Text
ff. 1b–310a · 618 folio sides
- 1b
sangs rgyas phal po che las sdong pos brgyan pa'i le'u ste/ bam po brgya gcig go// / de nas tshong dpon gyi bu nor bzangs/ mtshan mo'i lha mo
- 2a
sems can kun tu skyong ba'i gzi brjid dpal gyi byang chub sema dpa'i rnam par thur pa'i 'jig rten thams cad mngon du gyur pas 'gro ba rnam par 'dul ba de la yongs su skom zhing khong du chud par bya ba dang / yid ches par bya ba dang / 'jug par bya ba dang / shin tu rgyas por bya ba dang / yongs su khyab par bya ba
- 2b
dang / rab tu mched par bya ba dang / dbang du bya ba dang / snang bar bya ba dang / yang dag par gzhol bar bya ba byed cing / mtshan mo'i lha mo sgra rgya mtsho rab tu zhi ba dang ljon pa gang na ba der phyin te/ mtshan mo'i lha mo sgra rgya mtsho rab tu zhi ba dang ldan ba'i rkang pa gnyis la spyi bos phyag 'tshal te/ mtshan mo'i lha mo sgra rgya mtsho rab tu zhi ba dang ldan pa la/ lan brgya stong du mar g.yas phyogs su bskor ba byas nas/ mtshan mo'i lha mo sgra rgya mtsho rab tu zhi ba dang ldan pa'i mdun du 'dug ste/ thal mo sbyar nas 'di skad ces smras so// 'phags ma lha mo bdag ni bla na med pa yang dag par rdzogs pa'i byang chub tu
- 3a
yang dag par zhugs pa ste/ bdag ni dge ba'i bshes gnyen gyi rten gyis/ byang chub sems dpa'i spyod pa la slob cing // byang chub sems dpa'i spyod pa la zhugs te/ byang chub sems dpa'i spyod pa la nan tan du bgyi ba dang / byang chub sems dpa'i spyod pa la rab tu gnas pas/ thams cad mkhyen pa nyid du 'byung bar 'tshal na/ 'phags ma lha mo ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ de nas mtshan me'i lha mo sgra rgyu mtsho rab tu zhi ba dang ldan pas/ tshong dpon gyi bu nor bzangs la 'di skad ces smras so// rigs kyi bu de ltar khyod dge ba'i bshes gnyen gyi rten gyis/ byang chub sems dpa'i spyod pa yongs su tshol ba legs so legs so// rigs kyi bu kho mo ni byang chub sems dpa'i rnam par thar
- 3b
pa dga' ba yangs pa'i shugs 'byung bas sems kyi skad cig rnam par brgyan pa thob pa'o/ / nor bzangs kyis smras pa/ 'phags ma khyod ni 'phrin las ci mdzad/ yul gang dang ldan sbyor ba gang dang ldan/ ci la rnam par spyod/ byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa de'i yul ni ji lta bu zhig/ mchis/ des smras pa/ rigs kyi bu kho mo ni sems dang bsam pa rgya mtsho yongs su dag pa'i mnyam pa nyid la zhugs pa ste/ 'jig rten gyi rdul dri ma thams cad rnam par bsal bas mi byed pas brgyan pa'i bsam pa la zhugs pa'o/ / brtsams pa las mi ldog/ mi ldog pa'i sems dang ldan pa'o// rin po che'i ri bo ltar yon tan gyis brgyan pa'i sems mi bskul ba dang ldan pa'o/ / mi gnas mi rten pa'i sems dang ldan pa'o// 'gro ba thams cad yongs su skyabs pa la mngon par phyogs pa'i sems dang ldan pa'o// sangs rgyas rgya mtsho thams cad mthong bas mi ngoms pa'i sems dang ldan pa'o/ / byang chub sems dpa' thams cad kyi stobs kyis bsam pa rnam par dag pa'i sems dang ldan pa'o// dran pa'i rgya mtsho ye shes kyi snang ba chen pos brgyan pa la yang dag par gnas pa'i sems dang ldan pa'o/ / sems can thams cad mya ngan gyi dgon pa las yang dag par bzla ba la zhugs pa'o// sems can thams
- 4a
cad sdug bsngal dang yid mi bde ba las rnam par bzlog pa la mngon par brtson pa'o/ / sems can thams cad kyi yid du mi 'ong ba'i gzugs dang / sgra dang / dri dang dang / reg yongs su chub rnam par bzlog pa la zhugs pa'o// sems can thams cad kyi sdug pa dang bral zhing phrad pa'i sdug bsngal rab tu zhi bar bya ba la zhugs pa'o// sems can thams cad kyi yul gyi rkyen las byung bas mgo rmongs pa'i sdug bsngal rnam par bzlog pa la rab tu brtson pa'o/ / log par lhung ba'i sems can thams cad kyi rten du gyur pa'o// sems can thams cad 'khor ba'i gnas kyi sdug bsngal las 'byung ba yang dag par ston pa la mngon par brtson pa'o/ / sems can thams cad kyi rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnam par bzlog pa la zhugs pa'o// sems can thams cad la de bzhin gshegs pa'i bde ba bla na med pa yongs su bsgrub par zhugs pa ste/ grong dang / grong khyer dang / ljongs dang / yul dang / khams dang // rgyal po'i gnas na 'khod pa'i sems can thams cad 'de bar rim gror bya bas/ nyams dga' bar 'gyur zhing / de dag la chos dang mthun par bsrung ba dang / bskyab pa dang / rim gro bya ba'ang legs par byed de/ de dag rim pas thams cad mkhyen pa
- 4b
nyid du yongs su smin par byed do/ / 'di lta ste/ khang khyim dang gzhal med khang na gnas pa'i sems can rnams kyi mngon par chags pa med pa yongs su skyed do// yid ma bde ba de dag kyang rnam par sel to/ / mngon par zhen pa thams cad rgyun gcad pa dang / chos thams cad kyi rang bzhin yongs su shes par bya ba'i phyir chos ston to// pha ma dang / phu nu dang / sring mo dang / gnyen bshes dang 'grogs pa'i sems can yun ring po nas bshes shing mdza' bar gyur pa dag la sangs rgyas dang byang chub sems dpa' dang phrad par bya ba'i phyir chos ston to/ / bu smad dang 'grogs pa'i sems can rnams la 'khor ba'i sred pa thams cad rab tu spang ba dang / sems can thams cad la mnyam pa nyid kyi sems su bya ba dang / snying rje chen po rab tu thob par bya ba'i phyir chos ston to// tshong dus kyi dbus na 'khod pa'i sems can rnams la 'phags pa'i dge 'dun dang de bzhin gshegs pa mthong bar bya ba la yang dag par gzhol bar bya ba'i phyir chos ston to/ / longs spyod kyi dregs pas myos pa'i sems can rnams la bzod pa'i pha rol tu phyin pa yongs su rdzogs par bya ba'i phyir chos ston to/ / glu dang / gar dang / rol mo la mngon par dga' ba'i sems can rnams la chos kyi dga' ba la mos par bya ba'i phyir
- 5a
chos ston to/ / yul gyi dga' ba la chags pa'i sems can rnams la de bzhin gshegs pa'i yul la yang dag par gzhol bar bya ba'i phyir chos ston to// khro bas yongs su non pa'i sems can rnams la bzod pa'i pha rol tu phyin pa la rab tu dgod par bya ba'i phyir chos ston to// sems can le lo can rnams la brtson 'grus kyi pha rol tu phyin pa yongs su dag par bya ba'i phyir chos ston to/ / sems rnam par myos pa'i sems can rnams la de bzhin gshegs pa'i bsam gtan gyi pha rol tu phyin pa rab tu thob par bya ba'i phyir chos ston to/ / lta ba'i rnam pa thibs por subs pa'i sems can ma rig pa'i mun nag na 'thom pa rnams la lta ba'i rnam pa thibs po dang / ma rig pa'i mun pa rnam par bsal ba'i phyir chos ston to/ / shes rab 'chal pa can gyi sems can rnams la shes rab kyi pha rol tu phyin pa rab tu thob par bya ba'i phyir chos ston to// khams gsum pa la mngon par zhen pa'i sems can rnams la 'khor ba las 'byung bar bya ba'i phyir chos ston to/ / dma' ba la mos pa'i sems can rnams la de bzhin gshegs pa'i byang chub tu smon lam/ yongs su rdzogs par bya ba'i phyir chos ston to// bdag la phan par brtson pa'i sems can rnams la sems can thams cad la phan par bya ba'i smon lam yongs su
- 5b
rdzogs par 'gyur bar bya ba'i phyir chos ston to/ / bsam pa nyam chung ba'i sems can rnams la byang chub sems dpa'i stobs kyi pha rol tu phyin pa rnam par dag par bya ba'i phyir chos ston to/ / ma rig pa'i mun pas sems blong ba'i sems can rnams la byang chub sems dpa'i ye shes kyi pha rol tu phyin pa rnam par dag par bya ba'i phyir chos ston to/ / gzugs mi sdug pa dang ldan pa'i sems can rnams la de bzhin gshegs pa'i gzugs kyi sku rnam par dag par bya ba'i phyir chos ston to// lus kyi dbyibs mi mdzes pa dang ldan pa'i sems can rnams la chos kyi sku bla na med pa rnam par dag par bya ba'i phyir chos ston to/ / kha dog mi sdug pa dang ldan pa'i sems can rnams la de bzhin gshegs pa'i sku mdog gser gyi kha dog lta bu dang shin tu 'jam zhing ka tsa lin da ltar reg na bde ba'i lus rnam par dag par bya ba'i phyir chos ston to/ / sdug bsngal ba'i sems can rnams la de bzhin gshegs pa'i bde ba dam pa rab tu thob par bya ba'i phyir chos ston to/ / bde ba'i sems can rnams la thams cad mkhyen pa nyid kyi bde ba rab tu thob par bya ba'i phyir chos ston to/ / nad pan pa'i sems can rnams la byang chub sems dpa'i lus gzugs brnyan lta bu yongs su grub par bya ba'i phyir chos ston to// dga'
- 6a
pa sna tshogs la brtson pa'i sems can rnams la byang chub sems dpa' spyod pa'i dga' ba rab tu thob par bya ba'i phyir chos ston to/ / 'phongs pa'i sems can rnams la byang chub sems dpa'i chos kyi gter dang mdzod rab tu thob par bya ba'i phyir chos ston to/ / bza' shing gi ra ba na gnas pa'i sems can rnams la sangs rgyas kyi chos yongs su btsal ba la mngon par brtson pa'i rgyu thob par bya ba'i phyir chos ston to/ / lam du zhugs pa'i sems can rnams la thams cad mkhyen pa'i lam du 'jug par bya ba'i phyir chos ston to// grong na gnas pa'i sems can rnams la khams gsum pa thams cad las 'byung bar bya ba'i phyir chos ston to/ / yul gyi 'dab na gnas pa'i sems can rnams la nyan thos dang rang byang chub kyi lam las yang dag par 'da' bar bya ba dang / de bzhin gshegs pa'i sa la rab tu dgod par bya ba'i phyir chos ston to// grong rdal na 'khod pa'i sems can rnams la chos kyi rgyal po'i pho brang du gnas par 'gyur bar bya ba'i phyir chos ston to/ / phyogs mtshams na 'khod pa'i sems can rnams la dus gsum mnyam pa nyid kyi ye shes rab tu thob par bya ba'i phyir chos ston to// phyogs na/ gnas pa'i sems can rnams la chos thams cad kyi ye shes mngon par shes par bya ba'i phyir chos ston to// 'dod chags la gcig tu dga' ba'i sems can rnams la mi sdug pa'i sgos 'khor
- 6b
ba'i sred pa rnam par bzlog pa'i phyir chos ston to/ / zhe sdang la spyod pa'i sems can rnams la byams pa chen po'i tshul rgya mtsho la 'jug par bya ba'i phyir chos ston to// gti mug la spyod pa'i sems can rnams la chos thams cad kyi sgo rgya mtsho rab tu 'byed pa'i ye shes mngon par shes par bya ba'i phyir chos ston to/ / cha mnyam pa la spyod pa'i sems can rnams la theg pa thams cad kyi smon lam gyi tshul rgya mtshos khyad par du 'gro bar bya ba'i phyir chos ston to/ / 'khor ba'i yul gyis dga' ba'i bsam pa can gyi sems can rnams la 'khor ba'i yul dga' ba rnam par bzlog pa'i phyir chos ston to/ / 'khor ba'i sdug bsngal thams cad kyis gtses pa'i sems can rnams la 'khor ba'i sdug bsngal thams cad kyis nye bar nyon mongs pa med par bya ba'i phyir chos ston to/ / de bzhin gshegs pas 'dul ba'i sems can rnams la mi skye ba'i gnas yang dag par bstan pa'i phyir chos ston to// phung po la gnas pa'i bsam pa can gyi sems can rnams la gzhi med pa'i chos kyi spyod yul la rnam par spyod par bya ba'i phyir chos ston to/ / bsam pa zhum pa'i sems can rnams la lam gyi rgyan gyi khyad par yang dag par bstan par bya ba'i phyir chos ston to/ / mtho ba'i nga rgyal can gyi sems can rnams la chos thams cad mnyam pa nyid kyi bzod pa yang dag par bstan pa'i phyir chos ston to// g.yo rgyu'i yul gyi bsam pa dang ldan pa'i
- 7a
sems can rnams la byang chub sems dpa'i bsam pa yongs su dag par bya ba'i phyir chos ston to/ / de ltar rigs kyi bu kho mo ni sems can thams cad chos kyi sbyin pas yongs su bsdus shing ngan song gi lam gyi rgyud sdug bsngal ba thams cad nas rnam par bzlog pa dang / lha dang mi'i phun sum tshogs pa dang / bde ba yongs su bstan pa dang // khams gsum pa las gyen du bskyod pa dang / thams cad mkhyen pa nyid la rab tu dgod pa dang / thabs sna tshogs kyis yongs su smin par byed pas dga' ba chen po'i shugs rgya mtsho snang ba rab tu thob pas dga' zhing spro la yid bde bar gyur to/ / gzhan yang rigs kyi bu kho mo ni phyogs dang phyogs mtshams kyi byang chub sems dpa'i 'khor gyi dkyil 'khor rgya mtsho la rnam par lta zhing smon lam rgya mtsho la spyod pa'i byang chub sems dpa' lus sna tshogs rnam par dag pa 'od kyi dkyil 'khor sna tshogs kyi rgyan dang ldan pa/ 'od zer dang 'od kyi dkyil 'khor kha dog mtha' yas pa rab tu 'gyed pa/ thams cad mkhyen pa nyid kyi tshul rgya mtsho sna tshogs la zhugs pa'i ye shes snang ba can ting nge 'dzin rgya mtsho sna tshogs la zhugs pa rnam par 'phrul pa sna tshogs kyi sul dang ldan pa/ dbyangs kyi yan lag dang skad rgya mtsho sna tshogs kyi dbyangs dang ldan pa/ rgyan sna tshogs kyis rnam par klubs pa'i lus can/ de bzhin gshegs
- 7b
pa'i tshul sna tshogs la zhugs pa zhing rgya mtsho 'byam klas pa sna tshogs su zhugs pa'i lus dang ldan pa/ sangs rgyas rgya mtsho sna tshogs la zhugs pa tha dad pa yang dag par shes pa rgya mtsho sna tshogs la zhugs pa/ de bzhin gshegs pa'i rnam par thar pa dang / ye shes kyi yul sna tshogs kyis snang bar gyur pa/ ye shes rgya mtsho sna tshogs kyi snang ba rab tu thob pa/ ting nge 'dzin rgya mtsho sna tshogs kyi tshul la rnam par spyod pa chos sna tshogs kyis rnam par thar pa'i gzhal med khang rnam par rtse ba'i yul dang ldan pa/ thams cad mkhyen pa nyid kyi sgo sna tshogs la mngon du gnas pa chos kyi dbyings sna tshogs kyi nam mkha'i rgyan dang ldan pa/ rgyan sna tshogs kyi sprin gyis nam mkha' rgyas par 'gengs pa/ 'khor gyi dkyil 'khor rgya mtsho sna tshogs la rnam par lta ba/ 'jig rten gyi khams sna tshogs nas 'dus pa/ sangs rgyas kyi zhing sna tshogs 'byam klas par rjes su 'dong pa/ phyogs rgya mtsho sna tshogs nas yongs su 'dus pa/ / de bzhin gshegs pa tha dad pas bkye ba/ de bzhin gshegs pa tha dad pa'i zhabs kyi drung nus lhags pa/ byang chub sems dpa'i tshogs sna tshogs kyi 'khor dang ldan pa/ rgyan sna tshogs kyi sprin gyi char rab tu 'bebs pa/ de bzhin gshegs pa'i tshul sna tshogs la zhugs pa/ de bzhin gshegs pa'i chos rgya mtsho sna tshogs la rnam par spyod pa ye shes sna tshogs rtsa
- 8a
mtshol zhugs pa/ rgyan gyi snying po sna tshogs can gyi stan la 'khod pa rnams kyi dga' ba sna tshogs kyi shugs rgya mtsho yongs su skyed de/ de dag dga' ba sna tshogs kyi shugs rgya mtsho yongs su skyes nas/ de bzhin gshegs pa'i 'khor gyi dkyil 'khor rgya mtshor 'dong ste/ de dag de bzhin gshegs pa'i stobs tshad med pa rjes su sems pas kyang / dga' bas shugs chen po rgya mtsho yongs su 'byung bar 'gyur ro// rigs kyi bu gzhan yang kho mo ni bcom ldan 'das rnam par snang mdzad kyi gzugs kyi sku yongs su dag pa mtshan gyis rab tu brgyan pa bsam gyis mi khyab pa mthong nas dga' ba chen po dang / mos shing nyams bde ba rab tu 'thob ste/ sems kyi skad cig re re la'ang 'od kyi dkyil 'khor chos kyi dbyings ltar yangs pa kha dog rgya mtsho mtha' dang dbus med par snang ba la lta zhing / sems kyi skad cig re re la dga' ba chen po'i shugs rgya mtsho rab tu 'thob bo// rigs kyi bu gzhan yang bcom ldan 'das rnam par snang mdzad kyi su'i ba spu'i sgo re re nas kyang 'od zer chen po sangs rgyas kyi zhing mtha' dang dbus med pa'i rdul shin tu phra ba snyed byung ste/ 'od zer re re zhing yang 'od zer rgya mtsho sangs rgyas kyi zhing mtha' yas pa'i rdul shin tu phra ba snyed kyi 'khor dang ldan pas/ chos kyi dbyings thams cad rgyas par 'gengs pa dang / sems can thams cad
- 8b
kyi sdug bsngal rab tu zhi bar mdzad pa mthong zhing / sems kyi skad cig re re la dga' ba chen po'i shugs rgya mtsho rab tu 'thob bo// rigs kyi bu gzhan yang bcom ldan 'das rnam par snang mdzad kyi dbu dang / sku phrag pa gnyis kyi lhun las/ sems kyi skad cig re re la rin po che thams cad kyi 'od 'phro ba'i ri'i sprin/ sangs rgyas kyi zhing thams cad kyi rdul shin tu phra ba snyed 'byung zhing / chos kyi dbyings rgya mtsho thams cad rgyas par 'gengs pa mthong nas/ dga' ba chen po'i shugs rgya mtsho shin tu yangs pa rab tu 'thob bo/ / rigs kyi bu gzhan yang bcom ldan 'das rnam par snang mdzad kyi sku'i baspu'i sgo re re nas sems kyi skad cig re re la kha dog dri zhim po dang / 'od zer sna tshogs can gyi ma sangs rgyas kyi zhing thams cad kyi rdul shin tu phra ba snyed 'byung zhing / sangs rgyas kyi zhing thams cad rgyas par 'gengs pa mthong nas/ dga' ba chen po'i shugs rgya mtsho shin tu yangs pa rab tu 'thob bo/ / rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la mtshan re re nas de bzhin gshegs pa'i sku gzugs kyis rab tu brgyan pa'i sprin/ sangs rgyas kyi zhing thams cad kyi rdul shin tu phra ba snyed byung ste/ 'jig rten gyi khams rgya mtsho thams cad rgyas par 'gengs pa
- 9a
mthong nas/ dga' ba chen po'i shugs rgya mtsho shin tu yangs pa rab tu 'thob bo// rigs kyi bu gzhan yang bcom ldan 'das rnam par snang mdzad kyi sku'i dpe byad bzang po re re las/ sems kyi skad cig re re la de bzhin gshegs pa'i sprul pa'i sku dpe byad bzang po brgyad cu'i shin tu 'bar ba'i sprin/ sangs rgyas kyi zhing thams cad kyi rdul shin tu phra ba snyed byung ste/ sangs rgyas kyi zhing thams cad rgyas par 'gengs shing de bzhin gshegs pa thams cad kyi chos kyi 'khor lo'i dbyangs su sgrog pa'i 'brug sgra 'byin pa mthong nas/ dga' ba chen po'i shugs rgya mtsho shin tu yangs pa rab tu 'thob bo// rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo thams cad nas/ sangs rgyas rnam par 'phrul pa'i sku dang po byang chub tu thugs bskyed pa dang bcas/ pha rol tu phyin pa'i lam rnam par dag pa'i rgyun dang bcas/ byang chub sems dpa'i sa yongs su gnon pa'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed 'byung ba mthong nas/ dga' ba chen po'i shugs rgya mtsho shin tu yangs pa rab tu 'thob bo// rigs kyi bu gzhan yang bcom ldan 'das rnam par snang mdzad kyi sku las sems kyi skad cig re re la lha'i
- 9b
dbang po'i lus kyi sprin lha'i dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing 'jig rten gyi khams thams cad rgyas par bkang ste/ lha'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs pa rab tu 'thob bo/ / rigs kyi bu gzhan yang bcom ldan 'das rnam par snang mdzad kyi sku las sems kyi skad cig re re la klu'i dbang po'i lus kyi sprin klu'i dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing 'jig rten gyi khams thams cad rgyas par bkang ste/ klu'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs pa rab tu 'thob bo// rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo thams cad nas gnod sbyin gyi dbang po'i lus kyi sprin gnod sbyin gyi dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste/ gnod sbyin gyi lus yongs su bstan pas 'dul ba'i sems can
- 10a
rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs pa rab tu 'thob bo// rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo thams cad nas dri za'i dbang po'i lus kyi sprin dri za'i dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste/ dri za'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs pa rab tu 'thob bo// rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo re re nas lha ma yin gyi dbang po'i lus kyi sprin lha ma yin gyi dbang po'i rnam par 'phrul pa dang bcas pa/ sangs rgyas zhing brjod du med pa'i rdul shin tu phra ba snyed byung zhing 'jig rten gyi khams thams cad rgyas par bkang ste/ lha ma yin gyi dbang po'i lus bstan pas 'dul ba'i sems can rnams la mngon par gnas shing chos ston pa mthong nas/ dga' ba chen po'i shugs rgya mtsho shin tu yangs pa rab tu 'thob bo// rigs kyi bu gzhan yang bcom ldan 'das rnam par snang mdzad kyi sku la rnam
- 10b
par bltas na/ sems kyi skad cig re re la ba spu'i sgo re re nas nam mkha' lding gi dbang po'i lus kyi sprin nam mkha' lding gi dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing 'jig rten gyi khams thams cad rgyas par bkang ste/ nam mkha' lding gi dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs pa rab tu 'thob bo// gzhan yang rigs bubacom ldan 'das rnam par snang mdzad kyi sku la rnam par bltas na/ sems kyi skad cig re ral ba spu'i sgo re re nas mi 'am ci'i dbang po'i lus kyi sprin mi 'am ci'i dbang po rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste/ mi 'am ci'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs pa rab tu 'thob bo// rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re lab spu'i sgo re re nas lto 'phye chen po'i lus kyi sdo ma lho 'phya
- 11a
chen po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste/ lto 'phye chen po'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs pa rab tu 'thob bo/ / rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo re re nas mi'i dbang po'i lus kyi sprin mi'i dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste/ mi'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs pa rab tu 'thob bo// rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo re re nas tshangs pa'i dbang po'i lus kyi sprin tshangs pa'i dbang po'i rnam par 'phrul pa'i yul dang bcas pa/ sangs rgyas kyi zhing rjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste/ tshangs pa'i
- 11b
dbang po'i lus yongs su bstan pas 'dul ba'i sems can rnams la mngon du gnas shing / tshangs pa'i sgra skad dang dbyangs kyi chos ston pa mthong nam/ sems kyi skad cig re thams cad mkhyen pa nyid dang ldan pa'i dga' ba chen po'i shugs rgya mtsho chos kyi dbyings ltar rgya che zhing shin tu yangs pa rab tu 'thob ste/ sngon thob par gyur pa 'thob par 'gyur ba ma yin no/ / sngon khong du chud pa khong du chud par 'gyur ba ma yin no// sngon zhugs pa la 'jug par 'gyur ba ma yin no// sngon khyab par gyur pa khyab par 'gyur ba ma yin no// sngon mthong ba mthong bar 'gyur ba ma yin no// sngon thos pa thos par 'gyur ba ma yin no// de ci'i phyir zhe na/ chos kyi rang bzhin gyi mtshan nyid yongs su shes pa ltar na chos thams cad mtshan nyid gcig pa'ang ci rob ma yin te/ dus gsum gyi tshul la 'jug pa'i sgor zhugs na/ chos thams cad kyang mtha' dang dbus med par bstan du yod pa ste/ 'di ni rigs kyi bu byang chub sems dpa'i rnam par thar pa'i tshul dga' ba yangs pa'i shugs 'byung bas sems kyi skad cig rnam par brgyan pa'i tshul rgya mtsho'i snang ba ste/ rigs kyi bu rnam par thar pa 'di ni chos kyi dbyings kyi tshul rgya mtsho la 'jug pa'i phyir mtha' dang dbus med pa'o/ / rnam par thar pa 'di ni thams cad mkhyen pa nyid du sems bskyed pa dang tha mi dad
- 12a
pas zad mi shes pa'o/ / rnam par thar pa 'di ni byang chub sems dpa'i ye shes kyi mig gis rnam par shes par bya ba yin pas mu med pa'o// rnam par thar pa 'di na chos kyi dbyings tha mi dad pa'i tshul gyis gtan du rgyas par 'gengs pas gting med pa'o/ / rnam par thar pa 'di ni dmigs pa gcig tu rnam par 'phrul pa thams cad yongs su 'du bar byed pabs sgo thams cad dang ldan pa'o/ / rnam par thar pa 'di ni chos thams cad kyi lus dang mi gnyis par spyod pas don yod pa'o// rnam par thar pa 'di ni sgyu ma lta bur yongs su spyod pas ma skyes pa'o/ / rnam par thar pa 'di ni thams cad mkhyen pa nyid kyi smon lam gyi gzugs brnyan du byung bas gzugs brnyan lta bu'o// rnam par thar pa 'di ni byang chub sems dpa'i spyod pas shin tu sprul pa'i phyir sprul pa lta bu'o/ / rnam par thar pa 'di ni 'gro ba thams cad kyi rten du gyur pas sa chen po lta bu'o// rnam par thar pa 'di ni 'gro ba thams cad snying rje chen pos mngon par brlan par byed pas chu'i phung po lta bu'o/ / rnam par thar pa 'di ni sems can thams cad kyi sred pa'i brlan yongs su sem pas me'i phung po lta bu'o// rnam par thar pa 'di ni sems can thams cad thams cad mkhyen pa nyid du rab tu ston pa'i phyir rlung gi phung po lta bu'o/ / rnam par thar pa 'di ni 'gro ba thams cad kyi yon tan gyi rgyan gyi gzhi yin pas rgya mtsho
- 12b
lta bu'o/ / rnam par thar pa 'di ni chos thams cad kyi ye shes rin po che rgya mtsho las mngon par 'phags pas ri rab ri'i rgyal po lta bu'o// rnam par thar pa 'di ni chos thams cad kyi rnam par thar ba'i gzhal med khang rnam par skyong ba'i phyir rnam par spyod pa'i rlung gi dkyil 'khor lta bu'o/ / rnam par thar pa 'di ni dus gsum du byung ba'i de bzhin gshegs pa'i rnam par 'phrul pa thams cad kyi go 'byed pas nam mkha' lta bu'o/ / rnam par thar pa 'di ni sems can thams cad la chos kyi sprin gyi char mngon du 'bebs pas sprin chen po lta bu'o// rnam par thar pa 'di mi sems can thams cad kyi mi shes pa'i mun nag rnam par sel bas nyi ma lta bu'o/ / rnam par thar pa 'di ni bsod nams dang ye shes kyi rgya mtsho chen pos shin tu bsgrubs pa'i phyir zla ba lta bu'o/ / rnam par thar pa 'di ni thams cad du song ba'i phyir de bzhin nyid lta bu'o// rnam par thar pa 'di ni las kyi chos kyis shin tu sprul pa'i phyir rang gi grib ma lta bu'o// rnam par thar pa 'di ni sems can gyi mos pa ji lta ba bzhin du chos kyi sgra rab tu sgrogs pas brag cha lta bu'o/ / rnam par thar pa 'di ni bsam pa ji lta ba bzhin du sems can thams cad kyi rnam par dmigs bar byed pa'i phyir gzugs brnyan lta bu'o/ / rnam par thar pa 'di ni sangs rgyas thams cad kyi rnam par 'phrul pa'i me tog shin tu rgyas pa'i phyir shing gi rgyal po lta bu'o// rnam par thar pa
- 13a
'di ni mi shigs pa'i chos can yin pas rdo rje lta bu'o/ / rnam par thar pa 'di ni rnam par 'phrul pa mtha' dang dbus med pa rgya mtsho mngon par sgrub pas nor bu yid bzhin rin po che'i rgyal po lta bu'o/ / rnam par thar pa 'di ni dus gsum gyi de bzhin gshegs pa thams cad kyi rnam par 'phrul pa rnam par dmigs par bya ba la sgrib pa med pas rin po che'i rgyal po dri ma med pa'i snying po lta bu'o/ / rnam par thar pa 'di ni sangs rgyas thams cad kyi chos kyi 'khor lo mnyam pa nyid du sgrog pas nor bu rin po che dga' ba'i rgyal mtshan lta bu ste/ rigs kyi bu byang chub sems dpa'i rnam par thar pa dga' ba yangs pa'i shugs shin tu yangs pa 'byung bas sems kyi skad cig rnam par brgyan pa 'di ni dpe tshad med pa rnam par dgod pa'i rjes su 'brang bas bstan par bya'o/ / de nas tshong dpon gyi bu nor bzangs kyis/ mtshan mo'i lha mo sgra rgya mtsho rab tu zhi ba dang ldan pa la 'di skad ces smras so// 'phags ma lha mo ji ltar nan tan du bgyis na byang chub sems dpas de lta bu'i rnam par thar pa de yongs su 'grub par 'gyur/ smras pa/ rigs kyi bu bcu po 'di dag ni/ byang chub sems dpa' rnams kyi tshogs chen po chos yangs pa dang ldan pa rnam par rgyu ba chen po/ gsal ba chen po snang ba chen po/ 'od chen po/ byin chen po/ rnam par dbye ba chen po/ 'byung
- 13b
pa chen po/ phun sum tshogs pa chen po ste/ de dag la nan tan du byed pa'i byang chub sems dpa' rnams kyis rnam par thar pa 'di lta bu phun sum tshogs par 'gyur ba dag go// bcu gang zhe na/ 'di lta ste/ byang chub sems dpa'i sbyin pa sems can rgya mtsho thams cad kyi bsam pa ji lta ba bzhin du yongs su tshim par byed pa la zhugs pa ni rgya chen po'i chos so// byang chub sems dpa'i tshul khrims de bzhin gshegs pa'i yon tan rgya mtsho la 'jug pa'i nan tan la zhugs pa ni rgya chen po'i chos so/ / byang chub sems dpa'i bzod pa chos thams cad kyi rang bzhin nges bar rtogs par bya ba la zhugs pa ni rgya chen po'i chos so/ / byang chub sems dpa'i brtson 'grus thams cad mkhyen pa nyid du yang dag par brtsams pa las phyir mi ldog pa la zhugs ba ni rgya chen po'i chos so/ / byang chub sems dpa'i bsam gtan sems can thams cad kyi nyon mongs pa'i gdung ba rab tu zhi bar bya ba la zhugs pa ni rgya chen po'i chos so// byang chub sems dpa'i shes rab chos rgya mtsho thams cad yongs su shes par bya ba la zhugs pa ni rgya chen po'i chos so/ / byang chub sems dpa'i thabs sems can rgya mtsho thams cad yongs su smin par bya ba dang gdul ba la zhugs pa ni rgya chen po'i chos so/ / byang chub sems dpa'i smon lam phyi ma'i mtha'i mur thug pa'i bskal par sangs rgyas kyi zhing thams cad du byang
- 14a
chub sems dpa' spyod pa spyad pa'i phyir/ zhing rgya mtsho thams cad la zhugs pa ni rgya chen po'i chos so// byang chub sems dpa'i stobs sangs rgyas kyi zhing thams cad du skad cig re re la mngon par rdzogs par 'tshang rgya bar yongs su bstan pa rgyun mi gcad pa'i phyir/ chos kyi dbyings kyi tshul rgya mtsho thams cad la zhugs pa ni rgya chen po'i chos so// byang chub sems dpa'i ye shes dus gsum gyi chos thams cad la sgrib pa med pa'i ye shes thob par bya ba'i phyir/ de bzhin gshegs pa'i stobs la zhugs pa ni rgya chen po'i chos so// rigs kyi bu bcu po de dag ni byang chub sems dpa' rnams kyi rgya chen po'i chos tshogs chen po dang ldan pa rnams te/ de dag la gnas pa'i byang chub sems dpa' rnams kyis rnam par thar pa de lta bu phun sum tshogs par 'gyur ro/ / rnam par dag par 'gyur ro// yongs su 'byung bar 'gyur ro// yang dag par 'phel bar 'gyur ro// kun nas 'byung bar 'gyur ro// rab tu skye bar 'gyur ro/ / yongs su 'grub par 'gyur ro// shin tu brtan par 'gyur ro// rnam par yangs par 'gyur ro// yongs su rdzogs par 'gyur ro// yongs su gnas par 'gyur ro/ / nor bzangs kyis smras pa/ 'phags ma lha mo khyod yun ring po ji srid cig nas bla na med pa yang dag par rdzogs pa'i byang chub tu zhugs// des smras pa/ rigs kyi
- 14b
bu 'jig rten gyi khams rgya mtsho gzhi me tog gi snying po'i rgyan gyis brgyan pa 'di'i shar phyogs logs su 'jig rten gyi khams rgya mtsho stong phrag bcu 'das pa'i pha rol na/ 'jig rten gyi khams rgya mtsho rin po che thams cad kyis dri ma med pa'i 'od du rnam par brgyan pa zhes bya ba yod do/ / de'i dbus na 'jig rten gyi khams kyi rgyud de bzhin gshegs pa thams cad kyi 'od dang / smon lam gyi dbyangs zhes bya ba yod do/ / de'i dbus na 'jig rten gyi khams rin po che thams cad kyi sprin sna tshogs dang ldan pa/ 'jig rten gyi 'og gi mtshams nas rin po che thams cad kyi 'phreng ba'i dra ba rgya mtshos brtan pa/ rin po che'i rgyal po spos kyi rdo rje thams cad kyi rgyan gyi lhun dang ldan pa/ khang pa brtsegs pa brgya'i dbyibs su 'dug pa/ rnam par dag cing kun nas nyon mongs pa/ lha rdzas kyi gzhal med khang dang gnas kyi sprin gyis kun tu gang ba/ gser ltar dri ma med pa'i 'od kyi rgyan ces bya ba yod pa der bskal pa kun tu snang ba'i rgyal mtshan zhes bya ba byung ste/ 'jig rten gyi khams de na snying po byang chub kyi rin po che thams cad kyi snying po 'od sna tshogs can zhes bya ba yod de/ der bcom ldan 'das de bzhin gshegs pa phyir mi ldog pa'i chos kyi dbyings kyi dbyangs zhes bya ba/ bla na med pa yang dag par rdzogs pa'i byang chub tu mngon par sangs rgyas te/ de'i tshe de'i dus na kho mo yang snying po byang chub kyi lha mo bsod nams sgron ma phun
- 15a
sum tshogs pa kun nas dpal gyi 'od ces bya ba zhig tu gyur te/ byang chub kyi shing de la 'dug 'dug nas der kho mos de bzhin gshegs pa de mngon par 'tshang rgya ba'i rnam par 'phrul pa mthong nas/ bla na med pa yang dag par rdzogs pa'i byang chub tu sems bskyed do// de bzhin gshegs pa de mthong nas kyang kho mos de bzhin gshegs pa'i yon tan rgya mtsho'i 'od ces bya ba'i ting nge 'dzin thob bo/ / de'i 'og tu 'jig rten gyi khams de nyid kyi rgyal po'i gnas kun nas yongs su rgyas pa'i dpal gyi snying po zhes bya bar snying po byang chub de nyid du/ de bzhin gshegs pa chos kyi sdong po ri bo gzi brjid ces bya ba mngon par sangs rgyas so// kho mos ni de nas shi 'phos te/ snying po byang chub de nyid du ye shes phun sum tshogs pa'i bsod nams 'od ces bya ba'i mtshan mo'i lha mo zhig tu gyur cing 'dug 'dug ste/ kho mos der bcom ldan 'das de bzhin gshegs pa chos kyi sdong po ri bo'i gzi brjid des chos kyi 'khor lo bskor ba'i rnam par 'phrul pa mthong nas/ 'gro ba thams cad yongs su ston pa'i mnyam pa nyid kyi 'od kyi yul zhes bya ba'i ting nge 'dzin thob bo// de'i 'og tu kho mos snying po byang chub de nyid du de bzhin gshegs pa chos kyi rgya mtsho thams cad kyi gsung gi rgyal po zhes bya ba bsnyen bkur te/ de bzhin gshegs pa de mthong ma thag tu chos
- 15b
thams cad kyi yang dag par 'phel bar byed pa'i gnas zhes bya ba'i ting nge 'dzin thob zo/ / de'i 'og tu ma mos snying po byang chub de nyid du de bzhin gshegs pa rin po chen 'od zer sgro ma'i rgyal mtshan rgyal po zhes bya ba bsnyen bkur te/ de bzhin gshegs pa de mthong ma thag tu kho mos sangs rgyas rgya mtsho rab tu sdang ba zhes bya ba'i ting nge 'dzin thob bo// de'i 'og tu kho mos snying po byang chub de nyid du de bzhin gshegs pa chos kyi sprin sgra'i rgyal po zhes bya ba bsnyen bkur te/ de bzhin gshegs pa de mthong ma thag tu kho mos chos mtsho thams cad kyi sgron ma zhes bya ba'i ting nge 'dzin thob bo/ / de'i 'og tu kho mo lha'i bu mo zhig tu gyur te/ snying po byang chub de nyid du de bzhin gshegs pa ye shes skar mda' snang ba'i rgyal po zhes bya ba bsnyen bkur te/ de bzhin gshegs pa de mthong ma thag tu kho mos sems can thams cad kyi sdug bsngal rab tu zhi bar byed pa'i sgron ma snang ba zhes bya ba'i ting nge 'dzin thob bo/ / de'i 'og tu kho mos snying po byang chub de nyid du de bzhin gshegs pa chos rnam par 'phrul pa'i shugs kyi rgyal mtshan dpal zhes bya ba bsnyen bkur te/ de bzhin gshegs pa de mthong ma thag tu kho mos dus gsum gyi de bzhin gshegs pa thams cad yang dag par 'jug pa'i snying po'i snang ba zhes bya ba'i ting nge 'dzin thob bo/ / de'i 'og tu 'o ma
- 16a
zhing po byang chub de nyid du de bzhin gshegs pa chos kyi smon ma ye shes kyi rnam par gnon pa zhes bya bya ba snyen ku te/ de bzhin gshegs pa de 'thong ma thag tu 'tsha/ rten gyi khams thams cad du ye shes thogs pa med pa'i 'khor lo snang ba'i gzi brjid ces bya ba'i ting nge 'dzin thob bo// de'i 'og tu kho mos snying po byang chub de nyid du de bzhin gshegs pa ye shes kyi stobs kyi ri bo'i gzi brjid ces bya ba bsnyen bkur te/ de bzhin gshegs pa de mthong ma thag tu kho mos dus gsum gyi sems can gyi spyod pa dang / dbang po rab tu snang ba zhes bya ba'i ting nge 'dzin thob bo// rigs kyi bu de ltar kho mos 'jig rten gyi khams gser ltar dri ma med pa'i 'od der bskal pa kun tu snang ba'i rgyal mtshan la de bzhin gshegs pa sangs rgyas kyi zhing bcu'i rdul shin tu phra ba snyed cig bsnyen bkur te/ la la ni lha'i dbang por gyur te bsnyen bkur to// la la ni klu'i dbang por gyur te bsnyen bkur to/ / la la ni gnod sbyin gyi dbang por gyur pas/ la la ni dri za'i dbang por gyur pas/ la la ni lha ma yin gyi dbang por gyur pas/ la la ni nam mkha' lding gi dbang por gyur pas/ la la ni mi 'am ci'i dbang por gyur pas/ la la ni lto 'phye chen po'i dbang por gyur pas/ la la ni mi'i dbang por gyur pas/ la la ni
- 16b
tshangs pa'i dbang por gyur pas/ la la ni lhar gyur pas/ la la ni mir gyur pas/ la la ni bud med du gyur pas/ la la ni skyes par gyur pas/ la la ni khye'ur gyur pas// la la ni bu mor gyur pas bsnyen bkur te/ de bzhin gshegs pa de dag thams cad kyang kho mos mchod pa'i yo byad ci bdog pas mchod do// de bzhin gshegs pa de dag thams cad kyang rim gror byas so/ / de bzhin gshegs pa de dag thams cad kyi chos bstan pa'ang thos so// de nas kho mo shi 'phos nas 'jig rten gyi khams de nyid du bskal pa sangs rgyas kyi zhing gi rdul shin tu phra ba snyed cig tu byang chub sems dpa'i spyod pa spyad do/ / de nas shi 'phos nas 'jig rten gyi khams rgya mtsho gzhi dang snying po me tog gi rgyan gyis brgyan pa 'di na 'jig rten gyi khams mi mjed du skyes te/ kho mos bcom ldan 'das de bzhin gshegs pa log par dad sel bsnyen bkur to// de bzhin gshegs pa mthong ma thag tu kho mos mun pa'i rdul thams cad dang bral bas rab tu snang ba zhes bya ba'i ting nge 'dzin thob bo/ / de'i 'og tu kho mos de bzhin gshegs pa gser thub bsnyen bkur te/ de bzhin gshegs pa de mthong ma thag tu kho mos zhing rgya mtsho thams cad snang ba rjes su 'pho bar bya bas rgyas par 'gengs pa zhes bya ba'i ting nge 'dzin thob bo/ / de'i 'og tu kho mos de bzhin gshegs pa bsod skyabs
- 17a
bsnyen bkur te/ de bzhin gshegs pa mthong ma thag tu kho mos sems can thams cad kyi skad rgya mtshor 'brug sgra sgrogs pa'i sgra dbyangs zhes bya ba'i ting nge 'dzin thob bopo/ / de'i 'og tu kho mos bcom ldan 'das de bzhin gshegs pa rnam par snang mdzad 'di brnyan bkur te/ de snying po byang chub la de bzhin gshegs pa mngon par rdzogs par sangs rgyas pa'i rnam par 'phrul pa'i sgo rgya mtsho/ sems kyi skad cig re re la yongs su ston pa mdzad pa mthong nas/ kho mos byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'di thob bo/ / de thob ma thag tu chos kyi dbyings kyi tshul rgya mtsho sangs rgyas kyi zhing brjod du med pa'i yang brjod du med pa phrag bcu'i rdul shin tu phra ba snyed la zhugs par gyur to/ / chos kyi dbyings kyi tshul rgya mtsho de dag thams cad du gtogs pa'i sangs rgyas kyi zhing ji snyed pa de dag la rdul shin tu phra ba ji snyed yod pa de dag thams cad kyi rdul shin tu phra ba re re la'ang / / sangs rgyas kyi zhing brjod du med pa'i yang brjod du med pas rdul shin tu phra ba snyed kyi sangs rgyas kyi zhing la zhugs te mthong bar gyur to/ / sangs rgyas kyi zhing de dag thams cad las sangs rgyas kyi zhing re re na'ang / bcom ldan 'das rnam par snang mdzad snying po byang chub tu gshegs te/
- 17b
sems kyi skad cig re re la mngon par rdzogs par sangs rgyas pa'i rnam par 'phrul pa yongs su ston par mdzad cing / mngon par rdzogs par 'tshang rgya ba'i rnam par 'phrul pa re res kyang chos kyi dbyings kyi tshul rgya mtsho rgyas par 'gengs pa mdzad pa mthong ngo / / de bzhin gshegs pa de dag thams cad las de bzhin gshegs pa re re'i zhabs kyi drung na'ang bdag mngon du 'dug par shes par gyur to/ / 'jig rten gyi khams de dag tu de bzhin gshegs pa snying po byang chub la zhugs pa de dag gis chos bstan pa de dag thams cad thos par gyur to/ / de bzhin gshegs pa de dag thams cad kyi ba spu'i sgo thams cad nas sprul pa rgya mtsho byung ste/ chos kyi sprin rgya mtsho rab tu sgrog pa dang rnam par 'phrul pa snga tshogs yongs su ston pa mdzad cing / chos kyi dbyings kyi phyogs rgya mtsho thams cad du gtogs pa'i zhing rgya mtsho thams cad dang / 'jig rten gyi khams kyi rgyud thams cad dang / 'jig rten gyi khams 'byam klas pa thams cad kyi sems can 'byam klas pa thams cad 'gro ba'i rgyud sna tshogs su skyes pa dag gi nang na sems can gyi bsam pa'i dbang du 'du shes kyi rnam pa sna tshogs kyis chos kyi 'khor lo bskor ba de dag thams cad kyang yongs su 'dzin to/ / khong du chud par byed do// nges par rtogs par byed do// don dang / tshig dang /
- 18a
yi ge 'dzin pa'i shugs kyis rnam par gnod pa'i gzungs kyi mthus yongs su 'dzin to// chos kyi dkyil 'khor thams cad rnam par dag pa'i snying po khong du chud pa'i shes rab kyis yongs su sbyong ngo / / chos rgya mtsho thams cad rnam par 'byed pa la mkhas pa'i rigs pas khong du chud par byed do// dus gsum ltar rnam par yangs pa'i blos rgyas par 'gengs so/ / de bzhin gshegs pa dang mnyam pa nyid kyi rjes su 'gro ba'i shes rab kyis mnyam par byed cing chos kyi tshul thams cad mngon par sgrub bo// tshul thams cad la mdo sde'i sprin mngon par sgrub bo/ / mdo sde'i sprin thams cad las chos rgya mtsho yongs su gzhog pa byed do// chos rgya mtsho thams cad la chos kyi rgyud thams cad yang dag par gzhol bar byed do/ / chos kyi rgyud thams cad la chos kyi sprin yongs su shes par byed do// chos kyi sprin thams cad la chos kyi rlabs yongs su skyed do// chos kyi rlabs thams cad la chos kyi dga' ba'i shugs rgya mtsho rab tu thob par byed do/ / chos kyi dga' ba'i shugs rgya mtsho thams cad las rab tu thob par bya ba'i shugs mngon par sgrub bo// sa shugs thams cad la ting nge 'dzin rgya mtsho'i shugs mngon par sgrub bo/ / ting nge 'dzin rgya mtsho'i sprin thams cad las sangs rgyas mthong ba rgya mtsho rab tu thob par byed do// sangs rgyas mthong
- 18b
brgya mtsho thams cad la snang ba rgya mtsho rab tu thob par byed do/ / snang ba rgya mtsho thams cad la dus gsum gyi ye shes kyi dkyil 'khor gyis yongs su gzhog par byed do// phyogs rgya ma mtha' dang dbus med pa rgyas par dgang ba'i tshul dang / de bzhin gshegs pa'i sngon gyi mtha'i spyod pa rgya mtsho tshad med pa la 'jug pa'i tshul dang / de bzhin gshegs pa'i sngon gyi sbyor ba rgya mtsho tshad med pa'i ye shes snang ba'i tshul dang / de bzhin gshegs pa'i dka' ba tshad med pa yongs su btang ba'i ye shes snang ba rab tu thob par bya ba'i tshul dang / de bzhin gshegs pa'i tshul khrims kyi dkyil 'khor tshad med pa yongs su dag pa snang bar bya ba'i tshul dang / de bzhin gshegs pa'i bzod pa'i sa tshad med pa yongs su sbyang ba'i tshul dang / de bzhin gshegs pa'i brtson 'grus chen po'i shugs tshad med pa rnam par 'phel bar bya ba'i mthu'i ye shes snang ba rab tu thob par bya ba'i tshul dang / de bzhin gshegs pa'i bsam gtan gyi dkyil 'khor dang / bsam gtan gyi yan lag rgya mtsho tshad med pa yongs su dag par bya ba'i sbyor bas snang ba rab tu thob par bya ba'i tshul dang / de bzhin gshegs pa'i shes rab kyi pha rol tu phyin pas tshul rgya mtsho tshad med pa yongs su dag par bya ba dang / rnam par dmigs pa snang bar bya ba'i tshul dang / de bzhin gshegs pa'i thabs mkhas pa'i pha rol tu phyin
- 19a
pa'i tshul rgya mtsho tshad med pa la 'jug par bya ba'i tshul dang / de bzhin gshegs pa'i smon lam gyi pha rol tu phyin pa'i tshul rgya mtsho tshad med pa la 'jug par bya ba'i/ tshul dang / de bzhin gshegs pa'i bsod nams dang / ye shes kyi stobs kyi pha rol tu phyin pa tshad med pa la gnas par bya ba dang / yongs su 'phel bar bya ba'i ye shes rab tu thob par bya ba'i tshul dang / de bzhin gshegs pa'i ye shes kyi pha rol tu phyin pa'i tshul rgya mtsho tshad med pa la rnam par spyad pa rab tu 'thob par 'gyur ba'i ye shes yongs su sgrub pa'i tshul dang / / de bzhin gshegs pa'i sngon gyi byang chub sems dpa'i sa yongs su gnan pa mdzad pa'i ye shes snang ba rab tu thob par bya ba'i tshul dang / de bzhin gshegs pa'i sa yongs su gnon pa'i mtshams kyi rnam par 'phrul pa tshad med pas bskal pa rgya mtshor gnas par bya ba'i tshul dang / de bzhin gshegs pa'i sngon gyi byang chub sems dpa'i sa'i dkyil 'khor tshad med pa yongs su gnan pa'i tshul dang / de bzhin gshegs pa'i sngon gyi byang chub sems dpa'i sa tshad med pa la gnas par bya ba'i tshul dang / de bzhin gshegs ba'i sngon gyi byang chub sems dpa'i sa tshad med pa yongs su dag par bya ba'i tshul dang / de bzhin gshegs pa'i sa tshad med pa ye shes rgya mtshos rnam par dpyad pa'i tshul dang / de bzhin gshegs pa'i sa'i ye
- 19b
shes snang ba tshad med pa rab tu thob par bya ba'i tshul dang / de bzhin gshegs pa byang chub sems dpar gyur pas sngon gyi sangs rgyas ma lus par gzigs pa dang / rjes su 'brang ba mdzad pa tshad med pa rnam par dmigs par bya ba'i tshul dang / de bzhin gshegs pa byang chub sems dpar gyur pas sngon gyi sangs rgyas rgya mtsho ma lus par gzigs shing bskal pa rgya mtshor bzhugs bzhugs pa tshad med pa'i tshul dang / de bzhin gshegs pa sngon byang chub sems dpar gyur pas zhing rgya mtsho ma lus pa rgyas par dgang ba'i sku mngon par bsgrubs pa tshad med pa'i ye shes snang ba rab tu thob par bya ba'i tshul dang / de bzhin gshegs pa'i byang chub sems dpa'i spyod pa tshad med pas chos kyi dbyings ma lus pa rgyas par dga' ba'i tshul dang / de bzhin gshegs pa'i sngon gyi byang chub sems dpa'i spyod pa thabs sna tshogs kyi sgo dang ldan pas sems can thams cad yongs su smin par mdzad pa dang / rnam par gdul bar mdzad pa tshad med pa yongs su bstan pa'i tshul dang / de bzhin gshegs pa'i 'od phyogs rgya mtsho ma lus pa thams cad du rab tu 'phro ba tshad med pas rgyas pas dgang bar bya ba'i tshul dang / de bzhin gshegs pa sems can thams cad la mngon du gyur pa rnam par 'phrul pa tshad med pa yongs su bstan pa'i tshul dang / / de bzhin gshegs pa'i ye shes kyi sa tshad med pa yongs su gnon pa'i ye shes
- 20a
snang ba rab tu thob par bya ba'i tshul dang / de bzhin gshegs pa'i mngon par rdzogs par byang chub pa'i rnam par 'phrul pa tshad med pa'i ye shes snang ba rab tu thob par b ya ba'i tshul dang de bzhin gshegs pa'i chos kyi 'khor lo rab tu bskor ba dang chos kyi sprin tshad med pa thams cad ma lus par yang dag par blang zhing yongs su bzung ba'i tshul dang de bzhin gshegs pa'i mtshan rgya mtsho tshad med pa rnam par dmigs pa'i ye shes snang ba rab tu thob par bya ba'i tshul dang / de bzhin gshegs pa'i sku rgya mtsho'i rgyud tshad med pa rnam par dmigs pa snang ba rab tu thob par bya ba'i tshul dang / de bzhin gshegs pa'i yul shin tu yangs pa'i ye shes snang ba rab tu thob par bya ba'i tshul gyis de bzhin gshegs pa de dag gis thog ma thugs bskyed nas/ / dam pa'i chos nub par ma gyur pa'i bar de dag thams cad la'ang 'jug cing khong du chud par byed do// de skad du khyod kyis byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'di thob nas ji srid cig lon zhes zer ba ni/ de ltar kho mos bskal pa sangs rgyas kyi zhing gnyis kyi rdul shin tu phra ba snyed kyi pha rol gyi 'jig rten gyi khams gser ltar dri ma med pa'i 'od du byang chub kyi shing gi lha mo bsod nams sgron ma phun sum tshogs pa kun nas dpal gyi 'od ces bya bar gyur te/ de bzhin gshegs pa phyir mi ldog par
- 20b
chos kyi dbyings kyi dbyangs kyi chos bstan pa thos nas/ bla na med pa yang dag par rdzogs pa'i byang chub tu sems bskyed de/ bskal pa sangs rgyas kyi zhing gnyis kyi rdul shin tu phra ba snyed po de dag tu byang chub sems dpa'i spyod pa spyad nas/ mi mjed kyi 'jig rten gyi khams 'dir skyes te/ log par dad sel la sogs pa tha ma shAkya thub pa'i bar gyi de bzhin gshegs pa bskal pa bzang po dag kyang bsnyen bkur te/ ma byon pa'i sangs rgyas rnams kyang bsnyen bkur ro// 'jig rten gyi khams 'dir ji lta ba de bzhin du/ 'jig rten gyi khams thams cad du'ang sangs rgyas kyi rgyud ma byon pa rnams yongs su bsnyen cing bkur ro/ / mchod do// rigs kyi bu nga dung du'ang 'jig rten gyi khams gser ltar dri ma med pa'i 'od de'ang yod la/ sangs rgyas kyi rigs kyang rgyun mched kyis/ de bas na rigs kyi bu tshul 'di la byang chub sems dpa'i rnam par gnon pa chen po'i brtson par gyis shig/ de nas mtshan mo'i lha mo sgra rgya mtsho rab tu zhi ba dang ldan pas/ de'i tshe byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'di nyid bsdan te bstan par bya ba'i phyir/ tshong dpon gyi bu nor bzangs la tshogs su bcad de smras pa/ rnam thar dge 'di ji ltar tho 'gyur pa// kho mo'i chog 'di nor bzangs khyod nyon cig/ thos nas dga' ba'i stobs kyang yongs skyed de// rnam thar tshul 'di la na
- 21a
'jug par gyis/ / bdag gi sems dang bsam pa longs spyod zhing // mos pa'i thugs yangs yongs su bskyed byas te// thams cad mkhyen pa'i ye shes grong 'dun pas/ / bskal pa rgya mtsho mang por sngon spyad do// bde gshegs dus gsum byung ba zos nas kyang // de dag kun la mos pa yangs bskyed do// bskal pa brgya phrag mang por so kun tu/ de dag 'khor dang bcas par kho mos bkur// sngon gyi bde gshegs kho mos mthong gyur nas// 'gro la phan phyir yun ring mchod byas te// spro ba'i stobs ni nam yang yongs bskyed nas/ bdag gis gdung ba med pa'i chos kyang thos// rnam par thar pa 'di la 'jug pa na// pa dang ma dang bla ma'i skye bo la// de tshe bdag gis phan ba des pasti stang byas// bsnyen bkur sri zhur ka nas pa kun kyang byas/ / rgas pa nad pa nor med mi rnams dang // dbang po ma tshang sdug bsngal mgon med pa// mang po bdag gis byams sems bde bkod nas// tshe rabs brgyar yang nor phyag mgo yod byas/ / rgyal po me dang rkun chom rkyen gyur dang // seng ge glang po pha rol dgra 'jigs dang // srid pa'i rgya mtsho'i 'jigs dngos sna tshogs las// ston che spyod pa'i dus na bdag gis bskyabs/ / rtag tu srid gsum nyon mongs gdungs gyur te// las kyis rab gdungs de bzhin mi dge bas// 'khor ba'i rig par g.yang du ltung ba yi// skye bo 'gro ba'i rgyud du bdag gis bskyabs//
- 21b
/ sdug bsngal ngan song ga sangs sa 'jigs pad// rtag tu bad shi tum thang dang // rkye rgan zhing 'chi ba'i 'jigs pa tsun// bdag kyis 'dug/ na spyod chen par byas// 'kho sdug bsngal zhi bar bya ba dang / / sems can kun gyi bde ba yongs bskyed cing // sangs rgyas bde ba dmapa bskyed par// bskal ba phyi mar tsha mo'i smon lam mo// gas kyi bu kho mos byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'ang shes par zad na/ / kho mos byang chub sems dpa'i chos kyi dbyings kyi tshul rgya mtsho thams cad la zhugs pa/ phyi nang gi sdug bsngal ma lus pa las rnam par grol ba/ bskal pa'i ming du bya ba thams cad shes par gyur pa/ 'jig rten gyi khams rgya mtsho thams cad 'byung ba dang / 'jig pa'i rgyus la mkhas pa de dag gi spyod pa shes pa 'am/ yon tan brjod par nus re skan/ song rigs kyi bu snying po byang chub 'di nyid na bcom ldan 'das rnam par snang mdzad kyi 'khor gyi dkyil 'khor na/ mtshan mo'i lha mo grong khyer thams cad bsrung ba 'byung ba'i gzi brjid dpal zhes bya ba 'dug gis/ de'i gan du song la rdza ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis// mtshan
- 22a
mo'i lha mo sna rgya mtsho rab tu zhi ba dang ldan pa la tshul dang 'dra ba'i tshigs su bcad pa 'di dag smras so/ / dge ba'i bshes kyis ma nor mthun bstad pas// lha mo khyod kyi drung du nye bar mchis/ / mtha' dang dbus mi mnga' ba'i sku tshul du// khyod ni gdan la bzhugs pa bdag gis mthong // kha dog dbyibs dang mtshan ma'i spyod yul ba// srid la gnas dang dngos por 'du shes dang / / 'du shes dma' dang log par lta ba yis// khyod kyi spyod yul 'tshal bar mi nus so// khyod kyi sku gzugs blta na mtha' yas pas// khyod kyi sku gzugs mdog gi mtshan ma ni/ / bskal pa mtha' yas dag tu yongs brtags kyang // lha dang 'jig rten bcas pas shes mi nus// lha mo khyod ni phung po'i gnas las 'phags// skye mched rnams la'ang de bzhin mi gnas te// 'jig rten rnam par 'das pas the tsom bral// 'jig rten dag tu rnam par 'phrul pa mdzad// g.yo ba mi mnga' skyo bral chags pa med/ / khyod kyis ye shes spyan ni rnam sbyangs pa// rdul gyi go la thams cad rdul tshad du// sangs rgyas rnam par 'phrul pa mang po gzigs// khyod kyi sku ni chos sku'i snying po can// khyod kyi thugs kyang ye shes chags pa med// khyod ni kun tu 'od kyis snang mdzad pas// 'jig rten skye bo rnams la mtha' yas snang // sems las mtha' yas las rnams
- 22b
yongs su 'byung / / 'jig rten thams cad las kyis rnam par bris// 'gro ba sems kyi dngos su mkhyen gyur pas// rang gi sku yang 'gro ba snyed du bstan// 'jig rten du ni rmi lam 'drar mkhyen nas/ / sangs rgyas kun kyang gzugs brnyan lta bu dang // ma lus chos rnams sgra brnyan 'drar mkhyen pas// chags pa mi mnga' 'gro ba kun du spyod dus gsum gnas pa'i 'gro ba thams cad la/ / skad cig re rer rang gi sku ston kyang // khyod kyi thugs kyi gnyis su mi rgyu ste// phyogs rnams kun tu chos kyang rab tu bstar// rdul dang 'gro/ ba rgya mtsho mtha' yas dang // de bzhin sems can mtsho chen dpag yas dang // mtha' dbus med pa'i bder gshegs gang chen mtsho// kun kyang khyod kyi rnam thar dam pa'i yul// de nas tshong dpon gyi bu nor bzangs kyis/ / mtshan mo'i lha mo sgra rgya mtsho rab tu zhi ba dang ldan pa la tshul dang 'dra ba'i tshigs su bcad pa de dag gis mngon par bstod de// lan brgya stong du mar g.yas phyogs su bskor ba byas nas yang dang yang bltas te/ mtshan mo'i lha mo sgra rgya mtsho rab tu zhi ba dang ldan pa'i drung nas song ngo // shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste/ bam po brgya gnyis pa/ de nas tshong dpon gyi bu nor bzangs byang chub sems dpa'i rnam par
- 23a
thar pa dga' ba yangs pa'i shugs 'byung bas sems kyi skad cig rnam par brgyan pa de ni bsgom pa dang / rjes su bsgom pa dang / yang dag par sgom par byed mtshan mo'i lha mo sgra rgya mtsho rab tu zhi ba dang ldan pa'i gdams ngag rjes su bstan pa la ni rjes su 'brang bar bya ba dang / rjes su dran par bya ba dang / khong du chud par byed/ tshig dang yi ge re re la ni tshul du ma dang bsam pa tshad med pas chos nyid kyi tshul shes pa rjes su dran par byed cing / dran pas rjes su 'brang bar bya ba dang / blo gros kyis rnam par dbye ba dang / rig pas grong khyer dang / gnas thams cad rab tu snang bar byed pa'i snying po can la phyogs thams cad dang 'gro ba thams cad la mngon du gyur pa'i lus dang / 'gro ba thams cad kyi gzugs dang mnyam pa'i lus dang / sems can thams cad la mngon du gyur pa'i lus dang / 'gro ba thams cad kyis ma gos pa'i lus dang / 'gro ba thams cad dang rang bzhin mnyam pa'i
- 23b
lus dang / 'gro ba thams cad las mngon par 'phags pa'i lus dang / 'gro ba thams cad yongs su smin par bya ba dang / gdul ba la mthun pa'i lus dang / 'gro ba thams cad du sgra rab tu sgrogs pa'i lus dang / 'gro ba thams cad du 'pho ba med pa'i lus dang / sgrib pa thams cad shin tu bcom pa'i lus dang / de bzhin nyid kyi rang bzhin gyi lus dang / 'gro ba thams cad gdul ba mthar phyin par byed pa'i lus su 'dug cing / mtshan mo'i lha mo brjod du med pa'i 'khor gyis bskor te/ 'dug pa mthong nas dga' rangs te mgu zhing nyams bde la tshim zhing yid bde ba skyes nas/ mtshan mo'i lha mo grong khyer thams cad bsrung ba 'byung ba'i rkang pa gnyis la spyi bos phyag 'tshal te/ mtshan mo'i lha mo grong khyer thams cad bsrung ba 'byung ba'i gzi brjid dpal la lan brgya stong du mar g.yas phyogs su bskor ba byas nas/ mtshan mo'i lha mo grong khyer thams cad bsrung ba 'byung ba'i gzi brjid dpal gyi mdun du 'dug te/ thal mo sbyar nas 'di skad ces smras so/ / lha mo bdag bla na med pa yang dag par rdzogs pa'i byang chub tu yang dag par zhugs na/ lha mo ji ltar byang chub sems dpas byang chub sems dpa'i spyod pa la rjes su bslabs na sems can la sman par 'gyur ba lags/ ji ltar na sems can bla na med pa yongs su bsdu bas yongs su sdung bar 'gyur/ ji ltar na byang chub sems dpa' de bzhin
- 24a
gshegs pas snang ba'i byang chub sems dpa'i las la brtson pa lags/ ji ltar brtson par bgyis na byang chub sems dpa' chos kyi rgyal por nye bar 'gyur ba bdag la bshad du gsol/ de skad ces smras pa dang / mtshan mo'i lha mo grong khyer thams cad bsrung ba 'byung ba'i gzi brjid dpal gyis/ tshong dpon gyi bu nor bzangs la 'di skad ces smras so/ / rigs kyi bu khyod de ltar 'gro ba thams cad yongs su smin par bya ba dang / rnam par gdul ba'i mthar phyin par bya ba dang / de bzhin gshegs pa thams cad kyi rigs yang dag par bzung ba'i sbyor ba mthar phyin par bya ba dang / phyogs 'byam klas pa thams cad rgyas par dgang ba'i ye shes rab tu sbyar ba dang / chos kyi dbyings kyi tshul rgya mtsho thams cad la 'jug pa mngon du 'gyur ba dang / shes bya nam mkha'i dbyings dang mnyam par mtha' yas pa rgyas par dgang ba dang / de bzhin gshegs pa thams cad kyi chos kyi 'khor lo rab tu blang zhing yongs su gzung ba'i phyir/ 'gro ba rgya mtsho thams cad kyis bsam pa ji lta ba bzhin du chos kyi sprin gyi char mngon par dbab pa'i spyod pa'i tshul yongs su 'dri ba legs so legs so// rigs kyi bu kho mo ni byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa thob pa ste/ de ltar kho mo rnam par thar pa de dang ldan pas chos smra
- 24b
pa chen po'i go 'phang thogs pa med pa la dmigs pa'i sbyor ba dang ldan pa/ de bzhin gshegs pa thams cad kyi chos kyi mdzod yongs su btang ba'i smon lam dang ldan pa/ snying rje chen po dang ldan pa/ byams pa chen po'i stobs rab tu thob pa/ sems can thams cad byang chub kyi sems la dgod pa'i phyir/ sems can thams cad kyi don bya ba la zhugs pa/ byang chub kyi sems kyi dge ba'i rtsa ba dang tshogs rab tu bsags pa rgyun mi gcad pa'i phyir/ 'gro ba thams cad kha lo sgyur ba'i sa la yang dag par gnas pa/ sems can thams cad thams cad mkhyen pa nyid kyi lam la rab tu dgod pa'i phyir/ 'jig rten gyi chos kyi sprin thams cad las chos kyi nyi ma yongs su dbyung ba'i sbyor ba dang ldan pa/ dge ba'i rtsa ba tshad med pa bskyed pa'i 'jig rten thams cad snang bar bya ba'i phyir/ 'gro ba thams cad mnyam pa'i sems su 'jug pa'i rgyun mi 'chad pa/ 'gro ba thams cad kyi dge ba'i rtsa ba mngon par 'du bya ba yongs su bsgrub pa'i sbyor ba shes par bya ba'i phyir/ sems rnam par dag pa'i sbyor ba dang ldan pa/ dge ba'i las kyi lam thams cad mthun par sgrub pas sems can thams cad kyi ded dpon du zhugs pa/ mi dge ba'i las kyi lam thams cad rab tu spangs pa/ sems can thams cad dge ba'i chos la rab tu dgod pa'i sbyor ba dang ldan pa/ sems can thams cad la lam bde ba yongs su ston pa'i// /
- 25a
sbyor ba dang ldan pa/ sems can thams cad kyi theg pa'i rgyan gyi thog mar 'dren pa la zhugs pa/ dge ba'i chos kyi spyod pa thams cad la sems can thams cad rab tu dgod pa'i sbyor ba dang ldan pa/ dge ba'i bshes gnyen thams cad la mi phyed par bsnyen bkur dang rim gro byed pa la zhugs pa/ sems can thams cad de bzhin gshegs pa'i bstan pa la rab tu dgod pa'i sbyor ba dang ldan pa/ chos kyi sbyin pa'i sngon 'dren cing chos dkar po thams cad yang dag par brtsams pa'i sbyor ba dang ldan pa/ thams cad mkhyen pa nyid kyi sems bskyed pas mngon par byung bas bsam pa brtan zhing mi shigs pa/ rdo rje mthu bo che ltar brtan zhing sra bas sangs rgyas kyi stobs la dmigs pa'i sems rgya chen po'i dkyil 'khor dang ldan par dge ba'i bshes gnyen la rten cing rnam par spyod de/ khro ma na nyon mongs pa dang las kyi sgrib pa thams cad kyi ri rnam par gtor ba'i sems dang ldan pa'o// thams cad mkhyen pa nyid kyi tshogs yang dag par rtsom pa'o// dka po'i chos thams cad yang dag par bsgrub pa'i sbyor ba dang ldan pa'o/ / thams cad mkhyen pa nyid mtha' dang dbus med pa la mngon par 'dun cing dmigs pa'i sems kyi sbyor ba la brtson pa'o// rigs kyi bu de ltar kho mo chos snang ba'i sgo sems can thams cad yongs su rton pa rnam pa de lta bu yongs su sbyong zhing dge ba'i rtsa ba bsags pa'i tshogs la sta gon du gnas pas/ rnam pa bcus
- 25b
chos kyi dbyings la rnam par lta zhing khong du chud pa dang / rjes su gzhol bar byed do// bcu gang zhe na/ 'di lta ste/ ye shes snang ba shin tu yangs pa thob pas chos kyi dbyings ni tshad med par khong du chud par byed do/ / de bzhin gshegs pa thams cad kyi rnam par 'phrul pa rnam par dmigs par bya ba'i phyir// chos kyi dbyings ni mtha' dang dbus med par khong du chud par byed do// sangs rgyas kyi zhing thams cad yongs su gnan pa dang / de bzhin gshegs pa mchod cing rim gror bya ba'i phyir/ chos kyi dbyings ni mu med par khong du chud par byed do// 'jig rten gyi khams rgya mtsho thams cad du byang chub sems dpa'i spyod pa yongs su bstan pa'i phyir/ chos kyi dbyings ni sa mtshams med par khong du chud par byed do// de bzhin gshegs pa'i ye shes kyi dkyil 'khor tha mi dad pa la 'jug par bya ba'i phyir/ chos kyi dbyings ni ris tshad pa med par khong du chud par byed do// bsam pa ji lta ba bzhin du sems can thams cad kyi rnam par dmigs pa'i de bzhin gshegs pa'i gsung gi dkyil 'khor la 'jug par bya ba'i phyir/ chos kyi dbyings ni rgyud kyi tshul gcig tu gyur par khong du chud par byed do// 'gro ba thams cad rnam par gdul ba'i mthar byin pas/ de bzhin gshegs pa'i sngon gyi smon lam gyi mthar thug pa la 'jug par bya ba'i phyir/ chos kyi dbyings ni rang bzhin gyis rgya che bar khong du chud par byed do// byang chub sems
- 26a
dpa' kun tu bzang po'i spyod pa 'jam klas pa la 'jug par bya ba'i phyir/ chos kyi dbyings ni 'gro ba thams cad la mnyam pa nyid du gyur par khong du chud par byed do// kun tu bzang po'i spyod pa'i rnam par 'phrul pa'i rgyan la 'jug par bya ba'i phyir/ chos kyi dbyings ni rgyan gcig tu gyur par khong du chud par byed do// dge ba thams cad kyis chos kyi dbyings rgyas par dgang zhing rnam par dag par bya ba chud mi za ba'i chos can du bya ba'i phyir/ chos kyi dbyings ni thub pa med par khong du chud par byed do// rigs kyi bu de ltar kho mo rnam pa bcu po de dag gis/ dge ba'i rtsa ba dang / tshogs thams cad yongs su bsags pa dang / sangs rgyas kyi bdag nyid che ba nyid la 'jug par bya ba dang / sangs rgyas kyi yul bsam gyis mi khyab pa la rjes su rtogs par bya ba'i phyir/ chos kyi dbyings thams cad la rnam par lta'o// khong du chud pa dang rjes su gzhol bar byed do// rigs kyi bu gzhan yang kho mo de ltar de bzhin gshegs pa'i bdag nyid che ba nyid kyi rjes su 'brang ba'i yid la bya ba dang ldan pas/ gzungs kyi dkyil 'khor gyi rgyud stong phrag bcus sems can rnams la chos ston te/ bcu gang zhe na/ 'di ltar chos rgya mtsho thams cad yang dag par 'du ba zhes bya ba'i gzungs kyi dkyil 'khor dang / chos thams cad byin gyis rlob pa'i gzungs kyi dkyil 'khor dang / chos kyi sprin thams cad yongs su 'dzin pa'i
- 26b
gzungs kyi dkyil 'khor dang / de bzhin gshegs pa thams cad kyi dgongs pa sgron ma'i gzungs kyi dkyil 'khor dang / sems can thams cad kyi las rgya mtsho rab tu sdang bar byed pa'i snying po'i gzungs kyi dkyil 'khor dang / theg pa'i tshul rgya mtsho dri ma med pa thams cad la yang dag par gzhol ba'i gzungs kyi dkyil 'khor dang / sangs rgyas rgya mtsho thams cad kyi sgron ma'i snying po'i gzungs kyi dkyil 'khor dang / de bzhin gshegs pa thams cad kyi mtshan gyi 'khor lo'i glong rab tu sgrog pa'i gzungs kyi dkyil 'khor dang / dus gsum gyi sangs rgyas kyi sngon gyi smon lam rgya mtsho bstan pa la yang dag par gzhol ba'i gzungs kyi dkyil 'khor dang / chos thams cad la mngon par 'khyil ba'i shugs drag po'i gzungs kyi dkyil 'khor dang / thams cad mkhyen pa nyid kyi shugs rab tu 'byung ba zhes bya ba'i gzungs kyi dkyil 'khor dang / rigs kyi bu gzungs kyi dkyil 'khor bcu po de dag la sogs pa gzungs kyi dkyil 'khor gyi rgyud stong phrag bcus sems can rnams la chos ston to/ / rigs kyi bu gzhan yang kho mos ni thos pa'i shes rab kyis sems can rnams la chos ston to// bsam pa'i shes rab dang / bsgoms pa'i shes rab kyis sems can rnams la chos ston to/ / srid pa'i rgyud gcig las kyang bsams shing sems can rnams la chos ston to// srid pa'i rgyud rgya mtsho thams cad las kyang bsams shing sems
- 27a
can rnams la chos ston to/ / de bzhin gshegs pa gcig gi mtshan gyi 'khor lo rgya mtsho las kyang bsams shing chos ston to// de bzhin gshegs pa thams cad kyi mtshan gyi 'khor lo rgya mtsho las kyang bsams shing chos ston to/ / 'jig rten gyi khams rgya mtsho gcig las kyang bsams shing chos ston to// 'jig rten gyi khams rgya mtsho thams cad las kyang bsams shing chos ston to/ / sangs rgyas gcig gi lung bstan pa las kyang bsams shing chos ston to// de bzhin gshegs pa thams cad kyi lung bstan pa rgya mtsho las kyang bsams shing chos ston to// de bzhin gshegs pa gcig gi 'khor gyi dkyil 'khor rgya mtsho las kyang bsams shing chos ston to// de bzhin gshegs pa thams cad kyi 'khor gyi dkyil 'khor rgya mtsho las kyang bsams shing chos ston to/ / de bzhin gshegs pa gcig gi chos kyi 'khor lo las kyang bsams shing chos ston to// de bzhin gshegs pa thams cad kyi chos kyi 'khor lo rgya mtsho las kyang bsams shing chos ston to/ / mdo sde gcig las kyang bsams shing chos ston to// de bzhin gshegs pa thams cad kyi chos kyi 'khor lo la yang dag par gzhol ba'i mdo sde las kyang bsams shing chos ston to// de bzhin gshegs pa gcig gi 'khor gyi dkyil 'khor kun nas 'dus pa las kyang bsams shing chos ston to// de bzhin gshegs pa thams cad kyi 'khor gyi dkyil 'khor kun nas 'dus pa rgya
- 27b
mtsho las kyang bsams shing chos ston to/ / thams cad mkhyen pa nyid kyi sems gcig las kyang bsams shing chos ston to// byang chub kyi sems kyi yan lag rgya mtsho thams cad las kyang bsams shing chos ston to/ / theg pa gcig las bsams shing chos ston to// theg pa thams cad kyis 'byung ba rgya mtsho las kyang bsams shing chos ston to// rigs kyi bu de ltar kho mo bstan pa'i tshul mngon par bsgrub pa brjod du med pas sems can rnams la chos ston to/ / rigs kyi bu de ltar kho mo chos kyi dbyings kyi tshul tha mi dad pa'i de bzhin gshegs pa rgya mtsho la 'jug cing sems can thams cad la chos ston pas bla na med pa'i yongs su bsdu ba byed cing / byang chub sems dpa' kun tu bzang po'i spyod pa la phyi ma'i mtha'i mur thug pa'i bskal pa rgya mtsho gnas par bya bas// byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa 'di la sems kyi skad cig re re zhing rnam par 'phel ba'i rnam par thar pa'i yul bsgom pa'i tshul gyis yongs su bsgom ste/ rnam par thar pa'i yul bsgom pa'i tshul re res kyang / sems kyi skad cig re re la chos kyi dbyings thams cad du rgyas par 'gengs so// nor bzang kyis smras pa/ lha mo byang chub sems dpa'i rnam par thar pa de de ltar zab pa ngo mtshar che na/ 'phags ma khyod kyis byang chub sems dpa'i rnam par thar pa 'di rnyed nas ji srid cig lags
- 28a
smras pa/ rigs kyi bu sngon 'das pa'i dus bskal pa 'jig rten gyi rgyud kyi rdul shin tu za ba snyed 'das pa'i pha rol cig tu 'jig rten gyi khams chos kyi 'od 'gro ba'i grong khyer dpal gyi sprin ces bya ba rin po che spos thams cad dang ldan pa/ gling bzhi pa'i 'jig rten gyi khams kyi rdul shin tu phra ba snyed kyi spro la blangs pa/ de bzhin gshegs pa thams cad kyi sngon gyi smon lam dbyangs su sgrog pa'i pad+mos mtshams rnam par brgyan pa/ lhun sems can thams cad kyi las rgya mtshos 'byung ba'i nor bu rin po che'i rgyal po rgya mtsho las grub pa pad+mo chen po'i dbyings su 'dug pa rnam par dag cing / kun nas nyon mongs pa me tog gi khor yug ri rab kyi rdul shin tu phra ba snyed kyis kun nas bskor ba/ spos kyi rin po che ri rab kyi rdul shin tu phra ba snyed kyi rgyan ri rab ltar mngon par 'phags pa dang ldan pa/ gling bzhi pa chen po ri rab kyi rdul shin tu phra ba snyed kyi rgyan dang ldan pa/ gling bzhi pa re re zhing yang grong rdal bye ba khrag khrig brgya stong brjod du med pa'i yang brjod du med pa dang ldan pa byung ngo / / rigs kyi bu 'jig rten gyi khams de'i bskal pa mdog dri ma med pa'i 'od ces bya ba byung ste/ bskal pa de la de bzhin gshegs pa ri rab kyi rdul shin tu phra ba snyed byung ngo // / 'jig rten gyi khams chos kyi 'od 'gro ba'i grong khyer dpal gyi sprin gyi gling bzhi pa dbu ma rgyal mtshan sna tshogs shes bya ba byung ste/ de'i dbus na rgyal po'i gnas rin chen me tog kun tu snang ba zhes
- 28b
bya ba yod par gyur te/ rgyal po'i gnas de dang ha cang yang mi ring ba zhig na/ snying po byang chub chos kyi rgyal po'i pho zang rab tu snang ba zhes bya ba yod de/ snying po byang chub de la de bzhin gshegs par rab kyi rdul shin tu phra ba snyed po de dag gi bskal pa'i dang po la/ de bzhin gshegs pa chos rgya mtsho thams cad kyi dbyangs 'od kyi rgyal po zhes bya ba byung ste/ de'i tshe 'khor los sgyur ba'i rgyal po nyi ma ltar bzhin mdog dri ma med pa zhes bya ba byung nas/ des bcom ldan 'das de bzhin gshegs pa chos rgya mtsho thams cad kyi dbyangs 'od kyi rgyal po las mdo sde chos thams cad kyi glong rgya mtsho zhes bya ba yongs su bzung ste/ bzung nas kyang chos kyi 'khor lo rjes su bskor to// yongs su mya ngan las 'das nas kyang rab tu byung ste bstan pa yongs su bzung ngo / / bstan pa nub tu cha ste/ bstan pa'ang stong du gyis/ chos bstan pa shin tu bstan pa'i tshul ni brgya phrag bcur gyur/ rnyog pa'i bskal pa bar ma ni nye bar gnas par gyur pa'i tshe/ sems can las dang nyon mongs pa'i sgrib pas bsgribs pa 'thab mo dang / gsod pa dang / dkrugs ma la zhugs par gyur pa dang / dge slong sangs rgyas kyi bstan pa'i yon tan don du mi gnyer cing yul gyi dga' ba lhur len par gyur pa/ rgyal po dang rkun po'i gtam la zhugs pa/ bud med dang / yul dang / rgya mtsho'i gtam la mos pa/ 'jig rten rgyang
- 29a
'phan pa'i tshig la zhugs pa rnams yongs su skyo ba bskyed pa'i phyir/ kye ma'o bskal pa ngu bar yongs su bsgrubs pa'i chos kyi sgron ma chen po ni nub par gyur ma khang do zhes chos dang ldan pa'i 'o dod bos te/ yongs su skyo bar 'gyur ba'i gtam byas nas/ de steng gi nam mkha'i dbyings su ta la bdun tsam du mngon par 'phags nas/ 'od 'phro ba kha dog mtha' yas pa'i sprin rab tu bkye ste/ 'od zer gyi dra ba'i rgyan chen po kha dog sna tshogs dang ldan pa bkye nas/ 'od kha dog du ma dang ldan pas 'jig rten gyi nyon mongs pa'i gdung ba zhi bar byas te/ sems can mtha' dang dbus med pa dag kyang byang chub la rab tu bkod do/ / de bzhin gshegs pa'i bstan pa de'ang phyir gsal bar byas te/ lo stong phrag drug cur gnas par gyur to// de'i tshe 'khor los sgyur ba'i rgyal po nyi ma ltar bzhin mdog dri ma med pa de nyid kyi bu mo dge slong ma chos kyi 'khor los sprul pa'i 'od ces bya ba dge slong ma brgya phrag stong gi 'khor dang ldan pa byung ste/ des yongs su skyo bar 'gyur ba'i sgra de thos nas/ cho 'phrul chen po de mthong ste/ 'khor dang bcas pas byang chub tu sems bskyed nas/ dge slong ma brgyu phrag stong po de dag kyang bla na med pa yang dag par rdzogs pa'i byang chub las phyir mi ldog par byas te/ de bzhin gshegs pa mngon du 'gyur ba la yang dag par gzhol ba zhes bya ba'i ting nge 'dzin kyang rab tu thob par gyur to//
- 29b
de bzhin gshegs pa thams cad kyi chos kyi 'khor los sprul pa'i 'od ces bya ba'i gzungs kyang rab tu thob bo// chos rgya mtsho'i tshul thams cad la 'jug pa zhes bya ba'i shes rab kyi pha rol tu phyin pa'ang rab tu thob par gyur to/ / dge slong ma chos kyi 'khor los sprul pa'i 'od kyis kyang de bzhin gshegs pa thams cad kyi bstan pa las byung ba'i 'od kyi sgron ma zhes bya ba'i ting nge 'dzin dang / byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa 'di'ang shin tu phra zhing 'jam pa'i tshul du rab tu thob par gyur to// de thob pas de la de bzhin gshegs pa chos rgya mtsho thams cad kyi dbyangs 'od kyi rgyal po'i rnam par 'phrul pa de dag thams cad kyang mngon du gyur to/ / rigs kyi bu de la ji snyam du sems/ de'i tshe de'i dus na 'khor los sgyur ba'i rgyal po nyi ma ltar bzhin mdog dri ma med pa zhes bya ba de bzhin gshegs pa chos rgya mtsho thams cad kyi dbyangs 'od kyi rgyal po'i bstan pa la rab tu byung ste/ chos kyi 'khor lo rjes su bskor ba dang / yongs su mya ngan las 'das nas kyang bstan pa nub tu che ba'i tshe dang dus na// bstan pa yongs su 'dzin cing chos kyi sgron ma chen po 'bar bar byed byed pa de gzhan zhig yin pa tsam du sems na ni/ rigs kyi bu khyod kyis de ltar mi blta ste/ byang chub sems dpa' kun du bzang po ni/ de'i tshe de'i dus na 'khor los sgyur ba'i rgyal po nyi ma
- 30a
ltar bzhin mdog dri ma med pa zhes bya bar gyur to/ / rigs kyi bu de la ji snyam du sems/ de'i tshe de'i dus na 'khor los sgyur ba'i rgyal po nyi ma ltar bzhin mdog dri ma med pa'i bu mo dge slong ma chos kyi 'khor los sprul pa'i 'od ces bya ba/ dge slong ma brgya phrag stong gi 'khor dang ldan pa de gzhan zhig yin pa tsam du sems na ni de ltar mi blta ste/ kho mo ni de'i tshe de'i dus na dge slong ma chos kyi 'khor los sprul pa'i 'od ces bya bar gyur to// de ltar kho mos de bzhin gshegs pa chos rgya mtsho thams cad kyi dbyangs 'od kyi rgyal po'i bstan pa'ang yongs su bzung ngo / / dge slong ma brgya phrag stong po de dag kyang bla na med pa yang dag par rdzogs pa'i byang chub las phyir mi ldog par byas te/ de bzhin gshegs pa mngon du gyur pa la yang dag par gzhol ba'i ting nge 'dzin la'ang rab tu bkod do/ / de bzhin gshegs pa thams cad kyi chos kyi 'khor los sprul pa'i 'od kyi gzungs dang chos rgya mtsho'i tshul thams cad la 'jug pa'i shes rab kyi pha rol tu phyin pa la'ang rab tu bkod do/ / de bzhin gshegs pa de'i 'og tu kho mos de bzhin gshegs pa chos dri ma med pa'i ri bo ye she kyi rtse mo'i 'od ces bya ba bsnyen bkur to/ / de'i 'og tu de bzhin gshegs pa chos kyi dkyil 'khor gyi 'od rab tu snang ba'i gtsug pud ces bya ba bsnyen bkur to// de'i 'og tu de bzhin
- 30b
gshegs pa chos kyi nyi ma dang dpal gyi sprin zhes bya ba bsnyen bkur to/ / de'i 'og tu de bzhin gshegs pa chos rgya mtsho shin tu bstan pa'i dbyangs shes bya ba bsnyen bkur to// de'i 'og tu de bzhin gshegs pa chos kyi nyi ma'i dkyil 'khor ye shes sgron ma zhes bya ba bsnyen bkur to/ / de'i 'og tu de bzhin gshegs pa chos kyi me tog dpal gyi rgyal mtshan gyi sprin zhes bya ba bsnyen bkur to/ / de'i 'og tu de bzhin gshegs pa chos kyi 'od 'phro ri bo dpal gyi rgyal po zhes bya ba bsnyen bkur to// de'i 'og tu de bzhin gshegs pa chos kyi tshul zab mo dpal gyi zla ba zhes bya ba bsnyen bkur to/ / de'i 'og tu de bzhin gshegs pa chos kyi ye shes yang dag par byung ba kun tu snang ba'i snying po zhes bya ba bsnyen bkur to// de'i 'og tu de bzhin gshegs pa ye shes 'byung gnas gtsug pud ces bya ba bsnyen bkur to/ / de'i 'og tu de bzhin gshegs pa ri'i dbang po dpal gyi snying po'i rgyal po zhes bya ba bsnyen bkur to// de'i 'og tu de bzhin gshegs pa sgo kun nas mkhyen pa'i ri bzang po zhes bya ba bsnyen bkur to/ / de'i 'og tu de bzhin gshegs pa chos thams cad kyi brtson 'grus drag po'i rgyal mtshan zhes bya ba bsnyen bkur to// de'i 'og tu de bzhin gshegs pa chos rin po che'i me tog dpal gyi sprin zhes bya ba bsnyen bkur to/ / de'i 'og tu de bzhin gshegs pa 'od zab mo zhi ba brtsegs pa zhes bya ba bsnyen bkur to// de'i 'og tu de bzhin
- 31a
gshegs pa 'od zer gyi tshul rab tu snang ba'i 'od kyi zla ba zhes bya ba bsnyen bkur to/ / de'i 'og tu de bzhin gshegs pa ye shes 'od 'phro dpal gyi rgya mtsho zhes bya ba bsnyen bkur to/ / de'i 'og tu de bzhin gshegs pa ye shes kun tu bzang po'i dkyil 'khor ces bya ba bsnyen bkur to// de'i 'og tu de bzhin gshegs pa spyi'u tshugs kyi phyogs ye shes kyi sdang babar mdzad pa'i rgyal po zhes bya ba bsnyen bkur to/ / de'i 'og tu de bzhin gshegs pa 'od zer gyi me tog kun tu rgyas pa'i sgron ma zhes bya ba bsnyen bkur to// de'i 'og tu de bzhin gshegs pa ye shes seng ge'i dpal gyi rgyal mtshan rgyal po zhes bya ba bsnyen bkur to/ / de'i 'og tu de bzhin gshegs pa 'od nyi ma kun tu snang ba'i rgyal po zhes bya ba bsnyen bkur to// de'i 'og tu de// bzhin gshegs pa mtshan rin po ches rnam par brgyan pa'i ri bo zhes bya ba bsnyen bkur to// de'i 'og tu de bzhin gshegs pa nyi ma rnam par gnon pas kun tu snang ba zhes bya ba bsnyen bkur to// de'i 'og tu de bzhin gshegs pa chos kyi dra ba rnam par sangs rgyas pa'i dpal gyi zla ba zhes bya ba bsnyen bkur to// de'i 'og tu de bzhin gshegs pa chos kyi pad+mo rab tu rgyas pa'i dpal gyi sprin ces bya ba bsnyen bkur to/ / de'i 'og tu de bzhin gshegs pa mtshan gyi nyi ma'i 'khor lo kun tu snang ba zhes bya ba bsnyen bkur to// de'i 'og tu de bzhin gshegs pa mi bsnyengs pa'i rdo rje seng ge
- 31b
mthu bo che zhes bya ba bsnyen bkur to/ / de'i 'og tu de bzhin gshegs pa ye shes rgyal mtshan kun tu dpa' ba zhes bya ba bsnyen bkur to// de'i 'og tu de bzhin gshegs pa sku chos kyi pad+mo'i me tog shin tu rgyas pa zhes bya ba bsnyen bkur to/ / de'i 'og tu de bzhin gshegs pa yon tan me tog dpal gyi rgya mtsho zhes bya ba bsnyen bkur to// de'i 'og tu de bzhin gshegs pa chos kyi dbyig ri ngo snang ba'i phung po zhes bya ba bsnyen bkur to/ / de'i 'og tu de bzhin gshegs pa ye shes spo'i 'od 'phro sprin zhes bya ba bsnyen bkur to// de'i 'og tu de bzhin gshegs pa sgo kun nas chos ston pa'i ri bo'i 'od ces bya ba bsnyen bkur to/ / de'i 'og tu de bzhin gshegs pa snying po byang chub rnam par sangs rgyas pa'i dpal gyi zla ba zhes bya ba bsnyen bkur to// de'i 'og tu de bzhin gshegs pa chos kyi sgron ma rab tu 'bar ba'i dpal zla ba zhes bya ba bsnyen bkur to/ / de'i 'og tu de bzhin gshegs pa gzugs brnyan kun tu snang ba'i gtsug pud ces bya ba bsnyen bkur to// de'i 'og tu de bzhin gshegs pa chos kyi sprin gyi rgyal mtshan sgron ma zhes bya ba bsnyen bkur to/ / de'i 'og tu de bzhin gshegs pa rdo rje ltar brtan pa'i rgyal mtshan rgya mtsho'i sprin ces bya ba bsnyen bkur to/ / de'i 'og tu de bzhin gshegs pa grags pa'i ri bo dpal gyi sprin zhes bya ba bsnyen bkur to// de'i 'og tu de bzhin gshegs pa tsan dan dpal gyi zla ba zhes bya ba bsnyen bkur to//
- 32a
de'i 'og tu de bzhin gshegs pa dpal gyi me tog kun nas rgyas pa'i gzi brjid snang ba zhes bya ba bsnyen bkur to// de'i 'og tu de bzhin gshegs pa sems can thams cad du snang ba'i rgyal po zhes bya ba bsnyen bkur to/ / de'i 'og tu de bzhin gshegs pa yon tan pad+mo dpal gyi snying po zhes bya ba bsnyen bkur to// de'i 'og tu de bzhin gshegs pa spros kyi 'od 'phro rab tu snang ba'i rgyal po zhes bya ba bsnyen bkur to/ / de'i 'og tu de bzhin gshegs pa rgyu pad+mo zhes bya ba bsnyen bkur to// de'i 'og tu de bzhin gshegs pa mtshan gyi ri bo rnam par snang ba zhes bya ba bsnyen bkur to/ / de'i 'og tu de bzhin gshegs pa snyan pa kun tu rnam par grags pa'i rgyal mtshan zhes bya ba bsnyen bkur to// de'i 'og tu de bzhin gshegs pa ye shes kun tu snang ba'i ri bo zhes bya ba bsnyen bkur to/ / de'i 'og tu de bzhin gshegs pa chos kyi grong khyer rab tu snang ba'i dpal zhes bya ba bsnyen bkur to// de'i 'og tu de bzhin gshegs pa shing gi ri bo gzi brjid ces bya ba bsnyen bkur to/ / de'i 'og tu de bzhin gshegs pa dpal kun tu rnam par snang ba'i dpal zhes bya ba bsnyen bkur to// de'i 'og tu de bzhin gshegs pa / chos rgya mtsho'i nga ro rab tu sgrog pa'i 'od ces bya ba bsnyen bkur to// de'i 'og tu de bzhin gshegs pa chos thams cad kyi gnas bsgrub pa yongs su bsgrub pa'i gzi brjid ces bya ba bsnyen bkur to//
- 32b
de'i 'og tu de bzhin gshegs pa ye shes kun tu snang ba'i dam pa zhes bya ba bsnyen bkur to// de ni 'og tu de bzhin gshegs pa mtshan dam pa'i dpal zhes bya ba bsnyen bkur to// de'i 'og tu de bzhin gshegs pa chos kyi stobs kyis dpa' ba'i rgyal mtshan zhes bya ba bsnyen bkur to/ / de'i 'og tu de bzhin gshegs pa chos kyi 'khor lo 'od kyi dbyangs zhes bya ba bsnyen bkur to// de'i 'og tu de bzhin gshegs pa 'od zer yon tan gyi rtsod pa na ye shes dang shes rab kyi 'od ces bya ba bsnyen bkur to/ / de'i 'og tu de bzhin gshegs pa chos kyi 'khor lo zla bas 'phags pa'i dpal zhes bya ba bsnyen bkur to/ / de'i 'og tu de bzhin gshegs pa chos kyi pad+mo rnam par snang bas rnam par sangs rgyas pa'i dpal zhes bya ba bsnyen bkur to// de'i 'og tu de bzhin gshegs pa rin chen pad+mo snang ba'i snying po zhes bya ba bsnyen bkur to/ / de'i 'og tu de bzhin gshegs pa rin chen dpal gyi rtse mo'i sprin rab tu snang ba zhes bya ba bsnyen bkur to// de'i 'og tu de bzhin gshegs pa ye shes kyi me tog kun nas rnam par dag pa zhes bya ba bsnyen bkur to/ / de'i 'og tu de bzhin gshegs pa 'od zer dpal gyi ri bo'i snying po zhes bya ba bsnyen bkur to// de'i 'og tu de bzhin gshegs pa 'od zer dkyil 'khor sngo'i rgyal po zhes bya ba bsnyen bkur to/ / de'i 'og tu de bzhin gshegs pa bsod nams sna tshogs kyi sprin zhes bya ba bsnyen bkur to// de'i 'og tu de bzhin
- 33a
gshegs pa chos kyi ri bo rgyal mtshan gyi sprin zhes bya ba bsnyen bkur to/ / de'i 'og tu de bzhin gshegs pa yon tan ri bo'i gzi brjid ces bya ba bsnyen bkur to// de'i 'og tu de bzhin gshegs pa chos kyi nyi ma'i sprin rab tu snang ba zhes bya ba bsnyen bkur to/ / de'i 'og tu de bzhin gshegs pa chos kyi sprin snyan pa rnam par grags pa zhes bya ba bsnyen bkur to// de'i 'og tu de bzhin gshegs pa chos kyi dkyil 'khor na bun sprin zhes bya ba bsnyen bkur to// de'i 'og tu de bzhin gshegs pa byang chub rnam par sangs rgyas pa'i ye shes gzi brjid ces bya ba bsnyen bkur to/ / de'i 'og tu de bzhin gshegs pa chos kyi dkyil 'khor rnam par sangs rgyas pa'i dpal gyi zla ba zhes bya ba bsnyen bkur to// de'i 'og tu de bzhin gshegs pa gser rin po che'i ri bo gzi brjid bzang po zhes bya ba bsnyen bkur to/ / de'i 'og tu de bzhin gshegs pa dpal gyi ri bo gzi brjid bzang po zhes bya ba bsnyen bkur to// de'i 'og tu de bzhin gshegs pa shes rab kyi sgra kun nas 'byung ba'i sprin zhes bya ba bsnyen bkur to/ / de'i 'og tu de bzhin gshegs pa chos kyi stobs kyi dpal brtsegs pa zhes bya ba bsnyen bkur to// de'i 'og tu de bzhin gshegs pa spos 'od 'phro ba'i sprin phun sum tshogs pa'i rgyal po zhes bya ba bsnyen bkur to/ / de'i 'og tu de bzhin gshegs pa gser rin po che'i ri'i dbyangs zhes bya ba bsnyen bkur to// de'i 'og tu de
- 33b
bzhin gshegs pa gtsug tor gyi mdzod chos thams cad kyi 'od kyi dkyil 'khor gyi sprin zhes bya ba bsnyen bkur to/ / de'i 'og tu de bzhin gshegs pa chos kyi 'khor lo rab tu 'bar ba'i gzi brjid rgyal po zhes bya ba bsnyen bkur to/ / de'i 'og tu de bzhin gshegs pa ri'i rtse mo mngon par 'phags pa'i gzi brjid ces bya ba bsnyen bkur to// de'i 'og tu de bzhin gshegs pa brtson 'grus kyi sgron ma kun tu snang ba'i sprin ces bya ba bsnyen bkur to/ / de'i 'og tu de bzhin gshegs pa ting nge 'dzin gyi phyag rgya shin tu yangs pa'i cod pan shes rab kyi 'od ces bya ba bsnyen bkur to// de'i 'og tu de bzhin gshegs pa rin po che yid du 'ong ba'i dpal gyi rgyal po zhes bya ba bsnyen bkur to/ / de'i 'og tu de bzhin gshegs pa chos kyi sgron ma rin chen bla re'i dbyangs zhes bya ba bsnyen bkur to// de'i 'og tu de bzhin gshegs pa chos kyi nam mkha' la seng ge'i 'od shin tu mdzes pa zhes bya ba bsnyen bkur to/ / de'i 'og tu de bzhin gshegs pa mtshan gyis rnam par brgyan pa'i rgyal mtshan zla ba zhes bya ba bsnyen bkur to/ / de'i 'og tu de bzhin gshegs pa 'od zer gyi ri bo rnam par snang ba'i sprin zhes bya ba bsnyen bkur to// de'i 'og tu de bzhin gshegs pa chos kyi nam mkha' slob pa med pa'i 'od ces bya ba bsnyen bkur to/ / de'i 'og tu de bzhin gshegs pa mtshan yid du 'ong ba'i me tog gis yan lag shin tu rgyas pa zhes bya ba bsnyen bkur to// de'i 'og tu de bzhin
- 34a
gshegs pa 'jig rten gyi dbang po dam pa'i 'od kyi dbyangs zhes bya ba bsnyen bkur to/ / de'i 'og tu de bzhin gshegs pa chos thams cad ting nge 'dzin gyi 'od kyi dbyangs zhes bya ba bsnyen bkur to/ / de'i 'og tu de bzhin gshegs pa sgo'i dbyangs mang po'i mdzod ces bya ba bsnyen bkur to// de'i 'og tu de bzhin gshegs pa chos 'bar ba'i 'od 'phro rgya mtsho'i dbyangs zhes bya ba bsnyen bkur to/ / de'i 'og tu de bzhin gshegs pa dus gsum gyi mtshan rab tu snang ba'i gzi brjid ces bya ba bsnyen bkur to// de'i 'og tu de bzhin gshegs pa chos kyi dkyil 'khor dpal gyi ri bo snang ba'i 'od ces bya ba bsnyen bkur to/ / de'i 'og tu de bzhin gshegs pa chos kyi dbyings kyi seng ge'i 'od ces bya ba bsnyen bkur to// de'i 'og tu de bzhin gshegs pa rnam par snang mdzad dpal gyi ri rab ces bya ba bsnyen bkur to/ / de'i 'og tu de bzhin gshegs pa ting nge 'dzin rgya mtsho thams cad snang bar mdzad pa'i seng ge zhes bya ba bsnyen bkur to// de'i 'og tu de bzhin gshegs pa ye shes kyi 'od kun tu snang ba zhes bya ba bsnyen bkur to/ / de'i 'og tu de bzhin gshegs pa shes rab kyi 'od kun tu gsal ba chos kyi grong khyer rab tu snang ba zhes bya ba bsnyen bkur to// de ltar rigs kyi bu sangs rgyas brgya po 'di dag la sogs pa bskal pa mdog dri ma med pa'i 'od ces bya ba la/ de bzhin gshegs pa ri rab kyi rdul shin tu phra ba snyed cig byung ste/ rigs kyi bu de bzhin
- 34b
gshegs pa ri rab kyi rdul shin tu phra ba snyed po de dag thams cad kyi tha mar de bzhin gshegs pa chos kyi dbyings kyi grong khyer ye shes kyi 'od kyis rab tu snang ba'i rgyal po zhes bya ba byung bar gyur te/ de ltar r igs kyi bu kho mos de bzhin gshegs pa ri rab kyi rdul shin tu phra ba snyed po de dag las chos rgya mtsho thams cad kyi dbyangs 'od kyi rgyal po zhes bya ba la sogs pa tha ma chos kyi dbyings kyi grong khyer ye shes kyi 'od kyis rab tu snang ba'i bar de dag thams cad kho mos mchod do/ / de bzhin gshegs pa de dag thams cad la kho mos rim gror byas so// thams cad kyis chos bstan pa'ang thos so// de bzhin gshegs pa de dag thams cad kyi bstan pa la'ang kho mo rab tu byung ngo // de bzhin gshegs pa de dag thams cad kyi bstan pa'ang kho mos yongs su bzung ngo // byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa 'di'ang de bzhin gshegs pa de dag thams cad las 'thob pa'i tshul rnam pa sna tshogs kyis rab tu thob po// de bzhin gshegs pa de dag thams cad kyi zhabs kyi drung de'ang kho mos sems can rgya mtsho mtha' dang dbus med pa yongs su smin par byas so/ / de tshun chad du bskal pa sangs rgyas kyi zhing gi rdul shin tu phra ba snyed la/ de bzhin gshegs pa ji snyed cig byung bar gyur pa de dag thams cad ni kho mos chos kyi nan tan gyis mchod pa byas te/ rigs kyi bu de phyin chad du kho mos sems can 'khor ba'i mun pa na 'khod cing mi shes pa'i
- 35a
gnyid kyis log pa thams cad kyi mel tser byas so/ / de dag gi sems kyi grong khyer yang yongs su bsrungs so// de dag khams gsum gyi grong khyer nas gyen du bskyod cing thams cad mkhyen pa nyid kyi grong rdal du'ang rab tu bkod do/ / rigs kyi bu kho mos byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa/ 'jig rten gyi tshig bkyil ba rnam par bzlog pa gnyis su smra ba med pa la rab tu 'god pa bden pa la rab tu gzhog pa'i mthar phyin pa 'di shes par zad na/ kho mos byang chub sems dpa' dag gi lam gyi rang bzhin thams cad thogs pa med par shes pa/ sems kyi skad cig re re la chos thams cad mngon par 'tshang rgya bar dbang sgyur ba/ sems can thams cad kyi sgra skad dang tshig rgya mtsho la zhugs pa/ skad rgya mtsho thams cad mngon par 'du bya ba la mkhas pa/ chos thams cad kyi grangs dang ming rgya mtsho'i tshul dang cho ga la mkhas pa/ chos thams cad kyi yang dag par gzhol ba'i gzungs rgya ma la dbang sgyur ba/ sems can thams cad kyi bsam pa ji lta ba bzhin du chos kyi sprin mngon par bsgrub pa la mkhas pa/ sems can thams cad yongs su smin par bya ba dang gdul bar spyod pa mthar phyin par byed pa de dag gi spyod pa shes pa 'am/ yon tan brjod pa 'am/ sems can thams cad yongs su sdud pa'i nad tan shes par bya ba 'am/ byang chub sems dpa'i las bla na med par brtsams
- 35b
pa'i sbyor ba 'am/ byang chub sems dpa'i ye shes shin tu phra ba khong du chud pa 'am/ byang chub sems dpa'i chos kyi gter dang mdzod rnam par 'byed pa'i khyu mchog gi mthu 'am/ byang chub sems dpa'i chos kyi gtam la seng ge'i khri yongs su gnan par bya ba shes par nus re skan/ de ci'i phyir zhe na/ skyes bu dam pa de dag ni chos thams cad kyi sa'i dkyil 'khor gyi gzungs su gnon pa sha stag go/ / song rigs kyi bu/ bcom ldan 'das rnam par snang mdzad kyi zhabs kyi drung 'di nyid du/ mtshan mo'i lha mo shing thams cad kyi me tog rgyas pas bde bar gnas pa zhes bya ba 'dug ste/ kho mo dang rgyang mi ring ba zhig na 'dug gis/ de'i gan du song la ji ltar byang chub sems dpa' rnams thams cad mkhyen pa nyid du slob pa dang / ji ltar nan tan du byed cing sems can thams cad thams cad mkhyen pa nyid du 'god par byed pa dris shig/ de nas mtshan mo'i lha mo grong khyer thams cad bsrung ba 'byung ba'i gzi brjid dpal gyis/ de'i tshe byang chub sems dpa' rnam par thar pa sgra yang du 'ong ba dang / rnam par 'phrul pa za' mo la 'jug pa nyid bstan te bstan pa'i phyir// tshong dpon kyi mun ra ba'angs la tshogs su bcad de smras pa/ ba gang nas dus gsum rgyal bas lus dang // tshas dbyings kun tu 'byam gas mtha' dang dbus med pa// shes byed mtshan nyid gun gyigani zug rtags pa yi// rgyal pas rnam
- 36a
kyi rnam thar zab cing blta bar dka'/ / tshogs las byung ba'i rnam thar tshul ni mtha' yas te// chos nyid thob pas tshad med bsam du med pa yin/ yongs su 'phel zhing kun tu chags med shugs drag par/ / dus gsum byams pa'i tshul gyis lam la 'jug par gyis// 'di ltar sangs rgyas zhing rgyud rdul phran rab snyed kyi// bskal pa 'das pa'i snga rol sngon gyi zhing byung ba/ / 'jig rten khams ni chos 'od sprin gyi grong khyer dpal// bskal pa byung ba dri med mdog tu 'od chen no// bskal pa de gcig rgyal ba'i gdung ni rgyud ma chad// sangs rgyas ri rab rdul phran rab snyed byung bar gyur/ / bde gshegs chos kyi rgya mtsho 'od dbyangs rgyal po ni// thog mar byung ste de dag bskal pa dang po pa// rgyal ba chos sprin grong khyer 'od snang rgyal po ni/ / bde gshegs de dag kun gyi tha ma 'jig rten byung // de dag kun gyi spyan sngar phyin te kho mos mchod// de dag kun las chos kyang dga' ba chen pos thos// kho mos thog mar mthong ba gser mdog 'od mnga' ba/ / rgya mtsho'i chos 'od sgrog pa'i gsung gi rgyal po ste// mtshan rab sum cu gnyis kyis yongs brgyan ri bo 'dra// mthong nas bdag ni bde gshegs 'gyur snyam blo gros gyur/ / de bzhin gshegs pa de ni kho mos mthong mod la// thams cad mkhyen nyid 'byam klas 'byung ba'i rgyu rkyen gyis// mkha'i dbyings rnam yangs de bzhin nyid kyi rang bzhin
- 36b
can/ / rgyal ba'i sems kyi dang po stobs ldan rab tu skyes// snying rje bdud rtsi rgya mtsho che las byung ba des// dus gsum gshegs pa'i bde bar gshegs pa thams cad kun// rgyal sras rgya mtshos bskor ba ma lus thams cad dang / / sems can rgya mtshor bcas pa'i rgya mtsho'i zhing yang rgyas// lus kyis zhing rnams thams cad ma lus khyab bya dang // 'gro ba kun gyi bsam pa bzhin du lus bstan phyir/ / zhing rnams ma lus bskyed cing snang bar bya ba dang // 'gro ba smin bya'i don du bdag gis sems kyang bskyed// rgyal ba gnyis pa'i spyan sngar kho mo phyin nas kyang // zhing rnams rgya mtsho bcu bzhugs rgyal ba'i dbang po mthong / / rgyal ba tha ma mthong nas zhing gi rgya mtsho rnams// rgya mtsho'i zhing gi rdul phran rab snyed bzhugs pa mthong // de yi tshu rol bskal pa zhing rgyud rdul snyed du// rgyal ba 'gro ba'i sgron ma ji snyed skyes gyur pa// de dag thams cad spyan sngar kho mo phyin gyur te// rnam thar rgya mtsho'i tshul 'di sprong tshe mchod pa byas/ de nas tshong dpon gyi bu nor bzangs byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa thob pa/ ting nge 'dzin gyi sgo rgya mtsho mtha' dang dbus med pa la zhugs pa gzungs kyig rgya mtsho rgya chen po las byung ba'i sems dang ldan pa/ byang chub sems dpa'i mngon par shes pa'i snang ba chen po rab tu thob pa tha dad pa yang dag par shes pa chen po rgya mtsho la thugs pa/
- 37a
dga' ba'i shugs rgya mtsho shin tu yangs pa rnam par 'phel ba'i sems dang ldan pa/ mtshan mo'i lha mo grong khyer thams cad bsrung ba 'byung ba'i gzi brjid dpal la tshul dang mthun pa'i tshogs su bcad pa 'dongs gos mngon par bstod do/ / khyod kyis zhes rab tsas yangs rgya tsho kun la stod// med pa'i rgya mtshom pa' dbus med par khyod kyis spyad/ lus mchog snying po tshe ring snyun 'bral ba// lha mo khyod ni 'khor 'dir byon cing rnam par mdzes// chos kyi rang bzhin nam mkha' lta bur thugs chud de// dus gsum kun gyi tshul yang chags med thugs chud mdzad/ / thugs kyi skad cig gcig la tshad med bsam yas pa'i// dmigs pa thams cad rtog pa mi mnga' 'jal ba mdzad// ye shes spyan mnga' chos nyid sems can med gzigs kyang / / sems can rgya mtsho mtha' yas thugs rjes gzigs pa mdzad// thugs kyi rnam par shin tu yangs la 'jug mdzad cing // sems can tshad med 'dul zhing / yongs su smin par mdzad// khyod ni chos kyi dkyil 'khor rnam dbyang tshul mkhyen te// chos kyi rang bzhin shes bya'i tshul la rnam sangs rgyas// 'phags pa dri ma med pa thams cad yongs bsgoms te/ / 'gro ba ma lus rnam par sbyong zhing yongs su 'byung // thams cad mkhyen pa'i ye shes dri med rtogs mdzad pas// khyod ni sems cad rgya mtsho'i mchog las mngon par
- 37b
skyes/ / khyod ni chos dbyings khong chud sems can kun khyab par// chos rab bstan cing 'jig rten 'jigs pa zhi bar mdzad// khyod ni rnam par snang mdzad smon lam lam tshul gyis// yang dag bzhud cing chags med blo yangs dri med ldan/ / thams cad bgrod pa'i rgyal ba'i stobs ni thugs chud cing // zhing rnams kun gyi rgyal ba rnam par 'phrul pa gzigs// khyod kyi thugs ni la2 'dra thub par dka' ba ste/ / nyon mongs kun gyi dri mas ma gos snga nas dag/ der ni dus gsum byung ba'i zhing rnams thams cad dang // sangs rgyas sras dang bcas pa sems can kun bcas 'dus/ / skad cig gcig gis nyin mtshan yud du zla ba dang // skad cig yud tsam lo dang 'du 'jig bskal pa dang // bskal pa rgya mtsho ming grangs rgya mtshor bcas pa dang // 'gro ba rnams kyi 'du shes rgya mtsho'ang thugs su chud/ / phyogs rnams kun rgya sems can skye 'chi ji snyed dang // gzugs yod pa dang gzugs med 'du shes yod med kyi// rnam spyod bden pa'i tshul ni thugs su chud mdzad cing / / de dag lam bstan byang chub mchog tu 'god pa mdzad// rnam par snang mdzad smon lam dra ba'i rigs las byung // bde gshegs kun gyi sku gcig tshul las yang dag 'khrungs/ / khyod ni chos sku yongs dag thugs la chags mi mnga'// 'jig rten kun tu sku gzugs yid bzhin ston pa mdzad// de nas tshong dpon gyi bu nor bzangs kyis// mtshan
- 38a
mo'i lha mo grong khyer thams cad bsrung ba 'byung ba'i gzi brjid dpal la tshul dang 'dra ba'i tshigs su bcad pa de dag gis mngon par bstod de/ mtshan mo'i lha mo grong khyer thams cad bsrung ba 'byung ba'i gzi brjid dpal gyi rkang pa gnyis la spyi bos phyag 'tshal nas/ mtshan mo'i lha mo grong khyer thams cad bsrung ba 'byung ba'i gzi brjid dpal la lan brgya stong du mar g.yas phyogs su bskor ba byas te yang dang yang bltas nas/ mtshan mo'i lha mo grong khyer thams cad bsrung ba 'byung ba'i gzi brjid dpal gyi drung nas song ngo // / shing shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste/ bam po brgya gsum pa/ de nas tshong dpon gyi bu nor bzangs/ byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa dang / de bas kyang rgya cher bsgom pa dang / yid ches par bya ba dang / shin tu rgyas par byed cing / mtshan mo'i lha mo shing thams cad kyi me tog rgyas pas bde bar gnas pa gang na ba der phyin nas/ mtshan mo'i lha mo shing thams cad kyi me tog rgyas pas bde bar gnas pa spos rin po che thams cad kyi shing gi yal ga'i khang pa brtsegs pa zhig na/ seng ge'i khri rin po che'i shing gi myu gu'i snying po can zhig la 'dug ste/ mtshan mo'i lha mo stong phrag bcus kun nas bskor cing 'dug pa
- 38b
mthong ngo / / de nas tshong dpon gyi bu nor bzangs kyis/ mtshan mo'i lha mo shing thams cad kyi me tog rgyas pas bde bar gnas pa'i rkang pa gnyis la spyi bos phyag 'tshal te/ mdun du 'jug nas thal mo sbyar te 'di skad ces smras so/ / lha mo bdag gis bla na med pa yang dag par rdzogs pa'i byang chub tu sems bskyed na// ji ltar byang chub sems dpa'i spyad pa spyod pa dang / ji ltar spyod pa dang / ji ltar spyod/ ji ltar slob cing thams cad mkhyen pa nyid du 'byung ba bdag la bshad du gsol/ de skad ces smras pa dang // mtshan mo'i lha mo shing thams cad kyi me tog rgyas pas bde bar gnas pas/ tshong dpon gyi bu nor bzangs la 'di skad ces smras so// rigs kyi bu kho mo'i mthus ni mi mjed kyi 'jig rten gyi khams na nyi ma nub tu tsha ba'i tshe/ pad+mo shin tu rgyas pa'i rnams kyang rnam par 'dzum par 'gyur ro// skyes pa dang bud med bza' shing gi ra ba na gnas shing dga' bar rtse ba la brtson pa dag kyang khyim du 'dong ba'i blo skyed do// lam dang srang na rgyu ba'i sems can rnams kyang zhag gi gnas sems shing tshol te/ 'gro ba'i gnas thams cad du mngon par gzhol bar 'gyur ro// nags tshal dang / gse ba dang / phug ba rten pa'i sems can rnams kyang nags tshal dang / gseb dang / phug tu 'dong ngo // shing la gnas pa'i sems can rnams kyang shing gi gnas la rten par mngon par gzhol lo// khung
- 39a
nagargyas pa rnasems can nams kyang grang du 'dang / / zong / grong khyer dang / ljongs dang / yul la gnas pa thasems can rnams kyang zong dang / bong khyer du ljongs dang / yul du 'dong ngo // chu na gnas pa'i sems can rnams kyang chur 'dong ngo // phyogs gzhan gyi yul du phyin pa'i sems can rnams kyang / nub mo bde zhing dka' bar gnas pa'i don du rang rang gi yul gyi phyogs kyi bsam bskyed do/ / rigs kyi bu gzhan yang kho mo ni skyes pa dang bud med gzhon nu ngar la bab pa/ dar ba'i nyam drod kyis myos pa dang / klu dang / gar dang / rol mos dga' bas myos pa dang / 'dod pa'i yon tan la dga' zhing brtson pa rnams la skye ba dang / rga shi dang / gti mug gi mun pa chen pos 'jigs pa'i gnyen po dge ba'i rtsa ba yongs su bskyed pa'i phyir brtson 'grus legs par bsngags pa byed do/ / sems can ser sna dang ldan pa rnams ni sbyin pa la rab tu sbyor ro// sems can tshul khrims ngan pa can rnams ni tshul khrims la rab tu 'god do/ / ngan sems dang ldan pa'i sems can rnams la ni byams pa'i legs pa rjod pa byed do// sems 'khrugs pa'i sems can rnams ni bzod pa la rab tu 'god do/ / le lo can gyi sems can rnams ni byang chub sems dpa'i brtson 'grus brtsam pa la rab tu 'god do// sems rnam par myos pa'o sems can rnams ni bsam gtan la rab tu 'god do//
- 39b
shes rab 'tshal pa can gyi sems can rnams ni shes rab kyi pha rol tu phyin pa la yongs su sbyor ro// theg pa dma' ba la mos pa'i sems can rnams ni theg pa chen po la rab tu 'god do// khams g sum la mngon par zhen pa'i sems can rnams ni byang chub sems dpa'i smon lam gyi pha rol tu phyin pa srid pa lam gyi rgyud mthar phyin pa'i dkyil 'khor la spyad pa la rab tu 'god do dmigs pa'i dbang du gyur pa'i sems can las dang nyon mongs pas rab tu mnar ba/ bsod nams dang ye shes kyi stobs med pa rnams ni byang chub sems dpa'i stobs kyi pha rol tu phyin pa la rab tu 'god / mi shes pa'i mun nag gis khebs pa'i sems can bdag tu bya ba dang / bdag gir bya bas ma rig pa'i mun nag tu 'thoms pa rnams ni byang chub sems dpa'i ye shes kyi pha rol tu phyin pa la rab tu 'god do/ / rigs kyi bu gzhan yang kho mo ni byang chub sems dpa'i rnam par thar pa dga' ba'i 'od spro ba yangs pa yang dag par 'byung ba thob pa'o// nor bzangs kyis spras pa/ lha mo byang chub sems dpa'i rnam par thar pa dga' ba'i 'od 'phro ba yang dag par 'byung ba de'i yul ji lta bu zhig mchis/ smras pa/ rigs kyi bu rnam par thar pa de ni/ de bzhin gshegs pa'i bsod nams kyi sems can yongs su smin pa'i ye shes dang thabs snang ba dang ldan pa ste/ de ci'i phyir zhe na/ rigs kyi bu sems can rnams kyi bde ba nyams su myong ba ji snyed
- 40a
cig yod pa de dag thams cad ni/ de bzhin gshegs pa'i bsod nams kyi mthus byung ba'o// de bzhin gshegs pa'i gdams ngag gi tshul gyis byung ba'o// de bzhin gshegs pa'i gsung la nan tan du byas pas byung ba'o/ / de bzhin gshegs pa'i rjes su bslabs pas byung ba'o// de bzhin gshegs pa'i byin gyi rlabs kyis byung ba'o// de bzhin gshegs pas bstan pa'i lam la nan tan du byas pas byung ba'o/ / de bzhin gshegs pa dang tshul 'dra ba'i dge ba'i rtsa ba bskyed pas byung ba'o// de bzhin gshegs pas chos bstan pa'i mthun pa'i rgyus byung ba'o/ / de bzhin gshegs pa'i ye shes kyi nyi ma snang bas byung ba'o// rigs kyi bu de bzhin gshegs pa'i rigs kyi chos dkar po'i dkyil 'khor gyi snang bas ni/ sems can rnams kyi bde ba yongs su 'byung ste/ de ci'i phyir zhe na/ 'di ltar rigs kyi bu kho mo byang chub sems dpa'i rnam par thar pa dga' ba'i 'od spro ba yangs pa yang dag par 'byung ba 'di la 'jug pa'i tshe b com ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad kyi sngon gyi byang chub sems dpa'i spyod pa rgya mtsho rjes su dran par byed cing 'jug pa'i khong du chud par byed pa'i tshe/ 'di ltar bcom ldan 'das sngon byang chub sems dpa'i sa la bzhugs pas/ sems can bdag tu bya ba dang bdag gir bya ba la mngon par zhen pa/ ma rig pa'i
- 40b
mun pas 'joms pa/ lta ba thibs po'i bas dgon par 'khyams pa/ sred pa'i dbang du gyur pa/ 'dod chags kyi bcings pas glags pa/ zhe sdang gis khong khro ba'i sems dang ldan pa gti mug gis sems kyi rgyud 'khrugs par gyur pa/ phrag dog dang ser sna kun nas 'khor ba/ nyon mongs pas rab tu dkrugs pa'i sems dang ldan pa/ 'khor ba'i sdug bsngal chen po nyams su myong bar gyur pa/ 'khor ba na 'phongs pa'i sdug bsngal gyis rab tu gzir ba/ sangs rgyas blta ba las phyir phyogs par gyur pa thams cad gzigs nas thugs rje chen po'i thugs skyes par gyur to/ / sems can thams cad kyi don du 'gro ba thams cad la yo byad dang rin po ches yongs su bsdu zhing yongs su bsdud pa'i thugs dang / sems can thams cad kyi 'khor ba'i yo byad yongs su bsgrub pa'i thugs dang / dngos po thams cad la chags pa mi mnga' ba'i thugs dang / yul thams cad la ye brngam pa mi mnga' ba'i thugs dang / dga' ba thams cad la chags pa mi mnga' ba'i thugs dang / longs spyod thams cad la yongs su ma zhen pa'i thugs dang / sbyin pa thams cad la rnam par smin pa la re ba med pa'i thugs dang / 'jig rten gyi phun sum tshogs pa thams cad la bzhed pa mi mnga' ba'i thugs dang / rkyen la ma rmongs pa'i thugs dang / legs par btsal ba'i chos la yang dag pa ji lta ba bzhin du mkhyen pa'i thugs dang /
- 41a
sems can thams cad kyi don la gzhol bar bya ba mngon par bsgrub pa'i thugs kyang skyes par gyur to// de de ltar chos thams cad kyi rang bzhin la yang dag par zhugs pa'i thugs dang ldan pa/ sems can gyi khams thams cad du byams pa chen pos snyoms par zhugs pa/ 'gro ba thams cad thugs rje chen po'i sprin gyis rgyas par dgang ba'i sbyor ba mnga' ba sems can gyi 'jig rten thams cad kun nas khebs pa'i chos kyi gdugs chen po'i dkyil 'khor mnga' ba/ sems can thams cad kyi nyon mongs pa'i ri rnam par 'joms pa'i ye shes rdo rje'i mtshon cha mnga' ba/ 'gro ba thams cad kyi bde ba yongs su bsgrub pas dgyes pa'i shugs rnam par 'phel ba'i thugs mnga' ba/ sems can thams cad la bde ba phul du phyin pa la mngon par bsgrub pa'i smon lam gyi thugs mnga' ba/ bsam pa dang smon pa ji lta ba bzhin du sems can thams cad la nor gyi char rab tu dbab pa'i thugs mnga' ba/ sems can thams cad yongs su mi gtong zhing snyoms par sbyor ba'i thugs mnga' ba/ 'phags pa'i nor gyis sems can thams cad tshim par mdzad pa'i thugs mnga' ba/ stobs bcu'i ye shes rin po che phul du dri ma med pa thob par mdzad pa'i thugs mnga' ba/ byang chub sems dpa'i mngon par shes pa chen po'i stobs dang shugs rab tu brnyes pa de/ byang chub sems dpa'i rnam par 'phrul pa sna tshogs kyi sprin chen pos//
- 41b
sems can gyi khams chos kyi dbyings kyis klas pa/ nam mkha'i mthas gtugs pa thams cad rgyas par bkang ste/ sems can thams cad la mngon par gyur par bzhugs shing sbyin pa'i dmigs pa thams cad kyi sprin gyi char chen po rnam pa thams cad du dbab pa dang / rin po che'i rgyan thams cad kyi sprin chen po'i char mngon par 'bebs pa mdzad de/ 'di ltar sems can thams cad so so'i tshul dang ji ltar mthun pas longs spyod par bya ba'i phyir/ dngos po rnam pa tha dad pa mtha' yas pa yongs su btang ba dang / yo byad rnam pa tha dad pa tshad med pa la spyad par bya ba dang / sbyin pa rnam pa sna tshogs thams cad kyis yongs su bsdu ba'i tshul dang / dngos po yongs su gtang ba rnam pa du ma la yongs su spyad pa dang / yo byad kyi rnam pa dang / rgyan gyi 'du byed brjod du med pa dang / sbyin pa'i tshogs rnam pa sna tshogs dang ldan pa/ sems can rnams bsam pa ji lta ba bzhin du yongs su tshim par bya ba'i sbyin pa'i tshul mtha' yas pa thugs su chud pas/ sems can gyi bsam pa ji lta ba bzhin du yongs su tshim par bya ba mngon pa bsgrubs pa'i dngos po thams cad gtang ba dang / yongs su gtong ba dang / sbyin par bya ba dang / 'gro ba thams cad kyi 'du byed kyi sdug bsngal rgyun mi 'chad pa las yongs su bskyab pa'i tshul du bya ba rnams sems can thams cad la lan re ba mi mnga' ba dang / 'gro ba thams cad la mnyam pa nyid du 'byung ba'i thugs mnga'
- 42a
bas/ 'gro ba thams cad kyi sems rin po che yongs su sbyong ba mdzad cing / sangs rgyas thams cad kyi dge ba'i rtsa ba rgya mtsho gcig tu gyur pa las byung ba'i yongs su bsdu ba'i tshul 'gro ba thams cad kyi bsam pa ji lta ba bzhin du yo byad kyi char dbab pa/ 'gro ba thams cad la thams cad mkhyen pa'i bsod nams rgya mtsho'i shugs rnam par 'phel bar mdzad pas/ thugs kyi skad cig re re la sems can ma lus pa thams cad yongs su smin par bya ba dang / gdul ba gcig nas gcig tu brgyud pa rnam par dag par bya ba'i phyir/ mngon par bsgrub pa mdzad pa dang / thugs kyi skad cig re re zhing g cig nas gcig tu brgyud pa ma lus pa thams cad sangs rgyas kyi zhing nye bar nyon mongs pa med cing bla na med pa'i rgyan rnam par dag pas rnam par grub cing rab tu brgyan pa yongs su rdzogs par bya ba dang / thugs kyi skad cig re re la chos kyi tshul rgya mtsho ma lus pa thams cad rgyas par dgang bar rnam par dag par bya ba dang / thugs kyi skad cig re re la nam mkha'i dbyings kyi gtogs ma lus pa thams cad rgyas par dgang ba'i ye shes kyi tshul yongs su rdzogs par bya ba dang / thugs kyi skad cig re re la sems can dang dus ma lus pa thams cad la 'jug pa'i ye shes kyi tshul rnam par dag par bya ba dang / thugs kyi skad cig re re la 'gro ba ma lus pa thams cad rnam par 'dul ba'i ye shes kyi tshul snang ba rab tu thob par bya ba dang / thugs kyi skad cig re re la dus ma lus pa thams cad
- 42b
du chos kyi 'khor lo bskor ba las phyir mi ldog par bya ba dang / thugs kyi skad cig re re la thams cad mkhyen pa'i ye shes kyi byin gyi rlabs la mkhas pa ma lus par yongs su bstan pas/ 'gro ba thams cad la phan thogs par bya ba dang / thugs kyi skad cig re re la 'jig rten gyi khams ma lus pa'i grangs su bya ba'i rgyud dang ldan pa/ 'jig rten gyi khams rgya mtsho thams cad mngon par 'thon pa 'jig rten gyi khams rgya mtsho thams cad yongs su 'du ba/ 'jig rten khams 'byam klas pa sna tshogs brjod du yod pa/ 'jig rten gyi khams kyi rgyud rnam par gnas pa sna tshogs kyis mtshams rnam par 'dul ba/ gzhi sna tshogs dang lhun du mar brjod du yod pa rnam par phye ba sna tshogs kyi bskal pa rnam pa tha dad pa bstan du yod pa/ kun nas nyon mongs shing rnam par dag pa dang / rnam par dag cing kun nas nyon mongs pa dang / gcig tu yongs su dag pa dang / gcig tu kun nas nyon mongs pa dang // che ba dang / yangs pa dang / tshad med pa dang / dog pa dang / phra ba dang / rgya che ba dang / gzhi mnyam pa dang / snrel zhi dang / spyi'u tshugs dang / phyogs dang / phyogs mtshams su mngon par ltas pa dang / phyogs rgya mtsho sna tshogs su yongs su gzhol ba sgo sna tshogs nas bstan cing / sgo mtha' yas pa'i dbyibs rnam pa sna tshogs su 'dug pa'i rnam par phye ba sna tshogs dang ldan pa'i 'jig rten gyi khams rgya mtsho thams cad du byang chub sems dpa'i spyod pa spyad de/ byang chub
- 43a
sems dpa'i skyon med pa yongs su mnan nas byang chub sems dpa' spyod pa dang / rnam par 'phrul pas rgyas par dgang bar bya ba dang / thugs kyi skad cig re re la dus gsum gyi sangs rgyas kyi 'phrin las ma lus pa thams cad sems can pha rol gyi sems dang bsam pas rnam par dmigs par bya ba'i phyir/ 'gro ba thams cad la thams cad mkhyen pa'i bsod nams rgya mtsho'i shugs rnam par 'phel bar mdzad de/ mngon par sgrub pa mdzad par gyur pas mngon par shes so// rjes su dran no// rigs kyi bu de ltar bcom ldan 'das de bzhin gshegs pa rnam par snang mdzad sngon byang chub sems dpa'i spyod pa mdzad pa'i tshe/ 'jig rten gnas pa bsod nams dang ye shes kyi tshogs dang bral ba/ sems can byas pa drin du mi gzo bas yongs su gang ba/ mi shes paba'i mun pas chod pa/ bdag tu bya ba dang bdag gir bya ba la mngon par zhen pa/ ma rig pa'i mun pa rab rib kyis bsgribs pa/ tshul bzhin ma yin pa la rnam par rtog pa la zhugs pa/ lta ba thibs po bas dgon par mgo rlag pa/ rgyu dang 'bras bu la mgo rmongs pa/ nyon mongs pa dang las kyi dbang du gyur pa/ 'khor ba'i mya ngan chen po'i sdug bsngal gyi sa'i 'og tu lhung ba// 'phongs pa'i sdug bsngal sna tshogs nyams su myong bar gyur pa rnams la thugs rje chen po bskyed de/ pha rol tu phyin pa spyad pa'i sprin chen po mngon par bsgrubs te dge ba'i rtsa ba la brtan par gnas pa/ yongs su
- 43b
bsngags pa dang / sems can thams cad kyi 'khor ba'i 'phongs pa'i sdug bsngal rnam par bzlog pa dang / bsod nams dang ye shes kyi tshogs chen po la mngon par mos par bya ba dang / rgyu'i dkyil 'khor gyi phyogs mngon par bstan pa dang / las dang chos su mi 'gal ba'i phyogs rab tu brjod pa dang / sangs rgyas kyi chos kyi dkyil 'khor yongs su bsdu ba'i phyogs snang bar bya ba dang / sems can thams cad kyi mos pa'i phyogs rab tu brjod par bya ba dang / sems can thams cad kyi zhing yongs su bsgrub pa'i phyogs legs par bstan pa dang / de bzhin gshegs pa thams cad kyi rigs mi gcad pa'i phyogs kyi rjes su 'brang bar bya ba dang / sangs rgyas thams cad kyis bstan pa'i phyogs yongs su gzung ba dang / mi dge ba'i chos thams cad kyi phyogs rnam par bzlog pa dang / thams cad mkhyen pa nyid kyi tshogs kyi phyogs yongs su brjod pa mdzad de/ pha rol tu phyin pa'i sprin chen pos sems can gyi khams thams cad rgyas par bkang ste/ mngon par bsgrubs nas bsam pa ji/ lta ba bzhin du sems can tshim par 'gyur bar chos kyis shin tu bsdu ba la sems can rab tu dgod pa mdzad do// thams cad mkhyen pa nyid kyi tshogs la yang dag par bskul to// byang chub sems dpa'i pha rol tu phyin pa chen po la rab tu btsud do/ / 'phags pa'i nor thams cad rab tu thob par bya bas nye bar bstan to// thams cad mkhyen pa nyid du 'dun pa'i shugs kyis sems
- 44a
can rnams dge ba'i rtsa ba rgya mtsho rnam par 'phags par mdzad do/ / de bzhin gshegs pa rnam par 'phrul pa'i sgor yang de dag rab tu btsud de/ phung po shin tu zhi ba'i bde bas yongs su bsdu ba yongs su bsdus te/ de bzhin gshegs pa'i bdag nyid che ba nyid la mngon du mos par byas nas/ byang chub sems dpa' sa yongs su bzung ba'i ye shes la rab tu bkod do/ / nor bzangs kyis smras pa/ 'phags ma khyod bla na med pa yang dag par rdzogs pa'i byang chub tu yang dag par zhugs nas ji srid cig lags/ smras pa/ rigs kyi bu gnas 'di ni yid ches par dka' ste/ shes par dka' ba'o// mos par dka' ba'o// 'jug par dka' ba'o// brjod par dka' ba'o// khong du chud par dka' ste/ lha dang bcas pa'i 'jig rten dang / nyan thos dang / rang sangs rgyas thams cad kyis kyang khong du chud par mi nus so// gzhan du na de bzhin gshegs pa'i byin gyi rlabs dang dge ba'i bshes gnyen gyis yod su bzung ba ma gtogs te/ gnas 'di ni sems can 'khor ba'i bde ba thams cad la mngon par 'dod pa med pa/ de bzhin gshegs pa'i bde ba la lhag par dmigs pa/ sems can thams cad kyi sdug bsngal dang yid mi bde ba rab tu zhi bar bya ba la zhugs pa/ de bzhin gshegs pa yon tan rgya mtsho la 'jug pa'i nan tan la mngon par mos pa/ chos thams cad kyi rang bzhin nges par rtogs pa/ nam mkha'i
- 44b
spyod yul dang ldan pa/ mos pa yangs pa'i lam gyis rnam par dag pa/ 'khor ba'i rgyun las phyir phyogs pa/ de bzhin gshegs pa thams cad kyi ye shes rgya mtsho la mngon par mos pa/ chos kyi grong khyer du 'gro bar gcig tu chad pa/ de bzhin gshegs pa'i yul yongs su gnon pas brtson 'grus can/ sangs rgyas kyi sa'i rgyud rnam par gnon pa/ thams cad mkhyen pa'i sngo bas yongs su rdzogs par bya ba la mngon par mos pa/ stobs bcu rab tu thob par bya ba'i mthar thug pa rnams kyis bsod nams dang / ye shes kyi tshogs yangs pas nye bar bstan pa'i sems dang / bsam pa rnam par dag pa dang / ma zhum pa/ nyon mongs pa med pa dang / ma yo ba dang / ma nyams pa dang / ma 'chums pa dang / mun pa med pa'i sems dang / ye shes kyi snang ba kun tu snang bas snang bar gyur pa'i sems dang / sems can thams cad la phan pa dang bde bar bya bar shin tu 'dun pa'i sems dang / bdud kyi 'khor dang nyon mongs pa thams cad mkhyen pa nyid kyi ye shes thob par bya bar skabs phye ba'i sems kyis kyang khong du// chud pa dang / 'jug pa dang / yid ches par bya ba dang / gzung ba dang / rjes su 'brang bar bya ba 'am/ shes par bya bar nus so// de ci'i phyir zhe na/ rigs kyi bu gnas 'di ni de bzhin gshegs pa'i ye shes kyi yul te/ byang chub sems dpa' thams cad kyis yongs su mnon na/ sems can gzhan thams cad kyis lta ci zhig smos/ 'on kyang sems can cang shes rnams kyi bsam pa phun sum tshogs
- 45a
pa rnam par dag par bya ba dang / dge ba'i rtsa ba la spyod pa'i sems can rnams kyi lhag pa'i bsam pa dbang du 'gyur bar bya ba dang / khyod kyis bsam pa thag pa nas yongs su dris pa'i lung bstan pa'i chos 'di nyid rab tu 'byung ba thob par bya ba'i phyir/ de bzhin gshegs pa'i byin gyis bstan to// de nas mtshan mo'i lha mo shing thams cad kyi me tog rgyas pas bde bar gnas pas de'i tshe don de nyid bsnan te bstan pa'i phyir/ dus gsum du byung ba'i de bzhin gshegs pa'i yul la rnam par bltas te tshigs su bcad pa 'di dag smras so// sangs rgyas sras po khyod kyis gang dris pa/ / de ni bsam yas zab mo sangs rgyas yul// bsam yas zhing gi rdul phran rab snyed kyi// bskal pa mang pos de kun brjod mi nus// sems can 'dod pa'i sems ldan sdang ba dang / / de bzhin gti mug mun pas bsgribs pa dang // 'chab dang dregs pas bsam pa nyams gyur pas// rgyal ba'i chos nyid zhi ba shes mi nus// phrag dog 'jug pa'i dbang gis rjes 'brang dang / / g.yo sgyus bsam pa rnyogs par gyur pa dang // nyon mongs las kyis sgrib pas bsgribs pa yis// sangs rgyas yul 'di shes par mi nus so// phung po khams dang skye mched gnas pa dang / / 'jig tshogs mang la gnas par gyur pa dang // lta sems 'du shes phyin ci log gyur pas// zhi ba'i sa 'di shes par mi nus so// rgyal ba'i yul ni shes dka' zhi ba ste//
- 45b
rang bzhin dri med rnam par rtog pa med// srid par brten cing 'khor la chags pa yis// chos 'di yang dag shes par mi nus so// sangs rgyas rigs su rigs ldan gang skyes pa// de bzhin gshegs pa kun gyis byin brlabs shing / / chos kyi rgyal po'i gdung rabs yongs 'dzin pa// drang srong de dag yul ni 'di yin no// dkar chos rgya mtshos mi ngoms sems ldan zhing // gang rnams dge ba'i bshes kyis yongs bzung ste/ / thub pa'i stobs la dmigs pa'i sems sprin can// de dag 'di thos bzod pa thob par gyur// gang rnams bsam pa dri med rnam rtog med// bar snang mkha' bzhin phyogs dang phyogs mtshams su/ / mun pa rnam bsal blo gros sgron ma'i sprin// dri med de dag spyod yul 'di yin no// snying rje'i bsam pas 'gro ba rgya mtsho rnams// dus gsum byung ba gang rnams rgyas byed cing / / sems can ma lus rjes 'brang byams pa can// de dag rgyal ba'i tshul 'dir 'jug par 'gyur// gang rnams 'dzin med dga' ba'i sems ldan zhing // rtag par bdog pa thams cad sbyin brtson la/ / sems can kun la mnyam par zhugs gyur pa// chags med de dag spyod yul sa 'di yin// nyon mongs med sems skyo med spyod ldan zhing // gang rnams 'gyod pa rnam bsal sems ldan te/ / sangs rgyas gdams ngag nan tan byed ldan pa// dri med de dag spyod yul 'di yin no// gang rnams mi bskul sems ldan mi spyod sems// chos kyi rang bzhin rtogs pa'i sems ldan zhing //
- 46a
las kyi rgya mtshor mi 'gal sems ldan pa// mi bzad de dag rnam thar 'di yin no// gang rnams mi skyo'i sems dang mi ldog sems// brtson 'grus mthu dang rtsal du ldan pa'i rnams/ / thams cad mkhyen tshogs brtson 'grus mtha' yas pa// brtul zhugs bzang ldan de dag yul 'di yin// zhi ba'i sems ldan mnyam par gzhag pa gang // shin tu zhi gyur rims dang bral ba'i rnams/ / kun mkhyen bsam gtan yan lag mtshor spyod pa// rab tu zhi ba de dag tshul 'di yin// gang rnams chags pa kun las sems grol zhing // chos kyi rang bzhin/ khong du chud sems can// rgyal ba'i chos dbyings rtogs par khong chud pa// shes rab sgron ma de dag tshul 'di yin// sems can rang bzhin rtogs sems ldan gyur cing // gang rnams srid pa'i mtsho la chags med sems/ / sems can sems la gzugs brnyan zla 'char ba// lam mkhyen de dag rnam thar 'di yin no// dus gsum byung ba'i rgyal ba rgya mtsho rnams// smon lam gang chen mtsho yi rgyud skyes pa'i/ / zhing rnams kun tu phyi ma'i mthar spyod pa// kun tu bzang po de dag tshul 'di yin// gang rnams chos dbyings tshul rnams rgya mtsho yis// 'gro ba rgya mtshe 'dra/ dang 'jig pa yi// bskal par bcas pa khong du chud pa'i rnams// rtog med de dag rnam thar 'di yin no// zhing rnams kun gyi rdul phran thams cad la// sangs rgyas grangs med shing rgyal drung
- 46b
bzhugs shing / / byang chub 'tshang rgya 'gro 'dul mthong ba yis// chags med mig can de dag tshul 'di yin// khyod ni bskal pa rgya mtsho rgya chen du// dge ba'i bshes gnyen mang po bsnyen bkur te// chos 'dod chos tshol mi skyo 'dir phyin pas// thos nas de ni yongs su bzung bar nus// khyod kyi bsam pa yongs su sbyang ba'i phyir// bder gshegs byin rlabs bsam gyis mi khyab pas// rnam par snang mdzad tshad med yul 'di yang / / kho mo'i tshig las chags pa med pa 'byung / rigs kyi bu sngon byung ba'i dus bskal pa 'jig rten gyi khams kyi rdul shin tu phra ba snyed kyi pha rol de'i yang pha snga zhig tu 'jig rten gyi khams rgya mtsho gser rin po che'i ri spos rnam par snang ba zhes bya ba byung ste/ rigs kyi bu 'jig rten gyi khams rgya mtsho gser rin po che'i ri spos rnam par snang ba der// de bzhin gshegs pa ye shes ri bo'i 'od kyi dbyings su snang ba'i gzi brjid rgyal po zhes bya ba byung ste/ de bzhin gshegs pa ye shes kyi ri bo'i 'od chos kyi dbyings su snang ba'i gzi brjid rgyal po de sngon byang chub sems dpa'i spyod pa mdzad pa'i tshe/ 'jig rten gyi khams rgya mtsho gser rin po che'i ri spos rnam par snang ba zhes bya ba/ 'jig rten gyi khams rgya mtsho'i sa dang ri rdul shin tu phra ba snyed kyi 'jig rten gyi khams 'byam klas pa bstan du yod pa dang ldan pa/ 'jig rten gyi khams kyi rgyud re re zhing yang bskal pa'i grangs shin tu bstan pa/ 'jig rten gyi khams kyi rdul shin
- 47a
tu pra bsnyed dang ldan pa/ bskal pa re re zhing yang bskal pa bar ma shin tu bstan pa du ma dang ldan pa/ bskal pa bar ma re re zhing yang 'jig rten gyi khams rnam pa thang dang bya ba bstan pa du ma dang ldan pa/ de bzhin gshegs pa 'byung ba dang rdzu 'phrul sna tshogs bstan du yod pa/ de bzhin gshegs pa byung ba re re zhing yang mdo sde yang dag par bstan pa/ 'jig rten gyi khams kyi rdul shin tu phra ba snyed brjod du yod pa/ mdo sde re re la'ang byang chub sems dpa'i lung bstan pa/ 'jig rten gyi khams brjod du med pa'i rdul shin tu phra ba snyed bstan du yod pa sems can 'dul ba mtha' dang dbus med pa shin tu bstan pa thar pa'i tshul gyis bsgrubs pa/ sangs rgyas kyi rnam par 'phrul pa dang cho phrul sna tshogs kyi rnam par 'dul ba dang ldan pa yongs su sbyang ste/ rigs kyi bu 'jig rten gyi khams rgya mtsho gser rin po che'i ri spos rnam par snang ba der 'jig rten gyi khams bar ma'i rgyud phyogs kun tu mngon par ltas pa'i sgo// rgyal mtshan gyis rnam par brgyan pa zhes bya ba byung ste/ rigs kyi bu 'jig rten gyi khams bar ma'i rgyud phyogs kun tu sgo mngon par ltas pa/ rgyal mtshan gyis rnam par brgyan pa der 'jig rten gyi khams rin po che thams cad kyi mdog kun tu snang ba'i dpal zhes bya ba 'jig rten gyi khams kyi gzhi dang / mtshams kyi rgyan rin po che'i rgyal po de bzhin gshegs pa thams cad kyi snying po byang chub rab tu snang ba las byas
- 47b
pa/ rin po che sna tshogs kyi me tog rgya mtsho la gnas pa/ lhun rin po che'i rgyal po de bzhin gshegs pa thams cad kyis sku sprul pa'i gzugs brnyan rab tu ston pa las bsgrubs pa/ lha'i grong khyer gyi dbyibs su 'dug pa/ rnam par dag cing kun nas nyon mongs pa byung bar gyur te/ 'jig rten gyi khams der gling bzhi pa'i 'jig rten gyi khams ri rab kyi rdul shin tu phra ba snyed byung bar gyur to// gling bzhi pa'i ri rab kyi rdul shin tu phra ba snyed po de dag gi gling bzhi pa dbu ma rin po che sna tshogs kyi rtse mo'i rgyal mtshan zhes bya ba byung ste/ gling bzhi pa'i 'jig rten gyi khams rin po che sna tshogs kyi rtse mo'i rgyal mtshan der gling chu zhed du dpag tshad brgya phrag stong yod pa bzhi byung nas/ gling re rer yang grong khyer chen po stong phrag re re byung ngo // gling bzhi pa de'i gling gi dbus su rgyal po'i gnas rin po che'i sa las rnam par brgyan pa sprin gyi sgron ma zhes bya bgrong khyer stong phrag bcu'i 'khor dang ldan par byung ngo / / de'i tshe 'dzam bu'i gling de'i mi rnams kyang tshe'i tshad lo stong phrag bcu thub par gyur to// rgyal po'i gnas rin po che'i sa las rnam par brgyan pa sprin gyi sgron ma der 'khor los sgyur ba'i rgyal po chos thams cad kyi nga ro'i gdugs kyi dkyil 'khor rab tu sgrog pa zhes bya ba byung ste/ 'khor los sgyur ba'i rgyal po chos thams cad kyi nga ro'i gdugs kyi dkyil 'khor rab tu sgrog pa de'i blon po ni lnga brgya byung ngo / / btsun mo ni stong phrag drug byung ngo // sras ni kun kyang dpa' ba/ brtul phod pa/ yan lag dam pa'i gzugs dang ldan pa/ blta na sdug pa// gzi
- 48a
brjid chen po/ stobs che ba brgya phrag bdun byung ngo // rgyal po chos thams cad kyi ro'i gdugs kyi dkyil 'khor rab tu sgrog pa de'i tshal 'dzam tha'i gling thams cad kyang gdugs gcig gis bskyangs par gyur te/ pha rol gyi 'khor dang dgra thams cad kyang shin tu choms par gyur to// de'i tshe 'jig rten gyi khams der bskal pa bar ma ni zad du cha rnyog pa lnga 'jig rten du byung / dge ba bcu'i las kyi lam ni nub par gyur nas/ sems can mi dge ba bcu'i lam la spyod pa phal cher ngan song du'ang 'dong bar gyur pa de dag mi dge ba bcu'i las kyi lam yongs su 'dzin pa'i rgyus tshe thung ba dang / longs spyod chung ba dang / gzugs ma legs pa dang / kha dog mi sdug pa dang / lus ma legs pa dang / bde ba'i rnam pa nyung ba dang / sdug bsngal nyams su myong ba'i rnam pa mang ba dang / phan tshun slu zhing 'drid pa'i rang bzhin can dang / phan tshun dbye ba la zhugs pa dang // zhe gcod pa'i tshig la spyod pa dang / 'chal pa'i tshig tu smra ba dang / 'dod pa mi bzad pas zil gyis non pa dang / zhe sdang ba'i yid kyi rtog pa dang ldan pa/ lta ba thibs po sna tshogs kyi mya ngan du 'khyams par gyur nas/ de dag chos ma yin pa'i 'dod chags la zhen cing 'dod pa mi bzad pas zil gyis non la/ log pa'i chos kyis kun nas 'khor bas/ sa la shing rtsi dang lo zas skye bar 'gyur ba'i char yang dus su mi
- 48b
'bab par 'gyur te/ sems can de dag kyang rtswa dang / gel ba dang / sman dang / nags tshal dang / bza' shing gi ra ba dang / sdong po dag kyang bskams par gyur nas/ nad sna tshogs kyis thebs shing phyogs dang phyogs mtshams su skyabs med pas phan tshun 'khod mi myong zhing g.yen spro bar gyur te/ de dag kyang gcig tu 'dus nas/ rgyal po'i gnas rin po che'i sa las rnam par brgyan pa spri // gyi sgron ma gang na ba der dong ste/ kun tu bskor nas la la ni lag pa gyen du bsgreng la la ni thal mo sbyor/ la la ni lus shin tu 'dar/ la la ni gye na/ la la ni bub la la ni lus thams cad kyis phab cing phyag tshal/ la la ni pus mo sa la 'dzugs/ la la ni lag pa nam mkha'i dbyings su g.yo ba/ la la ni gos med cing sgren mor 'khod/ la la ni kha mig mi sdug par gyur cing / rgyal po chos thams cad kyi nga ro'i gdugs kyi dkyil 'khor rab tu sgrog pa la mngon du ltas shing / / snying rje rje skad du 'dod chen po 'bod do// lha chen po bdag cag ni nyam thag go/ bkres pa dang skom pa'i sdug bsngal gyis rab tu gzir to/ / gzigs pa sna tshogs kyis g.yen spyo'o// bdag cag la skyabs su ma mchis so// bdag cag la mgon dang dpung gnyen ma mchis so// sdug bsngal gyi shing thags kyis 'khor to/ / srog chad la thug go/ 'chi bar gyur ma khad do zhes te/ smre sngags sna tshogs su blang zhing dbyangs kyi rnam pa sna tshogs kyis kha dog mi sdug par gyur par 'du shes dang / tshig
- 49a
sna tshogs kyi tha snyad dang / cho 'bring dang / skad kyi gdangs don sna tshogs rjod pa'i tshig dang ngag gis 'o dod bos so// rgyal po'i gnas de'i skyes pa dang / bud med dang / khye'u dang / bu mo bkres pa dang skom pas mnar ba/ lus la rgyan med pa/ sgren mo gos med pa/ kha dog mi sdug pa/ lus gas shing rtsub pa/ sdug bsngal zhing yid mi bde la mi dga' ba de dag thams cad kyang bde ba ni mngon par 'dod/ sdug bsngal gyi 'jigs pas ni bla mkhyer nas/ rgyal po shes pa'i skyes bu chen po chos thams cad kyi nga ro'i gdugs kyi dkyil 'khor rab tu sgrog pa de la bde ba thams cad thob par bya ba'i 'du shes dang / 'tsho ba'i sdug pa thams cad dang 'grogs par bya ba'i 'du shes dang / 'tsho ba'i bsam pa dang ldan zhing gter thob par bya ba'i 'du shes dang / mu stegs mthong bar bya ba'i 'du shes dang / lam chen po la nan tan du bya ba'i 'du shes dang / gru chen po'i 'du shes dang / ye shes kyi gling chen po'i du shes dang / don chen po rab tu thob par bya ba'i 'du shes dang / mtho ris kyi dga' ba dang bde ba thams cad rab tu thob par bya ba'i 'du shes kyis mgon dang skyabs tshol bar gyur to// rgyal po chos thams cad kyi nga ro'i gdugs kyi dkyil 'khor rab tu sgrog pas 'khor kun nas slong ba mang po snying rje rje skad du 'bod pa'i 'o dod chen po de thos nas/ de snying rje chen po'i sgo brgya stong grangs med pa phrag bcu la zhus
- 49b
par gyur to/ / de snying rje chen po'i tshul yid la bab pa'i sems su gyur nas yud tsam zhig rtse gcig tu bsams te/ snying rje chen po dang ldan pa'i tshig bcu brjod do// bcu gang zhe na/ kyi hud kyi sems can 'di dag ni 'khor ba'i g.yang sa chen por lhung yang skyabs med pa lta na/ bdag nam zhig 'khor ba'i g.yang sa chen por ltung ba'i sems can rnams de bzhin gshegs pa'i sa la 'god pas gnas su 'gyur/ kyi hud kye sems can 'di dag nyon mongs pa'i gnod pas gtses shing skyabs med pa lta na// nam zhig bdag sems can nyon mongs pa sna tshogs kyis 'jigs pa dang gnod pas gtses te skyabs med pa rnams kha na ma tho ba med pa'i las kyi mtha' la 'god pas skyabs su 'gyur/ kyi hud kyi sems can 'di dag 'jig rten na rga shi'i 'jigs pas tshar chod cing mgon med pa lta na/ nam zhig bdag sems can mgon med pa rnams kyi 'khor ba'i 'jigs pa thams cad rnam par sel bas mgon du 'gyur/ kyi hud kyi sems can 'di dag ni 'jig rten gyi 'jigs pa sna tshogs kyis gtses te rten med pa lta na/ / nam zhig bdag sems can 'jig rten gyi 'jigs pa sna tshogs kyis gtses pa rnams shin tu bde zhing skyon med pa'i thams cad mkhyen pa'i lam la dgod pas rten du gyur/ kyi hud kye sems can gyi 'jig rten ni ma rig pa'i mun par 'thoms te/ the tsom dang yid gnyis kyi rab rib kyis bsgribs pa lta na/ nam zhig bdag sems can thams
- 50a
cad kyi ma rig pa'i mun pa rnam par sel bas sgron mar 'gyur/ kyi hud kyi sems can 'di dag ni snang ba dang bral ba ldan/ nam zhig bdag ye shes kyi sgo rab rib med pa yongs su ston pas ye shes chen po'i snang ba byin par 'gyur/ kyi hud kye sems can 'di dag ni phrag dog dang / 'jungs pa dang / g.yo dang / sgyu'i rnyog pas bsam pa rnyog pa can du gyur te/ ye shes kyi mdog gsal ba med pa lta na/ nam zhig bdag sems can thams cad shin tu dag pa la rab tu gsal bar byed par 'gyur/ kyi hud kyi sems can gyi 'jig rten ni 'khor ba rgya mtsho'i yul gyi rgyud du zhugs shing 'dren pa med pa lta na/ nam zhig bdag sems can chos thams cad chos rgya mtsho'i tshul la 'dzud par gyur cing 'dren par 'ong/ kyi hud kyi sems can gyi 'jig rten ma dul zhing rnam par 'dren pa med pa lta na/ nam zhig bdag sems can thams cad rnam pa thams cad du yongs su smin par bya ba dang / rnam par 'dul ba la de bzhin gshegs pa'i byin gyi rlabs kyis dus las 'da' zhing rnam par 'dren par 'ong / kyi hud kyi sems can gyi 'jig rten ni dbus long du gyur te yongs su 'dren pa med pa lta na/ nam zhig bdag sems can thams cad kyi sgrib pa med pa'i thams cad mkhyen pa'i ye shes kyi tshul la 'dzud cing yongs su 'dren par 'gyur/ de skad du des snying rje chen po dang ldan pa'i tshig rnam pa bcu brjod nas/ rgyal
- 50b
po'i gnas der dril chen po brdungs te/ gtong ba chen po'i rnga bo che'ang yongs su brdungs nas su ci 'dod pa de la de sbyin gyis/ 'gro ba thams cad kyang yongs su tshim par bya'o zhes sgra brjod nas/ des 'dzam bu'i gling thams cad kyi rgyal po'i gnas thams cad dang / grong dang / grong khyer dang / ljongs dang / yul dang / grong rdal thams cad du yo byad thams cad kyi mdzod phye ste/ lam gyi mdo dang / lam gyi sum mdo dang / srang thams cad du'ang yo byad sna tshogs kyis rnam pa mang po bkod de/ 'gro ba thams cad nye bar 'tsho bar bstabs so// mdzod dang bang ba thams cad kyang bye ste/ rin po che'i gter chen po dang tshogs kyang yongs su bstan to// rin po che rnam pa sna tshogs kyi phung po du ma'ang spungs so// zas dang / skom dang / gos dang / bzhon pa dang / me tog dang / 'phreng ba dang / bdug pa dang / byug pa dang / phye ma dang / gos rin po che kha dog sna tshogs kyi mdzod phye nas khang pa dang / gzhal med khang dang / khyim mang po mal cha dang / stan dang / gos kyis yongs su brgyan te/ nor dang dbyig thams cad yongs su tshogs par byas nas/ nor bu rin po che'i rgyal po snang ba'i gzi brjid rnam par bkod pas mun pa rnam par sel ba bshams nas/ des sems can de dag ci 'dod pa'i bsam pa thams cad yongs su rdzogs par bya ba'i phyir/ khyim de dag re rer yang rang gi lus dang 'dra ba'i sprul pa'i lus mngon par sprul te kun tu/
- 51a
bkod do// sems can thams cad kyi nad thams cad gso ba'i phyir sman pa dang / sman dang / rim gro dang / 'tsho ba'i yo byad sna tshogs kyi rkyen phun sum tshogs pa yongs su bshams so/ / rin po che sna tshogs kyi snod rnam pa tha dad pa yo byad sna tshogs kyis ci rigs su bkang ba dag kyang nye bar bkod de/ 'di ltar rin po che rdo rje'i snod ni spos kyi nor bu rin bopo che sna tshogs kyis yongs su bkang/ spos kyi nor bu rin po che sna tshogs kyi snod ni gos kha dog dam pa sna tshogs kyis yongs su bkang ngo // shing rta mang po dbyibs dang mdog sna tshogs su 'dug pa rin po che sna tshogs kyis rab tu brgyan pa/ rta dang / glang po dang / ba glang cang shes bcas pa/ rin po che'i shing rta sna tshogs rgyal po'i rkyen du rung ba rin po che thams cad kyi rgyan gyi longs spyod dang ldan pa/ stan sna tshogs bting ba/ rin po che sna tshogs kyis rnam par brgyan pa/ bla re sna tshogs bres pa/ rin po che'i dril bu'i dra ba bres pa/ gdugs dang / rgyal mtshan dang / ba dan bsgreng bas brgyan pa dag gis kyang yul gyi phyogs gang bar bkod do/ / grong dang / grong khyer dang / ljongs dang / yul thams cad sbyin par yang 'dod kyis bsgo'o// bza' shing gi ra ba dang / kun dga'i ra ba dang / dka' thub kyi nagrwa tshal sna tshogs yongs su gtang ba dang / khyim dang / chung ma dang / bu dang / bu mo thams cad yongs su gtang ba dang / rin po che rin thang med pa thams cad yongs su gtang ba dang / rang gi snying dang / rkang
- 51b
dang / rgyu ma dang / mkhal ma dang / tshil dang / sha dang / khrag dang / pags pa dang / rkang lag dang / rna ba dang / mig dang / sna dang / lce dang / so dang / mchu dang / mgo yongs su btang ba nas/ phyi nang gi dngos po thams cad rnam pa thams cad du yongs su gtang bar yang 'o dod kyis bsgo'o/ / des yo byad de lta bu yongs su gtang ba'i rnam pa mang po bshams te bsogs nas/ rgyal po'i gnas rin po che'i sa las rnam par brgyan pa'i sprin gyi sgron ma de'i shar phyogs logs na grong khyer rin chen rtse mo'i gzi brjid ces bya ba'i mdun rol nas gzhi mnyam pa'i phyogs yangs pa/ chu zhing du rgya che zhing mnyam pa/ mtho dman med pa/ rnam par dag cing gzhi mnyam pa/ ngam grog dang / g.yang sa dang / sdong du ma dang / tsher ma dang / gseg ma dang / gyo mo thams cad med pa rin po che thams cad kyi khams las grub pa/ / gzhi rin po che thams cad las byas shing rin po che'i rgyal po thams cad bkram pa/ nor bu rin po che'i rgyan rnam pa du mas brgyan pa/ rin po che'i me tog snga tshogs kyis gang ba/ phye ma sna tshogs dri shin tu zhim pa'i rdul ldang ba/ bdug spos sna tshogs kyis bdugs pa/ rin po che'i sgron ma dpal gyi gzi brjid can rab tu 'bar ba/ spos dang bdug spos thams cad kyin bun dang sprin gyis nam mkha'i kun tu khebs pa'i rgyan dang / rin po che sna tshogs kyi shing gi 'phreng ba legs par bkye bas mdzes par brgyan pa/ khang pa dang / gzhal med khang dang / khang pa brtsegs pa sna
- 52a
tshogs kyis yongs su brgyad pa/ gdugs dang / rgyal mtshan dang / ba dan bsgreng ba/ rin po che'i snam bu lding ba rnam par snang ba/ rin po che sna tshogs kyi me tog gi dra bas kun nas khebs pa/ rin po che spos thams cad kyi rgyal po'i dra ba'i gdugs kyi dkyil 'khor can// gser gyi dra ba las rin po che dril bu 'khrol ba dang ldan pa/ bla re rin po che sna tshogs kyis rnam par mdzes par byas pas khebs par bres pa/ spos kyi rgyal po sna tshogs kyi phye ma rnam par gram pa/ rin po che sna tshogs kyi me tog sil mas dga' dga' ltar gang ba/ rol mo brdung ba dang dkrol ba bye ba khrag khrig brgya stong gi sgra skad yid du 'ong ba 'byung ba/ rin po che thams cad kyi rgyan sna tshogs rnam par dag pas brgyan pa/ byang chub sems dpa'i las rnam par smin pas mngon par grub pa zhig yod pa de'i dbus su seng ge'i khri chen po sna bcu las grub pa'i sa'i gzhi tshogs la gnas pas rin po che'i khri 'phang sna tshogs bcu'i 'khor gyis rnam par mdzes par byas pa/ rin po che'i shing yal ga can bcus stegs bu'i mtshams rnam par klubs pa'i rgyan mdzes pa dang ldan pa/ rdo rje'i 'khor lo'i sa'i gzhi mi shigs pa la rkang pa rab tu rten pa/ rin po che thams cad kyi gzugs dang mdog yongs su 'dzin pa'i stan gyi 'khor lo can/ rin po che du ma las byas pa'i 'og ri'i rgyan brgya phrag du mas brgyan pa/ rin po che sna tshogs kyi tshom bu rnam pa tha dad pa'i rgyan gyis shin tu brgyan pa/ rin po che'i
- 52b
rgyal mtshan kun nas rnam par phye ste 'phel bsgreng ba'i rin po che sna tshogs kyi ba dan sbyangs pa rnam pa tha dad pa'i rgyan dang ldan pa/ rin po che'i dril bu'i dra bas brgyan pa'i lha rdzas kyi rin po che sna tshogs dang / gser gyi dra ba sna tshogs rnam par bres pa/ rin po che sna tshogs kyi me tog gi dra ba dang / rin po che'i rgyal po chen po'i dra ba dang / gos rin po che sna tshogs dang / rin po che'i dra ba ci rigs su kun nas bkab cing mdzes par byas pa'i rgyan dang ldan pa/ spos rin po che rnam pa tha dad pa'i tshogs las snyim pas bcus shing spos kyi sprin mngon par gtor ba/ rin po che'i rgyal po kha dog dang dri bsam gyis mi khyab pa las byung ba'i dbyibs yid du 'ong ba sna tshogs dang / spos thams cad kyi na bun dang sprin 'byung ba ga ma yo nas lha rdzas kyi spos dang bdug spos sna tshogs kyis rab tu bdugs pa/ lha rdzas las kyang 'das pa'i stan reg na bde ba kha dog bzang po du ma can legs par bting ba/ lha rdzas kyi rol mo dang glu snyan pa yid du 'ong ba brgya stong du ma'i sgra kun nas 'byung ba/ rin po che sna tshogs kyi them skas kyi 'phreng ba bdan gyis rnam par klubs pas rab tu brgyan pa'i rgyan dang ldan pa/ rin po che'i 'bru'i gzugs rin po che sna tshogs kyis spras pa/ rnam par 'phrul pa sna tshogs kyis rnam par snang bar byed pa'i 'od dang ldan par mngon par grub ste/ de la rgyal po chos thams cad kyi nga ro'i bdugs kyi dkyil 'khor rab tu sgrog pa gzugs bzang ba/ shin tu mdzes pa/ blta na sdug pa/ kha dog bzang po dam pa rgyas pa dang ldan pa/ mi chen po'i mtshan rnam par dag pa rab tu thob pa/
- 53a
rin po che rnam par snang ba'i cod pan can/ rdo rje mthu bo che ltar mkhregs shing mi shigs pa'i lus dang ldan pa/ rtsib ma'i mtshams thugs bzang zhing brtad par 'brel pa/ yan lag dang nying lag thams cad yongs su bzang ba/ kun nas bzang ba/ kun nas mdzes pa// kun nas sdug pa/ rnam pa'i mchog thams cad dang ldan pa/ chos kyi rgyal po chen po'i rigs su byung ba/ yo byad thams cad la dbang rab tu thob pa/ chos kyi dbang shin tu rnam par dag pa/ rang gi sems la dbang sgyur ba/ tshig gi dkyil 'khor kha ma bab pa/ mi 'khrugs pa'i ye shes dang ldan pa/ chos kyi sbyor ba ma nor ba shin tu brtan par byas pa/ yon tan dang legs pa mtha' yas par brjod du yod pa de 'dug par gyur to// rgyal po chos thams cad kyi nga ro'i gdugs kyi dkyil 'khor rab tu sgrog pa de seng ge'i khri chen po la 'dug pa dang / steng gi spyi bo'i thad ka'i bar ljang la gdugs kyi dkyil 'khor chen po rin po che'i sna tshogs rnam par 'phel ba'i yu ba can/ nor bu rin po che dam pa'i mdzod kyi snying po dang ldan pa/ rin po che sna tshogs kyi shar bu brgya snying legs par rjes pa/ rin pa che du ma tsha 'od 'tho ba dpal gyi gzi brjod 'bar bas rnam par brgyan pa/ 'dzam bu chu klung gi gser 'od 'tsher zhing gsal la rnam par dag pas r+b+ba nas bkab pa/ rin po che sna tshogs sra bar spel bas spras pa'i gser gyi dra bas nang shun gyi rgyan byas pa/ mu tig sna tshogs kyi sa mo do mngon par sbyangs pa/ rin po che sna tshogs kyi drabs kun nas bka' pa/ rin
- 53b
bo che'i dril bu dra ba las gser rin po che'i dril chen rin po che'i chun po'i lda ldi la brgyus pa mngon par sbyangs pa/ nor bu rin po che dam pa'i 'phreng ba kun nas mngon par sbyangs pa'i rgyan dang ldan pa/ lha rdzas kyi sgra yid du 'ong ba'i gdangs grag par 'byung ba sems can thams cad dge ba'i las kyi lam la skul ba'i dril gyi sgra rnam par grag 'byung bar gyur te/ rgyal po chos thams cad kyi nga ro'i gdugs kyi dkyil 'khor rab tu sgrog pa de rin po che'i rdul yab kyis mngon par g.yab cing / lha'i dbang po brgya byin pas kyang lhag par gzi brjid rab tu 'bar bas shin tu mdzes so// de seng ge'i khri de la 'dug ma thag tu 'gro ba mang po de dag thams cad mngon du gyur te/ thal mo sbyar nas rgyal po de la phyag 'tshal lo// de nas rgyal po chos thams cad kyi nga ro'i gdugs kyi dkyil 'khor rab tu sgrog pa de'i drung du slong ba'i srog chags bye ba khrag khrig brgya stong sna tshogs yongs su len pa/ yo byad sna tshogs dang ldan pa/ 'gro ba'i rgyud sna tshogs su gtogs pa/ 'dod pa sna tshogs kyi sems dang ldan pa/ smon pa dang bsam pa sna tshogs can/ phyogs sna tshogs nas 'dus pa/ yul gyi spyod pa sna tshogs la gnas la/ longs spyod sna tshogs la mngon par smon pa'i sems dang ldan pa/ bsam pa dang yongs su rtogs pa sna tshogs can/ mi'i ris sna tshogs su gtogs pa/ rigs kyi skye gnas sna tshogs su skyes pa/ yul sna tshogs nas 'ongs pa/ sgra skad dang tshig gi 'du byed sna tshogs dang ldan pa/ dbyangs kyi dkyil 'khor sna tshogs 'byin pa/ dngos po sna
- 54a
tshogs kyi don du gsol ba 'debs pa/ tshig dang ngag sna tshogs rjod pa/ bsod nams kyi ri rab chen po de 'ba' zhig gi gdong du lta ba/ 'di 'ba' zhig shes pa'i skyes bu chen po yin zhes nges par sems pa bsod nams chen pos brtan pa'o/ / skyes bu chen po'i zla ba'o// gtong ba chen po'i bsam pa dang ldan pa'o zhes bya bar 'dun pa'i sems kyis rtog pa/ byang chub sems dpa'i smon lam gyi sems kyis 'dus pa/ byang chub sems dpa'i smon lam gyi sems kyis sprul pa'i slong mo pa'i tshogs chen po de mthong nas/ slong mo pa de dag la sems dga' ba dang / sems mos pa dang / sems spro ba dang / dge ba'i bshes gnyen mthong ba'i 'du shes su gyur to// snying rje chen po'i shugs drag po shin tu yangs pa'ang byung bar gyur to// phyi ma'i mtha'i bskal par slong mo pa thams cad yongs su tshim par bya ba las phyir mi ldog pa'i brtson 'grus kyi shugs drag po'ang skyes par gyur to/ / 'gro ba thams cad du snyoms pa'i sbyor bas yongs su gtang ba'i sems kyis rgyas par dgang ba'i sprin kyang mngon par byung bar gyur te// rgyal po chos thams cad kyi nga ro'i gdugs kyi dkyil 'khor rab tu sgrog pa des slong mo pa de dag mthong ba'i mod la de'i rgyus ches dga' bar gyur gyi/ bskal pas mtshams med pa'i mthas klas par stong gsum gyi 'khor los sgyur ba'i rgyal po thob pas ni ma yin no/ / bskal pa bye ba khrag khrig brgya stong mang po'i mthas klas par brgya byin gyi dbang la gnas pas ni ma yin no// bskal pa bye ba khrag khrig brgya stong mang po'i
- 54b
mthas klas par rab mtshe ma'i lha'i rgyal po'i dbang la gnas pa thob pas ni ma yin no/ / bskal pa bye ba khrag khrig brgya stong mang po'i mthas klas par rab dga' ldan gyi lha'i rgyal po'i dbang la gnas pas ni ma yin no/ / bskal pa tshad med pa'i mthas klas par rab 'phrul dga'i lha'i rgyal po'i dbang phyug gi dbang la gnas pa thob pas ni ma yin no// bskal pa bsam gyis mi khyab pa'i mthas klas par dbang sgyur gyi lha'i rgyal po'i dbang rab tu thob ste/ lha'i bu mo bzhin bzang mo yid du 'ong bas bsnyen bkur bas ni ma yin no// bskal pa brjod du med pa'i mthas klas par tshangs pa'i gnas kyi bde bas tshangs pa'i thabs la gnas pa thob pas ni ma yin no/ / bskal pa mtha' yas pa'i mthas klas par gya nom snang ba'i lha'i bde ba thob pas ni ma yin no// bskal pa dpag tu med cing mi zad par dge rgyas kyi lha'i bde ba thob pas ni ma yin no/ / bskal pa mu med pa'i mthas klas par gnas gtsang lha'i rnam par thar pa zhi ba'i bde ba la rnam par spyod pa thob pas ni ma yin no// rigs kyi bu 'di lta ste/ dper na skyes bu sred pa la spyod pa pha ma dang / bu ru dang / bu tshang dang / mdza' bo dang / blon po dang / gnyen bshes dang / bu dang / bu mo dang / chung ma dang yun ring mo zhig tu bral nas 'phrog dgon par 'a byams te/ de dag mthong bar 'dod 'dod pa las de dag dang phrad na de dag mthong bas mi ngoms shing dga' ba dang chags pa chen po skye bar 'gyur ro/ / rigs kyi bu de bzhin du rgyal po chos thams cad kyi nga ro'i gdugs kyi dkyil 'khor rab tu sgrog pas slong mo
- 55a
de dag mthong bar gyur pa'i mod la dga' ba'i shugs chen po skyes so/ / sems kyi dga' ba'i ro bde ba dang ldan par gyur to// sems spro ba'i shugs rab tu byung ngo // rab tu dag ba chen po'i shugs yongs su skyes so/ / sangs rgyas kyi byang chub tu dad pa dang mos pa'i shugs kyis stobs chen po 'phel to// thams cad mkhyen pa nyid du rtsa ba brtan pa'i dad pa rnam par 'phel to// sangs rgyas thams cad kyi chos la lhag pa'i bsam pa rnam par dag pa'i stobs mngon par 'phel to/ / byang chub sems dpa'i dbang po las su rung ba yongs su byung ngo // sems dga' bas rgyas pas mos pa'i shugs chen po skyes par gyur to/ / sems spro bas shugs yangs pas dge ba'i bshes gnyen la dbang po dang bsam pa shin tu gus par gyur to// de ci'i phyir zhe na/ rgyal po chos thams cad kyi nga ro'i gdugs kyi dkyil 'khor rab tu sgrog pa thams cad mkhyen pa nyid la rab tu gzhol ba/ thams cad mkhyen pa nyid kyi lam dang sgo la mngon du ltas pa/ 'gro ba thams cad shin tu tshims par bya ba'i yid la bya/ ba la brtson pa/ sangs rgyas thams cad kyi yon tan rgya mtsho la 'jug pa'i nan tan la 'dun pa/ bdud dang / las dang / nyon mongs pa'i sgrib pa thams cad kyi ri rnam par 'thor ba la brtson pa/ de bzhin gshegs pa thams cad kyi gdams ngag mthun par blang ba la sta gon du gnas pa/ dge ba'i rtsa ba rgya mtsho sgra kun nas yongs su bsdu ba la brtson pa'i snying po can/ mngon par zhen pa thams cad las gyen du 'phagras
- 55b
pa'i rgyud dang ldan pa/ 'jig rten gyi yul thams cad la mngon par zhen pa med pa/ chos kyi rang bzhin nam mkha'i spyod yul can des slong mo pa de dag la bu gcig pa'i 'du shes bskyed pa'i phyir ro// pha dang ma'i 'du shes dang / sbyin pa'i gnas kyi 'du shes dang / dge ba'i bshes gnyen gyi 'du shes dang / dkon pa'i 'du shes dang / dka' ba byed pa'i 'du shes dang / mang po byas pa'i 'du shes dang / phan 'dogs pa dam ba'i 'du shes dang / byang chub kyi lam nye bar bstan pa'i 'du shes dang / mkhan po'i 'du shes dang / ston pa'i 'du shes bskyed pa'i phyir te/ de ltar des slong mo pa de dag don ci la 'ongs pa dang / don ci la phyin pa dang / dus ji tsam na 'dus pa dang / yul gang dang gang na gnas pa dang / dngos po ci dang ci slong ba dang / rnam pa gang 'dod pa dang / bsam pa ci 'dra ba dang / ci dang ci la smon pa dang / ci dang ci la 'dod pa dang / dngos po gang dang gang tshol ba de dag thams cad tshul bzhin du mi dga' ba med pa'i byams pa chen po'i dkyil 'khor dang / slong mo pa'i 'gro ba las phyin phyogs su ma ltas pa'i gtong ba chen po'i 'od zer dang sems can thams cad la snyoms par sbyor ba'i gtong ba'i sgos yongs su tshim par byas so/ / des zas 'dod pa la ni zas sbyin no// bsgom 'dod pa la ni skom byin no// gos 'dod pa la ni gos byin no/ / me tog 'dod pa la ni me tog byin no// de bzhin du spos dang / bdug spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang kha dan dang / rin po che dang / rgyan dang
- 56a
stan dang / mal dang / khyim dang / gzhal med khang dang / gtsug lag khang dang / bza' shing gi ra ba dang / kun dga'i ra ba dang / dka' thub kyi nags tshal dang / rta dang / glang po dang / shing rta dang / rkang tang dang / dag la ba dang / khyogs dang / gzhon pa dang / gser dang / dbyig dang / nor bu dang / mu tig dang / dung dang / man shel dang / byu ru dang / sa le sbram dang / dngul dag kyang byin par gyur to/ / rang gi khyim dang / gzhal med khang dang / btsun mo'i 'khor dang / g.yog 'khor dang / rgyal po'i mdzod thams cad kyang phye ste bgos nas rab tu gtang bar gyur to// su ci 'dod pa de dag de khyer cig ces nas/ yul 'dod pa dag kyang yul byin no// grong 'dod pa dag kyang grong byin no// grong khyer 'dod pa dag kyang grong khyer byin te/ sems can thams cad la snyoms par zhugs pa des slong mo pa de dag thams cad la ci bdog pa yongs su btang ste/ dngos po thams cad yongs su btang bas mngon par bsdud do// / shin tu rgyas pa chen po'i mdo sangs rgyas pal po che zhes bya ba las sdong pos brgyan pa'i le'u ste/ bam po brgya bzhi pa/ de'i tshe tshong dpon gyi bu mo rin chen 'od ces bya ba bu mo drug cu'i 'khor dang ldan pa/ gzugs bzang zhing mdzes la blta na sdug pa/ kha dog bzang po'i dam pa rgyas pa dang ldan pa/ mdog gser gyi kha dog lta bu dang ldan pa/ sra mthon mthing du 'dug pa/ mig dkar nag 'byes pa/ dri zhim po yid du 'ong ba dang ldan pa/ tshangs pa'i dbyangs dang ldan pa/ gos
- 56b
bzang ba/ rgyan gyis legs par brgyan pa/ dran pa dang / blo gros dang / rig pa dang / khrel yod pa dang / dga' ba dang / ngo tsha ba shes pa dang / spyod pa dang / cha lugs phun sum tshogs pa/ bla ma la sri zhu dang ldan pa shes bzhin gyi dam pas spyod pa/ byed dgu zab pa/ chos blang ba dang / gzung ba dang / khong du chud par bya ba la yid gzhungs pa dang ldan pa/ sngon dge ba'i rtsa ba legs par byas pa/ chos kyis mngon par brlan pa'i sems kyi rgyud rab tu dang ba/ dge ba'i bsam pa rnam par dag pa/ mos pa yangs pa/ nam mkha'i spyod yul can/ gzhan la phan par dka' ba'i sems dang ldan pa/ sangs rgyas blta ba'i phyogs la rnam par bltas pa/ thams cad mkhyen pa'i ye shes la mngon par 'dud pa zhig mchod sbyin ra ba chen po der 'ongs te/ tshong dpon gyi bu mo rin chen 'od ces bya ba de rgyal po chos thams cad kyi nga ro'i gdugs kyi dkyil 'khor rab tu sgrog pa'i seng ge'i khri chen po'i g.yas rol ha cang mi ring ba zhig na 'dug 'dug ste/ rgyal po de la phyag 'tshal nas phar ci la'ang len pa med do// de phyogs gcig na 'dug cing sems 'di ltar bskyed par gyur te/ bdag gis dge ba'i bshes gnyen 'di lta bu mthong zhing 'grogs su yod pa ni bdag gis thob par bya ba legs par thob bo snyam ste/ des rgyal po chos thams cad kyi nga ro'i gdug kyi dkyil 'khor rab tu sgrog pa de la dge ba'i bshes gnyen gyi 'du shes dang / ston pa'i 'du shes dang / snying brtse bar byed pa'i 'du shes dang / phan 'dogs pa'i 'du shes dang / sangs rgyas kyi 'du shes bskyed de/ g.yo
- 57a
sgyu med pa'i sems kyis dga' ba dang / mos pa dang / spro ba'i shugs rab tu yangs pa thob pas/ rang gi rgyan rnams lus las dkrol te/ rgyal po chos thams cad kying re'i gdugs kyi dkyil 'khor rab tu sgrog pa gang na ba der mngon par bltas te gtor ba dang / de dag de'i seng ge'i khri'i 'od khri 'phang gi sa'i steng du gram par gyur to// des rgyan de dag de ltar gtor nas smon las btab pa/ p o chos thams cad kyi nga ro'i gdugs kyi dkyil 'khor rab tu sgrog pa 'di sems can mgon med cing mun pa'i nang na 'thom pa rnams kyi mgon skyabs su gyur pa de ltar bdag kyang ma 'ongs pa'i dus na 'gyur bar shog cig/ 'dis chos gang shes pa de dag kyang shes par shog cig/ 'di theg pa gang gis 'byung ba des bdag kyang 'byung bar shog cig/ 'di lam gang na zhugs pa de nas bdag kyang 'jug par shog cig/ ji ltar 'di gzugs blta na gtang mi bral zad mi shes pa'i longs spyod dang ldan te/ g.yog 'khor mtha' yas la gzhan gyis mi thub cing thub par dka' ste/ thub pa med pa de bzhin bdag kyang shog cig/ 'di gang dang gang du skye bar 'gyur ba der bdag kyang skye bar 'gyur bar shog cig snyam pa dang / de de ltar sems shing yid la byed pa la brtsod pa/ rgyal po chos thams cad kyi nga ro'i gdugs kyi dkyil 'khor rab tu sgrog pas shes nas/ de la bltas te 'di skad ces smras so// bu mo khyod la ci dgos pa khyer cig/ bu mo nga ni bdog pa thams cad yongs su gtong ba ste/ sems can thams cad yongs su tshim par bya ba la zhugs pa'o// de skad ces
- 57b
byas pa dang / de'i yid la'ang bdag ni rgyal po chos thams cad kying ro'i gdugs kyi dkyil 'khor rab tu sgrog pas thugs su chud par gyur to snyam nas/ de bas kyang mos par gyur to// ltar mos pa'i sems su gyur te/ dge ba'i rtsa ba yangs shing rgya che ba'i shugs yongs su skyes nas/ rgyal po chos thams cad kyi nga ro'i gdugs kyi dkyil 'khor rab tu sgrog pa la de'i tshe tshigs su bcad pa 'di dag smras so/ / sngan chad rtsa las rnam brgyan sprin 'di ni// rgyal po seng ge khyod 'khrungs ma gyur tshe// mdangs dgar ma gyur gzi brjid ma mchis te// yi dgas 'jigs pa gnas dang ci mi 'dra/ / mi rnams kun kyang srog gcod mos par gyur// ma byin len la tshul dang sbyor ma mchis// brdzun du smra zhing brlang ba'i tshig kyang brjod// phra ma bkyal pa'i tshig kyang rab tu smra/ / gzhan gyi nor la chags pa'i sems dang ldan// gang zag gzhan la kun kyang ngan du sems// lta ba'i rnam gnas sdig te'i spyod yul can// log pa'i sbyor bas ngan pa'i 'gro bar lhung // chos ngan chos la spyod pa'i mi yi rnams/ / ma rig gti mug mun pas bsgribs pa dag/ lta ba log zhugs phyin ci log mthong nas// dgung lo mang por dgung char bab ma gyur// dgung char ma bab sa bon chab 'chal te/ / lo tog mi 'khrung zhugs shing 'khrungs ma gyur// mtsho dang lum chu bran rgyud kyang bskams// dgas tshal rtsi shing kun kyang de bzhin te// rnam ngag spyan khyod 'khrungs par ma gyur
- 58a
@#/ pas// chab klung kun kyang ma lus bskams par gyur// bza' shing ra ba kun kyang ri dgon 'dra// rus pa dkar pos dogs bltams par gyur// gang tshe khyod la spong ba mang 'dus te/ / slong ba thams cad yongs su tshim mdzad nas// phyogs bzhi kun nas sprin chen 'dus par gyur// thang dang gshong rnams kun kyang ngoms par bgyis// slan chad rkun chom g.yon can chad par 'gyur/ / dgum pa ma mchis su yang gzung ma mchis// mgon med gang yin 'gum par mi 'gyur te// khyod ni 'gro ba mgon med kun gyi skyabs// srog gcod pa la mngon par mos pa'i mi// gzhan rnams bkum zhing de yi khrag 'tshal la// gcig la gcig gi sha 'tshal gyur pa dag/ khyod kyi sbyin pa chen pos byams sems gyur// brgya stong grangs su bgrangs par gyur pa las// de tshe 'ga' zhig rad pa 'tshal gyur gyi/ / gzhan ni rtswa dang lo ma rad pa 'tshal// de tshe kun kyang yi dgas bkres mnar bzhin// 'gro ba mgon med mgon du khyod 'khrungs nas// sa bon ma btab ma rmos 'bras kyang byung / / dpag bsam shing las mdzod rnams gang bar 'thon// skyes pa bud med mkhas pa gda' bar gyur// zla ba zla phyed don du sngan chad ni// lam nor gnas pa sogs shing sri zhur bgyid// ding sang rad pa rab 'tshal rgyan mang ldan// dga' ba'i gnas na rtse ba'i lha yang 'dra// sngan chad log pa rnams la mi bzad zhugs// chos ngan 'dod chags mi rnams zhen cing chags// na chung gzhon nu
- 58b
gzhan gyis bsrungs pa'i rnams/ / nan gyis phrogs rloms chab 'tshal ma dung bgyis// lha mo bzang mo'i kha dog gzugs ldan pa// gos bzang brgyan ldan ding sang mthong 'gyur te// gzhan gyi bud med spos dri gda' mchis kyang / / dga' ldan ji bzhin mchis brang rkyen gyis 'tshal// sho be brlang ba phra ma bkyal pa'i rnams// sngan chad g.yo sgyu'i dbang gis ngan du rjod// ding sang tshig gi nongs pa bzhi spangs shing / / lta ba ngan spangs chos la kun kyang spyod// tshangs dbyangs ka la bing ka'i sgra byung ba'i// khyod kyi gsung mchog 'di yi cha shas la'ang // rol mo'i sgra dbyangs shin tu snyan pa dang // lha rdzas glu dbyangs 'di dag nyer mi gyur/ / khyod kyi spyi gtsug dbu stengs gdugs lding ba/ rin chen rgyus bgyis gser gyi dra bas bkab// dpal gyi snying mdzod yu ba bai DUn// kun nas rin chen mchog gi dril gyis 'khor/ / dril las byung ba'i sgras kyang ma lus pa'i// 'jig rten sgra dbyangs ma lus zil gnan cing // sangs rgyas gsung gi yan lag 'dra bar 'khrol// dam pa'i chos kyi sgra dbyangs zhi bsgog/ de thos sems can nyon mongs zhi bar bgyid// ma lus phyogs kyi zhing rnams brgyud pa yi// bskal pa rgya mtsho'i bde gshegs rgya mtsho dang // blo ldan rgya mtsho'i mtshan gyi 'khor lo rnams// sngon mtha'i zhing rnams gcig nas gcig brgyad ngu/ / gang mtshan gang dang gang lags rim bzhin dang // ma lus phyogs su dam chos 'khor lo yang // khyod kyi byin gyis dril rnams rab tu sgrog/ khyod kyi dril sba thog pa ma mchis par// tshangs
- 59a
dbang lha dbang 'gro ba'i bdag po rnams/ / rang rang las kyi tshul ni kun brjod cing // 'dzam bu'i rgyal mtshan khyab par kun tu sgrog/ dril gyi sgra las lha dang mi rnams kyis// rang rang las kyi tshul rgyud thos gyur nas/ / sdig to rnam spangs dge ba'i spyod par gyur// sangs rgyas byang chub mchog la kun kyang gnas// khyod kyi yab ni mi bdag skar ma'i 'od// de yi btsun mo pad+mo khyod kyi yum// rnyog pa lnga rnams shin tu rgyas gyur tu/ / chos 'gribs rgyal srid des ni bzhes par gyur// de yi bza' shing ra ba yangs byung ba// me tog rgyas brgyan rin chen sgron ma ste// shing mang brgyas bskor rdzing bu lnga brgya yis// de ni shin tu brgyan pa byung bar gyur/ / de dag so so'i re re rdzogs su yang // ka ba stong ldan gzhal med khang bzangs byung // stegs bu bzang po sna tshogs stong gis brgyan// zla gam dra bas kun nas mdzes par bgyis// chos ngan stobs ni rab tu 'phel gyur pas// dgung lo mang por dgung char bab ma gyur// rdzing bu kun gyi char dang zhugs shing rnams// de tshe lo ma mdog dang bcas te bskams// dgung bdun na ni khyod bltam 'gyur ba'i tshe/ / de tshe ngo mtshar rmad byung ltas byung ste// de dag mthong nas sems can nges rtogs par// bdag cag skyob pa nges par 'byung zhes mche// dgung gi gung la bab nas rnam drug tu// khams kyi dogs yongs su g.yos par gyur/ / ma smad shin tu bzang ba'i rdzing de yi// dbus su gdugs dang mnyam pa'i 'od cig byung // chab bzang yan lag brgyad ldan rgyas par gyur// rdzing bu lnga brgya kun kyang de bzhin te// zhugs
- 59b
shing kun kyang lom 'khrungs par gyur/ / me tog 'bras bu kha dog mdog dang ldan// rdzing bu de rnams chab kyis bltams gyur pas// nags tshal ma lus de dag ngoms par bgyis// chab chen de las byung ba rgyud 'phros pas/ / 'dzam bu'i rgyal mtshan chab kyis bltams par gyur// zhugs shing sman dang lo tog ldum bu yang // 'khrungs gyur zhugs shing me tog 'bras bu rgyas// dog sa'i steng na mchis dgu'i sa bon rnams/ / kun kyang chab kyis brlan pas rnam par 'khrungs// chab kyis bangs gyur dog sa'i phyogs rnams kyang // de tshe thams cad rab tu mnyam par gyur// sgang gshong dog sa'i phyogs rnams ji snyed pa/ / de dag kun kyang de tshe mnyam par gyur// g.yang sa grog po mi bde'i phyogs kyi rnams// de tshe yud kyis kun kyang mnyam par gyur// tsher ma gseg ma la sogs ma mchis gyur/ / rin chen bzang po'i 'byung gnas yongs su 'thon// skyes pa bud med tshogs rnams dga' bar gyur// skom pas gdungs pa kun kyang chab la 'tshal// kye ma de ring bden su mthu zhes// snyan par brjod pa de skad ched du brjod/ / dog sa'i mnga' bdag skar 'od sras dang bcas// sras mo blon po'i tshogs bcas de yi tshe// skye bo bye ba stong gis yongs bskor te// bza' shing ra bar dgyes par gshegs pa mdzad mdangs dga' rdzing chen yongs su ma smad pa/ / spos chus bltams pa dbus na mchis gyur pa'i// de yi dbus su chos stegs bzang po yis// pho brang steng gshegs btsun mo bcas pas bzhugs// dgung
- 60a
bdun lon par gyur nas de yi chab/ / dgung gi gung la gyen du ldud par gyur// ri dang gzhal med khang gi 'phreng bcas pa'i// dog sa'ang de'i tshe g.yos su g.yos par gyur// yongs su ma smad de yi dbus nas kyang / / pad+mo chen po lo ma stong ldan 'khrungs// gdugs stong mdog gsal sprin gyi dra ba can// ri rab rtse mo man chad 'od kyis 'gengs// chu ba rdo rje nang rim dri bda' ste// rin chen dbang po'i lo ma rnam dag yangs/ / 'dzam bu chu klung gser bzang snying po can// ze ba spos rab 'bar ba phun sum tshogs// mgon po khyod ni de yi snying po las// skyil mo krung bcas sku ni byung bar gyur// mtshan gyis rnam brgyan yan lag shin tu mdzes/ / lha mang brgyas kyang mngon par mchod pa bgyis// rgyal po pho brang lteng nas yod gshegs te// phyag gnyis brkyang ste legs par khyod blangs nas// btsun mo'i mgo la gzhag ste 'di skad gsungs/ / khyod kyi bu 'di yin gyis dgar gyis shig/ 'jig rten mgon khyod de ltar bltams gyur tshe// bye ba'i gter rnams rab tu 'thon par gyur// zhugs shing kun kyang mngon par kha 'bus te/ / steng gi mkha' las rol mo'i sgra yang byung // 'dzam bu rgyal mtshan sems can thams cad kyang // khyod la mngon lta 'dud cing phyag kyang 'tshal// thal mo sbyar cing kye ma mgon med pa'i/ mgon zhig byung zhes dga' ba'i tshig kyang brjod// khyod kyi sku las 'od zer mang byung bas// dog sa kun tu rab tu snang bar gyur// 'gro ba'i mun pa kun kyang rnam bsal nas// nad mang ma lus
- 60b
rab tu zhi bar gyur/ / gnod sbyin grul bum sha za mang po'i sogs// rnam par 'tshe ba de dag bsal bar gyur// shin tu gdug pas sems can 'gums pa yi// sbrul gdug kun kyang de tshe yong mi rgyu// thob med sman pa mi snyan sdug bsngal dang // nad blangs nad mang gnod par 'tshe ba dag/ mdor bsdus kun kyang zhi zhing ma mchis gyur// 'jig rten kun tu rab dga' 'byung bar gyur// phan tshun ma dang 'dra ba'i 'du shes kyis/ / khong nas byams pa de tshe 'gro kun gyur// shar gnyer sems bral 'tshe ba ma mchis te// thams cad mkhyen lam nan tan ldan par gyur// ngan song rgyud rnam rnam par rab tu bzlog/ mtho ris lam chen kun kyang btong bar gyur// thams cad mkhyen pa'i lam yang shin tu bstan// de ltar khyod kyis 'gro don yangs pa mdzad// rgya mtsho che 'dra yongs su gtong mdzad pa/ / khyod mthong bdag ni thob pa dam pa thob// yun ring 'khyams pa'i 'gro ba mgon bral du// khyod ni rmad du byung ba'i mgon zhig gshegs// de nas tshong dpon gyi bu mo rin chen 'od kyis/ / rgyal po chos thams cad kyi nga ro'i gdugs kyi dkyil 'khor rab tu sgrog pa la tshigs su bcad pa de dag gis mngon par bstod do// snyan pas bkur nas rab tu bsngags te lan brgya phrag stong du g.yas phyogs su bskor ba byas te/ phyag 'tshal nas phyogs gcig tu gus pa'i tshul gyis 'dug go/ de nas rgyal po chos thams cad kyi nga ro'i gdugs kyi dkyil 'khor rab tu sgrog pas/ tshong dpon gyi
- 61a
bu mo rin chen 'od la bltas te 'di skad ces smras so/ / bu mo de ltar khyod sems can pha rol gyi yon tan gyi khyad par shes pa'i mngon par shes pa la zhugs pa legs so legs so// bu mo 'jig rten thams cad na'ang sems can gang sems can pha rol gyi yon tan la mos pa de lta bu ni dkon te// bu mo sems can mun pas bsgribs pa/ phan gdags pa la drin du mi gzo ba/ blo phyin ci log la zhugs pa/ sems 'khrugs par gyur pa/ rgyud 'dzings par gyur pa/ mun pa'i sems dang ldan pa/ bsam pa dang gis log pa/ nan tan dang mi ldan pa/ sems can pha rol gyi yon tan gyi khyad par mngon par mi shes pa rnams kyis ni/ byang chub sems dpa'i yon tan la 'jug par bya ba 'am/ de bzhin gshegs pa'i yon tan la brtag par bya ba 'am/ yon tan thams cad shes pa'i khyad par mngon par shes pa thob par bya bar mi nus so/ / bu mo de ltar khyod sems can chen po mngon par shes pas byang chub sems dpa'i yon tan rnam pa de lta bu la 'jug pa ni gdon mi za bar byang chub tu yang dag par zhugs pa'o// de ltar nga'i khams su khyod lta bu ye shes de 'dra ba dang ldan pa skyes pa ni 'dzam bu'i gling du ngas sems can yongs su bsdus pa'i mthu don yod do/ / de nas rgyal po chos thams cad kyi nga ro'i gdugs kyi dkyil 'khor rab tu srog pas/ nor bu rin po che chen po rin thang med pa dang / nor bu rin po skar ma'i 'od sna tshogs dang / gos rin po che rin thang med pa bdag gis lag dar te/ blangs nas tshong dpon gyi bu mo rin chen 'od la byin no//
- 61b
de'i 'khor gyi bu mo thams cad kyang gos rin po che sna tshogs kyis khyab par byin nas 'di skad ces smras so// bu mo gos rin po che 'di khyer la bdag gis yongs su spyad pa gyis shig/ de nas tshong dpon gyi bu mo rin chen 'od 'khor dang bcas pas pus mo gnyis sa la phab ste/ gos rin po che dag lag pa gnyis kyis blangs nas spyi bo la blangs te phyir byung nas rin po che de dag bgos so// de'i 'khor gyi bu mo thams cad kyis kyang so so nas rang rang gi gos rin po che de dag bgos nas/ des gos rin po che de dag bgos pa'i 'og tu/ rgyal po chos thams cad kyi nga ro'i gdugs kyi dkyil 'khor rab tu sgrog pa la/ bdag gi 'khor bu mo de dag dang bcas pas g.yas phyogs su bskor ba byas so// de dag thams cad kyi gos rin po che de dag la rgyu skar dang skar ma thams cad kyi gzugs brnyan snang bar gyur te/ de dag mthong nas 'gro ba'i tshogs mang po 'di skad ces 'dzer te/ bu mo khyod kyi 'khor bu mo 'di dag ni mtshan mo'i lha mo skar ma'i tshogs kyis brgyan pa ltar shin tu mdzes pa ste/ khyod de dag gis bskor bas gya nom par mdzes so/ / de nas mtshan mo'i lha mo shing thams cad kyi me tog rgyas pas bde bar gnas pas/ tshong dpon gyi bu dor bzangs la 'di skad ces smras so// rigs kyi bu de la ji snyam du sems de'i tshe de'i dus na rgyal po chos thams cad kyi nga ro'i gdugs kyi dkyil 'khor rab tu sgrog pa zhes bya ba byung ba de gzhan zhig yin pa tsam du sems na ni de ltar mi blta ste/ bcom ldan 'das de bzhin gshegs pa dgra
- 62a
bcom pa yang dag par rdzogs pa'i sangs rgyas rnam par snang mdzad 'di ni de'i tshe/ rgyal po chos thams cad kyi nga ro'i gdugs kyi dkyil 'khor rab tu sgrog pa zhes bya bar gyur to// rigs kyi bu de'i tshe de'i dus na rgyal po skar ma'i 'od kyi btsun mo pad+mo'i 'od ces bya ba/ rgyal po chos thams cad kyi nga ro'i gdugs kyi dkyil 'khor rab tu sgrog pa'i yum du gyur pa de gzhan zhig yin pa tsam du sems na'ang de ltar mi blta ste/ lha mo sgyu ma 'di ni de'i tshe rgyal po'i btsun mo pad+mo'i 'od ces bya bar gyur te/ rdzus te byung ba'i gzhon nu thu bar len len pa'o// yang rigs kyi bu khyod de'i tshe de'i dus na rgyal po skar ma'i 'od ces bya ba/ rgyal po chos thams cad kyi nga ro'i gdugs kyi dkyil 'khor rab tu sgrog pa'i yab tu gyur pa byung ba de gzhan zhig yin pa tsam du sems na'ang de ltar mi blta ste/ rgyal po zas gtsang ma ni de'i tshe de'i dus na rgyal po skar ma'i 'od ces bya bar gyur to/ / yang rigs kyi bu khyod de'i tshe de'i dus na tshong dpon gyi bu mo rin chen 'od ces bya ba byung ba de gzhan zhig yin pa tsam du sems na'ang de ltar mi blta ste/ kho mo ni de'i tshe de'i dus na tshong dpon gyi bu mo rin chen 'od ces bya bar gyur to// yang rigs kyi bu khyod de'i tshe de'i dus na sems can 'dzam bu'i gling der skyes shing / rgyal po chos thams cad kyi nga ro'i gdugs kyi dkyil 'khor rab tu sgrog pas bsdu ba'i dngos po bzhis yongs su bsdus pa de dag gzhan dag cig yin pa tsam du sems na ni de ltar mi blta ste/ bcom ldan 'das kyi 'khor gyi dkyil 'khor
- 62b
'di nyid du 'dus te/ bla na med pa yang dag par rdzogs pa'i byang chub las phyir mi ldog par byang chub sems dpa'i sa la bkod de/ la la ni sa dang po la bkod/ la la ni sa gnyis pa la la la ni sa gsum pa/ la la ni sa bzhi pa/ la la ni sa lnga pa/ la la ni sa drug pa/ la la ni sa bdun pa/ la la ni sa brgyad pa/ la la ni sa dgu pa/ la la ni byang chub sems dpa'i sa bcu pa la bkod par gyur pa'i byang chub sems dpa' smon lam sna tshogs rnam pa tha dad pa dang / thams cad mkhyen pa nyid du 'jug pa sna tshogs dang / tshogs sna tshogs dang / yang dag par bsgrub pa sna tshogs dang / spyod pa sna tshogs dang / 'byung ba sna tshogs dang / lam gyi rgyan rnam par dag pa sna tshogs dang / rnam par 'phrul pa dang / khyu mchog gi mthu phyung ba sna tshogs dang / lam gyi rgyan rnam pa sna tshogs kyis yongs su byung ste/ rnam par thar pa la rnam par spyod pa sna tshogs kyis 'khor gyi dkyil 'khor 'di na chos kyi gzhal med 'ang sna tshogs na rnam par spyod pas 'khod cing rnam par spyod pa 'di dag yin no/ / de nas mtshan mo'i lha mo shing thams cad kyi me tog rgyas pas bde bar gnas pas/ de'i tshe byang chub sems dpa'i rnam par thar pa dga' ba'i 'od spro ba yangs pa yang dag par 'byung ba 'di nyid bsnan te bstan pa'i phyir/ tshong dpon gyi bu nor bzangs la tshigs su bcad de smras pa/ rgyal ba'i sras po kho mo'i mig yangs te// phyogs kun zhing mang rgya mtsho sna tshogs kyi// sems can rgya chen gang chen mtsho yi rnams// 'khor bar gyur te
- 63a
kun la rnam par lta/ / 'byam klas ning rnams kun na btsugs pa ma// rgyal babyung chub shing gi drung bzhugs pa// rdul med kun kyang phyogs bcu rgyas bkangs// chos sgrog rtag par rba 'dul mthong bar byed/ / kho mo'i rna ba rgya mtsho yongs su dag/ sgra rnams ma lus thams cad des thos te// bde bar gshegs pas chos gsungs ma lus par// thams cad dga' bas yang dang yang du thos// kho mo'i ye shes gnyis med chags pa med// sems can gzhan gyi sems kyi yul la 'jug/ 'gro ba'i sems kyi rgya mtsho yangs pa'i rnams// ma lus kun la mtshan nyid dngos kyis 'jug/ sngon gyi mtha' dran ting nge 'dzin stobs kyis/ / bskal pa rgya mtsho tshad med kho mos shes// tshe rabs rgyud mang gang chen mtsho dag kyang // pha rol dag dang bdag gi'ang de bzhin shes// rgya mtsho'i zhing gcig rdul phran rab snyed kyi/ / bskal pa skad cig gcig gis ma lus shes// sems can 'gro rgyud dag na 'khor ba dang // sangs rgyas rnam 'phrul tshogs bcas de bzhin no// de dag thog ma'i smon lam ci 'dra dag/ yang dag bsgrub tshul 'jug tshul rnam yang sa dang // spyod pa brten pas tshogs rnams yongs bsgrub pa// 'jig rten mkhyen pa rnams kyi kho mos dran// mnyam med tshad med tshogs gyur yon tan mtsho mnga' ba'i// dbang bskur sar byon ji snyed de dag dang // byang chub mtshang rgya'i tshul ni rnam yangs la// sems kyi skad cig gcig gis kho mo 'jug/ thams kyi rnam pa gang dang gang dag gis// bde gshegs
- 63b
'khor lo dam pa 'gror skor dang / / mya ngan 'das pa yon tan tshad med dang // chos rnams gnas pa'i dus kyang kho mos shes// dri med theg pa rgya mtsho'i tshul rnams dang // sems can rnams 'dul rnam yangs ji snyed dang / / 'gro bar de dag gis ni gang bstan pa// so so kun la sna tshogs tshul gyis 'jug/ dga' ba'i gter dang mos pa dbyig gi rnams// kun tu snang ba rnam par tshul 'di yin/ / kho mos bskal pa brgya mang rgya cher bsgoms// de tshul de la khyod kyang myur 'jug gyis/ rigs kyi bu lo mos byang chub sems dpa'i rnam par thar pa dga' ba'i 'od ba yangs pa yang dag par 'byung ba 'di shes par zad na/ kho mos byang chub sems dpa' de bzhin gshegs pa thams cad kyi zhabs kyi drung du thams cad mkhyen pa nyid la 'jug pa'i smon lam rgya mtsho la zhugs pa/ de bzhin gshegs pa thams cad kyi sngon gyi smon lam rgya mtsho mngon par bsgrub pa'i smon lam yongs su rdzogs pa'i byang chub sems dpa'i sa gcig non pas byang chub sems dpa'i sa rgya mtsho thams cad yongs su gnon pa'i stobs la mkhas pa/ byang chub sems dpa'i spyod pa rgya mtsho thams cad spyod pa re rer yang dag par 'du ba'i smon lam dang spyod pa yongs su dag pa/ byang chub sems dpa'i rnam par thar pa re re la byang chub sems dpa'i rnam par thar pa rgya mtsho thams cad yongs su 'du bar rnam par spyad pa la dbang sgyur ba de dag gi spyod pa shes pa 'am/ yon tan spyod par nus re skan/ song rigs kyi bu snying po byang chub
- 64a
'di nyid na mtshan po'i lha mo 'gro ba thams cad bsrung ba'i smon lam la brtson pa'i 'od ces bya ba zhig/ bcom ldan 'das kyi spyan sngar phyin cing 'dug gis/ de'i gan du song la ji ltar byang chub sems dpas bla na med pa yang dag par rdzogs pa'i byang chub tu sems can yongs su smin par bya ba dang / ji ltar sangs rgyas kyi zhing thams cad yongs su sbyang bar bya ba dang / ji ltar de bzhin gshegs pa thams cad shin tu mnyes par bya bas bsnyen bkur zhing rim gror bya ba dang / ji ltar byang chub sems dpas sangs rgyas kyi chos thams cad la brtson par bya ba dris shig de nas tshong dpon gyi bu nor bzangs kyis/ mtshan mo'i lha mo shing thams cad kyi me tog rgyas pas bde bar gnas pa'i rkang pa gnyis la spyi bos phyag 'tshal te/ mtshan mo'i lha mo shing thams cad kyi me tog rgyas pas bde bar gnas pa la lan brgya stong du mar g.yas su bskor ba byas nas yang dang yang du bltas te/ mtshan mo'i lha mo shing thams cad kyi me tog rgyas pas bde bar gnas paba'i drung nas song ngo / / de nas tshong dpon gyi bu nor bzangs mtshan mo'i lha mo 'gro ba thams cad bsrung ba'i smon lam la brtson pa'i 'od gang na ba der song song na/ mtshan mo'i lha mo 'gro ba thams cad bsrung ba'i smon lam la brtson pa'i 'od 'khor gyi dkyil 'khor de nyid na chos kyi dbyings kyi tshul rab tu snang ba'i rin po che'i dra bas kun nas log pa'i lus dang ldan pa/ nyi zla dang /
- 64b
gza' skar dang / rgyu skar thams cad gzugs brnyan yongs su ston pa'i lus dang ldan pa/ bsam pa ji lta ba bzhin du sems can gyi rnam par dmigs par ston pa'i lus dang ldan pa/ sems can thams cad kyi dbyibs dang 'dra ba rang gi lus rnam par dmigs par byed pa'i lus dang ldan pa/ kha dog rgya mtsho yangs pa mtha' dang dbus med pa rnam par dmigs par ston pa'i lus dang ldan pa/ spyod lam thams cad la rnam par spyod pa'i tshul yongs su ston pa'i lus dang ldan pa/ sgo kun tu mngon par ltas par rnam par dmigs par byed pa'i lus dang ldan pa/ chos kyi sprin gyi 'brug sgra kun tu sgrog cing / rnam par 'phrul pa sna tshogs kyis phyogs thams cad rgyas par bkang ste/ 'gro ba thams cad la mngon du gnas pa'i lus dang ldan pa/ dus thams cad du 'gro ba thams cad kyi don la mngon du ltas par nam mkha'i dbyings kyis glo ba'i lus dang ldan pa/ de bzhin gshegs pa thams cad kyis zhabs la 'dud cing phyag 'tshal ba'i lus dang ldan pa/ sems can thams cad kyi dge ba'i rtsa ba bsags pa la gces shing sngon du 'gro ba'i lus dang ldan pa/ de bzhin gshegs pa thams cad las mngon du chos kyi sprin yang dag par len cing yongs su 'dzin pa'i / smon lam grub cing / yongs su rdzogs par bya ba'i sems las phyen phyogs su ma gyur cing dran pas yongs su 'dzin pa'i lus dang ldan pa/ mtha' dang dbus med pa'i 'od kyi phyogs dang phyogs
- 65a
mtshams thams cad rgyas par 'gengs pa'i lus dang ldan pa/ / 'gro ba thams cad kyi mun pa rnam par sel ba'i chos kyi sgron ma'i 'od kun tu 'gyed cing snang ba yongs su ston pa'i lus dang ldan pa/ chos sgyu ma'i rnam pa lta bu'i ye shes kyi lus dri ma med pa rab tu ston pa'i lus dang ldan pa/ chos kyi lus mun pa dang rdul du bral ba rab tu ston pa'i lus dang ldan pa/ chos nyid sgyu ma lta bu las byung ba'i lus dang ldan pa/ / chos nyid rab tu rtogs pas mun pa med pa'i sems dang ldan pa/ ye shes kyi snang ba sgo kun tu gsal ba rab tu thob pa/ shin tu nad med cing gdung ba med pa'i yid kyi lus dang ldan pa/ chos kyi sku mi shigs shing brtan pa dang ldan pa'i dbyings las byung ba/ de bzhin gshegs pa'i byin gyi rlabs gnas pa med pa'i rang bzhin kun nas nyon mongs pa med pa'i ngang dri ma med pa'i chos nyid kyi lus rnam par dag pa'i lus dang ldan pa de rin po che'i rgyal po 'gro ba thams cad kyi gnas rab tu snang ba'i snying po can gyi stan la 'dug pa mthong ngo / / des de mthong nas spyi bos btud de/ mthong bar bya ba'i tshul sangs rgyas kyi zhing gi rdul shin tu phra ba snyed rjes su dran par byas nas sa'i gzhi las btud de/ rgyangs bcad pa zhig tu mngon par btud do// nas tshong dpon gyi bu nor bzangs sa'i gzhi de las langs te thal mo sbyar nas/ mtshan mo'i lha mo 'gro ba thams cad bsrung ba'i smon lam la brtson pa'i 'od de'i lus la bltas dang / 'du shes
- 65b
rnam par dag pa bcu thob par gyur te/ de dag thob pas dge ba'i bshes gnyen thams cad dang skal ba mnyam par rab tu thob par gyur to// bcu gang zhe na/ 'di lta ste/ thams cad mkhyen pa nyid du brtsams pa'i brtson 'grus la dmigs pa thams cad du gnas par bya ba'i phyir/ dge ba'i bshes gnyen rnams la rang gi sems kyi 'du shes rab tu thob par gyur to// dge ba'i bshes gnyen bsnyen bkur zhing dge ba'i rtsa ba yangs pa/ yongs su bsgrub pa grub par bya ba'i phyir rang gi las rnam par dag pa'i rang bzhin gyi 'du shes rab tu thob bo// smon lam thams cad kyis brgyan pa'i spyod pa la yang dag par gnas par bya ba'i phyir/ byang chub sems dpa'i spyod pa'i rgyan gyi 'du shes rab tu thob bo// dge ba'i bshes gnyen thams cad kyi gdams ngag gi lam la nan tan du bya ba'i phyir/ sangs rgyas kyi chos thams cad rab tu bsgrub pa'i 'du shes rab tu thob bo/ / sangs rgyas thams cad kyi yul du gyur pa'i chos bla na med pa la rnam par spyod pa'i snang ba yongs su mthong bar bya ba'i phyir/ nyams su myong ba bskyed pa'i 'du shes rab tu thob bo/ / kun tu bzang po'i spyod pas 'byung ba'i smon lam dang / spyod pa rnam par dag par bya ba'i phyir/ 'byung ba gcig gi 'du shes rab tu thob par gyur to// dge ba'i chos yongs su bsags pa thams cad rnam par 'phel bar bya ba'i phyir/ thams cad mkhyen pa'i bsod nams rgya mtsho'i 'byung gnas kyi 'du shes rab tu thob bo// sangs rgyas kyi byang chub tu thams cad mkhyen pa'i ye
- 66a
shes la brtson 'grus kyi shugs yongs su 'phel bar bya ba'i phyir/ dge ba'i chos yongs su ma rdzogs pa yongs su rdzogs par byed pa dang / yang dag par 'phel bar byed pa dang / yongs su sbyong ba'i 'du shes rab tu thob par gyur to// sems can thams cad kyi bsam pa thams cad yongs su rdzogs par bya ba'i phyir/ dge ba'i rtsa ba thams cad yongs su rdzogs par bya ba'i 'dra shes rab tu thob par gyur to/ / byang chub sems dpa' thams cad kyi chos la dbang sgyur ba rab tu gnas par bya ba'i phyir/ dge ba'i bshes gnyen rnams la don thams cad yongs su bsgrub pa'i 'du shes rab tu thob ste/ 'du shes rnam par dag pa bcu po dag rab tu thob par gyur te/ de dag thob pas mtshan mo'i lha mo 'gro ba thams cad bsrung ba'i smon lam la brtson pa'i 'od snang ba las/ byang chub sems dpa' dang skal ba mthun pa sangs rgyas kyi zhing gi rdul shin tu phra bsnyed thob par gyur te/ 'di ltar phyogs bcu'i de bzhin gshegs pa thams cad kyi dus gsum rjes su dran pa tshul la dran pa'i skal ba mnyam pa dang / chos rgya mtsho'i tshul thams cad tha mi dad par khong du chud par bya ba la blo gros kyi skal ba mnyam pa dang / de bzhin gshegs pa thams cad kyi chos kyi 'khor lo'i dkyil 'khor gcig pas rjes su shes par bya ba'i bye brag dang tshul tha dad par mkhas pa la rig pa'i skal pa mnyam pa dang / blo nam mkha' dang mnyam pas dus gsum thams cad kyi tshul rgya mtsho'i snad
- 66b
ba rab tu thob par bya ba'i phyir/ blo'i skal ba mnyam pa dang / byang chub sems dpa' thams cad kyi dbang po rgya mtsho shes pa'i snang ba rab tu thob par bya ba'i phyir/ dbang po rnam par dag pa'i skal ba mnyam pa dang // rnam pa thams cad du sems can yongs su bsdu ba'i rgyan gyis rnam par brgyan pa'i byang chub sems dpa'i lam gyi yon tan la nan tan du bya ba'i rgyan gyi lam khong du chud par bya ba'i phyir/ sems rnam par dag ba'i skal ba mnyam pa dang / de bzhin gshegs pa'i ye shes kyi spyod yul snang ba rab tu thob par bya ba'i phyir/ spyod yul gyi skal ba mnyam pa dang / thams cad mkhyen pa'i tshul rgya mtsho la 'jug pa'i lam snang ba rnam pa thams cad du thob par bya ba'i phyir/ tshul gyi rjes su 'brang ba'i skal ba mnyam pa dang / chos thams cad kyi rang bzhin shes shing khong du chud pa rab tu thob par bya ba'i phyir/ don khong du chud pa'i skal ba mnyam pa dang / chos kyi tshul rgya mtsho thams cad la chos la rnam par spyod pa'i skal ba mnyam pa dang / sgrib pa thams cad kyi ri rnam par gtor ba'i phyir/ mi 'jigs pa'i skal ba mnyam pa dang / bsam pa ji bzhin du 'gro ba rnams la rnam pa tha dad par yongs su bstan pa'i mtshan dang dpe byad bzang pos rnam par bris pa'i lus rnam par dag pa rab tu thob par bya ba'i phyir/ gzugs kyi lus rnam par dag pa'i skal ba mnyam pa dang / byang chub sems dpa'i stobs yongs su rdzogs pas thams cad mkhyen pa nyid du dmigs pa rnam par 'phel bar bya ba'i phyir
- 67a
stobs kyi skal ba mnyam pa dang / sems dang bsam pa'i nam mkha' yongs su dag par bya ba'i phyir/ mi 'jigs pa'i zhal ba mnyam pa dang / bskal pa thams cad du byang chub sems dpa'i spyod pa la gnas pas mi skyo ba rab tu thob par bya ba'i phyir/ brtson 'grus kyi skal ba mnyam pa dang / chos thams cad la sgrib pa sel ba'i ye shes snang ba rab tu thob par bya ba'i phyir/ spobs pa'i skal ba mnyam pa dang / 'gro ba thams cad las mngon par 'phags pa'i lus yongs su dag par bya ba'i phyir/ zil gyis mi non pa'i skal ba mnyam pa dang / 'khor gyi dkyil 'khor thams cad mngon par dga' bar bya ba'i tshig yongs su dag par bya ba'i phyir/ ma zhum mi dma' ba'i skal ba mnyam pa dang / chos kyi tshul rgya mtsho thams cad kyi sgra rab tu bsgrag pa'i phyir/ dbyangs kyi skal ba mnyam pa dang / 'gro ba thams cad kyi tshig rnam par dmigs pa'i tha snyad dang / tshul rgya mtsho la dbyangs kyi yan lag rnam par dag pa'i skal ba mnyam pa dang de bzhin gshegs pa'i gdams ngag gi yon tan khong du chud pa rnam par dag par bya ba la yon tan rnam par dag pa'i skal ba mnyam pa dang / kha na ma tho ba med pa'i las rnam par smin pa yongs su dag par bya ba'i phyir/ chos dang las kyi rgyud du mi 'gal ba'i skal ba mnyam pa dang / sangs rgyas byung ba thams cad kyi chos kyi 'khor lo rab tu bskor ba'i phyir// mchod sbyin gyis chol bzang po la rab tu
- 67b
gnas pa'i skal ba mnyam pa dang / de bzhin gshegs pa thams cad kyi yul dang ye shes la yang dag par gnas par bya ba'i phyir/ tshangs pa'i spyod pa rnam par dag pa'i skal ba mnyam pa dang / byams ba'i tshul sna tshogs kyis skad cig re re la sems can rgya mtsho thams cad du rgyas par dgang bar bya ba'i phyir/ byams pa chen po'i skal ba mnyam pa dang / sems can gyi khams thams cad yongs su skyasgrub pa'i chos kyi char mngon par dbab pa'i phyir/ snying rje chen po'i tshul rgya mtsho la 'jug pa'i skal ga panyam pa dang / sems can thams cad yongs su smin par byed pa'i thabs kyi rgyud du skal ba mnyam par bya ba'i phyir/ lus kyi las kyi skal ba mnyam pa dang / chos thams cad brjod cing smos pa la ngag gi las rnam par dag pa'i skal ba mnyam pa dang / sems can thams cad kyi sems la thams cad mkhyen pa nyid du dmigs pa nye bar bsgrub pa'i phyir/ yid kyi las kyi skal ba mnyam pa dang / sangs rgyas kyi zhing thams cad la rgyan rnam pa sna tshogs thams cad kyis rab tu brgyan pa'i skal ba mnyam pa dang / sangs rgyas 'byung ba rgya mtsho thams cad du de bzhin gshegs pa thams cad kyi spyan sngar 'gro ba'i skal ba mnyam pa dang / de bzhin gshegs pa thams cad la chos kyi 'khor lo bskor bar gsol ba gdab pa'i skal ba mnyam pa dang / de bzhin gshegs pa thams cad la dus ma lus par mchod pa thams cad kyis rim gro bya ba'i phyir/ mchod pa'i rim gror
- 68a
bya ba'i skal ba mnyam pa dang / sems can gyi khams thams cad du sems can yongs su smin par bya ba dang gdul ba'i skal ba mnyam pa dang / chos kyi tshul thams cad la spang ba rab tu thob pa'i skal ba mnyam pa dang / ting nge 'dzin gyi tshul rgya mtsho thams cad la ting nge 'dzin rab tu thob pa'i skal ba mnyam pa dang / sangs rgyas kyi zhing rgya mtsho thams cad du byang chub sems dpa'i spyod pa dang rnam par 'phrul pas rgyas par dgang ba'i phyir/ kun tu rgyas par dgang ba'i skal ba mnyam pa dang / byang chub sems dpa' thams cad kyi rnam par 'phrul pa'i tshul rgya mtsho la byang chub sems dpa'i rnam par spyod pa'i skal ba mnyam pa dang / byang chub sems dpa'i spyod pa la gnas pa la 'khor gyi skal ba mnyam pa dang / 'jig rten gyi khams thams cad shin tu phra bar 'jug pa la/ 'jug pa'i skal ba mnyam pa dang / sangs rgyas kyi zhing shin tu yangs pa thams cad du sems rnam par phye ba'i skal ba mnyam pa dang / sangs rgyas kyi zhing rgya mtsho thams cad la 'jug pa rnam pa tha dad pa khong du chud par bya ba la khong du chud pa rnam pa tha dad pa'i zhal ba mnyam pa dang / sangs rgyas kyi zhing thams cad rnam par phye ba ye shes mtha' yas pas rnam par dmigs par bya ba la tshul 'byam klas pas / tu rgyas par dgang ba'i skal ba mnyam pa dang / sangs rgyas kyi zhing thams cad du mngon par 'byung ba'i skal ba mnyam pa dang / phyogs thams cad rgyas par dgang bar yang dag par gzhol ba thogs pa med
- 68b
cing phyir mi ldog par bya ba'i phyir/ phyir mi ldog pa'i skal ba mnyam pa dang / sangs rgyas thams cad kyi snying po byang chub tu rnam par 'tshang rgya ba'i ye shes kyi dkyil 'khor snang ba rab tu thob par bya ba'i phyir/ mun pa rnam par sel ba'i skal ba mnyam pa dang / sangs rgyas thams cad kyi 'khor gyi dkyil 'khor rgya mtshor rjes su phyin pa'i skal ba mnyam pa dang / sangs rgyas kyi zhing brjod du med pa'i de bzhin gshegs pa mchod cing rim gro bya ba'i sbyor ba la/ sangs rgyas kyi zhing thams cad lus kyi dra bas rgyas par dgang ba'i skal ba mnyam pa dang / chos kyi tshul rgya mtsho rjes su rgyu ba de dang de dag la ye shes mngon sum gyi skal ba mnyam pa dang / rjes su mthun pa'i chos kyi tshul thams cad mngon du bya ba'i sbyor ba la nan tan gyi skal ba mnyam pa dang / chos kyi mos pa shin tu shas che ba'i brtsams pa rnam par dag par bya ba'i phyir/ btsal ba'i skal ba mnyam pa dang / lus dang / ngag dang / yid kyi las kyi sangs rgyas kyi yon tan gyi rgyan yongs su bsgrub pa la rnam par dag pa'i skal ba mnyam pa dang / nyam nga ba'i rtog pa med pa'i sems kyi dkyil 'khor gyis chos thams cad kyi ye shes kyi dkyil 'khor yongs su dag par bya ba'i phyir/ yid kyi skal ba mnyam pa dang / dge ba'i rtsa ba thams cad kyi tshogs yang dag par brtsams pa mthar phyin par bya ba'i sbyor ba la brtson 'grus brtsams pa'i skal ba mnyam pa dang / byang chub sems dpa'i spyod pa thams cad yongs su rdzogs par bya ba la spyod pa'i
- 69a
rgyan gyi skal ba mnyam pa dang / chos thams cad kyi mtshan ma khong du chud par bya ba la chags pa med par rnam par spyad pa'i skal ba mnyam pa dang / chos la rnam par spyod pa'i ye shes kyis rnam par 'phrul pa de dang de dag tu thabs mkhas pa'i tshul gyi skal ba mnyam pa dang / bsam pa ji lta ba bzhin du sems can rnams la yul bstan pas yang dag par bskul ba'i phyir// skye mched rnam par dag pa'i skal ba mnyam pa dang / chos thams cad bsgom pa dang / rnam par bsgom pa rab tu thob par bya ba'i phyir/ byang chub sems dpa'i ting nge 'dzin gyi sgo rab tu thob par baba'i skal ba mnyam pa dang / de bzhin gshegs pa thams cad kyi byin la byin gyi rlabs kyi skal ba mnyam pa dang / sangs rgyas dang byang chub sems dpa' thams cad kyis rab tu thob par bya ba las yongs su gnan pa'i skal ba mnyam pa dang / byang chub sems dpa'i rnam par dgod pa thams cad la rab tu gnas pa'i skal ba mnyam pa dang / sangs rgyas thams cad kyis lung bstan pa la yongs su bstan pa'i skal ba mnyam pa dang / skad cig gcig gi ting nge 'dzin rgya mtsho'i tshul thams cad la ting nge 'dzin gyi skal ba mnyam pa dang / sangs rgyas kyi 'phrin las mtshan nyid sna tshogs la ting nge 'dzin rnam par dgong ba'i skal ba mnyam pa dang / rjes su dran pa'i dmigs pa'i tshul rgya mtsho thams cad la rjes su dran pa'i skal ba mnyam pa dang / byang chub sems
- 69b
dpa'i bya ba la phyi ma'i mtha'i bskal pa'i mur thug par zhe non pa la/ byang chub sems dpas spyad pa'i skal ba mnyam pa dang / sangs rgyas kyi ye shes tshad med pa la mos shing dga' ba'i shugs rgya mtsho rnam par 'phel bar bya ba'i phyir/ mos pa'i skal ba mnyam pa dang / sgrib pa'i ri thams cad la rnam par bzlog pa'i skal ba mnyam pa dang / sangs rgyas kyi ye shes kyi tshogs mtha' yas ba yongs su bsgrub pa'i phyir/ phyir mi ldog pa'i ye shes kyi skal ba mnyam pa dang / sems can thams cad yongs su smin par bya ba dang / gdul ba'i dus su skye ba'i skal ba mnyam pa dang / thams cad mkhyen pa nyid kyi tshul gyi sgo la rnam par spyad pa'i skal ba mnyam pa dang / chos kyi dbyings kyi tshul gyis khyu mchog gi mthu phyung ba'i yul la rab tu 'jug par bya ba'i phyir/ yul gyi skal ba mnyam pa dang / gzhi thams cad yongs su choms pa'i sems su bya ba'i phyir/ gzhi med pa'i skal ba mnyam pa dang / chos mnyam pa nyid kyi ye shes la 'jug par bya ba'i phyir/ chos bstan pa'i skal ba mnyam pa dang / sangs rgyas thams cad kyi byin gyi rlabs rang gi lus kyis yang dag par gnon pa'i phyir/ brtson pa'i skal ba mnyam pa dang / 'jig rten thams cad kyis khong du chud par bya ba'i nan tan gyi tshul la mngon par shes pa'i skal ba mnyam pa dang / phyogs thams cad kyi zhing rgya mtshor 'jug par bya ba la mngon par 'du bya ba med pa'i rdzu 'phrul rab tu thob
- 70a
pa'i skal ba mnyam pa dang / gzungs rgya mtsho thams cad kyi snang ba rab tu thob par bya ba la gzungs kyi sa'i skal ba mnyam pa dang / mdo sde'i chos kyi rnam grangs thams cad la sangs rgyas thams cad kyi chos kyi 'khor lo'i dgongs pa khong du chud pa'i skal ba mnyam pa dang / nam mkha'i dbyings lta bu chos kyi tshul thams cad khong du chud par bya ba'i phyir/ chos zab mo la 'jug pa'i skal ba mnyam pa dang / 'jig rten gyi khams 'byam klas pa thams cad du snang bar bya ba'i skal ba mnyam pa dang / bsam pa ji lta ba bzhin du 'gro ba rnam par dmigs par bstan pa la mngon par gsal ba'i skal ba mnyam pa dang / zhing gi byin gyi rlabs dang // rnam par 'phrul pa sems can yongs su bstan pa'i phyir/ rab tu bskyod pa'i skal ba mnyam pa dang / mthong ba dang / thos pa dang / rjes su dran pas sems can gdul ba'i phyir/ don yod par spyad pa'i skal ba mnyam pa dang / smon lam rgya mtsho'i tshul thams cad yongs su rdzogs pas stobs bcu'i ye shes rjes su 'tshang rgya bar bya ba'i phyir/ 'byung ba'i skal ba mnyam pa'ang rab tu thob par gyur to// de ltar tshong dpon gyi bu nor bzangs shin tu dga' ba'i sems su gyur te/ mtshan mo'i lha mo 'gro ba thams cad bsrung ba'i smon lam la brtson pa'i 'od la ltas pas/ 'du shes rnam par dag pa de dag thob par gyur te/ 'di dag la sogs pa mtshan mo'i lha mo 'gro ba thams cad bsrung ba'i smon lam la brtson
- 70b
pa'i 'od las skal ba mnyam pa'i tshul sangs rgyas kyi zhing gi rdul shin tu phra ba snyed kyang thob par gyur to/ / de nas tshong dpon gyi bu nor bzangs/ mtshan mo'i lha mo 'gro ba thams cad bsrung ba smon lam la brtson pa'i 'od las blta ba'i tshul sangs rgyas kyi zhing rdul shin tu phra ba snyed la zhugs pa/ dge ba'i bshes gnyen gyi 'du shes rnam par dag pa mtha' dang dbus med pa rab tu thob pa/ skal mnyam pa'i tshul sangs rgyas kyi zhing gi rdul shin tu phra ba snyed la zhugs pas/ bla gos phrag pa gcig la gzar te/ mtshan mo'i lha mo 'gro ba thams cad bsrung ba'i smon lam la brtson pa'i 'od kar na ba der thal mo sbyar te btud nas/ de'i tshe tshigs su bcad pa 'di dag smras so// da ni bdag gi sems la bdag dgongs te// byang chub mos pa mi ldog shin tu bstan// khyed kyi thugs la'ang bdag ni de bzhin du/ / bdag gi de bzhin de ring brtan par skyes// sdig tom lus rnam par byang bar gyur// dge ba'i rnam smin mi nyams rab tu thob// bdag gis bltan mdzes pa khyod mthong bas// chos dkar mi bas bdag gis yongs su bsags/ / bdag mo sems na yon tan chu thom brgyad// sems can pan brtson rnam pa tha dad pas// brgyan 'gyur das ni gyi mdza'i bskal bar yang // ning rnams ca spyod pa sdud par bgyi/ / 'phags mas bdag la thugs 'am mdzad sa da// chos rnams thams cad grub pa khyod kyis bstan// bdag la ldan sad rjes su gzung dgongs te// chos kyi gdams
- 71a
@ngag dam pa stsal du gsol/ / ngan 'gro ltung ba'i lam ni rnam par bzlog/ mtho ris shul gtsang dam pa yongs su bstan// bde gshegs ma lus bzhud cing rjes bzhud pa'o/ / thams cad mkhyen pa'i shul yang khyod kyis bstan// dpe med rmad du byung mnga' khyod la bdag/ 'byung ba'i 'du shes dam pa nye bar skyes// nam mkha' lta bur dri med tshad med pa'i// thams cad mkhyen nyid chos sgo rnam par dag/ kun mkhyen tshad med 'byung gnas bzang po yi// 'du shes de ring tshad med khyod la skyes// bsod nams rgya mtsho mkha' ltar tshad med pa'i// sems las byung ba skad cig re rer 'byung // 'phags ma pha rol phyin pas bdag bkur gsol// bsam yas bsod nams kyis kyang rnam spel gsol// yon tan dge ba thams cad yongs 'phel nas/ / thams cad mkhyen pas go 'phang myur thob mdzod// dge ba'i bshes gnyen rnams la rtag par bdag/ thams cad mkhyen lam rab rdzogs 'du gas te// de yi slad du bdag gi chos dkar rnams/ / myur du rdzogs par 'gyur zhes tshim par gyur// de skad 'di las don kun rab tu 'byung // dge ba'i yon tan ldan pa grub par gyur// brjod pa mtha' yas thams cad mkhyen pa'i lam/ / 'di ni yongs su bsgrubs shing 'gro la brjod// yon tan tshad med khyod ni slob dpon gyur// thams cad mkhyen gyi chos la bdag 'dren pa// bskal pa
- 71b
bye ba khrag khrig grangs med pas/ / 'phags ma khyod la bdag gis lan mi lon/ de nas tshong dpon gyi bu nor bzangs kyis tshigs su bcad pa de dag smras nas/ mtshan mo'i lha mo 'gro ba thams cad bsrung ba'i smon lam la brtson pa'i 'od la 'di skad ces smras so/ / lha mo khyod kyis bdag la byang chub sems dpa'i rnam par thar pa'i lus bsam gyis mi khyab pa 'di ni bstan na/ lha mo rnam par thar pa 'di'i ming ci zhes bgyi/ lha mo khyod ni ji srid cig nas bla na med pa yang dag par rdzogs pa'i byang chub tu zhugs ji srid cig na ni khyod bla na med pa yang dag par rdzogs pa'i byang chub tu mngon par 'tshang rgya bar 'gyur/ de skad ces smras pa dang / mtshan mo'i lha mo 'gro ba thams cad bsrung ba'i smon lam la brtson pa'i 'od kyis/ tshong dpon gyi bu nor bzangs la 'di skad ces smras so/ / rigs kyi bu rnam par thar pa 'di ni sems can thams cad yongs su smin par bya ba la yang dag par skul ba'i dge ba'i rtsa ba yongs su 'byung ba zhes bya ba ste/ rigs kyi bu kho mo rnam par thar pa 'di dang ldan pas chos thams cad kyi rang bzhin mnyam pa nyid khong du chud de/ chos thams cad kyi ngo bo nyid la zhugs nas/ gnas med pa'i chos la brten 'jig rten thams cad las 'phags par gyur to/ / chos rnams kyi gzugs shin tu rnam par phye ba la zhugs te/ mi 'dra ba med pa'i kha dog dang / sna tshogs med pa'i kha dog dang / rnam pa tha dad pa
- 72a
med pa'i kha dog dang / mi rtog pa'i kha dog dang / mi sngo ba'i kha dog dang / mi ser ba'i kha dog dang / mi dmar ba'i kha dog dang / mi dkar ba'i kha dog dang / mi mthun pa med ba dang / sna tshogs med pa dang / rnam pa tha dad pa med pa dang / rtog pa med pa dang / mi sngo ba dang / mi ser ba dang / mi dmar ba dang / mi dkar ba'i kha dog gi chos nyid la zhugs nas/ kha dog rnam par phye ba du ma'i gzugs kyi lus sna tshogs kyi kha dog can kha dog du ma dang / kha dog tshad med pa dang / kha dog rnam par dag pa dang / rgyan thams cad 'byin pa'i kha dog dang / kun tu snang ba'i kha dog dang / 'gro ba thams cad dang 'dra ba'i kha dog dang / 'jig rten thams cad la mngon du gyur cing lhag pa'i kha dog dang / gzugs brnyan kun tu snang ba'i kha dog dang / mi mthun pa med pa'i kha dog dang / mtshan dang dpe byad bzang pos rnam par sbyangs pa'i kha dog dang / kha na ma tho ba med par spyod pa'i 'od dang ldan pa'i kha dog dang / stobs chen pos rnam par gnod pa yongs su ston pa'i kha dog dang / zab mo thob par dka' ba'i kha dog dang / 'jig rten thams cad kyis mi thub pa'i kha dog dang / 'gro ba thams cad kyi tshig gis mi zad pa'i kha dog dang / skad cig re re la sna tshogs su 'gyur ba'i kha dog dang / kha dog gi sprin sna tshogs yongs su ston pa'i kha dog dang / gzugs dang dbyibs sna tshogs kyi kha dog dang / rnam par 'phrul pa tshad med pa ston pa'i kha dog dang / shin tu yid du 'ong zhing rnam par snang ba'i
- 72b
kha dog dang / bzang po dang mdzes pa thams cad 'phel ba'i kha dog dang / sems can thams cad yongs su smin par bya ba dang mthun pa'i kha dog dang / bsam pa ji lta ba bzhin du 'dul ba la mngon du 'gyur ba'i dge ba'i kha dog dang / thogs pa med par kun tu snang ba'i kha dog dang / dang zhing rnyog pa med pa rnam par gsal te 'od dang ba'i kha dog dang / mi shigs pa'i lus kyis bsgrubs pas mdzes par gyur pa'i kha dog dang / chos kyi tshul bsam gyis khyab pa rab tu ston pa'i kha dog dang / zil gyis ma non la zil gyis gnon pas thams cad zil du rlag par byed pa'i kha dog dang / mun pa dang rab rib med pa'i kha dog dang / mun pa thams cad rnam par sel ba'i kha dog dang / dkar po thams cad shin tu bsgrubs pa'i kha dog dang / bdag nyid che ba'i yon tan rgya mtsho'i kha dog dang sngon bla ma la rim gror byas pas shin tu bsgrubs pa'i kha dog dang / lhag pa'i bsam pa nam mkha' yongs su dag par byed pa'i kha dog dang / mchog dam pa phul du byung bar shin tu yangs pa'i kha dog dang / mi 'phrogs mi zad pa'i yon tan rgya mtsho rab tu ston pa'i kha dog dang / 'jig rten thams cad la mi gnas shing ma dris pa'i kha dog dang / thogs pa med par phyogs thams cad rgyas par 'gengs pa'i kha dog dang / sems kyi skad cig 'byam klas pa la zhing rgya mtsho brjod du med par kha dog sna tshogs rnam pa du ma yongs su ston pa'i kha dog dang / sems can thams cad kyi dga' ba'i shugs chen po rnam par
- 73a
'phel bar byed pa'i kha dog dang / sems can rgya mtsho thams cad yongs su sdud pa'i kha dog dang / ba spu'i sgo thams cad nas sangs rgyas kyi yon tan rgya mtsho ma lus pa'i sprin gyi sgra sgrog pa'i kha dog dang / sems can thams cad kyi bsam pa dang mos pa rgya mtsho rnam par sbyong ba'i kha dog dang / chos thams cad kyi don rnam par gdon mi za ba yongs su ston pa'i kha dog dang / 'od zer gyi dra ba'i dkyil 'khor kha dog sna tshogs su snang ba'i kha dog dang / nam mkha' ltar dri ma med par snang ba'i kha dog dang / rin po che'i rgyal po rnam par dag pa ltar rdul gyi dri ma med pa'i 'od la gnas pa'i kha dog dang / chos nyid dri ma med pa'i 'od kyi kha dog dang / kha dog dpag tu med pa'i tshul rgya mtsho rnam pa tha dad pa yongs su ston pa'i kha dog dang / phyogs kun tu snang bar byed pa'i kha dog dang / dus la gang du bab par 'gro ba yongs su ston pa ma 'dres pa'i kha dog dang / zhi ba dang dul ba'i phyogs las byung ba'i kha dog dang / nyon mongs pa thams cad rab tu zhi bar byed pa'i kha dog dang 'gro ba bsod nams kyi zhing thams cad la rab tu ston pa'i kha dog dang / 'jigs pa thams cad rab tu sel ba'i kha dog dang / don yod par 'gro ba rgyas par 'gengs pa'i kha dog dang / ye shes kyi rnam par gnon pa chen po rab tu rjod pa'i kha dog dang / chags pa med pa'i lus kyis kun tu rgyas par 'gengs pa'i kha dog dang / lus dam pa'i sprin gyi dbyangs kyis 'gro ba kun tu ston par byed
- 73b
ba'i kha dog dang / byams pa'i rgya mtsho chen po yongs su sdud pa'i kha dog dang / bsod nams kyi ri rab chen po yongs su sgrub pa'i kha dog dang / 'gro ba thams cad du mi gnas kyang 'jig rten gyi rgyud thams cad gzugs brnyan 'byung ba'i kha dog dang / ye shes kyi stobs chen po rnam par sbyong ba'i kha dog dang / 'jig rten thams cad kyi rjes su dran pa dang 'grogs pa'i kha dog dang / rin po che thams cad lta bu'i kha dog dang / rnam par snang ba'i snying po ltar yongs su ston pa'i kha dog dang / 'gro ba thams cad kyis mos pa'i tshul dang mthun pa'i kha dog dang / thams cad mkhyen pa nyid kyi rnam pa la mngon du gyur pa'i kha dog dang / mig 'dzum gyis rgyas pas 'gro ba mos par byed pa'i kha dog dang / rin po che'i rgyan dam pa'i 'od kyi kha dog dang / 'gro ba thams cad du thogs pa med la phyir phyogs pa med pa'i kha dog dang / nges pa med cing mngon par zhen pa med pa'i kha dog dang / byin gyi rlabs kyis rnam par 'phrul pa'i khyu mchog gi mthu 'byin pa yongs su ston pa'i kha dog dang / rdzu 'phrul thams cad kyis rnam par 'phrul pa'i khyu mchog gi mthu phyung ba yongs su ston pa'i kha dog dang / de bzhin gshegs pa'i dge ba'i rtsa ba snang bar byed pa'i kha dog dang / chos kyi dbyings kha na ma tho ba med pa'i tshul rgya mtsho la rab tu zhugs pa'i kha dog dang / sangs rgyas thams cad kyi 'khor gyi dkyil 'khor du phyin pa'i gzugs brnyan 'byung ba'i kha dog dang / kha dog sna
- 74a
tshogs rgya mtsho rab tu sgrub pa'i kha dog dang / legs par spyad pa dang rgyu mthun pa bzang pos byung ba'i kha dog dang / 'dul ba ji lta bu bzhin du nye bar sgrub pa'i kha dog dang / 'jig rten thams cad kyis blta na mi ngoms pa'i kha dog dang / 'od dang ba rnam pa sna tshogs kyi 'od du snang ba'i kha dog dang / dus gsum gyi kha dog rgya mtsho thams cad yongs su ston pa'i kha dog dang / 'od zer kha dog thams cad dang ldan pa rgya mtsho rab tu 'gyed pa'i kha dog dang / 'od kyi dkyil 'khor rgya mtsho kha dog brjod du med pa sna tshogs rnam pa tha dad pa yongs su ston pa'i kha dog dang / spos thams cad kyi 'od 'gro ba kun las 'das pa'i kha dog dang / ba spu'i sgo re re nas sangs rgyas kyi zhing brjod du med pa'i rdul shin tu phra ba snyed kyi nyi ma'i dkyil 'khor gyi sprin yongs su ston pa'i kha dog dang / zla ba'i dkyil 'khor gyi gzugs dri ma med cing yangs pa'i sprin gyi byin gyi rlabs kyi kha dog dang / me tog yid du 'ong ba'i ri rab kyi sprin mtha' yas pa rab tu 'gyed pa'i kha dog dang / 'phreng ba sna tshogs mngon par sgrub pa'i shing gi sprin 'phreng ba thams cad kyi char rab tu 'bab pa'i kha dog dang / rin po che thams cad kyi pad+mo'i sprin yongs su ston pa'i kha dog dang / spos dang bdug spos thams cad kyi na bun gyi gzugs kyi sprin gyi chos kyi dbyings thams cad rgyas par 'gengs pa'i kha dog tu sems kyi skad cig re re la phye ma'i mdzod kyi sprin thams cad byin gyis brlabs shing / phyogs bcur chos kyi
- 74b
dbyings kyi tshul rgya mtsho thams cad rgyas par bkang nas/ mthong ba'i 'dul ba'i sems can rnams dang / thos pas 'dul ba dang / rjes su dran pas 'dul ba dang / chos kyi 'khor lo sprul pa mngon par bsgrub pas 'dul ba dang / yongs su smin par 'gyur ba'i dus la bab pas 'dul bar gyur pa dang / gzugs kyi lus yongs su bstan pas 'dul ba dang / bsnyen bkur bya bas 'dul ba dang / khong du chud par bya bas 'dul ba dang / rnam par 'phrul pa dang / cho 'phrul sna tshogs yongs su bstan pas 'dul ba dang / rnam par 'phrul pa dang / cho 'phrul bsam gyis mi khyab pa rnams dmigs pa yongs su bstan pas 'dul ba'i sems can rnams kyi bsam pa'i dbang dang / dus kyi dbang dang / mi dge ba'i las las rnam par bzlog pa'i dbang dang / dge ba'i las yongs su bsgrub pa la so sor dgod pa'i dbang dang / sngon smon lam chen po mngon par bsgrubs pa'i dbang dang / thams cad mkhyen pa nyid kyi shugs kyi dbang dang / byang chub sems dpa'i rnam par thar pa rgya chen po'i rnam par 'phrul pa rab tu thob pa'i chos kyi dbang dang / 'gro ba thams cad yongs su bskyab pa shin tu bsgrubs pa'i snying rje chen po'i stobs yongs su 'byung ba'i dbang dang / byams pa chen po'i rgya mtsho rnam par dag pa yongs su skyed pa'i bsam pa'i dbang gis de bzhin gshegs pa'i byin gyi rlabs yang dag par blang ba'i phyir rab tu 'jug go// rigs kyi bu de ltar kho mo byang chub
- 75a
sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par bskul ba la rab tu gnas te/ rnam par dbye ba med pa'i chos la zhugs nas mtha' dang dbus med pa'i lus kyi kha dog dang dbyibs yongs su bstan te/ spyod pa'i lus re re las mtha' dang dbus med pa'i kha dog rgya mtsho 'jig rten du rnam par dmigs par byas te/ spyod pa'i kha dog re re las mtha' dang dbus med pa'i 'od zer gyi sprid yongs su bkye zhing / 'od zer re re las kyang sangs rgyas kyi zhing gi gzugs brnyan mtha' dang dbus med pa yongs su bstan nas/ sangs rgyas kyi zhing re rer yang de bzhin gshegs pa 'byung ba mtha' dang dbus med pa yongs su bstan te/ de bzhin gshegs pa re re zhing yang sangs rgyas kyi rnam par 'phrul pa mtha' dang dbus med pa yongs su ston pa byed cing / sngon gyi dge ba'i rtsa ba yang dag par skal bar byed do// dge ba'i rtsa ba ma bskyed pa rnams kyang yongs su bskyed do// bskyed pa rnams kyi yangs par byed do/ / dge ba'i rtsa ba yangs par byas pa'i rnams ni rnam par 'phel bar byed do// kho mo ni sems kyi skad cig re re la'ang // sems can gyi khams mtha' dang dbus med pa bla na med pa yang dag par rdzogs pa'i byang chub las phyir mi ldog pa'i sa la rab tu dgod par byed do/ / / shin tu rgyas pa chen po'i mdo sangs rgyas phal po che zhes bya ba las sdong
- 75b
bos brgyan pa'i le'u ste/ bam po brgya lnga pa/ rigs kyi bu gzhan yang khrod kyis 'di skad du smras te/ khyod bla na med pa yang dag par rdzogs pa'i byang chub tu zhugs nas ni ji srid cig lon/ bskal pa brgya phrag ji snyed cig nas ni byang chub kyi spyod pa la spyod spyod ces zer ba de'i don kyang sangs rgyas kyi byin gyi rlabs kyis bstan par bya'o// rigs kyi bu byang chub sems dpa' rnams kyi ye shes kyi la 'khor ni/ rtog pa dang rnam par rtog pa med pa'i yul dang ldan pa ste/ de la 'khor ba ring ba 'am 'khor ba thung bar rnam par dgod cing brjod par bya ba med do// bskal pa kun nas nyon mongs pa 'am/ bskal pa rnam par dag pa 'am/ bskal pa chung ba 'am/ bskal pa che ba 'am/ bskal ba mang ba 'am/ bskal pa tha dad pa 'am/ bskal ba rnam pa sna tshogs su bya ba 'am/ bskal pa rnam pa tha dad par bya bar yang rnam par dgod pa dang / brjod par bya ba med do// de ci'i phyir zhe na/ rigs kyi bu byang chub sems dpa' rnams kyi ye shes kyi dkyil 'khor ni rang bzhin gyi ngo bo nyid kyis yongs su dag pa ste/ 'du shes kyi dra ba thams cad dang bral bar slob pa'iro thams cad las yang dag par 'das pa'i bsam pa la yongs su 'char te/ de'ang sems can thams cad yongs su smin par bya ba'i dus su 'dul ba ji lta ba bzhin du snang bar byed do// rigs kyi bu 'di lta ste/ nyi ma'i dkyil 'khor la nyin mtshan gyi
- 76a
grangs su bya ba med de mi srid kyang nyi ma'i dkyil 'khor nub na ni nub mor snang ngo / / nyi ma'i dkyil 'khor shar na ni nyin bar du snang zhing brjod pa yod do// rigs kyi bu de bzhin du byang chub sems dpa'i ye shes kyi dkyil 'khor rnam par rtog pa med pa la rtog pa dang / yongs su rtog pa thams cad med de 'khor ba na gnas pa'i 'du shes kyi rnam pa thams cad dang dus su bya ba thams cad kyang med mod kyi/ 'on kyang byang chub sems dpa'i bsam pa las byung ba'i ye shes kyi dkyil 'khor rnam par rtog pa med pa ni/ sems can thams cad yongs su smin par bya ba'i dus kyi dbang gis bskal bar gnas pa dang / 'khor ba'i 'du shes kyi rnam par bgrang ba'i grangs su bgrang ba yin te/ ye shes kyi dkyil 'khor rnam par rtog pa med pa la sngon gyi mtha' dang / phyi ma'i mtha'i bskal par gnas pa'i 'du shes kyi rnam par bgrang ba yod do// rigs kyi bu 'di lta ste/ dper na nyi ma'i dkyil 'khor ni nam mkha'i dbyings la 'dug kyang / rin bo che'i ri thams cad dang / rin po che'i shing thams cad dang / rin po che'i snod thams cad dang / rin po che'i 'byung gnas thams cad dang // rgya mtsho thams cad dang / mtsho dang mtshe'u thams cad dang / chu dang ba'i snod thams cad dang / 'gro ba thams cad kyi sems la gzugs brnyan rnam par dmigs pa snang ste/ sems can thams cad la mngon du gyur par snang ngo // rin po che thams cad kyi rdul shin tu phra ba rnams
- 76b
la nyi ma'i dkyil 'khor gyi gzugs brnyan byung bar snang yang / nyi ma'i dkyil 'khor de ni rin po che'i ri rnams la'ang gnas pa med do// rin po che'i shing nas/ rin po che'i rdul shin tu phra ba rnams kyi bar du'ang zhugs pa med/ rin po che'i 'bru rnams kyi khongs su chud pa'ang ma yin/ rin po che'i 'byung gnas rnams kyi rjes su song ba'ang ma yin/ rgya mtsho rnams kyi nang du song ba'ang ma yin// chu'i snod thams cad kyi nang du zhugs pa'ang ma yin mod kyi/ thams cad kyi khongs na 'dug par yang snang ngo // rigs kyi bu de bzhin du byang chub sems dpa' sems dpa' chen po'ang 'khor ba'i rgya mtsho las ni gyen du 'phags/ de bzhin gshegs pa'i chos kyi dbyings kyi nam mkha' la ni mngon par byung // chos kyi rang bzhin nam mkha'i rgyud la ni rgyu zhing spyod// zhi ba'i nam mkha'i dbyings kha ni gnas par 'gyur mod kyi/ srid pa'i lam gyi rgyud dang / skye gnas thams cad du'ang sems can thams cad yongs su smin par bya ba dang gdul ba'i don du sems can thams cad dang 'dra ba'i lus su skye bar snang ste/ 'khor ba'i nyes pas gos par mi 'gyur ro// skye ba dang shi 'pho ba'i sdug bsngal gyis nye bar gdung ba med do// rtog pa dang rnam par rtog pa dag dang 'grogs pa med do// bskal pa pa'ang ring ba'i 'du shes sam thung ba'i 'du shes su 'gyur ba med do/ / de ci'i phyir zhe na/ de ni byang chub sems dpa' phyin ci log las shin tu 'das pa dang / 'du shes dang / sems dang / lta ba'i
- 77a
phyin ci log las yongs su 'das pa dang / rmi lam lta bu'i 'jig rten thams cad yang dag pa ji lta ba bzhin du ye shes kyis khong du chud pa dang / sgyu ma lta bu'i 'jig rten thams cad rab tu rtogs pa dang / sems can med pa'i ye shes kyi dbyings rab tu thob pa dang / yang dag par ji lta ba bzhin du chos rab tu mthong bas snying rje'i dkyil 'khor shin tu yangs pa dang / smon lam chen po'i stobs kyis sems can thams cad yongs su smin par bya ba dang / gdul ba'i don du sems can thams cad la mngon du gyur par snang ngo // rigs kyi bu 'di lta ste/ dper na chu klung chen po la sogs pa la gru ni rtag tu rgyun mi 'chad par sems can yongs su bsgral ba la brtson pa ste/ nam ma zhigs kyi bar du rgyun gcod pa med kyang / de la pha rol gyi ngogs la mngon par chags pa med/ tshu rol gyi ngogs la'ang chags pa med/ chu'i dbus na'ang gnas pa med do// rigs kyi bu de bzhin du byang chub sems dpa' yang pha rol tu phyin pa chen po'i gru'i mthus 'khor ba'i chu klung gi rgyud las sems can thams cad yongs su bsgral ba la zhugs pa yin te/ de la tshu rol gyi mus 'jigs pa med do// pha rol gyi mur bde bar 'gyur ba'i 'du shes med do// 'on kyang rtag tu rgyun mi 'chad pa'i byang chub sems dpa'i spyod pa la bskal pa dpag tu med pa thams cad du gnas par bya ba zhe non pas sems can thams cad yongs su bsgral bar bya ba la zhugs
- 77b
pa yin te/ bskal pa'i rnam pa tha dad pa la mngon par zhen pa med do// bskal pa 'da' bar bya ba la ring ba'i 'du shes su gyur cing byang chub sems dpa'i spyad pa la spyod pa ma yin no// rigs kyi bu 'di lta ste/ dper na chos kyi dbyings ltar yangs pa'i nam mkha'i dbyings nam mkha'i gzhi'i dkyil 'khor ni 'jig rten gyi khams thams cad 'du 'am/ 'jig gam/ 'das par gyur kyang rnam par rtog pa med cing rang bzhin gyis rnam par dag pa la kun nas nyon mongs pa med de/ 'khrug pa med cing bsgribs pa med la phyi ma'i mtha'i dus su zhing thams cad 'dzin kyang yongs su skyo ba med do/ / rigs kyi bu de bzhin du byang chub sems dpa'i bsam pa ye shes nam mkha'i dkyil 'khor yang smon lam chen po'i rlung gi dkyil 'khor gyis kun nas bskor cing ngan song gi g.yang sa thams cad las sems can yongs su 'dzin kyang yongs su skyo ba med do/ / bde ba'i lam la 'god pa byed kyang yongs su sgyid lug pa med do// thams cad mkhyen pa'i lam la 'god kyang zhum par byed pa med do/ / nyon mongs pa thams cad kyis kyang 'khrug pa med do// 'khor ba'i nyes pa thams cad kyis kyang yongs su gdung ba med do// rigs kyi bu 'di lta ste/ dper na smra ma'i rnam pa las grub pa'i mi yan lag dang nying lag shin tu tshang ba la/ lus la gnas pa'i chos bcu med de/ bcu gang zhe na/ 'di lta ste/ dbugs nang du chub 'am/ dbugs phyir rgyu ba 'am/ grang ba'am/
- 78a
dro ba 'am/ bkres pa 'am/ skom pa 'am/ dga' ba 'am/ mi dga' ba 'am/ skye ba dang / rga ba dang / na ba dang / 'chi ba 'am/ gnod par 'gyur ba med do// rigs kyi bu de bzhin du byang chub sems dpa' ye shes kyi sgyu ma'i rnam pa las byung ba'i gzugs dang ldan pa/ chos kyi dbyings tha mi dad pa'i lus dang ldan pa/ srid pa'i lam gyi rgyud thams cad du sems can yongs su smin par byed pa'i don du skyes te bskal pa thams cad du gnas pa la'ang chos bcu med de/ bcu gang zhe na/ 'di ltar 'khor ba la mngon par dga' ba 'am/ 'khor ba srid pa'i lam gyi rgyud du skye bas skyo bar 'gyur ba'am/ yul gyi dga' ba la 'dun pa 'am/ khong khro ba'i sems sam/ longs spyad par 'dod pa 'am/ nyon mongs pa thams cad kyis yongs su gdung ba 'am/ sdug bsngal gyi tshor ba nyams su myong ba 'am/ lam nyam nga bar skye bas 'jigs pa 'am/ srid par mngon par 'dun pa 'am/ mngon par chags pa med do// 'on kyang rigs kyi bu sangs rgyas kyi byin gyis ma 'ongs ba'i byang chub sems dpa' rnams kyi byang chub sems dpa'i smon lam rgya chen po'i stobs rnam par 'phel bar bya ba'i phyir bstan par bya'o/ / rigs kyi bu sngon 'das pa'i dus bskal pa 'jig rten gyi khams rgya mtsho'i rdul shin tu phra ba snyed kyi pha rol de'i yang pha snga 'das par gyur pa de'i tshe de'i dus na/ 'jig rten gyi khams rin po che'i 'od ces bya ba zhig byung ste/
- 78b
rigs kyi bu 'jig rten gyi khams rin po che'i 'od de la bskal pa ni 'od bzang po zhes bya ba byung ngo // bskal pa 'od bzang po zhes bya ba la ni sangs rgyas stong phrag bcu byung bar gyur te/ rigs kyi bu sangs r gyas stong phrag bcu po de dag las bskal pa'i dang po la de bzhin gshegs pa dgra bcom pa yang dag par rdzogs pa'i sangs rgyas chos kyi 'khor lo'i sgra nam mkha'i sprin gyi sgron ma rgyal po zhes bya ba mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi'i ston pa sangs rgyas bcom ldan 'das 'jig rten du byung ste/ de thams cad kyi thog ma la bla na med pa yang dag par rdzogs pa'i byang chub tu mngon par sangs rgyas so// rigs kyi bu de bzhin gshegs pa de'i gling bzhi pa'i dbus na rgyal po gnas dga' bas brgyan pa zhes bya ba yod pa dang / tshang du'ang rgyang mi ring ba zhig tu byung ste/ rgyal po'i gnas dga' bas brgyan pa de'i shar phyogs logs na nags tshal 'od bzang po zhes bya ba zhig yod de/ nags tshal 'od bzang po der snying po byang chub rin po che'i sprin ces bya ba byung ngo / / snying po byang chub rin po che'i sprin ces bya ba der gdan seng ge'i khri rin po che rnam par snang ba'i snying po can byung ste/ de la bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po bla na med par rdzogs pa'i byang chub tu mngon par sangs rgyas so/ / de'i tshe mi'i tshe'i tshad lo stong phrag bcu thub pa las 'jig rten du
- 79a
sems can srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / phra ma zer ba dang / zhe gcod pa'i tshig smra ba dang / tshig bkyal pa zer ba dang / chags sems dang ldan pa dang / gnod sems yod pa dang / log par lta ba can byung ste/ de ltar mi dge ba'i las kyi lam bcu rnam par rgyas par gyur nas rab tu bstan par gyur te/ bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po des/ 'jig rten gyi dbang po sngon gyi rgyal ba la bya ba byas pa rnams dang / 'dzam bu'i gling gi mi rnams kyi dge ba'i rtsa ba yongs su smin par bya ba'i phyir snying po byang chub mchog tu gshegs pa ste/ byang chub sems dpa' rnams la chos stan to// de'i tshe rgyal po'o gnas dga' bas brgyan pa de na rgyal po rgyal ba'i 'od ces bya ba 'dug 'dug ste/ des mi ma byin par len pa/ rku ba/ sdig to byed pa/ srog gcod pa/ 'dod pas log par g.yem ba/ brdzun zer ba/ phra ma smra ba/ zhe gcod pa'i tshig dang ldan pa/ tshig bkyal pa smra ba/ chags sems can gnod sems yod pa/ log par lta ba/ chos ma yin pa'i 'dod chags las zhen pa/ 'dod pa mi bzad pas mngon par non pa/ log pa'i chos kyi kun nas 'khor ba/ sdig to byed byed pa/ khro ga tum byed byed pa/ bsod nams ma byas pa/ 'jigs
- 79b
bas bag tsha ba med pa/ mar mi shes pa/ par mi shes pa/ dge sbyong du bya ba med pa/ bram zer bya ba med pa/ tshul mi shes pa/ g.yo dang ldan pa brgya stong du ma rab tu gdul bar bya ba'i phyir btson ra ra btsud par gyur to/ / rgyal po rgyal ba'i 'od de la bu gzugs bzang ba/ shin tu mdzes pa/ blta na sdug pa/ kha dog bzang po dam pa rgyas pa dang ldan pa/ mi chen po mtshan nyi shu rtsa brgyad dang ldan pa rnam par rgyal ba zhes bya ba zhig yod pa de khang pa glu snyan pa'i dbyangs zhes bya ba'i steng du phyin te/ bud med kyi 'khor mang po sa yongs su bskor cing 'dug 'dug pa las btson ran 'khod pa'i sems can mtshon cha sna tshogs kyis dam du glags pa de dag gi sgra 'jigs 'jigs skad du 'bod pa thos par gyur to/ / thos nas mi dka' zhing shin tu nyams mi bde ba'i sems su gyur te/ snying rje chen po skyes nas khang steng de nas shod du babs te/ btson ra der phyin nas btson ra dam po na 'khod pa'i sems can shing sgrog dang / lcags sgrog dang / khong sgril dang / ltung dang / mdo rtod gyis bsgrogs shing brtod de gcig gi lus dang gcig tu sbrel nas mun nag tu btsud de/ dud pa'i rab rib kyis 'gribs shing rlung nad nyams su mi bde bas nyam thag par gyur pa/ dbugs shin tu mi bde bar rgyu ba/ bkres pa dang skom pas mnar ba/ sgren mo gos med pa/ lus thams cad phyag dar dang rdul gyi nang
- 80a
na 'gre ba/ lus rang gi smras yog pa/ brla skyil gyis dam du bcings pa/ nyon mongs pa sna tshogs kyis mtho btsams pa/ sdug bsngal gyi tshor rabs zil gyis mnan cing sdug bsngal nyams su myong bar gyur te/ mi bzad pa sna tshogs kyi smre sngags kyis bla zhing 'dod 'bod pa de dag mthong nas snying rje chen po skyes te/ snying rje'i bsam pa rgya chen bo byung nas gzhan la phan par bya ba'i sems skyes te/ btson ra thibs po na 'khod pa'i sems can rnams btson ra nas thar bar bya'o zhes dbugs bton nas/ des sems can de dag mi 'jigs pa byin te rgyal po rgyal ba'i 'od gang na bo der song ste 'di skad ces gsol to/ / lha'i zhal snga nas mkhyen pa mdzad du gsol/ btson ra mi bde ba na mchis pa'i sems can rnams la glo ba rje nas bdag gis mi 'jigs pa stsal na de dag dgye bar ci ga nang zhes nas/ / de nas rgyal po rgyal ba'i 'od kyi blon po lnga brgya po bsogs nas khyed ji snyam du sems shes rmas pa dang / de dag gis smras pa/ btson 'di rnams ni rgyal po'i phyag mdzod ku ba/ rgyal po'i sku la dar ba/ btsun mo'i 'khor du zhugs pa las bzung ba sha stag ste/ de dag ni mi 'gum du'ang mi rung de dag gi chad pa ni 'gum pas 'dra bar bas te ma lags na'ang btson rar gum na chad pa 'bra lags grang / de dag gi mgon su bgyid pa de'ang rgyal po'i zhal sngar glo
- 80b
pa ring ngo / / de nas rgyal po'i bu rnam par rgyal ba snying rje chen pos mi bzod ches blon po de dgu la smras pa/ khyed kyis ji skad du smra ba de ltar yang rung ste/ ngas khong ta 'dir/ gi don du sdug bsngal nyams su blang ba thams cad kyang bzod par bya na/ de dag la khyed kyis ci bya ba de nga la gyis te nyes pa can de dag khyer zhig/ ngas de rnams btson ra nas dgrol ba'i don du mi bde ba thams cad nyams su blang ste/ lus dang srog yongs su dor bar bya'o// de ci'i phyir zhe na/ gal te ngas sems can 'di rnams tsam zhig kyang btson ra nas dgrol bar ma nus na/ khams gsum ba'i btson ra na 'khod pa'i sems can sred pa'i zhags pas glags/ ma rig pa'i thibs po na 'khod pa/ gti mug gi mun par btsud pa/ 'phongs pa'i sdug bsngal gyis mnar ba/ ngan song gi rgyu gzabs su ring zhing 'byung bar dka' bar chud pa/ dbyibs mi sdug la mdog mi sdug pa dang ldan pa/ dbang po'i sbyor ba thams cad dang bral ba/ nor ba'i yid dang ldan pa/ 'byung ba mi mthong ba/ snang ba med pa/ khams gsum pa la mngon par zhen pa/ bsod nams dang ye shes kyi tshogs med pa/ ye shes kyi skye mched dang skol ba/ nyon mongs pa sna tshogs kyis sems dri ma can du gyur pa/ sdug bsngal gyi shing rtags kyis 'khor ba/ bdud kyi dbang du gyur pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang /
- 81a
sdug bsngal ba dang / yid mi bde ba dang / 'khrugs pas mnar ba rnams kyang ji ltar khrel bar bya zhes nas rgyal po gzhon nu rnam par rgyal bas/ btson na 'khod pa'i sems can de dag bdag nyid yongs su gtang ba dang / rnam pa thams cad du yongs su gtang bas g.yog 'khor thams cad dang / nor gyi phung po thams cad kyis blus te/ btson ra de dag nas yongs su bkye nas sems can de dag gi sdug bsngal nyams su blangs te phyir ldog pa med par gyur to// de nas blon po lnga brgya po de dag gis lag pa gyen du bsgreng ste 'o dod bos nas rgyal po rgyal ba'i 'od kyi gan du dong ste 'di skad ces smras so/ / rgyal po'i zhal snga nas mkhyen par mdzad du gsol/ gzhon nu rnam par rgyal ba'i mching thabs su bgyis pas/ rgyal po'i chab srid kyang stor bar 'gyur/ bdag cag rnams kyang srog la 'bab par the tshom 'tshal te lha'i zhal snga nas/ rgyal po gzhon nu rnam par rgyal pabapal bka' nan ma mdzad na ni ring po'ang mi thogs par lha'i zhal sngar sku la dar bar 'gyur ro zhes pa dang / de nas rgyal po rgyal ba'i 'od shin tu khros nas rgyal po'i bu rnam par rgyal ba dang g.yon dang ldan pa'i mi de dag tu bcas te gsad par byas so/ / de nas de'i ma skyed skyed pas thos nas mi dga' ste/ bud med kyi 'khor stong dang bcas te skra ni bshig/
- 81b
lus kyi rgyan ni bor rang gi bzhin ni dral/ brang ni rdung / mgo ni phyag dar gyis gang bar snying rje rje skad kyi nga ror ngu zhing / rgyal po'i drung du phyin nas 'khor dang bcas pas rkang pa gnyis la phyag byas te 'di skad du gsol ba btab bo/ / lha'i zhal snga nas thugs ci dgongs rgyal po gzhon nu rnam par rgyal ba gtang du gsol/ rgyal po gzhon nu rnam par rgyal ba'i srog stsal du stsol zhes nas/ de nas rgyal po gzhon na rnam par rgyal ba mdun du gzhag ste 'di skad ces smras so// gzhon nu g.yon dang ldan pa'i mi rnams thong / de ste mi gtong zhing de rnams kyi laM lan du shi bar gyur ta re zhes pa dang / des zhum pa med pa'i sems ma 'khums pa/ thams cad mkhyen pa nyid du dmigs par brtson pa/ gzhan la phan par gzhol ba/ snying rje chen po sngon du 'gro bas 'chi bar khas blangs pa dang / de'i mus rgyal po rgyal ba'i 'od la zla ba phyed cig tu phrad par gsol ba btab pa/ dgung zla phyed cig tu gzhon du 'di sbyin pa stsol du ci gnang / de slad chad ni su ci dgyes pa de'ang mdzad par gsol zhes pa dang / de de ltar gyis shig ces rgyas pos gnang ngo // de nas rgyal po'i gnas dga' b as brgyan pa de'i byang phyogs logs shig na sngon mchod sbyin gyi gnas su bya ba'i bza' shing gi ra ba chen po ki ma'i 'od ces bya ba der gzhon nu de song nas su ci 'dod pa de la byin te
- 82a
des gtan pa med pa'i mchod sbyin byas nas zla ba phyed du sbyin pa rnam pa sna tshogs byin no/ / zas 'dod pa la ni zas byin/ skom 'dod pa la ni skom byin bzhon pa dang / gos dang / me tog dang / byug pa dang / phye ma dang / chos gos dang / gdugs dang / rgyal mtshan dang / ba dam dang / rin po che'i rgyan dang / yo byad thams cad dang / lhab lhub thams cad dang / yo byad kyi rnam pa thams cad kyang de dag 'dod pa la yongs su btang ste/ de nas zhi mtha ma la bab par gyur pa dang 'gro ba mang po'i tshogs kun nas 'dus te/ rgyal po'i blon po dang / bud med kyi tshogs dang / tshong dpon dang / khyim bdag dang / ljongs dang / yul gyi mi dang / zhags pa 'thum pa thams cad kyang kun nas 'dus/ bcom ldan 'das chos kyi 'khor lo'i sgra nam mkha'i sprin gyi sgron ma rgyal po de bzhin gshegs pa deng sems can yongs su smin par bya ba dang / gdul ba'i dus thugs su chud nas mchod sbyin gyi gnas der gshegs te/ lha'i dbang po'i tshogs kyis ni yongs su bskor/ klu'i dbang po ni yang dag par mchod/ gnod sbyin gyi dbang pos ni lus mngon par btud/ dri za'i dbang pos ni mngon par bstod/ lha ma yin gyi dbang pos ni lus shin tu btud/ nam mkha' lding gi dbang po gtsug gi rin po ches rnam par brgyan
- 82b
pas ni sems dang ba'i mchod pa'i rnam pas rab tu bkang / mi 'am ci'i dbang po rnams kyis ni dga' ba'i yid kyis yongs su mchod de bstod pa'i glu'i dbyangs kyis yongs su bskul/ lto 'phye chen po'i dbang po rnams kyis ni kun nas bskor cing zhal du blta ba de 'gro ba'i tshogs chen po de dang rgyal po gzhon nu rnam par rgyal bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos kyi 'khor lo'i sgra nam mkha'i sprin gyi sgron ma rgyal po shin tu mdzes pa/ blta na sdug pa/ dbang po zhi ba/ shin tu dben pa/ dang po las rgyal ba/ glang po ltar shin tu dul ba/ mtsho ltar rab tu dang zhing gsal la rnyog pa med pa sangs rgyas kyi rnam par 'phrul pa dang / cho 'phrul chen po dang / sangs rgyas kyi khya mchog gi mthu phyung ba chen pos ni rnam par mdzes/ sangs rgyas kyi bdag nyid che bas ni rab tu 'bar/ sangs rgyas kyi mtshan dang dpe byad bzang po'i rgyan gyis ni sku mdzes par brgyan / 'jig rten thams cad ni sangs rgyas kyi 'od kyi dkyil 'khor snang bas rgyas par 'gengs shing / sangs rgyas kyi 'od zer gyis rab tu snang bar mdzad/ sku'i ba spu'i bu ga thams cad nas ni spos rin po che'i ngang 'phro ba'i 'khor lo rab tu 'gyed/ sangs rgyas kyi zhing rab tu bskyod pa'i tshul du ni 'jig rten gyi khams thams cad yongs su myong ba mdzod cing / rgyan thams cad kyi
- 83a
gyi char rab tu 'bebs pa'i sangs rgyas kyi rnam par gnon pa dang / sems can thams cad kyi nyon mongs pa spong ba'i sangs rgyas kyi spyod lam dang / sems can t hams cad kyi dga' ba'i shugs rnam par 'phel bar mdzad pa'i sangs rgyas kyi zhal blta ba'i byin gyis pha zad cig nas tshur gshegs pa mthong nas de bzhin gshegs pa la sems mngon par mos par gyur to/ / de nas rgyal po gzhon nu rnam par rgyal ba dang 'gro ba'i tshogs chen po de dag gis/ bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po de pha zad du bsu nas/ mos pa'i sems kyis lus thams cad kyis phab ste phyag 'tshal nas/ zhabs gnyis la spyi bo sa gtugs te/ mchod pa rnam pa sna tshogs kyis yang dag par mchod nas tshig 'di skad du brjod do/ / bcom ldan 'das tshur gshegs su gsol/ bde bar gshegs pa tshur gshegs su gsol/ de bzhin gshegs pas bdag cag dgongs so/ / bde bar gshegs pas bdag cag yongs su bzung ngo // de nas rgyal po gzhon nu rnam par rgyal bas bcom ldan 'das la gdan dam pas bstabs te/ 'di skad ces gsol to// bcom ldan 'das gdan bting ba 'di la bzhugs su gsol zhes nas/ bcom ldan 'das der gshegs pa dang gdan de yang gtsang sbra lhur len pa'i lus
- 83b
kyi ris su gtogs pa'i lha rnams kyi sangs rgyas kyi byin gyis rin po che spos kyi rgyal po'i pad+mo'i snying po can du byin gyis brlabs nas/ gdan de la bcom ldan 'das chos kyi 'khor lon sgra nam mkha'i sprin gyi sgron ma rgyal po de bzhin gshegs pa bzhugs so/ / 'khor gyi stan de dag la byang chub sems dpa' rnams 'khod de/ de'i zhal mthong ma thag tu 'khor de'i sems can thams cad kyang sgrib pa thams cad dang bral te/ nad thams cad kyang zhi bar gyur nas 'phags pa'i chos kyi snod du gyur to// de nas bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal pos sems can de dag snod du gyur par thugs su chud nas/ bstan pa rim pas bka' stsal te/ 'di ltar rgya'i dkyil 'khor rab tu snang ba zhes bya ba'i mdo sde yang dag par bstan nas/ zhal gyi sgo nas 'gro ba thams cad kyi skad rgya mtsho dang / nges pa'i tshig dang / ngag gi dbyangs su brjod pa'i gsung dbyangs kyi yan lag stong dang ldan pa/ chos kyi yan lag thams cad dang ldan pa rab tu bsgrags pa dang / de'i mod la 'khor de nas srog chags bye ba phrag brgyad cu ni rdul dang bral te dri ma med par gyur nas chos la chos kyi mig skyes par gyur to/ / srog chags bye ba mang zhig gis ni mi slob pa'i sa thob par gyur to// srog chags stong phrag bcu ni theg pa chen po la rnam par
- 84a
dul bar gyur te/ 'di ltar byang chub sems dpa'i spyod pa kun tu bzang po dang smon lam chen po yongs su rdzogs pa'i tshul la zhugs par gyur to// de ltar b com ldan 'das des sangs rgyas kyi rnam par 'phrul pa chen pos chos kyi 'khor lo rab tu bskor ba'i tshe phyogs bcu'i sems can sangs rgyas kyi zhing brgya stong gi rdul shin tu phra bsnyed theg pa chen po la rnam par dul bar gyur to/ / phyogs bcu'i 'jig rten sangs rgyas kyi zhing 'byam klas pa sna tshogs su gtogs pa dag gi sems can mtha' dang dbus med pa dag gis kyang ngan song gi lam rnam par bzlog par gyur to/ / sems can grangs las 'das pa zhig ni mtho ris su skye ba'i lam la rab tu bkod par gyur to// rgyal po gzhon nu rnam par r gyal bas kyang byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba 'di thob par gyur to/ / rigs kyi bu de la de'i tshe de'i dus na rgyal po gzhon nu rnam par rgyal ba zhes bya ba byung ste/ rang gi lus dang srog yongs su btang nas nor gyi tshogs dang / 'khor thams cad dang / mi'i 'jig rten na 'tsho ba'i bde ba yongs su spangs nas/ btson ra na 'khod pa'i sems can de dag thar par byas pa/ mchod sbyin chen po gtan pa med pa'i mchod
- 84b
sbyin byed byed pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos kyi 'khor lo'i sgra nam mkha'i sprin gyi sgron ma rgyal po de la bsnyen bkur byed byed pa/ de bzhin gshegs pa de'i zhal mthong ba'i mod la bla na med pa yang dag par rdzogs pa'i byang chub tu sems bskyed de/ byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba'ang thob par gyur pa de gzhan zhig yin pa tsam du sems na ni/ rigs bu khyod kyis de ltar mi blta ste/ kho mo ni de'i tshe de'i dus na rgyal po gzhon nu rnam par rgyal ba zhes bya bar gyur to// de ltar kho mo rgyal po gzhon nu rnam par rgyal ba zhes bya bar gyur te/ snying rje chen pos rab tu mi dga' zhing 'gro ba thams cad la phan par zhugs te/ khams gsum la mi gnas pa dang / rnam par smin pa'i lan la re ba med pa dang / grags pa dang / snyan pa dang ming smos pa la mngon par dga' ba med pa dang / bdag la bstod pa med pa dang / gzhan la smod pa med pa dang / dngos po thams cad la mngon par zhen pa med pa dang / sred pa'i 'du shes las gyen du 'phags pa dang / khams gsum pa la mngon par dga' ba med pa dang / 'jig rten gyi yul gyi bde ba la phyir phyogs pa dang / de bzhin gshegs pa'i yul la mngon du gyur pa dang
- 85a
byang chub sems dpa'i bsam pa rnam par dag pa dang / lhag pa'i bsam pa rdo rje yongs su grub pa dang / 'gro ba thams cad la byams pa chen pos nan tan du byed pa dang / 'gro ba thams cad la snying brtse bas sdug bsngal rnam par zhi bar bya ba la brtson pa dang / de bzhin gshegs pa'i stobs la bsam pa thag pa nas lhag par dmigs pa dang / byang chub sems dpa'i lam yongs su byungs pa dang / theg pa rten pa'i rgyun gyis 'byung ba'i lam rab tu brgyan par bya ba dang / thams cad mkhyen pa nyid kyi sgo mngon par blta bar bya ba'i tshul gyis/ de dag de lta bur dka' ba dag kyang byas par gyur to/ / rigs kyi bu kho mos ni byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba 'di yun de srid du ring ba zhig nas thob par gyur to/ / rigs kyi bu de la ji snyam du sems/ de'i tshe de'i dus na rgyal po rgyal ba'i 'od la log par gsol ba 'debs shing kho mo gsad pa'i phyir gros su gsol ba'i blon po lnga brgya po de rnams gzhan dag cig yin pa tsam du sems na ni de ltar mi blta ste/ lha sbyin gyis bcom ldan 'das bkrongs pa'i phyir skyes bu lnga brgya bkye ba de dag yin te/ de dag kyang bcom ldan 'das kyis ma 'ong ba'i dus bskal pa ri rab kyi rdul shin tu phra ba snyed na bskal pa 'od bzang po
- 85b
zhes bya ba gcig la/ sangs rgyas lnga brgya sangs rgyas kyi zhing gi yon tan dang rgyan sna tshogs dang ldan pa/ rigs dang rgyud sna tshogs su skyes pa/ pha dang ma sna tshogs su smos pa skye ba'i rnam par 'phrul pa sna tshogs su ston pa/ mngon par 'byung ba'i rnam par 'phrul pa sna tshogs dang ldan pa/ byang chub kyi shing gi 'od sna tshogs yongs su ston pa/ snyisnying po byang chub sku tshogs su nye bar 'dong ba'i sna tshogs dang ldan pa/ bdud pham pa sna tshogs yongs su ston pa/ mngon par 'tshang rgya ba'i rnam par 'phrul pa sna tshogs yongs su ston pa/ chos kyi 'khor lo/ rab tu bskor ba'i tshul dang / ming dang / nges pa'i tshig sna tshogs dang ldan pa/ mdo sde'i tshul shin tu bstan pa sna tshogs dang ldan pa/ tshig gi lam dang skad sna tshogs rab tu ston pa/ 'khor gyi dkyil 'khor gyi rgyan sna tshogs dang ldan pa/ 'od kyi dkyil 'khor gyi mthu dang rgyan sna tshogs rab tu 'gyed pa/ tshe'i tshad sna tshogs dang ldan pa/ bstan pa'i byin gyi rlabs sna tshogs dang ldan pa/ bstan pa rnam par dmigs pa sna tshogs dang ldan pa/ ming sna tshogs dang ldan pa/ snying rje chen po'i lus su gyur pa sha stag tu 'gyur te/ de dag gi bskal pa'i dang po la/ de bzhin gshegs pa thugs rje chen po mnga' ba zhes bya ba 'jig rten gyi khams rin chen 'od du bla na med pa yang dag par rdzogs pa'i byang chub tu mngon par 'tshang rgya'o// de'i rjes
- 86a
la 'jig rten gyi khams de nyid du de bzhin gshegs pa gnyis pa 'gro ba thams cad la phan pa'i smon lam zla ba zhes bya ba byung ngo / / de bzhin gshegs pa gsum pa thugs rje chen po'i seng ge zhes bya ba 'byung ngo / / de bzhin gshegs pa bzhi pa 'jig rten thams cad la phan pa mdzad pa zhes bya ba 'byung ba nas/ thams cad kyi tha mar de bzhin gshegs pa sman pa'i rgyal po zhes bya ba 'byung bar 'gyur ro/ / zhes bla na med pa yang dag par rdzogs pa'i byang chub tu lung bstan to// rigs kyi bu de la ji snyam du sems/ de'i tshe de'i dus na g.yon dang ldan pa'i mi rgyal po la snying ring bar gyur te/ kho mos gsod ma mi'i lag tu phyin pa las rang gi lus dang srog yongs su btang / btson ra de dag nas bkye ba de rnams gzhan dag cig yin pa tsam du sems na ni de ltar mi blta ste/ de bzhin gshegs pa log par dad sel la sogs pa bskal pa bzang po pa'i de bzhin gshegs pa rnams dang / de ma yin ba'i byang chub sems dpa' grangs med pa brgya stong phrag bcu dag ste/ bcom ldan 'das de bzhin gshegs pa stobs mtha' yas grags par brjod pa'i dpal yang dag par 'byung ba'i blo gros mthong bar gyur ma thag tu bla na med pa yang dag par rdzogs pa'i byang chub tu sems bskyed nas/ da ltar phyogs bcu na byang chub sems dpa'i spyad pa spyod cing / byang chub sem
- 86b
dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba yang dag par skul ba 'di'ang sgom zhing shin tu rgyas par byed pa dag go/ rigs kyi bu de la ji snyam du sems/ de'i tshe de'i dus na rgyal po rgyal ba'i 'od ces bya ba byung ba de gzhan zhig yin pa tsam du sems na ni de ltar mi blta ste/ smra ba chen po bden pa can ni de'i tshe de'i dus na rgyal po rgyal ba'i 'od ces bya bar gyur to/ / rigs kyi bu de la ji snyam du sems/ de'i tshe de'i dus na rgyal po'i 'khor du gyur pa btsun mo'i 'khor dang btsun mo'i gnas kyi sgo ba 'am/ 'khor na gnas pa 'am/ rjes su 'brang ba de dag kyang gzhan dag cig yin pa tsam du sems na ni de ltar mi blta ste/ zhags pa 'thub pa stong phrag drug cu po smra ba chen po bden pa can gyis smra ba'i rgyal mtshan yongs su gzung ba'i don du bcom ldan 'das la rgol du 'gro ba'i tshe/ bcom ldan 'das kyi spyan sngar glags nas kun kyang zhing sku tshogs kyi rgyan dang / bskal pa sna tshogs dang / ming sna tshogs kyi de bzhin gshegs par 'jig rten du 'byung bar 'gyur ro zhes/ bcom ldan 'das kyis bla na med pa yang dag par rdzogs pa'i byang chub tu lung bstan pa dag go/ / rigs kyi bu rgyal po gzhon nu rnam par rgyal ba de pha dang mas gnang nas sems can btson ra ba de dag yongs su bkrol
- 87a
ba'i 'og tu srid shin tu bde ba dang / nor dang dbyig rin po che phun sum tshogs pa dag kyang bor/ bu dang chung ma dag kyang spangs nas/ bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po'i zhabs 'bring du rab tu byung ngo / / rab tu byung nas kyang lo stong phrag lngar tshangs par spyod pa spyad de/ de'i bar skabs su ting nge 'dzin gyi sgo stong phrag bcu yongs su bsgrubs so// gzungs kyi sgo stong phrag bcu'ang rab tu thob bo// mngon par shes pa'i tshul stong phrag bcu la'ang rab tu zhugs so/ / byang chub sems dpa'i gter stong phrag bcu lang rab tu thob bo// thams cad mkhyen pa'i shugs stong phrag bcu'ang yongs su skyes so// bzod pa'i sgo stong phrag bcu'ang yongs su sbyangs so/ / sems nges par gzhag pa stong phrag bcu'ang mngon par bsgrubs so// byang chub sems dpa'i stobs kyi lus stong phrag bcu'ang yongs su spel to/ / byang chub sems dpa'i ye shes kyi sgo stong phrag bcur yang rab tu zhugs so// shes rab kyi pha rol tu phyin pa'i tshul stong phrag bcu'ang yongs su skyes so// sangs rgyas blta ba'i phyogs kyi sgo stong phrag bcu'ang mngon du gyur to// byang chub sems dpa'i smon lam stong phrag bcu'ang mngon par bsgrubs so// de de lta bu'i chos dang ldan
- 87b
pas sems kyi skad cig re re la phyogs bcur sangs rgyas kyi zhing stong phrag bcu yongs su gnon to/ / 'jig rten gyi khams re re zhing yang sems kyi skad cig re re la sangs rgyas stong phrag bcu sngon gyi mtha' dang phyi ma'i mthar rjes su dran no/ / de bzhin gshegs pa de dag gi sangs rgyas kyi sprul pa rgya mtsho stong phrag bcu phyogs bcur gshegs pa de dag kyang mthong mi shes so/ / sems kyi skad cig re re la'ang sangs rgyas kyi zhing stong phrag bcur gtogs pa'i sems can 'gro ba'i rgyud sna tshogs su skyes pa shi 'pho zhing skye bar gyur pa mtho ba dang / dma' ba dang / bde 'gro'i lam du phyin pa dang / ngan song gi lam du phyin pa dang / kha dog sdug pa dang / kha dog mi sdug pa las ci bzhin du skyes par gyur pa thams cad kyang mthong bar gyur to// sems can de dag gi shi 'pho dang skye ba'ang khong du chud cing mthong ste/ sems kyi rgyud dang / sems kyi spyod pa dang / sems kyi dbang 'brel ba dang bcas pa sna tshogs dang / dbang po rgyu mtsho dang / sbyor ba 'byam klas pa dang / las mthar thug pa dang / yongs su smin par bya ba dang / rnam par gdul ba'i dus kyang khong du chud cing mthong ngo // rigs kyi tha r gyal po gzhon nu de de nas shi phos nas kyang 'dzam bu'i gling de nyid du rgyal po'i gnas dga' ba dang ldan par rgyal po de nyid kyi rigs su skyes nas 'khor los sgyur ba'i rgyal srid thob par gyu
- 88a
to/ / de 'khor los sgyur ba'i rgyal por gyur pas/ bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po yongs su mya ngan las 'das pa'i 'og tu/ de bzhin gshegs pa chos kyi nam mkha' la dpal shin tu 'phags pa'i rgyal po bsnyen bkur to// de'i 'og tu snying po byang chub de nyid du brgya byin du gyur te/ de bzhin gshegs pa lha dbang snying po zhes bya ba bsnyen bkur to// de'i 'og tu 'jig rten gyi khams de nyid du rab mtshe ma'i lha'i rgyal por gyur te/ de bzhin gshegs pa sa'i dpal ri bo'i gzi brjid ces bya ba bsnyen bkur to/ / de'i 'og tu 'jig rten gyi khams de nyid du rab dga' ldan gyi lha'i rgyal por gyur te/ de bzhin gshegs pa chos kyi 'khor lo'i 'od rab tu bsgrags pa'i rgyal po zhes bya ba bsnyen bkur to/ / de'i 'og tu 'jig rten gyi khams de zhing du rab 'phrul dga'i lha'i rgyal por gyur te/ de bzhin gshegs pa nam mkha' mdzes pa'i rgyal po zhes bya ba bsnyen bkur to/ / de'i 'og tu 'jig rten gyi khams de nyid du dbang sgyur gyi lha'i rgyal por gyur te/ de bzhin gshegs pa stobs la thub pa med pa'i dpal zhes bya ba bsnyen bkur to/ / de'i 'og tu 'jig rten gyi khams de nyid du lta ma yin gyi dbang por gyur te/ de bzhin gshegs pa chos thams cad kyi 'brug sgra bsgrags pa'i rgyal po zhes bya ba
- 88b
bsnyen bkur to/ / de'i 'og tu 'jig rten gyi khams de nyid du tshangs pa'i dbang por gyur te/ de bzhin gshegs pa chos kyi 'khor lo sprul pa kun tu snang ba'i dbyangs zhes bya ba bsnyen bkur to/ / rigs kyi bu 'jig rten gyi khams rin chen 'od de nyid du bskal pa 'od bzang po de nyid la de bzhin gshegs pa de dag la sogs pa sangs rgyas stong phrag bcu byung ste/ de bzhin gshegs pa de dag thams cad kyang rgyal po gzhon nu rnam par rgyal bas bsnyen bkur to// rigs kyi bu bskal pa 'od bzang de'i 'og tu bskal pa 'od zer bzang po zhes bya ba byung ste/ bskal pa 'od zer bzang po de la'ang sangs rgyas stong phrag bcu byung ngo // kho mo yang bskal pa de la rgyal po blo gros chen po zhes bya ba zhig tu gyur te/ de'i tshe kho mo rgyal por gyur pas de bzhin gshegs pa mtshan gyi dpal ri bo zhes bya ba bsnyen bkur to/ / de'i 'og tu bskal pa de nyid la khyim bdag cig tu gyur te/ de bzhin gshegs pa phung po yongs su grub pa zhes bya ba bsnyen bkur to/ / de'i 'og tu bskal pa de nyid la blon po zhig tu gyur te/ de bzhin gshegs pa dri ma med pa'i sras zhes bya ba basman bkur to// de'i 'og tu bskal pa de nyid la lha ma yin gyi dbang po zhig tu gyur te/ de bzhin gshegs pa shugs mnga' ba zhes bya ba bsnyen bkur to// de'i 'og tu bskal pa de nyid la shing gi lha
- 89a
mo zhig tu gyur te/ de bzhin gshegs pa mtshan zhid ri rab ces bya ba bsnyen bkur to// de'i 'og tu bskal pa de nyid la ded dpon cig tu gyur te/ de bzhin gshegs pa phyag dri ma med pa zhes bya ba ba snyertan pa kur to/ / de'i 'og tu bskal pa de zhing la grong khyer gyi lha mo zhig tu gyur te/ de bzhin gshegs pa seng ge rnam par gnon pas bzhud ba zhes bya ba bsnyen bkur to/ / de'i 'og tu bskal pa de nying la ngal ba so po zhig tu gyur te/ de bzhin gshegs pa lha dbang gtsug bud ces bya ba bsnyen bkur to// de'i 'og bskal bskal pa de nyid la dri za'i rgyal po zhig tu gyur te/ de bzhin gshegs pa grags pa chos kyis 'phags pa zhes bya ba bsnyen bkur to// de'i 'og tu bskal pa de nyid la grul bum gyi bdag po zhig tu gyur te/ de bzhin gshegs pa snang ba cod pan zhes bya ba bsnyen bkur to// rigs kyi bu de ltar kho mos de bzhin gshegs pa bcu po de dag la sogs pa bskal pa 'od zer bzang po de la skye ba'i ris sna tshogs su skyes nas de bzhin gshegs pa bye ba phrag drug cu bsnyen bkur te/ kho mos de bzhin gshegs pa de dag thams cad la mchod pa byas so// de bzhin gshegs pa re re'i spyan sngar 'gro ba'i tshe rang sems can gyi khams mtha' dang dbus med pa bla na med pa yang dag par rdzogs pa'i byang chub tu yongs su smin par byas so/ / de bzhin gshegs
- 89b
pa re re'i spyan sngar 'gro ba'i tshe'ang ting nge 'dzin gyi sgo sna tshogs rab tu thob par gyur to/ / gzungs kyi sgo sna tshogs dang / mngon par basbubs pa'i tshul sna tshogs dang / tha dad pa yang dag par shes pa mngon par bsgrubs pa'i tshul sna tshogs dang / thams cad mkhyen pa nyid kyi tshul rjes su rtogs par bya ba sna tshogs dang / chos snang ba'i sgo thob par bya ba'i tshul sna tshogs dang / ye shes kyi tshul khong du chud par nga pyad pa rnam pa sna tshogs dang / phyogs rgya mtsho la 'jug pa'i snang ba sna tshogs dang / zhing rgya mtsho sna tshogs la 'jug cing khong du chud par bya ba'i snang ba sna tshogs dang / de bzhin gshegs pa rgya mtsho mthong bar bya ba rnam par dmigs pa'i snang ba sna tshogs kyang rab tu thob bo// yongs su non to// rnam par dag go/ yongs su rdzogs so// yongs su gnas par gyur to// skyes so// byung ngo // rnam par 'phel to// yongs su 'phel to// rab tu byung ngo // rnam par byung ngo // bskal pa 'od zer bzang po de la de bzhin gshegs pa rnams ji ltar rim gror byas pa de bzhin du/ bskal pa 'jig rten gyi khams rgya mtsho thams cad kyi rdul shin tu phra ba snyed du de bzhin gshegs pa ji snyed cig byung bar gyur pa dang / de bzhin gshegs pa ji snyed cig 'jig rten gyi khams gzhan nas de dag tu byon te/ chos bstan par gyur pa'i de bzhin
- 90a
gshegs pa de dag thams cad las kyang kho mos chos bstan pa thos te/ thos nas kyang yongs su bzung ngo // de bzhin gshegs pa de dag thams cad kyang kho mos bsnyen bkur to/ / rim gror byas so// sangs rgyas bcom ldan 'das de dag gi bstan pa'ang kho mos yongs su bzung ngo // de bzhin gshegs pa de dag thams cad las kyang ngo/ mos byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba 'di thob par bya ba'i tshul sna tshogs dang / rnam par thar pa'i tshul gyi sgo sna tshogs kyis thob par gyur to// de nas mtshan mo'i lha mo 'gro ba thams cad bsrung ba'i smon lam la brtson pa'i 'od kyis de'i tshe rnam par thar pa'i tshul 'di nyid yongs su brjod pa dang / yongs su bstan pa'i phyir/ tshong dpon gyi bu nor bzangs la tshigs su bcad de smras pa/ bsam gyi mi khyab rnam thar dam pa 'di/ / grags pa khyod kyis bdag la gang dris pa// bde bar gshegs pa'i byin gyis de bstan gyis// ma lu sa yang dag ji bzhin bdag la rkon// bskal pa bsam yas yangs pa mtha' yas pa/ / rgya mtsho'i zhing gi rdul dang grangs mnyam pa// de kun 'das pa'i snga rol mdangs dga' ba'i// 'jig rten khams shig byung ba rin chen 'od//
- 90b
de tshe bskal pa bzang po'i 'od kyang byung // de la rgyal ba dpag tu med pa skyes// thub pa'i dbang po de dag tshe ma yis// rnam thar 'di la sgom zhing bsen bkur na// gnas rab yangs shing bzang byung ba// de yi ming ni dga' bas brgyan pa ste// de tshe sems can rnam par ma dag sems// mi bzad ngan du spyod pa de byung gyur// der ni rgyal brtul ba'i 'od byung ste/ / sems can de dag chos kyis bskyang ba byas// de yi bu ni rnam par rgyal ba ste// mdzes shing mtshan gyis yan lag brgyan pa po// g.yon ldan stong phrag mang po de dag kyang / / de'i tshe rgyal pos bsad par byas mthong na// gzhon nu snying brtse mi dga' kun nas 'khor// myur du dgye bar rgyal po de la gsol// rgyal pos thos nas de tshe blon po rnams/ / ma lus kun bsdus de la bka' stsal nas// kun gyis de la phyag byas phyir gsol pa// de ni rgyal po khyod bkrong thabs shig lags// rgyal po de ltar log par thugs pa nas/ / sras de bsad par de tshe byas gyur kyang // bdag srog 'phangs par ma brtsi sa ngom zung med// rgyal pos sras kyis bsad par byas ma btang // bsad par bas pa de thos nas/ / rgyal po de la 'khor bcas gsol ba 'debs// dgung zla phyed cig sbyin pa ma lus par// 'jig rten stsol du gzhon nu gtang bar gnong // rgyal po des kyang de lngar
- 91a
ka nang gyur nas/ / des ni ci 'dod sbyin pa yongs su btang // zla ba phyed du zhin mtshan sbyin byas nas// nyi ma'i tha mar tshogs par gyur pa yi// zhags pa 'thub pa gang rnams ci 'dod pa/ / de la de byin 'chi bar sta kon gnas// rgyal po'i gnas der 'gro ba mang po dag/ cho nger ngu zhing kun kyang 'dus par gyur// byang chub shing drung bde gshes de yi tshe/ / dam chos dbyangs mchog sgron ma'i rgyal zhugs pas// 'gro ba'i dbang po smin par thugs chud nas// mchod sbyin ra bar thugs rje chen pos byon// de bzhin gshegs pa'i rnam 'phrul rnam phye bas/ / de yi 'khor du bde gshegs byon gyur nas// chos kyi sgron ma'i sprin gyi sgra sgrog pa'i// mdo sde rgyal po bde bar gshegs pas bshad// 'gro ba mtha' dang dbus med rnam btul nas/ / de tshe byang chub mchog tu lung yang bstan// rgyal ba'i sras po rnam par rgyal ba yang // shin tu dga' bas byang chub mchog tu zhugs// bde gshegs bsnyen bkur mchod pa rnam yangs pas// de la mchod byas dga' bar smras pa ni// 'gro ba rnam 'dul skyabs su bdag 'gyur bgyi// mgon dang gnas dang dpung du yang de bzhin zhes/ / rgyal ba de yi zham ring thar par zhugs// yang dag byang chub lam ni yongs tshol zhing // chos kyi rang bzhin rab tu brtag bya bas// der gnas bskal
- 91b
pa brgya phrag mang du spyad/ / sdug bsngal rgya mtshor ltung zhing mdongs gyur pa'i// 'gro ba mgon med kun la snying brtse bas// yang dag byang chub lam la yongs bsgoms nas/ de tshe de yis rnam tha ra 'di thob bo// bskal pa de la bde gshegs gang byung ba// de dag kun la'ang dga' bas bsten bkur nas// de dag kun la mchod pa chen po byas// chos kyi 'khor lo yongs su bzung bar gyur// de yi 'og tu bskal pa rgya mtsho'i rnams// zhing mang rgya mtsho'i rdul snyed kun la yang // rgyal ba ji skad skyes par gyur pa dag/ rab tu mchod cing de dag bsnyen bkur byas/ / rnam par rgyal zhes bya ba kho mo yin// nyam nga btson rar gnas pa'i btson mthong nas// de dag dgrol phyir lus kyang yongs su btang // rnam thar 'di yang de tshe thob par gyur// zhing rnams rgya mtsho'i rdul phran rab bgrangs pa'i// bskal pa rgya mtsho mang po bsgom pa byas// tshul mang mtha' dang dbus med ma nyam med bas/ / skad cig re re dag tu rnam par spel// thub pa'i bdag po ji snyed mthong gyur pa// de dag spyan sngar sngan chad 'di thob ste// sgo tshul rnam pa gzhan dang gzhan dag gis// de dag gis ni rnam thar 'di yang bstan// de dag rnam thar ma nor bsam yas la// bskal pa bye ba mang por kho mos bslabs// de la rgyal bas bkod cing grol gyur pa// de dag dam
- 92a
chos sbyin pas ci kya zag/ / rdzogs tu kun gyi ga khas thams / rdzogs pa med pa sa kyi rgya la she / gang kyi na bas mams pa'i/ gas d+hA ma/ lang rab tu 'jug/ dus gsum rgyal ba rgya mtsho ma lus pa// de re kun la'ang mngon du rab tu lta// de dag lus kyi gzug brnyan rgyal ba la// sprin du gyur pa nam kyang spyan snga 'gris// phyi kra nam kun tu zhi bar phyin 'dong zhing // rgyal bapa'i spyan sngar 'dong pas shin tu mdzes/ / rgyan rnams ma lus mngon par char 'bebs shing // rgyal ba rnam la de dag mchod pa byed// sangs rgyas rgya mtsho che la rnam yangs pa'i// zhu ba mtha' yas kun kyang zhu ba byed// rgyal ba'i chos spyi mngon par char 'bab pa/ / kun kyang ma lus yongs su 'dzin pa byed// phyogs bcu ma lus kun tu de dag 'dong // rgyal ba'i dkyil 'khor kun gyi spyan sngar 'bab// gzugs mang rnam pa sna tshogs bstan gnas shing / / rnam 'phrul sna tshogs nye bar ston pa byed// kha dog mtha' yas rang gi lus gzugs kyis// phyogs rnams thams cad rnam pa stong du 'gengs/ / de dag lus gcig las kyang gzugs kyi rnams// mtha' dang dbus med rnam stor ston par byed// ba spu re re'i sgo nas grangs med pa'i// 'od zer mang po rtsa mtsho de dag 'gyed/ / skye dgu'i nyon mongs me yi gdung ba dag/ sna tshogs thabs kyis rab tu zhi bar byed// 'di la gnas pa lus sprul sprin mang ba// ba spu re re'i sgo nas
- 92b
'gyed byed cing / / ngo mtshar rmad kyis phyogs kun rgyas bkang nas// chos chu'i char gyis sems can rnam par 'dul// tshul 'jug 'di ni bsam gyis mi khyab gzugs// rgyal sras kun gyi gnas su gyur pa ste/ / de la gnas shing phyi mtha' bskal par yang // zhing rnams kun tu spyad pa rab tu spyod// bsam pa ji bzhin chos rnams ston byed cing // de dag lta ba'i dra ba rnam par zlogs/ / mtho ris mya ngan 'das la sems can 'god// thams cad mkhyen pa'i sa yang rnam par ston// 'jig rten skye gnas thams cad ma lus par// kha dog mtha' yas lus mang bsam yas pas// bsam pa bzhin du chos rnams rjod byed de// de dag sems can kun gyi gzugs brnyan gzugs// 'di dang gzhan dag tshad las 'das pa yi/ / yon tan rgya mtsho zhing mang rgya mtsho yi// rdul phran rab snyed bsam gyis mi khyab pa// rnam thar zhi ba 'di ldan thob par gyur// rigs kyi bu kho mos byang chub sems dpa'i rnam par thar pa sems can thams cad yongs su smin par byas pas bsam pa ji lta ba bzhin du dge ba'i rtsa ba la yang dag par skul ba 'di shes par zad na/ kho mos byang chub sems dpa' 'jig rten thams cad kyi lam gyi rgyud las 'das pa/ 'jig rten gyi skye gnas thams cad du gzugs brnyan rab tu 'byung ba/ 'jig rten gyi shes pa thams cad las
- 93a
yang dag par 'das pa/ shes pa'i sgrib pa thams cad kyang rnam par 'thor ba la brtson pa/ chos thams cad kyi rang bzhin dang mtshan nyid rab tu rtogs pa/ nyon mongs pa'i sgrib pa dang mun pa thams cad rnam par sel ba la brtson pa/ chos thams cad rab tu dpyad pas mngon par bsgrubs pa la mkhas pa/ bdag med pa'i chos mngon du gyur pa/ sems can thams cad yongs su smin par bya ba dang gdul ba rgyun mi gcod pa/ chos kyi dbyings kyi tshul gnyis su med par rab tu rtogs pa dag gi lam gyi tshul rgya mtsho thams cad kyi rjes su 'brang ba'i blo dang ldan pa de dag gi spyod pa shes pa'am/ yon tan rgya mtsho la 'jug pa 'am/ ye shes kyi rnam par gnon pa yongs su shes par bya ba 'am/ sems kyi ka nas khong du chud par bya ba'am/ ting nge 'dzin la dbang sgyur ba rtogs par bya ba 'am/ rnam par thar pas rnam par 'phrul pa yongs su shes par bya bar nus re skan/ song rigs kyi bu 'dzam bu'i gling 'di nyid kyi lum bi ni'i nags tshal na/ lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal zhes bya ba 'dug gis de'i gan du song la ji ltar na byang chub sems dpa' de bzhin gshegs pa'i rigs su byung ba yin pa dang / ji ltar na 'jig rten rnams la snang ba byed par 'gyur ba dang / ji ltar na phyi
- 93b
ma'i mtha'i bskal pa'i mur thug par byang chub sems dpa'i spyod pa spyad pas mi skyo bar 'gyur ba dris shig/ de nas tshong dpon gyi bu nor bzangs kyis/ mtshan mo'i lha mo 'gro ba thams cad bsrung ba'i smon lam la brtson pa'i 'od kyi rkang pa gnyis la spyi bos phyag 'tshal te/ mtshan mo'i lha mo 'gro ba thams cad bsrung ba'i smon lam la brtson pa'i 'od la lan brgya stong du mar g.yas phyogs su bskor ba byas nas thal mo sbyar te phyir lta zhing / mtshan mo'i lha mo 'gro ba thams cad bsrung ba'i smon lam la brtson pa'i 'od kyi drung nas song ngo / / // shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste/ bam po brgya drug pa/ de nas tshong dpon gyi bu nor bzangs/ mtshan mo'i lha mo 'gro ba thams cad bsrung ba'i smon lam la brtson pa'i 'od kyi gdams ngag de rjes su dran par byed cing / byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba de la yongs su sgom pa dang / khong du chud par bya ba dang / rgya cher byed/ cing mthar gyis lum bi ni'i nags tshal gang na ba der phyin te/ lum bi ni'i nags tshal la g.yas phyogs su bskor ba byas nas/ lum bi ni'i nags tshal gyi lha mo gzi brjid kyi dkyil 'khor
- 94a
bzang pos dga' ba'i dpal yongs su tshol tshol ba las/ lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal lum 'i ni'i nags tshal na rin po che'i shing yal ba thams cad kyi dkyil 'khor gyi khyim brtsegs pa zhig na seng ge'i khri rin po che'i pad+mo'i snying po can zhig la 'dug cing / nags tshal gyi lha mo khrag khrig brgya stong phrag nyi shu'i 'khor gyis kun nas bskor te/ mdun du byas nas chos ston te/ byang chub sems dpa' thams cad kyi skye ba rgya mtsho shin tu bstan pa zhes bya ba'i mdo sde yongs su ston cing / de bzhin gshegs pa'i rigs kyi rgyud du rigs dang ldan par skyes pa'i byang chub sems dpa' rnams kyi yon tan rgya mtsho'i shugs rnam par 'phel bar byed cing 'dug pa mthong nas/ lum pa ni'i nags tshal gyi lha mo gzi brjid kyi dkyil 'khor bzang pos dga' ba'i dpal gang na ba der song ste phyin nas/ lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyi rkang pa gnyis la spyi bos phyag 'tshal nas mdun du 'dug ste thal mo sbyar nas 'di skad ces smras so/ / 'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar na byang chub sems dpa' rnams de bzhin gshegs pa'i rigs su byung ba lags pa'ang ma 'tshal/
- 94b
ji ltar na byang chub sems dpa' rnams spyod pa la spyod cing sems can rnams la snang ba 'byin par 'gyur ba'ang ma 'tshal to// de skad ces smras pa dang // lun bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyis/ tshong dpon gyi bu nor bzangs la 'di skad ces smras so// rigs kyi bu bcu po 'di dag ni byang chub sems dpa' rnams kyi skye ba ste/ de dag dang ldan na byang chub sems dpa' rnams de bzhin gshegs pa'i rigs su skyes pa yin no// de dag la byung na byang chub sems dpa' rnams sems kyi skad cig re re la'ang byang chub sems dpa'i dge ba'i rtsa bas rnam par 'phel bar 'gyur te/ thogs pa med pa dang / zhum pa med pa dang / phyir ldog pa med pa dang / rgyan gcod pa med pa dang / yongs su skye ba med pa dang / sgyid lug par 'gyur ba med pa dang / nyams par 'gyur ba med pa dang / kam dma' bar 'gyur ba med pa dang / yongs su yi 'chad par 'gyur pa med pa dang / chud za bar 'gyur ba med pa dang / thams cad mkhyen pa nyid kyi phyogs kyi rjes su 'brang bar 'gyur ba dang / chos kyi dbyings kyi tshul la yongs su gzhol bar 'gyur ba dang / sangs rgyas kyi byang chub tu yongs su smin pa thob par 'gyur ba dang / byang chub sems dpa' sems bskyed pa shin tu
- 95a
yangs par 'gyur ba dang / pha rol tu phyin pa thams cad kyi rnam par 'phel bar 'gyur ba dang / 'jig rten gyi lam rgyud thams cad las rnam par ldog par 'gyur ba dang / de bzhin gshegs pa'i sar yongs su grub par 'gyur ba dang / ye shes kyis mngon par shes pa shin tu byang bar 'gyur ba dang / sangs rgyas kyi chos mngon du 'gyur ba dang / thams cad mkhyen pa'i yul gyi don dang ldan par 'gyur ro// bcu gang zhe na/ 'di lta ste/ sangs rgyas thams cad la bsnyen bkur ba'i smon lam gyi sbyor/ ba'i snying po zhes bya ba ni/ byang chub sems dpa'i skye ba dang po'o// byang chub kyi sems kyi yan lag yongs su grub par 'gyur ba 'byung ba'i snying po zhes bya ba ni/ byang chub sems dpa'i skye ba gnyis pa'o/ / chos kyi tshul la nges par rtog par gzhag pa'i sbyor ba'i tshul mngon du gyur pa 'byung ba'i snying po zhes bya ba ni/ byang chub sems dpa'i skye ba gsum pa'o// dus gsum du snang bar bya ba'i lhag pa'i bsam pa rnam par dag pa'i snying po zhes bya ba ni/ byang chub sems dpa'i skye ba bzhi pa'o// kun nas snang ba'i 'od kyi snying po zhes bya ba ni/ byang chub sems dpa'i skye ba lnga pa'o// de bzhin gshegs pa'i rigs kyi rgyud du 'byung ba'i snying po zhes bya ba ni/ byang chub sems dpa'i skye ba drug pa'o// de bzhin
- 95b
gshegs pa thams cad kyi stobs kyi 'od snang ba'i rgyan gyi snying po zhes bya ba ni/ byang chub sems dpa'i skye ba bdun pa'o// ye shes kyi sgo kun nas rnam par spyad pas yongs su 'grub pa 'byung ba'i snying po zhes bya ba ni/ byang chub sems dpa'i skye ba brgyad pa'o// chos kyi dbyings sprul pas brgyan pa bye ba'i snying po zhes bya ba ni/ byang chub sems dpa'i skye ba dgu pa'o/ / de bzhin gshegs pa'i sa yongs su gnon po'i shugs drag po'i snying po zhes bya ba ni/ byang chub sems dpa'i skye ba bcu pa'o// rigs kyi bu de la byang chub sems dpa'i skye ba dang po sangs rgyas thams cad la bsnyen bkur ba'i smon lam gyis sbyor ba'i snying po zhes bya ba ni/ rigs kyi bu 'di la byang chub sems dpa' thog mar sangs rgyas mchod cing rim gror bya ba la 'jug ste/ de sangs rgyas bcom ldan 'das rnams la rim gro dang / bkur sti dang / bsti stang dang / mchod pa byed cing bsnyen bkur byed de dgyes par byed la thugs byung bar mi byed pas/ de bzhin gshegs pa'i zhal blta bas mi ngoms pa/ sangs rgyas la rim gro bya bar brtson pa/ sangs rgyas la dka' ba'i shugs kyis rnam par spel ba'i shugs dang ldan pa/ de bzhin gshegs pa mthong bas mos pa'i shugs drag po yongs su skyes pa de phyir mi ldog pa'i dad pas bsod nams
- 96a
yongs su sdud pa'i tshe/ de bzhin gshegs pa thams cad la mchod pa'i tshogs yongs su bsdu ba la brtson zhing sbyor ba rgyun mi gcod pa yin te/ rigs kyi bu de ni byang chub sems dpa' rnams kyi skye ba dang po sangs rgyas thams cad la bsnyen bkur ba'i smon lam gyis sbyor ba'i snying po zhes bya ba ste/ thams cad mkhyen pa nyid kyi tshogs dge ba'i rtsa ba yongs su 'grub par sdud par 'gyur ba'o/ / rigs kyi bu de la byang chub sems dpa'i skye ba gnyis pa byang chub kyi yan lag yongs su grub par 'gyur ba 'byung ba'i snying po zhes bya ba gang zhe na/ rigs kyi bu 'di la byang chub sems dpa' bla na med pa yang dag par rdzogs pa'i byang chub tu bskyed de/ 'di ltar sems can thams cad yongs su bskyab pa'i phyir snying rje chen po'i sems dang / shin tu dgyes par bya ba'i phyir sangs rgyas thams cad bsnyen bkur ba'i sems dang / dngos po thams cad la 'phangs par mi brtsi ba'i phyir sangs rgyas thams cad yongs su btsal ba'i sems dang / thams cad mkhyen pa nyid mngon du 'gyur bar bya ba'i phyir bsham pa chen po'i sems dang / 'gro ba thams cad yongs su bsdu ba'i sbyor bas rgyas par dgang ba'i phyir byams pa chen po'i sems dang / thams cad mkhyen pa nyid kyi go cha brtan par bya ba'i phyir 'gro ba thams cad yongs su mi gtong ba'i sems
- 96b
dang / yang dag pa ji lta ba bzhin du shes pa'i snang ba rab tu thob par bya ba'i phyir g.yo dang sgyu med pa'i sems dang / byang chub sems dpa'i lam la nan tan du bya ba'i phyir kha 'og tu lus 'khrus pa'i sems dang / de bzhin gshegs pa thams cad kyi smon lam dang mi 'gal bar bya ba'i phyir sangs rgyas thams cad la sku bslu ba med pa'i sems dang / phyi ma'i mtha'i mur thug par sems can thams cad yongs su smin par bya ba dang gdul ba rgyun mi gcad pa'i phyir thams cad mkhyen pa nyid du smon lam chen po 'debs pa'i sems dang / d e dag la sogs pa byang chub kyi sems kyi yan lag gi tshogs sangs rgyas kyi zhing gi rdul shin tu phra ba snyed kyis yongs su rdzogs pa'i byang chub sems dpa' ni de bzhin gshegs pa'i rigs su skyes pa yin te/ rigs kyi bu de ni byang chub sems dpa'i skye ba gnyis pa byang chub kyi sems kyi yan lag yongs su grub par 'gyur ba 'byung ba'i snying po zhes bya ba'o// / rigs kyi bu de la byang chub sems dpa' rnams kyi byang chub sems dpa'i skye ba gsum pa chos kyi tshul la nges par gzhag pa'i sbyor ba'i tshul mngon du gyur pa 'byung ba'i snying po zhes bya ba gang zhe na/ rigs kyi bu de la byang chub sems dpa' chos thams cad kyi tshul rgya mtsho yod do cog nges par rtogs pas mngon du bya ba'i sems dang ldan pa/
- 97a
thams cad mkhyen pa'i lam gyi rnam pa yongs su rdzogs par bya bas mngon du bya bar gcig tu sems pa'i sems dang ldan pa/ kha na ma tho ba med pa'i las la yang dag par spyad pa'i sems pa'i sems dang ldan pa/ byang chub sems dpa'i ting nge 'dzin gyi tshul rgya mtsho thams cad yongs su dag par bya bas mngon du bya ba'i sems dang ldan pa/ byang chub sems dpa'i yon tan thams cad la nan tan du bya bas yongs su grub par bya ba'i sems dang ldan pa/ byang chub sems dpa'i lam gyi rgyan thams cad mngon par bsgrub pa'i sems dang ldan pa/ thams cad mkhyen pa nyid du dmigs pa'i tshogs rgya chen po yongs su bsgrub pa bskal pa'i me 'bar bas kyang rgyun mi gcad par brtson par bya ba'i sems dang ldan pa/ 'gro ba thams cad yongs su smin par bya ba dang gdul ba la rab tu zhugs pa/ byang chub sems dpa'i spyod pa kun tu bzang po mngon par bsgrub pa'i sems dang ldan pa/ yongs su spyad pa'i tshul thams cad la rab tu zhugs pa ni/ byang chub sems dpa'i yon tan yongs su rdzogs par bya ba la dngos po thams cad rnam par sgom pas dngos po med pa'i tshul la zhugs pa'i sems dang ldan pa yin te/ rigs kyi bu 'di ni byang chub sems dpa'i skye ba gsum pa chos kyi tshul la nges par rtogs pas bzhag pa'i sbyor ba'i tshul mngon du
- 97b
gyur pa 'byung ba'i snying po zhes bya ba'o/ / rigs kyi bu de la byang chub sems dpa'i skye ba bzhi pa dus gsum snang bar bya ba'i lhag pa'i bsam pa rnam par dag pa'i snying po zhes bya ba gang zhe na/ rigs kyi bu 'di la byang chub sems dpa'i lhag pa'i bsam pa'i dbyings la gya nom par yongs su dag pa yin/ sangs rgyas kyi byang chub la snang ba rab tu thob pa yin no// byang chub sems dpa'i tshul rgya mtsho la rab tu zhugs pa yin/ bsam pa brtan pa rdo rje'i khams lta bus yongs su zin pa'i sems dang ldan pas shin tu brtan pa yin/ srid pa'i lam gyi rgyud du skye ba las phyin phyogs su phyogs pa yin/ de bzhin gshegs pa thams cad kyi rnam par 'phrul pa yongs su grub par bya ba la mngon du gyur pa yin/ byang chub sems dpa'i dbang po rnam par spel ba la khyad par du 'bogs pa rab tu thob pa yin/ lhag pa'i bsam pa shin tu 'od gsal bar bya ba'i phyir sems shin tu dge ba yin/ smon lam brtan zhing rgya che ba rnam par 'phel bar bya ba la mi g.yo ba yin/ sgrib pa thams cad kyi ri rnam par gtor ba'i phyir de bzhin gshegs pa thams cad kyis yang dag par dgongs pa yin/ 'gro ba thams cad nye bar 'tsho bas mgon du gyur pa yin te/ rigs kyi bu 'di ni byang chub sems dpa' rnams kyi byang chub sems dpa'i skye ba bzhi pa dus gsum snang bar bya ba'i
- 98a
lhag pa'i bsam pa rnam par dag pa'i snying po zhes bya'o/ / rigs kyi bu de la byang chub sems dpa' rnams kyi byang chub sems dpa'i skye ba lnga pa kun nas snang ba'i 'od kyi snying po zhes bya ba gang zhe na/ rigs kyi bu 'di la byang chub sems dpa' 'gro ba thams cad yongs su smin par bya ba dang / gdul ba la rab tu zhugs pas sbyor ba phun sum tshogs pa yin/ sbyin pa lhag par gtong bas dngos po'i 'du shes thams cad las gyen du 'phags pa yin/ tshul khrims mtha' yas pas mtha' las rgal pabar rnam par dag pa yin/ sangs rgyas kyi chos thams cad la bzod pa'i snang ba rab tu thob pas de bzhin gshegs pa'i yul la gnas pa'i bzod pa dang ldan pa yin/ thams cad mkhyen pa nyid du yangs par 'byung ba la zhugs pas brtson 'grus chen po dang ldan pa yin/ sgo kun tu lta ba'i ting nge 'dzin gyi dkyil 'khor rnam par dag pas bsam gtan la rab tu brtson pa yin/ chos snang ba thams cad rab tu thob pas shes rab kyi mthu'i 'od dang ldan pa yin/ sangs rgyas blta ba rgya mtsho rnam par dmigs par byas pa la zhugs pas thogs pa med pa'i mig dang ldan pa yin/ 'jig rten thams cad yongs su tshim par byed pas chos thams cad kyi de kho na nyid la dbang sbyar bas mos pa yin/ chos kyi tshul yang dag pa ji lta ba bzhin
- 98b
du thob par bya ba la rab tu brtson pa yin te/ rigs kyi bu 'di ni byang chub sems dpa' rnams kyi byang chub sems dpa'i skye ba lnga pa kun nas snang ba'i 'od kyi snying po zhe bya ba'o// rigs kyi bu de la byang chub sems dpa' rnams kyi byang chub sems dpa'i skye ba drug pa de bzhin gshegs pa'i rigs kyi rgyud du 'byung ba'i snying po zhes bya ba gang zhe na/ rigs kyi bu 'di dag la byang chub sems dpa' de bzhin gshegs pa'i rigs su byung ba yin/ de bzhin gshegs pa'i rgyud du skyes pa yin/ tshul gyi sgo thams cad la shin tu grub pa yin/ 'das pa dang / ma byon pa dang / da ltar byung ba'i de bzhin gshegs pa rnams kyi smon lam chen po la rnam par dag pa yin/ de bzhin gshegs pa thams cad kyi dge ba'i rtsa ba la rang bzhin gcig pa'i dge ba'i rtsa bar gyur pa yin/ sangs rgyas thams cad dang lus gcig tu gyur pa yin/ chos dkar pos 'jig rten gzhan du 'gro ba yin/ sangs rgyas kyi byin gyi rlabs yongs su bstan pa'i ting nge 'dzin la bdag nyid che ba'i chos kyi rnam par spyod pa yin/ dus la ji ltar 'bab pa bzhin du sems can rnam par dag par bya ba'i chos la zhugs pa yin// sangs rgyas kyi chos yongs su dris pa la spobs pa'i rgyun mi 'chad pa yin te/ rigs kyi bu 'di ni byang chub sems dpa' rnams kyi byang chub sems dpa'i skye ba drug pa de bzhin gshegs//
- 99a
pa'i rigs kyi rgyud du 'byung ba'i snying po zhes bya ba'o// rigs kyi bu de la byang chub sems dpa' rnams kyi byang chub sems dpa'i skye ba bdun pa/ de bzhin gshegs pa thams cad kyi stobs kyi 'od snang ba'i rgyan gyi snying po zhes bya ba gang zhe na/ rigs kyi bu 'di la byang chub sems dpa' sangs rgyas kyi stobs la 'jug pa'i snang bas sangs rgyas kyi zhing du 'gro ba las phyir mi ldog go/ / byang chub sems dpa'i yon tan rgya mtsho las phyir mi 'gyur ro// chos thams cad sgyu ma'i rnam pa ltar yang dag pa ji lta ba bzhin du shes par bya ba la gnas pas yongs su yi 'chad par mi 'gyur ro/ / 'jig rten thams cad rmi lam lta bur rab tu rtogs par byed do// gzugs su rnam par dmigs pa'i gnas thams cad gzugs brnyan lta bur mngon par sgrub bo/ / mngon par shes pas rnam par 'phrul pa sprul pa lta bur dbang rab tu thob par byed do// srid pa thams cad du skye ba grib ma lta bur gdong rab tu ston to/ / de bzhin gshegs pa thams cad kyi chos kyi 'khor lo sgra brnyan lta bur rab tu shes so// thabs kyi tshul don sna tshogs dang ldan pa la rab tu brtson pas/ chos kyi dbyings kyi tshul rab tu bstan pa la pha rol tu phyin pa'i dam pa thob pa yin te/ rigs kyi bu 'di ni byang chub sems dpa' rnams kyi byang chub sems dpa'i skye ba bdun pa de bzhin
- 99b
gshegs pa thams cad kyi 'od snang ba'i rgyan gyi snying po zhes bya ba'o/ / rigs kyi bu de la byang chub sems dpa' rnams kyi byang chub sems dpa'i skye ba brgyad pa ye shes kyi sgo kun nas rnam par dpyad pas yongs su 'grub par 'byung ba'i snying po zhes bya ba gang zhe na/ rigs kyi bu 'di la byang chub sems dpa' gzhon nur gyur cing byang chub sems dpa'i rnam par dgod pa la rnam par gnas pa yin te/ de la gnas nas thams cad mkhyen pa nyid ye shes kyi tshul rnam par dpyod do// ye shes kyi tshul gyi sgo re re la'ang byang chub sems dpa'i spyod yul tshad med par yongs su ston pas bskal pa tshad med par zad par 'gyur ro/ / byang chub sems dpa'i ting nge 'dzin thams cad la'ang pha rol tu phyin pa'i dam pas dbang du 'gyur te/ sems kyi skad cig re re zhing sems kyi skad cig thams cad la'ang phyogs bcu'i sangs rgyas kyi zhing brjod du med pa dag na bzhugs pa'i de bzhin gshegs pa rnams kyi zhabs kyi drung du skyes te/ dmigs pa tha mi dad pas tha mi dad pa'i ting nge 'dzin la snyoms par 'jug go// tha mi dad pa'i chos rnams la tha dad pa'i ye shes kyi dbang yongs su ston to// dmigs pa brjod du med kyang sgrib pa med pa'i dbyings yongs su non par byed do// dmigs pa chung ngus kyang mtha' yas pas bstan pa'i sa la yongs su 'jug go// chos 'di tshad
- 100a
med pa'ang chung ba 'am che bar khong du chud par byed do/ / 'jig rten thams cad kyang rnam par dmigs pa dang mnyam par rab tu rtogs par byed do// chos kyi dmigs pa thams cad dang rnam par shes pa'i rgyud thams cad kyang bsgom pas khong du chud par byed de/ rigs kyi bu 'di ni byang chub sems dpa' rnams kyi byang chub sems dpa'i skye ba brgyad pa ye shes kyi sgo kun nas rnam par dpyad pas yongs su 'grub pa 'byung ba'i snying po zhes bya ba'o/ / rigs kyi bu de la byang chub sems dpa' rnams kyi byang chub sems dpa'i skye ba dgu pa chos kyi dbyings sprul pas brgyan pa byed pa'i snying po zhes bya ba gang zhe na/ rigs kyi bu 'di la byang chub sems dpa' sems kyi skad cig thams cad la rgyan sna tshogs dang rgyan du mar ldan pa'i sangs rgyas kyi zhing byin gyis rlob ste/ sprul pa thams cad la mi 'jigs pa'i pha rol tu phyin pa'i dam pa thob pa yin/ sangs rgyas kyi sprul pa thams cad la shin tu mkhas par gyur pa yin/ chos kyi sprul pa la mi 'jigs pa rnam par dag pa yin/ chos kyi dbyings dam pa chags pa med pa'i spyod yul dang ldan pa yin/ bsam pa ji/ bzhin du sems can gyi lus rnam par dmigs par bya ba'i byin gyi rlabs la mkhas pa yin/ sems can gdul ba mkhas pa bsam gyis mi khyab pa dang ldan pa yin/ spyod pa sna
- 100b
tshogs kyis mngon par 'tshang rgya ba yongs su ston pa yin/ thams cad mkhyen pa nyid kyi lam sgrib pa med pa mngon par bsgrub pa la mkhas pa yin/ de'i rgyud kyi chos kyi 'khor lo bskor ba la mkhas pa yongs su ston pa/ sems can mtha' dang dbus med pa gdul ba'i thabs mngon par bsgrub pa la mkhas pa yin/ rnam par snang mdzad kyi ye shes dbyig tu bya ba'i mdzod dang ldan pas sems can gdul ba'i dus la bab na rtag tu sta gon du gnas pa yin te/ rigs kyi bu 'di ni byang chub sems dpa' rnams kyi byang chub sems dpa'i skye ba dgu pa chos kyi sprul pas brgyan pa byed pa'i snying po zhes bya ba'o/ / rigs kyi bu de la byang chub sems dpa' rnams kyi byang chub sems dpa'i skye ba bcu pa de bzhin gshegs pa'i sa yongs su gnon pa'i shugs drag po'i snying po zhe bya ba gang zhe na/ 'di la byang chub sems dpa' dus gsum gyi de bzhin gshegs pa thams cad dang rang bzhin gcig pa'i yul la dbang bskur ba yin te/ 'jig rten gyi khams thams cad 'dab chags pa'i yul la rab tu 'jug pa yin/ sems can thams cad kyi sngon gyi mtha' dang / phyi ma'i mtha'i shi 'pho dang / skye ba'i sems rgyun chags par 'byung ba'ang rab tu shes so// byang chub sems dpa' thams cad kyi ye shes 'dab chags pa'i yul yang rab tu shes so// 'das//
- 101a
pa dang / mabyon pa dang / da ltar byung ba'i sangs rgyas thams cad kyi mngon par 'tshang rgya ba 'dab chags pa'ang rab tu shes so// chos thams cad kyi rgyud dag/ chags pa la mkhas par bya ba'ang rab tu shes so// bskal pa 'jig pa dang 'du ba thams cad kyi sngon gyi mtha' dang / phyi ma'i mtha' dang / da ltar byung ba rnams kyang ming dang bcas/ sa tshigs dang bcas par 'dab chags par rab tu shes so// sems can tshul ji lta bur yongs su smin par byas pa dang / dus la gang du 'bab pa rnams la mngon par rdzogs par 'tshang rgya ba'i rgyan dang / rnam par 'tshang rgya bas gdul bar bya ba yongs su bstan pa'i byin gyi rlabs kyi ye shes kyang mngon par bsgrub po// sangs rgyas b yung ba thams cad mngon par 'tshang rgya ba'i drung du nye bar 'gro zhing chos kyi 'khor lo skor ba la mkhas pa'i tshul 'dab chags pa'ang sems can gyi khams mtha' dang dbus med pa gdul ba'i thabs mngon par bsgrub pa la mkhas pas yongs su ston te/ rigs kyi bu 'di ni byang chub sems dpa' rnams kyi byang chub sems dpa'i skye ba bcu pa de bzhin gshegs pa'i sa yongs su gnon pa'i shugs drag po'i snying po zhes bya ba'o/ / rigs kyi bu de dag ni byang chub sems dpa' rnams kyi byang chub sems dpa'i skye ba
- 101b
bcu rnams te/ de dag gis byang chub sems dpa' rnams skye bar 'gyur ba'o// 'byung bar 'gyur ba'o// yang dag par sgrub par byed pa'o// yang dag par 'phel bar byed pa'o/ / rab tu rdzogs par byed pa'o// yongs su grub par byed pa'o// zhing ma lus pa thams cad khong du chud par bya ba'i phyir/ rgyan gcig gi lhab lhub la rgyan dang lha ba lhub kyi rgyud rnam pa sna tshogs byin gyis rlob pa'o/ / sems can gyi khams gdul ba rgyun mi gcad pa'i phyir/ phyi ma'i mtha'i bskal pa'i mur thug par byin gyi rlabs kyis rgyun chad pa med par byed pa'o/ / chos rgya mtsho thams cad kyi dmigs pa sna tshogs dang / shin tu bstan pa gcig nas gcig tu brgyud pa sna tshogs du ma rnam pa tha dad pa dang / chos mtha' yas pa gcig nas gcig tu brgyud pa'i rgyun mngon par 'tshang rgya bar byed pa'o// sangs rgyas kyi khyu mchog gi mthu phyung ba bsam gyis mi khyab pa chos kyi dbyings kyis klas pa/ nam mkha'i dbyings kyi mthas gtugs la yongs su ston pa'o// sems can tshad med pa spyod pa rgya mtsho sna tshogs dang ldan pa yongs su smin par bya ba dang / gdul pas yongs su 'dus pa rnams la chos kyi 'khor lo bskor ba yongs su ston pa'o/ / sems can gyi khams thams cad sangs rgyas 'byung ba dang mi 'bral bar byin gyis rlob pa'o//
- 102a
chos thams cad kyi sprin dbyangs kyi yan lag rgya mtsho brjod du med pas/ rnam par dag pa dmigs pa thams cad las rab tu 'byung ba rnam par dmigs par byed pa'o/ / tshad med par rnam par spyad pa la bsgribs pa med par rtogs pas khong du chud pa'i rnams chos yid du 'ong ba'i rgyan thams cad dang ldan pa'i byang chub sems dpa'i dkyil 'khor bsam pa dang / mos pa gang dang ldan pa'i tshul bzhin du sems can rnams la yongs su ston pa'o// sangs rgyas kyi sa tshad med pa'i rjes su song ba'i rnams 'jig rten thams cad yongs bsgrub pa'i don du chos kyi mdzod mtha' dang dbus med pa rab tu ston pa'o/ / de nas lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyis de'i tshe byang chub sems dpa'i chos kyi don 'di nyid gsal bar brjod pa'i phyir/ sangs rgyas kyi byin gyi rlabs kyis phyogs bcur rnam par bltas te/ tshong dpon gyi bu nor bzangs la tshigs su bcad de smras pa/ lhag pa'i bsam pa dri med rnyog pa med pa yis// gang rnams rgyal ba blta bas nam yang mi ngoms shing / / rgyal ba kun gyi phyi ma'i mtha' yi rgyan sprin la// smon pa'i mkhas pa de dag skye ba'i thog ma gnas// dus gsum byung ba'i 'jig rten ma lus kun bkang ste//
- 102b
zhing dang sems can de bzhin chos dang sangs rgyas rnams// sems can dgrol phyir smon lam 'debs pa brgyan pa'i sems// de ni bsam gyis mi khyab rnams kyi skye ba gnyis// gang rnams chos kyi sprin 'thung nam yang mi ngoms shing // ngoms par rtogs pa'i yid kyis dus gsum chags med lus// mkha' dbyings dri med mnyam med sems kyi lus ldan pa/ / mtshungs pa med pa de ni de dag skye ba gsum// lhag pa'i bsam pa ri rab rdo rje mtshungs brtan pas// thams cad mkhyen tshul rgya mtshor rnam par 'jug byed cing // gang rnams snying rje chen po'i gang chen mtshor 'jug pa// de ni skyes bu khyu mchog rnams kyi skye ba bzhi// gang rnams byams pas phyogs bcu rgyas par yongs bkang zhing // pha rol phyin pa dri med rgya mtsho mngon bsgrubs te// chos kyi 'od 'gyed 'gro ba yongs su smin byed pa// de ni skyes bu chen po de dag skye ba lnga// chos kyi rang bzhin rab tu rtogs pas chags med sems/ / dus gsum dpe zla med pa'i sangs rgyas rigs byung zhing // gang rnams chos dbyings rgya mtsho'i tshul la 'jug byed pa// de ni mkhas pa de dag skye ba yangs pa drug/ gang rnams chos lus yongs su chags pa med pa'i sems// zhing rnams ma lus rang gi lus kyis dgang byas shing // sangs rgyas stobs rnams ma
- 103a
lus khong du chud rtogs pa/ / de ni mkhas pa rnams kyi skye ba bsam yas bdun// gang rnams ye shes rgya mtsho'i tshul la dbang ldan zhing // thams cad mkhyen// pa'i sgo tshul rnam par dpyod byed la// ting 'dzin kun tshul gang chen mtsho las yongs 'jug pa// de ni de bzhin nyid rton rnams kyi skye ba brgyad// gang rnams zhing kun 'byam klas yongs su sbyong byed cing / / sems can thams cad yongs smin byed 'dul rab brtson la// sangs rgyas rnam par 'phrul pa'i rkyen rnam rnam ston pa// de ni grags pa chen po rnams kyi skye ba dgu/ / gang rnams rgyal ba'i stobs rnams ji bzhin rab zhugs te// thams cad mkhyen pa'i shugs drag yangs pa rnam spel cing // gang rnams chos dbyings gzhi tshul tha dad chags med pa/ / de ni rgyal sras rnams kyi skye ba bcu yin no// rigs kyi bu skye ba bcu po de dag gis byang chub sems dpa' rnams de bzhin gshegs pa'i rigs su skye'o// de ltar na 'jig rten thams cad la snang ba byed pa yin no/ / rigs kyi bu kho mo ni byang chub sems dpa'i rnam par thar pa bskal pa tshad med par dmigs pa thams cad du byang chub sems dpa'i skye bas rnam par 'phrul pa yongs su ston pa thob pa'o/ / smras pa/ 'phags ma byang chub sems dpa'i rnam par thar pa bskal tshad med par dmigs pa thams cad du byang chub
- 103b
sems dpa'i skye bas rnam par 'phrul pa yongs su ston pa 'di'i yul ji lta bu zhig mchis/ smras pa/ rigs kyi bu kho mo ni byang chub sems dpa' thams cad kyi skye ba yongs su lta zhing nye bar 'gro ba'i smon lam yongs su grub pa ste/ rigs kyi bu de ltar kho mo ni bcom ldan 'das rnam par snang mdzad kyi skye ba rgya mtsho shin tu yangs pa la 'jug cing khong du chud pa ste/ 'di ltar stong gsum gyi stong chen po'i 'jig rten gyi khams 'di'i byang chub sems dpa'i skye ba khong du chud par byed cing / gling bzhi pa skal ba dang ldan pa'i 'dzam bu'i gling 'di'i lum bi ni'i nags tshal du byang chub sems dpa' 'byung ba yongs su blta ba'i don du sngon gyi smon lam gyis skyes te/ / de ltar kho mo 'di ni byang chub sems dpa' 'byung ba'i rjes su dran pa sgom zhing rnam par spyod do/ / de ltar kho mo 'di na gnas gnas te/ da phan chad lo brgyan bcom ldan 'das dga' ldan gyi pho brang nas 'pho bar 'gyur ro zhes bya ba'i tshe/ lum bi nimi nags tshal 'dir sngon gyi ltas bcu byung bar gyur te/ bcu gang zhe na/ 'di ltar lum bi ni'i nags tshal 'di thams cad mtho dman med la ngam grog dang g.yang sa med cing mnyam par gnas par gyur pa 'di ni sngon gyi ltas dang po byung ba'o/ / yang lum bi ni'i nags tshal 'di thams cad gseg ma dang gyo mo med la/ sdong dum dang tsher ma dang bral te/
- 104a
sa'i gzhi rdo rje las grub par gyur nas rin po che mang pos yongs su gang bar gnas par gyur pa 'di ni sngon gyi ltas gnyis pa byung ba'o// yang lum bi ni'i nags tshal 'di thams cad rin po che thams cad kyi shing dang / sa la dang / ta la'i 'phreng bas rnam par 'phrigs pas yongs su brgyan par kun nas gnas par gyur pa 'di ni sngon gyi ltas gsum pa byung ba'o/ / yang lum bi ni'i nags tshal 'di thams cad lha rdzas las kyang 'das pa'i spos kyi myu gu kun nas 'thon pa dang / phye ma thams cad kyi mdzod kun nas 'thon pa dang / rgyal mtshan thams cad kyi sprin dang na bun yongs su byung ba dang / spos kyi rin po che'i gzugs kyis shing drung kun nas 'khor te rgyan yongs su sbyangs par kun nas gnas par gyur pa 'di ni sngon gyi ltas bzhi pa byung ba'o/ / yang lum bi no'i nags tshal 'di thams cad lha rdzas kyi me tog dang / 'phreng ba dang / lhab lhub sna tshogs kyi mdzod rnam pa thams cad du yongs su rgyas pa dang ldan par kun nas gnas par gyur pa 'di ni sngon gyi ltas lngar byung ba'o// yang lum bi ni'i nags tshal 'di thams cad kyi shing thams cad la nor bu rin po che dam pa'i mdzod mngon par grub par gyur pa 'di ni sngon gyi ltas drug pa byung ba'o/ / yang lam bi ri'i nags ral
- 104b
' di thams cad kyi pad+mo'i tshal thams cad du chu las skyes pa'i me tog thams cad kyang kha 'bus te sa'i gzhi las 'thon nas chu las mngon par 'phags par gnas pa 'di ni sngon gyi ltas bdun pa byung ba'o/ / yang 'jig rten gyi khams 'di'i 'dod pa la spyod pa dang / gzugs la spyod pa'i lha'i bu rnams dang / klu dang / gnod sbyin dang / dri za dang / lha ma yin dang / mi 'am ci dang / lto 'phye chen po dang / 'jig rten gyi dbang po 'am/ 'gro ba'i dbang po ji skad cig yod pa de dag thams cad kyang / lum pa ni'i nags tshal 'di na thal mo sbyar cing 'khod par gyur te/ 'di ni sngon gyi ltas brgyad pa byung ba'o// yang 'dzam bu'i gling gi 'jig rten gyi khams 'di'i lha'i bu mo 'am/ klu'i bu mo'am/ gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i bu mo ji snyed cig yod pa de dag thams cad kyang rab tu dga' ba'i yid kyis mchod pa'i rnam pa thams cad lag na thog shing blag sha'i yal gal mngon du lta ste 'dud cing phyag 'tshal bar 'khod par gyur pa 'di ni sngon gyi ltas dgu pa byung ba'o/ / yang phyogs bcu'i de bzhin gshegs pa thams cad kyi sku lte ba'i dkyis dag nas byang chub sems dpa'i skyebs rnam parar 'phrul pa'i sngon ma zhes bya ba'i 'od zer mang po 'dzin te/ lum tho ma
- 105a
nags tshal 'di thams cad snang bar byas nas gnas par gyur te/ 'od zer gyi sgo'i dkyil 'khor de dag thams cad la'ang de bzhin gshegs pa de dag thams cad kyi skye bas rnam par 'phrul pa gzugs brnyan du gyur par snang ba dang / thog ma bltam pa'i rnam par 'phrul pa dang bcas par byang chub sems dpa'i yon tan thams cad kyang sangs rgyas kyi gsung gi dbyangs dang ldan par 'od zer gyi sgo'i dkyil 'khor de dag las sgrar 'thon cing grag par gyur pa 'di ni sngon gyi lhas bcu pa byung ba'o/ / byang chub sems dpa' skye ba'i dus la bab pa'i tshe sngon gyi ltas bcu po de dag byung bar gyur te/ de byung bas 'jig rten gyi dbang po thams cad kyis kyang byang chub sems dpa' 'byung bar 'gyur ro zhes bya ba shes so/ / rigs kyi bu de ltar kho mo sngon gyi ltas bcu po 'di dag mthong bas kyang dga' ba'i shugs bsam gyis mi khyab pa rab tu thob bo// rigs kyi bu gzhan yang lha mo rgyu mthong khyer chen po ser skya'i gnas nas byung ba'i tshe/ lum bi ni'i nags tshal 'dir sngon gyi ltas snang ba chen po bcu byung bar gyur te/ de dag byung bas sems can cha med pa rnams thams cad mkhyen pa'i chos kyi snang bas dga' ba'i shugs rnam par 'phel bar gyur to/ / bcu gang zhe na/ 'di lta ste/ sa'i steng na gnas pa'i rin po che 'kha
- 105b
pa brtsegs pa thams cad du snang ba rab tu byung ngo / / rin po che'i pad+ma kha bye bar gyur pa'i 'dab ma thams cad las snang ba rab tu byung ste bltam pa legs par bltam mo zhes bya ba'i sgra snyan pa'ang de dag las byung bar gyur to/ / phyogs bcu'i byang chub sems dpa' rnams kyis thog ma sems bskyed pa'i snang ba ji snyed cig yod pa de dag kyang / lum po ni'i nags tshal 'dir snang bar byas te mngon par shar to/ / phyogs bcu'i byang chub sems dpa' rnams byang chub sems dpa'i sa thams cad yongs su gnon pa'i snang ba'i rnam par 'phrul pa ji snyed cig yod pa de dag kyang / / lum bi ni'i nags tshal 'dir byung ngo // phyogs bcu'i byang chub sems dpa' rnams la pha rol tu phyin pa thams cad yongs su sgrub cing ye shes khong du chud pa'i snang ba'i 'od ji snyed cig yod pa de dag kyang / lum bi ni'i nags tshal 'dir byung bar gyur to// phyogs bcu'i byang chub sems dpa' rnams smon lam thams cad la dbang sgyur ba'i ye shes snang ba'i 'od ji snyed cig yod pa de dag kyang / lum bi ni'i nags tshal 'dir byung bar gyur to// phyogs bcu'i byang chub sems dpa' rnams smon lam rgya chen po mngon par sgrub pa'i ye shes snang ba'i 'od ji snyed cig yod pa de dag kyang / lum bi ni'i nags tshal 'dir byung bar gyur to// phyogs bcu'i byang
- 106a
chub sems dpa' rnams sems can yongs su smin par bya ba dang / gdul ba byed pa'i ye shes snang ba'i 'od ji snyed cig yod pa de dag kyang / lum bi ni'o nags tshal 'dir byung bar gyur to/ / phyogs bcu'i byang chub sems dpa' thams cad kyis chos kyi dbyings kyi tshul gyi ye shes khong du chud pa'i snang ba ji snyed cig yod pa de dag kyang lum bi ni'i nags tshal 'dir byung bar gyur to/ / phyogs bcu'i byang chub sems dpa' thams cad sangs rgyas thams cad kyi rnam par 'phrul pa dang / skye ba dang / mngon par 'byung ba dang / byang chub tu rnam par 'tshang rgya ba dang / ye shes thugs su chud par mdzad pa'i snang ba'i 'od ji snyed cig yod pa de dag kyang / lum bi ni'i nags tshal 'dir byang bar gyur to/ / sngon gyi ltas snang ba chen po bcu po de dag rab tu byung bar gyur te/ de dag gis sems can mtha' dang dbus med pa'i sems dang bsam pa'i mun pa thibs pa thams cad kyang rab tu snang bar byas so/ / rigs kyi bu de la lha mo sgyu ma shing p+lag sha'i gnas su phyin pa'i tshe/ 'jig rten gyi dbang po 'dus pa thams cad dang / 'dod pa'i khams kyi lha'i bu mo'i 'khor dang bcas te 'dus pa thams cad dang / gzugs la spyod pa'i lha'i bu dring ba med pa thams cad dang / klu dang / gnod sbyin dang / dri za dang / lha ma yin dang / nam mkha'
- 106b
lding dang / mi 'am ci dang / lto 'phye chen po'i 'khor dang bcas te tshogs pa/ byang chub sems dpa' la mchod par brtson pa thams cad kyi lus dang mchod pa'i tshogs thams cad kyang / lha mo sgyu ma'i gzi brjid dang / dpal dang / kha dog dang / gzugs kyis rab tu snang bar byas so// stong gsum gyi stong chen po'i 'jig rten gyi khams 'di na 'od gang ji snyed cig yod pa de dag thams cad kyang zil du rlag par gyur te zil gyis mnan to/ / lha mo sgyu ma'i ba spu'i sgo thams cad nas byung ba'i 'od dang snang ba dag ni 'od gzhan gyis nyams par gyur pa med/ bsgribs par gyur pa med/ chod par gyur pa med/ thogs par gyur pa med de/ phyogs thams cad rgyas par bkang nas sems can dmyal ba'i sdug bsngal thams cad dang / byol song gi skye gnas kyi sdug bsngal thams cad dang / gshin rje'i 'jig rten gyi sdug bsngal thams cad dang / srid pa'i lam gyi rgyud du gtogs pa'i sems can thams cad kyi sdug bsngal thams cad dang / nyon mongs pa thams cad rab tu zhi bar byas te/ lhag ge/ lham me/ lhung ngar gnas par gyur to// rigs kyi bu 'di ni byang chub sems dpa' skye ba'i rnam par 'phrul pa lum bi ni'i nags tshal du byung ba dang po'o/ / rigs kyi bu gzhan yang gang gi tshe/ lha mo sgyu ma'i lus su stong
- 107a
g sum gyi stong chen po'i 'jig rten gyi khams 'di chud cing gzugs brnyan byung bar snang bar gyur pa de'i stong gsum gyi stong chen po'i 'jig rten gyi khams kyi gling bzhi pa'i 'jig rten gyi khams bye ba phrag brgya'i 'dzam bu'i gling thams cad kyi rgyal po'i gnas ming sna tshogs dang ldan pa sha stag dang / nags tshal gyi ming sna tshogs dang ldan pa sha stag dang / shing drung rnam pa tha dad pa sha stag tu'ang lha mo sgyu ma phyin cing 'jig rten gyi dbang po thams cad kyis yongs su bskor te/ byang chub sems dpa' skye ba la sta gon du sdod cing / byang chub sems dpa'i yum gyi ye shes kyi rnam par 'phrul pa bsam gyis mi khyab pas rnam pa 'di bzhin du snang bar gyur te/ rigs kyi bu 'di ni byang chub sems dpa' skye ba'i rnam par 'phrul pa lum bi na'i nags tshal du byung ba gnyis pa'o/ / rigs kyi bu gzhan yang lha mo sgyu ma'i ba spu'i bu ga thams cad kyi ba spu'i sgo re re la'ang sngon byang chub sems dpa'i spyod pa mdzad pa'i tshe/ bcom ldan 'das kyis de bzhin gshegs pa ji snyed cig bsnyen bkur te/ rim gror mdzad pa dang / bsti stang dang / bkur stir mdzad de mchod pa de dag thams cad kyang yongs su snang bar gyur to/ / de bzhin gshegs pa de dag gis chos ji snyed cig bstan pa de dag thams cad kyang ba spu'i bu ga de dag nas sangs rgyas kyi
- 107b
gsung gi yan lag dang ldan par ma lus par grags par gyur te/ dper na chu'i phor bu chung ngu 'am/ gser gyi rdul phra mo 'am/ me long gi dkyil 'khor shin tu gsal ba 'am/ chu shin tu dang ba la nam mkha'i dkyil 'khor nyi zla dang gza' skar gyi tshogs kyis rab tu brgyan pa dang / sprin gyi tshogs 'brug sgra zab mo 'byin pa can yang gzugs brnyan du gyur par snang ngo // rigs kyi bu de bzhin du lha mo sgyu ma'i ba spu'i sgo'i dkyil 'khor thams cad la'ang sngon gyi de bzhin gshegs pa'i rnam par 'phrul pa rnams kyang yongs su snang / chos bstan pa'i sgra thams cad kyang yongs su grags par gyur te/ rigs kyi bu 'di ni byang chub sems dpa' skye ba'i rnam par 'phrul pa lum bi no'i nags tshal du byung ba gsum pa'o// rigs kyi bu gzhan yang lha mo sgyu ma'i lus thams cad dang / ba spu'i sgo'i dkyil 'khor thams cad las ba spu'i sgo re re nas kyang zhing ji snyed cig dang / 'jig rten gyi khams rgya mtsho ji snyed cig dang / 'jig rten gyi khams 'byam klas pa ji snyed cig dang / 'jig rten gyi khams kyi rgyud ji snyed cig dang / 'jig rten gyi khams kyi ming du bya ba ji snyed cig tu bcom ldan 'das kyis sngon byang chub sems dpa'i spyod pa mdzad de/ zhing gi gzhi ji lta bu zhig dang ldan par gyur pa dang / dbyibs na ci 'dra ba dang / rgyan na ji lta bu zhig dang
- 108a
ldan par gyur pa dang / lhun na ji lta bu zhig dang ldan par gyur pa dang / ri'i rgyan na ji lta bu dag cig yod par gyur pa dang / grong dang / grong khyer dang / yul dang / grong rdal gyi rgyan na ji lta bu dag cig gnas gnas pa dang / bza' shing gi ra ba dang / mtsho dang / lu ma dang / rgya mtsho'i rgyan na ji lta bu zhig dang ldan par gyur pa dang / nam mkha' dang sprin gyi rgyan na ji lta bu zhig dang ldan par gyur pa dang / sems can gyi gnas na ji lta bu zhig yod par gyur pa dang / theg pa bstan pa na gang dang ldan par gyur pa dang bskal pa'i ming dang grangs na ji snyed cig ces bya bar gyur pa dang / sangs rgyas skye ba na ji snyed cig byung bar gyur pa dang / rnam par dag pa na gang du 'du bar gyur pa dang / sems can gyi tshe'i tshad na ji tsam zhig dang ldan par gyur pa dang / 'jig rten gyi skye gnas na gang du skyes par gyur pa dang / sems can na ji lta bu zhig dang 'grogs 'grogs pa dang / dpe ba'i bshes gnyen na ji lta bu zhig la brten brten pa dang / dge ba'i chos na ji lta bu zhig la brtson par spyod spyod pa dang / chos kyi nan tan na ji lta bu zhig la brtson par byas te/ chub sems dpa'i spyod pa spyod spyod pa'i sangs rgyas kyi zhing de dag thams cad kyang yongs su snang bar gyur/ bcom ldan 'das kyis phyir mi ldog pa'i gnas brnyes nas sngon
- 108b
ni ji skad cig rnam par spyod pa ji lta bu zhig/ cha byang na ji lta bu zhig/ longs spyod na ji lta bu zhig/ bde ba dang sdug bsngal na ji lta bu zhig sku nyams su bzhes/ sku tshe'i rgyurgyad na ji lta bu zhig dang ldan par gyur te/ sngon byang chub sems dpa'i spyod pa spyad par gyur pa de dag thams cad kyang ba spu'i sgo thams cad nas yongs su snang bar gyur to// sangs rgyas kyi zhing de dag thams cad kyi skye gnas de dang de dag tu lha mo sgyu ma byang chub sems dpa'i yum du gyur pa dang / byang chub sems dpa'i sku de dag thams cad kyang lha mo sgyu ma'i ba spu'i sgo thams cad du rnam par 'phrul pa'i gzugs brnyan byung bar gyur te/ rigs kyi bu 'di ni byang chub sems dpa'i skye ba'i rnam par 'phul pa lum bi ni'i nags tshal du byung ba bzhi pa'o/ / rigs kyi bu gzhan yang bcom ldan 'das kyis sngon sku ni ji snyed cig gis byang chub sems dpa'i spyod pa spyad pa dang / kha dog ni ji lta bu zhig/ dbyibs ni ci 'dra ba zhig/ cha byad ni ji lta bu zhig/ da rod ni ji lta bu zhig/ longs spyod ni ci dang ldan// bde ba dang sdug bsngal ni ji lta bu zhig sku khams su bzhes/ sku tshe'i rgyud ni ji lta bu zhig dang ldan par gyur pa de dag thams cad kyang lha mo sgyu ma'i lus kyi ba spu'i sgo thams cad la gzugs brnyan du snang bar gyur te/ rigs kyi bu 'di ni byang chub sems dpa' skye
- 109a
ba'i rnam par 'phrul pa lum bi ni'i nags tshal du byung ba lnga pa'o/ / rigs kyi bu gzhan yang bcom ldan 'das sngon byang chub sems dpa'i spyod pa mdzad pa'i tshe/ gtang bar dka' ba yongs su btang ste/ zhabs dang phyag yongs su btang ba 'am/ snyan dang shangs yongs su btang ba'am/ ljags dang tshems yongs su btang ba 'am/ spyan dang dbu yongs su btang ba'am/ sha dang khrag yongs su btang ba 'am/ rus pa dang rkang yongs su btang ba 'am/ mkhal ma dang thugs yongs su btang ba 'am/ pags pa dang phri yongs su btang ba 'am/ phyi nang gi dngos po yongs su btang ba 'am/ sras po dang / sras mo dang / btsun mo yongs su btang ba 'am/ sku yongs su btang ba 'am/ longs spyod rin po che yongs su btang ba 'am/ grong khyer dang / ljongs dang / yul dang / khams dang / rgyal po'i gnas yongs su btang ba 'am/ nor dang / 'bru dang / mdzod dang / bang ba yongs su btang ba 'am/ nor bu dang / mu tig dang / bai DUR+Ya dang / dung dang / man shel dang / byu ru dang / gser dang dngul yongs su btang ba 'am/ rin po che'i rgyan sna tshogs yongs su btang ba 'am/ mal cha yongs su btang ba 'am/ khang pa dang gzhal med yongs su btang ba 'am/
- 109b
yo byad yongs su btang ba dang / de ltar gtong ba'i byang chub sems dpa'i sku gzugs dang / nam pa'i la bur yongs su btang bar gyur pa dang / len pa de dag kyang rnam pa ji lta bu ma len par gyur pa dang / sbyin pa'i dngos po rnam pa dri lta bu btang bar gyur pa dang / yul gyi phyogs gang dag tu yongs su btang bar gyur pa dang / de'i tshe byang chub sems dpa'i 'khor du gyur pa de dag thams cad kyang / lha mo sgyu ma'i sgo thams cad las ba spu'i sgo thams cad la gzugs brnyan du snang bar gyur to// slong mo pa'i sgra dag kyang zag par m+b+ha to/ rigs kyi bu di ni byang chub sems dpa' smra ba'i rnam par 'phrul pa lam pa ni'i nags tshal du byung ba drug pa / ga gzhan yang sngon gyi mtha' rgyud du byung ba'i de bzhin gshegs pa rnams yum gyi sku nas bltam par 'gyur ba'i/ sangs rgyas kyi zhing gi rgyun dang lhab lhub ji skad cig byung bar gyur pa dang / sems can gyi rgyan rnam par phye ba dang / bza' shing gi rgyani rnam par phye ba dang / me tog dang / bdug pa dang / spos dang / 'phreng du byug pa dang / phye ma dang / na bza' dang / gdugs dang / rgyal mtshan dang / bdan gyi rgyan rnam par phye ba dang / rin po che'i rgyal po thams cad rnam par 'phrul pa
- 110a
rgyan rnam par phye ba dang / rol mo dang / glu dang / bstod pa dang / sil snyan gyi sgra ji snyed cig byung bar gyur pa de dag thams cad kyang lha mo sgyu ma lum bi ni'i nags tshal du phyin pa'i tshe/ lum bi ni'i nags tshal 'dir yongs su byung bar gyur to// mngon par skyes so// 'gro bas rnam par dmigs su yod par byung bar gyur te/ rigs kyi bu 'di ni byang chub sems dpa' skye ba'i rnam par 'phrul pa lum bi ni'i nags tshal du byung ba bdun pa'o// rigs kyi bu gzhan yang byang chub sems dpa'i longs spyod lha'i dbang po thams cad kyi gnas kyi rgyan gyi longs spyod las yongs su 'das pa dang / klu dang / gnod sbyin dang / dri za dang / lha ma yin dang / nam mkha' lding / mi 'am ci dang / lto 'phye chen po dang / mi'i dbang po thams cad kyi gnas kyi rgyan gyi longs spyod las 'das pa 'di lta ste/ rin po che'i rgyal po thams cad kyi khang pa brtsegs pa'i longs spyod dam/ rin po che'i rgyal po'i gzhal med khang gi longs spyod dam/ rin po che'i rgyal po'i dra ba'i longs spyod dam/ rin po che'i rgyal po'i 'bru'i longs spyod dam/ rin po che'i rgyal po'i gzugs kyi longs spyod dam/ rin po che'i rgyan thams cad kyi longs spyod dam/ spos kyi rgyal po thams cad
- 110b
kyi longs spyod dam/ dmigs pa thams cad bzang zhing mthun pa'i longs spyod kyang rung ste/ de dag thams cad lha mo sgyu ma'i rum nas ma 'dres par 'thon te/ lum bi ni'i nags tshal 'di yongs su brgyan cing kun nas gnas par gyur te/ rigs kyi bu 'di ni byang chub sems dpa' skye ba rnam par 'phrul pa lum pa ni'i nags tshal du byung ba brgyad pa'o// rigs kyi bu gzhan yang lha mo sgyu ma'i lus las byang chub sems dpa' sangs rgyas kyi zhing brjod du med pa bye ba khrag khrig brgya phrag stong gi rdul shin tu phra ba snyed/ bcom ldan 'das rnam par snang mdzad dang / sku gzugs dang / sku mdog dang / dbyibs 'dra ba/ mtshan dang dpe byad bzang po'i rgyan gyis 'dra bar brgyan pa/ 'od 'dra ba dang 'od zer 'dra ba rab tu 'gyed pa/ tshul dang 'gro sa stabs 'dra ba/ rtsal dang mthu 'dra ba/ rnam par snang ba'i rnam par 'phrul pa mthun pa/ 'khor 'dra ba/ rgyan mtshungs pa mang po'ang bcom ldan 'das rnam par snang mdzad kyi legs pa rgya mtsho yongs su rjod cing 'thon par gyur te/ rigs kyi bu 'di ni byang chub sems dpa' skye ba'i rnam par 'phrul pa lum bi ni'i nags tshal du byung ba dgu pa'o/ / rigs kyi bu gzhan yang byang chub sems dpa' bltam par gyur pa'i dus la bab pa dang / lha mo sgyu ma'i mdun du 'og gi rdo rje'i gzhi las sa
- 111a
chen po mngon par brtol te/ rin po che'i rgyal po'i pad+mo rin po che thams cad kyi rgyan gyi dam pa zhes bya ba/ chub rin po che'i rgyal po gzhan gyis mi thub pa'i rnga rje chen po las grub pa/ rin po che'i rgyal po 'gro ba rgya mtsho'i nang rim dang ldan pa/ ze ba'i rtse mo rin po che'i rgyal po thams cad kyis brgyan pa/ 'dab ma'i 'phreng ba sangs rgyas kyi zhing bcu'i rdul shin tu phra ba snyed kyis brgyan cing shin tu rnam par phye ba/ lo ma'i dkyil 'khor rin po che'i rgyal po sna tshogs kyis byas pa/ snying po mdzes pa rin po che yid bzhin gyis rnam par dag pa dang ldan pa/ ze ba'i 'phreng ba rnam par phye ba rin po che thams cad kyi kha dog tshad med pa dang ldan pa/ rin po che'i rgyal po grangs med pa'i dra ba'i rgyan dang ldan pas yongs su yog pa/ rin po che'i rgyal po rdo rje mthu bo ches mi shigs pas lhun kun nas bkab pa/ lha'i ris thams cad kyis kun nas bskor ba/ klu'i dbang po thams cad kyis spos chu'i sprin gyi char mngon par dbab pa/ gnod sbyin gyi bdag po thams cad kyis kun nas bskor cing lha rdzas kyi me tog snyim pa nas gtor ba/ dri za'i dbang po thams cad kyis sngon gyi sangs rgyas la rim gror byas pa'i glu'i dbyangs snyan cing yid du 'ong ba'i nga ro dang sbyar te bstod pa'i sprin gyis mngon par bstod pa/ lha ma yin gyi
- 111b
dbang po thams cad kyis nga rgyal dang / rlob pa dang / dregs pa thams cad btang zhing shin tu btud de phyag bya ba/ nam mkha' lding gi dbang po thams cad kyis rin po che'i snam bu kun tu sbyangs te nam mkha' kun nas brgyan par bya ba/ mi 'am ci'i dbang po thams cad kyis byang chub sems dpa'i yon tan yongs su brjod cing rol mo dang klu'i dbyang la brtson pa dang / nyams su rab tu bde bas kun nas blta ba/ lto 'phye chen po'i dbang po thams cad kyis shin tu dga' ba dang mos pa skyes pas yongs su blta zhing sgra snyan pa byung ste rgyan gyi char mngon par dbab pa byung bar gyur te/ rigs kyi bu 'di ni byang chub sems dpa' skye ba'i rnam par 'phrul pa lum bi ne'i nags tshal du byung ba bcu pa'o// rigs kyi bu byang chub sems dpa' skye ba'i rnam par 'phrul pa bcu po de dag lum bi ni'i nags tshal du byung bar gyur nas/ de'i rjes la byang chub sems dpa' 'od tshad med bsam gyis mi khyab pa mnga' ba blta na gtang mi phra ba zhig lha mo sgyu ma'i rum nas bltam ste/ nam mkha'i dbyings rum nas nyi ma'i dkyil 'khor shar ba lta/ sprin gyi tshogs ru ma nas glog gi 'phreng ba 'gyu ba lta/ ri chen po'i s+pho ru ma nas nyi ma shar ka'i sprin go lta/ mun pa stug rum nas sgron ma chen po byung ba lta ste/ mngon par
- 112a
bltams par gyur to/ / de ltar byang chub sems dpa' lha mo sgyu ma'i lus gzugs brnyan ltar bstan pa'i chos nyid dang / rmi lam lngar bstan pa'i chos zhinyid dang / sgyu ma'i rnam pa'i gzugs rnam par dmigs pa ltar bstan pa'i chos nyid dang / 'gro ba dang 'ong ba med pa'i chos nyid dang / skye ba dang 'gag pa med pa'i 'od rnam par dmigs pa yongs su bstan pa'i chos nyid kyis mngon par 'byung ba yongs su bstan to/ / rigs kyi bu de ltar kho mo ni lum bi ni'i nags tshal 'di na gnas shing / bcom ldan 'das rnam pabar snang mdzad kyi sku tshe'i rnam par 'phrul pa rgya mtsho la lta zhing khong du chud par byed de/ rigs kyi bu kho mo gling bzhi pa skal ba dang ldan pa 'di na bcom ldan 'das rnam par snang mdzad kyi sku tshe'i rnam par 'phrul pa la lta zhing khong du chud par bya bar gnas pa de bzhin du/ stong gsum gyi stong chen po'i 'jig rten gyi khams thams cad kyi gling bzhi pa thams cad kyi 'dzam bu'i gling bye ba phrag brgya thams cad na'ang bcom ldan 'das rnam par snang mdzad kyi sku tshe'i rnam par 'phrul pa bye ba phrag brgya la lta zhing khong du chud par byed do/ / stong gsum gyi stong chen po'i 'jig rten gyi khams thams cad du 'dus pa'i rdul shin tu phra ba'i khong du chud ba'o/ / sangs rgyas kyi zhing thams cad rdul shim phra ba la 'jug pa'i ye shes kyis khong
- 112b
du chud pa dag tu'ang sems kyi skad cig re re la sems kyis khong du chud par bya ba re res/ bcom ldan 'das rnam par snang mdzad kyi sku tshe'i rnam par 'phrul pa sangs rgyas kyi zhing rdul shin tu phra ba snyed la lta zhing khong du chud par byed do/ / de'i 'og ma'i sems kyis sangs rgyas kyi zhing gi rdul shin tu phra ba rnams kyi khongs su chud pa'i sangs rgyas kyi zhing de dag la sangs rgyas kyi zhing re rer yang de dang mnyam pa'i byang chub sems dpa' skye ba'i rnam par 'phrul pa la lta zhing khong du chud par byed de/ tshul de lta bus sangs rgyas kyi zhing thams cad k yi rdul shin tu phra ba'i khongs su chud pa'i sangs rgyas kyi zhing re re dag tu 'ang byang chub sems dpa' skye ba'i rnam par 'phrul pa thams cad la lta zhing khong du chud par byed kyang rdul shin tu phra ba thams cad kyi rdul re re la zhing gcig na sa gcig tu brgyud pa'i mtha' rnyed par ma rung ngo / / zhing thams cad kyi zhing re rer byang chub sems dpa' skye ba gcig nas gcig tu brgyud pa'i yang mu rnyed par ma rung ngo / / ji ltar kho mo 'jig rten gyi khams 'di'i byang chub sems dpa' skye ba rnam par 'phrul pa thams cad la lta zhing khong du chud par byed pa de bzhin du/ phyogs bcu'i 'jig rten gyi khams mtha' dang dbus med pa dang / rdul shin tu phra ba thams cad la'ang sems kyi skad cig re re'i sems kyis khong
- 113a
d u chung par bya ba re re la byin gyi rnabyas rgyun mi 'chad pa'i tshul gyis byang chub sems dpa' skye ba rnam par 'phrul pa thams cad la lta zhing stong du chu byed do/ / de skad ces smras pa dang / tshong dpon gyi bu nor bzangs kyis/ lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal la 'di skad ces smras so/ / 'phags ma khyod kyis byang chub sems dpa'i rnam par thar pa bskal pa tshad med par dmigs pa thams cad du byang chub sems dpa' skye ba rnam par 'phrul pa yongs su ston pa 'di brnyes nas yun ji srid cig lags/ smras pa/ rigs kyi bu sngon 'das pa'i dus bskal pa sangs rgyas kyi zhing bya ba'i rdul shin tu phra ba snyed 'das pa'i pha rol/ de'i yang pha snga zhig tu 'jig rten gyi khams kun nas rin po che zhes bya bar bskal pa mnyam par gzhag pa zhes bya ba sangs rgyas bye ba khrag khrig brgyad cu byung ba la/ de bzhin gshegs pa dgra bcom pa yang dag par rdzogs pa'i sangs rgyas dbang phyug gi yon tan gzhan gyis mi thub pa'i rgyal mtshan zhes bya ba/ mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas
- 113b
bcom ldan 'das 'jig rten du byung ngo / / rigs kyi bu 'jig rten gyi khams kun nas rin po che zhes bya ba der gling bzhi pa dbu ma rgyun sna tshogs 'od ces bya bu byung ste/ gling bzhi pa de'i 'dzam bu'i gling gi dbus su rgyal po'i gnas ri rab rnam par dag pa'i rgyan gyi rgyal mtshan zhes bya ba byung ste/ rgyal po'i gnas der rgyal po rin po che 'od 'phro ba'i mig gi 'od ces bya ba byung ngo / / rgyal po rin po che 'od 'phro ba'i mig gi 'od de la btsun mo rab tu dga' ba'i 'od la dbang sgyur ba zhes bya ba mang ngo // rigs kyi bu dper na gling bzhi pa skal ba dang ldan pa 'di'i 'dzam bu'i gling du lha mo sgyu ma bcom ldan 'das rnam par snang mdzad kyi yum du gyur pa de bzhin du/ de'i tshe de'i dus n a gling bzhi pa rgyan sna tshogs kyi 'od kyi 'dzam bu gling du'ang rab tu dga' ba'i 'od la dbang sgyur ba zhes bya ba'i'ang bcom ldan 'das de bzhin gshegs pa dbang phyug gi yon tan gzhan gyis mi thub pa'i rgyal mtshan gyi yum du gyur te/ sangs rgyas bye ba khrag khrig brgyad cu'i bskal pa'i dang po la byung ste/ thog mar phyung ba'i bcom ldan 'das de bzhin gshegs pa dbang phyug gi yon tan gzhan gyis mi thub pa'i rgyal mtshan gyi yum du gyur to/ / rigs kyi bu lha mo rab tu dga' ba'i 'od la dbang sgyur ba de
- 114a
byang chub sems dpa' skye ba'i dus la bab padung / bud med khrag khrig brgya stong phrag gi shu dang lhan cig tu bza' shing shi ra ba chen po 'od kyi dkyil 'khor gser gyi me tog ces bya ba der phyin te/ dbang phyug gi yon tan gzhan gyis mi thub pa'i rgyal mtshan gnon nu de'ang byang chub sems dpa' skye ba'i rnam par 'phrul pa bsam gyis khyab pas der bltam mo/ / de'i tshe bza' shing gi ra ba chen po'i 'od kyi dkyil 'khor gser gyi me tog ces bya ba de'i dbus su pho brang brtsegs pa'i rin po che sna tshogs bzang po las brtsegs pa zhes bya ba byung ste/ pho brang brtsegs pa de'i nang du shing 'dod pa thams cad 'byin pa'i yal ga la 'ju ste/ lha mo rab tu dga' ba'i 'od la dbang sgyur ba las/ bcom ldan 'das de bzhin gshegs pa dbang phyug gi yon tan gzhan gyis mi thub pa'i rgyal mtshan bltam mo// de'i tshe bcom ldan 'das de bltam khar ma ma dri ma med pa skyed pa'i 'od ces bya ba sta gon du gnas te/ byang chub sems dpa' de bltams par gyur ma thag tu 'jig rten gyi dbang po rnams kyis spos dri shin tu zhim pa'i spos chu'i bum pa me tog dri zhim zhing yid du 'ong ba sna tshogs mngon par 'thor bas sku bsil te/ de la tshul dang mthun pa'i mchod pa
- 114b
bsam gyis mi khyab la grangs med pa mchog tu bya bas mchod nas/ / mam dri ma med pa skyed pa'i 'od kyi bang du bzhag go// ma ma des byang chub sems dpa' bang du blangs ma/ thag tu de'i mod la ma ma de dga' ba dang mos pa'i shugs chen po thob par gyur te/ byang chub sems dpa'i ting nge 'dzin yul kun tu lta ba zhes bya ba thob par gyur to// de thob par gyur ma thag tu des phyogs bcu'i 'jig rten gyi khams na bzhugs pa'i de bzhin gshegs pa tshad med pa de dag thams cad kyang mthong bar gyur to/ / byang chub sems dpa' rnam par thar pa bskal pa tshad med par dmigs pa thams cad du/ byang chub sems dpa'i skye bas rnam par 'phrul pa yongs su ston pa 'di la'ang shin tu phra ba pa'i tshul gyis zhugs par gyur te/ de ni dper na ma'i mngal du zhugs ma thag pa'i rnam par shes pa lta bu'o// rnam par thar pa de thob par gyur pas kyang des de bzhin gshegs pa thams cad skye ba'i rnam par 'phrul pa yang dag par blta ba'i smon lam chen po'ang mngon par bsgrubs so/ / rigs kyi bu de la ji snyam du sems/ de'i tshe de'i dus na byang tsho ba sems dpa' ma ma dri ma med pa skyed pa'i 'od ces bya ba byung bar gyur pa de gzhan zhig yin pa tsam du sems na ni khyod kyis de ltar mi blta ste/ kho mo ni de'i tshe de'i dus na byang chub
- 115a
sems dpa'i ma ma dri ma med pa skyed pa'i 'od ces bya bar gyur to/ / rigs kyi bu de la ji snyam du sems/ de'i tshe de'i dus na bud med khrag khrig brgya stong phyug nyi shu byung bar gyur pa de dag gzhan dag cig yin pa tsam du sems na'ang de ltar mi blta ste/ lha mo khrag khrig brgya stong phrag nyi shu lum bi ni'i nags tshal na gnas pa kho mo'i 'khor du gnas pa 'di dag yin no/ / rigs kyi bu de la ji snyam du sems/ de'i tshe de'i dus na dbang phyug gi yon tan gzhan gyis mi thub pa'i rgyal mtshan gzhon nu'i yum rab tu dga' ba'i 'od la dbang sgyur ba zhes bya ba byung ba de gzhan zhig yin pa tsam du sems na'ang de ltar mi blta ste/ lha mo sgyu ma 'di ni de'i tshe de'i dus na rab tu dga' ba'i 'od la dbang sgyur ba zhes bya ba'i lha mor gyur to/ / rigs kyi bu de la ji snyam du sems/ de'i tshe de'i dus na rgyal po rin po che 'od 'phro ba'i mig ces bya ba byung ba de gzhan zhig yin pa tsam du sems na'ang de ltar mi blta ste/ rgyal po zas gtsang ma 'di ni de'i tshe de'i dus na rgyal po rin po che 'od 'phro ba'i mig gi 'od ces bya bar gyur to// rigs kyi bu de ltar kho mo ni de phyin chad du bcom ldan 'das rnam par snang mdzad kyi byang chub sems dpa' skye ba'i rnam par 'phrul pa rgya mtsho la lta zhing khong du chud par byed pa dang / sems
- 115b
can rnam par 'dul ba'i khyu mchog gi mthus rnam par 'phrul pa rgya mtsho lta zhing khong du chud par byed pa dang skad cig thams cad du bral bar ma gyur to/ / rigs kyi bu kho mo mi mjed kyi 'jig rten gyi khams 'di ni/ bcom ldan 'das rnam par snang mdzad kyi smon lam rgya mtsho 'byam klas pa las byung ba'i de bzhin gshegs pa rnams kyi sangs rgyas kyi zhing rgya mtsho rdul shin tu phra ba thams cad na yod pa la/ sems kyi skad cig thams cad du rdul shin tu phra ba thams cad la yongs su 'dal ba'i ye shes kyi mig gis lta zhing khong du chud par byed de/ sangs rgyas kyi zhing de dag tu de bzhin gshegs pa byung ba rgya mtsho dag kyang lta zhing khong du chud par byed la/ de bzhin gshegs pa de dag gi byang chub sems dpa' skye ba'i rnam par 'phrul pa rgya mtsho chen po dag la lta zhing khong du chud par byed pa de bzhin du/ phyogs bcu'i de bzhin gshegs pa de dag gi byang chub sems dpa' skye ba'i rnam par 'phrul pa rgya mtsho dang / sems can rnam par 'dul ba'i khyu mchog gi mthu phyung bas rnam par 'phrul pa rgya mtsho thams cad la'ang sems kyi skad cig thams cad du lta zhing khong du chud par byed do/ / ji ltar stong gsum gyi stong chen po'i 'jig rten gyi khams 'dir rdul shin tu phra ba 'byam klas pa thams cad gcig nas gcig tu brgyud pa
- 116a
kha 'jug pas byang chub sems dpa' skye ba ma nor bar mngon du gyur te/ sangs rgyas kyi yon tan la zhugs par gyur pa de bzhin du/ phyogs bcu'i 'jig r ten gyi khams sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed kyi rdul shin tu phra ba 'byam klas pa thams cad kyi khongs su chud pa'i zhing rgya mtsho thams cad la'ang sangs rgyas 'jug ste/ de dag tu rang sangs rgyas rgya mtsho shin tu yangs pa la 'jug go/ sangs rgyas bcom ldan 'das de dag byang chub sems dpar gyur pa'i byang chub sems dpa' 'byung ba'i rnam par 'phrul pa rnams kyang mngon du gyur par blta'o/ / de bzhin gshegs par gyur nas mchod pa byed do// de bzhin gshegs pa de dag las kyang chos bstan pa nyan to/ / chos la'ang gnyer ba'i chos kyis nan tan du byed do// de nas wam bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyis de'i tshe/ byang chub sems dpa'i rnam par thar pa bskal pa tshad med par dmigs pa thams cad du byang chub sems dpa'i skye bo rnam par 'phrul pa yongs su ston pa 'di gsal bar bstan pa'i phyir/ sangs rgyas kyi byin gyi rlabs kyis phyogs bcur rnam par bltas te tshigs su bcad pa 'di
- 116b
dag smras so/ / rim gror bskyed cing ngal gang 'dri ba// de dag bdag las rgyal ba'i sras kon cig/ rgyal ba'i spyod yul blta dka' zhi ba ste// rgyu dang rkyen gyis tshul gyis/ rnam par bstan// zhing rnams bye ba'i rdul phran rab snyed kyi// sngon gyi bskal pa bsam gyis mi khyab dran// bskal pa'i ming ni snga phyi ma kam zhes bya// de la rgyal ba bya ba brgyad cu byung / / bskal pa'i dang por de bzhin gshegs byung ba// dbang phyug yon tan mi thub rgyal mtshan no// nags tshal dam pa gser mdog me tog tu// mgon po de 'khrungs bdag gis mthong bar gyur/ / ming du dri med skye ba'i 'od ces bya// de yi ma ma mkhas par bdag gyur te// bltams ma thag tu gser mdog dam pa'i 'od// 'jig rten dbang pos bdag gi pang du gzhag/ gang zag dam pa pang du bzhag 'tsho yang // de yi spyi gtsug blta bar mi nus te// bsam yas de la g.yas dang g.yon du yang // bltas shing mtha' rnyed mthong bar ma gyur to/ / mtshan rab bzang pos de ni yongs su brgyan// dri med de sku blta na rab sdug ste// rin chen gzugs 'dra bdag gis mthong gyur nas// dka' ba'i shugs drag mtshungs med rnam par 'phel/ / de yi yon tan dpag yas sems sems nas// 'o mo'i bsod nams rgya mtsho dpag mad 'phel// de yi rnam 'phrul rgyamatsho/
- 117a
mthong gyur nas// rgya cheran byang chub sems kyang skyes par gyur// rgyal ba'i legs pa rgya mtsho dga' sngon nas// smon lam rgya mtsho bdag gas rab tu bsgru 'byam klas zhing rnams thams cad rnam par sbyangs/ / ngan song lam rnams kun kyang rnam par bzlog/ zhing rnams 'byam klas kun gyi bde gshegs rnams// ma byon bsam gyis mi khyab mchod pa dang / / sems can sdug bsngal rnam par dgrol ba'i phyir// smon lam rgya mtsho kho mos btab par gyur// mgon po de las bdag gis chos thos nas/ rnam thar dam pa'i dkyil 'khor 'di yang thob// bskal pa zhing rnams bye ba'i rdul snyed du// spyad pa spyod de de yang rnam par sbyangs// de la mgon po ji snyed byung gyur pa// de dag ma lus bdag gis kun kyang mchod// rnam thar rgya mtsho 'di ni sbyong byed cing // de dag bstan pa kho mos yongs su bzung // zhing rnams bye ba'i rdul phran rab snyed kyi// stobs bcu mnga' ba ji snyed 'das byung ba// de dag chos kyi 'khor lo kho mos bzung // rnam thar dkyil 'khor 'di yang rab tu bsgoms// sangs rgyas zhing gi rdul phran ji smad pa/ / rdul rtse 'byam klas kun la rnam par mthong // rdul phran re re la yang rgya mtsho'i zhing // sngan chad rgyal bas sbyangs pa rab tu mthong // zhing rnams 'byam klas
- 117b
dag kun tu yang / / mgon po thugs rgyang gcig la bsam yas pa'i// rnam 'phrul yangs pa yongs su ston mdzad cing // nags tshal mchog tu 'khrungs gyur bdag gis mthong / / rgyal ba la la zhing rnams la la na// byang chub dam par 'tshang rgya thugs dgongs shing // dka' ldan 'jig rten gnas na bzhugs pa yang // zhing rnams bye pa bsam gyis mi khyab bo/ / zhing rnams rgya mtsho'i dbyings su rnam 'phrul pa// shin tu yangs pa skye ba'ang bdag gis mthong // na chung dam pa'i tshogs kyi dbus bzhugs shing / / mgon po chos rnams ston pa'ang de bzhin mthong // zhing rnams bye ba'i rdul phran rab snyed kyi// dpa' bo sems kyi skad cig re re la// mngon par byung zhing shing rgyal drung du gshegs pa dang / / sangs rgyas spyod yul yangs pa ston pa mthong // zhing gcig rdul la bsam gyis mi khyab par// yul rnams gzhan dang gzhan dag ston mdzad pas/ / 'gro rgyud sems can sdug bsngal 'grol mdzad cing // mi gtso rnam par 'tshang rgya bdag gis mthong // rdul phran re re'i rtse la mi zad pa'i// rang byung 'khor lo rab tu skor mdzad cing // dbyangs rnams rgya mtsho mi zad sgrog mdzad pas// chos sprin rgya chen char 'beb mdzad pa mthong // 'gro ba kun la rnam pa du mar yang //
- 118a
skad cig re rer mya ngan 'das ston pa// zhing rnams bye ba'i rdul phran rab snyed kyi// sangs rgyas zhing gcig rdul la bdag gis mthong // rdul gcig bltas kyang zhing rnams rgya mtsho dang / / rgyal ba 'byung ba ji snyed kun kyang mthong // tshe rabs kun tu lus mang khrag khrig gis// de dag mchod pa'i don du nye bar phyin// zhing tshul/ rgya mtsho bsam gyis mi khyab pa'i// 'gro rgyud mi bzad ji snyed yod pa yi// 'gro ba kun la mngon du kho mo ni// chos sprin yangs pa'i char yang rab tu 'bebs// rgyal sras kho mos bsam gyis mi khyab pa'i/ / rnam thar dkyil 'khor dam pa 'di shes kyi// bskal pa bye ba khrag khrig bsam yas su// thams cad bstan par kho mos nus re skan/ / rigs kyi bu kho mos byang chub sems dpa'i rnam par thar pa// bskal pa tshad med par dmigs pa thams cad du byang chub sems dpa'i skya bas rnam par 'phrul pa yongs su ston pa 'di shes par zad na/ kho mo byang chub sems dpa' sems kyi skad cig re re la bskal pa thams cad du zhugs pa'i mngal nas yongs su byung ba'i sems dang ldan pa/ chos kyi tshul thams cad nges par rtogs pa'i skye ba rab tu ston pa/ de bzhin gshegs pa thams cad mchod pa'i smon lam gyi bsam pa yongs su
- 118b
skyed pa/ sangs rgyas kyi chos thams cad mngon par rdzogs par 'tshang rgya bar bya la rab tu gzhol ba/ sems can thams cad kyi rigs dang rgyud kyi lam yongs su bstan pa la/ gzugs brnyan lta bur gyur pa/ de bzhin gshegs pa thams cad kyi zhabs kyi drung du pa rmo'i nang nas skye ba/ 'gro ba thams cad yongs su smin par bya ba'i dus la mkhas pa/ sems can thams cad gdul ba la mngon par mos shing cher skye bas rnam par 'phrul pa yongs su ston pa/ zhing 'byam klas pa thams cad du rnam par 'phrul pa'i sprin yongs su ston pa/ 'gro ba thams cad kyi rgyud du skye ba dang / rigs kyi gzugs brnyan byung bar gyur pa de dag gi spyod pa shes pa 'am/ yon tan brjod par nus re skan/ song rigs kyi bu grong khyer chen po ser skya'i gnas 'di na shAkya'i bu mo go ba zhes bya ba 'dug gis/ de'i gan du song la ji ltar byang chub sems dpa' sems can yongs su smin par bya ba'i phyir 'khor bar bya ba dris shig/ de nas tshong dpon gyi bu nor bzangs kyis/ lum bi ni'i nags tshal gyi lha mo gzi brjid kyi dkyil 'khor bzang pos dka' ba'i dpal gyi rkang pa gnyis la spyi bos phyag 'tshal te/ lum bi ni'i nags tshal gyi lha mo gzi brjid kyi dkyil 'khor bzang pos dga' ba'i
- 119a
dpal la lan brgya stong du mar kA yas phyogs sa bskor ba byas nas/ lum bi ni'i nags tshal gyi lha mo ga zi badz+rId kyi dkyil 'khor bzang po sa dpa gyi drung nas song ngo / / // shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste/ bam po brgya bdun pa/ de nas tshong dpon gyi bu nor bzangs lum bi ne'i nags tshal gyi lha mo gzi brjid kyi dkyil 'khor bzang pos dga' ba'i dpal gyi drung nas song ste/ grong khyer chen ser skya'i gnas gang na ba der phyin nas/ byang chub sems dpa'i rnam par thar pa bskal pa tshad med par dmigs pa thams cad du byang chub sems dpa'i skye bas rnam par 'phrul pa yongs su ston pa de nyid bsgom pa dang / khong du chud par bya ba dang / rgya cher bya ba dang / nan tan du bya ba dang / shin tu sbyangs pa dang / yongs su bsam pa dang / rnam par dbye ba byed cing / byang chub sems dpa' yang dag par 'gro ba'i khang pa chos kyi dbyings rab tu snang ba'i 'od gang na ba der song ngo // der 'gro ba'i tshe/ byang chub sems dpa' yongs su 'gro ba'i khang pa'i lha mo mya ngan med pa'i dpal zhes bya ba khyim gyi lha mo stong phrag bcu dang bcas pas bsu nas/ tshong dpon gyi bu nor bzangs
- 119b
la 'di skad ces smras so/ / skyes bu chen po shes rab dang ye shes chen pos rnam par gnon pa/ byang chub sems dpa'i rnam par thar pa bsam gyis mi khyab pa bsgom pa la lhag par dmigs pa'i smon lam gyi sems dang ldan pa'i chos yangs pa'i gzhal med khang gi spyod yul la spyod pa/ chos kyi grong khyer du mngon par gzhol ba/ byang chub sems dpa'i thabs kyi tshul mtha' yas pas sems can gdul ba la 'jug pa rgyun mi gcod pa/ de bzhin gshegs pa'i yon tan rgya mtsho snang ba rab tu thob pa/ 'gro ba thams cad rnam par gdul ba rab tu snang ba'i spobs pa dang ye shes mngon du gyur pa/ sems can thams cad kyi spyod pa shes pa'i lus kyis 'gro zhing rjes su 'brang bar bya ba'i spyod pa la mngon par gyur pa'i sems dang ldan pa/ 'gro ba thams cad kyi sems kyi dga' ba rgya mtsho'i shugs rnam par 'phel bar bya ba'i smon lam dang ldan pa/ de bzhin gshegs pa thams cad kyi chos khong du chud par bya ba'i lam du zhugs pa khyod byon pa legs so/ / mig phyir glan pa med pas spyod pa dang spyod lam zab cing rnam par dag pa'i spyod yul can khyod la bltas na/ khyod ni ring por mi thogs par de bzhin gshegs pa'i sku dang / gsung dang / thugs kyi rgyun rnam par dag pa bla na med pa rab tu thob ste/ mtshan dang dpe byad bzang
- 120a
pos rab tu brgyan pa'i lus dang stobs bcu'i ye shes snang bas brgyan pa'i sems kyis 'jig rten du rnam par spyod par 'gyur ro/ / khyod kyi brtson 'grus dang rnam par gnon pa las bstas na khyod ni ring po mi thogs par/ dus gsum gyi de bzhin gshegs pa mngon du gyur par mthong ba dang ldan zhing / de bzhin gshegs pa thams cad kyi chos kyi sprin yongs su 'dzin pa dang / byang chub sems dpa'i bsam gtan dang / rnam par thar pa dang / ting nge 'dzin dang / snyoms par 'jug pa'i chos zhi ba dang ldan pa'i gzhal med khang gi dga' ba myong ba dang / sangs rgyas kyi rnam par thar pa zab mor chud par 'gyur ro// de'ang de ltar khyod dge ba'i bshes gnyen gyi drung du 'gro ba dang / blta ba dang / bsnyen bkur ba dang / gdams ngag ma nor bar blang ba dang / de'i yon tan du bya ba'i tshul la brtson par byed pas yongs su mi skyo/ phyir mi ldog/ sgyid lug par mi 'gyur te/ khyod la bgegs sam/ bar du gcod pa 'am/ sgrib pa gang gis kyang mi tshugs te/ bdud dam bdud kyi rig su gtogs pa'i sgra rnams kyang mdun na gnas pa med pa de'i phyir khyod ni ring po mi thogs par sems can thams cad dga' bar byed par 'gyur ro/ / de skad ces smras pa dang /
- 120b
dpon gyi bu nor bzangs kyis/ byang chub sems dpa' yongs su 'gro ba'i khang pa'i lha mo mya ngan med pa'i dpal la 'di skad ces smras so// lha mo khyod kyis ji skad du smras pa de ltar 'gyur ro/ / lha mo kho bo ni sems can thams cad kyi nyon mongs pa'i gdung ba rnam par zhi bas dga' bar 'gyur ro// sems can thams cad kyi las nyam nga ba'i rnam bar smin pa phyir ldog pa dang / sems can thams cad kyi bde ba 'grub pa dang / sems can thams cad kha na ma tho ba med pa'i las la nan tan du byed pas dga' ba dam pa nyams su myong tshor bar 'gyur ro/ / nam sems can de dag las dang nyon mongs pa rnam pa sna tshogs mi bde ba'i sbyor bar sems rnam par 'khrugs shing ngan song du ltung bar gyur pa'am/ bde ba'i rgyud na gnas kyang lus dang sems kyi sdug bsngal dang / yid mi bde ba sna tshogs nyams su myong bar gyur cing mi dga' bar gnas po de'i tshe/ byang chub sems dpa' rnams kyang shin tu yid mi bde bar 'gyur ro// lha mo 'di lta ste/ dper na mi shin tu ngang gis byams pa zhig la bu gcig pa sdug cing yid du 'ong ba zhig bdog par gyur la/ de'i yan lag dang nying lag bcad pa zhig mthong na shin tu ngang gis byams pa'i phyir rab tu yid mi bde zhing mi dga' bar
- 121a
'gyur ro/ / lha mo de bzhin du byang chub sems dpa' byang chub sems dpa'i spyad pa spyod pa'i tshe 'ang / sems can rnams las dang nyon mong ba'i dbang gis ngan song gsum gyi rgyud du lhung ba zhig mthong na rab tu mi dga' la shin tu zhams mi bde bar 'gyur ro/ / gang gi tshe sems can rnams lus dang / ngag dang / yid kyis legs par spyad pa yang dag par len pa'i rgyus lus zhig nas bde ba'i rgyus mtho ris kyi 'jig rten du skye bar gyur tam/ lha dang mi'i lam gyi rgyud du lus dang sems kyi bde ba nyams su myong ba zhig tu gyur na/ de'i tshe byang chub sems dpa' shin tu bde ba dang ldan zhing nyams bde ba dang / yid dga' ba dang / rab tu spro ba dang / dga' ba'i yid nyams su bde ba dang ldan par 'gyur ro/ / lha mo byang chub sems dpa' rnams ni bdag gi don gyi phyir/ thams cad mkhyen pa nyid du smon cing don du gnyer ba ma yin te/ 'khor ba 'di dga' ba dang bde ba sna tshogs nyams su myong bar bya ba'i phyir ma yin/ 'dod pa'i khams su gtogs pa'i dga' ba rnam pa sna tshogs don du gnyer bas ma yin/ 'du shes dang / sems dang / lta ba phyin ci log tu gyur pa'i dbang gis ma yin/ kun tu sbyor ba dang / 'ching ba dang / bag la zhal dang
- 121b
kun nas 'khor ba'i dbang du gyur pas ma yin/ srid pa dang lta ba'i dbang du gyur pas ma yin/ sems can sna tshogs dang / 'dra zhing 'ji ba'i dka' ba'i 'du shes kyi sems rnam par 'phel ba ma yin/ bsam gtan gyi dga' ba dang bde ba myang ba la yongs su chags pa ma yin/ sgrib pa sna tshogs kyis bsgribs shing 'khor ba'i rgyun 'dre ldog pa ma yin gyi/ lha mo b yang chub sems dpa' rnams ni sems can 'khor ba'i rgya mtsho na 'khod cing sdug bsngal dpag tu med pas shin tu mnar ba rnams la snying rje chen po bskyed cing 'gro ba thams cad yongs su bsdu ba'i smon lam chen po mngon par sgrub ste/ de dag ni snying rje chen pos smon lam mngon par sgrub pa'i shugs kyis sems can yongs su smin par bya ba dang / gdul ba la brtson zhing 'khor ba na byang chub sems dpa'i spyad pa spyod par snang ngo / / de dag ni sems can thams cad kyi sgrib pa thams cad rnam par bzlog pa'i don du thams cad mkhyen pa'i ye shes sgrib pa yongs su tshol zhing / de bzhin gshegs pa thams cad mchod pa dang bsnyen bkur ba'i smon lam mngon par sgrub bo// de dag de bzhin gshegs pa mchod cing rim gror bya ba'i smon lam gyi dbang gis byang chub sems dpa'i spyod pas yongs su skyo ba med de/ de dag byang chub sems dpa'i spyad pa la spyod pa'i tshe/ kun nas nyon mongs pa'i zhing mthong
- 122a
na/ sangs rgyas kyi zhing thams cad yongs su dag par bya ba'i smon lam mngon par sgrub pa'o// kun nas nyon mongs pa'i zhing yongs su sbyong zhing sems can thams cad kyi skye mched sna tshogs mthong bar gyur pa'i tshe/ chos kyi sku tha dad pa med cing bla na med pa yongs su dag par bya ba'i phyir smon lam mngon par sgrub bo// sems can rnams kyi lus dang / ngag dang / sems kun nas nyon mongs pa dang ldan pa mthong na/ sems can thams cad kyi lus dang / ngag dang / sems kyi rgyun yongs su dag par bya ba'i smon lam mngon par sgrub bo/ / sems can skye mched ma tshang ba dang sems yongs su ma dag pa mthong na/ sems can thams cad kyi sems dang spyod pa mongs su sbyong zhing // byang chub sems dpa'i spyad pa la spyod pas yongs su skyo ba med do// lha mo de ltar byang chub sems dpa' ni skyo ba med pa'i sems kyis byang chub sems dpa'i spyod pa mtha' dang dbus med pa la spyod do/ / de ltar spyod pa ni lha dang mi'i phun sum tshogs pa skyed pas lha dang bcas pa'i 'jig rten gyi rgyun du gyur pa yin/ byang chub tu sems bskyed pa la rab tu 'god ba'i phyir pha dang mar gyur pa yin/ byang chub sems dpa'i lam du 'dzud pas ma ma lta bur gyur pa yin/ ngan song gi g.yang sa'i 'jigs pa las srung ba'i phyir lhan cig skyes
- 122b
pa'i lha rtag tu phyi bzhin 'brang ba lta bur gyur pa yin/ 'khor ba'i rgya mtsho las sgrol ba'i phyir mnyan pa chen po lta bur gyur pa yin/ bdud dang nyon mongs pa'i 'jigs pa thams// cad rnam par zlog pa'i phyir skyabs su gyur pa yin/ shin tu bsil ba'i rang bzhin nye bar stobs pas gnas su gyur pa yin/ sangs rgyas rgya mtsho thams cad du 'jug par byed pas mu stegs su gyur pa yin/ chos rin po che'i gling du skyel bas mgon byed par gyur pa yin/ sangs rgyas kyi yon tan thams cad kyi me tog gis sems yongs su rgyas par byed pa sa me tog tu gyur pa yin/ bsod nams dang ye shes kyi 'od yangs pa rab tu 'gyed pas rgyan du gyur pa yin/ kun nas mdzes pas dga' ba dang bde ba dam pa byed pa yin kha na ma tho ba med pa'i las la nan tan du byed pas phran legs pa yin/ yan lag dam pa rnam pa thams cad du yongs su tshang ba'i lus dang ldan pas kun tu bzang ba yin/ blta na mi mthun pa med pas gtang mi phra ba'i gzugs dang ba yin/ ye shes kyi 'od zer rab tu 'gyed pa'i phyir 'od byed pa yin/ chos kyi sgron ma 'dzin pa'i phyir snang ba byed pa/ yin/ byang chub kyi bsam pa yongs su dag par byed pa'i phyir gsal bar byed pa yin/ bdud kyi las rnam par bzlog pa'i phyir dmag dpon du gyur pa yin/ shes rab kyi
- 123a
nod bye kyi za ba rab tu snang ba 'byed par phyir shes gyur pa 'in/ chos kyi nam mkhalal blo zab 'char bar byed pas thubar gyur pa yin/ gro cad du chos kyi sprin chen po'i char 'bebs pas sprin du gyur pa yin te/ lha mo de ltar nan tan du byed pa'i byang chub sems dpa' rnams ni sems can thams cad kyi yid du 'ong ba yin no/ / de nas byang chub sems dpa' yongs su 'gro ba'i khang pa'i lha mo mya ngan med pa'i dpal khyim gyi lha mo stong phrag bcu dang bcas pas/ tshong dpon gyi bu nor bzangs la lha rdzas las kyang 'das pa'i me tog dang / 'phreng ba dang / bdug spos dang / phye ma dang / byug pa dang / phye ma rin po che'i rgyan gyi char yid kyi rang bzhin mngon par phab ste/ kun nas bskor cing rjes su 'brangs nas/ byang chub sems dpa'i khang par 'gro ba'i tshe tshigs su bcad pa 'di dag gis mngon par bstod do// byang chub rdzogs par thugs bskyed cing / / sems can kun la thugs brtse bas// rgyal ba ye shes nyi ma'i rnams// bar 'ga' zhig na 'jig rten 'byung // bskal ba bye ba mang pos kyang / / khyod kyi zhal mthong shin tu dka'// 'jig rten ma rig mdongs pa la// khyod kyi ye shes zhi chen yin// mi shes rab rib bsgribs pa yi// 'jig
- 123b
rten phyin ci log gzigs nas/ / thugs rje chen po rab bskyed de// khyod ni rang byung nyid du zhugs// khyod ni dgongs pa rnam dag pas// sangs rgyas byang chub don du brtson// dge ba shes bsnyen bkur bsten mdzad cing // lus srog 'phangs par mdzad mi mnga'// 'du 'dzi mi mnga' gnas mi mnga'// 'dren pa ma mchis mi rten pas// dgongs ba thogs med nam mkha' bzhin/ / byang chub sems dpa'i spyod mdzad cing // bsod nams dkyil 'khor 'od bzangs pas/ ye shes sgron ma rab 'gyed pas// 'jig rten tshad med kun tu 'char/ / 'jig rten nas kyang 'phags mi mdzad// 'jig rten chos kyis yong mi 'go/ chags pa med par 'jig rten spyod// mkha' la ser bu ji bzhin no/ / bskal pa'i me 'bar me bzhin du// rtag tu 'bar bas rab tu brtson// me lta bu yi brtson 'grus kyis// byang chub spyad pa spyod pa mdzad// seng ge bzhin du shin tu dpa'/ / brtson 'grus rnam par gnon pa brtan// ye shes rnam par gnon dang ldan// gzhan gyis thub pa med par spyod// chos dbyings rgya mtsho 'di dag ni// rgya mtsho'i tshul rnams ji snyed pa/ / der yang dge ba shes bsnyen bkur bas// dpa' bo khyod ni 'jug par 'gyur// de nas byang chub sems dpa' yongs su 'gro ba'i khang pa'i lha mo mya ngan med pa'i
- 124a
dpal gyis/ tshong dpon gyi bu nor bzangs la tshogs su bcad pa de dag gis mngon par bstod do// de 'gro ba'i phyi bzhin chos 'dod pa'i don du 'brang bar gyur to// de nas tshong dpon gyi bu nor bzangs byang chub sems dpa' 'gro ba'i khang pa chos kyi dbyings rab tu snang ba'i 'od du phyin te nang du song nas/ shAkya'i bu mo go ba mthong bar 'dod de kun tu bltas na shAkya'i bu mo go pa byang chub sems dpa' yongs su 'gro ba'i khang pa chos kyi dbyings rab tu snang ba'i 'od kyi dbus na stan rin po che byang chub sems dpa' thams cad kyi gnas/ snang bar byed pa gzugs brnyan gyi pad+mo'i snying po can zhig la bud med rgyal po'i rigs su byung ba/ sngon byang chub sems dpa'i spyod pa la dge ba'i rtsa ba'i skal ba mnyam pa/ sngon sbyin pa'i yongs su bsdu bas shin tu bsdus pa/ tshig snyan cing 'jam par smra ba'i ngang tshul dang ldan pa/ thams cad mkhyen pa nyid du don mngon du bya bas shin tu bsdus pa/ sangs rgyas dang byang chub sems dpa'i yang dag par bsgrub pa la don mthun pas shin tu bzung ba/ snying rje chen po sngon du 'gro bas bu dang bu mo yongs su gzung ba'i tshul bcangs pa/ byams pa chen po dang ldan pa'i rang gi khyim thabs kyi rjes su 'brang ba yongs su dag par byas pa/ sngon byang chub sems dpa'i thabs mkhas pa bsam gyis mi khyab pas yongs su smin
- 124b
par byas pa stong phrag brgyad cu rtsa bzhi'i 'khor gyis kun nas bskor cing 'dug pa mthong ngo / / bud med stong phrag brgyad cu rtsa bzhi po de dag kyang bla na mang pa yang dag par rdzogs pa byang chub las phyir mi ldog pa/ byang chub sems dpa'i pha rol tu phyin pa'i tshul la shin tu zhugs pa/ byang chub sems dpa'i bslab pa la gzhan gyi dring mi 'jog pa/ chags pa thams cad dang bral ba'i sems dang ldan pa/ 'khor ba 'di dga' ba thams cad kyis skyo ba'i yid dang ldan pa/ chos kyi dbyings kyi tshul chags pa med pas yongs su dag pa thams cad mkhyen pa nyid mngon du bya ba'i sems kyi shugs dang ldan pa/ sgrib pa dang bar du gcod pa'i dra ba dang bral ba/ chags pa'i lam thams cad las shin tu 'das pa chos kyi sku la legs par sprul pas rnam par spyod pa/ 'jig rten thams cad yongs su smin par bya ba gdul ba la mngon par phyogs pa/ bsod nams rgya mtsho dri ma med pas yongs su byung ba'i sems dang ldan pa/ byang chub sems dpa' kun tu bzang po'i spyod pa dang / smon lam gyis shin tu byung ba/ byang chub sems dpa'i stobs kyi shugs yangs pas ye shes kyi nyi ma'i dkyil 'khor gyis sems rab tu snang ba yang dag par bskyed pa sha stag go/ / de na sa tshong dpon gyi bu nor bzangs shAkya'i bu mo gau pa'i gang na ba der
- 125a
phyin nas/ sakya'i bu mo go pa'i rkang pa gnyis la spyi bo phyag 'tshal te/ la nam 'dun 'dug ste thal mo sbyar nas 'di skad ces smras so// 'phags ma bdag gis bla na med pa yang dag par/ rdzogs pa'i byang chub tu sems bskyed na/ ji ltar byang chub sems dpa' rnams 'khor ba na yongs su 'khor yang 'khor ba'i skyon gyis mi gos pa dang / chos thams cad mnyam pa nyid kyi rang bzhin yang khong du chud la nyan thos dang rang sangs rgyas kyi sa la'ang mi gnas pa dang / sangs rgyas kyi chos snang ba'ang rab tu thob la byang chub sems dpa'i spyod pa'ang rgyan mi gcod pa dang / byang chub sems dpa'i sa la'ang rab tu gnas la de bzhin gshegs pa'i yul yongs su ston pa dang / 'jig rten gyi lam gyi rgyud thams cad las/ kyang yongs su 'das la 'jig rten gyi lam gyi rgyud thams cad du'ang nye bar spyod pa dang / chos kyi lus yongs su grub pa dang ldan yang gzugs kyi lus kha dog mtha' yas pa'ang mngon par sgrub pa dang / mtshan ma med pa'i chos kyi sku la'ang rab tu gzhol la 'gro ba thams cad kyi kha dog dang dbyibs kyi lus kyang yongs su ston pa dang / chos thams cad brjod du ma mchis par yang rab tu rtogs la ngag gi lam dang nges pa'i tshig thams cad brjod pas kyang sems can rnams la chos ston pa dang / sems can thams cad sems can
- 125b
med par yang rab tu shes la sems can gyi khams gdul ba'i rgyul las kyang mi ldog pa dang / chos thams cad ma skyes pa dang ma 'grags par yang khong du chud la de bzhin she pa thams cad la mchod cing rim gror bya ba'i sbyor ba las kyang phyir mi ldog pa dang / chos thams cad la las dang rnam par smin pa ma mchis par yang rtogs la dag pa'i las mngon par 'du bya ba'i sbyor ba las kyang phyir mi ldog pa ma 'tshal to/ / de skad ces smras pa dang / shAkya'i bu mo go pas/ tshong dpon gyi bu nor bzangs la 'di skad ces smras so/ / rigs kyi bu de ltar khyod byang chub sems dpa'i spyod pa'i chos nying rnam pa de lta bu dri bar sems pa legs so legs so// dri ba brjod pa de dag kyang kun tu bzang po'i smon lam dang spyod pa la mngon du gyur pa'i tshig go/ / rigs kyi bu de bas na legs par nyon la shin tu yid la zung zhig dang / sangs rgyas kyi byin gyis bstan par bya'o// rigs kyi bu chos bcu dang ldan pa'i byang chub sems dpa' rnams ni byang chub sems dpa'i spyod pa rnam pa 'di lta bu mig 'phrul gyi gzhi'i dpe dang 'dra ba/ ye shes kyi 'od kun tu 'byung ba yongs su rdzogs par byed do/ / bcu gang zhe na/ 'di lta ste/ dge ba'i bshes gnyen rlabs po che la brtan pa dang / mos pa rgya chen po rab tu thob pa dang / dge ba
- 126a
bsam pa rlabs po che rnam par dag pa dang / bsod nams dang ye shes rgya mtsho yangs pa rab tu brtan pa'i sems dang / sangs rgyas skye ba 'byung ba'i chos bstan pa chen po thos pa rab tu thos pa dang / dus gsum gyi de bzhin gshegs pa la mos pa'i sems kyi gnas pa dang / byang chub sems dpa'i spyod pa'i dkyil 'khor thams cad mnyam pa nyid du khong du chud pa dang / de bzhin gshegs pa thams cad kyi byin gyi rlabs rab tu thob pa dang / rang bzhin gyis snying rje chen po'i lhag pa'i bsam pa rnam par dag pa dang / 'khor ba'i 'khor lo thams cad rab tu gcad pa'i sems kyi stobs shugs drag po dang ldan pa rab tu thob pa ste/ rigs kyi bu chos bcu po de dag dang ldan pa'i byang chub sems dpa' rnams byang chub sems dpa'i spyod pa rnam pa 'di lta bu mig 'phrul gyi gzhi'i dpe dang 'dra ba 'od kun tu 'byung ba yongs su rdzogs par byed do/ / rigs kyi bu de la brtson 'grus phyir mi ldog pa dang ldan pa'i byang chub sems dpa' rnams ni chos de dag thob par gyur nas kyang mi zad pa'i tshul du mngon par sgrub cing bsgom pa dang / shin tu rgya che bar bya ba'i phyir dge ba'i bshes gnyen bsnyon bkur cing rnam pa bcus mngon par dga' bar byed do/ / bcu gang zhe na/ 'di lta ste/ lus dang srog la 'phangs par mi rtsi ba dang /
- 126b
'khor ba'i yo byad don du mi gnyer ba dang / chos thams cad kyi rang bzhin mnyam pa nyid du khong du chud pa dang / thams cad mkhyen pa'i smon lam las phyir mi ldog pa dang / chos kyi dbyings kyi tshul thams cad la rnam par lta ba dang / srid pa rgya mtsho thams cad las gyen du 'phags pa'i yid dang / gnas med pa'i chos kyi nam mkha' la mi gnas mi rten pa dang / byang chub sems dpa' thams cad kyi smon lam la bsgribs pa med pa dang / zhing rgya mtsho thams cad du rab tu bdal ba dang / byang chub sems dpa'i ye shes kyi dkyil 'khor bsgrib pa med pa shin tu sbyangs pa ste/ rigs kyi bu chos bcu po de dag dang ldan na/ byang chub sems dpa' rnams dge ba'i bshes gnyen bsnyen bkur cing mngon par dga' bar byed do// de nas shAkya'i bu mo go bas don de nyid yongs su bstan pa'i phyir/ sangs rgyas kyi byin gyis phyogs bcur bsdus te/ de'i tshe tshigs su bcad pa 'di dag smras so// rlabs chen dri me blo ldan gzhan gyi don zhugs shing / / dge ba shes dam pa bsnyen brtson g.yo dang sgyu med pa// ston pa'i 'du shes thob cing skyo med brtson 'grus can// de dag spyod pa 'jig rten mig 'phrul 'dra 'di yin/ / gang rnams mos pa rlabs chen mkha' dang 'dra ldan zhing // de yi khongs su dus gsum 'jig rten chud pa dang // zhing dang sems can chos dang sangs rgyas
- 127a
de bzhin pa/ / ye shes 'od byed de dag spyod pa 'di yin no// gang rnams bsam pa mkha' 'dra mtha' dang dbus med la// kun nas nyon mongs drims ma gos rab dag cing / / de bzhin gshegs pa kun gyi yon tan 'byung gyur pa// de dag spyod pa mig 'phrul gzhi yi rnam pa 'dra// kun mkhyen ye shes rnam yangs tshad med bsam yas dag/ yon tan rgya mtsho sa yid bsal ldan pa ker brtan pa// de dag bsod nams rgya mtsho'i lus dag snying po ste// 'jig rten spyod kyang 'jig rten dri mas gos mi 'gyur// rgyal ba'i// gsung gi yan lag sgra skad tshul kun gyis// chos kyi 'brug sgra nyan kyang gang rnams mi ngoms shing // chos tshul rjes su bsnyegs pa'i shes rab 'od kyi sgron// de dag 'gro bar 'od gsal byed pa'i spyod 'di yin/ / gang rnams phyogs bcu'i de bzhin gshegs pa tshad med pa// gzhan dang gzhan dag sems kyi skad cig kun sems shing // bde gshegs rgya mtsho thams cad lta zhing shes byed pa/ / sangs rgyas sems ldan de dag spyod yul 'di yin no// rgyal ba rnams kyi rnam par yangs pa'i 'khor mthong zhing // de dag ting nge 'dzin tshul rgya mtsho mang po dang / / smon lam rgya mtsho mtha' dang dbus med tshul 'jug po// mig 'phrul lta bu de dag spyod pa 'di yin no// phyogs bcu'i rgyal ba ma lus kun gyis byin rlabs te/
- 127b
phyi mtha' bskal pa spyod byed kun tu bzang po'i rnams// zhing rnams 'byam klas kun tu gzugs brnyan byung gyur pa// chos 'od byed pa de dag spyod pa 'di yin no// gang rnams ye shes nyi ma snying rje'i dkyil 'khor can/ / 'gro ba nyams zhes mthong zhing chos kyi 'od snang bas// 'gro ba'i mun pa bsal cing brtan pa 'char 'byung ba// nyi ma lta bus de dag spyod pa 'di yin no/ / skye dgu srid pa'i rgyud na 'gre ldog mthong gyur nas// yid gsal 'khor ba'i rgyud rnams phyir zlog rab gnas shing // chos kyi 'khor lo kun nas yongs su sgrub byed pa/ / spyod pa kun bzang dam pa'i blo can rab tu spyod// tshul 'di bslabs pa de dag mtha' dang dbus med pa'i// lus rnams bsam pa ji bzhin 'gro par nyer bstan to/ / gzugs brnyan mi g.yor 'dra ba'i rang lus tshad med pas// srid pa'i rgya mtsho dag na 'gro mang yongs smin byed// byams tshul shin tu yengs pas 'gro mang rgyas bkang ste/ / mos pa sna tshogs 'gro la rnam par spyod bstan nas// 'gro bar bsam pa ji bzhin chos kyi char 'bebs shing // brtan pa byang chub don du snrums can khrag khrig 'dul/ de nas shAkya'i bu mo go bos tshigs su bcad pa de dag smras nas/ tshong dpon gyi bu ror bzangs la 'di skad ce so smras so// rigs
- 128a
kyi bu kho mos ni byang chub sems dpa'i rnam par thar pa byang chub sems dpa'i ting nge 'dzin rgya mtsho'i tshul thams cad la rnam par lta ba'i yul thob pa'o/ / nor bzangs kyis smras pa/ 'phags ma byang chub sems dpa'i rnam par thar pa byang chub sems dpa'i ting nge 'dzin rgya mtsho'i tshul la rnam par lta ba'i yul ji lta bu zhig mchis/ smras pa/ rigs kyi bu kho mo byang chub sems dpa'i rnam par thar pa 'di la snyoms par zhugs na/ 'jig rten gyi khams 'di'i bskal pa sangs rgyas kyi zhing brjod du med pa'i rdul shin tu phra ba snyed mthong zhing khong du chud do/ / bskal pa de dag gi sems can las kyi rgyud thams cad lam gyi rgyud thams cad du gtogs pa ji snyed cig yod pa de dag kyang rab tu shes so// sems can de dag gi shi 'pho dang skye ba'i sgo ji snyed cig yod pa de dag kyang rab tu shes so/ / mngon par 'grub pa'i sgo ji snyed cig yod pa dang / las mngon par 'du byed pa'i yongs su sgrub pa ji snyed cig yod pa dang // las rnam par smin pa sna tshogs ji snyed cig yod pa de dag kyang rab tu shes so// de dag gi las yongs su blangs pa dge ba'ang rab tu shes so// mi dge ba dang / 'byung ba dang / mi 'byung ba dang / nges pa dang / ma nges pa dang / log par nges pa dang / bag la nyal ba dang bcas pa dang / bag la kal ba med pa dang / dge ba'i rtsa ba phun sum tshogs pa
- 128b
dang / dge ba'i rtsa ba rgud par gyur pa dang / dge ba'i rtsa ba yongs su zin pa dang / mi dge ba'i rtsa ba yongs su zin pa dang / dge ba dang mi dge ba yongs su zin pa dang / de dag gi dge ba'i chos yongs su 'dus pa dang / sdig to'i chos yongs su 'dus pa'i las yongs su blangs pa'ang rab tu shes so// bskal pa sangs rgyas kyi zhing brjod du med pa'i rdul shin tu phra ba snyed po de dag la/ sangs rgyas bcom ldan 'das ji snyed cig byung ba de dag gi mtshan rgya mtsho'ang shes shing khong du chud do// sangs rgyas bcom ldan 'das de dag gis thugs dang po bskyed pa rgya mtsho'ang rab tu shes so/ / thams cad mkhyen pa zhid du zhugs pa'i tshul rgya mtsho'ang rab tu shes so// smon lam rgya mtsho thams cad mngon par bsgrubs pa'ang rab tu shes so/ / sngon gyi sangs rgyas byung ba rnams kyi drung du gshegs pa rgya mtsho'ang rab tu shes so// sngon gyi sangs rgyas la mchod cing rim gror mdzad pa'i sbyor ba rgya mtsho'ang rab tu shes so/ / sngon byang chub sems dpa'i spyod pa yongs su rdzogs par mdzad pa rgya mtsho'ang rab tu shes so// 'byung ba'i rgyan rgya mtsho rang rab tu shes so// sangs rgyas bcom ldan 'das de dag gis sems can yongs su smin par mdzad pa dang 'dul ba rgya mtsho'ang rab tu shes so/ / mngon par 'tshang rgya bar mdzad pa rgya mtsho'ang rab tu shes so// chos kyi 'khor lo bskor
- 129a
pa'i khyu mchog gi mthu dang rnam par 'phrul pa'ang rab tu shes so/ / sangs rgyas kyi rnam par 'phrul pa rgya mtsho thams cad kyang rab tu shes so// sangs rgyas bcom ldan 'das de dag gi 'khor gyi dkyil 'khor rnam par phye ba dag kyang rab tu shes so/ / 'khor gyi dkyil 'khor de dag na nyan thos ji snyed cig 'khod pa de dag gi 'byung ba'i tshul yang rab tu shes so/ / sngon gyi dge ba'i rtsa ba'ang rab tu shes so// lam bsgoms pa sna tshogs kyang rab tu shes so// ye shes thob par bya ba phun sum tshogs shing rnam par dag pa'i bye brag kyang rab tu shes so/ / de bzhin gshegs pa de dag gis sems can ji snyed cig rang sangs rgyas kyi byang chub la bkod pa de dag kyang rab tu shes so// rang sangs rgyas de dag gi sngon gyi dge ba'i rtsa ba ji snyed cig yod pa de dag kyang rab tu shes so/ / rang sangs rgyas de dag gis rang sangs rgyas kyi byang chub khong du chud pa ji snyed cig yod pa de dag kyang rab tu shes so/ / rang sangs rgyas de dag gi zhi ba'i rnam par spyod pa la rnam par rtse ba'i rnam par thar pa'i sgo ji snyed cig yod pa de dag kyang rab tu shes so// rang sangs rgyas de dag gi rdzu 'phrul gyi rnam par 'phrul pa ji snyed cig yod pa de dag kyang rab tu shes so/ / rang sangs rgyas de dag gis sems can ji snyed cig yongs su smin par byas pa de dag kyang rab tu shes so//
- 129b
rang sangs rgyas de dag gis chos bstan pa ji snyed cig brjod pa de dag kyang rab tu shes so// rang sangs rgyas de dag ting nge 'dzin mtha' yas pa la rnam par spyod cing rnam par thar pa rnam pa sna tshogs kyis rnam par rtse ba ji snyed cig yod pa de dag kyang rab tu shes so/ / sangs rgyas bcom ldan 'das de dag gi yongs su mya ngan las 'da' ba ji snyed pa de dag kyang rab tu shes so/ / sangs rgyas bcom ldan 'das de dag gi byang chub sems dpa'i 'khor gyi dkyil 'khor rgya mtsho ji snyed pa de dag kyang rab tu shes so// byang chub sems dpa' de dag gis thog ma dge ba'i rtsa ba bskyed pa dag kyang rab tu shes so/ / thog ma sems paskyed pa'i smon lam dag kyang rab tu shes so// smon lam rnam par dag pa tha dad pa dag kyang rab tu shes so/ / byang chub sems dpa'i spyod pas rab 'byung ba'i rgyan thams cad mngon par bsgrub pa rnam pa tha dad pa'ang rab tu shes so// pha rol tu phyin pa'i lam gyi yan lag gi tshogs rnam par dag par bya ba rnam pa tha dad pa'ang rab tu shes so/ / byang chub sems dpa'i lam la nan tan du bya ba'i rgyan rnam pa tha dad pa'ang rab tu shes so// byang chub sems dpa'i sa yongs su gnon pa'i tshogs rnam pa tha dad pa'ang rab tu shes so/ / byang chub sems dpa'i sa yongs su gnan pa'i shugs drag po rnam pa tha dad pa'ang rab tu shes// byang chub sems
- 130a
dpa'i sa la gzem pa'i mthu dang ldan pa'i ting nge 'dzin gyi dkyil 'khor rnam pa tha dad pa'ang rab tu shes so/ / byang chub sems dpa'i sa la yongs su gnan pas rnam par rtse ba dag kyang rab tu shes so/ / byang chub sems dpa'i sa yongs su gnan pa'i rnam par spyod pa dag kyang rab tu shes so// byang chub sems dpa'i sa la rab tu gnas pa dag kyang rab tu shes so/ / byang chub sems dpa'i sa bsgom pa'i rgyud dag kyang rab tu shes so// byang chub sems dpa'i sa yongs su sbyang ba'i tshul dag kyang rab tu shes so// byang chub sems dpa'i sa la yang dag par gnas par bya ba dag kyang rab tu shes so/ / byang chub sems dpa'i sa'i mtshan ma dag kyang rab tu shes so// byang chub sems dpa'i sa'i dbang dag kyang rab tu shes so/ / byang chub sems dpa'i sa nas sar 'phar pa'i ye shes kyang rab tu shes so// byang chub sems dpa'i sa yongs su bsdu ba'i ye shes kyang rab tu shes so/ / byang chub sems dpa'i sa yongs su smin par bya ba'i ye shes kyang rab tu shes so// byang chub sems dpa' rnam par dgod pa la yang dag par gnas par bya ba'ang rab tu shes so/ / byang chub sems dpa'i spyod pa'i dkyil 'khor gyi rgya'ang rab tu shes so// byang chub sems dpa'i spyod pa la rnam par rtse ba dag kyang rab tu shes so// byang chub sems
- 130b
dpa'i ting nge 'dzin rgya mtsho dag kyang rab tu shes so/ / byang chub sems dpa'i rnam par thar pa'i tshul rgya mtsho dag kyang rab tu shes so// byang chub sems dpa'i de dag sems kyi skad cig re re la ting nge 'dzin rgya mtsho sna tshogs thob par byed pa dag kyang rab tu shes so/ / thams cad mkhyen pa nyid kyi snang ba'i tshul thob par byed pa dag kyang rab tu shes so// thams/ cad mkhyen pa nyid kyi glog gi snang ba'i sprin dag kyang rab tu shes so// byang chub sems dpa'i bzod pa 'thob pa'i tshul dag kyang rab tu shes so// thams cad mkhyen pa nyid du 'jug pa'i ye shes kyi rnam par gnon pa dag kyang rab tu shes so/ / byang chub sems dpa' rnams zhing rgya mtsho rjes su bgrod par byed pa dag kyang rab tu shes so// chos rgya mtsho'i tshul la 'jug pa dag kyang rab tu shes so/ / sems can rgya mtsho'i mtshan nyid tha dad pa dag kyang rab tu shes so// byang chub sems dpa'i rnam par spyod pa'i tshul thams cad kyi rnam par 'phrul pa dag kyang rab tu shes so/ / smon lam gyi tshul sna tshogs rgya mtsho dag kyang rab tu shes so// rdzu 'phrul gyis rnam par 'phrul pa sna tshogs rgya mtsho rnam pa tha dad pa dag kyang rab tu shes so/ / rigs kyi bu kho mo ji ltar mi mjed kyi 'jig rten gyi khams 'di'o 'das pa dang da ltar byung ba'i bskal pa sna tshogs rgya mtsho la zhugs te khong du chud pa de bzhin du/
- 131a
phyi ma'i mtha' gcig nas gcig tu brgyud de rgyun mi 'chad pa'i ma 'ongs pa'i bskal pa rgya mtsho dag kyang rab tu shes so// mi mjed kyi 'jig rten gyi khams kyi bskal pa rgya mtsho ji ltar shes pa de bzhin du/ mi mjed kyi 'jig rten gyi khams su gtogs pa'i 'jig rten gyi khams gcig nas gcig tu brgyud pa thams cad kyi bskal pa rgya mtsho dag kyang rab tu shes so/ / mi mjed kyi 'jig rten gyi khams su gtogs pa'i 'jig rten gyi khams gcig nas gcig tu brgyud pa thams cad kyi ji ltar shes pa de bzhin du/ mi mjed kyi 'jig rten gyi khams kyi rdul shin tu phra ba'i khongs su chud pa'i 'jig rten gyi khams gcig nas gcig tu brgyud pa thams cad kyi bskal pa rgya mtsho dag kyang rab tu shes so/ / mi mdze kyi 'jig rten gyi khams kyi rdul shin tu phra ba'i khongs su chud pa'i 'jig rten gyi khams gcig nas gcig tu brgyud pa thams cad kyi bskal pa rgya mtsho rnams ji ltar shes pa de bzhin du/ mi mjed kyi 'jig rten gyi khams phyogs bcur 'dab chags su gnas pa'i 'jig rten gyi khams thams cad kyi bskal pa rgya mtsho dag kyang rab tu shes so/ / mi mjed kyi 'jig rten gyi khams phyogs bcur 'dab chags su gnas pa'i 'jig rten gyi khams thams cad kyi bskal pa rgya mtsho rnams ji ltar shes pa de bzhin du/ mi mjed kyi 'jig rten
- 131b
gyi khams phyogs bcur 'dab chags su gnas pa gcig nas gcig tu brgyud pa dag na gnas pa'i 'jig rten gyi khams thams cad kyi bskal pa rgya mtsho dag kyang rab tu shes so/ / mi mjed kyi 'jig rten gyi khams phyogs bcur 'dapa chags su gcig nas gcig tu brgyud pa dag na gnas pa'i 'jig rten gyi khams thams cad kyi bskal pa rgya mtsho rnams ji ltar shes pa de bzhin du/ phyogs kun tu 'od rnam par snang ba'i 'jig rten gyi khams kyi rgyud du gtogs pa'i 'jig rten gyi khams thams cad kyi bskal pa rgya mtsho dag kyang rab tu shes so// phyogs kun tu 'od rnam par snang ba'i 'jig rten gyi khams kyi rgyud du gtogs pa'i 'jig rten gyi khams thams cad kyi bskal pa rgya mtsho ji ltar shes pa de bzhin du/ phyogs kun tu 'od rnam par snang ba'i 'jig rten gyi khams kyi rgyud phyogs bcur 'dab chags su gcig nas gcig tu brgyud pa dag la gnas pa'i 'jig rten gyi khams kyi rgyud gcig nas gcig/ brgyud pa rnams kyi bskal pa rgya mtsho dag kyang rab tu shes so/ / phyogs kun tu 'od rnam par snang bar 'jig rten gyi khams kyi rgyud phyogs bcur 'dab chags su gcig nas gcig tu brgyud pa dag la gnas pa'i 'jig rten gyi khams thams cad kyi bskal pa rgya mtsho rnams rab tu shes pa de bzhin du/ gzhi dang snying po me tog gi rgyan gyis brgyan pa'i 'jig rten gyi
- 132a
khams rgya mtsho 'dir gtogs pa'i 'jig rten gyi khams 'byam klas pa rnams kyi bskal pa rgya mtsho dag kyang rab tu shes so/ / de bzhin du 'jig rten gyi khams tshul du bya ba rnams dang / 'jig rten gyi khams 'khor lo rnams dang / 'jig rten gyi khams dkyil 'khor rnams dang / 'jig rten gyi khams bye brag rnams dang / 'jig rten gyi khams chu klung rnams dang / 'jig rten gyi khams glong rnams dang / 'jig rten gyi khams yongs su brel pa dang / 'jig rten gyi khams yongs su 'byung ba dang / 'jig rten gyi khams pad+mo dang 'jig rten gyi khams sdong po dang / 'jig rten gyi khams rta babs dang / 'jig rten gyi khams ming du bya ba rnams kyi bskal pa rgya mtsho dag kyang rab tu shes so// 'jig rten gyi khams rgyas gzhi dang snying po me tog gi rgyan gyis brgyan pa 'di ji ltar shes par gyur pa de bzhin du/ phyogs bcu mtha' yas mu med pa'i 'jig rten gyi khams rgya mtsho chos kyi dbyings kyis klas pa nam mkha'i mthas gtugs pa dag gi/ bcom ldan 'das rnam par snang mdzad kyi sngon gyi smon lam rgya mtsho dag kyang rab tu shes so// rjes su dran no// sngon gyi sbyor ba rgya mtsho dag la'ang shes shing khong du chud do/ / sngon yongs su bsgrubs pa'i tshul rgya mtsho dag la'ang shes shing khong du chud do// bskal pa mtha' dang dbus med par byang chub sems dpa'i spyod pa la yang dag par
- 132b
bzhugs pa mdzad pa dag kyang shes shing khong du chud do/ / zhing yongs su dag par mdzad pa'i tshul dag kyang shes shing khong du chud do// sems can yongs su smin par mdzad pa 'thabs kyi tshul dag kyang shes shing khong du chud do/ / sngon gyi de bzhin gshegs pa rnams la bsnyen bkur mdzad cing gshegs pa'i rnam par 'phrul pa dag kyang shes shing khong du chud do// sngon gyi de bzhin gshegs pa la mchod cing rim gror mdzad pa'i sbyor ba'i tshul dag kyang shes shing khong du chud do/ / sngon gyi de bzhin gshegs pa dag gis chos bstan pa yongs su bzung tshul dag kyang shes shing khong du chud do/ / sngon gyi byang chub sems dpa'i ting nge 'dzin rab tu brnyes pa'i tshul dag kyang shes shing khong du chud do// yo byad la dbang sgyur ba rab tu brnyes pa'i tshul dag kyang shes shing khong du chud do/ / sngon gyi de bzhin gshegs pa'i yon tan rgya mtsho la nan tan du mdzad pa'i tshul dag kyang shes shing khong du chud do// sbyin pa'i pha rol tu phyin pa'i tshul rgya mtsho dag kyang shes shing khong du chud do/ / byang chub sems dpa'i tshul khrims dang brtul zhugs kyi dkyil 'khor yongs su dag pa mngon par bsgrub pa mdzad pa'i tshul dag/ kyang shes shing khong du chud do// byang chub sems dpa'i bzod pa brnyes pa'i tshul dag kyang shes shing khong du chud do// byang chub sems dpa'i brtson 'grus kyi shugs drag po rgya mtsho
- 133a
dag kyang shes shing khong du chud do/ / bsam gtan gyi yan lag thams cad yongs su rdzogs par mdzad pa'i tshul rgya mtsho dag kyang shes shing khong du chud do// shes rab kyi dkyil 'khor yongs su dag par mdzad pa'i tshul rgya mtsho dag kyang shes shing khong du chud do// 'jig rten gyi khams kyi skye gnas thams cad du sku'i gzugs brnyan yongs su bstan pa mdzad pa'i thabs kyi tshul dag kyang shes shing khong du chud do/ / kun tu bzang po'i spyod pa dang smon lam gyi dkyil 'khor yongs su dag par mdzad pa'i tshul dag kyang shes shing khong du chud do/ / zhing rgya mtsho thams cad yongs su rgyas pa'i mdzad pa dag kyang shes shing khong du chud do// sangs rgyas kyi zhing thams cad yongs su dag par mdzad pa'i tshul rgya mtsho dag kyang shes shing khong du chud do/ / de bzhin gshegs pa thams cad las ye shes snang bar gyur pa rgya mtsho dag kyang shes shing khong du chud do// sangs rgyas kyi zhing thams cad kyi byang chub yongs su gnan pa mdzad pa'i rnam par 'phrul pa rgya mtsho dag kyang shes shing khong du chud do/ / de bzhin gshegs pa'i ye shes snang ba rab tu rnyed pa'i tshul dag kyang shes shing khong du chud do/ / thams cad mkhyen pa nyid du zhugs te thugs su chud pa'i tshul rgya mtsho dag kyang shes shing khong du chud do// mngon par rdzogs par 'tshang rgya ba'i rnam par 'phrul pa
- 133b
rgya mtsho dag kyang shes shing khong du chud do/ / chos kyi 'khor lo bskor ba'i khyu mchog gi mthu dang rnam par rol pa'i tshul rgya mtsho dag kyang shes shing khong du chud do// 'khor gyi dkyil 'khor rgya mtsho dag kyang shes shing khong du chud do/ / 'khor gyi dkyil 'khor de dag gi byang chub sems dpa' thams cad kyi sngon gyi dge ba'i rtsa ba rgya mtsho dag kyang shes shing khong du chud do// thog ma'i smon lam gyi tshul rgya mtsho dag kyang shes shing khong du chud do// sems can yongs su smin par byed pa dang 'dul ba'i thabs kyi tshul rgya mtsho dag kyang shes shing khong du chud do/ / bcom ldan 'das kyis sngon byang chub sems dpa'i spyod pa mdzad pa'i tshe/ sems can rgya mtsho yongs su smin par mdzad pa de dag kyang shes shing khong du chud do// sems can de dag gi sems kyi skad cig re re'i dge ba'i rtsa ba rnam par 'phrul pa'i thabs kyi tshul rgya mtsho dag kyang shes shing khong du chud do/ / ting nge 'dzin rab tu thob pa'i tshul rgya mtsho dag kyang shes shing khong du chud do/ / gzugs kyi sgo rab tu thob pa'i tshul rgya mtsho dag kyang shes shing khong du chud do// spobs pa'i ye shes kyi dkyil 'khor rnam par dag pa'i tshul rgya mtsho dag kyang shes shing khong du chud do/ / byang chub sems dpa'i sa thams cad yongs su gnon pa'i rnam par 'phrul pa'i tshul rgya mtsho dag kyang shes shing khong du chud do// spyod pa'i dra ba mngon
- 134a
par bsgrub pa'i tshul rgya mtsho dag kyang shes shing khong du chud do/ / mthar gyis yongs su sgrub pa'i phyogs la 'jug pa'i ye shes kyi tshul rgya mtsho dag kyang shes shing khong du chud do/ / de dag gi dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa'i rnam par 'phrul pa rgya mtsho dag kyang shes shing khong du chud do/ / ji ltar bcom ldan 'das rnam par snang mdzad kyi sangs rgyas dang byang chub sems dpa'i spyod pa rgya mtsho chos kyi dbyings thams cad kyang shes shing khong du chud do/ / mngon par bsgrub pa de bzhin du/ de bzhin gshegs pa thams cad kyi sangs rgyas dang byang chub sems dpa'i spyod pa rgya mtsho dang y e shes sgyu ma'i dra ba mtha' yas pa la 'jug pa chos kyi dbyings mtha' yas pa rgyas par 'gengs pa nas sgo mtha' yas pa nas shin tu bstan par bya ba phyi ma'i mtha'i bskal par gnas pa la 'jug pas bstan par bya ba/ phyogs bcur 'jig rten gyi khams rgya mtsho chos kyi dbyings kyis klas pa/ nam mkha'i mthas gtugs par byung ba thams cad kyang ma 'dres par shes shing khong du chud do/ / mngon par sgrub bo// de ci'i phyir zhe na/ rigs kyi bu byang chub sems dpa'i rnam par thar pa dang byang chub sems dpa'i ting nge 'dzin gyi tshul
- 134b
rgya mtsho thams cad la rnam par lta ba'i yul gyi yul na de lta bu ste/ de'i phyir de la snyoms par zhugs na sems can thams cad kyi sems dang spyod pa'i tshul rab tu shes so// sems can thams cad kyi dge ba'i tshogs kyang rab tu shes so/ / sems can thams cad kyi kun nas nyon mongs pa dang rnam par byang ba'i ye shes kyi tshul rnams kyang rab tu shes so// sems can thams cad kyi las sna tshogs kyang rab tu shes so/ / nyan thos thams cad kyi ting nge 'dzin gyi sgo rnams kyang rab tu shes so// nyan thos thams cad kyi ting nge 'dzin gyi sa'ang rab tu shes so/ / rang sangs rgyas thams cad kyi rnam par thar pa zhi bas rnam par 'phrul pa'ang shes shing khong du chud do// byang chub sems dpa' thams cad kyi rnam par thar pa'i tshul rgya mtsho'i tshul dag kyang rab tu shes so/ / byang chub sems dpa' thams cad kyi rnam par thar pa rgya mtsho la 'jug pa'ang rab tu shes so// de bzhin gshegs pa thams cad kyi rnam par thar pa'i tshul rgya mtsho la 'jug par yang rab tu shes so/ / de nas tshong dpon gyi bu nor bzangs kyis/ shAkya'i bu mo go ba la 'di skad ces smras so// 'phags ma khyod kyis byang chub sems dpa'i rnam par thar pa byang chub sems dpa'i ting nge 'dzin gyi tshul rgya mtsho thams cad la rnam par lta ba'i yul 'di brnyes nas ji srid cig lags/ smras pa/
- 135a
rigs kyi bu sngon 'das pa'i dus sangs rgyas kyi zhing brgya'i rdul shin tu phra ba snyed kyi bskal pa 'das pa'i pha rol cig tu 'jig rten gyi khams mi 'jigs pa byed pa zhes bya ba byung ste/ 'jig rten gyi khams de'i bskal pa 'gro ba'i mchog ces bya bar gyur to// 'jig rten gyi khams de'i dbus su gling bzhi pa bde ba yod pa zhes bya ba byung ste// gling bzhi pa de'i 'dzam bu'i gling gi dbus su rgyal po'i gnas sdong po ri bo'i dpal zhes bya ba grong rdal stong phrag brgyad cu rtsa bzhi'i phul du bya ba byung ste/ rgyal po'i gnas sdong po ri bo'i dpal de'i grong rdal stong phrag brgyad cu rtsa bzhi po de dag kyang so so nas sa'i gzhi bai DUR+Ya sngon po las grub pa la gnas rin po che bdun las byas pa'i ra bas kun nas bskor ba/ 'obs spos chus yongs su gang ba/ gzhi gser gyi bye ma bdal ba/ ut+pa la dang / pad+mo dang / ku mu dang / me tog pud+d+ha ri ka shing rta'i 'khor lo tsam kha dog dang 'od kyi dra ba sna tshogs shing dri zhim pas kun nas khyab pa bdun gyis yongs su bskor ba/ rin po che las byas pa'i stegs bu'i khri 'phang bdun las ta la'i 'phreng ba rim pa bdun gyis kun nas dkrigs pa/ rin po che sna bdun gyi shing gi nags tshal gyi 'phreng ba 'grigs pas kun nas bskor ba/ steng nas gser gyi dra ba bres pa/ rin po che sna tshogs kyis rnam par phye ba'i mig mangs ris mdzes par rnam par bres pas
- 135b
sa'i gzhi shin tu sba bar gyur pa/ dngos grub can gyi tshogs rnam par rgyu ba/ bya btsun pa'i khrus sgra skad yid du 'ong ba'i dbyangs snyan pa byung ba/ bza' shing gir ba bye ba brgya phrag stong gis mdzes par byas pa/ shin tu spyod cing phun sum tshogs par gnas pa/ skyes pa dang bud med brgya stong rab tu dga' bas gang ba/ ser bu bde zhing yid du 'ong bas bskyod de me tog gi char mang ba rgyun mi 'chad par rab tu 'brul pa/ sa'i bdag po dam pa brgya phrag stong gi gnas su gyur pa dag ste/ grong rdal chen po de dag go rin po che'i shing thams cad dang gser gyi dra ba'i rgyan la sogs pa rlung gis bskyod de rol mo mang po'i sgra skad snyan pa'i sgra skad byung ba dag las yid du 'ong ba'i tshig 'di skad byung ngo / / gsol cig/ mnobs shig/ chos la spyod cig/ byang chub tu sems skyed cig/ phyir mi ldog pa'i sa la mnga' thob mdzod cig/ khyed rnams bde bar gyur cig ces zer ro// rgyal po'i gnas sdong po ri bo'i dpal der khams kyi rgyal po nor gyi bdag po zhes bya ba byung ste/ de la btsun mo'i 'khor bud med stong phrag brgyad cu rtsa bzhi yod do/ / blon po brgya phrag lnga yod par gyur te/ rgyal po nor gyi bdag po de la bu lnga brgya yod pa thams cad kyang dpa' ba/ brtul phod pa/ yan lag dam pa'i gzugs dang ldan pa/ gzhan gyi sde rab tu 'joms pa/ shin tu mdzes pa/ blta na sdug pa/ kha dog bzang po'i mchog shin tu rgyas pa dang ldan pa sha stag go/ rgyal po nor gyi bdag po de'i btsun mo'i dam pa ni pad+mo'i dpal dam pa 'byung ba zhes
- 136a
@bya ba ste/ bud med stong phrag brgyad cu rtsa bzhi po de dag gi nang nas gtso mor bya'o// de'i bu gzi brjid kyi dbang po zhes bya ba gzugs bzang ba/ shin tu mdzes pa/ bltan sdug pa/ mi chen po'i mtshan sum cu rtsa gnyis kyis rab tu brgyan pa'i lus dang ldan pa zhig yod par gyur te/ de la mi chen po'i mtshan sum cu rtsa gnyis po 'di dag yod par gyur to// de'ang 'di ltar rgyal bu gzhon nu gzi brjid kyi bdag po de rkang pa'i mthil shin tu gnas pa dang ldan te/ sa chen po la rkang pa'i mthil 'dor na mnyam par 'dor la 'deg na mnyam par 'deg ste/ gzhog na rkang pa'i mthil kun gyis sa chen po la mnyam par reg go/ / de'i rkang pa'i mthil gnyis la 'khor lo rtsibs stong dang ldan pa lte ba dang bcas pa/ mu khyud dang bcas pa/ rnam pa thams cad du shin tu tshang ba/ shin tu mdzes pa/ blta na sdug pa dag kyang byung bar gyur to/ / de'i rkang pa'i bol gnyis kyang shin tu rgyas par gyur to// rkang pa'i steng gi mdog shin tu gsal la shin tu mdzes te me tog dam pa bas kyang lhag par mdog bzang zhing gsal bar gyur to// de'i rkang lag gi sor mo dra bar 'brel bar gyur te/ shin tu mdzad pa'i rnam par phye bar bu ga med pas zag pa med pa ni/ dper na ngang pa'i rgyal po gnas srung lta bur gyur to// de'i rkang pa'i rting pa yangs pa shin tu dag pa/ shin tu gsal ba/ rin po che thams cad kyi 'od rab tu 'gyed par grub pa dang ldan par gyur to// de'i sor mo rnams kyang ring zhing zlum la tshigs par mnyam zhing yangs pa dang ldan par gyur te/ de dag mnyam
- 136b
par sa la 'jog go/ mnyam par sa las 'deg go/ de'i rkang pa dang lag pa'i mthil yang ka tsa li 'da' bas kyang lhag par reg na bde bar gyur te/ des skyes pa 'am/ bud med dam/ khye'u dang / bu mo gang la reg kyang rung ste/ de dag thams cad bde ba dang yid dga' ba'i dam pas tshim zhing yid bde ba dang yid dga' ba'i dam pas tshim zhing yid shin tu bde bar 'gyur ro// de'i byin pa ri dgas e n+ya ya'i byin pa ltar 'dug par gyur te/ rims kyis gzhol ba dang / shin tu mdzes pa dang / legs par grub par gyur pas/ ri dgas kyi rgyal po e n+ya ya ltar de la sus kyang bsnyag pa 'am slebs par mi nus te/ 'gro bas ngal zhing du ba par mi 'gyur ro/ / rgyal bu gzhon nu gzi brjid kyi dbang po de bdun shin tu mtho ba dang yang ldan par gyur te/ de'i rkang pa gnyis la shin tu mtho ba zlum la shin tu rgyas pa dang / tshigs mi snang ba dang / shin tu yid du 'ong ba dang / blta na sdug pa gnyis grub par gyur to// lag pa la gnyis/ thal gong gi lhun la gnyis/ lhag pa la gcig ste/ de ltar bdun no// de'i mtshan gsang ba'i sbubs na 'dug pa grub par gyur te/ de'i gsang ba'i gnas sbubs na 'dug pa shin tu mi mngon la nang du nub cing kun nas yog par 'dug pa ste/ dper na glang po cang shes sam rta cang shes ltar 'dug pas/ de gos mgyon par 'dug kyang bud med dam/ skyes pa 'am/ khye'u 'am/ bu mo 'am/ rgan pa 'am/ dar la bab pa 'am/ bla ma 'am/ bla mar bya ba rnams kyis kyang mi mthong ste/ gzhan du na bdag longs par spyod pa 'amached bstan
- 137a
par bya ste/ 'dod pas spyad pa ni ma gtogs so// rgyal bu gzhon nu gzi brjid kyi bdag po de ro stod seng ge ltar 'dug pa dang ldan par gyur te/ lus rim pas rgyas la ro stod shin tu yangs shing rdzogs pas/ ri dgas kyi rgyal po bas kyang mdzes par dbyibs shin tu legs pa'i ro stod dang ldan par gyur to// de'i thal gong rgyas shing lus shin tu rgyas pa/ lus rnam par phye ba/ lus kyi cha thams cad rkyen du 'bab par mnyam pa/ lus la dma' ba med pa/ lus la mtho ba med pa/ lus la zhum pa med pa/ lus la dgu pa med pa/ lus rin po che'i gtan pa shin tu phyis pa bas kyang lhag par gsal bar gyur te/ de dpung mgo shin tu zlum zhing shas rgyas la shin tu mdzes par gang ba dang ldan par gyur to// des ma chen po'i mtshan lag pa shin tu ring ba thob par gyur pa/ des lus ma btud de lus drang por 'dug kyang pus mo'i lha nga gnyis la nyug cing reg go/ / des mi chen po'i mtshan lus che zhing drang ba'ang thob par gyur te/ rnam pa thams cad du mchog tu gyur pa dang ldan la/ lus tshul dang 'dra bar mnyam pa dang / lus rab tu mnyen pa dang / lus shin tu lci ba dang / lus rab tu gsal ba dang / lus shin tu sam par byed pa dang ldan par gyur to// des ma chen po'i mtshan mgul dung lta bu'ang thob par gyur te/ mi dma' ba'i mgul dang / de'i mgul gyi 'khor thams cad dang / bzhin gyi 'khor thams cad na rtsa ji snyed cig yod pa de dag thams cad kyang shin tu mnyam par gyur te/ kun kyang rab
- 137b
tu tshang bar gyur to/ / mi chen po'i mtshan seng ge'i 'gram pa lta bu'ang thob par gyur te/ za 'gram shin tu mkhregs pa dang / bzhin gyi dkyil 'khor shin tu rgyas pa dang / bzhin gyi dkyil 'khor shin tu legs shing yongs su dag pa dang / kha'i sgo shin tu yangs pa dang ldan par gyur te/ ma chen po'i mtshan so mnyam pa bzhi bcu dang yang ldan par gyur te/ so ma tshang ba med pa la zas shig za na'ang lan cig blad pas chung ngu na 'bras chan gyi 'bru 'ga' yang ma zhi ba par za ba med do/ / so thags bzang zhing mnyam pa rab tu thob ste/ mtshams chu sgo med pa dang / shin tu mnyam pa dang / rkyen du shin tu mdzes pa ste/ de kha zas shig za na'ang 'go ba dang / 'chag pa dang / zhen pa dang / ldan ljin du 'gyur ba 'am/ ma thogs par 'gyur ba 'am/ sem 'gang bar 'gyur ba med do// mi chen po'i mtshan so mnyam pa rab tu thob par gyur te/ so mnyam zhing rnga rngo med pa dang / so lhag med pa dang / so zhum pa med pa dang / so gyes pa med pa dang / so thog drung mnyam pa dang / so rdo ba med par gyur to// gzhon nu de'i mche ba shin tu dkar bar gyur te/ mche ba skyon med pa/ mche ba shin tu gsal ba/ mche ba shin tu dag pa/ mche ba shin tu brtan par gyur to// mi chen po'i mtshan lce shin tu yangs pa'ang thob par gyur te/ de'i lce ni shin tu yangs la srab cing mnyen te/ shin tu 'jam pa dang / las su rung ba dang / yid du 'ong ba dang / bsgyur na bde ba dang / gdong gi dkyil 'khor kun 'gebs pa dang / bden zhing phan par 'gyur ba'i don dang / yi ge dang / ngag dang / nges pa'i tshig thogs pa med par rjod par gyur to//
- 138a
gzhon nu de tshangs pa'i dbyangs dang ldan par gyur te/ dbyangs yid du 'ong ba dang / rol mo'i sgra dang / glu'i nga ro dang / sil snyan gyi dbyangs dang / sgra skad dang / brjod cing smra ba'i tshig gi las yid du 'ong ba brjod pas ngag gi lam mngon par dga' ba bskyed pa/ 'jig rten thams cad mngon par 'dun par 'gyur bar tshangs pa las kyang lhag pa'i dbyangs kyis ngag rjod de/ 'khor gyi dkyil 'khor las kyang gud du mi 'da' bar thams cad kyi yid dang mthun par byed pa dang ldan par gyur to/ / gzhon nu de ni mig dkar nag 'byes par gyur te/ mig shin tu dang ba dang / mig yongs su dag pa dang / mig la 'od chags pa dang / mig rnam par gsal ba dang / mig mngon par mdzes pa dang / mig blta na sdug pa dang / mig yid du 'ong ba dang / mig 'dzum pa dang ldan par gyur to// gzhon nu de ni rdzi ma pa'i rdzi ma lta bu dang ldan par gyur te/ mig gi skye mched rin po che pad+ma rA ga ltar shin tu dag pa/ mig gi sprin mnyam pa/ mig gi sprin mtshungs pa/ mig gi sprin legs pa/ mig gi sprin yangs pa/ mig gi sprin rdzogs pa/ mig gi sprin shin tu brtan par gyur to/ / de'i sprin mtshams su mdzod spu skyes par gyur te/ 'jam pa/ las su rung ba/ shin tu mnyen pa/ shing bal ltar reg na bde ba/ gsal ba/ 'od yod pa/ chab rom lta bu/ kha ba'i kha dog ltar 'dug pa/ 'od zer dkar po'i dkyil 'khor gyi 'od rab tu snang ba dang ldan par gyur to/ / de'i spyi bo la gtsug tor mngon par grub par gyur te/ shin tu legs pa/ kun nas zlum pa/ dbus su bab pa/ sgra'i rgyan du gyur pa/ rin po che'i pad+mo 'dab ma
- 138b
bye ba brgya phrag stong dang ldan pa ltar snang ba/ kun nas cha mnyam par gnas pa/ rin thang gdab tu tshad med pas gces pa'i gtsug tu gyur pa dang ldan par gyur to// gzhon nu de pags pa shin tu 'jam pa dang ldan par gyur te/ de'i lus la rdul dang dri ma 'am/ rdul lam/ ser ka 'am/ gnyer ma 'am/ lhod pa 'am/ khums pa 'am/ 'phyang ba 'am/ slod pag tu gnas pa med par gyur to// gzhon nu de ni mdog gser gyi kha dog lta bu dang ldan par gyur te/ 'dzam bu chu klung gi gser gyi mdog lta bu dang ldan zhing 'od kun tu 'dom gang ba dang / gser ltar gcig tu 'bar ba'i 'od kyi dkyil 'khor gyis mdzes par brgyan pa dang / ba spu'i bu ga thams cad nas dri zhim pa'i 'od zer 'byung bas lus kyi brgyan pa rab rib med cing 'od gsal ba dang ldan par gyur to/ / gzhon nu de ni ba spu re rer byung ba dang ldan par gyur te/ ba spu'i bu ga re re nas ba spu re re skyes par gyur pa/ bai DUR+Ya sngon po'i kha dog lta bu/ g.yas phyogs su 'khyil ba legs par skyes pa mthang la zha bar 'dug pa shin tu legs par gnas pa dang ldan par gyur to// gzhon nu de'i spu yan lag gyen du 'khyil bar gyur to// phyir mi zlogs pa'i spu dang / mi ldog pa'i spu dang / ma 'dres pa'i spu dang ldan par gyur to// gzhon nu de mi chen po'i mtshan sgra mthon mthing du 'dug pa thob par gyur te/ de'i sgra nor bu rin po che rnam par snang ba'i mdog ltar mthon mthing du 'dug pa/ 'jam pa/ snum pa/ legs par 'khyil ba/ g.yas phyogs su 'khyil pa/ drung shin tu ran pa/ zad zed med pa/ 'jam 'jam ltar 'dug pa/ mi 'dzang ba/ dbyibs mnyam zhing mthun par gnas pa dang ldan par gyur to// rgyal bu gzhon
- 139a
nu de shing n+ya gro d+ha ltar chu zheng gab pa'i mi chen po'i mtshan rab tu thob par gyur te/ kun nas rkyen du ran pa dang / kun tu bzang ba dang / kun tu mdzes pa dang ldan par gyur te de ni mthun nas bltas na'ang ngoms mi shes shing bltan yid du 'ong la/ rgyab dang / g.yas g.yon dang / 'gro ba dang / 'dug pa dang / 'greng ba dang / zhal ba dang / smra ba dang sa? bar 'dug pa la bltas na'ang ngo mi shes shing yid du 'ong la blta na sdug par gyur te/ rigs kyi bu rgyal bu gzhon nu gzi brjid kyi bdag po de mi chen po'i mtshan sum cu rtsa gnyis po de dag gis yongs su brgyan pa'i lus dang ldan par gyur te/ sems can thams cad kyis blta na yid du mi 'ong ba'i bag med pa/ blta na bsam pa thams cad yongs su rdzogs par byed pa/ blta na sems can thams cad kyi dga' ba yongs su 'byung ba de lta bu zhig skyes par gyur to/ / rigs kyi bu de nas lan gcig cig rgyal bu gzhon nu gzi brjid kyi bdag po de yab kyis gnang nas/ rgyal po'i gnas sdong po'i ri bo'i dpal gyi bza' shing gi ra ba spos kyi myu gu'i rtse mo las 'od kyi sprin 'byung ba zhes bya ba der sa bzang po blta ba'i phyir/ bu mo stong phrag nyi shu dang lhan cig tu bsod nams kyi gzi brjid kyis dpal dang skal ba bzang po'i rnam par 'phrul pa'i rgyan gyis byung nas/ skyes pa dang bud med kyi tshogs kyis kun nas dga' bar bya zhing / 'dzam bu chu klung gi gser gyi shing rta rdo rje
- 139b
rin po che'i 'khor lo chen po bzhi dang ldan pa/ rdo rje mthu bo che'i srog shing sra ba/ tsan dan dam pa las bsgrubs pa'i yu ba bzang po dang ldan pa/ rin po che'i rgyal po spos sna tshogs kyi shing thags rnam par bkye ba/ rin po che thams cad kyi me tog sna tshogs kyis rab tu mdzes par byas pa/ rin po che thams cad kyi dra bas kun nas yog pa'i rgyan dang ldan pa/ seng ge'i khri ri ni po che dam pa'i rgyan gyi snying po can dbus su bshams pa bu mo lnga brgyas rin po che'i srad bu'i lnga lI nas yongs su bzung ba/ nam mkha' la chags pa med pa'i rlung ltar mgyogs pa'i rta cang shes stong la bcag pa la zhon nas gdugs chen po'i rim gyis gzhol zhing blta na sdug pa/ steng g.yogs rin po che'i rgyal po bai DUR+Ya dkar po las byas pa/ 'od dri ma med pa tshad med pa 'byung ba/ rin po che bsam gyis mi khyab pa rmad du byung ba sna tshogs thams cad kyis snga bar spras te rnam pa thams cad du mdzes par brgyan pa/ yu ba rin po che'i rgyal po bai DUR+Ya sngon po las bsgreng bas ni bskyabs/ srog chags brgya stong mang pos ni yongs su bskor/ rol mo brgya stong mang po lha rdzas kyi dbyangs yid du 'ong bsnyan pa dang ldan pa dag ni rab tu blangs// me tog gi char chen po ni mngon par 'bab/ lha rdzas kyi spos dri zhim pa'i 'dug spos kyi snod bye ba khrag khrig brgya stong gis ni rab tu bdug cing 'gro bar gyur to/ / de de ltar 'gro ba'i tshe lam yang rgyud brgyad dang ldan par gyur te/ mtho dman med pa dang / gsag ma dang
- 140a
gyo mo med pa dang / gser dngul dang / rin po che'i rgyal po sna tshogs kyi khams kyis su'i gzhi rab tu bsgrub pa dang / gser gyi bye ma bkram pa dang / rin po che sna tshogs kyi me tog sil mas chal par gang ba dang / g.yas g.yon nas rin po che'i shing gi 'phreng bas dkrigs pa dang / rin po che sna tshogs kyi kha ran bkye ba dang / sdeng nas rin po che'i dra ba bres pa dang / rin po che'i gnam yol sna tshogs kyis bkab pa dang / rin po che'i rgyal mtshan dang / ba dan dang / snam bu brgya stong rab tu brgyan pa du ma bsgreng zhing sbyangs pas mdzes par brgyan pa dang / g.yas g.yon nas rin po che'i stegs bu'i 'phreng ba rnam par bkod pas rnam par brgyan pa ste/ rin po che'i stegs bu la la la ni slongs mo pa'i tshogs la yongs su bstabs pa'i don du rin po che'i snod sna tshogs kyis yongs su bkang ba bkod/ stegs bu la la la ni rgyan 'dod pa'i slongs mo pa rnams brgyan pa'i don du rin po che thams cad kyi rgyan gyi rnam pa yongs su bkod/ stegs bu la la la ni sems can thams cad kyi bsam pa yongs su rdzogs par bya ba'i phyir yid bzhin gyi nor bu rin po che bkod/ stegs bu la la la ni su ci 'dod pa de dag la de sbyin pa'i don du kha zas dang / btung ba dang / bro ba sna tshogs kyis yongs su bkang ba'i snod mang po bkod/ stegs bu la la la ni rnam pa thams cad du mchog tu zhim pa'i ro dang / kha dog dang / dri dang / bro dang / reg yid du 'ong ba dang ldan pa'i lha rdzas kyi kha zas kyi rnam pa bkod/ stegs bu
- 140b
la la la ni ro bro ba sna tshogs dang ldan pa'i lha rdzas kyi shing thog sna tshogs thams cad spungs/ stegs bu la la la ni gos 'dod pa rnams yid bzhin du spyod du gzud pa'i phyir lha rdzas kyi gos rin po che kha dog sna tshogs dang ldan pa/ mdog bzang po rnam pa sna tshogs dag dang ri mo sna tshogs shin tu sba bar rnam par phye ba shin tu btsun pa la 'os pa shin tu phra ba rab tu 'jam pa thags su ma btags pa bye ba phrag brgya phrag stong snyed yongs su bkod par gyur to/ / stegs bu la la la ni byug pa 'dod pa'i sems can rnams bsam pa ji lta ba bzhin du yongs su spyod du gzung ba'i phyir/ lha rdzas kyi spos rnam pa kha dog dang dri rnam pa sna tshogs thams cad dang ldan pa dag bkod par gyur to/ / stegs bu la la la ni sems can rnams bsam pa ji lta ba bzhin du yongs su spyod du gzud pa'i phyir yo byad thams cad kyi phung po dag bkod par gyur to/ / stegs bu la la la ni na chung gzugs bzang ba/ rab tu mdzes pa/ shin tu sdug pa/ cha lugs sdug gu sna tshogs dang ldan pa/ yid du 'ong ba'i gos sna tshogs dang ldan pa/ yid du 'ong ba'i gos sna tshogs gyon pa/ rgyan thams cad kyis mdzes par brgyan pa/ byug pa sna tshogs kyis tshul sdug gur brgyan tsang mdzes par byas pa'i lus dang ldan pa/ bud med kyi bzo dang / sgyu dang / shes nyen gyi tshul la mkhas pa dag bkod par gyur to// de'i tshe rgyal po'i gnas sdong po ri bo'i dpal de nyid na sprul 'tshong ma'i dam pa rgyal po'i longs
- 141a
spyod du 'os pa blta na mdzes pa zhes bya ba zhig yod pa de'i bu mo dga' ba'i 'od kyi dpal shin tu sbyangs pa zhes bya ba gzugs bzang ba/ shin tu mdzes pa/ blta na sdug pa ha cang mi ring ha cang yang mi thung / ha cang yang mi sbom/ ha cang yang mi phra/ ha cang yang mi dkar/ ha cang yang mi sngo ba/ skra mthon mthing du 'dug pa/ mig dkar nag 'byes pa bzhini yid du 'ong ba/ tshangs pa'i dbyangs dang ldan pa/ 'jam zhing snyan par smra ba/ shes rab dang ldan pa/ shes nyen gyi tshul thams cad la mkhas pa/ gtsug lag thams cad la shes pa brtson pa/ le lo med par rim gro yod pa/ mos pa dang ldan pa/ byams pa'i sems bdog pa/ khong khro ba ma mnga' ba/ blta na ma ngoms shidi yid du 'ong ba/ 'dod chags dang / zhe sdang dang / gti mug chung ba/ ngo tsha shes shing khrel yod pa/ drang zhing mnyen pa/ g.yo dang sgyu med pa zhig yod de/ de ma dang lhan cig tu bu mo du ma zhig gis bskor te/ rin po che'i shing rta la zhon nas rgyal po'i gnas sdong po'i ri bo'i dpal nas byung ste/ rgyal pos bka' stsal nas/ rgyal bu gzhon nu gzi brjid kyi bdag po'i mdun nas par rgyal du gzhon nu de la glur len cing 'dod 'dod pa las/ rgyal bu gzhon nu gzi brjid kyi bdag po mthong nas 'dod chags kyi sems shin tu mi bzad pa zhig g.yos te/ rgyal bu gzhon nu gzi brjid kyi bdag po shin tu yid du 'ong
- 141b
ches nas rjes su 'brang zhing sems la rang dbang med pas/ ma blta na sdug pa la 'di skad ces smras so// ma 'di ltar mkhyen par mdzod cig/ gal te bdag rgyal bu gzhon nu gzi brjid kyi bdag po la ma gtang na ni 'gum pa 'am/ srog la 'bab pa'i sdug bsngal gcig tu 'gyur ro// des smras pa/ bu mo da lta bu'i sems ma skyed cig/ gzhon nu 'di ni 'khor los sgyur ba'i mtshan dang ldan pa ste/ de'i yab nor gyi bdag po mi bzhugs par gyur na/ 'khor los sgyur ba'i rgyal srid la gnas par 'gyur ba'i gnas yod de/ de 'khor los sgyur ba'i rgyal por 'gyur bas/ de'i bud med rin po che nam mkha' las 'gro ba 'byung bar 'gyur la/ bu mo bdag cag kyang sprul 'tshong ma dag cig ste/ 'jig rten thams cad dga' bar byed pa yin gyi yu bus sems can 'ga' zhig la nam 'tsho'i bar du bsnyen bkur mi byar ma rung ba'ang med de/ yu bu ni rgyal po nor gyi bdag po'i bkas rgyal bu gzhon nu gzi brjid kyi bdag po'i rim gror 'dong 'dong bar zad kyis/ de lta bu'i sems brtan par ma byed cig/ gnas de ni thob par yang shin tu dka' 'o// de'i tshe de bzhin gshegs pa dgra bcom pa yang dag par rdzogs pa'i sangs rgyas sku nyi ma dam pa zhes bya ba mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan
- 142a
'das 'jig rten du byung ste/ de'i snying po byang chub chos kyi sprin shin tu sdug pa'i 'od ces bya ba'ang bza' shing gi ra ba spos kyi myu gu'i rtse mo las 'od kyi sprin 'byung ba zhes bya ba de'i nang du byung ste/ der bcom ldan 'das de bzhin gshegs pa sku nyi ma dam pa thog ma mngon par rdzogs par sangs rgyas nas zhag bdun lon pa de bu mo de shing rta la zhon bzhin du yur zhing 'chog 'chog pa'i rmi lam du mthong nas sad par gyur pa dang sngon gnyen gshes su gyur pa'i lha mo zhig gis bstan pa/ bu mo de bzhin gshegs pa sku nyi ma dam pa de ni snying po byang chub chos kyi sprin shin tu sdug pa'i 'od ces bya ba na rnam par spyod cing / thog ma mngon par rdzogs par sangs rgyas nas zhag bdun lon te byang chub sems dpa'i tshogs kyis yongs su bskor cing / lha dang / klu dang / gnon sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / tshangs pa dang / gya nom snang ba dang / 'og min gyi lha'i tshogs kyis mdun du byas shing bzhugs te/ der sa'i lha mo dang / me'i lha mo dang / rlung gi lha mo dang / rgya mtsho'i lha mo dang / chu'i klung gi lha mo dang / ri'i lha mo dang / mtshan mo'i lha mo dang / skya rengs 'char ka'i lha mo dang / nags tshal gyi lha mo dang shing gi lha mo dang / sman gyi lha mo dang / lo tog gi lha mo dang / grong khyer gyi lha mo dang / rkang gis 'gro ba'i lha mo dang / snying po byang chub kyi lha mo dang / lus kyi 'od zer gyi lha mo dang / sems can gyi
- 142b
ris kyi lha mo dang / nam mkha'i lha mo dang / phyogs thams cad kyi lha mo dag kyang / bcom ldan 'das sku nyi ma dam pa'i zhal blta ba'i phyir kun nas 'dus so zhes nas/ de ltar des de bzhin gshegs pa mthong ba dang de bzhin gshegs pa'i yon tan thos pas bag tsha ba med par gyur te skabs su bab nas/ rgyal bu gzhon nu gzi brjid kyi bdag po'i mdun du de'i tshigs su bcad pa 'di dag smras so/ / gzugs kyi mchog gis 'jig rten khyad par 'phags// yon tan rnams kyis thams cad phyogs su yang // shes rab stobs kyis bdag dang 'dra ma mchis// sgyu rtsal dga' ba sgyu ma'i tshul kun 'tshal/ / srog chags mang po stong phrag du ma yis// 'dod chags dbang gis bdag la rab bltas kyang // gzhon nu bdag ni 'jig rten gang la yang // blo ba chags par gyur pa gcig ma mchis/ / sems can gang la'ang zhen par gyur pa 'am// gang la'ang khong khror bdag gi sems ma gyur// gang la'ang dgra mi bgyid de zhe mi sdang // bdag ni sems can sman par dga' ba lags/ / sku zhon sku mchog yon tan rab mnga' khyod// gang tshe bdag gis gsal bar mthong gyur pa// de tshe dbang po kun kyang nyams su bde// rgya che yangs par shin tu dga' bar gyur// khyod kyi dbu bzang lhung lor 'khril ba 'am/ / rin chen rnam snang mdog tu mthon mthing gsal// zhal gyi smin sdug dpral bshangs su mdzes// khyod kyi zhal sngar lus 'di bdag 'bul lo// mtshan gyi
- 143a
rab 'chang gzi brjid che mnga' ba/ / sku gzugs gser gyi ri bo bzang po 'dra// khyod kyi spyan sngar bdag lta mi mdzes te// zil du rlog pas snag tsa'i gzugs kyang 'dra// spyan brtsal ring la dkar nag 'byes pas mdzes// shin tu zhal rgyas seng ge'i za 'gram can// khyod kyi gsung ni thogs pa ma mchis na// gsung mchog mnga' bas bdag ni gzung du gsol// khyod kyi zhal na ljags yangs mnga' ba ni// mdog dmar yangs pa rin chen mchog gi 'od// tshangs dbyangs yan lag mchog gi gsung mnga' bas// gsung zhing 'gro ba rab tu dga' ba mdzad// khyod kyi zhal na thags bzang tshems mnga' ba// dung ltar dri med shin tu rnam par gsal// 'dzum zhing bzhad pa rnam par ston mdzad kyang // skyes bu dpa' khyod 'gro ba dga' bar mdzad// khyod kyi sku la mtshan rab mdzes pa'i rnams/ / sum cu rtsa gnyis dag cing 'od kyang gsal// sku gzugs babang po yongs su nges brgyan pas// maM yi dbang po 'khor los sgyur bar byon/ / shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste/ bam po brgya brgyad pa/ de nas rgyal bu gzhon nu gzi brjid kyi bdag pos/ bu mo dga' ba'i 'od kyi dpal shin tu sbyangs pa la 'di skad ces smras so// bu mo khyod su'i khyod la yongs su srung ba ni gang zhig yod// bu mo nga la ni gzhan gyis yongs su bzung ba'i
- 143b
bud med bdag gir byar mi rung ngo zhes nas/ de'i tshe tshigs su bcad pa 'di dag kyang smras so// blta sdug gzugs kyi yon tan legs ldan pa// mtshan bzang bsod rnams rnam par dag pa'i lus// khyod la dri ba'i don 'di nga la smros// lus mchog khyod ni su yis yongs su bzung // khyod la pha dang ma ni yod dam med// khyim thabs med dam khyod ni su zhig dbang / gzugs mdzes khyod la sems can gzhan nam cig/ bdag gi yin par 'du shes byed med dam// khyod kyi yid ni gsod la mi dga' grang // gzhan las ma byin 'phrog par mi byed dam// 'dod pas log par g.yam la mi dga' grang / / rdzun du brjod smrar yid ni mi mos sam// khyod kyi blo gros mdza' dbyen mi 'jug gam// tshag brlang gzhan la gnod par mi smre grang // gzhan gyi nor la chags par sems med dam// 'gro ba rnams la gnod par mi sems grang / / lta ba'i 'brog dgon lam du ma zhugs grang // las kyi rgyud la ye brngam sems med dam// g.yo bdog sgyu yi dbang du mi 'gro 'am// mi 'thad 'jig rten gnod par mi byed grang / / pha ma gnyen dang mdza' bshes bla ma la// sri zhu rim gro bya'i tshul 'chang ngam// 'phongs par gyur pa yongs su bsdu don du// khyod kyi yid la sbyin par sems yod dam// chos dang mthun pa dus su 'dems byed cing // lus dang sems yid yongs su dag byed la// yang dag las su rung ba skyed byed pa'i// dge bshes rnams la dga' bar sems yod dam//
- 144a
sangs rgyas rnams la rim gror byed ldan nam// sangs rgyas sras la dga' mchog yod dam med// gang las bde gshegs sras rnams skyer 'gyur ba'o// chos kyi dmapa de ni shes mi shes/ / chos yid mchog la gnas par khyod byed grang // chos min spyad pa'i blo gros med grang ngo // legs pa mtha' yas yon tan rgya mtsho la// gus pa'i sri zhu dga' sems mchog yod dam/ / skye bo mgon med 'phongs par gyur pa yi// bden pa'i rnams la byams pa'i yid yod dam// ngan song 'gro ba'i las zhugs pa yi// shin tu nyam thag snying rje sems grang ngo / / gzhan gyis phun sum tshogs pa mthong 'gyur na// khyod ni dga' bas mchog dang ldan 'gyur ram// skye bo nyon mongs rnams kyis 'khol gyur la// shes rab mthu bskyed btang snyoms byed mi byed/ / mi shes gnyid log skye bo mang mthong na// byang chub dam par smon lam 'debs byed grang // bskal pa mtha' yas spyad pa spyod pa na// smon lam dam pas skye bar mi/ 'gyur grang / de nas bu mo dga' ba'i 'od kyi dpal shin tu sbyangs pa'i ma sprul 'tshong ma'i gtso mo blta na sdug pas/ rgyal bu gzhon nu gzi brjid kyi bdag po la 'di skad ces smras so// gzhon nu bdag gi bu mo 'di ni rdzus te byung ba pad+mo'i nang nas skyes pa ste/ sngan chad khyim gyi nang nas phyi rol tu ma byung ngo zhes nas/ de'i tshe tshigs su bcad pa 'di dag kyang smras so// bu mo 'di la khyod kyis
- 144b
gang smras pa/ / de ni bdag gis rim pas khyod la brjod// ji ltar bu mo 'di skyes bskyed bskyed pa// bdag gis khyod la gsol gyis gsan du gsol// gang tshe dgung sangs khyod ni bltams gyur pa// de tshe bdag gi bu mo 'di skyes te// rdzus te dri med pad+mo'i sbubs nas byung // yan lag kun tshang mig yangs 'di yang skyes// dus kyi nang na sos ka dus mchog la// sman dang me tog myu gu 'thon pa'i tshe/ / sA la'i ra ba bzang zhing rab mchog tu// bdag ni rtse dga' de khrod mchi mchi ste// sna tshogs yal gA'i lo ma rgyas gyur cing // zhugs shing me tog sdug rgyas sprin gyi mdog/ bya bran sna tshogs sgra snyan zhugs shing nang / / nags khrod mya ngan ma mchis dgar mchis mchis// rgyan dang ldan zhing shin tu yid 'ong la// rin chen ra da sna tshogs 'tshal ba'i rnams// rol mo glu la shin tu bslabs pa yi/ / bu mo brgya phrag brgyad dang bdag kyang ldan// spos mchog ldan pa'i puN+Da ri ka dang // rdzing 'gram me tog sil mas bltams pa yi// sa phyogs de na bud med mang po dang / / bdag cag de na dga' bar mchis mchis na// chab dbus de nas rin chen pad+mo'i mchog/ 'dab ma stong dang ldan pa byung bar gyur// lo ma rin chen yu ba bai DUR+Ya// snying po 'dzam bu chu klung gser las bgyis/ / spos mchog rin chen dam pa'i re ba can// 'od chen 'dzam bu'i rgyal mtshan kun tu 'phro// de tshe dgung la gdugs shig shar tam zhes// skye bo kun kyang yid
- 145a
gnyis 'tshal bar 'gyur/ / dgung sangs gyur nas pad+mo chen po de// gdugs kyi 'od kyis rab tu rgyas bgyis nas// snang ba de dang sgra snyan rab kyang bkye// 'di 'byung de na sngon gyi ltas su byung / / bud med rin chen 'di 'dra 'jig rten du// tshul khrims dam pa rnam par dag pas byung // sug las bgyis pa chab 'tshal mi 'gyur bas// 'di ni sngan chang legs par spyad pa'i 'bras/ / sgra ni mthon mthing mig yangs ut+pa la// tshangs pa'i dbyangs ldan kha dog rnam dag ldan// 'phreng ba rgyan mchog lugs kyi dbyibs su shis// dpal ltar dri med pa'i mchog las skyes/ / lus ni rnam dag yan lag rkyen du mnyam// lus kyi dbyibs legs yan lag yongs su tshang // gser gyi gzugs la nor bus phyis pa 'dra// phyogs kun 'od kyis rnam par gda' bar gsal/ / lus las tsan dan rgyal po'i spos kyi dri// phyogs su rgyas par 'di yi lus las 'byung // sgra snyan lha rdzas yid du 'ong rjod tshe// kha nas ut+pa la yi dad kyang ldan/ / 'di ni gang tshe 'dzum zhing dgod pa'i tshe// rol mo'i sgra snyan de tshe 'byung bar 'gyur// bud med rin chen 'jig rten 'dir byung ste// tha mal kun gyi dbang du 'gyur ma lags// khyod ma gtogs par mi yi 'jig rten na/ / 'di yi bdag po gzhan ni gcig ma mchis// mtshan rab brgyan pa'i sku gzugs mdzes mngar ba// khyod kyi zhal sngar bu mo 'di bzhes gsol// 'di ni hacang
- 145b
ring mi thung ste/ / ha cang mi sbom ha cang phra ma lags// lho ni gzhu 'dra nu ma shas kyang rgyas// yan lag skyon bral 'di ni khyod la 'os// grangs dang yi ge shes bgyi tshul rnams dang // lag brda'i tshul dang gtsug lag tshul la mkhas/ / 'jig rten kun na bzo rnams ji snyed pa// ma lus de la 'di ni pha rol phyin// mnga' gzhu'i tshul la'ang rnam pa rgyus su mkhas// 'phong gi cho ga rnam par nges par rtogs/ / dgra yid bzho zhing dbab pa kun la yang // 'di ni mchog tu pha rol phyin par gyur// lus rnams kun nas rin chen rnam dag pa'i// 'od mchog 'khor gyi shin tu mdzes pa ste/ / sngon gyi legs pas shin tu sdug par brgyan// 'di ni khyod kyi phyag rjed khyod la 'os// mi yi 'jig rten gnas rnams ji snyed pa// de dgra gso ba'i tshul gyi cho ga 'tshal/ / de dag ma lus thams cad zhir bgyi na'ang // ma nor sman gyi cho gas gsol mkhas// 'dzam bu'i rgyal mtshan skad rnams thams cad dang // skye bo'i nges tshag ma lus bye brag dang // 'jig rten tha snyad brjod pa'i mtshams sbyar ba// sna tshogs kun la'ang 'di ni pha rol phyin// dbyangs kyi yan lag mngon par bsgrub pa'i tshul// de dag bye brag tshul la'ang rab tu zhugs// 'jig rten gla gar rnam pa ji snyed pa// ma lus de rnams kun gyi tshul yang 'tshal// rol mo sil snyan dag gi thabs rnams dang // bzhad gad rol mo'i tshul la rnam par mkhas// chags dang ma chags
- 146a
rnams mngon 'tshal kyang / / khong khro chags par 'gyur ba ma mchis so// 'jig rten bud med sgra rnams ji snyed pa// khyad par nangs su de la ma lus 'tshal// bu med skye bo'i skyon du bgyi ba'i rnams/ / grangs med de dag 'di la gcig ma mchis// thel gyis blta dang zur gyis blta ba dang // yan lag blta bas dang yan lag rnam bstan dang // shes nyen kun la mkhas pa'i mthar phyin te/ / khyod kyi dgongs pa yongs su rdzogs par bgyid// 'di ni phrag dog ser sna ma mchis te// 'dod pa zhen du mi ldang sdig mi bgyid// bzod cing drang la mnyen zhing des pa ste/ / mi khro mi brlang shin tu mkhas pa lags// ldang ba'i ngang tshul yid du 'ong ba'i ngag/ rtag tu bla ma'i thugs dang sbyor ba ste// sku nyams gar bde lta zhing sri zhu che// khyod kyi spyod mthun rjes bsnyegs tshul dang mthun/ / rgas shing gdug dang nad dang ldan pa dang // 'phongs pa shin tu sdug bsngal gyur pa dang // mig dang bral zhing mgon skyabs ma mchis la// 'di ni snying brtse rtag tu skyed pa lags/ / 'di ni rtag tu gzhan don sems la brtson// bdag la sman pa sems par bgyid ma mchis// 'jig rten kun la sman par dga' ba ste// rlabs chen sems kyi yon tan kun gyis brgyan/ / mchis sam nyal lam mchi'am 'greng yang rung // smra 'am mi smra 'dzum zhing dgod kyang rung // rtag tu bag mchis dran pa shes bzhin te// 'di ni 'jig rten kun
- 146b
gyis rtag tu bsngags/ / bsod nams ldan pas kun tu rnam par snang // 'gro ba kun kyang rtag tu dga' ba ste// 'di la lta bas 'jig rten ngoms mi 'gyur// 'di ni gang la'ang chags par 'gyur ma mchis/ / dge bshes rnams la sri zhu 'di che ste// de dag mthong bar rtag par rab tu dga'// rjes su ci 'byung lta zhing skyon med tshul// sems bdag brtan pa ri rab ri dang 'dra/ 'di ni bsod nams mchog gis rtag tu brgyan/ / ma mdza' dgrar len 'di la yod ma mchis// 'di ye shes 'dra bud med gcig ma mchis// rgyal sras khyod la 'di ni tshul dang mthun// de nas rgyal bu gzi brjid kyi bdag po bza' shing gi ra ba spos kyi myu gu'i rtse mo las 'od kyi sprin 'byung bar phyin te/ bu mo dga' ba'i 'od kyi dpal shin tu sbyangs pa'i ma sprul 'tshong ma'i gtso mo blta na sdug pa'i mdun du bu mo dga' ba'i 'od kyi dpal shin tu sbyangs pa la 'di skad ces smras so/ / bu mo nga ni bla na med pa yang dag par rdzogs pa'i byang chub tu zhugs pa yin te/ de bas na ngas thams cad mkhyen pa'i tshogs ni tshad med pa zhig bsags par bya dgos/ bskal pa mtha' dang dbus med pa zhig tu byang chub sems dpa'i spyod pa spyad de/ pha rol tu phyin pa thams cad ni yongs su rdzogs par bya dgos/ phyi ma'i mtha' bskal pa'i mur thug par ni de bzhin gshegs pa rnams la mchod pa bya dgos te/ sangs rgyas thams cad kyi bstan pa ni yongs su gzung bar bya/ sangs rgyas kyi zhing thams
- 147a
cad ni yongs su sbyang bar bya/ de bzhin gshegs pa thams cad kyi rigs ni mi gcad par bya/ sems can gyi rgyud thams cad ni yongs su smin par bya/ sems can thams cad kyi 'khor ba'i sdug bsngal ni rnam par bzlog par bya/ / mtha' las rgal bar bde ba la ni sems can rab tu dgod par bya/ sems can thams cad kyi ye shes kyi mig ni yongs su dag par bya// byang chub sems dpa' thams cad kyis bsgrubs pa la ni brtson par bya/ byang chub sems dpa' thams cad kyi mnyam pa nyid la ni gnas par bya/ byang chub sems dpa' thams cad kyis ni yongs su bsgrub par bya/ sems can gyi khams thams cad ni yongs su sbyang bar bya/ sems can thams cad kyi 'phongs pa yongs su gcad pa'i phyir bdag gi nor thams cad ni gtang bar bya/ phyi ma'i mtha'i mur thug pa'i bskal par sbyin pa'i pha rol tu phyin pa la spyod pa'i tshe/ kha zas dang btung ba'i sbyin pas ni sems can yongs su tshim par bya/ yo byad kyi dngos po thams cad yongs su btang bas ni/ slob ma'i tshogs thams cad yongs su tshim par bya dgos te/ de ltar nga bdog pa thams cad yongs su gtong ba la nan tan nyams su len pa'i tshe/ phyi nang gi dngos po gang ci'ang rung ste/ yongs su mi gtang ba de lta bu med pas de ltar ngas bu dang / bu mo dang / chung ma'ang sbyin par bya dgos/ mig dang / mgo dang / rkang lag dang / yan lag dang / nying lag thams cad kyang yongs su gtang dgos na
- 147b
de'i tshe khyod gzhan la byin na nga'i byin pa'i bgegs su 'gyur ro/ / bu yid du 'ong bu yongs su btang na yid mi dga' bar 'gyur ro// lus dang sems kyi sdug bsngal yang mang po zhig nyams su myong bar 'gyur ro/ / nga la bdog pa thams cad yongs su btang bar byas na ser sna'i sems su 'gyur ro// nga'i yan lag dang nying lag gtubs shing / slongs mo pa rnams la gtong ba'i tshe/ yid mi dga' par yang 'gyur ro/ / nam zhig ngas khyod bor te/ de bzhin gshegs pa'i bstan pa la rab tu byung bar de lta bu'i dus kyang yod de/ de'i tshe'ang khyod yid mi dga' bar 'gyur ro zhes nas// rgyal bu gzi brjid bdag pos de'i tshe bu mo dga' ba'i 'od kyi dpal shin tu sbyangs pa la tshigs su bcad de smras pa/ ngas ni 'gro kun snying rje rab bskyed de// yun ring mchog nas byang chub rab bzhugs pas/ / yang dag byang chub tshogs chen rgya mtsho'i rnams// tshad med thams cad yongs su rdzogs bya dgos// bskal pa rgya mtsho mtha' dang dbus med par// mkha' ltar tshad med smon lam rnam sbyangs shing / / de bzhin gshegs pa bzhugs pa'i sa yi rnams// bskal pa mtha' yas yongs su sbyang yang dgos// rgyal ba dus gsum byung ba thams cad kyi/ / pha rol phyin pa'i lam la ngas bslabs te// ye shes bla na med pa'i tshul chen gyis// byang chub lam mchog rnam par sbyang yang dgos// phyogs rnams kun gyi zhing rnams thams
- 148a
cad kyang / / kun nas nyon mongs rnam par sbyang bar bya// 'jig rten kun gyi mi khom thams cad dang // ngan song kun kyang rnam par 'azlog dgos so// nyon mongs bsgribs shing gti mug mun 'thoms pa'i/ / sems can kun kyang ma lus rnam sbyang dgos// sna tshogs thabs kyis yongs su sbyang byas te// thams cad mkhyen lam tshul la dgod kyang dgos/ / chags med sa rnams kun kyang ngas sbyangs te// bskal pa rgya mtshor rgyal ba mchod par bya// 'gro ba ma lus kun la byams bskyed de// 'jig rten dag tu ma lus sbyin gtang dgos// slong ba kun nas 'dus shing 'ongs mthong nas// thams cad gtang bar rtag tu brtson 'gyur na// de tshe khyod ni nga sems mi mthun te// zhum zhing dma' la 'jungs par mi 'gyur ram// nga mgo 'dod 'ongs pa ngas mthong ste/ / byang chub sems dpa'i spyad pa spyod gyur na// de tshe khyod ni sdug bsngal gdungs 'gyur gyis// 'di 'dra'i don thos rab tu brtan par gyis// nga yi rkang lag gtubs pa mthong gyur na/ / khyod ni mi dga' de tshe dge slong la// bud med ngang gi tshig drag mi bzod sba// don 'di thos shing sems la yongs su soms// 'phangs pa'i dngos dang de bzhin bu rnams dang // khyod kyang spong ba'i tshogs la sbyin dgos kyis/ / dor 'di thos te mi dka' med na lha// khyod dka' thams cad de bzhin bya la ra// de skad ces spras pa dang / bu mo dga' ba'i 'od kyi dpal
- 148b
shin tu sbyangs pas/ rgyal bu gzi brjid kyi bdag po la 'di skad ces smras so// gzhon nu ji skad gsung ba de ltar bgyi'o// bdag ni khyod cing dgyes pa dang / ci bzhed par longs spyod pa dang / gang du dgyes par mchi ba dang / thams cad du'ang smad na ma las par rjes su 'brang ba dang / rtag tu zham ring sleb pa dang / don thams cad la brtson pa dang / thugs dang mthun par spyad pa dang mang par nyams su thang ba dang / mi mthun pa ma mchis par nan tan du bgyi ba'i tshul la spyad par 'gyi'o zhes nas/ bu mo dga' ba'i 'od kyi dpal shin tu sbyangs pas/ rgyal po sras gzi brjid kyi bdag po la tshogs su bcad de smras pa/ bdag gi lus 'di sems can dmyal ba yi// zhugs kyis yongs gdungs zhu bar gyur kyang rung // khyod spyod skal ba mnyam pa'i phyag rjed du/ tshe rabs rgya mtshor bdag gis spro bar bgyi// tshe rabs mtha' yas skyes pa re re zhing // bdag gi lus ni shin tu gtubs bshags kyang // brtan ngam sems kyis rab tu spo bar brgya nga dge khyod kyis bdag gi khyim thabs mdzod/ / khor yug ri yis bskal pa mtha' yas su// bdag gi mgo ni yongs su btags gyur kyang // sems la mi bde ma mchis dad par bgyi// khyod kyis rtag par bdag gi khyim thabs mdzod// khyod kyis tshe rabs grangs med thams cad du// bdag la thugs brtan thugs kyis mnga' mdzad de// yan lag sha ga tubs
- 149a
gzhan la stsal ba mdzod/ / khyod kyi chos la bdag kyang brtan gzhag gsol// bdag gi lus ni zad na ma las par// skyes bu wa yi sras po khyod la dbul// bskal brgya mtshor spyod pa mdzad pa'i tshe/ / skye bo spong ba rnams la dgyes par stsol// sems can kun la thugs rje mtha' yas pa// bskyed de sems can rgya mtsho bsdu slad du// byang chub dam pa mchog tu khyod zhugs pas/ / de skad bdag kyang thugs rjes gzung ba mdzod// longs spyod don dang nor gyi don ma lags// 'dod spyod dga' ba bskyed pa'i don skad du// sems can mchog khyod khyor 'tshal ma lags kyi/ / khyod dang spyod pa mthun par spyad srang du'o// spyan gsal mdzes shing byams pa'i thugs mnga' ba// khyod ni 'jig rten gzigs pa'i ci tshul las/ thugs rjeche yi 'dod chags thugs mi mnga'/ / de las thub dbang 'gyur ba gdon mi 'tshal// khyod kyi zhags kyis bcags pa'i sa rnams kyang // dri med rin chen 'od du gnas pa las// khams gsum kun tu 'khor los sgyur bar yang / / mtshan rab yongs kyis brgyan byon gdon mi 'tshal// bdag gis g.yar lam mthong ba dgung zhig sa// chos bzang ljin 'od byang chub snying po la/ shing dbang drung na de bzhin gsheg pa bzhugs// sangs rgyas sras mang du mas mdun du 'dar// rgyal ba'i dbang po sku mchog nyi ma de// 'dzam bu chu klung rin chen 'tsher ba 'dra// g.yar lam
- 149b
mthong bar phyag gis bdag byugs te/ / de nas sad nas gro ba rab tu dka'// dga' ba'i 'od ces bgyi ba rnam dag lus// stan chad gnyen pa shes gyur pa'i lha mo yis// bdag la bstan pa bde gshegs de nyid ni/ / snying po yang dag byang chub yangs la 'azhugs// sngon yang gzhon nu gzi brjid khyod blta zhes// bdag gi sems bskyed de skar bsams par gyur// mdang sum dgung la lha mo dge ba yis/ / gzhon nu ni mthong bar 'gyur zhes bstan// bdag gi bde gshegs g.ya la mchis pas mthong // yongs su dag pa'i sems cam khyod kyang mthong // yid bzhin pas ma 'grub khyod dang bdag bcas pas/ / de ring rgyal ba de la mchod par bgyi/ de nas rgyal po'i drug zi brjid kyi bdag pos/ de bzhin gshegs pa gru nyi ma dam pa'i mtshan thos te/ sangs rgyas bas bskabs byung nas/ / dga' ba dang mos pa'i shugs chen po skyes te// bu mo dga' ba'i 'od kyi dpal shin tu sbyangs pa la nor bu rin po che lnga brgyas mngon par gtor nas// gtsug lag gi rin po che dpal gyi 'od 'bar ba zhes bya ba'ang de la byin no/ / me'i mdog ltar 'dug pa'i nor bu rin po che dam pas brgyan pa'i gos rin po ches kyang de bkab bo// de de ltar rim gror byas kyang dga' bar gyur pa 'am/ nyams bde bar gyur pa lta bu'ang med la/ dga' ba dang mos par yang mgyur gyi/ gzhan du na thal mo sbyar cing mig mi 'gebs par gzhon nu gzi brjid
- 150a
bdag gi gdong pa lta zhing gnas par gyur to/ / de nas sprul 'tshong ma'i gtso mo bzhin sdug pas/ rgyal bu gzhon nu gzi 'arjid kyi bdag po la tshigs su/ bcad de spras pa/ bu mo 'di ni khyod gsol ba gyi snyam nas// yun rings snga nas bdag gis bsam bsam ste// gzugs mdzes de yang de ring khyod la phul// bsod nams legs brgyan yon tan rab dang ldan/ / tshul khrims blo dang yon tan gzhan gyis kyang // bu mo dam pa 'di dang 'dra ba ni// mi yi 'jig rten gang na'ang ma mchis te// 'jig rten kun gyi bud med nang na mchog pad+mo'i sbungs nas skyes pas rigs smos su/ / skyon gyi dri mas mgos 'thad ma lags// ma lus skyon gyis mgos sems dang ldan// rtag par khyod kyi spyod tshul mthun par 'gyur/ reg na bde la kun nas 'phags pas na// 'di yi lus ni shin tu 'jam pa ste// tho 'tshal nad pa gang la reg gyur kyang // de yi mod la tho dang bral bar 'gyur// 'di yi lus las spos kyi ngang 'byung ba/ / spos mchog gzhan rnams mngon par zil gyis gnon// de yi dri zhim tshor na rnam dag pa'i// tshul khrims gnas par mi rnams kun kyang 'gyur// 'di yi lus ni gser gyi mchog 'dra ste/ / pad+mo'i mchog skar rnam par rab tu gsal// khros pas bltas na byams pa'i sems ldan par// sems can ma lus kun kyang rab tu 'gyur// 'di mi tshig tan
- 150b
yid du 'ong ba ste/ / nyams su bde bar 'gro ba nyan par dga'// thos na de rgyus skyon gyi mur pa'ang // ming ge'i sug las bgyid pa mos mi 'gyur// 'di ni bsam dag yid la dri med de/ 'di la kun tu g.yo dang rgyu ma mchis// ci spu de dag yid la'ang de bzhin te// tshig dbyangs des ni 'gro ba rim par bgyid// sgra yis sems can 'drid par mi bgyid de// nor gyi don du 'thob yongs mi tha/ / yid bsdams khrel gyis mdzes dang ldan pa ste// na nam gzhon la'ang rtag tu bzhu spyod// rigs rgyung gzugs kyis drebs pa ma mchis te// 'di ni 'khor gyis rdegs pa'ang song ma mchis/ / dargyas rlom sems yongs dang bral bste// 'thob rnams la nag sa zhus par 'ju de nas rgyal po'i jug pa rjid kyi bdun po gro bo dga' ba dpal shin tu spangs pa 'khor dang bcas pa dang / bu mo stong phrag nyi shu dang / 'khor thams cad dang bcas par bza' shing gi rab spos kyi myu gu'i rtse mo nas 'od kyi sprin 'byung ba de nas byung ste/ snying po byang chub chos kyi 'phags pa'i 'od gangan bder/ bcom ldan 'das de bzhin gshegs pa sku nyi ma dam pa gang na bder/ bcom ldan 'das de bzhin gshegs pa spu nyi mdam pa'i zhes balnga ba dang / de la phyag 'tshal ba dang / mchod pa dang / bsnyen bkur ba'i phyir dong ste/ de rta bab sa'i bar du bzhon pas song nas babs te/ rkang pas bcom ldan 'das
- 151a
bzhin ga shegs pa su ma dam pa'i drung du song ngo / / de nas rgyal lo gzhon nu mazi brjid kyi bdag pos cung ring zhiganas/ bcom ldan 'das de ba ni gshegs pa dgra bcom pa yang dag par rdzogs pa'i sangs rgyas rab tu bzang ba/ brtan sdug pa/ dbang po zhi ba/ thugs zhi ba/ dbang po bsdams pa/ glang po ltar shin tu dul ba/ mcho ltar dang zhing rnyog pa med la/ rnam par gsal ba mthong ngo // de ltar mthong nas de'i sems mngon par mos par gyur to// de ltar sems mngon par mos par gyur nas/ sangs rgyas mthong ba'i dga' ba dang / mos pa'i shugs chen po rnam par spel te/ dga' ba dang / mos pa dang / slob chen pos yongs su rgyas pa'i sems kyis bcom ldan 'das de la lan brgya stong du mar g.yas phyogs su bskor ba byas nas/ bu mo dga' ba'i 'od kyi dpal shin tu sbyangs pa la sogs pa 'khor thams cad dang bcas pas/ bcom ldan 'das de'i zhabs la bos phyag 'tshal te/ rin po che dam pa'i pad+mo stong phrag lnga brgyas bcom ldan 'das de la mngon par gtor te/ bcom ldan 'das de'i gtsug lag khang lnga brgya nor bu rin po che'i rgyal po spos sna tshogs las byas pa/ rin po rje'i rgyal po sna tshogs kyis rab tu brgyan pa lnga brgya brtsigs so// gtsug lag khang re re zhing yang nor bu rin po che'i rgyal po stong phrag lnga brgyas rab tu brgyan to//
- 151b
nas bcom ldan 'das de bzhin gshegs pa sgra nyi ma dam pas/ gzhon nu gzi brjid kyi bdag po'i bsam pathugs su chud nas/ mdo sde zho kun tu lta ba'i sgron ma zhes bya ba yang dag par to/ / des de thos nas chos thams cad kyi tshul la ting nge 'dzin gyi sgo rgya mtsho phrag bcu thob par gyur te/ 'di ltar de bzhin gshegs pa thams cad kyi smon lam rgya mtsho yang dag par 'byung ba zhes bya ba'i ting nge 'dzin gyi sgo rab tu thob bo/ / dus gsum snang ba'i snying po zhes bya ba'i ting nge 'dzin gyi sgo rab tu thob bo// sangs rgyas thams cad kyi dkyil 'khor mngon du gyur par 'byung ba zhes bya ba'i ting nge 'dzin kyisgo rab tu thob bo/ / sems can 'byam klas pa thams cad rab tu snang bar bya ba la 'jug pa zhes bya ba'i ting nge 'dzin gyi sgo rab tu thob bo// 'jig rten thams cad du 'byung ba'i ye shes kyi snang ba la zhugs pa zhes bya ba'i ting nge 'dzin gyi sgor ba tu thob bo/ / sems can thams cad kyi dbang po rgya mtsho la 'jug pa sdang ba'i sngon ma zhes bya ba'i ting nge 'dzin gyi sgo rab tu thobabo// 'gro ba thams ca yongs su bsgrub pa'i ye shes kyi sprin ces bya ba'i ting nge 'dzin gyi sgo rab tu thong bo/ / 'gro ba thams cad yongs su smin par bya ba dang / gdul bal mngon du gyur pa'i sngon ma zhes bya ba'i ting nge 'dzin kyigyisgo rab tu thob bo/ / de bzhin gshegs pa thams cad kyi chos kyi 'khor lo'i sgra rnam par dmigs par byed pa zhes bya ba'i ting nge 'dzin gyi sgo rab tu thob bo// kun tu bzang po'i spyod pa'i dkyil
- 152a
'khor yongs su dag par byed pa'i smon lam gyi sprin ces bya ba'i ting nge 'dzin gyi sgo rab tu thob bo/ / ting nge 'dzin gyi sgo bcu po 'di dag la sogs pa/ chos kyi tshul thams cad la ting nge 'dzin gyi sgo rgya mtsho phrag bcu rab tu thob par gyur to/ / bu mo dga' ba'i 'od kyi dpal shin tu sbyangs pas kyang ye shes thub par dka' ba rgya mtsho'i snying po zhes bya ba'i sems nges par gzhag par rab tu thob par gyur te/ bla na med pa yang dag par rdzogs pa'i byang chub las kyang phyir mi ldog par gyur to// de nas rgyal po'i bu gzi brjid kyi bdag pos/ bcom ldan 'das de bzhin gshegs pa sku nyi ma dam pa'i zhabs gnyis la spyi bos phyag 'tshal te/ bcom ldan 'das la lan brgya stong du mar g.yas phyogs su bskor ba byas nas/ bu mo dga' ba'i 'od kyi dpal shin tu sbyangs pa dang / 'khor thams cad dang bcas te/ bcom ldan 'das de'i spyan snga nas dong ngo // de nas rgyal po'i gnas sdong po ri bo'i dpal gang na ba dang / rgyal po yab nor gyi bdag po gang na ba der dong ste drung du phyin nas/ rgyal po yab nor gyi bdag po'i rkang pa gnyis la spyi bos phyag 'tshal te don 'di brjod do// lha'i zhal snga nas mkhyen par mdzad du gsol/ de bzhin gshegs pa dgra bcom pa yang dag par rdzogs pa'i sangs rgyas sku nyi ma dam pa zhes bgyi ba mkhyen pa dang zhabs su ldan pa/ bde bar gshegs pa/ 'jig rten mkhyen pa
- 152b
blatha na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das 'jig rten du byung ste/ khyod kyi khams 'di nyid kyi snying po byang chub chos kyi sprin shin tu sdug pa'i 'od na rnam par spyod de/ mngon par rdzogs par sangs rgyas nas ring po ma lags so// de nas rgyal po nor gyi bdag pos gzhon nu gzi brjid kyi bdag po la 'di skad ces smras so// gzhon nu khyod la don 'di lha 'am/ mi 'am/ su zhig gis ldan des spras pa/ bdag la bu mo dga' ba'i 'od shin du sbyangs pas sbran to// de nas rgyal po nor gyi bdag bopos sangs rgyas byung bar thos nas/ sangs rgyas skye ba la ni gter rab tu thob pa tsam du sems/ sangs rgyas rin po che dang phrad par ni dka' bar sems// de bzhin gshegs pa mthong bas ni ngan song gi g.yang sa'i 'jigs pa thams cad kyang rnam par ldog par sems/ nyon mongs pa'i nad chen po rab tu zhi bar bya ba la ni sman pa'i rgyal po chen po dang phrad pa tsam du sems/ 'khor ba'i sdug bsngal thams cad las ni yongs su 'grel pa yin par sems/ shin tu bde zhing ldan pa la ni rab tu gzhog par sems/ rab rib med pa'i ye shes kyi snang ba ni ya dag par ston par sems/ ma rig pa'i mun pa bsal ba la sgron me chen po byung ba tsam du sems/ 'jig rten mgon med pa las ni chos kyi tshul mgon dang phrad par sems// 'jig rten 'dren pa
- 153a
med pa las ni thams cad mkhyen pa nyid kyi theg pas 'dren pa skyes par sems shing / sangs rgyas byung bar thos pas mos pa dang spro ba chen po skyes nas/ rgyal rigs dang / bram ze dang / ljongs kyi mi dang / yul mi dang / blon po dang / zham ring ba dang / gzhon nu dang / rgyal phran dang / khams kyi bdag po dang / 'khor thams cad kyang kun nas bsdus nas/ sangs rgyas 'byung bar sgra snyan pa sgrog pa'i gzhon nu gzi brjid kyi bdag po rgyal po'i srid de'ang chos kyi dga' bar byin no// de ltar gzhon nu de rgyal srid la dbang bskur nas/ srog chags stong phrag bcu dang lhan cig tu/ bcom ldan 'das de bzhin gshegs pa sku nyi ma dam pa gang na ba der song ste spyan sngar phyin nas/ bcom ldan 'das de'i zhabs gnyis la spyi bos phyag 'tshal te/ bcom ldan 'das del lan brgya stong du mar g.yas phyogs su bskor byas nas/ bcom ldan 'das de'i spyan sngar rang gi 'khor dang bcas te 'khod do// de nas bcom ldan 'das de bzhin gshegs bsku nyi ma dam pas/ rgyal po nor gyi bdag po dang / 'khor gyi dkyil 'khor thams cad la gzigs nas/ de'i tshe mdzod spu nas 'od zer 'gro ba thams cad kyi sgron ma zhes bya ba rab tu bkye'o// des phyogs bcu'i 'jig rten gyi khams snang bar byas te/ 'jig rten gyi dbang po thams cad mngon sum du bkod nas/ sangs rgyas kyi rnam par 'phrul pa bsam gyis mi khyab pa yongs su bsten te/
- 153b
sangs rgyas kyis 'dul ba'i sems can rnams kyi bsam pa dang / lhag pa'i bsam pa rnam par sbyangs nas/ de'i tshe sangs rgyas kyi byin gyis bsam gyis mi khyab pa'i mthus/ sangs rgyas kyi sku 'jig rten thams cad las mngon par 'phags pa dang / sangs rgyas kyi gsung dbyangs kyi yan lag rgya mtsho thams cad dang ldan pas/ gzungs kyi zho chos thams cad la rab rib med pa'i don gyi sgron ma zhes bya ba/ gzungs kyi sgo sangs rgyas kyi zhing gi rdul shin tu phra ba snyed dang bcas pa yang dag par bstan to// de nas rgyal po nor gyi bdag pos gzungs kyi sgong thos nas/ chos thams cad la chos kyi snang ba chen po skyes par gyur to// 'khor de'i byang chub sems dpa' 'dzam bu gling gi rdul shin tu phra ba snyed kyis kyang / chos thams cad la rab rib med pa'i don gyi sgron ma'i gzungs rab tu thob par gyur to/ / khrag khrig drug cus ni nye bar len pa med par zag pa las sems rnam par grol lo// srog chags stong phrag 'dus ni chos rnams la chos mig rdul dang / bral zhing dri ma med pa rnam par dag par gyur to// sems can grangs med pa zhig gis ni/ sngon tha na med pa yang dag par rdzogs pa'i byang chub tu sems bskyed pa yongs su bskyed do/ / phyogs bcur yang sangs rgyas kyis rnam par 'phrul pa bsam gyis mi khyab pa yongs su bstan pa des/ sems can gyi khams mtha' dang dbus med pa theg pa gsum gyis rdul bar
- 154a
gyur to/ / de nas rgyal po na gyi bdag po chos kyi ldang bar bcu thob pa de de'i yid la 'di snyam ste/ khyim na gnas pas ni rnam pa 'di lta bu'i chos kyang khong du chud par mi nus la/ ye shes rnam pa 'di lta bu'ang bsgrub par mi nus kyis/ bdag ni bcom ldan 'das kyi zham ring du rab tu 'byung ngo snyam nas/ rgyal po nor gyi bdag pos bcom ldan 'das de la 'di skad ces gsol to/ / bcom ldan 'das bdag bcom ldan 'das kyi zham ring du rab 'byung zhing bsnyen par rdzogs pa'i dge slong gi tshul la mchis par ci ga nang zhes nas/ bcom ldan 'das des bka' stsal pa/ rgyal po chen po de'i dus la dbab par shes na rung ngo // de nas rgyal po nor gyi bdag po srog chags stong phrag bcu dang lhan cig tu/ de bzhin gshegs pa sku nyi ma dam pa'i zham ring du rab tu byung ngo // deltar rab tu byung nas ring po ma lon par gzungs kyi sgo chos thams cad la rab rib med pa'i don gyi sgron ma zhes bya ba de 'khor dang bcas par yongs su bsgrubs so// bsgoms so// shin tu bsgoms so/ / de snyed kyi ting nge 'dzin gyi sgo'ang rab tu thob par gyur to// byang chub sems dpa'i mngon par shes pa bcu'ang rab tu thob bo// tha dad pa yang dag par shes pa'i tshul rgya mtsho la'ang yang dag par zhugs par gyur to/ / phyogs bcu'i de bzhin gshegs pa'i drung du 'gro bar thogs pa med pa'i spyod yul zhes bya ba'i lus yongs su dag pa'ang rab tu thob ste/ des
- 154b
bcom ldan 'das de'i chos kyi 'khor lo yang dag par thangs so/ / yongs su gzung ngo // gtam gyi skye sa tha'ang byas so// chos lnga ba chen po'ang byas so// bstan pa yongs bzung ba'ang byas so/ / mngon par shes pa thob pa'i stobs kyis kyang 'jig rten gyi khams thams cad rgyas par bkang ste/ bsam pa ji lta ba bzhin du sems cad rnams la lus yongs su bstan nas/ sangs rgyas byung ba de rab tu brjod pa dang / sngon gyi de bzhin gshegs pas yongs su bsgrubs pa'i chos nyid mngon par brjod pa dang / sngon gyi sbyor ba phun sum tshogs pa de dag yongs su brjod pa dang / sangs rgyas kyi rnam par 'phrul pa'i mthu de dag yongs su brjod par bya bas bstan pa yongs su bzung ba byas so// rgyal po'i sras gzi brjid kyi bdag bos kyang de'i nyin par zla ba nya ste rgyas pa'i tshe/ rin po che bdun rab tu thob par gyur te/ de khang pa'i steng na bud med kyi tshogs kyis bskor cing 'dug pa'i mdun du 'khor lo rin po che chen po shugs la thogs pa med pa zhes bya ba rtsibs stong phrag brgya dang ldan pa/ rin po che thams cad kyis brgyan pa/ lha rdzas kyi 'dzam bu chu klung gi gser las grub pa/ 'od kun tu 'byung ba rnam pa'i mchog thams cad dang ldan pa byung bar gyur to/ / glang po rin po che sna chen po rdo rje rin po che'i ri'i gzi brjid ces bya babyung bar gyur to// rta rin po che ri sngo rlung gi shugs shes bya babyung bar gyur to// nor
- 155a
rin po che chen po nyi ma'i snying po 'od sbyin rgyal po zhes bya 'byung bar gyur to/ / bu mo dga' ba'i 'od kyi dpal shin tu sbyangs pa de'ang bud med rin po cher byung bar gyur to// khyim bdag rin po che nor gyi phung po mang po zhes bya ba byung bar gyur to// blon po rin po che'i mig dri ma med pa zhes bya ba byung bar gyur te de ltar bdun no// de de ltar rin po che bdun dang ldan pa'i rgyal po 'khor lokholos sgyur ba gling la dbang 'a chos dang ldan pa dang / chos kyi rgyal ba rgyal po rnam par rgyal ba dang ldan pa/ yul gyi mthu dang brtson 'grus su ldan par gyur te/ de la bu dpa' la brtul phod cing yan lag dam pa'i gzugs dang ldan pa/ pha rol gyi sde rab tu 'joms pa stong yod par gyur te/ des sa chen po 'di skyon med pa dang / dgra med pa dang / gnod pa med pa dang / 'tshe ba med pa dang / skyid pa dang / phun sum tshogs pa dang / bde ba dang / lo legs pa dang / mdangs dga' ba dang / skye bo'i mi mang pos yongs su gang ba'ang ri dang rgya mtsho'i mthas klas par chos kyis mngon par rgyal te gnas par byas so/ / des 'dzam bu'i thing de'i gnas stong phrag brgyad cu rtsa bzhi dag tu'ang rgyal po'i gnas re rer gtsug lag khang lnga brgya lnga brgya byed du btsud de/ thams cad kyang rnam pa'i mchog thams cad dang ldan pa sha stag go/ / longs spyod dang yo byad kyi rnam pa thams cad phun sum tshogs pa sha stag go// bza' shing gi ra ba dang / khang pa dang / 'chags
- 155b
dang / dus thams cad du bde bar spyad pa'i nags tshal gyi 'phreng bas brgyan pa sha stag go// gtsug lag khang re re zhing yang de bzhin gshegs pa'i mchod rten brtsigs pa ni spun gyis rgya shin tu che bar byas pa ste/ nang rin po che rnam pa mang pos brgyan pa/ rin po che'i rgyal po sna tshogs kyis rnam par spras pa sha stag ste/ rgyal po'i gnas de thams cad du'ang bcom ldan 'das de bzhin gshegs pa sku nyi ma dam pa 'khor dang bcas pa grong khyer du gshegs par bya ba'i phyir spyan drangs so/ / rgyal po'i gnas de dag kun tu'ang de bzhin gshegs pa de la de bzhin gshegs pa'i mchod pa rnam pa thams cad du bsam gyis mi khyab pas mchod de/ sangs rgyas grong khyer du gshegs pa'i cho 'phrul dang / rnam par 'phrul pas sems can tshad med pa'i dge ba'i rtsa ba yongs su bskyed pa'i phyir gshegs su gsol te/ der yang sems can ma dad pa'i sems dang ldan pa rnams ni dad pa thob par gyur to// dad pa dang ldan pa'i sems can rnams ni sangs rgyas mthong bas dga' ba'i shugs rnam par 'phel bar gyur to/ / dga' ba'i shugs rnam par 'phel ba'i sems can ni byang chub kyi bsam pa rnam par dag pa thob par gyur to// byang chub kyi bsam pa rnam par dag pa'i sems can rnams ni snying rje chen pos sems skyes par gyur to/ / sems can la phan par zhugs pa'i sems can rnams ni sangs rgyas kyi chos thams cad yo
- 156a
su btsal ba la brtson par gyur to/ / sangs rgyas kyi chos kyi tshul gyi rnam pa la mkhas pa'i sems can rnams ni chos thams cad kyi rang bzhin nges par khong du chud par byab/ phyir sems mngon par gzhol bar gyur to// chos mnyam pa nyid la zhugs pa'i sems can rnams ni dus gsum mnyam pa nyid la 'jug pa'i phyir sems mngon par gzhol bar gyur to// dus gsum gyi yeshes snang ba thob pa'i sems can rnams ni sangs rgyas gcig nas gcig tu brgyud pa rnam par dmigs par bya ba'i don du ye shes snang ba la zhugs par gyur to/ / de bzhin gshegs pa sna tshogs rnam par dmigs par bya ba la zhugs pa'i sems can rnams ni 'gro ba thams cad yongs su bsdu ba'i don du sems mngon par gzhol bar gyur to/ / 'gro ba thams cad yongs su bsdu ba la brtson pa'i sems can rnams ni byang chub sems dpa'i lam rnam par dag par bya ba'i phyir smon lam skyed par gyur to/ / lam gyi mnyam pa nyid la zhugs pa'i sems can rnams ni de bzhin gshegs pa thams cad kyi chos kyi 'khor lo mngon par bsgrub pa'i phyir ye shes snang ba skyed par gyur to/ / chos rgya mtsho rnam par dbye ba la mos pa'i sems can rnams ni zhing gi dra ba thams cad rang gi lus kyis rgyas par dgang ba'i don du sems mngon par gzhol bar gyur to/ / zhing mnyam pa nyid la zhugs pa'i sems can rnams ni sems can thams cad kyi dbang po rgya mtsho yongs su shes par bya/
- 156b
ba'i phyir smon la ma 'debs par gyur to// 'gro ba thams cad kyi dbang po dang mos pa ji lta ba bzhin du rnam par dpyad pa la brtson pa'i sems can rnams ni thams cad mkhyen pa nyid khong du chung par bya ba'i phyir bsam pa rnam par dag par nur to/ / sems can rnam pa de lta bu dag gi don rnam pade ga khru dag 'grub par 'gyur ba mthong nas/ rtul po gzi brjid kyi bdag pos sangs rgyas kyi rnam par 'phrul pa dang / cho 'phrul bsam gyis mi khyab pa bstan pas/ sems can de dag yongs su smin par bya ba dang / gdul ba'i don du rgyal po'i gnas de dag thams cad du de bzhin gshegs pa skunyi ma ngam pa gshegs su gsol to/ / rigs kyi bu de la ji snyam du sems/ de'i tshe de'i dus na rgyal po'i bu gzi brjid kyi bdag po zhes bya bar gyur pa de gzhan zhig yin pa tsam du sems na ni khyod kyis de ltar mi blta ste/ bcom ldan 'das de bzhin gshegs pa shAkya thub pa 'di ni/ de'i tshe de'i dus na rgyal po'i bu gzi brjid kyi bdag po zhes bya ba 'khor los sgyur ba'i rgyal srid la dbang ba/ de bzhin gshegs pa sgra nyi ma dam pa la bsnyen gakun byed byed pa de yin no// rigs kyi bu de la ji snyam du sems/ de'i tshe de'i dus na rgyal po nor gyi bdag po gzhon nu gzi brjid kyi bdag po'i yang tu gyur pa de gzhan zhig yon patsam du sems na ni de skar mi blta ste/ de bzhin gshegs pa rin po che'i me tog gi 'od ces bya ba ni/ de'i tshe de'i dus na rgyal pon gyi bdag pa zhes rgyab
- 157a
gyur pa ste/ da ltar shar phyogs su 'jig rten gyi khams rgya mtsho'i rdul shin tu phra bsnyed kyi 'jig rten gyi khams rgya mtsho'i pha rol gyi 'jig rten gyi khams rgya mtsho chos dbyings nam mkha'i gzugs bsnyen gyi sprin ces bya ba na/ 'jig rten gyi khams kyi rgyud dbu ma dus gsum rab tu snang ba'i rin po che'i rgyal po yongs su 'byung ba'i dbyings shes bya ba'i 'jig rten gyi khams sangs rgyas kyi 'od kyi dkyil 'khor dpal gyi sgron ma zhes bya ba na/ snying po byang chub thams cad la dbang ba'i lus rab tu snang ba zhes bya bar bla na med pa yang dag par rdzogs pa'i byang chub tu mngon par sangs rgyas te/ sangs rgyas kyi zhing brjod du med pa'i rdul shin tu phra ba snyed kyi byang chub sems dpa'i 'khor gyis bskor cing chos ston to// bcom ldan 'das de bzhin gshegs pa rin po che'i 'od ces bya ba des sngon byang chub sems dpa'i spyod pa mdzad pa'i tshe/ 'jig rten gyi khams rgya mtsho chos kyi dbyings nam mkha' gzugs bsnyan du snang ba'i sprin yongs su dag par mdzad de/ 'jig rten gyi khams rgya mtsho der de bzhin gshegs pa ji snyed cig byung bar gyur pa dang / 'byung ba dang / 'byung bar 'gyur ba de dag thams cad kyang / bcom ldan 'das de bzhin gshegs pa rin po che'i me tog gi 'od des sngon byang chub sems dpa'i spyod pa mdzad pa'i tshe/ bla na med pa yang dag par rdzogs pa'i byang chub tu smin par mdzad pa sha stag go// rigs kyi bu de la ji snyam du
- 157b
sems/ de'i tshe de'i dus na rgyal po'i btsun mo brjod pal gyi snying po 'byung ba zhes bya ba byung ste/ gzhon nu gzi brjid kyi bdag po'i yum du gyur pa/ bud med stong phrag brgyad cu rtsa bzhi'i gtso mor gyur pa de gzhan zhig yin pa tsam du sems na ni de ltar mi blta ste/ rigs kyi bu bcom ldan 'das kyi yum lha mo sgyu ma byang chub sems dpa'i skyed skyed pa/ rnam par thar pa kun tu snang zhing sgrib pa med pa la rab tu gnas pa/ sngon de bzhin gshegs pas yongs su bsgrub pa mngon du gyur pa/ byang chub sems dpa'i skye ba thams cad yongs su bstan pa'i tshul la mkhas pa 'di ni/ de'i tshe de'i dus na rgyal po nor gyi bdag po'i btsun mo dam pa pad+mo dpal gyi snying po 'byung ba zhes bya bar gyur to/ / rigs kyi bu de la ji snyam du sems/ de'i tshe de'i dus na sprul 'tshong ma'i gtso mo bstan sdug pa zhes bya ba de gzhan zhig yin pa tsam du sems na ni de ltar mi blta ste/ shAkya la ka na 'khar ba'i chung ma kho mo'i ma mig mdzes shes bya ba 'di ni/ tshe de'i tshe de'i dus na sbrul 'tshong ma'i gtso mo blta na sdug pa zhes bya bar gyur to/ / rigs kyi bu de la ji snyam du sems/ de'i tshe de'i dus na bu mo dga' ba'i 'od shin tu sbyangs pa zhes bya bar gyur pa de gzhan zhig yin pa tsam du sems nan de ltar mi blta ste/ kho mo ni de'i tshe de'i dus na sprul 'tshong ma'i bu mo dga' ba'i 'od kyi dpal shin tu sbyangs pa zhes bya bar gyur to// rigs kyi bu de la ji snyam du sems de'i tshe de'i
- 158a
dus na rgyal po kazi brjid kyi bdag po'i 'khor du gyur pa de rnams gzhan dag cig yin pa tsam du sems na ni/ rigs kyi bu khyod kyis de ltar mi blta ste/ bcom ldan 'das kyis byang chub sems dpa' kun tu bzang po'i spyod pa dang / smon lam yongs su rdzogs par bya ba la dgod dgod pa'i byang chub sems dpa'i 'khor gyi dkyil 'di nyid na 'khod cing // 'jig rten gyi khams thams cad du gzugs bsnyen rab tu byung ba'i lus dang / byang chub sems dpa'i ting nge 'dzin thams cad la rnam par spyod pa las ma nyams pa'i sems dang / de bzhi gshegs pa thams cad kyi zhal mngon du mthong bar rnam par dmigs pa'i mig dang / de bzhin gshegs pa thams cad kyi gsung gi yan lag gi sprin nam mkha'i dang mnyam pa'i 'khor lo rab tu bsngags pa'i dbyangs rnam par dmigs pa'i rna ba dang / chos thams cad la rnam par spyad par dbang sgyur ba'i dbugs phyi nang rgyu ba dang / sangs rgyas kyi zhing thams cad rjes su grags pa'i ming ga sgra dang / de bzhin gshegs pa thams cad kyi 'khor gyi dkyil 'khor du nye bar 'gro ba rgyun mi gcod pa'i byang chub sems dpa'i lus dang / sems can thams cad la bsam pa ji lta ba bzhin du mngon par ston pa'i lus yongs su smin par bya ba dang / gdul ba la rjes su mthun pa mngon par bsgrubs pa dang / byang chub sems dpa' kun tu bzang po'i spyod pa dang smon lam yongs su rdzogs par bya ba dang
- 158b
yang dag par bsgrub pa phyogs kyi dra ba ma lus pa thams cad du 'dal te/ ma 'ongs pa'i bskal pa thams cad du rkun mi 'chad pa dang ldanu pa sha stag bcom 'das kyi 'khor gyi dkyil 'khor/ na 'khod pa 'di dag yin no// rigs kyi bu de bzhin gshegs pa sku'i mdam pa de ni 'khor los sgyur ba gzi brjid kyi bdag po dang / kho mos na mi bzhugs kyi bar du na bza' dang / bshos dang / gzims cha dang / snyun gyi rkyen sman dang / yo byad kyis bsnyen bkur to// rigs kyi bu de bzhin gshegs pa sku nyi ma dam pa yongs su mya ngan las 'das pa'i 'og 'jig rten gyi khams de nyid du de bzhin gshegs pa su shin tu dang ba zhes bya ba 'jig rten du byung ste/ de'ang kho mo cag gis bsnyen bkur to// rim gror byas so// bsti stang du byas so// phu dud du byas so// mchod do// de'i 'og tu de bzhin gshegs pa sku thams cad la ye shes kyi gzugs brnyan gyi zla ba gang ba zhes bya ba 'jig rten du byung ste/ de'adra kho mo cag gis zhwa'i dbang por gyur te bsnyen bkur to/ / de'i 'og tu de bzhin gshegs pa 'dzam bu chu klung gi gzi brjid kyi rgyal po zhes bya ba bsnyen bkur to// de'i 'og tu de bzhin gshegs pa spu mtshan gyis rnam par brgyan pa zhes bya ba bsnyen bkur to/ / de'i 'og tu de bzhin gshegs pa 'od zer sna tshogs 'bar ba'i zla ba zhes bya ba bsnyen bkur to// de'i 'og tu de bzhin gshegs pa shi
- 159a
rnarnam par gzigs pa'i ye shes dpal zhes bya ba nyen bgyur to/ / de 'ag tu bzhi shegs pa shes can pa 'a kyi shin yangs pa rgya zhes bya ba bsnyen bkur to/ / de'i 'og tu de bzhin gshegs pa rdo rje mthu bo che brtson 'grus zhes bya ba ba zhen bkun to// de'i 'og tu de bzhin gshegs pa ye shes gzhan gyis mi thub pa'i mthu zhes bya ba bsnyen bkur to/ / de'i 'og tu de bzhin gshegs pa kun tu rnam par gzigs pa'i ye shes zhes bya ba bsnyen bkur to// de'i 'og tu de bzhin gshegs pa dri ma med pa phun sum tshogs pa'i sprin ces bya ba bsnyen bkur to/ / de'i 'og tu de bzhin gshegs pa seng ge rnam par bsgyings pa'i 'od ces bya ba bsnyen bkur to// de'i 'og tu de bzhin gshegs pa 'od zer 'bar ba'i gtsug pud ces bya ba bsnyen bkur to/ / de'i 'og tu de bzhin gshegs pa yon tan 'od zer rgyal mtshan zhes bya ba bsnyen bkur to// de'i 'og tu de bzhin gshegs pa me shes nyi ma'i gzi brjid ces bya ba bsnyen bkur to/ / de'i 'og tu de bzhin gshegs pa spu rin po che'i pad+mo shin tu rgyas pa zhes bya ba bsnyen bkur to// de'i 'og tu de bzhin gshegs pa bsod nams sgron ma'i rgyal mtshan zhes bya ba bsnyen bkur to/ / de'i 'og tu de bzhin gshegs pa ye shes 'od zer gyi sprin gyi 'od ces bya ba bsnyen bkur to// de'i 'og tu de bzhin gshegs
- 159b
pakun tu rnam par snang ba'i tha ba zhes bya ba bsnyen bkur to/ / de'i 'og tu de bzhin gshegs pargyan dang gdugs kyi dbyangs kyi rgyal po zhes bya ba bsnyen bsgyur to// de'i 'og tu de bzhin gshegs paye shes snang bas rnam par gnod pa'i seng ge zhes bya ba snyen bkuran to/ / de'i 'og tu de bzhin gsheg pa chos kyi dbyings kyi yul gyi blo thos zlab zhes bya ba bsnyen bkur to// de'i 'og tu de bzhin gsheg pa sems can nam/ mkha'i sems sdang ba'i gzugs zhes bya ba bsten bkur to// de'i 'og tu de bzhin gshegs par bcuzhi pa'i spos kyi gtsug bzang po zhes bya ba bsnyen bkur to// de'i 'on tu de bzhin gshegs pa zhi pa'i dbyas kun tu bsgrags pa zhes bya ba bsnyen bkur to/ / de'i 'og tu de bzhin gshegs pa ye shes rab tu brtan pa'i 'od zer gyi dra ba'i gzugs kyi phung po zhes bya ba bsnyen bkur to// de'i 'og tu de bzhin gshegs pab bdud rtsi'i ngo bo gzi brjid ces bya ba bsnyen bkur to/ / de'i 'og tu de bzhin gshegs pa chos rgya mtsho'i 'jug sgra ldog pa'i dbyangs zhes bya ba bsnyen bkur to// de'i 'og tu de bzhin gshegs pasangs rgyas nam mkha' ldang ba'i gtsug pud ces bya ba bsnyen bkur to/ / de'i 'og tu de bzhin gshegs pa 'od zer za ba mdzod spu'i sprin ces bya ba bsnyen bkur to// de'i 'og tu de bzhin gshegs pa ye shes kyi zhal shin tu rgyas pa zhes bya ba bsnyen bkur to/ / de'i 'og tu de bzhin gshegs pa ye shes shin tu rnam par dgas pa'i me tog snang ba zhes bya ba bsnyen bkur to// de'i
- 160a
'og tu de bzhin gshegs pa rin chen 'od 'phro'i ri bo dpal gyi gzi brjid rgyal po zhes bya ba bsnyen bkur to/ / de'i 'og tu de bzhin gshegs pa yon tan rgya chen po brjid kyi 'od ces bya ba bsnyen bkur to/ / de'i 'og tu de bzhin gshegs pa ting nge 'dzin gyi ri rab mngon par 'phags pa'i ye shes zhes bya ba snyen bkur to// de'i 'og tu de bzhin gshegs pa'in chen zla ba'i rgyal mtshan zhes bya ba bsnyen bkur to/ / de'i 'og tu de bzhin gshegs pa ye shes kyi dkyil 'khor zhes bya ba bsnyen bkur to// de'i 'og tu de bzhin gshegs pa rin chen mchog gi 'od kyi gzi brjid ces bya ba bsnyen bkur to/ / de'i 'og tu de bzhin gshegs pa ye shes kyi spyod pa kun thogs pa med pa zhes bya ba bsnyen bkur to// de'i 'og tu de bzhin gshegs 'od 'phro rgya mtsho'i sgo'i sngon ma zhes bya ba bsnyen bkur to/ / de'i 'og tu de bzhin gshegs pa rin chen zla ba'i rgyal mtshan zhes bya ba bsnyen bkur to// de'i 'og tu de bzhin gshegs pa chos kyi gzhal med khang gi dbyangs kyi rgyal po zhes bya ba bsnyen bkur to/ / de'i 'og tu de bzhin gshegs pa yon tan mi mtshungs grags pa'i rgyal mtshan zhes bya ba bsnyen bkur to// de'i 'og tu de bzhin gshegs pa phyag rab tu brkyang ba zhes bya ba bsnyen bkur to/ / de'i 'og tu de bzhin gshegs pa sngon gyi sngon lam gyis 'phrul pa'i zla ba'i zhes bya ba bsnyen bkur to// de'i 'on/
- 160b
tu de bzhin gshegs pa nam mkha'i ye shes don mo ston sa zhes byab bsnyen bkar to// de'i 'og tu de bzhin gshegs pa chos kyi 'phags pa'i nam mkha'i dbang phyug ces byung bsnyen bkur to/ / drong 'og tu de bzhin gshegs pa rnam par ldang mdzad dpal gyi zhing po cal po zhes bya bya bsten 'gyur to// de'i 'og tu de bzhin gshegs pa chos mthu ba rje'i dgal bya ba bsnyen bkur to/ / de'i 'o kyi bzhin gshegs pa ye shes dpal zhes bya ba bsnyen bkur to// de'i 'og cing bzhin gshegs pa chos rgya mtsho'i bad+mo zhes bya ba bsnyen bkur to// rigs bu de ltar de bzhin gshegs pa de dag la sogs pa 'jig rten gyi khams der sangs rgyas bye ba khrag khrig brgya stong phrag drug cu byung ste/ de dag thams cad kho mo cag gis na bza' dang / bshos dang / gzims cha dang / spun gyi rkyen ldan dang / yo byad kyis bsnyen bkur to// rim thor byas so// bsti stang du byas so// su dud du byas so// mchod do// rigs kyi s angs rgyas bye ba zag khrig brgya stong phrag drug cu po de dag thams cad kyi tha mar de bzhin gshegs pa dgra bcom pa yang dag par rdzogs pa'i sangs rgyas chos rgya chen po la mos pa yang dag par 'byung ba'i gzi brjid ces bya babyung ste/ / bcom ldan 'das de grong khyer du gshegs pa la kho mo rgyal po'i chung mar gyur te/ khyim thabs dang bcas pas de bzhin gshegs pa'i mchod pa mchod pa'i sgo rnam
- 161a
pa thams cad du bshams pas mchod pa byas nas/ bcom ldan 'das de la chos kyi rnam grangs de bzhin gshegs pa thams cad sdeb 'byung ba'i smon ma zhes bya bas / / de thos nas kho mos ye shes kyi mig rab tu thob ste/ byang chub sems dpa'i rnam par thar pa byang chub sems dpa'i ting nge 'dzin gyi tshul rgya mtsho thams cad sa rnam par lta ba'i yul 'di'ang tu thob par gyur te/ rigs kyi bu de ltar lo lo rnam par thar pa 'di la sgom ning / byang chub sems dpa' dang ldan cig tu byang chub sems dpa'i spyong pa spod cing / bskal pa sangs rgyas kyi zhing phrag stong gi rdul shin tu phra ba snyed cig tu rgyu rgyu ste/ sangs rgyas kyi zhing de snyed kyi rdul shin tu phra ba snyed kyi bskal pa de dag la de bzhin gshegs pa mtha' dang dbus med pa zhig bsnyen bkur nas/ bskas pa la la la ni de bzhin gshegs pa bskal par bzhugs pa gcig kyang bsnyen bkur to/ / bskal pa la la la ni de bzhin gshegs pa gnyis kyang bsnyen bkur to// bskal pa la la la ni de bzhin gshegs pa brjod du med pa'i bar dag kyang bsnyen bkur to/ / bskal pa la la la ni de bzhin gshegs pa sangs rgyas kyi zhing gi rdul shin tu phra ba snyed kyang bsnyen bkur to// de srid du khom byang chub sems dpa'i sku'ang tshang ni ji tsam zhig/ dbye bas ni ji lta bu zhig/ su mdog ni ci 'dra bzhig yin pa khong du ma chud do// gsung gi 'phrin las dang / thugs kyi 'phrin las kyang
- 161b
khong du ma chud do/ / ye shes kyi gzigs pa dang / ye shes kyi spyod yul dang // ye shes kyi ting nge 'dzin gyi yul yang khong du ma chud do// rigs kyi bu byang chub sems dpa' ji snyed cig gis byung chub sems dpa' byang chub sems dpa'i spyod pa mdzad pa mthong nas/ byang chub sems dpa' la dga' ba'i sems skyes to// brda sna tshogs dang / bsnyen pa sna tshogs kyis mos pa bskyed par gyur pa de dag thams cad kyang / byang chub sems dpa' 'jig rten dang 'jig rten las 'das pa'i thabs sna tshogs kyis yongs su bzung ste/ byang chub sems dpa'i 'khor du gyur to// de dag kyang byang chub sems dpa' byang chub sems dpa'i spyod pa mdzad pa'i tshe/ 'khor du 'grogs 'grogs pas bla na med pa yang dag par rdzogs pa'i byang chub las phyir mi ldog par gyur to// rigs kyi de ltar kho mos de bzhin gshegs pa chos rgya chen po la mos pa yang dag par 'byung ba'i gzi brjid kyi zhal mthong ma thag tu/ byang chub sems dpa'i rnam par thar pa byang chub sems dpa'i ting nge 'dzin gyi tshul rgya mtsho la rnam par lta ba'i yul 'di thob nas rnam par thar pa 'di sgom zhing / byang chub sems dpa' dang bskal pa sangs rgyas kyi zhing brgya phrag stong gi rdul shin tu phra ba snyed cig tu 'grogs 'grogs te/ bskal pa sangs rgyas kyi ming brgya'i rdul shin tu phra ba snyedang po de dag la de bzhin gshegs pa ji snyed cig byung bar gyur pa de dag thams cad kyang kho mos bzhin bkur to// mchod //
- 162a
rim gror byas so// de bzhin gshegs pa de dag thams cad las kyang kho mos chos bstan pa thos te/ yongs su blangs so// yang dag par bzung ngo // sangs rgyas bcom ldan 'das de dag thams cad las kyang kho mos rnam par thar pa 'di tshul sna tshogs dang / mdo sde'i tshul gyi gsung sna tshogs dang / rnam par thar pa'i rang bzhin sna tshogs dang / rnam par thar pa'i sgo tshogs dang / rnam par thar pa'i rgyur sna tshogs dang / dus la 'jug pa sna tshogs dang / zhong rgya mtsho la 'jug pa sna tshogs dang / sangs rgyas rgya mtsho rnam par dmigs par bya ba sna tshogs dang / de bzhin gshegs pa'i 'khor gyi dkyil 'khor du 'jug pa sna tshogs dang / byang chub sems dpa'i smon lam rgya mtsho'i tshul gyi lam sna tshogs dang / byang chub sems dpa'i spyod pa mngon par bsgrub pa sna tshogs dang / byang chub sems dpa'i rnam par thar pa 'byam klas pa sna tshogs kyis thob par gyur kyang / byang chub sems dpa'i rnam par thar pa kun tu bzang po'i tshul ni khong du mchung ngo / / de ci'i phyir zhe na/ byang chub sems dpang kun tu bzang po rnams kyi rnam par thar pa'i tshul ni nam mkha'i dbyings kyis klas par tshad med do// sems can gyi ming du bya ba thams cad kyi dbyings sngar tshad med do/ / dus gsum gyi cun rgya mtsho'i dbyings ltar tshad med do// phyogs rgya latsho'i dbyings ltar tshad med do// chos kyi dbyings kyi tshul rgya mtsho'i dbyings
- 162b
ltar tshad med do/ / rigs kyi bu byang chub sems dpa' kun tu bzang po rnams kyi rnam par thar pa'i tshul gyi lus ni/ de bzhin gshegs pa'i yul dang mnyam pa'o// de ltar rigs kyi bu kho mo bskal pa sangs rgyas kyi zhing gi rdul shin tu phra ba snyed cig tu byang chub sems dpa'i sku la lta lta'ang blta bas ma ngoms te/ rigs kyi bu 'di lta ste/ dper na gcig tu 'dod chags la spyod pa'i skyes pa dang bud med phan tshun nas 'phrad par dus byas pa gnyis la ni sems kyi rgyud tshul bzhin ma yin pa yid la byed pa las byung ba gtsang ba'i dus shes dang / rnam par rtog pas mos pa las byung ba tshad med pa zhi ga skye'o/ / rigs kyi bu de bzhin du kho mo byang chub sems dpa'i sku la lha na ba spu'i sgo re re nas kyang / 'jig rten gyi khams kyi rgyud 'byam klas pa mtha' dang dbus med pa/ tshad med par shin tu bstan pa/ gzhi sna tshogs dang ldan pa/ mtshams kyi rgyan sna tshogs dang ldan pa/ dbyings sna tshogs dang ldan pa/ ri'i rgyan sna tshogs kyis brgyan pa/ sa'i gzhi'i rgyan sna tshogs bstan du yod pa/ sprin sna tshogs dang ldan pa'i nam mkha'i kun nas khyab pa'i rgyan dang ldan pa/ tshul dang / ming dang / grangs sna tshogs su brjod pa// sangs rgyas 'byung ba dang de bzhin gshegs pa'i rgyud sna tshogs 'byung ba/ snying po byang chub kyi rgyan sna tshogs kyis brgyan pa/ de bzhin gshegs pa chos kyi 'khor lo bskor ba'i rnam par 'phrul pa sna tshogs dang ldan pa// de bzhin
- 163a
gshegs pa'i 'khor gyi dkyil 'khor gyi rgyun sna tshogs dang dran pa/ bdo rje'i tshul sna tshogs shin tu bstan pa'i sgra 'byung ba/ theg pa'i tshul lha tshogs mngon par bsgrub pa 'byung ba dang ldan pa/ yongs su dran pa'i 'od dang snang bsna tshogs kyis rab tu snang ba/ mtshan ma ldan chad ma mthong ba dag sems kyika/ da ci ga re re zhing mig lam du byung ngo // baspya kau re re nas kyang sangs rgyas rgya mtsho mtha' dang dbus med pa'i snying po byang chub kyi rgyan sna tshogs mnga' ba/ chos kyi 'khor lo bskor ba'i rnam par 'phrul pa sna tshogs dang ldan pa/ mdo sde'i tshul sna tshogs sgrogs pa'i rnam par 'phrul pa dang ldan pa dag kyang rgyun mi 'chad pa'i tshul du sems kyi skad cig re re la mig lam du ldang ngo / / baspu'i sgo re re nas kyang sems can rgya mtsho mtha' dang dbus med pa khyim dang kun dga'i rab dang / ri dang / gzhal med khang dang / chu klung dang / rgya mtsho la gnas pa/ gzugs dang lus sna tshogs can/ longs khyod kyi yul sna tshogs dang ldan pa/ spyod pa dang / spyod yul dang / sbyor ba tshogs dang ldan pa/ dbang po sde tshogs su grub pa'i tshus dang ldan pa das kyang sems kyi skad cig re re la mig lam du dang ngo // bcu'i go rinas kyang dus gsu tshol 'jug pa'i tshul lab pa dang dbul med pa ni gamig lam du snang ngo / / byang chub sems dpa'i sngon las rgya mtshol tha' dang dbum med pazhi ni rnam par dag par 'gyur 'o// bya chu
- 163b
sems dpa'i sa'i spyod pa rnam pa tha dad pa rgya mtsho mtha' dang dbus med pa dag kyang yongs su ldang ngo / / byang chub sems dpa'i pha rol tu phyin pa'i tshul rgya mtsho yongs su dag pa mtha' dang dbus med pa dag kyang yongs su ldang ngo / / byang chub sems dpa'i sngon gyi sbyor ba rgya mtsho mtha' dang dbus med pa dag kyang yongs su snang ngo // sangs rgyas kyi zhing yongs su dag par bya ba'i tshul rgya mtsho mtha' dang dbus med pa dag kyang yongs su sdang ngo / / byang chub sems dpa'i byams pa chen po'i tshul rgya mtsho mtha' dang dbus med pa dag kyang yongs su sdang ngo // sems can thams cad yongs su smin par bya ba dang / gdul ba'i mthu dang / thabs rgya mtsho dag la'ang 'jug cing khong du chud do// byang chub sems dpa'i snying rje chen po'i sprin gyi tshul rgya mtsho mtha' dang dbus med pa dag kyang yongs su 'grub bo/ / byang chub sems dpa'i dga' ba'i shugs chen po rgya mtsho mtha' dang dbus med pa dag kyang rnam par 'bel te/ sems kyi skad cig re re la'ang sems can thams cad yongs su bsdu ba'i tshul rgya mtsho mtha' dang dbus med pa dag kyang rab tu 'grub bo/ / rigs kyi bu de ltar kho mo bskal pa sangs rgyas kyi zhing brgya'i rdul shin tu phra ba snyed dag tu byang chub sems dpa'i bkru'i sgo re re zhing sems kyi skad cig re re la/ chos kyi tshul rgya mtsho mtha' dang dbus med pa la zhugs te/ khong du chud par byas kyang mthar thug par ma gyur te/ sngon khong du chud pa las bzlas te khong du
- 164a
chud par byas pa'ang med do/ / sngon thob pa las bzlas te thob par byas pa'ang med do// rigs kyi bde ltar don thams cad rngub pa btsun mo'i 'khor tsan ngan bzhugs shing bud med kyi tshogs kyis yongs su bskor bar bzhugs pa'i tshe'ang/ kho man ba spu'i rko'i re nas kyang dus gsum gyi tshul rgya mtsho mtha' dang dbus med pa la chos kyi dbyings la 'jug pa'i tshum rgya mtsha khong du chud bar bya bas yongs su 'jug go/ / rigs kyi bum pa sa byang chub sems dpa'i rnam par bab pa byang chub sems dpa'i ting nge badzin gyi chub rgya mtshamams cad la rnam par lta ba'i yul 'a shes te/ mnyam par gzhog par zad na/ loms byang chub sems dpa' thabs kyi tshul rgya mtsho mtha' dang dbus med pa la bzhugs pa/ sems can thams cad dang mnyam zhing 'dra ba'i dbyang su gnas pa'i lus rnam par dmigs pa yongs su ston pa/ 'thob thams cad kyi bsam pa dang mthun par spyod pa yongs su ston pa/ baspu'i sgo thams cad nas kha dog mtha' yas pa'i grub ba'i sprin rab tu 'gyed pa/ lus med pa'i chos nyid kyi rang bzhin shin tu rnam par dag pa/ nam mkha'i mtshan nyid du 'gro ba'i rang bzhin khong du chud pas rnam par rtog pa med pa/ thams cad du rjes su song ba'i po rnam par gdon mi thabs de bzhin gshegs pa dang mnyam par rnam par 'phrul pa la brtson pa/ rnam par thar pa'i yul mtha' dang dbum med pas rnam par 'phrul pa la zhugs pa/
- 164b
chos kyi dbyings shin tu rgya chen por sems bskyed pas 'jug pa la rnam par spyod cing dbang sgyur ba/ chos kyi gnas rdo thams cad dang ldan pa'i rnam par thar pa rgya mchos rnam par rtse ba de dag gi spyod pa shes pa 'am/ yon tan gyi gter ma lus par bstan par nus re skran/ song rigs kyi bu bcom ldan 'das rnam par snang mdzad kyi zhabs rdung 'di nyid mkhri rin po che sna tshogs kyi rgyan dang ldan pa/ nor bu rin po che'i rgyal po pad+mo'i snying po can la/ byang chub sems dpa'i yul lha mo sgyu ma zhes bya ba 'dug gis/ re'i kun du song la ji ltar byang chub sems dpa'i spyad pa la spyod pa'i byang chub sems dpa' rnams 'jig rten gyi chos kyi dri ma thams cad kyi mi gos pa yin pa dang / de bzhin gshegs pa mchod pa'i nan tan la chun mi 'chad pa yin pa dang / byang chub sems dpa'i las kyi mtha' thams cad las phyir mi ldog pa yin pa dang / byang chub sems dpa'i rnam par thar pa la 'jug pa la sgrib pa thams cad dang bral bar 'gyur ba yin pa dang / byang chub sems dpa'i rnam par spyod pa thams cad sa gzhin gyi dring mi 'jog pa yin pa dang / de bzhin gshegs pa thams cad dang mngon du gyur par gnas pa yin pa dang / sems can thams cad yongs su bsdu ba'i nan tan las phyir mi ldog pa yin pa dang / phyi ma'i mtha'i mur thug pa'i bskal par byang chub sems dpa'i spyod pa thams cad la gnas par bya ba las phyir mi ldog pa yin pa dang / theg pa chen po'i smon lam las
- 165a
phyir mi ldog pa yin pa dang / 'job thams cad kyi dge ba'i rtsa ba yongs su gzung ba dang / rnam par spel ba la sgyid lug par mi 'gyur ba yin pa rjes shig / de nas shAkya bu mo go pas rnam par thar pa'i sgo'i tshul 'di nyid yongs su bstan pa'i phyir/ sangs rgyas kyi byin gyi rlabs kyis de'i tshe tshigs su bcad pa 'di dag smras so// yang dag byang chub spyod la spyod brtson pa'i/ / sems can dam pa sems can su mthong ba/ mos pa'i sems can khong khro ldan yang rung / de yi bsdu bas kur kyang yongs su 'du// zhing brgya'i rdul phran rab tu phra snyed kyi/ / bskal pa mang po kho mos 'di nas dran// de yi pha rol bskal pa rnam brgyan la// 'jig rten khams rab ri bo'i 'od zung ngo // de la thub pa stong phrag bzangs pa ni// bye ba khrag khrig sum cu drug byung ste/ / de kun tha mar thub dbang byung ba ni// 'gro ba'i sngon ma chos kyi rgyal mtshan no// de tshe rgyal po dpal gyi gzi brji dbyung // thub dbang de ni mya ngan yongs 'das nas// dgra yi 'khor bcom 'dzam bu'i rgyal mtshan 'dir/ / bka' la thogs med mngan bdag dam par gyur// de la bu ni brgya phrag lnga yod do// kun kyang dpa'i zhing brtul pod gzugs dang ldan// yan la gsun rdzogs rnam pa' dag pa'i lus/ / gong na med pa'i dpal gyis rab tu brgyan// rgyal po sras bcas bde gshegs 'dun par gyur// rgyal ba'i mchod pa rgya chen rab kyang byas// de ni nam
- 165b
dam chos yongs bzung ba'i/ / chos la mngon brtson rab tu brtan par gyur// rgyal po de sras 'od zer bzang po ni// sems can rnam dag gzhon nu 'khrungs gyur pa// shin tu blta mdzes yid 'od gzugs ldan te/ / yan lag mtshan rab sum cu rtsa gnyis brgyan// rgyal srid yongs su spangs nas mi yi 'khor// bye ba lngas bskor de tshe rab tu byung // rab tu byung nas brtson 'grus brtan ldan te/ / rgyal ba'i chos kyang yongs su bzung bar gyur// pho brang dam pa sdong po ldan pa ni// grong mchog bye ba stong gis kun nas bskor// nags tshal yal ga sna tshogs der byung ba// rab tu sba zhi tha na med pa'i dpal/ / de na 'ongs bzangs brtul zhugs rab ldan pa// 'jigs med shes rab spobs dang ldan pa bzhugs// des ni sems can nyon mongs ltung ba'i phyir// rgyal ba'i chos kyang yongs su bstan pa mdzad/ / shes rab ldan pa de ni bsod snyoms la// spyod lam mdzes shing cha byang zhi ba dang // mi g.yeng spyan gyis dgongs pa mkhyen bzhin du// tshul zab brtan par bzhud pas thong dubyon/ / grong mchog dga' ba'i rgyal mtshal zhes bya bar// tshong dpon legs pa'i snyan grags der byung ste// kho mo de yi bu mo yid 'ong gyur// gzugs mdzes ldan te nyi ma'i 'od ces bya// khyim gyi dam pa de yi sgo gnas su// 'od zer bzang po 'khor bcas kho mos mthong // yan lag mtshan brgyar shin tu mdzes pa ste// de la kho mos mos pa mchog cig skyes// de ni kho mo'i khyim
- 166a
byi skor byon nas/ / nor bu de yi lhung bzed nang du gsol// rgyan rnams kun kyang bkrol te mos sems kyis// shin tu 'dun par de la bdag gis phul// ba gshegs sras po 'od zer bzangs dpal la/ / 'dod chags sems kyis mchod pa rnams bsgrubs pas// bskal pa'i dam pa nyis brgya lnga bcur yang // ngan song gang du'ang song bar ma gyur to/ / lha yi yul du lta rigs ldan par skyes// mi yi yul du rgyal po'i sras mor gyur// kha dog mtha' yas sku yi mdog mnga' bas// kun tu kho mo mngon par zhal yang bstan// bskal panyis brgya lnga bcu 'das gyur nas/ / sprul 'tshong gtso mo bstan sdug pa ste// mi 'jigs byed pa'i bu mor skyes par gyur// de tshe shin tu sbyangs shes bya ba yin// rgyal bu gzi brjid 'od kyis bdag mthong nas/ / kho mos de la dga' bas mchod pa byas// bdag nyid de la yongs su dbul byas nas// kho mo de yi dbang gyur chung mar gyur// drang srong chen po sku mchog nyi ma la'ang // bdag cag bsdoms te legs par mchod pa byas// mos pas sangs rgyas de yi zhal bltas nas// bdag gis byang chub mchog tu sems kyang bskyed// rgyal ba bye ba drug cu tshang ba yang // bskas pa de la kho mos rim gro byas/ / rgyal ba de dag tha ma'i dus kyi tshe// sangs rgyas mos pa'i gzi brjid byung bar gyur// der ni kho mo'i chos mig rnam par dag/ chos kyi rang bzhin bdag gis khong
- 166b
du chud/ / tshul min rnam rtog rab tu zhi bar gyur// de tshe tshun chad kho mos sdang ba thob// rgyal sras rnams kyi ting nge 'dzin gyi sa'ang // de phyi tshun chad rnam par mtho bar gyur// sems kyi skad cig gcig gis rgya mtsho'i zhing / / bsam las rnam 'das phyogs su kho mo 'jug/ phyogs rnams kun gyi sna tshogs rnam dag pa'i// zhing rnams tshad med mad mtho kho mos mthong // / mthong yang de dag la ni chags pa med// nyon mongs bcas la'ang khong khro sdang ba'ang med// zhing rnams de dag ma lus thams cad kyi// snying po byang chub sangs rgyas ma lus mthong // de dag 'od kyi rgya mtsho tshad med pa'ang / / sems kyi skad cig gcig gis rnam par lta// de dag 'khor gyi dkyil 'khor rgya mtsho yang // sems gcig thogs pa med pas khong du chud// rnam par thar pa tshad med thams cad dang / / de dag ting 'dzin ma lus de bzhin shes// de dag spyod pa yangs pa'ang khong du chud// sa tshul ma lus kun kyang kho mos shes// smon lam grangs med rgya mtsho chen po yang / / skad cig re res mtha' yas khong du chud// bskal pa mtha' yas spyad pa spyod byed cing // skyes bu dam pa'i sbru la lta lha ste// de yi ba spu re re rnam 'phrul pa'ang // nam yang mur phyin bdag gis ma nus so// de yi ba spu gcig gi rtse la yang // zhing mang rgya mtsho grangs las 'das pa mthong // rlung gi phung po chu bo chen po dang // sa yi lhung rnams me yis
- 167a
yongs gang mthong / / gzhi rnams sna tshogs rnam phye'i gzugs ldan zhing // dbyibs tshul sna tshogs khong du chud bya ba// dbyibs dang lus kyi rnam pa sna tshogs shing / / lus dang rnam pa mtha' yas gzugs ldan pa'i// brjod yas khams rnams zhing rnams rgya mtsho dag/ tshad med rnams su tha dad gsal bar mthong // chos kyi gsung gis 'gro ba gdul don du/ / brtson pa'i rgyal ba de nyid bzhugs pa mthong // bskal bar spyod pa yangs pa spyod pa'i tshe// sku yi 'phrin las kho mos de ma shes// gsung dang thugs min de gnyis 'phrin las min// rdzu 'phrul rnam 'phrul tha dad tshul ma shes/ de nas tshong dpon gyi bu nor bzangs kyis// shAkya'i bu mo go pa'i rkang pa gnyis la spyi bos phyag 'tshal te/ shAkya'i bu mo go pa la lan brgya stong du mar g.yas phyogs su bskor ba byas nas yang bltas te/ shAkya'i bu mo go ba'i drung nas song ngo // // shin tu rgyas pa chen po'i mdo sangs rgyas par po che zhes bya ba las sdong pos brgyan pa'i le'u / / bam po brgya dgu pa/ de nas tshong dpon gyi bu nor bzangs/ lha mo sU ma'i gan du 'gro bar mngon du bltas nas/ sangs rgyas kyi spyod yul gyi rgyud kyi ye shes la zhugs pa des snyam du bsams so/ / bdag gis dge ba'i bshes gnyen 'jig rten thams cad las byin du 'phags pa'i skye mtshad dag dang ldan pa/
- 167b
med pa la rab tu gnas pa/ chags pa thams cad las yang dag par 'das pa'i lus dang ldan pa/ chags pa med par 'gro ba'i lam du zhugs pa/ chos kyi lus shin tu rnam par dag pa lus kyi las sgyu mas legs par sprul pa'i lus dang ldan pa/ ye shes sgyu ma'i rnam par 'jig rten na rnam par spyod pa/ smon lam sgyu ma'i gzugs dang lus su ldan pa/ sangs rgyas kyi byin gyi rlabs yid kyi rang bzhin gyi lus dang ldan pa/ ma skyes ma 'gags pa'i lus dang ldan pa/ 'ongs pa med pa'i lus dang ldan pa/ bden pa med pa dang brdzun pa med pa'i lus dang ldan pa/ ma 'phos ma zhig pa'i lus dang ldan pa/ mi byung mi 'jigs pa'i lus dang ldan pa/ mtshan nyid med par mtshan nyid gcig pa'i lus dang ldan pa/ gnyis la chags pa dang bral ba'i lus dang ldan pa/ kun gzhi med pa la gnas pa'i lus dang ldan pa/ mi zad cing nyams pa med pa'i lus dang ldan pa/ gzugs brnyan ltar rnam par rtog pa med pa'i lus dang ldan pa/ rmi lam dang mnyam par rnam par rgyu ba'i lus dang ldan pa/ me long gi dkyil 'khor lta 'pho ba med pa'i lus dang ldan pa/ phyogs med pa ltar rab tu zhi ba khong du chud pa'i lus dang ldan pa/ phyogs kun tu rgyas par 'gengs pa'i lus dang ldan pa/ dus gsum du tha mi dad pa'i lus dang ldan pa/ lus med pa'i sems kyi lus rnam par mi rtog pa'i lus dang ldan
- 168a
pa/ 'ad ga tan thams cad kyi ma gsasam las yongs su 'das pa'i sa dang rnan pa/ ba pa samams ga rgyad kyis rnam par ses par thams 'dus dang pa/ chags pa med pa rnam ma pa'i stong sus dang ldan pa rnams mthong par bya ba 'am/ banyer bkur bar bya ba'am/ mang sum du zad par bya ba 'am/ bcoms par byaba'am/ mtshas bar bya ba'am/ dbyangs kyi dkyil 'khor rnam par rig par bya ba'im/ tshig gi rgyud yongs su shes par bya ba 'as/ gdam sa ngas yongs su gzung bar byab thab sa ji lta bu'i sa nus par 'gyur snyam nas/ de ltar sems shing yid la byed pa la brtson par gnas pa'i tshe/ grong khyer gyi lha mo rin chen mig ces bya ba nam ma pa'i lha mo'i tshogs kyis yongs su bskor ba zhig gis/ bdag gi lus can sna tshogs kyigarnam par thabs par rnamam pa'as 'dug panye bar bstan nas/ rdzas kyim tog rnam pa dang dos dum can rnam pa nas mngon par gtor te/ tshong dpan gyis nor ba grangs la klud cis smras so/ / rigs kyis khyod kyis 'khor ba'i yid la dga' bar mi gnas pas sems kyi ma ba khyer mongs su srung ba la brtson par gyis shig/ rigs kyi bu khyod kyis de bzhin gshegs pa stobs bcu la dmigs pas/ sems kyi grong khyer brgyan pa la brtson par gyis shig/ rigs kyi bu khyod kyis phrag dog dang / ser sna dang / g.yo dang bral bas sems kyi grong khyer yongs su stsa
- 168b
pa la brtson par gyis shig/ rigs kyi bu khyod kyis chos thams cad kyi rang bzhin nges par rtog par bya bas/ sems kyi grong khyer gyi yongs su gdung ba rab tu zhi bar bya ba la brtson par gyis shig/ rigs kyi bu khyod kyis thams cad mkhyen pa nyid kyis tshogs la brtson 'grus chen po'i shugs rnam par spel bas sems kyi grong khyer rnam par spel ba la brtson par gyis shig/ rigs kyi bu khyod kyis ting 'dzin dang / snyoms par 'jug pa dang / bsam gtan dang / rnam par thar pa dang / chos kyi gzhal med khang yangs pa'i rnam par spyod pa la dbang sgyur bas/ sems kyi grong khyer dang / gnas kyi mdzod brgyan pa dang / bsrung ba la brtson par gyis shig/ rigs kyi bu khyod kyis de bzhin gshegs pa thams cad kyi 'khor gyi dkyil 'khor yang dag par bsgrub pa'i sa thams cad kyi shes rab kyi pha rol tu phyin pa rab tu thob par gsal bas/ sems kyi grong khyer snang bar bya ba la brtson par gyis shig/ rigs kyi bu khyod kyis de bzhin gshegs pa thams cad yang dag par byung ba'i thabs kyi lam gyis rang gi sems kyi grong khyer du gzhol bar bya bas/ sems kyi grong khyer nye bar brtan pa la brtson par gyis shig/ rigs kyi bu khyod kyis byang chub sems dpa' kun tu bzang po'i spyod pa dang / smon mngon par bsgrub pa'i sems rnam par dag pas/ sems kyi grong khyer gyi rab brtan pa mngon par bsgrub par gyis shig/ rigs kyi bu khyod kyis nyon mongs pa dang / bdud kyi ris kyi sdig tor
- 169a
grogs po dang / bdud kyi 'khor gyis mi choms par bya bas/ sems kyi tho byer rgas dka' ba dang / shigs par dka' ba mngon par bsgrub pa la brtson par bya shig/ rigs kyi bu khyod kyi sems can thams cad de bzhin gshegs pa'i ye shes snang bas khong du chud par bya ba'i phyir/ sems kyi grong khyer sdang bar bya ba la brtson par gyis shig/ rigs kyi bu khyod kyis de bzhin gshegs pa thams cad kyi chos kyi sprin gyi char yongs su bzung bas/ sems kyi grong khyer mngon par brlan pa la brtson par gyis shig/ rigs kyi bu khyod kyis de bzhin gshegs pa thams cad kyi bsod nams rgya mtsho rang gi sems kyis yang dag par thangs pas/ sems kyi grong khyer brtan pa la brtson par gyis shig/ rigs kyi bu khyod kyis byams pa chen pos 'gro ba thams cad rgyas par dgang bas/ sems kyi grong khyer rab tu rgyas par bya ba la brtson par gyis shig/ rigs kyi bu khyod kyis mi dge ba'i chos kyi gnyen po chos kyi gdugs yangs par bsgrub pas/ sem kyi grong khyer yongs su dgab pa la brtson par gyis shig/ rigs kyi bu khyod kyis snying rje chen po shin tu yangs pas 'gro ba thams cad kyi don du sems g.yo bar bya bas/ sems kyi grong khyer rab tu bstod pa la brtson par gyis shig/ rigs kyi bu khyod kyis phyi nang gi dngos po 'grob thams cad la yongs su bstan pa'i phyir/ sems kyi thong khyer gyi sgong dbye ba la brtson par gyis shig/ rigs kyi bu khyod kyi
- 169b
'khor ba'i yul thams cad la dga' ba las sbyin phyogs su bskabs/ sems kyi zong khyer rnam par dag par bya ba la brtson par gyis shig/ rigs kyi bu khyod kyis mi dge ba'i chos kyi cung rnams cad mi srid par bya bas/ sems kyi grong khyer gyi srog rab tu mkhrang ba mngon par bsgrub pa la brtson par gyis shig/ rigs kyi bu khyod kyis thams cad mkhyen pa nyid kyi tshogs yang dag par bsgrub pa'i brtson 'grus las phyir mi ldog par bya bas/ sems kyi grong khyer brtan par bya ba la brtson par gyis shig/ rigs kyi bu khyod kyis dus gsum gyi de bzhin gshegs pa'i dkyil 'khor thams cad dran pa shin tu snang bar byas pas/ sems kyi grong khyer rab tu gsal bar bya ba la brtson par gyis shig/ rigs kyi bu khyod kyis de bzhin gshegs pa thams cad kyi chos kyi 'khor lo'i mdo sde sna tshogs kyi chos kyi sgo rab tu dbye ba'i ye shes la mngon par mkhas par bya bas/ sems kyi grong khyer rnam par dbye ba'i tshul la mkhas par gyis shig/ rigs kyi bu khyod kyis 'gro ba thams cad mngom sum du gnas pa'i thams cad mkhyen pa'i sgo dang / lam gyi tshul yongs su brtan pa'i phyir/ sems kyi grong khyer dmigs par bya ba la brtson par gyis shig/ rigs kyi bu khyod kyis dus gsum gyi de bzhin gshegs pa thams cad kyi smon lam rgya mtsho rang gi smon lam du mngon par bsgrub pa rnam par dag par bya ba'i phyir/ / sems kyi grob khyer byin gyis brlabs pa'i tshul la mkhas par
- 170a
sa shAka/ rigs kyig khyod kyis rgyas kyi byung sa thams cad dubasod rnams dang ye shes kyi tshags ma chen po rnam par la ba sa/ sems pa thong kyi mthunam par 'phel bar bya ba'i thabs la mkhas par gyis shig/ rigs kyi bu khyod kyis sems can thams cad kyi sems dang / bsam pa dang / dbang po dang / mos pa dang / kun nas nyon mongs pa dang / rnam par byung ba shes par bya bas/ sems kyi tho khyer nas 'od kun tu dbye ba'i thabs la mkhas par gyis shig/ rigs kyi bu khyod kyis chos kyi dbyings kyi tshul thams yang dag par bsdubs/ sems kyi grong khyer du dbang sgyur ba'i tshul la mkhas par gyis shig/ rigs kyi bu khyod kyis de bzhin gshegs pa thams cad dran zhing snang bar bya bas/ sems kyi grong khyer 'od gsal bar bya ba la brtson par gyis shig/ rigs kyi bu khyod kyis lus med pa'i chos kyi tshul thams cad khong du chud par bya bas/ sems kyi gro khyer gyi rang bzhin yongs su shes bar bya ba la brtson par gyis shig/ rigs kyi bu khyod kyis thams cad mkhyen pa'i chos kyi grong khyer du 'gro bar bya bas// sems kyi grong khyer gyi sdu mas bur brtag pa la brtson par gyis shig/ rigs kyi bu khyod kyis de ltar sems kyi grong khyer yongs su sbyang ba la brtson pa'i byang chub sems dpas dge ba'i rtsa ba thams cad yongs su bsgrub pa thob par nus so// de ci'i phyir zhe na/
- 170b
de ltar sems kyi zong khyer yongs su dag pa'i byang chub sems dpa' de'i mdun na ni// sangs rgyas mthong bar bya ba la sgrib pa 'am/ chos mnyan par bya ba la sgrib pa 'am/ de bzhin gshegs pa mchod cing rim gror bya ba la sgrib pa 'am/ sems can yongs su bsdu ba'i sbyor ba la sgrib pa dang / sangs rgyas kyi zhing yongs su dag par bya ba la sgrib pa'ang rung ste/ sgrib pa thams cad mi gnas so// rigs bu kyi sgrib pa thams cad dang bral ba'i sems dang / lhag pa'i bsam pas dge ba'i bshes gnyen yongs su btsal ba la mngon par brtson pa'i byang chub sems dpas ni/ las dron chung ngus dge ba'i bshes gnyen mthong bar 'gyur te/ rigs kyi bu dge ba'i bshes gnyen la rag las pa'ang byang chub sems dpa' rnams kyi thams cad mkhyen pa nyid do/ / de nas lus kyi ris su gtogs pa'i lha mo chos kyi pad+mo pal gyi dkyil 'khor ces bya ba dang / ngo tsha shes pa'i dpal gyi dog pa'i 'od ces/ bya ba gnyis shig/ rnam tshogs tshad med pas yongs su bskor nas/ wa mo sgyu ma'i legs brjod cing snying po byang chub nas 'thon te/ tshong dpon gyi ba nor bzangs kyi mdun gyi nam mkha' la 'khor nas/ rang rang gi rin po che'i rna cha las 'od zer gyi dra ba rin po che'i kha dog tu 'dug pa du ma dang / spos dang / bdug pa dri ma med pa 'od 'phro ba'i kha dog tu
- 171a
'dug pa du ma dang / sems dang bsam pa mos par byed pa'i kha dog dang / sems kyi dka'i ba'i shugs rnam par 'phel bar byed pa'i kha dog dang / lus kyi gdung ba sim par byed pa'i kha dog dang / lus rnam par dag pa yongs su ston pa'i kha dog dang / lus kyi mthu thogs pa med par 'byung ba'i yul dang ldan pa'i 'od zer gyi dra ba mang po bkye bas/ zhing rgya chen po snang bar byas nas/ tshong dpon gyi bu nor bzangs la/ de bzhin gshegs pa thams cad kyi sku thams cad du khyab pa thams cad la mngon du gyur pa yongs su bstan nas/ 'jig rten thams cad la g.yas phyogs su bskor ba byas te/ tshong dpon gyi bu nor bzangs kyi spyi bo'i gtsug tu shar nas/ spyi bo'i gtsug man chad ba spu'i bu thams cad du zhugs te lus kun tu khyab par gyur to/ / de ltar lha mo de dag gi 'od zer gyis tshong dpon gyi bu nor bzangs la phog ma thog tu de'i mod la mun pa thams cad dang mi gnas pa'i mig rdul dang bral ba'i 'od snang ba zhes bya ba thob par gyur to/ / sems can gyi rang bzhin khong du chud par byed pa'i mig rab rib dang bral ba'i 'od snang ba zhes bya ba thob par gyur to// sems can gyi rang bzhin khong du chud par byed pa'i mig rab rib dang bral ba zhes bya ba thob par gyur to/ / chos thams cad kyi rang bzhin gyi dkyil 'khor la rnam par lta ba'i mig rdul dang bral bas dbang sgyur ba zhes bya
- 171b
pa thob par gyur to/ / zhing thams cad la rnam par lta ba'i mig rnam par dag la dbang sgyur ba zhes bya ba thob par gyur to// de bzhin gshegs pa thams cad kyi sku la rnam par lta ba'i mig rnam par snang ba zhes bya ba thob par gyur to/ / de bzhin gshegs pa'i gzugs kyi sku yongs su grub pa rnam par phye ba bsam gyis mi khyab pa la rnam par lta ba'i mig rnam par dag pa'i blo gros zhes bya ba thob par gyur to/ / zhing rgya mtsho 'byam klas pa thams cad kyi 'jig rten gyi khams 'byung ba dang / 'jig pa rnam par phye ba la rnam par lta ba'i mig chags pa med pa'i 'od ces bya ba thob par gyur to// de bzhin gshegs pa thams cad kyi chos kyi 'khor lo'i mdo sde'i tshul mngon par bsgrub pa'i phyogs la rnam par lta ba'i mig kun tu snang ba zhes bya ba thob par gyur to/ / sangs rgyas kyi rnam par 'phrul pa dang / sems can 'dul ba'i byin gyi rlabs la rnam par lnga pa'i mig kun nas yul du 'gyur ba zhes bya ba thob par gyur to// sangs rgyas kyi zhing thams cad du byung ba'i sangs rgyas skyes pa la rnam par lta ba'i mig kun tu lta ba zhes bya ba thob par gyur to/ / de nas byang chub sems dpa' yang dag par 'gro ba'i khang pa'i sgo srungs srin po'i dbang po srin po stong phrag bcu'i gtso bo mig bzangs zhes bya ba chung mar bcas/ bu dang bcas/ rang gi gnyen pashes dang 'khor du bcas pas/ tshong dpon gyi bu nor bzangs la me tog kha dog sna tshogs yid du 'ong bas mngon
- 172a
par gtor te 'di skad ces smras so/ / rigs kyi bu chos bcu dang ldan pa'i byang chub sems dpa' ni dge ba'i bshes gnyen thams cad dang nye bar bsnyen pa yin te/ bcu gang zhe na/ 'di ltar bsam pa yongs su dag pa g.yo dang sgyu med pa dang / 'gro ba thams cad yongs su sdud pa la tha mi dad pa'i snying rje chen po dang / sems can thams cad la sems can med pa'i rang bzhin nges par rtogs pa'i rab tu rtog pa dang / lhag pa'i bsam pa'i stobs thams cad mkhyen par 'gro ba las phyir mi ldog pa dang / de bzhin gshegs pa'i dkyil 'khor la mngon par 'dun pa'i mos pa'i stobs dang / chos thams cad kyi rang bzhin dri ma med pas rnam par dag pa'i mig dang / sems can gyi dkyil 'khor thams cad la tha mi dad pa'i byams pa chen po dang / bsgribs pa thams cad rnam par 'thor ba'i ye shes kyi snang ba dang / 'khor ba'i sdug bsngal thams cad kyi gnyen po gdugs su gyur pa'i chos kyi sprin chen po dang / chos kyi dbyings kyi rgyud thams cad la rab tu zhugs shing / dge ba'i bshes gnyen gyi rjes su 'brang ba mngon du gyur pa'i ye shes kyi mig ste/ rigs kyi bu chos bcu po de dag dang ldan pa'i byang chub sems dpa' ni dge ba'i bshes gnyen thams cad dang nye bar bsnyen pa yin no/ / ting nge 'dzin la nges par gzhag pa'i sgo bcus rnam par lta ba'i byang chub sems dpa' ni dge ba'i bshes gnyen thams cad
- 172b
dang mngon du gyur pa 'thob par yin te/ bcu gang zhe na/ ting nge 'dzin la nges par gzhag pa'i sgo chos thams cad nam mkha' ltar rdul dang bral bar rnam par dpyod pa'i dkyil 'khor dang ting nge 'dzin la nges par gzhag pa'i sgo phyogs rgya mtsho thams cad mngon du gyur pa'i mig dang / ting nge 'dzin la nges par gzhag pa'i sgo dmigs pa thams cad la rnam par mi rtog rnam par mi dpyod pa dang / ting nge 'dzin la nges par gzhag pa'i sgo phyogs cad du de bzhin gshegs pa'i sprin yongs su 'byung ba dang / ting nge 'dzin la nges par gzhag pa'i sgo thams cad mkhyen pa'i ye shes dang / bsod rnams rgya mtsho sogs pa'i snying po dang / ting nge 'dzin la nges par gzhag pa'i sgo sems bskyed pa thams cad la dge ba'i bshes gnyen 'byung ba dang 'bral ba med cing nye bar gyur ba dang / ting nge 'dzin la nges par gzhag pa'i sgo de bzhin gshegs pa thams cad kyi yon tan dge ba'i bshes gnyen gyi khar las pas yongs su 'grub pa dang / ting nge 'dzin la nges par gzhag pa'i sgo dge ba'i bshes gnyen thams cad dang yongs su mi 'bral ba dang / ting nge 'dzin la nges par gzhag pa'i sgo dge ba'i bshes gnyen thams cad mnyam pa nyid kyis rtag par kun tu nye bar 'gro ba'i sbyor ba dang / ting nge 'dzin la nges par gzhag pa'i sgo dge ba'i bshes gnyen gyi thabs kyi spyod pa thams cad kyis dub pa med pa'i sbyor ba ste/ rigs kyi bu ting nge 'dzin la nges par gzhag pa'i
- 173a
sgo bcu po de dag dang ldan pa'i byang chub sems dpa' ni dge ba'i bshes gnyen thams cad dang mngon du gyur pa 'thob pa yin te/ ting nge 'dzin gyi rnam par thar pa de bzhin gshegs pa thams cad kyi chos 'khor lo dge ba'i bshes gnyen gyi kha nas grag pa zhes bya ba'ang 'thob pas/ de la zhugs pa'i byang chub sems dpa' ni sangs rgyas thams cad tha mi dad cing mnyam pa nyid du gyur pa'ang rab tu 'thob bo/ / dge ba'i bshes gnyen tha mi dad cing thams cad du khyab pa'ang rab tu 'thob par 'gyur ro// srin po'i dbang po mig bzang kyis de skad ces smras pa dang / tshong dpon gyi bu nor bzangs kyis nam mkha'i dbyings la bltas te/ 'di skad ces smras so// 'phags pa bdag la thugs brtse bar mdzad de/ dge ba'i bshes gnyen bstan pas sman yon btags pa mnongs so/ / da dung yang dge ba'i bshes gnyen blta ba'i slad du ji ltar brtson par bgyi ba dang / phyogs gang logs su mchi bar bgyi ba dang gnas gang zhig tu yongs su brtsal ba dang / dmigs pa gang zhig bsam par bgyi ba'i thabs kyi sgo ma nor bar bstan du gsol/ smras pa/ rigs kyi bu de bas na phyogs kun tu rab tu 'dud pa'i lus dang / dmigs pa thams cad du dge ba'i bshes gnyen dran pa dang 'brel ba'i bsam pa dang / kun tu 'gro ba'i ting nge 'dzin gyi rjes su 'brang ba dang / sems kyi shugs rmi lam
- 173b
lta bu dang / yid kyi lus gzugs brnyan lta bus rnam par chu ste 'gro bas/ dge ba'i bshes gnyen gyi gnas su song zhig de nas tshong dpon gyi bu nor bzangs kyis/ srin po'i dbang po mig bzangs kyis ji skad du btams pa de ltar nan tan du byas pa dang / mdun gyi sa'i nang nas pad+mo chen po rdo rje rin po che thams cad las grub pa'i chu ba can/ nang rim rin po che'i rgyal po 'gro ba rgya mtsho sna tshogs las byas pa/ rin po che'i rgyal po thams cad las 'dab ma'i 'phreng ba grub pa/ rin po che'i rgyal po rnam par snang ba'i snying po can/ spos kyi rin po che'i rgyal po rin po che thams cad kyi mdog gi ze ba dang ldan pa/ rin po che'i dra ba grangs med pas kun nas yog pa byung bar mthong ngo // rin po che'i rgyal po'i pad+mo chen po de'i snying po la'ang khang pa brtsegs pa chos kyi phyogs su yang dag par gzhol ba'i snying po zhes bya ba shin tu spal blta na sdug pa/ sa'i gzhi rnam par snang ba'i dbyibs dang ldan pa/ rin po che'i rgyal po thams cad las byas pa'i ka ba stong tshang bas mdzes par brgyan pa/ rgya thams cad du rin po che thams cad bajam pa/ 'dzam bu chu klung gi gser dri ma med pa'i lha rdzas kyi gzhi bting ba/ mu tig gi 'phreng ba sna tshogs kyi drab zangs med pa kun nas bres pa/ rin po che'i rgyal po sna tshegs rab tu lba bar spel bas brgyan pa/ 'dzam bu chu klung gi nor bu rin po ches kun nas rnam par phye ba rin po che'i khri 'phang grangs
- 174a
med pas kun nas bskor ba/ phyogs thams cad nas rin po che'i rgyal po'i thems sa mdzes par bkye ba gnas par mthong ngo // khang pa brtsegs pa de'i dbus na khri nor bu rin po che yid bzhin gyi pad+mo'i snying po can/ nor bu rin po che'i gzugs 'jig rten gyi dbang po'i dbyibs lta bu'i rten gyis bzung ba/ nor bu rin po che'i 'bru thams cad kyi kha dog tu 'dug pa/ dbang po'i rgyal mtshan rab tu sdang ba'i dbyibs su 'dug pa/ rdo rje rin po che'i 'khor lo'i sa la rten pa/ rin po che'i rtsal sna tshogs kyi baphreng bas brgyan pa/ rin po che'i khri 'phang du ma las blangs pa/ rin po che'i rgyal po snang ba'i rgyal mtshan gyis rab tu spras pa/ rin po che sna tshogs kyi rgyan gyis shin tu brgyan pa/ rin po che'i rgyan po'i stan lha rdzas las 'das pa legs par bting ba/ gos rin po che'i kha dog mtha' yas pa sna tshogs kyi gzhi thams cad du bkram pa/ rin po che'i gos thams cad kyi gnam yol bres pas nam mkha' rab tu brgyan pa/ rin po che thams cad kyi dra ba kun tu bres pa/ phyogs kun nas rin po che'i rgyal mtshan dkrigs pa'i sgra 'byung ba/ rin po che thams cad kyi snam bu'i rgyal mtshan phur lab tu lding ba/ spos rin po che thams cad kyi rgyal mtshan rnam par bres pas kun nas brgyan pa/ me tog thams cad kyi rgyal mtshan las me tog gi glong sna tshogs char du mngon par 'brul pa/ rin po che'i dril bu'i rgyal mtshan 'khrol ba'i sgra yid bde ba'i dbyangs snyan par
- 174b
grag pa/ khang pa'i kha thams cad nas rin po che sna tshogs kyi 'phreng ba rab tu sbyangs pa/ rin po che'i gzugs sna tshogs kyi kha nas spos chu kha dog du ma dang ldan par char 'bab pa/ nor bu rin po che'i rgyal po rnam par snang ba las/ glang po dam pa'i gzugs su byas pa'i kha nas pad+mo'i dra ba 'byung ba dang ldan pa/ rdo rje sna tshogs kyi seng ge'i kha nas spos kyi sprin kha dog mtha' yas pa rab tu 'byung ba/ rin po che'i rgyal po rnam par snang ba tshangs pa'i gzugs su 'dug pa'i kha nas byams pa chen po'i tshul tshangs pa'i dbyangs kyi nga ror sgrog pa dang ldan pa/ rin po che sna tshogs shin tu mdzes pa'i gzugs kyi kha nas dkar po'i phyogs kyi legs pa rab tu rjod pa'i nga ro 'byung ba/ dus gsum gyi sangs rgyas kyi mtshan gser gyi dril gyi 'phreng ba las sgra snyan pa'i dbyangs su 'byung ba dang ldan pa/ nor bu rin po che dam pa'i dril gyi 'phreng ba las sangs rgyas thams cad kyi chos kyi 'khor lo'i sgra yid du 'ong ba 'byung ba/ rdo rje'i dril sna tshogs las byang chub sems dpa'i smon lam thams cad kyi sgra rab tu 'byung ba/ rin po che'i rgyal po zla ba'i rgyal mtshan gyi 'phreng bas/ sangs rgyas thams cad kyi gzugs brnyan rab tu byung ba'i dbyibs sna tshogs rab tu bsgrag pa/ nor bu rin po che'i rgyal po snying po dag pa'i 'phreng bas dus gsum du gshegs pa'i de bzhin gshegs pa thams cad kyi sku tshe gcig nas gcig tu brgyud pa'i gzugs bstan rnam par dmigs par bya ba/ rin po che'i rgyal po
- 175a
nyi ma'i snying po'i 'phreng bas nam mkha'i dbyings kyi mthas klas pa'i phyogs bcu'i sangs rgyas kyi zhing sna tshogs kyi dbyings su 'od zer yongs su bstan pa/ rin po che'i rgyal po snang ba'i rgyal mtshan gyi 'phreng bas/ de bzhin gshegs pa thams cad kyi 'od kyi dkyil 'khor sdang ba rab tu dbye ba/ nor bu rin po che'i rgyal po rnam par snang ba'i 'phreng ba'i sprul pa'i sprin 'gro ba thams cad kyi dbang po lta bu/ de bzhin gshegs pa la mchod cing rim gro byed pa'i 'od rab tu dgye ba/ rin po che'i rgyal po yid bzhin gyi 'phreng bas/ byang chub sems dpa' kun tu bzang po rnam par 'phrul pas skad cig re re la chos kyi dbyings su rgyas par dgang ba/ rin po che'i rgyal po ri bo'i rgyal mtshan gyi 'phreng bas/ lha'i dbang po thams cad kyi khyim gyi lha mo'i dbyangs snyan pa rab tu bsgrags pa dang ldan zhing / khri de dmigs pa thams cad du de bzhin gshegs pa la bstod pa'i sprin 'gyed pas yon tan dang legs pa bsam gyis mi khyab pa brjod du yod pa dang / rin po che'i rgyan grang med pa'i 'khor gyi stan gyis bskor bar mthong ngo / / khri de la lha mo sgyu ma 'jig rten gsum las yang dag par 'das pa'i gzugs 'jig rten thams cad la mngon par gnas pa dang / srid pa'i rgyud thams cad las gyen du 'phags pa'i gzugs 'gro ba thams cad kyis rnam par dmigs su yod pa dang / 'jig rten thams cad kyis ma gos pa'i gzugs bsod nams yangs pas
- 175b
byung ba dang / 'gro ba thams cad dang mnyam zhing 'dra ba'i gzugs sems can thams cad la bzhin mngon par ston pa dang / 'gro ba thams cad yongs su smin par bya ba dang / gdul bar mthun pa'i gzugs sems can thams cad dang mngon sum du 'dal ba dang / dus thams cad 'gro ba nam mkha' la rnam par dmigs pa tha mi dad pa'i gzugs 'gro ba thams cad kyi mthas klas par dmigs su yod par byin gyis rlob pa dang / 'gro ba med dpa'i gzugs 'jig rten gyi lam gyi rgyud thams cad 'gags pa dang / 'ong ba med pa'i gzugs 'gro ba thams cad du ma byung ba dang ma skyes pa'i gzugs mi skye bar mnyam pa'i chos la brtson pa dang / ma 'gags pa'i gzugs 'jig rten gyi rnam par spyod pa thams cad la gzhol ba dang / yang dag par dmigs pa'i gzugs bden pa med pa dang / 'jig rten gyis rnam par dmigs pa'i gzugs brdzun pa med pa dang / 'pho ba med pa'i gzugs shi 'pho dang skye ba las 'das pa dang / mi 'jig pa'i gzugs chos kyi dbyings kyi rang bzhin gyis 'jig pa med pa dang / mtshan nyid med pa'i gzugs dus gsum tshig gi lam du gzhol ba dang / mtshan nyid gcig pa'i gzugs mtshan nyid med pas byung ba dang / gzugs brnyan lta bu'i gzugs 'gro ba thams cad kyi sems dang bsam pa ji lta ba bzhin du dmigs pa dang / sgyu ma lta bu'i gzugs ye shes sgyu mas yongs su grub pa dang /
- 176a
smig rgyu lta bu'i gzugs 'gro ba'i 'du shes bzhin du byin gyis rlob pa la gzhol ba dang / grib ma lta bu'i gzugs sngon gyi smon lam gyi 'gro ba thams cad kyi rjes su 'brang ba dang / rmi lam lta bu'i gzugs bsam pa ji lta ba bzhin du 'gro bas dmigs pa las ma 'dres pa dang / chos kyi dbyings thams cad du gzhol ba'i gzugs nam mkha'i dbyings ltar rang bzhin yongs su dag pa dang / snying rje chen pos byung ba'i gzugs sems can gyi rgyud thams cad yongs su bskyang ba la brtson pa dang / chags pa med pa'i sgos byung ba'i gzugs skad cig re res chos kyi dbyings rgyas par 'gengs pa dang / mtha' dbus med pa'i gzugs rnyog pa med par 'gro ba thams cad la rten pa dang / tshad med pa'i gzugs tshig gi lam thams cad las yang dag par 'das pa dang / mi gnas pa'i gzugs 'gro ba thams cad gdul ba'i byin gyi rlabs kyis grub pa dang / byin gyis ma brlabs pa'i gzugs byin gyi rlabs kyis 'gro ba'i don la brtson pa dang / ma byung ba'i gzugs smon lam sgyu mas yongs su grub pa dang / zil gyis mnon pa'i gzugs 'jig rten thams cad las mngon par 'phags pa dang / yang dag pa ma yin pa'i gzugs zhi/ gnas kyi snang bas rnam par dmigs pa dang / mi 'byung ba'i gzugs 'gro ba'i las ji lta ba bzhin du rjes su 'brang ba dang / rin po che yid bzhin gyi rgyal po ltar bsam pa ji lta ba bzhin du sems
- 176b
can thams cad kyi bsam pa yongs su rdzogs par bya ba'i smon lam yongs su grub pa dang / rnam par mi rtog pa'i gzugs 'gro ba thams cad kyi yongs su rtog pa bzhin du nye bar gnas pa dang / mi rtog pas rtog pa med pa'i gzugs 'gro ba thams cad kyi rnam par dmigs pa dang / thogs pa med pa'i gzugs 'khor ba las bzlog pa la rab tu brtson pa dang / rnam par dag pa'i gzugs de bzhin nyid dang mnyam par rnam par mi rtog pa dang / rnam pa de lta bu'i gzugs gzugs med par gzugs su snang ba dang / tshor ba med pa'i gzugs kyi 'jig rten gyi sdug bsngal gyi tshor ba rab tu zhi bar bya ba la brtson pa dang / 'du shes kyi rnam pa thams cad las gyen du 'phags pa'i gzugs sems can thams cad kyi 'du shes kyi rnam pas rnam par dmigs pa dang / mngon par 'du bya ba med pa'i chos nyid kyis byung ba'i gzugs tshes sgyu ma'i rnam pas grub pa dang / rnam par shes pa'i yul las yongs su 'das pa'i gzugs byang chub sems dpa'i smon lam gyi ye shes byung ba dang / rang bzhin med pa'i gzugs 'gro ba thams cad kyi tshig gi lam la gzhol ba dang / gdung ba yongs su bsal ba'i gzugs chos kyi sku bsil ba dam pa dang ldan pas/ lha mo sgyu ma bsam pa ji lta ba bzhin du 'gro ba'i gzugs kyi lus yongs su ston pa dang / sems can gyi bsam pa'i dbang du 'gro ba thams cad dang mnyam zhing 'dra ba'i gzugs kyi lus 'gro ba thams
- 177a
cad kyi gzugs kyi lus las 'phags pa ston cing 'dug pa mthong ngo / / de la sems can la las ni lha mo sgyu ma de bdud kyi bu mo'i gzugs su 'dug la/ bdud kyi mo'i gzugs pas kyang lhag par mthong ngo / / la las ni dbang sgyur gyi lha'i bu mo'i gzugs pas kyang lhag par mthong ngo // la las ni rab 'phrul dga'i lha'i bu mo'i gzugs pas kyang lhag par mthong ngo / / la las ni rab dga' ldan gyi lha'i bu mo'i gzugs pas kyang lhag par mthong ngo // la las ni rab mtshe ma'i lha'i bu mo'i gzugs pas kyang lhag par mthong ngo // la las ni sum cu rtsa gsum kyi lha'i bu mo'i gzugs pas kyang lhag par mthong ngo / / la las ni rgyal po bzhi'i ris kyi lha'i bu mo'i gzugs pas kyang lhag par mthong ngo // la las ni grul bum gyi bu mo'i gzugs pas kyang lhag par mthong ngo / / la las ni lto 'phye chen po'i dbang po'i bu mo'i gzugs pas kyang lhag par mthong ngo // sems can la las ni lha mo sgyu ma de mi'i dbang po'i bu mo'i gzugs pas kyang lhag par mthong ngo // de nas tsheng dpon gyi bu nor bzangs 'gro ba thams cad kyi gzugs kyi 'du shes dang bral yang / sems can pha rol gyi bsam pa la 'jug pa des/ sems can thams cad kyi bsam pa'i rnam pa la/ lha mo sgyu ma 'gro ba thams cad nye bar 'tsho ba'i bsod nams dang ldan pa/ thams cad mkhyen pa nyid kyi bsod nams kyis bsgrubs pa'i lus dang ldan pa/ sbyin pa'i pha rol tu phyin
- 177b
pa'i sbyor ba tha mi dad pa dang ldan pa/ 'gro ba thams cad la mnyam pa nyid kyis zhugs pa/ snying rje chen po'i lus su sems can thams cad yongs su ldad pa/ de bzhin gshegs pa'i yon tan/ thams cad la nan tan du byas pas byung ba/ bzod pa thams cad kyi tshul rgya mtsho la zhugs pa/ thams cad mkhyen pa nyid kyi brtson 'grus kyi shugs kyis sems rnam par spel ba/ chos kyi dkyil 'khor thams cad yongs su dag par bya ba la phyir mi ldog pa'i brtson 'grus dang ldan pa/ chos thams cad kyi rang bzhin nges par rtogs pas byung ba/ bsam gtan gyi yan lag dang tshul thams cad la yongs su grub pa'i sems dang ldan pa/ bsam gtan gyi yan lag tha mi dad pa'i yul yongs su 'dzin pa'i de bzhin gshegs pa'i bsam gtan gyi dkyil 'khor snang ba rab tu thob pa/ sems can thams cad kyi nyon mongs pa'i rgya mtsho bskal pa la shin tu gdon mi za bar byas pa'i nges par rtogs pa sna tshogs la gnas pa/ de bzhin gshegs pa thams cad kyi chos kyi 'khor lo rnam par dbye ba'i tshul la mkhas pa/ chos thams cad kyi tshul rgya mtsho rnam par dpyad pa'i shes rab dang ldan pa/ de bzhin gshegs pa thams cad mthong bas ma ngoms pa// dus gsum gyi de bzhin gshegs pa gcig nas gcig tu bcud pa la rnam par lta ba'i rgyun mi gcod pa/ sangs rgyas thams cad blta ba'i sgo la mngon du gyur pa/ de bzhin gshegs pa thams
- 178a
cad kyis yongs su bsgrubs pa'i lam yongs su dag par bya ba/ rnam pa tha dad pa'i tshul la mkhas pa/ de bzhin gshegs pa thams cad kyi spyod yul nam ma dang mnyam pa/ sems can thams cad yongs su bsdu ba'i thabs kyi tshul la mkhas pa/ 'gro ba mtha' dang dbus med pa bsam pa ji lta ba bzhin du yongs su smin par bya ba dang / gdul ba'i snang ba rab tu thob pa/ sangs rgyas thams cad kyi sku rnam par dag pa rnam pa tha dad pa la zhugs pa/ zhing rgya mtsho thams cad yongs su dag par bya ba'i smon lam dang ldan pa/ sems can gyi khams thams cad rnam par gdul ba'i byin gyi rlabs mthar thug par bya ba'i smon lam yongs su dag pa/ de bzhin gshegs pa'i yul thams cad mchod pas rgyas par dgang ba'i sems dang ldan pa/ byang chub sems dpa'i rnam par 'phrul pa thams cad la brtson pas byung ba/ chos kyi sku bla na med pa yongs su dag pa dang ldan pa/ gzugs kyi lus mtha' yas pa yongs su ston pa/ bdud kyi dpung thams cad rab tu 'jom pa/ dge ba'i rtsa ba shin tu rgya chen po'i stobs dang ldan pa/ chos kyi stobs rab tu skyes pa'i blo can/ sangs rgyas kyi stobs snang ba rab tu thob pa/ byang chub sems dpa'i dbang thams cad kyi stobs yongs su rdzogs pa/ thams cad mkhyen pa nyid kyi shugs kyi stobs yongs su skyes pa de bzhin gshegs pa'i ye shes glog gi shes rab snang bar byas pa
- 178b
sems can mtha' dang dbus med pa'i sems rgya mtsho rnam par dpyad pa la mkhas pa/ 'gro ba shin tu mang ba'i bsam pa la zhugs pa/ sems can pha rol gyi dbang po rnam pa tha dad pa shes par bya ba'i tshul la mkhas pa/ sems can mtha' yas pa'i mos pa rnam pa tha dad pa'i rgyus la mkhas par khong du chud pa/ phyogs bcu'i zhing rgya mtsho tshad med pa lus kyis rgyas par 'gengs pa/ 'jig rten gyi khams rnam pa tha dad pa thams cad shes par bya ba'i tshul dang rnam pa la mkhas pa/ zhing tha dad pa'i tshul thams cad shes par bya ba'i tshul la mkhas pa'i rjes su song ba/ ye shes kyis lta ba phyogs rgya mtsho thams cad du rab tu 'dal ba/ dus rgya mtsho thams cad du khyab pa'i blo dang ldan pa/ sangs rgyas rgya mtsho thams cad la mngon sum du 'dud pa'i lus can chos kyi sprin rgya mtsho'i char thams cad yang dag par gzung ba la mngon du gyur pa'i sems dang ldan pa/ de bzhin gshegs pa thams cad kyi yon tan rab tu rdzogs par bya ba'i nan tan gyis 'byung bal rab tu brtson pa/ byang chub sems dpa'i tshogs thams cad yongs su bsgrub pa la rab tu zhugs pa'i tho dang ldan pa/ byang chub sems dpa' thams cad kyi rab tu 'jug pa la rnam par byer pa'i mthu yod pa/ byang chub kyi sems kyi yan lag thams cad yongs su grub pa/ byang chub sems dpa' thams cad yongs su bskyang ba la rab tu brtson pa/ sangs rgyas thams cad kyi ches
- 179a
pa'i sprin kun tu ldang ba rab tu ston pa/ byang chub sems dpa' dang rgyal ba thams cad skyed pa'i smon lam gyis byung ba dang / de dag la sogs pa mthong ba'i tshul 'dzam bu'i gling gi rngub shin tu phra ba snyed kyi lha mo sgyu mtshong dpon gyi bu nor bzangs kyis mthong bar gyur to/ / des de mthong nas lha mo spu ma ji snyed yod pa de snyed du bdag gi lus byin gyis brlabs nas/ phyogs thams cad la mngon du bltas pa'i lha mo sgyu ma la thams cad du khyab pa'i lus kyis phyag byas so// des de ltar phyag byas ma thag tu/ ting nge 'dzin gyi sgo mtha' dang dbus med pa thob par gyur te/ des ting nge 'dzin gyi sgo de dag la rnam par bltas nas/ mtshan mar bya ba dang / bsgom pa dang / wur thang ba dang / rjes su dran par bya ba dang / rgyas par dgang ba dang / rab tu rgya cher bya ba dang / blta ba dang / rnam par spel ba dang / mngon par bsgrub pa dang / rgyas gdab pa byas te/ ting nge 'dzin gyi sgo de dag las langs nas/ lha mo sgyu ma 'khor dang bcas/ gnas dang bcas/ stan dang bcas pa la g.yas phyogs su bskor ba byas te/ mdun du 'dug nas thal mo sbyar te 'di skad ces smras so// 'phags ma bdag noni 'jam dpal gzhol nur gyur pas/ bla na med pa yang dag par rdzogs pa'i byang chub tu sems bskyed de/ dge ba'i bshes gnyen bsnyen bkur ba la yongs su bskul ba bgyis pa ste/
- 179b
de ltar bdag dge ba'i bshes gnyen nas/ dge ba'i bshes gnyen du bsnyen bkur bgyid cing / mthar gyis khyod kyi zhabs kyi drung 'di'i bar du mchis pa lags na/ 'phags ma ji ltar byang chub sems dpas byang chub sems dpa'i spyod pa la bslabs na/ rnam pa thams cad mkhyen pa nyid du 'grub pa lags// des smras pa/ rigs kyi bu kho mo ni byang chub sems dpa'i rnam par thar pa smon lam chen po'i ye shes sgyu ma'i rnam pas rnams brgyan pa thob pa ste/ rigs kyi bu kho mo rnam par thar pa de dang ldan pas/ 'jig rten gyi khams rgya mtsho 'di'i 'jig rten gyi khams thams cad kyi 'dzam bu'i gling thams cad na/ bcom ldan 'das rnam par snang mdzad kyi byang chub sems dpa'i srid pa'i tha ma la skye bas rnam par 'phrul pa ji snyed cig yod pa'i byang chub sems dpa' srid pa'i tha ma pa de dag thams cad so so'i mar gyur pa ste/ byang chub sems dpa'i de dag thams cad kyang kho mo'i lto na gnas pa kho mo'i lho g.yas pa nas byung ngo // rig kyi bu skal ba dang ldan pa'i gling bzhi pa 'di nyid kyi grong khyer chen po ser skya'i gnas su'ang / rgyal po zas gtsang ma'i btsun mo rigs dang ldan pa'i tshul gyis byang chub sems dpa'i don grub byang chub sems dpa' skye ba'i rnam par 'phrul pa rgya chen po bsam gyis mi khyab pas bskyed do/ / rigs kyi bu de ltar kho mo rgyal po zas gtsang ma'i phro brang na 'dug 'dug pa las// byang chub
- 180a
sems dpa' dga' ldan gyi pho brang nas 'pho ba'i dus la bab pa dang / baspu'i sgo thams cad kyi ba spu'i sgo re re nas kyang 'od zer de bzhin gshegs pa thams cad kyi yum g yi yon tan gyi dkyil 'khor las byung ba'i snang ba zhes bya ba mang po byang chub sems dpa' thams cad kyi yum gyi yon tan gyi rgyan sangs rgyas kyi zhing brjod du med pa'i rdul shin tu phra ba snyed 'thon nas/ 'jig rten gyi khams thams cad snang bar byas te/ kho mo'i lus la sha ra nas/ spyi bo man chad pa spu'i bu ga thams cad du 'phros par gyur to// rigs kyi bu de ltar byang chub sems dpa'i 'od zer ming gcig la/ byang chub sems dpa'i yum gyi rnam par 'phrul pa dang / rgyan dang / rnam par thar pa sna tshogs rab tu 'gyed pa de dag kho mo'i lus su dong ma thag tu de'i mod la/ kho mo'i lus su byang chub sems dpa'i 'od zer gyi sgo'i dkyil 'khor gyis rnam par dmigs par byas te/ byang chub sems dpa'i skye ba'i rnam par 'phrul pa'i tshul dang / rgyan thams cad yongs su snang bar gyur to/ / khyim dang 'khor la'ang de bzhin du snang bar gyur to// rigs kyi bu de ltar byang chub sems dpa'i 'od zer de dag kho mo'i lus su dong ma thag tu de'i mod la byang chub sems dpa'i 'od zer gyi sgo'i dkyil 'khor de dag gis/ byang chub sems dpa' gang dag gis skye ba'i tshul dang / rnam par 'phrul pa rnam par dmigs par byas pa de dag thams cad kyang kho mos mthong
- 180b
bar gyur te/ de dag thams cad kyang snying po byang chub tu gshegs nas/ seng ge'i gdan la bzhugs shing / byang chub sems dpa'i 'khor gyi dkyil 'khor gyis bskor te/ 'jig rten gyi dbang po rnams kyis bskor cing chos kyi 'khor lo bskor ba mang po mthong ngo / / de bzhin gshegs pa de dag gis sngon byang chub sems dpa'i spyod pa mdzad pa'i tshe/ de bzhin gshegs pa ji snyed cig bsnyen bkur ba de dag thams cad kyang kho mos dang po thugs bskyed pa dang / skye ba'i rnam par 'phrul pa dang bcas/ mngon par rdzogs par byang chub pa dang / chos kyi 'khor lo bskor ba dang / mya ngan las 'das pa'i rnam par 'phrul pa dang bcas/ sangs rgyas kyi zhing yongs su dag pa'i rgyan dang bcas par mthong ngo // de bzhin gshegs pa de dag gi sprul pa'i dkyil 'khor sems kyi skad cig re re la chos kyi dbyings thams cad rgyas par 'gengs pa de dag thams cad kyang kho mos mthong bar gyur to/ / rigs kyi bu de ltar kho mo'i lus su byang chub sems dpa'i 'od zer de dag dong ma thag tu/ kho mo'i lus kyang 'gro ba thams cad las mngon par 'phags par gyur te/ rum nam mkha'i dbyings lngar yangs par gyur kyang / mi'i lus las lhag par yang mi snang ngo // phyogs bcu na byang chub sems dpa' mngal gi gnas dang / khang khyim dang / rgyan ji snyed cig yod pa de dag thams cad kyang kho mo'i lus kyi khongs su chud pa dang / kho mo'i lus su sho
- 181a
byar gyur par snang bar gyur to/ / rigs kyi bu de lo ma'i sus sa byang chub sems dpa'i mngal gyi gnas dang / khab kyim dang / rgyan dang / longs spyod byung bar gyur pa dang / de'i mod la byang chub sems dpa' sangs rgyas kyi zhing bcu'i rdul shin tu phra ba snyed kyi byang chub sems dpa'i smon lam gcig pa skal ba mnyam par spyod spyod pa/ dge ba'i rtsa ba gcig pa/ rgyan gcig pa/ rnam par thar pa gcig la rnam par spyod pa/ ye shes kyi sa gcig la gnas pa/ rnam par 'phrul pa gcig gis byung ba/ smon lam gcig gis grub pa spyod gcig gis byung ba/ chos kyi lus yongs su dag pa/ gzugs kyi lus mtha' dang dbus med pa'i byin gyi rlabs dang ldan pa/ byang chub sems dpa' kun tu bzang po'i spyod pa dang / smon lam dang / rnam par 'phrul pas byung ba dag dang / rin po che klu'i dbang po'i snying po'i khang pa brtsegs pa na 'khod cing / klu'i rgyal po gang chen mtsho la sogs pa klu'i dbang po stong phrag brgyad cu dang / 'jig rten gyi dbang po thams cad kyis kyang mngon par mchod cing / byang chub sems dpa'i rnam par 'phrul pa/ dga' ldan gyi pho brang thams cad nas shi 'pho yongs su ston pas dga' ldan gyi gnas re re nas kyang / 'jig rten gyi khams thams cad du 'dal ba'i gling bzhi par skye ba len pa yongs su ston pa/ sems can yongs su smin par bya ba'i
- 181b
thabs kyi tshul bsam gyis mi khyab pa la mkhas pa'i rjes su song ba dang / sems can bag med pa thams cad yongs su skul zhing mngon par zhen pa thams cad las gyen du baspyod pa dang / 'od zer gyi dra ba chen po rab tu dgye bas 'jig rten gyi mun pa thams cad rnam par sel ba dang / ngan song thams cad kyi sdug bsngal zhi bar byed pa dang / sems can dmyal ba lam gyi rgyud thams cad nas rnam par zlog pa dang / sems can thams cad kyi sngon gyi las yongs su skul ba dang / sems can gyi khams thams cad yongs su skyob pa dang / sems can thams cad la lus mngon par ston pas dga' ldan gyi pho brang nas 'phos te/ 'khor dang bcas par kho mo'i lus su zhugs nas/ de dag thams cad kyang kho mo'i khong na gom pa stong gsum gyi stong chen po'i 'jig rten gyi khams tsam du yangs pa nas/ 'jig rten gyi khams sangs rgyas kyi zhing brjod du med pa'i rdul shin tu phra ba snyed du yangs pa'i 'gos kyis rgyu zhing spyod do// phyogs bcu'i 'jig rten gyi khams 'byam klas pa thams cad kyi de bzhin gshegs pa'i zhabs kyi drung gi byang chub sems dpa'i 'khor gyi dkyil 'khor brjod du med pa dag kyang / sems kyi skad cig re re la byang chub sems dpa'i mngal gyi gnas dang / rnam par 'phrul pa lta ba'i phyir kho mo'i khong du 'dong ngo // rgyal po chen po bzhi dang / brgya byin dang / ram mtshe ma dang / rab dga' ldan
- 182a
dang / rab 'phrul dga' dang / dbang sgyur gyi lha'i dbang po rnams dang / tshangs pa rnams kyang mngal gyi gnas na bzhugs pa'i byang chub sems dpa' la blta ba dang phyag bya ba dang / bsnyen bkur ba dang / chos nyan pa'i gtam nyams su myong bar bya ba'i phyir nye bar 'dod yang / kho mo'i rum 'dis de snyed kyi 'khor gyi dkyil 'khor gcig yongs su bzung yang yangs par gyur pa'ang med/ mi'i lus tha mal pa las kho mo'i lus khyad par can du gyur pa'ang med mod kyi/ 'khor gyi dkyil 'khor de snyed kyang yongs su bzung ngo // lha dang mi de dag thams cad kyis kyang byang chub sems dpa'i longs spyod sna tshogs dang / rgyan yongs su dag pa'ang mthong bar gyur to// de ci'i phyir zhe na/ de ni byang chub sems dpa'i rnam par thar pa smon lam chen po'i ye shes sgyu ma'i rnam pa 'di nyid shin tu bsgoms pa'i phyir ro/ / rigs kyi bu ji ltar kho mo skal ba dang ldan pa'i gling bzhi pa 'di'i 'dzam bu'i gling na/ byang chub sems dpa' khong na yongs su 'dzin pa de bzhin du/ stong gsum gyi stong chen po'i 'jig rten gyi khams kyi gling bzhi pa thams cad kyi 'dzam bu'i gling dag na'ang / rnam par 'phrul pa'i rgyun gyi tshul 'di nyid kyis yongs su 'dzin pa byed de/ byang chub sems dpa'i rnam par thar pa smon lam chen po'i ye shes sgyu ma'i rnam pa 'di nyid shin tu bsgoms pa'i phyir/ kho mo'i lus 'di gnyis su gyur pa'ang
- 182b
med/ mi gnyis pa'ang med do// gcig la gnas pa'ang med do// mang po la gnas pa'ang med do// rigs kyi bu ji ltar kho mo bcom ldan 'das rnam par snang mdzad 'di'i yum du gyur pa de bzhin du/ sngon gyi de bzhin gshegs pa mtha' dang dbus med pa dag gi'ang yum du gyur to// la la zhig tu byang chub sems dpa' pad+mo'i sbubs nas rdzus te skye ba zhig tu 'gyur na'ang pad+mo'i tshal gyi lha mor grub cing / kho mo byang chub sems dpa' len te/ 'jig rten rnams kyis kyang / kho bo ni byang chub sems dpa'i yum yin par shes so// la la zhig tu thu bar skye bar grurab na'ang / de dag tu'ang kho mos thu bar blangs te/ byang chub sems dpa' yum du gyur to// la la zhig tu sangs rgyas kyi zhing du de bzhin 'byung bar gyur na'ang / de dag tu'ang kho mo snying po byang chub kyi lha mor gnas gnas so/ / rigs kyi bu thabs kyi sgo ji snyed cig gis/ byang chub sems dpa' srid pa'i tha ma pa 'jig rten du 'byung ba yongs su ston pa de snyed kyi thabs kyi sgos/ kho mo byang chub sems dpa'i yum du gyur te/ rigs kyi bu kho mo 'jig rten gyi khams 'di na/ bcom ldan 'das rnam par snang mdzad kyi byang chub sems dpa'i skye ba'i rnam par 'phrul pa yongs su bstan pa dag tu yum du gyur pa de bzhin du/ bcom ldan 'das de bzhin gshegs pa log par dang sel dang / gser thub dang / bsod skyabs kyi yum du'ang
- 183a
gyur to/ / de bzhin du ma byon pa'i de bzhin gshegs pa bskal pa bzang po pa rnams kyi'ang yum du 'gyur te/ 'di ltar byang chub sems dpa' byams pa dga' ldan gyi gnas na bzhugs shing shi 'phos yongs su ston pa'i dus la bab pa dang / 'od zer byang chub sems dpa' thams cad skye bar 'byung zhing / mngal na bzhugs pa'i rnam par 'phrul pa yongs su ston pa'i 'od bkye nas/ chos kyi dbyings thams cad kyi tshul dang gzhi rab tu snang bar byas te/ chos kyi dbyings kyi tshul dang / gzhi ji snyed cig tu byang chub sems dpa' byams pas mi'i 'jig rten gyi mi'i dbang po'i rigs su cher skye ba yongs su bstan pas/ sems can gdul bar bya ba ji snyed cig yod pa de dag thams cad du'ang / kho mo byang chub sems dpa'i yum du 'gyur ro// byang chub sems dpa'i yum du ji ltar 'gyur ba de bzhin du/ byams pa'i 'og tu bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba seng ge dang / de ba du rab tu snang ba dang / dpal dang / spyan bzang po dang / me tog dang / me tog dpal dang / rgyas pa dang / rgyal dang / thugs bzang po dang / rdo rje dang / rdul dang bral ba dang / zla ba sgron ma 'dzin pa dang / grags pa dang / rdo rje dag pa dang / don gcig tu ston pa dang / mi dkar yan lag dang / pha rol phyin pa dang / rin po che 'od 'gro ba'i ri bo dang /
- 183b
sgron ma chen po 'dzin pa dang / pad+mo dam pa dang / spa rnam par grags pa dang / yon tan dpag tu med pa mnga' ba dang / mar me'i dpal dang / yan lag rnam par brgyan pa dang legs par bzhud pa dang / byams pa'i dpal dang / sprul pa bzang po dang / gnas dang bral ba dang / gzi brjid 'bar ba dang / gsung mtham yas pa dang / len pa med pa'i mu khyud dang / yid gnyis rnam par sel ba dang / yongs su dag pa dang / 'od shin tu yangs pa dang / grags pa dag pas byung ba dang / sprin gyi dpal dang / gtsug pud rnam par mdzes pa dang / shing gi rgyal po dang / rin po che'i dkyil 'khor rin po che thams cad kyis rnam par brgyan pa'i kha dog dang / blo gros rgya mtsho dang / rin po che bzang po dang / stobs la thub pa med pa dang / dgongs pa yongs su rdzogs pa dang / dbang phyug chen po dang / dbang po'i dpal dang / me'i dpal dang / mchog gi dpal dang / tsan dan gyi sprin dang mi dkar ring ba'i spyan dang / blo gros dam pa dang / blo gros rnam par bsgoms pa dang / sgrub pa'i rgyal po dang / sbyong ba'i rgyal po dang / rdo rje'i glo gros dang / rnam par brgyan pa dang / phun sum tshogs pa dang / ze ba dga' ba dang / dbang phyug lha dang / gtsug tor dpal dang / ye shes rdo rje'i ri bo dang / dpal gyi snying po dang / gser gyi dra bas sku rnam par
- 184a
brgyan pa dang / shin tu rnam par phye ba dang / dbang phyug lha dang / dbang chen lha dang / mi dmigs pa'i dpal dang / rnam par dag pas dgyes pa dang / 'od 'phro mngal ba dang / chu'i dpal dang / rnam dag blo gros dang / theg pa dam pa dang / ma nyams pa'i yon tan 'byung ba dang / dgra las dben pa dang / gsung sgrog pa dang / dbang du gyur pa'i yon tan gzi brjid dang / rnam par snang mdzad dpal dang / dri zhim po'i longs spyod dang / dri zhim po rnam par phye ba dang / yan lag rnam par phye ba dang / sa ga bzang pa dang / zhal nas spos thams cad 'od du 'phro ba dang / rdo rje rin po ches rnam par brgyan pa dang / rab tu bzhad pa'i spyan dang / 'dod chags rdul bcom dang / sku mchog tu 'khrungs pa dang / lha'i dmigs dang / rlabs chen lha dang / 'gog par gzhol ba dang / thugs rnam par sangs rgyas pa dang / rdul rnam par bsal ba dang / 'od 'phro mnga' chen dang / nye bar zhi ba mnga' ba dang / sa ga'i lha dang / rdo rje ri bo dang / ye shes 'od 'phro 'bar ba'i sku dang / bde ba mdzad pa dang / bskrun pa'i stag dang / dge ba yongs su rdzogs pa dang / grags pa yid du 'ong bas bzang ba dang / mthus rnam par gnon pa dang / don dam pa rnam par gnon pa dang / zhi ba'i 'od zer dang / gcig tu 'phags pa dang / dbyangs zab mo dang / sa'i bdag
- 184b
po dang / dpag tu med pa dang / dbyangs kyi dpal dang / rnam par grags pa dang / longs spyod 'thun pa dang / longs spyod tshogs pa dang / sman pa'i dam pa dang / yon tan zla ba dang / bzhad pa'i gzi brjid dang / yon tan bsags pa dang / zla ba 'phags dang / nyi ma'i lha dang / 'jigs par grags pa dang / 'od zer gyi zhal dang / stsa la'i dbang po'i zhun dang / grags pa dang / sman gyi rgyal po dang / rin chen mchog dang / blo gros rdo rje dang / dkar po'i dpal dang / gzhi shin tu sbyangs dang / rin chen rgyal po dang / grags pa chen po dang shugs drag 'dzin pa dang / mi dpogs 'od dang / 'od 'phro chen pos bzhugs pa dang / don yod pa'i chos la mnga' ba dang / brtson 'grus ma nyams pa dang / dag pa'i lha dang / 'od brtan pa dang / kun gyi bshes gnyen dang / rnam par grol pa'i dbyangs dang / rnam par bsgrags pa'i rgyal po dang / tshig gcod pa dang / tsam pa ka dri ma med pa'i 'od dang / kha na mi tho ba mi mnga' ba dang / zla ba rnam par 'phags pa dang / sngon ma 'dzin pa dang / sku rnam par mdzes pa dang / brjod du med par 'phags pa dang / 'gro ba'i bshes gnyen dang / 'od zer mang po dang / dbyangs kyi yan lag dpa' bo dang / chu l+la'i spyan dang / mos pa'i blo gros mnga' ba'i gzi brjid dang / me tog kun da'i dpal dang / mchod pa'i zla ba dang / blo mi dma' ba dang / chags
- 185a
pa mi mnga' ba dang / mi dmigs pa'i blo gros dang / phung po bsags pa dang / ngan song rab tu 'jom pa dang / me tog dam pa dang / seng ge rnam par sgrog pa dang / don mi mnga' ba dang / bsgribs pa med par gzigs pa dang / pha rol gyi tshogs 'jom pa dang / rlung gi mu khyud dang / snying po mi g.yo ba dang / snying po bzang po dang / gzhan gyis mi thub pa'i ri bo dang / mi gnas ye shes dang / mtha' yas bzhugs pa dang / g.yul brtan pa dang / spyod pas grub pa dang / bla ma sa bon pa dang / mchog tu dga' ba dang / rjes su 'dzin pa'i bla/ ba dang / spun mi g.yo ba dang / thugs drag po dang / thugs brtse ba'i tho gros dang / shin tu mtho 'dzin dang / 'od zer mu khyud dang / mtshan dpe med pa dang / gzi brjing ma nyams pa dang / thams cad kha dog dang / mtshan ma med pa'i shes rab dang / mi g.yo ba'i lha dang / bsam gyis mi khyam pa'i dpal dang / rnam par thar pa'i zla ba dang / bla na med pa'i rgyal po dang / zla ba'i phung po dang / mchod pa'i tshangs pa dang / spyan mi 'gyur ba dang / byams pa'i rigs dang / 'phrin las 'phags pa dang / gnyer ba'i chos kyi blo gros dang / bla na med pa'i dpal dang / tshangs pa'i lha dang / yon tan bsam gyis mi khyab pa'i 'od dang / bla na med pa'i chos kyi spyod yul dang / mtha' yas bzang po dang / tshul dang 'dra ba'i gsung dang / byang chub sems dpa' shin tu
- 185b
mtho ba'i lha dag ste/ rigs kyi bu de ltar stong gsum gyi stong chen po'i 'jig rten gyi khams 'di'i ma byon pa'i de bzhin gshegs pa byams pa la sogs te/ smos pa 'di dag la sogs pa bskal pa bzang po pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyi yum du'ang kho mo nyid 'gyur ro/ / 'jig rten gyi khams 'dir ji lta ba de bzhin du/ phyogs bcu'i 'jig rten gyi khams tshad med pa'i chos kyi dbyings kyi tshul mtha' dang dbus med pa la zhugs te/ 'ji ltar de bzhin gshegs pa byams pa'i yum du yon tan gyi khyad par brjod du med pas 'gyur ba de bzhin du/ yon tan gyi khyad par brjod du med pa'i yang brjod du med pas/ de bzhin gshegs pa seng ge nas/ de bzhin gshegs pa snang ba'i bar gyi yum du 'gyur ro// ji ltar de bzhin gshegs pa bskal pa bzang po pa rnams kyi yum du 'gyur ba de bzhin du/ 'jig rten gyi khams rgya mtsho gzhi dang snying po me tog gi rgyan gyis brgyan pa 'di thams cad kyi 'jig rten gyi khams kyi rgyud thams cad dang / 'jig rten gyi khams 'byam klas thams cad kyi 'jig rten gyi khams thams cad na/ 'dzam bu'i gling yod pa thams cad du phyi ma'i mtha'i mur thug pa'i bskal par/ byang chub sems dpa' kun tu bzang po'i spyad pa spyod cing / bskal pa thams cad du sems can thams cad yongs su smin par bya ba dang / gdul babyin gyis brlabs te/ ma byon pa'i
- 186a
de bzhin gshegs pa byang chub sems dpar gyur pa thams cad kyi yum du 'gyur ro/ / de skad ces smras pa dang / tshong dpon gyi bu nor bzangs kyis/ lha mo sgyu ma la 'di skad ces smras so/ / 'phags ma khyod kyis byang chub sems dpa'i rnam par thar pa smon lam chen po'i ye shes sgyu ma'i rnam pas rnam par brgyan pa 'di bsnyes nas ji srid cig pags/ smras pa/ rigs kyi bu sngon 'das pa'i dus bskal pa bsam gyis mi khyab pa sems kyi yul las 'das pa/ rigs dang ldan pa'i byang chub sems dpa'i mig gi lam gyis rnam par dmigs pa/ rnam par shes pas bgrang ba las yongs su 'das pa'i pha rol zhig tu bskal pa dge ba'i 'od ces bya ba zhig byung ste/ bskal pa dge ba'i 'od de la/ 'jig rten gyi khams 'i bo shin tu mtho ba'i dpal zhes bya ba rnam par dag la kun nas nyon mongs pa/ rin po che du ma las grub pa/ khor yug dang bcas pa/ ri rab dang rgya mtshor bcas pa/ 'gro ba lnga'i chung dang bcas pa/ sna tshogs bstan mdzes pa zhig byung ste/ 'jig rten gyi khams ri bo shin tu mtho ba'i dpal der gling bzhi pa bye ba brgya phrag bcu byung ste/ gling bzhi pa bye ba brgya phrag bcu po de dag gi dkyus na gling bzhi pa dbu ma seng ge rgyal mtshan dam pa'i gzi brjid ces bya ba zhig yod par gyur te/ gling bzhi pa der rgyal po'i gnas bye ba brgya phrag brgyad cu byung bar gyur to// rgyal po'i gnas bye ba brgya
- 186b
phrag brgyad cu po de dag gi dbus su/ rgyal po'i gnas dbu ma rgyal mtshan gyi dam pa dang ldan pa zhes bya ba byung ste/ der 'khor los sgyur ba'i rgyal po gzi brjid chen po'i mthu zhes bya ba byung ngo // rgyal po'i gnas rgyal mtshan gyi dam pa dang ldan pa der snying po byang chub yal ga sna tshogs kyi 'od ces bya ba zhig byung ste/ de ni snying po byang chub kyi lha mo mig gi dpal zhes bya ba 'dug 'dug go// snying po byang chub yal ga sna tshogs kyi 'od de la/ byang chub sems dpa' rgyal mtshan dri ma med pa zhes bya ba zhig thams cad mkhyen pa nyid kyi chos khong du chud par bya ba'i phyir 'dug pa las/ de'i thar cad mkhyen pa nyid kyi chos khong du chud par bya ba la bar chad bya ba'i phyir/ bdud kha dog bzang po'i 'od ces bya ba bdud kyi sde chen po'i 'khor dang ldan pa zhig lus mi snang bar ma byas par drung du phyin par gyur to/ / 'khor los sgyur ba gzi brjid chen po'i mthu de'ang / byang chub sems dpa'i dbang thob pa'i rdzu 'phrul chen po'i rnam par 'phrul pas byung ba zhig ste/ des bdud kyi sde de bas kyang 'phags la ches mang ba'i dpung gi tshogs chen po mngon par sprul te/ bdud kyi sde pham par bya ba'i phyir snying po byang chub de'i 'khor kun nas yongs su bskor ba dang / des bdud kyi sde chen po de'ang rnam par gtor bar gyur te/ bcom ldan 'das de bzhin gshegs pa rgyal mtshan dri ma med pa des kyang bla na med pa yang dag par rdzogs pa'i byang chub tu mngon par rdzogs par
- 187a
sangs rgyas so/ / de nas snying po byang chub kyi lha mo mig gi dpal gyis 'khor los sgyur ba gzi brjid chen po'i mthul bu'i 'du shes bskyed nas/ de bzhin gshegs pa de'i zhabs gnyis la phyag 'tshal nas smon lam btab pa/ / bcom ldan 'das bdag gang dang gang du skyes pa de dang der 'khor los sgyur ba gzi brjid chen po'i mthu 'di bdag gi bur gyur cig/ nam 'di bla na med pa yang dag par rdzogs pa'i byang chub tu mngon par 'tshang rgya bar 'gyur ba de'i tshe'ang bdag nyid de'i mar gyur cig ces nas/ des smom la ma de skad du btab ste/ snying po byang chub yal ga sna tshogs kyi 'od de nyid la gnas shing / bskal pa 'od bzang po de nyid la de bzhin gshegs pa khrag khrig phrag bcu bsnyen bkur to// rigs kyi bu de la ji snyam du sems/ de'i tshe de'i dus na snying po byang chub kyi lha mo mig gi dpal zhes bya bar gyur pa de gzhan zhig yin pa tsam du sems na ni/ rigs kyi bu khyod kyis de sngar mi blta ste/ kho mo ni de'i tshe de'i dus na snying po byang chub kyi lha mo mig gi dpal zhes bya bar gyur to/ / rigs kyi bu de la ji snyam du sems/ de'i tshe de'i dus na 'khor los sgyur ba gzi brjid chen po'i mthu zhes bya ba/ byang chub sems dpa'i dbang thob pa/ rdzu 'phrul chen po'i rnam par 'phrul pas byung ba/ bdud kyi sde chen po rnam par 'thor bar byed pa de gzhan zhig yin pa tsam du sems na ni de ltar mi blta ste/ bcom ldan 'das de bzhin gshegs pa
- 187b
dgra bcom pa yang dag par rdzogs pa'i sangs rgyas rnam par ldang mdzad 'di ni/ de'i tshe de'i dus na 'khor los sgyur ba'i rgyal po gzi brjid chen po'i mthu zhes bya bar gyur to// rigs kyi bu re ltar kho mo de nas nye bar bzung nas gang dang gang du skyes pa de dag thams cad du'ang 'di ni kho mo'i bur gyur te/ sangs rgyas kyi zhing thams cad du byang chub sems dpa'i spyad pa spyod cing / 'gro ba'i rgyud kyi sgo thams cad dang / skye gnas kyi sgo thams cad dang / dge ba'i rtsa ba'i sgo thams cad dang / byang chub sems dpa'i spyod pa'i rgyud kyi tshul thams cad dang / skyes pa'i rabs kyi tshul thams cad dang / lha'i dbang po'i tshe thams cad dang / 'jig rten gyi dbang po'i 'gro ba'i rgyud thams cad dang / dbang phyug gis thams cad dang / 'gro ba'i rgyud du snang ba thams cad gang dang gang du sems can yongs su smin par bya ba'i don du skyes par gyur pa de dag thams cad du'ang kho mo nyid 'di'i yum du gyur te/ srid pa'i tha ma thams cad du'ang kho mo nyid dang bral ba med par yum du gyur to// byang chub sems dpa'i skye ba'i sgo thams cad du skad cig skad cig cing / byang chub sems dpa'i skye ba'i rnam par 'phrul pa bstan par gyur de dag thams cad du'ang kho me nyid 'di'i yum du gyur to// 'das pa'i de bzhin gshegs pa mtha' dang dbus med pa tshad med pa dag gi yum du'ang kho mo gyur ro// phyogs bcu'i de bzhin gshegs pa da ltar byung ba mtha' dang dbus med pa tshad med pa dag gi yum
- 188a
du'ang kho mo gyur te/ de bzhin gshegs pa ji snyed cig gi srid pa tha ma la kho mo byang chub sems dpa'i yum du gyur pa'i de bzhin gshegs pa de dag thams cad kyi sku lde ba'i dkyil 'khor nas 'od zer mang po byung zhing / kho mo'i lus dang sems rab tu snang bar mdzad do// rigs kyi bu kho mos byang chub sems dpa'i rnam par thar pa smon lam chen po'i ye shes sgyu ma'i rnam pas rnam par brgyan pa 'di shes par zad na/ kho mos byang chub sems dpa'i snying rje chen po'i snying po dang ldan pa/ thams cad mkhyen pa nyid du yongs su smin par bya ba dang gdul ba'i mi ngoms pa'i lto can/ de bzhin gshegs pa thams cad kyi rnam par 'phrul pa/ ba spu'i rtse mo las 'byung bar ston pa la dbang sgyur ba de dag gi spyod pa shes pa 'am/ yon tan brjod par nus re skan/ song rigs kyi bu sum cu rtsa gsum gyi dbang po'i gnas de nyid na/ lha'i bu dran pa dang ldan pa'i bu mo lha dbang 'od ces bya ba 'dug go// de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ lha mo sgyu ma'i rkang pa gnyis la spyi bos phyag 'tshal te/ lan brgya stong du mar g.yas phyogs su bskor ba byas nas yang dang yang bltas te/ lha mo sgyu ma'i drung nas song ngo // / shin tu rgyas pa chen po'i mdo sangs rgyas
- 188b
phal po che zhes bya ba las sdong pos brgyan pa'i le'u ste/ bam po brgya bcu pa/ de nas tshong dpon gyi bu nor bzangs sum cu rtsa gsum gyi dbang po'i gnas gang na ba dang lha'i bu dran dang ldan pa'i bu mo lha dbang 'ong gang na pa der song ste phyin nas/ lha'i bu mo lha dbang 'od kyi rkang pa gnyis la spyi bos phyag 'tshal te/ lha'i bu mo lha dbang 'od la lan brgya stong du mar g.yas phyogs su bskor ba byas nas/ lha'i bu mo lha dbang 'od kyi mdun du 'dug ste/ thal mo sbyar nas 'di skad ces smras so// 'phags ma lha mo bdag gis tha na med pa yang dag par rdzogs pa'i byang chub tu sems bskyed na/ ji ltar byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal to// 'phags ma ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ 'phags ma lha mo ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bstan du gsol/ de skad ces smras pa dang / lha'i bu mo lha dbang 'od kyis/ tshong dpon gyi bu nor bzangs la 'di skad ces smras so// rigs kyi bu kho bo ni byang chub sems dpa'i rnam par thar pa dran pa thogs pa med la/ rnam par dag pas brgyan pa zhes bya ba thob ste/ rigs kyi bu kho mos mngon par dran pa bskal pa ut+pal
- 189a
zhes bya ba zhig byung ba la/ kho mos de bzhin gshegs pa chu klung gang+gA'i bye ma snyed cig bsnyen bkur te/ de dag mngon par ma byung ba'i tshe'ang yongs su bsrung ba byas so/ / mchod pa byas so// longs spyod pa'i don du bza' shing gi ra ba gsol to// sangs rgyas bcom ldan 'das de dag byang chub sems dpar gyur te/ yum gyi sku na bzhugs pa dang / bltam pa dang / gshegs stabs bdun du bzhud pa dang / seng ge'i nga ro chen po sgrogs pa dang / gzhon nu'i sa la bzhugs pa dang / btsun mo'i 'khor gyi nang na bzhugs pa'am/ mngon par byung ba'am/ byang chub tu mngon par rdzogs par 'tshang rgya ba'am/ chos kyi 'khor lo bskor ba 'am/ sangs rgyas kyi rnam par 'phrul pa thams cad yongs su ston pa mdzad pa'i tshe/ sems can yongs su smin pa dang / rnam par gdul bar mdzad pa de dag thams cad kyang thugs dang po bskyed pa nye bar bzung ba tshun chad/ dam pa'i chos mthar thug par zad kyi bar du kho mos shes so/ / dran no// rjes su dran no// bzung ngo // yongs su bzung ngo // nye bar bzung ngo // rjes su bzang bar byed do// bskal pas bzang po zhes bya ba zhig byung ba de la/ kho mos de bzhin gshegs pa chu klung kang+gA bcu'i bye ma snyed cig bsnyen bkur to// bskal pa grags pa bzang po zhes bya ba zhig byung ba de la/ kho mos de bzhin gshegs pa sangs rgyas kyi
- 189b
zhing gi rdul shin tu phra ba snyed cig bsnyen bkur to/ / bskal pa dmigs su med pa zhes bya ba zhig byung ba de la/ kho mos sangs rgyas bye ba khrag khrig brgya stong phrag brgyad cu rtsa bzhi bskyen bkur to/ / bskal pa 'od bzang po zhes bya ba zhig byung ba de la/ kho mos de bzhin gshegs pa 'dzam bu'i gling gi rdul shin tu phra ba snyed cig bsnyen bkur to// bskal pa 'od gzhal du med pa zhes bya ba zhig byung ba de la/ kho mos de bzhin gshegs pa chu klu nga gang+gA nyi shu'i bye ma snyed cig bsnyen bkur to// bskal pa dpal shin tu 'bar ba zhes bya ba zhig byung ba de la/ kho mos de bzhin gshegs pa chu klung gang+gA'i bye ma snyed cig bsnyen bkur to/ / bskal pa snying rje bzang po zhes bya ba zhig byung ba de la/ kho mos de bzhin gshegs pa chu klung gang+gA brgyad cu'i bye ma snyed cig bsnyen bkur to/ / bskal pa rgyal bar gyur pa zhes bya ba zhig byung ba de la/ kho mos de bzhin gshegs pa chu klung gang+gA drug cu'i bye ma snyed cig bsnyen bkur to// bskal pa zla ba bzang po zhes bya ba zhig byung ba de la/ kho mos de bzhin gshegs pa chu klung gang+gA bdun cu'i bye ma snyed cig bsnyen bkur te// rigs kyi bu de ltar tshul bzhin du kho mos rtag tu rgyud ma chad par/ de bzhin gshegs pa dgra bcom pa yang dag par rdzogs pa'i sangs rgyas dang bral bar ma gyur pa ni/ bskal pa chu klung gang+gA'i bye ma snyed cig dran te/ kho mos de bzhin gshegs pa de dag thams cad las/ byang chub
- 190a
sems dpa'i rnam par thar pa dran pa thogs pa med la rnam par dag pas brgyan pa 'di thos so/ / thos nas kyang yongs su bzung ngo // ji skad du gsungs pa bzhin du/ khong du chud do// rnam par thar pa 'di nyid la kho mos rtag tu rgyun ma chad par rjes su zhugs par gnas gnas te/ de bzhin gshegs pa de dag gi byang chub sems dpa'i sa nye bar bzung ba nas/ dam pa'i chos gnas pa zad pa'i mthar thug gi bar gyi sangs rgyas kyi rnam par 'phrul pa ji snyed pa de dag thams cad kyang / byang chub sems dpa'i rnam par thar pa dran thogs pa med la rnam par dag pas brgyan pa 'dis dran no/ / rjes su dran no// bzung ngo // yongs su bzung ngo // nye bar bzung ngo // rjes su 'brang bar byed do// rigs kyi bu kho mos byang chub sems dpa'i rnam par thar pa 'di shes par zad na/ kho mos byang chub sems dpa' mun pa'i mun nag dang bral ba/ 'khor ba'i nam nangs pa/ sgrib pa dang bral ba/ gnyid med pa la mos shing dga' ba/ snyom pa dang le lo rnam par spangs pa/ lus kyi 'du bye shin tu byang ba/ rtag par chos thams cad kyi rang bzhin khong du chud pas shin tu dag pa/ stobs bcu rnam par dag pa khong du chud pa de dag gi spyod pa shes pa'am/ yon tan brjod par nus re skan/ song rigs kyi bu grong khyer chen po ser skya'i gnas na/ byis pa'i slob dpon kun gyi bshes gnyen zhes bya ba 'dug gis/ de'i gan du
- 190b
song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs dga' rangs te/ mgu zhing nyams bde la tshim zhing yid bde ba skyes nas/ dge ba'i rtsa ba bsam gyis mi khyab pa'i shugs drag po rnam 'phel bas/ lha'i bu mo lha dbang 'od kyi rkang pa gnyis la spyi bopos phyag 'tshal te/ lha'i bu mo lha dbang 'od la lan brgya stong du mar g.yas phyogs su bskor ba byas nas yang dang yang bltas te/ lha'i bu mo lha dbang 'od kyi drung nas song so// de nas tshong dpon gyi bu nor bzangs sum cu rtsa gsum gyi dbang po'i gnas nas babs te/ mthar gyis grong khyer chen po ser skya'i gnas su byis pa'i slob dpon kun gyi bshes gnyen gang na ba der song ste phyin nas/ byis pa'i slob dpon kun gyi bshes gnyen gyi rkang pa gnyis la spyi bos phyag 'tshal te/ byis pa'i slob dpon kun gyi bshes gnyen la lan brgya stong du mar g.yas phyogs su bskor ba byas nas/ byis pa'i slob dpon kun gyi bshes gnyen gyi mdun du 'dug ste/ thal mo sbyar nas 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi bam
- 191a
'tshal te/ 'phags pa ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bka' stsal tu gsol/ de skad ces smras pa dang // byis pa'i slob dpon kun gyi bshes gnyen gyis/ tshong dpon gyi bu nor bzangs la 'di skad ces smras so// rigs kyi bu tshong dpon gyi bu bzo mngon par shes pa zhes bya ba 'di ni/ byang chub sems dpa' las yi ge'i shes pa slob slob pa yin gyis/ 'di'i gan du song ste dris dang / 'di ni khyod la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba ston par 'gyur ro zhes nas/ tshong dpon gyi bu nor bzangs/ tshong dpon gyi bu bzo mngon par shes pa gang na ba der song ste/ tshong dpon gyi bu bzo mngon par shes pa'i rkang pa gnyis la spyi bos phyag 'tshal nas/ tshong dpon gyi bu bzo mngon par shes pa'i mdun du 'dug ste/ thal mo sbyar nas 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/
- 191b
'phags pa ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bka' stsal du gsol// des smras pa// rigs kyi bu kho bo ni byang chub sems dpa'i rnam par thar pa bzo mngon par shes pa dang ldan pa thob pa ste/ rigs kyi bu de ltar kho bo yi ge'i ma mo slob pa'i tshe/ yi ge a brjod pa dang / byang chub sems dpa'i mthus shes rab kyi pha rol tu phyin pa'i sgo yul tha mi dad pa zhes bya ba khong du chud do/ / ra zhes bya ba brjod pa dang / shes rab kyi pha rol tu phyin pa'i sgo gzhi'i bye brag mtha' yas pa zhes bya ba khong du chud do// pa zhes bya ba brjod pa dang / shes rab kyi pha rol tu phyin pa'i sgo rmos kyi dbyings kyi gzhi yang dag par 'dres pa zhes bya ba khong du chud do// tsa zhes bya ba brjod pa dang / shes rab kyi pha rol tu phyin pa'i sgo 'khor lo rnam par phye ba kun nas gcod pa zhes bya ba khong du chud do/ / na zhes bya ba brjod pa dang / shes rab kyi pha rol tu phyin pa'i sgo gnas pa med pa sa gzhi thug pa med pa zhes bya ba khong du chud do/ / la zhes bya ba brjod pa dang / shes rab kyi pha rol tu phyin pa'i sgo ming dang bral te gnas med pas dri ma med pa zhes bya ba khong du chud do// nga zhes bya ba brjod pa dang / shes
- 192a
rab kyi pha rol tu phyin pa'i sgo sbyor ba phyir ldog pa zhes bya ba khod chud do/ / ba zhes bya ba brjod pa dang / shes rab kyi pha rol tu phyin pa'i sgo rdo rje'i dkyil 'khor ces bya ba khong du chud do/ / Da zhes bya ba brjod pa dang / shes rab kyi pha rol tu phyin pa'i sgo kun tu 'khor lo zhes bya ba khong du chud do// 'a zhes bya ba brjod pa dang / shes rab kyi pha rol tu byin pa'i sgo rgya mtsho'i snying po zhes bya ba khong du chud do/ / ba zhes bya ba brjod pa dang / shes rab kyi pha rol tu phyin pa'i sgo kun nas rnam par 'phel bar rnam par sgrub pa zhes bya ba khong du chud do// ta zhes bya ba brjod pa dang / shes rab kyi pha rol tu phyin pa'i sgo skar ma'i dkyil 'khor ces bya ba khong du chud do// ya zhes bya ba brjod pa dang / shes rab kyi pha rol tu phyin pa'i sgo phung po tha mi dad pa zhes bya ba khong du chud do/ / Sh+Tha zhes bya ba brjod pa dang / shes rab kyi pha rol tu phyin pa'i sgo gdung ba kun nas zhi bar byed pa'i 'od ces bya ba khong du chud do// ka zhes bya ba brjod pa dang / shes rab kyi pha rol tu phyin pa'i sgo sprin tha mi dad pa zhes bya ba khong du chud do// sa zhes bya ba brjod pa dang / shes rab kyi pha rol tu phyin pa'i sgo char mngon par 'bab pas khyab pa zhes bya ba khong du chud do/ / ma zhes bya ba brjod pa dang / shes rab kyi pha rol tu phyin pa'i sgo shugs chen pos brgyan pa'i rtse mo zhes bya ba khong du chud do// ga zhes bya ba brjod pa dang / shes rab
- 192b
kyi pha rol tu phyin pa'i sgo kun nas rnam par bsgrub pa zhes bya ba khong du chud do/ / tha zhes bya ba brjod pa dang / shes rab kyi pha rol tu phyin pa'i sgo de bzhin nyid tha mi dad pa'i snying po zhes bya ba khong du chud do/ / dza zhes bya ba brjod pa dang / shes rab kyi pha rol tu phyin pa'i sgo 'gro ba'i 'khor ba rnam par dag pa la 'jug pa zhes bya ba khong du chud ngo // swa zhes bya ba brjod pa dang / shes rab kyi pha rol tu phyin pa'i sgo sangs rgyas thams cad dran pas brgyan pa zhes bya ba khong du chud do/ / d+ha zhes bya ba brjod pa dang / shes rab kyi pha rol tu phyin pa'i sgo chos kyi dkyil 'khor rnam par dpyod pa rnam par 'byed pa zhes bya ba khong du chud do/ / sha zhes bya ba brjod pa dang / shes rab kyi pha rol tu phyin pa'i sgo sangs rgyas thams cad kyi gdams ngag gi 'khor lo snang ba zhes bya ba khong du chud do/ / kha zhes bya ba brjod pa dang / shes rab kyi pha rol tu phyin pa'i sgo mngon par 'du bya ba'i rgyud dang / sa'i ye shes snying po zhes bya ba khong du chud do// k+Sha zhes bya ba brjod pa dang / shes rab kyi pha rol tu phyin pa'i sgo las zhi ba rgya mtsho'i mdzod rnam par 'byed pa zhes bya ba khong du chud do// g+ha zhes bya ba brjod pa dang / shes rab kyi pha rol tu phyin pa'i sgo nyon mongs pa thams cad rnam par 'thor bas rnam par dag pa'i snying po zhes bya ba khong du chud ngo / / nya zhes bya brjod pa dang / shes rab kyi pha rol tu phyin pa'i sgo 'jig rten 'byung ba rnam
- 193a
par dmigs pa zhes bya ba khong du chud / / pha zhes bya ba brjod pa dang / shes rab kyi pha rol tu phyin pa'i sgo 'khor lo'i ye shes dkyil 'khor ces bya ba khong du chud do/ / tha zhes bya ba brjod pa dang / shes rab kyi pha rol tu phyin pa'i sgo gnas kyi dkyil 'khor thams cad rnam par dmigs par brgyar pa zhes bya ba khong du chud ngo // tsha zhes bya ba brjod pa dang / shes rab kyi pha rol tu phyin pa'i sgo bsag pa dam pa'i thabs kyi spyod pa'i gdugs kyi dkyil 'khor tha dad pa zhes bya ba khong du chud do// spu zhes bya ba brjod pa dang // shes rab kyi pha rol tu phyin pa'i sgo sangs rgyas thams cad blta ba'i phyogs la mngon du gyur pa zhes bya ba khong du chud do/ / hA zhes bya ba brjod pa dang / shes rab kyi pha rol tu phyin pa'i sgo sems can thams cad kyi mdog la rnam par lta ba'i stobs shin tu skyes pa rgya mtsho'i snying po zhes bya ba khong du chud do/ / yas zhes bya ba brjod pa dang / shes rab kyi pha rol tu phyin pa'i sgo yon tan rgya mtsho thams cad nan tan rtogs par 'jug pa zhes bya ba khong du chud do/ / b+ha zhes bya ba brjod pa dang / shes rab kyi pha rol tu phyin pa'i sgo chos thams cad kyi sprin yongs su 'dzin pa'i rgya mtsho brtan pa zhes bya ba khong du chud do/ / Ta zhes bya ba brjod pa dang / shes rab kyi pha rol tu phyin pa'i sgo sangs rgyas thams cad kyi smon lam gyi phyogs su mngon par 'gro ba
- 193b
zhes bya ba khong du chud / / Na zhes bya ba brjod pa dang / shes rab kyi pha rol tu phyin pa'i sgo yi ge 'khor lo mi zad pa'i mtha' rnam par 'byed pa zhes bya ba khong du chud do// swa zhes bya ba brjod pa dang / shes rab kyi pha rol tu phyin pa'i sgo sems can thams cad yongs su smin par bya ba'i mthar phyin pa'i dkyil 'khor ces bya ba khong du chud do// skra zhes bya ba brjod pa dang / shes rab kyi pha rol tu phyin pa'i sgo sa'i snying po tha dad pa yang dag par shes pa thogs pa med pa'i snang bas 'khor lo rgyas par 'gengs pa zhes bya ba khong du chud do// y+Ya zhes bya ba brjod pa dang / shes rab kyi pha rol tu phyin pa'i sgo sangs rgyas thams cad kyi chos shin tu bstan pa'i yul zhes bya ba khong du chud do// sh+tsa zhes bya ba brjod pa dang / shes rab kyi pha rol tu phyin pa'i sgo sems can gyi nam mkha' las chos kyi sprin gyi 'brug sgra byung bas rgyas par 'gengs pa zhes bya ba khong du chud do/ / tha zhes bya ba brjod pa dang / shes rab kyi pha rol tu phyin pa'i sgo sems can gyi don bdag med pa'i dgos pa mthar phyin par zin pa'i sgron ma zhes bya ba khong du chud do/ / d+ha zhes bya ba brjod pa dang / shes rab kyi pha rol tu phyin pa'i sgo chos kyi 'khor lo tha mi dad pa'i snying po zhes bya ba khong du chud / / rigs kyi bu kho bo da ltar yi ge'i ma mo slob pa'i tshe/ shes rab kyi pha rol tu phyin pa'i sgo de dag la sogs pa/ shes rab kyi pha rol tu phyin pa'i sgo tshad med grangs
- 194a
med pa zhes khong du chud do/ / rigs kyi bu de ltar kho bo ni byang chub sems dpa'i rnam par thar pa bzo mngon par shes pa dang ldan pa 'di thob pa ste/ rigs kyi bu kho bos de dag shes par zad na/ kho bos byang chub sems dpa' 'jig rten dang 'jig rten las 'das pa'i bzo gnas thams cad kyi pha rol tu phyin pa'i mchog thob pa/ bzo'i gnas thams cad la 'jug pa dang / yi ge dang / grangs dang / rtsis dang / shod thabs thams cad khong du chud par bya ba dang / sngags dang sman thams cad kyi tshul la mkhas pa rab tu thob par bya ba dang / 'byung po dang / gza' dang / skar ma dang / brjed byed dang / byang stems dang / ro langs kyi gnod pa thams cad gso ba dang / sems can gyi khams gso bar bya ba'i ldan dang thabs kyi rgyu dang / khams kyi thabs yongs su bsdu ba'i cho ga dang / gser dang / nor bu dang / mu tig dang / bai DUR+Ya dang / dung dang / ma ma shel dang / byA ru dang / mu tig dmar po dang / mu sa ra gal ba dang / ke sa ra dang / dpal gyi snying po dang / rin po che thams cad 'byung zhing skye ba dang / rigs dang / 'byung khung / rin thang gi rgyus shes par bya ba dang / bza' shing gi ra ba dang / dka' thub kyi nags tshul dang / grong dang / grong khyer dang / ljongs dang / khams dang / rgyal po'i gnas mngon par
- 194b
bsgrub pa dang / ri dgas dang / 'khor lo dang / mtshan ma blta ba dang / sems can gyi mtshan gyi ltas dang / sa g.yo ba dang / phyogs tshig pa dang / skar mnga' ltung ba dang / dge mi dge dang / mu ge dang / lo legs pa la sogs pa 'jig rten gyi thabs lag thams cad kyi rgyus khong du chud par bya ba dang / 'jig rten las 'das pa'i chos rnam par phye ba thams cad brjod cing bstan pa dang / khong du chud par bya ba dang / yang dag pa nyid rjes su rig par bya ba'i rgyus la sgrib pa'am/ the tshom mam/ yid gnyis sam/ nem nur ram/ tsham tshom mam/ mgo rmongs pa 'am/ 'khor ba 'am/ mi bde ba 'am/ sgyid lug pa 'am/ mi shes pa 'am/ khong du ma chud pa med pa de dag gi spyod pa shes pa 'am/ yon tan brjod par nus re sman/ song rigs kyi bu yul ma ga 'di nyid kyi ljongs dag pa zhes bya ba'i grong khyer 'tsho ba zhes bya ba na/ dge bsnyen ma bzang mo'i mchog ces bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ tshong dpon gyi bu bzo mngon par shes pa'i rkang pa gnyis la spyi bos phyag 'tshal te/ tshong dpon gyi bu bzo mngon par shes pa la lan brgya stong du mar g.yas phyogs su
- 195a
bskor ba byas nas yang dang yang bltas te/ tshong dpon gyi bu bzo mngon par shes pa'i drung nas song ngo // de nas tshong dpon gyi bu nor bzangs ljongs dag pa'i grong khyer 'tsho ba gang na pa dang / dge bsnyen ma bzang mo'i mchog gang na ba der song ste phyin nas/ dge bsnyen ma bzang mo'i mchog gi rkang pa gnyis la spyi bos phyag 'tshal nas/ dge bsnyen ma bzang mo'i mchog la lan brgya stong du mar g.yas phyogs su bskor ba byas te/ dge bsnyen ma bzang mo'i mchog gi mdun du 'dug nas/ thal mo sbyar te 'di skad ces smras so/ / 'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags mas bdag la bstan du gsol/ des smras pa/ rigs kyi bu kho mo ni chos kyi rnam grangs gnas med pa'i dkyil 'khor ces bya ba shes shing ston pa ste/ kho mos thogs pa med pa zhes bya ba'i ting nge 'dzin kyang thob bo// ting nge 'dzin de ni chos gang
- 195b
la'ang thogs pa med de/ de la gnas na thams cad mkhyen pa nyid du mig thogs pa med pa 'jug go// thams cad mkhyen pa nyid du rna ba thogs pa med pa dang / thams cad mkhyen pa nyid du sna thogs pa med pa dang / thams cad mkhyen pa nyid du lce thogs pa med pa dang / thams cad mkhyen pa nyid du lus thogs pa med pa dang / thams cad mkhyen pa nyid du yid thogs pa med pa'ang rab tu 'jug go/ / thams cad mkhyen pa nyid kyi rlabs thogs pa med pa dang / thams cad mkhyen pa nyid du snang ba thogs pa med pa dang / thams cad mkhyen pa nyid du shugs thogs pa med pa 'gro bar rab tu snang ba'i dkyil 'khor dag kyang rab tu 'jug go/ rigs kyi bu kho mo ni chos kyi rnam grangs gnas med pa'i dkyil 'khor 'di shes shing khong du chud par zad na/ kho mos byang chub sems dpa'i spyod pa chags pa med pa ril gyis shes par nus re skan/ song rigs kyi bu lho phyogs kyi rgyud na tho khyer rgyas pa'i 'gram zhes bya ba yod de/ de na gser 'tshong gces pa gtong ba zhes bya ba 'dug gis/ / de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ dge bsnyen ma bzang mo'i mchog gi rkang pa gnyis la spyi bos phyag 'tshal te/ dge bsnyen ma bzang mo'i mchog la lan brgya stong du mar g.yas phyogs su bskor ba
- 196a
byas nas yang dang yang bltas te/ dge bsnyen ma bzang mo'i mchog gi drung nas song ngo // / de nas tshong dpon gyi bu nor bzangs mthar gyis sgo phyogs kyis rgyud du song ste/ grong khyer rgyas pa'i 'gram du gser 'tshong gces pa gtong ba gang na ba de phyin te/ gser 'tshong gces pa gtong ba'i rkang pa gnyis la spyi bos phyag 'tshal te/ mdun du 'dug nas thal mo sbyar te 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang / rjes su bstan pa mdzad do// zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bka' stsal du gsol/ des smras pa/ rigs kyi bu kho bos ni byang chub sems dpa'i rnam par thar pa dran pa thogs pa med la rnam par dag pas rnam par brgyan pa zhes bya ba shes te/ kho bo ni phyogs bcu'i de bzhin gshegs pa rnams kyi zhabs kyi drung du chos yongs su tshol ba rgyun mi gcod pa'o/ / rigs kyi bu kho mos byang chub sems dpa'i rnam par thar pa dran pa thogs pa med pa
- 196b
rnam par dag pas rnam par brgyan pa 'di shes par zad na/ kho bos byang chub sems dpa' bag tsha ba med par seng ge'i nga ro sgrog pa bsod nams dang ye shes chen po la gnas pa de ngag gi spyod pa shes pa 'am/ yon tan brjod par nus re skan/ song rigs kyi bu rgyas pa'i 'gram gyi grong khyer 'di nyid na khyim bdag zla ba bzang po zhes bya ba/ rtag tu khyim sdang bar gyur pa dang ldan pa zhig 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzangs kyis/ gser 'tshong gces pa gtong gi rkang pa gnyis la spyi bos phyag 'tshal te/ gser 'tshong gces pa gtong ba la lan brgya stong du mar g.yas phyogs su bskor ba byas nas yang dang yang bltas te/ gser 'tshong gces pa gtong ba'i drung nas song ngo // de nas tsheng dpon gyi bu nor bzangs khyim bdag rdza ba bzang po gang na ba der song ste/ khyim bdag zla ba bzang po'i rkang pa gnyis la spyi bos phyag 'tshal nas/ mdun du 'dug ste thal mo sbyar nas 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang /
- 197a
ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bstan du gsol// smras pa rigs kyi bu kho bos ni rnam par thar pa ye shes dri ma med pa'i 'od ces bya ba thob ste/ rigs kyi bu kho bos byang chub sems dpa'i rnam par thar pa ye shes dri ma med pa'i 'od 'di shes par zad na// kho bos byang chub sems dpa' rnam par thar pa tshad med pa thob pa rnams kyi spyod pa shes pa'am/ yon tan brjod par nus re skan/ song rigs kyi bu lho phyogs kyi rgyud 'di nyid na grong khyer ni dgas gnas zhes bya ba yod de/ de na khyim bdag mi 'pham sde zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang ji ltar nan tan du bya ba dris shig/ de nas tshong dpon gyi bu nor bzangs kyis/ khyim bdag zla ba bzang po'i rkang pa gnyis la spyi bos phyag 'tshal te/ khyim bdag zla ba bzang po la lan brgya stong du mar g.yas phyogs su bskor ba byas nas yang dang yang bltas te/ khyim bdag zla ba bzang po'i drung nas song ngo // de nas tshong dpon gyi bu nor bzangs mthar
- 197b
gyis zong khyer ri dgas kyi gnas gang na ba der song ste/ khyim bdag mi 'pham ste gang na ba der byin nas/ khyim bdag mi 'pham sde'i rkang pa gnyis la spyi bos phyag 'tshal te/ mdun du 'dug nas thal mo sbyar te 'di skad ces smras so/ / 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bka' stsal du gsol// smras pa/ rigs kyi bu kho bos ni byang chub sems dpa'i rnam par thar pa mi zad pa'i mtshan nyid ces bya ba thob ste/ de thob pas ni sangs rgyas mi zad pa mthong ba'i gter rab tu thob par 'gyur ro// song rigs kyi bu lho phyogs kyi rgyud 'di nyid kyi chos kyi yul gru na/ bram ze zhi 'dzin mchog ces bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bsla par bya ba dang / ji ltar nan tan du byas pa dris shig/ de nas tshong dpon gyi bu nor bzangs kyis/ khyim bdag mi 'pham sde'i rkang pa gnyis la spyi bos phyag 'tshal te/ khyim
- 198a
bdag mi 'pham sde la lan brgya stong du mar g.yas phyogs su bskor ba byas nas yang dang yang bzlas te/ khyim bdag mi 'pham sde'i drung nas song ngo // nas tshong dpon gyi bu nor bzangs mthar gyis chos kyi yul grur song nas/ bram ze zhi 'dzin mchog gang na ba der phyin te/ bram ze zhi 'dzin mchog gi rkang pa gnyis la spyi bos phyag 'tshal te/ mdun/ dudu 'dug nas thal mo sbyar te 'di skad ces smras so// 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal na/ 'phags pa ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bka' stsal du gsol/ des smras pa/ rigs kyi bu kho bo ni bden pa'i byin gyi rlabs kyi spyod pa ste/ bden pa'i tshig gang gis dus gsum du byang chub sems dpa' gang yang bla na med pa yang dag par rdzogs pa'i byang chub las phyir ma log mi ldog ldog par mi 'gyur zhe na/ bden pa'i tshig gi byin gyi rlabs des/ bdag gi dgos pa 'di dang 'di zhig grub par shog cig ces byas na'ang / des
- 198b
kho bo'i bsam pa thams cad de bzhin du 'grub bo/ / rigs kyi bu kho bo ni bden pa'i byin gyi rlabs de lta bus dgos pa thams cad grub ste/ rigs kyi bu kho bos bden pa'i byin gyi rlabs 'di shes par zad na/ kho bos byang chub sems dpa' bden pa'i rjes su 'brang ba'i chog rab tu thob pa rnams kyi spyod pa shes pa 'am/ yon tan brjod par nus re wAn/ song rigs kyi bu lho phyogs kyi rgyud 'di nyid na grong khyer yid bzang po'i sgo zhes bya ba yod de/ de na khye'u dpal 'byung ba zhes bya ba dang / bu mo dpal gyi blo gros ma zhes bya ba gnyis shig 'khod kyis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzang kyis chos kyi rim gro cher bskyed de/ bram ze zhi 'dzin mchog gi rkang pa gnyis la spyi bos phyag 'tshal nas/ bram ze zhi 'dzin mchog la lan brgya stong du mar g.yas phyogs su bskor ba byas tete yang dang yang bltas na/ bram ze zhi 'dzin mchog gi drung nas song ngo // de nas tshong dpon gyi bu nor bzangs mthar gyis grong khyer yid bzang po'i sgor song ste/ khye'u dbal 'byung ba dang / bu mo dpal gyi blo gros ma gang na ba der son nas/ de gnyis kyi rkang pa la spyi bos phyag 'tshal te/ mdun du 'dug nas thal mo sbyar te 'di skad ces smras so// 'phags pa
- 199a
bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa dag ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pa dag gis bdag la bka' stsal du gsol/ de nas khye'u dpal 'byung ba dang / bu mo dpal gyi blo gros mas/ tshong dpon gyi bu nor bzangs la 'di skad ces smras so// rigs kyi bu bdag cag gnyis kyis ni byang chub sems dpa'i rnam par thar pa sgyu ma'i rnam pa zhes bya ba thob ste/ mngon du byas so// rigs kyi bu de ltar kho bo cag rnam par thar pa 'di dang ldan pas/ 'ji rten thams cad sgyu ma'i rnam pa rgyu rkyen sgyu ma las byung bar mthong ngo / / las dang nyon mongs pa sgyu mar shes pas sems can thams cad kyang lha ma'i rnam par shes so// ma rig pa dang / srid pa dang / sred pa'i rgyu las byung bas 'gro ba thams cad kyang sgyu ma'i rnam par mthong ngo / / phan tshun gyi rkyen gyi rgyu las byung bas chos thams cad kyang sgyu ma'i rnam par mthong ngo // phyin ci log gi rgyu las byung
- 199b
bas khams gsum thams cad kyang sgyu ma'i rnam par mthong ngo / / yang dag pa ma yin pa'i rtog pa'i rgyus bskyed pas/ sems can thams cad kyi shi 'pho dang / 'byung ba dang / skye ba dang / rga shi dang / smre sngags 'don pa dang / sdug bsngal ba dang / 'khrug pa rnams kyang sgyu ma'i rnam par mthong ngo // 'du shes dang / sems dang / lta ba phyin ci log gi rgyu las dngos po med pa'i 'du shes kyis rmongs te byung bas/ zhing thams cad kyang sgyu ma'i rnam par mthong ngo // ye shes kyi spong ba'i rgyu las brtags te bskyed pas/ nyan thos dang rang sangs rgyas thams cad kyang sgyu ma'i rnam par mthong ngo // sgyu mar mngon par bsgrubs pa las grub ste/ sprul pa'i spyod pa dang / 'dul ba sgyu ma'i rang bzhin pas/ byang chub sems dpa'i spyod pa dang / smon lam gyis yongs su smin par bya ba dang / gdul ba gcig nas gcig tu brgyud pa'ang sgyu ma'i rnam pa lta bur shes so/ / smon lam dang ye shes sgyu mas mngon par bsgrubs te/ yul bsam gyis mi khyab pa sgyu ma'i rang bzhin yin pas/ sangs rgyas dang byang chub sems dpa' thams cad kyi dkyil 'khor yang sgyu mar mthong ngo / / rigs kyi bu bdag cag gnyis kyis ni byang chub sems dpa'i rnam par thar pa sgyu ma'i rang bzhin 'di shes par zad na/ kho bo
- 200a
gis byang chub sems dpa' las sgyu ma mtha' yas pas rnam par bsgrubs pa'i dra ba khong du chud pa rnams kyi spyod pa shes pa 'am/ yon tan brjod par nus re skan/ de nas khye'u dpal 'byung ba dang / bu mo dpal gyi blo gros mas/ tshong dpon gyi bu nor bzangs dge ba'i rtsa ba'i shugs drag po bsam gyis mi khyab pas mngon par brlan nas/ rang gi rnam par thar pa'i yul bstan te 'di skad ces smras so// song rigs kyi bu lho phyogs kyi rgyud 'di nyid kyi phyogs kyi sgo'i gnas rgya mtsho'i 'gram zhes bya ba de na/ bza' shing gi ra ba rgya chen po zhes bya ba yod de/ de'i nang na khang pa brtsegs pa chen po rnam par snang mdzad kyi rgyan gyis brgyan pa'i snying po zhes bya ba/ byang chub sems dpa'i dge ba'i rtsa ba rnam par smin pa las mngon par grub pa/ byang chub sems dpa'i sems dang yid la bya ba las byung ba/ byang chub sems dpa'i smon lam las mngon par skyes pa/ byang chub sems dpa'i dbang las byung ba/ byang chub sems dpa'i mngon par shes pa'i ye shes kyi stobs kyis sprul pa/ byang chub sems dpa'i thabs mkhas pa las byung ba byang chub sems dpa'i bsod nams dang ye shes kyi stobs kyis rdzogs pa/ byang chub sems dpa'i snying rje chen pos sems can rnam par gdul ba'i don du bstan pa/ byang chub
- 200b
sems dpa'i byin gyi rlabs rnam par phye bas bsgrubs pa/ byang chub sems dpa'i rnam par thar pa bsam gyis mi khyab pa'i gnas la 'jug pa'i rgyan gyis brgyan pa yod de/ de na byang chub sems dpa' sems dpa' chen po byams pa zhes bya ba skye ba'i sa la gnas pa'i mi rnams rjes su gzung ba dang / pha dang / ma dang / gnyen du gyur pa rnams yongs su smin par bya ba dang / der skyes pa'i byang chub sems dpa' skal ba mnyam pa rnams kyi theg pa chen po rab tu brtan par bya ba dang / de ma yin pa'i sems can gzhan rnams kyang gar 'os pa'i sar dge ba'i rtsa bas yod su smin par bya ba dang / rang gi rnam par thar pa'i tshul la 'jug par bya ba yongs su bstan pa dang / byang chub sems dpa'i skye ba la dbang sgyur ba thams cad kyi rjes su song ba rab tu brjod pa dang / sems can thams cad kyi skye ba yongs su bstan pa la mngon par gzhol bar bya bas/ sems can yongs su smin par bya ba mi gtang ba dang / 'gro ba thams cad yongs su gzung ba mi smad pas/ byang chub sems dpa'i snying rje chen po'i stobs bstan par bya ba dang / byang chub sems dpa'i gnas gzhi rten thams cad las gyen du 'phags pa khong du chud par bya ba dang / gnas med pa la gzhol bar srid par skye ba thams cad gnas pa yongs su bstan pa'i don du 'dug gis/ de'i gan du song la ji ltar byang chub sems dpas byang chub sems dpa'i spyod pa yongs su dri ba dang / ji ltar byang chub
- 201a
sems dpa'i lam yongs su dag par bya ba dang / ji ltar byang chub sems dpas byang chub sems dpa'i bslab pa la nan tan du bya ba dang / ji ltar byang chub sems dpas byang chub kyi sems yongs su sbyang bar bya ba dang / ji ltar byang chub sems dpas byang chub sems dpa'i smon lam mngon par bsgrub par bya ba dang / ji ltar byang chub sems dpas byang chub sems dpa'i tshogs yongasu bsags par bya ba dang / ji ltar byang chub sems dpas byang chub sems dpa'i sa yongs su gnon par bya ba dang / ji ltar byang chub sems dpas byang rlab sems dpa'i pha rdol tu phyin pa yongs su rdzogs par bya ba dang / ji ltar byang chub sems dpas byang chub sems dpa'i bzod pa la 'jug par bya ba dang / ji ltar byang chub sems dpas byang rlab sems dpa'i nan tan gyi yon tan la gnas par bya ba dang / ji ltar byang chub sems dpas dge ba'i bshes gnyen bsnyen bkur bar bya ba dris shig/ de ci'i phyir zhe na/ rigs kyi bu byang chub sems dpa' byams pa zhes bya ba de ni/ byang chub sems dpa'i spyod pa thams cad la zhugs pa'o// de ni sems can thams cad kyi sems dang / bsam pa rtogs par khong du chud pa'o// de ni sems can thams cad kyi spyod pa'i rjes su zhugs pa'o/ / de ni sems can thams cad yongs su smin par bya ba dang / gdul ba la mngon du gyur pa'o// des ni pha rol tu phyin pa thams cad
- 201b
yongs su rdzogs par byas pa'o/ / de ni byang chub sems dpa'i sa thams cad la rab tu gnas pa'o// des ni byang chub sems dpa'i bzod pa thams cad rab tu thob pa'o// ngan byang chub sems dpa'i skyon med par zhugs pa'o/ / des ni lung bstan pa thams cad yang dag par blangs pa'o// de ni byang chub sems dpa'i rnam par thar pa thams cad la rnam par rtse ba'o/ / des ni sangs rgyas kyi byin gyi rlabs thams cad yongs su blangs pa'o// de ni de bzhin gshegs pa thams cad kyis thams cad mkhyen pa'i ye shes kyi yul la dbang bskur bas mngon par dbang bskur ba'o/ / rigs kyi bu dge ba'i bshes gnyen de khyod la dge ba'i rtsa ba thams cad kyis ni mngon par brlan par byed do// byang chub tu sems bskyed pa ni rnam par 'phel bar byed do/ / lhag pa'i bsam pa'i dbyings ni rab tu brtan par byed do// dge ba'i rtsa ba thams cad ni shin tu byang bar byed do// byang chub sems dpa'i dbang po'i shugs ni yang dag par 'phel bar byed do/ / chos kyi phyogs bsgribs pa med pa ni yongs su ston par byed do// gzhi kun tu zug pa'i sa khong du chud par bya ba ni rtogs par byed do// byang chub sems dpa' thams cad kyi smon lam gyi sar 'byung ba'i sgo la ni gzhog par byed do/ / byang chub sems dpa' thams cad kyi spyod pa dang / smon lam gyi yon tan yongs su 'grub pa ni yang
- 202a
dag par rjod par 'gyur ro/ / byang chub sems dpa' kun tu bzang po'i spyod pa thos par bya ba skye ba'i sgo ni yongs su ston par 'gyur gyis/ rigs kyi bu khyod dge ba'i rtsa ba gcig la chags par ma byed cig/ chos kyi sgo'i 'od snang ba gcig la gzhol bar ma byed cig/ spyod pa gcig yongs su rdzogs pas chog par ma sems shig/ ljon lam gcig pus mngon par bsgrub pa lhur ma len cig/ lung bstan pa gcig gi mthar thug pas rgyun gcad par ma byed cig/ bzod pa gsum la 'jug pas chog par bya ba'i 'du shes su ma byed cig/ pha rol tu phyin pa drug yongs su rdzogs par bya ba rgyud ma gcod cig/ sa bcu thob pas mthar thug par ma byed cig/ sangs rgyas kyi zhing tshad yod pa yongs su gzung ba dang / yong su dag par bya ba ma smon cig/ dge ba'i bshes gnyen tshad yod pa dga' bar bya ba dang / bsnyen bkur bas ngoms par ma byed cig/ de ci'i phyir zhe na/ rigs kyi bu byang chub sems dpas ni dge ba'i rtsa ba tshad med pa yongs su bsdu bar bya dgos so/ / byang chub sems dpa'i tshogs tshad med pa shin tu bsgrub dgos so// byang chub sems dpa'i sems kyi rgyu tshad med pa yongs su bsags dgos so/ / yongs su bsngo ba'i tshul tshad med pa bslab par bya dgos so// sems can gyi khams tshad med pa yongs su smin par bya dgos so// sems can gyi
- 202b
bsam pa'i khams tshad med pa la 'jug par bya dgos so/ / sems can gyi dbang po tshad med pa yongs su shes par bya dgos so// sems can gyi mos pa tshad med pa'i rjes su 'brang bar bya dgos so/ / sems can gyi spyod pa tshad med pa khong du chud par bya dgos so// sems can tshad med pa gdul bar bya dgos so// nyon mongs pa dang bag la nyal ba tshad med pa yang dag par gzhom dgos so/ / las kyi sgrib pa tshad med pa yongs su sbyang dgos so// lta ba'i rnam pa tshad med pa rnam par bzlog dgos so// sems can gyi kun nas nyon mongs pa tshad med pa bsal bar dgos so/ / sems rnam par dag pa tshad med pa bskyed par bya dgos so// sdug bsngal gyi zug rngu tshad med pa yang dag par dbyung dgos so// sred pa'i rgya mtsho tshad med papa yongs su bskam par bya dgos so/ / ma rig pa'i mun pa tshad med pa rnam par bsal dgos so// nga rgyal gyi ri tshad med pa rab tu snyil dgos so// 'khor ba'i bcings pa tshad pa shin tu gtu dgos so/ / srid pa'i chu bo tshad med pa brgal dgos so// tshe'i rgya mtsho tshad med pa bskam dgos so// sems can 'dod pa'i 'dam du thogs pa tshad med pa yongs su dgrol dgos so// sems can khams gsum gyi khyim du thogs pa tshad med pa gdon par bya dgos so// sems can tshad med pa 'phags pa'i lam la dgod dgos so// 'dod chags dang / zhe sdang dang /
- 203a
gti mug gi spyod pa tshad med pa rab tu zhi bar bya dgos so// bdud kyi zhags pa tshad med pa las yang dag par 'das par bya dgos so// bdud kyi las tshad med pa rnam par bzlog dgos so/ / byang chub sems dpa'i lhag pa'i bsam pa'i khams tshad med pa yongs su sbyang dgos so// byang chub sems dpa'i sbyor ba tshad med par rnam par 'phel bar bya dgos so/ / byang chub sems dpa'i dbang po tshad med pa yongs su bskyed dgos so// byang chub sems dpa'i mos pa tshad med pa yongs su sbyang dgos so// byang chub sems dpa'i mnyam pa nyid tshad med pa la 'jug par bya dgos so/ / byang chub sems dpa'i spyod pa'i khyad par tshad med pa'i rjes su 'brang bar bya dgos so// byang chub sems dpa'i yon tan tshad med pa yong su dag par bya dgos so/ / byang chub sems dpa'i bya ba'i spyod pa tshad med pa yongs su rdzogs par bya dgos so// 'jig rten gyi spyod pa tshad med pa'i rjes su 'brang bar bya dgos so// 'jig rten gyi rjes su 'brang ba tshad med pa yongs su bstan dgos so// dad pa'i stobs tshad med pa yongs su bskyed dgos so// brtson 'grus kyi stobs tshad med pa nye bar brtan dgos so// dran pa'i stobs tshad med pa yongs su dag par bya dgos so// ting nge 'dzin gyi stobs tshad med pa yongs su rdzogs par bya dgos so// shes rab kyi stobs tshad med pa bskyed par bya dgos so//
- 203b
mos pa'i stobs tshad med pa brtan par bya dgos so// bsod nams kyi stobs tshad med pa yang dag par bsgrub dgos so// ye shes kyi stobs tshad med pa rnam par spe la dgos so// byang chub sems dpa'i stobs tshad med pa yang dag par bsgrub dgos so/ / sangs rgyas kyi stobs tshad med pa yongs su rdzogs par bya dgos so// chos kyi sgo tshad med pa rab tu dbye dgos so// chos kyi phyogs tshad med pa la 'jug par bya dgos so/ / chos kyi sgo tshad med pa yongs su sbyang dgos so// chos kyi snang ba tshad med pa yang dag par bskyed dgos so// chos kyi gsal ba tshad med pa rab tu bya dgos so/ / dbang po'i rgyud tshad med pa snang bar bya dgos so// nyon mongs pa'i nad tshad med pa yongs su shes par bya dgos so// chos kyi sman tshad med pa yang dag par bsdu dgos so// nyon mongs pa'i nad kyis btab pa'i sems can gyi khams tshad med pa gso dgos so/ / bdud rtsi'i tshogs tshad med pa yang bar bsdu bar bya dgos so// sangs rgyas kyi zhing tshad med pa 'da' bar bya dgos so/ / de bzhin gshegs pa tshad med pa mchod dgos so// byang chub sems dpa'i 'khor gyi dkyil 'khor tshad med par 'jug par bya dgos so// de bzhin gshegs pa'i bstan pa tshad med pa yongs su gzung dgos so/ / sems can gyi gnod pa byed pa bzod par bya dgos so// mi khom pa dang ngan song gi lam tshad med pa yongs su gcang dgos so// sems can gyi bde ba tshad med pa
- 204a
nye bar bsgrub dgos so/ / sems can bsdub tshad med pa bya dgos so// gzungs kyi sgo tshad med pa yongs su sbyang dgos so// sngon lam gyi sgo tshad med pa mngon par bsgrub dgos so/ / byams pa chen po dang snying rje chen po'i stobs tshad med pa yongs su bsgom dgos so// chos yongs su btsal ba la brtson par bya ba tshad med pa rgyun mi gcad par bya/ dgos so// nges par rtogs pa'i stobs tshad med pa'i rjes su 'jug dgos so// mngon par shes pa mngon du bsgrub pa tshad med bskyed dgos so// rig pa dang ye shes kyi snang ba tshad med pa rnam par dag par bya dgos so/ / sems can gyi rgyud tshad med pa'i rjes su 'gro bar bya dgos so// srid par skye ba tshad med pa yongs su gzung dgos so// lus rnam par phye ba tshad med pa yongs su bstan dgos so/ / skad rnam par phye ba tshad med pa yongs su shes par bya dgos so// sems can gyi sems rnam pa tha dad pa tshad med pa khong du chud par bya dgos so// byang chub sems dpa'i spyod yul rgya chen po'i rjes su 'jug par bya dgos so/ / byang chub sems dpa'i gnas shin tu yangs par rjes su spyad dgos so// byang chub sems dpa'i rnam par spyod pa zab mo la rnam par blta dgos so/ / byang chub sems dpa'i yul rtogs par dka' ba khong du chud par bya dgos so// byang chub sems dpa'i lam bgrod par dka' ba bgrod par bya dgos so// byang chub
- 204b
sems dpa'i shugs bsgrub par dka' ba yongs su gzung dgos so/ / byang chub sems dpa'i skyon med par 'jug par dka' ba la 'jug par bya dgos so// byang chub sems dpa'i spyod pa sna tshogs khong du chud par bya dgos so/ / byang chub sems dpa'i rnam par 'phrul pa thams cad du khyab pa kun tu bstan dgos so// byang chub sems dpa'i chos kyi sprin yongs su gzung dgos so/ / byang chub sems dpa'i spyod pa'i dra ba mtha' dang dbus med pa rab tu rgyas par bya dgos so// byang chub sems dpas pha rol tu phyin pa thams cad yongs su rdzogs par bya dgos so// byang chub sems dpas lung bstan pa tshad med pa yang dag par mnod dgos so// byang chub sems dpas bzod pa'i sgo dpag tu med pa la 'jug par bya dgos so// byang chub sems dpas sa grangs med pa yongs su sbyang dgos so/ / byang chub sems dpas chos kyi sgo dpag tu med pa yongs su dag par bya dgos so// byang chub sems dpas sangs rgyas kyi zhing brjod du med pa yongs su sbyang dgos so/ / byang chub sems dpas bskal pa mtha' yas par go cha bgo dgos so// byang chub sems dpas de bzhin gshegs pa dpag tu med pa mchod par bya dgos so// byang chub sems dpas smon lam mngon par bsgrub pa bsam gyis mi khyab pa mngon par bsgrub dgos so/ / rigs kyi bu mdor na sems can thams cad yongs su smin par byed pas/ byang chub sems
- 205a
dpa' rnams kyi spyod pa ni/ sems can thams cad dang mnyam par bstan to// bskal pa thams cad du gnas pas/ bskal pa thams cad dang mnyam par bstan to/ / thams cad du skye ba yongs su bstan pas/ skye ba thams cad dang mnyam par bstan to// dus gsum gyi ye shes khong du chud par bya ba'i phyir dus thams cad dang mnyam par bstan to// chos thams cad la nan tan du byed pas/ chos thams cad dang mnyam par bstan to// zhing thams cad yongs su dag par byed pas/ zhing thams cad dang mnyam par bstan to// smon lam thams cad yongs su rdzogs par byed pas/ smon lam thams cad dang mnyam par bstan to// sangs rgyas thams cad mchod pa mngon par bsgrub pas/ sangs rgyas thams cad dang mnyam par bstan to/ / byang chub sems dpa' thams cad kyi smon lam dang gcig tu 'gyur ba'i phyir/ byang chub sems dpa' thams cad dang mnyam par bstan to// dge ba'i bshes gnyen thams cad la bsnyen bkur byed pa'i phyir/ byang chub sems dpa' rnams kyi spyod pa ni/ dge ba'i bshes gnyen thams cad dang mnyam par bstan to// rigs kyi bu de bas na khyod kyis dge ba'i bshes gnyen yongs su btsal ba la skyo bar mi bya'o/ / dge ba'i bshes gnyen mthong bas ngoms pa bskyed par mi bya'o// dge ba'i bshes gnyen la yongs su dri bas chos shes par mi bya'o// dge ba'i
- 205b
bshes gnyen dang 'grogs pa las bsam pa phyir ldog par mi bya'o/ / dge ba'i bshes gnyen la phu dud dang rim gro sbyor ba rgyud gcad par mi bya'o// dge ba'i bshes gnyen gyi gdams dag dang rjes su bstan pa log par gzung bar mi bya'o/ / dge ba'i bshes gnyen gyi yon tan thob par 'gyur ba la the tsom mi bskyed do// dge ba'i bshes gnyen gyis 'byung ba'i sgo bstan pa la yid gnyis su mi bya'o/ / dge ba'i bshes gnyen gyi thabs kyi bsam pa dang 'jig rten gyi rjes su 'brang bar bya ba'i rgyud la zhe sdang bskyed par mi bya'o// dge ba'i bshes gnyen la mos pa rnam par bskyed pas lus dang sems rnam par ldog par mi bya'o/ / de ci'i phyir zhe na/ rigs kyi bu byang chub sems dpa' rnams kyi byang chub sems dpa'i spyod pa thams cad thos pa ni dge ba'i bshe gnyen la rag las pa'o/ / byang chub sems dpa'i yon tan yongs su rdzogs par bya ba thams cad ni dge ba'i gshes gnyen las byung ba'o// byang chub sems dpa'i smon lam gyi rgyun thams cad ni dge ba'i bshes gnyen las byung ba'o/ / byang chub sems dpa'i dge ba'i rtsa ba thams cad ni dge ba'i bshes gnyen gyis bskyed pa'o// byang chub sems dpa'i tshogs thams cad ni dge ba'i bshes gnyen gyis bsgrub pa'o/ / byang chub sems dpa'i chos kyi sgo snang ba thams cad ni dge ba'i bshes gnyen las byung ba'o// byang chub sems dpa'i 'byung ba'i sgo rnam par dag
- 206a
pa thams cad ni dge ba'i bshes gnyen las thung ba'o/ / byang chub sems dpa'i bslab pa la nan tan du bya ba thams cad ni dge ba'i bshes gnyen sa ragal sa pa'o/ / byang chub sems dpa'i yon tan gyi chos thams cad ni dge ba'i bshes gnyen la gnas pa'o// byang chub sems dpa'i lhag pa'i bsam pa yongs su dag pa thams cad la ni dge ba bshes gnyen rtsa bar gyur pa'o/ / byang chub sems dpa'i sems bskyed pa brtan pa thams cad ni dge ba'i bshes gnyen las skyes pa'o// byang chub sems dpa'i gzung dang / spobs pa'i sgo snang ba thams cad du khrid pa ni dge ba'i bshes gnyen no/ / byang chub sems dpa'i rnam par dag pa'i sgo'i mdzod thams cad ni dge ba'i bshes gnyen gyis yongs su gzung ba'o// byang chub sems dpa'i ye shes snang ba thams cad ni dge ba'i bshes gnyen gyis yang dag par bskyed pa'o/ / byang chub sems dpa'i smon lam khyad par can thams cad ni dge ba'i bshes gnyen gyi lag na 'dug pa'o/ / byang chub sems dpa'i smon lam gyi tshul rgyud gcig tu gyur pa thams cad ni dge ba'i bshes gnyen la rten pa'o// byang chub sems dpa'i yang dag par bsgrub pa khyad par can mnyan pa thams cad ni dge ba'i bshes gnyen gyi rgyud las byung ba'o/ / byang chub sems dpa'i gsang ba'i gnas thams cad ni dge ba'i bshes gnyen gyi mdzod na 'dug pa'o// byang chub
- 206b
sems dpa'i chos thams cad ni dge ba'i gnyen gyi 'byung gnas nas byung ba'o/ / byang chub sems dpa' dbang po'i shugs kyi myu gu thams cad ni dge ba'i bshes gnyen gyis rnam par spel ba'o/ / byang chub sems dpa'i ye shes rgya mtsho thams cad ni dge ba'i bshes gnyen gyis yang dag par spel ba'o// byang chub sems dpa'i gter gyi mdzod thams cad ni dge ba'i bshes gnyen gyis yongs su bskyabs pa'o/ / byang chub sems dpa'i bsod rnams bsags pa thams cad ni dge ba'i bshes gnyen gyis bsrungs pa'o// byang chub sems dpa'i tshe rnam par dag pa thams cad ni dge ba'i bshes gnyen gyis bskyed pa'o/ / byang chub sems dpa'i chos mnyan pa'i sprin thams cad ni dge ba'i bshes gnyen gyi kha nas byung ba'o// byang chub sems dpa'i 'byung ba'i lam la 'jug pa thams cad ni dge ba'i bshes gnyen gyi khong na yod pa'o/ / sangs rgyas thams cad kyi byang chub ni dge ba'i bshes gnyen la rim gror byas pas thob pa'o// byang rlub sems dpa'i spyod pa thams cad ni dge ba'i bshes gnyen gyis yongs su bzung ba'o/ / byang chub sems dpa'i yon tan brjod pa thams cad ni dge ba'i bshes gnyen gyis bstan pa'o/ / byang chub sems dpa'i chos kyi phyogs kyi rjes su 'brang ba thams cad ni dge ba'i bshes gnyen gyis yongs su bstan pa'o// byang chub sems dpa'i sems dang lhag pa'i bsam
- 207a
pa'i bdag nyid che ba ni dge ba'i bshes gnyen gyis yang dag par brjod pa'o/ / byang chub sems dpa' rnams kyi byams pa chen po'i stobs ni dge ba'i bshes gnyen las byung ba'o/ / byang chub sems dpa' rnams kyi snying rje chen po'i stobs ni dge ba'i bshes gnyen gyis bskyed pa'o// byang chub sems dpa'i dbang thams cad ni dge ba'i bshes gnyen gyis yongs su bzung ba'o/ / byang chub sems dpa' rnams kyi yan lag thams cad ni dge ba'i bshes gnyen gyis bskyed pa'o// byang chub sems dpa'i phan pa nye bar bsgrub pa thams cad ni dge ba'i bshes gnyen las byung ba'o/ / rigs kyi bu dge ba'i bshes gnyen gyis yang dag par zin pa'i byang chub sems dpa' rnams ni ngan song du mi ltung ngo // dge ba'i bshes gnyen gyis yongs su bzung ba'i byang chub sems dpa' rnams ni thegs pa chen po las mi ldog go/ / dge ba'i bshes gnyen gyis yongs su bsams pa'i byang chub sems dpa' rnams ni byang chub sems dpa'i bslab pa dang 'gal bar mi byed do/ / dge ba'i bshes gnyen gyis shin tu bsrungs pa'i byang chub sems dpa' rnams ni sdig pa'i grogs po'i lag tu mi 'dong ngo // dge ba'i bshes gnyen gyis yongs su bsnyungs pa'i byang chub sem dpa' rnams ni byang chub sems dpa'i chos las nyams par mi 'gyur ro/ / dge ba'i bshes gnyen gyis yang dag par zin pa'i byang chub sems dpa' rnams ni so so skye bo'i sa las yongs su 'da'a'o//
- 207b
dge ba'i bshes gnyen gyis yongasu bsrungs pa'i byang chub sems dpa' rnams ni nyan thos dang rang sangs rgyas kyi skyon med par mi 'jug go// dge ba'i bshes gnyen gyis bskyangs pa'i byang chub sems dpa'i rnams ni 'jig rten las mngon par 'phags pa yin no/ / dge ba'i bshes gnyen gyis yang dag par bskyed pa'i byang chub sems dpa' rnams ni 'jig rten gyi chos kyis mi gos pa yin no/ / dge ba'i bshes gnyen bsnyen bkur ba'i byang chub sems dpa' rnams ni spyod pa thams cad la mi 'khrul par spyod pa yin no// dge ba'i bshes gnyen gyis bsgrubs pa'i byang chub sems dpa' rnams ni brtsam pa thams cad las phyir mi ldog go/ / dge ba'i bshes ga nyen gyis yongs su bzung ba'i byang chub sems dpa' rnams ni las dang nyon mongs pas thub par dka' ba yin no/ / dge ba'i bshes gnyen gyi stobs kyis brtan pa'i byang chub sems dpa' rnams ni bdud thams cad kyis mi thub pa yin no// dge ba'i bshes gnyen gyi rten la gnas pa'i byang chub sems dpa' rnams ni byang chub kyi yan lag thams cad kyis rnam par 'phel lo/ / de ci'i phyir zhe na/ rigs kyi bu dge ba'i bshes gnyen ni sgrib par 'gyur ba'i chos thams cad las rnam par sbyang ba'o/ / dge ba'i bshes gnyen ni sdig to las rnam par bzlog pa'o// dge ba'i bshes gnyen ni mi bya ba rnams khong du chud par byed do// bag med pa'i gnas las yang dag par brjon
- 208a
pa'o/ / ma rig pa'i mun pa rnam par sel ba'o// lta ba'i 'ching ba 'thub pa'o// 'khor ba'i grong khyer nas 'don pa'o// 'jig rten gyi gnas 'dor bar byed pa'o// bdud kyi zhags pa las thar par byed pa'o// sdug bsngal gyi zug rngu 'byin pa'o// mi shes pa thibs po las thar par byed pa'o// lta ba'i mya ngan las yongs su zlo ba'o// srid pa'i chu bo las sgrol ba'o/ / 'dod pa'i 'dam nas 'byin pa'o// lam mi bde ba nas rnam par zlog pa'o// byang chub sems dpa'i lam yang dag par ston pa'o// byang chub sems dpa'i yi dam la gzhog pa'o// / nan tan la rab tu 'god pa'o// thams cad mkhyen pa nyid du 'gro ba'i phyogs rab tu ston pa'o// shes rab kyi mig rnam par sbyong ba'o// byang chub sems rnam par 'phel bar byed pa'o// snying rje chen po yang dag par skyed pa'o/ / spyod pa yongs su ston pa'o// pha rol tu phyin pa'i gdams ngag rab tu ston pa'o// sa la rab tu 'god pa'o// bzod pa rnam par 'byed pa'o// dge ba'i rtsa ba thams cad yongs su 'grub par byed pa'o/ / tshogs thams cad skyed par byed pa'o// byang chub sems dpa' yon tan thams cad stobs pa'o// sangs rgyas thams cad kyi zhabs kyi drung du phyin par byed pa'o/ / yon tan thams cad yongs su ston pa'o// don thams cad yang dag par len du 'jug pa'o// nan tan la gzengs bstod pa'o// 'byung ba'i sgo ston pa'o// lam 'gol ba las
- 208b
yongs su srung ba'o/ / chos snang ba'i sgo snang bar byed pa'o// chos kyi sgo mngon par thun par byed pa'o// chos thos par bya ba'i sprin gyi char rab tu 'bebs pa'o// nyon mongs pa thams cad zhi bar byed pa'o/ / lta ba'i rnam pa thams cad las zlog pa'o// sangs rgyas kyi chos thams cad la gnas par byed pa'o// 'di ltar yang rigs kyi bu dge ba'i bshes gnyen ni sangs rgyas kyi rigs su skyed pasam smra bu'o/ / dge ba'i bshes gnyen ni phan pargyan chen po sgrub pas pa lta bu'o// dge ba'i bshes gnyen ni sdig pa thams cad las srung bsam ma wAzhwa'o/ / dam de'i bshes gnyen ni byang chub sems dpa'i bslab pa khong du chud par byed pas slob dpon napa'o// dge ba'i bshes gnyen ni pha rol tu phyin pa'i lam du 'dzud pas la wAzla'o/ / dge ba'i bshes gnyen ni 'jigs pa'i nad las thar bar byed pas ldan pa lta/ zhwa'o// dge ba'i bshes gnyen ni ye shes kyi ldan rnam par 'phel bar byed pa'i gdus ky-i'i lnga ba'o// dge ba'i ba shes sanyen ni 'jams pa thams cad las srung bas dpa' bo bu'o/ / dge ba'i bshes gnyen ni 'khor ba'i chu bo chen po las sgrol bas mnyan pa la bu'o// dge ba'i bshes rten thams cad mkhyen pa'i ye shes rin po che'i gling du phyin par byed pas skya ba 'dzin pas bu'o/ / rigs kyi bu ska bsan/ de ltar yi la bya brgya mtsha pas/ khyod kyis
- 209a
ba'i bshes gnyen bsnyen par gyis shig/ khur thams cad bkur bas yongs su mi skyo ba'i phyir sa lta bu'i sems dang / mi phyed pa'i phyir rdo rje lta bu'i sems dang / sdug bsngal thams cad kyis mi bskul ba'i phyir khor yug lta bu'i sems dang / ci dga' bar bka' nyan pas bran lta bu'i sems dang / ngag thams cad mi gcog pas slob ma lta bu'i sems dang / las thams cad nyams su blang ba la mi smad pas/ 'jig rten gyi bran lta bu'i sems dang / nyon mongs pa thams cad kyis mi spyo ba'i phyir ma ma lta bu'i sems dang / bya'o cog la mthun par gzung bas g.yog lta bu'i sems dang / nga rgyal dang mtho ba'i nga rgyal spang bas phyag bdar pa lta bu'i sems dang / dus dang dus ma yin par mtho dman du 'gyur bas zla ba nya lta bu'i sems dang / mi bsrun pa thams cad rnam par spang bas rta cang shes lta bu'i sems dang / khur lci ba bkur bas theg pa lta bu'i sems dang / dul ba dang cang shes kyi bsam pas glang po lta bu'i sems dang / mi bskul mi bskyod pas ri lta bu'i sems dang / mi khro bas khyi lta bu'i sems dang / nga rgyal dang dus med pas gdol bu lta bu'i sems dang / dregs pa thams cad med pas khyu mchog rwa bcad pa lta bu'i sems dang / rlom sems med pas mtshan bu lta bu'i sems dang / 'gro zhing 'ong bas mi skyo bas gru lta bu'i sems dang / dge ba'i bshes gnyen gyi ngag gi
- 209b
mthar phyin par byed pas zam pa lta bu'i sems dang / dge ba'i bshes gnyen gyi ngor lhubs bu mdzangs pa lta bu'i sems dang / chos kyi rgyal po'i bka' las mi 'gal bar bya bas rgyal po gzhon nu lta bu'i sems kyis dge ba'i bshes gnyen la bsnyen par bya'o/ / rigs kyi bu khyod kyis bdag la nad par 'du shes bskyed do// dge ba'i bshes gnyen la ni sman pa'i 'du shes dang / gdams ngag la ni sman gyi 'du shes dang / nan tan nyams su blang ba la ni nad 'tsho ba'i 'du shes bskyed par bya'o// rigs kyi bu khyod kyis bdag la ni 'gron po'i 'du shes bskyed pa'o/ / dge ba'i bshes gnyen la ni lam mtshon pa'i 'du shes dang / gdams ngag la ni lam gyi 'du shes dang / nan tan la ni phyogs bde bar 'gro ba'i 'du shes bskyed par bya'o// rigs kyi bu khyod kyis bdag la ni pha rol tu 'gro ba'i 'du shes bskyed par bya'o/ / dge ba'i bshes gnyen la ni mnyan pa'i 'du shes dang / rjes su bstan pa la ni mu stegs kyi 'du shes dang / nan tan la ni gru'i 'du shes bskyed par bya'o/ / rigs kyi bu khyod kyis bdag la ni zhing pa'i 'du shes bskyed par bya'o// dge ba'i bshes gnyen la ni klu'i dbang po'i 'du shes dang / gdams ngag la ni char pa 'du shes dang / nan tan la ni lo tog 'grub pa'i 'du shes bskyed par bya'o// rigs kyi bu khyod kyis bdag la ni dbul po'i 'du shes bskyed par bya'o// dge ba'i bshes gnyen la ni ngal
- 210a
bso pa'i 'du shes dang / gdams ngag lan nor dang dod kyi 'du shes dang / nan tan la ni dayul ba sem pa'i 'du shes bskyed par bya'o// rigs kyi su khyon kyis bdag la na thob ma'i 'du shes bskyed par bya'o/ / dge ba'i bshes gnyen la ni thob dpon ci 'du shes dang / gdams dgras na bzo'i 'du shes dang / nan tan la ni bgro bong du chu pa'i 'du shes bskyed par bya'o/ / rigs kyi bu khyod kyis bdag la ni 'jigs pa'i 'du shes bskyed par bya'o// dge ba'i bshes gnyen la ni dpa' bo'i 'du shes dang / gdams ngag la ni mtshon cha'i 'du shes dang / nan tan la ni dgra sel ba'i 'du shes bskyed par bya'o// rigs kyi bu khyod kyis bdag la ni tshong pa'i 'du shes bskyed par bya'o// dge ba'i bshes gnyen la ni skye ba 'dzin pa'i 'du shes dang / gdams ngag la ni rin po che'i 'du shes dang / nan tan la ni rin po che sdug pa'i 'du shes bskyed par bya'o// rigs kyi bu khyod kyis bdag la ni bu dam pa'i 'du shes bskyed par bya'o/ / dge ba'i bshes gnyen la ni pha ma'i 'du shes dang / rjes su bstan pa la ni rigs kyi tshul gyi 'du shes dang / nan tan la ni tshul ma nyams pa'i 'du shes bskyed par bya'o/ / rigs kyi bu khyod kyis bdag la ni rgyal po gzhon nu'i 'du shes bskyed par bya'o// dge ba'i bshes gnyen la ni chos kyi rgyal po dang / blon po dam pa'i 'du shes dang / gdams
- 210b
dgas ni rgyal po la khrims kyi 'du shes dang / nan tan la ni ye shes kyi rgyal po 'acod pan dang / rgyan dang / chos kyi thabs mgol bcing ba dang / chos kyi rgyal po'i grong rjer rnam par lta ba'i 'du shes bskyed par bya'o/ / rigs kyi bu khyod kyis de lta bu'i 'du shes yid la bya ba yongs su bsgoms te/ dge ba'i bshes gnyen rnams la nye bar bsnyen bgyis shigade ci'i phyir zhe na/ rigs kyi bu de ltar dge ba'i bshes gnyen la lhag pa'i bsam pa yongs su dag pa'i byang chub sems dpa' rnams ni/ dge ba'i bshes gnyen gyi ngag thams cad nyams su len pa'i tshe/ gangs kyi ro la rten pa'i rtswa dang / gel ba dang / sman dang / nags tshal lta bu dge ba'i rtsa ba thams cad kyis rnam par 'phel lo// rgya mtsho chen po rlu'i snod du gyur pa ltar chos thams cad kyi snod du 'gyur ro// gangs chen mtsho chen po rin po che mang po'i 'byung gnas su gyur pa ltar yon tan thams cad kyi 'byung gnas su 'gyur ro/ / me'i drod kyis gser yongs su 'byung ba ltar byang chub kyi sems yongs su byang bar 'gyur ro// rgya mtsho chen po las 'phags pa'i ri rab ltar 'jig rten las mngon par 'phags par 'gyur ro/ / pad+mo la chus mi chags pa ltar 'jig rten gyi chos kyis mi gos par 'gyur ro// rgya mtsho chen po ro rul pa dang mi 'grogs pa ltar spyod pa ngan pa thams cad dang mi 'grogs so// yud du yar
- 211a
gyi zla ba ltar chos dkar pos rnam par 'phel bar 'gyur ro/ / 'dzam bu'i gling snang bar byed pa'i nyi ma skar chos kyi dbyings su snang bar 'gyur ro// pha ma dang 'grogs pa'i bu ltar byang chub sems dpa'i smon lam gyi lus thams cad yang dag par skyed par 'gyur ro/ / de ltar mdor na rigs kyi bu dge ba'i bshes gnyen gyi gdams ngag la zhugs pa'i byang chub sems dpa' rnams ni yon tan bye ba khrag khrig brgya stong brjod du med pa phrag bcu ni rab tu 'dzin par 'gyur ro/ / de'i lhag pa'i bsam pa bye ba khrag khrig brgya stong phrag bcu ni rab tu 'phel bar 'gyur ro// byin gyi rlabs bye ba khrag khrig brgya stong phrag bcu ni rnam par sbyong bar 'gyur ro/ / sgrib pa'i chos bye ba khrag khrig brgya stong phrag bcu ni yongs su sbyong bar 'gyur ro// sgrib pa'i chos grangs med pa brgya stong phrag bcu ni yongs su dag par 'gyur ro/ / bdud grangs med pa brgya stong phrag bcu las ni yang dag par 'das par 'gyur ro// chos kyi sgo grangs med pa brgya stong phrag bcu la ni rab tu 'jug par 'gyur ro// tshogs rnam par dag pa'i zho grangs med pa bye ba khrag khrig brgya stong phrag bcu ni yongs su rdzogs par 'gyur ro// ston pa grangs med pa brgya stong phrag bcu ni kun nas dag par 'gyur ro// sngon lam chen po grangs med pa brgya stong phrag bcu ni mngon par grub par 'gyur ro/ / rigs kyi bu de ltar mdor na byang chub sems dpa'i spyod pa thams cad dang / byang chub sems dpa' pha rol
- 211b
tu phyin pa thams cad dang / byang chub sems dpa'i sa thams cad dang / byang chub sems dpa'i bzod pa la 'jug pa thams cad dang / byang chub sems dpa'i ting nge 'dzin gyi sgo thams rud dang / byang chub sems dpa'i mngon par shes pa'i ye shes kyis rnam par 'phrul pa thams cad dang / byang chub sems dpa'i gzungs dang spobs pa'i snang ba thams cad dang / byang chub sems dpa'i bsngo ba'i ye shes dang / mngon par shes pa tshad med pa thams cad dang / byang chub sems dpa'i smon lam mngon par bsgrub pa thams cad dang / sangs rgyas kyi chos thams cad rab tu thob cing yongs su 'grub par rnams ni dge ba'i bshes gnyen la rag las pa dag go/ / dge ba'i bshes gnyen rtsa bar gyur pa dag go// dge ba'i bshes gnyen las byung ba dag go// dge ba'i bshes gnyen skye gnas su gyur pa dag go/ / dge ba'i bshes gnyen skye mched du gyur pa dag go// dge ba'i bshes gnyen las yongs su skyes pa dag go// dge ba'i bshes gnyen gyis yongs su spel ba dag go// dge ba'i bshes gnyen la rab tu brten pa dag go/ dge ba'i bshes gnyen rgyur gyur pa'o// dge ba'i bshes gnyen las rab tu skyes pa dag go// de nas tshong dpon gyi bu nor bzangs kyis rnam pa de lta bu'i dge ba'i bshes gnyen gyi yon tan dang bsngags pa rjes su bstan pa dang / byang chub sems dpa'i spyod pa can med pa// sangs rgyas kyi chos rgya chen po thos nas dga' rangs te mgu zhing nyams
- 212a
bde la/ tshim zhing yid bde ba skyes nas/ khye'u dpal 'byung dang / bu mo dpal gyi blo gros ma gnyis kyi rkang pa la spyi bos phyag 'tshal te/ khye'u dpal 'byung ba dang / mo dpal gyi blo gros ma gnyis la lan brgya stong du mar g.yas phyogs su bskor ba byas nas/ khye'u dpal 'byung dang / bu mo dpal gyi blo gros ma'i drung nas song ngo // / shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste/ bam po brgya bcu gcig pa// de nas tshong dpon gyi bu nor bzangs da/ ba'i bshes gnyen gyi gdams ngag gis sems mngon par brlan pa de/ byang chub sems dpa'i spyod pa rjes su bstan pa de ni rjes su rnam par sems/ sngon gyi mtha'i lus mang po yang dag pa'i spyod pa nyams su ma blangs par chud zos pa la bsam pas ni lus kyi stobs rab tu brtan par byed/ sngon gyi mtha'i mur thug pa'i lus dang / sems yongs su dag kyang don med par 'khor ba'i sems kyi rgyud du gyur pa la bsam pas ni sems dang yid la bya ba rab tu sbyong / sngon gyi mtha'i mur thug pa'i las yang dag pa ma yin pas/ 'jig rten gyi don du g.yen spyod ste mig ces par thang pa la bsam pas ni/ da ltar byung ba'i don shin tu gces pa la legs par bsgrub pa rnam par sems/ sngon gyi mtha'i mur thug pa'i yongs su rtog pa yang dag pa ma yin par rnam par brtags
- 212b
pa las byung ba/ phyin ci log gis yid la bya ba kun nas glags pa la bsam pas ni/ byang chub sems dpa'i spyod pa thams cad yang dag pa'i rtog pas mngon par 'du bya ba'i stobs yang dag par skyed/ 'das pa'i lus kyis bdag gi don gyi sbyor ba la rtsom rtsom pa'i yul la yongs su bsam pas ni/ sems can thams cad kyi sbyor ba las khyad par du 'phags par lhag pa'i bsam pas ni stobs rab tu brtan par byed/ sngon 'dod pa yongs su tshol tshol ba'i spyod pa ro med pa la yongs su bsam pas ni/ sangs rgyas kyi chos thams cad 'thob pa'i sbyor bas dbugs phyin pa chen po 'thob pa'i dbang po'i shugs drag po rnam par 'phel bar byed/ 'das pa'i dus kyi lhag pa'i bsam pa phyin ci log dang ldan pa'i sbyor ba la yongs su bsam pas ni/ da ltar byung ba'i dus su phyin ci log med pa dang ldan pa'i yang dag pa'i lta ba dang / byang chub sems dpa' smon lam la yi dam bca' bas sems kyi rgyud yongs su rgyas par byed/ sngon gyi mtha'i brtson 'grus brtsams pa mi cha la don ma yin pa dang / yongs su ma grub pa'i brtson 'grus nyams su blangs pa la yongs su bsam pas ni/ da ltar byung ba'i dus su sangs rgyas kyi chos yongs su bsdu ba la sta gon du gnas pa'i brtson 'grus chen po rtsom pa'i rnam par gnon pas lus dang sems kyi gzeng mtho ba yang dag par skyed/ sngon gyi mtha'i mur thug pa'i 'gro ba lnga'i rgyud kyi ngan song du bdag dang gzhan bor ba la brtags pas/ lus 'tsho ba
- 213a
med pa yongs su bzung ba la yang dag par bsam pas ni/ sangs rgyas kyi chos thams cad yongs su bsgrub pa dang / 'gro ba thams cad nye bar 'tsho ba dang / dge ba'i bshes gnyen thams cad bsnyen bkur bar nus pa'i lus yongs su gzung bas dga' ba dang / mos pa'i shugs drag po rgya chen po rnam par 'phel bar byed/ da ltar byung ba'i tsher mngon par grub kyang rga ba dang / na ba dang / 'chi ba dang / mya ngan gyi 'byung gnas su gyur te/ 'du ba dang 'bral ba'i gter du gyur pa'i lus kyang phyi ma'i mtha'i bskal pa'i mur thug par byang chub sems dpa'i spyod pa spyad pa la brtson pa dang / sems can yongs su smin par bya ba dang / sangs rgyas kyi chos yongs su bsdu ba la brtson pas/ de bzhin gshegs pa'i zhal lta zhing / zhing thams cad du rgyu ba dang / chos smra ba thams cad la rim gror bya ba dang / de bzhin gshegs pa thams cad kyi bstan pa yongs su bzung ba la brtson pa dang / chos thams yongs su btsal ba'i grogs su gyur pa dang / dge ba'i bshes gnyen thams cad mthong bar bya ba dang / sangs rgyas kyi chos thams cad yang dag par bsdu ba la brtson pa'i byang chub sems dpa'i smon lam dang / ye shes kyi lus kyi rgyud dang rkyen du gyur pa la bltas shing / dge ba'i rtsa ba'i dbang po dang shugs bsam gyis mi khyab pa rnam par 'phel bar byed cing / de lta bu'i sems dang / de lta bu'i yid la bya ba dang / tshul bzhin de lta bu la rab tu brtson pa dang / byang chub sems dpa' thams cad kyi mos pas
- 213b
yang dag par bsgrubs pa'i dad pa dang / byang chub sems dpa' thams cad kyi bsam pas yongs su bsgrubs pa'i nye bar sems pa dang / byang chub sems dpa' thams cad kyi lhag pa'i bsam par sgro btags pa'i rim gro dang / byang chub sems dpa' thams cad kyi dbang po dang bar sgro btags pa'i phu dud dang / byang chub sems dpa' thams cad kyi ston pa la mos pa'i yang dag par bsgrub pa'i dbang po dang ba'i shugs dang / byang chub sems dpa' thams cad la rim gros byung ba'i sems kyi mos pa dang / byang chub sems dpa' thams cad kyi dad pa las yongs su byung ba'i dge ba'i rtsa ba'i tshogs dang / byang chub sems dpa'i mngon par 'du bya ba thams cad las yongs su grub pa'i mchod pa rnam pa tha dad pa dang / byang chub sems dpa' thamasu dang mnyam pa'i lus kyi thal mo sbyar ba dang / 'gro ba'i lus thams cad du yongs su byung ba'i mig rnam pa sna tshogs kyis blta ba dang / 'gro bar ming btags pa thams cad du sgro btags pa'i byang chub sems dpa' thams cad kyi chos mnyam pa nyid rnams dang / byang chub sems dpa' thams cad kyi smon lam gyis sprul pa las byung bar sgro btags pa'i lus kyis 'dud cing phyag bya ba tshad med pa dang / byang chub sems dpa' thams cad kyi dbyangs kyi yan lag rnam par dag pa las byung ba'i legs par brjod pa'i rgyan mngon par bsgrub pa dang / sngon gyi mtha' dang da ltar byung ba'i dus su byung ba'i sems
- 214a
can gyi gnas thams cad yongs su rgyas pa'i de bzhin gshegs pa'i pho brang mngon du byas pa'i 'du shes kyi rnam pa dang / de bzhin gshegs pa dang byang chub sems dpa'i rnam par 'phrul pas mngon par rdzogs par 'tshang rgya ba thams cad du khyab pa dang / skra'i rtse mo gcig las kyang lhag pa med par byang chub sems dpa' thams cad kyi lus kyis rgyas par 'gengs pa'i rjes su song ba dang / byang chub sems dpa' thams cad kyi mig gi lam rnam par dag par sgro btags pa'i mngon par shes pa snang bas rnam par dmigs pa dang / phyogs kyi dra ba tha dad pa thams cad kyi rjes su song ba'i yid kyi skye mched dang / chos kyi dbyings kyi gzhi tha dad pa rgyas par 'gengs pa'i smon lam mngon par bsgrub pa'i stobs dang / chos thams cad la 'jug pa'i sgo nam mkha'i dbyings kyis klas te mthas gtugs par thams cad du khyab la/ dus gsum du tha mi dad cing rgyun mi 'chad pa dang / dang pa dang mos pa la 'jug pa'i stobs dge ba'i bshes gnyen gyi gdams ngag snang ba'i phyogs la zhugs pas/ yul rgya mtsho'i 'gram gang na ba der phyin te/ de ltar tshong dpon gyi bu nor bzangs rim gro dang / phu dud dang / mchod ba dang / bstod pa dang / phyag bya ba dang / blta ba'i byin gyi rlabs dang / smon lam dang / 'du shes kyi rjes su song ba de lta bu'i yid dang ldan pa dang / ye shes kyi spyod yul tshad med pa'i sa de
- 214b
lta bul zhugs pa'i ye shes kyi mig gis khang pa brtsegs pa chen po rnam par snang mdzad kyis brgyad pa'i snying po'i sgo nas lus thams cad kyis phab ste phyag byas so/ / des rnam pa de lta bu'i mngon par bsgrub pa'i tshul yud tsam du rnam par dpyad de mos pa dang dad pa las byung ba'i lhag pa'i bsam pa dang / smon lam gyis mngon par bsgrubs pa'i mthus/ de bzhin gshegs pa thams cad kyi zhabs kyi drung du bdag nyid rgyun mi 'chad par byin gyis brlabs so/ / de bzhin du byang chub sems dpa'i thams cad dang mngon sum du gnas pa dang / dge ba'i bshes gnyen gyi gnas thams cad dang / de bzhin gshegs pa'i mchod rten thams cad dang / de bzhin gshegs pa'i sku gzugs thams cad dang / sangs rgyas dang byang chub sems dpa'i pho brang thams cad dang / chos rin po che'i gnas thams cad dang / nyan thos dang rang sangs rgyas thams cad kyi gnas/ mchod rten thams cad dang / mngon sum du gnas pa nas 'phags pa'i tshogs dang // sbyin pa'i gnas dang / bla ma dang / pha ma thams cad kyi bar gyi 'gro ba'i tshogs thams cad dang / mngon sum du gnas pa rgyun mi 'chad par ye shes kyi lus tha mi dad pa'i tshul la 'jug pa thams cad kyi rjes su song ba dang / 'du shes kyi byin gyi rlabs dang / ye shes yid la bya bas byin gyis brlabs so// khang pa brtsegs pa chen po rnam par snang mdzad kyi rgyan gyis brgyan pa/
- 215a
snying po'i sgo nas ji lta ba de bzhin du gong du brjod pa'i dmigs pa thams cad la'ang chos kyi dbyings thams cad rgyas par 'gengs pa'i gdud cing phyag bya ba byin gyis brlabs so/ / de bzhin du phyi ma'i mtha'i mur thug par rgyun 'chad pa med par byin gyis brlabs te/ nam mkha'i dbyings tshad med pa dang mnyam pa nyid dang / chos kyi dbyings sgrib pa med pa dang mnyam pa nyid dang / yang dag pa'i mtha' thams cad kyi rjes su song ba dang mnyam pa nyid dang / de bzhin nyid rnam par mi rtog pa dang mnyam pa nyid dang / dri ma lta bu'i ye shes dang / 'du shes kyis rgyas par dgang ba mnyam pa nyid dang / rmi lam lta bu'i rnam par dpyod pa dang mnyam pa nyid dang / gzugs brnyan lta bur 'jig rten dang 'gro ba thams cad rnam par dmigs pa'i mnyam pa nyid dang / rgyu dang rkyen las byung bas sgra brnyan lta bu'i mnyam pa nyid dang / 'byung ba dang 'jig pa mi skye ba dang mnyam pa'i mnyam pa nyid dang / rkyen dang rten pa'i rgyud dngos po med pa'i rang bzhin dang mnyam pa'i mnyam pa nyid kyi sa las ji lta ba bzhin du yongs su byung ba'i rnam par smin pa la ni mos par byed/ rgyu ji lta ba bzhin du yongs su byung ba'i 'bras bu la ni mos par byed/ bsags pa ji lta ba bzhin du yongs su byung ba'i bya ba thams cad la ni mos par byed/ dad pa las yongs su byung ba'i de bzhin gshegs pa 'byung ba thams cad la ni mos par byed/ mos pa ji lta ba bzhin du yongs su
- 215b
byung ba'i sangs rgyas mchod pa'i sprul pa thams cad la ni mos par byed/ rim gro las byung ba'i de bzhin gshegs pa'i sprul pa thams cad la ni mos par byed/ dpe ba'i rtsa ba'i tshogs las yong su byung ba'i sangs rgyas thams cad kyi chos nyid la ni mos par byed/ shes rab dang thabs las yongs su byung ba'i rgyan yid kyi rang bzhin du bsgrubs pa thams cad la ni mos par byed/ smon lam las yongs su byung ba'i sangs rgyas kyi chos tham cad la ni mos par byed/ bsngo ba las yongs su byung ba'i byang chub sems dpa'i spyod pa thams cad dang / chos kyi dbyings thams cad mkhyen pa'i yul du gyur pa rnam par bsgrubs pas rgyas par dga' ba'i rgyan la ni mos par byed cing / yongs su bsngo ba'i ye shes tshad med pa'i 'du shes dang bral ba dang / skye ba med pa'i ye shes rtag pa'i 'du shes med pa dang / yang dag pa'i spyod pa la 'jug cing / rgyu nye bar sogs pa'i ye shes rgyu dang bya ba'i lta ba med pa dang / phyin ci log med pa'i ye shes phyin ci log gi lta ba dang bral ba dang / gzhan gyi dring mi 'jog pa'i ye shes dbang phyug tu lta ba med pa dang / rten pa la 'jug pa'i ye shes bdag dang phyi rol gyi 'du shes kyi lta ba dang bral ba dang / chos kyi dbyings mtha' dang dbus med pa la 'jug pa'i ye shes mthar 'dzin pa'i lta ba dang bral ba dang / gzugs brnyan lta bur mngon par grub pa'i ye shes 'pho ba'i lta ba med pa dang / mi skye mi 'gag pa'i ye shes skye ba dang 'jig
- 216a
pa'i lta ba dang bral ba dang / stong pa nyid kyis mi skye ba'i ye shes lta ba'i rnam pa thams cad dang bral ba dang / smon lam mngon par sgrub pa'i ye shes kyi stobs dbang phyug med pa'i chos nyid rab tu rtogs pa dang / mtshan ma med pa'i mtha'i sgo dang ldan pa'i ye shes mtshan ma thams cad dang bral bas/ sa bon las myu gu chud mi za ba'i chos nyid dang / rgya las rgya'i gzugs brnyan 'byung ba'i chos nyid dang / gzugs las gzugs brnyan 'byung ba'i chos nyid dang / sgra brnyan dang sbyar mnyam pa rnam par dmigs pa'i chos nyid dang / rnam par dpyod pa dang rmi lam du mnyam par rnam par dmigs pa'i chos nyid dang / sems gzugs med pas 'jig rten yongs su bskyed pa'i chos nyid dang / rkyen dang rgyu ji ltar bsags pa bzhin du 'bras bu 'byung ba'i chos nyid dang / las ji ltar bsags pa dang mnyam par rnam par smin pa 'byung ba'i chos nyid dang / thabs mkhas pas rnam par bsgrub pa'i chos nyid dang / chos dang chos ma yin pa mnyam pa nyid kyis mngon par brlan pa'i chos nyid dang / ye shes kyi rjes su 'jug pa de lta bus mngon par bsgrubs pa'i 'du shes dang yid la bya bas/ tshong dpon gyi bu nor bzangs kyis khang pa brtseg pa rnam par snang mdzad kyi rgyan gyis brgyan pa'i snying po'i sgo nas rnam pa de lta bu rabatud de/ phyag 'tshal nas yun ring mo zhig lon pa dang / dge ba'i rtsa ba'i shugs bsam gyis mi khyab pas mngon par
- 216b
brlan pa'i sems dang ldan pa/ lus dang sems shin tu sim par gyur pa de khang pa brtsegs pa'i gnas nas langs te/ yud tsam zhig tu khang pa brtsegs pa chen po rnam par snang mdzad kyi rgyan gyis brgyan pa'i snying po de la mig mi 'gebs pas bltas nas thal mo sbyar te/ lan brgya stong du ma ra g.yas phyogs su bskor ba byas nas/ de lta bu'i 'du shes dang yid la bya bas bskul ba'i sems dang ldan pas tshig tu brjod pa/ / 'di ni stong pa nyid dang / mtshan ma med pa dang / smon pa med pa'i gnas la rnam par spyod pa rnams kyi gnas so// 'di ni chos thams cad la rnam par mi rtog pa'i gnas la rnam par spyod pa rnams kyi gnas so/ / chos kyi dbyings tha mi dad pa'i gnas la rnam par spyod pa/ sems can gyi khams mi dmigs pa'i gnas la rnam par spyod pa// chos thams cad gnas med pa'i gnas la rnam par spyod pa/ 'jig rten thams cad gnas med pa'i gnas la rnam par spyod pa/ 'gro ba thams cad kyi gnas med pa'i gnas la rnam par spyod pa/ gnas thams cad rnam par bsgoms pa'i gnas pa rnam par spyod pa/ brten pa thams cad la mi rten pa'i gnas la rnam par spyod pa/ lus thams cad la mi rten pa'i gnas la rnam par spyod pa 'du shes kyi rnam pa thams cad bsal ba'i gnas la rnam par spyod pa rnams kyi gnas so/ / 'di ni chos thams cad rang bzhin med pa'i gnas la rnam par spyod pa rnams kyi gnas so// rtog pa dang
- 217a
rnam par rtog pa dang / yongs su rtog pa thams cad du rnam par mi rtog pa'i gnas la rnam par spyod pa/ 'du shes dang / sems dang / yid thams cad kyis rnam par dben pa'i gnas la spyod pa/ lam thams cad blang ba med pa dang dor ba med pa'i gnas la rnam par spyod pa/ shes rab kyi pha rol tu phyin pa zab mo la 'jug pa'i gnas la rnam par spyod pa sgo kun nas chos kyi dbyings rgyas par 'gengs pa'i thabs kyi gnas la rnam par spyod pa/ nyon mongs pa thams cad zhi zhing nye bar zhi ba'i gnas la rnam par spyod pa/ lta ba dang / sred pa dang / nga rgyal thams cad spangs pa'i shes rab shas che ba'i gnas la rnam par spyod pa/ bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa dang / rig pa bskyed pa thams cad la rnam par rol pa'i gnas la rnam par spyod pa/ byang chub sems dpa' thams cad kyi ting nge 'dzin gyi spyod yul bsgom pa'i gnas la rnam par spyod pa rnams kyi gnas so/ / 'di ni sangs rgyas thams cad kyi zhabs kyi drung na nye bar gnas pa'i gnas la rnam par spyod pa rnams kyi gnas so// 'di ni gang de dag bskal pa gcig la bskal pa thams cad dang / bskal pa thams cad la bskal pa gcig tu 'jug pa'i gnas la rnam par spyod pa/ gang de dag zhing gcig dang zhing thams cad dang / zhing thams cad dang zhing gcig tu tha mi dad pa'i
- 217b
gnas la rnam par spyod pa/ gang de dag chos gcig dang chos thams cad du/ chos thams cad dang chos gcig tu mi 'gal ba'i gnas la rnam par spyod pa/ gang de dag sems can gcig dang sems can thams cad du/ sems can thams cad dang sems can gcig tu tha mi dad pa'i gnas la rnam par spyod pa/ gang de dag sangs rgyas gcig dang sangs rgyas thams cad du/ sangs rgyas thams cad dang sangs rgyas gcig tu mi gnyis pa'i gnas la rnam par spyod pa/ gang de dag dus thams cad la skad cig gcig gis 'jug pa'i gnas la rnam par spyod pa/ gang de dag sems bskyed pa gcig gis zhing thams cad du 'gro ba'i gnas la rnam par spyod pa/ gang de dag sems can thams cad kyi gnas su gzugs brnyan snang ba'i gnas pa rnam par spyod pa/ gang de dag 'jig rten thams cad la phan pa dang bde ba'i sems kyi gnas la rnam par spyod pa/ gang de dag thob par bya ba thams cad rang la rag las pa'i gnas la rnam par spyod pa de dag gi gnas so// / 'di ni gang de dag 'jig rten gyi gnas thams cad las gyen du 'phags kyang / sems can thams cad yongs su smin par bya ba'i phyir 'gro ba thams cad kyi gnas na snang ba dang / gang de dag zhing thams cad la mi gnas kyang / de bzhin gshegs pa thams cad la mchod pa bya ba'i phyir zhing thams cad du rjes su spyod pa/ gang de dag sangs rgyas kyi zhing thams cad kyi rgyan yongasu bzung ba'i phyir
- 218a
zhing thams cad du rjes su spyod kyang gnas nas g.yo ba med pa dang / gang de dag de bzhin gshegs pa thams cad kyi zhabs kyi drung na 'dug kyang / sangs rgyas kyi 'du shes su mngon par zhen pa dang bral ba dang / gang de dag dge ba'i bshes gnyen thams cad la rten pa'i gnas la rnam par spyod kyang / 'gro ba thams cad na de'i ye shes la mnyam zhing 'dra ba med pa dang / gang de dag bdud kyi gnas thams cad na spyod kyang / 'dod pa'i yon tan gyi dga' ba dang bral ba dang / gang de dag 'du shes kyi rnam pa'i gnas thams cad la rnam par spyod kyang / 'du shes kyi rnam pa thams cad rnam par bsal ba'i yid dang ldan pa dang / gang de dag 'gro ba thams cad du khyab pa'i lus dang ldan pa'ang / bdag dang sems can du gnyis su bya bar mi spyod pa dang / gang de dag 'jig rten gyi khams thams cad kyi khongs su chud pa'i lus dang ldan yang / chos kyi dbyings tha dad du bya ba'i gnas la rnam par mi spyod pa dang / gang de dag ma 'ongs pa'i bskal pa thams cad du gnas par bya ba'i smon lam dang ldan yang / bskal pa ring ba dang thung ba'i 'du shes kyi rnam pas rnam par mi spyod pa dang / gang de dag skra'i rtse mo gcig nas mi g.yo'ang / 'jig rten gyi khams thams cad du snang ba de lta bur bsgrub dka' ba'i chos kyi phyogs la 'jug par rnam par spyod pa de dag gi gnas so/ / 'di ni zab mo'i gnas la rnam par spyod pa/ mi gnyis pa'i gnas
- 218b
la rnam par spyod pa/ mtshan nyid med pa'i gnas la rnam par spyod pa/ gnyen po med pa'i gnas la rnam par spyod pa/ mi dmigs pa'i gnas la rnam par spyod pa/ spyod pa med pa'i gnas la rnam par spyod pa/ byams pa chen po dang snying rje chen po'i gnas la rnam par spyod pa/ nyan thos dang rang sangs rgyas thams cad kyis chud par dka' ba'i gnas la rnam par spyod pa/ bdud kyi yul thams cad las yang dag par 'das pa'i gnas la rnam par spyod pa/ 'jig rten gyi yul thams cad kyis ma gos pa'i gnas la rnam par spyod pa/ byang chub sems dpa'i thams cad kyi gnas kyi pha rol tu phyin pa'i gnas la rnam par spyod pa/ sangs rgyas thams cad kyi gnas dang mthun pa'i gnas la rnam par spyod pa rnams kyi gnas so// gang de dag mtshan ma thams cad dang bral ba'i gnas la rnam par spyod kyang / nyan thos kyi skyon med par mi 'jug pa dang / gang de dag chos thams cad skye ba med pa'i gnas la rnam par spyod kyang / mi skye ba'i chos nyid du mi ltung ba dang / gang de dag mi sdug pa'i gnas la rnam par spyod kyang / 'dod chags dang bral ba'i chos nyid mngon du mi byed de/ 'dod chags kyi chos dang yang lhan cig mi gnas pa dang / gang de dag byams pa'i gnas la rnam par spyod kyang / zhe sdang gi dri ma'i rjes su song ba'i sems med pa dang / gang de dag rten cing 'brel ba'i gnas la rnam par spyod kyang / chos thams cad la shin tu rmongs pa med pa dang / gang de dag bsam gtan bzhi'i gnas la
- 219a
rnam par spyod kyang / bsam gtan gyi dbang gis mi skye ba dang / gang de dag tshad med pa bzhi'i gnas la rnam par spyod kyang / sems can yongs su smin par bya ba'i don du gzugs kyi khams kyi lam gyi rgyud du mi 'dong ba dang / gang de dag gzugs med pa'i snyoms par 'jug pa bzhi'i gnas la rnam par spyod kyang / snying rje chen pos yongs su zin pas gzugs med pa'i kham kyi lam gyi rgyud du mi 'dong ba dang / gang de dag zhi gnas dang lhag mthong gi gnas la rnam par spyod kyang / sems can yongs su smin par bya ba'i phyir/ bdag gis rig pa'i rnam par grol ba mngon du mi byed pa dang / gang de dag btang snyoms chen po'i gnas la rnam par spyod kyang / sems can gyi khams yongs su mi gtong ba dang / gang de dag stong pa nyid kyi gnas la rnam par spyod kyang / lta ba'i gnas la mi gnas pa dang / gang de dag mtshan ma med pa'i spyod yul dang ldan yang / mtshan ma la spyod pa'i sems can rnam par gdul ba la brtson pa dang / gang de dag smon lam thams cad dang bral ba yin yang / byang chub sems dpa'i spyod pa'i smon lam gyi rgyun mi 'chad pa dang / gang de dag las dang nyon mongs pa thams cad la dbang sgyur yang / sems can yongs su smin par bya ba'i don du las dang nyon mongs pa'i rjes su 'brang bar snang ba dang / gang de dag shi 'pho dang skye ba yongs su shes kyang / tshe'i shi 'pho dang skye ba yongs su ston pa dang / gang de dag 'gro ba thams cad las rnam par log kyang
- 219b
sems can gdul ba'i dbang gis 'gro ba thams cad du 'dong ba dang / gang de dag byams pa la rnam par spyod kyang / gang la'ang chags par rnam par spyod pa med pa dang / gang de dag snying rje la rnam par spyod kyang / gang la'ang chags par lta bas rnam par spyod pa ma yin pa dang / gang de dag dga' ba la rnam par spyod kyang / sems can sdug bsngal ba la rnam par lta bas rtag tu mi dga' ba dang / gang de dag btang snyoms la rnam par spyod kyang / gzhan gyi don la rtag tu 'bad pa dang / gang de dag mthar gyis gnas pa'i snyoms par 'jug pa dgu la rnam par spyod kyang / 'dod pa'i khams su skye ba la mi spod pa dang / gang de dag skye ba thams cad la mi gnas par rnam par spyod kyang / yang dag pa'i mtha' mngon du bya ba la rnam par mi spyod pa dang / gang de dag rnam par thar pa gsum la rnam par spyod kyang / nyan thos kyi rnam par thar pa thob par bya ba la rnam par spyod pa dang / gang de dag 'phags pa'i bden pa bzhi rnam par blta ba la rnam par spyod kyang / 'bras bu mngon du bya ba'i phyir rnam par mi spyod pa dang / gang de dag rten cing 'brel bar 'byung ba zab mo brtag pa la rnam par spyod kyang / shin tu 'gog par ltung bar rnam par mi spyod pa dang / gang de dag 'phags pa'i lam gyi yan lag brgyad bsgoms pa la rnam par spyod kyang / shin tu 'byung ba la rnam par mi spyod pa dang / gang de dag so so'i skye ba'i sa las shin tu 'das par rnam par spyod kyang / nyan thos dang rang sangs
- 220a
rgyas kyi sar ltung ba la rnam par mi spyod pa dang / gang de dag nye bar len pa'i phung po lnga yongs su shes pa la rnam par khyod kyang / phung po shin tu 'gog par ltung ba la rnam par mi spyod pa dang / gang de dag bdud kyi lam bzhi las shin tu 'das par rnam par spyod kyang / bdud du rtog pa la rnam par mi spyod pa dang / gang de dag skye mched drug las shin tu 'das par rnam par spyod kyang / shin tu mngon par grub pa la rnam par mi spyod pa dang / gang de dag de bzhin nyid la rnam par spyod kyang / yang dag pa'i mthar ltung ba la rnam par mi spyod pa dang / gang de dag theg pa thams cad kyi 'byung ba yongs su ston pa la rnam par spyod kyang / theg pa chen po las nyams pa la rnam par mi spyod pa de dag de lta bur yon tan gyi gnas thams cad la rnam par spyod pa rnams kyi gnas so// de nas tshong dpon bu nor bzangs kyis/ de'i tshe tshogs su bcad pa 'di dag smras so// 'di la thugs rje chen po brnyes pas rnam dag pa/ byams pa bshes gnyen dpal chen 'jig rten phan brtson pa/ dbang bskur sa gnas rgyal ba'i sras kyi thu bo ste// sangs rgyas yul la rjes su dgongs shing rnam par spyod// rgyal ba'i sras po grags pa chen po mnga' ba'i rnams// ye shes chen po'i spyod yul rnam thar bzhugs pa dag/ gang rnams chos dbyings kun tu thogs med rnam rgyu ba/ dpe zla med pa de dag gnas ni 'di 'dra yin// dul sbyin tshul khrims bzod pa brtson
- 220b
'grus stobs kyis 'phags/ / bsam gtan mngon shes stobs kyi mthar phyin shes rtogs pa// shes rab thabs dang smon lam stobs la gnas pa'i rnams// theg chen pha rol phyin pa rnams kyi gnas 'di yin/ / 'di ni chags med blo gros bsam pa rgya chen te// nam mkha'i spyod yul ldan pa mi gnas mi rten pa// dus gsum thams cad rgyas 'gengs bsgribs pa med pa'i rnams// srid kun dngos po rnam par bsgoms pa rnams kyi gnas// gang rnams chos kun mi skye'i tshul la zhugs pa rnams// chos kyi rang bzhin nam mkha'i dngos nyid rtogs mdzad la// ci la'ang gnas pa mi mdzad nam mkha'i bya bzhin te/ / mkhyen pas bsnyengs pa mi mnga'i de dag gnas 'di yin// gang rnams 'dod chags zhe sdang gti mug rang bzhin dngos// rtog pa'i rgyus bskyed phyin ci log las byung mkhyen nas/ / 'dod chags bral ba'ang rnam par rtog par mi mdzad pa// zhi dang nye bar zhi ldan de dag gnas 'di yin// gang rnams rnam par thar dang bden tshul 'phags lam dang / phung po de bzhin khams dang skye mched rten pa'i dngos// yongs su rtogs mdzad mkhas pazhi par mi ltung ba// shes rab thabs la mkhas pa de dag gnas 'di yin// gang rnams sgrib pa med pa'i ye shes phyogs zhugs shing / / rgyal ba'i zhing la yongs rtog rnam rtog kun zhi la// chos rnams dngos po'i rang bzhin med par rtogs mdzad pa/ zhi bar gzhol ba de dag gnas ni
- 221a
'di 'dra'o/ / gang rnams chags med spyod pas chos dbyings 'di dag tu// dngos dang bral bar rnam spyod mkha' yi rlung 'dra ba// dngos po kun dang bral zhing dngos med rnam spyod pa/ / mi gnas blo mnga' de dag gnas ni 'di yang 'dra// gang rnams ngan song rgyud du 'gro ba song gyur te// sdug bsngal nad pa mi bde nyams su myong gzigs shing // byams pa'i 'od kyis ngan song thams cad zhi mdzad pa// byams dang thugs rje'i thugs mnga' de dag gnas 'di yin// nyam nga 'khor na gnas shing 'phags la ma gol gyur te// 'gron pa dmus long dmigs dang bral bar gyur 'dra ba'i/ / 'jig rten gzigs shing thar lam rab la 'god mdzad pa// 'gron po'i bsel rab 'dra ba de dag gnas 'di yin// gang rnams skye dang mya ngan rga shi dbang gyur pa'i/ / 'gro ba bdud kyi zhags pas yongs su bcings gzigs shing // rnam par bkrol nas mi 'jigs phyogs der 'don mdzad pa// dpa' bo de dag thub par dka' ba'i gnas 'di yin/ / nyon mongs nad pa'i 'gro mang gang gis gzigs gyur cing // ye shes bdud rtsi sman chen yongs su bsdu mdzad nas// thugs rje chen po bskyed cing yongs su 'grel mdzad pa// sman pa'i rgyal po chen po 'dra ba'i gnas 'di yin/ / gang gis 'gro mang sdug bsngal mgon med gyur pa'i rnams// nyon mongs gdos su lhung ste tsham gyi mtshor lhung ba// gzigs shing dge ba'i chos
- 221b
kyi sku chen yongs sgyur te/ / sgrol mdzad mnyan pa'i bu 'ang de dag gnas 'di yin// gang gis nyon mongs rgya mtsho spyod pa'i 'gro gzigs shing // thams cad mkhyen thugs rin chen dgongs dag sems can mchog/ srid pa'i rgya mtshor gshegs shing mngon par 'dren mdzad pa// mnyan pa'i bu ltar spyod pa de dag gnas 'di yin// smon lam gnas na bzhugs shing thugs rje byams spyan gyis/ / gang rnams sems can gnas su rnam par gzigs mdzad cing // srid pa'i rgya mtsho gnas pa'i 'gro mang mngon 'don pa// mkha' lding gzhon 'dra de dag gnas ni 'di 'dra'o// gang rnams chos dbyings mkha' la nyi zla 'dra tshul du// sems can gnas su 'od kyis khyab par rnam spyod pa// smon lam dkyil 'khor ye shes dri med bzang po'i 'od// 'jig rten snang bar mdzad pa de dag gnas 'di yin/ / gang rnams sems can gcig ni yongs su smin bya'i phyir// phyi mtha' bskal pa bye ba zang du brtan gnas la// sems can gcig la ji bzhin de bzhin 'gro ba kun/ / 'jig rten mgon du gyur pa de dag gnas 'di yin// gang rnams 'byam klas zhing gcig mtha' yi bskal par yang // 'gro don brtson 'grus skyo med spyod pa rnams spyod pa// zhing gcig ji bzhin de bzhin phyogs rnams kun tu ste// bsam pa rdo rje bzhin brtan de dag gnas 'di yin// gang rnams phyogs bcu'i bde gshegs rnams kyi chos sprin la// stan gcig
- 222a
gnas bzhin mongs pa med par 'thung byed kyang / / phyi mtha'i bskal pa khrag khrig bgrangs par mi ngoms sems// tho chen rgya mtsho lta bu'i gnas ni 'di 'dra'o// gang rnams zhing mang rgya mtsho rjod du med 'dong zhing // mgon po'i 'khor rnams rgya mtshor yongs su 'jug byed la// rgyal ba'i mchod pa sna tshogs rgya mtsho rab byed pa// chags med spyod yul mnga' ba de dag gnas 'di yin/ / brtan pa grangs rnams smon lam rgya mtshor 'jug byed cing / spyod pa rgya mtsho mtha' dang dbus med zhugs gyur te// 'gro la phan phyir bskal pa rgya mtshor mang spyod pa/ / yon tan 'byung gnas de dag gnas ni 'di 'dra'o// gang rnams skra rtse gcig tu zhing rnams thams cad dang // sangs rgyas thams cad bskal pa mtha' dang dbus med pa// 'dzud cing de yi tshul la 'jug kyang rmongs med pa// chags pa med pa'i mig can rnams kyi gnas 'di yin// gang rnams sems kyi skad cig gcig la rgya mtsho yi// bskal ba 'dzud byed zhing dang sangs rgyas 'gro ba rnams/ / de bzhin 'dzud byed bsgribs med ye shes dran gnas pa// yon tan mthar phyi na de dag gnas ni 'di 'dra'o// gang rnams zhing mang thams cad rdul du bgrang byas shing // chu bo ma lus thams cad thigs pas tshad bzung ste// de snyed grangs su smon lam mngon par sgrub byed pa// chags med bgrang ba de dag gnas ni 'di 'dra'o// smon lam gzungs dang ting 'dzin so/
- 222b
la 'jug bya ba// bsam gtan rnam thar smon lam sgo rnams de bzhin te// bskal pa mtha' yas mngon par bsgrub cing rnams spyod pa// bde gshegs sras po dgongs ldan de dag 'dir 'dong ngo / / 'di na gnas pa rgyal sras rnam pa sna tshogs te// tshig dang don ldan gtsug lag mang po mngon par sgrub// 'gro la ba der 'gyur ba zo yi gnas su bya ba dag/ rjes su sems shing dam pa'i gnas na rnam par spyod/ / 'di na gnas pa mngon shes thabs dang ye shes kyis// phyogs bcu'i sems can 'gro rgyud sna tshogs ji snyed pa// kun tu skye zhing 'chi ba'i khyad par rnam par ston// rnam thar sgyu ma'i tshul gnas chags med spyod dang ldan// 'di na gnas pa thog mar sems bskyed nyer bzung zhing // chos bzang mthar thug chos kyi spyod pa yongs su ston// sprul pa'i sprin gyis chos dbyings yongs su rgyas bkang zhing / / de bzhin rnam 'phrul brgya mang kun kyang nye bar ston// gang rnams sems kyi cha gcig byang chub rnam sangs rgyas// ye shes blo gros mtha' dang dbus med las 'jug pa/ / thos te rnam par bsam na 'jig rten mongs su rung // thub par dka' ba de dag gnas ni 'di 'dra'o// 'di ni chags med blo gros rnams// chos dbyings bsgribs pa med la rnam par spyod byed pa/ / dmigs pa med pa'i spyod yul can// dri med bas pa'i blo gros gnas yin no// gang rnams chags pa mi spyod cing // zhing rnams kun tu gnas pa med par
- 223a
rnam spyod pa/ / mi gnyis shes la spyod pa yi// mnyam pa med pa de dag gnas 'di yin// gang rnams nam mkha'i rang bzhin dang // mnyam pa'i chos rnams gnas med zhi ba rtogs gyur te/ / gang rnams mkha' yul rnam spyod pa// rdul dang bral ba de dag gnas 'di yin// 'di na snying rje'i sems ldan pa// gnas shing 'gro ba sdug bsngal gzir ba mthong gyur nas// 'jig rten phan par bsam brtson te// snying rje chen po brnyes pa rnam par spyod// 'di nas mi snang med gsal bar// sems can kun gyi gnas su thogs pa med par snang // nyi ma zla ba'i dkyil 'khor bzhin/ / 'khor ba'i zhabs pa kun las rnam par grol// rgyal sras de dag 'di na gnas// rgyal ba rnams kyi zhabs drung thams cad kun na yang // zhing rnams kun tu rab tu sdang // mtha' yas bskal pa rnams kyang zad par mdzad/ / 'di nas 'gro ba'i lus mnyam dang // rgyal sras kun gyi lus dang grangs mang mnyam pa yis// sprul pa'i sprin gyis phyogs kyi rnams// ma lus thams cad rgyas par 'gengs par mdzad/ / 'di na bzhugs pa'i dpa' bo rnams// rgyal ba'i spyod yul thams cad yongs su 'jal byed cing // bskal pa bye bar rnam spyod kyang // yongs su ngoms par 'gyur ba'i dus med do/ / 'di ni ting 'dzin byed pa'i rnams// brjod du med pa skad cig re rer rtogs byas shing // ting nge 'dzin gyi tshul bzhin du// sangs rgyas yul rnams rnam par ston pa mdzad// 'dir ni
- 223b
skad cig brjod med pa'i/ / bskal pa zhing rnams sangs rgyas mtshan la rab bzhugs te// shin tu yangs pa'i tho ldan pa// bskal pa dpag tu med pa'i mthar yang 'byin// 'di na gnas shing tshad med pa'i/ / bskal par sems rgyud gcig gis rab tu 'jug pa byed// yongs rtog 'du shes med bral yang // 'gro ba'i 'du shes dbang du ston pa byed// de dag ting 'dzin 'di gnas su/ / zhugs kyang dus gsum thams cad gsal bar mngon du mthong // skad cig yud la gnas brten cing // rnam thar gnas la rnam par spyod pa mdzad// de dag rnam spyod gnas 'di/ na// ma g.yos lus kyis skyil mo krung du 'khod bzhin du// zhing rnams thams cad kun tu yang // thams cad khyab par cig car yongs su snang // khyu mchog de dag 'di na gnas// bde gshegs rnams las chos kyi rgya mtsho yang dag 'thung / / ye shes rgya mtshor rab tu zhugs// mi zad yon tan rnams kyi pha rol phyin// 'di na zhing rnams kun grangs dang // bskal pa'i grangs dang de bzhin chos kyi grangs rnams dang / rgyal ba kun gyi mtshan gyi grangs// sgrib med sems pa rnam par dgongs pa mdzad// rgyal sras de dag 'di na gnas// dus gsum zhing mang bgrangs pa thams cad ma lus par/ / de dag skad cig gcig gis kyang // yongs su 'byung dang 'jig pa rnam par 'byed// rgyal sras de dag 'di na gnas// rgyal ba'i spyod pa smon lam 'gro ba'i
- 224a
dbang po rnams/ / gnas na rnam par spyod byed kyang // rgyal sras blo la thogs pa med pas mthong // rdul phran gcig la gang yod pa'i// 'khor rnams rgya mtsho zhing mang sems can de bzhin du/ / bskal pa rdul phran kun mnyam pa// sgrib pa med par mthong ba rnams kyis mthong // rdul phan kun rtser de bzhin du// 'khor dang zhing dang bskal ba thams cad ma lus par/ / kun kyang gzugs brnyan thabs tshul du// shin tu rnam phye yongs su mthong ba yin// 'di nas de dag chos rnams kyang // rab bzhin zhing rnams kun dang dus dang bskal pa dang / / yang dag sangs rgyas de bzhin te// rang bzhin dngos bral 'byung ba'i tshul gyis mkhyen// 'di nas sems can mnyam nyid dang // chos rnams mnyam pa nyid dang sangs rgyas mnyam nyid dang / / zhing dang smon lam mnyam pa nyid// dus gsum mnyam pa nyid la'ang de bzhin 'jug/ sems can khrag khrig rnam par 'dul// sangs rgyas khrag khrig rnams kyang de bzhin gzhan mchod byed/ / gzhan rnams chos la rnam par rtog/ 'on kyang brtan pa gnas mchog 'di na 'khod// bskal pa khrag khrig mang pos kyang // de dag smon lam ye shes yul blo'i rnam pa dag/ bdag gis brjod par mi nus te/ / mtha' yas blo mnga' rnams kyi shin tu yang // de dag smad pa mi mnga' ba// bsgribs med spyod yul rab la shin tu dgyes pa yi// pho brang 'di la thal sbyar te//
- 224b
bdag kyang lus btu dgus par phyag 'tshal lo// rgyal ba'i sras kyi thu bo na// bsgribs med lhod pa mnga' ba 'phags pa byams pa de// rnam dag tho mnga' dpe med la// de yi rjes su bsams te phyag 'tshal lo/ / de nas tshong dpon gyi bu nor bzangs kyis khang pa brtsegs pa chen po rnam par sdang mdzad kyi rgyan gyis brgyan pa'i byang chub sems dpa' rnams la/ de dag dang byang chub sems dpa'i bstod pa gzhan tshad med pa dag gis kyang mngon par bstod de/ shin tu btud nas phyag 'tshal te/ rab tu gus par bltas nas rim gror byas te mngon du byas nas mchod de/ khang pa brtsegs pa chen po rnam par snang mdzad kyi rgyan gyis brgyan pa'i snying po'i sgo na// byang chub sems dpa' sems dpa' chen po byams pa la blta bar ni mos// byang chub sems dpa' sems dpa' chen po byams pa dang phrad pa ni dga' zhing sdod sdod pa las/ des byang chub sems dpa' byams pa khang pa brtsegs pa de'i phyi rol gyi phyogs gzhan zhig nas/ srog chags brgya stong du ma'i 'khor dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i dbang po dums mdun du byas te/ g.yas g.yon nas brgya byin dang / tshangs pa dang / 'jig rten gyi mgon po rnams kyis phyag bya zhing / yul de na gnas pa gnyen bshes su 'ong ba'i bram ze brgya stong mang
- 225a
pos bskor cing mdun du byas te/ khang pa brtsegs pa rnam par snang mdzad kyi rgyan gyis brgyan pa'i snying po logs su 'ong ba mthong nas/ dga' rangs te mgu zhing nyams bde la/ tshim zhing yid bde ba skyes nas/ byang chub sems dpa' byams pa gang na ba de logs su mngon du bltas te/ thag ring po nas byang chub sems dpa' byams pa la lus thams cad kyis phab ste phyag byas so/ / de nas byang chub sems dpa' byams pas/ tshong dpon gyi bu nor bzangs la bltas te/ 'khor kun la lag pa g.yas pas bstan nas yang dag pa'i yon tan gyis bsngags te/ tshigs su bcad pa 'di dag smras so// ltos shig bsam pa yongs su dag pa 'di// nor bzangs nor rnams rab tu brtan pa'i bu// byang chub spyod pa dam pa yongs tshol zhing / / mkhas pa nga yi drung du nye bar 'ongs// legs par 'ongs sam snying rje byams byung khyod// byams pa'i dkyil 'khor yangs par legs 'ongs sam// legs par 'ongs sam blta na rab zhi pa// spyad pa spyod che dub par ma gyur tam// rnam dgang sam ldan tshur shog 'ongs pa legs// skyo med yid ldan tshur shog 'ongs pa legs// dbang po ma zhum tshur shog 'ongs pa legs/ / mkhas pa spyod tshe dub pa med grang ngo // chos rnams thams cad rnam dbye'i don byung ba// 'gro ba thams cad rnam gdul rab brtson pa// bshes gnyen
- 225b
thams cad bsnyen bkur rab zhugs pa/ / brtul zhugs mi g.yo brtan pa khyed 'ongs legs// dge ba'i lam gyis 'ong ba bder 'ongs sam// yon tan lam la gnas pa bder 'ongs sam/ / rgyal ba'i lam du zhugs pa bder 'ongs sam// lam rnams gang du'ang ngal bar ma gyur tam// yon tan rang bzhin tshur shog pa der 'ongs sam// dge bas mngon brlan tshur sho ga bder// 'ongs sam// mtha' yas spyod yul legs par bder 'ongs sam// 'gro ba kun na khyod mthong shin tu dkon// thob dang ma thob mnyam pa'i yid ldan pa// smad dang sdug bsngal ma grags rnam par spangs/ / 'jig rten chos la ut+pal pad+mo bzhin// yid la 'khrul med legs par bder 'ongs sam// g.yo dang sgyu bral bsam pa dge ldan pa// nga rgyal dregs med snod kyi dam pa po/ / khro dang 'tshig med khengs shing 'gying ba med// blta na sdug pa khyod mthong legs pa yin// tshur shog phyogs kun spyod yul mngon gyur pa// tshur sho ga rgyal ba'i mdzod rnams sbub byed pa// tshur shog rgyal ba'i mdzod rnams 'phel byed pa// yid la dub med legs par khyod 'ongs sam// tshur shog dus gsum yul ldan 'ongs pa legs// chos kyi dbyings la mos pa'i dkyil 'khor ldan/ / sangs rgyas kun gyi yon tan snying por byung // mkhas pa legs par 'ongs sam mingal lam// tshur shog 'jam dpal ye shes pad+mo'i mchog/ tshur shog sprin dpal char
- 226a
bas rnam spel ba/ / rgyal ba kun gyi sras kyis btang ba tshur// khyod la bsgribs pa med pa'i phyogs kyang bstan// ltos shig smon lam dra ba ci 'dru ga// chos dbyings rgyas 'gengs bsam gyis mi khyab ste/ / byang chub sems dpa'i spyod la lam bsgrubs pa// rgya che yangs byed nor bzangs 'dir 'ongs so// bde bar gshegs pa'i spyod yul chol byed cing / / rdul dang bral ba'i spyod pa 'gro ba'i phyir// smon lam rlabs chen yongs su 'dri byed cing // skyob pa'i yid med 'di ni 'dir 'ongs so// 'das pa'i mgon pos gang la bslab mdzad de// de bzhin ma byon rnams kyang slob 'gyur la// bde gshegs bzhugs pa'i spyod par bya ba rnams// yongs su dri phyir 'di ni 'dir 'ongs so// 'di ni bdag gi dge ba shes chos smra ba// chos kun nan tan yongs su ston byed pa/ / byang chub sems dpa'i spyod lam yongs ston pa// yin zhes sems gcig bsam nas 'dir 'ongs so// byang chub sems dpa' bdag gi blo skye ba// sangs rgyas sras po byang chub skye dbyed pa/ / 'di dag bdag bshes sangs rgyas bsngags pa zhes// de ltar dge ba'i sems kyis 'dir 'ongs so// 'di dag skyed pas bdag gi ma lta bu// yon tan 'o ma sdud pasam ma 'dra/ / byang chub yan lag yongs su myong ba yin// dge bshes 'di dag gnod pa rnam par zlog/ rga shi thar byed sman pa lta bu ste// bdud rtsi char 'bebs brgya byin lha dbang 'dra// zla ba lta
- 226b
bur dkar po'i phyogs kyis rgyas/ / zhi ba'i phyogs ston nyi ma gsal ba 'dra// dgra dang grogs la ri bo 'dra ba ste// rgya mtsho bzhin du mi 'khrugs sems dang ldan// yongs su skyong dang mnyan pa 'dra ba zhes/ / de 'dra'i sems kyis nor bzangs 'dir 'ongs so// 'jigs med skyob pas dpa' bo lta bu ste// ded dpon mgon dang skyabs su gyur pa yin// 'di dag bdag la bde stobs dmigs yin zhes/ / de 'dra'i sems kyis dge ba shes bsnyen bkur byed// chos kyi phyogs rnams rtag tu ston pa ste// sangs rgyas yon tan ye shes ston pa yin// ngan song ngan/ 'gro thams cad sbyor bar byed// dge ba shes 'di dag bdag la dge ba ston// 'di dag rgyal ba'i mdzod kun stobs pa yin// 'di dag rgyal ba kun gyi mdzod srungs te// 'di dag rgyal ba kun gyi gsang 'dzin ces/ / de ltar mkhas pa 'di ni dge ba shes bsnyen// ye shes 'phun ldan 'di las rnam par dag/ gzugs dang longs spyod tshe rigs phun sum tshogs// 'di las/ phun sum tshogs kun dkon pa min// bsam pa de 'dras 'di ni 'dir 'ongs so// bsam pa rlabs chen 'di la kun kyang ltos// mkhas pa'i dge ba shes rnams la 'di rten cing // mkhas pa 'di tho ci 'dra skyed pa ltos/ / khyed kyis rtag tu de ltar bslab par bya// 'di ni sngon gyi bsod nams dge ba'i rgyus// byang chubazhugs te 'jam dpal mthong gyur nas// de yi
- 227a
gdams ngag rjes su mthun spyod cing / / skyo ba med par rgyu ba 'di la spros// 'dis ni dga' bde thams cad kun spangs te// lha rdzas lta bu'i khyim yang yongs su spangs/ / pa ma ma ma spyod pa rgya chen kun// yongs su spangs shing zan ltar bshes gnyen sten// mkhas pa 'dis ni bsam pa rnam sbyangs te// bdag gis mi lus yongs su spang byas nas/ / sangs rgyas kun gyi pho brang 'gro bar 'gyur// de phyir 'bras bu de 'dra'ang thob par 'gyur// 'dis ni rgan dang nad kyis mnar ba yi// srog chags sdug bsngal brgya yi sa gtses pa rnams// skye shi mya ngan 'jigs pas gdungs mthong nas// de dag don du snying rje'i sems kyis spyod// 'gro rgyud lnga yi 'khor lo'i dkyil 'khor du// sdug bsngal 'khrul 'khor btsir ba'i 'gro mthong nas/ / sdug bsngal 'khrul 'khor 'khor lo 'jom pa yi// ye shes rdo rje sras pa 'di tshal lo// 'dod chags zhe sdang rtswa sdong tsher ma can// lha chags rtswa mang yongs su 'dzings pa yi// sems can zhing ni yongs su sbyang ba'i phyir// shes rab ka shol brtan bzang po 'di tshol lo// gti mug ma rig thibs po'i bsam pa can// 'gro ba shes rab mig stor dmigs med pa/ / de la phyogs bde ston pa'i mthu yod pa// 'gro ba'i ded dpon bzang por 'di 'gyur ro// bzod pa'i gro bgos rnam thar bzhon pa zhon// ye shes ral gris mya ngan dgra 'jom
- 227b
pas/ / mi 'jigs stobs pa'i dpa' bor gyur pa 'di// 'gro ba rnams kyi lam ston 'gyur ba yin// 'di ni chos kyi gru rab sbyor ba ste// ye shes rgya mtsho'i lam la bslabs pa'o/ / zhi ba rin chen mchog gi gling skyel ba// 'di ni khams gsum mtsho yi skye ba 'dzin// ye shes 'od zer smon lam dkyil 'khor can// sems can kun gyi gnas su snang byed pa'i/ / chos dbyings mkha' la 'od chen rab ldan par// 'di ni khams gsum nyi mar 'char bar 'gyur// byams pa'i dga' ldan ting 'dzin dang bsil ba'i// sems can kun la snyoms sems 'od bzang la/ / dkar po'i chos kyi dkyil 'khor yongs rgyas pa'i// sangs rgyas zla ba 'di ni 'char bar 'gyur// bsam pa'i gzhi rten brtan la rab gnas pa// byang chub spyod pas rim gyis 'phags pa ste/ / chos kun rin chen 'byung gnas ldan pa yi// ye shes rgya mtsho'i mchog tu 'di 'gyur ro// byang chub sems kyi klu yi dbang gis phyung // chos kyi dbyings kyi mkha' la mngon par 'phags/ / dkar po'i 'bras bu'i lo tog 'phel byed pa'i// 'di ni 'gro bar chos sprin char 'bebs 'gyur// dag pa'i snying po dri gsum mun sel ba// byams pa'i snum yod dran pa'i snod brtan pa// dri med byang chub sems skyed 'od bzang ba'i// chos kyi mar me 'di ni 'bar byed 'gyur// byang chub sems ni mar mer snying rje sko//
- 228a
byams pa rdos pa mi g.yo bsam pa mkhregs// byang chub yan lag mthar gyis byung ba yi// sangs rgyas sras su 'di ni yang dag skye// bsod nams snying po mngon par 'phel bar byed/ / ye shes snying po yongs su sbyong bar 'gyur// 'di ni shes pa'i snying po 'char bar byed// smon lam ji bzhin snying po yang dag byung // snying rje byams pas sprul pa 'di 'drag/ / sems can dgrol blo phan pa'i bsam ldan pa// rnam dag yid can 'di ni ci 'ja ba// de rnga'i 'gro ba lha dang mir bcas dkon// 'di 'dra'i bsam pa rab tu rtsa brtan la// 'di 'dra'i sbyor ba brtan pas rnam 'phel cing / / srid gsum yog par byed pa 'di 'dra ba'i// ye shes shing chen 'bras bu 'byung ba dkon// 'di ni yon tan kun sgrub don du gnyer// chos rnams thams cad yongs su dri bar mos/ / the tshom thams cad rnam par bsal don du// le lo med par bshes gnyen thams cad ste// 'di ni bdud kyi dkrugs ma nyon mongs 'jom// 'di ni lta ba'i dri ma srid pa sel/ / 'di ni 'gro ba thams cad dgrol la brtson// mkhas pa 'di ni rtag tu khyad par tshol// yon tan lam la ma nor 'di gnas pas// 'di ni ngan song thams cad sbyong bar 'gyur// mtho ris lam yang nye bar ston par 'gyur// thar pa'i lam du 'gro ba 'dzud par 'gyur// 'di ni 'gro rgyud kun gyi sdug bsngal sel// 'di ni 'gro rgyud kun gyi bde ba stobs// 'di ni srid pa
- 228b
kun gyi zhags pa 'thub/ / srid pa'i 'gro rgyud thams cad sel bar 'gyur// lta ba dog pa rnam par 'byed par 'gyur// sred pa'i 'khri shing dra ba gcod par 'gyur// chags pa'i 'dod chags nye bar sbyong bar 'gyur/ / srid gsum lam yang yongs su ston par 'gyur// 'di ni 'jig rten mgon dang skya bas yin te// 'di ni 'gro ba kun la 'od byed pa'o// rnam pa kun tu srid pa sel la mkhas/ / sa gsum kun gyi 'dren par 'di 'gyur ro// nyon mongs gnyid log 'gro ba sad par byed// 'dod pa'i 'dam las mkhas pa 'di sgrol te// 'du shes chags las yong su 'di yang 'grel/ / bcings pa kun las thar par byed par 'gyur// chos dbyings gzhi yi bye brag snang bar byed// 'jig rten khams kyi bye brag sbyong bar 'gyur// chos kun gzhi yi bye brag pha rol phyin/ / nor bzangs khyod ni dga' ba skyed par 'gyur// mkhas pa khyod kyi sbyor ba'i tshul dag dang // dag cing byod la smad pa med tshul dang // khyod kyi bsam pa'i yon tan ldan tshul las/ / bsam pa thams cad yongs su rdzogs par 'gyur// khyod kyis bdag nyid dge bar byas tshul gyis// ring por ma thogs sangs rgyas kun mthong 'gyur// ring por mi thogs zhing rnams kun 'gror 'gyur/ / chos kun ring por mi thogs shes par 'gyur// zhing rnams rgya mtsho rnam par sbyong bar 'gyur// sems can rgya mtsho rnam par 'grol bar 'gyur// spyod pa rgya mtsho
- 229a
yongs su rdzogs par 'gyur/ / khyod kyinan tan rgya mtsho de 'dra'o// khyod kyi mos pa'i dkyil 'khor tshul las na// khyod ni yon tan rnams kyi snod du 'gyur/ khyod ni dge ba yang dag 'byung gnas 'gyur// khyod ni rgyal ba'i sras dang mnyam par 'gyur// khyod kyi smon lam dkyil 'khor tshul las ni// khyod kyis bdud kyi dkyil 'khor pham par byas/ / khyod kyis las kyi dkyil 'khor rnam par sbyangs// nyon mongs dkyil 'khor khyod kyis dag par byas// ye shes rgyud ni rnam par sbyong bar 'gyur// chos kyi rgyud ni rab tu brjod par 'gyur/ / las dang nyon mongs sdug bsngal 'khrul 'khor rgyud// ring po mi thogs rnam par zlogs par 'gyur// 'jig rten 'khor lo srid pa'i 'khor lor rten// shu bu'i lam rgyud lnga yi 'khor lor rmongs// 'gro kun sdug bsngal 'khor lo gcod pa yi// chos kyi 'khor lo dam pa skor bar 'gyur// sangs rgyas rigs ni rjes su 'dzin par 'gyur// chos kyi rigs ni yongs su sbyong bar 'gyur// dge 'dun rigs ni yongs su sdud par 'gyur// rin chen 'byung ba'i 'byung gnas khyod 'gyur ro// sred pa'i dra ba rnam par zlog par 'gyur/ / lta ba'i dra ba thobs po de bzhin te// 'gro ba'i sdug bsngal dra ba 'grel par 'gyur// smon lam dra ba de ni khyod kyis sbyangs// sems can khams ni yongs su smin byed
- 229b
'gyur/ / 'jig rten khams ni yongs su sbyong bar 'gyur// ye shes khams ni shin tu dag byed 'gyur// khyod kyi bsam pa'i khams ni de 'dra'o// nor bzangs dga' ba 'al bar byed pa khyod/ / sems can kun la phan bde dga' byed 'gyur// byang chub sems dpa'i rigs rgyud dga' byed cing // sangs rgyas thams cad smon lam dga' byed 'gyur// sems can kun gyi 'gro ba'i gnas ston pa// zhing rnams thams cad gzugs brnyan snang ston pa// chos rnams thams cad snang ba rab ston pa'i// blta na bzang ba'i rgyal bar khyod 'gyur ro/ / chos dbyings snang bar byed pa'i 'od ldan pa// sems can khams rnams bde byed 'od ldan pa// ngan song thams cad zhi byed 'od ldan pa'i// srid gsum sdug bsnga/ zhi bar byed par 'gyur// mtho ris lam ni nye bar ston par 'gyur// sangs rgyas lam ni 'gro la 'byed par 'gyur// thar pa'i lam du 'gro ba khrid par 'gyur// de 'dra'i lam ni khyod kyis rnam par sbyangs/ / log pa'i lam ni rnam par zlog par 'gyur// skye bo 'phags pa'i lam la 'dul bar 'gyur// brtan pa'i blo gros le lo med pa khyod// mi g.yeng byang chub lam ni de ltar tshol/ / srid pa'i rgya mtshor gnas pa'i lus can rnams// sdug bsngal mthar phyin bya bar khyod brtson pa// 'gro ba srid pa'i mtsho las sgrol bar 'gyur//
- 230a
@khyod kyi yon tan mtsho chen de 'dra'o// ye shes nyis mchog ga 'od zer ma chos// lus can nyon mongs rgya mtsho yongs brkam shi/ de dganan tan ma chol / byas nas// ye shes rgya mtshor rab tu 'god par 'gyur// blo gros rgya mtsho rnam par 'phel bar 'gyur// spyod pa rgya mtsho rnam par sbyong bar 'gyur// sangs rgyas kun gyi smon lam rgya mtsho la/ / ring po mi thogs yongs su 'jug par 'gyur// mkhas pa khyod ni blo gros rgya mtsho'i mthus// zhing rnams rgya mtsho mang por phyin par 'gyur// 'khor rnams rgya mtsho mang po 'thong bar 'gyur/ / chos mang rgya mtsho yongs su 'thung bar 'gyur// sangs rgyas sprin mang khrag khrig mthong bar 'gyur// mchod sprin shin tu rgya chen byed par 'gyur// chos kyi sprin mang khrag khrig thos par 'gyur/ / khyod ni smon lam de 'dra'i sprin kyang byed// sems can thams cad gnas mang rgyas 'gengs 'gyur// zhing rnams kun gyi gnas su 'gro bar 'gyur// sangs rgyas kun kyi gnas su phyin par 'gyur/ / khyod ni de 'dra'i phyogs su zhugs pa yin// khyod ni ting 'dzin gnas su 'jug par 'gyur// khyod kyis rnam thar gnas rnams thob par 'gyur// khyod ni mngon shes gnas la spyod par 'gyur/ / chos kyi dbyings kyi gnas la rab tu gnas// nyi zla'i gzugs rnams rab tu snang ba ltar// sems can kun gyi gnas su 'char bar 'gyur// rgyal
- 230b
pab rnams kyi spyan sngar mngon byung 'gyur/ / khyod kyi 'byung ba'i lam chen de 'dra'o// 'jig rten kun la mi gnas khyod yul dang // nam mkha'i spyod yul bzang por khyod spyod 'gyur// khyod kyi spyod yul rab tu zhi bar 'gyur/ / khyod kyi mngon shes spyod yul de 'dra'o// mig 'phrul dra ba'i bye brag gzhi mkhas khyod// zhing gi dra ba'i bye brag ji snyed gzhi// ser po mkha' la chags pa med pa ltar/ / ring por mi thogs rgyas par 'gengs par 'gyur// chos dbyings 'byam klas khong du chud par 'gyur// 'byam klas 'jig rten khams su 'gro bar 'gyur// dus gsum gshegs pa'i sangs rgyas 'byam klas kun/ / mthong bar 'gyur gyis nor bzangs dga' bar gyis// khyod kyis de 'dra'i rnam thar de lta bu// mthong la mthong zhing da dung mthong bar 'gyur/ / de bas mkhas pas skyo bar ma byed cig/ dga' yangs zang zing med pa nyams su long // nor bzangs khyod ni yon tan snod bzang ste// khyod ni rgyal ba rnams kyi gdams ngag mthun/ / khyod kyis tshul 'di yongs su bzung bar nus// de bas rnam par 'phrul pa 'di dag mthong // sangs rgyas sras po gnas med spyod yul can// gang rnams mthong bar bskal pa khrag khrig tu/ / shin tu dka' na legs brjod mi smos pa// de dag spyod legs spyod tshe khyod kyis mthong // de ltar 'jam dpal mngon du mthong gyur te/
- 231a
de 'dra'i yon tan snod du gyur byas pa// khyod kyis thos pa rgya che bsam mi khyag/ mi yi srid par khyod ni legs par 'ongs// ngan song lam rnams thams cad rnam par zlog/ mi khom ngan 'gro thams cad rnam par sbyangs// sdug bsngal chos rnams khyod kyis thams cad bor// mi dga' thams cad yongs su spang bar gyis// byis pa'i sa ni khyod kyis rnam par bzlog/ byang chub sems dpa'i yon tan sa la gnas// ye shes sa yi dam pa yongs bskang zhing // sangs rgyas sa rab ring po mi thogs 'thob/ / byang chub sems dpa'i spyod pa rgya mtsho snyed// sangs rgyas ye shes nam mkha'i mdzod dang mtshungs// de yi tshad kyi smon lam gangs chen mtsho// khyod kyis btsal zin shin tu dga' bar gyis/ / de ltar dbang po yongs su mi skyol// bsam pa brtan zhing sbyor ba nges pa'i rnams// gang dag 'di 'dra'i bshes gnyen ston byed pa// de dag ring por mi thogs mgon por 'gyur/ / khyod kyi byang chub spyod pa sna tshogs kyis// sems can mang po dul bar gyur mthong zhing // chos kun sgo yi byang chub spyod pa la// nam yang yid gnyis byed par ma gyur cig/ de ltar phun sum tshogs pa 'di 'dra 'di// sangs rgyas sras pos de ring 'dir mthong ba// don chos yon tan dad pa phun sum tshogs// khyod kyi bsod nams
- 231b
phun ldan bsam mi khyab/ / de ltar rgyal sras rnams kyis rgyun 'brel bar// rang rang so so'i smon lam bstan byas te// khyod kyis de dag ma lus mthun rtogs pa// khyod kyis thob pa chen po ci 'dra ltos/ / byang chub sems dpa'i spyod pa'i gyur pa la// de 'dra srid pa brgyar yang dkon pas na// de phyir rgyal sras de dag rgyun 'brel ba// khyod la rnam thar tshul rnams yongs su ston/ / bskal pa khrag khrig bye bar 'gro ba gang // bde gshegs sras dang lhan cig 'grogs gyur pa// de dag de rnams spyod yul mi shes te// de dag yon tan snod du bdag ma byas/ / khyod kyis 'di 'dra'i tshul 'di thos par gyur// byang chub sems dpa' chen po'i rnam 'phrul ba// 'gro ba kun na dkon pa khyod kyis mthong // de ltar nor bzangs dga' ba'i yid du gyis// khyod la sangs rgyas thams cad dgongs pa mdzad// byang chub sems dpa' khyod gzung phyir yang gnas// khyod kyang de dag rjes su bstan la gnas/ / legs so nor bzangs khyod kyi 'tsho ba dge/ byang chub sems dpa'i rigs kyi chos la gnas// khyod ni rgyal sras yon tan rnams la slob// bde bar gshegs rigs rnam par 'phel byed 'gyur/ / nor bzangs dga' ba rgya chen nyams su long // sangs rgyas mnyam med thams cad khyod kyi pha// byang chub sems dpa' thams
- 232a
cad khyod dang ldan/ / byang chub yan lag thams cad khyod kyi gnyen// khyod ni bde gshegs thugs las skyes pa'i sras// chos kyi rgyal po'i rigs kyi rgyud 'dzin pa/ / byang chub sems dpa'i rigs rgyud 'phel bar byed// ring po mi thogs chos rgyal 'thob 'gyur gyis// nor bzangs dbang po tshim zhing dga' bar gyis// sangs rgyas kun gyi dbang bskur dam pa yang / / ring por mi thogs rmad byung thob par 'gyur// rgyal ba'i sras dang mtshungs shing mnyam par 'gyur// khyod kyi spyod pa'i tshul mthun de 'dra'o// mi gang ci 'dra'i sa bon 'debs byed pa/ / de ni de 'dra'i 'bras bu 'thob par 'gyur// dga' ba rgya chen bas ma yas nyams su long // ngas ni de ring khyod kyi dbugs kyang dbyung // tshe gcig khyod kyis gang rnams thob gyur pa/ / byang chub sems dpa' khrag khrig bsam yas pa// bskal pa khrag khrig byang chub spyod spyod pa// de dag gis kyang phun sum 'di ma snyed// 'di rnams thams cad mos pa'i 'bras bu ste/ / brtson 'grus bsam pa dag ni de bzhin no// gang zhig spyod pa 'di 'drar dga' ba yang // nor bzangs spyod pa gang yin de la spyod// spyod pa thams cad smon lam byung ba yin/ / chos rnams thams cad mos las yongs su byung // nor bzangs de ltar khyod kyis yongs su bsgrubs// rtag tu khyad par spyod pa btsal bar gyis// klu yi bsam pa ji snyed
- 232b
byung gyur pa/ / de snyed char pa yongs su 'bab par 'gyur// smon lam ye shes spyod yul ji snyed pa// de snyed byang chub spyod pa rgyas par 'gyur// nor bzangs bzang po'i spyod ces bya ba 'di// tshul 'di khyod la bstan pa 'di yin gyis// de shes kyi sa la dge ba shes rang bzhin gyis// bsnyen bkur byed tshe 'jigs par ma byed cig/ lus rnams bye ba sngon chad khyod kyis kyang // 'dod pa'i don du don med zad byas soms/ / da ni byang chub yongs su tshol gyur na// brtul zhugs bzang po brtul bas zhig ko 'dad// khyod kyis bskal pa bye ba 'das byas te// 'dus byas sdug bsngal thams cad nyams su myong / / gang+gA'i bye snyed sangs rgyas mnyes ma byas// 'di 'dra'i tshul yang thos par ma gyur to// de las da ni khom par mir yang skyes// sangs rgyas byung mthong dge ba shes 'di 'dra ste/ / byang chub mcho gi spyod pa'ang thob par gyur// rnam dag sems su dgo cir mi 'gyur// bde bar gshegs pa yang du 'byung bar 'gyur// dge ba shes de bzhin chos mnyan thos par 'gyur/ / gal te bsam pa yongs su ma sbyangs na// tshul 'di phyin chad thos par dka' ba yin// de bas dang dang mos dang bsam pa rnams// yongs su skyed la tha ma phu dud kyis// the tsom lta ba yongs su skyo spongs la// yang dang yang du 'di 'dra'i tshul nyon cig/ gang gis spyod la 'jug pa 'di 'dra 'dri// thos nas de 'dra'i smon lam mngon bsgrub pa// de dag mi yi
- 233a
srid par legs par 'ongs/ / gang gis de 'dra'i mos pa sbyangs pa ni// de la bde gshegs thams cad mi dkon no// de ni rgyal ba rnams kyi sras dang thun// de la phyin chad byang chub the tsom med/ / gang zhig 'di 'dra'i tshul 'dir zhugs gyur pa// des ni log par ltung ba thams cad spangs// des ni sdug bsngal chos rnams thams cad bsal// des ni yon tan thams cad bsdu bar byas// lus ni bor nas ring po mi thogs su// yongs su dag pa'i sangs rgyas zhing du 'gro// byang chub sems dpa'i gnas su 'jug par 'gyur// phyogs bcu'i de bzhin gshegs pa mthong bar 'gyur/ / nor bzangs khyod kyi sngon gyi rgyu stug pas// da ltar byung la mos pa nges pa yi// khyad par don gnyer dge ba shes bsten byas pas// chu las ut+pa la bzhin de phyir 'phel// dge ba shes thams cad du dud bsam pa dang // sangs rgyas thams cad dgyes bya'i bsam pa dang // chos kun yongs su dri ba'i bsam pa can/ / brtul zhugs bzang po ldan pa ngal gyis longs// chos kyi nan tan kun la rab gnas pa// lam rnams rjes su kun tshol rab gnas pa// sangs rgyas sras kyis smon lam rab gnas pa/ / yon tan chos rnams kun gyi snod khyod longs// mos pa phun sum tshogs pa ci 'dra bas// khyod kyis ngal phyag 'di byas pa ni//
- 233b
sangs rgyas thams cad 'khor du mngon sum du// ring po ma thogs yongs su 'byung bar 'gyur// skyo ba'i yid med nor bzangs legs pa yin// sangs rgyas kun gyi tshon lam sems ldan pa/ / brtul zhugs brtan khyod ring po mi thogs par// sangs rgyas kun gyi yon tan mthar phyin 'gyur// ye shes spyod yul rnam thar mthar phyin pa'i// 'jam/ dpal gan du nor bzangs khyod song ste// bzang po'i spyod pa dam pa mchog dris shig/ de tshul khyod 'jug de ni byed par 'gyur// de ltar byams pa chags med spyod yul gyis// nor bzangs yang dag legs pas 'phags mthong nas// 'khor rnams kun la mngon par bstan byas te// de yi yon tan legs mdzod 'di brjod do// 'di 'dra'i rjes su bstan pa dam pa dang / / gdams ngag de 'dra'i nor bzangs thos gyur nas// dga' ba'i shugs kyis dbang po mngon brnyan pas// mchi ma'i rgyud mang rab tu nges kyang blags// dga' ba'i nyams chen nyams su myong bar gyur// dbang po tshim nas shugs kyis dbugs kyang phyung // nor bzangs langs te thal mo rab sbyar nas// byams pa de la bskor ba rab tu byas/ / de yi lag tu 'jam dpal sems dbang gis// me tog 'phreng ba rin chen mdzes pa dag/ byang chub sems dpa'i smon pas mngon 'thon pa// yid du 'ong ba mang
- 234a
po byung bar gyur/ / nor ba zangs de tshe rab tu dga' gyur nas// dga' bar de dag byams pa de la gtor// de me de yi mgo la kun nas byugs// byams pas tshigs su bcad pa 'di dag sbas/ / rgyal ba'i sras po nor bzangs legs so legs// de ltar khyod ni yongs su mi skyo bas// nga dag 'jam dpal ci 'dra ji bzhin du// yon tan sdod du khyod ni myur te 'gyur// thos nas nor bzangs dga' ba'i tshig brjod pa// 'dri 'dra'i dge ba shes bdag dang phrad pa ni// srid pa brgya phrag bgrangs par shin tu dkon// bdag gis de ring 'dir phyin shin tu legs// yon tan kun gyi pha rol phyin gyur pa// 'jam dpal khyod kyi byin rlabs bzang po yis// bdag gis bshes gnyen 'di dag dkon pa rnyed/ / khyod dang bdag tu myur du 'grogs par ro// // shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste/ bam po brgya bcu gnyis pa// de nas tshong dpon gyi bu nor bzangs kyis// byang chub sems dpa' sems dpa' chen po byams pa'i mdun du 'dug ste// thal mo sbyar nas 'di skad ces smras so/ / 'phags pa bdag tha na med pa yang dag par rdzogs pa'i byang chub tu yang dag par zhugs na// ji ltar byang chub sems dpas byang chub sems
- 234b
dpa'i spyod pa la bslab par bgyi ba dang / / ji ltar nan tan du bgyi ba ma 'tshal te// 'phags pa byams pa ni de bzhin gshegs pa thams cad kyis su chegacig gis thogs par bla na med pab yang dag par rdzogs pa'i byang chub tu lung bstan pa ste/ gang bla na med pa yang dag par rdzogs pa'i byang chub tu sku tshe gcig gis thogs pa de ni byang chub sems dpa'i rnam par dgod pa thams cad las yang dag par 'das pa lags des ni byang chub sems dpa'i sa thams cad rab tu brnyes pa lags/ de ni byang chub sems dpa'i skyon med par rab tu zhugs pa lags des ni pha rol tu phyin pa thams cad yongs su rdzogs pa lags/ / de ni bzod pa'i sgo thams cad du zhugs pa lags// des ni byang chub sems dpa'i sa thams cad rab tu brnyed pa lags// de ni byang chub sems dpa'i rnam par thar pa'i sgo thams cad la rnam par rol pa lags/ des ni ting nge 'dzin thams cad yongs su bsgrubs pa lags/ des ni byang chub sems dpa'i rgyud thams cad rtogs par thugs su chud pa lags/ des ni gzungs dang spobs pa snang ba'i tshul thams cad rab tu brnyes pa lags de ni byang chub sems dpa'i dbang thams cad la mnga' thob pa lags/ des ni byang chub sems dpa'i tshogs thams cad shin tu bsags pa lags/ de ni shes rab dang thabs mkhas pa'i tshul rnam par rol pa lags/ des
- 235a
ni mngon par shes pa chen po dang / rig pa dang / ye shes snang ba'i tshul bskyed pa lags/ de ni bslab pa thams cad la byung ba lags/ des ni byang chub sems dpa'i spyod pa yongs su sbyangs pa lags/ des ni smon lam gyis 'byung ba'i sgo thams cad mngon par bsgrubs pa lags/ des ni de bzhin gshegs pa thams cad kyi lung bstan pa rab tu blangs pa lags/ de ni thog pa thams cad kyis 'byung ba'i sgo la mkhas pa lags/ des ni de bzhin gshegs pa thams cad kyi byin gyi rlabs yang dag par blangs pa lags/ des ni sangs rgyas thams cad kyi byang chub yongs su bzung ba lags/ des ni de bzhin gshegs pa thams cad kyi chos kyi mdzod bzung ba lags/ des ni de bzhin gshegs pa thams cad kyi gsang ba'i mdzod 'dzin pa lags de ni byang chub sems dpa' thams cad kyi gsang ba'i dkyil 'khor thams cad kyi spyi bor phyin pa lags/ de ni nyon mongs pa'i dpung thams cad rnam par dkrug pa la shin tu dpa' ba lags/ de ni 'khor ba'i 'thog dgon par las pa rnams kyi lam ston pa lags/ de ni nyon mongs pa'i nad kyis thebs pa rnams kyi sman par gyur pa lags/ de ni sems can thams cad kyi phul du phyin pa lags de ni 'jig rten gyi dbang po thams cad kyi dbang po lags/ de ni 'phags
- 235b
pa'i gang zag thams cad kyi thu bo lags/ de ni nyan thos dang rang sangs rgyas thams cad kyi gtso bo lags/ de ni 'khor ba'i rgya mtsho la rgyub rnams kyi skye ba 'dzin pa lags/ des ni sems can gdul ba'i thabs kyi rgya mo chen po bshal ba lags/ des ni 'gro ba yongs su smin pa rnams kyi dbang po rnam par gzigs pa lags/ de ni sems can thams cad yongs su bsdu ba la brtson pa lags/ de ni byang chub sems dpa' thams cad yongs su bskyang ba la brtson pa lags/ de ni byang chub sems dpa'i bya ba thams cad la yang dag par 'gro bar brtson pa lags/ de ni de bzhin gshegs pa thams cad kyi zhabs drung na gnas pa lags/ de ni 'khor gyi dkyil 'khor thams cad du mngon par 'phags pa lags/ de ni 'gro ba thams cad kyi gnas su gzugs brnyan snang ba lags/ de ni 'jig rten gyi chos thams cad kyis ma gos pa lags/ de ni bdud kyi yul thams cad las yang dag par 'das pa lags/ de ni sangs rgyas kyi yul thams cad kyi rjes su bzhud pa lags/ de ni byang chub sems dpa'i yul thams cad la sgrib pa med pa brnyes pa lags/ de ni de bzhin gshegs pa thams cad la mchod par brtson pa lags/ de ni sangs rgyas kyi chos thams cad la rgyud kyi tshul gcig tu gyur pa lags/ de ni dbang bskur ba'i thabs thob pa lags de ni chos kyi
- 236a
rgyal srid chen po la gnas par 'gyur ba lags/ de ni thams cad mkhyen pa'i ye shes kyi yul la dbang bskur ba lags/ de las ni sangs rgyas kyi chos thams cad rab tu 'byung ba lags/ / de ni thams cad mkhyen pa'i ye shes la dbang sgyur ba'i mthar phyin pa lags na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dang / ji ltar byang chub sems dpas nan tan du bgyis na/ sangs rgyas kyi chos thams cad 'thob par 'gyur ba dang / sems can gyi khams ji ltar gnyer ba'i tshul bzhin du rim gror bgyid par 'gyur ba dang / yi dam ji ltar bcas pa'i tshul bzhin du mthar phyin par 'gyur ba dang / byang chub sems dpa'i spyod pa chen po brtsams pa grub par 'gyur ba dang / lha dang bcas pa'i 'jig rten dbugs 'byin par 'gyur ba dang / bdag dang / sems can dang / sangs rgyas dang / chos dang / dge 'dun slu bar mi 'gyur ba dang / sangs rgyas kyi rigs rgyun mi gcod pa dang / byang chub sems dpa' rigs stong par mi 'byin pa dang / de bzhin gshegs pa'i tshul yongs su 'dzin par 'gyur ba bdag la bka' stsal du gsol/ de nas byang chub sems dpa' byams pas 'khor gyi dkyil 'khor de thams cad
- 236b
la bltas te/ tshong dpon gyi bu nor bzangs nye bar bstan nas 'di skad ces smras so// rigs kyi bu dag tshong dpon gyi bu 'di 'di ltar nga la byang chub sems pa'i spyod pa dang yon tan yongs su bsgrub pa 'dri ba la ltos/ bzod pa can dag tshong dpon gyi bu 'di ni brtson 'grus brtsam pa 'di lta bu dang / don du gnyer ba'i 'di lta bu dang / mos pa'i ye dam 'di lta bu dang / lhag pa'i bsam pa brtan pa 'di lta bu dang / brtson 'grus mi zlogs pa 'di lta bu dang / sangs rgyas kyi chos kyis mi ngoms pa 'di lta bu dang / khyad par yongs su btsal ba 'di lta bu dang / mgo'i thod la me 'bar ba lta bur spyod pa 'di lta bu dang / dge ba'i bshes gnyen mthong bar 'dod pa 'di lta bu dang / dge ba'i bshes gnyen bsnyen bkur bas skyo ba med pa 'di lta bus dge ba'i bshes gnyen thams cad yongs su tshol zhing yongs su dri ba dang / bsnyen bkur ba byed cing / 'jam dpal gzhon nur gyur pas btang nas grong khyer dpal gyi 'byung gnas nye bar gzung ba nas/ lho phyogs kyi rgyud thams cad du brgyus te/ dge ba'i bshes gnyen brgya rtsa bcu la yongs su dri ba byed cing / tha ma nga'i drung 'di'i bar du skyo ba thams cad dang bral ba'i lhag pa'i bsam pas phyin te/ rigs kyi bu dag rnams 'di lta bur theg pa chen po la yang dag par zhugs pa/ yi dam chen po la yang dag par gnas pa
- 237a
bsam pa chen po la rab tu rtul ba'i yid dang ldan pa dang / snying rje chen po'i bgos pa'i ngad dang ldan pa/ byams pa chen pos sems can thams cad yongs su bskyar pa'i blo gros can/ brtson 'grus chen po'i pha rol tu phyin pa la rab tu brtson pa/ sems can gyi lam grogs mang pos yongs su bskyang ba la mngon par brtson pa/ 'khor ba'i rgya mtsho chen po las sems can bsgral ba la zhugs pa/ thams cad mkhyen pa nyid kyi lam chen po la zhugs pa/ chos kyi gru chen po yang dag par bsham pa la brtson pa/ chos chen po dang bsod nams rin po che yongs su bsdu ba la rab tu rtul ba/ chos kyi mchod sbyin chen po'i tshogs bsags pa la brtson pa rnams kyi ming thos pa 'am/ gzugs kyi lus mthong ba 'am/ spyod yul du 'grogs pa 'am/ spyod pa dang skal ba mnyam pa ni shin tu dkon no// de ci'i phyir zhe na/ rigs kyi bu skyes bu dam pa 'di ni 'gro ba thams cad yongs su bskyab pa'i don du byung ba ste/ sems can thams cad sdug bsngal las yongs su thar par byed pa dang / ngan song thams cad yang dag par bsal ba dang / mi khom pa'i lam thams cad rnam par bzlog pa dang / lam nyam nga ba thams cad yongs su spang ba dang / mi shes pa'i mun pa nag po thams cad rnam par bsal ba dang / 'khor ba'i 'brog dgon pa thams cad las yang
- 237b
dag par bzla ba dang / 'gro ba'i rgyud kyi 'khor lo thams cad rnam par bzlog pa dang / bdud kyi yul thams cad las yang dag par bzla ba dang / gnas kyi rten thams cad las gyen du bskyod pa dang / rten gyi gzhi thams cad las bskul ba dang / 'gro ba rgyud thams cad du mi gnas par bya ba dang / 'dod pa'i 'dam nas yang dag par gdon pa dang / dga' ba'i 'dod chags spangs pa dang / lta ba'i bcings pa gtub pa dang / 'jig tshogs la mngon par zhen pa rnam par bzlog pa dang / 'du shes kyi zhags pa yang dag par gcad pa dang / phyin ci log gi lam nas rnam par bzlog pa dang / nga rgyal gyi rgyal mtshan bsnyal ba dang / bag la nyal ba'i zug rngu yang dag par dbyung ba dang / sgrib pa'i sgo glegs gzhom pa dang / sgrib pa'i rnam par gtor ba dang / srid pa'i dra ba nas gdon pa dang / ma rig pa'i kun tu sbyor ba las dbye ba dang / sred pa'i chu bo las bsgral ba dang / g.yo dang sgra spang ba dang / sems kyi rnyog pa gdang ba dang / the tsom dang / yid gnyis dang / nem nur bsal ba dang / mi shes pa'i chu bo chen po las bsgral ba dang / 'khor ba'i skyon thams cad rnam par smad pa'i phyir rab tu zhugs pa'o/ / rigs kyi bu skyes bu dam pa 'di ni sems can rnams chu bo bzhi las yongs su bsgral ba'i phyir chos kyi gru chen po yang dag par po shas par 'dod pa'o// lta ba'i
- 238a
'das du bying ba rnams kyi chos kyi rkang stegs chen po dgod par 'dod pa'o/ / gti mug gi sun par 'joms pa rnams la ye shes kyi snang ba dbyung bar 'dod pa'o// 'khor ba'i mya ngam du 'khyams pa rnams la 'phags pa'i lam bstan par 'dod pa'o// nyon mongs pa'i nad chen pos gzir ba rnams la chos kyi sman sbyin par 'dod pa'o// skye ba dang / rga ba dang / 'chi bas gtses pa rnams la 'chi ba med pa'i dbyings sbyin par 'dod pa'o// me gsum rab tu 'bar ba rnams la zhi gnas kyi chus rab tu zhi bar bya bar 'dod pa'o// mya ngan dang / smre sngags 'don pa dang / yid mi bde ba dang / 'khrugs pas gdungs pa rnams la dbugs phyin pa chen po sbyin par 'dod pa'o// srid pa'i btson ras 'khor ba rnams la ye shes kyi mtshon cha sbyin par 'dod pa'o/ / lta ba'i bcing bas glags pa rnams la shes rab kyi mtshon chas bsdud par 'dod pa'o// khams gsum gyi grong khyer gyis 'khor ba rnams la thar pa'i sgo bstan par 'dod pa'o/ / phyogs mi bde bar mngon par gzhol ba rnams la bde ba'i phyogs bstan par 'dod pa'o// nyon mongs pa'i chom pos gtses pa rnams la dbugs phyin pa chen po sbyin par 'dod pa'o/ / ngan song gi g.yang sas 'jigs shing skrag pa rnams la 'ju sa'i lag pa brkyang bar 'dod pa'o// phung po'i gshed mas gtse ba rnams
- 238b
la mya ngan las 'das pa'i grong khyer bstan par 'dod pa'o/ / khams kyi sbrul gyis kun nas 'khor ba rnams la 'phags pa'i lam gyis 'byung ba bstan par 'dod pa'o// skye mched kyi grong stong pa na gnas pa rnams shes rab kyi snang bas gdon par 'dod pa'o/ / mu stegs ngan pa la zhugs pa'i sems can rnams yang dag pa'i mu stegs su gzung bar 'dod pa'o// bshes gnyen ma yin pa'i lag tu lhung ba rnams la yang dag pa'i dge ba'i bshes gnyen bstan par 'dod pa'o// byis pa'i chos kyi spyod yul la mngon par mos pa rnams 'phags pa'i chos la rab tu dgod par 'dod pa'o/ / 'khor ba'i khyim la mngon par dga' ba rnams gyen du bskyod de thams cad mkhyen pa'i pho brang du gzud par 'dod pa'o// rigs kyi bu dag de ltar skyes bu dam pa 'di ni sems can yongs su bsgrub pa'i blo gros de lta bus byang chub tu sems bskyed pa mar bar dag par byang yongs su btsal ba la rgyun mi 'chad pa'o/ / theg pa chen po yongs su bsgrub pa'i phyir yongs su skyo ba med pa'o/ / chos kyi sprin thams cad la 'thung bas mi ngoms pa'o// tshogs thams cad yongs su rdzogs par bya ba'i phyir rtag tu brtson pa'o/ / chos kyi sgo thams cad yongs su sbyong ba'i phyir mi gtong ba la brtson pa'o// byang chub sems dpa'i spyod pa thams cad spyad pa'i phyir brtson 'grus
- 239a
gtong ba'o/ / smon lam thams cad mngon par bsgrub pa'i phyir mi ldog pa'i sbyor ba dang ldan pa'o// dge ba'i bshes gnyen thams cad mthong bar bya bas mi ngoms pa'o/ / dge ba'i bshes gnyen thams cad bsnyen bkur bas lus la dub par 'gyur ba med pa'o// dge ba'i bshes gnyen thams cad kyi gdams ngagra dang rjes su bstan pa la mthun par 'dzin pa'o/ / rigs kyi bu dag sems can gyi 'jig rten na sems can gang bla na med pa yang dag par rdzogs pa'i byang chub tu smon las 'debs pa de lta bu'i sems can dkon no/ / de bas kyang gang bla na med pa yang dag par rdzogs pa'i byang chub tu yang dag par zhugs te/ brtson 'grus brtsam pa'i tshul 'di lta bu sa sangs rgyas kyi chos yongs su sdud pa dang / mos pa drag po 'di lta bus byang chub sems dpa'i lam yongs su tshol ba dang / don du gnyer ba 'di lta bus byang chub sems dpa'i spyod pa yongs su dag par byed pa dang / nyon mongs pa 'di lta bus dge ba'i bshes gnyen bsnyen bkur byed pa dang / mgo'i thod la me 'bar ba ltar spyod pa 'di lta bus dge ba'i bshes gnyen gyi ngag dang 'gal bar mi byed pa dang / lhag pa'i bsam pa brtan pas nan tan du byed pa 'di lta bus dge ba'i bshes gnyen gyi gdams ngag la nan tan du byed pa dang /
- 239b
mthun par len pa 'di lta bus byang chub kyi yan lag yongs su bsgrub pa dang / khe dang / bkur sti dang / snyan pa don du mi gnyer ba 'di lta bus byang chub sems dpa'i bsam ba'i khams dang 'gal bar mi byed pa dang / khyim dang / longs spyod dang / 'dod pa'i dga' ba dang / bde ba dang / pha ma dang / gnyen bshes dang / dngos po thams cad la ltos pa med par yongs su btang ba 'di lta bus byang chub sems dpa'i grogs yongs su tshol ba dang / lus dang srog la 'phangs par mi rtse ba 'di lta bus thams cad mkhyen pa nyid la mngon par mos par byed pa de lta bu'i sems can ni ches dkon no/ / rigs kyi bu dag 'dis ji ltar cher skyes pa 'di gcig la ji snyed cig thob pa dang / khong du chud pa de ni byang chub sems dpa' de ma yin pa gzhan gyis bskal pa bye ba khrag khrig brgya phrag stong gis kyang / byang chub sems dpa'i spyod pa dang / smon lam yongs su rdzogs par bya ba thob pa dang / khong du chud pa 'am/ sangs rgyas kyi byang chub tu nye bar 'gyur ba 'am/ sangs rgyas kyi zhing yongs su dag par bya ba 'am/ sems can yongs su smin par bya ba dang gdul ba 'am/ chos kyi dbyings kyi ye shes la 'jug pa 'am/ pha rol tu phyin pa yang dag par bsgrub pa 'am/ spyod pa'i dra ba rgya cher bya ba 'am/ smon lam mngon par bsgrub pa yongs su rdzogs par bya ba
- 240a
'am/ bdud kyi las las yang dag par 'da' bar bya ba 'am/ dge ba'i bshes gnyen bkur ba 'am/ byang chub sems dpa'i spyod pa thams cad mngon par sgrub par bya ba dang / yongs su dag par bya ba 'am/ byang chub sems dpa' kun tu bzang po'i spyod pa mngon par bsgrub pa'i stobs yongs su rdzogs par bya ba la yang dag par 'byung ba med do/ / de nas byang chub sems dpa' sems dpa' chen po byams pas/ tshong dpon gyi bu nor bzangs kyi yon tan dang / legs pa yang dag par yongs su brjod pa byas nas/ de las brten te srog chags brgya phrag stong gis byang chub kyi yan lag gi bsam pa brtan par byas nas/ tshong dpon gyi bu nor bzangs la 'di skad ces smras so// rigs kyi bu de ltar khyod kyis 'jig rten thams cad la phan pa dang bde ba'i phyir/ sems can gyi khams thams cad yongs su bskyab pa'i don du sangs rgyas kyi chos thams cad rab tu thob par bya ba'i phyir/ bla na med pa yang dag par rdzogs pa'i byang chub tu sems bskyed pa legs so legs so// rigs kyi bu khyod kyis bla na med pa yang dag par rdzogs pa'i byang chub tu de ltar sems bskyed pa ni khyod kyis thob par bya ba legs par thob bo/ / 'tsho ba'i 'jig rten du khyod legs par 'chos so// khyod kyis sangs rgyas byung ba dgyes par byas so// khyod kyis dge
- 240b
ba'i bshes gnyen 'jam dpal legs par mthong ngo / / khyod kyis bsam pa'i rgyud snod bzang por gyur to// khyod ni dge ba'i rtsa bas mngon par brlan to// khyod ni dkar po'i chos kyis legs par brtan no/ / khyod kyis mos pa rlabs chen po dang / dge ba'i bsam pa legs par shin tu sbyangs so// khyod ni sangs rgyas thams cad kyis legs par dgongs so// rigs kyi bu khyod ni dge ba'i bshes gnyen gyis legs par gzung ngo / / de ci'i phyir zhe na/ rigs kyi bu byang chub kyi sems ni sangs rgyas kyi chos thams cad kyi sa bon lta bu'o// 'gro ba thams cad kyi chos dkar po rnam par 'phel bar byed pas zhing lta'o// 'jig rten thams cad rab tu rten pas sa lta bu'o// nyon mongs pa'i dri ma thams cad dag par byed pas chu lta bu'o/ / 'jig rten thams cad la rten pa med pas rlung lta bu'o// lta ba'i nye bar len pa'i rtswa thams cad rab tu sreg pas me lta bu'o// sems can thams cad kyi gnas snang bar byed pas nyi ma lta bu'o/ / chos dkar po'i dkyil 'khor yongs su rgyas par byed pas zla ba lta bu'o// chos kyi snang ba byed pas sgron ma lta bu'o// mnyam pa dang mi mnyam pa yongs su mthong bar byed pas mig lta bu'o/ / thams cad mkhyen pa nyid kyi grong khyer du phyin par byed pas lam lta bu'o// mu stegs ngan pa rnam par spong bas mu stegs lta bu'o// /
- 241a
byang chub sems dpa' thams cad mngon par gnas pas bzhon pa lta bu'o// byang chub sems dpa'i spyod pa thams cad kyi sgro 'jug par byed pas sgo lta bu'o// ting nge 'dzin gyi khang pa na gnas par byed pas gzhal med khang lta bu'o// chos kyi dga' ba dang mos pa nyams su myong bar byed pas bza' shing gi ra ba lta bu'o// 'gro ba thams cad yongs su skyob pas gnas lta bu'o/ / 'jig rten thams cad la phan pa skyed pas rten lta bu'o// byang chub sems dpa'i spyad pa thams cad spyod par byed pas gzhi lta bu'o/ / byang chub sems dpa' thams cad yongs su srung bas pha lta bu'o// byang chub sems dpa' chen po thams cad kyi ma lta bu'o// thams cad las yongs su skyong bas ma ma lta bu'o/ / slob pa dang / mi slob pa dang / rang sangs rgyas thams cad kyi sems zil gyis gnon pas rgyal po lta bu'o// smon lam thams cad kyis khyad par du 'phags pas dbang po lta bu'o/ / yon tan thams cad yang dag par 'du bas rgya mtsho chen po lta bu'o// sems can thams cad la sems mnyam pas ri chen po lta bu'o// 'jig rten thams cad rten pas khor yug lta bu'o// ye shes kyi sman rnam par 'phel bar byed pas gangs kyi ri lta bu'o// yon tan gyis spos thams cad kyi gnas su gyur pas
- 241b
spos kyi ngang ldang ba lta bu'o/ / yon tan rgya che bas nam mkha' lta bu'o// 'jig rten gyi chos thams cad kyis mi gos pas pad+ma lta bu'o// sems dul zhing cang shes pas klang bopo lta bu'o/ / rgod pa thams cad dang bral bas rta cang shes lta bu'o// theg pa chen po yongs su skyong ba'i sngon du 'gro bas kha lo sgyur ba lta bu'o// nyon mongs pa'i nad sos par byed pas sman lta bu'o/ / mi dge ba'i chos thams cad zad par byed pas sa'i 'og lta bu'o// chos thams cad nges par khong du chud par byed pas rdo rje lta bu'o// yon tan gyi dri zhim par byed pas spos kyi snod lta bu'o/ / 'jig rten thams cad kyis blta na mngon par dga' bas me tog dam pa lta bu'o// 'dod chags kyi gdung ba bsil bar byed pas la ba'i tsan dan lta bu'o/ / chos kyi dbyings thams cad rgyas par 'gengs pas a ka ru nag po lta bu'o// nyon mongs pa'i nad thams cad 'joms pas sman gyi rgyal po blta na sdug pa lta bu'o/ / bag la nyal ba'i zug rngu thams cad yang dag par 'byin pas 'bral bar byed pa'i sman lta bu'o// dbang po thams cad la dbang sbyar bas dbang po lta bu'o// dbul ba thams cad yongs su sel bas ngal bso po lta bu'o/ / yon tan thams cad kyi rgyan gyis brgyan pa byed pas dpal lta bu'o// byang chub sems dpa' thams cad mdzes par byed
- 242a
pas lhab lhub lta bu'o/ / nyes byas thams cad sreg pas bskal pa 'tshig pa'i me lta bu'o// sangs rgyas kyi chos thams cad rnam par 'phel bar byed pas rtsa ba ma grug pa'i sman gyi rgyal po chen po lta bu'o/ / nyon mongs pa'i dug thams cad rnam par sel bas klu'i rin po che lta bu'o// rnyog pa thams cad sel bas nor bu rin po che chu 'a dang lta bu'o/ / don thams cad yongs su grub pas yid bzhin rin po che'i rgyal po lta bu'o// bsam pa thams cad yongs su rdzogs par byed pas bum pa bzang po lta bu'o/ / yon tan thams cad kyi rgyan gyi char mngon par 'bebs pas gnod sbyin gyi shing lta bu'o// 'khor ba'i skyon thams cad dang ma 'dres pas gos rang ris can lta bu'o// rang bzhin gyis 'od gsal bas shing bal gyi rgyud lta bu'o// sems can gyi bsam pa'i zhing rnam par spyod pas gshol bu lta bu'o// 'jig tshogs kyi go cha brtol bas mde'u thung lta bu'o/ / sdug bsngal gyi 'bem nges par 'bigs pas mda' lta bu'o// nyon mongs pa'i dgra las rnam par rgyal bar byed pas mdung lta bu'o// tshul bzhin ma yin pa yid la byed pa 'gebs pas go cha lta bu'o/ / nyon mongs pa'i klad pa 'gems pas ral gri lta bu'o// nga rgyal dang / dregs pa dang / rlom pa'i go
- 242b
cha 'dral bas ral gri'i so lta bu'o/ / bag la nyal gyi go cha gshog pas mda' ske'u kha lta bu'o// nga rgyal gyi rgyal mtshan stsol bas dpa' bo'i ru mtshon lta bu'o// mi shes pa'i shing skyel bar byed pas lag cha lta bu'o// sdug bsngal gyi shing rab tu gcod pas sta re lta bu'o// gnod pa thams cad las yongs su skyob pas mtshon cha lta bu'o/ / pha rol tu phyin pa'i lus yongs su srung bas lag pa lta bu'o// yon tan thams cad la so sor 'god pas rkang pa lta bu'o// pa rig pa'i phri'i lang tog yongs su sel bas mig mkhan lta bu'o/ / 'jig tshogs kyi zug rngu yang dag par 'byin pas skam pa lta bu'o// bag la nyal gyi tsher ma 'byin pas tsher zungs lta bu'o// / 'khor ba'i bcings pa las yongs su 'grel pas mdza' bo lta bu'o// gnod pa thams cad sel bas nor bu lta bu'o// byang chub sems dpa'i spyod pa thams cad kyis 'byung ba'i lam mngon par shes par byed pas gtsug lag lta bu'o/ / bsod nams mi zad pas gter lta bu'o// ye shes mi zad pas chu mig lta bu'o// chos thams cad kyi gdong gi gzugs brnyan ston pas me long gi dkyil 'khor lta bu'o/ / 'go ba med pas me tog puN+Da ra ka lta bu'o// pha rol tu phyin pa dang bsdu ba'i dngos po rgyun du 'bab
- 243a
pas chu klung chen po lta bu'o/ / chos sprin gyi char mngon par 'bebs pas klu'i rgyal po chen po lta bu'o// byang chub sems dpa' thams cad kyi snying rje chen po yongs su 'dzin pas 'tsho ba'i dbang po lta bu'o/ / 'chi ba med pa'i dbyings su phyin par byed pas bdud rtsi lta bu'o// 'dul ba'i sems can thams cad yongs su sdud cing 'dren pas kun nas 'khor ba'i rwa lta bu'o/ / 'khor ba'i chu la rgyu ba mngon par 'don pas mchil pa lta bu'o// yon tan thams cad kyi dri zhim po 'dzin pas spos kyi snod lta bu'o/ / shin tu nad med par byed pas dug sman lta bu'o// 'dod pas dga' ba'i dug med par byed pas dug gi gnyen po lta bu'o// tshul bzhin ma yin pa'i dug thams cad 'byung bar byed pas sngags dang gzungs lta bu'o/ / sgrib pa dang bar chad kyi rtswa thams cad rnam par 'thor bas rlung gi dkyil 'khor lta bu'o// byang chub kyi phyogs kyi chos rin po che thams cad kyi 'byung gnas su gyur pas rin po che'i gling lta bu'o/ / chos dkar po thams cad 'byung bas rigs lta bu'o// yon tan gyi chos thams cad skye ba'i sgor gyur pas 'byung gnas lta bu'o/ / byang chub sems dpa'i tshong pa thams cad kyis spyad pas tshong dus lta bu'o// las dang nyon mongs pa'i sgrib pa dang dri ma thams cad yongs su sbyong bas chu'i
- 243b
khams lta bu'o/ / thams cad mkhyen pa nyid kyi tshogs yongs su rdzogs par byed pas sbrang rtsi'i gnas lta bu'o// byang chub sems dpa' thams cad mkhyen pa'i pho brang du phyin par byed pas lam lta bu'o/ / chos dkar po thams cad yongs su 'dzin pas snod lta bu'o// nyon mongs pa'i rdul thams cad mi snang bar byed pas char pa lta bu'o// byang chub sems dpa'i rnam par dgod pa thams cad ston pas gnas lta bu'o/ / nyan thos kyi rnam par grol ba dang mi 'dre bas rdo ba khab long lta bu'o// rang bzhin gyis dri ma med pas bai DUR+Ya lta bu'o/ / nyan thos dang / rang sangs rgyas thams cad dang / 'jig rten gyi shes pa thams cad zil du brlab pa dang / zil gyis non par byed pa in+d+ra nI la lta bu'o// nyon mongs pa'i gnyid kyis log pa'i sems can sad par byed pas tho ras kyi rnga lta bu'o// rnyog pa med pas chu dang ba lta bu'o// 'dus byas dang 'dus ma byas la spyod pa'i dge ba'i tshogs zil du rlag par byed pas 'dzam bu chu klung gi gser gyi rgyan lta bu'o/ / 'jig rten gsum las mngon par 'phags pas ri'i rgyal po lta bu'o// skyabs tshol ba yongs su mi gtong bas skyabs lta bu'o/ / don ma yin pa 'jom pas don lta bu'o// snying dga' bar byed pas dbyig lta bu'o// 'gro ba thams cad yongs su tshim par byed pas mchod sbyin
- 244a
gyi yo byad lta bu'o/ / 'gro ba thams cad kyi sems kyi gtso bo dang thu bor gyur pas nas rgan pa lta bu'o// sangs rgyas kyi chos thams cad 'dzin pas gleng gzhi lta bu'o/ / byang chub sems dpa'i spyod pa dang smon lam thams cad sdud pas mdo lta bu'o// 'jig rten thams cad skyong bas rdzi'u lta bu'o// sdig to thams cad rnam par rlog pas bsrung ma lta bu'o/ / nyon mongs pa'i lha ma yin 'dren pas dbang po'i mig 'phrul lta bu'o// 'dul ba 'dren pas chu'i zhags pa lta bu'o// bag chags dang / bag la nyal ba dang / nyon mongs pa thams cad gzhob tu rlog pas dbang po'i me lta bu'o// lha dang / mi dang / lha ma yin du bcas pa'i 'jig rten rnams la mchod rten lta bu'o// rigs kyi bu de ltar byang chub kyi sems ni yon tan de dag dang / yon tan gyi khyad par gzhan dag kyang tshad med pa dang ldan pa ste/ rigs kyi bu mdor na sangs rgyas kyi chos thams cad dang / sangs rgyas kyi yon tan ji snyed pa de snyed du byang chub kyi sems la yon tan dang legs pa yod par blta'o// de ci'i phyir zhe na/ 'di las ni byang chub sems dpa' thams cad kyi spyod pa'i dkyil 'khor rab tu 'byung ste/ 'das pa dang / ma byon pa dang / da ltar byung ba'i sangs rgyas thams cad kyang 'di las 'byung ngo // rigs kyi bu de bas na
- 244b
gang gis bla na med pa yang dag par rdzogs par byang chub tu sems bskyed pa de ni/ thams cad mkhyen pa nyid kyi sems dang / lhag pa'i bsam pas shin tu bzung bas yon tan tshad med pa phun sum tshogs pa yin no/ / rigs kyi bu 'di lta ste/ dper na 'jigs pa med pa zhes bya ba'i rtsi yod de/ de 'chang na 'jigs pa lnga mi 'byung ste/ 'di ltar mes mi 'tshig go/ / dug gis mi tshugs so// mtshon gyis mi chod do// chus mi khyer ro// du bas mi 'chi'o// rigs kyi bu de bzhin du thams cad mkhyen pa'i sems kyi rtse 'chang ba'i byang chub sems dpa' yang 'dod chags kyi mes mi 'tshig go/ / yul gyi dug gis ma tshugs so// nyon mongs pa'i mtshon gyis mi chod do// srid pa'i chus mi khyer ro/ / yongs su rtog pa'i du bas mi 'chi'o// rigs kyi bu 'di lta ste/ dper na rnam par mi gtong ba zhes bya ba'i rtsi yod de/ de 'chang na gzhan gyis gnod par bya ba'i 'jigs pa thams cad mi 'byung ngo / / de bzhin du byang chub sems dpa' byang chub kyi sems kyi ye shes kyi rtsi 'chang ba la'ang 'khor ba'i gnod pa'i 'jigs pa thams cad mi 'byung ngo // rigs kyi bu 'di lta ste/ dper na mchu zhes bya ba'i rtsa yod de/ de 'chang na dri tshor ba tsam gyis sbrul thams cad 'byer ro// de bzhin du byang chub sems dpa' byang chub kyi sems kyi
- 245a
rtsi 'chang ba'i yon tan gyi dri tsam gyis kyang nyon mongs pa'i sprul thams cad 'byer bar 'gyur ro/ / rigs kyi bu 'di lta ste/ dper na skyes bu gzhan gyis mi thub pa'i rtsa 'chang na ni/ dgra'i dkyil 'khor thams cad kyis mi tshugs so// de bzhin du byang chub sems dpa' thams cad mkhyen pa nyid kyi sems gzhan gyis mi thub pa'i rtsi 'chang ba'ang bdud dang phyir rgol ba thams cad kyis thub par dka' 'o/ / rigs kyi bu 'di lta ste/ dper na rnam par sel ba zhes bya ba'i rtsi yod de/ de bcangs na zug rngu thams cad 'byin par 'gyur ro/ / de bzhin du byang chub sems dpa' byang chub kyi sems rnam par sel ba 'chang ba'i 'dod chags dang / zhe sdang dang / gti mug gi zug rngu thams cad 'byung ngo // rigs kyi bu 'di lta ste/ dper na rtsi'i rgyal po chen po blta na sdug pa zhes bya ba yod de/ de bcangs na nad thams cad sel bar 'gyur ro// de bzhin du byang chub sems dpa' byang chub kyi sems rtsi'i rgyal po chen po blta na na sdug pa 'chang ba'ang nyon mongs pa dang / mi shes pa'i nad thams cad rab tu sel bar 'gyur ro// rigs kyi bu 'di lta ste/ dper na rtsi'i shing chen po sbyor ba zhes bya ba yod de/ de'i shun pas rmal reg na thams cad 'tsho bar 'gyur ro// gang nas bshus pa de'i shun phrags kyang phyir skye'o// de bzhin du byang chub kyi sems
- 245b
kyi sa bon las skyes pa'i shing thams cad mkhyen pa nyid du sbyor ba'ang mthong ma thag tu/ rigs kyi bu dad pa rnams kyi las dang nyon mongs pa'i rma yongs su 'tsho bar 'gyur ro// thams cad mkhyen pa nyid kyi shing de la'ang 'jig rten thams cad kyis rma 'byung ba 'am/ nyams par mi 'gyur ro// rigs kyi bu 'di lta ste/ dper na rtsi chen po'i rnam pa rtsa ba ma grub pa zhes bya ba yod de/ de'i mthus 'dzam bu'i gling gi shing thams cad yan lag thams cad rnam par 'phel lo// de bzhin du byang chub kyi sems rtsa ba ma grub pa'i rtsi chen po'i mthus kyang slob pa dang / mi slob pa dang / rang sangs rgyas dang / byang chub sems dpa' thams cad kyi dge ba'i rtsa ba'i chos kyi shing rnams rnam par 'phel lo// 'di lta ste/ dper na dga' ba 'thob pa zhes bya ba'i rtsi yod de/ de su'i lus la thogs pa'i lus dang sems nad med par 'gyur ro// de bzhin du thams cad mkhyen pa nyid kyi sems kyi dga' ba 'thob par byed pa'i rtsi'ang byang chub sems dpa' thams cad kyi lus dang sems nad med pa yongs su skyed do/ / rigs kyi bu 'di lta ste/ dper na dran pa 'thob pa zhes bya ba'i rtsi yod de/ de bcangs na sems kyi dran pa rnam par dag par 'gyur ro/ / de bzhin du thams cad mkhyen pa nyid du sems bskyed pa dran pa thob par byed pa'i rtsi'ang byang chub sems dpa' rnams kyi sangs rgyas kyi chos
- 246a
thams cad la sgrib pa med pa'i dran pa rnam par dag par byed do/ / rigs kyi bu 'di lta ste/ dper na pad+ma chen po zhes bya ba'i rtsi yod de/ de zos pa tsam gyis tshe'i tshad bskal par 'gyur ro/ / de bzhin du byang chub kyi sems pad+mo chen po'i rtsi zos pa'i byang chub sems dpa' yang bskal pa grangs med pa'i tshe la dbang gi pha rol tu phyin pa thob par 'gyur ro/ / rigs kyi bu 'di lta ste/ dper na mi snang ba zhes bya ba'i rtsi yod de/ bcangs mi dang mi ma yin pa thams cad kyis mi mthong ngo // de bzhin du byang chub kyi sems kyi rtsi mi snang bar 'gyur bar bcangs te 'dres pas rnam par spyod pa'i byang chub sems dpa' yang bdud kyi yul thams cad mi snang ngo / / rigs kyi bu 'di lta ste/ dper na mtsho chen po'i nang na nor bu rin po che'i rgyal po chen po rin po che thams cad yongs su sdud pa zhes bya ba yod de/ de 'jig rten gyi khams gzhan du ma 'phos na rgya mtsho chen po la bskal pas 'chag pas me thams cad kyis kyang ta la tsam yang bskam par nus pa'i gnas med skabs med do/ / de bzhin du byang chub sems dpa' thams cad mkhyen pa nyid du sems bskyed pa nor bu r in po che thams cad yongs su sdud pa'i nor bu rin po che'i rgyal po bsam pa dang sems kyi rgyud la yod pa rnams kyi dge ba'i rtsa ba thams cad mkhyen pa nyid du bsngos pa 'ga' zhig rnam par
- 246b
chud za bar 'gyur ba de lta bu'i gnas med skabs med de/ de ni mi srid de/ thams cad mkhyen pa nyid du sems bskyed pa yongs su btang ba zhig tu gyur na ni dge ba'i rtsa ba thams cad kyang skam par 'gyur ro/ / rigs kyi bu 'di lta ste/ dper na nor bu rin po che chen po 'od thams cad yongs su 'dus pa zhes bya ba yod de/ de mgul du btags na nor bu rin po che'i rgyan thams cad kyang zil gyis non par 'gyur ro/ / de bzhin du byang chub kyi sems 'od thams cad yongs su 'dus pa'i rin po che chen po bsam pa'i rkyen du thogs pa'i byang chub sems dpa' yang nyan thos dang / rang sangs rgyas su sems bskyed pa'i rin po che'i rgyan thams cad zil gyis gnon te// rigs kyi bu 'di lta ste/ dper na nor bu rin po che chen po chu 'dang zhes bya ba yod de/ de chur bcug na 'dam dang rnyog pa thams cad rab tu dang bar byed do// de bzhin du byang chub kyi sems chu 'dang gi nor bu rin po che'ang nyon mongs pa'i 'dam dang rnyog pa thams cad rab tu dang bar byed do/ / rigs kyi bu 'di lta ste/ dper na nor bu rin po che chen po chu dang 'grogs pa zhes bya ba thogs pa'i nya ba ni chur mi 'chi'o// de bzhin du thams cad mkhyen pa nyid kyi sems chu dang 'grogs pa'i nor bu rin po che chen po thogs pa'i byang chub sems dpa' yang 'khor ba'i rgya mtsho thams cad du mi 'chi'o/ / rigs kyi bu 'di lta ste/ dper
- 247a
nA nor bu rin po che klu'i nor bu'i go cha zhes bya ba yod de/ de lag na 'dug na nya pa la sogs pa chu las 'tsho ba rnams klu'i gnas thams cad du 'dong yang klu'i sbrul thams cad kyis mi tshugs so/ / de bzhin du thams cad mkhyen pa nyid du sems bskyed pa'i ye shes klu'i nor bu'i go cha 'chang ba'i byang chub sems dpa' yang 'dod pa'i gnas kyi khams thams cad du 'gro'ang nyams par mi 'gyur ro/ / rigs kyi bu 'di lta ste/ dper na nor bu rin po che btu byin mngon par chags pa thogs pa'i lha'i rgyal po brgya byin ni lha'i tshogs thams cad zil gyis gnon to/ / de bzhin du thams cad mkhyen pa nyid kyi sems brgya byin mngon par chags pa'i nor bu rin po che'i rgyal po chen po smon lam gyi cod pan mgo la thogs pa'i byang chub sems dpa' yang khams gsum pa thams cad zil gyis gnon to/ / rigs kyi bu 'di lta ste/ dper na nor bu rin po che chen po yid bzhin gyi rgyal po thogs pa'i mi ni 'phongs pa thams cad kyis mi 'jigs so/ / de bzhin du thams cad mkhyen pa nyid du sems bskyed pa yad bzhin gyi rgyal po'i nor bu rin po che chen po thogs pa'i byang chub sems dpa' yang yo byad dang 'tsho bas bag tsha ba thams cad kyis mi 'jigs so/ / rigs kyi bu 'di lta ste/ dper na nor bu rin po che nyi mas mdzes pa ni nyi ma la
- 247b
bstan na me 'byung ngo / / de bzhin du thams cad mkhyen pa nyid du sems bskyed pa nyi mas mdzes pa'i nor bu rin po che'ang shes rab kyi 'od zer gyis phog na ye shes kyi me 'byin to// rigs kyi bu 'di lta ste/ dper na nor bu rin po che zla bas mdzes pa zhes bya ba la zla ba'i 'od kyis phog na chu'i rgyun 'byin to// de bzhin du byang chub tu sems bskyed pa zla bas mdzes pa'i rin po che chen po'ang dge ba'i rtsa ba yongs su bsngos pa'i zla ba'i 'od kyis 'og na/ dge ba'i rtsa ba thams cad kyi smon lam gyi chu'i rgyun 'byin to// rigs kyi bu 'di lta ste/ dper na nor bu rin po che yid bzhin gyi rgyal po'i cod pan thogs pa'i klu'i rgyal po rnams la gzhan gyis gnod par bya ba'i 'jigs pa med do// de bzhin du byang chub kyi sems snying rje chen po'i nor bu rin po che yid bzhin gyi rgyal po thogs pa'i byang chub sems dpa' rnams la'ang ngan song dang ngan 'gros gnod par bya ba'i 'jigs pa med do/ / rigs kyi bu 'di lta ste/ dper na nor bu rin po che chen po 'gro ba'i rgyan dam pa zhes bya ba ni/ sems can thams cad kyi bsam pa yongs su rdzogs par bya bas nam yang byang bar mi 'gyur ro/ / de bzhin du byang chub tu sems bskyed pa 'gro ba thams cad kyi dam pa'i nor bu rin po che chen po'ang sems can thams cad kyi bsam pa dang / byang chub sems dpa'i
- 248a
smon lam yongs su rdzogs par bya bas nam yang byung bar mi 'gyur ro/ / rigs kyi bu 'di lta ste/ dper na rgyal po 'khor los sgyur ba'i nor bu rin po che chen po ni mun pa thams cad yongs su sel cing 'gro ste/ khyim gyi nang na gnas na'ang rab tu snang bar byed do// de bzhin du thams cad mkhyen pa nyid du sems bskyed pa 'khor los sgyur ba'i nor bu rin po che chen po'ang ma rig pa'i mun pa thams cad sel cing 'gro ba'i rgyud thams cad du 'gro ste/ 'dod pa'i khams na gnas na'ang ye shes kyi snang ba chen po rab tu 'gyed do/ / rigs kyi bu 'di lta ste/ dper na gang ci'ang rung ste/ nor bu rin po che chen po in+d+ra nI la'i 'od kyis phog pa de dag thams cad ni nor bu rin po che chen po in+d+ra nI la'i kha dog tu 'gyur ro/ / de bzhin du thams cad mkhyen pa nyid du sems bskyed pa'i nor bu rin po che chen po in+d+ra nI la'ang chos gang dang gang la rnam par spyad pa dang / yongs su btang ba dang / dge ba'i rtsa ba gang ci'ang rung ste/ thams cad mkhyen pa nyid du sems bskyed pas yongs su bsngos pa de dag thams cad kyang thams cad mkhyen pa nyid kyi nor bu rin po che chen po'i kha dog tu 'gyur ro/ / rigs kyi bu 'di lta ste/ dper na nor bu rin po che bai DUR+Ya ni lo brgya phrag stong du mi gtsang ba'i nang zhig na 'dug kyang /
- 248b
dri mi zhim pa thams cad dang lhan cig mi gnas te/ de'i rang bzhin 'od gsal ba ni de bzhin du gsal zhing shin tu dri ma med do// de bzhin du thams cad mkhyen pa nyid du sems bskyed pa'i nor bu rin po che bai DUR+Ya'ang bskal pa brgya phrag stong zhig tu 'dod pa'i khams thams cad du gnas kyang 'dod pa'i khams kyi skyon thams kyis kun nas nyon mongs par mi 'gyur te/ chos kyi dbyings kyi rang bzhin 'od gsal ba ni de bzhin du shin tu dag par gnas so/ / rigs kyi bu 'di lta ste/ dper na nor bu rin po che chen po dri ma med pas rnam par dag pa'i 'od ces bya na rin pa che'i 'byung gnas thams cad zil gyis gnon to/ / de bzhin du thams cad mkhyen pa nyid du sems bskyed pa'i nor bu rin po che chen po rnam med pas rnam par dag pa'i 'od kya so'i skye bo dang / slob pa dang / mi slob pa dang / rang sangs rgyas thams cad kyi yon tan rin po che'i 'byung gnas zil gyis gnon to// rigs kyi bu 'di lta ste/ dper na rin po che chen po me 'byung ba zhes bya ba ni gcig pu gnas kyang mun pa thams cad rnam par sel to/ / de bzhin du thams cad mkhyen pa nyid du sems bskyed pa'i nor bu rin po che me 'byung ba lhag mthong dang ldan pa gcig pu'ang tshul bzhin yid la bya bas mi shes pa'i mun pa thams cad rnam par sel to/ / rigs kyi bu 'di lta ste/ dper na rgya mtsho chen po nas grus blangs pa'i nor bu rin
- 249a
po che rin tang med pa tshong pa'i lag tu 'ongs pa ni grong khyer du phyin na/ nor bu mching bu brgya phrag stong yang kha dog dang rin tang gis zil gyis gnon to// de bzhin du 'khor ba'i rgya mtsho chen po na gnas kyang thams cad mkhyen pa nyid du sems bskyed pa'i nor bu rin po che chen po rin tang med pa smon lam gyi grur bcug pa ni/ byang chub sems dpa' sems dang po bskyed pa'i lhag pa'i bsam pa'i rgyud la 'dug ste/ thams cad mkhyen pa'i grong khyer du ma phyin kyang rnam par grol ba'i grong khyer du phyin na/ nyan thos dang rang sangs rgyas nor bu mching bu lta bu thams cad zil gyis gnon to/ / rigs kyi bu 'di lta ste/ dper na nor bu rin po che chen po dbang gyi rgyal po zhes bya ba yod de/ de ni 'dzam bu'i gling na gnas kyang dpag tshad stong phrag bzhi bcu na gnas pa'i nyi zla'i dkyil 'khor gyi khyim gzhal med khang gi gzugs brnyan gyi rgyan yongs su ston to/ / de bzhin du yon tan thams cad kyis yongs su sbyangs pa'i thams cad mkhyen pa nyid du sems bskyed pa'i nor bu rin po che chen po dbang gi rgyal po'ang 'khor ba'i gnas na 'du bzhin du/ chos kyi dbyings kyi nam mkha'i spyod yul las rgyu ba'i de bzhin gshegs pa'i ye shes chen po'i nyi zla dang / sangs rgyas kyi yul gyi dkyil 'khor thams cad gzugs brnyan gyi rgyan yongs su ston to// rigs kyi bu 'di lta ste/
- 249b
dper na ji snyed du nyi zla'i dkyil 'khor gyis snang bar byed pa de srid du nor dang / 'bru dang / rin po che'i rnam pa dang / gser dang / dngul dang / me tog dang / spos dang / 'phreng ba dang grogos dang / longs spyod gang ji snyed pa de dag thams cad kyis nor bu rin po che chen po dbang gyi rgyal po'i rin du mi chog go// de bzhin du ji snyed dus gsum la thams cad mkhyen pa'i ye shes kyi dbyings kyi yul snang bar mdzad pa de srid du lnga dang / ma dang / nyan thos dang / rang sangs rgyas thams cad kyi dge ba'i rtsa ba zag pa yod pa 'am/ zag pa med pa gang ji snyed pa de dag thams cad kyis kyang byang chub tu sems bskyed pa'i nor bu rin po che chen po dbang gi rgyal po'i rin du mi chog go/ / rigs kyi bu 'di lta ste/ dper na nor bu rin po che chen po rgya mtsho'i rgyan gyi dam pa zhes bya ba yod de/ de ni rgya mtsho'i rgyan thams cad yongs su ston to// de bzhin du byang chub tu sems bskyed pa'i nor bu rin po che chen po rgya mtsho'i rgyan gyi dam pa'ang thams cad mkhyen pa'i ye shes kyi yul rgya mtsho'i rgyan tham cad yongs su ston to/ / rigs kyi bu 'di lta ste/ dper na nor bu rin po che chen po yid bzhin gyi rgyal po ma gtogs par lha rdzas kyi 'dzam bu chu klung gi gser las lhag par 'phags pa gang yang med do/ / de bzhin du thams cad mkhyen pa'i ye shes nor bu rin po che chen po yid bzhin
- 250a
gyi rgyal po ma gtogs par/ byang chub tu sems bskyed pa'i lha rdzas kyi 'dzam bu chu klung gi gser las lhag par khyad par du 'phags pa gang yang med do// rigs kyi bu 'di lta ste/ dper na klu'i tshogs grub par gyur pa'i sprul 'dul ba ni klu dang sbrul thams cad la dbang gyur ro// de bzhin du thams cad mkhyen pa nyid du sems bskyed pa'i nan tan gyi klu'i dkyil 'khor grub pa'i byang chub sems dpa' sbrul 'dul ba'ang nyon mongs pa'i klu dang sbrul thams cad la dbang sgyur ro/ / rigs kyi bu 'di lta ste/ dper na dpa' bo lag cha dang ldan pa ni dgra'i 'khor gyis tshugs par dka' 'o/ / de bzhin du thams cad mkhyen pa nyid du sems bskyed pa'i lag cha dang ldan pa'i byang chub sems dpa' thams cad kyang nyon mongs pa'i dgra'i dkyil 'khor thams cad kyis thub par dka' 'o/ / rigs kyi bu 'di lta ste/ dper na lha rdzas kyi tsan dan sbrul gyi snying po'i phye ma srang gcig gis ni stong gsum gyi 'jig rten gyi khams dri zhim pos rgyas par 'geng ste/ de zho gcig tsam la'ang stong gsum gyi stong chen po'i 'jig rten gyi khams rin po ches yongs su gang bas rin du mi chog go/ / de bzhin du thams cad mkhyen pa nyid du sems bskyed pa lha rdzas kyi tsan dan sbrul gyi snying po lhag pa'i bsam pa gcig la gnas pa'i khams kyang / chos kyi dbyings thams cad
- 250b
yon tan gyi dri zhim pos rgyas par 'gengs te/ slob pa dang / mi slob pa dang / rang sangs rgyas thams cad kyi sems kyang zil gyis gnon to// rigs kyi bu 'di lta ste/ dper na tsan dan rin po che chen po kha ba'i tsan dan zhes bya ba ni gdung ba thams cad rab tu zhi bar byed de/ lus thams cad kyang rab tu bsil bar byed do// de bzhin du thams cad mkhyen pa nyid du sems bskyed pa'i kha ba'i tsan dan rin po che'ang nyon mongs pa'i kun tu rtog pa dang / 'dod chags dang / zhe sdang dang / gti mug gi gdung ba thams cad kyang rab tu sel to// ye shes kyi lus kyang rab tu sim par byed do// rigs kyi bu 'di lta ste/ dper na ri'i rgyal po ri rab kyi drung du ji snyed cig nye bar 'dod ba de dag thams cad kyang gser gyi kha dog tu kha dog gcig tu 'gyur ro// de bzhin du gang su'ang rung ste/ thams cad mkhyen pa nyid du sems bskyed pa dang ldan pa'i byang chub sems dpa' drung du nye bar 'ongs pa de dag thams cad kyang / thams cad mkhyen pa nyid kyi kha dog tu kha dog gcig par 'gyur ro// rigs kyi bu 'di lta ste/ dper na shing sus kyang mi tshugs pa dang kun nas 'du ba'i shun phrags kyi dri zhim po 'byung ba de lta bu ni/ 'dzam bu'i gling gi me tog bar shi ka dang / me tog dza ti dang / me tog su man la sogs pa me tog gi rnam pa thams cad la'ang med do/ / de bzhin du byang chub sems dpa'i thams cad mkhyen pa nyid du sems bskyed pa'i sa bon las byung ba'i smon lam gyi shing gi yon tan dang / ye shes kyi shun
- 251a
thags kyi dri zhim po'i ngad 'byung ba de lta bu ni dge ba'i rtsa ba dma' ba dang ldan pa thams cad dang / nyan thos dang / rang sangs rgyas kyi me tog par shi ka dang / me tog dza ti dang / me tog su ma na'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba zag pa med pa dang ldan pa thams cad la'ang med do// rigs kyi bu 'di lta ste/ dper na shing sus kyang mi thub pa dang / kun nas 'du ba kha 'bus par gyur na/ me tog stong phrag mang po'i 'byung gnas su gyur par shes par bya'o// de bzhin du thams cad mkhyen pa nyid du sems bskyed pa'i shing kun nas 'du ba dge ba'i rtsa bas kha 'bus par gyur na/ lha dang mi grangs med pa'i byang chub kyi me tog zag pa dang bcas pa dang / zag pa med pa'i skye gnas su 'gyur bar shes par bya'o/ / rigs kyi bu 'di lta ste/ dper na shing kun nas 'du ba'i me tog gis nyi ma gcig tu bsgos pa'i gos sam/ til mar las dri zhim po'i ngad 'byung ba de lta bu'ang me tog tsam pa ka dang / me tog su ma nas nyi ma brgya phrag stong du bsgos pa'i gos sam/ til mar las kyang mi 'byung ngo // de bzhin du thams cad mkhyen pa nyid kyi sems kyi rgyud tshe gcig tu yongs su bsgos pa'i byang chub sems dpa'i yon tan dang / ye shes kyi dri zhim po'i ngang phyogs bcu'i sangs rgyas kyi zhabs kyi drung du ldang ba de lta bu ni bskal pa brgya phrag stong du bsgos pa'i nyan thos dang rang sangs rgyas thams cad kyi sems las kyang zag pa med pa'i
- 251b
dge ba'i rtsa ba dang chos kyi ye shes kyi dri zhim po mi 'byung ngo / / rigs kyi bu 'di lta ste/ dper na shing gi rigs na li kai re zhes bya ba rgya mtsho gnod pa dang bral ba nas skye ba yod do// de'i rtsa ba yan chad me tog gi bar du'ang dus thams cad du nam du'ang sems can rnams kyi nye bar 'tsho bar mi 'gyur ba med do/ / de bzhin du snying rje chen po dang smon lam gyi rtsa ba yang dag par skyes pa'i byang chub sems dpa' yang thog ma thams cad mkhyen pa nyid du sems bskyed pa nas nye bar bzung ba phyin chad dam pa'i chos gnas pa'i mthar thug gi bar du nam yang lha dang bcas pa'i 'jig rten gyi nye bar 'tsho bar mi 'gyur ba med do/ / rigs kyi bu 'di lta ste/ dper na dngul chu'i rigs gser du snang ba zhes bya ba yod do// de ni srang gcig gis kyang lcags srang stong gser du 'gyur ro// dngul chu srang gcig pu de ni lcags srang stong po des zad par bya ba 'am/ lcags su bsgyur bar mi nus so// de bzhin du thams cad mkhyen pa nyid du sems bskyed pa'i ro'i khams dge ba'i rtsa ba yongs su bsngos pa'i ye shes kyis bzung ba ni las dang nyon mongs pa'i sgrib pa'i lcags thams cad zad par byas te/ chos thams cad thams cad mkhyen pa nyid kyi kha dog tu byed kyang / thams cad mkhyen pa nyid du sems bskyed pa'i ro'i khams gcig pu de ni/ las dang nyon mongs pa'i lcags thams cad kyis kyang kun nas nyon mongs par bya ba 'am/ zad par mi nus so// rigs kyi bu 'di lta ste/ dper na me ni ji tsam du chung ngu zin kyang rkyen ji tsam dang phrad pa de tsam gyi se lce yongs su skyed do/
- 252a
de bzhin du thams cad mkhyen pa nyid du sems bskyed pa'i me ji tsam du chung ngu zin kyang dmigs pa rgya chen po'i tshogs kyi rkyen ji tsam dang phrad pa de tsam du ye shes kyi 'od 'phro ba rab tu dgye bas rnam par 'phel bar byed do/ / rigs kyi bu 'di lta ste/ dper na me mar gcig las me mar bye ba brgya phrag stong zhig bus kyang / me mar de ni de snyed byung bas mi zad de mthar thug pa med do// de bzhin du thams cad mkhyen pa nyid du sems bskyed pa'i me mar gcig las 'das pa dang / ma byon pa dang / da ltar byung ba'i de bzhin gshegs pa thams cad kyi thams cad mkhyen pa nyid du thugs bskyed pa'i me mar mang po 'bar yang thams cad mkhyen pa nyid du sems bskyed pa'i me mar gcig pu de ni de snyed kyi thams cad mkhyen pa nyid du sems bskyed pa'i me mar byung bas mi zad de mthar thug pa med do/ / rigs bu 'di lta ste/ dper na me mar gcig cig khyim mam khang bu ji lta bur bcug kyang rung ste/ bcug ma thag tu lo stong du bsags pa'i mun pa'ang rnam par sel cing snang bar byed do// de bzhin du thams cad mkhyen pa'i sems bskyed pa gcig kyang sems can gyi bsam pa'i khyim thibs po ma rig pa'i mun pa dang ldan pa ji lta bu'ang rung ste/ de'i rgyud du phyin na de phyin ma thag tu bskal pa brgya stong brjod du med par bsags pa'i las dang nyon mongs pa'i sgrib pa dang / mun pa thams cad rnam par sel cing ye shes kyi snang ba yongs su skyed do// rigs kyi bu 'di lta ste/ dper
- 252b
na me mar ni snying po ji tsam pa de'i rkyen tsam du snang bar byed de/ mar gyi tshogs ji srid du gnas pa de srid du 'bar ro// de bzhin du thams cad mkhyen pa nyid du sems bskyed pa'i ma mar yang / byang chub sems dpa'i smon lam gyi snying po'i khyad par ci 'dra ba de lta bur chos kyi dbyings yongs su snang bar byed de/ snying rje chen pos spyod pa'i mar gyi tshogs ji srid du gnas pa de srid du/ sems can gdul ba dang / zhing yongs su dag par bya ba dang / sangs rgyas kyi sku don bsgrub pa la yongs su 'bar bar gnas so// // shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste/ bam po brgya bcu gsum pa/ rigs kyi bu 'di lta ste/ dper na lha rdzas kyi 'dzam bu chu klung gi gser gyi rgyan lha'i rgyal po dbar sgyur gyi mgo la thogs pa ni/ 'dod pa la spyod pa'i lha'i bu thams cad kyis ma 'phrogs so// de bzhin du thams cad mkhyen pa nyid du sems bskyed pa lha rdzas kyi 'dzam bu chu klung gi gser gyi rgyan nan tan dang / yon tan la rab tu gnas pa byang chub sems dpa' phyir mi ldog pa rnams kyi smon lam chen po'i mgo la thogs pa ni/ byis pa tha dad pa'i skye bo dang / slob pa dang / mi slob pa dang / rang sangs rgyas thams cad kyis mi 'phrogs so/ / rigs kyi bu 'di lta ste/ dper na ri dwags kyi rgyal po seng ge'i nga ros ni seng ge'i phrug gu skyes nas ring po ma lon pa'ang nyams su bde zhing rnga'i/ ri dgas thams
- 253a
cad ni kun tu 'byer bar 'gyur ro/ / de bzhin du de bzhin gshegs pa skyes bu'i seng ge chen po'i thams cad mkhyen pa nyid kyi nga ro byang chub kyi sems yongs su rjod pa phyung bas ni las dang po pa'i byang chub sems dpa' seng ge'i phrug gu rnams sangs rgyas kyi chos kyis nyams su bde zhing rta'i/ dmigs pa la gnas pa'i sems can thams cad ni kun tu 'byer ro// rigs kyi bu 'di lta ste/ dper na seng ge'i rgyus pa las rgyud du byas pa'i pi wang gi sgras ni pi wang thams cad kyi rgyud yongs su 'chad do// de bzhin du de bzhin gshegs pa seng ge'i pha rol tu phyin pa'i sku mnga' ba'i byed chub tu sems bskyed pa'i rgyus pa'i yon tan brjod pa'i sgras 'dod pa'i rgyud kyi dga' ba'i pi wang thams cad kyi rgyud yongs su 'chad par 'gyur ro/ / nyan thos dang rang sangs rgyas kyi spyod pa dang yon tan gyi gtam thams cad kyang yongs su 'gag par 'gyur ro/ / rigs kyi bu 'di lta ste/ dper na rgya mtsho chen po ba dang / ma he dang / ra'i 'o mas yongs su gang ba'i nang du seng ge'i 'o ma thigs gcig blugs pas/ 'o ma thams cad 'gyes par 'gyur te 'dur mi btub bo// de bzhin du bskal pa brgya phrag stong du bsags pa'i nyon mongs pa kun gyi 'o ma'i rgya mtshor yang de bzhin gshegs pa skyes bu'i seng ge chen po'i thams cad mkhyen pa nyid du sems bskyed pa'i 'o ma'i thigs pa gcig blugs pas thams cad ma lus par zad par 'gyur te/ nyan thos dang rang sangs rgyas
- 253b
thams cad kyi rnam par thar pa rnams kyang mi gnas mi 'du'o/ / rigs kyi bu 'di lta ste/ dper na bya ka la bing ka'i phrug gu sgo nga'i sbubs nas ma byung ba la nga ro'i mthu'i khyad par yod pa de lta bu ni/ gangs kyi ri la gnas pa'i bya'i tshogs mthu dang shugs thams cad yongs su rdzogs pa thams cad la'ang med do// de bzhin du byang chub sems dpa' ka la bing ka'i phrug gu las dang po pa 'khor ba'i sgo ba'i sbubs na 'dug pa la snying rje chen po dang / byang chub kyi sems kying ro'i mthu'i khyad par yod pa de lta bu ni nyan thos dang rang sangs rgyas thams cad la med do// rigs kyis 'di lta ste/ dper na nam mkha' lding chen po'i phrug gu skyes nas ring po ma lon pa la gshog pa'i rlung gi stobs dang / mthu bdog pa dang / mig yongs su dag pa'i yon tan yod pa de lta/ bu ni/ de ma yin pa'i bya lus tshad du phyin pa gzhan thams cad la'ang med do// de bzhin du de bzhin gshegs pa nam mkha' lding chen po'i rigs dang / rgyad du byung ba'i byang chub sems dpa' nam mkha' lding chen po'i phrug gu sems dang po bskyed pa la thams cad mkhyen pa nyid du sems bskyed pa'i gshog pa'i rlung gi stobs dang / shugs bdog pa dang / snying rje chen po dang / lhag pa'i bsam pa'i mig yongs su dag pa'i yon tan yod pa'i nyan thos dang / rang sangs rgyas bskal pa brgya stong tshang bas byung ba thams cad la med do// rigs kyi bu 'di lta ste/ dper na skyes bu chen po'i lag
- 254a
nas spyad pa'i mde'u thung gis ni go cha ji tsam du sra'ang brtol to/ / de bzhin du byang chub sems dpa' brtson 'grus brtan pa dang ldan pa'i lag nas spyad pa'i thams cad mkhyen pa nyid du sems bskyed pa'i mde'u thung gis kyang lta ba dang bag la nyal ba'i go cha thams cad mi brtol ba med do/ / rigs kyi bu 'di lta ste/ dper na mthu bo che chen po khros te brngam pa'i dpral ba la thor bu ji srid du gnas pa de srid du 'dzam bu'i gling gi mi thams cad kyis kyang mi thub bo/ / de bzhin du byang chub sems dpa' mthu bo che chen po snying rje chen po badras pa'i lhan pa'i bsam pa'i gdong la thams cad mkhyen pa nyid du sems bskyed pa'i thor bu ji srid du gnas pa de srid du/ 'jig rten gyi khams thams cad du gtogs pa'i bdud thams cad dang / bdud kyi las thams cad kyis kyang mi thub bo// rigs kyi bu 'di lta ste/ dper na 'phong gi slob dpon gyi mtshan bu ma byang ba 'phong gi thabs la ma goms pa la 'phong gi gnas dang / thabs kyi mthu dang / khyad par bdog pa de lta bu ni thams cad la byang yang 'bong mi shes pa rnams la med do/ / de bzhin du byang chub sems dpa' cang shes las dang po pa thams cad mkhyen pa nyid du sa la goms pa la smon lam gyi ye shes dang mos pas spyod pa'i mthu'i khyad par ci bdog pa de lta bu ni/ byang chub tu sems ma bskyed pa'i sems can thams cad dang / slob pa dang / mi slob pa dang / rang sangs rgyas thams cad la med do// rigs kyi bu
- 254b
'di lta ste/ dper na 'phong slob pa'i 'phong gi rgyus thams cad la ni dang por rkang pa'i stangs la goms par bya ba la sngon du 'gro'o// de bzhin du byang chub sems dpa' thams cad mkhyen pa nyid kyi sa la slob pas sangs rgyas kyi chos thams cad khong du chud par bya ba la'ang / dang por thams cad mkhyen pa nyid du sems bskyed pa'i lhag pa'i bsam pa la yang dag par gnas pa sngon du 'gro'o// rigs kyi bu 'di lta ste/ dper na sgyu ma'i mkhan po sgyu ma'i rnam pa dang / yul thams cad yongs su ston pa'i bya ba thams cad ni dang por sngags kyi dngos grub mngon par bsgrub pa yid la byas na 'grub par 'gyur ro/ / de bzhin du byang chub sems dpa'i yul dang / rnam par 'phrul pa thams cad yongs su ston pa'i sangs rgyas dang / byang chub sems dpa'i yul thams cad la'ang dang po sems bskyed pa'i smon lam mngon par bsgrub pa ni yongs su grub pa yin no/ / rigs kyi bu 'di lta ste/ dper na sgyu ma'i sngags dang / rig sngags thams cad ni gzugs med la bstan du med pa yin yang / sems bskyed pas sgyu ma'i sprul pa dang / gzugs kyi rnam pa thams cad yongs su ston to// de bzhin du thams cad mkhyen pa nyid du sems bskyed pa'ang gzugs med la/ bstan du med de/ chos kyi dbyings thams cad sems bskyed pa la dbang sgyur ba tsam gyis chos kyi dbyings thams cad yon tan gyi rgyan rnam par phye ba thams cad kyis rnam par sgrub bo// rigs
- 255a
kyi bu 'di lta ste/ dper na byi la'i mig gis blta ba tsam gyis byi ba thams cad kun tu 'byor ro// de bzhin du byang chub sems dpa'i thams cad mkhyen pa nyid du sems bskyed pa'i lhag pa'i bsam pa'i sbyor ba tsam gyis las dang nyon mongs pa thams cad 'byer bar 'gyur ro/ / rigs kyi bu 'di lta ste/ dper na 'dzam bu chu klung gi gser gyi rgyan btags na rgyan thams cad zil gyis gnon to/ / de bzhin du byang chub sems dpa' byang chub kyi sems 'dzam bu chu klung gi gser gyi rgyan thogs pa'ang nyan thos dang rang sangs rgyas thams cad kyi yon tan gyi rgyan zil gyis gnon to/ / zil du rlag par byed do// rigs kyi bu 'di lta ste/ dper na rdzob khab long gi rgyal po'i khams ji tsam du chung yang lcags sgrog sra ba thams cad zhigs par byed do// de bzhin du sems thag pa nas bskyed pa'i thams cad mkhyen pa nyid du sems bskyed pa'i khams ji tsam du chung yang lta ba'i rnam pa dang / ma rig pa dang / sred pa'i sgrog thams cad zhigs par byed do/ / rigs kyi bu 'di lta ste/ dper na rdo ba khab long gi khams ni gang dang gang du bzhag pa de dang der lcags phal pa thams cad 'gyes shing mi gnas la mi 'du'o// de bzhin du thams cad mkhyen pa nyid du sems bskyed pa'i khams kyang las sam/ nyon mongs pa 'am/ nyan thos dang / rang sangs rgyas kyi rnam grol ba gang dang gang du byung ba de dang de dag gi las dang /
- 255b
nyon mongs pa thams cad dang / nyan thos dang / rang sangs rgyas kyi rnam par thar pa thams cad kyang 'byer zhing mi 'khod mi 'du'o// rigs kyi bu 'di lta ste/ dper na chu srin gyi tshil gyi zags ma gcig zos pa'i nye pa ni chu'i srog chags thams cad kyi 'jigs pa dang bral ba yin te/ chu srin gyis sos btab kyang lus la mi tshugs so// de bzhin du lhag pa'i bsam pas byang chub kyi sems kyi cha gcig zos pa'i byang chub sems dpa' yang 'khor ba'i las dang / nyon mongs pa'i 'jigs pa dang bral ba yin te/ nyan thos dang rang sangs rgyas thams cad kyis mngon par khong du chud par bya ba'i nang na 'dug kyang yang dag pa'i mtha' mngon du bya ba'i lam gol bar ltung bas gnod par mi 'gyur ro/ / rigs kyi bu 'di lta ste/ dper na bdud rtsi'i chu 'thungs pa'i skyes bu ni gzhan gyis gnod par bya ba thams cad kyis mi 'chi'o/ / de bzhin du byang chub sems dpa' thams cad mkhyen pa nyid du sems bskyed pa'i bdud rtsi'i chu 'thungs pa'ang / nyan thos dang rang sangs rgyas thams cad kyi sar mi 'chi'o/ / byang chub sems dpa'i snying rje chen po'i smon lam las kyang rgyun 'chad par mi 'gyur ro// rigs kyi bu 'di lta ste/ dper na bsku bsgrub pa'i skyes bu ni mi'i gnas thams cad rnam par spyod kyang mi kun gyis mi mthong ngo / / de bzhin du byang chub sems dpa' byang chub tu sems bskyed pa'i shes rab dang / smon lam gyis nye bar brtan pa bdud kyi yul thams cad la rnam
- 256a
par spyod kyang bdud thams cad kyis mi mthong ngo / / rigs kyi bu 'di lta ste/ dper na rgyal po chen po la rten pa'i skyes bu ni skye bo ma rabs thams cad kyis mi 'jigs so// de bzhin du byang chub sems dpa' thams cad mkhyen pa nyid du sems bskyed pa chos kyi rgyal po chen po la rten pa'ang / sgrib pa dang / bar chad dang / ngan song thams cad kyis mi 'jigs so// rigs kyi bu 'di lta ste/ dper na sa phug gi khyim na gnas na/ sa'i gseb thams cad rlan gyis yongs su gang bas me'i 'jigs pa med do// de bzhin du byang chub sems kyi rgyud byang chub kyi sems kyi dge ba'i rtsa bas mngon par brlan pa la'ang / nyan thos dang rang sangs rgyas kyi rnam par grol ba'i ye shes kyi mes 'jigs pa med do// rigs kyi bu 'di lta ste/ dper na dpa' bo la rten pa'i mi ni dgra thams cad kyis mi 'jigs so/ / de bzhin du byang chub sems dpa' thams cad mkhyen pa nyid du sems bskyed pa dpa' bo la rten pa'ang spyod pa ngan pa'i dgra thams cad kyis mi 'jigs so/ / rigs kyi bu 'di lta ste/ dper na lha'i dbang po brgya byin rdo rje'i lag cha thogs pa ni/ lha ma yin gyi tshogs thams cad rab tu 'jom mo// de bzhin du byang chub sems dpa' thams cad mkhyen pa nyid du sems bskyed pa brtan pa'i lhag pa'i bsam pa rdo rje'i lag cha thogs pa'ang bdud dang phas kyi rgol ba'i lha ma yin gyi tshogs thams cad rab tu 'jom mo/ /
- 256b
rigs kyi bu 'di lta ste/ dper na rtsi ro'i bcud 'thungs pa'i skyes bu ni tshe shin tu ring bar gnas so// nyam chung bar mi 'gyur ro// de bzhin du byang chub sems dpa' thams cad mkhyen pa nyid du sems bskyed pa'i ro'i bcud kyi tshogs 'thungs pa'ang bskal pa grangs med par 'khor yang yongs su skyo ba med la 'khor ba'i skyon gyis mi gos so/ / rigs kyi bu 'di lta ste/ dper na sman gyi ro sbyar ro cog thams cad du chu ni sngon du 'gro ba ste/ gang la'ang skyon du mi 'gyur ro// de bzhin du byang chu sems dpa'i spyod pa dang smon lam gyi tshogs sbyar ba thams cad du thams cad mkhyen pa nyid du sems bskyed pa ni sngon du 'gro ste/ gang la skyon du mi 'gyur ro// rigs kyi bu 'di lta ste/ dper na mi'i don du bya ba thams cad la ni srog gi dbang po sngon du 'gro'o/ / de bzhin du byang chub sems dpas sangs rgyas kyi chos thams cad yang dag par blang ba la'ang byang chub kyi sems sngon du 'gro'o// rigs kyi bu 'di lta ste/ dper na skyes bu srog gi dbang po dang bral ba ni las thams cad la mthu med pas pha ma dang / gnyen bshes kyi tshogs kyis kyang nye bar 'tsho bar byar med do// de bzhin du byang chub sems dpa' thams cad mkhyen pa nyid du sems bskyed pa dang bral ba'ang / sangs rgyas kyi ye shes thob par bya ba la mthu med pas/ sems can thams cad kyis kyang thams cad mkhyen pa nyid kyi yon tan gyis nye bar 'tsho bar byar
- 257a
med do/ / rigs kyi bu 'di lta ste/ dper na rgya mtsho chen po ni dug thams cad kyis gdug par mi nus so// de bzhin du thams cad mkhyen pa nyid du sems bskyed pa rgya mtsho chen po'ang las dang / nyon mongs pa dang / nyan thos dang / rang sangs rgyas su sems bskyed pa'i dug thams cad kyis gdug par mi nus so// rigs kyi bu 'di lta ste/ dper na nyi ma'i dkyil 'khor ni skar ma thams cad kyi 'od kyis thub par mi nus so/ / de bzhin du thams cad mkhyen pa nyid du sems bskyed pa'i nyi ma'i dkyil 'khor yang nyan thos dang rang sangs rgyas kyi skar ma thams cad kyi yon tan zag pa med pa'i 'od kyis mi thub bo/ / rigs kyi bu 'di lta ste/ dper na rgyal po'i bu skyes nas yun ring du ma lon pa'ang / blon po'i mchog tu bya ba nas rgan pa thams cad rigs su rigs dang ldan par skyes pa dang dbang gse zil gyis gnon to/ / de bzhin du byang chub sems dpa' byang chub tu sems bskyed nas ring po ma lon pa/ chos kyi rgyal po de bzhin gshegs pa'i rigs su skyes pa'i las dang po pa'ang / yun ring po nas tshangs par spyod spyod pa'i nyan thos nas rgan pa thams cad byang chub kyi sems kyi snying rje chen po'i dbang gis zil gyis gnon to// rigs kyi bu 'di lta ste/ dper na blon po ji tsam du nas rgan pas kyang rgyal bu gzhon nu ji tsam du chung ba la'ang phyag bya dgos so// rgyal po'i bus kyang blon po rgan po la rim gro mi bya ba ma yin no// de bzhin du
- 257b
nyan thos dang rang sangs rgyas ji tsam du rgan la/ ji tsam du tshangs pa'i spyod pa ring du spyod spyod pa rnams kyis kyang / byang chub sems dpa' las dang po pa la gdud par bya'o// byang chub sems dpas kyang nyan thos dang rang sangs rgyas rnams la rim gro med par bya ba ma yin no/ / rigs kyi bu 'di lta ste/ dper na rgyal po'i bu thams cad kyis mi dgos par bya ba zhig na'ang rgyal po'i mtshan dang ldan na/ rigs kyis btsun pas rgyal po'i blon po dam par bya ba thams cad dang yang mi mnyam mo// de bzhin du byang chub sems dpa' las dang nyon mongs pa'i nye bar len pa thams cad kyis non pa'ang thams cad mkhyen pa nyid du sems bskyed pa'i mtshan dang ldan na/ sangs rgyas kyi rigs kyis btsun zhing che bas nyan thos dang rang sangs rgyas mchog tu phyin pa thams cad dang yang mi mnyam mo/ / rigs kyi bu 'di lta ste/ dper na nor bu rin po che yongs su dag pa ni mig la rab ribi kyi skyon yod na yongs su ma dag par snang ngo // de bzhin du thams cad mkhyen pa nyid du sems bskyed pa rin po che rang bzhin gyis yongs su dag pa'ang sems can dad pa'i mig mi shes pa'i rab rib kyi skyon dang ldan pa rnams la yongs su ma dag par snang ngo / / rigs kyi bu 'di lta / dper na rtsi'i gzungs sngags dang rtsi thams cad bsdus te byas pa ni rig gam/ mthong ngam/ 'grogs na'ang sems can gyi nang rab tu zhi bar byed do// de bzhin du byang chub kyi sems
- 258a
kyi sems kyi smon lam dang / ye shes kyi lus dge ba'i rtsa ba'i tshogs dang / shes rab dang / thabs kyi sngags dang / rtsi thams cad las bsgrubs pa byang chub kyi sems dang ldan pa ni thos sam/ mthong ngam/ 'grogs sam/ rjes su dran pa'i tshul gyis kyang sems can gyi nyon mongs pa'i nad rab tu zhi bar byed do// rigs kyi bu 'di lta ste/ dper na gos dang ba'i mtshan nyid can ni 'idam gyi nyes pa thams cad kyis mi gos so/ / de bzhin du byang chub kyi sems kyi gos dang ba'i mtshan nyid can ni 'khor ba'i nyon mongs pa 'dam gyi skyon thams cad kyis kun nas nyon mongs par mi 'gyur ro/ / rigs kyi bu 'di lta ste/ dper na shing gi gzugs mgo gzer gyis btab pa ni yongs su 'gyes par mi 'gyur te bya ba thams cad kyang byed do// de bzhin du thams cad mkhyen pa nyid du smon pa'i ye shes kyis lus kyi spyi bo byang chub tu sems bskyed pa'i smon lam gyi gzer gyis btab pa'ang byang chub sems dpa'i bya ba thams cad la mthu yod do/ / thams cad mkhyen pa nyid kyi smon lam gyi ye shes las lus su grub pa yin pas yongs su 'gyes par mi 'gyur ro// rigs kyi bu 'di lta ste/ dper na gzer dang mi ldan pa'i 'khrul 'khor ni shing gi yan lag de nyid yin yang dgos pa bya ba'i mthu med do/ / de bzhin du byang chub sems dpa' thams cad mkhyen pa nyid du sems bskyed pa'i lhag pa'i bsam pa
- 258b
dang mi ldan na/ byang chub kyi yan lag gi tshogs de nyid yin yang / sangs rgyas kyi chos bsgrub pa la mthu med do// rigs kyi bu 'di lta ste/ dper na 'khor los sgyur ba'i rgyal po la r in po che a ka ru nag po glang po'i snying po zhes bya ba yod pa des bdugs ma thag tu rgyal po 'khor los sgyur ba'i yan lag bzhi pa'i dpung gi tshogs thams cad kyang nam mkha' la gnas par 'gyur ro/ / de bzhin du thams cad mkhyen pa nyid du sems bskyed pa a ka rus bdugs pa'i byang chub sems dpa' dge ba'i rtsa ba thams cad kyang khams gsum pa thams cad las rnam par 'das te/ de bzhin gshegs pa'i ye shes nam mkha'i spyod yul 'dus ma byas pa thams cad kyi mthar thug par 'gyur ro// rigs kyi bu 'di lta ste/ dper na rdo rje ni rin po che ma rabs kyi 'byung khung nas mi 'byung gi/ rdo rje'i 'byung khung ngam/ gser gyi 'byung khung nas 'byung ngo // de bzhin du thams cad mkhyen pa nyid du sems bskyed pa rdo rje lta bu'ang sems can gyi bsam pa'i dge ba'i rtsa ba ma rabs kyi rin po che'i 'byung gnas nas mi skye ste/ gzhan du na sems can yongs su skyob pa'i snying rje chen po'i rdo rje'i 'byung khung ngam/ thams cad mkhyen pa'i ye shes la lhag par dmigs pa'i gser gyi 'byung khung chen po nas 'byung ngo / / rigs kyi bu 'di lta ste/ dper na shing gi rigs rtsa ba med pa zhes bya ba yod de/ de'i rtsa ba mthar thug pa mi dmigs mod kyi shing
- 259a
rnams la yal ga dang / lo ma dang / 'dab ma dang / me tog shin tu rgyas pa dra ba lta bur gyur pa snang ngo // de bzhin du thams cad mkhyen pa nyid du sems bskyed pa'i rtsa ba'i mthar thug pa'ang mi dmigs mod kyi/ 'jig rten gyi skyed gnas thams cad du'ang thams cad mkhyen pa nyid kyi bsod nams dang / ye shes dang / mngon par shes pa'i me tog shin tu rgyas pa smon lam chen po'i dri bar gyur pa'ang yongs su snang ngo / / rigs kyi bu 'di lta ste/ dper na rdo rje ni snod ngan pa'i gzhi la 'dug na mdzes par mi snang ngo // snod ma brdol ba ma gtogs par snod rdol ba dang bu ga can gyis gzung bar mi nus so/ / de bzhin du thams cad mkhyen pa nyid du sems bskyed pa'i rdo rje chen po'ang sems can mos pa zhan pa'i snod dang / ser sna can nam/ tshul khrims ngan pa can nam/ gnod sems can nam/ le lo can nam/ dran pa 'khrugs pa 'am/ shes rab 'chal pa'i rnams la mi mdzes te/ byang chub sems dpa'i lhag pa'i bsam pa rin po che'i snod ma gtog par sems can lhag pa'i bsam pa log pa la zhugs pa blo mi brtan pa'i snod kyis kyang gzung bar mi nus so/ / rigs kyi bu 'di lta ste/ dper na rdo rje ni rin po che thams cad 'bugs so// de bzhin du thams cad mkhyen pa nyid du sems bskyed pa rdo rje'ang sangs rgyas kyi chos rin po che thams cad phugs par
- 259b
khong du chud par byed do/ / rigs kyi bu 'di lta ste/ dper na rdo rje ni brag thams cad shigs par 'jom mo// de bzhin du thams cad mkhyen pa nyid du sems bskyed pa rdo rje'ang lta ba'i rnam pa thams cad kyi brag shigs par 'jom mo/ / rigs kyi bu 'di lta ste/ dper na rdo rje rin po che ni tshig kyang thams cad las khyad par du 'phags pa'i gser gyi rgyan zil gyis gnon to// de bzhin du thams cad mkhyen pa nyid du sems bskyed pa rdo rje rin po che bsam pa log par zhugs pas chag par gyur kyang / nyan thos dang rang sangs rgyas thams cad kyi yon tan gyi gsar gyi rgyan zil gyis gnon to// rigs kyi bu 'di lta ste/ dper na rdo rje rin po che ni tshig kyang / 'phongs pa thams cad rnam par sel to// de bzhin du thams cad mkhyen pa nyid du sems bskyed pa rdo rje rin po che nan tan med pas chag par gyur kyang / 'khor ba'i 'phongs pa thams cad rnam par sel to// rigs kyi bu 'di lta ste/ dper na rdo rje'i khams ni ji tsam zhig tu chung yang nor bu dang rdo thams cad gcog pa'i mtshan nyid do/ / de bzhin du dmigs pa ji tsam du chung ba la zhugs kyang / thams cad mkhyen pa nyid du sems bskyed pa rdo rje'i khams ni mi shes pa thams cad 'jig par byed pa'i mtshan nyid do/ / rigs kyi bu 'di lta ste/ dper na rdo rje rin po che ni skye bo ma rabs kyi lag tu phyin par mi 'gyur ro// de bzhin du thams cad mkhyen pa nyid du sems bskyed pa rdo rje rin po che'ang
- 260a
ma rabs kyi bsam pa dang ldan pa dge ba'i rtsa ba ngan ngon can gyi lha dang mi'i lag tu phyin par mi 'gyur ro/ / rigs kyi bu 'di lta ste/ dper na rin po che yongs su brtag pa ya mi mkhas pa'i skyes bu ni rdo rje rin po che'i yon tan nyams su myong bar mi 'gyur ro/ / de bzhin du shes rab 'chal pa'i ngang tshul dang ldan pa'i skyes bu gang zag kyang byang chub kyi sems rdo rje rin po che chen po'i yon tan la mi mkhas pas kyang / de'i yon tan gyi khyad par nyams su myong bar mi 'gyur ro// rigs kyi bu 'di lta ste/ dper na rdo rje ni zhu bar mi nus so// de bzhin du thams cad mkhyen pa nyid kyi rgyur gyur pa'i byang chub tu sems bskyed pa rdo rje yang zhu bar mi nus so/ / rigs kyi bu 'di lta ste/ dper na rdo rje'i lag cha chen po ni gzhan du na mthu bo che chen po'i stobs ltar khyad par du 'phags pa'i mthu stobs kyi shugs drag po ma gtogs par stobs po che chen pos kyang bzung bar mi nus so/ / de bzhin du thams cad mkhyen pa nyid du sems bskyed pa'i rdo rje'i lag cha chen po'ang gzhan du na byang chub sems dpa' chen po thams cad mkhyen pa nyid kyi rgyu'i stobs kyis brtan pa dge ba'i rtsa ba tshad med pa'i mthu bo che chen po'i stobs ltar khyad par du 'phags pa/ stobs kyi shugs chen po'i rab tu thob pa ma gtogs par/ nyan thos dang rang sangs rgyas stobs po che thams cad kyis kyang yongs su bzung bar mi nus so// rigs kyi bu 'di lta ste/ dper na mtshon
- 260b
cha thams cad kyis mi tshugs pa gang du'ang rdo rjes mi tshugs pa med de kha mi 'bab bo/ / de bzhin du sems can yongs su smin par bya ba dang / gdul ba 'am/ dus gsum gyi bskal par spyad pa sdug sngal dang 'grogs par bya ba gang du nyan thos dang rang sangs rgyas kyi smon lam dang ye shes kyi mtshon chas rdugs pa/ de gang la'ang thams cad mkhyen pa nyid du sems bskyed pa'i rdo rje'i mtshom cha chen po thogs pa'i byang chub sems dpa' yongs su skyo ba'i yid med pas ni mi bzod pa med de kha ma 'bab bo/ / rigs kyi bu 'di lta ste/ dper na rdo rje ni gzhan du na rdo rje nyid las gyur pa'i gzhi ma gtogs par sa'i phyogs gang gis kyang gzung bar mi nus so/ / de bzhin du byang chub sems dpa' 'byung ba'i smon lam gyi tshogs rdo rje ni gzhan du na lhag pa'i bsam pas byang chub tu sems bskyed pa rdo rje brtan pa'i sa'i gzhi ma gtogs par/ nyan thos dang rang sangs rgyas thams cad kyis gzung bar mi nus so// rigs kyi bu 'di lta ste/ dper na rgya mtsho chen po'i snod rje'i gzhi sra zhing gseb med pas chu gsang du 'dzag par mi 'gyur ro/ / de bzhin du byang chub sems dpa'i dge ba'i rtsa ba byang chub kyi sems rdo rje gseb med pa yongs su bsngos pa'i gzhi can la gnas pa'ang srid par skyed pa thams cad kyis zad par mi 'gyur ro/ / rigs kyi bu 'di lta ste/ dper na rdo rje'i gzhi la rten pa'i las chen po ni 'jig par mi 'gyur ro// dma' bar
- 261a
mi 'gyur ro/ / de bzhin du byang chub tu sems bskyed pa rdo rje sra ba'i gzhi la rten pa'i byang chub sems dpa'i smon lam rnams kyang khams gsum thams cad du 'jig par mi 'gyur/ dma' bar mi 'gyur ro// rigs kyi bu 'di lta ste/ dper na rdo rje ni chus bangs pa 'am/ rul bar mi 'gyur ro// de bzhin du byang chub tu sems bskyed pa rdo rje'ang las dang nyon mongs pa thams cad kyi chur bskal par gnas kyang rul bar mi 'gyur/ bangs par mi 'gyur ro// rigs kyi bu 'di lta ste/ dper na rdo rje ni me thams cad kyi drod kyis kyang tshig par mi 'gyur yongs su gdung bar mi 'gyur ro/ / de bzhin du thams cad mkhyen pa nyid du sems bskyed pa rdo rje'ang 'khor ba thams cad kyi sdug bsngal gyi me'i drod thams cad kyis mi tshig go/ nyon mongs pa thams cad kyi me'i gdung bas gdung bar mi 'gyur ro/ / rigs kyi bu 'di lta ste/ dper na de bzhin gshegs pa dgra bcom pa yang dag par rdzogs pa'i sangs rgyas snying po byang chub la bzhugs shing bdud rgol du bzhug pa mdzad pa dang / thams cad mkhyen pa nyid du mngon par rdzogs par 'tshang rgya ba rnams kyi gdan ni/ gzhan du na stong gsum gyi stong chen po'i 'jig rten gyi khams kyi rdo rje'i lte ba'i sa'i gzhi ma gtogs par sa'i phyogs gzhan gyis gzung bar mi nus so/ / de bzhin du byang chub sems dpa' bla na med pa yang dag par rdzogs pa'i byang chub tu smon lam 'debs pa dang / spyad pa
- 261b
spyod pa dang / pha rol tu phyin pa yongs su rdzogs par byed pa dang / bzod pa la 'jug pa dang / sa thob par byed pa dang / dge ba'i rtsa ba yongs su rdzogs par byed pa dang / lung bstan pa yongs su nod pa dang / byang chub sems dpa'a'i lam gyi tshogs thams cad nye bar rton pa dang / de bzhin gshegs pa thams cad la mchod pa byed pa dang / chos kyi sprin chen po yongs su 'dzin pa rnams kyi dge ba'i rtsa ba'i stobs dang / shugs dang / drag shul de dag kyang gzhan du na thams cad mkhyen pa nyid du sems bskyed pa smon lam thams cad kyi ye shes rdo rje sra ba'i lte ba can ma gtogs par/ sems gzhan gyis yongs su gzung bar mi nus so// rigs kyi bu de ltar thams cad mkhyen pa nyid du sems bskyed pa ni yon tan de dag dang / gzhan tshad med pa nas yon tan gyi khyad par brjod du med pa dang ldan pa ste/ sems can gang gis bla na med pa yang dag par rdzogs pa'i byang chub tu sems bskyed pa de dag kyang yon tan gyi chos de lta bu dang ldan par gyur to/ / ldan par 'gyur ro// de bas na rigs kyi bu de ltar khyod bla na med pa yang dag par rdzogs pa'i byang chub tu bskyed de/ yon tan 'di dag rab tu thob par bya ba'i phyir/ byang chub sems dpa'i spyod pa yongs su tshol ba ni khyod kyis thob par bya ba legs par thob bo/ / rigs kyi bu khyod na re ji ltar byang chub sems dpa'i spyod pa spyad par bya/ ji ltar nan tan du bya zhes zer ba ni/ rig kyi bu 'ang ba brtseg pa chen po
- 262a
rnam par snang mdzad kyi rgyan gyis brgyan pa'i snying po 'di nyid kyi nang du song ste ltos shig dang / der khyod kyis ji ltar byang chub sems dpas byang chub sems dpa'i spyod pa la bsla bapar bya ba dang / bslabs nas kyang yon tan ji lta bu yongs su 'grub par 'gyur ba shes par 'gyur ro// de nas tshong dpon gyi bu nor bzangs kyis/ byang chub sems dpa' byams pa la g.yas phyogs su bskor ba byas te 'di skad ces smras so/ / 'phags pa pho brang brtsegs pa'i chab sgo dbyer gsol nang du mchi'o// de nas byang chub sems dpa' byams pas khang pa brtsegs pa rnam par snang mdzad kyi rgyan gyis brgyan pa'i snying po'i sgo drung du phyin te/ lag pa g.yas pas se gol gtogs te sgra phyung ba dang / de'i sgo de'ang rang bye bar gyur pa dang / des smras pa/ rigs kyi bu da khang pa brtsegs pa 'dir song zhig/ de nas tshong dpon gyi bu nor bzangs ngo mtshar chen po thob par gyur te/ khang pa brtsegs pa de'i nang du phyin pa dang / phyin ma thag tu sgo de'ang rang ched par gyur to/ / des mthong ba khang pa brtsegs pa de shin tu rgya che zhing yangs la/ rgyar dpag tshad brgya stong mang po dang ldan pa/ nam mkha'i dbyings kyi tshad kyis gzhal ba/ 'khor thams cad du nam mkha'i dbyings ltar yangs pa/ gdugs dang / rgyal mtshan dang / ba dan gyi rgyan grangs med pas brgyan pa/ rin po che grangs med pa'i rgyan gyis brgyan pa/ mu tig gi 'phreng ba grangs med pa rab tu
- 262b
sbyangs pa'i rgyan gyis brgyan pa/ rin po che'i 'phreng ba grangs med pa rab tu sbyangs pa'i rgyan gyis brgyan pa/ mu tig dmar po'i 'phreng ba grangs med pa rab tu sbyangs pa'i rgyan gyis brgyan pa/ seng ge'i mu tig gi 'phreng ba grangs med pa rab tu sbyangs pa'i rkyen gyis brgyan pa/ seng ge'i rgyal mtshan grangs med pa'i rgyan gyis brgyan pa/ zla ba dang zla gam grangs med pa'i rgyan gyis brgyan pa/ dar gyi lnga ldi sna tshogs grangs med pa rab tu sbyangs pa'i rgyan gyis brgyan pa/ dar gyi ba dan sna tshogs grangs med pa'i rgyan gyis brgyan pa/ rin po che mang po grangs med pa'i 'od kyi rgyan gyis brgyan pa/ gser gyi dra ba grangs med pa'i rgyan gyis brgyan pa/ rin po che'i snam bu grangs med pa'i rgyan gyis brgyan pa/ gser gyi lcags pod rin po ches spras pa grangs med pa'i rgyan gyis brgyan pa/ dril bu sgra snyan pa 'byung ba grangs med pa'i rgyan gyis brgyan pa/ rin po che'i dril bu g.yer ka'i dra ba bskyod na yid du 'ong ba'i sgra 'byung ba grangs med pa'i rgyan gyis brgyan pa/ lha rdzas kyi me tog mang po'i char mngon par 'bab pa grangs med pa'i rgyan gyis brgyan pa/ lha rdzas kyi 'phreng ba'i lda ldi mngon par sbyangs pa grangs med pa'i rgyan gyis brgyan pa/ gam yo nas spos kyi snod nas bdug spos 'thul ba'i yo byad grangs med pa'i rgyan gyis brgyan pa/ gser phye ma'i char rab tu 'bab pa grangs med pa'i rgyan gyis brgyan pa/ pu shu'i dra ba grangs med pa'i rgyan gyis brgyan pa/ skar khung grangs med pa'i rgyan gyis brgyan pa/
- 263a
rta babs grangs med pa'i rgyan gyis brgyan pa/ bags grangs med pa'i rgyan gyis brgyan pa/ me long gi dkyil 'khor grangs med pa'i rgyan gyis brgyan pa/ rin po che'i pha gu grangs med pa gtams pa'i rgyan gyis brgyan pa/ rin po che'i rtsig pa grangs med pa'i rgyan gyis brgyan pa/ rin po che'i ka ba grangs med pa'i rgyan gyis brgyan pa/ rin po che'i gos kyi sprin grangs med pa'i rgyan gyis brgyan pa/ rin po che'i shing grangs med pa'i rgyan gyis brgyan pa/ rin po che'i khri 'phang grangs med pa'i rgyan gyis brgyan pa/ rin po che'i lam grangs med pa'i rgyan gyis brgyan pa/ rin po che grangs med pa'i ba dan gyi rgyan gyis brgyan pa/ sa'i gzhi rgyan sna tshogs grangs med pa'i rkyen gyis brgyan pa/ rin po che grangs med pa las brtsigs pa'i khang pa'i rkyen gyis brgyan pa/ rin po che'i khri grangs med pa'i rgyan gyis brgyan pa/ rin po che'i bu mo grangs med pa'i rgyan gyis brgyan pa/ rin po che'i snam bu grangs med pa bting ba'i 'chag sa'i rgyan gyis brgyan pa/ 'dzam bu chu klung gi gser gyi chu shing gi ka ba shAn tu rnam par phye ba grangs med pa'i rgyan gyis brgyan pa/ rin po che thams cad kyis gzugs grangs med pa'i rgyan gyis brgyan pa/ byang chub sems dpa'i lus grangs med pa'i rgyan gyis brgyan pa/ bya'i tshogs yid du 'ong ba'i sgra 'byin pa grangs med pa'i rgyan gyis brgyan pa/ rin po che'i pad+mo grangs med pa'i rgyan gyis brgyan pa/ rin po che'i srog shing 'dzin pa grangs
- 263b
med pa'i rgyan gyis brgyan pa/ rdzing bu grangs med pa'i rgyan gyis brgyan pa/ me tog puN+Da ri ka grangs med pa'i rgyan gyis brgyan pa/ rin po che'i them skas grangs med pa'i rgyan gyis brgyan pa/ rin po che'i stegs bu rnam par bkod pa grangs med pa'i rgyan gyis brgyan pa/ rin po che sna tshogs grangs med pas spras pa'i rgyan gyis brgyan pa/ nor bu rin po che chen po'i 'od grangs med pa rab tu 'gyed pa'i rgyan gyis brgyan pa/ rin po che thams cad rnam par phye ba grangs med pa'i rkyen gyis brgyan pa/ yon tan dang legs pa phun sum tshogs pa grangs med pa'i rgyan gyis brgyan pa 'dug par mthong ste/ khang pa brtsegs pa de'i nang na'ang khang pa brtsegs pa gzhan brgya stong 'di lta bu'i rgyan gyi lhab lhub kyis brgyan pa/ rin po che'i gdugs dang / rgyal mtshan dang / lha'i ba dan grangs med pa'i rgyan gyis brgyan pa nas/ yon tan dang legs pa phun sum tshogs pa grangs med pa'i bar gyi rgyan gyis brgyan pas gang bar mthong ngo // khang pa brtsegs pa de dag thams cad kyang de ltar rgya che zhing yangs la/ de ltar tshad med de nam mkha'i mdzod du gyur pa/ kun nas shin tu sba bar 'khod par mthong ngo // des khang pa brtsegs pa rnam par phye ba de dag thams cad kyang dmigs pa gcig la phan tshun ma 'dres pa dang / phan tshun ma 'dzangs pa dang / phan tshun sa la sal por 'dug par gzugs brnyan gyi tshul du de la snang bar gyur te/ dmigs pa gcig la ji lta ba de bzhin du dmigs pa ma lus pa de dag thams cad la'ang
- 264a
snang bar mthong ngo / / de nas tshong dpon gyi bu nor bzangs kyis khang pa brtsegs pa chen po rnam par snang mdzad kyi rgyan gyis brgyan pa'i snying po'i yul dang / rnam par 'phrul pa bsam gyis mi khyab pa rnam pa de lta bu dag mthong nas/ dga' ba'i shugs dpag tu med pa rnam par 'phel ba'i spro ba dang / mos pa chen pos lus dang sems mngon par brlan pa dang / 'du shes kyi rnam pa thams cad rnam par bsal ba'i yid dang / sgrib pa thams cad rnam par bzlog pa'i sems dang / rmongs pa thams cad dang rnam par bral ba dang / 'khrul pa med pa'i phyogs la rab tu gzhol ba dang / sgra thams cad la thogs pa med pa'i dran pas rnam par dmigs pa'i rna ba dang ldan pa dang / yid la bya ba'i rnam par 'khrug pa thams cad dang bral ba dang / rnam par thar pa sgrib pa med pa'i tshul gyi rjes su 'brang ba'i blo dang / dmigs pa thams cad la sgrib pa med par mig rab tu 'gro bar gyur nas/ phyogs kyi rgyud thams cad la mngon du bltas pa'i lus kyi phyag bya bar mngon par bsgrub pa'i stobs thams cad du khyab pa dang ldan pa'i lus thams cad kyis phang ste phyag byas so/ / de ltar tshong dpon gyi bu nor bzangs kyis phyag byas ma thag tu/ byang chub sems dpa' byams pa'i byin gyi rlabs kyi mthus khang pa brtsegs pa de dag thams cad kyi nang du bdag nyid phyin par shes par gyur to// khang pa brtsegs pa de dag thams cad du'ang rnam par 'phrul
- 264b
pa bsam gyis mi khyab pa'i yul can rnam pa sna tshogs rnam pa tha dad pa mang po'ang mthong bar gyur te/ khang pa brtsegs pa la lar ni byang chub sems dpa' byams pas thog ma rigs ni gang du skyes te/ ming ca zhes bya bar gyur pa zhig gis dge ba'i rtse ba gang dang / yongs su bskul ba gang dang / dge ba'i bshes gnyen gang gis yang dag par bskul ba dang / tshe'i tshad ni ji tsam zhig tu/ bskal pa'i ming ni ci zhes bya bar/ de bzhin gshegs pa ni gang la/ rgyan ni ji lta bu zhig dang ldan pa'i zhing du/ 'khor na ji lta bu zhig tu/ smon lam gyi khyad par ni ji lta bu zhig mngon par bsgrubs te/ bla na med pa yang dag par rdzogs pa'i byang chub tu smon lam gyi sems bskyed pa de dag thams cad kyang mthong bar gyur to/ / shes par gyur to// khong du chud par gyur to// de'i tshe sems can de dag dang / de bzhin gshegs pa de'i sku tshe'i tshad dang / tshe'i tshad ji srid cig tu gyur pa de tsam gyi dus su/ de bzhin gshegs pa de'i zhabs kyi drung na bdag nyid 'dug par yang shes par gyur te/ bya ba de dag thams cad kyang mthong bar gyur to/ / khang pa brtsegs pa la lar ni byang chub sems dpa' byams pas thog ma gang du byams pa'i ting nge 'dzin thob par gyur pa dang / dus gang nas bzung ste/ de'i ming byams pa zhes bya bar gyur pa de dag mthong bar gyur to/ / la lar ni gang du spyod pa spyad pa dang / la lar ni gang du pha rol tu phyin pa yongs su rdzogs par byas pa dang / la lar ni gang du bzod pa la zhugs pa dang / la lar
- 265a
ni gang du sa non pa dang / la lar ni gang du sangs rgyas kyi zhing gi rgyan yongs su bzung ba dang / la lar ni gang du de bzhin gshegs pa'i bstan pa yongs su bzung ba dang / la lar ni/ gang du mi skye ba'i chos la bzod pa thob par gyur pa dang / la lar ni gang du bla na med pa yang dag par rdzogs par byang chub tu lung bstan pa dang / rnam pa ni ji lta bu zhig tu lung bstan pa dang / lung ni sus bstan pa dang / yun ni ji srid cig gis lung bstan pa de dag thams cad kyang mthong bar gyur to// khang pa brtsegs pa la lar ni byang chub sems dpa' byams pa 'khor los sgyur ba'i rgyal por gyur te/ sems can rnams dge ba bcu'i las kyi lam la rab tu 'god pa mthong bar gyur to// la lar ni 'jig rten gyi mgon por gyur te/ 'jig rten gyi phan pa dang bde ba thams cad kyis sems can rnams la nye bar sdud pa dang / la lar ni brgya byin du gyur te/ 'dod pa'i yon tan gyi dga' ba las sems can rnams rnam par zlog pa dang / la lar ni tshangs par gyur te/ bsam gtan dang tshad med pa'i dga' ba sems can rnams la yongs su rjod pa dang / la lar ni lha'i dbang po rab mtshe mar gyur te/ tshad med pa'i yon tan sems can rnams la yongs su rjod pa dang / la lar ni lha'i dbang po rab dga' ldan du gyur te/ byang chub sems dpa' tshe gcig gis thogs pa'i yon tan rjod pa dang / la lar ni lha'i rgyal po rab 'phrul dga' bar gyur te/ lha'i 'khor du byang chub sems dpa'
- 265b
thams cad kyi sprul pa'i rgyan yongs su ston pa dang / la lar ni lha'i rgyal po dbang sgyur du gyur te/ lha rnams la chos thams cad la dbang sgyur ba yang dag par ston pa dang / la lar ni bdud du gyur te/ lha rnams la phun sum tshogs pa thams cad mi rtag par ston pa dang / la lar na lha ma yin gyi dbang po'i gnas su skyes te/ lha ma yin gyi 'khor na nga rgyal dang / dregs pa dang / rlom pa thams cad rab tu spang ba dang / ye shes kyi rgya mtsho chen por 'jug par bya ba dang / chos kyi ye shes kyi sgyu thob par bya ba'i phyir chos ston pa mthong ngo // khang pa brtsegs pa la lar ni gshin rje'i 'jig rten mthong bar gyur te/ de na byang chub sems dpa' byams pa 'od kyis sems can dmyal ba thams cad snang bar byed cing / sems can dmyal bar skyes pa'i sems can rnams kyi sems can dmyal ba'i sdug bsngal thams cad rab tu zhi bar byed pa mthong ngo / / khang pa brtsegs pa la lar ni yi dgas kyi gnas mthong bar gyur te/ de na byang chub sems dpa' byams pa sems can yi dgas kyi gnas su skyes pa rnams la kha zas dang btung ba mang po nye bar sgrub cing bkres pa dang skom pa rab tu zhi bar byed pa mthong ngo / / khang pa brtsegs pa la lar ni byol song gi skye gnas na skye ba'i skye mched rnam pa tha dad pa sna tshogs kyis byol song gi skye gnas su gtogs pa'i sems can mang po 'dul ba mthong ngo / / khang pa brtsegs pa la lar ni rgyal po chen po'i khams su gtogs pa'i lha'i
- 266a
'khor na 'jig rten gyi mgon po rnams la chos ston pa mthong ngo / / la lar ni lha'i dbang po brgya byin gyi 'khor na/ la lar ni lha'i rgyal po rab mtshe ma'i 'khor na la lar ni lha'i rgyal po rab dga' ldan gyi 'khor na/ la lar ni lha'i rgyal po rab 'phrul dga'i 'khor na/ la lar ni lha'i rgyal po dbang sgyur gyi 'khor na/ la lar ni bdud kyi 'khor na/ khang pa brtsegs pa la lar ni tshangs pa'i dbang po'i 'khor na/ byang chub sems dpa' byams pa chos ston pa mthong ngo // la lar ni klu dang lto 'phye chen po'i 'khor na/ la lar ni gnod sbyin dang srin po'i 'khor na/ la lar ni dri za dang mi 'am ci'i 'khor na/ la lar ni lha ma yin dang gsod 'phrog gi dbang po'i 'khor na/ la lar ni nam mkha' lding gi dbang po chen po'i 'khor na// la lar ni mi'i 'khor na/ khang pa brtsegs pa la lar ni lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i 'khor na/ byang chub sems dpa' byams pa chos ston pa mthong ngo // la lar ni nyan thos kyi 'khor na/ la lar ni rang sangs rgyas kyi 'khor na/ la lar ni byang chub sems dpa'i 'khor na/ khang pa brtsegs pa la lar ni byang chub sems dpa' sems thog ma bskyed pa las dang po pa rnams la byang chub sems dpa' byams pa chos ston pa mthong ngo // la lar ni spyod pa la zhugs pa rnams la/
- 266b
la lar ni bzod pa thob cing phyir mi ldog pa rnams la/ la lar ni tshe gcig gis thogs shing dbang bskur ba rnams la/ khang pa brtsegs pa la khar ni byang chub sems dpa' sa dang po la gnas pa rnams la sa'i khyad par yongs su brjod pa mthong ngo / / la lar ni sa bcu la gnas pa'i bar gyi byang chub sems dpa' rnams dang lhan cig tu byang chub sems dpa' byams pa sa thams cad kyi khyad par yang dag par 'gro ba byed pa mthong ngo / / la lar ni pha rol tu phyin pa thams cad yongs su rdzogs par bya ba dang / la lar ni bslab pa thams cad la mngon du 'jug par bya ba kun tu mtha' yas pa dang / la lar ni ting nge 'dzin gyi sgo la 'jug pa rgya chen po dang / la lar ni rnam par thar pa'i tshul zab mo dang / la lar ni bsam gtan dang / ting nge 'dzin dang / snyoms par 'jug pa/ mngon par shes pa zhi ba'i yul gyis rgyas par dgang ba dang / la lar na byang chub sems dpa'i spyod pa dang / 'dul ba dang / thabs kyi sgo la 'jug pa dang / la lar ni smon lam mngon par bsgrub pa rgya che ba dang / khang pa brtsegs pa la lar ni byang chub sems dpa' byams pa skal ba mthun par spyod pa'i byang chub sems dpa' rnams dang 'grogs shing 'jig rten la phan par bya ba'i don du bzo'i gnas sna tshogs dang / gtsug lag gi khyad par sems can thams cad la phan pa dang / bde bar 'gyur ba dang / 'byor pa rnams yang
- 267a
dag par 'gro ba mthong ngo / / la lar ni byang chub sems dpa' tshe gcig gis thogs pa rnams dang 'grogs shing / sangs rgyas thams cad kyi ye shes la dbang bskur ba'i sgo yang dag par 'gro ba mthong ngo / / khang pa brtsegs pa la lar ni byang chub sems dpa' byams pa 'chag pa byed cing / lo brgya stong du mar mi stong brtson pa mthong ngo // la lar na lung 'bog pa dang kha ton bya ba la brtson par/ la lar ni chos kyi sgo rab tu brtag pa la brtson par/ la lar ni dam pa'i chos 'gro ba la brtson par la lar ni dam pa'i chos bri ba la brtson par/ la lar ni byams pa la mnyam par bzhag par/ la lar ni bsam gtan dang tshad med pa thams cad la mnyam par bzhag par/ la lar ni rgyas pa'i skye mched dang / rnam par thar pa thams cad la mnyam par bzhag pa dang / khang pa brtsegs pa la lar ni byang chub sems dpa' byams pa byang chub sems dpa'i mngon par shes pa bsgrub pa'i thabs kyi ting nge 'dzin la mnyam par bzhag pa mthong ngo // khang pa brtsegs pa la lar ni byang chub sems dpa'i ting nge 'dzin sprul pa yod pa la mnyam par bzhag pa'i byang chub sems dpa' mang po mthong ste/ de dag gi lus thams cad dang ba spu'i sgo thams cad nasasprul pa thams cad kyi sprini mang po 'byung ba mthong ngo / / la lar ni lus dang ba spu'i sgo thams cad nas ni lha'i ris kyi sprin mang po 'byung ba mthong ngo // la la'i ni lus
- 267b
dang ba spu'i sgo thams cad nas ni klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang 'jig rten gyi mgon po dang / 'khor los sgyur ba'i sprin mang po 'byung ba dang / la la'i lus dang ba spu'i sgo thams cad nas ni khams kyi rgyal po'i sprin mang po 'byung ba dang / la la'i lus dang ba spu'i sgo thams cad nas ni rgyal bu gzhon nu'i sprin mang po 'byung ba dang / la la'i lus dang ba spu'i sgo thams cad nas ni tshong dpon dang / blon po dang / khyim bdag gi sprin mang po dang la la'i lus dang ba spu'i sgo thams cad nas ni nyan thos dang / rang sangs rgyas dang / byang chub sems dpa'i sprin mang po dang / la la'i lus dang ba spu'i sgo thams cad nas ni de bzhin gshegs pa'i sku'i sprin mang po dang / la la'i lus dang ba spu'i sgo thams cad nas ni sems can thams cad du sprul pa'i sprin tshad med pa 'byung ba mthong ngo // la la'i lus dang ba spu'i sgo thams cad nas ni chos kyi sgo rnam pa sna tshogs 'byung ba thos par gyur te/ 'di ltar byang chub sems dpa'i yon tan bsngags pa'i sgo dang / sbyin pa'i pha rol tu phyin pa'i sgo dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / smon lam dang / stobs dang / ye shes kyi pha rol tu phyin pa'i sgo dang / bsdu ba'i dngos po dang / bsam gtan dang
- 268a
tshad med pa dang / ting nge 'dzin dang / snyoms par 'jug pa dang / mngon par shes pa dang / rig pa dang / gzungs dang / spobs pa dang / bden pa dang / tha dad pa yang dag par shes pa dang / zhi gnas dang / lhag mthong dang / rnam par thar pa'i sgo dang / rten cing 'brel par 'byung ba dang / brten pa dang / chos kyi mdo dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / nyan thos kyi theg pa'i gtam dang / rang sangs rgyas kyi theg pa'i gtam dang / theg pa chen po'i gtam dang / sa dang / bzod pa dang / spyod pa dang / smon lam gyi sgo dang / de bzhin du chos thams cad kyi sgor 'jug pa'i sgra mang po 'byung ba thos so// khang pa brtsegs pa la lar ni de bzhin gshegs pa'i 'khor gyi dkyil 'khor kun nas 'dus par mthong ste/ de bzhin gshegs pa de dag gi rnam pa tha dad pa rnam pa sna tshogs skye ba dang / rigs rnam pa tha dad pa dang / sku rnam par phye ba tshad med pa rnam pa tha dad pa dang / sku tshe rnam pa tha dad pa dang / zhing rnam pa tha dad pa dang / bskal pa rnam pa tha dad pa dang / chos bstan pa rnam pa tha dad pa dang / 'byung ba'i sgo rnam pa tha dad pa dang / dam pa'i chos gnas pa rnam pa tha dad pa nas/ 'khor gyi dkyil 'khor rnam pa thams cad du rnam pa tha dad pa dag kyang ma lus par
- 268b
mthong bar gyur to/ / khang pa brtsegs pa chen po rnam par snang mdzad kyi rgyan gyis brgyan pa'i snying po de'i dbus su khang pa brtsegs pa gcig cig gzhan pas cha la yangs shing / khang pa brtsegs pa gzhan thams cad kyi rgyan ma lus pa thams cad pas kyang ches lhag par 'phags pa'i rgyan gyis yang dag par brgyan pa zhig 'dug par mthong ste/ khang pa brtsegs pa de'i nang na stong gsum gyi stong chen po'i 'jig rten gyi khams 'dug pa mthong ngo / / stong gsum gyi stong chen po'i 'jig rten gyi khams de na'ang gling bzhi pa bye ba phrag brgya dang / 'dzam bu'i gling bye ba phrag brgya dang / dga' ldan gyi gnas bye ba phrag brgya 'khod par mthong ngo // 'dzam bu'i gling de dag thams cad na'ang byang chub sems dpa' byams pa pad+mo'i nang nas skye ba dang / brgya byin dang tshangs pas yongs su blangs pa dang / gom pa bdun du 'gro ba dang / phyogs bcur rnam par bltas pa dang / seng ge'i nga ro chen po sgrog pa dang / gzhon nu'i sa thams cad yongs su ston pa dang / btsun mo'i 'khor gyi nang na gnas pa dang / bza' shing gi ra bar 'gro ba dang / thams cad mkhyen pa nyid la mngon du phyogs te mngon par byung nas rab tu 'byung ba dang / dka' ba'i spyod pa yongs su sten pa dang / zas za ba dang / snying po byang chub tu 'gro ba dang / bdud rgol du 'jug pa dang / byang chub tu rnam par 'tshang rgya ba dang / byang chub kyi shing la mig ma
- 269a
'gebs pas lta ba dang / tshangs pa chen pos gsol ba gdab pa dang / mngon par rdzogs par sangs rgyas te/ chos kyi 'khor lo bskor ba'i yul sna tshogs yongs su bstan pa rnam pa tha dad pa dang / tshul dang ming rnam pa sna tshogs bstan pa tha dad pa dang / tshe'i tshad sna tshogs rnam pa tha dad pa dang / 'khor gyi dkyil 'khor gyi rgyan sna tshogs rnam pa tha dad pa dang // sangs rgyas kyi zhing rnam par dag pa'i tshul bstan pa sna tshogs rnam pa tha dad pa dang / spyod pa dang smon lam brjod pa sna tshogs rnam pa tha dad pa dang / chos bstan cing rnam par dgod pa dang / sems can yongs su smin par bya ba'i thabs sna tshogs rnam pa tha dad pa dang / ring bsrel bgo ba dang / bstan pa gnas pa'i byin gyi rlabs yongs su bstan pa sna tshogs rnam pa tha dad pas chos kyi 'khor lo bskor zhing / lha'i gnas su 'gro ba mthong ste/ de dag thams cad na'ang tshong dpon gyi bu nor bzangs nyid rkang pa'i drung na 'dug par rang gis shes par gyur to// de 'khor gyi dkyil 'khor thams cad dang / bya ba thams cad yongs su bstan pa dang / tshe'i tshad rnam pa tha dad pa thams cad la dran pa ma nyams pa'i byin gyi rlabs kyis 'du shes kyi rnam pa thams cad khong du chud pa'i ye shes kyi sa la gnas pas/ khang pa brtsegs pa de dag gi dril dang / dril bu g.yer ka'i dra ba dang / rol mo dang klu la sogs pa'i dmigs pa ji snyed cig yod pa de dag thams
- 269b
cad las chos kyi sprin gyi 'brug smra bsam gyis mi khyab pa 'byung ba thos par gyur te/ la la las ni byang chub kyi sems rnam pa tha dad pa dang / la la las ni pha rol tu phyin pa'i spyod pa dang / sngon lam rnam pa tha dad pa dang / la la las ni sa tshad med pa rnam pa tha dad pa dang / la la las ni mngon par shes pa bsam gyis mi khyab pas rnam par 'phrul pa rnam pa tha dad pa dang / la la las ni de bzhin gshegs pa'i mchod pa sna tshogs rnam pa tha dad pa dang / la la las ni sangs rgyas kyi zhing gi rgyan rnam pa tha dad pa dang / la la las ni de bzhin gshegs pa'i chos kyi sprin tshad med pa rnam pa tha dad pa dang / de bzhin du chos thams cad kyi sgra gang du ji skad du brjod pa thams cad thos par gyur to// la la las ni thams cad mkhyen pa nyid du 'jug pa'i sgra thos te/ 'jig rten gyi khams che ge mo zhig ces byang chub sems dpa' ming dang che ge mo zhig gis chos kyi sgo ni che ge mo zhig ces bya ba thos/ dge ba'i bshes gnyen ni che ge mo zhig gis yang dag par bskul/ de bzhin gshegs pa ni che ge mo zhig gi zhabs kyi drung du/ bskal pa'i ming ni 'di zhes bya bar sangs rgyas kyi zhing ni 'di lta bu zhig tu/ 'khor gyi dkyil 'khor ni 'di lta bu zhig na 'dug 'dug ste/ dge ba'i rtsa ba ni 'di lta bu zhig bskyed nas/ de bzhin gshegs pa'i yon tan ni 'di lta bu dag cig thos te/ lhag pa'i bsam pa ni 'di lta bu dang / smon lam gyi rnam pa ni 'di
- 270a
'dra ba zhig gis byang chub tu sems bskyed nas/ des bskal pa ni 'di snyed cig tu byang chub sems dpa'i spyod pa spyad de/ bskal pa 'di snyed cig gi bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ / mtshan ni 'di zhes bya/ sku tshe'i tshad ni 'di tsam zhig ste/ sangs rgyas kyi zhing gi yon tan dang / rgyan phun sum tshogs pa 'di 'dra ba dang / smon lam gyi khyad par 'di lta bu zhig dang / sems can rnam par gdul ba 'di 'dra ba zhig dang / nyan thos dang rang sangs rgyas kyi 'khor kun nas 'dus pa 'di dri ba zhig go/ / de yongs su mya ngan las 'das nas kyang bskal pa 'di snyed cig tu dam pa'i chos gnas par 'gyur ro// sems can gyi don ni 'di tsam zhig tu 'gyur ro zhes bya ba'i sgra thos so/ / la la las ni 'jig rten gyi khams che ge mo zhig na/ byang chub sems dpa' ming dang che ge mo zhig sbyin pa'i pha rol tu phyin pa la spyod na/ gtang pabar dka' ba 'di lta bu yongs su gtong ba brgya ni byed do/ / byang chub sems dpa' che ge mo zhig ni tshul khrims srung ngo // bzod pa sgom mo// brtson 'grus rtsom mo// bsam gtan la snyoms par 'jug go/ / shes rab kyis rnam par dbye ba brtson no// byang chub sems dpa' che ge mo zhig ni dam pa'i chos yongs su btsal ba'i don du rgyal po'i srid yongs su gtong bar byed do//
- 270b
rin po che yongs su gtong ba dang / bu yongs su gtong ba dang / chung ma yongs su gtong ba dang / rkang lag dang / mig dang / mgo yongs su gtong bar byed do// mer mchod bar byed do/ / byang chub sems dpa' ming dang che ge mo zhig gis ni de bzhin gshegs pa'i bstan pa bzung ste chos smra bar byed do// chos kyi sbyin pa gtong ngo // chos kyi mchod sbyin byed do/ / chos kyi rgyal mtshan sgreng ngo // chos kyi rnga rdung ngo // chos kyi dung 'bud do// chos kyi char 'bebs so// de bzhin gshegs pa'i bstan pa 'dzin to// de bzhin gshegs pa'i mchod rten rgyan pa byed do/ / de bzhin gshegs pa'i sku gzugs rgyan pa byed do// sems can la bde ba'i yo byad kyis sdud do// dam pa'i chos kyi mdzod srung ngo zhes bya ba'i sgra thos so// la la las ni 'jig rten gyi khams che ge mo zhig ces bya ba na/ de bzhin gshegs pa mtshan che ge mo zhig dbang skur ba ming dang che ge mo zhig gis 'khor 'di lta bu zhig na/ sangs rgyas kyi zhing 'di lta bu zhig dang / bskal pa 'di lta bu zhig la/ sku tshe'i tshad 'di tsam zhig dang / chos bstan pa 'di lta bu dang / sems can 'dul ba 'di 'dra ba dang / 'di lta bu'i smon lam gyis mngon par 'tshang rgya bas/ da ltar bzhugs shing 'tsho skyong ngo zhes bya ba dang / de bzhin du dril dang / dril bu g.yer ka'i dra ba dang / rol mo la sogs pa'i dmigs pa thams cad las
- 271a
chos kyi sgo rnam pa tha dad pa tshad med pa'i sgra zos par gyur te/ sgra de dag thams cad thos pas/ tshong dpon gyi bu nor bzangs dga' ba'i shugs rgya chen pos mngon par brlan pa'i sems kyis/ chos kyi sgo de dag thos nas/ la lar ni gzungs kyi sgo mang po thob par gyur to// la lar ni spobs pa'i sgo mang po thob par gyur to// la lar ni bzod pa'i sgo mang po thob/ par gyur to// la lar ni spyod pa'i sgo mang po thob par gyur to// la lar ni smon lam gyi sgo mang po thob par gyur to// la lar ni pha rol tu phyin pa'i sgo mang po thob par gyur to// la lar ni mngon par shes pa'i sgo mang po thob par gyur to// la lar ni rig pa dang ye shes snang ba'i sgo mang po thob par gyur to// la lar ni rnam par thar pa'i sgo mang po thob par gyur to// la lar ni ting nge 'dzin gyi sgor 'jug pa mang po thob par gyur to/ / // shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste/ bam po brgya bcu bzhi pa/ me long gi dkyil 'khor de dag las kyang gzugs brnyan gyi rgyan rnam par dmigs pa tshad med pa mthong bar gyur te/ la lar ni de bzhin gshegs pa'i 'khor gyi dkyil 'khor gyi gzugs brnyan rnam par dmigs pa mthong ngo / / la lar ni byang chub sems dpa'i 'khor gyi dkyil 'khor gyi gzugs brnyan rnam par dmigs pa dang / la lar ni nyan
- 271b
thos kyi 'khor gyi dkyil 'khor gyi gzugs brnyan rnam par dmigs pa dang / la lar ni rang sangs rgyas kyi 'khor gyi dkyil 'khor gyi gzugs brnyan rnam par dmigs pa dang / la lar ni de bzhin gshegs pa'i 'khor gyi dkyil 'khor gyi gzugs brnyan rnam par dmigs pa dang / la lar ni kun nas nyon mongs pa'i zhing gi gzugs brnyan rnam par dmigs pa dang / la lar ni rnam par dag pa'i zhing gi gzugs brnyan rnam par dmigs pa dang / la lar ni kun nas nyon mongs shing rnam par dag pa'i zhing gi gzugs brnyan rnam par dmigs pa dang la lar ni rnam par dag cing kun nas nyon mongs pa'i zhing gi gzugs brnyan rnam par dmigs pa dang / la lar ni sangs rgyas dang bcas pa'i 'jig rten gyi khams kyi gzugs brnyan rnam par dmigs pa dang / la lar ni sangs rgyas mi bzhugs pa'i 'jig rten gyi khams kyi gzugs brnyan rnam par dmigs pa dang / la lar ni chung ba'i 'jig rten gyi khams kyi gzugs brnyan rnam par dmigs pa dang / la lar ni che ba'i 'jig rten gyi khams kyi gzugs brnyan rnam par dmigs pa dang / la lar ni phra ba'i 'jig rten gyi khams kyi gzugs brnyan rnam par dmigs pa dang / la lar ni rgya che ba'i 'jig rten gyi khams kyi gzugs brnyan rnam par dmigs pa dang / la lar ni mig 'phrul gyis
- 272a
'jug pa'i 'jig rten gyi khams kyi gzugs brnyan rnam par dmigs pa dang / la lar ni snrel zhi'i 'jig rten gyi khams kyi gzugs brnyan rnam par dmigs pa dang / la lar ni spyi'u tshugs kyi 'jig rten gyi khams kyi gzugs brnyan rnam par dmigs pa dang / la lar na sa gzhi mnyam par 'dug pa'i 'jig rten gyi khams kyi gzugs brnyan rnam par dmigs pa dang / la lar ni sems can dmyal ba dang / byol song dang / yi dgas kyi gnas kyi 'jig rten gyi khams kyi gzugs brnyan rnam par dmigs pa dang / la lar ni lha dang mis gang ba'i 'jig rten gyi khams kyi gzugs brnyan rnam par dmigs pa mthong bar gyur to// 'chags de dag dang / gnas de dag dang / stan de dag la byang chub sems dpa' grangs med pa dgos pa sna tshogs la brtson pa dag kyang mthong bar gyur te/ la la ni 'chag pa dang / la la ni bsam gtan byed pa dang / la la ni lta ba dang / la la ni sems can rnams la snying rje chen pos rgyas par 'gengs pa dang / la la ni gtsug lag gi tshul sna tshogs 'jig rten gyi don du 'gyur ba bsgrub pa dang / la la ni lung nod pa dang / la la ni kha ton byed pa dang / la la ni yi ge 'dri ba dang / la la ni dri ba yongs su 'dri ba dang / la la ni phung po gsum pa'i bshags pa dang yongs su bsngo ba la brtson pa dang /
- 272b
la la ni smon lam mngon par sgrub par byed par mthong ngo // ka ba de dag las kyang rin po che'i rgyal po tham cad kyi 'o kyi dra ba mang po 'byung ba mthong ste/ la la las ni kha dog sngon po dang / la la las ni kha dog ser po dang / la la las ni kha dog dmar po dang / la la las ni kha dog dkar po dang / la la las ni shel gyi kha dog dang / la la las ni gser gyi kha dog dang / la la las ni in+d+ra nI la'i kha dog dang / la la las ni 'ja'i kha dog dang / la la las ni 'dzam bu chu klung gi gser kyi kha dog dang / la la las ni 'od thams cad du sna tshogs pa'i kha dog dang / lus dang sems kyi bde ba skyed pa blta mchog tu mdzes pa mthong bar gyur to// 'dzam bu chu klung gi gser gyi chu shing kyi ka ba de dag dang / rin po che thams cad kyi gzugs de dag kyang lag nas me tog gi sprin mngon par sbyong bar mthong ste/ lag nas 'phreng ba'i lda ldi dang / lag nas gos dang / lag nas gdugs dang / rgyal mtshan dang / ba dan dang / lag nas spos dang / bdug spos dang / byug pa dang / lag nas nor bu rin po che'i dra ba dang / lag nas rin po che sna tshogs dang / gser gyi lcag pod sna tshogs dang / lag nas mu tig sna tshogs kyi se mo do dang / lag nas rin po che sna tshogs kyi se mo do mngon par sbyong ba dang / lag nas rgyan thams
- 273a
cad thogs par mthong ngo / / la la ni gtsug gi rin po che dang / cod pan gyis 'dud cing mig mi 'gebs par lta ba dang / thal mo sbyor zhing phyag 'tshal bar mthong ngo / / mu tig gi 'phreng ba de dag las kyang spos sna tshogs kyis dri zhim por byas pa'i chu yan lag brgyad dang ldan pa'i char gyi rgyun phra mo 'bab par mthong ngo // rin po che bai DUR+Ya'i 'phreng ba'i dra ba de dag las kyang mar me'i 'phreng ba rab tu 'bar ba mang po mthong bar gyur to/ / rin po che'i gdugs de dag kyang rgyan dang lhab lhub thams cad kyis mdzes par brgyan te/ rin po che'i dril dang / dril bu g.yar ka'i dra ba dang / dar gyi lda ldi dang / chun po dang / rin po che'i shar bu dang / nor bu rin po che sna tshogs kyi sgo ngas yongs su brgyan pa'i snying po dang ldan par mthong ngo / / rdzing de dag nas kyang rin po che'i me tog pad+mo dang / ut+pa la dang / ku mud dang / puN+Da ri ka grangs med pa mngon par 'thon par mthong ste/ la la ni mtho gang 'khor ba tsam/ la la ni 'dom gang 'khor ba tsam/ la la ni shing rta'i 'khor lo tsam ste/ de dag la'ang gzugs sna tshogs kyi rgyan mang po 'khod par mthong ste/ 'di ltar bud med kyi gzugs dang / skyes pa'i gzugs dang / khye'u'i gzugs dang / bu mo'i gzugs dang / brgya byin gyi gzugs dang / tshangs pa'i gzugs dang /
- 273b
'jig rten gyi mgon po'i gzugs dang / lha dang / klu dang / gnod sbyin dang / dri za dang / nam mkha' lding dang / mi 'am ci dang / lto 'phye chen po'i gzugs dang / nyan thos dang / rang sangs rgyas dang / byang chub sems dpa'i gzugs dang / 'gro ba thams cad kyi gzugs kyi dbyibs su 'dug pa'i lus kha dog sna tshogs rnam pa du ma dang ldan pa mang po sbyar te/ lus 'dud cing phyag 'tshal bar 'khod pa mthong ngo // de bzhin gshegs pa'i sku gzugs mi chen po'i mtshan sum cu rtsa gnyis kyis brgyan pa skyil mo krung du bcas te bzhugs pa dag kyang mthong/ ngongo// sa chen po'i gzhi bai DUR+Ya las grub pa mig mangs ris su 'dug pa'i mig mangs ris re re nas kyang gzugs brnyan rnam par dmigs pa bsam gyis mi khyab pa mang po mthong bar gyur te/ la la las ni zhing gi gzugs brnyan rnam par dmigs pa/ la la las ni byang chub sems dpa'i gzugs brnyan rnam par dmigs pa/ la la las ni sangs rgyas kyi gzugs brnyan rnam par dmigs par mthong bar gyur te/ khang pa brtsegs pa de dag gi rgyan dang lhab lhub ji snyed pa de dag thams cad kyang mig mangs ris re re la gzugs brnyan du snang bar mthong ngo / / rin po che'i shing rin po che'i me tog dang 'bras bu'i mdzod sna tshogs dang ldan pa de dag thams cad las kyang lus phyed tsam byung ba'i gzugs dbyibs sna tshogs dang / kha dos
- 274a
sna tshogs su 'dug pa mang po 'thon par mthong ste/ la la las ni sangs rgyas kyi sku phyed tsam byung ba dang / la la las ni byang chub sems dpa'i lus phyed tsam byung ba dang / la la las ni lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i lus phyed tsam byung ba dang / la la las ni brgya byin dang / tshangs pa dang / 'jig rten gyi mgon po'i lus phyed tsam byung ba dang / la la las ni 'khor los sbyar ba dang / mo'i dbang po'i lus phyed tsam byung ba dang / la la las ni rgyal bu gzhon nu dang / tshong dpon dang / khyim bdag dang / blon po dang / skyes pa dang / bud med dang / khye'u dang / bu mo dang / dge slong dang / dge slong ma dang / dge bsnyen dang / dge bsnyen ma'i lus phyed tsam byung ba mthong ste/ la la'i lag nas ni me tog gi 'phreng ba sbyong ba dang / la la'i lag nas ni rin po che'i 'phreng ba mngon par sbyong ba dang / la la'i lag nas ni rgyan thams cad mngon par thogs pa dang / la las ni lus 'dud cing thal mo sbyor te/ mig mi 'gebs par lta zhing phyag 'tshal ba dang / la la ni mngon par bstod pa dang / la la ni mnyam par gzhag pa dang / la la ni gser gyi kha dog tu 'dug pa dang /
- 274b
la la ni dngul gyi kha dog tu 'dug pa dang / la la ni b+hu ru'i kha dog tu 'dug pa dang / la la ni rin po che bai DUR+Ya sngon po'i kha dog tu 'dug pa dang / la la ni rin po che in+d+ra nI la'i kha dog tu 'dug pa dang / la la ni nor bu rin po che rnam par snang ba'i kha dog tu 'dug pa dang / la la ni rin po che thams cad kyi kha dog tu 'dug pa dang / la la ni me tog tsam pa ka'i kha dog tu 'dug pa dang la la ni 'od kyi lus dang / la la ni mtshan gyis rnam par bris pa'i lus su mthong bar gyur to// zla gam de dag las kyang nyi zla dang gza' skar gyi gzugs brnyan grangs med pa mang po 'thon te/ phyogs bcur snang bar byed pa mthong bar gyur to// khang pa dang / gzhal med khang dang / khang pa brtsegs pa'i rtsig ngos de dag thams cad kyang rin po che thams cad kyis mig sangs ris sna tshogs su bris par mthong ste/ rin po che'i mig mangs ris de dag thams cad las kyang / byang chub sems dpa' byams pas byang chub sems dpa'i spyod pa rim pas ji ltar spyad pa'i byang chub sems dpa'i spyod pa thams cad rim par mthong bar gyur to/ / mig mangs ris la la las ni// byang chub sems dpa' byams pas go byin pa mthong ngo / / la la las ni mig byin pa dang / la la las ni lag pa byin pa dang / la la las ni gtsug gi rin po che byin pa dang / la la las ni thor bag dang /
- 275a
bcas pa'i gtsug gi rin po che byin pa dang / la la las ni so byin pa dang / la la las ni lce byin pa dang / la la las ni snying byin pa dang / la la las ni sha dang rkang byin pa dang / la la las ni bags dang pri byin pa dang / la la las ni sen mo sha dang bcas par byin pa dang / la la las ni dra bar 'brel ba dang bcas pa'i sor mo byin pa dang / la la las ni bu dang / bu mo dang / chung ma byin pa dang / la la las ni rin po che'i phung po byin pa dang / la la las ni grong dang / grong khyer dang / ljongs dang yul dang / khams dang / rgyal po'i gnas byin pa dang / la la las ni 'dzam bu'i gling byin pa dang / la la las ni gling bzhi byin pa dang / la la las ni rgyal srid kyi dbang phyug byin pa dang / la la las ni rgyal po'i khri byin pa dang / la la las ni bran phos mos byin pa dang / la la las ni btsun mo'i 'khor byin pa dang / la la las ni bza' shing gi ra ba dang dka' thub kyi nags tshal byin pa dang / la la las ni gdugs dang / rgyal mtshan dang / ba dan byin pa dang / la la las ni me tog dang / 'phreng ba dang / byug pa byin pa dang / la la las ni nad kyi rtsi byin pa dang / la la las ni kha zas dang skom gyi rnam pa byin pa dang / la la las ni yo byad thams cad byin pa dang / la la las ni gnas
- 275b
thams cad byin pa dang / la la las ni gzhal ba'i snod rin po ches bkang ba byin pa dang / la la las ni rin po che'i shing rta byin pa dang / la la las ni btson ra na 'khod pa thar par byed pa dang / la la las ni gsad par chad pas thar par byed pa dang / la la las ni byis pa gso ba byed pa dang / la la las ni lam stor ba la lam ston pa dang / la la las ni mnyan par gyur te/ chu klung gi rgyud la gru 'dor ba dang / la la las ni rta'i rgyal po stobs kyis sgrol bar gyur te/ rgya mtsho chen po'i srin po'i gling du phyin par gyur par sems can yongs su skyob pa dang / la la las ni drang srong chen por gyur te/ bstan pa mngon par sgrub pa dang / la la las ni 'khor los sgyur bar gyur te/ sems can dge ba bcu'i las kyi lam la 'god pa dang / la la las ni sman par gyur te/ na ba'i gsos byed pa dang / la la las ni pha ma la phu dud byed pa dang / la la las ni dge ba'i bshes gnyen la rim gro byed pa dang / la la las ni nyan thos kyi kha dog dang gzugs kyis sems can 'dul ba la brtson pa dang / la la las ni rang sangs rgyas kyi kha dog dang gzugs kyis sems can 'dul ba la brtson pa dang / la la las ni byang chub sems dpa'i kha dog dang gzugs kyis sems can 'dul ba la brtson pa dang / la la las ni sangs rgyas kyi sku mdog dang sku
- 276a
gzugs kyis sems can 'dul ba la brtson pa dang / la la las ni skyes pa'i rabs kyi khyad par thams cad kyis skye ba yongs su ston te/ sems can yongs su smin par byed pa dang / la la las ni chos smra ba'i gzugs kyis de bzhin gshegs pa'i bstan pa la zhugs te/ lung 'bog pa dang / kha ton bya ba dang / tshul bzhin du dpyad par bya ba la brtson pa dang / de bzhin gshegs pa'i mchod rten la rgyan gyis brgyan pa byed pa dang / de bzhin gshegs pa'i sku gzugs byed du 'jug pa dang / sangs rgyas mchod pa la sem can yongs su skul ba dang / spos dang byug pa gsol zhing 'bru mar gyi dri zhim pos byug pa dang / dril bu dang me tog gi 'phreng ba gsol ba la sogs pa dang / sangs rgyas kyi mchod pa rnam pa thams cad la brtson pa dang / dge ba bcu'i las kyi lam la sems can rab tu 'god pa dang / bslab pa'i gnas lnga dang / gso sbyin gyi yan lag brgyad dang / sangs rgyas dang / chos dang / dge 'dun la skyabs btsal ba dang / rab tu 'byung ba dang / chos mnyan pa dang / lung mnod pa dang / kha ton bya ba dang // tshul bzhin yid la bya ba la sems can 'god par byed pa dang / chos kyi gtam bya ba'i phyir seng ge'i stan la 'dug cing / sangs rgyas kyi byang chub rnam par 'grel pa dang / de ltar byang chub sems dpa' byams
- 276b
bde ba'i yo byad thams cad dang ldan zhing / lus kyi 'du byed zo mdog bde la snyoms pa dang / gnyid med de mi dga' ba thams cad yongs su bsal bas dga' ba dang bde ba rgya chen po nyams su myong ste/ yun kyang ring mo zhig lon pa snyam nas nyin gcig gam/ nyin bdun nam/ zla ba phyed dam/ zla ba gcig gam/ lo gcig gam/ lo brgya 'am/ de bas kyang ring ba zhig lon pa tsam du shes par gyur nas sad na de thams cad kyang rjes su dran no// de bzhin du tshong dpon gyi bu nor bzangs kyis kyang / byang chub sems dpa'i byin gyi rlabs dang / khams gsum pa thams cad rmi lam lta bur yang dag par gzhol ba'i ye shes kyis chung ba'i 'du shes 'gags pa'i sems dang ldan par gyur te/ byang chub sems dpa'i 'du shes kyi rnam pa yangs shing che ba dang / sgrib pa med pa la gnas shing / byang chub sems dpa'i rgyan gyi yul khong du chud la/ byang chub sems dpa'i tshul la 'jug pa bsam gyis mi khyab pa'i rjes su 'brangs pa'i blo dang ldan pas/ rgyan rnam par sprul pa de dag thams cad kyang mthong bar gyur to// shes par gyur to// nyams su myong bar gyur rnam par dpyad par gyur to/ / mtshan mar byas par gyur to// dmigs kyis rtogs par gyur to// bdag nyid kyang de dag na 'dug par shes par gyur to// 'di lta ste
- 277a
sa la gnas te/ mtha' yas pa'i rgyan dang yul rnam par sprul pa de dag thams cad mthong bar gyur to// 'di lta ste/ dper na skyes bu gnyid kyis log pa'i rmi lam du gzugs kyi dmigs pa'i khyad par sna tshogs mang po zhig mthong bar gyur te/ 'di ltar khyim dang gzhal med khang mdangs dga' ba 'am/ grong dang / grong khyer dang / ljongs dang / yul mdangs dga' ba 'am/ bza' shing gi ra ba dang / kun dga'i ra ba dang / dka' thub kyi nags tshal mdangs dga' ba 'am/ shing dang / chu klung dang / rdzing dang / ri mdangs dga' ba 'am/ gos dang / kha zas dang / btung ba'i longs spyod nyams su bde ba 'am/ glu dang / sil snyan dang / rol mo'i sgra snyan pa sna tshogs kyis rtse ba nyams su dga' ba zhig mthong ngam pha ma dang / gnyen bshes dang / bdag nyid 'grogs par shes par gyur pa 'am/ rgya mtsho chen po dang / ri'i rgyal po ri rab dang / lha'i gnas thams cad dam/ 'dzam bu'i gling dag na bdag dpag tshad brgya phrag du mar gnas par shes par gyur la/ khyim mam/ gnas de'ang shin tu yangs shing yon tan dang rgyan thams cad kyis yongs su brgyan par mthong ste/ nyin par zhig yin par shes kyang nam de'ang ring ba dang thung bar bye brag mi 'byed la/ rmi lam yin pa tsam du'ang mi shes so// bdag nyid kyang
- 277b
bde ba'i yo byad thams cad dang ldan zhing / lus kyi 'du byed zo mdog bde la snyoms pa dang / gnyid med de mi dga' ba thams cad yongs su bsal bas dga' ba dang bde ba rgya chen po nyams su myong ste/ yun kyang ring mo zhig lon pa snyam nas nyin gcig gam/ nyin bdun nam/ zla ba phyed dam/ zla ba gcig gam/ lo gcig gam/ lo brgya 'am/ de bas kyang ring ba zhig lon pa tsam du shes par gyur nas sad na de thams cad kyang rjes su dran no// de bzhin du tshong dpon gyi bu nor bzangs kyis kyang / byang chub sems dpa'i byin gyi rlabs dang / khams gsum pa thams cad rmi lam lta bur yang dag par gzhol ba'i ye shes kyis chung ba'i 'du shes 'gags pa'i sems dang ldan par gyur te/ byang chub sems dpa'i 'du shes kyi rnam pa yangs shing che ba dang / sgrib pa med pa la gnas shing / byang chub sems dpa'i rgyan gyi yul khong du chud la/ byang chub sems dpa'i tshul la 'jug pa bsam gyis mi khyab pa'i rjes su 'brangs pa'i blo dang ldan pas/ rgyan rnam par sprul pa de dag thams cad kyang mthong bar gyur to// shes par gyur to// nyams su myong bar gyur / rnam par dpyad par gyur to// mtshan mar byas par gyur to// dmigs kyis rtogs par gyur to// bdag nyid kyang de dag na 'dug par shes par gyur to// 'di lta ste/
- 278a
dper na mi nad pa sems kyi rgyud tha ma byung bar gyur te/ de ma thag tu skye ba'i sems nye bar gnas nas/ las kyi srid pa mngon du gyur na/ las ji lta bur byas shing bsags pa'i rnam par smin pas las mi dge ba'i rkyen gyis ni sems can dmyal ba dang / byol song gi skye gnas dang / yi dgas kyi yul lam gra shin rje'i mi lag cha gnyems pa thogs pa gshe zhing khro ba dag kyang mthong bar gyur/ sems can dmyal ba pa'i dud mo dang / 'o dod kyi sgra'ang thos par gyur la/ ba tshwa'i chu de dag mthong ste/ spu gri'i so gshibs pa'i ri de dag dang / lcags kyi shal ma la'i sdong po de dag dang ral gri'i so'i nags tshal de dag kyang mthong bar gyur tam/ sems can dmyal ba de dag kyang kun nas 'bar zhing yongs su 'bar ba dang / rab tu 'bar ba dang / lcags kyi bum pa gcig tu 'bar ba de dag kyang mthong bar gyur la/ gnod pa de dag thams cad kyis kyang gnod par bya zhing / tshor ba de dag kyang nyams su myong ba tsam du shes par gyur te/ sems can dmyal ba pa de dag kyang me'i gdung bas sdug bsngal ba zhig tu mthong ngam/ bdag gis myong bar gyur tam/ las dge ba'i / tshogs kyis lha'i khang pa dang gnas shig mthong bar gyur tam/ lha'i 'khor dang / lha mo'i tshogs dang / rgyan rnam par phye ba thams cad kyang mthong bar gyur te/ bza' shing gir
- 278b
ba dang / dka' chub kyi nags nal dang / rba sdang dang / rdzi dang / rin pa ma dang / yid bzhin gyi shing dang / longs spyod mang po mthong pa/ thams su myong ba / tshe'i yun kyang de dang mnyam par shes par gyur na/ de ni 'di nas kyang 'phos pa med/ der yang skyes pa med de/ mi snang bar ma gyur bzhin du/ las kyi yul bsam gyis mi khyab pas bya ba'i rnam pa de lta bu dag shes shing mthong la nyams su myong bar rung ngo / / de bzhin du tshong dpon gyi bu nor bzangs kyis byang chub sems dpa'i las kyi yul bsam gyis mi khyab pa'i phyir rgyan rnam par sprul pa de dag thams cad kyang mthong bar gyur to/ / 'di lta ste/ dper na skyes bu 'byung po'i gdon gyis non pa ni/ gzugs kyi rnam pa sna tshogs mang po mthong ste/ ci dris pa de dag gi lung yang ston to// de bzhin du tshong dpon gyi bu nor bzangs kyis byang chub sems dpa'i ye shes dang byin gyi rlabs kyi mthus rgyan de dag thams cad mthong bar gyur to// 'di lta ste/ dper na klu'i khang par phyin pa'i skyes bus ni klu'i 'du shes kyi rnam pa la zhugs pas/ nyi ma gcig gam/ nyi ma bdun nam/ zla ba phyed dam/ zla ba gcig gam/ lo gcig gam/ lo brgyar yang 'du shes kyi rnam pas shes te/ klu'i 'du shes kyi rnam pa dang bral nas/ mi'i 'du shes kyi rnam par na yud tsam las ma lon par mthong ngo // de bzhin
- 279a
du tshong dpon gyi bu nor bzangs/ byang chub sems dpa'i 'du shes kyi rnam pas ma btang ba'i blo dang ldan pas kyang / byang chub sems dpa' byams pa'i byin gyi rlabs kyis yud tsam gcig pu de'ang bskal pa bye ba khrag khrig brgya stong mang por shes par gyur to/ / 'di lta ste/ dper na tshangs pa chen po'i gzhal med khang 'gro ba thams cad na rgyan gyi dam pa phul zhes bya ba yod de/ de'i nang du stong gsum gyi stong chen po'i 'jig rten gyi khams thams cad kyang gzugs brnyan gyi tshul du dmigs pa thams cad dang ma 'dres par gsal bar snang ngo / / de bzhin du tshong dpon gyi bu nor bzangs kyis kyang / rgyan de dag thams cad dmigs pa thams cad du phan tshun mA 'dres pa dang / phan tshun ma 'dzings par gzugs rab tu byung ba mthong ngo / / 'di lta ste/ dper na rgyas pa'i skye mched kyi snyoms par 'jug pa la rnam par spyod pa'i dge slong ni gcig pu gnyis su med par khang bu 'am/ 'chag sa'am/ 'dug pa'i gnas na 'dug gas/ 'greng yang rung ste/ 'jig rten thams cad rgyas pa'i skye mched gang la snyoms par zhugs pa'i yul bzhin du bsam gtan pa'i yul bsam gyis mi khyab pas mthong zhing nyams su myong ngo / / de bzhin du tshong dpon gyi bu nor bzangs kyis kyang yul gang la zhugs pa'i tshul bzhin du rgyan de dag thams cad mthong zhing shes
- 279b
tenyams su myong bar gyur to/ / 'di lta ste/ dper na dri za'i grong khyer rnams kyi rgyan dang lhab lhub thams cad nam mkha'i dbyings la byung ba ni yongs su snang yang / ci la'ang sgrib par 'gyur ro/ / 'di lta ste/ dper na gnod sbyin gyi gzhal med khang mi'i khang pa na 'dug pa 'am/ ma'i khang pa gnod sbyin gyi khang pa'i khongs na 'dug pa ni phan tshun tha ma dang de las kyi yul rnam pa ji ltar dag pa'i tshul bzhin snang ngo / / 'di lta ste/ dper na rgya mtsho chen po la stong gsum gyi stong chen po'i 'jig rten gyi khams thams cad kyang rgya'i gzugs brnyan ltar snang ngo / / 'di lta ste/ dper na sgyu ma'i mkhan po ni sngags dang / rig sngags dang / rtsi'i mthu dang / byin gyi rlabs kyis gzugs kyi rnam pa thams cad dang / bya ba thams cad kyang yongs su ston to/ / de bzhin du tshong dpon gyi bu nor bzangs kyis kyang / byang chub sems dpa' byams pa'i byin gyi rlabs ye shes sgyu ma bsam gyis mi khyab pa la zhugs pas/ byang chub sems dpa'i dbang dang byin gyi rlabs kyi ye shes chos thams cad shes pa'i sgyu ma'i stobs kyis mngon par bsgrubs pa'i mthus rgyan gyi yul rnam par sprul pa de dag mthong bar gyur to/ / de nas byang chub sems dpa' byams pas khang pa brtsegs pa de'i nang du song ste/ byin gyis brlabs de dag brtul nas/ tshong dpon gyi bu nor bzangs la se gol gyi sgra byas te/ 'di skad ces
- 280a
smras so/ / rigs kyi bu 'di ni chos rnams kyi chos nyidi yin gyis longs/ rigs kyi bu chos thams cad ni rnam par bsgrubs na nye bar 'grub pa'i mtshan nyid byang chub sems dpa'i ye shes kyi byin gyis brlabs pa'i rang bzhin de lta bu ste yongs su ma grub pa'o/ / rgyu sa dang / rmi lam dang / gzugs brnyan lta bu'o// de nas dpon gyi bu nor bzangs se gol gyi sgra des ting nge 'dzin de las langs par gyur pa dang / de la byang chub sems dpa' byams pas smras pa/ rigs kyi bu khyod kyis byang chub sems dpa'i byin gyis brlabs rnam par 'phrul pa mthong mod/ khyod kyis byang chub sems dpa'i tshogs kyi mthu dang rgyu mthun pa mthong mod/ khyod kyis byang chub sems dpa'i smon lam gyi ye shes kyis rnam par bsgrubs pa mthong mod/ khyod kyis byang chub sems dpa'i gnas mdangs dga' ba mthong mod// khyod kyis byang chub sems dpa'i spyod pa yongs su bsdu ba mthong mod/ khyod kyis byang chub sems dpa'i 'byung ba'i sgo thos mod/ khyod kyis sangs rgyas kyi zhing gi yon tan dang rgyun tshad med pa mthong mod khyod kyis de bzhin gshegs pa'i smon lam rnam pa tha dad pa'i khyad par mthong mod/ khyod kyis byang chub sems dpa'i rnam par thar pa bsam gyis mi khyab pa'i rjes su 'brang ba
- 280b
byas mod/ khyod kyis byang chub sems dpa'i ting nge 'dzin gyi dga' ba dang bde ba myong mod/ nor bzangs kyis spras pa/ 'phags pa dge ba'i bu shes gnyen gyi byin gyis brlabs pa dang / dge ba'i bshes gnyen gyis dgongs pa dang / dge ba'i bshes gnyen gyi mthus mthong ngo // 'phags pa rnam par thar pa 'di'i ming ci zhes bgyi/ smras pa/ rigs kyi bu rnam par thar pa 'di ni dus gsum gyi dmigs pa thams cad la shes pa rab tu zhugs pa'i dran pa nyams pa med pas brgyan pa'i snying po zhes bya ba ste/ rigs kyi bu rnam par thar pa 'di lta bu brjod du med pa'i yang brjod du med pa dag ni tshe gcig gis thogs pa'i byang chub sems dpas thob bo/ / nor bzangs kyis smras pa/ 'phags pa rgyan de dag gang du mchis/ smras pa/ gang nas 'ongs pa der ro// nor bzangs kyis smras pa/ gang nas mchis smras pa/ byang chub sems dpa'i ye shes kyis byin gyi rlabs mngon par bsgrubs pa las 'ongs so/ / de ni byin gyi rlabs de nyid la gnas shing gang du'ang song ba med la 'phos pa med do// phung por gyur pa med do// tshogs su gyur pa med do/ / brtsegs par gnas pa med do// dngos por gnas pa med do// yul na gnas pa ma yin no// phyogs na gnas pa ma yin no// rigs kyi bu 'di lta ste/
- 281a
dper na klu rnams kyi sprin gyi dra ba ni lus la'ang mi gnas/ sems la'ang mi gnas/ nang na'ang mi gnas mod kyi/ klu'i sems kyi dbang dang / klu'i dbang bsam gyis mi khyab par char gyi rgyun tshad med pa bkye ba ni med pa ma yin te snang ngo // rigs kyi bu de bzhin du rgyan de dag kyang nang na gnas pa'ang ma yin/ phyi rol na gnas pa'ang ma yin te/ byang chub sems dpa'i byin gyi rlabs kyi dbang dang / khyod kyi snod bzang ba'i phyir mi snang ba'ang ma yin no// rigs kyi bu 'di lta ste/ dper na sgyu ma'i mkhan pos ni yul thams cad yongs su bstan kyang 'ongs pa med/ bshig kyang gang du'ang 'gro ba med de/ 'pho ba med mod kyi/ sngags dang rtsi'i mthus yongs su mi snang ba ma yin no/ / rigs kyi bu de bzhin du rgyan de dag kyang gang du'ang song ba med/ gang nas kyang 'ongs pa med la/ gang du'ang phung por gyur pa med mod kyi/ byang chub sems dpa'i ye shes sgyu ma bsam gyis mi khyab pa la shin tu bslabs pa dang / sngon gyi smon lam gyi byin gyi rlabs kyi dang / ye shes kyi dbang gis yongs su mi snang ba ma yin do/ / nor bzangs kyis smras pa/ 'phags pa shul ji srid cig nas gshegs/ smras pa/ rigs kyi bu byang chub sems dpa' rnams 'gro ba ni 'ongs pa med par 'gro'o//
- 281b
g.yo ba dang gnas pa med par 'gro'o// gnas dang rten med par 'gro'o// shri 'pho dang skye ba med par 'gro'o// gnas pa dang 'pho ba med par 'gro'o// g.yo ba dang ldang ba med par 'gro'o/ / ltos pa dang gnas med par 'gro'o// las dang rnam par smin pa med par 'gro'o// mi skye ba dang mi 'gag par 'gro'o// rtag pa med pa dang chad pa med par 'gro'o/ / gzhan yang rigs kyi bu byang chub sems dpa' rnams kyi 'gro ba ni 'dul ba'i sems can la lta bas snying rje chen po'o// byang chub sems dpa' rnams kyi 'gro ba ni sdug bsngal ba'i sems can yongs su skyob pas byams pa'o/ / byang chub sems dpa' rnams kyi 'gro ba ni gang du dga' bar skye bas tshul khrims so// byang chub sems dpa' rnams kyi 'gro ba ni sngon gyi byin gyi rlabs kyis smon lam mo/ / byang chub sems dpa' rnams kyi 'gro ba ni thams cad du bzhin yongs su ston pas mngon par shes pa'o// byang chub sems dpa' rnams kyi 'gro ba ni de bzhin gshegs pa thams cad kyi zhabs kyi drung nas g.yo ba med pas mngon par 'du bya ba med pa'o/ / byang chub sems dpa' rnams kyi 'gro ba ni lus dang sems yongs su mi gtong bas len pa dang 'dor ba med pa'o/ / byang chub sems dpa' rnams kyi 'gro ba ni sems can thams cad kyi rjes su 'brang bas shes rab dang thabs so// /
- 282a
byang chub sems dpa' rnams kyi 'gro ba ni mig yor dang / gzugs brnyan dang / sprul pa lta bu yin pas sprul pa yongs su ston pa'o// rigs kyi bu gzhan yang khyod lam ji srid nas 'ongs shes khyod kyis spras pa ni/ rigs kyi bu ngani tshi'iris yul 'phreng ba stobs kyi grong rdal khang khyim can zhes bya ba de na/ tshong dpon sa skyong zhes bya ba zhig yod de/ de sangs rgyas kyi chos la bzhag nas tshe'i sa'i mi rnams la snod kyi tshul bzhin du chos bstan pa byas te/ pha ma dang / bram ze dang / khyim bdag gnyen bshes su 'ong ba rnams theg pa chen po la yang dag par bskul nas 'dir 'ongs so/ / nor bzangs kyis smras pa/ 'phags pa byang chub sems dpa' rnams kyi tshe'i sa gang lags smras pa/ rigs kyi bu bcu po 'di dag ni byang chub sems dpa' rnams kyi tshe'i sa ste/ bcu gang zhe na/ 'di lta ste/ byang chub kyi sems ni byang chub sems dpa'i rigs su skyed pas/ byang chub sems dpa' rnams kyi tshe'i sa'o// lhag pa'i bsam pa ni dge ba'i bshes gnyen gyi rigs su skyed pas/ byang chub sems dpa' rnams kyi tshe'i sa'o/ / sa la gnas pa ni pha rol tu phyin pa'i rigs su skyed pas/ byang chub sems dpa' rnams kyi tshe'i sa'o// smon lam mngon par bsgrub
- 282b
pa ni/ spyod pa'i rigs su skyed pas/ byang chub sems dpa' rnams kyi tshe'i sa'o// snying rje chen po ni bsdu bas dngos po thams cad kyi rigs su skyed pas/ byang chub sems dpa' rnams kyi tshe'i sa'o/ / yang dag par ji lta ba bzhin du chos rtog par bya ba ni/ shes rab kyi pha rol tu phyin pa'i rigs su skyed pas/ byang chub sems dpa' rnams kyi tshe sa'o/ / theg pa chen po ni thabs mkhas pa'i rigs su skyed pas/ byang chub sems dpa' rnams kyi tshe'i sa'o// sems can yongs su smin par bya ba ni mngon par rdzogs par 'chang rgya ba'i rigs su skyed pas/ byang chub sems dpa' rnams kyi tshe'i sa'o// thabs dang shes rab gnyis ni mi skye ba'i chos kyi bzod pa'i rigs su skyed pas/ byang chub sems dpa' rnams kyi tshe'i sa'o/ / rigs kyi bu chos thams cad kyi nan tan ni 'das pa dang / ma byon pa dang / da ltar byung ba'i de bzhin gshegs pa thams cad kyi rigs su skyed pas/ byang chub sems dpa' rnams kyi tshe'i sa ste/ rigs kyi bu bcu po de dag ni byang chub sems dpa' rnams kyi tshe'i sa'o// rigs kyi bu thabs mkhas pa ni/ byang chub sems dpa' rnams kyi pha'o/ / shes rab kyi pha rol tu phyin pa ni ma'o// sbyin pa'i pha rol tu phyin pa ni 'o ma'o// tshul khrims kyi pha rol tu phyin pa ni ma ma'o// bzod pa'i
- 283a
pha rol tu phyin pa ni lhab lbub dang rgyan to/ / brtson 'grus kyi pha rol tu phyin pa ni byed pa'o// bsam gtan gyi pha rol tu phyin pa na spyod pa rnam par dag par byed/ pa'o// dge ba'i bshes gnyen rnams ni bslab pa la spyod du 'jug pa'o// byang chub kyi yan lag thams cad ni grogs po'o// dge ba'i rtsa ba'i chos thams cad ni gnyen bshes so/ / byang chub sems dpa' thams cad ni phu nu po'o// byang chub kyi sems ni rigs so// nan tan ni rigs kyi chos so// sa'i gnas ni rigs kyi gnas so// bzod pa thob pa ni rigs su rigs dang ldan par skyes pa'o/ / smon lam mngon par bsgrub pa ni rigs kyi gzhung thob pa'o// spyod pa rnam par dag pa ni rigs kyi chos kyi rjes snyegs pa'o// theg pa chen po la yang dag par skul ba ni rigs kyi rgyun mi gcod pa'o// dbang bskur nas tshe gcig gis thogs pa ni chos kyi rgyal po'i sras kyi thu bo'o// de bzhin gshegs pa nyid du yang dag par bsgrub pa ni rigs kyi rgyud yongs su dag pa ste/ rigs kyi bu de ltar na byang chub sems dpa' byis pa tha dad pa'i skye bo'i sa las shin tu 'das pa yin// byang chub sems dpa'i skyon med par zhugs pa yin/ de bzhin gshegs pa'i rigs su yang dag par byung ba yin/ de bzhin gshegs pa'i rgyud la rab tu gnas pa yin/ dkon mchog
- 283b
gsum gyi rigs rgyun mi gcad pa la zhugs pa yin/ byang chub sems dpa'i rigs yongs su bsdu ba la mngon par brtson pa yin/ rigs dang rus kyis yongs su dag pa yin/ gnad kyi rgyud kyis smad du med pa yin/ lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i nang na rigs la smos pa'i skyon thams cad kyi kha na ma tho ba med pa yin te/ sangs rgyas kyi rigs dam par skyes la/ smon lam chen po'i lus dang ldan pas rigs kyis btsun pa yin/ rigs kyi bu rgyud kyi rigs de lta bu dang ldan pa'i byang chub sems dpa'a'i rnams ni chos thams cad gzugs brnyan lta bur yongs su shes pas/ 'jig rten gyi skye gnas thams cad smad pa med pa yin te/ srid pa'i skye gnas thams cad sprul pa lta bur yongs su shes pas/ srid pa'i lam gyi rgyud du skye zhing gnas pa thams cad kyis kun nas nyon mongs par mi 'gyur ro/ / chos thams cad bdag med par khong du chud pas/ sems can thams cad yongs su smin par bya ba dang / gdul bas yongs su mi skyo'o// byams pa chen po dang snying rje chen po'i lus dang ldan pa'i phyir/ sems can thams cad la phan gdags pas ngal bar mi 'gyur ro// 'khor ba thams cad rma lam lta bur yongs su rtogs
- 284a
pas/ bskal pa thams cad du gnas pas sgyid lug par mi 'gyur ro// phung po thams cad sgyu ma lta bur yongs su shes pas// skye ba dang / 'chi pho dang / ba yongs su bstan pa thams cad kyis dub par mi 'gyur ro// khams dang skye mched chos kyi dbyings kyi rang bzhin du rab tu rtogs pas/ yul thams cad kyis rma mi 'byung ngo // 'du shes kyi rnam pa thams cad smig rgyu lta bur shin tu bsgoms pas/ 'khor ba'i dga' ba thams cad kyis mos par mi 'gyur ro// sgyu ma lta bu'i chos thams cad la rnam par rtse bas bdud kyi yul thams cad kyis mi gos so/ / chos kyi lus su byung bas nyon mongs pa thams cad du smos su med do// skye ba la dbang rab tu thob pas 'gro ba'i rgyud thams cad rtogs par khongs su chud pa yin no/ / rigs kyi bu de ltar nga ni 'jig rten gyi khams thams kyi skye gnas kyi khongs su chud pa'i lus dang / 'gro ba thams cad kyi gzugs dang mnyam pa'i kha dog gi khyad par dang / sems can thams cad dang mnyam pa'i nges pa'i tshig gi bye brag dang / 'gro ba thams cad dang mnyam pa'i ming rnam pa tha dad pa dang / sems can thams cad kyi mos ba dang mnyam pa'i spyod lam dang / 'gro ba rnam par gdul ba thams cad dang mnyam pa'i 'jig rten gyi rjes su 'brang ba dang / sems can rnam par dag par bya ba thams cad dang
- 284b
mnyam pa'i tshe dang / rigs su skye ba yongs su bstan pa dang / byis pa'i spyod pa thams cad dang mnyam pa'i bya ba 'jug pa'i sgo dang / sems can gyi 'du shes kyi rnam pa thams cad dang mnyam pa'i yongs su shes par bya ba la 'jug pa dang / byang chub sems dpa'i smon lam gyi sprul pa thams cad dang mnyam pa'i lus yongs su bstan cing brjod pas/ chos kyi dbyings thams cad rgyas par bkang ste/ sngon skul ba mnyam par spyod spyod pa'i sems can byang chub kyi sems stong par gyur pa rnams yongs su smin par bya ba dang / 'dzam bu'i gling du skyes pa'i tshe yongs su bstan pa dang / lho phyogs kyi rgyud 'di'i yul 'phreng ba stobs kyi grong rdal khang khyim dang ldan pa zhes bya ba 'di'i bram ze'i rigs su skyes pa rnams dang / pha ma dang gnyen bshes su 'ong ba rnams rnam par gdul ba dang / bram ze'i rigs dang rgyud kyi khyad par gyis rigs kyis nga rgyal can du gyur la 'di dag nga rgyal med par byas te/ de bzhin gshegs pa'i rigs su bskyed pa'i don du 'dir skyes so// rigs kyi bu de ltar nga lho phyogs kyi rgyud 'di na thabs rnam pa 'di lta bus sems can bsam pa'i tshul ji lta bu dang ldan pa dang / rnam pa ji lta bur 'dul ba rnams yongs su smin par bya ba dang gdul ba byed cing / khang pa brtsegs pa chen po rnam par snang mdzad kyi rgyan gyis brgyan pa'i snying po
- 285a
'di ni 'dug go/ / 'di nas shi 'phos kyang bsam pa'i tshul ji lta ba bzhin du sems can rnams kyi rjes su 'brang bar bya ba dang / dga' ldan rgyu ris su gtogs pa'i lha'i bu skal ba mnyam par spyod spyod pa rnams yongs su smin par bya ba dang / 'dod pa'i khams nas yongs su 'das pa thams cad la'ang byang chub sems dpa'i bsod nams dang / ye shes dang / sprul pa'i rgyan yongs su bstan pa dang / 'dod pa'i dga' ba'i sred pa las rnam par bzlog pa dang / 'du byed thams cad mi rtag pa nyid du bstan pa dang / lhar skyes pa thams cad kyang mthar rgud par 'gyur ba yongs su bstan pa dang / ye shes chen po'i chos kyi sgo 'chi 'pho'i rnam pa zhes bya ba tshe gcig gis thogs pa'i byang chub sems dpa' rnams dang yang dag par 'gro bar bya ba dang lhan cig yongs su smin par gyur pa'i rnams der skye bar yongs su bsdu bar bya ba dang / de bzhin gshegs pa shAkya thub pas bkye ba'i pad+mo rnams kyang kha dbye ba'i phyir/ dga' ldan gyi gnas su skye ba yongs su ston to// dus la bab la bsam pa yongs su rdzogs nas ni thams cad mkhyen pa nyid kyang thob par byed kyis ngas byang chub thob nas kyang rigs kyi bu khyod dang / 'jam dpal gzhon nur gyur par bcas pas da dung yang mthong bar 'gyur ro// song rigs kyi bu da dung yang
- 285b
'jam dpal gzhon nur gyur pa'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar kun tu bzang po'i spyod pa'i dkyil 'khor la 'jug par bya ba dang / ji ltar mngon par bsgrub pa dang / ji ltar smon par bya ba dang / ji ltar rgyas par bya ba dang / ji ltar rjes su 'brang bar bya ba dang / ji ltar yongs su sbyang bar bya ba dang / ji ltar khong du chud par bya ba dang / ji ltar yongs su rdzogs par bya ba dris shig dang / dge ba'i bshes gnyen des khyod la ston par 'gyur ro// de ci'i phyir zhe na/ 'jam dpal gzhon nur gyur pas spyod pa mngon par bsgrub pa de lta bu'i smon lam gyi khyad par ni/ byang chub sems dpa' bye ba khrag khrig brgya phrag stong la'ang med do/ / 'jam dpal gzhon nur gyur pa'i smon lam mngon par bsgrub pa ni tshad med do// 'jam dpal gzhon nur gyur pa'i byang chub sems dpa'i yon tan gyi khyad par thams cad mngon par bsgrub pa ni tshad med do/ / 'jam dpal gzhon nur gyur pa ni/ sangs rgyas bye ba khrag khrig brgya phrag stong gi yum lta bu'o// 'jam dpal gzhon nur gyur ba ni/ byang chub sems dpa' bye ba khrag khrig brgya phrag stong la gdams ngag ston pa'o// 'jam dpal gzhon nur gyur pa ni sems can gyi khams thams cad yongs
- 286a
su sbyin par bya ba dang gdul ba la rab tu brtson pa'o/ / 'jam dpal gzhon nur gyur pa ni/ phyogs bcu'i 'jig rten gyi khams su ming gi 'khor los rnam par rgyas par gyur pa'o/ / 'jam dpal gzhon nur gyur pa ni/ de bzhin gshegs pa'i 'khor gyi dkyil 'khor thams cad du gtam gyi skyes bur gyur pa'o// 'jam dpal gzhon nur gyur pa ni/ de bzhin gshegs pa thams cad kyis bsngags shing bstod pa'o// 'jam dpal gzhon nur gyur pa ni// chos thams cad yang dag par ji lta bzhin du mthong ba ste/ chos zab mo'i ye shes la rnam par spyod pa'o// 'jam dpal gzhon nur gyur pa ni/ rnam par thar pa thams cad kyi tshul thams cad la ring du song ba'i spyod yul dang ldan pa ste/ byang chub sems dpa'i spyod pa kun tu bzang po la zhugs pa'o// rigs kyi bu dge ba'i bshes gnyen ni khyod de bzhin gshegs pa'i rigs su skyed pa'o// dge ba'i rtsa ba thams cad yongs su 'phel bar byed pa'o/ / byang chub sems dpa'i tshogs mang po rab tu sgrub pa'o// yang dag pa'i dge ba'i bshes gnyen ston pa'o// yon tan thams cad la yang dag par sbal ba'o/ / smon lam chen po'i dra ba thams cad du 'jug pa'o// smon lam mngon par bsgrub pa thams cad la rab tu gzhog pa'o// byang chub sems dpa' thams cad kyi gsangab
- 286b
thos par byed pa'o/ / byang chub sems dpa'i bsam gyis mi khyab pa thams cad yang dag par ston pa'o// sngon gyi tshe'i gnas su skal pa mthun par spyod pa'o// rigs kyi bu de bas/ nakhyod da ltar yang 'jam dpal gyi rkang pa'i drung na 'dug gis/ yon tan gyi gdams ngas thams cad thob par bya ba dang yongs su skyo ba ma skyed cig/ yongs su sgyid lug par ma byed cig/ de ci'i phyir zhe na/ nor bzangs khyod kyis dge ba'i bshes gnyen ji snyed cig mthong ba dang / spyod pa'i sgo ji snyed cig thos pa dang / rnam par thar pa'i tshul ji snyed cig la zhugs pa dang / smon lam gyi khyad par ji snyed cig khong du chud pa de thams cad kyang / 'jam dpal gzhon nur gyur pa'i mthu dang byin gyi rlabs su blta ste 'jam dpal gzhon nur gyur pa ni/ thams cad la'ang pha rol tu phyin pa'i mchog thob pa'o// de nas tshong dpon gyi bu nor bzangs kyis/ byang chub sems dpa' sems dpa' chen po byams pa'i rkang pa gnyis la spyi bos phyag 'tshal te/ lan brgya stong du mar g.yas phyogs su bskor ba byas nas yang dang yang bltas te/ byang chub sems dpa' byams pa'i drung nas song ngo / / de nas tshong dpon gyi bu nor bzangs grong khyer brgya rtsa bcu kun tu brgyus te/ phyogs kyi gnas yid bde ba mngon du
- 287a
'gyur ba zhes bya ba zhig na/ 'jam dpal gzhon nur gyur pa la sems shing rnam par lta bas/ 'jam dpal gzhon nur gyur pa mthong bar mo sa shing smon la phrad par dga' bas sdod cing 'dug 'dug pa dang / de nas 'jam dpal gzhon nur gyur pas dpag tshad brgya rtsa bcu bzhi'i pha rol nas lag pa brkyang ste/ tshong dpon gyi bu nor bzangs grong khyer yid bde ba mngon du 'gyur ba na 'dug pa'i spyi bor gzhag ste/ 'di skad ces smras so// rigs kyi bu legs so legs so// dad pa'i dbang po dang mi ldan pa/ sems skyo ba can/ bsam pa zhum pa can/ sbyor ba bor ba/ brtson 'grus ldog pa/ yon tan cung zad kyis dga' bar rtsi ba/ dge ba'i rtsa ba gcig la zhen par gnas pa/ spyod pa dang smon lam mngon pa bsgrub pa la mi mkhas pa/ dge ba'i bshes gnyen gyis yongs su ma bzung ba/ sangs rgyas kyis ma dgongs pa rnams kyis ni chos nyid 'di lta bu yongs shes par bya ba dang / tshul 'di lta bu dang / spyod yul 'di lta bu dang / gnas 'di lta bu yongs su shes par bya ba dang / rnam par shes par bya ba 'am khong du chud par bya ba 'am/ 'jug par bya ba 'am/ yid ches par bya ba 'am/ brtag par bya ba 'am/ rtog par bya ba 'am/ thob par bya bar mi nus so zhes te/ des de la
- 287b
chos kyi gtam gyis yang dag par bstan pa dang / yang dag par bskul ba dang / gzengs bstod pa dang / dga' bar byas te/ chos kyi sgo grangs med pa dang ldan par byas nas/ ye shes mtha' yas pa'i snang ba chen po thob par byas te/ byang chub sems dpa'i gzungs dang / spobs pa dang / ting nge 'dzin dang / mngon par shes pa dang / ye shes mtha' yas pa'i byin gyis byin du brlabs par byas te/ kun tu bzang po'i spyod pa'i dkyil 'khor la gzhag nas/ bdag gi yul la'ang rab tu gzhag ste/ tshong dpon gyi bu nor bzangs kyi drung nas song ngo / / shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste bzhi bcu rtsa lnga pa'o// / shin tu rgyas pa chen po'i mdo sangs rgyas phal po che zhes bya ba las sdong pos brgyan pa'i le'u ste/ bam po brgya bco lnga pa ste tha ma/ de nas tshong dpon gyi zla nor bzangs dge ba'i bshes gnyen stong gsum gyi stong chen po'i 'jig rten gyi khams kyi rdul shin tu phra ba snyed bsnyen bkur ba/ thams cad mkhyen pa nyid du tshogs bsags pa'i sems dang ldan pa dge ba'i bshes gnyen thams cad kyi gdams ngag dang rjes su bstan pa la mthun par 'dzin pas zhugs pa/ dge ba'i bshes gnyen thams cad kyi drung du bsam pa mnyam pas 'tsham
- 288a
dge ba'i bshes gnyen thams cad dga' bar bya bas yid mi dbyung ba'i blo dang ldan pa/ dge ba'i bshes gnyen thams cad kyi gdams ngag dang rjes su bstan pa'i tshul rgya mtsho'i rjes su song ba/ snying rje chen po'i bsam pa rgya mtsho las yang dag par byung ba'i snying po dang ldan pa/ byams pa chen po'i tshul gyi sprin gyis 'gro ba thams cad rnam par snang bar byed pa/ dga' ba chen po'i shugs rnam par 'phel ba'i lus dang ldan pa/ byang chub sems dpa'i rnam par thar pa rgya chen po la rab tu zhi bar rnam par spyod pa/ sgo thams cad nas lhag par 'phro ba'i gtong ba'i mig dang ldan pa/ de bzhin gshegs pa thams cad kyi yon tan rgya mtsho'i nan tan rab tu rdzogs pa/ de bzhin gshegs po thams cad kyi mos pa'i lam du zhugs pa/ thams cad mkhyen pa nyid kyi tshogs la brtson 'grus kyi shugs rnam par 'phel bas/ byang chub sems dpa' thams cad kyi sems dang bsam pas shin tu sbyangs pa'i blo dang ldan pa/ dus gsum gyi de bzhin gshegs pa thams cad gcig nas gcig tu brgyud pa la zhugs pa/ sangs rgyas thams cad kyi chos kyi tshul rgya mtsho khong du chud pa/ de bzhin gshegs pa thams cad kyi chos kyi 'khor lo'i tshul rgya mtsho'i rjes su song ba/ 'jig rten gyi skye gnas thams cad du gzugs brnyan
- 288b
yongs su ston pa'i spyod yul dang ldan pa/ byang chub sems dpa' thams cad kyi smon lam gyi tshul rgya mtsho la zhugs pa/ bskal pa thams cad du byang chub sems dpa'i spyod pa la rab tu zhugs pa/ thams cad mkhyen pa nyid kyi yul snang ba rab tu thob pa/ byang chub sems dpa'a'i dbang po thams cad rnam par 'phel ba/ thams cad mkhyen pa'i lam snang ba rab tu thob pa/ phyogs thams cad du sgrib pa med pa'i snang ba rab tu thob pa/ chos kyi dbyings thams cad kyi tshul la rab tu zhugs pa'i blo dang ldan pa/ zhing gi tshul thams cad la snang ba rab tu grub pa/ sems can 'byam klas pa thams cad kyi don bya ba la rgyud dang mthun pa med par rjes su song ba/ sgrib pa'i g.yang sa'i ri thams cad rnam par 'thor ba/ sgrib pa med pa'i chos nyid kyi rjes su song ba/ byang chub sems dpa'i rnam par thar pa sa'i gzhi kun tu gnas pa'i chos kyi dbyings kyi snying po can la rab tu zhi bar rnam par dpyod pa/ de bzhin gshegs pa thams cad kyi spyod yul rjes su tshol ba/ de bzhin gshegs pa thams cad kyis byin gyis brlabs pa de byang chub sems dpa' kun tu bzang po'i spyod yul la rnam par dpyod cing 'dug par gyur te/ byang chub sems dpa' sems dpa' chen po kun tu bzang po'i ming thos pa dang / byang chub sems dpa'
- 289a
spyod pa thos pa dang / smon lam gyi ltung par thos pa dang / tshogs yongs su sgrub ba la 'jug pa dang / gnas pa'i khyad par myos pa dang / don pa dang / 'byung ba'i lam gyi khyod par thos pa dang / kun tu bzang po'i sa'i tshul gyi rgyud thos pa dang / sa'i tshogs thos pa dang / sa thob par byed pad+mo shugs thos pa dang / sa yongs su gno pa thos pa dang / sa la gnas pa thos pa dang / sa sngon du 'dor bas rnam par gnon pa thos pa dang / sa'i spyod yul thos pa dang / sa'i byin gyi rlabs thos pa dang / sa la yang dag par gnas pa thos mas/ byang chub sems dpa kun tu bzang po mthong bar dga' zhing skos te/ nam mkha'i dbyings ltar shin tu yangs pa'i sems mngon pa zhen pa rnams cad las rkyen du 'phags pa dang / zhing gi 'du shes shin tu bsgoms pa dang / chags pa thams cad las yang dag par 'das pa'i sems chos thams cad las sgrib pa med pa'i spyod yul can dang / thogs pa med pa'i sems phyogs rgya mtsho thams cad rgyas par 'gengs pa dang / sgrib pa med pa'i sems thams cad mkhyen pa nyid yongs su gnon pa dang / shin tu rnam par dag pa'o/ sems snying po byang chub kyi rgyan lhag mthong gis yongs su dag pa dang / shin tu rnam par phye ba'i sems sangs rgyas thams cad kyi chos rgya mtsho la zhugs pa dang / shin tu yangs pa'i
- 289b
sems sems can gyi khams thams cad yongs su smin par bya ba dang / gdul ba rgyas par 'gengs pa dang / shin tu che ba'i sems sangs rgyas kyi zhing thams cad yongs su yang dag par byed pa dang / tshad med pa'i sems sangs rgyas thams cad kyi 'khor gyi dkyil 'khor du gzugs brnyan rab tu 'byung ba dang / bskal pa thams cad du gnas pas mi zad cing mthar thug pa med pa'i sems/ de bzhin gshegs pa thams cad kyi stobs dang / mi bsnyengs pa dang / sangs rgyas kyi chos kyi ma 'dres pa'i mthar thug pas/ snying po byang chub rdo rje dam pa'i snying po can de la pad+mo'i stan rin po che thams cad kyi lhun can zhig la/ de bzhin gshegs pa'i gdan seng ge'i khri la mngon par bltas te 'dug go// de nas tshong dpon gyi bu nor bzangs de lta bu'i bsam pa dang / yid la bya ba la brtson par gnas pa'i sngon gyi dge ba'i rtsa ba'i rlan dang / de bzhin gshegs pa thams cad kyi byin gyi rlabs dang / byang chub sems dpa' kun tu bzang po dang sngon gyi dge ba'i rtsa ba'i skal ba mthun pas/ byang chub sems dpa' kun tu bzang po mthong bar 'gyur bar sngon gyi ltas bcu byung ngo // bcu gang zhe na/ 'di lta ste/ sangs rgyas kyi zhing thams cad de bzhin gshegs pa thams cad kyi snying po byang chub kyi rgyan rnam par dag pas rnam par dag par gyur to// sangs rgyas kyi zhing thams cad mi khom pa dang /
- 290a
ngan song dang / ngan 'gro'i las thams cad rnam par bsal bas rnam par drug par gyur to// sangs rgyas kyi zhing thams cad bad+mo'i tshul gyi rgyan lta sangs rgyas kyi zhing rnam par dag pas rnam par dag par gyur to/ / sangs rgyas kyi zhing thams cad sems can thams cad kyi lus dang sems dga' zhing sim par byed pas rnam par dag par gyur to// sangs rgyas kyi zhing thams cad rin pa chethams cad kyi rang bzhin du kun tu gnas pas rnam par dag par gyur to/ / sangs rgyas kyi'i thams cad sems can gyi khams kun mtshan dang deb byung babang po sgyurabatugs par kun nas gnas pas rnam par dag par gyur to/ / sangs rgyas kyi zhing thams cad rgyan dang lhab lhub kyi sprin gyis kun tu khebs par kun nas gnas pas rnam par dag par gyur to// sangs rgyas kyi zhing thams cad sems can gyi khams thams cad phan tshun byams pa'i sems dang / phan pa'i sems dang / gnod sems med pa'i sems dang ldan par kun nas gnas pas rnam par dag par gyur to/ / sangs rgyas kyi zhing thams cad snying po byang chub kyi rgyan gyis brgyan par kun nas gnas pas rnam par dag par gyur to// sangs rgyas kyi zhing thams cad sems can thams cad sangs rgyas rjes su dran pa yid la bya ba la brtson par kun nas gnas pas rnam par dag par gyur te/ byang chub sems dpa' sems dpa' chen po kun tu
- 290b
bang po mthong bar 'gyur ba'i sngon gyi lhas bcu po de dag byung bar gyur to/ / gzhan yang byang chub sems dpa' sems dpa' chen po mthong bar 'gyur ba'i sngon gyi ltas snang chen po bcu byung bar gyur te/ bcu gang zhe na/ 'di lta ste/ 'jig rten gyi khams thams cad kyi rdul shin tu phra ba rnams las shin tu phra ba re re zhing yang / de bzhin gshegs pa thams cad kyi 'od zer gyi dra ba mang po rnam par snang bar gyur to/ / 'jig rten gyi khams thams cad kyi rdul shin tu phra ba rnams las rdul shin tu phra ba re re las kyang / sangs rgyas thams cad kyi 'od kyi dkyil 'khor mang po 'thon te/ kha dog gcig pa dang / kha dog sna tshogs dang / kha dog brgya stong su ma chos kyi dbyings thams cad rgyas par 'gengs par gyur to// 'jig rten gyi khams cad kyi rdul shin tu phra ba rnams las rdul shin tu phra ba re re las kyang rin po che thams cad kyi sprin/ de bzhin gshegs pa thams cad kyi gzugs brnyan rnam par dmigs par byed pa mang po 'thon te/ chos kyi dbyings thams cad rgyas par 'gengs par gyur to// 'jig rten gyi khams thams cad kyi rdul shin tu phra ba rnams las rdul shin tu phra ba re re las kyang de bzhin gshegs pa thams cad kyi 'od 'phro ba'i 'khor lo dang dkyil 'khor gyi sprin mang po 'thon te/ chos kyi dbyings thams cad rgyas par 'gengs par gyur to// 'jig rten
- 291a
@i khams thams cad kyi rdul shin tu phra ba rnams las rdul shin tu phra bya re re las kyang / spos dang / me tog dang / 'greng ba dang / byug pa dang / bdug pa sprin mang po 'thon te/ byang chub sems dpa' kun tu bzang po'i yon tan gyi chos rgya mtsho'i sprin thams cad kyi 'brug sgra rab tu sgrog cing / phyogs bcu'i chos kyi dbyings thams cad rgyas par 'gengs par gyur to/ / 'jig rten gyi khams thams cad kyi rdul shin tu phra ba rnams las rdul shin tu phra ba re re las kyang nyi ma dang / zla ba dang / skar ma'i sprin mang po 'thon te/ byang chub sems dpa' kun tu bzang po'i 'od rab tu 'gyed cing / chos kyi dbyings thams cad rgyas par 'gengs par gyur to// 'jig rten gyi khams thams cad kyi rdul shin tu phra ba rnams las rdul shin tu phra ba re re las kyang / lus thams cad kyi dbyibs ltar 'dug pa'i mar me'i sprin mang po 'thon nas/ sangs rgyas kyi 'od zer ltar rab tu snang bar byed cing / chos kyi dbyings thams cad rgyas par 'gengs par gyur to// 'jig rten gyi khams thams cad kyi rdul shin tu phra ba rnams las rdul shin tu phra ba re re las kyang nor bu rin po tsheche'i gzugs de bzhin gshegs pa thams cad kyi skur snang ba'i sprin mang po 'thon nas/ phyogs bcu'i 'jig rten gyi khams thams cad rgyas par 'gengs par gyur to// 'jig rten gyi
- 291b
khams thams cad kyi rdul shin tu za ba rnams las rdul shin tu za ba re re las kyang / 'od zer gyi gzugs de bzhin gshegs pa thams cad kyi sku'i dbyings su snang ba'i sprin mang po 'thon / sangs rgyas thams cad kyi byin gyi rlabs dang / smon lam gyi sprin gyi char mngon par 'bebs shing / chos kyi dbyings thams cad rgyas par 'gengs par gyur to// 'jig rten gyi khams thams cad kyi rdul shin tu phra ba rnams las rdul shin tu phra ba re re las kyang / byang chub sems dpa'i lus kyi gzugs brnyan gzugs kyi rnam pa thams cad kyi kha dog tu snang ba'i sprin rgya mtsho'i sems can thams cad 'don pa'i sbyor ba dang ldan pa/ sems can thams cad kyi chos kyi bsam pa yongs su rdzogs par bsgrub pa mang po 'thon te/ chos kyi dbyings thams cad rgyas par 'gengs par gyur to/ / byang chub sems dpa' kun tu bzang po mthong bar 'gyur ba'i sngon gyi ltas snang ba chen po bcu po de dag byung bar gyur to// de nas tshong dpon gyi bu nor bzangs kyis sngon gyi ltas su snang ba bcu po de dag mthong nas/ byang chub sems dpa' kun tu bzang po mthong bar 'gyur ba'i skabs ni bye/ rang gi dge ba'i rtsa bas brtan/ de bzhin gshegs pa thams cad kyi byin gyis ni brlabs/ sangs rgyas thams cad kyi chos kyi snang ba ni yang dag par skyes byang chub sems dpa' kun tu bzang
- 292a
po'i spyod pa la ni mngon du gyur/ byang chub sems dpa' kun tu bzang po'i smon lam gyi byin gyis ni byin du brlabs/ de bzhin gshegs pa thams cad kyi spyod/ yul la ni mngon par mos/ byang chub sems dpa'i spyod yul rlabs po che la shin tu nges pa'i stobs dang shugs ni rab tu thob/ byang chub sems dpa' kun tu bzang po mthong na thams cad mkhyen pa nyid thob pa dang 'dra bar na sems byang chub sems dpa' kun tu bzang po mthong bar bya ba la dbang po ni mngon du gyur/ byang chub sems dpa' kun tu bzang po mthong bar bya/ ba la brtson 'grus kyi shugs chen po ni thob/ byang chub sems dpa' kun tu bzang po yongs su btsal ba la brtson 'grus phyir mi ldog pa'i sbyor ba dang ni ldan/ phyogs thams cad du mngon du gyur pa'i dbang po'i 'khor lo dang / kun tu lta bas yul yongs su gnon pa'i byang chub sems dpa'i lus dang / sangs rgyas ma lus pa'i zhabs kyi drung na byang chub sems dpa' kun tu bzang po 'dug pa'i rjes su 'brang ba'i sems de bzhin gshegs pa thams cad dmigs par bya ba la yang dag par btang ba dang / byang chub sems dpa' kun tu bzang po'i dmigs pa yongs su btsal ba dang mi 'bral ba'i bsam pa dang / byang chub sems dpa' kun tu bzang po mthong bar bya ba'i 'du shes kyi rnam pa'i snying po dang ldan pa'i ye shes kyi mig byang chub sems
- 292b
dpa' kun tu bzang po'i lam la zhugs pa dang / nam mkha'i dbyings ltar yangs pa'i bsam pa dang / snying rje chen po'i rdo rje thogs pa'i lhag pa'i bsam pa dang / byang chub sems dpa' kun tu bzang po'i rjes su 'brang bar smon pa/ phyi ma'i mtha'i bskal pa'i mur thug par byin gyis brlabs pa dang / yongs su gnon pa'i rtsa la rnam par dag pa dang / byang chub sems dpa' kun tu bzang po'i/ spyod pa mnyam pa nyid kyi rjes su song ba dang / byang chub sems dpa' kun tu bzang po'i sa la gnas pa'i ye shes la rnam pa spyod pa/ de bzhin gshegs pa thams cad kyi yul la yang dag par gnas pa dang ni ldan pa des/ byang chub sems dpa' kun tu bzang po de bzhin gshegs pa thams cad dang mnyam pa nyid rjes su thob pa/ dus gsum mnyam pa nyid kyi rjes su song ba/ bsam gyis mi khyab pa'i yul dang ldan pa mi 'phrogs pa'i spyod yul can/ mu med pa'i ye shes kyi yul dang ldan pa/ byang chub sems dpa' thams cad kyis rnam par blta ba 'jig rten thams cad kyis zil gyis mnon pa/ 'khor gyi dkyil 'khor thams cad kyi rjes su 'brang na mngon par 'phags pa'i lus dang ldan pa de/ bcom ldan 'das de bzhin gshegs pa rnam par snang mdzad kyi spyan snga na/ byang chub sems dpa'i 'khor gyi dkyil 'khor rgya mtshon ni 'dug/ byang chub sems dpa'i tshogs kyis ni yongs su bskor/ byang chub
- 293a
sems dpa'i dge 'dun ni mdun du byas shing / seng ge'i khri rin po che'i pad+mo chen po'i snying po can zhig la 'dug pa mthong ste/ des de'i ba spu'i bu ga thams cad las/ ba spu'i sgo re re nas kyang 'jig rten gyi khams thams cad kyi rdul shin tu phra ba snyed kyi 'od zer gyi sprin mang po 'thon nas/ 'jig rten gyi khams chos kyi dbyings kyis klas pa nam mkha' mthas gtugs pa thams cad rab tu snang bar byas nas/ sems can rnams kyi sdug bsngal rab tu zhi bar byed pa mthong ngo // des de'i lus las 'od kyi dkyil 'khor sangs rgyas kyi zhing thams cad kyi rdul shin tu phra ba snyed kyi sprin mang po kha dog sna tshogs can mang po 'thon te/ byang chub sems dpa' thams cad kyi dga' ba dang / mos pa'i shugs rgya chen po rnam par 'phel bar byed pa mthong ngo / / spyi bo dang / phrag pa'i lhun gnyis dang / ba spu'i sgo thams cad nas kyang / spos 'od 'phro ba'i sprin gyi char kha dog sna tshogs su 'dug pa mang po mngon par 'thon nas/ de bzhin gshegs pa thams cad kyi 'khor gyi dkyil 'khor rgyas par bkang ste/ mngon par 'bab pa mthong ngo // ba spu'i bu ga thams cad las ba spu'i sgo re re nas kyang / me tog thams cad kyi sprin gyi char sangs rgyas kyi zhing thams cad kyi rdul shin tu phra ba snyed mang po mngon par 'thon nas/ de bzhin gshegs pa thams cad kyi 'khor gyi dkyil 'khor rgyas par bkang ste
- 293b
mngon par 'bab ma mthong ngo / / ba spu'i bu ga thams cad mas bstan sgo raM re las kyangaspos sna tshogs kyi shing gi sbyin mang po sangs rgyas kyi zhing thams cad kyi rdum shin tu zab sa p ar 'thon nas/ chos kyi dbyings nam mkha'i dbyings kyi mtha' klas pa thams cad rgyas par bkang nas/ spos kyi shing gi sprin gyi rgyun gyis brgyan par byas te/ spos dang / bye ma dang bdug pa'i mdzod zad mi shes pa'i char rab tu 'gyed cing de bzhin gshegs pa thams cad kyi 'khor gyi dkyil 'khor rgyas par bkang ste/ mngon par 'bab par byed pa mthong ngo / / ba spu'i sgo thams thad las ba spu'i sgo re re nas kyang gos sna tshogs kyi sprin mang po mngon par 'thon te/ chos kyi dbyings nam mkha'i dbyings kyi mtha' klas pa thams cad kun nas yog par byas nas brgyan par mthong ngo / / ba spu'i bu ga thams cad las ba spu'i sgo re re nas kyang / dar sna tshogs kyi lda ldi'i sprin dang / 'greng ba sna tshogs kyi sprin dang / mu tig sna tshogs kyi sprin dang / nor bu rin po che yid bzhin gyi sprin gyi char sangs rgyas kyi zhing thams cad kyi rdul shin tu phra ba snyed mngon par 'thon nas/ de bzhin gshegs pa thams cad kyi 'khor gyi dkyil 'khor rgyas par bkang ste/ mngon par 'bab pa mthong ngo // ba spu'i bu ga thams cad las ba spu'i sgo re re nas kyang sems can thams cad
- 294a
kyi bsam pa yongs su rdzogs par bsgrub pa'i phyir/ rin po che'i shing gi sprin sangs rgyas kyi zhing thams cad kyi rdul shin tu phra ba snyed mngon par 'thon te/ chos kyi dbyings nam mkha'i mtha' klas pa thams cad rgyas par bkang nas rin po che'i shing las rin po che'i mdzod rnam par 'phro ba'i rgyan gyis brgyan par byas te/ de bzhin gshegs pa thams cad kyi 'khor gyi dkyil 'khor dag tu rin po che'i char chen po mngon par 'bab par byed pa mthong ngo / / ba spu'i bu ga thams cad las ba spu'i sgo re re nas kyang / gzugs kyi khams kyi lha'i ris kyi sprin sangs rgyas kyi zhing thams cad kyi rdul shin tu phra ba snyed mngon par 'thon nas/ byang chub sems dpa' la yang dag par bsngags pa byed cing / sangs rgyas kyi zhing thams cad rgyas par 'gengs pa mthong ngo / / ba spu'i bu ga thams cad las pa spu'i sgo re re nas kyang // tshangs pa'i rgyud du gtogs pa'i lha'i ris thams cad sprul pa'i sprin mang po mngon par 'thon te/ mngon par sangs rgyas pa'i de bzhin gshegs pa rnams la chos kyi 'khor lo bskor bar gsol ba 'debs par mthong ngo // ba spu'i bu ga thams cad kyi ba spu'i sgo re re nas kyang 'dod pa'i khams thams cad du gtogs pa'i lha'i dbang po'i lus kyi sprin mang po mngon par 'thon te/ de bzhin gshegs pa thams cad kyi chos kyi 'khor lo mang po yang dag par 'dzin par mthong ngo //
- 294b
ba spu'i bu ga thams cad kyi ba spu'i sgo re re nas kyang / sems kyi skad cig re re la sangs rgyas kyi zhing gi sprin dus gsum du gtogs pa'i sangs rgyas kyi zhing thams cad dang 'dra ba/ sangs rgyas kyi zhing thams cad kyi rdul shin tu phra ba snyed mngon par 'thon nas/ chos kyi dbyings nam mkha'i mtha' klas pa thams cad rgyas par bkang ste/ sems can gnas med pa dang / skyabs med pa dang / rten med pa rnams kyi gnas dang / skyabs dang / rten du gyur pa mthong ngo // ba spu'i bu ga thams cad kyi ba spu'i sgo re re nas kyang / sems kyi skad cig re re la sangs rgyas kyi zhing yongs su dag pa/ sangs rgyas byung ba dang / byang chub sems dpa'i 'khor gyi dkyil 'khor thams cad kyis yongs su dag pa'i sprin/ sangs rgyas kyi zhing thams cad kyi rdul shin tu phra ba snyed mngon par 'thon nas/ chos kyi dbyings nam mkha'i mthas klas pa thams cad rgyas par bkang ste/ sems can mos pa rlabs po che rnams yongs su dag par sgrub pa mthong ngo / / ba spu'i bu ga thams cad las ba spu'i sgo re re nas kyang / sems kyi skad cig re re las sangs rgyas kyi zhing rnam par dag la kun nas nyon mongs pa/ sangs rgyas kyi zhing thams cad kyi rdul shin tu phra ba snyed kyi sprin mang po mngon par 'thon nas/ chos kyi dbyings nam mkha'i dbyings kyi mthas klas pa thams cad rgyas par bkang ste/ kun nas
- 295a
nyon mongs pa'i sems can rnams rnam par dag par sgrub pa mthong ngo / / ba spu'i bu ga re re'i ba spu'i sgo thams cad las/ sems kyi skad cig re re la sangs rgyas kyi zhing kun nas nyon mongs la rnam par dag pa/ sangs rgyas kyi zhing thams cad kyi rdul shin tu phra ba snyed kyi sprin mang po mngon par 'thon nas/ chos kyi dbyings nam mkha'i dbyings kyis klas pa thams cad rgyas par bkang ste/ sems can gcig tu kun nas nyon mongs pa rnams rnam par dag pa sgrub pa mthong ngo // ba spu'i bu ga thams cad las ba spu'i sgo re re las kyang / sems can thams cad kyi lus kyi sprin sangs rgyas kyi zhing thams cad kyi rdul shin tu phra ba snyed mngon par 'thon nas/ sems can gyi khams nam mkha'i dbyings kyis klas pa thams cad rgyas par bkang nas/ sems can thams cad kyi spyod pa'i rjes su 'brang bar byed cing / bla na med pa yang dag par rdzogs pa'i byang chub tu sems can thams cad yongs su smin par byed pa mthong ngo / / ba spu'i bu ga thams cad las ba spu'i sgo re re nas kyang / sems kyi skad cig re re la byang chub sems dpa'i lus kyi sprin 'jig rten gyi khams thams cad kyi rdul shin tu phra ba snyed mngon par 'thon nas/ chos kyi dbyings nam mkha'i dbyings kyis klas pa thams cad rgyas par bkang ste/ sems can thams cad kyi dge
- 295b
ba'i rtsa ba rnam par 'phel bar bya ba'i phyir/ sangs rgyas thams cad kyi mtshan mang po rjod par byed par mthong ngo // ba spu'i bu ga thams cad las ba spu'i sgo re re nas kyang byang chub sems dpa'i lus kyi sprin sangs rgyas kyi zhing thams cad kyi rdul shin tu phra ba snyed mngon par 'thon te/ chos kyi dbyings nam mkha'i dbyings kyis klas pa thams cad rgyas par bkang nas/ sangs rgyas kyi zhing 'byam klas pa thams cad du byang chub sems dpa' thams cad kyi sems dang po bskyed pa nas nye bar bzung ba'i dge ba'i rtsa ba thams cad mngon par bsgrub pa mthong ngo / / ba spu'i bu ga thams cad las ba spu'i sgo re re nas kyang / byang chub sems dpa'i sprin sangs rgyas kyi zhing thams cad kyi rdul shin tu phra ba snyed mngon par 'thon te/ sangs rgyas kyi zhing thams cad du byang chub sems dpa' kun tu bzang po'i spyod pa rnam par dag par bya ba'i phyir/ byang chub sems dpa'i smon lam rgya mtsho thams cad mngon par rjod pa mthong ngo / / ba spu'i bu ga thams cad las ba spu'i sgo re re nas kyang / sems can thams cad kyi bsam pa yongs su rdzogs par bya ba'i don du byang chub sems dpa' kun tu bzang po'i spyod pa'i sprin thams cad mkhyen pa nyid du yang dag par 'byung bas/ dga' ba'i shugs rnam par 'phel bar byed pa sangs rgyas kyi zhing thams cad kyi rdul shin
- 296a
tu phra ba snyed kyi char mngon par 'thon nas/ mngon par 'bab pa mthong ngo // des de'i ba spu'i bu ga thams cad las ba spu'i sgo re re las kyang / mngon par rdzogs pabar 'tshang rgya ba'i sprin sangs rgyas kyi zhing thams cad du mngon par rdzogs par 'tshang rgya bar ston pa/ thams cad mkhyen pa nyid du yang dag par 'byung ba'i chos kyi sprin chen po rnam par 'phel bar byed pa sangs rgyas kyi zhing thams cad kyi rdul shin tu phra ba snyed mngon par 'thon par mthong ngo / / de nas tshong dpon gyi bu nor bzangs kyis/ byang chub sems dpa' kun tu bzang po'i rdzu 'phrul gyi yul de lta bu mthong nas dga' rangs te/ mgu zhing nyams bde la/ tsham zhing yid bde ba bskyed nas/ de bas kyang shas cher byang chub sems dpa' kun tu bzang po'i lus la sems sems pa dang / byang chub sems dpa' kun tu bzang po'i yan lag re re dang / yan lan rnam par phye ba re re dang / lus kyi cha re re dang / lus kyi cha rnam par phye ba re re dang / yan lag gi phyogs re re dang / yan lag gi phyogs rnam par phye ba re re dang / lus re re dang / lus rnam par phye ba re re dang / ba spu'i bu ga re re dang / ba spu'i bu ga rnam par phye ba re re nas stong gsum gyi stong chen po'i 'jig rten gyi khams 'di rlung gi phung po dang bcas/ chu'i phung po dang bcas/ sa'i phung po dang bcas/ me'i phung po dang bcas/ rgya mtsho dang
- 296b
bcas/ gling dang bcas/ chu klung dang bcas/ rin po che'i ri dang bcas/ ri rab dang bcas/ khor yug dang bcas/ grong dang / grong khyer dang / ljongs dang / yul dang khams dang / rgyal po'i gnas dang bcas/ nags tshal dang bcas/ khang khyim dang bcas skye bo'i tshogs dang bcas sems can dmyal ba'i 'jig rten dang bcas byol song gi skye gnas dang bcas/ gshin rje'i 'jig rten dang bcas/ lha ma yin gyi 'jig rten dang bcas/ klu'i 'jig rten dang bcas/ nam mkha' lding gi 'jig rten dang bcas// ma'i 'jig rten dang bcas lha'i 'jig rten dang bcas/ tshangs pa'i 'jig rten dang bcas/ 'dod pa'i khams kyi yul dang bcas/ gzugs kyi khams kyi yul dang bcas/ gzugs med pa'i khams kyi yul dang bcas/ gzhi dang bcas/ rten dang bcas/ dbyibs dang bcas/ sprin dang bcas/ glog dang bcas skar ma dang bcas nyin zhag dang bcas/ zla ba phyed dang bcas/ zla ba gcig dang bcas/ dus dang bcas/ lo dang bcas/ bskal pa bar ma dang bcas/ bskal pa dang bcas par gzugs brnyan gyi tshul du mthong ngo / / 'jig rten gyi khams 'di la ji lta ba de bzhin du/ shar phyogs kyi 'jig rten gyi khams kyang mthong bar gyur to// shar phyogs la ji
- 297a
lta ba de bzhin du/ lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams na'ang / 'og dang steng gi phyogs thams cad kyi 'jig rten gyi khams thams cad kyang / sangs rgyas byung ba dang bcas/ byang chub sems dpa'i 'khor gyi dkyil 'khor dang bcas par gzugs brnyan gyi tshul du mthong bar gyur to/ / des mi mdzad kyi 'jig rten gyi khams 'di'i sngon gyi mtha'i mur thug pa'i 'jig rten gyi khams gcig/ nas gcig tu brgyud pa ji snyed dag thams cad kyang / byang chub sems dpa' kun tu bzang po'i mtshan re re las sangs rgyas byung ba dang bcas/ byang chub sems dpa'i 'khor gyi dkyil 'khor thams cad dang bcas/ sems can dang bcas/ khang khyim dang bcas/ nyin zhag dang bcas/ bskal pa dang bcas par mthong bar gyur to// de bzhin du phyi ma'i mtha'i mur thug pa'i sangs rgyas kyi zhing 'byam klas pa thams cad kyang mthong bar gyur to/ / ji ltar 'jig rten gyi khams 'di sngon gyi mtha' dang phyi ma'i mtha'i mur thug pa'i 'jig rten gyi khams gcig nas gcig tu brgyud pa thams cad mthong bar gyur pa de bzhin du/ phyogs bcu'i 'jig rten gyi khams thams cad kyi sngon gyi mtha' dang / phyi ma'i mtha'i mur thug pa'i 'jig rten gyi khams
- 297b
gcig nas gcig tu brgyud pa thams cad kyang / byang chub sems dpa' kun tu bzang po'i lus dang / ma chen po'i mtshan re re dang / ba spu'i bu ga re re nas shin tu rnam par phye ba dang / phan tshun ma 'dres par mthong bar gyur to/ / byang chub sems dpa' kun tu bzang po'i yang / ji ltar bcom ldan 'das de bzhin gshegs pa rnam par snang mdzad kyi spyan snga na seng ge'i khri rin po che'i pad+mo chen po'i snying po can la 'dug cing rnam par rtse ba 'di lta bu yongs su ston par mthong ba de bzhin du/ shar phyogs na'ang bcom ldan 'das de bzhin gshegs pa bzang po'i dpal gyi 'jig rten gyi khams pad+mo'i dpal na/ rnam par rtse ba 'di nyid yongs su ston cing 'dug par mthong ngo // shar phyogs na ji lta ba de bzhin du phyogs dang phyogs mtshams kun tu 'jig rten gyi khams thams cad kyi de bzhin gshegs pa thams cad kyi drung na/ byang chub sems dpa' kun tu bzang po seng ge'i khri rin po che'i pad+mo chen po'i snying po can la 'dug cing / rnam par rtse ba 'di nyid yongs su ston pa mthong ngo // ji ltar phyogs bcu'i 'jig rten gyi khams thams cad kyi de bzhin gshegs pa thams cad zhabs kyi drung na/ seng ge'i khri rin po che'i pad+mo chen po'i snying po can la 'dug cing / rnam par rtse ba 'di nyid yongs su ston par mthong ba de bzhin du phyogs bcu kun gyi sangs rgyas kyi zhing thams cad kyi rdul shin tu phra ba dag la rdul shin tu phra ba re re/
- 298a
sa a kyi kyim la na rgyas kyi gyis ga chub spya pa' ba bzhi gshegs pa thams cad seng ge'i khri rin po che'i pad+mo chen po'i snying po can la 'dug cing / rnam par rtse ba 'di nyid yongs su ston pa mthong ngo // de'i lus re re las kyang dus gsum du byung ba'i dmigs pa thams cad gzugs brnyan gyi tshul du rnam par dmigs par mngon par bstan pa mthong ngo / / zhing thams cad dang / sems can thams cad dang / sangs rgyas byung ba thams cad dang / byang chub sems dpa'i 'khor gyi dkyil 'khor thams cad kyang gzugs brnyan gyi tshul du rnam par dmigs par mngon du bstan pa mthong ngo // sems can thams cad kyi sgra dang / sangs rgyas thams cad kyi dbyangs dang / de bzhin gshegs pa thams cad kyi chos kyi 'khor lo dang / gdams ngag yongs su bstan pa'i cho 'phrul thams cad dang / byang chub sems dpa'i yang dag par bsdu ba thams cad dang / sangs rgyas thams cad kyi rnam par rol pa dag kyang thos par gyur to// des de ltar byang chub sems dpa' kun tu bzang po'i rnam par rtse ba de lta bu dag mthong ste thos nas ye shes kyi pha rol tu phyin pa la rnam par spyod pa bcu thob par gyur to/ / bcu gang zhe na/ 'di lta ste/
- 298b
sems kyi skad cig gcig la sangs rgyas kyi zhing thams cad lus kyis rgyas par dgang ba'i ye shes kyi pha rol tu phyin pa la rnam par spyod pa thob pa gyur to// de bzhin gshegs pa thams cad kyi zhabs kyi drung du 'gro ba la tha mi dad pa'i ye shes kyi pha rol tu phyin pa la rnam par spyod pa thob par gyur to/ / de bzhin gshegs pa thams cad mchod cing rim gror bya ba'i ye shes kyi pha rol tu phyin pa la rnam par spyod pa thob par gyur to/ / de bzhin gshegs pa thams cad las de bzhin gshegs pa re re las kyang sangs rgyas kyi chos thams cad yongs su zhus pa rab tu blang ba'i ye shes kyi pha rol tu phyin pa la rnam par spyod pa thob par gyur to/ / de bzhin gshegs pa thams cad kyi chos kyi 'khor lo nges par rtogs par bya ba'i ye shes kyi pha rol tu phyin pa la rnam par spyod pa thob par gyur to/ / sangs rgyas kyi rnam par 'phrul pa bsam gyis mi khyab pa'i ye shes kyi pha rol tu phyin pa la rnam par spyod pa thob par gyur to// tha dad pa yang dag par shes pa zad mi shes pas phyi ma'i mtha'i mur thug pa'i bskal par byin gyis brlabs te/ chos kyi tshig gcig shin tu bstan pa'i ye shes kyi pha rol tu phyin pa la rnam par spyod pa thob par gyur to/ / chos rgya mtsho thams cad mngon sum du rab tu shes pa'i ye shes kyi pha rol tu phyin pa la rnam par spyod pa thob par gyur to// chos kyi
- 299a
dbyings kyi tshul rgya mtsho thams cad kyi ye shes kyi pha rol tu phyin pa la rnam par spyod pa thob par gyur to/ / sems can thams cad kyi 'du shes kyi rnam pa yongs su bsgrub pa'i ye shes kyi pha rol tu phyin pa la rnam par spyod pa thob par gyur to/ / skad cig gcig la byang chub sems dpa' kun tu bzang po'i spyod pa mngon sum du rab tu shes pa'i ye shes kyi pha rol tu phyin pa la rnam par spyod pa thob par gyur te/ de ltar ye shes kyi pha rol tu phyin pa la rnam par spyod pa dang ldan pa'i tshong dpon gyi bu nor bzangs kyi spyi bor byang chub sems dpa' kun tu bzang pos lag pa g.yas pa brkyang ste gzhag par gyur to/ / de ltar tshong dpon gyi bu nor bzangs kyi spyi bo la byang chub sems dpa' kun tu bzang pos lag pa gzhag ma thag tu/ de'i mod la des ting nge 'dzin gyi sgo sangs rgyas kyi zhing thams cad kyi rdul shin tu phra ba snyed la zhugs par gyur te/ ting nge 'dzin re res kyang 'jig rten gyi khams rgya mtsho sangs rgyas kyi zhing gi rdul shin tu phra ba snyed sngan chad ma mthong ba dag la'ang zhugs par gyur to// de'i thams cad mkhyen pa nyid kyi tshogs sangs rgyas kyi zhing rdul shin tu phra ba snyed kyang tshogs su gyur to/ / de'i thams cad mkhyen pa nyid kyi chos kyi tshogs sangs rgyas kyi zhing thams cad kyi rdul shin
- 299b
tu phra ba byung bar gyur to/ / thams cad mkhyen pa nyid la rab tu gnas par bya ba chen po sangs rgyas kyi zhing thams cad kyi rdul shin tu phra ba snyed kyis mngon par 'phags par gyur to// smon lam rgya mtsho sangs rgyas kyi zhing thams cad kyi rdul shin tu phra ba snyed la'ang zhugs par gyur to// thams cad mkhyen pa nyid du 'byung ba'i lam sangs rgyas kyi zhing thams cad kyi rdul shin tu phra ba snyed kyis kyang byung bar gyur to/ / byang chub sems dpa'i spyod pa sangs rgyas kyi zhing thams cad kyi rdul shin tu phra ba snyed la'ang rab tu zhugs par gyur to// thams cad mkhyen pa nyid kyi shugs drag po sangs rgyas kyi zhing thams cad kyi rdul shin tu phra ba snyed kyis kyang rnam par 'phel bar gyur to// sangs rgyas thams cad kyi ye shes snang ba sangs rgyas kyi zhing thams cad kyi rdul shin tu phra ba snyed kyis kyang rab tu snang bar gyur to/ / ji ltar mi mjed kyi 'jig rten gyi khams 'dir byang chub sems dpa' kun tu bzang po// bcom ldan 'das de bzhin gshegs pa rnam par snang mdzad kyi spyan sngar 'dug pas lag pa g.yas pa brkyang ste/ tshong dpon gyi bu nor bzangs kyi spyi bor bzhag pa de bzhin du/ 'jig rten gyi khams thams cad kyi de bzhin gshegs pa'i zhabs kyi drung na 'dug pa'i byang chub sems dpa' kun tu bzang pos kyang lag pa g.yas pa brkyang zhing / tshong dpon gyi bu nor bzangs kyi spyi bo la bzhag par gyur to//
- 300a
de bzhin du phyogs dang phyogs mtshams thams cad kun gyi 'jig rten gyi khams kyi rdul shin tu phra ba'i khongs su chud pa'i 'jig rten gyi khams ngag gi de bzhin gshegs pa thams cad kyi zhabs kyi drung na 'dug pa'i byang chub sems dpa' kun tu bzang pos kyang lag pa g.yas pa brkyang zhing / tshong dpon gyi bu nor bzangs kyi spyi bo la bzhag par gyur to// bcom ldan 'das rnam par snang mdzad kyi zhabs kyi drung na 'dug pa'i byang chub sems dpa' kun tu bzang po'i lag pas reg ste/ tshong dpon gyi bu nor bzangs kyis chos kyi sgo mang po la zhugs par gyur pa de bzhin du/ kun tu bzang po'i lus thams cad las 'phros pa'i lag pa'i sprin mang pos reg pa'i tshong dpon gyi bu nor bzangs kyis kyang chos kyi sgo mang po la tshul sna tshogs kyis zhugs par gyur to/ / de nas byang chub sems dpa' sems dpa' chen po kun tu bzang pos// tshong dpon gyi bu nor bzangs la 'di skad ces smras so// rigs kyi bu khyod kyis nga'i rnam par 'phrul pa mthong mod/ smras pa/ 'phags pa mthong na de tsam du bsam gyis mi khyab pa'i rnam par thar pa de ni/ de bzhin gshegs pas mkhyen na mkhyen grang ngo / / des smras pa/ rigs kyi bu ngas ni thams cad mkhyen pa nyid kyi sems mngon par 'dod cing / bskal pa sangs rgyas kyi zhing brjod du med pa'i yang brjod du med pa'i rdul
- 300b
shin tu phra ba snyed cig tu rnam par spyad de/ bskal pa chen po de dag re re la'ang byang chub kyi sems yongs su sbyong ba byed cing / ngas de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed cig bsnyen bkur to/ / bskal pa chen po de dag re re la'ang thams cad mkhyen pa nyid kyi bsod nams yongs su sdud pa byed cing / mchod sbyin chen po gtang ba thams cad dang sbyar ba/ 'jig rten thams cad du rnam par grags pa/ sems can thams cad la bstabs pa dag kyang mchod sbyin du byas so// bskal pa chen po de dag re re la'ang thams cad mkhyen pa nyid kyi chos la mngon par smon cing / gtang ba dang / gtang ba chen po dang / shin tu gtang ba sangs rgyas kyi zhing brjod du med pa'i yang brjod du med pa'i rdul shin tu phra ba snyed cig byas so/ / bskal pa chen po de dag re re la'ang lus dang srog 'phangs par bya ba med par/ sangs rgyas kyi chos gces par bya bas lus brjod du med pa'i yang brjod du med pa zhig yongs su btang ngo / / rgyal po'i srid chen po'ang yongs su btang ngo // grong dang / grong khyer dang / ljongs dang / yul dang / khams dang / rgyal pos gnas dag kyang yongs su btang ngo / / sdug cing yid du 'ong la gtang mi phra ba'i 'khor gyi tshogs dag kyang yongs su btang ngo // bu dang / bu mo dang / chung ma dag kyang yongs su btang ngo //
- 301a
rang gi lus dang sha dag kyang yongs su btang ngo // bdag gi lus las khrag dag kyang spong ba rnams la yongs su btang ngo // rus pa dang rkang dag kyang yongs su btang ngo / / yan lag dang nying lag dag kyang yongs su btang ngo // sna dang rna ba dag kyang yongs su btang ngo // mig dag kyang yongs su btang ngo // rang gi kha nas lce'i dbang po dag kyang yongs su btang ngo / / bskal pa de dag re re la'ang 'jig rten thams cad las mngon par 'phags shing / bla na med par gyur pa'i thams cad mkhyen pa nyid kyi dbul mngon par smon cing / rang gi mgo sangs rgyas kyi zhing brjod du med pa'i yang brjod du med pa'i rdul shin tu phra ba snyed cig yongs su btang ngo // bskal pa chen po re re la ji lta ba de bzhin du/ bskal pa chen po rgya mtsho sangs rgyas kyi zhing brjod du med pa'i yang rdul shin tu phra ba snyed las/ bskal pa rgya mtsho re re la'ang de bzhin gshegs pa sangs rgyas kyi zhing rgya mtsho brjod du med pa'i yang brjod du med pa'i rdul shin tu phra ba snyed cig la dbang po dam par gyur te rim gro byas so/ / bkur sti byas so// phu dud du byas so// mchod pa byas so// na bza' dang / bshos dang / gzims cha dang / snyun gyi rkyen sman dang / yo byad dag kyang dbul ba byas so// de bzhin gshegs pa de dag gi bstan pa la'ang rab tu byung ste/ sangs rgyas kyi gdams ngag thams cad la'ang rab tu zhugs so// de dag gi bstan pa'ang
- 301b
yongs su bzung ngo / / rigs kyi bu de snyed kyi bskal pa rgya mtshor yang / de bzhin gshegs pa'i bskal pa la sems bskyed pa 'ga' tsam gyis kyang mi mthun pa'i sems bskyed du mi dran no// de snyed kyi bskal pa rgya mtshor sems bskyed pa 'ga' tsam gyis kyang khong khro ba dang ldan pa'i sems bskyed pa 'am/ bdag tu 'dzin pa'i sems sam/ bdag yongs su bskyang zhing yongs su bzung ba'i sems sam/ bdag dang gzhan du dbye ba'i sems sam/ byang chub kyi lam dang 'bral bar bya ba'i sems sam/ 'khor ba na gnas pas yongs su skyo ba'i sems sam/ zhum pa'i sems sam/ sgrib pas mgo rmongs pa'i sems bskyed du mi dran te/ gzhan du na thams cad mkhyen pa nyid kyi tshogs bsags pa'i phyir/ byang chub kyi sems ye shes gzhan gyi mi thub cing brgal bar dka' ba'i snying po dang ldan pa bskyed do/ / rigs kyi bu de lta ste/ nga'i sngon gyi sbyor ba phun sum tshogs pa/ sangs rgyas kyi zhing yongs su dag par byas pa'i sbyor ba dag dang / ngas snying rje chen po'i sems rab tu thob ste/ sems can yongs su bskyab pa dang / yongs su smin par bya ba dang / yongs su sbyang bar byas pa'i sbyor ba dag dang / sangs rgyas mchod cing bsnyen bkur ba'i sbyor ba dag dang / dam pa'i chos yongs su btsal ba'i don du bla ma la rim gror byas pa'i sbyor ba dag dang / dam pa'i chos yongs su gzung ba'i don du lus
- 302a
yongs su btang ba'i sbyor ba dag dang / dam pa'i chos yongs su bsrung ba'i don du rang gi srog su btang ba'i sbyor ba de dag ni bstan par byas na/ bskal pa rgya mtsho thams cad kyang zad par 'gyur ro/ / rigs kyi bu ngas ni chos rgya mtsho de snyed cig las kyang / tshig dang yi ge 'ga' tsam yang sems can thams cad yongs su bskyab pa la brtson pa dang / rang gi sems kyi rgyud nges par shes par bya ba la brtson pa dang / pha rol gyis chos mngon du thos par bya ba la brtson pa dang / 'jig rten pa'i ye shes snang ba thams cad rab tu brjod pa la brtson pa dang 'jig rten las 'das pa'i ye shes thams cad rab tu brjod pa la brtson pa dang / sems can thams cad kyi 'khor ba'i bde ba yongs su bskyed pa la brtson pa dang / de bzhin gshegs pa thams cad kyi yon tan yang dag par bsngags pa la brtson pas/ 'khor los sgyur ba'i rgyal srid yongs su btang bas ma nyos pa 'am/ bdog pa thams cad yongs su btang bas ma nyos pa las gang yang med de/ de ltar nga nyid sngon gyi sbyor ba phun sum tshogs pa bstan par bya na/ bskal pa rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed zad par 'gyur ro/ / rigs kyi bu de ltar ngas rnam pa de lta bu'i tshogs kyi stobs dang / dge ba'i rtsa ba'i rgyud bsags pa'i stobs dang / mos pa rgya chen po'i stobs dang / yon tan la nan tan
- 302b
du bya ba'i stobs dang / chos thams cad yang dag pa ji lta ba bzhin du khong du chud par bya ba'i stobs dang / shes rab kyi mig gi stobs dang de bzhin gshegs pa'i byin gyi rlabs kyi stobs dang / smon lam chen po'i stobs dang / snying rje chen po'i stobs dang / shin tu sbyangs pa'i mngon par shes pa'i stobs dang / dge ba'i bshes gnyen gyis yongs su bzung ba'i stobs kyis/ chos kyi lus yongs su dag pa dus gsum du tha dad pa thob par gyur to// bla na med pa'i gzungs kyi lus 'jig rten thams cad las mngon par 'phags pa/ 'gro ba thams cad kyis bsam pa ji lta ba bzhin du/ rnam par dmigs pa thams cad du rjes su song ba/ sangs rgyas kyi zhing thams cad du rab tu gzhol ba thams cad du rab tu gnas pa/ rnam par 'phrul pa thams cad rnam pa thams cad du ston pa/ 'gro ba thams cad kyi yid du 'ong ba'ang yongs su sbyangs so// rigs kyi bu ngas lus thob pa phun sum tshogs pa bskal pa rgya mtsho mtha' yas pas yongs su grub pa/ bskal pa bye ba khrag khrig brgya stong mang pos 'byung bar dka' ba mthong bar dka' ba 'di la ltos/ rigs kyi bu nga ni dge ba'i rtsa ba ma bskyed pa'i sems can rnams kyi rna lam du'ang mi 'ong na mthong bar lta ci zhig smos/ rigs kyi bu sems can gang dag nga'i ming thos pa tsam gyis bla na med pa yang dag par rdzogs pa'i byang chub las phyir mi ldog par
- 303a
'gyur ba yod do/ / mthong ba tsam dang / reg pa tsam dang / rjes su 'brang ba tsam dang / rmi lam du mthong ba tsam dang / rmi lam du ming thos pa tsam gyis kyang / bla na med pa yang dag par rdzogs pa'i byang chub las phyir mi ldog par 'gyur ba yod de/ sems can la las ni nga nyin zhag gcig tu dran par byas na yongs su smin par 'gyur ro// la las ni zhag bdun dang / la las ni zla ba phyed dang / la las ni zla ba gcig dang / la las ni lo gcig dang / la las ni lo brgya dang / la las ni bskal pa gcig dang / la las ni bskal pa brgya nas/ la las ni bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed du nga rjes su dran par byas na yongs su smin par 'gyur ro/ / la las ni tshe gcig tu nga rjes su dran par byas na yongs su smin par 'gyur ro/ / la las na tshe'i rgyud sangs rgyas kyi zhing brjod du med pa'i yang brjod du med pa'i rdul shin tu phra ba snyed du nga rjes su dran par byas na yongs su smin par 'gyur ro// la las ni tshe gcig tu nga rjes su dran par byas na yongs su smin par 'gyur ro// la las ni tshe'i rgyud sangs rgyas kyi zhing brjod du med pa'i yang brjod du med pa'i rdul shin tu phra ba snyed kyis yongs su smin par 'gyur ro/ / sems can la la ni nga'i 'od mthong bas yongs su smin par 'gyur ro// la la ni 'od zer bkye ba mthong bas/ la la na zhing bskyod pas/ la la ni gzugs kyi lus bstan pas/
- 303b
la ni dga' bar byas pas yongs su smin par 'gyur te/ rigs kyi bu de ltar thabs kyi tshul sangs rgyas kyi zhing gi rdul shin tu phra ba snyed kyis/ sems can rnams bla na med pa yang dag par rdzogs pa'i byang chub las phyir mi ldog par 'gyur ro/ / rigs kyi bu sems can gang gis nga'i sangs rgyas kyi zhing yongs su dag pa thos pa de dag ni sangs rgyas kyi zhing yongs su dag par skye'o// gang gis nga'i lus yongs su dag pa mthong bar gyur pa de dag ni nga'i lus lta bur skye bar 'gyur gyis/ rigs kyi bu nga'i lus rnam par dag pa 'di la ltos shig/ de nas tshong dpon gyi bu nor bzangs kyis/ byang chub sems dpa' kun tu bzang po'i lus la bsams pa dang / ba spu'i bu ga re re la'ang sangs rgyas kyi zhing rgya mtsho brjod du med pa'i yang brjod du med pa sangs rgyas skye bas yongs su gang ba mthong ngo // zhing rgya mtsho re re na'ang de bzhin gshegs pa byang chub sems dpa'i 'khor rgya mtsho kun nas bskor ba mang po bzhugs pa mthong ngo / / zhing rgya mtsho de dag thams cad kyang gzhi sna tshogs dang / dbyibs sna tshogs dang / rgyan sna tshogs dang / khor yug sna tshogs dang / sprin sna tshogs dang / nam mkha' sna tshogs kyis kun nas khebs pa dang / sangs rgyas 'byung ba sna tshogs dang / chos kyi 'khor lo sna tshogs kyi dbyangs dang ldan par mthong ngo / / ba spu'i bu ga re re la ji lta ba bzhin du/ ba spu'i bu ga ma lus pa thams cad dang / mtshan thams cad dang / dpe byad bzang po thams cad dang / yan lag dang nying lag thams
- 304a
cad la'ang de bzhin te/ zhing rgya mtsho ri nas kyang sangs rgyas kyi sku sprul pa'i sprin sangs rgyas kyi zhing thams cad kyi rdul shin tu phra ba snyed byung nas// phyogs bcur 'jig rten gyi khams thams cad rgyas par bkang ste/ bla na med pa yang dag par rdzogs pa'i byang chub tu sems can yongs su smin par mdzad pa mthong ngo // de nas tshong dpon gyi bu nor bzangs byang chub sems dpa' kun tu bzang po'i gdams ngag dang / rjes su bstan pas rjes su bstan nas/ byang chub sems dpa' kun tu bzang po'i lus kyi khongs su gtogs pa'i 'jig rten gyi khams thams cad du zhugs te/ sems can yongs su smin par byed par gyur to// de ltar tshong dpon gyi bu nor bzangs kyis/ dge ba'i bshes gnyen sangs rgyas kyi zhing gi rdul shin tu phra ba snyed cig gi drung du phyin te/ mthong ba dang bsnyen bkur bas ye shes kyi snang ba dang / dge ba'i rtsa ba bsags pa de dag gis byang chub sems dpa' kun tu bzang po mthong ste/ dge ba'i rtsa ba bsags par gyur pa de'i brgya'i char yang nye bar mi 'gro'o/ / stong gi char yang ma yin/ brgya stong gi char yang ma yin/ bye ba brgya stong gi char yang ma yin te/ grangs dang / cha dang / bgrang ba dang / dper bya ba dang / rgyur bya ba tsam du'ang mi phod do// des dang po sems bskyed pa nas nye bar bzung nas/ byang chub sems dpa' kun tu bzang po mthong ba'i bar der/
- 304b
sangs rgyas kyi zhing rgya mtsho gcig nas gcig tu brgyud pa ji snyed cig la zhugs par gyur pa de dag pas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi bar du/ byang chub sems dpa' kun tu bzang po'i ba spu'i bu ga re rer sangs rgyas kyi zhing rgya mtsho gcig nas gcig tu brgyud pa mang po la/ sems kyi skad cig gcig gis zhugs par gyur te/ ba spu'i bu ga re rer ji lta ba de bzhin du/ ba spu'i bu ga ma lus pa thams cad la'ang / sems kyi skad cig re re la 'jig rten gyi khams brjod du med pa'i yang brjod du med pa'i rdul shin tu phra ba snyed rnam par gnon pa/ phyi ma'i mtha'i mur thug pa'i bskal par byin gyis brlabs pa/ 'jig rten gyi khams rgyas par 'gengs pas zhugs kyang / zhing rgya mtsho/ gcig nas gcig tu brgyud pa'i mthar phyin par ma gyur te/ zhing rgya mtsho'i lhun dang / zhing rgya mtsho'i bye brag dang / zhing rgya mtsho yongs su bsdu ba dang / zhing rgya mtsho yongs su 'grub pa dang / zhing rgya mtsho 'jig pa dang / zhing rgya mtsho rnam par phyed pa dang / sangs rgyas byung ba rgya mtsho gcig nas gcig tu brgyud pa dang / sangs rgyas byung ba rgya mtsho'i sku dang sangs rgyas byung ba rgya mtsho'i bye brag dang / sangs rgyas byung ba rgya mtsho yongs su bsdu ba dang / sangs rgyas byung ba rgya mtsho yongs su 'byung ba dang / sangs rgyas byung ba rgya mtsho 'jig pa dang /
- 305a
byang chub sems dpa'i 'khor gyi dkyil 'khor rgya mtsho dang / byang chub sems dpa'i 'khor gyi dkyil 'khor rgya mtsho gcig nas gcig tu brgyud pa dang / byung chub sems dpa'i 'khor gyi dkyil 'khor rgya mtsho'i lus dang / byang chub sems dpa'i 'khor gyi dkyil 'khor rgya mtsho ri bye brag dang / byang chub sems dpa'i 'khor gyi dkyil 'khor rgya mtsho yongs su bsdu ba dang / byang chub sems dpa'i 'khor gyi dkyil 'khor rgya mtsho yongs su 'byung ba dang / byang chub sems dpa'i 'khor gyi dkyil 'khor rgya mtsho'i 'jig pa dang / sems can gyi khams la 'jug pa dang / sems kyi skad cig re res sems can gyi dbang po shes pa la 'jug pa dang / sems can gyi dbang po shes pa khong du chud par bya ba dang / sems can yongs su smin par bya zhing gdul ba dang / byang chub sems dpa'i rnam par 'phrul pa zab mo la rnam par gnas pa dang / byang chub sems dpa'i sa yongs su gnan pa rgya mtsho'i mthar yang phyin par ma gyur te/ de zhing la lar ni bskal par rnam par spyad par gyur to// zhing la lar ni bskal pa sangs rgyas kyi zhing brjod du med pa'i yang brjod du med pa'i bar du spyad par gyur te/ zhing de dag nas kyang g.yos pa med do// sems kyi skad cig re re la'ang zhing rgya mtsho mtha' dang dbus med pa la 'jug cing / sems can
- 305b
rnams kyang bla na med pa yang dag par rdzogs pa'i byang chub tu yongs su smin par byed par gyur te/ des de ltar mthar gyis byang chub sems dpa' kun tu bzang po'i spyod pa dang / smon lam rgya mtsho mnyam pa nyid kyi bar du'ang thob par gyur to/ / de bzhin gshegs pa thams cad dang mnyam pa nyid dang / zhing thams cad lus kyis rgyas par dgang ba mnyam pa nyid dang / spyod pa yongs su rdzogs pas rgyas par dgang ba mnyam pa nyid dang / mngon par rdzogs par 'tshang rgya ba'i rnam par 'phrul pa yongs su bstan pas rgyas par dgang ba mnyam pa nyid dang / chos kyi 'khor lo bskor ba mnyam pa nyid dang / tha dad pa yang dag par shes pa rnam par dag pa mnyam pa nyid dang / dbyangs brjod pa mnyam pa nyid dang / dbyangs kyi yan lag rgya mtsho thams cad kyi sbyor ba mnyam pa nyid dang / stobs dang mi 'jigs pa mnyam pa nyid dang / sangs rgyas kyi rnam par spyod pa mnyam pa nyid dang / byams pa chen po dang snying rje chen po mnyam pa nyid dang / byang chub sems dpa'i rnam par thar pa bsam gyis mi khyab pa'i rnam par 'phrul pa mnyam pa nyid kyang rjes su thob par gyur to// de nas byang chub sems dpa' sems dpa' chen po kun tu bzang pos bskal pa dang / bskal pa 'byam klas pa dang / 'jig rten gyi khams gcig nas gcig tu brgyud pa sangs rgyas kyi zhing
- 306a
brjod du med pa'i yang brjod du med pa'i rdul shin tu phra ba snyed po de dag brnan te/ mngon par brjod pa'i phyir tshigs su bcad pa'i dbyangs kyis smon lam btab pa ji snyed su dag phyogs bcu'i 'jig rten na/ / dus gsum gshegs pa mi yi seng ge kun// bdag gis ma lus de dag thams cad la// lus dang ngag yid dang bas phyag bgyi'o// bzang po spyod pa'i smon lam stobs dag gi/ rgyal ba thams cad yid kyis mngon sum du// zhing gi rdul snyed lus rab btud pa yis// rgyal ba kun la rab tu phyag 'tshal lo// rdul gcig steng na rdul snyed sangs rgyas rnams// sangs rgyas sras kyi dbus na bzhugs pa dag/ de ltar chos kyi dbyings rnams ma lus par// thams cad rgyal ba dag gis gang bar mos/ / de dag bsngags pa mi zad rgya mtsho rnams// dbyangs kyi yan lag rgya mtsho sgra kun gyi// rgyal ba kun gyi yon tan rab brjod cing // bde bar gshegs pa thams cad bdag gis bstod/ / me tog dam pa 'phreng ba dam pa dang // sil snyan rnams dang byug pa'i gdugs mchog dang // mar me'i mchog dang bdug pa dam pa yis// rgyal ba de dag la ni mchod par bgyi/ / na bza' dam pa rnams dang dri mchog dang // phye ma'i phur ma ri rab mnyam pa dang // khyad par can gyi rgyan mchog thams cad kyis// rgyal ba de dag la ni mchod
- 306b
par bgyi/ / mchod pa gang rnams bla med rgya che ba// de dag rgyal ba thams cad la yang mos// bzang po spyod la dad pa'i stobs dag gis// rgyal ba kun la phyag 'tshal mchod par bgyi// 'dod chags zhe sdang gti mug dbang gis na// lus dang ngag dang de bzhin yid kyis kyang // sdig pa bdag gis bgyis pa ci mchis pa// de dag thams cad bdag gis so sor bshags// phyogs bcu'i rgyal ba kun dang sangs rgyas sras// rang rgyal rnams dang slob dang mi slob dang // 'gro ba rnams kyi bsod nams gang la yang // de dag kun gyi rjes su bdag yi rang // gang rnams phyogs bcu'i 'jig rten sgron ma dag/ byang chub rim pa sangs rgyas ma chags bsnyes// mgon po de dag bdag gis thams cad la// 'khor lo bla na med pa bskor bar bskul// mya ngan 'da' ston gang bzhed de dag la/ / 'gro ba kun la phan zhing bde ba'i phyir// bskal pa zhing gi rdul snyed bzhugs par yang // bdag gis thal mo rab sbyar gsol bar bgyi// phyag 'tshal ba dang mchod cing bshags pa dang // rjes su yi rang bskul zhing gsol ba yi// dge ba cung zad bdag gis ci bsags pa// thams cad bdag gis byang chub phyir bsdu'o// 'das pa'i sangs rgyas rnams dang phyogs bcu yi// 'jig rten dag na gang bzhugs mchod par gyur/ / gang yang ma byon de dag rab myur bar// bsam rdzogs byang chub rim par sangs rgyas spyon// phyogs bcu gang+gA'i zhing rnams ji snyed pa// de dag rgya cher yongs su dag par gyur//
- 307a
byang chub shing dbang drung gshegs rgyal ba dang // sangs rgyas sras kyis rab tu gang bar shog/ phyogs bcu'i sems can gang rnams ji snyed pa// de dag rtag tu nad med bde bar gyur// 'gro ba kun gyi chos kyi don rnams ni// mthun par gyur cing re'ang grub par shog/ byang chub spyod pa dag ni bdag spyod cing // 'gro ba kun tu skye ba dran par gyur// tshe rabs kun tu shi 'pho skye ba na// rtag tu bdag ni rab tu byung bar shog/ rgyal ba kun gyi rjes su slob gyur te// bzang po spyod pa yongs su rdzogs byed cing // tshul khrims spyod pa dri med yongs dag par// rtag tu ma nyams skyon med spyod par shog/ lha yi skad dang klu dang gnod sbyin skad/ / grul bum dag dang mi yi skad rnams dang // 'gro ba kun gyi sgra rnams ji tsam par// thams cad skad du bdag gis chos bstan to// des shing pha rol phyin la rab brtson te/ / byang chub sems ni nams kyang brjed ma gyur// sdig pa gang rnams sgrib par 'gyur ba dag/ de dag ma lus yongs su byang bar shog/ las dang nyon mongs bdud kyi las rnams las// grol zhing 'jig rten 'gro ba rnams su yang // ji ltar pad+mo chu mi chags pa bzhin// nyi zla nam mkhar thogs pa med ltar spyad// zhing gyi khyon dang phyogs rnams ji tsam par// ngan song sngags bsngal rab tu zhi bar byed/ / bde ba dag la 'gro ba kun 'god cing // 'gro ba thams cad la ni phan par spyad// byang chub spyod pa yongs su rdzogs byed cing // sems can dag gi spyod dang
- 307b
mthun par 'jug/ bzang po spyod pa dag ni rab ston cing // ma 'ongs bskal pa kun tu spyod par gyur// bdag gi spyod dang mtshungs par gang spyod pa// de dag dang ni rtag tu 'grogs par shog/ lus dang ngag rnams dang ni sems kyis kyang // spyod pa dag dang smon lam gcig tu spyad// bdag la phan par 'dod pa'i grogs po dag/ bzang po spyod pa rab tu ston pa rnams/ / de dag dang yang rtag tu phrad par shog/ de dag bdag gis nams kyang yid mi dbyung // sangs rgyas sras kyis bskor ba'i mgon po rnams// mngon sum rtag tu bdag gis rgyal ba blta/ / ma 'ongs bskal pa kun tu mi skyo bar// de dag la yang mchod pa rgya cher bgyi// rgyal ba rnams kyi dam pa'i chos 'dzin cing // byang chub spyod pa kun tu snang bar byed// bzang po spyod pa rnam par sbyang ba yang // ma 'ongs bskal pa kun tu spyad par bgyi// srid pa thams cad du yang 'khor ba na/ bsod nams ye shes dag ni mi zad rnyed// thabs dang shes rab ting 'dzin rnam thar dang // yon tan kun gyi mi zad mdzod du gyur// rdul gcig steng na rdul snyed zhing rnams te// zhing der bsam gyis mi khyab sangs rgyas rnams// sangs rgyas sras kyi dbus na bzhugs pa la// byang chub spyad pa spyod cing blta bar bgyi// de ltar ma lus thams cad
- 308a
phyogs su yang / / sgra tsam khyon la dus gsum tshad snyed kyi// sangs rgyas rgya mtsho zhing rnams rgya mtsho dang // bskal pa rgya mtshor spyod cing rab tu 'jug/ gsung gcig yan lag rgya mtsho'i sgra skad kyi/ / rgyal ba kun dbyangs yan lag rnam dag pa// 'gro ba kun gyi bsam pa ji bzhin dbyangs// sangs rgyas gsung la rtag tu 'jug par bgyi// dus gsum gshegs pa rgyal ba thams cad dag/ 'khor lo'i tshul rnams rab tu bskor ba yi// de dag gi yang gsung dbyangs mi zad la// blo yi stobs kyis bdag kyang rab tu 'jug ma 'ongs bskal pa thams cad 'jug par yang / / skad cig gcig gis bdag kyang 'jug par bgyi// gang yang bskal pa dus gsum tshad de dag/ skad cig cha shas kyis ni zhugs par spyad// / dus gsum gshegs pa mi yi seng ge dag/ de dag skad cig gcig la bdag gis blta// rtag tu de dag gi ni spyod yul la// sgyu mar gyur pa'i rnam thar stobs kyis 'jug/ gang yang dus gsum dag gi zhing gi rgyan/ / de dag rdul gcig steng du mngon par bsgrub// de ltar ma lus phyogs rnams thams cad du// rgyal ba rnams kyi zhing gi rgyan la 'jug gang yang ma byon 'jig rten sgron ma rnams/ / de dag rim par 'tshang rgya 'khor lo bskor// mya ngan 'das pa rab tu zhi mtha' ston// mgon po kun gyi drung du bdag mchi'o//
- 308b
kun tu myur ba'i rdzu 'phrul stobs rnams dang // kun nas sgo yi theg pa'i stobs dag dang // kun tu yon tan spyod pa'i stobs rnams dang // kun tu khyab pa byams pa dag gi stobs// kun tu dge ba'i bsod nams stobs rnams dang // chags pa med par gyur pa'i ye shes stobs// shes rab thabs dang ting 'dzin stobs dag gis// byang chub stobs rnams yang dag sgrub par byed/ / las kyi stobs rnams yongs su dag byed cing // nyon mongs stobs rnams kun tu 'joms par byed// bdud kyi stobs rnams stobs med rab byed cing // bzang po spyod pa'i stobs ni rdzogs par bgyi/ / zhing rnams rgya mtsho rnam par dag byed cing // sems can rgya mtsho dag ni rnam par 'gro la// chos rnams rgya mtsho rab tu mthong byed cing // ye shes rgya mtsho rab tu rtogs par byed/ / spyod pa rgya mtsho rnam par dag byed cing // smon lam rgya mtsho rab tu rdzogs par byed// sangs rgyas rgya mtsho rab tu mchod byed cing // bskal pa rgya mtshor mi skyo spyad par bgyi// gang yang dus gsum gshegs pa rgyal ba yi/ / byang chub spyod pa'i smon lam bye brag rnams// bzang po spyod pas byang chub sangs rgyas nas// de kun bdag gis ma lus rdzogs par bgyi// rgyal ba kun gyi sras kyi thu bo pa/ / gang gi ming ni kun tu bzang zhes bya// mkhas pa de dang mtshungs par spyad pa'i phyir// dge ba'i 'di dag thams cad rab tu bsngo// lus dang ngag dang yid kyang rnam dag cing /
- 309a
spyod pa rnam dag zhing rnams yongs dag dang // bsngo ba bzang po mkhas pa ci 'dra ba// de 'dra ba dag kyang de dang mtshungs par shog/ kun nas dge ba bzang po spyad pa'i phyir/ / 'jam dpal gyi ni smon lam spyad par bgyi// ma 'ongs bskal pa kun tu mi skyo bar// de yi bya ba ma lus rdzogs par bgyi// spyod pa dag ni tshad yod ma gyur cig/ yon tan rnams kyang tshad bzung med par shog/ spyod pa tshad med pa la gnas nas kyang // de dag 'phrul pa thams cad 'tshal bar bgyi// nam mkha'i mthar thug gyur pa ji tsam par/ sems can ma lus mtha' yang de bzhin te// ji tsam las dang nyon mongs mthar gyur pa// bdag gi smon lam mtha' yang de tsam mo// gang yang phyogs bcu'i zhing rnams mtha' yas pa/ / rin chen brgyan te rgyal ba rnams la phul// lha dang mi yi bde ba mchog rnams kyang // zhing gi rdul snyed bskal bar phul ba bas/ / gang gis bsngo ba'i rgyal po 'di thos nas// byang chub mchog gi rjes su rab mos shing // lan cig tsam yang dad pa bskyed pa ni// bsod nams dam pa'i mchog tu 'di 'gyur ro/ / gang gis bzang spyod smon lam 'di btab pa// des ni ngan song thams cad spangs par 'gyur// des ni grogs po ngan pa spangs pa yin// snang
- 309b
pa mtha' yas de yang des myur mthong / / de dag rnyed pa rab rang bde bar 'tsho// michi 'dir yang de dag legs par 'ongs/ kun tu bzang po de yang ci 'dra bar// de dag ring por mi thogs de bzhin 'gyur/ / mtshams med lnga po dag gi sdig pa rnams// gang gis mi shes dbang gis byas pa dag/ de yis bzang po'i spyod pa 'di brjod na/ / myur du ma lus yongs su byang bar gyur// ye shes dang ni gzugs dang mtshan rnams dang // rigs dang kha dog rnams dang ldan par 'gyur// bdud dang mu stegs mang pos de mi thub/ / 'jig rten gsum po kun na'ang mchod par 'gyur// byang chub shing dbang drung du de myur 'gro// song nas sems can phan phyir de 'dug ste/ byang chub sangs rgyas 'khor lo rab tu skor// bdud rnams sde dang bcas pa thams cad btul// gang yang bzang po spyod pa'i smon lam 'di// 'chang ba dang ni ston tam klog pa yi/ / de yi rnam par smin pa sangs rgyas mkhyen// byang chub mchog la som nyi ma byed cig/ 'jam dpal ji ltar mkhyen cing dpa' ba dang // kun tu bzang po de yang de bzhin te/ / de dag gi ni rjes su bdag slob cing // dge ba 'di dag thams cad rab tu bsngo// dus gsum gshegs pa rgyal ba thams cad kyis// bsngo ba gang la mchog tu bsngags
- 310a
pa des/ / bdag gis dge ba'i rtsa ba 'di kun kyang // bzang po spyod phyir rab tu bsngo bar bgyi// bdag ni 'chi ba'i dus byed gyur pa na// sgrib pa thams cad dag ni phyir bsal te/ / mngon sum snang ba mtha' yas de mthong nas// bde ba can gyi zhing der rab tu 'gro// der song nas ni smon lam 'di dag kyang // thams cad ma lus mngon du gyur par shog/ de dag ma lus bdag gis yongs su bskang // 'jig rten ji srid sems can phan par bgyi// rgyal ba'i dkyil 'khor bzang zhing dga' ba der// pad+mo dam pa shin tu mdzes las skyes// snang ba mtha' yas rgyal bas mngon sum du// lung bstan pa yang bdag gis der thob shog/ der ni bdag gis lung bstan rab thob nas// sprul pa mang po bye ba phrag brgya yis// blo yi stobs kyis phyogs bcu rnams su yang / / sems can nams la phan pa mang po bgyi// shin tu rgyas pa chen po'i mdo sangs rgyas phal po che zhes bya ba/ byang chub s ems dpa'i sde snod kyi nang nas sdong pos brgyan pa zhes bya ba chos kyi rnam grangs chen po las nor bzangs kyis dge ba'i bshes gnyen bsnyen bkur ba'i spyod pa phyogs gcig pa