems can thag thug phyir ma yin/ sems can zhig ge'i phreng ma yin sems can rig yas kyi phyir ma yin/ sems can snyed med kyi phyir ma yin/ sems can mchog 'phreng gi phyir ma yin/ sems can nyag 'bru'i phyir ma yin/ sems can sku 'phyes kyi phyir ma yin/ sems can 'bru 'brel gyi phyir ma yin/ sems can brjod pos kyi phyir ma yin/ sems can lhong yas kyi phyir ma yin/ sems can brjod phul gyi phyir ma yin/ sems can zhi snyad kyi phyir ma yin/ sems can dag thim gyi phyir ma yin/ sems can 'phyo 'gyur gyi phyir ma yin/ sems can nyar nyer gyi phyir ma yin/ sems can phyag phyig gi phyir ma yin/ sems can zal zul gyi phyir ma yin/ sems can sam sal gyi phyir ma yin/ sems can g.yo ldeg gi phyir ma yin/ sems can phan phun gyi phyir ma yin sems can brnang ya'i phyir ma yin/ sems can rem 'drol gyi phyir ma yin/ sems can rdzi dad kyi phyir ma yin/ sems can rdzi rdul gyi phyir ma yin/ sems can phul yon gyi phyir ma yin/
- 150b
sems can 'ol rol gyi phyir ma yin/ sems can dang dad kyi phyir ma yin/ sems can 'brang ba rtsi'i phyir ma yin/ sems can zab 'grang gi phyir ma yin/ sems can dga' rgyarkyang gi phyir ma yin/ sems can grangs mtha'i phyir ma yin/ sems can pyod yal gyi phyir ma yin/ sems can 'ol khyod kyi phyir ma yin/ sems can gang ba yas kyi phyir ma yin/ sem can cal yal gyi phyir ma yin/ sems can bgrangs yas kyi phyir ma yin/ sems can byim 'phyi'i phyir ma yin/ sems can yam me'i phyir ma yin/ sems can stsal yas kyi phyir ma yin/ sems can lngab ldeb kyi phyir ma yin/ sems can 'ban chad kyi phyir ma yin/ sems can pang phung gi phyir ma yin sems can mtha' rdul gyi phyir ma yin/ sems can rgyud lding gi phyir ma yin/ sems can yun 'byangs kyi phyir ma yin/ sems can mkha' yal gyi phyir ma yin// sems can bun lob kyi phyir ma yin/ sems can lam lom gyi phyir ma yin/ sems can bsnyad yas kyi phyir ma yin/ sems can lang ling gi phyir ma yin/ sems can sgrub ljib kyi phyir ma yin/ sems can mi brtsal gyi phyir ma yin/ sems can 'byam yas kyi phyir ma yin/ sems can nga bgrang gi phyir ma yin/ sems can smos yal gyi phyir
- 151a
ma yin/ sems can bkra tshal gyi phyir ma yin/ sems can po rgyas kyi phyir ma yin/ sems can 'bum rdib kyi phyir ma yin// sems can la lo'i phyir ma yin/ sems can phyem byam gyi phyir ma yin/ sems can bzang 'phyos kyi phyir ma yin/ sems can bgrang 'phyos las bsgres pa'i phyir ma yin/ sems can dpag yas kyi phyir ma yin/ sems can dpag yas las bsgres pa'i phyir ma yin/ sems can yal 'phyong gi phyir ma yin/ sems can yal phyong las bsgres pa'i phyir ma yin/ sems can mu yas kyi phyir ma yin/ sems can mu yal las bsgres pa'i phyir ma yin/ sems can bgrang yol gyi phyir ma yin/ sems can 'thang yol las bsres pa'i phyir ma yin/ sems can mi 'jal gyi phyir ma yin/ sems can mi 'jal las bsgres pa'i phyir ma yin/ sems can bsam phyed kyi phyir ma yin// sems can bsam phyod las bsgres pa'i phyir mayin sems can mtha' 'byam gyi phyir ma yin/ sems can mtha' 'byam las bsgres pa'i phyir ma yin/ sems can dpag thug gi phyir ma yin/ sems can dpag thag las bsgres pa'i phyir ma yin/ sems can brjod du med pa'i phyir ma yin/ sems can brjod du med pa las bsgres pa'i phyir ma yin/ sems can brjod du med pa'i yang brjod du med
- 151b
pa'i phyir ma yin/ sems can brjod du med pa'i yang brjod du med pa las bsgres pa'i phyir ma yin/ sems can 'jig rten gyi khams gcig tu gtogs pa rnams kyi phyir ma yin pa nas/ brjod du med pa'i yang brjod du med pa'i 'jig rten gyi khams su gtogs pa'i sems can rnams kyi phyir ma yin/ gling bzhi pa'i 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i sems can rnams kyi phyir ma yin/ stong gi 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i sems can rnams kyi phyir ma yin/ stong gnyis kyi 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i sems can rnams kyi phyir ma yin/ stong gsum gyi stong chen po'i 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i sems can rnams kyi phyir ma yin pa nas/ stong gsum gyi stong chen po'i 'jig rten gyi khams/ brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can rnams kyi don du 'di lta ste/ yongs su smin par bya ba dang gdul ba'i phyir byang chub sems dpa' rnams kyi sems byang chub tu skye ba ma yin gyi/ 'di lta ste/ 'jig rten gyi khams ma lus pa/ lhag ma med pa mtha' dag thams cad du gtoH
- 152a
pa'i sems can rnams kyi don du smin par bya ba dang / gdul ba'i phyir byang chub sems dpa' rnams kyi sems byang chub tu skye'o// 'di lta ste/ sangs rgyas gcig bsnyen bkur ba dang / mnyes par bya ba dang / mchod cing rim gror bya ba'i phyir/ byang chub sems dpa' rnams kyi sems byang chub tu skye ba ma yin pa dang / sangs rgyas bcu bsnyer bkur zhing mnyes par bya ba dang / mchod cing rim gror bya ba'i phyir ma yin pa nas/ brjod du med pa'i yang brjod du med pa'i 'jig rten gyi khams kyi rdul shin tu phra bsnyed kyi sangs rgyas bsnyen bkur zhing mnyes par bya ba dang / mchod cing rim gror bya ba'i phyir/ byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sangs rgyas kyi rgyud bsnyen bkur zhing mnyes par bya ba dang / mchod cing rim gror bya ba'i phyir ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i de bzhin gshegs pa'i rgyud bsnyen bkur zhing mnyes par bya ba dang / mchod cing rim gror bya ba'i phyir/ byang chub sems dpa' rnams kyi sems byang chub tu skye ba ma yin no// sangs rgyas kyi zhing gcig yongs su dag par bya ba'i phyir/ byang chub sems dpa' rnams kyi sems
- 152b
byang chub tu skye ba ma yin pa nas/ 'jig rten gyi khams brjod du med pa'i yang brjod du med pa'i rdul shin tu phra ba snyed kyi sangs rgyas kyi zhing yongs su dag par bya ba'i phyir/ byang chub sems dpa' rnams kyi sems byang chub tu skye ba ma yin/ de bzhin gshegs pa gcig gi bstan pa yongs su gzung ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi de bzhin gshegs pa'i bstan pa yongs su gzung ba'i phyir/ byang chub sems dpa' rnams kyi sems byang chub tu skye ba ma yin/ sangs rgyas gcig rab tu zhugs pa'i smon lam rnam pa tha dad pa la 'jug pa'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sangs rgyas rab tu zhugs pa'i smon lam rnam pa tha dad pa la 'jug par bya ba'i phyir/ byang chub sems dpa' rnams kyi sems byang chub tu skye ba ma yin no// de bzhin gshegs pa gcig gi sangs rgyas kyi zhing gi rgyan la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul
- 153a
shin tu phra ba snyed kyi de bzhin gshegs pa'i sangs rgyas kyi zhing gi rgyun la 'jug par bya ba'i phyir/ byang chub sems dpa'i rnams kyi sems byang chub tu skye ma yin/ sangs rgyas gcig gi 'khor gyi dkyil 'khor rnam par phye ba la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'khor gyi dkyil 'khor rnam par bye ba la 'jug par bya ba'i phyir/ byang chub sems dpa'i rnams kyi sems byang chub tu skye ba ma yin/ / de bzhin gshegs pa gcig gi chos kyi 'khor lo yongs su gzung ba'i phyir/ byang chub sems dpa' rnams kyi sems byang chub tu skye ba ma yin pa nas sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi de bzhin gshegs pa'i chos kyi 'khor lo yongs su gzung ba'i phyir/ byang chub sems dpa' rnam kyi sems byang chub tu skye ba ma yin/ sems can gyi sems rgya mtsho gcig khong du chud par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sems can gyi sems rgya mtsho khong du chud par bya ba'i phyir/ byang chub sems
- 153b
dpa' rnams kyi sems byang chub tu skye ba ma yin/ / sems can gcig gi dbang po'i 'khor lo yongs su shes par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du meng pa'i rdul shin tu zla ba snyed kyi sems can gyi dbang po'i 'khor lo yongs su shes par bya ba'i phyir/ byang chub sems dpa' rnams kyi sems byang chub tu skye ba ma yin/ sems can gcig gi dbang po rgya mtsho khong du chud par bya ba'i phyir/ byang chub sem dpa' rnams kyi sems byang chub tu skye ba ma yin pa nas/ / sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sems can gyi dbang po rgya mtsho khong du chud par bya ba'i phyir/ byang chub sems dpa' rnams kyi sems byang chub tu skye ba ma yin// 'jig rten gyi khams gcig gi bskal pa gcig nas gcig tu brgyud pa la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shi tu phra ba snyed kyi 'jig rten gyi khams kyi bskal pa gcig nas gcig tu brgyud pa la 'jug par bya ba'i phyir/ byang chub sems dpa' rnams kyi sems byang chub tu skye ba ma yin/
- 154a
'jig rten gyi khams gcig tu gtogs pa'i sems can thams cad kyi spyod pa'i bag chags kyi mtshams sbyor ba la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can thams cad kyi spyod pa'i bag chags kyi mtshams sbyor ba la 'jug par bya ba'i phyir/ byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sems can thams cad kyi nyon mongs pa rgya mtsho thams cad la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can thams cad kyi nyon mongs pa rgya mtsho thams cad la 'jug par bya ba'i phyir/ byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gto pa'i sems can thams cad kyi las rgya mtsho thams cad la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas
- 154b
z hing brjod du med pa'i yang brjod du med pa'i rdul shin tu za ba snyed kyi 'jig rten gyi khams su gtogs pa'i sems can thams cad kyi las rgya mtsho thams cad la 'jug par byaba'i phyir/ byang chub sems dpa'i rnams kyi sems byang chub tu skye ba ma yin/ 'jig rten gyi khams gcig tu gtogs pa'i sems can thams cad kyi spyod pa rgya mtsho thams cad khong du chud par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba skyed kyi 'jig rten gyi khams su gtogs pa'i sems can thams cad kyi spyod pa rgya mtsho thams cad khong du chud par bya ba'i phyir/ byang chub sems dpa' rnams kyi sems byang chub tu skye ba ma yin gyi/ sems can gyi khams ma lus pa lhag ma med pa mtha' dag thams cad yongs su smin par bya ba dang gdul ba'i phyir/ byang chub sems dpa' rnams kyi sems byang chub tu skye'o// sangs rgyas ma lus pa thams cad bsnyen bkur zhing mnyes par bya ba dang / mchod ring rim zor bya ba'i phyir/ byang chub sems dpa' rnams kyi sems byang chub tu skye'o// 'jig rten gyi khams ma lus pa thams cad du gtogs pa'i sangs rgyas kyi rgyud bsnyen
- 155a
bkur zhing mnyes par bya ba dang / mchod cing rim gror bya ba'i phyir/ byang chub sems dpa' rnams smon lam la mngon par mos pa yin// sangs rgyas kyi zhing ma lus pa thams cad yongs su dag par bya ba'i phyir/ byang chub sems dpa' rnams kyi bsam pa brtan par 'gyur ba yin/ sangs rgyas kyi bstan pa ma lus pa thams cad yongs su gzung bar bya ba'i phyir/ byang chub sems dpa' rnams kyi sbyor ba 'byung ba yin// de bzhin gshegs pa rab tu zhugs pa'i smon lam rnam pa tha dad pa ma lus pa thams cad kyi rjes su 'brang bar bya ba'i phyir/ byang chub sems dpa' rnams kyi sems kyi shugs drag po skye ba yin/ de bzhin gshegs pa'i sangs rgyas kyi zhing gi yon tan gyi rgyun ma lus pa thams cad la 'jug par bya ba'i phyir/ byang chub sems dpa'i rnams kyi yi dam brtan pa skye ba yin/ de bzhin gshegs pa'i 'khor gyi dkyil 'khor rgya mtsho ma lus pa thams cad la 'jug par bya ba'i phyir/ byang chub sems dpa' rnams kyi mngon par mos pa 'byung ba yin/ 'gro ba'i sems rgya mtsho ma lus pa thams cad la 'jug par bya ba'i phyir/ byang chub sems dpa' rnams kyi smon lam yongs su skye ba yin/ sems can gyi dbang po'i 'khor
- 155b
los lus pa thams cad yongs su shes par bya ba'i phyir/ byang chub sems dpa'i rnams kyi mngon par 'dod pa skye ba yin/ sems can gyi dbang po rgya mtsho ma lus pa thams cad khong du chud par bya ba'i phyir/ byang chub sems dpa' rnams kyi spro ba skye ba yin// 'jig rten gyi khams ma lus pa thams cad kyi bskal pa gcig nas gcig tu brgyud pa la 'jug par bya ba'i phyir/ byang chub sems dpa' rnams kyi mos pa skye ba yin/ sems can ma lus pa thams cad kyi nyon mongs pa'i bag chags kyi mtshams sbyor ba yongs su gcad pa'i phyir/ byang chub sems dpa'i rnams kyi brtson 'grus yongs su skye ba yin// sems can ma lus pa thams cad kyi las dang nyon mongs pa'i rgya mtsho bskam pa'i phyir/ byang chub sems dpa' rnams kyi ye shes chen po'i nyi ma 'char ba yin/ sems can ma lus pa thams cad kyi spyod pa yongs su shes par bya ba'i phyir/ byang chub sems dpa' rnams kyi shes rab kyi snang ba 'byung ba yin/ sems can ma lus pa thams cad kyi sdug bsngal gyi me'i phung po rab tu zhi bya ba'i phyir/ byang chub sems dpa' rnams kyi snying rje'i sprir cher po can nas 'du ba yin/ rigs kyi bu mdor na de dag la so zhes pa byang chub sems dpa'i spyodapa
- 156a
tshul dang / sgo grangs med pa brgya stong phrag bcu dag byang chub sems dpa' rnams kyis yongs su bsgrub par bya'o// rigs kyi bu gzhan yang 'di lta ste/ byang chub sems dpa' rnams kyi spyod pa ni ye shes khong du chud par bya ba'i phyir/ chos thams cad la yang dag par gzhol ba'o// byang chub sems dpa' rnams kyi spyod pa ni yongs su dag par bya ba'i phyir/ zhing thams cad la yang dag par gzhol ba'o// rigs kyi bu de lta bas na kho mos ni bdag gi smon lam nam mkha'i dbyings rnam par dag pa'i mtha' gang du thug pa de'i mthas klas par shog cig/ bdag gi smon lam 'jig rten gyi khams rnam par dag pa'i mtha' gang du thug pa de'i mthas klas par shog cig/ bdag gi sgor lam semasu thams cad kyi nyon mongs pa dang / bag chags kyi mtshams sbyor ba dang / bag la nyal ba'i mtha' gang du thug pa de'i mthas klas par shog cig ces de ltar smon lam btab bo/ / smras pa/ 'phags ma rnam par thar pa 'di'i ming ci zhes bgyi/ smras pa/ rigs kyi bu rnam par thar pa 'di ni nyon mongs pa med pa bde ba'i rgyal mtshan zhes bya ba ste/ rigs kyi bu kho mos kyang byang chub sems dpa'i rnam par thar pa de gcig pu shes
- 156b
par zad na/ byang chub sems dpa' sangs rgyas kyi chos thams cad yang dag par 'dzin pa'i phyir sems rgya mtsho dang ldan pa/ lhag pa'i bsam pa brtan pa'i phyir ri rab dang 'dra ba/ sems can thams cad kyi nyon mongs pa'i nad rab tu sos par byed pa'i phyir sman gyi rgyal po mthong na legs pa lta bu/ sems can thams cad kyi ma rig pa'i mun pa sel/ ba'i phyir nyi mar gyur pa/ sems can thams cad kyi bsam pa'i gnas su gyur pas sa lta bu'i sems dang ldan pa/ 'gro ba thams cad kyi don byed pa'i phyir rlung du gyur pa/ sems can thams cad la ye shes kyi snang ba 'byin pa'i phyir mar mer gyur pa/ zhi ba'i sgras sangs rgyas kyi chos kyi char yang dag par ji lta ba bzhin du 'bebs pa'i phyir sprin du gyur pa/ bsod nam kyi 'od zer gyi rnga ba rab tu 'gyed pa'i phyir zla ba lta bu/ 'gro ba thams cad yongs su bsrung ba la zhugs pa'i phyir brgya byin lta bu de dag gi spyod pa shes pa 'am/ yon tan brjod pa 'am/ byang chub sems dpa'i bslab pa bsam gyis mi khyab pa smos pa 'am/ byang chub sems dpa'i smon lam gyi rnam pa mtha' dang dbus med pa yongs su bstan bapabar nus re skan/ song rigs kyi bu lho phyogs kyi rgyud 'di nyid kyi rgya mtsho rnam par rlob pa 'di na/ yul chub gtsang ma zhes bya ba yod de/ de na drang srong 'jigs mchog
- 157a
dbyangs zhes bya ba 'dug gis/ de'i gan du song la dris shig/ des rigs kyi bu khyod la byang chub sems dpa'i spyod pa ston par 'gyur ro// de nas tshong dpon gyi bu nor bzangs kyis/ dge bsnyen ma yid bzhin gyi rkang pa gnyis la spyi bos phyag 'tshal te/ dge bsnyen ma yid bzhin la lan brgya stong du mar g.yas phyogs su bskor ba byas nas/ yang dang yang bltas te phyag 'tshal nas ngo mchims gang bar dus te/ byang chub mchog tu dkon pa rjes su sems shing dge ba'i bshes gnyen rim gro bya ba dkon par rjes su bsam pa dang / skyes bu dam pa dang 'phrad pa dkon pa rjes su bsam pa dang / byang chub sems dpa'i dbang po thob par bya ba'i rjes su bsam pa dang / byang chub sems dpa'i bsam pa yongs su dag pa dkon par rjes su bsam pa dang / skal ba mnyam pa'i gshes gnyen dang 'phrad pa dkon par rjes su bsam pa dang / byang chub tu yang dag pa ji lta ba bzhin du mngon par mos shing sems nges par gzhog pa dkon par rjes su bsam pa dang / mi mnyam pa med pa'i chos kyi tshul rjes su bstan pa'i sbyor ba dkon par rjes su bsam pa dang / sems dri ma med cing mi 'phrog pa'i sbyor ba yang dag par bsgrub pa dka' bar rjes su bsam
- 157b
pa dang / thams cad mkhyen pa nyid du shugs drag po rnam par skyed pa'i chos kyi snang ba dkon par rjes su bsam pa byed cing / dge bsnyen ma yid bzhin gyi drung nas song ngo // de nas tshong dpon gyi bu nor bzangs byang chub sems dpa'i gdams ngag gi rjes su song ba'i sems dang ldan pa/ byang chub sems dpa'i spyod pa yongs su dag par bya ba'i rjes su song ba'i sems dang ldan pa/ byang chub sems dpa'i bsod nams kyi stobs rnam par 'phel bar bya ba'i sems dang ldan pa sangs rgyas blta ba'i shugs drag pos rab tu snang bar byas pa'i sems dang ldan pa/ chos kyi gter 'thob par bya ba la shugs drag po skyes pa'i sems dang ldan pa/ smon lam chen po mngon par bsgrub pa'i shugs drag po rab tu 'phel ba'i sems dang ldan pa/ chos thams cad kyi phyogs la mngon du lta ba'i sems dang ldan pa/ chos kyi rang bzhin gyi 'od kyis snang bar byas pa'i sems dang ldan pa/ sgrib pa thams cad rnam par 'thor ba'i sems dang ldan pa/ chos kyi dbyings la mun pa med par rnam par lta ba'i sems dang ldan pa/ rdo rje rin po che mthu bo ches mi tshogs pa ltar dri ma med pa'i sems dang ldan pa/ bdud thams cad kyi dpung gis brgal bar dka' zhing thub par dka' ba'i
- 158a
sems dang ldan pa de mthar gyis yul chub gtsang ma gal ba der byin nas/ drang srong 'jigs mchog dbyangs tshol tshol ba las/ de'i tshe drang srong 'jigs mchog dbyangs dge ba sbyangs pa'i gnas shing dang shing phran sna tshogs mangs med pa'i nags tshal mdangs dga' ba/ lo mas rgyas pa'i shing gis kun nas 'grigs pa/ rtag tu me tog rgyas pa dang ldan pa shing sna tshogs can/ rtag tu shing thog mang po dang ldan pa'i shing thog gi shing dang ldan pa/ nor bu rin po che sna tshog kyi shing drung nor bu rin po che'i spang leb kyis rtag tu gshibs pa dang ldan pa/ tsan dan dam pa'i shing kun nas rnam par bres pa/ a ka ru yid du 'ong ba'i shing las spos kyi dri rtag tu 'byung bas rab tu brgyan pa/ phyogs bzhi nas shing pa ta la rnam par mdzes par skyes pas yongs su brgyan pa/ n+ya gro d+ha'i shing dbyangs yid du 'ong ba dang ldan pa/ 'dzam bu'i shing las rtag tu shing thog smin pa 'brul pa/ me tog gi tshal pad+mo dang ut+pa la gsar du skyes pas rab tu brgyan pa zhig na 'dug 'dug ste/ tshong dpon gyi bu nor bzang kyis/ drang srong 'jigs mchog dbyangs drang srong stong phrag bcus bskor cing / tsan dan gyi yal gshin tu 'brel ba'i bya skyibs shig na// thor tsugs
- 158b
kyi cod pan can/ pags pa dang cu'i gos son/ shing kun gyi slad g.yogs can/ rtswa'i spyan la 'dug pa mthong ngo // mthong nas kyang drang skyong 'jig mchog dbyangs ga la ba der song ste phyin nas/ yang dag pa'i dge ba'i bshes gnyen dang phrad pa'i bsam pas/ dge ba'i bshes gnyen ni yang dag pa'i lam ston pas// thams cad mkhyen pa nyid 'byung ba'i sgo yin par yang dag par lta/ thams cad mkhyen pa'i sa la gzhog pas/ thams cad mkhyen pa nyid ni dge ba'i bshes gnyen gyi gdams ngag la rag lus par yang dag par lta/ stobs bcu'i ye shes rin po che'i gling du skyel bas/ thams cad mkhyen pa nyid ni dge ba'i bshes gnyen gyi mnyan pa la rag lus par yang dag par lta/ stobs bcu'i ye shes snang ba yang dag par skyed pas/ thams cad mkhyen pa nyid kyi dge ba'i bshes gnyen gyi sgron mas snang bar bya ba yin par yang dag par lta/ nyam nyes med par thams cad mkhyen pa nyid kyi zong du phyin par byed pas/ thams cad mkhyen pa nyid kyi lam ni dge ba'i bshes kanyen yin par yang dag par lta/ mnyam pa dang mi mnyam pa yongs su ston pas/ thams cad mkhyen pa nyid kyi mar me ni dge ba'i bshes gnyen yin par yang dag par lta/ g.yang sa'i
- 159a
'jigs pa thams cad med par byed pas/ thams cad mkhyen pa nyid kyi stegs ni dge ba'i bshes gnyen yin par yang dab pur wA/ byams pa zo'iri stobs kyis sim pa yongs su skyed pa'i phyir/ / thams cad mkhyen pa nyid kyi gdugs ni dge ba'i bshes gnyen yin par yang dag par lta/ snying rje chen po yongs skyed pa thams cad mkhyen pa nyid kyi shugs rdog po ni dge ba'i bshes gnyen yin par yang dag par lta zhing / chos kyi rang bzhin gyi tshul rab tu snang bar byed pas/ thams cad mkhyen pa nyid gsal bar mthong ba ni dge ba'i bshes gnyen la rag las par mthong nas/ / lus thams cad kyis phab ste phyag byas nas langs te/ drang srong 'jigs mchog dbyangs pa lan brgya stong du mar bskor ba byas nas mdun du 'dug ste/ thal mo sbyar nas yid du 'ong ba'i tshul gyis/ yid du 'ong ba'i chog brjod de 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes thos na/ 'bas pa ji lta byang chub semaras byang chub
- 159b
sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol de nas drang srong 'jigs mchog dbyangs kyis/ bram ze'i byis pa stong phrag bcu po de dag la bltas te/ 'di skad ces smras so// byis pa dag rigs kyi bu 'dis bla na med pa yang dag par rdzogs pa'i byang chub tu sems bskyed de/ sems can thams cad 'jigs pa med pa la mgron du gnyer to// rigs kyi bu 'di ni sems can thams cad la phan pa dang bde ba'i don du sta gon du gnas pa ste/ ye shes rgya mtsho la mngon du gyur pa'o/ / de bzhin gshegs pa thams cad kyi chos kyi sprin gyi char btung bar 'dod pa'o// chos kyi tshul rgya mtsho thams cad la 'jug par 'dod pa'o// ye shes kyi snang ba chen po la gnas par 'dod pa'o// snying rje chen po'i sprin bsdu bar 'dod pa'o// chos kyi char chen po mngon par dbab par 'dod pa'o// ye shes chen po'i zla ba 'jig rten du shar bar byas te/ nyon mongs pa'i gdung ba thams cad rab tu gzhil bar 'dod pa'o// sems can thams cad kyi dge ba'i rtsa ba rnam pararu spel bar 'dod pa'o/ / de nas bram ze'i byis pa stong phrag bcu po de dag gis me tog dri zhim la yid du 'ong zhing kha dog sna tshogs dang ldan pa mang pos/ tshong dpon
- 160a
gyi bu nor bzang la gtor to/ / mngon par gtor to// rab tu gtor to// mngon par phyag 'tshal to// de ltar btud de phyag 'tshal nas g.yas phyog su bskor ba byas te tshig 'di skad du brjod do/ / 'di ni sems can thams cad yongs su skyob par 'gyur ro// sems can dmyal ba'i sdug bsngal thams cad rab tu zhi bar bgyid bar 'gyur ro/ / byol song gi skye gnas kyi lam gyi rgyud thams cad rnam par gcod par 'gyur ro// gshin rje'i 'jig rten gyi lam gyi rgyud thams cad rnam par zlog par 'gyur ro// mi khom pa'i sgo thams cad gcod par 'gyur ro// sred pa'i rgya mtsho yongs su skems par 'gyur ro// sred pa'i 'ching ba gcod par 'gyur ro// sdug bsngal gyi phung po rnam par zlog par 'gyur ro/ / ma rig pa'i mun pa sel bar 'gyur ro// bsod nams kyi khor yug gis 'jig rten yongs su skor bar 'gyur ro// ye shes rin po che'i 'byung gnas yongs su ston par 'gyur ro/ / ye shes kyi nyi ma 'char bar bgyid par 'gyur ro// chos kyi mig rnam par spyod par 'gyur ro// 'jig rten rnam la mnyam pa dang mi mnyam pa yang dag par ston par 'gyur ro/ / de nas drang srong 'jigs mchog dbyangs kyis/ byis pa de dag la 'di skad ces smras so// byis pa dag gang gis bla na med pa yang dag par rdzogs pa'i byang chub
- 160b
tu sems bskyed pa de ni byang chub sems dpa'i spyad pa spyod pa'i tshe/ / sems can thams cad kyi bde ba rab tu skyed de/ rim gyis thams cad mkhyen pa nyid kyang thob par 'gyur ro// byis pa dag rigs kyi bu 'dis ni bla na med pa yang dag par rdzogs pa'i byang chub tu sems bskyed pa ste/ de bas na 'di ni sangs rgyas kyi yon tan thams cad kyis yongs su sbyong bar 'gyur ro/ / de nas drang srong 'jigs mchog dbyangs kyis/ tshong dpon gyi bu nor bzang la 'di skad ces smras so// rigs kyi bu kho bo ni byang chub sem dpa'i rnam par thar pa gzhan gyis mi thub pa'i rgyal mtshan thob pa'o/ / nor bzang gyis smras pa/ byang chub sems dpa'i rnam par thar pa gzhan gyis mi thub pa 'di'i yul dri lta bu zhig mchis/ de nas drang srong 'jigs mchog dbyangs kyis lag pa g.yas pa brkyang ste/ tshong dpon gyi bu nor bzang gi mgo la byugs nas lag pa g.yas pas bzung ngo // tshong dpon gyi bu nor bzang la drang srong 'jigs mchog dbyangs kyis lag pa g.yas pas bzung ma thag tu/ de'i mod la tshong dpon gyi bu nor bzang gis phyogs bcur sangs rgyas kyi zhing brgya stong phrag bcu'i rdul shin tu phra ba snyed kyi sangs rgyas kyi zhing mthong bar gyur te/ de dag gi de bzhin gshegs pa sangs rgyas kyi zhing brgya stong phrag bcu'i rdul shin tu phra ba snyed
- 161a
kyi zhabs kyi drung na bdag nyid 'dug pa shes par gyur to/ / sangs rgyas kyi zhing de dag kyang rnam pa zangs med par rnam par dag pa'i rgyan dang ldan par mthong ngongo/ / de dag na'ang de bzhin gshegs pa'i 'khor gyi dkyil 'khor rgya mtsho kha dog sna tshogs can rgyan rnam pa tha dad pa dang ldan pa dag 'khod par mthong ngo // 'khor gyi dkyil 'khor rgya mtsho de dag na'ang de bzhin gshegs pa'i sku mtshan dang dpe byad bzang po 'bar bas brgyan pa dag bzhugs pa mthong ngo / / de dag las kyang tshig dang yi ge gcig las kyang phyir phyogs pa med par chos bstan pa nyan to/ / de bzhin gshegs pa'i chos kyi 'khor lo de dag kyang phan tshun ma 'dres par yang dag par 'dzin to// chos kyi sprin gyi char sems can gyi bsam pa sna tshogs la 'bab pa de dag kyang yang dag par 'dzin to// de bzhin gshig pa de dag gi sngon gyi smon lam mos pa sna tshog kyi stobs kyis rnam par sbyangs pa rgya mtsho la'ang zhugs so/ / sangs rgyas kyi yang dag par bsdu ba smon lam sna tshogs rgya mtshos rnam par dag pa rgya mtsho de dag la'ang zhug so/ / sangs rgyas kyi sku mdog sems can gyi bsam pa ji lta ba bzhin du tshim par 'gyur bar rnam par dmigs pa de dag kyang mthong ngo // sangs rgyas kyi 'od zer gyi
- 161b
ba 'dod chags dang bral ba sna tshogs kyis rnam par dag pa'i rgyan gyi dkyil 'khor de dag kyang mthong ngo / / sangs rgyas kyi stobs de dag la'ang ye shes snang ba bsgribs pa med pa dang ldan pas zhugs so/ / de ltar na byang chub sems dpa'i rnam par thar pa gzhan gyis mi thub pa'i rgyal mtshan gyi ye shes kyi 'od kyis snang bar gyur pa/ ting nge 'dzin rnam par snang mdzad kyi snying po snang ba rab tu thob pa/ ting nge 'dzin ye shes mi zad pa'i rnam par thar pa dang ldan pa/ gzungs kyi sgo snang ba/ phyogs kun gyi dra ba rab tu thob pa/ gzungs kyi sgo rdo rje'i snying pos sems rab tu gsal bar byas pa/ ting nge 'dzin gyi ye shes brtsegs pa rnam par phye ba'i yul la rnam par phye ba rab tu thob pa/ / shes rab kyi pha rol tu phyin pa la rnam par spyod pa/ gzhi kun nas rnam par brgyan pa'i snying po'i yul du gyur pa/ ting nge 'dzin gyi snang ba sangs rgyas nam mkha'i snying po'i dkyil 'khor la rab tu zhugs pa/ ting nge 'dzin sangs rgyas thams cad kyi chos kyi 'khor lo'i mu khyud kyis sems rab tu snang bar byas pa/ ting nge 'dzin gyi snang ba dus gsum gyi ye shes rin po che mi zad pa'i dkyil 'khor la rab tu brtson pa des/ de bzhin gshegs pa la la'i zhabs kyi drung du ni nyin zhag gcig lon par
- 162a
shes so/ / la lar ni nyin zhag bdun lon pa snyam/ la lar ni zla ba phyed lon pa snyam/ la lar ni zla ba gcig lon pa snyam/ la lar ni lo gcig lon pa snyam/ la lar ni lo brgya lon pa snyan// la lar ni lo stong lon pa snyam/ la lar ni lo brgya phrag stong lon pa snyam/ la lar ni lo bye ba lon pa snyam/ la lar ni lo sh+ya ba brgya lon pa sA ma/ la lar ni lo bye ba stong lon pa snyam/ la lar ni lo bye ba brgya phrag stong lon pa snyam/ la lar ni lo bye ba khrag khrig lon pa snyam/ la lar ni bskal pa phyed lon pa snyan/ / la lar ni bskal pa gcig lon pa snyan// la lar ni bskal pa brgya lon pa snyam/ la lar ni bskal pa stong lon pa snyam/ la lar ni bskal pa brgya phrag stong lon pa snyam/ ya lar ni bskal pa bye ba lon pa snyam/ la lar ni bskal pa bye ba phrag brgya lon pa snyam/ la lar ni bskal pa bye ba phrag stong lon pa snyam/ la la ni bskal pa bye ba brgya phrag stong lon pa snyam/ la lar ni bskal pa bye ba khrag khrig brgya phrag stong lon pa snyam byed pa nas/ de bzhin gshegs pa la la'i zhabs kyi drung du bskal pa brjod du med pa'i yang brjod du med pa snyed lon par gyur pa snyam byed pa nas/ de bzhin gshegs pa la la'i zhabs kyi drung du ni bskal pa 'dzam bu'i gling gi rdul shin
- 162b
tu za ba snyed lon pa snyam byed pa nas/ bskal pa sangs rgyas kyi zhing brjod du med pa'i yang brjod du med pa'i rdul shin tu za ba snyed lon pa snyam byed par gyur to// de nas drang srong 'jigs mchog dbyangs kyis/ tshong dpon gyi bu nor bzang btang ba dang / des yang bdag drang srong 'jigs mchog dbyangs kyi mdun na 'dug par shes par gyur to/ / de la drang srong 'jigs mchog dbyangs kyis smas pa/ rig kyi bu dran mo dang / smras pa/ 'phags pa dge ba'i bshes gnyen gyi byin gyi rlabs kyis zan no/ / smras pa/ rigs kyi bu kho bos ni byang chub sems dpa'i rnam par thar pa gzhan gyis mi thub pa'i rgyal mtshan 'di shes par zad na/ byang chub sems dpa' 'gro/ ba thams cad las khyad par du 'phags pa'i ye shes mngon par shes pa dang ldan pa'i ting nge 'dzin thob pa/ dus thams cad du 'khor lo skor ba/ sangs rgyas kyi mtshan dang ye shes mngon par bsgrub pa la mkhas pa/ de bzhin gshegs pa byung ba'i nyi ma la rnam par dmigs pa'i rgyan rab tu 'god pa dus gsum gyi yul skad cig gcig gis ye shes su yang dag par sdud pa/ 'jig rten gyi khams thams cad du lus shin tu rnam par bkram pa/ chos kyi dbyings thams cad la ye shes snang
- 163a
ba'i rang bzhin dang ldan pa/ sems can thams cad kyi bsam pa ji lta ba bzhin du mngon sum du mngon par langs pa/ sems can gyi bsam pa ji lta ba bzhin du spyod pas rnam par dpyod pa dang 'thun pa'i tshul dang ldan pa/ 'dod pa bzhin du kun snang zhing ni ma mang la 'od dang ldan pa'i ye shes kyi dkyil 'khor rnam par dag pa de dag gi spyod pa shes pa 'am/ yon tan brjod pa 'am/ smon lam gyi khyad par smos pa 'am/ zhing gi mngon par 'du bya ba shes pa'am/ ye shes kyi yul la 'jug par bya ba 'am/ ting nge 'dzin gyi spyod yul gyi rjes su 'brang bar bya ba 'am/ rdzu 'phrul dang rnam par 'phrul pa la 'jug par bya ba 'am/ rnam par thar pa'i khyu mchog gi mthu phyung ba dang rnam par rtse ba'i rjes su 'brang bar bya ba 'am/ lus rnam par phye ba'i mtshan ma gzung bar bya ba 'am/ dbyangs kyi dkyil 'khor rnam par dag pa brjod pa 'am/ ye shes kyi snang ba rab tu brtan par nus re skan/ song rigs kyi bu lho phyogs kyi rgyur 'di nyid na/ yul yongs su tshol ba zhes bya ba yod de/ de na bram ze rgyal ba'i drod kyi skye mched ces bya ba 'dug gis/ de'i kun du song la ji ltar byang chub sems dpas byang chub sems dpa'i sbyor pa la bslab par bya ba dang / ji ltar
- 163b
nan rgyus rnas ts+tshak+Sha/ de nas nga cor yang sgyu sa/ smras ni rnams pad la rlo ma ni med 'di smras nas/ rlung song 'dzugs dbyangs kyi rkang pa gnyis la hU~M bos blag 'tshal te/ rang srong 'jigs mchog dbyangs la lan brgya stong dusar gams phyogs su bskor ba byas nas yang da yang bltas te/ drang srong 'jigs mchog dbyangs kyi drung nas song ngo // / bam po dgu bcu rtsa gsam pa/ na tsho da pon gyi bu nor bzang byung chub sems dpa'i rnam par thar pa gzhan gyis mi thub pa'i rgyal mtshan gyi ye shes kyis snang bar nus pa/ sangs rgyas kyi u hU~Mn par 'phrul pa bsam gyis mi khyab pa la mngon sum du rnam par spyod pa/ byang chub sems dpa'i rnam par thar pa bsam gyis mi khyab pa/ mngon sum gyi ye shes kyis mngon par shes pa/ byang chub sems dpa'i ting nge 'dzin bsam gyis mi khyab pa'i ye shes kyis sems snang bar gyur pa/ dus thams cad du yang dag par 'jug pa ting nge 'dzin gyi ye shes snang ba rab tu thob pa/ 'du shes kyi rnam pa thams cad la yang dag par 'jug pa'i ting nge 'dzin gyi yul gyis snang bar gyur pa/ 'gro ba thams
- 164a
cad las khyad par du 'phags pa dang ldan pa'i ye shes snang ba thob pa/ thams cad kyi rjes su song ba'i spyod yul la rnam par spyod pa mngon du gyur pa/ gnyis su rnam par rtog pa med pas mnyam pa nyid du bstan pa'i ye shes lhur len pa/ dmigs pa thams cad la rab tu 'dul ba'i ye shes snang ba dang ldan pa/ mnyan pa thams cad la mngon du gyur pa'i bzod pa rnam par dag pa la mos pa'i mdzod la mkhas pa/ rang bzhin gyi chos la bzod pa khong du chud pa'i ye shes mngon par shes pa dang ldan pa/ byang chub sems dpa'i spyod pa'i rang bzhin bsgom pa dang mi 'bral ba'i sems dang ldan pa/ thams cad mkhyen pa nyid kyi shugs drag po las phyir mi ldog pa'i sems dang ldan pa/ stobs bcu'i ye shes snang ba'i 'od rab tu thob pa/ / chos kyi dbyings brjod pa la mngon par mos pa/ ngoms pa med pa'i sems dang ldan pa/ thams cad mkhyen pa nyid la rnam par spyod pa'i spyod yul la 'jug pa khong du chud pa'i sems dang ldan pa/ byang chub sems dpa'i spyod pa'i rgyan mtha' yas pa mngon par bsgrub pa'i sems dang ldan pa/ byang chub sems dpa'i smon lam gyi dkyil 'khor mtha' yas pa rnam par sbyar ba'i sems dang ldan pa/ 'jig rten gyi khams kyi dra ba mi zad pa khong du chud pa'i ye shes mtha' dang dpung med pa mngon du gyur pa'i sems dang ldan pa
- 164b
sems can rgya mtsho mtha' yas pa yongs su smin par bya ba dang gdul bar bya ba la zhum pa med pa'i sems dang ldan pa des/ byang chub sems dpa'i spyod pa'i yul mtha' yas pa la yang dag par blta ba dang / 'jig rten gyi khams kyi rgyud rnam pa tha dad pa mtha' yas pa la yang dag par blta ba dang / 'jig rten gyi khams rnam par phye ba sna tshogs mtha' yas pa la yang dag par blta ba dang / 'jig rten kyi khams mtha' yas pa dmigs pa phra ba dang yangs pa'i khongs su chud par bya ba yang dag par blta ba dang / 'jig rten gyi khams kyi gzhi mtha' yas pa'i ming gi dra ba sna tshogs yang dag par blta ba dang / 'jig rten gyi khams su rnam par spyad pa rnam par gdags pa mtha' yas pa'i kun rdzob rnam pa tha dad pa la yang dag par blta ba dang / sems can gyi mos pa sna tshogs mtha' yas pa la yang dag/ par blta ba dang / sems can rnam par phye ba'i tha dad pa mtha' yas pa la yang dag par blta ba dang / sems can mtha' yas mtha' yas pa yongs su smin par bya ba dang gdul ba khong du chud par bya ba la yang dag par blta ba dang / sems can dang / phyogs dang / dus mtha' yas pa'i ming gi rnam pa sna tshogs la yang dag par blta ba dang / dge ba'i bshes gnyen mngon du bya ba byed cing mthar gyis yul tshol ba dang ldan pa gang na ba dang / bram ze rgyal ba'i drod kyi skye mched ka la ba der phyin to// de'i tshe bram ze rgyal ba'i drod kyi skye mched thams cad mkhyen pa nyid
- 165a
bsgrub pa'i gzhir byas shing dka' thub drag po la spyod de/ de'i phyogs bzhi nas me'i phung po ri tsam du che ba bus pa dang / ri shin tu mtho ba'i g.yang sa'i lam gyi rtsu spu gri'i sos gshibs pas 'khor bar snang ngo / / de nas tshong dpon gyi bu nor bzang gis/ bram ze rgyal ba'i drod kyi skye mched kyi rkang pa gnyis la spyi bos phyag 'tshal te/ mdun du 'dug nas thal mo sbyar te 'di skad ces smras so/ / 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la spyad pa dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan bgyi ba bdag la bshad du gsol/ des smras pa/ rigs kyi bu song la sdu bri'i so dngang ba'i ri di la 'dzegs te/ me'i 'o bas 'dir mchongs shig dang / des khyod kyi byang chub sems dpa'i spyod pa yongs su dag par 'gyur ro zhe na/ tshong dpon gyi bu nor bzang 'a snyam du sems par gyur te/ mi khom pa brgyad las rnam par ldog pa'ang shin tu dkon/ mir gyur te lom pa phun sum tshogs shing rnam par dag pa'ang shin tu dkon sangs rgyas 'byang
- 165b
ba'ang shin tu dkon/ dbang po nyams pa med pa'ang shin tu dkon// sangs rgyas kyi chos thos pa'ang shin tu dkon/ skyes bu dam pa dang phrad pa'ang shin tu dkon/ yang dag pa'i dge ba'i bshes gnyen yang shin tu dkon/ yang dag pa'i tshul rjes su bstan pas legs par sdud pa'ang shin tu dkon/ yang dag par 'tsho bar bya ba'ang shin tu dkon/ mi'i 'jig rten na chos dang gnyer ba'i chos la nan tan byed pa'ang shin tu dkon na/ de skad zer zhing bdag gis dge ba'i bar chad la zhugs la/ de ltar bdag gis srog bcad par brtson pa 'di bdud dam/ cig ma yin nam/ bdud kyis byin gyis brlabs pa 'am/ bdud kyi ris su gtogs pa 'am/ dge ba'i bshes gnyen ltar brdzus pa 'am/ byang chub sems dpa' la mi gcags pa byed pa zhig ma yin grang / bdag gis thams cad mkhyen pa nyid la bgegs byed par 'dod pa zhig ma yin thang / / bdag la ma gol ba ngan par gzhug par 'dod pa zhig ma yin thang/ bdag gis sangs rgyas kyi chos khong du chud par bya ba'i chos kyi sgo la bgegs byed pa zhig ma yin grang nas/ de de ltar sems shing yid la byed pa'i tshe/ tshangs pa stong phrag bcu steng gi bar snang la gnas te/ 'di skad ces 'dzer to// rigs kyi bu de lta bu'i sems brtan par ma byed cig/ rigs kyi bu 'phags pa 'di ni ting nge 'dzin rdo rje 'od 'phro ba'i snang ba rab tu thob pa ste/ brtson 'grus ldog pa med pa'o// brtsams pa chen po mthar dbyung ba la zhugs pa'o//
- 166a
'gro ba thams cad kyi sred pa'i rlan bskam pa la mngon par brtson pa'o// blta ba'i rnam pa dang dra ba thams cad gtub pa la brtson pa'o// nyon mongs pa'i lhag smrig thams cad zad par bsregs pa la sta gon du gnas pa'o/ / mi gom mi shes pa'i bas mtha'i dkon pa thams cad snang bar bya ba la brtson pa'o// sems can thams cad kyi rga shi'i g.yang sa dang 'jigs pa rnam par bzlog pa la yi dam brtan pa'o/ / dus gsum gyi mun pa bsal ba la mngon par brtson pa'o// chos thams cad kyi 'od zer dgye ba la zhugs pa'o// rigs kyi bu 'phags pa 'di dka' thub lngas yongs su gdung ba mdzad pa'i tshe/ tshangs pa ji snyed cig mkhan po dang / dbang sbyar ba dang / 'jig rten thams cad kyi gtso bor rang rang rlom zhim/ sems dpa' blta ba'i rnam pa sna tshog la mngon par zhen pa de dag thams cad/ 'phags pa 'di'i dka' thub dang brtul zhugs kyi thugs dam gyi mthus rang rang gi gnas na bag dga' ba med cing / de dag bsam gtan gyi ro dga' ba myong / bab med pas 'phags pa 'di'i drung du 'dong ngo // de dag phyin pa dang 'phags 'di'i rdzu 'phrul gyi byin dang / drag shul gyi dka' thub dang / brtul zhugs kyi zil gyis mnan te/ lta ba'i rnam pa thams cad rnam par bzlog pa dang / nga rgyal dang rlom sems thams cad rab tu spangs pa'i phyir chos ston to// 'gro ba thams cad la byams pa chen po dang snying rje chen pos khyab par bya ba dang /
- 166b
byang chub kyi bsam pa brtan par bya ba dang / byang chubatu sems bskyed pa shin tu yangs par bya ba dang / sangs rgyas thams cad yang dag par blta ba mngon par brtson par bya ba dang / sangs rgyas kyi gsung gi dkyil 'khor thob par bya ba yongs su rdzogs par bya ba dang / thams cad du grags pa'i sangs rgyas kyi dbyangs la thogs pa med cing bsgribs pa med par bya ba'i phyir chos ston to/ / bdud stong phrag bcu'ang steng gi bar snang la 'khod nas lha rdzas kyi nor bu rin po ches mngon par gtor ta 'di skad ces 'dzer to// rigs kyi bu 'phags pa 'di dka' thub lngas yongs su gdung ba mdzad pa'i tshe/ 'od 'phro ba'i phung po 'di las snang ba chen po byung zhing / kho bo cag gi khyim dang / lus dang / rgyan gyi longs spyod thams cad zil gyis gnon to// de'i phyir kho bo cag kyang so so'i gnasan bag dga' ba med pas 'khor dang bcas te/ 'phags pa 'di'i drung du 'dong ngo // kho bo rug 'di'i drung du phyin nas kyang / 'phags pa 'di ni kho bo cag la ci nas kyang rang rang gi sems sor chud nas byang chub tu sems bskyed de/ bla na med pa yang dag par rdzogs pa'i byang chub las phyir mi ldog par 'gyur ba de lta de ltar chos ston to// dbang sgyur gyi lha'i rgyal po stong phrag bcus kyang lha rdzas kyi me tog gis mngon par gtor te/ 'di skad ces 'dzer to// rigs kyi bu 'phags pa 'di dka' thub lngas yongs su
- 167a
gdung ba byed pa'i tshe/ kho bo cag kyang rang rang gi gnas na dga' ba med de/ de ltar bdag cag kyang rang rang gi skye bo'i 'khor dang bcas te 'di'i drung du 'dong ngo // bdag cag drung du phyin pa dang / 'di ni bdag cag la rang rang gi sems la dbang sbyar ba thob par bya ba'i phyir chos ston to// nyon mongs pa thams cad la dbang sbyar ba thob par bya ba dang / bsam pa ji lta ba bzhin du skye ba la dbang sbyar ba thob par bya ba dang / las kyi sgrib pa thams cad rnam par dag pa'i dbang rab tu thob par bya ba dang / snyoms par 'jug pa thams cad la dbang sgyur ba thob par bya ba dang / yo byad la dbang ba'i rgyan yongs su dag par bya ba dang / bsam pa ji lta ba bzhin du tshe la dbang sgyur ba thob par bya ba'i phyir chos ston to/ / rab 'phrul dga'i lha'i rgyal po stong phrag bcu'ang steng gi bar snang la 'khor da/ lha rdzas kyi klu yang dag par sbyar ba'i nga ro snyan pa'i dbyangs bsgrags te/ mchod pa byas nas 'di skad ces 'dzer to/ / rigs kyi bu 'phags pa 'di dka' thub lngas yongs su gdung ba mdzad pa'i tshe/ me'i phung po 'di las de dang 'dra ba'i 'od byung zhing / des kho bo cag gi gzhal med khang 'di dag rnam par dag ste/ gsal ba dang 'od shin tu dang bar 'gyur ro// rgyan 'di dag dang lha'i bu mo 'di dag kyang rnam par dag cing gsal la 'ong shi
- 167b
dang bar 'gyur ro/ / de bas na bdag cag kyang lha'i bu dang lha mo'i tshogs kyi 'khor dang cas pas 'dod pa la dga' bar tshor ba med de/ 'dod pa'i 'de ba la mngon par dga' ba med pas lus dang sems sim par gyur nas/ 'phags pa 'di'i drung du 'dong ba yin te/ 'phags pa 'di ni bdag cag de ltar phyin pa rnams la sems rnam par dag bar bya ba'i phyir chos ston to/ / sems kyi 'od dang bar bya ba dang / sems shin tu dag par bya ba dang / sems las su rung bar bya ba dang / sems kyi dga' ba yongs su bskyed pa dang / stobs bcu'i ye shes 'thob pa rnam par dag par bya ba dang / chos kyi shugs chen po rnam par 'phel bar bya ba dang / sangs rgyas kyi sku tshad med pa mngon par bsgrub pa'i phyir lus rnam par dag par bya ba dang / de bzhin gshegs pa'i gsung thob par bya ba'i phyir ngag rnam par dag par bya ba dang / thams cad mkhyen pa nyid rab tu thob par bya bar sems rnam par dag par bya ba'i phyir chos ston to/ / rab dga' ldan gyi lha'i rgyal po stong phrag bcu lha'i bu dang lha'i bu mo'i tshogs kyi 'khor dang bcas pa dag kyang steng gi bar snang la 'khod nas/ spos sna tshogs kyi phye ma'i sprin gyi char mngon par phab pas mchod pa byas te/ phyag 'tshal nas 'di skad ces 'dzer to// rigs kyi bu 'phags pa 'di dka' thub lngas
- 168a
yongs su gdung ba mdzad pa'i tshe/ bdag cag rang rang gi gnas na dga' ba med de/ de ltar dga' ba med pas 'di'i drung du 'dong ste/ bdag cag phyin pa rnams la 'phags pa 'di ni yul thams cad la ltos pa med par bya ba'i phyir chos ston to/ / chog shes pa'i sems su bya ba dang / dge ba'i rtsa ba yang dag par bskyed pa dang / byang chub tu sems bskyed pa rab tu thob par bya ba nas/ sangs rgyas kyi chos thams cad yongs su rdzogs par bya ba'i phyir chos ston to// rab mtshe ma'i lha'i rgyal po stong phrag bcu lha'i bu dang lha'i bu mo'i tshogs kyi 'khor dang bcas pa dag gis kyang / lha rdzas kyi me tog man+da ra ba'i char mngon par phab ste 'di skad ces 'dzer to// rigs kyi bu 'phags pa 'di dka' thub lngas yongs su gdung ba mdzad pa'i tshe bdag cag kyang lha rdzas kyi glu snyan pa la dga' ba med de/ de ltar dga' ba med pas 'phags pa 'di'i drung du 'dong ste/ bdag tug phyin nas kyang 'phags pa 'di ni 'dod pa'i dka' ba thams cad rnam par bzlog par bya ba nas/ sangs rgyas kyi chos thams cad rab tu thob par bya ba'i phyir chos ston to// lha'i dbang po brgya byin sdong phrag bar so so nas de ba'i dbang po sum du rtsa gnyis dang / lnga'i bu dang / lha'i bu mo'i tshogs kyi 'khor dang bcas pas/ lha rdzas kyi gos dang / rin po che'i rgyan dang / me tog gi sprin gyim mngon par phab sde 'di skad ces
- 168b
'dzer to/ / rigs kyi bu 'phags pa dri dka' thub lngas yongs su gdung ba mdzad pa'i tshe/ bdag cag kyang brgya byin gyi khang pa dang / bza' shing gi ra ba dang / rtse ba'i nags tshal dang / lha rdzas kyi rol mo brdung zhing dkrol ba dang / gam yon glu len pa'i longs spyod la dga' ba med de/ de ltar bdag cag dga' ba med pas 'di'i drung du dong ngo // bdag cag der phyin nas kyang 'phags pa 'di ni kho bo cag la 'dod pa'i dga' ba thams cad yongs su spang ba'i phyir chos ston to/ / 'di dag thams cad ni rtag pa ma yin te/ mi brtan zhing 'jig par 'gyur ba'i chos can no zhes bya ba'i cho ga brjod do/ / dregs pa dang bag med pa thams cad yongs su bcad pa dang / bla na med pa'i byang chub tu spro ba bskyed pa'i phyir chos ston to/ / rigs kyi bu gzhan yang 'dis bltas pa tsam gyis ri rab kyi rtse mo thams cad kyang g.yo bar 'gyur te/ des bdag cag gshegs pas sems skyo bar gyur nas thams cad mkhyen paba'i sems brtan pas/ thams cad mkhyen pa'i ye shes su smon lam mngon par sgrub bo// klu'i rgyal po shugs ldan dang / dga' bo dang / bsnyen dga' bo la sogs pa/ klu brgya stong phrag bcu dag kyang steng gi bar snang la gnas shing // dus dang 'thun pa'i lha rdzas kyi tsan dan gyi sprin dang / klu'i bu mos glu blangs pa'i nga ro snyan pa'i dbyangs dang / lha rdzas
- 169a
kyi spos chu'i rgyun rab tu 'bab pa'i char mngon par rab ste 'di skad ces 'arjer to/ / rigs kyi bu 'phags pa 'di dka' thub lngas yongs su gdung ba mdzad pa'i tshwa/ me'i phung po chen po 'di las 'od chen po 'byung ste/ des klu'i gnas thams cad snang bar byas nas bye ma'i char dang nam mkha' lding gi 'jigs pa yongs su sel to// khro ba 'byung ba'ang zhi bar byas telus sim par byas shing yid shin tu mos par byed do/ / de ltar sems shin tu mos par gyur nas 'phags pa 'di ni bdag cag la chos ston te/ 'di ltar klu'i lam gyi rgyu ngan pa rnam par smad pa dang / sgrib pa'i las thams cad rab tu spang ba'i phyir nyes pa 'chags su btsud cing / bla na med pa yang dag par rdzogs pa'i byang chub tu sems bskyed du btsud de// thams cad mkhyen pa nyid la rab tu 'god do/ / gnod sbyin gyi dbang po stong phrag bcu'ang nam mkha'i dbyings la 'khod de/ mchod pa rnam pa sna tshogs kyis bram ze rgyal po'i drod kyi skye mched dang / tshong dpon gyi bu nor bzangs la mchod pa byas nas 'di skad ces 'dzer to// rigs kyi bu 'phags pa 'di dka' thub lngas yongs su gdung ba mdzad pa'i tshe// kho bo cag gi 'khor kun kyang mi rnams la byams pa'i sems skye bar 'gyur te/ gnod sbyin dang / srin po dang / grul bum thams cad kyang byams pa'i sems dang ldan par 'gyur ro// de dag byams pa'i sems dang ldan cing/
- 169b
'tshe ba med pa la zhugs pa'i rnams kho bo cag gi drung du 'ong ngo // kho bo cag kyang de ltar byams pa'i dbang gis zil gyis non pas rang rang gi gnas de dang de dag na dga' ba med de/ de ltar bdag cag kyang rang rang gi skye bo'i 'khor dang bcas te 'phags pa 'di'i drung du 'dong ngo / / bdag cag de ltar 'ongs pa rnams la 'phags pa 'di'i sku las byung ba'i 'od kyis lus thams cad snang bar byas shing bde bas khyab par mdzad de/ de ltar bdag cag lus dang sems bde bar gyur nas/ 'phags pa 'di ni ci nas kyang bdag cag la gnod sbyin dang / srin po dang / grul bum dang / lus srul po mang po byang chub tu sems skye bar 'gyur ba de ltar chos ston to/ / dri za'i dbang po stong phrag bcu dag kyang steng gi bar snang la 'khod nas 'di skad ces 'dzer to// rigs kyi bu kho bo cag kyang rang rang gi gnas na 'khod pa'i tshe/ 'phags pa 'di dka' thub lngas yongs su gdung ba mdzad pa'i me'i bu mo 'di las 'od byung ste/ bdag cag gi gnas snang bar 'gyur ro// de ltar bdag cag 'od des phog ste/ bde ba bsam gyis mi khyab pa dang ldan par gyur par 'phags pa 'di'i drung du 'dong ste/ bdag cag drung du phyin nas kyang 'phags pa 'di ni bdag cag ci nas kyang bla na med pa yang dag par rdzogs pa'i byang chub las phyir mi ldog par 'gyur ba de ltar chos ston to// lha ma yin gyi dbang po stong phrag bcu dag kyang rgya mtsho'i nang nas mngon par 'thor te/ nam mkha' la pus mo g.yas pa'i lhang btsugs te/ thal mo sbyar nas phyag 'tshal zhing 'di skad ces
- 170a
'dzer to/ / rigs kyi bu 'phags pa 'di dka' thub lngas yongs su gdung ba mdzad pa'i tshe// kho bo cag gi lha ma yin gyi 'jig rten rgya mtsho dang rir bcas pa'i sa chen po'i dkyil 'khor rab tu g.yo bar 'gyur te/ bdag cag kun gyi nga rgyal dang // rlom sems dang / dregs pa thams cad brtul zhugs dang dka' thub kyis zil gyis non te/ 'phags pa 'di'i drung du 'dong ngo // der phyin nas kyang 'phags pa 'di ni bdag cag la g.yo sgyu thams cad rab tu spang ba dang / chos zab mo'i bzod pa la gzud pa dang / mi g.yo ba'i chos nyid la rab tu dgod pa dang / stobs bcu'i ye shes yongs su grub par bya ba'i phyir chos ston to/ / nam mkha' lding gi dbang po shugs chen po 'dzin pa la sogs pa nam mkha' lding gi dbang po stong phrag bcus kyang / bram ze'i bu shin tu sdug gu'i gzugs su mngon par sprul te 'di skad ces 'dzer to/ / rigs kyi bu 'phags pa 'di dka' thub lngas yongs su gdung ba mdzad pa'i tshe/ me'i phung po 'di dag las 'od chen po byung ste/ bdag cag gi gnas snang bar byas nas yongs su g.yo bar byed do/ / des bdag cag kyang 'jigs shing skrag ste/ skye ba'i yid dang ldan par gyur nas 'phags pa 'di'i drung du 'khod do// 'phags pa 'di yang bdag cag la chos ston cing byams pa chen po la yang dag par sbyor bar mdzad do/ / snying rje chen po la yang dag par dgod pa mdzad do// 'khor ba'i rtse mtshor 'jug pa la'ang yang dag par sbyor ba mdzad do// 'dod pa'i 'dam du phreng ba'i sems can mngon par gdon par bya ba
- 170b
la'ang yongs su sbyong bar mdzad do/ / lhag pa'i bsam pa'i sgo rnam par dag par bya ba la'ang rab tu sbyor ba mdzad do// shes rab dang thabs shin tu gsal ba la'ang yang dag par sbyor ba mdzad do// rnam pa ji lta bur yongasu smin pa'i sems can rnams gdul bar bya ba la'ang rab tu sbyor ba mdzad do/ / mi 'am ci'i dbang po stong phrag bcu'ang steng gi bar snang la 'khod de 'di skad ces 'dzer to// rigs kyi bu 'phags pa 'di dka' thub lngas yongs su gdung ba mdzad pa'i tshe kho bo cag gi gnas na 'khod pa'i shing ta la'i 'phreng ba las dril bu'i dra ba rin po che'i srad bus lnga ldir brgyus pa'i sil snyan dang / rol mo'i yo byad dang / rin po che'i rgyan dang / khyim gyi longs spyod thams cad las sangs rgyas kyi sgra 'byung ngo // chos kyi sgra dang / phyir mi ldog pa'i byang chub sems dpa'i dge 'dun gyi sgra dang / byang chub tu yang dag par zhugs pa'i smon lam gyi sgra 'byung ngo / / 'jig rten gyi khams kyi grangs su bya ba che ge mo zhig na ni/ byang chub sems dpa' ming 'di zhes bya ba zhig byang chub tu smon lam 'debs so// 'jig rten gyi kham kyi tshangs su bya ba che ge mo zhig na ni/ byang chub sems dpa' ming 'di zhes bya ba zhig dka' ba yongs su gtong ba byed do// 'jig rten gyi khams kyi grangs su bya ba che ge mo zhig na ni/ byang chub sems dpa' ming 'di zhes bya ba zhig thams cad mkhyen pa nyid kyi ye shes kyi dkyil 'khor yongs su spong ba byed do/ / 'jig rten gyi khams kyi grangs su bya ba che ge mo zhig na ni/ byang chub sems dpa' ming 'di zhes bya ba
- 171a
zhig snying po byang chub tu 'gro'o/ / 'jig rten gyi khams kyi grangs su bya ba che ge mo zhig na ni/ byang chub sems dpa' ming 'di zhes bya ba zhig dpung dang bzhon par bcas pa'i bdud dang tu pham par byas te/ bla na med pa yang dag par rdzogs pa'i byang chub mngon par 'tshang rgya'o// 'jig rten gyi khams kyi grangs su bya ba che ge mo zhig na ni/ de bzhin gshegs pa mtshan dang 'di zhes bya ba zhig rlos kyi 'khor lo skor ba mdzad do/ / 'jig rten gyi khams kyi thangs su bya ba che ge mo zhig na ni/ de bzhin gshegs pa'i mtshan dang ni che ge mo zhig sangs rgyas kyi 'phrin las ma lus par mdzad nas/ phung po ma lus pa'i dbying su yongs su mya ngan las 'da' ba mdzad do zhes bya ba'i skra 'byin te/ rigs kyi bu 'dzam bu'i gling gi rtswa dang / shing dang / yal ga dang / lo ma dang / 'dab ma thams cad rdul shin tu phra ba'i char rlags pa'i mur thug par nirung yang srid kyi/ de bzhin gshegs pa de dag gi mtshan dang / byang chub sems dpa'i rnams kyi smon lam dang / byang chub sems dpa' spyod pa la 'jug pa'i khyad par gang kho bo cag gi gnas na yod pa'i shing ta la'i 'phreng ba las rol mo'i yo byad dang / rin po che'i rgyan dang / khyim gyi longs spyod rlung gis bskyod pa'i sgra 'byung zhing nga ro 'byin pa dang / rna lam du zag pa'i mtha' ni thug par mi rung ngo // de ltar bdag cag kyang sangs rgyas dang / chos dang / dge 'dun dang / byang chub sems dpa' rab tu 'jug pa'i smon lam dang / spyod pa dang / mtshan gyi chu klung gi sgras dga' ba chen po'i shugs drag pos nyams bde ba skyes te/
- 171b
'phags pa 'di'i drung du 'dong ngo // de ltar bdag cag phyin par gyur nas kyang / 'phags pa 'di ni bdag cag bcin kyang kho bo cag gi 'khor gyi sems can du ma zhig bla na med pa yang dag par rdzogs pa'i byang chub las phyir mi ldog par 'gyur ba de lta bur chos ston pa mdzad do/ / 'dod pa la spyod pa'i lha'i bu stong phrag dpag tu med pa kha dog shin tu mdzes pa dag kyang nam mkha' la 'khod cing / yid kyis sprul pa'i mchod pas mchod pa byas nas 'di skad ces 'dzer to/ / 'phags pa 'di dka' thub lngas yongs su gdung ba mdzad pa'i tshe/ me'i phung po 'di dag las rnam pa 'di lta bu'i 'od 'byung ste/ 'od des mar na mnar med pa yan chad du sem can dmyal ba rnams snang bar byas nas/ sems can dmyal ba pa'i sems can thams cad kyi sdug bsngal rtse zil bar byas te/ 'od de nyid kyis 'phags pa 'di bdag cag gi mig lam du snang bar bstan pa de'i phyir kho bo cag kyang 'phags pa 'di la sems mos par gyur nas 'dod pa la spyod pa'i rtsa'i ri tsamA su bde bar skyes so/ / de ltar bdag cag kyang 'phags pa 'dis mdzad pa la drin du gzo zhing mthong bas mi ngoms pas 'dod pa'i dga' ba thams cad yongs su spangs te/ 'phags pa 'di'i drung du 'dong ngo // der bdag cag phyin nas kyang 'phags pa 'di ni ci nas kyang sems can tshad med pa rnam byang chub tu smon lam 'deb par 'gyur ba de ltar chos ston pa mdzad do/ / de nas tshong dpon gyi bu nor bzangs kyis/ chos kyi tshul rnam pa 'di lta bu blo nA dga' rangs te/ mgu ning nyam bde la tshom zhing yid bde ba skyes te/ tham
- 172a
ze rgyal ba'i rjod kyi skye mched la yang dag pa'i dge ba'i bshes gnyen du 'du shes bskyed de/ zam ze rgyal ba'i drod kyi skye mched kyi rkang pa gnyis la skye bos phyag 'tshal te 'di skad ces snga so// 24# pa de ltar bdag gis dge ba'i bshes gnyen gyi bka' dang 'gal bar bgyis pa'i nongs pa la nongs par bshags so/ / de nas bram ze rgyal ba'i drod kyi skye mched kyis/ tshong dpon gyi bu nor bzangs la tshigs su bcad pa 'di dag smras so/ / byang chub sems dpa' gang zhig rjes su bstan dang 'thun byed cing / dran pa nye bar gzhag ste bla ma'i ngag gcog mi byed na/ de phyir de yi don rnams thams cad 'thun par 'grub par 'gyur/ 'thun pa'i sangs rgyas ye shes byang chub drung du 'tshang yang rgya/ / de nas tshong dpon gyi bu nor bzang kyis ri g.yang sa'i lam spu gri'i so gshibs pa la 'dzegs te/ me'i phung po chen po der mchongs so// de de ltar mchongs pa'i tshe/ byang chub sems dpa'i ting nge 'dzin shin tu brtan pa zhes bya ba thob par gyur to/ / me des reg nas kyang byang chub sems dpa'i ting nge 'dzin rab tu zhi ba'i bde ba mngon par shes pa zhes bya ba thob par gyur nas/ des 'di skad ces smras so/ / 'phags pa'i me'i phung po la de ltar reg na bde ba dang / ri'i lam spu gris gtams pa 'di'ang de ltar re ka na bde ba de ni ngo mtshar che'o// des smras pa/ rigs kyi bu kho bo ni byang chub sems dpa'i rnam par thar pa dkyil 'khor mi zad pa thob pa ste/ rigs kyi bu kho bos ni byang chub sems dpa'i rnam par thar pa dkyil 'khor yongs su mi zad pa 'di shes par zad na/ kho bos byang chub sems dpa' mi'i phung po lta
- 172b
bu 'gro ba thams cad kyi nyon mongs pa dang / blta ba'i rnam pa thams cad yongs su zad par bya ba'i smon lam can du mtshon phyir mi ldog pa dang ldan pa/ sems la thub pa med cing sems dma' ba med pa dang ldan pa/ yid zhum pa med pa can rdo rje'i snying po dang ldan pa'i mthu bo che lta bu/ brtsams pa chen po mthar phyin par bya ba la sgyid lug pa med pa/ sbyor ba lhod pa med pa rlung gi dkyil 'khor lta bu/ 'gro ba thams cad kyi don du brtson pa/ brtson 'grus phyir mi ldog pa dang ldan pa/ phyir mi ldog pa'i go ru bgos pa de dag gi spyod pa shes pa 'am/ yon tan brjod par nus re skan/ song rigs kyi bu lho phyogs kyi rgyud 'di nyid na/ grong khyer seng ge rnam par bsgying pa zhe bya ba yod de/ de na rgyal po seng ge'i dpal gyi bu mo bya mA ma nye bya ba bu mo lnga brgya'i 'khor dang 'dug gis/ de'i gan du song la ji ltar byang chub sems dpas byang chub semA dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzad kyis/ bram ze rgyal ba'i drod kyi skye mched kyi rkang pa gnyi la spyi bos phyag 'tshal te/ bram ze rgyal ba'i drod kyi skye mched la lan brgya stong du mar g.yas phyogs su bskor ba byas nas yang dang yang bltas te/ bram ze rgyal ba'i drod kyi skye mched kyi drung nas song ngo // de nas tshong dpon gyi bu nor bzang dge ba'i bshwe gnyen la rim po bsam gyis mi khyab pa la zhus pa/ mos pa rgya chen pos rnam par dag pa/ theg pa chen po la mngon du phyog pa/ sangs rgyas kyi ye shes la mngon par mos la/ sangs rgyas kyi chos la yang dag par nus pa/ dge ba'i
- 173a
gnyen gyi rjes su 'brang bar slob/ chos kyi rim gro la rnam par spyod pa/ chags pa med pa'i ye shes la mngon du gyur pa/ yang dag pa'i mtha' shin tu rtogs pa/ ye shes kyi mtha' la mi gnas pa'i yul dang ldan pa/ dus gsum skad cig gi cha shas la khong du chud par byed pa/ nam mkha'i mtha' gnyis su med pa mngon du gyur pa/ mi gnyis pa'i mtha' rnam par gdon mi za ba thob pa/ chos kyi dbyings kyi mtha' la rnam par mi rtog par gnas pa/ bsgribs pa med pa'i mtha' gdul ba khong du chud par bya ba la zhugs pa/ chos kyi mtha' dang mi 'gal bar bya ba la gzhol ba/ de bzhin gshegs pa'i mtha' la mtha' med par khong du chud pa/ sangs rgyas thams cad kyi mtha' la rnam par mi rtog par gnas pa/ sems can thams cad kyi 'du shes kyi dra ba rnam par gtor ba'i ye shes la gzhol ba/ zhing la mngon par chags pa thams cad dang bral ba/ sangs rgyas kyi 'khor gyi dkyil 'khor thams cad la chags pa med pa'i sems dang ldan pa/ sangs rgyas kyi zhing thams cad yongs su dag par bya ba la gnas pa med par spyod pa/ sems can thams cad la bdag med pa dang sems can med pa'i 'du shes dang ldan pa/ sgra thams cad tshig gi lam lta bur khong du chud pa// gzugs thams cad gzugs kyi gzugs brnyan dang mnyam par rnam par rig par bya ba la gzhol ba de mthar gyis seng ge rnam par bsgyings pa'i grong khyer kang na ba der phyin te/ bu mo byams ma tshol zhing yongs su rmed rmed pa la rgyal po seng ge'i dpal gyi bu mo byams ma 'khor
- 173b
bu mo lnga brgya dang ldan pa de khang pa rnam par snang ba'i snying po zhes bya ba'i nang na/ / khri tsan dan sbrul gyi snying po'i rkang pa can/ gser gyi lcag pod kyi dra bas legs par blas pa/ lha rdzas kyi stan bting ba la 'dug cing chos ston to zhes thos nas/ seng ge rnam par bsgyings pa'i grong khyer du song ste/ rgyal po seng ge'i dpal gyi gnas gang na ba der phyin nas/ rgyal po'i phyi sgo'i sgo khang na bu mo byams ma mthong bar dga' ba'i phyir sdod cing 'dug 'dug pa dang / des der srog chags brgya phrag du ma dang / srog chags stong phrag du ma dang / srog chags brgya stong phrag du ma 'dong ba mthong nas/ khyed gang nas 'ongs dkang du 'dong zhes dris pa dang / de dag na re ngeng ni/ bu mo byams ma'i drung du chos mnyan pa'i phyir 'dong ngo zhes nas des 'asam pa/ 'dir ni su 'gro'ang dkag pa med pa lta zhig snyam ste/ de'ang nang du phyin to// de ltar phyin te bltas na/ khang pa rnam par snang ba'i snying po can de'ang gzhi shel du 'dug pa'i sa las blangs te/ bai DUR+Ya'i ka ba bkye ba/ rtsig pa rdo rje las byas pa/ 'dzam bu chu klung gi gser gyi lhun dang ldan pa'i ba gam brgya phrag stong gis brgyan pa/ nor bu rin po che grangs med pas rnam par bres pa/ rin po che stong gi snying po'i me long gi dkyil 'khor gyis shin tu sba bar byas pa/ nor bu rin po che 'gro ba'i yid du 'ong bas rnam par brgyan pa// rin po che'i shing tags grangs med pas yongs su bskor ba/ gser gyi dril bu brgya stong shin tu 'khrol ba'i sgra snyan pa bsam gyis mi khyab pa'i rgyan dang ldan par 'dug par mthong ngo // bu mo byams ma de'ang mig dkar nag 'byes pa/ sra mthon mthing du 'dug pa/ mdog
- 174a
gser gyi kha dog ltar 'dug pa mthong nas/ des de'i rkang pa gnyis la spyi bos phyag 'tshal te/ lan brgya stong du mar g.yas phyogs su bskor ba byas nas/ thal mo sbyar te mdun du 'dug 'di skad ces smras so/ / 'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpa' byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags ma ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa/ rigs kyi bu kho mo'i gnas kyi rgyan la ltos shig ces nas/ des kun tu byung ste bltas pa dang / rtsig par re dang / ka ba re re dang / me long gi dkyil 'khor re re dang / rnam pa'i bye brag re re dang / dbyibs re re dang / nor bu rin po che re re dang / gser gyi dril bu re re dang / rin po che'i shing re re dang / ba spu'i bu ga re re dang / rin po che'i se mo do re las kyang chos kyi dbyings thams cad na bzhugs pa'i de bzhin gshegs pa thog ma thugs bskyed pa dang bcas pa/ spyod pa dang smon lam gyi yul dang bcas pa/ 'byung ba'i rgyan dang bcas pa/ mngon par 'tshang rgya ba'i rnam par 'phrul pa dang bcas pa/ chos kyi 'khor lo bskor ba dang bcas pa/ yongs su mya ngan las 'das pa ston pa dang bcas par gzugs brnyan gyi tshul du mthong bar gyur to// dmigs pa de dag re re las
- 174b
ji lta ba de bzhin du dmigs pa thams cad las kyang mthong bar gyur to/ / 'di lta ste/ dper na chus yongs su gang ba'i mtsho dang zhing rnyog pa med la rnam par gsal ba la ni/ nam mkha'i nyi zla dang skar ma'i tshogs kyis brgyan pa gzugs brnyan gyi tshul du yongs su snang ngo / / de bzhin du khang pa rnam par snang ba'i snying po'i dmigs pa re re las kyang / chos kyi dbyings kun na bzhugs pa'i de bzhin gshegs pa thams cad gzugs brnyan gyi tshul du yongs su snang bar gyur to/ / de ni bu mo byams ma'i sngon gyi dge ba'i rtsa ba'i rgyu'i phyir te/ des de ltar rnam par bltas nas/ sangs rgyas mthong ba'i rgyan gyi mtshan ma de yongs su bzung ste thal mo sbyar nas/ bu mo byam ma'i gdong du bltas pa dang / des smras pa/ rigs kyi bu kho mo ni shes rab kyi pha rol tu phyin pa'i sgo'i rgyud kun nas rnam par brgyan pa zhes bya ba thob pa ste/ shes rab kyi pha rol tu phyin pa'i sgo'i rgyud 'di ni kho mos de bzhin gshegs pa chu klung bad+hA sum cu rtsa drug gi bye ma snyed las yongs su brtsal ba ste/ de bzhin gshes pa de dag gis kyang shes rab kyi pha rol tu phyin pa'i sgo'i rgyud kun nas rnam par brgyan pa 'di/ sgo sna tshogs kyi khong du chud par bya bas rtogs par mdzad de/ gcig gis gang gsungs pa de'ang gnyis kyis ma gsungs so// sbas pa/ 'phags ma shes rab kyi pha rol tu phyin pa'i sgo'i rgyud kun nas rnam par brgyan pa 'di'i yul ji lta bu zhig mchis/ smras pa/ rigs kyibu shes rab kyi pha rol tu phyin pa'i sgo'i rgyud kun nas rnam par brgyan pa 'di la kho mo mngon du byed cing sems pa dang / rjes su 'brang bar bya ba dang / rnam par dpyod pa dang / rjes su sems pa dang / dran par bya ba dang
- 175a
yongs su gzung ba dang / rnam par brtags pa dang / mngon par bsgrub pa dang / yang dag par brgyan pa bya ba dang / rab tu rnam par dbye ba byed pa'i tshe/ gzungs kun nas so zhes bya ba su skye ste/ gzungs kyi dkyil 'khor der ni chos kyi sgo brgya stong grangs med pa phrag bcu yongs su 'du'o// khongs su chung ngo // mngon du 'gyur ro// mngon par 'du'o// longs na 'khod do// 'di lta ste/ sangs rgyas kyi zhing gi sgo dang / sangs rgyas kyi sgo dang / chos kyi sgo dang / sems can gyi sgo dang / 'das pa'i sgo dang / ma 'ongs pa'i sgo dang / da ltar byung ba'i sgo dang / gnas pa'i mtha' sgo dang / bsod nams kyi sgo dang / bsod nam / kyi tshogs kyi sgo dang / ye shes kyi sgo dang / ye shes kyi tshogs kyi sgo dang / smon lam gyi sgo dang / sngon lam gyi rnam pa'i sgo dang / spyod pa'i sgo dang / spyod pa rnam par dag pa'i sgo dang / spyod pa yongs su 'byung ba'i sgo dang / spyod pa yongs su rdzogs par bya ba'i sgo dang / las kyi sgo dang / las dang mi 'gal ba'i sgo dang / las kyi rgyun gyi sgo dang / lam mngon par 'du bya ba'i sgo dang / mi mnyam pa'i las yongs su spang ba sgo dang / yang dag pa'i las la nan tan du bya ba'i sgo dang / las la dbang sgyur ba'i sgo dang / legs par spyad ba'i sgo dang / legs par spyad pa yang dag par blang ba'i sgo dang / ting nge 'dzin gyi sgo dang ting nge 'dzin khong du chud par bya ba'i sgo dang / ting nge 'dzin la rnam par spyad pa'i sgo dang / ting nge 'dzin gyi spyod yul gyi sgo dang / ting nge 'dzin las ldang 'tsho sgo dang / mngon par shes pa'i sgo dang / sems
- 175b
rgya mtsho'i sgo dang / sems kyi rnam grangs kyi sgo dang / sems kyi rgyud yongs su dag par bya ba'i sgo dang / sems kyi thibs po snang bar bya ba'i sgo dang / sems kyi mtsho dang bar bya nga'i sgo dang / sems 'byung ba'i sgo dang / sems rnam par rgyu ba'i sgo dang / sems can gyi kun nas nyon mongs pa rgyu ba'i sgo dang / nyon mongs pa'i bag chags kyi sgo dang / nyon mongs pa'i sbyor ba'i sgo dang / mos pa'i sgo dang / sems can gyi spyod pa'i sgo dang / sems can gyi spyod pa rnam pa tha dad pa'i sgo dang / 'jig rten 'byung ba'i sgo dang / sems can gyi bsam pa'i sgo dang / sems can gyi 'du shes kyi rnam pa'i sgo dang / phyogs kyi sgo dang / / chos kyi phyogs kyi sgo dang / snying rje chen po'i sgo dang / byams pa chen po'i sgo dang / zhi ba'i sgo dang / ngag gi lam gyi sgo dang / tshul gyi sgo dang / khong du chud par bya ba'i sgo dang / rnam par phye'i sgo dang yang dag par 'du ba'i sgo dang / chags pa med pa'i mtha'i sgo dang / kun gyi sgo dang / sangs rgyas kyi chos kyi sgo dang / byang chub sems dpa'i chos kyi sgo dang / nyan thos kyi chos kyi sgo dang / rang sangs rgyas kyi chos kyi sgo dang / 'jig rten gyi chos kyi sgo dang / 'jig rten 'byung ba'i chos kyi sgo dang / 'jig rten 'jig pa'i chos kyi sgo dang / 'jig rten kun nas gnas pa'i sgo dang / 'jig rten gyi khams rnam par dag pa'i sgo dang / 'jig rten gyi khams kun nas nyon mongs pa'i sgo dang / 'jig rten gyi khams su kun nas nyon mongs la rnam par dag pa'i sgo dang / 'jig rten gyi khams rnam par dag la kun nas
- 176a
nyon mongs pa'i sgo dang / 'jig rten gyi khams gcig tu kun nas nyon mongs par sgo dang / 'jig rten gyi khams gcig tu rnam par dag pa'i sgo dang / 'jig rten gyi khams kani mnyam pa/ nyid du khong du chud bar bya ba sgo dang / 'jig rten gyi khams spel zhi'i sgo dang / 'jig rten gyi khams kyi spyi'u tshugs su rgyu ba'i sgo dang / mig 'phrul du 'jug pa'i sgo dang / 'jig rten gyi khams kyi rgyud kyi sgo dang / gnas kyi 'du shes kyi rnam par gyur pa'i sgo dang / phrab rgya chen por khong du chud par bya ba'i sgrosgo dang / rgya chen po phra bar khong du chud par bya ba'i sgo dang / sangs rgyas mthong bar bya ba'i sgo dang / sangs rgyas kyi sku rnam pa tha dad pa'i sgo dang / sangs rgyas kyi 'od zer gyi dra ba rnam pa tha dad pa'i sgo dang / sangs rgyas kyi gsung gi dkyil 'khor rnam par phye ba'i sgo dang / sangs rgyas kyi chos kyi 'khor lo mngon par bsgrub pa'i sgo dang / sangs rgyas kyi chos kyi 'khor lo tha dad pa'i sgo dang / sangs rgyas kyi chos kyi 'khor lo tha mi dad pa'i sgo dang / sangs rgyas kyi chos kyi 'khor lo'i nges pa'i tshig gi sgo dang / sangs rgyas kyi chos kyi 'khor lo 'khor pa kun tu 'khor ba'i sgo dang / sangs rgyas kyi 'phrin las kyi sgo dang / sangs rgyas kyi 'khor gyi dkyil 'khor gyi sgo dang / sangs rgyas kyi 'khor gyi dkyil 'khor rnam par phye ba'i sgo dang / sangs rgyas kyi 'khor gyi dkyil 'khor rgya mtshor 'jug pa'i sgo dang / sangs rgyas kyi stobs snang ba'i sgo dang / sangs rgyas kyi ting nge 'dzin gyi sgo dang / sangs rgyas kyi ting nge 'dzin gyis rnam par 'phrul pa'i sgo dang / sangs rgyas kyi rnam par spyod pa'i sgong ba
- 176b
sangs rgyas kyi byin gyi rlabs kyi sgo dang / sangs rgyas kyi sprul pa'i sgo dang / sangs rgyas kyi sems can pha rol gyi sems thugs su chud pa'i sgo dang / sangs rgyas kyi rdzu 'phrul gyis rnam par 'phrul pa'i sgo dang / dga' ldan gyi pho brang na bzhugs pa'i sgo nas/ yongs su mya ngan las 'da' ba bstan pa'i bar gyi sgo dang / sems can gyi don tshad med pa mdzad pa'i sgo dang / chos zab mo'i tshul gyi sgo dang / chos sna tshogs kyi tshul gyi sgo dang / byang chub kyi sems kyi chos kyi rnam pa'i sgo dang / byang chub kyi sems 'byung ba'i rnam pa'i chos kyi sgo dang / byang chub kyi sems kyi tshogs kyi rnam pa'i sgo dang / smon lam gyi rnam pa'i sgo dang / spyod pa'i rnam pa'i sgo dang / mngon par shes pa'i rnam pa'i sgo dang / 'byung ba'i rnam pa'i sgo dang / gzungs rnam par dag pa'i rnam pa'i sgo dang / ye shes kyi dkyil 'khor rnam par dag pa'i rnam pa'i sgo dang shes rab yongs su dag pa'i rnam pa'i sgo dang / byang chub tshad med pa'i rnam pa'i sgo dang / dran pa rnam par dag pa'i rnam pa'i sgo dag ste/ rigs kyi bu de ltar kho mos shes rab kyi pha rol tu phyin pa'i sgo'i rgyud phra pas kun nas rnam par brgyan pa 'di shes par zad na/ kho mos byang chub sems dpa' sems nam mkha'i dbyings dang mnyam pa/ blo gros chos kyi dbyings ltar yangs pa/ rgyud bsod nams kyi tshogs kyis brtan pa/ 'jig rten las 'das pa'i lam du zhugs pa/ 'jig rten gyi chos yongs su mi rgyu ba/ ye shes snang ba'i mig rab rib med pa rab tu thob pa/ chos kyi dbyings thams cad mun pa med par khong du chud pa/ blo nam mkha'
- 177a
ltar tshad med pa dang ldan pa/ dmigs pa thams cad kyi rjes su song ba'i mig can/ chags pa med pa'i sa snang ba'i snying po dang ldan pa/ chos thams cad kyi don rab tu dbye ba la mkhas pa zil gyis gnon la/ 'jig rten kun gyis zil gyis mi non pa/ 'jig rten gyi spyod pa'i tshul rnam par spyod pa/ 'jig rten gyi lam gyi rgyud thams cad na kha na ma tho ba med pa/ 'jig rten gyi don byed pa la brtson pa/ 'gro ba thams cad kyi ngag gi tshul dang rnam pa la mkhas pa/ 'gro ba thams cad du gnas pa'i bsam pa dang ldan pa/ bsam pa ji lta ba bzhin du rnam par dmigs pa ston pa/ dus kyi 'khor lo thams cad la dbang sgyur ba de dag gi spyod pa shes pa 'am/ yon tan brjod par nus re skan/ song rigs kyi bu lho phyogs kyi rgyud 'di nyid na/ yul mig gsum pa zhes bya ba yod de/ de na dge slong blta na sdug pa zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis bu mo byams ma'i rkang pa gnyis la spyi bos phyag 'tshal te/ bu mo byams mal lan brgya stong du mar g.yas phyogs su bskor ba byas nas yang dang yang bltas te/ bu mo byams ma'i drung nas song ngo // de nas tshong dpon gyi bu nor bzangs byang chub sems dpa'i ye shes kyi rnam par spyod pa zab mo rjes su bsam pa dang / chos kyi dbyings kyi kazhi zab mo khong du chud par bya ba rjes su bsam pa dang / sems can gyi ye shes
- 177b
shin tu phra zhing zab pa rjes su bsam pa dang / 'jig rten gyi 'du shes kyi rnam pa zab mo rjes su bsam pa dang / mngon par 'du bya ba med pa'i dbyings zab mo rjes su bsam pa dang / sems kyi rgyud kyi dbyings zab mo rjes su bsam pa dang / rten cing 'brel par 'byung ba'i dbyings zab mo rjes su bsam pa dang / rang bzhin gyis bden pa'i dbyings zab mo rjes su bsam pa dang / 'gro ba thams cad kyi rnam par spyod pa'i bden pa'i dbyings zab mo rjes su bsam pa dang / chos kyi dbyings brgyan pa'i rgyan gyi dbyings zab mo rjes su bsam pa dang / lus kyi 'khrul 'khor shugs kyis 'khor ba'i dbyings zab mo'i rjes su bsam pa dang / las kyis sna tshogs su gyur pa'i dbyings zab mo rjes su bsam par byed cing / mthar gyis yul mig gsum pa gang na ba der phyin te/ yul gyi 'khor dang / grong khyer gyi 'khor dang / tshong dus kyi 'khor dang / grong rdal gyi 'khor dang / yul gru'i 'khor dang / lhas kyi 'khor dang / drang srong dge ba sbyospyo ba'i gnas kyi 'khor dang / yul dang phyogs kyi 'khor dang / chu'i rgyud kyi 'khor dang / ri'i sal sul gyi 'khor dang / nags tshal chen po'i 'khor dag tu/ dge sbyong blta na sdug pa yongs su tshol tshol ba las/ des dge slong blta na sdug pa nags tshal stug po zhig na gzhon zhing ngar la bab pa/ gzugs mdzes shing sdug la blta na yid du 'ong ba/ skra mthon mthing g.yas phyogs su 'khyil ba dang ldan pa mgo gdugs ltar 'dug pa/ gtsug tor gyi spyi bo can/ dpral ba yangs pa/ mig dkar gnas 'byes shing ring la rdzim pa'i rdzi ma ltar 'dug pa/ sna'i dbyibs legs shing bzang la ran par mdzes pa dang ldan
- 178a
gamachu mtshal ltar mdog bzang zhing shin tu legs pa dang ldan pa/ so mnyam zhing thags bzang la shin tu dkar ba bzhi bcu tshang ba dang ldan pa/ 'gram pa'i lhang seng ge ltar gdug pa/ mabur bshas gang zhing rgyas pa/ smig tshugs gzhu ltar 'dug cing ring la shin tu mdzes pa/ mdzod spu zla ba'i kha dog ltar 'dug pa'i thig le can/ rna shal ring zhing lhod par 'phyang ba/ zla ba nya ba ltar bzhin mdangs dang ldan zhing shin tu bzang ba/ mgul zlum zhing dung ltar mdzes pa/ snying ka dpal gyi be'us brgyan pa/ ro stod seng ge'i stod ltar 'dug pa/ thal gong shin tu rgyas pa/ dpung mgo'i lhun legs shing zlum pa/ lag pa ring ba dra bar 'brel ba'i sor mo can/ rkang lag 'khor los brgyan pa/ rkang lag 'jam zhing gzhon la shas rgyas pa/ bdun shin tu mtho ba/ rked pa rdo rje ltar 'dug pa/ lus che zhing drang ba/ brla zlum pa/ pho mtshan gsang ba'i sbubs na 'dug pa/ byin pa ri dgas e n+ya ya'i byin pa ltar 'dug pa/ sor mo ring ba/ rkang pa'i rting pa yangs pa/ 'ong 'dom gang ba dang ldan pa/ mdog gser gyi kha dog ltar 'dug pa/ pa spu re re nas g.yas phyogs su gyen du 'khyil ba/ shing n+ya gro d+ha'i rgyal po ltar chu zheng gab pa/ lus mtshan dang dpe byad bzang pos shin tu brgyan pa/ mig mi 'gebs shing mi rgod pa/ dran pa nye bar gnas pa/ ri'i rgyal po la ba can lngar du dang / nags tshal dang / An dang / shing zan sna tshogs kyis brgyan pa/ blo shin du yangs pa/ ye shes kyi skyod tshul dang dul ma grub pa med pa/ byangs kyi dkyil 'khor gyi rgyan sri kyi
- 178b
lta bu dang ldan pa/ g.yo ba dang / rlom sems dang / g.yeng ba dang / spros pa thams cad dang bral ba'i sems dang ldan pa/ ye shes kyi spyod yul ma 'dres pa/ sangs rgyas kyi yul rgya chen po'i snang ba thob pa/ sems can thams cad yongs su smin par bya ba dang gdul ba'i bsam pa'i rgyun mi 'chad pa/ snying rje chen po'i dkyil 'khor shin tu yangs pa skyes pa/ de bzhin gshegs pa thams cad kyi chos kyi tshul yongs su gzung ba dang / sems can thams cad kyi ye shes snang ba yang dag par bskyed pa'i phyir/ de bzhin gshegs pa'i tshul rjes su dran zhing / 'gro ba thams cad kyi don du 'chag pa la @zhugs te/ drag ngal med cing pad ral med la/ shin tu mdzes par 'chag pa/ gnas gtsang ma'i lha'i gos dang ldan pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten gyi mgon po dang / mi dang / mi ma yin pas bskor cing 'dug pa mthong ngo // dge slong blta na mdzes pa de 'chag pa'i tshe/ phyogs mngon du gyur pa'i phyogs kyi lha rnams phyogs kyi dkyil 'khor yongs su sgrub pa byed do// rkang gis 'gro'i lha rnams rin po che'i pad+mos gom pa 'dor ba'i tshe yongs su blang ba byed do/ / me'i lha snang ba'i dkyil 'khor zad mi shes pa rnams kyang mun pa dang rab rib rnam par sel to// 'dzam bu rgyal mtshan gyi nags tshal gyi lha rnams kyang me tog mang po'i char mngon
- 179a
par 'bebs so/ / sa'i lha mo g.yo ba'i snying po can rnams kyang rin po che'i 'byung gnas mang po ston to// nam mkha'i lha kun nas snang ba'i dpal dang ldan pa rnams kyi nam mkha'i dbyings yong su rgyan pa byed do/ / rgya mtsho'i lha dpal kun nas 'byung ba rnams kyang rin po che dam pa mang pos mngon par 'thor ro// ri rab kyi lha dri ma med pa'i snying po can rnams kyang thal mo sbyar cing phyag 'tshal lo// rlung gi lha thogs pa med pa'i stobs can rnams kyang spos dang / bdug spos dang / me tog 'thor ba'i rlung rab tu 'gyed do// mtshan mo'i lha gnas par byed pa lus shin tu brgyan pa rnams kyang lus shin tu btud cing phyag 'tshal lo/ / nyin mo'i lha rtag tu sad par byed pa'i dkyil 'khor can rnams kyang nor bu rin po che phyogs snang bar byed pa'i rgyal mtshan thogs shing snang ba bskyed pa'i phyir nam mkha'i dbyings la 'khod do// de nas tshong dpon gyi bu nor bzangs/ dge slong blta na sdug pa gang na ba der phyin nas/ dge slong blta na sdug pa'i rkang pa'i bol gnyis la spyi bos gtugs te phyag 'tshal nas/ dge slong blta na sdug pa'i rkang pa'i bol gnyis la bzhin sbyar te/ legs par phyis nas mdun du 'dug ste/ thal mo sbyar nas 'di skad ces smras so// 'phags pa bdag ni bla na med pa yang dag par rdzogs pa'i byang chub tu yang dad par zhugs nas/ byang chub sems dpa'i spyod pa yongs su tshol ba zhig lag+sa te/ 'phags pa ni byang chub sems dpa' rnams la gang mA ngag dang rjes su bstan pa mdzad do zhes bdag gri thos na/ 'phags pa ji ltar
- 179b
byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ des smras pa/ rigs kyi bu kho bo ni tshes btab na ngar la/ bab pa/ rab tu byung bas btab na gsar du zhugs pa ste/ rigs kyi bu kho bos ni tshe de 'dra ba gcig gis de bzhin gshegs pa chu klung gang+gA sum cu rtsa brgyad kyi bye ma snyed kyi drung du tshangs pa'i spyod pa spyad de/ bdag gi de bzhin gshegs pa la la'i zham ring du ni nyin zhag gcig tu tshangs pa'i spyod pa spyad do/ / la lar ni nyin zhag bdun du/ la lar ni zla ba phyed du/ la lar ni zla ba gcig tu/ la lar ni lo gcig tu/ la lar ni lo brgyar/ la lar ni lo stong du/ la lar ni lo brgya phrag stong du/ la lar ni lo bye bar/ la lar ni lo bye ba khrag khrig tu/ la lar ni lo brjod du med pa'i yang brjod du med pa/ la lar ni bskal pa bar mar/ la lar ni bskal pa phyed du/ la lar ni bskal pa/ bdag gis de bzhin gshegs pa la la'i zham ring du ni bskal pa brjod du med pa'i yang brjod du med par tshangs par spyod pa spyad de/ bskal pa bgrang ba'i tshul 'di nyid kyis de bzhin gshegs pa thams cad las chos bstan pa thos te/ gdams ngag dang rjes su bstan pa yang dag par blangs so// smon lam gyi rgyan yongs su sbyangs so// yang dag par bsgrub pa'i yul la zhugs so// spyod pa'i dkyil 'khor yongs su sbyangs so// pha rol tu phyin pa rgya mtsho yongs su rdzogs par byas so// mngon par rdzogs par 'tshang rgya ba'i rnam par 'phrul pa yongs su shes par byas so// de dag gi chos kyi 'khor
- 180a
kho 'khor ba phan tshun ma 'dres pa dag kyang yongs su bzung ngo / / de dag gi stobs mnyam pa nyid kyang khong du chud par byas so// de dag gi bstan pa'ang dam pa'i chos zad pa'i mthar thug gi bar du yongs su bzung ngo / / kho bos de bzhin gshegs pa de dag thams cad kyi sngon gyi smon lam rnams kyang / smon lam gyi dkyil 'khor gyi ting nge 'dzin mngon par bsgrub pa'i stobs kyis rang gi sangs rgyas kyi zhing yongs su dag par bya ba'i phyir mngon par bsgrubs so/ / kho bos de bzhin gshegs pa de dag thams cad kyi sngon gyi byang chub sems dpa'i spyod pa rnams kyang spyod pa thams cad la 'jug pa'i ting nge 'dzin thob pa'i rang gi spyod pa yongs su dag par bya ba'i phyir mngon par bsgrubs so/ / kho bos de bzhin gshegs pa de dag thams cad kyi pha rol tu phyin pa rnam par dag pa'ang kun tu bzang po'i spyod pas 'byung ba'i stobs kyis mngon par bsgrubs so/ / gzhan yang rigs kyi bu kho bo 'chags 'di na 'chag pa'i tshe/ phyogs kyi rgyud kyi sgo thams cad kyang / shin tu rnam par lta ba'i ye shes kyi sgos mngon du 'gyur ro// 'jig rten gyi khams kyi rgyud kyi thams cad kyang / smon lam chen po mngon par bsgrubs pa'i stobs kyis sems bskyed pa gcig la 'jig rten gyi khams brjod du med pa'i yang brjod du med pa'i nga' zhing yongs su dag par bya ba'i phyir rnam pabar 'grub par 'gyur ro/ / sems kyi skad cig gcig la sems can gyi spyod pa'i tshul gyi sgo brjod du med pa'i yang brjod du med pa dag kyang / byang chub sems dpa'i kun tu bzang po'i spyod pa dang / smon lam mngon par
- 180b
bsgrubs pa'i stobs kyis/ stobs bcu'i ye shes yongs su rdzogs par bya ba'i phyir mngon sum du 'gyur ro// sems bskyed pa gcig la sangs rgyas brjod du med pa'i yang brjod du med pa mthong ba rnam par dag pa dag kyang / snga phyi'i de bzhin gshegs pa rnams la mchod pa'i smon lam mngon par bsgrubs pa'i stobs kyis de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed la mchod pab dang / bsnyen bkur dang / rim gro bya ba'i phyir mngon du 'gyur ro// sems bskyed pa gcig la de bzhin gshegs pa brjod du med pa'i yang brjod du med pa'i chos kyi sprin gyi char rnam kyang / chos kyi 'khor lo yongs su 'dzin pa'i gzungs dang / smon lam mngon par bsgrubs pa'i stobs kyis chos kyi tshul grangs med pa rnam par 'tshang rgya zhing khong du chud par bya ba'i phyir bsam pa la mngon par 'bab bo// sems bskyed ba gcig la byang chub sems dpa'i spyod pa rgya mtsho brjod du med pa'i yang brjod du med pa dag kyang / byang chub sems dpa'i spyod pa mig 'phrul lta bu yongs su rdzogs par bya ba'i smon lam mngon par bsgrubs pa'i stobs kyis spyod pa'i dkyil 'khor thams cad yongs su dag par bya ba'i phyir mngon du 'gyur ro/ / sems bskyed pa gcig la ting nge 'dzin rgya mtsho brjod du med pa'i yang brjod du med pa dag kyang / ting nge 'dzin gyi sgo ba ci tu ting nge 'dzin gyi sgo thas cang yang dag par 'du bar bya ba'i smon lam mngon par bsgrubs pa'i stobs kyis/ ting nge 'dzin gyi dkyil 'khor thams cad yongs su dag par bya ba'i phyir mngon du 'gyur ro// sems bskyed pa gcig
- 181a
la dbang po rgya mtsho brjod du med pa'i yang brjod du med pa dag kyang / dran pa'i mthar phyin pa'i dbang po thob par bya ba'i smon lam mngon par bsgrubs pa'i stob kyi dbang po'i 'khor lo dag du kyi 'khor lo thams cad kyi rjes su 'brang bar bya ba'i phyir mngon du 'gyur ro/ / sems bskyed pa gcig la dus kyi 'khor lo brjod du med pa'i yang brjod du med pa dag kyang / sems can zad mi shes pa zad par bya ba'i smon lam mngon par bsgrubs pa'i stobs kyis dus thams cad du chos kyi 'khor lo rab tu bskor ba'i phyir mngon du 'gyur ro/ / sems bskyed pa gcig la dus rgya mtsho brjod du med pa yang brjod du med pa t hams cad kyang dus gcig tu rnam par dgod pa'i tshul khong du chud pa'i ye shes snang ba'i smon lam mngon par bsgrubs pa'i stobs kyis 'jig rten gyi khams thams cad kyi dus gsum rnam par dgod pa'i phyir mngon sum du 'gyur te/ rigs kyi bu kho bos ni byang chub sems dpa'i rnam par thar pa shin tu zhi bar mi 'gyur ba'i sgron ma zhes bya ba 'di shes par zad na kho bos byang chub sems dpa' bsam pa rdo rje lta bu dang ldan pa/ de bzhin gshegs pa thams cad kyi rigs su rigs dang ldan par byung ba/ srog gi dbang po la rgyun 'chad pa med pa/ ye shes kyi sgron ma zhi bar 'gyur ba med pa/ mi shigs mi phyed pa'i lus dang ldan pa/ ma'i rnam pa lta bu'i gzugs shin tu grub pa/ rgyu'i chos dang mnyam pa'i yan lag dang nying lag tu ldan pa'i lus can/ gro ba rnams kyi bsam pa ji lta ba bzhin du rnam par dmigs par byed pa'i lus dang ldan pa
- 181b
'gro ba thams cad 'dra ba'i gzugs dang / lus dang / kha dog dang / dbyibs dang / chu zheng yongs su ston pa/ me mdag dang / me lde dang / dug dang / mtshon gyis mi tshugs pa'i lus dang ldan pa/ rdo rje ltar sra zhing khor yug ltar thub pa med pa'i lus can/ bdud dang phas kyi rgol ba thams cad kyi stobs kyi stobs med par byed pa/ 'dzam bu chu klung gi gser gyi ri bo dang 'dra bar 'gro ba kun las mngon par 'phags pa'i lus dang ldan pa 'gro ba thams cad rnam par dmigs pa'i bzhi dang ldan pa/ sgo thams cad du rnam par dmigs shing thos par gyur pa/ 'gro ba thams cad kyis ngor blta ba/ chos thams cad kyi sprin gyi 'byung gnas su gyur pa phyogs kun tu rnam par snang ba/ sgrib pa'i ri thams cad rnam par gtor bas bldan mdzes pa/ mi dge ba'i rtsa ba thams cad shin tu 'jom pas shin tu dpa' bar snang ba/ dge ba'i rtsa ba rgya chen po'i rgyu 'thun pa las byung bas bldan dga' ba/ 'byung bar shin tu dka' zhing dkon pas me tog u dum wa ra lta bu de dag gi spyod pa 'am/ yon tan brjod par nus re san/ song rigs kyi bu lho phyogs kyi rgyud 'di nyid na/ yul dge sbyong gi dkyil 'khor zhes bya ba na grong khyer so bzang po zhes bya ba yod de/ den khye'u dbang po'i dbang phyug ces bya ba 'dug gis/ de'i gan du song la ji ltar byang chub sems dpas byang chub sems dpa' spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs byang chub sems dpa'i rnam par gnon pa dang / nan tan rnam par dag par bya
- 182a
la brtson pa/ byang chub sems dpa'i stobs snang bas sems shin tu snang bar gyur pa/ byang chub sems dpa'i brtan pa gzhan gyis mi thub cing brgal thag chad pa'i snying dang ldan pa/ byang chub sems dpa'i smon lam gyi go cha bzang pos sems zhum pa med pa/ byang chub sems dpa'i bsam pa brtan pas kun tu gnas shing yongs su 'phel bar 'gyur ba la brtson pa/ byang chub sems dpa'i spyod pa'i sprin gyi char yongs su 'dzin pa'i bsam pa dang ldan pa/ byang chub sems dpa'i chos kyi sprin gyi char gyis yongs su mi ngoms pa'i rgyud dang ldan pa/ byang chub sems dpa'i yon tan thams cad la 'jug pa'i smon lam mngon du gyur pa 'gro ba thams cad kyi kha lo sgyur bas yongs su sdud par bdag nyid yongs su gtong bar 'dod pa/ 'gro ba thams cad 'khor ba'i bas mtha' dgon pa chen po las bzla bar 'dod pa/ dge ba'i bshes gnyen blta ba dang / mnyan pa dang / bsnyen bkur bas yongs su mi ngoms pas chos kyi rim gro tshad med pa skyed pa dang ldan pa des/ dge slong blta na sdug pa'i rkang pa gnyis la spyi bos phyag 'tshal te/ dge slong blta na sdug pa la lan brgya stong du mar g.yas phyogs su bskor ba byas nas yang dang yang bltas te/ dge slong blta na sdug pa'i drung nas song ngo // // 'phags pa sangs rgyas phal po che zhes bya ba bam po dgu bcu rtsa bzhi pa/ / de nas tshong dpon gyi bu nor bzangs dge slong blta na sdug pa de'i gdams ngag rjes su zlos shing / spel ba dang / bstung ba dang / rab tu dbye ba dang / bshad pa dang / so sor
- 182b
rnam par bsgom pa dang / brjod pa dang / yang dag par bstan pa dang / rjes su bsam pa dang / mngon par 'jug par bya ba dang / bkur ba dang / khong du chud par bya ba dang / yang dag par gzhol bar bya ba dang / yang @ yang bzlas pa dang / shin tu rtogs par bya ba dang / rab tu bstan pa dang / snang bar bya ba dang / rjes su rnam par lta bar byed cing / lha dang / klu dang / gnod sbyin dang / dri za'i 'khor dang bcas pa de mthar gyis yul dge sbyong gi dkyil 'khor gyi grong khyer sgo bzang po gang na ba der byin te/ khye'u dbang po'i dbang phyug yongs su tshol tshol ba las/ de'i steng gi bar snang la sa lba dang / klu dang / gnod sbyin dang / dri za rnams kyis bos pa/ rigs kyi bu khye'u dbang po'i dbang phyug ni chu klung gi chu 'dus dang nye ba zhig na byis pa stong phrag bcu tsam gyis bskor te/ bye ma la rtse bas rtse zhing 'dug go zhes nas/ tshong dpon gyi bu nor bzang grong khyer sgo bzang po dang nye ba'i chu klung gi chu 'dus gang na ba der song ste phyin pa dang / des khye'u dbang po'i dbang phyug byis pa stong phrag bcu tsam gyis bskor cing / bye ma la rtse bas rtse ba mthong ngo // mthong nas kyang khye'u dbang po'i dbang phyug gang na ba der song ste/ khye'u dbang po'i dbang phyug gi rkang pa gnyis la spyi bos phyag 'tshal nas/ khye'u dbang po'i dbang phyug la lan brgya stong du mar g.yas phyogs su bskor ba byas nas/ khye'u dbang po'i dbang byug gi mdun du 'dug ste thal mo sbyar nas 'di skad ces smras so/ / 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'
- 183a
spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa/ rigs kyi bu kho bo ni 'jam dpal gzhon nur gyur pas yi ge dang / grangs dang / brda dang / rtsis kyi tshul bslabs te/ bzo thams cad mngon par shes pa dang ldan pa zhes bya ba'i ye shes kyi sgor bcug go// de ltar rigs kyi bu kho bos ni 'jig rten yi ge dang ming gi rnam pa dang / grangs dang / rtsis dang / brda dang / shod thabs shes par bya ba dang / bzo sna tshogs shes par bya ba dang / khams kyi cho ga dang / dug gso ba'i thabs dang / skem pa dang / brjed byed dang 'byung po'i gdon gyis btab pa gso ba dang / grong dang / grong khyer dang / tshong dus dang / bza' shing gi ra ba dang / dka' thub kyi nags tshal dang / gnas rnam par dgod pa shes par bya ba dang / ra ba dang / khang pa dang skaslar khung dang / khang pa brtsegs pa'i tshad shes par bya ba dang / 'khrul 'khor dang / shing rta sbyar ba'i tshul sna tshogs shes par bya ba dang / dge mi dge dang / 'jigs mi 'jigs kyi ltas dang mtshan ma shes par bya ba dang / rmos dang / tshong dang / rnam par spyad par sbyar ba'i cho ga shes par bya ba dang / sems can gyi yan lag dang nying lag gi batshan gyi rgyud dang / rgyus dang / rnam par spyad pa shes par bya ba dang / bde 'gro
- 183b
dang ngan song gi las kyi lam rnam par dag par bya ba'i tshul shes par bya ba dang / dge ba dang mi dge ba'i chos dang tshogs mchod pa shes par bya dang / bde 'gro dang ngan song gi tshogs shes par bya ba dang / nyan thos dang rang sangs rgyas kyi theg pa'i tshogs shes par bya ba dang / de bzhin gshegs pa'i sa'i tshogs shes par bya ba dang / rgyu dang / byed pa dang / sbyor ba'i rgyud shes par bya ba ji snyed pa de dag thams cad shes te/ de dag la sems can yongs su gzud par byed do// rab tu dgod pa byed do// yongs su gzhog par byed do// slob tu 'dzud do// sbyong du 'dzud do// brtan par byed do// lhur len par byed do/ / rdzogs par byed do// yongs su sgrub par byed do// yongs su spyod par byed do// gsal bar bstan pa byed do// rnam par 'phel bar byed do// mtshan mar byed do// mthar phyin par byed do// rnam par sbyong bar byed do/ / dri ma med par byed do// shin tu dag par byed do// 'od gsal zhing dang bar byed do// shin tu yangs par byed do// de ltar rigs kyi bu kho bos byang chub sems dpa' rnams kyi rtsis kyi tshul shes pa de gang zhe na/ brgya stong phrag brgyan bye ba'o// bye ba bye ba na long khod do// khong khod khong long na thang dgu'o// tha dgu thang dkun khrig khrig go// khrig phrog khrig khrig na thams thams so// thams thams tha mas thams na myang myed do/ / myang mying myang myid na gang ya'o// gang ya gang ya na ban bun no// ban bun pan bun na phyar phyur ro// phyar phyur phyar phyur na lcag lcig go// lcug lcig lcug lcig na byang bying ngo //
- 184a
byang bying byang byin chematsham mo// ches chom che mchis na stsal byol lo// khyul phyos phul grolan kyang byung ngo // byang chung byung byung ba par byer ro// ma zer bar zer na rdzing bris so// khrikhan ya gangs so// ya gangs ya gangs na cho ma'o// cho mchos na khram khrim mo// khram khrim khram khriman na ba nub bo// nab nub na pa nub na sang sang ngo // sang sang sang sa na brgyud yas so// brgyad yas brgyad yas na gdang yas so/ / gtang yas gtang yas na bkra yar ro// bkra yar bkra yar na gsa' yas so// gsa' yas gsa' yas na mtshungs med do// mtshungs med mtshungs med na lam lum mo/ / la ma lum la ma lu ma na yal yol lo// yal yol yal yol na khral khrul lo// khral khrul khral khrul na thung thung ngo // thung thung thung thung na bsam phyod do// bsam phyong bsam phyong na brang phreng ngo // brang breng bradra breng na bgrod yas so/ / bgrod yas grong yas na bsngo yas so// bsngo yas bsngo yas na zang yag go// zang yag sang yag na 'gro bkye'o// 'phro bkye 'dro kyi rje 'byo'o// rtse 'byo rtse 'phyo na yod can no// yos na yod tan na blug sa yos so/ / drug g.yos brug g.yos na sang yal lo// sang yal sang yal na 'thing yug so// 'thing yug 'bring yug na yid 'phyo'o// mi 'tsho yid 'phyon ma batheb bo// rab cheb napa nem na thams so/ / khrig thams khrig thams na yal yal lo// yal yal yal yal na bzang yas so// bzang yas bgrang yas na thug yal lo// thug yal thug ya la na shang shang ngo // shang shang shar shang
- 184b
yag yag go/ / yag yag yag yag na tha ma thim mo// tha ma thim tha ma thim na rlom bskal lo// rlom pa snyal rlom pasnyal na gzhal 'phyos so// gzhal byos gzhal phyos na gzhal yal lo// gzhal yal gzhal yal na gzhal med do/ / gzhal med gzhal med na gzhal 'khor to// gzhal 'khor gzhal 'khor na gzhal thim mo// gzhal thim gzhal thim na kar gzhal lo// gar gzhal gar gzhal na gzhal sangs so// gzhal sangs gzhal sangs na gzhal thag go/ / gzhal thag gzhal thag na gzhal phul lo// gzhal phul gzhal phul na gzhal zhi'o// gzhal zhi gzhal zhin 'phyo 'gyur ro// 'phyo 'gyur 'phyo 'gyur na nyar nyer ro// 18 nyer char nyer na phyag phyig go/ phyag phyig phyag phyig na zal zul lo// zal zul zal zul na sa la sal lo// sal sal sal sal na g.yo ldeg go// g.yo ldeg g.yo ldeg na phan phun no// phan phun phan phun na brnang la'o/ / brnang ya brnang ya na re ma 'drol lo// rem 'jol rem 'drol na rdzi dang do// rdzi ngadang rdzi ngang na rdzi rdul to// rdzi rdul rdzi rdul na phun yol lo// phun yol phun yol na dang ngang ngo // ngang ngang dang da na bgrang brtsi'o/ / grang brtsi bgrang brtsin zab bgrang ngo // zab bgrang zab bgrang na dga' rkyang ngo // dga' rgyang dga' rkyang za gzhung 'jal lo// gzhung 'dal gzhung 'dal na khrug phyung ngo // khrug phyang khrug phyang na 'ol phyed do/ / 'ol phyod 'ol phyod na gdab yas so// gdab yas gdab yas na gcal yas so// gcal yas gcal yas na bgrang yas so// bgrang yas bgrang yas na byim 'phyo'o//
- 185a
khyim 'phyo byim 'phyo na ya me'o// ya me ya me na bstam yas so// bsngal yas bskal yas na lngab ldeng bo// lda ba sde lngang ldeb na 'ban chad do// 'ban can 'jam ran phang phung phang phung na khye'u tsang ngo / / khye'u tsang khye'u tsang ni zhung zung ngo // zhung zung zhung zung na mchog yal lo// mchog yal mchog yal na mtha' rdul to// mtha' rdul mtha' rdul na yun 'gyangs so// / yun 'gyangs yun 'gyangs na bun lob bo// bun lo ba bun lob na lam lom mo// lam lo ma lam lo ma na ba snyad yas so// bsnyad yas bsnyad yas na lang ling ngo // lang ling lang ling na lba ba lcib bo// lngaldab ldib lngapa ljib na mi brtsal to// mi brtsal mi brtsal na 'byams yas so// 'byams yas 'byams yas na nga 'grang ngo // nga 'grang nga 'grang na smos yal lo// smos yal sngos yal na bkra ral lo// bkra chal bkra tshal na lo rgyas so// lo rgyas lo rgyas na 'bum rdib bo// 'bum rdib 'bum rdib na ga mgum mo// gam gum ga ma gum na la lo'o// la lo la lo na bgrang 'phyos so// bgrang 'phyos bzang 'phyos na bkrang 'phyos la bsgres pa'o/ / bgrang phyos la bsgres pa bgrang phyos la bsgres pa na dpag yas so// dpag yas dpag yas na dpag yas la bsgres pa'o// dpag yas la bsgres pa dpag yas la bsgres pa na yal phyong ngo / / yal phyong yal phyong na yal phyong la bsgres pa'o// yal phyong la bsgres pa yal phyong la bsgres pa na mu yal lo// mu yal mu yal na mu yal la bsgres pa'o// mu yal la bsgres pa
- 185b
mu yal la bsgres na bgrang yol lo/ / bgrang yol bgrang yol na bgrang yol la bsgres pa'o// bgrang yol la bsgres pa bgrang yol la bsgres na mi 'jal to// mi 'jal mi 'jal na mi 'jal la ba smras pa'o/ / mi 'jal la bsgres pa mi 'jal la bsgres pa na bsam phyod do// bsam phyod bsam phyod na bas ma pyod la bsgres pa'o// bsam phyod la bsgres pa bsam phyod la bsgres na mtha' 'byam mo mtha' 'byam mtha' 'byam na dpag thag go/ / dpag thag dpag thag na dpag thag la bsgres pa'o// dpag thag la bsgres pa dpag thag la bsgres pa na brjod du med pa'o// brjod du med pa brjod du med pa na brjod du med pal bsgres pa'o/ / brjod du med pa la bsgres pa brjod du med pa la bsgres pa na/ brjod du med pa'i yang brjod du med pa la bsgres pa shin tu bstan pa'o// de'i mdun na bye ma'i phung po chen po dpag tshad du ma'i tshad dang ldan pa zhig 'dug 'dug pa las/ 'di la bye ma'i 'bru 'di snyed cig yod do zhes bya ba na/ bye ma'i 'bru brjod du med pa'i yang brjod du med pa la bsgres pa 'di snyed cig yod do zhes rab tu phye nas bgrangs brtsis te grangs su bcad do// des bye ma'i phung po de rtsis kyi brdar bstan pas shin tu bstan nas 'di skad ces smras so// rigs kyi bu byang chub sems dpa' rnams kyi bgrang ba'i tshul 'di ni 'jig rten gyi khams gcig nas gcig tu brgyud pa kun na'ang yod de/ byang chub sems dpa' rnams ni bgrang ba'i tshul 'dis/ shar phyogs kyi 'jig rten gyi khams 'byam klas pa dag kyang bgrang zhing rtsi'o// de bzhin du lho phyogs dang / nub phyogs dang / byang phyogs dang /
- 186a
byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs su'ang byang chub sems dpa' rnams bgrang ba'i tshul 'dis/ / 'jig rten gyi khams 'byam klas pa dag bgrang zhing rtsi'o// rigs kyi bu byang chub sems dpa' rnams kyi bgrang ba'i tshul 'di ni phyogs bcu'i 'jig rten gyi khams kyi ming du bya ba gcig nas gcig tu brgyud pa bstan du yod pa thams cad na'ang yod de/ byang chub sems dpa' rnams ni bgrang ba'i tshul 'dis/ phyogs bcu'i 'jig rten gyi khams kyi ming gcig nas gcig tu brgyud pa bgrang zhing rtsi'o/ / ji ltar 'jig rten gyi khams kyi ming gcig nas gcig tu rgyud pa bstan du yod pa de bzhin du/ phyogs bcu'i bskal pa'i ming gcig nas gcig tu brgyad pa bstan du yod pa dang / sangs rgyas kyi mtshan gcig nas gcig tu brgyud pa bstan du yod pa dang / chos kyi ming gcig nas gcig tu brgyud pa bstan pa dang / sems can gyi ming gcig nas gcig tu brgyud pa bstan du yod pa dang / las kyi ming gcig nas gcig tu brgyad pa bstan du yod pa kun la'ang 'jug ste/ byang chub sems dpa' rnams kyi bgrang ba'i tshul 'di nyid ni/ phyogs bcu na ming du bya ba gcig nas gcig tu brgyud pa bstan du rung ba ji snyed pa thams cad la'ang 'jug ste/ byang chub sems dpa' rnams ni bgrang ba'i tshul 'dis/ phyogs bcun ming gcig nas gcig tu brgyud pa ji skad yod pa thams cad kyang bgrang zhing brtsi'o// de ltar rigs kyi bu kho bos ni byang rab sems dpa'i
- 186b
shes snang ba chos thams cad shes par bya ba'i bzo mngon par shes pa dang ldan pa 'di shes par zad na/ kho bos byang chub sems dpa' 'gro ba thams cad kyi grangs la zhugs pa/ chos kyi tshul thams cad grangs la zhugs pa/ dus gsum gyi grangs la zhugs pa/ sems can thams cad kyi grangs la zhugs pa/ chos kyi phung po thams cad kyi grangs la zhugs pa/ sangs rgyas dang byang chub sems dpa' thams cad kyi grangs la zhugs pa/ chos thams cad kyi ming gi 'khor lo la dbang sgyur ba de dag gi spyod pa shes pa 'am/ yon tan brjod pa'am/ spyod yul spros pa 'am/ yul brjod pa 'am/ stobs bsngags pa 'am/ bsam pa bstan pa 'am/ tshogs yongs su brjod pa'am/ smon lam bshad par bya ba 'am/ spyod pa yongs su bstan pa 'am/ pha rol tu phyin pa yongs su dag pa mngon par brjod pa 'am/ yang dag par bsgrub pa yongs su dag pa yang dag par bstan pa 'am/ ting nge 'dzin gyi khyad par smos pa 'am/ ye shes snang ba khong du chud par nus re skan/ song rigs kyi bu lho phyogs kyi rgyud 'di nyid/ grong khyer rgya mtsho brtan pa zhes bya ba yod de/ de na dge bsnyen ma phul du byung ba zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs dge ba'i bshes gnyen gyi tshig thos nas spu g.yosate/ dga' ba chen po'i shugs skyes nas rab tu dga' ba'i yid dang ldan par gyur pa/ ngo mtshar gyi bsam pa'in
- 187a
tshe rab tu dkon pa thob pa/ 'gro ba mang po la phan pa'i sems dang bsam pas byung ba/ sangs rgyas skyes pa gcig nas gcig tu brgyud par 'gro ba la dbang sgyur ba/ chos kyi dkyil 'khor rnam bar dag pa'i blo gros la rten pa/ thams cad du rjes su song ba'i rig pa rnam par phye bas 'byung ba bstan pa la brtson pa/ dus gsum gyi dbyings su ma 'dres pa'i sangs rgyas kyi yul dang ldan pa/ bsod nams mi zad pa'i rgya mtsho las byung ba'i sems dang ldan pa/ ye shes kyi snang ba chen po la dbang sgyur ba khams gsum gyi khyim du sdud pa'i sgo shin tu gcog pa des/ khye'u dbang po'i dbang phyug gi rkang pa gnyis la spyi bos phyag 'tshal nas/ khye'u dbang po'i dbang phyug la lan brgya stong du mar kay+Ya phyog+sa suM bskor ba byas nas yang dang yang bltas te/ khye'u dbang po'i dbang phyug gi drung nas song ngo // de nas tshong dpon gyi bu nor bzangs dge ba'i bshes gnyen gyi gdams ngag gi sprin gyi char yongs su 'dzin par byed cing / gang chen mtsho ltar sprin chen po'i char gyis ngoms mi shes pa/ dge ba'i bshes gnyen gyi nyi ma'i ye shes kyi 'od zer gyis dge ba yongs su smin par byas pa'i sa gzhi las dbang po'i myu gu 'thon cing skyes pa/ dge ba'i bshes gnyen gyi zla ba nya zhing rgyas pa'i gdams ngag gi 'od zer gyi drabs lus dang sems shin tu tshim par byas pa/ dpyid kyi nyi ma'i 'od kyis gdungs pa'i ri dgas kyi tshogs gsal zhing bsil ba'i gangs chu la 'thung bar 'dod pa ltar dge ba'i bshes gnyen gyi gdams ngag gi
- 187b
chul 'thung bar 'dod pa/ bung ba mang po 'khor zhing lding bas rgyas par gyur pa'i pad+mo dang ldan pa'i bad+mo'i mtsho ltar dge ba'i bshes gnyen gyi gdams ngag gis sems kyi me tog puN+Da ri ka kha bye ba/ rin po sna tshogs kyis yongs su rgyas pa'i rin po che'i gling ltar dge ba'i bshes gnyen gyi gdams ngag rin po che 'phel ba'i snang bas sems shin tu snang bar byas pa/ 'dzam bu'i shing chen po me tog dang 'bras bu'i tshogs chen po dang ldan pa ltar dge ba'i bshes gnyen gyi gdams ngag bsod nams dang ye shes kyi tshogs su gyur pa phun sum tshogs pa dang ldan pa/ klu'i dbang po chen po rtsed mo dam pas rtse ba las byung ba'i nam mkha'i sprin chen po ltar dge ba'i bshes gnyen gyi gdams ngag thos pa'i tshogs su gyur pa'i rnang shin tu che ba/ sum cu rtsa gsum pa'i 'jig rten gyis brgyan sna tshogs kyi spo ltar dge ba'i bshes gnyen gyi gdamra ngag las byung ba'i chos dri ma med pa sna tshogs brtsegs pa'i spor gyur pa/ sum cu rtsa gsum pa'i tshogs kyi 'khor gyis bskor ba'i brgya byin lha ma yin gyi dbang po'i tshog rab tu 'joms pa ltar dge ba'i bshes gnyen gyi gdams ngag las byung ba'i yon tan dri ma med pa'i tshogs kyis yongs su bskor cing zil gyis mi non la gzhan la zil gyis gnon pa de mthar gyis grong khyer rgya mtsho brtan pa gang na ba der phyin te/ dge bsnyen ma phul du byung ba yongs su tshel tshol ba las de la skye bo mang pos bstan te/ rigs kyi bu dge bsnyen ma phul du byung ba de grong khyer gyi dbus kyi rang gi khyim na 'dug go zhes nas/ tshong dpon gyi bu nor bzangs/ dge bsnyen ma
- 188a
phul du byung ba'i gnas gang na ba der song ste thal mo sbyar nas/ sgo khang na sdong sdong ba dang / des dge bsnyen ma phul du byung ba'i khyim de shin tu rgya che la yangs shing rin po che'i rabs yongs su bskor ba/ phyogs bzhi nas sgo shin tu mdzes pa rnam par phye ba/ rin po che tshad med grangs med pa'i rgyan gyis brgyan pa/ bsod nams kyi rnam par smin pas mngon par grub pa mthong nas/ de khyim der song ste kun tu bltas na/ dge bsnyen ma phul du byung ba phyugs cung shin tu gzhon la/ thog ma dar la bab pa/ gzugs mngon zhing mdzes la blta na sdug pa/ kha dog dam pa pri ya ba/ shin tu rgyan pa dang ldan pa/ sgra phye mar bzhag pa/ lus la rgyan med pa/ gos dang smad g.yogs dkar po bgos pa/ rin po che'i khri la 'dug pa mthong ste/ sangs rgyas dang byang chub sems dpa' ma gtogs par de'i lus sam/ sems kyi dbang ngam/ gzi brjid dam/ kha dog gis zil gyis ma non pa'i sems can ni khyim de na gang yang med de/ lha 'am mi'ang rung ste/ sems can gang gis dge bsnyen ma phul du byung ba mthong bar gyur pa de dag thams cad kyis kyang / dge bsnyen ma phul du byung ba la ston pa'i 'du shes su bsam pa zhig rin po che'i khri la 'dug pa mthong ngo // gzhan yang khyim de na stan lha rdzas dang / mi'i rdzas las shin tu 'jadra ga byang chub sems dpa'i las rnam par smin pas yongs su grub pa bye ba stong phrag bcu bting ba dang / mdun du phru ba gcig cig bzhag pa las/ kha zas dang skom gyi bka gam/ gos dang rgyan gyi longs spyod kyi
- 188b
bka gzhan ci'ang mi snang ngo / / bud med stong phrag bcu tsam zhig mdun na 'dug par mthong na'ang / de dag thams cad kyang lha'i bu mo'i kha dog dang ldan pa// lha'i bu mo'i gzugs dang ldan pa/ lha'i bu mo'i tshul dang ldan pa/ lha'i bu mo'i spyod pa dang ldan pa/ lha'i bu mo'i longs spyod dang ldan pa/ lha'i bu mo'i tshul du shis pa dang ldan pa/ lha rdzas kyi gos yid bzhin du gyon pa/ lha rdzas kyi lhab lhub kyis shin tu klubs pa/ lha'i bu mo'i skad lta bu'i dbyangs snyan pa dang ldan pa/ lha'i bu mo'i chu zheng mdzes pa dang ldan pa sha sta ka ste/ de'i 'khor gyi bud med kyang des ci bsgo ba bzhin byed cing mdun na 'khod do// rim gro byed do// bkur sti byed do/ gdong du lta'o// ci bsgo ba nyan cing gnas so// rje sar 'khod do// yongs su lta'o// rnam par lta'o// 'dud do// rab tu 'dud do// phyag 'tshal lo// de dag gi lus las spos kyi ngad ldang bas ni/ grong khyer de'i/ 'khor thams cad du dri zhim pos khyab par 'dug ste/ sems can gang gis dri de tshor bar 'gyur ba de dag thams cad kyang gnod sems med pa'i sems dang / shar gnyer ba med pa'i sems dang / 'tshe pa med pa'i sems dang / phrag dog dang 'jungs pa dang bral ba'i sems dang / sgyu dang g.yo med pa'i sems dang / chags pa dang khong khro ba med pa'i sems dang / zhum pa dang gzeng mtho ba med pa'i sems dang / byam pa'i sems dang / phan pa'i sems dang / sdom pa la gnas pa'i sems dang / gzhan gyis yongs su bzung ba la re ba med pa'i sem su 'gyur te/ gang gis de dag gi skad thos pa de dag thams cad kyang dga' ba dang / mos pa dang /
- 189a
dul ba'i sems dang ldan par 'gyur ro// gang gis de dag mthong bar gyur pa de dag kyang 'dod chags dang bral ba tsam du rang rang gis shes par 'gyur ro// de ltar mthong nas tshong dpon gyi bu nor bzangs kyis/ dge bsnyen ma phul du byung ba'i rkang pa gnyis la spyi bos phyag 'tshal te/ dge bsnyen ma phul du byung ba la lan brgya stong du mar g.yas phyogs su bskor ba byas nas/ mdun du 'dug ste thal mo sbyar nas 'di skad ces smras so/ / 'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab bar bgyi ba dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gad ma ngag dang rjes su bstan pa mdzad do zhes bdag gis thos na/ 'phags ma ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa/ rigs kyi bu kho mo ni byang chub sems dpa'i rnam par thar pa bsod nams kyi mdzod mi zad pa'i rgyun ces bya ba thob pa ste/ rigs kyi bu kho mo ni phru ba gcig pu 'di las mos pa sna tshogs can rnams kha zas ci la dga' ba bzhin du/ tshod ma sna tshogs dang / ro sna tshogs dang / kha zas sna tshogs dang / dri sna tshogs kyis tshim par byed de/ rigs kyi bu de ltar kho mo ni phru ba gcig pu 'di las ci la dka' ba'i kha zas kyis sems can brgya'ang yongs su tshim par byed do// sems can stong dang / sems can brgya phrag stong dang / sems
- 189b
can bye ba dang / sems can bye ba phrag brgya dang / sems can bye ba phrag stong dang / sems can bye ba brgya phrag stong dang / sems can bye ba khrag khrig brgya phrag stong nas/ sems can brjod du med pa'i yang brjod du/ med pa mos pa sna tshogs can rnams kyang ci la dga' ba'i kha zas kyis yongs su tshim par byed do// yongs su stobs par byed do// yongs su dga' bar byed do// yongs su mgu bar byed do// yongs su spro bar byed do// shin tu tshim par byed do// yid bde bar byed do// 'on kyang phrub 'di las 'god par 'gyur ba med do// 'grib pa med do// dma' bar mi 'gyur ro// zad par mi 'gyur ro// 'bri bar mi 'gyur ro// sa mtshams yod par mi 'gyur ro/ / mthar thug par mi 'gyur ro// mur thug par mi 'gyur ro// rigs kyi bu gzhung de dang 'dra bar sems can 'dzam bu'i gling gi rdul shin tu phra ba snyed dang / de bzhin du gling bzhi pa'i 'jig rten gyi khams kyi rdul shin tu phra ba snyed dang / stong gi 'jig rten gyi khams kyi rdul shin tu phra ba snyed dang / stong gnyis kyi 'jig rten gyi khams kyi rdul shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas sems can mos pa sna tshogs can/ sangs rgyas zhing brjod du med pa'i yang brjod du med pa'i rdul shin tu phra ba snyed cig 'ongs kyang / ci la dga' ba'i kha zas tshod ma sna tshogs dang / ro sna tshogs dang / kha dog sna tshogs dang / dri sna tshogs kyis yongs su tshim par byed do// yongs su dga' bar byed do// nyams bde bar byed do// shin tu tshim par byed do// yid shin
- 190a
tu bde bar byed do/ / 'on kyang phrul pa 'di las god par 'gyur ba med do// 'grib pa med do// dma' bar mi 'gyur ro// zad par mi 'gyur ro// sa mtshams yod par mi 'gyur ro// mthar thug par mi 'gyur ro/ / mur thug par mi 'gyur ro// rigs kyi bu gal te phyogs bcu'i 'jig rten gyi khams thams cad du gtogs pa'i sems can mos pa sna tshogs can dang / bsam pa sna tshogs can thams cad 'ongs par gyur na'ang / de dag thams cad ci la dga' ba'i kha zas kyis yongs su tshim par byed pa nas/ yid bde bar bya ba'i bar du byed do// kha zas sna tshogs kyis ji lta ba de bzhin du btung ba rnam pa sna tshogs dang / ro dam pa sna tshogs dang / stan sna tshogs dang / mal cha sna tshogs dang / bzhon pa sna tshogs dang / gos sna tshogs dang / me tog sna tshogs dang / 'phreng bsna tshogs dang / spos sna tshogs dang / bdug spos sna tshogs dang / byug pa sna tshogs dang / phye ma sna tshogs dang / rin po che sna tshogs dang / rgyan sna tshogs dang / rin po che'i shing rta sna tshogs dang / gdugs sna tshogs dang / rgyal chen sna tshogs dang / lha'i ba dan sna tshogs dang / yo byad kyi yul rnam pa sna tshogs kyis yongs su tshim par byed pa nas/ yid dga' bar 'gyur ba'i bar du byed do// rigs kyi bu gzhan yang shar phyogs kyi 'jig rten gyi khams gcig na/ nyan thos dang rang sangs rgyas kyi sku'i tha ma 'dzin pa gang ji snyed gcig bzhugs pa de dag thams cad kyang / kho mo'i kha zas las gsol cing / nyan thos dang rang sangs rgyas kyi byang chub
- 190b
kyi 'bras bu brnyes par mdzad do/ / shar phyogs kyi 'jig rten gyi khams gcig na ji lta ba de bzhin du 'jig rten gyi khams brgya dang / 'jig rten gyi khams stong dang / 'jig rten gyi khams brgya phrag sdong dang 'jig rten gyi khams bye ba dang / 'jig rten gyi khams bye ba phrag brgya dang / 'jig rten gyi khams bye ba phrag stong dang / 'jig rten gyi khams bye ba brgya phrag stong dang / 'jig rten gyi khams bye ba khrag khrig brgya phrag stong dang / 'jig rten gyi khams 'dzam bu'i gling gi rdul shin tu phra ba snyed dang / gling bzhi pa'i 'jig rten gyi khams kyi rdul shin tu phra ba snyed dang / stong gi 'jig rten gyi khams kyi rdul shin tu phra ba snyed dang / stong gnyis kyi 'jig rten gyi khams kyi rdul shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas/ de bzhin du shar phyogs kyi sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams na/ nyan thos dang rang sangs rgyas sku'i tha ma 'dzin pa ji snyed cig bzhugs pa de dag thams cad kyang / kho mo'i kha zas las gsol cing / nyan thos dang rang sangs rgyas kyi 'bras bu brnyes par mdzad do/ / shar phyogs na bzhugs pa ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs na ji skad cig bzhugs pa de dag thams cad kyang de bzhin no// rigs kyi bu shar phyogs kyi 'jig rten gyi
- 191a
khams gcig na sku tshe gcig gis thogs pa'i byang chub sems dpa' ji snyed cig bzhugs pa de dag thams cad kyang / pho mo'i kha zas las gsol cing / snying po byang chub tu bzhugs nas bdud sde dang bcas pa pham par mdzad de/ bla na med pa yang dag par rdzogs pa'i byang chub tu mngon par 'tshang rgya'o// shar phyogs kyi 'jig rten gyi khams gcig na bzhugs pa ji lta ba de bzhin du 'jig rten gyi khams brgya dang / 'jig rten gyi khams stong dang / 'jig rten gyi khams brgya phrag stong dang / 'jig rten gyi khams bye ba dang / 'jig rten gyi khams bye ba brgya dang / 'jig rten gyi khams bye ba stong dang / 'jig rten gyi khams bye ba brgya phrag stong dang / 'jig rten gyi khams bye ba khrag khrig brgya phrag stong / 'jig rten gyi khams 'dzam bu'i gling gi rdul shin tu phra ba snyed dang / gling bzhi pa'i 'jig rten gyi khams kyi rdul shin tu phra ba snyed dang / stong gi 'jig rten gyi khams kyi rdul shin tu phra ba snyed dang / stong gnyis kyi 'jig rten gyi khams kyi rdul shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas/ shar phyogs kyi sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams na/ byang chub sems dpa' sku tshe gcig gis thog paji skad gcig bzhugs pa de dag thams cad kyang / lo mo'i kha zas las gsol cig/ snying po byang chub la bzhugs nas bdud sde dang bcas pa pham par mdzad de/ bla na med pa yang dag par rdzogs pa'i byang chub
- 191b
tu mngon par 'tshang rgya'o/ / shar phyogs na bzhugs pa ji lta ba de bzhin du/ lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og gi phyogs dang / steng gi phyogs kyi 'jig rten gyi khams gcig na/ byang chub sems dpa' sku tshe gcig gis thogs pa ji snyed cig bzhugs ba de dag thams cad kyang / kho mo'i kha zas las gsol cing / snying po byang chub tu bzhugs te bdud sde dang bcas pa rab tu pha par mdzad nas/ bla na med pa yang dag par rdzogs pa'i byang chub tu mngon par 'tshang rgya'o/ / shar phyogs kyi 'jig rten gyi khams gcig na bzhugs pa ji lta ba de bzhin du 'jig rten gyi khams brgya dang / 'jig rten gyi khams stong dang / 'jig rten gyi khams brgya phrag skyong dang 'jig rten gyi khams bye ba dang / 'jig rten gyi khams bye ba brgyadang 'jig rten gyi khams bye ba stong dang / 'jig rten gyi khams bye ba brgya phrag stong dang / 'jog rten gyi khams byed khrag khrig brgya phrag stong dang / 'jig rten gyi khams 'dzam bu'i gling gi rdul shin tu phra ba snyed dang / gling bzhi pa'i 'jig rten gyi khams kyi rdul shin tu phra ba snyed dang / stong gi 'jig rten gyi khams kyi rdul shin tu phra ba snyed dang / stong gnyis kyi 'jig rten gyi khams kyi rdul shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas/ rigs kyi bu steng gi phyogs kyi 'jig rten gyi
- 192a
khams sangs rgyas kyi zhing brjod du med pa'i yang brjod du med pa'i rdul shin tu phra bsnyed na/ byang chub sems dpa' sku tshegacig gis thogs pa ji snyed cig bzhugs pa de dag rnams/ cad kyang / kho mo'i kha zas las gsol cing / snying po byang chub tu bzhugs nas bdud sde dang bcas pa pham par mdzad de/ bla na med pa yang dag par rdzogs pa'i byang chub tu mngon par 'tshang rgya'o// rigs kyi bu khyod kyis kho mo'i 'khor bud med stong phrag bcu po 'di dag mthong ngam/ smras pa/ 'phags ma bdag gis mthong ngo // smras pa/ rigs kyi bu bud med 'di dag la sogs pa brgya stong grangs med pa phrag bcu lo mo dang skal ba mnyam par spyod pa/ smon lam gcig pa/ dge ba'i rtsa ba gcig pa/ 'byung ba'i rgyan gcig pa/ mos pa'i las rnam par dag pa gcig pa/ kho mo dang skal ba mnyam par dran pa rnam par dag pa/ skal ba mnyam par blo rnam par dag pa/ skal ba mnyam par blo tshad med par gyur pa/ skal ba mnyam par dbang po rab tu thob pa skal ba mnyam par sems kyis rgyas par 'gengs par/ skal ba mnyam par spyod yul gyi yul dang ldan pa/ skal ba mnyam par chos kyi tshul la zhugs pa/ skal ba mnyam par don nges par rtogs pa/ skal ba mnyam ra chos kyi don ston pa/ skal ba mnyam par gzugs rnam par dag pa/ skal ba mnyam par stobs tshad meng ba/ skal ba mnyam par brtan pa gzhan gyis mi thub pa/ skal ba mnyam par chos kyi sgra sgrogs pa/ skal ba mnyam
- 192b
par dbyangs rnam par dag pa/ tshad med pa'i yon tan brjod du yod pas rnam par spyod pa/ thams cad la skal ba mnyam par yon tan rnam par dag pa/ las kyi rnam par smin pa la kha na ma tho ba med cing / rnam par dag pas skal ba mnyam par las kyi rnam par smin pa rnam par dag pa/ 'gro ba thams cad yongs su skyob pa skal ba mnyam par byams pa chen pos rgyas par 'gengs pa/ 'gro ba thams cad yongs su smin par byed pas mi skyo ba'i phyir/ skal ba mnyam par snying rje chen pos rgyas par 'gengs pa/ bsam pa ji lta ba bzhin du sems can thams cad tshim par byed pa'i lus yongs su ston pas skal ba mnyam par lus kyi las rnam par dag pa/ chos kyi dbyings kyi nges pa'i tshig tha snyad la skal ba mnyam par ngag gi las rnam par dag pa/ sangs rgyas thams cad kyi 'khor gyi dkyil 'khor du skal ba mnyam par 'dong ba/ sangs rgyas la mchod cing rim gror bya ba'i phyir/ sangs rgyas kyi zhing thams cad du skal ba mnyam par rgyu ba/ chos thams cad kyi tshul khong du chud par bya ba la skal ba mnyam par mngon sum du gyur pa'i ye shes dang ldan pa/ byang chub sems dpa'i sa thams cad thob par bya ba la skal ba mnyam par spyod pa rnam par dag pa sha stag gcig kyang yod de/ rigs kyi bu bud med stong phrag bcu po 'di dag kyang skad cig gcig tu 'di lta ste/ byang chub sems dpa'i sku tshe gcig gis thog pa rnams la zhal zas yod/ su dbul ba'i phyir phyogs bcur rgyas par 'dong ngo // phru ba 'di nyid nas kha zas blangs shing srid pang tha ma pa dang / nyan thos dang / rang sangs rgyas kyi theg pa pa rnams la bsod snyoms dbul ba'i phyir phyogs bcur rgyas par 'dong ngo //
- 193a
phru ba 'di nyid nas kha zas blangs shing phyogs bcu rgyas par bkang ste/ yi dgas kyi tshogs thams cad kha zas kyis yongs su tshim par byed do// rigs kyi bu de ltar kho mo ni bru ba 'di nyid nas lnga rnams ni lha'i kha zas kyis yongs su tshim par byed do/ / klu rnams ni klu'i kha zas kyis// gnod sbyin rnams ni gnod sbyin gyi kha zas kyis/ dri za rnam ni dri za'i khazas kyis// lha ma yin rnam ni lha ma yin gyi kha zas kyis/ nam mkha' lding rnams ni nam mkha' lding gi kha zas kyis/ mi 'am ci rnams ni mi 'am ci'i kha zas kyis/ lto 'phye chen po rnams ni lto 'phye chen po'i kha zas kyis/ mi rnams ni mi'i kha zas kyis/ mi ma yin pa rnams ni mi ma yin pa'i kha zas kyis yongs su tshim par byed do/ / rigs kyi bu yud tsam zhig sdong dang de'u re mngon du 'gyur ro// dge bsnyen ma phul du byung ba des tshig de brjod ma thag tu de'i mod la 'di lta ste/ dge bsnyen ma phul du byung bas sngon gyi smon lam gyis bos pas/ sems can grangs med pa zhig shar phyogs kyi sgo nas nang du 'ongs par gyur to// de bzhin du 'di lta ste/ dge bsnyen ma phul du byung ba'i sngon gyi smon lam gyis bos pas/ sems can grangs med pa zhig lho phyogs dang / nub phyogs dang / byang phyogs kyi sgo nas nang du 'ongs par gyur te/ de ltar 'ongs pa de dag dge bsnyen ma phul du byung bas stan de dag la bkod de/ so so nas ci dga' ba'i kha zas tshod ma sna tshogs dang / ro sna tshogs dang / kha dog sna tshogs dang / dri sna tshogs dang ldan pas yongs su tshim par byas so// yongs su bstabs
- 193b
ba byas so/ / yongs su dga' bar byas so// yongs su mgu bar byas so// yongs su spro bar byas so// shin tu tshim par byas so// yid bde bar byas so// kha zas sna tshogs kyis ji lta ba de bzhin du btung ba rnam pa sna tshogs dang / ro dam pa sna tshogs dang / stan sna tshogs dang / mal cha sna tshogs dang / bzhon pa sna tshogs dang / gos sna tshogs dang / me tog sna tshogs dang / 'phreng ba sna tshogs dang / spos sna tshogs dang / bdug spos sna tshogs dang / byug pa sna tshogs dang / phye ma sna tshogs dang / rin po che sna tshogs dang / rgyan sna tshogs dang / rin po che'i shing rta sna tshogs dang / gdugs sna tshogs dang / rgyal mtshan sna tshogs dang / lha'i ba dan sna tshogs dang / yo byad kyi yul rnam pa sna tshogs kyis yongs su tshim par byas nas/ yid dga' bar 'gyur ba'i bar du byas so// lha rnams ni lha'i kha zas kyis yongs su tshim par byas so/ / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rnams kyang mi ma yin pa'i kha zas kyis yongs su tshim par byas pa nas/ yid bde bar 'gyur ba'i bar du byas so// 'on kyang phru ba de las god par gyur pa med/ 'gribs pa med/ dmas pa med/ zad par gyur pa med/ sa mtshams su gyur pa med/ mthar thug pa med/ mur thug pa med do// de nas dge bstan ma phul du byung ba des/ tshong dpon gyi bu nor bzangs la 'di skad ces smras so// rigs kyi bu lo mos ni byang chub sems dpa'i
- 194a
rnam par thar pa bsod nams kyi mdzod mi zad pa'i rgyan ces bya ba 'di shes par zad na/ byang chub sems dpa' bsod nams chen po'i rgya mtsho mi zad pas mi zad pa'i bsod nams dang ldan pa/ bsod nams kyi tshogs rgya chen po shin tu bsags pas nam mkha' lta bur gyur pa/ 'gro ba thams cad kyi smon lam yongs su rdzogs par byed pas nor bu rin po che yid bzhin gyi rgyal po lta bu/ 'gro ba thams cad kyi dge ba'i rtsa ba yongs su srung bas bsod nams chen po'i khor yug dang ldan pa/ 'gro ba thams cad du rin po che snyim pa nas char ltar 'thor bas bsod nams chen po'i sprin du gyur pa/ chos kyi grong khyer gyi sgo 'byed pas bsod nams chen po'i mdzod pa mngon sum du lta ba/ 'gro ba thams cad kyi 'phongs pa'i mun pa sel bas bsod nams chen po'i sgron mar gyur pa de dag gi spyod pa shes pa'am/ yon tan brjod par nus re skan/ song rigs kyi bu lho phyogs kyi rgyud 'di nyid na/ grong khyer 'byung ba chen po zhes bya ba yod de/ de na khyim bdag mkhas pa zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs/ dge bsnyen ma phul du byung ba'i rkang pa gnyis la spyi bos phyag 'tshal te/ dge bsnyen ma phul du byung ba la lan brgya stong du mar g.yas phyogs su bskor ba byas nas yang dang yang bltas te/ dge bsnyen ma phul du byung bu'i drung nas blta bas ma ngoms bzhin du song
- 194b
dade nas tshong dpon gyi bu nor bzangs bsod nams kyi mdzod mi zad pa'i rgyan gyi rnam par thar pa'i snang ba rab tu thob pa ste/ bsod nams rgya mtsho de la ni rjes su sems/ bsod nams kyi nam mkha' de la ni kun tu lta/ bsod nams kyi phung po de ni yongs su 'dzin/ bsod nams kyi ri bo de la ni mngon par 'dzeg/ bsod nams kyi tshogs de ni yang dag par sdud/ bsod nams kyi chu bo de la ni yongs su 'bog/ bsod nams kyi mu stegs de la ni rab tu 'bab/ bsod nams kyi dkyil 'khor de na yongs su sbyong / bsod nams kyi gter de la ni yang dag par lta/ bsod nams kyi tshul de la ni rjes su dran par byed/ bsod nams kyi chos de ni yongs su 'dzin/ bsod nams kyi rgyud de ni yongs su sbyong ba byed cing / mthar gyis grong khyer 'byung ba chen po gang na ba der phyin nas dge ba'i bshes gnyen 'dod cing / dge ba'i bshes gnyen la blta bas bsgos pa'i sems kyi rgyud dang / dge ba'i bshes gnyen gyis byin gyis brlabs pa'i bsam pa dang / dge ba'i bshes gnyen la thogs pa med pa'i sbyob pa dang / dge ba'i bshes gnyen la rim gro bya bas skyo ba med pa'i brtson 'grus dang dge ba'i bshes gnyen la rab lus pa'i dge ba'i rtsa ba thams cad dang / dge ba'i bshes gnyen gyis nges par gyur pa'i bsod nams chog thams cad dang / dge ba'i bshes gnyen gyis rnam par spel ba'i thabs mkhas pa'i spyod pa dang / gzhan gyi dring me 'jog par dge ba'i bshes gnyen rim gro bya ba la mkhas pa dang / rnam par 'phel ba'i dge ba'i rtsa ba thams cad dang / rnam par dag par 'gyur ba'i byang chub sems dpa'i lhag pa'i bsam pa
- 195a
dang / yang dag par 'phel ba'i byang chub sems dpa'i dbang po dang / yongs su smin par 'gyur ba'i dge ba'i ma thams cad dang / yang dag par 'phel ba'i smon lam chen po mngon par bsgrub pa dang / shin tu yangs par 'gyur ba'i snying rje chen pos bdag nyid thams cad mkhyen pa nyid du nye bar gyur par yang dag par mthong nas/ sangs rgyas thams cad las byang chub sems dpa' kun tu bzang po'i spyod pas chos kyi snang ba yang dag par blang ba dang / de bzhin gshegs pa'i stobs bcu snang ba rnam par 'phel bar byed cing / khyim bdag mkhas pa yongs su tshol tshol ba las/ grong khyer gyi dbus/ lam gyi bzhi mdo zhig na rin po che sna bdun gyi stegs bu zhig la rin po che grangs med pa las byas pa'i khri/ nor bu rin po che'i rkang pa rdo rje dang / in+d+ra nI la sna tshogs kyis spras pa bkye ba/ gser gyi lcags bod kyi dra bas legs par blas pa/ nor bu rin po che dri ma med pa'i snying po can rin po che lnga brgya tsam gyis gzugs legs par brgyan pa/ lha rdzas kyi stan sna tshogs bting ba/ gam yo nas lha rdzas kyi gos kyi rgyal mtshan dang ba dan mang po bsgreng ba/ rin po che du ma'i dra bas kun nas yog pa/ rin po che'i bla re chen po bres pa/ bla nas gser dang rin po che'i me tog gi lnga lding mang po bkye ba zhig la 'dug cing / 'dzam bu chu klung gi gser gyi gdugs yu ba dri ma med pa bai DUR+Ya las byas pa ni drung nas bsgreng zhing bzung / g.yag rnga dri ma med pa'i rdul yab dang ba'i rgyal po lta bus ni legs par g.yab/ spos kyi rim
- 195b
gro yo byad sna tshogs kyis ni bdugs shing bsangs/ rol mo brdung ba dang dkrol ba lha rdzas kyi dbyangs las 'das par sgra 'byin pa lnga brgya tsam ni g.yas g.yon nas brdungs shing dkrol/ grong khyer 'byung ba chen po na 'khod pa'i sems can rnams shin tu dga' bar bya ba'i don du/ lha rdzas kyi me tog gi sprin gyi char ni kun nas 'bab par gyur pa/ g.yog srog chags stong phrag bcu tsam sngon gyi dge ba'i rtsa ba skal ba mnyam par spyod spyod pa/ ngag nyan cing ci dga' bar byed pa/ lha rdzas las 'das pa'i rgyan gyis shin tu brgyan pa/ byang chub sems dpa' bsam pa yongs su grub pa lha dang mi'i gzugs las shin tu 'das pa sha stag gis kun nas bskor cing 'dug pa mthong nas/ tshong dpon gyi bu nor bzangs/ khyim bdag mkhas pa gang na ba der song ste phyin nas/ khyim bdag mkhas pa'i rkang pa gnyis la spyi bos phyag 'tshal te/ khyim bdag mkhas pa la lan brgya stong du mar g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so// 'phags pa bdag ni/ 'di lta ste/ sems can thams cad kyi sdug bsngal zhi bar bgyi ba dang / sems can thams cad shin tu bde ba la dgod pa dang / sems can thams cad 'khor ba'i rgya mtsho nas mngon par gdon pa dang / sems can thams cad chos rin po che'i gling du yang dag par bskyal ba dang / sems can thams cad kyi sred pa'i rlan shin tu bskam pa dang / sems can thams cad kyi snying rje'i rlan yang
- 196a
dag par bskyed pa dang / sems can thams cad kyi 'dod pa'i dga' ba dang sred pa rnam par bzlog pa dang / sems can thams cad sangs rgyas kyi ye shes la mos shing bsgrub par bgyi ba dang / sems can thams cad 'khor ba'i bas mtha' dgon pa las yang dag par bzla ba dang / sems can thams cad sangs rgyas kyi yon tan dang chos la dga' zhing mos pa yang dag par skyed pa dang / sems can thams cad khams gsum grong rdal nas gdon pa dang / sems can thams cad thams cad mkhyen pa'i pho brang du gzud par sems can thams cad kyi des du bla na med pa yang dag par rdzogs pa'i byang chub tu zhugs kyis kyang / ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar bslabs na byang chub sems dpa' rnams sems can thams cad kyi rten du 'gyur ba bdag la bshad du gsol/ de skad ces smras pa dang / khyim bdag mkhas pas/ tshong dpon gyi bu nor bzangs la 'di skad ces smras so// rigs kyi bu de ltar khyod kyis bla na med pa yang dag par rdzogs pa'i byang chub tu sems
- 196b
bskyed pa legs so legs so/ / rigs kyi bu sems can gang bla na med pa yang dag par rdzogs pa'i byang chub tu sems bskyed cing / byang chub sems dpa'i spyod pa yongs su tshol ba dang dge ba'i bshes gnyen la blta bas mi ngoms pa dang / dge ba'i bshes gnyen gyi drung du 'gro bas mi skyo ba dang / dge ba'i bshes nyen la rim gro bya bas sgyid lug pa med pa dang / dge ba'i bshes gnyen btsal bas yid mi bde ba mi skyed pa dang / dge ba'i bshes gnyen btsal ba las phyir mi ldog pa dang / dge ba'i bshes gnyen la mos shing dad pa'i yid las rnam par mi ldog pa dang / dge ba'i bshes gnyen gyi ngor blta ba las phyir mi zlog pa dang / dge ba'i bshes gnyen gyi gdams ngag gi tshul la zhum pa med pa dang / dge ba'i bshes gnyen la rim gro dang bsnyen bkur bya bas mi skyo ba de lta bu ni shin tu dkon no/ / rigs kyi bu khyod kyis kho bo'i 'khor 'di dag mthong mod/ smras pa/ 'phags pa mthong ngo // smras pa/ rigs kyi bu 'di dag kun kyang kho bos bla na med pa yang dag par rdzogs pa'i byang chub tu sems bskyed pa dag ste/ 'di dag ni kho bos de bzhin gshegs pa'i rigs su bskyed pa'o// 'di dag ni kho bos pha rol tu phyin pas bsdud de gsos pa'o/ / 'di dag ni khos pos chos dkar po thams cad kyis bskyed pa'o// 'di dag ni kho bos de bzhin gshegs pa'i stobs bcu la rnam par bskyed pa'o// 'di dag ni lo 'os
- 197a
'jig rten gyi rigs las gyen du bskyod pa'o/ / 'di dag ni kho 'os de bzhin gshegs pa'i rigs la bkod pa'o// 'di dag ni kho bos 'jig rten gyi lam gyi 'khor lo las brjod pa'o/ / 'di dag ni kho bos chos kyi 'khor lo bskor ba la btsud pa'o// 'di dag ni kho bos ngan song gsum gyi rgyud du ltung ba las yongs su bzung ba'o// 'di dag ni kho bos chos nyid khong du chud par bya ba la bkod de/ rigs kyi bu de ltar na byang chub sems dpa' rnams sems can thams cad kyi skyabs su gyur pa yin no// rigs kyi bu kho bo ni yid kyi mdzod nas byung ba'i bsod nams mang po thob pa ste/ de'i mthus kho bo ni zas 'dod pa rnams la zas kyi sbyin pa byed do// btung ba 'dod pa rnams la btung ba dang / ro'i dam pa 'dod pa rnams la ro'i dam pa dang / bza' ba 'dod pa rnams la bza ba dang / bca' ba 'dod pa rnams la bca' ba dang / blag pa 'dod pa rnams la blag pa dang / mu ra ba 'dod pa rnams la mur ba dang / gos 'dod pa rnams la gos dang / me tog 'dod pa rnams la me tog dang / 'phrer ba 'dod pa rnams la 'phreng ba dang / spos 'dod pa rnams la spos dang / bdug pa 'dod pa rnams la bdug pa dang / byug pa 'dod pa rnams la byug pa dang / bye ma 'dod pa rnams la phye ma dang / rgyan dang lhab lhub 'dod pa rnams la rgyan dang lhab lhub dang / rin po che 'dod pa rnams la rin po che dang / ser 'dod pa rnams la gser dang / dngul 'dod pa rnams dngul dang /
- 197b
su tig 'dod pa rnams la mu tika dang / rten 'dod pa rnams la rten dang / stan 'dod pa rnams la stan dang / mal cha 'dod pa rnams la mal cha dang / na ba'i gsos sman dang yo byad 'dod pa rnams la na ba'i gsos sman dang yo byad dang / bzhon pa 'dod pa rnams la bzhon pa dang / dag la ba 'dod pa rnams la dgal ba dang / glang po dang / rta dang / shing rta dang / ba glang dang / bong bu dang / ma he dang / ra lug 'dod pa rnams la/ glang po dang / rta dang / shing rta dang / ba glang dang / bong bu dang / ma he dang / ra lug dang / rgyal mtshan dang / gdugs dang / ba dan 'dod pa rnams la rgyal mtshan dang / gdugs dang / ba dan dang / bran po dang bran mo 'dod pa rnams la bran po dang bran mo dang / 'khor gyi byis pa 'dod pa rnams la 'khor gyi byis pa dang / bud med 'dod pa rnams la bud med dang / bu mo gzhon nu ma 'dod pa rnams la bu mo gzhon nu dang / cod pan dang gtsug gi rin po che 'dod pa rnams la cod pan dang gtsug gi rin po che dang / thor pag dang bcas pa'i gtsug gi rin po che 'dod pa rnams la thor pag dang bcas pa'i gtsug gi rin po che dang / skra mthon mthing dri ma med pa'i dkyil 'khor 'dod pa rnams la sgra mthon mthing dri ma med pa'i dkyil 'khor gyi sbyin pa byed pa nas/ yo byad sna tshogs thams cad 'dod pa rnams la'ang yo byad sna tshogs thams cad kyi sbyin pa byed do// rigs kyi bu yud tsam zhig sdod dang de'u re mngon sum du mthong bar
- 198a
'gyur ro/ / de skad du khyim bdag mkhas pa des tshig de brjod ma thag tu de'i mod la/ sems can grangs med pa zhig khyim bdag mkhas pa'i sngon gyi smon lam gyis bos pas/ phyogs tha dad pa dang / yul dang gnas tha dad pa dang / grong khyer tha dad pa dang / grong rdal tha dad pa dang / tshong dus tha dad pa dang / ljongs tha dad pa dang / 'or gyi grong tha dad pa dang / khyim tha dad pa dang / sems can gyi rgyud tha dad pa dang / sems can gyi rigs tha dad pa dang / sems can rnam pa mi mthun pa tha dad pa dang / lam gyi rgyud tha dad pa dang / gnas kyi rnam pa dang mi du bya ba tha dad pa nas/ sems can skye mched rnam par dag pa sna tshogs dang ldan pa kha zas sna tshogs don du gnyer ba/ kha zas sna tshogs 'dod pa/ bsam pa tha dad pa bza' ba dang btung ba gtsang ba 'dod ba dang / sha 'dod pa dang / kha zas rnam pa tha dad pa sna tshogs don du gnyer ba/ lam gyi rgyud rnam pa sna tshogs kyi khyad par du skyes pa'i skye mched la gnas pa 'di lta ste/ mi'i nang nas 'bras chan dang // sran chan dang / 'khur ba dang / skyo ma dang / nya dang / sha la sogs pa lam gyis bza' ba'i kha zas sna tshogs don du gnyer ba dang / mi'i nang nas ji lta ba bzhin du 'gro ba'i rgyud thams cad na rnam par spyod pa dag las kyang / kha zas dang btung ba sna tshogs don du gnyer ba dag de ltar byang chub sems dpa'i mthu dang byang chub sems dpa'i sbyin pa thogs pa med par gtong ba'i rnga'i sgra dang / byang
- 198b
chub sems dpa'i sngon gyi smon lam gyis bos pas kun kyang 'ongs par gyur te/ 'ongs nas kyang khyim bdag mkhas pa la spongs mo 'debs so// gdong du lta'o// sdod do// gsol ba 'debs so/ / de nas khyim bdag mkhas pas slong ba de dag kun nas 'dus par shes nas yud tsam du bsams te nam mkha' la bltas pa dang / nam mkha'i dbyings nas kha zas dang btung ba rnam pa sna tshogs ro sna tshogs dang ldan pa/ kha dog sna tshogs dang ldan pa/ dri sna tshogs dang ldan pa mang po 'thon te/ lag mthil du 'ong bar gyur to// des de dag yongs su blangs shing de ltar kun nas 'dus pa'i slongs mo pa mos pa sna tshogs dang ldan pa de dag ci 'dod pa'i zas dang / btung ba'i rnam pa dang / yo byad kyi khyad par thams cad kyis yongs su tshim par byas so// ci 'dod pa yongs su byin no// rab tu dga' bar byas so// shin tu tshim par byas so// dga' ba shin tu skye bar byas so// nyams shin tu bde bar byas so// yid rab tu dga' bar byas so// de ltar de dag shin tu tshim par byas nas des kyang mchog ste/ de'i 'og tu chos bstan pa 'di lta ste/ ye shes kyi tshogs rgya chen po bsags pa'i rgyud yongs su brjod de chos bstan to// 'phongs pa thams cad 'byung mi srid pa'i rgyu yongs su brjod pa dang / skyid pa chen po yongs su 'grub pa'i rgyu yongs su brjod pa dang / chos kyi ye shes kyi tshul 'thob pa 'byung ba'i rgyu yongs su brjod pa dang / bsod nams kyi tshogs rgya chen
- 199a
po bsags pa'i rgyu yongs su brjod pa dang / dga' pa bza' ba'i zas rab tu 'thob pa 'byung ba'i rgyu yongs su brjod pa dang / mtshan dang dpe byang bzang pos shin tu brgyan pa'i lus 'thob pa 'byung ba'i rgyu yongs su brjod pa dang / nub pa med pa'i stobs rnam par dag pa 'thob pa 'byung ba'i rgyu yongs su brjod pa dang / bla na med pa'i khabs yongs su shis pa 'thom pa 'byung ba'i rgyu yongs su brjod pa dang / bdud kyi dpung thams cad rab tu 'jom pa'i bsod nams kyi stobs mi zad pa rab tu 'thob pa 'byung ba'i rgyu yongs su brjod pa bya ste chos bstan to// des kha zas don du gnyer cing 'ongs pa rnams la nam mkha'i dbyings nas kha zas rnam pa sna tshogs blangs shing tshim par byas te/ de dag la tshe dang / mdog dang / stobs dang / bde ba dang / spobs pa phun sum tshogs pa thob par bya ba'i phyir chos bstan to// des btung ba don du gnyer cing 'ongs pa rnams la btung ba mang po zhim pa kha na ma tho ba med pa/ yid shin tu dga' bar byed pa de dag gis tshim par byas nas/ de dag la 'khor bas skom zhing 'khor ba la dga' ba las rnam par bzlog pa dang / sangs rgyas kyi chos la dka' zhing sangs rgyas kyi chos la mos pa yongs su bskyed ba'i phyir chos bstan to/ / des ro'i mchog don du gnyer zhing 'ongs pa rnams la ro'i mchog sna tshogs dang rab dang / skur ba dang / lan tshwa dang / tsha ba dang / kha ba dang / bas pa rnam pa tha dang
- 199b
pas yongs su tshim par byas te/ de'i 'og tu skyes bu chen po'i mtshan ro bro ba'i mchog thob par bya ba'i phyir chos bstan to// de bzhon pa don du gnyer zhing phyogs kyi rgyud sna tshogs nas 'ongs pa rnams la bzhon pa sna tshogs kyi sbyin pas yongs su bstud de/ de dag theg pa chen po la gnas par bya ba'i phyir chos bstan to// des gos don du gnyer zhing phyogs sna tshogs nas 'ongs pa kun nas 'dus par shes nas yud tsam du bsams te nam mkha'i dbyings la bltas pa dang / nam mkha'i dbyings las gos sna tshogs sngon po dang / ser po dang / dmar po dang / dkar po dang / le brgan dang / shel gyi kha dog tu 'dug pa kha dog sna tshogs can/ kha dog du mar rnam par dga'athon cing lag pa'i mthil du 'ongs pas/ des de dag gis slongs mo pa de dag la yongasu bskrad nas/ de bzhin gshegs pa'i ngo tsha shes pa dang / khrel yod pa bla na med pa dang / mdog gser gyi kha dog lta bu thob par 'gyur ba rnam par dag par bya ba'i phyir chos bstan to// de bzhin du yo byad sna tshogs thams cad kyis ji ltar 'ongs pa'i spongs mo pa rnams la bstud pa byas nas ci rigs su chos bstan to/ / de ltar khyim bdag mkhas pas byang chub sems dpa'i rnam par thar pa bsam gyis mi khyab pa'i yul bstan pa byas nas/ chongs dpon gyi bu nor bzangs la 'di skad ces smras so// rigs kyi bu kho bos ni yid kyi mdzod nas byung ba'i bsod nams kyi rnam par thar pa 'di shes par zang na/ kho bos
- 200a
byang chub sems dpa'i yo byad la dbang thob pa/ rin po che'i lag pa thob par gyur pa/ 'jig rten gyi khams ma lus pa thams cad lag pas yongs su khebs par byas shing / sangs rgyas kyi mchod pa sna tshogs bsgrub pa'i phyir/ de bzhin gshegs pa thams cad kyi 'khor gyi dkyil 'khor du rin po che kha dog sna tshogs kyi sprin gyi char rab tu 'bebs pa/ de bzhin du rgyan kha dog sna tshogs kyi sprin dang / cod pan kha dog sna tshogs kyi sprin dang / khang pa brtsegs pa kha dog sna tshogs kyi sprin dang / na bza' kha dog sna tshogs kyi sprin dang / lha rdzas kyis rol mo brdung ba dang / dkrol ba dang / glu yid du 'ong ba'i dbyangs snyan pa sna tshogs kyi sprin dang / me tog kha dog sna tshogs kyi sprin dang / spos kha dog sna tshogs kyi sprin dang / bdug spos dang / 'phreng bdang byug pa dang / phye ma dang / chos gos dang / gdugs dang / rgyal mtshan dang / ba dan kha dog sna tshogs dang / rnam pa thams cad du sangs rgyas thams cad la mchod pa'i sprin gyi char dang / de bzhin gshegs pa'i 'khor gyi dkyil 'khor thams cad dang / sems can thams cad kyi gnas su sangs rgyas thams cad mchod cing bsnyen bkur ba dang / sems can thams cad yongs su smin pa dang / gdul bar bya ba'i phyir yo byad thams cad kyi sprin gyi char 'bebs pa de dag gi spyod pa shes pa 'am/ yon tan brjod pa 'am/ rnam par 'phrul pa bstan par nus re skan/ song rigs
- 200b
kyi bu lho phyogs kyi rgyud 'di nyid na/ grong khyer seng ge'i gzugs shes bya ba yod de/ de na chos kyi tshong dpon rin chen gtsugs bud ces bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs dga' rangs te/ mgu zhing nyams bde la tshim zhing yid bde ba skyes nas/ khyim bdag mkhas pa la chos kyi rim gros slob ma'i tshul bstan te/ de'i byin gyi rlabs kyis sangs rgyas kyi chos thams cad thob par 'gyur bar yongs su lta zhing / thams cad mkhyen pa nyid kyang de la rag lug par blta ba dang / dge ba'i bshes gnyen dben par sems rgyun mi 'chad par bstan pa dang / dge ba'i bshes gnyen gyi bka' shin tu nyan pa'i sems dang ldan par bstan pa dang / dge ba'i bshes gnyen gyi dbang du 'gyur ba'i rjes su 'brang bar bya ba dang / dge ba'i bshes gnyen gyi gdams ngag dang tshig mnyan par bya ba dang / dge ba'i bshes gnyen las byung ba'i dad pa'i dbang po la bsam pa byed cing / dge ba'i bshes gnyen gyi btams te btang bas dge ba'i bshes gnyen bsnyen cing bkur ba dang / rjes su 'brang bar bya ba'i sems kyis khyim bdag mkhas pa'i rkang pa gnyis la spyi bos phyag 'tshal te/ khyim bdag mkhas pa la lan brgya stong du mar g.yas phyogs su bskor ba byas nas yang dang yang bltas te/ khyim bdag mkhas
- 201a
pa'i drung nas song ngo / / de nas tshong dpon gyi bu nor bzangs bsod nams kyi chu bo de la ni yid ches par sems/ bsod nams kyi zhing de la ni yang dag par lta/ bsod nams kyi ri bo do na yongs su spyod/ bsod nams kyi mu stegs de la ni yang dag par 'dzeg/ bsod nams kyi mdzod de ni rnam par 'byed/ bsod nams kyi gter de la ni shin tu lta/ bsod nam kyi dkyil 'khor de ni yongs su sbyong / bsod nams kyi phung po de ni yang dag par len// bsod nams kyi stobs de ni yongs su skyed/ bsod nams kyi shugs de na rnam par 'phel bar byed cing / mthar gyis grong khyer seng ge'i gzugs gang na ba der phyin te/ chos kyi tshong dpon rin chen gtsug pud yongs su tshol tshol ba las/ tshong dus kyi srang zhig na 'dug pa mthong nas/ des de'i rkang pa gnyis la spyi bos phyag 'tshal te/ g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal na/ 'phags pa lam gang gis bdag thams cad mkhyen pa nyid du 'byung bar 'gyur ba de lta bu'i byang chub sems dpa'i lam gyi man ngag legs par mi sbal tam/ de nas chos kyi tshong dpon rin chen gtsug pud kyis/ tshong dpon gyi bu nor bzangs kyi lag nas bzung ste/ rang gi
- 201b
khyim gang na ba der khrid de/ khyim de bstan nas 'di skad ces spras so// rigs kyi bu kho bo'i khyim la ltos shig ces nas/ de bltas na khyim de dag cing 'od gsal la/ 'dzam bu chu klung gi gser las byas pa ste/ yangs shing mtho la dngul gyi ra bas bskor ba/ shel gyi rtsig pas shin tu legs par brtsigs te mdzes par byas pa/ bai DUR+Ya'i phung po brgya phrag stong gis rab tu brgyan pa/ mu sa ra gal ba'i ka ba bkye ba/ mu tig dmar po las byas pa'i seng ge'i khri shin tu bshams pa/ nor bu rin po che rang bzhin snang ba'i seng ge'i rgyal mtshan bsgreng ba/ nor bu rin po che rnam par snang ba'i bla re bres pa/ gser gyi dra ba yid bzhin gyi nor bus brgyan pas kun nas yog pa/ nor bu rin po che sna tshogs grangs med pas rab tu brgyan pa/ asma gar ba las brtsigs pa'i rdzing bu chu bsil bas gang ba dang ldan pa/ rin po che thams cad kyi shing gis bskor ba/ rgya che zhing yangs pa/ rim pa bcur brtsegs pa/ shin tu mtho ba/ sgo brgyad dang ldan par 'dug pa mthong nas/ des khyim de'i nang du phyin te/ kun tu bltas na rim khang tha ma'i nang na bza' ba dang btung ba'i rnam pa yongs su gtong ba mthong ngo // rim khang gnyis pa'i nang na gos kyi rnam pa thams cad yongs su gtong ba mthong ngo / / rim khang gsum pa'i nang na rin po che thams cad kyi rgyan dang lhab lhub yongasu gtong ba mthong ngo // rim khang bzhi pa'i nang na btsun mo'i 'khor dga' ba'i yo byad du bya ba bud med rin po ches
- 202a
chen po'i steng na bzang du bya ba yongs su gtong ba mthong ngo / / rim khang lnga pa'i nang na sa lnga pa la gnas pa'i byang chub sems dpa'i chos yang dag par bgro ba'i dka' ba la mos pa 'jig rten la phan pa dang bde ba'i sems kyi spyod pa dang ldan pa/ gtsug lag thams cad mngon par sgrub pa/ gzungs kyi tshul dang / ting nge 'dzin gyi phyag rgya dang / ting nge 'dzin las rnam par ldang ba dang ting nge 'dzin la rnam par spyad pa dang / ye shes kyi snang ba mngon par sgrub pa 'dus shing 'khod par mthong ngo // rim khang drug pa'i nang na byang chub sems dpa' shes rab kyi pha rol tu phyin pa la rnam par spyod pa rab tu thob pa/ shes rab shin tu zab pa/ rab tu zhi ba'i chos thams cad mngon par shes pa/ ting nge 'dzin dang / gzungs kyi sgo dang / snying po mang pos sgo kun nas 'byung ba/ bsgribs pa med pa'i spyod yul can/ / mi gnyis pa la yang dag par spyod pa/ chos yang dag par bgro ba la rnam par 'phrul pa/ shes rab kyi pha rol tu phyin pa'i rgyud kyi rjes su 'brang zhing rnam par dbye ba dang rab tu gsal bar byed pa/ shes rab kyi pha rol tu phyin pa'i sgo mang po yang dag par 'gro ba byed pa rnams kun nas 'dus shing 'bod pa mthong ste/ 'di ltar shes rab kyi pha rol tu phyin pa'i sgo zhi ba'i snying po zhes bya ba dang shes rab kyi pha rol tu phyin pa'i sgo 'gro ba thams cad du ye shes rnam par phye ba zhes bya ba dang / shes rab kyi pha rol tu phyin pa'i sgo mi g.yo ba'i klong zhes bya ba dang / shes rab kyi pha rol tu phyin pa ra
- 202b
rdub dang bral ba'i 'od ces bya ba dang / shes rab kyi pha rol tu phyin pa'i sgo thub par dka' ba zhes bya ba dang / shes rab kyi pha rol tu phyin pa'i sgo 'grob thams cad mos par byed cing rjes su 'brang ba'i dkyil 'khor zhes bya ba dang / shes rab kyi pha rol tu phyin pa'i sgo phyi bzhin 'brang ba'i tshul gyi dkyil 'khor zhes bya ba dang / shes rab kyi pha rol tu phyin pa'i sgo rgya mtsho'i snying po zhes bya ba dang shes rab kyi pha rol tu phyin pa'i sgo kun tu lta ba'i btang snyoms thob pa zhes bya ba dang / shes rab kyi pha rol tu phyin pa'i sgo mi zad pa'i mdzod dang ldan pa zhes bya ba dang / shes rab kyi pha rol tu phyin pa'i sgo chos thams cad kyi tshul rgya mtsho zhes bya ba dang / shes rab kyi pha rol tu phyin pa'i sgo 'gro ba rgya mtsho'i rjes su song ba zhes bya ba dang / shes rab kyi pha rol tu phyin pa'i sgo thogs pa med pa'i spobs pa zhes bya ba dang / shes rab kyi pha rol tu phyin pa'i sgo chos kyi sprin la dmigs pas rim pas mi dmigs pa'i gnas zhes bya ba dang / de ltar shes rab kyi pha rol tu phyin pa'i sgo de dag la sogs pa/ shes rab kyi pha rol tu phyin pa grangs med pa brgya stong phrag bcu tshang bar yang dag par 'gro ba byed cing / rgyan brjod du med pa shin tu rnam par phye ba'i 'khor gyi dkyil 'khor na 'khod pa mthong bar gyur to// rim khang bdun pa'i nang na byang chub sems dpa' sgra brnyan lta bu'i bzod pa rab tu thob pa/ thabs dang ye shes rnam par gdon mi za ba la shin tu byung ba/ de bzhin gshegs pa thams cad kyi chos kyi
- 203a
smin yang dag par 'dzin pa sha stag 'dus shing 'khod par mthong ngo / / rim khang brgyad pa'i nang na byang chub sems dpa' mnyams par 'gro ba'i mngon par shes pa rab tu thob pa/ 'jig rten gyi khams thams cad du rnam par rgyu ba/ 'khor gyi dkyil 'khor thams cad du gzugs brnyan rab tu 'byung ba/ chos kyi dbyings thams cad du lus shin tu rnam par bye ba/ de bzhin gshes pa thams cad kyi zhabs kyi drung nas gung du mi 'phags pa'i yul dang ldan pa/ sangs rgyas thams cad kyi sku la yang dag par gzhol ba/ de bzhin gshegs pa thams cad kyi 'khor gyi dkyil 'khor du sngon du brjod pa'i gtam gyi skyes bur gyur pa sha stag kun nas 'dus shing 'khod pa mthong ngo / / rim khang dgu pa'i nang na byang chub sems dpa' tshe gcig gis thogs pa sha stag 'dus shing 'khod pa mthong ngo / / rim khang bcu pa'i nang na de bzhin gshegs pa thams cad thog ma byang chub tu thugs bskyed pa dang / spyod pa dang / 'byung ba dang / smon las rgya mtsho dang / sangs rgyas kyi rnam par 'phrul pa'i yul dang / sangs rgyas kyi zhing dang / 'khor gyi dkyil 'khor thams cad dang bcas pa dang / chos kyi 'khor lo rab tu sgrog pa dang bcas pa dang / sems can 'dul ba mdzad pa'i byin gyi rlabs dang bcas par mthong ngo / / mthong nas kyang chos kyi tshong dpon rin chen gtsug pung la 'di skad ces smras so// 'phags pa khyod la 'di lta bu'i phun sum tshogs
- 203b
pa mnga' na/ phun sum tshogs pa'i rnam pa de ji lta bu zhig tu sbyang ba mdzad mdzad/ dge ba'i rtsa ba ni su zhig la yongs su bskrun bskrun/ des smras pa/ rigs kyi bu ngo bos dran te 'das pa'i dus kyi bskal pa sangs rgyas kyi zhing gi rdul shin tu phra ba snyed 'das pa'i yang pha rol gcig na/ 'jig rten gyi khams 'khor lo sna tshogs shes bya bar/ de bzhin gshegs pa chos kyi dbyings 'od zer mtha' yas pas yongs su brgyan pa'i chos kyi rgyal po zhes bya ba mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das 'jig rten du byung ste/ de bzhin gshegs pa de ye shes rnam par snang ba la sogs pa nyan thos bye ba phrag brgya dang / ye shes nyi ma'i gzi brjid la sogs pa byang chub sems dpa' bye ba brgya phrag stong dang thabs cag tu rgyal po chos kyi dbang phyug rgyal pos spyan drangs nas/ bza' shing gi rab chen po rin chen rgyal mtshan rgyan gyis mdzes pa zhes bya bar gshegs te/ de bzhin gshegs pa de grong khyer du gshegs nas/ tshong dus kyi srang nas bzhud pa'i tshe/ kho bos de bzhin gshegs pa de dang / byang chub sems dpa' dang / nyan thos kyi dge 'dun dang bcas pa la mchod pa bya ba'i phyir/ sil snyan dang rol mo'i sgra zhig kyang phyung / spos kyi ri lu gcig cig kyang bsregs te/ bdug spos kyis
- 204a
@bsangs so/ / spos kyi ri lu gcig sung de ltar bsregs pas/ zhag bdun du 'dzam bu'i gling thams cad kyang spos kyi nathun gyi sprin kha dog sna tshogs dang ldan pa/ sems can thams cad kyi lus dang 'dra bas yongs su khebs par gyur to/ / spos kyi na bun gyi sprin de dag las kyang sgra 'di skad brjod de/ de bzhin gshegs pa ni bsam gyis mi khyab ste/ dus gsum du dri ma med pa'i ye shes kyi phung po dang ldan pa'o/ / thams cad mkhyen pa ste/ sgrib pa thams cad mi mnga' ba'o// nyon mongs pa'i bag chags thams cad yongs su byang ba ste/ de bzhin gshegs pa la yon phul ba thams cad kyang / thams cad mkhyen pa'i don chen po tshad med pa bsgrub par 'gyur ro// thams cad mkhyen pa nyid du yang dag par gzhol bar 'gyur ro zhes de skad du kho bos dge ba'i rtsa ba yongs su sIn par bya ba dang / sems can thams cad dge ba'i rtsa ba la shugs yang dag par bskyed pa'i phyir/ spos kyi na bun gyi sprin de las sangs rgyas kyi byin gyi rlabs kyis sgra'i rnam pa de lta bu byung ngo // rigs kyi bu de ltar de bzhin gshegs pa'i byin gyi rlabs kyis bstan pa'i cho 'phrul gyi dge ba'i rtsa ba de'ang / kho bos gnas gsum du yongs su bsngos te/ gsum par zhe na/ 'di ltar 'phongs pa thams cad shin tu rgyun gcad pa dang / dam pa'i chos mnyan pa dang mi 'bral ba dang / dge ba'i bshes gnyen sangs rgyas dang byang chub sems dpa' thams cad mthong ba yongs su rdzogs par
- 204b
'gyur bar bya ba'i phyir yongs su bsngos so/ / rigs kyi bu kho bos ni byang chub sems dpa'i rnam par thar pa smon lam gyi dkyil 'khor thogs pa med pa'i rgyan ces bya ba 'di shes par zang na/ kho bos byang chub sems dpa' yon tan rin po che tshad med pa'i 'byung gnas su gyur pa/ sangs rgyas kyi sku rgya mtsho dang tha mi dad pa la zhugs pa/ tha mi dad pa'i chos kyi sprin gyi char yang dag par 'dzin pa/ tha mi dad pa'i yon tan rgya mtsho la zhugs pa/ kun tu bzang po'i spyod pa'i dra ba rnam par rgyas par gyur pa/ ting nge 'dzin tha mi dad pa'i yul la zhugs pa/ byang chub sems dpa' thams cad tha mi dad pas dge ba'i rtsa ba'i rgyun gcig tu gyur pa/ de bzhin gshegs pa thams cad dang tha mi dad cing rnam par mi rtog par spyod pa/ dus gsum tha mi dad pas mnyam pa nyid la zhugs pa/ bskal pa thams cad tha mi dad par yongs su gnas pas mi skyo ba/ kun tu lta ba tha mi dad pa'i yul gyis la gnas pa de dag gi spyod pa shes pa 'am/ yon tan brjod par nus re skan/ song rigs kyi bu lho phyogs kyi rgyud 'di nyid na yul spu'i rtsa ba zhes bya ba yod de/ de'i grong khyer kun nas sgo zhes bya ba na/ tshong dpon spos 'tshong kun tu lta ba zhes bya ba 'dug gis de'i gan du song la ji lta byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis
- 205a
chos kyi tshong dpon rin chen gtsug bud kyi rkang pa gnyis la spyi bos phyag 'tshal te/ chos kyi tshong dpon rin chen gtsug dra pa pan brgya stong du mar g.yas phyogs su bskor ba byas nas yang dang yang bltas te/ chos kyi tshong dpon rin chen gtsug dud kyi drung nas song ngo // / bam po dgu bcu lnga pa// de nas tshong dpon rgya bu nor bzangs sangs rgyas mtha' yas pa mthong ba la zhugs pa/ byang chub sems dpa' mtha' yas pa dang 'grogs pa rab tu thob pa/ byang chub sems dpa'i lam mtha' yas pa'i tshul gyis snang bar gyur pa/ chos kyi tshul mtha' yas pas mngon par brlan pas shin tu rtogs pa'i sems dang ldan pa/ byang chub sems dpa'i mos pa mtha' yas pa'i lam gyi rnam par dag pa/ byang chub sems dpa'i dbang po mtha' yas pa'i snang ba rab tu thob pa/ byang chub sems dpa'i bsam pa mtha' yas pa'i stobs la gnas pa/ byang chub sems dpa'i spyod pa mtha' yas pa'i rjes su song ba'i sems dang ldan pa/ byang chub sems dpa'i smon lam mtha' yas pa'i stobs yongs su skyes pa/ byang chub sems dpa'i gzhan gyis thub pa med pa mtha' yas pa'i rgyal mtshan can/ byang chub sems dpa'i ye shes snang ba mtha' yas pa'i rgyud dang ldan pa/ byang chub sems dpa'i chos mtha' yas pa'i snang ba rab tu thob pa de/ mthar
- 205b
gyis yul spa'i rtsa ba gang na ba der phyin nas/ grong khyer kun nas sgo yongs su tshol zhing phyogs dang / phyogs mtshams dang / yul phyogs nyen kor kun dang / sgang dang / gshong dang / mnyam pa dang mi mnyam pa thams cad du yongs su skyo ba med pa'i bsam pa dang / 'jigs pa med pa'i sems dang / ldog pa med pa'i brtson 'grus dang / thub pa med pa'i sems kyis dge ba'i bshes gnyen gyi gdam ngag ma brjed pa dang / rtag tu dge ba'i bshes gnyen gyi spyod pa ma nor bas sems rab tu bsgos pa dang / sgo kun nas rnam par dmigs pa'i dbang po dang ldan pa/ bag med pa thams cad dang bral ba dang / mig dang rna ba g.yeng ba med par tshel tshel nas/ yul spa'i rtsa ba'i dbus shig na/ grong khyer kun nas sgo tshong dus kyi rdal stong phrag bcu'i gnas su gyur pa de shin tu bzang por grub pa/ rab brtan pas bskor ba/ shin tu mtho ba/ bzhi mdo brgyad kyis brgyan pa 'dug par mthong ste/ de'i nang na spos 'tshong kun tu lta ba'ang spos 'tshong gi khyams shig na 'dug pa mthong nas/ spos 'tshong kun tu lta ba gang na ba der phyin te/ spos 'tshong kun tu lta ba'i rkang pa gnyis la spyi bos phyag 'tshal nas/ mdun du 'dug ste thal mo sbyar nas 'di skad ces smras so/ / 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa
- 206a
la bslab par bgyi ba dang / ji ltar nan tan du bgyi ba ma 'tshal to// smras pa/ rigs kyi bu de ltar khyod kyis bla na med pa yang dag par rdzogs pa byang chub tu sems bskyed pa legs so legs so/ / rigs kyi bu kho bos ni sems can thams cad kyi nad shes te/ rlung las gyur pa dang / mkhris pa las gyur pa dang / bad kan las gyur pa dang / cha mnyam par 'khrugs pa dang / gzhan gyis gnon par byas pa dang / mi ma yin pa las gyur pa dang / dug 'thungs pa dang / sngags dang / mtshon dang / ro langs pa'i sbyor ba sna tshogs dang / me las gyur pa dang / chus bskyod pa las gyur pa dang / spangs pa dang / 'jigs pa sna tshogs las gyur pa thams cad kyang shes so// nang de dag thams cad zhi bar bya ba'ang shes te/ 'di ltar sdum par bya ba'ang rab tu shes so// skyub par bya ba dang / bkru ba dang / brta ba dang / gtar ba dang / sna'i cho ga dang / nyar dang / dugs dang / lums dang / byug pa dang / dug gso ba dang / 'byung po'i gdon med par bya ba dang / bcung dang / khrus dang / gzhag pa dang / bskyed pa dang / kha dog sbyang ba dang / nyam bstod pa'ang tu shes te/ rigs kyi bu phyogs bcu nas sems can gang ji snyed kho bo'i drung du 'ong ba de dag thams kyi dang thas cad kyang rab tu zhi bar byed de/ nad sos nas kyang legs par bkru ba dang / lus la byug pas
- 206b
byug pa byas nas ci tshul gyi rgyan gyis yan lag shin tu brgyan te/ ci rigs pa'i gos lus la bskon nas/ kha zas bro ba'i mchog dang ldan pa sna tshogs kyis yongs su tshim par bya ste/ nor dpag tu med pas kyang phun sum par byed do// de'i 'og tu'ang de dag la mi gtsang ba bstan cing 'dod chags spang ba'i phyir chos ston to// byams pa chen po yongs su bsngags shing zhe sdang spang ba'i phyir chos ston to/ / chos rnam par dbye ba'i bye brag bstan cing gti mug spang ba'i phyir chos ston to// khyad par khong du chud pa'i tshul gyi sgo yang dag par bstan cing cha mnyam pa'i spyod pa dang nyon mongs pa spang ba'i phyir chos ston to/ / sangs rgyas kyi yon tan gyi chos dang ldan pa'i gtam thams cad yongs su brjod cing byang chub kyi sems 'byung ba'i rgyu yongs su ston to// 'khor ba'i sdug bsngal tshad gzung du med pa yongs su bstan cing snying rje chen po 'byung ba'i rgyu yongs su ston to// bsod nams dang ye shes kyi tshogs rgya chen po bsags pa yang dag par bsngags shing / yon tan tshad med pa 'thob pa dang / 'byung ba'i rgyu yongs su ston to// sems can thams cad yongs su smin par bya ba dang gdul bar bya ba yongs su bstan cing / theg pa chen po'i smon lam 'byung ba'i rgyu yongs su ston to/ / sangs rgyas kyi zhing thams cad dang bskal pa thams cad du gnas par bya ba'i spyod pa'i dra ba shin tu rgyas par bshad cing / byang chub sems dpa' kun tu
- 207a
bzang po 'i spyod pa 'thob pa dang / 'byung ba'i rgyu yongs su ston to// sbyin pa'i pha rol tu phyin pa yongs su bsngags shing mtshan dang dpe byad bzang pos brgyan pa'i sangs rgyas kyi sku 'thob pa dang / 'byung ba'i rgyu yongs ston to// tshul khrims kyi pha rol tu phyin pa yongs su brjod cing / de bzhin gshegs pa'i yongs su dag pa thams cad du 'gro ba 'thob pa dang / 'byung ba'i rgyu yongs su ston to/ / bzod pa'i pha rol tu phyin pa yongs su brjod cing / de bzhin gshegs pa'i sku gzugs dang sku mdog rnam par dag pa bsam gyis mi khyab pa'i rgyu yongs su ston to// brtson 'grus kyi pha rol tu phyin pa yongs su brjod cing / de bzhin gshegs pa'i sku thub par dka' ba yongs su ston to// bsam gtan gyi pha rol tu phyin pa yongs su brjod cing / de bzhin gshegs pa'i sku zil gyis mi non la/ bil gyis gnon pa rnam par dag pa yongs su ston to// shes rab kyi pha rol tu phyin pa yongs su brjod cing / chos kyi sku yongs su dag pa yongs su ston to// thabs mkhas pa'i pha rol tu phyin pa yongs su brjod cing / 'gro ba thams cad la mngon du gyur pa'i sku gtsang zhing rnam par dag pa yongs su ston to// smon lam gyi pha rol tu phyin pa yongs su brjod cing / bskal ba thams cad kyi dus su 'gro ba thams cad kyi sems dang 'grogs pa'i sku rnam par dag pa yongs su ston to/ / stobs kyi pha rol tu phyin pa yongs su brjod cing / sangs rgyas kyi zhing thams du mngon
- 207b
bar 'byung ba'i sku rnam par dag pa yongs su ston to/ / ye shes kyi pha rol tu phyin pa yongs su brjod cing / 'gro ba thams cad kyi bsam pa ji lta bu bzhin du tshim par mdzad pa'i sku rnam par dag pa yongs su ston to/ / mi dge ba'i chos thams cad las rnam par ldog pa yongs su brjod cing / blta na phul du bzang ba'i sku rnam par dag pa yongs su ston to// de ltar de dag chos kyi sbyin pas yongs su bsdus te/ / nor dang rin po che mtha' yas pa'i tshogs kyis nye bar brtan pa byas shing so sor 'gyed do// yang rigs kyi bu kho bo ni spos dang / bdug spos dang / bsgo ba dang / bsku ba sbyor shes te/ 'di ltar spos kyi rgyal po gzhal du med pa la sogs pa dang / spos kyi rgyal po sin du ba ra la sogs pa dang / spos kyi rgyal po mi 'pham pa la sogs pa dang / spos kyi rgyal po rnam par gsal byed la sogs pa dang spos kyi rgyal po nyi ma yod pa la sogs pa dang / spos kyi rgyal po dus dang 'thun pa la sogs pa dang / spos kyi rgyal po sbrul gyi snying po'i tsan dan la sogs pa dang / spos kyi rgyal po sprin gyi a ka ru la sogs pa dang / spos kyi rgyal po dbang po mi 'khrugs pa la sogs pa spos sbyar ba thams cad kyang rab tu shes so// yang rigs kyi bu kho bos ni sems can thams cad yongs su tshim par byed pa dang / sgo thams cad nas sangs rgyas blta zhing mchod pa dang / bsnyen bkur ba'i spos kyi gzugs shes te/ rigs kyi bu sems can thams cad yongs su tshim par byed pa dang / sgo thams cad nas sangs rgyas blta zhing mchod
- 208a
pa dang / bsnyen dkur ba'i spos kyi gzugs 'dis kho bo'i bsam pa thams cad kyang yongs su rdzogs par 'gyur te/ de'i mthus kho za sems can thams cad yongs su skyob pa'i rgyun gyi sprin byin gyis rlob pa byed de/ 'di ltar spos kyi khang pa brtsegs pa'i sprin gyi rgyan nas/ rnam pa thams cad du de bzhin gshegs pa mchod cing rim gror bya ba'i rgyan gyi sprin gyi bar du byin gyis rlob pa byed do// rigs kyi bu kho bo ni de bzhin gshegs pa la mchod par bya bar 'dod par gyur pa de'i tshe/ kho bo sems can thams cad yongs su tshim par byed pa dang / sgo thams cad nas sangs rgyas blta zhing mchod pa dang // bsnyen bkur ba'i spos kyi mdzod kyi khang pa brtsegs pa'i sprin tshad gzung du med pa bton cing / phyogs bcu'i chos kyi dbyings thams cad na bzhugs pa'i de bzhin gshegs pa'i chos kyi dkyil 'khor gyi chos kyi dbyings thams cad du spos thams cad kyi mdzod kyi khang pa brtsegs pa'i sprin gyi rgyan byin gyis rlob pa byed do/ / chos kyi dbyings thams cad du/ sangs rgyas kyi zhing thams cad yongs su sbyong ba'i sprin gyi rgyan dang / spos kyi khang pa'i sprin gyi rgyan dang / spos kyi ra ba'i sprin gyi rgyan dang / spos kyi ba gam gyi sprin gyi rgyan dang / spos kyi rta babs kyi sprin gyi rgyan dang / spos kyi sar lung gi sprin gyi rgyan dang / spos kyi pra shra'i sprin gyi rgyan dang / spos kyi sngags kyi sprin gyi rgyan dang / spos kyi gdugs kyi sprin gyi rgyan dang / rjes kyi rgyal mtshan bsgreng ba'i sprin gyi rgyan dang / spos kyi lha'i ba dan gyi sprin gyi rgyan dang / sa kyi
- 208b
bla re'i sprin gyi rgyan dang / spos kyi gzugs kyi dra ba'i sprin gyi rgyan dang / spos kyi 'od kyi sprin gyi rgyan dang / spos kyi snang ba dri ma med pa'i sprin gyi rgyan dang / spos thams cad kyi sprin gyi char rab 'bab pa'i rgyan byin gyis rlob ste/ rigs kyi bu kho bos ni sems can thams cad yongs su tshim par byed pa dang / sgo thams cad nas sangs rgyas blta zhing mchod pa dang / bsnyen bkur pa'i spos kyi gzugs kyi chos kyi sgo 'di shes par zad na/ kho bos byang chub sems dpa' sman gyi rgyal po lta bur gyur pa/ blta na don yod pa/ 'grogs na don yod pa/ rjes su dran na don yod pa/ brtul zhugs rjes su byas na don yod pa/ ming thos na don yod pa/ mthong ba tsam gyis sems can thams cad kyi nyon mongs pa zhi bar 'gyur ba/ mthong ba tsam gyis sems can rnams ngan song gi rgyud las ldog par 'gyur ba/ mthong ba tsam gyis sems can thams cad sangs rgyas kyi chos la skabs phye ba thob par 'gyur ba/ mthong ba tsam gyis sems can rnams kyi sdug bsngal gyi phung po thams cad zhi bar 'gyur ba/ mthong ba tsam gyis sems can rnams 'jigs pa dang / 'khor ba'i lam gyi rgyud thams cad kyi 'jigs pa dang bral bar 'gyur ba/ mthong ba tsam gyis sems can rnams thams cad mkhyen pa'i phyogs la rten par 'gyur ba'i phyir mi 'jigs pa thob par 'gyur ba/ mthong ba tsam gyis sems can rnams rga shi'i grog po dang g.yang sar mi ltung ba/ mthong ba
- 209a
tsam gyis sems can rnams chos kyi dbyings mnyam pa nyid la gnas pas mya ngan las 'das pa'i bde ba 'thob par 'gyur ba de dag gi spyod pa shes pa 'am/ yon tan brjod pa nus re skan/ song rigs kyi bu lho phyogs kyi rgyud 'di nyid na/ grong khyer ta la'i rgyal mtshan zhes bya ba yod de/ de na rgyal po me zhes bya ba 'dug gis/ de'i kun du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs/ tshong dpon spos 'tshong kun tu lta ba'i rkang pa gnyis la spyi bos phyag 'tshal te/ tshong dpon spos 'tshong kun tu lta ba la lan brgya stong du mar g.yas phyogs su bskor ba byas nas yang dang yang bltas te/ tshong dpon spos 'tshong kun tu lta ba'i drung nas song ngo // de nas tshong dpon gyi bu nor bzangs dge ba'i bshes gnyen gcig nas gcig tu brgyud pa de dag rjes su dran par byed cing / dge ba'i bshes gnyen gyi gdams ngag gi sgo de dag rjes su dran par bya ba dang bdag ni dge ba'i bshes gnyen gyis yongs su bzung ngo zhes rang gi sems yongs su tshim par bya ba dang / bdag ni dge ba'i bshes gnyen gyis yongs su bsrungs pas/ da ni bla na med pa yang dag par rdzogs pa'i byang chub las phyir ldog par yang mi 'gyur ro snyam du rnam par sems shing sems dga' ba ni rab tu thob/ sems dang ba dang / sems rab tu dga' ba dang / sems rangs pa dang
- 209b
sems mgu ba dang / sems mos pa dang / sems kyi shugs dang / sems rnam par zhi ba dang / sems rgya chen po dang / sems rgyan dang / sems la thogs pa med pa dang / sems la sgrib pa med pa dang / sems rnam par phye ba dang / sems yang dag par gzhol ba dang / sems kyi dbang dang / sems dbang sgyur ba dang / sems kyi chos khong du chud pa dang / sems kyis zhing rgyas par dgang ba dang / sems sangs rgyas mthong bas brgyan pa dang / sems stobs bcu'i yid la bya ba dang mi 'bral ba'ang thob nas/ de mthar gyis ldongs nas ljongs dang / grong nas grong dang yul nas yul du tshol zhing grong khyer ta la'i rgyal mtshan gang na ba der phyin te/ rgyal po me gang na bzhugs shes dris na/ de la 'gro ba gzhan dag gis 'di skad du bstan te/ rigs kyi bu 'di re rgyal po me ni rgyal po'i don bsgrub pa'i phyir seng ge'i gdan la bzhugs shing rgyal po'i 'phrin las mdzad do/ / khams rab tu skyong ngo // chad pas gcad par 'os pa ni chad pas gcod do// bya dgas bsdu pabar 'os pa ni bya dgas sdud do/ / g.yon yod pa'i rnams la ni gyod rmed do// rtsod pa rnams kyi zhal che ni yongs su gcod do// dma' ba rnams ni dbugs 'byin to// dregs pa rnams ni 'dul ba mdzad do/ / srog gcod pa las ni rnam par zlog go// ma byin par len pa dang ni rnam par 'byed pa mdzad do// gzhan gyis yongs su bzung ba la mngon par zhen pa ni rnam par zhi bar mdzad do//
- 210a
sgrums san bya rnamapa / na la pa ya sa pa na yong pa so/ kAk+Sha A na nas sas / no// chags sems dang ni mi 'dre bar mdzad do// gnod sems dang ni rgyang bsring ngo // log par lta ba dang ni 'dre ba med par mdzad do// de nas tshong dpon gyi bu nor bzangs rgyal po me gang na ba der phyin na des mthong ba/ rgyal po me de rin po che'i seng ge'i khri chen po rdo rje mthu bo che'i nor bu sna tshogs kyis spras pa/ rin po che 'od gsal ba rnam pa sna tshogs grangs med pa las byas pa'i rkang pa bkye ba/ rin po che gcig ma yin pas legs par spras shing brgyan pas yid du 'ong ba'i lhun dang ldan pa/ gser gyi lcag pod kyi dra bas legs par blas shing chub par btags pa/ nor bu rin po che du ma'i sgron mas shin tu snang bar byas pa/ nor bu rin po che dbang gi rgyal po las byas pa'i pad+mo'i snying po can/ lha rdzas kyi rin po che'i stan rim pa du mar gting ba/ gam yon nas lha rdzas kyi spos sna tshogs kyi bdug spos kyis shin tu bdugs pa/ rin po che'i rgyal mtshan bsgreng ba brgya phrag stong gis mdzes par byas pa/ rin po che'i ba dan brgya phrag stong rnam par bres pas brgyan pa/ rin po che'i me tog gi chun po sna tshogs kyi lda ldi rab tu bkye bas shin tu mdzes par byas pa/ steng nas lha rdzas kyi rin po che'i bla re sna tshogs bres pa zhig la 'dug cing / de ni gzhon zhing ngar la
- 210b
ba pa/ gzugs mdzes shing blta na yid du 'ong ba/ skra mthon mthing g.yas phyogs su 'khyil ba dang ldan pa/ mgo gdugs ltar 'dug pa/ gtsug tor gyi spyi bo can/ dpral ba yangs pa/ mig dkar nag 'byes shing ring la/ rdzi ma ba'i rdzi ma ltar 'dug pa/ sna'i dbyibs legs shing bzang la ran par mdzes pa dang ldan pa/ mchu mtshal ltar mdog bzang zhing shin tu legs pa dang ldan pa/ so mnyam zhing thags bzang la shin tu dkar ba bzhi bcu tshang ba dang ldan pa/ 'gram pa'i lha nga seng ge'i 'gram pa ltar 'dug pa/ mkhur bshas rgyas pa/ smin tshugs gzhu ltar 'dug cing ring la shin tu mdzes pa/ mdzod spu zla ba'i kha dog ltar bdug pa'i thig le can/ rna shal ring zhing lhod par 'phyang ba/ zla ba nya ba ltar bzhin mdangs dang ldan zhing bzang ba/ mgul zlum zhing dung ltar mdzes pa snying la dpal gyi be'us brgyan pa/ ro stod seng ge'i ro stod ltar 'dug pa/ thal gong shin tu rgyas pa/ dpung mgo'i lhun legs shing zlum pa/ lag pa ring ba/ dra bar 'brel ba'i sor mo can/ rkang lag 'khor los brgyan pa/ rkang lag 'jam zhing gzhon la shas rgyas pa/ bdun shin tu mtho ba/ rked pa rdo rje ltar 'dug pa/ lus che zhing drang ba/ brla zlum pa/ pho mtshan gsang ba'i sbubs na 'dug pa/ byin pa ri dgas e n+ya ya'i byin pa ltar 'dug pa/ sor mo ring ba/ rkang pa'i rting pa yangs pa/ 'od 'dom gang ba dang ldan pa/ mdog gser gyi kha dog ltar 'dug pa/ ba spu re re nas g.yas
- 211a
phyogs su gyen du 'khyil ba/ shing n+ya gro da'i rgyal po ltar chu zheng gab pa/ lus mtshan dang dpe byad bzang pos shin tu brgyan pa/ mgo la nor bu rin po che yid bzhin gyi cong pan thogs pa/ 'dzam bu chu klung gi gser las byas pa'i dpral ba'i rgyan zla gam gyis mdzes par brgyan pa/ rna ba las rin po che in+d+ra nI la'i rna cha dri ma med pa 'phyang ba/ nor bu rin po che rin thang med pa'i se mo do'i 'od kyis snang bar byas pas dri ma med pa'i ro stod rgyas pa dang ldan pa/ lha rdzas kyi nor bu dam pa'i dpung rgyan dang / gdu bus lag pa mdzes par brgyan pa zhig ste/ rin po che'i gdugs chen po rin po che bai DUR+Ya dri ma med pa'i yu ba can rin po che'i shar bu brgya phrag bcus rnam par phye ba/ 'dzam bu chu klung gi gser gyi bla gab can/ nor bu rin po che sgra snang ba rnam par dag pa'i snying po can/ rin po che'i dril gyi 'phreng ba las sgra snyan cing yid du 'ong ba 'byung ba/ nor bu rin po che'i 'od phyogs kun tu 'phro ba can drung nas bzung zhing bsgreng ba/ rgyal po'i gzi dang dbang chen po la gnas pa/ srid la gzhan gyi 'khor gyis gtse ba med pa/ dgra'i 'jigs pa dang bral ba'i dbang phyug dang ldan pa 'dug pa mthong ngo // de'i 'khor kun nas kyang blon po stong phrag bcu tshogs shing rgyal po'i dgos pa sgrub pa la brtson pa mthong ngo / / de'i mdun na chad pas gcod pa'i mi sems can dmyal ba'i srungs ma lta bu/ gshin rje'i g.yog 'khor lta bu 'jigs 'jigs lha'i gos gyon pa/ gtum zhing mi bzad la 'jigs pa chen po
- 211b
skyed pa/ mig dmar ba/ so gtsigs pa/ gdong gi gnyer ma gsum khro gnyer du bsdus pa/ ral gri dang / sta re dang / lcags kyi chang mdung dang / mda' dang / ber ga dang / mdung la sogs pa'i mtshon cha dang lag cha thogs pa/ lus dang bzhin gyi dbyibs mi sdug cing 'jigs su rung ba/ sprin nag po ltar 'dug pa/ mi snyan cing brlang la sdang pa'i sgra drag po 'byin pa/ gzi blta ba dka' ba/ 'jigs pa chen po skyed pa/ srog chags brgya phrag stong gi snying 'gam par byed pa de lta bu dag chad pas gcad par 'os pa'i sems can chad pas gcod pa la brtson pa mthong ngo // de na srog chags rku ba/ gzhan gyi nor la 'phrog pa/ sems can gyi longs spyod chud gson pa/ lam bsgugs shing 'phrog pa/ grong dang / grong khyer dang / grong rdal dang / lhas la mes gtong / grong du chom po byed pa/ khyim phugs 'debs pa/ sdig sdig ltar byed pa/ dug ldud pa/ dkrugs ma byed pa/ thong mi byed pa/ byi ba byed pa/ log par zhugs pa/ gnod par sems pa/ 'dod chen che ba/ sdig pa sna tshogs kyi las mi bzad pa byed pa brgya stong mang po bcing ba dam po lngas bcings shing / rgyal po me'i drung du khrid pa dag kyang mthong ngo // de dag la'ang rgyal po mes ci rigs par chad pas gcad bar gyur pa mthong ngo / / des de na rgyal po mes bsgo zhing / la la ni rkang lag bcad/ la la ni rna ba dang sna bcad/ la la ni mig phyung / la la ni yan lag dang /
- 212a
nying lag dang mgo bcad/ la la ni lus thams cad mes btang / la la ni ba tshwa'i chu khol mas lus la gtor cing / pags pa snyil ba la sogs pa de lta bu'i chang pa sna tshogs du ma mi bzad pa/ drag pa/ brlang ba/ yid du mi 'ong ba// srog 'phrog pa dag kyang byed par mthong ngo // bsad pa'i sa de na'ang bsad pa'i rkang lag dang / rna mig dang / sna dang / mgo dang / yan lag dang / nying lag gi phung po ri tsam du spungs pa mthong ngo // khrag gi mtsho dpag tshad gsum tsam du gzabs su zab la chu zheng du dpag tshad du ma yod pa'ang mthong ngo // de na shi ba'i ker rus yan lag dang / nying lag dang / mgo dang bral ba brgya stong du ma la/ spyang ki dang / wa dang / khyi dang / bya rgod dang / khA dang / bya ku ra ra mang pos gang ste/ 'drad cing 'thog pa mthong ngo // de la yang la la ni kha dog gyur te sngon por gyur pa tsam/ / la la ni rnags pa tsam/ la la ni bam pa tsam/ la la ni 'bu zhugs pa tsam du gyur te/ shin tu spyi g.ya' zhing 'jigs 'jigs ltar 'dug pa mthong ngo // bas dang de dag gsod pa'i tshe/ mi sdug cho dgur byas pas na 'jigs 'jigs skad dang / snying rje rje skad du sgra 'byin cing / cho nges 'debs pa'i sgra chen po thos nas/ spyi g.ya' zhing mi dga' ba chen po skyed pa/ sems can dmyal ba chen po ris gzhos pa'i sgra lta bu'ang thos so// des de ltar la btags te btungs pa dang / shin tu 'jigs pa'i drag shul mthong nas 'di snyam du gyur to//
- 212b
bdag ni sems can thams cad la phan pa dang bde ba'i phyir/ bla na med pa yang dag par rdzogs pa'i byang chub tu mngon par zhugs te/ byang chub sems dpa'i spyod pa yongs su tshol zhing 'bad de/ dge ba'i bshes gnyen rnams la dge ba ni ci zhig bgyi/ mi dge ba ni gang zhig spang zhes 'dri 'dri na/ rgyal po me 'di la ni dge ba'i chos kyang med de/ kha na ma tho ba chen po'i las la spyod pa/ yid kyi yongs su rtog pa shin tu gtum pa dang ldan pa/ sems can pha rol gyi srog gcad pa la zhugs pa/ sems can pha rol shin tu mnar ba la brtson pa/ tshe phyi ma la lta ba med pa/ ngan song gi g.yangs sa'i gang kha na 'dug pa zhig na/ 'di las cig byang chub sems dpa'i spyod pa'ang thob par 'gyur ram snyam ste/ de de ltar sems shing yid la byed de/ sems can thams cad yongs su bskyab pa la mngon par brtson pa/ snying rje rgya chen po skyes pa'i sems dang ldan pa de la/ steng gi nam mkha'i dbyings las lha mang pos bos pa// rigs kyi bu drang srong rgyal ba'i drod kyi skye mched la dge ba'i bshes gnyen gyi gdams ngag tu bya ba mi dran nam/ des gyen du nam mkha'i dbyings la bltas nas dran no zhes brjod do// lha rnams kyis smras pa// rigs kyi bu khyod dge ba'i bshes gnyen gyi gdas/ ngag la de ltar the tsom ma skyed cig/ rigs kyi bu dge ba'i bshes gnyen rnams ni yang dag pa ma nor bar ston gyi/ log pa ma yin no// rigs kyi bu byang chub sems dpa' rnams kyi thabs mkhas pas spyod pa'i
- 213a
ye shes ni bsam gyis mi khyab bo/ / sems can yongs su sdud pa'i ye shes bsam gyis mi khyab bo// sems can la phan 'dogs pa'i ye shes bsam gyis mi khyab bo// sems can tshar gcod pa'i ye shes bsam gyis mi khyab bo// sems can gzengs bstod pa'i ye shes bsam gyis mi khyab bo// sems can yongs su sbyong ba'i ye shes bsam gyis mi khyab bo// sems can yongs su skyong ba'i ye shes bsam gyis mi khyab bo// sems can 'dzud pa'i ye shes bsam gyis mi khyab bo// sems can yongs su smin par byed pa'i ye shes bsam gyis mi khyab bo// sems can 'dul ba'i ye shes bsam gyis mi khyab bo/ / song rigs kyi bu de la byang chub sems dpa'i spyod pa dri shig ces nas/ tshong dpon gyi bu nor bzangs kyis lha'i ngag mnyan te/ rgyal po me gang na ba der song ste phyin nas/ rgyal po me'i rkang pa gnyis la spyi bos phyag 'tshal te/ rgyal po me la lan brgya stong du mar g.yas phyogs su bskor ba byas nas/ mdun du 'dug ste thal mo sbyar nas 'di skad ces smras so/ / 'phags pa bdag gis bla na med pa yang dag par rdzogs pa'i byang chub sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags pa ji ltar byang chub sems dpas byang chub
- 213b
sems dpa' spyod pa la bslab par bgyi ba dang / ji ltar nan tan du bgyi ba bdag la bka' stsal du gsol/ de nas rgyal poms rgyal po'i bya ba byas te/ seng ge'i khri las langs nas tshong dpon gyi bu nor bzangs kyi lag pa g.yas pa nas bzung ste/ rgyal po'i pho brang ta la'i rgyal mtshan du khring ngo // de mthar gyis rang gi gnas su phyin nas/ tshong dpon gyi bu nor bzangs btsun mo'i 'khor gyi nang du khrid de/ khri la bzhugs nas 'di skad ces smras so// rigs kyi bu nga'i khyim dang longs spyod la ltos shes nas/ des bltas na/ khyim de rgya che zhing yangs la rin po che bdun gyi rabs yongs su bskor ba/ nor bu rin po che sna tshogs kyi khang pas shin tu mdzes par byas pa/ rin po che'i khang pa brtsegs pa brgya stong du mas rab tu brgyan pa/ nor bu rin po che bsam gyis mi khyab pa'i 'od shin tu 'bar bas gzi brjid rab tu 'bar bar byas pa/ nor bu rin po che sna tshogs kyis rnam pa tha dad par rnam par phye zhing bres pas rnam par mdzes par byas pa/ mu tig dmar po'i ka ba bkye ba/ nang du seng ge'i khri mu sa ra gal ba las byas pa/ rin po che brgya stong du mas rnam pa sna tshogs su brgyan pa shin tu bshams pa/ nor bu rin po che sgra snang ba'i seng ge'i rgyal mtshan shin tu bsgreng ba/ steng nas nor bu rin po che rnam par snang ba'i bla re bres pa/ yid bzhin gyi nor bu rin po che sna tshogs kyi dra bas kun nas yog pa/ nor bu rin po che sna tshogs grangs med pas rab tu brgyan pa'i
- 214a
bkam gyi rgyan dang ldan pa/ a swa gar ba las byas pa'i rdzing chu bsol bas gang ba dang ldan pa/ rin po che sna tshogs kyi shing gis 'khor bar 'dug par mthong ngo // de'i 'khor/ gyi bud med bzang zhing mdzes la blta na sdug pa/ kha dog rgyas pa/ bzang ba'i phul du bya ba dang ldan pa/ sgyu rtsal thams cad kyi tshul la mkhas pa/ sngon du ldang ba/ phyi nas nyalag byams pa'i sems dang ldan pa/ ci bsgo ba bzhin du byed cing ngag nyan pa bye ba phrag bcu'ang 'khod par mthong ngo // de nas rgyal po mes/ tshong dpon gyi bu nor bzangs la 'di skad ces smras so// rigs kyi bu ji snyam du sems cig sdig pa byed pa rnams la las kyi rnam par smin pa mngon par grub pa 'di lta bu yod dam/ lus phun sum tshogs pa 'di lta bu yod dam/ 'khor phun sum tshogs pa 'di lta bu yod dam/ skyid pa chen bophun sum tshogs pa 'di lta bu yod dam/ dbang phyug dang dbang chen po phun sum tshogs pa 'di lta bu yod dam/ smras pa/ 'phags pa de lta bu ni ma mchis so// des smras pa// rigs kyi bu nga ni byang chub sems dpa'i rnam par thar pa sgyu ma'i rnam pa thob pa ste/ rigs kyi bu nga'i yul na gnas pa'i sems can 'di dag kyang / phal cher srog gcod par byed pa/ ma byin par len pa/ 'dod pas log pabar g.yem pa/ brdzun du smra ba/ phra ma can/ tshig brlang por smra ba/ byung rgyal du brjod pa/ chags sems dang ldan pa/ gnod sems can/ log par lta ba/ sdig pa'i las byed pa/
- 214b
zhing gtum pa/ bab rgyal can mi dge ba'i las kyi bya ba sna tshogs dang ldan pa dag ste/ de dag ni rnam pa gzhan gyis sdig pa'i spyod pa las bzlog pa dang / dgag pa dang / bstan par mi nus te/ de ltar rigs kyi bu nga ni sems can 'di dag gdul ba dang / yongs su smin par bya ba dang / shin tu dul bar bya ba dang / phan pa la dgod par bya ba'i phyir/ snying rje chen po mdun du byas te/ gso pa'i gshed ma sprul pa rnams bsad pa'i mir sprul pa rnams la gsod du gzud pa dang / chad pas gcod pa'i mi sprul pa rnams mi dge ba'i las kyi lam la spyod par sprul pa'i mi rnams la chad pa sna tshogs kyis gcod du gzud pa dang / rkang lag dang / sna dang / rna ba dang / yan lag dang / nying lag dang / mgo bcad pa las byung ba'i sdug bsngal mi bzad pa nyams su tshor bar gyur pa lta bu dag kyang yongs su ston par byed de/ de mthong nas nga'i khams na gnas pa'i sems can de dag nyes pa gtong zhing skyo ba'i shugs thob par 'gyur ro// 'jigs pa skye zhing bag tsha ba skye bar 'gyur ro// de dag sdig pa'i las byed pa rnams gtong zhing bag byed par 'gyur ro/ / rigs kyi bu de ltar nga ni sems can 'di dag thabs des nyes pa gtong zhing / 'jigs pa'i sems dang ldan pa dang / skyo ba'i yid dang ldan par shes nas/ mi dge ba bcu'i las kyi lam las bzlog ste/ dge ba bcu'i las kyi lam dang ldan par byas nas/ dga' zhing bde ba'i mthar phyin pa sdug bsngal thams cad rgyun chang pa'i thams
- 215a
cad mkhyen pa nyid kyi bde ba la dgod pa byed kyi/ rigs kyi bung ni lus dang ngag gam/ yid kyis kyang sems can sa la'ang tsam 'dri ma tho ma 'tshal mo// rigs kyi bu ngan gyi ma mtha'i mnar med pa'i sdug bsngal gyis bgrangs shes pa ste/ byol song gi skye gnas glen pa'i khams su gtogs pa las kyang / chung ngu na rtswa'i rtse mos blta ba'i srog chags phre'u 'ga' la'ang / sems bskyed pa gcig tsam du'ang sdug bsngal bar bya bar mi dga' na/ zhing du gyur cing dge ba'i las kyi lam bskyed par nus pa'i mi lta zhig la ci smos/ rigs kyi bu nga ni rmi lam na'ang mi dge ba'i chos yongs su rgyu ba mi skyed na/ ched du bsams te lta smos re skan/ rigs kyi bu de ltar ngas ni byang chub sems dpa'i rnam par thar pa sgyu ma'i rnam pa 'di shes par zad na/ ngas byang chub sems dpa'i mi skye ba'i chos kyi bzod pa thob pa/ srid pa dang lam gyi rgyud thams cad sgyu ma'i rnam par khong du chud pa/ sprul pa lta bu'i byang chub sems dpa'i spyod pas byung ba'i gzugs brnyan lta bu'i 'jig rten thams cad rnam par rig pa/ rmi lam lta bu'i chos nyid khong du chud pa/ thogs pa med pa'i sgo chos kyi dbyings kyi tshul la rjes su zhugs pa/ mig 'phrul lta bu'i spyod pa'i dra ba rtogs par gyur pa/ ye shes bsgribs pa med pa'i spyod yul gyi yul dang ldan pa/ kun tu yang dag par gzhol ba'i ting nge 'dzin gyi lam gyi byung ba/ glong kun tu 'khyal ba'i rgyud kyi gzungs la dbang sgyur ba/ sangs rgyas kyi spyod yul
- 215b
kyi yul khong du chud pa rnams kyi spyod yul shes pa 'am/ yon tan brjod par nus re skan/ song rigs kyi bu lho phyogs kyi chud 'di nyid na/ grong khyer 'od bzang po zhes bya ba yod de/ de na rgyal po 'od chen po zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ rgyal po me'i rkang pa gnyis la spyi bos phyag 'tshal nas/ rgyal po me la lan brgya stong du mar g.yas phyogs su bskor ba byas te/ yang dang yang bltas nas/ rgyal po me'i drung nas song de nas tshong dpon gyi bu nor bzangs ye shes sgyu ma de rjes su dran par byed cing / byang chub sems dpa'i rnam par thar pa sgyu ma'i rnam pa de la bsam pa dang / chos nyid sgyu ma'i rnam pa de la rab tu brtag pa dang / las kyi sgyu ma mnyam pa de khong du chud par bya ba dang / chos kyi sgyu ma mnyam pa de la rjes su bsam pa dang / chos kyis yongs su smin par bya ba'i sprul pa mnyam pa de khong du chud par bya ba dang / / ye shes las byung ba'i snang ba bsam gyis mi khyab pa de'i rjes su 'brang bar bya ba dang / smon lam gyi sgyu ma'i rnam pa mtha' yas pa mngon par bsgrub pa de mngon par bsgrub par bya ba dang spyod pa sprul pa'i chos nyid chags pa med pa de rnam par sbyang bar bya ba dang / dus gsum sgyu ma'i rnam pa'i mtshan nyid de'ang rnam par dbye ba byed cing / mthar gyis yul nas yul du dri ba dang / kun tu btsal
- 216a
ba dang / rjes su rnam par lta ba byed cing / phyogs dang phyogs mtshams dang / lam dang / sman ljongs dang / thang dang / thag thug dang / khal kol dang / ri dang / ri sul dang / grong dang / grong khyer dang / grong rdal dang / ljongs dang / khams dang / rgyal po'i gnas thams cad du yongs su skyo ba med pa'i sems dang / lus la nub pa med par tshol tshol te/ grong khyer chen po 'od bzang po'i nyen kor du phyin nas/ rgyal po 'od chen po gang na bzhugs shes dris na/ de la 'gro ba mang pos bstan pa/ rigs kyi bu 'di re 'di ni grong khyer 'od bzang po zhes bya ba yin te/ 'di na rgyal po 'od chen po bzhugs so zhes nas/ de nas tshong dpon gyi bu nor bzangs grong khyer chen po 'od bzang po gang na ba der phyin nas/ grong khyer chen po 'od bzang po mthong ngo // mthong nas kyang dga' rangs te/ mgu zhing nyams bde la tshim zhing yid bde ba skyes nas/ 'di snyam du bsams so// 'di na bdag gis dge ba'i bshes gnyen bzhugs pa lta ste/ de ring ni dge ba'i bshes gnyen de'ang mthong bar 'gyur ro// de las byang chub sems dpa'i spyod pa'ang thos par 'gyur ro/ / byang chub sems dpa'i 'byung ba'i sgo dang / byang chub sems dpa'i chos nyid bsam gyis mi khyab pa dang / byang chub sems dpa'i yon tan bsam gyis mi khyab pa dang / byang chub sems dpa'i spyod yul bsam gyis mi khyab pa dang / byang chub sems dpa'i khyu mchog gi mthu phyung ba bsam gyis mi khyab pa dang / byang chub sems dpa'i ting nge 'dzin la rnam par
- 216b
spyod pa bsam gyis mi khyab pa dang / byang chub sems dpa'i rnam par thar pas rnam par rol pa bsam gyis mi khyab pa dang / byang chub sems dpa'i brtsams pa chen po mthar 'byung ba rnam par dag pa bsam gyis mi khyab pa 'di thos par 'gyur ro zhes de ltar bsam pa yid la byed cing / grong khyer chen po 'od bzang po gang na ba der song ste phyin nas/ grong khyer chen po 'od bzang po de la bltas na/ gser dang / dngul dang / bai nuR+Ya dang / shel dang / mu tig dmar po dang / a sma gar ba dang / mu sa ra gal ba dang / rin po che 'di bdun gyis shin tu bzang zhing blta na mdzes pa/ rin po che'i 'obs zabs su zab pa chus gang ba/ gzhi gser gyi gram pas gang ba/ lha rdzas kyi ut+pal dang / pad+mo dang / ku mu dang / puN+Da r-i kas kun nas yog pa/ dus dang 'thun pa'i tsan dan gyi 'dam dang / lu mas 'khor ba bdun gyis kun nas yongs su bskor ba/ rin po che sna bdun gyi ta la'i 'phreng ba'i rim pa bdun gyis kun nas yongs su bskor ba/ rdo rje rin po che'i ra ba bdun gyis kun nas yongs su bskor ba 'di lta ste/ seng ge yid du 'ong ba'i rdo rje'i ra ba dang / rdo rje gzhan gyis thub pa med pa'i ra ba dang / 'bug pa'i ngang tshul gyi rdo rje'i ra ba dang / thub par dka' ba'i ngang tshul gyi rdo rje'i rab dang / rdo rje brtan pa chags pa med pa'i ra ba dang / rdo rje'i 'od zer dra ba'i snying po'i ra ba dang / rdul dang bral ba'i kha dog gi rgyan gyi rdo rje'i rabs yongs su bskor ba ste/ rdo rje rin po che'i ra ba de dag
- 217a
thams cad kyang nor bu rin po che grangs med pas yongs su spras pa/ 'dzam bu chu klung gi gser gyi lan kan dang / ba so mdzes par bkye ba/ dngul rin po che'i bso'i 'phreng ba mdzes pas brgyan pa/ rin po che bai DUR+Ya'i bso'i 'phreng ba mdzes pas brgyan pa/ rin po che shel gyi ba so'i 'phreng ba mdzes pas brgyan pa/ rin po che'i byi ru'i ba so'i 'phreng ba mdzes pas brgyan pa/ mu tig dmar po'i ba so'i 'phreng ba mdzes pas brgyan pa/ mu tig rin po che'i rgya mtsho'i snying po'i ba so'i 'phreng ba mdzes pas brgyan pa ste/ grong khyer chen po de'i sgo chen po brgyad kyi bar bar na'ang dpag tshad bcu bcu yod do/ sgo de dag kyang rin po che sna bdun las sna tshogs mdzes par byas pa ste/ blta na yid du 'ong ba'o// grong khyer chen po de ni de ltar rgya che zhing yangs la yan lag rnam pa brgyad du rnam par phye ba/ bai DUR+Ya sngon po'i sa la / chen po na na ba rgya zlas parba ba dang / 'i gro / rgyamachen po brgyaman gang bsas sems par 'ardzogs pa tshogs las byas pa dag go/ / rin po che'i rgyan sna tshogs kyis rab tu brgyan pa dag go// rin po che'i gdugs dang / rgyal mtshan bsgreng ba dang / ba dan che phra dag dang ldan pa dag go// yo byad thams cad phun sum tshogs pa dag go/ / sems can khrag khrig du ma gnas pa dag go// grong khyer chen po de'ang nor bu rin po che kha dog grangs med pa'i khang pas mdzes par byas pa ste/ 'dzam
- 217b
bu chu klung gi gser gyi khang pa brtsegs pa la rin po che bai DUR+Ya'i dra bas kun nas khebs pa bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ / dngul gyi khang pa brtsegs pa la mu tig dmar po'i dra bas kun nas khebs pa bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ / bai DUR+Ya'i khang pa brtsegs pa la rin po che mdzod sna tshogs kyi dra bas kun nas khebs pa bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ / shel gyi khang pa brtsegs pa la rin po che'i rgyal po snying po yangs pa'i dra bas kun nas 'dra ba 'asam gyis mi khyab pa'i rin po che'i rgyan gyis brgyan pa grangs med pa dang ldan pa'o/ / nor bu rin po che 'gro ba'i yid du 'ong ba'i khang pa brtsegs pa la rin po che'i nyi ma'i snying po'i dra bas kun nas ledra pa bsam gyis mi khyab pa rin po che'i rgyan gyis brgyan pa grangs med pa dang ldan pa'o/ / rin po che in+d+ra nI la'i khang pa brtsegs pa la rin po che dpal gyi 'od zer gyi dra bas kun nas khebs pa bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ / rin po che'i rgyal po 'gro ba rgya mtsho'i khang pa brtsegs pa la rin po che'i rgyal po skar ma'i 'od zer gyi dra bas kun nas lengs pa bsam gyis mi khyab pa'i rin po che'i rgyar gyis brgyan pa grangs med pa dang ldan pa'o/ / rin po che rdo rje'i khang pa brtsegs pa la rin po che'i rgyal po gzhan gyis mi thub pa'i dra bas kun nas khebs pa bsam gyis mi khyab pa'i rin po che'i rgyan gyis
- 218a
brgyan pa grangs med pa dang ldan pa'o/ / dus dang mthun pa'i tsan dan gyi khang pa brtsegs pa la lha rdzas kyi me tog man nga ra ba'i dra bas kun nas bebra ba bsam gyis mi khyab pa rin po che rgyan gyis brgyan pa grangs med pa dang ldan pa'o/ / spos kyi rgyal po mtshungs pa med pa'i khang pa brtsegs pa la lha rdzas kyi me tog sna tshogs kyi dra bas kun nas khebs pa bsam gyis mi byab ba'i rin po rgyan gyis brgyan pa grangs med pa dang ldan pa'o/ / rin po che'i khang pa brtsegs pa de dag re re zhing yang rin po che'i lan kan du mas brgyan pa/ rin po che'i stegs bu rim bdun gyis bskor ba/ rin po che 'di la 'i 'phreng ba rin bdun gyis bskor bar dkrigs pa'o/ / rin po che'i lan kan de dag dang / rin po che'i ta la de dag thams cad du'ang phan tshun rin po che'i srad bus spel ba'o// rin po che'i srad bu de dag thams cad kyang gser gyi dril gyi 'phreng bas brgyan pa'o/ / gser gyi dril gyi 'phreng ba de dag thams cad kyang rin po che'i chun po'i lda ldi sna tshogs kyis rnam par bres shing sbrel ba'o// rin po che'i chun po'i lda ldi de dag thams cad las kyang rin po che'i dril bu g.yer ka'i dra ba mngon par sbyangs pa de dag ste/ de lta grong khyer chen po de thams cad ni/ nor nu rin po che'i dra ba grangs med pas kun nas khebs so// rin po che'i dril bu g.yer ka'i dra ba grangs med pas kun nas khebs pa'o/ / lha rdzas kyi spos kyi dra ba grangs med pas kun nas khebs pa'o// lha dzes kyi me tog sna tshogs kyi dra ba grangs med pas kun nas khebs pa'o// rin po che'i 'bru'i dra ba
- 218b
grangs med pas kun nas khebs pa'o/ / rdo rje'i bla re grangs med pas kun nas khebs pa'o// rin po che'i bla re grangs med pas kun nas khebs pa'o// rin po che'i gdugs kyi bla re grangs med pas kun nas khebs pa'o/ / rin po che'i khang pa brtsegs pa'i bla re grangs med pas kun nas khebs pa'o// gos rin po che'i bla re grangs med pas kun nas khebs pa'o// me tog gi 'phreng ba'i bla re grangs med pas kun nas khebs pa'o/ / rin po che'i gdugs dang rgyal mtshan sna tshogs btsugs shing bsgreng ba ste/ grong khyer chen po 'od bzang po de'i dbus su rgyal po 'od chen po bzhugs pa'i pho brang brtsegs pa 'khor kun tu dpag tshad bzhi yod pa ste/ rin po che sna bdun las byas pa'o// rin po che sna tshogs kyi stegs bu rim bdun gyis yongs su bskor ba'o// rin po che'i dril bu yid du 'ong ba'i sgra snyan par 'grol ba'i dra ba rim bdun gyi sgra kun nas 'byung ngo / / rin po che sna bdun gyi ta la'i 'phreng ba rim pa bdun gyis kun nas bskor ba'o// rin po che sna tshogs kyi khang pa brtsegs pa'i rgyar brgya stong bsam gyis mi khyab pa dang ldan pa'o// rdzing rin po che sna tshogs du ma las byas pa gser gyi gram pa kun tu bkram pa/ yan lag brgyad dang ldan pa'i chus yongs su gang ba/ lha rdzas kyi ut+pal dang / pad+mo dang / ku mu dang / me tog puN+Da ri kas chu'i steng kun tu yog pa/ rin po che'i me tog dang 'bras bu'i shing sna tshogs kyis rab tu brgyan pa/ phyogs bzhi nas rin po che'i ga gus brtsigs pa'i them skas rnam par bkye ba/ tsan dan gyis
- 219a
shin tu mdzes par byas pa dang ldan pa/ lha rdzas kyi sgra snyan cing yid du 'ong ba 'byin pa'i bya bran sna tshogs kyi sgra shin tu 'byung ba yod pa/ lha'i dbang po'i pho brang dang 'gran pa ste/ de'i dbus/ na rin po che 'gro ba la snang ba'i khang pa brtsegs pa shin tu bzang la mdzes shing yid du 'ong ba/ rin po che grangs med pa'i rgyan bsam gyis mi khyab pas gya nom par brgyan pa yod de/ de'i nang na rgyal po 'od chen po'i dam pa'i chos gces pa'i dbyig tu bya ba bzhugs so/ / de nas tshong dpon gyi bu nor bzangs rin po che'i 'obs de dag la ni chags pa'i sems med/ rin po che'i rab de dag la ni ngo mtshar du 'dzin pa'i yid med/ rin po che ta la'i 'phreng ba de dag la ni 'dod cing chags pa med/ rin po che'i dril gyi dra ba'i sgra la ni ro myong bar byed pa med/ lha rdzas kyi rol mo'i sgra dang glu bro snyan pa'i dbyangs la ni chags pa'i sems med/ rin po che rnam pa tha dad pa'i gzhal med khang dang / khang pa brtsegs pa sna tshogs kyi longs spyod ni yid la bya ba med par shin tu dga' bar gyur pa'i skyes pa dang / bud med kyi tshogs kyi chos kyi dga' ba'i mos pas shin tu dga' zhing / gzugs dang / sgra dang / dri dang / ro dang / reg la dga' bas dben pa'i sems dang ldan pa/ chos nges par brtag pa la shin tu mos pas sems can gang dang phrad kyang / dge ba'i bshes gnyen rtag tu 'dri zhing mthar gyis grong khyer gyi lam gyi sum mdo'i drung zhig tu phyin nas kun tu bltas na/ grong khyer gyi lam gyi sum mdo'i dbus
- 219b
kyi mchod rten gyi khang pa nas ha cang yang mi ring bzhig na/ rgyan chen po dang ldan pa'i khri rin po che bai DUR+Ya sngon po'i rkang pa bkye ba/ bai DUR+Ya dkar po'i seng ges blangs pa/ 'dzam bu chu klung gi gser gyi lcag bod kyis dra ba legs par btags pa/ lha rdzas las kyang 'das pa'i rin po che'i stan sna tshogs bting ba/ rin po che'i 'bru grangs med pas rnam par brgyan pa/ nor bu rin po che'i rgyan bsam gyis mi khyab pa'i dra ba kun nas khebs pa/ 'dzam bu chu klung gi gser gyi snam bu la lha rdzas kyi rin po che sna tshogs kyi gur shin tu sba bar bkye ba'i gnam yol bres pa/ nor bu rin po che yid bzhin gyi rgyal po'i pad+mo'i snying po dang ldan pa/ de lta bu'i chos kyi khri chen po la rgyal po 'od chen po mi chen po'i mtshan sum cu rtsa gnyis kyis lus shin tu brgyan pa/ dpe byad bzang po sna tshogs brgyad cu tham pas lus shin tu mdzes pa/ gser gyi ri bo ltar ring po che sna tshogs rnam par bkod pas rnam par mdzes pa/ nyi ma'i dkyil 'khor ltar gzi brjid rab tu 'bar ba/ zla ba nya zhing rgyas pa'i dkyil 'khor ltar blta na bzang ba/ tshangs pa ltar tshangs pa'i 'khor gyi nang na rnam par mdzes pa rgya mtsho ltar zab pa'i chos dang yon tan mtha' yas pa'i rin po che'i tshogs dang ldan pa/ sprin chen po ltar chos kyi rang bzhin gyi 'brug sgra sgrog pa/ nam mkha' ltar chos kyi tshul gyi skar ma'i tshogs kyis brgyan pa/ ri rab ltar kha dog bzhi po'i sems can rgya mtsho'i sems la gzugs brnyan rab tu snang ba/ rin po che'i gling ltar gzhi ye shes sna tshogs rin po ches yongs su gang ba de skyil mo krung du
- 220a
'dug pa mthong ngo / / de'i mdun na'ang gser dang / nor bu dang / mu tig dang / bai DUR+Ya dang / dung dang / man shel dang / byu ru dang / sa le sbram dang / dngul rin po che'i phung po dang / lha rdzas kyi gos kha dog sna tshogs kyi phung po dang / lha rdzas kyi rin po che'i rgyan sna tshogs kyi phung po dang / kha zas dang spyan gzigs sna tshogs kyi phung po dang / zhim pa'i mchog khyad par du 'phags pa rnam pa sna tshogs kyi phung po dgod pa dang / dngar ba'i thabs sna tshogs kyi yul du bkod pa mthong ngo // lha rdzas kyi shing rta rin po che bye ba brgya stong du ma dang / lha rdzas kyi sil snyan bye ba brgya stong du mngag lha rdzas kyi spos kyi rnam pa bye ba brgya stong du ma dang / nad kyi rkyen sman dang yo byad kyi phung po du ma dang / yo byad kyi khyad par thams cad kyi phung po spyad du rung zhing / kha na ma tho ba med pa mang po sems can rnams ci dga' bar spyod du gzud pa'i phyir bshams te bkod pa dang / ba bzhon gser gyi ru mig can stong phrag du ma 'o ma bres 'jal ba mang po'ang sems can 'phongs pa rnams yongs su bsdu ba'i phyir bkod pa mthong ngongo/ / bu mo rin po che bye ba khrag khrig brgya stong bzhin bzang ba shin tu mdzes pa/ blta na sdug pa/ rgyan thams can gyis rnam par klubs pa/ lha rdzas kyi gos rin po che gyon pa/ lha rdzas kyi tsan dan sbrul gyi snying pos lus byug pa/ sgyu rtsal drug cu rtsa bzhi'i tshul shes pa/ 'dod pa'i spyod pa dang / cho ga thams cad la mkhas pa dag kyang bsogs shing bkod par mthong ngo // de'i mdun na ji lta ba de bzhin du sems can rnams
- 220b
yongs su bsdu ba dang / sems can rnams yongs su gzud ba dang / sems can rnams dga' ba bskyed pa dang / sems can rnams spro ba bskyed pa dang / sems can rnams kyi yid dang bar bya ba dang / sems// can rnams kyi sems shin tu bde bar bya ba dang / sems can rnams kyi nyon mongs pa rnam par zhi bar bya ba dang / sems can rnams chos kyi rang bzhin gyi don la yongasu dgod pa dang / sems can rnams thams cad mkhyen pa nyid du don mnyam par bya ba dang / sems can rnams gzhan la 'khu ba rnam par bzlog par bya ba dang / lus dang ngag gis ngan du spyod pa thams cad rnam par bzlog pa dang / sems can rnams kyi lta ba'i drug rngu yang dag par dbyung ba dang / sems can rnams kyi lam yongs su sbyangs pa'i phyir srang dang / lam gyi bzhi mdo dang / lam gyi sum mdo dang / sgo dang / khyams dag na'ang de bzhin te/ srang re re'i ngos g.yas g.yon nas kyang / stegs bu bye ba nyi shu nyi shu tsam la yo byad thams cad yongs su spungs te bkod pa mthong ngo // de nas tshong dpon gyi bu nor bzangs kyis/ rgyal po 'od chen po la lus thams cad kyis phab nas phyag byas te/ rgyal po 'od chen po la lan brgya stong du mar g.yas phyogs su bskor ba byas nas/ mdun du 'dug ste thal mo sbyar nas 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spong ba la bslab par bgyi ba dang / ji ltar nan tan du bgyi ba ma 'tshal te
- 221a
'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bka' stsal du gsol/ smras pa/ rigs kyi bu nga ni byang chub sems dpa'i spyod pa byams pa chen po'i rgyal mtshan yongs su dag pa dang yongs su rdzogs par byed pa ste/ rigs kyi bu ngas byang chub sems dpa'i spyod pa byams pa chen po'i rgyal mtshan 'di'i'ang sangs rgyas brgya phrag du ma dang / sangs rgyas stong phrag du ma dang / sangs rgyas brgya stong phrag du ma dang / sangs rgyas bye ba khrag khrig brgya stong du ma nas/ brjod du med pa'i yang brjod du med pa'i bar gyi sangs rgyas bcom ldan 'das rnams la yongs su dris so/ / yongs su zhus so// rnam par sbyangs so// yongs su sbyangs so// rnam par bkod do// rnam par bltas so// rnam par spyad do// rjes su btsal to// yongs su brtags so// rnam par bris so// rgya cher byas so// rigs kyi bu de ltar nga ni byang chub sems dpa'i spyod pa byams pa chen po'i rgyal mtshan 'di la gnas shing / chos dang 'thun par khams skyong zhing ston to// chos dang 'thun par 'jig rten la phan par byed do/ / chos dang 'thun par 'jig rten na rjes su spyod do// chos dang 'thun par sems can bcos par byed do// chos dang 'thun par sems can rnams la nan tan byed do// chos kyi dkyil 'khor la sems can
- 221b
rnams yongs su 'dzud do/ / chos kyi tshul sems can rnams la nye bar sgrub bo// chos dang 'thun par sems can rnams la yongs su bsgo ba byed do// chos kyi nan tan la sems can rnams yongs su sbyor ro// chos kyi rang bzhin nges par rtogs pa la sems can rnams rab tu 'god do// byams pa'i sems dang / byams pa chen po'i dbang dang / byams pa'i stobs dang / phan pa'i sems dang / bde ba'i sems dang / snying rje'i sems dang phan 'dogs pa'i sems dang / yongs su bsrung ba'i sems dang / sems can yongs su 'dzin pa mi gtong ba'i sems dang / sdug bsngal thams cad rnam par bzlog pa'i smon lam rgyun mi gcod pa'i sems dang / bde ba'i mthar phyin pa la rab tu 'god par yang dag par spyod pa rgyun mi gcod pa la sems can rnams rab tu 'god do// bag yangs kyi bde ba yang dag par bskyed pas/ sems can de dag gi lus kyang shin tu bde bar byed do/ / de dag gi 'khor ba'i bde ba la zhen pa'i sems kyi rgyud kyang rnam par zlog par byed do// de dag gi sems kyi rgyun kyang chos kyi dga' ba dang mos pa la yongs su gzhol bar byed do// nyon mongs pa'i dri ma thams cad las rnam par sbyong bar byed do/ / mi dge ba'i chos thams cad las yongs su sbyang ba byed do// 'khor ba'i rgyun las rnam par zlog par byed do// chos kyi dbyings kyi tshul rgya mtsho la yongs su gzung pa byed do/ / de dag gi srid pa'i lam gyi rgyud du skye ba thams cad rgyun gcad pa'i phyir sems kyi ma rig pa yongs su sreg par byed do// thams cad mkhyen pa nyid kyi 'bras bu thob par bya ba'i phyir de dag gi sems kyi myu gu/
- 222a
yongs su skyed do// mi 'phrogs pa'i dad pa'i stobs yang dag par bskyed pa'i phyir de dag gi sems kyi rgya mtsho'ang rab tu dang bar byed do// rigs kyi bu de ltar nga ni byang chub sems dpa'i spyod pa byams pa chen po'i rgyal mtshan la gnas te/ chos dang 'thun par 'jig rten skyong zhing ston to// rigs kyi bu nga'i khams na gnas pa'i sems can rnams ni/ ngas 'jigs shing sdang ba'am/ bag tsha zhing skyi g.ya' ba med de/ rigs kyi bu sems can gang 'phongs shing yo byad sna tshogs kyis brel pa/ bza' ba 'dod pa'am/ btung ba 'dod pa'am/ gos 'dod pa nas/ yo byad sna tshogs thams cad gang 'dod kyang rung ste/ de dag thams cad nga'i drung du 'ong ngo // de dag la'ang ngas snga nas bsham pa'i mdzod sgo phye zhing ci 'dod pa khyer cig ces bstabs te/ gang gi don du khyed sdig pa'i las la spyod par gyur cing / srog gcod pa 'a/ ma byin par len pa 'am/ 'dod pas log par g.yem pa'am/ rdzun du smra ba'am/ phra ma 'am/ ngag rtsub po 'am/ tshig bkyal pa 'am/ chags sems sam/ gnod sems sam/ log par lta ba 'am/ de ma yin pa'i lta ba'i rnam pa sna tshogs la mngon par zhen par gyur pa de thams cad kyang grong khyer chen po 'ong bzang po 'di'i sgo dang / srang dang / khyams dang / lam gyi sum mdo dang / bzhi mdo kun tu spungs te/ snga nas byin pa yin gyis/ su ci 'dod pa kun kyang khyer cig ces bstabs shing byin no/ / rigs kyi bu grong khyer 'od bzang po 'di na sems can ji snyed cig gnas pa de dag thams cad ni byang chub sems dpa' ste/ theg pa chen po la zhugs pa'o//
- 222b
de bas na grong khyer chen po 'od bzang po 'di'ang de dag la bsam pa rnam pa ji lta bur dag pa'i tshu bzhin du snang ste/ la la la ni dog par snang ngo // la la la ni yangs par snang ngo // la la la ni gni sa la gnas par snang ngo // la la la ni gzhi rin po che bai DUR+Ya las blangs par snang ngo // la la la ni sa'i rabs bskor bar snang ngo // la la la ni rin po che rdo rje gzhan gyis mi thub pa'i rgyal mtshan gyi rabs bskor bar snang ngo // la la la ni gsas ma dang gyo mos gang zhing thag thug dang / grog po dang / g.yangs mang po can du snang ngo // la la la ni nor bu rin po che dam pa grangs med pas gzhi brgyan cing yongs su bkram pa dang / lag mthil bzhin du gzhi mnyam par snang ngo / / la la la ni sa las byas par snang ngo // la la la ni rin po che grangs med pa'i khang pa dang / gzhal med khang dang / khang bzhag dang / khang pa brtsegs pa dang / khang stangs dang / ba gam dang / skar khung gi shar bu dang / zla gam rin po che seng ge'i dra bas brgyan par snang ngo // grong khyer gyi phyi rol na gnas pa'i sems can sngon ngas byang chub sems dpa'i spyad pa spyod pa'i tshe/ bsdu ba'i dngos po bzhis yongs su bsdus pa/ bsam pa dag pa/ dge ba'i rtsa ba bskyed pa/ sangs rgyas mang po bsnyen bkur ba/ thams cad mkhyen pa nyid la mngon par mos pa/ thams cad mkhyen pa nyid du rab tu gzhol ba de dag la'ang rin po che las byas par snang ngo / / de ma yin pa gzhan dag la ni sa las byas par snang ste/ rigs kyi bu nga'i khams na gnas pa'i sems can yul dang / phyogs dang / grong khyer dang /
- 223a
grong rdal dang / ljongs dang / khams dang / rgyal po'i pho brang dag na/ rnyog pa lnga dang ldan pa'i 'jig rten gyi dus kyi rang bzhin gyis dkrug te/ mi dge ba bcu'i las kyi lam zhig byed par 'dod par gyur na'ang / de'i tshe de dag la phan par bya ba'i sems kyis byang chub sems dpa'i ting nge 'dzin 'jig rten gyi dbang po'i glong zhes bya ba/ byams pa chen po sngon du 'gro ba la snyoms par 'jug ste/ rigs kyi bu de ltar nga ting nge 'dzin de la snyoms par zhugs pa dang / de nyid kyi mod la sems can de dag gi 'jigs pa de dag dang / mi bde ba de dag dang / shar gnyer ba de dag dang / 'thab mo dang rtsod pa de dag dang / sems kyi 'khrug pa de dag dang / 'tshe ba'i sems de dag kyang byang chub sems dpa'i ting nge 'dzin 'jig rten gyi dbang po'i glong byams pa chen po sngon du 'gro ba de'i chos nyid thob pas rab tu zhi bar 'gyur ro// nye bar zhi bar 'gyur ro// rnam par ldog par 'gyur ro// 'gag par 'gyur ro// rigs kyi bu yud tsam zhig sdod dang / de'u re mngon sum du 'gyur ro// de nas rgyal po 'od chen pos de'i tshe byang chub sems dpa'i ting nge 'dzin byams pa chen po sngon du 'gro ba 'jig rten gyi dbang po'i glong la mnyam par gnyag go/ / de ltar rgyal po 'od chen pos byang chub sems dpa'i ting nge 'dzin byams pa chen po sngon du 'gro ba 'jig rten gyi dbang po'i glong la mnyam par gzhag ma thag tu/ de'i mod la grong khyer chen po 'od bzang po'i yul dang phyogs su bcas pa/ grong khyer dang / grong rdal dang / ljongs dang / khams dang / rgyal
- 223b
po'i pho brang 'khor dang bcas par rnam pa drug tu g.yos so/ / de g.yos pa'i che rin po che'i ra ba de dag dang / rin po che'i khang pa dang / rin po che'i snying po dang / rin po che'i khyim dang / rin po che'i gnas dang rin po che'i gzhal med khang dang / rin po che'i khang pa brtsegs pa dang / rin po che'i ba gam dang / rin po che'i pu shu dang / rin po che'i skar khung dang / rin po che'i stegs bu dang / rin po che'i rta babs dang / rin po che'i zla ga ma dang / rin po che'i seng ge'i dra ba dang / rin po che'i lan kan dang / rin po che'i 'bru dang / rin po che'i bla re dang / rin po che'i srad bus brgyus pa'i dril bu g.yer ba'i dra ba dang / rin po che'i dril bu dang / rin po che'i rgyal mtshan dang / rin po che'i ba dan dang / rin po che'i ta la de dag kyang rab tu g.yos te sgra 'byin to// rab tu 'khrol lo// de dag de ltar sgra 'byin cing yid du 'ong la snyan pa dang / mnyan na dga' ba'i dbyangs brjod cing / rgyal po 'od chen po gang na ba der 'dud de phyag 'tshal lo// grong khyer chen po 'od bzang po'i nang na sems can ji snyed cig gnas pa de dag thams cad kyang dga' ba dang rangs pa'i sems kyis yongs su rgyas nas/ rgyal po 'od chen po gang na bde logs su mngon du bltas te/ lus thams cad kyis phab cing phyag 'tshal lo// de'i khams kyi grong khyer dang / ljongs dang / yul dang / khams dang rgyal po'i pho brang 'khor na gnas pa de dag thams cad kyang lus dang sems bde bar gyur te/ dga' zhing rangs pa skyes nas/ rgyal po 'ong chen po gang na ba de logs su phyag 'tshal lo// byol song gi skye gnas su
- 224a
gtogs pa'i sems can de dag thams cad kyang gcig la gcig byams pa'i sems dang phan pa'i sems su ldan par gyur nas/ rgyal po 'od chen po gang na ba der logs su lta zhing mngon par 'dud do/ / ri dang sgang mthon po'i sa'i phyogs thams cad kyang / rgyal po 'od chen po gang na ba der mngon par 'dud do// me tog gi shing dang / 'bras bu'i shing dang / lo ma'i shing dang / sa bon gyi tshogs dang 'byung po'i tshogs dang / me tog dang / ldum bu dang / rtswa dang / gel ba dang / sman dang / nags tshal thams cad kyang / rgyal po 'od chen po gang na ba de logs su mngon par 'dud par gyur to// de'i khams na mtsho dang / mtshe'u dang / lu ma dang / lteng ka dang / 'bab chu dang / chu klung dang / rdzing dang / khron pa ji snyed pa de dag thams cad kyang / rgyal po 'od chen po gang na ba de logs su mngon par gzhol zhing rlabs kyi sgra 'byin par gyur to/ / klu'i rgyal po stong phrag bcu'ang a ka ru nag po'i bdug spos kyi dud pa na bun du 'grigs pa'i spos kyi sprin las glog sna tshogs 'gyu ba'i 'od kyis snang bar byed cing 'brug sgra sgrogs pa dang / spos chu'i char gyi rgyun shin tu phra ba mngon par 'bebs par gyur to// brgya byin dang / rab mtshe ma dang / rab dga' ldan dang / rab 'phrul dga' dang / dbang sgyur gyi lha'i rgyal po la sogs pa lha'i bu stong phrag bcus kyang steng gi bar snang la 'khod do/ / nam mkha'i dbyings thams cad lha rdzas kyi rol mo'i sil snyan gyi sprin bye ba khrag khrig brgya stong gi sgra phyung bas/ dbyangs snyan pa rgya cher
- 224b
bsgrags pa'i rgyan gyis brgyan pa dang / lha'i bu mo grangs med pa lha'i klu sbran pa len pa'i sprin gyi sgra bsgrags pa'i dbyangs snyan cing yid du 'ong ba'i rgyan gyis brgyan pa dang / lha rdzas kyi rin po che'i matog kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi spos kyi sprin kha dog sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi rin po che'i 'phreng ba sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi phye ma kha dog sna tshogs kyi sprin grangs med pa'i char rab tu 'bab pa'i rgyar gyis brgyan pa dang / lha rdzas kyi rin po che'i lba ba lbub sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi gos sna tshogs dri ma med cing 'jam pa kha dog rnam pa tha dad pa'i sprin grangs med pa'i char rab tu 'bab pa'i rgyan gyis brgyan pa dang / lha rdzas kyi rin po che'i gdugs rnam par phye ba sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi rin po che'i seng ge yid du 'ong ba'i rgyal mtshan gyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi rin po che 'bar ba'i lce shin tu 'phro ba'i rin po che'i ba dan gyi sprin grangs med pa'i char rab tu 'bab pa'i rgyan gyis brgyan pa dang / rgyal po 'od chen po la mchod pa bya ba'i phyir byin gyis brlabs so/ / glang po'i dbang po'i khyu mchog gi mthu phyung ba dang / rnam par 'phrul pa'i mthus nam mkha'i dbyings thams cad lha rdzas kyi rin po che sna tshogs kyi pad+mo'i sprin grangs med pas kun nas
- 225a
yog par byin gyis brlabs so/ / lha rdzas kyi nor bu rin po che'i se mo do grangs med pa rab tu 'phyang ba dang / lha rdzas kyi rin po che'i snam bu'i lnga ldi dang chun po grangs med pa rab tu 'phyang ba dang / lha rdzas kyi rin po che sna tshogs kyi 'phreng ba'i rgyud grangs med pa mngon par 'phyang ba'i rgyan gyis brgyan pa dang / lha rdzas kyi rin po che sna tshogs kyi lhab lhub dang / 'phreng ba grangs med pa mngon par 'phyang ba'i rgyan gyis brgyan pa dang / lha rdzas kyi rin po che sna tshogs kyi me tog gi lda ldi grangs med pa mngon par bres pa'i rgyan gyis brgyan pa dang / lha rdzas kyi spos kyi rgyal po kha dog sna tshogs phyogs thams cad du dri zhim pos rgyas par 'gengs pa'i sprin grangs med pas kun nas khebs pa'i rgyan gyis brgyan pa dang / lha rdzas kyi rin po che'i gos kha dog sna tshogs kyi sprin grangs med pa'i char rab tu 'beb pa'i rgyan gyis brgyan pa dang / lnga rdzas kyi bdug spos kyi dud pan bun du 'khrigs pa'i sprin grangs med pa'i char rab tu 'bab pa'i rgyan gyis brgyan pa dang / lha rdzas kyi phye ma kha dog sna tshogs kyi sprin grangs med pa'i char phra mo rab tu 'bab pa'i rgyan gyis brgyan pa dang / lha'i bu mo'i tshogs lha rdzas kyi rol mo byed pa dang / glu snyan pa'i dbyangs yid du 'ong bar len cing / bstod pa'i sprin gyis kun nas yog pa'i char mngon par 'bebs pa'i rgyan gyis brgyar par nam mkha'i dbyings byin gyis brlabs so/ / srin po'i dbang po brgya stong grangs med pa rgya mtsho la gnas pa dang / gling bzhi pa'i 'jig rten gyi khams kyi rten gyi sa'i gzhi la gnas pa/ kha zas su sha dang khrag 'thung zhing thal/ chu la spyod
- 225b
pa dang / ri dgas dang / phyugs dang / bya dang / ba glang dang / rta dang / glang po dang / bong bu dang / skyes pa dang / bud med kyi tshogs kyi mdangs 'phrog pa zhe sdang ba'i yid kyi rnam par rtog pa dang ldan pa/ rtag tu 'gro ba la 'tshe zhing mtho 'atsam pa la zhugs pa rnams kyang / byams pa dang phan pa'i sems dam pa dang ldan zhing / bzhin gyi mdog shin tu dang ba dang / 'gro ba thams cad la mi 'tshe zhing mtho 'tsham pa med pa la zhug te/ 'jig rten pha rol la lta bar gyur nas thal mo sbyar cing shin tu dga' ba'i sems kyis/ rgyal po 'od chen po gang na ba de logs su btud nas phyag 'tshal bar gyur te/ lus dang sems kyi bde ba rgya chen po mtshungs pa med pa yang myong bar gyur to/ / gnod sbyin dang / grul bum dang / sha za dang / 'byung po'i dbang po brgya stong du ma yang byams pa dang / phan pa'i sems dam pa dang ldan zhing bzhin gyi mdog shin tu dang ba dang / 'gro ba thams cad la mi 'tshe zhing mtho 'tsham pa med pa la zhugs te/ 'jig rten pha rol la lta bar gyur nas thal mo sbyar cing shin tu dga' ba'i sems kyis/ rgyal po 'od chen po gang na ba der 'dad cing phyag 'tshal bar gyur te/ lus dang sems kyi bde ba rgya chen po mtshungs pa med pa'ang myong bar gyur to/ / de ltar gling bzhi pa'i 'jig rten gyi khams thams cad kyi sems can kun gyi 'jigs pa dang / gnod pa dang / mi bde ba dang / shar gnyer ba dang / 'thab mo dang / rtsod pa dang / sems kyi 'khrug pa dang / 'tshe ba'i sems thams cad rab tu zhi bar gyur to// rnam par zhi bar gyur to// rnam par log par gyur to// 'gags par gyur to// phyir log par gyur to// gling bzhi
- 226a
pa'i 'jig rten gyi khams 'dir ji lta ba de bzhin du/ stong gsum gyi stong chen po'i 'jig rten gyi khams thams cad nas/ phyogs bcur 'jig rten gyi khams bye ba khrag khrig brgya stong phrag bcu'i bar gyi sems can kun gyi 'jigs pa dang / gnod pa dang / mi bde ba dang / shar gnyer ba dang / 'thab mo dang / rtsod pa dang / sems kyi 'khrug pa dang / 'tshe ba'i sems thams cad kyang / byang chub sems dpa'i ting nge 'dzin byams pa chen po sngon du 'gro ba 'jig rten gyi dbang po'i glong gi chos nyid thob pa'i phyir rab tu zhi bar gyur to/ / rnam par zhi bar gyur to// rnam par log par gyur to// 'gags par gyur to// phyir log par gyur to// de nas rgyal po 'od chen po ting nge 'dzin de las langs te/ tshong dpon gyi bu nor bzangs la 'di skad ces smras so// rigs kyi bu ngas byang chub sems dpa'i spyod pa'i ye shes snang ba'i sgo byams pa chen po'i rgyal mtshan 'di shes par zad na/ ngas byang chub sems dpa' 'jig rten gyi khams thams cad bde ba'i bsam pas rgyas par 'gengs pas byams pa chen po'i gdugs tshad med pa dang ldan pa/ 'khor mi phyed pa dang ldan pas 'gro ba thams cad 'khor du gyur pa/ rab 'bring dang tha ma'i sbyor bas 'gro ba thams cad yongs su bskyab pa la zhugs pa/ 'gro ba thams cad yongs su gzung ba la zhugs pas byams pa'i sems lta bu dang ldan pa/ bsod nams dang ye shes kyi 'od zer 'gro ba thams cad du 'byung bas zla ba nya zhing rgyas pa lta bur gyur pa/ shes bya thams cad ye shes kyi 'od kyis snang bar byed
- 226b
pa'i phyir nyi ma'i dkyil 'khor lta bur gyur pa/ sems can thams cad kyi sems kyi mun pa thibs po rab tu sel bas sgron ma chen po lta bur gyur pa/ sems can thams cad kyi sems kyi rgya mtsho'i gso sgyu'i rnyog pa dang bar byed pas nor bu rin po che chu 'dang dang 'dra ba/ 'gro ba thams cad kyi bsam pa dang smon lam yongs su rdzogs par byed pas nor bu rin po che yid bzhin gyi rgyal po dang 'dra ba/ 'gro ba thams cad ting nge 'dzin dang / snyoms par 'jug pa'i khang pa dang / thams cad mkhyen pa nyid kyi pho brang chen por gzhog pas/ rlung dmar chen po dang 'dra ba de dag gi spyod pa shes pa'am/ yon tan brjod pa 'am/ bsod nams kyi ri bo gzhal ba'am/ yon tan gyi skar ma'i tshogs kyis brgyan pa'i nam mkha' la blta ba 'am/ smon lam chen po'i rlung gyi dkyil 'khor las mtshams gcad pa 'am/ chos mnyam pa nyid kyi stobs la tshad gzung ba 'am/ theg pa chen po'i rgyan gyis bsngags pa yongs su brjod pa'am/ kun tu bzang po'i spyod pa'i tshul gyi khyad par brjod pa'am/ byang chub sems dpa'i ting nge 'dzin chen po bsgoms pa'i sgo dbye ba kham snying rje chen po'i sprin yongs su smos par nus re skan/ song rigs kyi bu lho phyogs kyi rgyud 'di nyid na/ rgyal po'i gnas brtan pa zhes bya ba yod de/ de na dge bsnyen ma mi g.yo ba zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis
- 227a
rgyal po 'od chen po'i rkang pa gnyis la spyi bos phyag byas nas/ rgyal po 'od chen po la lan brgya stong du mar g.yas phyogs su bskor ba byas te/ yang dang yang bltas nas/ rgyal po 'od chen po'i drung nas song ngo / / / bam po dgu bcu drug pa// / de nas tshong dpon gyi bu nor bzangs grong khyer chen po 'od bzang po nas byung ste/ yud tsam du lam gyi mgo btsal nas/ rgyal po 'od chen po'i gdams ngag de la rjes su bsam pa byed cing / byang chub sems dpa'i spyod pa'i tshul byams pa chen po'i rgyal mtshan de rjes su dran par bya ba dang / ting nge 'dzin gyi sgo 'jig rten gyi dbang po'i glong gi snang ba chen po de yongs su bsgom pa dang / byang chub sems dpa'i lus rnam par dag pa bsam gyis mi khyab pas brgyan pa'i seng ge'i khri'i rgyan rnam par phye ba rnam pa sna tshogs de dag mngon par bsgrub pa dang / byang chub sems dpa'i smon lam dang / bsod nams kyi dbang dang / stobs bsam gyis mi khyab pa de dag rjes su spel ba dang / byang chub sems dpa'i sems can yongs su smin par bya/ pa'i ye shes kyi tshul bsam gyis mi khyab pa de shin tu brtan par bya ba dang / byang chub sems dpa'i longs spyod kyi bdag nyid che ba thun mong du gyur pa bsam gyis mi khyab pa de la rjes su bsam pa dang / byang chub sems dpa'i gnas rnam pa tha dad pa bsam gyis mi khyab pa de dag kyang mtshan mar bya ba dang / byang chub sems dpa'i rnams kyi sems can yongs su smin par bya ba rnam par dag pa bsam gyis mi khyab pa de rjes su dran
- 227b
par bya ba dang / byang chub sems dpa'i 'khor phun sum tshogs pa yang yongs su dag pa de la brtag pa dang / byang chub sems dpa' sems can gyi don bsam pa snang ba'i tshul bsam gyis mi khyab pa de la yid ches par byed byed pas/ sems dga' zhing mos pa'i shugs dang / sems kyi nyams bde ba dang / sems shin tu tshim pa dang / sems khong nas dga' ba dang / sems rnyog pa med pa dang / sems 'od dang ba dang / sems brtan pa dang / sems rgya che ba dang / sems mi zad pa thob ste/ de de ltar dge ba'i bshes gnyen rjes su dran zhing yid la byed pa la brtson pas gdong mchi mas gang nas rjes su sems pa/ kyi hud kyi dge ba'i bshes gnyen mthong ba 'di yon tan rin po che thams cad kyi 'byung gnas su gyur pa'o// byang chub sems dpa'i spyod pa thams cad yong su dag pa dang yongs su rdzog par 'gyur ba'i rgyur gyur pa'o// byang chub sems dpa'i dran pa thams cad rnam par dag par byed pa'o// byang chub sems dpa'i gzungs kyi dkyil 'khor thams cad yongs su sbyong ba'o// byang chub sems dpa'i ting nge 'dzin gyi snang ba thams cad yongs su skyed pa'o/ / sangs rgyas thams cad mthong bar 'gyur ba yongs su bsgrubs pa'o// sangs rgyas kyi chos thams cad kyi sprin gyi char rab tu 'bebs pa'o// byang chub sems dpa'i smon lam kyi tshul thams cad rab tu brjod pa'o/ / shes rab dang ye shes kyi snang ba bsam gyi mi khyab pa yang dag par skyed pa'o// byang chub sems dpa'i dbang po brtan pa'i myu gu skyed par byed pa'o// dge ba'i bshes
- 228a
gnyen rnams ni bdag ngan song gi g.yang sa thams cad nas skyob pa'o/ / dge ba'i bshes gnyen rnams ni bdag chos mnyam pa nyid kyi tshul khong du chud par bya ba la gzhog pa'o// dge ba'i bshes gnyen rnams ni bdag la lam bde ba dang mi bde ba ston pa'o// dge ba'i bshes gnyen rnams ni bdag la theg pa chen po yongs su ston pa'o// dge ba'i bshes gnyen rnams ni bdag la byang nub sems dpa' kun tha bzang po'i spyod pa'i gdams ngag gis 'dems pa'o/ / dge ba'i bshes gnyen rnams ni bdag la thams cad mkhyen pa nyid kyi zong khyer gyi lam ston pa'o// dge ba'i bshes parten rnams ni bdag thams cad mkhyen pa'i gnas su byin par skyel ba'o/ / dge ba'i bshes gnyen rnams ni bdag chos kyi dbyings kyi tshul rgya mtsho la 'jug par byed pa'o// dge ba'i bshes gnyen rnams ni bdag la dus gsum gyi shes bya rgya mtsho'i tshul rab tu ston pa'o/ / dge ba'i bshes gnyen rnams ni bdag la 'phags pa'i tshogs kyi dkyil 'khor thams cad rab tu ston pa'o// dge ba'i bshes gnyen rnams ni bdag gi dkar po'i chos thams cad rnam par 'phel bar byed pa'o/ / zhes de de ltar ngu zhing smre sngags 'don pa'i tshe/ nam mkha'i dbyings la 'khod pa'i lha'i tshogs dang / rtag tu phyi bzhin 'brang zhing yang dag par bskul ba dang / sangs rgyas kyi pho nya ltar gyur pa'i byang chub sems dpa' rnams 'di skad ces 'dzer to// rigs kyi bu dge ba'i bshes gnyen gyi gdams ngag la zhugs pa'i byang chub sems dpas ni/ sangs rgyas
- 228b
bcom ldan 'das rnams kyang thugs shin tu dgyes par 'gyur ba yin/ dge ba'i bshes gnyen gyi tshig dang mi 'gal bar gnas pa'i byang chub sems dpas ni/ thams cad mkhyen pa nyid snang shin tu bste/ pa yin/ dge ba'i bshes gnyen gyi tshig la the tsom mi za ba'i byang chub sems dpa' la ni dge ba'i bshes gnyen rnams kyang nye bar bsnyen pa yin/ dge ba'i bshes gnyen yid la bya ba dang mi 'bral ba'i byang chub sems dpa' la ni don thams cad kyang mngon du 'gyur ba yin gyis/ rigs kyi bu rgyal po'i pho brang brtan par dge bsnyen ma mi g.yo ba gang na ba der song zhig dang / de las byang chub sems dpa'i spyod pa thos par 'gyur ro/ / de nas tshong dpon gyi bu nor bzangs ting nge 'dzin gyi ye shes snang ba las langs nas/ mthar gyis rgyal po'i pho brang brtan par dge bsnyen ma mi g.yo bo gang na ba der song nas/ dge bsnyen ma mi g.yo ba yongs su tshol zhing rmed rmed pa las/ de la 'gro ba mang pos bstan pa/ rigs kyi bu dge bsnyen ma mi g.yo ba de ni rang gi khyim na pha ma dang 'grogs shing gzhon nur gyur pa ste/ rang gi gnyen bshes kyi tshogs kyis yongs su bskor cing skye bo'i tshogs chen po la chos ston to// de nas tshong dpon gyi bu nor bzangs dga' ba chen po dang mos shing spro bas yongs su rgyas pa'i sems dang ldan pa de dge bsnyen ma mi g.yo ba'i khyim gang na ba der song ste phyin nas/ dge bsnyen ma mi g.yo ba'i khyim gyi sgo na sdod pa'i tshe/ des khyim de thams cad 'od lus dang sems shin tu bde bar byed pa/ gser gyi kha dog tu 'dug pa zhig gis khyab cing
- 229a
gsal bar gyur nas/ 'od des tshong dpon gyi bu nor bzangs la phog par gyur ma thag tu/ tshor ba thams cad la dbang sgyur ba'i ting nge 'dzin gyi sgo mang po dang / zhi ba'i gnas kyi ting nge 'dzin gyi sgo mang po dang 'gro ba thams cad dang bral ba'i ting nge 'dzin gyi sgo mang po dang / kun tu lta ba'i btang snyoms dang ldan pa'i ting nge 'dzin gyi sgo mang po dang / de bzhin gshegs pa'i mdzod kyi ting nge 'dzin gyi sgo mang po la sogs pa ting nge 'dzin gyi sgo lnga brgya tsam la zhugs par gyur te yongs su skyes so/ / de dag kyang shin tu phra zhing gzhon pa ste/ 'di ltar dper na thog ma mngal du zhugs pa'i rnam par shes pa lta bu ste/ ting nge 'dzin de dag kyang shin tu phra zhing gzhon par skyes par gyur to/ / des dri zhim po zhig tshor na'ang de ni lha la'ang med/ lha'i bu mo la'ang med/ klu la'ang med/ klu'i bu mo la'ang med/ gnod sprin la'ang med/ gnod sbyin gyi bu mo la'ang med/ dri za la'ang med/ dri za'i bu mo la'ang med/ lha ma yin la'ang med/ lha ma yin gyi bu mo la'ang med/ nam mkha' lding la'ang med/ nam mkha' lding gi bu mo la'ang med/ mi'am ci la'ang med/ mi 'am ci'i bu mo la'ang/ med// lto 'phye chen po la'ang med/ lto 'phye chen po'i bu mo la'ang med/ mi la'ang med/ mi'i bu mo la'ang med cing mi srid pa de lta bu'i dri zhim po tshor bar gyur to// bud med de'i gzugs dang mnyam pa'ang phyogs bcu'i 'jig rten na med na lhag pa lta ga las 'ong / kha dog dang mdog de lta bu'ang de bzhin gshegs pa'i sku mdog dang / kha dog dang / byang chub sems dpa' dbang bskur ba'i kha dog dang mdog ma gtogs
- 229b
par/ de'i kha dog dang mdog tu mnyam pa phyogs bcu'i 'jig rten na med na lhag pa lta ga las 'ong // lus kyi chu zheng dang dbyibs de lta'ang de bzhin gshegs pa'i sku'i khrun chu zhedang dang / dbyibs dang / byang chub sems dpa' dbang bskur ba thob pa'i lus kyi chu zheng dang dbyibs ma gtogs par/ de'i lus kyi chu zheng dang dbyibs su mnyam pa phyogs bcu'i 'jig rten na med na lhag pa lta ga las 'ong / 'od kyi rgyan de lta bu'ang de bzhin gshegs pa'i 'od kyi rgyan dang / byang chub sems dpa' dbang bskur ba thob pa'i 'od kyi rgyan ma gtogs par/ de'i 'od kyi rgyan dang mnyam pa phyogs bcu'i 'jig rten na med na lhag pa lta ga las 'od de'i kha'i ngad kyi dri zhim po dang mnyam pa'i dri de lta bu'ang phyogs bcu'i 'jig rten gyi lha'i gnas sam/ klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i gnas na med na lhag pa lta ga las 'ong / khyim gyi rgyan dang longs spyod de lta bu'ang de bzhin gshegs pa'i longs spyod dang / byang chub sems dpa' dbang bskur ba thob pa'i longs spyod ma gtogs par/ de'i khyim gyi rgyan dang longs spyod du mnyam pa'ang phyogs bcu'i 'jig rten na med na lhag pa lta ba las 'ong / g.yog 'khor phun sum tshogs pa de lta bu'ang de bzhin gshegs pa'i 'khor phun sum tshogs pa dang / byang chub sems dpa'i 'khor phun sum tshogs pa ma gtogs par/ de'i g.yog 'khor phun sum tshogs pa dang mnyam pa'ang phyogs bcu'i 'jig rten na med na lhag pa lta
- 230a
galas 'ong ste/ dge bsnyen ma mi g.yo ba de la 'dod chags dang ldan pa'i sems kyis blta bar nus pa'i sems can de lta bu'ang phyogs bcu'i 'jig rten gyi sems can gyi ris na med do// dge bsnyen ma mi g.yo ba de mthong ma thag tu/ nyon mongs pa zhi bar mi 'gyur ba de lta bu'i sems can yang phyogs bcu'i 'jig rten gyi sems can gyi ris na med de/ 'di lta ste/ dper na tshangs pa chen po stong brgya phrag bcu la dbang sgyur ba la ni 'dod pa la spyod pa'i nyon mongs pa rnams mi rgyu'o/ / de bzhin du dge bsnyen ma mi g.yo ba'ang mthong ma thag tu/ sems can rnams kyi nyon mongs pa mi rgyu'o// dge bsnyen ma mi g.yo ba de la blta bas ngoms par 'gyur ba'i sems can de lta bu'ang / shes rab kyis ngoms pa ma gtogs par phyogs bcu'i 'jig rten gyi khams kyi sems can gyi ris na med do// de nas tshong dpon gyi bu nor bzangs kyis/ dge bsnyen ma mi g.yo ba'i lus kyi byin bsam gyis mi khyab pa dang / gzugs dang / kha dog dang / dbyibs dang / chu zheng bsam gyis mi khyab pa dang / sa'i gzhi dang / grong khyer dang / rin po che chen po thams cad la thogs pa med pa'i 'od zer gyi dra ba'i rgyan bsam gyis mi khyab pa dang / sems can gyi don bsam gyis mi khyab sgrub pa mthong ste/ ba spu'i bu ga thams cad nas byung ba'i dri zhim po tsher nas/ 'khor rgya mtsho phun sum tshogs pa mtha' yas pa mthong ste/ khyim dang gzhal med khang gi rgyan phun sum tshogs pa mi 'phrogs pa mthong
- 230b
nas/ yon tan rgya mtsho tshad med pa khong du chud de/ dge bsnyen ma mi g.yo ba la tshigs su bcad pa 'dis bstod do// khyod kyis rtag tu tshul khrims dri med yongs bsrungs te/ bzod pa shin tu yangs pa'ang yongs su bsgom mdzad cing / / brtson 'grus brtan pa rdo rje lta bu bsgrubs pas na// ri bo'i rgyal po lta bur 'gro ba 'phags shing 'bar/ de nas tshong dpon gyi bu nor bzangs kyis/ dge bsnyen ma mi g.yo ba la tshigs su bcad pa des mngon par bstod de 'di skad ces smras so/ / 'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags ma ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol// de nas dge bsnyen ma mi g.yo bas/ byang chub sems dpa'i ngag 'jam zhing yid du 'ong la nyams su bde bas/ tshong dpon gyi bu nor bzangs la dga' bar 'gyur ba'i tshig tu brjod nas 'di skad ces smras so// rigs kyi bu de ltar khyod kyis bla na med pa yang dag par rdzogs pa'i byang chub tu sems bskyed pa legs so legs so/ / rigs kyi bu kho mo ni byang chub sems dpa'i rnam par thar pa thub par dka' ba'i ye shes
- 231a
kyi snying po thob pa ste/ byang chub sems dpa'i stong pa'i sgo yi dam brtan pa la slob pa/ chos thams cad mnyam pa nyid kyi sa'i gzungs kyi sgo thob pa'o// kho mo ni spobs pa'is shes snang ba/ chos kyi gzhi thams cad snang bar brjod pa thob pa'o// kho mo ni chos thams cad yongs su btsal bas mi skyo ba'i rgyan gyi ting nge 'dzin gyi sgo thob pa'o// smras pa/ 'phags ma byang chub sems dpa'i rnam par thar pa thub par dka' ba'i ye shes kyi snying po de'i yul ni ji lta bu zhig mchis/ yi dmal brtan pa'i byang chub sems dpa'i spyod pa'i sgo dang / chos thams cad mnyam pa nyid kyi sa'i gzungs kyi sgo dang / chos kyi gzhi thams cad snang bar brjod pa'i spobs pa snang ba'i sgo dang / chos yongs su btsal bas mi skyo ba'i rgyan gyi ting nge 'dzin gyi sgo'i yul ji lta bu zhig mchis smras pa/ rigs kyi bu gnas 'di ni yid ches par dka' 'o// smras pa/ 'phags ma bstan du gsol/ sangs rgyas kyi byin dang / dge ba'i bshes gnyen gyis yongs su bzung na yid lta ches par mchi grang / rtogs pa dang / 'tshal ba dang / rnam par rtogs pa dang / rjes su rtogs pa dang / rig pa dang / dmigs su phebs pa dang / goms pa dang / mi 'gal ba dang / rnam par mi rtogs pa dang / sgro 'dogs pa ma mchis pa dang / mnyam par bgyid par yang mchis grang / de nas dge bsnyen ma mi g.yo bas/ tshong dpon gyi bu nor bzangs la 'di skad ces smras so// rigs kyi bu sngon 'das
- 231b
pa'i dus shig na dri ma med pa'i 'od kyi bskal pa la de bzhin gshegs pa phyag rab tu brkyang ba zhes bya ba 'jig rten du byung ste/ kho mo yang de'i tshe rgyal po glog gis byin pa'i bu gcig ma zhig tu gyur nas/ de'i tshe nub mo mi nya ba tsam zhig na/ rgyal po'i sgo'ang bcad/ pha dang ma'ang nyal/ skyes pa dang bud med dag kyang gnyid kyis log/ rol mo brdung ba dang dkrol ba'i sgra'ang zhi/ lhan cig sprod pa'i bud med lnga brgya tsam dag kyang nyal bar gyur pa zhig na/ kho mo mal gyi steng na 'dug cing / nam mkha'i dbyings la rgyu ba'i skar ma'i tshogs kyi 'greng ba rnam par 'khod pa la lta lta ba las/ steng gi bar snang la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phyag rab tu brkyang ba ri'i dbang po ri rab ltar/ lha dang / klu dang / gnod sbyin dang / dri za dang / lha ma yin dang / nam mkha' lding dang mi 'am ci dang / lto 'phye chen po'i 'khor mang pos bskor ba/ byang chub sems dpa'i tshogs grangs med pas yongs su bskor ba/ phyogs thams cad du 'od zer gyi dra ba thogs pa med pas rgyas par khyab pa'i sku bzhugs pa mthong ngo / / de bzhin gshegs pa de'i ba kru'i bu ga thams cad nas kyang dri zhim po rnam pa 'di lta bu byung ste/ des kho mo'i lus dang sems shin tu bde bar gyur/ yid shin tu dka' bar gyur te/ mal gyi steng nas langs nas sor mo bcu'i thal mo sbyar te sa la babs nas/ bcom ldan 'das de bzhin gshegs pa phyag la rgya bachung ba de la phyag 'tshal te/ de'i spyi gtsug la bltas na'ang mtha'
- 232a
thug par ma rung / g.yas g.yon gyi tshad kyang zin par ma rung / mtshan dang dpe byad phun sum tshogs pa la bsams na'ang ngoms par ma rung ste/ de'i tshe kho mos 'di snyam du bsams so/ / las ji lta bu zhig byas na lus phun sum tshogs pa 'di lta bu ni 'thob par 'gyur/ mtshan dang dpe byad bzang po phun sum tshogs pa ni skye bar 'gyur/ 'od kyi rgyan phun sum tshogs pa ni 'byung bar 'gyur/ 'khor phun sum tshogs pa ni 'grub par 'gyur/ yid kyi rang bzhin gyi gnas dang longs sbed phun sum tshogs pa ni 'byung bar 'gyur/ bsod nams phun sum tshogs pa ni skye bar 'gyur/ ye shes phun sum tshogs pa ni rnam par dag par 'gyur/ ting nge 'dzin gyi rnam par 'phrul pa bsam gyis mi khyab pa phun sum tshogs pa ni yang dag par 'grub par 'gyur/ gzungs phun sum tshogs pa ni yongs su rdzogs par 'gyur/ spobs pa phun sum tshogs pa ni dbang du 'gyur snyam pa dang / rigs kyi bu de nas bcom ldan 'das de bzhin gshegs pa phyag rab tu brkyang ba des/ kho mo'i bsam pa thugs su chud nas 'di skad ces bka' stsal to/ / bu mo khyod kyis nyon mongs pa thams cad gzhom pa'i phyir thub pa med pa'i sems skyed cig/ mngon par zhen pa thams cad bsal ba'i phyir 'pham pa med pa'i sems skyed cig/ chos zab mo'i tshul khong du chud par bya ba'i phyir zhum pa med pa'i sems skyed cig/ sems can bsam pa mi bzad pa dang ldan pa'i rgya mtsho'i glong du lhung bas mi bskul ba'i sems skyed cig/ sri
- 232b
pa'i lam gyi rgyud thams cad du skye ba'i skye mched du mgo rmongs pa med pa'i sems skyed cig/ sangs rgyas thams cad blta bar mos pa rgyun mi gcad pa'i phyir ngoms mi shes pa'i sems skyed cig/ sangs rgyas thams cad kyi chos kyi sprin yongs su gzung ba'i phyir chog mi shes pa'i sems skyed cig/ sangs rgyas thams cad kyi chos kyi tshul snang ba rtogs par bya ba'i phyir nges par rtogs pa'i sems skyed cig/ de bzhin gshegs pa thams cad kyi chos kyi 'khor lo gzung ba'i phyir yang dag par gzung ba'i sems skyed cig/ de bzhin gshegs pa'i zhal nas byung ba shes par bya ba lta la ci smos kyi/ chung ngu na brdar byas pa tsam la'ang 'khrul pa med pa'i sems skyed cig/ bu mo khyod kyis sems can rnams kyi bsam pa ji lta ba bzhin du chos rin po che rnam par dbye ba'i phyir/ rnam par dbye ba'i sems skyed cig ces byung ste/ de ltar rigs kyi bu kho mos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phyag rab tu brkyang ba las/ chos kyi tshul gyi gdams ngag gi sgo rnam pa de lta bu dag thos nas/ thams cad mkhyen pa'i ye shes la ni mngon par mos par gyur/ stobs bcu'i rang bzhin la ni mngon par smon par gyur/ sangs rgyas kyi gsung la ni mngon par dad par gyur/ sangs rgyas kyi 'od kyi rgyan ni yongs su sbyang bar dga'/ sangs rgyas kyi sku phun sum tshogs pa ni yongs su bsgrub par dga'/ sangs rgyas kyi mtshan dang dpe byad bzang po rnam par dag pa la ni mngon par mos par gyur/ sangs rgyas kyi 'khor gyi dkyil 'khor
- 233a
phun sum tshogs pa la ni mngon par smon par gyur/ sangs rgyas kyi zhing rnam par dag pa la ni mngon par dad par gyur/ sangs rgyas kyi spyod lam phun sum tshogs pa la ni mngon par mos par gyur/ sangs rgyas kyi sku tshe'i tshad phun su tshogs pa la ni mngon par dga' nas/ rdo rje ltar ri dang mtshon cha thams cad kyi mthus thub par dka' ba'i sems nyon mongs pa thams cad dang / nyan thos dang rang sangs rgyas thams cad kyis mi phyed mi tshugs pa skyed de/ rigs kyi bu de nas nye bar bzung ba tshun chad du sems bskyed pa de'i mthus/ bskal pa 'dzam bu'i gling gi rdul shin tu phra ba snyed cig tu yid kyi dgu las kyang 'dod pa la spyad par mi dran na/ gnyis kyi gnyis 'du ba lta ci smos/ rigs kyi bu de nas nye bar bzung ba tshun chad du rang gi gnyen bshes la'ang khong khro ba'i sems cig ma bskyed na/ de ma yin pa'i sems can ma nyes pa gzhan lnga la ci smos/ de nas nye bar bzung ba tshun chad du bdag tu lta ba dang ldan pa'i sems bskyed pa gcig tsam yang bskyed par mi dran na/ de ma yin pa'i ye byad gzhan la bdag gir byas te mngon par chags lta ci smos/ shi 'pho dang mngal na gnas pa'i tshe'ang sems rmongs pa 'am/ 'du shes sna tshogs sam/ lung du ma bstan pa'i sems kyang byung du mi dran na/ legs par bsams shing lta ci smos/ bskal pa de snyed cig tu sangs rgyas gcig kyang chung ngu na rmi lam du mthong ba'i rnam par dmigs par yang rjes su mi dran na/ byang chub sems dpa'i mig bcus mthong bar gyur pa lta ci smos/ de nas nye bar bzung ba tshun chad du
- 233b
de bzhin gshegs pa thams cad kyi chos kyi sprin yang dag par 'dzin kyang / chung ngun ming du bya ba'i rnam pa tsam gyi chos kyi tshig dang yi ge gcig kyang brjed par mi dran na/ de bzhin gshegs pa'i zhal mdzad nas byung ba lta ci smos/ de nas nye bar bzung ba tshun chad du chos kyi rgya mtsho de snyed cig 'thung 'thung yang rlung ngu na 'jig rten pa'i chos rnams la tshig 'ga' yang ma bsams ma brtags par mi dran no// nas nye bar bzung ba tshun chad du de snyed cig gis chos kyi tshul rgya mtsho las kyang chung ngu na 'jig rten pa'i bzo'i rgyus dang tshul yang rung ste/ chos kyi tshul gyi sgo gang la'ang kho mos ting nge 'dzin mngon par ma bsgrubs pa de lta bu med do/ / de nas nye bar bzung ba tshun chad du de bzhin gshegs pa de snyed kyi chos kyi 'khor lo bzung yang / ji ltar yongs su bzung ba las/ sems can 'dul ba'i dbang du bya ba ma gtogs par chung ngu na rjes su brgyud pa'i rgyus tsam gyi tshig dang yi ge 'ga' yang bor bar mi dran no/ / de nas nye bar bzung ba tshun chad du sangs rgyas rgya mtsho de snyed cig mthong yang / chung ngu na sprul pa'i sangs rgyas kyi smon lam gyi rgyud kyang rung ste/ sman lam 'ga' yang kho mos sems can rgya mtsho thams cad rnam par dag par bya ba'i phyir mngon par ma bsgrubs pa med do/ / de nas nye bar bzung ba tshun chad du sangs rgyas rgya mtsho de snyed cig gi sngon gyi byang chub sems dpa'i spyod pa rgya mtsho las byang chub sems dpa'i sprod pa 'ga' tsam yang / kho mos bdag gi spod pa yongs su dag par bya ba'i phyir mngon par ma bsgrubs pa de lta bu mi dran no// de nas nye bar bzung ba tshun chad du sems can gang
- 234a
kho mos bla na med pa yang dag par rdzogs pa'i byang chub tu ma bskul ba de lta bu gcig kyang mig lam du 'ongs par mi dran no/ / de nas nye bar bzung ba tshun chad du nyan thos dang rang sangs rgyas yid la bya ba dang ldan pa'i sems bskyed pa gcig kyang mngon par bsgrubs su mi dran no/ / rigs kyi bu de nas nye bar bzung ba tshun chad du bskal pa 'dzam bu'i gling gi rdul shin tu phra ba snyed cig len yang / tshig dang yi ge 'ga' la'ang the tsom bskyed pa 'am/ gnyis kyi 'du shes sam/ rnam par rtog pa'i 'du shes sam/ sna tshogs kyi 'du shes sam/ rab kyi 'du shes sam/ bzang ngan gyi 'du shes sam/ sdug mi sdug gi 'du shes bskyed du mi dran no/ / rigs kyi bu kho me ni de phyin chad du sangs rgyas byung ba dang ma bral lo// sangs rgyas bcom ldan 'das rnams dang ma bral lo// byang chub sems dpa' rnams dang ma bral lo// yang dag pa'i dge ba'i bshes gnyen rnams dang ma bral lo/ / sangs rgyas kyi smon lam thos pa dang ma bral lo// byang chub sems dpa'i spyod pa thos pa dang ma bral lo// byang chub sems dpa'i pha rol tu phyin pa'i tshul thos pa dang ma bral lo// byang chub sems dpa'i sa'i ye shes snang ba'i tshul thos pa dang ma bral lo// byang chub sems dpa'i gzungs dang ting nge 'dzin mi zad pa'i mdzod dang gter thos pa thob pa dang ma bral lo// mtha' dang dbus med pa'i 'jig rten gyi khams kyi dra ba la 'jug cing / khong du chud par bya ba'i tshul thos pa dang ma bral lo// mtha' dang dbus med pa'i sems can gyi khams 'byung ba'i rgyu thos pa thob pa dang ma bral lo// 'gro ba thams cad
- 234b
kye nyon mongs pa'i dra ba'i dkyil 'khor yongs su zad par bya ba'i ye shes snang ba dang ma bral lo/ / sems can thams cad kyi dge ba'i rtsa ba 'byung ba'i rgyu'i ye shes thob pa dang ma bral lo// sems can thams cad kyi bsam pa ji lta ba bzhin du lus yongs su ston pa dang ma bral lo/ / sems can thams cad shes par byed pa'i dbyangs kyi dkyil 'khor rnam par dang ba dang ma bral lo// rigs kyi bu kho mo byang chub sems dpa'i rnam par thar pa'i sgo thub par dka' ba'i ye shes kyi snying po 'di dang / chos thams cad yongs su btsal bas mi skyo ba'i rgyan gyi ting nge 'dzin gyi sgo 'di la snyoms par zhugs te/ byang chub sems dpa'i spyod pa'i sgo yi dam la brtan pa 'di rnam par phye ba dang / gzungs kyi sgo chos thams cad mnyam pa nyid kyis 'di dang / spobs pa'i ye shes snang ba'i sgo chos kyi gzhi thams cad snang bar brjod pa 'di rnam par phye ba dang / cho 'phrul bsam gyis mi khyab pa yod na/ rigs kyi bu khyod mngon sum du blta bar 'dod dam/ smras pa/ 'phags ma 'tshal lo// de nas dge bsnyen ma mi g.yo ba de na de ltar 'dug bzhin du/ byang chub sems dpa'i rnam par thar pa'i sgo thub par dka' ba'i ye shes kyi snying po la sogs pa dang / ting nge 'dzin gyi sgo thams cad yongs su btsal bas mi skyo ba'i rgyan la sogs pa dang / ting nge 'dzin gyi sgo den yod pa'i dkyil 'khor gyi rgyan la sogs pa dang / ting nge 'dzin gyi sgo stobs bcu'i ye shes kyi dkyil 'khor mngon du 'gyur ba la sogs pa dang / ting nge 'dzin gyi sgo sangs rgyas kyi rigs mi zad pa'i mdzod la sogs
- 235a
pa ting nge 'dzin gyi sgo brgya stong phrag bcu la rnam par blta ba dang / rnam par spyad pa dang / rjes su 'jug pa dang / nges par rtogs par byas so// de ltar dge bsnyen ma mi g.yo ba snyoms par/ zhugs ma thag tu/ tshong dpon gyi bu nor bzangs kyis/ phyogs bcur 'jig rten gyi khams sangs rgyas kyi zhing brjod du med pa phrag bcu'i rdul shin tu phra ba snyed pa drug tu g.yos pa dang / bai DUR+Ya yongs su dag pa'i chu las gyur par gnas par mthong ngo / / 'jig rten gyi khams re re'i gling bzhi pa bye ba phrag brgya brgya na/ de bzhin gshegs pa bye ba phrag brgya brgya bzhugs par mthong ste/ la la ni dga' ldan gyi gnas na bzhugs pa nas/ la la ni yongs su mya ngan las 'da' ba mdzad pa'i bar du'ang mthong ngo // de'ang 'jig rten gyi khams bai DUR+Ya'i rang bzhin de dag yongs su dag cing sgrib pa med pa'i phyir te/ de bzhin gshegs pa de dag so so nas 'od zer dang / 'od kyi dkyil 'khor chos kyi dbyings thams cad du rgyas par khyab par mnga' ba dang / de bzhin gshegs pa de dag so so'i 'khor gyi dkyil 'khor shin tu rnam par phye ba rgya mtsho'ang mthong bar gyur to/ / de bzhin gshegs pa de dag re re'i gsung gi dkyil 'khor chos kyi 'khor lo thams cad rjod pa/ sems can thams cad kyi rna lam du rnam par grag pa'ang thos par gyur to// de nas dge bsnyen ma mi g.yo ba ting nge 'dzin de las langs nas/ tshong dpon gyi bu nor bzangs la 'di skad ces smras so// rigs kyi bu khyod kyis mthong ngam/ thos sam/ shes sam/ smras pa/ 'phags ma mthong ngo // thos so//
- 235b
rig go// rigs kyi bu kho mo ni de ltar byang chub sems dpa'i spyod pa yi dam brtan pa la slob cing / chos thams cad yongs su btsal bas mi skyo ba'i rgyan gyi ting nge 'dzin la mnyam par gzhag ste/ byang chub sems dpa'i rnam par thar pa'i sgo thub par bka' ba'i ye shes kyi snying po la gnas nas/ chos thams cad mnyam pa nyid kyi sa'i gzungs khong du chud pa dang / spobs pa'i ye shes snang ba chos kyi gzhi thams cad snang bar brjod pa la mkhas pa'i legs par bshad pas/ sems can thams cad yongs su tshim par byed par zad na/ kho mos byang chub sems dpa' yon tan tshad med pa bsam gyi mi khyab pa dang ldan pa nam mkha'i dbyings la 'dab chags khyu mchog 'khod pa ltar gnas med par spyod pa/ nam mkha' lding gi dbang po chen po ltar yongs su smin pa'i byang chub sems dpa' gdon pa'i phyir/ sems can thams cad kyi rgya mtsho la 'jug pa/ tshong pa ltar stobs bcu'i ye shes rin po che mngon par 'dod cing / thams cad mkhyen pa nyid kyi rin po che'i gling du rgyu ba/ mthu dang ldan pa'i nya pa ltar yid du 'ong ba'i chos kyi dkyil 'khor gyi rgya dang ldan pa'i lag pas sred pa'i chu las byung ba'i sems can yongs su smin par mngon par gdon pa'i phyir chos kyi rgya mtsho la rnam par rgyu ba/ lha'i dbang po ltar nyon mongs pa'i lha ma yin gyi g.yul chen po gdul ba bzlog pa'i phyir khams gsum gyi gnas yongs su bkang zhing rnam par rgyu ba/ nyi ma'i dkyil 'khor ltar sems can gyi sred pa'i chu dang nyon mongs pa'i 'dam shin tu bskam pa'i phyir chos kyi dbyings kyi nam mkha'i dbyings
- 236a
la yang dag par 'phags pa/ zla ba nya zhing rgyas pa ltar 'dul ba'i yid kyi me tog ku mu da rnam par kha dbye ba'i phyir ye shes kyi nam mkha' la mngon par shar ba/ sa'i gzhi ltar 'gro ba thams cad kyi dge ba'i dbang po'i myu gu bskyed cing rnam par spel ba'i phyir byams mi byams dang / mtho dman med par 'jig rten na mnyam par gnas pa/ rlung dmar ltar sems can thams cad kyi nyon mongs pa dang / lta ba'i shing dang / shing phran gyi nags tshal dang / kun dga' rtsa ba nas gdon pa'i phyir chags pa med par phyogs thams cad du rnam par rgyu ba/ 'khor los sgyur ba ltar bsdu ba'i dngos po'i ye byad dang rkyen gyis 'gro ba thams cad yongs su bsdu ba'i phyir 'jig rten na rnam par spyod pa de dag gi sprod pa shes pa'am/ yon tan brjod par nus re skan/ song rigs kyi bu lho phyogs kyi rgyud 'di nyid kyi yul dga' 'dzin tshad med pa na/ grong khyer dga' ba 'dzin pa zhes bya ba yod de/ de na kun tu rgyu thams cad du bgro ba zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ dge bsnyen ma mi g.yo ba'i rkang pa gnyis la spyi bos phyag 'tshal te/ dge bsnyen ma mi g.yo ba la lan brgya stong du mar g.yas phyogs su bskor ba byas nas yang dang yang bltas te/ dge bsnyen ma mi g.yo ba'i drung nas song ngo // de nas tshong dpon gyi bu nor bzangs/ dge bsnyen ma mi g.yo ba mngon du/
- 236b
byas te/ dge bsnyen ma mi g.yo ba'i gdams ngag rjes su dran par byed cing / dge bsnyen ma mi g.yo bas bstan pa dang / yang dag par bstan pa dang / bsgrags pa dang / bshad pa dang / brjod pa dang / yang dag par brjod pa dang / bzhag pa dang / rnam par phye ba dang / smos pa dang / rgya cher bstan pa de dag la thams cad gdon mi za bar yid ches shing rjes su 'brang bar bya ba dang / rjes su bsam pa dang / khong du chud par bya ba dang / bsgom pa dang / yongs su bsgom pa dang / gzhan du mi 'gyur ba dang / rtogs par bya ba dang / snang bar bya ba dang / mnyam par bya ba byed cing mthar gyis gnas nas gnas dang / yul nas yul du brgyus te rgyu zhing song song nas/ yul dga' 'dzin tshad med pa gang na ba der phyin nas/ grong khyer dga' ba 'dzin pa rmed cing tshol tshol te/ nyi ma nub tu cha ba zhig na/ grong khyer dga' ba 'dzin par phyin nas/ grong khyer dga' ba 'dzin pa'i nang du song ste/ grong khyer gyi lam gyi bzhi mdo'i dbus shig tu phyin nas/ srang gi sgo nas srang gi sgo dang / lam gyi bzhi mdo nas lam gyi bzhi mdo dang / grong phrag nas grong phrag tu kun tu rgyu thams cad du 'gro ba tshol zhing rmed rmed pa dang / mtshan mo mi nyal tsam zhig na/ grong khyer dga' ba 'dzin pa'i byang phyogs logs na ri shin tu mod pa zhes bya ba zhig yod pa/ de'i rtse mo rtswa dang / gel ba dang / sman sna tshogs dga' ltar skyes pas brgyan pa/ 'od chen po dang ldan pa nyi ma shar ba lta bur gnas pa mthong ngo // des snang ba de mthong nas dga' ba'i shugs chen po skyes te/ 'di snyam du bsams so//
- 237a
bdag gis dge ba'i bshes gnyen ri'i rtse mo 'di la gdon mi za bar mthong bar 'gyur ba lta zhig snyam nas/ grong khyer de nas byung ste/ ri shin tu mod pa gang na ba der phyin pa dang / ri shin tu mod pa de la 'dzegs nas/ ri'i rtse mo snang ba chen po can gang na ba der phyin pa dang / rgyang yang ring po zhig nas/ kun tu rgyu thams cad du 'gro ba tshangs pa chen po las kyang lhag pa'i kha dog dang ldan pa/ dpal gyis shin tu 'bar ba zhig tshangs pa stong phrag bcus kun nas bskor te 'chags na 'chag cing 'dug pa mthong nas/ de'i drung du phyin te/ rkang pa gnyis la spyi bos phyag 'tshal nas/ de la lan brgya stong du mar g.yas phyogs su bskor ba byas te/ mdun du 'dug nas thal mo sbar te 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems sa dpa' rnams la gdams ngag dang rjes su bstan pa mdzad do zhes bdag gis thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa/ rigs kyi bu de ltar khyod bla na med pa yang dag par rdzogs pa'i byang chub tu zhugs pa legs so legs so/ / rigs kyi bu kho bo ni thams cad du 'gro ba ste/ thams cad kyi rjes su song ba'i byang chub sems dpa'i spyod pa la gnas pa'o// sgo thams
- 237b
cad du rnam par spyod pas snang ba'i ting nge 'dzin gyi sgo dang / dngos po med pa la gnas pas mngon par 'du bya ba med pa'i rdzu 'phrul dang / chos kyi dbyings kun gyi gzhir thug par thal ba'i shes rab kyi pha rol tu phyin pa'i ye shes snang ba'i sgo dang ldan pa'o/ / rigs kyi bu de ltar kho bo ni sems can gyi snod kyi 'jig rten gyi rgyud thams cad dang / sems can gyi lam gyi rgyud thams cad dang / sems can gyi shi 'pho'i sgo thams cad dang / sems can gyi skye ba'i sgo thams cad dang / srid pa'i lam gyi rgyud tha dad pa thams cad dang / skye ba'i skye mched sna tshogs kyi 'jig rten gyi gnas rnam pa tha dad pa dag gi sems can kha dog dang / dbyibs dang / chu zheng rnam pa sna tshogs dang ldan pa/ skye ba kun tu 'brel pa rnam pa sna tshogs dang ldan pa/ sbyor ba sna tshogs dang ldan pa/ mos pa sna tshogs can 'di lta ste/ lha'i lam gyi rgyud du gtogs pa dang / klu'i lam gyi rgyud du gtogs pa dang / gnod sprin gyi lam gyi rgyud du gtogs pa dang / dri za'i lam gyi rgyud du gtogs pa dang / lha ma yin gyi lam gyi rgyud du gtogs pa dang / nam mkha' lding gi lam gyi rgyud du gtogs pa dang / mi 'am ci'i lam gyi rgyud du gtogs pa dang / lto 'phye chen po'i lam gyi rgyud du gtogs pa dang / sems can dmyal ba'i lam gyi rgyud du gtogs pa dang / byol song gi skye gnas kyi lam gyi rgyud du gtogs pa dang / gshin rje'i 'jig rten gyi lam gyi rgyud du gtogs pa dang / mi'i lam gyi rgyud du gtogs pa dang / mi ma yin pa'i lam gyi rgyud du gtogs pa dang / lta ba'i rnam pa sna tshogs la gnas pa dang / nyan thos
- 238a
gyi theg pa la mos pa dang / rang sangs rgyas kyi theg pa la mos pa dang / theg pa chen po la mos pa'i sems can rnams kyi don thabs sna tshogs dang / ye shes kyi tshul dang / sbyor ba sna tshogs kyis byed de/ 'di ltar sems can la la la ni bzo'i rgyud tha dad pa thams cad dang ldan pa'i gzungs snang bas 'jig rten gyi bzo sna tshogs bslabs shing don byed do// sems can la la la ni/ 'di lta ste/ thams cad mkhyen pa'i ye shes bstabs pa'i phyir bsdu ba'i dngos po bzhis yongs su bsdu ba'i thabs kyis don byed do// sems can la la la ni/ 'di lta ste/ thams cad mkhyen pa nyid du 'gyur ba'i ye shes kyi sgo snang ba yongs su bskyed pas pha rol tu phyin pa yang dag par brjod cing don byed do/ / sems can la la la ni/ 'di lta ste/ byang chub kyi sa bon chud mi za bar brtan zhing yongs su bskyed pas byang chub sems dpa'i sems yongs su brjod cing don byed do/ / sems can la la la ni/ 'di lta ste/ sangs rgyas kyi zhing thams cad yongs su dag par bya ba dang sems can thams cad yongs su smin par bya ba'i smon lam yongs su bskyed pa'i phyir/ byang chub sems dpa'i spyod pa rnam pa thams cad du yang dag par brjod pas don byed do// sems can la la la ni/ 'di lta ste/ ngan du spyad pa'i rnam par smin pa dang 'thun pa'i rgyus sems can dmyal ba'i lam gyi rgyud kyi sdug bsngal gyi tshor ba myong bar 'gyur ba yongs su bstan pas skyo ba yongs su bskyed cing don byed do/ / sems can la la
- 238b
la ni/ 'di lta ste/ de bzhin gshegs pa la bskyed pa'i yon tan thams cad ni gdon mi za par thams cad mkhyen pa nyid kyi 'bras bu'i mthar thug par 'gyur bar brjod pas dga' ba chen po bskyen cing don byeda'o// sems can la la la ni/ 'di lta ste/ sangs rgyas kyi yon tan dang skul mngon par mos pas thams cad mkhyen pa nyid du smon lam 'debs par bya ba'i phyir/ de bzhin gshegs pa thams cad kyi yon tan dang bsngags pa yang dag par brjod pas don byed do/ / sems can la la la ni/ 'di lta ste/ mi zlogs shing lhun gyis grub pa dang rgyun chad pa med par sangs rgyas kyi 'phrin las nan tan du mdzad pa'i mthu dang ldan pa'i sangs rgyas kyi sku 'thob par mos pa bskyed pa'i phyir/ sangs rgyas kyi bdag nyid che ba brjod pas don byed do// sems can la la la ni/ 'di lta ste/ chus zil gyis gnon la phas zil gyis mi non pa'i sangs rgyas kyi sku phun sum tshogs pa 'thob par mos pa bskyed pa'i phyir/ sangs rgyas kyi mnga' chen po yongs su brjod cing don byed do// rigs kyi bu gzhan yang kho bo ni grong khyer dga' ba 'dzin pa 'di'i bzhi mdo'i phongs thams cad dang / srang thams cad dang / lam gyi sum mdo thams cad dang / grong mtshams thams cad dang / khyim thams cad dang / mthun par 'dus pa'i rdul thams cad dang / grong thams cad dang / grong gi rgyud thams cad du rnam pa ji ltar tshogs shing 'dus pa'i bud med dang / skyes pa dang / khye'u dang / bu mo rnams kyi bsam pa ji lta ba dang / spor ba ji lta ba dang / mthu ji
- 239a
lta ba dang / rnam par spyod pa ji lta ba bzhin du de dag dang mthun pa'i lus kyi chu zheng dang dbyibs mngon par bsgrubs shing chos ston kyang / sems can de dag gis de sus bstan pa dang / de ga las 'ongs pa mi shes te/ gzhan du na thos nas ma nor bar nan tan du byed pa ni med pa'ang ma yin no// gzhan yang rigs kyi bu 'dzam bu'i gling 'di na zhags pa 'thub pa lta ba rnam pa sna tshe gal mngon par zhen pa dgu bcu rtsa drug 'khod pa de dag thams cad kyi nang du'ang / sems can lta ba'i rnam pa sna tshogs la chags pa rnams yongs su smin par bya ba'i phyir thams cad dang mthun par gnas te/ rigs kyi bu ji ltar kho bo grong khyer dga' ba 'dzin pa 'di na sems can gyi don byed cing 'dug pa de bzhin du/ 'dzam bu'i gling gi grong dang / grong khyer dang / ljongs dang / yul dang / khams dang / rgyal po'i pho brang 'khor thams cad na'ang sems can gyi don byed do/ / 'dzam bu'i gling na ji lta ba de bzhin du gling bzhi pa'i 'jig rten gyi khams thams cad dang / de bzhin du stong dang / stong gnyis pa dang stong gsum gyi stong chen po'i 'jig rten gyi khams dang / de bzhin du phyogs bcu'i 'jig rten gyi khams sems can gyi rten du bya ba thams cad dang / sems can gyi gnas su bya ba thams cad dang / sems can gyi gzhir bya ba thams cad dang / sems can gyi khams su bya ba'i ming du gtogs pa thams cad dang / sems can yongs su rgyu ba thams cad dang / sems can yongs su 'du ba thams cad dang
- 239b
sems can rgya mtsho gnas pa thams cad dang / sems can gyi rgyud gnas pa thams cad dang / sems can gyi phyogs su bya ba thams cad dang / sems can gyi phyogs mtshams su bya ba thams cad dang sems can spyod pa'i gnas thams cad du'ang thabs sna tshogs dang / tshul sna tshogs dang / sgo sna tshogs dang / rigs pa sna tshogs dang / phrad pa sna tshogs dang / thabs kyi tshul sna tshogs dang / bya ba sna tshogs kyis sems can rnams kyi don byed do// gzugs dang kha dog sna tshogs yongs su bstan cing mos par bya ba dang / tshig gi lam sna tshogs brjod pas kyang sems can rnams kyi don byed do// rigs kyi bu kho bos ni byang chub sems dpa'i spyod pa thams cad du 'gro ba thams cad kyi rjes su song ba 'di shes par zad na/ kho bos byang chub sems dpa' 'gro ba thams cad dang mnyam pa'i lus dang ldan pa/ bdag dang sems can gyi lus su tha mi dad pa'i ting nge 'dzin thob pa/ 'phrul pa'i 'khor lo rgya chen pos srid pa'i lam gyi rgyud thams cad du khyab pa/ 'jig rten gyi skye ba thams cad rang gi lus la rjes su spyod pa/ 'gro ba thams cad kyis blta na dga' zhing yid du 'ong ba'i sprul pa'i 'khor lo la brtson pa/ 'gro ba thams cad kyi rigs dang / rgyud dang / tsher skye ba rab tu ston pa bskal pa thams cad du gnas pa la thogs pa med pa'i smon lam gyi 'khor lo dang ldan pa/ mig 'phrul lta bu'i spyod pa rnam par bye ba'i snang ba rab tu thob pa/ 'gro ba thams cad kyi don byed kyang gos pa
- 240a
med par gnas pa la brtson pa/ dus gsum gyi 'gro ba'i dbyings mnyam pa nyid du khong du chud pa/ ye shes kyi dbyings bdag med pa dang ldan pas snang bar byas pa'i snying rje chen po mtha' yas pa'i snying po dang ldan pa/ 'gro ba thams cad kyi dge ba'i rtsa ba yongs su bskyed pa la mngon par brtson pa de dag gi spyod pa shes pa 'am/ yon tan brjod par nus re skan/ song rigs kyi bu lho phyogs kyi rgyud 'di nyid na/ yul khams chen po zhes bya ba yod de/ de na spos 'tshong gi tshong dpon longs spod ut+pal zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis kun tu rgyu thams cad du 'gro ba'i rkang pa gnyis la spyi bos phyag 'tshal te/ kun tu rgyu thams cad du 'gro ba la lan brgya stong du mar g.yas phyogs su bskor ba byas nas yang dang yang bltas te/ kun tu rgyu thams cad du 'gro ba'i drung nas song ngo // de nas tshong dpon gyi bu nor bzangs lus dang srog la mi lta/ srid pa'i longs spyod dang / yongs su zin pa dang / nye bar blangs pa mngon par chags pa'i gnas thams cad la ni mi lta/ sems can gyi yul gyi dga' ba thams cad la ni mi lta/ gzugs dang / sgra dang / dri dang / ro dang / reg bya thams cad la ni mi lta/ g.yog 'khor dang / longs spyod dang / nye bar spyad pa thams cad la mi
- 240b
lha ste/ rgyal srin dang dbang phyug gi dbang gi bde ba thams cad la ni mi lta la/ sangs rgyas kyi zhing bla na med par yongs su dag pa mngon par bsgrubs pas/ sems can thams cad yongs su smin par bya ba dang / gdul ba dang / yongs su dag par bya ba la lta ba/ mchod pa dang / bsnyen bkur dang / rim gror bya bas mi ngoms pas de bzhin gshegs pa thams cad la lta ba dang / rang bzhin med pa yongs su shes pa'i ye shes khong du chud par bya ba'i phyir chos thams cad la lta ba/ yon tan rgya mtsho thams cad kyi don du nan tan bya ba las nyams pa med par bya ba'i phyir/ byang chub sems dpa'i/ yon tan thams cad la lta ba dang / bskal pa thams cad du byang chub sems dpa'i spyod pa la yang dag par gnas par bya ba'i phyir/ byang chub sems dpa' thams cad kyi smon lam chen po la lta ba/ de bzhin gshegs pa'i 'khor gyi dkyil 'khor rgya mtsho thams cad du 'jug par bya ba la lta ba/ ting nge 'dzin gyi sgo re rer byang chub sems dpa'i ting nge 'dzin grangs med pa thams cad gzud pa la rnam par 'phrul par bya ba'i phyir/ byang chub sems dpa'i ting nge 'dzin gyi sgo thams cad la lta ba/ de bzhin gshegs pa thams cad kyi chos kyi 'khor lo yang dag par gzung bas/ mi ngoms par bya ba'i phyir chos kyi ye shes snang ba'i 'khor lo thams cad la lta ba de/ sangs rgyas dang byang chub sems dpa'i yon tan 'di dag dang gzhan dag kyang dge ba'i bshes gnyen las
- 241a
byung ba ste/ dge ba'i bshes gnyen ni de dag thams cad kyi 'byung gnas su gyur pa yin par yang dag par lta zhing / mthar gyis yul khams chen po gang na ba der phyin nas spos 'tshong gi tshong dpon longs spyod ut+pal yongs su rmed cing tshol tshol ba las/ / mthong nas spos 'tshong gi tshong dpon longs spyod ut+pal gang na ba der phyin te/ drung du song nas spos 'tshong gi tshong dpon longs spyod ut+pa la'i rkang pa gnyis la spyi bos phyag 'tshal te/ spos 'tshong gi tshong dpon longs spyod ut+pa la la lan brgya stong du mar g.yas phyogs su bskor ba byas nas/ spos 'tshong gi tshong dpon longs spyod ut+pa la'i mdun du 'dug ste thal mo sbyar nas 'di skad ces smras so/ / 'phags pa bdag sangs rgyas thams cad dang mnyam pa'i ye shes 'tshal te/ sangs rgyas thams cad kyi sngon gyi smon lam gyi dkyil 'khor yongs su rdzogs par bgyi bar yang dga'/ sangs rgyas thams cad kyi chos kyi sku yongs su grub par bgyi bar yang dga'/ sangs rgyas thams cad kyi ye shes kyi sku yongs su 'tshal bar bgyi bar yang dga'/ byang chub sems dpa'i spyod pa'i dkyil 'khor thams cad yongs su dag par bgyi bar yang dga'/ byang chub sems dpa'i ting nge 'dzin gyi dkyil 'khor thams cad snang bar bgyi bar yang dga'/ byang chub sems dpa'i gzungs kyi dkyil 'khor thams cad yongs su brtan par yang dga'/ sgrib pa'i dkyil 'khor thams cad rnam par
- 241b
gtong bar yang dga'/ zhing gi dkyil 'khor thams cad du rnam par rgyu bar yang 'tshal nas/ bla na med pa yang dag par rdzogs pa'i byang chub tu yang dag par zhugs na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dang / ji ltar nan tan du bgyis na byang chub sems dpa' thams cad mkhyen pa nyid du 'byung bar 'gyur ba ma 'tshal to/ / smras pa/ rigs kyi bu de ltar khyod kyis bla na med pa yang dag par rdzogs pa'i byang chub tu sems bskyed pa legasaso legs so// rigs kyi bu kho bos ni spos thams cad shes te/ spos sbyar ba thams cad dang / bdug spos thams cad dang / bdug spos sbyar ba thams cad dang / byug pa thams cad dang / byug pa sbyar ba thams cad dang / phye ma thams cad dang / phye ma sbyar ba thams cad dang / spos dang / byug pa dang / phye ma'i rnam pa thams cad kyang shes te/ lha'i spos kyang shes so// klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i spos kyang shes so// nad gso ba'i spos dang / yid mi bde ba bsal ba'i spos dang / 'jig rten gyi dga' ba yongs su bskyed pa'i spos dang / nyon mongs pa 'bar bar bya ba'i spos dang / nyon mongs pa bzhi par bya ba'i spos dang / 'dus byas kyi dga' ba dang bde ba sna tshogs yongs su bskyed/
- 242a
pa'i spos dang / 'dus byas thams cad las skyo ba yongs su bskyed pa'i spos dang / bag bya ba'i gnas thams cad yongs su sel ba'i spos dang / sangs rgyas yid la bya ba'i rgyud yang dag par 'byung ba'i spos dang / chos kyi tshul khong du chud par bya ba'i spos dang / 'phags pas spyad pa'i spos dang / byang chub sems dpa'i spos rnam pa tha dad pa dang / byang chub sems dpa'i sa thams cad rnam par dgod pa'i spos kyang shes te/ kho bos spos de dag thams cad rnam pa ji lta bu'ang rab tu shes so// 'byung ba dang / skye ba dang / 'grub pa dang / yongs su rdzogs pa dang / yongs su dag pa dang / yongs su sdang ba dang / rab tu sbar ba dang / yongs su sprad pa dang / yul dang / mthu dang / las dang / rgyu'ang rab tu shes so// rigs kyi bu mi'i 'jig rten na spos glang po'i snying po'i zhes bya ba klu yongs su 'khrug par byed po yod de/ de'i ri lu til gyi 'bru tsam gyis kyang yul khams chen po thams cad spos kyi sprin gyi dra ba shin tu sdug pas kun nas khebs par gyur te/ zhag bdun du spos chu'i rgyun shin tu phra ba'i char mngon par 'bab bo// de'i tshe sems can su'i lus sam/ gos la spos chu'i rgyun de dag gos bab par gyur pa de dag thams cad kyang / me tog gser gyi kha dog tu 'dug pas rnam par brgyan pa'i gos dang lus su 'gyur ro// khang pa dang / gzhal med dang / khang pa brtsegs pa gang du bab par gyur pa de dag thams
- 242b
668/ ma tog ga ser gyi kha dog la bus rnam par brtan par gnas so// sems can khyis kyi nang na gnas par gang gis/ thos kyi sbyin gyi chab de la rlung gis mngan pam dra chad par gyur pa de thams cad kyang zhag bdun du dga' ba dang / mos pa chen pos yongs su rgyas par 'gyur te/ lus dang sems la bde ba dang dga' ba sna tshogs kyang rab tu myong bar 'gyur ro// de dag gi lus la'ang khams 'khrugs pa las gyur pa 'am/ gzhan gyis gnod par byas pa las gyur pa'i nad kyang 'byung bar 'gyur ba med de/ sems kyi sdug bsngal dang mi bde ba'ang mi 'byung ngo // 'dis pa 'am/ sdang ba 'am/ bag tsha ba 'am/ yid 'khrug pa 'am/ gnod sems kyang mi rgyu ste/ de dag thams cad zhag bdun du dga' ba dang bde ba skyes te gcig la gcig byams pa'i sems su 'gyur ro/ / rigs kyi bu kho bo ni de dag de ltar dga' ba dang nyams bde ba skyes pa rnams la bsam pa dag par bya ba'i phyir/ ci nas kyang bla na med pa yang dag par rdzogs pa'i byang chub tu nges par 'gyur ba de ltar chos ston to/ / gzhan yang rigs kyi bu ri ma la ya las byung ba'i tsan dan sa stengs dam pa zhes bya ba yod de/ de lus la bskus na/ me'i 'obs su mchongs kyang tshig pa med do// rigs kyi bu rgya mtsho'i mtha' nas 'byung ba'i spos gzhan gyis thub pa med pa zhes bya ba yod de/ des rnga'am rung la bskus na de'i sgras gzhan gyi 'khor thams cad pham par 'gyur ro// rigs kyi bu
- 243a
mtsho ma dros pa'i ngogs nas 'byung ba'i a ka ru nag pa pad+ma'i snying po zhes bya ba yod de/ de'i ri lu til gyi 'bru tsam gcig gi dris kyang 'dzam bu'i gling thams cad rgyas par gang bar gyur te/ sems can gang gis spos kyi dri de tshor ba de dag thams cad kyang sdig pa la smod cing sdom pa'i sems rab tu 'thob par 'gyur ro// rigs kyi bu ri'i rgyal po kha ba can las 'byung ba'i spos kyi rnam pa 'od dang ldan pa zhes bya ba yod de/ de'i dri tsher na sems can de dag 'dod chags dang bral ba'i sems su 'gyur te/ kho bo ni de dag la ci nas kyang rdul dang bral ba'i dkyil 'khor ces bya ba'i ting nge 'dzin thob par 'gyur ba de ltar chos ston to/ / rigs kyi bu srin po'i 'jig rten nas 'byung ba'i spos kyi rnam pa rgya mtsho'i snying po zhes bya ba yod de/ de ni 'khor los sgyur ba'i longs spyod kyi don du 'byung ste/ des bdugs ma thag tu 'khor les sgyur ba'i rgyal po'i dpung gi tshogs yan lag bzhi pa'ang nam mkha'i dbyings la gnas so// rigs kyi bu lha'i 'khor chos bzang po nas 'byung ba'i spos kyi rnam pa rnam par 'byed pa zhes bya ba yod de/ des bdags ma thag tu lha rnams sangs rgyas kyi dri zhim po dran par 'gyur ro// rigs kyi bu lnga'i rgyal po rab mtshe ma'i gnas na spos kyi rnam par dag pa'i mdzod ces bya ba yod de/ des bdugs ma thag tu mtshe ma'i lha'i bu thams cad/ lha'i rgyal po rab mtshe ma'i drung du 'dong ngo // de dag der phyin nas kyang lha'i
- 243b
rgyal po rab mtshems chos kyi gtam bya'o/ / rigs kyi bu dga' ldan gyi gnas na spos kyi rnam pa sa 'du bar zhes bya ba yod de/ de'i spos kyi dud pa byang chub sems dpa' che gcig gis thog pa chos kyi stan la 'dug pa'i mdun du phyung na/ spos kyi sprin chen pos chos kyi dbyings thams cad rgyas par gang zhing de bzhin gshegs pa'i 'khor gyi dkyil 'khor thams cad du rgyan rnam pa sna tshogs dang ldan pa'i spos kyi sprin chen po'i char rab tu ba bo/ / rigs kyi bu lha'i rgyal po rab 'phrul dga'i gnas na spos kyi rnam pa yid 'phrog pa zhes bya ba yod de/ des lha'i rgyal po rab 'phral dga'i gnas su bdugs na/ zhag bdun du chos kyi sprin gyi char bsam gyis mi khyab pa 'bab par 'gyur ro// rigs kyi bu kho bos ni spos sbyar ba de shes su zad na/ kho bos byang chub sems dpa' skyon gyi dri ma med pa 'dod pa'i 'jig rten thams cad nas gyen du 'phags pa/ nyon mongs pa'i bdud kyi zhags pa dang bral ba/ srid pa'i lam gyi rgyud thams cad las shin tu 'das pa/ ye shes sgyu ma'i rnam pa dang gzugs kyis rnam par spyod pa/ 'jig rten thams cad kyis gos pa med pa/ chags pa med pa'i ngang tshul can/ sgrib pa med pa'i ye shes kyi dkyil 'khor rnam par dag pa/ thogs pa med pa'i ye shes kyi spyod yul dang yul du ldan pa/ kun gzhi'i gnas thams cad la mi gnas par srid pa'i kun gzhi dang gnas thams cad du rgyu ba rnams kyi spyod pa shes pa'am/ yon tan
- 244a
brjod pa 'am/ tshul khrims kyi spyod pa rnam par dag pa'i sgo yongs su smos pa'am/ kha na ma tho ba med pa'i spyod pa brjod pa 'am/ gnod par spyod pa med pa'i lus dang / ngag dang / yid kyi rgyud bstan par nus re skan/ song rigs kyi bu lho phyogs kyi rgyud 'di nyid na/ grong khyer khang pa brtsegs pa zhes bya ba yod de/ de na mnyan pa dpa' bo zhes bya ba 'dug gis/ de'i drung du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ spos 'tshong gi tsheng dpon longs spyod ut+pa la'i rkang pa gnyis la spyi bos phyag 'tshal nas/ spos 'tshong gi tshong dpon longs spyod ut+pa la la lan brgya stong du mar g.yas phyogs su bskor ba byas nas yang dang yang bltas te/ spos 'tsheng gi tshong dpon longs spong ut+pa la'i drung nas song ngo // de nas tshong dpon gyi bu nor bzangs grong khyer khang pa brtsegs par 'gro ba'i lam du 'jug pa'i tshe/ lam gyi gyen thur dang / lam mnyam pa dang / lam gyi thag thug dang / lam rdul yod pa dang / lam rdul med pa dang / lam bde ba dang / lam mi bde ba dang / lam dog pa dang / lam bgegs med pa dang / lam 'khrug pa dang / lam 'khrug pa med pa la rnam par spyad de bltas nas 'di snyam du bsams so// 'di ltar bdag dge ba'i bshes gnyen de'i drung du 'gro ba 'di ni byang chub
- 244b
sems dpa'i lam gyi nan tan gyi rgyur 'gyur ro/ / pha rol tu phyin pa'i lam gyi nan tan gyi rgyur 'gyur ro// sems can la phan gdags pa'i lam gyi nan tan gyi rgyur 'gyur ro// sems can thams cad byam sdang dang mtho dman du gyur pa'i g.yang sa las rnam par bzlog pa dang / sems can thams cad mi mnyam pa'i nan tan las bsgyur ba dang / sems can thams cad kyi nyon mongs pa'i rdul rab tu zhi bar bya ba dang / sems can thams cad kyi mi dge ba'i lta ba sna tshogs kyi sdong dum dang / tsher ma dang / gyo mo dang / gseg ma bsal ba dang / chos kyi dbyings bsgribs pa med pa la gzhol bar bya ba dang / thams cad mkhyen pa'i pho brang du thogs pa med par bskyal ba'i rgyur 'gyur ro// de ci'i phyir zhe na/ dge ba'i bshes gnyen ni dge ba'i chos thams cad kyi 'byung gnas so// dge ba'i bshes gnyen la ni thams cad mkhyen pa nyid kyi rag lus so zhes/ de de ltar sems shing yid la byed pas spyod pa thub par dka' ba de mthar gyis grong khyer khang pa brtsegs pa der phyin nas/ mnyan pa dpa' bo yongs su rmed cing tshol tshol ba las/ grong khyer chen po zhig gi sgo rgya mtsho chen po'i ngogs na mnyan pa dpa' bo de tsheng pa brgya phrag stong tsam dang / srog chags brgya stong du ma gtam sna tshogs nyan par 'dod pa sha stag gcig gis kun nas bskor cing rgya mtsho'i gtam yongs su brjod pas/ sangs rgyas kyi yon tan rgya mtsho sems can rnams la ston cing 'dug pa mthong ngo // mthong nas kyang
- 245a
mnyan pa dpa' bo gang na ba der song ste phyin nas/ mnyan pa dpa' bo'i rkang pa gnyis la spyi bos phyag 'tshal te/ mnyan pa dpa' bo la lan brgya stong du mar g.yas phyogs su bskor ba byas nas/ mnyan pa dpa' bo'i mdun du 'dug ste thal mo sbyar nas 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bka' stsal du gsol/ / smras pa/ rigs kyi bu khyod kyis de ltar bla na med pa yang dag par rdzogs pa'i byang chub tu sems bskyed de/ ye shes chen po 'thob pa 'byung ba'i rgyu'i dra ba dang / 'khor ba'i sdug bsngal sna tshogs kyi rgyud 'byung ba'i rgyu dang / thams cad mkhyen pa nyid kyi gling gi gnas su 'gro ba 'byung ba'i rgyu dang / dbyer med pa'i theg pa'i theg pa chen po 'byung ba'i rgyu dang nyan thos dang rang sangs rgyas kyi sar ltung bas 'jigs pa dang bral bar 'gyur ba'i lam gyi nan tan 'byung ba'i rgyu dang / zhi ba'i ting nge 'dzin gyi sgo dang rgyud sna tshogs khong du chud par bya ba'i ye
- 245b
shes kyi lam 'byung ba'i rgyu dang / byang chub sems dpa'i spyod spyod pa thams cad du 'gro bas rnam par spyad pa'i smon lam gyi shing rta'i 'khor lo thogs pa med pa'i lam 'byung ba dang / rnam par dag par 'gyur ba'i rgyu dang / byang chub sems dpa'i spyod pa'i gzi brjid kyi dba' rlabs kyis rnam par brgyan pa thams cad kyi rang bzhin dang / tshul gyi lam 'byung ba dang / rnam par dag par 'gyur ba'i rgyu dang / chos kyi phyogs dang sgo thams cad kyi phyi mo'i mtha'i lam 'byung ba dang / rnam par dag par 'gyur ba'i rgyu dang / thams cad mkhyen pa'i rgya mtshor 'jug pa'i lam 'byung ba dang / rnam par dag/ par 'gyur ba'i rgyu 'dri ba legs so legs so// rigs kyi bu kho bo ni rgya mtsho'i ngogs kyi grong khyer khang pa brtsegs pa 'di na/ byang chub sems dpa'i spyod pa snying rje chen po'i rgyal mtshan yongs su sbyong zhing gnas te/ rigs kyi bu kho bo ni 'dzam bu'i gling gi sems can 'phongs pa rnams mthong nas/ de dag gi don du dka' ba spyod de/ de dag gi bsam pa yongs su rdzogs par bya'o// 'jig rten gyi zang zing gis yongs su bsdu bar bya'o/ / chos kyi longs spyod kyis de dag yongs su tshim par bya'o// de dag la bsod nams kyi tshogs kyi lam man ngag tu bstan par bya'o// ye shes kyi tshogs rnam par spel bar bya'o/ / dge ba'i rtsa ba'i stobs yongs su spel bar bya'o// byang chub kyi sems bskyed par bya'o// byang chub kyi bsam pa rnam par dag par bya'o// snying rje chen
- 246a
po'i stobs nye bar brtan par bya'o/ / 'khor ba'i sdug bsngal rnam par zhi bar bya'o// 'khor ba'i spyod pas yongs su mi skyo ba'i stobs shin tu bstan par bya'o// sems can rgya mtsho bsdub la 'di dag sbyar bar bya'o/ / yon tan rgya mtsho'i nan tan gyi sgo la dgod par bya'o// 'di dag la chos rgya mtsho'o ye shes snang ba nye bar bsgrub par bya'o// sangs rgyas rgya mtsho thams cad kyang 'di dag gis mngon par mthong bar bya'o/ / thams cad mkhyen pa nyid kyi rgya mtsho la'ang 'di dag gzud par bya'o zhes de lta bu'i bsam pa dang yid la byed pa la brtson par kho bo rgya mtsho'i ngogs kyi grong khyer khang pa brtsegs pa 'di na gnas so/ / rigs kyi bu kho bo ni de ltar 'gro ba la phan pa dang bde bar brtson pas rgya mtsho chen po'i rin po che'i gling thams cad kyang shes so// rin po che'i 'byung gnas thams cad dang / rin po che'i rigs thams cad dang / rin po che'i gtos thams cad kyang rab tu shes so// klu'i gnas thams cad dang / klu 'khrug pa thams cad dang / gnod sprin gyi gnas thams cad dang / gnod sbyin 'khrug pa thams cad dang / srin po'i gnas thams cad dang / srin po'i 'jigs pa thams cad rab tu zhi bar bya ba dang / 'byung po'i gnas thams cad dang / 'byung po'i bar chad rnam par zhi bar bya ba'ang rab tu shes te/ glong yod pa thams cad dang / glong thams cad bkol ba dang / dba' rlabs chen po yongs su spangs pa dang / chu'i kha dog rnam pa tha dad pa'ang
- 246b
rab tu shes so/ / nyi zla dang gza' skar gyi tshogs yongs su 'khor ba dang / nyin zhag dang / skad cig dang / yud tsam dang / thang gcig kyang rab tu shes so// phan tshun du 'gro ba'i shol 'dums dang bde mi bde dang / gru'i 'khrul 'khor brtan par bya ba dang / gru bzur ba dang / gru phul ba dang / rlung brdo ba dang / rlung bskyed pa dang / gru bsgyur zhing bzlog pa dang / gru brtod pa dang / gru gtang ba'ang rab tu shes so/ / rigs kyi bu de ltar kho bo ni shes pa de lta bu dang ldan pas/ rtag tu sems can gyi don dang dgos pa byed de/ tshong pa'i tshogs gru brtan pos lam bde zhing nye zhor mi 'gyur la/ mi 'jigs pa nas chos kyi gtam gyis dga' ba dang / spro ba bskyed cing bsam pa ji lta ba bzhin du rin po che'i gling du phyin par byas nas/ de dag rin po che thams cad kyis tshig ste phun sum tshogs par 'gyur ba dang / phyir yang 'dzam bu'i gling du 'gyed 'gyed kyang / rigs kyi bu kho bo'i gru ni nam yang bub pa 'am/ nye zhor gyur ma myong ste/ sems can gang gis kho bo mthong bar gyur pa dang / sems can gang gis kho bo'i chos bstan pa thos pa de dag kyang 'khor ba'i rgya mtsho thams cad du nye zhor 'gyur ba'i 'jigs pa dang bral bar 'gyur ro// thams cad mkhyen pa nyid kyi rgya mchen 'jug pa'i ye shes kyang mngon sum du 'gyur ro/ / sred pa'i rgya mtsho bskam pa'i don du'ang rab tu 'jug par 'gyur te/ dus gsum rgya mtsho'i ye shes snang ba'ang rab tu 'thob bo// sems
- 247a
can thams cad kyi sdug bsngal rgya mtsho zad par bya ba'i phyir yang mngon par mos par 'gyur ro/ / sems can thams cad kyi sems rgya mtsho'i rnyog pa dang bar bya ba'i phyir yang rab tu brtson par 'gyur ro/ / zhing rgya mtsho thams cad rnam par dag par bya ba'i phyir yang brtson 'grus rtsom par 'gyur ro// phyogs rgya mtsho thams cad rgyas par dgang ba las kyang phyir mi ldog par 'gyur ro/ / 'gro ba thams cad kyi dbang po rgya mtsho tha dad pa'ang khong du chud par 'gyur ro// sems can thams cad kyi spyod pa rgya mtsho'i rjes su'ang 'brang bar 'gyur ro// 'gro ba'i bsam pa rgya mtsho ji lta ba bzhin dubang gzugs brnyan 'byung bar 'gyur ro/ / rigs kyi bu kho bo ni byang chub sems dpa'i rnam par thar pa mthong ba dang / thos pa dang / 'grogs pa dang / rjes su dran pa'i chu klung gi dbyangs shes bya ba thob par zad na/ kho bos byang chub sems dpa' 'khor ba'i rgya mtsho thams cad du rnam par spyod pa/ nyon mongs pa'i rgya mtsho thams cad kyis gos pa med pa/ lta ba'i rnam pa'i rgya mtsho thams cad kyi chags pa'i chu srin gyi 'jigs pa dang bral ba/ chos rgya mtsho thams cad kyi rang bzhin dang gzhi las rnam par rgyu ba/ 'gro ba rgya mtsho thams cad bsku paba'i dngos pos yongs su sdud pa'i rgya mtsho dang ldan pa/ thams cad mkhyen pa nyid kyi rgya mtsho dang 'grogs pa/ sems can gyi mngon par chags pa'i rgya mtsho thams cad rab tu sgrub pa
- 247b
dus rgya mtsho thams cad tha mi dad par rnam par spyod pa/ 'gro brgya mtsho thams cad yongs su smin par bya ba'i dmigs shes pa/ 'gro ba rgya mtsho thams cad kyi 'dul ba'i dbris las mi 'das ba de dag gi spyod pa shes pa 'am/ yon tan brjod par nus re skan/ song rigs kyi bu lho phyogs kyi rgyud 'di nyid na/ grong khyer dga' ba'i 'greng ba zhes bya ba yod de/ de na tshong dpon rgyal ba dam pa zhes bya ba 'dug gis/ de'i gan du song la ji ltar byang chub sems dpas byang chub dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ mnyan pa dpa' bo'i rkang pa gnyis la spyi bos phyag byas nas/ mnyan pa dpa' bo la lan brgya stong du mas g.yas phyogs su bskor ba byas te/ yang dang yang bltas nas/ gdong mchi mas bkang ste ngu zhing dge ba'i bshes gnyen blta bas ma ngoms bzhin du/ mnyan pa dpa' bo'i drung nas song ngo // // bam po dgu bcu bdun pa/ de nas tshong dpon gyi bu nor bzangs byams pa chen pos sems can gyi khams tshad med pa rgyas par dgang ba'i sems dang ldan pa/ snying rje chen po'i rlan gyis mngon par brlan pa rgyud can/ bsod nams dang ye shes kyi tshogs rgya chen po'i rgyan shin tu bsags pa/ nyon mongs pa'i rdul dang / mun pa dang / dri ma dang / 'dam thams cad dang bral ba/ chos mnyam
- 248a
pa nyid khong du chud pas thams cad mkhyen pa nyid kyi lam gyen thur med pa la zhugs pa/ dge ba'i chos tshad med pa la 'jug pa'i sgor zhugs pa/ mi dge ba thams cad kyis mi shigs pa'i brtson 'grus brtan pa'i mthu sngon du 'dor ba dang ldan pa/ byang chub sems dpa'i ting nge 'dzin bsam gyis mi khyab pa rab tu byang ba/ rgya chen po'i bde ba thob pa/ shes rab kyi nyi ma'i 'od zer snang bas ma rig pa'i mun pa ma lus par bsal ba/ thabs kyi ser bu bde zhing bsil bas blags pa'i ye shes kyi me tog gis rgyas pa/ smon lam chen po'i rgya mtshor 'byung ba'i ye shes kyi tshul dang mthun pa/ chos kyi dbyings thams cad du thogs pa med par rgyas par 'gengs pa'i ye shes dang ldan pa/ thams cad mkhyen pa nyid kyi pho brang du thogs pa med par 'gro ba la mngon du gyur pa/ byang chub sems dpa'i lam la mngon par mos pa de grong khyer dga' ba'i 'breng ba gang na ba der phyin te/ tshong dpon rgyal ba dam pa yongs su rmed cing tshol tshel ba las/ grong khyer dga' ba'i 'phreng ba'i shar phyogs logs kyi 'dab gcig na/ shing a sho ka'i nags tshal rgyal mtshan sna tshogs shes bya ba 'dug pa de'i nang na/ khyim bdag stong phrag du ma zhig gis bskor te/ grong khyer gyi bya ba sna tshogs yongs su 'gro zhing de las brten te/ bdag tu bya ba thams cad yang dag par gzhom pa dang / yongs su 'dzin pa thams cad yongs su gtang ba dang / dngos por 'dzin pa
- 248b
thams cad rab tu spang ba dang / mngon par zhen pa thams cad shin tu gzhig pa dang / srid pa'i 'ching ba thams cad gcad par bya ba dang / lta ba'i rnam pa thams cad kyi sgo glegs gcag pa dang / the tsom dang / yid gnyis dang / nem nur gyi rab rib thams cad rnam par bsal ba dang / g.yo sgyu'i rnyog pa shin tu gdang ba dang / phrag dog dang ser sna'i dri ma yongs su sbyangs pa dang / sems kyi mtsho shin tu gsal bar bya ba dang / sems rnyog pa med pa la sems can rab tu dgod pa dang / dad pa rnyog pa med pa'i stobs bskyed de sangs rgyas blta bar mos pa skyed pa dang / byang chub sems dpa'i stobs bsngags shing sangs rgyas kyi chos yang dag par blang ba dang / byang chub sems dpa'i spyod pa smos te/ byang chub sems dpa'i ting nge 'dzin gyi stobs yongs su bskyed pa dang / byang chub sems dpa'i shes rab kyi stobs yang dag par bstan cing / byang chub sems dpa'i dran pa'i stobs rnam par dag pa'i mthar phyin par bya ba'i phyir/ chos kyi gtam byed cing 'di lta ste/ byang chub tu sems bskyed pa la mngon par mos par bya ba'i phyir chos ston cing 'dug pa mthong ngo // de nas tshong dpon gyi bu nor bzangs kyis gtam de'i rjes chad chad du bsdad nas/ tshong dpon rgyal ba dam pa'i rkang pa gnyis la spyi bos phyag 'tshal te/ ring mo zhig tu btud nas/ chos la shin tu gus pa'i bsam pas tshig 'di skad du brjod do// 'phags pa
- 249a
bdag ni nor bzangs nor bzangs shes bgyi ba ste/ byang chub sems dpa'i spyod pa yongs su tshol na/ ci nas kyang bdag byang chub sems dpa'i spyod pa la slob par 'gyur ba dang / bslabs nas kyang ci nas sems can thams cad yongs su smin par bgyi ba dang / gdul ba'i don la mngon du mos par 'gyur ba dang / sangs rgyas thams cad kyi zhal blta ba las mi 'phang ba dang / sangs rgyas thams cad kyi chos thos par 'gyur ba dang / sangs rgyas thams cad kyi chos kyi sprin gyi char yongs su gzungs pa dang / sangs rgyas thams cad kyi chos kyi tshul la nan tan du bgyi ba dang / 'jig rten gyi khams thams cad du byang chub sems dpa'i spyod pa spyad pa dang / bskal pa thams cad du gnas kyang byang chub sems dpa'i spyod pas yongs su mi skyo ba dang / de bzhin gshegs pa thams cad kyi rnam par 'phrul pa yongs su 'tshal bar 'gyur ba dang / sangs rgyas thams cad kyi byin gyi rlabs yang dag par mnon pa dang / de bzhin gshegs pa thams cad kyi stobs rnams la snang ba thob par 'gyur ba de ltar 'phags pas bdag la bshad du gsol/ / de nas tshong dpon rgyal ba dam pas/ tshong dpon gyi bu nor bzangs la 'di skad ces smras so/ / rigs kyi bu de ltar khyod kyis bla na med pa yang dag par rdzogs pa'i byang chub tu sems bskyed pa legs so legs so// rigs kyi bu kho bo ni 'di lta ste/ dngos po med pa la
- 249b
gnas pas mngon par 'du bya ba med pa'i rdzu 'phrul thob pa'i mthus/ byang chub sems dpa'i spyod pa'i sgo thams cad du 'gro ba yongs su sbyong ste/ de ltar kho bo byang chub sems dpa'i spyod pa yongs su dag pa'i sgo thams cad du 'gro ba 'di la gnas shing / stong gsum gyi stong chen po'i 'jig rten gyi khams thams cad kyi sum cu rtsa gsum gyi lha'i 'jig rten thams cad dang / mtshe ma'i lha'i gnas thams cad dang / dga' ldan gyi lha'i 'jig rten thams cad dang / 'phral dga'i lha'i 'jig rten thams cad dang / gzhan 'phral dbang byed kyi lha'i 'jig rten thams cad dang / bdud kyi gnas thams cad dang / 'dod pa'i khams kyi lha'i ris su gtogs pa thams cad dang / lha'i gnas thams cad dang / klu'i 'jig rten thams cad dang / klu'i gnas thams cad dang / gnod sbyin gyi 'jig rten thams cad dang / gnod sbyin gyi gnas thams cad dang / srin po'i 'jig rten thams cad dang / srin po'i gnas thams cad dang / grul bum gyi 'jig rten thams cad dang / grul bum gyi gnas thams cad dang / yi dgas kyi 'jig rten thams cad dang / yi dgas kyi gnas thams cad dang / dri za'i 'jig rten thams cad dang / dri za'i gnas thams cad dang lha ma yin gyi 'jig rten thams cad dang / lha ma yin gyi gnas thams cad dang / nam mkha' lding gi 'jig rten thams cad dang / nam mkha' lding gi gnas thams cad dang / mi 'am ci
- 250a
'jig rten thams cad dang / mi 'am ci'i gnas thams cad dang / lto 'phye chen po'i 'jig rten thams cad dang / lto 'phye chen po'i gnas thams cad dang / mi'i 'jig rten thams cad dang / mi'i gnas thams cad dang / grong dang / grong khyer dang / grong rdal dang / ljongs dang / khams dang / rgyal po'i pho brang 'khor dang / 'dod pa'i khams su gtogs pa'i sems can gyi rgyud thams cad du chos ni ston to/ / chos ma yin pa ni zlog go// rtsod pa ni zhi bar byed do// 'thab pa ni rnam par zlog go// 'khrug pa ni nye bar zhi bar byed do// g.yul du lhags pa ni rnam par zlog go/ gshegs 'gyed pa ni zhi bar byed do// mdud par 'dzin pa ni rab tu sel to// bcing ba thams cad ni yongs su gcod do// brtson ra thams cad ni mngon par 'dral lo// 'jigs pa ni rnam par zlog go/ / mi dge ba'i las kyi 'du byed ni rgyun gcod do// srog gcod pa las ni sems can rnam par zlog go// ma byin par len pa dang / 'dod pas log par g.yem pa dang / brdzun du smra ba dang / phra ma dang / zhe gcod pa dang / tshig bkyal pa dang / chags sems dang / gnod sems dang / log par lta ba las ni sems can rnam par zlog go// mi bya ba thams cad ni byed du mi 'jug go/ / dge ba'i chos bya ba thams cad ni byed du 'jug go// sems can thams cad ni bzo thams cad la slob tu 'dzud de/ 'jig rten rnams rab tu dga' bar bya ba dang / sems can yongs su
- 250b
smin par bya ba dang / zhags pa 'thub pa thams cad la gong ma'i ye shes khyad par du 'phags pa brjod pa'i phyir rjes su 'brang bar bya ba dang / lta ba'i rnam pa thams cad rnam par bzlog pa dang / sangs rgyas kyi chos thams cad brjod cing bstan pa'i phyir/ 'jig rten la phan par 'gyur ba'i gtsug lag thams cad kyang ston to// rnam par 'god do// rab tu gsal bar byed do// brjod do// de bzhin du tshangs pa'i 'jig rten gyi bar du gzugs kyi khams kyi lha thams cad zil gyis mnan te chos ston to/ / stong gsum gyi stong chen po'i 'jig rten gyi khams 'dir ji lta ba de bzhin du phyogs bcur yang 'jig rten gyi khams sangs rgyas kyi zhing bye ba khrag khrig brgya stong brjod du med pa'i yang brjod du med pa'i rdul shin tu phra ba snyed dag tu chos ston te/ sangs rgyas kyi chos kyang ston to// byang chub sems dpa'i chos dang / nyan thos kyi chos dang / rang sangs rgyas kyi chos kyang ston to// sems can dmyal ba'ang ston to// sems can dmyal bar 'gro ba'i lam dang / sems can dmyal ba'i sems can gyi mi bde ba'ang ston to/ / byol song gi skye gnas kyang ston to// byol song gi skye gnas kyi lam gyi rgyud tha dad pa dang / byol song gi skye gnas kyi lam du 'gro ba'i lam dang / byol song gi skye gnas su skyes pa'i sdug bsngal yang ston to/ / gshin rje'i 'jig rten yang ston to// gshin rje'i 'jig rten du 'gro ba'i lam dang / gshin rje'i 'jig rten gyi sdug bsngal yang ston to// mtho ris kyi 'jig ce/
- 251a
yang ston to// mtho ris kyi 'jig rten du 'gro ba'i lam dang / mtho ris kyi 'jig rten gyi dga' bar spyod pa dang / longs spyod kyang ston to// mi'i 'jig rten yang ston to// mi'i 'jig rten gyi lam rgyud du 'gro ba'i lam dang / mi'i 'jig rten gyi bde ba dang sdug bsngal nyams su myong ba sna tshogs kyang ston te/ de ltar rigs kyi bu kho bo ni 'jig rten gyi chos kyang ston to// 'jig rten kun 'byung ba dang / 'jig rten na nub par 'gyur ba dang / 'jig rten gyi kha na ma tho ba dang / 'jig rten nas 'byung ba'ang ston te/ de yang 'di ltar byang chub sems dpa'i lam yang dag par bstan pa dang / 'khor ba'i skyon rnam par bzlog pa dang / thams cad mkhyen pa nyid kyi yon tan yang dag par brjod pa dang / srid pa'i lam gyi rgyud du mgo 'khor ba dang / sdug bsngal du gyur pa yang dag par bstan pa dang / sgrib pa med pa'i chos nyid brjod pa dang / 'jig rten rgyu ba'i bya ba yongs su bstan pa dang / 'jig rten 'byung ba dang ldog pa'i bde ba dang / sdug bsngal thams cad smos pa dang / 'gro ba thams cad kyi gnas kyi ming du bya ba rnam par bsgom pa dang / de bzhin gshegs pa'i chos gnas pa med pa mngon par bstan pa dang / las dang nyon mongs pa'i 'khor lo thams cad rnam par bzlog pa dang / de bzhin gshegs pa'i chos kyi 'khor lo 'khor ba shin tu brjod pa'i phyir chos ston to/ / rigs kyi bu kho bo ni byang chub sems dpa'i spyod pa rnam par dag pa'i sgo thams cad du 'gro ba/ dngos po med pa la gnas pas mngon par 'du bya ba med pa'i
- 251b
rdzu 'phrul gyi mthus brgyan pa 'di shes par zad na/ kho bos byang chub sems dpa' thams cad mngon par shes pa/ zhing gi dbyings thams cad du sgyu ma lta bu'i ye shes kyi lus kyis rgyas par 'gengs pa/ kun tu lta ba'i ye shes kyis rab tu thob pa/ tshig gi lam dang sgra thams cad rnam par dmigs pa la shin tu gzhol ba'i rna ba dang ldan pa/ dus gsum rgyas par 'gengs pa'i chos kyi sgo snang ba la dbang rab tu thob pa c hos thams cad la yang dag par gzhol ba'i ye shes la dbang sgyur ba'i skyes bu dpa' bo sems can tshad med pa bsam gyis mi khyab pa'i bsam pa ji lta ba bzhin du rnam par dmigs par bya ba la ma 'dres pa'i dbyangs kyi dkyil 'khor dang ldan pa'i lce yangs shing srab la yid du 'ong ba dang ldan pa/ bsam pa tha dad pa'i sems can rgya mtsho'i yid du 'ong ba'i kha dog dang dbyibs su ldan pa'i byang chub sems dpa' thams cad dang mnyam pa'i lus sgyu ma lta bu dang ldan pa/ de bzhin gshegs pa thams cad dang mi gnyis pa'i spyod lam gyis bsam gyis mi khyab pa'i lus la gzhol ba/ dus gsum thams cad du rjes su 'brangs pa'i ye shes kyi lus dang ldan pa/ nam mkha'i dbyings ltar tshad med pa'i spyod yul dpag tu med pa'i yul dang ldan pa de dag gi spyod pa shes pa'am/ yon tan brjod par nus re skan/ song rigs kyi bu lho phyogs kyi rgyud 'di nyid kyi yul shu ma phyi ma'i mtha' na/ grong khyer ka ling ka'i nags tshal zhes bya ba yod de/ de na dge slong ma seng ge rnam par bsgyings pa zhes bya ba 'dug gis/ de'i gan du song
- 252a
la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor ba zangs kyis/ tshong dpon rgyal ba dam pa'i rkang pa gnyis la spyi bos phyag 'tshal te/ tshong dpon rgyal ba dam pa la lan brgya stong du mar g.yas phyogs su bskor ba byas nas yang dang yang bltas te/ chong dpon rgyal ba dam pa'i drung nas song ngo / / / de nas tshong dpon gyi bu nor bzangs mthar gyis yul shu ma phyi ma'i mtha'i grong khyer ka ling ka'i nags tshal gang na ba der song ste phyin nas/ dge slong ma seng ge rnam par bsgyings pa yongs su tshol zhing sems can kun la rmed pa'i tshe/ gang nas gang du song ba de dang der rogs pa brgya phrag du ma dang / bu mo brgya phrag du ma zhig srang dang / lam gyi bzhi mdo dang lam gyi sum mdo dag nas tshogs te rjes su 'brang ngo / / skyes pa brgya phrag du ma dang / bud med brgya phrag du ma zhig gis kyang rigs kyi bu 'di re/ dge slong ma seng ge rnam par bsgyings pa ni/ grong khyer ka ling ka'i nags tshal 'di nyid kyi bza' shing gi ra ba chen po rgyal ba'i 'od kyis byin pa nyi ma'i mdog na sems can tshad med pa'i don du chos ston cing 'dug go zhes bstan to/ / de nas tshong dpon gyi bu nor bzangs bza' shing gi ra ba nyi ma'i mdog der phyin nas kun tu btsal te bltas na/ bza' shing gi ra ba de na shing zla ba shar ba zhes bya ba khang pa brtsegs pa'i dbyings ltar 'dug pa/ 'od sna tshogs
- 252b
kyi kha dog can/ 'od kyi mdog dang ldan pa/ 'khor kun tu dpag tshad kyi khyon tsam du 'od kyis rgyas par 'gengs pa mang po dang / lo ma'i shing yong su lage dra ba zhes bya gdug kyi rnam pa dang / dbyis su 'dug pa'i 'dab mas kun nas khebs pa/ bai DUR+Ya sngon po'i kha dog ltar 'dug pa'i sprin gyi mdog dang ldan pa mang po dang / me tog gi shing me tog gi mdzod ces bya ba ri'i rgyal po kha ba can ltar mdangs dga' ba'i dbyibs sna tshogs dang ldan pa/ kha dog sna tshogs kyi me tog mi zad pa'i char rab tu 'bebs pa/ sum cu rtsa sum gyi lha'i pho brang gi rgyan gyis kun nas 'du ba dang / sus kyang mi shigs pa lta bu mang po dang / thog gi shing rtag tu smin pa'i ro dpe med pa'i 'bras bu'i tshogs shes bya ba gser gyi ri bo'i lhun ltar 'dug pa/ rtag tu shing thog phun sum tshogs par gnas pa mang po dang / rin po che'i rgyal po'i shing rnam par snang ba'i mdzod ces bya ba rin po che'i rgyal po dpe med pa'i dbyibs ltar 'dug pa/ lha rdzas kyi rin po che'i 'phreng ba dang / se mo do dang / rgyan rin po che yid bzhin gyi rgyal po'i mdzod nas byung ba ltar phun sum tshogs pa dang ldan pa/ rin po che kha dog grangs med pa'i 'byung gnas su gyur pa mang po dang / gos kyi shing dga' bar byed pa zhes bya ba/ lha rdzas kyi gos rin po che kha dog sna tshogs rab tu 'gyed cing 'phya bas shin tu brgyan pa mang po dang / rol mo'i shing dga' bskyed pa zhes bya ba lha rdzas las kyang lhag pa'i rol mo yid du 'ong ba'i sgra snyan pa 'byin pa mang po dang / spos kyi shing kun tu zhim pas brgyan pa zhes bya ba
- 253a
phyogs thams cad du thogs pa med par/ rnam pa thams cad du yid du 'ong ba'i spos kyi ngad 'byung ba mang po dag kyang yod par mthong / mtshe 'u dang / lu ma dang / lteng ka dang / rdzing bu rin po che bdun gyi pa gus mtha' brtsigs pa/ phyogs bzhi nas rin po che'i them skas btsugs pa/ rin po che sna tshogs kyi khri 'phang dus dang mthun pa'i tsan dan gyi dri zhim pos bskus pas kun nas bskor ba/ bzhi rin po che'i rgyal po bain+dan sngon po las legs par blangs pa/ 'jam bu chu klung gi gsar gyi bye ma bdal ba/ yan lag brgyad dang ldan pa'i chu rtsa rdzas kyi dri yid du 'ong ba can gyis yongs su gang ba/ na pa che'i dang / ut+pal dang / ku mo dang / me tog puN+Da ri ka kha dog sna tshogs lha rdzas kyi bsung dang ldan pas kun nas yog pa/ bya bran sna tshogs kyi khyu lha rdzas las kyang 'das pa'i gzugs yid du 'ong ba dang ldan pa sgra nyan pa 'byin cing brjod pas gang ba/ lha rdzas kyi rin po che sna tshogs kyi shing gi 'phreng ba legs par bkye bas yongs su bskor cing brgyan pa dang ldan pa/ shing sna tshogs de dag gi drung thams cad du'ang rin po che'i seng ge'i khri sna tshogs yid du 'ong ba'i gzugs dang ldan pa/ rin po che sna tshogs kyi rgyan bsam gyis mi khyab pa du mas rgyan pa/ lha rdzas kyi stan rin po che sna tshogs 'brel bar bting ba/ lha rdzas kyi spos dang bdug spos kyi rnam pa thams cad kyis bdugs pa/ lha rdzas las kyang 'das pa'i dar rin po che mngon par spangs pa/ rin po che sna tshogs kyi bla re bkye ba/ rin po che sna tshogs dang 'dzam bu chu klung gi gser gyi dra ba sna tshogs kun nas bres pa
- 253b
rin po che'i dril gyi dra ba yid du 'ong zhing snyan pa'i sgra 'byin pa mang pos brgyan pa/ 'khor du lha rdzas rin po che'i stan brgya stong phrag du ma bting zhing bshams pa mthong ngo // rin po che'i shing drung la lar ni seng ge'i khri rin po che'i pad+mo snying po can bshams pa mthong ngo / / la lar ni seng ge'i khri nor bu rin po che spos kyi rgyal po'i pad+mos snying po byas pa bshams pa mthong ngo // la lar ni seng ge'i khri rin po che'i rgyal po klu'i rgyan gyi pad+mos snying po byas pa bshams pa mthong ngo / / la lar ni seng ge'i khri nor bu rin po che'i rgyal po seng ge'i bya la'i pad+mos snying po byas pa bshams pa mthong ngo // la lar ni seng ge'i khri rin po che'i rgyal po rnam par snang ba'i pad+mos snying po byas pa bshams pa mthong ngo / / la lar ni seng ge'i khri rin po che'i rgyal po phyogs rnam par snang ba'i pad+mos snying po byas pa bshams pa mthong ngo // la lar ni seng ge'i khri rin po che'i rgyal po dbang po'i rdo rje'i pad+mos snying po byas pa bshams pa mthong ngo / / la lar ni seng ge'i khri rin po che'i rgyal po 'gro ba'i yid du 'ong ba'i pad+mos snying po byas pa bshams pa mthong ngo // rin po che'i shing drung la lar ni seng ge'i khri rin po che'i rgyal po mdog dkar po'i pad+mos snying po byas pa bshams pa mthong ngo / / bza' shing gi ra ba de'i gzhi thams cad kyang rin po che sna tshogs kyis yongs su gang zhing rgya mtsho chen po ltar rin po che'i gling gis yongs su gang ba mthong ngo / / bai DUR+Ya sngon po'i dam pas sbas te/ rin po che thams cad kyis brgyan pa'i sa'i phyogs ka tsa lin da ltar reg na bde zhing 'jam yang gom pa bor zhing bteg pa'i tshe mtho dman med pa/ rdo rje rin po
- 254a
che'i mchog gi pad+mo dri yid du 'ong bar zhim zhing reg na bde ba'i sil ma kun tu bkram pa/ ngang dur dang / rma bya dang / khrung khrung dang / kun la dang / ka la bing ka dang / ko ki la dang / 'ji ban 'dzi ba ka sgra snyan cing yid du 'ong ba'i nga ro 'byin pa mang pos gang ba/ lha rdzas kyi rin po che'i tsan dan gyi shing mang po'i nags tshal shin tu legs par 'grigs pas mdzes par brgyan pa/ rin po che sna tshogs kyi pad+mo'i sprin gyi char dang / rin po che'i me tog sna tshogs mi zad pa'i char rgyun du 'bab pa/ 'dres pa'i nags tshal las kyang khyad par du 'phags pa/ rin po che sna tshogs kyi khang bu brtsegs ma rgyan par bkod pa nang nas/ spos kyi rgyal po'i bdug spos rin thang med pa rtag tu 'thul zhing zhim pa/ lha'i 'dun sa chos bzang po'i rgyan las kyang lhag pas brgyan pa/ lha rdzas las kyang 'das pa'i rin po che'i dra ba sna tshogs kyis kun tu bres pa/ mu tig rin po che'i me tog gi 'phreng ba dang lda ldi kun nas bres pas rab tu brgyan pa/ rin po che'i dril bu rnam pa sna tshogs su rnam par bkye ba'i gser gyi dra ba 'bar bas kun nas dkrigs pa/ rol mo'i shing dang rin po che'i ta la las dril bu'i dra ba rlung gis legs par bskyod pas yid du 'ong ba'i sgra snyan pa'i dbyangs 'byung ba dang ldan pa/ dbang sgyur gyi lha'i rgyal po'i lha mo dpe tshul shin tu bzang ba rnams kyis klu snyan pa'i sgra rab tu yid du 'ong ba blang ba/ lha rdzas kyi yid bzhin gyi gos kha dog sna tshogs kyi sprin gyi char rab tu 'bab pas rnam par mdzes pa/ rgya mtsho chen po ltar kha dog dang
- 254b
mdog sna tshog su ldan pas bltan gtang mi bra ba/ khang pa brtsegs pa'i rin po che'i rgyan dang ldan pa brgya stong grangs med pas rab tu brgyan pa/ sum cu rtsa gsum gyi lha'i pho brang ltar bltan bzang ba/ rin po che sna tshogs rnam par phye bas rnam pa thams cad du brgyan pa'i gdugs shin tu legs pa rnam par bsgreng zhing bkram pas kun nas blta na mdzes pa/ dbang po chen po'i 'jig rten lhar shin tu mdzes pa'i de'u sna tshogs kyis brgyan pa/ yid du 'ong ba'i 'od snang ba chen po rtag par 'byung ba/ tshangs pa chen po'i gzhal med khang ltar nor bu rin po che'i rgyal po 'gro ba'i yid du bong ba'i 'od kyis 'bar ba ste/ bza' shing gi ra ba chen po nyi ma'i mdog ces bya ba de/ dge slong ma seng ge rnam par bsgyings pa'i rdzu 'phrul gyi mthu stobs dang / byin gyi rlabs che zhing bsam gyis mi khyab pas/ 'jig rten gyi khams grangs med pa'i gnas su gyur pa'i nam mkha'i dbyings ltar yangs shing tshad med de/ rgya chen po dang ldan par mthong ngo // de nas tshongab dpon gyi bu nor bzangs kyis de ltar yon tan tshad med pa bsam gyis mi khyab pa tshogs pa'i bza' shing gi ra ba'i rgyan byang chub sems dpa'i las kyi rnam par smin pas yongs su grub pa/ 'jig rten las 'das pa'i dge ba'i rtsa ba rgya chen po las skyes pa/ sangs rgyas la mchod cing rim gror byas pa'i rgyu mthun pa bsam gyis mi khyab pa las byung ba/ 'jig rten gyi khams thams cad na yod pa'i dge ba'i rtsa ba ma lus pas mi 'phrogs pa/ chos kyi rang bzhin sgyu ma'i rnam pa lta bus grub pa/ dge ba'i bsod nams
- 255a
dri ma med pa rgya chen pos grub cing byung ba/ dge slong ma seng ge rnam par bsgyings pa'i sngon gyi spyod pa bzang po legs par byas pa dang rgyu mthun pa'i stobs dang shugs dkyis byung ba/ nyan thos dang rang sangs rgyas thams cad dang thun mong ma yin pa/ mu stegs can dang phas kyi rgol ba thams cad kyis mi 'phrogs pa/ bdud kyi lam yongs su rgyu ba thams cad kyis mi tshugs pa/ byis pa so/ so'i skye bo thams cad kyis bltar med par mthong ste/ shing sna tshogs de dag gi drung gi seng ge'i khri chen po de dag la'ang / dge slong ma seng ge rnam par bsgyings pa lus shin tu mdzes pa/ spyod lam zhi ba dbang po zhi ba/ yid zhi ba/ shin tu dben pa/ dbang po thul ba/ glang po ltar shin tu dul ba/ mtsho ltar dngas shing gsal la rnyog pa med pa'i sems dang ldan pa/ rin po che'i rgyal po yid bzhin gyi nor bu ltar 'dod pa thams cad sgrub pa/ pad+mo la chus mi chags pa ltar 'jig rten gyi chos kyis ma gos pa/ seng ge ltar 'jigs pa dang skyi g.ya' ba med pa/ mi 'jigs pa rnam par dag pas ri'i dbang po chen po ltar mi bskul ba/ tshul khrims rnam par dag pas yid du 'ong ba'i spos kyi rgyal po ltar 'gro ba'i sems tshim par byed pa/ kha ba'i tsan dan ltar nyon mongs pa'i gdung ba rab tu zhi bar byed pa/ sman gyi rgyal po bltan bzang ba ltar 'gro ba thams cad kyi sdug bsngal rnam par zhi bar byed pa/ chu'i lha'i zhags pa ltar blta na don yod pa/ de bzhin gshegs pa'i 'od ltar lus dang
- 255b
sems kyi bag yangs pa bde ba skyed pa/ tshangs pa chen po ltar 'dod chags dang / zhe sdang dang / gti mug gi kun nas ldang pa dang bral ba/ rin po che'i rgyal po nor bu chub dang ltar nyon mongs pas rnyog pa can du gyur pa'i sems can gyi sems rab tu dang bar byed pa/ zhing gshin pa ltar dge ba'i rtsa ba rnam par 'phel bar byed pa 'dug par mthong ngo // 'khor gyi stan de dag la'ang 'khor sna tshogs 'khor par mthong ngo / / 'khor gyi stan la la la ni lha'i bu dbang po chen po la sogs pa gtsang ma'i gnas kyi ris su gtogs pa'i lha'i bu rnams 'khod cing / dge slong ma seng ge rnam par bsgyings pas chos kyi sgo rnam par thar pa mi zad pa yang dag par 'byed pa zhes bya ba yang dag par bstan pa mthong ngo / / 'khor gyi stan la la la ni tshangs pa yid du 'ong pa la sogs pa tshangs pa'i ris su gtogs pa'i lha'i bu rnams 'khod cing / dge slong ma seng ge rnam par bsgyings pas dbyangs kyi dkyil 'khor rnam par dag pa gzhi kun nas 'byed pa zhes bya ba yang dag par bstan pa mthong ngo // 'kho stan la la la ni lha'i rgyal po dbang sgyur la sogs pa gzhan 'phrul dbang byed kyi lha'i bu mo'i 'khor dang bcas pa dag 'khod cing / dge slong ma seng ge rnam par bsgyings pas chos kyi sgo byang chub sems dpa'i bsam pa rnam par dag pa'i dbang gis rnam par brgyan pa zhes bya ba yang dag par bstan pa mthong ngo / / 'khor gyi stan la la la ni lha'i rgyal po rab 'phrul dga' la sogs pa 'phrul dga'i lha'i
- 256a
bu lha'i bu mo'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo chos thams cad dge bas rnam par brgyan pa zhes bya ba yang dag par bstan pa mthong ngo / / 'khor gyi stan la la la ni lha'i rgyal po rab dga' ldan la sogs pa dga' ldan gyi ris su gtogs pa'i lha'i bu lha'i bu mo'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo rang gi sems kyi mdzod kyi glong zhes bya ba yang dag par bstan pa mthong ngo // 'khor gyi stan la la la ni lha'i rgyal po rab mtshe ma la sogs pa lha'i bu lha'i bu mo'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo rgyan mtha' yas pa zhes bya ba yang dag par bstan pa mthong ngo // 'khor gyi stan la la la ni lha'i rgyal popo brgya byin la sogs pa sum cu rtsa gsum gyi ris su gtogs pa'i lha'i bu lha'i bu mo'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo skyo ba'i sgo zhes bya ba yang dag par bstan pa mthong ngo / / 'khor gyi stan la la la ni klu'i rgyal po gang chen mtsho la sogs pa klu'i rgyal po 'od brgya pa dang / dga' bo dang / bsnyen dga' bo dang / yid du 'ong ba dang / shugs ldan dang / ma dros pa la sogs pa klu'i bu mo'i 'khor dang bcas pa/ klu'i byis pa'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo sangs rgyas kyi rdzu
- 256b
'phrul dang / yul gyi 'od rgyan ces bya ba yang dag par bstan pa mthong ngo // 'khor gyi stan la la la ni rgyal po chen po nga la bso bo la sogs pa gnod sprin gyi dbang po gnod sprin gyi bu mo dang gnod sprin gyi byis pa'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo 'gro ba thams cad yongs su skyob pa'i mdzod ces bya ba yang dag par bstan pa mtheg ngo / / 'khor gyi stan la la la ni dri za'i rgyal po gnas srung po la sogs pa dri za mang po dri za'i bu mo dang dri za'i byis pa'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo dga' ba mi zad pa'i char rab tu 'bab pa zhes bya ba yang dag par bstan pa mthong ngo / / 'khor gyi stan la la la ni lha ma yid kyi dbang po sgra gcan la sogs pa lha ma yin gyi bu mo dang lha ma yin gyi byis pa'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo chos kyi dbyings shes pa'i tshul gyi shugs kyis brgyan pa zhes bya ba yang dag par bstan pa mthong ngo / / 'khor gyi stan la la la ni nam mkha' lding gi dbang po shugs 'dzin chen po la sogs pa nam mkha' lding gi dbang po nam mkha' lding gi bu mo dang nam mkha' lding gi byis pa'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo srid pa'i rgya mtshos 'jigs pa'i yul zhes bya ba yang dag par bstan pa mthong ngo // 'khor gyi stan la la la ni mi
- 257a
'am ci'i rgyal po sdong po la sogs pa mi 'am ci'i dbang po mi'am ci'i bu mo dang mi 'am ci'i byis pa'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo sangs rgyas kyi spyod pa snang ba zhes bya ba yang dag par bstan pa mthong ngo / / 'khor gyi stan la la la ni lto 'phye chen po'i dbang po khro gnyer gdong la sogs pa lto 'phye chen po'i bu mo dang lto 'phye chen po'i byis pa'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo sangs rgyas la dga' ba skyed pa zhes bya ba yang dag par bstan pa mthong ngo / / 'khor gyi stan la la la ni skyes pa dang / bud med dang / khye'u dang / bu mo brgya stong mang po 'khod cing / dge slong ma seng ge rnam par bsgyings pas chos kyi sgo khyad par du 'gro ba zhes bya ba yang dag par bstan pa mthong ngo / / 'khor gyi stan la la la ni srin po'i dbang po rtag tu mdangs 'phrog sdong po'i rgyal po la sogs pa srin po'i dbang po srin po'i bu mo dang srin po'i byis pa'i 'khor dang bcas pa rnams 'khod cing / dge slong ma seng ge rnam par bsgyings pas chos kyi sgo snying rje 'byung ba zhes bya ba yang dag par bstan pa mthong ngo // 'khor gyi stan la la la ni sems can nyan thos kyi theg pa la mos pa rnams 'khod cing / dge slong ma seng ge rnam par bsgyings pas chos kyi sgo ye shes khyad par du 'phags pa'i mthu zhes bya ba yang dag par bstan pa mthong ngo // 'khor gyi stan la la
- 257b
la ni sems can rang sangs rgyas kyi theg pa la mos pa rnams 'khod cing / dge slong ma seng ge rnam par bsgyings pas chos kyi sgo sangs rgyas kyi yon tan rgya chen po'i 'od ces bya ba yang dag par bstan pa mthong ngo / / 'khor gyi stan la la la ni sems can theg pa chen po la mos pa rnams 'khod cing / dge slong ma seng ge rnam par bsgyings pas ting nge 'dzin gyi ye shes sna ba'i sgo kun tu sgo zhes bya ba yang dag par bstan pa mthong ngo / / 'khor gyi stan la la la ni byang chub sems dpa' thog mar sems bskyed pa rnams 'khod cing / dge slong ma seng ge rnam par bsgyings pas ting nge 'dzin gyi sgo sangs rgyas thams cad kyi smon lam gyi phung po zhes bya ba yang dag par bstan pa mthong ngo / / 'khor gyi stan la la la ni byang chub sems dpa' sa gnyis pa la gnas pa rnams 'khod cing / dge slong ma seng ge rnam par bsgyings pas ting nge 'dzin gyi sgo rdul dang bral ba'i dkyil 'khor ces bya ba yang dag par bstan pa mthong ngo // 'khor gyi stan la la la ni byang chub sems dpa' sa gsum pa la gnas pa rnams 'khod cing / dge slong ma seng ge rnam par bsgyid pas ting nge 'dzin gyi sgo rab tu zhi ba'i rgyan ces bya ba yang dag par bstan pa mthong ngo // 'khor gyi stan la la la ni byang chub sems dpa' sa bzhi pa la gnas pa rnams 'khod cing / dge slong ma seng ge rnam par bsgyings pas ting nge 'dzin gyi sgo thams cad mkhyen pa'i shugs kyi yul 'byung ba zhes bya ba yang
- 258a
dag par bstan pa mthong ngo / / 'khor gyi stan la la la ni byang chub sems dpa' sa lnga pa la gnas pa rnams 'khod cing / dge slong ma seng ge rnam par bsgyings pas ting nge 'dzin gyi sgo sems kyi rgyud me tog gi snying po zhes bya ba yang dag par bstan pa mthong ngo / / 'khor gyi stan la la la ni byang chub sems dpa' sa drug pa la gnas pa rnams 'khod cing / dge slong ma seng ge rnam par bsgyings pas ting nge 'dzin gyi sgo rnam par snang ba'i snying po zhes bya ba yang dag par bstan pa mthong ngo // 'khor gyi stan la la la ni byang chub sems dpa' sa bdun pa la gnas pa rnams 'khod cing / dge slong ma seng ge rnam par bsgyings pas ting nge 'dzin gyi sgo sa kun nas brgyan pa zhes bya ba yang dag par bstan pa mthong ngo // 'khor gyi stan la la la ni byang chub sems dpa' sa brgyad pa la gnas pa rnams 'khod cing / / dge slong ma seng ge rnam par bsgyings pas ting nge 'dzin gyi sgo chos kyi dbyings su lus shin tu rnam par bye ba'i yul zhes bya ba yang dag par bstan pa mthong ngo / / 'khor gyi stan la la la ni byang chub sems dpa' sa dgu pa la gnas pa rnams 'khod cing / dge slong ma seng ge rnam par bsgyings pas chos kyi sgo mi dmigs pa'i stobs kyi gnas kyis bsku bzhes bya ba yang dag par bstan pa mthong ngo / / 'khor gyi stan la la la ni byang chub sems dpa' sa bcu pa la gnas pa rnams 'khod cing / dge slong ma seng ge rnam par bsgyings pas ting nge 'dzin gyi sgo
- 258b
sgrib pa med pa'i dkyil 'khor ces bya ba yang dag par bstan pa mthong ngo / / 'khor gyi stan la la la ni lab na rdo rje'i 'khor gyi dkyil 'khor 'khod cing / dge slong ma seng ge rnam par bsgyings pas chos kyi sgo ye shes rdo rje mthu bo che'i rgyan ces bya ba yang dag par bstan pa mthong ngo / / de ltar skye ba'i skye mched rnam pa pa tha dad pa thams cad kyi sems can du gdags pa dang / sems can gyi lam gyi rgyud ji snyed pa de dag gi sems can yongs smin pa rnam par 'dul ba/ snod du gyur pa ji snyed cig bza' shing gi rab der 'ongs shing 'khor gyi stan la so sor 'khod pa/ bsam patha dad pa/ / mos pa mi mtshungs pa/ bsam pa shin tu gzhol bar gyur pa/ dad pa'i ro rngams chen po dang ldan pa rnams la/ dge slong ma seng ge rnam par bsgyings pas ci nas kyang thams cad bla na med pa yang dag par rdzogs pa'i byang chub tu rje bar 'gyur ba de lta de ltar chos bstan pa mthong ngo / / de ci'i phyir zhe na/ de ni dge slong ma seng ge rnam par bsgyid pa de kun tu lta ba'i btang snyoms dang ldan pa la sogs pa dang / sangs rgyas kyi chos thams cad shin tu bstan pa la sogs pa dang / chos kyi dbyings kyi gzhi tha dad pa la sogs pa dang / sgrib pa'i dkyil khor thams cad rnam par 'thor ba la sogs pa dang / 'gro ba thams cad kyi dge ba'i sems yang dag par 'byung ba la sogs pa dang / khyad par yod pa'i rgyan la sogs pa dang / chags pa med pa'i tshul gyi snying po la sogs pa dang / chos kyi dbyings kyi dkyil 'khor la
- 259a
sogs pa dang / sems kyi mdzod la sogs pa dang / kun tu mos pa mngon par sgrub pa'i snying po la sogs pa shes rab kyi pha rol tu phyin pa'i sgo brgya stong grangs med pa non pa'i phyir te/ bza' shing gi ra ba nyi ma'i mdog der byang chub sems dpa' 'am/ sems can gzhan ji snyed cig/ dge slong ma seng ge rnam par bsgyings pa la blta ba dang / chos mnyan pa'i phyir 'ong de// dag thams cad kyang / sngon dge slong ma seng ge rnam par bsgyings pas dge ba'i chos yang dag par blang ba la shin tu bkod pa nas/ bla na med pa yang dag par rdzogs pa'i byang chub las phyir mi ldog pa'i bar du byas pa sha stag go/ / de nas tshong dpon gyi bu nor bzangs kyis/ dge slong ma seng ge rnam par bsgyings pa'i bza' shing gi ra ba phun sum tshogs pa dang / nags tshal phun sum tshogs pa dang / gtsug lag khang phun sum tshogs pa dang / 'chag sa phun sum tshogs pa dang / longs spyod phun sum tshogs pa dang / mal cha phun sum tshogs pa dang / 'khor gyi dkyil 'khor phun sum tshogs pa dang / dbang chen po phun sum tshogs pa dang / rdzu 'phrul dang rnam par 'phrul pa phun sum tshogs pa dang / dbyangs kyi rgyan phun sum tshogs pa de lta bu mthong ste/ chos kyi tshul bsam gyis mi khyab pa'ang thos nas/ chos kyi sprin gyi char chen pos sems mngon par brlan la de'i yid la/ dge slong ma seng ge rnam par bsgyings pas bsam pa rnam par dag pa phun sum tshogs
- 259b
par byas kyis/ da ni g.yas phyog su bskor ba lan brgya stong du ma zhig tu bya'o snyam pa dang / de'i mod la dge slong ma seng ge rnam par bsgyings pa bza' shing gi ra ba dang / 'khor gyi dkyil 'khor du bcas pa de dag thams cad kyang snang ba chen pos khyab par byas so/ / de ltar g.yas phyogs su bskor ba bya'o snyam du bsams nas skor ba byed pa'i tshe/ 'khor thams cad na'ang dge slong ma seng ge rnam par bsgying pa 'dug pa mthong nas/ mdun du 'dug ste thal mo sbar nas 'di skad ces smras so// 'phags ma bdag gis bla na med pa yang dag rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab por bgyi ba dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gdams ngag dang rjes su bstan pa mdzad do zhes bdag gis thos nas 'phags ma ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ / des smras pa/ rigs kyi bu kho mo ni byang chub sems dpa'i rnam par thar pa rlom sems thams cad yongs su bcom pa zhes bya ba thob pa'o// smras pa/ 'phags ma byang chub sems dpa'i rnam par thar pa rlom sems thams cad yongs su bcom pa de'i yul ji lta bu zhig mchis/ smras pa/ rigs kyi bu de ni ye shes snang ba ste/ dus gsum du byung ba'i rgyan
- 260a
sems skad cig gi cha shas la rnam par dmigs pa'i rang bzhin no/ / smras pa/ 'phags ma ye shes snang ba de'i yul yang ji lta bu zhig mchis/ smras pa/ rigs kyi bu tshe mo ni ye shes snang ba 'di la sgrub pa dang yongs su sgrub pa'i tshe/ chos thams cad rab tu 'thad pa zhes bya ba'i ting nge 'dzin skyes te/ ting nge 'dzin de thob ma thag tu yid kyi rang bzhin gyi lus kyis phyogs thams cad kyi 'jig rten gyi khams thams cad du byang chub sems dpa' sku tshe gcig gis thogs pa/ dga' ldan gyi pho brang na bzhugs pa thams cad re re la'ang lus sangs rgyas kyi zhing brjod du med pa'i rdul shin tu phra ba snyed kyis mchod pa rnam pa tha dad pa/ sangs rgyas kyi zhing brjod du med pa'i rdul shin tu phra ba snyed kyi mchod pa sbyar ba'i phyir 'gro ste/ 'di ltar lha'i lus dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i dbang po lus me tog gi sprin yongs su 'dzin pa dang / spos kyi sprin yongs su 'dzin pa dang / bdug spos kyi sprin yongs su 'dzin pa dang / 'phreng ba'i sprin yongs su 'dzin pa dang / byug pa'i sprin yongs su 'dzin pa dang / phye ma'i sprin yongs su 'dzin pa dang na bza'i sprin yongs su 'dzin pa dang / gdugs kyi sprin yongs su 'dzin pa dang / rgyal mtshan gyi sprin yongs su 'dzin pa dang / ba dan gyi sprin yongs su 'dzin pa dang / rin po che'i lhab lhub kyi
- 260b
sprini yongs su 'dzin pa dang / rin po che'i dra ba'i rgyan gyi sprin yongs su 'dzin pa dang / rin po che'i gnam yol gyi rgyan gyi sprin yongs su 'dzin pa dang / rin po che'i rgyan rnam par phye ba'i sprin yongs su 'dzin pa dang / rin po che'i sgron ma'i rgyan gyi sprir yongs su 'dzin pa dang / rin po che'i gdan gyi sprin yongs su 'dzin pa mang pos mchod pa sbyar ba'i phyir 'gro'o// dga' ldan gyi gnas na bzhugs pa'i byang chub sems dpa' sku tshe gcig gis thogs pa rnams la mchod pa bya ba'i phyir ji ltar 'gro ba de bzhin du/ yum gyi skur gshegs pa dang / bltam pa dang / btsun mo'i 'khor gyi nang na bzhugs pa dang / mngon par 'byung ba dang / snying po byang chub tu gshegs pa dang / bla na med pa yang dag par rdzogs pa'i byang chub tu mngon par sangs rgyas shing snying po byang chub la bzhugs pa dang / chos kyi 'khor lo rab tu skor ba'i de bzhin gshegs pa thams cad dang / de bzhin du lha'i gnas na bzhugs pa dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i gnas na bzhugs pa nas/ 'gro ba thams cad kyi sems dang bsam pa yongs su tshim par mdzad nas/ yongs su mya ngan las 'da' ba'i bar de dag thams cad la'ang / yid kyi rang bzhin gyi lus rnam pa de lta bu dag gis rnam pa de lta bu'i mchod pa byed cing / de bzhin gshegs pa thams cad kyi drung du 'gro'o// sems can gang gis
- 261a
kho mo sangs rgyas mchod pa dang / rim gro byed pa'i las 'di shes par gyur pa de dag thams cad kyang bla na med pa yang dag par rdzogs pa'i byang chub tu nges par 'gyur ro// sems can gang kho mo'i drung du 'ong ba de dag thams cad la'ang kho mo ni/ shes rab kyi pha rol tu phyin pa'i gdam ngag dang rjes su bstan pa 'di nyid ston te/ rigs kyi bu kho mo ye shes kyi mig gis sems can thams cad la lta'ang sems can gyi 'du shes kyang mi skyed la rlom sems kyang mi byed do/ / 'gro ba thams cad kyi skad rgya mtsho'ang nyan te/ tshig gi lam thams cad la mngon par zhen pa med pas rlom sems su byed pa med do/ / de bzhin gshegs pa thams cad kyang mthong ste/ chos kyi lus yongs su shes pas rlom sems su byed pa'ang med do// de bzhin gshegs pa thams cad kyi chos kyi 'khor lo yongs su 'dzin kyang chos kyi rang bzhin khong du chud pas rlom sems su byed pa med do/ / sems kyi skad cig re re la chos kyi dbyings thams cad rgyas par 'gengs kyang chos nyi sgyu ma'i rang bzhin khong du chud pas rlom sems su byed pa med do/ / rigs kyi bu kho mos ni byang chub sems dpa'i rnam par thar pa rlom sems thams cad yongs su bcom pa 'di shes par zad na/ kho mos byang chub sems dpa' chos kyi dbyings mtha' dang dbus med pa la zhugs pa/ chos thams cad la rlom sems med par gnas kyang skyil mo krung gcig gis chos kyi dbyings
- 261b
thams cad rgyas par 'gengs pa/ sangs rgyas kyi zhing thams cad rang gi lus su 'dus par ston kyang / skad cig gcig gis de bzhin gshegs pa thams cad kyi drung du 'dod pa/ lus la sangs rgyas kyi rdzu thams cad byung zhing rgyu ba/ sangs rgyas kyi zhing brjod du med pa'i yang brjod du med pa spu'i nyag ma gcig gis sbams shing mngon par 'phen pa/ rang gi ba spu'i bu gar 'jig rten gyi khams brjod du med pa'i yang brjod du med pa'i 'du ba dang 'jig pa'i bskal pa yongs su ston pa/ skad cig gcig la bskal pa brjod du med pa'i yang brjod du med par gnas/ pa mnyam pa nyid kyis yang dag par 'dzud pa/ skad cig gcig gis brjod du med pa'i yang brjod du med pa'i bskal par 'khod pa de dag gi spyod pa shes pa 'am/ yon tan brjod par nus re skan/ song rigs kyi bu lho phyogs kyi rgyud 'di nyid kyi yul bgrod dka' ba na/ grong khyer rin po che'i rgyan ces bya ba yod de/ de na bcom pa ma lha'i bshes gnyen ma zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ dge slong ma seng ge rnam par bsgyings pa'i rkang pa gnyis la spyi bos phyag 'tshal ta/ dge slong ma seng ge rnam par bsgyings pa la lan brgya stong du mar
- 262a
g.yas phyogs su bskor ba byas nas yang dang yang bltas te/ dge slong ma seng ge rnam par bsgyings pa'i drung nas song ngo // de nas tshong dpon gyi bu nor bzangs shes rab kyi snang ba chen po des sems snang bar gyur pa de thams cad mkhyen pa'i ye shes snang ba de la ni sems/ chos nyid kyi rang bzhin gyi stobs snang ba de la ni yang dag par rjes su lta/ sems can thams cad kyi skad rnam par dmigs pa'i mdzod kyi gzungs kyi tshul de ni brtan par byed/ de bzhin gshegs pa thams cad kyi chos kyi 'khor lo yang dag par 'dzin pa'i gzungs kyi tshul de ni shin tu rgya che bar byed/ snying rje chen po 'gro ba thams cad kyi skyabs su gyur pa'i stobs de ni nye bar rton/ chos thams cad kyi tshul snang ba'i sgo nas yang dag par byung ba'i thams cad mkhyen pa nyid kyi shugs de la ni rab tu rtog/ chos kyi dbyings rgya chen po'i dkyil 'khor rgyas par 'gengs pa'i smon lam yongs su dag pa de'i rjes su ni 'brang / chos thams cad kyi phyogs snang bar byed pa'i ye shes kyi 'od de ni shin tu gsal bar byed/ chos thams cad kyis phyogs bcu'i 'jig rten gyi khams rnam par phye ba rgyas par 'gengs pa'i mngon par shes pa'i stobs de ni mngon par sgrub byang chub sems dpa'i las dang dran pa thams cad nye bar blangs pas brtsams pa mthar dbyung ba'i smon lam de ni yongs su rdzogs par byed cing / mthar gyis yul bgrod dka' ba'i grong khyer
- 262b
rin po che'i rgyan gang na ba der byin te/ bcom pa ma lha'i bshes gnyen ma yongs su tshol tshol ba dang / de la bcom pa ma lha'i bshes gnyen gyi yon tan mngon par mi shes la/ ye shes spyod yul gyi tshul la mi mkhas pa'i mi ji snyed pa de dag 'di snyam du sems te/ mi 'di de ltar zhi zhing dul ba'i dbang po dang ldan pa/ de ltar shes bzhin dang ldan te/ de ltar 'khrul pa med cing / de ltar yid 'khrug pa med la/ de ltar gnya' shing gang tsam du lta ste/ de ltar gnod pas mi tshugs shing / de ltar mtshan mar mi 'dzin la gzugs kyi rnam pa thams cad la g.yeng ba med pa'i mig dang ldan te yin la brel pa med cing / bsam pa zab la mngon par mdzes te/ rgya mtsho ltar dug cing / sems mi nyam mi 'khrug pa de la/ bcom pa ma lha'i bshes gnyen mas ko ci zhig bya/ 'di lta bu dag ni 'dod chags la dga' ba med de/ sems phyin ci log dang ldan yang mi srid do// 'di lta bu dag ni sdug cing gtsang ba'i 'du shes yongs su rgyu ba med de/ 'di lta bu dag ni 'dod pas 'khol yang mi srid do// 'di lta bu dag ni bud med kyi dbang du 'gyur ba med de/ 'di lta bu dag ni bdud kyi spyod yul la spyod kyang mi srid do// 'di lta bu dag ni bdud kyi yul la chags pa med de/ 'di lta bu dag ni 'dod pa'i 'dam du bying yang mi srid do/ / 'di lta bu dag ni bdud kyi zhags pas bcings par 'gyur ba med de/ mi dgos pa byed kyang mi srid do snyam mo// gang yang bcom pa ma lha'i bshes gnyen ma'i yon tan gyi
- 263a
khyad par mngon par shes shing / ye shes kyi spyod yul mngon du gyur pa de dag ni 'di skad ces 'dzer to// rigs kyi bu de ltar khyod bcom pa ma lha'i bshes gnyen ma la yongs su dri bar sems pa ni/ khyod kyang thob par bya ba legs par thob pa ste legs so legs so// khyod ni nges par sangs rgyas su smon pa'o// khyod ni bdag nges par sems can thams cad kyi gnas su bsgyur bar 'dod pa'o/ / khyod ni nges par sems can thams cad kyi 'dod chags kyi zug rngu dbyung bar 'dod pa'o// khyod ni nges par sdug cing gtsang ba'i 'du shes rnam par gtor bar 'dod pa'o// rigs kyi bu 'de re/ bcom pa ma lha'i bshes gnyen ma ni grong khyer gyi lam gyi sum mdo'i byang phyogs logs shig na rang gi khyim na 'dug go// de nas tshong dpon gyi bu nor bzangs kyis tshig de thos nas/ dga' rangs te mgu zhing nyams bde la tshim zhing / yid bde ba skyes nas bcom pa ma lha'i bshes gnyen ma'i khyim gang na ba der phyin nas/ de'i khyim che zhing yangs la rin po che'i ra ba rim pa bcus bskor ba/ rin po che'i ta la'i 'phreng ba rim pa bcus kun nas bskor ba/ 'obs spos chus gang ba/ lha rdzas kyi rin po che'i pad+mo dang / ut+pa la dang / ku mu da dang / me tog put+tA ri kas chu yongs su khebs pa/ yan lag brgyad dang ldan pa'i chus yongs su gang ba/ gzhi gser gyi bye ma 'dal ba/ spos yid du 'ong ba dang 'dres pa'i chu dri zhim pas gang ba/ rin po
- 263b
che sil ma mang pos shin tu brgyan pa rim pa bcus kun nas bskor ba/ rin po che thams cad las byas pa'i khang pa dang / gzhal med khang dang / khang pa brtsegs pas rnam par dkrigs shing ba gam dang / rta babs dang / skar khung gi shar bu dang / zla gam dang / seng ge'i shing thags dang / snang ba'i rgyal mtshan la sogs pa rin po che sna tshogs kyi 'od kyis 'bar ba rin po che rnam pa sna tshogs grangs med pa'i 'byung gnas kyis brgyan pa/ rin po che'i dag ra bai DUR+Yas spras pa'i gzhi dang ldan pa/ lha rdzas kyi spos zhim po thams cad kyis 'khor thams cad nas bdugs shing bsangs pa/ a ka ru nag po mchog gi bdug spos kyis dri zhim par bdugs pa/ spos kyi byug pas 'khor kun nas byugs pa/ rin po che sna tshogs kyi lan kan gyis rtsig ngos kun tu bres pa/ steng 'dzam bu chu klung gi gser gyi dra ba rin po che sna tshogs kyis rab tu spras pas kun nas bkab pa/ gser gyi dril gyi dra ba brgya stong rlung gis bskyod cing 'khrol ba'i sgra yid du 'ong zhing snyan par 'byung ba/ rin po che thams cad kyi me tog gi sprin sil ma kun tu bkram pas rin po che'i me tog gi rgyan dang ldan pa/ rin po che sna tshogs thams cad kyi rgyal mtshan bsgre bas sgo shin tu brgyan pa/ nor bu rin po che sna tshogs kyi 'od kyi dra ba snang ba mu med par brjod du yod pa/ rin po che byu ru'i sdong po dang / rdo rje dang / man shel la sogs pa'i gter brgya stong kun gyis
- 264a
shes pa phun sum tshogs pas mdzod mi zad pa dang ldan pa/ bza' shing gi ra ba chen po bcus brgyan pa mthong ste/ de ni bcom pa ma lha'i bshes gnyen ma gzugs mdzes shing bzang la blta na sdug pa/ gya nom pa'i kha dam pa rgyas pa dang ldan pa/ gser gyi kha dog ltar 'dug pa'i mdog can/ sgra mthon mthing du 'dug pa/ lus kyi yan lag dang / nying lag tshul dang 'dra bar rnam par grub pa/ 'dod pa'i khams kyi lha dang mi thams cad las 'phags pa'i kha dog dang / gzugs dang / dbyibs mdzes pa dang ldan pa/ tshangs pa las kyang 'das pa'i dbyangs kyi yan lag dang ldan pa/ sems can thams cad kyi sgra skad kyi tshul la mkhas pa/ rgyan thams cad dang ldan zhing yid du 'ong ba'i dbyangs can/ rnam par thar pa yi ge'i 'khor lo'i rgyan la mkhas pa dang ldan pa/ bzo dang gtsug lag thams cad la mkhas par byung ba/ chos kyi ye shes sgyu ma la mkhas par bslabs pa/ byang chub sems dpa'i thabs dang tshul rnam pa thams cad du thob pa/ rin po che'i lhab lhub sna tshogs kyis rnam par brgyan pa'i lus yid du 'ong ba dang ldan pa/ rin po che thams cad las byas pa'i dra ba 'od shin tu gsal bas lus rab tu brgyan pa/ lha rdzas kyi nor bu rin po che'i rgyan dang lhab lhub grangs med pas rab tu brgyan pas lus shin tu 'bar ba/ nor bu rin po che dam pa yid bzhin gyi rgyal po'i cod pan thogs pa/ rin po che bai DUR+Ya'i 'phreng ba mdo zungs rdo rje rin po che sna tshogs dang / nor bu rin po che seng
- 264b
ge mdzes pa sna tshogs bkye ba mgul na thogs pa/ dge ba'i rtsa ba spad pa la skal ba mthun pa dang smon lam gcig pa'i 'khor mang po gzhan gyis mi byed cing yid du 'ong ba dang ldan pa/ bsod nams dang ye shes kyi tshogs chen po'i gter mi zad pa'i mdzod dang ldan pa 'dug pa mthong ste/ des khyim de dag thams cad dang / rin po che'i gnas dang gzhal med khang gi rgyan de dag thams cad kyang rang gi lus las byung ba'i 'od dga' bar byed pa/ lus bde ba dang sim pa skyed pa/ sems khong nas dga' bar byed pas gsal zhing snang bar byas pa mthong ngo // de nas tshong dpon gyi bu nor bzangs kyis/ bcom pa ma lha'i bshes gnyen ma'i rkang pa gnyis la spyi bos phyag 'tshal te/ mdun du 'dug nas thal mo sbyar te 'di skad ces smras so// 'phags ma bdag gis bla na med pa yang dag par rdzogs pa'i byang chub sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags mas bdag la bstan du gsol/ des smras pa/ rigs kyi bu kho mos ni byang chub sems dpa'i rnam par thar pa 'dod chags dang bral ba'i mthar
- 265a
byin pa zhes bya ba thong ste/ rigs kyi bu de ltar lo mo ni lha rnams la lha mo'i gzugs dang / kha dog dang / dbyibs dang / chu 'a las kyang lhag pas pa dog gsol bas rnam par dag pas ci la mos pa bzhin du snang bar byed do/ / de bzhin du klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang // mi ma yin pa rnams la'ang bud med kyi gzugs dang / kha dog dang / dbyibs dang / chu zheng lhag par 'od gsal zhing rnam par dag pas ci la mos pa bzhin du snang bar byed do// sems can gang 'dod/ chags kyis kun nas 'khor ba'i sems dang ldan pa dag kho mo'i drung du 'ongs na'ang / de dag thams cad la kho mo ni 'dod chags dang bral bar 'gyur ba'i phyir chos ston te/ de dag gis chos de thos nas kyang 'dod chags dang bral ba thob par 'gyur ro/ / byang chub sems dpa'i ting nge 'dzin chags pa med pa zhes bya ba'ang rab tu 'thob bo// la la ni kho mo mthong ma thag tu 'dod chags dang bral bar 'gyur te/ byang chub sems dpa'i ting nge 'dzin dga' ba dang ldan pa zhes bya ba 'ang rab tu 'thob bo/ / la la ni gtam byas pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin chags pa med pa'i dbyangs shes bya ba'ang rab tu 'thob bo/ / la la ni lag nas bzung ba tsam gyis 'dod chags dang bral ba thob par 'gyur te/ byang chub sems dpa'i ting nge 'dzin sangs rgyas
- 265b
kyi zhing thams cad du rjes su 'gro zhing gnas pa zhes bya ba'ang rab tu 'thob bo/ / la la ni gcig tu 'grogs pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin bral bas snang ba zhes bya ba'ang rab tu 'thob bo/ / la la ni bltas pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin rab tu zhi ba'i rnam pa'i rgyan ces bya ba'ang rab tu 'thob bo/ / la la ni glal ba tsam gyis 'dod chags dang bral ba thob par 'gyur te/ byang chub sems dpa'i ting nge 'dzin phas kyi rgol ba rnam par 'thor ba zhes bya ba'ang rab tu 'thob bo/ / la la ni mig btsums pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin sangs rgyas kyi yul snang ba zhes bya ba'ang rab tu 'thob bo// la la ni pang du 'khyud pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin 'gro ba thams cad yongs su sdud cing mi gtong ba'i snying po zhes bya ba'ang rab tu thob bo/ / la la ni 'o byas pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin 'gro ba thams cad bsod nams kyi mdzod la reg par byed pa zhes bya ba'ang rab tu 'thob bo/ / de ltar kho mo ni sems can gang ji snyed cig kho mo'i drung du 'ong ba de dag thams cad kyang / byang chub sems dpa'i rnam par thar pa 'dod chags dang bral ba'i mthar phyin pa/ thams cad
- 266a
mkhyen pa'i sa chags pa med pa la mngon du gyur pa 'di nyid la rab tu 'god do/ / smras pa/ 'phags ma khyod de lta bu'i phun sum tshogs pa dang ldan pa de khyod kyis dge ba'i rtsa ba ni gang du bskyed/ 'phrin las ni ji lta bu zhig bsags/ smras pa/ rigs kyi bu kho mos dran na 'das pa'i dus shig na/ de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi'i ston pa sangs rgyas bcom ldan 'das shin tu mtho bar gshegs pa zhes bya ba 'jig rten du byung ste/ de bzhin gshegs pa shin tu mtho bar gshegs pa de sems can rnams la thugs brtse ba'i sku don du/ rgyal po'i gnas sgo bzang po zhes bya bar gshegs nas sgo'i them pa la zhabs kyis non pa'i tshe/ grong khyer de thams cad kyang rab tu g.yos nas yangs shing rgya che la/ rin po che du ma las byas par yongs su grub par gyur te/ steng gi bar snang yang rin po che mang po'i 'od kyis rnam par brgyan pa dang / rin po che'i me tog sna tshogs kyis yongs su gang ba dang / lha rdzas kyi rol mo sna tshogs kyi sgra rab tu 'byung ba dang / lha'i lus kyi sprin tshad med par rgya che bas khebs par gyur to// rigs kyi bu kho mo yang de'i tshe/ tshong dpon gyi chung ma zhig tu gyur te blo gros bzang mo zhes bya'o// de nas kho mo cho 'phrul
- 266b
gyis yang dag par bskul nas khyim thabs dang lhan cig tu dong dong ste/ de bzhin gshegs pa grong bar gyi srang du gshegs pa la dang ba rgya chen po skyes te/ kho mos rin po che'i dril bu gcig pul lo/ / de'i tshe 'jam dpal gzhon nur gyur pa'ang / bcom ldan 'das de bzhin gshegs pa shin tu mtho bar gshegs pa'i zhabs 'bring na 'dug ste/ des kho mos bla na med pa yang dag par rdzogs pa'i byang chub tu sems bskyed do/ / rigs kyi bu kho mos byang chub sems dpa'i rnam par thar pa 'dod chags dang bral ba'i mthar phyin pa 'di shes par zad na/ kho mos byang chub sems dpa' thabs dang ye shes mtha' yas pa la gnas pa/ bsod nams rgya che zhing yangs pa'i mdzod dang ldan pa/ ye shes kyi yul la thub pa med pa de dag gi spyod pa shes pa 'am/ yon tan brjod par nus re skan/ song rigs kyi bu lho phyogs kyi rgyud 'di nyid na/ grong khyer dge ba'i pha rol tu phyin pa zhes bya ba yod de/ de na khyim bdag nan khugs shes bya ba/ de bzhin gshegs pa'i mchod rten tsan dan gyi khri 'phang can la mchod pa byed pa zhig 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ bcom pa ma lha'i bshes gnyen ma'i rkang pa gnyis la spyi bos phyag 'tshal te/ bcom pa ma lha'i bshes gnyen
- 267a
ma la lan brgya stong du mar g.yas phyogs su bskor ba byas nas yang dang yang bltas te/ bcom pa ma lha'i bshes gnyen ma'i drung nas song ngo // de nas tshong dpon gyi bu nor bzangs kyis/ grong khyer dge ba'i pha rol tu phyin par khyim bdag nan khugs kyi khyim ga na ba der phyin nas/ khyim bdag nan khugs kyi rkang pa gnyis la spyi bos phyag 'tshal te/ mdun du 'dug nas thal mo sbar te 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol// des smras pa/ rigs kyi bu kho bo ni byang chub sems dpa'i rnam par thar pa yongs su mi zad pa thob pa ste/ rigs kyi bu kho bo'i sems kyi rgyud las ni 'jig rten gyi khams thams cad nas kyang / sems can 'dul ba'i dbang du mdzad pa ma gtogs par/ 'jig rten gyi khams thams cad nas kyang shin tu mya ngan las 'da' ba'i tshul du de bzhin gshegs pa yongs su mya ngan las 'das pa med do//
- 267b
yongs su mya ngan las 'da' ba med do// yongs su mya ngan las 'da' bar 'gyur ba med do// rigs kyi bu de ltar kho bo ni de bzhin gshegs pa'i mchod rten can dan gyi khri 'phang gi sgo 'byed pa ste/ kho bo mchod rten gyi sgo 'byed 'byed pas byang chub sems dpa'i ting nge 'dzin sangs rgyas kyi rigs mi zad pa'i rgyan ces bya ba thob bo// rigs kyi bu kho bo ni ting nge 'dzin 'di nyid la sems kyi skad cig skad cig tu mnyam par gzhog ste/ sems kyi skad cig thams cad la'ang khyad par gyi rnam pa du ma rab tu 'thob bo// smras pa/ 'phags pa ting nge 'dzin de'i yul ji lta bu zhig mchis/ smras pa/ rigs kyi bu kho bo ting nge 'dzin 'di la snyoms par zhugs pa'i tshe/ 'jig rten gyi khams kyi rgyud 'di sangs rgyas gcig nas gcig tu brgyud pa bsod skyabs la sogs pa de bzhin gshegs pa thams cad dang / gser thub dang / log par dad sel dang / thams cad mnga' ba dang / gtsug tor dang / rnam par gzigs dang / rgyal dang / rdzogs mdzad dang / grags mchog dang pad+mo'i bla la sogs pa de bzhin gshegs pa thams cad kyang sangs rgyas mthong ba'i mtshams 'brel bas/ sangs rgyas gcig nas gcig tu brgyud pa rgyun mi 'chad pa'i tshul gyis mngon sum du mthong ste/ sems kyi skad cig gcig la sangs rgyas brgya'ang mthong ngo // de'i 'og ma'i sems kyis sangs rgyas stong yang mthong ngo // de'i 'og ma'i sems kyis sangs rgyas brgya phrag stong
- 268a
yang mthong ngo / / de bzhin du sangs rgyas bye ba dang / sangs rgyas bye ba phrag brgya dang / sangs rgyas bye ba phrag stong dang / sangs rgyas bye brgya phrag stong dang / sangs rgyas bye ba khrag khrig dang / sangs rgyas bye ba dung phyur dang / sangs rgyas bye ba thams thams dang / sangs rgyas bye ba khrigs khrigs dang / de'i 'og ma'i sems kyis sangs rgyas 'byung ba gcig nas gcig tu brgyud pa brjod du med pa'i yang brjod du med pa dag kyang mthong ngo / / de'i 'og ma'i sems kyis de bzhin gshegs pa 'dzam bu'i gling gi rdul shin tu phra ba snyed kyang mthong ngo // de'i 'og ma'i sems kyis de bzhin gshegs pa sangs rgyas kyi zhing brjod du med pa'i yang brjod du med pa'i bar gyi rdul shin tu phra ba snyed kyang mthong ste/ de bzhin gshegs pa de dag gis thugs dang po bskyed pa'i tshogs gcig nas gcig tu brgyud pa la 'jug go/ / thugs dang po bskyed pas thob pa'i rnam par 'phrul pa la'ang 'jug go// smon lam rnam pa tha dad pa mngon par 'asgrub pa mngon par dag pa la'ang 'jug go/ / spyod pa rnam par dag pa la'ang 'jug go// pha rol tu phyin pa yongs su rdzogs par mdzad pa la'ang 'jug go// byang chub sems dpa'i sa thams cad yongs su bsgrub la'ang 'jug go/ / bzod pa brnyes pa rnam par dag pa la'ang 'jug go// bdud kyi dkrugs ma rnam par 'thor ba'i khyu mchog gi mthu phyung ba la'ang 'jug go// mngon par rdzogs par
- 268b
'tshang rgya ba'i rnam par 'phrul pa'i rgyan la'ang 'jug go/ / sangs rgyas kyi zhing rnam par dag par mdzad pa rnam pa tha dad pa la'ang 'jug go// sems can yongs su smin par mdzad pa rnam pa tha da pa la'ang 'jug go/ / 'khor kun nas 'dus pa rnam pa tha dad pa la'ang 'jug go// 'od kyi dkyil 'khor rnam pa tha dad pa la'ang 'jug go// chos kyi 'khor lo bskor ba'i khyu mchog gi mthu phyung ba la/ 'ang 'jug go// sangs rgyas kyi rdzu 'phrul dang / rnam par 'phrul pa dang / cho 'phrul la'ang 'jug go// de bzhin gshegs pa de dag gis chos bstan pa'ang shin tu rnam par gsal ba dang ma 'dres par dran te yang dag par 'dzin to/ / dran pas yongs su bcangs so// rig pas rab tu shes par byed do// blo gros kyis shin tu rnam par 'byed do// blos rtogs par byed do/ / shes rab kyis snang bar byed do// ma byon pa'i sangs rgyas gcig nas gcig tu brgyud pa byams pa la sogs pa dag kyang mthong zhing shes te/ sems kyi skad cig/ gcig la sangs rgyas brgya'ang mthong ngo // de'i 'og ma'i sems kyis sangs rgyas stong yang mthong ba nas/ de'i 'og ma'i sems kyis de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed dag kyang mthong ste/ de bzhin gshegs pa de dag gis thugs dang po bskyed pa'i tshogs gcig nas gcig tu brgyud pa la'ang 'jug go// de bzhin
- 269a
gshegs pa de dag gis chos bstan pa'ang shin tu gsal ba dang ma 'dres pa rjes su dran te yang dag par 'dzin to/ / dran pas yongs su bcangs so// rig pas rab tu shes par byed do/ / blo gros kyis rnam par 'byed do// blos rtogs par byed do// shes rab kyis snang bar byed do// ji ltar 'jig rten gyi khams kyi rgyud 'di sngon gyi mtha' dang / phyi ma'i 'tha' rtogs pa'i sangs rgyas gcig nas gcig tu brgyud pa mthong zhing shes pa de bzhin du phyogs bcu'i 'jig rten gyi khams kyi rgyud 'das pa dang / ma 'ongs pa sangs rgyas kyi zhing brjod du med pa'i yang brjod du med pa snyed kyi de bzhin gshegs pa gcig nas gcig tu brgyad pa thams cad kyang shes shing mthong ngo / / de bzhin gshegs pa de dag gis thugs dang po bskyed pa'i tshogs gcig nas gcig tu brgyud pa la'ang 'jug go/ / sangs rgyas gcig nas gcig tu brgyud pa de la'ang rgyun mi 'chad pa dang / mi zad pa dang / dad pas shes par bya ba dang / byang chub sems dpa'i brtson 'grus dang / zhe non pas khong du chud par bya ba dang / byang chub sems dpa'i brtson 'grus kyi shugs rnam par 'phel bar byed pa dang / 'jig rten thams cad dang / nyan thos dang rang sangs rgyas thams cad dang / de'i yul la ma zhugs pa'i byang chub sems dpa' thams cad kyis mi 'phrogs par shes shing khong du chud par byed do// rnam
- 269b
par snang mdzad la sogs pa da ltar byung ba'i de bzhin gshegs pa phyogs bcu'i 'jig rten gyi khams na bzhugs pa gcig nas gcig tu brgyad pa thams cad kyang mthong zhing shes te/ sems kyi skad cig gcig la sangs rgyas brgya'ang mthong zhing shes so/ / de'i 'og ma'i sems kyis sangs rgyas stong yang mthong ba nas/ de'i 'og ma'i sems kyis de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi bar du'ang mthong ste/ nam na de bzhin gshegs pa gang gi zhal blta bar dga' ba de'i tshe'ang de bzhin du mthong ste sangs rgyas bcom ldan 'das de dag gis bstan pa dang / bstan pa mdzad pa dang / bstan par 'gyur ba de dag thams cad kyang thos so// thos nas kyang 'dzin to// dran pas yongs su bcangs so/ / rig pas rab tu shes par byed do// blo gros kyis rnam par 'byed do// blos rtogs par byed do// shes rab kyis snang bar byed do// rigs kyi bu 'o bos ni byang chub sems dpa'i rnam par thar pa yongs su mya ngan las mi 'da' ba'i mthar phyin pa 'di shes par zad na/ kho bos byang chub sems dpa' dus gsum skad cig gcig tu shes pa rab tu thob pa/ skad cig gi rma shas la ting nge 'dzin rnam par phye ba la spong pa/ de bzhin gshegs pa'i nyi ma las byung ba/ rtog pa dang rnam par rtog pa thams cad mnyam pa nyid du
- 270a
khong du chud pa/ sangs rgyas thams cad dang mnyam pa'i ting nge 'dzin rjes su rtogs pa/ bdag dang / sems can dang / sangs rgyas mi gnyis par spyod pa/ rang bzhin gyis 'od gsal ba'i chos kyis rgyan gyi dkyil 'khor dang ldan pa/ ye shes kyi 'khrul 'khor gyis 'jig rten gyi dra ba 'gengs pa/ de bzhin gshegs pa rgya mtsho thams cad dang mi 'gal bar rnam par spyod pa/ chos kyi dbyings thams cad du rnam par rtogs par byed pa'i ye shes kyi yul dang ldan pa/ de bzhin gshegs pa thams cad kyis chos bstan pa rnam par rig par byed pa'i ye shes kyi yul can de dag gi spod pa shes pa 'am/ yon tan brjod par nus re skan/ song rigs kyi bu lho phyogs kyi rgyud 'di nyid na ri gru 'dzin ces bya ba yod de/ de na byang chub sems dpa' spyan ras gzigs kyi dbang po zhes bya ba 'dug gis/ de'i gan du song la ji ltar byang chub sems dpas byang chub sems dpa'i spod pa la bslab par bya ba dang / ji ltar nan tan du bya ba dris shig ces nas/ de'i tshe tshigs su bcad pa 'di gnyis smras so// song zhig nor bzang dpal gyi chu rgyal dpung zhig na// mkhas pa rnams kyi ri rgyal gru 'dzin mdzes pa yod// rin chen rgyus byas shing dang nags tshal me tog mang / / bza' shing ra ba rdzing dang chu bran 'bab par ldan// ri mchog de la brtan pa spyan ras gzigs kyi dbang // 'gro ba rnams la phan pa'i don du rnam
- 270b
par spyod/ / de gan song dang nor bzangs khyod la mgon po yi// yon tan rgya chen tshul la 'jug pa ston par byed/ de nas tshong dpon gyi bu nor bzangs kyis khyim bdag nan khugs kyi rkang pa gnyis la spyi bos phyag 'tshal nas/ khyim bdag nan khugs la lan brgya stong du mas g.yas phyogs su bskor ba byas te/ yang dang yang bltas nas/ khyim bdag nan khugs kyi drung nas song ngo / / // bam po dgu bcu rtsa brgyad pa// de nas tshong dpon gyi bu nor bzangs khyim bdag nan khugs kyi gdams ngag rjes su sems shing / byang chub sems dpa'i mos pa'i mdzod de ni shes par byed/ byang chub sems dpa'i rjes su dran pa'i stobs de ni rjes su dran par byed/ sangs rgyas kyi tshul gcig nas gcig tu brgyud pa'i stobs ni yang dag par 'dzin/ sangs rgyas gcig nas gcig tu brgyud pa'i mtshams ni khong du chud par byed/ rnas thos pa'i sangs rgyas kyi mtshan de dag gi ni rjes su 'brang / sangs rgyas kyi chos bstan pa'i tshul de dang ni 'thun par byed/ sangs rgyas kyi yang dag par bsgrub pa'i rgyan de ni khong du chud par byed/ sangs rgyas mngon par rdzogs par 'tshang rgya ba'i khyu mchog gi mthu phyung ba de la ni yid ches par byed/ de bzhin gshegs pa'i 'phrin las bsam gyis mi khyab pa de ni mngon du byed cing / mthar
- 271a
gyis ri gru 'dzin gang na ba der 'ongs nas ri bru 'dzin gyi steng du phyin te/ byang chub sems dpa' spyan ras gzigs kyi dbang po yongs su rmed cing tshol tshol ba las/ nub phyogs logs kyi ri'i sman ljongs mtsho dang / mtshe'u dang / 'bab chus mdzes par gyur pa/ be DUR+Ya sngon po'i dkyil 'khor ltar sngo zhing 'jam la gzhon pa'i spang nags tshal chen po'i mthongs na 'dug pa zhig na/ rin po che rdo rje'i rdo stegs shig la skyil mo krung bcas te 'dug cing / rin po che sna tshogs kyi rdo stegs la 'khod pa'i byang chub sems dpa'i tshogs dpag tu med pas kun nas bskor cing chos ston te/ chos kyi rnam grangs 'gro ba thams cad yongs su sdud pa'i yul byams pa chen po dang / snying rje chen po'i sgo gsal bar ston pa zhes bya ba yang dag par ston cing 'dug pa mthong ngo / / mthong nas kyang dga' rangs te/ mgu zhing nyams bde la tshim zhing yid bde ba skyes nas dga' bas rgyas shing mi 'dzums pa'i mig gis thal mo sbar nas/ dge ba'i bshes gnyen la dad pa'i shugs dang ldan pas sems mi 'khrugs pa/ dge ba'i bshes gnyen mthong na sangs rgyas thams cad mthong bar 'dzin pa/ dge ba'i bshes gnyen las byung ba'i chos kyi sprin thams cad yang dag par gzung ba'i 'du shes dang ldan pa/ yon tan dang nan tan thams cad dge ba'i bshes gnyen la rag lus pa'i 'du shes can/ dge ba'i bshes
- 271b
gnyen dang phrad pa shin tu dga' bar sems pa/ dge ba'i bshes gnyen las stobs bcu'i ye shes rin po che 'byung zhing 'thob par 'gyur ba'i 'du shes dang ldan pa/ dge ba'i bshes gnyen las ye shes snang ba mi zad pa 'byung ba'i 'du shes can/ dge ba'i bshes gnyen gyi rten gyis bsod nams kyi rgyud rnam par 'phel bar 'gyur ba'i 'du shes dang ldan pa/ dge ba'i bshes gnyen ni thams cad mkhyen pa nyid kyi sgo yang dag par ston pa'i 'du shes dang ldan pa/ dge ba'i bshes gnyen ni ye shes kyi rgya mtsho chen po la 'jug pa yongs su ston par 'du shes pa/ dge ba'i bshes gnyen ni thams cad mkhyen pa nyid kyi tshogs yang dag par 'dus pa yongs su skyed pa'i 'du shes dang ldan pa de/ byang chub sems dpa' spyan ras gzigs kyi dbang po gang rna ba der phyin to// de nas byang chub sems dpa' spyan ras gzigs kyi dbang pos/ tshong dpon gyi bu nor bzangs ring zhig nas tshur 'ong ba mthong nas smras pa/ tshur shog/ dpe med pa'i theg pa chen po yangs shing bsam gyis mi khyab pa la zhugs pa/ skye ba las byung ba'i sdug bsngal sna tshogs kyis gtses shing skyabs med par gyur pa'i 'gro ba thams cad yongs su bskyab pa'i bsam pa dang ldan pa/ sangs rgyas kyi chos thams cad mngon sum du gyur pa/ 'jig rten thams cad las 'das te dpe med tshad med pa la mngon par mos pa/ snying rje chen pos byin gyis brlabs
- 272a
pas 'gro ba thams cad yongs su bskyab pa'i blo gros can/ bltan kun tu bzang po'i spyod pa la mngon du bltas pa/ smon lam chen po'i dkyil 'khor yongs su sbyang ba'i sems dang ldan pa/ sangs rgyas thams cad kyi chos kyi sprin yongs su gzung bar mos pa/ dge ba'i rtsa ba bsags pas ngoms mi shes pa'i bsam pa dang ldan pa/ dge bo'i bshes gnyen gyi gdams ngag la yang dag par zhugs pa/ 'jam dpal gyi ye shes rgya mtsho las byung ba'i yon tan gyi 'byung gnas sangs rgyas kyi byin gyi rlabs thob par bya ba la mngon du bltas pa/ ting nge 'dzin gyi snang ba dang shugs rab tu thob pa/ sangs rgyas thams cad kyi chos kyi sprin gyi char yang dag par gzung ba la mngon par mos pa'i sems dang ldan pa// sangs rgyas mthong ba sa dga' ba dang mos pa'i shugs kyis yid rab tu bde bar gyur pa/ legs par spod pa tshad med cing bsam gyis mi khyab pa'i shugs kyis mngon par brlan pa'i sems dang ldan pa/ yon tan la nan tan du bya ba'i shugs kyis rnam par dag pa'i bsod nams dang ye shes kyi mdzod bdag la mngon du gyur pa/ thams cad mkhyen pa'i ye shes mthong ba'i lam gyi shugs gzhan yongs su bstan pa'i bsam pa can/ snying rje chen po'i shugs ma nyams pa'i rtsa ba dang ldan pa/ de bzhin gshegs pa'i ye shes snang ba'i shugs yang dag par gzung ba'i blo gros can khyod 'ongs
- 272b
pa legs so/ / de nas tshong dpon gyi bu nor bzangs/ byang chub sems dpa' spyan ras gzigs kyi dbang po gang na ba der song nas/ byang chub sems dpa' spyan ras gzigs kyi dbang po'i rkang pa gnyis la sgri bas phyag 'tshal te/ byang chub sems dpa' spyan ras gzigs la lan brgya stong du mar g.yas phyogs su bskor ba byas nas/ mdun du 'dug ste thal mo sbyar nas 'di skad ces smras so/ / 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol/ de nas byang chub sems dpa' spyan ras gzigs kyi dbang pos/ mdog 'dzam bu chu klung gi gser gyi kha dog tu 'dug pa/ 'od kyi dra ba rnam pa sna tshogs tshad med pa 'phro ba'i rgyan gyi sprin rab tu 'gyed pa'i lag pa g.yas pa brkyang ste/ mtshan dang dpe byad bzang po las byung ba'i 'od zer sna tshogs dri ma med pa/ lus dang sems kyi bde ba tshad med pa rab tu skyed pa'i tshogs kyis shin tu rgyas pa'i lag pa tshong dpon gyi bu nor bzangs kyi spyi bo la
- 273a
gzhag ste 'di skad ces smras so/ / rigs kyi bu de ltar khyod kyis bla na med pa yang dag par rdzogs pa'i byang chub tu sems bskyed pa legs so legs so// rigs kyi bu nga ni byang chub sems dpa'i spyod pa'i sgo snying rje chen po'i sgo thogs pa med pa zhes bya ba shes te/ rigs kyi bu nga'i byang chub sems dpa'i spyod pa'i sgo snying rje chen po'i sgo thogs pa med pa de ni 'gro ba thams cad la dbye ba med par sems can yongs su smin par bya ba dang 'dul ba la zhugs pa/ / sgo kun nas thos shing rnam par rig par 'gyur pas/ sems can yongs su bsdu ba dang gdul ba la nye bar gnas pa ste/ rigs kyi bu de ltar nga byang chub sems dpa'i spyod pa'i sgo snying rje chen po'i sgo thogs pa med pa la gnas pas/ de bzhin gshegs pa thams cad kyi zhabs kyi drung nas kyang mi g.yo la/ sems can thams cad kyi dgos pa'ang sta gon du gnas te/ sbyin pas kyang sems can yongs su sdud do// ngag snyan pa dang / don bya ba dang / don 'thun pas kyang sems can yongs su sdud do// gzugs kyi lus rnam par bstan pas kyang sems can yongs su smin par byed do/ / kha dog dang / dbyibs dang / gzugs bsam gyis mi khyab pa bstan te/ rnam par dmigs par bya ba dang / 'od zer gyi dra ba dgye bas kyang sems can rab tu sim par byed cing yongs su smin par byed do/ / bsam pa ji lta ba bzhin du dbyangs brjod pa dang / ci la dga' ba'i spyod lam yongs su bstan pa dang / mos pa sna tshogs dang tshul 'thun par chos bstan pa dang / rdzu 'phrul dang rnam par 'phrul pa rnam
- 273b
pasna tshogs dang / dge ba'i chos bsags par bag mi byed pa'i sems can gyi sems yongs su bskul ba dang / bsam pa dang 'thun par sprul pa sna tshogs tshad med pa yongs su bstan pa dang / rigs na/ tshogs su skyes pa'i sems can rnams dang skal ba 'thun pa'i gzugs yongs su bstan pa dang / gnas gcig tu 'grogs pas kyang sems can yongs su bsdus shing yongs su smin par byed do// rigs kyi bu de ltar ngas byang chub sems dpa'i spyod pa'i sgo snying rje chen po'i sgo thogs pa med pa 'di yongs su spangs pas/ 'gro ba thams cad rab tu rten pa'i smon lam bskyed de/ 'di ltar sems can thams cad kyi g.yang sa'i 'jigs pa dang / sems can thams cad kyi rgyud kyi 'jigs pa zhi bar bya ba dang / sems can thams cad kyi mgo rmongs pa'i 'jigs pa rnam par bzlog pa dang / sems can thams cad kyi bcings pa'i 'jigs pa yongs su gcad pa dang / sems can thams cad kyi srog la bab par mi bde ba'i 'jigs pa rnam par bzlog pa dang / sems can thams cad kyi yo byad kyis 'phongs pa'i 'jigs pa bsal ba dang / sems can thams cad kyi 'tsho ba med pa'i 'jigs pa zhi bar bya ba dang / sems can thams cad kyi grags pa med pa'i 'jigs pa las yongs su bzla ba dang / sems can tham/ cad kyi 'khor ba'i 'jigs pa rab tu zhi bar bya ba dang / sems can thams cad kyi 'khor du bag tsha ba'i 'jigs pa med par bya ba dang / sems can thams cad 'chi ba'i 'jigs pa las rnam par bzlog pa dang /
- 274a
sems can thams cad kyi ngan song gi 'jigs pa rnam par bzlog pa dang / sems can thams cad kyi lam mun pas nyam nga ba phyir mi ldog pa'i snang bas gsal bar bya ba dang / sems can thams cad kyi skal ba mi mnyam pa dang 'grogs pa'i 'jig pa shin tu bsal ba dang / sems can thams cad kyi sdug pa dang bral ba'i 'jigs pa dgag par bya ba dang / sems can thams cad kyi mi sdug pa dang / 'grogs pa'i 'jigs pa med par bya ba dang / sems can thams cad lus la mi bde ba'i 'jigs pa dang bral bar bya ba dang / sems can thams cad sems la mi bde ba'i 'jigs pa las dgrol ba dang / sems can thams cad sdug bsngal ba dang / yid mi bde ba dang / 'khrug pa las yongs su bzla ba'i phyir/ 'gro ba thams cad rab tu rten pa'i smon lam mngon par bsgrub pa 'di byas so// sems can thams cad kyi 'jigs pa rnam par zhi bar bya ba'i phyir yang 'jig rten du rjes su dran pa'i sgo byin gyis brlabs so/ / sems can thams cad 'jigs pa dang bral bar bya ba'i phyir/ rang gi ming gi 'khor lo'ang 'jig rten du rnam par dmigs par byaso/ / dus ji lta ba bzhin du 'gro bas rnam par dmigs par bya ba'i phyir/ 'gro ba thams cad rnam pa'i bye brag mtha' yas pa dang mnyam par nga'i lus kyang byin gyis brlabs so// rigs kyi bu de ltar nga ni thabs bzhis sems can thams cad 'jigs pa las yongs su bkrol zhing sangs rgyas kyi chos thams cad thob par bya ba'i phyir/ bla na med pa yang dag par rdzogs pa'i byang chub tu sems bskyed cing phyir mi ldog par byed do// rigs kyi
- 274b
blangs byang chub sems dpa'i spyod pa'i sgo snying rje chen po'i sgo thogs pa med pa 'di thob par zad na/ ngas byang chub sems dpa' kun tu bzang po rnams sangs rgyas thams cad kyi smon lam gyi dkyil 'khor la rnam par dag pa/ byang chub sems dpa' kun tu bzang po'i spyod pa khong du chud par rtogs pa/ dge ba'i chos mngon par 'du bya ba rgyun mi gcod pa'i rgyu dang ldan pa/ byang chub sems dpa'i ting nge 'dzin thams cad kyi rgyud la rtag tu mnyam par bzhag pa/ bskal pa thams cad du gnas shing spod pa las phyir mi ldog pa'i rgyud dang ldan pa/ dus gsum thams cad kyi tshul rjes su rtogs pa'i rgyud dang ldan pa/ 'jig rten gyi khams thams cad kyi glong yongs su 'khyil ba'i rgyud la mkhas pa/ sems can thams cad kyi mi dge ba'i sems rnam par zhi bar byed pa'i rgyud dang ldan pa/ sems can thams cad kyi dge ba'i sems yongs su 'phel ba'i rgyud dang ldan pa/ sems can thams cad 'khor ba'i rgyun las phyir ldog par byed pa'i rgyud dang ldan pa de dag gi spyod pa shes pa'am/ yon tan brjod par nus re skan// de la 'di skad ces bya'o/ / g.yas phyogs su bskor ba byas te gus par bkur bstod nas/ nor bzangs shin tu dul ba lho phyogs rgyud du song // spyan ras gzigs dbang drang srong snying rje rnam sprod pa// rin chen ri yi sul na gnas par des kyang mthong / / rin chen sna tshogs rdo rje'i ro yi sman ljongs na// pad+mo'i snying po'i seng ge'i khri la brtan par 'dug/ b+ha dang lha min klu dang srin po mi 'om ci// rgyal
- 275a
pa'i sras kyis bskor cing de la chos kyang ston/ / mthong nas nor bzangs dga' ba tshad med skyes par gyur// bsnyen te yon tan rgya mtsho'i rkang la phyag 'tshal nas// ci nas bzang po'i spyod pa bdag gis 'thob 'gyur bar/ / 'phags pas thugs rje bskyed de gdams shing bslab par gsol// bsod nams brgya pas brgyan pa'i dri med lag brkyang ste// 'od sprin dra ba rgya chen bzang po rab rton pas/ / nor bzangs spyi bor bzhag ste sems can rnam dag pa// spyan ras gzigs kyi dbang po mkhas pas tshig 'di smras// sangs rgyas sras po nga ni rnam thar gcig sgo shes/ / ye shes snying po rgyal ba kun gyi thugs rjes sdug/ 'gro ba thams cad bskyab cing yongs su bsdu phyir byung // kun tu bdag nyid rang la byams pa bzhin du rgyu// 'gro ba mang po thams cad sdug bsngal kun las skyob/ / gang rnams dam du bcings shing dgra lag phyin pa dang // lus la gzer cing de bzhin btson rar btsud pa yang // nga yi ming thos bcings shing bzir ba thar bar 'gyur// rgyal po dag la nyes pa'i g.yon byas gsad spangs pa/ / de tshe de dag nga yi ming yang dran 'gyur na// mda' 'phangs de yi lus la phog par mi 'gyur te// mtshon rnon btab kyang de dag mi 'dzug rgal bar 'gyur// dbang po'i 'khor du phyin dang gang rnams rtsod gyur pa/ / dgra rnams kun las rgyal 'gyur grags pa thob par 'gyur// grags dang grogs dang rigs dang nor rnams 'phel bar 'gyur// nga yi ming dran de dag
- 275b
thub pa med par 'gyur/ / gang gis nga yi ming ni rjes su dran byas pa// de dag rkun pos 'jigs dog dgras 'jigs nags phyin te// seng ge dom gzig gcan gzan g.yag rgod sbrul gang yang / dgra rnams kun las rgyal zhing 'jigs pa med par 'gyur// gang rnams la las nga yi ming zhig dran byas na// sdang ba'i sems kyis ri chen ljongs su bor gyur tam// sol mdag lci me rab tu 'bar bar bor gyur kyang / / me rnams pad+mos gang ba'i chu yi ge ter du 'gyur// nga yi ming ni skad 'ga' yud tsam rjes dran na// rgya mtsho'i chur bor de yi nang du 'chir mi 'gyur// chu bos mi khyer me yi dbus su 'tshig mi 'gyur/ / don med kun tu mi 'gyur don rnams 'grub par 'gyur// shing sgrog dbyig bcings lcags sgrog de bzhin ltung rnams dang // brnyas shing khyad bsad de bzhin brid cing bslas pa dang / / spros shing bsdigs te gshe dang sma phab rnam pa las// nga yi ming tsam dran par byas na thar pa thob// gang rnams shar gnyer sna tshogs glags lha ji snyed dang // gang rnams rtag tu zhe sdang mi snyan rjod pa'i rnams/ / nga yi ming thos dran byas snyan par rjod par 'gyur// mthong ba tsam gyis mod la byams pa'i sems kyang skye// nga yi ming tsam la la gang gis dran byas na// gnod pa'i don du ro langs sngags dang byad byed pa'i/ / dgra rnams rtag tu de yi zil gyis non par 'gyur// ma lus dug gis de yi lus la mi tshugs so// la las gang gis nga yi ming tsam dran byas na//
- 276a
klu dbang srin tshogs mkha' lding sha za thams cad dang // grul bum srul po 'tshe byed gtum pa'i sems ldan dang // mdangs 'phrog 'jigs byed rmi lam 'ong bdang zhi bar 'gyur/ / nga yi ming ni skad cig yud tsam dran byas kyang // pha dang ma dang gnyen bshes mdza' ba kun dang yang // 'bral bar mi 'gyur sdang dang 'grogs par de bzhin min// nor zad mi 'gyur ba phongs pa'i dngos su mi 'gyur ro// nga yi ming gi rjes su la la dran byed na// 'di nas shi 'phos mnar med sems dmya la mi 'gro ste// byol song skye gnas yi dgas mi khom gnas su min/ / sems can dag pa lha dang mi yi gnas su skye// nga yi ming ni la la gang gis dran byas na// dmus long zhar ba 'on pa zha bor mi 'gyur te// 'theng po long bar mi 'gyur gsal smra ba lta/ sdug 'gyur// bskal pa bye ba mang por dbang po kun ldan 'gyur// la la gang gis nga yi ming ni rjes dran na// sems can dag pa 'di nas shi 'phos phyogs bcu yi// 'jig rten khams su sangs rgyas mngon sum skye bar 'gyur/ / sangs rgyas mthong 'gyur de dag chos kyang thos par 'gyur// 'di dang de bzhin gzhan dag thabs mang ji snyed kyis// 'gro ba sems can nga 'dul gzhal dang zad mi nus/ / sangs rgyas sras po ngas ni rnam thar gcig bsgom te// yon tan can gyi yon tan thams cad ngas mi shes/ de'i tshe byang chub sems dpa' gzhan du mi 'gro ba zhes bya ba/
- 276b
shar phyogs nas nam mkha'i dbyings las 'ongs te mi mjed kyi 'jig rten gyi khams kyi khor yug gi rtse mor 'dug go/ byang chub sems dpa' gzhan du mi 'gro bas mi mjed kyi 'jig rten gyi khams khong yug gi rtse mo la rkang pa gnyis por ma thag tu/ mi mjed kyi 'jig rten gyi khams 'di rnam pa drug tu g.yos te rin po che du ma'i rang bzhin du kun nas gnas par gyur to// byang chub sems dpa' gzhan du mi 'gro ba des nyi ma dang zla ba'i 'od thams cad zil gyis non pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten gyi mgon po dang / me dang / rin po che dang / glog dang / skar ma'i 'od kyang zil gyis non pa de lta bu'i 'od lus las pa kye ste/ sems can dmyal ba chen po dag kyang snang bar byas/ byol song gi skye gnas dang gshin rje'i 'jig rten gyi lam gyi rgyud thibs po thams cad kyang snang bar byas te/ ngan song gi sdug bsngal thams cad kyang de ma thag tu zhi'o// sems can thams cad kyi nyon mongs pa'ang nyams su mi gnod par gyur to// mya ngan gyi zug rngu dang sdug bsngal sna tshogs kyang rtse zil bar gyur to/ / sangs rgyas kyi zhing 'di thams cad du'ang rin po che'i sprin gyi char phab ste/ me tog dang / spos dang / bdug pa dang / 'phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan gyi rgyan thams cad dang ldan pa'i mchod pa sna tshogs kyi sprin gyi char yang mngon par phab ste/ bcom ldan 'das gang
- 277a
na ba der song ngo / / de'i lus de'i gzugs brnyan ni sems can thams cad kyi gnas su snang ba ste/ bsam pa ji lta ba bzhin du sim par byed pa la mngon par gzhol bas/ ri gru 'dzin de la byang chub sems dpa' spyan ras gzigs kyi dbang po'i drung du'ang phyin par snang ngo / / de nas byang chub sems dpa' spyan ras gzigs kyi dbang pos/ tshong dpon gyi bu nor bzangs la 'di skad ces smras so/ / rigs kyi bu khyod kyis byang chub sems dpa' gzhan du mi 'gro ba 'khor gyi dkyil 'khor 'dir phyin pa mthong ngam/ smras pa/ 'phags pa mthong ngo // smras pa/ rigs kyi bu byang chub sems dpa' gzhan du mi 'gro ba'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig de nas tshong dpon gyi bu nor bzangs kyis/ byang chub sems dpa' spyan ras gzigs kyi dbang po'i rkang pa gnyis la spyi bos phyag 'tshal te/ byang chub sems dpa' spyan ras gzigs kyi dbang po la lan brgya stong du mar g.yas phyogs su bskor ba byas nas/ byang chub sems dpa' spyan ras gzigs kyi dbang po'i drung naso song ngo // de nas tshong dpon gyi bu nor bzangs/ byang chub sems dpa' spyan ras gzigs kyi dbang po'i ye shes kyi gting ma rnyed pa'i sems kyis/ spyan ras gzigs kyi dbang po bltas pas kyang mngoms bzhin du bsgo ba dang mi 'gal bar byang chub sems dpa'
- 277b
gzhan du mi 'gro ba gang na ba der song ste/ byang chub sems dpa' gzhan du mi 'gro ba'i rkang pa gnyis la spyi bos phyag 'tshal nas// mdun du 'dug ste thal mo sbyar nas 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol/ des smras pa/ rigs kyi bu nga ni byang chub sems dpa'i rnam par thar pa'i sgo kun tu 'gro ba thob pa'o// smras pa/ 'phags pa khyod kyi de bzhin gshegs pa gang gi zhabs kyi drung nas/ byang chub sems dpa'i rnam par thar pa sgo kun tu 'gro ba zhes bgyi ba 'di brnyes/ 'jig rten gyi khams de ni 'di nas ji srid cig na mchis/ 'jig rten gyi khams de nas bzhud nas ni ji srid cig lags/ smras pa/ rigs kyi bu gnas 'di ni lha dang / mi dang / lha ma yin du bcas pa'i 'jig rten dang / dge sbyong dang bram zer bcas pa'i skye dgus kyang shes par dka' ste/ deni byang chub sems dpa'i mthu dang / byang chub sems dpa'i brtson 'grus mi ldog pa dang / byang chub sems dpa'i spyod pa mi 'phrog pa'i yul te/ de ni rigs kyi bu dge ba'i bshes gnyen gyis yongs su ma zin pa
- 278a
sangs rgyas kyis ma dgongs pa/ dge ba'i rtsa ba ma bsags pa/ bsam pa yongs su ma dag pa/ byang chub sems dpa'i dbang po ma thob pa/ shes rab kyi mig dang mi ldan pa rnams kyis thos pa 'am/ yongs su gzung ba 'am/ yid ches pa 'am/ khong du chud par bya bar mi nus so// smras pa/ sangs rgyas kyi mthu dang dge ba'i bshes gnyen gyi gzungs kyis/ dad pa dang mos par bgyi na 'phags pas bdag la bka' mi stsal tam/ des smras pa/ rigs kyi bu nga ni shar phyogs kyi 'jig rten gyi khams dpal gyi snying po dang ldan pa/ de bzhin gshegs pa dpal kun nas yang dag par 'byung ba'i sangs rgyas kyi zhing nas 'ongs te/ de bzhin gshegs pa dpal kun nas yang dag par 'byung ba'i zhabs kyi drung nas/ ngas byang chub sems dpa'i rnam par thar pa sgo kun tu 'gro ba 'di thob bo/ / rigs kyi bu 'jig rten gyi khams dpal gyi snying po dang ldan pa de nas ngasong nas ni/ bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed cig 'das te/ sems bskyed pa re re zhing yang gom pa sangs rgyas kyi zhing brjod du med pa'i rdul shin tu phra ba snyed cig bor ro// gom pa re res kyang sangs rgyas kyi zhing brjod du med pa'i rdul shin tu phra ba snyed kyi sangs rgyas kyi zhing 'das te/ sangs rgyas kyi zhing de dag thams cad kyang de bzhin gshegs pa dang ldan par shes te/ sangs rgyas bcom ldan 'das de dag thams cad la'ang de bzhin gshegs pa'i mchod pa bla na
- 278b
med pa yid kyi rang bzhin chos nyid mngon par 'du bya ba med pa'i rgyas btab pa/ de bzhin gshegs pas gnang ba/ byang chub sems dpa'i dga' ba yongs su bskyed pas mchod pa byas so// 'jig rten gyi khams de dag na sems can gyi khams rgya mtsho ji snyed pa de dag thams cad kyang mthong ste/ de dag thams cad kyi sems rgya mtsho'ang khong du chud do// de dag thams cad kyi dbang po'i 'khor lo'ang yongs su shes shing bsam pa dang mos pa ji lta bzhin du gzugs kyi lus yongs su bstan to/ / chos kyi dbyangs rab tu bsgrags so// 'od kyi dkyil 'khor yongs su bkye'o// yo byad sna tshogs phun sum tshogs pas kyang nye bar sdud do/ / rang gi lus kyang de dag la byin gyis brlabs te/ de ni yongs su smin par bya ba dang gdul ba'i sbyor ba rgyun mi 'chad pa'i phyir ro// shar phyogs nas ji ltar 'ongs pa de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs nas kyang de bzhin te/ rigs kyi bu ngas ni byang chub sems dpa'i rnam par thar pa sgo kun tu 'gro ba zhes bya ba 'di shes par zad na/ ngas byang chub sems dpa' phyogs kun tu mngon par gzhol ba/ tha mi dad pa'i ye shes kyi yul dang ldan pa/ chos kyi dbyings thams cad du lus rnam par bkod pa/ sems can thams cad kyi bsam pa dang / mos pa ji lta ba bzhin du
- 279a
'thun par spyod pa/ zhing thams cad lus kyis rgyas par 'gengs pa/ chos thams cad kyi rgyud kyi rjes su song ba/ dus gsum gyi rgyud mnyam pa nyid du gyur pa/ chos kyi phyogs kyi rgyud dang mnyam pa nyid du gyur pa'i lus dang ldan pa/ 'gro ba pa'i rgyud thams cad du rnam par snang ba/ de bzhin gshegs pa'i rgyud thams cad la rnam par rtog pa med pa/ chags pa med pa'i rgyud thams cad khong du chud pa/ gnas med pa'i rgyud la rab tu gnas pa de dag gi spyod pa shes pa'am/ yon tan brjod par yang nus re skan/ song rigs kyi bu lho phyogs kyi rgyud 'di nyid na/ grong khyer sgo dang ldan pa zhes bya ba yod de/ de na lha lha chen po zhes bya ba'i lha 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ byang chub sems dpa' gzhan du mi 'gro ba'i rkang pa gnyis la spyi bos phyag 'tshal to// byang chub sems dpa' gzhan du mi 'gro ba la lan brgya stong du mar g.yas phyogs su bskor ba byas nas yang dang yang bstas te/ byang chub sems dpa' gzhan du mi 'gro ba'i drung nas song ngo // de nas tshong dpon gyi bu nor bzangs byang chub sems dpa'i spyod pa rgya chen po'i rjes su song ba'i sems dang ldan pa/ byang chub sems dpa' gzhan du mi 'gro ba'i ye shes kyi spyod yul 'dod pa'i ngang tshul can/ mngon par shes pa chen po mngon par bsgrub pa'i yul la yon tan gyi khyad par du lta ba/
- 279b
brtson 'grus brtan pa'i go cha rab tu dga' ba'i khyad par thob pa/ bsam gyis mi khyab pa'i rnam par thar pas rnam par rtse ba'i rjes su song ba'i bsam pa dang ldan pa de/ byang chub sems pa'i yon tan gyi sa la ni nan tan du byed/ ting nge 'dzin gyi sa la ni rnam par spod/ gzungs kyi sa la ni rab tu gnas par byed/ smon lam gyi sa la ni 'jug par byed/ tha dad pa yang dag par shes pa'i sa la ni rjes su slob/ stobs kyi sa la ni yongs su sgrub cing mthar gyis grong khyer sgo dang ldan pa gang na ba der song ste/ lha lha chen po kun tu dris pa dang / de la 'gro ba mang pos bstan pa/ rigs kyi bu 'de re/ lha lha chen po grong khyer gyi lam gyi bzhi mngon bdag nyid shin tu che bas sems can rnams la chos ston cing 'dug go/ de nas tsheng dpon gyi bu nor bzangs lha lha chen po gang na ba der song ste/ lha lha chen po'i rkang pa gnyis la spyi bos phyag 'tshal te/ mdun du 'dug ste thal mo sbyar nas 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol//
- 280a
lha lha chen pos lag pa bzhi phyogs bzhir brkyang ste/ rgya mtsho chen po bzhi las shin tu myur ba'i shugs kyis chu blangs te bdag gi gdong bkrus nas/ tshong dpon gyi bu nor bzangs la gser gyi me tog gis gtor te 'di skad ces smras so/ / rigs kyi bu byang chub sems dpa' rnams ni mthong bar shin tu dka' ba ste/ thos par yang rab tu dka' bo// skyes bu mchog gi me tog put+ta ri ka ni 'jig rten gyi phul du bya ba yin pas/ ngo mtshar rmad du byung ba yin te 'jig rten gyi gnas su gyur pa'o// 'gro ba'i rten du gyur pa'o// sems can rnams la snang ba chen po 'byin pa'o// lam rmongs pa rnams la lam bde ba ston pa'o/ / chos kyi tshul du gzud pa la mgon du gyur pa'o// thams cad mkhyen pa'i grong khyer du phyin par bya ba la ded dpon chen por gyur pa ste/ de la kho bo 'di snyam du sems so// byang chub sems dpa' sems dpa' chen po rnams kyi ming ni sems dri ma med pa rnams la rang gi lus kyi gzugs brnyan ston cing / lus rnam par dag pa rnams la mngon par snang ba dang / ngag gi nyes pa spangs pa rnams dbyangs kyi snang ba yongs su gnon par byed pa dang / bsam pa dag pa rnams la dus thams cad du mngon sum du gyur par gnas pas lta ba dran pa 'dzem pa yin par bsams so// rigs kyi bu kho bos ni byang chub sems dpa'i rnam par thar pa sprin gyi dra ba thob pa'o/ / smras pa/ 'gags pa byang chub sems dpa'i rnam par thar pa sprin gyi dra ba de'i yul ji lta bu zhig mchis/ de nas lha lha
- 280b
bos tshong dpon gyi bu nor bzangs kyi mdun du ri chen po tsam gyi gser gyi phung po dang / dngul gyi phung po dang / bai DUR+Ya'i phung po dang / shel gyi phung po dang / mu sa ra gal ba'i phung po dang / asma gar ba'i phung po dang / nor bu rin po che dang gis snang ba'i phung po dang / nor bu rin po che dri ma med pa snying po'i phung po dang / nor bu rin po che rnam par snang ba'i phung po dang / nor bu rin po che phyogs kun tu mngon pa'i phung po dang / gtsug gi nor bu rin po che dang / cod pan gyi phung po dang / nor bu rin po che sna tshogs kyi se mo do'i phung po dang / dpung rgyan gyi phung po dang / rna cha'i rgyan gyi phung po dang / gdu bu'i phung po dang / ska rags kyi phung po dang / dang gdub kyi phung po dang / mu tig dmar po'i dra ba'i phung po dang / nor bu rin po che sna tshogs kyi phung po dang / yan lag dang nying lag thams cad kyi rgyan gyi phung po dang / nor bu rin po che yid bzhin gyi rgyal po'i phung po dang / me tog thams cad dang / spos thams cad dang / bdug pa thams cad dang / 'phreng ba thams cad dang / byug pa thams cad dang / phye ma thams cad dang / gos thams cad dang / gdugs thams cad dang / rgyal mtshan thams cad dang / lha'i ba dan thams cad dang / rol mo brdung ba thams cad dang / rol mo dkrol ba thams cad dang / 'dod pa'i yul thams cad dang / bu mo bye ba brgya stong grangs med pa dag kyang nye bar bsten nas/ tshong dpon gyi bu nor bzangs la 'di skad ces smras so// rigs kyi bu 'di dag las khyer la sbyin pa mang po ni byin cig/ bsod nams mang po ni gyis shig/
- 281a
de bzhin gshegs pa rnams la ni mchod cig/ sems can mang po ni sbyin pas bsdu ba'i dngos pos yongs su bsdus te/ gtong ba'i pha rol tu phyin pa la khod cig/ 'jig rten ni sbyin pa la spobs shig/ gtang bar dka' ba yongs su gtong ba ni ston cig/ rigs kyi bu khyod la kho bos ji ltar yo byad kyi rnam pas bstud pa 'di bzhin du sbyin pa'i bsam pa dang ma bral ba'i sems can chan med pa dag gis bsam pa'i rgyu kyang gtong bas yongs su slob byed do/ / sangs rgyas dang / chos dang / dge 'dun dang / byang chub sems dpapa dang / dge ba'i bshes sa/ rnams la'ang dge ba'i rtsa ba bskyed cing / bla na med pa yang dag par rdzogs pa'i byang chub tu yang dag par skul ba byed do// rigs kyi bu gzhan yang kho bo ni sems can 'dod pa'i dga' bas myong ba yul gyi longs spyod la yongs su chags pa rnams la yul de dag mi sdug par byin gyis rlob bo/ / khro bas non pa dang / nga rgyal can dang / rgyags shing dregs pa dang / rlom pa tshar gcad pas 'dul ba rnams la ni gtum zhing srin po ltar mi sdug la 'jigs pa'i lus sha za khrag 'thung ba'i tshul dang ldan par bstan te/ rlom pa dang snyems pas 'khrugs pa de dag thams cad zhi bar byed do/ / le lo can brtson 'grus bor ba'i sems can rnams la ni me dang / chu dang / rgyal po dang / rkun po dang / gnod pa'i 'jigs pa yongs su bstan cing skyo bar bya ste brtson 'grus
- 281b
com pa la 'god par byed de/ de ltar thabs de dang de dag gis pha rol tu phyin pa thams cad kyi phyogs dang mi mthun pa rab tu gzhom pa dang / pha rol tu phyin pa thams cad kyi tshogs bsags pa dang / sgrib pa'i ri'i g.yangs sa'i lam thams cad las yang dag par bzla ba dang / sgrib pa med pa'i chos la gzud pa'i phyir mi dge ba thams cad las rnam par bzlog ste/ dge ba thams cad phun sum tshogs pa la yang dag par dgod par byed do/ / rigs kyi bu kho bo'i ni byang chub sems dpa'i rnam par thar pa sprin gyi dra ba 'di shes par zad na/ kho bos byang chub sems dpa' dbang po ltar nyon mongs pa'i lha ma yin rab tu 'jom pa/ chu ltar 'gro ba thams cad kyi sdug bsngal gyi me'i phung po zhi bar byed pa/ me'i phung po ltar 'gro ba thams cad kyi sred pa'i chu skems pa/ rlung ltar 'dzin pa'i mngon par chags pa thams cad kyi ri rnam par 'thor ba/ rdo rje ltar bdag gi 'du shes sra ba'i brag rab tu snyil ba de dag gi spod pa shes pa'am/ yon tan brjod par nus re skan/ song rigs kyi bu 'dzam bu'i gling 'di nyid kyi yul ma ga d+ha'i snying po byang chub na sa'i lha mo brtan ma zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ lha lha chen po'i rkang pa gnyis la spyi bos phyag 'tshal te/ lha lha chen po la lan brgya stong du mar g.yas
- 282a
phyogs su bskor ba byas nas yang dang yang du bltas te/ lha lha chen po'i drung nas song ngo // de nas tshong dpon gyi bu nor bzangs mthar gyis yul ma ga d+ha'i snying po byang chub tu sa'i lha mo brtan ma gang na ba der song ba dang / de 'gro ba'i tshe sa'i lha mo brgya stong phrag bcu gcig la gcig 'di skad ces 'dzer to// sems can thams cad kyi rten du 'gyur ba zhig ni 'di nas tshur 'ong ngo // de bzhin gshegs pa'i snying po can sems can thams cad kyi ma rig pa'i sgo nga'i sbubs 'dral bar 'gyur ba zhig ni 'di nas tshur 'ong ngo // chos kyi rgyal po'i rigs su byung ba chags pa med cing dri ma med pa'i chos kyi rgyal po'i go ba phang dam pa 'thob par 'gyur ba zhig ni 'di nas tshur 'ong ngo / / ye shes kyi mthu bo che rdo rje'i mtshon cha can dpa' bo phas kyi rgol ba'i 'khor thams cad rab tu 'dul ba zhig ni 'di nas tshur 'ong ngo zhes nas/ de'i modado la lha mo brtan ma la sogs pa sa'i lha mo brgya stong phrag bcus sa chen po rab tu bskyod de/ babrug sgra zab mo lta bu'i rgya chen po grags par byas nas/ stong gsum gyi stong chen po'i 'jig rten gyi khams 'od chen pos snang bar byas te/ lus rin po che'i rgyan dang lhab lhub thams cad kyis shin tu brgyan nas/ glog gi 'phreng ba'i tshogs nam mkha'i dbyings las 'gyu zhing snang ba lta bu sha stag tu byas te/ shing thams cad kyi myu gu ni skye bar byed/ me tog gi shing thams cad ni kha 'bu bar byed/ chu klung gi rgyun thams cad ni 'bab par byed/ mtsho dang / mtshe'u dang / lum thams cad ni rgyas par byed/ spos chu'i char pa
- 282b
ni rab tu 'bab par byed/ me tog gi sprin rab tu 'thor ba'i rlung chen po ni ldang bar byed/ sil snyan bye ba khrag khrig brgya stong ni rab tu sgra sgrogs par byed/ lha rdzas kyi gzhal med khang dang rgyan gyi tshogs mang po na rab tu 'khrol bar byed/ baglang dang / khyu mchog dang / glang po dang / stag dang / ri dgas kyi dbang po ni rab tu sgra 'byin par byed/ lha dang / lha ma yin dang / klu dang / 'byung po'i dbang po rnams ni 'brug sgra ba byin par byed/ ri'i dbang po chen po rnams ni phan tshun thug par byed/ gter gyi tshogs bye ba brgya stong ni mngon 'byung bar byed cing sa'i 'og nas 'thon to// de nas sa'i lha mo brtan mas tshong dpon gyi bu nor bzangs la 'di skad ces smras so/ / rigs kyi bu khyod 'dir 'ongs pa legs so// sa'i phyogs 'di ni sngon khyod kyi gnas su gyur te/ kho mo'i mngon sum du dge ba'i rtsa ba bskyed pa yin na/ de'i rnam par smin pa'i phyogs 'ga' tsam lta bar 'dod dam/ de nas tshong dpon gyi bu nor bzangs kyis/ sa'i lha mo brtan pa'i rkang pa gnyis la spyi bos phyag 'tshal te/ sa'i lha mo brtan ba la lan brgya stong du mar g.yas phyogs su bskor ba byas nas/ sa'i lha mo brtan pa'i mdun du 'dug ste thal mo sbyar nas 'di skad ces smras so// 'phags ma 'tshal lo// de nas sa'i lha mo brtan pas rkang pa'i mthil gyis sa chen po la brdabs te/ rin po che'i gter bye ba brgya stong grangs med pas rab tu brgyan pa bstan nas 'di skad ces smras so// rigs kyi bu rin po che'i gter bye ba khrag khrig brgya
- 283a
stong 'di dag kyang khyod kyi rjes su 'brang ba'o/ / khyod kyi sngon du 'gro ba'o// khyod kyis ci dgar spyad pa'o// khyod kyi bsod nams kyi rnam par smin pa las byung ba'o// khyod kyi bsod nams kyi stobs kyis bsrungs pa'o/ / 'di las long ste/ khyod kyis ci dgos pa de dag gyis shig/ rigs kyi bu gzhan yang kho mo ni byang chub sems dpa'i rnam par thar pa ye shes thub par dka' ba'i snying po can thob pa ste/ de ltar kho mo byang chub sems dpa'i rnam par thar pa 'di dang ldan pas/ de bzhin gshegs pa mar me mdzad tshun chad du byang chub sems dpa'i rjes su 'brang zhing rtag tu srung ba la zhugs pa ste/ de tshun chad du rigs kyi bu kho mo ni byang chub sems dpa'i sems kyi spyod pa la rnam par spyod do/ / ye shes kyi yul la 'jug go// smon lam gyi dkyil 'khor khong du chud par byed do// byang chub sems dpa'i spyod pa rnam par dag pa rjes su rtogs par byed do/ / ting nge 'dzin thams cad kyi tshul gyi rjes su 'brang ngo // byang chub sems dpa'i mngon par shes pa thams cad dang sems rgya chen pos rgyas par 'gengs so// byang chub sems dpa' thams cad kyi stobs kyis dbang sgyur ba dang / zhing gi dra ba thams cad rgyas par dgang ba dang / de bzhin gshegs pa thams cad kyis lung bstan pa yang dag par mnod pa dang / dus thams cad du mngon par 'tshang rgya ba yang dag par bstan pa dang / chos kyi 'khor lo bskor ba'i tshul thams cad dang / mdo sde yang dag par brjod pa'i chos kyi sprin gyi tshul thams cad dang / chos snang ba chen pos snang bar bya ba'i
- 283b
tshul dang / sems can thams cad yongs su smin par bya ba'i tshul dang / sangs rgyas kyi rnam par 'phrul pa thams cad yang dag par bstan pa'i tshul yang rjes su rtogs par byed do// yang dag par 'dzin to// yang dag par nod do// rigs kyi bu byang chub sems dpa'i rnam par thar pa ye shes thub par dka' ba'i snying po can 'di 'ang bskal pa ri rab kyi rdul shin tu phra ba snyed kyi pha rol de'i yang pha rol cig tu/ 'jig rten gyi khams zla ba'i rgyal mtshan zhes bya bar bskal pa snang bas rnam par brgyan pa la/ de bzhin gshegs pa spyan bzang po las thob ste/ rigs kyi bu de ltar kho mo byang chub sems dpa' rnam par thar pa ye shes thub par dka' ba'i snying po can 'di la yongs su dpyod dpyod/ rnam par dpyod dpyod/ shin tu dpyod dpyod/ yang dag par 'phel bar byed de/ shin tu rgyas par byed byed pas// bskal pa bzang po la thug gi bar du de bzhin gshegs pa mthong ba dang ma bral lo/ / de srid kyi bar gyis kho mo de bzhin gshegs pa dgra bcom pa yang dag par rdzogs pa'i sangs rgyas sangs rgyas kyi zhing brjod du med pa'i yang brjod du med pa'i rdul shin tu phra ba snyed cig bsnyen bkur to/ / de bzhin gshegs pa de dag thams cad snying po byang chub tu gshegs pa'i rnam par 'phral pa'ang mthong ste/ kho mo ni de bzhin gshegs pa de dag thams cad kyi dge ba'i rtsa ba mngon sum du mthong ba'o/ / rigs kyi bu kho mos byang chub sems dpa'i rnam par thar pa ye shes thub par dka' ba'i snying po can 'di shes par zad na/
- 284a
kho mos byang chub sems dpa' de bzhin gshegs pa thams cad kyi zham ring du 'brang ba/ sangs rgyas thams cad kyi gsung gi rjes su 'brang ba/ de bzhin gshegs pa'i ye shes 'jug par dka' ba la rab tu zhugs pa/ sems kyi skad cig gis chos kyi dbyings thams cad rgyas par 'gengs pa'i shugs dang ldan pa/ de bzhin gshegs pa dang mnyam pa nyid du gyur pa'i lus dang ldan pa/ sangs rgyas thams cad kyi dgongs pa dri ma med pa'i snying por gyur pa/ sangs rgyas byung ba thams cad du rtag tu mngon par bsgrubs pa/ sangs rgyas kyi 'phrin las tha mi dad pa'i pho nyar gyur pa de dag gi spyod pa shes pa 'am/ yon tan brjod par nus re skan/ song rigs kyi bu 'dzam bu'i gling 'di nyid kyi yul ma ga d+ha zhes bya ba na/ grong khyer ser skya'i gnas shes bya ba yod de/ de na mtshan mo'i lha mo dpyid dang ldan pa zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshed dpon gyi bu nor bzangs kyis/ sa'i lha mo brtan pa'i rkang pa gnyis la spyi bos phyag 'tshal te/ sa'i lha mo brtan pa la lan brgya stong du mar g.yas phyogs su bskor ba byas nas yang dang yang bltas te/ sa 'i lha mo brtan pa'i drung nas song ngo / / de nas tshong dpon gyi bu nor bzangs/ sa'i lha mo brtan pa'i gdams ngag rjes su dran par byed cing / byang chub sems dpa'i rnam par thar pa ye shes thub
- 284b
par dka' ba'i snying po can de rjes su dran par bya ba dang / byang chub sems dpa'i ting nge 'dzin bsgom pa de rab tu goms par bya ba dang / byang chub sems dpa'i chos kyi chu la de'i rjes su bsam pa dang / byang chub sems dpa'i rnam par thar pas rnam par rtse ba de la rnam par dpyad pa dang / byang chub sems dpa'i rnam par thar pa'i ye shes shin tu phra ba de la rnam par blta ba dang / byang chub sems dpa'i rnam par thar pa'i ye shes rgya mtsho de la 'jug par bya ba dang / byang chub sems dpa'i rnam par thar pa'i ye shes tha dad pa de la yid ches par bya ba dang / byang chub sems dpa'i rnam par thar pa'i ye shes shin tu spang ba de rjes su rtogs par bya ba dang / byang chub sems dpa'i rnam par thar pa'i ye shes rgya mtsho de la 'bab par bya ba byed cing / grong khyer chen po ser skya'i gnas gang na ba der byin te/ grong khyer chen po ser skya'i gnas la g.yas phyogs su bskor nas shar phyogs logs kyi grong khyer gyi sgo nas song ste/ nyi ma nub nas ring po ma lon pa zhig tu grong khyer gyi lam gyi sum mdo'i dbus shig na/ byang chub sems dpa'i gdams ngag 'thun par len pa de/ mtshan mo'i lha mo dpyid dang ldan pa mthong bar 'dod cing / dge ba'i bshes gnyen yod na sangs rgyas kyi ye shes 'thob par 'gyur bar nges pa'i blo gros dang ldan pa/ ye shes kyi mig kun tu lta ba'i yul gyi rang bzhin gyi byin gyi rlabs dang ldan pa/ phyogs thams cad du mngon par gzhol zhing dge ba'i bshes gnyen blta ba'i sems kyis mos pa dang / ye shes chen po snying por gyur pa'i 'du
- 285a
shes kyi sems dang ldan pa/ dmigs pa thams cad la rab tu zhugs pa'i ye shes kyi mig dang ldan la/ chos kyi dbyings kyi tshul thams cad du ye shes rgya mtsho 'byam klas pas rgyas par 'gengs pa dang ldan pa'i ting nge 'dzin gyi mig gis phyogs thams cad du shes bya'i rgya mtsho la rnam par lta ba/ ye shes chen po'i mig 'thob par bya ba la rab tu gzhol zhing bsam pa rtse gcig tu bzhag nas 'dug 'dug pa dang / mtshan mo'i lha mo dpyid dang ldan pa de grong khyer chen po ser skya'i gnas kyi steng gi nam mkha'i dbyings la/ nor bu rin po che sna tshogs dpe med pa'i khang pa brtsegs pa zhig na/ rin po che'i seng ge'i khri chen po spos zhim po thams cad kyi pad+mo'i snying po can zhig la/ lus kyi mdog gser gyi kha dog tu 'dug pa/ sgra 'jam zhing mngal mthon mthing du 'dug pa/ mig dkar nag 'byes pa/ gzugs bzang pashin tu mdzes pa/ blta na sdug pa/ lus rgyan dang lhab lhub thams cad kyis klubs shing brgyan pa/ kha dog bsgyur ba'i gos bgos pa/ tshangs pa'i gtsug tor gyi cod pan zla ba'i dkyil 'khor gyis brgyan pa thogs pa/ lus la rgyu skar dang / gza' dang / skar chen dang / skar ma'i tshogs thams cad kyi gzugs brnyan snang bar gyur pa 'dug par mthong ngo // des sems can gyi khams yangs par mi khom pa dang / ngan song dang / ngan 'gro dang / log par ltung ba nas/ sems can ji snyed cig yongs su bkrol ba de dag thams cad kyang de'i ba spu'i sbubs su chud par mthong ngo // ji snyed cig mtho
- 285b
ris kyi 'jig rten du bkod pa dang / ji snyed cig nyan thos dang / rang sangs rgyas kyi byang chub dang / thams cad mkhyen pa nyid du yongs su smin par byas pa de dag thams cad kyang de'i ba spu'i sbubs su chud par mthong ngo / / lus mngon par bsgrub pa dang / gzugs mngon par bsgrub pa dang / kha dog mngon par bsgrub pa'i thabs sna tshogs kyis ji snyed cig yongs su smin par byas pa de dag kyang de'i ba spu'i sbubs su chud par mthong ngo / / nga ro mngon par bsgrub pa dang / dbyangs kyi yan lag mngon par bsgrub pa dang / skad kyi tshul sna tshogs yongs su sbyar ba ji snyed cig gis yongs su smin par byas pa de dag kyang de'i ba spu'i sgo nas rjes su brjod pa thos so/ / dus mngon par bsgrub pa dang / bsam pa dang mos pa ji lta ba bzhin du sems can gyi rjes su 'brang bar bya ba dang / byang chub sems dpa'i spyod pa dang / byang chub sems dpa'i rnam par gnon pa dang / byang chub sems dpa'i ting nge 'dzin gyis rnam par 'phrul pa'i sgo dang / byang chub sems dpa'i khyu mchog gi mthu phyung ba dang / byang chub sems dpa'i rnam par spyod pa dang / byang chub sems dpa'i yongs su lta ba dang / byang chub sems dpa'i rnam par lta ba dang / byang chub sems dpa'i rnam par 'phrul pa dang / byang chub sems dpa'i skyes bu seng ge chen po'i rnam par bsgyings pa dang / byang chub sems dpa'i rnam par thar pas rnam par rtse ba ji snyed cig gis des sems can yongs su smin par byas pa de dag kyang / de'i ba smra'i sbubs su chud par mthong ngo // des thabs sku/
- 286a
tshogs dang ldan pa'i chos kyi tshul rgya mtsho de dag mthong zhing thos nas dga' rangs te mgu zhing nyams bde la/ tshim zhing yid bde ba skyes nas/ mtshan mo'i lha mo dpyid dang ldan pa de la lus thams cad kyis phab nas phyag 'tshal te langs nas/ mtshan mo'i lha mo dpyid dang ldan pa lalan brgya stong du mar g.yas phyogs su bskor ba byas nas/ mtshan mo'i lha mo dpyid dang ldan pa'i mdun du 'dug ste/ thal mo sbyar nas 'di skad ces smras so// lha mo bdag gis bla na med pa yang dag par rdzogs pa'i byang chub tu sems bskyed de/ de ltar bdag gis dge ba'i bshes gnyen gyi byin gyi rlabs kyis sangs rgyas kyi yon tan thams cad 'byung bar yang dag par mthong bas/ dge ba'i bshes gnyen gyi phyag tu bdag nyid bor ba lags na/ lha mo shul gang la brten na byang chub sems dpa' stobs bcu'i sar 'byung bar 'gyur ba'i thams cad mkhyen pa'i shul bdag la bshad du gsol/ de skad ces smras pa dang / mtshan mo'i lha mo dpyid dang ldan pas/ tshong dpon gyi bu nor bzangs la 'di skad ces smras so/ / rigs kyi bu de ltar khyod dge ba'i bshes gnyen gyi byin gyis non te/ dge ba'i bshes gnyen gyi tshig mnyan par 'dod pa dang / dge ba'i bshes gnyen gyi gdams ngag la nan tan du byed pa legs so legs so/ / rigs kyi bu khyod ni de ltar dge ba'i bshes gnyen gyi gdams ngag la nan tan du byed pas/ gdon mi za bar bla na med pa yang dag par rdzogs pa'i byang chub tu nye bar 'gyur ro// rigs kyi bu kho
- 286b
mo mo byang chub sems dpa'i rnam par thar pa sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo thob paste/ bsam pa mi mnyam pa dang ldan pa sems can rnams la byams pa'i sems dang ldan pa'o/ / mi dge ba'i las kyi lam la zhugs pa rnams la snying rje'i sems dang ldan pa'o// dge ba'i las kyi lam la zhugs pa rnams la dga' ba'i sems dang ldan pa'o/ / sems mnyam pa dang mi mnyam par ldan pa'i sems can rnams la mi gnyis pa'i sems dang ldan pa'o// kun nas nyon mongs pa rnams la rnam par spang ba'i sems dang ldan pa'o/ / nyam nga bar gyur pa rnams la yang dag par zhugs pa'i sems dang ldan pa'o// dma' ba la mos pa rnams la yangs pa la mos pa yongs su bskyed pa'i sems dang ldan pa'o// dbang po zhum pa rnams la brtson 'grus chen po'i shugs rnam par spel ba'i sems dang ldan pa'o/ / 'khor ba la mngon par mos pa rnams la 'khor ba'i rgyud kyi 'khor lo las rnam par bzlog pa'i sems dang ldan pa'o// nyan thos dang rang sangs rgyas kyi theg pa la mngon par mos pa'i sems can rnams la thams cad mkhyen pa nyid kyi lam la dgod pa'i sems dang ldan pa'o/ / rigs kyi bu de ltar kho mo de lta bu'i sems dang yid la bya bar ldan la/ byang chub sems dpa'i rnam par thar pa sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di dang yang ldan pas/ sems can gang ji snyed cig mun nag smag tu gyur pa'i nam la
- 287a
mi ni nyal bar gyur/ 'byung po'i tshogs ni rgyu bar gyur/ rkun chom mang pos ni rgyas par gyur/ sems can mi bsrun pa'i tshul can ni phyogs su chu bar gyur/ sprin stug po nag pos ni kun nas khebs par gyur/ dud pa dang rdul gyi tshogs kyis ni kun nas 'grigs par gyur/ rdzi char mi bzad pas ni rab tu btags par gyur/ zla skar gyi tshogs ni mi snang bar gyur/ mig gis bya ba'i mthu ni med par gyur pa'i mun pa la/ sems can gang ji snyed cig rgya mtsho la spyod dam/ thang la spyod dam/ ri la spyod dam/ nags tshal gzhan na spyod dam/ yul gzhan na spyod dam/ grong gzhan na spyod dam/ phyogs gzhan na spyod dam/ phyogs mtshams gzhan na spyod dam/ lam gzhan na spyod kyang rung ste/ rgya mtsho la spyod spyod pa las gru bub par gyur pa'am/ thang la spyod spyod pa las nyam nyes pa 'am/ ri la spyod spyod pa las g.yang sa chen por lhung bar gyur pa'am/ 'brog dgon pa la spyod spyod pa las kha zas kyis 'phongs par gyur pa 'am/ nags tshal thibs por spo'i zang zing la thogs pa 'am/ tshul ma yin pa'i nyam nyes shig tu gyur tam/ yul gzhan na spyod spyod pa las chom pos bcom pa 'am/ grong gzhan na spyod spyod pa las mi bsrun pa'i tshul can gyis gtses pa 'am/ phyogs gzhan na spyod spyod pa las 'brog rmis pa'am/ phyogs mtshams gzhan na spyod spyod pa las mgo rmongs pa 'am/ lam gzhan na spyod spyod pa las nyi zhor gyur kyang rung // rigs kyi bu kho mo ni sems can de lta bu dag la thabs sna tshogs kyi sgo nas skyabs su gyur par byed
- 287b
pa ste/ 'di ltar rgya mtsho chen po la spyod spyod pa rnams kyi rlung sprin nag po gtor ba dang / chub rnyog pa gdang ba dang / rlung mi bzad pa'i dkyil 'khor bzlog pa dang / rlabs kyi shugs chen po zhi bar bya ba dang / slong gi 'jigs pa las thar par bya ba dang / phyogs bstan pa dang / chu'i lam legs par dmigs pa dang / 'gram bstan pa dang / rin po che'i gling du phyin par bya ba'i phyir lam yongs su ston te/ yongs su blud pa'i gzugs dang / ded dben gyi gzugs dang / rta'i rgyal po chen pa ngos chen gyi gzugs dang / glang ba'i rgyal pa'i gzugs dang / rus sbal gyi rgyal po'i gzugs dang / lha ma yin gyi rgyal po 'i gzus dang / nam mkha' lding gi rgyal po'i gzugs dang / mi 'am ci'i rgyal po'i gzugs dang / lto 'phye chen po'i rgyal po'i gzugs dang / rgya mtsho'i lha'i gzugs dang / mnyan pa'i gzugs kyis skyabs su gyur par byed do/ / dge ba'i rtsa ba de'ang 'di ltar sems can thams cad sdug bsngal gyi phung po thams cad las yongs su bzlog pa'i phyir skyabs su gyur par shog cig ces yongs su sngo'o// thang la spong pa'i sems can mun pa chen po shin tu gnas pa'i nam la/ sa gzhi 'od ma dang / tsher ma dang / gseg ma dang / gyo mos gang ba/ sbrul gdug pa gtum po shin tu mang ba thag thug dang mi bde ba'i lam can rdul dang phyag dar shin tu 'thul ba/ rdzi char drag pos btags pa/ tsha ba dang grang ba'i sdug bsngal yod pa/ sbrul dang gcan gzan gyis bag tsha ba yod pa/ thong mi dang chom po rgyu bar gyur pa zhig la/ mgo 'khor bar gyur pa'i
- 288a
sems can rnams la nyi ma'i gzugs dang / zla ba'i gzugs dang / skya rengs 'char ba'i gzugs dang / skar mda' chen po'i gzugs dang / glog gi 'breng ba 'byung ba'i gzugs dang / rin po che'i 'od kyi gzugs dang / gza'i 'khor gyi gzugs dang / rgyu skar dang skar ma'i tshogs kyi gzhal med khang gi 'od kyi gzugs dang / lha'i gzugs dang / byang chub sems dpa'i gzugs kyis skyabs su gyur pa byed do/ / sems kyang dge ba'i rtsa ba 'dis nyon mongs pa'i mun pa thams cad rnam par bsal ba'i phyir sems can thams cad kyi skyabs su shog cig par skyed do// ri'i g.yang sa la spyod cing 'chi bas 'jigs skrag pa rnams kyi srog dbyung ba dang / grags pa 'dod pa'i dbang du gyur pa dang / snyan pa dang / sgra'i rgyal mtshan 'dod pa dang / longs spyod tshol ba dang / 'dod pa'i zil gyis non pa dang / yo byad yongs su btsal ba la brtson pa dang / 'jig rten gyi phun sum tshogs pa 'dod cing brtson pa dang / bu dang chung ma gtong mi phod pas thogs par gyur pa dang / lta ba'i thibs por 'khyams pa dang / sdug bsngal dang / 'jigs pa sna tshogs kyis gtses pa rnams la'ang thabs sna tshogs kyi sgo nas skyabs su gyur par byed de/ 'di ltar ri'i phug dang bya skyibs mngon par bsgrub pa dang / shing thog dang rtsa ba bzar rung ba mngon par bsgrub pa dang / chu'i lam dang chu mig mngon par bsgrub pa dang / tsha ba dang grang ba'i gnyen po mngon par bsgrub pa dang / yang dag pa'i lam bstan pa dang / ka la bing
- 288b
ka'i sgra skad bsgrags pa dang / rma bya'i rgyal po skad la byin pa'i dbyangs dang / sman la bar bas snang ba'i gzugs dang / ri'i lha'i 'od kyi gzugs dang / ri'i bug dang / su ba dang / stongs su drug ste/ bsngal sna tshogs kyis gtses pa'i sems can rnams kyi mun pa'i rab rib rnam par bsal ba dang / sa'i gzhi mnyam par mngon par bsgrub pas skyabs su gyur par byed de/ sems can ji ltar bdag gis sems kyang ri la spod pa 'di dag yongs su bskyabs pa de bzhin du/ 'khor ba'i ri'i lam rgyud g.yang sa la gnas shing rga shi'i gdon gyis zin pa de dag gi skyabs su'ang bdag gyur par shog cig par bskyed do/ / nags tshal thibs po'i dra bas thogs pa'i sems can mtshan mo mun pa'i mun nag gis chod de/ shing dang shing phran 'dzings pa'i gseb shin tu nyam nga ba dang / chu dang / rtsa dang / sdong po dang / 'khri shing gis lam chod pa dang / shing dang shing phan sna tshogs kyi nags tshal thibs po'i nang du phyin te/ stag gi sgra thos pas skrag pa'i snying can/ don ma grub pas sems 'khrugs par gyur pa dang / 'jigs ba dang / 'tshe ba dang / mi dga' ba sna tshogs kyis nyams mi bde ba/ nags tshal stug po nas 'byung ba'i phyogs mi shes pa rnams la/ kho mo ni bde bar 'gro ba'i lam yongs su ston par byed de/ sems kyang 'di ltar dge ba'i rtsa ba 'dis sems can lta ba thibs po sna tshogs la gnas pa/ sred pa'i dra bas 'khris par gyur pa/ 'khor ba'i sdug bsngal sna tshogs kyis gtses pa rnams sdug
- 289a
bsngal thams cad las yongs su 'grel par shog cig par skyed do/ / 'brog dgon pa la spyod pa'i sems can mun pa'i nang na 'thom pa rnams kyang thabs kyi sgo sna tshogs kyis bde ba yongs su bskyed cing lam bstan te/ de dag 'jigs pa med pa dang bde ba la rab tu bkod pa nas/ sems kyang dge ba'i rtsa ba 'dis sems can 'khor ba'i 'brog dgon pa na 'thom pa/ ngan song thams cad kyi lam du zhugs pa rnams sdug bsngal thams cad las yongs su bkrol te/ shin tu phun sum tshogs pas bde ba'i thams cad mkhyen pa'i lam la rab tu dgod par bya ba shog cig par bskyed do// rigs kyi bu yul dang ljongs la chags pa'i sems can mngon par chags pa'i rgyu las byung ba'i sdug bsngal nyams su myong bar gyur pa rnams la'ang / kho mo ni skyo bar bya ba'i thabs sna tshogs kyis yul la mngon par chags pa de las gyen du skyed par byed de/ sems kyang 'di ltar dge ba'i rtsa ba 'dis sems can thams cad phung po la mngon par chags pa las gyen du bskyod de/ gnas med pa'i thams cad mkhyen pa'i ye shes la dgod par bya bar shog cig par bskyed do/ / rigs kyi bu kho mo ni grong na spyod pa'i sems can khyim dang gnas kyi bcing bas glags pa rnams mtshan mo mun pa nag pa shin tu gnag pas chod pa'i nang na/ khyim gyi don sna tshogs nyams su gnod pas sdug bsngal bar gyur pa rnams kyang skyo bar 'gyur ba'i sgo sna tshogs kyis skyo bar byas te/ chags pa med pa'i sems yongs su bskyed nas/ chos
- 289b
kyi sbyin pas yongs su bzung ste/ tshim par byas nas rten pa med pa'i chos la bkod de/ sems kyang 'di ltar dge ba'i rtsa ba 'dis sems can skye mched drug gi grong la gnas pa rnams 'khor ba'i lam gyi rgyud kyi spyod yul las gyen du bskyod de/ thams cad mkhyen pa'i ye shes kyi spyod yul la dgod par bya bar shog cig par skyed do// rigs kyi bu gang yang mtshan mo mun pa shin tu gnag pa'i nang na/ shar phyogs la sogs pa'i phyogs dang / phyogs mtshams re rer phyogs bslad par gyur pa/ sa'i phyogs mnyam pa la mi mnyam pa'i g.yang sar 'du shes pa dang / sgang bu la gshong du 'du shes par gyur te/ phyogs kyi lam dngas tshod la mgo 'khor bar gyur pa de dag la'ang / kho mo ni thabs sna tshogs kyis snang bar byas te/ phyir 'byung ba rnams la ni sgo yongs su ston to// rtal bar 'dod pa rnams la ni mu stegs yongs su ston to// rgyal bar 'dod pa rnams la ni gru yongs su ston to// khyim du 'gro bar 'dod pa rnams la ni khyim yongs su ston to// rnam par lta ba 'dod pa rnams la ni phyogs yongs su ston to// sa'i gzhi mtho ba dang dma' ba yongs su ston to/ / sa'i gzhi phyogs mnyam pa dang mi mnyam pa dang gzugs kyi rnam pa sna tshogs kyang yongs su ston to// lam gyis dub pa rnams la grong dang / grong khyer dang / ljongs dang / khams dang / rgyal po'i pho brang 'khor yang yongs su ston to// tsha ba dang skom pas mnar ba rnams la'ang mtsho dang / mtshe'u dang / lu ma dang / rdzing dang / rdzing bu dang / chu klung dang / nags tshal dang /
- 290a
bzab shing ki ra ba dang / kun dga' yid du 'ong ba yongs su ston to// sdug pa dang bral zhing zad par 'dod pa rnams la pha dang / ma dang / bu dang / chung ma dang / mdza' bo dang / blon po dang / mnyen bshes dang / yid du 'ong ba'i gzugs kyi rnam pa sna tshogs yongs su ston te/ sems kyang ji ltar bdag gis sems can mtshan mo mun pa mun gnag gis chod pa/ mig rab rib kyis nyams pa/ phyogs bslad pa/ lam 'khor ba rnams la gzugs kyi rnam pa sna tshogs rnam par dmigs par bya ba'i phyir snang ba bskyed de/ 'od byas pa de bzhin du bdag gis yun ring po nas 'khor ba'i mun pa na gnas pa'i sems can yang dag pa nyid kyi phyogs la bslad pa/ ma rig pa'i mun par 'thoms pa/ ye shes kyi mig mi shes pa'i ling tog gis chod pa/ 'dus shes dang / sems dang lta bas phyin ci log tu gyur pa/ mi rtag pa la rtag par 'du shes pa/ sdug bsngal ba la bde bar 'du shes pa/ bdag med pa la bdag tu 'du shes pa/ mi sdug pa la sdug par 'du shes pa/ bdag dang / sems can dang / srog dang / gso ba dang / gang zag tu 'dzin pa dam po la gnas pa/ phung po dang / khams dang / skye mched la gnas pa/ rgyu dang 'bras bu la mgo 'khor ba/ mi dge ba'i las kyi lam gyi phyogs su zhugs pa/ srog gcod pa/ ma byin par len pa/ 'dod pas log par g.yam pa/ brdzun du smra ba/ bra ma zer ba/ ngag rtsub po 'byin pa/ tshig bkyil ba smras
- 290b
chags sems dang ldan pa/ gnod sems kyi sems dang ldan pa/ log par lta ba can/ par mi shes pa/ mar mi shes pa/ dge sbyong dang bram zer mi shes pa/ dbang po mi shes pa/ skyes bu dam pa mi shes pa/ chos ma yin pa la chags shing zhen pa/ mi tshul ba'i 'dod pas zil gyis non pa/ log pa'i chos kyis yongs su 'khris pa/ de bzhin gshegs pa la skur pa 'debs pa/ chos kyi 'khor lo nub par bya ba la zhugs pa/ bdud kyi rgyal mtshan 'dzin pa/ byang chub sems dpa' la gnod par byed pa/ theg pa chen po la zhe sdang ba// byang chub kyi sems la mos pa spong bar byed pa/ byang chub sems dpa' la mi snyan du rjod pa/ snod ma skabs par snying ring ba/ gnod pa ma byas pa dgrar len pa/ 'phags pa la skur pa 'debs pa/ skyes bu dam pa ma yin pas spyod pa'i chos kyi spyod yul can/ mchod rten dang dge 'dun gyi dngos po la 'khu ba/ pha ma la log par sems pa// mtshams med pa'i las byed pa/ g.yangs chen po la mngon par bltas pa'i sems can rnams kyi ma rig pa'i mun pa shes rab kyi snang ba chen pos bsal te/ bla na med pa yang dag par rdzogs pa'i byang chub tu yang dag par bskul nas// theg ba chen po kun tu bzang pos stobs bcu'i ye shes kyi sa'i lam yongs su ston par gyur cig/ de bzhin gshegs pa'i sa dang / de bzhin gshegs pa'i yul dang / thams cad mkhyen pa'i
- 291a
ye shes tshul rgya mtsho dang / sangs rgyas kyi ye shes kyi spyod yul dang / sangs rgyas kyi yul dang / stobs bcu yongs su zab pa dang / sangs rgyas kyi gzungs kyi stobs dang / sangs rgyas thams cad kyi sku mchog tu gyur pa yongs su ston par shog cig/ yongs su bstan nas kyang sangs rgyas thams cad kyi mnyam pa nyid kyi gnas la rab tu dgod par shog cig par bskyed do/ / rigs kyi bu kho mo ni sems can yun ring po nas na zhing nad kyis yongs su skyo ba/ lus nyam chung ba dang rga pa/ rga ba'i zil gyis non pa dang / mgon med pa dang / 'phongs shing dbul ba dang / log par lhung ba dang / yul gzhan du phyin pa dang / phyogs log par zhugs pa dang / btson ra na 'dug pa dang / chad pas bcad pa dang / nyes byung ste rgyal pos gsad pabar bkri ba rnams kyang srog dang bral gyis 'jigs pa las yongs su bskyab pa'i phyir gnas so/ / rigs kyi bu de ltar kho mo sems can nad pa rnams kyi nad thams cad ni thabs thams cad kyis gso bar nan tan du byed do/ / rgas pa dang / rga ba'i zil gyis non pa rnams la ni bsnyen bkur dang / rim gro dang / yo byad kyis mi 'phongs par yongs su sdud byed do// mgon med pa'i sems can rnams la mgon byed do/ / 'phongs shing dbul ba rnams ni nor dang gser gyi phung pos yongs su sdud do// log par ltung ba rnams ni don 'thun pas yongs su sdud //
- 291b
yul gzhan du phyin pa rnams ni rang gi yul du phyin par byed do// phyogs log par zhugs pa rnams ni phyogs ma nor bar 'dzud do// btson ra na 'dug pa rnams btson ra nas thar pa byed do// chad pas gcad pa ni chad pa'i sdug bsngal las grol bar byed do// nyes pa byung ste rgyal pos gsad par bkrib rnams ni srog gi dbugs phyin pa thob par byed de/ sems kyang bdag ji ltar sems can 'di dag 'jigs pa dang gnod pa sna tshogs las yongs su skyob cing mgon byed pa de bzhin du/ bdag gis 'di rnams bla na med pa'i chos kyi yongs su bsdu bas yongs su bsdus tenyon mongs pa thams cad las yongs su dgrol bar bya'o/ / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yang dag par bzla bar bya'o// ngan song dang log par lhung ba'i 'jigs pa thams cad las yongs su dgrol bar bya'o// dge ba'i bshes gnyen gyi gzugs la rab tu dgod par bya'o/ / chos rin po che sbyin pa'i yongs su bsdu bas yongs su bsdu bar bya'o// kha na ma tho ba med pa'i las la rab tu dgod par bya'o// de bzhin gshegs pa'i sku rnam par dag pa la yang dag par bskul bar bya'o/ / rga shi yongs su med pa'i dbyings shin tu rtogs pa la rab tu dgod par bya bar bskyed do// rigs kyi bu kho mo ni sems can log pa'i lam la zhugs pa/ lta ba'i
- 292a
rnam pa thibs po sna tshogs la mngon par zhen pa/ log par rtog pa'i spyod yul can lus dang / ngag dang / yid kyi las nyam nga bar 'gyur ba la yongs su spyod pa/ brtul zhugs dang dka' thub sna tshogs la gnas pa/ yang dag par rdzogs pa'i sangs rgyas ma yin yang yang dag par rdzogs pa'i sangs rgyas su 'du shes pa/ lus gdung ba dang yongs su gdung ba la rab tu brtson pa/ mtsho dang / mtshe'u dang / lu ma dang / rdzing bu dang / chu klung dang / ri'i gzar dang / phyogs dang / phyogs mtshams la 'dud cing phyag 'tshal ba la mos pa/ sdig pa'i grogs po'i dbang du gyur pa rnams la'ang thabs sna tshogs kyis mgon du gyur par byed de/ de dag sdig pa'i lta ba'i rnam pa dang / ngan song thams cad kyi g.yang sar ltung ba'i lam las rnam par bzlog go/ / 'jig rten pa'i yang dag par lta ba la rab tu bkod cing / lha dang mi'i phun sum tshogs pa la'ang yongs su 'god do// sems kyang ji ltar bdag gis sems can 'di dag nyam nga ba'i nan tan dang sdug bsngal las yongs su bkrol ba de bzhin du/ bdag gis sems can thams cad kyang 'phags pa 'jig rten las 'das pa'i pha rol tu phyin pa'i lam la bkod de/ thams cad mkhyen pa nyid las phyir mi ldog par byas la/ kun tu bzang po'i smon lam chen pos thams cad mkhyen pa nyid la dgod par bya'o// sems
- 292b
can gyi khams thams cad ma dul gyi bar du byang chub sems dpa'i sa las kyang mi g.yo bar bya bar skyed do/ / de nas mtshan mo'i lha mo dpyid dang ldan pas/ de'i tshe byang chub sems dpa'i rnam par thar pa'i phyogs sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di brnan te bstan par bya ba'i phyir/ sangs rgyas kyi byin gyi rlabs kyis phyogs bcur rnam par bltas te/ tshong dpon gyi bu nor bzangs la tshigs su bcad pa 'di dag smras so// gti mug ma rig mun nag bsal don du// sems can phan phyir kho mo chos ston te/ / dus la bsdad cing 'gro ba bde bar byas// 'di ni rnam thar tshul mchog zhi ba yin// kho mos byams yangs shin tu sbyang ba byas// bskal pa mtha' yas sngon chad shin tu bsgoms/ / des ni 'jig rten rgyas bkang snang bar byed// nor bzangs brtan pas tshul 'di shes par gyis// kho mo'i snying rje rgya mtsho tshad med de// 'di las dus gsum rgyal ba 'jig rten 'byung // des ni 'gro ba'i sdug bsngal zhi bar byed// nor bzangs brtan pas tshul 'di shes par gyis// 'jig rten bde ba mngon par bsgrub pa dang // ma byas 'phags pa'i bde ba mngon bsgrub cing // des ni kho mo dga' mgur rangs par byed// rgyal sras khyod kyis tshul 'di shes par gyis// sangs rgyas stobs rnams yongs su sbyong byed cing // nyan thos ye shes rnam thar 'bras bu dang //
- 293a
'dus byas skyon las rtag tu phyir phyogs kyis// rgyal sras khyod kyis tshul 'di shes par gyis// kho mo'i mig ni rgya che yongs su dag/ des ni phyogs bcu'i zhing rnams mang po mthong / / zhing dbyings de dag kun gyi rang byung rnams// byang chub shing dbang drung na bzhugs par mthong // sangs rgyas sku ni mtshan gyis yongs brgyan cing // 'od bzang rnam pa sna tshogs kun 'gyed de// ba spu kun nas 'od zer mang 'gyed pa'i// sangs rgyas 'khor dang bcas pa kho mos mthong // zhing dbyings de dag kun gyi sems can rnams// shi 'pho skye ba'i sgor yang kun mthong ste// byis pa de dag 'gro rgyud rgya mtsho na/ / 'khor zhing rang rang las kyang myong bar byed// kho mo'i rna ba rgya mtsho rnam dag ste// der ni sgra rnams ma lus yongs su 'du// 'gro ba kun gyi sgra skad rgya mtsho dag/ kun kyang zos nas dran pas yongs su 'dzin/ / dbyangs kyi yan lag sgra skad thams cad kyis// dpe zla med pa'i gsung ni rab brgyan te// des ni rgyal ba 'khor lo rab tu skor// de dag kho mos thos shing dran pas 'dzin/ / kho mo'i sna yi mthu yangs rnam dag ste// chos tshul rgya mtsho dag la thogs pa med// rnam thar gnas rnams kun tu rab 'jug pa'i// tshul ni rgyal sras khyod kyis shes par gyis/ / kho mo'i lce ni rgya cher rab tu yangs// srab cing mdog dmar rin chen 'od du dag/ sems can bsam pa ji bzhin des shes byed// rgyal sras khyod kyis tshul 'di shes par gyis// kho
- 293b
mo'i chos lus shin tu rnam dag ste/ / dus gsum kun tu 'od gsal rab tu gnas// gzugs lus sems can bsam pa ji bzhin te// de dag kun gyi dad pa'i dbang du mthong // kho mo'i sems ni chags med zag pa med/ / sgra dbyangs sprin gyi nga ro ji bzhin te// de yi khongs su mi mchog kun chud kyang // de la kho mo rnam par rtog pa med// zhing gi dbyings kyi sems can bsam mi khyab/ de dag sems kyi rgya mtsho kho mos shes// de dag dbang po bsam pa rab shes kyang // de la kho mo rnam par rtog pa med// kho mo'i rdzu 'phrul rab yangs shin tu grub// des ni bsam yas zhing yang rab tu spyod/ / lus kyi 'od dang mthu yang de bzhin te// des ni sems can gdul dka' shin tu 'dul// kho mo'i bsod nams rnam yangs yongs su dag/ kun tu rgyan byed zad pa med pa'i mdzod/ / des ni rgyal ba rnams la mchod pa byed// 'gro ba thams cad nye bar 'tsho ba'ang yin// kho mo'i shes rab rnam yangs shin tu dag/ des ni chos mang rgya mtsho rab tu shes// 'gro ba kun gyi the tsom yongs su gcod/ / rgyal sras khyod kyis tshul 'di shes par gyis// dus gsum kun la kho mo zhugs gyur pas// sangs rgyas rgya mtsho kun kyang mthong zhing shes// de dag smon lam la yang rab tu zhugs/ / tshul 'di dpag yas rab tu rdzogs pa yin// rdul mang kun la zhing rnams rgya mtsho mthong // de dag dus gsum 'jug pa'ang de bzhin te// de dag kun gyi sangs rgyas rgya mtsho
- 294a
mthong / / 'di ni kun tu gnas pa'i tshul gyis// rnam par snang mdzad byang chub sangs rgyas te// phyogs rnams kun gyi zhing rnams yongs bkang zhing // rdul sbubs kun gyi byang chub shing drung na/ / zhi ba'i chos rnams gsung du sgrog pa ltos// de nas tshong dpon gyi bu nor bzangs kyis/ mtshan mo'i lha mo dpyid dang ldan pa la 'di skad ces smras so// lha mo khyod bla na med pa yang dag par rdzogs pa'i byang chub tu zhugs nas ji srid cig lags/ de ltar khyod tshul 'di lta bus sems can gyi don bgyi ba la sta gon du zhugs pa'i rnam par thar pa de ni khyod kyis brnyes nas ji srid cig lags/ de skad ces smras pa dang / mtshan mo'i lha mo dpyid dang ldan pas/ tshong dpon gyi bu nor bzangs la 'di skad ces smras so// rigs kyi bu sngon 'das pa'i dus ri rab kyi rdul shin tu phra ba snyed kyi bskal pa'i yang pha rol gcig tu bskal pa rab tu zhi ba'i 'od ces bya ba/ sangs rgyas bye ba phrag lnga brgya skyes pa byung ste/ de'i 'jig rten gyi khams ni rin chen dngal 'byung ba zhes bya bar gyur to/ / 'jig rten gyi khams de'i gling bzhi pa 'bring po rin chen zla ba sgron ma'i 'od ces bya ba de na/ rgyal po'i gnas pad+mo'i 'od ces bya ba yod de/ rgyal po'i gnas der rgyal po chos rab mu stegs shes bya ba chos dang 'thun pa'i rgyal po 'khor los sgyur ba/ gling bzhi la dbang ba rin po che sna bdun dang ldan pa byung ste/ des sa chen po de'ang ri dang rgya mtshor
- 294b
bcas pa'i mthas gzugs par chos kyis rgyal bar byas nas bde bar gnas par byas so/ / rgyal po chos rab mu stegs de'i btsun mo chos kyi blo gros zla ba zhes bya ba bungs/ de srong la 'dod pas myong shing dga' bar rtse rtse bas dub nas nam gyi gung la btsun mo'i 'khor gyi gnas su phyin te nyal lo/ / de nas rgyal po'i gnas pad+mo'i 'od de'i shar phyogs kyi nags tshal chen po zhi ba'i dpal 'byung ba zhes bya bar rin po che'i rgyal po rgyan thams cad kyi 'od dang ldan pa'i lhun can/ sangs rgyas thams cad kyi rnam par 'phrul pas byung ba'i byang chub kyi shing chen po'i drung du de bzhin gshegs pa chos thams cad rab tu sgrog pa'i rgyal po zhes bya ba/ bla na med pa yang dag par rdzogs pa'i byang chub tu mngon par sangs rgyas nas/ de'i mthus 'jig rten gyi khams rin po che dpal 'byung ba thams cad 'od chen po kha dog du ma can gyis rgyas shing gang bar gyur to/ / rgyal po'i gnas pad+mo'i 'od ces bya ba de na/ mtshan mo'i lha mo zla ba shin tu rnam par dag pa'i 'od ces bya ba 'dug 'dug ste/ de rgyal po'i btsun mo chos kyi blo gros zla ba'i gan du song na/ rgyan dkrol ba'i sgras sad par byas te 'di skad ces smras so// 'di ltar rgyal po'i btsun mo shes par gyis shig/ nags tshal chen po zhi ba'i dpal 'byung bar de bzhin gshegs pa chos thams cad rab tu sgrog pa'i rgyal po zhes bya ba bla na med pa yang dag par rdzogs pa'i byang chub tu mngon par
- 295a
sangs rgyas so/ / de nas des rgyal po'i btsun mo de'i mdun du/ sangs rgyas kyi yon tan bsngags pa dang / sangs rgyas kyi rnam par 'phrul dang / byang chub sems dpa' kun tu bzang po'i spyod pa dang / smon lam rgya cher bshad do// rigs kyi bu rgyal po'i btsun mo de'ang / de bzhin gshegs pa'i 'od kyis snang bar gyur te/ bsam pa thag pas bla na med pa yang dag par rdzogs pa'i byang chub tu yang dag par zhugs nas/ des de bzhin gshegs pa de dang / byang chub sems dpa' dang / nyan thos kyi dge 'dun du bcas pa la mchod pa dang rim gro cher byas so/ / rigs kyi bu de la ji snyam du sems/ de'i tshe de'i dus kyi rgyal po'i btsun mo chos kyi blo gros zla ba zhes bya ba de gzhan zhig yin pa tsam du sems na ni de ltar mi blta ste/ kho mo ni de'i tshe de'i dus na rgyal po'i btsun mo chos kyi blo gros zla ba zhes bya bar gyur to// rigs kyi bu kho mo ni mos pa'i sems bskyed pa de dang / de bzhin gshegs pa la bskyed pa'i dge ba'i rtsa ba des bskal pa ri rab kyi rdul shin tu phra ba snyed tshun chad du nam yang ngan 'gro log par ltung bar ma skyes te/ sems can dmyal bar ma yin no// byol song gi skye gnas su ma yin no/ / yi dgas su ma yin no// nam yang rigs dpa' bar ma skyes so// nam yang dbang po dang mi ldan par ma gyur to// nam yang sdug bsngal bar ma gyur te/ de ltar kho mos rtag
- 295b
par lha'i nang du ni lha'i bdag nyid che ba nyid thob/ mi'i nang du ni mi'i bdag nyid che ba nyid thob ste/ 'di ltar sangs rgyas dang byang chub sems dpa'i dge ba'i bshes gnyen dang yang ma bral lo// dus ngan par yang ma skyes so// rigs kyi bu de ltar kho mos sangs rgyas gcig nas gcig tu dge ba'i rtsa ba bskyed do// bskal pa ri rab kyi rdul shin tu phra ba snyed cig tu lam bde zhing mnyam pa nas nye zho med par phyin kyang / de tsam gyis kho mo'i byang chub sems dpa'i dbang po yongs su grub par ma gyur te/ ri rab kyi rdul shin tu phra ba snyed kyi bskal pa de dag ni 'das/ bskal pa bzang po 'di'i snga rol gyi ni bskal pa chen po stong phrag bcu'i thog ma la bab pa de'i tshe/ 'jig rten gyi khams gzi brjid rdul gyi dri ma med pa zhes bya bar/ bskal pa mya ngan med cing rdul dang bral ba zhes bya ba byung ste/ rigs kyi bu 'jig rten gyi khams gzi brjid rdul gyi dri ma med pa'i dpal de ni/ kun nas nyon mongs la rnam par dag par gyur te/ der sangs rgyas lnga brgya byung ngo / / sangs rgyas lnga brgya po de dag gi thog ma la de bzhin gshegs pa mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sbyar ba/ lha dang mi'i ston pa sangs rgyas bcom ldan 'das ri rab rgyal mtshan spyan yangs shing zhi ba'i dpal zhes bya ba 'jig rten du byung ste/ de'i tshe kho mo'i yang tshong dpon snyan pa rnam par grakra
- 296a
pa'i bu mo shes rab snang ba'i dpal zhes bya ba gzugs mdzes shing bzang la blta na sdug pa kha dog shin tu mdzes shing rgyas pa dang ldan pa zhig tu gyur te/ mtshan mo'i lha mo zla ba shin tu rnam par dag pa'i 'od ces bya ba de'ang smon lam gyi dbang gyis/ gling bzhi pa'i 'jig rten gyi khams rdul dang bral ba'i rgyal po'i gnas rgyal mtshan sna tshogs su mtshan mo'i lha mo mig rnam par dag pa zhes bya bar gyur te/ des kho mo mtshan mo mi nyal tsam zhig na/ pha ma nyal bar gyur pa dang / khyim de'ang yongs su bskyod de/ 'od chen pos snang bar byas nas rang gi gzus bstan te/ sangs rgyas kyi yon tan bsngags pa brjod nas/ de bzhin gshegs pa thog ma mngon par sangs rgyas nas zhag bdun lon te/ snying po byang chub la bzhugs pa de bstan to// de nas kho mo pha ma dang gnyen bshes kyi tshogs chen po dang 'grogs te/ mtshan mo'i lha mo shin tu rnam par dag pa'i zla ba'i 'od sngon du bdar nas/ de bzhin gshegs pa de'i spyan sngar phyin to// de nas kho mos de bzhin gshegs pa de la mchod pa rgya chen po byas te/ de bzhin gshegs pa de'i zhal mthong ma thag tu ting nge 'dzin 'gro ba 'dul zhing sangs rgyas mthong bar byed pa zhes bya ba dang / ting nge 'dzin dus gsum gyi dbyings ye shes kyi snang ba'i dkyil 'khor ces bya ba'ang thob par gyur to/ / de thob pas kyang 'o mo bskal pa ri rab kyi rdul shin tu phra ba snyed po de dag kyang rjes su dran par gyur to//
- 296b
kho mo'i byang chub kyi sems de'ang mngon du gyur te/ de ltar kho mos de bzhin gshegs pa de las chos bstan pa thos te/ byang chub sems dpa'i rnam par thar pa sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di'ang thob par gyur to/ / de thob pas kyang 'jig rten gyi khams sangs rgyas kyi zhing bcu'i rdul shin tu phra ba snyed lus kyis rgyas par 'gengs te/ 'jig rten gyi khams de dag tu sems can ji snyed cig skyes pa de dag thams cad kyang kho mo'i mig lam du snang zhing / bdag nyid kyang de dag thams cad kyi zhabs kyi drung na 'dug par shes so/ / 'jig rten gyi khams de dag tu sems can ji snyed cig skyes pa de dag thams cad kyang kho mo'i mig lam du snang ste/ de dag gi sgra skad rnam pa tha dad pa'i brda'ang rab tu shes so// sems dang / bsam pa dang / dbang po dang / mos pa'ang rab tu shes so// sngon gyi mtha'i dge ba'i bshes gnyen rnams kyi drung du yongs su smin pa'ang rab tu shes so// de dag la bsam pa ji lta ba bzhin du tshim par 'gyur ba'i lus kyang yongs su ston to/ / kho mo'i rnam par thar pa de'ang sems kyi skad cig re re la rnam par 'phel te/ rnam par thar pa'i sems de'i 'og ma'i sems kyis sangs rgyas kyi zhing 'jig rten gyi khams brgya'i rdul shin tu phra ba snyed lus kyis rgyas par 'gengs so/ / de'i 'og ma'i sems kyis sangs rgyas kyi zhing 'jig rten gyi khams stong gi rdul shin tu phra ba snyed lus kyis
- 297a
rgyas par 'gengs so/ / de'i 'og pa'i sems kyis sangs rgyas kyi zhing 'jig rten gyi khams brgya phrag stong gi rdul shin tu phra ba snyed lus kyis rgyas par 'gengs so// de bzhin du sems kyi skad cig re re zhing sangs rgyas kyi zhing 'jig rten gyi khams brjod du med pa'i yang brjod du med pa'i rdul shin tu phra ba snyed kyi bar dag kyang lus kyis rgyas par 'gengs so/ / sangs rgyas kyi zhing de dag na de bzhin gshegs pa ji skad cig bzhugs pa de dag thams cad kho mo'i mig lam du snang ste/ bdag nyid kyang de dag gi zhabs kyi drung du na 'dug par shes so// sangs rgyas bcom ldan 'das de dag gis chos bstan pa de dag thams cad kyang len to/ / 'dzin to// yongs su 'dzin te// nye bar 'dzin to// de bzhin gshegs pa de dgag rdzun gyi tshul rgya mtsho dang / lam rgya mtsho la'ang 'jug go// de bzhin gshegs pa de dag gi sangs rgyas kyi zhing yongs su dag pa de dag thams cad kyang rang gi sangs rgyas kyi zhing yongs su dag par bya ba'i phyir mngon par sgrub po// sems can ji skad cig 'jig rten gyi khams rgya mtsho de dag tu skyes par gyur pa de dag thams cad kyang kho mo'i mig lam du snang ste/ sems can de dag gi bsam pa dang / dbang po dang / mos ba'i bye brag ji snyed pa de snyed kyi bye brag tu de dag yongs su smin par bya ba dang gdul ba'i phyir lus byin gyis rlob ste/ de ltar kho mo'i rnam par thar pa de ni sems kyi skad cig re re la'ang // chos kyi
- 297b
dbyings 'byam klas pa rgyas par 'gengs pa'i tshul gyis rnam par 'phel lo/ / rigs kyi bu kho mo'i byang chub sems dpa'i rnam par thar pa sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di shes par zad na/ kho mos byang chub sems dpa' mtha' dang dbus med pa'i byang chub sems dpa' kun tu bzang po'i spyod pa dang smon lam gyis byung ba// chos kyi dbyings rgya mtsho'i tshul 'byam klas pa 'dal ba la 'jug par dbang sgyur ba/ byang chub sems dpas yang dag par bsgrub pa'i ting nge 'dzin ye shes rdo rje'i dpal gyis rnam par rtse ba dang / 'jig rten gyi khams thams cad du de bzhin gshegs pa'i rigs thams cad yang dag par gzung ba la smon lam chen pos byung ba/ 'jig rten gyi khams 'byam klas pa thams cad sems kyi skad cig gcig gis yongs su dag par bya ba'i bsod nams kyi rgya mtsho chen po yongs su grub pa/ sems kyi skad cig re re la sems can gyi khams thams cad yongs su smin par bya ba dang gdul ba'i ye shes la dbang sgyur ba/ 'jig rten gyi khams thams cad du sems can thams cad kyi sgrib pa'i mun pa thams cad rnam par sel ba'i ye shes kyi nyi ma'i mig dang ldan pa/ sems can gyi khams thams cad la theg pa chen po rnam par dmigs par bya ba'i mthu dang ldan pa/ 'gro ba thams cad kyi the tsom dang / nem nur dang / yid gnyis kyi rab rib rnam par sel ba'i blo gros kyi
- 298a
zla ba dang ldan pa/ srid pa'i rgya mtsho thams cad la mngon par chags pa las gyen du bskyod pa'i sgra dbyangs kyi dkyil 'khor rnam par dag pa/ chos kyi dbyings thams cad kyi rdul gyi cha shas la rnam par 'phrul pa yongs su ston pa la dbang sgyur ba/ dus gsum gyi dbyings kyi dkyil 'khor la ye shes dbyer med pa de dag gi spyod pa shes pa 'am/ yon tan brjod pa 'am/ spyod yul la 'jug pa 'am/ rnam par thar pas rnam par rtse ba yongs su bstan par nus re skan/ song rigs kyi bu yul ma ga d+ha 'di nyid kyi snying po byang chub la kho mo bla na med pa yang dag par rdzogs pa'i byang chub tu sems skyed skyed pa/ yang dang yang skul skul ba'i mtshan mo'i lha mo kun tu zab pa'i dpal dri ma med pa'i 'od ces bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ mtshan mo'i lha mo dpyid dang ldan pa la tshigs su bcad pa 'di dag gis mngon par bstod do/ / khyod sku shin tu rnam par dag pa mthong // mtshan gyis rnam brgyan ri bo ji bzhin du// 'jig rten kun las mngon 'phags 'jig rten du// phun sum tshogs sku 'jam dpal bzhin du mdzes/ / khyod kyi chos sku shin tu rnam dag ste// dus gsum kun tu mnyam zhing rnam mi rtog/ der ni 'jig rten ma lus kun 'dra ste// 'byung zhing rnam par 'jig
- 298b
kyang chags mi mnga'/ / lam rgyud 'jam klas thams cad kun tu yang // khyod kyi sku ni gzugs brnyan rnam par phye// skar chen rdza skar rgyu skar tshogs bzhin du// spu rtse kun la'ang khyod na bdag gis mthong / / khyod kyi thugs yangs shin tu rnam dag ste// phyogs rnams kun gyi nam mkha'i dbyings su rgyas// der ni mi mchog kun kyang yongs su 'du// khyod la ye shes mi rtog dam ba mnga'/ / zhing gi rdul snyed rnam pa sna tshogs sprin// khyod kyi spu rtse kun nas mngon 'thon pa// rgyal mang sna tshogs char 'bebs shing // phyogs bcu'i sangs rgyas zhabs drung rgyas par 'gengs// 'gro ba kun snyed lus rnams mtha' yas pa// khyod kyi spu rtse kun nas mngon 'thon cing // phyogs bcu'i 'jig rten rgyas par yongs bkang nas// sna tshogs thabs kyis sems can rnam par spyod/ / spu rtse kun la bsam yas zhing gi rnams// sna tshogs rgyan ldan rnam pa tha dad mthong // lam rgyud sems can khyod kyis rnam sbyangs pa// ji snyed de dag bsam bzhin kun kyang byung // gang zhig khyod kyis mtshan thos dgar 'gyur ba/ / de dag thob bya legs thob legs par 'tsho// sems can gang gis khyod kyi sku mthong ba// byang chub lam la mngon du bsdus par 'gyur// de ltar thos nas rab tu sems dga' la/ / mthong ba tsam gyis nyon mongs zhi mdzad pas// bskal pa bsam yas ngan song gnas kyang rung // khyod kyi zhal blta'i don du mos par bgyi// zhing rnams
- 299a
song gi rdul skyed lus byas te/ / de srid bskal pa brgyad de khyod 'dra ba'o// lkug cig khyod kyi yon tan legs brjod kyang // legs pa'i mthar sbyin nam du'ang mi 'gyur ro// de nas tshong dpon gyi bu nor bzangs kyis/ mtshan mo'i lha mo dpyid dang ldan pa de la tshigs su bcad pa de dag gis mngon par bstod nas/ mtshan mo'i lha mo dpyid dang ldan pa'i rkang pa gnyis la spyi bos phyags 'tshal te/ mtshan mo'i lha mo dpyid dang ldan pa de la lan brgya stong du mar g.yas phyogs su bskor ba byas nas yang dang yang bltas te/ dge ba'i bshes gnyen la bsnyen bkur bya bas mngoms bzhin du/ mtshan mo'i lha mo dpyid dang ldan pa'i drung nas song ngo // // bam po dgu bcu rtsa dgu pa/ de nas tshong dpon gyi bu nor bzangs mtshan mo'i lha mo dpyid dang ldan pa thog ma byang chub tu zhugs pa'i byang chub kyi sems kyi dkyil 'khor yongs su dag pa ni khong du chud par byed/ byang chub sems dpa'i snying po yang dag par byung ba la ni rjes su dpyod byang chub sems dpa'i smon lam rgya mtsho la ni yongs su 'jug/ byang chub sems dpa'i pha rol tu phyin pa'i lam ni yongs su sbyong / byang chub sems dpa'i sa'i dkyil 'khor ni yongs su gnon/ byang chub sems dpa'i spyod pa'i dkyil 'khor ni rgya cher byed/ byang chub sems dpa'i 'byung ba rgya mtsho ni rjes su 'brang / thams cad mkhyen pa'i snang ba chen po rgya
- 299b
la ni rnam par lta/ 'gro ba thams cad yongs su bskyab pa la gzhol pa'i byang chub sems dpa'i snying rje chen po'i sprin ni rgya cher byed/ mtshan mo'i lha mo dpyid dang ldan pa'i byang chub sems dpa' kun tu bzang po'i spyod pa dang / smon lam gyi dkyil 'khor ni zhing thams cad du phyi ma'i mthar byin gyis brlabs pas mngon par bsgrub cing / mtshan mo'i lha mo kun tu zab pa'i dpal dri ma med pa'i 'od gang na ba der song ste/ mtshan mo'i lha mo kun tu zab pa'i dpal dri ma med pa'i 'od kyi rkang pa gnyis la spyi bos phyag 'tshal te/ mtshan mo'i lha mo kun tu zab pa'i dpal dri ma med pa'i 'od la lan brgya stong du mar g.yas phyogs su bskor ba byas nas/ mtshan mo'i lha mo kun tu zab pa'i dpal dri ma med pa'i 'od kyi mdun du 'dug ste/ thal mo sbyar nas 'di skad ces smras so// 'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i sa la spyod pa dang / ji ltar 'byung ba dang / ji ltar nan tan du bgyid pa ma 'tshal to// smras pa/ rigs kyi bu de ltar khyod bla na med pa yang dag par rdzogs pa'i byang chub tu sems bskyed cing / byang chub sems dpa'i sa la spyad pa dang / 'byung ba dang / yongs su 'grub baba'adri ba legs so legs so/ / rigs kyi bu chos bcu dang ldan pa'i byang chub sems dpa'i rnams byang chub sems dpa'i spyod pa la yongs su grub pa yin te/ bcu gang zhe na/ 'di lta ste/
- 300a
de bzhin gshegs pa thams cad mngon du gyur par mthong ba'i ting nge 'dzin thob pa rnam par dag pa dang / sangs rgyas thams cad kyi sku mtshan sna tshogs dang ldan pa rnam par ba ba'i mig rnam par dag pa dang / de bzhin gshegs pa'i kha dog rgya mtsho mtha' dang dbus med pa rnam par dmigs par bya ba la 'jug pa dang / sangs rgyas kyi chos snang ba'i dkyil 'khor rgya mtsho tshad med pa la chos kyi dbyings thams cad kyi tshad 'jug pa dang / de bzhin gshegs pa thams cad kyi ba spu'i sgo nas 'od zer rgya mtsho sems can thams cad dang mnyam pa dang / sems can sna tshogs kyi don du bkye ba la 'jug pa dang / ba spu'i bu ga re re nas 'od 'phro ba rin po che thams cad kyi kha dog tu 'dug pa rgya mtsho ston pa dang / sems kyi skad cig re re la sangs rgyas kyi sprul pa rgya mtshos chos kyi dbyis thams cad rgyas par bkang zhing / sems can 'dul ba'i byin gyi rlabs la 'jug pa dang / de bzhin gsheg pa'i gsung sems can thams cad kyi dbyangs kyi yan lag dang ldan pas dus gsum du byung ba'i chos kyi 'khor lo'i sgra sgrogs pas/ mdo sde thams cad kyi sprin gyi 'brug sgra 'byin pa'i dkyil 'khor la 'jug pa dang / sangs rgyas kyi mtshan rgya mtsho mtha' dang dbus med pa la 'jug pa dang sangs rgyas kyi rnam par 'phrul pa bsam gyis mi khyab pa yongs su bstan pas sems can 'dul ba la 'jug pa ste/ rigs kyi bu chos bcu po 'di dag dang ldan pa'i byang chub sems dpa' rnams/ byang
- 300b
chub sems dpa'i spyod pa la yongs su grub pa yin no/ / rigs kyi bu kho mo ni byang chub sems dpa'i rnam par thar pa bsam gtan zhi ba'i bde bas kun tu rnam par gnon pa thob pa ste/ rigs kyi bu kho mos ni de'i mthus dus gsum du gshegs pa'i de bzhin gshegs pa thams cad kyang mthong ste/ de bzhin gshegs pa de dag gi sangs rgyas kyi zhing yongs su dag pa la'ang 'jug go// 'khor gyi dkyil 'khor rgya mtsho dang / ting nge 'dzin mtha' dang dbus med pa'i rnam par 'phrul pa rgya mtsho dang / sngon gyi tshul rgya mtsho dang / mtshan rgya mtsho la'ang 'jug go// de bzhin gshegs pa de dag gi chos kyi 'khor lo rab tu 'khor ba rnam tha dad pa la'ang 'jug go/ / de bzhin gshegs pa'i sku tshe tshad sna tshogs dang / dbyangs kyi yan lag rnam pa tha dad pa dang / de bzhin gshegs pa de ngag gi chos kyi dbyings mtha' dang dbus med pa'i sku la'ang 'jug ste/ de bzhin gshegs pa de dag la dngos por mngon par zhen pa'ang med do// de ci'i phyir zhe na/ 'jig rten gyi khams thams cad du bzhud pa 'gags pa'i phyir/ de bzhin gshegs pa de dag ni bzhud pa med pa'o// rang bzhin gyis byung ba med pas na de bzhin gshegs pa de dag ni byon pa med pa'o// mi skye ba'i chos nyid dang mnyam pa'i sku mnga' ba'i phyir/ de bzhin gshegs pa de dag ni ma skyes pa'o// mi skye ba'i mtshan nyid dang ldan pa'i phyir/ de ba'i na gshegs pa de dag ni ma 'gags pa'o// sgyu ma'i rnam pa lta
- 301a
bur mthong zhing rnam par dmigs pa'i phyir/ de bzhin gshegs pa de dag ni bden pa ma yin pa'o// 'gro ba thams cad kyi don du byung ba'i phyir/ de bzhin gshegs pa de dag ni brdzun pa ma yin pa'o/ / shi 'pho dang skye ba las rnam par 'das pa'i phyir/ de bzhin gshegs pa de dag ni 'pho ba med pa'o// chos kyi rang bzhin gyis 'jigs pa med pa'i chos nyid yin/ pa'i phyir/ de bzhin gshegs pa de dag ni 'jig pa med pa'o// ngag gi lam thams cad las yongs su 'das pa'i phyir/ de bzhin gshegs pa de dag thams cad ni mtshan nyid gcig pa'o// chos kyi mtshan nyid kyi rang bzhin gyi mthar thug pas/ de bzhin gshegs pa de dag ni mtshan nyid mi mnga' ba'o// rigs kyi bu kho mo ni de ltar de bzhin gshegs pa thams cad khong du chud par byed cing / byang chub sems dpa'i rnam par thar pa bsam gtan zhi ba'i bde bas kun tu rnam par gnon pa 'di/ de bzhin gshegs pa'i bsam gtan gyi dkyil 'khor snang bas shin tu rgya che bar byed shin tu yangs par byed do/ / khong du chud par byed do// rtogs par byed do// mnyam par byed do// mngon par bsgrub bo// gzhi snyoms par byed do// rab tu 'jug go// rnam par 'phel bar byed do/ / nges par sems so// nye bar rtog go// dran par byed do// spyod yul du byed do// brtan par byed do// snang bar byed do// rab tu brjod do// rnam par spyod do//
- 301b
rnam par 'byed do// tshogs su byed do// yid ches par byed do// yongs su rtog pa thams cad rgyu ba med pa'i snying rje chen po de la gnas te/ sems can thams cad yongs su bskyab pa la// yang dag par gnas par spyad par sems rtse gcig tu bya ba'i phyir/ bsam gtan dang po sgom mo// yid kyi las thams cad nye bar zhi bar bya ba dang / ye shes kyi stobs dang / mthus sems can thams cad yongs su bsdu ba la dga' ba'i bde ba la sems rtse gcig tu bya ba'i phyir/ bsam gtan gnyis pa sgom mo// 'khor bar log par zhugs pa la btang snyoms su byas te/ sems can thams cad kyi rang bzhin nges par rtogs par bya ba'i phyir/ bsam gtan gsum pa sgom mo// sems can thams cad kyi nyon mongs pa dang sdug bsngal rab tu zhi bar bya ba'i phyir/ bsam gtan bzhi pa sgom mo// thams cad mkhyen pa nyid kyi smon lam gyi dkyil 'khor shin tu yangs par bya ba dang / ting nge 'dzin rgya mtsho thams cad mngon par bsgrub pa la mkhas par bya ba dang / byang chub sems dpa'i rnam par thar pa rgya mtsho thams cad kyi tshul la 'jug par bya ba dang / byang chub sems dpa'i rnam par rtse ba'i ye shes thams cad mngon par shes par bya ba dang / byang chub sems dpa'i spyod pas rnam par 'phrul pa thams cad mngon par bsgrub par bya ba'i phyir/ sgo kun nas chos kyi dbyings la 'jug pa'i ye shes kyi tshul yongs su sbyong zhing / byang chub sems dpa'
- 302a
rnam par thar pa bsam gtan zhi ba'i bde bas kun tu rnam par gnon pa 'di sgom mo/ / rigs kyi bu de ltar kho mo rnam par thar pa 'di sgom zhing thabs kyis sems can yongs su smin par byed de/ 'di ltar nub mo zhi bar gyur pa'i tshe dga' ba la myos par gyur pa'i sems can rnams kyi mi sdug pa'i 'du shes skyed do// mi dga' ba'i 'du shes dang / yongs su skyo ba'i 'du shes dang / bgegs su 'gyur ba'i 'du shes dang / 'ching ba'i 'du shes dang / srin mo'i 'du shes dang / mi rtag pa'i 'du shes dang / sdug bsngal ba'i 'du shes dang / bdag med pa'i 'du shes dang / rje med pa'i 'du shes dang / gzhan la rag las pa'i 'du shes dang / rga shi'i 'du shes dang / 'dod pa'i yul dang / longs spyod thams cad la dga' ba med pa'i 'du shes skyed dede/ sems can de dag kyang sems de la yongs su sgom pas/ 'dod pa'i dga' ba thams cad la mngon par dga' ba med pas chos la mos pa'i dga' ba la 'jug cing khyim nas khyim med par rab tu 'byung ngo / / de dag dgon pa la gnas pa'i tshe'ang chos dang 'thun pa'i dad pa yongs su skyed de/ sgra chen po 'jigs pa mi snyan pa'i sgra skad thams cad kyang zhi bar byed do// mtshan mo zhi bar gyur pa las sangs rgyas kyi chos zab mo'ang yang dag par ston to/ / spang ba dang 'thun pa'i rkyen kyang nye bar ston to// khyim gyi sgo'ang rnam par 'byed do// lam yang yongs su ston to// snang bas
- 302b
kyang mngon par byed do/ / mun pas chod pa'ang rnam par sel to// 'jigs pa'ang med par byed do// rab tu byung ba la'ang yang dag par bsngags par byed do// sangs rgyas kyi legs pa'ang brjod do/ / chos kyi legs pa dang / dge 'dun gyi legs pa dang / dge ba'i bshes gnyen gyi legs pa'ang brjod do// dge ba'i bshes gnyen gyi drung du 'gro ba la'ang bsngags pa byed do// rigs kyi bu kho mo rnam par thar pa 'di la sgom zhing / sems can rnams kyi chos ma yin pa'i 'dod chags kyi zhen pa rnams kyi chos ma yin pa'i 'dod chags kyi yongs su rtog pa rnams kyang med par byed do// tshul ma yin pa'i 'dod pas non pa rnams dang / log par yongs su rtog pa'i spyod yul can rnams kyi yongs su rtog pa de dag dang / yid la bya ba de dag kyang med par byed do// sdig to mi dge ba'i chos ma skyes pa rnams mi skye ba dang / sdig to'i yongs su rtog pa skyes par gyur pa rnams kyang med par 'gyur ba'i rkyen nye bar bsgrub bo// dge ba'i yongs su rtog pa pha rol tu phyin pa dang ldan pa dang / spyod pa dang ldan pa dang / thams cad mkhyen pa'i ye shes su 'byung ba'i smon lam mngon par bsgrub pa dang ldan pa dang / byams pa'i tshul dang ldan pa dang / sems can rnams la snying rje chen pos rgyas par 'gengs pa dang ldan pa dang / lha dang mi'i bde ba'i rnam pa sna tshogs yongs su skyed pa dang ldan pa'i yongs su rtog pa skyed pa dang / skyes nas kyang tshul sna tshogs kyi rkyen nye bar sgrub par byed pa
- 303a
nas thams cad mkhyen pa nyid dang 'thun pa'i rkyen kyang nye bar sgrub par byed de/ rigs kyi bu kho mos byang chub sems dpa'i rnam par thar pa bsam gtan zhi ba'i bde bas kun tu rnam papar gnon pa 'di shes par zad na/ kho mos byang chub sems dpa'i kun tu bzang po'i spyod pa dang / smon lam gyis byung ba'i byang chub sems dpa' rnam pa mtha' yas pa'i chos kyi dbyings kyi ye shes rab tu thob pa/ dge ba'i rtsa ba thams cad kyis rnam par spel ba'i sems dang ldan pa/ de bzhin gshegs pa thams cad kyi ye shes kyi mthus sems kyi snang ba rab tu thob pa/ de bzhin gshegs pa thams cad kyi yul la gnas pa'i sems dang ldan pa/ gnas thams cad du sgrib pa med pa'i sems dang ldan pa/ thams cad mkhyen pa nyid kyi smon lam yongs su rdzogs pa'i sems dang ldan pa/ zhing rgya mtsho thams cad du zhugs pa'i sems dang ldan pa/ sangs rgyas rgya mtsho thams cad mthong bar bya ba la zhugs pa'i sems dang ldan pa/ de bzhin gshegs pa thams cad kyi chos kyi sprin gyi char yang dag par gzung ba'i sems dang ldan pa/ sems can thams cad kyi ma rig pa'i mun pa rnam par sel ba/ 'khor ba'i bde ba la dga' zhing sred pa zad cing mthar phyin par 'gyur ba'i lam gyis thams cad mkhyen pa nyid du snang ba skyed pa'i sems dang ldan pa de dag gi spyod pa shes pa'am/ yon tan brjod par nus re san/ song rigs kyi bu 'di nyid nang dang yang rgyang mo ring ste/ rnam par snang mdzad kyi snying po byang chub kyi g.yas rol zhig na/ mtshan
- 303b
mo'i lha mo rab tu dga' ba'i mig 'gro bar rnam par snang ba zhes bya ba 'dug gis/ de'i gan du song la ji ltar byang chub sems dpas byang chub sems dpa'i las la brtson par bya ba dris shig de nas mtshan mo'i lha mo kun tu zab pa'i dpal dri ma med pa'i 'od kyis/ de'i tshe byang chub sems dpa'i rnam par thar pa bsam gtan zhi ba'i bde bas kun tu rnam par gnon pa 'di nyid brnan te bstan par bya ba'i phyir/ tshong dpon gyi bu nor bzangs la tshigs su bcad de smras pa/ dus rnams kun tu byung ba'i bde gshegs rnams// mngon du bya bar mos pa'i sems ldan pa// de dag mig yangs rnam par dag par 'gyur/ / des ni sangs rgyas rgya mtsho mthong bar 'ong // rgyal ba'i sku gsal dri ma med la ltos// mtshan gyis yongs su brgyan pas shin tu mdzes// rgyal ba'i rnam par 'phrul pa chos dbyings rnams// skad cig re res rgyas 'gengs de la'ang ltos// byang chub shing drung sangs rgyas gdan rab la// bde gshegs rnam par snang mdzad mngon sangs rgyas// chos dbyings yangs pa rgyas pa khyab mdzad cing // 'gro ba'i bsam pa ji bzhin 'khor lo skor/ / rgyal ba'i chos nyid lus med rab zhi ba// gnyis med rang bzhin med pa thugs chung nas// gzugs sku bzang po mtshan gyis brgyan pa yis// 'gro ba ma lus zhing ston pa mdzad/ / sangs rgyas sku ni rgya che bsam mi khyab// chos kyi dbyings kun yongs su rgyas bkang zhing // de ni kun tu mnyam par snang ba ste// rgyal ba thams cad kun tu ston pa mdzad// zhing
- 304a
rnams kun gyi rdul rab phra ba snyed/ / zod kyi dkyil 'khor mnga' ba'i sangs rgyas su// kha dog bzang po gzhan dang gzhan snang bas// chos dbyings rgyas par skad cig re res 'phel rgyal ba'i ba spu'i sgo nas 'od zer sprin/ / rgyal che bsam yas mi zad mngon 'byung ba// de dag 'gro ba ma lus 'gengs byed cing // srog chags rnams kyi nyon mongs gdung ba sel// sangs rgyas sprul pa rgya mtsho mi zad pa/ / rgyal ba'i spu yi 'khor nas yongs bton cing // chos dbyings yangs pa rgyas par kun bkang ste// srog chags rnams kyi sdug bsngal ngan song sel// sangs rgyas gsung snyan rab tu sgrog mdzad pa/ / dbyangs kyi yan lag rgya mtsho sgra 'od can// chos char chen po rab tu 'bebs pa mdzad// srog chags byang chub bsam pa yongs su skyed// bskal pa rgya mtshor srung pa spyod pa'i tshe/ / 'dis ni sngan chad yongs su bzung mdzad pa// de dag kun gyis rgyal ba rnam snang mdzad// zhing rnams kun tu gzugs brnyan mtshan nyid mthong // de bzhin gshegs pa 'jig rten kun tu byung / / sems can re re kun la'ang mngon par zhugs// mos pa'i tshul bzhin spyod yul gzhan dang gzhan// de dag kho mos kun tu shes mi nus// rgyal sras dam pa thams cad ma lus bar/ / bde bar gshegs pa'i sku gcig rtse las 'byung // rnam thar de la gang rnams bsam yas pa// de dag thams cad kho mos shes mi nus// kho mo'i 'dab na gnas pa'i lha mo 'dra/
- 304b
'jig rten mgon la mngon 'gyur rab tu dga'// ming du snang ba 'od 'phro mig ces bya// de la byang chub spyod pa ci 'dra dros// de nas tshong dpon gyi bu nor bzangs kyis/ mtshan mo'i lha mo kun tu zab pa'i dpal dri ma med pa'i 'od kyi rkang pa gnyis la spyi bos phyag 'tshal te/ mtshan mo'i lha mo kun tu zab pa'i dpal dri ma med pa'i 'od la lan brgya stong du mar g.yas phyogs su bskor ba byas nas yang dang yang bltas te/ mtshan mo'i lha mo kun tu zab pa'i dpal dri ma med pa'i 'od kyi drung nas song ngo // de nas tshong dpon gyi bu nor bzangs dge ba'i bshes gnyen gyi gdams ngag gis byin gyis brlabs pa/ dge ba'i bshes gnyen gyi tshig la nan tan du bya ba'i sems yang dag par skyes pa/ dge ba'i bshes gnyen gyi sman pa la nad pa lta bu'i 'du shes kyis yongs su spyad pa'i sems dang ldan pa/ dge ba'i bshes gnyen mthong ba yid la byed pa ma 'khrugs pa'i sems dang ldan pa/ dge ba'i bshes gnyen blta ba la sgrib pa'i ri thams cad rnam par gtor ba'i glags rnyed pa'i sems dang ldan pa/ dge ba'i bshes gnyen mthong ba la sems can gyi khams thams cad yongs su bskyab pa'i snying rje chen po'i tshul rgya mtsho la 'jug pa thob pa'i sems dang ldan pa/ dge ba'i bshes gnyen mthong ba la chos kyi dbyings kyi tshul rgya mtsho'i ye shes snang ba rab tu thob pa'i sems dang ldan pa de/ mtshan mo'i lha mo rab tu dga' ba'i mig 'gro bar rnam par snang ba gang na ba der song ngo /
- 305a
de nas mtshan mo'i lha mo rab tu dga' ba'i mig 'gro bar rnam par snang bas/ tshong dpon gyi bu nor bzangs de bas kyang dge ba'i bshes gnyen gyi drung du 'gro ba dge ba'i rtsa ba tshogs las byung bas yongs su smin par bya ba'i phyir/ dge ba'i bshes gnyen gyi drung du 'gro ba tshogs chen po las byung bar byin gyis brlabs so// dge ba'i bshes gnyen gyi drung du 'gro ba rnam par gnon pa chen por byin gyis brlabs so/ / dge ba'i bshes gnyen gyi drung du 'gro ba brtson 'grus kyi las 'jug par dka' bar byin gyis brlabs so// dge ba'i bshes gnyen mo chung du 'tsha bsdad cing shin tu legs par byin gyis brlabs so/ / dge ba'i bshes gnyen gyi drung du 'gro ba phyogs mtha' dang dbus med pa la 'jug par byin gyis brlabs so// dge ba'i bshes gnyen gyi drung du 'gro ba yun ring por gnas pas byung bar byin gyis brlabs so/ / dge ba'i bshes gnyen gyi drung du 'gro ba don mtha' yas pa yongs su rdzogs pa'i rnam par dmigs pa 'byung pabar byin gyis brlabs so/ / dge ba'i bshes gnyen gyi drung du 'gro ba lam gyi rgyan mtha' dang dbus med pa'i tshogs kyis yongs su gnon par byin gyis brlabs so// dge ba'i bshes gnyen gyi drung du 'gro ba sgo kun nas rnam par gnon pas byung bar byin gyis brlabs so/ / dge ba'i bshes gnyen gyi drung du 'gro ba g.yo ba med par 'ong bas rnam par gnon par byin gyis brlabs so//
- 305b
de nas tshong dpon gyi bu nor bzangs thams cad mkhyen pa nyid kyi tshogs kyi brtson 'grus la rab tu brtson pas/ dge ba'i bshes gnyen gyi drung du 'gro ba dang / smon las chen po rgya mtsho mngon par bsgrub pa'i rnam par gnon pas/ dge ba'i bshes gnyen gyi drung du 'gro ba dang / sems can gcig gi don du phyi ma'i mtha'i bskal pa'i mur thug par sdug bsngal nyams su blang ba'i zhe non pas/ dge ba'i bshes gnyen gyi drung du 'gro ba dang / rdul shin tu phra ba gcig la chos kyi dbyings thams cad du sgra sgrog cing / yun ring por gnas pa'i rnam par gnon pa dang / brtson 'grus chen po'i go bgos pas/ dge ba'i bshes gnyen gyi drung du 'gro ba dang / phyogs rgya mtsho 'byam klas pa thams cad du shugs kyis 'gro bas/ dge ba'i bshes gnyen gyi drung du 'gro ba dang / ba spu'i sbubs gcig tu phyi ma'i mtha'i bskal par byang chub sems dpa'i spyod pa la gnas pas/ dge ba'i bshes gnyen gyi drung du 'gro ba dang / byang chub sems dpa'i spyod pa la gnas nas kyang / sems kyi skad cig re re la thams cad mkhyen pa'i ye shes 'gengs pa la gnas par bya bas/ dge ba'i bshes gnyen gyi drung du 'gro ba dang / dus gsum du gshegs pa'i bzhin gshegs pa'i rnam par 'phrul pa'i rgyan dang / lam yongs su gnon pa zhe non pas/ dge ba'i bshes gnyen gyi drung du 'gro ba dang / chos kyi dbyings kyi tshul gyi rgyun du zhugs pa'i lam
- 306a
yongs su gnas pas/ dge ba'i bshes gnyen gyi drung du 'gro ba dang / chos kyi dbyings kyi tshul thams cad la dmigs pa las ma g.yos par/ chos kyi dbyings kun tu rgyas par 'gengs pas/ dge ba'i bshes gnyen gyi drung du 'gro bas/ mtshan mo'i lha mo rab tu dga' ba'i mig 'gro ba rnam par snang ba gang na ba der phyin pa dang / des mtshan mo'i lha mo rab tu dga' ba'i mig 'gro ba rnam par snang ba bcom ldan 'das kyi 'khor gyi dkyil 'khor na seng ge'i khri me tog gi snying po can la 'dug cing / byang chub sems dpa'i ting nge 'dzin kun tu bzang po'i dga' ba yangs shing dri med pa'i shugs kyi rgyal mtshan la mnyam par bzhag mthong ngo / / de'i ba spu'i bu ga thams cad nas sbyin pa la sogs pa'i pha rol tu phyin pa'i spyod pa mngon par ston pa'i sprin sems can thams cad mngon par dga' ba/ sems can thams cad kyi yid du 'ong ba/ sems can thams cad kyis blta na nyams su bde ba/ sems can thams cad kyis blta na sdug pa rnam pa sna tshogs 'byung ba'ang mthong ste/ 'di ltar sems can thams cad la phan gdags shing rtsod pa med par bya ba dang / dngos po thams cad la 'phangs par rtsi ba med par bya ba dang / sems can thams cad la sbyor ba mtshungs pas yongs su gtang bar bya ba dang / sems can thams cad la mnyam pa'i sems su bya ba dang / sems can thams cad la brnyas pa med par yongs su gtang ba dang / nang
- 306b
dang phyi'i dngos po thams cad yongs su gtang ba dang / dka' ba chen po yongs su gtang bar bstan pa dang / 'jig rten thams cad du sems can gyi bsam pa ji bzhin gyi sbyin pa'i spyod pa yongs su bstan par bya ba'i phyir/ sems can thams cad kyi bsam pa ji lta ba bzhin du rnam par dmigs pa dang 'thun pa'i sgras/ sbyin pa'i spyod pa yongs su ston pa'i sprin dang / dus gsum du byung ba'i byang chub sems dpa' rnams gtang bar dka' ba yongs su gtong ba'i sprul pa bsam gyis mi khyab pa'i sprin 'thon nas/ phyogs bcu'i 'jig rten gyi khams 'byam klas par gtogs pa'i sems can thams cad kyis rnam par dmigs par gyur pa mthong ngo / / 'di lta ste/ byang chub sems dpa'i khyu mchog gi mthu phyung ba dang / rnam par 'brul pa bsam gyis mi khyab pa thob pas/ ba spu'i bu ga thams cad nas sems can thams cad dang mnyam pa'i skye ba sna tshogs su sprul pa'i lus kyi sprin mngon par 'thon te/ 'jig rten gyi khams thams cad du gtogs pa'i sems can thams cad la rgyas par khyab par byas nas/ mngon sum du brtul zhugs thams cad kyi yi dam las mi g.yo bar yongs su ston pa dang / sems can gyi khams dang mnyam pa'i dka' thub dang / brtul zhugs kyi dkyil 'khor sna tshogs rab tu ston pa dang / 'jig rten thams cad du gnas pa med pa dang / yul thams cad la ltos pa med pa dang / 'khor ba thams cad du gnas pa las phyir phyogs pa dang / lha dang mi'i phun sum tshogs pa chung
- 307a
pa'i sgor gzhol ba yongs su ston pa dang / mi sdug pa'i dkyil 'khor rab tu ston pa dang / 'jig rten gyi sdug pa'i 'du shes kyi phyin ci log rnam par zlog pa dang / mi rtag pa dang / g.yo ba dang / 'jig pa dang / 'gyur ba'i chos nyid yongs su ston pa dang / 'du byed thams cad kyi chos nyid sdug bsngal zhing bdag med pa yongs su ston pa dang / de bzhin gshegs pa'i yul la gnas pa dang mi 'bral bar mos par byed pa dang / de bzhin gshegs pa'i tshul khrims shin tu dag par bya ba'i phyir/ sems can thams cad la yang dag par skul ba dang / sems can thams cad kyi bsam pa ji lta ba bzhin gyi sgras tshul khrims kyi spyod pa yongs su ston pa dang / sems can thams cad yongs su tshim par byed pa'i tshul khrims kyi dri zhim po yongs su ston par byed cing / sems can thams cad yongs su smin par byed pa mthong ngo / / ba spu'i sgo thams cad nas sems can thams cad dang mnyam pa'i lus kha dog sna tshogs su sprul pa'i sprin 'thon te/ yan lag dang nying lag thams cad kyang nyams su bzod pa sems can thams cad la yongs su ston pa/ sems can thams cad kyis lus la gnod par mtho btsams kyang nyams su bzod par byed pa dang / sems can thams cad kyis tshul dang mi 'dra ba'i tshig gis spro ba dang / brgyad pa dang / smad pa dang / bskyung ba dang / brdeg pa dang / bsdigs pa nyams su bzod par byed pa yongs su ston pa dang / sems can thams
- 307b
cad kyis mi bskul ba yongs su ston pa dang / rim gror byas pa dang rim gror ma byas pa thams cad kyis mtho ba dang dma' bar mi 'gyur ba yongs su ston pa dang / sems can thams cad la nga rgyal med pa yongs su ston pa dang / chos thams cad kyi rang bzhin la bzod pa mi zad pas ye shes mi zad pa yongs su ston pa dang / sems can thams cad kyi nyon mongs pa thams cad yongs su spang ba'i phyir/ bzod pa'i spyod pa yongs su ston pa dang / sems can thams cad kyi lus dbyibs mi sdug cing kha dog mi mdzes pa'i gzugs rnam par zlog par byed pa dang / sems can thams cad la de bzhin gshegs pa'i sku mdog rnam par dag pa bla na med pa yongs su ston cing / sems can yongs su smin par byed pa mthong ngo // ba spu'i sgo thams cad nas sems can thams cad dang mnyam pa'i skye ba sna tshogs kyi lus kha dog dang / dbyibs dang / chu zheng sna tshogs su sprul pa'i sprin 'thon te/ sems can rnams kyi bsam pa ji lta ba bzhin du rgyas par khyab par byas nas/ thams cad mkhyen pa nyid kyi tshogs chen po la brtson 'grus kyis sngon du 'dor ba yang dag par ston pa dang / bdud kyi dkrugs ma thams cad rnam par 'thor ba'i brtson 'grus dang / byang chub tu brtsams pa mi 'khrugs mi rdzogs pa'i brtson 'grus dang / sems can thams cad 'khor ba'i rgya mtsho las rab tu bsgral ba'i brtson 'grus dang / mi lom pa dang / ngan song dang / ngan 'gro dang / log par lhung ba'i lam thams cad rnam par zlog pa'i brtson 'grus
- 308a
dang / mi shes pa'i ri rnam par gtor ba'i brtson 'grus dang / de bzhin gshegs pa thams cad mchod cing bsnyen bkur bya bas yongs su mi skyo ba'i brtson 'grus dang / sangs rgyas thams cad kyi chos kyi 'khor lo yang dag par blang ba dang / yongs su gzung ba'i brtson 'grus dang / sgrib pa thams cad kyi ri rab tu gzhom zhing rnam par gtor ba'i brtson 'grus dang / sems can thams cad yongs su smin par bya ba dang / gdul bas mi skyo ba'i brtson 'grus dang / sangs rgyas kyi zhing thams cad yongs su dag par bya ba'i brtson 'grus dang / de bzhin gshegs pa'i brtson 'grus rnam par dag pa bla na med pa yongs su ston cing / sems can yongs su smin par byed pa mthong ngo // ba spu'i sgo thams cad nas lus sna tshogs kha dog dang dbyibs rnam pa tha dad par sprul pa'i sprin 'thon te/ thabs sna tshogs kyis sems can rnams kyi dga' ba yongs su skyed pa dang / yid mi bde ba rnam par zlog pa dang / 'dod pa'i dga' ba thams cad rnam par smod pa dang / ngotsha shes pa'i chos nyid 'jig rten du sgrogs pa dang / dbang po bsdams pa la sems can rnams rab tu dgod pa dang / tshangs pa'i spyod pa bla na med pa yang dag par bsngags pa byed pa dang / 'dod pa'i 'jig rte/ bdud kyi yul 'jigs pa dang bcas par yongs su ston pa dang / 'dod pa'i dga' ba dang bral ba rnams la 'jig rten gyi 'dod pa dang dga' ba'i yul thams cad yong su ston pa dang / chos la mos
- 308b
shing dga' ba la sems can rab tu dgod pa dang / mthar gyis bsam gtan dang / ting nge 'dzin dang / snyoms par 'jug pa'i sgo mngon par sgrub pa dang / sems can thams cad kyi nyon mongs pa thams cad rnam par bsal ba la nges par rtogs pa'i sems yongs su rjod pa dang / byang chub sems dpa'i ting nge 'dzin rgya mtsho'i rnam par 'phrul pa thams cad yongs su ston pa dang / byang chub sems dpa'i mngon par shes pa dang / rnam par 'phrul pa dang / khyu mchog gi mthu phyung ba yongs su ston pa byed cing / sems can thams cad kyi dga' ba yongs su skyed pa dang / spro ba 'phel bar bya ba dang / nyams bde ba yongs su bskyed pa dang / yid mi bde ba bzlog pa dang / sems skyon med pa yongs su bsgrub pa dang / sems las su rung bar bya ba dang / bsam pa rnam par sbyang ba dang / dbang po gsal bar bya ba dang / lus kyi bde ba yongs su skyed pa dang / chos la dga' ba'i shugs rnam par 'phel bar bya ba byed cing sems can rnams yongs su smin par byed pa mthong ngo // ba spu'i sgo thams cad nas skye ba thams cad dang 'dra ba'i lus kyi sprin sna tshogs 'thon te/ zhing thams cad kyi khongs su chud pa'i sems can thams cad kyi yid bzhin du bstan pa'i phyir/ dge ba'i bshes gnyen gyi gan du 'gro bas skye ba med pa yongs su ston pa dang / slob dpon dang / bla ma dang / dge ba'i bshes gnyen la rim gro bya ba dang bsnyen bkur bas skyo ba med pa yongs su ston pa dang / de bzhin gshegs pa thams cad kyi chos
- 309a
kyi 'khor lo 'khor ba yang dag par blang yongs su gzung bas skyo ba med pa'i brtson 'grus yongs su ston pa dang / sangs rgyas rgya mtsho thams cad khong du chud par bya ba'i tshul yang dag par brjod pa dang / chos kyi sgo rgya mtsho thams cad rnam par 'byed pa dang / chos thams cad kyi mtshan nyid dang / rang bzhin dang / tshul mngon par brjod pa dang / chos thams cad ting nge 'dzin gyi sgor yongs su ston pa dang / sems can thams cad kyi dri ba dang the tshom rgya mtsho rnam par sel bas shes rab kyi yul yongs su ston pa dang / sems can thams cad kyi lta ba'i ri shin tu 'jom pa'i shes rab rdo rje yongs su ston pa dang / sems kyi skad cig gcig dang ldan pas sems can thams cad kyi ma rig pa'i mun pa rnam par sel ba'i shes rab kyi nyi ma'i dkyil 'khor 'char ba yongs su ston pa byed cing / sems can thams cad kyi dga' ba yongs su skye bar bya bas sems can thams cad yongs su smin par byed pa mthong ngo // ba spu'i sgo thams cad nas kha dog dang dbyibs bsam gyis mi khyab pa'i lus mang po 'gro ba thams cad dang mnyam pa'i sprul pa'i sprin 'thon te/ bsam pa dang mos pa ji lta ba bzhin du sems can thams cad la mngon du gnas shing sgra skad sna tshogs kyis yongs su sbyang ba bstan pas/ 'jig rten pa'i bsod nams dang bsod nams ma yin pa mngon par ston pa dang / 'jig rten pa'i bya ba thams cad rab tu rgyu ba dang / khams gsum pa 'byung
- 309b
ba thams cad yongs su ston pa dang / khams gsum pa thams cad las 'byung ba'i phyogs yang dag par brjod pa dang / lta ba'i mya ngan mi bzang ba thams cad las 'byung ba'i phyogs yang dag par bstan pas/ thams cad mkhyen pa nyid kyi lam gyi khyad par yongs su brjod pa dang / nyan thos dang rang sangs rgyas kyi sa'i lam las yongs su bzla ba yang dag par ston pa dang / rim gror byas pa dang rim gror ma byas pa la byams sdang gis gos pa med pa yongs su ston pa dang / 'khor ba dang mya ngan las 'das pa'i sgo la gnas pa yang dag par ston pa dang / dga' ldan gyi gnas la sogs pa gcig nas gcig turgyu ba rgyun mi 'chad pa yongs su ston pa dang / snying po byang chub tu song zhing mngon par rdzogs par 'tshang rgya bar rgyun mi 'chad pa yongs su ston pa byed cing / thams cad mkhyen pa nyid du sems can yongs su smin par byed pa mthong ngo / / ba spu'i sgo thams cad kyi baspu'i sgo re re nas kyang / sangs rgyas kyi zhing thams cad kyi rdul shin tu phra ba snyed kyi lus sprul pa'i sprin 'thon te/ sems can gyi 'jig rten thams cad la mngon sum du gnas shing / byang chub sems dpa' kun tu bzang po'i spyod pa dang sngon lam yongs su brjod pa dang / chos kyi dbyings thams cad rnam par dag pa'i mthar thug pa'i smon lam gyi khyad par yongs su brjod pa dang / sems kyi sad cig re re la 'jig rten gyi khams rgya mtsho thams cad yongs su dag par bya ba yongs su brjod pa dang / de bzhin gshegs pa thams cad la mchod cing rim gror bya ba rgyun mi
- 310a
'chad pa yongs su brjod pa dang / sems kyi skad cig re re la chos kyi tshul rgya mtsho thams cad la 'jug pa rgyun mi 'chad pa yongs su ston pa dang / 'jig rten gyi khams rgya mtsho thams cad rdul shin tu phra ba snyed kyi chos kyi dbyings kyi tshul rgya mtsho la 'jug pa rgyun mi 'chad pa yongs su ston pa dang / zhing thams cad du phyi ma'i mtha'i bskal pa'i mur thug par gnas shing / thams cad mkhyen pa nyid kyi lam rnam par dag par bya bar yongs su brjod pa rgyun mi 'chad pa yang dag par ston pa dang / sems kyi skad cig re re la de bzhin gshegs pa'i stobs la 'jug pa rgyun mi 'chad sa yang dag par brjod pa dang / dus gsum gyi tshul rgya mtsho thams cad la 'jug pa rgyun mi 'chad pa yongs su ston pa dang / zhing thams cad du rdzu 'phrul gyis rnam par 'phrul pa yongs su bstan pa rgyun mi 'chad pa yang dag par ston pa byed cing / byang chub sems dpa'i smon lam dang spyod pa yongs su bstan pas sems can thams cad thams cad mkhyen pa nyid rab tu 'god pa mthong ngo // ba spu'i sgo thams cad kyi ba spu'i sgo re re nas kyang 'gro ba thams cad kyi sems dang mnyam pa'i lus kyi sprul pa'i sprin mang po 'thon te/ sems can thams cad la mngon par gnas shing / thams cad mkhyen pa nyid kyi tshogs kyi stobs mu med pa yongs su ston pa dang / thams cad mkhyen pa'i sems kyi stobs mi zad pa dang / mi 'jigs pa dang / chud mi za ba'i chos can yongs su ston pa dang / byang chub sems dpa'i spyod
- 310b
pa thams cad yongs su bsgrub pa'i stobs phyir mi ldog cing phyir mi ldog la thug pa med pa dang / rgyun med pa dang bla na med pa yongs su ston pa dang / byang chub sems dpa' rnams kyi stobs 'khor ba'i nyes pa thams cad kyis mi gos pa yongs su ston pa dang / byang chub sems dpa'i rnams kyi stobs bdud kyi dkyil 'khor thams cad rnam par 'thor ba dang / byang chub sems dpa' rnams kyi stobs nyon mongs pa thams cad kyi dri mas nye bar nyon mongs pa med pa yongs su ston pa dang / byang chub sems dpa' rnams kyi stobs las kyi sgrib pa thams cad kyi ri rnam par 'thor ba yongs su ston pa dang / byang chub sems dpa' rnams kyi snying rje chen po'i stobs bskal pa thams cad du gnas kyang byang chub sems dpa'i spyod pas skyo ba med pa yongs su ston pa dang / byang chub sems dpa' rnams kyi stobs sangs rgyas zhing thams cad yong su bskyod cing bskul bas/ sems can thams cad rab tu dga' bar byed pa yongs su ston pa dang / byang chub sems dpa' rnams kyi stobs bdud dang phas kyi rgol ba'i tshegs thams cad rab tu 'joms pa yongs su ston pa dang / chos kyi 'khor lo bskor ba'i ye shes kyi stobs chen po 'jig rten du rab tu rjod pa byed cing / sems can thams cad thams cad mkhyen pa nyid du tsha smin par byed pa mthong ngo // ba spu'i sgo thams cad kyi ba spu'i sgo re re nas kyang lus kyi sprul pa rgya mtsho kha dog mtha' yas pa/ 'gro ba thams cad kyi sems dang mnyam pa'i sprin/ phyogs bcu mtha' yas pa'i sems can gyi
- 311a
khams su rgyas par 'gangs pa 'thon te/ sems can rnams kyi bsam pa dang mos pa ji lta ba bzhin du byang chub sems dpa'i spyod pa dang / ye shes kyi rnam par gnon pa yongs su ston pa dang / sems can gyi khams rgya mtsho thams cad la 'jug pa'i ye shes yongs su ston pa dang / sems can thams cad kyi sems rgya mtsho la 'jug pa'i ye shes yongs su ston pa dang sems can thams cad kyi dbang po rgya mtsho yongs su shes pa'i ye shes yongs su ston pa dang / sems can thams cad kyi spyod pa rgya mtsho la 'jug pa'i ye shes yongs su ston pa dang / sems can thams cad yongs su smin par bya ba dang / gdul ba'i dus las mi 'da' ba'i ye shes yongs su ston pa dang / chos kyi dbyings thams cad du grags par sgrog pa'i ye shes yongs su ston pa dang sems kyi skad cig re re la chos kyi dbyings thams cad du ye shes kyi tshul rgya mtshos rgyas par 'gengs pa'i ye shes yongs su ston pa dang / 'jig rten gyi khams rgya mtsho thams cad 'du ba dang 'jig paba'i ye shes yongs su ston pa dang / 'jig rten gyi khams thams cad kyi gzhi dang / dbyibs dang / rgyan rnam par dgod pa'i ye shes yongs su ston pa dang / de bzhin gshegs pa thams cad kyi mchod pa rnam par sprul te spyan sngar phyin nas mchod cing rim gro byed pa dang / chos kyi 'khor lo'i sprin yang dag par 'dzin pa'i ye shes yongs su ston pa byed cing / de ltar ye shes kyi
- 311b
pha rol tu phyin pa'i spyod pa yongs su ston pas sems can rnams kyi dga' ba skyed pa dang / sems dang bar byed pa dang / rab tu dga' ba skyed pa dang / mos pa 'phel bar byed pa dang / yid mi bde ba rnam par zlog pa dang / sems rnam par sbyong ba dang / sems skyon med pa skye bar byed pa dang / dbang po gsal bar byed pa dang / mos pa'i stobs yongs su skyed pa dang / thams cad mkhyen pa nyid las phyir mi ldog par byed pa mthong ngo / / pha rol tu phyin pa'i spyod pa yongs su bstan pas 'jig rten du ji ltar sems can yongs su smin par gyur pa mthong ba de bzhin du/ byang chub sems dpa'i chos thams cad rab tu sgrog pa'i tshul gyis mtshan mo'i lha mo rab tu dga' ba'i mig 'gro bar rnam par snang ba'i thog ma sems bskyed pa'i tshogs dang / dge ba'i bshes gnyen bstan bkur ba'i thabs dang / de bzhin gshegs pa'i zhabs kyi drung du phyin cing mchod pa dang rim gro byas pa'i tshul dang / dge ba'i chos spyad pa'i thabs ji snyed pa dang / sbyin pa'i pha rol tu phyin pa'i spyod pas gtang bar dka' ba yongs su gtang ba dang / tshul khrim kyi pha rol tu phyin pa yongs su sbyangs pa'i thabs dang / rgyal srid kyi dbang phyug chen po dang / 'khor mang po dang / longs spyod kyi dbang chen po yongs su gtang ste mngon par byung ba'i thabs ji snyed pa dang / 'jig rten gyi dka' ba'i spyod pa brtul zhugs dang dka' thub chen po'i dkyil 'khor la bzod pa mngon par bsgrubs pa ji snyed cig yod pa dang / byang chub sems dpa'i brtul zhugs yang dag par
- 312a
blang ba'i sbyor ba la mi g.yo bar bya ba ji snyed cig yod pa dang / byang chub sems dpa'i yid ma brtan pa'i chos rgya mtsho sems can gyi khams thams cad kyi nyes byas pa dang / ngan du smra ba dang / nyes par spyod pa thams cad bag la zhi bar byed pa'i sbyor ba dang / lus dang sems kyi gnod pa nyams su bzod par byed pa'i sbyor ba ji snyed cig yod pa dang / chos thams cad 'jig pa med pa'i chos nyid la bzod pa dang / chos thams cad la yid ches pa'i bzod pa dang / chos thams cad kyi rang bzhin nges par rtogs pa'i bzod pa ji snyed cig yod pa dang / thams cad mkhyen pa nyid du rtsom zhing sbyor ba'i brtson 'grus ji snyed cig yod pa dang / sangs rgyas kyi chos thams cad yongs su sgrub pa'i brtson 'grus ji snyed cig yod pa dang / brtson 'grus kyi pha rol tu phyin pa'i spyod pa ji snyed pa thams cad dang / bsam gtan gyi pha rol tu phyin pa'i tshogs dang / bsam gtan gyi pha rol tu phyin pa la brtson par bya ba dang / bsam gtan gyi pha rol tu phyin pa bsgrub pa rnam par dag pa'i spyod pa ji snyed cig yod pa dang / byang chub sems dpa'i ting nge 'dzin rab tu thob pas rnam par 'phrul pa ji skad cig yod pa dang / ting nge 'dzin gyi sgo rgya mtsho la 'jug pa ji snyed cig yod pa dang / bsam gtan gyi pha rol tu phyin pa'i spyod pa ji snyed pa thams cad dang / shes rab kyi pha rol tu phyin pa'i tshogs ji snyed cig yod pa dang / byang chub sems dpa'i shes rab chen po'i nyi ma'i dkyil 'khor rnam par sbyang ba'i tshul ji snyed cig yod pa dang / shes rab chen po'i
- 312b
sprin yongs su 'du ba'i tshul ji snyed cig yod pa dang / shes rab kyi gter chen po'i tshogs ji snyed cig yod pa dang / shes rab kyi rgya mtsho chen po la rnam par dpyad pa'i tshul dang sbyor ba ji snyed pa thams cad dang / thabs chen po la mkhas pa'i tshul gyi sbyor ba ji snyed cig yod pa dang / thabs chen po la mkhas pa yongs su dag par bya ba dang ldan pa'i sngon gyi sbyor ba ji snyed pa thams cad dang / byang chub sems dpa'i smon lam gyi pha rol tu phyin pa'i lus ji snyed cig yod pa dang / smon lam chen po'i pha rol tu phyin pa yongs su grub pa ji snyed cig yod pa dang / smon lam chen po'i pha rol tu phyin pa'i spyod pa ji snyed cig yod pa dang / smon lam chen po'i pha rol tu phyin pa dang ldan pa'i sngon gyi sbyor ba ji snyed pa thams cad dang / stobs kyi pha rol tu phyin pa thob par bya ba'i tshogs chen po ji snyed cig yod pa dang / stobs kyi pha rol tu phyin pa'i rkyen du gyur pa ji snyed cig yod pa dang / stobs kyi pha rol tu phyin pa'i tshul rgya mtsho chen po ji snyed cig yod pa dang / stobs kyi pha rol tu phyin pa shin tu bstan pa ji snyed cig yod pa dang / stobs kyi pha rol tu phyin pa dang ldan pa'i sngon gyi sbyor ba ji snyed pa thams cad dang / ye shes kyi pha rol tu phyin pa'i sbyor ba ji snyed cig yod pa dang / ye shes kyi pha rol tu phyin pa rnam par dag pa'i tshul ji snyed cig yod pa dang ye shes kyi pha rol tu phyin pa'i phyogs ji snyed cig yod pa dang / ye shes kyi pha rol tu phyin pa'i rjes su 'brang bar bya ba ji snyed cig yod pa dang / ye shes kyi pha rol tu phyin pa 'byam klas pa ji snyed cig yod pa
- 313a
dang / ye shes kyi pha rol tu phyin pa'i tshul la yang dag par gzhol bar bya ba ji snyed cig yod pa dang / ye shes kyi pha rol tu phyin pa'i tshul rnam par dmigs par bya ba ji snyed cig yod pa dang / ye shes kyi pha rol tu phyin pa 'byam klas pa'i rjes su 'brang bar bya ba ji snyed cig yod pa dang / ye shes kyi pha rol tu phyin pas rgyas par 'gengs pa ji skad cig yod pa dang / ye shes kyi pha rol tu byin pa'i rgya chen po ji snyed cig yod pa dang / ye shes kyi pha rol tu phyin pa'i lhun ji snyed cig yod pa dang / ye shes kyi pha rol tu phyin pa'i yongs su grub par bya ba dang ldan pa'i sngon gyi sbyor ba ji snyed pa thams cad dang / ye shes kyi pha rol tu phyin pa'i spyod pa'i rnam par rab tu phye ba la 'jug pa 'byung bar yongs su bsgrub pa ji snyed cig yod pa dang / ye shes kyi pha rol tu phyin pa la yang dag par gzhol bar bya ba'i tshul dang ldan pa'i chos rnams dang / chos yongs su bsdu ba dang / chos kyi ye shes kyi rjes su 'brang ba dang / las kyi ye shes kyi rjes su 'brang ba dang / zhing gi ye shes kyi rjes su 'brang ba dang / bskal pa'i ye shes rjes su 'brang ba dang / dus kyi ye shes kyi rjes su 'brang ba dang / sangs rgyas 'byung ba'i ye shes kyi rjes su 'brang ba dang / sangs rgyas kyi ye shes kyi rjes su 'brang ba dang / byang chub sems dpa'i ye shes kyi rjes su 'brang ba dang / byang chub sems dpa'i sems yongs su 'byung ba'i ye shes kyi rjes su 'brang ba dang / byang chub sems dpa'i rnam par dgod pa'i ye shes kyi rjes su 'brang ba dang / byang chub sems dpa'i
- 313b
'byung ba'i ye shes kyi rjes su 'brang ba dang / byang chub sems dpa'i rab tu 'jug pa'i ye shes kyi rjes su 'brang ba dang / byang chub sems dpa'i smon lam gyi ye shes kyi rjes su 'brang ba dang / byung chub sems dpa'i chos kyi 'khor lo'i ye shes kyi rjes su 'brang ba dang / byang chub sems dpa'i chos rnam par 'byed pa'i ye shes kyi rjes su 'brang ba dang / byang chub sems dpa'i chos rgya mtsho'i tshul rgyas shes kyi rjes su 'brang ba dang / byang chub sems dpa'i chos gang chen mtsho'i ye shes kyi rjes su 'brang ba dang / byang chub sems dpa'i chos kyi rgyud kyi ye shes kyi rjes su 'brang ba dang / byang chub sems dpa'i chos kyi gter gyi ye shes kyi rjes su 'brang ba dang / byang chub sems dpa'i chos kyi lugs kyi ye shes kyi rjes su 'brang ba ji snyed cig yod pa dang / mtshan mo'i lha mo rab tu dga' ba'i mig 'gro bar rnam par snang ba'i ye shes kyi pha rol tu phyin pa dang ldan pa'i byang chub sems dpa'i spyod pa mtha' dang dbus med pa'i dmigs pa can de dag thams cad de'i ba spu'i sgo thams cad kyi ba spu'i sgo re re nas mngon par 'thon te/ sems can gyi lus kyi sprin kha dog sna tshogs can du mngon par mched cing sems can yongs su smin par byed pa mthong ngo / / 'di lta ste/ 'og min dang / shin tu mthong ba dang / gya nom snang ba dang / mi dros pa dang / mi che ba'i gtsang ma'i gnas kyi lha lta bu'i lus kyi sprin du mngon par 'thon cing sems can yongs su smin par byed pa mthong ngo // de bzhin du 'bras bu che ba dang / bsod nams 'phel ba
- 314a
dang / sprin dang bral ba'i lha lta bu'i lus kyi sprin du mngon par 'thon cing sems can yongs su smin par byed pa mthong ngo // dge rgyas dang / tshad med dge ba dang / dge bachung ba'i lha lta bu'i lus kyi sprin du mngon par 'thon cing sems can yongs su smin par byed pa mthong ngo / / kun snang dang ba dang / tshad med snang ba dang / snang ba chung ngu'i lha lta bu'i lus kyi sprin du mngon par 'thon cing sems can yongs su smin par byed pa mthong ngo / / tshangs chen dang / tshangs lha nye phan dang / tshangs pa kun ris kyi lha lta bu'i lus kyi sprin du mngon par 'thon cing sems can yongs su smin par byed pa mthong ngo / / dbang sgyur gyi lha'i rgyal po lha mo'i tshogs dang lha'i bu dang bcas pa lta bu'i lus kyi sprin mngon par 'thon cing sems can yongs su smin par byed pa mthong ngo // lha'i rgyal po rab 'phrul dga' lha mo'i tshogs dang lha'i bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo // rab dga' ldan gyi lha'i rgyal po lha mo'i tshogs dang lha'i bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo / / rab mtshe ma'i lha'i rgyal po lha mo'i tshogs dang lnga'i bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo / / lha'i rgyal po brgya byin lha mo'i tshogs dang lha'i bu dang bcas pa lta bu'i lus kyi sprin du mngon par 'thon
- 314b
cing sems can yongs su smin par byed pa mthong ngo / / dri za'i rgyal po gnas srung po dang / dri za'i bu dang / dri za'i bu mo lta bu'i lus kyi sprin du mngon par 'thon cing sems can yongs su smi/ par byed pa mthong ngo // grul bum gyi rgyal po 'phags skyes po dang / grul bum gyi bu dang / grul bum gyi bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / / klu'i rgyal po mig mi bzang dang / klu'i bu dang / klu'i bu mo lta bu'i lus kyi sprin du mngon par 'thon cing sems can yongs su smin par byed pa mthong ngo // gnod sbyin / gyi rgyal po chen po ngal ba so bo dang / gnod sbyin gyi bu dang / gnod sbyin gyi bu mo lta bu'i lus kyi sprin du mngon par 'thon cing sems can yongs su smin par byed pa mthong ngo // mi 'am ci'i rgyal po sdong po dang / mi 'am ci'i bu dang / mi 'am ci'i bu mo lta bu'i lus kyi sprin du mngon par 'thon cing sems can yongs su smin par byed pa mthong ngo // lto 'phye chen po'i dbang po blo gros bzang po dang / lto 'phye chen po'i bu dang / lto 'phye chen po'i bu mo lta bu'i lus kyi sprin du mngon par 'thon cing sems can yongs su smin par byed pa mthong ngo // nam mkha' lding gi dbang po shugs drag stobs chen dang / nam mkha' lding gi bu dang / nam mkha' lding gi bu mo lta bu'i lus kyi sprin du mngon par 'thon cing sems can yongs su smin par byed pa mthong ngo // lha ma yin
- 315a
gyi dbang po sgra gcan dang / lha ma yin gyi bu dang / lha ma yin gyi bu mo lta bu'i lus kyi sprin du mngon par 'thon cing sems can yongs su smin par byed pa mthong ngo // chos kyi rgyal po gshin rje dang / gshin rje'i bu dang / gshin rje'i bu mo lta bu'i lus kyi sprin du mngon par 'thon cing sems can yongs su smin par byed pa mthong ngo // mi'i dbang po dang / skyes pa dang / bud med dang / khye'u dang / bu mo thams cad lta bu'i lus kyi sprin du mngon par 'thon cing sems can smin par byed pa mthong ngo // de bzhin du 'gro ba'i rgyud thams cad du gtogs pa'i sems can thams cad lta bu'i lus kyi sprin du mngon par 'thon cing sems can yongs su smin par byed pa mthong ngo / / nyan thos dang / rang sangs rgyas dang / drang srong thams cad lta bu'i lus kyi sprin du mngon par 'thon cing sems can yongs su smin par byed pa mthong ngo / / rlung dang / chu dang / me'i phung po'i lnga lta bu'i lus kyi sprin du mngon par 'thon cing sems can yongs su smin par byed pa mthong ngo // rgya mtsho dang / chu klung dang / ri dang / nags tshal dang / lo tog dang / sman dang / shing dang / sa'i lha lta bu'i lus kyi sprin du mngon par 'thon cing sems can yongs su smin par byed pa mthong ngo / / bza' shing gi ra ba dang / grong khyer dang / snying po byang chub dang / nyin par dang / mtshan mo dang / nam mkha' dang / phyogs dang / rkang gis 'gro ba dang / lus
- 315b
kyi ris su gtogs pa'i lha lta bu'i lus kyi sprin du mngon par 'thon cing sems can yongs su smin par byed pa mthong ba nas/ de bzhin du lag na rdo rje lta bu'i lus kyi sprin du mngon par 'thon cing phyogs bcu rgyas par bkang ste/ chos kyi dbyings kyi tshul 'jam klas pa thams cad du sems can thams cad la mngon par gnas shing sems can yongs su smin par byed pa'i bar du mthong ste/ mtshan mo'i lha mo rab tu dga' ba'i mig 'gro ba rnam par snang ba'i sems thog ma bskyed pa'i tshogs la sogs pa/ sngon gyi tshe rabs la yongs su bsgrubs pa'i dge ba'i sems gcig nas gcig tu brgyud de rgyun ma chad pa'i tshul ji snyed pa dang / byang chub tu sems bskyed pa'i bsngags pa gcig nas gcig tu brgyud cing 'dab chags pa dang / shi 'pho dang skye ba yongs su bzung ba gcig nas gcig tu brgyud cing 'dab chags pa dang / lus yongs su bzung ba gcig nas gcig tu brgyud cing 'dab chags pa dang / ming gi 'khor lo gcig nas gcig tu brgyud cing b.rab chags pa dang / dge ba'i bshes gnyen gyi gan du 'gro ba gcig nas gcig tu brgyud cing 'dab chags pa dang / sangs rgyas byung ste bsnyen bkur ba gcig nas gcig tu brgyud cing 'dab chags pa dang / chos kyi tshig dang yi ge blangs pa gcig nas gcig tu brgyud cing 'dab chags pa dang / byang chub sems dpa'i lam gyi nan tan gyi sems gcig nas gcig tu brgyud cing 'dab chags pa dang
- 316a
ting nge 'dzin rab tu thob pa gcig nas gcig tu brgyud cing 'dab chags pa dang / ting nge 'dzin thob pas sangs rgyas mthong ba gcig nas gcig tu brgyud cing 'dab chags pa dang / zhing mthong ba'i mig gis rgyas par bkang ba gcig nas gcig tu brgyud cing 'dab chags pa dang / bskal pa gcig nas gcig tu brgyud pa'i ye shes kyi 'khor lo 'dab chags pa dang / chos kyi dbyings khong du chud pa'i ye shes gcig nas gcig tu brgyud cing 'dab chags pa dang / sems can gyi khams la rnam par lta ba gcig nas gcig tu brgyud cing 'dab chags pa dang / chos kyi dbyings kyi tshul rgya mtshor gtogs pa'i sems can pha rol shi 'pho dang skye ba shes pa gcig nas gcig tu brgyud pa'i 'dab chags pa dang / lha'i rna ba yongs su dag pa rtogs par byed pa'i shes pa gcig nas gcig tu brgyud cing 'dab chags pa dang / sems can gyi khams thams cad kyi sems la rnam par lta zhing dbyangs la 'jug pa'i sgo gcig nas gcig tu brgyud cing 'dab chags pa dang / thog ma lha'i mig la zhugs pa'i sgo gcig nas gcig tu brgyud cing 'dab chags pa dang / thog ma lha'i rna ba rnam par dmigs pa gcig nas gcig tu brgyud cing 'dab chags pa dang / thog ma sems can pha rol gyi sems shes pa gcig nas gcig tu brgyud cing 'dab chags pa dang / thog ma bdag dang sems can pha rol gyi sngon gyi gnas rjes su dran pa
- 316b
shes pa gcig nas gcig tu brgyud cing 'dab chags pa dang / thog ma dngos po med pa la rab tu gnas te mngon par 'du bya ba med pa'i rdzu 'phrul thob pa'i rkyen gcig nas gcig tu brgyud cing 'dab chags pa dang / rdzu 'phrul chen po'i rnam par gnon pas phyogs rgyas par 'gengs pa gcig nas gcig tu brgyud cing 'dab chags pa dang / byang chub sems dpa'i rnam par thar pa thob pa gcig nas gcig tu brgyud cing 'dab chags pa dang / byang chub sems dpa'i rnam par thar pa rgya mtsho tshul bsam gyi mi khyab pa la 'jug pa gcig nas gcig tu brgyud cing 'dab chags pa dang / byang chub sems dpa'i ting nge 'dzin gyis rnam par 'phrul pa gcig nas gcig tu brgyud cing 'dab chags pa dang / byang chub sems dpa'i rnam par gnon pa gcig nas gcig tu brgyud cing 'dab chags pa dang / byang chub sems dpa'i yongs su gnon pa gcig nas gcig tu brgyud cing 'dab chags pa dang / byang chub sems dpa'i ming du bya ba gcig nas gcig tu brgyud cing 'dab chags pa dang / byang chub sems dpa'i lam la 'jug pa gcig nas gcig tu brgyud cing 'dab chags pa nas/ mtshan mo'i lha mo rab tu dga' ba'i mig 'gro bar rnam par snang ba'i byang chub sems dpa'i ye shes shin tu phra ba gcig nas gcig tu brgyud cing 'dab chags pa ji snyed pa de dag thams cad de'i baspu'i sgo thams cad nas sprul pa'i lus kyi sprin du mngon par 'thon te/ sems can rnams la chos
- 317a
'chad pa dang / yang dag par ston pa dang / gsal bar byed pa dang / yongs su ston pa dang / rjes su brjod pa dang / rab tu 'byed pa dang / shin tu rgya cher byed pa dang bgrang ba dang / nges par ston pa dang / rnam par rig par byed pa dang / nye bar bsgrub pa mthong ste/ la la la ni rlung gi dkyil 'khor shin tu 'khrugs pa'i sgra skad kyis chos ston pa mthong ngo // la la la ni chu'i phung po rab tu rlob pa'i sgra skad kyis la la la ni me'i lce shin tu rlob pa'i sgra skad kyis/ la la la ni rgya mtsho'i 'brug gi sba skad kyis la la la ni sa yongs su g.yos pa'i sgra skad kyis/ la la la ni ri chen po phan tshun thug cing 'thab pa'i sgra skad kyis/ la la la ni lha'i grong khyer g.yos pa'i nga ro snyan pa'i sgra skad kyis/ la la la ni gzhal med khang thug cing 'khrol ba'i sgra skad kyis chos ston pa mthong ngo / / la la la ni lha'i dbang po'i skad kyis/ la la la klu'i dbang po'i skad kyis/ la la la ni gnod sbyin gyi dbang po'i skad kyis/ la la la ni dri za'i dbang po'i skad kyis/ la la la ni lha ma yin gyi dbang po'i skad kyis/ la la la ni nam mkha'i lding gi dbang po'i skad kyis la la la ni mi 'am ci'i dbang po'i skad kyis/ la la la ni lto 'phye chen po'i dbang po'i skad kyis/ la la la ni mi'i dbang po'i skad kyis la la la ni tshangs pa'i dbang po'i skad kyis/ la la la ni lha mo'i glu'i dbyangs kyis/ la la la ni lnga rdzas
- 317b
kyi rol mo legs par blangs pa'i dbyangs kyis/ la la la ni nor bu rin po che'i sgra dbyangs kyis/ la la la ni sems can gyi ris thams cad kyi skad kyi sna tshogs kyis/ mtshan mo'i lha mo rab tu dga' ba'i mig 'gro bar rnam par snang ba'i rnam par thar pa'i yul sems can rnams la rab tu rjod pa mthong ngo / / de bzhin du byang chub sems dpa'i lus kyi sprin gyis byang chub sems dpa'i sgra skad sna tshogs dang / de bzhin gshegs pa'i sprul pa'i sku'i sprin gyis de bzhin gshegs pa'i gsung rnam pa tha dad pa'i dbyangs kyi yan lag gi tshul gyis/ mtshan mo'i lha mo rab tu dga' ba'i mig 'gro bar rnam par thar pa'i yul thog ma sems bskyed pa dang bcas pa yongs su byung ste/ grub cing yang dag par 'dus pa dang bcas pa/ rnam par thar pa'i rnam par rtse ba dang bcas pa/ sems can thams cad la rnam par dmigs par byed pa mthong ngo // de'i sprul pa'i gzugs kyi sprin re res kyang / sems kyi skad cig re re la phyogs bcu'i 'jig rten gyi khams kyi sangs rgyas kyi zhing brjod du med pa'i yang brjod du med pa rnams sbyong ba mthong ngo / / sems can rgya mtsho mtha' yas pa dag kyang ngan song gi sdug bsngal thams cad las rnam par 'grel pa mthong ngo // sems can gyi khams mtha' dang dbus med pa dag kyang mi'i phun sum tshogs pa la rab tu 'god pa mthong ngo / / sems can rgya mtsho mtha' dang dbus med pa dag kyang 'khor ba rgya mtsho las gyen du spyod pa mthong
- 318a
ngo / / sems can rgya mtsho mtha' dang dbus med pa dag kyang nyan thos dang rang sangs rgyas kyi sa la rab tu 'god pa mthong ngo // sems kyi skad cig re re la sems can rgya mtsho mtha' dang dbus med pa dag kyang stobs bcu'i ye shes kyi sar 'dzud pa tshong dpon gyi bu nor bzangs kyis mthong ngo / / thos so// rnam par dpyad do// zhugs so// khong du chud do// nges par rdzogs so// rjes su shes so// rjes su 'brangs so// rjes su zhugs so// mnyam pa nyid du byin gyis brlabs te/ de ni mtshan mo'i lha mo rab tu dga' ba'i mig 'gro bar rnam par snang ba'i byang chub sems dpa'i rnam par thar pa kun tu bzang po'i dga' ba shin tu yangs pa'i rgyal mtshan bsam gyis mi khyab pa'i rnam par 'phrul pa dang / khyu mchog gi mthu byung ba'i byin dang sngon skal ba mnyam par spyad pa dang / de bzhin gshegs pa'i byin gyi rlabs kyis byin du brlabs pa dang / dge ba'i rtsa ba rnam par smin pa bsam gyis mi khyab pa dang / byang chub sems dpa'i spyod pa kun tu bzang po'i snod du gyur pa'i phyir ro// de nas tshong dpon gyi bu nor bzangs byang chub sems dpa'i dga' ba'i shugs drag po gangs chen mtsho snang ba chen po rab tu thob pa/ phyogs bcu'i de bzhin gshegs pa thams cad kyis byin gyis brlabs pa des/ mtshan mo'i lha mo rab tu dga' ba'i mig 'gro bar rnam par snang ba'i mdun du 'dug sa thal mo sbyar nas/ mtshan mo'i lha mo rab tu dga' ba'i mig 'gro bar rnam par snang ba la chu
- 318b
dang 'dra ba'i tshogs su bcad pa 'di dag gis mngon par bstod do/ / rgyal ba'i chos rnams shin tu zab// de la khyod kyis bsal pa tshad med bslabs// bsam pa ji bzhin gzugs rnams kyis/ 'gro ba kun kyang 'jig rten rim pas bstan// bdag med mgon med log pa yi// 'du shes rtag tu 'khrul pa mkhyen gyur nas// rdzu 'phrul rnam pa du ma yis// lus dang dbang phyug ston mdzad 'gro ba 'dul// shin tu rims bral rab tu zhi// chos sku gnyis med rnam par dag pa mnga'// 'gro ba ma lus gnyis gnas pa// sprul pa'i sprin sgra 'brag gis rnam par 'dul// phung po khams dang skye mched la// khyod ni nam yang mi gnas mi rten te// yan lag kun rgyas gzugs mchog dang // dbang phyug yongs su bsgrags pas 'gro ba 'dul// phyi dang nang las rnam par grol// gnyis las byung ba'i mtsho las 'phags gyur kyang / / 'khor ba'i rgya mtsho mtha' yas pa'i// gzugs brnyan 'gro ba'i rgyud du rab tu ston// khyod la g.yo ba mi mnga' ste// nam yang rlom sems g.yo ba'i spris mi mnga'// 'jig rten spros mos byis pa rnams/ / chos kyi rang bzhin bstan cing 'dul ba mdzad// ting 'dzin rgya mtsho kun spyod pas// bskal pa mang por rtse gcig thub bzhugs kyang // phyogs bcu'i bde gshegs mchod don du/ / spu rnams rtse las sprul pa'i sprin kyang 'gyed// sangs rgyas stobs la 'jug pa'i tshul// skad cig re re mtha' yas thugs su chud// sems can bsdu ba'i sbyor ba rnams//
- 319a
so so'i rkyen bzhin ko bar bgyi bas bstan// khyod kyis srid pa'i rgya mtsho dag/ las kyi rnam bris sna tshogs gzugs gzigs shing // chos kyi sgrib pa med pa'i lam bstan te/ sems can kun kyang rnam par sbyong ba mdzad// khyod sku mtshan bris rnam dag kyang // kun tu bzang po'i spyod pa dam pa yis// sems can bsam pa'i dbang tshul du// khyod ni lha mo'i sku gzugs ston// de nas tshong dpon gyi bu nor bzangs kyis/ mtshan mo'i lha mo rab tu dga' ba'i mig 'gro bar rnam par snang ba la tshul dang 'dra ba'i tshigs su bcad pa de dag gis mngon par bstod de 'di skad ces smras so/ / lha mo khyod bla na med pa yang dag par rdzogs pa'i byang chub tu zhugs nas ji srid cig lags/ lha mo khyod kyis byang chub sems dpa'i rnam par thar pa kun tu bzang po'i dga' ba shin tu yangs shing dri ma med pa'i shugs kyi rgyal mtshan 'di thob nas ji srid cig lags/ de nas mtshan mo'i lha mo rab tu dga' ba'i mig 'gro bar rnam par snang bas/ tshong dpon gyi bu nor bzangs la tshogs su bcad de smras pa/ dran pa bskal pa mang 'das pa// zhing gi rdul snyed de yi snga rol na// zhing ni rin chen mdog bang byung // de yi bskal pa zhi ba'i dbyangs shes bya// gling bzhi bye ba khrag khrig ste// brgya stong phrag bcu rnams kyis yongs su gang / / tshad med rin chen ri bo 'dra// gling bzhi'i bar ma bzang po rnam par bkram// rgyal po'i pho brang bye ba brgya// stong phrag bcu rnams yongs su tshang ba ste/
- 319b
rgyal po'i pho brang mdangs dga' ba// dbus na gnas pa'i spos kyi rgyal mtshan 'od// der ni phyogs kyi dbang po sa yi bdag/ 'khor los sgyur ba mngon par gzugs b.rang byung // mtshan rab sum/ cu gnyis dang ldan// de yi lus kyang dpe byad bzang pos brgyan// pad+mo'i sbubs nas rdzus te byung // gser gyi mdog bzang 'od 'byung lus dang ldan// 'dzam bu'i rgyal mtshan thams cad du/ mkha' las 'gro zhing 'od kyis de 'gengs so// de yi bu ni stong tshang ste// kun kyang yan lag dam pa'i gzugs dang ldan// blon po mkhas shing gsal ba dang // mdzangs shing yid gzhungs bye ba shin tu mang / / btsun mo bye ba phrag bcu tshang // lha mo ji bzhin dga' ba'i tshul la mkhas// de dag phan sems bde sems kyis// rgyal po de la nye ba'i yid du gnas// rgyal po de ni sa chen de// ri dang khor yug kun gyi mtha' klas pa'i/ / gling bzhi phun sum tshogs pa dag/ kun kyang chos kyi stobs kyis gnas par byed// kho mo 'khor los sgyur ba yi// btsun mo tshangs pa'i sgra skad rin chen lus// gser gyi mdog 'chang dri med 'od// dpag tshad stong du 'od kyis rgyas par 'gengs// nyi ma nub par gyur nas kyang // rgyal po sras dang 'khor bcas gzims gyur nas// rol mo'i dbyangs kyang zhir gyur te/ / kho mo mal na bde bar nyal nyal na// nam gyi phyed tsam gung zhig la// sangs rgyas dpal gyi rgya mtsho byung bar gyur// de tshe rgyal bas rnam 'phrul pa// phyogs bcu rgyas par bkang ste
- 320a
bstan pa mdzad/ / rgyal ba'i 'od zer rgya mtsho des// zhing gi rdul snyed 'jig rten khyab par 'gyur// rnam 'phrul sku rnams sna tshogs kyis// phyogs bcu thams cad ma lus rgyas par bkang / / sa rnams ri dang bcas par g.yos// rgyal ba byung zhes sgra yangs yongs su brjod// lha dang lha min mi dang klu// kun kyang rgyal ba byung bas rab tu dga'// sangs rgyas ba spu'i sgo kun nas/ / sprul pa'i rgya mtsho mang po mngon par byung // des ni phyogs bcu rgyas bkang nas// 'jig rten bsam pa bzhin du chos kyang bstan// rnam 'phrul mtha' yas de dag kyang / / rgyal bas thams cad bdag gi rmi lam bstan// zab mo'i 'brug sgra thos gyur nas// khong du chud pas kho mo dga' yid gyur// mtshan mo'i lha mo stong snyed kyang // kho mo'i steng gi bar snang mkha' gnas shing / / rgyal ba'i legs pa brjod byas nas// kho mo sad par smra zhing brjod// lha yi blo gros btsun mo longs// khyod kyi rgyal ba'i khams su rgyal ba skyes// bskal pa rgya mtsho brgya dag tu/ / de 'dra'i phun sum tshogs pa rnam dag dkon// kho mo dga' 'gyur sad par gyur// 'od gsal dri med rnam dag mthong // 'od bzang de ni ga las blta bltan// byang chub shing rgyal drung gi rgyal ba mthong / / mtshan nyid sum cu gnyis kyis brgyan// ba spu kun nas 'od zer rgya mtsho bkye// ri rab ji bzhin mngon par 'phags// rgyal ba g.yas g.yos kun tu'ang de bzhin no// mthong nas kho mo
- 320b
rab dga' ste/ / de 'drar 'gyur bar sems kyang yongs su bskyed// sangs rgyas rnam 'phrul yangs mthong nas// kho mos smon lam shin tu rgya chen btab// kho mos rgyal po bzhengs su gsol// de yi 'khor dang bud med tshogs kyang bslang / / sangs rgyas 'od yangs mthong gyur nas// kun kyang bde ba'i lus su gyur// rgyal po de dang lhan cig tu// bzhon pa bye ba srog chags khrag khrig gis// yongs su bskor te dpung bcas pa/ rgyal ba'i spyan sngar kun kyang dong // lo grangs stong phrag nyi shur yang // kho mos rgyal ba de la mchod bkur byas// rin chen bdun yang yon du phul// rgya mtsho yongs dang bcas pa'i sa yang gsol// mdo sde rgya mtsho tan sprin/ / smon lam mtshe las yongs su byung ba'i rgyan// kun kyang de bzhin gshegs las byung // bsam pa ji bzhin 'gro bar de bzhin bstan// mtshan mo'i lha mo ji snyed cig/ de tshe snying brtser kho mos phan bstan pa/ / de 'drar gyur te myos bsal zhes// kho mos mos pa yongs su skyes par gyur// kho mo'i smon lam de 'dra'i sems// thog ma byang chub mchog tu skyes par gyur// 'khor ba'i rgya mtsho gnas pa'i tshe// srid pa'i mtshos de ni zhig ma gyur/ / sangs rgyas bye ba khrag khrig rnams// kho mos dad pa bskyed de mchod pa byas// 'khor ba'i lha dang mi dbus su// yul gyi dga' dang bde la mngon par smon// rgyal ba'i dang po dpal gyi mtsho// de mi 'og ma yon tan sgron ma ste/ / rgyal ba gsum pa rin chen dpal// sangs rgyas bzhi panam mkha'i shes rab bo// rgyal ba lnga pa me tog mchog/ rgyal ba drug pa chags med zla ba'i blo// rgyal ba 'od rgyal chos kyi zla/ brgyad pa
- 321a
ye shes dkyil 'khor snang ba'o/ / rin chen 'od 'phro sbron te// rgyal ba dgu pa de tshe byung bar gyur// bcu pa dus gsum 'od dbyangs te// de dag kho mos dad pas mchod// bcu po de la sogs pa dag/ mi yi dbang po dam pa kun mchod de// tshul gyis rgya mtsho 'dir zhugs pa'i// mig ni de srid yun gyis thob ma gyur// de 'og zhing gi mtshams sbyor ba// rin chen thams cad 'od ces bya ba byung / / bskal pa lha yi dpal zhes bya// sangs rgyas lnga brgya de la byung bar gyur// thog ma zla ba'i dkyil 'khor byung // gnyis pa nyi ma'i sgron ma mngon par skyes// snang ba'i rgyal mtshan sangs rgyas gsum/ / de yi 'og tu rin chen ri bo'o// me tog 'od 'phro rgya mtsho sgron// me yi dpal dang lha yi dpal gyi mchog/ snang ba'i rgyal po 'od kyi dpal// bcu pa ye shes kun snang rgyal po'o// bcu po de la sogs pa dag/ mi yi dbang po de dag kho mo yis// phung po'i gnas la dad dga' zhing // gnas med chos la gnas kyi blos mchod do// de 'og de yi mtshams sbyor ba// 'jig rten khams bzangs/ byung bar gyur pa ni// pad+mo'i sgron ma sprin gyi dpal// de tshe'i bskal pa tshangs pa'i 'od ces bya// de la rgyal ba tshad med de// de dag 'khor dang bcas pa kho mos mchod// rgyal ba de dag thams cad las// rim gro chen pos kho mos chos kyang thos/ / rgyal ba'i dang po rin chen ri// de yi 'og ma yon tan rgya mtsho ste// rgyal ba chos dbyings dbyangs kyi dpal// chos rab rgya mtsho sgrog pa bzhi pa'o// chos kyi rgyal mtshan gzungs kyi
- 321b
'od/ / chos stobs 'od dang nam mkha'i blo gros te// chos 'od ri bo sngo mthon dang // de dag tha ma'i mtshan ni sprin dpal lo// bcu po de la sogs pa dag/ mi yi dam pa de dag kun mchod de// rgyal ba'i rgya mtsho 'dir zhugs pa'i/ / chos nyid de ni dag ma gyur// de yi 'og tu de bzhin gshegs// nyi ma'i sgron ma dpal gyi dpal zhes bya// zhing ni sangs rgyas yod pa ste// de la bskal pa zla ba'i dpal bya ngongo/ / de la stobs bcu byung ba ni// bye ba brgyad cu yongs su tshang ba ste// de dag kun la'ang mchod pa'i sgo// rgya che mtha' yas yid 'ong du ma byas// thog mar byung ba dri za'i rgyal// de yi 'og tu sangs rgyas shing rgyal te/ / rgyal ba gsum pa yon tan ri// de yi 'og tu rin chen spyan gshegs so// rnam par snang mdzad 'od kyi rgyan// chos kyi rgya mtsho sangs rgyas gzi brjid dpal// 'jig rten dbang po 'od bzang dpal/ / kun gyi tha ma chos 'od rgyal po'o// bcu po de la sogs pa dag/ bde gshegs de dag thams cad mchod byas kyang // chos kyi rgya mtshor 'jug pa yi// ye shes kho mos thob par ma gyur te// de yi 'og tu zhing dag pa/ / rdo rje'i rang bzhin mi phyed gzi brjid brtan// kun tu 'od sprin ming ldan byung // rgyan gcig kun nas mdzes par gnas pa'o// de la sems can dag pa mang // nyon mongs dri mas nyon mongs shin tu nyung / / bskal pa rab zhi blo gros 'od// sangs rgyas stong rnams byung bas rnam par brgyan// rgyal ba'i dang po rdo rje gtsug/ gnyis pa chags med stobs mnga'i mtshan ldan pa// rgyal ba
- 322a
chos dbyings gzugs brnyan dang / / phyogs rnams kun tu sgron ma gsal ba'i bdag/ rgyal ba lnga pa thugs rje'i 'od// rgyal ba drug pa brtul zhugs rgya mtsho'o// bde gshags bzod 'khor sgron ma dang / / brgyad pa chos kyi dkyil 'khor snang ba ste// snang ba rgya mtshos brgyan pa dang // de dag tha ma zhi ba'i rgyal po'o// bcu po de la sogs pa dag/ mi yi dam pa de kun kho mos mchod// chos nyid nam mkha' mnyam pa 'di/ / rang bzhin yongs su kun nas dag pa ste// de la gnas shing zhing gi rnams// 'byam klas kun tu spyod spun ma dag go// de yi 'og tu mdangs dga' ba'i// zhing ni spos sgron sprin gyi dpal zhes bya/ / kun nas nyon mongs yongs su dag/ de yi bskal pa legs par byung zhes bya// rgyal ba bye ba de tshe byung // de dag kun gyis de tshe bskal pa brgyan// mgon po de dag chos gsung ba// kho mos dran pa'i stobs kyis yongs su bzung // rgyal ba'i dang po grangs yas te// chos kyi rgya mtsho shugs drag dpal gyi rgyal// chos dbang rgyal po yon tan sprin// chos kyi dpal dang lha yi cod pan no// ye shes 'od 'phro gzi brjid dpal// rkang gnyis dam pa bdun pa de yin no// rgyal ba brgyad pa nam mkha'i dbyangs// dgu pa kun tu 'byung ba'i sgron ma ste// de dag tha ma'i sangs rgyas ni// mdzod spu'i dpal gyi 'od kyi blo gros te/ / rgyal ba mi mchog de dag la// mchod pa byas kyang chags med de ma sbyangs// de yi 'og ma rgyan rab can// rin chen sna tshogs kun tu gnas pa ste// 'jig rten rnam
- 322b
par phye ba'i mtha'/ / rin chen rgyal mtshan blo gros mchog/ de tshe'i bskal pa'i snying po'i tshogs// de la sangs rgyas brgya phrag lnga byung ste// rnam thar chags med 'di 'dod cing // rang byung de dag thams cad kho mos mchod/ / thog ma'i mtshan ni yon tan 'khor// zhi ba'i dbyangs dang rgya mtsho phun sum tshogs// nyi ma'i gzi brjid dpal gyi bdag/ mtshan rgya sprin sgra dbyangs shes bya ba dang / / chos dbang rgyal po yon tan bdag/ bsod nams ri rab zhi ba 'od kyi rgyal// bcu po de la sogs pa dag/ rgyal ba de dag kun kyang lo mos mchod// rgyal ba'i lam ni ngar spungs te// de la rgyal ba kun kyang yang dag gzhol/ / 'on kyang nga dung rgyal ba yi// tshul 'dir 'jug pa'i bzod pa ma thob bo// de 'og yid 'ong 'od ldan pa// yongs su dag pa'i 'jig rten khams byung ste// zhing dbyangs 'phreng ba'i blo gros can/ / sems can nyon mongs nyung ba'i gnas yin no// bskal pa bde zhing mngon dga' ste// de la sangs rgyas bye ba brgyad cu byung // mi mchog de kun kho mos mchod// rgyal ba mchog gi lam yang rnam par sbyangs/ / rgyal ba'i dang po me tog brtsegs// rgya mtsho'i snying po yang dag 'byung ba'i mchog/ lha dbang gtsug pud rin chen gtso// gser gyi ri bo rin chen brtsegs pa dang / / chos kyi rgyal mtshan nor gyi dpal// de dag kun gyi tha ma ye shes blo// bcu po de la sogs pa dang // lha dang mi gtso de dag kho mos mchod// de 'og mtshams sbyor zhing 'byung ba// sprul pa bzang
- 323a
po'i rgyal mtshan sngon ma ste/ / bskal pa stong gi dpal zhes bya// de la sangs rgyas bye ba khrag khrig drug/ zhi ba'i rgyal mtshan zhi gnas dpal// zhi ba'i sgron ma sprin gyi rgyal po'i dpal/ snang ba'i 'od kyi rgyal po dang // rnam par sprin mched nyi ma'i gzi brjid dang // chos kyi sgron ma dpal gyi ri// 'od 'phro'i dpal dang lha'i snying po'i dpal// de dag tha mar byung ba ni// seng ge'i sgra sgrogs mkhas pa sgron ma'o/ / bcu po de la sogs pa dag/ bde gshegs zla ba de dag kho mos mchod// 'on kyang tshul mtsho 'dir 'jug pa'i// bzod pa kho mos thob par ma gyur to// de 'og mtshams sbyor zhing byung ba/ / kun tu snang ba'i dpal zhes bya ba ste// bskal pa gnas med rnam par brgyan// de la sangs rgyas bye ba sum cu drug/ dang po yon tan kun tu smin// de yi 'og ma sangs rgyas nam mkha'i thugs// sangs rgyas legs byung rnam brgyan dang // rgya mtsho'i chos kyi sprin sgra sgrog pa'i dbyangs// rgyal ba chos dbyings gsung dbyangs dang // sprul pa'i sprin sgra snyan pa'i dpal mnga' dang // sangs rgyas phyogs kun gzi brjid dang / / chos kyi rgya mtsho yongs byung sgra dbyangs dang // yon tan rgya mtsho dpal gyi ston// rgyal ba'i nyi ma dgu pa byung bar gyur// de dag kun gyi tha ma ste// rin chen dpal sgron yon tan dpal mchod do// rin chen dpal sngon yon tan dpal/ / nang gnyis dam pa byung bar gyur pa'i tshe// kho mo lha mo bla bzhin te// mi yi dam pa byung tshe mchod pa byas// rgyal ba des ni kho mo la// mdo sde sngon lam rgya mtsho 'byung ba
- 323b
brgyan/ / gnas med rgyan kyang rab tu bshad// thos nas kho mos dran pa'i stobs kyis gzung // kho mos mig yangs der thob ste// ting 'dzin zhi dang gzungs kyi stobs kyang thob// skad cig re rer zhing brgyud pa'i/ / rgyal ba rgya mtsho mang po'ang kho mos mthong // byams tshul kun tu snang ba'i sprin// byang chub sems rab mkha' dang mnyam pa ste// snying rje'i snying pos brgyan pa dang // sangs rgyas stobs kyi tshad du yangs par skyes/ / 'gro ba phyin ci log gyur te// rtag dang bde dang gtsang dang bdag zhen pa// gti mug mdongs gyur ma rig pasgribs// nyon mongs 'khrugs shing log par 'du shes pa// lta ba'i rnam pabastug la spyod/ / lam gyi 'gro rgyud nyam ngar sred dbang gyur// rnam pa sna tshogs bye brag tu// las kyi rnam par bris pas kun byung ba// 'gro rgyud kun gyi shi 'pho'i sgor// skye bar 'gyur bas kun tu skyer gyur cing / / skye dang rga shi gnod pa rnams// lus dang sems kyis nyams su myong gyur pa// mthong nas de dag phan bde'i phyir// zhing rnams 'byam klas thams cad kyi// stobs bcu gang las byung ba yi// bla na med pa'i sems kyang kho mos bskyed// de las smon lam sprin byung ba// 'gro ba kun la bde bar gzhol ba'i mchog/ tshogs rnams 'byung ba mtha' yas dang // lam tshul rgya mtsho rtogs pa'ang de nas byung / / 'jug pa'i sprin yangs thob gyur pa// lam rgyud kun tu sgo gsal shugs ldan te// pha rol phyin gyi sprin yangs pa'ang // chos dbyings 'byam klas kun tu rnam par 'gyed// sa gnon shugs drag yangs
- 324a
ldan dang / / dus gsum rgya mtsho'i tshul gyis rnams la// chags pa med pa spyod par gyur// skad cig gcig gis rgyal ba kun drung 'gro// gzhan yang rgyal sras lo mos ni// spyod pa kun tu bzang po yongs su gnon/ / chos dbyings bye brag bcu rnams kyi// rgya mtsho'i tshul la'ang kho mo sa rtogs par 'jug/ rigs kyi bu de la ji snyam du sems// de'i tshe de'i dus na rgyal po 'khor los sgyur ba sangs rgyas kyi rigs kyi rgyun mi gcod pa la zhugs pa mi'i bdag po zhes bya ba byung ba de gzhan zhig yin pa tsam du sems na ni/ rigs kyi bu de ltar mi blta ste/ 'jam dpal gzhon nur gyur pa ni de'i tshe de'i dus na rgyal po mi'i bdag po zhes bya ba 'khor los sgyur ba sangs rgyas kyi rigs rgyud mi gcad pa la zhugs pa'o/ / kho mo sad par byed pa'i mtshan mo'i lha mo de ni byang chub sems dpa' kun tu bzang pos sprul pa'o/ / rigs kyi bu de la ji snyam du sems/ de'i tshe de'i dus na 'khor los sgyur pa'i btsun mo bud med rin po che bzang po'i blo gros ma zhes bya ba byung ba de gzhan zhig yin pa tsam du sems na ni de ltar mi blta ste/ kho mo ni de'i tshe de'i dus na 'khor los sgyur ba'i btsun mo bud med rin po che bzang po'i blo gros ma zhes bya bar gyur te/ kho mo mtshan mo'i lha mo nges sad par byas nas/ sangs rgyas blta ba la yang dag par bskul to/ / rigs kyi bu kho mos ni bla na med pa yang dag par rdzogs pa'i byang chub tu sems de srid cig nas bskyed de/ de ltar kho mo sems bskyed pa de'i mthus bskal pa
- 324b
sangs rgyas kyi zhing gi rdul shin tu phra bskyed du nam yang ngan song log par ltung bar ma skyes te/ rtag tu rgyun ma chad par lha dang mi'i 'gro ba'i rgyud la rten cing / thams cad du'ang de bzhin gshegs pa blta ba dang ldan par gyur to/ / tha mar kho mos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi sgron ma yon tan rgyal mtshan mthong ba tsam gyis/ byang chub sems dpa'i rnam par thar pa kun tu bzang po'i dga' ba shin tu yangs shing dri ma med pa'i shugs kyi rgyal mtshan zhes bya ba 'di thob ste/ de thob pas kho mo sems can yongs su smin par bya ba dang / gdul ba'i don du rnam pa 'di lta bus sta gon du gnas pa yin no// rigs kyi bu kho mos byang chub sems dpa'i rnam par thar pa kun tu bzang po'i dga' ba rgya chen po'i shugs kyi rgyal mtshan 'di shes par zad na/ kho mos byang chub sems dpa' de bzhin gshegs pa thams cad kyi zhabs kyi drung na 'khod cing / sems kyi skad cig re re la thams cad mkhyen pa nyid du 'jug pa'i shugs drag po rgya mtsho chen po rab tu thob pa/ 'jug pa'i sgo thams cad la sems kyi skad cig re re zhing smon lam chen po rgya mtshos 'jug pa rab tu thob pa/ sems kyi skad cig re re zhing smon lam rgya mtsho thams cad kyi tshul la phyi ma'i mtha'i bskal par spyad pa'i dkyil 'khor mngon par bsgrub pa la mkhas pa/ spyod pa re re la'ang lus sangs rgyas kyi zhing thams cad kyi rdul shin tu phra ba snyed mngon par bsgrub pa la mkhas pa/ lus re res
- 325a
kyang chos kyi dbyings kyi tshul rgya mtsho thams cad rgyas par 'gengs pa la mkhas pa/ chos kyi dbyings kyi tshul rgya mtsho re re la'ang sangs rgyas kyi zhing thams cad du sems can rnams kyi bsam pa ji lta ba bzhin du lus rnam par dmigs pa'i spyod pa yongs su ston pa la mkhas pa/ zhing thams cad du'ang zhing gi rdul shin tu phra ba thams cad la de bzhin gshegs pa rgya mtsho mtha' dang dbus med pa la 'jug par mkhas pa/ de bzhin gshegs pa re re zhing yang chos kyi dbyings kyis klas par rgyas par 'gengs pa'i de bzhin gshegs pa'i rnam par 'phrul pa la 'jug par mkhas pa/ de bzhin gshegs pa re re'i sngon gyi mtha'i bskal pa la byang chub sems dpa'i spyod pa'i tshogs yongs su bsgrub pa yang dag par bsdus pa la 'jug par mkhas pa/ de bzhin gshegs pa re re'i chos kyi 'khor lo shin tu yangs pa yang dag par blang ba dang yongs su gzung ba la mkhas pa/ dus gsum thams cad kyi de bzhin gshegs pa'i rnam par 'phrul pa'i tshul rgya mtsho la 'jug par mkhas pa de dag gi spyod pa shes pa 'am/ yon tan brjod par nus re skan/ song rigs kyi bu de bzhin gshegs pa'i 'khor gyi dkyil 'khor gyi dkyil 'khor 'di nyid na/ kho mo dang rgyang mi ring ba zhig na mtshan mo'i lha mo sems can kun tu skyong ba'i gzi brjid dpal zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa'i dkyil 'khor la 'jug par bya ba dang / ji ltar yongs su sbyang bar bya ba dris shig
- 325b
de nas tshong dpon gyi bu nor bzangs kyis/ mtshan mo'i lha mo rab tu dga' ba'i mig 'gro bar rnam par snang ba'i rkang pa gnyis la spyi bos phyag 'tshal te/ mtshan mo'i lha mo 'gro bar rnam pabar snang ba la lan brgya stong du mar g.yas phyogs su bskor ba byas nas yang dang yang bltas te/ mtshan mo'i lha mo 'gro bar rnam par snang ba'i drung nas song ngo // 'phags pa sangs rgyas phal po che zhes bya ba theg pa chen po'i mdo bam po brgya tham pa// / de nas tshong dpon gyi bu nor bzangs/ mtshan mo'i lha mo rab tu dga' ba'i mig 'gro bar rnam par snang ba'i byang chub sems dpa'i rnam par thar pa kun tu bzang po'i dga' ba shin tu yangs shing dri ma med pa'i shugs kyi rgyal mtshan de la mos par bya ba dang / khong du chud par bya ba dang / rtogs par bya ba dang / shes par bya ba dang / yid ches par bya ba dang / rab tu gzhol bar bya ba dang / rgyas par dgang ba dang / rjes su shes par bya ba dang / rjes su dran par bya ba dang / rjes su gzhol bar bya ba dang / sgom par byed cing / dge ba'i bshes gnyen gyi gdams ngag la nan tan du bya ba dang / gdams ngag rjes su bstan pa la bar chad med par bya ba'i phyir/ mtshan mo'i lha mo rab tu dga' ba'i mig 'gro bar rnam par snang bas 'gro kar gtams pa rjes su dran pa byed cing / dge ba'i bshes gnyen blta ba'i rjes su sems pa'i dbang po'i dkyil 'khor dang / dge ba'i bshes gnyen mthong ba thob par bya ba la
- 326a
yang dag par spyod pa phyogs kun tu mngon par bltas pa dang / dge ba'i bshes gnyen btsal bar yid la bya ba rgyal thams cad bral pa dang / dge pan pa shes ban bsnyen bkur ba'i mthu tshogs chen po yongs su bsgrub par zhe non pa dang / dge ba'i bshes gnyen pa dang rgyud kyi tshul gcig tu gyur pa'i dge ba'i rtsa bas dge ba'i bshes gnyen gyi thabs mkhas pa'i spyod pa thams cad la bsam pa mi byed pas zhugs pa/ dge ba'i bshes gnyen la brtan pa yongs su 'phel bar bya ba la brtson 'grus kyi shugs chen po rgya mtsho yongs su skyes pa/ bskal pa thams cad du dge ba'i bshes gnyen mnyam pa nyid khong du chud pas gnas par bya ba'i smon lam dang ldan pa de/ mtshan mo'i lha mo sems can kun tu skyong ba'i gzi brjid dpal gyi drung du song ngo // de de ltar 'gro ba'i tshe/ mtshan mo'i lha mo sems can kun tu skyong ba'i gzi brjid dpal gyis byang chub sems dpa'i rnam par thar pa 'jig rten thams cad mngon du gyur pas 'gro ba rnam par 'dul ba ston pa'i khyu mchog gi mthu phyung ba yongs su bstan pa'i phyir/ mtshan dang dpe byad bzang pos yongs su grub pa'i lus bstan te/ mdzod spu nas 'od zer ye shes kyi 'od kun tu snang ba dri ma med pa'i mdangs kyi rgyal mtshan zhes bya ba 'od zer gyi 'khor mtha' dang dbus med pa dang ldan par bkye'o/ / des 'jig rten thams cad snang bar byas nas tshong dpon gyi bu nor bzangs kyi spyi bor 'dug ste lus thams cad du khyab par gyur to// tshong dpon gyi bu nor bzangs la 'od zer des reg par gyur ma
- 326b
zag tu de nyid kyi mod la ting nge 'dzin shin tu rdul dang bral ba zhes bya ba'i dkyil 'khor thob par gyur to/ / de thob pas mtshan mo'i lha mo rab tu dga' ba'i mig 'gro bar rnam par snang ba dang / mtshan mo'i yum sems can kun tu skyong ba'i gzi brjid kyi dpal gnyis kyi bar gyi lam na sa'i dkyil 'khor yod pa de la me'i rdul shin tu phra ba 'am/ chu'i rdul shin tu phra ba 'am/ sa'i rdul shin tu phra ba 'am/ rdo rje'i rdul shin tu phra ba 'am/ nor bu rin po che'i rgyal po dam pa sna tshogs kyi rdul shin tu phra ba 'am/ me tog dang / spos dang / phye ma'i rdul shin tu phra ba 'am/ rgyan thams cad kyi rdul shin tu phra ba 'am/ dmigs pa thams cad kyi rdul shin tu phra ba ji snyed cig yod pa'i rdul shin tu phra ba de dag thams cad la rdul phra mo re re zhing yang 'jig rten gyi khams sangs rgyas kyi zhing gi rdul shin tu phra ba snyed chu'i phung po dang bcas/ me'i phung po dang bcas/ rlung gi phung po dang bcas/ sa'i phung po dang bcas/ 'jig rten gyi khams kyi mtshams dang bcas/ gzhi dang bcas/ rten dang bcas par dbyibs sna tshogs can/ sa gzhi rnam pa tha dad pa sna tshogs dang ldan pa/ ri'i 'khor sna tshogs can/ chu klung dang mtshe sna tshogs kyis brgyan pa/ rgya mtsho sna tshogs kyis kun nas 'khor ba/ lha rdzas kyis khyim sna tshogs kyi rgyan dang ldan pa/ shing sna tshogs kyis yongs su gang ba/ nam mkha'i dbyings kyi rgyar sna tshogs can/ lha'i grong khyer gyi khyim gyi rgyan dang bcas pa/ klu'i grong khyer gyi khyim gyi rgyan dang bcas pa/ gnod sbyin gyi grong khyer gyi khyim gyi rgyan
- 327a
dang bcas pa/ dri za'i grong khyer gyi khyim gyi rgyan dang bcas pa/ lha ma yin gyi grong khyer gyi khyim gyi rgyan dang bcas pa/ nam mkha' lding gi zong khyer gyi khyim gyi rgyan dang bcas pa/ mi 'am ci'i grong khyer gyi khyim gyi rgyar dang bcas pa/ lto 'phye chen po'i grong khyer gyi khyim gyi chen dang bcas pa/ mi'i grong khyer gyi khyim gyi rgyan dang bcas pa/ phyogs dang phyogs mtshams thams cad na rnam par gnas pa'i sems can thams cad kyi grong khyer gyi khyim gyi gnas dang / sems can dmyal ba'i 'jig rten gyi yul dang / byol song gi skye gnas kyi 'jig rten gyi yul dang / gshin rje'i 'jig na gyi yul dang / mi dang mi ma yin pa'i lam gyi rgyud kyi shi 'pho dang skye ba'i yul dang bcas pa/ skye ba sna tshogs kyis ma 'dres pa'i rgyud mtha' yas pa'i bye brag la yongs su gzhol ba rnams 'du zhing 'jig par gyur pa mthong ngo / / 'jig rten gyi khams de dag kyang rnam pa sna tshogs su mthong ste/ 'jig rten gyi khams la la ni kun nas nyon mongs par mthong ngo // la la ni yongs su dag par mthong ngo // la la ni shin tu kun nas nyon mongs par mthong ngo / / la la ni lam gyi rgyud yongs su dag par mthong ngo // la la ni kun nas nyon mongs pa la yongs su dag par mthong ngo // la la ni rnam par dag pa kun nas nyon mong par mthong ngo / / la la ni shin tu yongs su dag par mthong ngo // la la ni gzhi mnyam par mthong ngo // la la ni spyi'u tshugs su gnas par mthong ngo // la la ni spel zhing 'dug par mthong ngo //
- 327b
'jig rten gyi khams de dag gi sems can gyi lam gyi rgyud dang / sems can gyi skye gnas thams cad na/ mtshan mo'i lha mo sems can kun tu sbyong ba'i gzi brjid dpal sems can so so nas 'dul ba'i rkyen bzhin du 'jig rten thams cad la ma 'dres par yongs su bstan pa'i phyir/ sems can thams cad la mngon du gyur par gnas par mthong ngo // sems can tshe'i tshad rnam pa ji lta bu dang ldan pa dang / mos pa'i spyod yul rnam pa sna tshogs can dang / lus rnam pa ji lta bu dang ldan pa dang / ngag rnam par phye ba dang / nges pa'i tshig gi 'du byed kyi tha snyad rnam pa ji lta bu dang ldan pa dang / sbyor ba'i rnam pa ji lta bu dang ldan pa dang / dbang gi rnam pa ji lta bu dang ldan pa rnams yongs su smin par bya ba dang / gdul ba'i don du sems can thams cad la ma 'dres par mngon sum du gnas pa mthong ngo // de ya 'di lta ste/ sems can dmyal ba'i lam gyi rgyud du gtogs pa'i sems can rnams kyi sems can dmyal ba'i sdug bsngal dang 'jigs pa rnam par bzlog pa dang / byol song gi skye gnas sna tshogs su skyes pa'i sems can rnams kyi gcig la gcig za ba'i 'jigs pa rnam par bzlog pa dang / gshin rje'i 'jig rten gyi lam gyi rgyud du gtogs pa'i sems can rnams kyi bkres pa dang skom pa la sogs pa'i sdug bsngal gyi 'jigs pa rnam par bzlog pa dang / klu'i 'jig rten gyi lam gyi rgyud du gtogs pa'i sems can rnams kyi klu'i sdug bsngal dang 'jigs pa thams cad rnam par bzlog pa dang / 'dod
- 328a
pa'i khams su gtogs pa'i sems can thams cad kyi 'dod pa'i khams kyi sdug bsngal dang 'jigs pa rnam par bzlog pa dang / mi'i 'jig rten gyi lam gyi rlung du togs pa'i sems can rnams kyi mtshan mo mun pa mun nag gis chod pa'i mun pa'i 'jigs pa thams cad rnam par bzlog pa dang / mi snyan pa dang / bsngags pa ma yin pa dang / grags pa ma yin pa'i sgra dang / tshigs su bcad pa la mngon par zhen pa'i sems can rnams kyi grags pa ma yin pa dang / bsngags pa ma yin pa'i 'jigs pa rnam par bzlog pa dang / 'khor gyi 'jigs par lhung ba'i sems can rnams kyi 'khor du bag tsha ba'i 'jigs pa rnam par bzlog pa dang / 'chi bas 'jigs shing sdang ba'i sems can rnams kyi 'chi ba'i 'jigs pa rnam par bzlog pa dang / ngan song gi ga yang sas 'jigs shing sdang ba'i sems can rnams kyi ngan song gi g.yang sas 'jigs pa rnam par bzlog pa dang / 'tsho ba med pas 'jigs shing skrag pa'i sems can rnams kyi 'tsho ba med pa'i 'jigs pa rnam par bzlog pa dang / dge ba'i rtsa ba chud zos kyis 'jigs shing bag tsha ba'i sems can rnams kyi dge ba'i rtsa ba chud zos kyis 'jigs pa rnam par bzlog pa dang / byang chub kyi sems nyams kyis 'jigs shing bag tsha ba'i sems can rnams kyi byang chub kyi sems nyams kyis 'jigs pa rnam par bzlog pa dang / sdig to'i grogs po dang phrad kyis 'jigs shing bag cha
- 328b
ba'i sems can rnams kyi sdig to'i grogs po dang phrad pa'i 'jigs pa rnam par bzlog pa dang / dge ba'i bshes gnyen dang bral gyis dogs shing bag tsha ba'i sems can rnams kyi dge ba'i bshes gnyen dang bral ba'i 'jigs pa rnam par bzlog pa dang / nyan thos dang rang sangs rgyas kyi sar lhung gis 'jigs shing bag tsha ba'i sems can rnams kyi nyan thos dang rang sangs rgyas kyi sar lhung ba'i 'jigs pa rnam par bzlog pa dang / 'khor ba'i gnas sna tshogs kyi sdug bsngal gyis 'jigs shing skrag pa rnams 'khor ba'i gnas sna tshogs kyi sdug bsngal gyis 'jigs pa rnam par bzlog pa dang / sems can skal ba mi mnyam pa dang phrad kyis 'jigs shing bag tsha ba rnams kyi sems can skal ba mi mnyam pa dang phrad pa'i 'jigs pa rnam par bzlog pa dang / dus mi bzad par skyes kyis 'jigs shing bag tsha ba rnams kyi dus mi bzad par skye ba'i 'jigs pa rnam par bzlog pa dang / rigs ngan par skyes kyis 'jigs shing bag tsha ba rnams kyi ri ngan par skye ba'i 'jigs pa rnam par bzlog pa dang / sdig to'i las byas kyis 'jigs shing bag tsha ba rnams kyi sdig to'i las byed pa'i 'jigs pa rnam par bzlog pa dang / las dang nyon mongs pa'i sgrib pas 'jigs shing sdang ba rnams kyi las dang nyon mongs pa'i sgrib pa'i 'jigs pa rnam par bzlog pa dang / 'du shes kyi rnam pa sna tshogs kyi gnas dang 'ching bas 'jigs shi
- 329a
snang ba rnams kyi 'du shes kyi rnam pa sna tshogs kyi gnas dang 'ching ba'i 'jigs pa rnam par bzlog pa dang / sems can thams cad la so sor mngon du gyur par gnas pa mthong ngo / / 'di lta ste/ sgo nga las skyes pa'i sems can dang / mngal nas skyes pa dang / drod gsher las skyes pa dang / rdzus te skyes pa dang / gzugs yod pa dang / gzugs med pa dang / 'du shes yod pa dang / 'du shes med pa dang / 'du shes yod pa'ang ma yin 'du shes med pa'ang ma yin pa'i sems can thams cad yongs su bskyab pa'i smon lam gyi stobs mngon par sgrub pa dang / byang chub sems dpa'i ting nge 'dzin gyi shugs drag po dang rnam par gnon pa shin tu yangs pa'i stobs dang / byang chub sems dpa'i mngon par shes pa chen po stobs dang / mthu dang / byang chub sems dpa' kun tu bzang po'i spyod pa dang / smon lam mngon par bsgrubs pa'i stobs kyis snying rje chen po'i tshul rgya mtsho'i shugs drag po shin tu skyes pa'i phyir/ 'gro ba thams cad du thogs pa med pa'i byams pa chen pos rgyas par dgang ba dang / sems can thams cad kyi bde ba yongs su bsgrubs pa dang / dga' ba'i shugs rnam par 'phel bar bya ba dang / sems can thams cad yongs su bsdu ba'i ye shes rab tu bsgrub pa'i phyir/ byang chub sems dpa'i rnam par thar pa rgya chen po'i rnam par 'phrul pa dang / khyu mchog gi mthu phyung ba dang ldan pas zhing thams cad yongs su dag par bya ba la mngon du gyur par gnas
- 329b
par mthong ngo / / chos thams cad kyi rgyus shes par bya ba la mngon du gyur pa dang / sangs rgyas thams cad mchod cing rim gror bya ba la mngon du gyur pa dang / de bzhin gshegs pa thams cad kyi pa yongs su gzung ba la mngon du gyur pa dang / dge ba'i rtsa ba thams cad bsags pa la mngon du gyur pa dang / byang chub sems dpa'i spyod pa thams cad rnam par 'phel bar bya ba la mngon du gyur pa dang / sems can thams cad kyi sems la sgrib pa med par mngon du gyur par gnas pa dang / sems can thams cad kyi dbang po yongs su smin par bya ba la mngon du gyur par gnas pa dang / sems can thams cad mos pa rgya mtsho rnam par sbyang ba la mngon du gyur pa dang / sems can thams cad kyi dbang po'i chos rnam par bzlog pa la mngon du gyur pa dang / sems can thams cad kyi mi shes pa'i mun pa rnam par bsal ba la mngon du gyur cing / thams cad mkhyen pa'i ye shes snang ba yongs su bskyed pa'i don du gnas pa mthong ngo // de nas tshong dpon gyi bu nor bzangs kyis mtshan mo'i lha mo sems can kun tu sbyong ba'i gzi brjid dpal gyi byang chub sems dpa'i rnam par thar pa'i khyu mchog gi mthu phyung ba dang / rnam par 'phrul pa 'jig rten thams cad la mngon par gnas shing 'gro ba rnam par 'dul ba ston pa bsam gyis mi khyab pa de lta bu mthong nas rab tu dga' ba skyes te/ spo ba chen po'i shugs drag po rgya mtsho rab tu thob nas/ mtshan mo'i lha mo sems can kun tu rtso
- 330a
ba'i gzi brjid dpal la lus thams cad kyis phab ste phyag byas nas ngon gyen du bltas so/ / de nas mtshan mo'i lha mo sems cad kun tu spong ba'i gzi brjid dpal gyis byang chub sems dpa'i gzugs dang mtshan rnam par dag pa de mi snang bar byas te/ mtshan mo'i lha mo gzugs su byas nas/ rnam par 'phrul pa thams cad 'byin cing 'dug par gnas so// de nas tshong dpon gyi bu nor bzangs kyis/ mtshan mo'i lha mo sems can kun tu skyong ba'i gzi brjid dpal gyi mdun du 'dug ste thal mo sbyar nas/ de'i tshe tshogs su bcad pa 'di dag smras so// khyod kyi sku yang mtshan rab rgyan gyis brgyan// shin tu bzang zhing mdzes pa bdag gis mthong // nam mkha' skar ma'i tshogs kyis brgyan pa bzhin// dpe byad bzang pos rnam par bris pa mthong // 'od kyi 'khor can sku bzang dam pa'i mchog/ mtha' yas zhing gi rdul khams mang po snyed// kha dog sna tshogs rnam pa'i dpe tshul du// phyogs rnams kun gyi dbyings su khyab par gang // 'od zer dra ba mang po 'gro sems mnyam/ / khyod ni ba spu'i sgo nas 'gyed pa mdzad// 'od zer sgo la pad+mo yid 'ong gnas// khyod kyi sprul pa 'gro ba'i sdug bsngal sel// spos kyi na bun sprin du chags pa 'gyed// 'gro ba'i gzugs su gnas te kun nas mdzes// me tog sgo rnams kun nas 'gye mdzad pas// chos dbyings bzhugs pa'i rgyal ba kun tu khyab// khyod kyi phrag pa'i lhun yangs 'phags pa ni// rin
- 330b
chen 'od 'phro ri bo ri rab 'dra/ / dri med de ni 'gro ba kun tu gsal// gti mug mun nag rnam par bzlog pa mdzad// khyod kyi dri mang zhal mdog bzang po las// na bun sprin dang nyi ma yangs pa 'byung // / khyod kyi nyi ma'i 'khor 'dra 'od bzang ba// rnam par snang mdzad spyod yul yangs pa 'byin// khyod kyi spyan nas bla skar 'od 'byung ba// rtag tu dri med sprin ltar mang ba ste// de dag phyogs bcu bkang zhing 'gro ba rnams/ / rab tu snang byed 'jig rten rab rib sel// khyod kyi mtshan las 'gro ba'i lus mnyam pa'i// sprul pa rgya mtsho phyogs su khyab par 'phro// de dag chos dbyings yangs par rgyas 'gengs shing / / sems can tshad med tshogs rnams yongs su 'dul// khyod kyi sku ni 'byam klas phyogs su snang // 'gro ba kun la mngon gyur dga' ba skyed// rgyal po me dang rkun po chus bskyed pa'i/ / 'jigs pa thams cad rnam sel zhi bar mdzad// gang tshe khyod kyi spyan sngar bdag btang nas// yon tan rnam par sems shing nyer phyin pa// de tshe 'od zer dri med 'khor bzang ba// khyod kyi zhal gyi smin mtshams gseb nas 'thon/ / phyogs rnams rgya mtsho brgya mang snang mdzad nas// 'jig rten snang ba rgya che yongs bskyed de// rnam 'phrul rnam pa mang po rnam bstan nas// de tshe bdag gi lus kyi gseb tu zha/ / gang tshe 'od kyi 'khor gyis bdag reg pa// de tshe bde ba rmad byung yangs pa myong // gzungs dang ting 'dzin brgya mang yongs su non// phyogs bcu'i rgyal ba dpag yas
- 331a
mthong bar gyur/ / gom pa rnam por gyen du bteg pa la'ang // rdul phran grangs snyed tshul ni bdag gis rig/ rdul phran shin tu za ba gcig la yang // nang gi rdul sred zhing rnams mthong bar gyur/ / rdul la gnas kyang rnam pa tha dgu ste// zhing mang brgya ni shin tu nyon yang mongs// de yi 'gro ba sdug bsngal nyams su myong // cho nger ngu zhing smre sngags yongs su 'don/ / zhing mngal la kun nas nyon mongs dag/ de na sdug bsngal mang zhing bde ba chung // rgyal ba thugs rje can yang der skye ste// rgyal ba'i nyan thos rang rgyal de bzhin no// zhing tshul la la yongs dag nyon mongs te/ / byang chub sems dpa'i gnas bzang mang pos brgyan// skyes pa bud med yongs brgyan blta na sdug/ skyon med rgyal ba'i gdung yang rgyun mi 'chad// zhing rnams rgya mtsho yangs shing dri med pa/ / rdul la gnas shing mnyam pa'i gzhi dang ldan// de dag bskal pa brgya mang sngon gyi tshe// rnam par snang mdzad spyod mdzad yongs su sbyangs// zhing rnams 'byam klas kun na rgyal ba dag/ shing dbang dam pa'i drung du gshegs pa ston// rnam par 'phrul zhing byang chub 'tshang yang rgya// chos kyi 'khor lo bskor cing 'dul ba ston// rnam par snang mdzad spyod yul yangs pa la/ / khyod kyang kun tu rjes su bzhud par mthong // mchod pa stong phrag tshad med khrag khrig gis// rgyal ba kun la mngon par mchod mdzad mthong / de nas tshong dpon
- 331b
gyi bu nor bzangs kyis tshigs su bcad pa de dag sbas nas/ mtshan mo lha maH sems can kun tu sbyong ba'i gzi brjid dpal la 'di skad ces sbas so// lha mo byang chub sems dpa'i rnam par thar pa de lta bur zab pa ni ngo mtshar chen/ rnam par thar pa de'i ming na tso zhes bgyi/ de khyod kyis brnyes nas yun ni ji srid cig lags/ byang chub sems dpas ji ltar nan tan du bgyis na rnam par thar pa del su dag par 'gyur/ smras pa/ rigs kyi bu gnas 'di ni lha dang bcas pa'i 'jig rten dang / nyan thos dang rang sangs rgyas su bcas pas yid ches par dka' ba ste/ de ci'i phyir zhe na/ 'di ni byang chub sems dpa' kun tu bzang po'i spyod pa dang smon lam khong du chud pa rnams kyi spyod yul te/ 'di ni byang chub sems dpa' snying rje chen po lhur len pa/ 'gro ba thams cad yongs su bskyab pa la zhugs pa/ mi khom pa dang / ngan song dang / ngan 'gro'i lam thams cad rnam par bzlog pa la zhugs pa/ sangs rgyas kyi zhing thams cad sangs rgyas kyi zhing yongs su dag pa bla na med par bya ba la zhugs pa/ sangs rgyas kyi zhing thams cad na bzhugs pa'i de bzhin gshegs pa'i rigs rgyun mi gcad pa la zhugs pa/ sangs rgyas thams cad kyi bstan pa yongs su gzung ba la zhugs pa/ bskal pa thams cad du byang chub sems dpa'i spyod pa la gnas pas gnas par bya ba'i smon lam chen po rgya mtsho la zhugs pa/ chos rgya mtsho thams cad la sgrib pa med pa'i ye shes snang ba rnam par sbyang ba la zhugs
- 332a
pa/ skad cig re re zhing dus gsum gyi tshul rgya mtsho thams cad du ye shes snang bas rnam par gnas par rab tu thob pa rnams kyi yul te/ 'on kyang de bzhin gshegs pa'i byin gyi rlabs kyis bstan par bya'o/ / rigs kyi bu sngon 'das pa'i dus bskal pa sangs rgyas kyi zhing gi rdul shin tu phra ba snyed cig gi pha rol tu/ 'jig rten gyi khams rnam par snang mdzad gzi brjid dpal zhes bya bar bskal pa rdul dang bral ba'i dkyil 'khor ces bya ba byung ste/ bskal pa de la sangs rgyas ri rab kyi rdul shin tu phra ba snyed byung bar gyur to// 'jig rten gyi khams rnam par snang mdzad gzi brjid dpal zhes bya ba de ni/ rin po che thams cad kyi sprin gyi rgyan gyis brgyan pa ste/ rdo rje las byas pa'i gzhal med khang dang gnas kyis yongs su mdzes par byas pa'o// 'jig rten gyi khams de'i gzhi ni rin po che'i rgyal po dri ma med pa'i 'od kyi rgya mtsho las blangs pa ste/ lhun dang lus ni nor bu rin po che'i spos thams cad kyi rgyal po las gyur pa'o// de ni dbyibs kun tu zlum pa ste/ rnam par dag cing kun nas nyon mongs pa/ lhab lbub thams cad kyi sprin gyi bla res kun nas khyab pa/ rin po che'i khor yug rgyan thams cad dang ldan pa/ rin po che stong gis yongs su bskor ba/ gling bzhi pa bye ba khrag khrig brgya phrag stong gis shin tu brgyan par brgyan pa ste/ de la gling bzhi pa la la ni kun nas nyon mongs pa ste/ sems can kun nas nyon mongs pa'i las dang
- 332b
ldan pa rnams kyi gnas so/ / la la ni kun nas nyon mongs shing rnam par dag pa ste/ sems can las 'dren ma dang ldan pa rnams kyi gnas so// la la ni rnam par dag cing kun nas nyon mongs pa ste/ sems can yongs su dag cing kun nas nyon mongs pa/ dge ba'i rtsa ba sbyangs pa kha na ma tho ba nyung ba rnams kyi gnas so// la la ni shin tu yongs su dag pa ste/ byang chub sems dpa' dag pa rnams kyi gnas so/ / 'jig rten gyi khams rnam par snang mdzad gzi brjid dpal zhes bya ba de'i shar phyogs kyi khor yug mtshams na/ gling bzhi pa rin po che me tog sgron ma'i rgyal mtshan zhes bya ba rnam par dag cing kun nas nyon mongs pa/ ma smos ma skyes pa'i 'bras la yongs su spyod pa/ sngon gyi las kyi rnam par smin pas mngon par grub pa'i khang pa brtsegs pa'i gnas dang gzhal med khang la yongs su spyod pa/ 'khor kun nas yid bzhin gyi shing gis 'khor ba/ spos kyi shing sna tshogs kyi lhun las spos kyi sprin rgyun mi 'chad par 'byung ba/ 'phreng ba sna tshogs kyi shing las 'phreng ba'i sprin rgyun mi 'chad par 'byung ba/ me tog sna tshogs kyi shing las me tog kha dog dang dri bsam gyis mi khyab pa'i sprin gyi char rgyun mi 'chad par 'bab pa/ phye ma kha dog sna tshogs kyi shing gi las las spos rin po che'i rgyal po thams cad kyi phye ma'i char rgyun mi 'chad par 'bab pa/ rin po che'i shing sna tshogs las rin po che'i 'bru mang po 'brul ba'i kha dog snang bas shin tu snang bar byas pa/ lha rdzas kyi rol mo sna tshogs kyi shing las sil snyan sna tshogs kyi sprin rlung gis skyong
- 333a
@cing / nam mkha'i dbyings las spa dbyangs snyan pa 'byung ba/ nyin mtshan gyi bde ba nyi ma dang zla bas dbyung ba/ nor bu rin po che kun tu snang bsag ni byas pa'i sa rab tu mnyam par gyur pa ste/ gling bzhi pa der rgyal po'i pho brang bye ba khrag khrig brgya stong byung bar gyur te/ rgyal po'i pho brang de dag re re zhing yang chu klung stong gis yongs su bskor ba'o// chu klung de dag thams cad kyang lha rdzas kyi me tog sil mas gang ba'o/ / lha rdzas kyi rol mo dang klu'i sgra skad snyan cing yid du 'ong ba 'byin pa'o// chu 'gram rin po che'i shing yid du 'ong bas rnam par brgyan pa'o// rin po che sna tshogs kyis shin tu brgyan pa'i gru phan tshun du rgyu ba'o/ / bde ba sna tshogs ci dga' bar yongs su spyang du yod pa'o// chu klung gi mtshams kyi gzhi re re dag na'ang grong khyer bye ba khrag khrig brgya stong phrag bcu kun nas gnas pa ste/ grong khyer de dag re re zhing yang grong rdal bye ba khrag khrig brgya phrag stong gis yongs su bskor ba'o/ / grong dang / grong khyer dang / grong rdal de dag thams cad kyang lha rdzas kyi bza' shing gi ra ba dang gzhal med khang dang / khang pa bye ba khrag khrig brgya phrag stong gi 'khor gyis yongasu bskor ba'o// gling bzhi pa de'i 'dzam bu'i gling gi dbus na rgyal po'i pho brang dbu ma rin po che'i me tog sgron ma zhes bya ba yod par gyur te/ de ni skyid cing longs spyod phun sum tshogs pa dang ldan la/ rtag tu lo legs shing bde ba'i rnam pa thams cad dang ldan pa'o// lha dang mi mang pos yongs su gang ba'o//
- 333b
sems can dge ba bcu'i las kyi lam dang ldan pa rnams kyi gnas su gyur pa ste/ rgyal po'i pho brang rin po che'i me tog smyon pa zhes bya ba de na/ rgyal po rnam par snang ba rin chen pad+mo dpal gyi gtsug pud snying po zhes bya ba 'khor los sgyur ba gling bzhi la dbang ba/ pad+mo'i snying po la rdzus te byung ba/ mi chen po'i mtshan sum cu rtsa gnyis kyis lus shin tu brgyan pa/ chos dang ldan pa chos kyi rgyal po rin po che bdun dang ldan pa gnas par gyur to/ / de'i bu dpa' zhing rtul phod la yan lag dam pa'i gzugs dang ldan pa/ gzhan gyi 'khor rab tu 'jom pa/ rnam pa thams cad yongs su tshang ba'i yan lag dam pa dang ldan pa stong tshang bar byung ngo / / de'i btsun mo'i 'khor gyi bud med kyang bye ba khrag khrig brgya stong phrag bcu yod par gyur te/ de dag kun kyang 'khor los sbyar ba'i skal ba dang mnyam pa'i dge ba'i rtsa ba las byung ba 'thun par spyod pa/ rin po che'i rgyan dang 'khrungs su byung ba/ dge ba'i sems dang ldan pa/ lha'i bu mo dang khyad par med par 'dra ba gzugs can/ 'dzam bu chu klung gi gser gyi kha dog lta bu'i mdog dang ldan pa'i lus can/ lus kyi ba spu las lha rdzas kyi spos sna tshogs 'byung ba/ lus las lha rdzas kyi 'od dri zhin po dri ma med ba rab tu 'gyed pa sha stag go/ / de'i blon po bye ba phrag bcu byung ste/ blon po rin po chas sogs pa dag go// 'khor los sgyur ba'i rgyal po rnam par snang ba rin chen pad+mo dpal gyi gtsug sung snying po u0f7f b
- 334a
tsun mo dam pa bud med rin po che dpal gyi bzhin yongs su rgyas pa zhes bya ba/ gzugs mdzes shing sdug la blta na yid du 'ong ba/ kha dog bzang po shin tu rgyas pa'i dam pa dang ldan pa/ skra mthon mthing du 'dug pa/ mig dkar gnag 'byes pa/ mdog gser gyi kha dog tu 'dug pa/ tshangs pa'i dbyangs dang ldan pa/ lus las 'od rtag tu 'byung ba/ 'khor kun tu dpag tshad stong gi tshad du 'od kha dog du ma dang ldan pa/ lha rdzas kyi dri zhim po can 'gyed pa byung ngo // rgyal po'i btsun mo dpal gyi bzhin yongs su rgyas pa zhes bya ba de las/ bu mo badz+ra bzang mo mig yid du 'ong ba'i dpal gyi zla ba zhes bya ba yan lag thams cad tshang ba/ gzugs mdzes shing sdug pa/ blta na yid du 'ong ba/ 'jig rten thams cad kyis blta na mi ngoms pa byung bar gyur te/ rigs kyi bu 'di lta ste/ dper na 'khor los sgyur ba'i rgyal po la bstan su'ang ngom par mi 'gyur ba de bzhin du/ 'khor los sgyur ba'i bu mo pad+mo bzang mo mig yid du 'ong ba'i dpal de la blta bas kyang su'ang ngoms par mi 'gyur te/ shes rab kyis yongs su ngoms par 'gyur ba ni ma gtogs so// de'i tshe de'i dus na sems can rnams kyang tshe dpag tu med par gyur te/ tshe la gcig tu nges pa med pas bar ma dor 'chi ba ni yod do/ / de'i dus na sems can rnams kyi dbyibs sna tshogs dang / kha dog sna tshogs dang / ming sna tshogs dang / rigs sna tshogs dang / tshe'i tshad sna tshogs dang / chu zheng rnam pa tha dad pa dang / mos pa dang
- 334b
stobs dang / brtson 'grus dang / mthu rnam pa tha dad pa dang / yid du 'ong ba dang / yid du mi 'ong ba rnam pa tha dad pa dang / yangs pa dang / dma' bal mos pa sna tshogs kyang yod par gyur te/ de la sems can ji skad cig la dog bzang ba dang yangs pa la mos pa dang / yan lag tshang ba dang blta na sdug cing yid du 'ong bar gyur pa de dag ni 'di skad ces 'dzer to// kye mi dag nga ni khyed pas kha dog ches bzang ngo zhes zer ro// de bzhin du sems can ji snyed cig lus kyi dbyibs legs pa dang ldan par gyur pa de dag kyang sems can lus kyi dbyibs mi sdug par gyur pa rnams la rlom zhing khyad du gsod do/ / de dag de ltar gcig la gcig byang du gsod pa las byung ba'i mi dge ba'i rtsa bas tshe'i tshad las kyang yongs su bri bar gyur to/ / kha dog dang / stobs dang / bde ba las kyang yongs su bri bar gyur to// rgyal po'i pho brang rin po che'i me tog sgron ma de'i byang phyogs logs na snying po byang chub kyi shing kun tu grags pa'i chos kyi sprin spa'i rgyal mtshan zhes bya ba/ de bzhin gshegs pa thams cad kyi snying po byang chub kyi rgyan skad cig re re la yongs su ston pa/ rtsa ba rin po rgyal po rdo rje ltar sra zhing mi 'jig pa/ nor bu rin po che thams cad las grub pas lhun shin tu yangs shing rgyas pa/ sdong po dang / yal ga dang / lo ma dang / 'dab ma dang / me tog dang / 'bras bu rin po che thams cad kyi rgyu las grub pa/ kun tu cha mnyam par rnam par bkod cing kun tu khyab pa'i yal ga dang ldan pa/ rgyan kun tu rgyas par 'gengs shing mi zad pa dang ldan pa/ rin po che sna tshogs kyi 'od 'phro ba dang 'od zer kun tu snang bar 'gyed
- 335a
pa/ de bzhin gshegs pa thams cad kyi yul gyi rnam par 'phrul pa'i dbyangs rjes su sgrog pa yod de/ snying po byang chub de'i mdun rol na spos chu'i mtsho rin po che'i me tog dang / glog dang / chos kyi 'brug sla'i sprin gyi dbyangs shes bya ba yod de/ de ni rin po che'i shing bye ba khrag khrig brgya stong phrag bcus kun nas bskor ba ste/ rin po che'i shing de dag thams cad kyang byang chub kyi shing gi dbyibs su 'khod pa sha stag go/ / spos chu'i mtsho chen po rin po che'i me tog dang / glog dang / chos kyi 'brug sla'i sprin gyi dbyangs shes bya ba de'i 'jam thams cad kyang / nor bu rin po che thams cad bkram zhing rnam par bkod pa ste/ rin po che thams cad kyi 'phreng ba sna tshogs su dkrigs pa'o// rin po che rnam par dag pa las byas pa'i khang pa sna tshogs kyi rgyun gyis yongs su brgyan pa'o/ / rgyan rnam par dag pa sna tshogs kyi rgyan gyis shin tu brgyan pa'o// snying po byang chub de'i 'khor thams cad kyang nor bu rin po che'i khang pa brtsegs pa chen po rgyan bsam gyis mi khyab pa dang ldan pa/ pad+mo'i snying po can sha stag gis yongs su 'khor ba ste/ spos chu'i mtsho chen po rin po che'i me tog dang / glo ga dang / chos kyi 'brug spa'i sprin gyi dbyangs shes bya ba de'i dbus nas pad+mo'i rgyal bopo lo ma'i mtshams nas dus gsum gyi de bzhin gshegs pa thams cad kyi yul rnam par ston pa'i 'od zer gyi sprin gyi rgyan ces bya ba byung bar gyur te/ pad+mo chen po de la de bzhin gshegs pa ri rab
- 335b
kyi rdul shin tu za ba snyed de dag gi nang nas bskal pa'i thog ma pa/ de bzhin gshegs pa ye shes rin po che'i bod kun tu 'phro ba'i dpal yon tan dpal gyi rgyal po zhes bya ba drung bar gyur te/ bsal pa de la thams cad kyi thog par blan med pa yang dag par rdzogs pa'i byang chub tu mngon par rdzogs par sangs rgyas te/ des lo stong phrag du ma zhig tu chos bstan pas sems can yongs su smin par mdzad nas/ ma stong phrag phrag bcur 'od zer snang ba'i rnam par 'phrul pas yongs su smin par mdzad do// de bzhin gshegs pa de lo stong phrag bcun 'byung bar 'gyur ro zhes bya ba'i tshe/ bad+d+ho r gyal po chen po lo ma'i mtshams nas dus gsum gyi de bzhin gshegs pa thams cad kyi yul rnam par ston pa'i 'od zer gyi sprin gyi rgyan ces bya ba de las sems can thams cad rdul dang 'byed pa'i sgron ma zhes bya ba'i 'od zer byung bar gyur te/ 'od des phog pa'i sems can rnams kyis kyang lo stong phrag bcu na ni de bzhin gshegs pa 'byung bar 'gyur ro zhes bya bar shes so// lo stong phrag dgu na de bzhi gshegs pa de 'byung bar 'gyur ro zhes bya ba'i tshe/ byang chub kyi shing de las rdul dang bral ba'i dpal gyi snying po zhes bya ba'i 'od zer byung ste/ 'od zer des phog pa'i sems can de dag gis kyang gzugs thams cad shin tu phra ba mthong bar gyur to/ / lo stong phrag brgyang na de bzhin gshegs pa 'byung ngo zhes bya ba'i tshe/ byang chub kyi shing chen po de nyid las 'od zer sems can thams cad kyi las nas
- 336a
par smin pa'i dbyangs zhes bya ba byung ste/ des phog pa'i sems can de dag thams cad kyis kyang rang rang gi las rgya mtsho khong du chud par gyur te/ las dran pa'i ye shes kyang thob par gyur to/ / lo stong phrag bdun na de bzhin gshegs pa de 'byung bar 'gyur ro zhes bya ba'i tshe/ byang chub kyi shing de nyid las 'od zer dge ba'i rtsa ba thams cad yang dag par 'byung ba'i dbyangs shes bya ba byung ste/ 'od zer des sems can de dag la phog nas dbang po nyams pa med cing yongs su tshang bar gyur to// lo stong phrag drug na de bzhin gshegs pa de 'byung bar 'gyur zhes bya ba'i tshe/ byang chub kyi shing chen po de nyid las 'od zer sangs rgyas kyi yul bsam gyis mi khyab pa'i dbyangs shes bya ba byung ste/ des sems can de dag la phog nas bsam pa rgya chen pos rnam par 'phrul par gyur to/ / le stong phrag lnga na de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de nyid las 'od zer sangs rgyas kyi zhing thams cad yongs su dag par sgra 'byin pa'i gzugs brnyan rnam par dmigs pa zhes bya ba byung ste/ des sems can de dag la phoka nas sangs rgyu kyi zhing rnam pa thams cad du yongs su dag par mthong bar gyur to// lo sdong phrag bzhin de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de nyid las 'od zer de bzhin gshegs pa thams cad kyi yul tha mi dad pa'i sgron ma zhes bya ba
- 336b
byung / des sems can de dag la po gnas de bzhin gshegs pa dang rnam par 'phrul pa thams cad du song ba la zhugs par // lo stong phrag gsum na de bzhin gshegs pa de 'byung ba 'gyur ro zhes bya ba'i tshe/ byang chub kyi shing chen po de las 'od zer 'tho ba thams cad la mngon du gyur pa'i sgron ma zhes bya ba byung ste/ des sems can de dag la phog nas de bzhin gshegs pa de'ang mngon du mos pas mthong bar gyur to/ / lo stong phrag gnyis na de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de las 'od zer dus gsum gyi ye shes kyi glog gi sgron ma zhes bya ba de bzhin gshegs pa thams cad kyi sngon gyi tshul rab tu sgrog pa byung ste/ des sems can de dag la reg nas de bzhin gshegs pa de'i sngon gyi tshul rgya mtsho la rtog cing 'jug par gyur to/ / lo stong na de bzhin gshegs pa de 'byung bar 'gyur ro zhes bya ba'i cha/ byang chub kyi shing chen po de las 'od zer ye shes rab rib med pa de bzhin gshegs pa'i smon ma zhes bya ba byung ste/ des sems can de dag la phog nas de bzhin gshegs pa thams cad kyi rnam par 'phrul pa dang / zhing thams cad dang / sems can thams cad mthong bar 'gyur ba'i mig kun tu lta ba thob par gyur to/ / de bzhin gshegs pa de lo brgyan 'byung bar 'gyur ro zhes bya ba'i tshebyang chub kyi shing chen po de nyid las 'od zer 'tsho ba thams cad kyis sangs rgyas mthong ba rnam par smin pa'i ga
- 337a
rtsa ba las byung ba zhes bya ba byung ste/ des sems can de dag la phog nas de bzhin gshegs pa skye ba'i 'du shes thob par gyur to// de bzhin gshegs pa de zhag bdun na skye bar 'gyur ro zhes bya ba'i tshe/ byang chub kyi shing chen po de nyid las 'od zer sems can thams cad rab tu dga' ba dang / spro ba dang / mos pa yongs su 'byung ba'i dbyangs shes bya ba byung ste/ des sems can de dag la phog nas sangs rgyas mthong bar 'gyur ba'i dga' ba'i shugs chen po skyes par gyur to/ / rigs kyi bu de ltar 'od zer gyis yongs su smin par bya ba'i tshul tshad med pa rnam pa de lta bus lo stong du sems can rnams yongs su smin par mdzad nas zhag bdun pa la thug pa dang / 'jig rten gyi khams de thams cad yongs su bskyod tshul tshad med pas yongs su bskyod nas shin tu dag par byin gyis brlabs so/ / phyogs bcu'i de bzhin gshegs pa thams cad kyi sangs rgyas kyi zhing yongs su dag pa ji snyed pa rgyan bsam gyis mi khyab pa rnam pa sna tshogs dang ldan pa de dag thams cad kyang sangs rgyas kyi zhing der sems kyi skad cig re re la yongs su bstan par gyur to/ / de nas zhag bdun pa tha ma la bab pa dang / 'jig rten gyi khams de na sems can sangs rgyas mthong bar 'gyur bar yongs su smin pa de dag thams cad snying po byang chub tu mngon par gzhol bar gyur to/ / de nas 'jig rten gyi khams de'i 'khor yug thams cad dang / ri rab thams cad dang / ri thams cad dang / chu klung thams cad dang
- 337b
rgya mtsho thams cad dang / shing thams cad dang / sa'i gzhi thams cad dang / grong khyer thams cad dang / rab thams cad dang / gnas thams cad dang / gzhal med khang thams cad dang / gos dang / rgyan dang / longs spyod thams cad dang / rol mo'i shing thams cad dang / rol mo brdung ba'i dbyangs thams cad dang / sprul pa'i rgyan thams cad kyi dmigs pa re re las kyang de bzhin gshegs pa thams cad kyi yul dang / mthu'i sgra rab tu sgrog pa'i spos dang / bdug spos thams cad kyi sprin mngon par 'thon te/ rin po che 'od 'phro ba'i sprin dang / spos dang / bdug spos thams cad kyi 'od 'phro dam pa dang / spos rin po che thams cad kyi gzugs kyi sprin dang / gos rin po che dang / rgyan rin po che thams cad kyi sprin dang / rin po che'i me tog sna tshogs kyi ri re kyi sprin dang / phye ma sna tshogs kyi sprin mang po de bzhin gshegs pa thams cad kyi 'od zer gyi sprin rnam par ston pa/ de bzhin gshegs pa thams cad kyi 'od kyi dkyil 'khor gyi sprin rab tu 'gyed pa/ rol mo brdung ba dang dkrol ba thams cad kyi sprin yongs su 'khrol zhing rdung ba/ de bzhin gshegs pa thams cad kyi smon lam gyi sgra skad kyi sprin rab tu 'byin pa/ de bzhin gshegs pa thams cad kyi dbyangs kyi yan lag dang gsung rgya mtsho'i sprin rab tu sgrog pa/ de bzhin gshegs pa thams cad kyi mtshan dang dpe byang bzang po'i gzugs brnyan sna tshogs kyi sprin rab tu ston pa byed cing / de bzhin gshegs pa
- 338a
'byung ba'i lhas sngon du byung ba bsam gyis mi khyab pa yongs su bstan te/ rin po chu'i rgyal po'i pad+mo chen po lo ma'i mtshams nas dus gsum gyi de bzhin gshegs pa thams cad kyi yul rnam par ston pa'i 'od zer gyi sprin gyi rgyan de'i pad+mo'i 'khor rin po che'i rgyal po las byas pa chen po sha stag tu byas te 'khod do/ / rin po che'i rgyal po'i pad+mo chen po'i 'khor gyi rin po che'i pad+mo chen po de dag gi ze ba dang snying po la seng ge'i khri rin po che'i pad+mo chen po'i snying po can sangs rgyas kyi zhing bcu'i rdul shin tu phra ba snyed dag byung bar gyur te/ rin po che'i snying po can gyi khri de dag la'ang byang chub sems dpa' sangs rgyas kyi nizhing bcu'i rdul shin tu phra ba snyed skyil mo krung bcas te 'khod par gyur to/ / bcom ldan 'das ye shes rin po che'i 'od kun tu 'phro ba'i dpal yon tan dpal gyi rgyal po de bzhin gshegs pa de bla na med pa yang dag par rdzogs pa'i byang chub tu mngon par sangs rgyas ma thag tu/ de'i mod la phyogs bcu'i 'jig rten gyi khams su de bzhin gshegs pa mang po dag kyang bla na med pa yang dag par rdzogs pa'i byang chub tu mngon par sangs rgyas te/ sems can rnams kyi bsam pa ji lta ba bzhin du mngon sum du chos kyi 'khor lo bskor bar gyur to// des kyang 'jig rten gyi khams de dag gi sems can tshad med pa rnams ngan song dang log par ltung ba thams cad las rnam par bzlog go/ / sems can tshad med pa ni mtho ris su skye ba la rab tu bkod do// sems can tshad med pa ni nyan thos la rab tu bkod do// sems can tshad
- 338b
med pa ni rang sangs rgyas kyi byang chub tu yongs su smin par byas so/ / sems can tshad med pa ni shugs drag po 'od kyis 'byung ba'i byang chub tu yongs su smin par byas so// sems can tshad med pa ni brtson 'grus dri ma med pa'i rgyal mtshan gyi byang chub tu yongs su smin par byas so/ / sems can tshad med pa ni chos rab tu bsgom pa'i gnas su 'byung ba'i byang chub la rab tu bkod do// sems can tshad med pa ni dbang po yongs su dag pa rab tu bsgom pas 'byung ba'i byang chub tu yongs su smin par byas so/ / sems can tshad med pa ni stobs mnyam pa nyid la yang dag par spyod pa khong du chud pas 'byung ba'i byang chub tu yongs su smin par byas so/ / sems can tshad med pa ni chos kyi grong khyer mngon du 'gyur ba'i yul gyi theg pa skye bas 'byung ba'i byang chub la rab tu bkod do// sems can tshad med pa ni thams cad du rjes su song ba'i rdzu 'phrul tha mi dad pa'i tshul gyi theg pas 'byung ba'i byang chub la rab tu bkod do/ / sems can tshad med pa ni spyod pa'i sbyor ba la yang dag par gzhol ba'i tshul gyis 'byung ba'i byang chub la rab tu bkod do/ / sems can tshad med pa ni ting nge 'dzin gyis 'jug pa'i tshul gyis 'byung ba'i byang chub la rab tu bkod do// sems can tshad med pa ni dmigs pa'i yul thams cad yongs su dag pa'i dkyil 'khor gyi tshul gyis 'byung ba'i byang chub la rab tu bkod do/ / sems can tshad med pa ni byang chub sems dpa'i byang chub tu sems bskyed do// sems can tshad
- 339a
med pa ni byang chub sems dpa'i lam la rab tu bkod do/ / sems can tshad med pa ni pha rol tu phyin pa'i lam rnam par dag pa la rab tu bkod do// sems can tshad med pa ni byang chub sems dpa'i sa dang po la rab tu bkod do/ / sems can tshad med pa ni byang chub sems dpa'i sa gnyis pa dang / gsum pa dang / bzhi pa dang / lnga pa dang / drug pa dang / bdun pa dang / brgyad pa dang / dgu pa la rab tu bkod do// sems can tshad med pa ni byang chub sems dpa'i sa bcu pa la rab tu bkod do// sems can tshad med pa ni byang chub sems dpa'i spyod pa smon lam gyi khyad par can la btsud do/ / sems can tshad med pa ni byang chub sems dpa' kun tu bzang po'i spyod pa dang smon lam rnam par dag pa la rab tu bkod do// de ltar de bzhin gshegs pa des sangs rgyas kyi khyu mchog gi mthu phyung ba dang / rnam par 'phrul pa bsam gyis mi khyab pas chos kyi 'khor lo bskor bas/ sems kyi skad cig re re la sems can gyi khams mtha' dang dbus med pa rnam par dul bar gyur to/ / 'jig rten gyi khams de'i sems can thams cad kyis kyang de bzhin gshegs pa de'i sku sna tshogs dang / thabs mkhas pa sna tshogs kyis bsgrubs pa'i chos bstan pa yongs su shes par gyur to/ / rgyal po'i bo brang rin po che'i ma tog smon ma'i sems can gzugs dang / kha dog dang / yul dang / longs spyod kyis rgyags shing drigs te/ gcig
- 339b
la gcig khyang du gsod pa de rnams gdul ba'i don du/ byang chub sems dpa' kun tu bzang pos kha dog dang gzugs mchog tu phyin par mngon par sprul te rgyal po'i pho brang der phyin to// de'i 'od shin tu yangs pas rgyal po'i gnas de dag thams cad yongs su snang bar gyur te/ rgyal po'i gnas de'i 'od dang / 'khor los sgyur ba'i rgyal po rnam par snang ba'i rin chen pad+mo dpal gyi gtsug pud snying po'i lus las byung ba'i 'od dang / bud med rin po che'i 'od dang / rin po che shing gi 'od dang / nor bu rin po che chen po'i 'od dang / nyi zla dang / gzab skar dang / rgyu skar gyi 'od dang / 'dzam bu'i gling na 'od ji snyed cig yod pa de dag thams cad kyang mi snang bar gyur te/ dper na nyi ma shar te mun pa dang ba dang / zla ba dang / gza' skar dang / rgyu skar gyi 'od kyang mi snang la/ me dang nor bu'i 'od kyang mi snang ngo // de bzhin du byang chub sems dpa' kun tu bzang po'i zil gyis non na/ 'dzam bu'i gling den 'od yod pa thams cad kyang mi snang bar gyur to// 'di lta ste/ dper na 'dzam bu chu klung gi gser gyis le sbab gyi drung du snag tsha'i gzugs bzhag na mdzes par ma rung / lhag ger ma rung lam mer ma rung / ljang nger ma rung ngo // de bzhin du byang chub sems dpa' kun tu bzang po'i mdun du sems can de dag gi gzugs kyi lus kyang mdzes par ma rung / lhag ger ma rung / lam mer ma rung / lhang nger ma rung ngo // de nas de dag
- 340a
@#snyam du gyur te/ de lta su zhig de ltar de'i drung du bdag cag gi lus sam/ 'od dam/ kha dog gam/ gzi brjid kyis kyang mdzes par ma rung lhag ker ma rung / lam mer ma rung / lhang nger ma rung ba de lta lha 'am/ tshangs pa 'am/ ci zhig de'i mtshan ma ni gzung bar mi nus so snyam mo// de nas byang chub sems dpa' k un tu bzang pos rgyal po'i gnas rin po che'i me tog sgron ma'i dbus 'khor los sgyur ba'i rgyal po rnam par snang ba rin chen pad+mo dpal gyi gtsug pud snying po'i gzhal med khang gi steng gi bar snang la 'dug ste 'khor los sgyur ba'i rgyal po rnam par snang ba rin chen pad+mo dpal gyi gtsug bud snying po la 'di skad ces smras so/ / rgyal po chen po shes par gyis shig/ de bzhin gshegs pa dgra bcom pa yang dag par rdzogs pa'i sangs rgyas 'jig rten du byung ste/ khyod kyi khams 'di nyid kyi snying po byang chub chos kun tu snang ba'i chos kyi sprin gyi sgra dbyangs rgyal mtshan 'di nyid na rnam par spyod do zhes pa dang / rgyal po'i bu mo ye shes kyi 'od kun tu 'gro ba pad+mo bzang mo mig yid du 'ong ba'i dpal gyi zla bas/ byang chub sems dpa' kun tu bzang po'i gzugs kyi lus dang / 'od dang / rnam par 'phrul pa dang / rgyan mthong ste/ dbyangs thos nas dga' ba dang mos pa'i shugs chen po skyes te/ de'i tshe sems 'di snyam du bskyed do// bdag gis dge ba'i rtsa ba gang ci bsags pa des bdag
- 340b
kyang lus 'di 'dra ba thob par shog so/ / rnan 'di 'dra ba dang / mtshan 'di 'dra ba dang / stod las 'di 'dra ba dang / rdzu 'phrul 'di 'dra bar shogs// ji ltar 'angs ma mo mun nag gi nang na sems can rnams la snang ba chen po bskyed de sangs rgyas skye ba yongs su brjod pa de bzhin du/ bdag gis kyang sems can rnams kyi mi shes pa'i mun pa bsal te/ ye shes chen po'i snang ba bskyed par bya'o/ / gang dang gang du skyes pa thams cad du'ang dge ba'i bshes gnyen 'di dang mi 'bral bar shog cig/ de nas rigs kyi bu 'khor los sgyur ba'i rgyal po rnam par snang ba rin chen pad+mo dpal gyi gtsug pud snying po yan lag bzhi'i dpung gi tshogs dang lhan cig/ rin po che bdun dang lhan cig/ bud med kyi tshogs kyi 'khor dang lhan cig/ bu dang / blon po dang / ljongs kyi mi dang lhan cig tu rgyal po'i rdzu 'phrul chen po dang / rgyal po'i mthu chen pos rgyal po'i gnas rin po che'i me tog sgron ma de nas 'phags te/ gyen du nam mkha' la dpag tshad gcig tsam du mngon par 'phags nas/ 'dzam bu'i gling thams cad dang gling bzhi pa'i 'jig rten gyi khams thams cad snang ba chen pos rgyas par bkang ste/ sems can thams cad sangs rgyas blta ba la yongs su bskul ba'i don du/ rin po che'i ri thams cad la gzugs brnyan mngon par bstan cing / gling bzhi pa'i 'jig rten gyi khams su gtogs pa'i sems
- 341a
can rnams pa mngon sum du gnas te/ sangs rgyas blta ba de tshigs su bcad de glu'i dbyangs kyis bsngags pa/ sras can thams cad skyabs mdzad pa'i// sangs rgyas 'jig rten byung bar gyur/ / 'jig rten gtso bo de blta bar// kun kyang longs te 'dong bar gyis// lus can kun la phan don du// chos rab ston pa gang mdzad pa'i// de bzhin gshegs pa 'byung ba ni/ / bskal pa bye ba'i brgya lam na'o// 'jig rten phyin cir log gyur cing // mi shes sgrib pas bsgribs gyur te// 'khor ba'i sdug bsngal myong ba'i rnams// gzigs shing thugs rje che bskyed nas/ / sdug bsngal thams cad gzhi la don du// sems can yongs su smin bya'i phyir// bskal pa bye ba grangs med du// byang chub spyad pa spyod pa mdzad// bskal pa mtha' yas mu med par/ / sangs rgyas byang chub mchog don du// zhabs dang phyag kyang yongs su btang // spyan dang snyan dang dbu yang btang // mthong zhing bsnyen bkur byas pa dang // thos pa don yod 'gyur ba yi/ / 'jig rten mgon po 'jig rten du// 'byung ba bskal pa bye bar dkon// de ni byang chub gangan la bzhugs// gsung ba'i dam pa bltar yang yod// bdud rnams steng bcas btul te/ / byang chub mchog tu rnam sangs rgyas// 'od zer dkyil 'khor mtha' yas pa// sangs rgyas sku las mngon bkye zhing // 'gro ba tshim par mdzad pa yi// kha dog sna tshogs 'di
- 341b
la ltos/ / 'od zer sprin mang grangs med pa// sangs rgyas sku las 'thon pa rnams// de ni sems can snang gyur na// bde ba dpe med 'thob par 'gyur// brtson 'grus chen po rab rtsos ste// rang dang rang gi bsam pa yis// mgon po de la mchod bgyis// tshur shog de yi gan du 'deng // de nas rgyal po rnam par snang ba rin chen pad+mo dpal gyi gtsug pud snying pos tshigs su bcad pa de dag gis bdag gis khams na gnas pa'i sems can thams cad yongs su bskul te/ mchod pa'i sprin tshogs brgya stong phrag bcu 'khor los sgyur ba'i dge ba'i rtsa bas yongs su grub pa'i char pa/ snying po byang chub kun nas snang ba'i chos kyi sprin gyi dbyangs kyi rgyal mtshan gyi 'khor kun tu mngon par 'bebs shing / rin po che'i gdugs kyi sprin gyis nam mkha' kun nas yog par bya ba dang / me tog thams cad kyi bla re'i sprin gyis nam mkha' bla nas khebs par bya ba dang / na bza' sna tshogs kyi sprin gyis nam mkha' kun nas yog cing brgyan par bya ba dang / rin po che sna tshogs kyi dril bu'i dra ba'i sprin gyis nam mkha'i dbyings brgyan par bya ba dang / spos sna tshogs rgya mtshos dri zhim par byas pa'i spos kyi 'od zer gyi sprin gyi rgyan nam mkha'i dbyings la byin gyis brlabs par bya ba dang / rin po che thams cad kyi khri la rin po che'i gdan 'phel bar bting ba'i sprin gyi rgyan nam mkha'i dbyings la byin gyis brlab pa dang / rin po che thams cad kyi rgyal mtshan gyi sprin mngon par bsgreng ba'i rgyan nam mkha'i dbyings la byin gyis brlab
- 342a
@da / khang pa dang gzhal med 'ang thams cad gyi sprin gyis kun nas yog pa'i rgyan rnams pa'i gyis la byin gyis brlab pa dang / me tog sna tshas kyiyin gyis nas yog pa'i rgyan nam mkha'i dbyings la byin gyis brlab pa dang / mchod pa'i rgyan thams cad kyi sprin gyi char rab tu 'bab pa'i rgyan nam mkha'i dbyings la byin gyis brlab pa byed cing bcom ldan 'das de bzhin gshegs pa ye shes rin po che'i 'od kun tu 'gro ba'i dpal yon tan dpal gyi rgyal po gang na ba der dong ste phyin nas/ bcom ldan 'das de bzhin gshegs pa ye shes rin po che'i 'od kun tu 'phro ba'i dpal yon tan dpal gyi rgyal po'i zhabs gnyis la spyi bos phyag 'tshal te/ bcom ldan 'das la lan brgya stong du mar g.yas phyogs su bskor ba byas nas/ bcom ldan 'das kyi spyan sngar stan nor bu rin po che chen po phyogs kun tu rnam par snang ba'i pad+mo'i snying po can la 'dug go/ de nas 'khor los sgyur ba'i bu mo ye shes rin po che'i 'od kun tu 'phro ba'i pad+mo ba rang mo mig yid du 'ong ba'i dpal gyi zla bas rang gi rgyan rnams lus las bkrol te/ bcom ldan 'das de bzhin gshegs pa ye shes kyi khod kun tu 'phro ba'i dpal yon tan dpal gyi rgyal po la gtor to// mngon par gtor to// de nas rgyan de dag bcom ldan 'das de'i dbu'i gtsug gi steng gi bar snang la nor bu rin po che'i rgyan gyi gdugs chen po nor bu rin po che sna tshogs kyi dra bas yongs su bskor ba
- 342b
klu'i dbang pa'i lus kyis bzung ba/ rgyar thams cad kyi lus kyis dbyibs shin tu legs par kun nas bskor ba/ rgyan gyi gdugs kyi dkyil 'khor bcus yongs su bsor ba shin tu dag pa khang pa brtsegs pa'i dbyibs sna tshogs kyis brgyan pa/ rin po che thams cad kyi lhab lhub kyi sprin gyis kun nas yog pa/ nor bu rin po che'i rgyal po thams cad kyi shing gi rgyan gyis kun nas khebs pa/ nor bu rin po che'i rgyal po spos thams cad kyi rgya mtshos yongs su brgyan par 'dug par gyur te/ de'i dbus na byang chub kyi shing chen po chos kyi dbyings las byung ba'i rin po che thams cad kyi yal ga dang lhun du ldan pa zhes bya ba rgyan brjod na mtha' dang dbus med pa skad cig re re zhing rgyan sna tshogs yongs su ston pa yod par mthong bar gyur to/ / de'i drung na de bzhin gshegs pa rnam par snang mdzad ces bya ba byang chub sems dpa' sangs rgyas kyi zhing brjod du med pa'i rdul shin tu phra ba snyed kun kyang / byang chub sems dpa' kun tu bzang po'i spyod pa dang smon lam gyis byung ba/ byang chub sems dpa'i rgyun sna tshogs tha mi dad cing bsam gyis mi khyab pa la rnam par spyod pa sha stag gis bskor cing mdun du byas pa dang / 'jig rten gyi dbang po thams cad kyang de la mngon du 'gyur par mthong ngo / / bcom ldan 'das rnam par snang mdzad de'i sangs rgyas kyi rnam par 'phrul pa mtha' dang dbus med pa'ang mthong bar gyur to//
- 343a
sngon gyi byang chub sems dpa'i spyod pa bskal pa gcig nas gcig tu brgyud pa la'ang zhugs par gyur to// 'jog rten gyi khams de'i 'du ba dang 'jig pa'i bskal pa la'ang zhugs par gyur to/ / 'jig rten gyi khams der 'das pa'i sangs rgyas kyi rgyud gcig nas gcig tu brgyud pa la'ang zhugs par gyur to// 'jig rten gyi khams den byang chub sems dpa' kun tu bzang po/ de bzhin gshegs pa thams cad kyi zhabs kyi drung na sangs rgyas mchod pa la brtson par gnas pa'ang mthong ngo // sems can thams cad yongs su smin par bya ba dang gdul bar bya ba la mngon du gyur par yang mthong ngo / / byang chub sems dpa' thams cad kyang byang chub sems dpa'i kun tu bzang po'i lus la gzugs brnyan du gyur par 'khod cing bdag nyid kyang de'i rjes su 'brang bar mthong ngo // de bzhin gshegs pa thams cad kyi zhabs kyi drung dang / byang chub sems dpa' thams cad kyi drung dang / sems can thams cad kyi gnas dang / 'jig rten gyi khams de dang de dag thams cad na'ang byang chub sems dpa' kun tu bzang po'i gzugs brnyan kun tu byung ste/ 'jig rten gyi khams de dag re re na'ang sangs rgyas kyi zhing rdul shin tu phra ba snyed kyi 'jig rten gyi khams mtshams kyi rgyan dang bcas pa dang / gzhi dang bcas pa dang / dbyibs dang bcas pa dang / lhun dang bcas pa dang / rgyan sna tshogs yongs su dag pa dang bcas pa rgyan sna tshogs
- 343b
sbyin gyis kun nas khegs pa rnam par bkod pa dang / ming dang grangs rnam pas tshogs dang ldan pa dang / de bzhin pa shegs pa'i rgyud sna tshogs las brjod pa sa sus rgya tshul tshogs su gtogs pa/ phyogs 'byam klas pa sna tshogs su 'dub/ chos kyi dbyings 'byam klas pa sna tshogs kyi khongs su gtogs pa/ chos kyi dbyings kyi gan sna tshogs su 'dus banam mkha'i dbyings sna tshogs la rnam par gnas pa/ snying po byang chub sna tshogs kyis brgyan pa/ de bzhin gshegs pa'i rnam par 'phrul pa sna tshogs kyis byung ba/ sangs rgyas kyi seng ge'i gdan sna tshogs kyis brgyan pa/ de bzhin gshegs pa'i 'khor gyi dkyil 'khor rgya mtsho sna tshogs dang ldan pa/ de bzhin gshegs pa'i 'khor gyi dkyil 'khor gyi rgyud sna tshetshogs can/ de bzhin gshegs pa'i thabs mkhas pa sna tshogs yongs su brjod pa dang ldan pa/ de bzhin gshegs pa'i chos kyi 'khor lo 'khor ba'i tshul sna tshogs can/ de bzhin gshegs pa'i dbyangs kyi yan lag dang gsung gi nga ro sna tshogs rab tu 'byung ba/ skad sna tshogs rgya mtsho shin tu bstan pa dang ldan pa/ mdo sde'i sprin sna tshogs rjes su sgrog pa can dag kyang mthong bar gyur to/ / mthong nas de bas kyang dga' ba dang mos pa'i shugs chen po thob par gyur te/ de de ltar dga' ba'i shugs chen po skyes par gyur pa la/ bcom ldan 'das ye shes
- 344a
r in po che'i 'od kun tu 'phro ba'i dpal yon tan dpal gyi rgyal po de bzhin gshegs pa des de bzhin gshegs pa thams cad kyi chos kyi 'khor lo rab tu bsgrags pa zhes bya ba'i mdo sde 'khor gyi mdo sde sangs rgyas kyi zhing bcu'i rdul shin tu phra ba snyed dang bcas pa yang dag par bstan te/ des mdo sde thos par gyur nas ting nge 'dzin gyi sgo stong phrag bcu shin tu phra zhing reg na bde ba thob par gyur te/ de ni dper na ma'i mngal du rnam par shes pa zhugs par gyur ma thag pa lta bu dang / 'di lta ste/ dper na sems can rnams kyi las mngon par bsgrubs pa lta bu dang / 'di lta ste/ dper na shing bzang po dam pa'i sa bon btab nas ring po ma lon yang myu gu skye ba'i rgyur gyur pa lta bu ste/ de bzhin du ting nge 'dzin de dag kyang 'jam shing yid du 'ong ba ste/ 'di ltar de bzhin gshegs pa thams cad mngon du rnam par dmigs pa zhes bya ba'i ting nge 'dzin dang / zhing 'byam klas pa thams cad snang ba rjes su song ba zhes bya ba'i ting nge 'dzin dang / dus gsum gyi tshul thams cad la 'jug pa khong du chud pa zhes bya ba'i ting nge 'dzin dang / de bzhin gshegs pa thams cad kyi chos kyi 'khor lo sgrog pa zhes bya ba'i ting nge 'dzin dang / sangs rgyas thams cad kyi smon lam rgya mtsho rnam par dmigs pa zhes bya ba'i ting nge 'dzin dang / 'khor ba thams cad kyi sdug bsngal gyis gzir ba'i sems can 'byung ba'i nga ro rab tu bsgrags pas rnam par dmigs par byed pa zhes bya ba'i ting nge 'dzin dang /
- 344b
sems can thams cad kyi mun nas rnam par sel ba'i ston las kyi rgyan ces zlaba'i ting nge 'dzin dang / sems can thams cad sdug bsngal dang bral ba'i ston sa gyipham par dmigs pa zhes bya badz+ra nga 'dzin dang / sems can thams cad kyi bde ba 'grub pa yongs su 'byin pa zhes bya ba'i ting nge 'dzin dang / sems can thams cad yongs su smin par bya ba dang gdul bas mi skyo ba'i snying po zhes bya ba'i ting nge 'dzin dang / byang chub sems dpa' thams cad kyi lam la 'jug pa'i rgyal mtshan zhes bya ba'i ting nge 'dzin dang byang chub sems dpa'i sa thams cad yongs su gnon par bsgrub pa'i rgyan ces bya ba'i ting nge 'dzin dang / de dag la sogs pa ting nge 'dzin gyi sgo stong phrag bcu rnams de thob par gyur te/ de phra ba la mnyam par gzhag pa'i sems dang / mi g.yo ba'i sems dang / rab tu dga' ba'i sems dang / dbugs phyin pa'i sems dang / dpag tu med pa'i sems dang / dge ba'i bshes gnyen gyi rjes su 'brang ba'i sems dang / thams cad mkhyen pa nyid shin tu zab pa la dmigs pa'i sems dang / byams pa'i rjes su 'gro ba'i tshul rgya mtsho la zhugs pa'i sems dang / mngon par zhen pa thams cad las gyen du 'phags pa'i sems dang / 'jig rten gyi yul thams cad la mi gnas pa'i sems dang / de bzhin gshegs pa'i yul la 'jug pa'i sems dang / sangs rgyas thams cad kyi gzugs dang kha dog rgya mtshos snang bar gyur pa'i sems
- 345a
dang 'jug pa med pa'i sems dang / g.yo ba med pa'i sems dang / 'ong thob med pa'i sems dang / mthod man med pa'i sems dang ma sems dang / mi zlogs pa'i sems dang / zhum pa med pa'i sems dang / chos thams cad kyi rang bzhin nges par rtogs pa'i sems dang / chos thams cad kyi rgya mtsho'i rjes su song ba'i sems dang / chos thams cad rab tu 'byed pa'i tshul gyi rjes su song ba'i sems dang / sems can rgya mtsho thams cad la 'jug pa'i sems dang / 'gro ba thams cad yongs su bskyab pa'i sems dang / sangs rgyas rgya mtsho mang po'i snang ba yongs su skyes pa'i sems dang / de bzhin gshegs pa thams cad kyi smon lam rgya mtsho la 'jug pa'i sems dang / sgrib pa thams cad kyi ri rnam par 'thor ba'i sems dang / bsod nams kyi tshogs rgya chen po yang dag par sgrub pa'i sems dang / de bzhin gshegs pa'i stobs bcu la spobs pa mngon sum du gyur pa'i sems dang / byang chub sems dpa'i yul thams cad la snang ba thob pa'i sems dang / byang chub sems dpa'i tshogs thams cad 'phel bar byed pa'i sems dang / phyogs rgya mtsho thams cad rgyas par 'gengs pa'i sems dang ldan pas/ kun tu bzang po'i smon lam chen po la lhag par dmigs par bya bas/ smon lam rgya mtsho sangs rgyas kyi zhing bcu'i rdul shin tu phra ba snyed kyis/ de bzhin gshegs pa tham
- 345b
cad kyi sngon gyi smon lam rang gi sangs rgyas kyi zhing yongs su dag par bya ba'i don du mngon par bsgrub ste/ 'di ltar sems can gyi khams thams cad yongs su smin par bya ba dang / gdul bar bya ba dang / chos kyi dbyings 'byam klas pa yongs su shes par bya ba dang / chos kyi dbyings kyi tshul rgya mtsho la 'jug par bya ba dang / sangs rgyas kyi zhing thams cad du phyi ma'i bskal par byang chub sems dpa' spyod pa spyad par bya ba dang / byang chub sems dpa'i spyod pa'i dkyil 'khor thams cad phyi ma'i mtha'i bskal par gnas par bya ba dang / de bzhin gshegs pa thams cad kyi drung du 'gro bar bya ba dang / dge ba'i bshes gnyen thams cad bsnyen bkur ba dang / de bzhin gshegs pa thams cad la mchod cing rim gror bya ba yongs su rdzogs par bya ba dang / sems kyi skad cig re re la thams cad mkhyen pa'i ye shes rnam par bsgrub pa dang / rnam par 'tshang rgya bar bya bas byang chub sems dpa'i spyod pa rgyun mi gcad par bya ba'i phyir/ de dag la sogs pa smon lam mngon par bsgrub pa'i sgo rgya mtsho sangs rgyas kyi zhing bcu'i rdul shin tu phra ba snyed kyis/ byang chub sems dpa' kun tu bzang po'i spyod pa la smon lam mngon par bsgrub par gyur to// de'i byang chub sems dpa' kun tu bzang po'i spyod pa dang smon lam mngon par bsgrub pa phyir bcom ldan 'das de bzhin gshegs pa ye shes rin po che'i 'od kun tu 'gro ba'i dpal yon tan dpal gyi rgyal pos sngon gyi dge ba'i rtsa ba yongs su bskul ba mdzad do/ / rab tu bsta
- 346a
pa mdzad do/ / yongs su bstan pa mdzad do// rnam par bye ba mdzad do// rnam par dkrol ba mdzad do// yang dag par bstan par mdzad do// chung za bar mi 'gyur bar bya ba'i phyir rab tu bstan par mdzad do/ / rgya chen por khyab par bya ba'i phyir shin tu yangs par mdzad do// thams cad mkhyen pa nyid lhur len par bya ba'i phyir rab tu gnas par mdzad do/ / de ni 'di lta ste/ thog ma sems bskyed pa nas nye bar bzung ba phyin chad de bzhin gshegs pa'i sngon gyi smon lam rgya mtsho grangs med pa rab tu thob par bya ba'i phyir ro// rigs kyi bu sngon 'das pa'i dus/ de'i yang pha rol gyi bskal pa bcu pa la/ 'jig rten gyi khams rin chen nyi ma'i 'khor lo rnam par snang ba'i 'od ces bya bar de bzhin gshegs pa zla ba'i rgyal mtshan dpal gyi gsung rab la/ bu mo ye shes kyi 'od kun tu 'phro ba pad+mo bzang mo mig yid du 'ong ba'i dpal gyi zla ba de/ byang chub sems dpa' kun bzang pos yongs su bskul de bzhin gshegs pa'i sku gzugs pad+mo la bzhugs pa zhig bcos so/ / bcos nas kyang ri mo bris so// ri mo bris nas kyang rin po ches shi nanu brgyan to// dge ba'i bshes gnyen byang chub sems dpa' kun tu bzang po la brten te/ bla na med pa yang dag par rdzogs pa'i byang chub tu'ang sems bskyed do// de dge ba'i rtsa ba des log par mi ltung ba'i chos can du gyur te/ rtag
- 346b
lha'i dbang po'i rigs dang mi'i dbang po'i rigs su skyes par gyur to/ / thams cad du'ang gzugs mdzes shing sdug la blta na yid du 'ong ba dang / kha dog bzang po shin tu rgyas pa dam pa dang ldan par gyur te/ rtag tu de bzhin gshegs pa mthong ba dang / byang chub sems dpa' kun tu bzang po dang yang bral bar ma gyur to// dge ba'i bshes gnyen de nyid kyis tshe rabs de dang de dag tu yongs su smin par byas so// dran par byas so// nga'ang des byang chub sems dpa' kun tu bzang po yongs su bsnyen bkur te yid du byung bar ma byas so// rigs kyi bu de la ji snyam du sems/ de'i tshe de'i dus na 'khor los sgyur ba'i rgyal po rnam par snang ba rin cen pad+mo dpal gyi gtsug pud snying po zhes bya ba de gzhan zhig yin pa tsam du sems na ni/ rigs kyi bu khyod kyis de ltar mi blta ste/ byang chub sems dpa' byams pa ni de'i tshe de'i dus na 'khor los sgyur ba'i rgyal po rnam par snang ba rin cen pad+mo dpal gyi gtsug pud snying po zhes bya bar gyur to/ / rigs kyi bu de'i tshe de'i dus na rgyal po'i btsun mo dpal gyi bzhin yongs su rgyas pa zhes bya ba byung ba de gzhan zhig yin pa tsam du sems na'ang de ltar mi blta ste/ mtshan mo'i lha mo kho mo'i drung na 'dug pa sgra rgya mtsho rab tu zhi ba dang ldan pa 'di yin no// rigs kyi bu de la ji snyam du sems/ de'i tshe de'i dus na rgyal po'i bu mo ye shes kyi 'od kun tu 'phro ba pad+mo bzang mo mig yid du 'ong ba'i dpal gyi zla ba zhes bya ba byung ba de gzhan zhig yin pa tsam du sems na ni/
- 347a
de ltar mi blta ste/ kho mo ni de'i tshe de'i dus na rgyal po'i bu mo ye shes kyi 'od kun tu 'phro ba pad+mo bzang mo mig yid du 'ong ba'i dpal gyi zla ba zhes bya bar gyur to// kho mo bu mo gzhon nur gyur te/ de bzhin gshegs pa dbang po'i rgyal mtshan dpal gyi gsung rab la/ de bzhin gshegs pa'i sku pad+mo la bzhugs pa bcos pa de ni kho mo'i bla na med pa yang dag par rdzogs pa'i byang chub kyi rgyur gyur to/ / de'i tshe byang chub sems dpa' kun tu bzang pos kho mo bla na med pa yang dag par rdzogs pa'i byang chub tu yongs su bskul ba de ni kho mos byang chub tu sems dang po bskyed pa yin no/ / kho mos bcom ldan 'das de bzhin gshegs pa ye shes rin po che'i 'od kun tu 'phro ba'i dpal yon tan dpal gyi rgyal po'i drung du phyin te rgyan gyis gtor nas/ de bzhin gshegs pa'i rnam par 'phrul pa dang cho 'phrul mthong bar gyur te/ kho mos bcom ldan 'das de'i drung nas chos thos par gyur pa de'i tshe/ kho mos byang chub sems dpa'i rnam par thar pa 'jig rten thams cad mngon du gyur pas 'gro ba rnam par 'dul ba ston pa 'di thob bo/ / de bzhin gshegs pa ri rab kyi rdul shin tu phra ba snyed de dag thams cad kyang bsnyen bkur te/ yo byad dang mchod cing rim thor bya ba thams cad kyis kyang bkur stir byas so/ / de bzhin gshegs pa de dag gis chos bstan pa de dag thams cad kyang kho mos thos te/ de bzhin gshegs pa de dag gi gdams ngag dang rjes su bstan
- 347b
pa la'ang zhugs par gyur to/ / de bzhin gshegs pa de dag la la lo mos rim gro cher byas te/ rim gro de'i rnam pas sems kyi skad cig gcig la de bzhin gshegs pa de dag thams cad dang / byang chub sems dpa'i 'khor gyi dkyil 'khor de dag dang / sangs rgyas kyi zhing de dag thams cad kyang mthong ste/ 'jig rten gyi khams rnam par gnas pa'i khams de ni 'das par gyur/ bskal pa rdul dang bral ba'i dkyil 'khor de ni mthar phyin par gyur nas/ de'i rjes la 'jig rten gyi khams ni rin chen 'khor lo sna tshogs kyis klubs shing brgyan pa zhes bya/ bskal pa ni bod chen po zhes bya ba zhig byung ste/ de la sangs rgyas lnga brgya byung bar gyur to// de dag thams cad kyang kho mos bsnyen bkur te/ bskal pa 'od chen po la de bzhin gshegs pa thugs rje chen po sprin gyi rgyal mtshan zhes bya ba bskal pa'i dang po la byung ste/ de mngon par 'byung ba'i tshe/ kho mo mtshan mo'i lha mor gyur pas mchod pa byas so// de'i 'og tu de bzhin gshegs pa rdo rje mthu bo che'i dpal zhes bya ba byung ste/ de la kho mo 'khor lo sgyur bar gyur pas mchod pa byas so/ / de bzhin gshegs pa des kho mo la mdo sde sangs rgyas thams cad skye zhing 'byung ba zhes bya ba/ mdo sde sangs rgyas kyi zhing bcu'i rdul shin tu phra ba snyed kyi 'khor dang bcas pa yang dag par bstan te/ de la kho mos thos nas yongs su bzung ngo // de'i 'og tu de bzhin gshegs pa me'i 'od 'phro ri'i dpal gyis rnam par brgyan pa zhes bya ba byung ste/ de la kho mo cho
- 348a
dpon gyi bu mor gyur pas mchod pa byas so/ / de bzhin gshegs pa des kho mo la mdo sde dus gsum snang ba'i snying po zhes bya ba/ mdo sde 'dzam bu'i gling gi rdul shin tu phra ba snyed kyi 'khor dang bcas pa yang dag par bstan te/ de'ang kho mos thos nas yongs su bzung ngo // de'i 'og tu de bzhin gshegs pa chos rgya mtsho thams cad kyis mngon par 'phags pa'i shugs kyi rgyal po zhes bya ba byung ste/ de la lo mo lha'i rgyal por gyur pas mchod pa byas so/ / de bzhin gshegs pa des kho mo la mdo sde chos kyi dbyings kyi gzhi thams cad shes pa'i bye brag ces bya ba mdo sde lnga brgya'i 'khor dang bcas pa yang dag par bstan te/ de'ang kho mos thos nas yongs su bzung ngo // de'i 'og tu de bzhin gshegs pa chos zab mo dpal rgya mtshos yang dag par byung ba'i 'od ces bya ba byung ste/ de la kho mo klu'i dbang po'i bu mor gyur pas nor bu rin po che yid bzhin gyi rgyal po'i sprin gyi char mngon par phab ste mchod pa byas so/ / de bzhin gshegs pa des kho mo la mdo sde rgya mtsho rnam par 'phel ba'i shugs shes bya ba/ mdo sde bye ba brgya stong phrag bcu'i 'khor dang bcas pa yang dag par bstan te/ de'ang kho mos thos nas yongs su bzung ngo // de'i 'og tu de bzhin gshegs pa rin chen ri bo'i spo'i 'od zer sgron ma zhes bya ba byung ste/ de la kho mo rgya mtsho'i lha mor gyur pas rin po che'i pad+mo'i sprin gyis nye bar bsnyen te mchod pa byas so/ / de bzhin gshegs pa des lo mo la mdo sde chos kyi dbyings rgya mtsho'i tshul zhes bya ba/ mdo sde sangs
- 348b
rgyas kyi zhing rdul shin tu phra ba snyed kyi 'khor dang bcas pa yang dag par bstan te/ de'ang kho mos thos nas yongs su blangs so// dran pas yang dag par bzung ngo // de'i 'og tu de bzhin gshegs pa yon tan rgya mtsho snang ba'i dkyil 'khor gyi dpal zhes bya ba byung ste/ de la kho mo drang srong mngon par shes pa lnga dang ldan par gyur pa/ drang srong stong phrag drug cus kun nas bskor bas rdzu 'phrul chen po'i rnam par 'phrul pas nye bar bsnyen te/ spos kyi me tog ri bo tsam gyi sprin gyi char mngon par phab nas mchod pa byas so// de bzhin gshegs pa des kho mo la mdo sde chos gnas med pa'i sgron ma zhes bya ba/ mdo sde stong phrag drug cu'i 'khor dang bcas pa yang dag par bstan te/ de'ang kho mos thos nas yongs su bzung ngo // de'i 'og tu de bzhin gshegs pa rnam par snang mdzad dpal gyi snying po zhes bya ba byung ste/ kho mo yang mnyam pa nyid kyi don 'byung ba zhes bya ba'i sa'i lha mo zhig tu gyur nas/ 'o mo sa'i lha mo'i 'khor grangs med pa dang bcas pas rin po che'i shing thams cad kyi lhun las rin po che'i me tog gi sprin gyi char mngon par phab ste/ rin po che'i 'greng ba'i sprin gyi char yang rab tu phab nas/ de bzhin gshegs pa de la mchod ba bya ba'i phyir spyan sngar phyin to/ / de bzhin gshegs pa des kho mo la mdo sde de bzhin gshegs pa thams cad yang dag par 'byung ba'i 'byung gnas snying po zhes bya ba/ mdo sde grangs med pa'i 'khor dang /
- 349a
bcas pa yang dag par bstan te/ de'ang kho mos thos nas bzung ste chud zos par ma byas so// rigs kyi bu de bzhin gshegs pa lnga brgya po de dag thams cad kyi tha mar/ de bzhin gshes ba chos kyi dbyings nam mkha' mdzod spus yongs su rgyas pa'i rtse mo dpal gyi sgron ma zhes bya ba 'jig rten du byung ste/ de'i tshe kho mo yang gar mkhan gyi bu mo bzhin mngon par mdzes pa'i dpal zhes bya ba zhig tu gyur te/ de bzhin gshegs pa de la grong khyer du gshegs nas gar mkhan gyi tshogs kyis rol mo byas pa'i tshe/ kho mos sangs rgyas kyi byin gyis steng gi nam mkha'i dbyings las tshigs su bcad pa stong gis de bzhin gshegs pa de la mngon par bstod de spyan sngar phyin to/ / de bzhin gshegs pa des mdzod spu nas 'od zer chos kyi dbyings rnam par snang ba'i rgyan ces bya ba bkye ste/ kho mo'i lus thams cad kyang snang bar mdzad do/ / 'od zer des kho mo la phog ma thag tu rnam par thar pa chos kyi dbyings kyi tshul yongs su 'khyil ba'i snying po zhes bya ba thob par gyur cing / rigs kyi bu de ltar de bzhin gshegs pa de dag la sogs pa/ bskal pa 'od chen po la 'jig rten gyi khams rin cen 'khor lo sna tshogs kyis klubs shing brgyan par sangs rgyas lnga brgya byung bar gyur pa de dag thams cad kyang mnyes par byas te/ de bzhin gshegs de dag la kho mos mchod pa'ang byas so/ / de bzhin gshegs pa de dag gis kho mo la chos bstan pa de dag thams cad kyang dran te/ chos kyi tshul de dag las yi ge 'ga' 'am/ tshig 'a
- 349b
yang brjed par ma gyur to/ / de bzhin gshegs pa de dag re re'i drung du 'gro ba'i tshe'ang sangs rgyas kyi chos yongs su brjod par bya bas sems can tshad med pa'i don byas so// de bzhin gshegs pa de dag re re la'ang kho mos chos kyi dbyings kyi rang bzhin rgya mtsho dus gsum gyi ye shes kyi snying po/ chos kyi dbyings shin tu yangs pa zhes bya ba'i thams cad mkhyen pa'i glog mngon par snang ba kun tu bza bopo'i spyod pa thams cad la gnas par yang dag par gzhol ba thob par gyur te/ rigs kyi bu kho mo la ni da ltar yang sems kyi skad cig re re la de bzhin gshegs pa mtha' dang dbus med pa yongs su spang ste/ debazhin gshegs pa de dag kho mos mthong bar gyur pas thams cad mkhyen pa'i glog mngon par snang ba sngan chad ma thob pa/ sngan chad ma mthong ba dag kyang kho mo'i sems kyi rgyud la gnas par gyur te/ 'on kyang byang chub sems dpa' kun bzang po'i spyod pa las g.yo ba med do/ / de ci'i phyir zhe na/ thams cad mkhyen pa'i glog mngon par snang ba thob pa 'di ni mtha' dang dbus med par bstan pa'o// de nas mtshan mo'i lha mo sems can kun tu skyong ba'i gzi brjid dpal gyis/ de'i byang chub sems dpa'i rnam par thar pa 'jig rten thams cad mngon du gyur pas 'grob rnam par 'dul ba zhes bya ba 'di brnam te bstan pa dang / rnam par dbye bar bya ba'i phyir/ sangs rgyas kyi byin gyi rlabs kyis tshong dpon gyi bu nor bzangs la tshigs su bcad de smras pa/ zab mo blta dka'
- 350a
khong du chud dka' ste/ / dus gsum dbyings kun tha dad tshul ldan la// chos 'od dkyil 'khor kun tu 'od 'byung ba'i// kho mo'i tshig 'di nor bzangs mnyam par gyis// sangs rgyas/ yon tan 'dod pas byang chub tu// kho mos thog ma ji ltar sems bskyed dang // ji ltar kho mos rnam thar 'di thob pa// de dag rnam par phye ba'i tshul 'di nyon// 'di nas sangs rgyas zhing gi rdul snyed kyi// bskal pa gcig nas gcig brgyud pha rol tu// 'jig rten khams yangs dri ma'i skyon med pa// rnam snang rgyal mtshan sgron ma'i dpal byung ste// bskal pa rdul dang bral ba'i dkyil 'khor byung // de la sangs rgyas rigs ni rgyun ma chad// de tshe ri rab rdul phran rab snyed kyi// stobs bcu skyon med mang po byung bar gyur// de la bde gshegs thog mar rin cen 'od// kun tu 'phro dpal yon tan dpal rgyal byung / / rgyal ba chos kyi rgyal mtshan ri rab dpal// yon tan seng ge'i dbang po rgyal ba bzhi// rgyal bzhi pa'i rgyal po skye ba cil dang // grags pa'i ri bo yon tan ri rab dpal// rgyal ba nyi ma zla zhal bcom ldan 'das// bcu po de dag tshul 'di thog ma'o// rgyal ba nam mkha'i gzhi dang kun nas 'od// phyogs su yongs byung dran pa rgya mtsho'i sgo// rgyal ba mngon 'phags 'od mnga' ri rab dpal/ / bde gshegs chos kyi 'od 'phro ri bo dpal// thugs rje che mnga' dgu pa pad+mos 'phags// sangs rgyas bcu pa chos dbyings me tog ste// sangs rgyas rgya mtsho yongs su
- 350b
brjod pa las/ / tshul 'di bcu ba gnyis pa 'di yin no// 'od dpal rgyal po ye shes blo gros dang // sna tshogs don dbang dpal gyi blo zos lha// rgyal ba'i shugs kyi rgyal blo ye shes dpal/ snang ba'i rgyal po 'od kyi rgyal mtshan dpal// / rgyal ba rnam par gnon pa'i lha stabs dang // de bzhin chos dbyings pad+mo bcu pa ste// rgya chen yongs su bstan las tshul 'di ni// tshul 'dir bcu pa gsum pa bstan pa'o/ / rin cen 'od 'phro ri dpal bcom ldan 'das// de yi 'og ma yon tan rgya mtsho dpal// chos kyi 'od dang pad+mo snying po dpal// 'gro ba'i zla ba spyan tshul bde bar gshegs/ / spos kyi 'od dang rin chen ri rab dpal// rgyal ba dri za lus 'od rgyal po dang // rin cen snying po rgyal dpal gzi brjid ldan// rgyal ba bcu pa zhi ba'i gzugs kyi sngags de yi 'og ma rgyal ba rgyal chen blo/ / rin chen 'od dang nam mkha'i sprin gyi dpal// rgyal ba dam pa'i mtshan gyi dpal gyur dang // brtul zhugs dkyil 'khor rang gi lus kyi 'od// mthu chen brtul zhugs ri rab dpal mnga' dang / / rgyal ba yon tan 'khor yug dpal gyi rgyal// bcom ldan mi 'pham brtul zhugs rgyal mtshan dang // shing gi ri bo rgyal ba de dag bcu// rgyal ba snga la'i rgyal po dpal gyi mchog/ 'jig rten dbang po'i lus ni snang ba'i 'od// mngon par 'phags 'od dpal gyi bcom ldan pa das// rdo rje 'od dang sa yi gzi brjid dpal/
- 351a
rgyal ba zab chos 'od kyi rgyal po dpal// chos kyi rgya mtsho dbyangs kyi blo gros dang // ri rab rgyal mtshan dpal dang blo gros snang // rgyal ba bcu pa rin cen rgyal po dpal tshangs pa'i 'od dang rgyal ba nam mkha'i dbyangs/ / de bzhin chos kyi dbyings ni gzugs brnyan dpal// snang ba'i dkyil 'khor 'od kyi bcom ldan 'das// tha dad phyogs mkhyen ye shes blo gros dang / nam mkha'i sgron ma mngon par dga' ba'i dpal// rnam par snang mdzad 'od dpal bde bar gshegs// bsod nams rab tu snang dpal zhi ba'i dpal// bcu pa snying rje chen po sprin gyi dpal// de bzhin nyid 'od stobs snang blo gros dang // rgyal ba 'gro ba thams cad mngon gzugs dang // de tshe rgyal ba mngon 'phags 'od mnga' 'byung // de yi 'og ma zhi ba'i sku yi 'od// chos 'phags bder gshegs de bzhin byung bar gyur/ / de yi 'og ma rlung gi drag shul dpal// dpa' ba'i rgyal mtshan rin cen lus kyi dpal// dus gsum snang ba'i 'od ni bcu pa'o// smon lam rgya mtsho rab tu snang dpal dang / / gnyis pa dgongs pa rdo rje ri bo dpal// rgyal ba gsum pa seng ge ri rab dpal// dran pa'i rgyal mtshan rgyal po chos dpal blo// shes rab sgron ma 'od kyi rgyal mtshan dpal// de yi 'og ma rgyal ba rgya chen blo// rgyal ba chos dbyings tshul gyi ye shes stabs// chos kyi rgya mtsho blo gros ye shes dpal// chos 'dzin pa dang rin cen sbyin dngal dang // rgyal ba yon tan pa por yug dpal gyi sprin//
- 351b
bzod pa'i sngon ma dpal dang gzi brjid ldan// shugs 'od zhi gnas dbyangs kyi rgyal ba dang // zhi ba'i rgyal mtshan 'gro ba'i sgron ma dpal// sangs rgyas smon lam chen po shugs kyi dpal// bco/ ldan gzhan gyis mi thub rgyal mtshan stobs// rgyal ba ye shes 'od 'phro rgya mtsho dpal// rgyal ba chos dbang blo gros chags pa med// 'gro skad rgya mtsho dbyangs kyi blo gros dang // thams cad dbyangs kyi yan lag sgra skad dpal/ / dbang sgyur mchod sbyin grags pa'i mchod sdong blo// phyogs yul 'gro ba mngon gsum bcom ldan 'das// sems can bsam par mnyam pa sku yi dpal// gzhan yang sangs rgyas gnas dang bcas pa'i dpal/ / rgyal ba rang bzhin lus dpal bzang po dang // der ni rgyal ba de la sogs pa byung // de dag byung nas 'gro ba'i sgron ma mdzad// bskal pa ri rab shin tu phra rdul snyed// bdag gis rgyal ba rgya mtsho de dag mchod/ / bskal pa sangs rgyas zhing gi rdul snyed po// de dag tu ni rgyal ba gang byung ba// bde gshegs de dag thams cad bdag gis mchod// rnam par thar pa'i tshul ni 'di la zhugs// rnam par thar pa'i tshul 'di sgom byed cing // bskal pa mtha' yas bdag gis sngon spyod kyis// khyod kyis thos nas nan tan myur gyis shig/ tshul 'di ring po mi thogs thob par 'gyur/ rigs kyi bu kho mos byang chub sems dpa'i rnam par pa 'jig rten thams cad mngon du gyur pas 'gro ba rnam par 'dul ba ston pa 'di shes par zad na/ kho mos byang chub sems dpa'
- 352a
@##/ / mtha' dang dbus med pa'i byang chub sems dpa'i spyod pa rgya mtsho la mos pa sna tshogs kyis yang dag par gnas pa/ bsam pa sna tshogs kyi lus dang ldan pa dbang po rgya mtsho sna tshogs yongs su grub pa/ byang chub sems dpa' spong ba dang smon lam sna tshogs shin tu rtogs pa de dag gi spyod pa shes pa 'am/ yon tan brjod par nus re skan song rigs kyi bu snying po byang chub 'di nyid na/ kho mo dang rgyang mi ring ba zhig na mtshan mo'i lha mo sgra rgya mtsho rab tu zhi ba dang ldan pa zhes bya ba/ pad+mo'i khri rin po che'i rgyal po snang ba'i rgyal mtshan gyis rab tu brgyan pa zhig la 'jug cing / mtshan mo'i lha mo grangs med pa brgya stong phrag bcu'i 'khor gyis bskor ba 'dug gis de'i gan du song la ji ltar byang chub sems dpas byang chub sems dpa'i spyong bal bslab par bya ba dang / ji ltar nan tan du bya ba dris shi/ de nas tshong dpon gyi bu nor bzangs kyis/ mtshan mo'i lha mo sems can kun tu sbyong ba'i brjid dpal gyi rkang pa gnyis la spro thos rgyag 'tshal te/ mtshan mo'i lha mo sems can kun tu skyong ba'igazi brjid ngangal la lan brgya stong du mar g.yas phyogs su bskor ba byas nas yang da