Text

ff. 1b–354a · 706 folio sides

  1. 1b

    / 'phags pa sangs rgyas palnga po che zhes bya ba dra bam po drug cu rtsa ni/ gsum pa// / de nas byang chub sems dpe'i tshogasachen po de'i nang nas/ byang

  2. 2a

    chub sems dpa' kha cig 'di snyam du sems te/ sangs rgyas b com ldan 'das rnams kyi sangs rgyas kyi zhing ni ji tsam zhig tu bsam gyis mi de khyab/ sangs rgyas bcom ldan 'das rnams kyi sngon gyi smon lam dang / 'byung ba rnam par dag pa ni ji tsam zhig tu bsam gyis mi khyab/ sangs rgyas bcom ldan 'das

  3. 2b

    rnams kyi de bzhin gshegs pa'i gdung ni ji tsam zhig tu bsam gyis mi khyab/ sangs rgyas bcom ldan 'das rnams kyi sangs rgyas skye ba ni ji tsam zhig tu bsam gyis mi khyab/ sangs rgyas bcom ldan 'das rnams kyi de bzhin gshegs pa'i sku ni ji tsam zhig tu bsam gyis mi khyab/ sangs rgyas bcom ldan 'das rnams kyi de bzhin gshegs pa'i gsung ni ji tsam zhig tu bsam gyis mi khyab/ sangs rgyas bcom ldan 'das rnams kyi de bzhin gshegs pa'i ye shes ni ji tsam zhig tu bsami gyis mi khyab/ sangs rgyas bcom ldan 'das rnams kyi de bzhin gshegs pa'i rnam par 'phrul pa ni ji tsam zhig tu bsam gyis mi khyab/ sangs

  4. 3a

    rgyas bcom ldan 'das rnams kyi chags pa mi mnga' ba'i rnam par spyod pa ni ji tsam zhig tu bsam gyis mi khyab/ sangs rgyas bcom ldan 'das rnams kyi sangs rgyas kyi rnam par thar pa ni ji tsam zhig tu bsam gyis mi khyab snyam pa dang / de nas bcom ldan 'das kyis byang chub sems dpa' de dag gi sems thugs kyis thugs su chud nas/ byang chub sems dpa' ut+pa la'i snying po sangs rgyas kyi byin gyi rlabs kyis babini du brlabs so/ / sangs rgyas kyi ye shes kyi byin dang ldan par mdzad do// de bzhin gshegs pa'i 'od kyis snang bar mdzad do// sangs rgyas kyi gzi brjid kyis yongs su rgyas par mdzad do/ / sangs rgyas kyi mi 'jigs pa la rab tu bzhag go/ sangs rgyas kyi chos kyi dbyings la 'jug pa khong du chud par mdzad do/ / sangs rgyas kyi bdag nyid che ba nyid dang / rdzu 'phrul gyi yul rab tu rtogs par mdzad do// chags pa med pa'i rgyud 'byam klas pa la rab tu

  5. 3b

    bzhag go/ / sangs rgyas thams cad gcig nas gcig tu brgyud pa'i rigs rab tu rtogs par mdzad do// sangs rgyas kyi tshul gyi gnas brjod du med pa la rab tu bzhag pa mdzad do// de nas byang chub sems dpa' ut+pa la'i snying pos chos kyi dbyings la 'jug pa rig cing khong du chud pas/ chags pa med pa'i dbyings su bsgrubs pa'i yid dang / chos thams cad la bsgrubs pa med par gnas pa'i byang chub sems dpa'i spyod pa dang / kun tu bzang po'i smon lam dang ldan pa'i yang dag par 'jug pa dang / sangs rgyas thams cad kyi rjes su song ba'i sangs rgyas blta ba dang / snying rje chen pos lta ba'i sems can thams cad yongs su sbyong ba'i go cha chen po dang / byang chub sems dpa'i yi dam dang / spyod pa'i dkyil 'khor rgyun chad pa med pa dang / sangs rgyas kyi ye shes mngon par bsgrub pa skad cig gi cha shas la rnam par spyod pa dang / thams cad mkhyen pa nyid kyi sgo mthong ba mi zad pa dang / tha dad pa yang dag par shes pa'i rnam pa gzungs thams cad kyis snang bar byas pa dang ldan pas/ sangs rgyas kyi mthus byang chub sems dpa' pad+mo'i snying po la 'di skad ces smras so// kye rgyal ba'i sras sangs rgyas bcom ldan 'das rnams ni tshad med pa la rnam par spyod pa ste/ kye rgyal ba'i sras sangs rgyas bcom ldan 'das rnams ni rnam par 'phrul pa chen po la rnam par spyod pa'o//

  6. 4a

    kye rgyal ba'i sgras sangs rgyas bcom ldan 'das rnams ni sangs rgyas kyi mdzad pa thams cad la sku'i mtshan nyid thams cad rab tu brnyes pa'o// sangs rgyas bcom ldan 'das rnams kyi chos kyi 'khor lo bskor ba ni ting nge 'dzin dang dgongs pas sbyar ba'o/ / sangs rgyas bcom ldan 'das rnams kyi tha dad pa yang dag par mkhyen pa bzhi ni brjod du med pa'i yang brjod du med pa shin tu ston pa'o/ / sangs rgyas bcom ldan 'das rnams ni sangs rgyas kyi chos thams cad la bsam gyis mi khyab par rnam par spyod pa'o// sangs rgyas bcom ldan 'das rnams kyi sangs rgyas kyi gsung dang dbyangs ni tshad med pa'o/ / sangs rgyas bcom ldan 'das rnams kyis chos kyi dbyings thugs su chud pa ni brjod du med pa'o// sangs rgyas bcom ldan 'das rnams kyi sangs rgyas kyi khyu mchog gi mthu phyung ba ni thams cad mngon par mkhyen pa'o/ / kye rgyal ba'i sras sangs rgyas bcom ldan 'das rnams kyis chos kyi dbyings thug su chud cing bstan pa ni bsgribs pa med pa'i mthar thug pa'o/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi chos kyi dbyings mtha' dngong bus med pa'i sangs rgyas kyi chos rnam pa bcu ste/ bcu gang zhe na/ sangs rgyas bcom ldan 'das rnams kyi gzugs kyi sku rnam par dag pa ni/ rnyog pa med par rgyud thams cad du byung bas mtha' dang

  7. 4b

    dbus med pa'o/ / sangs rgyas bcom ldan 'das rnams kyi chags pa med pa'i spyan ni/ chos thams cad mnyam pa nyid kyi spyan mngon par sangs rgyas pas mtha' dang dbus med pa'o// sangs rgyas bcom ldan 'das rnams kyi chags pa med pa'i snyan ni/ 'gro ba thams cad kyi sgra bsgribs pa med par thugs su chud pos mtha' dang dbus med pa'o// sangs rgyas bcom ldan 'das rnams kyi shangs kyi skye mched ni/ sangs rgyas kyi mnga' thams cad kyi pha rol tu phyin pa brnyes pas mtha' dang dbus med pa'o// sangs rgyas bcom ldan 'das rnams kyi ljags shin tu ya pa ni/ chos kyi dbyings thams cad du gsung gi dbyangs rjes su 'gro bas mtha' dang dbus med pa'o// sangs rgyas bcom ldan 'das rnams kyi sku'i chod nyid ni/ sems can thams cad ma lus pa'i sems kyi rnam pa de bzhin gshegs pa mthong ba rnam par dmigs pas mtha' dang dbus med pa'o/ / sangs rgyas bcom ldan 'das rnams kyi thugs kyi 'phrin las ni/ chos kyi sku dang tha mi dad cing dus gsum chags pa med par thugs su chud cing rnam par dag pas mtha' dang dbus med pa'o// sangs rgyas bcom ldan 'das rnams kyi sangs rgyas kyi rnam par thar pa bsgrib pa mi mnga' ba la rnam par spyod pa ni/ sangs rgyas kyi go 'phang dang / rnam par 'phrul pa dang / cho 'phrul mi zad pa yang dag par ston pas mtha' dang dbus med pa'o//

  8. 5a

    sangs rgyas bcom ldan 'das rnams kyi 'jig rten gyi khams thams cad rnam par dag pa ni/ brjod du med pa'i rgyan byin gyis brlabs pas/ sangs rgyas kyi zhing nye bar nyon mongs pa med pa yang dag par bstan te/ bsam pa ji lta ba bzhin du rnam par dmigs par mdzad pas mtha' dang dbus med pa'o// sangs rgyas bcom ldan 'das rnams kyi byang chub sems dpa'i spyod pa'i khyad par dang / smon lam thams cad yongs su rdzogs pa ni/ rnam par rol pa'i ye shes kyi chos yongs su rdzogs te/ chos thams cad rdzogs par byang chub par bya ba la mtha' dang dbus med pa ste/ kye rgyal ba'i sras bcu po de dag ni/ de bzhin gshegs pa dra gra bcom pa yang dag par rdzogs pa'i sangs rgyas rnams kyi chos kyi dbyings mtha' dang dbus med pa'i sangs rgyas kyi chos rnams so/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi sangs rgyas kyi skad cig la ye shes kyis mngon par bsgrubs pa yang dag par bstan pa'o/ / bcu gang zhe na/ skad cig gcig la 'jig rten gyi khams thams cad du dga' ldan gyi gnas nas 'pho ba yongs su bstan pa dang / skad cig gcig la 'jig rten gyi khams thams cad du byang chub sems dpa'i tshe yongs su bstan pa dang / skad cig gcig la 'jig rten gyi khams thams cad du mngon par

  9. 5b

    'byung ba yongs su bstan pa dang / skang cig gcig la 'jig rten gyi khams thams cad du byang chub kyi shing drung du bzhugs shing mngon par 'tshang rgyab yongs su bstan pa dang / skad cig gaN+Di 'jig rten gyi khams thams cad du chos kyi 'khor lo bskor ba yongs su bstan pa dang / skad cig gcig la 'jig rten gyi khams thams cad du 'dul ba'i sems can yongs su smin pa'i tshul ji lta ba bzhin du dus la bab par shes pas/ sangs rgyas bsnyen bkur ba yongs su bstan pa dang / skad cig gcig la 'jig rten gyi khams thams cad du sems can ji ltar 'dul ba'i tshul bzhin du de bzhin gshegs pa brjod du med pa dang / sangs rgyas kyi sku sna tshogs rnam par dmigs pa yongs su bstan pa dang / skad cig gcig la 'jig rten gyi khams thams cad du rgyan sna tshogs dang / rgyan brjod du med pas de bzhin gshegs pa'i khyu mchog gi mthu phyung ba dang / thams cad mkhyen pa'i mdzod yongs su bstan pa dang / skad cig gcig la 'jig rten gyi khams thams cad du rnam par dag pa gcig ma yin pa thams cad yongs su bstan pa dang / skad cig gcig la 'jig rten gyi khams thams cad du 'das pa dang / ma byon pa dang / da ltar byung ba'i sangs rgyas skye ba thams cad du dbang po dang brtson 'grus rnam pa tha dang byung ba dang / mos pa dang spyod pa rnam pa tha dad pa byung ba la dus gsum gyi sangs rgyas kyi chung ngu mngon par

  10. 6a

    'tshang rgyab yongs su bstan pa ste/ kye rgyal ba'i sras bcu po de dag ni/ sangs rgyas bcom ldan 'das rnams kyi sangs rgyas kyi skad cig la ye shes mngon par bsgrub pa yang dag par bstan pa'o/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi sangs rgyas kyi dus las mi 'da' ste/ bcu gang zhe na/ sangs rgyas bcom ldan 'das rnams mngon par 'tshang rgya ba ni de'i dus las mi 'da' bas dus la bab pa yin/ sangs rgyas bcom ldan 'das rnams kyi dge ba rnam par smin pa dang / rnam par ma smin pa mnyam pa nyid ni de'i dus las mi 'da' bas dus la bab pa yin/ sangs rgyas bcom ldan 'das rnams kyis yongs su smin pa'i byang chub sems dpa' rnams lung bstan pa ni de'i dus las mi 'da' bas dus la bab pa yin/ sangs rgyas bcom ldan 'das rnams kyis sems can gyi bsam pa'i rgyud du cho 'phrul yongs su bstan pa ni de'i dus las mi 'da' bas dus la bab pa yin/ sangs rgyas bcom ldan 'das rnams kyis sems can mos pa ji lta bu dang ldan pa'i tshul bzhin du sku yongs su bstan pa ni de'i dus las mi 'das mi 'da' bas dus la bab pa yin/ sangs rgyas bcom ldan 'das rnams btang snyoms su bzhugs pa ni de'i dus las mi 'da' bas dus la bab pa yin/ sangs rgyas bcom ldan 'das rnams yul dang / grong dang / grong rdal du gshegs pa

  11. 6b

    ni de'i dus las mi 'da' bas dus la bab pa yin/ sangs rgyas bcom ldan 'das rnams dad pa ji lta bu dang ldan pa'i tshul bzhin du sems can yongs su 'dzin pa ni de'i dus las mi 'dra' bas dus la bab pa yin/ sangs rgyas bcom ldan 'das rnams sems can kun nas nyon mongs pa dang ldan zhing gdul dka' ba la gzhan la ltos pa mi mnga' bar 'dul ba ni de'i dus las mi 'da' bas dus la bab pa yin/ sangs rgyas bcom ldan 'das rnams kyi sangs rgyas kyi rnam par 'phrul pa bsam gyis mi khyab pas rnam par 'phrul pa bstan pa ni de'i dus las mi 'dar bas dus la bab pa yin/ kye rgyal ba'i sras bcu po de dag ni/ sangs rgyas bcom ldan 'das rnams kyi sangs rgyas kyi dus las mi 'da' bru'o// kye rgyal ba'i skyes bcu po 'dings ni/ sangs rgyas bcom ldan 'das rnams kyi sangs rgyas kyi yul dpe med cing bsam gyis mi khyab ste/ bcu gang zhe na/ 'jig rten gyi khams thams cad ma lus par skyil mo krung gcig gis rgyas par dgang ba dang / dus gcig tu sangs rgyas thams cad yongs su bstan pa dang / 'od zer gcig gis 'jig rten gyi khams ma lus pa thams cad snang bar bya ba dang / sku gzugs gcig gis lus dang gzugs thams cad yongs su bstan pa dang / gnas gcig na bzhugs kyang 'jig rten gyi khams thams cad ma lus par byon pa'i skur 'gyur ba dang / ye shes

  12. 7a

    gcig rtogs pas chos thams cad la bsgribs pa med par 'gyur ba dang / thugs gcig bskyed pas chos kyi dbyings thams cad ma lus par rgyas par 'gengs pa dang / sangs rgyas kyi che ba nyid tshad med pa dang ldan pa'i gshegs stabs gcig gis de kho na nyid yang dag par bstan pa dang / dus gsum thams cad sangs rgyas kyi go 'phang gis rgyas par 'gedra ba dang / 'gro ba thams cad dang mi 'dres par bzhugs shing / 'das pa dang / ma byon pa dang / da ltar byung ba'i sangs rgyas bcom ldan 'das rnams dang mi dmis pa'i tshul gyis rgyud kyi tshul gcig pa ste/ kye rgyal ba'i sras bcu po de dag ni/ sangs rgyas bcom ldan 'das rnams kyi sangs rgyas kyi yul dpe med cing bsam gyis mi khyab pa'o// kye rgyal ba'i sras bcu po 'di dag ni/ de bzhin gshegs pa rnams kyi sangs rgyas kyi byin gyi rlab sa mngon par sgrub pa'i ye shes te/ bcu gang zhe na/ 'jug pa med pa'i chos thams cad la 'jug pas smon lam mngon par sgrub pa'i ye shes dang / lus med pa la lus mngon par sgrub pa'i ye shes dang / chos thams cad mi gnyis pa la mngon par 'tshang rgyab mngon par sgrub pa'i ye shes dang / sems can gyi mthar thug par bdag med pa la sems can 'dul ba mngon par bsgrub pa'i ye shes dang / chos thams cad mtshan ma med pa la mtshan ma sna chos

  13. 7b

    mngon par sgrub pa'i ye shes dang / 'jig rten gyi khams kyi yul ma skyes pa la 'jig rten gyi khams 'ju ba dang 'jig pa mngon par sgrub pa'i ye shes dang / yul thams cad mngon par 'du bya ba med pa la las kyi rnam par smin pa mngon sgrub pa'i ye shes dang / chos thams cad brjod du med pa la chos kyi dbyings su gsung ma ngon par sgrub pa'i ye shes dang / chos thams cad kun nas nyon mongs pa dang rnam par byang bas 'jug pa med pa la kun nas nyon mongs pa dang rnam par byang ba mngon par sgrub pa'i ye shes dang / chos thams cad ma skyes pa la skye ba dang 'jig pa'i mtshan nyid rten cing 'brel par 'byung ba mngon par sgrub pa'i ye shes te/ kye rgyal ba'i sras bcu po de dag ni/ de bzhin gshegs pa rnams kyi sangs rgyas kyi mngon par bsgrub pa'i ye shes so/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi tshad med pa khongs su chud pa dag ste/ bcu gang zhe na/ sangs rgyas bcom ldan 'das rnams kyi sku ni dus gsum thams cad kyi rjes su 'brang ba'i khongs su chud pa yin/ sangs rgyas bcom ldan 'das rnams sems can thams cad 'dul bar mdzad pa ni tshe 'phrul chen po gsum gyi khongs su chud pa yin/ sangs rgyas bcom ldan 'das rnams tshig rab tu dbye ba thams cad la mkhas pa ni sangs rgyas kyi chos kyi gzungs thams cad kyi khongs su chud ba yin/

  14. 8a

    @sangs rgyas bcom ldan 'das rnams kyi chos kyi 'khor lo thams cad ni de bzhin gshegs pa'i tha dad pa yang dag par mkhyen pa bzhir khongs su chud pa yin sangs rgyas bcom ldan 'das rnams sems can thams cad yongs su mi gtong ba ni thugs rje chen po'i khongs su chud pa yin/ sangs rgyas bcom ldan 'das rnams rtag tu mnyam par gzhag pa ni dus thams cad du sems can thams cad la rnam par gzigs pa'i khongs su chud pa yin/ sangs rgyas bcom ldan 'das rnams kyi sangs rgyas kyi dge ba'i rtsa bar ni sems can rnam par 'dul ba thams cad khongs su chud pa yin/ sangs rgyas bcom ldan 'das rnams kyi chags pa mi mnga' bar spyod pa ni chos kyi dbyings thams cad khongs su chud pa yin/ sangs rgyas bcom ldan 'das rnams kyi skad cig gcig tu ni 'das pa dang / ma byon pa dang / da ltar byung ba'i sangs rgyas skye bo thams cad khongs su chud pa yin/ sangs rgyas bcom ldan 'das rnams kyi nyi ma gcig tu ni dus gsum gyi bskal pa'i grangs khongs su chud par bstan pa thams cad khongs su chud pa yin/ kye rgyal ba'i sras bcu po de dag ni/ sangs rgyas bcom ldan 'das rnams kyi tshad med pa'i khongs su chud pa'o/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi shin tu rgya che ba'i chos bzod par dka' ba rnam te/ bcu gang zhen

  15. 8b

    bdud kyi dkrugs ma rab tu 'joms shing rnam par 'thor ba ni sangs rgyas bcom ldan 'das rnams kyi shin tu rgya che ba'i chos bzod par dka' ba'o/ / mu stegs can gzhan dang bas kyi rgol ba tshar bcad pa ni sangs rgyas bcom ldan 'das rnams kyi shin tu rgya che ba'i chos bzod par dka' ba'o/ / 'dul ba'i sems can thams cad rab tu tshim par mdzad pa ni sangs rgyas bcom ldan 'das rnams kyi shin tu che ba'i chos bzod par dka' ba'o/ / sems can 'dul ba'i dbang gis 'jig rten gyi khams thams cad du gshegs pa ni sangs rgyas bcom ldan 'das rnams kyi shin tu rgya che ba'i chos bzod par dka' ba'o/ / chos kyi dbyings thugs su chud pa'i ye shes ni sangs rgyas bcom ldan 'das rnams kyi shin tu rgya che ba'i chos bzod par dka' ba'o/ / 'jig rten gyi khams thams cad ma lus par skus khyab cing / sangs rgyas kyi sku rnam par phye ba sna tshogs thams cad du mi gnyis pa ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ / gsung gi yan lag thams cad la sems can mos par bya ba dang / thos par bya ba dang / gdul bar bya ba don yod par tha dad pa yang dag par mkhyen pa thog pa med pas bstan pa'i tshul du tha dad pa yang dag par mkhyen pa bzhi 'byung ba ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o// sangs rgyas

  16. 9a

    @bcom ldan 'das rnams kyi ba spu'i bu ga gcig nas de bzhin gshegs pa 'jig rten gyi khams thams cad kyi rdul shin tu phra ba snyed bsam gyi mi khyab cing / thogs pa med pa'i tshul du 'jig rten gyi khams thams cad kyi rdul shin tu phra ba snyed kyi thabs kyis 'byung zhing / de bzhin du sangs rgyas kyi sku'i ba spu'i bu ga tham cad nas 'byung ba ni sangs rgyas bcom ldan 'das rnams kyi shin tu rgya che ba'i chos bzod par dka' ba'o/ / de bzhin gshegs pa dgra bcom pa yang dag par rdzogs pa'i sangs rgyas rdul shin tu phra ba gcig la sangs rgyas kyi zhing 'jig rten gyi khams thams cad kyi rdul shin tu phra ba snyed yongs su ston cing / sangs rgyas kyi rgyan dang / rang bzhin gyi lhab lhub dang / chos kyi 'khor lo bskor ba rgyun mi 'chad cing sems can rnam par 'dul ba thogs pa med la/ 'jig rten gyi khams de dag tu gtogs pa rnams la'ang mi bde ba dang gnod pa med kyang rdul shin tu phra ba de'ang yangs par ma byas/ 'jig rten gyi khams de dag kyang chung bar ma byas par ji ltar gnas pa'i chos kyi dbyings kyang thugs su chud pa'i ye shes mnga' ba ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o// mun pa med pa'i khams de bzhin gshegs pas mngon par sangs rgyas te/ sangs rgyas kyi chos thams cad la mun pa med cing bslabs pa mi mnga' la/ sems can pha rol gyi bsgribs pa sna tshogs kyi gnas par

  17. 9b

    sel na/ de la bcom ldan 'das de bzhin gshegs pa'i stobs bcu dang ldan pa ni/ sangs rgyas bcom ldan 'das rnams kyi shin tu rgya che ba'i chos la bzod par dka' ba ste/ kye rgyal ba'i sras bcu po de dag ni/ sangs rgyas bcom ldan 'das rnams kyi shin tu rgya che ba'i chos la bzod par dka' ba'o// kye rgyal ba'i sras bcu po 'di dag ni/ sangs rgyas bcom ldan 'das rnams kyi bdag nyid che ba rnam pa thams cad du kha na ma tho ba med cing shin tu dag pa ste/ bcu gang zhe na/ sangs rgyas bcom ldan 'das rnams kyis yang dag par bsgrubs pa bdag nyid che ba ni/ sngon gyi mtha' nas rnam pa thams cad du kha na ma tho ba med cing rnam par dag pa'o/ / sangs rgyas bcom ldan 'das rnams kyi 'das pa dang / ma byon pa dang / da ltar byung ba'i sangs rgyas kyi rgyud du rigs dang ldan par 'byung ba'i bdag nyid che ba ni/ de bzhin gshegs pa'i rigs rnam par dag pas rnam pa thams cad du kha na ma tho ba med cing shin tu rnam par dag pa'o// sangs rgyas bcom ldan 'das rnams ni rnam par shes pa la mi gnas pa ste/ sangs rgyas bcom ldan 'das rnams kyi bdag nyid che ba ni/ phyi ma'i mtha'i mur thug par gnas pas rnam pa thams cad du kha na ma tho ba med cing shin tu rnam par dag pa'o/ / sangs rgyas bcom ldan 'das rnams ni dus gsum la mi gnas par rnam par spyod cing chos thams cad la rten pa yang dag par bcom pas/ sangs rgyas bcom ldan 'das rnams kyi

  18. 10a

    bdag nyid che ba ni/ rnam pa thams cad du kha na ma tho ba med cing shin tu rnam par dag pa'o// sangs rgyas bcom ldan 'das rnams ni dngos po rnam pa tha dad pa la rnam par gzhag pa gcig gis len pa med pasdu/ sangs rgyas bcom ldan 'das rnams kyi bdag nyid rje ba ni/ rnam pa thams cad du kha na ma tho ba med cing shin tu rnam par dag pa'o// sangs rgyas bcom ldan 'das rnams ni sngon gyi mtha' dang / phyi ma'i mthar chos kyi dbyings la gnas pas mnyam pa'i bsod nams mi zad pa dang ldan pas mi zad pa'i bsod nams mnga' ba ste/ sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o// sangs rgyas bcom ldan 'das rnams ni sku gzugs dang kha dog mtha' yas pas/ 'jig rten gyi khams thams cad na sems can 'dul ba'i dus dang dbang gis chags pa med par bzhugs pas/ sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o/ / sangs rgyas bcom ldan 'das rnams ni mi 'jigs pa bzhi brnyes pas bag tsha ba mi mnga' bar bzhugs shing khyu mchog dang seng ge'i nga ro 'byin te/ rgol ba'i nang na stag lta bu'i mthu dang ldan la/ chos thams cad bstan pa la thugs sgron ma lta bu mnga' bas/ sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam

  19. 10b

    par dag pa'o/ / sangs rgyas bcom ldan 'das rnams ni yongs su mya ngan las 'das nas bskal pa brjod du med pa'i yang brjod du med pa zhig lon yang / mtshan gyi tshig thos pa tsam gyis bzhugs pa dang 'dra bar sems can rnams kyi yon shin tu sbyong zhing / mya ngan las 'das nas de srid kyi yun ring po 'das kyang sangs rgyas la bskyed pa'i yon zad par mi 'gyur bas/ sangs rgyas kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o// sangs rgyas bcom ldan 'das rnams 'jig rten gyi khams brjod du med pa'i yang brjod du med pa dag na bzhugs shing / 'jig rten gyi khams rgyang ring po na bzhugs kyang / 'jig rten gyi khams 'di na gnas pa'i sems can rnams kyis rjes su dran par byas na sku mngon par ston pa mdzad pas/ sangs rgyas bcom ldan 'das rnam kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa ste/ kye rgyal ba'i sras bcu po de dag ni/ sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi shin tu rnam par dag pa ste/ bcu gang zhe na/ sangs rgyas bcom ldan 'das rnams ni/ sangs rgyas kyi tshangs pa'i spyod pa rnam par dag pa la/ sngon gyi smon lam gyis shin tu rnam par dag pa yin/ sangs rgyas bcom ldan 'das rnams ni chags pa med

  20. 11a

    pa'i tshul khrims kyis shin tu rnam par dag pa yin/ sangs rgyas bcom ldan 'das rnams ni sems can thams cad kyi nyon mongs pa sel bas shin tu rnam par dag pa yin/ sangs rgyas bcom ldan 'das rnams ni sangs rgyas kyi zhing gis shin tu rnam par dag pa yin/ sangs rgyas bcom ldan 'das rnams ni 'khor gyis shin tu rnam par dag pa yin/ sangs rgyas bcom ldan 'das rnams ni rigs rnam par dag pas shin tu rnam par dag pa yin/ sangs rgyas bcom ldan 'das rnams ni gzugs kyi sku'i mtshan dang dpe byad bzang po rnam par dag pas shin tu rnam par dag pa yin/ sangs rgyas bcom ldan 'das rnams ni chos kyi sku rnyog pa med pas shin tu rnam par dag pa yin/ sangs rgyas bcom ldan 'das rnams ni thams cad mkhyen pa'i ye shes kyi phung po bsgribs pa med pas shin tu rnam par dag pa yin/ sangs rgyas bcom ldan 'das rnams ni sangs rgyas kyi rnam par thar pa thams cad la mthu chen po brnyes shing / pha rol tu phyin pa dam pa brnyes pas shin tu rnam par dag pa yin te/ kye rgyal ba'i sras bcu po de dag ni/ sangs rgyas bcom ldan 'das rnams kyi shin tu rnam par dag pa'o// kye rgyal ba'i sras bcu po 'di dag ni/ sangs rgyas bcom ldan 'das rnams kyi mdzad pa 'jig rten gyi khams thams cad du 'byung zhing dus thams cad du gnas pa ste/ bcu gang zhe na/ sangs rgyas rjes su dran pa'i thob pa'i sem can rnams la dus thams cad du

  21. 11b

    sangs rgyas bstan pa dang / sems can sems cad shes dang ldan pa rnams la dus thams cad du chos bstan pa dang / sems can sangs rgyas la dad pa'i sems dang ldan pa'i dge ba'i rtsa ba dus thams du bskrad pa dang / chos kyi skyon med par 'das pa'i sems can rnams dus thams cad du ye shes khongs su chud par bya ba dang / 'gro ba thams cad du sangs rgyas kyi mdzad pa dus thams cad du rgyun mi 'chad pa dang / de bzhin gshegs pa rnams 'jig rten gyi khams thams cad du dus thams cad du chags pa mi mnga' bar gshegs pa dang / sems can thams cad la thugs rje chen po dus thams cad du mi gtong ba dang / sangs rgyas bcom ldan 'das rnams kyi sangs rgyas kyi sprul pa dus thams cad du thogs pa med pa dang / sangs rgyas bcom ldan 'das rnams kyi sangs rgyas kyi rnam par 'phrul pa sna tshogs dus thams cad du thogs pa med pa dang / sangs rgyas bcom ldan 'das rnams chos kyi dbyings gnas pa'i sangs rgyas dus thams cad du 'byung ba ste/ kye rgyal ba'i sras bcu po de dag nI/ sangs rgyas bcom ldan 'das rnams kyi mdzad pa 'jig rten gyi khams thams cad du 'byung zhing dus thams cad du gnas pa'o// kye rgyal ba'i sras bcu po 'di dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes rgya mtsho mi zad pa'i tshul rnams te/ bcu gang

  22. 12a

    zhe na/ sangs rgyas bcom ldan 'das rnams ni de bzhin gshegs pa'i skus ye shes rgya mtsho mi zad pa'o// sangs rgyas bcom ldan 'das rnams ni sangs rgyas kyi 'phrin las tshad med pa brnyes pas ye shes rgya mtsho mi zad pa'o/ / sangs rgyas bcom ldan 'das rnams ni sangs rgyas kyi spyan gyi yul mnga' bas ye shes rgya mtsho mi zad pa'o// sangs rgyas bcom ldan 'das rnams ni dge ba'i rtsa ba tshad med pa bsam gyis mi khyab pa mnga' bas ye shes rgya mtsho mi zad pa'o/ / sangs rgyas bcom ldan 'das rnams ni chos kyi char mngon par 'bebs pas ye shes rgya mtsho mi zad pa'o/ / sangs rgyas bcom ldan 'das rnams ni sangs rgyas kyi yon tan dang legs pa mang po mnga' bas ye shes rgya mtsho mi zad pa'o// sangs rgyas bcom ldan 'das rnam nisngon gyi mtha'i thams cad mkhyen pa'i smoni lam dang khyad par mnga' bas ye shes rgya mtsho mi zad pa'o/ / sangs rgyas bcom ldan 'das rnams ni phyi ma'i mtha'i mur 'gro ba thams cad sangs rgyas kyi 'phrin las rgyun mi 'chad par sgrub pas ye shes rgya mtsho mi zad pa'o/ / sangs rgyas bcom ldan 'das rnams ni sems can gyi rigs thams cad ma lus pa'i sems dang spyod pa la ye shes rgya mtsho mi zad pa'o/ / sangs rgyas bcom ldan 'das rnams ni thams cad mkhyen pa'i bsod nams zil gyis mi non pas ye shes rgya mtsho mi zad pa'o// kye rgyal ba'i sras

  23. 12b

    bcu po de dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes rgya mtshom zad pa'o// kye dz+hal bu'i sras bcu po 'di dgam/ sangs rgyas bcom ldan 'das rnams kyi sangs rgyas kyi tshul rnams te/ bcu gang zhe na/ 'di lta ste/ pha rol tu phyin pa thams cad kyis mngon par byung ba 'di ni sangs rgyas bcom ldan 'das rnams kyi tshul yin no/ / 'di lta ste/ chos thams cad la mi mkhyen pa gang yang mi mnga' ba 'di ni sangs rgyas bcom ldan 'das rnams kyi tshul yin no// 'di lta ste/ thams cad kyang thugs rje chen po dang ldan pa 'di ni sangs rgyas bcom ldan 'das rnams kyi tshul yin no/ / 'di lta ste/ thams cad kyang stobs bcu tshad med pa dang ldan pa 'dri ni sangs rgyas bcom ldan 'das rnams kyi tshul yin no/ / 'di lta ste/ thams cad kyang bla na med pa'i chos kyi 'khor lo rab tu bskor ba 'di ni sangs rgyas bcom ldan 'das rnams kyi tshul yin no// 'di lta ste/ thams cad kyang sems can 'dul ba yang dag par zhugs pa 'di ni sangs rgyas bcom ldan 'das rnams kyi tshul yin no/ / 'di lta ste/ thams cad kyang 'gro ba thams cad kyi don du mngon par sangs rgyas pa 'di ni sangs rgyas bcom ldan 'das rnams kyi tshul yin no/ / 'di lta ste/ 'dul ba'i sems can rnams 'dul ba la thogs pa mi mnga' ba 'di ni sangs rgyas bcom ldan 'das rnams kyi tshul

  24. 13a

    yin no/ / 'di lta ste/ mi gnyis par yang dag par spyod pa'i mtshan nyid kyi chos la rab tu gzhol ba 'di ni sangs rgyas bcom ldan 'das rnams kyi tshul yin no// 'di lta ste/ ji ltar yongs su smin par gyur pa dang dul bar gyur pa'i sem bral sangs rgyas kyi yul mu med pas/ sangs rgyas kyi yongs su mya ngan las 'das pa ston pa 'di ni sangs rgyas bcom ldan 'das rnams kyi tshul yin te/ kye rgyal ba'i sras bcu po de dag ni/ sangs rgyas bcom ldan 'das rnams kyi sangs rgyas kyi tshul lo// kye rgyal ba'i sras bcu po 'di dag ni/ sangs rgyas bcom ldan 'das rnams kyi sangs rgyas kyi chos mtha' yas pa shin tu bstan pa'i sgo rnams te/ bcu gang zhe na/ sangs rgyas bcom ldan 'das rnams ni sema? can gyi khams shin tu bstan pa'i sgor mtha' yas pa'o/ / sangs rgyas bcom ldan 'das rnams ni sems can gyi spyod pa sna tshogs shin tu bstan pa'i sgor mtha' yas pa'o// sangs rgyas bcom ldan 'das rnams ni sems can thams cad kyi las dang rnam par smin pa shin tu bstan pa'i sgor mtha' yos pa'o/ / sangs rgyas bcom ldan 'das rnams ni sems can thams cad la gdams ngag dang man ngag shin tu bstan pa'i sgor mtha' yas pa'o/ / sangs rgyas bcom ldan 'das rnams ni sems can mtha' yas pa rnam par sbyong ba'i nan tan gyi sgor mtha' yas/

  25. 13b

    pa'o// sangs rgyas bcom ldan 'das rnams ni byung chub sems dpa'i spyod pa thams cad la gdams ngag dung mun ngag gis yongs su gnog pa'i sgor mtha' yas pa'o// s+yAngs rgyas bcwom lda 'das rnams ni byang chub sems dpa'i khyad par gyi smon lam rnam pa tha dad pas 'byung ba shin tu bstan pa'i sgor mtha' yas pa'o/ / sangs rgyas bcom ldan 'das rnams ni 'jig rten gyi kham thams cad ma lus pa'i 'du ba dang 'jig pa shin tu bstan pa'i sgor mtha' yas pa'o/ / sangs rgyas bcom ldan 'das rnams kyi sangs rgyas kyi zhing rnam par dag pa ni byang chub sems dpa'i bsam pa dang mos pa ji lta ba bzhin du yongs su bstan pa'i sgor mtha' yas pa'o/ / sangs rgyas bcom ldan 'das rnams kyi 'jig rten gyi khams ma lus pa thams cad du 'das pa dang / ma byon pa dang / da ltar byung ba'i sangs rgyas gcig nas gcig tu brgyud pa ni bskal pa yangs pa de dang de dag tu bstan cing brjod pa dang / yongs su bshad pas sangs rgyas kyi ye shes thams cad khong du chud par bya ba'i sgor mtha' yas pa ste/ kye rgyal ba'i sras bcu po de dag ni/ sangs rgyas bcom ldan 'das rnams kyi sangs rgyas kyi chos mtha' yas pa shin tu bstan pa'i sgo'o/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi sangs rgyas kyi 'phrin las sems can rnams la

  26. 14a

    sgrub pa ste/ bcu gang zhen/ sangs rgyas bcom ldan 'das rnams kyi sku yongs su bstan pa ni sems can rnams la spangs rgyas kyi 'phrin las sgrub bo// sangs rgya bcom ldan 'das rnams kyi gsung yang sems can rnams la sangs rgyas kyi 'phrin las sgrub bo/ / sangs rgyas bcom ldan 'das rnams len pa mdzad pa'ang sems can rnams la sangs rgyas kyi 'phrin las sgrub bo/ / sangs rgyas bcom ldan 'das rnams len pa mi mdzad pa'ango sems can rnams la sangs rgyas kyi 'phrin las sgrub bo// sa dang / chu dang / me dang / rlung gis kyang sangs rgyas bcom ldan 'das rnams sems can rnams la sangs rgyas kyi 'phrin las sgrub bo/ / sangs rgyas bcom ldan 'das rnams ni byin gyi rlabs kyi yul dang mangs dmigs pa thams cad yul du mdzad pas kyang sems can rnams la sangs rgyas kyi 'phrin las sgrub bo/ / sangs rgyas bcom ldan 'das rnam kyi mtshan kyang sems can rnams la sangs rgyas kyi 'phrin las sgrub bo/ / sangs rgyas bcom ldan 'das rnams ni zhing la dmigs par mdzad pas kyang sems can rnams la sangs rgyas kyi 'phrin las sgrub bo// sangs rgyas bcom ldan 'das rnams ni sangs rgyas kyi zhing rnam par dag pas kyang sems can rnams la sangs rgyas kyi 'phrin las sgrub bo/ / sangs rgyas bcom ldan 'das rnams mi gsung bar bzhugs

  27. 14b

    pa'ang sems can rnams la sangs rgyas kyi 'phrin las sgrub ste/ kye rgyal ba'i sras bcu po de dag ni/ sangs rgyas bcom ldan 'das rnams kyi sangs rgyas kyi 'phrin las sems can rnams la sgrub pa'o/ / // bam po drug cu rtsa bzhi pa// kye rgyal ba'i sras bcu po 'di dag ni/ sangs rgyas bcom ldan 'das rnams kyi sems can gyi gtso bo'i chos te/ bcu gang zhe na/ smon lam chen po la rab tu brtan zhing smon lam zhig pa mi mnga' bas ji skad du gsung ba de ltar mdzad cing gnyis su mi gsung ba 'di ni sems can gyi gtso bo'i chos dang po'o/ / phyi ma'i mtha'i mur thug pa'i bskal pa thams cad du byang chub sems dpa'i spyod pa la yon tan thams cad yongs su rdzogs par mdzad par rab tu brtson zhing / sgyid lug pa mi mnga' ba 'di ni sems can gyi gtso bo'i chos gnyis pa'o/ / sems can 'dul bar 'gyur ba gcig cig gzigs kyang 'jig rten gyi khams brjod du med pa'i yang brjod du med par gshegs shing / 'jig rten gyi khams thams cad du gshegs pa la thags thogs med pa 'di ni sems can gyi gtso bo'i chos gsum pa'o// zhe sdang ba'i sems can rnams la thugs rje chen pos snyoms pa dang / dad pa'i sems can rnams la thugs rje chen pos snyoms pa 'di ni sems can gyi gtso bo'i chos bzhi pa'o// gang gi tshe bla na med pa yang dag par rdzogs pa'i byang chub tu yang

  28. 15a

    dag par zhugs nas/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam du/ byang chub kyi sems mnyam pa 'di ni sems can gyi gtso bo'i chos lnga pa'o// dge ba'i rtsa ba thams cad yang dag par bsgrub cing thams cad mkhyen pa nyid du yongs su bsngo bas 'jug go/ 'jig rten pa'i rgyud la ma yin pa 'di ni sem can gyi gtso bo'i chos drug pa'o// sangs rgyas thams cad kyi rjes su bsngo na sangs rgyas kyis spyad pa'i sems su lus kyi las dang / ngag gi las dang / yid kyi las kyis slob cing / nyan thos dang rang sangs rgyas kyi spyod pas thams cad mkhyen pa nyid du yongs su bsngo ba med pas bla na med pa yang dag par rdzogs pa'i byang chub tu mngon par sangs rgyas pa 'di ni sems can gyi gtso bo'i chos bdun pa'o/ / byang chub sems dpa'i sems rnam par dag cing 'od gsal la dngas pa/ thams cad du snang zhing kun tu 'od 'byung ba/ sangs rgyas kyi chos thams cad la snang zhing thams cad du snyoms pas thams cad mkhyen pa nyid yongs su rdzogs par byed pa 'di ni sems can gyi gtso bo'i chos brgyad pa'o/ / 'jig rten pa'i bde ba thams cad yongs su spangs te/ 'jig rten pa'i dga' ba thams cad la ma chags pa dang / 'jig rten thams cad kyis

  29. 15b

    gos pa med pa'i smon lam thams cad mnyam pa nyid kyis 'jig rten thams cad bde ba thams cad dang ldan par byas te/ sdug bsngal dang spros pa thams cad rab tu 'jom pa 'di ni sems can gyi gtso bo'i chos dgu pa'o/ / sdug bsngal gyi mi bde ba thams cad nyams su ba ba ste/ 'gro ba thams cad kyi don du dka' thub kyis shin tu gdungs kyang sla bar sems bskyed pas/ sangs rgyas thams cad kyi rigs yongs su bsrung ba dang ldan pa dang / stobs bcu'i sa'i bar du sangs rgyas kyi yul la mos pas mthar thug pa 'di ni sems can gyi gtso bo'i chos bcu pa ste/ kye rgyal ba'i sras bcu po de dag ni/ sangs rgyas bcom ldan 'das rnams kyi sems can gyi gtso bo'i chos so// kye rgyal ba'i sras bcu po 'di dag ni/ sangs rgyas bcom ldan 'das rnams kyi sangs rgyas kyi rnam par spyod pa chags pa med pa rnams te/ bcu gang zhe na/ sangs rgyas bcom ldan 'das rnams ni 'jig rten gyi khams ma lus pa thams cad du gshegs pas chags pa mi mnga' bar rnam par spyod pa yin/ sangs rgyas bcom ldan 'das rnams ni 'jig rten gyi khams ma lus pa thams cad na bzhugs pas chags pa mi mnga' bar rnam par spyod pa yin/ sangs rgyas bcom ldan 'das rnams ni 'jig rten gyi khams thams cad na bzhugs pa dang / bzhengs pa dang / bzhud pas chags pa mi mnga'

  30. 16a

    bar rnam par spyod pa yin/ sangs rgyas bcom ldan 'das rnams ni 'jig rten gyi khams ma lus pa thams cad du chos ston pas chags pa mi mnga' bar rnam par spyod pa yin/ sangs rgyas bcom ldan 'das rnams ni 'jig rten gyi khams ma lus pa thams cad kyi dga' ldan gyi gnas na bzhugs kyang chags pa mi mnga' bar rnam par spyod pa yin// sangs rgyas bcom ldan 'das rnams ni chos kyi dbyings ma lus pa thams cad kyi sngon gyi mtha' dang / phyi ma'i mtha' dang / da ltar byung ba'i mtha' la chags pa mi mnga' bar rnam par spyod pa yin/ sangs rgyas bcom ldan 'das rnams ni chos kyi dbyings ma lus pa thams cad tsam gyi 'khor gyi dkyil 'khor na bzhugs kyang chags pa mi mnga' bar rnam par spyod pa yin/ sangs rgyas bcom ldan 'das rnams ni sems can ma lus pa thams cad kyi sems dang spyod pa la gzigs shing thugs kyi skad cig gcig la cho 'phrul chen po gsum gyis sems can rnam par 'dul yang chags pa mi mnga' bar rnam par spyod pa yin/ sangs rgyas bcom ldan 'das rnams ni sku gcig gis kyang tshad med bsam gyis mi khyab pa'i sangs rgyas kyi rnam par spyod pa chen por rnam par spyod kyang chags pa mi mnga' bar rnam par spyod pa yin/ sangs rgyas bcom ldan 'das rnams ni sems can gyi khams 'byam klas pa ma lus pa thams cad

  31. 16b

    du/ de bzhin gshegs pa'i chos ma lus pa thams cad kyi mthar thug pa bsam gyis mi khyab par ston cing gsung yang chags pa mi mnga' bar rnam par spyod pa yin te/ kye rgyal ba'i sras ba po de dag ni/ sangs rgyas bcom ldan 'das rnams kyi sangs rgyas kyi rnam par spyod pa chags pa med pa'o// kye rgyal ba'i sras bcu po 'od dag ni/ sangs rgyas bcom ldan 'das rnams kyi sangs rgyas kyi rgyan mchog dam pa bla na med pa rnams te/ bcu gang zhe na/ sangs rgyas bcom ldan 'das rnams kyi sku mtshan dang dpe byad bzang po sna tshogs kyis rnam par brgyan pa ni/ sangs rgyas bcom ldan 'das rnams kyi sku'i rgyan mchog dam pa bla na med pa'o// sangs rgyas bcom ldan 'das rnams kyi gsung yan lag mchog dam pa drug cu dang ldan zhing yan lag lci ba rgyus yongs su bzung ba dang / rgya na brgya skyong du mas rab tu brgyan pa dang / dbyangs kyi yan lag mtha' yas mu med pas rnam par dag pa dang / sangs rgyas kyi chos kyi don dang tshig dang / yi ge brjod du med pa'i yang brjod du med pas rab tu tshim par mdzad pa dang / bag tsha ba mi mnga' bas seng ge'i nga ro chen po sgrogs pa dang / 'jigs pa med pa chen pos bsnyengs pa mi mnga' bar gyur pa dang / chos kyi dbyings ma lus pa thams cad du sems can thams cad la thag

  32. 17a

    cing bsal te khong du chud par 'gyur ba dang / sems can bsam pa tha dad pa dang / dbang po tha dad pa rnam pa sna tshogs 'dul bar nye bar gnas pa 'di ni sangs rgyas bcom ldan 'das rnams kyi gsung gi rgyan mchog dam pa bla na med pa'o/ / sangs rgyas bcom ldan 'das rnams kyi thugs kyi 'phrin las ni stobs bcus brgyan pa/ sangs rgyas kyi ting nge 'dzin chen po thams cad kyi me tog shin tu rgyas pa/ sangs rgyas kyi chos ma 'dres pa bco brgyad kyi rgyan gyis shin tu brgyan cing bsgrubs pas chags pa med pa'i spyod yul dang ldan pa/ chos kyi dbyings kyi gzhi la rab tu rten pa/ sangs rgyas thams cad kyi chos gting med pa rab tu brnyes pa/ chos kyi dbyings ma lus pa thams cad kyi rgyan du gyur pa/ dus gsum gyi chos kyi dbyings ma lus pa thams cad kyi sems can kun gyi sems dang spyod pa thams cad skad cig gcig dang ldan pa'i shes rab kyis rab tu mkhyen pa ste/ 'di ni sangs rgyas bcom ldan 'das rnams kyi thugs kyi rkyen mchog dam pa bla na med pa'o/ / sangs rgyas bcom ldan 'das rnams ni 'od zer bye ba brjod du med pa rab tu 'gyed par mdzad de/ 'od zer de dag re re la'ang 'od zer gyi 'khor gyi dra ba brjod du med pa dang ldan pa/ sangs rgyas kyi zhing 'byam klas pa thams cad ma lus par snang bar byed cing / 'jig rten gyi khams kyi rgyud thams cad mun pa med par ston pa/ sangs rgyas

  33. 17b

    skye ba dang mi 'bral bas sangs rgyas kyi 'phrin las phyir mi ldog cing don yod pa/ sangs rgyas skye ba brjod du med pas gnas pa med pa rang bzhin rnam par dag cing kun tu snyoms par 'byung ba ste/ 'di ni sangs rgyas bcom ldan 'das rnams kyi 'od zer gyi rgyan mchog dam pa bla na med pa'o// sangs rgyas bcom ldan 'das rnams bzhad mo 'dzum par ston na/ zhal gyi sgo nas 'od zer kha dog sna tshegs kha dog du ma dang ldan pa bye ba khrag khrig brgya stong brjod du med pa phyogs bcu'i 'jig rten gyi khams ma lus pa thams cad snang bar byed pa/ sems can gyi khams tshad med grangs med bsam gyis mi khyab pa rnam par ston pa/ bla na med pa yang dag par rdzogs pa'i byang chub tu rnam pa gzhan du mi 'gyur bar lung ston pa/ 'tho ba thams cad du shin tu gsal ba 'byung ste/ 'di ni sangs rgyas bcom ldan 'das rnams kyi bzhad mo 'dzum pa bstan pa'i rgyan mchog dam pa bla na med pa'o/ / sangs rgyas bcom ldan 'das rnams kyi chos kyi sku ni tshad med pa ste/ bsgribs pa med pas rnam par dag pa chos thams cad chags pa med pa nyid kyi mthar thug pa/ mtha' dang dbus med pa'i chos kyi dbyings la gnas pa/ 'jig rten thams cad dang ma 'dres pa/ 'jig rten thams cad dang 'dzi ba med pa/ 'jig rten thams cad kyi de kho na nyid la yang dag par zhugs pa/ 'jig rten thams cad las gyen du 'phags pa/ 'jig rten las 'das pa'i chos kyis yang

  34. 18a

    dag par spyod pa/ tshig gi lam dang bral ba/ brjod du med pa'i mthar phyin pa/ phung po dang / khams dang / skye mched dang bral ba ste/ 'di ni sangs rgyas bcom ldan 'das rnams kyi sku'i rgyan mchog dam pa bla na med pa'o/ / sangs rgyas bcom ldan 'das rnams ni 'od tshad med pa mnga' ba ste/ 'jig rten gyi khams ma lus pa thams cad du 'od ma 'dres shing rgyan du ma dang ldan pa kha dog sna tshogs brjod du med pa'i yang brjod du med pa'i rgyan dang ldan pa/ 'od kyi snang ba kun tu thogs pa med cing thams cad du chags pa med pa/ 'od kyi dkyil 'khor bsgribs pa med pa tshad med pa'i mdzod du gyur pa/ 'od thams cad kyi 'byung gnas su gyur pa ste/ 'di ni sangs rgyas bcom ldan 'das rnams kyi 'od kyi rgyan mchog dam pa za na med pa'o/ / sangs rgyas bcom ldan 'das rnams ni kha dog mtha' yas pa mnga' ba ste/ kha dog yid du 'ong ba mnga' ba'o// kha dog 'od gsal ba mnga' ba'o// kha dog tshad med pa mnga' ba'o/ / sems can gyi khams ma lus pa thams cad kyi bsam pa dang mos pa bzhin du rnam par dmigs pa'i kha dog mnga' ba'o// de ma yin pa'i kha dog gzhan khams gsum du gtogs pa thams cad zil gyi gnon pa'i kha dog mnga' ba'o/ / kha dog thams cad kyi pha rol tu phyin pa brnyes pas// sangs rgyas bcom ldan 'das rnams ni kha dog bla na

  35. 18b

    med pa mnga' ba ste/ 'di ni sangs rgyas bcom ldan 'das rnams kyi kha dog rgyan mchog dam pa bla na med pa'o// sangs rgyas bcom ldan 'das rnams ni dge bas shin tu rnam par dag pa ste/ 'das pa dang / ma byon pa dang / da ltar byung ba'i sangs rgyas thams cad kyi rigs dge ba rin po che'i 'byung gnas su gyur pa la shin tu byung ba'o// chos nyid kyi rnam pa thams cad du khyad par yod pa dang / khyad par med pa'i spyod pas rnam par dag pa'i rgyan gyi ye shes skye ba thams cad nang du gtogs pa dang / de bzhin gshegs pa'i rigs bsgribs pa med pa'i rgyud rnam par dag pas 'jig rten gyi mi snyan pa thams cad kyis mi snyan pa brjod du med pa ste/ 'di ni sangs rgyas bcom ldan 'das rnams kyis dus kyi rigs dang rgyud rnam par dag pa'i rgyan mchog dam pa bla na med pa'o/ / sangs rgyas bcom ldan 'das rnams ni byams pa chen po'i mthu dang rang bzhin gyi rgyan mnga' ba ste/ shin tu dang ba yongs su rtog pa'i rnyog pa mi mnga' ba sku'i 'phrin las yongs su bsal ba/ blta bas mi skyo ba thugs shin tu rnam par bsal ba/ thugs rje chen po mnga' ba/ 'gro ba thams cad skyob pa/ yon gyi gnas kyi dam pa bla na med pa yongs su 'dzin pa'i nang na thugs brtse ba can phon par mdzad pa/ sems can thams cad kyi don du ye shes chen po byin gyis brlabs te/ bsod nam chen po yong

  36. 19a

    su 'phags pa/ 'gro ba thams cad kyi bsod nams kyi zhing du gyur pa/ sems can rnams kyi yon tan dang ye shes kyi phung po thams cad rnam par 'phel bar mdzad pa ste/ 'di ni sangs rgyas bcom ldan 'das rnams kyi byams pa chen po dang // thugs rje chen po'i mthar thug pa'i bsod nams kyi rgyan mchog dam pa blan med pa'o// kye rgyal ba'i sras bcu po de dag ni/ sangs rgyas bcom ldan 'das rnams kyi sangs rgyas kyi rgyan mchog dam pa bla na med pa'o// kye rgyal ba'i sras bcu po 'di dag ni/ sangs rgyas bcom ldan 'das rnams kyi sangs rgyas kyi madra' chen pos mnga' sgyur ba'i chos rnams te/ bcu gang zhe na/ sangs bcom ldan 'das rnams ni chos thams cad la mnga' ba dang / chos thams cad la snang bar mdzad pa'i mnga' sgyur bas tshig dang yi ge mtha' yas pa la thogs pa mi mnga' ba'i spobs pa mnga' ba dang / chos thams cad ma lus par yongs su brjod pas mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' sbyar ba'i chos dang po'o/ / sangs rgyas bcom ldan 'das rnams ni sems can ji ltar yongs su smin pa dang / smon lam ji ltar bdeb pa'i tshul bzhin du 'dul ba la thogs pa mi mnga' bas mnga'i che ba ste/ 'di ni sangs rgyas kyi mnga' chen pos mnga' sgyur ba'i chos gnyis pa'o// sangs rgyas bcom

  37. 19b

    ldan 'das rnams ni 'jig rten gyi khams ma lus pa thams cad sems can gcig la'ang gnod pa med par rnam pa drug tu rab tu bskyod pa dang / 'jig rten gyi khams rgyan rnam par bkod pa grangs med tshad med pa dang ldan pa/ nam mkha'i dbyings kyi mthas gtug pa thams cad gcig nas gcig tu 'phang ba dang / gcig nas gcig tu gzhug pa dang / gcig nas gcig tu bsdu ba dang / gcig nas gcig tu bsre ba/ 'jig rten gyi khams gzhan dang gzhan dag gzhan dang gzhan gyi phyog su rab tu bzhag kyang / sems can gyi khams rnams 'khor cing rmongs par mi 'gyur la the tsom du mi 'gyur bar mdzad pas mnga' che ba ste/ 'di ni sangs rgyas kyi mnga' chen pos mnga' sgyur ba'i chos gsum pa'o// sangs rgyas bcom ldan 'das rnams ni 'jig rten gyi khams ma lus pa thams cad byin gyis rlob pa'i ye shes kyi 'jig rten gyi khams kyi rgyan phan tshun du byin gyis brlabs pa dang / thugs skad cig gis 'jig rten gyi khams thams cad kyi rgyan yang dag par bstan pa dang / bskal pa grangs med par brjod kyang yi ge shin tu bstan pa zad mi shes pa dang / 'jig rten gyi khams ma lus pa thams cad rgyan thams cad kyis rnam par brgyan pa dang mi mthun pa med cing nye bar nyon mongs pa med pa dang / sangs rgyas kyi zhing gcig tu yongs su 'du bar sangs rgyas kyi zhing rnam par dag pa thams cad byin

  38. 20a

    gyis brlab pa la mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' sgyur ba'i chos bzhi pa'o// sangs rgyas bcom ldan rnams kyi sangs rgyas kyis 'dul ba'i sems can gzigs na sems can gcig gi don du bskal pa brjod du med pa'i yang brjod du med par skyil mo lung gcig gis bzhugs na yang / de bzhin gshegs pa'i sku la mi bde ba mi mnga' zhing thugs la mi bde ba mi mnga' ste/ gang zag de'ang mi bsnyel bas 'dul ba'i dus las mi 'da' ba dang / gang zag gcig la ji lta ba bzhin du rim pa rim pas 'jig rten gyi khams ma lus pa thams cad du phyi ma'i mtha'i mur thug pa'i sku tshe la mnga' bar byin gyis brlabs te bzhugs kyang / sangs rgyas bcom ldan 'das rnams la skyo ba mi mnga' ba ste/ de ltar sems can gyi khams thams cad mthar gyis rim pas sangs rgyas kyis 'dul ba'i gang zag gi don du yongs su skyong ba mdzad pa la mnga' che ba ste/ 'di ni sangs rgyas bcom ldan 'das rnam ci mnga' chen pos mnga' sgyur ba'i chos lnga pa'o/ / sangs rgyas bcom ldan 'das rnams ni 'jig rten gyi khams ma lus pa thams cad du yang dag par gzhol ba'i de bzhin gshegs pa'i bzhud pas 'jig rten gyi khams thams cad du bzhud pa la thags tho gra mi mnga' ba dang / phyogs bcu'i chos kyi dbying ma lus pa thams cad kyi 'jig rten gyi khams kyi rgyud rgya mtsho 'byam klas pa

  39. 20b

    dang / phyogs kyi dra ba'i rgyud thams cad du thugs skad cig gcig dang ldan pas bzhud par byin gyis rlob cing chos kyi dbyings shin tu bstan pa khong du chud par byas pas/ chos kyi 'khor lo thos pa med pa rab tu bskor ba la mnga' che ba ste/ 'di ni sangs rgyas bcom ldan 'das rnams kyi mnga' chen pos mnga' sgyur ba'i chos drug pa'o// sangs rgyas bcom ldan 'das rnams ni 'dul ba'i sems can gyi khams thams cad kyi don du thugs skad cig re re la bla na med pa yang dag par rdzogs pa'i byang chub tu mngon par 'tshang rgya bar mnga' che ba ste/ de la chos thams cad mngon par sangs rgyas pa'ang gang yang med la mngon par sangs rgyas pa'ang med de/ mngon par 'tshang rgya bar 'gyur ba med kyang / slob pa'i sa la gnas shing mngon par 'tshang rgya bar yang mi brjod pa dang / sangs rgyas kyi chos thams cad kyang bsgribs pa med par rtogs par thugs su chud pas sems can thams cad 'dul ba'i don du ye shes tshad med pa'i tshul gyis/ sangs rgyas kyi rnam pabar 'phrul pa chen po'i yul yongs su rgyun mi gcod pa 'di ni/ sangs rgyas bcom ldan 'das rnams kyi sangs rgyas kyi mnga' chen pos mnga' sgyur ba'i chos bdun pa'o// sangs rgyas bcom ldan 'das rnams kyi spyan gyi skye mched kyi sangs rgyas kyi 'phrin las gang bsgrub pa de snyan gyi skye mched kyis yongs su grub par mdzad do/ / snyan gyi

  40. 21a

    skye mched kyis sangs rgyas kyi 'phrin las gang bsgrub pa de shangs kyis yongs su grub par mdzad do/ / shangs kyi skye mched kyis sangs rgyas kyi 'phrin las gang bsgrub pa de ljags kyi skye mched kyis yongs su grub par mdzad do/ / ljags kyi skye mched kyis sangs rgyas kyi 'phrin las gang bsgrub pa de ni sku'i skye mched kyis yongs su grub par mdzad do// sku'i skye mched kyis sangs rgyas kyi 'phrin las gang bsgrub pa de thugs kyi skye mched kyis yongs su grub par mdzad do/ / thugs kyi skye mched kyis sangs rgyas kyi 'phrin las gang bsgrub pa de// 'jig rten gyi khams ma lus pa thams cad kyi dmigs pa 'jig rten pa dang // 'jig rten las 'das pa sna tshogs rnam par phye ba thams cad du grub par mdzad do// de bzhin du dmigs pa thams cad re re yang snrel zhir sgrub pas sangs rgyas kyi 'phrin las sgrub pa la mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' sgyur ba'i chos brgyad pa'o/ / sangs rgyas bcom ldan 'das rnams ni rang gi sku'i ba spu'i bu ga gcig gi nang du sems can gyi khams ma lus pa thams cad gzud par mdzad cing khongs su chud par mdzad pa dang / sems can re re zhing brjod du med pa tsam du yangs par mdzad kyang / sems can de dag la gnod pa dang mi bde bar mi 'gyur ba dang / de dag tu'ang

  41. 21b

    sems can re re zhing 'jig rten gyi khams gcig nas gcig tu brgyud pas bsgral pa grangs med pa zad par gnas par bya ba dang / 'jig rten gyi khams grangs med par gom pa gcig gis phyin pas 'jig rten gyi khams de dag tu sangs rgyas byung ba rnams kyi spyan sngar 'gro bar bya ba dang / sangs rgyas de dag byung ba'i tshe'ang brjod du med pa'i 'jig rten gyi khams kyi rgyud dang gling de dag na sems can gyi gtso bos brjod du med pa'i yang brjod du med pa'i chos kyi 'khor lo bskor bar bya ba dang / ba spu'i bu ga de nas sangs rgyas gcig nas gcig tu brgyud pa brjod du med pa'i yang brjod du med pa 'byung bar bya ba dang / sems can gcig nas gcig tu brgyud pa brjod du med pa'i yang brjod du med pa 'byung bar bya ba dang / chos kyi 'khor lo gcig nas gcig tu brgyud pa brjod du med pa'i yang brjod du med pa bskor bar bya ba dang / chos kyi dbyings bstan pa gcig nas gcig tu brgyud pa'i brjod du med pa'i yang brjod du med pa shin tu bstan par bya ba dang / 'das pa gcig nas gcig tu brgyud pa brjod du med pa dang / ma 'ongs pa gcig nas gcig tu brgyud pa brjod du med pa dang / da ltar byung ba gcig nas gcig tu brgyud pa brjod du med pa yongs su brjod par bya ba dang / / nam mkha'i dbyings mtha' dang dbus med par bstan pa kun tu mtshams med par sems can thams cad 'ong zhing 'gro ba dang / skye ba'i skye mched

  42. 22a

    thams cad du 'dod pa'i longs spyod rgya chen po bgegs med pa thams cad 'byung bar bya ba la mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' sgyur ba'i chos dgu pa'o/ / sangs rgyas bcom ldan 'das rnams kyi chos dbyings ma lus pa thams cad du pad+mo'i rgyan chen pos brgyan pa'i seng ge'i khri pad+mo'i snying po can la de bzhin gshegs pa gcig gi chos kyi dbyings tshad med pa thams cad du khyab pa'i skus byang chub tu mngon par rdzogs par sangs rgyas te/ sangs rgyas kyi rnam par 'phrul pa thams cad yongs su bstan pa mdzad pa dang / de bzhin gshegs pa gcig gi ji lta bar 'jig rten gyi khams thams cad kyi rdul shin tu phra ba snyed kyi sems can gyi gtso bo thams cad kyang de bzhin du dgongs pa skad cig ma re re'i byin gyi rlab kyis rlabs pa dang / dgongs pa skad cig la ji lta ba bzhin du dgongs pa skad cig thams cad la'ang pad+mo'i rgyud kyis yongs su dag par mngon par 'tshang rgya bar bya ba dang / de bzhin du chos kyi dbying thams cad ma lus pa'i sangs rgyas kyi zhing brjod du med pa rnam par dag pa rgyan sna tshogs dang ldan pa'i 'jig rten gyi khams su d migs pa rnam pa sna tshogs dang ldan pa'i zhing rnam par dag pa 'byam klas pa brjod du med pa mtshan nyid tha dad pa rnam pa tha dad pa'i rgyud tshad med cing 'byam klas pa dus kyi rgyud grangs

  43. 22b

    med pa dang ldan pa/ bstan pa ma 'dres pa dang ldan pa/ blo tshad med pa dang mos pa shin tu sangs pa dang ldan pa/ mtshan nyid sna tshogs kyi gnas med pa/ mtshan nyid bsam gyis mi khyab pa dang ldan pa/ tshad med pa thams cad dgongs pa skad cig ma las dgongs pa skad cig ma gcig gis thams cad yongs su bstan kyang / sangs rgyas bcom ldan 'das rnams ched du sgrub pa mi mdzad pa la mnga' che ba ste/ 'di ni sangs rgyas bcom ldan 'das rnams kyi mnga' chen pos mnga' sgyur ba'i chos bcu pa'o// kye rgyal ba'i sras bcu po de dag sangs rgyas bcom ldan 'das rnams kyi sangs rgyas kyi mnga' chen pos mnga' sbyar ba'i chos so/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi sangs rgyas kyi chos yongs su rdzogs pa tshad med pa bsam gyis mi khyab po rnams te/ bcu gang zhe na/ mtshan re re zhing bsod nams brgya pa'i mtshan yongs su dag par 'gyur ba 'di ni yongs su rdzogs pa dang po ste/ des sangs rgyas bcom ldan 'das rnams byang chub tu mngon par 'tshang rgya'o// sangs rgyas kyi chos rnams yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ / dge ba'i rtsa ba thams cad yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o// yon tan thams cad

  44. 23a

    kyi 'byung gnas phun sum tshogs pa'i spyod pa yongs su dag pa rdzogs par sangs rgyas bcom ldan 'das rnams byang chub tu mngon par 'tshang rgya'o/ / sems can yongs su smin par bya ba dang 'dul ba yongs su rdzogs pas sangs rgyas bcom ldan 'das rnam byang chub tu mngon par 'tshang rgya'o/ / sangs rgyas kyi mnga' 'gro ba thams cad kyis zil gyis gnon pa yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ / zhing yongs su dag par bya ba yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ / thams cad mkhyen pa'i ye shes yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o// mtshan dang / dpe byad bzang po dang / gzugs kyi sku blta na don yod par yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o// de bzhin gshegs pa thams cad dang mnyam pa nyid yongs su rdzogs pas sangs rgyas bcom ldan 'das rnams byang chub tu mngon par 'tshang rgya ste/ / sangs rgyas kyi 'phrin las thams cad yongs su rdzogs par mdzad nas yongs su mya ngan las 'da'o/ / kye rgyal ba'i sras bcu po de dag ni/ sangs rgyas bcom ldan 'das rnams kyi sangs rgyas kyi chos yongs su rdzogs pa tshad med pa bsam gyis mi khyab pa'o//

  45. 23b

    kye rgyal ba'i sras bcu po 'di dag ni/ sangs rgyas bcom ldan 'das rnams kyi thabs mkhas pa ste/ bcu gang zhe na/ sangs rgyas bcom ldan 'das rnams ni chos thams cad byin gyis brlabs pa med cing spros pa thams cad med par yang thugs su chud la/ dge ba'i sgo nas sangs rgyas kyi byin gyi nas kyang shin tu ston cing brjod de/ 'di ni sangs rgyas bcom ldan 'das rnams kyi sangs rgyas kyi thabs mkhas pa dang po'o/ / sangs rgyas bcom ldan 'das rnams ni chos thams cad la gzigs pa med cing phan tshun du mkhyen pa med do// ma bcings ma grol ba dang / gzung ba med cing bsal ba med de yongs su rdzogs pa med pa'ang thugs su chud la/ sangs rgyas kyi chos thams cad la mnga' dam pa'ang bsnyes te/ sangs rgyas bcom ldan 'das rnams chos thams cad la mnga' sbyar ba de'ang yang dag pa de kho na nyid ma nor ba rnam pa gzhan du mi 'gyur ba dang / chos thams cad bdag gi med cing yongs su 'dzin pa med la/ de kho na nyid kyi mtha' las rnam par mi 'da' yang / sangs rgyas bcom ldan 'das rnams ni mnga' chen pos chos kyi dbyings thams cad snang ba la'ang rab tu mkhyen pa 'di ni/ sangs rgyas bcom ldan 'das rnams kyi sangs rgyas kyi thabs mkhas pa gnyis pa'o/ / sangs rgyas bcom ldan 'das rnams ni mtshan ma'i mtha' thams cad mi mnga' ste/ mtshan ma thams cad dang mi 'grogs shing mtshan ma'i mngon par

  46. 24a

    shes pa thams cad dang ma 'dres la/ de'i rang bzhin du ngo bo nyid med pa dang / ji ltar ngo bo nyid med pa'i sgra'i tshul thams cad thugs su chud kyang gzugs kyi mtshan ma'i sku gzugs rnam par dag pa grangs med pa dang / zhing gi mtshan ma dang / rnam par spyod pa'i mtshan ma zad mi shes pa rnam pa sna tshogs yang dag par bstan cing bshad pa'i ye shes kyi phung po mun pa med pa 'gro ba thams cad kyi sgron ma chen por gyur pas mun pa med pa'i snang ba ston pa 'di ni/ sangs rgyas bcom ldan 'das rnams kyi sangs rgyas kyi thabs mkhas pa gsum pa'o/ / chags pa med pa'i mtha' ni sngon gyi mtha' yang ma yin/ phyi ma'i mtha' yang ma yin/ da ltar byung ba'ang ma yin te/ chos kyi dbyings su gnas pa ni 'das pa 'am/ ma 'ongs pa 'am/ da ltar byung ba'ang ma yin pas/ de bzhin nyid kyi mtshan nyid kyis 'byung ba med kyang sangs rgyas 'byung ba rnams kyi rigs tshad med pa'i phyir shin tu bstan pa brjod du med pas 'das pa dang / ma byon pa dang / da ltar byung ba'i sangs rgyas skye ba'ang rab tu brjed cing kun tu gzigs pa'i sangs rgyas kyi yul gyis de bzhin du gzigs pa 'di ni/ sangs rgyas bcom ldan 'das rnams kyi sangs rgyas kyi thabs mkhas pa bzhi pa'o// sangs rgyas bcom ldan 'das rnams kyi sku'i 'phrin las dang / gsung gi 'phrin las dang / thugs

  47. 24b

    kyi 'phrin las kyi mngon par 'du mdzad pa'ang mi mnga' la/ yongs su blang ba mi mnga' bas bzhugs shing rnam par phye ba med pa'i mthar thug pa ste/ dor ba med pa'i chos kyi gnas kyi pha rol tu phyin la bgrang ba'i tshul las rnam par 'das kyang tshul grangs med pa'i mdzod du gyur cing / bgrang ba dang mngon par sgrub pa mtha' yas pa dang / 'jig rten pa dang 'jig rten las 'das pa sna tshogs tha dad pa'i grangs kyi tshul thugs su chud pa ye shes bsgribs pa med pas gzigs pa rnams te/ chos kyi dbyings ma lus pa thams cad kyi sems can 'dul ba rnam par dmigs pa la rdzu 'phrul sna tshogs tshad med mu med par mngon par sgrub pa mdzad pa 'di ni/ sangs rgyas bcom ldan 'das rnams kyi sangs rgyas kyi thabs mkhas pa lnga pa'o/ / chos thams cad lta ba med pas tha mi dad pa dang / bye brag med pa dang / 'byung ba med pa dang / mtshan nyid med pa dang / sna tshogs med pa dang / blang ba med pa dang / dor ba med pa dang / rang bzhin med par rab tu mkhyen kyang chos kyi rgyud shin tu nges pa yang dag par sgrub cing 'jig rten gyi tshul dang 'gal ba med pa dang / rang bzhin med pa'ang yang dag par gzigs pas thams cad mkhyen pa thams cad gzigs pa mkhyen par bya ba thams cad ma lus par gzigs pas chos la mnga' sbyar ba thams cad kyang rab tu ston la/ de bzhin nyid kyi rang bzhin las kyang mi nyams pa 'di ni/

  48. 25a

    sangs rgyas bcom ldan 'das rnams kyi sangs rgyas kyi thabs mkhas pa drug pa'o// sangs rgyas bcom ldan 'das rnams ni thugs su chud pa'i rnam pa gcig gis gzhan dang gzhan mkhyen par bya ba/ chos de'i skyon med pa las rnam par ma 'das pa/ gnas pa med pa/ dge ba'i rtsa ba rnam par dag pa/ mnyam pa nyid kyi chos kyi skyon med pas dus thams cad du gnas pa rab tu mkhyen te/ de la'ang nyi ma gcig gam/ zla ba phyed dam/ lo gcig gam/ lo brgya 'am/ bskal pa 'jig pa dang / 'du bas rjes su bsnyag pa dang / phyir phyogs pa mi mnga' bar dus tshad med pa dang / nyi ma gcig dang / yud tsam gcig gi dus dang / snga dro nas nyi ma phyed kyi dus dang / phyi dro nas snga dro'i dus dang / nyi ma gud nas phyi dro'i dus dang / nyi ma bgrangs pa'i dus dang / nyi ma bdun dang / zla ba phyed kyi dus dang / zla ba dang / lo dang / lo brgya'i dus dang / bskal pa gcig gi dus dang / tshad med grangs med pa bsam gyis mi khyam pa'i dus nas/ phyi ma'i mtha'i mur thug pa'i dus su chos bstan pa dang chos kyi 'khor lo thogs pa med cing phyir mi ldog/ rgyun chad par mi 'gyur/ bral bar mi 'gyur/ bar chad par mi 'gyur/ med par mi 'gyur/ 'jig par mi 'gyur/

  49. 25b

    g.yo bar mi 'gyur/ ring du mi 'gyur/ 'khor de na gnas pa nyi du'ang rgyun chad par mi 'gyur te/ 'di ni sangs rgyas bcom ldan 'das rnams kyi sangs rgyas kyi thabs mkhas pa bdun pa'o// / sangs rgyas bcom ldan 'das rnams ni chos kyi dbyings ma lus pa thams cad rtag du rus la bab par bzhugs pa ste/ sangs rgyas bcom ldan 'das rnams ni mo 'jigs pa tshad med pa mnga' ba'o/ / tha dad pa yang dag par mkhyen pa grangs med pa mnga' ba'o// tha dad pa yang dag par mkhyen pa tshad med pa mnga' ba'o// tha dad pa yang dag par mkhyen pa zad mi shes pa mnga' ba'o/ / tha dad pa yang dag par mkhyen pa thogs pa med pa mnga' ba'o// tha dad pa yang dag par mkhyen pa mtha' yas pa mnga' ba'o// thun mong ma yin pa'i tha dad pa yang dag par mkhyen pa mnga' ba'o/ / tha dad pa yang dag par mkhyen pa mthar thug pa med pa mnga' ba'o// tha dad pa yang dag par mkhyen pa de kho na dang ldan pa mnga' ba'o// tha dad pa yang dag par mkhyen pa tshig gi tshul thams cad rab tu rtogs pa mnga' ba'o/ / chos thams cad tha dad pa yang dag par mkhyen pa mnga' ba'o// bsam pa dang / mos pa dang / dbang po ji lta ba bzhin du chos kyi tshul dang rnam grangs tshul ji ltar rnam par bkod pa bzhin du sa mtshams med par ston te/ mdo sde bye ba khrag khrig brjod du med pa'i yang brjod pa med pa rnams mdo sde de dang

  50. 26a

    de la thog ma dang / tha ma dang / dbus kyi tshul gyis yang dag par ston te/ 'di ni sangs rgyas bcom ldan 'das rnams kyi sangs rgyas kyi thabs mkhas pa brgyad pa'o// / sangs rgyas bcom ldan 'das rnams ni ming med kyang / ming dang rigs su byung ba'i chos thams cad tshig dang yi ges shin tu dbyangs pa'i dbyings mngon par sangs rgyas pa ste/ ming 'das pa ma yin pa dang / ming ma 'ongs pa ma yin pa dang / ming da ltar byung ba ma yin pa dang / ming sems can ma yin pa dang / ming zhing ma yin pa dang / ming chos ma yin pa dang / ming yon tan ma yin pa dang / ming byang chub sems dpa' ma yin pa dang / ming sangs rgyas ma yin pa dang / ming grangs ma yin pa dang / ming grangs med pa ma yin pa dang ming skye ba ma yin pa dang / ming 'gag pa ma yin pa dang / ming med pa ma yin pa dang / ming yod pa ma yin pa dang / ming gcig pa ma yin pa dang / ming tha dad pa ma yin pa dang / ming thams cad ma yin pa dang / chos thams cad rang bzhin gyis brjod du med pa dang / phyogs med pa dang / brda med pa dang / tshig gi lam med pa dang / sgra dang bral ba/ sgra'i rnam pa thams cad mi 'byung ba yongs su bsgrubs pa med pa/ byas pa dang rnam par byas pa med pa/ rnam pa gcig ma yin pa/ rnam pa mang po ma yin pa'ang

  51. 26b

    thugs su chud la/ brjod pa dang spyad pa thams cad la'ang ba rol tu phyin pa'i mchog brnyes pa dag ste/ rnam par rtog pa'i yul mi mnga' ba dag go/ mngon par 'du mdzad pa med pa la rab tu brtson pa dag go/ rtog pa dang / kun tu rtog pa dang / yongs su rtog pa 'gag pa dag go/ spyod pa thams cad la mi klanas par spyod pa dag ste/ 'di ni sangs rgyas bcom ldan 'das rnams kyi sangs rgyas kyi thatha mkhas pa dgu pa'o/ / sangs rgyas bcom ldan 'das rnams ni chos thams cad kyi gzugs ma skyes pa rab tu mkhyen pa ste/ tshor ba'i spros pa med pa dang / 'du shes kyi zangs med pa dang / 'du byed kun tu rgyu ba med pa dang / rnam par shes pa nye bar len pa med pa dang / rang bzhin gyis zhi bar rab tu mkhyen te/ chos thams cad skye mched kyi rgyud med pa dang / khams rnams mi dmigs pa dang / chos thams cad mi 'jigs pa dang / chos thams cad bskyed du med cing rang bzhin gyis nam mkha' lta bu dang / chos thams cad dben pa dang / las med pa dang / rnam par smin pa med pa dang / spyod pas 'byung ba med pa dang / ma sgrub pa dang / ma byung ba dang / grangs kyis mi brjod pa dang / yod pa ma yin pa dang / med pa ma yin pa dang / ma skyes pa dang / ma 'gogs pa dang / kun nas nyon mongs pa med pa

  52. 27a

    dang / rnam par byang ba med pa dang / skyon med pa dang / gnas pa med pa dang / yongs su gnas pa med pa dang / yongs su smin par byas pa med pa dang / rnam par btul ba med pa dang / sems can med pa dang / sems can med pa ma yin pa dang / srog med pa dang / srog med pa ma yin pa dang / rkyen med pa dang / rkyen med pa ma yin pa dang / rten pa med pa dang / rten pa med pa ma yin par chos thams cad thugs su chud kyang chos kyi dbyings thams cad shin tu bstan pa la pha rol tu phyin pa'i dam pa bsnyes pa dag ste/ nges pa dang / ma nges pa dang / log par nges pa'i phung po gsum rnam par dgong ba rnams la stobs bcus thugs su chud pa'i ye shes mi 'jigs pa bzhis rnam par dag pa'i sangs rgyas kyi yul chen po dang ldan pas seng ge'i sgra sgrog pa 'di ni/ sangs rgyas bcom ldan 'das rnams kyi sangs rgyas kyi thabs mkhas pa bcu pa ste/ kye rgyal ba'i sras bcu po de dag ni/ sangs rgyas bcom ldan 'das rnams kyi sangs rgyas kyi thabs mkhas pa'o// kye rgyal ba'i sras bcu po 'di dag ni/ sangs rgyas bcom ldan 'das rnams kyi sangs rgyas kyi 'phrin las rgya chen po tshad med pa bsam gyis mi khyab pa rnams te/ de dag ni sangs rgyas kyi byin gyi rlabs ma gtogs par lha dang bcas pa'i 'jig rten

  53. 27b

    dang 'das pa dang / ma 'ongs pa dang / da ltar byung ba'i nyan thos dang rang sangs rgyas thams cad kyis 'jug par mi nus pa'o// bcu gang zhe na/ phyogs bcu'i nam mkha'i dbyings kyi mthas gtugs pa'i chos kyi dbyings thams cad kyi 'jig rten gyi khams ma lus pa thams cad du dga' ldan du skye ba bstan pa dang / byang chub sems dpa'i spyod pa mu med pa dag la sangs rgyas kyi 'phrin las mdzad de/ kha dog tshad med pa/ gzi brjid tshad med pa/ snang ba tshad med pa/ dbyangs tshad med pa/ dbyang kyi yan log rnam par dag pa tshad med pa/ gsung brjod pas rnam par dmigs pa tshad med pa/ ting nge 'dzin tshad med pa/ shes rab dang ye shes yul tshad med pa mnga' ba'i rnams lha dang bcas pa'i 'jig rten la phan 'dogs pa mdzad de/ bdud dang bcas pa/ tshangs pa dang bcas pa/ dge sbyong dang bram ze'i skye dgu dang bcas pa// lha dang / mi dang / lha ma yin du bcas pa'i 'jig rten la phan 'dogs pa mdzad do// byams pa chen po'i spyod yul thogs pa med pa dang / thobs thugs rje chen po'i sgo mthar thug pas sems can la phan 'dogs pa mdzad do/ / bsod nams kyi stobs dang mnga' phun sum tshogs pa dang / dbang po rnam par sbyang ba dang /

  54. 28a

    cang shes kyi sems yongs su dag pas kyang sems can rnams la phan 'dogs pa mdzad do// theg pa sna tshogs rnam par dag pas kyang sems can rnams la phan 'dogs pa mdzad do/ / theg pa chen po yongs su rdzogs par bya bas kyang sems can rnams la phan 'dogs pa mdzad do// 'gro ba thams cad gdon pas kyang sems can rnams la phan 'dogs pa mdzad de/ 'di ni sangs rgyas bcom ldan 'das rnams kyi sangs rgyas kyi 'phrin las dang po'o// dga' ldan gyi pho zang nas 'phos pa med kyang yum gyi skur gshegs shing / byang chub sems dpa'i sku tha ma skye bar bstan pa/ sgyu ma lta bur yongs su spyod pa/ sprul pa lta bu'i ting nge 'dzin gyi mthar thug pa mig yor lta bur rnam par dmigs pa/ nam mkha'i yul tshad med par khyab pa/ bzhed pa bzhin du skye'ang chags pa mi mnga' ba/ smig rgyu ba lta bur bstan pa/ nyon mongs pa med pa'i chos la yang dag par gzhil ba/ gnas med pa'i ye shes la gnas pa/ rang bzhin gyis 'dod chag dang bral bas rnam par dag pa/ rgyan shin tu rgya che ba'i mdzod/ kyis sangs rgyas kyi 'phrin las mdzad do// khang pa brtsegs pa rin po che las byas pa'i pho zang chen po rin po che'i rgyan mang po ldan pa na bzhugs pas kyang sangs rgyas kyi 'dzin

  55. 28b

    las mdzad do/ / rdzu 'phrul gyis kyang sangs rgyas kyi 'phrin las mdzad do// yid la bya ba byin gyi rlabs chen pos kyang sangs rgyas kyi 'phrin las mdzad do// rnam par 'phrul pa'i mdzod chen po yang dag par bstan pas kyang sangs rgyas kyi 'phrin las mdzad do/ / ye shes kyi nyi ma'i dkyil 'khor chen pos kyang sangs rgyas kyi 'phrin las mdzad do// yum sku skyed pa'i skra na bzhugs pas kyang sangs rgyas kyi 'phrin las mdzad do/ / sangs rgyas kyi yul gyi spyod yul chen po bsnyes pas kyang sangs rgyas kyi 'phrin las mdzad do// sangs rgyas kyi byin gyis 'dzi/ rten byin du brlabs pa mtha' yas pas kyang sangs rgyas kyi 'phrin las mdzad do// ting nge 'dzin chen po grangs med pa la rnam par spyod cing snyoms par 'jug pas kyang sangs rgyas kyi 'phrin las mdzad do/ / ting nge 'dzin las bzhengs pa de dang de dag gis kyang sangs rgyas kyi 'phrin las mdzad do// spyod pa'i thog ma la yongs su mya ngan las 'das pa chen po'i mthar thug pa'i bar du thog ma dang / dbus dang / tha ma'i tshul gyis kyang sangs rgyas kyi 'phrin las mdzad do// sa 'di la gnyis su med pa thams cad mthar phyin par byas nas tha mar 'jig rten gyi grangs kyis skye ba yongs su ston te/ skye bas kyang 'jig rten thams cad du sangs rgyas kyi 'phrin las mdzad do// gzhon nur gyur pas kyang 'jig rten thams cad du sangs rgyas kyi 'phrin

  56. 29a

    las mdzad do/ / byang chub sems dpar gyur pas kyang 'jig rten thams cad dus ng+yas rgyas kyi 'dzin las mdzad do// mngon par byung rab kyang 'jig rten pa cad du sangs rgyas kyi 'phrin las mdzad do/ / mngon par 'tshang rgyabs kyang 'jig rten thams cad du sangs rgyas kyi 'phrin las mdzad do// chos kyi 'khor lo bskor bas kyang 'jig rten thams cad dusangs rgyas kyi 'phrin las mdzad do/ / thabs mkhas pa sna tshogs kyis kyang 'jig rten sna tshogs/ 'jig rten tshad med pa/ 'jig rten kun tu mtha' yas pa/ phyogs kyi dra ba'i rgyud dang rigs thams cad kyi 'jig rten ma lus pa thams cad du sangs rgyas kyi 'phrin las mdzad do/ / zhing gi rgyud ma lus pa'i 'jig rten du sangs rgyas kyi 'phrin las mdzad do// las kyi rnam par smin pa ma lus pa'i 'dzin rten du sangs rgyas kyi 'phrin las mdzad do// sems can gyi rgyud ma lus pa'i 'jig rten du sangs rgyas kyi 'phrin las mdzad do// skye ba dang shi 'pho ba'i rgyud ma lus pa'i 'jig rten du sangs rgyas kyi 'phrin las mdzad do/ / sprul pa chen po'i rgyud dang / sangs rgyas kyi rigs dang / chos dran pa'i sgo'i 'khor los kyang sangs rgyas kyi 'phrin las mdzad de/ 'di ni sangs rgyas bcom ldan 'das rnams kyi sangs rgyas kyi 'drin las gnyis pa'o// dge bar spyod pa'i las rnam par dag cing / gdung rabs thams cad du

  57. 29b

    ye shes kyi tshul rnam par dag par sku tshe'i rgyud kyi tshul dang ldan pa/ sems can thams cad gdul ba thugs su chung ba/ dge ba'i rtsa ba thams cad yongs su rdzogs par mdzad cing btsun mo'i 'khor gyi nang na bzhugs pa ston kyang / sangs rgyas thams cad kyi 'dod chags dang bral ba'i tshul gyi gnas la bzhugs pa rnams sgra dang tshig thams cad dang bral bar brtag pas/ dngos po thams cad dngos po med pa las byung bar khong du chud par bya ba dang / dngos po thams cad shes pa la gzud par bya ba dang / tshul khrims thams cad thams cad mkhyen pa nyid kyi mthar thug par yongs su rdzogs par bya ba dang / snying rje chen pos 'gro ba mu med pa la rnam par blta bar bya ba dang / byams pa chen pos sems can med pa'i yul la rab tu rtog par bya ba dang / dga' ba chen pos 'jig rten brjod du med par khong du chud par bya ba dang / btang snyoms chen pos sems la dbang sgyur ba la gnas par bya ba dang / thams cad mkhyen pa'i yon tan gyis rang yongs su/ rgyas par byed par bya ba dang / chos kyi dbyings kyi lus ma lus par mngon par bsgrub par bya ba dang / thams cad du gnas med pa'i lus yongs su rdzogs par byed par bya ba dang / 'khor thams cad rnam par dag par nan tan du byed par bya ba dang / chos bstan pa rnam par brjod pa rab tu brjod par bya ba dang / 'jig rten gyi dngos po la spod par bya ba dang / 'gro

  58. 30a

    tha tham sa cad kyi nyes pa la tog par bya ba ma dzad cing spyod pa dang / dge ba'i rtsa bas rnam par smin pa yang dag par bstan pa dang / ji ltar bkod pa'i tshul du sems/ can gdul ba dang / yongs su ma smin pa'i sems can yongs su smin par bya ba dang / yongs su sbyin pa rnams tshul bzhin du gdul ba dang / grangs med pa'i thabs mkhas pa mngon par bsgrub pa dang / sangs rgyas kyi 'phrin las phyir mi ldog pa yongs su bstan pa dang / sgo sna tshogs nas chos kyi spyod pa rab tu brjod pa dang / sems can rnams kyi bsam pa sna tshogs rnam par sbyang ba dang / thugs rje chen po las byung ba'i chos kyi sprin gyis mngon par spang ba dang / thams cad la skyob pa'i byams pa chen po bskyed pa'i cho 'phrul gsum gyis yongs su brlan pa dang / sangs rgyas thams cad mthong ba dang / rnam par dmigs pa'i btsun mo'i 'khor gyi nang du bston pa yan chad du 'jig rten mtha' dang dbus med par sangs rgyas kyi 'phrin las yongs su bstan pa mdzad cing / ye shes kyi mthu chen po thogs pa med pa dang / sangs rgyas kyi mngon par mkhyen pa bsgribs pa med par bsgrubs pa dang / chos rnam pa gsum gyi thabs mkhas pa dang ldan pa'i 'phrin las kyi mtha' dang / sku'i 'phrin las kyi mtha' shin tu rnam par dag pa dang / gsung gi 'phrin las ye shes

  59. 30b

    nyams pa med pas rnam par dag pa dang / thugs kyi 'phrin las kyi mtha' zab cing chags pa med pa'i mthar thug pa'i thabs la mkhas pas sems can rnams kyi don mdzad de/ 'di ni sangs rgyas rnams kyi sangs rgyas kyi 'phrin las gsum pa'o/ / / bam po drug cu lnga pa/ rnam par rgyal ba chen po mnga' ba rnams ni btsun mo'i 'khor / rgyan rnam par phye ba tshad med pa dang ldan pa yid du 'ong ba spangs te/ mngon par 'byung ba'i spyod pa yongs su bstan pas sems can rnams 'jig rten gyi gnas las bskyod pa dang / 'jig rten gyi mngon par zhen pa rnam par bzlog pa dang / 'jig rten du gtogs pa thams cad mi rtag par shes par bya ba dang / 'jig rten gyi tshul la mngon par zhen pa rnam par bzlog pa dang / 'jig rten gyi dga' ba la sred pa yongs su bcad pa dang / 'jig rten nyon mongs pa byang zhing nub pa la yang dag par spyod par bya ba dang / sems can gyi don rjes su dran par bya ba'i phyir mngon par 'byung ba'i don la rab tu gzhol ba dang / khyim pa'i tshul yongs su spang ba bstan pa dang / nyon mongs pa med pa'i chos kyi sbyor ba la yang dag par gnas par bya ba dang / sngon gyi smon lam yongs su rdzogs par bya ba dang / yon tan gyi dkyil 'khor tshad med pa yongs su snang bar bya ba dang / ye shes kyi dkyil 'khor chen po bsnyes pas sems can rnams kyi mi shes pa'i sgrib pa rab tu

  60. 31a

    bsal ba dang / bdag nyid bsod nams kyi zhing bla na med par gyur par 'gro ba thams cad la bstan pa dang / dge ba'i rtsa ba thams cad sangs rgyas la bskyed pa'i dge ba'i rtsa ba'i nang du 'dus par 'gro ba thams cad la yang dag par brjod pa dang / bdag nyid kyis ye shes kyi don gzigs par bstan pa dang / sems can rnams rnam par dag pa'i sgor brjod pa dang / sems can rnams kha na ma tho ba med pa'i sgor sgrub pa dang / 'jig rten thams cad du 'byung ba'i sgo rab tu bstan pa dang / thams cad mkhyen pa nyid kyi rgyal mtshan yang dag par bsgreng ba mdzad cing mngon par 'byung ba ste/ 'di ni sangs rgyas bcom ldan 'das rnams kyi sangs rgyas kyi 'phrin las bzhi pa'o// don gcig ma yin pa mkhyen pa dang ldan pa thams cad mkhyen pa'i ye shes kyi mthar thug pa rnams ni/ chos thams cad mngon par 'tshang rgya bar bya'o zhes byang chub kyi shing drung du byon te/ byang chub tu mngon par 'tshang rgya bas kyang bdud kyi dpung thams cad rab tu gzhom pa dang / sku'i byin gyi rlabs kyi mdzod kyis chos kyi dbyings ma lus pa thams cad du rgyas par dgang ba'i phyir/ byin gyi rlabs zad mi shes pa'i mthar thug pas mtha' rnam par spangs pa/ spyod pa tshad med pa rab tu brnyes pa/ thams cad mkhyen pa'i yul gyis rnam par rol pa'i ye shes kyi don dang ldan pa/ thams cad mkhyen pa'i yon tan yang

  61. 31b

    dag par bsgrub pa yongs su rdzogs pa/ 'jig rten gyi khams ma lus pa thams cad du gdan rnam par bkram pas yongs su rgyas pa/ sangs rgyas kyi zhing ma lus pa thams cad du byang chub sems dpa' rnam par dmigs pa/ byang chub sems dpa'i spyod pa dam pa thob pa rnams kyis zhal du blta ba/ byang chub sems dpa'i thams cad kyi rnam pa dang / smon lam khyad par can dang ldan pa'i byang chub sems dpa'i 'khor gyi dkyil 'khor thams cad kyis yang dag par bsam pa'i chos kyi 'khor lo zab mo rab tu bskor ba/ sangs rgyas kyi yul tshad med pa bsams pas byang chub sems dpa' brjod du med pa'i 'byung gnas su gyur pa/ byang chub sems dpa'i spyad pa sna tshogs spyod pa la yang dag par gzhol ba'i byang chub sems dpa' 'khor gyi dkyil 'khor rnam par dag pa mnga' ba/ 'jig rten gyi khams thams cad sangs rgyas kyi byin gyis byin du rlob pa'i yul mnga' ba/ dge ba'i rtsa ba bskyed pa'i sems can gyis rnam par dmigra pa/ dge ba'i rtsa ba thams cad tha mi dad pa dang ldan pa 'byung ba'i sa byang chub sems dpa'i spyod pa mtha' yas pa'i mthu'i gnas la yon tan gyi khyad par thams cad rab tu bskyes pas bzhugs pa/ 'jig rten gyi rnam pa thams cad ma lus pa'i mthar thug pa/ sems can gyi rnam pa thams cad dang / zhing gi rnam pa thams cad dang / chos

  62. 32a

    kyi rnam pa thams cad dang / byang chub sems dpa'i rnam pa thams cad dang / yongs su smin par bya ba'i rnam pa thams cad dang / dus kyi rnam pa thams cad dang / 'dul ba'i rnam pa thams cad dang / sangs rgyas kyi rnam par 'phrul pa'i rnam pa thams cad ma lus par mthar thug pa'i rnams 'gro ba ma lus pa thams cad du mos pa ji lta bzhin du rnam b.rar+ya 'tshang rgya bas/ sangs rgyas kyi 'phrin lus mdzad de/ 'di ni sang+yas kyis bcom ldan 'das rnams kyi sangs rgyas kyi 'dzin las lnga pa'o// sangs rgyas bcom ldan 'das rnam kyi chos kyi 'khor lo bskor ba mdzad pa phyir mi ldog pa'i tshul gyis phyir mi ldog pa'i 'khor lo dang / 'jig rten thams cad kyis khong du chud par 'gyur ba'i tshul gyis tshad med pa'i/ 'khor lo dang / mi 'jigs pa'i seng ge'i nga ro chen po'i tshul gyis thams cad ma lus par mngon par sangs rgyas pa'i 'khor lo dang / chos kyi mdzod mun pa med pa'i sgos snang bar byed pa'i tshul gyis chos thams cad mkhyen pa'i mdzod kyi 'khor lo dang / ye shes nam mkha'i dbyings ltar tshad med pa'i tshul gyis chags pa med pa'i 'khor lo dang chos bam cad kyi dngos po med pa'i rang bzhin rab tu rtogs par bya ba'i tshul gyis bsgribs pa med pa'i 'khor lo dang / sems can thams cad kyi chos kyi mig rnam par sbyong ba'i tshul gyis

  63. 32b

    'jig rten thams cad kyi sgron ma'i 'khor lo dang / 'jig rten thams cad du rgyas par 'grengs pa'i tshul gyis thams cad mkhyen pa'i chos brjod pa'i 'khor lo dang / sangs rgyas kyi chos thams cad dang mi 'gal ba'i tshul gyis sangs rgyas thams cad 'dab 'dres par gyur pa'i 'khor lo dang / de dag la sogs pa rnam pa bye ba khrag khrig brgya stong du chos kyi 'khor lo bskor bas sems can thams can gyi sems dang spyod pa'i rnam pa la chos kyi 'khor lo bskor te/ de ltar chos kyi 'khor lo bskor bas kyang / sangs rgyas bcom ldan 'das rnams sangs rgyas kyi 'phrin la bsam gyis mi khyab po mdzad de/ 'di ni sangs rgyas bcom ldan 'das rnams kyi sangs rgyas kyi 'phrin las drug pa'o// sangs rgyas bcom ldan 'das rnams ni grong dang / grong khyer dang / grong rdal dang / rgyal po'i gnas su gshegs pas kyang sems can rnams la sangs rgyas kyi 'phrin las mdzad de/ mi'i rgyal po'i gnas dang / lha'i rgyal po'i gnas dang / klu'i rgyal po'i gnas dang / gnod sbyin gyi rgyal po'i gnas dang / dri za'i rgyal po'i gnas dang / lha ma yin gyi rgyal po'i gnas dang / nam mkha'i lding gi rgyal po'i gnas dang / mi 'am ci'i rgyal po'i gnas dang / lto 'phye chen po'i rgyal po'i gnas dang / srin po'i rgyal po'i gnas dang /

  64. 33a

    sha za'i rgyal po'i gnas dag tu gshegs kyang / sangs rgyas bcom ldan 'das rnams ni sangs rgyas kyi 'phrin las mdzad de/ 'di lta ste/ grong khyer gyi sgor byon nas g.yo ba dang / 'od zer snang ba dang / long ba rnams mig 'thob pa dang / 'on pa rnams kyis sgra thos par 'gyur ba dang / smos pa rnams dran pa 'thob par 'gyur ba dang / gos med pa rnams gos 'thob par 'gyur ba dang / sdug bsngal ba rnams bde ba 'thob pa dang / rol mo'i cha byad ma dkrol ma brdungs par sgro yid du 'ong bar 'byin pa dang / rgyan snod na 'dug pa dang / gnas nas ma phog pa dang / ma bskyod ma dkrol bar bskyod cing dkrol ba'i sgra 'byung ba dang / bya sna tshogs mang po'i sgra skad yid du 'ong ba 'byung ba dang / lta na gtang mi phra zhing mi mthun pa med pa'i sku mthong bas kyang / sangs rgyas bcom ldan 'das rnams sems can rnams la sangs rgyas kyi 'phrin las mdzad do// mtshan dang dpe byang bzang po bstan pas kyang / sangs rgyas bcom ldan 'das rnams sems can rnams la sangs rgyas kyi 'phrin las mdzad de/ yongs su gzigs pa dang / rnam par gzigs pa dang / brkyang ba dang / bskum pas kyang sems can rnams la sangs rgyas kyi 'phrin las mdzad do// gshegs pa dang / slar bzhud pa dang / bzhengs pa

  65. 33b

    smra sa smra s ems can rnams la sangs rgyas kyi 'phrin las mdzad do/ / rdzu 'phrul gyi cho 'phrul dang / yongs su bstan pa'i cho 'phrul drung / rjes su bstan pa'i cho 'phrul gyis kyang / sangs rgyas bcom ldan 'das rnams 'jig rten gyi khams kyi yul sems can bsam pa sna tshogs rgya mtsho dang ldan pa/ 'jig rten gyi spyod pa thams cad rgyu zhing 'byung ba dang ldan pa/ dge ba'i rtsa bachen pos shin tu bstan pa/ sangs rgyas rjes su dran pa dang ldan pa/ sngon 'grogs 'grogs pa byang chub sems dpa' dang gnas pa'i sems can rnams la sangs rgyas kyi 'phrin las mdzad do/ / yang dag par rdzogs pa'i sangs rgyas rnams ni sku gzugs blta na mi ngoms pa'o zhes bya bar gzhol ba dang / sangs rgyas rnams skye bar dkon no// zhes bya bar yid ches par byed pa dang / de bzhin gshegs pa mthong zhing de bzhin gshegs pa'i gsung thos pa ni bsod nams kyi chos dkar po'i 'byung gnas su gyur pa'o// zhes sangs rgyas kyi spyod pa yid la byed pa dang / 'jig rten thams cad rnam par dag pa ni de bzhin gshegs pa skye ba yin no zhes bya bar khong du chud par byed pa dang / sangs rgyas kyi yon

  66. 34a

    tan bsngags pa ni mtha' yas pa'o zhes bya bar yang dag par lta ba dang / ma byon pa'i sangs rgyas 'byung ba'i de bzhin gshegs pa'i rigs yang dag par bsgrub pa dang / dge ba'i rtsa ba dang mos pa'i tshul thams cad kyis sangs rgyas bcom ldan 'das rnams mnyes par byed pa dang / de bzhin gshegs pa rnams ni yon tan mtha' yas pa'o zhes khong du chud par byed pa dang / de bzhin gshegs pa ni sems can thams cad la mngon du gyur par rtog pa dang / de bzhin gshegs pa ni sems can gyi rigs bsam gyis mi khyab pa'i gnas su gyur par sems pa dang / de bzhin gshegs pa ni zhing thams cad na snang bar khong du chud pa dang / de lta bu'i dge ba'i rtsa ba thams cad 'byung bas 'jig rten thams cad na sangs rgyas bcom ldan 'das rnams sems can rnams la sangs rgyas kyi 'phrin las mdzad do/ / dad par byas pa dang / phyag 'tshal ba dang / thal mo sbyar ba byas pa dang / rjes su bstod pa dang / spyan drangs pa dang / mchod pa dang / mngon du mthong ba dang / 'dzum pa byas pa dang / sangs rgyas la dga' ba'i sems kyis mos par byas pa'i dge ba'i rtsa ba'i sgo nas kyang / sangs rgyas bcom ldan 'das rnams ni sems can rnams la sangs rgyas kyi 'phrin las mdzad do// sangs rgyas

  67. 34b

    rjes su dran par gyur pas kyang / sangs rgyas bcom ldan 'das rnams ni sems can rnams la sangs rgyas kyi 'phrin las mdzad do// sangs rgyas mthong bar 'dod par bya bas kyang / sangs rgyas bcom ldan 'das rnams ni sems can rnams la sangs rgyas kyi 'phrin las mdzad do// de bzhin gshegs pa'i sku kha dog dang dbyibs kyi rnam pa tshad med pa bstan pas kyang / sangs rgyas bcom ldan 'das rnams ni sems can rnams la sangs rgyas kyi 'phrin las mdzad do// de bzhin gshegs pa'i gsung thos par byas pas kyang / sangs rgyas bcom ldan 'das rnams ni sems can rnams la sangs rgyas kyi 'phrin las mdzad de/ de dag la sogs pa sangs rgyas bcom ldan 'das rnams ni sangs rgyas kyi 'phrin las rnam pa bye ba khrag khrig brgya stong brjod du med pa dag 'jig rten gyi khams ma lus pa thams cad du sems can thams cad kyi bsam pa dang / / mthu dang / 'dul ba ji lta ba'i tshul las mi 'da' bar 'byung ngo // de ltar sangs rgyas kyi 'phrin las 'jig rten thams cad kyi sems can kun gyi sems dang / spyod pa dang / bsam pa la gnas pa dge ba rgya che ba tshad med pa dag phyir mi ldog pa'i yul dang / snying rje chen po rab tu bskul ba dang / sngon gyi smon lam gyis yong su skyo ba me/

  68. 35a

    pa dang / sangs rgyas kyi 'phrin las mkhyen pa'i stobs dang shugs kyis 'jig rten thams cad du 'byung ste/ 'di ni sangs rgyas bcom ldan 'das rnams kyi sangs rgyas kyi 'phrin las bdun pa'o/ / sangs rgyas bcom ldan 'das rnams ni dgon pa la bzhugs sam/ zhi bar bzhugs sam/ dben par bzhugs sa me/ sangs rgyas kyi rnam par spyod pa la bzhugs sam/ ting nge 'dzin chen po'i gnas la bzhugs sam/ gcig pu dgyes par bzhugs sam/ sku mi snang bar bzhugs sam/ ye shes zab mo'i gnas la bzhugs sam/ sangs rgyas kyi yul gyi stobs tshad med pa la bzhugs sam/ sku'i yongs su spyod pa mi mthong bar bzhugs kyang rung ste/ sangs rgyas bcom ldan 'das rnams kyi sangs rgyas kyi 'phrin las gzhan gyis mi tshugs pa'i ye shes dang / smon lam gyi tshul gyis mos pa bzhin du 'dul ba'i sems can rnams la rgyun mi 'chad par 'byung ste/ sangs rgyas lha yongs su tshol bas kyang sangs rgyas kyi 'phrin las rgyun mi 'chad do// sangs rgyas klu yongs su tshol bas kyang sangs rgyas kyi 'phrin las rgyun mi 'chad do// sangs rgyas gnod sbyin yongs su tshol ba dang / sangs rgyas mi 'am ci yongs su tshol ba dang / sangs rgyas lto 'phye chen po yongs su tshol ba dang / sangs rgyas srin po yongs su tshol ba dang

  69. 35b

    sangs rgyas mi dang mi ma smin pa yongs su tshol ba dang / sangs rgyas nyan thos dang / sangs rgyas rang sangs rgyas dang / sangs rgyas byang chub sems dpa' yongs su tshol bas kyang sangs rgyas kyi 'phrin las rgyun mi 'chad do/ / chos ston pas kyang sangs rgyas kyi 'phrin las rgyun mi 'chad do// sangs rgyas gcig brjod pas kyang sangs rgyas kyi 'phrin las rgyun mi 'chad do// sangs rgyas thams cad brjod pas kyang sangs rgyas kyi 'phrin las rgyun mi 'chad do// byang chub sems dpa'i spyod pa'i khyad par dang / smon lam thams cad gcig tu brjod pas kyang sangs rgyas kyi 'phrin las rgyun mi 'chad do/ / byang chub sems dpa'i spyod pa gcig rnam par phye ste/ spyod pa tha dad pa brjod pas kyang sangs rgyas kyi 'phrin las rgyun mi 'chad do/ / 'jig rten gyi yul sangs rgyas kyi yul du brjod pas kyang sangs kyi 'phrin las rgyun mi 'chad do// sangs rgyas kyi yul 'jig rten gyi yul du brjod pas kyang sangs rgyas kyi 'phrin las rgyun mi 'chad do/ / yul ma yin pa sangs rgyas kyi yul du brjod pas kyang sangs rgyas kyi 'phrin las rgyun mi 'chad do// nyin mtshan dang / bud du ya na man dang / zla ba dang / pho grangs par bzhugs pa dang / yongs su bzhugs pa nas/ de bzhin du bskal pa brjod du med pa'i yang brjod du med

  70. 36a

    pa'i bar du bzhugs pas kyang / sangs rgyas bcom ldan 'das rnams sems can rnams la sangs rgyas kyi 'phrin las mdzad de/ 'di ni sangs rgyas bcom ldan 'das rnams kyi sangs rgyas 'phrin las brgyad pa'o/ / sangs rgyas bcom ldan 'das rnams ni dge ba'i rtsa ba rnams la 'byung gnas lta bu/ sems can thams cad kyi bsam pa kun la rnam par spong ba lta bu/ sangs rgyas rnams la dad pa lta bu/ sems khong du chud par bya ba la shin tu mos pa lta bu/ dbang po rnams la sgrub pa lta bu/ sems can skye dgu thams cad la 'dul ba lta bu/ 'pho ba thams cad la mos pa ltab/ byang chub sems dpa' tham san du la 'byung ba lta Ta/ byang chub tu zhugs pa rnams la skul ba lta bu/ gzhan gyi dring mi 'jog pa rnams la ye shes snang ba lta bu dag ste/ sangs rgyas bcom ldan 'das rnams ni 'jig rten mi rtag par ston pa dang / sangs rgyas kyi 'phrin las rgyun chad par brjod pa dang / 'phrin las mdzad pa'i mthar thug par bstan pa dang / chos kyi rgyud nyams pa med pa'i dngos por brjod pa dang srid pa'i tshul rtsa ba nas chad zer brjod pa dang / sems can thams cad skyo bar bya bar bstan pa dang / sangs rgyas kyi rjes su'i bri ba'i sems su mthun par bya ba dang / sku tsho

  71. 36b

    mtha' lta bur sems can rnams kyis shes par bya ba dang / sems can rnams kyis 'jig rten thams cad du dga' bar bya ba med par bstan pa dang / sems can rnams la ma byon pa'i sangs rgyas gcig nas gcig tu brgyud pa mnyes par gyis shig par bstan pa dang / sangs rgyas bcom ldan 'das rnams chos kyi 'khor lo bskor ba bstan du mi rung bar khong du chud par bya ba dang / 'jig rten rnams kyi rtsol ba bskyed pa dang / sangs rgyas la dmigs par brtson pa'i sems la dgod pa dang / yul du dran pa rnam par dag pas de bzhin gshegs pa mthong ba'i rnam par rtog pa bskyed pa dang / skyo ba'i dbang po phyir bzlog cing yongs su dag par mdzad pa dang / sangs rgyas la khro ba bskyed pa dang / skyo bar gyur pa'i sems la byin gyis brlab par bya ba dang / sangs rgyas la dmigs pa'i rkyen 'jig rten gyi khams ma lus pa thams cad phyin par dgongs pa mdzod pa dang / skra thams cad bshig/ ste de bzhin gshegs pa'i sku gdung gis sems can rnams yongs su gzung ba mdzad pa dang / 'jig rten rnam par 'khrugs pa dang / dregs shing myos pa'i sems can rnams sdom pa la dgod pa mdzad cing yongs su mya ngan las 'da' bar ston pas kyang sangs rgyas kyi 'phrin las rgyun mi 'chad do/ / 'di ni sangs rgyas bcom ldan 'das

  72. 37a

    rnams kyi sangs rgyab kyi 'phrin las dgu pa'o/ / de bzhin gshegs pa rnams mya ngan las 'da' ba'i rtse 'jig rten thams cad na sems/ can rnams smre sngags 'don cing ngu ba dang / mya ngan byed pa dang / mchi ma 'byin pa dang / yang dag par rdzogs pa'i sangs rgyas she 'am/ thugs rje chen po zhe 'am// ded dpon chen po zhe 'am/ phan par bzhed pa thugs brtse ba can zhe 'am/ lha dang bcas pa'i 'jig rten gyi sems can thams cad kyi skyabs su gyur pa/ mgon du gyur pa/ rten du gyur pa/ bla na med pa bsod nams kyi zhing nub par gyur to zhe'am/ sangs rgyas bcom ldan 'das rnams ni 'byung bar dka' 'o zhes rnam pa de lta bur smre sngags 'don pa dang / mya ngan byed pa dang / sangs rgyas mthong ba rjes su dran pa'i sems can rnams kyi bsam pa dang / yid la bya ba de dang de dag gi sgor sangs rgyas kyi 'phrin las tshad med pa rgyun mi 'chad do/ / sangs rgyas bcom ldan 'das rnams yongs su mya ngan las 'da' ba'i tshe/ 'di lta ste/ sems can rnams kyi sems dad par bya ba'i dbang dang / sems can rnams dad pas mchod par bya ba'i dbang dang / sems can rnams lhag pa'i bsam pa rnam par sbyong bar bya ba'i dbang dang / sems

  73. 37b

    can rnamapa yongs su smin par bya ba'i dbang dang / sems can rnam pa yongs su byung bar bya ba'i dbang dang / sems can rnams 'dul ba'i dbang dang / sems rkunA nAm/ bsod nams kyi tshogs yongs su rdzogs par bya ba'i dbang dang / sems can rnams de bzhin gshegs pa la mchod pas dmigs par bya ba'i dbang dang / de bzhin gshegs pa'i mchod rten dam pa sna tshogs su bstan pas/ phyogs dang yul sna tshogs su sems can rnams kyi dge ba'i rtsa ba bsags par bya ba'i dbang gis sems can rnams kyi bsam pa dang / mos pa ji lta ba bzhin du sku gdung dang ring bsrel byin gyis rlob ste/ lha dang / klu dang / gnod sbyin dang / dri za dang / lha ma yin dang / nam mkha'i lding dang / mi 'am ci dang / lto 'phye chen po dang / mi'i gnas thams cad du 'dul ba dang / mos pa'i tshul ji lta ba bzhin du sku gdung dang ring bsrel byin gyis rlob bo// rang gi sku rnam par phye ste/ sku gdung dang ring bsrel tshad med pa/ grangs med pa/ dpag tu med pa/ bsam gyis mi khyab pa brjod du med pa'i yang brjod du med pa byin gyis rlob bo// de bzhin gshegs pa'i mchod rten gyis sangs rgyas kyi sku gdung 'jig rten thams cad du rnam par phye ba de'i yul dang / phyogs kyi klu'i gnas dang / gnod sbyin dang / dri za

  74. 38a

    dang / lha ma yin dang / nam mkha' lding dang / mi'am ci dang / lto 'phye chen po'i gnas dang / mi'i gnas dang / srin po'i gnas dgra/ tu sku gdung dang ring bsrel mchod par byed par 'gyur bas/ sku gdung gi ring bsel dang / dbu dang phyag sen gyi mchod rten dang / sangs rgyas bzhugs pa'i mchod rten la 'gro ba thams cad nges par sang+yas dran par 'gyur te/ chos la rab tu rten par 'gyur ro// dge 'dun la dad pa rab tu 'thob par 'gyur ro// yul dang phyogs kyi gnas de dang de dag rgyun mi 'chad par sangs rgyas mchod pa la brtson pa'i bsam pas sbyin pa yongs su gtong bar 'gyur ro/ / bsod nams byed par 'gyur ro// mtho ris de dang de yongs su dag rab tu 'thob par 'gyur ro/ / rigs dang rgyud kyi bdag nyid rje bya rab tu 'thob par 'gyur ro// longs spyod chen po dang 'khor rnam par dag pa rab tu 'thob par 'gyur lha dang mi'i phun sum tshogs pa nyams su myong bar 'gyur ro/ / log par ltung ba med pa'i lam yongs su rdzogs par 'gyur ro// sangs rgyas byung ba don yod par rab tu sgrub par 'gyur ro/ / chos dkar po la gnas pa yongs su rdzogs par byed par 'gyur ro// khams gsum pa las 'byung ba'i lam yongs su sbyong bar

  75. 38b

    'gyur ro/ / theg pa gang la dad pa'i smon lam gyis nges par 'byung bar 'gyur ro// de bzhin gshegs pa de dang de dag la drin du gzo ba rab tu 'thob par 'gyur ro// sangs rgyas bcom ldan 'das rnams la brten pa dang / skyabs btsal ba dang / mgon btsal ba dang / dpung gnyen btsal ba'i sems bskyed par 'gyur ro// de ltar sangs rgyas bcom ldan 'das rnams ni yongs su mya ngan las 'das kyang yon bsam gyis mi khyab pa sbyong ba/ bsod nams zad mi shes pa'i yon gyi gnas dag ste/ sangs rgyas bcom ldan 'das rnams ni 'jig rten du byung na/ de ltar sems can rnams kyi dge ba'i rtsa ba rnam pa mang po rab tu bsags pas bsod nams kyi tshogs rab tu rdzogs par 'gyur te/ 'di ni sangs rgyas bcom ldan 'das rnams kyi sangs kyi 'phrin las bcu pa'o/ / kye rgyal ba'i sras bcu po de dag ni/ sangs rgyas bcom ldan 'das rnams kyi sangs rgyas kyi 'phrin las rgya chen po tshad med pa bsam gyis mi khyab pa rnams so/ / de dag ni sangs rgyas kyi byin gyi rlabs ma gtogs par lha dang bcas pa'i 'jig rten gyis tshad gzung bar mi nus pa'o// 'das pa dang / ma byon pa dang / da ltar byung ba'i nyan thos dang / rang sangs rgyas thams cad kyis 'jug par mi nus pa'o// kye rgyal ba'i sras bcu po 'di dag

  76. 39a

    ni/ sangs rgyas bcom ldan 'das rnams kyi gnyis su med par spyod cing dngos po rnam pa gnyis su med pa'i chos kyi dbang phyug gi chos rnams bcu gang / zhe na/ 'di lta ste/ sangs rgyas bcom ldan 'das rnams ni lung bstan pa thams cad ston pa la gnyis su med par spyod do// sangs rgyas bcom ldan 'das rnams ni sems can sangs rgyas kyi rjes su dran pa la brtson pa rnams kyi sems dang bsam pa brjod du med pa 'byam klas pa rnams la gnyis su med par spyod do/ / sangs rgyas kyi chos thams cad kyi don ma lus par mngon par sangs rgyas pas gnyis su med pa'i sku rnam par dmigs par mdzad do/ / 'das pa dang / ma byon pa dang / da ltar byung ba'i de bzhin gshegs pa thams cad la rang bzhin gnyis su med par thugs su chud pa mnga' ba'o/ / 'byung ba dang / 'byung ba'i mtha' gnyis su med pa dang / sngon gyi mtha' dang / phyi ma'i mtha' dang / da ltar byung ba'i mtha' gnyis su med par thugs su chud pa mnga' ba'o// sangs rgyas kyi zhing thams cad gnyis su med pas dus gsum gyi sangs rgyas kyi zhing thams cad gcig par rab tu mkhyen cing ston pa thugs su chud pa mnga' ba'o/ / sangs rgyas gcig dang sangs rgyas thams cad kyi gsung gnyis su med par thugs su chud pa mnga' ba'o// de bzhin

  77. 39b

    gshegs pa thams cad kyis thugs su chud pa dang 'dul ba mdzad pa'i rnam par dmigs pa gnyis su med par thugs su chud pa mnga' ba'o/ / 'jig rten gyi chos thams cad spangs rgyas kyi chos gnyis su med par thugs su chud pa mnga' ba'o/ / 'das pa dang / ma byon pa dang / da ltar byung ba'i sangs rgyas thams cad kyi dge ba'i rtsa ba thams cad dge ba'i rtsa/ bab gcig ste/ gnyis su med par thugs su chud par mnga' ba'o// kye rgyal ba'i sras bcu po de dag ni/ sangs rgyas bcom ldan 'das rnams kyi gnyis su med par spyod cing dngos po gnyis su med pa'i chos kyi dbang phyug gi chos so/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi de bzhin gshegs pa bzhugs pa/ chos thams cad la rab tu bzhugs pa rnams so// bcu gang zhe na/ sangs rgyas bcom ldan 'das rnams ni chos kyi dbyings gnas pa'i ye shes thugs su chud pa la bzhugs pa'o/ / sangs rgyas bcom ldan 'das rnams ni thugs rje chen po mi nyam pa la bzhugs pa'o// sangs rgyas bcom ldan 'das rnams ni smon lam ji lta ba bzhin du 'byung ba la bzhugs pa'o/ / sangs rgyas bcom ldan 'das rnams ni 'dul ba'i sems can yongs su mi gtong ba la bzhugs pa'o// sangs rgyas bcom ldan 'das

  78. 40a

    rnams ni dngos po med pa la gnas pa'i chos nyid la bzhugs pa'o/ / sangs rgyas bcom ldan 'das rnam pa ni de bzhin gshegs pa'i sku skal ba mnyam pa tha mi dad cing don yod pa la bzhugs pa'o/ / sangs rgyas bcom ldan 'das rnams ni rtag tu mnyam par gzhag pa'i thugs la bzhugs pa'o// sangs rgyas bcom ldan 'das rnams ni chos thams cad nyams pa med par gzhol ba la bzhugs pa'o/ / sangs rgyas bcom ldan 'das rnams ni chags pa med pa'i thugs kyis rnam par spyod pa la bzhugs pa'o/ / sangs rgyas bcom ldan 'das rnam ni tshe thams cad kyi mnyam pa nyid la 'jug pas grub pa med pa'i yang dag pa'i mtha'i mtshan nyid la bzhugs pa ste/ kye rgyal ba'i sras bcu po de dag ni/ sangs rgyas bcom ldan 'das rnams kyi de bzhin gshegs pa bzhugs pa/ chos thams cad la bzhugs pa rnams so// kye rgyal ba'i sras bcu po 'di dag ni/ sangs rgyas bcom ldan 'das rnams kyi chos thams cad ma lus par mngon par mkhyen pa rnams te/ bcu gang zhe na/ 'di lta ste/ chos kyi dbyings ma lus pa thams cad kyi 'das pa bgrangs pa mtha' dag thams cad mngon par mkhyen pa dang / ma 'ongs pa bzangs pa mtha' dag thams cad mngon par mkhyen pa dang / da ltar

  79. 40b

    byung ba bgrangs pa mtha' dag thams cad mngon par mkhyen pa dang / tshig gi lam mtha' dag thams cad mngon par mkhyen pa dang / 'jig rten gyi rgyud mtha' dag thams cad mngon par mkhyen pa dang / sems can gyi bsam pa dang shes pa mtha' dag thams cad mngon par mkhyen pa dang / byang chub sems dpa'i dge ba'i rtsa ba chung ngu dang / 'bring dang / chen po dang / rnam pa sna tshogs rnam par gnas pa'i mtshan nyid kyi dge ba'i rtsa ba rnams la bsam pa tshad med pa yongs su mi btang bas sangs rgyas kyi ye shes 'bar bar bya ba dang / yongs su rdzogs par bya ba mtha' dag thams cad mngon par mkhyen pa dang / chos thams cad 'tshang rgya ba'i mkhyen pa mtha' dag thams cad mngon par mkhyen pa dang 'jig rten gyi rgyud thams cad rnam par dbye ba'i ye shes gzigs pa mtha' dag thams cad mngon par mkhyen pa dang / chos kyi dbyings kyi gzhi mig 'phrul gyi rnam pa lta bur dbye ba thams cad mngon par mkhyen pa ste/ kye rgyal ba'i sras bcu po de dag ni/ sangs rgyas bcom ldan 'das rnams kyi chos thams cad ma lus par mngon par mkhyen pa'o/ / // bam po drug cu rtsa drug pa// kye rgyal ba'i sras bcu po 'di dag ni/ sangs rgyas bcom ldan 'das

  80. 41a

    @rnams kyi stobs chen po/ / stobs dam pa/ stobs tshad med pa/ stobs bdag nyid ne ba/ stobs thub pa med pa/ stobs mi nyam pa/ stobs snying po dang ldan pa/ stobs mi shigs pa/ stobs 'jig rten thams cad kyis bsam gyis mi khyab pa/ stobs sems can thams cad kyis mi 'phrogs pa sangs rgyas kyi rgyal mtshan stobs po che dpa' bo chen po'i stobs te/ bcu gang zhe na/ 'di lta ste/ sangs rgyas kyi sku ni pha rol gyi gnod pa thams cad kyis mi shigs mi chod ba'o/ / 'jig rten gyi yul thams cad kyis sku tshe'i dbang po nyams par mi nus pa'o// 'jig rten gyi khams thams cad kyi bskal pa'i me'i gdung bas 'tshig par mi nus pa'o/ / 'jig rten gyi khams thams cad 'jig par gtogs pa'i chu'i phung por 'grongs par mi 'gyur ba'o// bdud thams cad dang / bdud kyi sde thams cad dang / lha thams cad kyi dpung dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad kyi dpung dang / sha za dang / srin po thams cad kyi dpung dang / sems can ma lus pa thams cad kyi dpung gis brgal bar dka' ba'o//

  81. 41b

    rdorje ri rab kyi ri tsam gyi char pa dang / khor yug gi ri chen po tsam dang / stong gsum gyi stong chen po tsam gyi rdo rje'i rgyur babakyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi bsdu gcig kyang 'gul bar mi 'gyur/ g.yo bar myi 'gyur te/ bag tsha ba'i shes mi mnga' ba'o// bzhugs sam/ bzhengs sam/ bzhud dam/ gzims kyang rung ste/ spyod lam 'gyur ba med do// de bzhin gshegs pa ga na bzhugs pa'i yul de dang / de'i 'khor dag tu'ang de bzhin gshegs pa dgyes na kun tu 'bab par mi 'gyur ro// sangs rgyas kyi zhabs 'bring rnams la'ang gnod par mi 'gyur ro// sangs rgyas kyis byin gyis brlabs pa'i sems can rnams la'ang gnod par mi 'gyur zhing mi g.yo na/ de bzhin gshegs pa'i sku lta smos kyang ci dgos te/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos dang po'o/ / gzhan yang sangs rgyas bcom ldan 'das rnams dgyes na/ chos kyi dbyings thams cad kyis klas pa'i 'jig rten gyi khams thams cad ri rab kyi ri dang bcas pa/ khor yug dang khor yug chen po'i ri dang bcas pa/ rgya mtsho dang / ri dang / nags tshal

  82. 42a

    thibs po dang / sems can gnas pa'i gnas tha dad pa kun dang bcas pa/ de lta bu'i 'jig rten gyi khams thams cad de bzhin gshegs pa'i baspyir gshin du btsud de/ phyi ma'i mtha'i bsgral pa'i mur thug par bzhag kyang de bzhin gshegs pa'i byin gyi rla byas ma gtogs par sems can rnams kyis shes par mi nus so// de bzhin gshegs pa de dag ni de snyed kyi 'jig rten khams sku'i ba spu'i khung bu gcig gis gzung ste/ phyi ma'i mtha'i bskal pa'i mur thug par bsnams shing gshegs sam/ bzhugs sam/ bzhengs sam/ gzims kyang rung ste/ de bzhin gshegs pa'i thugs skad cig tsam yang skyo ba mi mnga' 'o// chad cing dub par mi 'gyur ro// mthu dang stobs la yongs su nyams par 'gyur ba mi mnga' 'o/ / spyod lam rnam par 'gyur bami mnga' 'o// kye rgyal ba'i sras 'di lta ste/ dper na nam mkha' ni chos kyi dbyings ma lus pa'i 'jig rten gyi khams thams cad 'dzin kyang skyo ba med do/ / dub pa med do// gnod pa med do// med par mi 'gyur ro// mi g.yo// mi 'byung / mi 'jig go/ de bzhin du sangs rgyas bcom ldan 'das rnams kyang ba spu'i khung bu gcig tu 'jig rten gyi khams ma lus pa thams cad bsnams kyang / de'i rgyus thugs skad cig tsam du'ang ma bde ba'i sku nyams ma

  83. 42b

    'byung ste/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod ba rgyal mtshan gyi chos gnyis pa'o// gzhan yang sangs bcom ldan 'das rnam g shegs stabs gcig tu bzhud pas sang+yas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams yongs su 'da' zhing thugs bskyed pa gcig gis bskal pa tha dad pa'i rim pa/ sangs rgyas kyi zhing brjod du med pa'i yang brjod du med pa'i rdul shin tu phra ba snyed 'byung bar mdzad do// de lta bur gshegs pas bskal pa 'jig rten gyi khams thams cad kyi rdul shin tu phra ba snyed du gshegs shing / 'jig rten gyi khams thams cad kyi rgyud ji snyed pa'i bskal par bzhud de/ 'jig rten gyi khams thams cad kyi rdul shin tu phra ba snyed kyi 'jig rten gyi khams tsam du 'khor kun tu rgya che zhing yangs pa'i 'khor yug chen po'i rdo rje'i ro dang / sangs rgyas kyi zhing gi rnam pa brjod du med pa'i yang brjod du med pa la bsgres pa snyed kyi rdul shin tu phra ba snyed kyang de la bsgres pa de snyed ba spu'i khung bu gcig tu btsud de/ ba spu'i khung bu gcig tu ji lta ba bzhin du sku'i ba spu'i khung bu thams cad du btsud de/ ba spu'i khung bu'ang sems can thams cad snyed du gyur la/ de dag thams cad bsnams te/ de snyed kyi ba spu'i khung bur tshul de bzhin du bshams te/ thugs bskyed pa de lta bus de bzhin

  84. 43a

    gshegs pa 'jig rten gyi khams thams cad du rgyu zhing gshegs sam/ phyogs kyi dra ba thams cad du rgyu zhing gshegs sam/ nam mkha'i dbyings thams cad dun+d+ha zhing gshegs sam/ 'jig rten gyi khams kyi rgyud ba grangs pa sngon gyi mthar gtogs pa nas bzung ste/ phyi ma'i mtha'i bskal pa'i mur thug par de bzhin du gshegs pas bskal pa thams cad zad par gyur kyang de bzhin gshegs pa bzhud pa la brtson pa ni nyams par mi 'gyur ro/ / sku nyam chung bar mi 'gyur ro// thugs rnam par 'khrug par mi 'gyur ro// ting nge 'dzin nyams par mi 'gyur ro/ / de bzhin gshegs pa'i sku yongs su nyams par mi 'gyur te/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos gsum pa'o/ / gzhan yang sangs rgyas bcom ldan 'das rnams kyi bsod snyoms gcig bzhes nas bskal pa brjod du med par skyil mo krung gcig bcas pas nyon mtshan gyi drung du sngon gyi mtha' dang / phyi ma'i mtha'i mur gtogs pa'i bskal pa 'das par bzhugs kyang sku mi g.yo zhing bde ba'i dam pa la spyod pa dang / sangs rgyas kyi rnam par spyod pa bsam gyis mi khyab pas rnam par spyod kyang / sems can 'ga' tsam la'ang sangs rgyas kyi 'phrin las rgyun 'chad par mi 'gyur ro// de bzhin gshegs pa'i sku de la 'jig rten gyi khams thams cad yotra

  85. 43b

    su bkod de/ 'jig rten gyi khams de dag gi sems can gcig gi lus kyang 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed tsam du che ba de lta bur gyur la/ sems can gcig gi lus kyi tshad ji tsam pa de tsam gyi lus su sems can thams cad kyang gyur la/ sems can de dag re re'i gzugs kyang 'jig rten gyi khams thams cad kyi ljid ji tsam yod pa de tsam du gyur te/ sems can gcig ji ltar lci ba bzhin du sems can thams cad re re'i lcid kyang de tsam du gyur te/ sems can de dag thams cad de bzhin gshegs pa'i phyag sor gyi rtse mo gcig la phyi ma'i mtha'i bskal pa'i mur thug par bsnams te/ phyag sor gyi rtse mo gcig gis ji ltar bsnams pa de bzhin du phyag sor thams cad kyi rtse mo la'ang de tsam re re bsnams kyang / de'i phyir de bzhin gshegs pa la sku mnyel ba 'am/ thugs dub par mi 'gyur te/ thugs bskyed pa'i cha shas shin tu phra ba gcig tsam du'ang sdug bsngal mi bde ba skye bar mi 'gyur ro/ / de bzhin du 'jig rten gyi khams la 'jug pa dang / nam mkha'i dbyings la 'jug pa dang / phyogs kyi dri ba'i rnam pa la 'jug pa re re dang de lta bu la 'jug pa/ nam mkha'i khams ma lus pa'i dbyings kyis klas pa/ chos kyi dbyings kyi mtha' gtugs pa/ skra'i rtse mo'i cha shas kyis gzhal ba'i 'jig rten gyi khams la 'jug pa thams cad re re zhing

  86. 44a

    yang skra'i rtse mo'i cha shas kyis gzhal te/ nam mkha'i dbyings kyis kun tu khyab pa thams cad ma lus pa'i skra'i rtse mo'i cha shas kyi tshad kyis nam mkha'i dbyings la 'jug pa thams cad du zhugs te/ de bzhin gshegs pa'i spyod lam 'di'i tshul dang skyil mo krung gcig tu bzhugs pa'i spyod pas sngon gyi mtha' dang / phyi ma'i mtha'i mur thug pa'i bskal pa zad par mdzad de/ bskal pa 'da' bar mdzad cing bskal po la rab tu 'jug ste/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos bzhi pa'o/ / gzhan yang sangs rgyas bcom ldan 'das rnams ni sku gcig la dbu sangs rgyas kyi zhing brjod du med pa'i yang brjod du med pa'i rdul shin tu phra ba snyed byin gyis brlabs te/ dbu re re la lhag sangs rgyas kyi zhing brjod du med pa'i yang brjod du med pa'i rdul shin tu phra ba snyed byin gyis brlabs nas/ de dag re res kyang dbyings kyi yan lag dang / sgra skad kyi gsung sangs rgyas kyi zhing brjod du med pa'i yang brjod du med pa'i rdul shin tu phra ba snyed re re brjod de/ chos kyi dbyings ma lus pa'i sems can gyi khams thams cad go bar mdzad cing dbyangs kyi yan lag dang / sgra skad kyi gsung re res kyang mdo sde sangs rgyas kyi zhing brjod du med pa'i yang brjod du med pa'i rdul shin tu phra ba snyed bshad la/

  87. 44b

    mdo sde re re la'ang chos bstan pa sangs rgyas kyi zhing brjod du med pa'i yang brjod du med pa'i rdul shin tu phra ba snyed rab tu gzhol bar mdzad de/ chos bstan pa gcig las kyang chos kyi tshig dang / yi ge sangs rgyas kyi zhing brjod du med pa'i yang brjod du med pa'i rdul shin tu phra ba snyed brjod par 'gyur la/ chos bstan pa gcig la ji lta ba de bzhin du chos bstan pa thams cad las kyang de snyed kyi chos kyi tshig dang yi ge brjod de/ de ltar brjod pas bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed du rab tu bstan la/ bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed zad par gyur kyang / da dung gzhan yang bskul pa sangs rgyas kyi zhing brjod du med pa'i y ang brjod du med pa'i rdul shin tu phra ba snyed du brgyud cing rab tu ston pa'i tshul gyi rnam grangs 'dis bskal pa 'jig rten gyi khams thams cad kyi rdul shin tu phra ba snyed du rab tu bstan la rnam grangs 'di 'dra bas bskal pa 'jig rten gyi khams thams cad kyi rdul shin tu phra ba skyed zad la/ sems can thams cad kyi sems kyi spyod pa snyed kyi bskal pa 'das par gyur phyi ma'i mtha'i mur thug pa'i bskal pa zad cing 'das par byas kyang de bzhin gshegs pa'i sprul pa chos thams cad snang ba'i 'khor lo bskor ba dang / thams cad rab tu shes par bstan cing lung bstan pa dang /

  88. 45a

    the tsom thams cad rab tu gcod pa'i chos kyi 'khor lo bskor ba dang / chos thams cad/ snang bar byed pa'i chos kyi 'khor lo bskor ba dang / byang chub sems dpa'i spyod pa thams cad brjod pa'i rgyun dang ldan pa'i chos kyi 'khor lo bskor ba dang / ye shes kyi nyi ma'i dkyil 'khor chen po'i rgyan dang ldan pa'i chos kyi 'khor lo bskor ba dang / 'gro ba thams cad ma lus pa'i ye shes kyi sgron me chen pos brgyan pa'i chos kyi 'khor lo bskor ba dang / tha dad pa yang dag par mkhyen pa dang / mi 'jigs pa chen pos brgyan pa'i chos kyi 'khor lo bskor ba rgyun mi 'chad do// sangs rgyas kyi sku gcig gi byin gyi rlabs kyis ji lta ba de bzhin du chos kyi 'khor lo'i sprin chen po dpe thams cad la dpe med par rab tu 'byung bar 'gyur ro/ / de bzhin du chos kyi dbyings ma lus pa thams cad kyi nam mkha'i dbyings kyi mthas gtugs pa skra'i rtse mo'i cha shas kyi gzhal ba ma lus pa thams cad chags pa med par rnam par dbye bas/ sangs rgyas kyi zhing brjod du med pa'i yang brjod du med pa snyed kyi sangs rgyas kyi sprul pa de snyed de snyed du thugs kyi skad cig re re la phyi ma'i mtha'i mur thug pa'i bskal par sprul pa mdzad cing / de bzhin gshegs pa'i sprul pa'i sku thams cad las de bzhin gshegs

  89. 45b

    pa'i sku re re la'ang de snyed de snyed kyi dbu mnga' bar gyur la/ gzhung de bzhin du sku re re la'ang de snyed de snyed kyi ljags mnga' bar gyur te/ ljags re re las kyang de snyed de snyed kyi dbyangs kyi yan lag dang / sgra skad kyi gsung chos kyi dbyings ma lus pa'i sems can gyi khams thams cad go bar mdzad pa byung la/ dbyangs kyi yan laka dang / zla skad kyi gsung de dag re res kyang de snyed de snyed kyi mdo sde bshad par gyur la/ mdo sde de dag re re la'ang de snyed de snyed kyi chos bstan par rab tu gzhol ba mdzad de/ chos bstan pa de dag re re las kyang de snyed de snyed kyi chos kyi tshig dang yi ge brjod du med par gyur la/ chos kyi tshig dang yi ge de dag re res kyang chos kyi dbyings ma lus pa thams cad dbyangs kyis rgyas par bkang ste/ sems can gyi khams ma lus pa thams cad go bar mdzad kyang / de bzhin gshegs pa'i dbyangs la dub pa mi mnga' ste nyams par mi 'gyur la/ thogs pa mi mnga' zhing dma' bar mi 'gyur te/ de lta bu'i chos kyi 'khor lo bskor yang bskal pa phyi ma'i mtha'i mur thug pa'i bar du rgyun 'chad par mi 'gyur te/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos lnga pa'o/ / gzhan yang sangs rgyas bcom ldan 'das rnams ni thugs dpal gyi be'us brgyan pa rdo rje chen po ltar shin tu brtan

  90. 46a

    par grub pa mnga' ba dag ste/ de dag byang chub kyi shing drung du byon na bdud sdig to can gyis sems can thams cad snyed kyi bdud kyi sde gzugs sna tshogs can shin tu mi sdug pa/ 'jigs 'jigs ltar 'dug pa rab tu sdang ba'i gzugs can/ 'jig rten thams cad shin tu 'jigs pa'i gzugs can/ rab tu skye g.ya' ba skyed pa'i gzugs can/ bdud shin tu mi sdug pa'i gzugs 'chang ba/ rab mchog por 'jigs pa/ 'jigs pa chen po skyed pa/ 'gro ba thams cad gsod pa/ 'jig rten thams cad phung bar byed pa/ de lta bu sha stag gis byang chub kyi shing drung dang / chos kyi dbyings thams cad dang / nam mkha'i dbyings kyi mthar thug par gang bar gzigs kyang byang chub kyi shing drung na bzhugs pa'i de bzhin gshegs pa rnams la bsnyengs pa mi mnga'o/ / bag tsha ba mi mnga' 'o// ba spu gcig kyang gso ba med do// thugs kyi cha shas shin tu phra ba 'ga' tsam gyis kyang de ltar rnam pa tha dad pa'i gzugs la mtshan ma rnam pa tha dad pa 'dzin pa mi mnga' ste/ shin tu brtan no// g.yo ba med do// mi bskul to// 'gyur pa med do// rnam par rtog pa med do// shin tu zhi ba'o// bsnyengs pa dang bag tsha ba thams cad dang shin tu bral lo// sdug pa dang khong khro ba shin tu spangs so// sangs rgyas kyi spyod pa rgyun mi

  91. 46b

    bachad do/ / byams pa chen po'i stobs dang ldan pa'o// thugs rje chen po'i gnas kyis dbang po shin tu dben pa'o// bag tsha ba mi mnga' ba'i thugs dang ldan pa'o// thugs shin tu brtan zhing nyams pa mi mnga' ba'o/ / tshu rol gyis gnon la phas zil gyis mi non pa'i thugs dang ldan pa ste/ bdud thams cad dang / bdud kyi ris su gtogs pa'i lha thams cad dang / bdud kyi sde thams cad shin tu zil gyis gnon to// shin tu spa 'gong ngo // de ltar zil gyi mnan te spa 'gong ba dang / de bzhin gshegs pa la skyabs tshol lo// de dag la'ang bcom ldan 'das de dag cho 'phrul chen po gsum gyis de bzhin gshegs pa'i 'dul ba mdzad pa nye bar smra ba ste/ bla na med pa yang dag par rdzogs pa'i byang chubo las phyir mi ldog par 'gyur ro// 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos drug pa'o/ / gzhan yang sangs rgyas bcom ldan 'das rnams kyi gsung thogs pa med pa ni 'jig rten gyi khams ma lus pa de dang de dag thams cad du sems can rnams 'dul ba'i don gyis rnam par dmigs par kun tu khyab par 'byung ste/ de bzhin gshegs pa'i gsung de ni ri rnams la thogs pa med do/ / ri rab la thogs pa med do// rin po che'i raM la thogs pa med do// khor yu ga dang khor yug chen po la thogs pa med do// lha'i khyim la thogs

  92. 47a

    pa med do/ / klu'i khyim la thogs pa med do// gnod sbyin gyi khyim la thogs pa med do// dri bra'i khyim la thogs pa med do// lha ma smin gyi khyim lakhoH/ pa med do// nam mkha'i lding gi khyim la thogs pa med do// mi 'am ci'i khyim la thogs po med do// lto 'phye chen po'i khyim la thogs pa med do// mi dang mi ma yin pa'i khyim la thogs pa med do/ / gal te brgya la 'jig rten gyi khams thams cad na yod pa'i sgra chen po 'jig rten rnam pa tha dad pa'i sgras 'jig rten gyi khams thams cad gang ste ca co 'dres par gyur kyang / de la de bzhin gshegs pa'i gsung ni 'dul ba'i sems can rnams kyi rna ba'i rnam par dmigs pa la bsgribs pa med pa yin te/ de bzhin gshegs pa'i gsung 'ba' zhig de dag gi rna ba'i rnam par dmigs bal lhang nge lham me lhan ne ste/ go bar mdzad pa'i tshig dang yi ge rnams kyang drag par mi 'gyur te/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos bdun pa'o/ / gzhan yang sangs rgyas bcom ldan 'das rnams kyi thugs ni chags pa mi mnga' ba ste/ bskal pa bye ba khrag khrig brgya stong brjod du med pa'i yang brjod du med par yongs su sbyangs pa'o/ / 'das pa dang / ma byon pa dang / da ltar byung ba'i sangs rgyas thams cad dang rgyan gcig tu gyur pa'o// rnyog pa med cing rnam par

  93. 47b

    dang ste shin tu gsal ba'o/ / bdag gi zhes bya ba mi mnga' ba'o// chos thams cad la mi gnus pa'o// nung na gnas pa ma yin pa'o// phyi rol nu gnas pa ma yin pa'o// ma skyes pa'o// dmigs pa thams cad kyis dben pa'o// zhi zhing gnas pa med pa'o// rtsom pa med pa'o// 'du shes sna tshogs thams cad la mi gnas pa'o// dngos po'i rnam par rtog pa thams cad 'gags pa'o/ / rang bzhin gyis 'od dang zhing gsal ba'o// yongs su dag pa'o// dmigs pa dang srid la bya ba thams cad dang ma 'dres pa'o// chos thams cad nyon mongs pa med pa'i yul dang ldan pa'o// yang dag pa'i mtha' 'dod chags dang bral bas dag pa'o// chos kyi dbyings shin tu bstan pa'i mthar thug pa'o// chos kyi dbyings kun nas mi zad pa dang ldan pa'o// 'du shes kyi rnam pa thams cad kyi tshad dang tshad med pa dang bral ba'o// 'dus byas dang 'dus ma byas kyi brjod pa thams cad 'gag pa'o/ / tshig gi lam gyis brjod du med pa'i mthar thug pa'i yul lo// mi zad pa dang chags pa med pa'i dbyings kyi mthar thug po'o// ye shes sngon du 'gro ba'o// stobs bcu'i rgyan du gyur pa'o/ / chos thams cad kyis rnam par dag pa'o// thabs mkhas pas byung ba'o// chos sna tshogs dang / chos du ma dang / chos thams cad shin tu bstan pa

  94. 48a

    dang mi 'gal ba'o/ / dus gsum du tha dad pa med pa'o// chos kyi dbyings thams cad chos gzhi med pa thams cad kyi mnga'i pha rol tu phyin pa brnyes pa'o// chos thams cad la mnga' ba'i 'byung gnas dang mdzod du gyur pa'o/ / chos kyi tshul thams cad la dgongs pa khyad par du rmongs pa med pa'o// zhing gi rgyud du gtogs pa thams cad dang / phyogs kyi rna ba dang / rlung 'byam rgyas pa ma lus pa thams cad la mi gnas pa brtan ning mi g.yol nyams pa med pa'i ye shes kyim rab tu gzigs pa/ chos ma lum pa thams cad mthar thug pa/ zag pa thams cad yongs su zad pa/ thugs rnam par grol zhing zag pa mi mnga' ba dang / shes rab rnam par grol bas shin tu rnam par grol ba yang dag pa'i 'tha' mi zad pas klas pa/ chags pa med par rnam par spyod pa/ rtag tu mnyam par gzhag pa/ dus gsum thams cad du bsgribs pa med par 'byung ba/ sems can thams cad kyi dus gsum gyi sems dang spyod pa thams cad ma lus par thugs skad cig gis rab tu mkhyen pa ste/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos brgyad pa'o/ / gzhan yang sangs rgyas bcom ldan 'das rnams kyi chos kyi sku ni sku mi mnga' ba ste/ rang bzhin gcig tu gyur pas sangs rgyas thams cad kyi yul tshang

  95. 48b

    med pa'i sku'o/ / mtha' dang dbus med par yongs su grub pa'i sku'o// 'jig rten thams cad kyis zad par mi nus pa'i sku'o// khams gsum pas gos pa med pa'i sku'o// brten pa'i skus rnam par dmigs pa'o/ / lhag pa'i bsam pa dang rjes su dran pa'i byin gyis rlabs kyis sku'i rang bzhin yang dag par ston pa'o// bden pa med pa dang brdzun pa'i sku mnyam pa nyid kyis yongs su dag pa'o/ / chos kyi sku bzhud pa dang byon pa med pa'i sku'o// 'dus ma byas pas 'jig pa med pa'i sku'o// mtshan nyin med pas mtshan nyid gcig pa'i chos kyi sku'i rang bzhin no/ / yul na mi gnas pa dang phyogs na mi gnas pa'i sku'o// ma lus pa thams cad kyi lus kyi sku'o// sangs rgyas kyi khyu mchog gi mthu phyung ba dang rnam par 'phrul pa mtha' yas pa'i sku'i rang bzhin no/ / lus thams cad du yongs su gzhol ba'i sku sna tshogs su rnam par dmigs pa mdzad kyang chos kyi sku'i tshul gyi rjes su 'brang ba'o// ye shes kun tu snang ba'i snying po can no/ / sku yongs kyi mdzod du gyur pa'o// chos kyi dbyings rnam pa tha dad pa med pa shin tu bstan pa'i sku'o// khams gsum ma lus pa thams cad rgyas par 'bagengs pas kun tu khyab pa'i sku'i rang bzhin no/ / mi g.yo mi dgongs pa'i sku rnam par dag pa'o// yod pa'ang ma yin med pa'ang ma yin pa'i tshul dang tshul ma yin par rab tu brjod

  96. 49a

    pa'i na'o/ / sems can gyi mos pa rnam pa sa tshogs 'dul bar 'gyur ba'i sku'o// 'gags pa yang ma yin ma 'aklags pa yang ma yin par 'dus pas+ho pa'i sku'o/ / yon tan rin po che thams cad yang dag par byung bas shin tu 'phags pa'i sku'o// chos thams cad sangs rgyas kyi chos kyi de bzhin nyid du yang dag par bsgrubs pa'i rgyu'o// rang bzhin gyis rab tu ni ning bsgribs pa med pa'i mthar thug pa'i sgra'o// thogs pa'i mi mang pas rlom thams cad thugs su chud pa'i sgra'o// thams cad kyi rjes su song pa'i chos kyi dbyings kyis rnam par dag cing 'jig rten thams cad du shin tu rnam par phye ba'i sku'o/ / phyir mi ldog cing bsgribs pa mi mnga' lce sangs rgyas kyi rnam par thar pas ye shes bams cad kyirjes su 'azang zhing yang dag par gzhol bas thugs su chud pa'i skyeste/ 'di na sangs rgyas bcom ldan 'das rnams kyi mthu po chen po stobs sangs rgyas kyi spyod pa'i rna mtshan gyi chos dgu ba'o/ / gzhan yang sangs rgyas bcom ldan 'das rnams kyi ye shes mnyam pa med dang mnyam pa ni de bzhin gshegs pa thams cad kyis thugs su chung ba byang chub sems dpa'i spyod pa thams cad kyis byung ba'o/ / mngon par 'grub pa'i spyod pa khyad par du 'phags pa'i smon lam dang byags sems dpa'i spyod pas rnam par p

  97. 49b

    a'o/ / byang chub sems dpa'i spyod pa thams cad kyis yongs su rdzogs par byas pa'o// tha dad pa med pa'o// sangs rgyas thams cad kyi byang chub sems dpa'i spyod pa thams cad kyis bzung ba'o/ / byang chub sems dpa'i spyod pa rgya mtsho'i spyod pa'i tshul thams cad thugs su chud pa'o// smon lam dang spyod pa chen pos yongs su mi dog po'o// / spyod pa thams cad mi mnyam pa med pas yongs su rdzogs par byas pa'o// spyod pa'i stobs la thub par dka' ba'i spyod pa thams cad kyis mngon par 'byung ba'o// spyod pa thams cad kyi rnam par dag pa'o// byang chub sems pa'i spyod pa legs par spyad pas rgyud dma' ba med pa'o// sangs rgyas thams cad kyi tshad med par spyad pa'o/ / ting nge 'dzin thams cad kyis spyod yul mtha' yas pa'o// lam thams cad kyis rab tu brjod pa ma yin pa'o// lam gyi yul med pa'o// lam thams cad la rab tu zhugs pa'o/ / ye shes dam pa'i stobs kyi tshul mkhyen pa'o// bag tsha ba mi mnga' bas chos kyi char 'bebs pa'i 'khor lo dang ldan pa'o// dge ba dris pa dang ma dris pa la rjes su mthun pa'i chos kyi tshul ston pa mkhyen pa'o/ / mnyam pa med pa dang mnyam pas shin tu dag pa'o// sku dang / thugs dang /

  98. 50a

    @gsung gi yang dag par spyod pa rnams la 'phrin las gsum yongs su dag pa dang / sangs rgyas kyi bsgom pas brnyes pa'o// sangs rgyas kyi rnam par spyod pas brnyes pa'o/ / de bzhin gshegs pa'i rigs thams cad bskyed pa'i don du sangs rgyas kyi ye shes kyis mdzad pa thams cad rab tu 'byung ba'o// thams cad mkhyen pa'i gnas kyi bstan pa tshad med pa'i gnas rtsa ba med pa dang ldan pa'o/ / mngon par shes pa'i ye shes thams cad kyis mthar thug par mi 'gyur ba'o// 'jig rten gyi sems kyis spyod pa'i shes pa thams cad kyis bsam gyis mi khyab pa'o// chos thams cad ma lus par mkhyen cing gzigs pas sems can thams cad yongs su skyob pa'o/ / dus gsum yongs pa thams cad kyi tshul shin tu phra ba mtha' dang dbus med pa ma lus par mkhyen pa'o// 'jig rten las 'das pa'i don mkhyen pa'i phyir phra ba'i ye shre thugs su chud pas 'jig rten gyi khams ma lus pa thams cad rnam par dag pa/ phyir mi ldog pa'i ye shes kyis sangs rgyas kyi 'phrin las brjod du med pa'i 'jig rten thams cad du sbyor ba'o/ / sangs rgyas kyi sku bgrangs pa thams cad thugs su chud pa'i ye shes kyi yi ge med pa'i chos thugs su chung ba'o// yi ge sna tshogs rnam par phye ba dang yi ge thams cad smos

  99. 50b

    shing brjod pa mkhyen pas brjod du med pa thugs su chud pa'o/ / kun tu bzang po'i ye shes kyis dge ba'i chos spyad pa thams cad rnam par dag pa'o// dam bcas pa'i tshul bzhin du sems can thams cad kyi lus dang skye mched ji lta bar thugs skad cig dang ldan pa'i shes rab kyis chos thams cad khong du chud par ston pa mkhyen pa'o/ / chos thams cad kyi don du chos yongs su btang zhing rim gror bya bas thugs su chud pa'o/ / 'jig rten gyi khams thams cad ma lus par yul du gyur pa'o// chos kyi dbyings ma lus pa thams cad yul du gyur pa'o// dus gsum thams cad la thugs skad cig gis chags pa med par mkhyen cing thugs su chud pa'i yul dang ldan pa'o// de bzhin gshegs pa thams cad kyi sangs rgyas 'byung ba ma lus par yul du gyur pa'o/ / 'jig pa med par 'dul ba thams cad yul du gyur pa'o// thams cad kyi rjes su song zhing rnam par dag pa'i yul thams cad mngon par sangs rgyas pa'o// sa mtshams med cing thug pa'i mngon par shes pa rnam par sangs rgyas pa'o/ / sems can thams cad kyi sems dang / yid dang / rnam par shes pa'i rnam pa dus gsum du brjod pa ma lus pa thams cad thugs cad cig gis mkhyen cing thugs su chud pa'o/ / sems can gyi rnam par thams cad las mtshams ma bcad pa'o// 'jig rten gyi khams kyi rnam pa thams cad

  100. 51a

    la mu med pa'o/ / dus gsum gyi rnam pa thams cad la mtha' yas pa'o// sangs rgyas kyi khyu mchog gi mthu phyung ba'i rnam pa thams cad la tshad med pa'o// shes bya'i rnam pa thams cad la lhag ma ma lus pa ste/ de dag thams cad lhag ma med par mngon par sangs rgyas pas/ sangs rgyas kyi ye shes sangs rgyas kyi rdzu 'phrul dang / rnam par 'phrul pas byung ba thams cad thugs su chud pa dang / mkhyen pa thams cad rgyun 'chad pa med de/ de la sangs rgyas bcom ldan 'das rnams sangs rgyas kyi khyu mchog gi mthu phyung ba'i skas mtha' dang dbus med par spyod pa yin/ chags pa med pa'i thugs kyis spyod pas mthar dang dbus med par spyod pa yin/ thugs rje chen po'i sbyor bas dus thams cad du rtog tu rgyun mi 'chad par chos bston pa la spyod pas mtha' dang dbus med par spyod pa yin te/ 'di ni sangs rgyas bcom ldan 'das rnams kyi sangs rgyas kyi mthu bo che chen po'i stobs sangs rgyas kyi spyod pa'i rgyal mtshan gyi chos bcu pa'o/ / kye rgyal ba'i sras bcu po de dag ni/ sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos rnams te/ 'das pa dang / ma 'ongs pa dang / da ltar byu ba'i sems can thams cad dang / nyan thos dang / rangs rgyas thams cad kyis bsam

  101. 51b

    gyis mi khyab cing dpag tu mi nus pa dag go/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi thogs pa mi mnga' ba rnams te/ sangs rgyas bcom ldan 'das rnams ni dga' ldan gyi tshe ji srid par bzhugs nas 'pho ba la thogs pa mi mnga' 'o/ / sangs rgyas bcom ldan 'das rnams ni zla ba bcus bltam pa bstan pa la thogs pa mi mnga' 'o/ / sangs rgyas bcom ldan 'das rnams ni mngon par 'byung bar dgyes pa'i thugs kyis mngon par 'byung ba la thogs pa mi mnga' 'o// sangs rgyas bcom ldan 'das rnams ni byang chub kyi shing drung du bzhugs nas/ sangs rgyas kyi chos thams cad mngon par 'tshang rgya bas thogs pa mi mnga' 'o// sangs rgyas bcom ldan 'das rnams ni thugs skad cig gis sangs rgyas kyi chos thams cad mngon par sangs rgyas nas/ 'jig rten gyi khams thams cad du de bzhin gshegs pa'i rnam par 'phrul pa thams cad yongs su bstan pa la thogs pa mi mnga' 'o/ / sangs rgyas bcom ldan 'das rnams ni dus bzhin du 'dul ba rnams la chos kyi 'khor lo bskor ba la thogs pa mi mnga' 'o// sangs rgyas bcom ldan 'das rnams ni dge ba'i rtsa ba ji ltar bskyed pa'i tshul bzhin du dus la bab par bshad cing lung bstan pa la thogs pa mi mnga' 'o/ / sangs rgyas bcom ldan 'das rnams ni dus la bab pa'i tshul bzhin du sangs rgyas

  102. 52a

    kyi 'phrin las mdzad pa la thogs pa mi mnga' 'o/ / sangs rgyas bcom ldan 'das rnams ni byang chub sems dpa' yongs su grub pa lung bstan pa la thogs pa mi mnga' 'o/ / sangs rgyas bcom ldan 'das rnams ni skad cig gcig tu sems can thams cad kyis dri ba yongs su dris pa skad cig gcig gis lung bstan pa la thogs pa mi mnga' ste/ kye rgyal ba'i sras bcu po de dag ni/ sangs rgyas bcom ldan 'das rnams ni thogs pa mi mnga' ba'o// kye rgyal ba'i sras bcu po 'di dag ni/ sangs rgyas bcom ldan 'das rnams kyi de bzhin gshegs pa mthong ma thag tu myur du 'byung ba'i chos rnams te/ bcu gang zhe na/ sangs rgyas bcom ldan 'das rnams ni mthong ma thag tu sems can rnams myur du ngan song dang bral bar 'gyur ro/ / sangs rgyas bcom ldan 'das rnams ni mthong ma thag tu sems can rnams myur du bsod nams yongs su rdzogs pa 'thob par 'gyur ro// sangs rgyas bcom ldan 'das rnams ni mthong ma thag tu sems can rnams myur du dge ba'i rtsa ba la yongs su smin par 'gyur ro// sangs rgyas bcom ldan 'das rnams ni mthong ma thag tu sems can rnams myur du mtho ris su skye ba yongs su dag pa 'thob par 'gyur ro/ / sangs rgyas bcom ldan 'das rnams ni mthong ma thag tu sems can rnams myur du yid gnyis dang nem nur yang

  103. 52b

    dag par bsal ba 'thob par 'gyur ro/ / sangs rgyas bcom ldan 'das rnams ni mthong ma thag tu sems can rnams myur du byang chub kyi sems bskyed nas phyir mi ldog pa 'thob par 'gyur sems can mos pa yangs pa dang ldan pa sangs rgyas kyis 'dul ba las byang chub tu sems ma bskyed pa'i rnams kyang bla na med pa yang dag pararo rdzogs pa'i byang chub tu sems skyed do/ / sangs rgyas bcom ldan 'das rnams ni mthong ma thag tu skyon med par ma 'das pa dmigs pa'i lta ba can gyi sems can rnams myur du skyon med pa 'da' ba'i rgyur rab tu 'dzin to// sangs rgyas bcom ldan 'das rnams ni mthong ma thag tu sems can rnams myur du 'jig rten pa dang 'jig rten las 'das pa'i dbang po rnam par dag par 'gyur ro// sangs rgyas bcom ldan 'das rnams ni mthong ma thag tu sems can rnams myur du bsgribs pa thams cad byang ba 'thob par 'gyur ro/ / sangs rgyas bcom ldan 'das rnams ni mthong ma thag tu sems can rnams myur du snang ba 'thob cing mi 'jigs pa zhum pa med pa'i spobs pa rab tu rtsom ste/ kye rgyal ba'i sras bcu po de dag ni/ sangs rgyas bcom ldan 'das rnams kyi de bzhin gshegs pa mthong ma thag tu myur du 'byung ba'i chos rnams so/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi rjes su dran pa rnam par dag pa ste/ bcu

  104. 53a

    gang zhe na/ sangs rgyas bcom ldan 'das rnams kyi sngon gyi sbyor bas kyang / byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni spyod pa rnam par dag pas kyang / byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni pha rol tu phyin pa yongs su rdzogs pas kyang / byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni smon lam chen po yongs su rdzogs pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni yang dag par bsgrubs pas kyang / byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni sngon gyi mthar sangs rgyas kyi tshangs par spyad pa la spyad pas kyang / byang chub sems dpa' rnams kyis rjes su dran par bya ba yin// sangs rgyas bcom ldan 'das rnams ni mngon par 'tshang rgya ba'i sgo nas kyang / byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni gzugs kyi sku tshad med mu med pas kyang / byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni sangs rgyas kyi yul gyis rnam par 'phrul pa tshad

  105. 53b

    med mu med pas kyang / byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni stobs bcu dang mi 'jigs pas kyang / byang chub sems dpa' rnams kyis rjes su dran par bya ba yin te/ kye rgyal ba'i sras bcu po de dag ni/ sangs rgyas bcom ldan 'das rnams kyi rjes su dran pa rnam par dag pa'o// rgyal ba'i sras bcu po 'di dag ni/ de bzhin gshegs pa rnams kyi thams cad mkhyen pa nyid kyi rnam par spyod pa ste/ bcu gang zhe na/ 'di ltar chos kyi dbyings thams cad dang / dus gsum gyi sems can thams cad kyi sems sna tshogs dang / sems du ma dang / spyod pa dang / g.yo ba'i rgyud thams cad ma lus par thugs gcig gis thugs su chud pa dang / dus gsum gyi sems can thams cad kyi las dang / las kun nas blangs pa sna tshogs chom cho dgu rnam pa tha dad pas mngon par 'gro zhing nye bar sogs pa mang nyung dang / rnam par smin pa tha dad pa ma lus par thugs gcig gis thugs su chud pa dang / chos kyi dbyings thams cad kyi sems can gyi rigs sna tshogs dang / sems can gyi rigs du ma'i sems can ma lus pa thams cad 'dul ba'i dus ji bzhin du yongs su bstan pa'i cho 'phrul dang / rjes su bstan pa'i cho 'phrul dang / rdzu 'phrul gyi cho 'phrul gyis byin gyi rlabs yang dag par bstan pa ma lus par thugs su

  106. 54a

    @chung pa dang / chos kyi dbyings thams cad dang / phyogs dra ba'i rgyud thams cad dang / 'jig rten gyi khams kyi rgyud thams cad kyi sems can thams cad kyi sems kyi mtshan ma bzung ste/ sangs rgyas bstan pa dang / skye ba dang / rnam par dbye ba ma lus par thugs su chud pa dang / 'jig rten gyi khams thams cad kyi sems can rnams kyi bsam pa ji lta ba dang / mos pa ji lta ba dang / 'dul ba ji lta ba bzhin du rnam pa tha dad pa tshad med par skad cig tu sangs rgyas bstan pa dang / rnam par dmigs par bya ba dang / byin gyi rlabs pa ma lus par thugs su chud pa dang / 'jig rten gyi khams thams cad kyi sems can pha rol gyi bsam pa la sangs rgyas kyi byin gyi rlabs yang dag par bstan pa ma lus par thugs su chud pa dang / chos kyi dbyings thams cad kyi sems can rnams 'dul ba ji lta ba bzhin du nye bar len pa med pa'i sangs rgyas nyid du 'gyur bar gdams ngag dang / rjes su bstan pas de bzhin gshegs pa 'byung ba bstan pa ma lus par thugs su chud pa dang / chos kyi dbyings thams cad kyi sems can thams cad kyi thams cad du 'gro ba dang / de dang der 'gro ba'i lam ma lus par thugs kyi skad cig gcig gis thugs su chud pa dang / chos kyi dbyings thams cad kyi sems can rnams kyis/ sangs rgyas rjes su dran pa phyogs thams cad du

  107. 54b

    btang ba'i tshul ma lus par thugs kyi skad cig gcig gis thugs su chud pa dang / chos kyi dbyings thams cad kyi sems can rnams kyi mos pa dang / sems kyi tshad ji lta ba bzhin du sangs rgyas kyi sku kha dog mu med pa/ dbyibs mtha' yas pa bstan pa ma lus par thugs kyi skad cig gcig gis thugs su chud pa ste/ kye rgyal ba'i sras bcu po de dag ni/ de bzhin gshegs pa dam bcom pa yang dag par rdzogs pa'i sangs rgyas rnams kyi thams cad mkhyen pa nyid kyi rnam par spyod pa'o/ / kye rgyal ba'i sras bcu po 'di dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi sangs rgyas kyi ting nge 'dzin tshad med bsam gyis mi khyab pa rnams te/ bcu gang zhe na/ 'di ltar sangs rgyas bcom ldan 'das rnams ni chos thams cad la rtag tu mnyam par bzhag kyang / chos kyi dbyings ma lus pa thams cad kyi sems can rnams la 'di skad cig gcig tu chos ston pa mdzad do// sangs rgyas bcom ldan 'das rnams ni chos dbyings ma lus pa thams cad kyi sems can thams cad la mnyam par bzhag kyang / skad cig gis sems can gyi khams sna tshogs rnam pa tha dad pa rnams kyang bdag med pa'i mtha' la gnas par yongs su ston to/ / sangs rgyas bcom ldan 'das rnams ni chos kyi dbyings ma lus pa thams cad kyi dus gsum la mnyam par bzhag kyang thugs kyi skad cig gcig gi cha shas la'

  108. 55a

    mnyam par bzhag cing rnam par spyod do/ / sangs rgyas bcom ldan 'das rnams ni chos kyi dbyings ma lus pa thams cad kyi phyogs 'byam klas pa'i dra ba thams cad kyi sangs rgyas kyi zhing gi rgyud rnam pa thams cad la mnyam par bzhag kyang / mi zad pa'i zhing gi mtha' la yang bzhugs shing rnam par spyod do// sangs rgyas bcom ldan 'das rnams ni chos kyi dbyings ma lus pa thams cad kyi sangs rgyas kyi sku mu med pa la mnyam par bzhag kyang / 'jig rten gyi khams thams cad kyis kyang sangs rgyas kyi sku sna tshogs rnam par dmig par yang dag par ston pa mdzad do/ / sangs rgyas bcom ldan 'das rnams ni chos kyi dbyings ma lus pa thams cad sku dang / gsung dang / thugs kyis yongs su rgyas par rtag tu mnyam par bzhag kyang / sems can thams cad kyi sems 'byung ba'i mdzod sna tshogs la'ang mos pa dang yid la byed pa ji lta ba bzhin du rnam par spyod do// sangs rgyas bcom ldan 'das r nams ni chos kyi dbyings ma lus pa thams cad kyis chos thams cad kyi rang bzhin la rtag tu mnyam par bzhag kyang 'dod chags dang bral ba'i mtha'i mur thug pa la bzhugs pa'ang yongs su mi gtong ngo / / sangs rgyas bcom ldan 'das rnams ni chos kyi dbyings ma lus pa thams cad kyi 'jig rten thams cad kyi rten pa la rtag tu mnyam par bzhag kyang / thugs skad cig

  109. 55b

    gcig gis rten cing 'brel par 'byung ba brjod pa'ang rab tu ston to/ / sangs rgyas bcom ldan 'das rnams ni chos kyi dbyings ma lus pa thams cad kyi 'jig rten pa dang 'jig rten las 'das pa 'byam klas pa la rtag tu mnyam par bzhag kyang / thugs skad cig gcig gis sems can thams cad la sangs rgyas mu med pa bstan pa rnam par dgod pa'i tshul mu med pas sangs rgyas bstan pa rgyun mi gcod do/ / sangs rgyas bcom ldan 'das rnams ni chos kyi dbyings ma lus pa thams cad du bsgribs pa med par rtag tu mnyam par bzhag kyang / thugs skad cig gcig gis sangs rgyas kyi chos thams cad kyang rtogs par thugs su chud cing / sangs rgyas kyi rnam par thar pa mu med pa'i pha rol tu phyin pa'i mchog brnyes par bzhugs te/ kye rgyal ba'i sras bcu po de dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi sangs rgyas kyi ting nge 'dzin tshad med bsam gyis mi khyab pa rnams so/ / kye rgyal ba'i sras bcu po 'di dag ni/ sangs rgyas bcom ldan 'das rnams kyi rnam par thar pa rnams te/ bcu gang zhe na/ rdul shin tu phra ba gcig la sangs rgyas skye ba brjod du med pa'i yang brjod du med pa yongs su bstan pa'i rnam par thar pa dang / rdul shin tu phra ba gcig la chos kyi 'khor lo brjod du med pa'i yang brjod du med pa bskor ba yongs su bstan

  110. 56a

    @#/ pa'i rnam par thar pa dang / rdul shin tu phra ba gcig la sems can yongs su smin par bya ba dang / gdul ba brjod du med pa'i yang brjod du med pa yong su bstan pa'i rnam par thar pa dang / rdul shin tu phra ba gcig la zhing brjod du med pa'i yang brjod du med pa yongs su bstan pa'i rnam par thar pa dang / rdul shin tu phra ba gcig la 'das pa dang / ma byon pa dang / da ltar byung ba'i sangs rgyas skye ba thams cad yongs su bstan pa'i rnam par thar pa dang / rdul shin tu phra ba gcig la 'das pa dang / ma 'ongs pa dang / da ltar byung ba'i zhing gi rgyud yongs su bstan pa'i rnam par thar pa dang / rdul shin tu phra ba gcig la 'das pa dang / ma byon pa dang / da ltar byung ba'i de bzhin gshegs pa thams cad kyi rdzu 'phrul dang / rnam par 'phrul pa yongs su bstan pa'i rnam par thar pa dang / rdul shin tu phra ba gcig la 'das pa dang / ma 'ongs pa dang / da ltar byung ba'i sems can gyi khams thams cad yongs su bstan pa'i rnam par thar pa dang / rdul shin tu phra ba gcig la 'das pa dang / ma byon pa dang / da ltar byung ba'i sangs rgyas kyi 'phrin las thams cad yongs su bstan pa'i rnam par thar pa ste/ kye rgyal ba'i sras bcu po de dag ni/ sangs rgyas bcom ldan 'das rnams kyi rnam par thar pa'o/ / shin tu rgyas pa chen po'i mdo sangs rgyas phal po che zhes bya ba las/ sangs rgyas kyi chos bsam gyis mi khyab pa bstan pa'i le'u ste sum cu dgu pa'o//

  111. 56b

    / bam po drug cu rtsa bdun pa/ de nas byang chub sems dpa' kun tu bzang pos mtshan rgya mtsho brjod pa'i don du/ byang chub sems dpa' de dag la smras pa/ kye rgyal ba'i sras dag/ de bzhin gshegs pa'i dbu la mi chen po'i mtshan chos kyi rgyan rin po che sna tshogs sum cu rtsa gnyis mnga' bas/ de bzhin gshegs pa'i dbu de ni 'khor kun nas 'od zer gyi dra bas shin tu 'phro ba'i sprin rab tu 'byung zhing rgyas par 'gang ba ste/ de la mi chen po'i mtshan rin po che dang po dbu'i dbu mtshams na rin po che sna tshogs thams cad kyi rgyal po las 'jig rten gyi khams thams cad du snang ba bkye bas/ dpal gyis yongs su rgyas shing yan lag dang / nying lag thams cad nas de bzhin gshegs pa'i sprin rnam par bkye ba yongs su 'khyil pa'i glong gi dbyings kyis phyogs thams cad 'od kyis rnam par snang ba zhes bya ba mnga' ba dang / sangs rgyas kyi dbu la 'phro ba'i 'od kyi dkyil 'khor glog gi 'phreng ba lta bur 'byung bas/ phyogs mtshams thams cad du de bzhin gshegs pa snying po byang chub tu bzhugs pa ston cing / thams cad mkhyen pa nyid kyi nam mkha'i sprin kun tu 'dal bas chos kyi dbyings kyi gzhi de bzhin gshegs pa'i mtshan rin po che'i rgyal po sna tshogs mdzod spu g.yas phyogs su 'khyil ba'i dbyibs las gser gyi kha dog bzang por 'od zer 'bar bar 'jig rten gyi khams su 'byung ba'i 'od kyis/ chos kyi dbyings thams cad du de bzhin gshegs pa'i dbu dang /

  112. 57a

    de bzhin gshegs pa'i spyan gsal ba'i 'od kyi sprin ces bya ba mnga' ba dang / de bzhin gshes pa'i dbu la rin po che'i 'od kyi glong g.yas phyogs su yongs su 'khyil ba chos kyi dbyings thams cad dang / 'jig rten gyi khams thams cad du de bzhin gshegs pa'i bsod nams dang / ye shes kyi sgron ma snang bas 'jig rten gyi khams rgya mtsho thams cad du sangs rgyas kyi sprin rnam par 'dal ba byang chub sems dpa'i mchog rnams la snang bas/ chos kyi dbyings rgyas par khyab pa'i sprin ces bya ba mnga' ba dang / de bzhin gshegs pa'i mtshan gser yid du 'ong ba'i sprin sna tshogs kyis/ de bzhin gshegs pa'i khyu mchog gi mthu phyung ba rab tu 'bar bas/ de bzhi/ gshegs pa thams cad kyi 'od zer rnam par snang bar byas pas/ sangs rgyas kyi zhing bsam gyis mi khyab pa snang bar bstan pa'i 'od kyi sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che bai DUR+Ya'i 'od zer dang / me tog gi mdog gis chos kyi dbyings thams cad snang bar rnam par 'phrul pa'i sprin nor bu'i rin po che'i rgyal po'i mtshan nyid lta bu'i dbu skra/ rin po che sna tshogs snang ba'i mtshan nyid kyi 'od chags pas/ phyogs thams thams cad rnam par snang bar byed pas/ sangs rgyas kyi sngon gyi dka' thub dang / dpal gyis

  113. 57b

    ye shes las rnam pa de lta bur byung ba'i rin po che'i 'od zer rab tu bkye ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan dang / rin po che'i 'od zer g.yas phyogs su 'khyil zhing 'phro bas byang chub sems dpa'i rnam 'phrul pa/ rin po che'i cod pan gyi 'od de bzhin gshegs pa'i stobs kyis rnam par rgyas pas/ 'jig rten gyi khams thams cad du rin po che 'od tshad med par de bzhin gshegs pa'i chos kyi rang bzhin gyis/ rnam par 'phrul pa yang dag par ston pa'i sprin ces bya ba mnga' ba dang / sangs rgyas kyi dbu de la de bzhin gshegs pa'i mtshan rin po che rnam par 'phrul pas/ nor bu rin po che rgya mtshos bkye ba'i 'od dang / 'od zer dri ma med pa rab tu 'phros pas/ byang chub sems dpa'i chos bstan pa rgya mtsho rnam par snang bar 'das pa dang / ma byon pa dang / da ltar byung ba'i de bzhin gshegs pa rnams kyi ye shes rgya mtsho shin tu yangs pas chos kyi dbyings kun tu de bzhin gshegs pa'i gsung gi sprin 'byung ba zhes bya ba mnga' ba dang / de bzhin gshegs pa'i dbu la rin po che'i rgyal po sems kyi rgyal po dang / in+d+ra nI la las 'od bkye ba g.yas phyogs su 'khyil ba'i 'jig rten gyi khams dang / chos kyi dbyings thams cad du snang ba'i byang chub sems dpa' 'od 'phro ba sgron ma'i sprin/ de bzhin gshegs pa thams cad kyi yon tan rgya mtsho rab tu sgrog pas/ 'jig

  114. 58a

    rten gyi khams rgya mtsho thams cad dung ro 'byin cing / sangs rgyas kyi stobs yongs su dag pa rgya mtsho dang / sangs rgyas rgya mtsho 'byin pa'i sprin shin tu yangs pa'i 'od ces bya ba mnga' ba dang / de bzhin gshegs pa'i mtshan rin po che'i me tog sna tshogs dang rin po che'i rgyal po bai DUR+Ya'i 'od zer rin po che thams cad kyi 'od zer kun tu 'byung ba'i dra ba mngon par 'phags pa las chos kyi lus dang ldan pa'i byang chub sems dpa' 'jig rten gyi khams thams cad dang / phyogs rgya mtshor de bzhin gshegs pa'i sa yang dag par ston cing sangs rgyas kyi stobs chos kyi dbyings la mngon du gyur pa rab tu ston par bzhugs pa/ sems can thams cad la yongs su ston pas de bzhin gshegs pa'i sa tshad med mu med par yang dag par 'phags shing yongs su dag la dri ma med pa yongs su mnan te/ rin po che thams cad kyi 'od kun tu snang ba'i rang bzhin rab tu bkye ba'i 'od zer dkyil 'khor gyi sprin ces bya ba mnga' ba dang / de bzhin gshegs pa'i mtshan 'jig rten gyi khams tshad med pa na bzhugs pa'i de bzhin gshegs pa rnams kyi mtshan rin po che las 'od rab tu bkye bas/ zhing thams cad kun nas yog cing bsgribs pa med de/ chos kyi dbyings thams cad du sangs rgyas kyi gsung rin po che'i me tog shin tu rgyas pa'i 'od zer 'phro ba rab tu bkye bas/ chos kyi rgya mtsho chen po rab tu sbyar ba las/

  115. 58b

    byang chub sems dpa'i spyod pa thams cad kyi snying po dang / snang ba can gyi sprin langs pa'i 'od ces bya ba mnga' ba dang / de bzhin gshegs pa'i mtshan rin po che bai DUR+Ya dang / in+d+ra nI pa dang / rdo rje mang po las nor bu rin po che rnam par bton te/ rab tu bgram pa'i kha dog mtha' yas pa'i 'od rnam par dag pa/ rin po che bai DUR+Ya'i 'od kun tu 'byung ba las sgra skad rgya mtsho t hams cad kyis chos kyi dbyings su sangs rgyas kyi snang ba rnam par ston pa'i chos rgya mtsho'i ye shes sangs rgyas sprul pa'i 'od kun tu 'gyed pa'i sprin rab tu snang ba zhes bya ba mnga' ba dang sangs rgyas kyi dbu la de bzhin gshegs pa'i mtshan rin po che'i 'od g.yas phyogs su 'phro ba'i me tog rin po che'i lha ba lhub kyis brgyan pas/ 'jig rten gyi khams thams cad kyi de bzhin gshegs pa'i snying po byang chub kyi sprin mngon par 'thon pa/ chos kyi dbyings dang / 'jig rten gyi khams thams cad du chos rnam par dag ste/ bskal pa thams cad du rnam par thar pas chos kyi dbyings rnam par sangs rgyas pa'i sprin ces bya ba mnga' ba dang / sangs rgyas kyi dbul de bzhin gshegs pa'i mtshan rin po che sems kyi rgyal po'i 'od zer dam rgya mtshos brgyan pa'i chos kyi rgyan du mtshan rnam par bkod pa las 'jig rten gyi khams na 'khod pa'i byang chub sems dpa'i sprin la snang ba shin tu 'byung zhing ye shes kyi sku dang / chos kyi

  116. 59a

    sus de bzhin gshegs pa thams cad kyi mtshan rgya mtshol spyod pa'i byang chub sems dpa' yongs su khyab pa'i sprin dang / chos kyi dbyings kyi sprin ces bya ba mang ba dang / de bzhin gshegs pa'i dbul de bzhin gshegs pa'i mtshan rdo rje'i kluzhime tog dang ldan pa'i bain+d+han kun tu snang bas/ chos kyi dbyings thams nad kyi rgyan du gyur to// rnam par snang bas chos kyi dbyings rgya mtsho yongs su rgyas par 'gengs shing / 'jig rten gyi khams su rin po che thams cad kyi pad+mo'i 'od kyi rgyan thams cad kyis chos kyi dbyings thams cad du khebs par byang chub sems dpa'i spyod pa bzhis rnam par 'phrul pa dang / dA ros chos kyi dbyings thams cad du rgyas pa'i mtshan rgyu mchos thams cad du brgyan pa'i spyi snang ba zhes bya ba mnga' ba dang / de bzhin gshegs pa'i dbul de bzhin gshegs pa'i mtshan chos kyi dbyings rgya mtsho'i gzhi gang rten mtsho thams cad kyi rgyan dang / de bzhin gshegs pa'i rgyan tshad med pa thugs ska cig gis yang dag par ston cing / chos kyi dbyings dang / 'jig rten gyi khams thams cad du bsam gyis mi khyab par 'gengs pas/ sangs rgyas kyi ting nge 'dzin rgya mtsho'i spyod pa rnam par gzigs pa'i sprin snang ba zhes bya ba mnga' ba dang / de bzhin gshegs pa'i dbul de bzhin gshegs pa'i mtshan pad+mo'i gzhi dang / rgyan gyis me tog ri rab rgya mtsho'i 'od zer rin

  117. 59b

    che'i gzhi sangs rgyas kyi dgongs pa las byung ba dang / rnam par snang mdzad kyi sprul pa rgya mtsho mi zad pa'i 'od kun tu snang ba'i sprin ces bya ba mnga' ba dang / de bzhin gshegs pa'i dbul de bzhin gshegs pa'i mtshan dpal rin po che dri ma med par sangs rgyas kyi 'od sna tshogs de bzhin gshegs pa thams cad kyi seng ge'i khri dang / rgyan dang / sangs rgyas kyi sku'i gzugs brnyan khong na bsrel cing rin po che'i 'od 'phro ba'i gzhi rgya mtsho dang / sangs rgyas kyi chos khyu mchog gi mthu phyung ba dang / sangs rgyas kyi tshul gyis zhi rgya mtsho thams cad snang ba'i de bzhin gshegs pa thams cad kyi rnam par grol ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan bai DUR+Ya'i rin po che'i me tog dang / gser gyi pad+mo las chos kyi 'od zer gyi sprin dang / rin po che'i rgyal po sgron ma ltar de bzhin gshegs pa thams cad kyi 'od rnam par dag pas snang ba'i rgyan bstan pas/ chos kyi dbyings thams cad du dmigs shing rnam par bkye bas tha mi dad cing sangs rgyas kyi dbu'i rin po che'i sprin dang / rdo rje 'od 'phro ba'i ri 'od zer stug po'i sprin gyis chos kyi dbyings la 'jug cing / chos rgyu mtsho'i tshul gyis rnam par 'phrul pas snang ba'i sprin ces bya ba mnga' ba dang / de bzhin gshegs pa'i dbul de bzhin gshegs pa'i mtshan 'khor lo rtsibs stong pa rin po che'i 'od zer sna tshog

  118. 60a

    c had med pa dang ldan pa thams cad du rnam par dag la dge ba'i rtsa ba thams cad kyis phyogs bcu thams cad du shes rab kyi nyi ma shin tu gsal ba dang ye shes kyi 'od kyi chos rgya mtsho'i dbyangs dang ldan pa sangs rgyas kyi gdung rnam par dag pa'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che'i 'phreng ba rnam par bkye ba dang / rin po che'i me tog dang / rin po che bai DUR+Ya'i 'od du 'phro ba'i sangs rgyas kyi 'od seng ge rnam par snang ba'i mthu dang ldan pas/ chos kyi dbyings thams cad du rnam par gnon pa'i mtshan rgya mtsho'i sprin gyi rdul gcig las sangs rgyas kyi zhing thams cad kyi rdul snyed du yang dag par 'phro bas/ sangs rgyas kyi mtshan yang dag par ston cing de'i dkyil 'khor gyi ye shes ston pas/ de bzhin gshegs pa thams cad kyi mtshan dang / rnam par 'phrul pa'i sprin snang ba zhes bya ba mnga' ba dang / sangs rgyas kyi dbu la de bzhin gshegs pa'i mtshan de kho na thugs su chud pa'i mtshan nyid rin po che'i rgyan rnam par dag pas/ de bzhin gshegs pa dang / byang chub sems dpa'i ye shes kyi snying po tshad med pa dang / chos kyi dbyings thams cad du snang ba'i 'od la 'jug pa zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che bai DUR+Ya'i me tog dang / seng ge'i zla ba 'od ze

  119. 60b

    rnam par snang ba dang / rin po che'i rgyal po 'od zer brgya pa kun tu snyoms par dpal gyi sprin gyis chos kyi dbyings dang / nam mkha' khyab pa'i sangs rgyas kyi 'od zer snang bas/ zhing dang 'jig rten mang por de bzhin gsheg pa sa pa'i 'od rnam par snang ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan sangs rgyas kyi snang ba rin po che thams cad kyi 'od 'phro ba'i sgron ma chos kyi dbyings kyi 'khor lo'i rgyud kyis kun tu rnam par dag pas/ sangs rgyas kyi 'od kyi sprin phyogs bcur bkye ba kun tu snang ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che'i 'od 'phro ba'i na bun gyis byang chub sems dpa' thams cad de bzhin gshegs pa'i snying po byang chub tu bzhugs te/ chos kyi dbyings thams cad thugs kyi skad cig re re la byang chub sems dpa'i dge 'dun yang dag par ston cing rgyan brjod du med pa'i yang brjod du med pa thams cad yongs su stor pa'i spyan snang zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che rgya mtsho dang / spos yid du 'ong ba sna tshogs kyi 'od zer rin po che'i de ba rab tu 'phel bas sems can gyi khams kyi las rgya mtsho thams cad sgrog pa dang / chos kyi dbyings thams cad sgrog pa'i dbyangs kyi sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan de

  120. 61a

    @#bzhin gshegs pa'i spyan yongs su dag pas/ zhing thams cad kyi rgyan rab tu snang ba rnam par bkod pa'i phyir chos rgya mtsho'i sgra bsam gyis mi khyab pa sangs rgyas nas/ 'das pa dang / ma 'ongs pa dang / da ltar byung ba'i chos kyi rang bzhin gyi gzhi sna tshogs kun tu snang bas/ sangs rgyas kyi sprul pa mang po kun tu snang ba'i sprin ces bya ba mnga' ba dang / de bzhin g shegs pa'i dbu la de bzhin gshegs pa'i mtshan sangs rgyas rgya mtsho'i sprin chos kyi dbyings thams cad du bsgribs pa mi mnga' ba phyogs bcu'i 'jig rten gyi khams rgya mtsho thams cad du bzhugs pa'i 'od rab tu snang ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan byang chub sems dpa' dang / de bzhin gshegs pa thams cad dang / sems can rgya mtsho bsam gyis mi khyab pa'i chos kyi dbyings la 'jug pa'i tshul mang po chos kyi dbyings thams cad du snang ba'i sangs rgyas kyi sprin kun tu mched pa dang / rin po che'i sprin gyi sgron ma'i sprin ces bya ba mnga' ba dang / de bzhin gshegs pa'i dbul de bzhin gshegs pa'i mtshan ye shes kun tu yangs pa'i sangs rgyas kyi sa dang / byang chub sems dpa'i 'khor gyi dkyil 'khor dang / chos rgya mtsho la ma tshad med pa dang / zhing gi dkyil 'khor dang / byang chub sems pa'i sde ba sems can gyi rgyud thams cad kyi bsam pa ji bzhin du sangs rgyas

  121. 61b

    kyi spyod yul gyis zhugs pa dang / byang chub sems dpa' kun tu bzang po'i smon lam dang / spyod pa'i nga ros sangs rgyas kyi ye shes kyi gzhi kun gyi mthar thug cing thams cad mngon par mkhyen pas/ chos kyi dbyings kyi gzhi kun tu thug par 'byung ba'i sprin ces bya ba mnga' ba dang / de bzhin gshegs pa'i da bu la de bzhin gshegs pa'i mtshan chos kyi dbyings dang nam mkha'i dbyings thams cad du rin po che snang ba'i sprin yid du 'ong ba/ snying po byang chub kyi gzugs brnyan yongs su ston par mngon par 'phags pas/ byang chub sems dpa' dang de bzhin gshegs pa'i sku'i yang dag par ston pa'i sprin kun tu bkye bas/ 'jig rten gyi khams rgya mtsho thams cad du sprin gyi 'od du gnas pa zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan gtsug tor 'od kun tu snang ba tshad med pa ston pas byang chub sems dpa' dang / de bzhin gshegs pa'i 'od rnam par dag pa dang // de bzhin gshegs pa'i rnam par gnon pa dang / gzi chen pos chos kyi dbyis kyi gzhi kun tu snang bar rin po che'i rgyal po ltar 'od kun nas 'byung ba yongs su grub ste/ chos kyi dbying thams cad du 'od zer gyi sprin dang / 'od kyi rgyan phyogs thams cad snang bas rnam par snang bar byung zhing / byang chub sems dpa' rgya mtsho dang / de bzhin gshegs pa'i stobs shin

  122. 62a

    @tu 'phel ba'i mthu dang / sangs rgyas kyi rnam par gnon pa'i sprin gyis phyogs bcu'i zhing gi dra ba dang / nam mkha'i khams thams cad rgyas par khyab pa'i byang chub kyi sems rin po che'i 'od zer gyi sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan gtsug tor dbu'i gtsug nas mtho ba/ rim gyis mngon par 'phags shing 'dzam bu chu klung gi gser dang / rin po che'i tshon gyis kha dog bzang po rnam pa sna tshogs kyi 'od dang ldan par gyur pa/ gser gyi thig le dri ma med pa'i mig 'phrul gyis kun nas shin tu brgyan pa/ 'jig rten gyi khams thams cad na bzhugs pa'i de bzhin gshegs pa thams cad thugs kyi skad cig re re la yongs su ston pa'i sprin gyis kun tu khyab par khyab cing / zhing gyi dkyil 'khor snang bar gyur pas/ zhing gi dkyil 'khor byang chub sems dpa'i gnas su gyur pa/ rgyan thams cad kyis rab tu brgyan pa kun tu snang ba'i de bzhin gshes pa'i gtsug tor mtshan sum cu rtsa gnyis kyi rgyan du gyur cing / chos kyi dbyings thams cad kyi rgyan du gyur pa'i sprin snang ba zhes bya ba mnga' ba'o// kye rgyal ba'i sras dag sangs rgyas kyi mdzod sprul de bzhin gshegs pa'i mtshan/ sangs rgyas rgya mtsho thams cad kyi 'od rab tu snang ba/ rin po che thams cad du mdog ltar snang ba/ nyi ma dang zla ba

  123. 62b

    ltar snang zhing shin tu rnam par dag pas phyogs bcur 'od zer rgya mtsho rab tu 'gyed pa/ kun nas rin po che'i 'od zer 'byung ba/ 'od kun tu snang ba/ dpal kun tu rgyas pa'i sangs rgyas kyi ska rab tu 'bar ba'i sgron ma dri ma med pa'i me tog shin tu rgyas shing / rin po che'i sprin chen po shin tu 'gyed pa phyogs kyi 'khor thams cad du rnam par snang zhing / de bzhin gshegs pa'i chos rgya mtsho thams cad kyi dbyangs kyi sgra/ chos kyi dbyings thams cad du shin tu 'phags pa'i mar me rab tu snang bas/ rin po che'i rgyal po'i me tog kun tu rgyas shing chos kyi dbyings thams cad rgyas pa'i sprin ces bya ba mnga' 'o/ / de bzhin gshegs pa'i spyan la de bzhin gshegs pa'i mtshan/ mtshan rin po che sna tshogs sems can gyi khams su chags pa med pa'i ye shes kyi spyan rnam par dag pas grub pa/ 'od 'phro ba'i sprin rin po che dngul gyi mdog tu kun tu ston pas rnam par 'phrul pa'i sprin ces bya ba mnga' 'o// de bzhin gshegs pa'i shangs la de bzhin gshegs pa'i mtshan/ rin po che sna tshogs kyis yongs su dag pas/ rin po che thams cad kyi 'od dang / mdog dang / kha dog dang ldan par gyur pa de bzhin du thugs su chud pa/ rin po che'i me tog gi sprin gyis kun tu rgyas shing / byang chub sems dpa' thams cad kyi sangs rgyas kyi chos rgya mtsho bsam gyis mi khyab pa dang / sems

  124. 63a

    can gyi 'jig rten thams cad mngon par mkhyen pa'i ye shes kyi sprin ces bya ba mnga' 'o/ / sangs rgyas kyi ljags yangs pa la 'jig rten gyi khams rgya mtsho thams cad ljags yangs pa'i sprin gyis kun tu khyab pa'i mtshan nyid yongs su rdzogs pa'i dge ba'i rtsa bas yongs su grub pa/ rin po che thams cad kyi rgyal po'i gzhi las 'od 'phros pas chos kyi dbyings thams cad rnam par snang bar mdzad pa'i ngang tshul can/ 'das pa dang / ma 'ongs pa dang / da ltar byung ba'i sems kyi gzugs brnyan dang / de bzhin gshegs pa thams c ad kyi chos kyi dbyings kyi rgyan thams cad shin tu ston pa'i gsung dang ldan pa'i sangs rgyas kyi mtshan gyi ljags yangs pa'i sgo rin po che thams cad kyi kha dog dang mdog gis rab tu pa/ 'od zer rgya mtsho bsam gyis mi khyab pa rab tu snang ba/ bzhad mo 'dzum pas phyogs bcur rab tu bkye zhing 'gro ba thams cad shin tu dang ste/ rin po che'i 'od 'phro bas/ rab tu brgyan par de bzhin gshegs pa'i gsung sna tshogs rnam par dag par rab tu brjod cing / shin tu rgya che ba'i 'jig rten gyi khams rgya mtsho thams cad du chos kyi nga ro 'byin pa bskal pa tshad med par sangs rgyas kyi gsung gi sgra 'byin pa/ chos kyi dbyings gnas pa thams cad du nga ro yangs pa 'byin pa/ 'jig rten gyi khams thams cad du dbyangs shin tu sgrog cing

  125. 63b

    snang ba yang dag par ston pa'i dbyangs kyi sprin ces bya ba mnga' 'o/ / de bzhin gshegs pa'i ljags kyi 'og gi drung na de bzhin gshegs pa'i mtshan rin po che sna tshogs thams cad ltar snang zhing mdzod spu yongs su 'khyil ba'i dbyibs lta bu/ rin po che thams cad kyi rang bzhin lta bu/ sangs rgyas thams cad kyi gsung gi dkyil 'khor phyogs kun nas btang ba'i dbyangs dang ldan pa/ sangs rgyas kyi gsung gi sbubs can ljags kyi mtshan nyid yongs su dag pa/ sangs rgyas kyi zhing thams cad kyi rdul gyi mtshan nyid med pa'i rang bzhin du/ sangs rgyas thams cad kyi gsung rgya mtsho bsam gyis mi khyab pa'i dbyangs sgrog pa'i sprin ces bya ba mnga' 'o/ / de bzhin gshegs pa'i ljags kyi rtse mo la de bzhin gshegs pa'i mtshan rin po che gser gyi 'od 'phro bas/ sangs rgyas rgya mtsho'i dbyings thams cad du snang zhing yid du 'ong ba'i rin po che'i rgyal po'i dbyangs kyi yan lag 'jig rten gyi khams thams cad du sgrog cing gsung snyan pa'i ro myong bas/ sems can go bar mdzad cing bskal pa bsam gyis mi khyab par mnyan du yod par dbyangs kyi yan lag gi sgra yang dag par ston pa'i sprin sems can thams cad la yid du 'ong ba'i chos su snang bas chos kyi dbyings rnam par snang ba'i sprin ces bya ba mnga' 'o/ / de bzhin gshegs pa'i ljags kyi rtse mo la de bzhin gshegs pa'i mtshan zhing tshad med pa

  126. 64a

    yongs su dag pa na bzhugs pa'i gsung rin po che'i rgyal pos kun nas brgyan cing sna tshogs su gyur pas/ sangs rgyas kyi chos kyi dbyings kyi grong du bsngags rab tu 'jug pa rnam par phye ba gzhan dang gzhan du/ byang chub sems dpa' rnams la yang dag par ston pa'i sprin gyis chos kyi dbyings kyi gzhi dang / sangs rgyas dang / byang chub sems dpa' thams cad kun nas yog par sangs rgyas kyi gsung la byang chub sems dpa' 'dzud cing / zhing thams cad du rin po che'i rgyal po sgo kun nas ston pas chos kyi dbyings su snang ba'i sprin ces bya ba mnga' 'o/ / de bzhin gshegs pa'i zhal gyi dkan la de bzhin gshegs pa'i mtshan in+d+ra nI la sna tshogs bai DUR+Ya'i dbyibs kyis chos kyi dbyings kyi khongs su gtogs pa'i byang chub sems dpa'i sprin yongs su rgyas par mdzad pa/ phyogs thams cad du rin po che'i 'od 'phro zhing dri ma med pa byung bas/ rnam par snang ba'i spos kyi smon ma'i sprin gyi khongs su byang chub sems dpa'i cho gas 'dus par snang bas/ zhing rgya mtsho'i ming du bya ba thams cad du rnam par 'phrul pa'i tshul rab tu gnas shing chos kyi dbyings bsam gyis mi khyab pa'i chos nyid yang dag par ston pa'i sprin ces bya ba mnga' 'o/ / de bzhin gshegs pa'i tshems mche ba g.yas kyi 'og ma la de bzhin gshegs

  127. 64b

    pa'i mtshan 'od rin po che'i mtshan gyi rgyan gyis chos kyi dbyings yangs pa/ 'od zer snang ba'i dkyil 'khor gyi 'khor lo sna tshogs kyi de bzhin gshegs pa'i tshems mche ba rin po che rnam pa thams cad du mdzes par byung ba/ de bzhin gshegs pa'i sku'i 'od gsal bas 'od kyi dra ba kun tu bkye ba/ phyogs bcu'i 'jig rten gyi khams rgya mtsho'i sems can du gtog pa thams cad la bkra shis dang / 'khor lo rnam pa kun tu mdzes pas rnam par snang ba'i sangs rgyas kyi tshems mche ba de bzhin gshegs pa'i sprin ces bya ba mnga' 'o// de bzhin gshegs p a'i tshems mche ba g.yas pa gong ma la de bzhin gshegs pa'i mtshan rdo rje spos kyi 'od 'phro ba'i sprin kun tu snang ba'i 'od zer rin po che'i rgyal po rnam par snang ba'i snying po can chos kyi d byings thams cad kyi tshad kyis klong ba rin po che'i 'od zer sna tshogs rab tu bkye ba'i 'od zer re re'i khongs su phyogs bcu'i sangs rgyas thams cad kyi rnam par 'phrul pa chud par ston pa/ zhing thams cad kyi snying po byang chub kyi rgyan gyi kun tu nar cing mched pas 'od kyi sprin rin po che'i 'od du 'phro ba ri rab kyi snying po can zhes bya ba mnga' 'o// de bzhin gshegs pa'i tshems mche ba g.yon pa 'og ma la de bzhin gshegs pa'i mtshan tha dad pa'i mtshan nyid shin tu ston pas/ spos dang rin po che yid du 'ong ba'i me tog sna tshogs thams

  128. 65a

    cad de bzhin gshegs pa'i tshul sna tshogs kyi 'khor lo dang / rin po che thams cad kyis 'od zer rnam par snang ba kun tu 'phro ba'i sgron ma dri ma med pa'i sprin yang dag par bstan pas/ 'jig rten gyi khams rgya mtsho thams cad du rab tu gsal bas rnam par snang zhing / de bzhin gshegs pa gang na seng ge'i khri pad+mo'i snying po can dri ma med pa la bzhugs pa'i sprin byang chub sems dpa'i rgya mtsho'i dbyings su/ rin po che sna tshogs thams cad kyi ri rab kyi mar me rab tu snang ba'i sprin ces bya ba mnga' 'o// de bzhin gshegs pa'i tshems mche ba g.yon pa gong ma la de bzhin gshegs pa'i mtshan rin po che gser gyi 'od sna tshogs kun nas rnam par dag pa/ 'dzam bu chu klung gi rin po che'i rgyud kyi dra ba'i 'khor lo dang / rin po che'i me tog shin tu snang ba'i 'khor lo sna tshogs yongs su 'khyil ba chos kyi dbyings su gsung sgrog cing / sangs rgyas kyi rnam par 'phrul pa bsam gyis mi khyab pa yongs su ston pas/ byang chub sems dpa' yongs su smin par mdzad cing nam mkha'i dbyings su rgyan thams cad kyi gzugs brnyan gyi smon zad mi shes pa kun tu mched par 'gyed pas/ chos rgya mtsho rab tu sgrog pa'i sangs rgyas kyi gsung dang / rin po che thams cad kyi tshon du snang ba'i sangs rgyas nam mkha'i dbyings la gsung gi sgra 'byin pa/ chos

  129. 65b

    kyi sgron ma'i 'od de bzhin gshegs pa'i sprin du snang ba zhes bya ba mnga' 'o/ / de bzhin gshegs pa'i tshems kyi mtsham+ba na de bzhin gshegs pa'i mtshan tshems kyi mtshams thams cad mtshan gcig par me tog gi mtshan dang / rgya mtsho'i sgo'i mtshan gyi sprin rin po che thams cad kyi kha dog tu 'dal ba las rin po che'i 'od zer rgya mtsho rab tu 'gyed cing / bzhad mo 'dzum pas sangs rgyas kyi 'od nor bu rin po che'i 'od 'phro ba g.yas phyogs su 'khyil zhing / chos kyi dbyings rgyas par khyab par rin po che'i 'od zer rgya mtsho khongs su chud pa'i snying po can gyis sangs rgyas kyi tshems kyi mtshams thams cad rgyas par gang bas/ skad cig tu 'od kyis rgyas par kun tu rgyu ba'i 'od zer sangs rgyas kyi gsung gi dkyil 'khor rgya mtsho kun tu 'gyed pa'i sprin snang ba zhes bya ba mnga' 'o/ / de bzhin gshegs pa'i sgros la de bzhin gshegs pa'i mtshan 'dzam bu chu klung gi gser dang / pad+mo'i mdog dang 'od ltar snang ba/ chos kyi dbyis thams cad du mdangs rab tu snang bas dpal phun sum tshogs pa/ rin po che thams cad kyi 'od zer dang mdangs kyis kun tu khyab par rnam par snang zhing / gser dang pad+mo'i// mdog yongs su dag pas kun tu sbyangs pas/ rin po che thams cad kyi mdangs dang mdog tu snang ba mnga' 'o// de bzhin gshegs pa'i mgur la de bzhin gshegs pa'i

  130. 66a

    mtshan dung gi mgur/ sangs rgyas thams cad kyi 'od lam me lam mer yongs su snang bas mdog shin tu gsal zhing / gzhi thams cad rin po che'i rgyal pos rnam par snang bar byas pas/ phyogs thams cad du rnam par gsal ba'i 'od zer rab tu 'gyed cing / 'jig rten gyi khams thams cad snang bar mdzad pa'i sprin ces bya ba mnga' de bzhin gshegs pa'i sku phrag pa g.yas pa la de bzhin gshegs pa'i mtshan rin po che thams cad kyi 'od dang / gser gyi kha dog rab tu 'phel bas pad+mo'i mdog rnam par snang ba dang / rin po che'i 'od kyi dra ba rab tu snang ste/ kun tu gsal bar chos kyi dbyings snang bar mdzad cing / byang chub sems dpa' thams cad khongs su chud pa'i sprin rab tu snang bas/ sangs rgyas rab tu mang po thams cad snying por byas pa/ rin po che thams cad kyi gzhi dang ldan pa'i sprin ces bya ba mnga' 'o// de bzhin gshegs pa'i sku phrag pa'i dbus na de bzhin gshegs pa'i mtshan shin tu 'phags shing yongs su rgyas la/ 'dzam bu chu klung gi gser gyi 'od dang mdog yongs su dag pa/ byang chub sems dpa'i 'khor lo rab tu snang bas/ chos kyi dbyings snang bar rin po che'i rgyal po'i mchog tu kun tu snang ba'i sprin ces bya ba mnga'a'o/ / de bzhin gshegs pa'i sku phrag pa g.yon pa la sangs rgyas kyi dbu'i mdzod spu'i dkyil 'khor rgya ma

  131. 66b

    bzhi las/ rin po che'i 'od zer gyi dra ba sna tshogs shin tu bsgrubs pa/ 'dzam bu chu klung gi gser dang pad+mo'i mdog ltar gsal zhing bzang ba rab tu bkye bas/ chos kyi dbyings dang 'dzi/ rten gyi khams thams cad du rnam par 'phrul pa'i 'od ston cing / de bzhin gshegs pa thams cad kyi mdzod spu rin po che'i sprin gyi 'od rab tu snang ba bkye bas/ dpal rab tu 'bar zhing chos kyi dbyings sdang bar mdzad pa'i sprin ces bya ba mnga' 'o/ / de bzhin gshegs pa'i sku phrag pa g.yas pa'i lhun la de bzhin gshegs pa'i mtshan mtshan nyid rnam par phye ba rin po niri ko cha 'dzam bu chu klung gi ka se re lha bu dpal thams cad kyis rgyas pas/ chos kyi dbyings kyi sangs rgyas thams cad kyi 'od kyi dbyings rgya mtsho'i 'od rnam par snang ba rin po che'i me tog spos kyi 'od 'phro bas zhing rgya mtsho thams cad rnam par phye bas brgyan te/ kun tu snang ba'i sprin ces bya ba mnga' 'o// de bzhin gshegs pa'i sku phrag gson pa'i ldan la de bzhin gshegs pa'i mtshan sgron ma'i 'od 'phro ba'i phung po'i sprin chos kyi dbyings kun tu rab tu mchod pas/ byang chub sems pa'i dge 'dun yongs khyab cing chos kyi dbyings kyi gzhi'i rgyan du gyur par kun tu mched cing sdang ba'i dbyings kyi sprin ces bya ba mnga' 'o/ / sangs rgyas kyi thugs ka'i dpal gyi be'u ma de

  132. 67a

    gshegs pa'i mtshan mtshan nyid rgya mtshos kun tu brgyan pas rab tu 'jam pa'i gzhi rin po che thams cad kyi mdog lta bur snang ba/ rin po che sna tshogs kyi tshad du 'od zer gyi dkyil 'khor kun tu 'khyil bas yongs su dag cing / chos rgya mtsho gsung dbyangs dang ldan pa/ rin po che'i me tog shin tu rgyas pas rnam par brgyan te/ rin po che'i 'od zer gyi mtshan gyi dbyings rgya mtsho la gnas pa'i dpal rgya mtsho kun gyi gzhung gi sprin ces bya ba mnga' 'o/ / de bzhin gshegs pa'i dpal gyi be'u'i g.yas phyogs 'dab chags na/ de bzhin gshegs pa'i mtshan chos kyi dbyings rnam par dag pa'i 'khor lo snang ba'i gzhi'i rgyan/ rin po che'i mig 'phrul gyi 'khor lo rnam par dag pa las/ sangs rgyas kyi sprin gyi lhun dri ma med pas rab tu snang zhing / phyogs thams cad kyi chos kyi dbyings su 'od rnam par snang ba/ dpal gyi be'u dang mtshams sbyor ba rab tu ston pa'i sprin ces bya ba mnga' 'o// de bzhin gshegs pa'i dpal gyi be'u'i 'dab chags g.yon phyogs na/ byang chub sems dpa'i rin po che'i cod pan la snang ba shin tu 'phags pa'i sprin gyi lhun dri ma med pas thams cad du/ sangs rgyas kyi rnam par dag par 'phrul pa yang dag par ston cing chos rgya mtsho'i spyod pa rab tu ston pas/ 'das pa dang / ma byon pa dang / da ltar byung ba'i de bzhin

  133. 67b

    gshegs pa dang / byang chub sems dpa' thams cad rab tu ston pa'i sprin ces bya ba mnga' 'o// de bzhin gshegs pa'i dpal gyi be'u'i gams phyogs kyi 'og rol gyi 'drab rdzochags na/ de bzhin gshegs pa'i mtshan rin po che'i me tog dang / rin po che'i mdzod spus rab tu brgyan pa'i rin po che'i 'khor lo rin po che'i 'od 'phro ba'i sgron ma dri ma med pa/ pad+mo'i dbyibs 'jig rten gyi khams su ston pas/ me tog rgyas pa'i sprin ces bya ba mnga' 'o// de bzhin gshegs pa'i dpal gyi be'u'i g.yon phyogs kyi 'og rol gyi 'dab chags na/ rin po che thams cad kyi 'od sems kyi rgyal po'i snying po can rin po che'i rgyal po'i 'od zer gyi 'khor lo dang 'od rab tu ba kye bas/ kun tu dri ma med pa'i rgya mtsho shin tu 'phags pa'i khongs su sangs rgyas kyi tshul thams cad rab tu snang ba'i rin po che'i phung po ma lus par chud pa'i snying po can/ chos kyi dbyings thams cad du gser rab tu 'bar ba'i sprin ces bya ba mnga' 'o/ / de bzhin gshegs pa'i dpal gyi be'u'i rtse mo la/ nam mkha'i dbyings su rin po che'i sgron ma spos rin po che'i rgyal po lus thams cad la snying po byang chub kyi 'od zer rab tu 'bar zhing / bai DUR+Ya'i dkyil 'khor gyi sgron ma spos kyi 'phreng bas phyogs yangs pa thams cad rgyas par 'gengs shing kun tu g.yas phyogs su

  134. 68a

    'khyil ba sangs rgyas kyi dpal gyi be'u rgya mtsho'i sprin ces bya ba mnga' 'o/ / de'i 'og na rjes su 'gro ba'i dpal gyi be'u gnyis pa yod pa'i dbus na/ de bzhin gshegs pa'i mtshan mtshan nyid kyi pad+mo'i gzhi la ze ba byang chub sems dpa' g.yas phyogs su 'khor bar 'khod pa'i rab tu snang bas shin tu 'phags shing yongs su dag la/ chos kyi dbyings rgya mtshor gsung sgrog pa'i sangs rgyas kyi 'od zer gyi phung po'i snying po can/ rin po che'i rgyal pos shin tu brgyan pa/ rin po che'i 'od rab tu 'bar bsu 'od zer rnam par snang ba'i 'od kyi lhun dang ldan pa'i sprin ces bya ba mnga' 'o/ / rjes su 'gro ba'i dpal gyi be'u gsum pa la de bzhin gshegs pa'i mtshan mtshan rgya mtshos yongs su gang ba'i rin po che rgya mtsho'i nang na/ zhing thams cad gzugs brnyan du 'khor bar ston cing / byang chub sems dpa' sprin gzhan dang gzhan mngon par phyung bas chos kyi dbyings rnam par snang ba'i sprin kun tu ston pa'i 'od kyi sprin ces bya ba mnga' 'o/ / rjes su 'gro ba'i dpal gyi be'u bzhi pa la de bzhin gshegs pa'i mtshan mtshan nyid kyi rnam pa rgya mtshos chos kyi dbyings thams cad du de bzhin gshegs pa'i rnam par snang ba dang / 'jig rten gyi khams dang rgyan thams cad snang bas/ 'jig rten gyi khams rgya mtshor 'od rab tu bkye ba'i 'od zer snang ba phun sum

  135. 68b

    tshogs pas rgyas par snang ba'i 'od zer gyi sprin rin po che'i rgyal po'i 'khor lo ka yAs phyogs su 'khyil baSh+Tiny+tsi mya rnam par snang ba dang / 'phreng ba kun tu byung zhing 'phags pa'i sprin+d+ha ces bya ba mnga' 'o/ / dpal gyi be'u de'i 'og rol na chos thams cad kyi sgron ma'i dbyings dri ma med pa spos kyi me tog gi 'od zer rab tu snang ba/ sangs rgyas rgya mtsho thams cad kyi thugs su 'dus pa de bzhin gshegs pa'i mtshan rgya mtsho las chos kyi dbyings thams cad du/ chos kyi 'khor lo'i klong thams cad kyi gsung gi dbyangs kyi sprin 'byin pa zhes bya ba mnga' 'o// de bzhin gshegs pa'i dpal gyi be'u bcu pa la de bzhin gshegs pa'i mtshan sangs rgyas dang / byang chub sems dpa'i phyogs thams cad du sangs rgyas kyi chos kyi spyod pas mthu phyung zhing sangs rgyas kyi 'od yongs su dag pa dang / dri ma med pa 'das pa dang / ma byon pa dang / da ltar byung ba'i sangs rgyas thams cad kyi ye shes rgya mtsho'i glong yongs su dag pa thams cad kyis zhing rgya mtsho rab tu brgyan cing klubs te/ rnam par 'god pa'i sprin ces bya ba mnga' 'o// de bzhin gshegs pa'i phyag gi mthil la de bzhin gshegs pa'i mtshan rin po che'i 'khor lo rtsibs stong dang ldan pa/ dbus rin po ches brgyan pa/ rin po che'i 'od zer rnam par gsal pa'i 'od rnam par snang ba chos kyi dbyings su 'bar zhing 'khor lo g.yas phyog su 'khyil ga

  136. 69a

    sangs rgyas rgya mtsho'i gzugs rnam par snang bas/ sangs rgyas thams cad kyi 'od dang / dpal gyis rgyas par gang ba'i 'od zer rin po che'i rgyal po rnam par snang ba'i sna tshogs thams cad lta bur 'jig rten gyi khams su chos kyi rgyan gyi sprin du snang ba zhes bya ba mnga' 'o/ / de bzhin gshegs pa'i phyag rin po che la de bzhin gshegs pa'i mtshan rin po che'i rgyan gyi sprin zla ba'i 'od zer kun tu 'byung bas/ nam mkha' yongs su brgyan cing sangs rgyas dang / byang chub sems dpa'i gsung 'jig rten thams cad du sgrog pa rgya mtshos byang chub sems pa'i spyod pa rgya mtsho yang dag par brjod pa rgya mtsho'i 'od kyi sprin ces bya ba mnga' 'o/ / sangs rgyas kyi phyag la de bzhin gshegs pa'i mtshan rin po che'i me tog baiDUR+Ya 'ang / in+d+ra nI las brgyan pa g.yas phyogs su 'khyil ba/ pad+mo'i snying po can byang chub sems dpa' dang / 'jig rten gyi khams thams cad du rin po che'i phung po mchog la gnas pa'i 'od/ phyogs thams cad kyi dbyings byang chub kyi shing rnam par bkod pas brgyan pa/ sangs rgyas rgya mtsho'i sprin lA sangs rgyas kyi chos kyi sku'i 'o nA ba mi g.yo ba'i sprin+da ces bya ba mnga' 'o// de bzhin gshegs pa'i phyag la de bzhin gshegs pa'i mtshan 'od 'phro ba rnam par snang ba dang / rin po che'i rlabs kyi 'od rnam par snang bas/ phyogs thams cad

  137. 69b

    du sprul pa'i dra ba'i 'od kyi sprin rab tu bkye ste/ chos thams cad kyi spyod pa rgya mtsho la 'jug pas/ shin tu 'phags pa'i byang chub sems dpa'i rin po che'i cho gas las rab tu mchod pa'i 'od zer snang ba 'od 'phro ba'i 'phreng ba'i kun tu brgyan pa'i sprin ces bya ba mnga' 'o/ / de bzhin gshegs pa'i phyag la de bzhin gshegs pa'i mtshan rin po che'i 'ong gzhi las blangs pa rgya mtsho'i snying po can gyi sprin/ sangs rgyas pad+mas yongs su khyab pa'i mdog gi me tog shin tu rgyas pas pad+mo'i 'od zer rin po che rab tu snang ba'i sprin rlos dbyings thams cad du rab tu snang bar rin po che'i sprin rab tu bstan pa'i sprin ces bya ba mnga'o/ / de bzhin gshegs pa'i phyag la de bzhin gshegs pa'i mtshan rin po che'i 'od zer rgya mtsho chos kyi dbyings su bsod nams kyi snang ba rab tu 'gyed pa/ spros 'od 'phro ba thams cad kyis shin tu brgyan pa/ me tog 'od 'phro ba rin po che ltar snang ba shin tu ston pas rab tu 'phags shing zhing gi dra ba la 'jug pa dang / snying po byang chub kyi gzhi kun tu gsal bar rnam par snang ba'i sprin ces bya ba mnga' 'o// de bzhin gshegs pa'i phyag la de bzhin gshegs pa'i mtshan 'jig rten thams cad kyis rin po che'i mdog tu bya ste/ kun tu snang bar brgyan pa'i 'od dang / rgyan gyi dmigs pa thams cad dang / thugs skad cig la zhal mngon par

  138. 70a

    bstan pa/ sangs rgyas kyi mnyam pa nyid kyis gser gyi 'od zer rab tu bkye ba rnam par dag pa baiDUrba'i sgron ma'i sprin ces bya ba mnga' 'o// de bzhin gshes pa'i phyag la de bzhin gshegs pa'i mtshan mig 'phrul gyi dra ba'i mdog rdo rje'i me tog kun nas yid du 'ong bas rab tu brgyan pa/ 'dzam bu chu klung kr-i gser gyi dbyings kyis shin tu spras pa/ 'jig rten gyi khams thams cad kyi rdul mkhyen pa'i sgron ma rab tu snang ba'i sprin ces bya ba mnga' 'o// de bzhin gsheg pa'i phyag la de bzhin gshegs pa'i mtshan rin po che'i me tog gi tshon gyi 'od zer rab tu 'bar ba'i sgron ma'i rI rab 'jig rten gyi khams thams cad du khyab pa/ rin po che'i gzhi la rab tu gnas pas pad+mo'i 'od kyi sprin ces bya ba mnga'u'o// de bzhin gshegs pa'i phyag la de bzhin gshegs pa'i mtshan rin po che'i sprin stug po glog gi 'phreng ba kun nas 'gyur bar rab tu 'dal ba zhing thams cad du snang zhing / pad+mo'i snying po can gyi gdan la sangs rgyas thams cad bzhugs pa/ chos kyi dbyings thams cad du gser gyi gzhi la rab tu snang ba'i mig 'phrul gyis/ sangs rgyas mang po'i phyag gis mtshan gyi rgyud thams cad bstan pas phyogs kyi grong thams cad du 'khor lo dang / mdzod dang / 'phreng ba dang / bum pa dang / rin po che kun tu ba kram pa dang / bkra shis

  139. 70b

    k yis kun tu brgyan pa'i sangs rgyas kyi phyag 'jig rten gyi khams rgya mtsho sangs rgyas kyi sprin gyis khyab pa'i chos kyi dbyings 'od rnam par snang ba'i 'od zer gsal ba'i sprin ces bya ba mnga' 'o/ / sangs rgyas kyi phyag g.yas pa'i phyag sor la de bzhin gshegs pa'i mtshan mtshan nyid rin po che yongs su dag pas chos kyi dbyings rnam par dag pa/ chu'i zla ba lta bur snang ba'i 'od kyi phung po'i snying po can/ rin po che'i rgyal po'i mtshan nyid kyis gzhi rab tu brgyan pa/ rin po che'i me tog gi 'dab ma'i mdog dang tshon du snang bas/ rin po rna thams cad kyi sgra mkhyen pa dang / zhing yongs su ston pas bskul pa dang / zhing gi klong rgya mtsho'i sprin ces bya ba mnga' 'o// de bzhin gshegs pa'i phyag gson pa'i phyag sor la de bzhin gshegs pa thams cad kyis rnam par bkye ba'i rin po che'i mdzod/ chos kyi dbyings kyi glong thams cad du snang ba rin po che'i rgyal po mang po'i sprin mched de byung bas/ phyag sor gyi mtshan gyi gzhi rin po che sna tshogs kyi 'od zer rnam pa tha dad pas/ de bzhin gshegs pa'i phyag dra bar 'brel ba la/ in+d+ra nI la dang rdo rje shin tu brtan pa'i rin po che'i sprin gyi tshen sna tshogs rin po che 'od 'phro bar rnam par snang zhing / chos kyi dbyings rnam par sangs rgyas pas rnam par snang bar byang chub rgya mtsho thams cad khongs su chud cing / kun tu

  140. 71a

    mched pa'i 'od zer gyis rab tu brgyan pa'i byang chub sems dpa'i 'od kyis/ 'jig rten gyi khams thams cad du kun tu bzang po'i spyod pa rgya mtsho'i sgra phyag gi mthil nas/ sangs rgyas kyi zhing bam cad du go bar mdzad pas// byang chub sems dpa' la rab tu snang zhing / sems yang dag par skul ba dang / smon lam gzhan dang gzhan gyi 'od rin po che'i rgyal po'i gzhi/ nyi ma la sbyin pa sna tshogs kyi 'khor le rtsibs stong dang ldan pa'i dkyil 'khor kun tu 'phel bas/ rnam par snang bar byas shing sprul pa chos kyi dbyings su snang ba/ rin po che thams cad kyi sprin ces bya ba mnga' 'o// de bzhin gshegs pa'i gsang ba'i gnas sbubs su nub pa la/ de bzhin gshegs pa'i mtshan rim pa g.yas/ phyogs su 'khyil cing 'od rab tu gsal ba dang ldan pa/ rin po che'i me tog chos kyi dbyings su snang ba'i 'od nam mkha' lta bu rin po che thams cad kyi 'od du snang ba/ de bzhin gshegs pa'i 'khor lo'i gzhi thams cad la rab tu gnas pa/ chos kyi dbyings rgya mtsho gzhan dang gzhan du rin po che'i 'od sna tshogs de bzhin gshegs pa'i sprin gyis kun tu khyab cing rab tu snang bas/ sangs rgyas kyi sprin gyis khyab pa'i chos kyi dbyings kyi mtshan nyid kun tu snang ba'i glong sna tshogs kyi sprin ces bya ba mnga' 'o// de bzhin gshegs pa'i sku ste

  141. 71b

    zur g.yas pa la sems can thams cad rin po ches rab tu brgyan cing / rin po che bsam gyis mi khyab pa'i gzhi rgya mtsho 'od 'phro ba'i phung po rnam par snang bas phyogs thams cad kyi chos kyi dbyings kun nas khyab pa'i tshul gyis nam mkha'i dbyings dang / chos kyi dbyings thams cad dang / mtshan gcig pa rgya mtsho'i sprin las/ sangs rgyas kyi rnam par 'phrul pa thams cad mtshan nyid gcig tu bstan pa'i gzugs brnyan khongs su chud pa'i gzhi'i mtshan nyid kyis/ rin po che thams cad kyi sgron ma dang / 'phreng ba kun tu khyab pa'i sprin ces bya ba mnga' 'o// de bzhin gshegs pa'i sku sta zur g.yon pa la/ rin po che'i pad+mo rnam par dag pa/ pad+mo'i mdog dang kha dog gi 'od zer rin po ches rab tu brgyan pa/ phyogs bcu thams cad du rab tu mched pa'i 'khor lo// chos kyi dbyings rgya mtsho thams cad la rab tu gnas pa'i gzhi la kun nas bzhugs pa'i mtshan gyi sprin yang dag par bstan pa phyogs su mched cing rab tu byung ba'i 'od zer gyi dra bas chos kyi dbyings rgya mtsho dang / nam mkha'i dbyings thams cad kun nas khyab par snang ba'i sprin ces bya ba mnga' 'o/ / de bzhin gshegs pa'i zhabs brla g.yas pa la de bzhin gshegs pa'i mtshan rin po che thams cad kyi mtshan nyid sna tshogs dang chos kyi 'od kyi spos rin

  142. 72a

    @#po che rab tu bkye bas/ rim gyis mtho bar gnas shing ran pas rin po che'i rgyal po thams cad rnam par gnon pa'i mtshan rgya mtsho sprin mdzes pa/ thugs kyi skad cig re re la mnyam par kun tu ston pa'i sprin ces bya ba mnga' 'o/ / sangs rgyas kyi zhabs brla g.yon pa la/ rin po che rgya mtsho thams cad yongs su tshang ba'i gzhi'i chos rim gyis gzhol bar gnas pas rab tu rgyan cing / zhabs kyi gshegs stabs rnam par bkod kyang 'od zer rgya mtsho rab tu 'byung zhing / sems can thams cad la rab tu snang bas sangs rgyas kyi chos la mos pa rgya mtsho skye ba'i 'od zer tshad med pa rgya mtsho'i sprin ces bya ba mnga' 'o/ / de bzhin gshegs pa'i zhabs byin g.yas pa ri dgas e n+ya ya'i byin pa lta bu la de bzhin gshegs pa'i mtshan rin po che'i 'od zer gyi me tog 'dzam bu chu klung gi gser ltar snang ba/ 'jig rten gyi khams thams cad du shin tu snang zhing gshegs stabs thams cad la 'od zer zhing thams cad yongs su spyod pa/ kun tu gsung gi dbyangs rab tu 'gyed pas/ de bzhin gshegs pa'i mtshan gyi gzhi'i sgra 'byin pa'i byang chub sems dpa'i sprul pa byung ba'i 'od zhing thams cad kyi nam mkha'i dbyings su rnam par snang zhing / rin po che'i 'od 'phro bas kun tu brgyan pa dang / yongs su dag pa'i zhing du byang chub

  143. 72b

    sems dpa'i sprul pa'i snying po chos kyi dbyings dang / nam mkha'i khams thams cad kyi sprin ces bya ba mnga' 'o// de bzhin gshegs pa'i zhabs byin g.yon pa ri dgas e n+ya ya'i byin pa lta bu la/ de bzhin gshegs pa'i mtshan gser kha dog bzang po ltar shin tu 'od 'bar ba'i 'od zer rin po che thams cad kyi 'od rtag tu 'byung ba gshegs stabs thams cad kyi zhabs kyi 'og na zhing thams cad rab tu gnas te/ chos kyi dbyings thams cad du sangs rgyas kyi snang ba'i dbyings kyis rgyas par khebs shing / sangs rgyas phal po che'i me tog kun tu rgyas pa/ chos kyi dbyings rgya mtsho thams cad kyi sprin ces bya ba mnga' 'o// de bzhin gshegs pa'i zhabs byin pa'i spu yan lag gyen du gnas pa la/ de bzhin gshegs pa'i mtshan rin po che'i 'od zer gyi mdzod phyogs thams cad du rab tu bkye bas/ phyogs thams cad kyi chos kyi dbyings su 'od zer gyi dra ba gcig tu gyur pa'i spu las sangs rgyas kyi rnam par 'phrul pa thams cad bstan pa/ spu thams cad kyi nang du zhing gi gzugs brnyan thams cad khongs su chud par ston pas/ chos kyi dbyings kun tu 'od rab tu snang ba yongs su ston pa'i sprin ces bya ba mnga' 'o/ / de bzhin gshegs pa'i zhabs la de bzhin gshegs pa'i mtshan 'dzam bu chu klung gi gser dang / rdo rje dang / pad+mo

  144. 73a

    gser gyi mdog tu snang ba/ rin po che'i 'od zer 'bar ba rab tu 'gyed pa/ 'od zer gyi dra bas phyogs bcu'i zhing rgya mtsho thams cad rgyas par 'gengs pa'i sprin gyi me tog kun tu rgyas par rin po che'i spos kyi 'od 'phro ba'i ris las 'khor gyi gzhi thams cad du/ byang chub sems dpa'i sprul pa dang / spos thams cad dang / rin bopo che kha dog thams cad rtag tu bkye ba/ zhabs kyi mthil gshegs stabs gcig tu bor bas kyang / chos kyi dbyings kyi klong gi rgyud thams cad du/ byang chub sems dpa'i rgya mtsho rab tu gnas pa'i sprin ces bya ba mngaba'o/ / de bzhin gshegs pa'i zhabs kyi bol la de bzhin gshegs pa'i mtshan rin po che thams cad kyi rgyan gyis brgyan pa'i 'od zer gyi mdzod rab tu 'bar bas/ byang chub sems dpa' thams cad la de bzhin gshegs pa'i 'od zer gyi mdzod rab tu 'gyed pa'i sangs rgyas kyi go 'phang chen po yang dag par ston cing sangs rgyas kyi sprin gyi 'od kun tu rnam par snang ba'i sprin ces bya ba mnga' 'o/ / de bzhin gshegs pa'i zhabs kyi sor mo'i mtshams thams cad na/ de bzhin gshegs pa'i mtshan rin po che'i mtshan nyid kyis bsgrubs pa rin po che'i rgyal po sna tshogs dang / rin po che thams cad kyi 'od ze gyi sprin rab tu 'bar bas/ sangs rgyas kyi tshul gzhan dang gzhan

  145. 73b

    ngag dang / sangs rgyas kyi rnam par 'phrul pa yongs su bstan pa'i 'od/ sangs rgyas kyi chos rgya mtsho thams cad du snang ba las rin po che sna tshogs kyi sprin rab tu 'gyed cing / snying po / byang chub thams cad kyi sgo ston pa/ kun tu snang bas phyi ma'i mtha' mur thug pa'i bskul par/ sangs rgyas thams cad kyis kun tu khyab pa'i sprin ces bya ba mnga' 'o// de bzhin gshegs ba'i zhabs kyi mthil la rin po che mi phyed pa'i gzhi/ nor bu'i rgyal po ri rab mar me'i 'od zer dang ldan pa'i 'khor lo bsod nams kyi 'od zer las byung ba/ rtsibs stong dang ldan pa gzhan dang gzhan ston pas/ chos kyi dbyings rgya mtsho thams cad du khyab pa/ de bzhin gshegs pa'i mtshan gyi sprin gyi glong rin po che thams cad kyi 'od zer rab tu 'bar byas shin tu brtan pa'i snying po can/ sangs rgyas thams cad kyi 'od kyi dbyings kyis shin tu rgyas pa/ phyogs bcu kun tu 'od kyi dra bas rnam par snang bar mdzad pa/ rin po che'i 'od zer rab tu snang bar sprin gyi 'khor lo'i gnas mtha' yas pas spos thams cad kyi dri yongs su 'phro ba'i sgron ma rin po che'i rgyal pos kun tu brgyan cing / rin po che sna tshogs kyi mtshan nyid kyis gzhi rnam par dag pas/ chos kyi dbyings rgya mtsho thams cad du snang ba'i sprin ces bya ba mnga' 'o// de bzhin gshegs pa'i zhabs kyi mthil

  146. 74a

    la nam mkha' ltar kun tu rnam par dag pa'i rin po che rgya mtsho yongs su snang bas/ de bzhin gshegs pa la mos pa'i skye bo thams cad la/ rin po che thams cad kyi kha dog gi sgron ma'i 'phreng ba dang / 'khor los phyogs dang phyogs mtshams thams cad rgyas shing / byang chub sems dpa'i sprin shin tu 'ophags pas yongs su gang ba'i sprin gyi sgra/ dpal gyi be'u dang mdzod spu'i dbyibs kyi rin po che'i me tog gi sprin dang / spos kyi 'od zer rab tu snang ba kun tu 'phel ba'i 'od kyi dbyings su ston cing / 'jig rten gyi khams thams cad du sangs rgyas rgya mtsho'i sprin kun tu ston pa'i sprin ces bya ba mnga' 'o/ / de bzhin gshegs pa'i zhabs kyi bol gyi logs g.yas pa la/ sangs rgyas kyi 'od rnam par snang ba thams cad rab tu ston pa'i dbyangs dang / rin po che in+d+ra nI la'i mdog rnam pa sna tshogs su yongs su dag par chos kyi dbyings rgya mtsho ston cing snying po byang chub kyi gdan yongs su ston pas/ sangs rgyas kyi 'od kyi dbyings rin po che'i 'od zer 'dzin pa rab tu bkye bas yongs su rgyas shing / mtshan nyid gcig pas chos kyi dbyings ma 'dres pas rgyan gzhan dang gzhan du rnam par 'phrul pa'i 'od kyi sprin ces bya ba mnga' 'o/ / de bzhin gshegs pa'i zhabs kyi mthil rting pa logs na/ de bzhin gshegs pa'i mtshan chos kyi dbyings rgyas

  147. 74b

    thams cad snang ba'i mtshan gyi rgyun gyis sangs rgyas kyi rnam par 'phrul pa rnam par bkod pa la kun nas 'jug pa'i sprul pa'i 'khor lo rgya mtsho dang / rin po che dang spos kyi 'od 'phro brgya mtsho dang / ri rab rin po che me tog baiDUR+Ya sna tshogs ma 'dres pa'i rang bzhin gyis gzhi byas pa/ chos kyi dbyings thams cad du sprul pa'i rgyud kyis yongs su khebs par mdzad cing / rang rang gi chos kyi rgya mtsho sgrar sgrog pa'i sprin ces bya ba mnga' 'o// de bzhin gshegs pa'i zhabs la de bzhin gshegs pa'i mtshan rin po che'i gzhi sna tshogs shin tu zab pa'i 'od zer gyi dkyil 'khor gyis rnam par snang zhing / 'dzam bu chu klung gi gser gyi 'od lta bur snang bas phyogs thams cad kyi chos kyi dbyings rnam par snang bar mdzad cing / 'jig rten gyi khams dang / ri rab kyi sprin gyis mngon par khyab pa/ snying po byang chub kyi rgyan thams cad yongs su ston pa'i 'od kyi sprin ces bya ba mnga' 'o// de bzhin gshegs pa'i zhabs la rin po che thams cad kyi 'od zer rnam par snang ba zla ba dang / rin po che 'od 'phro bas shin tu brgyan pa'i snying po can/ in+d+ra nI le'i dra bas gzhi kun nas brgyan par chos kyi dbyings su snang ba'i sprin/ nor bu'i rgyal po spos kyi sgron ma thams cad kyi 'od kun tu 'phro ba lta bu'i sprin/ de bzhin gshegs pa'i mthus thugs kyi skad cig re re la chos kyi dbying rgya mtsho'i kha

  148. 75a

    dog 'gyur ba gzhan dang gzhan du shin tu ston pa'i sprin ces bya ba mnga' 'o/ / de bzhin gshegs pa'i zhabs la de bzhin gshegs pa'i mtsham/ nam mkha'i dbying su rin po che'i sprin snang ba g.yas phyogs su 'khyil zhing mngon par 'phags pa'i 'od zer rin po che'i dkyil 'khor rab tu snang ba la/ sangs rgyas thams cad bzhugs shing mdzod smra dang / rin po che'i rgyal po las de bzhin gshegs pa thams cad kyi snying po byang chub kyi rgyan rab tu bstan pa'i 'od gzhi kun tu khyab pa rdo rje dang / in+d+ra nI la'i tshen lta bus rab tu brgyan pa'i sprin kun tu mched pa zhes bya ba mngar 'o/ / de bzhin gshegs pa'i zhabs la de bzhin gshegs pa'i mtshan 'bar zhing snang ba dang / chos kyi dbyings zab mo'i gsung shin tu 'phagra pa/ chos kyi dbyings su snang ba'i sprin gyi me tog rin po che'i ze ba can yongs su rgyas pas chos kyi dbyings dang nam mkha'i dbyings kyi mtshan nyid rgya mtsho rgyas par khyab pa'i sprin mtshan nyid gcig pa rgya mtsho la sangs rgyas thams cad kyi gnas rgya mtsho rab tu snang zhing / sangs rgyas kyi rnam par 'phrul pa dang / byang chub sems dpa' chos kyi dbyings rgya mtsho la 'jug pab shin tu bstan pa mi zad pa'i rgyud chos kyi dbyings kyi gzhir thug par kun tu snang ba'i smon ces bya ba mnga' 'o/ / de bzhin gshegs pa'i zhabs la gser rnam par dag cing

  149. 75b

    yid du 'ong ba kha dog bzang po'i sbyin/ 'dzam bu chu klung gi 'od zer las/ sangs rgyas kyi sprin kun tu khyab pa zhing gi rgyud dang / grong rnam par bkod par rnam par 'phrul zhing / byang chub sems dpa'i chos snang ba rgya mtsho'i gzhir thug pa mi zad pas/ sangs rgyas thams cad kyi yon tan dang / mthu phyogs su kun tu rnam par snang zhing / byang chub sems dpa'i snying po la klong med pa'i chos kyi dbyings/ rin po che'i sprin du snang ba'i rgyan rab tu ston pa'i sprin ces bya ba mnga' 'o// de bzhin gshegs pa'i zhabs la de bzhin gshegs pa'i mtshan sangs rgyas kyi 'od zer zla ba 'od 'phro bas rab tu brgyan pa'i snying po can/ rin po che'i rgyal po kun tu dri zhim zhing 'od 'byung ba'i 'od zer gyi dkyil 'khor rgya mtsho'i gzhi rin po che'i 'khor lo thams cad du 'byung ba'i sna tshogs rin po che thams cad kyi kha dog dang / mdog dang / 'od zer gyi 'khor lo khongs su chud pa'i gzhir 'jig rten gyi khams rgya mtsho dang / sangs rgyas rgya mtsho khongs su chud par rnam par snang zhing 'bar bas/ 'jig rten gyi khams thams cad du byang chub sems dpa' shin tu rten pa'i sgo/ sangs rgyas kyi chos rgya mtsho thams cad kyi sprin gyi sgra'i nga ro rab tu btong bas/ de bzhin gshegs pa'i zhab kyi mthil la mtshan thams cad kyi rab tu brgyan pa'i rgyan

  150. 76a

    sangs rgyas kyi rnam par 'phrul ba thams cad rab tu ston pa'i sprin ces bya ba mang ste/ de bzhin kA shegs pa d+hA ba b+har swA mdzad kyi sku'i yan lag n yid lhag thams cad ni de dka la soklas pa de bzhin gshegs pa'i mtshan mang po sprin/ 'jig rten gyi khams gzhi dang snying po me tog gi rgyan gyis brgyan pa rgya mtsho thag bcu'i rdul shin tu phra ba snyed kyis ni rin po che sna tshogs thams cad kyi mtshan rin po ches rab tu brgyan pa'o/ / shin tu rgyas pa chen po'i mdo sangs rgyas phal po che zhes bya ba las de bzhin gshegs pa'i sku'i mtshan rgya mtsho bstan pa'i le'u ste bzhi bcu pa'o/ / // bam po drug cu rtsa brgyad pa/ de nas bcom ldan 'das kyis/ byang chub sems dpa' lag nA rin po che la bka' stsal pa/ la ka na rin po che de bzhin gshegs pa dgra bcom pa yang dag par rdzogs pa'i sangs rgyas la/ dpe byad bzang po 'od 'dzin pa dang ldan pa'i rgyal po zhes bya ba mnga' ste/ de las 'od zer bar chad med par shin tu 'bar ba zhes bya ba 'od zer gyi 'khor brgya stong zangs med pa phrag bdun cu dang ldan pa 'byung ste/ de nam byang chub sems dpa' dga' ldan gyi gnas nas rang gi lus 'dor de'i tshe/ 'od zer dpal gyi rgyal mo zhes bya ba gtong ste/ de 'jig

  151. 76b

    rten gyi khams bcu'i rdul shin tu za ba snyed kyi 'jig rten gyi khams rab tu snang bar byed do/ / 'jig rten gyi khams de dag na sems can dmyal ba chen po ji snyed song pa de dag kyang yong/ busnang bar byed do// de dag tu sems can ji snyed skyes pa de dag kyang yongs su snang bar byed do// de dag gis kyang snang ba de mthong zhing shes te/ sems can de dag gi sems can dmyal ba'i sdug bsngal de dag thams cad kyang rtse zhil bar 'gyur ro/ / sems can de dag gi mig yongs su sbyang ba rnam pa bcu'ang rnam par dag par 'gyur ro// de bzhin du na ba dang / sna dang / lce dang / lus dang / yid yongs su sbyang ba dag kyang rnam par dag par 'gyur te/ sems can dmyal bu pa de dag kyang dka' ba dang nyams bde ba chen po dang ldan bar 'gyur ro/ / sems can dmyal ba de dag nas shi 'phos nas kyang dga' ldan gyi lha dang skal ba mnyam par skye ste/ de dag der skyes nas kyang lha'i rnga rga ba med pa zhes bya ba sgra 'byin pa thos par 'gyur ro/ / kye grogs po dag bag yod pa dang / de bzhin gshegs pa la dge ba'i rtsa ba bskyed pa dang / sngon dge ba'i bshes gnyen bkur ba dang ldan pa'i dge ba'i rtsa ba'i stobs dang shugs kyis 'dir skyes so/ / de nyid kyi phyir sems can dmyal ba dag nas shi 'phos nas/ de bzhin gshegs pa rnam par snang mdzad kyi mthus lha'i 'jig rten

  152. 77a

    'dir skyes so/ / de bzhin gshegs pa'i zhabs kyi mthil gyi 'khor lo rtsibs stong dang ldan pa la kun tu snang zhing mdzes pa'i 'od zer yod de/ de la 'od 'dzin pa dang ldan pa zhes bya bo'i dpe byad bzang po'i 'od yod do/ / de las 'od zer bzhi bcu 'byung ste/ de'i nang nas 'od zer gcig cig yon tan yongs su dag pa'i 'od bya ste/ de ni 'jig rten gyi khams sangs rgyas zhing bye ba khrag khrig gi rdul shin tu phra ba snyed snang bar byed do// yul ji lta ba dang / bsam pa ji lta ba dang / yongs su smin pa'i khyad par ji lta ba bzhin du/ mnar med pa'i sems can dmyal po chen po'i sems can rnams kyang snang bar byed de/ de dag de nas shi 'phos nas dga' ldan gyi lha dang skam mnyam par skye'o/ / de dag der skyes nas kyang lha'i rta'i swA/ kye btsun pa lha'i sras po dag legs kyis/ byang chub sems dpa' rnam par snang mdzad de nyid la phyag tshol cig/ byang chub sems dpa' rnam par snang mdzad ni 'di yin te/ dri ma dang bral ba zhes bya ba'i ting nge 'dzin la mnyam par bzhag cing bzhugs so zhes bya ba'i sgra thos par 'gyur ro/ / de nas lha'i bu de dag rnga des bskul ba dang / yid du 'ong ba'i sgra 'di lta bu gang nas byung zhes ngo mtshar du 'dzin par 'gyur ro// de nas pang rnga de nyid

  153. 77b

    las smra 'di skad du 'byung bar 'gyur te/ lha'i sras po dag bdag ni lha'i rje zhes bya ba ste/ dge ba'i rtsa ba'i stobs dang shugs kyis grub pa'o// lha'i sras po dag 'di lta ste/ dper na lha'i rnga kho bo ni bdag ces bya ba'i sgra rjod kyang bdag la bdag tu bya ba rgyu ba med do/ / lha'i sras po dag de bzhin du sangs rgyas bcom ldan 'das rnams kyang // nga ni sangs rgyas zhes gsungs te/ de dag la bdag tu bya ba mi mnga' 'o// bdag gi bya ba mi mnga' 'o// lha'i sras po dag 'di lta ste/ dper na bdag gi sgra ni shar phyogs nas kyang mya 'ongs// lho phyogs nas kyang ma yin/ nub phyogs nas kyang ma yin/ byang phyogs nas kyang ma yin te/ phyogs bcu kun nas kyang 'ongs pa med do// lha'i sras po dag de bzhin du sangs rgyas bcom ldan 'das rnams kyi 'phrin las rnam par smin pa'ang / shar phyogs nas kyang ma 'ongs/ lho phyogs nas ma yin/ nub phyogs nas ma yin/ byang phyogs nas ma yin te/ phyogs bcu kun nas kyang 'ongs pa med do// lha'i sras po dag 'di lta ste/ dper na khyed kyi sngon gyi mtha'i sems can dmyal ba rnams ni/ shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin te/ phyogs bcu kun nas kyang 'ongs pa med do//

  154. 78a

    'on kyang phyin ci log gi las byed pa gti mug gi dra ba can rnams la lus su snang ba mi 'byung ba'ang ma yin te/ de dag kyang rtsa ba med cing gnas med pa'o/ byang chub sems dpa'i rnam par snang mdzad kyi mthus snang ba chen po 'byung ba'i 'od zer de dag kyang / shar phyogs nas ma 'ongs/ lho phyogs nas ma yin/ nub phyog nas ma yin/ byang phyogs nas ma yin te/ phyogs bcu kun nas kyang 'ongs pa med do// lha'i sras po dag de bzhin du bdag kyang lha'i dza ting nge 'dzin dang / dge ba'i rtsa ba dang shes rab kyi pha rol tu phyin pa dbyangs rnam par dag pa'i mthus byung ba ste/ cho 'phrul gyi rnam pa 'di 'dra ba dag ston to// lha'i sras po dag 'di lta ste/ dper na ri'i rgyal po ri rab 'di ni shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin te/ phyogs bcu kun nus kyang 'ongs pa med do/ / lha'i sras po dag 'on kyang sum cu rtsa gsum pa'i lha rnams longs spyod dang / yongs su spyod pa dang / bde ba'i rim gro'i phyir rnam pa 'di lta bus nye bar gnas so/ / lha'i sras po dag bdag kyang lha'i rnga ste/ de bzhin du mkhyen par mdzod cig/ lho'i sras po dag 'di lta ste/ dper na 'jig rten gyi khams sangs rgyas kyi zhing bye ba khrag

  155. 78b

    khrig gi rdul shin tu phra bsnyed cig thams cad rdul phra mor grags te/ rdul phra mo ji snyed byung ba de snyed kyi sems can zhig yongs su brtag pa nye bar bzung ste/ tshogs shing 'dus par gyur cing / bdag ni de dag thams cad bsam pa ji lta ba bzhin du legs par bshad pas tshim par byed de/ bdag la skyo ba 'am/ nyam chung bar 'gyur ba 'am/ dregs pa 'am/ rlom pa med do// lha'i sras po dag de bzhin du byang chub sems dpa' rnam par snang mdzad dri ma dang bral ba'i ting nge 'dzin la bzhugs pa'i phyag g.yas pa'i mthil gyi dpe byad bzang po gcig las 'od zer gcig byung ba'ang / de snyed du rnam par 'phrul zhing 'byung ste/ de ni nyan thos dang rang sangs rgyas rnams kyis kyang shes par dka' na/ sems can rnams kyis lta ci smos/ lha'i sras po dag legs so legs so// byang chub sems dpa' blta ba'i don du bzhud cig/ nye bar bzhud cig/ bsnyen bkur mdzod cig/ bstan par mdzod cig/ dge ba'i rtsa ba dag gi bar chad du gyur ta re/ lha'i sras po dag 'di lta ste/ dper na bskal pa'i me byung ba'i tshe/ ri'i rgyal po ri rab lta bu'ang rmeg med par mi snang bar 'gyur lha'i sras po dag de bzhin du/ 'dod chags kyis kun nas 'khor ba'i sems su gyur na/ sangs rgyas rjes su dran pa rnam par dgod pa tsam yang med par 'gyur gyis//

  156. 79a

    de'i phyir lha'i sras po dag khyed kyis drin du gzo bar mdzod la drin du mi gzo ba med par mdzod cig/ lha'i bu byas pa mi dran pa dag ni lha ma yin gyi g.yul du phal cher gzhan gyis bsad cing 'chi bar 'gyur te/ 'di ni shi 'phros nas kyang drin du mi gzo ba'i sems can de dag ni/ phal cher sems can dmyal bar 'dod par 'gyur ro/ / lha'i sras po dag khyed 'od zer chen po snang ba gang gi mthus sems can dmyal ba de dag nas shi 'phos te/ 'dir skyes par gyur pa'i dge ba'i rtsa ba de nyid rgya cher yongs su bsngo ba mdzod cig/ lha'i sras po drag lha'i rnga ba dag ni byud med ma yin skyes pa ma yin te/ bsod nams kyi spyod pa brgya phrag 'di snyed kyang yongs su rjod do// lha'i srasras po dag 'di na lnga'i bu dang / lha'i bu mo dag gi longs spyod gzhal med khang gi longs spyod dam/ bza' shing gi ri ba'i longs spyod gang yod pa de dag kyang mtshan nyid ngo bur blta'o/ / lha'i sras po dag ji ltar bdag ma skyes ma 'gags pa de bzhin du/ gzugs dang / tshor ba dang / 'du shes dang / 'du byed dang / rnam par shes pa dag kyang ma skyes ma 'gags par mkhyen par mdzod cig/ lha'i sras po dag 'di ni ting nge 'dzin gnas med pa'i phyag rgya zhes bya ba la 'jug par rtogs par mdzod cig

  157. 79b

    de nas lha'i bu de dag ngo mtshar dang rlud du gyur te/ mgo gi sprin stong phrag bcu dang / spos kyi sprin stong phrag bcu dang / rol mo'i sprin stong phrag bcu dang / mtshan gyi sprin stong phrag bcu dang / gdugs kyi sprin stong phrag bcu dang / bstod pa'i sprin stong phrag bcu dag mngon par sprul te/ byang chub sems dpa' rnam par snang mdzad kyi gzhal med khang gang na ba der dong ste phyin nas kyang / gzhal med khang la phyag 'tshal zhing gnas gar gyur kyang byang chub sem dpa' de ma mthong ba dang / lha'i bu la li 'di skad ces zer te/ kye grogs po dag byang chub sems dpa' dri ni lha mul 'di nas 'phos te/ mi'i 'jig rten du rgyal po zas gtsang ma'i khyim du lha mo sgyu ma'i sku na tsan dan gyi khang pa brtsegs pa yod par rdzu ste skyes kyis/ lha'i bu dag lha'i mig gis legs par ltos shig ces nas/ de dag gis bltas pa dang / byang chub sems dpa' de tshangs pa'i ris kyi lha'i bu rnams dang / de bzhin du 'dod pa la spyod pa'i lha'i bu thams cad kyis mchod cing rim gror bya ste/ de na 'dug pa mthong ngo // de nas lha'i bu de dag 'di snyam du gyur te/ bdag gis byang chub sems dpa' de ma mthong ngam/ de dang ma smras te/ bag dbab pa ma thob na/ sems skad cig tu yang dga' ldan gyi gnas na 'khod par dga' ba'i sems bskyed

  158. 80a

    pa'i mi ches 'dzam bu'i gling du mi 'dong du mi rung ngo zhes nas/ lha'i bu de dag re re zhing yang lha'i bu mo bye ba phrag bcu'i 'khor dang bcas te 'dong bar byas pa/ dang / lha'i bu de dag gis de ltar 'dod sems bskyed ma thag tu/ lha'i rnga de las sgra 'byung ba/ lha'i sras po dag byang chub sems dpa' de ni skye ba'ang med/ shi 'pho ba'ang med de/ byang chub sems dpa' sems dpa' chen po dag ni/ shi 'pho ba med pa'i mngon par shes pa dang ldan pa dag ste/ de dag ni sems can rnams kyi bsam pa ji lta ba bzhin du mig lam du snang bar 'gyur ro/ / lha'i sras po dag 'di lta ste/ dper na bdag ni khyed kyis mig gi lam gyis mi mthong ste/ mig gi lam las 'das kyang lha'i sras po khyed la sgra rjod do// lha'i sras po dag de bzhin du byang chub sems dpa'i ting nge 'dzin dri ma dang bral ba la mnyam par gzhag pa ni mig gis snang ba ma yin yang / skye ba'i skye mched thams cad du snang ste/ 'on kyang byang chub sems dpa' la rtog pa med do/ / rnam par rtog pa med do// g.yo ba med do// sems pa med do// de bas nA lha'i sras po dag khyed kyis bla na med pa yang dag par rdzogs pa'i byang chub tu sems skyed la bsam pa yongs su sbyong ste/ spyod pa la mnos la las kyi sgrib pa dang / nyon mongs pa'i sgrib pa dang / rnam par smin pa'i sgrib pa dang

  159. 80b

    lha'i sgrib pa bshags bgyis te/ lus kyi las dang / ngag gi las dang / yid kyi las kun tu bzang po'i chos kyi dbyings kyis klas pas sems can gyi khams su ming dang lus byin gyis rlobs shig/ sems can gyi khams dang mnyam pa'i lus kyis sems can gyi khams dang mnyam pa'i mgo byin gyis rlobs shig/ sems can gyi khams dang mnyam pa'i mgo sems can khams dang mnyam pa'i lce byin gyis rlobs shig/ sems can gyi khams dang mnyam pa'i lces sgrib pa de dag nyes pa la nyes par shogs shig/ de skad ces brjod pa dang / lho'i bu de dag ngo mtshar dang rmad du gyur te/ rab tu dka' zhing sems bde bar gyur nas/ yang lha'i rnga de la byang chub sems dpa' rnams sdig pa 'chags pa'i rnam pa ji lta bu zhig yod ces phyir 'dri'o/ / de nas lnga'i rnga de byang chub sems dpa' de'i ting nge 'dzin gyi byin rlabs dang / lha'i bu de dag gi dge ba'i rtsa ba'i stobs dang / byin gyi rlabs kyis rnam pa 'di lta bu'i sgra 'byin to// lha'i sras po dag las ni shar phyogs nas 'ongs te/ sems la gnas pa ma yin/ 'dug pa ma yin/ tshogs su bsam pa ma yin/ phung por gyur pa ma yin te/ lho phyogs nas ma yin/ nub phyogs nas ma yin/ byang phyogs nas ma yin/ las de ni phyogs bcu kun nas kyang 'ongs te gnas pa

  160. 81a

    ma yin no/ / de ltar de ni byang chub sems dpas phyin ci ldog las byung bya ste/ kunas med par yang drug parla shes pas de'i phyir del 'gyod pa myed do// lnga'i skas po dag 'di lta ste/ dper na lha'i rnga bdag ni las kyi rnam par smin pa ji lta ba dang / spyod pa ji lta ba dang / tshul khrims ji lta ba dang / dga' ba ji lta ba dang / shin tu byang ba ji lta ba dang / ting nge 'dzin ji lta ba bzhin du dag ces rjod do// lha'i sras po dag de bzhin du sangs rgyas bcom ldan 'das rnams dang / byang chub sems dpa' rnams kyang bdag ces bya ba 'am/ bdag gi zhes bya ba 'am/ sems can zhes bya bar gsung rjod cing / 'dod chags dang / zhe sdang dang / gti mug dang / las dang / bya ba'i gsung yang rjod de lha'i sras po bdag ces bya ba med do/ / bdag med par bdag gi zhes bya ba mi dmigs so// de dag gis las kyi rnam pa lam gyi rgyud drug tu rnam par smin par 'gyur bar byas pa de dag kyang shar phyogs nas mi dmigs so/ / lho phyogs nas mu yin/ nub phyogs nas ma yin/ byang phyogs nas ma yin te/ phyogs bcu kun nas kyang dmigs par mi rung ngo / / lha'i sras po dag 'di lta ste/ dper na bdag gi sgo ni lnga'i bu yongs su ma dag pa rnams kyi rna lam du mi 'gro bas/ sems can dmyal ba nas bskul kyang thos

  161. 81b

    par mi 'gyur te/ sgra de ni ma skyes ma 'gags pa'o// lha'i sras po dag de bzhin du las thams cad kyang ma skyes ma 'gags pa ste/ ji ltar yongs su spangs pa dang / ji ltar bsags pa'i tshul du 'bras bu'ang rnam par smin par byed de/ lha'i sras po dag 'di lta ste/ dper na bdag gi sgra ni bskal pa khrag khrig tu brjod kyang rnam par rtog pa med pas zad pa med do/ / thug pa med do// 'gro ba med do// 'ong ba med do// lha'i sras po dag gang la 'gro ba dang / 'ong ba yod pa de dag la ni/ rtag pa 'am/ chad pa dag kyang yod par snang ste/ sangs rgyas bcom ldan 'das rnams ni ldem po dag gis sems can smin par mdzad pa'i don du ston pa ma gtogs par rtag pa'am chad pa'i chos ston pa mi mdzad do/ / lha'i sras po dag 'di lta ste/ dper na sgra de ni bsam pa ji lta ba bzhin du 'jig rten gyi khams tshad med par dbyangs kyis go bar byed do// lha'i sras po dag de bzhin du sangs rgyas bcom ldan 'das rnams kyang sems can rnams kyi bsam pa ji lta ba bzhin du mngon du ston pa mdzad do/ / lha'i sras po dag 'di lta ste/ dper na shel gyi me long gi dkyil 'khor sgron ma zhes bya ba/ 'jig rten gyi khams bcu'i tshad dang mnyam pa dag cing gsal la mdog shin tu bzang ba yod de/ de la 'jig rten gyi khams tshad med pa gnas kyang

  162. 82a

    ri thams cad kyi gzugs brnyan dang / sems can de dag thams cad kyi gzugs yang rab tu sdung na/ lha'i sras po dag de la ji snyam du sems de ltar me long gyi dkyil 'khor de la sems can dmyal ba pa dang / byol song gi skye gnas pa dang / gshin rje'i 'jig rten pa'i sems can mang po snang bas yongs su ma dag par mi 'gyur ram/ lus shin tu mi sdug par gnas pa de dag kyang / me long de la 'phos pa 'am/ gnas pa 'am/ sems dang ldan par gyur pa yod dam med/ smras pa/ de lta bu ni med do// smras pa/ lha'i sras po dag de bzhin du las rnams kyang 'pho ba'ang med do// 'gro ba'ang med/ gnas pa'ang med do// dge ba'i rtsa ba rnam par smin pa'ang mi snang ba ma yin no/ / 'di lta ste/ dper na sgyu ma ni mig slu bar byed do// lha'i sras po dag de bzhin du gang gis las rnams shes te mthong ba dang / khong du chud pa de dag gi sdig pa bshags pa ni shin tu rnam par dag par 'gyur ro/ / shin tu bstan pa 'di bstan pa'i tshe/ 'jig rten gyi khams sangs rgyas kyi zhing bye ba khrag khrig brgya stong gi rdul shin tu phra ba snyed kyi dga' ldan gyi gnas kyi lha'i bu de dag thams cad mi skye ba'i chos la bzod pa rab tu thob par gyur to/ / 'dod pa la spyod pa'i lha'i ris drug gi lha'i bu tshad

  163. 82b

    med grangs med bsam gyis mi khyab pa dag gis kyang / bla na med pa yang dag par rdzogs pa'i byang chub tu sems bskyed do// 'dod pa la spyod pa'i lha'i ris drug po de dag gim+b+ha bu mo rnams kyang bud med kyi lus de las gyur te/ bla na med pa yang dag par rdzogs pa'i byang chub tu nges par gyur to// de nas lha'i bu de dag gi kun tu bzang po'i yongs su bsngo bas rgya cher bshags te sa bcu 'thob pa dang / ting nge 'dzin stobs kyi rgyan yongs su 'thob pa'i don du/ sems can gyi khams dang mnyam pa'i lus kyi las dang / ngag gi las dang / yid kyi las kyis rgya cher bshags pa byas nas/ de dag las kyi sgrib pa rnam par dag pa dang / byang chub sems dpa' bye ba khrag khrig brgya stong rin po che bdun gyi pad+mo rdul shin tu phra ba snyed la 'khod cing 'od chen po rab tu gtong ba mthong bar gyur te/ de dag gi dpe byad bzang po re re nas kyang sems can gyi khams dang mnyam pa'i 'od zer mang po byung ste/ 'od zer de dag la'ang sems can gyi khams dang mnyam pa'i de bzhin gshegs pa bzhugs shing / sems can rnams la bsam pa ji lta ba bzhin du chos ston pa mthong bar gyur kyang / de tsam gyis ting nge 'dzin dri ma dang bral ba'i spyod yul gyi cha shas tsam yang legs par mthong bar ma gyur to// de nas lha'i bu de dag gis me tog gi spri

  164. 83a

    la sogs pa snga ma de dag dang / ba spu'i bu ka re re nas kyang sems can gyi khams dang mnyam pa'i me tog gi sprin mngon par sprul te/ byang chub sems dpa' rnam par snang mdzad dang de bzhin gshegs pa mtha' yas pa la mchod pa byed par gyur to/ / me tog ji snyed cig gtor ba de dag thams cad kyang de bzhin gshegs pa'i gzugs su gnas par gyur to/ / spos kyi sprin gyi char rab tu phab pa de dag gis 'jig rten gyi khams sangs rgyas kyi zhing tshad med pa'i rdul shin tu phra ba snyed du sems can gang gis lus la bab pa de dag kyang 'di lta ste/ dper na bsam gtan bzhi pa la mnyam par bzhag pa'i dge slong gi lus kyi bde ba de lta bu dang ldan par gyur to// gang la las kyi bsgyings pa'i nyes pa med de dag ni spos kyi dri de tsher ba tsam gyis gzugs dang / sgra dang / dri dang / ro dang / reg bya las byung ba'i nyon mongs pa thams cad byung bar gyur te/ nang gi dngos po'i nyon mongs pa lnga brgya dang / phyi rol gyi dngos po'i nyon mongs pa lnga brgya dang / 'dod chags la spyod pa'i nyon mongs pa stong phrag nyi shu rtsa gcig dang / zhe sdang la spyod pa'i nyon mongs pa stong phrag nyi shu rtsa gcig dang / gti mug la spyod pa'i nyon mongs pa stong phrag nyi shu rtsa gcig dang / cha mnyam pa la spyod pa'i nyon mongs pa stong phrag nyi shu

  165. 83b

    gcig dang / de bzhin du 'phral gyi 'dod chags la spyod pa dang / 'phral gyi zhe sdang la spyod pa dang / 'phral gyi gti mug la spyod pa dang / 'phral gyi cha mnyam pa la spyod pa'i nyon mongs pa dang / mi shes pa de dag thams cad kyang byang bar gyur to// gang gis 'od zer smos kyi phung po gzi brjid rnam par 'phrul pa'i 'od rab tu 'thob pa'i don du dge ba'i rtsa ba yongs su sbyangs shing bskyed pa de dag gis gdugs kyi sprin de dag mig lam du mthong bar gyur te/ de dag gis kyang 'khor los sgyur ba chu klung gang+gA'i bye ma snyed kyi dge ba'i rtsa ba bskyed par gyur to/ / de ni 'di ltar 'khor los sgyur ba'i sa gser gyi dra bas dag pa 'thob pa'i phyir dge ba'i rtsa ba rab tu bskyed par gyur te/ de la gnas pa'i byang chub sems dpa' ni 'jig rten gyi khams sangs rgyas kyi zhing bye ba khrag khrig brgya stong gi rdul shin tu phra ba snyed du 'khor los sgyur ba byed do/ / der sems can mang po yongs susmin par 'gyur ro/ / 'di lta ste/ dper na bcom ldan 'das de bzhin gshegs pa 'khor lo'i blo gros kyi sangs rgyas kyi zhing 'jig rten gyi khams me long gi dkyil 'khor ltar snang ba zhes bya ba de na/ bcom ldan 'das de'i sprul pa dge slong pha dang / dge slong ma dang / dge bsnyen pa dang / dge bsnyen ma'i gzugs dang / gzhung de bzhin du skyes

  166. 84a

    pa'i rabs kyi sde'i khyang par thams cad kyis 'jig rten gyi khams tshad med dpag tu mi 'gro ba de lta bu'i skad cig med do/ / thang cig med do// yung tsam med do// de bzhin gshegs pa de'i mtshan kyang thag ste/ thos nas kyang sangs rgyas kyi zhing der skye bar 'gyur ro// de bzhin du 'khor los sgyur ba'i sa gser gyi rlabs dag pa la g nas pa'i byang chub sems dpa' rnam par 'phrul pa shin tu gsal ba'i mtshams med pa'i 'od zer gyis phog pa'i sems can de dag thams cad kyang dge ba'i rtsa ba de dag gis sems can yongs su 'dul zhing sa bcu 'thob par 'gyur ro/ / 'di lta ste/ dper na tshad med pa'i bsam gtan thob pa ni// ji srid du bsam gtan yongs su nyams par ma gyur pa de srid du tshangs pa'i gzhal med khang yang mthong la/ tshangs pa'i 'jig rten na bde ba gang yod pa de dag kyang myong ba yin/ de bzhin du byang chub sems dpa' 'khor los sgyur ba'i sa gser gyi dra bas dag pa la gnas pa'i gtsug gi rin po che'i 'od kyis su la phog par gyur pa de dag sa bcu 'thob par 'gyur te/ chos tshad med pa snang ba chen po'ang rab tu 'thob par 'gyur ro/ / stobs rnam par dag pa'i ting nge 'dzin shin tu bsgrubs pa'i phyir mig yongs su sbyangs pa bcu'ang rab tu 'thob par

  167. 84b

    'gyur ro/ / gzhung de bzhin du yid yongs su sbyangs pa bcu'ang rab tu 'thob ste/ sha'i mig rnam par drag pa 'di lta ste/ 'jig rten gyi khams sangs rgyas kyi zhing bye ba khrag khrig brgya stong gi rdul shin tu phra ba snyed cig rdul shin tu phra bar bya ste/ rdul shin tu phra mo de dag byang chub sems dpa' de dag gis lag pa g.yon pas blangs te khyer la de snyed kyi 'jig rten gyi khams 'das pa dang / rdul gcig bor te/ de ltar gcig nas gcig tu bzhag pa'i tshul dang thabs de lta bur bgrang ba'i tshul gyis shar phyogs su rdul de dag thams cad zad par gyur la/ de lta bu'i tshul du gang du bor ba dang / gang dum bor ba'i 'jig rten gyi khams de dag thams cad shin tu phra ba'i rdul du grags la/ de ltar mang ba'i rdul shin tu phra ba de dag kyang khyer te/ shar phyogs logs su 'jig rten gyi khams 'das nas rdul shin tu phra ba gcig bor la/ tshul de 'dra bar phyogs bcu kun tu rdul shin tu phra ba de dag zad par gyur nas/ de snyed kyi 'jig rten de dag thams cad gcig tu bsdoms te/ sangs rgyas kyi zhing gcig gi chu zheng du gyur na/ lag na rin po che la ji snyam du sem/ sangs rgyas kyi zhing de che zhing tshad med la bsam gyis mi khyab pa yin nam/ gsol pa/ bcom ldan 'das de ni de bzhin te/ btsun pa bcom ldan 'das gang gis dpe bstan pa'i 'di

  168. 85a

    thos par gyur la/ thos nas kyang glo ba ches shing ngo mtshar gyi 'du shes dang / rmad kyi 'du shes skyed pa mchis na/ sems can de dag kyang ngo mtshar dang ldan/ par 'gyur ro// bka' stsal pa/ lag na rin po che de de bzhin no// de de bzhin te/ lag nu rin po che khyod kyis ji skad du smras pa bzhin no// lag na rin po che rigs kyi bu dang / rigs kyi bu mo de dag ni ngas bla na med pa yang dag pa rdzogs pa'i byang chub tu lung bstan to// de lta bu dag ni sangs rgyas kyi ye shes thob par gyur to// red do// 'gyur ro/ / lag na rin po che 'di lta ste/ dper na sangs rgyas kyi zhing bye ba phrag stong gi rdul shin tu phra ba snyed kyi sangs rgyas kyi zhing ji skyed pa de snyed kyi sangs rgyas kyi zhing gi rdul shin tu phra bsnyed kyi sangs rgyas kyi zhing dper na rnam par bkod pa de dag thams cad kyang / rdul shin tu phra bar glags la/ sangs rgyas kyi zhing re re zhing yang sangs rgyas zhing de dag na/ rdul shin tu phra ba ji snyed yod pa de snyed kyi sangs rgyas kyi zhing zhig yod par gyur te/ zhing de dag na ji lta ba de bzhin du zhing thams cad na'ang de snyed cig yod par gyur la/ rdul de dag thams cad kyang tshul de bzhin du bkod de/ rnam grangs 'di 'dra bar rdul shin tu phra ba dgod pa'i tshul gyis lan brgyad cur basmras te/ rdul gyi 'bru re re la'ang zhing thams cad kyi rdul shin tu phra ba snyed

  169. 85b

    kyi 'bras bu mngon par grub par gyur kyang / de dag thams cad byang chub sems dpa'i sha'i mig gis bsgribs pa med par mthong ste/ la ga na rin po che byang chub sems dpa'i shashAsha'i mig las kyi rnam par smin pa yongs su grub pa de ni/ sangs rgyas kyi zhing bye ba khrag khrig brgya'i rdul shin tu phra ba snyed kyi de bzhin gshegs pa sems skad cig gis mthong ste/ de ni ' jig rten gyi khams bcu'i rdul shin tu phra ba snyed kyi 'jig rten gyi khams la dbang sgyur zhing 'khor los sgyur ba'i rgyal po'i sa gser gyi dra bas dag pa thob pa'i bsod nams rnam par smin pa dang / dge ba'i rtsa ba dang / ting nge 'dzin gyis yongs su grub pa'i shel gyi me long sgron ma zhes bya ba mdog dag ste bzang zhing gsal ba bzhin no// shin tu rgyas pa chen po'i mdo sangs rgyas phal po che zhes bya ba las/ dpe byad bzang po'i 'od zer bstan pa'i le'u ste bzhi bcu rtsa gcig pa'o// // bam po drug cu dgu pa/ de nas yang byang chub sems dpa' kun tu bzang pos/ byang chub sems dpa' de dag la smras pa/ kye rgyal ba'i sras dag/ de ni sems can gyi snod ji lta ba bzhin du yang dag par rdzogs pa'i sangs rgyas la dmigs te/ rdul tsam zhig brjod du zad do// de ci'i phyir zhe na/ kye rgyal ba'i sras dag sems can mi mkhas pa/ 'gyod pas kun nas non pa/ bdag dang bdag gir bya ba la mngon par zhen

  170. 86a

    pa/ 'jig tshogs la shin tu chags pa/ phyin ci log la rab tu rten pa/ the tsom la rab tu gzhol ba/ log par lta ba yongs su rtog pas byung ba/ rmongs pas bsgrubs/ pa/ 'khor ba'i rgyud du gzhol ba/ de bzhin gshegs pa'i lam dang mi ldan pa rnams kyi don du/ sangs rgyas bcom ldan 'das rnams 'jig rten du 'byung ngo // kye rgyal ba'i sras dag/ 'di lta ste/ byang chub sems dpa' gzhan la zhe sdang skyed pa tsam du kha na ma tho ba che ba'i chos ni 'ga' tsam yang bdag gis ma mthong ste/ de ci'i phyir zhe na/ kye rgyal ba'i sras dag gzhan la khong khro ba skyed pa'i byang chub sems dpa' ni sgrib pa'i chos kyi sgo brgya stong phrag bcu po 'di dag yongs su 'dzin par 'gyur te/ brgya stong phrag bcu gang zhe na/ 'di lta ste/ byang chub sems dpa' mi mthong ba 'dzin par 'gyur ro/ / chos mi thos pa 'dzin par 'gyur ro// 'jig rten gyi khams kun nas nyon mongs par skye ba 'dzin par 'gyur ro// ngan song du gnas pa 'dzi par 'gyur ro/ / mi khom par skye ba 'dzin par 'gyur ro// nad mang ba 'dzin par 'gyur ro// skur pa mang ba 'dzin par 'gyur ro// ngang tshul gyi mi gsal ba 'dzin par 'gyur ro/ / brjed ngas pa 'dzin par 'gyur ro// bro chung ba 'dzin par 'gyur ro// mig gi sgrib pa 'dzin par 'gyur ro// rna ba'i sgrib pa 'dzin par 'gyur ro// sna'i sgrib pa 'dzin

  171. 86b

    par 'gyur ro/ / lce'i sgrib pa 'dzin par 'gyur ro// lus kyi sgrib pa 'dzin par 'gyur ro// yid kyi sgrib pa 'dzin par 'gyur ro// sdig pa'i bshes gnyen 'dzin par 'gyur ro// sdig pa'i grogs po 'dzin par 'gyur ro/ / theg pa dma' ba dang 'dre ba 'dzin par 'gyur ro// skye bo ma rabs dang phrad pa 'dzin par 'gyur ro// bdag nyid che ba'i skye bo la mos pa medapa 'dzin par 'gyur ro/ / yang dag pa'i lta ba mi mthong mi rnyed pa 'dzin par 'gyur ro// mu stegs can gzhan gyi nang du skye ba 'dzin par 'gyur ro// bdud kyi yul dang sten pa 'dzin par 'gyur ro/ / sangs rgyas kyi bstan pa dang ring du 'gyur ba 'dzin par 'gyur ro// dge ba'i bshes gnyen mi mthong ba 'dzin par 'gyur ro// dge ba'i rtsa ba'i bar chad du 'dzin pabar 'gyur ro/ / mi dge ba'i chos rnam par 'phel ba 'dzin par 'gyur ro// skye mched dma' ba 'thob pa 'dzin par 'gyur ro// mtha' 'khob kyi yul du gnas pa 'dzin par 'gyur ro// mi'i nang na kun ldo byed par skye ba 'dzin par 'gyur ro// lha'i nang na mi bsrun par skye ba 'dzin par 'gyur ro// klu dang / gnod sbyin dang / dri za dang / lha ma yin dang / mi 'am ci dang / lto 'phye chen po dang srin po mi bsrun par skye ba 'dzin par 'gyur ro/ / sangs rgyas kyi chos la dad pa med pa 'dzin par 'gyur ro// byis pa'i chos la brten pa 'dzin par 'gyur ro// theg pa dma' ba la mos pa 'dzin

  172. 87a

    par 'gyur ro/ / theg pa chen po la yid mi ches pa 'dzin par 'gyur ro// bskal par gnas pasu 'jigs pa mang ba 'dzin par 'gyur ro// 'khor bus skyo ba / par 'gyur ro// de bzhin gshegs pa'i chos la spong ba 'dzin par 'gyur ro// sangs rgyas kyi rnam par 'phrul pa yongs su mi 'dzin pa 'dzin par 'gyur ro// byang chub sems dpa'i dbang po la dga' ba med pa 'dzin par 'gyur ro/ / byang chub sems dpa' dang spyod pa la thun mong du spyad pa mi 'thob pa 'dzin par 'gyur ro// byang chub sems dpa'i bsam pa yongs su ma dag pa 'dzin par 'gyur ro/ / byang chub sems dpa'i lhag pa'i bsam pa zhumo zhing dma' ba 'dzin par 'gyur ro// thams cad mkhyen pa nyid du sems bskyed pa yongs su mi 'dus par 'dzin par 'gyur ro/ / yongs su sgyid lug pas rab tu zhig pa 'dzin par 'gyur ro// las kun nas nyon mongs pa 'dzin par 'gyur ro// rnam par smin pa ma dag pa 'dzin par 'gyur ro// ye shes kyi stobs bdag nyid che ba ma yin pa 'dzin par 'gyur ro/ / ye shes kyi rgyud byang bar mi nus pa 'dzin par 'gyur ro// byang chub sems dpa'i spyod pa rgyun chad pa 'dzin par 'gyur ro// thams cad mkhyen pa'i gdams ngag yongs su mi zin pa 'dzin par 'gyur ro// sangs rgyas kyi byang chub tu 'grub par mi 'gyur ba 'dzin par 'gyur ro// de bzhin gshegs pa'i

  173. 87b

    dang ring ba 'dzin par 'gyur ro/ / bdud kyi yul la gnas pa 'dzin par 'gyur ro// de bzhin gshegs pa'i yul la mi gnas pa 'dzin par 'gyur ro// byang chub sems dpa'i go chal mos pa med pa 'dzin par 'gyur ro/ / byang chub sems dpa'i gnas kyis 'jigs pa 'dzin par 'gyur ro// byang chub sems dpa'i dge ba'i las kyis skyo ba 'dzin par 'gyur ro/ / lta ba dang the tsom la mngon par zhen pa 'dzin par 'gyur ro// sems yongs su rmongs par bsgribs pa 'dzin par 'gyur ro// byang chub sems dpa' dang 'grogs pa'i las drungs phyung ba 'dzin par 'gyur ro/ / de bzhin gshegs pa'i tshul khrims nyams par gyur pas tshul khrims ngan pa 'dzin par 'gyur ro// bzod pa'i sgo mthar ma phyin pas gnod sems dang gti mug dang / khro ba 'dzin par 'gyur ro// byang chub sems dpa'i brtson 'grus chen po las mi ldog par bya ba la zhum pa 'dzin par 'gyur ro// ting nge 'dzin mi 'thob par 'khrag pa 'dzin par 'gyur ro/ / shes rab kyi pha rol tu phyin pa dang mi mthun pa'i phyogs shes rab 'chal pa 'dzin par 'gyur ro// gnas dang gnas ma yin pa la mi mkhas pa 'dzin par 'gyur ro/ / sems can gyi thabs la thabs mi mkhas pa 'dzin par 'gyur ro// byang chub sems dpa'i ye shes la rnam par mi dpyod pa 'dzin par 'gyur ro// byang chub sems dpa'

  174. 88a

    chos kyi 'byung ba khong du mi chud pa 'dzin par 'gyur ro/ / byang chub sems dpa'i mig 'byam klas pa bcu mi 'grub pa'i dmus long lta bu 'dzin par 'gyur ro// sgrib pa med pa'i chos kyi rgyud mngon par bsgrub pa glen zhing lkugs pa 'dzin par 'gyur ro// dbang po gzhan dang nor ba'i dbang po 'dzin pas rna yongs su nyams pa 'dzin par 'gyur ro// sems can pha rol gyi tshig gi rgyud mi shes pas lho'i sgrib pa 'dzin par 'gyur ro// sems can gang zag pa rol la zhe sdang bas las kyi sgrib pa 'dzin par 'gyur ro// myos pa'i sems 'thob par 'gyur bas sems kyi sgrib pa 'dzin par 'gyur ro/ / sdom pa gsum dang mi ldan pas las kyi sgrib pa 'dzin par 'gyur ro// ngag gi nyes pa bzhis kun nas nyon mongs pas skye mched kyi sgrub pa 'dzin par 'gyur ro/ / chags sems dang / gnod sems dang / log par lta ba mang bas yid dkyi las kyi sgrib pa 'dzin par 'gyur ro// chos yongs su btsal ba la rku sems 'dzin par 'gyur ro// byang chub sems dpa'i dmigs pa la thogs pa 'dzin par 'gyur ro/ / byang chub sems dpa'i mthu la shin tu zhum pa 'dzin par 'gyur ro// byang chub sems dpa'i skyon med pa la skyed lug pa 'dzin par 'gyur ro/ / byang chub sems dpa'i ye shes kyi sgo snang ba rgyun 'chad pa 'dzin par 'gyur ro// dran pa'i stobs dang shugs nyam chung ba 'dzin par 'gyur ro// de bzhin

  175. 88b

    gshegs pa'i bstan pa yongs su mi 'dzin par 'gyur ro/ / byang chub sems dpa'i skyon med pa'i gnas rnam par spong ba 'dzin par 'gyur ro// byang chub sems dpa'i chung mi za ba'i gnas la mi sten pa 'dzin par 'gyur ro/ / nyan thos dang rang sangs rgyas kyi skyon med pa yid kyis mchod pa 'dzin par 'gyur ro// 'das pa dang / ma 'ongs pa dang // da ltar byung ba'i byang chub sems dpa'i tshul dang / de bzhin gshegs pa'i rigs dang ring ba 'dzin par 'gyur ro// kye rgyal ba'i sras dag/ de ltar byang chub sems dpa' gcig la gcig ngan sems kyi sems bskyed pa ni de dag la sogs pa sgrib pa'i chos kyi sgo brgya stong phrag bcu'i rnams 'dzin par 'gyur ro/ / de ci'i phyir zhe na/ kye rgyal ba'i sras dag byang chub sems dpa'i theg pa la zhugs pa rnams ni/ phan tshun du nganasas kyi sems bskyed pa lta bur kha na ma tho ba che ba'i chos 'ga' tsam yang ma mthong ngo // de bas na rgyal ba'i sras dag byang chub sems dpa'i spyod pa myur du rdzogs par bya bar 'dod pa'i byang chub sems dpas chos bcu la brtson par bya'o/ / bcu gang zhe na/ sems can thams cad yong su mi gtang ba dang / byang chub sems dpa' thams cad la ston pa'i sems su bya ba dang / sangs rgyas kyi chos thams cad mi spang ba dang / zhing thams cad la mi zad pa'i ye shes kyis

  176. 89a

    'jug pa dang / byang chub sems dpa'i spyod pa thams cad la mos pa dang / dad pa chen po dang nam mkha'i dbyings kyis klas pa'i chos kyi dbyings mnyam pa nyid rnam par bsgoms pa'i byang chub kyi sems mi gtang ba dang / de bzhin gshegs pa'i stobs la 'jug pas sangs rgyas kyi byang chub la rnam par dpyad pa dang / tha dad pa yang dag par shes pa la brtson par bya ba dang / sems can thams cad yongs su smin par bya bas yongs su mi skyo ba dang / 'jig rten gyi khams thams cad du gnas pa la mngon par chags pa med pa ste/ kye rgyal ba'i sras dag byang chub sems dpas chos bcu po de dag la mngon par brtson par bya'o// de chos bcu po de dag la gnas pas rnam par dag par byed pa'i chos bcu rab tu 'thob ste/ bcu gang zhe na/ 'di lta ste/ chos zab mo la 'jug pa rnam par dag pa dang / dge ba'i bshes gnyen dang 'grogs pa rnam par dag pa dang / sangs rgyas kyi bstan pa yongs su bzung ba rnam par dag pa dang / nam mkha'i dbyings rnam par bsgom pa rnam par dag pa dang / chos kyi dbyings la 'jug pa rnam par dag pa dang / mtha' dang dbus med pa'i sems rnam par dpyad pa rnam par dag pa dang / byang chub sems dpa' thams cad kyis grogs bya ba'i dge ba'i rtsa ba rnam par dag pa dang / bskal pa thams cad la mngon par chags

  177. 89b

    pa med pa rnam par dag pa dang / dus gsum thams cad rab tu brtag pa rnam par dag pa dang / sangs rgyas thams cad kyi rigs su nan tan bya ba rnam par dag pa ste/ rnam par dag par byed pa'i chos bcu po de dag rab tu 'dzin to/ / de de lta bu'i chos bcu po de dag la gnas pas/ ye shes 'byam klas pa bcu la 'jug par 'gyur te/ bcu gang zhe na/ 'di ltar sems can thams cad kyi sems dang spyod pa la 'jug pa dang / 'gro ba thams cad kyi las kyi rnam par smin pa rab tu phye ba la 'jug pa dang / sangs rgyas kyi chos thams cad la ye shes snang bas 'jug pa dang / sangs rgyas kyi chos kyi tshul dang ldem po ngag la ye shes kyis 'jug pa dang / gzungs kyi sgo thams cad la ye shes kyis 'jug pa dang / yi ge thams cad la spobs pa'i ye shes kyis 'jug pa dang / sems can thams cad kyi skad dang / tha snyad dang / tshig la mkhas pa'i ye shes la 'jug pa dang / 'jig rten gyi khams thams cad du lung bstan pa'i ye shes la 'jug pa dang / 'khor gyi dkyil 'khor thams cad du gzugs brnyan 'byung ba bstan pa'i ye shes la 'jug pa dang / skye mched thams cad du thams cad mkhyen pa'i ye shes la 'ju/ pa ste/ ye shes 'byam klas pa bcu po de dag rab tu 'dzin to// de de ltar ye shes 'byam klas pa bcu la rab tu gnas pas yang dag par gzud pa la 'jug pa bcu 'thob

  178. 90a

    ste/ bcu gang zhe na/ 'di ltar 'jig rten gyi khams thams cad du skra'i sbubs su gzud pa 'jug cing / sgra'i spu bla gcig 'jig rten gyi khams bsam gyis mi khyab par mngon par bsgrub pa la 'jug pa dang / sems can thams cad kyi lus sems can gcig gi lus su bsdu zhing / sems can gcig gi lus brjod du med pa'i lus su mngon par bsgrubs pa la 'jug pa dang / bskal pa brjod du med pa sems kyi skad cig tu gzud pa la 'jug cing / sems kyi skad cig brjod du med pa'i bskal par 'jug pa bstan pa dang / chos gcig sangs rgyas kyi chos thams cad du yang dag par gzhol ba la 'jug cing / sangs rgyas kyi chos thams cad chos gcig tu gzud pa la 'jug pa dang / skye mched gcig brjod du med pa'i skye mched du bya ste/ brjod du med pa'i skye mched du bya ba la 'jug cig/ skye mched brjod du med pa skye mched gcig tu bstan pa la 'jug pa dang / dbang po gcig brjod du med pa'i dbang por bya ba la 'jug cing / dbang po brjod du med pa dbang po gcig tu gzud pa la 'jug pa dang / dbang po thams cad dbang po med pa dang tha mi dad par 'jug cing / dbang po med pa dbang por bya ba la 'jug pa dang / 'du shes thams cad 'du shes gcig tu byin gyis brlabs pa la 'jug cing / 'du shes gcig tu 'du shes thams cad du byin gyis brlab/

  179. 90b

    pa la 'jug pa dang / tshig gcig rnam par brjod pa tshig brjod du med pa rnam par brjod bya ba la 'jug cing // tshig rnam par brjod pa thams cad sgra gcig gi dbyangs su byin gyis brlabs pa la 'jug pa dang / dus gsum thams cad bsam gtan gcig tu bsdu ste/ bsam gtan gcig pu dus thams cad du kun tu spro bar bstan pa la 'jug pa ste/ kye rgyal ba'i sras dag yang dag par gzung pa bcu po de dag sems kyi bsam pa bcu la gnas te rnam par dpyad par bya'o/ / bcu gang zhe na/ 'jig rten gyi khams thams cad kyi spyod pa la mi spyod pa'i sems kyi bsam pa la gnas pa dang / 'gro ba thams cad kyi 'du shes dang yid la byed pa la mi gnas pa'i sems kyi bsam pa la gnas pa dang / lhag pa'i bsam pa nam kho'i dbyings kyis klas pa'i sems kyi bsam pa la gnas pa dang / chos kyi dbyings mtha' dang dbus med pa'i sems kyi bsam pa la gnas pa dang / sangs rgyas thams cad kyi dgod pa la mkhas pa'i sems kyi bsam pa la gnas pa dang / chos zab mo tha mi dad pa la mkhas pa'i sems kyi bsam pa la gnas pa dang / dogs pa thams cad la lan med par bya ba'i sems kyi bsam pa la gnas pa dang / dus thams cad tha mi dad cing mnyam pa'i sems kyi bsam pa la gnas pa dang / 'das pa dang / ma byon pa dang / da ltar

  180. 91a

    byung ba'i sangs rgyas thams cad mnyam pa nyid kyi sems kyi bsam pa la gnas pa dang / sangs rgyas thams cad kyi stobs tshad med pa'i sems kyi bsam pa la gnas pa ste/ kye rgyal ba'i sras dag sems kyi bsam pa bcu po de dag la gnas te/ byang chub sems dpas yang dag par gzung pa bcu po de dag rnam par dpyad par bya'o// de sems kyi bsam pa bcu po de dag la gnas pas/ sangs rgyas kyi chos la mkhas pa'i snang ba bcu 'thob bo// bcu gang zhe na/ 'di lta ste/ sangs rgyas kyi chos zab mo snang ba la mkhas pa rab tu 'thob bo/ / sangs rgyas kyi chos yangs pa mngon par bsgrub pa la mkhas pa rab tu 'thob bo// sangs rgyas kyi chos sna tshogs shin tu bstan pa la mkhas pa rab tu 'thob bo// sangs rgyas kyi chos mnyam pa nyid la 'jug pa la mkhas pa rab tu 'thob bo// sangs rgyas kyi chos tha dad pa'i snang ba la 'jug par mkhas pa rab tu 'thob bo// sangs rgyas kyi chos tha mi dad pa la 'jug par mkhas pa rab tu 'thob bo/ / sangs rgyas kyi chos kyi rgyan la 'jug par mkhas pa rab tu 'thob bo// sangs rgyas kyi tshul gcig pa'i mos pa la 'jug par mkhas pa rab tu 'thob bo/ / sangs rgyas kyi chos mtha' yas pa'i tshul la 'jug par mkhas pa rab tu 'thob bo// sangs rgyas kyi chos thams cad rang gi sems la rag lus

  181. 91b

    pas rang ga stabs dang phyir mi ldog pa la mkhas pa rab tu 'thob ste/ kye rgyal ba'i sras dag/ sangs rgyas kyi chos la mkhas pa'i snang ba bcu po de dag rab tu 'thob bo// kye rgyal ba'i sras dag/ de bas na byang chub sems dpa' sems dpa' chen pos chos de dag thos nas/ rim gro dang zhes chen po'i bsam pas gzung bar bya'o// de ci'i phyir zhe na/ byang chub sems dpa' chos 'di la gnas pa la ni/ bla na med pa yang dag par rdzogs pa'i byang chub kyang dkon pa ma yin te/ las gron chung ngus sangs rgyas kyi chos thams cad yang dag par 'grub pa'i byin gyi rlabs rab tu 'thob bo/ / 'das pa dang / ma byon pa dang / da ltar byung ba'i sangs rgyas bcom ldan 'das dang mnyam pa nyid du'ang 'jug par 'gyur ro// de nas de'i tshe sangs rgyas kyi mthus/ 'jig rten gyi khams sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed rnam pa drug turab tu g.yos so/ / sangs rgyas kyi mthu dang chos nyid rab tu thob pas lha rdzas las 'das pa'i me tog gi sprin gyi char mngon par bab bo// lha rdzas las 'das pa'i spros kyi sprin char mngon par bab bo/ / gzhung de bzhin du phye ma dang / na bza' dang / rgyal mtshan dang / ba dan dang / gdugs dang / nor bu rin po che dang / sbrul gyi snying po'i tsan

  182. 92a

    dun dang / rgyan dang / lhab lbu ba thams cad kyi sprin gyi char mngon par bab bo// b+ha rdzas las 'das pa'i rol mo dgrol ba'i sprin dang / lha rdzas las 'das pa'i rol mo brdung ba'i sprin gyi char mngon par bab bo/ / lU rdzas las 'das pa'i byang chub sems dpa'i mchod pa'i sprin gyi char mngon par bab bo// lha rdzas las 'das pa'i de bzhin gshegs pa'i yon tan gyi rnam pa brjod du med pa'i sprin gyi char mngon par bab bo/ / lha rdzas las 'das pa'i de bzhin gshegs pas legs so zhes gsungs pa'i rnam pa brjod du med pa'i sprin gyi char mngon par bab bo/ / lha rdzas las 'das shing chos kyi dbyings su rgyas par khyab pa'i de bzhin gshegs pa'i gsung gi dbyangs mngon par brjod pa'i sprin gyi char mngon par bab bo/ / 'jig rten gyi khams yongs su dag pa rnam pa brjod du med pa'i sprin gyi char mngon par bab bo// byang chub nye bar brtan pa'i rnam pa brjod du med pa'i sprin gyi cher mngon par bab bo/ / 'od zer snang ba'i rnam pa brjod du med pa'i sprin gyi char mngon par bab bo// shin tu bstan pa'i byin gyi rlabs kyi char rnam pa brjod du med pa'i sprin gyi char mngon par bab ste/ ji ltar 'jig rten gyi khams 'di'i gling bzhi par/ de bzhin gshegs pa byang chub kyi shing drung du de bzhin gshegs

  183. 92b

    pa mngon par 'tshang rgya ba'i snying po byang chub la byang chub sem+ba pa'i pho brang na bzhugs par snang ba de bzhin du/ phyogs bcu'i 'jig rten gyi khams ma lus pa rgyas par gang bar bzhugs te chos bstan pa 'di'ang thams cad du byung ngo / / sangs rgyas kyi mthu dang / phyogs bcur de bzhin gshegs pa mngon par sangs rgyas pa'i chos nyid rab tu thob pas sangs rgyas kyi zhing brjod du med pa phrag bcu'i rdul shin tu phra ba snyed kyi sangs rgyas kyi zhing 'das pa'i pha rol nas/ byang chub sems dpa' sangs rgyas kyi zhing bcu'i rdul shin tu phra ba snyed kyang 'ongs par gyur te/ phyogs bcu bkang nas de dag 'di skad zer ro// kye rgyal ba'i sras de ltar de bzhin gshegs pa'i smon lam lung bstan pa'i chos nyid brjod pa legs so legs so/ / kye rgyal ba'i sras bdag cag kyang thams cad kun tu bzang po zhes bya bar ming mthun pa sha stag ste/ 'jig rten gyi khams kun tu dpal zhes bya ba dag nas de bzhin gshegs pa'i mtshan kun tu dpal gyi dbang phyug ces bya ba sha stag gi drung nas 'dir phyin te/ thams cad na'ang chos bstan pa 'di nyid sangs rgyas kyi byin gyis 'khor gyi rnam pa 'di lta bu dag tu tshig 'di dag dang / yi ge 'di dag dang / go bar bya ba 'di dag dang / brjod pa 'di dag gis lhag chad med par byung bar gyur te/

  184. 93a

    rgyal ba'i sras bdag cag kyang dbang du gyur pa sha stag/ sangs rgyas kyi byin gyi rlabs kyis 'khor 'dir phyin to// ji ltar bdag cag 'khor 'drir phyin pa de bzhin du 'jig rten gyi khams ma lus pa thams cad kyi gling bzhi pa kun gyi de bzhin gshegs pa mngon par 'tshang rgya ba'i gzhir/ byang chub sems dpa' sangs rgyas kyi zhing bcu'i rdul shin tu phra ba snyed kyis phyogs bcu bkang ste phyin par gyur to/ / de nas byang chub sems dpa' kun tu bzang pos phyo gra bcur blta ste/ chos kyi dbyings la rnam par blta/ nas/ byang chub sems dpa'i spod pa rab tu brjod pa dang / de bzhin gshegs pa mngon par 'tshang rgya ba'i dbyings yongs su brjod pa dang / smon lam chen po'i dbyings kun tu grags par bya ba dang / 'jig rten gyi khams dang bskal pa thams cad kyi grangs yongs su brjod pa dang / dus ji lta ba bzhin du sangs rgyas 'byung ba bstan pa dang / sems can gyi khams dbang po ji ltar yong su smin pa'i tshul bzhin du sangs rgyas byung ba mnyes par bya ba brjod pa dang / byin gyis brlabs pa'i tshul bzhin du sangs rgyas 'byung ba dang / de bzhin gshegs pa'i spyod pa don yod pa yongs su brjod pa dang / dge ba'i rtsa ba ji ltar bskyed pa bzhin du gsal bar bya ba yang dag par bstan pa dang / byang chub sems dpa' mang po'i

  185. 93b

    mthu chen po bstan pa dang / sems can thams cad la rdzogs pa'i byang chub kyi sgras skul bar byed cing / dge ba'i rtsa ba'i stobs dang / shugs dang / sangs rgyas kyi byin gyi rlabs kyis de'i tshe tshigs su bcad pa 'di dag smras so/ / thams cad shin tu dang sems kyis// sgrib pa ma lus thams cad rnam par bsal gyis la// yon tan 'byung gnas 'jig rten gtso bo yi/ / smon lam dam pa bshad kyis mnyan par gyis// mkhas mchog skyes bu seng ge dag/ spyad pa ci 'dra sngon spyad spyod par 'gyur ba'i rnams// byang chub sems dpa' gtso rnams kyi// spyod pa thams cad rim gyis brjod par bya// 'di la dpe med mchog rnams kyi// bskal pa'i grangs dang 'jig rten grangs dang chos bstan dang / rgyal ba rnams kyi 'byung ba dag/ yongs su brjod kyis dang ba'i yid kyis nyon// de dag sngon chad smon lam gyis// sems can ji ltar sdug bsngal rnams las dkrol bya zhes/ / sems can kun la phan pa'i phyir// 'jig rten sgron ma skye ba rnams kyang mthong // spyod pa ji ltar shes gyur te// gsung gi mchog rnams kun la mchod pa byas pas na/ / sangs rgyas mnyam pa nyid rnyed de// thams cad mkhyen nyid rab la mngon sangs rgyas// sngon gyi mi yi seng ge rnams// sangs rgyas

  186. 94a

    phyogs bcur 'od snang rab tu 'bar mdzad cing / / 'od zer dra ba rab 'gyed pas// phyogs bcu'i 'jig rten snang mdzad mthong gyur nas// bdag cag rgyal ba'i yon tan gyis/ / brgyan pa'i 'jig rten sgron ma'i dam par 'gyur bya ste// stobs bcu mnga' ba kun mkhyen par// mi yi seng ger bya zhes smon lam 'debs// nged kyis sems can thams cad kyi// 'dod chags zhe sdang gti mug rab tu 'bar gyur pa'i// sdug bsngal rnams las rab dkrol te// ngan song thams cad yongs su gcad bya zhes 'di 'dra'i smon lam rdzogs byas te/ / de nas dpa' ba chen po spyod pa ra ba la spyod// blo brtan phyir ldog mi 'gyur ba// stobs bcu rnams kyi chags med rab tu 'thob// skyes bu seng ge gang rnams kyis/ / 'di 'dra'i smon lam sngar btab phyir ldog mi 'gyur bar// 'jig rten rnams na spyod mdzad pa// de dag don yod spyod pa brjod par bya// bskal pa bzang bo gcig la yang / / sangs rgyas stong bgrangs tshang bar kun kyang 'byung 'gyur te// kun tu gzigs pa gong brjod pa// de dag rim gyis bshad pa 'di'adra'o// bskal pa bzang po gcig bzhin du/ / brjod du med pa'i bskal pa khrag khrig de bzhin te// sangs rgyas ma byon de dag gi/ bzang po'i spyod pa bdag gis bstan par bya// zhing

  187. 94b

    rgyud gcig pu ji bzhin du/ / brjod pa med pa'i zhing rnams thams cad kun bzung ste// ma byon stobs bcu'i skyon med pa'i// spyod pa thams cad de bzhin bshang bar bya// rgyal ba gang 'og gang 'byung dang // ci mtshan de yi smon lam ci 'dra dang // rgyal ba gang gis gang gi lung // bstan mdzad mkhas pa'i sku tshe ji tsam dang // chos kyi rnam pa dge ba ni/ / gang gis bsgrubs te dam pa brnyes par gyur pa dang // 'jig rten ji ltar btul ba dang // rgyal ba rnams kyi dam chos cir gnas dang // rnam dag zhing yang ci 'dra dang / / sems can rnam par dag dang chos kyi 'khor lo dang // bstan pa'i dus dang dus min dang // de las gang zag rnam par dag 'gyur dang // sems can rnams kyi las gang dang / / spyod pa gang dang rnam grol ci 'drar 'gyur ba dang // dbang po rno rtul bar ma dang // spyod mchog sems can 'dul ba'ang bstan par bya// 'di 'dra'i shes par 'jug pa la// spyod pa'i dam pa rnams kyis rab tu zhugs gyur cing // bzang po'i 'byung gnas spyod pa dang // 'gro kun ye shes 'khor lo spyod zhugs pa/ / lus kyi las la chags med cing // ngag la chags med sgra dbyangs thams cad rnam dag la// sems spyod chags pa med pa yis// dus gsum ma lus rgyas

  188. 95a

    par khyab par byed/ / 'di 'dra kun tu bzang po yi// spyod pa'i mchog la pha rol phyin pa thob gyur pa// brjod du med pa'i dkyil 'khor rnams// chos dbyings kun tu rab tu brjod pa byed// ma 'ongs dus kyi bskal pa dang // 'o byam klas zhing rnams brjod med med pa thams cad kyang // skad cig sems kyis rab tu shes/ / chos nyid de la rnam par rtog pa med// gang rnams spyod pa'i sa 'di la// spyod par dam pas rjes su zhugs par gyur pa'i rnams// byang chub sems dpa' mchog rnams kyi/ / yon tan spyod pa phyogs tsam bshad par bya// mtha' dang dbus me ye shes can// stobs bcu rnams kyi spyod yul mchog la zhugs gyur pa// thams cad shes byed mkhas pa'i rnams// mi ldog spyod pas rab tu zhugs gyur cing // 'od byed blo gros dam pa dang // kun tu bzong po'i smon lam mchog la zhugs gyur pa/ / dpe zla med pa de dag gi/ ye shes tshul dang spyod pa brjod par bya// rdul phran gcig gi rwa shas la// 'jig rten khams rnams ji snyed de dag shes pa dang // spyod pa rgya chen thos gyur na// 'jig rten de dag thams cad mos par 'gyur// rdul phran gcig la ji lta ba// de bzhin rdul phran thams cad ma lus gzung bya ste/

  189. 95b

    ye shes pazadra bo de dag nA~M// 'jig rten lams la 'jug pa bsam mi chug// de dag dus kyi rnam pa la'ang // rdul zan ka tsi khyon gyi rgyal yang dka'/ rdul phran gcig la de bzhin du// zhing yangs rnam pa thA dad kun la 'jug/ rdul phran thams cad re re la// zhing rnams brjod du med pa mang po 'dzud pa byed// rnam pa tha dad du ma dang // gcig dang tshad med de bzhin rab tu shes// ji snyed ci yang ma lus pa'i// chos dbyings gzung ba thams cad yang dag gzud byed cing mtshan nyid tha dad sna tshogs te/ / sems can grangs kyi bskal pa rgyud mi mnyam// 'jig rten phra bar 'jug pa la// pA la shin tu gzhol bas phra bar 'jug bya ste// brjod du med pa rab bstan pa'i// bskal pa thams cad ma lus 'dzud pa byed// de dag ring dang thung ba dang // dus kyi skad cig sems can bskal pa mi mthun shes shes spyod mi mnyam ma yin pa'i/ / shes pas de dag thams cad khong du chud// yangs dang yangs min mkhas pas na// 'jig rten zab mo rnams la rab tu 'jug pa byed/ / lus la zhing rnams de shes te// zhing la'ang de bzhin gcig min lus 'dzud do// phyogs rnams bcu po thams cad du// phyogs rnams kun la 'jug cing

  190. 96a

    skad cig dum dang / / 'jig rten khams rnams 'byam zas la// rgyud med gzi brjid ldan pa rab tu 'jug/ gang yang ning rnams mtha' sa shing / / dbus med gzung ba byas shing dus kyi dbyings su 'dzud// zhing gi rgyud la mkhas pa'i rnams// shes dang ldan pas ye shes rab tu 'byung // bzang po yon tan ldan pa'i rnams/ / phyogs dang 'jig rten khams kyi rgyud du gyur pa dag/ ji snyed yod pa der 'jug ste// brjod du med pa de dag rab tu shes// zhing dang zhing gis rnams kyi/ / brjod du med pa'i zhing rnams kun kyang rab tu 'thob// de dag tshul yang rab tu shes// las rnams gang gis sbyangs pa'adra khong du chud// gangs pa ning rnams du ma dag/ las rnams khrag khrig kun gyis kun nas nyon mongs par// 'gro bas kun tu bsgrub byas pa// de dag thams cad rgyud kyang ci 'dra shes// brjod du med pa yangs pa'i rnams/ / zhing gcig bstan pas de dag yongs su shes par gyur// de 'dra'i zhing la 'jug pa dang // gang la grangs med de dag kun la 'jug/ 'dzi// rten khams ni gcig la yang // 'jig rten khams rnams thams cad yang dag 'dzud pa byed// 'jig rten gcig tu bsgongs mi 'gyur// 'jig rten khams rnams de

  191. 96b

    bzhin 'dres mi 'gyur/ / spyi'u tshugs rnams dang gong ma'i rnams// tha dang 'og gis rnams yongs su gzung bya ste// 'gro ba'i rnam par ming thogs pa// 'jig rten kun la 'jug cing rab tu shes/ / snrel zhing rgyu ba'i rgyud rnams dang // zhing rnams mtha' yas mtha' dang dbus yod ma yin pa// sna tshogs yang+ga pa rab tu shes// rnam pa gcig shes rnam pa tha dad shes// zhing gi grangs rnams rab tu shes// ye shes chags med mtha' ldan kun gyi grangs rnams kyang // bzang po'i theg pa spyod pa yis// rgyal sras kun tu bzang rnams rab tu shes// 'jig rten thams cad sprul pa dang // sems can rnam par sprul dang de bzhin zhing sprul dang // chos rnams sprul pa'i tshul shes pa// sangs rgyas sprul pa'i pha rol phyin pa'i rnams// 'jig rten phra zhing zab pa dang // yangs shing sna tshogs yangs pas chom cho dgu'i rnams// sna tshogs tha dad rnam bsags pa// las kyi rnam smin gnas pa'i 'jig rten rnams// rdzu 'phrul rnam par 'phrul pa yis// chos dbyings 'jug par byal shin tu bslabs pa yis// rgyal sras mtha' dang dbum med pa/ / phyogs bcu thams cad ma lus 'gengs par byed// 'jig rten khams rnams de dag gi/ ming ni bskal pa sems can snyed kyis mthar thug cing // zad par

  192. 97a

    brjod par mi nus te/ / ming bshad gal te sangs rgyas gsung na gsung // 'jig rten mgon po rnams kyi yang // mtshan rnams mtshan nyid mi mthun rnam pa sna tshogs mtshan/ / bskal pa brjod med zad byas kyang // mtshan rnams gcig nas gcig brgyud mthar thug med// 'on kyang dma' ba'i sems med par// mkhas pa rnams ni dus gsum bde gshegs sangs rgyas phyir// chos kyi dbyings la byung ba ste// sangs rgyas ye shes sa la'ang rab tu zhugs// dran pas chags med dag pa ste/ / chags med mngang dang ldan zhing blo gros mtha' yas pas// ye shes blo gros mchog ldan pa// chos dbyings bshad pa pha rol phyin pa thob// gang gis 'jig rten khams kyi rnams/ / yangs dang phra ba rnam pa sna tshogs shes gyur cing // der ni 'das pa'i dus rnams la// sems gcig bskyed pas rab tu 'jug pa byed// mi yi seng ge de dag tu/ sangs rgyas spyod pa sna tshogs rnam pas chags med par// byang chub mchog tu sangs rgyas shing // rnam par 'phrul pa thams cad ston pa mdzad// de bzhin ma 'ongs dus rnams kyi/ / rjes su gang byon de yi bskal pa ci 'dra dang // de la mi yi seng ge gang // skye bar 'gyur ba de dag kun kyang shes// smon lam spyod pa ci 'dra dang // spyod yul

  193. 97b

    kang rnams bsgom pa gang gis grub gyur cing / / bsgrub pa'i rnam paci 'jabs// bskul pa gang la byang chub 'tshang rgya dang // de dag 'khor yang khong du chud// sku tshe'i tshad dang sems can 'dul ba ci 'dra dang / / chos kyi sgo mo gang zhig gis// 'gro bar chos kyi 'khor lo skor ba shes// de ltar kun tu bzang po yi// ye shes mchog gis bsgrubs pa'i spyod pa'i sa gnas shing / / de dag thams cad rab tu shes// de ni 'gro gtso kun gyi 'byung gnas yin// da ltar byung ba gzung byas shing // 'jig rten khams rnams thams cad 'dab chags ma lus par/ / 'jig rten khams la rab tu 'jug/ de bzhin chos kyi dbyings rnams rab tu shes// de ni mi yi gtso bo rnams// / dgra las rgyal zhing thams cad gzigs pa ji snyed pa// mi thub rgol ba dpa' bo'i rnams// chos kyi mnga' la pha rol phyin bsnyes pa// de dag 'khor yang rab tu shes// sems can 'dul dang zhing rnams rnam par dag pa dang // rgyal ba'i rnam par 'phrul pa'i rnams// sems pas bskal pa yangs pa zad par byed// skyes bu'i mchog rnams 'dul mdzad cing / / 'jig rten mchog tu phyin pa'i byin rlabs dam pa la// mi zad mdzod kyi shes yangs pas// ye shes tshul la mkhas pa rab tu 'jug/ chags med

  194. 98a

    mig gis blta ba dang / / chags med rna ba mngon par bsgrub pa sgrub byed cing // chags pa med pa'i lus sangs dang // yangs pa'i lces kyang 'jig rten tshim par byed/ / dam pa'i sems la chags med de// bsam pa kun tu nim yang rnam par dag dang ldan// ye shes 'byung gnas bdag nyid che// dus gsum sems rnams ma lus des khyab bo/ / sprul pa'i pha rol phyin thob cing // zhing rnams sprul pa'i bslab par bya ba bslabs pa'i rnams// sems can sprul la mkhas pa dag/ sprul pa sprul pas 'jig rten 'dul ba byed/ / 'du shes rnam pa du ma ste// des ni 'jig rten sna tshogs ma lus rnam par bris// de dag thams cad rab tu shes// sangs rgyas ye shes tshul la rab tu 'jug/ 'khor rnams brjod du med pa dag/ sangs rgyas sku rnams re re dag la yod pa'i rnams// kun la 'jug cing mthong bar byed// sems can rnam par 'dul ba'i mtha' yang med/ / ye shes zab mo mthong bas na// ye shes nyi ma shin tu gsal ba shar gyur pa'i// phyir mi ldog pa'i spyod pa la// 'jig rten 'byam klas kun tu 'jug par byed// lha'i tshul du zhugs gyur cing // 'jig rten 'di dag thams cad rnam par bkod 'dra bar// sems can tshul bzhin rab tu 'phags// khams gsum thams cad mig por tshul 'drar

  195. 98b

    shes/ / 'on kyang rtog dang rnam rtog med// 'jig rten mtha' dang dbus med kun la rtog mi byed// rtog dang tog med ma khas ba ste// rtog pa'i gsu pas rnam par rtog pa med/ bskal pa brjod du med pa'i rnams// sems bskyed gcig la yang dag 'du bar 'dzud byed cing // 'jig rten mi khom 'di mthong nas// skad cig sems kyis thams cad shes par byed/ / brjod du med pa'i zhing rnams kyang // sems bskyed gcig gis thams cad yongs su 'da' bar byed// bskal pa brjod med zad byed kyang // skra'i rtse'i cha shas gcig las g.yo ba med/ / bskul pa brjod du med pa dag/ nyi ma gcig dang yud tsam gcig tu 'dzud byed kyang // ring dang thung la gzhol ba med// skad cig gcig/ la 'jug pa'i pha rol phyin// sems kyi rnam pa 'jig rten kun// 'jig rten rnam pa sems can kun gyi sems yin te// rnam pa gnyis kyi grangs su zhugs// 'on kyang de dag mi gnyis rtog pa med/ / sgyu ma'i rnam pa 'jig rten te// sems can zhing dang sangs rgyas chos kyang de bzhin no// 'on kyang 'jig rten mgon po'i rnams// chos kyi dbyings rnams kun la gcig tu snyoms/ / lus rnams brjod du med pa yis// phyogs bcu thams cad rgyas par bkang zhing yongs su ston// 'on kyang lus la gzhol ba

  196. 99a

    med/ / chos nyid rten pa gnas med rab tu shes// 'on kyang mi yi seng ge rnams// gnyis la gnas pa'i shes pas byung ba ma yin te// mi gnyis pa la'ang gnas pa med/ / gnyis dang gnyis med chos rnams rab tu shes// ji ltar smig rgyu rab rib dang // mig yor sgra brnyan de bzhin rmi lam 'dra ba dang // rmi lam rnam pa sprul pa ltar/ / 'gro ba thams cad ma lus rab tu shes// de ltar spyod yul nyams med pas// sangs rgyas kun gyi rigs kyi rjes su 'byung ba yin// kun tu bzang po'i ye shes dang / / chos kyi dbyings la shin tu bdal ba yin// snying rje chen po mtha' yas kyang // sems can med dang mnyam par zhing rnams thams cad sgom// sngon nas nyon mongs nyams med pa'i/ / bsam pa dag pas 'jig rten kun tu 'gro// mi zad mkha' ltar rnam dag pa'i// rgyu che shin tu yangs pa'i sa la rab tu zhugs// gsung ba'i seng ge thams cad kyi// tshul gyi dkyil 'khor thams cad rjes su dran// 'jig rten rab tu spros pa la// smon lam tshad med yongs su gdab pa byas pas na/ / de dag spyod pa yongs su dag/ 'jig rten khams rnams thams cad rgyas par khyab// sangs rgyas rnams dang rgyal sras dang // de bzhin sangs rgyas rnams kyi chos

  197. 99b

    rnams thams cad dang / / 'jig rten rnams dang 'jig rten chos// chags med tha dad med pa'i tshul du shes// chos kyi sku yi snying po can// de yi lus la 'jig rten thams cad gzung byas shing / / 'jig rten de yi lus yin yang // 'jig rten kun gyis de la gos pa med// ji ltar dang ba'i chu gsal la// gzugs brnyan yongs su snang yang der song 'phos pa med/ / de bzhin 'jig rten thams cad kyi// rjes su lus 'gro der song 'phos pa med// de ltar 'jig rten thams cad kyis// gos pa med cing 'jig rten yongs su dag pas na/ / lus ni mkha' dang 'dra ba ste// de yi las rnams gang yang skyes pa med// mi zad pa yi lus shes pas// de ni nam yang skyes shing 'gags pa med pa ste/ / rtag dang mi rtag ma yin par// 'jig rten kun la'ang rnam par dmigs pa byed// lta ba'i rnam pa rab tu 'gags// brtan pa de dag yang dag blta ba ston pa byed/ / bdag gi med cing gnas pa med// len pa med cing chos kyi dbyings dang mnyam// ji ltar sgyu mkhan mkhas pa zhig/ sna tshogs mtshan nyid rnam pa tha dad gzugs 'phrul byed/ / 'on kyang de la 'gro ba med// gang du 'gro ba de bzhin mi dmigs so// sgyu ma tshad med ma yin te// sgyu ma tshad kyis dmigs par bya ba'ang

  198. 100a

    ma yin no/ / tshad med tshad dang ldan pa spang // tshogs kyi dbus su ston pa rab tu byed// de bzhin rtogs pa'i blo ldan pa// sangs rgyas kun gyi dge ba'i rtsa ba rnams las byung / / sems ni tshad yod ma yin te// tshad med pa la gnas pa'ang de dag min// 'du shes rnam pa gcig min te// de dag tshad med pa dang tshad dang ldan pa ston/ / lam gyi rgyud dang 'brel ba med// tshad med pa rnams gnas pa'ang de bzhin med// sangs rgyas chos rnams zab pa ste// shin tu yangs pas zab cing zhi bas de bzhin zab zab mo sna tshogs rgyud rnams dang / / mtha' yas zab pa rnams kyang rab tu shes// ye shes bzang po rmongs pa med// rgyud la dri ma med pas bsam pa rnam par dag/ byin gyis rlob la mkhas pas na/ / srog chags bye ba shin tu dag par byed// dge bar byed pa'i dkyil 'khor rnams// rab tu brjod cing dge dang mi dge rnam par ston// gnas la mngon par ma chags pas/ / chos kyi dbyings rnams kun tu rab tu rgyu// sems can med mthar phyin gyur kyang // 'jig rten thams cad ma lus de dag khong du chud// 'jig rten thams cad ma lus par/ / rnam par sangs rgyas mya ngan gar mi 'da'// chos rnams bgrang ba'i tshul la mkhas// sems can bgrang tshul shes kyang grangs la skyes pa med// chos

  199. 100b

    kyi sprin chen char 'bebs shing / / 'jig rten khams rnams thams cad snang bar byed// sangs rgyas byang chub ma lus la// sems bskyed gcig gis de dag rab tu 'jug/ de dag phyir ldog med pa ste/ / sems can kun gyi khams las phyir mi ldog/ sangs rgyas sku ni thob gyur kyang // chos rnams 'di dag lus yod ma yin rab tu shes// lus rnams kun gyi tshul la mkhas/ / lus kyis rnam phye 'jig rten rab tu shes// sems can kun tu rgyu ba dang // bskal pa rnams dang zhing la pha rol phyin pa thob// phyogs rnams rgya mtsho gangs chen mtshor/ / ye shes rgya mtsho'i tshul la mkhas pas zhugs// lus rnams thams cad re ro las// sems can kun gyi lus rnams sna tshogs ji snyed dang // sangs rgyas skra ni mtha' yas pa// ye shes shin tu yangs pa de ston to// skad cig gcig gi dus tshul la// mi yi gtso bo mang po byung ba rab tu shes// bskal pa mang po brjod med du// mi yi seng ge bzang bas zad mi 'gyur/ / de dag mya ngan 'da' ba yang // skad cig gcig la tshad med shin tu yangs pa 'byung // ring bsrel rnam dbye mang po yang // ye shes dri med phra bas ston pa byed// de bzhin ma 'ongs dus kyi yang / / mi yi seng ge mtha' yas smon lam 'debs pa'i rnams// byang chub dri med sems bskyed pa// ye shes yang shing shin tu phra bas shes// bzang

  200. 101a

    po spyod la gnas bcas shing / / de bzhin dus gsum gshegs pa'i sems can gtso bo rnams// ji snyed skyes par gyur pa dag/ de dag thams cad ma lus rab tu shes/ / de ltar rab tu shes pas na// mtha' dang dbus med spyod pa'i sa dang de bzhin du// ye shes 'byung gnas blo gros la// ye shes 'khor lo'i spyod pas phyir mi ldog/ ye shes phra mo rab yangs pa// stobs bcu rnams kyi spyod yul mchog la de dag zhugs// bzang po rtogs pa'i blo can rnams// phyir mi ldog la 'jug pa brjod bya na/ / sangs rgyas rgyal ba thams cad kyi// yang dag gzhol bar bya la de dag zhugs pas na// spyod las phyir ldog med pa ste// byang chub dam pa zhi bar 'tshang yang rgya/ / de 'dra'i sems rgyud gcig la yang // mtha' dang dbus med sems rnams yang dag 'dzud pa byed// shin tu yangs pa'i tshad med las// 'du shes de dang de la yang dag/ bsgrubs// nyon mongs med dang nyon mongs dang // slob dang mi slob sems kyang de bzhin rab tu shes// sems rgyud de dag re re la'ang // sems rnams brjod du med pa mngon 'tshang rgya/ / gcig dang gnyis su shes pa med// de dag yongs su 'dres par 'gyur ba'ang med pa ste// so so'i 'du shes rnam pa la// sems can de dag skyes par gyur pa yin// /

  201. 101b

    'di na 'dug par mthong gyur kyang // sems can brjod med gzhan dang gzhan sems ldan pa'i rnams// gzhan gyi zhing phyin 'du shes kyang // 'jig rten sna tshogs rnams la rab tu skye/ / 'di 'dra'i tshul la 'jug pa la// spyod pa'i mchog gis rjes su zhugs par gyur pa'i rnams// kun tu bzang po'i ming thob ste// 'jig rten mgon po kun gyi rjes su skyes/ / sems can bye ba la la ni// ngan song ba grangs pa'i ming thogs mtho ris 'du shes 'gyur// la la mtho ris sa rnams kyi// rnam pa kun la ngan song 'du shes 'gyur// 'jig rten mi mtshungs skal la ltos// rnam pa tha dad las kyi sa las rab tu skyes// 'du shes rnam pa mtha' yas te// gcig min yang sa la 'jig rten rab tu 'jug/ 'jig rten khams rnams thams cad kyi/ / 'du shes dra ba skal ba mi mnyam rab tu shes// mig 'phrul sgyu ma'i tshul gyis na// skad cig gcig gis sems kyis rab tu gzhol// de bzhin dbang po rnams la ste/ / mig gi skye mched rna ba sna yi skye mched dang // lce dang lus dang yidra la yang // 'jig rten rnam pa tha dad 'du shes 'jug/ mig rnams re re'i yul la yang / / mtha' dang dbus med migi rnams rab tu 'jug pa byed// rnam pa tha dad du ma ste// tshad med kun la'ang zhen par 'gyur ba med// 'on kyang phan tshun gcig

  202. 102a

    kis gcig/ bdo zhing gnod par 'gyur ba de dag kun na med// bdag bdag so so'i las kyi rnams// ji ltar bsags pa'i tshul bzhin nyams su myong // bzang zhes bya ba de dag kun// tshad med stobs dang ye shes sa yi shes rab kyis// 'byam klas mig rnams thams cad la// rab tu zhugs pas shin tu rtogs pa yin// de bzhin 'jig rten thams cad kyang / / thams cad ma lus rnam pa thams cad 'jig tshul du// thams cad shin tu shes gyur kyang // rgya chen spyod pas mya ngan mi 'da' 'o// sangs rgyas shin tu bstan pa dang / / sems can bstan dang de bzhin zhing rnams bstan pa dang // dus rnams shin tu bstan pa dang // bstan pa sna tshogs rnam pa kun kyang shes// la la 'di la 'das gyur kyang / / gzhan dang gzhan rnams ma 'ongs dus la gnas pa yin// 'on kyang ma 'ongs dus kyi rnams// la las da ltar byung bar rab tu shes// de 'dra'i tshul can gcig min// pa'i// 'jig rten mtshan nyid tha dad thams cad rab tu shes// thams cad mkhyen pa nyid tshul gyis// sangs rgyas ye shes kun tu mtha' yang yas// shin tu rgyas pa chen po'i mdo sangs rgyas phal po che zhes bya ba las/ / kun tu bzang po'i spyod pa bstan pa'i le'u ste bzhi bcu gnyis pa'o// bam po bdun cu tham pa/ de nas bcom

  203. 102b

    ldan 'das ye shes chen pos rnam par sangs rgyas pa'i thugs mnga' ba/ 'das pa dang / ma byon pa dang / da ltar byung ba'i sangs rgyas thams cad dang sku gcig pas mnyam pa nyid brnyes pa/ sangs rgyas thams cad kyi spyod pa mnyam pa nyid dang ldan pa/ chags pa med pa'i spyod yul mngon par mkhyen pa/ ye shes kyi rang bzhin chos kyi sku mnga' ba/ mtshan nyid yod nas med pa'i chos la rten pa/ chos kyi dbyings mi gnyis pa'i spyod yul gyis yang dag par spyod pa/ mtha' dang dbus med cing mtshungs pa'i mngon par 'tshang rgya ba bsnyes pa/ rnam par thar pa bsgribs pa med pa'i spyod yul la shin tu dgyes pa/ chos kyi sku nam mkha'i dbyings kyi mthas klas pa mnga' ba/ de bzhin gshegs pa'i byin gyi rlabs kyi pho brang khang pa brtsegs pa'i gzhal med khang de bzhin gshegs pa bzhugs pa/ chos kyi dbyings kyi snying po can 'od kun nas 'byung ba/ rgyan chen po dang ldan pa/ 'od dang zhing gsal ba rnam par snang ba'i snying po can/ sangs rgyas skye ba chos kyi dbyings mtha' dang dbus med pa'i gnas/ byang chub sems dpa' lus las byung ba/ gzhi 'od zer gyis rnam par brgyan pa/ byang chub sems dpa' lus rang bzhin du gnas pas rab tu bsgrubs pa/ chos chen po'i gzhir gyur pa/ chos kyi dbyings kun tu rgyas pa/ de bzhin gshegs pa'i 'od dang ldan pa/ nam mkha'i dbying

  204. 103a

    kyi mthas gtugs pa/ ye shes kyi yul yang dag pa'i mtha' spyod yul chags pa med par rnam par gsal ba na/ byang chub sems dpa' sems dpa' chen po rin po che bzang po'i pad+mo chen po rang rang gi smon lam gyis byung ba'i dbus kyi snying po la 'khod pa kun kyang tshe gcig gis thogs pa/ 'jig rten gyi khams gzhan dang gzhan nas phyin pa/ ye shes chen po rnam par phye ba'i spyod yul la gzhol ba/ chos kyi dbyings tha mi dad pa'i gzhi mnyam pa nyid la zhugs pa/ nam mkha'i dbyings gzhi med cing mtha' dang dbus med pa la rnam par spyod pa/ chos thams cad 'byung ba med cing mngon par grub pa med pa mngon du byas pa/ byang chub sems dpa'i lus las ma g.yos su thams cad mkhyen pa'i ye shes rab tu thob pa/ 'jig rten gyi khams thams cad du kun gyis brjod pa/ de bzhin gshegs pa'i ye shes las mngon dubyung ba/ sangs rgyas thams cad kyi byang chub mngon sum du gyur pa'i ye shes snang ba thob pa/ de bzhin gshegs pa'i spyod yul rgyun ma chad pa/ ye shes kyi rang bzhin chos kyi lus gcig cing tha mi dad pas gzugs kyi lus mtha' yas pa'i sgo kun tu ston pa/ chos kyi dbyings mtha' dang dbus med pa la 'jug pa shin tu shes pa/ sems can gyi khams su rnam par spyad pa las phyir mi ldog pa/ de bzhin gshegs pa'i chos kyi dbyings dang yang dag

  205. 103b

    pa'i mtha' mnyam pa nyid thob pas sprul pa mngon par sgrub pa/ de bzhin gshegs pa rnam par snang mdzad dang sngon lhan cig tu skyes shing dge ba'i rtsa ba bsags pa sha stag 'di lta ste/ byang chub sems dpa' sems dpa' chen po kun tu bzang po dang / kun tu grags pa'i dbang phyag rgyal po dang / de bzhin gshegs pa'i rigs su byung ba'i dpal dang / rdo rje dpal gyi rgyal mtshan dang / rnam par grol ba bsgribs pa med pa'i zla ba dang / nyi ma'i 'od zer dri ma med pa'i snying po dang / mngon par shes pa chen pos rnam par 'phrul pa'i blo dang / 'od dri ma/ med pa'i dpal gyi gzi brjid 'od zer gyi rgyal po dang / blo gros rgya mtsho'i mchog 'dzin cing blo la rnam par rtse ba gsal bas mngon par shes pa'i dpal dang / byang chub sems dpa' sems dpa' chen po stobs bcu mi 'jigs pa'i seng ge'i nga ro chen pos rnam par rtse bas mngon par shes pa dang / de dag la sogs pa byang chub sems dpa' sems dpa' chen po sangs rgyas kyi zhing skye bakhrag khrig brgya stong brjod du med pa phyag bcu'i rdul shin tu phra ba snyed dang thabs gcig tu bzhugs so/ / de nas de'i tshe bcom ldan 'das kyi mdzod spu nas de bzhin gshegs pa 'byung ba zhes bya ba'i 'od zer/ 'od zer gyi 'khor bye ba khrag khrig brgya stong grangs med pa mang po'i 'od zer dang ldan pa byung ste/ des 'jig rten gyi khams 'byam klas pa thams cad ma

  206. 104a

    @lus par snang bar byas/ 'jig rten gsus phyogs su lan bcur bskor te/ de bzhin gshegs pa'i rnam par 'phrul pa bsnun nas/ byang chub sems dpa' bye ba khrag khrig brgya stong mang po bskul ba byas te/ 'jig rten gyi khams 'byam klas pa thams cad rab tu bskyod nas/ ngan song gi rgyud thams cad kyi skye ba dang shi 'pho rab tu zhi bar byas te/ bdud kyi khyim thams cad zil gyis mnan nas/ de bzhin gshegs pa thams cad mngon par 'tshang rgya bas rnam par sangs rgyas pa'i gdan bstan par bya ste/ sangs rgyas kyi 'khor gyi dkyil 'khor rnam par bkod pa 'bya ma klas pa rab tu bstan nas/ 'jig rten gyi khams chos kyi dbyings kyis klas pa/ nam mkha'i mtha' gtug pa rab 'byam klas pa thams cad ma lus par khyab par byas nas phyir 'ongs te/ byang chub sems dpa'i 'khor gyi dkyil 'khor thams cad la g.yas phyogs nas bskor nas/ de byang chub sems dpa' de bzhin gshegs pa'i rigs su byung ba'i dpal gyi spyi bor nub bo/ / de nas byang chub sems dpa' 'khor thams cad ngo mtshar cher 'dzin cing dga' ba thob par gyur te/ 'od zer gyi dra ba snang ba 'di lta byung bas na/ chos chen po brjod par ni 'gyur du nges so snyam nas rtogs pa'i blo'ang thob par gyur to// 'od zer de dag gis byang chub sem dpa' de bzhin

  207. 104b

    gshegs pa'i rigs su byung ba'i dpal gyi lus la phog par gyur ma thag tu/ de nas de'i tshe byang chub sems dpa' sems dpa' chen po de bzhin gshegs pa'i rigs su byung ba'i dpal pad+mo'i stan las langs te/ bla gos phrag pa gcig la gzar nas/ pad+mo'i snying po de la pus mo g.yas pa'i lha nga btsugs nas/ bcom ldan 'das gang na ba der thal mo btud de/ de bzhin gshegs pa'i 'du shes dang ldan pa'i yid la byed pa sa/ de bzhin gshegs pa la tshigs su bcad de gsol pa/ rnam dag blo mnga' yon tan mkhyen pas 'phags pa/ spyod yul chags pa med pa'i pha rol phyin brnyes/ / dus gsum mnyam pa'i chos nyid mnyam pa ston pa/ khyod la bdag ni bsti stang rim gro bgyid do// mtshan nyid med pa'i spyod yul pha rol phyin brnyes/ ma mtshan gyis shin tu brgyan pa'i sku yang ston mdzad/ dri med 'od can 'od zer stong dang ldan 'gyed/ bdud kyi sde rnams ma lus rab tu 'joms mdzad/ phyogs bcu kun na gang rnams ji snyed mchis pa'i/ / zhing rnams thams cad ma lus rab tu bskyod kyang // thugs rje ldan pas su la'ang 'jigs par mi mdzad// khyod kyi rdzu 'phrul mthu ni de'ang de tshul// nam mkha'i dbyings la mnyam pa nyid du rab zhugs/ de bzhin chos dbyings mnyam pa nyid kyang brnyes gyur// sems can stong phrag bye ba grol bar mdzad cing // sems can kun gyi sdig chen rab tu zhi

  208. 105a

    mdzad/ / bsgral pa stong du brtul zhugs dam po spyad de// byang chub mchog gi lam ni yang drag bsgrubs nas// chags pa med pa'i ye shes spyod yul 'di brnyes/ / sangs rgyas kun dang rang bzhin gcig tu rab gyur// rnam par 'dren pa khyod kyis 'di nas 'od bkye// 'jig rten thams cad ma lus kun tu bskyod nas// cho 'phrul mtha' yas yang dag bstan pa bgyi ste/ / bdag gi lus 'dir de dag ma lus zhugs gyur// de la bdag gi blo gros 'di ltar skyes te// chos rje khyod la bdag gis zhu ba'i dus pa ba// shin tu nges pa'i chos la rab tu bslabs pa'i/ / byang chub sems dpa' rnams kyang 'dus par gyur snyam// tshogs 'di dag pa 'dus pas rnam par dag pa// 'jig rten slob dpon mgon pos rab tu bsngags pa// ye shes mtha' yas ldan pa yul la chags med/ / de 'dra'i mthu chen dpa' bo 'di dag 'dir phyin// de don 'jig rten slob dpon drang srong chen po// ye shes stobs dang brtson 'grus mtha' yas byung gyur/ / byang chub sems dpa' 'di dag snang bar mdzad gsol// chos rab bdag gis gang zhus de yang bshad gsol// drang srong chen po'i spyod yul 'di dag bstan cing // yang dag ma nor brjod par nus pa gang lags/ / skyes bu khyu mchog rnams kyi sras ni gang lags// 'jig rten mgon gyis gtso bo khyod kyis bshad gsol// tshigs su bcad pa de dag

  209. 105b

    gsol ma thag tu/ de'i tshe bcom ldan 'das kyi zhal gyi sgo nas mi brnyengs pa'i mthar phyin pa zhes bya ba'i 'od zer 'khor gyi 'od zer khrag khrig brgya stong grangs med pa dang ldan pa byung ste/ des 'jig rten gyi khams 'byam klas pa thams cad ma lus par snang bar byas nas/ 'jig rten g.yas phyogs su lan bcur bskor te/ de bzhin gshegs pa'i rnam par 'phrul pa bstan nas/ byang chub sems dpa' bye ba khrag khrig brgya stong mang po bskal ba byas te/ 'jig rten gyi khams 'byam klas pa thams cad rab tu bskyod nas/ ngan song gi rgyud thams cad kyi skye ba dang shi 'pho ba rab tu zhi bar byas te/ bdud kyi khyim thams cad zil gyis mnan nas/ de bzhin gshegs pa thams cad mngon par 'tshang rgya bas rnam par sangs rgyas pa'i gdan bstan pa byas te/ sangs rgyas kyi 'khor gyi dkyil 'khor rnam par bkod pa 'byam klas pa rab tu bstan nas/ 'jig rten gyi khams chos kyi dbyings kyis klas pa/ nam mkha'i mthas gtugs par 'byam klas pa thams cad ma lus par rgyas par byas nas phyir 'ongs te/ byang chub sems dpa'i 'khor gyi dkyil 'khor thams cad la g.yas phyogs nas bskor nas/ byang chub sems dpa' kun tu bzang po'i kha'i sgor nub bo/ / de bzhin gshegs pa'i 'od zer des byang chub sems dpa' sems dpa' chen po kun tu bzang po la reg par gyur ma thag tu/ de nas de'i tshe byang chub sems dpa' sems dpa'

  210. 106a

    chen po kun tu bzang po'i lus kyi seng ge'i khri sngon ci 'dra ba de las/ byang chub sems dpa'i lus kyi seng ge'i khri brgya phrag stong gyur tu bzang zhing khyad par du 'phags par 'dug ste/ de bzhin gshegs pa'i seng ge'i gdan ma gtogs par byang chub sems dpa' gzhan gyi lus kyi seng ge'i khri las/ byang chub sems dpa' kun tu bzang po'i lus kyi seng ge'i khri brgya phrag stong gyur tu bzang zhing khyad par du 'phags par snang ngo / / de nas byang chub sems dpa' sems dpa' chen po de bzhin gshegs pa'i rigs su byung ba'i dpal gyis byang chub sems dpa' sems dpa' chen po kun tu bzang po la 'di skad ces smras so/ / kye rgyal ba'i sras de bzhin gshegs pa'i cho 'phrul chen po 'jig rten thams cad kyis khong du chud par dka' ba/ byang chub sems dpa' rnams rab tu dga' bar 'gyur ba bsam gyis mo khyab pa 'di lta bu bstan na/ kye rgyal ba'i sras de gang gi sngon gyi mtshan mar 'gyur/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so// kye rgyal ba'i sras de ni bdag 'di snyam du sems te/ sngon gyi yang dag par rdzogs pa'i sangs rgyas rnams kyi cho 'phrul chen po 'di 'dra ba dag kyang mthong ste/ de bzhin gshegs pa rnam ni de bzhin gshegs pa 'byung ba bstan pa zhes

  211. 106b

    bya ba'i chos kyi rnam grangs bstan par dgongs pa dang / cho 'phrul chen po'i rnam pa 'di lta bu dag ston pa mdzad do// de nas byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ de bzhin gshegs pa 'byung ba bstan pa'i chos kyi rnam grangs kyi ming thos par gyur ma thag tu de'i tshe sa chen po g.yos par gyur to// de nas byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so// kye rgyal ba'i sras legs par spobs par mdzod cig/ ji ltar byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba bstan pa khong du chud par bya kye rgyal ba'i sras 'khor 'dus pa 'di ni shin tu dag pa ste/ byang chub sems dpa' bye ba khrag khrig brgya stong kun nas 'dus pa'o// kye rgyal ba'i sras 'di ni byang chub sems dpa' sems dpa' che bopo sngon spyad pa shin tu spyad pa/ las kyi mtha' shin tu sbyangs pa/ dran pa dang / blo gros dang / rig pas shin tu 'phags pa/ rgya chen po'i pha rol tu phyin pa mchog thob pa/ de bzhin gshegs pa thams cad kyi spong yul dang / spyod pa dang / tshul la rab tu gnas pa/ sangs rgyas kyi rjes su song ba'i 'du shes yid la byed pa mnyam pa/ snying rje chen pos 'gro ba thams cad la rnam par lta ba/ byang

  212. 107a

    chub sems dpa'i mngon par shes pa chen pos rnam par rol pa'i spyod yul can/ de bzhin gshegs pa thams cad kyi byin rang kyis rgyud du len pa/ sangs rgyas thams cad kyi chos kyi dpal gyi byin gyis brlabs pa ste/ de dag la sogs pa yon tan dang legs pa tshad med pa mang po dang ldan pa sha sta ga 'ongs shing 'dus pa'o// kye rgyal ba'i sras khyod kyang sangs rgyas bye khrag khrig brgya stong mang po bsnyen bkur ba/ byang chub sems dpa' thams cad kyi spyod pa'i mchog tu phyin pa/ ting nge 'dzin dang snyoms par 'jug pa'i sgo thams cad kyis rnam par rol par mngon par mkhas pa/ de bzhin gshegs pa thams cad kyi gsang ba'i gnas su chud pa/ sangs rgyas kyi chos thams cad la the tsom yongs su chad pa/ de bzhin gshegs pa thams cad kyi byin gyis byin du brlabs pa/ sems can thams cad kyi dbang po la mkhas pa dang ldan pa/ sems can thams cad kyi mos pa dang rnam par grol ba'i lam yang dag par ston pa/ de bzhin gshegs pa thams cad kyi rigs dang rgyud yang dag par 'byung ba'i ye shes dang ldan pa/ sangs rgyas kyi chos thams cad bstan pa la pha rol tu phyin pa'i mchog thob pa de dag la sogs pa yon tan mang po tshad med pa'i khyad par gyi mthar thug pa yin gyis/ kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba bstan pa dang / sku yang dag par bsan pa dang /

  213. 107b

    dbyangs rab tu brjod pa dang / thugs kyi mthu dang / yul gyi gnas dang / spyod yul bstan pa dang / mngon par byang chub pa'i gnas dang / chos kyi 'khor lo bskor bar mngon par bsgrub pa dang / yongs su mya ngan las 'das pa chen po bstan pa dang / de bzhin gshegs pa rnams mthong zhing thos pa dang / de bzhin gshegs pa dang 'grogs pas dge ba'i rtsu ba 'byung ba bstan pa la legs par spobs pa mdzod cig/ de nas byang chub sems dpa' sems dpa' chen po de bzhin gshegs pa'i rigs su byung ba'i dpal gyis don 'di nyid yang bslus te brjod pa'i phyir/ de'i tshe byang chub sems dpa' sems dpa' chen po kun tu bzang po la tshigs su bcad de smras pa/ chags med blo gros shin tu rnam par sangs rgyas blo ldan// ye shes mtha' yas yul la mnyam po nyi gyur/ rgyal ba'i spyod yul tshad med legs par yang dag shod cig/ de thos sangs rgyas sras rnams thams cad rab tu dga' 'gyur// rgyal ba mchog rnams 'byung ba ji ltar byang chub sems dpas/ / khong du chud bya ji ltar de dag yang dag blta bya// de bzhin gshegs thugs ci 'drar sku dang dbyangs kyang ci 'dra// skyes bu khyu mchog rnams kyi yul dang spyod yul ci 'dra// de bzhin gshegs// pa byang chub ji ltar rnam par 'tshang rgya// chos kyi 'khor lo dam pa rgyal ba ji ltar bskor mdzad// bde gshegs mya ngan 'das pa'i yang dag nyid kyang gsung ste// sangs rgyas sras po mtha' yas

  214. 108a

    'di dag dka' bar mdzod cig/ gang gis bde gshegs chos rgyal chen po mthong bar gyur cing // gang rnams 'thogs shing dge ba yang dag skyed par byed pa// de dag bsod nams 'phel ba'ang ma nor brjod par mdzod cig/ bde gshegs mthong na cir 'gyur de dang 'grogs na ci 'gyur// bde gshegs mya ngan 'das dang 'on tam bzhugs kyang rung ste/ de bzhin gshegs pa'i mtshan rnams gang gis thos par gyur cing / / yon tan 'byung gnas rnams la gang rnams dang bskyed pa// de dag don kyang cir 'gyur 'khor 'dir bstan par mdzod cig/ byang chub sems dpa' 'di dag thams cad thal mo sbyar cing // bde bar gshegs dang khyod dang bdag la kun kyang lta sdong // dris pa 'di dag sems can dag pa khyod kyis lung ston// yon tan rgya mtsho che mnga' rnams kyi spyod yul bstan mdzod/ / de dag don du chos rab ldan pa'i gsung mchog rjod cing // mkha' 'dra khyod kyis skye bo rnams kyi the tsom gcad mdzod// dpe dang rgyur ldan tshig gis de bzhin gshegs pa'i rigs ston/ / thos nas sems can khrag khrig byang chub mchog tu sems bskyed// ji ltar zhing rnams thams cad ma lus rgyas par bkang zhing // rgyal ba sku la yan lag sna tshogs yang ngag ston mdzad/ / ji ltar khrag khrig chos dang ldan pa'i gsung rab brjod pa// sangs rgyas byang chub dpe dang rgyu yis bstan par mdzod cig/ gang zhig phyogs bcu'i zhing rnams khrag khrig thams

  215. 108b

    cad kun tu/ / bskal pa mang po bye ba mtha' yas bgrangs par song yang // de ring rgyal sras 'dir tshogs 'di 'dra'i 'khor dang 'dra ba/ byang chub sems dpa' rnams kyis mthong bar shin tu dka' 'o/ / de bas rgyal sras rang bzhin dag pa khyod kyis bshad mdzod// de bzhin gshegs pa rnams kyi rigs yadra yongs su ston cig/ byang chub sems dpa' 'di dag thams cad thal mo sbyar te/ / yangs pa'i chos kyis skom zhing chos la don gnyer gnas so// de skad ces smras pa dang // byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la dmigs nas/ / byang chub sems dpa'i tshogs thams cad la smras pa/ kye rgyal ba'i sras dag 'di lta ste/ de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba bstan pa/ tshad med pa'i chos kyi byung ba 'di ni bsam gyis mi khyab pa'i gnas te/ kye rgyal ba'i sras dag/ de bzhin gshegs// / pa dgra bcom pa yang dag par rdzogs pa'i sangs rgyas rnams kyi skye ba 'byung ba ni/ rgyu gcig ma yin pa dang / rkyen gcig ma yin pas yang dag par 'grub bo// do ci'i phyir zhe na/ kye rgyal ba'i sras dag chos bcu po 'di dag la sogs pa chos rnam pa tha dad pa brgya stong tshad med dgrangs med pa yong su rdzog par bya ba'i tshul yang dag par bsgrubs pa'i rgyus/ de bzhin gshegs pa rnams 'byung bar 'gyur ro//

  216. 109a

    bcu gang zhe na/ 'di lta ste/ sngon 'gro ba thams cad yongs su bskyabs pa'i sems dang / byang chub kyi sems tshad med pa skyed pa yang dag par bsgrubs pa dang / bsam pa dang lhag pa'i bsam pa sngon shin tu sbyangs shing yang dag par bsgrubs pa dang / byams pa chen po dang thugs rje chen po tshad med pas sems can yongs su bskyab pa yang dag par bsgrubs pa dang / spyod pa dang smon lam tshad med pa rgyun 'chad pa med par yang dag par bsgrubs pa dang / bsod nams dang ye shes kyi tshogs chen po mi ngoms par yang dag par bsgrubs pa dang // sangs rgyas mchod cing rim gro bya ba dang / sems can yongs su smin par bya ba'i rgyan tshad med pa yang dag par bsgrubs pa dang / thabs dang shes rab kyi lam rnam par dag cing tshad med pa yang dag par bsgrubs pa dang / yon tan rnam par dag pa'i rnam pa tshad med pa yang dag par bsgrubs pa dang / lam gyi yan lag rnam par dgod pa tshad med pa'i ye shes yang dag par bsgrubs pa dang / don dang ldan pa'i chos tshad med pa khong du chud pas mthar phyin par bya ba yang dag par bsgrubs pa ste/ kye rgyal ba'i sras dag chos bcu po de dag la sogs pa chos rnam pa tha dad pa brgya stong tshad med grangs med pa yongs su rdzogs par bya ba'i tshul yang dag par bsgrubs pa'i rgyus/ de bzhin gshegs pa rnams 'byung bar 'gyur ro// kye rgyal

  217. 109b

    ba'i sras 'di lta ste/ dper na stong gsum gyi stong chen po'i 'jig rten gyi khams 'byung ba ni/ rgyu gcig gis 'byung ba ma yin/ rkyen gcig gis 'byung ba ma yin te/ kye rgyal ba'i sras dag stong gsum gyi stong chen po'i 'jig rten gyi khams ni rgyu tshad med pa dang / rkyen tshad med pa dang / bsgrub pa tshad med pas yongs su 'grub par 'gyur te/ 'di ltar sprin chen po'i char dus las mi 'da' bar rab tu 'bab pas kyang rgyu byas la/ rlung gi dkyil 'khor bzhi rgyun mi 'chad par ldang bas kyang rgyu byas nas yongs su 'grub par 'gyur ro// bani po de dag kyang gang zhe na/ 'di lta ste/ rlung gi dkyil 'khor yongs su 'dzin pa zhes bya ba ni/ yongs su gzung ba'i phyir lding ngo // rlung gi dkyil 'khor long su skam pa zhes bya ba ni/ chu'i phung po yongs su bskam pa'i phyir ldang ngo // rlung gi dkyil 'khor yongs su bzhog pa zhes bya ba ni/ gzhal med khyang thams cad yongs su dgod pa'i phyir ldang ngo // rlung gi khams dkyil 'khor rnam par dgod pa zhes bya ba ni/ sems can stong gsum gyi stong chen po'i 'jig rten gyi khams su gtogs pa thams cad kyi rkyen du skyes pa'i las dang / byang chub sems dpa'i dge ba'i rtsa ba'i stobs dang / shugs kyis gnas kyi rnam pa'i rgyan rnam par phye ba shin tu rnam par dbye bas/ stong gsum gyi stong chen po'i 'jig rten gyi khams rnam par dbye ba'i phyir ldang

  218. 110a

    ste/ kye rgyal ba'i sras dag/ de dag la sogs pa'i rnam pa tshad med pas/ stong gsum gyi stong chen po'i 'jig rten gyi khams chos nyid rab tu thob pa'i phyir/ yongs su 'byung bar 'gyur ba'ang 'byung ba de la 'byung bar byed pa gang yang med de/ 'byung bar 'gyur ba'ang med pa ma yin no// kye rgyal ba'i sras dag/ de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyang rgyu gcig ma yin pa dang / rkyen gcig ma yin pas 'byung bar 'gyur te/ kye rgyal ba'i sras dag/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu tshad med pa dang / rnam pa tshad med pa dang / yang dag par bsgrub pa tshad med pas 'byung ste/ 'di ltar yang dag par rdzogs pa'i sangs rgyas rnams kyi drung du sngon chos kyi sprin gyi char chen po bab pas kyang rgyu byas la/ de bzhin gshegs pa'i ye shes kyi rlung gi dkyil 'khor bzhi rgyun mi 'chad par ldang bas kyang rgyu byas na yang dag par 'grub par 'gyur ro/ / bzhi gang zhe na/ 'di lta ste/ de bzhin gshegs pa'i ye shes kyi rlung gi dkyil 'khor chen po dran pas yang dag par gzung zhing gzungs kyis chung mi za ba zhes bya ba yod de/ do ni de bzhin gshegs pa de dag gi chos kyi sprin chen po'i char yang dag par gzung ba'i phyir ldang ngo // de bzhin gshegs pa'i ye shes kyi rlung gi dkyil 'khor chen po lhag mthong dang

  219. 110b

    zhi gnas kyis bsgrubs pa zhes bya ba yod de/ de ni nyon mongs pa thams cad yongs su bskam pa'i phyir ldang ngo // de bzhin gshegs pa'i ye shes kyi rlung gi dkyil 'khor chen po yongs su/ sngo ba la mkhas pa zhes bya ba yod de/ de ni dge ba'i rtsa ba thams cad yongs su bsngo ba'i phyir ldang ngo // de bzhin gshegs pa'i ye shes kyi rlung gi dkyil 'khor chen po sprul pa'i rgyan rnam par bkod pa rnam par 'byed cing rnam par dgod pa zhes bya ba yod de/ de ni sems can sngon yongs su smin par byas pa rnams kyi rkyen du byung ba'i dge ba'i rtsa ba yongs su dag pa dang / de bzhin gshegs pa'i dge ba'i rtsa ba zag pa med pa'i stobs dang shugs kyi phyir ldang ngo / / kye rgyal ba'i sras dag/ de dag la sogs pa'i rnam pa tshad med pa dang / yang dag par bsgrub pa tshad med pas/ de bzhin gshegs pa dragra bcom pa yang dag par rdzogs pa'i sangs rgyas rnams chos nyid rab tu thob pa'i phyir 'byung bar 'gyur te/ de la 'byung bar byed pa 'am/ skye bar byed pa gang yang med de/ 'byung ba'ang med pa ma yin no// de ltar rgyal ba'i sras dag dpe'i sgo dang pos khong du chud par bya ba 'dis/ byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba khong du chud par bya'o/ / kye rgyal ba'i sras dag gzhan yang 'di lta ste/ dper na stong gsum gyi stong chen po'i 'jig rten gyi khams yongs

  220. 111a

    su 'byung bar 'gyur ba'i tshe/ gcig tu sdug cing ba mi dad pa zhes bya ba'i sprin chen po'i char 'bab ste/ den stong gsum gyi stong chen po yongs su bsgrub pa'i rlung gi dkyil 'khor ma gtogs par sa'i phyogs gzhan gyis gzung ba 'am/ bzod par mi nus so// kye rgyal ba'i sras dag/ de bzhin du de bzhin gshegs pa dgra bcom pa yang dag par rdzogs pa'i sangs rgyas rnams byung ba'i tshe/ de bzhin gshegs pa'i rigs tha mi dad pa zhes bya ba'i chos kyi sprin chen po'i char 'bab ste/ de ni byang chub sems dpa' sems dpa' chen po de dag nyid kyi stobs dang shugs kyis bsgrubs pa'i sems kyi rgyud ma gtogs par/ byang chub sems dpa' bsam pa dma' ba can gyi nyan thos dang / rang sangs rgyas thams cad kyis gzung ba 'am/ bzod par mi nus so// kye rgyal ba'i sras dag khong du chud par bya ba'i sgo gnyis pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ / kye rgyal ba'i sras dag gzhan yang 'di lta ste/ dper na sprin chen po'i char de dag 'bab pa'i tshe/ gang nas kyang 'ongs pa med la/ gang du'ang 'gro ba med de/ sems can rnams las kyi tshogs chen pos char rab tu 'bab pa'ang yod do// kye rgyal ba'i sras dag/ de bzhin du

  221. 111b

    de bzhin gshegs pa dgra bcom pa yang dag par rdzogs pa'i sangs rgyas rnams 'byung ba'i tshe/ chos kyi sprin chen po cher mngon par 'bab pa'ang / gang nas kyang 'ongs pa med la/ gang du'ang 'gro ba med de/ byang chub sems dpa' rnams kyi dge ba'i rtsa ba'i stobs dang shugs chen pos char mngon par 'bab pa'ang yod do// kye rgyal ba'i sras ngag khong du chud par bya ba'i sgo gsum pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud bar bya'o/ / kye rgyal ba'i sras dag/ gzhan yang 'di lta ste/ dper na sprin chen po'i char mngon par 'bab pa de dag ni/ stong gsum gyi stong chen por gtogs pa'i sems can thams cad kyis shes pa 'am/ bgrang bar sla ba ma yin te/ kye rgyal ba'i sras dag stong gsum gyi stong chen po'i 'jig rten gyi khams su gtogs pa'i sems can rnams ni/ sprin chen po'i char de la sems pas mgo rmongs par 'gyur ro// sprin chen po'i char de la bltas pas mig 'khrugs par 'gyur ro// stong gsum gyi stong chen po'i dbang phyug chen po nam gags te/ ngam ldan gyi dge pa'i rtsa ba yongs su sbyangs pa'i khyad par gyis de la chung ban/ char pa'i rigs pa gcig kyang mi rigs par mi 'bab bo// kye rgyal ba'i sras dag/ de bzhin du

  222. 112a

    bzhin gshegs pa de dag yang dag par 'byung ba'i tshe/ de bzhin gshegs pa'i chos kyi sprin gyi char mngon par 'bab pa'ang sems can thams cad dang / nyan thos dang // rang sangs rgyas thams cad kyis shes pa 'am bsam par mi nus te/ de dag ni de bzhin gshegs pa'i chos kyi sprin gyi char la sems pas mgo rmongs par 'gyur ro// 'gro ba thams cad kyi dbang phyug byang chub sems dpa' sems dpa' chen po de dag ni ma gtogs ste/ blo shin tu sbyangs pa'i mthu dang shugs kyis de dag la chung ngun tshig dang yi ge 'ga' tsam yang ma rig par sems can gyi gzhan gyi sems kyi rgyun la mi 'bab bo/ / kye rgyal ba'i sras dag khong du chud par bya ba'i sgo bzhi pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ / kye rkyal ba'i sras dag gzhan yang 'di lta ste/ dper na sprin chen po'i char de dag 'bab pa'i nang na/ rab tu zhi bar byed pa zhes bya ba'i sprin chen po'i char 'bab pa yod de/ de ni me'i phung po de rab tu zhi bar byed do// 'byung bar byed pa zhes bya ba'i sprin chen po'i char 'bab ba yod de/ de las chu'i phung po de dag 'byung ngo // yongs su gcod pa zhes bya ba'i sprin chen po'i char 'bab pa yod de// de ni chu'i phung po de dag yongs su gcod do// yongs su

  223. 112b

    bsgrub pa zhes bya ba'i blan chen po'i char 'bab pa yod de/ don nor b.rin po che mang po yongs su grub par byed do// rnam par 'byed pa zhes bya ba'i sprin chen po'i char 'bab pa yod do// doni stong gsum gyi stong chen po'i 'jig rten gyi khams de rnam par 'byed do// kye rgyal ba'i sras dag/ de bzhin gshegs pa yang dag par 'byung ba la'ang / rab tu zhi bar byed pa zhes bya ba de bzhin gshegs pa'i rgyu mthun pa'i chos kyi sprin chen po'i char 'bab pa yod de/ de ni sems can thams cad kyi nyon mongs pa 'bar ba thams cad rab tu zhi bar byed do// 'byung bar byed pa zhes bya ba chos kyi sprin chen po'i char 'bab pa yod de/ de ni sems can thams cad kyi dge ba'i rtsa ba'i tshogs thams cad yang dag par 'byung bar byed do// yongs su gcod pa zhes bya ba chos kyi sprin chen po'i char 'bab pa yod de/ de ni sems can thams cad kyi nyon mongs pa dang lta ba'i rnam pa thams cad yongs su gcod do// yongs su sgrub pa zhes bya ba chos kyi sprin chen po'i char 'bab pa yod de/ de ni thams cad mkhyen pa'i chos rin po che yongs su grub par byed do// rnam par 'byed pa zhes bya ba chos kyi sprin chen po'i tshor 'bab pa yod de de ni sems can thams cad kyi sems dang bsam pa rnam par 'byed do/ / kye rgyal ba'i sras dag khong du chud par bya ba'i sgo lnga pa 'dis kyang // byang chub sems dpa' sems dpa' chen pos de bzhin

  224. 113a

    gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ / kye rgyal ba'i sras dag 'di lta ste/ dper na char sprin chen po'ang ro gcig la chu'i phung po'ang rnam par mi rtog mod kyi/ de ltar rnam pa tshad med par tha dad pa'i char rnam par phye ba 'bab bo// kye rgyal sras dag/ de bzhin du de bzhin gshegs pa thugs rje chen po'i char sprin ro gcig pa las/ de ltar tshad med cing rnam pa tha dad pa'i chos kyi char sna tshogs 'bab ste/ de bzhin gshegs pa dag yongs su 'byung ngo // chos rnam par phye ba tshad med pa'ang snang zhing yod do// kye rgyal ba'i sras dag khong du chud par bya ba'i sgo drug pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ / kye rgyal ba'i sras dag gzhan yang 'di lta ste/ dper na stong gsum gyi stong chen po yongs su 'grub par 'gyur ba'i tshe/ thog ma nyid du gzugs la spyod pa'i lha'i bu rnams kyi gzhal med khang yongs su 'grub par 'gyur ro/ / de'i 'og tu 'dod pa la spyod pa'i lha'i bu rnams kyi gzhal med khang yongs su 'grub par 'gyur ro// de'i 'og tu mi rnams kyi gnas yongs su 'grub par 'gyur ro// de'i 'og tu de ma yin pa'i sems can lhag ma gzhan rnams kyi gnas rnam par bye ba sna tshogs 'grub par 'gyur ro/ / kye rgyal ba'i sras dag/ de bzhin du de bzhin gshegs pa yang dag par 'byung ba'i tshe'ang

  225. 113b

    thog ma nyid du byang chub sems dpa'i ye shes kyi rgyud rnams 'byung bar 'gyur ro/ / de'i 'og tu rang sangs rgyas kyi ye shes kyi rgyud rnams 'byung ngo // de'i 'og tu nyan thos kyi dge ba'i rtsa ba'i ye shes kyi rgyud rnams 'byung bar 'gyur ro/ / de'i 'og tu de ma yin pa'i sems can gzhan gyi 'dus byas kyi dge ba'i rtsa ba dang / shes pa'i rgyud rnams 'byung bar 'gyur ro// kye rgyal ba'i sras dag/ de ltar dper na char sprin chen po'ang ro gcig la/ chu'i phung po'ang rnam par mi rtog pa las/ sems can gyi dge ba'i rtsa ba rnam pa tha dad pas gzhal med khang rnam pa tha dad pa yod cing snang ngo // kye rgyal ba'i sras dag de bzhin du de bzhin gshegs pa'i thugs rje chen po'i char sprin ro gcig pa las/ sems can gyi snod rnam pa tha dad pa'i phyir/ dge ba'i rtsa ba rnam pa tha dad pa yod cing snang bar gyur to// kye rgyal ba'i sras dag khong du chud par bya ba'i sgo bdun pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba khong du chud par bya'o/ / kye rgyal ba'i sras dag gzhan yang 'di lta ste/ dper na chus 'jig pa'i bskal pa chen po 'byung ste/ stong gsum gyi stong chen po'i 'jig rten gyi khams gang chen mtsho gcig tu gyur pa'i tshe/ chos nyid thob pas de bzhin gshegs pa 'byung ba'i yon tan rin po ches rnam par brgyan pa zhes bya ba'i pad+mo mang po 'byung ste/ de dag gis ni chu'i bskal la thams cad kun nas

  226. 114a

    khebs so/ / de dag ni 'jig rten thams cad 'od kyis rgyas par 'gengs te/ pad+mo de dag byung ba dang / lnga'i bu dbang phyug chen po dang / gnas gtsang ma'i ris kyi lha'i bu gzhan rnams kyis kyang / bskal pa 'di la ni yang dag par rdzogs pa'i sangs rgyas 'di snyed cig 'byung bar 'gyur ro zhes bya ba khong du chud do// kye rgyal ba'i sras dag stong gsum gyi stong chen po'i 'jig rten gyi khams yongs su 'grub pa'i tshe/ rlung gi dkyil 'khor dag cing 'od gsal ba zhes bya ba ldang ste/ de ni gzugs la spyod pa'i lha rnams kyi gzhal med khang yongs su gan par byed do/ / rlung gi dkyil 'khor dag cing dpa la 'od gsal bas rgyan bzang po zhes bya ba ldang ste/ de ni 'dod pa la spyod pa'i lha'i bu rnams kyi lha'i gzhal med khang yongs su 'god do// rlung gi dkyil 'khor gcig tu sdug cing tha mi dad pa zhes bya ba ldang ste/ de ni khor yug dang khor yug chen po'i ri rnams yongs su gzhog pa byed do// rlung gi dkyil 'khor khyad par du 'phags zhes bya ba ldang ste/ de ni ri rab ri'i rgyal po yongs su gzhog pa byed do/ / rlung gi dkyil 'khor brtan pa zhes bya ba ldang ste/ de ni ri chen po bcu yongs su gzhog pa byed de/ bcu gang zhe na/ 'di lta ste/ seng ldeng can dang / drang srong r-i dang / bdud las rgyal dang / bdud las shin tu rgyal dang / gnya' shing 'dzin dang / sa 'dzin dang / btang bzung dang / btang bzung chen po dang / spos kyi nged can dang / kha ba

  227. 114b

    can no/ / rlung gi dkyil 'khor rab tu gnas pa zhes bya ba ldang ste/ de ni sa chen po kun nas gnas par byed do// rlung gi dkyil 'khor rnam par bkod pa zhes bya ba ldang ste/ de ni sa bla'i lha dang / klu dang / dri za'i khyim kun nas gnas par byed do// rlung gi dkyil 'khor mdzod mi zad pa zhes bya ba ldang ste/ de ni stong gsum gyi stong chen po'i 'jig rten gyi khams su gtog pa'i rgya mtsho chen po kun nas gnas par byed do/ / rlung gi dkyil 'khor rnam par snang ba'i dkyil 'khor zhes bya ba ldang ste/ de ni stong gsum gyi stong chen po'i 'jig rten gyi khams kyi rin po che'i rigs thams cad kun nas gnas par byed do/ / rlung gi dkyil 'khor rtsa ba brtan pa zhes bya ba ldang ste/ de ni yid bzhin gyi shing thams cad kun nas gnas par byed do// kye rgyal ba'i sras dag/ de ltar char sprin chen po'i char ro gcig tu bab pa dang / chu'i phung po rnam par mi rtog pa las chos nyid thob pa dang / sems can rnams kyi dge ba'i rtsa ba tha dad pa'i khyad par gyis/ rlung gi dkyil 'khor rnam pa tha dad pa yod cing snang ngo / / rlung gi dkyil 'khor rnam pa tha dad par gyur pas/ stong gsum gyi stong chen po'i 'jig rten gyi khams kyang yod cing snang ngo // kye rgyal ba'i sras dag/ de bzhin du de bzhin gshegs pa dgra bcom pa yang dag par rdzogs pa'i sangs rgyas dge ba'i rtsa ba'i tshogs thams cad shin tu bsags pa bla na med pa'i ye shes chen po snang ba la mngon du gyur pa rnams 'byung ba'i tshe/ ye shes

  228. 115a

    kyi 'od zer chen po bsam gyis mi khyab pa dang / de bzhin gshegs pa'i rigs rgyun mi 'chad pa zhes bya ba 'jig rten gyi khams ma lus pa thams cad rgyas par 'gengs pa 'byung ste/ 'od zer de de bzhin gshegs pa dang / dbang bskur ba thob pa'i byang chub sems dpa' thams cad kyis kyang / byang chub sems dpa' 'di snyed cig/ de bzhin gshegs pa'i mthu 'dis yang dag par 'grub par 'gyur ro zhes bya bar thugs su mi chud do/ / kye rgyal ba'i sras dag/ de ltar de bzhin gshegs pa 'byung bar 'gyur ba'i tshe/ de bzhin gshegs pa thams cad kyi rigs 'byung ba'i mthus/ de bzhin gshegs pa'i ye shes kyi 'od zer chen po 'od bzang po dri ma med pa zhes bya ba 'byung ste/ 'od zer des de bzhin gshegs pa rnams kyi ye shes zag pa med cing / mi zad pa yang dag par 'grub par 'gyur ro// de bzhin gshegs pa'i ye shes kyi 'od zer chen po kun tu snang ba zhes bya ba 'byung ste/ 'od zer des de bzhin gshegs pa rnams kyi ye shes bsam gyis mi khyab pa/ / chos kyi dbyings su gzhol ba yang dag par 'grub par 'gyur ro// de bzhin gshegs pa'i ye shes kyi 'od zer chen po de bzhin gshegs pa'i rigs yang dag par 'byung ba zhes bya ba 'byung ste/ 'od zer des de bzhin gshegs pa rnams kyi stobs mi bskul ba yang dag par 'grub par 'gyur ro// de bzhin gshegs

  229. 115b

    pa'i ye shes kyi 'od zer chen po zil gyis mi non cing / yang dag par 'phags pa zhes bya ba 'byung ste/ 'od zer des de bzhin gshegs pa rnams kyi stobs dang / mi bsnyengs pa zil gyis mi non po'i ye shes yang dag par 'gyur bar 'gyur ro/ / de bzhin gshegs pa'i ye shes kyi 'od zer chen po thams cad mngon par mkhyen pa zhes bya ba 'byung ste/ 'od zer des de bzhin gshegs pa rnams kyi ye shes thams cad brjod pa las 'das shing / thams cad du thogs pa med pa yang dag par 'grub par 'gyur ro// de bzhin gshegs pa'i ye shes kyi 'od zer chen po sprul pas mngon par bsgrubs pa zhes bya ba 'byung ste/ 'od zer des de bzhin gshegs pa mthong zhing thos pa dang / de dang 'grogs pa don yod pas dge ba'i rtsa ba chud mi za ba'i ye shes yang dag par 'grub par 'gyur ro/ / de bzhin gshegs pa'i ye shes kyi 'od zer chen po mnyam pa nyid kyi rjes su song ba zhes bya ba 'byung ste/ 'od zer des de bzhin gshegs pa rnams kyi bsod nams dang ye shes mi zad pa'i tshogs 'gro ba thams cad nye bar 'tsho ba yang dag par 'grub par 'gyur ro/ / de bzhin gshegs pa'i ye shes kyi 'od zer chen po 'jug par dka' ba zhe bya 'byung ste/ 'od zer de de bzhin gshegs pa rnams kyi ye shes dkon mchog gsum gyi rigs rgyun mi gcod cing // ye shes zab mo thugs su chud pa yang dag par 'grub par 'gyur ro//

  230. 116a

    de bzhin gshegs pa'i ye shes kyi 'od zer chen po rgyan sna tshogs can zhes bya ba 'byung ste/ 'od zer des de bzhin gshegs pa rnams kyi ye shes mtshan dang dpe byangad ba'ang / po'i rgyan sna tshogs kyis 'gro ba thams cad rnam pa thams cad du dga' bar 'gyur ba yang dag par 'grub bo// de bzhin gshegs pa rnams kyi ye shes kyi 'od zer chen po tshe mi 'phrogs pa zhes bya ba 'byung ste/ 'od zer des de bzhin gshegs pa rnams kyi ye shes sangs rgyas kyi yul chos kyi dbyings kyis klas pa/ nam mkha'i mthas gtugs par sku tshe'i tshad rgyun mi 'chad pa yang dag par 'grub par 'gyur te/ / kye rgyal ba'i sras dag/ de ltar de bzhin gshegs pa'i thugs rje chen po'i char sprin chen po ro gcig pa dang / de bzhin gshegs pa'i ye shes kyi 'od zer gyi dkyil 'khor chen po ro gcig pa dang / byang chub sems dpas yang dag par bsgrubs pa'i chos nyid thob pa dang / sems can gyi bsam pa dang / dbang po dang / brtson 'grus rnam pa tha dad pa'i chos nyid thob pas/ de bzhin gshegs pa thams cad kyi ye shes kyi 'od zer rang bzhin gcig pa las rnam pa tha dad du gyur pa yod cing snang ngo // ye shes kyi 'od zer rnam pa tha dad pa las/ de bzhin gshegs pa 'byung ba yang dag par 'grub pa rnam pa tha dad pa'ang yod cing snang ngo / / kye rgyal ba'i sras dag/ de bzhin gshegs pa yang dag par 'grub pa rnam par phye ba'i ro gcig pa las/

  231. 116b

    yon tan rnam pa tha dad pa'i rgyan tshad med bsam gyis mi khyab pa 'byung zhing / de bzhin gshegs pa'i byin gyi rlabs kyis/ sems can rnams kyis kyang de bzhin du shes par 'gyur ba la ltos kye rgyal ba'i sras dag/ de ni 'di ltar de bzhin gshegs pa dgra bcom pa yang dag par rdzogs pa'i sangs rgyas rnams kyis byin gyis ma brlabs na/ sems can sngan chad de bzhin gshegs pa la dge ba'i rtsa ba ma bskyed pas/ de bzhin gshegs pa'i ye shes la chung ngun cha shas gcig tsam bstan pa'ang shes par 'gyur ba 'am/ khong du chud par 'gyur pa'i gnas med skabs med de ni gnas ma yin no/ / kye rgyal ba'i sras dag/ de ltar de bzhin gshegs pa'i mthu'i khyad par gyis sems can rnams de bzhin gshegs pa'i ye shes chen po'i mthu la 'jug cing rtog pa dang khong du chud par byed kyang / de bzhin gshegs pa la rtog pa mi mnga'/ rnam par rtog pa mi mnga' ste/ 'byung ba med cing kun nas 'byung ba med la yang dag par 'grub pa med de/ bya ba med cing de la byed pa'ang su'ang med mod kyi/ yang dag par 'byung ba'i grangs su bgrang ba'ang yod do// kye rgyal ba'i sras dag khong du chud par bya ba'i sgo brgyad pa 'dis kyang byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba khong du chud par bya'o/ / kye rgyal

  232. 117a

    ba'i sras dag gzhan yang 'di lta ste/ dper na rlung gi dkyil 'khor chu'i phung po 'dzin pa bzhini nam mkha' la gnas shing ldang ngo // bzhi gang zhe na/ 'di lta ste/ rlung gi dkyil 'khor brtan pa dang / rlung gi dkyil 'khor gnas pa dang / rlung gi dkyil 'khor mi nyams pa dang / rlung gi dkyil 'khor snying po dang ldan pa zhes bya ba dag ste/ rlung gi dkyil 'khor chen po de bzhi ni rab tu ldang zhing chu'i phung po 'dzin te/ chu'i phung po la gnas pa'i sa chen po ni mi 'jig/ rnam par mi 'jig pas de'i phyir sa ni chu la gnas so// chu ni rlung la gnas so// rlung ni nam mkha' la gnas so// nam mkha' ni mi gnas pa zhes bya ste/ stong gsum gyi stong chen po'i 'jig rten gyi khams ni tshul lta bur gnas so// kye rgyal ba'i sras dag/ de bzhin du de bzhin gshegs pa 'byung ba'i tshe/ de bzhin gshegs pa'i ye shes kyi rlung gi dkyil 'khor chen po shes rab kyi snang ba chags pa med pa la gnas pa bzhi ldang ste/ de dag ni 'gro ba thams cad dge ba'i rtsa ba yongs su 'dzin to/ / bzhi gang zhe na/ 'di lta ste/ de bzhin gshegs pa'i ye shes kyi rlung gi dkyil 'khor chen po bsdu bas sems can yongs su dga' bar 'gyur ba zhes bya ba dang / ye shes kyi rlung gi dkyil 'khor chen po chos rnam par dgod pa la 'gro ba mos par byed pa zhes bya ba dang / ye shes kyi rlung gi dkyil 'khor chen po dge ba'i rtsa ba thams cad

  233. 117b

    yongs su srung ba zhes bya ba dang / ye shes kyi rlung gi dkyil 'khor chen po 'khor ba thams cad zag pa med pa'i dbyings su khong du chud pa zhes bya ba dag ste/ kye rgyal ba'i sras dag bzhi po nga dag ni shes rab kyi snang ba chags pa med pa la gnas pa'i ye shes kyi rlung gi dkyil 'khor chen po rnams te/ de dag ni 'gro ba thams cad byams pa chen pos yongs su bsgrub pa dang / thugs rje chen pos 'gro ba thams cad yongs su dgrol zhing gzung ba'i phyir ldang ste/ byams pa chen po dang / snying rje chen po la gnas pa'i byang chub sems dpa'i ni 'gro ba mang po rnam par phye ba 'byam klas pa'i nang na/ thabs mkhas pa la gnas pa'i byams pa chen pos sems can thams cad nye bar 'tsho ba yin te/ kye rgyal ba'i sras dag/ de bzhin gshegs pa 'byung ba ni tshul de lta bur 'grub cing de ltar gnas pa yin te/ shes rab kyi snang ba chags pa med pa ni mi gnas pa'o// kye rgyal ba'i sras dag khong du chud par bya ba'i sgo dgu pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ / kye rgyal ba'i sras dag gzhan yang 'di lta ste/ dper na stong gsum gyi stong chen po'i 'jig rten gyi khams grub pa ni/ tshad med pa'i sems can rnams yongs su spyod pa'i rnam pa tha dad bas nye

  234. 118a

    bar 'tsho ba yin te/ 'di ltar chu la gnas pa'i sems can rnams kyang gnas kyis nye bar 'tsho ba yin te/ sems can sa'i steng na 'khod pa rnams sa'i steng na yod pa'i rnam pa tshad med pas nye bar 'tsho ba yin/ gzhal med khang na gnas pa rnams kyang gzhal med khang gis nye bar 'tsho ba yin/ nam mkha' la gnas pa rnams kyang bar snang gis gnas kyis nye bar 'tsho ba yin/ kye rgyal ba'i sras dag/ de bzhin du de bzhin gshegs pa yang dag par grub pa 'ang / rnam pa tshad med pas 'gro ba thams cad nye bar 'tsho ba yin te/ 'di ltar mthong bar dga' ba dang / dad cing mos par gyur pa'i sems can rnams kyang / sangs rgyas mthong bas nye bar 'tsho ba yin/ tshul khrims kyi stobs kyi mthu la gnas pa rnams kyang / sangs rgyas kyi tshul khrims kyis nye bar 'tsho ba yin/ bsam gtan dang tshad med pa la gnas pa rnams kyang / 'phags pa 'dzin rten las 'das pa'i mngon par shes pas nye bar 'tsho ba yin/ chos kyi sgo snang ba la gnas pa rnams kyang rgyu chud mi za bas nye bar 'tsho ba yin/ snang ba med pa la gnas pa rnams kyang chos 'byam klas pa chud mi za bas nye bar 'tsho ba yin pas/ de'i phyir de bzhin gshegs pa yang dag par grub pa ni 'gro ba thams cad nye bar 'tsho ba yin zhes bya'o/ / kye rgyal ba'i sras dag khong du chud par bya ba'i sgo rnam pa bcu pa 'dis kyang / byang chub sems dpa'

  235. 118b

    sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ / kye rgyal ba'i sras pa byang chub sems dpa' sems dpa' chen pos/ de bzhin gshegs pa skye ba 'byung ba bstan pa ni de lta bur shes par bya ste/ spyod pa yongs su bsgrubs pa tshad med pas na/ tshad med par shes par bya'o/ / phyogs bcu thams cad rgyas par 'gengs pas na/ shin tu yangs par shes par bya'o// skye ba dang 'jig pa'i gnas dang bral bas na/ len pa med cing 'dor ba med par shes par bya'o/ / sems dang / yid dang / rnam par shes pa dang bral bas na/ rgyu ba med cing rgyu ba dang bral bar shes par bya'o// nam mkha'i rang bzhin lta bu yin pas na/ lus med par shes par bya'o/ / sems can thams cad la bdag med pas na/ mnyam par shes par bya'o// sems can thams cad la zad mi shes pa'i zhing du gyur pas na/ mi zad par shes par bya'o// phyi ma'i mtha'i mur thug par rgyun mi 'chad pas na/ phyir mi ldog par shes par bya'o// de bzhin gshegs pa'i ye shes la gnyen po med pas na/ mi 'phrog par shes par bya'o// 'dus byas dang 'dus ma byas mnyam pa nyid du thugs su chud pas na/ mi gnyis par shes par bya'o// sngon yongs su smin par byas pa'i sems can gyi bsam pa'i khyang par yongs su rdzogs par mdzad pas na/

  236. 119a

    'gro ba thams cad nye bar 'tsho bar shes par bya'o// kye rgyal ba'i sras dag/ de dag la sogs pa rnam par byang ba'i rnam pa tha dad pa tshad med pa shin tu bstan pa'i sgos byang chub sems dpa' sems dpa' chen pos de bzhin gshegs pa 'byung zhing yang dag par 'grub pa bstan pa shes par bya'o/ / de nas byang chub sems dpa' sems dpa' chen po kun tu bzang pos don 'di nyid yang brtag par bya bar phyir/ de'i tshe tshigs su bcad pa 'di dag smras so// 'jig rten kun las 'das shing stobs bcur mngar gyur te// mi mnyam mnyam dang mnyam zhing bar snang mkha' mnyam pa'i/ / mgon po rnams kyi spyod yul mtshungs med mtha' yas nyon// de dag 'jig rten kun na yon tan mtshungs pa med// stobs bcu yon tan tshad med mnga' ba thams cad kyi/ / mthu la sems dang yid kyi tshul gyis mi bsam ste// skyes bu seng ge rnams ni 'jig rten thams cad kyis// sgo rnams re re bskal pa bye bar mi rtogs so/ / phyogs bcu kun na zhing rnams ji snyed yod pa'i rnams// skyes bu la las bshig ste rdul phran bgrang nus kyang // des ni stobs bcu mnga' ba'i spu gcig yon tan yang bskal pa khrag khrig brgyas kyang tshad gzung mi nus so/ / skyes bu la lanam mkha'i dbyings la 'jal byed cing // de ltar la las rtsis mgo gzung ste bgrang byas kyang // gzhal bar mi

  237. 119b

    nus mtha' yas rnyed par mi rung ba/ / de bzhin bde gshegs rnams kyi spyod yul tshad kyang me// dus gsum sems can rnams kyi rigs rgyud ji snyed dang // de dag dus gsum spyod pa sems can 'ga' zhig gis/ / sems kyi skad cig yid kyis shes kyang 'gro snyed kyi// bskal pas thams cad zil gnon rang bzhin shes mi nus// ji ltar chos kyi dbyings ni kun tu mtha' yas shing / / kun yin thams cad ma yin mi snang gzung du med// de bzhin stobs bcu mnga' ba'i spyod yul tshad med de// thams cad yin yang kun min chos dbyings rang bzhin yin/ / de bzhin nyid ni de bzhin nyid du mi rtog zhi// kun nas 'byung ba med cing nam yang nub pa med// de bzhin 'jig rten kun 'das de dag spyod yul te// de bzhin nyid dang tshul mtshungs 'phel dang 'grib pa spangs/ / yang dag mtha' ni mtha' med mtha' la gnas pa ste// dus gsum kun btang rnam pa kun tu rnam par bral// de bzhin mgon po phan mdzad kun gyi spyod yul te/ / dus gsum rgyas mdzad rnam pa kun tu chags mi mnga'// rang bzhin byas pa med pas rnam par 'gyur ba me// rang bzhin mkha' 'ang dri med nyon mongs med pa ste// de bzhin rgyal ba rnams kyi rang bzhin kun tu dag/ rang bzhin 'gyur dang bral zhing yod dang med pa min// sgra dang tshig las rnam grol dbyangs rnams thams cad med// 'gro dang 'od bral rnam

  238. 120a

    rtog med pas mya ngan 'das/ / de bzhin stobs bcu mnga' ba'i spyod yul rang bzhin med// tshig gi rang bzhin kun gyis brjod par mi nus so// de ltar chos kun rang bzhin zhi ba mkhyen gyur pas/ / ji ltar nam mkha'i rlung dang bya rjes 'dra ba ste// sngan chad smon lam mdzad pas gzugs kyi skur yang snang // stobs bcu mnga' ba rnams kyi cho 'phrul ci 'dra ltos/ / rgyal ba'i spyod yul 'di la 'jug par su 'dod pa// des ni nim mkha' 'dra bar bsam pa yongs su sbyongs// rtog dang rnam par rtog dang 'du shes 'dzin spong ste// nam mkha' lta bu'i yid kyis de la 'jug par gyis/ / de bas bde gshegs sras rnams mgon po'i spyod yul rnams// bdag gis dpe tsam chung shas bshad kyis mnyan par gyis// stobs bcu mnga' ba'i yon tan mthar phyin mi nus kyang / / shas tsam shes par bya ba'i don du cung zad brjod// de dag sku yi 'phrin las ji ltar 'byung ba dang // mgon po rnams kyi gsung dang thugs kyi spyod yul dang / / stobs bcu rnams ni yul dang 'khor lo bskor ba dang // mya ngan 'da' dang dge rtsa thams cad bshad kyis nyon// 'jig rten 'di dag ma lus skye zhing 'byung ba'i tshe// de la rgyu yi rnam grangs gcig ces bgrang med kyi/ / rgyu dang tshul gyi rnam pa khrag khrig brgya mang gis// 'jig rten stong gsum kun nas gnas pa'i grangs su 'gro// de bzhin skyes bu'i mchog

  239. 120b

    rnams skye bar 'gyur ba'i tshe/ / de dag yon tan 'di snyed yin zhes bgrang ba med// rdul dang rdul phran pa grang nus sems can kun bsam nus// stobs bcu mnga' ba rnams kyi 'byung ba rnams la min ji ltar sprin dang dus kyi char la brten byas shing / / char chen 'bebs byed rlung rnams bzhi po de bzhin te// dge rtsa kun dang byang chub sems dpa'i mthus// 'jig rten stong gsum kun nas gnas pa'i grangs su 'gro/ / de bzhin stobs bcu rnams kyi chos sprin rgyur byas shing // bsam pa rnam dag byed pa'i ye shes rlung ldang ste// sngon gyi dge ba rkyen gyis rigs par yongs bsngos pas/ / stobs bcu mgon po rnams na 'byung zhing skye bar 'gyur// steng gi mkha' yi dbyings las sprin chen char blugs pa// stong gsum stong chen 'jig rten kun nas 'jig 'gyur tshe/ / mkha' dbyings rgya chen dag pa'i rlung la ngas ma gtogs par// sa phyogs gzhan gyis gzung zhing gzung bar mi nus so// de bzhin stobs bcu mnga' ba 'byung bar gyur pa'i tshe/ / phyogs bcu kun gyi chos dbyings yongs su rgyas bkang zhing // chos tshul char chen 'bab par gyur la lhag pa'i sems// rnam par dag pa ma gtogs gzhan gyis 'dzin mi nus// nam mkha'i dbyings las sprin chen char pa 'bab gyur pa// de la 'gro dang 'ong ba nam yang yod pa min// de la byed pa med de tshor ba po yang med// de dag chos nyid thob 'byung rnam pa gzhan gyis yin//

  240. 121a

    de bzhin stobs bcu mnga' ba'i chos sprin char 'bab pas// de dga' bo dang 'ong ba yod pa ma yin yang // byang chub sems dpa'i mthu dang legs par spyad pa'i rgyus byang chub sems dpa'i chos kyi rang bzhin sprin yang 'byung / / smin gyi char bkye char thigs yongs su bgrang nus pa'i// sems can de 'dra khams gsum 'di na yod pa yin// stong gsum dbang po'i dbang phyug de ni ma gtogs te/ / dbang sgyur don sngon gyi smon lam 'bras bus bgrang // de bzhin bde gshegs char chen 'bab pa ma lus par// sems can kun gyis bgrang bsam gzhal bar sla ba ma ni/ / 'jig rten kun na 'gro ba'i mchog gyur dbang phyug rnams// de dag sprin chen char mkhyen rin chen lag bkod ltar// rab tu zhi byed zhi byed 'byung ba 'byung bar byed// gzhan yang yongs su gcod pa de ni yongs su gcod/ / sgrub pa de bzhin gzhan te de ni rin chen sgrub// rnam par 'byed pa stong gsum thams cad rnam par 'byed// stobs bcu mnga' ba' zhi sprin nyon mongs kun zhir byed/ / 'byung ba dge stong brgya bgrangs kun nas 'byung bar byed// yongs su gcod pa lta ba'i rnam pa yongs gcod de// rgyal ba'i rin chen sgrub cing bsam pa rnam par 'byed/ khar snang mkha' las char 'bab ji ltar ro gcig kyang / / gnas kyi khyad kyi yongs su 'gyur ba sna tshogs mang // 'on kyang chu la rtog med rnam par rtog pa med// khang de rnam pa bgrangs pa de dag chos nyid tshul / de bzhin

  241. 121b

    chos kyang gcig min tha dad ma yin te/ / ro gcig zhi zhing rtog med rnam par rtog med de// 'on kyang sangs rgyas chos bgrangs mu med 'byung bar 'gyur// de ni rdul bral rnams kyi chos nyid tshul yin no// ji ltar thog mar gzugs khams gzhal med khang pa 'byung // de nas 'dod khams gzhal med khang rnams rnam par 'god// de nas sa stengs mi yi gnas rnams rnam bkod de// de bzhin stobs bcu mnga' ba de dag 'byung ba'i tshe/ / thog mar byang chub sems dpa'i spyod pa mu med 'byung // de nas zhi dga' rang rgyal theg la gnas pa'i rnams// de nas dbang du gyur pa'i de nas 'gro kun gyi// ji ltar pad+mo sangs rgyas skye ba'i ltas gyur pas// sngon chad sangs rgyas mthong ba'i lha rnams dga' 'gyur zhing // chu las brten cing 'od gsal gzhal med khang yang 'byung // rlung langs 'jig rten ras ris cha char 'god pa byed/ / sangs rgyas sngon gyi dge ba 'od gsal ltas yin te// des ni sangs rgyas rgyal sras kun gyi thugs chud 'gyur// ye shes yongs dag dkyil 'khor mkha' ltar rnam dag pa'i stobs bcu tha dang ji snyed sangs rgyas chos 'byung mkhyen/ / rlung ni chu phung ma lus kun gyi gnas yin te// de phyir sa stengs gnas rnams 'jig par mi 'gyur ro// sa yang shing dang gel ba sman gyi gnas yin te/ / mkha' la gnas su bya ba gang yang med pa yin// mgon po rnams kyang shes rab ye shes gzhi la bzhugs// ye shes thugs rje byams pa thabs kyis yongs su bzung // rgyal ba'i chos

  242. 122a

    rnams ji snyed de dag thabs su 'dus/ / rdul med shes rab de ni gnas med lus kyang med// 'jig rten byung nas tshad med mang po kun kyang 'tsho// sa la gnas dang tshul gnas pa thams cad dang / / nam mkha'i lha rdzas gzhal med khang la gnas pa dang // rkang gnyis rkang bzhi sems can thams cad nye bar 'tshe// de bzhin skyes mchog dbang po chos kyi rgyal skyes pa// 'gro ba ma lus thams cad nye bar 'tsho ba yin/ / mthong zhing thos par gyur dang mchod pas de bzhin te// nyon mongs bsal ba sems can thams cad nye bar 'tsho// 'byung ba mthar thug med pas 'jig rten mgo rmongs 'gyur/ / 'on kyang 'gro la phan don sems can shes bya'i phyir// mi mkhas 'gro ba bstan phyir ye shes bstan don du// rgyal ba rnams kyi don rab dpe med dpes brjod do// / / bam po bdun cu rtsa gcig pa// // de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis// byang chub sems dpa' sems dpa' chen po kun tu bzang po la 'di skad ces smras so// kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi sku ba ltar yod pa ji lta bur khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos byang chub sems

  243. 122b

    dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ / kye rgyal ba'i sras de bzhin gshegs pa'i sku bltar yod pa ni/ byang chub sems dpa' sems dpa' chen pos tshad med pa'i rjes su 'gro bas khong du chud par bya'o/ / kye rgyal ba'i sras de ci'i phyir zhe na/ de la de bzhin gshegs pa'i sku bltar yod pa ni/ byang chub sems dpas chos gcig gam// rnam pa gcig gam/ sku gcig gam/ zhing gcig gam/ sems can gcig gis khong du chud par bya ba ma yin te/ kye rgyal ba'i sras de ci'i phyir zhe na/ de bzhin gshegs pa'i sku ba ltar yod pa thams cad du rjes su song bar byang chub sems dpas khong du chud par bya'o/ / kye rgyal ba'i sras 'di lta ste/ dper na nam mkha'i dbyangs ni thams cad kyi rjes su song ba 'dod pa dang / gzugs yod pa dang / gzugs med pa'i gnas thams cad du khyab pa yin yang / gang du'ang song ba med cing / rjes su song ba med par shes par bya'o// de ci'i phyir zhe na/ de ni nam mkha' la gzugs med pa'i phyir ro// kye rgyal ba'i sras de bzhin du de bzhin gshegs pa'i sku'ang thams cad kyi rjes su song ba ste/ sems can thams cad dang / chos thams cad dang / zhing thams cad kun tu khyab par shes par bya'o/ / 'on kyang gar yang gshegs pa med cing rjes su bzhud pa med de/ de ci'i phyir zhe na/ de ni de bzhin gshegs pa'i sku la lus med pa'i phyir te/ sems

  244. 123a

    can rnam par dmigs pa yod pa'i phyir skur bstan pa'ang yod do/ / kye rgyal ba'i sras byang chub sems dpa' sems dpa' chen pos khong du chud par bya'i sgo dang po 'dis de bzhin gshegs pa'i sku bltar yod pa shes par bya'o/ / kye rgyal ba'i sras gzhan yang 'di lta ste/ dper na nam mkha' gzugs med de/ yangs shing rgya che ba'i phyir/ sems can thams cad kyi bya ba snang zhing yod par gyur te/ nam mkha' la rtog pa med do// spros pa med do// kye rgyal ba'i sras de bzhin du de bzhin gshegs pa'i sku ye shes kyi 'od snang ba la brten cing / sems can thams cad kyi dge ba'i rtsa ba'i las 'jig rten pa dang / 'jig rten las 'das pa rnams yod cing snang bar gyur kyang / de bzhin gshegs pa'i sku la rnam par rtog pa mi mnga' ste/ spros pa mi mnga' 'o/ / de ci'i phyir zhe na/ de bzhin gshegs pa'i sku ni thog ma nas spros pa thams cad yang dag par chad pa'i phyir ro// kye rgyal ba'i sras byang chub sems dpa' sems dpa' chen pos khong du chud par bya ba'i sgo gnyis pa 'dis kyang / de bzhin gshegs pa'i sku bltar yod pa shes par bya'o// kye rgyal ba'i sras gzhan yang 'di lta ste/ dper na 'dzam bu'i gling du nyi ma shar pa ni 'od kyis tshad med par khyab pas/ sems can rnams tshad med pas rnam pas nye bar 'tsho ste/ 'di ltar ri la bab cing rtswa dang nags tshal skye bar byed pas kyang nye bar 'tsho ba yin/ mun pa'i mun nag yongs su

  245. 123b

    sel cing snang bar byed pas kyang nye bar 'tsho ba yin/ sa la bab cing 'dam rdzab yongs su skems pas kyang nye bar 'tsho ba yin/ lo rtog la bab cing yongs su smin par byed pas kyang nye bar 'tsho ba yin nags tshal dang / gel ba dang / sman la bab cing skye ba dang rnam par 'phel bar byed pas kyang nye bar 'tsho ba yin/ nam mkha' la bab cing bar snang la spyod pa'i sems can rnams nye bar 'tsho ba yin/ pad+mo'i nags tshal la bab kyang kha 'bye zhing rgyas par byed pas nye bar 'tsho ba yin/ grong dang / grong khyer dang / ljongs dang / pho brang 'khor dang / rgyal po'i gnas la bab kyang gzugs sna tshogs gsal bar ston pas nye bar 'tsho ba yin/ chu la bab kyang chu la gnas pa'i sems can yongs su longs spyod pas nye bar 'tsho ba yin/ las kyi rnam pa sna tshogs la bab kyang dgos pa brtsams pa yongs su grub par byed pas nye bar 'tsho ba yin/ de ci'i phyir zhe na/ de ni nyi ma'i dkyil 'khor gyis 'od zer tshad med pa bkye ba'i phyir ro// kye rgyal ba'i sras de bzhin du de bzhin gshegs pa'i sku bltar yod pa'i nyi ma'ang // rnam pa tshad med pas sems can thams cad nye bar 'tsho ba yin te/ 'di ltar dge ba'i las yongs su skyed cing sdig pas las rnam par zlog pas kyang nye bar 'tsho ba yin/ shes rab kyi 'od snang ba mdzad cing gti mug gi mun pa rnam par sel bas nye bar 'tsho ba yin/ 'gro ba thams cad yongs su skyob cing byams pa chen po dang ldan pas kyang nye bar 'tsho ba yin/ 'gro ba thams cad yongs su 'grel cing thugs

  246. 124a

    rje chen po dang ldan pas kyang nye bar 'tsho ba yin/ dbang po dang / stobs dang / byang chub kyi yan lag 'phel bar mdzad cing / chos kyi lo tog la bab pas kyang nye bar 'tsho ba yin/ sems can gyi rnyog pa yongs su sel bas dad pa bskyed pas kyang nye bar 'tsho ba yin/ rgyu dang 'bras bu rnam par chud mi za bas mthong ba don yod pas kyang nye bar 'tsho ba yin/ skye ba dang 'pho ba yang dag par ston cing gzugs snang bar mdzad pas kyang nye bar 'tsho ba yin/ dge ba'i rtsa ba rnam par chud mi gzon cing khong khro ba mi mnga' bas kyang nye bar 'tsho ba yin/ slob ma'i yon tan pad+mo kha phye zhing rgyas par mdzad de sems can rnams la ye shes kyi 'od zer tshad med pa rab tu gtong bas kyang nye bar 'tsho ba yin/ spyad pa brtsams pa yongs su grub pa mdzad cing byang chub sems dpa'i spro ba skyed pas kyang nye bar 'tsho ba yin/ de ci'i phyir zhe na/ de bzhin gshegs pa'i sku nyi ma ni ye shes kyi 'od zer gyi dkyil 'khor tshad med pa dang ldan pa'i phyir ro// kye rgyal ba'i sras byang chub sems dpa' sems dpa' chen pos khong du chud bar bya ba'i sgo gsum pa 'dis kyang de bzhin gshegs pa'i sku bltar yod pa shes par bya'o/ / kye rgyal ba'i sras gzhan yang 'di lta ste/ dper na nyi ma'i dkyil 'khor de nyid 'dzam bu'i gleng du 'char ba'i tshe/ thog ma nyid du ri'i rgyal po chen po 'di lta ste/ ri rab ri'i rgyal po la snang rab 'gyur ro// de'i 'og tu de ma yin pa'i ri chen po gzhan la snang bar 'gyur ro/ de'i 'og tu ri nag po ngag la'ang

  247. 124b

    snang bar 'gyur ro/ / de'i 'og tu sa phyogs mthon po rnams su snang bar 'gyur ro// de'i 'og tu 'dzam bu'i gling 'di'i sa phyogs dma' ba dag kyang snang bar byed do// 'on kyang nyi ma'i dkyil 'khor la 'dir ni thog ma nyid du 'od zer dgye'o zhe'am/ 'dir ni thog mar snang bar bya'o zhes bya'i rnam par rtog pa med de/ spros pa med kyang nyi ma'i dkyil 'khor 'od mnyam du gtong zhing 'char ba ni med pa ma yin te/ sa mtho dman gyi khyad par gyis mtho mtho la sngar 'char ro// kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes kyi sku nyi ma'i dkyil 'khor yang / chos kyi dbyings mtha' dang dbus med pa'i rigs su 'char bar 'gyur ba'i tshe/ rtag tu rgyun mi 'chad par thogs pa med pa'i ye shes kyi 'od zer snang ba 'gyed de/ de yongs su bkye ba'i tshe/ yang thog ma nyid du lhag pa'i bsam pa ri'i rgyal po chen po lta bu dang ldan pa'i skyes bu dam pa rnams la chos kyi snang ba chen po yang dag par ston pa'i tshul du 'char bar 'gyur ro// de'i 'og tu nyan thos dang rang sangs rgyas kyi theg par zhugs pa rnams la 'char bar 'gyur ro/ / de'i 'og tu dge ba'i rtsa ba nges pa dang ldan pa'i sems can rnams la bsam pa'i snod ji lta ba bzhin du ye shes kyi snang ba chen po yang dag par bstan pa'i tshul gyis 'char bar 'gyur ro/ / de'i 'og tu chung ngu na log par nges pa'i sems can yan chad sems can thams cad la'ang de bzhin gshegs pa'i ye shes kyi 'od zer chen po

  248. 125a

    'char bar 'gyur ro/ / de ltar shar nas kyang sems can rnams la shin tu phan par 'gyur te/ ma 'ongs pa'i rgyu'ang yongs su smin par mdzad cing / dge ba'i chos kyis rnam par 'phel bar mdzad cing / de bzhin gshegs pa'i ye shes kyi sku nyi ma'i 'od zer de dag ni/ sems can 'di rnams la bdag cag gis thog ma nyid du theg pa chen pos snang bar byas te/ de'i 'og tu bsam pa 'bring dang ldan pa rnams la nyan thos dang / rang sangs rgyas kyi theg pas rnam par dag par bya ba'i phyir snang bar bya'o// de'i 'og tu sems can dge ba'i bsam pa can mos pa'i theg pa dang ldan pa rnam la bsam pa ji lta ba bzhin du yongs su smin par bya ba'i tshul gyis snang bar bya'o/ / de'i 'og tu chung ngu na sems can log pa la nges pa yan chad sems can thams cad kyi bsam pa yong su sbyang bar bya'o// blta ba bsrang bar bya'o zhes rnam par rtog pa mi mnga'/ spros pa mi mnga' ste/ bon kyang 'od zer mnyam par 'gyed pas/ 'od zer gyi mnyam pa nyid du kun tu bsgribs pa med par sems can thams cad la rab tu snang bar 'gyur te/ de ni de bzhin gshegs pa'i ye shes kyi sku nyi ma'i dkyil 'khor la rnam par rtog pa mi mnga' ba'i phyir ro// de'ang 'di lta ste/ dper na nyi ma'i dkyil 'khor rnam par rtog pa med cing / 'od zer mnyam pa nyid du 'char yang ri chen po rnams la rnam pa tha dad du snang bar 'gyur ro/ / de bzhin du de bzhin gshegs pa'i ye shes kyi sku nyi ma'i dkyil 'khor rnam par rtog pa mi mnga' zhing 'od zer mnyam du 'char yang / sems

  249. 125b

    can rnams kyi dge ba'i rtsa ba rnam pa tha dad pa dang / bsam pa'i rnam pa tha dad pas/ de bzhin gshegs pa'i 'od zer rnam pa tha dad pa'ang snang zhing yod do// kye rgyal ba'i mas byang chub se ma pa la sems dpa' chen pos khong du chud par bya ba'i sgo bzhi pa 'dis kyang / de bzhin gshegs pa'i sku bltar yod pa shes par bya'o// kye rgyal ba'i sras gzhan yang 'di lta ste/ dper na nyi ma'i dkyil 'khor de nyid shar yang sems can dmus long rnams kyi mig lam du snang bar mi 'gyur te/ de ni mig dang mi ldan pa'i phyir ro// kye rgyal ba'i sras de ltar nyi ma'i dkyil 'khor de sems can dmus lo rnam mig dang mi ldan pa'i phyir mig lam du mi snang du zin gyis kyang / sems can dmus long rnams la'ang nyi mar gdags pa dang / kha zas 'ju ba dang / bde bar spyod pa dang / lus kyi grang ba bsal ba dang lus yang ba dang / mig nad dang / lus la gnas pa'i nad rlung ngam/ mkhris pa 'am/ bad kan las byung ba de dag thams cad sel bar byed pa'i sgor mi phan pa ma yin te/ phan 'dogs so// kye rgyal ba'i sras de bzhin du/ de bzhin gshegs pa'i ye shes kyi sku nyi ma'i dkyil 'khor yang / sems can lhag pa'i bsam pa'i mig mdongs par gyur pa/ mos pa log pa/ lta ba log pa/ sbyor ba leg pa/ 'tsho ba log pa/ dmus long lta bur gyur pa'i mig lam du snang bar mi 'gyur te/ de ni dad pa'i mig dang mi ldan pa'i phyir ro// kye rgyal ba'i sras de ltar de bzhin gshegs pa'i ye shes kyi sku nyi

  250. 126a

    ma'i dkyil 'khor sems can dmus long lta bur gyur pa'i dad pa'i mig dang mig ldan pa de dag gi mig lam du snang bar ma gyur tu zin kyang / sems can rnam pa de lta bu dag la de bzhin gshegs pa'i mthus/ sems can de dag gi lus la mi bde ba rtse zhil bar 'gyur ba dang / ma 'ongs pa'i nyon mongs pa'i rgyu'i lags pa sel ba'i sgor de bzhin gshegs pa'i ye shes sku nyi ma'i dkyil 'khor phan par mi 'gyur ba ma yin te phan 'dogs so/ / kye rgyal ba'i sras de bzhin gshegs pa la yon tan rin po che thams cad yang dag par bsags pa zhes bya ba'i 'od zer dang / thams cad mkhyen pa'i ye shes kyi snang ba dang ldan pa zhes bya ba'i 'od zer dang / rnam par dag pas rnam par rol pa'i ye shes kyi snang ba dang ldan pa zhes bya ba'i 'od zer dang / dbyangs chen pos ye shes rnam par dgod pa'i don snang ba dang ldan pa zhes bya ba'i 'od zer dang / spyod pa thams cad gyis shin tu tshim par byed pa'i ye shes snang ba dang ldan pa zhes bya ba'i 'od zer dang / sems can thams cad kyi the tsom thams cad yongs su gcad pa'i yul la rnam par rol pa zhes bya ba'i 'od zer dang / mi gnas pa'i ye shes rnam par 'phrul pa'i snang ba dang ldan pa zhes bya ba'i 'od zer dang / spros pa thams cad yang dag par gcad pa'i yul la ye shes kyi rnam par rol pa zhes bya ba'i 'od zer dang / theg pa tha dad pa'i snod la dbyangs rab tu bsgrags pa zhes bya ba'i 'od zer dang / zhing gi rgyan du sems can yongs su smin par

  251. 126b

    mdzad cing skye ba rnam par sbyong bas rnam par rol pa'i dkyil 'khor gyi dbyangs zhes bya ba'i 'od zer mnga' ste/ kye rgyal ba'i sras 'od zer de dag la sogs pa de bzhin gshegs pa'i mdzod spu'i gseb kyi sgo gcig nas kyang 'od zer stong tshang bar 'byung ste/ lnga brgya ni 'og gi phyogs su gtogs so// lnga brgya ni steng gi phyogasasu gtogs so// 'od zer de dag mthong bar gyur na/ byang chub sems dpa' sangs rgyas kyi zhing gzhan dang gzhan na 'khod pa rnams kyis/ de bzhin gshegs pa mtshan tha dad pa rnams rab tu shes par 'gyur te/ byang chub sems dpa' de dag thams cad kyang de bzhin gshegs pa'i yul la mgo yongs su dag pa bcu rab tu 'thob par 'gyur ro/ / de bzhin gshegs pa'i yul la mig yongs su dag pa bcu dang / rna ba yongs su dag pa bcu dang / sna yongs su dag pa bcu dang / lce yongs su dag pa bcu dang / lus yongs su dag pa bcu dang / lag pa yongs su dag pa bcu dang / rkang pa yongs su dag pa bcu dang / sa yongs su dag pa bcu dang / ye shes 'byam klas pa yongs su dag pa bcu rab tu 'thob par 'gyur te/ de dag gi skye mched byang chub sems dpa'i sar grub pa de dag gis 'od zer de dag mthong zhing shes par gyur nas kyang / de dag gi skye mched de dag de bas kyang rnam par dag par gyur te/ de dag gi dge ba'i rtsa ba thams cad kyang / thams cad mkhyen pa nyid du yongs su smin par 'gyur ro// nyan thos kyi theg pa

  252. 127a

    pa dang / rang sangs rgyas kyi theg pa pa rnams la'ang / phyogs gcig gi sar dri ma thams cad yongs su byang ba'i rgyur 'gyur ro// sems can dmus long lta bu rnams kyis kyang lus kyi bde ba rab tu 'thob cing yongs su rdzogs pa dang / skyon med pa dang / rnam par dag pa dang / shin tu ba rab tu 'grub par 'gyur te/ de nas gong du'ang rnam par bsgom pa'i ye shes rab tu 'grub pa'i rgyur 'gyur ro/ / sems can dmyal ba pa dang / byol song gi skye gnas pa dang / gshin rje'i 'jig rten pa'i sems can rnams dang / log par ltung ba'i sems can rnams la'ang / lus kyi bde ba nye bar 'grub pa'i rgyur 'gyur te/ lus kyi bde ba de dang ldan par gyur nas kyang / log par ltung ba de dag nas shi 'phos shing 'grol bar 'gyur ro// log par ltung ba'i ngan song de dag nas shi 'phos nas kyang lha dang mir skye ste/ kye rgyal ba'i sras sems can de dag gis ni khong te bdag cag rgyu gang dang / rkyen gang dang / su'i mjus der skyes par gyur ba'ang mi shes khong du mi chud do/ / 'di lta ste/ dper na sems can dmus long du gyur pa de dag 'di snyam sems te/ bdag cag ni tshangs pas byas pa te/ tshangs sprul pa'o zhes bya ba'i rnam pa dang ldan yang de bzhin gshegs pa'i ting nge 'dzin gyi dkyil 'khor kun tu rnam par 'phrul pa la bzhugs shing / sangs rgyas kyi gsung stong phrag drug cu dang ldan pas sems can de dag la bka' stsal te// grogs po

  253. 127b

    dag 'di ni tshangs pa'i zhing ma yin/ 'jig rten gyi mgon po'i zhing ma yin te/ 'di ni sangs rgyas kyi zhing ngo // khyed ni de bzhin gshegs pas yongs su smin par byas pa'o zhes bka' stsal na sems can de dag kyang de bzhin gshegs pa'i byin gyi rlabs kyis dran par gyur nas/ de dag de ma thag tu dga' rangs shing yid bde bas rab tu dga' ba dang / bde ba'i nyams kyis yid spro ba dang ldan par gyur nas/ me tog gi sprin dang / spos kyi sprin dang / rol mo'i sprin dang / na bza'i sprin dang / gdugs kyi sprin dang / rgyal mtshan gyi sprin dang / ba dan gyi sprin dang / rin po che'i sprin dang seng ge'i rgyal mtshan dang / zla ba kham pa'i khang pa brtsegs pa'i sprin dang / bstod pa'i sprin dang / rgyan sna tshogs shin tu bsgrubs pa'i sprin rgya chen pos de bzhin gshegs pa la rim gro byed de/ bkur sti byed do// bsti stang byed do// mchod pa byed do// de ci'i phyir zhe na/ de ni de dag gi lha'i mig rnam par dag par byas pa'i phyir/ sems can de dag la'ang bla na med pa yang dag par rdzogs pa'i byang chub tu de bzhin gshegs pa lung ston to/ / kye rgyal ba'i sras de ltar de bzhin gshegs pa'i ye shes kyi sku'i nyi ma'i dkyil 'khor ni sems can dmus long du gyur pa rnams la'ang dge ba'i rtsa ba yongs su smin par mdzad pas phan 'dogs pa yin no/ / kye rgyal ba'i sras byang chub sems dpa' sems dpa' chen pos khong du chud par bya ba'i sgo lnga pa 'dis kyang / de bzhin gshegs

  254. 128a

    pa'i sku bltar yod pa shes par bya'o/ / kye rgyal ba'i sras gzhan yang 'di lta ste/ dper na zla ba'i dkyil 'khor 'char bar 'gyur ba'i tshe rmad du byung ba'i chos bzhi lnga phyi med par byed de/ bzhi gang zhe na/ 'di lta ste/ skar ma thams cad zil gyis gnon to// 'phel ba dang 'grib pa'ang yongs su ston to// 'dzam bu'i gling thams cad kyi chu dang ba'i snod kun tu'ang gzugs brnyan rab tu snang ngo / / sems can kun gyis bltas na'ang mngon sum du gnas par snang ste/ de la rnam par rtog pa med do// spros pa med do// kye rgyal ba'i sras de bzhin du de bzhin gshegs pa'i sku zla ba'i dkyil 'khor yang rmad du byung ba'i chos bzhi snga phyi med par ston to/ / bzhi gang zhe na/ 'di lta ste/ slob pa dang mi slob pa thams cad dang / rang sangs rgyas thams cad kyi yon tan rnam pa thams cad du zil gyis gnon to/ / ji lta bur mos pa'i sems can rnams kyi lta ba rnam pa tha dad pa'i tshul dang / sku tshe'i tshad rnam pa tha dad pa'ang yang dag par ston te/ de bzhin gshegs pa'i sku zla ba'i dkyil 'khor la 'phel ba dang / 'grib pa mi mnga' 'o// 'jig rten gyi khams thams cad du lhag pa'i bsam pa dang sems yongs su dag cing / mos pa yongs su bsgoms pa'i stobs dang / shugs su ldan pa'i sems can byang chub kyi snod rnams la'ang gzugs brnyan rab tu 'byung ngo // sems can kun gyis bltas kyang bdag bdag la mngon du

  255. 128b

    gzigs par 'dzin te/ bsam pa ji lta ba bzhin du chos nyan/ theg pa gang gis 'dul ba'i sa ji bzhin du rnam par grol bar 'gyur te/ sems can ji lta bur 'dul ba bzhin du snang ba'i tshul gyis// de bzhin gshegs pa'i sku'ang rab tu ston te/ de bzhin gshegs pa'i sku zla ba'i dkyil 'khor de la rnam par rtog pa mi mnga'/ spros pa mi mnga' 'o// rnam par rtog pa mi mnga' zhing spros pa mi mangs kyang 'phrin las de dag la rab tu spyod do/ / kye rgyal ba'i sras byang chub sems dpa' sems dpa' chen pos khong du chud par bya ba'i sgo drug pa 'dis kyang / de bzhin gshegs pa'i sku bltar yod 'ashes par bya'o/ / kye rgyal ba'i sras gzhan yang 'di lta ste/ dper na stong gsum gyi stong chen po'i bdag po tshangs pa chen po ni/ las gron chung ngus stong gsum gyi stong chen po'i 'jig rten gyi khams thams cad du lus yongs su ston te/ 'on kyang lus yongs su 'byed pa med do// lus tha dad par byed pa med do// stong gsum gyi stong chen por gtogs pa'i sems can rnams kyis kyang / bsam pa mnyam pa nyid ji lta bu dang ldan pa'i tshul bzhin du/ lus mnyam pa nyid du mthong ngo // kye rgyal ba'i sras de bzhin du de bzhin gshegs pa yang sku yongs su 'byed pa mi mdzad/ sku tha dad pa mdzad pa'ang mi mnga' bar 'jig rten gyi khams thams cad du gtogs pa'i sems can rnams la'ang bsam pa dang / mos pa ji lta ba bzhin du sku yongs su ston te/ de bzhin

  256. 129a

    gshegs pa'i sku la rnam par rtog pa mi mnga'/ spros pa mi mnga'a'o// kye rgyal ba'i sras byang chub sems dpa' sems dpa' chen pos khong du chud par bya ba'i sgo bdun pa 'dis kyang / de bzhin gshegs pa'i sku bltar yod pa shes par bya'o// kye rgyal ba'i sras gzhan yang 'dis lta ste/ dper na sman pa'i rgyal po chen po sman gyi yo byad dang cho ga la shin tu mkhas pa/ gtsug lag dang sngags thams cad kyi tshul shes pa zhig yod la/ 'dzam bu'i gling gi sman thams cad de'i dbang du gyur te/ sman pa'i rgyal po chen po de'i sngon gyi dge ba'i rtsa ba'i stobs kyi shugs dang / sngags dang / rig sngags kyi mthu dang / thabs kyis mthong ma thag tu sems can rnams kyi nad yongs su 'tsho bar 'gyur zhing / nad med par 'gyur ba zhig yod dede nas sman pa'i rgyal po de 'chi ba'i dus la bab par gyur na/ de 'di snyam du sems par gyur te/ kyi hud sems can 'di dag bdag shi ba dang mgon med par 'gyur gyis/ bdag gi thabs mkhas pa'i stobs kyis sman thams cad yongs su bsdus te bdag gi lus sku'o/ / sngags dang / rig sngags kyi stobs dang / byin gyi rlabs kyis kyang bdag gi lus byin gyis brlabs te/ ci nas kyang bdag shi nas lus mi 'jig pa dang / mi skam pa dang / mi nyams shing 'gro ba dang / 'ong ba dang / 'dug pas kyang spyod pa dang / nad thams cad sos par bya ba'i phyir/ sman pa'i//

  257. 129b

    las su bya ba thams cad kyang spyod cing blta ba dang / mnyam pa'i don spyad pas kyang sngon ji lta ba bzhin du phyin chad kyang gnas par bya'o snyam du sems pa zhig yod na/ kye rgyal ba'i sras de bzhin du bzhin gshegs pa dgra bcom pa yang dag par rdzogs pa'i sangs rgyas sman pa'i rgyal po chen po bla na med pa nyon mongs pa'i nad thams cad rab tu zhi bar mdzad pa la mkhas pa/ bskal pa bye ba khrag khrig brgya stong mang pos kun mkhyen pa'i rtsi la brtson 'grus shin tu mdzad pa/ shes rab kyi pha rol tu phyin pa'i thabs mkhas pa dang / sngags dang / rig sngags la shin tu brlabs pa/ stobs dang / mi bsnyengs pa dang / sangs rgyas kyi chos ma 'dres pa la rab tu mkhas pa/ sems can thams cad yongs su smin par bya ba dang gdul ba'i tshul mkhyen pa/ de bzhin gshegs pa thams cad kyi mnga' chen po brnyes pa des kyang / sngon byang chub sems dpa' spyod pa la bzhugs shing / bsod nams dang / ye shes kyi tshogs dang / shes rab kyi pha rol tu phyin pa'i thabs mkhas pa'i sngags dang / rig sngags dang / sman gyi mthus phyi ma'i mtha'i mur thug pa'i bskal par 'gro ba thams cad kyi nyon mongs pa'i nad gso ba'i phyir/ sku tshe'i tshad byin gyis brlabs pas de'i sku yongs su dag pa'i phyir/ mthong ma thag tu ched du ma mdzad cing lhun gyis grub par sems can rnams kyi nyon mongs pa'i nad thams cad rab tu zhi bar 'gyur te/ sangs rgyas kyi

  258. 130a

    'phrin las thams cad kyang rgyun mi 'chad par 'byung ngo / / kye rgyal ba'i sras byang chub sems dpa' sems dpa' chen pos khong du chud par bya ba'i sgo brgyad pa 'dis kyang de bzhin gshegs pa'i sku bltar yod pa shes par bya'o/ / kye rgyal ba'i sras gzhan yang 'di lta ste/ dper na rgya mtsho chen po'i nang na nor bu rin po che chen po 'od thams cad 'dus pas rnam par snang ba'i snying po zhes bya ba yod de/ kye rgyal ba'i sras nor bu rin po che chen po de'i 'od kyis sems can gang la bab pa de dag thams cad kyang 'di lta ste/ nor bu rin po che 'od thams cad 'dus pas rnam par snang ba'i snying po'i kha dog tu kha dog gcig par 'gyur ro/ / gang gis nor bu rin po che de mthong bar gyur pa de dag gi mig kyang yongs su dag par 'gyur ro// nor bu rin po che de'i 'od kyi dkyil 'khor gyis ji tsam du khyab par gyur pa de tsam du 'od kyi dkyil 'khor de las sems can bde bar byed pa zhes bya ba'i nor bu rin po che'i char 'bab par 'gyur te/ des sems can de dag kyang rab tu bde bar 'gyur la/ sdug bsngal yang rgyun 'chad par 'gyur ro// kye rgyal ba'i sras ltos dang / nor bu rin po che de chos ci la'ang mi rtog na/ 'on kyang don chen po rab tu sgrub bo// kye rgyal ba'i sras de bzhin du de bzhin gshegs pa la'ang sku rin po che chen po bsod nams thams cad yongs su bsdus pas ye shes chen po'i snying po dang ldan pa mnga' ste/ de bzhin gshegs

  259. 130b

    pa'i sku rin po che'i ye shes kyi 'od zer de dag gis/ sems can ji snyed la reg par gyur pa de dag thams cad kyang / 'di lta ste/ de bzhin gshegs pa'i sku'i kha dog tu kha dog gcig par 'gyu ro/ / sems can gang gis de bzhin gshegs pa'i sku mthong bar 'gyur ba de dag gi chos kyi mig kyang rnam par dag par 'gyur ro// de bzhin gshegs pa'i sku rin po che'i 'od zer gyi dra ba'i dkyil 'khor gyis sems can ji snyed la reg pa de dag thams cad kyang dbul ba dang yongs su bral bar 'gyur te/ byang chub kyi sgo'i bar gyi de bzhin gshegs pa'i bde ba'ang rab tu 'thob par 'gyur ro// kye rgyal ba'i sras ltos dang / de bzhin gshegs pa'i sku chos gang la'ang rtog pa mi mnga' ste/ spros pa mi mnga' yang 'gro ba thams cad kyi don yongs su thob par mdzad do// kye rgyal ba'i sras byang chub sems dpa' sems dpa' chen pos khong du chud par bya ba'i sgo dgu pa 'dis kyang / de bzhin gshegs pa'i sku bltar yod pa shes par bya'o// kye rgyal ba'i sras gzhan yang 'di lta ste/ dper na rgya mtsho chen po'i nang na rin po che'i rgyal po chen po yid bzhin gyi nor bu 'gro ba thams cad kyi rgyan gyi snying po zhes bya ba yod de/ rin po che'i rgyal po de ni yon tan brgya stong phrag bcu dang ldan pa ste/ nor bu rin po che'i rgyal po de gang na 'dug pa de 'khor gyi sems can kun gyi nad dang / sdug bsngal gyis gtse ba thams cad med par 'gyur ro//

  260. 131a

    sems can ji snyed cig nor bu rin po che'i rgyal po de la 'dod pas sems pa de dag thams cad kyi bsam pa yongs su rdzogs par byed de/ rin po che'i rgyal po chen po de ni bsod nams ma byas pa'i sems can rnams kyi mig lam du snang bar 'gyur ba ma yin no/ / kye rgyal ba'i sras de la nor bu rin po che'i rgyal po chen po zhes bya ba de ni/ bzhin gshegs pa'i sku sems can thams cad shin tu tshim par mdzad pa'i tshig bla dgas te/ gang na de bzhin gshegs pa'i sku bltar yod cing mtshan mnyan du yod la/ yon tan dang legs pa yongs su brjod du yod pa de phyogs kyi sems can kun gyi 'khor ba la gnas pa'i sdug bsngal dang / mi bde ba thams cad med par 'gyur ro// kye rgyal ba'i sras de bzhin gshegs pa'i sku rin po che de ni/ ci ste sems can 'jig rten gyi khams thams cad du gtogs pa kun gyis snga phyi med par sems rtse gcig tu yid la bya ba ma 'khrugs pas/ de bzhin gshegs pa'i sku blta ba'i phyir/ dmigs pa byas na de dag thams cad kyis so so nas de bzhin gshegs pa'i sku'ang mthong bar 'gyur la/ thams cad kyi chos kyi bsam pa yongs su rdzogs par 'gyur ro// de bzhin gshegs pa'i sku de'ang / sems can 'dul ba'i dbang du de bzhin gshegs pa'i byin gyi rlabs kyis bstan pa ma gtogs par sems can bsod nams ma byas pa rnams kyi mog lam du snang bar

  261. 131b

    mi 'gyur te/ sems can su la'ang rung ste/ dge ba'i rtsa ba de bzhin gshegs pa'i sku bstan pa'i yongs su smin par bya ba zhig yod na/ de dag yongs su smin par bya ba'i don du de bzhin gshes pasku rin po che ston to/ / kye rgyal ba'i sras byang chub sems dpa' sems dpa' chen po sems tshad med pa'i rjes su song zhing / phyogs kyi dra ba thams cad rgyas par 'gengs pa nam mkha' lta bur chags pa med pa'i spyod yul dang ldan pa/ chos kyi dbyings mnyam pa nyid khong du chud pa/ yang dag pa'i mtha' mnyam pa nyid la gnas pa/ de bzhin nyid la gnas pa de bzhin nyid ma skyes ma 'gags pa dang dus gsum mnyam pa nyid kyi rjes su song ba/ rtog pa dang / rnam par rtog pa dang / yongs su rtog pa thams cad dang bral ba/ phyi ma'i mtha' mur thug pa'i lhag pa'i bsam pa la zhugs pa/ 'jig rten gyi khams dang chos kyi dbyings ma lus pa thams cad du khyab pa/ de bzhin gshegs pa thams cad dang sku'i rgyun gcig tu gyur pas khong du chud par bya ba'i sgo bcu pa 'dis kyang / de bzhin gshegs pa dgra bcom pa yang dag par rdzogs pa'i sangs rgyas kyi sku bltar yod pa shes par bya'o// de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ de'i tshe tshigs su bcad pa 'di dag smras so// ji ltar mkha' dbyings kun tu mu med dbyings yin te/

  262. 132a

    gzugs dang gzugs med de bzhin dngos dang dngos med kun// phyogs dang phyogs mtshams kun dang sems can lus dang zhing // dus gsum ma lus mkha' dbyings des khyab bo/ / de bzhin gshegs sku kun nas bltar yod de bzhin te// 'jig rten khams dang chos dbyings ma khyab gang yang med// rnam pa kun tu bltar med gzung med rgyal ba'i sku// 'dul ba'i don yod mgon po'i sku ni bltar med min// ji ltar mkha' dbyings 'di ni gzung med dbyings yin pas// 'gro ba kun gyi las kyi rnam pa ma lus gnas// 'on kyang bdag gis gang du ji ltar su yi don/ / ci dang ci zhig bya zhes mkha' dbyings rtog pa med// de bzhin skyes mchog sku yi 'phrin las brten bya ste// phyogs bcu kun nas dkar po'i chos rnams ci yod pa// sna tshogs mi rnams byed kyang sangs rgyas sku la ni/ / 'di yi don cig bya zhes yongs su rtog mi mnga'// ji ltar 'dzam bu'i gling du nyi ma 'char 'gyur tshe// mun pa ma lus sel cing rab tu snang ba byed/ shing dang pad+mo'i nags tshal rnams gar bab pa yi// sna tshogs gnas kyis sems can thams cad nye bar 'tsho// de bzhin rgyal ba'i nyi ma sems can kun 'tsho ste// lha mi 'jig rten rnams kyi 'dus byas dge rtsa la/ / mun pa'i thobs po bsal cing shes rab snang 'gyur bas// mi yi dbang po mchog mthong bde ba thams cad 'thob// nyi ma'i 'od zer thog ma ri rab

  263. 132b

    khor lug la/ / shar nas de yi 'og tu ri bo mngal 'char// de nas sa stengs 'di yi phyogs rnams mtho mthol// de nas sa stengs dma' ba'i phyogs rnams snang bar byed// bde gshegs 'od zer thog mar rgyal sras lus la 'char/ / de yi 'og tu rang rgyal theg la gnas par 'char// de nas dbang sgyur de nas slob pa'i rnams la 'char// de nas ma lus 'gro 'char sangs rgyas rtog mi mnga'/ / mig dang mi ldan nyi ma kun tu snang mi mthong // 'on kyang nyi ma'i grangs kyis de dag nye bar 'tsho// bkres pa spong zhing lus la shin tu lham par byed// de ltar sems can thams cad nyi mas nye bar 'tsho/ / dad dang mi ldan sangs rgyas nyi ma mi mthong ste// 'on kyang rgyal ba'i byin gyis de yang nye bar 'tsho// rgyal ba'i mtshan thos bde gshegs 'od la reg gyur kyang // de la byang chub go 'phang bar gyi rgyur 'gyur ro// zla ba shar bas skar ma thams cad zil gyis gnon// 'gro ba rnams la 'bel dang 'grib pa rab tu ston// chu mtsho kun la gzugs brnyan rab tu snang bar byed/ gang rnams chu la lta ba de la mngon par snang // rgyal ba'i zla ba shar bas nyan thos zil gyis gnon// 'dul ba ji bzhin rang sku 'phel dang 'grib pa ston// lha dang mi yi sems la gzugs brnyan rab tu snang / / 'gro ba kun gyis bdag bdag mdun na bzhugs par shes// tshangs pa ji ltar tshangs pa'i gnas nas ma g.yos kyang // stong gsum tshangs gnas kun tu rang gi

  264. 133a

    lus kyang ston/ / lha dang mi rnams rang gi lus kyi dbang du byed// tshangs pa rang gi lus kyang tha dad byed pa yin// de bzhin chos rnams kun la mngar 'gyur ston pa yang / phyogs bcu kun tu sku gzugs mtha' yas ston par mdzad// dpe zla med pa rnams kyi sku la dbye ba med// mi rnams kun kyang so so'i ston pa mngon 'gyur shes// ji ltar gtsug lag kun la mkhas pa'i sman pa zhig/ gang gis mthong bar gyur pa de dag nad 'jig pa// gang tshe tshe zad 'chir 'gyur de tshe sman bsdus shing // rang gi lus la bskus te spyod pa thams cad ston// de ltar mi mchog dbang po mtshungs med sman pa'i rgyal/ / thabs dang shes rab ye shes kun la rab mkhas pa// sngon gyi spyod pa'i khyad kyis ston pa'i sku ston te// mthong zhing 'gro ba'i nyon mongs ma lus nad kyang 'jil/ / ji ltar gang chen mtshol rin chen 'byung yod pa// 'od kyi rnam pa thams cad kun tu 'gyed byed de// sems can gang la reg pa de dag de tshul 'gyur// gang gis mthong 'gyur de dag mig kyang rnam par dag/ rgyal ba rin chen de bzhin shes rab 'od 'gyed do// sems can sus reg de dag sangs rgyas kha dog 'gyur// gang gis rgyal ba mthong ba de dag mig lnga 'thob par 'gyur// mun pa rdul bsal rgyal ba'i sa la gnas par 'gyur/ / ji ltar nor bu rin chen bsam pa kun ster ba// gang rnams ci 'dod de la de dag thams cad 'byin// de ni bsod nams gang gis byas pa des

  265. 133b

    mthong ste/ / rin chen dam pa de la rnam rtog gang yang med// de bzhin gshegs pa sku mchog bsam pa kun skyong ba// mthong nas smon lam su 'debs de dag bsam pa 'grub// snying dma' ba'i sems ldan 'gro bus thub mi mthong / / bde gshegs rnam rtog mi mnga' ser sna ma mnga' 'o// // bam po bdun cu gnyis pa// de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub semasad dpa' sems dpa' chen po kun tu bzang po la 'di skad ces smras so/ / kye rgyal ba'i sras ji ltar byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi gsung brjod pa khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal 'di skad ces smras so/ / kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi gsung brjod pa ni/ dbyings kyi dkyil 'khor tshad med pas rgyas shing khyab par mdzad pa'i phyir/ kun tu khyab par shes par bya'o// chos bstan pa mngon par bsgrub pa'i phyir/ sems can thams cad kyi bsam pa ji lta

  266. 134a

    ba bzhin du tshim par mdzad par shes par bya'o/ / sems rab tu tshim par mdzad pa'i phyir/ 'khor gyi dkyil 'khor thams cad mos pa ji lta ba bzhin du dga' bar mdzad par shes par bya'o/ / dus las mi 'da' ba'i phyir/ dus la ji ltar 'bab pa bzhin du 'bral ba med par shes par bya'o// sgra brnyan dang 'dra ba'i phyir/ shin tu mi skye mi 'gag par shes par bya'o// las bsags pa thams cad yongs su brjod pa'i phyir/ bdag po med par shes par bya'o// gting dpag dka' ba'i phyir shin tu zab par shes par bya'o// chos kyi dbyings la zhen pas cis kyang mi tshugs par shes par bya'o/ / chos nyid la yang dag par gzhol bas rgyun mi 'chad par shes par bya'o// shin tu gnas la phebs pa'i mthar thug pas bskyor med par shes pa ste/ de bzhin gshegs pa'i gsung brjod pa ni bdag po yod pa ma yin/ bdag po med pa'ang ma yin pa dang / rnam par dmigs pa'ang ma yin/ rnam par mi dmigs pa'ang ma yin par shes par bya'o/ / de ci'i phyir zhe na/ kye rgyal ba'i sras 'di lta ste/ dper na 'jig rten gyi khams 'jig par 'gyur ba'i tshe/ chos nyid thob pas sgra chen po'i dbyangs chen po bzhi 'byung bar 'gyur te/ de dag la bdag po med cing yongs su 'dzin pa med do// bzhi gang zhe na/ kye rgyal ba'i sras 'jig rten gyi khams 'jig par 'gyur ba'i tshe/ sgra chen po'i dbyangs

  267. 134b

    chen po thog ma rnam pa 'di lta bu 'byung ste/ kye ma grogs po dag bsam gtan dang po ni 'dod pa dang / gnod sems med pas shin tu bde ba ste/ 'dod pa'i khams las yang dag par 'da' ba'i rgyur 'gyuraro/ / sgra de thos nas sems can rnams bsam gtan dang po bsgrubs te/ 'dod pa'i khams las 'das nas/ tshangs pa'i 'jig rten du skye'o// de nas chos nyid thob pas sgra chen po'i dbyangs chen po gnyis pa 'byung ste/ kye ma grogs po dag bsam gtan gnyis pa 'di ni rnam par rtog pa med cing / rnam par dpyod pa med pas shin tu bde ba ste/ tshangs ris kyi lha las yang dag par 'da' ba'i rgyur 'gyur ro/ / sgra de thos nas kyang sems can rnams bsam gtan gnyis pa sgrubs te/ tshangs pa'i 'jig rten las 'das nas/ gya nom snang ba'i lha dang skal pa mnyam par skye'o/ / de nas chos nyid rab tu thob pas sgra chen po'i dbyangs chen po gsum pa 'byung ste/ kye ma grogs po dag bsam gtan gsum pa 'di ni dga' ba med pas shin tu bde ba ste/ gya nom snang ba'i lha las yang dag par 'da' ba'i rgyur 'gyur ro// sgra de thos nas kyang sems can rnams bsam gtan gsum pa bsgrubs te/ gya nom snang ba'i lha las 'das nas/ dge rgyas kyi lha dang skal ba mnyam par skye'o/ / de nas chos nyid rab tu thob pas sgra chen po'i dbyangs chen po bzhi pa 'byung ste/ kye ma grogs po dag bsam gtan bzhi pa 'di ni shin tu zhi ba ste/ dge rgyas

  268. 135a

    kyi lha las yang dag par 'da' ba'i rgyur 'gyur ro/ / sgra de thos nas kyang sems can rnams bsam gtan bzhi pa bsgrubs te/ dge rgyas kyi lha las 'das nas 'bras bu che ba'i lha dang skal ba mnyam par skye'o/ / kye rgyal ba'i sras de ltar 'jig rten gyi khams 'jig par 'gyur ba'i tshe/ chos nyid rab tu thob pas sgra chen po'i dbyangs chen po de bzhi 'byung bar 'gyur te/ de la bdag po 'am/ rjod par byed pa gang yang med mod kyi/ de ltar tshad med pa'i yon tan dang ldan pa'i sgra rnams 'byung bar 'gyur ro// kye rgyal ba'i sras de bzhin du de bzhin gshegs pa'i gsung la'ang bdag po gang yang med de/ rjod par byed pa med do// 'phro bar byed pa med do// len pa med do// gtong ba med do// 'on kyang de bzhin gshegs pa'i chos nyid thob pas sgra chen po'i dbyangs chen po bzhi 'byung bar 'gyur te/ bzhi gang zhe na/ 'di lta ste/ de bzhin gshegs pa'i chos nyid thob pas sgra chen po gcig 'byung ba ni/ kye ma 'dus byas 'di dag sdug bsngal ba ste/ sems can dmyal ba ni sdug bsngal lo// byol song gi skye gnas ni sdug bsngal lo// gshin rje'i 'jig rten ni sdug bsngal lo// bsod nams ma byas ba ni sdug bsngal lo/ / bdag gir 'dzin pa ni sdug bsngal te/ sdig pa'i las spyod pa ni sdug bsngal gyis/ lha dang mir skye ba'i phyir dge ba'i rtsa ba skyed cing / 'phags pa'i skye

  269. 135b

    mched yongs su zung zhig/ mi khom par skye ba yongs su spongs shig/ sgra de thos nas kyang sems can rnams ma nor bar nan tan rab tu byed de/ de dag ma nor bar nan tan byed cing / dge ba yongs su spyod do/ / de dag dge ba spyod pa'i nan tan la zhugs pas/ mi khom par skye ba yongs su spong ste/ lha dang mir skye ba'i skye mched kyang rab tu 'dzin to// de nas de bzhin gshegs pa'i chos nyid rab tu thob pas/ sgra chen po'i dbyangs chen po gnyis pa 'byung ste/ kye ma 'dus byas 'di dag ni shin tu sdug bsngal ba ste/ 'bar ba/ kun nas 'bar ba/ rab tu 'bar ba lcags kyi gong bu dang 'dra ba/ mi rtag cing 'gyur ba'i chos can dag go// 'dus ma byas na zhi ba/ gdung ba med pa/ bsil ba/ yongs su gdung ba dang bral ba'o// de zos nas kyang sems can rnams dge ba'i chos la mngon par brtson par byed de/ de ltar mngon par brtson pas/ nyan thos kyi theg pa la sgra'i rjes su 'gro ba'i bzod pa thob par 'gyur ro// de nas de bzhin gshegs pa'i chos nyid thob pas/ sgra chen po'i dbyangs chen po gsum pa 'byung ste/ kye ma nyan thos kyi theg pa 'di ni gzhan gyi sgra'i rjes su 'brang bas shin tu chung ba ste/ 'di bas mtho ba'i theg pa 'di lta ste/ rang gis mngon par 'tshang rgya bar bya ba slob dpon med pa rang sangs rgyas kyi theg pa yod do// sgra de thos nas kyang sems can mos pa che ba'i rnams rang sangs rgyas kyi theg pa

  270. 136a

    la nan tan byed cing / nyan thos kyi theg pa spangs nas rang sangs rgyas kyi byang chub tu 'jug go// de nas de bzhin gshegs pa'i chos nyid rab tu thob pas/ sgra chen po'i dbyangs chen po bzhi pa 'byung ste/ kye mnyan thos dang rang sangs rgyas kyi theg pa las 'das pa'i theg pa chen po byang chub sems dpa'i spyod pa dang mthun pa pha rol tu phyin pa drug dang / byang chub kyi spyod pa rgyun mi 'chad pa/ byang chub kyi sems yongs su mi gtong ba/ bsod nams dang ye shes kyi tshogs tshad med pas yongs su bzung ba yod de/ nyan thos kyi theg pa ni gzhan gyi sgra'i rjes su 'brang ba'o// rang sangs rgyas kyi theg pa ni shin tu chung ba'o/ / theg pa chen po ni theg pa'i dam pa dang / theg pa'i gtso bo// theg pa'i mchog ste/ bla na med pa'i theg pa sems can thams cad nye bar 'tsho ba'i theg pa'o// sgra de thos nas kyang sems can de bas kyang yangs pa la mos pa/ dbang po rno ba/ sngon dge ba'i rtsa ba bskyed pa/ de bzhin gshegs pa'i byin gyi rlabs kyis byin du brlabs pa de dag snying zag pa nas de bzhin gshegs pa rang byung gi byang chub tu sems bskyed de/ de bzhin gshegs pa'i gsung de'ang sku las 'byung ba ma yin/ thugs las 'byung ba ma yin te/ sems can rnams kyi dge ba'i las shin tu bsags pas khong du chud par 'gyur ba'ang med pa ma yin no/ / kye rgyal ba'i sras khong du chud par bya ba'i sgo dang po 'dis kyang / byang chub sems dpa' sems dpa' chen pos de bzhin gshegs pa'i//

  271. 136b

    gsung khong du chud par bya'o// kye rgyal ba'i sras gzhan yang 'di lta ste/ dper na ri dang / gcong rong dang / phrag gi sul dang / mtshams nas sgra brnyan grag pa ni/ 'jig rten kun la'ang mtshungs par grag ste/ lus med cing bltar mi snang la/ gzhan gyi sgra'i rkyen la brten te/ sgra thams cad kyi tshul du sgra brnyan de dag 'byung yang de la rnam par rtog pa med do// kye rgyal ba'i sras de bzhin du de bzhin gshegs pa'i gsung yul na mi gnas phyogs na mi gnas pa ste/ 'on kyang sems can gyi bsam pa dang mos pa la rten cing 'byung ba med pa'ang ma yin te/ de ni sgra rnam par dmigs pa med cing brjod du med pa'o/ / kye rgyal ba'i sras khong du chud par bya ba'i sgo gnyis pa 'dis kyang / byang chub sems dpa' sems dpa' chen pos de bzhin gshegs pa'i gsung khong du chud par bya'o// kye rgyal ba'i sras gzhan yang 'di lta ste/ dper na lha rnams kyi chos kyi rnga chen po chos la yang dag par skul ba zhes bya ba steng gi bar snang las yang dag par sgrog ste/ nam lha rnams bag med par spyod par gyur pa de'i tshe/ chos kyi rnga chen po de 'di skad du/ kye grogs po dag 'dod pa'i bde ba 'di dag ni shin tu mi rtag cing spu la myur du 'jig cing byis pa 'drid pa ste/ byis pas bsnyen pa'o/ / byis pas bsngags pa'o// de bas na bag yod par gyis la bag med par ma byed cig/ ngan song dag tu lhung bar gyur ta re zhes bya ba'i sgra sgrog go// kye rgyal ba'i sras de ltar sgra de thos nas bas med

  272. 137a

    par spyod pa'i lha'i bu rnams kyang so so nas skyo bar gyur te/ rang rang gi gnas kyi 'dod pa'i dga' ba spangs nas/ lha'i rgyal po'i gnas su 'dong ngo // de dag der phyin nas kyang chos la dga' bas nyi ma sbyang zhing chos la spyod par 'gyur ro/ / kye rgyal ba'i sras ltos dang / lha'i rnga de la byung ba 'am/ 'jig pa gang yang med la/ lha rnams la'ang don chen po de lta bus shin tu phan 'dogs so// kye rgyal ba'i sras de bzhin du de bzhin gshegs pa'i gsung yang sems can gyi khams ma lus pa rgyas par mdzad de/ sems can bag med par spyod pa rnams yang dag par bskul ba'i phyir chos chen po'i sgra sgrog cing 'byung ngo / / 'di lta ste/ yongs su gzung ba med pa'i sgra 'byung ngo // bag yod pa'i sgra 'byung ngo // mi rtag pa dang / sdug bsngal ba dang / bdag med pa'i sgra 'byung ngo // zhi ba mya ngan las 'das pa'i sgra 'byung ngo / / 'jig rten gyi khams ma lus par rgyas par bkang ste/ sems can bag med par spyod pa rnams mos pa ji lta ba bzhin du rab tu dga' bar bya ba dang / theg pa ji lta ba bzhin du 'byung bar bya ba'i phyir yang dag par skul bar mdzad cing / rang byung gi ye shes tshad med pa dang / byang chub sems dpa'i spyod pa mi 'phrogs pa dang / de bzhin gshegs pa rnams kyi ye shes kyi sa thams cad du khyab cing lhun gyis grub pa'ang rab tu rjod do/ / sgra de thos nas kyang sems can tshad med grangs med pa dge ba'i chos la shin tu brtson par 'gyur te/ la la ni nyan thos kyi theg pa la/ la la ni rang sangs rgyas kyi theg

  273. 137b

    pa la la la ni bla na med pa'i theg pa chen po la mngon par 'jug kyang / de bzhin gshegs pa'i gsung de ni gang la'ang zhugs pa med de/ gang gis kyang tshig tu mi brjod do// kye rgyal ba'i sras khong du chud bar bya ba'i sgo gsum pa 'dis kyang / byang chub sems dpa' sems dpa' chen pos de bzhin gshegs pa'i gsung khong du chud par bya'o// kye rgyal ba'i sras gzhan yang 'di lta ste/ dper na lha'i rgyal po dbang sgyur gyi lha'i bu mo bzang mo zhes bya ba'i kha'i dbugs gcig gis lha rdzas kyi rol mo'i sgra yan lag brgya phrag stong dang ldan pa'i nga ro 'byung ste/ sgra de byung ba na sgra rnam pa tha dad pa brgya phrag stong gi dbyangs su grag go/ / kye rgyal ba'i sras ltos dang / de ltar kha'i dbugs gcig pu las kyang sgra'i dbyangs tshad med pa 'byung bar rung ngo // kye rgyal ba'i sras de bzhin du de bzhin gshegs pa'i gsung gcig 'byung yang tshad med par khyab pa ste/ sems can gyi bsam pa ji lta ba bzhin du sems kyi rgyud las mos pa'i tshul dang 'dra bar tshad med pa'i sgra'i rnam par de bzhin gshegs pa'i gsung grag go/ / kye rgyal ba'i sras khong du chud par bya ba'i sgo bzhi pa 'dis kyang / de bzhin gshegs pa'i gsung khong du chud par bya'o// kye rgyal ba'i sras gzhan yang 'di lta ste/ dper na tshangs pa chen po ni tshangs pa'i 'jig rten na 'dug kyang / 'dod na tshangs pa'i 'khor thams cad du tshangs pa'i dbyangs kyis go bar byed do// dbyangs de'ang tshangs pa'i 'khor las gzhan du mi 'gro ste/ tshangs pa'i sa

  274. 138a

    kyi lha'i bu thams cad so so nas tshangs pa chen po ni bdag kho na 'don du tshangs pa'i sgra sgrog go snyam mo/ / kye rgyal ba'i las de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / sangs rgyas kyi gsung bla na med pa sgrog pa'i tshe/ 'khor gyi dkyil 'khor thams cad dbyangs kyis mngon par go bar mdzad de/ dbyangs de'ang 'khor gyi dkyil 'khor las gud du mi 'gro'o/ / de ci'i phyir zhe na/ de la de bzhin gshegs pa ni dbyangs kyi ser sna mi mnga' ste/ sems can dbang po yongs su ma smin pa rnams de bzhin gshegs pa'i dbyangs grag par mi 'gyur ro// 'khor gyi dkyil 'khor du tshogs pa'i sems can thams cad kyang 'di snyam du sems te/ bdag kho na'i don du de bzhin gshegs pa chos ston to snyam mo// de bzhin gshegs pa ni gsung sgrogs pa'ang med/ phyir sdud pa'ang med de/ 'phrin las de dag kyang yod cing snang ngo // kye rgyal ba'i sras khong du chud par bya ba'i sgo lnga pa 'dis kyang / de bzhin gshegs pa'i gsung khong du chung bar bya'o// rgyal ba'i sras gzhan yang 'di lta ste/ dper na nam mkha'i dbyings las char gyi ro gcig pa bab kyang snod kyi rnam pa tha dad pas chu rnam pa tha dad par snang gi/ chu la rnam par rtog pa med do// kye rgyal ba'i sras de bzhin du de bzhin gshegs pa'i gsung yang 'di lta ste/ de bzhin gshegs pa'i rnam par grol bar ro gcig kyang / sems can gyi bsam pa'i snod rnam pa tha dad pa'i de bzhin gshegs pa'i gsung rnam patha

  275. 138b

    dang du snang ste/ de bzhin gshegs pa'i gsung la rnam par rtog pa med do// kye rgyal ba'i sras khong du chud par bya ba'i sgo drug pa 'dis kyang / byang chub sems dpa' sems dpa' chen pos de bzhin gshegs pa'i gsung khong du chud par bya'o/ / kye rgyal ba'i sras gzhan yang 'di lta ste/ dper na klu'i rgyal po ma dros pa ni 'dzam bu'i gling thams cad sprin chen pos rgyas shing khyab par bya ste/ 'di ltar lo tog bskyed pa dang / rtswa dang / gel ba dang / ci dang / nags tshal sna tshogs rnam par spel ba dang / rnang dang / lu ma dang / mtsho dang / mtshe'u dang / rdzing bu yongs su dgang ba'i phyir char chen po 'bebs kyang / char de ni klu'i rgyal po ma dzes pa'i lus las byung ba ma yin/ sems las byung ba ma yin te/ sems can rnams la'ang rnam pa tshad med pas nye bar 'tsho ba'i rgyur 'gyur ro// kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / 'jig rten gyi khams ma lus pa thams cad thugs rje chen po'i sprin gyis rgyas par bkang ste/ sems can thams cad kyi bsam pa yongs su tshim par bya ba dang / dge ba'i rtsa ba thams cad shin tu bskyed pa dang / theg pa thams cad yongs su rdzogs par bya ba'i phyir chos kyi sprin chen po'i char bdud rtsi'i ro dang ldan pa 'bebs te/ de bzhin gshegs pa'i gsung de'ang nang nas byung ba'ang ma yin/ phyi rol nas 'byung ba'ang ma yin mod kyi/ de ltar tshad med pa'i sems can rnams kyang nye bar 'tsho ba'i rgyur 'gyur ro//

  276. 139a

    kye rgyal ba'i sras khong du chud par bya ba'i sgo bdun pa 'dis kyang / de bzhin gshegs pa'i gsung khong du chud par bya'o// kye rgyal ba'i sras gzhan yang 'dra lta lte/ dper na klu'i rgyal po yid du 'ong ba ni nam char chen po dbab par 'dod pa de'i tshe/ nam mkha' thams cad sprin gyi dra bas yog par byed de/ zhag bdun du sprin chen po kun nas sdud do// sems can gyi las kyi mtha' rnams yongs su ma zin gyi bar du char gyi rgyun kyang kun tu gtong bar mi byed do/ / de ci'i phyir zhe na/ kye rgyal ba'i sras klu'i rgyal po chen po yid du 'ong ba ni mi 'tshe ba'i ngang tshul dang ldan pa ste/ zhag bdun 'das nas char gyi rgyun shin tu phra bas sa thams cad yongs su ngoms par byed do// kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas chos kyi rgyal po chen po'ang thugs rje chen po'i sprin bsdus te/ nam chos kyi char chen po dbab par dgyes par de'i tshe/ shes rab dang thabs mkhas pas sems can yongs su smin par mdzad do// sems can rnams kyi dbang po yongs su ma smin gyi bar du ni bdud rtsi'i char sngar 'bebs par mi mdzad de/ nam sems can rnams yongs su smin par gyur pa de'i tshe/ gzod chos kyi char chen po bdud rtsi'i ro dang ldan pa 'bebs so/ / phra zhing zab la mkhas pas shes par bya ba'i chos brjod cing / sems can rnams 'jigs par ma gyur par rim gyis thams cad mkhyen pa nyid kyi chos ro bla na med pas yongs su ngoms par

  277. 139b

    mdzad do/ / kye rgyal ba'i sras khong du chud par bya ba'i sgo brgyad pa 'dis kyang / de bzhin gshegs pa'i gsung khong du chud par bya'o// kye rgyal ba'i sras 'di lta ste/ dper na rgya mtsho chen po nang na lag gi 'gro ba'i bdag po rgyan chen po zhes bya ba yod de/ de 'dod na rgya mtsho chen po'i nang du rgyan gcig dang ldan pa'i char rab tu 'bebs so// de 'dod na rgyan bcu dang ldan pa'i char rab tu 'bebs so// de 'dod na rgyan brgya dang ldan pa'i char rab tu 'bebs so// de 'dod na rgyan stong dang ldan pa'i char rab tu 'bebs so// de 'dod na rgyan brgya phrag stong dang ldan pa'i char rab tu 'bebs kyang / kye rgyal ba'i sras char pa de dag la rnam par rtog pa gang yang med de/ 'on kyang klu'i rgyal po de'i khyu mchog gi mthu phyung ba bsam gyis mi khyab pa rnam par phye ba'i byin gyis rnam par dgod pa'i rgyan brgya phrag stong dang ldan pa'i char 'bebs pa yod cing snang ngo / / kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / nam chos kyi char chen po dbab par dgyes pa de'i tshe/ bzhed na chos gcig rnam par dgod pa'i rgyan gyis kyang chos ston to// bzhed na chos bcu rnam par dgod pa'i rgyan dang / bzhed na chos nyi shu rnam par dgod pa'i rgyan dang / bzhed na chos brgya rnam par dgod pa'i rgyan dang / bzhed na chos stong rnam par dgod pa'i rgyan dang / bzhed na chos brgya phrag stong rnam par dgod pa'i rgya dang / bzhed na sems can gyi spyod pa stong phrag brgyad cu rtsa bzhi la

  278. 140a

    gsung rnam pa tha dad pa stong phrag brgyad cu rtsa bzhi rnam par dgod pa'i rgyan gyi chos ston pa nas/ gsung gi rnam pa bye ba khrag khrig brgya stong tshad med pa'i bar du rnam par dgod pa rgyan gyis chos ston to/ / sems can tshad med pa'ang yongs su tshim par mdzad kyang / de bzhin gshegs pa'i chos kyi sprin chen po'i gsung la rnam par rtog pa gang yang mi mnga'a'o// 'on kya so sor ci rigs su sems can rnams kyi dbang po yongs su tshim par bya ba'i phyir/ 'di lta ste/ de bzhin gshegs pa'i chos kyi dbyings kyi dkyil 'khor shin tu dag pa'i phyir/ de ltar gsung gi rnam pa tshad med par 'byung bar 'gyur ro/ / kye rgyal ba'i sras khong du chud par bya ba'i sgo dgu pa 'dis kyang / de bzhin gshegs pa'i gsung khong du chud par bya'o// kye rgyal ba'i sras gzhan yang 'di lta ste/ dper na klu'i rgyal po gang chen mtshon nim klu'i rgyal po chen po rnam par rtse bas rnam par rtse bar 'dod cing / sems can rnams kyang bde ba dang yongs su tshim par bya bar 'dod par gyur pa de'i tshe/ gling chen po bzhi pa'i 'jig rten gyi khams kyi sa'i steng nye bar gsung ba yan chad lha'i dbang po dbang sgyur gyi gnas kyi bar du sprin gyi dra ba kha dog sna tshogs can kha dog du ma dang ldan pas yongs su khebs par byed do/ / sprin gyi dra ba'i rgyan de dag la'ang kha dog rnam pa tha dad pa'i gzugs rnam par phye ba 'dis sung ga snang zhing yod de/ 'di ltar la la ni 'dzam bu chu klung gi

  279. 140b

    gser gyi kha dog tu snang ngo / / la la ni bai DUr+ya bzang po'i kha dog tu snang ngo // la la ni dngul gyi kha dog tu snang ngo // la la ni shel gyi kha dog tu snang ngo // la la ni mu sar gal ba'i kha dog tu snang ngo // la la ni a sma gar ba'i kha dog tu snang ngo // la la ni dpal gyi snying po'i kha dog tu snang ngo // la la ni mu tig dmar po'i kha dog tu snang ngo // la la ni spos sna tshogs kyi kha dog tu snang ngo // la la ni glo dkar po dri ma med pa'i kha dog tu snang ngo / / la la ni kha dog gcig tu snang ngo // la la ni kha dog rnam pa tha dad pa sna tshogs su snang ngo // rnam pa de lta bu'i sprin gyi dri bas gling bzhi pa kun nas khebs par byas rnam pa sna tshogs kyi glog 'gyed do/ / 'di ltar sprin gser gyi kha dog tu 'dug pa las/ glog gi 'phreng ba bai DUR+Ya'i kha dog lta bu 'gyed do// sprin bai rAR+Ya bzang po'i kha dog tu 'dug pa las/ glog gi 'phreng ba gser gyi kha dog lta bu 'gyed do/ / sprin dngul gyi kha dog tu 'dug pa las/ glog gi 'phreng ba mu sa ra gal ba'i kha dog lta bu 'gyed do// sprin mu sa ra gal ba'i kha dog tu 'dug pa las/ glog gi 'phreng ba dngul gyi kha dog lta bu 'gyed do/ / sprin a sma gar ba'i kha dog tu 'dug pa las/ glog gi 'phreng ba mu tig dmar po'i kha dog lta bu 'byed do// sprini mu tig dmar po'i kha dog tu 'dug pa las/ glog gi 'phreng ba a sma gang ba'i kha dog lta bu 'gyed do// sprin a sma gar ba'i kha dog tu 'dug pa las// glog gi 'greng ba dpal gyi snying po'i kha dog lta bu 'gyed do// sprin dpal gyi snying po'i kha dog

  280. 141a

    tu 'dug pa las/ klog gi 'phreng ba spos rnam pa tha dad pa'i kha dog lta bu 'gyed do// sprin spos rnam pa tha dad pa'i kha dog lta bur 'dug pa las/ glog gi 'phreng ba shel gyi kha dog lta bur 'gyed do/ / sprin shel gyi kha dog lta bur 'dug pa las/ glog gi 'phreng ba rin po che sna tshogs cho ma chong bu'i kha dog lta bur 'gyed do// sprin rnam pa sna tshogs rnam pa tha dad pa'i kha dog tu 'gyed pa las/ glog gi 'phreng ba kha dog gcig tu snang bar 'byed do// sprin kha dog gcig tu 'dug pa las/ glog gi 'phreng ba sna tshogs rnam pa tha dad pa'i kha dog dang ldan pa 'gyed do// rnam pa ji lta bur mos pa'i tshul bzhin du sems can dga' bar bya ba'i phyir 'brug gi sgra dbyangs rnam pa du ma'i nga ro 'byin te/ la lar ni rdza'i sgra dbyangs kyi nga ro 'byin to// la lar ni lha'i bu mo'i klu dang rol mo'i sgra dbyangs kyi nga ro 'byin to/ / la lar ni rol mo brdung ba dang dkrol ba'i sgra dbyangs kyi nga ro 'byin to// la lar ni klu'i bu mo'i glu'i sgra dbyangs sna tshogs kyi nga ro 'byin to// la lar ni dri za'i bu mo'i glu'i sgra dbyangs dang nga ro 'byin to/ / la lar ni mi 'am ci'i bu mo'i sgra dbyangs kyi nga ro 'byin to// la lar ni sa grum pa'i sgra dbyangs kyi nga ro 'byin to// la lar ni rgya mtsho'i 'brug gi sgra zab mo'i sgra dbyangs kyi nga ro 'byin to/ / la lar ni seng ge'i rgyal po'i sgra'i gdangs kyi sgra dbyangs kyi nga ro 'byin to// la lar ni bya btsun pa'i skad kyi sgra dbyangs kyi nga ro 'byin to//

  281. 141b

    la lar ni rnam pa sna tshogs tha dad pa'i glu'i sgra dbyangs kying ro 'byin to// de lta bu'i sprin gyi drab chen po bsdus te/ glog gi 'phreng ba bkye nas 'brug gi sgra dbyangs dang nga ronam pa de lta bu dag kyang phyung ste/ dga' ba dang spro ba chen po skyed pa zhes bya ba'i glu'i rlung chen po 'gyed do// rlung chen po de dag langs pas kyang sems can rnams kyi lus sim par gyur to// dga' ba dang spro ba'ang rab tu skye'o/ / de nas sems can rnams kyi bsod nams dang mos pa'i khyad par gyi tshul ji lta ba bzhin du las kyis rnam pa sna tshogs tha dad du gyur pa'i char chen po 'bebs te/ lha'i rgyal po dbang gyur gyi gnas nye bar bzung ba man chad sa'i steng na yod pa'i gnas kyi bar du char pa rnam pa sna tshogs tha dad pa 'bebs te/ 'di ltar rgya mtsho chen por ni tha mi dad pa zhes bya ba'i chang sprin chen po'i cher 'bebs so// dbang skyur gyi lha rnams la ni shin tu snyan cing mnyan par 'os pa zhes bya ba'i sgra snyan pa'i glu dang rol mo'i char chen po 'bebs so/ / 'phrul dga'i lha rnams la ni snang bar rab tu gtong ba zhes bya ba'i nor bu rin po che'i char chen po 'bebs so/ / dga' ldan gyi lha rnams la ni gtsug pud 'phyang ba zhes bya ba'i char chen po 'bebs so// mtshe ma'i lha rnams la ni rgyan sna tshogs zhes bya ba me tog gi char chen po 'bebs so/ / sum cu rtsa gsum gyi lha rnams la ni spos yid du 'ong ba zhes bya ba lha rdzas kyi spos kyi char chen po 'bebs so// rgyal po chen po bzhi'i ris kyi lha rnams la ni dga' bar byed pa zhes bya ba

  282. 142a

    lha rdzas kyi gos kyi char chen po 'bebs so/ / klu'i rgyal po chen po'i gnas su ni 'od shin tu 'phags pa zhes bya ba mu tig dmar po'i char chen po 'bebs so// rdza ma tshan gyi gnas su ni dgra pha rol shin tu 'jom pa zhes bya ba gzhu dang mtshon cha'i char chen po 'bebs so/ / byang gi sgra mi snyan du ni me tog shin tu rgyas pa zhes bya ba me tog sna tshogs kyi char chen po 'bebs so// gzhung de bzhin du gling chen po bzhi pa'i 'jig rten gyi khams thams cad kyi gnas sna tshogs su rnam pa tha dad pa'i char sna tshogs rab tu 'bebs so// kye rgyal ba'i sras klu'i rgyal po gang chen mtshol ser sna rung zad kyang med de/ 'on kyang sems can rnams kyi dge ba'i rtsa ba dang / bsod nams kyi tshogs rnam pa sna tshogs tha dad pa khyad par gyis/ char rnam pa tha dad pa'ang snang zhing yod par gyur to// kye r gyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas bla na med pa'i chos kyi rgyal po chen po yang rtag tu rgyun mi 'chad par chos kyi rnam par rol pas rnam par rol pa'i tshe/ chos kyi dbyings ma lus pa thams cad chos kyi sku'i sprin gyis rgyas par bkang zhing sems can ji ltar mos pa'i tshul bzhin du sku'i sprin yang dag par ston te/ 'di ltar sems can layal ni skye ba 'byung ba'i sku'i sprin yongs su ston to/ / sems can la la la ni sprul pa'i sku'i sprin yongs su ston to// sems can la la la ni byin gyi rlabs kyi sku'i sprin yongs su ston to// sems can la ya

  283. 142b

    la ni gzugs kyi sku'i sprin yongs su ston to/ / sems can la la la ni sku sna tshogs mngon par bsgrub pa'i sprin yongs su ston to// sems can la la la ni bsod nams kyi sku'i sprin yongs su ston to// sems can la la la ni ye shes kyi sku'i sprin yongs su ston to// sems can la la la ni stobs la thub pa med pa'i sku'i sprin yongs su ston to// sems can la la la ni mo bsnyengs pa zil gyis minon pa'i sku'i sprin yongs su ston to/ / sems can la la la ni chos kyi dbyings lus med pa'i sku'i sprin yongs su ston to// kye rgyal ba'i sras de ltar de bzhin gshegs pa dgra bcom pa yang dag par rdzogs pa'i sangs rgyas ni 'jig rten gyi khams ma lus pa thams cad chos kyi sku'i sprin gyis bkang zhing / sems can rnams kyis sems dang / bsam pa dang / mos pa ji lta bu'i tshul bzhin du de dag la 'od zer gyi glog gi 'phreng ba 'gyed de/ 'di ltar sems can la la la ni 'od zer gyi glog gi 'phreng ba kun tu khyab pa zhes bya ba 'gyed do// sems can la la la ni 'od zer gyi glog gi 'phreng ba sangs rgyas kyi gsang ba la 'jug pa zhes bya ba 'gyed do/ / sems can la la la ni 'od zer gyi glog gi 'phreng ba spongs pa snang ba zhes bya ba 'gyed do// sems can la la la ni 'ong zer gyi glog gi 'phreng ba snang bar byed pa zhes bya ba 'gyed do/ / sems can la la la ni 'od zer gyi glog gi 'phreng ba gzugs kyi sgo mi zad pa la 'jug pa zhes bya ba 'byed do// sems can la la la ni 'od

  284. 143a

    zer gyi glog gi 'phreng ba dran pa 'khrugs pa zhes bya ba 'gyed do/ / sems can la la la ni 'od zer gyi glog gi 'phreng ba blo gros mi 'phrogs pa zhes bya ba 'gyed do// sems can la la la ni 'od zer gyi glog gi 'phreng ba reg pa'i rjes su 'jug pa zhes bya ba 'gyed do/ / sems can la la la ni 'od zer gyi glog gi 'phreng ba bsam pa thams cad shin tu tshim par byed pa zhes bya ba 'byed dongo kye rgyal ba'i sras de ltar de bzhin gshegs pa dgra bcom pa yang dag par rdzogs pa'i sangs rgyas kyi rnam pa de lta bu'i 'od zer gyi dra ba'i glog tshad med pa de dag rab tu bkye nas/ ting nge 'dzin chen po'i 'brug gi sgra dbyangs rnam pa 'di lta bu dag rab tu sgrog ste/ 'di ltar sems can la la la ni blo shin tu rnam par sangs rgyas pa zhes bya ba'i ting nge 'dzin gyi 'brug gi sgra dbyangs sgrog go// sems can la la la ni shin tu sbyangs pas dri ma med pa'i phyag rgya zhes bya ba ting nge 'dzin gyi 'brug gi sgra dbyangs sgrog go/ sems can la la la ni chos thams cad la dbang sgyur ba zhes bya ba ting nge 'dzin gyi 'brug gi dbyangs sgrog go/ sems can la la la ni rdo rje'i dkyil 'khor zhes bya ba'i ting nge 'dzin gyi 'brug gi sgra dbyangs sgrog go// sems can la la la ni ri rab rgyal mtshan zhes bya ba'i ting nge 'dzin gyi 'brug gi sgra dbyangs sgrog go/ / sems can la la la ni gang can rgya mtsho zhes bya ba'i ting nge 'dzin gyi 'brug gi sgra dbyangs sgrog go// sems can la la la ni khi sgron ma zhes bya ba'i ting nge

  285. 143b

    'dzin gyi 'brug gi sgra dbyangs sgrog go/ / sems can la la la ni 'gro ba thams cad yongs su tshim par byed pa zhes bya ba'i ting nge 'dzin gyi 'brug gi sgra dbyangs sgrog go// sems can la la la ni mdzod ma zad pa zhes bya ba'i ting nge 'dzin gyi 'brug gi sgra dbyangs sgrog go/ / sems can la la la ni mi 'khrugs pa'i thos pa yongs su 'dzin pa zhes bya ba'i ting nge 'dzin gyi sgra dbyangs sgrog go// kye rgyal ba'i sras de ltar de dag la sogs pa/ de bzhin gshegs pa'i chos kyi sku'i sprin las/ de dag la sogs pa'i ting nge 'dzin rnam pa tha dad pa'i sgo'i 'brug chen po'i sgra dbyangs chos mnyan pa'i sngon gyi lngas 'gro ba thams cad shin tu tshim par byed pa rab tu sgrog go/ / kye rgyal ba'i sras de bzhin gshegs pa'i chos kyi sku'i sprin rnam pa de lta bu byung ba dang / 'od zer gyi glog gi 'phreng ba bkye ste/ ting nge 'dzin gyi 'brug sgras 'gro ba thams cad tshim par byed pa shin tu bsgrags pa'i tshe/ de bzhin gshegs pa'i chos kyi sku'i sprin sngon byams pa chen po dang / thugs rje chen po sgribs pa med pas mngon par bsgrubs pa las/ ye shes chen po'i dkyil 'khor gyi rlung 'byung ba yod de/ de ni thog mar sems can thams cad dang / byang chub sems dpa' thams cad kyi sems dang lus tshim par byed do// de'i 'og tu chos kyi sprin gyi char chen po 'bebs so/ / kye rgyal ba'i sras chos kyi sku'i sprin chen pos bsam gyis mi khyab pa thugs rje chen po las byung ba bsdus shing / sems can lus dang

  286. 144a

    sems sim par gyur pa rnams la de bzhin gshegs pa'i chos kyi char chen po bsam gyis mi khyab pa 'bebs te/ 'di ltar byang chub sems dpa' snying po byang chub kyi mchog tu phyin pa rnams la chos kyi dbyings tha mi dad pa zhes bya ba'i chos kyi sprin chen po'i chos kyi char rab tu 'bebs so/ / byang chub sems dpa' srid pa tha ma pa rnams la de bzhin gshegs pa'i gsang ba byang chub sems dpa'i thabs kyis rnam par rol pa zhes bya ba'i chos kyi sprin chen po'i char rab tu 'bebs so/ / byang chub sems dpa' dbang bskur ba thob pa rnams la de bzhin gshegs pa'i rgyan gyis rnam par krubs pa zhes bya ba'i chos kyi sprin chen po'i char rab tu 'bebs so/ / byang chub sems dpa' tshe gcig gis thogs pa rnams la kun nas snang ba yongs su sbyong ba zhes bya ba'i chos kyi sprin chen po'i char rab tu 'bebs so/ / byang chub sems dpa' bzod pa thob pa rnams la yon tan rin po che ye shes kyi me tog shin tu rgyas pas/ byang chub sems dpa'i spyod pa rgyun mi 'chad pa zhes bya ba'i chos kyi sprin chen po'i/ char rab tu 'bebs so// byang chub sems dpa'i spyod pa la zhugs pa'i rnams la sprul pas mngon par 'jug pa'i spyod pa rgyun mi 'chad cing yongs su skyo ba med ces bya ba'i chos kyi sprin chen po'i char rab tu 'bebs so/ / byang chub sems dpa' sems dang po bskyed pa rnams la de bzhin gshegs pa'i spyod pa'i rjes su bsnyegs shing byams pa chen po dang / snying rje chen pos 'gro ba thams cad yongs

  287. 144b

    su skyob pa zhes bya ba'i chos kyi sprin chen po'i char rab tu 'bebs so/ / sems can rang sangs rgyas kyi theg pa la mos pa'i rnams la rten cing 'brel par 'byung ba'i tshul khong du chud pas mtha' gnyis kyi// lta ba dang bral zhing rnam par grol ba'i 'bras bu chud mi za ba zhes bya ba'i chos kyi sprin chen po'i char rab tu 'bebs so// sems can nyan thos kyi theg pa la mos pa'i rnams la nyon mongs pa'i dgra thams cad 'jom pa zhes bya ba'i shes rab kyi ral gri'i chos kyi sprin chen po'i char rab tu 'bebs so/ / sems can dge ba'i rtsa ba shin tu bsags shing theg pa la nges par gyur pa rnams la dga' ba dang spob rab tu skyed pa zhes bya ba'i chos kyi sgo sna tshogs mngon par bsgrubs pa'i char rab tu 'bebs te/ kye rgyal ba'i sras de ltar de bzhin gshegs pa ni chos kyi sgo bcu po de dag la sogs pa tshad med pa'i chos kyi sprin chen po'i char sems can ma lus pa thams cad kyi mos pa ji lta ba bzhin du chos kyi dbyings thams cad rgyas par bkang ste/ rab tu 'bebs pa mdzad do// kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams la chos kyi ser sna gang yang mi mangs kyang / sems can rnam pa ji lta bu smin pa'i tshul dang / bsam pa dang / dbang po dang / mos pa dang / brtson 'grus rnam pa tha dad pas/ de bzhin gshegs pa'i chos kyi char chen po rnam pa tha dad par snang bar gyur to// kye rgyal ba'i sras khong du chud par bya ba'i sgo bcu pa 'dis kyang byang chub

  288. 145a

    sems dpa' sem dpa' chen pos/ de bzhin gshegs pa dgra bcom pa yang dag par rdzog pa'i sangs rgyas rnams kyi gsung brjod pa khong du chud par bya'o// kye rgyal ba'i sras de bzhin gshegs pa'i gsung de ni tshad med pa shin tu bstan pa bcus khong du chud par bya ste/ bcu gang zhe na/ 'di ltar thams cad rjes su song ba'i phyir/ nam mkha'i dbyings ltar tshad med par khong du chud par bya'o/ / ma lus pa'i mthar thug pas chos kyi dbyings ltar tshad med par khong du chud par bya'o// sems can thams cad kyi sems rab tu sim par byed pas/ sems can gyi khams ltar tshad med par khong du chud par bya'o/ / rnam par ston pas las ltar tshad med par khong du chud par bya'o// shin tu zhi bar byed pas nyon mongs pa ltar tshad med par khong du chud par bya'o// sems can rnams kyi mos pa ji lta ba bzhin du khong du chud par byed pas sgra dbyangs rnam pa tha dad pa ltar tshad med par khong du chud bar bya'o// rnam par grol ba shin tu rtogs pas mos pa tshad med pa ltar khong du chud par bya'o/ / mtha' dang dbus med cing sa mtshams med pas dus gsum ltar tshad med par khong du chud par bya'o// chos thams cad rnam par 'byed pas ye shes ltar tshad med par khong du chud par bya'o// de bzhin gshegs pa'i chos kyi dbyings kyi rjes su song bas sangs rgyas kyi yul phyir mi ldog pa ltar tshad med par khong du chud par bya ste/ kye rgyal ba'i sras de ltar de dag la sogs pa mngon par bsgrubs pa

  289. 145b

    tha dad pa shin tu bstan pa brgya stong mang pos/ byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi gsung brjod pa khong du chud par bya'o/ / de nas byang chub sems dpa' sems dpa' chen po kun tu bzang pos don 'di nyid yang brtag pa'i phyir/ tshigs su bcad pa 'di dag smras so// 'jig rten 'jig par 'gyur tshe/ gzhal med sgra dbyangs bzhi// sems can dge ba'i 'bras bus par snang mkha' las 'byung // bsam gtan bzhi ni zhi bsngal bsngal med pa yod// de skad sgra thos 'dod pa'i khams rnams rnam par spong de bzhin stobs bcu mnga' gsung dam pa tshad med pa/ / sems can don du chos dbyings rnam par bkang zhing 'byung // des ni srid pa'i mtsho las dga' zhing rgal bar 'gyur// bde gshegs gsung de sku la med de thugs la min/ / ri dang brag dang lung sul gnas pa'i sgra brnyan ni// mi yi sgra bzhin sgra brnyan thams cad rab tu brjod// gzhan gyi sgra phyung rnam par dmigs pas sgra de 'byung // de la sgra rtog rnam pa kun tu yod pa min/ / stobs bcu mnga' ba'i gsung dbyangs chos nyid rnam mi rtog/ gzhan gyi spyod dang dbang po yongs su smin pa 'byung // sems can mang po 'dul zhing bsam pa dga' bar mdzad stobs bcu mnga' ba rnams la rlom sems skyod mi mnga'/ / ji ltar rnga chen chos la skul ba'i sgra ldan pa// gang tshe lha rnams 'dod la zhen cing bag med pa// de tshe mkha' dang dbyings las chos kyi sgras stor te// sgrang thos

  290. 146a

    shing lha rnams bag yod spyod par 'gyur/ / de bzhin stobs bcu mnga' ba'i chos sgra ldan pa'i rnga// phyogs bcu kun tu sems can yang dag rab tu skul// rgyal ba'i gsung ni skye med 'gag pa mi dmigs so/ / de yi sgra thos sems can byang chub thob par 'gyur// lha yi dbang po dbang sgyur lha rdzas rtse ba'i tshe// lha mo'i kha dbugs gcig kyang yan lag mang ldan pas/ kha dbugs sgra dbyangs gcig las sna tshogs sgra mang 'byung / / sgra dbyang brgya stong mang po 'byung yang de la rnam rtog med// de bzhin stobs bcu mnga' ba'i gsung gcig bsgrags pa las// sems can snyed kyi gsung gi yan lag dus gcig 'byung / / sems can ji bzhin ji ltar mos par gsung nyan cing // thos nas nyon mongs spong byed sgra la rtog pa med// ji ltar tshangs pa tshangs pa'i stan las ma g.yos par sgra dbyangs gcig brjod tshangs pa bsam yas dga' bar byed/ / 'on kyang tshangs pa'i dbyangs de 'khor gyi phyir mi 'byung // 'khor rnams ji snyed thams cad khong du chud par byed// stobs bcu legs mnga' tshangs pa sangs rgyas gdan bzhugs shing / / gsung gcig chos dbyings ma lus bkang ste rab tu sgrog/ 'khor las mi 'da' sangs rgyas ser sna mnga' ba min// sems can dang dang bral bas rgyal ba'i gsung mi thos/ / ji ltar chu rgyun thams cad rang bzhin gcig pa ste// ro mthun mi rtog dag cing yan lag brgyad dang ldan// sa steng snod kyi khyad par gzhan dang gzhan gyur pas// rkyen dang phrad gyur chu yi rnam pa

  291. 146b

    tha dad 'gyur/ / de bzhin rgyal sras thams cad mkhyen gsung thams cad kyang // ro mthun mi rtog sangs rgyas byang chub rang bzhin yin// sems can spyod pa'i khyad kyis rnam pa tha dad 'gyur/ sems can bde gshegs gsung la gzhan dang gzhan du nyan/ / ma dros klu ni 'dzam bu'i gling chen kun bkang zhing // sa gzhi ngoms par bya phyir char pa'i rgyun kyang gtong // lo tog na gra tshal chu klung rim gyis skye bar byed// 'on kyang chu rgyun lus las ma byung sems las min// bcom ldan 'das kyang de bzhin chos kyi dbyings bkang zhing // sems can ngoms par bya phyir chos kyi char chen 'bebs// dge ba brgya 'phel sems can nyon mongs zhi bar mdzad/ / rgyal ba'i gsung ni phyi nang gang yang yod pa min// lag gis 'gro yi bdag po yid du 'ong ba ni// nyin zhag bdun du mkha' dbyings 'di la sprin srung de// dgos pa ma grub bar duH gyi rgyun mi 'bebs/ / phan pa'i don du char rgyun phra mo phyis 'bebs so// stobs bcu 'gro ba'i don du chos dbyings rgyas mdzad cing // sems can yongs su smin phyir don dam mi gsung ste// nam zhig snod du gyur tshe zab mo'i chos kyang gsung / / thos nas mi snang sangs rgyas ye shes 'jug par 'gyur// ji ltar rgya mtsho'i klu yi rgyal po rgyan chen ni// sprin gyi rgyan bcu bsdus shing char chen rab tu 'bebs// 'on tam sprin rgyan brgya bsdus brgya stong rgyan bsdus shing // ro gcig char las rnam pa sna tshogs mang po 'bebs// sangs rgyas tha dad yang dag mkhyen gyi mthar phyin pa'i rang byung sgo bcu 'on tam nyi

  292. 147a

    brgya gsung ste/ / gal te yang na brgya stong tshad med mang po gsung // 'on kyang chos dbyings rnam par 'byed par mdzad pa med// lag 'gro kun gyi gtso bo klu dbang gang chen mtsho/ gling bzhi 'di dag sprin gyi dra bas kun tu 'gengs// gnas rnams kun tu char pa rnam pa sna tshogs 'bebs// gang chen mtsho bdag de la gnyis su bya ba med// sangs rgyas 'gro kun gtso bo chos rgyal dam pa yang / / thugs rje chen po'i stobs kyis sku sprin rgyas brdal cing // byang chub lam du zhugs la chos rab char 'bebs te// mi rtog 'jig rten kun la gzhan dang gzhan yang gsung // / bam po bdun cu gsum pa// / de skad ces smras pa dang byang chub sems dpa' sems dpa' chen po de bzhin gshegs pa'i rigs su byung ba'i dpal gyis// byang chub sems dpa' sems dpa' chen po kun tu bzang po la 'di skad ces smras so/ / kye rgyal ba'i sras byang chub sems dpa' sems dpa' chen pos ji lta bur de bzhin gshegs pa dgra bcom pa yang dag par rdzogs ba'i sangs rgyas rnams kyi thugs skye ba khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos// byang chub sems dpa' sems dpa' chen po de bzhin/ gshegs pa'i rigs su byung ba'i dpal la 'di skad ces smras so// kye rgyal ba'i sras de bzhin gshegs pa rnams ni sems kyis rnam par dgod pa ma yin/ yid kyis rnam par dgod pa ma yin//

  293. 147b

    rnam par shes pas rnam par dgod pa ma yin/ kye rgyal ba'i sras de bzhin gshegs pa'i thugs skye ba ni de bzhin gshegs pa'i ye shes tshad med pas khong du chud par bya'o// kye rgyal ba'i sras 'di lta ste/ dper na nam mkha' la brten cing bya ba thams cad rnam par dgod par 'gyur te/ nam mkha' ni ma gnas pa'o// kye rgyal ba'i sras de bzhin gshegs pa'i ye shes la brten cing 'jig rten pa dang / 'jig rten las 'das pa'i shes pa thams cad rnam par dgod pa yin te/ de bzhin gshegs pa'i ye shes ni mi gnas pa'o// kye rgyal ba'i sras khong du chud par bya ba'i sgo dang po 'dis/ byang chub sems dpa' sems dpa' chen pos de bzhin gshegs pa rnams kyi thugs skye ba khong du chud par bya'o/ / kye rgyal ba'i sras gzhan yang 'di lta ste/ dper na chos kyi dbying su ni nyan thos thams cad kyang rnam par grol bar 'gyur ro/ / rang sangs rgyas thams cad kyang rnam par grol te/ byang chub sems dpa' thams cad kyang yang dag par 'byung mod kyi// chos kyi dbying la 'phel zhing 'grib pa yang do// kye rgyal ba'i sras de bzhin gshegs pa'i ye shes la brten cing 'jig rten pa dang / 'jig rten las 'das pa'i shes pa bgrang pa thams cad kyang rnam par dgod cing / las dang bzo'i gnas thams cad rnam par dgod kyang / de bzhin gshegs pa'i ye shes la 'phel zhing 'grib pa med do// kye rgyal ba'i sras khong du chud par bya ba'i sgo gnyis pa 'dis kyang / byang chub sems dpa' sems dpa' chen pos de bzhin gshegs pa

  294. 148a

    dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ / kye rgyal ba'i sras gzhan yang 'di lta ste/ dper na gling chen po bzhi dang / gling phran bye ba brgya phrag brgyad cu dag ni rgya mtsho chen pos mngon par spangs pa'i phyir/ gang dang gang du sa'i khams gshongs pa de dang de nas rgyu 'byung ste/ mtsho chen po la rnam par rtog pa med do rgyal ba'i sras de bzhin du sems can thams cad kyi sems dang bsam pa'ang de bzhin gshegs pa'i ye shes kyis mngon par brlan pas de dag dmigs pa gang dang gang la rnam par dpyod cing / chos kyi sgo gang dang gang la brtson par byed pa de dang de nas ye shes kyi snang ba 'byung ste/ de bzhin gshegs pa'i ye shes rgya mtsho chen po de ni snyoms shing rnam par mi rtog la rim par 'byed pa mi mdzad kyang bsam pa dang sbyor ba'i khyad par gyis/ de bzhin gshegs pa'i ye shes snang ba'i khyad par du 'gyur ba'ang yod do// kye rgyal ba'i sras khong du chud par bya ba'i sgo gsum pa 'dis kyang / byang chub sem dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ / kye rgyal ba'i sras gzhan yang 'di lnga ste/ dper na rgya mtsho chen po'i nang na nor bu rin po che chen po yon tan tshad med pa phun sum tshogs pa bzhi yod do/ nor bu rin po che de dag go gzi brjid dang / mthus rgya mtsho chen por rin po che bas cad 'byung

  295. 148b

    ste/ kye rgyal ba'i sras gal te rgya mtsho chen po'i nang na nor bu rin po che de bzhi med du zin na ni/ rgya mtsho chen po'i nang na nor bu rin po che gcig kyang yod par mi 'gyur ro// bzhi po de dag kyang gang zhe na/ 'di lta ste/ rin po che thams cad yang dag par bsdud pa zhes bya ba'i nor bu rin po che chen po dang / mi zad pa'i mdzod ces bya ba'i nor bu rin po che chen po dang / snying blas med pa zhes bya ba'i nor bu rin po che chen po dang / rgyan thams cad yang dag par sdud pa zhes bya ba'i nor bu rin po che chen po ste/ nor bu rin po che tshad med pa'i yon tan phun sum tshogs pa dang ldan pa de bani yod do// kye rgyal ba'i sras nor bu rin po che chen po bzhi po de dag ni bsod nams ngan ngon dang ldan pa'i lha ma yin nam/ nam mkha' lding ngam/ klu 'am/ de ma yin pa'i sems can chu la gnas pa'i mig gis mthong bar mi 'gyur ro// de ci'i phyir zhe na/ nor bu rin po che chen po de bzhi ni/ klu'i rgyal po gang chen mtsho'i mdzod na 'khod pa'i phyir ro// kye rgyal ba'i sras rin po che chen po de dag ni gru bzhir 'dug pa ste/ klu'i rgyal po gang chen mtsho'i gnas kyi phyogs bzhir bkod pa dag go// kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes rgya mtsho chen po'i nang na/ ye shes kyi rin po che chen po bsod nams dang / ye shes dang / yon tan phun sum tshogs pa bzhi yod de/ ye shes rin po che chen po de dag gi gzi brjid dang mthus de bzhin gshegs pa'i ye shes rgya mtsho chen po'i nang nas/ slob pa dang mi slob pa thams

  296. 149a

    cad dang / rang sangs rgyas thams cad dang / byang chub sems dpa' thams cad kyi ye shes rin po che 'byung ste/ kye rgyal ba'i grag pal de bzhin ga shegs pa'i ye shes rgyas na/ bopo'i nang na ye shes rin po che chen po de bzhi med du zin na ni/ de bzhin gshegs pa'i ye shes rgya mtsho chen po'i nang na/ chung ngun byang chub sems dpa' gcig gi ye shes rin po che'ang 'byung bar mi 'gyur ro// bzhi po de dag kyang gang zhe na/ 'di lta ste/ thabs mkhas pa chags pa med pa'i ye shes rin po che chen po dang / 'dus byas dang 'dus pa byas su mnyam pa'i chos rab tu rtog pa'i ye shes rin po che chen po dang chos kyi dbyings tha mi dad kyang rnam pa tha dad du shin tu ston pa'i ye shes rin po che chen po dang / dus dang dus ma yin pa las mi 'da' zhing dus la phebs par byed pa'i ye shes rin po che chen po ste/ de bzhin gshegs pa'i ye shes rin po che chen po de bzhi yod do/ / kye rgyal ba'i sras ye shes rin po che chen po bzhi po de dag ni/ sems can bsod nams ngan ngon dang ldan pa rnams kyi mig gis mthong bar mi 'gyur te/ de ci'i phyir zhe na/ ye shes rin po che chen po de bzhin/ de bzhin gshegs pa'i chos kyi mdzod na 'khod pa'i phyir te/ kye rgyal ba'i sras ye shes rin po che chen po de dag ni rnam pa kun tu bzang ba ste/ phyogs bzhir rnam par bkod cing byang chub sems dpa' nye bar 'tsho ba dang / byang chub sems dpa'i ye shes snang bas 'thob pa dag ste/ phyogs bzhir byang chub sems dpa' yang dag par bsgrub pa'i phyir rnam par

  297. 149b

    bkod pa dag go/ kye rgyal ba'i sras khong du chud par bya ba'i sgo bzhi pa 'dis kyang / byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ / kye rgyal ba'i sras gzhan yang 'di lta ste/ dper na rgya mtsho de nyid kyi 'og na nor bu rin po che chen po drag shul gyi gzi brjid dang ldan pa mthu shin tu che ba bzhi yod de/ nor bu rin po che chen po de dag gi gzi brjid dang mthus rgya mtsho chen por blugs pa'i chu'i phung po thams cad yongs su 'grib par 'gyur te/ de yod pas rgya mtsho chen po'ang 'phel ba dang 'grib par mi 'gyur ro/ / nor bu rin po che chen po de bzhi ni rgya mtsho chen po'i 'og gi mtshams na gnas pa ste/ bzhi gang zhe na/ 'di lta ste/ nyi ma'i snying po zhes bya ba'i nor bu rin po che dang / rlan med pa zhes bya ba'i nor bu rin po che dang / me'i 'od ces bya ba'i nor bu rin po che dang / ma lus pa'i mthar thug pa zhes bya ba'i nor bu rin po che dag ste/ nor bu rin po che chen po de bzhi yod do// kye rgyal ba'i sras gal te rgya mtsho chen po la nor bu rin po che chen po de bzhi med du zin na ni/ gling chen po bzhi pa'i 'jig rten gyi khams thams cad kyang gcig tu chus yongs su rgyas par 'gyur te/ khor yug dang khor yug chen po'i raM las kyang 'das shing / chu'i phung pos srid pa'i rtse mo man chad ngu'ang gang bar 'gyur ro// kye rgyal ba'i sras rgya mtsho chen por 'jus pa'i chu'i phung po de dag kyang nor bu rin po che nyi ma'i snying po'i 'or

  298. 150a

    kyis phog na/ chu'i rang bzhin spangs nas 'o ma dang zhor gyur te 'dug go/ nor bu rin po che chen po rlan med pa'i 'od kyis phog na/ 'o ma dang zho'i rang bzhin spang nas mar gyi snying khu lha bur 'gyur ro/ / me'i 'od kyi nor bu rin po che chen po'i 'od kyis pho ga na/ mar gyi snying khu lta bu'i rang bzhin spangs te me lta bur 'bar bar 'gyur ro// nor bu rin po che chen po ma lus pa'i mthar thug pa'i 'od kyis phog na/ thams cad lhag ma med cing ma lus pa mi snang bar 'gyur ro// kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes kyi rgya mtsho chen po la ye shes rin po che chen po mthu dang 'od shin tu che ba bzhi yod de/ ye shes rin po che chen po bzhi'i mthu dang 'od kyis ma phog na/ byang chub sems dpa'i smon lam gyi bsam pas byung ba'i bsod nams kyi chu'i phung po yongs su 'grib par 'gyur te/ de dag yod pas de bzhin gshegs pa'i ye shes kyi rgya mtsho chen po gang ba dang 'grib par mi mngon no// bzhi po de dag kyang gang zhe na 'di// lha ste/ dra ba'i rlabs thams cad zhi bar byed pa'i ye shes rin po che chen po dang / chos kyi rjes su 'brang zhing sred pa yongs su dag par byed pa'i ye shes rin po che chen po dang / shes rab kyi 'od chen bos shin tu snang ba'i ye shes rin po che chen po dang / mun pa med cing snang ba med pa de bzhin gshegs pa'i mnyam pa nyid kyi ye shes rin po che chen po ste/ de bzhin gshegs pa'i ye shes rin po

  299. 150b

    mthu dang gzi brjid shin tu che ba 'di bzhi yod do/ / kye rgyal ba'i sras de bzhin gshegs pa'i ye shes rin po che chen po 'di bzhi'i gzi brjid dang mthus byang chub sems dpa' thams cad kyang de bzhin gshegs pa'i ye shes mnyam pa nyid 'thob par 'gyur ro/ / kye rgyal ba'i sras de ltar de bzhin gshegs pa'i ye shes kyi rgya mtsho chen po de la byang chub sems dpa'i bsod nams dang / byang chub kyi cho chen po bsags pa rnams kyi dge ba'i rtsa ba'i dba' rlabs kyi shugs drag po lha dang / mi dang / lha ma yin gyi 'jig rten du bcas pas mi zlog shing bsam gyis mi khyab pa ldang ste/ byang chub sems d pa' byang chub sems dpa'i dge ba'i rtsa ba'i dba' rlabs kyi shugs bsam gyis mi khyab pa de dag la de bzhin gsheg pa'i ye shes rin po che chen po dpa' rlabs thams cad zhi bar byed pa'i 'od kyis phog na/ dge ba'i rtsa ba'i dba' rlabs kyi shugs drag po spangs nas ting nge 'dzin la rtse gcig tu gnas par 'gyur ro// chos kyi rjes su 'brang zhing sred pa zad par byed pa'i ye shes rin po che chen po'i 'od kyis bog na/ ting nge 'dzin gyi ro dang gnas rnam par spangs te/ mngon par shes pa rgya chen po mngon par bsgrub pa'i tshul la gnas par 'gyur ro// shes rab kyi 'od chen pos shin tu snang ba'i ye shes rin po che chen po'i 'od kyis phog na/ mngon par shes pa rgya chen po mngon par bsgrub pa'i tshul rnam par spangs te// rig pa'i snang ba chen po mngon par bsgrub pa'i tshul la gnas par 'gyur ro// mun pa meng cing snang ba med

  300. 151a

    pa de bzhin gshegs pa'i mnyam pa nyid kyi ye shes rin po che chen po'i 'od kyis phog na/ rig pa'i snang ba chen po mngon par bsgrub pa'i tshul rnam par spangs te/ de bzhin gshegs pa'is mnyam pa nyid ched du bya ba yongs su zhi ba 'phrin las lhun gyis grub par 'byung ba rab tu thob bo/ / kye rgyal ba'i sras ye shes rin po che chen po 'di bzhi'i 'od snang bas phog pa'i byang chub sem dpa' rnams ni de bzhin gshegs pa'i mnyam pa nyid bzhi po de dag 'thob par 'gyur ro/ / kye rgyal ba'i sras gal te de bzhin gshegs pa'i ye shes kyi rgya mtsho chen po'i nang na/ ye shes rin po che chen po 'di bzhi med du zin na/ chung ngu na byang chub sems dpa' gcig gis kyang de bzhin gshegs pa'i sa mnyam pa nyid 'thob par 'gyur ba'i gnas med skabs med de/ de ni gnas ma yin no// kye rgyal ba'i sras khong du chud par bya ba'i sgo lnga pa 'dis kyang / de bzhin gshegs pa dgra bcom pa yang drag par rdzogs pa'i sangs rgyas rnam kyi thugs skye ba khong du chud par bya'o// kye rgyal ba'i sras gzhan yang 'di lta ste/ dper na 'og gi chu'i phung po nye bar gzung ba yan chad/ 'du shes med 'du shes med min gyi skye mched kyi srid pa'i rtse mo'i bar gyi stong gsum gyi stong chen po'i 'jig rten gyi khams thams cad nam mkha' la gan+da pa ste/ gzugs med pa la spyod pa'i sems can gyi gnas dang / gzugs la spyod pa'i sems can gyi gnas dang / 'dod pa la spyod pa'i sems can gyi gnas ji snyed pa de dag thams cad nam mkha' la gnas shing

  301. 151b

    nam mkha'i dbyings las byung ba'o/ / de ci'i phyir zhe na/ nam mkha'i dbyings kyis thams cad du khyab pa'i phyir te/ nam mkha' la gnod pa 'am/ mi bde bar 'gyur ba med kyang / khams gsum du 'grub pa'i grangs su'ang 'gro'o/ / kye rgyal ba'i sras de bzhin du phyogs bcu'i 'jig rten gyi khams grangs med pa ma lus pa dag na nyan thos kyi ye shes sam/ rang sangs rgyas kyi ye shes sam byang chub sems dpa'i ye shes sam/ 'dus byas la spyod pa'i ye shes sam/ 'dus ma byas spyod pa'i ye shes gang ji snyed pa de dag thams cad de bzhin gshegs pa'i ye shes kyi nam mkha' gnas shing / de bzhin gsheg pa'i ye shes kyi nam mkha' las byung ba'o/ / de ci'i phyir zhe na/ de bzhin gshegs pa'i ye shes kyi nam mkha'i dbyings kyis kun tu khyab pa'i phyir te/ de bzhin gshegs pa'i ye shes la gnod pa 'am/ mi bde bar 'gyur ba med kyang / ye shes yang dag par 'grub pa'i rnam pa tha dad par 'gyur ba'ang yod do// kye rgyal ba'i sras khong du chud par bya ba'i sgo drug pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khyong du chud par bya'o/ / kye rgyal ba'i sras gzhan yang 'di lta ste/ dper na ri rgyal po kha ba dang ldan pa'i rtse mo la sman gyi rgyal po rtsa bas thugs pa zhes bya ba yod de/ don sa chen po'i 'og rdo rje'i dbyings kyi chu'i phung po'i gzhi'i gtan nas dpag tshad bcu stong phrag drug cu cu brgyad mngon

  302. 152a

    par brtol te/ gyen du byung bas rtsa ba shin tu brtan pa'o// sman gyi rgyal po chen po de'i rtsa ba'i 'od las 'dzam bu'i gling na yod pa'i shing thams cad kyi rtsa ba chags par 'gyur te/ snong 'od kyis sdong po chags par 'gyur ro/ / yal ga'i 'od kyis yal ga chags par 'gyur ro// lo ma'i 'od kyis lo ma chags par 'gyur ro// me tog gi 'od kyis me tog chags par 'gyur ro// 'bras bu'i 'od kyis 'bras bu chags par 'gyur ro/ / sman gyi rgyal po chen po de'i rtsa ba las snying po 'grub bo// snying po las rtsa ba 'grub bo// de'i phyir na rtsa ba ma grugs pa zhes bya ste/ sman gyi rgyal po de ni gnas rnam pa gnyis su mi skye ste/ gnyis gang zhe na/ 'di lta ste/ sems can dmyal ba'i nang dang / chu'i phung po las mi skye'o// de gnyis las mi skye zhes yongs su mi skye ba'i chos can yang ma yin te/ 'di ltar sa'i dkyil 'khor ji tsam du mnyam zhing skabs yod pa de tsam du sman gyi rgyal po chen po skye ba'i skabs yod do/ / kye rgyal ba'i sras de bzhin du/ de bzhin gshegs pa'i ye shes sman gyi rgyal po chen po rtsa ba ma grugs pa'ang sngon gyi lhag pa'i dgongs pa dang / thugs rje chen pos rtsa ba brtan par byung zhing / rtsa ba gnas pa med pa de bzhin gshegs pa thams cad kyi rigs su byung ba/ dus gsum gyi dge ba'i rtsa ba thams cad kyis ye shes kyi shing yang dag par grub pa/ 'jig rten gyi khams ma lus paM thams cad du dge ba'i rtsa bas kun tu khyab pa/ ngan song thams cad rnam par zlog pa/ dge ba'i rtsa ba rnam par byung bas 'gra mkhas pa brtan zhings

  303. 152b

    la mi g.yo ba'i sdong po can/ pha rol tu phyin pas chos kyi dbyings rgyas par 'gengs pa'i yal ga can/ bsam gtan dang / rnam par thar pa dang / ting nge 'dzin dang / snyoms par 'jug pa'i lo ma kun tu 'gebs pa can/ gzungs dang / spobs pa dang / byang chub kyi yan lag gi me tog shin tu rgyas pa/ thams cad mkhyen pa'i rnam par grol ba rtog pa dang bral ba'i 'bras bu can te/ kye rgyal ba'i sras de bzhin gshegs pa'i ye shes sman gyi rgyal po chen po rtsa ba ma grugs pa zhes bya ba de la/ ci'i phyir rtsa ba ma grugs pa zhes bya zhe na/ shin tu rgyun chad pa med pa dang / byang chub sems dpa'i spyod pa'i dkyil 'khor rgyun mi 'chad cing / byang chub sems dpa'i spyod pa las kyang de bzhin gshegs pa nyid du 'gyur la/ de bzhin gshegs pa nyid las kyang byang chub sems dpa'i spyod pa 'byung bas/ de'i phyir rtsa ba ma grugs pa zhes bya'o// kye rgyal ba'i sras de bzhin gshegs pa'i ye shes sman gyi rgyal po chen po rtsa ba ma grugs pa de'i rtsa ba'i 'od las/ byang chub sems dpa' thams cad 'gro ba thams cad yongs su mi gtong ba'i snying rje chen po'i rtsa ba 'dzin to/ / sdong po'i 'od las brtson 'grus dang / lhag pa'i bsam pa dang / thabs mkhas pa'i sdong po 'dzin no// yal ga'i 'od las pha rol tu phyin pa'i lal ga 'dzin to// lo sa'i 'od byas tshul khrims dang bslab pa dang / sbyangs pa'i yon tan dang / sdom pa thams cad kyi lom 'dzin to// me tog gi 'od las mtshan dang dpe byad bzang po dge ba'i rtsa ba sna tshogs kyis grub pa'i me tog 'dzin to/ bras bu'ijod

  304. 153a

    las ma skyes ma byung ba'i bzod pa nas/ sangs rgyas su dbang bskur ba'i sa'i bar gyi 'bras bu 'dzin to// kye rgyal ba'i sras de bzhin gshegs pa'i ye shes sman gyi rgyal po chen po rtsa bam grugs pa de ni gnas gnyis nas mi skye ste/ gnyis gang zhe na/ 'di lta ste/ 'dus ma byas kyi g.yang du lhung ba nyan thos dang / rang sangs rgyas rnams dang / dbang po dang bsam pa nyams pa'i snod lta bu dang / sred pa'i chus gang ba las mi skye ste/ kye rgyal ba'i sras de bzhin gshegs pa'i ye shes sman gyi rgyal po chen po de mi skye ba'i chos can la mi skye zhes yongs su mi skye ba'i chos can yang ma yin te/ byang chub sems dpa' lhag pa'i bsam pa chen po can/ mnyam pa'i sems dang ldan pa rnams la skye ste/ ji tsam du sems can rnams kyi mos pa dang lhag pa'i bsam pa yod pa de tsam du de bzhin gshegs pa'i ye shes sman gyi rgyal po chen po de rnam par skye ba'i chos can du 'gyur ro/ / kye rgyal ba'i sras ltos dang / de bzhin gshegs pa'i ye shes la 'phel zhing 'grib pa med la rtsa ba grugs pa med kyang gtan du rgyun mi 'chad par snang ba yin te/ kye rgyal ba'i sras khong du chud par bya ba'i sgo bdun pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ / kye rgyal ba'i sras gzhan yang 'di lta ste/ dper na mes 'jig pa'i bskal pa byung ba'i tshe/ stong gsum gyi stong chen po'i 'jig rten gyi khams

  305. 153b

    mi 'dun shar cing / 'tshig pa dang / 'bar ba dang / rab tu 'bar ba dang / me'i phung po chen por gyur te/ gcig tu 'bar bar byur nas/ rtsa dang / gel ba dang / sman dang / nags tshal yan chad/ khor yug dang khor yug chen po'i bar du 'tshig cing thal ba'ang mi mngon par 'gyur ba de'i tshe/ mi la la zhig gis rtsa skam po drung brlan gyi bag med par khur chen po gcig cig bkur bkur te bcug sa kye rgyal ba'i sras de la snyam du sems/ rtswa khur gcig po de las chung ngu na/ rtswa'i zegs pa gcig kyang mchog pa yod dam/ smras pa/ kye rgyal ba'i sras ma yin te/ ma tshig pa yod par 'gyur ba ni gnas med skabs med do// smras pa/ kye rgyal ba'i sras me'i phung po chen po de'i nang gi rtswa'i pags ma 'ga' zhig ma tshig pa ni yod kyang srid kyi/ de bzhin gshegs pa'i ye shes kyis ni dus gsum na yod pa'i sems can bgrang ba dang / zhing bgrangs pa dang / bskal pa bgrangs pa dang / chos bgrangs pa gang yang thugs su ma chud pa rnyed par mi rung ste/ de ni gnas ma yin no// kye rgyal ba'i sras de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams kyis tha mi dad pa'i ye shes thugs su chud pa'i phyir ro/ / kye rgyal ba'i sras khong du chud par bya ba'i sgo brgyad pa 'dis kyang / byang chub sems dpa' sems dpa' chen pos de bzhin gshegs pa'i thugs skye ba khong du chud par bya'o/ / kye rgyal ba'i sras gzhan yang 'di lta ste/ dper na rlung gis 'jig pa'i bskal ba byung ba'i tshe/ rnam par 'thor ba zhes bya ba'i/

  306. 154a

    rlung dmar chen po 'byung ste/ de dag ni khor lug dang khor yu chen por rdo rjer len chad stong gsum gyi stong chen po na 'jig rten gyi khams thams cad pashig bcom rnam par gtor te/ cha shas kyang med par byed de/ de la phyir zlog pa zhes bya ba'i rlung dmar chen po gzhan ldang ba'ang yod de/ de dag ni stong gsum gyi stong chen po'i 'jig rten gyi khams kyi 'khor kun nas lhung ste/ rnam par 'thor ba'i rlung dmar chen po 'jig rten gyi khams gzhan du mi 'gro bar phyir zlog go/ / kye rgyal ba'i sras ci ste/ phyir zlog pa'i rlung dmar chen po de dag gis rnam par 'thor ba'i rlung dmar chen po de phyir ma bcil du zin na/ phyogs bcu'i 'jig rten gyi khams tshad med grangs med pa dag kyang bshig par 'gyur ro// bcom par 'gyur ro// gtor bar 'gyur ro// cha shas kyang mi gzhag par 'gyur ro// kye rgyal ba'i sras debazhin du de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes kyi rlung dmar chen po nyon mongs pa thams cad rnam par 'thor ba yod do/ / ye shes kyi rlung dmar chen po des de bzhin gshegs pa byang chub sems dpa' thams cad kyi nyon mongs pa'i bag chags rnam par 'thor zhing / rnam par 'jom pa mdzad de/ de la'ang de bzhin gshegs pa rnams kyi ye shes kyi rlung dmar chen po thabs mkhas pas yang dag par 'dzin pa zhes bya ba rab tu ldang ba yod do/ / nyon mongs pa'i bag chags rnam par 'thor ba'i ye shes kyi rlung dmar chen po de dag gis byang chub sems

  307. 154b

    dpa' dbang po yongs su ma smin pa rnams las phyir zlog go/ / kye rgyal ba'i sras de la ci ste/ de bzhin gshegs pa'i ye shes kyi rlung dmar chen po thabs mkhas pa'i dkyil 'khor de med du zin na de'i phyir byang chub sems dpa' tshad med grangs med pa zhig nyan thos dang rang sangs rgyas kyi sar ltung bar 'gyur ro/ / ye shes kyi rlung dmar chen po thabs mkhas pas yang dag par 'dzin pa de'i mthus byang chub sems dpa'i rnams nyan thos dang rang sangs rgyas kyi sa las 'das te/ rang byung ba'i de bzhin gshegs pa nyid la rab tu 'khod do// kye rgyal ba'i sras khong du chud par bya ba'i sgo dgu pa 'dis kyang byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ / kye rgyal ba'i sras gzhan yang de bzhin gshegs pa'i ye shes ni thams cad du khyab pa ste/ de ci'i phyir zhe na/ kye rgyal ba'i sras sems can gyi ris na/ de bzhin gshegs pa'i ye shes kyis thams cad du ma khyab pa de lta/ gang yang med de/ de'ang ci'i phyir zhe na/ de bzhin gshegs pa'i ye shes ni 'du shes su 'dzin pas rnam par dgod pa ma yin te/ thams cad mkhyen pa'i ye shes rang byung gi ye shes chags pa med pa'i ye shes ni 'du shes dang rnam par bral bas rab tu 'byung ngo / / kye rgyal ba'i sras 'di lta ste/ dper na ri mo'i gzhi chen po stong gsum gyi stong chen po'i 'jig rten gyi khams tsam zhig

  308. 155a

    yod par gyur la/ ri mo'i gzhi chen po de la stong gsum gyi stong chen po'i 'jig rten gyi khams ril gyis rdzogs par bris te/ 'di ltar khor yug chen po'i tshang du ni khor yug chen po bris sa chen po'i tshad du ni sa chen po bris/ stong gnyis pa'i 'jig rten gyi khams kyi tshad du ni/ stong gnyis pa'i 'jig rten gyi khams bris/ stong gi 'jig rten gyi khams kyi tshad du ni/ stong gi 'jig rten gyi khams bris gling bzhi pa'i 'jig rten gyi khams kyi tshad du ni/ gling bzhi pa'i 'jig rten gyi khams bris/ rgya mtsho chen po'i tshang du ni rgya mtsho chen po bris/ 'dzam bu'i gling gi tshad du ni 'dzam bu'i gling bris/ shar gyi lus 'phags kyi gling gi tshad du ni shar gyi lus 'phags kyi gling bris/ nub kyi ba glang spyod kyi gling gi tshad du ni nub kyi ba glang spyod kyi gling bris/ byang gi sgra mi snyan gyi gling gi tshang du ni byang gi sgra mi snyan gyi gling bris/ rab kyi tshad du ni ri rab bris/ sa bla na spyod pa'i lha'i gzhal med khang gi tshad du ni sa bla na spyod pa'i lha'i gzhal med khang rnams bris/ 'dod pa la spyod pa'i lha'i gzhal med khang gi tshang du ni/ 'dod pa spyod pa'i lha'i gzhal med khang rnams bris/ gzugs la spyod pa'i lha'i gzhal med khang gi tshad du ni/ gzugs la spyod pa'i lha'i gzhal med khang rnams bris/ gzugs med pa la spyod pa'i lha'i gzhal med khang gi tshad du ni/ gzugs med pa la spyod pa'i lha'i gzhal med khang rnams bris par gyur la/ ri mo'i gzhi chu zheng du stong gsum gyi stong chen po'i 'jig rten gyi khams tsam yod pa de/ rdul

  309. 155b

    shin tu phra ba gcig gi nang du bcug par gyur la/ rdul gcig la ji lta ba bzhin du rdul shin tu phra ba ma lus pa thams cad re re la'ang / de tsam gyi ri mo'i gzhi chen po re re yod par gyur te/ de nas skyes bu mkhas pa/ yid gzhungs pa/ khong bzo ba stsal ba/ de bzhin nyid khong du chud pa'i rtogs pa dang ldan pa zhig skyes par gyur te/ de la 'phrul gyi mig kun tu dag pa shin tu 'od gsal ba'ang bdog par gyur la/ des 'phrul gyi mig gis bltas na mthong bar gyur nas/ ri mo'i gzhi chen po de lta bu de ltar shin tu phra mo'i rdul de dag la 'khod kyang sems can su la'ang phan par ma gyur pas/ de 'di snyam du sems tekye ma bdag gis brtson 'grus kyi mthu dang stobs shig gis rdul phra mo 'di dag kha phye ste/ ri mo'i gzhi chen po 'di dag 'gro ba thams cad nye bar 'tsho bar bya'o snyam nas/ des brtson 'grus kyi stobs dang mthu chen po bskyed de/ ri mo'i gzhi chen po de dag 'gro ba thams cad kyi bsam pa ji lta ba bzhin du nye bar 'tsho bar byed pa zhig yod na/ kye rgyal ba'i sras de bzhin du de bzhin gshegs pa'i ye shes tshad med pa'i ye shes/ chags pa med pa'i ye shes/ sems can thams cad nye bar 'tsho ba'i ye shes kyang sems can thams cad kyi sems la ril gyis chung par gnas te/ sems can gyi sems de dag thams cad kyi de bzhin gshegs pa'i ye shes kyi tshad dang mnyam yang / de bzhin gshegs pa'i ye shes de ni byis pa 'du shes su 'dzin pas rnam par grags pa rnams mi shes shing khong du mi chung la/ mngon du mi byed#

  310. 156a

    su myong bar mi byed de/ de nas de bzhin gshegs pa'i ye shes chags pa med pas/ sems can gyi khams thams cad la rnam par gzigs nas ngo mtshar gyi thugs skye bar 'gyur te kye ma sems can 'di dag de ltar de bzhin gshegs pa'i ye shes yang dag par ji lta ba bzhin du'ang mi shes la/ de bzhin gshegs pa'i ye shes kyang khong na yod pa ngo mtshar ches/ bdag gis sem can 'di dag ci nas kyang rang rang gi 'du shes kyi mdun pa chen po 'phags pa'i lam gyi stobs dang shugs kyis bkrol te/ de bzhin gshegs pa'i ye shes khong du chud cing / de bzhin gshegs pa'i mnyam pa nyid kyang thob par 'gyur ba'o 'phags pa'i lam bstan te/ 'du shes kyi rnam pa sa rnam par glags pa thams cad bsal bar bya'o zhes nas/ de bzhin gshegs pa'i lam bstan pas de dag gi 'du shes kyi rnam pa thams cad yongs su bsal ba mdzad do/ / de ltar 'du shes kyi rnam pa thams cad yongs su sel ba'i phyir/ de bzhin gshegs pa'i ye shes tshad med pas 'gro ba thams cad yongs su 'tsho'o/ / kye rgyal ba'i sras khong du chud par bya ba'i sgo bcu pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya ste/ kye rgyal ba'i sras de dag la sogs pa mngon par bsgrub pa brgya stong tshad med grangs med pa'i sgos/ byang chub sems dpa' sems dpa' chen pos de bzhin

  311. 156b

    gshegs pa'i thugs skye ba khong du chud par bya'o/ / de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ de'i tshe tshogs su bcad pa 'di dag smras so/ / stobs bcu mnga' ba'i thugs ni ye shes mchog las byung // rgyal ba'i ye shes de yang ji ltar brtag ce na// phyogs bcu kun gyi sems can khams ni ji snyed pa// thams cad lus med rang bzhin med pa'i mkha' las 'byung / / chos dbyings kun gyi sems can khams rnams ji snyed pa// bzo dang mkhas pa'i ye shes sna tshogs bde myong ba// de dag thams cad bde gshegs mkhyen las thabs kyis 'byung / / bde gshegs ye shes de ni sngon nas rang bzhin med// chos kyi dbyings las gnas te dbang can tshogs rnams grol// phyogs bcu'i rang rgyal theg la gnas pa kun kyang ste// sangs rgyas ma lus pa yang chos kyi dbyings su 'byung / / chos dbyings de la rnam par 'phel zhing 'grib pa med// de bzhin sangs rgyas mkhyen la shes pa kun 'byung ste// slob dang mi slob 'dus byas 'dus ma byas pa 'byung / / bde gshegs dam pa'i ye shes 'phel zhing 'grib med de// sangs rgyas ye shes de la skye zhing 'jig pa'ang med// ji ltar gling rnams chu yi rgyal pos mngon brlan pas// sa stengs gang 'dod brkos par nges par chu 'byung 'thob/ sa la rnam rtog med de chu la mu med pas// brtson 'grus stobs dang ldan na phyogs kun chu yang 'byung // phyogs bcu ma lus sems can khams rnams ji snyed pa//

  312. 157a

    dag sems ni bde gshegs mkhyen pas mngon brlan pas/ gang dang gang du las byas brtson 'grus mthus bskyed pa// de dang de nas ye shes rgyu 'byung 'thob par 'gyur// rin chen mchog bzhi gengs chen mtsho yi mdzod gnas pa/ / de dag mthus ni chu 'dzin chen por rin chen 'byung // nor bu rin chen de dag phal gyis mi mthong ste// de dag phyogs bzhir rnam phye gangs chen mtshon gnas/ bde gshegs ye shes bzhi po tshad med de bzhin te// 'gro ba'i ye shes nges 'byung 'jig par mi 'gyur ro// ye shes chen po de dag gzhan rnams sus mi mthong // stobs bcu rnams dang dbang bskur thob pa ma gtogs so/ / chu 'dzin chen po'i mtha' na rin chen mi yod de// stobs chen gzi brjid che bas de dag chu 'grib byed// de dag med du zin na gling bzhi rgyas par 'gyur// de dag yod pas rgya mtsho 'phel zhing 'grib pa med/ / de bzhin bde gshegs ye shes rgyal sras don brtson pa// chos kyi shugs gcod dpa' rlabs shin tu rnam par sel// shes rab yangs pa'i ye shes mtha' dang dbus med snang / / de med gyur na rgyal sras gang yang 'tshang mi rgya// 'og gi gzhi nas bzung ste srid pa'i rtse mo'i bar// 'dod dang gzugs dang gzugs med khams gsum thams cad kyang // bdag med dbyings la legs par gnas pas gnas pa ste/ / nam mkha' mtho zhing dma' bar 'gyur ba gang yang med// de bzhin bde gshegs ye shes shes pa kun gyi rgyu// slob dang mi slob rnams dang de

  313. 157b

    bzhin rang rgyal dang / / byang chub sems dpa' bde bar byed pa'o ye shes kyang // sangs rgyas ye shes mchog la bde bar rab tu gnas// gangs raM spol gzi brjod che ba'i sman gyi mchog/ rtsa ba grug med yod de de yi gzi brjid mthus// 'dzam bu'i gling gi shing mchog thams cad rnam par skye// snying po rtsa bskyed byed rtsa ba snying po skyed// de bzhin bde gshegs rigs las sangs rgyas ye shes 'byung / / de yi yon tan mthus ni rnal 'byor ye shes 'byung // spyod pa'i byang chub 'byung ste byang chub spyod pa 'byin// sems yid mnyam dang ldan la sangs rgyas ye shes skye// bskal pa'i 'jig dus mi bzang bskal pa'i me byung bar/ / la las sbur rtsi'i khur bor mi 'tshig gnas med de// rgyal ba'i sras rnams de ni mi srid skabs med do// rdo rje 'tshig par byed na rtswa skam ci zhig smos// rtswa la mi 'tshig ji ste gnas yod srid 'gyur gyi/ / bde gshegs ye shes kyis ni ma mkhyen gang yang med// sems can dus dang bskal pa zhing rnams rab tu mkhyen// de ltar sangs rgyas ye shes tshad med mtha' yang yas// bskal pa 'jig pa'o tshe na rnam 'thor rlung ldang ste// de ni khor yug ri rab kun kyang rnam par 'thor ba byed// rnam 'thor phyir ldog byed pa'i rlung dmar gzhan med na// tshad med zhing rnam kun kyang rnam par 'jig par 'gyur/ / de bzhin stobs bcu mnga' ba'i ye shes rlung ldang ba// de dag byang chub sems dpa'i nyon mongs rnam par 'thor// de la thabs dang ldan pa'i rlung dmar gzhan yod de// des ni yongs su

  314. 158a

    bzung bas nyan thos mi 'gyur ro/ / stong gsum tshad kyi ri mo'i gzhi zhig yod gyur la// rdul phran ma lus kun gyi sbubs na'ang de 'dra ste// skyes bu mkhas pa'i mig ldan la las rnam phye nas/ / ri mo'i gzhi de 'gro kun nye bar 'tsho byas na// bcom ldan de yang de bzhin sems can kun gyi sems// ril gyis bde gshegs mkhyen yin 'du shes bsgribs gyur ces// rgyal ba'i thugs rje bskyed cing 'du shes spong bar ston/ / 'du shes yongs su shes nas rgyal sras nye bar 'tsho// de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so// kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi yul ji lta bur khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sem/ dpa' chen po de bzhin gshegs pa'i rigs su byung ba'i dpal la 'di skad ces smras so// kye rgyal ba'i sras de la byang chub sems dpa' sems dpa' chen pos de bzhin gshegs pa'i yul ni shes rab dang ye shes chags pa med cing / bsgribs pa med pas 'jug cing / 'gro ba thams cad yul du gyur pa'i sgos khong du chud par bya ste/ de bzhin gshegs pa'i yul ni 'jig rten thams cad yul du gyur

  315. 158b

    pa dang / shing thams cad yul du gyur pa dang / chos thams cad yul du gyur pa dang / sems can thams cad yul du zu ba dang / de bzhin nyid pa mi dad pa yul du gyur pa dang / chos kyi dbyings bsgribs pa med pa yul du gyur pa dang / yang dag pa'i mtha' la mtha' med pa yul du gyur pa dang / nam mkha'i dbyings tshad med pa yul du gyur pa dang / mya ngan las 'das pa'i dbyings la yul du gyur pa'i sgros khong dudu par bya ste/ 'gro ba thams cad kyi yul ji ltar tshad med pa de bzhin du de bzhin gshegs pa'i yul yang tshad med de/ mya ngan las 'das pa'i yul gyi bar du ji ltar tshad med cing yul med la yul ma yin te/ thams cad gang na'ang med pa de bzhin du de bzhin gshegs pa'i yul yang tshad med cing yul med la yul ma yin te/ thams cad gang na'ang med do// kye rgyal ba'i sras 'di ltar yang byang chub sems dpa' sems dpa' chen pos sems kyi yul gyis sangs rgyas kyi yul khong du chud par bya ste/ ji ltar sems kyi yul tshad med cing mu med de ma bcings ma grol ba de bzhin du/ de bzhin gshegs pa'i yul yang tshad med cing su med de ma bcings ma grol ba'o/ / de ci'i phyir zhe na/ 'di ltar sems de ni ji lta ji ltar bsams shing rnam par brtags pa de lta de ltar tshad med par rnam par dgod pa yin te/ kye rgyal ba'i sras 'di lta ste/ dper na klu rnams ni sems kyi khyad par gyi char pa'i rgyun chen po 'bebs te/ char pa'i rgyun de'ang klu rnams kyi nang nas byung ba'ang ma yin/ phyi rol nas byung ba'ang ma yin no// kye rgyal ba'i sras de bzhin du de bzhin gshegs

  316. 159a

    pa'i yul yang rnam pa ji lta ji lta bur bsams te/ rnam par brtags pa de lta de lta bur bsam gyis mi khyab par rnam par dgod par 'gyur te/ de ni phyogs na gnas pa'ang ma yim yul na gnas pa'ang ma yin no/ / kye rgyal ba'i sras gzhan yang 'od lta ste/ dper na rgya mtsho chen po la chu'i phung po tshad med pa gang ji snyed yod pa de dag thams cad klu rnam kyi sems kyi khyad par las byung ba'o// kye rgyal ba'i sras de bzhin du thams cad mkhyen pa nyid kyi rgya mtsho la chos kyi rgyud tshad med pa gang ji snyed yod pa de dag thams cad sngon gyi thugs kyi thugs kyi smon lam mngon par bsgrubs pa'i khyad par gyis byung ba'o/ / byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras rgya mtsho chen po ni ji tsam zhig tu tshad med/ thams cad mkhyen pa'i ye shes kyi rgya mtsho ni ji tsam zhig tu tshad me pa byang chub sems dpa' kun tu bzang pos smras pa/ kye rgyal ba'i sras gnas 'di bstan pa bsam gyis mi khyab pa ste/ 'on kyang dpe tsam zhig bstan gyis de nyon cig/ kye rgyal ba'i sras rgya mtsho chen por ni 'dzam bu'i gling 'di nas chu klung stong phrag phyed dang gsum 'bab bo/ / nub kyi ba glang spyod kyi gling nas chu klung stong phrag lnga 'bab bo// shar gyi lus 'phags po'i gling nas chu klung stong phrag phyed dang brgyad 'bab bo// byang gyi sgra mi snyan gyi gling nas chu klung stong phrag bcu tshang bar 'bab ste/ kye rgyal ba'i sras de ltar na/ rgya mtsho chen po der gling bzhi pa'i 'jig rten gyi khams 'di nas chu klung stong phrag nyi shu rtsa lnga tshang bar rgyun mi 'chad par

  317. 159b

    'bab bo/ / kye rgyal ba'i sras de la ji snyam du sems/ gling chen po bzhin nas rgya mtsho chen por 'bab pa'i chu'i phung po de tshad med pa yin mong byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras de ni tshad med grangs med do// byang chub sems dpa' kun tu bzang pos smras pa/ kye rgyal ba'i sras gling bzhi pa'i 'jig rten gyi khams 'di nas chu'i phung po ji snyed cig rgya mtsho chen por 'bab pa de dag pas kyang / klu'i rgyal po 'od zer bcu pa'i sprin las chu'i phung po ches mang bar rgya mtsho chen por 'bab bo// kye rgyal ba'i sras gling chen po bzhi pa'i 'jig rten gyi khams nas chu'i phung po ji snyed cig rgya mtsho chen por 'bab pa dang / klu'i rgyal po 'od zer bcu pa'i sprin las chu'i phung po ji snyed cig rgya mtsho chen por 'bab pa de dag pas kyang / klu'i rgyal po 'ong zer brgya pa'i sprin las chu'i phung po ches mang bar rgya mtsho chen por 'bab bo/ / kye rgyal ba'i sras gling chen po bzhi po'i 'jig rten gyi khams nas chu'i phung po ji snyed cig rgya mtsho chen por 'bab pa dang / klu'i rgyal po 'od zer bcu po'i sprin las chu'i phung po ji snyed cig rgya mtsho chen por 'bab pa dang / klu'i rgyal po 'od zer brgya pa'i sprin las chu'i phung po ji snyed cig rgya mtsho chen por 'bab pa de dag pas kyang / klu'i rgyal po rgyan chen po'i sprin las chu'i phung po ches mang bar rgya mtsho chen por 'bab bo/ / kye rgyal ba'i sras gling chen po bzhi pa'i 'jig rten gyi khams nas chu'i phung po ji snyed cig rgya mtsho chen po 'bab pa dang / klu'i rgyal po

  318. 160a

    'od zer bcu pa'i sprin las chu'i phung po ji snyed cig rgya mtsho chen por 'bab pa dang / klu'i rgyal po 'od zer brgya pa'i sprin las chu'i phung po ji snyed cig rgya mtsho chen por 'bab pa dang klu'i rgyal po rgyun chen po'i sprin las chu'i phung po ji snyed cig rgya mtsho chen por 'bab pa de dag pas kyang / klu'i rgyal po yid du 'ong ba'i sprin las chu'i phung po ches mang bar rgya mtsho chen por 'bab bogazhung de bzhin du de bas kyang klu'i rgyal po 'gro bar char 'babs pa'i sprin las ches mang bar 'bab bo/ / de bas kyang klu'i rgyal po dga' bo dang bsnyen dga' bo'i sprin las ches mang bar 'bab bopode bas kyang klu'i rgyal po 'od mtha' yas pa'i sprin las ches mang bar 'bab bo/ / de bas kyang klu'i rgyal po shugs chen po 'dzin pa'i sprin las ches mang bar 'bab bo// de bas kyang klu'i rgyal po shin tu rnam par rgyal ba'i sprin las ches mang bar 'bab ste/ kye rgyal ba'i sras gling chen po bzhi pa'i 'jig rten gyi khams nas chu'i phung po ji snyed cig rgya mtsho chen por 'bab pa dang / klu'i rgyal po 'od zer bcu pa'i sprin las ji snyed cig 'bab pa dang / klu'i rgyal po 'od zer brgya pa'i sprin las ji snyed cig 'bab pa dang / klu'i rgyal po rgyan chen po'i sprin las ji snyed cig 'bab pa dang / klu'i rgyal po yid du 'ong ba'i sprin las ji snyed cig 'bab pa dang / klu'i rgyal po 'gro bar char 'babs pa'i sprin las ji snyed cig 'bab pa dang / klu'i rgyal po dga' bo

  319. 160b

    dang bsnyen dga' bo'i sbyin las ji snyed cig 'bab pad / klu'i rgyal po 'od mtha' yas pa'i sprin las ji skad cig 'bab pa dang / klu rgyal po shugs chen po 'dzin pa'i smon lasu dza~M hA cig 'bab pa dang / klu'i rgyal po rnam par rgyal ba'i sprin las ji snyed cig 'bab pa de dag pas kyang / klu'i rgyal po rnam par bsgyings pa'i sprin las chu'i phung po ches mang bar rgya mtsho chen por 'bab ste/ kye rgyal ba'i sras klu'i rgyal po chen po bcu po 'di dag la sogs pa/ klu'i rgyal po'i rigs khrag khrig brgyad cu so so'i smon las chu'i phung po chen po mang bar rgya mtsho chen por 'bab bo/ / kye rgyal ba'i sras gling chen po bzhi pa'i 'jig rten gyi khams nas chu'i phung po ji snyed cig rgya mtsho chen por 'bab pa dang / klu'i rgyal po chen po bcu'i sprin las chu'i phung po ji snyed rgya mtsho chen por 'bab pa dang / klu'i rgyal po chen po'i rigs khrag khrig brgyad cu so so'i sprin las chu'i phung po ji snyed cig rgya mtsho chen por 'bab pa de dag pas kyang / klu'i rgyal po gang chen mtsho'i bu thu bo 'dzam bu'i rgyal mtshan gyi sprin lus chu'i phung po ches mang bar rgya mtsho chen por 'bab bo/ / kye rgyal ba'i sras de bzhin du chu klung chen po de dag nas chu'i phung po ji snyed cig rgya mtsho chen por 'brub pa dang / sprin chen po de ngag las chu'i phung po ji snyed cig rgya mtsho chen por 'bab pa de dag pa sa cu'i rgyal po 'od zer bcu pa'i gnas nas chu'i phung po ches mang bar rgya mtsho chen por 'bab bo/ / kye rgyal ba'i sras gling chen po bzhi

  320. 161a

    pa'i 'jig rten gyi kham kyi chu klung chen po dag nas/ chu'i phung po ji snyed cig rgya mtsho chen por 'bab pa dang / klu'i rgyal po chen po snga ma de dag gi smon las chu'i phung po ji snyed cig rgya mtsho chen por babab pa dang / klu'i rgyal po gang chen mtsho'i bu'i phu bo 'dzam bu'i rgyal mtshan gyi sprin las chu'i phung po ji snyed cig rgya mtsho chen por 'bab pa dang / klu'i rgyal po chen po 'od zer bcu pa'i gnas nas chu'i phung po ji snyed cig rgya mtsho chen por 'bab pa de bas kyang / klu'i rgyal po 'od zer brgya pa'i gnas nas tshu'i phung po ches mang bar rgya mtsho chen por 'bab bo// kye rgyal ba'i sras gling chen po bzhi pa'i 'jig rten gyi khams kyi chu klung chen po dag nas chu'i phung po ji snyed cig rgya mtsho chen por 'bab pa dang / klu'i rgyal po chen po'i rigs khrag khrig brgyad du so so'i sprin las chu'i phung po ji snyed cig rgya mtsho chen por 'bab pa dang / klu'i rgyal po gang chen mtsho'i bu thu bo 'dzam bu'i rgyal mtshan gyi sprin las chu'i phung po ji snyed cig rgya mtsho chen por 'bab pa dang / klu'i rgyal po chen po 'od zer bcu pa'i gnas nas chu'i phung po ji snyed cig rgya mtsho chen por 'bab pa dang / klu'i rgyal po chen po 'od zer brgya pa'i gnas nas chu'i phung po ji snyed cig rgya mtsho chen por 'bab pa de dag pas kyang / klu'i rgyal po chen po rgyan chen po'i gnas nas chu'i phung po ches mang bar rgya mtsho chen por 'bab bo/ / kye rgyal ba'i sras gzhung de bzhin du de dag pas kyang yid du 'ong ba'i gnas nas ches mang bar 'bab bo// de dag pas kyang 'gro bar char 'bebs pa'i gnas nas

  321. 161b

    ches mang bar 'bab bo/ / de dag pas kyang dga' bo dang bsnyen dga' bo'o gnas nas ches mang bar 'bab bo// de dag pas kyang 'od mtha' yas pa'i gnas nas ches mang bar 'bab bo// de dag pas kyang shugs chen po 'dzin pa'i gnas nas ches mang bar 'bab bo/ / de dag pas kyang shin tu rnam par rgyal ba'i gnas nas ches mang bar 'bab bo// de dag pas kyang klu'i rgyal po chen po rnam par bsgyings pa'i gnas nas chu'i phung po ches mang bar rgya mtsho chen por 'bab bo/ / kye rgyal ba'i sras gling chen po bzhi pa'i 'jig rten gyi khams kyi chu klung nas chu'i phung po ji snyed cig rgya mtsho chen por 'bab pa dang / klu'i rgyal po chen po bcu po de dag gi sprin dang gnas nas chu'i phung po ji snyed cig rgya mtsho chen por 'bab pa dang / klu'i rgyal po chen po'i rigs khrag khrig brgyad bcul sprin dang gnas nas chu'iri phung po ji snyed cig rgya mtsho chen por 'bab pa dang / 'dzam bu'i rgyal mtshan gyi sprin las chu'i phung po ji snyed cig rgya mtsho chen por 'bab pa de dag pas kyang / klu'i rgyal po chen po gang chen mtsho'i sprin tha mi dad pa zhes bya ba las chu'i phung po ches mang bar rgya mtsho chen por 'bab bo/ / kye rgyal ba'i sras de bzhin du gling chen po bzhi pa'i 'jig rten gyi khams kyi chu klung gi chu'i phung po ji snyed cig rgya mtsho chen por rab tu 'bab pa dang / klu'i rgyal po chen po snga ma de dag gi sprin dang gnas nas chu'i phung po ji snyed cig rgya mtsho chen por 'bab pa dang / klu'i rgyal po gang chen mtsho'i bu thu bo 'dzam bu'i rgyal mtshan gyi sprin lA chu'i phung po ji snyed cig rgya

  322. 162a

    mtsho chen por 'bab pa dang / klu'i rgyal po gang chen mtsho'i sprin tha mi dad pa zhes bya ba las chu'i phung po ji snyed cig rgya mtsho chen por 'bab pa de dag pas kyang / bu'i rgyal po chen po gang chen mtsho'i gnas nas chu'i dba' rgal chen po bai DUR+Ya sngon po'i kha dog lta bur 'dug pa ches mang ba 'byung ste/ de ni rgya mtsho chen po thams cad kyang chu'i shugs chen pos rgyas par byed mod kyi/ 'on/ kyang rgya mtsho chen po ni dbres las 'da' ba med de/ kye rgyal ba'i sras rgya mtsho chen po de ni chu'i phung pos de ltar tshad med pa ste/ ji ltar chu'i phung pos tshad med pa de ltar rin po che'i phung pos kyang tshad med de/ sems can gyi gnas kyis kyang tshad med la/ sems can chen po'i lus kyi rnam pas kyang tshad med na/ kye rgyal ba'i sras de la ji snyam du sems/ rgya mtsho chen po de tshad med mod/ byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras rgya mtsho chen po de ni dpes brjod par yang dka' ba tsam du rgya che'o// byang chub sems dpa' kun tu bzang pos smras pa/ kye rgyal ba'i sras de ltar rgya mtsho chen po tshad med pa des de bzhin gshegs pa'i ye shes rgya mtsho yul tshad med pa'i brgya'i char yang nye bar mi 'gro'o// stong gi char yang nye bar mi 'gro ba nas/ rgyur bya ba'i bar du'ang nye bar mi 'gro'o/ / kye rgyal ba'i sras 'on kyang bsam pa ji lta ba bzhin du sems can gyi rnam par rig par bya ba nye bar bzung ste rgya mtsho chen po las de bzhin gshegs pa'i yul dper blang gi

  323. 162b

    de bzhin gshegs pa'i ye shes rgya mtsho'i yul la dpe yod pa ma yin te/ kye rgyal ba'i sras de bzhin gshegs pa'i ye shes rgya mtshor yul ni dpe las 'das pa'o// kye rgyal ba'i sras de bzhin gshegs pa'i ye shes rgya mtsho'i yul de lta bu de ni/ 'di lta ste/ thugs dang po bskyed pa nas byang chub sems dpa'i spyod pa thams cad rgyun ma chad pa'i phyir yang dag par bsgrub bas kyang tshad med par khong du chud par bya'o/ / byang chub kyi phyogs kyi chos dang rin po che gsum gyi rgyun mi gcod pas rin po che'i phung pos kyang tshad med par khong du chud par bya'o// slob pa dang / mi slob pa dang / rang sangs rgyas thams cad nye bar 'tsho bas 'byung po gnas pas kyang tshad med par khong du chud par bya'o/ / sa dang po la gnas pa'i byang chub sems dpa' yan chad chags pa med pa'i mthar thug pa'i sa la gnas pa'i bar gyi byang chub sems dpa' thams cad gnas pas 'byung po chen po'i lus rnam pa tha dad pas kyang tshad med par khong du chud par bya ste/ kye rgyal ba'i sras byang chub sems dpa' sems dpa' chen pos de ltar de bzhin gshegs pa'i ye shes rgya mtsho'i yul 'gro ba thams cad nye bar 'tsho ba ni/ tshad med pa'i ye shes dang ldan pa'i tshul gyis khong du chud par bya'o// de nas byang chub sems dpa' sems dpa' chen po kun tu bzang pos don de nyid yang brtag par bya ba'i phyir/ tshigs su bcad pa 'di dag smras so// rdul med rnams kyi yul na tshad med gzhal du med// sems kyi yul bzhin rnam pa kun tu tshad med de/

  324. 163a

    sems kyis mngon bsgrubs yid kyi yul ni ji lta ba/ de bzhin stobs bcu rnams kyi yul yang shes par bya// klu yi dbang po gnas nas nam yang mi g.yo bar// sems kyi mthus/ ni char chen rgyun kyang rab tu 'bebs// de la'ang 'ong dang 'gro bar dmigs pa med pa ste// klu yi dbang po'i bsam pa tsam gyis char yang 'bab// de bzhin stobs bcu gang dag nas kyang byon pa med// de bzhin// thub pa gang du'ang bzhud pa mi dmigs te// thugs kyi dgongs pas skra rtse gcig la 'jug par yang // chos kyi dbyings kyi tshad du de dag shin tu 'byung // rgya mtsho chu dang rin chen tshogs kyi tshad med de// sems can dag dang 'byung po gnas pas tshad kyang med/ / ro gcig rnyog par mi nus sems can der skyes pa// de dag kun kyang chu bo gzhan la spyod mi byed// de bzhin rgyal ba'i yul yang mkhyen pas tshad med de// rin chen gsum gnas rin chen tshogs kyis tshad kyang med// slob dang mi slob sems can rnams kyis tshad med de// ye shes mchog don spyod pa'i 'byung pos tshad kyang med// bam po bdun cu rtsa ba'i pa// de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis byang chub sems dpa' sems dpa' chen po kun tu bzang po la 'di skad ces smras so/ / kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa yang

  325. 163b

    dag par rdzogs pa'i sangs rgyas rnams kyi spyod yul ji lta bur shes par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ / kye rgyal ba'i sras byang chub sems dpa' sems dpa' chen pos de bzhin gshegs pa'i spyod yul ni chags pa med pa'i spyod yul du shes par bya ste/ ji ltar de bzhin nyid ni sngon gyi mtha' nas byung ba ma yin/ phyi ma'i mtha' nas 'phos pa ma yin/ da ltar byung bas mngon par bsgrub ba ma yin pa de bzhin du de bzhin gshegs pa'i spyod yul yang ma skyes/ ma 'phos mngon par grub pa med par khong du chud par bya'o// kye rgyal ba'i sras chos kyi dbyings la lus med pas chos kyi dbyings de ni tshad yod pa'ang ma yin/ tshad med pa'ang ma yin/ kye rgyal ba'i sras de bzhin du de bzhin gshegs pa'i spyod yul la lus med pas de bzhin gshegs pa'i spyod yul de'ang tshad yod ba'ang ma yini/ tshad med pa'ang ma yin no// kye rgyal ba'i sras 'di lta ste/ dper na 'dab chags bya ni nam mkha' las lding ste 'gro ba lo brgyar song yang ji srid du phyin pa de srid nam phyin pa'ang yod de/ nam mkha' la mtha' med pas snga phyi khyad par med do// kye rgyal ba'i sras de bzhin du de bzhin gshegs pa'i spyod yul yang bskal pa bye ba khrag khrig brgya phrag stong du bstan kyang //

  326. 164a

    de snyed ni ma bstan pa yod de/ de ni de bzhin gshegs pa'i spyod yul la mu med pa'i phyir ro// kye rgyal ba'i sras de lta bu'i de bzhin gshegs pa dgra bcom pa yang dag par rdzogs pa'i sangs rgyas rnams kyang / chags pa med pa'i spyod yul la mi gnas pa'i tshul gyis bzhugs shing / sems can thams cad la spyod yul de'ang ston pa mdzad do// sems can chags pa sna tshogs la mngon par zhen pa rnams kyang chags pa'i lam de dang de nas yongs su zlo ba mdzad do/ / kye rgyal ba'i sras 'di lta ste/ dper na nam mkha' lding gi rgyal po chen po'i spyod yul ni nam mkha' ste/ nam mkha' la gnas shing rang gi mig yongs su dag pas klu'i gnas su bltas te/ rgya mtsho chen po'i chu'i phung po chen po nam mkha' lding gishugs drag po dang / gshog pa'i rlung chen po'i mthus g.yas g.yon du phye ste bsal nas klu 'am/ klu'i bud med dus yongs su smin te tshe'i mthar phyin pa 'dzin cing 'byin to// kye rgyal ba'i sras de bzhin du de bzhin gshegs pa nam mkha' lding gi rgyal po chen po chags pa med pa'i spyod yul mnga' ba'ang / bsgribs pa med pa'i spyod yul la bzhugs shing / de bzhin gshegs pa'i spyan bla na med pa rnams par dag pas chos kyi dbyings thams cad du sems can thams cad kyi gnas la gzigs nas/ de bzhin gshegs pa'i stobs kyi shugs dang ldan pa'i shes rab dang / ye shes kyi gshog pas 'khor ba'i rgya mtsho chen po sred pa'i chus gang ba bye

  327. 164b

    ste bsal nas/ sems can dbang po yongs su dag cing sngon dge ba'i rtsa ba'i tshogs bsags par gyur pa/ sangs rgyas kyi chos kyi snod du gyur pa'i rnams 'khor ba'i rgya mtsho nas bton te/ de bzhin gshegs pa'i chos kyi spyod yul la rab tu dgod pa mdzad kyang / de bzhin gshegs pa ni chags pa med pa'i spyod yul la bzhugs pas spros pa thams cad yongs su chad de/ rtog pa mi mnga' rnam par rtog pa mi mnga'a'o/ / kye rgyal ba'i sras 'di lta ste/ dper na nyi ma dang zla ba'i dkyil 'khor dag ni 'gro ba thams cad nye bar 'tsho ba ste/ gcig pu spyod cing grogs med kyang gzhan gyis mi thub cing gnas pa med la/ nam mkha'i dbyings las rgyu zhing 'gro ba dang 'ong bar mngon yang de dag ni bdag cag gang du 'dong / gang nas 'gro snyam du sems pa med do// kye rgyal ba'i sras de bzhin du de bzhin gshegs pa nyi zla rnams kyang spyod yul mya ngan las 'das pa mnga' ba dag ste/ rang bzhin nyid kyi chos dang ldan yang de dag chos kyi dbyings thams cad du rjes su spyod cing gshegs pa yang dag par ston pa mdzad de/ sangs rgyas kyi 'phrin las thams cad rgyun mi 'chad pas 'gro ba thams cad nye bar 'tsho'ang gshegs pa dang / bzhud par rnam par rtog pa 'am/ spros pa mi mnga' ste/ gcig tu spyod cing 'dra ba med pas thub pa med la mi gnas shing chags pa med pas spyod kyang de dag 'pho ba dang / skye ba dang / yum gyi sku na bzhugs pa dang / bltam pa dang / mngon par 'byung ba/

  328. 165a

    dang dka' ba spyod pa mdzad pa dang / snying po byang chub tu gshegs pa dang / bdud 'dul ba dang / byang chub tu rnams par 'tshang rgya ba dang / chos kyi 'khor lo skor ba dang / yongs su mya ngan las 'das pa chen po ston pa'ang snang zhing yod do// 'on kyang de dag la bdag gis gang du skye bar bya/ gang du mya ngan las bzla bar bya snyam du dgongs pa mi mnga' 'o// kye rgyal ba'i sras de ltar tshul tshad med pa dang / rnam pa tshad med par byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi spyod yul bong du chud par bya'o/ / de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ tshigs su bcad pa 'di dag smras so// de bzhin nyid na nam yang ma skyes 'jig pa med/ / nam yang phyogs na mi gnas mi snang de bzhin nyid// de bzhin phan mdzad rnams kyi spyod yul tshad med de// dngos nyid de bzhin nyid mtshungs dus las rnam par 'das ji ltar chos dbyings dbyings de dbyings nyid ma yin la/ / tshad yod ma yin de ltar tshad med ma yin pa// de bzhin yon tan mnga' ba'i spyod yul tshad med de// sngon nas lus med pas na tshad yod ma yin no// bar snang mkha' la khrag khrig lo bzangs bya ldings pa// mkha' yi dbyings la dang po de dang tha mar 'angadra // rgyal ba'i spyod yul bskal pa brgya bgrangs bshad byas kyang // ji snyed brjod pa de snyed yon tan ma brjod

  329. 165b

    yod nam mkha' lding ni mkha' gnas klu la rnam par lnga/ / chu chen yongs phye klu dang klu yi bu mo 'dren// stobs bcu rang gi mthu yis nyon mongs rnam bye zhing // dge rtsa legs par byas pa 'dus byas khams/ nas 'byin// nyi ma zla ba mkha' yi dbyings las shugs kyi rgyu// sems can bde ba skyed kyang rtog pa yod pa min// bcom ldan 'das kyang de bzhin chos kyi dbyings gshegs shing // sems can mang po 'dul yang rnam par rtog mi mnga'/ / de skad ces smras pa dang // byang chub sems dpa' sems dpa' chen po de bzhin gshegs pa'i rigs su byung ba'i dpal kyis/ byang chub sems dpa' sems dpa' chen po kun tu bzang po la 'di skad ces smras so/ / kye rgyal ba'i sras byang chub sems dpa' sems dpa' chen pos ji lta bur de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rdzogs par byang chub pa khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ / kye rgyal ba'i sras 'di la byang chub sems dpa' sems dpa' chen pos don thams cad rnam par dpyad pa mnyam pa nyid dang / chos thams cad la nem nur med cing gnyis su med pa rjes su rtogs pas/ de bzhin gshegs pa rnams kyi mngon par rdzogs par byang chub pa

  330. 166a

    khong du chud par bya'o/ / mtshan ma med pa rjes su rtogs pa dang / rgyu ba med pa rjes su rtogs pa dang / thogs pa med pa rjes su rtogs pa dang / mtha' dang dbus med pa rjes su rtogs pa dang / mu med par khyab pa rjes su rtogs pa dang / mtha' dang mtha' med pa yongs su spangs pa'i dbus kyi gnas khong du chud pa dang / yi ge dang / sgra dang / brjod pa 'byung ba thams cad rjes su rtogs pa dang / sems can thams cad kyi sems dang / spyod pa'i rnam par rtog pa thams cad dang / bsam pa dang / dbang po dang / nyon mongs pa dang / bag chags dang / bag la nyal ba dang / rang bzhin mngon sum du rjes su rtogs pa dang / dus gsum thams cad sems kyi skad cig gcig gi ye shes rjes su rtogs pas/ de bzhin gshegs pa rnams kyi mngon par rdzogs par byang chub pa khong du chud par bya'o/ / kye rgyal ba'i sras 'di lta ste/ dper na rgya mtsho chen po la gling bzhi pa'i sems can thams cad kyi lus kyi gzugs brnyan rgya lta bur snang ste/ de'i phyir rgya mtsho chen po zhes bya'o// kye rgyal ba'i sras de bzhin du de bzhin gshegs pa'i mngon par rdzogs pa'i byang chub pa la sems can thams cad kyi sems dang dbang po dang / bsam pa rnam pa tha dad pa rnams snang ba med pa'i rang bzhin gyis yongs su snang bar 'gyur te/ de'i phyir de bzhin gshegs pa'i mngon par rdzogs par byang chub pa zhes bya'o//

  331. 166b

    kyi rgyal ba'i sras de banan gshegs pa'i mngon par rdzogs par byang chub pa de ni yi ge thams cad kyis bstan pa ma yin no// dbyangs thams cad kyis brjod pa ma yin no// tha snyad thams cad kyis smos pa ma yin mod kyi/ 'on kyang gzhan gyi rnam par rig par nye bar bzung ste/ de bzhin gshegs pa'i mngon par rdzogs par byang chub pa bstan par bya'o// kye rgyal b a'i sras de bzhin gshegs pa dgra bcom pa yang dag par rdzogs pa'i sangs rgyas rnams mngon par byang chub pa'i tshe sems can thams cad kyi tshad ji snyed pa de snyed kyi tshad kyi sku kun nas gnas par 'gyur ro/ / chos thams cad kyi tshad ji snyed pa dang / zhing thams cad kyi tshad ji snyed pa dang / dus thams cad kyi tshad ji snyed pa dang / de bzhin gshegs pa thams cad kyi tshad ji snyed pa dang sangs rgyas thams cad kyi tshad ji snyed pa dang / tha snyad thams cad kyi tshad ji snyed pa dang / de bzhin nyid dang chos kyi dbyings kyi tshad ji snyed pa dang / nam mkha'i dbyings dang chags pa med pa'i dbyings kyi tshad ji snyed pa dang / mngon par bsgrub pa'i dbyings dang rnam par spyad pa'i dbyings kyi tshad ji snyed pa dang / mya ngan las 'das pa'i dbyings kyi tshad ji snyed pa de snyed kyi sku kun nas gnas par 'gyur ro/ / kye rgyal po'i sras de bzhin du sku'i tshad ji snyed pa de snyed kyi tshad kyi gsung yang kun nas gnas par 'gyur ro// sku dang gsung gi tshang ji

  332. 167a

    snyed pa de snyed du chags pa med pa'i thugs kun nas gnas par 'gyur te/ de de lta bur tshad med pa'i sku dang / gsung dang / thugs kyi 'phrin las 'khor gsum yongs su dag pa brnyes pas/ rang gi sku de nyid la sems can thams cad mngon par 'tshang rgya ba'i dmigs pa ston to// de bzhin du sems can thams cad kyang mya ngan las 'das pa zhi ba'i dbyings su yang dag par gzhol ba'i bar du rab tu ston te/ des ni 'di ltar thams cad dngos po med pa'i rang bzhin dang / mtshan nyid med pa'i rang bzhin dang / mi skye mi 'gag pa'i rang bzhin dang / bdag la bdag med pa'i rang bzhin dang / sems can la sems can med pa'i rang bzhin dang / sangs rgyas rnam par mi rtog pa'i rang bzhin dang / chos kyi dbyings kyi rang bzhin dang / nas mkha'i dbyings kyi rang bzhin du thugs su chud de/ de lta bu'i rang bzhin mngon par rdzogs par sangs rgyas nas ma lus par thugs su chud pa dang / chos kyi dbyings rab tu brnyes pa dang / de bzhin gshegs pa'i thugs rje chen po rgyun mi 'chad pas sems can gyi don yongs su sgrub pa mdzad do/ / kye rgyal ba'i sras 'di lta ste/ nam mkha' ni skye ba med pas 'jig rten gyi khams 'du'ang rung 'jig kyang rung ste/ de bzhin du mi zad mi 'phel bar gnas so// kye rgyal ba'i sras de bzhin du de bzhin gshegs pa rnams kyi byang chub kyang 'di lta ste/ gcig pa'ang

  333. 167b

    ma yin tha dad pa'ang ma yin pas/ mtshan nyid med par mtshan nyid gcig pa'i phyir mngon par rdzogs par sangs rgyas kyang rung / mngon par rdzogs par sangs ma rgyas kyang rung ste/ mtshan nyid de kho na bzhin du gnas so// kye rgyal ba'i sras 'di lta ste/ dper na mi la la zhig skyes te/ des chu klung gang+gA'i bye ma snyed kyi sems bskyed pa mngon par sprul la sems bskyed pa de dag re res kyang de bzhin gshegs pa kha dog med pa/ mtshan ma med pa/ dbyibs dang bral ba/ sku dang bral ba// chu klung gang+gA'i bye ma snyed cig sprul te/ de de mngon par sprul pa byed pa'ang bskal pa chu klung gang+gA'i bye ma snyed cig 'das par gyur na/ kye rgyal ba'i sras de la ji snyam du sems/ mi des sprul pa'i sems bskyed pa de dag gis/ de bzhin gshegs pa ji snyed cig sprul par 'gyur/ byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras khyod kyis ji skad du smras pa'i don bdag gis shes te/ ji snyed du sprul pa byas de snyed cig ni ma sprul pa'ang yod do// byang chub sems dpa' kun tu bzang pos smras pa/ kye rgyal ba'i sras ji skad du smras pa de de bzhin gyis legs so legs so/ / kye rgyal ba'i sras de bzhin du skad cig thang cig yud tsam gyis sems can thams cad bla na med pa yang dag par rdzogs pa'i byang chub tu mngon par

  334. 168a

    sangs rgyas rgyas kyang / de snyed cig ni mngon par sangs rgyas so// de snyed cig ni mngon par sangs ma rgyas pa'ang yod par 'gyur ro// de ci'i phyir zhe na/ de ni 'di ltar byang chub la mtshan nyid med pas gang la mtshan nyid med pa de'i mngon par rdzogs pa'i byang chub la 'grib pa med do/ / de'i mngon par rdzogs pa'i byang chub la 'phel ba med do// kye r gyal ba'i sras de ltar byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rdzogs pa'i byang chub khong du chud par bya'o/ / kye rgyal ba'i sras de bzhin gshegs pa rnams mngon par sangs rgyas nas/ skad cig yud tsam thang cig gis blo shin tu rnam par sangs rgyas pa'i ting nge 'dzin la snyoms par 'jug ste/ de dag ting nge 'dzin de la snyoms par zhugs ma thag tu/ mngon par rdzogs par byang chub pa'i sku 'byam klas pa gcig las sku sems can ma lus pa thams cad dang mnyam pa kun nas gnas par 'gyur te/ mngon par rdzogs par byang chub pa'i sku 'byam klas pa gcig las ji lta ba de bzhin/ mngon par rdzogs par byang chub pa'i sku ma lus pa thams cad kyi sgo nas kyang / sku sems can ma lus pa thams cad dang mnyam pa re re kun nas gnas par 'gyur ro// kye rgyal ba'i sras de ltar na mngon par rdzogs pa'i byang chub kyi sgo'ang tshad med pas

  335. 168b

    de bzhin gshegs pa'i sku'i dbyibs kyang tshad med pa nyid du shes par bya ste/ de'i phyir na de bzhin gshegs pa'i dbyings tshad med ces bya/ sems can gyi khams tshang du ma byas zhes bya'o// kye rgyal ba'i sras de ltar byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rdzogs pa'i byang chub khong du chud par bya ste/ sgra'i rtse mo gcig la'ang byang chub sems dpa' sems dpa' chen pos de bzhin gshegs pa'i sku sems can thams cad snyed du 'jug par bya'o// de ci'i phyir zhe na/ de ni 'di ltar de bzhin gshegs pa rnams kyi mngon par rdzogs par byang chub pa'i sku de dag ni/ mi 'jigs pa'i tshul gyis yod nas ma skyes pa'i phyir ro// sgra'i rtse mo gcig la ji ltar khong du chud par bya ba de bzhin du chos kyi dbyings ma lus pa thams cad du'ang khong du chud par bya ste/ gnas gang na de bzhin gshegs pa mi bzhugs pa de lta bu ni gang yang med par mos par bya'o/ / de ci'i phyir zhe na/ de ni de bzhin gshegs pa rnams kyi mngon par rdzogs pa'i byang chub kyis thams cad du khyab pa'i phyir te/ de bas na stobs dang / mthu dang nyams kyi tshul ji lta ba bzhin du de bzhin gshegs pa rnams kyi snying po byang chub dang / byang chub kyi shing dang / gdan seng ge'i khri dang / mngon par rdzogs pa'i byang chub rnam pa tha dad pa

  336. 169a

    de bzhin gshegs pa'i stobs la 'jug pa'i tshul gyis khong du chud par bya'o/ / kye rgyal ba'i sras gzhan yang byang chub sems dpa' sems dpa' chen pos rang gi sems kyi tshul gyis de bzhin gshegs pa thams cad kyi mngon par rdzogs pa'i byang chub khong du chud par bya'o/ / de ci'i phyir zhe na/ de bzhin gshegs pa'i mngon par rdzos pa'i byang chub dang bral ba'i sems de lta bu gang yang med de/ rang gi sems las ji lta ba de bzhin du sems can ma lus pa thams cad kyi sems mang po 'byam klas pa rnams las kyang / de bzhin gshegs pa rnams kyi mngon par rdzogs pa'i byang chub khong du chud par bya ste/ kye rgyal ba'i sras de ltar byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rdzogs par byang chub rgya che zhing yangs la kun tu khyab ste/ mi 'bral ba dang / rnam par 'chad pa med pa dang / rgyun mi 'chad par tshul gyi sgo bsam gyis mi khyab pa la 'jug pas khong du chud par bya'o/ / de nas byang chub sems dpa' sems dpa' chen po kun tu bzang pos don 'di yang brtag par bya ba'i phyir/ tshigs su bcad pa 'di dag smras so// chos rnams thams cad rtogs pa gnyis dang gnyis med bral// chos rnams thams cad rtogs pa yang dag yul

  337. 169b

    med yin/ / chos rnams thams cad rtogs pa nam mkha'i rang bzhin mnyam// chos rnams thams cad rtogs pa bdag dang bdag med snyoms// gling bzhi kun gyi gzugs mang ji snyed ji bzhin du/ / gzugs brnyan rgya mtsho rgya 'dra de phyir rgya mtsho ste// de bzhin phyogs bcu'i sems can thams cad rgya bzhin du// bsam pa thugs su chud pas de phyir byang chub yin// ji ltar/ nam mkha' 'jig rten yongs su 'grub 'gyur yang // rnam par 'phel bar mi 'gyur 'jig kyang 'grib pa med// rgyal ba 'jig rten 'das pa'i byang chub de bzhin te// byang chub byang ma chub tu mtshan nyid med par gcig/ mkhas pa'i sems kyis sprul pa mngon par sprul byas pa// mngon sprul mngon ma sprul kyang sngon dang rang bzhin mnyam// de bzhin 'gro ba thams cad byang chub sangs rgyas kyang / / sngon dang rang bzhin gcig ste 'phel zhing 'grib pa med// rnam sangs rgyas zhes bya ba'i rgyal ba'i ting 'dzin yod// byang chub snying por bzhugs nas ting 'dzin de bsgrubs te/ / sems can snyed kyi 'od zer mnyam par rab bkye zhing // pad+ma ji bzhin rnam par sangs rgyas sems can bdul// bskal pa dus gsum sems can zhing gi rang bzhin dang / / chos dang de bzhin sems dang dbang po bsam pa dag/ thams cad rang gi sku la mnyam pa nyid du gzigs// de bas byang chub gnas ni tshad med shes par gyis// de skad

  338. 170a

    ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis// byang chub sems dpa' sems dpa' chen po kun tu bzang po la 'di skad ces smras so/ / kye rgyal ba'i sras byang chub sems dpa' sems dpa' chen pos// de bzhin gshegs pa dgra bcom pa yang dag par rdzogs pa'i sangs rgyas rnams chos kyi 'khor lo bskor ba ji lta bur khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ / kye rgyal ba'i sras 'di la byang chub sems dpa' sems dpa' chen po de bzhin gshegs pa'i thugs kyis shin tu byin gyis brlabs pas chos kyi 'khor lo rab tu bskor ba ni long gis/ ldang ba med pa'i tshul gyis 'khor ba med cing mngon par grub pa med par shes par bya'o/ / chos kyi 'khor lo bskor ba ni mthar lta ba thams cad dang bral ba'i tshul gyis// 'khor gsum yongs su gcod pa shin tu chad par shes par bya'o// nam mkha'i mtha' khong du chud pa'i tshul gyis/ 'dod chags dang bral ba'i mtha' mtha' med par shes par bya'o// chos kyi 'khor lo bskor ba ni brjod du med pa'i tshul gyis smos su med par shes par

  339. 170b

    bya'o/ / chos kyi 'khor lo bskor ba ni mya ngan las 'das pa'i rang bzhin gyis shin tu zhi bar shes par bya'o// chos kyi 'khor lo bskor ba ni de bzhin gshegs pa'i gsung gis thams cad/ khyab pa'i phyir yi ge dang / sgra dang / dbyangs dang / skad sna tshogs su 'khor bar shes par bya'o// chos kyi 'khor lo bskor ba ni chos kyi tshul gyi rang bzhin gyis sgra brnyan gyi sgra dang / dbyangs kyi rang bzhin du shes par bya'o// chos kyi 'khor lo bskor ba ni bdag po yong nas med pa'i phyir/ sgra thams cad sgra gcig tu khong du chud par bya'o// chos kyi 'khor lo bskor ba ni phyi dang nang 'brel pa med pas yi ge zad mi shes par bya'o/ / chos kyi 'khor lo bskor ba ni chos nyid khong du chud pa'i tshul gyis yong gis/ ma skyes ma 'gags par shes par bya'o// kye rgyal ba'i sras 'di lta ste/ dper ni yi ge bgrangs pa thams cad ni bstan pa thams cad kyis shin tu bstan kyang mi 'phel mi 'grib ste/ sngon gyi mtha'i bskal pa'i mur thug pa nas yi ge thams cad brjod kyang ma 'phel ma 'gribs pa yin no/ / kye rgyal ba'i sras de bzhin du de bzhin gshegs pa rnams chos kyi 'khor lo bskor ba'ang / yi ge rnam par dmigs par bstan pa thams cad kyis shin tu bstan kyang mi 'phel mi 'grib ste/ sngon gyi mtha'i mur thug pa'i sangs rgyas rnams kyis chos kyi 'khor lo bskor kyang chos kyi 'khor lo

  340. 171a

    / ma zad pa yin te/ de bzhin gshegs pa rnams chos kyi la khor lo bskor ba deni dgos pa thams cad dang / spyod pa bzungs pa thams cad dang / lag na pa 'jig rten las 'das pa'i dgos pa thams cad kyi nang du 'dus kyang / gang la'ang mi gnas par shes par bya'o// kye rgyal ba'i sras 'di lta ste/ dper na yi kong 'bru bgrangs pa ni dgos pa thams cad dang / spyod pa grangs pa thams cad dang / bgrang ba bgrangs pa thams cad dang / 'jig rten pa dang 'jig rten las 'das pa'i gnas thams cad du khyab par 'dug kyang ci la'ang mi gnas par shes par bya'o/ / kye rgyal ba'i sras de bzhin du de bzhin gshegs pa rnams chos kyi 'khor lo bskor ba'ang sems can dang / chos dang / las dang / rnam par smin pa thams cad du khyab kyang ci 'ang mi gnas te/ sems can gang yang rung / sgra sna tshogs ji snyed du rjod pa de dag thams cad kyang / de bzhin gshegs pa chos kyi 'khor lo bskor ba'i sgra nyid du rjod do/ / de ci'i phyir zhe na/ sgra thams cad ni chos kyi 'khor lo bskor ba'i tshul las rnam par mi 'da' 'o// kye rgyal ba'i sras de ltar byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams chos kyi 'khor lo bskor ba khong du chud par bya'o// kye rgyal ba'i sras gzhan yang

  341. 171b

    byang chub sems dpa' sems dpa' chen po de bzhin gshegs pa rnams chos kyi 'khor lo bskor ba khong du chud par 'dod pas/ de bzhin gshegs pas mngon par sgrub pa la 'jug pa khong du chud par bya'o/ / kye rgyal ba'i sras de bzhin gshegs pas mngon par bsgrub pa de'ang gang zhe na/ kye rgyal ba'i sras de bzhin gshegs pa rnams chos kyi 'khor lo bskor ba'i tshesems can thams cad kyi sems dang / spyod pa dang / bsam pa dang / dbang po dang / brtson 'grus rnam pa tha dad pa ji snyed pa de snyed du de bzhin gshegs pa'i gsung las dbyangs kyi yan lag 'byung bar 'gyur ro/ / kye rgyal ba'i sras de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams la ting nge 'dzin mi bsnyed pa chags pa med pa'i mthar thug pa zhes bya ba mnga' ste/ de la snyoms par zhugs shing / de bzhin gshegs pa rnams chos kyi 'khor lo bskor ba mdzad de/ kye rgyal ba'i sras d e bzhin gshegs pa rnams ting nge 'dzin de la snyoms par zhugs ma thag tu sems can thams cad ji snyed yod pa de snyed kyi chos kyi 'khor lo bskor ba'i sgra mngon par rdzogs pa'i byang chub kyi re re'i zhal nas 'byung ngo / / sgra'i dbyangs de dag re re zhing yang dbyangs kyi yan lag dang / sgra rnam pa tha dad pa sems can snyed dang ldan par 'byung ngo // kye rgyal ba'i sras

  342. 172a

    de ni de bzhin gshegs pa rnams chos kyi 'khor lo bskor ba mdzad pa ste/ 'di ltar ting nge 'dzin de nyid la snyoms par zhugs pa'o// sems can thams cad mnyam par dga' bar 'gyur ba ste/ gang gis de lta bur de bzhin gshegs pa chos kyi 'khor lo bskor ba khong du chud pa de dag ni de bzhin gshegs pa'i rigs dang mthun par spyod pa yin gang gis de lta bur khong du ma chud pa de dag ni de bzhin gshegs pa'i rigs las logs shig pa'i chos la spyod pa dag go/ / kye rgyal ba'i sras de ltar byang chub sems dpa' sems dpa' chen pos tshad med pa khong du chud par bya ba'i tshul gyis/ de bzhin gshegs pa dgra bcom pa yang dag par rdzogs pa'i sangs rgyas rnams chos kyi 'khor lo bskor ba mngon par sgrub pa mdzad pa khong du chud par bya'o/ / de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ de'i tshe tshigs su bcad pa 'di dag smras so/ / mtshungs med chos kyi 'khor lo bskor ba mi dmigs te// phyir yang log med dus rnams kun las rnam par grol// yi ge thams cad smra bar bya bas zad mi 'gyur// de bzhin stobs bcu'i chos kyi 'khor lo mtha' yang yas// yi ge'i 'bru rnams thams cad dgos pa kun tu khyab// gang na'ang mi gnas de bzhin sangs rgyas 'khor lo ste// sgra rnam

  343. 172b

    kun la zhugs kyang rang bzhin zhugs pa med/ / ma lus sems can spyod pas sems can dga' bar mdzad// grangs las yongs su 'das pa'i chos rnams brjod pa'i phyir// ma lus mthar thug ting 'dzin ston pa snyoms par 'jug/ de mthus skad cig de la sems can ji snyed pa// de snyed rgyal ba'i gsung dbyangs yid du 'ong ba 'byung // sgra gcig dbyangs las sems can ma lus ji snyed pa'i/ / sgra dbyangs rnam pa tha dad dus gcig 'byung bar 'gyur// 'jig rten phyug dbang kun la rnam par rtog mi mnga'// gang rnams ji ltar mos pa de bzhin gsung yang nyan/ / yi ge rnams ni nang na yod min phyi nas 'byung ba min// de dag zad par mi 'gyur bsags pa'ang gang yang med// 'on kyang 'khor lo bskor na// 'gro ba'i don du 'gyur// stobs bcu mnga' ba rnams kyi cho 'phrul ci 'dra ltos// de skad ces smras pa dang // byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ / byang chub sems dpa' sems dpa' chen po kun tu bzang po la 'di skad ces smras so// kye rgyal ba'i sras byang chub sems dpa' sems dpa'i chen pos/ ji ltar de bzhin gshegs pa dgra bcom pa yang dag par rdzogs 'a'i sangs rgyas rnams kyi mya ngan las 'das pa chen po khong du chud par bya/ de skad ces

  344. 173a

    smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ / kye rgyal ba'i sras 'di la byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par 'dod pas/ rang bzhin gyi ngo bo nyid la blo yongs su btang ste/ des de bzhin nyid kyi yongs su mya ngan las 'das pa ji lta ba de bzhin du/ de bzhin gshegs pa'i yongs su mya ngan las 'das pa khong du chud par bya'o// yang dag pa'i mtha'i yongs su mya ngan las 'das pa'i ji lta ba dang / chos kyi dbyings kyi yongs su mya ngan las 'das pa ji lta ba dang / nam mkha'i dbyings kyi yongs su mya ngan las 'das pa ji lta ba dang / rang bzhin yongs su mya ngan las 'das pa ji lta ba dang / 'dod chags dang bral ba'i mtha'i yongs su mya ngan las 'das pa ji lta ba dang / rmi lam gyi mtha'i yongs su mya ngan las 'das pa ji lta ba dang / mtshan nyid med pa'i mtha'i yongs su mya ngan las 'das pa ji lta ba dang / chags pa med pa'i mtha'i yongs su mya ngan las 'das pa ji lta ba dang / bdag gi rang bzhin gyi mtha'i yongs su mya ngan las 'das pa ji lta ba dang / chos thams

  345. 173b

    cad kyi rang bzhin gyi mtha'i yongs su mya ngan las 'das pa ji lta ba de bzhin du/ de bzhin gshegs pa'i yongs su mya ngan las 'da' ba khong du chud par bya'o// de ci'i phyir zhe na/ de ni de dag thog ma nas ma skyes ma byung ba'i phyir te/ chos gang ma skyes ma byung ba de la 'bral bar 'gyur ba gang yang med do// kye rgyal ba'i sras gzhan yang de bzhin gshegs pa rnam ni/ byang chub sems dpa' rnams la yongs su mya ngan las 'da' ba shin tu mthar thug pa mi brjod mi ston te/ de ci'i phyir zhe na/ de dag gis ni de bzhin gshegs pa thams cad da ltar byung ba de bzhin du 'das pa dang / ma byon pa rnams kyang skad cig gcig la mngon du bya zhing / skad cig kyang ye shes kyi skad cig gis rjes su 'brang bar bya/ skad cig de'ang de bzhin gshegs pa thams cad mngon du blta bar bya/ de bzhin gshegs pa'i mngon par bsgrub pa thams cad kyang des mngon par bsgrub par bya/ des ni gnyis kyi 'du shes kyang bskyed par mi bya/ mi gnyis pa'i 'du shes kyang ma yin/ sems can gyi 'du shes kyang ma yin/ bdag gi 'du shes kyang ma yin par bya ba'i phyir/ kye rgyal ba'i sras de ci'i phyir zhe na/ byang chub sems dpa' ni mngon par zhen pa'i lam thams cad dang bral zhing / 'du shes thams cad yongs su spang bar bya dgos pa'i phyir ro// kye rgyal ba'i sras gzhan yang de bzhin

  346. 174a

    gshegs pa 'byung ba zhes bya ba 'di ni sems can pha rol yongs su tshim par 'gyur ba'i tshig go/ / de bzhin gshegs pa yongs su mya ngan las zhes bya ba 'din sems can pha rol gyi skyo ba skyed pa'i tshig ste/ kye rgyal ba'i sras de bzhin gshegs pa rnams ni skye ba med de/ yongs su mya ngan las mi 'da' 'o// de ci'i phyir zhe na/ de bzhin gshegs pa rnams ni chos kyi dbyings la bzhugs pa'i phyir te/ sems can pha rol gyi sems dang bsam pa yongs su skom par bya ba'i phyir/ de bzhin gshegs pa yongs su mya ngan las 'da' bar snang ngo / / kye rgyal ba'i sras 'di lta ste/ dper na nyi ma'i dkyil 'khor chos kyi dbyings kyi tshad dang mnyam pa zhig shar la/ de shar nas kyang 'jig rten gyi khams thams cad kyi chu yongs su dang ba'i snod du gzugs brnyan phyin par snang zhing mngon la nyi ma'i dkyil 'khor la 'phos pa med cing / nyi ma'i dkyil 'khor kun tu phyin par snang bar gyur kyang / de'i nang nas chu'i snod gcig cig chag gam/ de nas logs shig tu phyung ba 'am/ stong par gzhag par gyur na/ nyi ma'i gzugs brnyan yang snang bar mi 'gyur na/ kye rgyal ba'i sras de la ji snyam du sems nyi ma'i dkyil 'khor ram cig gis nyes te/ snod der nyi ma'i gzugs brnyan mi snang bar ma gyur grang ngo // byang chub sems dpa' de bzhin

  347. 174b

    gshegs pa'i rigs su byung ba'i dpal gyis smras pa/ kye rgyal ba'i sras de lta ma yin te/ snod dang mi ldan pa'i phyir nyi ma'i gzugs brnyan mi snang gi/ nyi ma'i dkyil 'khor gyis nyes pa ni ma yin no/ / byang chub sems dpa' kun tu bzang pos smras pa/ kye rgyal ba'i sras de bzhin du de bzhin gshegs pa nyi ma'i dkyil 'khor 'char bar 'gyur ba'i tshe'ang / 'jig rten gyi khams 'byam klas pa thams cad kyi chos kyi dbyings kun tu snga phyi med par 'char te/ de ni 'jig rten gyi khams 'byam klas pa kun gyi sems can sems rnyog pa med pa dang ldan pa'i chu bopo snod thams cad la gzugs brnyan snang bar 'gyur ro/ / sems kyi rgyud rnyog pa med pa'i phyir rtag tu rgyun mi 'chad par de bzhin gshegs pa'i sku nyi ma'i dkyil 'khor snang yang / sems can sems rnyog pa dang ldan zhing snod chag par gyur pa rnams kyis ni de bzhin gshegs pa'i nyi ma'i dkyil 'khor mthong bar mi 'gyur te/ de bzhin gshegs pa la 'pho ba mi mnga' yang thams cad du skye bar snang ste/ 'jig rten gyi khams 'byam klas pa la la zhig gi sems can snod chag pa lta bur gyur pa sems rnyog pa dang ldan zhing / las dang nyon mong pas bsgribs pa zhig yod par gyur na'ang der ni de bzhin gshegs pa rnams mya ngan las 'da' bar snang na/ kye rgyal ba'i sras de la ji snyam du sems// de bzhin gshegs pas nyes te/

  348. 175a

    de bzhin gshegs pa rnams mya ngan las 'da' ba 'am/ gcig tu ma gyur grang ngo // smras pa/ kye rgyal ba'i sras de lta ma yin te/ de bzhin gshegs pa rnams ni sems can gyi rgyud dge ba'i rtsa ba dang mi ldan pas yongs su mya ngan las 'da'i/ de bzhin gshegs pa rnams kyis nyes pa'i phyir zhes ni mi brjod do// smras pa/ kye rgyal ba'i sras 'o na byang chub sems dpa' sems dpa' chen pos/ de bzhin gshegs pa rnams mya ngan las 'da' ba'ang de lta bur shes par bya'o// kye rgyal ba'i sras gzhan yang yongs su mya ngan las 'da' bas 'dul ba'i sems can rnams la de bzhin gshegs pa rnams yongs su mya ngan las 'da' ba ston te/ de bzhin gshegs pa rnams ni 'byung ba'ang med/ yongs su mya ngan las 'da' ba'ang med do// kye rgyal ba'i sras de'ang 'di lta ste/ dper na me ni 'jig rten thams cad na'ang me'i dgos pa bsgrub po/ de la grong ngam/ grong khyer ram grong rdal lam/ yul lam/ pho brang 'khor tam/ rgyal po'i gnas shig tu me shi bar gyur na/ kye rgyal ba'i sras de la ji snyam du sems/ des 'jig rten thams cad du me thams cad lhag ma med pa 'am/ gcig tu shi ste zhi bar ma gyur grang ngo // byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras de lta ma yin

  349. 175b

    no/ / smras pa/ kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / 'jig rten gyi khams 'byam klas pa ma lus pa thams cad na/ de bzhin gshegs pa'i 'phrin las mdzad pa las dus gzhan zhig na/ de bzhin gshegs pa'i 'phrin las yongs su rdzogs par grub nas/ zhing gi grangs su bya ba la la zhig nas yongs su mya ngan las 'da' ba bstan par gyur na/ kye rgyal ba'i sras de la ji snyam du sems/ 'jig rten thams cad nas kyang de bzhin gshegs pa 'am/ gcig yongs su mya ngan las 'das par ma gyur grang ngo / / smras pa/ kye rgyal ba'i sras de lta ma yin no// smras pa/ kye rgyal ba'i sras 'o na byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po'ang de lta bur khong du chud par bya'o/ / kye rgyal ba'i sras gzhan yang 'di lta ste/ dper na sgyu ma'i mkhan po mkhas pa lobs pa shin tu byang ba zhig gis sngags dang / rig sngags kyi stobs dang shugs la brten te/ stong gsum gyi stong chen po'i 'jig rten gyi khams thams cad du sgyu ma'i rnam pa mang po bstan te/ grong dang / grong khyer dang / ljongs dang / pho brang 'khor dang / rgyal po'i gnas thams cad du rang gi lus

  350. 176a

    bstan te/ sgyu ma de dag kyang bskal par gnas par byin gyis brlabs pa las grong ngam/ grong khyer ram/ ljongs sam/ yul lam/ pho zang 'khor tam/ rgyal po'i gnas gcig cig tu dgos pa rdzogs par zin nas/ sgyu ma'i mkhan po des rang gi lus mi snang bar byas na/ kye rgyal ba'i sras de ji snyam du sems/ 'jig rten thams cad nas kyang rgyu ma'i rnam pa mang po yongs su nub pa 'am/ gcig tu ma gyur grang ngo // byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras de lta ma yin no/ / smras pa/ kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas ye shes kyi rgyu ma tshad med pa la shin tu byung ba/ thabs dang / shes rab dang / ye shes kyi rig sngags kyis shin tu byung ba'ang chos kyi dbyings thams cad du/ de bzhin gshegs pa'i sku sgyu ma'i rnam pa lta bu/ chos kyi dbyings kyis klas pa gnas pa nam mkha'i dbyings kyi mthar thug par mi 'jigs pa bstan la/ sems can gyi mos pa bzhin du 'phrin las rdzogs par zin nas/ zhing 'byam klas pa la la zhig nas yongs su mya ngan las 'das pa stong kyang / zhing gcig nas yongs su mya ngan las 'das pas 'jig rten gyi khams thams cad nas yongs su mya ngan las 'da' ba ma yin te/ kye rgyal ba'i sras byang chub

  351. 176b

    sems dpa' sems dpa' chen pos/ de bzhin gshegs pa rnams yongs su mya ngan las 'da' ba ni de lta bur khong du chud par bya'o// kye rgyal ba'i sras gzhan yang de bzhin gshegs pa dgra bcom pa yang dag par rdzogs pa'i sangs rgyas rnams kyi ting nge 'dzin mi g.yo ba zhes bya ba yod de/ ting nge 'dzin de la ni de bzhin gshegs pa rnams yongs su mya ngan las 'da' ba ston pa'i tshe/ snyoms par 'jug go// ting nge 'dzin de la snyoms par zhugs ma thag tu/ de bzhin gshegs pa'i sku 'byam klas pa re re las kyang 'od zer bye ba khrig khrag brgya stong tshad med pa 'byung bar 'gyur te/ 'od zer de dag re re'i sgo nas kyang pad+mo grangs med pa 'byung bar 'gyur ro// pad+mo de dag re re las kyang ze ba brjod du med pa 'byung bar 'gyur ro// ze ba de de dag thams cad la'ang seng ge'i khri mang po 'byung bar 'gyur ro// seng ge'i khri mang po de dag la'ang de bzhin gshegs pa'i sku mang po bzhugs pa yongs su snang ngo // kye rgyal ba'i sras de la sems can thams cad kyi grangs ji snyed yod pa de snyed kyi de bzhin gshegs pa'i sku rnam pa'i mchog thams cad dang ldan pa/ sangs rgyas kyi yon tan gyi rgyan thams cad kyis shin tu brgyan pa kun nas bzhugs te/ de dag ni sngon gyi dam bcas pa chen po mthar dbyung ba'i phyir ro// de la sems can dbang po yongs su smin pa rnams kyis de bzhin

  352. 177a

    gshegs pa'i sku de dag mthong nas rnam par 'dul bar 'gyur te/ de bzhin gshegs pa'i sku de dag kyang 'di lta ste/ sems can thams cad gang dang gang du yongs su smin par gyur pa'i tshul bzhin du gdul ba'i dus las mi 'da' bar bya ba'i phyir/ phyi ma'i mtha'i mur thug par byin gyis brlabs pa dag ste/ de bzhin gshegs pa'i sku de dag ni yul na gnas pa'ang ma yin/ phyogs na gnas pa'ang ma yin no// yod pa'ang ma yin/ med pa'ang ma yin no// 'on kyang de bzhin gshegs pa'i sngon gyi smon lam chen po'i byin gyi rlabs dang sems can rnams kyi dbang po yongs su smin pa rgyur byas na/ de bzhin gshegs pa'i sku de dag kyang brjod par 'gyur ro// kye rgyal ba'i sras de ltar byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'da' ba tshad med pa'i rjes su song ba chags pa med pa'i mthar thug pa/ chos kyi dbyings ltar mtha' dang dbus med pa nam mkha'i dbyings kyi rang bzhin can/ de bzhin nyid kyis mi skye mi 'gag pa yang dag pa'i mtha' la gnas pa/ dus bzhin du rab tu ston pa 'gro ba thams cad du rgyun mi 'chad pa/ sngon gyi byin gyi rlabs kyis shin tu byin gyis brlabs pa/ 'gro ba'i zhing thams cad dang /

  353. 177b

    chos kyi dbyings 'byam klas pa thams cad las mi 'da' ba khong du chud par bya'o// de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ de'i tshe tshigs su bcad pa 'di dag smras so// nyi ma'i dkyil 'khor chos dbyings tshad dang mnyam pa ni// snod du gzugs brnyan snang ste chag la snang ba min/ / de ltar mi mchog dbang po 'jig rten kun tu snang // sems can dang med rnams kyis mya ngan 'das par shes// me ni 'jig rten kun na dgos pa'i don sgrub ste// shing dang mi ldan de dang de nas zhi bar 'gyur/ / de bzhin rgyal ba'i me 'bar gzi brjid che mnga' ba// 'dul ba med pas yongs su mya ngan 'da' ba ston// sgyu ma'i mkhan po stong gsum khams su lus ston pa/ / dgos pa'i mthar phyin bdag gis lus kyang mi snang byed// zhing rnams gang du sangs rgyas 'phrin las rdzogs gyur pa// der ni rgyal ba mi snang 'on kyang gud na snang // rgyal ba'i ting 'dzin mi g.yo thob ces bya ba yon// rgyal ba'i 'phrin las rdzogs nas de la snyoms par 'jug/ 'byam klas sku rnams gcig las tshad med mtha' yas pa'i// 'od zer pad+mo sangs rgyas skad cig gcig gis 'byung / / rgyal ba de dag chos dbyings kun tu rgyas 'gengs pa// sems can bsod nams byas pas sangs rgyas de mthong ste// rgyal ba'i sku/

  354. 178a

    mdog de dag chos kyi dbyings mnyam par// sku tshe byin gyis brlabs pas yan lag kun dang ldan// ji ltar sangs rgyas ma skyes skyes par brjod gyur pa// de bzhin zhig pa med kyang mya ngan 'das shes brjod/ / dpe dang dbyangs dang tshig gi lam rnams kun gyis dben// don grub sangs rgyas lha yi dam pa mtshungs pa med// de skad ces smras pa dang / / byang chub sems dpa' sems dpa' chen po de bzhin gshegs pa'i rigs su byung ba'i dpal gyis// byang chub sems dpa' sems dpa' chen po kun tu bzang po la 'di skad ces smras so/ / kye rgyal ba'i sras de la de bzhin gshegs pa dgra bcom pa yang dag par rdzogs pa'i sangs rgyas rnams mthong ba dang / thos pa dang / de dag dang 'grogs pa'i dge ba'i rtsa ba skye bar 'gyur ba byang chub sems dpa' sems dpa' chen pos ji lta bur khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos/ / byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so// kye rgyal ba'i sras de la de bzhin gshegs pa dgra bcom pa yang dag par rdzogs pa'i sangs rgyas rnams mthong ba dang / thos pa dang / de dag dang 'grogs pa'i dge ba'i rtsa ba skye bar 'gyur ba/

  355. 178b

    ni byang chub sems dpa' sems dpa' chen pos mi zad pa mngon par bsgrub pa'i thos don yod pa dang / bgegs med pa dang / shin tu mapar thug par 'grub pa dang / mi slu ba dang / bsam pa thams cad yongs su rdzogs par byed pa dang / 'dus byas thams cad la spyad pa'i rgyud mi zad pa dang / 'dus ma byas kyi ye shes 'thob par 'gyur ba dang / de bzhin gshegs pa'i ye shes skye bar 'gyur ba dang / phyi ma'i mtha'i mu mtha' yas pa'i mthar thug par 'gyur ba dang / rang byung gis rnam pa'i mchog thams cad dang ldan pa 'thob par 'gyur bar khong du chud par bya'o/ / kye rgyal ba'i sras 'di lta ste/ dper na mi le la zhig gis rdo rje'i khams shig zos par gyur na/ de ni ji tsam du chung ngu zin kyang / rdo rje'i khams de zhu bar mi 'gyur te/ de ni gdon mi za bar gnas thams cad las 'das nas/ 'og gi phyogs su 'byung bar 'gyur ro// kye rgyal ba'i sras de ci'i phyir zhe na/ de ni rdo rje'i chos ma 'dres pa yin pa'i phyir ro/ / kye rgyal ba'i sras de bzhin du de bzhin gshegs pa la bskyed pa'i dge ba'i rtsa ba ni ji tsam du chung ngu zin kyang / 'dus byas la spyod pa'i nyon mongs pa'i gnas thams cad las mngon par 'das te/ de bzhin gshegs pa'i ye shes 'dus ma byas pa'i mthar thug par 'gyur ro// kye rgyal ba'i sras de ci'i phyir zhe na/ de bzhin gshegs

  356. 179a

    pa la bskyed pa'i dge ba'i rtsa ba'i chos ma 'dres pa yin pa'i phyir ro/ / kye rgyal ba'i sras gzhan yang 'di lta ste/ dper na rtswa dang lo ma'i phung po ri rab tsam zhig yod du zin kyang / der me mdag yungs kar gyi 'bru tsam gcig bcug na/ rtswa dang lo ma'i phung po de ni gdon mi za bar tshig par 'gyur ro// de ci'i phyir zhe na/ de ni me'i mtshan nyid sreg pa la sta gon du gnas pa'i phyir ro/ / kye rgyal ba'i sras de bzhin du de bzhin gshegs pa la bskyed pa'i dge ba'i rtsa ba'i me ma dag kyang ji tsam du chung ngu zin kyang / nyon mongs pa thams cad kyi rtsa dang lo ma'i phung po ma lus par bsregs nas/ sangs rgyas kyi mthar phyin gyi bar du 'grub par byed do// kye rgyal ba'i sras de ci'i phyir zhe na/ de bzhin gshegs pa la bskyed pa'i dge ba'i rtsa ba ni shin tu thug pa'i mthar phyin pa'i phyir ro/ / kye rgyal ba'i sras gzhan yang 'di lta ste/ dper na ri'i rgyal po kha ba can la sman gyi rgyal po chen po blta na legs pa zhes bya ba yod de/ sman gyi rgyal po de sems can gang gis mthong bar gyur pa de dag gi mig rnam par dag par 'gyur ro// sman gyi rgyal po de la rlung gis btab pa'i sgra gang gis thos pa de dag gi rna ba rnam par dag par 'gyur ro/ / gang gis dri tshor ba de dag gi rna rnam par dag par 'gyur ro// gang gis myangs pa de dag gi lce rnam par dag par

  357. 179b

    'gyur ro/ / gang gis reg pa de dag gi lus rnam par dag par 'gyur ro// gang gis de 'khor gyir phyogs su phyin pa de dag gi nad kyang yongs su zhi bar 'gyur ro// kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas sman gyi rgyal po chen po bla na med pa'ang sems can thams cad rnam pa thams cad du nye/ / bapar 'tsho ba yin te/ sems can gang gis de bzhin gshegs pa'i gzugs kyi ska mthong bar gyur pa de dag la mthong ba'i dge ba'i rtsa ba de ni lha'i mig yongs su dag pa'i rgyur 'gyur ro/ sems can gang gis de bzhin gshegs pa'i mtshan thos pa de dag la rna ba yongs su dag pa'i rgyur 'gyur ro// sems can gang gis de bzhin gshegs pa'i tshul khrims kyi dri tshor ba de dag la lha'i sna yongs su dag pa'i rgyur 'gyur ro/ / sems can gang gis de bzhin gshegs pa'i chos kyi ro myong ba de dag la tshig gi tshul thams cad shes pa'i lce'i dbang po yangs pa rnam par dag pa'i rgyur 'gyur ro/ / sems can gang la de bzhin gshegs pa'i 'od kyis phog par gyur pa de dag la chos kyi sku shin tu che ba yongs su dag pa'i rgyur 'gyur ro// sems can gang gis de bzhin gshegs pa rjes su dran pa de dag la de bzhin gshegs pa dran pa rtse gcig yongs su dag pas/ yang dag par rdzogs pa'i sangs rgyas mthong ba'i rgyur 'gyur ro// sems

  358. 180a

    / banag nas sbyin pa shegs pa zlags zugs dmas rgyag / smra pa'i da na la saspyod pargyasan/ de dag da de'ang nyon mongs pa'i nad thams cad nisong / 'phags pa'i bde ba 'thob pa'i rgyur 'gyur ro// kye rgyal ba'i sras khyod kyis ying ches pa dang khong du chud par byan/ sems can la sa zhig gis de bzhin gshegs pa mthong ngam/ thos kyang las kyi sgrib pas kun nas 'khor ba'i phyir/ de bzhin gshegs pa la ma dad pa zhig byas na'ang de dag gi mthong ba'i dge ba'i ba de ni yongs su mya ngan las 'da' ba'i bar du don yod do zhes bdag smra'o/ / kye rgyal ba'i sras de bzhin gshegs pa mthong ba dang / thos pa dang / de dag dang 'grogs pa'i dge ba'i rtsa ba skye ba ni/ byang chub sems dpa' sems dpa' chen pos mi dge ba'i chos thams cad spang ba dang / dge ba'i chos thams cad mngon du bya zhing / yongs su rdzogs par 'gyur ba rgyur khong du chud par bya'o/ / kye rgyal ba'i sras gzhan yang dpe rnam par dgod pa thams cad kyis/ de bzhin gshegs pa rnam pa thams cad du shes par mi rung ste/ ces kyang dper bya ba ma yin no// ngo tso'i phyir zhe na/ kye rgyal ba'i sras de bzhin gshegs pa rnams ni sems kyi las thams cad las shin tu 'das pas bsam gyis mi khyab pacwa

  359. 180b

    'on kyang sems can rnams kyi bsam pa yongs su tshim par bya ba'i phyir/ de bzhin gshegs pa rnams ni byang chub sems dpa' rnams la dpes ston pa mngon par gnang bar mdzad kyi/ de lhur blang ba'i phyir ni ma yin no// kye rgyal ba'i sras chos kyi rnam grangs rnam pa 'di lta bu dag ni de bzhin gshegs pa'i gsang ba'i gnas shes bya'o// 'jig rten thams cad kyis shes par dka' ba zhes bya'o/ / de bzhin gshegs pa'i phyag rgya dang ldan pa zhes bya'o// ye shes kyi mthu chen po brjod pa zhes bya'o// de bzhin gshegs pa'i rigs ston pa zhes bya'o/ / byang chub sems dpa' thams cad yang dag par sgrub pa zhes bya'o// 'gro ba thams cad kyis mi 'phrogs pa zhes bya'o// shin tu nges par de bzhin gshegs pa'i spyod yul gyi rjes su song ba zhes bya'o/ / sems gyi khams ma lus pa thams cad rnam par sbyong ba zhes bya'o// de bzhin gshegs pa thams cad kyis bstan pa'i rtsa ba zhes bya'o/ / shin tu mthar thug pa'i mur phyin pa zhes bya ba'i bar du ste/ kye rgyal ba'i sras chos kyi rnam grangs rnam pa 'di lta bu dag ni/ theg pa chen po la y ang dag par zhugs pa bsam gyis mi khyab pa'i theg pa la gnas pa'i byang chub sems dpa' sems dpa' chen po rnams ma gtogs par gzhan gyi don du de bzhin gshegs pa

  360. 181a

    ston pa mi mdzad do/ / chos kyi rnam grangs rnam pa 'di lta bu dag ni/ byang chub sems dpa' sems dpa' chen po ma gtogs par sems can gzhan gyi lag tu phyin par mi 'gyur ro/ / kye rgyal ba'i sras 'di lta ste/ dper na 'khor los sgyur ba'i rgyal po'i rin po che gang gis 'khor los sgyur ba'i rgyal por brjod pa'i rin po che gang yang rung ste/ rin po che de dag ni 'khor los sgyur ba'i rgyal po de'i bu thu bo gzhon nu btsun mo dam pa las byung ba 'khor los sgyur ba'i mtshan dang ldan pa ma gtogs par sems can gzhan gyi lag tu phyin par mi 'gyur ro/ / kye rgyal ba'i sras 'khor los sgyur ba'i rgyal po'i bu 'khor los sgyur ba'i mtshan dang ldan pa de lta bu med na ni/ 'khor los sgyur ba'i rgyal po dus byas nas zhag bdun lon pa dang / nor bu rin po che de dag ma lus par nub par 'gyur te mi 'khod do// kye rgyal ba'i sras de bzhin du mdo sde rin po che rnam pa 'di lta bu 'di dag kyang de bzhin gshegs pa rnams kyi sras kyi thu bo de bzhin gshegs pa'i rigs su byung ba/ de bzhin gshegs pa rnams la dge ba'i rtsa ba bskyed pa rnams ma gtogs par sems can gzhan gyi lag tu phyin par mi 'gyur ro/ / kye rgyal ba'i sras skyes bu dam pa de lta bu dag med du zin na/ ring po mi thogs par mdo sde rnam pa 'di lta bu de bzhin gshegs pa'i gsang ba chen

  361. 181b

    bopo chos kyi rnam grangs/ de bzhin gshegs pa'i tshul rgyun mi 'chad par byed pa rnams kyang / thams cad kyi thams cad du nub par 'gyur te mi 'khod do// de ci'i phyir zhe na/ nyan thos dang rang sangs rgyas thams cad la ni chos kyi rnam grangs rnam pa 'di lta bu dag mnyan pa mthu'ang med na/ gzung ba 'am/ bcang ba 'am/ bklag pa 'am/ bstan pa 'am/ bri ba lta ci smos te/ de ni gnas ma yin no// gzhan du na chos kyi rnam grangs rnam pa 'di lta bu dag ni skyes bu dam pa de dag nyid kyi lag tu phyin pa 'am/ glegs bam du byas pa 'am/ yid la yod par 'gyur ro// kye rgyal ba'i sras de lta bas na byang chub sems dpa' sems dpa' chen pos chos kyi rnam grangs 'di lta bu dag thos na bsam pa thag pas rim grong bkur sti dang / rje sar byas te spyi bo la blang bar bya'o// rab tu dga' bar bya'o// de ci'i phyir zhe na/ kye rgyal ba'i sras gnas 'di la mos pa'i byang chub sems dpa' sems dpa' chen po rnams la na~M/ bla na med pa yang dag par rdzog pa'i byang chub dkon pa ma yin no// kye rgyal ba'i sras byang chub sems dpa' sems dpa' chen pos bskal pa bye ba khrag khrig brgya stong mang por pha rol tu phyin pa drug yang dag par bsgrub pa dang / byang chub kyi phyogs kyi chos yang dag par bsgrub pa la mngon par brtson par byas kyang / de

  362. 182a

    bzhin gshegs pa'i che ba nyid bsam gyis mi khyab pa 'di ma thos sam/ zos nas kyang yid mi ches shing dad pa med de mi 'jug khong du chud par mi byed na byang chub sems dpa' de ni byang chub sems dpa'i chos nyid la yang dag par byung ba ma yin no/ / de la de bzhin gshegs pa rnams kyis kyang / de bzhin gshegs pa'i rigs su byung bar bshad par mi 'gyur ro/ / kye rgyal ba'i sras nam byang chub sems dpa' sems dpa' chen pos de bzhin gshegs pa'i ye shes che ba nyid bsam gyis mi khyab tshad med pa/ chags pa med pa/ bsgrigs pa med pa 'di thos nas yid ches shing dad de 'jug pa dang / khong du chud par byed pa de'i tshe byang chub sems dpa' de de bzhin gshegs pa'i rigs su byung ba yin/ de bzhin gshegs pa'i yul gyi rjes su song ba yin/ sangs rgyas dang byang chub sems dpa' thams cad kyi mnyam pa nyid du shin tu grub pa yin/ thams cad mkhyen pa'i ye shes kyi yul la rab tu gnas pa yin/ 'jig rten gyi chos thams cad dang shin tu bral ba yin/ de bzhin gshegs pa'i spyod yul la shin tu byung ba yin/ byang chub sems dpa' thams cad kyi chos nyid rtogs par khong du chud pa yin/ de bzhin gshegs pa thams cad kyi khyu mchog gi mthu phyung ba dang rnam par rol pa la the tsom med pa

  363. 182b

    yin te/ byang chub sems dpa'i dbang rang byung gi chos nyid la gnas pas kyang / de bzhin gshegs pa yul chags pa med pa la 'jug pa yin no// kye rgyal ba'i sras byang chub sems dpas chos 'di dag thos nas blo thams cad kyi rjes su song ba dang / sems kyi bsam pa'i stobs dang shugs tshad med pa'i rjes su song ba dang / lhag pa'i bsam pas 'jug pa rtogs pa dang / rnam par rtog pa yongs su spangs pa dang / yid la byed pa de bzhin gshegs pa thams cad mngon du gyur pa dang / dran pa'i dbang ni nam mkha'i dbyings mnyam pa nyid kyis/ rnam par bsgoms pa dang / byang chub sems dpa'i blo gros kyi las chos kyi dbyings mtha' dang dbus med pas rnam par dpyad pa dang / rang byung gi ye shes 'byam klas pa yon tan thams cad yongs su rdzogs pas mngon par shes par bya ba dang / sems bskyed pa 'jig rten thams can gyi dri ma thams cad dang bral ba/ byang chub sems dpa'i spyod pa dang bsam pa la 'jug pa 'byam klas pa/ phyogs kyi dra ba thams cad du rgyas par 'gengs pa dang / dge ba'i rtsa ba yongs su bsngo ba'i ye shes 'das pa dang / ma byon pa dang / da ltar byung ba'i sangs rgyas thams cad dang rgyud kyi tshul gcig tu gyur pas chos 'di rnams la 'jug pa med par khong du chud ba'i tshul gyis 'jug par byas te/ des ni chos gang la'ang

  364. 183a

    gcig tu dmigs pas yid la bya bar mi bya'i/ rgyal ba'i sras chos gcig la chos thams cad la tshad med pa'i tshul du yid la bya'o// kye rgyal ba'i sras yon tan de lta bu dang ldan pa'i byang chub sems dpa' ni las gron chung ngur rang byung gi ye shes dang / mnga' sgyur ba 'thob par 'gyur ro// de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ de'i tshe tshogs su bcad pa 'di dag smras so// rgyal ba de dag thos mthong mchod pa byas pas kyang / tshad med pa yi bsod nams phung po 'phel bar 'gyur// nyon mongs 'khor ba'i sdug bsngal thams cad spangs gyur tu// 'dus byas 'di nang par ma dor ni zad mi 'gyur// skyes bu la las rdo rje zos gyur de la ni// zhu bar mi 'gyur gdon mi za bar phyir byung 'gyur// de bzhin stobs bcu rnams la mchod byas bsod nams kyi// ye shes rdo rjes nyon mongs ma lus bcom par 'gyur/ / rtswa skam spungs pa ri bo'i mchog tsam yod gyur kyang // me ma dag yungs 'bru tsam gyis de ni tshig 'gyur te// de bzhin bde gshegs mchod pa cung zad ci byas kyang / / nyon mongs thams cad 'tshog byed mya ngan 'das rgyur 'gyur// ri bo kha ba can la mthong legs sman yod de// mthong zhing reg pas

  365. 183b

    nad rnams thams cad zhi bar byed/ / de bzhin stobs bcu rnams ni mthong ngam thos kyang rung // yon tan kun ldan sangs rgyas ye shes 'thob par 'gyur// de nas de'i tshe sangs rgyas kyi mthus phyogs bcur 'jig rten gyi khams bye ba khrag khrig brgya stong brjod du med pa'i rdul shin tu phra ba snyed kyi 'jig rten gyi khams rnam pa drug dang / / ltas chen po bco brgyad du g.yos so/ / rab tu g.yos so// kun tu g.yos so// 'gul to// rab tu 'gul to// kun tu 'gul to// ldeg go// rab tu ldeg go// kun tu ldeg go// chem chem rab tu chem chem/ kun tu chem chem mo// 'ur 'ur/ rab tu 'ur 'ur/ kun tu'ur 'ur ro// shig shig/ rab tu shig shig/ kun tu shig shig go/ 'di lta ste/ shar phyogs dma' bar gyur na nub phyogs mtho bar gyur to/ / nub phyogs dma' bar gyur na shar phyogs mtho bar gyur to// lho phyogs dma' bar gyur na byang phyogs mtho bar gyur to// byang phyogs dma' bar gyur na lho phyogs mtho bar gyur te/ / dbus dma' bar gyur na mtha' mtho bar gyur to// mtha' dma' bar gyur na dbus mtho bar gyur to// de bzhin gshegs pa'i mthus lha rdzas las 'das pa'i me tog gi sprin dang / na bza'i smon dang / gdugs kyi sprin dang / rgyal mtshan gyi sprin dang / ba dan gyi sprin gyi char mngon par bab po/

  366. 184a

    / lha rdzas las 'das pa'i spos kyi sprin gyi char mngon par bab bo// lha rdzas las 'das pa'i 'phreng ba dang byug pa'i sprin gyi char mngon par bab bo// b+ha rdza las 'das pa'i rgyan dang lhab lhub kyi sprin gyi char mngon par bab bo/ / lha rdzas las 'das pa'i nor bu rin po che 'od chen po ldan pa'i sprin gyi char mngon par bab bo// lha rdzas las 'das pa'i byang chub sems dpa'i legs so zhes brjod pa'i sprin gyi char mngon par bab bo/ / lha rdzas las 'das pa'i byang chub sems dpa'i lus brjod du med pa'i sprin gyi char mngon par bab bo/ / 'jig rten gyi khams bsam gyis mi khyab par yongs su dag par mngon par 'tshang rgya ba'i sprin gyi char mngon par bab bo// de bzhin gshegs pa'i gsung chos kyi dbyings mtha' dang dbus med pa rgyas par 'gengs par sprin gyi char mngon par bab bo/ / gling bzhi pa'i 'jig rten gyi khams 'dir de bzhin gshegs pa'i byang chub thugs su chud pa'i chos kyi byin gyi rlabs kyis/ byang chub sems dpa' dga' bar gyur pa de bzhin du 'jig rten gyi khams ma lus pa thams cad du'ab phyogs bcu rgyas pa thams cad rab tu dga' bar gyur to/ / phyogs bcu'i 'jig rten gyi khams sangs rgyas kyi zhing bye ba khrag khrig brgya stong brjod du med pa brgyad cu'i rdul shin

  367. 184b

    tu phra bsnyed kyi pha rol dag nas kyang / de bzhin gshegs pa sangs rgyas kyi zhing bye ba khrag khrig brgya stong brjod du med pa brgyad cu'i rdul shin tu phra ba snyed mtshan kun tu bzang por mthu ba sha stag gis byang chub sems dpa' kun tu bzang po la zhal mngon par bstan te/ 'di skad ces gsungs so// rigs kyi bu khyod kyis de bzhin gshegs pa'i mthu bsam gyis mi khyab pa'i tshul mang po sangs rgyas kyi byin gyi rlabs dang / chos nyid rjes su bsnyags pas bstan pa legs so lags so// kye rgyal ba'i sras de bzhin gshegs pa sangs rgyas kyi zhing bye ba khrag khrig brgya stong brjod du med pa brgyad cu'i rdul shin tu phra ba snyed thams cad kyang mtshan mthun pa sha stag chos bstan pa 'di la leg par brjod pa mdzad do/ / nged kyis kyang de skad du brjod pa yin no/ / nged kyis ji skad du brjod pa de bzhin du sangs rgyas thams cad kyis kyang brjod do// chos bstan pa 'di shin tu bstan pa'i tshe/ byang chub sems dpa' sangs rgyas kyi zhing brgya phrag stong gi rdul shin tu phra ba snyed kyis byang chub sems dpa'i ting nge 'dzin thams cad mngon par shes pa rab tu thob par gyur te/ de dag kyang nged kyis thams cad bla na med pa yang dag par rdzogs pa'i byang chub tu tshe gcig gis thogs par lung bstan to/ / sems can sangs rgyas kyi zhing brgya phrag stong gi rdul shin tu phra ba snyed

  368. 185a

    kyis kyang / bla na med pa yang dag par rdzogs pa'i byang chub tu sem bskyed de/ de dag kyang ma 'ongs pa'i dus bskal pa sangs rgyas kyi zhing brjod du med pa rdul shin tu phra ba snyed kyis/ sangs rgyas kyi yul phun sum tshogs pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas ngag tu 'gyur bar nged kyis lung bstan to/ / chos bstan pa 'di'ang ma 'ongs pa'i byang chub sems dpa' rnams kyis ma thos pa'i chos thos par bya ba'i phyir nged kyis byin gyis brlabs so// gling bzhi pa'i 'jig rten gyi khams 'dir sems can rnams kyis ji ltar shes par gyur cing dul bar gyur pa de bzhin du phyogs bcu'i 'jig rten gyi khams bye ba khrag khrig brgya stong tshad med grangs med pa/ bsam gyis mi khyab pa/ mtshungs pa med pa/ mtha' yas pa/ mu med pa/ sa mtshams med pa/ dpag tu med pa/ brjod du med pa// chos kyi dbyings kyis klas pa/ nam mkha'i dbyings kyis mthas gtugs pa thams cad ma lus pa dag tu'ang sems can rnams rnam par dul bar gyur to// sangs rgyas kyi mthu dang bcom ldan 'das de bzhin gshegs pa rnam par snang mdzad kyi sngon gyi smon lam gyi byin gyi rlabs dang / chos nyid rab tu thob pa dang / dge ba'i rtsa ba'i mthu dang /

  369. 185b

    de bzhin gshegs pa'i ye shes nyams pa med pa las mi 'gyur ba dang / sangs rgyas kyi sku thob pa las gzhan du mi 'gyur ba dang / dus la ji ltar bab pa gzhin du byang chub sems dpa' yang dag par skul ba dang / sngon mngon par bsgrubs pa chung ma zos pa dang / byang chub sems dpa' kun tu bzang po'i spyod pa dang / mthu shin tu yangs pa dang / thams cad mkhyen pa'i ye shes kyi mnga' sbyar ba yang dag par bstan pa'i mthus/ phyogs bcu'i 'jig rten gyi khams sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed kyi pha rol nas/ byang chub sems dpa' sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed phyogs bcu'i chos kyi dbyings rgyas par 'gengs shing / byang chub sems dpa'i rgyan chen po rab tu bstan pa dang / 'od zer gyi dra ba chen po rab tu dgye ba dang / 'jig rten gyi khams thams cad bskyod pa dang / bdud kyi khyim thams cad rab tu gzhig pa dang / ngan song gi yul thams cad rab tu zhi bar bya ba dang / de bzhin gshegs pa'i che ba nyid rab tu brjod pa dang / chos yang dag par 'gro ba rnam pa tha dad pa tshad med pas de bzhin gshegs pa'i legs pa brjod pa dang / rnam pa thams cad du chos kyi char tshad med pa dbab pa'i sprin gyi char

  370. 186a

    mngon par dbab pa dang / lus rnam pa tha dad pa tshad med pa rab tu bstan pa dang / de bzhin gshegs pa thams cad kyi chos kyi sprin chen po rang rang gi rgyud kyi snod tshad med pas yang dag par gzung ba byed cing 'ongs par gyur to/ / de dag kyang sangs rgyas kyi byin gyis 'di skad du brjod de/ kye rgyal ba'i sras de ltar khyod kyis de bzhin gshegs pa'i chos nyid mi 'phrogs shing / bsam gyis mi khyab pa 'di brjod pa legs so legs so// kye rgyal ba'i sras bdag cag kyang thams cad kun tu bzang po zhes bya ba ming mthun pa sha stag ste/ de bzhin gshegs pa'i mtshan kun tu grags pa'i dbang phyug rgyal po zhes bya ba dag gi drung nas 'jig rten gyi khams kyi ming kun tu snang ba'i 'od ces bya ba dag nas 'dir phyin te/ thams cad du'ang sangs rgyas kyi mthu dang / de bzhin gshegs pa'i chos nyid rab tu thob pas chos bstan pa 'di nyid byung bar gyur to// kye rgyal ba'i sras de ltar bdag cag kyang dbang du gyur pa sha stag sangs rgyas kyi byin gyi rlabs kyis 'khor 'dir phyin te/ ji ltar bdag cag 'khor 'dir phyin pa de bzhin du phyogs bcu'i 'jig rten gyi khams chos kyi dbyings kyis klas pa/ nam mkha'i mtha' gtugs pa/ thams cad kyi gling bzhi pa thams cad du'ang de bzhin gshegs pa'i byin gyi rlabs dang

  371. 186b

    mthus/ byang chub sems dpa' sangs rgyas kyi zhing bye ba khrag khrig brgya stong brjod du med pa phrag bcu'i rdul mal tu phra ba snyed phyin par gyur te/ thams cad na'ang de bzhin gshegs pa'i mnga' mi 'phrogs pa'i chos 'di nyid tshig 'di dag nyid dang / yi ge 'di dag nyid dang / nges pa'i mngon par bsgrub pa 'di dag nyid kyis don 'di nyid brjod de lhag tshad med bar brjod do/ / de nas byang chub sems dpa' sems dpa' chen po kun tu bzang pos/ byang chub sems dpa'i tshogs thams cad la rnam par bltas nas/ de bzhin gshegs pa'i rigs brjod cing / sangs rgyas kyi che ba nyid smos pa dang / de bzhin gshegs pa'i chos nyi me 'phrogs pa yongs su brjod pa dang / sngon gyi dge ba'i rtsa ba tshad med cing yangs pa don yod par brjod pa dang / rnam pa'i mchog thams cad dang ldan pa'i sangs rgyas skye ba smon pa dang / sems can ma lus pa thams cad kyi sems kyi bsam pa rab tu brtag pa dang / 'gro ba thams cad la dus la ji ltar 'bab pa bzhin du chos bstan pa rnam par dgod pa yongs su mi gtang ba dang / byang chub sems dpa' thams cad kyi snang ba mtha' dang dbus med pa yang dag par bskyed pa dang / de bzhin gshegs pa'i sprul pa dang byin gyi rlabs rnam par dgod pa chen po rab tu bstan pa dang / de bzhin gshegs pa thams

  372. 187a

    cad dang rang bzhin gcig pa'i lus mi 'khrugs par bya ba byed cing sngon gyi spyod pa'i stobs dang shugs kyis mngon par bsgrubs te/ rang gi rgyud kyi mthus yang dag par blangs pa'i sangs rgyas kyi byin gyi rlabs kyis/ de'i tshe tshigs su bcad pa 'di dag smras so// dpe rnams ji snyed 'jig rten kun na gang yod pa// de dag thams cad sangs rgyas spyod lam 'di dang bral/ / 'on kyang 'gro la phan phyir sems can bstan pa'i phyir// dpe med rnams la don gyi tshul gyi dpe yang blangs// bde gshegs gsang ba 'di dag tha mal dman mi thos/ / bskal pa brgya phrag stong du de yi sgra dkon no// gang rnams brtson 'grus blo ldan shin tu dul gyur pa// de 'dra'i skyes byas sangs rgyas gsang ba 'di 'dra thos/ / gang gis 'di thos gyur nas rab tu dgar 'gyur ba// des ni sngan chad sangs rgyas brgya stong bkur cing mchod// bde gshegs rnams kyis byin brlabs rgyal bas yongs su gzung / / lnga dang mis bstod mkhas pas rim gror bya ba yin// 'dir ni bde gshegs 'jig rten 'das pa kun gyis bskor// rgyal ba sems can sgrol ba kun kyang 'di las 'byung / / 'di ni dkar po'i lam mnga' kun gyi mtha' yas rigs// de phyir bag yod gyis te 'di na gzung bar gyis// de bzhin gshegs pa dgra bcos

  373. 187b

    pa yang dag par rdzogs pa'i sangs rgyas kyis mngon par gnang ste/ byang chub sems dpa' sems dpa' chen po kun tu bzang pos de skad ces spras pa dang / byang chub sem dpa' de bzhin gshegs pa'i rigs su byung ba'i dpal yid dga' ste/ byang chub sems dpa'i 'khor de dag thams cad dang / lnga dang / mi dang / lA ma yin dang / klu dang gnod sbyin dang / dri za dang / brgya byin dang / tshangs pa dang / 'jig rten gyi mgon po dang / dbang phyug chen po dang / gtsang ma'i gnas kyi 'khor du bcas pa thams cad byang chub sems dpa' sems dpa' chen po kun tu bzang pos bshad pa la mngon par dga' 'o/ / shin tu rgyas pa chen po'i mdo sangs rgyas phal po che zhes bya ba las/ de bzhin gshegs pa skye ba 'byung ba bstan pa'i le'u ste bzhi bcu rtsa gsum pa'o/ / // bam po bdun cu lnga pa// // bcom ldan 'das shin tu rnam par sangs rgyas pa'i thugs mnga' ba/ mi gnyis pa la yang dag par spyod pa/ mtshan nyid med pa'i chos la rab tu rten pa/ sangs rgyas thams cad dang mnyam pa nyid brnyes pa/ bsgribs pa med pa thugs su chud par rtogs pa/ phyir mi ldog pa'i chos dang ldan pa/ spyod yul la 'phrogs pa med pa/ dus gsum rnam par dgod pa bsam gyis mi khyab pa la mnyam pa

  374. 188a

    nyid du byung ba/ 'jig rten gyi khams thams cad du shin tu khyab pa'i sku mnga' ba/ chos thams cad la the tshom mi mnga' ba'i ye shes can/ spyod pa thams cad dang ldan pa'i thugs mnga' ba/ chos kyi ye shes la nem nur mi mnga' ba/ rnam par ma brtags pa'i skad dang ldan pa'i byang chub sems dpa' thams cad kyis yang dag par gnon pa'i shes can/ sangs rgyas kyi spyod pa mi gnyis pa'i pha rol tu phyin pa'i gacho ga brnyes pa/ de bzhin gshegs pa'i rnam par thar pa tha mi dad pa'i ye shes kyi mthar phyin pa// sangs rgyas kyis mtha' dang dbus med pa'i mnyam pa nyid thugs su chud pa/ chos kyi dbyings kyis klas pa/ nam mkha'i dbyings kyi mthas gtugs pa/ sangs rgyas kyi spyod pas rnam par spyod cing / yul ma ga d+ha'i chos kyi dgon pa'i snying po byang chub la pho brang 'od kun nas 'byung ba na gdan seng ge'i khri pad+mo'i snying po can la bzhugs shing / byang chub sems dpa' sems dpa' chen po sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed thams cad kyang / bla na med pa yang dag par rdzogs pa'i byang chub tu tshe gcig gis thogs pa/ 'jig rten gyi khams gzhan dang gzhan nas 'dus pa kun kyang / byang chub sems dpa'i ye shes kyi tshul thams cad rab tu thob pa sha sta

  375. 188b

    'di ltar sems can gyi khams thams cad yongs su smin par bya ba dang / rnam par gdul ba dang / byang chub sems dpa'i chos la rab tu dgod par mkhas pa/ 'jig rten gyi khams 'byam klas pa thams cad dpyad pa'i tshul gyi ye shes 'byam klas pa la zhugs pa dag ste/ 'di ltar mya ngan las 'das pa'i sa dang / spyod yul dang / ye shes la spyod cing rtog pa/ spros pa thams cad yongs su chad pa/ spyod pa nye bar bzung ba rgyun mi 'chad pas sems can thams cad yang dag par gzung ba la mkhas pa/ chos kyi tshul la 'jug par bya ba mtha' dang dbus med pa la rab tu zhugs pa/ sems can thams cad kyi las kyi rnam par smin pa chung mi za zhing dmigs par brtag cing dpyad pa la shin tu mkhas pa/ sems can thams cad kyi bsam pa dang / bag la nyal ba dang / dbang po dang / rtsom pa dang / sbyor bar dang / mtho dman brtag cing dpyad pa la rab tu mkhas pa/ 'das pa dang / ma byon pa dang / da / ltar byung ba'i de bzhin gshegs pa thams cad kyis gsungs pa'i don dang / tshig dang / yi ge gzung zhing bcang ba dang / shes par bya ba dang / mnyam par gzung ba dang / brtag par bya ba la shin tu mkhas pa/ 'jig rten dang 'jig rten las 'das pa'i chos kyi tshul la 'jug par bya ba mtha' dang dbus med pa la shin tu zhugs pa/ 'dus byas dang / 'dus ma

  376. 189a

    byas dang / dus rnam pa tha dad pa'i tshul brtag pa la rab tu mkhas pa/ 'das pa dang / ma byon pa dang / da ltar byung ba'i de bzhin gshegs pa thams cad kyi ye shes kyi dkyil 'khor skad cig gcig gi de ma thag tu rab tu thob pa la rnam par spyod pa/ sems kyi skad cig re re la mngon par rdzogs par byang chub pa yang dag par ston pa/ sems can thams cad kyi sems bskyed pa dang mi 'bral bar byang chub tu rnam par 'tshang rgya ba/ sems can gcig gi sems kyi dmigs pa la zhugs pas sems can ma lus pa thams cad kyi sems kyi dmigs pa la mkhas par khong du chud pa/ rang byung gi ye shes dang sa mngon du gyur pa las mi nyams pa'i byang chub sems dpa'i lus dang ldan pa thams cad mkhyen pa'i sa thob kyang rgyun mi 'chad pa'i spyod pa las phyir mi ldog pa/ byang chub sems dpa'i sa mngon par 'du bya ba'i mthu rgyun mi 'chad pa/ mngon par 'du bya ba med pa'i ye shes kyi tshul la zhugs pa/ sems can gcig gi don du bskal pa mu med par spyod pa yongs su 'dzin pa'i byin gyi rlabs la mkhas pa/ bskal pa grangs med par 'byung zhing / mthong bar dka' b o'i byang chub sems dpa'i rin po che shin tu bzang po chos kyi 'khor lo thogs pa med pa'i byin gyi rlabs kyi 'gro ba thams cad rnam par 'dul ba'i dbyings la 'jug par mkhas pa

  377. 189b

    'das pa dang / ma byon pa dang / da ltar byung ba'i de bzhin gshegs pa thams cad kyi rnam par dag pa'i gnas yang dag par gzung ba'i phyir/ sngon gyi spyod pa'i mthu' khyad par dang smon lam phun sum tshogs pa dag ste/ de dag dang de ma yin pa de bzhin gshegs pa thams cad kyis yon tan bsngags shing yongs su brjod kyang bskal pa mu med par mi zad mi thug pa legs pa shin tu brjod pa rab tu thob pa sha stag ste/ 'di ltar byang chub sems dpa' sems dpa' chen po kun tu bzang po dang / byang chub sems dpa' sems dpa' chen po kun tu mig dang / byang chub sems dpa' sems dpa' chen po kun tu 'phrul pa dang / byang chub sems dpa' sems dpa' chen po kun tu shes rab dang / byang chub sems dpa' sems dpa' chen po kun tu lta ba dang / byang chub sems dpa' sems dpa' chen po kun tu 'od dang / byang chub sems dpa' sems dpa' chen po kun tu snang ba dang / byang chub sems dpa' sems dpa' chen po kun tu gsal ba dang / byang chub sems dpa' sems dpa' chen po kun tu dpal dang / byang chub sems dpa' sems dpa' chen po kun blo dang / byang chub sems dpa' sems dpa' chen po shugs chen po dang / byang chub sems dpa' sems dpa' chen po shugs chen po 'dzin pa dang / byang chub sems dpa' sems dpa

  378. 190a

    chen po rnam par 'phrul pa chen po dang / byang chub sems dpa' sems dpa' chen po rnam par 'phrul pa chen pos rab tu mdzes pa dang / byang chub sems dpa' sems/ dpa' chen po brtson 'grus kyi rnam par gnon pa dang / byang chub sems dpa' sems dpa' chen po rnam par bsgyings pa chen po dang byang chub sems dpa' sems dpa' chen po rnam par bsgyings pa chen po'i stobs dang / byang chub sems dpa' sems dpa' chen po glang po chen po'i nges pa dang / byang chub sems dpa' sems dpa' chen po glang po chen po spos kyi glang po dang / byang chub sems dpa' sems dpa' chen po zla ba chen po dang / byang chub sems dpa' sems dpa' chen po zla ba chen po bzang po dang / byang chub sems dpa' sems dpa' chen po yon tan zla ba dang / byang chub sems dpa' sems dpa' chen po rin chen zla ba dang / byang chub sems dpa' sems dpa' chen po zla ba kun tu snang ba dang / byang chub sems dpa' sem dpa' chen po chos dri ma med pa'i zla ba dang / byang chub sems dpa' sems dpa' chen po rnam par snang ba'i zla ba dang / byang chub sems dpa' sems dpa' chen po rnam par grags pa'i zla ba dang / byang chub sems dpa' sems dpa' chen po 'od zer rab tu 'gyed pa dang / byang chub sems dpa' sems dpa' chen po zla ba yongs su rgyas pa dang / byang chub sems

  379. 190b

    dpa' sems dpa' chen po tshangs pa'i dbyangs dang / byang chub sems dpa' sems dpa' chen po tshangs pa'i dbang po 'brug gi dbyangs dang / byang chub sems dpa' sems dpa chen po sa grum pa'i sgra'i dbyangs dang / byang chub sems dpa' sems dpa' chen po chos kyi dbyings rab tu sgrog pa'i dbyangs dang / byang chub sems dpa' sems dpa' chen po bdud kyi dkyil 'khor thams cad rnam par 'joms pa'i dbyangs dang / byang chub sems dpa' sems dpa' chen po chos kyi rnga sgra'i dbyangs dang / byang chub sems dpa' sems dpa' chen po kun tu go bar byed pa'i dbyangs dang / byang chub sems dpa' sems dpa' chen po mi rtog rnam par mi rtog pa'i dbyangs dang / byang chub sems dpa' sems dpa' chen po sa gzhi rab tu sgrog pa'i dbyangs dang / byang chub sems dpa' sems dpa' chen po yan lag thams cad kyi dbyangs zil gyis gnon pa dang / byang chub sems dpa' sems dpa' chen po kun nas snying po dang / byang chub sems dpa' sems dpa' chen po kun nas dri ma med pa'i snying po dang / byang chub sems dpa' sems dpa' chen po yon tan gyi snying po dang / byang chub sems dpa' sems dpa' chen po rnam par snang ba'i snying po dang / byang chub sems dpa' sems dpa' chen po rin po che'i snying po dang / byang chub sems dpa'

  380. 191a

    sems dpa' chen po rdo rje'i snying po dang / byang chub sems dpa' sems dpa' chen po zla ba'i snying po dang / byang chub sems dpa' sems dpa' chen po nyi ma/ snying po dang / byang chub sems dpa' sems dpa' chen po gtsang ma'i snying po dang / byang chub sems dpa' sems dpa' chen po pad+mo'i snying po dang / byang chub sems dpa' sem dpa' chen po pad+mo dpal gyi snying po dang / de dag la sogs pa byang chub sems dpa' sems dpa' chen po sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed kun kyang / kun tu bzang po'i spyod pa dang smon lam du ldan pa/ smon lam dang lhag pa'i bsam pa phun sum tshogs pa/ sangs rgyas byung ba thams cad kyi drung du 'gro zhing gsol ba gdab pa la mkhas pa/ de bzhin gshegs pa thams cad kyi chos tshul yang dag par 'dzin pa dang / sangs rgyas thams cad kyi rigs rgyun mi gcod pa sangs rgyas 'byung ba gcig nas gcig tu lung bstan pa dang / mngon par 'tshang rgya ba dang / ming dang / zhing dang / 'khor lo'i tshul yongs su sbyong ba sangs rgyas mi bzhugs pa'i 'jig rten gyi khams su sangs rgyas skye ba yongs su ston pa/ kun nas nyon mongs pa'i sems can gyi khams thams cad yongs su dag par byed pa dang / byang chub sems dpa'i

  381. 191b

    las kyi sgrib pa thams cad rab tu sel ba/ chos kyi dbyings sgrib pa med pa la shin tu zhugs pa sha stag dang thabs cig tu bzhugs te/ de nas byang chub sems dpa' sems dpa' chen po kun tu bzang po de'i tshe/ sangs rgyas phal po che zhes bya ba'i ting nge 'dzin la snyoms par zhugs so// de ltar byang chub sems dpa' sems dpa' chen po kun tu bzang pos/ ting nge 'dzin chen po sangs rgyas phal po che zhes bya ba de la mnyam par gzhag ma thag tu/ de'i tshe phyogs bcu'i 'jig rten gyi khams 'byam klas pa/ chos kyi dbyings kyis klas pa/ nam mkha'i mthas gtugs pa ma lus pa thams cad rnam pa drug tu g.yos te/ g.yos so// rab tu g.yos so// kun tu g.yos so// 'gul to// rab tu 'gul to// kun tu 'gul to/ / ldeg go// rab tu ldeg go// kun tu ldeg go/ chem chem/ rab tu chem chem/ kun tu chem chem mo// 'ur 'ur/ rab tu 'ur 'ur/ kun tu 'ur 'ur ro// shig shig/ rab tu shig shig/ kun tu shig shig go// de ltar 'jig rten gyi khams 'byam klas pa ma lus pa thams cad du rab tu bskyod de/ dbyangs kyis mngon par go bar byas nas/ ting nge 'dzin de las langs par gyur to/ / de nas byang chub sems dpa' sems dpa' chen po kun tu shes rab kyis/ byang chub sems dpa'i tshogs chen po 'dus par shes nas/ byang chub sem/

  382. 192a

    dpa' sems dpa' chen po kun tu bzang po la 'di skad ces smras so// kye rgyal ba'i sras legs par bstan pa mdzod cig/ byang chub sems dpa' sems dpa' chen po rnams kyi rgyu mthun pa ni gang / ngo mtshar gyi 'du shes ni gang / spyod pa ni gang / dge ba'i bshes gnyen ni gang / brtson 'grus rtsom pa ni gang dbugs phyin pa thob pa ni gang / sems can yongs su smin par bya ba ni gang / tshul khrims ni gang / lung bstan pa ni gang // kye rgyal ba'i sras byang chub sems dpa' rnams kyi byang chub sems dpa' la 'jug pa ni gang / de bzhin gshegs pa la 'jug pa ni gang / sems can rnams kyi bsam pa dang spyod pa la 'jug pa ni gang / 'jig rten gyi khams la 'jug pa ni gang bskal pa la 'jug pa ni gang / dus gsum bstan pa ni gang / dus gsum la 'jug pa ni gang / mi skyo zhing yongs su sgyid lug pa med pa'i sems bskyed pa ni gang / kun tu dbye ba'i ye shes ni gang / gzungs ni gang // kye rgyal ba'i sras byang chub sems dpas sangs rgyas bstan pa rjes su rtogs par bya ba ni gang / kun tu bzang po'i sems bskyed pa ni gang kun tu bzang po'i spyod pa'i chos ni gang / snying rje chen po rab tu thob pa ni gang / rkyen gang gis byang chub tu sems bskyed pa'i byang chub kyi sems kyi rkyen ni gang dge bo'i bshes

  383. 192b

    gnyen la gus pa'i sems ni gang / yongs su dag pa ni gang / pha rol tu phyin pa ni gang / shes pa khong du chud par bya ba ni gang / rab tu rdzogs pa ni gang / kye rgyag ba'i sras byang chub sems dpa' rnams kyi shugs ni gang / mnyam pa nyid ni gang / sangs rgyas kyi chos kyi tshul gyi lam ni gang / chos bstan pa ni gang yongs su gzung ba ni ga spobs pa ni gang / dbang ni gang / mi gnas pa ni gang / sems mnyam pa nyid ni gang / ye shes mngon par bsgrub pa ni gang // kye rgyal ba'i sras byang chub sems dpa' rnams kyi sprul pa ni gang / byin gyi rlabs ni gang / dbugs phyin pa chen po rab tu thob pa ni gang / sangs rgyas kyi chos zab mo la 'jug pa ni gang / gnas su bya ba ni gang / sems bskyed pa bstan pa ni gang / nem nur thams cad gcod pa'i sems bskyed pa ni gang / bsam gyis mi khyab pa ni gang / dgongs te bshad pa la mkhas pa ni gang / ye shes rnam par dbye ba la mkhos pa ni gang / kye rgyal ba'i sras byang chub sems dpa' rnams kyi snyoms par 'jug pa ni gang / ril po ni gang / rnam par thar pa ni gang / mngon par shes pa ni gang rig pa ni gang / rnam par grol ba ni gang / skyed mos tshal ni gang / gzhal med khang ni gang / dga' ba ni gang / rgyan ni gang / kye rgyal ba'i sras byang chub

  384. 193a

    sems dpa' rnams kyi sems bskyed pa mi bskul ba ni gling / sdug pa'i bsam pa yongs su mi gtong ba la gnas pa ni gang / ye shes kyis rnam par blta ba gang chos shin tu bstan pa ni gang / yongs su dag pa ni gang / phyag rgya ni gang / ye shes snang ba ni gang / byang chub sems dpa'i gnas mtshungs pa med pa ni gang / sangs rgyas kyi byang chub tu zhum pa med pa'i sems bskyed pa ni gang / lhag pa'i bsam pa ri bo lta bu ni gang // kye rgyal ba'i sras byang chub sems dpa' rnams kyi bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu ni gang / byang chub sems dpa'i rnam par spyod pa rin po che lta bu ni gang / theg pa chen po'i go cha rdo rje lta bu'i sems bskyed pa ni gang / rtsom pa chen po ni gang / brtsams pa chen po mthar phyin par bya ba ni gang / dad pa mi phyed pa ni gang / lung bstan pa ni gang / dge ba'i rtsa ba yongs su bsngo ba ni gang ye shes khong du chud pa ni gang / sems bskyed pa rgya chen po mtha' dang dbus med pa ni gang / kye rgyal ba'i sras byang chub sems dpa' rnams kyi gter na gang sdom pa ni gang dbang ni gang / rnam par 'phrul pa ni gang / sems can la rnam par 'phrul pa ni gang / zhing la rnam par 'phrul pa ni gang chos la rnam par

  385. 193b

    'phrul pa ni gang / lus la rnam par 'phrul pa ni gang / smon lam la rnam par 'phrul pa ni gang / spyod yul la rnam par 'phrul pa ni gang / kye rgyal ba'i sras byang chub sems dpa' rnams kyi ye shes la rnam par 'phrul pa ni gang / mngon par shes pa la rnam par 'phrul pa ni gang / rdzu 'phrul la rnam par 'phrul pa ni gang / stobs la rnam par 'phrul pa ni gang / rnam par rtse ba ni gang / khyu mchog gi mthu phyung ba ni gang / stobs ni gang / mi 'jigs pa ni gang / byang chub sems dpa'i ma 'dres pa'i chos ni gang / las ni gang // lus ni gang / byang chub sems dpa' rnams kyi lus kyi las ni gang / rang bzhin ni gang / ngag ni gang / ngag yongs su dag pa ni gang / yongs su 'dzin pa ni gang gis shin tu bzung zhing byang chub sems dpa'i ngag 'byung bar 'gyur/ byang chub sems dpa'i ngag gis ni ngag gi las gang zhig 'grub par 'gyur/ sems ni gang / sems bskyed pa ni gang / sems kyis / rgyas par dgang ba ni gang / kye rgyal ba'i sras byang chub sems dpa' rnams kyi dbang po ni gang / bsam pa ni gang / lhag pa'i bsam pa ni gang / sbyor ba ni gang / mos pa ni gang / 'jig rten gyi khams su mos pa la 'jug pa ni gang / sems can gyi khams su mos pa la 'jug pa ni gang / bag chags ni gang / nye bar len pa ni gang nan tan ni

  386. 194a

    gang kye rgyal ba'i sras byang chub sems dpa' rnams kyi 'grub pa ni gang / sangs rgyas kyi chos las 'gol ba'i lam ni gang / skyon med pa ni gang byang chub sems dpa'i chos nges pa thob pa ni gang / sangs rgyas kyi chos 'byung ba'i lam ni gang / skyes bu dam pa'i ming thob pa ni gang // lam ni gang / lam tshad med pa ni gang / lam gyi tshogs ni gang / lam bsgom pa ni gang // kye rgyal ba'i sras byang chub sems dpa' rnams kyi lam gyi rgyan ni gang // rkang pa ni gang / lag pa ni gang / lto ni gang / snying po no gang / snying ni gang / go cha ni gang / mtshon cha ni gang / mgo ni gang / mig ni gang // kye rgyal ba'i sras byang chub sems dpa' rnams kyi rna ba ni gang / sna ni gang / lce ni gang / lus ni gang / yid rnam par rgyu ba ni gang / 'gro ba ni gang / gnas pa ni gang / stan la 'dug pa ni gang / mal ni gang / rnam par spyod pa ni gang // kye rgyal ba'i sras byang chub sems dpa' rnams kyi spyod yul ni gang / lta ba ni gang / rnam par lta ba ni gang / rnam par bsgyings pa ni gang / seng ge'i nga ro ni gang / sbyin pa yongs su dag pa ni gang / tshul khrim yongs su dag pa ni gang / bzod pa yongs su dag pa ni gang / brtson 'grus yongs su dag pa ni gang / bsam gtan yongs su dag pa ni gang / kye rgyal ba'i sras byang chub sems

  387. 194b

    dpa' rnams kyi shes rab yongs su dag pa ni gang / byams pa yongs su dag pa ni gang / snying rje yongs su dag pa ni gung / dga' ba yongs su dag pa ni gang / btang snyoms yongs su dag pa ni gang / don ni gang / chos ni gang / bsod nams kyi tshogs ni gang / ye shes kyi tshogs ni gang / rig pa skye ba ni gang // kye rgyal ba'i sras byang chub sems dpa' rnams kyi chos yongs su tshol ba ni gang / chos rab tu brjod pa ni gang / chos kyi nan tan ni gang / bdud ni gang / bdud kyi las ni gang / bdud kyi las bzlog pa ni gang / sangs rgyas mthong bar bya ba ni gang / sangs rgyas kyi 'phrin las ni gang / nga rgyal gyi las ni gang / ye shes kyi las ni gang / kye rgyal ba'i sras byang chub sems dpa' rnams kyi bdud kyi byin gyi rlabs ni gang / sangs rgyas kyi byin gyi rlabs ni gang / chos kyi byin gyi rlabs ni gang / dga' ldan na gnas pa'i las ni gang / dga' ldan gyi gnas nas 'chi 'pho ston pa ni gang mngal na gnas par ston pa ni gang / shin tu phra ba'i rgyud ston pa ni gang / cher skye ba ni gang / gad mo cher dgod pa ni gang / gom pas rnam par gnon pa ni gang / kye rgyal ba'i sras byang chub sems dpa' rnams kyi gzhon nu'i sa kun tu ston pa ni gang / btsun mo'i 'khor nye bar ston pa ni gang / mngon par 'byung ba ni gang / dka' ba

  388. 195a

    spyod pa'i sbyor ba ni gang / snying po byang chub tu 'gro ba ni gang / snying po byang chub la 'jug pa ni gang / snying po byang chub la 'dug pa rnams kyi ngo mtshar rmad du byung ba'i chos ni gang / bdud 'dul ba ston pa ni gang / de bzhin gshegs pa'i stobs mngon par rdzogs par byang chub pa ni gang / chos kyi 'khor lo rab tu bskor ba ni gang / chos kyi 'khor lo rab tu bskor ba'i chos dkar po'i rnam pa ni gang / kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'da' ba chen po bstan pa ni gang / de skad ces smras pa dang // // byang chub sems dpa' sems dpa' chen po kun tu bzang pos/ byang chub sems dpa' sems dpa' chen po kun tu shes rab la dmigs nas/ byang chub sems dpa'i tshogs de dag thams cad la smras pa/ kye rgyal ba'i sras bcu po 'di dag ni/ byang chub sems dpa' sems dpa' chen po'i rgyu mthun pa ste/ bcu gang zhe na/ 'di ltar chung mi za ba'i phyir byang chub kyi sems kyi rgyu mthun pa dang / rgyud kyi tshul gcig tu bya ba'i phyir dge ba'i bshes gnyen gyi rgyu mthun pa dang / shin tu bsags pa'i phyir dge ba'i rtsa ba'i rgyu mthun pa dang / nan tan bya ba'i phyir pha rol tu phyin pa'i rgyu mthun pa dang / 'byung ba'i phyir chos thams cad kyi rgyu mthun pa dang / byang chub brtan pa'i phyir smon lam gyi rgyu mthun

  389. 195b

    pa dang / rgya chen po yang dag par bsags pa'i phyir spyod pa'i rgyu mthun pa dang / tshul gcig tu bya ba'i phyir byang chub sems dpa' thams cad dang rgyu mthun pa dang / sems rab tu dang ba'i phyir sangs rgyas mchod pa rgyu mthun pa dang / pha lta bur brjod pa'i phyir de bzhin gshegs pa thams cad dang rgyu mthun pa'o// kye rgyal ba'i sras bcu po de dag ni/ byang chub sems dpa' rnams kyi rgyu mthun pa ste/ de dag la gnas shing byang chub sems dpa' rnams de bzhin gshegs pa'i ye shes chen po bla na med pa 'thob par 'gyur ba dag go// kye rgyal ba'i sras 'di dag ni/ byang chub sems dpa' rnams kyi ngo mtshar gyi 'du shes te/ bcu gang zhe na/ 'di ltar dge ba'i rtsa ba thams cad la mi dge bar 'du shes pa dang / dge ba thams cad la byang chub kyi sa bon du 'du shes pa dang / sems can thams cad la byang chub kyi snod du 'du shes pa dang / smon lam thams cad la smon lam med par 'du shes pa dang // chos thams cad la 'byung bar 'du shes pa dang / spyod pa thams cad la spyod pa med par 'du shes pa dang / chos thams cad la sangs rgyas kyi chos su 'du shes pa dang / tshig tu spyod pa thams cad la ngag gi lam med par 'du shes pa dang / sangs rgyas thams cad la bar 'du shes pa dang / de bzhin gshegs pa thams cad la gnyis su med par 'du shes pa'o//

  390. 196a

    kye rgyal ba'i sras bcu po de dag ni/ byang chub sems dpa' rnams kyi ngo mtshar gyi 'du shes te/ de dag la gnas shing byang chub sems dpang rnams la 'du shes rnam/ par bzlog pa la mkhas pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi spyod pa ste/ bcu gang zhe na/ 'di ltar sems can thams cad yongs su smin par bya ba'i don du spyod pa dang / chos thams cad yongs su btsal ba'i don du spyod pa dang / bslab pa thams cad nan tan du bya ba'i don du spyod pa dang / dge ba'i rtsa ba thams cad bsags pa'i don du spyod pa dang / ting nge 'dzin rtse gcig tu bya ba'i don du spyod pa dang / ye shes rab tu shes par bya ba'i don du spyod pa dang bsgom pa yongs su bsgom pa'i don du spyod pa dang / zhing brgyan pa'i don du spyod pa dang / dge ba'i bshes gnyen banyen bkur ba'i don du spyod pa dang / de bzhin gshegs/ pa mchod cing rim gro bya ba'i don du spyod pa'o// kye rgyal ba'i sras bcu po de dag ni/ byang chub sems dpa' rnams kyi spyod pa ste/ de dag la gnas shing byang chub sems dpa' rnams de bzhin gshegs pa'i ye shes chen po spyod pa bla na med pa yongs su rdzogs pa 'thob par 'gyur ba dag go/ kye rgyal ba'i sras bcu po 'di dag ni/ byang chub

  391. 196b

    sems dpa' rnams kyi dge ba'i bshes gnyen te/ bcu gang zhe na/ 'di ltar byang chub kyi sems la rab tu gzhog pa'i bshes gnyen dang / dge ba'i rtsa ba la sbyor ba'i bshes gnyen dang / pha rol tu phyin pa la 'jug par byed pa'i bshes gnyen dang / chos thams cad ston pa'i bshes gnyen dang / sems can thams cad yongs su smin par bya ba la gzhog pa'i bshes gnyen dang / spobs pa la rnam par gdon mi za bar byed pa'i bshes gnyen dang / 'gro ba thams cad nas gyen du spyod pa'i bshes gnyen dang / bskal pa thams cad du gnas shing mi skyo bar byed pa'i bshes gnyen dang / kun tu bzang po'i spyod pa la rab tu gzhog pa'i bshes gnyen dang / sangs rgyas thams cad kyi ye shes la 'jug cing 'bab par byed pa'i bshes gnyen te/ kye rgyal ba'i sras bcu po de dag ni/ byang chub sems dpa' rnams kyi dge ba'i bshes gnyen no// kye rgyal ba'i sras bcu po 'di dag ni/ byang chub sems dpa' rnams kyi brtson 'grus brtsams pa ste/ bcu gang zhe na/ 'di ltar sems can gyi khams thams cad yongs su smin par bya'o snyam ste/ brtson 'grus rtsom pa dang / chos thams cad la gzud par bya'o snyam ste/ brtson 'grus rtsom pa dang / 'jig rten gyi khams thams cad yongs su sbyang bar bya'o snyam ste/ brtson 'grus

  392. 197a

    rtsom pa dang / byang chub sems dpa'i bslab pa thams cad shes par bya'o snyam ste/ brtson 'grus rtsom pa dang / sems can thams cad kyi nyes byas zad par bya'o snyam ste/ brtson 'grus rtsom pa dang / sems can dmyal ba dang / byol song gi skye gnas dang / gshin rje'i 'jig rten gyi sdug bsngal thams cad rgyun gcad do snyam ste/ brtson 'grus rtsom pa dang / bdud thams cad las rgyal bar bya'o snyam ste/ brtson 'grus rtsom pa dang / sems can thams cad la 'khrug pa med par bya'o snyam ste/ brtson 'grus rtsom pa dang / sangs rgyas thams cad la mchod par bya'o snyam ste/ brtson 'grus rtsom pa dang / de bzhin gshegs pa thams cad la mnyes par bya'o snyam ste/ brtson 'grus rtsom pa'o// kye rgyal ba'i sras bcu po de dag ni/ byang chub sems dpa' rnams kyi brtson 'grus rtsom pa ste/ de dag la gnas shing byang chub sems dpa' rnams de bzhin gshegs pa'i brtson 'grus kyi pha rol tu phyin pa bla na med pa yang dag par rdzogs pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi dbugs byin pa thob pa ste/ bcu gang zhe na/ 'di ltar bdag ni byang chub kyi sems la gnas pa yin gyi/ da dung gzhan yang byang chub kyi sems la dgod do zhes te dbugs phyin pa rab tu 'thob bo// bdag ni 'jig rten gyi rtsod pa thams

  393. 197b

    cad kyis rtsod du med pa la gzhol ba yin gyis/ da dung gzhan yang rtson pa med par dga' ba la rab tu dgod par bya'o zhes dbugs phyin pa 'thob bo// bdag ni byis pas chos las 'phags/ kyis da dung pha rol yang byis pa'i chos las gyen du bskyod de sangs rgyas kyi chos la dgod par bya'o zhes dbugs phyin pa 'thob bo// bdag ni dge ba'i rtsa ba btsal ba la brtson pa yin gyis dadung gzhan yang dge ba'i rtsa ba tshol bar brtson pa la rab tu dgod par bya'o zhes dbugs phyin pa 'thob bo/ / bdag ni pha rol tu phyin pa'i lam du zhugs pa yin gyis/ da drung gzhan yang pha rol tu phyin pa'i lam du 'jug pa la dgod par bya'o zhes dbugs phyin pa 'thob bo/ / bdag ni sangs rgyas kyi rigs su skye ba yin gyis/ da dung gzhan yang sangs rgyas kyi rigs su skye ba la rab tu dgod par bya'o zhes dbugs phyin pa 'thob bo/ / bdag ni dngos po med pa'i chos kyi tshul la zhugs pa yin gyis// da dung gzhan yang dngos po med pa'i chos kyi tshul la dgod par bya'o zhes dbugs phyin pa 'thob bo/ / bdag ni sangs rgyas kyi chos thams cad mi spong ba la brtson pa yin gyis/ da dung gzhan yang sangs rgyas kyi chos thams cad mi spong bar brtson pa la dgod par bya'o// zhes dbugs phyin pa 'thob bo// bdag gis ni thams cad mkhyen pa'i byang chub tu smon lam yongs su rdzogs par 'gyur gyis/ da dung gzhan yang thams cad mkhyen pa'i byang chub tu smon lam

  394. 198a

    yongs su rdzogs par byed pa la dgod par bya'o zhes dbugs phyin pa 'thob bo/ / bdag ni de bzhin gshegs pa thams cad kyi ye shes kyi mdzod mi zad par zhugs pa yin gyis da dung gzhan yang de bzhin gshegs pa thams cad kyi ye shes kyi mdzod mi zad par 'jug pa la dgod par bya'o zhes dbugs phyin pa 'thob bo/ / kye rgyal ba'i sngas bcu po de dag ni byang chub sems dpa' rnams kyi dbugs phyin pa 'thob ste/ de dag la gnas shing byang chub sems dpa' rnams de bzhin gshegs pa'i ye shes chen po'i dbugs phrin pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi sems can yongs su smin par bya ba ste/ bcu gang zhe na/ 'di ltar byang chub sems dpa' rnams ni sbyin pas kyang sems can gyi khams yongs su smin par byed do/ / gzugs kyis kyang sems can gyi khams yongs su smin par byed do// chos ston pas kyang ses can gyi khams yongs su smin par byed do/ / skal ba mnyam pas kyang sems can gyi khams yongs su smin par byed do// gnas med pas kyang sems can gyi khams yongs su smin par byed po byang chub sems dpa'i spyod pa brjod pas kyang sems can gyi khams yongs su smin par byed do/ / 'jig rten gyi khams kun tu 'bar ba yang dag par bstan pas kyang sems can gyi khams yongs su smin par

  395. 198b

    byed do/ / sangs rgyas kyi chos kyi che ba nyid brjod pas kyang sems can gyi khams yongs su smin par byed do// rdzu 'phrul sna tshogs kyi rnam par 'phrul pas kyang sems can gyi khams yongs su smin// pabar byed do// thabs mkhas pa'i sbyor ba dang tshul gyis 'jig rten du spyad pa sna tshogs kyis kyang sems can gyi khams yongs su smin par byed do// kye rgyal ba'i sras bcu po de dag ni/ byang chub sems dpa' rnams kyi sems can yongs su smin par bya ba ste/ de dag gis byang chub sems dpa' rnams sems can gyi khams yongs su smin par byed do// kye rgyab ba'i sras bcu po 'di dag ni/ byang chub sems dpa' rnams kyi tshul khrims te/ bcu gang zhe na/ 'di ltar byang chub kyi sems mi nyam pa'i tshul khrims dang / nyan thos dang rang sangs rgyas kyi sa yongs su spang ba'i tshul khrims dang / sems can thams cad la phan par dga' bas rnam par blta ba'i tshul khrims dang / sangs rgyas kyi chos thams cad la rab tu dgod pa'i tshul khrims dang byang chub sems dpa'i bslab pa thams cad la nan tan du bya ba'i tshul khrims dang / chos thams cad mi dmigs pa'i tshul khrims dang / dge ba'i rtsa ba thams cad byang chub tu yongs su bsngo ba'i tshul khrims dang / sangs rgyas kyi chos thams cad las phyin phyogs su mi lta ba'i tshul khrims dang / chos thams cad nges par rtogs pa la mngon par zhen pa med tshul khrims dang / dbang po

  396. 199a

    sdom pa'i tshul khrims so/ / kye rgyal ba'i sras bcu po de dag ni/ byang chub sems dpa' rnams kyi tshul khrims te/ de dag la gnas shing byang chub sems dpa' rnams de bzhin gshegs pa'i tshul khrims rgya chen po'i pha rol tu phyin pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi lung bstan pa ste/ lung bstan pa de dag gis lung bstan pa'i byang chub sems dpa' rnams ni bdag cag lung bstan to zhes bya bar shes so// bcu gang zhe na/ 'di ltar snying thag pa nas byang chub kyi sems phun sum tshogs pa ni/ byang chub sems dpa' rnams kyi rang gi rgyud las lung bstan pa'o// byang chub sems dpa'i spyod pa la mi skyo ba ni/ byang chub sems dpa'i lung bstan pa'o// bskal pa thams cad du zhe non pa ni/ byang chub sems dpa' rnams kyi phung bstan pa'o// sangs rgyas kyi chos thams cad la nan tan du byed pa ni/ byang chub sems dpa' rnams kyi lung bstan pa'o// de bzhin gshegs pa thams cad kyi bka' la gcig tu chad par mos shing yid ches la mngon par dad pa ni/ byang chub sems dpa' rnams kyi lung bstan pa'o// dge ba'i rtsa ba thams cad yang dag par sogs shing sgrub pa ni/ byang chub sems dpa' rnams kyi lung bstan pa'o// sems can thams cad sangs rgyas kyi byang chub la rab tu dgod par brtson pa ni// byang chub sems dpa' rnams kyi lung bstan pa'o// dge ba'i

  397. 199b

    bshes gnyen thams cad dang rgyud kyi tshul gcig tu byed pa ni/ byang chub sems dpa' rnams kyi lung bstan pa'o// dge ba'i bshes gnyen thams cad la ston par 'du shes pa ni/ byang chub sems dpa' rnams kyi lung bstan pa'o/ / sngon gyi byang chub kyi smon lam rjes su srung ba ni/ byang chub sems dpa' rnams kyi lung bstan pa'o// kye rgyal ba'i sras bcu po de dag ni/ byang chub sems dpa' rnams kyi lung bstan pa ste/ lung bstan pa de dag gis lung bstan pa'i byang chub sems dpa' rnams ni bdag cag lung bstan to zhes bya bar shes so// kye rgyal ba'i sras bcu po 'di dag ni/ byang chub sems dpa' rnams kyi byang chub sems dpa' la 'jug pa ste/ bcu gang zhe na/ 'di ltar sngon gyi smon lam la 'jug pa dang / spyod pa la 'jug pa dang / yang dag par bsgrub pa la 'jug pa dang / pha rol tu phyin pa la 'jug pa dang / bsgrub pa la 'jug pa dang / smon lam rnam pa tha dad pa la 'jug pa dang / mos pa tha dad pa la 'jug pa dang / zhing gi rgyan la 'jug pa dang / rdzu 'phrul gyis rnam par 'phrul pa la 'jug pa dang / skye ba bstan pa la 'jug pa'o// kye rgyal ba'i sras bcu po de dag ni/ byang chub sems dpa' rnams kyi byang chub sems dpa' la 'jug pa ste/ 'jug pa de dag gis ni 'das pa dang / ma 'ongs pa dang / da ltar byung ba'i byang chub sems dpa' thams cad la 'jug pa dag po kye rgyal ba'i sras bcwa po

  398. 200a

    'di dag ni/ byang chub sems dpa' rnams kyi de bzhin gshegs pa la 'jug pa ste/ bcug rkyen/ 'di skar bram pa'i mngon par rdzogs par byang chub pa la 'jug pa dang mu med pa'i chos kyi 'khor lo bskor ba la 'jug pa dang / mu med pa'i chos kyi tshul la 'jug pa dang / mu med pa'i dbyangs kyi dkyil 'khor la 'jug pa dang / mu med pa'i sems can 'dul ba la 'jug pa dang / mu med pa'i rdzu 'phrul gyis rnam par 'phrul pa la 'jug pa dang / mu med pa'o sku sna tshogs la 'jug pa dang / mu med pa'i ting nge 'dzin la 'jug pa dang / mu med pa'i stobs dang mi 'jigs pa la 'jug pa dang / mu med pa'i mya ngan las 'das pa yongs su bstan pa'o// kye rgyal ba'i sras bcu pa de dag ni/ byang chub sems dpa' rnams kyi de bzhin gshegs pa la 'jug pa ste/ 'jug pa de dag gis ni 'das pa dang / ma byon pa dang / da ltar byung ba'i de bzhin gshegs pa thams cad la 'jug par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi sems can gyi bsam pa dang spyod pa la 'jug pa ste/ sems can gyi spyod pa dang bsam pa la 'jug pa de dag gis ni/ byang chub sems dpa' rnams sems can thams cad kyi bsam pa dang spyod pa la rab tu 'jug go/ / bcu gang zhe na/ 'di ltar sems can thams cad kyi sngon gyi mtha'i spyod pa la 'jug pa dang / sems can thas cad kyi phyi ma'i mtha'i spyod pa la 'jug pa dang /

  399. 200b

    sems can thams cad kyi da ltar byung ba'i spyod pa la 'jug pa dang / sems can thams cad kyi dge ba'i spyod pa la 'jug pa dang / sems can thams cad kyi mi dge ba'i spyod pa la 'jug pa dang / can thams cad kyi sems kyi spyod pa la 'jug pa dang / sems can thams cad kyi dbang po'i spyod pa la 'jug pa dang / sem pa thams cad kyi mos pa sna tshogs kyi spyod pa la 'jug pa dang / sems can thams cad kyi nyon mongs pa'i bag chags dang / bag ma nyal bar spyod pa la 'jug pa dang / sems can thams cad kyi dus dang dus ma yin par yongs su smin par bya ba dang / rnam par 'dul pa'i pa la 'jug pa'o/ / kye rgyal ba'i sras bcu po de dag ni/ byang chub sems dpa' rnams kyi sems can gyi bsam pa dang spyod pa la 'jug pa ste/ de dag gis byang chub sems dpa' rnam sems can gyi bsam ba dang spyod pa la 'jug par 'gyur ba dag go/ kye rgyal ba'i sras bcu po 'di dag ni byang chub sems dpa' rnams kyi 'jig rten gyi kham la 'jug pa ste/ bcu gang zhe na/ 'di ltar 'jig rten gyi khams rnams la kun nas nyon mongs par 'jug pa dang / 'jig rten gyi khams rnams la rnam par dag par 'jug pa dang / 'jig rten gyi khams rnams la chung ngur 'jug pa dang / 'jig rten gyi khams rnams la chen por 'jug pa dang / 'jig rten gyi khams rnams la rdul shin tu phra mo bachud par 'jug pa dang / 'jig rten gyi khams rnams la rab tu phra bar 'jug pa dang / 'jig rten gyi khams rnams

  400. 201a

    la yangs par 'jug pa dang / 'jig rten gyi khams rnams la 'byung bar 'jug pa dang / 'jig rten gyi khams rnams la sangs rgyas dang bcas par 'jug pa dang / 'jig rten gyi khams rnams la sangs rgyas med par 'jug pa'o/ / kye rgyal ba'i sras bcu po de dag ni/ byang chub sems dpa' rnams kyi 'jig rten gyi khams la 'jug pa ste/ de dag gis ni byang chub sems dpa' rnams 'jig rten gyi khams thams cad la 'jug par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi bskal pa la 'jug pa ste/ de dag gis byang chub sems dpa' rnams bskal pa thams cad la rab tu 'jug go// bcu gang zhe na/ 'di ltar 'das pa'i bskal pa la 'jug pa dang / ma 'ongs pa'i bskal pa la 'jug pa dang / da ltar byung ba'i bskal pa la 'jug pa dang / grangs yod pa'i bskal pa la 'jug pa dang / grangs med pa'i bskal pa la 'jug pa dang / grangs yod pa grangs med pa'i bskal pa la 'jub pa dang/ grangs med pa grangs yod pa'i bskal pa la 'jug pa dang / bskal pa thams cad la bskal pa gcig tu 'jug pa dang / bskal pa ma yin pa la bskal par 'jug pa dang / bskal pa thams cad la skad cig gcig gis 'jug pa'o/ / kye rgyal ba'i sras bcu po de dag ni/ byang chub sems dpa' rnams kyi bskal pa la 'jug pa rnams te/ de dag gis byang chub sems dpa' rnams bskal pa la

  401. 201b

    'jug par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi dus gsum bstan pa ste/ de dag gis byang chub sems dpa' rnams dus bsum shin tu ston to/ / bcu gang zhe na/ 'di ltar 'das pa'i dus la 'das par bstan pa dang / ma 'ongs pa'i dus la ma 'ongs par bstan pa dang / 'das pa'i dus la da ltar byung bar bstan pa dang / ma 'ongs pa'i dus la 'das par bstan pa dang / ma 'ongs pa'i dus la da ltar byung bar bstan pa dang / ma 'ongs pa'i dus la mi zad par bstan pa dang / da ltar byung ba'i dus la 'das par bstan pa dang / da ltar byung ba'i dus la a 'ongs par bstan pa dang / da ltar byung ba'i dus la mnyam pa nyid du bstan pa dang / da ltar byung ba'i dus la dus gsum skad cig tu bstan pa'o// kye rgyal ba'i sras bcu po de dag ni/ byang chub sems dpa' rnams kyi dus gsum bstan pa ste/ de dag gis byang chub sems dpa' rnams dus gsum ston par 'gyur ba dag go/ kye rgyal ba'i sras su po 'di dag ni/ byang chub sems dpa' rnams kyi dus gsum la 'jug pa ste/ bcu gang zhe na/ 'di ltar brdal 'jug pa dang / chog gi lam la 'jug pa dang / mngon par brjod pa la 'jug pa dang / gdags pa la 'jug pa dang / 'du shes la 'jug pa dang / legs par bsdabs pa la 'jug pa dang / spyod pa la 'jug pa dang / mi zad pa la 'jug pa dang / zhi ba la 'jug pa dang / dben pa la

  402. 202a

    'jug pa'o/ / kye rgyal ba'i sras bcu po de dag ni/ byang chub sems dpa' rnams kyi dus gsum la 'jug pa ste/ de dag gis byang chub sems dpa' rnas dus gsum la 'jug par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi mi skyo zhing / yongs su sgyid lug pa med pa'i sems bskyed pa ste/ bcu gang zhe na 'di ltar sangs rgyas thams cad mchod cing rim gro bya bas mi skyo zhing / yongs su sgyid lug pa med pa'i sem bskyed pa dang / dge ba'i bshes gnyen thams cad bsnyen bkur bas mi skyo zhing // yong su sgyid lug pa med pa'i sems bskyed pa dang / chos thams cad btsal ba la mi skye zhing / yongs su sgyid lug pa med pa'i sems bskyed pa dang / chos thams cad mnyan pa la mi skyo zhing / yongs su/ sgyid lug pa med pa'i sems bskyed pa dang / chos thams cad bstan pa la mi skyo zhing / yongs su sgyid lug pa med pa'i sems bskyed pa dang / sems can thams cad yongs su smin par bya ba dang gdul sa mi skyo zhing / yong su sgyid lug pa med pa'i sems bskyed pa dang / sems can thams cad sangs rgyas kyi byang chub la rab tu dgod par bya bas mi spro zhing / yongs su sgyid lug pa med pa'i sems bskyed pa dang / bskal pa brjod du med pa'i yang brjod du med par 'jig rten gyi khams re rer byang chub sems dpa'i spyad pa spyod pas mi skyo zhing / yongs su sgyid lug pa med pa'i sems bskyed pa dang / 'jig rten gyi

  403. 202b

    khams ma lus pa thams cad du rjes su spyod pas mi skyo zhing / yongs su sgyid lug pa med pa'i sems bskyed pa dang / sangs rgyas kyi chos thams cad rtogs par bya ba dang yang dag par lta ba la mi snro ts+tsha / yongs su sgyid lug pa med pa'i sems bskyed pa'o/ / kye rgyal po'i sras bcu po de dag ni/ byang chub sems dpa' rnams mi skyo zhing / yongs su sgyid lug pa med pa'i sems bskyed pa ste/ de dag la gnas shing byang chub sems dpa' rnams de bzhin gshegs pa'i ye shes chen po yongs su skyo ba med pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi kun tu dbye ba'i ye shes te/ bcu gang zhe na/ 'di ltar sems can kun tu dbye ba'i ye shes dang / dbang po kun tu dbye ba'i ye shes dang / las dang rnam par smin par kun tu dbye ba'i ye shes dang / skye ba kun tu dbye ba'i ye shes dang / 'jig rten gyi khams kun tu dbye ba'i ye shes dang / chos kyi dbyings kun tu dbye ba'i ye shes dang / sangs rgyas kun tu dbye ba'i ye shes dang / chos kun tu dbye ba'i ye shes dang / dus gsum kun tu dbye ba'i ye shes dang / tshig gi rgyud thams cad la ngag gi lam kun tu dbye ba'i ye shes so// kye rgyal ba'i sras bcu po de dag ni/ byang chub sems dpa' rnams kyi kun tu p a'i ye shes te/ de dag la gnas shing byang chub sems dpa' rnams de bzhin gshegs pa'i ye shes chen po kun tu dbye ba bla na med pa 'thob par 'gyur ba dag go/ kye rgyal ba'i sras su la

  404. 203a

    'di dag ni/ byang chub sems dpa' rnams kyi gzungs te/ bcu gang zhe na/ 'di ltar chos thams cad mi brjed par 'dzin pa'i byor/ thos pa'i gzungs dang / chos thams cad lta ba bzhin du rab tu 'byed pa'i phyir/ chos khong du chud pa'i gzungs dang / chos kyi rang bzhin rjes su rtogs pa'i phyir/ chos thams cad nges par rtogs pa'i gzungs dang / sangs rgyas kyi chos bsam gyis mi khyab pa thob pa'i phyir/ chos snang ba rab tu 'thob pa'i gzungs dang / da ltar byung ba'i sangs rgyas bcom ldan 'das rnams las chos mngon du thos pa yongs su mi zad pa'i phyir/ ting 'dzin gyi gzung dang / sgra skad dang tha snyad bsam gyis mi khyab pa la 'jug pa'i phyir/ dbyangs kyi dkyil 'khor la 'jug pa'i gzung dang / 'das pa dang / ma byon pa dang / da ltar byung ba'i sangs rgyas kyi chos bsam gyis mi khyab pa shin tu ston pa'i phyir/ dus gsum gyi gzungs dang / sangs rgyas kyi chos mtha' dang dbus med pa rnam pa tha dad pa thams cad shin tu ston pa'i phyir/ rnam pa sna tshogasasu spobs pa'i gzung dang sangs rgyas byung ba brjod du med pa thams cad du rna ba'i dbang pos khyab par byed pa'i phyir/ thogs pa med pa'i rna ba mngon par bsgrub pa'i gzungs dang / de bzhin gshegs pa'i stobs bcu dang mi bsnyengs pa la rab tu 'god pa'i phyir/ sangs rgyas kyi chos thams cad kyi gzungs so// kye rgyal ba'i sras bcu po de dag ni/ byang chub sems dpa' rnams kyi gzungs dang te/ de dag thob par bya ba'i phyir byang chub sems dpa'

  405. 203b

    rnams kyis banon par bya ba dag go/ kye rgyal pa'i sras bcu po 'di dag ni byang chub sems dpa' rnams kyi sangs rgyas bstan pa rjes su rtogs par bya ba ste brgya gang zhen/ 'di ska pad par byang chub pa'i sangs rgyas dang / smon lam gyi sangs rgyas dang / las rnam par smin pa'i sangs rgyas dang / byin gyi rlabs kyi sangs rgyas dang / sprul pa'i sangs rgyas dang / chos kyi dbyings kyi sangs rgyas dag sems kyi sangs rgyas dang / ting nge 'dzin gyi sangs rgyas dang / rang bzhin gyi sangs rgyas dang / bsam pa ji lta ba'i sangs rgyas so// kye rgyal ba'i sras bcu po de dag ni/ byang chub sems dpa' rnams kyis sangs rgyas bstan pa rjes su rtogs par bya ba rnams so/ / kye rgyal ba'i sras bcu po 'di dag ni/ byang chub sems dpa' rnams kyi kun tu bzang po'i sems bskyed pa ste/ bcu gang zhe na/ 'di ltar sems bskyed pa de ni 'gro ba thams cad yongs su skyob pa'i phyir byams pa chen po dang ldan pa'o/ / sems bskyed pa de ni 'gro ba thams cad kyi sdug bsngal gyi phung po rang gi lus kyis len pa'i phyir snying rje chen po dang ldan pa'o/ / sems bskyed pa de ni ci bdog pa yongs su gtong ba'i phyir gtang ba thams cad yongs su gtong ba sngon du 'gro ba'o// sems bskyed pa de ni sangs rgyas kyi chos thams cad la mngon par mos pas thams cad mkhyen pa'i ye shes yid la byed pa sngon du 'gro ba'o/ / sems bskyed pa de ni byang chub sems dpa'i bslab pa thams cad la nan tan du byed pas yon tan gyis brgyan pa'o// sems

  406. 204a

    bskyed pa de ni skye ba'i skye mched thams cad du nyams par mi 'gyur bas rdo rje lta bu'o/ / sems bskyed pa de ni chos dkar po thams cad la yang dag par gzhol bas rgya mtsho lta bu'o// rba bskyed pa de ni gzhan gyi ngan du brjod pa dang / ngan du smos pa'i ngag dang / tshig bzod pa'i phyir ri bo chen po'i dbang po dam pa lta bu'o// sems bskyed pa de ni sems can thams cad la dbugs phyin pa chen pos sdud pa'i phyir bde bar byed pa'o/ / sems bskyed pa de ni chos thams cad rab tu dbye ba la mkhams pas mi dmigs pa'i phyir shes rab kyi pha rol tu phyin pas rtogs par khong du chud pa'o// kye rgyal ba'i sras bcu po de dag ni/ byang chub sems dpa' rnams kyi kun tu bzang po'i sems bskyed pa ste/ de dag la gnas shing byang chub sems dpa' rnams myur du kun tu bzang po'i ye shes khong du chud pas mkhas pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi kun tu bzang po'i spyod pa'i chos te/ bcu gang zhe na/ 'di ltar ma 'ongs pa'i bskal pa thams cad du gnas pa'i smon lam ni kun tu bzang po'i spyod pa'i chos so/ / ma byon pa'i de bzhin gshegs pa thams cad mchod cing rim gror bya ba'i smon lam ni kun tu bzang po'i spyod pa'i chos so// sems can thams cad byang chub sems dpa' kun tu bzang po'i spyod pa la dgod pa ni kun tu bzang po'i spyod pa'i chos so/ / dge ba'i rtsa ba thams cad yang dag par bsags pa'i smon lam ni kun tu bzang po'i spyod pa'i chos so//

  407. 204b

    pha rol tu phyin pa tham cad la 'jug pa'i smon lam ni kun tu bzang po'i spyod pa'i chos so// byang chub sems dpa' thams cad kyi spyod pa yongs su rdzogs par bya ba'i smon lam ni kun tu bzang po'i spyod pa'i chos so/ / 'jig rten gyi khams thams cad brgyan pa'i smon lam ni kun tu bzang po'i spyod pa'i chos so// sang+yas kyi zhing thams cad du skye ba gzung ba'i smon lam ni kun tu bzang po'i spyod pa'i chos so// chos thams cad yongs su btsal zhing rab tu dbye ba la mkhas par bya ba'i smon lam ni kun tu bzang po'i spyod pa'i chos so/ / sangs rgyas kyi zhing thams cad du bla na med pa yang dag par rdzogs pa'i byang chub tu mngon par 'tshang rgya ba'i smon lam ni kun tu bzang po'i spyod pa'i chos so/ / kye rgyal ba'i sras bcu po de dag ni/ byang chub sems dpa' rnams kyi kun tu bzang po'i spyod pa'i chos te/ de dag gis smon cing mngon par brtson par byas na byang chub sems dpa' rnams myur du kun tu bzang po'i smon lam dang spyod pa yongs su rdzogs par 'thob par 'gyur ba dag go/ / / bam po bdun cu drug pa/ kye rgyal ba'i sras bcu po 'di dag ni/ byang chub sems dpa' rnams kyi snying rje chen po rab tu thob pa ste/ de dag gis byang chub sems dpa' rnams rtag tu rgyun mi 'chad par sems can gyi khams la rnam par blta'o/ / bcu gang zhe na/ 'di ltar sems can gyi khams mgon med pa rnams la rnam par blta ba'i snying rje chen po rab tu thob pa dang / sems can gyi khams theg pa med pa la rnam par blta ba'i snying rje chen po

  408. 205a

    rab tu thob pa dang / dge ba'i rtsa bas dbul ba'i sems can gyi khams la rnam par blta ba'i stong rje chen po rab tu thob pa dang / yun ring po nas gnyid kyis brgyal ba'i sems khams la rnam par blta ba'i snying rje chen po rab tu thob pa dang / dge ba med pa'i sems can gyi khams la rnam par blta ba'i snying rje chen po rab tu thob pa dang / 'dod chags kyi bcing bas grags pa'i sems can gyi khams la rnam par blta ba'i snying rje chen po rab tu thob pa dang / srid pa'i gang chen mtshor rab tu gzhol bar gyur pa'i sems can gyi khams la rnam par blta ba'i snying rje chen po rab tu thob pa dang / yun ring po nas na ba'i sems can gyi khams la rnam par blta ba'i snying rje chen po rab tu thob pa dang / dge ba'i chos la mos pa med pa'i sems can gyi khams la rnam par blta ba'i snying rje chen po rab tu thob pa dang / sangs rgyas kyi chos las shin tu 'khyams par gyur pa'i sems can gyi khams la rnam par blta ba'i snying rje chen po rab tu thob pa'o// kye rgyal ba'i sras bcu po de dag ni/ byang chub sems dpa' rnams kyi snying rje chen po rab tu thob pa ste/ de dag gis byang chub sems dpa' rnams rtag tu rgyun mi 'chad par sems can gyi khams la rnam par blta ba dag go// kye rgyal ba'i sras bcu po 'di dag ni byang chub sems dpa' rnams kyi rkyen gang gis byang chub tu sems skye bar 'gyur ba'i byang chub kyi sems kyi rkyen rnams te/ bcu gang zhe na/ 'di ltar sems can gyi khams yongs su smin par bya ba dang

  409. 205b

    rnam par gdul bar bya ba'i rkyen ni byang chub kyi sems kyi rkyen to/ / sems can thams cad kyi sdug bsngal gyi phung po rnam par bzlog par rkyen ni byang chub kyi sems kyi rkyen to// sems can thams cad la bde ba'i tshe byad kyi bskrad pa'i rkyen ni byang chub kyi sems kyi rkyen to/ / sems can thams cad kyi mi shes pa bsal ba'i rkyen ni byang chub kyi sems kyi rkyen to// sems can thams cad la sangs rgyas kyi ye shes nye bar bsgrub pa'i rkyen ni byang chub kyi sems kyi rkyen to/ / sangs rgyas thams cad mchod cing rim gro bya ba'i rkyen ni byang chub kyi sems kyi rkyen to// de bzhin gshegs pa thams cad mnyes par bya ba'i rkyen ni byang chub kyi sems kyi rkyen to/ / sangs rgyas thams cad kyi sku gzugs dang mtshan dang dpe byad bzang po yongs su bstan pa'i rkyen ni byang chub kyi sems kyi rkyen to// sangs rgyas thams cad kyi ye shes la 'jug cing khong du chud par bya ba'i rkyen ni byang chub sems kyi rkyen to/ / sangs rgyas kyi stobs dang mi bsnyengs pa thams cad yongs su ston pa'i rkyen ni byang chub kyi sems kyi rkyen to// kye rgyal ba'i sras bcu po de dag ni/ byang chub sems dpa' rnams kyi byang chub kyi sems kyi rkyen to/ / rkyen de dag gis byang chub kyi sem yang dag par skye bar 'gyur ba dag go// kye rgyal ba'i sras byang chub sems dpa' gang gis bla na med pa yang dag par rdzog pa'i byang chub tu sems bskyed pa des kyang thams cad mkhyen pa'i ye shes mngon par 'tshang rgya bar rgyam gyi'i rke ba'i bshes gnyen rnams la rim gro dang / bkur sti dang / bsnyen bkur bya'o// de dge ba'i bshes gnyen rnams la

  410. 206a

    rim gro dang / bkur sti dang / bsnyen bkur byed pa'i tshe/ dge ba'i bshes gnyen rnams la sems bskyed pa bcu po 'di dag bskyed par bya ste/ bcu gang zhe na/ 'di ltar rim gro bya ba'i sems dang / dga' bar bya ba'i sems dang / ji skad bsgo ba bzhin du nan tan du bya ba'i sems dang / yid mi 'byung ba'i sems dang / ji snyam yang mi byed pa'i sems dang / gcig tu nges pa'i sems dang / dge ba'i rtsa ba thams cad la rgyud kyi tshul gcig tu gyur pa'i sems dang / smon lam gcig pa'i sems dang / ston pa'i sems dang / spyad pa mtshungs par yongs su rdzogs par bya ba'i sems te/ kye rgyal ba'i sras bcu po de dag ni/ dge ba'i bshes gnyen rnams la sems bskyed pa rnams so/ / de sems bskyed pa bcu po 'di dag bskyed pa'i tshe/ yongs su dag pa bcu rab tu 'thob par 'gyur te/ bcu gang zhe na/ 'di ltar chud mi za ba'i phyir lhag pa'i bsam pa yongs su dag pa dang / sems can ji lta bur 'dul ba bzhin du bstan pa'i phyir gzugs yongs su dag pa dang / sgra skad dang tha snyad bsam gyis mi khyab pa la 'jug par bya ba'i phyir dbyangs kyi dkyil 'khor yongs su dag pa dang / sangs rgyas kyi chos bsam gyis mi khyab pa bas bstan pa la mkhas par bya ba'i phyir spobs pa yongs su dag pa dang / mi shes pa thams cad dang bral bar bya ba'i phyir ye shes yongs su dag pa dang / byang chub sems dpa' thams cad kyi dbang rab tu thob par bya ba'i phyir skye ba yongs su dag pa dang / sngon bskal pa mnyam par spyad pa'i sems can rnams kyi dge ba'i rtsa

  411. 206b

    ba yongs su smin par bya ba'i phyir 'khor yongs su dag pa dang / sgrib pa'i las thams cad spangs pas rnam par bzlog pa'i phyir rnam par smin pa yongs su dag pa dang / byang chub sems dpa' thams cad dang tshul gcig tu bya ba'i phyir smon lam yongs su dag pa dang / kun tu bzang po'i theg pas 'byung ba'i phyir spyod pa yongs su dag pa ste/ yongs su dag pa bcu po 'di dag 'thob par 'gyur ro// kye rgyal ba'i sras bcu po 'di dag ni/ byang chub sems dpa' rnams kyi pha rol tu phyin pa ste/ bcu gang zhe na/ 'di ltar bdog pa thams cad yongs su btang ba'i byib sbyin pa'i pha rol tu phyin pa dang / sangs rgyas kyi tshul khrims yongs su sbyang ba'i phyir/ tshul khrims kyi pha rol tu phyin pa dang / bzod pa'i stobs kyis bsam pa mi 'khrugs pas sangs rgyas kyi stobs la sbyar ba'i phyir kha bod pa'i ba rol tu phyin pa dang / mos pa thams cad las phyir mi ldog par bya ba'i phyir/ brtson 'grus kyi pha rol tu phyin pa dang / dran pa rtse gcig tu bya ba'i phyir/ bsam gtan gyi pha rol tu phyin pa dang / chos thams cad yang dag par ji lta ba bzhin du rab tu rtogs par bya ba'i phyir/ shes rab kyi pha rol tu phyin pa dang / sangs rgyas kyi stobs la 'jug pa'i phyir/ ye shes kyi pha rol tu phyin pa dang / kun tu bzang po'i smon lam yongs su rdzogs par bya ba'i phyir/ smon lam gyi pha rol tu phyin pa dang / rdzu 'phrul dang rnam par 'phrul pa yongs su bstan pa'i phyir/ rdzu 'phrul gyi pha rol tu phyin pa dang / chos thams cad yang dag par gzhol bar

  412. 207a

    bya ba'i phyir/ chos kyi pha rol tu phyin pa'o// kye rgyal ba'i sras bcu po de dag ni byang chub sems dpa' rnams kyi pha rol tu phyin pa ste/ de dag la gnas shing byang chub sems dpa' rnams de bzhin gshegs pa'i ye shes chen po'i pha rol tu phyin pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi shes pa khong du chud par bya ba ste/ bcu gang zhe na/ 'di ltar 'jig rten gyi khams thams cad la rnam pa tha dad pa shes pa khong du chud par bya ba dang / sems can gyi khams thams cad kyi ris bsam gyis mi khyab pa la 'jug pa'i shes pa khong du chud par bya ba dang / chos thams cad la gcig pa dang tha dad par yang dag par gzhol bar bya ba'i shes pa khong du chud par bya ba dang / chos kyi dbyings 'byam klas pa thams cad shin tu bstan pa'i shes pa khong du chud par bya ba dang / nam mkha'i dbyings ma lus pa thams cad kyis klas pa'i shes pa khong du chud par bya ba dang / 'jig rten gyi khams thams cad la ma 'ongs pa'i dus kyis 'jug pa shes pa khong du chud par bya ba dang / 'jig rten gyi khams thams cad la 'das pa'i dus kyis 'jug pa'i shes pa khong du chud par bya ba dang / 'jig rten gyi khams thams cad la da ltar byung ba'i dus kyis 'jug pa'i shes pa khong du chud par bya ba dang / de bzhin gshegs pa thams cad kyi spyod pa dang smon lam rnam pa tha dad pa thams cad yongs su rdzogs par bya bas gcig tu rtog par 'gyur ba'i shes

  413. 207b

    pa khong du chud par bya ba dang / 'das pa dang / ma byon pa dang / da ltar byung ba'i sangs rgyas thams cad spyod pa gcig gis byung ba'i shes pa khong du chud bar bya ba'o// kye rgyal ba'i sras bcu po de dag ni/ byang chub sems dpa' rnams kyi shes pa khong du chud par bya ba ste/ de dag la gnas shing byang chub sems dpa' rnams chos snang ba thams cad la dbang sgyur ba 'thob pa dang / bsam pa ji lta ba bzhin du smon lam yongs su rdzogs pa 'thob pa dang / sangs rgyas kyi chos thams cad mtshan nyid gcig tu mos pas sangs rgyas kyi chos thams cad mngon par rdzogs par 'tshang rgya bar 'gyur ba dag go kye rgyal ba'i sras bcu po 'di dag ni/ byang chub sems dpa' rnams kyi rab tu rtogs pa ste/ bcu gang zhe na/ 'di ltar chos thams cad la tshul gcig tu rtogs pa dang / chos thams cad la tshul tha dad par rtogs pa dang / chos thams cad la mtshan nyid gcig tu rtogs pa dang / sems can gyi sems dang bsam pa thams cad la chags pa med pa'i ye shes su rtogs pa dang / sems can thams cad kyi dbang po mnyam pa nyid du rtogs pa dang / sems can thams cad nyon mongs pa dang bag chags kyi spyod pa rtogs pa dang / sems can thams cad kyi bsam pa dang bag la nyal ba'i spyod pa rtogs pa dang / sems can thams cad kyi dge ba dang mi dge ba'i spyod pa thams cad rtogs pa dang / byang chub sems dpa'i spyod pa dang / smon lam dang / rnam par rtse ba dang / 'phrul pa dang / byin gyi rlabs thams cad rtogs pa dang /

  414. 208a

    de bzhin gshegs pa'i stobs bcu ma lus par mngon par sangs rgyas pa'i byin gyi rlabs rtogs pa'o// kye rgyal ba'i sras bcu po de dag ni byang chub sems dpa' rnams kyi rtogs pa ste/ de dag la gnas shing byang chub sems dpa' rnams chos thams cad kyi tshul la mkhas pa bla na med pa 'thob par 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi stobs kyi shugs te/ bcu gang zhe na/ 'di ltar chos thams cad kyi rang bzhin la 'jug pa'i stobs kyi shugs dang / chos thams cad sprul pa lta bu'i stobs kyi shugs dang / chos thams cad sgyu ma lta bu'i stobs kyi shugs dang / chos thams cad la sangs rgyas kyi chos su 'jug pa'i stobs kyi shug dang / chos thams cad mngon par chags pa med pa'i sto kyi shugs dang / sangs rgyas kyi chos thams cad la shin tu mos pa'i stobs kyi shugs dang / dge ba'i bshes gnyen thams cad la shin tu gus pa'i bsam pa mi gtong ba'i stobs kyi shugs dang / dge ba'i rtsa ba thams cad kyis ye shes kyi rgyal po chen po mnyes par byed pa'i stobs kyi shugs dang / sangs rgyas kyi chos thams cad la zab par yid ches pas mi spong ba'i stob kyi shugs dang / thams cad mkhyen pa nyid kyi sems las mi ldog par mkhas pa'i stobs kyi shugs so/ / kye rgyal ba'i sras bcu po de dag ni/ byang chub sems dpa' rnams kyi stobs kyi shugs te/ de dag la gnas shing byang

  415. 208b

    chub sems dpa' rnams de bzhin gshegs pa'i stobs bcu bla na med pa 'thob par 'gyur ba dag go/ / kye rgyal ba'i sras bcu po 'di dag ni byang chub sems dpa' rnams kyi mnyam pa nyid de/ bcu gang zhe na/ 'di ltar sems can thams cad la mnyam pa nyid dang / chos thams cad la mnyam pa nyid dang / sangs rgyas kyi zhing thams cad la mnyam pa nyid dang / lhag pa'i bsam pa thams cad la mnyam pa nyid dang / dge ba'i rtsa ba thams cad la mnyam pa nyid dang / byang chub sems dpa' thams cad la mnyam pa nyid dang / smon lam thams cad la mnyam pa nyid dang / pha rol tu phyin pa thams cad la mnyam pa nyid dang / spyod pa thams cad la mnyam pa nyid dang / sangs rgyas thams cad la mnyam pa nyid do// kye rgyal ba'i sras bcu po de dag ni/ byang chub sem dpa' rnams kyi mnyam pa nyid de/ de dag la gan+da/ shing byang chub sems dpa' rnams kyi sangs rgyas kyi chos thams cad mnyam pa nyid bla na med pa 'thob par 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi sangs rgyas kyi chos kyi tshul gyi lam rnam te/ bcu gang zhe na/ 'di ltar chos thams cad ni ming tsam mo// chos thams cad ni sgyu ma lta bu'o// chos thams cad ni mig yor lta bu'o// chos thams cad ni brten pa tsam mo/ / chos thams cad ni las dang bral ba'o// chos thams cad ni mi zad pa'i sbyor ba'o// chos thams cad ni yang dag pa'i mtha' 'o// chos thams cad ni mtshan ma med pa'o// chos thams cad

  416. 209a

    ni don dam pa'o/ / chos thams cad na chos kyi dbying so// kye rgyal ba'i sras bcu po de dag ni byang chub sems dpa' rnam kyi sangs rgyas kyi chos kyi tshul gyi lam ste/ de dag la gnas shing byang chub sems dpa' rnams thams cad mkhyen pa'i ye shes kyi tshul la mkhas pa bla na med pa 'thob par 'gyur ba dag go/ kye rgyal ba'i sras bcu po 'di dag ni byang chub sems dpa' rnams kyi chos bstan pa ste/ bcu gang zhe na/ 'di ltar zab mo'i chos bstan pa dang / yangs pa'i chos bstan pa dang / sna tshogs kyi chos bstan pa dang / thams cad mkhyen pa nyid brjod pa mang po'i chos bstan pa dang / pha rol tu phyin pa dang ldan pa'i chos bstan pa dang / de bzhin gshegs stobs mngon par bsgrub pa'i chos bstan pa dang / dus gsum dang ldan pa'i chos bstan pa dang / phyir mi ldog pa'i byang chub sems dpas bya ba'i chos bstan pa dang / sangs rgyas kyi yon tan dang legs pa rab tu brjod pa'i chos bstan pa dang / byang chub sems dpa'i bslab pa thams cad dang / sangs rgyas thams cad kyi mnyam pa nyid dang / de bzhin gshegs tham cad la dmigs pa dang ldan pa'i chos bstan pa'o/ / kye rgyal ba'i sras bcu po de dag ni/ byang chub sems dpa' rnams kyi chos bstan pa dang / de dag la gnas shing byang chub sems dpa' rnams de bzhin gshegs pa rnam kyi chos bstan pa chen po bla na med pa ston par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi yongs su gzung ba ste/ bcu gang zhe na/ 'di ltar dge ba'i rtsa

  417. 209b

    ba dang bsod nams kyi tshogs rnams yongs su gzung ba dang / de bzhin gshegs pa thams cad kyis gsung pa'i chos bstan pa rnams yongs su gzung ba dang / dpe dang mthun par bstan pa thams cad yongs su bzung ba dang / chos kyi tshul dang sgo thams cad yongs su gzung ba dang / gzungs thams cad mngon par bsgrub pa'i sgo rnams yongs su gzung ba dang / the tshom thams cad yongs su gcod pa rnams yongs su gzung ba dang / byang chub sems dpa'i bsgrub pa thams cad yongs su gzung ba dang / de bzhin gshegs pa thams cad mnyam pa nyid kyi ting nge 'dzin shin tu bstan pa'i sgo rnams yongs su gzung ba dang / chos snang ba'i sgo thams cad yongs su gzung ba dang / sangs rgyas thams cad kyi rnam par sprul pa dang / rnam par rol pa dang / byin gyi rlabs rnams yongs su gzung ba'o// kye rgyal ba'i sras bcu po de dag ni/ byang chub sems dpa' rnams kyi yong su gzung ba ste/ de dag la gnas shing byang chub sems dpa' rnams de bzhin gshegs pa'i ye shes chen po yongs su gzung ba bla na med pa 'thob par 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi spobs pa ste/ bcu gang zhe na/ 'di ltar chos thams cad la rnam par ma brtags pa'i spobs pa dang / chos thams cad la mngon par 'du byed pa med pa'i spob ba dang / chos thams cad la mi gnas pa'i spobs pa dang / chos thams cad la stong pa nyid du snang ba'i spobs pa dang / chos thams cad la mun pa med pa'i spong pa dang chos thams cad la sangs rgyas kyi byin gyi rlabs kyi spongs

  418. 210a

    pa dang / chos thams cad la gzhan gyi dring mi 'jog pa'i spobs pa dang / chos thams cad la tshig gi bye brag mkhas pa'i spobs pa dang / chos thams cad la de kho na nyid bstan pa'i spobs pa dang / sems can gyi sems dang spyod pa thams cad la bsam pa ji lta ba bzhin du tshim par byed pa'i spobs pa'o// kye rgyal ba'i sras bcu po de dag ni byang chub sems dpa' rnams kyi spobs pa ste/ de dag la gnas shing byang chub sems dpa' rnams sangs rgyas thams cad kyi spobs pa la mkhas pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi dbang ste/ bcu gang zhe na/ 'di ltar sems can thams cad yongs su smin par byed cing 'dul ba'i ye shes kyi dbang dang / chos thams cad snang ba rab tu thob pa'i dbang dang / dge ba'i rtsa ba thams cad la spyod pa'i dbang dang / ye shes chen po'i dbang dang / mi gnas pa'i tshul khrims kyi dbang dang / dge ba'i rtsa ba thams cad byang chub tu yongs su bsngo ba'i dbang dang / brtson 'grus brtsams pa cad las phyir mi ldog pa'i ye shes kyi dbang dang / bdud thams cad shin tu pham par bya ba'i ye shes kyi dbang dang / gang du dga' bar 'gro ba'i byang chub kyi sems bskyed pa'i ye shes kyi dbang dang / sangs rgyas thams cad kyi byang chub nas 'dod pa na mngon par rdzogs par 'tshang rgya ba'i ye shes kyi dbang ngo / / kye rgyal ba'i sras bcu po de dag ni byang chub sem dpa' rnams kyi dbang ste/ de dag la gnas shing byang chub

  419. 210b

    sems dpar rnams de bzhin gshegs pa'i ye shes chen po'i dbang bla na med pa 'thob par 'gyur ba dag go/ kye rgyal ba'i sras bcu po 'di dag ni byang chub sems dpa' rnams kyi gnas pa ste/ bcu gang zhe na/ 'di ltar 'jig rten gyi khams thams cad la mi gnas pa dang / sems can thams cad la mi gnas pa dang / chos thams cad la mi gnas pa dang / bya ba thams cad la mi gnas pa dang / dge ba'i rtsa ba thams cad la mi gnas pa dang / skye ba'i skye mched thams cad la mi gnas pa dang / smon lam thams cad la mi gnas pa dang / spyod pa thams cad la mi gnas pa dang / byang chub sems dpa' thams cad la mi gnas pa dang / sangs rgyas thams cad la mi gnas pa'o// kye rgyal ba'i sras bcu po de dag ni/ byang chub sems dpa' rnams kyi mi gnas pa ste/ de dag la gnas shing byang chub sems dpa' rnams sems yang dag par sgyur ba yongs su shes pa'i ye shes yongs su dag cing bla na med pa 'thob par 'gyur ba dag go/ / kye rgyal ba'i sras bcu po 'di dag ni byang chub sems dpa' rnams kyi sems mnyam pa nyid de/ bcu gang zhe na/ 'di ltar bsod nams thams cad bsags pa la sems mnyam pa nyid dang / smon lam rnam pa tha dad pas 'byung ba thams cad la sems mnyam pa nyid dang / sems can gyi ris thams cad la sems mnyam pa nyid dang / sems can gyi las rnam par smin pa la 'jug pa thams cad la sems mnyam pa nyid dang / chos la 'jug pa thams

  420. 211a

    cad la sems mnyam pa nyid dang / zhing kun nas nyon mongs pa dang rnam par dag pa thams cad la sem mnyam pa nyid dang / sems can gyi mos pa la 'jug pa tham cad la sems ma pa nyid dang / spyod pa'i rnam par rtogs pa thams cad la sems mnyam pa nyid dang / sangs rgyas kyi stobla dang mi snyengs pa la 'jug pa thams cad la sems mnyam pa nyid dang / de bzhin gshegs pa thams cad kyi ye shes la 'jug pa khong du chud par bya ba la sems mnyam pa nyid do/ / kye rgyal ba'i sras bcu po de dag ni/ byang chub sems dpa' rnams kyi sems mnyam pa nyid de/ de dag la gnas shing byang chub sems dpa' rnams kyi de bzhin gshegs pa'i thugs mnyam pa nyid rgya che zhing bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi ye shes mngon par bsgrub pa ste/ bcu gang zhe na/ 'di ltar sems can gyi kham thams cad kyi mos pa khong du chud par bya ba la zhugs pa'i ye shes mngon par bsgrub pa dang / sangs rgyas kyi zhing sna tshog khong du chud par bya ba la zhugs pa'i ye shes mngon par bsgrub pa dang / phyogs kyi dra ba rnam par dbye ba thams cad khong du chud par bya ba la zhugs pa'i ye shes mngon par bsgrub pa dang / 'jig rten gyi khams spyiru tshugs su rgyu ba dang / snrel zhing rgyu ba thams cad khong du chud par bya ba la zhugs pa'i ye shes mngon par bsgrub pa dang / chos thams cad gcig pa dang /

  421. 211b

    tha dad pa 'byam klas par rnam par dgod pa la mkhas pa khong du chud par bya ba la zhugs pa'i ye shes mngon par bsgrub pa dang / lus kyi rgyud thams cad khong du chud par bya ba la zhugs pa'i ye shes mngon par bsgrub pa dang / 'du shes kyis phyin ci log tu gyur pa'i 'jig rten gyi rnam pa'i 'du shes dang / rlom sems khong du chud par bya ba la zhugs pa'i ye shes mngon par bsgrub pa dang / chos kyi rgyud thams cad la 'byung ba gcig gi mthar thug par 'jug pa khong du chud par bya ba la zhugs pa'i ye shes mngon par bsgrub pa dang / chos kyi dbyings thams cad kyi de bzhin gshegs pa'i rnam par 'phrul pa dang / byin gyi rlabs khong du chud par bya ba la zhugs pa'i ye shes mngon par bsgrub pa dang / 'gro ba thams cad kyi dus gsum du 'dus pa'i sangs rgyas kyi rigs thams cad rgyun mi 'chad pa khong du chud par bya ba la zhugs pa'i ye shes mngon par bsgrub pa'o/ / kye rgyal ba'i sras bcu po de dag ni/ byang chub sems dpa' rnams kyi ye shes mngon par bsgrub pa ste/ de dag la gnas shing byang chub sems dpa' rnams chos gang la'ang mgo rmongs par mi 'gyur ba dag go/ / kye rgyal ba'i sras bcu po 'di dag ni/ byang chub sem dpa' rnams kyi sprul

  422. 212a

    pa ste/ bcu gang zhe na/ 'di ltar sems can sprul pa dang / lus sprul pa dang / zhing sprul pa dang / mchod pa sprul pa dang / dbyangs sprul pa dang / spyod pa dang smon lam sprul pa dang / sems can yongs su smin par bya ba dang gdul ba sprul pa dang / mngon par rdzogs par byang chub pa sprul pa dang / chos bstan pa sprul pa dang / byin gyi rlabs sprul pa'o// kye rgyal ba'i sras bcu po de dag ni/ byang chub sems dpa' rnams kyi sprul pa ste/ de dag la gnas shing byang chub sems dpa' rnams chos thams cad sprul pa yongs su rdzogs pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi byin gyi rlabs te/ bcu gang zhe na/ 'di ltar sangs rgyas kyi byin gyi rlabs dang / chos kyi byin gyi rlabs dang / sems can gyi byin gyi rlabs dang / las kyi byin gyi rlabs dang / spyod pa'i byin gyi rlabs dang smon lam gyi byin gyi rlabs dang / spyod yul gyi byin gyi rlabs dang / dus kyi byin gyi rlabs dang / dag pa'i byin gyi rlabs dang / ye shes kyi byin gyi rlabs so// kye rgyal ba'i sras bcu po de dag ni/ byang chub sems

  423. 212b

    dpa' rnams kyi byin gyi rlabs te/ de dag la gnas shing byang chub sems dpa' rnams chos thams cad la dbang sgyur ba'i byin gyi rlabs bla na med pa 'thob par 'byung ba dag go kye rgyal ba'i sras bcu po 'di dag ni/ byang chub sems dpa' rnams kyi shin tu dbugs phyin par rab tu rnyed pa bcu ste/ bcu gang zhe na/ kye rgyal ba'i sras 'di la byang chub sems dpa' 'di ltar sems bskyed de/ ma 'ongs pa'i dus na de bzhin gshegs pa gang ji snyed pa cig 'byung bar 'gyur ba de dag thams cad mnyes par bya'o/ zhes dbug phyin pa chen po rab tu 'thob bo// de bzhin gshegs pa dgra bcom pa yang dag par rdzogs pa'i sangs rgyas de dag la'ang // sangs rgyas kyi tshul dang 'dra ba'i rim gro bla na med ba bya'o/ / mchod pa dang bsnyen bkur bla na med pa bya'o zhes dbugs phyin pa chen po rab tu 'thob bo// bdag gis de bzhin gshegs pa dgra bcom pa yang dag par rdzogs pa'i sangs rgyas de dag la mchod nas kyang / gdams ngag gang gis byang chub sems dpa' rnams byang chub sems dpa'i sar byung bar gyur pa dang / 'byung ba dang / 'byung bar 'gyur ba de lta bu'i gdams ngag dang man ngag bstan pa mdzad kyis/ gdams ngag dang man ngag de'ang bdag gis bsam pa zag pas rim gror byas te/ mnyan la yang dag

  424. 213a

    par nan tan du bya'o zhes dbugs byin pa chen po rab tu 'thob bo/ / kye rgyal ba'i sras gzhan yang byang chub sems dpa' 'di snyam du sems te/ bdag bskal pa brjod du med par byang chub sems dpa'i spyad pa spyod pa'i tshe/ sangs rgyas bcom ldan 'das dang / byang chub sems dpa' rnams dang mi 'bral bar 'gyur ro zhes dbugs phyin pa chen po rab tu 'thob bo/ / kye rgyal ba'i sras gzhan yang byang chub sems dpa' 'di snyam du sems te/ sngon bdag bla na med pa yang dag par rdzogs pa'i byang chub tu ma zhugs pa'i tshe/ 'di lta ste/ 'tsho ba med pa'i 'jigs pa 'am/ grags pa med pa'i 'jigs pa 'am/ 'chi ba'i 'jigs pa 'am/ ngan song gi 'jigs pa 'am/ 'khor du bag tsha ba'i 'jigs pa'ang rung ste/ ji snyed kyis 'jigs pa gyur pa de dag thams cad ni rnam par bzlog par gyur/ ring du byas par gyur/ rnam par bcil bar gyur te/ byang chub kyi sems bskyed ma thag tu cis kyang mi 'jigs par gyur to/ / mi dngang bar gyur to// spyi g.ya' ba med par gyur to// cis kyang 'jigs par mi 'gyur ro// dngang bar mi 'gyur ro// skyi g.ya' bar mi 'gyur ro/ / de bas na brtan zhing rnam par gnon la zil gyis mi non pas bdud dang / mu stegs can dang / phas kyi rgol ba thams cad kyis mi thub par gyur to zhes dbugs phyin

  425. 213b

    pa chen po rab tu 'thob bo/ / kye rgyal ba'i sras gzhan yang byang chub sems dpa' 'di snyam du sems bskyed de/ bdag byang chub sems dpa'i spyad pa spyod pa'i tshe// sems can gyi khams thams cad bla na med pa yang dag par rdzogs pa'i byang chub tu yongs su smin par bya'o/ / rab tu dgod par bya'o// de dag byang chub thob par gyur nas kyang / de bzhin gshegs pa dgra bcom pa yang dag par rdzogs pa'i sangs rgyas de dag la dad pa chen po dang ldan pa'i sems bskyed pas/ tshe'i tshad kyi mthar thug gi bar du sangs rgyas la 'os pa'i rim gros mchod pa dang bkur sti bya'o/ / de bzhin gshegs pa de dag yongs su mya ngan las 'das nas kyang / sku gzugs la mchod pa'i las kyi phyir mchod rten tshad med pa mang po bya'o/ / de dag gi bstan pa'ang yongs su bsrung bar bya'o// de dag gi dam pa'i chos kyang yongs su gzung ba bla na med pas yongs su gzung bar bya'o zhes dbugs phyin pa chen po rab tu 'thob bo/ / kye rgyal ba'i sras gzhan yang byang chub sems dpa' 'di ltar sems bskyed de/ 'jig rten gyi khams thams cad bla na med pa'i mdzes pas brgyan par bya/ spung par bya/ klubs par bya/ yongs su sbyang bar bya/ mnyam par bya/ bsgyur bar bya/ byin gyis brlabs par bya/ bskyod par bya/ snang bar bya/ rdzu 'phrul dang rnam par 'phrul pas

  426. 214a

    dgang bar bya'o zhes dbugs phyin pa chen po rab tu 'thob bo/ / kye rgyal ba'i sras gzhan yang byang chub sems dpa' 'di ltar sems bskyed de/ sems can thams cad kyi the tshom gcad par bya'o/ / nem nur gcad par bya'o// bsam pa yongs su sbyang bar bya'o// sems khong du chud par bya'o// nyon mongs pa rnam par bzlog par bya'o/ / ngan song gi sgo gcad par bya'o// bde ba'i las kyi sgo dbye bar bya'o// mun pa rnam par bsal bar bya'o// 'od kyis snang bar bya'o// bdud thams cad dang bdud kyi las rnams rab tu gdul bar bya'o/ / bla na med pa'i bde ba chen po 'thob pas 'gro ba thams cad du yang dag par bstan par bya'o// rab tu bskyed par bya'o zhes dbugs phyin pa chen po rab tu 'thob bo/ / kye rgyal ba'i sras gzhan yang byang chub sems dpa' 'di ltar sems bskyed de/ bdag gis sangs rgyas mthong ba ni don yod pa ste/ ji tsam na de bzhin gshegs pa dgra bcom pa yang dag par rdzogs pa'i sangs rgyas blta bar 'dod pa de tsam na mthong bar 'gyur gyis/ bdag gis sangs rgyas mthong ba ni rgyun chad par mi 'gyur ro// de bzhin gshegs pa mngon du 'gyur ba ni rgyun chad par mi 'gyur ro// de bzhin gshegs pa dgra bcom pa yang dag par rdzogs pa'i sangs rgyas u dum wa ra'i me tog lta bur bskal

  427. 214b

    pa thams cad du skye zhing mthong bar dka' ba rnams las chos mnyan pa'ang rgyun mi 'chad par 'gyur te/ de ltar bdag gi bsam pa yongs su dag pas sems bskyed pa// g.yo thams cad yongs su spangs pa/ drang ba'i ngang tshul dang ldan pa sgyu'i rnam pa med pas/ sems kyi skad cig re re la sangs rgyas mthong ba'i byin gyi rlabs dang ldan par 'gyur ro zhes dbugs phyin pa chen po rab tu 'thob bo/ / kye rgyal ba'i sras gzhan yang byang chub sems dpa' 'di ltar sems bskyed de/ gang gi tshe bdag bla na med pa yang dag par rdzogs pa'i byang chub tu 'tshang rgya ba de'i tshe/ 'jig rten gyi khams thams cad sangs rgyas kyi rnam par 'phrul pas rgyas par dgang ngo // bla na med pa yang dag par rdzogs pa'i byang chub tu mngon par sangs rgyas nas kyang / 'gro ba thams cad re rer sangs rgyas skye ba yongs su bstan par bya'o// bla na med pa yang dag par rdzogs pa'i byang chub tu mngon par sangs rgyas nas chos kyi rnga chen po brdung bar bya'o/ / chos kyi sprin gyi char chen po mngon par dbab pa dang / chos kyi sbyin pa chen po sbyin pa dang / mi 'jigs pa chen po rnam par dag par bya ba'i phyir seng ge'i nga ro chen pos rnam par spel ba'i smon lam chen pos chos kyi dbyings su gnas pa'i bskal par chos bstan par bya'o/ / 'on kyang snying rje chen po'i byin gyi rlabs kyis bdag gi lus la

  428. 215a

    dub pa med par 'gyur/ ngag dang sems la dub pa med par 'gyur ro zhes dbugs phyin pa chen po rab tu 'thob bo// kye rgyal ba'i sras bcu po de dag ni byang chub sems dpa' rnams kyi dbugs phyin pa chen po rab tu 'thob pa ste/ de dag la gnas shing byang chub sems dpa' rnams de bzhin gshegs pa'i ye shes chen po la mngon par 'tshang rgya ba bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa'i sangs rgyas kyi chos zab mo la 'jug pa rnams te/ bcu gang zhe na/ 'di ltar 'jig rten gyi khams thams cad du 'das pa'i dus la 'jug pa 'di ni/ sangs rgyas kyi chos zab mo la 'jug pa dang po'o// 'jig rten gyi khams bgrangs pa de dang de dag gi 'jig rten gyi khams thams cad du ma 'ongs pa'i dus la 'jug pa 'di ni/ sangs rgyas kyi chos zab mo la 'jug pa gnyis pa'o// 'jig rten gyi khams bgrangs pa dang / 'jig rten gyi khams yod pa dang / 'jig rten gyi khams su bstan pa dang / 'jig rten gyi khams yongs su dag pa dang / 'jig rten gyi khams su/ shes pa gang ji snyed pa'i 'jig rten gyi khams thams cad du da ltar byung ba'i dus la 'jug pa 'di ni/ sangs rgyas kyi chos zab mo la 'jug pa gsum pa'o// 'jig rten gyi khams thams

  429. 215b

    cad du sna tshogs su 'jug pa 'di ni/ sangs rgyas kyi chos zab mo la 'jug pa bzhi pa'o// sems can gyi las dang rnam par smin pa sna tshogs thams cad la 'jug pa 'di ni/ sangs rgyas kyi chos zab mo la 'jug pa lnga pa'o/ / byang chub sems dpa'i spyod pa sna tshogs la 'jug pa 'di ni/ sangs rgyas kyi chos zab mo la 'jug pa drug pa'o// kye rgyal ba'i sras gzhan yang byang chub sems dpa' de bzhin gshegs pa 'das pa rnams kyi mtshams sbyor ba shes pa 'di ni/ sangs rgyas kyi chos zab mo la 'jug pa bdun pa'o// kye rgyal ba'i sras gzhan yang byang chub sems dpa' sangs rgyas bcom ldan 'das ma byon pa rnams kyi/ sangs rgyas gcig nas gcig tu brgyud pa shes pa 'di ni/ sangs rgyas kyi chos zab mo la 'jug pa brgyad pa'o// / kye rgyal ba'i sras gzhan yang byang chub sems dpa' da ltar byung ba'i sangs rgyas bcom ldan 'das rnams kyi chos kyi dbyings kyis klas shing nam mkha'i mthas gtugs pa'i sangs rgyas kyi zhing rab tu shes so/ / 'khor gyi dkyil 'khor rab tu shes so// chos bstan pa rab tu shes so// sems can 'dul ba rab tu shes so// de bzhin du phyogs bcu kun gyi'ang rab tu shes te'adi ni sangs rgyas kyi chos zab mo la 'jug pa dgu pa'o/ / kye rgyal ba'i sras gzhan yang byang chub sems dpa' 'jig rten gyi chos rab tu shes so// nyan thos kyi chos rabs

  430. 216a

    shes so/ / rang sangs rgyas kyi chos rab tu shes so// byang chub sems dpa'i chos rab tu shes so// de bzhin gshegs pa'i chos rab tu shes so// chos de dag la'ang rnam par mi rtogs pas rab tu zhugs nas rnam pa tha dad par ston te/ chos de dag kyang gzud pa med pa'i tshul gyis chos kyi dbyings su 'dzud do// chos rnams rnam par brtag tu med par yang shes la/ chos de dag ji lta ba de bzhin du'ang rab tu ston to// 'di ni sangs rgyas kyi chos zab mo la 'jug pa bcu pa'o// kye rgyal ba'i sras bcu po de dag ni byang chub sems dpa' rnams kyi chos zab mo la 'jug pa bcu ste/ de dag la gnas shing byang chub sems dpa' rnams yang dag par rdzogs pa'i byang chub kyi ye shes chen po bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi gnas pa ste/ de dag la gnas shing byang chub sems dpa' rnams byang chub kyi spyad pa spyod do/ / bcu gang zhe na/ 'di ltar sangs rgyas thams cad mchod pa dang rim gror bya ba la gnas shing / byang chub sems dpa' byang chub sems dpa'i spyad pa spyod do// sems can thams cad yongs su smin par bya ba dang / gdul ba la gnas shing byang chub sems dpa' byang chub sems dpa'i spyad pa spyod do// dge ba'i bshes gnyen thams cad dga' bar bya

  431. 216b

    ba la gnas shing / byang chub sems dpa' byang chub sems dpa'i spyad pa spyod do// dge ba'i rtsa ba rab tu bsags pa la gnas shing / byang chub sems dpa' byang chub sems dpa' spyad pa spyod do/ / sangs rgyas kyi zhing yongs su dag par bya ba la gnas shing / byang chub sems dpa' byang chub sems dpa'i spyad pa spyod do// 'gro ba thams cad yongs su mi gtang ba la gnas shing / byang chub sems dpa' byang chub sems dpa'i spyad pa spyod do// pha rol tu phyin pa thams cad la 'jug pa la gnas shing / byang chub sems dpa' byang chub sems dpa'i spyad pa spyod do/ / byang chub sems dpa'i smon lam thams cad yongs su rdzogs par bya ba la gnas shing / byang chub sems dpa' byang chub sems dpa'i spyad pa spyod do/ / byang chub kyi sems tshad med pa la gnas shing / byang chub sems dpa' byang chub sems dpa'i spyad pa spyod do// sangs rgyas thams cad kyi mngon par rdzogs pa'i 'tshang rgya ba la gnas shing / byang chub sems dpa' byang chub sems dpa'i spyad pa spyod do// kye rgyal ba'i sras bcu po de dag ni/ byang chub sems dpa' rnams kyi gnas su bya ba rnams te/ gnas de dag la gnas shing / byang chub sems dpa' rnams byang chub sems dpa'i spyad pa spyod do// kye rgyal ba'i sras bcu po 'di dag ni// byang chub

  432. 217a

    sems dpa' rnams kyi sems skyed pa bstan pa ste/ bcu gang zhe na/ 'di ltar sgrib pa'i las thams cad rnam par bzlog pa'i phyir/ sems brtan pa bskyed pa dang / sangs rgyas bcom ldan 'das yongs su mya ngan las 'das pa rnams kyi bstan pa yongs su gzung ba'i phyir/ sems brtan pa bskyed pa dang / bdud thams cad rab tu pham par bya ba'i phyir/ sems brtan pa bskyed pa dang / lus dang srog thams cad la mi blta ba'i phyir/ sems brtan pa bskyed pa dang / mu stegs can dang phas kyi rgol ba thams cad chos bzhin du tshar gcad pa'i phyir/ sems brtan pa bskyed pa dang / 'gro ba thams cad yongs su tshim par bya ba'i phyir/ sems brtan pa bskyed pa dang / 'khor gyi dkyil 'khor thams cad mngon par dga' bar bya ba'i phyir/ sems brtan pa bskyed pa dang / lha dang / klu dang / gnod sbyin dang / dri za dang lha ma yin dang / nam mkha' lding dang / mi 'am ci dang / lto 'phye chen po thams cad yongs su gdul ba'i phyir/ sems brtan pa bskyed pa dang / chos zab mo rnam par bsgom pa dang / nyan thos dang / rang sangs rgyas kyis rnam par bzlog pa'i phyir/ sems brtan pa bskyed pa dang / bskal pa brjod du med pa'i yang brjod du med par byang chub sems

  433. 217b

    dpa'i spyad pa spyod pas mi skyo ba'i rgyud du bya ba'i phyir/ sems brtan pa bskyed pa'o// kye rgyal ba'i sras bcu po de dag ni/ byang chub sems dpa' rnams kyi sems bskyed pa brtan pa rnams te/ de dag la gnas shing byang chub sems dpa' rnams de bzhin gshegs pa'i ye shes chen po brtan zhing bla na med pa 'thob par 'gyur ba dag go/ rgyal ba'i sras bcu po 'di dag ni/ byang chub sems dpa' rnams kyi sangs rgyas kyi chos thams cad la nem nur thams cad gcod pa'i sems bskyed pa the tshom med cing yid gnyis med la som nyi med pa rnams te/ bcu gang zhe na/ kye rgyal ba'i sras de la byang chub sems dpa' 'di ltar sems bskyed de/ sems can thams cad sbyin pas yongs su bsdu bar bya'o/ / tshul khrims dang / bzod pa dang / brtson 'grus dang / bsam gtan dang / shes rab dang / byams pa dang / snying rje dang / dga' ba dang / btang snyoms kyis yongs su bsdu bar bya'o snyam yang de la de de ltar mi 'gyur snyam pa'i nem nur med/ yid gnyis med/ the tsom med de/ de ni gnas ma yin no// 'di ni nam nur thams cad gcod pa'i bskyed pa dang po'o/ / kye rgyal ba'i sras gzhan yang byang chub sems dpa' 'di ltar sems bskyed de/ ma 'ongs pa'i dus na gang ji snyed du 'byung bar 'gyur ba'i

  434. 218a

    sangs rgyas thams cad bla na med pa'i mnyes par bya ba dang / sangs rgyas thams cad mchod cing bsnyen bkur ba'i sems bskyed pas mnyes par bya'o snya yang de'ang de la de de ltar mi 'gyur snyam pa'i nem nur med/ yid gnyis med/ the tsom med de/ de ni gnas ma yin no// 'di ni nem nur thams cad gcod pa'i sems bskyed pa gnyis pa'o/ / kye rgyal ba'i sras gzhan yang byang chub sems dpa' 'di ltar sems bskyed de// 'jig rten gyi khams thams cad 'od zer sna tshogs kyi dra ba'i rgyar gyis yongs su rgyas par dgang ngo snyam yang de la de de ltar mi 'gyur snyam pa'i nem nur med/ yid gnyis med/ the tsom med de/ de ni gnas ma yin no// 'di ni nem nur thams cad gcod pa'i sems bskyed pa gsum pa'o/ / kye rgyal ba'i sras gzhan yang byang chub sems dpa' 'di ltar sems bskyed de/ ma 'ongs pa'i bskal pa'i mur thug par mi skyo ba'i rgyud kyis sems can tshad med pa yongs su smin par bya ba'i phyir/ sems can gyi khams grangs med pa/ bsam gyos mi khyab pa/ mtshungs pa med pa// tshad med pa/ gzhal du med pa kun tu mtha' yas pa/ mu med pa/ sa mtshams med pa/ brjod du med pa'i yang brjod du med pa grangs dang bgrang ba las 'das pa/ chos kyi dbyings kyis klas pa

  435. 218b

    nam mkha'i dbyings kyi mthas gtugs pa thams cad bla na med pa'i yongs su smin par bya ba dang / bla na med pa'i rnam par gdul bas yongs su smin pa dang rnam par gdul bar bya'o/ snyam na'ang de la de de ltar mi 'gyur snyam pa'i nem nur med/ yid gnyis med/ the tsom med de/ de ni gnas ma yin no// 'di ni the tsom thams cad gcod pa'i sems bskyed bskyed pa bzhi pa'o/ / kye rgyal ba'i sras gzhan yang byang chub sems dpa' 'di ltar sems bskyed de/ byang chub sems dpa'i spyad pa spyod pa'i tshe/ smon lam thams cad yongs su rdzogs par bya'o zhes nas de la nem nur med/ yid gnyis med pa dang / the tsom med par gnas pa yin te/ 'di ni nem nur thams cad gcod pa'i sems bskyed pa lnga pa'o/ / kye rgyal ba'i sras gzhan yang byang chub sems dpa' 'di snyam ste/ bdag byang chub sems dpa'i spyad pa spyod pa'i tshe/ sangs rgyas kyi chos thams cad snang bar 'gyur bas/ chos thams cad mngon du gyur par 'gyur ro snyam yang de la de de ltar mi 'gyur snyam pa'i nem nur med/ yid gnyis med/ the tsom med de/ de ni gnas ma yin no// 'di ni nem nur thams cad gcod pa'i sems bskyed pa drug pa'o// kye rgyal ba'i sras gzhan yang byang chub sems dpa' 'di snyam ste/ 'di ltar sems can thams cad kyi sem khong du chud

  436. 219a

    par bya ba'i phyir/ chos thams cad sangs rgyas kyi chos su mos par bya'o snyam yang de la de de ltar mi 'gyur snyam pa'i nem nur med/ yid gnyis med/ tsom med de/ de ni gnas ma yin no// 'di ni nem nur thams cad gcod pa'i sems bskyed pa bdun pa'o// kye rgyal ba'i sras gzhan yang byang chub sems dpas chags pa med pa'i chos kyi sgo thams cad chags pa thams cad mi dmigs pas rab tu shes shing / / de la nem nur med/ yid gnyis med/ the tsom med pas bla na med pa yang dag par rdzogs pa'i byang chub mngon par sangs rgyas kyi bar du yang dag pa nyid la gnas pa 'di na nem nur thams cad gcod pa'i sems bskyed pa brgyad pa'o/ / kye rgyal ba'i sras gzhan yang byang chub sems dbas chos thams cad 'du shes kyi phyin ci log rab tu spangs pa dang / blang ba med cing dor ba med pa'i tshul gyis 'jig rten las 'das pa'i chos su shes te/ de la gzhan gyi dring mi 'jog cing nem nur med/ yid gnyis med la/ the tsom med pa yin te/ 'di ni nem nur thams cad gcod pa'i sems bskyed pa dgu pa'o// kye rgyal ba'i sras gzhan yang byang chub sems dpa' 'di snyad du sems te/ 'du shes kyi phyin ci log thams cad rab tu spangs pa'i sems skad cig gcig gi ye shes gcig dang / gnyis su mi dmigs pa bgrang ba thams cad dang bral ba/ 'dus ma

  437. 219b

    byas la shin tu gzhol ba/ brjod pa thams cad rab tu spangs pa/ spyod yul brjod du med pa'i mthar phyin pas/ sangs rgyas kyi chos thams cad mngon par rdzogs par 'tshang rgya bar bya'o snyam yang de la de de ltar mi 'gyur snyam pa'i nem nur med/ yid gnyis med/ the tsom med de/ de ni gnas ma yin no// 'di ni nem nur thams cad gcod pa'i sems bskyed pa bcu pa ste/ kye rgyal ba'i sras bcu po de dag ni/ byang chub sems dpa' rnams kyi sangs rgyas kyi chos thams cad la nem nur thams cad gcod pa'i sems bskyed pa the tsom med cing yid gnyis med la som nyi med pa rnams te/ de dag la gnas shing byang chub sems dpa' rnams sangs rgyas kyi chos thams cad la nem nur med pa bla na med pa 'thob par 'gyur pa dag go kye rgyal ba'i sras bcu po 'di dag ni/ byang chub sems dpa' rnams kyi bsam gyis mi khyab pa nyid de/ bcu gang zhe na/ 'di ltar dge ba'i rtsa ba thams cad la bsam gyis mi khyab pa yin/ smon lam thams cad la bsam gyis mi khyab pa yin/ chos thams cad sgyu ma lta bur 'jug pa la bsam gyis mi khyab pa yin/ byang chub sems dpa'i spyad pa spyod pa'i tshe/ byang chub tu sems bskyed pa la gnas pa'i dge ba'i rtsa ba chud mi za zhing rtog pa med pa dang / rnam par rtog pa med pa la bsam gyis mi khyab pa yin/ kye rgyal

  438. 220a

    ba'i sras gzhan yang byang chub sems dpa' zab mo'i chos thams cad la'ang rab tu 'jug la/ smon lam thams cad yongs su rdzogs kyi bar du yongs su mya ngan las kyang mi 'da' ba 'di ni bsam gyis mi khyab pa lnga pa'o/ / kye rgyal ba'i sras gzhan yang byang chub sems dpa' byang chub sems dpa'i spyad pa spyod pa'i tshe/ mngal du 'gro ba dang / skye ba dang // gom pa bdun du 'gro ba dang / btsun mo'i 'khor gyi nang na gnas pa dang / mngon par 'byung ba dang / dka' ba spyod pa'i sbyor ba dang / snying po byang chub tu 'gro ba dang / bdud 'dul ba dang / rnam par 'tshang rgya ba dang / chos kyi 'khor lo bskor ba dang / yongs su mya ngan las 'da' ba dang / sangs rgyas kyi rnam par 'phrul pa'i byin gyi rlabs thams cad yongs su ston cing / snying rje chen po dang / 'gro ba thams cad yongs su skyob pa'i smon lam gyi bar gyis yongs su rgyun mi gcod pa 'di ni bsam gyis mi khyab pa drug pa'o// kye rgyal ba'i sras gzhan yang byang chub sems dpa' chos kyi dbyings kyis klas par sems bskyed pas/ de bzhin gshegs pa'i stobs bcu dang byin gyi rlabs kyang yang dag par ston la/ sems can yongs su smin par bya ba'ang rgyun mi gcod pa 'di ni bsam gyis mi khyab pa bdun pa'o/ / kye rgyal ba'i sras gzhan yang byang chub sems dpa' chos thams cad mtshan ma med pa la mtshan ma yod par 'jug/

  439. 220b

    mtshan ma yod pa la mtshan ma med par 'jug/ rtog pa med pa la rtog pa yod par ston/ rtog pa yod pa la rtog pa med par ston/ dngos po med pa la dngos po yod par 'jug/ dngos po yod pa la dngos po med par 'jug/ mngon par 'du byed pa la mngon par 'du bya ba med par ston/ mngon par 'du bya ba med pa la mngon par 'du bya ba yod par ston/ chos thams cad brjod du med pa la brjod du yod par shes/ chos thams cad brjod du yod pa la brjod du med par shes te/ 'di ni bsam gyis mi khyab pa brgyad pa'o// kye rgyal ba'i sras gzhan yang byang chub sems dpa' byang chub kyang sems dang mnyam par shes la/ sems kyang byang chub dang mnyam par shes te/ 'gro ba thams cad kyang sems dang byang chub tu shes mod kyi/ de'i sems phyin ci log tu 'gyur ba med/ 'du shes phyin ci log tu 'gyur ba med/ lta ba phyin ci log tu 'gyur ba med/ 'di ni bsam gyis mi khyab pa dgu pa'o// kye rgyal ba'i sras gzhan yang byang chub sems dpa' sems kyi skad cig re re zhing 'gog pa la snyoms par 'jug kyang / yang dag pa'i mtha' mngon du mi byed/ zag pa zad pa yin yang dag pa'i rtsa ba zag pa zad par mi byed chos thams cad zag pa med par yang shes/ zag pa zad par yang shes/ zag pa 'gag par yang shes shing / sangs rgyas kyi chos la 'jig rten gyi chos su 'jug ste/ 'jig

  440. 221a

    rten gyi chos la sangs rgyas kyi chos su 'jug kyang / sangs rgyas kyi chos kyis 'jig rten gyi chos la rnam par mi rtog/ 'jig rten gyi chos kyis sangs rgyas kyi chos lnga rnam par mi rtog/ chos thams cad gzud pa med pa'i tshul du chos kyi dbyings su 'dzud la/ chos thams cad 'gyur ba med pa'i tshul gyis gnyis su med par yang shes pa 'di ni bsam gyis mi khyab pa bcu pa'o/ / kye rgyal ba'i sras bcu po de dag ni/ byang chub sems dpa' rnams kyi bsam gyis mi khyab pa rnams te/ de dag la gnas shing byang chub sems dpa' rnams sangs rgyas kyi chos thams cad bsam gyis mi khyab pa bla na med pa 'thob par 'gyur ba dag go/ / / bam po bdun cu rtsa bdun pa/ / kye rgyal ba'i sras bcu po 'di dag ni/ byang chub sems dpa' rnams kyi dgongs te bshad pa la mkhas pa ste/ bcu gang zhe na/ 'di ltar sangs rgyas kyi chos kyi rnam grangs thams cad la dgongs te bshad pa la mkhas pa dang / skye ba'i skye mched thams cad la dgongs te bshad pa la mkhas pa dang / byang chub sems dpa' rdzu 'phrul dang rnam par 'phrul pa dang / mngon par rdzogs par 'tshang rgya ba thams cad la dgongs te bshad pa la mkhas pa dang / sems can thams cad kyi las kyi rnam par smin par 'jug pa

  441. 221b

    thams cad la dgongs te bshad pa la mkhas pa dang / sems can thams cad kyi kun nas nyon mongs pa dang / rnam par byang ba dang / rnam par ldang ba la dgongs te bshad pa la mkhas pa dang / chos thams cad chags pa med pa'i sgo'i mthar phyin pa la bsgribs pa med pa'i tshul gyis dgongs te bshad pa la mkhas pa ste/ 'di ni dgongs te bshad pa la mkhas pa drug pa'o/ / kye rgyal ba'i sras gzhan yang byang chub sems dpa' nam mkha'i dbyings kyi phyogs re re dang / 'jig rten gyi khams kyi rgyud re re na'ang / 'jig rten gyi khams 'grub pa dang / 'jig rten gyi khams 'jig pa rgyun mi 'chad cing mtshams med pa shes pa 'di ni dgongs te bshad pa la mkhas pa bdun pa'o// kye rgyal ba'i sras gzhan yang byang chub sems dpa' chos kyi dbyings thams cad du phra ba dang / yangs pa'i 'jug pas yongs su 'jug pa thams cad gzung ba dang / de bzhin gshegs pa dgra bcom pa yang dag par rdzogs pa'i sangs rgyas rnams skye ba nas bzung ste/ yongs su mya ngan las 'da' ba chen po'i bar du gzung ba rgyun 'chad pa med pas/ chos kyi dbyings thams cad sangs rgyas kyis yongs su gang bar 'jug cing / sangs rgyas skye ba thams cad kyang shin tu rnam par phye bar mthong ba 'di ni dgongs te bshad pa la mkhas pa brgyad pa'o// kye rgyal ba'i sras gzhan yang byang chub

  442. 222a

    sems dpa' 'gro ba thams cad mi 'gyur ba'i tshul gyis mya ngan las 'das par shes kyang / / thams cad mkhyen pa'i smon lam yongs su rdzogs par bya ba yongs su ma rdzogs kyi bar du smon lam phyir zlog par mi byed pa 'dridi ni dgongs te bshad pa la mkhas pa dgu pa'o/ / kye rgyal ba'i sras gzhan yang byang chub sems dpa' chos thams cad gzhan gyi dring mo 'jog par yang shes la/ dge ba'i tha shes gnyen la brten pa'ang ring du mi spong / de bzhin gshegs pa la rim gro bya ba'ang rgyun mi gcod/ dge ba'i bshes gnyen dang rgyud kyi tshul gcig tu gyur pa'i dge ba'i rtsa ba'ang yang dag par sdud cing bskyed pa dang / sbyong ba dang / brtan par byed pa dang / rnam pa gcig tu byed pa dang / rgyud kyi tshul gcig tu byed pa dang / gcig tu 'byung bar byed pa dang / yongs su grub pa gcig tu byed pa 'di ni dgongs te bshad pa la mkhas pa bcu pa'o/ / kye rgyal ba'i sras bcu po de dag ni/ byang chub sems dpa' rnams kyi dgongs te bshad pa la mkhas pa rnams de/ de dag la gnas shing byang chub sems dpa' rnams de bzhin gshegs pa thams cad kyi dgongs te bshad pa la mkhas pa thar med pa 'thob par 'gyur ba dag go// kye rgyal ba'i sras bca po 'di dag ni/ byang chub sems dpa' rnams kyi ye shes rnam par dbye ba la mkhas pa ste/ bcu gang zhe na// 'di ltar 'a thams cad du ye shes rnam par dbye ba la mkhas pa dang

  443. 222b

    sems can gyi skye mched la 'jug par ye shes rnam par dbye ba la mkhas pa dang / sems can thams cad kyi sems dang spyod pa 'jug par ye shes rnam par dbye ba la mkhas pa dang / sem can thams cad kyi dbang po yongs su shes par ye shes rnam par dbye ba la mkhas pa dang / sems can thams cad kyi las dang rnam par smin pa mngon par 'du byed pa la 'jug par ye shes rnam par dbye ba la mkhas pa dang / nyan thos kyi spyod pa thams cad la 'jug par ye shes rnam par dbye ba la mkhas pa dang / rang sangs rgyas kyi spyod pa thams cad la 'jug par ye shes rnam par dbye ba la mkhas pa dang / byang chub sems dpa'i spyod pa thams cad la 'jug par ye shes rnam par dbye ba la mkhas pa dang / 'jig rten gyi chos thams cad la 'jug par ye shes rnam par dbye ba la mkhas pa dang / sangs rgyas kyi chos thams cad la 'jugs par ye shes rnam par dbye ba la mkhas pa'o// kye rgyal ba'i sras bcu po de dag ni/ / byang chub sems dpa' rnams kyi ye shes rnam par dbye ba la mkhas pa ste// de dag la gnas shing byang chub sems dpa' rnams sangs rgyas kyi chos thams cad du ye shes rnam par dbye ba la mkhas pa bla na med pa 'thob par 'gyur ba dag go/ kye rgyal ba'i sras bcu po 'di dag ni

  444. 223a

    byang chub sems dpa' rnams kyi snyoms par 'jug pa ste/ bcu gang zhe na/ 'di ltar 'jig rten gyi khams thams cad shes pa la snyoms par 'jug pa dang sems can thams cad kyi lus la snyoms par 'jug pa dang / chos thams cad la snyoms par 'jug pa dang / sangs rgyas mthong ba thams cad la snyoms par 'jug pa dang / bskal par gnas par mkhas pa thams cad la snyoms par 'jug pa dang / bsam gyis mi khyab pa'i lus kyi rgyud kyi ting nge 'dzin dang / rnam par ldang ba la mkhas pa la snyoms par 'jug pa dang / de bzhin gshegs pa thams cad kyi sku la snyoms par 'jug pa dang / 'gro ba thams cad khong du chud par bya bas snyoms pa'i ye shes kyis mkhas pa la snyoms par 'jug pa dang / byang chub sems dpa' thams cad kyi tong nge 'dzin la sems kyi skad cig gcig gi ye shes kyis 'jug pa la snyoms par 'jug pa dang / chags pa med pa'o sems skad gi ye shes kyi byang chub sems dpa'i spyod pa thams cad yang dag par blang ba la rab tu gnas shing / rgyun mi gcod pa'i smon lam chen po'i ye shes mkhas pa la snyoms par 'jug pa'o/ / kye rgyal ba'i sras bcu po de dag ni/ byang chub sems dpa' rnams kyi snyoms par 'jug pa ste/ de dag la gnas shing byang chub sems

  445. 223b

    dpa' rnams sangs rgyas kyi chos thams cad du snyoms par 'jug pa la mkhas pa bla na med pa 'thob par 'gyur ba dag go/ kye rgyal ba'i sras bcu po 'di drag ni/ byang chub sems dpa' rnams kyi ril po rnams te/ bcu gang zhe na/ 'di ltar ril gyis sems can dang / ril gyis zhing dang / ril gyis mtshan nyid mi mthun pa'i 'gro ba dang / ril gyis bskal pa'i me dang / ril gyis chus 'jig pa dang / ril gyis sangs rgyas dang / ril gyis sna tshogs mngon par bsgrub pa dang / ril gyis de bzhin gshegs pa'i sku kha dog mtha' yas pa dang / ril gyis chos thams cad rnam pa sna tshogs su bstan pa dang / ril gyis de bzhin gshegs pa thams cad mchod pa rnam pa tha dad pa'o/ / kye rgyal ba'i sgras bcu po de dag ni/ byang chub sems dpa' rnams kyi ril po ste/ de dgra la gnas shing byang chub sems dpa' rnams de bzhin gshegs pa'i ye shes chen po rol po bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi rnam par thar pa rnams te/ bcu gang zhe na/ 'di ltar 'jig rten gyi khams thams cad du lus kyis rgyas par dgang ba'i rnam par thar pa dang / 'jig rten gyi khams thams cad du

  446. 224a

    kha dog du ma dang / kha dog sna tshogs yongs su bstan pa'i rnam par thar pa dang / chos kyi dbyings thams cad la sangs rgyas kyi zhing gcig tu 'jug pa'i rnam par thar pa dang / sems can gyi khams thams cad byin gyi rlabs pa'i rnam par thar pa dang / sangs rgyas kyis brgyan pa'i 'jig rten gyi khams thams cad du lus kyis rgyas par dgang ba'i rnam par thar pa dang / bdag 'jig rten gyi khams thams cad du phyin par shes par bya ba'i rnam par thar pa dang / 'jig rten gyi khams thams cad du sems kyi skad ceg gcig gis 'gro ba'i rnam pa thar pa dang / 'jig rten gyi khams gcig tu sangs rgyas thams cad skye ba yongs su bstan pa'i rnam par thar pa dang / 'jig rten gyi khams thams cad du lus gcig tu shes par bya ba'i rnam par thar pa dang / sems kyi skad cig gcig la sangs rgyas thams cad kyi rnam par sprul pa dang / rnam par rol pa dang mi 'bral ba yongs su bstan pa'i rnam par thar pa'o/ / kye rgyal ba'i sras bcu po de dag ni/ byang chub sems dpa' rnams kyi rnam par thar pa ste/ de dag la gams shing byang chub sems dpa' rnams de de bzhin gshegs pa thams cad kyi rnam par thar pas rnam par rol pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub

  447. 224b

    sems dpa' rnams kyi mngon par shes pa rnams te/ brgya nA/ 'di ltar sngon gyis marjes sa rdzun pas mngon par bsgrub pa las bsta shes pa'i mngon par shes pad+ma ba med pa mngon par bsgrub pa la mkhas shing shes pa'i mngon par shes pa dang / sems can pha rol dang / gang zag pha rol gyi sems dang spyod pa bsam gyis mi khyab pa yongs su shes pa mngon par bsgrub pa la mkhas shing shes pa'i mngon par shes pa dang / lha'i mig thogs pa med pas rnam par blta ba mngon par bsgrub pa la mkhas shing shes pa'i mngon par shes pa dang / rdzu 'phrul dang rnam par 'phrul pa chen po'i byin gyi rlabs kyis sems can rnams kyi bsam pa bsam gyis mi khyab pa ji lta ba bzhin du mngon par bsgrub pa la mkhas shing shes pa'i mngon par shes pa dang / 'jig rten gyi khams bsam gyis mi khyab par lus yongs su bstan pa mngon par bsgrub pa la mkhas shing shes pa'i mngon par shes pa dang / / 'jig rten gyi khams brjod du med par sems skad cig gos 'gro ba mngon par bsgrub pa la mkhas shing shes pa'i mngon par shes pa dang / 'jig rten gyi khams bsam gyis mi khyab pa brgyan par byin gyis brlabs pa la mkhas shing shes pa'i mngon par shes pa dang / lus kyi rgyud brjod du med par

  448. 225a

    sprul pa yongs su bstan pa mngon par bsgrub pa la mkhas shing shes pa'i mngon par shes pa dang / 'jig rten gyi khams brjod du med par bdag bla na med pa y ang dag par rdzogs pa'i byang chub tu mngon par sangs rgyas so zhes bya bar sems can gyi bsam pa bsam gyis mi khyab pa ji lta ba bzhin du yongs su bstan pa la mkhas shing shes pa'i mngon par shes pa'o/ / kye rgyal ba'i sras bcu po de dag ni/ byang chub sems dpa' rnams kyi mngon par shes pa ste/ de dag la gnas shing byang chub sems dpa' rnams de bzhin gshegs pa'i mngon par shes pa chen po bsgrub pa la mkhas pa bla na med pa 'thob par 'gyur ba dag go/ / sangs rgyas thams cad kyi rnam par 'phrul pa 'thob par 'gyur ba dag go/ sems can thams cad la yongs su ston pa'i nan tan byed par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi rig pa ste/ bcu gang zhe na/ 'di ltar sems can thams cad kyi las dang rnam par smin pa mngon par grub pa la mkhas shing shes pa'i rig pa dang / 'gro ba thams cad dmigs pas dben zhing byed pa med pa la spros pa med pa'i sems rab tu zhi ba mngon par grub pa la mkhas shing shes pa'i rig pa dang / dmigs pa thams cad la zhugs pas sems gcig la'ang tha

  449. 225b

    dang du mi dmigs shing / chos thams cad rab tu rtogs pas rdo rje lta bu'i ye shes kyi rig pa dang / dbyangs bsam gyis mi khyab pa'i byin gyis brlab pas 'jig rten gyi thams mu med par go bar bya bar mngon par grub pa la mkhas shing shes par rig pa dang / gnas thams cad yang dag par gzhom pa mngon par bsgrub pa la mkhas shing shes pa'i rig pa dang skye ba la mkhas pa dang / mi skye ba la mkhas pa mngon par bsgrub pa shes par rig pa dang / 'du shes dang tshor ba'i yul thams cad rnam par bzlog pa mngon par bsgrub pa la mkhas shing shes pa'i rig pa dang / kye rgyal ba'i sras gzhan yang byang chub sems dpa' chos thams cad mtshan nyid med pa dang / mtshan nyid dang bral ba med cing rnam par dgod pa gcig tu gyur pa dang / rnam par dgod pa med pa'i tshul gyis rig pa'i bya ba sna tshogs tha dad pa rab tu shes te/ tshad med pa'i bskal par chos ston cing chos kyi dbyings su gnas pa'i tshul gyis bla na med pa yang dag par rdzogs pa'i byang chub tu yang dag par 'byung ba 'di ni ye shes kyi rig pa brgyad pa'o/ / kye rgyal ba'i sras gzhan yang byang chub sems dpa' 'gro ba thams cad mngon par 'grub pa 'gyur ba med pa'i tshul dang / skye ba mi dmigs pa'i tshul gyis rab tu shes/ rgyu rab tu shes rkyen rab tu shes/

  450. 226a

    dngos po rab tu shes/ dmigs pa rab tu shes 'du byed rab tu shes skye ba rab tu shes/ 'gog pa rab tu shes/ dpon bstan pa rab tu shes gti mug dang ldan par gyur pa rab tu shes/ gti mug dang bral ba rab tu shes/ phyir ci log rab tu shes phyin ci log med pa rab tu shes kun nas nyon mongs pa rab tu shes rnam par byang ba rab tu shes/ 'khor ba rab tu shes/ mya ngan las 'das pa rab tu shes dmigs pa rab tu shes/ dmigs pa med pa rab tu shes/ mngon par chags pa rab tu shes/ mngon par chags pa med pa rab tu shes/ gnas rab tu shes/ gyen du bskyod pa rab tu shes zhugs pa rab tu shesalog pa rab tu shes/ 'jug pa rab tu shes/ ldog pa rab tu shes/ 'jig pa rab tu shes 'byung ba rab tu shes yongs su smin pa rab tu shes/ dbang po rab tu shes// spyod tha dad pa'i tshul gyis sems can de dag gi 'dul ba'ang rab tu shes/ sems can 'dul zhing byang chub sems dnga'i spyod pa la mgo rmongs pa'ang med de/ kye rgyal ba'i sras de ci'i phyir zhe na/ byang chub sems dpas ni sems can yongs su smin par bya ba'i don du ma gtogs pa

  451. 226b

    bla na med pa yang dag par rdzogs pa'i byang chub tu sems ma bskyed de/ de dag gang gi phyir sems bskyed pa'i sems can de dag yongs su smin par byed cing rnam par 'dul ban lus la nyon mongs par mi rtsi'o/ / kye rgyal ba'i sras 'di ni/ byang chub sems dpa' rnams kyi 'gro ba thams cad kyi bya ba dang mi 'gal ba zhes bya ba rten cing 'brel bar 'byung ba rig pa steng du pa'o/ / kye rgyal ba'i sras gzhan yang byang chub sems dpa' sangs rgyas gang la'ang mngon par chags pa med de/ sangs rgyas la mngon par chags pa mi skyed/ chos gang la'ang mngon par chags pa med de/ chos la mngon par chags pa mi skyed// zhing gang la'ang mngon par chags pa med de/ zhing la mngon par chags pa mi skyed/ sems can gang la'ang mngon par chags pa med de/ sems can la mngon par chags pa mi skyed// sems can gang yang mthong ba med de/ sems can yang yongs su smin par byed cing / sems can yang yongs su 'dul bar byed/ chos gang yang ston pa med de/ spyod pa'ang yongs su sbyong zhing smon lam yang yongs su rdzogs par byed de/ snying rje chen po'ang rnam par 'phel bar byed/ sangs rgyas kyang mthong bar byed/ de bzhin gshegs pas chos bstan pa la'ang rjes su 'brang bar byed// de bzhin gshegs pa dang rgyu mthun pa'ang 'thob par byed/

  452. 227a

    dge ba'i rtsa ba bskyed pa'ang skyed par byed/ de bzhin gshegs pa'i spyod yul yang rgyun mi 'chad par byed/ de bzhin gshegs pa mchod pa'ang rnam par 'phel bar byed/ 'jig rten gyi khams bsam gyis mi khyab pa'ang chos kyi dbyings kyis klas pa'i sems kyi yongs su spyod par byed/ chos bstan pa rnam pa sna tshogs kyang rab tu shes par byed/ sems can gyi grangs kyang rab tu shes par byed/ sems can rnam pa tha dad pa'ang rab tu shes par byed/ sdug bsngal skye ba'ang rab tu shes par byed/ sdug bsngal 'gog pa'ang rab tu shes par byed de/ 'du byed kyi rnam pa thams cad sdug bsngal bar shes na/ mig yor lta bu'i tshul gyis byang chub sems dpa'i spyargya pa spyod cing / skye ba'i skye mchod thams cad rtsa ba nas rgyun mi bcad pa'i sems bskyed pas 'gro ba thams cad yongs su bskyab pa'i phyir/ mi spyod pa'i tshul gyis byang chub sems dpa'i spyod pa la spyod cing / sangs rgyas thams cad kyi rigs kyi rjes su bslab pa dang / rtog pa'i phyin ci log thams cad khong du chud pa/ ri bo'i rgyal po chen po dam pa lta bu thams cad mkhyen pa nyid kyi sgo la gzhol bas/ sems cad thams cad srid pa'i gang chen mtsho las phyir bzlog pa'i phyir ye shes 'byam klas pa/ che zhing mi g.yo ba'i bla na med pa yang dag par rdzogs pa'i byang chub tu mngon par 'tshang rgya bar bya'o// zhes

  453. 227b

    bya ba 'di ni shes pa'i rig pa bcu pa'o/ / kye rgyal ba'i sras bcu po de dag ni/ byang chub sems dpa' rnams kyi rig pa ste/ de dag la gnas shing byang chub sems dpa' rnams de bzhin gshegs pas mkhyen pa'i rig pa chen po mngon par bsgrub pa la mkhas pa/ bla na med pa 'thob par 'gyur ba dag go// kye rgyal ba'i sras bcu po 'di dag ni// byang chub sems dpa' rnams kyi rnam par grol ba ste/ bcu gang zhe na/ 'di ltar nyon mongs pa las rnam par grol ba dang / lnga pa las rnam par grol ba dang / nye bar len pa las rnam par grol ba dang / phung po dang / khams dang / skye mched las rnam par grol ba dang / nyan thos dang rang sangs rgyas kyi theg pa las 'da' ba'i rnam par grol ba dang / mi skye ba'i chos la bzod pa thob pa'i rnam par grol ba dang / 'gro ba'i zhing thams cad nas sems can gyi chos las gyen du bskyod pa'i rnam par grol ba dang / byang chub sems dpa'i rnam par bsgrub pa mtha' dang dbus med pa'i rnam par grol ba dang / byang chub sems dpa'i spyod pa thams cad las gyen du spyod de/ de bzhin gshegs pa'i sa 'thob pa'i rnam par grol ba dang / dus gsum thams cad skad cig gcig gis shes pa'i rnam par grol ba'o/ / kye rgyal ba'i sras bcu po de dag ni// byang chub sems dpa' rnams kyi rnam par grol ba ste/ de dag la gnas shi bya

  454. 228a

    chub sems dpa' rnams sangs rgyas kyi 'phrin las bla na med pa sems can rnams kyis 'thob par byed pa dag go kye rgyal ba'i sras bcu po 'di / ni/ byang chub sems dpa' rnams kyi skyed mos tshal te/ bcu gang zhe na// 'di ltar yongs su skyo ba med pas 'khor ba'i skyed mos tshul dang / mi dga' ba med pas sems can yongs su smin par bya ba'i skyed mos tshal dang / / spyod pa chen po skyed cing rab tu 'dzin pas bskal pa thams cad du zhe non pa'i skyed mos tshal dang / rang gi khyim ltar dga' bas 'jig rten gyi khams yongs su dag pa'i skyed mos tshal dang / bdud kyi yul mngon 'dul bas bdud kyi khyim thams cad kyi skyed mos tshal dang / tshul bzhin du rab tu rtog pas ji skad du thos pa'i chos rtogs par gzhog pa'i skyed mos tshal dang / bdag gi pha'i yul la spyod pas pha rol tu phyin pa drug dang / bsdu ba'i dngos po bzhi dang / byang chub kyi phyogs kyi chos sum cu rtsa bdun gyi skyed mos tshal dang / chos gzhan yid la mi byed pas de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad dang / mdor na sangs rgyas kyi chos thams cad kyi skyed mos tshal dang / mya ngan las 'das pa chen po'i rgyan gyis rnam par gdul ba dang / chos kyi 'khor lo bskor bas mi gtong bas byang chub sems dpa' thams cad kyi rnam par

  455. 228b

    'phrul pa dang / rnam par rtse ba dang byin gyi rlabs yongs su bstan pa'i skyed mos tshal dang / 'jig rten gyi khams thams cad du chos kyi lus kyi rgyas par 'gengs shing nam mkha'i dbyings dang mnyam pa nyid du rtogs pas/ sems kyi skad cig thams cad la mngon par rdzogs par 'tshang rgya ba dang mi 'bral ba 'gro ba thams cad du bstan pa'i skyed mo tshal lo/ / kye rgyal ba'i sras bcu po de dag ni/ byang chub sems dpa' rnams kyi skyed mos tshal te/ de dag la gnas shing byang chub sems dpa' rnams yongs su skyo ba med pa'i spod pa chen po bla na med pas dga' ba rab tu 'thob pa dag go/ / kye rgyal po'i sras bcu po 'di dag ni/ byang chub sems dpa' rnams kyi gzhal med khang ste/ bcu gang zhe na 'di ltar nyams pa med pas byang chub kyi sems kyi gzhal med khang dang / 'dod pa'i khams kyi sems can gyi khams yongs su smin par byed pas dge ba bcu'i las kyi lam dang bsod nams dang / ye shes kyi tshogs kyi gzhal med khang dang / gzugs kyi khams kyi sems can gyi khams yongs su smin par byed pas tshams pa'i gnas bzhi la bsam gtan 'cha' pa'i gzhal med khang dang / nyon mongs pa'i dngos po thams cad kyis mi gos pas gnas gtsang ma'i lha'i gnas su skye ba'i gzhol med khang dang / sems can mi khom pa thob

  456. 229a

    pa las rnam par zlog pas/ gzugs med pa'i lha'i rgyud kyi gzhal med khang dang / nyon mongs pa thams cad las sems can gyen du spyod pas/ kun nas nyon mongs pa'i 'jig rten gyi khams su ched du bsams te/ skye ba'i 'dzin pa'i gzhal med khang dang / sngon lhan cig spyod spyod pa'i sems can yongs su smin par byed pas sla dang bu dang / bu mo dang / chung ma kun tu ston pa'i gzhal med khang dang / sems can dbang phyug la chags pa rnam par zlog pas gling bzhi dang / 'dzam bu'i gling dang / brgya byin dang / tshangs pa dang / 'jig rten gyi mgon po'i dbang phyug la dbang byed pa'i gzhal med khang dang / bsam gtan dang / rnam par thar pa dang / ting nge 'dzin dang / snyoms par 'jug pas shin tu rnam par rtse ba shes pa'i phyir/ byang chub sems dpa'i spyod pa thams cad la gnas pa'i dbang phyug la dbang sgyur bas rnam par rtse ba'i mngon par shes pa'i gzhal med khang dang / de bzhin gshegs pa'i stobs bcu'i rgyan la gnas pas thams cad mkhyen pa nyid kyi rgyal srid dang / dbang phyug bla na med pa la sangs rgyas thams cad kyi rdzu 'phrul gyi dbang bskur ba yang dag par blang zhing / / chos thams cad la dbang sgyur ba'i rgyal srid gzung ba'i gzhal med khang ngo // kye rgyal ba'i sras bcu po de dag ni/ byang chub sems dpa' rnams kyi

  457. 229b

    gzhal med khang ste/ de dag la gnas shing byang chub sems dpa' rnams 'gro ba thams cad du chos kyi dbang bskur bas rnam par 'phrul pa'i byin gyi rlabs bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi dga' ba ste/ bcu gang zhe na/ 'di ltar 'khrug pa med pas dran pa'i dga' ba dang / rab tu rnam par 'byed pa la mkhas pas blo gros kyi dga' ba dang / sangs rgyas thams cad kyi zhabs kyi drung nas mngon sum du chos thos pa yongs su zad par mi 'gyur bas rtogs pa'i dga' ba dang / phyogs bcu tshad med par khyab pas blo'i dga' ba dang / sems can gyi lus sgro mtha' yas pa yongs su ston pas byang chub sems dpa'i rnam par 'phrul pa'i dga' ba dang / ting nge 'dzin gyi sgo gcig gis ting nge 'dzin gyi sgo thams cad la 'jug pas ting nge 'dzin gyi dga' ba dang / thos pa thams cad 'dzin pa nyams pa med par kun tu 'dzin cing / sems can gzhan gyi rgyud kyis 'thob par byed pas gzungs kyi dga' ba dang / tshig gcig dang yi ge gcig gis bskal pa brjod du med par gzhan dang gzhan du smra zhing / nges pa'i tshig rgyun mi 'chad par rab tu ston pas spobs pa'i dga' ba dang / sems can thams cad kyi lus mtha' yas pa'i sgo'i rgyud du mngon par byang chub

  458. 230a

    pa ston pas/ mngon par rdzogs par byang chub pa'i dga' ba dang / bdud dang phyir rgol ba thams cad chos dang mthun par tshar gcod pas chos kyi 'khor lo bskor ba'i dga' ba'o/ / kye rgyal ba'i sras bcu po de dag ni/ byang chub sems dpa' rnams kyi dga' ba ste/ de dag la gnas shing byang chub sems dpa' rnams sangs rgyas thams cad kyi chos kyi dgyes pa bla na med pa 'thob par 'gyur ba dag go/ / kye rgyal ba'i sras bcu po 'di dag ni// byang chub sems dpa' rnams kyi rgyun te/ bcu gang zhe na/ 'di ltar thub pa med pas stobs kyi rgyan dang / zil gyis mi no pas mi 'jigs pa'i rgyan dang / don brjod du med cing yangs pa brjod pa'i sgo rgyun mi 'chad pas don gyi rgyun dang chos kyi phung po stong phrag brgyad cu rtsa bzhi shin tu brtags pa'i chos rab tu ston pa mgo rmongs pa med pas chos kyi rgyan dang / byang chub sems dpa' thams cad kyis bya ba'i smon lam las phyir mi ldog pas smon lam gyi rgyan dang / kun tu bzang po'i theg pas 'byung bas spyod pa'i rgyan dang / zhing thams cad zhing gcig tu byin gyis rlobs pas zhing gi rgyun dang / zhing thams cad du chos kyi sprin chen po'i char rgyas par rab tu 'bebs pas dbyangs kyi dkyil 'khor gyi rgyan dang / bskal pa grangs med pa thams cad du spyod pa'i rgyun mi gcod pas byin gyi rlabs

  459. 230b

    kyi rgyan dang / sems can gcig gi lus sems can skyed kyi lus su ston cing / sems can gyis khong du chud par byed pa'i thams cad mkhyen pa'i stobs bcu dang / mi 'jigs par mthu las phyir mi ldog pas 'phrul pa'i rgyun to/ / kye rgyal ba'i sras bcu po de dag ni/ byang chub sems dpa' rnams kyi rgyan te/ de dag la gnas shing byang chub sems dpa' rnams sangs rgyas kyi chos thams cad kyi rgyan bla na med pa 'thob par 'gyur ba dag go/ / kye rgya ba'i sras bcu po 'di dag ni/ byang chub sems dpa' rnams kyi sems bskyed pa mi bsgul ba ste/ bcu gang zhe na/ 'di ltar gtang ba thams cad yongs su gtong zhing / sbyin pa thams cad sbyin par byed pas sems bskyed pa mi bskul ba dang / sangs rgyas kyi chos thams cad nges par rtogs par gzhag pa la sems bskyed pa mi bskul ba dang / sangs rgyas thams cad la mchod cing rim gro bya ba'i yid la bya ba mang bas sems bskyed pa mi bskul ba dang / sems can thams cad kyi mi 'khrugs pas sems bskyed pa mi bsgul ba dang / 'gro ba thams cad yongs su mi gtong bas sems bskyed pa mi bsgul ba dang / sangs rgyas kyi chos thams cad yongs su btsal ba rgyun mi gcod pos sems bskyed pa mi bskul ba dang / bskal pa 'gro ba thams cad dang mnyam pa brjod du med pa'i

  460. 231a

    yang brjod du med par byang chub sems dpa'i spyad pa spyod pas zhum par mi 'gyur/ sgyid lug par mi 'gyur zhing byang chub sems dpa'i spyod pa las byang mi ldog pas sems bskyed pa mi bsgul pa dang / kye rgyal ba'i sras gzhan yang byang chub sems dpa' dang po N+DI tshugs pa dang / rnyog pa med cing dag pa dang rnam par dag pa dri ma med pa dang / 'od dang ba sangs rgyas thams cad bsnyen bkur ba la brtson pa/ phyir mi ldog pa/ mi zad pa/ mi 'phrogs pa/ dga' ba dang / spro ba dang / mos pa chen pos byung ba dang ldan pas sems bskyed pa mi bskul ba dang / thams cad mkhyen par sbyor zhing 'byung ba'i lam la shin tu grub pas/ sems bskyed pa mi bsgul ba dang / byang chub sems dpa'i spyod pa dang / gdams ngag dang / man ngag dang / bslab pa thams cad gzung zhing mnyan pa yongs su mi spong zhing mos par bya ba la sems bskyed pa mi bskul ba'o/ / kye rgyal ba'i sras bcu po de dag ni/ byang chub sems dpa' rnams kyi sems bskyed pa mi bskul ba ste/ de dag la gnas shing byang chub sems dpa' rnams thams cad mkhyen pa'i ye shes mi bskul cing bla na med pa 'thob par 'gyur ba dag go/ kye rgyal ba'i zas bcu po 'di dag ni/ byang chub sems

  461. 231b

    dpa' rnams kyi lhag pa'i bsam pa yongs su mi gtong ba la granas pa ste/ bcu gang zhe na/ 'di ltar sangs rgyas thams cad kyi byang chub mngon par rdzogs par 'tshang rgyab yongs su mi gtong ba dang / sems can thams cad yongs su smin par bya ba dang / rnam par 'dul ba yongs su mi gtong ba dang / sangs rgyas thams cad kyi gdung bsam pa yongs su mi gtong ba dang / dge ba'i bshes gnyen thams cad la bsnyen pa yongs su mi gtong ba dang / sangs rgyas kyi zhing thams cad du de bzhin gshegs pa bsnyen bkur bya ba yongs su mi gtong ba dang / yon tan thams cad yongs su btsal ba'i phyir/ thegs pa chen po yongs su mi gtong ba dang / sangs rgyas byung ba thams cad du tshangs par spyad pa spyod cing / tshul khrims bsrung ba yongs su mi gtong ba dang / byang chub sems dpa' thams cad yongs su mi gtong ba dang / de bzhin gshegs pa thams cad kyi gsung yongs su btsal zhing yang dag par gzung ba la mkhas pa yongs su mi gtong ba dang / byang chub sems dpa'i spyod pa dang smon lam thams cad yang dag par bsgrub pas// sangs rgyas kyi chos thams cad yang dag par bsgrub pa yongs su mi gtong ba'o/ / kye rgyal ba'i sras bcu po de dag ni/ byang chub sems dpa' rnams kyi lhag pa'i bsam pa yongs su mi gtong ba

  462. 232a

    @#la gnas pa ste/ de dag la gnas shing byang chub sems dpa' rnams sangs rgyas kyi chos thams cad du yongs su mi gtong ba blan med pa 'thob par 'gyur ba dag kye rgyal ba'i sras bcu po 'di dag ni byang chub sems dpa' rnams kyi ye shes kyis rnam par lta bAt+te/ bcu gang zhe na/ 'di ltar chos thams cad kyi tshig rab tu dbye ba bstan par mkhas pa la ye shes rnam par lta ba dang / dus gsum gyi dge ba'i rtsa ba thams cad la ye shes kyis rnam par lta ba dang / byang chub sems dpa'i spyod pa dang rnam par 'phrul pa thams cad la ye shes kyis rnam par lta ba dang / chos thams cad kyi tshul gyi sgo la ye shes kyis rnam par lta ba dang / sangs rgyas thams cad kyi byin gyi rlabs la ye shes kyis rnam par lta ba dang / gzungs kyi sgo thams cad la ye shes kyis rnam par lta ba dang / 'jig rten gyi khams thams cad du chos bstan pa la ye she kyis rnam par lta ba dang / chos kyi dbyings thams cad du 'jug pa la ye shes kyis rnam par lta ba dang / phyogs bcu thams cad bsam gyis mi khyab pa la ye shes kyis rnam par lta ba dang / sangs rgyas kyi chos thams cad kyi ye shes snang ba chags pa med pa la ye shes kyis rnam par lta ba'o// kye rgyal ba'i sras bcu po de dag ni/ byang chub sems dpa'

  463. 232b

    rnams kyi ye shes kyis rnam par lta ba ste/ de dag la gnas shing byang chub sems dpa' rnams de bzhin gshegs pa'i ye shes chen pos rnam par gzigs pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi chos shin tu bstan pa ste/ bcu gang zhe na/ 'di ltar chos thams cad rten cing 'brel par 'byung bar bstan pa dang / chos thams cad sgyu ma lta bur bstan pa dang / chos thams cad nyon mongs pa med par bstan pa dang / chos thams cad mtha' dang dbus med par bstan pa dang / chos thams cad gnas med par bstan pa dang / chos thams cad rdo rje lta bur bstan pa dang / chos thams cad de bzhin gshegs par bstan pa dang chos thams cad rab tu zhi bar bstan pa dang / chos thams cad 'byung ba'i lam du bstan pa dang / chos thams cad don gcig pa'i rang bzhin yongs su ma grub par bstan pa'o// kye rgyal ba'i sras bcu po de dag ni/ byang chub sems dpa' rnams kyi chos shin tu bstan pa ste/ de dag la gnas shing byang chub sems dpa' rnams chos thams cad shin tu bstan pa la mkhas pa 'thob par 'gyur ba dag go/ / kye rgyal ba'i sras bcu po 'di dag ni// byang chub sems dpa' rnams kyi yongs su dag pa ste/

  464. 233a

    bcu gang zhe na/ 'di ltar lhag pa'i bsam pa yongs su dag pa dang / the tsom dang yid gnyis rnam par 'thor ba yongs su dag pa dang / lta ba yongs su dag pa dang / spyod yul yongs su dag pa dang / thams cad mkhyen pa nyid la mos pa yongs su dag pa dang / tha dad pa yang dag par shes pa yongs su dag pa dang / mi 'jigs pa yongs su dag pa dang / byang chub sems dpa' thams cad kyi ye shes kyi rnam par spyod pa yongs su dag pa dang / byang chub sems dpa'i yang dag par dam bcas pa thams cad yang dag par bsgrub pa yongs su dag pa dang / bsod nams brgya pa'i mtshan gyi mo chen po'i mtshan sum cu rtsa gnyis dang ldan zhing / bla na med pa yang dag par rdzogs pa'i byang chub kyi mthar thug pa'i dge ba'i chos dang ldan pa'i dge ba'i rtsa ba thams cad yongs su dgu pa'o/ / kye rgyal ba'i sras bcu po de dag ni/ byang chub sems dpa' rnams kyi yongs su dag pa ste/ de dag la gnas shing byang chub sems dpa' rnams sangs rgyas kyi chos thams cad yongs su dag pa bla na med pa 'thob par 'gyur ba dag ce rgyal ba'i sras bcu po 'di dag ni/ / byang chub sems dpa' rnams kyi phyag rgya ste/ bcu gang zhe na/ kye rgyal ba'i sras 'di la byang chub sems dpa' 'a du byed kyi sdug

  465. 233b

    bsngal dang 'gyur ba'i sdug bsngal shes kyang / sangs rgyas kyi chos yongs su btsal bas sgying lug par byed par 'gyur ba med cing / byang chub sems dpa'i spyod pa la zhum par 'gyur ba med la/ mi 'jigs/ mi skrag/ skrag par mi byed/ smon lam las mi ldog cing / thams cad mkhyen pa nyid du sems bskyed pa rgyun mi gcod cing / sangs rgyas kyi chos yongs su btsal ba la mthar thug pa med pa 'di nI/ bla na med pa yang dag par rdzogs pa'i byang chub tu 'gyur ba'i phyag rgya dang po'o// kye rgyal ba'i sras gzhan yang byis pa so so'i skye bo rang gi kun nas nyon mongs pas shin tu 'khrugs par gyur pa de dag byang chub sems dpa' la mi snyan par brjod cing / / ngan du zer la mi tshul ba drang / rtsub pa'i ngag 'byin cing sdigs ri byed pa dang // rdo dang / dbyig pa dang / mtshon chas rdeg cing 'debs kyang // de'i rgyus byang chub sems dpa'i spyod pa dang / sangs rgyas kyi chos yongs su btsal ba las skyo bar mi 'gyur la/ bzod pa dang mos par mang bar spyod cing / chos skyon med pa yang dag par ji lta ba bzhin du rtogs pa'i bzod pa dang ldan pa 'di ni/ bla na med pa yang dag par rdzogs pa'i byang chub tu 'gyur ba'i phyag rgya gnyis pa'o/ / kye rgyal ba'i sras gzhan yang byang chub sems dpa' sangs rgyas kyi chos zab mo thams cad mkhyen pa nyid

  466. 234a

    dang ldan pa bstan pa'i tshe/ khong nas shes pas 'jug cing / mos pa dang / yid ches bdudang / dga' ba dang / mngon par dad par 'gyur ba 'dri ni/ bla na med pa yang dag par rdzogs pa'i byang chub tu 'gyur ba'i phyag rgya gsum pa'o/ / kye rgyal ba'i sras gzhan yang byang chub sems dpa' rang gi shes pas bdag shes par byed cing / thams cad mkhyen pa nyid du sems bskyed pa lhag pa'i bsam pas byung bas sangs rgyas su 'gyur bar bya'o/ / bla na med pa yang dag par rdzogs pa'i byang chub tu mngon par 'tshang rgyu bar bya'o// dga' ba dang / mos pa dang / spro ba chen pos byung ba'i sems bskyed pa dang / mos pa chen po'i rgyus rnam par 'phe' ba'i brtson 'grus chen pos 'gro ba lnga'i rgyud du 'khor zhing nyon mongs pa'i sems can rnams rab tu dgrol bar bya'o snyam pa 'di ni/ bla na med pa yang dag par rdzogs pa'i byang chub tu 'gyur ba'i phyag rgya bzhi pa'o// kye rgyal ba'i sras gzhan yang byang chub sems dpa' de bzhin gshegs pa'i ye shes mu med pa la 'jug kyang de bzhin gshegs pa'i ye shes las mtshams kyis dpog pa mi byed cing / sangs rgyas bcom ldan 'das tshad med pa rnams las de bzhin gshegs pa'i ye shes kun tu mtha' yas pa zos shis tshad 'dzin par mi byed cing / yi ge rnam par dgod pa thams cad kyis de bzhin gshegs pa'i ye shes las mtshams sung pos

  467. 234b

    par mi byed pa 'di ni/ / bla na med pa yang dag par rdzogs pa'i byang chub tu 'gyur ba'i phyag rgya lnga pa'o// kye rgyal ba'i sras gzhan yang byang chub sems dpa' blan med pa yang dag par rdzogs par byang chub tu shin tu mos pa yin te/ mos pa gzhan gyis mi thub pa dang / mos pa zab pa dang / mos pa yangs pa dang / mos pa che ba dang / mos pa sna tshogs dang / mos pa zil gyis mi non pa dang / mos pa bla na med pa dang / mos pa brtan pa dang / mos pa las mi mtshungs pa'i mos pa dang ldan zhing // de la bdud thams cad dang / bdud kyi ris kyi lha thams cad dang / mu stegs can gzhan dang / phas kyi rgol ba thams cad kyis mos pa de las bzlog par mi nus shing / thams cad mkhyen pa nyid du sems bskyed pa las phyir bzlog par mi nus te/ de lta bu'i mos pa chen po la gnas pa'i byang chub sems dpa' ni bla na med pa yang dag par rdzogs pa'i byang chub las phyir mi ldog pa'i mos pa dang / ldan pa yin te/ 'di ni phyag rgya drug pa'o/ / kye rgyal ba'i sras gzhan yang byang chub sems dpa' mi zlogs shing / lus dang srog la mi lta bar thams cad mkhyen pa nyid la mngon par phyogs shing / thams cad mkhyen pa ning du sems bskyed pa sangs rgyas thams cad kyi byang chub snang bas byung bas byang chub sems dpa'i spyod pa la spyod cing / sangs rgyas kyi byang chub yongs su mi gtong

  468. 235a

    la/ dge ba'i bshes gnyen bsten pa las phyir mi ldog pa 'di ni/ bla na med pa yang dag par rdzogs pa'i byang chub tu 'gyur ba'i phyag rgya bdun pa'o// kye rgyal ba'i sras gzhan yang byang chub sems dpa' theg pa chen po la gnas pa'i rigs kyi bu lam/ rigs kyi bu mo rnams la sangs rgyas kyi chos yongs su btsal bas nye bar sngoston pa byed de/ dge ba'i rtsa ba la'ang rab tu gzhog go// ji ltar na byang chub las phyir mi ldog par 'gyur zhes te/ thams cad mkhyen pa nyid kyi sems kyis kyang rab tu 'dzin to// 'di ni bla na med pa yang dag par rdzogs pa'i byang chub tu 'gyur ba'i phyag rgya brgyad pa'o// kye rgyal ba'i sras gzhan yang byang chub sems dpa' sems can thams cad la snyoms pa'i sems la gnas shing / thams cad mkhyen pa'i ye shes yang dag par bsgrub pa la brtson pa yin te/ sems can thams cad la'ang snying rje chen po bskyed cing / bla na med pa yang dag par rdzogs pa'i byang chub las phyir mi ldog par chos ston te/ 'di ni bla na med pa yang dag par rdzogs pa'i byang chub tu 'gyur ba'i phyag rgya dgu pa'o// kye rgyal ba'i sras gzhan yang byang chub sems dpa' 'das pa dang / mkhyen pa dang / da ltar byung ba'i sangs rgyas bcom ldan 'das rnams dang / dge ba'i rtsa ba thams cad kyi rgyud kyi tshul gcig tu gyur cing / sangs rgyas thams

  469. 235b

    cad kyi rigs rgyun mi gcod pa la shin tu brtson pa da dA/ thams cad mkhyen pa'i ye shes kyi lam gyis 'byung ba la gnas pa yin te/ 'di ni bla na med pa yang dag par rdzogs pa'i byang chub tu 'gyur ba'i phyag rgya bcu pa'o/ / kye rgyal ba'i sra sa bcu po de dag ni/ byang chub sems dpa' rnams kyi phyag rgya ste/ phyag rgya de dag dang ldan na byang chub sems dpa' rnams myur du bla na med pa yang dag par rdzogs pa'i byang chub tu mngon par 'tshang rgya zhing / / chos kyi ye shes kyi phyag rgya bla na med pa 'thob par 'gyur ba dag go// kye rgyal ba'i sras bcu po 'di dag ni/ byang chu sems dpa' rnams kyi ye shes snang ba ste/ bcu gang zhe na/ 'di ltar byang chub sems dpa' bla na med pa yang dag par rdzogs pa'i byang chub tu nges te/ sangs rgyas kyi byang chub kyi snang bar gyur pa'i ye shes snang ba dang / sangs rgyas thams cad blta ba la ye shes snang ba dang / sems can thams cad kyi shi 'pho dang skye ba'i skye mchen la ye shes snang ba dang / mdo sde'i chos kyi rnam grangs thams cad la ye shes snang ba dang / dge ba'i bshes gnyen thams cad kyi rgyu mthun pas byang chub tu sems bskyed cing / dge ba'i rtsa ba thams cad bsogs pa la ye shes snang ba dang / / sems can rnam par gdul ba la ye shes snang ba dang / sems can thams cad yongs su smin par bya ba dang / gdul bas

  470. 236a

    de bzhin gshegs pa'i sa la dgod pa la ye shes snang ba dang / chos kyi tshul 'byam klas shing bsam gyis mi khyab pa bstan pa la ye shes snang ba dang / sangs rgyas thams cad kyi byin gyi rlabs la mkhas pa la ye shes snang ba dang / pha rol tu phyin pa thams cad yongs su rdzogs par bya ba la ye shes snang ba'o// kye rgyal ba'i sras bcu po de ngag ni ye shes snang ba ste/ de dag la gnas shing byang chub sems dpa' rnams sangs rgyas kyi chos thams cad la bla na med pa'i ye shes snang ba 'thob par 'gyur ba dag go/ kye rgyal ba'i sras bcu po 'di dag ni// byang chub sems dpa' rnams kyi byang chub sems dpa'i gnas sem ma can thams cad dang / nyan thos thams cad dang / rang sangs rgyas thams cad dang mtshungs pa med pa ste/ bcu gang zhe na/ kye rgyal ba'i sras 'di la byang chub sems dpa' yang dag pa'i mtha'i gnas kyis gnas kyang / smon lam thams cad yongs su ma rdzogs kyi bar du mngon du mi byed pa 'di ni byang chub sems dpa'i gnas mtshungs pa med pa dang po'o/ / kye rgyal ba'i sras gzhan yang byang chub sems dpa' dge ba'i rtsa thams cad bskyed par bya ba'ang / chos kyi dbyings thams cad kyis klas par sems bskyed pas skyed par byed la/ chos gang la'ang mngon par chags pa med pa 'di ni byang chub

  471. 236b

    sems dpa'i gnas mtshungs pa med pa gnyis pa'o/ / kye rgyal ba'i sras gzhan yang byang chub sems dpa' sprul pa lta bu'i byang chub sems dpa'i spyod pa la chos thams cad rab tu zhibs spyod kyang / sangs rgyas kyi chos thams cad la mgo rmongs pa'ang med pa 'di ni byang chub sems dpa'i gnas mtshungs pa med pa gsum pa'o// kye rgyal ba'i sras gzhan yang byang chub sems dpa' 'gro ba thams cad las gyen du 'phags pa'i yid la bya bas bskal pa brjod du med par smon lam chen po yongs su rdzogs par bya ba'i phyir/ byang chub sems dpa'i spyad pa spyod kyang yongs su skye ba mi skyed de/ 'di ni byang chub sems dpa'i gnas mtshungs pa med pa bzhi pa'o// kye rgyal ba'i sras gzhan yang byang chub sems dpa' chos thams cad rang bzhin gyis dben pas chos thams cad la mi gnas par spyod kyang / thams cad mkhyen par 'byung ba'i chos yongs su ma rdzogs kyi bar du yongs su mya ngan las 'das par mi byed pa 'di ni byang chub sems dpa'i gnas mtshungs pa med pa lnga pa'o/ / kye rgyal ba'i sras gzhan yang byang chub sems dpa' bskal pa thams cad bskal ba ma yin par yang shes la bskal pa'i grangs kyang rab tu ston te/ de 'ang yang dag par de kho bzhin du 'gyur ba 'di ni byang chub sems dpa'i gnas mtshungs pa med pa drug pa'o// kye rgyal ba'i sras gzhan yang byang chub sems dpa' chos thams cad mngon

  472. 237a

    par 'du bya ba med par yang shes la/ sangs rgyas rgya chos thams cad yongs su btsal ba'i phyir mngon par 'du bya ba'i smos pa'ang rgyan mi gcod pa 'di ni byang chub sems dpa'i gnas mtshungs pa med pa bdun pa'o/ / kye rgyal ba'i sras gzhan yang byang chub sems dpa' khams gsum thams cad sems tsam du 'jug ste/ dus gsum yang sems tsam du shes la/ sems de'ang mtha' dang dbus med par khong du chud pa 'di ni byang chub sems dpa'i gnas mtshungs pa med pa brgyad pa'o// kye rgyal ba'i sras gzhan yang byang chub sems dpa'i sems can gcig gi don du'ang / thams cad mkhyen pa'i sa la rab tu gzhag pa'i phyir bskal pa brjod du med par byang chub sem sred pa'i spyad pa spyod la// sems can gcig gi don du ji lta ba bzhin du/ sems can thams cad kyi don du'ang thams cad mkhyen pa'i sa la dgod pa'i phyir/ byang chub sems dpa'i spyad pa spyod kyang / dus su spyod pas yongs su skyo ba yinate/ 'di ni byang chub sems dpa'i gnas mtshungs pa med pa dgu pa'o// kye rgyal ba'i sras gzhan yang byang chub sems dpa' byang chub sems dpa'i spyod pa'ang yongs su rdzogs la/ sems can thams cad kyi don du 'gyur bas/ bla na med pa yang dag par rdzogs pa'i byang chub tu mngon par 'tshang mi rgya zhing / dza srid

  473. 237b

    ji srid du 'khor ba de srid de srid du sems can gyi don du phyi phyir zhing tshad med par bya bar 'gyur ro/ / sangs rgyas kyi byang chub tu rab tu dgod par 'gyur ro snyam pa 'di na byang chub sems dpa'i gnas mtshungs pa med pa bcu pa'o/ / kye rgyal ba'i sras bcu po de dag ni/ byang chub sems dpa'i gnas mtshungs pa med pa ste/ de dag la gnas shing byang chub sems dpa' rnams sangs rgyas kyi chos thams cad la ye shes chen po mtshungs pa med pas gnas pa bla na med pa 'thob par 'gyur ba dag go/ / bam po bdun cu rtsa ba kye rgyal ba'i sras bcu po 'di dag ni/ byang chub sems dpa' rnams kyi sangs rgyas kyi byang chub tu zhum pa med pa'i sems bskyed pa ste/ bcu gang zhe na/ rgyal ba'i sras 'di la byang chub sems dpas 'di ltar bdud dang / bdud kyi ris kyi lha thams cad rab tu pham par bya'o snyam ste/ zhum pa med po'i sems bskyed pa dang / mu stegs can gzhan dang / phas kyi rgol ba thams cad chos dang mthun par tshar gcad do snyam ste/ zhum pa med pa'i sems paskyed pa dang / legs par bshad pas sems can gyi khams thams cad tshim par bya'o snyam ste/ bum pa med pa'i sems bskyod pa dang / chos kyi dbyings yongs su sa rdzogs par bya bas/ pha rol

  474. 238a

    tu phyin pa yongs su rdzogs par bya ba thams cad yongs su rdzogs par bya'o snyam ste/ zhum pa med pa'i sems bskyed pa dang / 'gro ba thams cad bsod rnams kyi phung po yongs su rdzogs par bya ba yongs su rdzogs par bya'o/ / yang dag par bsdu bar bya'o snyam ste/ bum pa med pa'i sems bskyed pa dang / gter chen po thabla na med pa yang dag par rdzogs pa'i byang chub tu brtsam pa chen po dang / byang chub sems dpa'i spyod pa rdzogs par dka' ba yongs su rdzogs par bya'o snyam ste/ zhum pa med pa'i sems bskyed pa dang / sems can gyi khams thams cad bla na med pa'i yongs su smin par bya ba dang / bla na med pa'i gdul bas yongs su smin par bya'o// gdul bar bya'o snyam ste/ zhum pa med pa'i sems bskyed pa dang / 'jig rten gyi khams thams cad kha dog du ma dang // kha dog sna tshogs dang / brgya stong du ma las 'das pa'i kha dog tu mos pas sgyur ba la byang chub tu mngon par rdzogs par 'tshang rgya bar bya'o snyam ste/ zhum pa med pa'i sems bskyed pa dang / kye rgyal ba'i sras gzhan yang byang chub sems dpa' 'di ltar sems bskyed pa dang / bdag byang chub sems dpa'i spyad pa spyod pa'i tshe/ gang la la zhig gis bdag gi lus la dmigs te/ lag pa dang / rkang pa dang /

  475. 238b

    rna ba dang / swA dang / sha dang / khrag dang / rus pa dang / rkang dang / bu dang / bu mo dang / chung ma dang / glang po dang / rta dang / rgyal srid dang / g.yog 'khor thams cad spong ba zhig byung na de la bdag gis thams cad yongs su gtang bar bya ste/ sems can thams cad la yongs su skyo ba dang ldan pa'i sems gi cag kyang mi bskyed do// sems can thams cad la phan pa dang bde ba'i phyir/ rnam par smin pa la re ba med cing snying rje chen po sngon du 'gro ba dang / byams pa chen po'i mthas gtugs pa'i sems bskyed pas lus thams cad kyang yongs su gtang ngo snyam ste/ zhum pa med pa'i sems bskyed pa dang / kye rgyal ba'i sras gzhan yang byang chub sems dpa' 'di snyam du sems te/ dus gsum gyi sangs rgyas thams cad dang / sangs rgyas kyi chos thams cad dang / sems can thams cad dang // zhing thams cad dang / 'gro ba thams cad dang / dus thams cad dang / nam mkha'i khams thams cad dang / spyod par brtags pa'i khams thams cad dang / mya ngan las 'das pa'i khams zhi ba gang ji snyed pa thams cad dang / chos tha dad pa de dag thams cad sems skad cig gcig dang ldan pa'i shes rab kyis she par bya/ rtags par bya/ mngon par rdzogs par 'tshang rgya bar bya/

  476. 239a

    blta bar bya/ khong du chud par bya/ bsgom par bya/ rnam par bsgom par bya/ mngon par shes par bya/ yongs su shes par bya// rab tu spang bar bya/ mngon du bya ste/ de dag thams cad la ma brtags/ rnam par ma brtags/ sna tshogs su ma byas/ rnam pa tha dad du ma byas/ ched du bskyod par ma byas// dmigs par ma byas/ bsgom par ma byas// rnam par bsgom par ma byas/ gcig tu ma byas/ gnyis su ma byas pa'i ye shes mi gnyis pa gnyis po thams cad rab tu shes pa dang // mtshan nyid med pa'i ye shes mtshan nyid thams cad rab tu shes pa dang // rtog pa med pa'i ye shes rtog pa thams cad rab tu shes pa dang / sna tshogs su gyur pa med pa'i ye shes sna tshogs thams cad rab tu shes pa dang / rnam pa tha dad par rgyur pa med pa'i ye shes rnam pa tha dad pa thams cad rab tu shes pa dang / 'jig rten du gyur pa med pa'i ye shes 'jig rten thams cad rab tu shes pa dang / 'jig rten gyi khams su phyin pa med pa'i ye shes 'jig rten gyi khams thams cad du rab tu shes pa dang // dus su gyur pa med pa'i ye shes dus thams cad rab tu shes pa dang / sems can gyi sar gyur pa med pa'i ye shes sems can gyi khams thams cad rab tu shes pa dang / mngon par shes pa thams cad

  477. 239b

    las gyen du 'phags pa'i ye shes mngon par chags pa'i spyod yul gyi mthar thug pa dang / gnas med pa la gzhol ba'i ye shes gnas thams cad rab tu shes pa dang / kun nas nyon mongs pa med pa'i ye shes kun nas nyon mongs pa thams cad rab tu shes pa dang / mi zad pa'i mthar phyin pa'i ye shes zad pa thams cad rab tu shes pa dang / chos kyi dbying la gzhol ba'i ye shes 'jig rten gyi khams thams cad du lus yongs su ston pa dang / brjod pa dang / tshig dang / sgra dang / dbyangs dang bral ba'i ye shes sgra dbyangs brjod du med pa rab tu brjod pa dang / rang bzhin gcig pa'i ye shes rang bzhin med pa rab tu rtogs pa dang / spyod yul gcig la zhugs pa'i ye shes spyod yul tha dad pa yongs su ston pas brjod pa chen po'i byin gyi rlabs yang dag par bstan pa'i phyir/ brjod du med pa'i chos thams cad mngon par rdzogs par 'tshang rgya bar bya'o// sems can thams cad yongs su smin par bya ba dang / gdul ba'i phyir thams cad mkhyen pa nyid kyi sa chen po mngon par rdzogs par 'tshang rgya bar bya'o// cho 'phrul chen po dang rnam par 'phrul pa'i chos 'phrul yang 'gro ba thams cad du bstan par bya'o snyam pa 'di ni zhum pa med pa'i sems bskyed pa bcu pa'o/ / kye rgyal ba'i sras bcu po de dag ni/ byang chub sems dpa' rnams kyi zhum pa med pa'o sems bskyed pa ste/

  478. 240a

    de dag la gnas shing byang chub sems dpa' rnams sangs rgyas kyi chos thams cad la zhum pa med pa bla na med pa 'thob par 'gyur ba dag go/ rgyal ba'i sras bcu po 'dri dag ni/ byang chub sems dpa' rnams kyi lhag pa'i bsam pa ri bo lta bu ste/ bcu gang zhe na// kye rgyal ba'i sras 'di la byang chub sems dpa' thams cad mkhyen pa'i chos yid la bya bas rtag tu rgyun mi 'chad par brtson pa yin te/ 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu dang po'o// kye rgyal ba'i sras gzhan yang byang chub sems dpa' chos thams cad mi dmigs pas// chos thams cad la rang bzhin gyis stong par rnam par lta ba 'di ni/ bla na med pa yang dag par rdzogs pa'i byang chub tu lhag pa'i bsam pa ri bo lta bu gnyis pa'o/ / kye rgyal ba'i sras gzhan yang byang chub sems dpa' bskal pa mtha' dang dbus med par chos dkar po thams cad kyi spyod pa dang ldan pa'i sems bskyed pas/ / byang chub sems dpa'i spyad pa spyod cing // chos dkar po yang dag par blangs pa thams cad la nan tan du byed pas/ / de bzhin bshags pa'i ye shes tshad med pa'ang khong du chud par byed pa 'di ni/ bla na med pa yang dag par rdzogs pa'i byang chub tu lhag pa'i bsam pa ri bo lta bu gsum

  479. 240b

    pa'o/ / kye rgyal ba'i sras gzhan yang byang chub sems dpa' sangs rgyas kyi chos thams cad kyis dge ba'i bshes gnyen la tshul dang 'dra ba'i ril gro byed cing / re ba med pa'i sems bskyed pa chos rku ba dang bral bas nan tan du byed de/ gzhan du na 'di la bdag gis de bas kyang rim gro dang bkur sti rgya chen po bskyed par bya'o// 'di la yongs su gtang ba thams cad kyang dbul bar bya'o snyam pa 'di ni/ / bla na med pa yang dag par rdzogs pa'i byang chub tu lhag pa'i bsam pa ri bo lta bu bzhi po'o// kye rgyal ba'i sras gzhan yang byang chub sems dpa' sems can thams cad las sdug bsngal gyi rnam pa bzod par byed de/ lus la gnod pa dang / srog la 'bab pa'ang nyams su len cing / gshe ba dang / mi snyan du zer ba dang / bsdigs pa dang / spod pa dang / khyad du gsod pa thams cad la bzod par byed de/ de'i rgyus nyams par mi 'gyur// 'khrug par mi 'gyur/ 'khrug pa dang / rnam par 'khrug par mi byed de/ de'i rgyus sems can rnams la snying rje chen po'i go bgos pa'ang yongs su mi 'dor/ rgyun mi gcod cing de bas kyang shas cher snying rje chen po rnam par 'phel bar byed do// rgyun mi gcod do// kye rgyal ba'i sras de ci'i phyir zhe na/ de ni byang

  480. 241a

    chub sems dpa' de chos thams cad yang dag par ji lta ba bzhin du 'byung ba'i btang snyoms dang / de bzhin gshegs pa'i chos thams cad rab tu rtogs pa'i bzod pa dang / dang nges pa'i dbang dang ldan pa'i phyir te/ 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu lnga pa'o// kye rgyal ba'i sras gzhan yang byang chub sems dpa' bsod nams kyis dbang sgyur ba chen po dang ldan pa'ang yin te/ lha la dbang sgyur ba dang / mi la dbang sgyur ba dang / gzugs la dbang sgyur ba dang / stobs la dbang sgyur ba dang / 'khor la dbang sgyur ba dang / 'dod pa la dbang sgyur ba dang / rgyal srid la dbang sgyur ba dang / dbang phyug la dbang sgyur ba dang / yon tan la dbang sgyur ba dang / shes rab la dbang sgyur ba chen po dang ldan pa yin te/ de rgyal srid kyi bde ba'i dbang du mi 'gyur// 'dod pa'i bde ba'i dbang du mo 'gyur/ longs spyod kyi bde ba'i dbang du mi 'gyur/ 'khor gyi bde ba'i dbang du mi 'gyur te/ gzhan du na chos 'dod pa la chos la gzhol ba/ chos la 'bab pa/ chos la zab pa/ chos kyi mthar thug pa// chos la rten pa/ chos la skyabs tshol ba chos la dpung gnyen tshol ba dang / chos la gnas pa/ chos ladon

  481. 241b

    du gnyer ba chos la mngon par dga' ba/ chos la tshol ba yin te/ chos nyid la bsam gtan 'cha' zhing gnas pa yin te/ de rnam pa de lta bu'i bye brag dang 'grogs pas/ bdud kyi yul la gnas pa ma yin// kye rgyal ba'i sras de'ang ci'i phyir zhe na/ de ni byang chub sems dpas sngon sems can thams ca bdag gis bdud kyi yul las rnam pabar bzlog par bya'o/ / sangs rgyas kyi yul la dgod par bya'o zhes sems bskyed pa'i phyir te// 'di ni bla na med pa yang dag par rdzogs pa'i byang chub tu lhag pa'i bsam par bo lta bu drug pa'o/ / kye rgyal ba'i sras gzhan yang byang chub sems dpa' bla na med pa yang dag par rdzogs pa'i byang chub tu brtson 'grus 'di lta bur brtsams te/ bskal pa grangs med par byang chub sems dpa'i spyad pa spyod kyang / de ring kho nar bla na med pa yang dag par rdzogs pa'i byang chub tu gzod zhugs pa tsam du 'dzin te/ byang chub sems dpa'i spyod pas mi 'jigs/ mi skrag/ skrag par mi 'gyur zhing / mi 'dzegs pa 'di lta bu dang ldan pa yin te// de ring kho na bla na med pa yang dag par rdzogs pa'i byang chub tu 'gyur ba snyam du 'dzin pas de phyin chad kyang / / 'di ltar sems can thams cad yongs su smin par bya ba'i phyir/ bskal pa tshad med par byang chub sems dpa'i spyang

  482. 242a

    pa spyod pa 'di na/ / thu na med pa yang dag par rdzogs pa'i byang chub tu lhag pa'i bsam pa ri bo lta bu bdun pa'o// kye rgyal ba'i sras gzhan yang byang chub sems dpa sems can pha rol dang / / gang zag pha rol cang shes ma yin pa gdul dka' ba// gso dka' ba/ byas pa mi gzo ba/ byas pa mi dran pa shes nas/ de dag rnam par bzlog pa'i phyir go cha chen po bgos te/ sems can thams cad kyi sems la dbang sgyur ba la'ang bsam pa'i spyod yul ji lta ba bzhin du gnas pa yin te/ sems can 'khu bas skyo bar mi 'gyur zhing / sems can pha rol gyi nyon mongs pas phyir ldog par mi 'gyur ba 'di ni/ bla na med pa yang dag par rdzogs pa'i byang chub tu lhag pa'i bsam pa ri bo lta bu brgyad ba'o/ / kye rgyal ba'i sras gzhan yang byang chub sems dpa' 'di lta bu zhig bdag gis byang chub sems dpa'i spyod pa yang dag par sgrub par 'gyur zhes byas par su la'ang skabs 'byed pa med par bla na med pa yang dag par rdzogs pa'i byang chub tu sems bskyed de/ gzhan du na bdag gcig pus phyi ma'i mtha'i mur thug pa'i bskal par byang chub sems dpa'i spyod pa spyad par bya'o/ / rang gi rgyud 'di nyid las sangs rgyas kyi chos thams cad yang dag par bsgrub par bya'o// sems bskyed pa la rag las par bla na med pa yang

  483. 242b

    dag par rdzogs pa'i byang chub rtogs par bya ste/ byang chub tu sems bskyed par bya'o// rang gi rgyud rnam par sbyang bar bya'o// gzhan gyi rgyud rnam par sbyang bar bya'o// rang gi yul khong du chud par bya'o// gzhan gyi yul khong du chud par bya'o// 'das pa dang / mo byon pa dang / da ltar byung ba'i sangs rgyas bcom ldan 'das rnams dang / yul gcig tu 'gyur bar bya'o snyam pa 'di na/ bla na med pa yang dag par rdzogs pa'i byang chub tu lhag pa'i bsam pa ri bo lta bu dgu pa'o// kye rgyal ba'i sras gzhan yang byang chub sems dpa' ni chos gang byang chub sems dpa'i spyad pa spyod pa de lta bu'i chos kyang rjes su mi mthong / / chos gang byang chub sems dpa'i spyod pa yongs su rdzogs par byed pa de lta bu'i chos kyang rjes su mi mthong ngo / / chos gang bla na med pa yang dag par rdzogs pa'i byang chub tu mngon par sangs rgyas pa'am/ 'tshang rgya ga 'am/ 'tshang rgya bar 'gyur ba de lta bu'i chos kyang rjes su mi mthong ngo / / gang gis chos bstan pa dang / ston pa dang / ston par 'gyur ba de lta bu'i chos kyang rjes su mi mthong ngo // de la ston par byed pa de'ang mi dmigs la/ chos bstan pa nyi kyang mi dmigs te/ 'on kyang byang chub sems dpa' bla na med pa yang dag par rdzogs pa'i byang chub las smon la

  484. 243a

    phyir zlog par mi byed do/ / kye rgyal ba'i sras de ci'i phyir zhe na/ 'di lta ste/ chos thams cad mi dmigs pa'i spyod pas chos thams cad yongs su btsal ba de lta bus ni/ bla na med pa yang dag par rdzogs pa'i byang chub tu 'byung bar 'gyur te/ de ni gnyen po yongs su sbyang ba dang / shes rab yongs su rdzogs par bya ba'i phyir/ las dang dge ba'i rtsa ba de bas kyang shas cher yang dag par sdud do// dge ba'i las thams cad yang dag par bsngos pas/ sems kyi skad cig re re zhing shin tu shas che bar rnam par 'phel te/ de la gal te chos 'di dag thams cad de lta bur dben na/ bdag kyang su zhig gi phyir/ bla na med pa yang dag par rdzogs pa'i byang chub tu zhugs snyam pa'i 'jigs pa med/ sdang ba med/ 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu bcu pa'o// kye rgyal ba'i sras bcu po de dag nI// byang chub sems dpa' rnams kyi lhag pa'i bsam pa ri bo lta bu ste/ de dag la gnas shing byang chub sems dpa' rnams de bzhin gshegs pa'i ye shes chen po thugs ri bo'i rgyal po lta bu bla na med pa 'thob par 'gyur ba dag go/ / kye rgyal ba'i sras bcu po 'di dag ni// byang chub sems dpa' rnams kyi bla na med pa yang dag

  485. 243b

    par rdzogs pa'i byang chub tu ye shes kyis 'jug pa rgya mtsho lta bu ste/ bcu gang zhe na/ 'di ltar sems can gyi khams thams cad tshad med par 'jug pa 'di na bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu dang po'o/ / kye rgyal ba'i sras gzhan yang byang chub sems dpa' ni 'jig rten gyi khams 'byam klas pa la rtog pa med pa dang / rnam par rtog pa med pa la gnas shwang 'jug pa med par zhugs pa yin te// 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu gnyis pa'o/ / kye rgyal ba'i sras gzhan yang byang chub sems dpa' nam mkha'i dbyings tshad med pa yongs su sbyangs shing // nam mkha' la sgrib pa med pa'i tshul gyis/ phyogs kyi dra ba rnam par phye ba thams cad mnyam pa nyid du rtogs pa 'di ni/ bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu gsum pa'o/ / kye rgyal ba'i sras gzhan yang byang chub sems dpa' ni chos kyi dbyangs khong du chud par bya ba la chags pa med par 'jug pa'i tshul dang / chad pa med par 'jug pa'i tshul dang // rtag pa med par 'jug pa'i tshul dang / tshad med par 'jug pa'i tshul dang / 'jug pa med par 'jug pa'i tshul dang /

  486. 244a

    ldog pa med par 'jug pa'i tshul dang / 'jug pa thams cad yongs su shes pa'i tshul gyis shin tu zhugs pa yin te/ 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu bzhi pa'o/ / kye rgyal ba'i sras gzhan yang byang chub sems dpa' ni dge ba'i rtsa ba thams cad yang dag par sdud ci yongs su sogs te/ 'das pa dang / ma byon pa dang / da ltar byung ba'i sangs rgyas bcom ldan 'das thams cad dang / byang chub sems dpa' dang / chos smra ba dang / nyan thos dang / rang sangs rgyas rnams dang / so so'i skye bo thams cad la dge ba'i rtsa ba ji snyed cig byas pa dang / byed pa dang / byed par 'gyur ba dang / dge ba'i rtsa ba gang gis 'das pa dang / ma byon pa dang / da ltar byung ba'i sangs rgyas bcom ldan 'das rnams bla na med pa yang dag par rdzogs pa'i byang chub tu mngon par sangs rgyas pa dang / 'tshang rgya ba dang / 'tshang rgya bar 'gyur ba dang // chos gang 'das pa dang / ma byon pa dang / da ltar byung ba'i sangs rgyas bcom ldan 'das rnams kyis bstan pa dang ston pa dang / ston par 'gyur ba dang / sems can ji snyed cig chos bstan pa de dag la grub pa dang / 'grub pa dang / 'grub par 'gyur ba dang / sems can ji snyed cig

  487. 244b

    dul ba dang / 'dul ba dang / 'dul bar 'gyur ba de lta bu'i dge ba'i rtsa ba thams cad rab tu shes so// mos par byed do// rjes su yi rang bar byed do// dge ba'i rtsa ba yongs su btsal bas kyang skyo bar mi byed/ skyo ba mi skyed de/ 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu lnga pa'o// kye rgyal ba'i sras gzhan yang byang chub sems dpa'i ni 'das pa'i bskal pa la 'jug pa ste/ sems bskyed pa re res kyang bskal pa brjod du med pa la 'jug go// bskal pa re re la'ang sangs rgyas skye ba khrag khrig phrag brgya 'am/ khrag khrig phrag stong ngam/ khrag khrig brgya phrag stong rngam/ sangs rgyas skye ba tshad med pa dang / grangs med pa dang / bsam gyis mi khyab pa dang / mtshungs pa med pa dang // gzhal du med pa dang / dpag tu med pa dang / mtha' yas pa dang / mu med pa dang / sa mtshams med pa dang // brjod du med pa la 'jug go// sangs rgyas skye ba grangs dang bgrang ba las 'das pa la 'jug cing shes par byed do// sangs rgyas bcom ldan 'das de dag gi 'khor gyi kyi 'khor yang khong du chud par byed de/ byang chub sems dpa'i tshogs dang / nyan thos kyi dge 'dun dang / chos bstan pa dang / sems can gdul ba dang /

  488. 245a

    sku tshe'i tshad dang / byin gyi rlabs dang / bstan pa la gnas pa'i rim pa la'ang 'jug go/ bskal pa gcig la ji ltar zhugs pa de bzhin du bskal pa thams cad la'ang 'jug na/ sangs rgyas mi bzhugs pa dang / sangs rgyas ma byung ba'i bskal pa lta ci smos te/ bskal pa gang la sems can gang gis bla na med pa yang dag par rdzogs pa'i byang chub tu dge ba'i rtse ba bskyed pa dang / sems can gang gis dge ba'i rtsa ba yongs su smin par byas pa dang / sems can gang gis ma byon pa'i sangs rgyas mthong bar dge ba'i rtsa ba yongs su smon par byas pa de dag kyang / / byang chub sems dpas rab tu shes te// de ltar 'jug pas brjod du med pa'i bskal pa la 'jug cing rtog kyang / sngon gyi bskal ba'i dus la 'jug pas ngoms par mi 'gyur / blan med pa yang dag par rdzogs pa'i byang chub tu ye shes rgyas 'jug pa rgya mtshol bu drug pa'o// rgyal sras gzhan yang byang chub sems dpa' ma 'ongs pa'i bskal pa la 'jug cing / rnam par dpyod la sems shing tog ste/ ma 'ongs pa'i dus kyi bskal pa gang dang gang ni sangs rgyas dang bcas par 'gyur/ bskal pa gang dang gang ni sangs rgyas mi bzhugs par 'gyur/ bskal pa de dag la'ang sangs rgyas bcom ldan 'das ni ji snyed cig 'byung / de bzhin gshegs/

  489. 245b

    pa de dag ni mtshan ni ci zhes bya bar 'gyur// 'jig rten gyi khams ni gang du/ ming ni ci zhes bya ba zhig tu/ sems can ni ji snyed cig yongs su smir par mdzad par 'gyur/ de bzhin gshegs pa de dag sku tshe'i tshad ji tsam dang ldan pa zhig tu 'gyur zhes bskal pa gcig nas gcig tu brgyud pa dang / gcig nas gcig tu 'brel pa thams cad la rtog ste/ de ltar 'jug cing rtog pas bskal pa brjod du med pa zad par byed kyang / phyi ma'i mtha'i mur thug pa'i dus la 'jug pas ngoms par mi 'gyur ba 'di ni// bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu bdun pa'o/ / kye rgyal ba'i sras gzhan yang byang chub sems dpa' da ltar byung ba'i dus la 'jug cing rtog ste/ phyogs sna tshogs la 'jug par bya ba dang / phyogs bcu rnam pa gnas pa dang / phyogs kyi rgyud bstan pa mtha' yas pa dang / phyogs kyi dra ba dang / phyogs kyi dra ba'i rgyud rnam pa tha dad pa thams cad bstan pa dag tu sangs rgyas bcom ldan 'das dag bla na med pa yang dag par rdzogs pa'i byang chub tu mngon par sangs rgyas pa dang / mngon par 'tshang rgya ba dang / mngon par 'tshang rgya bar 'gyur ba dang / snying po byang chub kyi shing drung du gshegs pa dang / byang chub kyi gzhi lu nyag pa dang / bzhugs pa dang / bdud kyi dkrugs ma rab tu

  490. 246a

    'pham par mdzad pa dang / rnam par 'tshang rgyab dang / bsgrengs pa dang / zong rdul du gshegs pa dang / lha'i gnas su chos ston pa dang / chos kyi 'khor ma ba dzang ba dang / sems can gyi khams rnam par 'dul ba dang / de bzhin gshegs pa'i rnam par 'jul pa yongs su ston pa dang / bla na med pa yang dag par rdzogs pa'i byang chub yongs su gtong ba dang / mu tshe'i 'du byed spong ba dang / phung po ma lus pa'i mya ngan las 'das par yongs su mya ngan las 'da' ba dang / chos kyi tshul yang dag par bgro ba dang / bstan pa yang dag par 'dzin pa dang / dam pa'i chos gsal bar byed pa dang / de bzhin gshegs pa'i mchod rten rgyan gyis brgyan par byed pa dang / de bzhin gshegs pa'i mchod rten la mchod pa byed pa dang / 'jig rten gyi khams thams cad du mchod rten gyi rgyan yid la byed pa dag la sems shing / rnam par sems la yid la byed de/ de lta bur 'jug pas sems bskyed pa re re la'ang 'jig rten gyi khams brjod du med pa la 'jug cing / sems can thams cad kyang rtogs par byed/ sangs rgyas bcom ldan 'das kyang mthong bar byed/ dam pa'i chos kyang thos par byed/ thos nas kyang kun tu chub par byed/ dran pas yongs su 'dzin/ blo

  491. 246b

    thos kyis rnam par 'byed/ rtogs pas rnam par 'phel bar byed de/ blos phyogs bcur tshad med par rgyas par byed kyang / sangs rgyas kyi chos la mgo rmongs par mi 'gyur ro// de ci phyir zhe na/ rmi lam lta bur rnam par bsgoms pa'i phyir te/ de bzhin gshegs pa de dag la'ang mchod cing rim gror bya ba thams cad byed pas/ de bzhin gshegs pa de dang de dag go zhags drung du bdag nyid de bzhin gshegs pa la mchod cing rim gro byed par brtson par ston kyang / bdag gisau lus la'ang mngon par chags pa med// de bzhin gshegs pa'i sku la'ang ma yin/ 'jig rten gyi khams la'ang ma yin/ chos mnyan pa la'ang ma yin/ bskal pa'i grangs la 'jug pa la'ang ma yin te/ da ltar byung ba'i sangs rgyas mthong bas ngoms par yang mi 'gyur la/ chos mnyan pas kyang ma yin// 'jig rten gyi khams rnam par brtags pas kyang ma yin// bskal pa'i grangs la 'jug pas kyang ma yin te/ 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu brgyad pa'o// kye rgyal ba'i sras gzhan yang byang chub sems dpa' bskal pa brjod du med pa'i yang brjod du med par sangs rgyas bcom ldan 'das rnams la rim gro byed/ bkur sti byed/ mchod pa byed de/ bskal pa re re

  492. 247a

    la'ang brjod du med pa'i yang brjod du med pa'i sangs rgyas bcom ldan 'das rnams la rim gro byed/ bkur sti byed/ mchod pa byed cing / bdag gi lus skye ba dang / shi 'pho yongs su bstan pas khams gsum thams cad las 'das pa'i mchod pas// de bzhin gshegs pa nyan thos kyi dge 'dun dang bcas pa dang / byang chub snyoms dpa'i tshogs kyis bskor ba la mchod pa byed pa dang / de bzhin gshegs pa mya ngan las 'das pa rnams kyi sku gdung la'ang / bla na med pa'i mchod pas mchod par byed cang / yongs su gtong ba'i sems bsam gyis mi khyab pas sems can gyi khams thams cad shin tu tsham par bya ba'i phyir/ rnam par smin pa la re ba med cing phan gdags pa lhur bya ba dang / phan par 'dod pas yongs su gzung bar sbyin pa byed kyang / sangs rgyas mchod cing rim gror bya ba dang / sems can thams cad la yongs su gtang ba shin tu btang bas ngoms par mi 'gyur te/ bskal pa brjod du med pa'i yang brjod du med par sangs rgyas bcom ldan 'das rnams la rim gror bya ba dang / sems cananye bar bsgral ba dang / bstan pa yongs su gzung ba dang / dam pa'i chos brjod pa dang / bla na med pa yang dag par rdzogs pa'i byang chub tu sems can gdul bas kyang ngoms par mi

  493. 247b

    'gyur ba 'di ni/ bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu su pa'o// kye rgyal ba'i sras gzhan yang byang chub sems dpa' na byang chub sems dpa'i gdams ngag dang / byang chub sems dpa'i bslab pa dang / byang chub sems dpa'i man ngag dang / byang chub sems dpa'i nan tan dang / byang chub sems dpa'i yongs su dag pa dang / byang chub sems dpa'i yongs su smin par bya ba dang / byang chub sems dpa'i 'dul ba dang / byang chub sems dpa'i mnyam pa nyid dang / byang chub sems dpa'i 'byung ba dang / byang chub sems dpa'i gzungs kyi sgo'i lam sangs rgyas bcom ldan 'das thams cad dang / byang chub sems dpa' thams cad dang / chos smra ba thams cad las tshol ba dang / yongs su tshol ba dang / 'dzin pa dang / kun chub par byed cing sems can thams cad yongs su bsdu ba dang / bslab pa dang / grub par bya ba dang / sems can de dag la chos bstan pas ngoms par mi 'gyur te/ thams cad mkhyen ba nyid dang ldan pa'i sems bskyed pa/ sangs rgyas thams cad kyi chos kyi tshul gyi rjes su song bas/ bskal pa brjod du med pa'i yang brjod du med par sems

  494. 248a

    can brjod du med pa'i yang brjod du med pa/ bla na med pa yang dag par rdzogs pa'i byang chub las phyir mi ldog par rab tu gsog pa dang / sangs rgyas kyis chos thams cad la sbyor yang ngoms par mi 'gyur ba 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu bcu pa'o/ / kye rgyal ba'i sras bcu po de dag ni/ byang chub sems dpa' rnams kyi bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu ste/ de dag la gnas shing byang chub sems dpa' rnams sangs rgyas thams cad kyi chos kyi ye shes chen po rgya mtsho lta bu bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi rnam par dpyod pa rin po che lta bu ste/ bcu gang zhe na/ 'di ltar sangs rgyas bzhugs pa'i 'jig rten gyi khams grangs med par 'gro zhing de bzhin gshegs pa rnams blta ba dang / de dag la phyag bya ba dang / bsnyen bkur byed pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par dpyod pa rin po che lta bu dang po'o/ / kye rgyal ba'i sras gzhan yang byang chub sems dpa' bsam gyis mi khyab pa'i sangs rgyas

  495. 248b

    bcom ldan 'das rnams las chos nyan cing zos nas kyang 'dzin cing khong du chud par byed de/ dran pas yang dag par 'dzin pa dang / blo gros kyis rnam par 'byed pa dang / rtogs pas rnam par 'phel bar byed pa dang / blos phyogs bcur tshad med par 'gengs pa 'di ni/ byang chub sems dpa' rnams kyi bla na med pa yang drag par rdzogs pa'i byang chub tu rnam par dpyod pa rin po che lta bu gnyis pa'o/ / kye rgyal ba'i sras gzhan yang byang chub sems dpa' sangs rgyas kyi zhing 'di nas kyang mi byung bar ma gyur la/ gzhan du lus ston la sangs rgyas kyi chos la'ang mgo rmongs pa med pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par dpyod pa rin po che lta bu gsum pa'o/ / kye rgyal ba'i sras gzhan yang byang chub sems dpa' chos gtsigs la rnam par dpyod pas chos thams cad shes shing / chos thams cad don gcig pa dang / don tha dad pa ma yin pa'i mthar thug pa'i tshul gyis chos tha dad pa yang dag pa bstan pa'ang rab tu shes pa 'di ni/ / byang chub sems dpa'i bla na med pa yang dag par rdzogs pa'i byang chub tu rnam par dpyod pa rin po che lta bu bzhi pa'o// kye rgyal ba'i sras gzhan yang byang chub

  496. 249a

    sems dpa' nyon mongs pa rnam par bzlog pa'ang rab tu shes nyon mongs pa'i rgyun bcad pa'ang rab tu shes/ nyon mongs pa rnam par gzhil ba'ang rab tushes te/ nyon mongs pa spong ba la shin tu gnas kyang / byang chub sems dpa'i spyod pa las yang dag pa'i mtha' mngon du mi byed cing / yang dag pa'i mtha' la'ang pha rol tu phyin pa'i mchog kyang thob la/ thabs la mkhas pa'i bslab pa la shin tu byang bas sngon gyi smon lam yongs su bkang ba'i spyod pa de yongs su rdzogs par byed kyang lus dub par mi 'gyur ba 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par dpyod po rin po che lta bu lnga pa'o// kye rgyal ba'i sras gzhan yang byang chub sems dpa' ni 'gro ba thams cad sems kyis brtags pa yul na mi gnas pa phyogs na mi gnas par yang shes shing 'jug la/ yul dang gnas kyang ston te/ rtog pa dang / mngon par 'du byed pa'ang med la/ sems can thams cad yongs su smin par bya ba dang / gdul ba'i phyir mngon par 'du bya ba'i sa la'ang spyod pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par dpyod pa rin po che lnga bu drag pa'o// kye rgyal

  497. 249b

    pa'i sras gzhan yang byang chub sems dpa' chos thams cad rang bzhin med pa dang / sna tshogs ma yin pa dang / rnam pa tha dad pa med pa dang / bzang ba med pa dang mtshungs pa med pa dang / kha dog med pa dang / mtshan nyid med pas rang bzhin gcig par rab tu shes te/ gcig tu'ang mi dmigs la/ mang po'i rang bzhin du'ang yod pa ma yin par rab tu shes te/ byang chub sems dpas chos 'di dag ni sangs rgyas kyi chos so// 'di dag ni byang chub sems dpa'i chos so/ / 'di dag ni rang sangs rgyas kyi chos so// 'di dag ni nyan thos kyi chos so// 'di dag ni so so'i skye bo'i chos so// 'di dag ni dge ba'i chos so// 'di dag ni mi dge ba'i chos so// 'di dag ni 'jig rten pa'i chos so// 'di dag ni 'jig rten las 'das pa'i chos so// 'di dag ni kha na ma tho ba dang bcas pa'i chos so// 'di dag ni kha na ma tho ba med pa'i chos so// 'di dag ni zag pa dang bcas pa'i chos so// 'di dag ni zag pa med pa'i chos so// 'di dag ni 'dus byas kyi chos 'di dag ni 'dus ma byas kyi chos so zhes bya bar rab tu shes pa 'di ni/ byang chub sems dpa' rnams kyi bla na med pa yang dag par rdzogs pa'i byang

  498. 250a

    chub tu rnam par dpyod pa rin po che lta bu bdun pa'o/ / kye rgyal ba'i sras gzhan yang byang chub sems dpa' ni sangs rgyas bcom ldan 'das kyang mi dmigs// byang chub sems dpa' yang mi dmigs/ chos kyang mi dmigs/ sems can yang mi dmigs te/ 'di ltar sems can thams cad gdul ba dang / chos thams cad rtogs par bya ba'i phyir/ smon lam gyi rgyun kyang mi gcod do// de ci'i phyir zhe na/ kye rgyal ba'i sras de ni byang chub sems dpa' sems la mkhas pas sems can gzhan gyi rab tu rtog pa la mkhas pa dang / sems can thams cad kyi dmigs pa la mkhas pas/ sems can thams cad la gdams ngag rjes su ston pa la mkhas pa dang / sems can thams cad yongs su mya ngan las bzla bar bya ba la mkhas pa'i phyir te/ byang chub sems dpa'i spyod pa de'adra smon lam yongs su rdzogs par bya ba'i phyir spyod pa 'di ni/ / byang chub sems dpa'i bla na med pa yang dag par rdzogs pa'i byang chub tu rnam par dpyod pa rin po che lta bu brgyad pa'o// kye rgyal ba'i sras gzhan yang byang chub sems dpa' ni 'du shes kyi byin gyi rlabs thams cad la mkhas pas chos rab tu ston cing rnam par 'byed de/ shes par yang byed la

  499. 250b

    thabs la mkhas pas mya ngan las 'das pa'ang yongs su ston te/ / de'ang phyin ci log med pa dang / nor pa med par rab tu shes te/ byang chub sems dpa' des de bzhin nyi rmi g.yo ba'i phyir/ chos thams cad dus gsum mnyam pa nyid la gnas shing / yang dag pa'i mtha' ya rab tu rten par yang yang dag par shes te// sems can gang dul ba'am// 'dul ba 'am/ 'dul bar 'gyur ba de lta bu'i sems can gang yang rjes su mi mthong la/ byung rgyal du bdag gis bskyed do snyam du'ang mi sems te/ chos gang skye ba 'am/ 'gag par 'gyur ba de lta bu'ang mi dmigs te/ chos thams cad la mi gnas pas don yod par 'gyur ba 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par dpyod pa rin po che lta bu dgu pa'o/ / kye rgyal ba'i sras gzhan yang byang chub sems dpa' ni sangs rgyas bcom ldan 'das rnams bsam gyis mi khyab pa'i de bzhin gshegs pa re re las kyang rnam pa tha dang du bgrang ba'i tshul gyis bskal pa baglang ba sna tshogs ming tha dad pa gzhan dang gzhan bskal pa de dang de dag tu gdags pa'i/ / bskal pa gcig bzung ba nas/ brjod du med pa shin tu bstan pa'i bar du lung bstan pa nyan cing / lung bstan pa de dag thos nas kyang byang chub sems dpa'i spod pa dang / de bzhin

  500. 251a

    gshegs pa'i ye shes bsam gyis mi khyab pa la 'khor ba med cing mgo rmongs pa med pa la lung bstan pa de dag rnam pa de lta bur thos nas kyang / de bzhin gshegs pa gnyis su mi gsung ba dang / bdag nyid kyi spyod pa'i mthu dang smon lam gyi khyad par gyis/ sems can ji ltar smin par byas pa rnams kyi smon lam de dag thams cad chos kyi dbyings khong du chud pas/ bla na med pa yang dag par rdzogs pa'i byang chub tu yongs su rdzogs par byed pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par dpyod pa rin po che lta bu bcu pa'o/ / kye rgyal ba'i sras bcu po de dag ni/ byang chub sems dpa' rnams kyi byang chub sems dpa'i rnam par dpyod pa'i rin po che lta bu ste/ de dag la gnas shing byang chub sems dpa' rnams yang dag par rdzogs pa'i sangs rgyas kyi ye shes rin po che chen po bla na med par 'tshang rgya bar 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi theg pa chen po'i go cha rdo rje lta bu'i sems bskyed pa ste/ bcu gang zhe na/ kye rgyal ba'i sras dag 'di la chos thams cad mtha' yas pa yin yang / byang chub sems dpa' ni 'di ltar chos thams cad dus gsum ma lus par shes pas mngon par rdzogs par 'tshang rgya bar bya'o snyam du sems bskyed pa 'di ni

  501. 251b

    theg pa chen po'i go cha rdo rje lta bu'i sems bskyed pa dang po'o/ / kye rgyal ba'i sras gzhan yang skra'i rtse mo'i go cha dang / sgo re re la'ang sems can ni mtha' yas te/ mu med pas chos kyi dbyings thams cad kyi sems can lta smos kyang ci dgos na/ byang chub sems dpa' ni go cha chen po bgos shing / 'di skad du sems can thams cad mya ngan las 'das pa chen po bla na med pas yongs su mya ngan las bzla bar bya'o zhes bya ba'i tshig brjod pa 'di ni/ theg pa chen po'i go cha rdo rje lta bu'i sems bskyed pa gnyis pa'o// / kye rgyal ba'i sras gzhan yang 'jig rten gyi khams rnams ni mtha' yos mu med pa ste/ ris med la sa mtshams med pa na/ byang chub sems dpa' ni 'di ltar sangs rgyas kyi zhing yongs su dag par bya ba bla na med pas 'jig rten gyi khams thams cad yongs su spangs par bya'o/ / zhes smon lam mngon par sgrub cing / de'ang yang dag pa dang bden par yongs su sbyong ba 'di ni/ theg pa chen po'i go cha rdo rje lta bu'i sems bskyed pa gsum pa'o// kye rgyal ba'i sras gzhan yang 'gro ba thams cad ni mtha' yas mu med pa ste/ ris med la sa mtshams med pa na/ byang chub sems dpa' ni 'di ltar 'gro ba thams cad bla na med pa'i ye shes kyi snang ba chen pos snang bar bya'o zhes te/

  502. 252a

    dge ba'i rtsa ba yongs su sngo ba 'di ni/ theg pa chen po'i go cha rdo rje lta bu'i sems bskyed pa bzhi pa'o// kye rgyal ba'i sras gzhan yang sangs rgyas bcom ldan 'das rnams ni mtha' yas mu med pa ste/ ris med la sa mtshams med pa na/ byang chub sems dpa' ni dge ba'i rtsa ba skyed cing / 'di ltar sangs rgyas bcom ldan 'das rnams mnyes par byas pa'i 'og tu bdag kyang bla na med pa yang dag par rdzogs pa'i byang chub tu mngon par 'tshang rgya bar bya'o zhes yongs su bsngo ba 'di ni/ theg pa chen po'i go cha rdo rje lta bu'i sems bskyed pa lnga pa'o/ / kye rgyal ba'i sras gzhan yang byang chub sems dpa' sangs rgyas bcom ldan 'das rnams kyang mthong ste/ chos kyang nyan la dga' ba dang spro ba skyed kyang rang gi lus la'ang mngon par chags par mi byed/ de bzhin gshegs pa'i sku la'ang mngon par chags par mi byed cing // de bzhin gshegs pa'i sku de dag kyang yod par yang mi byed/ med par yang mi byed/ med pa ma yin par mi byed/ yod pa ma yin par yang mi byed// dngos por yang mi byed// dngos po med par yang mi byed/ gzugs su'ang mi byed/ mtshan du'ang mi byed/ 'byung bar yang mi byed/ jig par yang mi byed/ de bzhin gshegs pa'i sku de dag skye bar yang mi byed// 'jig par yang mi byed//

  503. 252b

    de bzhin gshegs pa'i sprul dngos por yang 'jug ste/ dngos po chud za bar yang mi byed do// de ci'i phyir zhe na/ de ni dngos po thams cad la bzung ba'i phyir te/ 'di ni theg pa chen po'i go cha rdo rje lta bu'i sems bskyed pa drug pa'o// kye rgyal ba'i sras gzhan yang byang chub sems dpa' sems can gzhan dang gang zag gzhan dag gis mgo bcad par gyur tam/ lag pa bcad dam/ rkang pa bcad dam/ rna ba dang sna bcad dam/ mig phyung bar gyur tam gshe 'am/ mi snyan par zer rab/ brdeg gam/ bsdigs sam/ gcod dam/ 'ching ngam/ co 'dri 'am/ mtho 'tsham yang bzod cing de'i rgyus sems khro bar mi 'gyur/ 'khrug pa dang rnam par 'khrug par mi 'gyur/ gnod par sems pa dang khong khro bar mi 'gyur te/ brjod du med pa'i yang brjod du med pa'i bskal par byang chub sems dpa'i spyad pa spyod kyang / sems can thams cad yongs su gtong ba'i sems mi bskyed do// kye rgyal ba'i sras de ltar byang chub sems dpa'i chos thams cad mi gnyis par rnam par spyad pa'i bslab pa la slob cing / mi 'khrugs pa'i bsam pas sems can thams cad kyis sdug bsngal du byas pa'i sdug bsngal thams cad rang gi lus kyis nyams su blang ba so bzod par byed

  504. 253a

    cing / btang snyoms su gnas pa 'di ni/ theg pa chen po'i go mardo rje lta bu'i sems bskyed pa bdun pa'o// kye rgyal ba'i sras gzhan yang ma 'ongs pa'i dus pa ni mtha' med de thug pa med cing rgyun 'chad pa med pa yin na/ byang chub sems dpa' ni 'di ltar ma 'ongs pa'i bskal pa bgrangs pa/ chos kyi dbyings kyis gtugs pa/ nam mkha'i dbyings ltar gnas pa gang ji snyed cig yod pa de dag thams cad kyis 'jig rten gyi khams thams cad du sems can yongs su smin par bya bas/ byang chub sems dpa'i spyod pa spyad par bya'o/ / 'jig rten gyi khams gcig tu ji ltar spyad pa de bzhin du/ 'jig rten gyi khams chos kyi dbyings kyis klas pa/ nam mkha'i dbyings kyi mtha' gtugs pa thams cad du'ang spyad par bya'o zhes sems bskyed kyang / de lta bu'i dus su spyod pas snang ba med cing mi 'jigs mi skrag go// kye rgyal ba'i sras de ci'i phyir zhe na/ de ltar sems can thams cad kyi don du byang chub sems dpa'i spyod pa nyams su len pa ni byang chub sems dpa'i yi dam brtan pa ste/ 'di ni theg pa chen po'i go cha rdo rje lta bu'i sems bskyed pa brgyad pa'o/ / kye rgyal ba'i sras gzhan yang byang chub sems dpa' ni bla na med pa yang dag par rdzogs pa'i byang chub kyi sems la rag lus par yid

  505. 253b

    ches par byas te/ bsam pa yongs su dag pas dge ba'i rtsa ba thams cad yang dag par sdud cing yongs su rdzogs par byed de/ nam 'dong par gyur pa de'i tshe/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes byang chub la dbang sgyur bar gnas shing / bgegs med pa'i lam du zhugs pa dang / nye bar len pa'i rkyen thams cad yongs su byang bas sangs rgyas kyi byang chub tu brten pa thogs pa med kyang / bla na med pa yang dag par rdzogs pa'i byang chub tu'ang mngon par rdzogs par 'tshang mi rgya ste/ de'ang ci'i phyir zhe na/ 'di ltar sems can thams cad yongs su smin par bya ba dang / smon lam yongs su rdzogs par bya ba'i phyir te/ byang chub sems dpa'i spyod pa 'jig rten gyi khamapa thams cad kyis klas te spyod pa 'di ni/ / theg pa chen po'i go cha rdo rje lta bu'i sems paskyed pa dgu pa'o// kye rgyal ba'i sras gzhan yang byang chub sems dpa' sangs rgyas bcom ldan 'das rnams kyang mi dmi nges/ byang chub kyang mi dmigs/ byang chub sems dpa' yang mi dmigs chos thams cad kyang mi dmigs/ sems can thams cad kyang mi dmigs/ sems kyang mi dmigs/ spyod pa'ang mi dmigs/ sngon gyi mtha' yang mi dmigs/ phyi ma'i mtha' yang

  506. 254a

    mi dmigs/ da ltar byung ba'ang mi dmigs/ 'gro ba thams cad mi dmigs/ 'dus byas dang 'dus ma byas kyang mi dmigs te/ de de ltar dben par gnas pa yin/ de ltar zab mo la gnas pa dang / de ltar zhi ba la gnas pa dang / de ltar nyon mongs pa med pa la gnas pa dang / de ltar brjod du med pa la gnas pa dang / de ltar gnyis su med pa la gnas pa dang / de ltar rtog pa med pa la gnas pa dang / de ltar chos thams cad kyi rang bzhin la gnas pa dang / de ltar rigs pa la gnas pa dang // de ltar 'gro ba la gnas pa dang / de ltar mya ngan las 'das pa la gnas pa dang / de ltar yang dag pa'i mtha' la gnas pa yin yang smon lam gyi rgyun kyang mi gcod/ thams cad mkhyen pa nyid du sems bskyed pa dang / byang chub sems dpa'i spyod pa dang / sems can yongs su smin par bya ba dang / pha rol tu phyin pa rnams dang / sems can gdul ba dang / sangs rgyas mchod cing rim gror bya ba dang / chos bstan pa dang / 'jig rten gyi khams brgyan pa'i rgyun kyang mi gcod do// kye rgyal ba'i sras de ci'i phyir zhe na/ 'di ltar byang chub sems dpa' rnams ni smon lam chen pos shin tu byung ba'i phyir te/ gang gis chos thams cad kyi mtshan nyid 'di lta bur rab tu shes pa ni snying rje chen po de bas kyang rnam par 'phel bar byed//

  507. 254b

    yon tan brjod du med pas kyang sems can thams cad yongs su mi gtong ba'i sems cher bskyed de/ de ltar dngos po med pa'i chos thams cad la'ang byis pa so so'i skye bo kun tu ga/ mug pa 'di dag gis chos thams cad kyi rang bzhin khong du mi chud mi shes kyis// de khong du chud par bya'o// de ci'i phyir zhe na/ 'gro ba thams cad na sangs rgyas bcom ldan 'das rnams las lhag par zhi ba'i gnas kyang med na/ de dag gis kyang chos de lta bur bstan te/ sems can yang yongs su smin par mdzad cing // thugs rje chen po'ang me glod na bdag cag gis lta sems bskyed pa bden pa'i tshig la gnas pa mi slu ba/ sangs rgyas dang chos kyi rigs thams cad mi gcod pa/ smon lam chen pos mngon du byas pa dang / sems can thams cad kyi don la gdon mi za bar sems bskyed pa dang / dge ba'i rtsa ba thams cad shin tu bsags pas yongs su bsngo ba la mkhas pa'i gnas pa la rab tu gnas pa/ ye shes zab mos mngon par bsgrubs pa/ 'gro ba'i tshogs thams cad khong du chud pa dang / sems can thams cad la mnyam pa nyid du gyur pa'i sems kyis sems can thams cad bla na med pa'i chos sbyin pa chen po la bod bo la/ sems can thams cad grol bar ma byas/ sems can thams cad sangs rgyas su phyin par ma byas/ sangs rgyas kyi chos thams cad yongs su

  508. 255a

    rdzogs par ma byas te/ smon lam chen po yongs su ma rdzogs par snying rje chen po'ang ji ltar glod par byas smon lam chen po yongs su rdzogs par bya'o snyam pa 'di ni theg pa chen po'i go cha rdo rje lta bu'i sems bskyed pa bcu pa'o/ / kye rgyal ba'i sras bcu po de dag ni/ byang chub sems dpa' rnams kyi theg pa chen po'i go cha rdo rje lta bu'i sems bskyed pa ste/ de dag la gnas shi byang chub sems dpa' rnams de bzhin gshegs pa'i mngon par mkhyen pa chen po'i ye shes rdo rje lta bu thob par 'gyur ba dag go// bam po bdun cu rtsa dgu pa// kye rgyal ba'i sras bcu po 'di dag ni/ byang chub sems dpa' rnams kyi rtsom pa chen po ste/ bcu gang zhe na/ 'di ltar sangs rgyas thamasaca mchod do bsnyen bkur ro zhes brtsam pa chen po rtsom pa dang / byang chub sems dpa' thams cad kyi dge ba'i rtse ba brtan par bya'o zhes brtsam pa chen po rtsom pa dang / de bzhin gshegs pa mya ngan las 'das pa thams cad kyi mchod rten me tog dang / 'phreng ba dang / spos dang / byug pa dang / phye ma dang / na bza' dang // gdugs dang / rgyal mtshan dang / ba dan/ gyis brgyan par bya'o// mchod par bya'o// dam pa'i chos kyang yang dag par gzung bar bya'o// bstan pa'ang yongs su bsrung bar bya'o zhes brtsam pa chen po rtsom pa dang / sems can

  509. 255b

    gyi khams thams cad bla na med pa yang dag par rdzogs pa'i byang chub tu yongs su smin par bya'o zhes brtsam pa chen po rtsom pa dang / 'jig rten gyi khams thams cad sangs rgyas kyi zhing yongs su dag pa bla na med pas yongs su dag par bya'o zhes brtsam pa chen po rtsom pa dang / kye rgyal ba'i sras gzhan yang byang chub sems dpa' 'di snyam du sems te/ ma 'ongs pa'i bskal pa bgrangs pa ji snyed pa de dag thams cad kyis 'jig rten gyi khams re rer yang sems can re re'i don du'ang byang chub sems dpa'i spyod pa spyad par bya'o/ / sems can gcig gi don du ji lta ba de bzhin du sems can thams cad ma lus pa'i don du'ang snying rje chen po bskyed de/ sems can thams cad sangs rgyas kyi byang chub la dgod pa'i phyir/ byang chub sems dpa'i spyod pa spyad par bya'o// zhes sangs rgyas kyi don du yongs su skyo ba dang ldan pa'i sems bskyed pa gcig kyang mi skyed pa'i brtsam pa chen po rtsom pa dang / sangs rgyas bcom ldan 'das de dag las kyang de bzhini gshes pa gcig la'ang bsam gyis mi khyab pa'i bskal par mchod pa dang rim gro bya ste/ de bzhin gshegs pa gcig la ji lta ba bzhin du/ de bzhin gshegs pa thams cad la'ang mchod pa dang / rim gro bya'o zhes brtsam pa chen po rtsom pa dang / de bzhin gshegs pa de dag yongs su mya ngan las 'das nas kyang thams cad kyi sku gdung la bskal pa bsam gyis mi khyab par rin po che thams cad

  510. 256a

    kyi gdugs dang / dril ba dang / rgyal mtshan dang / ba dan dang / bdug spros dang / na bza' thams cad kyi mchod pa bya ste/ de bzhin gshegs pa re re zhing yang mchod rten 'jig rten gyi khams yangs pa brjod du med par khyab pa de bzhin gshegs pa'i sku gzugs kyis brgyan pa mang po byas te/ de bzhin gshegs pa'i sku gzugs de dag kyang 'di lta ste/ 'jig rten gyi khams yangs pa bsam gyis mi khyab par khyab pa de lta bu'i rnam pa dang ldan par bya'o// sangs rgyas kyi chos kyi don du sangs rgyas bcom ldan 'das bsnyen bkur ba dang / sems can yongs su smin par byas pa dang / bstan pa yongs su gzung ba dang / dam pa'i chos brjod pa la rgyun gcod cing // gtang ba'i sems bskyed pa gcig kyang bskyed par mi bya'o zhes brtsam pa chen po rtsom pa dang / dge ba'i rtsa ba des kyang de bzhin gshegs pa thams cad dang gcig cing mtshungs pa'i sangs rgyas kyi sa thob par bya ba'i phyir/ bla na med pa yang dag par rdzogs pa'i byang chub tu mngon par 'tshang rgya bar bya'o zhes brtsam pa chen po rtsom pa dang / mngon par sangs rgyas nas kyang 'jig rten gyi khams 'byam klas pa thams cad du sangs rgyas kyi rnam par 'phrul pa dang / cho 'phrul bsam gyis mi khyab pa yang dag par bstan cing / bskal pa brjod du med par chos bstan kyang bdag gi lus la drub par mi 'gyur zhing /

  511. 256b

    ngag dang sems la dub par mi 'gyur bar bya'o// 'gro ba thams cad yongs su bskyang ba'i phyir sems bskyed pa chos dang ldan pa/ de bzhin gshegs pa'i chos kyis brtun pa sems can thams cad kyi don du smon lam chen po btab pa dang ldan pa/ byams pa chen po sngon du 'gro ba/ snying rje chen po'i mthar thug pa// mtshan nyid med pa'i chos kyi gzhis gtugs pa/ bden pa'i tshig la gnas pa/ chos thams cad kyis bden pa mngon du byas pa/ sems can thams cad mi dmigs pa/ las dang bya ba mi 'gal ba/ 'das pa dang / ma byon pa dang / da ltar byung ba'i sangs rgyas thams cad dang rgyud kyi tshul gcig tu gyur pa/ chos kyi dbyings kyis klas pa/ nam mkha'i mthas gtugs pa/ mtshan nyid med pa'i chos la gzhol ba/ 'jug pa dang ldog pa med par yongs su rdzogs pa/ sangs rgyas kyi chos thams cad rgyun mi gcod pa dang / smon lam chen po dang ldan pas sangs rgyas kyi 'phrin las chen po sgrub bo zhes brtsam pa chen po rtsom pa'o/ / kye rgyal ba'i sras bcu po de dag ni/ byang chub sems dpa' rnams kyi brtsam pa chen po rtsom pa ste/ de dag la gnas shing byang chub sems dpa' rnams de bzhin gshegs pa'i ye shes chen po phun sum tshogs pa bla na med pa 'thob pa par 'gyur ba dag go/ kye rgyal ba'i sras

  512. 257a

    bcu po 'di dag ni/ byang chub sems dpa' rnams kyi brtsams pa chen po mthar phyin par bya ba ste/ bcu gang zhe na/ 'di ltar de bzhin gshegs pa thams cad mchod pa dang / rim gro bye ba la brtsams pa chen po mthar phyin par byed pa dang / sems can thams cad mos pa ji lta ba bzhin du rjes su bsrung ba la brtsams pa chen po mthar phyin par byed pa dang / sangs rgyas kyi chos thams cad btsal ba la brtsams pa chen po mthar phyin par byed pa dang / dge ba'i rtsa ba thams cad bsags pa la brtsams pa chen po mthar phyin par byed pa dang / sangs rgyas kyi chos thams cad nges par rtogs par bya ba la brtsams pa chen po mthar phyin par byed pa dang / smon lam thams cad yongs su rdzogs par bya ba la brtsams pa chen po mthar phyin par byed pa dang / byang chub kyi spyod pa thams cad khong du chud par bya ba la brtsams pa chen po mthar phyin par byed pa dang / dge ba'i bshes gnyen thams cad mnyes par bya ba la brtsams pa chen po mthar phyin par byed pa dang / 'jig rten gyi khams thams cad du 'gro ba dang / de bzhin gshegs pa'i drung du nye bar 'gro ba la brtsams pa chen po mthar phyin par byed/ pa dang / chos thams cad mnyan pa bya ba'i phyir/ sangs rgyas kyi 'khor gyi dkyil 'khor du 'gro ba la brtsams pa chen po mthar phyin par byed pa'o// kye rgyal ba'i sras bcu po de dag ni//

  513. 257b

    byang chub sems dpa' rnams kyi brtsams pa chen po mthar phyin par bya ba ste/ de dag la gnas shing byang chub sems dpa' rnams yang dag par rdzogs pa'i byang chub kyi ye shes chen po brtsab pa chen po zar 'byung ba bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi dad pa mi phyed pa ste/ bcu gang zhe na/ 'di ltar sangs rgyas thams cad la dad pa mi phyed pa dang / sangs rgyas kyi chos thams cad la dad pa mi phyed pa dang / 'phags pa'i dge 'dun thams cad la dad pa mi phyed pa dang / byang chub sems dpa' thams cad la dad pa mi byed pa dang / dge ba'i bshes gnyen thams cad la dad pa mi phyed pa dang / sems can thams cad la dad pa mi byed pa dang / byang chub sems dpa'i smon lam thams cad la dad pa mi byed pa dang / byang chub sems dpa'i spyod pa thams cad khong du chud par bya ba la dad pa mi phyed pa dang / sangs rgyas thams cad mchod cing bsnyen bkur bya ba la dad pa mi phyed pa dang / sems can thams cad yongs su smin par bya ba dang / gdul bar bya ba byang chub sems dpa'i thabs mkhas pa mtshams sbar ba'i tshul la dad pa mi phyed pa'o/ / kye rgyal ba'i sras bcu po de dag ni// byang chub sems dpa' rnams kyi dad pa mi phyed pa ste/ de dag la gnas shing byang chub sems dpa'

  514. 258a

    rnams kyi ye shes chen po'i dang pa mi phyed pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi lung bstan pa ste/ bcu gang zhe na/ 'di ltar mos pa drag pos rang gi rgyud las lung bstan pa dang / byang chub sems dpa'i dge ba'i rtsa ba la gzhol ba'i skabs kyis lung bstan pa dang / spyod pa rgya chen pos lung bstan pa dang / mngon du lung bstan pa dang / gsang ste lung bstan pa dang / rang gi sems la rag las pas khong du chud pas lung bstan pa dang / bzod pa thob pas lung bstan pa dang / sems can yongs su smin par bya ba'i don gyis lung bstan pa dang / bskal pa bgrangs pa thams cad mi zad pas phulung bstan pa dang / byang chub sems dpa'i spyod pa thams cad kyis rnam par 'phrul pas lung bstan pa'o// kye rgyal ba'i sras bcu po de dag ni/ byang chub sems dpa' rnams kyis lung bstan pa ste/ de dag la gnas shing byang chub sems dpa' rnams sangs rgyas thams cad kyis lung bstan pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams dge ba'i rtsa ba yongs su bsngo ba ste/ bcu gang zhe na/ 'di ltar bdag gi dge ba'i rtsa ba 'dis dge ba'i bshes gnyen rnams dang smon lam gcig

  515. 258b

    pa phun sum tshogs par gyur cig/ phun sum tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig/ bdag gi dge ba'i rtsa ba 'dzas dge ba'i bshes gnyen rnams dang bsam pa gcig pa phun sum tshogs par gyur cig/ phun sum tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig/ bdag gi dge ba'i rtsa ba 'dis dge ba'i bshes gnyen rnams dang spyod pa gcig tu yongs su rdzogs pa phun sum tshogs par gyur cig/ phur sum tshogs par 'gyur ram 'gyur zhe na/ / rnam pa gzhan du ma 'gyur bar de ltar phun sum tshogs par gyur cig/ bdag gi dge ba'i rtsa ba 'dis dge ba'i bshes gnyen rnams dang / rgyud kyi tshul gcig pa phun sum tshogs par gyur cig/ phun sum tshogs par 'gyur ram 'gyur zhe na/ rnam pa gzhan du ma 'gyur par de ltar phun sum tshogs par gyur cig/ bdag gi dge ba'i rtsa ba 'di sa dge ba bshes gnyen rnams dang gcig cing mnyam pa phun sum tshogs par gyur cig/ phun sum tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig/ bdag gi dge ba'i rtsa ba 'dis dge ba'i bshes gnyen rnams dang yid la bya ba gcig pa phun sum tshogs par gyur cig/ phun sum tshogs par 'gyur ram 'gyur zhe na/

  516. 259a

    rnam pa gzhan du ma 'gyur bar de ltar phun sum tshogs par gyur cig/ bdag gi dge ba'i rtsa ba 'dis dge ba'i bshes gnyen rnams dang yongs su dag pa ga pa phun sum tshogs par gyur cig/ phun sum tshogs par 'gyur ram 'gyur zhe na// rnam pa gzhan du ma 'gyur bar de ltar phun sum tshogs par gyur cig/ bdag gi dge ba'i rtsa ba 'dis dge ba'i bshes gnyen rnams dang gcig tu rnam par spyod pa phun sum tshogs par gyur cig/ phun sum tshogs par gyur ram 'gyur zhe na/ rnam pa gzhan de ma 'gyur bar de ltar phun sum tshogs par gyur cig/ bdag gi dge ba'i rtsa ba 'dis dge ba'i bshes gnyen rnams dang gcig cing mnyam par 'jug pa yongs su rdzogs pa phun sum tshogs par gyur cig/ phun sum tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig/ bdag gi dge ba'i rtsa ba 'dis dge ba'i bshes gnyen rnams dang tha mi dad pa phun sum tshogs par gyur cig/ phun sum tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig ces bya ba'o// kye rgyal ba'i sras bcu po de dag ni/ byang chub sems dpa' rnams kyi dge ba'i rtsa ba yongs su bsngo ba ste/ de dag la gnas shing byang chub sems dpa' rnams dge ba'i rtsa ba yongs

  517. 259b

    bsngo ba bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi ye shes khong du chud pa ste/ bcu gang zhe na/ 'di ltar gtong ba'i sems kyis rnam par 'phrul pa'i ye shes khong du chud pa dang / sangs rgyas kyi chos thams cad la mos pa'i ye shes khong du chud pa dang / de bzhin gshegs pa thams cad kyi ye shes mtha' dang dbus med pa la 'jug pa'i ye shes khong du chud pa dang / dris pa thams cad kyi the rtsom gcod pa'i ye shes khong du chud pa dang / don shes pa la 'jug pa'i ye shes khong du chud pa dang / de bzhin gshegs pa thams cad kyi gsung la mkhas pas/ sangs rgyas kyi chos thams cad la yid ches par 'jug pa'i ye shes khong du chud pa dang / sangs rgyas la bskyed pa'i dge ba'i rtsa ba chung yang rung ste/ thams cad de bzhin gshegs pa'i ye shes tshad med par 'gyur bar yi ches par byas shing// chos dkar po thams cad yongs su rdzogs bar byed pa'i ye shes khong du chud pa dang / byang chub sems dpa'i rnam par spyod pa bsam gyis mi khyab pa yongs su rdzogs par bya ba'i ye shes khong du chud pa dang / sems kyi skad cig gcig gis sangs rgyas kyi zhing brjod du med par 'gro zhing gnas par bya ba'i phyir/ sems skad cig gcig gi ye shes khong du chud pa dang / sangs rgyas thams cad

  518. 260a

    kyi byang chub mngon par 'tshang rgya ba dang / chos kyi dbyings thams cad la 'jug pa dang / sangs rgyas kyi chos thams cad bstan pa dang / gzung ba dang / de bzhin gshegs pa thams cad kyi gsung sna tshogs la 'jug pa'i rgyan gyi ye shes khong du chud pa'o/ / kye rgyal ba'i sras bcu po de dag ni/ byang chub sems dpa' rnams kyi ye shes khong du chud pa rnams te/ de dag la gnas shing byang chub sems dpa' rnams sangs rgyas thams cad kyi ye shes khong du chud pa bla na med pa 'thob par 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi sems bskyed pa mtha' dang dbus med pa rnams te/ bcu gang zhe na/ 'di ltar sangs rgyas thams cad la sems bskyed ba rgya chen po mtha' dang dbus med pa dang / chos kyi dbyings thams cad du 'jug pa la sems bskyed pa rgya chen po mtha' dang dbus med pa dang / 'gro ba thams cad kyi zhing dang dus dang / chos kyi dbyings su 'jug pa la sems bskyed pa rgya chen po mtha' dang dbus med pa dang / chos thams cad nam mkha' dang mnyam par lta ba la sems bskyed pa rgya chen po mtha' dang dbus med pa dang / byang chub sems dpa'i spyod pa thams cad la rgya cher brtag pa la sems bskyed pa rgya chen po mtha' dang dbus med pa dang / dus gsum gyi sangs rgyas

  519. 260b

    thams cad yid la bya ba la sems bskyed pa rgya chen po mtha' dang dbus med pa dang / las dang rnam par smin pa bsam gyis mi khyab par 'jug pa la sems bskyed pa rgya chen po mtha' dang dbus med pa dang / sangs rgyas kyi zhing thams cad yongs su dag par bya ba la sems bskyed pa rgya chen po mtha' dang dbus med pa dang / 'khor gyi dkyil 'khor thams cad du 'jug pa la sems bskyed pa rgya chen po mtha' dang dbus med pa dang / / de bzhin gshegs pa thams cad kyi dbyings rnam pa blta ba la sems bskyed pa rgya chen po mtha' dang dbus med pa'o/ / kye rgyal ba'i sras bcu po de dag ni/ byang chub sems dpa' rnams kyi sems bskyed pa rgya chen po mtha' dang dbus med pa ste/ de dag la gnas shing byang chub sems dpa' rnams sangs rgyas kyi chos mtha' dang dbus med pa thams cad kyi ye shes chen po rgya mtsho lta bu bla na med pa 'thob par 'gyur ba dag go/ kye rgyal ba'i sras bcu po 'di dag ni/ / byang chub sems dpa' rnams kyi gter te/ bcu gang zhe na/ 'di ltar chos thams cad la bgrang bas sbyar ba'i gter dang / chos thams cad la nges par rtogs pa'i gter dang / / chos thams cad la gzungs snang ba'i gter dang / chos thams cad la tha dad pa yang dag par shes pas rab tu snang ba'i gter dang / chos thams cad la

  520. 261a

    brjod du med pa'i tshul la mkhas par khong du chud pa'i gter dang / sangs rgyas kyi rnam par 'phrul pa dang / cho 'phrul thams cad la so sor rtog cing lta ba'i gter dang / chos thams cad la mnyam pa nyid du mngon par bsgrub par mkhas pa'i gter dang / sangs rgyas thams cad mthong ba dang mi 'bral ba'i gter dang / sgyu ma lta bu'i bskal pa bsam gyis mi khyab pa yongs su grub par 'jug pa la mkhas pa'i gter dang / sangs rgyas dang byang chub sems dpa' thams cad la dga' ba dang / rab tu dga' ba dang / mos pa chen po rab tu rnyed pa'i gter ro// kye rgyal ba'i sras bcu po de dag ni/ byang chub sems dpa' rnams kyi gter te// de dag la gnas shing byang chub sems dpa' rnams sangs rgyas thams cad kyi chos kyi ye shes kyi gter bla na med pa 'thob pas sems can thams cad 'dul ba la brtson par byed pa dag go/ / kye rgyal ba'i sras bcu po 'di dag ni/ / byang chub sems dpa' rnams kyi sdom pa ste/ bcu gang zhe na/ 'di ltar sangs rgyas kyi chos thams cad la mi 'khrug mi 'khrul pa'i sdom pa dang / sangs rgyas thams cad la bsam pa'i sdom pa dang / byang chub sems dpa' thams cad la bsim pa rlabs po che'i sdom pa dang / dge ba'i bshes garten thams cad la bsam

  521. 261b

    pa mi 'dor ba'i sdom pa dang / nyan thos dang rang sangs rgyas yid la bya ba thams cad la yongs su mi rgyu ba'i sdom pa dang / byang chub sems dpa' chud za ba'i lam thams cad rnam par bzlog pa'i sdom pa dang / sems can thams cad la khong khro ba med pa'i sdom pa dang / dge ba'i rtsa ba thas cad mthar phyin par bya ba'i sdom pa dang / bdud thams cad rab tu pham par bya ba'i sdom pa dang / / pha rol tu phyin pa thams cad yongs su rdzogs par bya ba'i sdom pa'o// kye rgyal ba'i sras bcu po de dag ni/ byang chub sems dpa' rnams kyi sdom pa ste/ de dag la gnas shing byang chub sems dpa' rnams ye shes chen po'i sdom pa bla na med pa 'thob par 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi dbang ste/ bcu gang zhe na/ 'di ltar bskal pa brjod du med par tshe'i tshad byin gyis rlob pas tshe la dbang ba dang / ting nge 'dzin grangs med pa la nges par rtogs par gzhog cing / ye shes kyis 'jug pa'i tshul gyis sems la dbang ba dang / 'jig rten gyi khams thams cad rgyan rnam par dbye ba du mas rab tu brgyan par byin gyis brlab par ston pa'i tshul gyi yo byad la dbang ba dang / dus ji lta ba bzhin du las kyi rnam par smin pa byin gyis rlob pas las la dbang ba dang / 'jig rten gyi khams thams cad du skye ba ston pa

  522. 262a

    skye ba la dbang ba dang / 'jig rten gyi khams thams cad sangs rgyas kyis yongs su gang bar lta bas mos pa la dbang ba dang / dus drang zhing gang du 'dod par mngon par 'tshang rgya bas smon lam la dbang ba dang / rdzu 'phrul gyi rnam par 'phrul pa thams cad yongs su ston pas rdzu 'phrul la dbrang ba dang / chos kyi sgo dang snang ba mtha' dang dbus med pa yang dag par ston pas chos la dbang ba dang / / de bzhin gshegs pa'i stobs bcu dang mi bsnyengs pa skad cig skad cig tu go bar yongs su ston pas ye shes la dbang ba'o/ / kye rgyal ba'i sras bcu po de dag na/ byang chub sems dpa' rnams kyi dbang ste// de dag la gnas shing byang chub sems dpa' rnams sangs rgyas thams cad kyi byang chub kyi mnga'i pha rol tu phyin pa ye shes kyi rnam par 'phrul pa bla na med pa 'thob par 'gyur ba dag go/ / kye rgyal ba'i sras bcu po 'di dag ni// byang chub sems dpa' rnams kyi rnam par 'phrul po rnams te/ bcu gang zhe na/ 'di ltar sems can la rnam par 'phrul pa dang // zhing la rnam par 'phrul pa dang / chos la rnam par 'phrul pa dang / lus la rnam par 'phrul pa dang / smon lam la rnam par 'phrul pa dang / spyod yul la rnam par 'phrul pa dang / ye shes la rnam par 'phrul pa dang / mngon par shes

  523. 262b

    pa la rnam par 'phrul pa dang / rdzu 'phrul la rnam par 'phrul pa dang / stobs la rnam par 'phrul pa ste/ kye rgyal ba'i sras bcu po de dag ni/ byang chub sems dpa' rnams kyi rnam par 'phrul pa'o/ / kye rgyal ba'i sras de la byang chub sems dpa' rnams kyi sems can la rnam par 'phrul pa gang zhe na/ kye rgyal ba'i sras bcu po 'di dag ni// byang chub sems dpa' rnams kyi sems can la rnam par 'phrul pa ste/ bcu gang zhe na/ 'di ltar sems can thams cad sems can med pas sgrol ba'i rnam par 'phrul pa dang / sems can thams cad kyi 'du shes kyi rnam par byin gyis brlab pa'i rnam par 'phrul pa dang / sems can thams cad la dus la bab na chos ston pa rgyun mi gcod pa'i rnam par 'phrul pa dang / sems can gyi khams thams cad du sprul pa'i rnam par 'phrul pa dang / sems can gyi khams thams cad skra'i sbubs gcig tu btsud kyang gnod par mi 'gyur ba'i rnam par 'phrul pa dang / sems can gyi khams thams cad 'jig rngan gyi khams sa sbyin gyis brlabs te pha rol shes par byed pa dang / yongs su ston pa'i rnam par 'phrul pa dang / sems can gyi khams thams cad du brgya byin dang / tshangs pa dang / 'jig rten gyi mgon po'i dbang yongs su ston pa'i rnam por 'phrul pa dang / sems can gyi khams thams cad

  524. 263a

    du nyan thos dang / rang sangs rgyas kyi gzugs dang / kha dog dang / mtshan dang / cho ga dang / spyod lam yongs su ston pa'i rnam par 'phrul pa dang / sems can gyi khams thams cad du byang chub sems dpa'i spyod pa thob pa yongs su ston pa'i rnam par 'phrul po dang / sems can gyi khams ma lus pa thams cad du thams cad mkhyen pa'i stobs mngon par rdzogs par sangs rgyas pa'i gzugs kyi sku dang / mtshan dang / dpe byad bzang po sna tshogs kyi rgyun yongs su ston pa'i rnam par 'phrul pa ste/ kye rgyal ba'i sras bcu po de dag ni/ byang chub sems dpa' rnams kyi sems can la rnam par 'phrul pa'o// kye rgyal ba'i sras bcu po 'di dag ni/ byang chub sems dpa' rnams kyi zhing la rnam par 'phrul pa ste/ bcu gang zhe na/ 'di ltar zhing thams cad zhing gcig tu byin gyis rlob pa'i rnam par 'phrul pa dang / zhing thams cad sgra'i sbubs gcig tu 'dzud pa'i rnam par 'phrul pa dang / zhing thams cad mi zad pa la 'jug pa'i rnam par 'phrul pa dang / zhing thams cad skyil mo krung gcig gis rgyas par 'gengs pa'i lus gcig yongs su ston pa'i rnam par 'phrul pa dang / zhing thams cad rang gi lus su chud par yongs su ston pa'i rnam par 'phrul pa dang / zhing thams cad rab tu bskyod kyang sems can 'jigs

  525. 263b

    par mi 'gyur ba'i rnam par 'phrul pa dang / zhing thams cad kyi rgyan rnam par phye ba zhing gcig tu yongs su ston pa'i rnam par 'phrul pa dang / zhing gcig gis rnam par phye zhing thams cad kyi rgyan rnam par phye bar yongs su ston pa dang / zhing thams cad kyi de bzhin gshegs pa'i 'khor gyi dkyil 'khor du de bzhin gshegs pa'i sku gcig gis yongs su khyab par sems can thams cad la ston pa'i rnam par 'phrul pa dang / zhing phra ba dang / che ba dang / yangs pa dang / rgya che ba dang / zab pa dang / snrel zhi dang / spyi'u tshugs su rgyu ba dang / gzhi mnyam pa la 'jug par yongs su gzhol bas phyogs kyi dra ba rnam par phye ba la 'jug par sems can ma lus pa thams cad la yongs su ston pa'i rnam par 'phrul pa ste/ kye rgyal ba'i sras bcu po de dag ni/ byang chub sems dpa' rnams kyi zhing la rnam par 'phrul pa'o// kye rgyal ba'i sras bcu po 'di dag ni/ byang chub sems dpa' rnams kyi chos la rnam par 'phrul pa ste/ bcu gang zhe na/ 'di ltar chos thams cad chos gcig tu yang dag par gzhol bar bya ba dang / chos gcig pu chos thams cad du yang dag par gzhol bar byed kyang / sems can gyi bsam pa dang mi 'gal bar rnam par dmigs pa'i rnam par 'phrul pa dang / chos thams cad shes rab kyi pha rol tu phyin

  526. 264a

    pas sgrub par khong du chud par bya ba pha rol gyi go bar bya ba'i rnam par 'phrul pa dang / chos thams cad 'du shes dang bral bar sems can mang pos khong dus par bya ba'i rnam par 'phrul pa dang / chos thams cad la tshul gcig tu 'jug cing tshul mtha' yas par ston pa'i rnam par 'phrul ba dang / chos thams cad la brjod du med par/ 'jug cing sgo brgya stong gi pha rol gyi rgyud du bstan pa'i rnam par 'phrul pa dang // chos thams cad sgo kun nas rgyu ba'i yi ge'i tshul la mkhas par rnam par 'phrul pa dang // chos thams cad chos kyi sgo gcig dang mi 'gal ba 'jug pa'i tshul khong du chud par bstan pas/ bskal pa brjod du med cing mi zad pa'i rnam par 'phrul pa dang / chos thams cad sangs rgyas kyi chos su 'jug pa la sems can mang po gzung pa'i rnam par 'phrul pa dang / chos thams cad mtha' dang dbus med par yongs su ston pa'i rnam par 'phrul pa dang / chos thams cad la chags pa med pa'i mthar phyin cing mtha' dang dbus med pa'i sgyu ma'i dra ba rnam pa tha dad pa la 'jug pa med pas bskal pa mu med par mi zad par sems can la ston pa'i rnam par 'phrul pa ste/ kye rgyal ba'i sras bcu po de dag ni/ byang chub sems dpa' rnams kyi chos la rnam par 'phrul pa'o// kye rgyal ba'i sras bcu po

  527. 264b

    'di dag ni/ / byang chub sems dpa' rnams kyi lus la rnam par 'phrul pa ste/ bcu gang zhe na/ 'di ltar sems can thams cad kyi lus rang gi lus su byin gyis rlob cing / mos par byed pa la 'jug pa'i rnam par 'phrul pa dang / rang gi lus sems can thams cad kyi lus kyi 'du shes su byin gyis rlob pa'i rnam par 'phrul pa dang / sangs rgyas thams cad sku sangs rgyas gcig gi sgur mo sa shing 'jug pa'i rnam par 'phrul pa dang / sangs rgyas gcig gi sku sangs rgyas ma lus pa thams cad kyi skur 'jug cing / gzhan la yongs su pa'i rnam par 'phrul pa dang / zhing thams cad du nam mkha' byin gyis rlob pa'i rnam par 'phrul pa dang / dus gsum thams cad chos kyi sku gcig gis yongs su rgyas par sems can la ston pa'i rnam par 'phrul pa dang / lus gcig tu ting nge 'dzin la mnyam par gzhag cing / lus mtha' yas pa las rnam par ldang ba'i rnam par 'phrul pa dang / lus gcig gis mngon par sangs rgyas shing / sems can snyed kyi lus su yongs su ston pa'i rnam par 'phrul pa dang / sems can thams cad kyi lus sems can gcig gis lus su ston pa'i rnam par 'phrul pa dang / sems can thams cad kyi lus chos kyi skur ston cing / chos kyi sku sems can gyi lus su ston pa'i rnam par 'phrul pa ste/ kye rgyal ba'i sras bcu po de dag ni/

  528. 265a

    byang chub sems dpa' rnams kyi lus la rnam par 'phrul pa'o// kye rgyal ba'i sras bcu po 'di dag ni// byang chub sems dpa' rnams kyi smon lam la rnam par 'phrul pa ste/ gcu gang zhe na/ 'di ltar byang chub sems dpa' thams cad kyi smon lam rang gi smon lam du byin gyis rlob pa'i rnam par 'phrul pa dang / sangs rgyas thams cad kyi rdzogs pa'i byang chub kyi smon lam gyi stobs dang mthu mngon par rdzogs pa byang chub par yongs su ston par rnam par 'phrul pa dang / sems can ji ltar smin pa rang rang gi bsam pa bzhin du bla na med pa yang dag par rdzogs pa'i byang chub tu mngon par rdzogs par 'tshang rgya bar bya ba'i rnam par 'phrul pa dang / bskal pa bgrangs pa mu med pa thams cad du smon lam gyi rgyun mi gcod pa'i rnam par 'phrul pa dang / rnam par shes pa'i lus las gyen du bskyod de/ ye shes kyi lus la'ang mi gnas pa'i smon lam la dbang sgyur bas lus thams cad yongs su ston pa'i rnam par 'phrul pa dang / rang gi lus tshad du gyur pas pha rol gyi tshogs kyi smon lam thams cad yongs su rdzogs par bya ba'i rnam par 'phrul pa dang / sems can thams cad yongs su smin par bya ba'i smon lam las phyir mi ldog pa'i rnam par 'phrul pa dang / bskal pa bgrangs pa thams cad byang chub kyi spyod pas rgyas par dgang ba'i smon lam rgyun mi

  529. 265b

    'chad pa'i rnam pa'i 'phrul pa dang / skra'i sbubs gcig tu mngon par 'tshang rgya ba'i smon lam gyi stobs kyis sangs rgyas kyi zhing thams cad du rgyas par dgang zhing / 'jig rten gyi khams brjod du med pa'i yang brjod du med pa sems can gcig tu ston pa'i smon lam la rnam par 'phrul pa dang / chos kyi tshig gcig brjod pas chos kyi dbyings ma lus pa thams cad rgyas par bkang ste/ chos kyi sprin chen po byung ba las chos bdud rtsi'i char rab tu 'bab cing / rig pa dang rnam par grol ba'i glog snang ba dang / yang dag pa de kho na nyid kyi chos kyi 'brug sgra mngon par 'byung bas sems can gyi khams thams cad yongs su ngoms par bya ba'i smon lam chen po yongs su rdzogs par bya bas rnam par rtse ba'i rnam par 'phrul pa ste/ kye rgyal ba'i sras bcu po de dag ni/ byang chub sems dpa' rnams kyi smon lam la rnam par 'phrul pa'o// kye rgyal ba'i sras bcu po 'di dag ni/ byang chub sems dpa' rnams kyi spyod yul la rnam par 'phrul pa ste/ bcu gang zhe na/ 'di ltar kye rgyal ba'i sras byang chub sems dpa' rnams ni chos kyi dbyings kyi spyod yul dang yang ldan la/ sems can gyi khams kyi spyod yul du'ang snang ngo / / kye rgyal ba'i sras byang chub sems dpa' rnams ni sangs rgyas kyi spyod yul la mngon par dga' ba'ang yin lo/ bdud kyi spyod yul la gnas

  530. 266a

    par yang snang ngo / / kye rgyal ba'i sras byang chub sems dpa' rnams ni mya ngan las 'das pa'i spyod yul dang yang ldan la/ 'khor ba'i spyod yul las kyang mi g.yo'o/ / kye rgyal ba'i sras byang chub sems dpa' rnams ni thams cad mkhyen pa nyid kyi spyod yul dang yang ldan la/ byang chub sems dpa'i spyod yul gyi rgyud kyang rgyun mi gcod do/ / kye rgyal ba'i sras byang chub sems dpa' rnams ni zhi ba dang / rab tu zhi ba dang / nye bar zhi ba'i spyod yul dang yang ldan la/ sems can ma zhi ba/ rab tu ma zhi ba// nye bar ma zhi ba'i spyod yul can rnams kyang rnam par mi spong ngo / / kye rgyal ba'i sras byang chub sems dpa' rnams ni blang po med pa dang / dor ba med pa dang / spro ba med pa dang / mi 'phro ba dang / mtshan ma med pa dang // dngos po med pa dang / rnam par mi dmigs pa dang / bar snang dang mnyam pa'i spyod yul dang yang ldan la/ sems can spros pa dang mtshan ma thams cad du dmigs pa'i spyod yul can rnams kyi gnas na'ang snang ngo / / kye rgyal ba'i sras byang chub sems dpa' rnams ni stobs dang rnam par thar pa'i spyod yul dang yang ldan la/ phyogs pa ba'i spyod yul thams cad du'ang snang ngo / / kye rgyal ba'i sras byang chub sems dpa' rnams ni sems can med pa'i mtha'i spyod yul dang yang ldan la// sems can thams cad

  531. 266b

    yongs su smin par bya ba'ang rnam par mi spong ngo / / kye rgyal ba'i sras byang chub sems dpa' rnams ni bsam gtan dang / rnam par thar pa dang / rtog pa dang / ye shes dben pa'i spyod yul dang yang ldan la/ / 'jig rten gyi khams thams cad du skye bar yang snang ngo // kye rgyal ba'i sras byang chub sems dpa' rnams ni de bzhin gshegs pa'i spyod pa dang / mngon par 'tshang rgya ba dang / sangs rgyas kyi rgyan dang / spyod yul thams cad kyang thob la/ nyan thos dang rang sangs rgyas thams cad kyi spyod lam drang / cho ga'ang yongs su ston te// kye rgyal ba'i sras bcu po de dag ni/ byang chub sems dpa' rnams kyi spyod yul la rnam par 'phrul pa'o// kye rgyal ba'i sras bcu po 'di dag ni// byang chub sems dpa' rnams kyi ye shes la rnam par 'phrul ste/ bcu gang zhe na/ 'di ltar tha dad pa yang dag par shes pa'i ye shes mi zad pa la rnam par 'phrul pa dang / rmongs pa med pa'i gzungs thams cad thob pa'i ye shes la rnam par 'phrul pa dang / smon lam shin tu rnam par gdon mi za ba bstan pa dang / sems can gyi khams thams cad kyi dbang po yongs su 'dzin ba dang / khong du chud pa'i ye shes la rnam par 'phrul pa dang / rang gi sems kyi ye shes pha rol gyi sems kyi ye shes dang sems gcig las sems can thams cad kyi spyod pa dang /

  532. 267a

    rnam par g.yo bar byed pa'i ye shes la rnam par 'phrul pa dang / sems can gyi khams thams cad kyi bsam pa dang / bag la nyal ba dang / bag chags dang nyon mongs pa'i nad la gang dang 'byor pa'i sman yang dag par gtong ba'i ye shes la rnam par 'phrul pa dang / de bzhin gshegs pa'i stobs bcu la skad cig gcig gis 'jug pa'i ye shes la rnam par 'phrul pa dang / dus gsum gyi bskal pa'i grangs thams cad la chags pa med pa'i ye shes yangs pa sems can gzhan gyis thob par byed pa'i ye shes la rnam par 'phrul pa dang / thogs pa med pa'i sems kyi skad cig tu mngon par 'tshang rgya bar 'gro ba thams cad du yongs su ston pa'i ye shes la rnam par 'phrul pa dang / sems can gcig gi 'du shes kyis/ sems can ma lus pa thams cad kyi las dang bya ba la mngon sum du ye shes la rnam par 'phrul pa dang / sems can gcig gi sgra dbyangs kyi sgra thams cad la 'jug pa yongs su ston pa'i ye shes la rnam par 'phrul pa ste/ kye rgyal ba'i sras bcu po de dag ni/ byang chub sems dpa' rnams kyi ye shes la rnam par 'phrul pa'o/ / kye rgyal ba'i sras bcu po 'di dag ni// byang chub sems dpa' rnams kyi mngon par shes pa la rnam par 'phrul pa ste/ bcu gang zhe na/ 'di

  533. 267b

    ltar 'jig rten gyi khams thams cad du lus yongs su ston kyang / lus gcig tu dmigs pa'i mngon par shes pa la rnam par 'phrul pa dang / de bzhin gshegs pa gcig gi 'khor gyi dkyil 'khor du de bzhin gshegs pa thams cad kyi 'khor gyi dkyil 'khor dang / chos bstan pa yongs su 'dzin pa'i mngon par shes pa la rnam par 'phrul pha dang / sems can gcig gi sems la dmigs pas byang chub kyi rgyud brjod du med pa rnam par 'tshang rgya zhing / sems can thams cad kyi sems kyis go bar byed pa'i mngon par shes pa la rnam par 'phrul pa dang / dbyangs gcig gis 'jig rten gyi khams thams cad du go bar byed cing / sgra rnam pa tha dad pa thams cad du shes par byed pas/ sems can gzhan gyi sems kyi rgyud du phyin par byed pa'i mngon par shes pa la rnam par 'phrul pa dang / / 'gro ba thams cad kyi sngon gyi mtha'i mur thug pa'i bskal pa sems kyi skad cig gcig gis rjes su dran zhing shes pas/ las kyi 'bras bu rnam par smin pa ji lta ba bzhin du mngon sum du ston cing // sems can gyis go bar byed pa'i mngon par shes pa la rnam par 'phrul pa dang / 'jig rten gyi khams thams cad brgyan par bya ba'i mngon par shes pa la rnam par 'phrul pa dang / dus thams cad mnyam pa nyid du 'jug pa'i mngon

  534. 268a

    par shes pa la rnam par 'phrul pa dang / sangs rgyas thams cad kyi byang chub tu spyod pa'i smon lam yang dag pa bskyed pa dang / chos kyi snang ba rab tu 'bye ba'i mngon par shes pa la rnam par 'phrul pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang // mi 'am ci dang / lto 'phye chen po dang brgya byin dang / tshangs pa dang / 'jig rten gyi mgon po thams cad kyis mngon par shes pa nyan thos dang / rang sangs rgyas dang / byang chub sems dpa' dang / de bzhin gshegs pa'i stobs bcu dang / byang chub sems dpa'i dge ba'i rtsa ba thams cad kyis yongs su bsrung ba'i mngon par shes pa la rnam par 'phrul pa dang / kye rgyal ba'i sras mdor na/ byang chub sems dpa' ni mngon par shes pas chos thams cad la yang dag pa gzhol ba yin te/ bcu po de dag ni byang chub sems dpa' rnams kyi mngon par shes pa pa rnam par 'phrul pa'o/ / kye rgyal ba'i sras bcu po 'di dag ni/ byang chub sems dpa' rnams kyi rdzu 'phrul la rnam par 'phrul pa ste/ bcu gang zhe na/ 'di ltar 'jig rten gyi khams brjod du med pa'i yang brjod du med pa rdul shin tu phra ba gcig tu 'dzud pa'i rdzu 'phrul la rnam par 'phrul pa dang / rdul shin tu phra ba gcig la chos kyi dbyangs thams cad

  535. 268b

    dang mnyam pa'i sangs rgyas kyi zhing gcig yongs su ston pa'i rdzu 'phrul la rnam par 'phrul pa dang / rgya mtsho thams cad kyi chu'i phung po chen po ba spu'i wang bu gcig tu blugs te/ chos kyi dbyings dang mnyam pa'i 'jig rten gyi khams su 'gro'ang sems can la gnod par mi 'gyur ba'i rdzu 'phrul la rnam par 'phrul pa dang / 'jig rten gyi khams brjod du med pa'i yang brjod du med pa rang gi lus su btsud de/ bya ba thams cad yongs su ston pa la mkhas pa'i rdzu 'phrul la rnam par 'phrul pa dang / khor yug dang rdo rje'i ri bsam gyis mi khyab pa thams cad ba spu'i khung bu gcig tu bres te/ 'jig rten gyi khams thams cad du 'gro'ang // sems can rnams sdang bar mi 'gyur ba'i rdzu 'phrul la rnam par 'phrul pa dang / bskal pa brjod du med pa'i yang brjod du med pa bskal pa gcig tu byin gyis brlabs te/ bskal pa gcig la brjod du med pa'i yang brjod du med pa'i bskal pa 'du ba dang 'jig pa ston kyang / sems can la gnod par mi 'gyur ba'i rdzu 'phrul la rnam par 'phrul pa dang / 'jig rten gyi khams thams cad du chus 'jig pa yongs su bstan pa dang / me dang rlung gis 'jig pa yongs su bstan kyang / sems can la gnod par mi 'gyur ba'i rdzu 'phrul la rnam par 'phrul pa dang // 'jig rten gyi

  536. 269a

    khams thams cad 'tshig cing chu dang / me dang / rlung gis 'jig kyang / longs spyod dang nye bar spyod pa thams cad kyis yongs su gang bar byas shing sems can la kun tu ston pa'i rdzu 'phrul la rnam par 'phrul pa dang / 'jig rten gyi khams bsam gyi mi khyab pa lag pa'i mthil gyis blangs te/ 'jig rten gyi khams brjod du med pa'i yang brjod du med par bkod kyang / sems can la gnod par mi 'gyur ba'i rdzu 'phrul la rnam par 'phrul pa dang / zhing thams cad nam mkha'i rang bzhin du yongs su bstan pas/ sems can go bar byed pa'i rdzu 'phrul la rnam par 'phrul pa ste/ kye rgyal ba'i sras bcu pod de dag ni/ byang chub sems dpa' rnams kyi rdzu 'phrul la rnam par 'phrul pa'o// kye rgyal ba'i sras bcu po 'di dag ni/ byang chub sems dpa' rnams kyi stobs la rnam par 'phrul pa ste/ bcu gang zhe na/ 'di ltar yongs su smin par bya ba dang / 'dul ba mi gtong bas sems can gyi stobs la rnam par 'phrul pa dang / nam mkha' brjod du med pa'i yang brjod du med pa thams cad rgyan rnam par phye bas brgyan par yongs su ston pas zhing gi stobs la rnam par 'phrul pa dang / lus thams cad lus med par 'jug pas chos kyi stobs la rnam par 'phrul pa dang / spyod pa rgyun mi gcod pas bskal

  537. 269b

    pa'i stobs la rnam par 'phrul pa dang / gnyid kyis log pa sangs par byed pas sangs rgyas kyi stobs la rnam par 'phrul pa dang / byang chub sems dpa'i spyod pa thams cad skyed cing rab tu 'dzin pa'i phyir spyod pa'i stobs la rnam par 'phrul pa dang / sems can gyi khams thams cad yang dag par sgrol bas sangs rgyas kyi stobs la rnam par 'phrul paM dang / chos thams cad bdag po med par mngon par 'tshang rgya ba'i phyir// rang byung gi stobs la rnam par 'phrul pa dang / thams cad mkhyen pa'i ye shes ma lus par mngon par 'tshang rgya ba'i phyir/ thams cad mkhyen pa'i stobs la rnam par 'phrul pa dang / sems can thams cad yongs su mi gtong bas snying rje chen po'i stobs la rnam par 'phrul ba'o/ / kye rgyal ba'i sras bcu po de dag ni/ byang chub sems dpa' rnams kyi stobs la rnam par 'phrul pa ste/ kye rgyal ba'i sras sems can la rnam par 'phrul pa bzung ba man chad/ stobs la rnam par 'phrul pa yan chad kyi bar du/ bcu po de dag ni byang chub sems dpa' rnams kyi rnam par 'phrul pa ste/ kye rgyal ba'i sras byang chub sems dpa' gang gis rnam par 'phrul pa bcu po de dag thob par gyur pa de ni/ 'dod na bla na med pa yang dag par rdzogs pa'i byang chub tu mngon par 'tshang rgya'o// mi 'dod na mngon par 'tshang mi rgya'o//

  538. 270a

    'dod na mngon par 'tshang yang rgyal/ spyod pa'ang rgyun mi gcod do// kye rgyal ba'i sras de ci'i phyir zhe na/ byang chub sems dpa' rnams ni smon lam chen pos byung ba ste/ sgo mtha' yas pa'i rnam par 'phrul pa/ yongs su bstan pa la mkhas pa'i phyir ro// kye rgyal ba'i sras bcu po 'di dag ni/ byang chub sems dpa' rnams kyi rnam par rtse ba ste/ bcu gang zhe na/ 'di ltar byang chub sems dpa' sems can gyi lus la zhing gi lus byin gyis rlob pa byed kyang / sems can gyi lus 'byed par mi byed pa de ni rnam par rtse ba dang po'o/ / kye rgyal ba'i sras gzhan yang byang chub sems dpa' zhing gi lus la sems can gyi lus byin gyis rlob kyang / zhing gi lus 'dres par yang mi byed pa de na rnam par rtse ba gnyis pa'o/ / kye rgyal ba'i sras gzhan yang byang chub sems dpa' sangs rgyas kyi sku la sems can gyi lus byin gyis rlob kyang / sangs rgyas kyi sku dma' bar mi byed pa de ni rnam par rtse ba gsum pa'o/ / kye rgyal ba'i sras gzhan yang byang chub sems dpa' nyan thos dang rang sangs rgyas kyi lus la de bzhin gshegs pa'i sku yongs su ston kyang nyan thos dang rang sangs rgyas kyi lus rgya chen por yang mi byed pa de ni rnam par rtse ba bzhi pa'o/ / kye rgyal ba'i sras gzhan yang byang chub sems dpa' spyod pa'i lus la mngon par 'tshang rgya ba'i lus

  539. 270b

    yongs su ston kyang / spyod pa'i rgyun mi gcod pa de ni rnam par rtse ba lnga pa'o// kye rgyal ba'i sras gzhan yang byang chub sems dpa' mngon par rdzogs par byang chub pa'i lus la spyod pa yongs su ston kyang / mngon par rdzogs par byang chub pa nye bar len par yang mi byed pa de ni rnam par rtse ba drug pa'o// kye rgyal ba'i sras gzhan yang byang chub sems dpa' mya ngan las 'das pa'i dbyings su 'khor ba'i rgyun yongs su ston kyang / mya ngan las 'das pa la mngon par chags pa mi skyed pa de ni rnam par rtse ba bdun pa'o// kye rgyal ba'i sras gzhan yang byang chub sems dpa' 'khor ba la mya ngan las 'das pa yongasu ston kyang / yongs su mya ngan las 'dra' bas shin tu mya ngan las 'da' bar mi byed pa de ni rnam par rtse ba brgyad pa'o/ / kye rgyal ba'i skyes gzhan yang byang chub sems dpa' mnyam par gzhag bzhin du 'di lta ste/ 'ong ba dang / 'gro ba dang / 'ther ba dang / 'dug pa'i bya ba thams cad yongs su ston kyang / ting nge 'dzin gyi mnyam pa nyid 'khrug par mi byed pa de ni rnam par rtse dgu bya'o// kye rgyal ba'i sras gzhan yang byang chub sems dpa' de bzhin gshegs pa gcig gi zhabs kyi drung nas chos thos nas lus kyang mi snang bar mi byed la/ ting nge 'dzin gyi stobs kyis de bzhin gshegs pa'i

  540. 271a

    'khor gyi dkyil 'khor 'arjod du med pa'i yang brjod du myed pa gan dang na sa rnas par dgod pas ljang yang lus tha dad par yang mi byed/ ting nge tha dad par yang mi byed la/ de bzhin gshegs pa de dag las kyang chos nyan cing thos nas kyang 'dzin cing kun chub par byed la/ ting nge 'dzin la'ang snyoms par 'jug cing / chos dri ba bzung ba'i rgyun kyang mi gcod de/ de de ltar mnyam par gzhag bzhin du lus mi snang bar yang mi byed la/ ting nge 'dzin gyi lus dang sgo mngon par sgrub pa re re las kyang brjod du med pa'i yang brjod du med pa'i ting nge 'dzin gyi lus dang sgo mngon par sgrub cing / de lta bu'i tshul gyis bskal pa thams cad zad par gyur kyang / byang chub sems dpa'i ting nge 'dzin gyi sgo mngon par bsgrub pa'i mtha' gang yang med pa deni rnam par rdzi ba bcu pa'o/ / kye rgyal ba'i sras bcu po de dag ni/ byang chub sems dpa' rnams kyi rnam par rtse ba ste/ de dag la gnas shing byang chub sems dpa' rnams de bzhin gshegs pa'i ye shes chen pos rnam par rol pa bla na med pa 'thob par 'gyur ba dag go kye rgyal ba'i sras bcu po 'di dag ni/ byang chub sems dpa' rnams kyi yul te/ bcu gang zhe na/ 'di ltar chos kyi dbyings mtha' yas pa'i sgo la 'jug par sems can

  541. 271b

    la yongs su ston pa'i yul dang / 'jig rten gyi khams thams cad du rgyan rnam pa sna tshogs du ma dang mngon par sgrub pa 'gro ba thams cad kyis rnam par dmigs par bya ba'i yul dang / sems can gyi khams thams cad du sprul pa mngon par sgrub pa rnam par dmigs par bya ba'i yul dang / de bzhin gshegs pa'i sku byang chub sems dpa'i lus su mngon par sgrub pa dang / byang chub sems dpa'i lus de bzhin gshegs pa'i skur mngon par sgrub pa'i yul dang / nam mkha'i khams 'jig rten gyi khams su mngon par sgrub pa dang / 'jig rten gyi khams nam mkha'i khams su mngon par sgrub pa'i yul dang / mya ngan las 'das pa 'khor bar mngon par sgrub pa dang / 'khor ba mya ngan las 'das par mngon par sgrub pa'i yul dang / sems can gcig gi skad du brjod pas sangs rgyas kyi chos thams cad bstan par mngon par sgrub pa'i yul dang / mtha' yas pa'i sgo nas lus kun tu ston cing lus gcig tu byin gyis brlab pa dang / lus rnam pa tha dad pa thams cad mngon par sgrub pa'i yul dang / lus gcig gis chos kyi dbyings thams cad du rgyas par dgang ba'i yul dang / sems can thams cad kyi sems bskyed pa'i skad cig re re la mtha' yas pa'i sgo mngon par sgrub cing / rnam par 'tshang rgya ba'i yul lo// kye rgyal ba'i sras bcu po de dag ni

  542. 272a

    byang chub sems dpa' rnams kyi yul te/ de dag la gnas shing byang chub sems dpa' rnams de bzhin gshegs pa'i ye shes chen po'i yul tha na med pa 'thob par 'gyur ba dag go/ bam po brgyad cu pa/ kye rgyal ba'i sras bcu po 'di dag ni/ byang chub sems dpa' rnams kyi stobs te/ bcu gang zhe na/ 'di ltar 'jig rten thams cad dang 'du 'dzi med pa'i phyir bsam pa'i stobs dang / sangs rgyas kyi chos thams cad la sgyid lug pa med par bya ba'i phyir/ lhag pa'i bsam pa'i stobs dang / byang chub sems dpa'i brtsams pa thams cad mthar phyin par bya ba yongs su bstan pa'i phyir sbyor ba'i stobs dang / 'gro ba thams cad kyi sems dang spyod pa rab tu shes par bya ba'i phyir ye shes kyi stobs dang / bsam pa thams cad yongs su rdzogs par bya ba'i phyir smon lam gyi stobs dang / phyi ma'i mtha'i mur thug pabapar rgyun chad pa med par bya ba'i phyir spyod pa'i stobs dang / theg pa thams cad kyi 'byung bar kun tu bstan pa dang / theg pa chen po las phyir mi ldog par bya ba'i phyir theg pa'i stobs dang sgra'i sbubs gcig tu sangs rgyas 'byung ba thams cad dang / 'jig rten gyi khams yongs su dag pa thams cad kun tu bstan pa'i phyir rnam par 'phrul pa'i stobs dang /

  543. 272b

    sems bskyed pa thams cad la byang chub tu rnam par 'tshang rgya ba dang mi 'bral ba'i phyir byang chub kyi stobs dang / chos kyi tshig gcig brjod pas sems can thams cad kyi bsam pa dang dbang po ma lus pa lhag ma med pa mtha' dag rtogs par bya ba'i phyir chos kyi 'khor lo bskor ba'i stobs te/ kye rgyal ba'i sras bcu po de dag ni/ byang chub sems dpa' rnams kyi stobs te/ de dag la gnas shing byang chub sems dpa' rnams thams cad mkhyen pa'i ye shes dang / stobs bcu dang ldan pa'i mchog tu 'gyur ba thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi mi 'jigs pa ste/ bcu gang zhe na/ 'di ltar kye rgyal ba'i sras byang chub sems dpa' rnams ni sgra thams cad 'dzin pa'i gzungs rab tu thob pa yin te/ de 'di snyam du shar phyogs dang / byang phyogs dang / lho phyogs dang / nub phyogs nas ston pa la la zhig bdag gi gan du byon te/ bgro ba chen po brgya stong rab tu bshad par gyur na/ bdag gis de gzung bar mi nus snyam du mi sems te/ byang chub sems dpas rgyu'ang rjes su mi mthong ngo // rgyu'ang rjes su mi mthong bas mi 'jigs pa chen po'i dam pa thob cing / brtan la zhum pa med pa'i yid kyis 'gro ba thams cad la ci 'dod pa de dris shis ces skabs 'byed pa 'di ni

  544. 273a

    mi 'jigs pa dang pa'o/ / kye rgyal ba'i sras byang chub sems dpa' rnams ni mi ge dang / don brjod pa dang / sgra dang / skad thams cad kyi mtshams sbyar ba rab tu rtogs par bya ba dang / de bzhin gshegs pas dbang bskur ba'i spobs pa thogs pa med pa dam pa'i pha rol tu phyin pa thob pa yin te/ de dag 'di snyam du shar phyogs dang / byang phyogs dang / lho phyogs dang / nub phyogs nas la la zhig 'ongs te/ bdag la chos kyi the tsom chen po zhig dris par gyur na/ bdag gis lan mi lon pa snyam du mi sems te/ byang chub sems dpas rgyu'ang rjes su mi mthong ngo // rgyu dang rjes su mi mthong bas mi 'jigs pa chen po'i dam pa thob cing / bgro ba thams cad kyi drib yongs su dri ba ci yod pa bstan pa dang / 'jigs shing spu ltung ba med par byos lo gang 'dod pa de dag dris shig ces skabs 'byed pa 'di ni mi 'jigs pa gnyis pa'o// rgyal ba'i sras byang chub sems dpa' rnams ni stong pa'i chos khong du chud par rtogs pa yin te/ bdag dang / bdag gi dang / byed pa po dang / byed du 'jug pa dang / ror ba po dang / srog dang / gso ba dang / gang zag dang / phung po dang / khams dang / skye mched du lta ba dang bral te/ sems nam mkha' dang mtshungs pa'i rjes su song ba de dag 'di

  545. 273b

    snyam du bdag la la la zhig gis lus dang / ngag dang / yid kyis gnod par bya ba 'am/ gcig tu mi 'gyur ba 'am snyam du sems pa med de/ byang chub sems dpas mtshan ma'ang rjes su mi mthong ngo / / de ci'i phyir zhe na/ 'di ltar skyes bu dam pa ni bdag tu 'dzin pa dang / bdag gir 'dzin pa dang bral ba'i phyir te/ mtshan ma'ang rjes su mi mthong bas mi 'jigs pa chen po'i dam pa thob cing / byang chub sems dpa' thams cad kyi sngon du 'dor ba la rab tu brtan pa 'di ni mi 'jigs pa gsum pa'o// kye rgyal ba'i sras byang chub sems dpa' rnams ni sangs rgyas kyi byin gyi rlabs kyis byin du brlabs te/ sangs rgyas kyi snang bas nye bar brtan cing / de bzhin gshegs pa'i spyod lam dang / spyod pa dang / tshul la rab tu gnas la/ spyod lam rnam par ma brtags shing ji lta ba bzhin du gnas pas/ de dag 'di snyam du bdag gi spyod lam la la la zhig gis brgal bar mi 'gyur ram snyam du mi sems te/ byang chub sems dpas mtshan ma'ang rjes su mi mthong ngo // mtshan ma'ang rjes su mi mthong bas mi 'jigs pa chen po'i dam pa thob cing / 'khor gyi nang du phyin nas chos ston pa 'di ni// mi 'jigs pa bzhi pa'o// kye rgyal ba'i sras byang chub sems dpa' rnams ni lus dang / ngag dang / yid shin tu dag cing yongs su dag pa dang / gtsang ba dang /

  546. 274a

    gtsang sbra dang / des pa dang ldan zhin ngan par spyod pa dang / ngan du byed pa dang / ngan du smra ba dang bral ba yin te/ de dag ni 'di snyam du bdag gi lus dang // ngag dang yid kyi las la la la zhig gis brgal bar mi 'gyur ba 'am snyam du mi sems te/ byang chub sems dpa' mtshan ma'ang rjes su mi mthong ngo // mtshan ma'ang rjes su mi mthong bra 'jig pa dang bral zhing mi 'jigs pa chen po'i dam pa thob cing / / sems can gzhan chos la sbyor ba byed pa 'di ni mi 'jigs pa lnga pa'o// kye rgyal ba'i sras byang chub sems dpa' rnams ni lag na rdo rje rtag tu phyi bzhin 'brangs pas yongs su bsrung ba chen po thob cing / lha dang / klu dang / gnod sbyin dang / dri za dang / lha ma yin gyis rtag tu rim gror bya ba yin// brgya byin dang / tshangs pa dang / 'jig rten gyi mgon po rnams kyis rtag tu phyag bya ba yin/ de bzhin gshegs pa thams cad kyis rtag tu dgongs pa yin te/ de dag 'di snyam du bdag cag la bdud dam/ bdud kyi ri su gtogs pa'i lha 'am/ mu stegs can nam/ mu stegs spyod pa pa dang / kun tu rgyu ba dag ga ma/ sems can dmigs pa la mngon par zhen pa la la zhig 'ongs shing / bar chad byed par mi 'gyur ram zhes bya bar sems pa med de/ byang chub sems dpas mtshan ma'ang rjes su mi mthong ngo // mtshan ma'ang rjes su ma mthong bas 'jig

  547. 274b

    pa dang bral zhing / mi 'jigs pa'i dam pa chen po thob pas dga' zhing yid bde ba dang ldan par/ byang chub sems dpa'i las thams cad la nan tan du byed pa 'di ni mi 'jigs pa drug pa'o// kye rgyal ba'i sras byang chub sems dpa' rnams ni sangs rgyas kyis bsngags pa'i dran pa rab tu thob cing / dran pa'i dbang po mchog dang ldan pas yongs su rmongs pa med pa yin te/ de dag 'di snyam du bdag cag gis chos kyi tshig dang / yi ge byang chub sems dpa'i lam dang ldan pa de bzhin gshegs pa'i zhal nas byung ba la la zhig yongs su ma zin pa'am/ chud za bar 'gyur zhing nub par gyur pa med dam zhes bya bar sems pa med de/ byang chub sems dpas mtshan ma'ang rjes su mi mthong ngo // mtshan ma'ang rjes su mi mthong bas 'jigs pa dang bral zhing / mi 'jigs pa chen po'i dam pa thob pas/ de bzhin gshegs pa thams cad kyi bstan pa yang dag par gzung ba'i phyir nan tan du byed pa 'di ni mi 'jigs pa bdun pa'o// kye rgyal ba'i sras byang chub sems dpa' rnams ni thabs dang / / shes rab dang / ye shes khong du chud par rtogs shing / byang chub sems dpa'i stobs kyi pha rol tu phyin pa mchog thob pas/ rgyun mi 'chang bar sems can gyi khams yongs su smin par byed cing / de dag sangs rgyas kyi byang chub tu smon lam dang bsam pa chen po rab tu gtang ste/ sems can rnams la snying rje chen po bskyed nas ched du bsamra te/

  548. 275a

    'jig rten gyi gnas 'dod pa dang / 'khrug pa dang / nyon mongs pa'i rnyog pa can du skye ba bzung zhing 'dod pa'i dga' ba la rtse ba dang / 'khor gyi longs spyod chen po sem can yongs su smin par bya ba'i don du bdag gis yongs su bzung bar byed kyang / de dag 'di snyam du bdag cag sems can gyi 'du 'dzi'i gos pas yongs su gos par gyur te/ byang chub sems dpa'i lam dang ldan pa'i bsam gtan dang / rnam par thar pa dang / ting nge 'dzin dang / snyoms par 'jug pa dang / gzungs kyi sgo dang / spobs pa'i bar chad ngam gcig tu mi 'gyur ram zhes sems pa med de/ byang chub sems dpa' de dag gis rgyu'ang rjes su mi mthong ngo // kye rgyal ba'i sras de ci'i phyir zhe na/ byang chub sems dpa' rnams ni byang chub sems dpa'i lam la rgyun mi 'chad par spyod pa'i phyir/ chos thams cad la dbang gi pha rol tu phyin pa dam pa thob pa dag ste/ de dag gis 'jig rten gyi rnam par 'khrug pa thams cad kyis/ byang chub sems dpa'i lam la rnam par 'khrug par 'gyur ba rjes su mi mthong ngo // rjes su mi mthong bas 'jigs pa dang bral zhing / mi 'jigs pa chen po'i pha rol tu phyin pa dam pa thob pas/ 'jig rten gyi khams kyi gnas thams cad kyi skye ba'i skye mched thams cad du skye ba gzung bar smon lam rab tu bdebs te/ 'di ni mi 'jigs pa brgyad pa'o//

  549. 275b

    kye rgyal ba'i sras byang chub sems dpa' rnams ni thams cad mkhyen pa'i sems ma nyams shing // byang chub sems dpa'i lam la gnas pas theg pa chen po la yang dag par gnas pa dag ste/ de dag ni thams cad mkhyen pa nyid kyi sems kyi stobs dang shugs la gnas shing / nyan thos dang rang sangs rgyas thams cad kyi cho ga dang spyod lam yongs su ston kyang / de dag 'di snyam du bdag cag nyan thos sam/ rang sangs rgyas kyi theg pa 'am/ gcig gis 'byung bar mi 'gyur ram snyam du sems pa med de/ byang chub sems dpas rgyu'ang rjes su mi mthong ngo // rgyu'ang rjes su mi mthong bas 'jigs pa dang bral zhing / mi 'jigs pa chen po'i pha rol tu phyin pa dam pa thob pas// theg pa thams cad mnyam pa nyid du ston cing / theg pa chen po'i mnyam pa nyid yongs su rdzogs par byed pa 'di ni mi 'jigs pa dgu pa'o/ / kye rgyal ba'i sras byang chub sems dpa' rnams ni dge ba'i rtsa ba yang dag par bsdus pas dkar po'i chos yongs su 'dus pa yin/ mngon par shes pa dang bsam pa thams cad yongs su rdzogs pa yin/ rgyun chad pa med par sangs rgyas kyi byang chub la rab tu rten pa yin/ byang chub sems dpa'i spyod pa thams cad yongs su rdzogs pa yin/ sangs rgyas thams cad mkhyen pa'i ye shes dang / rdzu 'phrul la mngon par dbang bskur ba'ang sems can yongs su smin par bya ba'i phyir/

  550. 276a

    spyod pa nye bar blang bde'ang rgyun mi gcod de/ de dag 'di snyam du bdag cag gis sems can yang yongs su smin par ma gyur la/ bdag cag kyang sangs rgyas kyi khyu mchog gi mthu phyung ba ston par mi nus pa 'am/ gcig tu mi 'gyur ram zhes sems pa med de/ byang chub sems dpas rgyu'ang rjes su mi mthong ngo // rgyu'ang rjes su mi mthong bas 'jigs pa dang bral zhing / / mi 'jigs pa chen po'i pha rol tu phyin pa dam pa thob pas/ sems can yongs su smin pa'i tshul ji lta ba bzhin du sangs rgyas kyi yul yongs su ston te/ byang chub sems dpa'i spyod pa'ang rgyun mi gcod la/ byang chub sems dpa'i smon lam chen pos skye ba'ang rgyun mi gcod cing / byang chub sems dpas yongs su smin par bya ba'ang rgyun mi gcod de// 'di ni mi 'jigs pa bcu pa'o// kye rgyal ba'i sras bcu po de dag ni/ byang chub sems dpa' rnams kyi mi 'jigs pa ste/ de dag la gnas shing byang chub sems dpa' rnams mi 'jigs pa chen bo bla na med pa thob par 'byung ba dang / byang chub sems dpa'i mi 'jigs pa las kyang phyir ldog par mi 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi byang chub sems dpa'i chos ma 'dres pa rnams te/ bcu gang zhe na/ kye rgyal ba'i sras 'di la byang chub sems dpa' rnams ma bstan par pha rol tu phyin pa

  551. 276b

    rnams la brtson zhing gtong ba yongs su gtong ba la 'jungs pa dang bral ba yin/ tshul khrims yongs su dag la tshul khrims ngan pa thams cad rab tu brtsal ba yin/ bzod pa phun sum tshogs la bsam pa mi bskul ba yin/ brtson 'grus chen po dang ldan la dus thams cad du phyir mi ldog pa yin/ shin tu mnyam par gzhag pa'i ye shes dang ldan la 'khrug pa thams cad yongs su spangs pa yin/ shes rab kyis shin tu byung zhing sdig pa'i lta ba dang bral ba yin te/ kye rgyal ba'i sras de ltar ma bstan par pha rol tu phyin pa la brtson pa 'di ni byang chub sems dpa' rnams kyi ma 'dres pa'i chos te/ de ltar pha rol tu phyin pa'i lam dang mthun pa 'di ni/ byang chub sems dpa'i ma 'dres pa'i chos dang po'o// kye rgyal ba'i sras byang chub sems dpa' rnams ni sems can gyi khams yongs su sdud cing / 'jig rten gyi zang zing dang / chos kyi sbyin pa yongs su gtong ba'i ngang tshul can bzhin 'dzum pa/ snyan par smra ba/ tshig 'jam pa/ sems can thams cad kyi sems mngon par dga' ba/ don yang dag pa ji lta ba bzhin la rab tu sbyor ba/ sangs rgyas kyi byang chub kyi don khong du chud par byed pa/ mi mnyam pa'i sems med pa sems can thams cad la snyoms par don du sems pa dag ste/ kye rgyal ba'i sras de ltar ma bstan par sems can gyi khams yongs su bsdu ba'i phyir nan tan du byed pa de ni/ byang chub sem

  552. 277a

    dpa' rnams kyi chos ma 'dres pa ste/ de ltar bsdu ba'i dngos po'i lam dang mthun pa 'di ni/ byang chub sems dpa' rnams kyi chos ma 'dres pa gnyis pa'o// kye rgyal ba'i sras byang chub sems dpa' rnams ni yongs su bsngo ba'i tshul la mkhas shing / rnam par smin pa la re ba med par sangs rgyas kyi byang chub kyi rjes su song bar yongs su bsngo zhing 'jig rten gyi snyoms par 'jug pa thams cad la ye brngam pa med pas/ / de bzhin gshegs pa'i ye shes la rab tu gnas shing sems can gyi don du yongs su bsngo ste kye rgyal ba'i sras de ltar ma bstan par dge ba'i rtsa ba thams cad brtsam pa dang / sangs rgyas kyi ye shes de ltar tshol zhing sems can gyi don yongs su tshol ba 'di ni/ byang chub sems dpa' rnams kyi chos ma 'dres pa ste/ 'di ni byang chub sems dpa' rnams kyi chos ma 'dres pa gsum pa'o// kye rgyal ba'i sras byang chub sems dpa' rnams ni thabs mkhas pa'i pha rol tu phyin pa'i dam pa thob pas/ / sems can gyi rjes su 'brang zhing 'jig rten pa thams cad kyi lam la yongs su skyo ba med pa'i yid dang ldan te// 'phags pa'i spyod yul la mngon du ltas la/ nyan thos dang rang sangs rgyas thams cad kyi 'byung ba las phyir phyogs te/ sems can thams cad yongs su smin pa la mngon par brtson zhing // bdag

  553. 277b

    gi bde ba la chags pa med de/ bsam gtan dang / rnam par thar pa dang / ting nge 'dzin dang / snyoms par 'jug pa la snyoms par 'jug pa dang / rnam par ldang ba la mkhas pabs rang gi dbang du gyur pa'i ting nge 'dzin thob cing / 'khor bas yongs su skyo ba med pa'i sems dang ldan te/ 'khor ba la bza' shing gi ra ba lta bu'i 'du shes chen po thob pa dang / bdud kyi khyim thams cad na gnas pa dang / brgya byin dang / tshangs pa dang / 'jig rten gyi mgon po thams cad kyi dbang chen po yongs su ston cing / skye ba'i skye mched thams cad du gzugs brnyan byung bar gyur la/ zhags pa 'thub pa'i rab tu byung ba thams cad kyi lta ba dang bral te/ 'jig rten pa'i rang bzo dang / sngags dang / gtsug lag dang / yi ge dang / shod thabs dang / grangs dang / rtsis dang / rang gi rtsed mo dang / 'jig rten pa'i dga' ba thams cad yongs su ston cing / bud med kyi cho ga dang / mtshan ma dang / cha lugs dang / sgyu rtsal thams cad kyi tshul la mkhas pa/ 'jig rten pa dang 'jig rten las 'das pa'i chos mnyan pa dang / dpyad pa dang / dri ba dang / brtag pa shin tu bstan pa'i pha rol tu phyin pa'i mchog thob pa/ 'jig rten pa dang 'jig rten las 'das pa'i dgos pa'i pha rol tu phyin pa'i mchog thob pa/ sems can thams cad kyi ngor blta ba dbang dang ldan pa dang /

  554. 278a

    rang sangs rgyas thams cad kyi cho ga dang spyod lam yongs su ston pa/ theg pa chen po la yang dag par zhugs pa/ de bzhin gshegs pa'i rnam par 'tshang rgya ba skad cig skad cig tu ston pa spyod pa'i rgyun yongs su mi gcod pa ste/ kye rgyal ba'i sras de ltar thabs mkhas pa'i pha rol tu phyin pa'i mchog thob kyang / bstan pa 'di ni byang chub sems dpa' rnams kyi ma 'dres pa'i chos te/ 'di ni byang chub sems dpa' rnams kyi chos ma 'dres pa bzhi pa'o// kye rgyal ba'i sras gzhan yang byang chub sems dpa' zung dang snrel zhi la mkhas shing ye shes kyis rnam par rtse ba dang / ye shes kyi pha rol tu phyin pa'i mchog thob pas/ 'di ltar mya ngan las 'das pa la gnas kyang 'khor ba'i sgo yongs su ston pa sems can med pa'i mtha'i spyod yul dang ldan yang sems can thams cad yongs su smin par bya ba ma btang ba/ shin tu dul ba dang zhi ba'i pha rol tu phyin pa'i mchog thob kyang nyon mongs pa'i 'bar ba sems can la yongs su ston pa/ / chos kyi ye shes gcig tu sdug pa'i lus dang ldan yang sems can gyi sgo mtha' yas pa yongs su ston pa/ bsam gtan chen po la bsam gtan 'cha' yang / 'dod pa'i dga' ba thams cad kyis rtse zhing longs spyod par sems can la rnam par ston pas gcig tu dga' bar dga' zhing mos pa/ khams gsum pa thams

  555. 278b

    cad las phyir bltas kyang sems can thams cad yongs su smin par bya ba'i bsam pa ma gtang ba/ rtag tu chos kyi dga' bas dga' zhing mos kyang lha'i bu mo brgya phrag stong gi sgra rab tu byung / ba dang rtse ba/ mtshan dang dpe byad bzang po dang dge ba'i mchog brgya phrag stong gis brgyan pa'i lus dang ldan yang dbul ba thams cad kyi tshul yongs su ston pa/ rtag tu kha na ma tho ba med pa'i las dge ba spyad kyang sems can dmyal ba dang / byol song gi skye gnas dang / gshin rje'i 'jig rten du skye ba'ang yongs su ston pa/ sangs rgyas kyi ye shes kyi pha rol tu phyin pa'i mchog thob kyang / byang chub sems dpa'i ye shes kyi lus las gyen du ma g.yos pa dag ste/ kye rgyal ba'i sras de ltar byang chub sems dpa' rnams ni ye shes mu med pa dang ldan pas/ de'i phyir de dag nyan thos dang rang sangs rgyas thams cad kyis kyang khong du chud par dga' na/ sems can byis pa gzhan gyis lta smos kyang ci dgos te/ 'di ni byang chub sems dpa'i chos ma 'dres pa lnga pa'o/ / kye rgyal ba'i sras byang chub sems dpa' rnams ni lus dang / ngag dang / yid ye shes sngon du 'gro ba dang ldan pa ste/ las shin tu dag par spyod cing srog gcod pa dang bral ba nas/ sdig pa'i lta ba'i bar dang bral bas/ byams pa phun sum tshogs shing yang dag pa'i lta ba la zhugs pa yin te/ kye rgyal ba'i sras

  556. 279a

    de ltar lus dang / ngag dang / yid kyi las ye shes sngon du 'gro ba dang ldan pa 'di ni/ byang chub sems dpa' rnams kyi chos ma 'dres pa ste/ 'di ni byang chub sems dpa'i chos ma 'dres pa drug pa'o/ / kye rgyal ba'i sras byang chub sems dpa' rnams ni snying rje chen po dang ldan pas sems can thams cad yongs su mi gtong zhing / sems can thams cad kyi sdug bsngal gyi phung po rang gi lus len par mkhas pas/ sems can dmyal ba dang / byol song gi skye gnas dang / gshin rje'i 'jig rten gyi sdug bsngal gyis sems can gyi don du yongs su skyo ba med pa'i sems dang ldan zhing / sems can gyi khams thams cad dgrol ba la zhugs pa/ 'dod pa'i dga' ba thams cad kyis rtse zhing yongs su longs spyod pa la chags pa med pa'i yid dang ldan pas/ rtag tu sems can rnams sdug bsngal gyi phung po la dgrol ba las mngon par brtson pa ste// kye rgyal ba'i sras de ltar snying rje chen po'i stobs yongs su mi gtong ba 'di ni/ byang chub sems dpa' rnams kyi chos ma 'dres pa ste/ 'di ni byang chub sems dpa'i chos ma 'dres pa bdun pa'o// kye rgyal ba'i sras byang chub sems dpa' rnams ni 'gro ba thams cad kyi yid du 'ong zhing mthong na dga' ba ste/ brgya byin dang / tshangs pa dang / 'jig rten gyi mgon po thams cad kyis phyag bya ba// 'gro

  557. 279b

    ba thams cad mthong bar smon pa/ sems can thams cad mngon par dga' ba'i sems dang ldan pa dag sde/ kye rgyal ba'i sras de ci'i phyir zhe na/ de ni byang chub sems dpa' rnams ston nas las kyi mtha' kha na ma tho ba med pa dang ldan zhing / yongs su dag pa'i las kyi tshul gyis spyod pas/ de'i phyir de dag mthong bas 'gro ba thams cad mi ngoms pa yin// kye rgyal ba'i sras de ltar 'gro ba thams cad mthong bar mngon par dga' ba de ni/ byang chub sems dpa' rnams kyi chos ma 'dres pa ste/ 'di ni byang chub sems dpa' rnams kyi chos ma 'dres pa brgyad pa'o/ / kye rgyal ba'i sras byang chub sems dpa' rnams ni thams cad mkhyen pa nyid kyi sems brtan pa dang ldan pa'i lhag pa'i bsam pa'i go cha shin tu bgos pas/ de dag ji ltar nyon mongs shing byis pa'i skye bo'i 'du 'dzi dang ji ltar brten tam/ nyan thos dang rang sangs rgyas kyi tshogs kyi nang du ji ltar phyin kyang rung ste/ thams cad mkhyen pa'i sems rin po che bzang po 'od dang ldan pa de 'jig par mi byed do/ / kye rgyal ba'i sras de ni 'di lta ste/ dper na nor bu rin po che chen po rgyan bzang po zhes bya ba chu dang bar byed pa ni pad+mo'i rdzing bu ji ltar rnyogs kyang rung ste/ nang du bcug na nor bu rin po che'i 'od gsal zhing bzang ba de nyid rnam par mi spong ste/ chu de thams cad kyang rnyog pa med par rab tu dang bar byed do// kye rgyal ba'i sras de bzhin du byang chub

  558. 280a

    sems dpa' yang byis pa'i skye bo'i 'du 'jis ji ltar brten kyang / thams cad mkhyen pa'i sems rin po che 'od gsal zhing snang ba bzang po de chud zos par mi byed de sems can de dag kyang nyon mongs pa'i rnyog pa de la zlog cing / thams cad mkhyen pa'i sems rin po che 'od gsal zhing snang ba de nyid la rab tu 'god do// kye rgyal ba'i sras de ltar ji ltar nyon mongs par gyur kyang rung / byis pa'i skye bo'i 'du 'dzi ji ltar brten tam/ nyan thos dang rang sangs rgyas kyi tshogs kyi nang du ji ltar phyin kyang rung ste/ thams cad mkhyen pa'i sems rin po che de nyid 'jig par mi byed pa de ni/ byang chub sems dpa'i chos ma 'dres pa ste/ 'di ni byang chub sems dpa'i chos ma 'dres pa dgu pa'o// kye rgyal ba'i sras byang chub sems dpa' rnams ni rang gi yul gyi ye shes kyi chos la dbang sgyur ba'i pha rol tu phyin pa dam pa thob pa ste/ rang byung gi ye shes dbang bskur bas dbang bskur zhing go 'phang skyon med pa la gnas kyang / dge ba'i bshes gnyen la gnas pa ring du mi spong zhing / de bzhin gshegs pa la rim gror bya ba'i rgyun mi gcod de/ de ltar tshul phun sum tshogs pa dang / 'gro ba thams cad du dge ba'i bshes gnyen brten pa las phyir mi ldog cing / de bzhin gshegs pa la rim gror bya ba rgyun mi gcod pa de ni/ byang chub sems dpa'i chos ma 'dres pa

  559. 280b

    ste/ 'di ni byang chub sems dpa'i chos ma 'dres pa bcu pa'o// kye rgyal ba'i sras bcu po de dag ni/ byang chub sems dpa' rnams kyi chos ma 'dres pa ste/ de dag la gnas shing byang chub sems dpa' rnams de bzhin gshegs pa'i chos ma 'dzes pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi las te/ bcu gang zhe na/ 'di ltar 'jig rten gyi khams thams cad yongs su sbyang ba'i las dang / sangs rgyas thams cad bsnyen bkur ba'i las dang byang chub sems dpa'i grogs thams cad dang dge ba'i rtsa ba gcig tu bya ba'i las dang / sems can gyi khams thams cad yongs su smin par bya ba'i las dang / ma 'ongs pa'i dus thams cad kyi phyi ma'i mtha'i mur thug par yongs su gzung ba'i las dang / 'jig rten gyi khams thams cad du 'gro'ang 'jig rten gyi khams gcig nas mi g.yo ba'i rdzu 'phrul gyi las dang / kha dog mtha' yas pa'i 'od zer dgye ba'i 'od kyi las dang / pad+mo'i snying po la byang chub sems dpa'i gzugs 'khod pa yongs su bstan pa'i 'od zer gyi las dang mya ngan las 'das pa'i sangs rgyas bcom ldan 'das rnams kyi bstan pa bzung bas/ dkon mchog gsum gyi rigs rgyun mi gcod pa'i las dang / 'jig rten thams cad du rgyu zhing

  560. 281a

    chos bstan pa dang / sems can gdul ba yang dag par sgrub pa'i sprul pa'i las dang / nam 'dod pa dang / nam sems bskyed pa na smon lam yongs su rdzogs par sems can la yang dag par ston pa'i byin gyi rlabs kyi las so/ / kye rgyal ba'i sras bcu po de dag ni/ byang chub sems dpa' rnams kyi las te/ de dag la gnas shing byang chub sems dpa' rnams de bzhin gshegs pa'i 'phrin las rgya chen po bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi lus te/ bcu gang zhe na/ 'di ltar 'gro ba thams cad du byung ba med pas/ byang chub sems dpa'i lus ni 'ongs pa med pa'o// 'gro ba thams cad du mi dmigs pa med pas/ byang chub sems dpa' lus ni 'ongs pa'o// 'jig rten thams cad kyis dmigs pa ji lta ba bzhin du/ byang chub sems dpa'i lus ni bden pa ma yin pa'o// 'jig rten kyigyi bden pa rnam par dmigs pa ji lta ba bzhin du/ byang chub sems dpa'i lus ni brdzun pa ma yin pa'o// phyi ma'i mtha'i mur rgyun mi 'chad pas/ byang chub sems dpa'i lus ni rgyun mi zad pa'o/ / bdud thams cad kyis mi shigs pas/ byang chub sems dpa' rnams kyi lus ni brtan pa'o// bdud kyi rgol ba thams cad kyis mi bskul bas/ byang chub sems

  561. 281b

    dpa'i lus ni sra ba'o/ / bsod nams brgya pa'i mtshan gyis shin tu rnam par dag par snang bas/ byang chub sems dpa'i lus ni mtshan bzang po dang ldan pa'o// chos kyi mtshan nyid med pa'i mthar thug pas/ byang chub sems dpa'i lus ni mtshan nyid med pa'o// 'das pa dang / ma byon pa dang / da ltar byung ba'i de bzhin gshegs pa thams cad kyi sku dang mnyam pa nyid thob pas/ byang chub sems dpa'i lus ni kun tu song ba'o// kye rgyal ba'i sras bcu po de dag ni/ byang chub sems dpa' rnams kyi lus te/ de dag la gnas shing byang chub sems dpa' rnams de bzhin gshegs pa'i sku mi zad pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi lus kyi las te/ bcu gang zhe na/ 'di ltar 'jig rten gyi khams thams cad lus gcig gis rgyas par 'gengs pa'i lus kyi las dang / sems can gyi khams thams cad du sgo yongs su ston pa'i lus kyi las dang / skye ba thams cad du gnas pa'i lus kyi las dang / 'jig rten gyi khams thams cad du 'gro ba'i lus kyi las dang / sangs rgyas thams cad kyi 'khor gyi dkyil 'khor du 'gro ba'i lus kyi las dang / 'jig rten gyi khams thams cad lag pa gcig gis kun tu kheb par byed pa'i lus kyi las dang

  562. 282a

    khor yug dang rdo rje'i ri thams cad lag pa gcig gis nyug pa'i lus kyi las dang / sangs rgyas kyi zhing thams cad du rang gi lus 'jig pa dang / 'byung ba yongs su ston pa'i lus kyi las dang / sems can gyi khams thams cad lus gcig gis yongs su 'dzin pa'i lus kyi las dang / sems can gyi khams thams cad lus med par khong du chud pas zhing yongs su dag pa dang / yongs su rdzogs pa kun tu ston pa'i lus kyi las so// kye rgyal ba'i sras bcu po de dag ni/ byang chub sems dpa' rnams kyi lus kyi las te/ de dag la gnas shing byang chub sems dpa' rnams sangs rgyas kyi chos 'gro ba kun gyis rnam par rig par bya ba bla na med pa 'thob par 'gyur ba dag go kye rgyal ba'i sras bcu po 'di dag ni/ byang chub sems dpa' rnams kyi rang bzhin te/ bcu gang zhe na/ 'di ltar nan tan dang ldan pas pha rol tu phyin pa'i rang bzhin dang / 'gro ba thams cad yongs su mi gtong bas bsdu ba'i dngos po'i rang bzhin dang / sems can thams cad kyi sdug bsngal gyi phung po rang gi lus kyis len kyang yongs su mi skyo bas snying rje chen po'i rang bzhin dang / 'gro ba thams cad yongs su skyob pas byams pa chen po'i rang bzhin dang / 'gro ba thams cad nye bar 'tsho bas bsod nams kyi rang bzhin dang / sangs

  563. 282b

    rgyas thams cad kyi sku dang gcig tu 'dres pas ye shes kyi rang bzhin dang / skye ba'i skye mched thams cad las 'das pas chos kyi rang bzhin dang / thams cad du sgo yongs su ston pas thams cad kyi rang bzhin dang / rdzu 'phrul dang rnam par 'phrul pa thams cad yongs su ston pas rdzu 'phrul gyi rang bzhin dang / nam 'dod pa'i dus su mngon par rdzogs par 'tshang rgya bas byang chub kyi rang bzhin no/ / kye rgyal ba'i sras bcu po de dag ni/ byang chub sems dpa' rnams kyi rang bzhin te/ de dag la gnas shing byang chub sems dpa' rnams de bzhin gshegs pa'i ye shes chen po'i rang bzhin bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi ngag ste/ bcu gang zhe na/ 'di ltar sems can thams cad bde bar byed pas/ byang chub sems dpa' rnams kyi ngag ni 'jam pa'o// sems can thams cad kyi sems sim par byed pas/ byang chub sems dpa' rnams kyi ngag ni snyan pa'o// yang dag pa ji lta ba bzhin du go bar byed pas/ byang chub sems dpa' rnams kyi ngag ni mi brdzun pa'o// rmi lam na'ang log par mi smra bas/ byang chub sems dpa'i ngag ni bden pa'i rjes su 'brang ba'o// brgya byin dang / tshangs pa dang / 'jig rten gyi mgon po thams cad zil gyis

  564. 283a

    gnon pas/ byang chub sems dpa' rnams kyi ngaka ni rgya che ba'o// chos kyi rang bzhin ston pas/ byang chub sems dpa' rnams kyi ngag ni phab so'i dbyangs su smo/ pa'o// chos bstan pa thams cad mi zad pas/ byang chub sems dpa' rnams kyi ngag ni snying po dang ldan pa'o// sgra ji lta ba bzhin du khong du chud par byed pas/ byang chub sems dpa' rnams kyi ngag ni shin tu gsal ba'o/ / dus dang / las dang / rnam par smin pa ji lta ba bzhin du yongs su ston pas/ byang chub sems dpa' rnams kyi ngag ni rnam pa tha dad pa'o/ / bsam pa ji lta ba bzhin du rnam par spyod pa la 'jug par byed pas/ byang chub sems dpa' rnams kyi ngag ni 'gro ba thams cad la bgro ba'o// kye rgyal ba'i sras bcu po de dag ni/ byang chub sems dpa' rnams kyi ngag ste/ de dag la gnas shing byang chub sems dpa' rnams de bzhin gshegs pa'i gsung bla na med pa 'thob par 'gyur ba dag go// kye rgyal ba'i sras byang chub sems dpa'i ngag de'ang las rnam par dag pa bcus yongs su sbyangs pa yin te/ bcu gang zhe na/ 'di ltar de bzhin gshegs pa'i gsung la mos pa yongs su dag pa dang / byang chub sems dpa'i tshig sngon ma thos pa la mngon par mos pa yongs su dag pa dang / 'gro ba thams cad kyi yid du mi 'ong ba'i tshig yongs su spangs pas yongs su dag pa dang

  565. 283b

    sngon gyi mthar ngag gi nyes pa bzhi dang bral bas yongs su dag pa dang / dka' ba dang mos pa chen pos de bzhin gshegs pa mngon du bstod pas yongs su dag pa dang / sgra chen pos de bzhin gshegs pa mchod par 'os pa yang dag par ji lta ba bzhin du sangs rgyas kyi yon tan dang legs pa rjod pas yongs su dag pa dang / bsam pa thag pas sems can gzhan la chos kyi sbyin pas sdud pas yongs su dag pa dang / klu'i dbyangs dang / rol mo brdung ba dang / dkrol ba'i dbyangs kyis de bzhin gshegs pa la mngon par bstod pas yongs su dag pa dang / sangs rgyas bcom ldan 'das rnams las mngon sum du chos thos nas rang gi lus 'bul bas yongs su dag pa dang / byang chub sems dpa'i chos smra ba thams cad las chos zos nas rim gro bya ba'i phyir/ bdag 'bul zhing snying thag pa nas yongs su gtong bas yongs su dag pa ste/ kye rgyal ba'i sras byang chub sems dpa'i ngag ni las rnam par dag pa bcu po de dag gis shin tu sbyangs par 'byung ngo / / kye rgyal ba'i sras byang chub sems dpa' rnams kyi ngag de ltar yongs su sbyangs pa de'ang yongs su 'dzin pa bcus yongs su bzung bar 'byung / bcu gang zhe na/ 'di ltar lha'i dbang po la sogs pa lha thams cad kyis yongs su bzung bar 'byung ba yin/ klu'i dbang po dang /

  566. 284a

    gnod sbyin gyi dbang po dang / dri za'i dbang po dang / lha ma yin gyi dbang po dang / nam mkha' lding gi dbang po dang / mi 'am ci'i dbang po dang lto 'phye chen po'i dbang po dang / tshangs pa'i dbang po la sogs pa tshangs pa'i ris su gtogs pa'i lha thams cad kyis yongs su bzung bar 'byung ba yin/ de bzhin gshegs pa chos kyi dbang po la sogs pa chos su smra ba thams cad kyis yongs su bzung bar 'byung ba yin te/ kye rgyal ba'i sras byang chub sems dpa'i ngag ni yongs su 'dzin pa bcu po de dag gis shin tu bzung bar 'byung ngo / / kye rgyal ba'i sras byang chub sems dpa'i ngag de ltar shin tu bzung bar 'byung ba de'ang dgos pa bcu yongs su grub par byed de/ bcu gang zhe na/ 'di ltar sems can gyi khams mngon par dka' bar byed do// 'jig rten gyi khams su go bar byed do// dbang po'i khams la 'jug par byed do/ / mos pa'i khams rnam par dag par byed do// nyon mongs pa'i khams sel bar byed do// bag chags kyi khams spong bar byed do// bsam pa'i khams sbyong bar byed do/ / lhag pa'i bsam pa'i khams rnam par 'phel bar byed do// chos kyi khams rgyas par byed do// mya ngan las 'das pa'i khams yang dag par rtogs par

  567. 284b

    byed de/ dgos pa bcu po de dag yongs su sgrub bo// kye rgyal ba'i sras bcu po 'di dag ni/ byang chub sems dpa' rnams kyi sems te/ bcu gang zhe na 'gro ba thams cad kyi dge pa'i rtsa ba yang dag par 'dzin cing ston pas/ byang chub sems dpa' rnams kyi sems ni sa lta bu'o// sangs rgyas thams cad kyi ye shes rgya chen po'i rgya mtsho mtha' dang dbus med pa la zhugs pas/ byang chub sems dpa' rnams kyi sems ni rgya mtsho lta bu'o// 'jig rten las 'das pa'i dge ba'i rtsa ba shin tu mtho ba la 'gro ba thams cad rab tu dgod pa'i phyir/ byang chub sems dpa'i sems ni ri bo chen po lta bu'o// kun nas nyon mongs pa med cing bsam pa dag pa dang ldan pas/ byang chub sems dpa' rnams kyi sems ni nor bu rin po che lta bu'o/ / chos thams cad la rab tu rno bas/ byang chub sems dpa' rnams kyi sems ni rdo rje lta bu'o// bdud dang mu stegs can gzhan dang phas kyi rgol ba thams cad kyis mi bskul bas/ byang chub sems dpa' rnams kyi sems ni ri'i rgyal po rdo rje khor yug shin tu brtan zhing mi shigs pa lta bu'o// 'jig rten gyi chos thams cad kyis mi gos pas/ byang chub sems dpa' rnams kyi sems ni pad+mo lta bu'o// bskal pa thams cad du 'byung ba dang mthong bar dka' bas/ byang chub sems dpa' rnams kyi

  568. 285a

    sems ni me tog u dum wa ra lta bu'o/ / 'gro ba thams cad kyim rig pa'i mun pa mun nag dang rab rib kyi rgyus pa sel ba'i phyir/ byang chub sems dpa' rnams kyi sems ni nyi ma lta bu'o/ / 'gro ba thams cad kyis brjod du med pa'i phyir/ byang chub sems dpa' rnams kyi sems ni bar snang lta bu'o// kye rgyal ba'i sras bcu po de dag ni/ byang chub sems dpa' rnams kyi sems te/ de dag la gnas shing byang chub sems dpa' rnams de bzhin gshegs pa'i thugs rgya chen po yongs su dag pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi sems bskyed pa ste/ bcu gang zhe na/ 'di ltar 'gro ba thams cad rab tu dgrol bar bya'o zhes byang chub sems dpa' sems bskyed do/ / sems can thams cad kyi nyon mongs pa bsal bar bya'o zhes byang chub sems dpa' sems bskyed do/ / bag chags kyi mtshams 'brel pa thams cad spang bar bya'o zhes byang chub sems dpa' sems bskyed do// chos thams cad la the tshom med pa thob par bya'o zhes byang chub sems dpa' sems bskyed do/ / sems can thams cad kyi sdug bsngal zhi bar bya'o zhes byang chub sems dpa' sems bskyed do// ngan song dang mi khom pa thams

  569. 285b

    cad gcad par bya'o zhes byang chub sems dpa' sems bskyed do/ / de bzhin gshegs pa thams cad mnyes par bya'o zhes byang chub sems dpa' sems bskyed do// byang chub sems dpa'i bslab pa thams cad la nan tan du bya'o zhes byang chub sems dpa' sems bskyed do/ / skra'i sbubs su 'jug pa thams cad kyang ma lus par 'gro ba thams cad du sangs rgyas thams cad byang chub tu 'tshang rgya ba bstan par bya'o zhes byang chub sems dpa' sems bskyed do/ / 'gro ba ma lus pa thams cad kyi bsam pa dang dbang po rab tu rtogs pas// 'jig rten gyi khams thams cad du grags par bya bar chos kyi rnga bla na med pa brdung bar bya'o zhes byang chub sems dpa' sems bskyed do/ / kye rgyal ba'i sras bcu po de dag ni/ byang chub sems dpa' rnams kyi sems bskyed pa ste/ de dag la gnas shing byang chub sems dpa' rnams de bzhin gshegs pa'i thugs rgya chen po'i 'phrin las bla na med pa rtsom par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi sems kyis rgyas par dgang ba ste/ bcu gang zhe na/ 'di ltar sems shin tu yangs pa dang ldan pas nam mkha'i dbyings thams cad rgyas par dgang ba dang / mtha' dang dbus med pa khong du chud pas chos kyi dbyings thams cad rgyas par dgang ba dang / skad cig gcig

  570. 286a

    tu 'dzud pas dus gsum thams cad rgyas par dgang ba dang / gshegs pa dang / skye ba dang / 'byung ba dang / rnam par 'tshang rgya ba dang / chos kyi 'khor lo bskor ba dang / mya ngan las 'das pa chen po mngon sum du shes pas sangs rgyas skye ba thams cad du rgyas par dgang ba dang / bag chags dang dbang po nam mkha' lta bur khong du chud bas sems can gyi khams thams cad du rgyas par dgang ba dang / chos kyi dbyings thams cad khong du chud pa'i ye shes dang ldan pas mig yor lta bu'i ye shes kyi rgyas par dgang ba dang / sgyu ma'i dra ba rnam pa tha dad pa lta bur khong du chud pas mtha' dang dbus med pa rgyas par dgang ba dang / rang bzhin mi dmigs pas mi skye bar rgyas par dgang ba dang / rang gi sems dang gzhan gyi sems la thogs pa med pas chags pa med par rgyas par dgang ba dang / sems bskyed pa thams cad la mngon par rdzogs par byang chub pa yongs su ston pas dbang gis rgyas par dgang ba'o/ / kye rgyal ba'i sras bcu po de dag ni/ byang chub sems dpa' rnams kyi sems kyis rgyas par dkang ba ste/ de dag la gnas shing byang chub sems dpa' rnams sangs rgyas kyi chos thams cad kyis rgyas par dgang ba mtha' dang dbus med pa'i rgyan bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub

  571. 286b

    sems dpa' rnams kyi dbang po ste/ bcu gang zhe na/ 'di ltar sangs rgyas thams cad mthong bar dad pa phyir ldog pa med pas/ byang chub sems dpa' rnams kyi dbang po ni dga' bar byed pa'o/ / sangs rgyas kyi chos thams cad mngon par 'tshang rgya bar byed pas/ byang chub sems dpa' rnams kyi dbang po mngon par mos pa'o// bya ba thams cad la thogs pa med pas/ byang chub sems dpa' rnams kyi dbang po ni phyir mi ldog pa'o// byang chu sems dpa'i spyod pa thams cad rgyun mi gcod pa'i phyir/ byang chub sems dpa' rnams kyi dbang po ni gnas pa'o/ / shes rab kyi pha rol tu phyin pa'i tshul khong du chud pa'i phyir/ byang chub sems dpa' rnams kyi dbang po ni shin tu phra ba'o// sems can thams cad kyi dgos pa yongs su grub par byed pa'i phyir/ byang chub sems dpa' rnams kyi dbang po ni rgyun mi 'chad do// chos thams cad la rab tu rno ba'i phyir/ byang chub sems dpa' rnam kyi dbang po ni rdo rje lta bu'o/ / de bzhin gshegs pa thams cad kyi yul la snang ba 'thob pa'i phyir/ byang chub sems dpa' rnams kyi dbang po ni rdo rje'i 'od 'phro ba ltar snang bar byed pa'o// de bzhin gshegs pa thams cad kyi sku dang lus gcig tu gyur pas/ byang chub sems dpa' rnams kyi dbang po ni tha mi dad pa'o// de bzhin gshegs pa'i stobs kyi rjes su zhugs

  572. 287a

    pa'i phyir/ byang chub sems dpa' rnams kyi dbang po ni chags pa med pa'i mthar phyin pa'o// kye rgyal ba'i sras bcu po de dag ni/ byang chub sems dpa' rnams kyi dbang po ste/ de dag la gnas shing byang chub sems dpa' rnams de bzhin gshegs pa'i dbang po rgya chen po yongs su rdzogs pa bla na med pa 'thob par 'gyur ba dag go kye rgyal ba'i sras bcu po 'di dag ni/ byang chub sems dpa' rnams kyi bsam pa ste/ bcu gang zhe na/ 'di ltar byang chub sems dpa' rnams kyi bsam pa 'jig rten gyi chos thams cad kyis ma gos pa dang / byang chub sems dpa' rnams kyi bsam pa nyan thos dang rang sangs rgyas thams cad kyi yid la bya ba dang ma 'dres pa dang / byang chub sems dpa' rnams kyi bsam pa sangs rgyas kyi byang chub kyi rjes su song ba dang / byang chub sems dpa' rnams kyi bsam pa thams cad mkhyen pa'i ye shes su 'byung ba'i lam dang mthun pa dang / byang chub sems dpa' rnams kyi bsam pa bdud dang / mu stegs can gzhan dang / mu stegs spyod pa'i rgol ba thams cad kyis ma 'phrogs pa dang / byang chub sems dpa' rnams kyi bsam pa de bzhin gshegs pa thams cad kyi ye shes kyi dkyil 'khor gyis rnam par dag pas kun nas nyon mongs pa med pa dang / byang chub sems dpa' rnams kyi bsam pa chos

  573. 287b

    ji skad du thos pa yongs su mi gtong bas shin tu zin par yang dag par 'dzin pa dang / byang chub sems dpa' rnams kyi bsam pa skye ba'i skye mched thams cad kyis ma gos pas yongs su nyams pa med pa dang / byang chub sems dpa' rnams kyi bsam pa ye shes phra ba la zhugs pa'i phyir zab pa dang / byang chub sems dpa' rnams kyi bsam pa sangs rgyas kyi chos thams cad la shin tu brtson pa'o/ / kye rgyal ba'i sras bcu po de dag ni/ byang chub sems dpa' rnams kyi bsam pa ste/ de dag la gnas shing byang chub sems dpa' rnams thams cad mkhyen pa'i dgongs pa bla na med pa yongs su rdzogs pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi lhag pa'i bsam pa ste/ bcu gang zhe na/ 'di ltar byang chub sems dpa' rnams kyi lhag pa'i bsam pa dge ba'i rtsa ba thams cad bsags pa la phyir mi ldog par dbang sgyur ba dang / byang chub sems dpa' rnams kyi lhag pa'i bsam pa de bzhin gshegs pa thams cad kyi dgongs pa'i tshul bstan pa la nem nur med pa dang / byang chub sems dpa' rnams kyi lhag pa'i bsam pa smon lam dang spyod pa chen po'i rgyun yongs su 'dzin pa dang / byang chub sems dpa' rnams kyi lhag pa'i bsam pa sangs rgyas kyi chos thams cad la 'jug par bya ba la phul du phyin pa dang

  574. 288a

    byang chub sems dpa' rnams kyi lhag pa'i bsam pa sangs rgyas kyi chos thams cad la dbang sgyur bas mngon sum du gyur pa dang / byang chub sems dpa' rnams kyi lhag pa'i bsam pa chos sna tshogs kyi tshul la rab tu zhugs pas rgya che ba dang / byang chub sems dpa' rnams kyi lhag pa'i bsam pa brtsams pa thams cad mthar phyin par byed pas gtso bor gyur pa dang / byang chub sems dpa' rnams kyi lhag pa'i bsam pa ting nge 'dzin dang / snyoms par 'jug pa dang / rnam par 'phrul pa'i rgyan thams cad la dbang sgyur ba dang / byang chub sems dpa' rnams kyi lhag pa'i bsam pa sngon gyi smon lam gyis yongs su gzung bas shin tu brtan pa dang / byang chub sems dpa' rnams kyi lhag pa'i bsam pa sems can thams cad yongs su smin par bya ba dang gdul ba la rgyun mi 'chad pa'o/ / kye rgyal ba'i sras bcu po de dag ni/ byang chub sems dpa' rnams kyi lhag pa'i bsam pa ste/ de dag la gnas shing byang chub sems dpa' rnams sangs rgyas thams cad kyi lhag pa'i dgongs pa bla na med pa yongs su dag pa 'thob par 'gyur ba dag go/ / / bam po brgyad cu rtsa gcig pa/ kye rgyal ba'i sras bcu po 'di dag ni/ byang chub sems dpa' rnams kyi sbyor ba ste/ bcu gang zhe na/ 'di ltar rnam par sim

  575. 288b

    pa la re ba med par bdog pa thams cad yongs su gtong bas/ byang chub sems dpa' rnams kyi sbyin pa'i sbyor ba dang / gzhan la brnyas pa med pas/ byang chub sems dpa' rnams kyi tshul khrims dang / bslab pa dang / sbyangs pa'i yon tan dang / sdom pa dang / brtul zhugs dang / dka' thub thams cad du yi dam bcas pa la nan tan byed pa'i sbyor ba dang / bdag dang pha rol gyi 'du shes med pas/ byang chub sems dpa' rnams kyi gnod sems kyi tha ba dang gshe ba thams cad rna la gzon cing / sems can gyis ngan du byas pa thams cad bzod pa'i sbyor ba dang / lus dang / ngag dang / sems yang dag par skul bas brtsams pa thams cad mthar phyin par byed pa'i phyir/ byang chub sems dpa' rnams kyi brtson 'grus brtsams pa thams cad las phyir mi ldog pa'i sbyor ba dang / 'dod pa'i 'khrug pa dang nyon mongs pa'i g.yog 'khor yongs su spong bas byang chub sems dpa' rnams kyi bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa thams cad mngon par sgrub pa'i skyo ba dang / bsod nams bsags pa thams cad la skyo ba med pas/ byang chub sems dpa' rnams kyi shes rab kyi nan tan sbyor ba dang / sems can med pa la zhugs pas

  576. 289a

    byang chub sems dpa' rnams kyi byams pa chen po'i sbyor ba dang / chos thams cad rang bzhin gyis dben pa'i phyir/ byang chub sems dpa' rnams kyi 'gro thams cad kyi sdug bsngal rang gi lus kyis len pa'i snying rje chen po las phyir mi ldog pa'i sbyor ba dang / chags pa med par khong du chud pas 'gro ba thams cad yang dag par ston pa'i phyir/ byang chub sems dpa' rnams kyi de bzhin gshegs pa'i stobs bcu rnam par 'tshang rgya ba'i sbyor ba dang / sems can gzhan gyi rgyud du phyin par byed pas/ byang chub sems dpa' rnams kyi chos kyi 'khor lo bskor ba las phyir mi ldog pa'i sbyor ba'o/ / kye rgyal ba'i sras bcu po de dag ni/ byang chub sems dpa' rnams kyi sbyor ba ste/ de dag la gnas shing byang chub sems dpa' rnams kyi de bzhin gshegs pa'i ye shes chen po'i sbyor ba bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi mos pa ste/ bcu gang zhe na/ 'di ltar bsgrub pa dka' ba'i dge ba'i rtsa ba sbyor bas rlabs po che'i mos pa dang / rgyan sna tshogs mngon par sgrub pas sna tshogs kyi mos pa dang / yid zhum pa med pas rgya chen po'i mos pa dang / chos zab mo'i tshul la zhugs pas zhi bar byed pa'i mos pa dang / sems rgya chen po skyed pas yangs pa'i mos pa dang / sangs

  577. 289b

    rgyas kyi byin gyi rlabs kyi mthu dang shugs su ldan pas rang gi skabs phye ba'i mos pa dang / bdud kyi las thams cad rab tu 'joms pas mi 'phrogs pa'i mos pa dang / las kyi rnam par smin pa la gcig tu nges pas shin tu gdon mi za ba'i mos pa dang / ci 'dod pa'i cho 'phrul yongs su ston pas mngon du gyur pa'i mos pa dang / stobs dang mi ldan pa med pa'i phyir dus gang du 'dod par byang chub tu mngon par rdzogs par 'tshang rgya bas/ sangs rgyas thams cad kyis lung bstan pa yang dag par nod pa'i mos pa'o// kye rgyal ba'i sras bcu po de dag ni/ byang chub sems dpa' rnams kyi mos pa ste/ de dag la gnas shing byang chub sems dpa' rnams de bzhin gshegs pa'i mos pa bla na med pa 'thob par 'gyur ba dag go kye rgyal ba'i sras bcu po 'di dag ni/ byang chub sems dpa' rnams kyi 'jig rten gyi khams su mos pa la 'jug pa ste/ bcu gang zhe na/ 'di ltar 'jig rten gyi khams thams cad 'jig rten gyi khams gcig tu mos pa la 'jug pa dang / 'jig rten gyi khams gcig 'jig rten gyi khams thams cad du mos pa la 'jug pa dang / 'jig rten gyi khams thams cad pad+mo'i gdan gcig la bzhugs pa'i de bzhin gshegs pa'i sras yongs su khyab par mos pa la 'jug pa dang / 'jig rten gyi khams thams cad nam

  578. 290a

    mkha'i rang bzhin du yang dag par bstan par mos pa la 'jug pa dang / 'jig rten gyi khams thams cad sangs rgyas kyi rgyan gyis brgyan par mos pa la 'jug pa dang / 'jig rten gyi khams thams cad byang chub sems dpa'i lus kyis rgyas par gang bar mos pa la 'jug pa dang / 'jig rten gyi khams thams cad skra'i sbubs gcig tu dgod par mos pa la 'jug pa dang / 'jig rten gyi khams thams cad sems can gcig gi lus kyi rgyud kyi rjes su 'brang bar mos pa la 'jug pa dang / 'jig rten gyi khams thams cad de bzhin gshegs pa gcig gi byang chub kyi shing dang / de bzhin gshegs pa gcig gi snying po byang chub kyis yongs su rgyas par gang bar mos pa la 'jug pa dang / 'jig rten gyi khams thams cad du sgra'i dbyangs gcig gis go bar bya ba dang / sems can gyi khams thams cad kyi sgra skad rnam pa tha dad pa la 'jug pas tshim par bya bar mos pa la 'jug pa'o// kye rgyal ba'i sras bcu po de dag ni/ byang chub sems dpa' rnams kyi 'jig rten gyi khams su mos pa la 'jug pa ste/ de dag la gnas shing byang chub sems dpa' rnams de bzhin gshegs pa'i sangs rgyas kyi zhing la mos pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi sems

  579. 290b

    can gyi khams su mos pa la 'jug pa ste/ bcu gang zhe na/ 'di ltar sems can gyi khams thams cad rang bzhin gyis lus med par mos pa la 'jug pa dang / sems can gyi khams thams cad sems can gcig gi lus kyi rgyud du 'dus par mos pa la 'jug pa dang / sems can gyi khams thams cad byang chub sems dpa'i khang du 'dus par mos pa la 'jug pa dang / sems can gyi khams thams cad de bzhin gshegs pa'i skur 'dus par mos pa la 'jug pa dang / sems can gyi khams thams cad sems can gcig gi lus yongs su zhugs par gyur par mos pa la 'jug pa dang / sems can gyi khams thams cad sangs rgyas kyi chos kyi snod du mos pa la 'jug pa dang / sems can gyi khams thams cad brgya byin dang / tshangs pa dang / 'jig rten gyi mgon po dang / ci 'dod pa dang / gar mos pa'i gzugs dang / kha dog dang / cha byad du mngon par blta bar mos pa la 'jug pa dang / sems can gyi khams thams cad nyan thos dang rang sangs rgyas kyi gzugs dang / kha dog dang / cha byad du yongs su bstan par mos pa la 'jug pa dang / sems can gyi khams thams cad byang chub sems dpa'i yon tan yongs su brgyan par byin gyis brlab cing / yongs su bstan par mos pa la 'jug pa dang / sems can gyi khams thams cad de bzhin gshegs pa'i sku gzugs dang / mtshan dang / dpe byad

  580. 291a

    bzang po dang / gzugs kyi sku sna tshogs kyi spyod las dang / tshul dang / spyod pa yongs su bstan cing / gzhan gyis rig par bya bar mos pa la 'jug pa'o// kye rgyal ba'i sras bcu po de dag ni/ byang chub sems dpa' rnams kyi sems can gyi khams su mos pa la 'jug pa ste/ de dag la gnas shing byang chub sems dpa' rnams de bzhin gshegs pa'i dgyes pa dang / khyu mchog gi mthu byung ba bla na med pa 'thob par 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi bag chags te/ bcu gang zhe na/ 'di ltar byang chub kyi sems kyi bag chags dang / dge ba'i rtsa ba'i bag chags dang / sems can yongs su smin par bya'i bag chags dang / sangs rgyas lta ba'i bag chags dang / 'jig rten gyi khams yongs su dag par skye ba'i bag chags dang / spyod pa'i bag chags dang / smon lam gyi bag chags dang / pha rol tu phyin pa'i bag chags dang / chos mnyam pa nyid nges par rtogs pa'i bag chags dang / spyod pa rnam pa tho dad pa'i bag chags so// kye rgyal ba'i sras bcu po de dag ni/ byang chub sems dpa' rnams kyi bag chags te/ de dag la gnas shing byang chub sems dpa' rnams nyon mongs pa'i bag chags ma lus par spangs nas/ de bzhin gshegs pa'i ye shes

  581. 291b

    chen pos bag chags thugs su chudadra pa bla na med pa 'thob par 'gyur ba dag ro/ / kye rgyal ba'i sras bcu po 'di dag ni/ byang chub sems dpa' rnams kyi nye bar len pa ste/ nye bar len pa de dag gis byang chub sems dpa'i spyod pa rgyun mi gcod pa'o// bcu gang zhe na/ 'di ltar yongs su smin pa'i mthar phyin par bya ba'i phyir/ sems can gyi khams nye bar len pa dang / lhag ma med par yongs su dag par bya ba'i phyir/ 'jig rten gyi khams nye bar len pa dang / byang chub sems dpa'i spyod pas mnyes par bya ba'i phyir/ de bzhin gshegs pa nye bar len pa dang / mtshan dang / dpe byad bzang po dang / sangs rgyas kyi yon tan yang dag par bsdu ba'i phyir/ dge ba'i rtsa ba nye bar len pa dang / sems can thams cad kyi sdug bsngal gyi phung po nye bar blangs te rab tu zhi bar bya ba'i phyir/ snying rje chen po nye bar len pa dang / sems can thams cad thams cad mkhyen pa'i bde ba la rab tu dgod pa'i phyir/ byams pa chen po nye bar len pa dang / byang chub sems dpa'i rgyan yang dag par bsdu ba'i phyir/ pha rol tu phyin pa nye bar len pa dang / sgo thams cad yongs su bstan pa'i phyir/ thabs mkhas pa nye bar len pa dang / chags pa med pa'i ye shes kyi phyir/ byang chub nye bar len pa dang / mdor na thams cad mngon sum du shes pas mngon par shes par bya ba'i

  582. 292a

    phyir/ byang chub sems dpa' chos thams cad nye bar len pa'o// kye rgyal ba'i sras bcu po de dag ni/ byang chub sems dpa' rnams kyi nye bar len pa ste/ nye bar len pa de dag gis byang chub sems dpa'i spyod pa rgyun mi gcod cing / de bzhin gshegs pa thams cad kyi nye bar len pa med pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi nan tan te/ bcu gang zhe na/ 'di ltar pha rol tu phyin pa'i nan tan dang / bslab pa'i nan tan dang ye shes kyi nan tan dang / don gyi nan tan dang / chos kyi nan tan dang / mngon par bsgrub pa'i nan tan dang / yang dag par bstan pa'i nan tan dang / spyod pas mi skyo ba'i nan tan dang / mngon par rdzogs par byang chub par bya ba'i nan tan dang / chos kyi 'khor lo bskor ba'i nan tan no// kye rgyal ba'i sras bcu po de dag ni/ byang chub sems dpa' rnams kyi nan tan te/ de dag la gnas shing byang chub sems dpa' rnams chos thams cad kyi nan tan bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi 'grub pa ste/ bcu gang zhe na/ 'di ltar dge ba'i bshes gnyen la sems pa ni/ sangs rgyas kyi chos rnams 'grub pa'o// de bzhin gshegs pa'i bka' la mngon

  583. 292b

    par yid ches pa ni sangs rgyas kyi chos rnams 'grub pa'o/ / dam pa'i chos la mi spong ba ni/ sangs rgyas kyi chos rnams 'grub pa'o// tshad med pa'i sems kyis sangs rgyas su dge ba'i rtsa ba yongs su bsngo ba mi zad pa ni/ sangs rgyas kyi chos rnams 'grub pa'o// de bzhin gshegs pa'i yul sa mtshams meng bar yid ches pa ni/ sangs rgyas kyi chos rnams 'grub pa'o/ / 'jig rten gyi khams kyi yul la 'jug pa ni/ sangs rgyas kyi chos rnams 'grub pa'o// chos kyi dbyings kyi yul las mi g.yo ba ni/ sangs rgyas kyi chos rnams 'grub pa'o/ / bdud kyi yul las gyen du spags pa ni/ sangs rgyas kyi chos rnams 'grub pa'o// sangs rgyas thams cad kyi yul rjes su dran pa ni/ sangs rgyas kyi chos rnams 'grub pa'o/ / de bzhin gshegs pa'i stobs bcu'i yul la mngon par mos pa ni/ sangs rgyas kyi chos rnams 'grub pa'o// kye rgyal ba'i sras bcu po de dag ni byang chub sems dpa' rnams kyi 'grub pa ste/ de dag la gnas shing byang chub sems dpa' rnams de bzhin gshegs pa'i ye shes chen po 'grub pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi sangs rgyas kyi chos las 'gol ba'i lam ste/ de dag ni byang chub sems dpas

  584. 293a

    yongs su spang bar bya ba dag go/ / bcu gang zhe na/ 'di ltar dge ba'i bshes gnyen la brnyas pa ni sangs rgyas kyi chos las 'gol ba'i lam mo// 'khor gyi sdug bsngal gyis 'jigs pa ni sangs rgyas kyi chos las 'gol ba'i lam mo/ / byang chub sems dpa'i spyod pas skyo ba ni sangs rgyas kyi chos las 'akol ba'i lam mo// 'jig rten gyi khams na gnas pas yongs su skyo ba ni sangs rgyas kyi chos las 'gol ba'i lam mo/ / mnyam par gzhag pa la gnas su byed pa ni sangs rgyas kyi chos las 'gol ba'i lam mo// dge ba'i rtsa ba la chags shing zhen pa ni sangs rgyas kyi chos las 'gol ba'i lam mo/ / dam pa'i chos spong ba ni sangs rgyas kyi chos las 'gol ba'i lam mo// byang chub sems dpa'i spyod pa las dpa' bas 'byed pa ni sangs rgyas kyi chos las 'gol ba'i lam mo/ / nyan thos dang rang sangs rgyas su 'dod pa ni sangs rgyas kyi chos las 'gol ba'i lam mo// byang chub sems dpa' la zhe sdang zhing khong khro ba ni sangs rgyas kyi chos las 'gol ba'i lam mo/ / kye rgyal ba'i sras bcu po de dag ni/ byang chub sems dpa' rnams kyi sangs rgyas kyi chos las 'gol ba'i lam rnams te/ de dag ni byang chub sems dpas yongs su spang bar bya'o/ / de dag yongs su spangs nas de'i 'og tu byang chub sems dpa' rnams byang chub sems dpa'i skyon meng pa nyid du 'da' bar 'gyur ba dag go

  585. 293b

    kye rgyal ba'i sras bcu po 'di dag ni/ byang chub sems dpa' rnams kyi skyon med pa ste/ bcu gang zhe na/ 'di ltar shes rab kyi pha rol tu phyin pa'ang mngon par sgrub la/ sems can thams cad la'ang rnam par lta ba dang / lta ba'i rnam pa thams cad dang yang bral la lta ba'i bcing bas grags pa thams cad kyang rab tu 'brel pa dang / mtshan ma thams cad kyang yid la mi byed la/ mtshan ma la mngon par dga' ba'i sems can thams cad kyang mi 'dor ba dang / khams gsum pa thams cad las yang dag par 'das te/ 'jig rten gyi khams kyi gnas thams cad na gnas pa dang / nyon mongs pa rnams kyang rnam par bzlog la/ sems can rnams dang phrad cing 'grogs pa dang / chos rnams las kyang 'dod chags dang bral la sems can thams cad la'ang snying rje chen pos byams pa dang / dngos po thams cad kyis kyang dben la/ 'khor thams cad kyang yongs su ston pa dang / 'jig rten gyi khams las kyang gyen du 'phags la/ skye zhing shi 'pho ba'i spyod pa'ang mngon par sgrub pa dang / 'jig rten gyi chos thams cad kyis kyang ma gos la/ 'jig rten gyi bya ba thams cad la'ang thogs pa med pa dang / sangs rgyas kyi byang chub kyang mngon du gyur la/ spyod pa dang sman lam chen po'i nyi ma'ang rgyun mi gcod pa'o// kye rgyal ba'i sras bcu po de dag ni

  586. 294a

    byang chub sems dpa' rnams kyi skyon med pa 'phags pa 'jig rten las 'das pa dang / 'gro ba thams cad dang thun mong ma yin pa/ nyan thos dang rang sangs rgyas thams cad dang ma 'dres pa ste/ skyon med pa de dag la gnas shing / byang chub sems dpa' rnams byang chub sems dpa'i chos nges pa rnams 'thob par 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi byang chub sems ngaba'i chos nges pa 'thob pa ste/ bcu gang zhe na/ 'di ltar de bzhin gshegs pa'i rigs su skyes pa yin/ sangs rgyas kyi yul la gnas pa yin/ byang chub sems dpa'i las la zhugs pa yin/ pha rol tu phyin pa la nan tan byed pa yin/ sangs rgyas kyi rgyud nas byung ba yin/ de bzhin gshegs pa'i gdung las skyes pa yin/ sangs rgyas kyi stobs la gnas pa yin/ de bzhin gshegs pa'i byang chub tu rjes su song ba yin/ sangs rgyas thams cad der sku dang rang bzhin gcig pa yin/ de bzhin gshegs pa thams cad kyi rnam par spyod pa dang mi gnyis pa yin te/ kye rgyal ba'i sras bcu po de dag ni/ byang chub sems dpa' rnams kyi byang chub sems dpa'i chos nges pa 'thob pa ste/ de dag ni skyon med pa la gnas pa'i byang chub sems dpa' rnams kyis 'thob pa dag go// kye rgyal ba'i

  587. 294b

    sras bcu po 'di dag ni/ byang chub sems dpa' rnams kyi sangs rgyas kyi chos la 'byung ba'i lam ste/ bcu gang zhe na/ 'di ltar dge ba'i bshes gnyen rnams dang rgyud kyi tshul gcig tu 'gyur ba dang / dge ba'i rtsa ba thun mong du mos pa ni sangs rgyas kyi chos la 'byung ba'i lam mo// de bzhin gshegs pa thams cad kyi rnam par 'phrul pa dang tshul mthun zhing smon lam chen po la dbugs phyin pa thob pa ni sangs rgyas kyi chos la 'byung ba'i lam mo/ / sems rgya chen pos rang gi dge ba'i rtsa ba'i go 'byed pa ni sangs rgyas kyi chos la 'byung ba'i lam mo// las ji ltar byas pa chud mi za bas bskal pa bgrangs pa thams cad du mi skyo ba ni sangs rgyas kyi chos la 'byung ba'i lam mo// phyi ma'i mtha'i mur thug pa thams cad du yongs su 'dzin bas/ 'jig rten gyi khams grangs med par gnas par bya ba ni sangs rgyas kyi chos la 'byung ba'i lam mo// sems can gyi khams thams cad yongs su smin par bya ba la mkhas pas/ byang chub sems dpa'i spyod pa rgyun mi gcod pa ni sangs rgyas kyi chos la 'byung ba'i lam mo// snying rje chen po bskyed de sems tshad med par byed pa ni sangs rgyas kyi chos la 'byung ba'i lam mo// nam mkha'i dbyings thams cad sems bskyed pa gcig gis rgyas par dgang bas/ spod pa rang smon lam chen po'i khyad par la 'jug pa ni sangs rgyas kyi chos la 'byung ba'i lam mo//

  588. 295a

    sngon mngon par bsgrubs pa chud mi za bas/ de bzhin gshegs pa'i rigs yang dag par 'dzin pa ni sangs rgyas kyi chos la 'byung ba'i las so// 'gro ba thams cad la byang chub kyi sems yongs su ston cing / byang chub tu sems skyes pa rnams kyi dge ba'i rtsa ba thams cad nye bar ston pa ni sangs rgyas kyi chos la 'byung ba'i lam mo// kye rgyal ba'i sras bcu po de dag ni/ byang chub sems dpa' rnams kyi sangs rgyas kyi chos la 'byung ba'i lam ste/ de dag gis byung ba'i byang chub sems dpa' rnams skyes bu dam pa'i ming bcu 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi skyes bu dam pa'i ming 'thob pa ste/ bcu gang zhe na/ 'di ltar byang chub kyi ye shes kyi lus dang ldan pas/ byang chub sems dpa' zhes bya ba yin/ theg pa chen po la rab tu gnas pa'i phyir sems dpa' chen po zhes bya ba yin/ chos kyi dam pa mngon par rtogs pas dam pa'i sems dpa' zhes bya ba yin/ mchog gi chos mngon par 'tshang rgya bas mchog gi sems dpa' zhes bya ba yin/ ye shes kyi khyad par rab dang ldan pas rab kyi sems dpa' zhes bya ba yin/ phul du brtson 'grus rtsom pas phul gyi sems dpa' zhes bya ba yin/ gong na med pa'i chos yang dag par ston pas bla na med pa'i sems dpa' zhes bya ba

  589. 295b

    yin/ stobs bcu'i ye shes yangs pa dang ldan pas stobs kyi sems dpa' zhes bya ba yin/ 'gro ba thams cad na de pe med pas mi mnyam mi 'dra ba'i sems dpa' zhes bya ba yin/ nam 'dod pa'i sems kyi skad cig la byang chub tu mngon par 'tshang rgyabs bsam gyis mi khyab pa'i sems dpa' zhes bya ba yin/ kye rgyal ba'i sras bcu po de dag ni/ byang chub sems dpa' rnams kyi skyes bu dam pa'i ming thob pa rnams so/ / kye rgyal ba'i sras bcu po 'di dag ni/ byang chub sems dpa' rnams kyi lam ste/ bcu gang zhe na/ 'di ltar gcig pu grogs med par byang chub kyi sems mi gtong bas/ byang chub sems dpa' rnams kyi lam gcig la rten pa dang / thabs dang shes rab kyis mngon par sgrub pas/ byang chub sems dpa' rnams kyi lam yan lag gnyis pa dang / stong pa nyid kyi sbyor ba dang / mtshan ma med pa'i mtha'i rtse mor phyin pa dang / smon pa med pa'i phyir khams gsum dang mi 'dre bas byang chub sems dpa'i lam rnam pa gsum pa dang / nyes pa bshags pa'i tshul dang / bsod nams thams cad la rjes su yi rang ba dang / de bzhin gshegs pa la gsol ba gdab pa'i rim gro rgyun mi gcod pa dang / yongs su bsngo ba la mkhas pas shin tu bsngo ba'i phyir/ byang chub sems dpa'i lam spyod pa bzhis smon pa dang / dad pa'i rtsa ba tshugs te shin

  590. 296a

    tu brtan pa dang / brtson 'grus chen po las phyir mi ldog pa dang / dran pa rtse gcig pa dang / ting nge 'dzin gyi tshul ma 'khrugs pa dang / rab tu rtogs pa'i shes rab kyi spyod yul la mkhas pas/ byang chub sems dpa' rnams kyi lam dbang po lngas rnam par spel ba dang / 'di lta ste/ lha'i mig gis 'jig rten gyi khams thams cad kyi gzugs kyi rnam pa thams cad dang / sems can gyi shi 'pho dang skye ba thams cad yongs su mthong ba'i rang bzhin dang ldan pa dang / lha'i rna bas de bzhin gshegs pa thams cad kyi chos bstan pa mnyan cing dran par bya ba dang / yongs su gzung bar bya bas sems can pha rol gyi dbang po la yang dag par phyin par byed pa dang / bdag gi sems chags pa med pas pha rol gyi sems shes pas mthong ba la dbang sgyur ba mngon par bsgrubs pa dang / sngon gyi gnas rjes su dran pas bskal pa bgrangs pa thams cad rjes su dran zhing / dge ba'i rtsa ba rnam par 'phel bar byed pa dang rdzu 'phrul dang rnam par 'phrul pa chen po bsgrubs pas/ sems can ji ltar 'dul ba bzhin du cho 'phrul sna tshogs yongs su ston cing / sems can thams cad la chos rjod pa dang / zag pa zad pa'i ye shes dang ldan pas yang dag pa'i mtha' mngon sum du mthong zhing byang chub sems dpa'i spyod pa bsgrub pa rgyun mi gcod pas/ byang chub sems dpa' rnams kyi lam mngon

  591. 296b

    par shes pa drug gis rnam par 'phrul pa dang / 'di lta ste/ sems can gyi gtso bo mtha' yas pa thams cad skra'i rtse mo gcig la bzhugs par mthong ste yang dag par gzung zhing / sems can gzhan gyi bsam pas rnam par rig par bya ba la 'jug pas/ sangs rgyas rjes su dran pa dang / de bzhin gshegs pa gcig gi 'khor gyi dkyil 'khor nas ma g.yos par de bzhin gshegs pa thams cad kyi 'khor gyi dkyil 'khor du mngon du zhal nas chos bstan pa bsgrags pa mi zad pas 'gro ba thams cad kyi bsam pa dang dbang po ji lta ba bzhin du rnam par rig par bya/ ba la 'jug pas/ chos rjes su dran pa dang / phyir mi ldog pa'i byang chub sems dpa'i tshogs mthong ba dang mi 'bral zhing / 'gro ba thams cad la byang chub sems dpa'i lus yongs su ston pas/ dge 'dun rjes su dran pa dang / byang chub sems dpa' thams cad kyi sbyin pa yongs su gtong ba la yang dag par gzhol zhing / gtong ba chen pos rnam par spel ba'i yid la byed pas/ gtong ba rjes su dran pa dang / byang chub kyi sems dang mi 'bral bas dge ba'i rtsa ba thams cad 'gro ba thams cad la stobs pas/ tshul khrims rjes su dran pa dang / dka' ldan gyi pho brang gi mchog na byang chub sems dpa' tshe gcig gis thogs pa bzhugs pa rjes su dran pas/ lha rjes su dran pa dang / thabs kyis

  592. 297a

    shes chen pos 'gro ba thams cad yongs su smin par bya ba dang gdul ba rgyun mi 'chad pa la zhugs te/ sems can rjes su dran pa'i phyir dge 'dun rjes su dram pas/ byang chub sems dpa'i lam rjes su dran pa bdun gyis mngon par bsgrubs pa dang / 'di lta ste/ log par lta ba thams cad yongs su spangs pas/ yang dag pa'i lta ba'i lam du byung ba dang / rtog pa dang / rnam par rtog pa dang / yongs su rtog pa dang bral bas thams cad mkhyen pa nyid dang mthun zhing don yod la/ yid la bya ba med pas byung ba dang / ngag gi nyes pa bzhi dang bral bas/ 'phags pa dang mthun zhing yang dag pa'i ngag rab tu brjod pa dang / lus kyi las thams cad sems can nye bar 'tsho bas/ 'gro ba thams cad thogs pa med par yongs su smin par byed cing 'dul bas mngon par bsgrubs pa dang / 'phags pa'i rigs la rab tu gnas shing / sbyangs pa'i yon tan gyi sdom pa/ byang chub kyi lam dang ldan pa'i spyod lam dang / spyod pa dang / tshul la rab tu gnas shing / thams cad du kha na ma tho ba med pas yang dag pa'i 'tsho ba dang / byang chub sems dpa' thams cad kyi brtul zhugs dang / dka' thub kyis kun nas gdungs pa dang / yongs su gdungs pa yang dag par ston cing / de bzhin gshegs pa'i stobs bcu'i rang bzhin thogs pa med pa dang ldan pa'i phyir yang dag pa'i rtsol ba dang /

  593. 297b

    sgra thams cad 'dzin cing dran pa 'jig rten gyi rnam par 'khrug pa thams cad kyis bar du mi ched pa'i phyir yang dag pa'i dran pa dang / byang chub sems dpa'i rnam par thar pa bsam gyis mi khyab pa'i ting nge 'dzin gcig gis ting nge 'dzin thams cad mngon par bsgrub pa la mkhas pa'i phyir/ yang dag pa'i ting nge 'dzin dang ldan pas/ byang chub sems dpa' rnams kyi lam ni/ 'phags pa'i lam yan lag brgyad dang ldan zhing byang chub dang mthun par gyur pa dang / 'di lta ste/ 'dod pa dang / gnod sems dang / 'tshe ba med pa dang / ngag gi las thams cad kyis ma bsgrubs par chos ston pa'i tshul dang ldan pas/ rnam par rtog pa dang rnam par dpyod pa gsal ba dang / thams cad mkhyen pa'i ye shes la sems can yongs su smin par bya ba'i bsam pa yongs su mi gtong zhing dga' bzed zeng po dang bral ba dang / de bzhin gshegs pa thams cad mthong bas dga' ba'i yid bde ba'ang rgyun mi 'chad cing / 'jig rten gyi bde ba dang / sdug bsngal dang bral bas/ 'phags pa 'jig rten las 'das pa'i byang chub sems dpa'i lam dang mthun pa dang / gzugs med pa'i snyoms par 'jug pas mngon par bsgrubs pa dang / 'dod pa'i khams dang gzugs kyi khams su skyes pa las ma g.yos par 'du shes dang / tshor ba thams cad 'gog pa'i snyoms par 'jug pas mngon par

  594. 298a

    bsgrubs shing / byang chub sems dpa'i spyod pa bsgrub pa rgyun mi gcod pas/ byang chub sems dpa' rnams kyi lam mthar gyis spyod cing snyoms par 'jug pa dgus mngon par bsgrubs pa dang / 'di lta ste/ gnas dang gnas ma yin pa la mkhas pa'i ye shes dang ldan pa dang / 'gro ba thams cad kyi 'das pa dang / ma 'ongs pa dang / da ltar byung ba'i las dang / rgyu dang / rnam par smin pa yongs su len pa shin tu rtogs pa dang / dbang po ji lta ba bzhin du chos ston cing go bar byed pas sems can gyi khams thams cad kyi dbang po rab dang tha ma shes pa'i ye shes kyis shin tu brtags pa dang / khams tha dad pa dang khams du ma la mkhas pa dang ldan pa dang / rab dang / tha ma dang / 'bring la mos pa rab tu rtogs pa'i chos kyi tshul la zhugs pa dang / 'gro ba thams cad dang / zhing dang / dus dang / bskal pa thams cad byang chub sems dpa'i lus dang / gzugs kyis rgyas par dgang zhing / de bzhin gshegs pa'i tshul yongs su bstan pas/ byang chub sems dpa' spyod pa bsgrub pa yongs su mi gtong ba dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba thams cad las rnam par ldang ba dus la bab pa dang /

  595. 298b

    dus lam bab pa rtogs pa'i ye shes kyi tshul gyis mngon par bsgrubs pa'i byang chub sems dpa'i rnam par thar pa la rab tu gnas pa dang / sems can thams cad kyi skye ba dang / shi 'pho ba dang / lam gyi rgyud dang / 'pho ba tha dad pa'i gnas la mkhas pa dang ldan pa dang / dus gsum gyi bskal pa bgrangs pa thams cad skad cig gcig tu gzung pa rtogs pa'i ye shes snang bas mngon par bsgrubs pa dang / 'gro ba thams cad kyi nyon mongs pa dang / bag chags dang / bsam pa dang / bag la nyal ba byang ba thob pa'i ye shes kyi tshul gyis mngon par bsgrubs pa'i byang chub sems dpa'i spyod pa bsgrub pa mi gtong bas/ byang chub sems dpa' rnams kyi lam ni de bzhin gshegs pa'i stobs bcu rab tu rtogs pa la yang dag par btang ba'o/ / kye rgyal ba'i sras bcu po de dag ni/ byang chub sems dpa' rnams kyi lam ste/ de dag la gnas shing byang chub sems dpa' rnams de bzhin gshegs pa thams cad kyi lam la mkhas pa bla na med pa 'thob par 'gyur ba dag go/ kye rgyal ba'i sras gzhan yang byang chub sems dpa' rnams kyi lam ni tshad med pa'o// lam gyi tshogs ni tshad med pa'o/ / lam bsgom pa ni tshad med pa'o// lam gyi rgyan ni tshad med pa'o// de ci'i phyir zhe na/ kye rgyal ba'i sras de la bcu po 'di

  596. 299a

    dag na/ byang chub sems dpa' rnams kyi la mtshad med pa ste/ bcu gang zhe na/ 'di ltar nam mkha'i dbyings tshad med pa dang / mtha' dang dbus med pa'i chos kyi dbyings tshad med pa dang / mi zad pa'i sems can gyi khams tshad med pa dang / mu med pa'i 'jig rten gyi khams tshad med pa dang / mi zad pa'i bskal pa bgrangs pa tshad med pa dang / 'gro ba thams cad kyi tha snyad mtha' yas shing tshad med pa dang / de bzhin gshegs pa'i sku tshad med pa dang / de bzhin gshegs pa'i gsung gi dbyangs tshad med pa dang de bzhin gshegs pa'i stobs tshad med pa dang / thams cad mkhyen pa'i ye shes tshad med pa ste/ kye rgyal ba'i sras bcu po de dag ni/ byang chub sems dpa' rnams kyi lam tshang med pa rnams so/ / kye rgyal ba'i sras de ci'i phyir zhe na/ nam mkha'i dbyings ji tsam du tshad med pa de tsam du tshad med par byang chub sems dpa'i lam gyi tshogs yongs su bsdu bar bya'o/ / ji ltar chos kyi dbyings mtha' dang dbus med pa de ltar mtha' dang dbus med par byang chub sems dpas lam gyi tshogs yongs su bsdu bar bya'o// ji ltar sems can gyi khams mi zad pa de ltar mi zad par byang chub sems dpas lam gyi tshogs yongs su bsdu bar bya'o/ / ji ltar 'jig rten gyi khams mu med pa de ltar mu med par byang chub sems

  597. 299b

    dpas las gyi tshogs yongs su bsdu bar bya'o/ / ji ltar bskal pa grangs su bgrang zhing bstan pa mi zad pa de ltar 'gro ba thams cad du mi zad par bya chub sems dpas lam gyi tsho gas yongs su bsdu bar bya'o/ / ji ltar 'gro ba thams cad kyi tha snyad mtha' yas pa de ltar 'gro ba thams cad kyi sgra dang tha snyad la 'jug pa'i ye shes kyis mngon par bsgrubs pa mtha' yas par byang chub sems dpas lam gyi tshogs yongs su bsdu bar bya'o/ / ji ltar de bzhin gshegs pa'i sku tshad med pa de ltar 'gro ba dang / zhing dang / dus dang / sems can dang / bskal pa thams cad du rgyas par 'gengs shing / tshad med par byang chub sems dpas lam gyi tshogs yongs su bsdu bar bya'o// ji ltar sangs rgyas kyi gsung gi dbyangs tshad med pa de ltar byang chub sems dpas tshig gi lam gcig brjod pas chos kyi dbyings ma lus pa thams cad du rgyas par khyab cing / sems can gyi khams thams cad go bar byed pa'i lam gyi tshogs yongs su bsdu bar bya'o/ / ji ltar de bzhin gshegs pa'i stobs tshad med pa de ltar de bzhin gshegs pa'i stobs kyis brtan pa'i byang chub sems dpas lam gyi tshogs yongs su bsdu bar bya'o/ / ji ltar thams cad mkhyen pa'i ye shes tshad med pa de ltar tshad med par byas te/ byang chub sems dpas lam gyi tshogs yongs su bsdu bar bya'o//

  598. 300a

    kye rgyal ba'i sras bcu po de dag ni/ byang chub sems dpa' rnams kyi lam gyi tshogs te/ de dag la gnas shing byang chub sems dpa' rnams de bzhin gshegs pa'i ye shes mtha' dang dbus med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi lam bsgom pa ste/ bcu gang zhe na/ 'di ltar lus dang / ngag dang / sems kyi mi longs pa med pas/ blang ba med pa dang / dor ba med pa bsgom pa dang / yang dag par ji lta ba bzhin du 'jug pa'i ye shes dang ldan pas/ bsnan pa med pa dang / dbri ba med pa dang / bsgom pa dang / rang bzhin gyis 'jug pa med pas/ bsgom pa med pa dang / rnam par bsgom pa med pa bsgom pa dang / mngon par zhen pa thams cad dang bral bas/ sgyu ma dang / rmi lam dang / mig yor dang / sgra brnyan dang / gzugs brnyan dang / smig rgyu dang / chu'i zla ba lta bur bsgom pa dang / khams gsum pa'i bsod nams blta bas bsags pa bsal ba'i phyir/ stong pa nyid dang / mtshan ma med pa dang / smon pa med pa dang / mngon par 'du bya ba med pa bsgom pa dang / chos su gdags pa rnam par dgod pa dang bral bas brjod med pa dang / bsam dmed pa dang / smos pa med

  599. 300b

    bshad du med pa bsgom pa dang / ches thams cad la zhugs pa'i ya shes mngon sum dang ldan pas/ chos kyi dbyings tha ma dad pa bsgom pa dang / de kho na nyid dang / de bzhin nyid nam mkha'i mtha' dang mnyam pa khong du chud pas/ de bzhin nyid dang / yang dag pa'i mtha' ma nyams par bsgom pa dang / mngon par 'du byed pa'i stobs rgyun mi 'chad pa'i phyi ri/ byang chub sems dpa'i ye shes yangs pa bsgom pa dang / chos thams cad mngon sum du gyur te the tsom med pas/ de bzhin gshegs pa'i stobs bcu dang / mi bsnyengs pa bzhi dang / tha dad pa yang dag par mkhyen pa dang / thams cad mkhyen pa'i ye shes mtshungs pa med pa bsgom pa'o// kye rgyal ba'i sras bcu po de dag ni/ byang chub sems dpa' rnams kyi lam bsgom pa ste/ de dag la gnas shing byang chub sems dpa' rnams thams cad mkhyen pa'i ye shes bsgom pa la mkhas pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi lam gyi rgyan te/ bcu gang zhe na/ kye rgyal ba'i sras 'di la byang chub sems dpa' 'dod pa'i khams nas kyang mi g.yol/ gzugs dang / gzugs med pa la spyod pa'i bsam gtan dang / rnam par thar pa dang / ting nge 'dzin dang / snyoms

  600. 301a

    par 'jug pa la snyoms par 'jug kyang / de dag gi dbang gis mi skye ba 'di ni lam gyi rgyan dang po'o// kye rgyal ba'i sras gzhan yang byang chub sems dpa' nyan thos kyi lam mngon sum du gyur pa'i ye shes la zhugs kyang / lam des 'byung ba'ang ma yin pa 'di ni lam gyi rgyan gnyis pa'o// kye rgyal ba'i sras gzhan yang byang chub sems dpa' rang sangs rgyas kyi lam la mngon sum du gyur pa'i ye shes snang ba la mkhas kyang / snying rje chen po'i stobs rgyun mi gcod pa 'di ni lam gyi rgyan gsum pa'o// kye rgyal ba'i sras gzhan yang byang chub sems dpa' g.yog 'khor mang po dang ldan zhing / g.yog 'khor lha dang mi rnam par dag pa dang ldan zhing / lha'i bu mo brgya stong gis rol mo brdung ba dang / bkrol ba'i sgra phyung ste brjod pa la spyod kyang / byang chub sems dpa'i lam dang ldan pa'i bsam gtan dang / rnam par thar pa dang / ting nge 'dzin dang / snyoms par 'jug pa mi 'dor ba 'di ni lam gyi rgyan bzhi pa'o/ / kye rgyal ba'i sras gzhan yang byang chub sems dpa' 'gro ba thams cad kyi rtse dga' la dga' dkod pa dang / sems can dang 'dres shing 'bur ldog pa byed kyang / sems kyi skad cig gcig la'ang byang chub sems dpa'i ting nge 'dzin mnyam pa nyid mi 'dor ba 'di ni lam gyi rgyan lnga pa'o// kye rgyal ba'i sras gzhan yang

  601. 301b

    byang chub sems dpa' 'jig rten gyi chos thams cad dang ma 'dres shing 'jig rten gyi pha rol tu phyin pa yin yang / sems can bsgral ba'i phyir pha rol tu mi 'gro ba'i lam yang mi gtong ba 'di ni lam gyi rgyan drug pa'o/ / kye rgyal ba'i sras gzhan yang byang chub sems dpa' yang dag pa ji lta ba bzhin gyi ye shes snang ba la zhugs pa'i lam la gnas kyang lam ngan par zhugs pa'i sems can phyir zlog pa'i phyir lam ma yin pa dang / lam ngan pa'ang gnon la/ lam des 'khor ba 'dzin pa'ang ma yin te/ des dag par yang mi sems pa 'di ni lam gyi rgyan bdun pa'o// / kye rgyal ba'i sras gzhan yang byang chub sems dpa' rtag tu tshul khrims legs par bsrungs pa dang ldan zhing / de bzhin gshegs pa'i tshul khrims rnam par dag pa la rten pas/ lus dang / ngag dang / yid kyis las kyi mtha' kha na ma tho ba med pa dang ldan yang / tshul khrims ngan pa dang ldan pa'i sems can yongs su smin par bya ba'i phyir/ so so'i skye bo tha mal pa'i spyod pa thams cad ston cing / byang chub sems dpa'i lam la brten pas bsod nams kyi tshogs rnam par dag pa thams cad yongs su rdzogs pa yin yang / sems can dmyal ba dang / byol song gi skye gnas dang / gshin rje'i 'jig rten dang / mi khom pa dang / dbul bar skyes pa'i lam du zhugs pa'i sems can thams cad rnam par bzlog pa'i

  602. 302a

    phyir/ de dag gi lam du skyes pa'ang ston la/ lam de dag la yang dag par gzhol ba'ang ma yin pa 'di ni lam gyi rgyun brgyad pa'o// kye rgyal ba'i sras gzhan yang byang chub sems dpa' sangs rgyas kyi chos thams cad la gzhan gyi dring mi 'jog cing thogs pa med pa'i spobs pa thob pa/ sangs rgyas kyi chos thams cad la ye shes snang bas rnam par lta ba/ bzhin gshegs pa thams cad kyi byin gyis brlabs pa/ sangs rgyas thams cad kyis chos kyi sku dang lus gcig tu gyur pa/ sems can thams cad kyi chos kyi snying po'i tshul can dgongs pa'i snang ba khong du chud pa/ theg pa thams cad kyi mnyam pa nyid la rab tu gnas pa/ sangs rgyas thams cad kyi spyod yul la mngon par mos pa/ 'gro ba thams cad kyi yid du 'ong ba sems can gyi khams thams cad kyis ngor blta ba/ 'gro ba thams cad kyi slob dpon du bya ba yin yang / chos yongs su btsal bar bya ba rgyun mi gcod cing / ngo mtshar gyis yongs su zin par snang bas/ sri zhu'i las thams cad la gnas te/ mkhan po dang slob dpon du ston kyang / de nyid 'gro ba thams cad kyi slob dpon du gyur pa yin te/ de ci'i phyir zhe na/ byang chub sems dpa' rnams ni thabs mkhas pa dang ldan par byang chub sems dpa'i lam la shin tu gnas pa yin pas/ de dag ni thabs gang dang gang gis sems can rnams

  603. 302b

    'dul bar 'gyur ba de dang de'i thabs sems can rnams la yongs su ston te/ 'di ni lam gyi rgyan dgu pa'o// kye rgyal ba'i sras gzhan yang byang chub sems dpa' dge ba'i rtsa ba thams cad yongs su 'dus shing / byang chub sems dpa'i spyod pa dang rdzu 'phrul thams cad thob pa/ de bzhin gshegs pa thams cad kyis dbang bskur bas mngon par dbang bskur ba/ chos thams cad la dbang ba'i dbang phyug gi pha rol tu phyin pa'i mchog thob pa/ chags pa med cing dri ma med pa'i thabs dang ldan pa/ 'jig rten gyi khams thams cad du thogs pa med par de bzhin gshegs pa'i sku yang dag par ston pa/ chos kyi 'khor lo thogs pa med par bskor ba'i byin gyi rlabs dang ldan pa/ 'jig rten gyi khams thams cad du khyab pa'i lus dang gzugs bdog pa/ chos thams cad kyi dbang phyug gi pha rol tu phyin pa dam pa dang ldan pa/ byang chub sems dpa'i dbang thams cad rab tu thob pa/ 'gro ba thams cad kyi zhing du/ skye ba yongs su ston pa la mkhas pa/ 'das pa dang / ma 'ongs pa dang / da ltar byung ba'i de bzhin gshegs pa thams cad dang yul gcig tu gyur pa'ang yin la/ byang chub sems dpa'i spyod pa'ang rgyun mi gcod cing / byang chub sems dpa'i chos nyid kyang rnam par mi spong / byang chub sems dpa'i lam las kyang rnam par mi ldog/ byang chub sems

  604. 303a

    dpa'i lam las kyang phyir mi ldog/ byang chub sems dpa'i spyod pa'ang rgyun mi gcod/ byang chub sems dpa'i nye bar len pa'ang 'chad par mi byed/ byang chub sems dpa'i thabs mkhas pa las kyang phyir mi ldog/ byang chub sems dpa'i bya ba'ang thogs par mi byed/ byang chub sems dpa'i mngon par 'du byed pa'i stobs kyis kyang yongs su skyo ba med cing / byang chub sems dpa'i spyod pa'i byin gyi rlabs las kyang ring du 'phang ba ma yin te/ kye rgyal ba'i sras de ci'i phyir zhe na/ de ltar byang chub sems dpa'i spyod pa rgyun mi gcad pa dang / thams cad mkhyen pa nyid kyi sgo la rnam par lta ba de lta bus ni/ byang chub sems dpa' bla na med pa yang dag par rdzogs pa'i byang chub tu myur du 'byung ba'i phyir te/ 'di ni lam gyi rgyan bcu pa'o// / kye rgyal ba'i sras bcu po de dag ni/ byang chub sems dpa' rnams kyi lam gyi rgyan te/ de dag la gnas shing byang chub sems dpa' rnams de bzhin gshegs pa'i lam rin po che'i rgyan bla na med pa thob par 'gyur yang / byang chub sems dpa'i lam gyi rgyun mi gcod pa'o// kye rgyal ba'i sras bcu po 'di dag ni/ byang chub sems dpa' rnams kyi rkang pa ste/ bcu gang zhe na/ 'di ltar smon lam chen po'i khyad par yongs su bsdu ba shin tu rdzogs par bya ba'i phyir/ tshul khrims kyi rkang pa dang / byang chub kyi yan lag thams cad yang dag

  605. 303b

    bar bsdu ba las phyir mi ldog pa'i phyir/ brtson 'grus kyi rkang pa dang / sems can rnams bsam pa ji lta ba bzhin du yongs su tshim par bya ba'i phyir/ mngon par shes pa'i rkang pa dang / sangs rgyas kyi zhing thams cad du 'gro'ang zhing gcig na mi g.yo ba'i phyir/ rdzu 'phrul gyi rkang pa dang / khyad par du 'gro ba'i phyir/ lhag pa'i bsam pa'i rkang pa dang / brtsams pa thams cad mthar phyin par bya ba'i phyir/ dam bcas pa brtan pa'i rkang pa dang / bla ma thams cad kyis bsgo ba las 'gal bar mi byed pa'i phyir/ mthun par 'dzin pa'i rkang pa dang / de bzhin gshegs pa thams cad kyis gsungs pa yang dag par gzung bas mi skyo ba'i phyir/ chos mnyan pa mi ngoms par tshol ba'i rkang pa dang / tshangs pa'i gnas nas 'khor gyi dkyil 'khor thams cad du 'gro ba sgyid lug pa med pa'i phyir/ chos kyi char 'bebs po'i rkang pa dang / thams cad du kha na ma tho ba med pa'i phyir/ byang chub sems dpa'i spyod pa chen po la nan tan du byed pa'i rkang pa'o/ / kye rgyal ba'i sras bcu po de dag ni/ byang chub sems dpa' rnams kyi rkang pa ste/ de dag la gnas shing byang chub sems dpa' rnams de bzhin gshegs pa'i zhabs kyi mchog gis 'jig rten gyi khams thams cad du 'gro ba bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems

  606. 304a

    dpa' rnams kyi lag pa ste/ bcu gang zhe na/ 'di ltar de bzhin gshegs pa thams cad kyis gsungs pa la gcig tu mos shing yid ches pas mthar phyin par bya/ ba'i phyir/ dad pa'i lag pa dang / slong ba thams cad yid bzhin du tshim par bya ba'i phyir/ gtang ba rab tu gtong ba'i lag pa dang / lag pa g.yas pa brkyang ba'i phyir/ tshur shog bde bar 'ongs sam zhes 'dor te/ gsong por smra ba'i lag pa dang / bsod nams bsags pa rnam par spel ba las mi g.yo ba'i phyir/ de bzhin gshegs pa thams cad mchod cing rim gro byed pa'i lag pa dang / sems can thams cad kyi the tsom gcad pa'i phyir/ thos pa thams cad la mkhas pa'i lag pa dang / 'dod pa'i 'dam du thogs pa'i sems can gyi khams la lag pa ring du brkyang ste 'ju bar rlobs pa'i phyir/ khams gsum dang bral zhing shin tu 'byung bar byed pa'i lag pa dang / chu bo chen po bzhis khyer ba la lag pa ring du brkyang zhing gdon pa'i phyir/ bde ba'i thang la gzhog pa'i lag pa dang / 'gro ba thams cad la gnod pa med par bstan pa'i chos rab tu bstan pa'i phyir/ yang dag par sbyor ba'i chos la slob dpon gyis mi bcab pa'i lag pa dang / lus dang sems kyi nad rab tu bsal ba'i phyir/ 'jig rten pa dang / 'jig rten las 'das pa'i gtsug lag thams cad shes pa'i lag pa dang / nyon mongs pa'i mun pa thams cad

  607. 304b

    dang bral ba'i chos kyi snang ba mtshungs pa med pa yongs su bstan pa'i phyir shes rab dang / ye shes rin po rje'i lag pa'o// ce rgyal ba'i sras bcu po de dag ni/ byang chub sems dpa' rnams kyis grwa pa de/ de dgal gnas shing byang chub sems dpa' rna mas de bzhin gshegs pa'i phyag 'jig rten gyi khams rnams cad kun nas yog par skyob pa blan med pa 'thob par 'gyur dag go/ / bam po brgyad cu rtsa gnyis pa/ kye rgyal ba'i sgras bcu po 'di dag ni/ byang chub sems dpa' rnams kyi s+ho/ @rgya gang na na/ 'di ltar bsam pa dag pas g.yo med pa'i lte dang / drang bas sgyu med pa'i lho dang / thibs pa med pas 'chos pa med pa'i lho dang / dngos po thams cad la mngon bar chags pa med pas yul la mi 'dzin pa'i lto dang / shes pa'i phyir nyon mongs pa thams cad sel ba'i lto dang / skyon med pa'i phyir sems dag pa'i lto dang / chos ji lta ba bzhin du yid la bya ba'i phyir/ khu zas thams cad yongs su shes par bya ba so sor rtogs pa'i lto dang / rten cing 'brel par 'byung ba rjes su rtogs par bya ba'i phyir/ mngon par 'du mi byed pa so sor rtogs pa'i lto dang / bsam pa shin tu smin pas 'byung ba thams cad shes pa'i lto dang / sems can thams cad sangs rgyas kyi sku'i nang du chud pa khong du chud

  608. 305a

    pa'i phyir/ dri ma mtha' yas pa'i lta ba thams cad dang bral ba'i lha'o// kye rgyal ba'i sras bcu po de dag ni/ byang chub sems dpa' rnams kyi lto / de dag la gnas shing byang chub sems dpa' rnams de bzhin gshegs pa'i sku 'gro ba thams cad yongs su 'dzin pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi snying po ste/ bcu gang zhe na/ 'di ltar de bzhin gshegs pa thams cad kyi tshul gyi mthu tshad med pa yongs su bskyed pa'i phyir/ byang chub sems dpa' rnams kyi snying po sangs rgyas kyi rigs rgyun mi gcod par kun nas gnas pa dang / ye shes kyi snang ba chen po yongs su bstan pa'i phyir/ byang chub sems dpa'i snying po chos kyi rigs rab tu gsal bar byed par kun nas gnas pa dang / phyir mi ldog pa'i 'khor lo la yang dag par gzhol bar bya ba'i phyir/ byang chub sems dpa' rnams kyi snying po dge 'dun gyi rigs yongs su sdud par kun nas gnas pa dang / dus ji lta ba bzhin las mi 'da' bar bya ba'i phyir/ byang chub sems dpa' rnams kyi snying po chos thams cad nges par gleng ba byed pa dang / rgyu gcig nas gcig tu brgyud pa'i rgyun mi 'chad par bya ba'i phyir/ byang chub sems dpa' rnams kyi snying po nges pa med par yongs su smin par byed

  609. 305b

    par gnas pa dang / ma 'ongs pa'i rgyu skyon med par bya ba'i phyir/ byang chub sems dpa' rnams kyi snying po sems can log par nges pa rnams la snying rje chen po skye bar kun nas gnas pa dang / bdud kyi sde thams cad btul te dge ba'i rtsa ba mi 'phrogs par bya ba'i phyir/ byang chub sems dpa' rnams kyi snying po de bzhin gshegs pa'i stobs bcu thub pa med pa'i rgyu yongs su rdzogs par byed par kun nas gnas pa dang / 'gro ba ma lus pa thams cad yongs su tshim par bya ba'i phyir/ byang chub sems dpa' rnams kyi snying po mi 'jigs pa chen po'i seng ge dang / khyu mchog gi nga ro 'byin par kun nas gnas pa dang / thams cad du ye shes yang dag par gzhol bar bya ba'i phyir/ byang chub sems dpa' rnams kyi snying po sangs rgyas kyi chos ma 'dres pa bco brgyad 'thob pa'i phyir kun nas gnas pa dang / skad cig gcig tu mi mnyam pa med par zhugs pas byang chub sems dpa' rnams kyi snying po zhing thams cad dang / chos thams cad dang / sangs rgyas thams cad mnyam pa nyid khong du chud par gnas pa'o// kye rgyal ba'i sras bcu po de dag ni/ byang chub sems dpa' rnams kyi snying po ste/ de dag la gnas shing byang chub sems dpa' rnams dge ba'i rtsa ba thams cad ma log pas de bzhin gshegs pa'i ye shes chen po'i snying po bla na med pa 'thob par 'gyur ba dag go/ kye rgyal ba'i sras bcu po

  610. 306a

    'di dag ni/ byang chub sems dpa' rnams kyi snying ste/ bcu gang zhe na/ brtsams pa thams cad mthar phyin par bya ba'i phyir zhe non pa'i snying dang / mtshan dang depe byad bzang por bsod nams kyi tshogs yongs su bsdu ba'i phyir/ sems zhum pa med pa'i snying dang / bdud kyi sde thams cad rab tu gzhom pa'i phyir/ rnam par gnon pa chen po'i snying dang / nyon mongs pa thams cad kyis mi tshugs pa'i phyir/ tshul bzhin du sbyor ba'i snying dang / snying po byang chub kyi bar du phyin par bya ba'i phyir/ phyir mi 'gyur zhing phyir mi ldog pa'i snying dang / sems 'pho ba khong du chud pas mngon par chags pa med pa'i phyir/ rang bzhin gyis 'od gsal ba'i snying dang / ji ltar mos pa'i tshul bzhin du rnam par thar pa 'thob par bya ba'i phyir/ sems can gyi tshul shes pa'i snying dang / theg pa gzhan la mos pa med par sems can gyi khams yongs su bskyab pa'i phyir/ tshangs pa'i rnam par spyod pa rgya chen pos sangs rgyas kyi chos la 'jug pa'i snying dang / lta ba'i mtshan mas khams gsum la mngon par chags pa med par bya ba'i phyir/ stong pa nyid dang / mtshan ma med pa dang / smon pa med pa dang / mngon par 'du bya ba med pa'i snying dang / sems can thams cad bdud du gyur pa'i sgos bdud thams cad 'ongs par gyur kyang / spu gcig kyang mi g.yo bas dpal gyi be'us brgyan cing / rdo rje'i khams ltar sra zhing brtan pa'i snying po dam pa

  611. 306b

    dang ldan pa'i spyong ngo / / kye rgyal ba'i sras bcu po de dag ni/ byang chub sems dpa' rnams kyi snying ste/ de dag la gnas shing byang chub sems dpa' rnams de bzhin gshegs pa'i ye shes snang ba chen po'i snying po dang ldan pa'i snying bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi go cha ste/ bcu gang zhe na/ 'di ltar 'gro ba thams cad yongs su bskyab pa'i phyir/ byams pa chen po'i go cha dang / mi dga' ba thams cad bzod par bya ba'i phyir/ snying rje chen po'i go cha dang / brtsam pa thams cad mthar phyin par bya ba'i phyir/ smon lam gyi go cha dang / sangs rgyas thams cad kyi rgyun 'byung bar bya ba'i phyir/ yongs su bsngo ba'i go cha dang / 'gro ba thams cad nye bar 'tsho bar bya/ ba'i phyir/ bsod nams kyi go cha dang / 'gro ba thams cad bsgral ba'i phyir/ pha rol tu phyin pa'i go cha dang / 'gro ba thams cad kyi nyon mongs pa'i mun pa rab tu zhi bar bya ba'i phyir/ ye shes kyi go cha dang / sgo kun dang ldan pa'i rtsa ba mngon par bsgrub pa'i phyir/ thabs mkhas pa'i go cha dang / theg pa gzhan la mos pa med pa'i phyir/ thams cad mkhyen pa nyid kyi sems brtan zhing 'khrug pa med pa'i go cha dang / chos kyi rlom sems med pas gcig tu nges pa'i go cha'o// kye rgyal ba'i sras bcu po de dag ni/ byang chub sems dpa'

  612. 307a

    rnams kyi go cha ste/ de dag la gnas shing byang chub sems dpa' rnams kyi bdud kyi sde thams cad spu bkong pa bla na med pa 'thob par 'gyur ba dag gi kye rgyal ba'i sras bcu po 'di dag ni/ byang chub sems dpa' rnams kyi mtshon cha ste/ bcu gang zhe na/ 'di ltar ser sna'i skyon rab tu gzhom pa'i phyir/ gtong ba'i mtshon cha dang / tshul khrims ngan pa thams cad bsal ba'i phyir/ tshul khrims kyi mtshon cha dang / rnam par rtog pa thams cad bsal ba'i phyir/ chos mnyam pa nyid kyi mtshon cha dang / 'gro ba thams cad kyi nyon mongs pa yongs su gcad pa'i phyir/ shes rab dang ye shes kyi mtshon cha dang / 'tsho ba thams cad la kha na ma tho ba med par bya ba'i phyir/ yang dag pa'i 'tsho ba'i mtshon cha dang / sgro thams cad yongs su bstan pa'i phyir/ thabs mkhas pa'i mtshon cha dang / nyon mongs pa'i sgo nas sems can bzlog pa'i phyir/ 'dod chags dang / zhesdang dang / gti mug dang / mdor bsdu na nyon mongs pa thams cad kyi mtshon cha dang / spyod pa rgyun mi 'chad pas sems can gyi khams yongs su smin par bya ba'i phyir/ 'khor ba'i mtshon cha dang / mngon par zhen pa thams cad rab tu bsal ba'i phyir/ chos tshul gcig pa bstan pa'i mtshon cha dang / spyod pa'i sgo las phyin phyogs su mi lta ba'i phyir

  613. 307b

    thams cad mkhyen pa nyid kyi mtshon rje'o/ / kye rgyal ba'i sras bcu po de dag ni/ byang chub sems dpa' rnams kyi mtshon cha ste/ mtshon cha de dag gis byang chub sems dpa' rnams sems can thams cad kyi sems dang / bsam pa la yun ring po'i nye bar nyon mongs pa dang / bag la nyal ba yod pa thams cad rab tu 'joms pa dag go kye rgyal ba'i sras bcu po 'di dag ni/ byang chub sems dpa' rnams kyi mgo ste/ bcu gang zhe na/ 'di ltar spyi gtsug bltar mi snang ba'i phyir/ mya ngan las 'das pa'i mgo dang / lha dang bcas pa'i 'jig rten 'dud par bya ba'i phyir/ bla ma la 'dud pa'i mgo dang / stong gsum thams cad kyi bdag por 'gyur bar bya ba'i phyir/ mos pa yangs pa'i mgo dang / khams gsum gyis mchod par bya ba'i phyir/ dge ba'i rtsa ba thams cad sngon du 'gro ba'i mgo dang / gtsug tror dang ldan pa'i spyi bo 'thob par bya ba'i phyir/ sems can thams cad kyi khur khyer ba'i mgo dang / thams cad du khyad par du 'gro bar bya ba'i phyir/ gzhan gyi ltung ba la brnyas pa med pa'i mgo dang / spyi bo la gnas pa'i chos thob par bya ba'i phyir/ shes rab kyi pha rol tu phyin pa'i mgo dang / sems can thams cad kyi mgo mnyam par yongs su bstan pa'i phyir/ ye shes dang thabs su ldan pa'i mgo dang

  614. 308a

    'gro ba thams cad slob par bya ba'i phyir/ sems can thams cad yongs su smin par byed pa'i mgo dang / dkon mchog gsum gyi gdung rgyun mi gcad pa'i phyir de bzhin gshegs pa thams cad kyi chos kyi tshul yongs su bsdu ba'i mgo'o/ / kye rgyal ba'i sras bcu po de dag ni/ byang chub sems dpa' rnams kyi mgo ste/ de dag la gnas shing byang chub sems dpa' rnams de bzhin gshegs pa'i ye shes chen po'i spyi bor gyur pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi mig ste/ bcu gang zhen/ 'di ltar gzugs thams cad lta ba'i phyir sha'i mig dang / sems can thams cad lta ba'i phyir lha'i mig dang / sems can thams cad kyi dbang po dang yul lta ba'i phyir shes rab kyi mig dang / chos thams cad yang dag pa ji lta ba bzhin du lta ba'i phyir chos kyi mig dang / de bzhin gshegs pa'i stobs bcu blta ba'i phyir sangs rgyas kyi mig dang / chos yongs su shes pa lta ba'i phyir ye shes kyi mig dang / sangs rgyas kyi mthu'i 'od snang ba lta ba'i phyir snang ba'i mig dang / ngan las bza bar bya ba'i phyir mngon par bsgrub pa'i mig dang / bslabs pa med par bya ba'i phyir chags pa med pa'i mig dang / chos kyi dbyings go thams cad nas lta ba'i phyir thams cang

  615. 308b

    mkhyen pa'i mig go/ / kye rgyal ba'i sras bcu po de dag ni/ byang chub sems dpa' rnams kyi mig ste/ mig de dag dang ldan pas/ byang chub sems dpa' rnams de bzhin gshegs pa'i ye shes chen po'i spyan bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi rna ba ste/ bcu gang zhe na/ 'di ltar bsngags pa thos na dga' ba spong ba dang / mi snyan pa thos na khong khro ba spong ba dang / nyan thos dang rang sangs rgyas kyi gtam thos na 'dod pa med cing mi smon pa dang / byang chub sems dpa'i 'byung ba'i gtam thos na dga' ba dang / mos pa dang / spro ba chen po skye ba dang / sems can dmyal ba dang / byol song gi skye gnas dang / gshin rje'i 'jig rten dang / yi dgas dang / lha ma yin dang / mi khom pa dang / dbul por skyes po thos na snying rje chen po'i ko gyon pa dang / lha dang mi'i rgyud kyi bye brag thos na rtag tu chos la gzung ba'i blor 'gyur ba dang / sangs rgyas yon tan dang bsngags pa thos na de'i yon tan dang bsngags pa yongs su rdzogs par bya ba'i brtson 'grus dang / pha rol tu phyin pa dang / bsdu ba'i dngos po dang / byang chub sems dpa'i sde snod kyi gtam thos na thams cad kyi pha rol tu 'gro ba dang / kye rgyal ba'i sras byang chub sems dpa'i rna ba'i dbang po la ni phyogs bcu'i 'jig rten gyi khams nas

  616. 309a

    bsgrags pa'i sgra thams cad kyang zag cing thos par 'gyur te/ sgra thams cad smra brnyan lta bur brjod du med pa'i don du khong du chud cing shes pa dang / kye rgyal ba'i sras byang chub sems dpa'i chos kyi rna ba mnyam par gzhag pa dang ldan te/ thog ma sems bskyed nas snying po byang chub kyi bar du byang chub sems dpa'i lam dang mi gnas kyang sems can yongs su smin par bya ba mi 'dor ba'o/ / kye rgyal ba'i sras bcu po de dag ni/ byang chub sems dpa' rnams kyi rna ba ste/ de dag la gnas shing byang chub sems dpa' rnams de bzhin gshegs pa'i ye shes chen po'i snyun bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams sA ste/ bcu gang zhe na/ 'di ltar mthun pa'i dri la mi mthun par gnas pa dang / mi mthun pa'i dri la mthun par gnas pa dang / dri mthun pa dang / mi mthun pa la mnyam pa nyid du/ gnas pa dang / dri mthun pa dang / mi mthun pa ma yin pa la btang snyoms su gnas pa dang / gos dang / mal cha dang / yan lag dang / nying lag gi dri la 'dod chags dang / zhe sdang dang / gti mug dang / cha mnyam pa la spyod pa'i sems can gyi rgyu shes par gnas pa dang / gter chen po de dag dang / rtswa dang / gel ba dang / sman dang / nags tshal ji snyed pa

  617. 309b

    dag dris gter thams cad mngon sum du shes par gnas pa dang / 'og gi sems can dmyal ba chen po mnar med pa yan chad/ srid pa'i rtse mo man chad la gnas pa'i sems can rnams kyi dri tshor ba tsam gyis/ sngon gyi spyod pa ston par gnas pa dang / nyan thos kyi tshul khrims dang / thos pa dang / gtong ba dang / shes rab kyi dri tshor bas thams cad mkhyen pa nyid kyi sems mi 'khrugs par gnas pa dang / byang chub sems dpa' thams cad kyi spyod pa'i dri tshor zhing / de bzhin gshegs pa'i sa la yang dag par gzhol ba'i ye shes la gnas pa dang / de bzhini gshegs pa thams cad kyi yul dang / ye shes kyi dri tsher zhing / byang chub sems dpa'i spyod pa rgyun gcod par gnas pa'o// kye rgyal ba'i sras bcu po de dag ni/ byang chub sems dpa' rnams kyi sna yongs su dag pa ste/ de dag la gnas shing byang chub sems dpa' rnams kyi de bzhin gshegs pa'i shangs mtha' dang dbus med pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi lce ste/ bcu gang zhe na/ 'di ltar sems can gyi spyod pa mi zad pa rab tu ston pa'i lce dang / chos kyi tshul mi zad pa rab tu ston pa'i lce dang / sangs rgyas kyi yon tan dang bsngags pa mi zad pa rab tu ston pa'i lce dang / nges pa'i tshig dang spobs pa mi zad pa ston pa'i

  618. 310a

    lce dang / theg pa chen po'i tshogs mi zad pa ston pa'i lce dang / de'i lde de phyogs bcu'i nam mkha' rgyas par 'gengs pa dang / de'i lce de sems can thams cad la yang da par gzhol ba dang / de'i lce de sangs rgyas kyi zhing thams cad du 'od kyis snang bar byed pa dang / de'i lce de sangs rgyas thams cad mnyes par byed cing phyag 'tshal ba dang / de'i lce de bdud dang / rgol ba dang / nyon mongs pa dang / 'khor ba thams cad 'jig cing mya ngan las 'das pa'i lam ston pa'o// kye rgyal ba'i sras bcu po de dag ni/ byang chub sems dpa' rnams kyi lce ste/ de dag laganas shing byang chub sems dpa' rnams de bzhin gshegs pa'i ljags sangs rgyas kyi zhing thams cad rgyas par khyab pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi lus te/ bcu gang zhe na/ 'di ltar mi yongs su smin par bya ba'i phyir/ mi'i lus dang / sems can dmyal ba dang / byol song gi skye gnas dang / kashin rje'i 'jig rten gyi sems can gdul ba'i phyir/ mi ma yin pa'i lus dang / 'dod pa'i khams dang / gzugs kyi khams dang / gzugs med pa na spyod pa'i sems can gdul ba'i phyir/ lha'i lus dang / slob pa'i sa bstan pa'i phyir/ slob pa'i lus dang / mi slob pa'i sa bstan pa'i phyir/ mi slob pa'i lus dang / rang sangs rgyas

  619. 310b

    kyi sar gdul ba'i phyir/ rang sangs rgyas kyi lus dang / theg pa chen po la yang dag par 'byung bar bya ba'i phyir/ byang chub sems dpa'i lus dang / dbang bskur ba'i ye shes 'thob par bya ba'i phyir/ de bzhin gshegs pa'i sku dang / mngon par bsgrub pa la mkhas par bya ba'i phyir/ yid kyi rang bzhin gyi lus dang / zad pa med cing lhun gyis grub pa'i bya bas/ lus thams cad yongs su bstan pa'i phyir chos kyi lus so// kye rgyal ba'i sras bcu po de dag ni/ byang chub sems dpa' rnams kyi lus te/ de dag la gnas shing byang chub sems dpa' rnams de bzhin gshegs pa'i sku bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi yid rnam par rgyu ba ste/ bcu gang zhe na/ 'di ltar dge ba'i rtsa ba thams cad brtsam pa la yid ni sngon du 'gro ba'o// nan tan lhur blang ba la yid ni gnas so// sangs rgyas kyi chos rnams la yid ni rjes su zhugs pa'o/ / sems can rnams kyi bsam par yid ni khongs su chud pa'o// nyon mongs pa thams cad dang ma 'dres pas yid ni rgyu ba med pa'o// blo bur gyi dri mas kun nas nyon mongs pa med pa'i phyir/ yid ni 'od gsal ba'o// dus ji lta ba'i skad cig las kyang mi 'da' ba'i phyir/ yid ni dpyad pa shin tu rtags pa'o//

  620. 311a

    thams cad du kha nas tho ba med pa'i phyir/ yid ni las kyi mtha' shin tu dpyad pa'o// dbang po shin tu dul bas yul la mi rgyug pa'i phyir/ yid ni dbang po rab pa'o/ / sangs rgyas kyi ting nge 'dzin la bdag gir mi byed pa'i phyir/ yid ni shin tu mnyam par gzhog pa'o// kye rgyal ba'i sras bcu po de dag ni/ byang chub sems dpa' rnams kyi yid rnam par rgyu ba ste/ de dag la gnas shing byang chub sems dpa' rnams de bzhin gshegs pa'i thugs rnam par rgyu ba bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi 'gro ba ste/ bcu gang zhe na/ 'di ltar chos 'dod pas chos nyan du 'gro ba dang / sems can gyi don du chos sngon du 'gro ba dang / rang gi sems nges par rtogs pas 'dod pa med pa dang / sdang ba med pa dang / gti mug med pa dang / 'jigs pa med par 'gro ba dang / sems can yongs su smin par bya ba'i phyir/ 'dod pa'i khams su 'gro ba dang / myur du phyir ldog par bya bas gzugs dang gzugs med pa'i snyoms par 'jug par 'gro ba dang / shes rab myur ba 'thob par bya ba'i phyir/ don dang chos kyi rgyud du 'gro ba dang / 'dul ba'i dbang gis skye ba thams cad du 'gro ba dang / de bzhin gshegs pa blta ba dang / phyag bya ba dang / bsnyen

  621. 311b

    bkur ba'i phyir sangs rgyas kyi zhing thams cad du mngon par shes pas 'gro ba dang / 'khor ba'i rgyud kyi rgyun mi gcad pa'i phyir/ mya ngan las 'das pa'i rgyud du 'gro ba dang / byang chub sems dpa'i spyod pa rgyun mi gcad pa'i phyir/ sangs rgyas kyi chos thams cad yongs su rdzogs par bya bar 'gro ba'o// kye rgyal ba'i sras bcu po de dag ni/ byang chub sems dpa' rnams kyi 'gro ba ste/ de dag la gnas shing byang chub sems dpa' rnams de bzhin gshegs pa'i bzhud pa gshegs pa dang / byon pa med pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi gnas te/ bcu gang zhe na/ 'di ltar nyams pa med pa'i phyir/ byang chub kyi sems la gnas pa dang / tshogs kyis mi ngoms pa'i phyir/ pha rol tu phyin pa la gnas pa dang / shes rab shin tu sbyangs pa'i phyir/ chos kyi gtam la gnas pa dang / bsam gtan chen po khong du chud par bya ba'i phyir/ bas mtha' dgon pa la gnas pa dang / bya ba nyung ba'i phyir thams cad mkhyen pa nyid dang mthun pa'i sbyangs pa'i yon tan dang / cho ga shes pa dang / 'phags pa'i rgyud la gnas pa dang / chos kyi brtson 'grus rjes su 'brang bar bya ba'i phyir nan tan la gnas pa dang / sangs rgyas kyi spyod lam yongs su rdzogs par bya

  622. 312a

    ba'i phyir/ de bzhin gshegs pa bsnyen bkur ba la gnas pa dang / ye shes chen po yongs su rdzogs par bya ba'i phyir/ mngon par shes pas 'byung ba la gnas pa dang / lung bstan pa yongs su rdzogs par bya ba'i phyir/ bzod pa thob pa la gnas pa dang / sangs rgyas kyi chos thams cad yongs su rdzogs par bya ba'i phyir/ snying po byang chub la gnas pa'o/ / kye rgyal ba'i sras bcu po de dag ni/ byang chub sems dpa' rnams kyi gnas te/ de dag la gnas shing byang chub sems dpa' rnams thams cad mkhyen pa'i gnas bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi stan la 'dug pa ste/ bcu gang zhe na/ 'di ltar dge ba bcu'i las kyi lam sgrub pa'i phyir/ 'khor los sgyur ba'i stan la 'dug pa dang / 'jig rten thams cad sangs rgyas kyi chos kyi dbang phyug la dgod pa'i phyir/ 'jig rten gyi mgon po'i stan la 'dug pa dang / 'gro ba thams cad kyi dbang por 'gyur ba'i phyir/ brgya byin gyi stan la 'dug pa dang / rang gi sems dang gzhan gyi sems la dbang sgyur ba'i phyir/ tshangs pa'i stan la 'dug pa dang / chos kyi gajam ma nor bar bya ba'i phyir/ seng ge'i stan la 'dug pa dang / gzungs dang spobs pa'i stobs kyis brjod pa'i phyir chos kyi stan

  623. 312b

    la 'dug pa dang / dam bcas pa'i mthar phyin par bya ba'i phyir/ yi dmal brtan pa'i stan la 'dug pa dang / she ba dang sdang ba la byams par bya ba'i phyir/ byams pa chen po'i spyan la 'dug pa dang / mi dga' ba thams cad bzod par bya bas mi skyo bar bya ba'i phyir/ snying rje chen po'i stan la 'dug pa dang / phas kyi rgol ba dang / bdud kyi sde thams cad bzlog pa'i phyir/ rdo rje'i stan la 'dug pa'o// kye rgyal ba'i sras bcu po de dag ni/ byang chub sems dpa' rnams kyi stan la 'dug pa ste/ de dag la gnas shing byang chub sems dpa' rnams de bzhin gshegs pa'i sangs rgyas kyi gdan chen po bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi mal te/ bcu gang zhe na/ 'di ltar lus dang sems dben par bya ba'i phyir/ dben pa'i mal dang / tshul bzhin gyi sbyor ba bsgrub pa'i phyir/ nang du yang dag par gzhog pa'i mal dang / lus dang sems las su rung bar bya ba'i phyir/ snyoms par 'jug pa'i mal dang / gzhan dang bdag la gdung ba med par bya ba'i phyir/ tshangs pa'i mal dang / phyis 'gyod pa med par bya ba'i phyir/ legs pa'i las kyi mal dang / phyis khro ba med par bya ba'i phyir/ yang dag pa'i nan tan gyi mal dang / dge ba'i

  624. 313a

    bshes gnyen gyis bskul bar bya ba'i phyir/ las kyi mal dang / yongs su bsngo ba la mkhas pa'i phyir/ shin tu mnyam par gnag pa'i mal dang / brtsams pa mthar phyin par bya ba'i phyir/ dgos pa thams cad yongs su sgrub pa'i mal dang / sngon las legs pa spyad pa'i phyir/ lhun gyis grub par spyod pa'i mal lo// kye rgyal ba'i sras bcu po de dag ni/ byang chub sems dpa' rnams kyi mal te/ de dag la gnas shing byang chub sems dpa'i' rnams de bzhin gshegs pa'i chos kyi gzims mas chen por rnam par 'tshang rgya ba bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi rnam par spyod pa ste/ bcu gang zhe na/ 'di ltar sems can thams cad la sems mnyam pas byams pa chen po la rnam par spyod pa dang / ma bslabs pa la brnyas pa med pa'i phyir/ snying rje chen po la rnam par spyod pa dang / mi dga' ba thams cad bsal ba'i phyir/ dka' ba chen po la rnam par spyod pa dang / 'dus byas dang 'dus ma byas su mnyam zhing mtshungs pa'i phyir/ btang snyoms chen po la rnam par spyod pa dang / byang chub kyi sems sngon du 'gro bas/ pha rol tu phyin pa thams cad la rnam par spyod pa dang / rab tu rnam par dbye ba la mkhas pas rnam pa'i mchog thams cad dang

  625. 313b

    ldan pa'i stong pa nyid la rnam par spyod pa dang / skyon med pa la thogs pa med pas mtshan ma med pa la rnam par spyod pa dang / ched du bsams te skye ba 'dzin pa'i phyir/ smon pa med pa la rnam par spyod pa dang / bzod pa yongs su rdzogs par bya ba'i phyir/ dran pa dang shes bzhin la rnam par spyod pa dang / lung bstan pa 'thob par bya ba'i phyir/ chos thams cad mnyam pa nyid la rnam par spyod pa'o/ / kye rgyal ba'i sras bcu po de dag ni/ byang chub sems dpa' rnams kyi rnam par spyod pa ste/ de dag la gnas shing byang chub sems dpa' rnams de bzhin gshegs pa'i rnam par spyod pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi spyod yul te// bcu gang zhe na/ 'di ltar dran pa nye bar gzhag pa yongs su rdzogs par bya ba'i phyir/ dran pa'i spyod yul dang / chos kyi tshul rtogs par bya ba'i phyir/ rtogs pa'i spyod yul dang / sangs rgyas thams cad mnyes par bya ba'i phyir/ blo gros kyi spyod yul dang / thams cad mkhyen pa nyid kyi ye shes yongs su rdzogs par bya ba'i phyir/ pha rol tu phyin pa'i spyod yul dang / sems can yongs su smin par bya ba'i phyir/ bsdu ba'i dngos po'i spyod yul dang / dge ba'i rtsa ba thams cad dran pa'i phyir/ 'khor ba'i spyod yul dang / 'du 'dzi bsal zhing sems can mos

  626. 314a

    pa ji lta ba bzhin du gdul ba'i phyir/ sems can thams cad dang 'grogs pa'i spyod yul dang / sems can thams cad kyi dbang po dang yul khong du chud par bya ba'i phyir/ mngon par shes pa bskyed pa'i spyod yul dang / shes rab kyi pha rol tu phyin pa'i mtshon cha gdags pa'i phyir/ thabs mkhas pa'i spyod yul dang / thams cad mkhyen pa'i ye shes mngon par sangs rgyas kyang / byang chub sems dpa'i spyod pa rgyun mi gcod pa'i phyir/ snying po byang chub kyi spyod yul lo// kye rgyal ba'i sras bcu po de dag ni/ byang chub sems dpa' rnams kyi spyod yul te/ de dag la gnas shing byang chub sems dpa' rnams de bzhin gshegs pa'i ye shes chen po'i spyod yul bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi lta ba ste/ bcu gang zhe na/ 'di ltar gzugs shin tu phra ba blta ba'i phyir/ las legs par byas par lta ba dang / sems can gyi grangs la mngon par chags pa med par bya ba'i phyir/ shi 'pho'i rgyud shes pas lta ba dang / sems can gyi dbang po khong du chud par bya ba'i phyir/ sems can gyi dbang po shes pas lta ba dang / chos kyi dbyings tha dad du mi dbye ba'i phyir/ chos rab tu rnam par 'byed pa'i lta ba dang / sangs rgyas kyi spyan gsal

  627. 314b

    ba 'thob par bya ba'i phyir/ sangs rgyas kyi chos thams cad la mngon du lta ba dang / ji ltar gnas pa'i chos bstan pa'i phyir shes rab dang ye shes thob pas lta ba dang / sangs rgyas kyi chos nges pa rab tu 'thob par bya ba'i phyir/ mi skye ba'i bzod pa thob pas lta ba dang / 'du shes dang nyon mongs pa thams cad kyi khams gsum pa dang / nyan thos dang / rang sangs rgyas kyi sa rnam par bzlog pa'i phyir/ mi ldog pa'i sa la lta ba dang / sangs rgyas kyi chos thams cad la dbang sgyur bas ye shes mi nyams pa yongs su bstan pa'i phyir/ dbang bskur ba'i sa la lta ba dang / phyogs bcur bya ba thams cad bstan pa'i phyir/ blo shin tu rnam par sangs rgyas pa'i ting nge 'dzin la snyoms par zhugs pas lta ba'o// kye rgyal ba'i sras bcu po de dag ni/ byang chub sems dpa' rnams kyi lta ba ste/ de dag la gnas shing byang chub sems dpa' rnams de bzhin gshegs pa'i ye shes chen pos lta ba bla na med pa 'thob par 'gyur babadag go/ kye rgyal ba'i sras bcu po 'di dag ni/ byang chub sems dpa' rnams kyi rnam par lta ba ste/ bcu gang zhe na/ 'di ltar mi dka' ba'i sems med pas ji lta ba bzhin du tshim par bya ba'i phyir/ slong ba la rnam par lta ba dang / thams cad mkhyen pa nyid kyi tshul khrims la rab tu dgod pa'i phyir/ sems can tshul khrims ngan pa can la rnam par

  628. 315a

    lta ba dang / bzod pa'i stobs kyis sangs rgyas kyi bzod pa la rab tu dgod pa'i phyir/ sems can gnod sems can la rnam par lta ba dang / mi gtong brtson pas theg pa chen po la sems can yang dag par dkod pa'i phyir/ sems can le lo can la rnam par lta ba dang / thams cad mkhyen pa'i sa rnam par 'khrug pa med pa la rab tu dgod ba'i phyir/ sems can sems rnam par 'khrug pa can la rnam par lta ba dang / the tsom med pas lta ba dang dmigs pa thams cad rab tu bsal ba'i phyir/ sems can shes rab 'chal pa can la rnam par lta ba dang / ji ltar bstan pa'i sangs rgyas kyi chos la rab tu dgod pa'i phyir/ dge ba'i bshes gnyen la dge bar rnam par lta ba dang / don gyi mchog nyams su myong bar bya ba'i phyir/ ji skad du thos pa'i chos la lhag mthong gis rnam par lta ba dang / snying rje chen po'i stobs mi gtang ba'i phyir/ sems can thams cad yongs la rnam par lta ba dang / thams cad mkhyen pa'i ye shes rdzogs par 'tshang rgya bar bya ba'i phyir/ sangs rgyas kyi chos thams cad la rnam par lta ba'o// kye rgyal ba'i sras bcu po de dag ni/ byang chub sems dpa' rnams kyi rnam par lta ba ste/ de dag la gnas shing byang chub sems dpa' rnams de bzhin gshegs pa'i ye she chen pos rnam par lta ba bla na med pa 'thob

  629. 315b

    par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi rnam par bsgyings pa ste/ bcu gang zhe na/ 'di ltar lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i 'khor thams cad zil gyis mnan pa'i phyir/ khyu mchog gi rnam par bsgyings pa dang / shin tu dul zhing cang shes pa'i sems kyis sems can thams cad kyi khur bkur ba'i phyir/ glang po'i bsgyings pa dang / chos kyi sprin chen po shin tu 'dus pa las rig pa dang / rnam par grol ba'i glog 'gyu zhing yang dag par ma nor bar 'brug sgra chen po bsgrags te/ dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa'i bdud rtsi'i chu chos kyi char pa mngon par dbab pa'i phyir/ klu'i rnam par bsgyings pa dang / ma rig pa'i sgo nga'i sbubs dang / lcag lcig gi phri brtol te/ sred pa'i chu lhag mthong gi gshog pas phye ste sems kyi sbrul 'dod pa dang / 'khrug pa dang nyon mongs pa'i rnyog pa can mngon par bslang zhing dbyung ba'i phyir/ nam mkha' lding gi dbang po chen po'i rnam par bsgyings pa dang / 'jigs pa dang bag tsha ba thams cad med cing / ye shes chen po'i mnyam

  630. 316a

    pa nyid kyi sder mos ngan par tshogs pa'i las kyi rgol ba thams cad rab tu gnos pa'i phyir/ seng ge chen po'i rnam par bsgyings pa dang / 'dod pa dang / 'khrug pa dang / nyon mongs pa'i rnyog pa'i dgra gnod par sems pa/ gdul dka' ba thams cad dbus nas gzhom pa'i phyir/ dpa' bo'i rnam par bsgyings pa dang / phung po dang / khams dang / skye mched dang / rten cing 'brel par 'byung ba thams cad rab tu rtogs par byed pa'i ye shes kyis chos thams cad kyi dbang phyug yang dag par bstan pa'i phyir/ ye shes kyi rnam par bsgyings pa dang / dran pa dang / blo gros dang / rtogs pas thos pa thams cad yongs su gzung ste/ mi brjed par bzhag pas/ sems can gzhan gyi dbang po'i rgyud du phyin par bya ba'i phyir/ gzungs kyi rnam par bsgyings pa dang / myur zhing mgyogs la drag cing thogs pa med pa dang / chags pa med par tshig thams cad rab tu phye ste bstan pas sems can thams cad tshim par byed cing / don yod la rmongs pa med pa'i spobs pa dang ldan pas spobs pa'i rnam par bsgyings pa dang / seng ge'i khri dam pa'i steng du phyin te/ bdud kyi rgol ba thams cad bcom nas/ thams cad mkhyen pa'i ye shes kyi tshogs yongs su rgyas pa'i phyir/ sems kyi skad cig gcig dang ldan pa'i shes rab

  631. 316b

    kyis gang thob par bya ba thams cad du/ 'di ltar bla na med pa yang dag par rdzogs pa'i byang chub mngon par 'tshang rgya bas sangs rgyas kyi rnam par bsgyings pa'o// kye rgyal ba'i sras bcu po de dag ni/ byang chub sems dpa' rnams kyi rnam par bsgyings pa ste/ de dag la gnas shing byang chub sems dpa' rnams chos thams cad la dbang sgyur ba'i rnam par bsgyings pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi seng ge'i nga ro ste/ bcu gang zhe na/ 'di ltar sangs rgyas su 'gyur bar bya'o zhes byang chub kyi sems kyi seng ge'i nga ro chen po dang / ma rgal ba brgal bar bya'o// ma grol ba dgrol bar bya'o// dbugs ma phyin pa dbugs dbyung bar bya'o// yongs su mya ngan las ma 'das pa yongs su mya ngan las bzla bar bya'o zhes sems can la snying rje ba'i seng ge'i nga ro chen po dang / sangs rgyas kyi gdung dang / chos kyi gdung dang / dge 'dun gyi gdung mi gcad do zhes de bzhin gshegs pas mdzad pa gzo ba'i seng ge'i nga ro chen po dang / zhing thams cad yongs su dag par bya'o zhes dam bcas pa la brtan zhing / kha 'og tu lus 'khrus pa'i seng ge'i nga ro chen po dang / ngan song dang mi khom pa thams cad bskam par bya'o zhes rang gi lus yongs su dag pa'i seng ge'i nga ro chen po dang / sangs rgyas kyi sku dang

  632. 317a

    gsung dang / thugs kyi rgyan dang / mtshan dang dpe byad bzang po yongs su rdzogs par bya'o zhes bsod nams kyi tshogs yongs su btsal bas mi ngoms pa'i sang ge'i nga ro chen po dang / sangs rgyas thams cad kyi ye shes yongs su rdzogs par bya ba yongs su rdzogs par bya'o zhes ye shes kyi cho gas yongs su btsal bas mi ngoms pa'i seng ge'i nga ro chen po dang / bdud dang bdud kyi las thams cad rab tu gzhom par bya'o zhes yang dag pa'i nan tan dang / nyon mongs pa med pa'i seng ge'i nga ro chen po dang / bdag med pa dang / sems can med pa dang / srog med pa dang / gang zag med pa dang / stong pa nyid dang / mtshan ma med pa dang / smon pa med pas/ nam mkha'i dbyings dri ma med pa lta bur chos thams cad shes par bya'o zhes mi skye ba'i chos kyi bzod pa thob par bya ba'i seng ge'i nga ro chen po dang / kye rgyal ba'i sras gzhan yang byang chub sems dpa' srid pa'i tha ma par gyur pa'i tshe/ sangs rgyas kyi zhing gtsang zhing dri ma med la 'od gsal ba'i rgyan dang ldan pa thams cad bskyod de/ brgya byin dang / tshangs pa dang / 'jig rten gyi mgon po thams cad kyis rab tu bsngags pa'i rigs su byung ste/ ye shes chen po chags pa med pas/ rnam par lta ba'i blo'i mig dang ldan pa sems can thams cad kyi nang nas bdag bla na med par

  633. 317b

    mthong ste/ sa chen po yongs su ma bzung bar gom pa bdun du 'gro zhing seng ge'i nga ro chen po sgrog ste/ bdag ni 'jig rten na mchog tu gyur pa/ bdag ni 'jig rten na gtso bor gyur pa yin gyis/ skye zhing 'chi ba mthar dbyung bar bya'o zhes ji skad du smras pa de ltar byed pa'i seng ge'i nga ro chen po'o// kye rgyal ba'i sras bcu po de dag ni/ byang chub sems dpa' rnams kyi seng ge'i nga ro ste/ de dka la gnas shing byang chub sems dpa' rnams de bzhin gshegs pa'i seng ge'i nga ro chen po bla na med pa 'thob par 'gyur ba dag go kye rgyal ba'i sras bcu po 'di dag ni/ byang chub sems dpa' rnams kyi sbyin pa yongs su dag pa ste/ bcu gang zhe na/ 'di ltar sems can la mi mnyam pa med pa'i phyir/ sems snyoms pa'i sbyin pa dang / bsam pa thams cad yongs su rdzogs par bya ba'i phyir/ bsam pa ji lta ba bzhin du tshim par byed pa'i sbyin pa dang / phan pa'i dngos po yongs su mnyams pa'i phyir/ 'khrug pa med pa'i sbyin pa dang / gang zag rab dang tha ma shes pa'i phyir ci rigs su sbyin pa dang / rnam par smin pa la re ba med pa'i phyir/ ye brngam pa med pa'i sbyin pa dang / sems can gyis 'dzin pa thams cad spong ba'i phyir/ yongs su gtang ba shin tu gtong ba'i sbyin pa dang / ma btang ba gtong bas dag par bya ba'i phyir/ phyi nang gi dngos

  634. 318a

    po la 'phangs pa med par yongs su gtong ba'i sbyin pa dang / 'dus byas dang 'dus ma byas yongs su spang ba'i phyir/ byang chub tu yongs su bsngos pa'i sbyin pa dang / snying po byang chub kyi bar du rjes su gzhol bar bya ba'i phyir/ sems can de dag yongs su smin par bya ba'i sbyin pa dang / sbyin bdag dang / len pa dang / sbyin pa nam mkha' dang mtshungs par yid la byed pa'i phyir/ 'khor gsum yongs su dag pa'i sbyin pa'o// kye rgyal ba'i sras bcu po de dag ni/ byang chub sems dpa' rnams kyi sbyin pa'i pha rol tu phyin pa yongs su dag pa ste/ de dag la gnas shing byang chub sems dpa' rnams de bzhin gshegs pa'i gtong ba chen po yongs su dag pa bla na med pa 'thob par 'gyur ba dag go kye rgyal ba'i sras bcu po 'di dag ni/ byang chub sems dpa' rnams kyi tshul khrims yongs su dag pa ste/ bcu gang zhe na/ 'di ltar sdom pa gsum yongs su bsrung ba'i phyir/ lus yongs su dag pa'i tshul khrims dang / ngag gi nyes pa bzhi yongs su spang ba'i phyir/ ngag yongs su dag pa'i tshul khrims dang / chags sems dang / gnod sems dang / log par lta ba yongs su spang ba'i phyir/ sems yongs su dag pa'i tshul khrims dang / lha dang mi thams cad kyi bdag po byed du gzhug pa'i phyir/ bslab pa thams cad god pa med

  635. 318b

    pa'i tshul khrims dang / nyi tshe ba'i theg pa la 'dod pa med pa'i phyir/ byang chub kyi sems yongs su bsrung bas dag pa'i tshul khrims dang / kha na ma the ba rdul tsam la'ang 'jigs par blta ba'i phyir/ de bzhin gshegs pa thams cad kyi bstan pa'i cho ga dang bslab pa'i gnas ma god cing dag pa'i tshul khrims dang / sems can thams cad ltung ba las bslang ba'i phyir/ 'dul bas dben pa'i tshul khrims dang / dge ba'i chos thams cad kyi yi dam brtan pa'i phyir/ sdig pa thams cad mi byed pas dag pa'i tshul khrims dang / rlom sems med par bya ba'i phyir/ dmigs pa'i lta ba thams cad yongs su spang ba'i tshul khrims dang / snying rje chen po'i stobs mngon par bsgrub pa'i phyir/ 'gro ba thams cad rjes su bsrung bas dag pa'i tshul khrims so/ / kye rgyal ba'i sras bcu po de dag ni/ byang chub sems dpa' rnams kyi tshul khrims yongs su dag pa ste/ de dag la gnas shing byang chub sems dpa' rnams de bzhin gshegs pa'i tshul khrims kha na ma tho ba med cing yongs su dag pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi bzod pa yongs su dag pa ste/ bcu gang zhe na/ 'di ltar sems can gzhan gyi yid dang mi 'gal bar bya ba'i phyir/ gzhan gyis mi snyan par

  636. 319a

    brjod pa dang ngan par 'os pa'i tshig gi lam rnal gzon pa'i bzod pa yongs su dag pa dang / bdag dang gzhan bsrung ba'i phyir/ rdo dang / dbyug pa dang / mtshon cha dang / lag cha thams cad bag la zha bar bya ba'i bzod pa yongs su dag pa dang / rang bzhin gyis mi 'khrugs pa'i phyir/ tha ba dang / khro ba dang / gnod sems thams cad kyis mi gos pa'i bzod pa yongs su dag pa dang / dpon du gyur pas bag la zha bar bya ba'i phyir/ sems can dma' ba la mi 'khrug pa'i bzod pa yongs su dag pa dang / bdag gi lus dang srog yongs su gtong ba'i phyir/ skyabs tshol ba bskyab pa'i bzod pa yongs su dag pa dang / ma bslabs pa thams cad la mi brnyas pa'i phyir/ bdag gi nga rgyal yongs su spong ba'i bzod pa dang / sgyu ma'i rnam pa lta bur rab tu rtogs pa'i phyir/ lus yan lag so sor phral te gtubs kyang mi 'khrug pa'i bzod pa yongs su dag pa dang / bdag dang gzhan gyi 'du shes dang bral ba'i phyir/ gnod par byas pa thams cad la zhe mi sdang ba'i sems kyi bzod pa yongs su dag pa dang / yul thams cad rnam par bzlog pa'i phyir/ nyon mongs pa dang mi mthun pa'i bzod pa yongs su dag pa dang / chos thams cad zad cing mi skye ba'i thams cad mkhyen pa'i ye shes kyi yul la gzhan gyi dring mi 'jog par 'jug pa'i phyir/ byang

  637. 319b

    chub sems dpa' thams cad kyi ye shes kyi tshul dang mthun pa'i bzod pa yongs su dag pa'o/ / kye rgyal ba'i sras bcu po de dag ni/ byang chub sems dpa' rnams kyi bzod pa yongs su / dag pa ste/ de dag la gnas shing byang chub sems dpa' rnams sangs rgyas kyi chos thams cad bzod pa la gzhan gyi dring mi 'jog par 'jug pa bla na med pa 'thob par 'gyur ba dag go rtse rgyal bu'i sras bcu po 'di dag ni/ byang chub sems dpa' rnams kyi brtson 'grus yongs su dag pa ste/ bcu ga rten+tu/ 'di ltar sangs rgyas dang / bya sems dpa' dang / slob dpon dang / bla ma dang / sbyin pa'i gnas thams cad la ldang zhing bsnyen bkur dang rim gro bya ba las mi ldog pa'i phyir/ lus kyis brtsams pa yongs su dag pa'i brtson 'grus dang / de bzhin gshegs pa thams cad kyis gsungs pa mnyan pa dang / dran par bya ba dang / gzung ba dang / de bzhin gshegs pa thams cad kyi yon tan dang bsngags pa rab tu brjod pa dang / ji skad du thos pa'i chos rnams sems can thams cad la ston pas mi spro ba'i phyir/ ngag gis brtsams pa yongs su da/ pa'i brtson 'grus dang / byams pa dang / snyi rje dang / dga' ba dang / btang thoms dang / bsam gtan dang / rnam par thar po dang / ting nge 'dzin dang / rtsoms par 'dzu

  638. 320a

    pa la snyoms par 'jug cing ldang ba la mkhas pa las mi ldog pa'i phyir/ sems kyis brtsams pa yongs su dag pa'i brtson 'grus dang / g.yo dang sgyu med pa dang / rang bzhin gyis drang zhing 'chos pa med de/ sbyor ba'i brtsams pa thams cad las mi ldog pa'i phyir/ bsam pa zhum pa med pas yongs su dag pa'i brtson 'grus dang / rtag tu rgyun mi 'chad par gong nas gong du khyad par du 'gro zhing mngon sum gyi ye shes kyi snang bas/ dge ba'i chos thams cad la lhag par dmigs pa'i phyir/ lhag pa'i bsam pa yongs su dag pa'i brtson 'grus dang / sbyin pa dang / dul ba dang / sdom pa dang / nges pa dang / tshul khrims dang / thos pa dang / gtong ba dang / bag yod pas shin tu gzung zhing thogs pa med par snying po byang chub tu 'gro ba'i phyir/ thogs pa med cing don yod pas yongs su dag pa'i brtson 'grus dang / 'dod chags dang / zhe sdang dang / gti mug dang / 'dod pa'i 'khrug pa dang / nyon mongs pa dang / lta ba dang / kun nas bskor ba dang / sgrib pa dang / bar du gcod pa yongs su chad pa'i phyir/ bdud kyi dgra thams cad dang bral bas yongs su dag pa'i brtson 'grus dang / shes pa dang / rab tu shes pa dang / shin tu khong du chud pa dang / legs par byas pas 'gyod pa med par brtsams pa dang /

  639. 320b

    thams cad mthar phyin par bya ba dang / sangs rgyas kyi chos ma 'dres pa rab tu thob par bya ba'i phyir/ ye shes snang ba yongs su bsgrubs pas yongs su dag pa'i brtson 'grus dang / sems kyis 'dzin pa dang / yongs su 'dzin pa thams cad spang bas lus dang / ngag dang / sems kyis brtsams pa mtshan ma dang / mtshan ma med pa mnyam pas sgo kun dang ldan pa'i chos kyi dbyings shin tu rtogs shing ji lta ba bzhin du shes pas khong du chud pa'i phyir/ blang ba med pa dang / dor ba med pas yongs su dag pa'i brtson 'grus dang / sa dang sa ma yin pa las yang dag par 'das te/ sangs rgyas thams cad kyi dbang bskur ba yang dag par 'thob pa dang / sangs rgyas thams cad kyi sku zag pa med pa dang / 'chi 'pho dang / skye ba dang / 'byung ba dang / rnam par 'tshang rgya ba dang / chos kyi 'khor lo bskor ba dang / yongs su mya ngan las 'das pa chen po yongs su bstan pa dang / kun tu bzang po'i rnam pa yongs su rdzogs pa'i phyir/ chos kyi rnam pa yongs su rdzogs pas yongs su dag pa'i brtson 'grus so// kye rgyal ba'i sras bcu po de dag ni/ byang chub sems dpa' rnams kyi brtson 'grus yongs su dag pa ste/ de dag la gnas shing byang chub sems dpa' rnams de bzhin gshegs pa'i brtson 'grus chen po bla na med pa yongs su dag pa 'thob par 'gyur ba dag go/

  640. 321a

    / bam po brgyad cu gsum pa/ kye rgyal ba'i sras bcu po 'di dag ni/ byang chub sems dpa' rnams kyi bsam gtan yongs su dag pa ste/ bcu gang zhe na/ 'di ltar yongs su gzung ba thams cad las 'byung ba'i phyir/ rtag tu rgyun mi 'chad par rab tu 'byung bas/ mngon par 'byung ba'i sems kyi bsam gtan yongs su dag pa dang / lam bstan pa'i phyir/ dge ba'i bshes gnyen tshul dang 'dra ba rnyed pa'i bsam gtan yongs su dag pa dang / bdag gi med cing yongs su 'dzin pa med pa'i phyir/ bas mtha'i dgon pa'i gnas dang / nags tshal na gnas pa'i bsam gtan yongs su dag pa dang / dben pa la mos pas dga' ba'i phyir/ 'du 'dzi spong zhing sems can mi gtong ba'i bsam gtan yongs su dag pa dang / dbang po'i sgo bsdams pa'i phyir/ sems dul zhing las su rung ba'i bsam gtan yongs su dag pa dang / sgra'i tsher ma thams cad kyis bsam gtan la sgrib pa med pa'i phyir/ rang gi ye shes nye bar zhi ba'i bsam gtan yongs su dag pa dang / rab tu dbye ba thams cad mngon sum du shes pas lam dang / byang chub kyi yan lag la sbyor ba'i bsam gtan yongs su dag pa dang / da dung 'dod pa'i khams su dmigs pa'i phyir/ bsam gtan gyi ro mi myang ba'i thabs las rnam par mi ldog pa'i bsam gtan

  641. 321b

    / yongs su dag pa dang / sems can thams cad kyi dbang po rjes su rtogs par bya ba'i phyir/ mngon par shes pa dang rig pa bskyed pa'i bsam gtan yongs su dag pa dang / sangs rgyas kyi ting nge 'dzin bdag gir bya ba med pa dang ldan pa'i phyir/ mngon par 'du mo 'byed pa las mngon par phyogs shing rnam par rtse ba'i bsam gtan yongs su dag pa'o// kye rgyal ba'i sras bcu po de dag ni/ byang chub sems dpa' rnams kyi bsam gtan yongs su dag pa ste/ de dag la gnas shing byang chub sems dpa' rnams de bzhin gshegs pa'i bsam gtan yongs su dag pa bla na med pa 'thob par 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi shes rab yongs su dag pa ste/ bcu gang zhe na/ 'di ltar 'bras bu chung mi za ba'i tshul gyis rgyu rab tu shes pa'i shes rab yongs su dag pa dang / tshogs pa dang mi 'gal ba'i phyir/ rkyen thams cad la 'jug pa'i shes rab yongs su dag pa dang / brten pa la 'jug pa ji lta ba bzhin du shes pa'i phyir/ rtag pa dang chad pa med pa'i shes rab yongs su dag pa dang / sems can du 'dzin pa spong ba'i phyir/ lta ba thams cad sel ba'i shes rab yongs su dag pa dang / sgyu ma'i rang bzhin du yongs su brtag pa'i phyir/ sems can thams cad kyi sems dang spyod pa la rnam par lta ba'i shes rab yongs su dag pa dang /

  642. 322a

    tshig gi bye brag thams cad bstan pa thogs pa med par lung bstan pa'i phyir/ tha dad pa yang dag par shes pa chen po la 'jug pa'i shes rab yongs su dag pa dang / bzhin gshegs pa thams cad kyi mkhyen pa dang / mkhas pa'i rjes su zhugs pa'i phyir dang / bdud dang / phas kyi rgol ba dang / nyan thos dang / rang sangs rgyas thams cad kyis gting dpag pa' ba'i shes rab yongs su dag pa dang / thams cad du chags pa med pa'i mtshan nyid kyi rjes su song ba'i phyir/ sangs rgyas thams cad kyi sku mthong ba dang / sems can thams cad zag ma nas rnam par dag par mthong ba dang / chos thams cad dben par mthong ba dang / zhing thams cad nam mkha'i rang bzhin du mthong ba'i shes rab yongs su dag pa dang / thams cad la khyad par can gyi ye shes rjes su thob pa'i phyir/ gzungs dang spobs pa la rten pa'i pha rol tu phyin pa thams cad dang / thabs kyi lag pa rkyong ba'i shes rab yongs su drug pa dang / chos thams cad kyi spyi bor gyur pa'i ye shes rab tu 'thob pa'i phyir/ sems kyi skad cig gcig dang ldan pas// chos thams cad mnyam pa nyid du rtogs pa'i ye shes rdo rje lta bu mi 'khrugs shing dbyer med pa'i mtshan nyid kyi shes rab yongs su dag pa'o/ / kye rgyal ba'i sras bcu po de dag ni/ byang chub sems dpa' rnams kyi shes rab

  643. 322b

    yongs su dag pa ste/ de dag la gnas shing byang chub sems dpa' rnams de bzhin gshegs pa'i ye shes snang ba chen po bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi byams pa yongs su dag pa ste/ bcu gang zhe na/ 'di ltar sems can la bye brag dbye ba med pa'i phyir/ sems mnyam pa'i byams pa yongs su dag pa dang / sems can thams cad kyi bya ba ci yod pa la brtson par bya ba'i phyir/ phan pa'i dngos po'i byams pa yongs su dag pa dang / sems can thams cad rga shi'i nyam nga ba las bsgral ba'i phyir/ rang gis bskyab pa'i byams pa yongs su dag pa dang / 'dus byas kyi dge ba'i rtsa ba la lhag par dmigs pa'i phyir/ 'gro ba thams cad yongs su mi gtong zhing 'phangs par sems pa dang ldan pa'i byams pa yongs su dag pa dang / 'gro ba thams cad kyi nyon mongs pa yang dag par gcad pa'i phyirarnam par dpral ba'i byams pa yongs su dag pa dang / 'gro ba thams cad thams cad mkhyen pa nyid kyi sems la mos par bya ba'i phyir/ byang chub kyi rnam pa mngon par bsgrubs pa'i byams pa yongs su dag pa dang / thams cad du 'od zer mnyam par rab tu dbye ba'i phyir/ 'gro ba thams cad la khong khro ba med pa'i byams pa yongs su dag pa dang / sems can

  644. 323a

    thams cad yongs su bskyab pa'i phyir/ nam ma par rgyas par 'gengs pa'i byams pa yongs su dag pa dang / yang dag pa ji lta ba bzhin du mngon par 'tshang rgya ba'i phyir/ chos la dmigs pa'i byams pa yongs su dag pa dang / sems can skyon meng par gzung ba'i phyir/ sgrib pa med pa'i byams pa yongs su dag pa'o// kye rgyal ba'i sras bcu po de dag ni/ byang chub sems dpa' rnams kyi byams pa yongs su dag pa ste/ de dag la gnas shing byang chub sems dpa' rnams de bzhin gshegs pa'i byams pa chen po bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi snying rje chen po yongs su dag pa ste/ bcu gang zhe na 'di ltar khong nas snying rje ba'i phyir/ grogs med pa'i snying rje chen po yongs su dag pa dang / sdug bsngal gyi phung po thams cad len pa la zhum pa med pa'i phyir/ yongs su skyo ba med pa'i snying rje chen po yongs su dag pa dang / ched du bsams te skye ba len cing mngon par 'dren pa'i phyir/ ngan song dang mi khom par skyes pa thams cad la snying rje chen po yongs su dag pa dang / mi rtag pa'i don yongs su bstan pa'i phyir/ lha dang mir skyes pa thams cad la snying rje chen po yongs su dag pa dang / bskal pa dpag tu med par go cha mi

  645. 323b

    'dor ba'i phyir/ log par nges pa thams cad la snying rje chen po yongs su dag pa dang / sems can thams cad la bde ba bstabs pa'i phyir/ bdag gi bde ba la chags pa med pa'i snying rje chen po yongs su dag pa dang / rang gi sems yongs su sbyang ba'i phyir/ legs par byas pa thams cad la lan mi re ba'i phyir snying rje chen po yongs su dag pa dang / yang dag pa ji lta ba bzhin du chos bstan pa'i phyir/ phyin ci log dang mi shes pa la gnas pa'i 'jig rten gyi rgyu rnam par bzlog pa'i snying rje chen po yongs su dag pa kye rgyal ba'i sras gzhan yang byang chub sems dpa' chos thams cad rang bzhin gyis 'od dang zhing gsal ba dang yongs su gdung ba med pa dang / kun nas 'khrug pa med pa ste/ glo bur gyi dri ma dang / kun nas nyon mongs pas kun nas nyon mongs par gyur to zhes bya bar shes nas sems can thams cad la thog ma nas dag cing rnam par dag pa dang / dri ma med cing yongs su dag pa dang / rang bzhin gyis 'od dang zhing gsal ba'i chos bstan pa'i phyir/ snying rje chen po skye ba dang / kye rgyal ba'i sras gzhan yang byang chub sems dpas chos thams cad nam mkha'i bya'i lam lta bu yin yang / rang gi sgrib pas bsgribs pas shes par ma gyur to zhes bya bar shes nas/ sems can thams cad la yang dag pa'i lam theg pa chen po'i 'byung ba yongs su

  646. 324a

    bstan pa'i phyir/ snying rje chen po 'byung ba'o// kye rgyal ba'i sras bcu po de dag ni/ byang chub sems dpa' rnams kyi snying rje chen po yongs su dag pa ste/ de dag la gnas shing byang chub sems dpa' rnams de bzhin gshegs pa'i thugs rje chen po bla na med pa yongs su dag pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi dga' ba yongs su dag pa ste/ bcu gang zhe na/ 'di ltar rab tu dga' bas byang chub kyi sems bskyed pa ni dga' ba yongs su dag pa'o/ / gnod pa med par bdog pa thams cad yongs su gton pa ni dga' ba yongs su dag pa'o// sems zhum pa med pas sems can tshul khrims ngan pa can yongs su smin par byed pa ni dga' ba yongs su dag pa'o/ / sems can thams cad kyi nyes byas bzod par bya ba'i phyir/ dam bcas pa mthar phyin par byed pa ni dga' ba yongs su dag pa'o// chos don du gnyer ba'i phyir/ lus dang srog btang ba la 'gyod pa med pa ni dga' ba yongs su dag pa'o// chos la mos shing dga' ba ni dga' ba yongs su dag pa'o// 'dod pa'i dga' ba thams cad spong ba ni dga' ba yongs su dag pa'o/ / sangs rgyas blta ba dang bsnyen bkur bas mi ngoms shing / chos kyi dbyings tha dad du mi 'byed pa ni dga' ba yongs su dag pa'o//

  647. 324b

    bsam gtan dang / rnam par thar pa dang / ting nge 'dzin dang / snyoms par 'jug par 'byung ba thams cad la sems can gzhan mos par byed pa ni dka' ba yongs su dag pa'o// zhi ba dang thub cing mi 'khrug pa la bsam gtan 'cha' ba/ shes rab kyi shes che bas lta ba bsal ba dang / brtul zhugs dang dka' thub yongs su rdzogs par bya ba'i bsam pas/ byang chub sems dpa'i spyod pa rgyun mi 'chad par byed pa ni dga' ba yongs su dag pa'o/ / kye rgyal ba'i sras bcu po de dag ni/ byang chub sems dpa' rnams kyi dga' ba yongs su dag pa ste/ de dag la gnas shing byang chub sems dpa' rnams de bzhin gshegs pa'i dgyes pa chen po yongs su dag pa bla na med pa 'thob par 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi btang snyoms yongs su dag pa ste/ bcu gang zhe na/ 'di ltar sems can thams cad kyis rim gro byas kyang dga' ba med la/ sems can thams cad kyis rim gro ma byas kyang khong khro bar mi 'gyur ba'i btang snyoms yongs su dag pa dang / 'jig rten gyi chos brgyad las rnam par 'das par spyod pas btang snyoms yongs su dag pa dang / snod ma yin pa rnams kyang bkol te mi 'dor la/ snod du gyur pa rnams kyi dus dang yang sbyor ba'i btang snyoms yongs su dag pa dang / nyan thos dang / rang sangs

  648. 325a

    rgyas dang / slob pa dang / mi slob pa rnam par dag pa'i chos thob par gyur pa rnams la rtsol ba gtong ba'i btang snyoms yongs su dag pa dang / 'dod pa'i dga' ba dang / rtsed mo dang / longs spyod dang / kun nas nyon mongs pa'i bag tu 'gyur ba'i chos thams cad la sems 'brel bar mi gtong ba'i btang snyoms yongs su dag pa dang / nyan thos dang rang sangs rgyas kyi theg pa 'khor bas skyo ba'i rnal 'byor la spyod pa rnams dang rten par mi byed pa'i btang snyoms yongs su dag pa dang / 'jig rten rgyang 'phan pa'i gtam thams cad dang / mya ngan las mi 'da' ba dang / 'dod chags dang mi 'bral ba'i gtam dang / mi rigs shing 'du 'dzir gyur pa'i gtam dang / gzhan la mtho 'tsham pa'i gtam dang / nyan thos dang rang sangs rgyas kyi gtam dang / mdor na byang chub sems dpa'i lam las 'gol ba'i gtam thams cad dang 'du ba med pa'i btang snyoms yongs su dag pa dang / dran pa dang / blo'i stobs dang / shugs ji lta ba bzhin du gang la yongs su smin par byas pa'i sems can de dag gis/ de la gong ma'i chos shes par mi nus na'ang de dag gi dus bsdad pas btang snyoms yongs su dag pa dang / byang chub sems dpa'i sngon yongs su smin par byas pa gang de bzhin gshegs pa'i sas 'dul bar gyur pa de dag la bsdad

  649. 325b

    pa'i phyir btang snyoms yongs su dag pa dang / kye rgyal ba'i sras gzhan yang byang chub sems dpa' rnams kyi btang snyoms gnyis dang bral zhing mtho dman med la/ blang dor med cing rtog pa dang / rnam par rtog pa dang / yongs su rtog pa dang bral bas rtag tu mnyam par gzhag cing / chos yang dag pa ji lta ba bzhin du khong du chud par gnas pa'i bzod pa thob pa'i btang snyoms yongs su dag pa'o/ / kye rgyal ba'i sras bcu po de dag ni/ byang chub sems dpa' rnams kyi btang snyoms yongs su dag pa ste/ de dag la gnas shing byang chub sems dpa' rnams de bzhin gshegs pa'i btang snyoms chen po yongs su dag pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi don te/ bcu gang zhe na/ 'di ltar nan tan lhur len pa'i phyir thos pa'i don dang / rab tu dbye ba la mkhas pa'i phyir chos kyi don dang / don dam pa stong pa nyid kyi phyir stong pa'i don dang / sems can gyi 'du 'dzas dben pa'i phyir dben pa'i don dang / sems can gyi sbal mngon par chags pa med pa'i phyir rjod du med pa'i don dang / dus gsum mnyam pa nyid kyi phyir yang dag pa ji lta ba bzhin gyi don dang / ro mnyam pa nyid kyi phyir chos kyi dbyings la 'jug pa'i don dang / de bzhin nyid kyi rjes su 'brang

  650. 326a

    pa'i phyir de bzhin nyid kyi don dang / yang dag pa'i mtha' rtogs pa'i phyir yang dag pa'i mtha'i don dang / sdug bsngal gyi phung po yang dag par gcad cing / byang chub sems dpa'i spyod pa bsgrub pa bskyed pa'i phyir/ mya ngan las 'das pa chen po'i don to// kye rgyal ba'i sras bcu po de dag ni/ byang chub sems dpa' rnams kyi don te/ de dag la gnas shing byang chub sems dpa' rnams thams cad mkhyen pa'i ye shes kyi don bla na med pa 'thob par 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi chos te/ bcu gang zhe na/ 'di ltar ji skad du smras pa de bzhin du bya ba'i phyir/ bden pa'i chos dang / len cing 'dzin pa thams cad yongs su gcad pa'i phyir/ yongs su 'dzin pa med pa'i chos dang / nyon mongs pa'i 'bar ba thams cad rab tu zhi bar bya ba'i phyir/ rtsod pa med pa'i chos dang / yongs su gdung ba dang bral ba'i phyir/ zhi ba'i chos dang / 'dod chags kyi dri ma dang nyon mongs pa thams cad dang bral ba'i phyir/ 'dod chags dang bral ba'i chos dang / dmigs pa thams cad rgyun chad pa'i phyir/ yongs su rtogs pa med pa'i chos dang / nam mkha' dang 'dra zhing mtshungs pa'i phyir/ mi skye ba'i chos dang / skye ba dang / 'jig pa dang /

  651. 326b

    gnas pa med pa'i phyir/ 'dus ma byas kyi chos dang / rang bzhin gyis kun nas nyon mongs pa med pa'i phyir/ rang bzhin gyi chos dang / byang chub sems dpa'i spyod pa bsgrub cing yongs su gzung ba'i phyir/ phung po thams cad spangs te/ mya ngan las 'das par 'gro ba'i chos so// kye rgyal ba'i sras bcu po de dag ni/ byang chub sems dpa' rnams kyi chos te/ de dag la gnas shing byang chub sems dpa' rnams de bzhin gshegs pa'i chos nyid bla na med pa 'thob par 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi bsod nams kyi tshogs te/ bcu gang zhe na/ 'di ltar dkon mchog gsum gyi gdung rgyun mi gcod pa'i phyir/ pha rol byang chub kyi sems la yi dam 'char gzhug pa'i bsod nams kyi tshogs dang / mi dge ba'i chos thams cad spang zhing / dge ba'i chos thams cad yang dag par bsdu bar bya ba'i phyir/ yongs su bsngo ba'i rnam pa bcu'i rjes su 'brang ba'i bsod nams kyi tshogs dang / 'jig rten gsum gyi bsod nams zil gyis mnan pa'i phyir/ shes rab dang ye shes bstan pa'i bsod nams kyi tshogs dang / sems can gyi khams thams cad pha rol gyi mthar bsgrub pa'i phyir/ yongs su skyo ba med pa'i bsod nams kyi tshogs dang / yongs su bzung ba thams cad

  652. 327a

    gtong ba'i phyir/ nang dang phyi'i dngos po thams cad yongs su gtong ba'i bsod nams kyi tshogs dang / brtson 'grus chen po brtsams pas sems kyi sgo gtan 'byed cing mchod sbyin rab tu bya ba'i phyir/ mtshan dang dpe byad bzang po yongs su rdzogs par bya ba'i bsod nams kyi tshogs dang / thabs dang / tshul dang / 'thad pas yongs su gzung ba'i phyir/ dge ba'i rtsa ba rab 'bring dang / tha mas rlom sems med par yongs su bsngo ba'i bsod nams kyi tshogs dang / skyes bu dam pa'i rnam par gnon pa yongs su bstan pa'i phyir/ yang dag pa dang / log par nges pa dang / nyams dma' zhing dge ba'i rtsa ba ma bsags pa rnams la brnyas pa med cing / snying rje chen po dang ldan pa'i bsod nams kyi tshogs dang / lhag pa'i bsam pa brtan pas yongs su skyong ba'i phyir/ de bzhin gshegs pa thams cad la mchod cing rim gror bya ba dang / byang chub sems dpa' thams cad la ston pa ltar dben par sems pa dang / sems can thams cad kyi bya ba ci yod pa byed pa la brtson pa'i bsod nams kyi tshogs dang / kye rgyal ba'i sras dge ba'i rtsa ba bskal pa grangs med par bsags shing yongs su bsdus te/ lag pa'i mthil du phyin cing bdag la dbang yod par gyur pa'i byang chub kyang sems can la la zhig la

  653. 327b

    yongs su btang ste/ byin na mi dka' ba med la 'gyod pa med cing de bzhin du sems can ma lus pa thams cad la'ang rang la dbang yod par yongs su bsdus te/ lag pa'i mthil du phyin pa'i byang chub yongs su btang ste/ byin yang mi dga' ba med la phyis 'gyod pa med pa 'di ni/ byang chub sems dpa' rnams kyi bsod nams kyi tshogs nam mkha'i dbyings rgya chen po'i rjes su song ba zhes bya ba ste/ ye shes chen po yangs pa khong du chud pa'i rgyur 'gyur ba'o// kye rgyal ba'i sras bcu po de dag ni/ byang chub sems dpa' rnams kyi bsod nams kyi tshogs te/ de dag la gnas shing byang chub sems dpa' rnams de bzhin gshegs pa'i bsod nams kyi tshogs chen po bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi ye shes kyi tshogs te/ bcu gang zhe na/ 'di ltar bsam pa sgyu med par bya ba'i phyir/ yang dag pa'i dge ba'i bshes gnyen mang du thos pa rnams la brten pa dang / bkur ba dang / bsnyen bkur bya ba dang / rim gror bya ba dang / bsti stang du bya ba dang / bla mar bya ba dang / gus par bya ba dang / bka' blo bde zhing mthun par len pa'i ye shes kyi tshogs dang / bdag snod du bya ba'i phyir/ nga rgyal med cing 'dud pa dang / phyag 'tshal ba dang / rab tu gus pa dang /

  654. 328a

    lus dang sems las su rung ba dang / khong bde ba dang / mi slu ba dang / mi rtsub pa dang / des shing 'jam la mnyen pa dang / bzhin 'dzum zhing khro gnyer med pa dang / 'dor te gsong por smra ba dang / rab tu dga' ba dang / mi 'chos pa dang / g.yo med pa dang / sgyu med pa'i ye shes kyi tshogs dang / ye shes kyi rnam pa bcu la rab tu sbyar ba'i phyir/ dran pa shes bzhin dang / rtogs pa khong du chud pa dang / blo gros mi g.yeng ba dang / ngo tsha shes pa dang / mos pa la rab tu gnas pa dang / rjes su dran par bya ba drug dran pa dang / gus pa drug yongs su bstan pa dang / snying por bya ba'i chos drug gi rjes su 'brang ba'i ye shes kyi tshogs so// bsam pa dang yid la bya ba gzhan med par bya ba'i phyir/ chos dron du gnyer ba dang / chos 'dod pa dang / chos la mos shing dga' ba dang / chos btsal ba dang / thos pas mi ngoms pa dang / 'jig rten rgyang 'phan pa dang ma 'dres pa dang / 'jig rten pa'i gtam thams cad spong ba dang / 'jig rten las 'das pa'i gtam lhur len pa dang / thag pa dma' zhing blo gros yangs pa'i theg pa la yang dag par gzhol ba'i ye shes kyi tshogs dang / nan tan lhur blang ba'i phyir pha rol tu phyin pa drug yongs su btsal ba la mthun par brtson pa dang / tshangs pa'i gnas bzhi rab tu sgrub pa dang /

  655. 328b

    rig pa dang mthun pa'i chos dang rten pa dang / mkhas pa'i skye bo la yongs su 'dri ba dang / lam nyam nga ba dang bral zhing yang dag pa'i lam la ma nor bar gzhol ba dang / bskul ba dang dran par bya ba dang / mos par bya bas rang gi sems 'dul ba dang / pha rol gyi sems rjes su bsrung ba'i ye shes kyi tshogs dang / bdag dang gzhan gyi sems rnam par sbyang ba'i phyir/ rtag tu rgyun mi 'chad par 'byung ba'i sems dang / khams gsum las dben par dga' zhing rang gi sems rtogs par byed pa dang / mi dge ba'i sems kyi skabs mi 'byed cing / rnam par rtog pa gsum bsal bas lus dang / ngag dang / sems las su rung ba dang / sems kyi rang bzhin gcig tu nges pa rab tu rtogs par byed pa'i ye shes kyi tshogs dang / kye rgyal ba'i sras gzhan yang phung po rnams la sgyu ma lta bur rtog pa dang / khams rnams la sprul pa lta bu'i 'du shes su rtog pa dang / chos thams cad sgyu ma dang / smig rgyu ba dang / chu'i zla ba dang / rmi lam dang / mig yor dang / sgra b.rAn dang / gzugs brnyan dang / mig yor dang 'dra zhing / nam mkha'i ri mo dang mnyam pa dang / mgal me bskor ba lta bu ste/ 'ja'i tshen dang 'dra ba/ nyi ma dang zla ba'i 'od lta bu ste/ chos thams cad ni gzung du med pa/ mtshan ma med pa/ rtag pa med pa/ chad pa med pa/ song ba med pa

  656. 329a

    'ongs pa med pa ste/ chos thams cad mi gnas par rab tu rtog cing 'jug pa dang / mos pa dang / yid ches pa 'di ni skye ba dang 'jig pa la mi gnas pa zhes bya ba ye shes kyi tshogs bdun pa ste/ chos thams cad khong du chud pa dag pa'i rgyur 'gyur ba'o// chos thams cad bdag med pa dang / sems can med pa dang / srog med pa dang / gang zag med pa dang / sems med pa dang / don med pa dang / 'dod chags med pa dang / zhe sdang med pa dang / gti mug med pa dang / nyon mongs pa med pa dang / lus med pa dang / rdzas med pa dang / lta ba med pa dang / dri ma med pa dang / rjes med pa dang / gos pa med pa dang / rgyu ba med pa dang / zang zing med pa dang / mya ngan las 'das pa'i rgyud du yang dag par gzhol ba thos na mos shing yid ches la/ yid gnyis med cing the tsom mi za ba 'di ni ye shes kyi tshogs brgyad pa ste/ mos pa yongs su rdzogs par 'gyur ba'o/ / kye rgyal ba'i sras gzhan yang byang chub sems dpa' tshul bzhin gyi sbyor bas yang dag par bral bar byas pas/ dbang po bsdams pa lhag mthong dang zhi gnas kyis zhi ba dang / nye bar zhi ba dang / rab tu zhi bar gyur pa/ yid la bya ba thams cad kyis ma byas/ ma bskyed/ mngon par ma byas pa'i ngang tshul can bdag med pa

  657. 329b

    dang / sems can med pa dang / bdag gi 'du shes rnam par rgyu bas nan tan du byed pa med pa'i blo dang ldan pa/ zad pa med cing tshad med la/ mi dmigs pa'i bzod pa can/ lus dang / ngag dang / sems blang ba med pa dang dor ba med pas sngon du 'gro ba'i brtson 'grus dang ldan pa/ sems can thams cad dang chos thams cad la mi gnas par bsam gtan 'cha' ba/ tshu rol med pa/ pha rol med pa/ tshu rol dang pha rol dang bral ba/ rgyu ba med pa rgyu ba dang bral ba'i shes rab kyis de ltar nges par rtog pa 'di ni ye shes kyi tshogs dgu pa ste/ mtshan ma dang yongs su rtog pa thams cad kyi pha rol tu phyin par 'gyur ba'o// kye rgyal ba'i sras rten pa mthong bas ni/ chos mthong ba shin tu rnam par dag par 'gyur/ chos mthong bas ni zhing mthong ba shin tu rnam par dag par 'gyur/ zhing mthong bas ni nam mkha' mthong ba shin tu rnam par dag par 'gyur/ nam mkha' mthong bas ni chos kyi dbyings mthong ba shin tu rnam par dag par 'gyur/ chos kyi dbyings mthong bas ni ye shes mthong ba shin tu rnam par dag par 'gyur ba 'di ni ye shes kyi tshogs bcu pa ste/ thams cad mkhyen pa'i ye shes yang dag par bsgrub pa'i rgyur 'gyur ba'o/ / kye rgyal ba'i sras bcu po de dag ni/ byang chub sems dpa' rnams kyi ye shes kyi tshogs te/ de dag la gnas shing byang chub sems dpa' rnams chos thams cad la

  658. 330a

    ma chags ma bsgrubs pa'i ye shes shin tu rnam par dag pa bla na med pa 'thob par 'gyur ba dag go kye rgyal ba'i sras bcu po 'di dag ni/ byang chub sems dpa' rnams kyi rig pa skye ba ste/ bcu gang zhe na/ 'di ltar chos shin tu rnam par phye ba'i blo ni rig pa skye ba'o// chos rnams la chags pa med pa'i rnal 'byor ni rig pa skye ba'o/ / lta ba ma log pa ni rig pa skye ba'o// dbang po rnams la shes rab snang ba ni rig pa skye ba'o// rig pa brtsams pa la yang dag par sbyor ba ni rig pa skye ba'o// ye shes mngon par rtogs par bya ba'i phyir/ bden pa la 'jug pa ni rig pa skye ba'o// las dang nyon mongs pa la zad cing mi skye bar shes pa ni rig pa skye ba'o// shes rab dang ye shes kyis rnam par 'byed pa'i lha'i mig ni rig pa skye ba'o/ / sngon gyi mtha' nas rnam par sbyangs pa'i sngon gyi gnas rjes su dran pa ni rig pa skye ba'o// mngon par shes pa yongs su sbyangs pas sems can la lta ba'i zag pa zad pa'i ye shes ni rig pa skye ba'o/ / kye rgyal ba'i sras bcu po de dag ni/ byang chub sems dpa' rnams kyi rig pa skye ba ste/ de dag la gnas shing byang chub sems dpa' rnams sangs rgyas thams cad kyi chos kyi rig pa snang ba bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi chos yongs su tshol ba ste/ @

  659. 330b

    gang zhe na/ 'di ltar g.yo dang sgyu med pas bsam pa thab par chos yongs su tshol ba dang / brtson 'grus lhod pa med par sran 'dzugs pas brtson 'grus kyis chos yongs su tshol ba dang lus dang srog la mi lta bar chos yongs su tshol ba dang / rnyed pa dang / stobs dang / bkur sti dang / grags pa'i phyir ma yin gyi/ 'gro ba thams cad kyi nyon mongs pa spang ba'i phyir chos yongs su tshol ba dang / bdag 'ba' zhig la phan pa'i phyir ma yin gyi/ bdag dang gzhan dang 'gro ba thams cad la phan pa'i phyir chos yongs su tshol ba dang / chos kyi mdangs kyi ra chod bya ba'i phyir ma yin gyi/ shes rab la 'jug pa'i phyir chos yongs su tshol ba dang / go blo la dga' ba'i phyir ma yin gyi/ rab tu brten par bya ba'i phyir chos yongs su tshol ba dang / byang chub kyi sems ma btang bas sems can la snying rje ba'i phyir chos yongs su tshol ba dang / yid gnyis dang bral ba'i phyir sems can thams cad kyi the tsom gcad pa'i chos yongs su tshol ba dang / rlom sems med cing 'dod pa med pa'i phyir/ sangs rgyas kyi chos yongs su rdzogs par bya ba'i chos yongs su tshol ba'o// kye rgyal ba'i sras bcu po de dag ni/ byang chub sems dpa' rnams kyi chos yongs su tshol ba ste/ chos yongs su tshol ba de dag gis byang chub sems dpa' rnams sangs rgyas kyi chos thams cad la gzhan

  660. 331a

    gyi dring mi 'jog pa'i ye shes bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa'i rnams kyi chos rab tu brjod pa ste/ bcu gang zhe na/ 'di ltar byis pa so so'i skye bo rnams la kun rdzob la 'jug pa'i dge ba'i rtsa ba bskyed pa dang / dad pa'i rjes su 'brang ba rnams la dad pa mi phyed pa dang / chags pa'i gnas las bzla zhing chos kyi rang bzhin khong du chud par bya ba dang / chos kyi rjes su 'brang ba rnams la chos la gnas pa dang / chos kyi rjes su brtson pa dang / chos dang gnyer ba'i chos la nan tan du byed pa dang / brgyad pa rnams la log pa brgyad la bzla zhing yang dag pa brgyad la 'jug pa dang / rgyun du zhugs pa rnams la kun tu sbyor ba yongs su spang ba dang / 'khor ba'i rgyun gcad pa dang / don dam pa'i bden pa mthong ba dang / lan cig phyir 'ong ba rnams la ro myong ba'i kha na ma tho ba yongs su brtag pa dang / gang du'ang ma 'ongs la mi 'gro ba'i chos rab tu brjod pa dang / phyir mi 'ong ba rnams la khams gsum du mngon par dka' ba med pas skad cig 'ga' tsam du'ang skye bar mi smon pa'i phyir/ zag pa zad par rab tu brjod pa dang / dgra bcom pa rnams la mngon par shes pa drug gis rnam par 'phrul pa dang / rnam par thar pa brgyad kyis rnam par rtse ba dang / mthar gyis spyod cing snyoms par

  661. 331b

    'jug pa dgu'i ting nge 'dzin la snyoms par 'jug pa dang / tha dad pa yang dag par shes pa bzhi rab tu brjod pa dang / rang sangs rgyas rnams la rten cing 'brel par 'byung ba la 'jug pa'i ro gcig pa dang / gcig tu dga' ba dang / dben pa la dka' ba dang / smra ba nyung ba dang / bya ba nyung ba dang / rang byung gis yongs su mnan pa dang / ma thos par rang gi ye shes mngon par rdzogs par bya ba rab tu brjod pa dang / byang chub sems dpa' rnams la blo gros rgya chen po dang / dbang po rno ba dang / rtag tu rgyun mo 'chad par sems can rab tu thar par byed pa'i sems dang / bsod nams kyi tshogs bsags pa dang / stobs bcu dang / mi 'jigs pa dang / sangs rgyas kyi chos thams cad yongs su rdzogs par bya ba rab tu brjod pa'o/ / kye rgyal ba'i sras bcu po de dag ni/ byang chub sems dpa' rnams kyi chos rab tu bstan pa ste/ de dag la gnas shing byang chub sems dpa' rnams de bzhin gshegs pa'i shes rab dang / ye shes chen po rab tu brjod pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi chos kyi nan tan te/ bcu gang zhe na/ 'di ltar dge ba'i bshes gnyen la gus par byed pas chos la nan tan byed pa dang / lhas yang dag par bskul zhing chos la nan tan byed pa dang / sangs rgyas bcom ldan

  662. 332a

    'das rnams la ngo tsha dang khrel gyis 'dzem zhing chos la nan tan byed pa dang / sems can la snying rje ba'i phyir 'khor ba'i rgyun mi gcod pas chos la nan tan byed pa dang / shin tu mthar phyin par legs par byas pas phyir 'khrug pa med par chos la nan tan byed pa dang / byang chub sems dpa' brtson 'grus chen po thag pa chen po la zhugs pa/ gzhan gyi rjes su bslab par bya'o zhes chos la nan tan byed pa dang / tshul bzhin gyi sbyor bas log pa spang ba'i phyir chos la nan tan byed pa dang / bdud kyi las dang nyon mongs pa thams cad gzhom pa'i phyir chos la nan tan byed pa dang / sangs rgyas su gyur nas sems can thams cad kyi dbang po mchog dang / tha ma shes pas chos bstan par bya'o zhes chos la nan tan byed pa dang / sems chos kyi dbyings mtha' dang dbus med pa yangs shing rgya che ba'i yongs su sbyang ba'i phyir chos la nan tan byed pa'o/ / kye rgyal ba'i sras bcu po de dag ni/ byang chub sems dpa' rnams kyi chos kyi nan tan te/ de dag la gnas shing byang chub sems dpa' rnams de bzhin gshegs pa'i nan tan bla na med pa 'thob par 'gyur ba dag go// kye rgyal ba'i sras bcu po 'di ngag ni/ byang chub sems dpa' rnams kyi bdud de/ bcu gang zhe na/ 'di ltar mngon par chags pa'i phyir phung po'i bdud dang / glags su 'gyur ba'i phyir nyon mongs pa'i bdud dang /

  663. 332b

    bsgrib pa'i phyir las kyi bdud dang / slong ba'i phyir sems kyi bdud dang / skyes pa dang bral bar byed pas tsam gyi bdud dang / g.yo ba dang / rlom pa dang / 'gyur ba dang / bag med par spyod pas lha'i bu'i bdud dang / de la zhen pa'i phyir dge ba'i rtsa ba'i bdud dang / ro myong bar byed pa'i phyir ting nge 'dzin gyi bdud dang / gzugs brnyan gyi phyir dge ba'i bshes gnyen gyi bdud dang / smon lam mngon par mi sgrub pas chos kyi dbyings kyi ye shes khong du chud pa'i bdud do// kye rgyal ba'i sgras bcu po de dag ni/ byang chub sema? dpa' rnams kyi bdud de/ de dag yongs su spang ba'i phyir/ byang chub sems dpas brtson par bya ba dag go/ kye rgyal ba'i sras bcu po 'di dag ni/ byang chub sems dpa' rnams kyi bdud kyi las te/ bcu gang zhe na/ 'di ltar byang chub kyi sems nyams pa'i dge ba'i rtsa ba brtsam pa thams cad bdud kyi las so// sems mi mnyam pa'i sbyin pa yongs su gtong ba dang / tshul khrims la 'khrug pa dang / ngan sems dang ldan pa yongs su spong ba dang / le lo can yongs su gtong ba dang / sems 'khrugs pa la brnyas pa dang / shes rab 'chal pa can la smod pa ni bdud kyi las so// chos la slob dpon gyi bcabs pa dang / chos kyi snod la khyad du gsod pa dang / zang zing la 'brel bar chos ston

  664. 333a

    pa ni bdud kyi las so/ / snong ma yin pa la chos rgya chen po ston pa ni bdud kyi las so// pha rol tu phyin pa rnams mi thos pa dang / zlos na log par 'jug pa dang / log par zhugs nas le lo byed pa dang / le lo byas nas sems zhum par byed pa dang / sems zhum par gyur nas/ byang chub kyi lam yangs pa dang ldan pa'i sems dang sems las byung ba'i chos mi 'byung ba ni bdud kyi las so/ / sdig pa'i grogs la brten pa dang / dge ba'i bshes gnyen yongs su spong ba dang / nyan thos dang rang sangs rgyas kyi theg pa 'dod ba dang / skye ba'i skye mched la mngon par mi dga' ba dang / mya ngan las 'das pa dang / 'dod chags dang bral ba dang / sems nye bar zhi ba ni bdud kyi las so// byang chub sems dpa' la zhe sdang ba'i bsam pa dang / mi snyan par rjod pa dang / 'thob pa'i bgegs byed pa dang / 'khrul pa'i skyon tshol ba dang / mi bde ba'i mig gis lta ba ni bdud kyi las so/ / dam pa'i chos la spong ba dang / ma thos pa'i mdo sde thos na smod pa dang / chos smra ba gzhan gyis bshad pa nyan pa mi dka' zhing brnyas te khyad du gsod pa dang bdag bstod pa dang / gzhan smod pa ni bdud kyi las so// 'jig rten rgyang 'phan pa tshol zhing yi ge sna tshogs dang / 'bru sna tshogs su rang bzor byas pa'i rang bzo la dga' ba dang /

  665. 333b

    nyan thos dang rang sangs rgyas kyi gtam rjes su dran pa dang / zab mo'i gtam 'chab cing sbe da pa dang / gtam sna tshogs rnam par brjod pa dang / snod ma yin pa la zab mo'i chos ston pa dang / byang chub kyi lam mi tshol ba dang / lam ngan pa'i rgyud la gnas pa ni bdud kyi las so// grol ba dang / rgal ba dang / dbugs phyin pa la ni brten cing bsnyen pa dang / bkur ba dang / rim gro byed kyi/ ma grol ba dang / ma rgal ba dang / dbugs ma phyin pa la mi sten mi snyen bkur ba mi byed/ rim gro mi byed/ yongs su smin par mi byed pa dang / mngon pa'i nga rgyal du lhung ste/ su la'ang mi 'dud cing nga rgyal yongs su 'phel bar byed pa dang / sems can la khong khro ba dang / chos kyi ye shes mi tshol ba dang / ye shes kyi gter mi srung ba dang / sems rtag tu brlang ba dang / mgu dka' zhing gsol ba gdab par dka' ba ni bdud kyi las so// kye rgyal ba'i sras bcu po de dag ni/ byang chub sems dpa' rnams kyi bdud kyi las te/ de dag yongs su spangs shing / byang chub sems dpa' rnams sangs rgyas kyi chos tshol bar 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi bdud kyi las zlog pa ste/ bcu gang zhe na/ 'di ltar dge ba'i bshes gnyen bsnyen bkur ba'i phyir nga rgyal thams cad yongs su spang ba ni bdud kyi las bzlog pa'o//

  666. 334a

    bdag la mi bstod mi bsngags pa ni bdud kyi las bzlog pa'o// sangs rgyas kyi chos zab mo la mos shing mi spong ba ni bdud kyi las bzlog pa'o// thams cad mkhyen pa'i sems yongs su nyams par mi byed pa ni bdud kyi las bzlog pa'o/ / chos zab mo'i tshul la brtson zhing bka yod par gnas pa ni bdud kyi las bzlog pa'o// byang chub sems dpa'i sde snod la gnas shing chos thams cad yongs su tshol ba ni bdud kyi las bzlog pa'o/ / yang dang yang mnyan cing yang dag pa'i gtam gyis yongs su mi skyo ba ni bdud kyi las bzlog pa'o// 'jig rten gyi khams thams cad na bzhugs pa'i de bzhin gshegs pa thams cad la skyabs dang dpung gnyen tshol ba'i 'du shes ni bdud kyi las bzlog pa'o// bsgrub pa la sangs rgyas thams cad kyi byin gyi rlabs rjes su dran zhing mos pas yang dag par len pa ni bdud kyi las bzlog pa'o/ / byang chub sems dA pa'i grogs thams cad kyi dge ba'i rtsa ba dang / mi gnyis par mngon par bsgrub pa ni bdud kyi las bzlog pa'o/ / kye rgyal ba'i sras bcu po de dag ni/ byang chub sems dpa' rnams kyi bdud kyi las bzlog pa ste/ de dag gis byang chub sems dpa' rnams lam thams cad las 'da' bar 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi sangs rgyas mthong bar bya ba ste/

  667. 334b

    bcu gang zhe na/ 'di ltar mngon par rdzogs par byang chub pa'i sangs rgyas 'jig rten na bzhugs pa mngon par chags pa med par mthong bar bya ba dang / smon lam gyi sangs rgyas mngon par bsgrub pa dang / las rnam par smin pa'i sangs rgyas la yid ches par bya ba dang / byin gyi rlabs kyi sangs rgyas kyi rjes su 'brang bar bya ba dang / mya ngan las 'das pa'i sangs rgyas khong du chud par bya ba dang / chos kyi dbyings kyi sangs rgyas la thams cad du gzhol bar bya ba dang / sems kyi sangs rgyas gnas par bya ba dang / ting nge 'dzin gyi sangs rgyas la tshang du gnas par mi bya ba dang / rang bzhin 'od gsal ba'i sangs rgyas rab tu rtogs par bya ba dang / bsam pa ji lta ba bzhin gyi sangs rgyas rgya chen pos blang bar bya'o// kye rgyal ba'i sras bcu po de dag ni/ byang chub sems dpa' rnams kyi sangs rgyas mthong bar bya ba ste/ de dgal gnas shing byang chub sems dpa' rnams de bzhin gshegs pa mthong ba bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi sangs rgyas kyi 'phrin las te/ bcu gang zhen 'di ltar yang dag pa'i nan tan la mos par bya ba'i phyir/ dus su bskul pa ni sangs rgyas kyi 'phrin las so// sngon gyi dge ba'i rtsa ba yang dag par bskul ba'i phyir/ rmi lam du

  668. 335a

    sangs rgyas ston pa ni sangs rgyas kyi 'phrin las so/ / the tsom med pa'i ye shes kyi phyir ma thos pa'i mdo sde ston pa ni sangs rgyas kyi 'phrin las so// tsom med pa'i sems kyi phyir 'gyod pa'i kun nas 'khor bas yongs su non pa la 'byung ba'i las nye bar bsgrub pa ni sangs rgyas kyi 'phrin las so// 'jungs pa'i sems dang / shes rab 'chal pa'i bar gyi sems dang / nyan thos dang rang sangs rgyas kyi sems dang / the tsom dang nem nur gyi sems dang / de la zhen pa'i sems dang / nga rgyal gyi sems shig byung na/ sngon dge ba'i rtsa ba mngon par bsgrubs phyir/ mtshan gyis brgyan pa'i de bzhin gshegs pa'i skur mdun du gnas te/ zlog pa ni sangs rgyas kyi 'phrin las so// chos mnyan pa'i mu ge byung ba'i tshe/ chos nyan pa gang thos pas gzungs kyi ye shes thob par 'gyur ba de lta bu'i chos mnyan pa thos par byed cing / mngon par shes pa'i ye shes nye bar bstan te/ mos pa shin tu rnam par dag pa'i phyir sems can gyi don tshad med pa la brtson par sbyar ba 'di ni sangs rgyas kyi 'phrin las drug pa'o// bdud kyi las shig byung bar gyur nas nam mkha'i dbyings las sgra bsgrags pa'i tshul lam/ 'on tam yan lag nas rgyud pa'i tshul lam/ thabs sna tshogs kyis bdud kyi las de dag shes par byed pa dang /

  669. 335b

    khong du chud par byed pa dang / bsal bar 'dod par byed cing / de thos nas lhag pa'i bsam pa'i che ba nyid kyis zil gyis mnan te spyod par 'gyur ba 'di ni sangs rgyas kyi 'phrin las bdun pa'o/ / sngon smon lam shin tu bsgrubs pas mtshams med pa'i sems las yongs su bsrung ba dang / nyan thos dang rang sangs rgyas kyi skyon med par 'jug pa las bsrung ba dang / dbang po ma smin par rnam par grol bar dmigs pa las bzlog pa 'di ni sangs rgyas kyi 'phrin las so// 'khor ba brgyud du 'brel bar byed pa'i zag pa rnams yongs su gcod pa dang / gcod pa yongs su 'brel bar byed pa'i kun tu sbyor ba rnams yang dag par bsgrub pa dang / sems can rnams la snying rje chen po mngon par bsgrub pa dang / spyod pa yongs su bsgrub par mos kyang sbyor ba mya ngan las 'das pa 'di ni sangs rgyas kyi 'phrin las dgu pa ste/ spyod pa rgyun mi 'chad pa'i rgyur 'gyur ba'o// kye rgyal ba'i sras khyod tshur shog bdag dang sems can kun kyang yongs su mya ngan las 'das par shes par gyis la/ sems can ma rgal bas ma 'jigs par bsod nams dang / ye shes kyi tshogs btsal bas mi ngoms pa la sems zhog cig/ mngon par 'du byed pa'i rang bzhin gyi mtshan nyid kyang ma btang zhig/ sangs rgyas kyi gzugs kyi sku'ang ma dor cig/ 'dod chags dang bral ba'ang

  670. 336a

    thob par gyis shig/ chos thams cad la chags pa med pa'i thams cad mkhyen pa'i ye shes kyang btsal bar gyis shig/ chos thams cad gzhan gyi dring 'jog pa med par sangs rgyas kyi zhing yang yongs su sbyang bar gyis shig/ zhing gi mtshan nyid nam mkha' lta bur yang shes par gyis shig/ sems can yongs su smin par bya bas kyang skyo zhig/ bdag med pa'i mtshan nyid kyang ma spong zhig/ mngon par shes pa'i ye shes la'ang rnam par 'phrul par gyis shig/ chos kyi dbyings las kyang ma g.yo zhig/ byang chub kyi sems bskyed pa'ang ma btang zhig/ thams cad mkhyen pa'i ye shes la'ang 'byung bar gyis shig/ chos kyi 'khor lo bskor bas kyang sems can thams cad tshim par gyis shig/ chos nyid brjod du med pa las kyang 'da' bar ma byed cig/ de bzhin gshegs pa'i rnam par 'phrul pa dang / byin gyi rlabs kyang yongs su ston cig/ byang chub sems dpa'i lus kyang ma dor cig/ yongs su mya ngan las 'das pa chen po'ang yongs su ston cig/ skye ba'i skye mched thams cad du'ang snang bar gyis shig ces/ kye rgyal ba'i sras rnam pa de lta bu'i chos zung dang / snal zhir bsgrub pa mngon par bsgrub pa'i rnams nye bar bsgrub pa 'di ni/ sangs rgyas kyi 'phrin las yang dag phul gyi chos bcu pa'o// kye

  671. 336b

    rgyal ba'i sras bcu po de dag ni/ byang chub sems dpa' rnams kyi sangs rgyas kyi 'phrin las te/ de dag la gnas shing byang chub sems dpa' rnams rang byung gi 'phrin las bzhan gyi dring mi 'jog pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi nga rgyal gyi las so// bcu pang zhe na/ 'di ltar bla ma dang / sbyin pa'i gnas dang / ba dang / ma dang / dge sbyong dang / bram ze dang / yang dag par song ba dang / yang dag par zhugs pa mo rim gro mang pa nga rgyal gyi las so/ / chos smra ba dang / khyad par gyi chos khong du chud pa dang / chos rgya chen po ston pa dang / theg pa chen po la yang dam par gnas pa dang / 'byung ba'i lasam gyi tshul shes pa dang / gzungs dang mdo sde la shin tu byang ba rnams la mi 'dud de/ khengs shing 'gying la chos dang smra ba la gus pa mi skyed pa dang / gus par mi can pa dang zhes mi byed pa ni nga rgyal gyi las so/ / chos nyan pa dang / yang dag pa'i gangs bya bar 'jug pa las chos kyi shugs chen po skyes kyang chos smra ba la legs so zhes bya ba mi sngar cing pa la zhig 'di la dad par 'gyur du 'ong ngo snyam pa ni nga rgyal gyi las so/ / lhag pa'i nga rgyal bskyed de/ bdag gi gzengs bstod cing gzhan gyi rnams smod pa dang / rang gi drong

  672. 337a

    mi 'dzin cing sems nges par rtogs mi skyed pa ni nga rgyal gyi las so/ / mtho ba'i nga rgyal bskyed de/ shes bzhin khong du chud bzhin du bsngags par 'os pa'i gang zag rnams kyi legs pa 'cha' ba dang / mi sbran par rjod cing gzhan gyi yon tan bsngags pas dka' bar mi 'gyur ba 'di ni nga rgyal gyi las so// 'di ni chos so// 'di ni 'dul ba'o/ / 'di ni yang dag par sangs rgyas kyi bka' yin no zhes bya bar yang shes la/ gang zag la zhe sdang zhing chos la zhe sdang ba dang / chos spong ba dang / gzhan yang dpa' bas ldog par byed pa ni nga rgyal gyi las so/ / stan mthon po 'dod cing gces par bya ba'i chos tshol ba dang / gzhan gyis rim gro bya bar sdod cing mngon par dga' ba dang / gnas brtan rgan pa tshangs pa'i spyod pa yun ring du spyod spyod pa rnams la mi ldang zhing mi bsu ba dang / bsnyen bkur mi byed pa ni nga rgyal gyi las so// bzhin khro gnyer can du byas shing mi 'dzum pa dang / tshig 'jam zhing mnyen pa med la rtag tu khengs pa'i sems kyis klan kA tshol zhing / glags lnga ba ni nga rgyal gyi las so// lhag pa'i nga rgyal du lhung zhing mkhas pa'i drung du mi 'gro/ mi sten mi snyen rim gro mi byed cing / dge ba ni gang / mi dge ba ni gang / bya ba ni tsi/ mi bya ba ni ci/ ci zhig byas na yun ring por don dang / bde ba

  673. 337b

    dang phan par 'gyur zhes mi 'dri/ mi dpyod de/ de rmongs pa las kyang rjes rmongs par gyur na/ gti mug gis slong zhing nga rgyal gyis brgyal te/ 'byung ba mi mthong ba ni nga rgyal gyi las so/ / de mngon pa'i nga rgyal gyis zil gyis non pas/ sangs rgyas skye ba mnyes par mi byed pa dang / sngon gyi dge ba'i rtsa ba zad par byed cing / gsar du mi sgrub la mi bshad pa 'chad pa dang / 'thab mo byed cing rtsod pa mang bar gyur te/ de de lta bu'i chos la mang du spyod pas/ 'dod rgyal chen por lhung ba'i gnas su gyur kyang // byang chub sems dpa'i stobs dang shugs kyis/ de dadung dbang phyug thob par 'gyur yang / bskal pa brgya stong du mar yang sangs rgyas skye ba mthong bar yang mi 'gyur na/ chos mnyan pa lta spos kyang ci dgos te 'di ni nga rgyal gyi las bcu pa'o/ / // bam po brgyad cu rtsa bzhi pa// kye rgyal ba'i sras bcu po 'di dag ni/ byang chub sems dpa' rnams kyi nga rgyal gyi las te/ de dag yongs su spangs shing / byang chub sems dpa' rnams ye shes kyi las bcu 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi ye shes kyi las te/ bcu gang zhe na/ 'di ltar las kyi rnam par smin pa la yid ches pas/ rgyu dang 'bras bu chud mi za ba ni ye shes kyi las

  674. 338a

    so/ / byang chub kyi sems mi gtong bas/ rtag tu rgyun mi 'chad par sangs rgyas yid la byed pa ni ye shes kyi las so// dge ba'i bshes gnyen la bsnyen cing bsten pa dang / rim gro byed cing de la ldang ba dang / bsnyen bkur ba dang / bla mar bya ba dang / nyan par dga' ba ni ye shes kyi las so// chos la ngon du gnyer cing chos 'dod pa dang / chos tshol ba dang / thos pa btsal bas ma ngoms pa dang / tshul bzhin yid la bya bas sbyor ba dang / tshul bzhin ma yin pa'i yid la byed pa yongs su spong ba ni ye shes kyi las so/ / sems can rnams la nga rgyal med pa dang / byang chub sems dpa' rnams la ston pa tsam du gces par sems pa dang / chos rnams la bdag tsam du gces par sems pa dang / de bzhin gshegs pa rnams la srog tsam du gces par sems pa dang / nan tan nyams su blang ba la sangs rgyas tsam du gces par sems pa ni ye shwe kyi las so/ / lus dang / ngagra dang / yid kyi las kha na ma tho ba med pa dang / 'tsho ba'i dbang po spang du mi rung ba dang / 'tsho ba mkhas pas bsngags pa dang / byang chub kyi las kyi rjes su rtsom pa'i rtsol ba ni ye shes kyi las so/ / rten cing 'brel par 'byung ba dang mi 'gal ba dang / lta ba'i thibs po dang bral ba dang / kati mug gi mun pa dang rab rib

  675. 338b

    sel ba dang / ma rig pa'i mun nag med par byed pa dang / chos thams cad la shes rab kyi snang ba rab tu thob par byed pa ni ye shes kyi las so// yongs su bsngo ba bcu'i rjes su 'brang ba dang / pha rol tu phyin pa rnams la mar 'du shes pa dang / thabs mkhas pa la phar 'du shes pa dang / bsam pa byang chub kyi rnam pa la zhugs pa ni ye shes kyi las so// sbyin pa dang / tshul khrims dang / thos pa dang / lhag mthong dang / zhi gnas yongs su tshol ba dang / bsod nams dang ye shes kyi tshogs yongs su tshol bas mi skyo ba ni ye shes kyi las so/ / las gang sangs rgyas kyis bsngags pa bdud kyi dkrugs ma dang / nyon mongs pa thams cad dang bral ba/ bsgribs pa dang / gcod pa dang / kun nas 'khor ba thams cad yongs su chad pa dang / sems can thams cad yongs su smin par bya ba dang / rnam par gdul ba'i ye shes dang mthun pa/ dam pa'i chos yongs su bzung ba la brtson pa/ sangs rgyas kyi zhing yongs su dag par byed pa'i mngon par shes pa dang / rig pa'i ye shes mngon sum du gyur cing / de lta bu'i las byed pa 'di ni ye shes kyi las yang dag phul gyi chos dang ldan pa bcu pa'o/ / kye rgyal ba'i sras bcu po de dag ni/ byang chub sems dpa' rnams kyi ye shes kyi las te/ de dag la gnas shing byang chub

  676. 339a

    sems dpa' rnams de bzhin gshegs pa'i ye shes chen po sngon du 'gro bas mngon par bsgrub pa la mkhas pa bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi bdud kyi byin gyi rlabs te/ bcu gang zhe na/ 'di ltar sems zhum par gyur pa ni bdud kyi byin gyi rlabs so// bsam pa 'khrugs pa ni bdud kyi byin gyi rlabs so// rgya chung ngus mgu ba ni bdud kyi byin gyi rlabs so// gcig las mi bzod pa ni bdud kyi byin gyi rlabs so// smon lam la lhag par mi dmigs pa ni bdud kyi byin gyi rlabs so/ / nyon mongs pa rnam par bzlog pa dang / zhi ba 'dod pa ni bdud kyi byin gyi rlabs so// 'khor ba'i rgyun gcod pa ni bdud kyi byin gyi rlabs so// spyod pa las phyir ldog pa ni bdud kyi byin gyi rlabs so// sems can yongs su smin par mi byed pa ni bdud kyi byin gyi rlabs so// chos la the tshom za zhing dam pa'i chos spong ba ni bdud kyi byin kyigyi rlabs so/ / kye rgyal ba'i sras bcu po de dag ni/ bdud kyi byin gyi rlabs te/ de dag yongs su spangs shing / byang chub sems dpa' rnams kyi sangs rgyas kyi byin gyi rlabs bla na meng pa 'thob par 'gyur ba dag ko/ kye rgyal ba'i sras bcu po 'di dag ni/ byang chub sems dpa' rnams kyi sangs rgyas kyi byin gyi rlabs te/ bcu gang zhe na/ 'di ltar

  677. 339b

    thog mar byang chub tu sems skye ba sangs rgyas kyi byin gyi rlabs so/ / tshe rabs su byang chub kyi sems mi stor ba ni sangs rgyas kyi byin gyi rlabs so// bdud kyi las khong du chud cing de rnam par zlog pa ni sangs rgyas kyi byin gyi rlabs so/ / pha rol tu phyin pa grag cing thos par gyur pa dang / thos nas kyang nan tan byed pa ni sangs rgyas kyi byin gyi rlabs so// 'khor ba'i sdug bsngal rab tu shes shing yongs su skyo bar mi byed pa ni sangs rgyas kyi byin gyi rlabs so/ / chos zab mo rtogs par bya bas 'bras bu thob par byed pa ni sangs rgyas kyi byin gyi rlabs so/ / sems can rnams la nyan thos dang / rang sangs rgyas kyi rnam par grol bas chos ston kyang / de'i rnam par grol ba la mos pa med pa ni sangs rgyas kyi byin gyi rlabs so// 'dus byas kyi rang bzhin la rtog cing 'dus ma byas la mi gnas la/ 'dus byas dang 'dus ma byas la mi gnyis par 'du shes pa ni/ sangs rgyas kyi byin gyi rlabs so// nying gi mtshams sbyor ba la gnas kyang / nying gi mtshams sbyor ba sel ba ni sangs rgyas kyi byin gyi rlabs so// thams cad mkhyen pa'i ye shes khong du chud kyang byang chub sems dpa'i spyod pa sgrub pa'i rigasu kyi rgyun gcod pa ni sangs rgyas kyi byin gyi rlabs so/ / kye rgyal ba'i sras bcu po de dag ni/ sangs rgyas kyi byin gyi rlabs te/ de dag la gnas shing byang chub sems dpa' rnams de bzhin

  678. 340a

    gshegs pa'i stobs bcu'i byin gyi rlabs bla na med pa 'thob par 'gyur ba dag go/ kye rgyal ba'i sras bcu po 'di dag ni/ byang chub sems dpa' rnams kyi chos kyi byin gyi rlabs te/ bcu gang zhe na/ 'di ltar 'dus byas thams cad mi rtag go zhes bya ba ni chos kyi byin gyi rlabs so// 'dus byas thams cad sdug bsngal lo zhes bya ba ni chos kyi byin gyi rlabs so/ / 'du byed thams cad bdag med do zhes bya ba ni chos kyi byin gyi rlabs so// mya ngan las 'das pa zhi ba'o zhes bya ba ni chos kyi byin gyi rlabs so/ / chos rnams ni rten cing 'byung ste/ rkyen rnams med par mi 'byung ba ni chos kyi byin gyi rlabs so// tshul bzhin ma yin pa kun nas byung bas ma rig pa kun nas 'byung ngo / / ma rig pa kun nas byung bas rga shi'i bar du kun nas 'byung ngo // tshul bzhin ma yin pa 'gags pas/ ma rig pa 'gag go// ma rig pa 'gags pas/ rga shi'i bar du 'gag par 'gyur ba ni chos kyi byin gyi rlabs so// nyan thos kyi theg pa rnam par thar pa'i sgo gsum gyis 'byung ba dang / rang sangs rgyas kyi theg pa nyon mongs pa med pa'i chos khong du chud pas byung ba ni chos kyi byin gyi rlabs so/ / theg pa chen po pha rol tu phyin pa drug dang / bsdu ba'i dngos po bzhis byung ba ni chos kyi byin gyi

  679. 340b

    rlabs so/ / sangs rgyas kyi yul zhing thams cad dang / chos thams cad dang / sems can thams cad dang / dus thams cad rab tu mkhyen pa'i ye shes mnga' ba ni chos kyi byin gyi rlabs so/ / mya ngan las 'das pa yid la bya ba thams cad yongs su chad pa dang / 'dzin pa thams cad rnam par spangs pa dang / sngon gyi mtha' dang phyi ma'i mtha'i rang bzhin gyi rjes su song bar shes pa ni chos kyi byin gyi rlabs so/ / kye rgyal ba'i sras bcu po de dag ni/ byang chub sems dpa' rnams kyi chos kyi byin gyi rlabs te// de dag la gnas shing byang chub sems dpa' rnams sangs rgyas thams cad kyi byin gyi rlabs bla na med pa 'thob par 'gyur ba dag go/ kye rgyal ba'i sras bcu po 'di dag ni byang chub sems dpa' rnams kyi dka' ldan na gnas pa'i las te/ bcu gang zhe na/ 'di ltar 'dod pa'i khams kyi lha'i bu rnams la 'dod pa'i dben pa bstan pa dang dbang phyug mi rtag pa bstan pa dang / phun sum tshogs pa thams cad rgud par 'gyur ba bstan pa dang / de dag byang chub kyi sems la yang dag par dgod pa 'di ni dga' ldan na gnas pa'i las dang po'o/ / gzugs kyi khams kyi lha'i bu rnams la bsam gtan dang / rnam par thar pa dang / ting nge 'dzin dang / snyoms par 'jug pa

  680. 341a

    la snyoms par 'jug pa dang / rnam par ldang ba ston cing / bsam gtan dang bsam gtan gyi yan lag de dag la mngon par zhen pa dang / sbed pas byung ba'i 'jig tshogs su lta ba dang / gti mug ki shas che ba'i nyon mongs pa rnams yang dag pa ji lta ba bzhin du bstan pa dang / gzugs dang gzugs med pa'i phyin ci log la zhugs pa thams cad la sdug par yid la byed pa thams cad mi sdug cing mi rtag par yongs su bstan te/ byang chub kyi sems la dkod pa 'di ni dga' ldan na gnas pa'i las gnyis pa'o/ / kye rgyal ba'i sras dka' ldan gyi gnas rab na gnas pa'i byang chub sems dpa' rnams ni rgyan bzang po'i ting nge 'dzin la gnas te/ lus las 'od bkye zhing / stong gsum gyi stong chen po'i 'jig rten gyi khams snang ba chen pos rgyas par bkang nas sems can rnams la dad pa ji bzhin du chos sna tshogs kyi sgra skad rab tu rjod de/ chos kyi sgra skad de dag thos nas sems dang bar gyur te/ dka' ldan gyi lha dang brtul zhugs mthun par skye bar 'gyur zhing de ltar skyes nas kyang byang chub kyi sems la dgod pa 'di ni dga' ldan na gnas pa'i las gsum pa'o/ / kye rgyal ba'i sras dka' ldan gyi gnas rab na gnas pa'i byang chub sems dpa' ni byang

  681. 341b

    chub sems dpa'i mig bsgribs pa med pas phyogs bcu'i dga' ldan gyi gnas rab na gnas pa'i byang chub sems dpa' rnams la lta ste/ byang chub sems dpa' de dag gis kyang byang chub sems dpa' de mthong ngo / / mthong nas kyang chos yang dag par 'gro ba chen po dang / yang dag pa'i chos kyi gtam chen po byed do// yum gyi skur gshegs pa dang / skye ba dang / 'byung ba dang / snying po byang chub kyi rgyan rnam par dgod pa'ang yang dag par bgro'o// sngon gyi spyod pa gang gis ye shes kyi che ba nyid de thob par 'gyur ba'i sngon gyi spyod pa de dag kyang rab tu rjod de/ gnas nas mi g.yo'ang bya ba 'di lta bu dag ston pa 'di ni dga' ldan na gnas pa'i las bzhi pa'o// kye rgyal ba'i sras dga' ldan gyi gnas rab ni gnas pa'i byang chub sems dpa'i drung du byang chub sems dpa' de la blta ba dang / phyag bya ba dang / bsnyen bkur bya ba'i phyir/ phyogs bcu nas dga' ldan gyi gnas rab na 'khod pa'i byang chub sems dpa' rnams 'ongs te/ byang chub sems dpa' de dag gi sems dang / bsam pa yongs su tshim par bya ba dang / smon pa yongs su rdzogs par bya ba'i phyir/ chos yang dag par 'gro ba'i sgo chen po yang dag par sto ta/ so so'i sa la gnas pa'i byang chub sems dpa' rnams kyis gang bya ba dang / gang spangs pa dang /

  682. 342a

    gang sgom pa dang / gang mngon du bya ba de dag kyang yang dag par ston to// yang dag par 'gro ba'i chos de dag thos nas kyang rab tu dga' zhing mgu ba dang rangs pas legs par brjod cing / rang rang gi zhing dang / rang rang gi gnas su 'dong bar 'gyur pa 'di ni dga' ldan na gnas pa'i las lnga pa'o// kye rgyal ba'i sras dka' ldan gyi gnas rab na gnas pa'i gan du nam bdud sdig can 'dod pa'i khams kyi dbang po 'khor mang pos yongs su bskor zhing glags btsal ba'i phyir 'ongs par gyur na yang de'i tshe/ byang chub sems dpa' bdud thams cad tshar gcod pa zhes bya ba'i rdo rje'i tshig la gnas shing / shes rab kyi pha rol tu phyin pa dang / thabs mkhas pas yang dag par bzung ba'i ye shes kyi sgros mnyam zhing mnyen pa'i mtha' gnyis bzung nas/ ci nas kyang bdud sdig can gyis glabs rnyed par mi 'gyur ba de lta de ltar byin gyis rlob bo// de lnga de ltar chos kyang ston te/ bdud kyi 'khor chen po des byang chub sems dpa'i rnam par 'phrul pa de lta bu mthong nas/ bla na med pa yang dag par rdzogs pa'i byang chub tu sems bskyad bar 'gyur ba 'di ni dka' ldan na gnas pa'i las drug pa'o/ / kye rgyal ba'i sras byang chub sems dpa' dga' ldan gyi gnas rab na gnas pa ni gang gi tshe/ 'di ltar 'dod pa'i khams kyi lha'i bu

  683. 342b

    'di rnams chos mnyan pa dang / yang dag par 'gro bas skyo bar gyur to zhes bya bar shes par gyur pa de'i tshe/ 'dod pa'i khams kyi gnas thams cad du sgra sgrog cing dbyangs 'byin te/ grogs po de dag de ring byang chub sems dpa' btsun mo'i 'khor chen po ston par mdzad kyis/ lta bar su 'dod pa de dag myur du shog cig ces nas/ der lha'i bu bye ba khrag khrig brgya stong kun nas 'du bar 'gyur te/ de dag dang byang chub sems dpa' rnams kun nas 'dus par gyur nas kyang / lha'i bu de dgra gis sngan chad ma mthong ma thos pa'i btsun mo 'khor de lta bu bstan nas/ de bdag nam dga' bas mos par gyur pa'i tshe/ de dag gis rol mo brdung ba dang dkrol ba de dag las/ kye grogs po rnams 'du byed rnams ni mi rtag go/ 'du byed thams cad ni sdug bsngal ba'o// chos thams cad ni bdag med pa'o// mya ngan las 'das pa ni zhi ba'o zhes sgra byung ba dang / byang chub sems dpa'i spyod pas ni thams cad mkhyen pa'i ye shes yongs su rdzogs par 'gyur ba'o zhes bya ba'i sgra 'byung ba thos par 'gyur te/ / de dag gis chos kyi sgra de thos pa dang skyo ba skye bar 'gyur te/ byang chub kyi sems la yang dag par gzhol bar 'gyur ba 'di ni dga' ldan na gnas pa'i las bdun pa'o/ / kye rgyal ba'i sras byang chub sems dpa' dka' ldan gyi gnas rab na 'dug pa ni

  684. 343a

    dka' ldan gyi gnas nas kyang lus mi snang bar ma gyur la/ phyogs bcur yang de bzhin gshegs pa rnams la blta ba dang / phyag bya ba dang / bsnyen bkur ba dang / chos mnyan pa'i phyir 'gro ste/ de la sangs rgyas bcom ldan 'das de dag gis byang chub sems dpa'i sa mngon par dbang bskur ba thob pa'i mchog tu phyin pas/ thams cad mngon par shes pa zhes bya ba yang dag par bstan par 'gyur ba dang / thams cad mkhyen pa'i ye shes yan lag dang nye ba'i yan lag thams cad dang ldan zhing / rnam pa'i mchog thams cad dang ldan pa la 'jug pa sems kyi skad cig gcig gis sbyor ba yang dag par bstan par 'gyur ba 'di ni dka' ldan na gnas pa'i las brgyad pa'o// kye rgyal ba'i sras byang chub sems dpa' dga' ldan gyi gnas rab na gnas pa'i mthus/ khyad par 'dod pa zhes bya ba'i de bzhin gshegs pa'i mchod pa dang / rim blo rnam pa tshad med pas rnam par dag pa mtha' yas pa'i rnam pa yongs su ston pa/ chos kyi dbyings kyis klas pa/ nam mkha'i mthas gtugs pa/ 'jig rten gyi khams 'byam klas pa'i de bzhin gshegs pa'i mchod pa'i las kyi don du 'byung ste/ 'khod pa de mthong nas sems can grangs med tshad med pa rnams bla na med pa yang dag

  685. 343b

    par rdzogs pa'i byang chub tu sems bskyed de/ 'di ni dka' ldan na gnas pa'i las dgu pa'o// kye rgyal ba'i sras byang chub sems dpa' dga' ldan gyi gnas rab na gnas pa mtha' dang dbus med pa'i chos sgyu ma la zhugs pa ni mig yor lta bus shin tu bsgrubs pa'i ye shes kyis 'jig rten gyi khams 'byam klas pa thams cad du gzugs sna tshogs dang / kha dog sna tshogs dang / dbyibs sna tshogs dang / spyod lam sna tshogs dang / bya ba sna tshogs dang / sbyor ba sna tshogs dang / bstan pa mngon par bsgrub pa sna tshogs dang / dgod pa rnam pa sna tshogs kyis sems can rnams mos pa ji lta ba bzhin du sems dang bsam pa mgu bar bya ba'i phyir/ chos ston cing gzugs yongs su ston te/ 'di ni dga' ldan naganas pa'i las bcu pa'o/ / kye rgyal ba'i sras bcu po de dag ni/ byang chub sems dpa' rnams kyi dka' ldan na gnas pa'i las te/ de dag byas nas byang chub sems dpa' rnams phyis mi'i 'jig rten du 'ong bar 'gyur ba dag go/ / kye rgyal ba'i sras bcu po 'di dag ni/ byang chub sems dpa' rnams kyi dka' ldan gyi gnas nas shi 'pho ba ston pa ste/ bcu gang zhe na/ kye rgyal ba'i sras 'di la byang chub sems dpa' rnams lha'i ris dga' ldan nas shi 'pho ba'i tshe/ rkang pa'i mthil gyi 'og nas bde

  686. 344a

    pa'i rgyun ces bya ba'i 'od zer 'byung te/ de byung nas kyang stong gsum gyi stong chen po'i 'jig rten gyi khams snang ba chen pos rgyas par bka zhing ngan stong dang mi khom pa'i rgyud du skyes pa'i sems can rnams kyi lus la 'bab bo/ / de ltar 'od de bab ma thag tu/ de nyid kyi tshe/ sems can de dag bde ba thams cad kyis tshim zhing sdug bsngal gyi tshor ba rtse zhil bar 'gyur ro/ / bde ba'i nyams su tsher ma thag tu de dag gis 'di ltar grogs po dag sems can gzhan zhig ni 'jig rten gyi khams 'dir skyes so/ zhes bya bar shes te/ 'di ni dga' ldan gyi gnas nas shi 'pho ston pa dang po'o// kye rgyal ba'i sras gzhan yang byang chub sems dpa' de'i smin mtshams kyi mdzod spu nas yang dag par bskul ba zhes bya ba'i 'od zer 'byung ste/ de byung nas kyang stong gsum gyi stong chen po'i 'jig rten gyi khams rgyas par bkang zhing sngon lhan cig tu spyod spyod pa'i byang chub sems dpa' rnams kyi lus la 'bab bo/ / 'od zer des de ltar lus la bab ma thag tu de nyid kyi tshe/ byang chub sems dpa' de dag gis byang chub sems dpa' dga' ldan gyi gnas nas shi 'pho bar khong du chud de/ / de dag thams cad 'dus nas byang chub sems dpa' la mchod pa'i las mngon par bsgrub pa 'di ni dka' ldan gyi gnas nas shi 'pho ston pa gnyis pa'o//

  687. 344b

    kye rgyal ba'i sras gzhan yang byang chub sems dpa'i lag pa g.yas pa'i mthil nas yongs su dag pa'i yul zhes bya ba'i 'od zer 'byung ste/ de byung nas kyang stong gsum gyi stong chen po'i 'jig rten gyi khams yongs su sbyong zhing / de na zag pa med pa'i rang sangs rgyas 'khod pa de dag 'jig rten gyi khams gzhan du sel to// ma yin na'ang gang gis shes par gyur pa de dag tshe'i 'du byed 'dor ro/ / gzhan yang 'dul ba'i dbang du de bzhin gshegs pa'i byin gyis byin du brlabs pa'i sems can ma gtogs par/ bdud dang / mu stegs can gzhan dang / phas kyi rgol ba dang / kun tu rgyu ba dang / dmigs pa la mngon par zhen pa'i sems can rnams 'jig rten gyi khams gzhan du sel te// 'di ni dga' ldan gyi gnas nas shi 'pho ston pa gsum pa'o// kye rgyal ba'i sras byang chub sems dpa' de'i pus mos g.yas pa'i lha nga gnyis nas dri ma med cing bzang la 'od gsal ba'i rgyan ces bya ba'i 'od zer 'byung ste/ de byung nas kyang lha'i gnas tha ma nye bar bzung ba yan chad 'og min gyi lha'i gnas man chad du snang bar byed de/ des lha'i bu de dag gis kyang / byang chub sems dpa' dka' ldan gyi gnas nas shi 'pho bar shes nas// de dag kun kyang skyo ba skye ba'i yid kyis me tog dang / 'phreng ba dang /

  688. 345a

    spos dang / byug pa dang / phye ma dang / na bza' dang / gdugs dang / rgyal mtshan dag thogs te/ rol mo brdungs pa dang / dkrol ba'i sgra rab tu phyung nas byang chub sems dpa'i drung du mchod pa'i las kyi phyir 'dong ste/ shi 'pho ba nye bar bzung ba nas/ yongs su mya ngan las 'das pa chen po bstan gyi bar du bsnyen bkur byed do/ / phyi bzhin 'brang ngo // 'di ni dga' ldan gyi gnas nas shi 'pho ston pa bzhi pa'o// kye rgyal ba'i sras gzhan yang byang chub sems dpa' de dpal gyi be'u'i rgyan dang ldan pa/ rdo rje'i khams ltar sra zhing brtan pa'i snying po can gyi snying kha nas/ gzhan gyis mi thub pa'i rgyal mtshan zhes bya ba'i 'od zer gtong ste/ de btang nas kyang lag na rdo rje'i 'jig rten thams cad yongs su snang bar byed do// de nas lag na rdo rje khrag khrig phrag brgya 'ongs te/ shi 'pho ston pa nye bar bzung ba nas/ yongs su mya ngan las 'das pa chen po bstan gyi bar du/ byang chub sems dpa'i phyi bzhin 'brang ste/ 'di ni dga' ldan gyi gnas nas shi 'pho ston pa lnga pa'o// kye rgyal ba'i sras gzhan yang byang chub sems dpa' de'i ba spu'i bu ga thams cad nas 'gro ba thams cad du rnam par phye ba zhes bya ba'i 'od zer 'byung ste/ de byung nas kyang stong gsum gyi stong chen

  689. 345b

    po'i 'jig rten gyi khams thams cad snang bar byas nas/ byang chub sems dpa'i lus la 'bab bo// byang chub sems dpa'i lus la bab nas/ lha dang mi'i gnas su 'char ro/ / des byang chub sems dpa' de dag kyang bdag cag gis 'dir gnas te/ sems can yongs su smin par bya ba dang / de bzhin gshegs pa la mchod pa bya bar 'gyur ro snyam du khong du chud pa 'di ni dga' ldan gyi gnas nas shi 'pho ston pa drug pa'o/ / kye rgyal ba'i sras gzhan yang byang chub sems dpa' de'i khang pa nor bu rin po che chen po'i snying po can nas rnam par bsags pa shin tu gnas pa zhes bya ba'i 'od zer 'byung ste/ de byung nas kyang khyim gang du byang chub sems dpa' skye bar 'gyur ba'i khyim der 'char ro// 'od zer de ltar shar ma thag tu de nyid kyi tshe/ byang chub sems dpa' de dag khyim mam/ grong khyer ram/ grong rdal lam/ 'dzam bu'i gling du sems can 'dul ba nye bar bzung zhing skye ba rab tu 'dzin te/ 'di ni dga' ldan gyi gnas nas shi 'pho ston pa bdun pa'o// kye rgyal ba'i sras gzhan yang byang chub sems dpa' de'i khang pa brtsegs pa lnga thams cad kyi gnas kyi rgyan ces bya ba las/ gnas thams cad rnam par dag pa'i rgyan ces bya ba'i 'od zer 'byung ste/ de dag byung ma thag tu/ yum gang gi sku g.yas

  690. 346a

    par skye bar 'gyur ba de'i lus la bab bo/ / de ltar bab ma thag tu de nyid kyi tshe/ byang chub sems dpa'i yum bde ba thams cad thob par 'gyur te/ yon tan dang sdom pa thams cad la'ang gnas par 'gyur ro/ / yum gyi sku der yang pho brang brtsegs pa chen po rin po che'i dam pas brgyan pa/ byang chub sems dpa'i longs spyod kyi don du 'byung ste/ 'di ni dga' ldan gyi gnas nas shi 'pho ston pa brgyad pa'o// kye rgyal ba'i sras gzhan yang byang chub sems dpa'i rkang pa'i mthil gyi 'og nas gnas pa zhes bya ba'i 'od zer 'byung ste/ de byung ma thag tu lha'i bu 'am/ tshangs pa gang la la byang chub sems dpa' mchod pa'i las kyi don du shi 'pho bar 'dod par gyur la/ byang chub sems dpas kyang lha'i bu de dag de na 'khod bzhin du/ de bzhin gshegs pa la mchod pa'i las mngon par sgrub par nus par shes pa de dag gi lus la bab bo// de ltar 'od zer des bab par gyur ma thag tu de nyid kyi tshe/ lha'i bu de dag shi 'pho'i las de las rnam par ldang ste/ de dag de na 'khod bzhin du byang chub sems dpa' la shi 'pho nye bar bzung ba nas/ yongs su mya ngan las 'das pa bstan pa'i bar du mchod pa'i las byed de/ 'di ni dga' ldan gyi gnas nas shi 'pho ston pa dgu pa'o// kye rgyal ba'i sras gzhan yang byang chub sems dpa'i dpe byad

  691. 346b

    bzang po rnams las nyi ma sna tshogs kyi tshul zhes bya ba'i 'od zer 'byung ste/ de byung nas kyang byang chub sems dpa'i las sna tshogs ston to// kye rgyal ba'i sras de dag lha dang mi la las ni byang chub sems dpa' dka' ldan gyi gnas rab nyid na 'dug par mthong ngo / / la las ni yum gyi skur bzhud par mthong ngo // la las ni skye bar mthong ngo // la las ni 'byung bar mthong ngo / / la las ni rnam par 'tshang rgya bar mthong ngo // la las ni chos kyi 'khor lo bskor bar mthong ngo // la las ni de bzhin gshegs pa mya ngan las 'da' bar mthong ste/ 'di ni dka' ldan gyi gnas nas shi 'pho ston pa bcu pa'o// kye rgyal ba'i sras de ltar byang chub sems dpa'i 'od zer bcu po de dag la sogs te/ 'od zer grangs med pa brgya stong phrag bcu byang chub sems dpa'i lus las 'byung ste/ de bzhin du stan dang / gzhal med khang dang / khang pa brtsegs pa dag nas kyang 'byung ste/ de dag byung nas kyang byang chub sems dpa'i las sna tshogs yongs su ston to/ kye rgyal ba'i sras de ltar las yongs su grub pa'i byang chub sems dpa' rnams chos thams cad rab tu grub pa'i lha'i gnas dga' ldan nas shi 'pho ston to/ / kye rgyal ba'i sras bcu po 'di dag ni/ byang chub sems dpa' rnams kyi mngal na gnas par ston pa ste/ bcu gang zhe na/ 'di ltar

  692. 347a

    sems rgya chung ba dang / dma' ba la dga' ba rnams yongs su smin par bya ba'i phyir/ byang chub sems dpa'i dngos po'i bsod nams kyi rtsa ba la yid ches par gyur tu 'ong zhes byang chub sems dpa' mngal na gnas par ston pa 'di ni mngal na gnas pa ston pa dang po'o/ / pha dang / ma dang / gnyen bshes kyi tshogs dang / sngon lhan cig tu spyod spyod pa'i byang chub sems dpa' rnams dang / sems can gang gi dge ba'i rtsa ba mngal na gnas pas yongs su smin par bya ba de dag gi don du/ byang chub sems dpa' mngal na gnas par ston te/ 'di ni mngal na gnas par ston pa gnyis pa'o// kye rgyal ba'i sras byang chub sems dpa' ni rmongs pa med cing dran la shes bzhin du ma'i ltor 'gro ste/ ma'i lto na 'dug pa'i tshe'ang dran pa nyams pa med do/ / 'dri ni mngal na gnas par ston pa gsum pa'o// kye rgyal ba'i sras byang chub sems dpa' ni ma'i mngal na 'dug kyang 'di lta ste/ phyogs dang 'jig rten gyi khams nas 'dus pa'i byang chub sems dpa' dang / brgya byin dang / tshangs pa dang / 'jig rten mgon po rnams dang lhan cig tu 'grogs shing chos bsgrags pa dang / yang dag pa'i gtam bya ba rgyun mi gcod cing / byang chub sems dpa'i stobs tshad med pa'ang yongs su ston te/ kye rgyal ba'i sras de dag mngal na gnas kyang de lta bu'i smon lam gyi khyad par bdog

  693. 347b

    pas/ byang chub sems dpa' de dag ni ye shes mu med pa dang ldan pa ste/ 'di ni mngal na gnas par ston pa bzhi pa'o// kye rgyal ba'i sras byang chub sems dpa' ma'i mngal na gnas pa'i tshe/ de ni 'khor gyi dkyil 'khor kun nas gnas par 'gyur ba yod de/ byang chub sems dpa' de dag gi sngon gyi smon lam gyis de dag yongs su smin par bya ba'i phyir/ byang chub sems dpa' mngal na gnas par ston te/ 'di ni mngal na gnas par ston pa lnga pa'o// kye rgyal ba'i sras byang chub sems dpa' mi'i 'jig rten du byung nas kyang / mir skyes pa'i rnam pa mchog thams cad dang ldan pa ston te/ 'di ni mngal na gnas par ston pa drug pa'o// kye rgyal ba'i sras byang chub sems dpa' ni ma'i lus na 'dug bzhin du/ 'di lta ste/ dper na me long gi dkyil 'khor yongs su dag pa bzhin gyi dkyil 'khor lta bur stong gsum gyi stong chen po'i 'jig rten gyi khams su snang ste/ de la mos pa chen po dang ldan pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa de dag gis shes par gyur nas/ de dag nye bar 'ongs shing mchod pa dang rim gro byed de/ 'di ni mngal na gnas par ston pa bdun pa'o// kye rgyal ba'i sras byang chub sems dpa' mngal na gnas pas 'jig rten gyi khams gzhan na 'khod pa'i

  694. 348a

    byang chub sems dpa' srid pa tham par gyur pa rnams dang tshogs te/ chos kyi brda'i sgo chen po ye shes chen po'i snying po zhes bya ba yang dag par 'gro bar bya ba yong de/ de dag dang 'du ba'i phyir byang chub sems dpa' mngal na gnas par ston te/ 'di ni mngal na gnas par ston pa brgyad pa'o// kye rgyal ba'i sras byang chub sems dpa' ni dri ma med pa'i snying po can zhes bya ba'i ting nge 'dzin la snyoms par zhugs shing ma'i mngal du 'gro ste/ ting nge 'dzin de'i mthus ma la'ang gnod par mi 'gyur bar dga' ldan gyi gnas rab dga' bas kyang lhag pa'i rgyan ma'i khong du kun nas gnas par 'gyur te/ 'di ni mngal na gnas par ston pa dgu pa'o// kye rgyal ba'i sras gzhan yang byang chub sems dpa' ma'i mngal na 'dug pa'i mthus 'jig rten gyi khams 'byam klas pa thams cad du de bzhin gshegs pa'i mchod pa'i las kyi phyir/ bsod nams chen po'i me tog kun nas rgyas pa zhes bya ba'i de bzhin gshegs pa'i mchod pa'i rim gro 'byung ste/ sangs rgyas bcom ldan 'das de dag kyang de la byang chub sems dpa'i rnam par spyod pa chos kyi dbyings kyi snying po mtha' dang dbus med pa yang dag par ston te/ shes par bya ba de shes pas byang chub sems dpa' rnams shin tu phra ba'i 'gro ba bcu ston to/ / kye rgyal ba'i sras bcu po 'di dag ni/ byang chub sems dpa' rnams shin tu phra ba'i rgyud ston pa ste/

  695. 348b

    bcu gang zhe na/ kye rgyal ba'i sras 'di la byang chub sems dpa' ma'i mngal na'ang gnas la/ thog ma sems bskyed pa nye bar gzung ba nas dbang bskur ba'i bar du'ang yongs su ston pa dang / ma'i mngal na'ang gnas la dga' ldan na gnas pa'ang yongs su ston pa dang / ma'i mngal na'ang gnas la skye ba'ang yongs su ston pa dang / ma'i mngal na'ang gnas la gzhon nu'i sa'ang yongs su ston pa dang / ma'i mngal na'ang gnas la btsun mo'i 'khor gyi nang na 'dug par yang yongs su ston pa dang / ma'i mngal na'ang gnas la mngon par 'byung ba'ang yongs su ston pa dang / ma'i mngal na'ang gnas la dka' ba spyod pa'i sbyor ba dang snying po byang chub tu 'gro ba nas/ rnam par 'tshang rgya ba'i bar du'ang yongs su ston pa dang / ma'i mngal na'ang gnas la chos kyi 'khor lo bskor ba'ang yongs su ston pa dang / ma'i mngal na'ang gnas la yongs su mya ngan las 'da' bar yang yongs su ston pa dang / ma'i mngal na'ang gnas la shin tu phra la rgya che bar 'jug pa'i tshul gyis mngal gyi gnas de nyid du byang chub sems dpa'i spyod pa thams cad dang / de bzhin gshegs pa'i rnam par 'phrul pa'i byin gyi rlabs kyi rnam pa dang / sgo'ang yongs su ston pa'o/ / kye rgyal ba'i sras bcu po de dag ni/ byang chub sems dpa' rnams kyi shin tu phra ba'i rgyud ston pa ste/ de dag la gnas shing byang chub sems dpa' rnams ye shes

  696. 349a

    chen po shin tu phra ba bla na med pa 'thob par 'gyur ba dag ko kye rgyal ba'i sras bcu po 'di dka ni/ byang chub sems dpa' rnams kyi cher skye ba ste/ bcu gang zhe na/ kye rgyal ba'i sras de la byang chub sems dpa' dran zhing shes bzhin du skye ba dang / 'od zer gyi dra ba dang snang ba chen pos stong gsum gyi stong chen po'i 'jig rten gyi khams rgyas par bkang skye/ lus snang ba dang ldan par skye ba dang / phyir mi ldog cing srid pa'i tham par gyur par skye ba dang / ma skyes shing 'byung ba med par skye ba dang / khams gsum pa sgyu ma'i rnam pa lta bur khong du chud de skye ba dang / phyogs bcu'i 'jig rten gyi khams su lus yongs su ston cing skye ba dang / lus de nyid kyis thams cad mkhyen pa'i ye shes khong du chud par bya bar skye ba dang / de bzhin gshegs pa ma lus pa thams cad kyi 'od zer bkye bas yang dag par bskul ba'i lus su skye ba dang / ye shes chen pos rnam par 'byed pa'i ting nge 'dzin la snyoms par 'jug pa'i lus su skye ba dang / kye rgyal ba'i sras byang chub sems dpa' skyes nas kyang / sangs rgyas kyi zhing thams cad kyang rab tu g.yos par 'gyur/ sems can thams cad kyang rab tu 'grol bar 'gyur/ ngan song thams cad kyi nas tu zhi bar 'gyur/ bdud thams cad kyang rab tu spa bkong bar 'gyur/ byang chub sems dpa' dpag tu med pa'ang 'ong bar 'gyur ba'o//

  697. 349b

    rgyal ba'i sras bcu po de dag ni/ byang chub sems dpa' rnams kyi cher 'byung ba ste/ de dag ni byang chub sems dpa' sems can 'dul ba'i don du yongs su ston pa dag go// kye rgyal ba'i sras bcu po 'di dag ni/ byang chub sems dpa' rnams kyi gad mo cher dgod pa ste/ bcu gang zhe na/ 'di ltar kye ma'o 'jig rten gnas pa 'di ni/ 'dod pa'i dam du bying ba ste/ 'di la de dam gtogs par gzhan 'byin par byed pa su'ang med do snyam nas/ byang chub sems dpa' rnams gad mo cher dgod pa ste/ kye ma'o 'jig rten gnas pa 'di ni/ nyon mongs pas mdongs par byas pa'o/ / bdag ni shes rab dang ye shes kyis shin tu brgyan pa'o zhes nas/ byang chub sems dpa' rnams gad mo cher dgod pa dang / lus kyi gzhi 'di nyid kyis de bzhin gshegs pa'i chos kyi sku bla na med pa chen po dus gsum rgyas par 'gengs par thob par 'gyur ro zhes byang chub sems dpa' rnams gad mo cher dkod pa dang / kye rgyal ba'i sras gzhan yang byang chub sems dpa' rnams/ byang chub sems dpa'i mig bsgribs pa med pa dang / phyogs bcur tshangs pa'i lha'i gnas nye bar gzung ba nas dbang byug chen po'i gnas kyi bar du rnamamapalta zhing 'di snyam du sems te/ sems can 'di dag ni lus su 'phel ba'o// bdag ni ye shes kyi stobs dang ldan pa'o zhes bya bar mthong nas/

  698. 350a

    byang chub sems dpa' rnams gang mo cher dgod pa dang / sngon dge ba'i rtsa ba bskyed pa'i sems can rnams dadung phyir ldog par mthong nas/ byang chub sems dpa' rnams gad mo cher dgod pa dang / sa bon chung ngu las 'bras bu cher 'gyur bar mthong nas/ byang chub sems dpa' rnams gad mo cher dgod pa dang / yang dag par rdzogs pa'i sangs rgyas kyi bstan pa don yod par mthong nas/ byang chub sems dpa' rnams gad mo cher dgod pa dang / sngon theg pa la lhan cig tu zhugs pa'i byang chub sems dpa' rnams chags pa'i gnas gzhan dang gzhan la chags pas/ sangs rgyas kyi che ba nyid ma thob pa mthong nas/ byang chub sems dpa' rnams gad mo cher dgod pa dang / kye rgyal ba'i sras gzhan yang sngon 'grogs par gyur pa'i lha dang mi rnams chung ngu na byis pa'i sa las kyang ma 'das shing yongs su skyo ba'i dbang po dang ldan par gyur pa mthong nas/ byang chub sems dpa' rnams gad mo cher dgod pa dang / de bzhin gshegs pa ma lus pa thams cad kyi 'od zer dbugs phyin pa chen po rnam par 'phe' bar byed pas reg par gyur nas/ byang chub sems dpa' rnams gad mo cher dgod pa'o/ / kye rgyal ba'i sras bcu po de dag ni/ byang chub sems dpa' rnams kyi gad mo cher dgod pa ste/ de dag gis byang chub sems dpa' rnam sems can 'dul ba'i dbang gi phyir dgod

  699. 350b

    ba 'gyur ba dag go/ kye rgyal ba'i sras bcu po 'di dag ni/ byang chub sems dpa'i gom pas rnam par gnon pa ste/ bcu gang zhe na/ 'di ltar byang chub sems dpa'i mthu yongs su bstan pa'i phyir/ byang chub sems dpa' rnams gom pas rnam par gnon pa dang / nor bdun yongs su gtong bar bstan pa'i phyir gom pas rnam par gnon pa dang / sa'i lha'i bsam pa yongs su rdzogs par bya ba'i phyir gom pas rnam gnon pa dang / khams gsum las 'das pa'i rnam par gnon pa dang / 'gros yongs su bstan pa'i phyir gom pas rnam par gnon pa dang / glang po'i 'gros dang / khyu mchog gi 'thos dang / seng ge'i 'gros dang / 'gros thams cad las 'das shing / byang chub sems dpa'i 'gros khyad par du 'phags pa yongs su bstan pa'i phyir/ byang chub sems dpa' rnams 'thos kyis rnam par gnon pa dang / kye rgyal ba'i sras sa chen po'ang rdo rje'i dbyings kyis kun nas bzung bar 'gyur te/ sa'i phyogs gzhan gyis byang chub sems dpa'i lus gzung bar mi nus pa bstan pa'i phyir/ byang chub sems dpa' rnams gom pas rnam par gnod pa dang / sems can gzhan spro bar bya ba'i phyir/ byang chub sems dpa' rnams gom pas rnam par gnon pa dang / byang chub kyi yan lag rin po che bdun gyi nan tan yongs su bstan pa'i phyir/ byang chub sems dpa' rnams gom pas rnam par gnon pa dang / chos nyid rab tu thob pas gzhan gyi dring mi 'jog pa yongs su bstan pa'i phyir/ byang chub sems

  700. 351a

    dpa' rnams gom pas rnam par non pa dang / bdag ni 'jig rten na gtso bo yin/ bdag ni 'jig rten na phul du phyin pa yin no zhes tshig brjod pa'i phyir/ byang chub sems dpa' rnams gom pas rnam par gnon pa'o/ / kye rgyal ba'i sras bcu po de dag ni/ byang chub sems dpa' rnams kyi gom pas rnam par gnon pa ste/ de dag ni byang chub sems dpa' rnams sems can 'dul ba'i don du ston pa dag go/ / kye rgyal ba'i sras bcu po 'di dag ni/ byang chub sems dpa' rnams kyi gzhon nu'i sa kun tu ston pa'i las te/ bcu gang zhe na/ 'di ltar yi ge dang / grangs dang / brda dang / rtsis kyi sbyor ba thams cad las rab tu 'das pa'i bya ba kun tu ston pa'i las dang / rta dang / glang po dang / shing rta rgyug pa thams cad dang / 'phongs kun las 'phags pa kun tu ston pa'i las dang / cho lo dang / rnga thabs dang / gar dang / rgyan po dang / rtsed mo dang / 'jig rten gyi dga' ba la phal las 'phags pa'i bya ba kun tu ston pa'i las dang / lus dang / ngag dang / yid kyi las kha na ma tho ba med pa kun tu ston pa'i las dang / mya ngan las 'das pa'i sgo'i ting nge 'dzin la snyoms par 'jug pas/ 'jig rten gyi khams tshad med pa rgyas par dgang ba kun tu ston pa'i las dang / mi thams cad dang / lha thams cad dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang /

  701. 351b

    'jig rten gyi mgon po thams cad las shin tu 'das par byang chub sems dpa' mthu kun tu ston pa'i las dang / brgya byin dang / tshangs pa dang / 'jig rten mgon po'i gzugs dang / kha dog dang / gzi brjid las shin tu 'das par byang chub sems dpa'i gzugs dang / kha dog dang / gzi brjid kun tu ston pa'i las dang / 'dod pa dang / dga' ba dang / rtse bas myos pa'i sems can rnams la/ chos kyi dga' bas rab tu dga' ba yang dag par bskyed pa kun tu ston pa'i las dang / chos kyi rim gro bskyed pa dang / de bzhin gshegs pa la mchod pa dang / rim gro bya bas 'dod pa'i khams thams cad rgyas par 'gengs pa kun tu ston pa'i las dang / chos la dga' ba'i snang bas de bzhin gshegs pa'i byin gyi rlabs yang dag par blang ba kun tu ston pa'i las so// kye rgyal ba'i sras bcu po de dag ni/ byang chub sems dpa' rnams kyi gzhon nu'i sa kun tu ston pa'i las te/ de dag yongs su bstan nas/ de'i 'og tu byang chub sems dpa' rnams btsun mo'i 'khor gyi nang du 'dong bar 'gyur ba'o// kye rgyal ba'i sras bcu po 'di dag ni/ byang chub sems dpa' rnams kyi btsun mo'i 'khor nye bar ston pa ste/ bcu gang zhe na/ 'di ltar sngon lhan cig tu spyod spyod pa'i byang chub sems dpa' rnams kyi dge ba'i rtsa ba yong su smin par bya ba'i don du byang chub semra dpa' rnam btsun mo'i 'khor nye bar ston pa dang / byang chub se m+ba pa'i dge ba'i rtsa ba brjod pa'i phyir/ btsun mo'i 'khor nye bar ston pa dang / lodro spyod dang skyid pa la chagra pa'i lha dang mi rnabral

  702. 352a

    longs spyod dang skyid pa'i che ba nyid yongs su bstan pa'i phyir/ btsun mo'i 'khor nye bar ston pa dang / rnyog pa lnga'i zhing du sems can rnams kyi bsam pa'i rjes su 'brang ba'i phyir/ btsun mo'i 'jo nye bar ston pa dang / btsun mo'i 'khor gyi nang na ting nge 'dzin la gnas shing byang chub sems dpa'i mthu dang che ba nyid yongs su bstan pa'i phyir/ btsun mo'i 'khor nye bar ston pa dang / sngon gyi smon lam dang ldan pa'i sems can rnams kyi bsam pa yongs su rdzogs par bya ba'i phyir/ btsun mo'i 'khor nye bar ston pa dang / pha dang / ma dang / gnyen pa'i tshogs kyi bsam pa yongs su rdzogs par bya ba'i phyir/ btsun mo'i 'khor nye bar ston pa dang / chos kyi dbyangs chen po dang ldan pa'i rol mo brdung ba dang / dkrol ba'i sgras de bzhin gshegs pa thams cad mchod cing bsnyen bkur ba yongs su bslab par bya ba'i phyir/ btsun mo'i 'khor nye bar ston pa dang / btsun mo'i 'khor gyi nang nas byang chub sems dpa'i ting nge 'dzin la gnas shing / shin tu phra ba'i mngon par rdzogs par 'tshang rgya ba nas/ yongs su mya ngan las 'odas pa chen po'i bar du bstan pa'i phyir/ btsun mo'i 'khor nye bar ston pa dang / chos kyi skyabs dang ldan pa yang dag par bstan pa'i phyir/ btsun mo'i 'khor nye bar ston pa'o// kye rgyal ba'i sras bcu po de dag ni/ byang chub sems dpa' rnams kyi btsun mo'i 'khor nye bar ston pa ste/ de dag ni srid pa tha ma pa'i byang chub sems dpas yong su bstan nas/ de'i 'og tu mngon par 'byung bar 'gyur ba dag go// kye rgyal ba'i sras bcu po 'di dag ni/ byang chub sems dpa' rnams kyi mngon par 'byung ba ste/

  703. 352b

    bcu gang zhe na/ 'di ltar khyim gyi gnas smad pa'i phyir/ byang chub sems dpa' mngon par 'byung ba dang / gnas la dga' ba'i sems can gyen du bskyod pa'i phyir/ byang chub sems dpa' rnams mngon par 'byung ba dang / 'phags pa dang mthun pa'i lam gyi legs pa yongs su bstan pa'i phyir/ byang chub sems dpa' rnams mngon par 'byung ba dang / rab tu byung ba'i yon tan dang legs pa yang dag par bsngags pa'i phyir/ byang chub sems dpa' rnams mngon par 'byung ba dang / mtha' gnyis kyi lta ba dang bral ba yang dag par bstan pa'i phyir/ byang chub sems dpa' rnams mngon par 'byung ba dang / 'dod pa'i bde ba dang phrad par brtson zhing bdag gi bde ba lhur len pa'i sems can skyo bar bya ba'i phyir/ byang chub sems dpa' rnams mngon par 'byung ba dang / khams gsum pa thams cad las 'byung ba'i sngon gyi ltas yang dag par bstan pa'i phyir/ byang chub sems dpa' rnams mngon par 'byung ba dang / rang la rag las par spyod cing / gzhan gyi dring mi 'jog pa la brten pa'i phyir/ byang chub sems dpa' rnams mngon par 'byung ba dang / de bzhin gshegs pa'i stobs bcu dang mi bsnyengs pa thob pa dang mthun par yang dag par bstan pa'i phyir/ byang chub sems dpa' rnams mngon par 'byung ba dang / kye rgyal ba'i sras chos nyid kyis kyang byang chub sems dpa' srid pa tha ma pa ni gnod mi za bar mngon par 'byung ba ste/ kye rgyal ba'i sras bcu po de dag ni/ byang chub sems dpa' rnams sems can 'dul ba'i dbang gi phyir/ mngon par 'byung ba yongs su ston pa dag go// kye rgyal ba'i sras bcu po 'di dag ni/ byang

  704. 353a

    chub sems dpa' rnams kyi dka' ba spyod pa'i sbyor ba ste/ bcu gang zhe na/ 'di ltar dma' ba la mos pa'i sems can gyi khams yongs su smin par bya ba'i phyir/ byang chub sems dpa' dka' ba/ spyod pa ston pa dang / lta ba'i rnam pa la gnas pa'i sems can rnams gyen du bskyod pa'i phyir/ byang chub sems dpa' rnams dka' ba spyod pa ston pa dang / las dang bya bas 'khyams par gyur pa'i semasan rnams la// las kyi rnam par smin pa mngon sum du bstan pa'i phyir/ byang chub sems dpa' rnams dka' ba spyod pa ston pa dang / kun nas nyon mongs pa'i 'jig rten gyi khams 'byam klas par chos nyid rjes su 'brang bar bya ba'i phyir/ byang chub sems dpa' rnams dka' ba spyod pa ston pa dang / bdag gi dub pa nye bar zhi zhing mthu dang ldan pa yongs su bstan pa'i phyir/ byang chub sems dpa' rnams dka' ba spyod pa ston pa dang / ma yin na chos la chags pa rnams kyi don du byang chub sems rnams dka' ba spyod pa ston pa dang / 'dod pa'i bde ba dang phrad par brtson zhing rang gi bde ba lhur len pa'i sems can rnams skyo bar bya ba'i phyir/ byang chub sems dpa' rnams dka' ba spyod pa ston pa dang / byang chub sems dpa' spyod pa brtsams pa'i khyad par yongs su bstan pa'i phyir/ byang chub sems dpa' rnams dka' ba spyod pa ston pa dang / skye bo phyi ma rnams brtson 'grus rtsom pa la yang dag par sbyar ba'i phyir/ byang chub sems dpa' rnams dka' ba spyod pa ston pa dang / ma yin na dbang po yongs su ma smin pa'i lha dang mi

  705. 353b

    rnams yongs su smin par bya ba'i dus bsdud pa'i phyir/ byang chub sems dpa' rnams dka' ba spyod pa ston pa'o// kye rgyal ba'i sras bcu po de dag ni/ byang chub sems dpa' rnams sems can 'dug/ ba'i dbang gi phyir/ dka' ba spyod pa'i sbyor ba yongs su ston pa dag go// kye rgyal ba'i sras bcu po 'di dag ni/ byang chub sems dpa' rnams kyi snying po byang chub tu 'gro ba ste/ bcu gang zhe na/ 'di ltar 'jig rten gyi khams thams cad snang bar bya ba'i phyir/ byang chub sems dpa' rnams snying po byang chub tu 'dong ba dang / 'jig rten gyi khams thams cad rab tu bskyod pa'i phyir/ byang chub sems dpa' rnams snying po byang chub tu 'dong ba dang / 'jig rten gyi khams thams cad du bdag gi lus rnam par phye ba yongs su bstan pa'i phyir/ byang chub sems dpa' rnams snying po byang chub tu 'dong ba dang / sngon lhan cig tu spyod spyod pa'i grogs kyis byang chub sems dpa' rnams bskul ba'i phyir/ byang chub sems dpa' rnams snying po byang chub tu 'dong ba dang / snying po byang chub kyi rgyan rnam par phye ba yongs su bstan pa'i phyir/ byang chub sems dpa' rnams snying po byang chub tu 'dong ba dang / sems can ji ltar mos pa rnams la lus dang / spyod lam dang / byang chub kyi shing gi rkyen rnam par phye ba yongs su bstan pa'i phyir/ byang chub sems dpa' rnams snying po byang chub tu 'dong ba dang / 'jig rten gyi khams thams cad na bzhugs pa'i de bzhin gshegs pa thams cad mngon du blta ba'i phyir/ byang chub sems dpa' rnams

  706. 354a

    @snying po byang chub tu 'dong ba dang / gom pa dor ba dang / gdeg pa thams cad du ting nge 'dzin gyi sgro la snyoms par 'jug cing / skad cig skad cig tu rnam par 'tshang rgya ba las mi 'da' ba'i phyir/ byang chub sems dpa' rnams snying po byang chub tu 'dong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten gyi mgon po thams cad kyi mchod pa blang ba'i phyir/ byang chub sems dpa' rnams snying po byang chub tu 'dod ba dang / chags pa med pa'i ye shes chen pos rnam par phye ba'i byang chub sems dpa'i spyod pa spyod pas/ 'jig rten gyi khams thams cad rnam par blta ba'i phyir/ de bzhin gshegs pa thams cad yid la byed cing / phyogs thams cad du rnam par phye ba'i mngon par rdzogs pa'i byang chub yongs su bstan pa'i phyir/ byang chub sems dpa' rnams kyi snying po byang chub tu 'dod